POWER OF LOVE & ATTRACTION BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

POWER OF LOVE & ATTRACTION BY Basta Tlau

Unread post by Ngaia » October 2nd, 2016, 1:06 pm

Chapter - 1

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
www.storyfb.com


Grand Hotel kawta chuan zam zetin ka ding vang vang a,a va han ropui tehlul em.mi vei vak ho chu min en hrek hrek avang chuan ka zamna an belhchhah lehnghal bawk nen.
Ka dinna bula bike chak zeta rawn tlan chuan min rawn su deuh thuak a,ka thal thuai a,a va han chiloh ber kher tak,ka lu khuhna tlain,ka kawrfual hak lai chu ka khup chen thleng a rawn inhlim chho a.

Ding ngil tura ka insiam chu ka ke rek a thip nghal zar a,ner nawkin ka thu thla leh nghal a,Aw thum chhap mai hian"ka pi, i tha em"tipahin min kaihthawh a rawn tum a,a hmel ka en chho chiah chu ka thidang dawnin ka hria,Tv a ka hmuh thin motor intlansiak hoin an hak ang jacket hain,zinc kekawr dum a mal phuar deuh tang a ha a,a tarmit dum bunlai a la thla mek bawk a,a la sang em em zui,kei ngei pawh hi a dar chen bak ka ni lovang.

Ka nakah a kut pahnih hmangin hnehsawh zetin rawn min kuah tho a,"awi awi min thlah rawh"tia ka tawng ri chu a la ngaipawimawh lo em em zui.ka ke ding lampang chu rap tha ngam lovin ka khai deuh a.

Engmah sawi thei lovin thinrim takin ka en chho reng ringawt a,nuizat hmel takin ka bag thlauh min pek pahin"ka pi,kha i bag,i aikaih a mi a?"a rawn tih chuan rangtakin ka lo la nghal vat a.

A ban a rawn phar deuh zau chu hmu in"Min tawk hlek tawh suh ang che,naupang zaktheilo lutuk mai"ka ti a.

Ka taksa vel chu a mitmeng uk deuh khar a en zai zai hnu chuan a nui vak vak a,ka bag chu ka awmah pawm betin"min en suh"ka ti nghal a.ka kawrfual par ka kerek thleng leh a ban chanve ka hak chhunga ka taksa chu min hmutlang thei vek ni maiin ka hria,ka lungphu chu a su dawt dawt a,ka thi dawn tawh aniang,ngatinge hetianga ka awm tak mai le?

Rawn kun hniamin chiang zeta min rawn melh pahin"helai hmunah enge i rawn tih ve dawn a?"a rawnti thawp sap a.

"Mr Santoz hmuh ka duh ni"ka tih rual chuan a rawn mengphawk deuh a.

"Tunge i nih?"a rawn tih chuan "amah hmuh tumin hetah ka rawnkal a,hmulo chuan ka haw thei lovang"ka ti nghal a.chumipah chuan ka lu khuhna chu ka siamtha a.kalsan ka tum chiah chu ka ke in min tur ut ut avang chuan ka ten sawk a.

Ka hma zawnah rangzeta rawn kunin ka pheikhawk pum bunlai chu min phelhsak a,a phun sup ri ka hriat hnu chuan ka pheikhawk nalh vaklo khing khai chungin min rawn pawm kang nawlh a,ka inrinloh em avang chuan lo tan buaina hman pawh a awmlo,nghet zeta min pawm chungin a pen nghal hlawk hlawk a.

"Tunge i nih?engtia min tih nge i tum?Min thlah rawh"hlauthlawng takin ka ti a,ka aw te chu a ri chang chang ni berin ka hria,kan bul vela miten min thlr thup mai si a.

"Midang tan ennawm siam i duh loh chuan awm tha hle hle rawh Pitarte"a ti ngat a.

Pitarte tia min han koh chu le,nula kum 20 chauh ka la ni si a.ka hmel hi a pitar viau maw ni le?

Mi pakhat hian"sir,keiman ka lo buaipui dawn a mi?" a rawn tih chuan min pawm tupa chuan "a ngai lovang"ti hmuk pahin Grand Hotel chhungah chuan min luhpui a.

Hetiang ang reng reng a zahna hi ka la tawng ngai lo,mit chi hran hran chu kan lamah a rawn fu thup a,a then makti hmel te,a then lungawilo hmel te,a then nuihza hmel tak te a ni hlawm,ka bag kenlai chuan ka hmai hlaihin ka maimichhing ta ringawt a,a perfume rimte chu min zem a thei takngial dawnin ka hria ni.

Thutphah dup zet leh hlai tha zeta min nghah hnu chuan ka hawichhuak ve ta hram a,awi leh a va han ropui em em,kan hotunu ten vanram chu hmun nuam leh ropui tak a ni tia an sawi fo thin kha ka hrechhuak nghal a.

Min pawm tupa chu fridge lian zet lam panin ice cube a rawn la chhuak a,ka inen chuan ka ke khaimit hnuai hi a lo duk deuh ruih a,a la pawng lian em em zui.

Ice cube a a rawn deh chuan a nuam huai huaiin ka hria,ka ke chu amal chungah a hlan chuan ka meng kawk a,ka duh aiin hepa hian ka taksa a hmu hnem mah mah tawh,"khawi keimahin ka lo indep ang?"tia laksak ka tum chu ka mitah chiang taka rawn enin "midang tan thil tha ka tih ve theih chhun a ni hi"tipahin min pek tum loh hmel zetin a dep vang vang a.

A kut chuan ka ke rek a vawnna lai chu a chul heuh heuh a,ka hmui pet in ka maimichhing ringawt a,keimahah diklo a awm tlat,engvang nge?engatinge?ka kut zai zirin help mari tiin ka tawngtai hial a.

"I tha em Pitarte?"a rawn tih ri ka hriat chuan ka meng a,ka hmai bul chetah a rawn kun a,a mitmeng uk kharh a,min lo en rengin kan insi lo chauh a.

Ka kutin a awmah ka theitawpa nain ka nemsawn dawrh a,chhuatah a thal thuai a,rawn tho chhuak lovin a mu vang vang a,awi leh a thi maw ni le?mangang zetin "hey i tha em?"ka ti a,min la chhang miah lo.

Ka kei bai chungin a bulah kalin ka zuk kun a,a bana khawi chein"i tha em,hey hey,ka tihpalh lutuk,khatianga tih che kha ka tum lawk bik miahlo nia"ka ti nghal a.

A hnar zawna ka kut ka dah chuan a la thaw bawk sia,a marphu pawh tlemin a rang deuh hlek tih lovah chuan a pangngai bawk,engatinge le?a lu a sawh maw ni le?a luah dim takin ka chawikang a,hliam a awm leh awm loh ka thlek kual chiam a.

A lu rawn kang thutin a hmui chuan ka hmuiah tak chuan a rawn si zeuh a.
Ka tek sawk ni berin ka hria,rangtakin ka hmui chu ka hup nghal a.

A hmel ka va en chuan engmah thlenglo ang hian a lo tho chhuak a,tunah khan a tilui nge?a tihpalh niang le?a kut rawn pharin min kaithawh a rawn tumna kut chu haiderin keimahin ka thochhuak a.

Thutpah a duhdah zeta thu chungin"Tu nge i nih a?enge i duh?"a rawn ti thum sup a.

A van han ninawm tak,he mi awmtha duhlo hmel zet pa hian ka hming leh nihna a hriat ka duh hauh lo"I tan tangkaina a awmlo"tipahin ka pheikhawk leh bag khai chhungin kawngkhar niawm a ka rinna lam pan chuan ka kal bai auh auh a,ka hnunglam atanga a nuiri ka hriat te chuan ka tim ur ur in ka hria.

Kawngka bul ka thlen chuan pawnlam atang hmeichhe pakhat file rawn pawm lut deuh tun hi a rawn lut a"sir hei i thil enfel tur chu"a ti nghal a.

A hming chu sir maw?nachin pawh khan tiang hian an ko tawh,mahse a hmel ka va en leh chuan thu tak zetin"suzy khalaia pitarte khan mr santoz hmuh ka duh a tia,lo kawhhmuh ta che"a tih pah chuan darthlalang hlang dawkan bula thutna ah chuan a thu nghal a.

Hmeichhe ding chuan maktih hmel leh phawk zetin min rawn en ho a,a bula tupa chu a melh leh a,chutah ka lam rawn hawi in"ka pi amah hi a nia Mr Santoz chu"a rawn tih chuan ka bing nghal mupin ka hria,ka kalna hmun hi a diklo maw ni le?mahse ka nuhrawn leh ka pa min hrilhna hmun ngei kha a ni si a.Mr Santoz te chu putar upa lam ni ang khan an sawi bawk si a.

Makti zeta en chungin ka ding ngawi reng ringawt a.

Mr santoz a inti pa chuan"suzy i chhuak thei tawh ang,pitarte min biak i duh chuan helamah lokal la,ral atang chuan i tawngri ka hrechiang thei lo a nia"a rawn ti nghal a.

Thutna tur hmun min kawh hmuhna lam panin muangchangin ka phei a.

Ka thu chiah tih chuan"pitarte i hming sawi tawh rawh le?a rawn ti sup a,dawhkanah a ke a la hlang nghal zui.

"Sofia"ka tisap ringawt a.

"Sofia" tia a ngawih vang vang vang hnu chuan "ihmingpum min hrilh thei angem?"maimichhing chungin a rawn ti leh a.

Hnuailam melh chungin "sofia belluci ka pa chu carlos belluci nia,in hnuaiah kum20 chhung chu hna a thawk tawh"ka ti nghal a.

A ngawih deuh vang vang hnu chuan"enge hetah i rawn tih a?a rawn ti a.

"Ka pa aiawha thawh ka duh a ni,khawngaihin phal hram rawh"a mitko rawn san chunga a hmela nuihza hmel ka hmuh chuan"i rin ang ka ni lova nia,engkim ka thawk thei" ka ti leh nghal a.

"A nih i lu khuhna leh i kawrfual nalh lo zet kha i hlip thei a ngem?"nui suk chunga a rawn tih chuan ka ho chungin ka mengphawk nghal a.

Rawn tawng lehin"ka tih awmzia chu pawnfen emaw kekawr emaw kawrfual i khup chung lampang kawrfual ang tal te hi i ha ve thei dawn a mi?"a rawn ti a.

Hmeichhe nep tak angah min ngai a ni ngei ang.ka awmna hmun azirin ka in adjust thei ngei tur a ni,ka pa damkhaw chhuahna a nih dawn phawt chuan tumruh zeta amah en chungin"ka thei alawm,mahse tunah chuan i sawi ang kawr chu engmah kawl lai ka nei lova,muangchangin ka lei ang"ka ti a.

Phone hmangin mi pakhat a ko a,a hnu reilote ah suzy a tih kha,file pakhat kengin a rawn lut a,a thil ken a pek fel hnu chuan a chhuak leh nghal a.

File keuh pahin "i pa chu a hna atanga kan bantir kha a ni lawm ni,engmah sawi lova a hna ah kal loh a hrat em avangin" a rawn ti ban chat a.

"A dik alawm,mahse a taksa lamah harsatna a nei a"tiin ka chhang nghal a.

File khup thawk pahin dawhkana a ke chu a hlangthla nghal a,rawn kun hnai pahin "ka rin theih nan che engemaw i tih a ngai ang"a rawnti a.

"Engthil nge sir"rangzetin ka lo ti nghal a.

A hmui ner nawkin "ka hnuaia thawk pawh ila ni hleinem khatin min ko suh,Lucas Santoz ka nia,Lucas tiin min ko la ka duh,Pitarte"a rawn ti ngat a.

Engemaw pitarte min tih ziah le,"Awle Mr santoz"ka ti sap a.
Rangzetin "Lucas"a rawn ti a.
A mitmeng uk khar chu a rawn tikang deuh at pah a.ka ngawih reng avang chu"Sofia Belluci,Lucas tih lam rik chu a harsa viau a mi?"muang charhin a rawn ti a.

Hmm a harsatna pawh ka hre love a."Lucas tih ringawt te chu a harsa hleinem"tiin ka chhang nghal a.

Ka hnuaia i thawh theih leh theih loh enchhin i ni ang,a hmasa in tun anga i inchei reng kha chuan i tlinglosa tih in hria ang che,chuvang chuan nakinah i kawrhak tur chu Galleria vittoria leh salvagente shopping mall ah kan en ang,mahse tunah chuan khatiang ang khan ka rualin i kal thei lovang,kan suit pakhatah kalin tuna i incheidan te kha thlak vek hmasa ang che"thupe tak mai hian a rawn ti a.

Ka pa i tan a nih phawt chuan engkim ka tuar thei tur a ni,he khawvela ka pa neihchhun i ni si a ka ti rilru a.

Lucas santoz chuan phone hmang lehin mi a bia a,spanish tawng hmangin "ka rooma pitar hi nula nalh takah i chhuah ngei tur a ni"a tihri ka hriat chuan ka hawikual a,keimah chauh ka awm bawk si,spanish mi a ruai a ni ngei ang.

Room chhunga hmeichhe pahnih form inang ha rawn lut chuan min nuih a,pakhat zawk chuan italy tawng ngeiin"madam khawngaihin minlo zui rawh"a ti a.pakhat leh chuan italy tawng bawkin "Kan lo kuah ang che"a rawn ti leh a,ka ke a na tih ka hrechhuak nghal a.

Lucas santoz melh pahin"i duhthusam ang chuan min chhuah thei kher lo mai thei ang sir"ka ti sap a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:06 pm

Nui hak pahin "kan la hria ang chu"spanish tawngin a rawn ti a.
Hmeichhe pahnihte chu kuah chungin kan chhuahsan nghal a.

Room pakhatah min luhpui in,ka kawr haklai phelhin khumah min muttir a,ka taksa vel chu rimtui chi hrang hrang hmangin an message a,ka nuam huai huaiin ka hria,ka ke nalai pawh chuan tui vawt leh oil nen an zut a,ruh lampang tana tha thil engemaw hi an bel bawk a.

Ka taksa message tunu chuan spanish tawngin "hmeichhe nalh tak i ni,nang anga natural pianhmang nalh tak nei hi an tamlo khawpin ka hria"nui var var pahin a rawnti a.

Convent a ka thiante pawh khan ka nalh thu leh hmeltha thu hi an sawi fo a ngaiah ka nei hialin ka hria,mahse midang tawngkam atanga ka nalh thu ka hriat hian a ruk tak chuan ka lawm a ni.mahse engtinmah ka chhangzui duh ta lova.

Amah vek chuan "spain khawi hmunah nge in awm thin?"a rawnti a.

Hawichhuakin ka nuihak a"Oh itali ram bak ka la pel lo hrim hrim"tia ka chhang chu makti zetin a thil tih lai chawlhsan meuhin min en a.

"A nih spanish tawng hi khawi atang nge i thiam a?"a ti a.

"Maria costa convent ah spanish,french,english,dutch,German,Greek tawng kan zir thin a"pangngai taka tiin ka chhang a.

Min message zawh chuan ka hmai vel an duhtawkin an khawih a,ka mithmul te nen lam an siam a,ka sam ngil tak awm chen vel chu khuih mamin,kawrfual ban tlawn ka khup chen grey rawng min haktir a,chapal grey rawng min buntir leh a.

Darthalang hmaah chuan ka inen a,ka landan a danglam takzet a ni.

"Hmeichhe nalh tak i ni,i vanneih khawp mai"min chei tunu bawk chuan nui chungin a ti a.

Kawngkhar lam atang"pitarte i hman tawh em?"rawn tihri ka hriat chuan ka hawi phei vat a.

Kawngka biang nghenga tarmit dum vuan chunga Lucas santoz ding chu ka hmu a,a la tum hmak zui.

Ka bag lain ka kawr leh pheikhawk vel khung ka tum a,"katiang ang bag nalh lo zet kha chu paihbo nghal rawh"tipahin ka bulah a rawn dingrun a.

"A teuh lo mai,hei lo bag dang ka neilo"ka ti a.

Ka bag chu min laksakin min chei tunu hnenah lo"lo dahtha la rawh,museum a dah ah pawh a la tangkai ang"tipahin ka banah chelhin min chhuahpui nghal a.

A pen hlawk ngei mai,min chelhbet tlat avang chuan bai deuh auh auh chungin ka kal ve hlawk hlawk a.lift chhunga kan lut chu ka hahdam huaiin ka hria,"eng nge kan tih dawn a?"ka ti nghal a.

Armani hotel ah ka thiante nen thingpui kan in dawn,engmah sawi buai lovin thuawih takin awm ang che"a ti hmak a.

"Hna lampang a mi a?"ka tisap a.

Mercedes car sen inhungna lam min panpui a.Thaw deuh hak pahin"ni tho e,thildang pawh a tam mai"a tisap a.

Engthil dang nge niang le?
Car kawngka min hawnsak pahin"Mussori ah tiraw in chen?khawilai hmunah nge lehkha i zir?"a rawn ti a.

Driver seat a rawn thut luh hnu chuan muangchangin hnehsawh zetin a tlan chhuak nghal a.
Ka hmui pet zauh pahin"Um mussori ah kan cheng a,kum 11 ka nih atang maria costa convent ah kar hmasa thleng khan ka awm,ka pa in harsatna a neih avangin" ka tisap a.

Thaw hak chungin "eng harsatna nge a neih a?"a rawn ti a.
"Hrawk cancer last stage tiin doctor ten a sawi a,tunah lugi sacca hospital ah a awm mek"ka ti zawi sap a.

"I ngaihtuah hle ni maw?midang amah buaipui tur an awmlo mi?a rawn tih a.

"Awm tho e,mahse" tiin ka saw chhunzawm duh ta lova,hepa hnenah ka duh aia in kan chhungkaw chungchang ka sawi hnem mah mah tawh.

"Maria costa chu nuam i ti em?"a rawn ti ta daih a.

"umm a nuam khawp mai,a tirah hreawm ti viau mah ila,ka chhauhsan dawn meuh kha chuan ka lungleng khawp mai"ka tisap a.
Ka pa a damlo tih ka nuhrawnin a rawn sawi a,min hruaichhuah khan ka pa ka ngaihtuah avang leh convent ka chhuahsan huppurh lutuk avangin ka mittui a tla hial reng a ni.

A mercedes car a tihdin chuan ka hawichhuak nghal a,milem a ka hmuh fo thin hotel chu tunah ka mit ngeiin ka hmu ta si a,ka awihlo hial zawk.

Form ha pakhatin kawngkhar min rawn hawnsak a,Lucas santoz pawh lo chhuak ve nghalin a chabi kawngkhar min hawn tupa hnenah a pe nghal a.

Ka awmdan chu siamtha vatin Lucas santoz lam hawi deuh vah chungin ka nuih a,a ban ka vawn tura a rawn ti kak chu vuanin hotel chhungah min luhpui a.hmalam enchungin "i thiante chu engzatnge sir?"ka tisap a.

Ka kut rawn hum zauh pahin a rawn kun hniam a,"Lucas minti rawh,chuti a nih loh chuan ka fawp tawh ngei ang che"a rawnti sap a.

Engang mi nge maw a nih le?"kei ni lovin i bialnu fawh nan i hmui kha i la hmang zawk dawn nia"ka ti ve ngat a.

A hmui chip hmakin engmah sawi lovin min kal chakpui sauh a,a thinrim ni ngei ang.

Kei hian ka lehkhabu chiar atang tawngkam mawilo taka hman chhuah dan te chu ka hre ve em,ka chimawm theih em avangin sister Teressa pawn min hrem ngun reng a ni.

Room suit pakhata kan lut chu mi paruk vel hi an lo awm a,mipa leh hmeichhia an la inkawp kim vek zui.

Lucas santoz nen kan lut chu an rawn hawirual hlawm a,mipa pakhat hian"wow thianpa khawilam nula nge a,i va rawn thing chelo em em ve,engtik atang nge ni tawh?"a rawn ti nghal a.

Midangho chuan an lo fiam laih laih a,hmeichhe ho ka enkual chuan ka tim ur ur in ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:06 pm

Heng ho hi Lucas Santoz thiante chu maw?an awmdan atang hi chuan hna lam thil sawi khawm tur pawh an ang lo,dawhkan nalh zet hualin Couch bial pakhatah zelah mipa leh hmeichhia inkawpin an thu a,hmeichhe pakhat sam sen thar mai hian a bula mipa kuah pahin mitmeng rum leh thip zetin min lo melh a,a inchei nasa mah mah ni,a hmel a siam chhe zawk hialin ka hria,a kawrfual dum hak tawngchham zet te lah chuan a tibuai ve lo maw ni le?

Lucas santoz ka en chuan a hmui a chip hmak a,a thianten an lawmna pawh chu a ngai pawimawh hmel lo kher mai.
Nui deuh sak pahin"Luc i thiante hi min in hmelhriat tir dawn lo a mi?"ka tisap a.

Lucas chuan couch pakhata min thutpui pahin a thiante chu min inhmelhriat tir nghal a.

Sam sen thar nu chu Monica Armani a ni a,a bula mipa thu chu Nicolas martinez a ni.midang ho zawngin min chibai lai chuan hmeichhe sam seni chuan min chibai ve duh miah lo,a lama ka kut ka pharchhuak chu ka inchhir rum rum hial a ni."i kut ah bawlhhlawh a kai a ni maw miss Armani"ka ti sap a.

Midang ho chuan mak an tih hmel ngei mai,he hotel neitu fanu ni mahse mihring manner hrelo leh chapo lutuk a nih na hi ka ngaithei thak lo.Lucas chu ka bengbulah rawn kunin "cara i duhawm thlawt"a rawn ti sap a,a rawn la thaw ham ham zui,ka ngaihtuahna a tibuai thei tak ngial dawn alawm.

Cara tia midang bula min han koh chu le,a bialnu leh a nupui pawh ka ni tawp si lo.hetiang te chu inngaizawng nghet leh nupa inkoh nan chath an hmang tih a hrelo maw ni le?
Dawhkana eitur an rawn chawp vel lai chuan monica Armani chuan "Lucas khawilam thingtlang nula nge i rawn hruai a?nge zankhat atan i hire zawk?"a rawn ti ngat a.

Lucas chuan ka kuta rawn vuan pahin "ka bialnu hi ka hmelhriat tir lawk loh che u avangin min hrethiam dawn nia,amah hian mi zinga inlan a duh vak lova"ka bengkawma rawn fawp zauh pahin a ti a.

Awi karei,heng ho bulah hian a bialnu angin min sawi nia,hepa hi a rilru a buai a ni ngei ang.

Monica Armani chu mitmeng chu a ling hlar mai a.a pawng zawt zawtin ka hria,a bula mipa thu lah chuan minlo la en dun em em zui.an pahnih sawn ka ngaina hauhlo mai.

Lucas chuan eitur ka ka zawna rawn lek kang pahin"cara riltama i awm ka duhlo nia"a tih chuan ka lo ang ve mai a,ka lem fel deuh chiah tihah ka hmuiah a rawn fawp a,awi leh ka phu nasa lutuk,ka hmui tuma la fawh ngai loh chu ka phalna la hmasa miah lovin leh ka inrinloh lai takin hepa hian a rawn fawp nia,ka maimichhing a ka ngaituahna ka hman a ngai,midangin min hmuh loh nan a malah nataka sih vak ka tuma,ka kut chuan ka sihna lai tur ka dap kual fe hnuah a malah tak chuan ka sikru vak a,a la rum hak zui,min thlah pahin ka sam chu ka bengah a zep tha a,a kut chuan ka ngawngah a la kuah reng zui.

Midangho chuan "insum ve deuh ula"a rawn ti sap sap a.

He mihring hian engthil nge a hriat le.ka thin a ti ur takzet a ni.

"Sofia hian a ke a ulh bawk si a,hahdam taka awm a mamawh a,sunday ah monaz ah kan inhmu leh dawn nia,kan kal dawn mi niang cara(dear)"tipahin ka kawngah chelhin min chhuahpui nghal a.

Ka chhungril atang ka khur ru hlawk hlawkin ka hria,Mercedes car chhunga kan thut luh hnu chuan a lam hawi pahin"engvangin nge khangho bulah khan i bialnu ang maia min sawngbawl,an hmuhlai khan min la fawp zui,ka hmui hi tumahin an la fawp ngailo nia,i zaklo khawp mai"ka ti hlar a,ka thinrim lutuk chu ka aw a khur hlawk hlawkin ka hria.

Hnehsawh zeta motor stearing control pahin"i hna tur chu ka bialnu anga khawsa a ni rih ang,i n address leh i phone number sawi rawh?"a rawn ti hmak a.

"Enga?nang hi rilru buaina i nei ni ngei ang.tunge bialnu lemchan hmanga hnathawk ngai?"ka ti nghal a.

"I number leh address"a rawnti leh a.

"Ka duhlo,hetiang ang hna hi ka thawk lovang,keilo hmeiche dang lemchan thiam an tam lutuk"tum hmakin ka ti a.

"A tha lawm,kan hnuaiah hna i thawk thei lo tihna nih chu,i pa tan chuan eng hna pawh i thawh theih tur thu i sawi si a"a ti ngat a.

Chhan ngaihna reng ka hrelo.
Kan ngawih vang vang hnu chuan"In address leh phone number"a rawn ti leh a,

kan awmna in address chu ka hrilh a,kan in number ka ngaituahlai chuan"i phone number"a rawnti leh a.

Ning zetin "phone ka neilo,tipahin kan ina phone number chu ka hrilh a,lehkha phek teah a ziah hnu chuan min tlanpui leh nghal a,a tlan chak ngei mai,a ruk tak chuan a nuam ka ti ni,kan accident dawnlo tih inhriat a,motor chak zeta han tlan chu,ka vawikhat chuanna mah ni se.

Tarmit dum hi ka hmaa rawn lekin"kha hei hi bun rawh,i mit a thip lutuk palh ang"a ti a.

"Ka lawm e"nuisak paha tiin ka bun nghal a.
Chumi hnuah a remote control hmetin "fast car"jonas blue leh JB sakdun chu a play nghal a.an sakrual chuan a zawm ve nghal a.

Convent ah pawh khan hla lyrics-ho hi lehkhabuah ziakin kan hotunute hriat lovin kan sa thin,he hla pawh hi.

Chang hnihna atang chuan ka lo sakpui ve a,a hnu lawkah motor ti dingin a hla play pawh a off a,ka zai laklawh tehreng nen.

Ka lama rawn awn pheiin "i thiam ve alaw,hetiang hi chu convent chhungah an zirtir miah lovang che"makti hmel takin a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:07 pm

Convent chhung ah chuan engtia awm turin nge maw min ngaih le?library changtlung tak a awm a,chutah chuan lehkhabu chi hrang hrang kan chhiar an phal loh thlengin a awm vek,chung an phal loh te hlei hlei chu kan chhiar nasa mah mah zawk.hla pawh zantin tv enru in kan ngaithla ziah a,kan thiam tam hle bawk,sister Teressai'n a hrem zingah ka tel leh nge nge thin.

Tumkhat phei chu keimaha min ko hrangin"sofia nang hi hmeichhe danglam tak i ni,engpawh i ti thei a,thil engkim hi i thiam chak hle bawk,thluak tha tak i ni a,i thiante hi thil thalo tihpui thin suh,nangmah ang an ni vek lo a nia"a tih kha ka hrechhuak a.

Lucas chu en pahin"a ruka ka thiam nih hi,he hla avang hian min la hrem phah zui"ka ti sap a.

Nui suk pahin hla chu a play zawm leh nghal a.ring zetin kan sak pui nghal a.kan tlan pelh apiang mai chuan min enzui in ka hria,hla dang a piay te pawh chu kan lo sakpui zel a.

Motor a tihdin chuan ka hawichhuak a,galleria vittoria kawtah kan lo ding reng chu ni in."hetah enge kan tihdawn a?"ka ti nghal a.

"Ka bialnu i ni a,chuvangin i kawr,pheikhawk leh bag engkim kan lei angai"khi suk pahin a rawnti a.

Ka lungawilo takzet hepa bialnu lemah ka tan duh thu ka sawi tawp silo,tunah a bialnu ang treat in min treat a tum chu a ni si a,oh nilo a bialnu angin min treat mek zawk a ni.ka pa damna tur a nih chuan duthlan tur dang ka nei der silo.

Lucas(POV)
Friday zingkara ka thawh veleh Ka thianpa Nicolas martinez leh ka bialnu hlui monica Armani ten chhuna thingpui inpui a min rawn sawm chuan ka thinur tun nghal a,enge a chhan pawh ka hrelo,monica-i hi ka hmangaih lova,duhna chhete mah ka nei tawh heklo,thla ruk chhung lek kan inkawplai khan min zar buai reng a,hneawm khawpin,ka luakte a tichhuak hial zawk,zankhat hotel garden a kan party tumin ka thianpa Nicolas nen an awmdunlai chiang takin ka hmu a,kan inthen fel nghal hmak a ni.monica'in tap chunga ngaidam min rawn dilna pawh engatan mah ka ngai lo.

Mahse min rawn sawmna hi ka kallo anih chuan an mahni ka hmu hreh angah an ngai dawn si a,tunah lah hmeichhe kawplai han kalpui turin ka nei bawk si lo,thla hmasa atang khan ka pa damthat loh avangin hna lamah ka insawrbing a,kan unau hi pathum kan ni a,ka ute pahnih hi pasal neiin milan a kan hotel hrang hrang enkawlin an pasalte nen an buai hle a,kan hotel hran hran hi fashion show tih nan an hmang kual reng bawk nen,hna lama ka rilru ka pek meuh chuan hmeichhia han buaipui pawh ka chak lo,ka duhzawng ka la hmuh loh vangte pawh a niang.ka unaunu ten kum 28 i nive tawh hmeichhia kawplawr dun lovin,nupui tur buaipui ve tawh rawh,motor intlansiak lam ringawt buaipui lovin an ti a.

Kan tleirawl atanga milan university a ka graduate thlengin thiante nen hunawl neih apiangin monza hmunah engthil emaw tak inchawiin motor intlansiakna kan nei fo thin a ni.

Kan in atang chuan ka bike khalin chak zetin Grand hotel lam panin ka inkhal chhuak a,hotel kawta hmeichhe pakhat inthuamna mak zeta lo ding vung vung ka hmuh chuan ka khalh thiam zia show nan nuisak pahin amah su lo tawk velin a bul hnai seta ka khalh a,ka hawilet chu chhuatah a lo thusawp niai mai a,a lu tuamna leh a kawrfual haklai a khup chen thleng rawn lang ka hmuh chuan a nalh ngei mai.

Ka bula security lokal chu ka helmet leh chahbi pe vatin chu hmeichhe bulah ka va phei vat a,a rawn hawichhuak chiah chu ka thinlung hi a nghing dawtin ka hria,a mit hmul sei leh er tha tak kara a mitmu pawl phat maiin min rawn la enzui,a hnar ngul te lah chu a invuah fuh em em zui,hetiang ang reng reng a hmeichhe hmeltha hi ka la hmu ngailo.

Helai hmunah hian enge a rawn tih ve dawn le,tunlai nula dang anglo takin pitar ho inthuamna niawm takin a la inthuam zui bawk si la,din a tum chuan a hmui nalh zet ner deuh sawk ka hmu a,a ke a la khai kang deuh zui.

Kei min hmuh duh thu a sawi chuan mak ka ti hle a,helai hmunah keilo midang santoz tih tumah an awmlo,mahse min la hre miahlo zui.a ke khai kangna lam ka ensak chuan a vungin a lo duk deuh raih a.

Henu hi ka buaipui a ngai ni,engmah sawi lovin ka office lam panin amah pawm chungin ka kalpui a,a taksa te lah chu tawh ala nuam em em zui,tuna a kawr haklai hnuaiah hian taksa mawi tak a awm tih ka hre nghal a,keimaha effect a neih dan atang hian a chhan chu model hrang hrang pianzia ka mit leh kut ngeiin ka hmuin ka hre fo tawh si a.

Midang ten makti taka min enzui pawh chu engatan mah ka ngailo.

Ka office chhunga ka luhpui hnu chuan a ke mawitak keimah avanga a tihnat nalai chu vur tlang hmangin ka dehsak nghal a,hmeichhe dang chu nise,ka hnuaia tawkte ka buaipui tir ngei ang.mahse henu mak tak hi chu hriatchian ka duh a ni,naupang tiin min ko a,keiin pitarte tiin ka ko bawk a,mahse la han belchian chuan pitar ni lovin,hmeichhe tleirawl a ni tih ka hre nghal a.

Mak ka tih em chu helai hmunah min hmu tura rawn kalsi min hre hauh lo chu a ni.ka secretary suzy in ami hmuh duh ka ni tih a hrilh a,a hmel awmdan te chuan min ti hlim ru ngei mai.

Min hmuh duh chhan a sawi chuan mak ka ti hle a,a ruk tak chuan ka lawm.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:07 pm

Ka hnuaiah apa aiawhin thawh min rawn dil a,henu derthawng zet hian engthil mah a thiam pawh ka ringlo.mahse,Ka beisei ngam hauh lovin henu sofia belluci hi ka hnaih thei dawn a ni,ka hriat chian lehzual nan engemaw tak ka tih ngei a ngai.

Sir tia minko chu ka duhlo ngei mai,ka hnuaia thawk pawh a nilo,mahse hmun dangah ka hriat ngailoh leh ka hnuaia thawk nilo ten sir tia minko chu ka ngaipawimawh ngailo,ka hming ka hrilh hnuin ka tawngka ngeia ka hming a rawn sawi te chuan ka hlim ru veng vengin ka hria.

Kan hotel a,beutician thiam tak chu phone hmangin spanish tawngin ka bia a,spanish tawng ka hman chhan pawh sofia Belluci hian ama chunga ka sawithu hi hrelo se ka duh vang a ni.

Ka office atanga an chhuah dawn chuan spanish aw phawi ang maiin spanish tawng a rawn hmang a.a va mak ve ka tawng zawng zawng kha a hrethiam vek nia.ka thinrim ai in a ruk tak chuan ka lawm a,ka lungawi bawk.

Min chhuahsan hnu chuan Sophia Belluci pa thawhna department chu ka be nghal a,an chanchinte pawh min hrilh nual bawk,a fanu sofia Belluci kum20 mi lek chu Santa maria convent atang kar hmasa atang khan an hruai chhuak tih te thlengin ka hre nghal a.

Engin emaw tak min mawlh avangin ka tih thin dan anglo takin,beutician suit room lamah ka kal a,kawngkhar atanga Sofia Belluci hmel ka hmuh chuan ka phu deuh zawk a,hmeichhe nalh leh hmeltha tak a ni tih ka hria,mahse hetianga a inchei hian a nalh zual sauh a ni,a lang thianghlim hle bawk,duhthaw tak fawh vawng vawng ka chak ber,Armani hotel a kan thil tih tur ka hrechhuak zawk a,sana ka en chuan kan la tlai love,sofia chu hmanhmawh taka kaiin ka chhuahpui a,hna avanga chhuak tur emaw a la intizui,atha e ka kianga awm hi a hna tur dik tak chu a ni.

Armani hotel kan thleng tep tih chuan engemaw ti takin ka zam ru tlat,henu derthawng tak hi Monica ramhuainu khan a lo ti nawmnah mai ang tih ka hlau,hengtiang ang hmunah hian a la kal ngai bawk si lo,a che chia anga,amah leh kei hi ka thiante hmaah kan mualpho hle ang tih ka hlau,motor atanga kan chhuak chu hmeichhe dang ka kalpui thin angin alamah ka kut a dah a,rang takin a lo chelh ve mai a,buai map lovin hmalam panin a la kal zui,a awmdan hi a mak a ni,helai hmuna kal thang niawm tak mai hmel a pu tlat,mahse chu erawh thil ni thei a ni lo.

Ka thianten a hmel an hmuh chuan an awmdan atang hmeltha an ti hle tih ka hmu nghal,a bikin Nicolas hian kan thlen tirh atang a mit alasawn lo hrim hrim,hnek pawp ka chak hle mai,an hmuhlai chuan sofia-i chu cara ka ti ngat a,engtia he tawngkam hi hmang nge ka nih hmeichhe dang bulah ka la hmang ngailo hrim hrim,mahse engemaw zawngtak chuan henu bula hman hi a nuam dangdai tlat.

Sofia in nui chunga ka thiante nen inhmelhriat a duh tih a rawn sawi chuan ka harhchhuak a,pangngai takin ka inhmelhriat tir a.

A tawpah Monica nen ka inhmelhriat tir chuan monica-i chuan a la chibai duh lo zui,sofia-i chu ka lo khawngaih hman hle a,tawng ka tum chiah chu Sofia-i zawkin tawngkam mak taka monica-i a tih chuan mak ka ti hle a,zak takin a awm ka rin tehreng nen,Monica-i mizia ang takin a ti let avang chuan ka lawmru hle a,Monica-i awmdan atang chuan a thinrim hle tih hmu nghal.

Eitur an rawn chawp chuan lo ban hmasa berin cake tereuhte chu Sofia-i chu ka barhlui ngat a.

A thil eilai hmui chu fawh a chakawm hliah hliah,ka insumzo thlawtlo,a hmuiah chuan ka va fawp a,ka hmui laksawn lehnghal mai tum kha ka nia,mahse lasawn thei lovin ka fawp vang vang zawk a,a hmuisik ringawt pawn min tiphur thei nia,ka mal lama a kut a rawn dah chuan ka mipatna tho tuah tuah chu a khawih fuh a,eheu leh a tilui mi le?ka mal ah tak a rawh sik vak takah chuan ka fawhna chu ka thlah hram a.

Ka nuih a za ru ngei mai,midangte hriat loh turin a rukin min sik a tum vangin ka mal a lo khawih a ni tih ka hre nghal a.ka in ngaihtuah fim vat a,ka thianten min fiamna pawh chu mumal pawn ka chhang thei lo.

Nicolas a mitmeng ka hmuh chuan ka sa zak a,rangtakin chhuanlam siamin Sofia-i chu kuah chungin ka chhuahpui nghal a.

A thinrim tih ka hria,mahse engmah a sawi miah lo,nuamlo ka ti lek lek zawk.

Motor chhunga ka thu fel ka khalh chhuak chiah chu thinrim aw khur lek lekin mitmeng pawl phatin a rawn tawng a,a hmuiah kei hian ka fawp hmasa ber a maw?ka thil beisei ni mahse ama tawngka ngeia ka han hria chu ka lungawi kher mai.

Hlau taka a awm nan Motor chu chak zetin ka kalh a,a hmel ka en chuan nuam a tih hmel takzet a ni,ka hla play apiangte lah chu a la thiam ve zel a,henu hi hmeichhe mak tak zawng ani.convent chhunga awm ve si,an hrem ngun thu a sawite chuan ka nuih a tiza takzet.

Mall ah ka kalpui a,dawra thawk tunu pakhat chu sofia inhmeh tur kawr,pheikhawk,bra,underpant,bag leh thil chi hrang hrang kan lei a,Sofia-i makti hmel chu alawm awm takzet a ni,ka phone hmanlai chu ama hman atan sim card dang leisakin ka pe nghal a.

Tunah chuan an awmna Mussori-ah ka hruai haw phawt anga,a chhungte pawh ka hmu ve nghal ang,hotelah thlengin sunday ah Monza hmuna kan intlansiakna tur hmunah ka hruaitel ve ngei tur a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:07 pm

POWER OF LOVE AND ATTRACTION-3

Postby Basta Tlau » Mon Sep 12, 2016 1:49 pm
Sofia Belluci ka hmuh atang ka thil tih tur pawimawh ho kalsanin a kiangah darkar sawm chhung hun ka hmang a,ka ni hriat tawh zawng zawng a ni reilo ber a ni hial ang.a kianga awm a,a mizia leh a awmdan engkim mai hi hriatchian lehzual ka duh a ni,chu chu ka la thlentir khawp ang.

SOFIA(POV)


A link nen lo chuan khawiahmah copy/paste phal a ni lo.
A link nen a share dan
viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
www.storyfb.com

Lucas santoz hian engemaw a hriat le?ka remtihna la hmasa miah lovin,a bialnu min nih tir ringawt a,chumi hnuah Milan a shopping mall Lian ber galleria vittoria hmunah min hruai in,hmeichhia ina kan mamawh ang thil hrang hrang min leisak a,a manto hlawm ang,convent chhung leh a chheh velah heng tiang thil te hi hmuh tur a awm hauh lo,hetiang anga inthuam chunga kan hotunu te leh ka thiante khan min hmu a nih chuan mak an ti ngawt ang le..heng zawng zawng hi ka rulh let a la ngai angem?nge ka hlawh atang a cut dawn zawk?,ani tan heng thil a lei ringawt hi naupang inkhual lemna ang mai a ni pawh aniang,kan chhungkaw in han lei ve dawn ila chuan rim taka kan thawh chung pawhin kum5 chhung kan budget a buai ngei ang,a phone min kawltir lah hi ka khawih thiam miah lovang,mahse ka nuhrawn Maria-i tihdan ka la zawt mai ang.

Kan inlam pana kan tlan lai chuan ka ngaihtuah a,ka chhungten grand hotel a Mr santoz hmu tur leh ka pa aiawha hna engetal an hnuaia thawh va dil turin min ti a,ka rin loh dan ang takin tunah hian a bialnu anga awm turin Mr Santoz chuan min ti si a,ka chhungten min zawh hunah engtin nge ka chhan tak ang,a bialnu anga awmin a hnuaiah hna ka thawk ka ti dawn a mi le?nilo chutiangin ka ti thei hauh lo,ka pa lungphu chawlin a boral palh ang.

Kan in kan thleng tep tawh tih chuan"ka chhungte hnenah i bialnu angin ka awm dawn,tih ka hrilh thei lovang"a lam hawiin ka ti sap a.

Nui huk pahin "i duh chuan private secretary angin i insawi dawn nia"a rawn ti a.

"Engzat nge ka hlawh dawn?heng thil kan lei ho zawng zawng hi ka hlawh atang i cut thei lovang,nangman tih luihna hmanga min leisak avangin" ka ti nghal a.

"Ka duh phawt chuan ka cut thei,ka duh loh anga i awm a nih vaih chuan ka cut em em ang"a rawnti hmak a.

Ka awih thei lo zawk,thinrim zetin "chuti heng i thil lei zawng zawng hi ka mamawh lova,kawrhak tur ka la nei rih,i hawn let leh vek dawn nia"pawnlam en chungin ka ti a.

"A teuh lo mai,engmah ka hawn let lovang,ka hnuaia i thawh dawn chuan tuna mi chauh lo pawh thildang i la mamawh bawk ang,pawisa chungchangah chuan lungngai suh,i thawh that phawt chuan bonus i hmu ang"a rawn ti ta hrep a.

"Mahse tunah mai chuan heng thil zawng zawng hi kan inchhungah ka la lut thei lovang"ka ti sap a,ka nuhrawn Maria'in mak a ti lutuk ang tih ka hlau ni.

Kan inkawt kan thlen chuan motor chhungah ka la thu vang vang a,ka nuhrawn maria-i kawngka atanga lo chhuak ka hmuh chuan chet ngaihna reng ka hrelo,makti zetin kan lam panin a rawn kal a,mipa nen min hmug avanga chuan a ding deuh chawt a,motor kawngka min hawnsak mektu Lucas chu a rawn en vang vang a,kan pahnihin min melh tawn a.

Motor atanga ka chhuah rual chuan"sofia darling,i lo haw tluang maw?ka ngaihtuah lutuk che a"maria chuan a rawn ti nghal a.

Lucas chuan amah enin"Lucas santoz ka nia"maria chibai a nui var var pahin a ti nghal a.

Ka nuhrawn Maria chuan"sofia nu,Maria Belluci ka nia,i lo thlah haw thei chu ka lawm khawp mai,inchhung lamah coffee tal lo in la"a ti sawk sawk a.ka pa nen an inneih khan kum11 ka ni a,vawikhat mah ka nu tiin ka la ko ngailo,maria ka tih loh pawn Nute maria ka ti thin.

Lucas hmel ka en chuan duhlo se ka ti ngawih ngawih min rawn en pahin"a lawmawm khawp ang,mahse sofia thil tur kan lei ho hi ka lo keng lut hmasa phawt ang"hlim hmel zetin a ti a.

Maria chuan car chhung thlek pahin"engthil nge in lei a?"a ti nghal a.

Ka chhang tur chiah chu Lucas chuan minlo chhan khalhin"ka hnuaiah private secretary angin hna a thawk dawn a,ka lo mamawh lai tak a ni bawk nen,lawmthu sawi nan a thil tur ka rawn leisak a ni hi"a ti nghal a.

Maria chuan min rawn enin ka kuta phone ka keng pawh chu a rawn hmu nghal a,"phone pawh maw!"makti leh hlim hmel takin a rawnti a.

"Ka mamawh vang alawm min hmantir,nakin a khawih dan min la hrilh dawn nia"ka ti sap a.

Motor atang kan thil lei vel bawr taka kan pathuma pawm lut tun chungin inchhung lamah kan luhpui a.

Kan inchhunga Lucas rawn lut chu a in neitute zawk kan chep tlat,cousion chungah thu pahin"in in neih nuam reuh hle mai"tipahin a hawikual a.

A va han nghal reuh tak,maria i coffee lum tura choka lama a kal chiah chu min rawn en nghal a,keilah ka ke a nawmloh deuh avangin ka pheikhawk bunlai hlipin ka ke nalai chu ka chul a.

Ka bulah rawn insawn phei in"a la na viau em,tui vawt deuh hlekah i ke chiah la"min ngaihtuah hmel takin a rawnti a.

Kan bulah maria-i chu rawn dingin"Oh sof engtin nge i awm a,i intina viau em"a rawnti nghal a.

"Ka zia tawh e"ka tisap a.
Lucas chuan "a bilh palh a,tuivawt rap sela,a zia sawt ang"a tih chuan maria chuan chawhtawlh teah tuivawt dahin ka rah turin a dah nghal a.

Coffee a inpahin ka bula phone chu a rawn la a"keiman ka lo hrilh ang che"a ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)