MY BOSS BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: MY BOSS BY Basta Tlau

Unread post by Ngaia » December 6th, 2016, 4:15 pm

Phun bul bul chunga Donny-a chhuak ka hmuh chuan ka nui sak a.

Nu Maruat'in a thil kenlai khum chunga dah pahin"i thawmhnaw vel hotel lamah a la awm thu Don'an min hrilh a,kha heng hi ha chhin rawh,ka la ha ngai miahlo nia,ka suk fai vek tawh bawk"tiin kekawrte,bra leh kawrfual chi hrang hrang chu a kawk a.

"Nakin lawkah ka thawmhnaw a rawn thleng dawn tho alawm,Nu maruat hetia tih kher a ngailo"ka ti sap a.

"khawngaih'in min hnial lul suh,chuan in inthlahrung na tur pakhatmah i nei lo a nia,enteh Donny-a damloh laia Pimpom tia a lam reng thin kha nangmah i ni tih ka hriat rualin mak ka ti lutuk,dik tak chuan ka pasal nena kan inngaihzawn lai vel min hriat chhuah tir rum rum a ni,ka fanu ang maiin ka ngai che a ni"a ti sap a.

Mak ka ti takzet ani,zawhna zawt chak hle mah ila,a hunlo tih ka hria.

Ka kawrhak lai rawn khawih in"awi a kawr ha turin a ti che ni maw,i duhawm hle mai,mahse mipa kawr hak chu a tha lo"nui ver ver chungin a ti a.

Khum chunga kekawrte leh bra dum chu lain"hei hi a tawk mai ang"zak ru tak chungin ka ti a.

A ban rawn pharin"lo inha la,kekawr leh kawr i hak tur dang ka rawn ngaihtuah ang,ka kawr lei sak che kha Donny-a room lamah a awm ka ring"tiin hmanhmawh hmel takin a chhuak a.

Nu maruati hi kei ai tlemin a thau deuh hlek tih loh ah chuan kan san zawng leh pian hmang vel ah kan inang khawp mai.

Bathroom lamah lutin ka inthlak leh zung zung a,ka chhuak chiah chu nu maruat'in kekewr dum lum leh high neck dum min rawn pe pahin"hei hi ha rawh vatin,in thiante pawh an rawn thleng tawh,coat kha kan va la leh lawk a nge"a ti a.

Ka insiam zo Nu maruati nena inhnuai lama kan chhuk chu an lo ri laih laih hlawm a.

Rempui'in"awi leh engtik laiin nge i lo bazar nawn hman a,kan buai teh reng nen"a tih chuan Nu Maruati nen kan in nuih sak a.

Donny'an"in va rei ve,inthlak kual vak kher a ngai hleinem"a rawn tih chuan ka melh hrawk a.

Nu maruat'in"kan han inthlak tha leh dawn mi Helen"nui vur vura a tih chuan kan bula rawn ding vat nghalin Donny'an"a ngailo"a ti hlur a.

Midangho chu an lo nui ri huk a,a Pate'an"Don chuh hmuh theih khawpin i mizia a inthlak alawm le"a tih chuan a ner sak a,couch chungah min thut pui nghal a.

Remsang'an"zanin ah Lunglei lamah kan haw phei dawn mi le kan lo ti a,naktuk a kan chhuah chuan saw lamah kan in hnawh tawng lutuk ang tih kan hlau si a"a rawn ti sap a.

Rempuii melh pahin"mathani te kan ve phawt ila"ka ti a.

Rempui'in"nia,kei pawn tha ka ti,ka Patea boral hnu atang khan ka la hmu leh lova,card te chu kan thawn tho nangin"a ti a.

Donny-a chu a ngawih kur avangin a bana nghawk zauh pahin"enge i duh dan ni ve a?"ka ti sap a.

"in duh dan sawisel turin min duh a mi?"a lo ti hmak a.

Nu maruat'in"a ni hi chu ngai pawimawh duh suh,in remti lo chung a rawn zui lui che u a ni lawm ni"a pasal mitmei zauh pahin a rawn ti a.

Donny-a tih loh chu kan nui hak hak hlawm a.a pate'an"nupui a neih dawnah in ngaipawimawh ve dawn nia"a tih chuan Donny'an"kan tawngtai dawn nge,chaw kan ei hmasa zawk dawn,thu ho mai mai nuih pui rual in ni tawh loh kha"tiin ka kutah a rawn hmer vak a"i la hre khawp ang"zawi sap in a ti a.


An in kan chhuahsan tur motora ka chhuang chu Nu Maruat'in "Don, mo kan neih thuai ka beisei nia aw"min vai liam paha a tih chuan ka lai ang reng khawp mai.

Tlan chhuak pahin Donny'an"i nei tawhah in ngai rawh"ring zeta a tih chuan an nui dar dar hlawm a,a bana sik vakin"i over thei e"ka ti a.

Mathani te in kan thleng chu an lo ri hlut a,kan awmdan tur vel kan hrilh chuan ka nute'in"naktukah kan rawn phei ang,ticket kan hauh lawk vek tawh si a,chuti nilo se chuan in ruala kal ve a that tehreng nen"a ti a.

Mathani chu ka bengbula rawn kunin"a nuam awm bik e,ka thianten an awt thei lutuk che,in inneih hunah chuan ka intithu viau ang"tiin ka zungbun chu a tuai neuh neuh a.

Rei vaklo kan thut hnu chuan Lunglei lam pan turin kan chhuah san a.

Donny'an"min muthilh san miah suh ang che"tiin a kut veilam pang chuan ka kut a rawn vuan a.

Nui hak pahin"Zan thim te a ni si a,fimkhur rawh aw,thil dang engmah ngaihtuah lovin"ka ti a.

"Hla kha i duhzawng play la,chuan engkim a tha vek ni mai"khi suk pahin a ti a.

A motor chhung Ac a ni chu ka lawm kher mai,chuti nilo se chuan vawt tiin ka khur hlum lo chauh ngei awm si a.

Ka hla play chu zawi te in kan sak pui a,kawng sira motor ding chhunga nula leh tlangval inhawlo tih hriat tak tak mai kan tawh chuan Donny'an"tunhma khan tianga awmte saw ka dem thin a,mahse tun hnu ah chuan demna pakhatmah ka nei tawh lo"a ti sap a.

"Kei pawh ka ni tho,Donny i patea te nupa khan fa engzat nge an neih a"tiin ka hriat chak tak mai chu ka zawt a.

"Hmeichhia pakhat chu an nei,mahse,vanduaithlak takin a pian hlimin a boral nghal a,ka nute'in nau a pai theilo zui bawk si a,mahse an inhmangaih tawn em a,tun thlengin an hlim dun em em a ni"a ti sap a.

Fa an awt hle ang tih ka hria"an in hmangaihna kha a ropui hle mai,fahrah ina mi naute adopt an duh lo mi le"ka ti a.

"Keipawn fa adopt turin ka hrilh thin alawm"a ti a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:15 pm

Makti zeta Donny-a ka en chuan nui deuh sukin"keini an thisen zawmpui fate hi an mahni fa ang chiahin min en a,fa adopt chu an duhlo,keini ho pawh hian kan nu leh pa ang tak takin kan en a ni"a ti a.

Donny-a nen hian nupa niin fa nei theilo ta ila,eng tiangin nge ka awm ang le?kei chuan fa adopt ka duh ngei ang,naupang tam tak nu leh pa thlazar hnuaia sei lianlo te tana nu nih ka duh a ni.

Donny'an ka bianga rawn piai zeuh pahin"engthil nge i lo ngaihtuah leh hman a?"a tih chuan ka biang a rawn piai na lai dawm pahin"nu Maruati te hian fa adopt se ka duh pui ngawt mai,an fa anga an en che u hi tha ka ti lutuk,mahse mi tam tak nu leh pa neilo a harsa taka khawsa an tam hle si a,an mahni tan pawh a nuam daih zawk ang,an in lum luahpui thei tur fa enkawl chu"ka ti a.

"Tih sual an hlau alawm,bakah thla tin orphanage home hrang hrangah pawisa an pe ziah a"a ti a.

Nu maruati te nupa chanchin hlir sawia kan tawng char char lai chuan Hmuifang kan lo thleng der a.

Donny'an kan hmaa tlan mek Dr Romawia te chu kawkin"Rempuii saw phone la,sawlai lawkah sawn ka thianpa ten Hotel an siam a,thingpui in pahin chawl lawk ang u"a tih chuan ka phone nghal a.

A thianpa nia a sawite Hotel chhunga kan lut chu mipa pakhat sa tha nelh nawlh hian Donny-a a hmuh rualin"hey boss,teh hlawl che chuan,a va mak teh tlat ve"tiin a rawn kal phei luah luah a,Donny-a chu a kuah thlawp nghal a.

Donny-a chuan Nem sawn hlek pahin"kid,ka bialnu awm laiin min kuah thut tawh suh aw"nui vur vur chungin a ti a.

A thianpa chuan min rawn en vung vung pahin"in inhmeh dun hle mai,kan nu ai hian lo tawng hmasa che ila a tha tur"nui huk pahin a ti a.

Ka kawnga Donny'an rawn kuah pahin"ngawi mai teh,kan hmanhmawh a nia,in eitur zinga tui hnai ber kha rawn chhawp rawh"tiin midangho chu a nuih sak a,a thianpa Remruata a tih nen chuan min inhmel hriat tir hlawm a.

A thianpa in"boss lokal rawh u,in rawn kal tur thu min rawn hrilh lawk ve tal tur che u nia"tiin room pakhata min hruai luta "tikhan lo thu rawh u,kan thilsiam zinga tui ber ka rawn hlui ang che u"khi vur vurin a ti a.

Dr Romawi'an"helai hmun hi ka lo la lut ngai miah lova,a nuam hle mai a"tiin a hawi kual a.

Donny'an"an siamna a la reilo a,hria an la tam vak lovang"a lo ti nghal a.

Remsang'an"nidangah chuan hriat ziah tawh tur a nih hi"a lo ti a.

Hmeichhe pathumin eitur an rawn chawi lut a,an hnungah Remruata chuan a rawn zui bawk a,Rempuii leh Dr Romawia te pahnih chu no hran pe pahin"nangni chu nupa ni mai tur in ni si a,chuvangin chocolate syrup hi in rawh u"a ti a.

A rim atang pawn a tui dawn tih a hriat ngawih ngawih Dr Romawi'an Lawmthu a hrilh zawh chuan Donny'an ka dara rawn kuah pahin Remruata chu a melh a"min rawn pe ve rawh,kan pahnih in"a ti a.

Remruata chuan a kut leh lu thing pahin"boss a theih loh,hei te chu nupa ni mai tur tana ka siam alawm,inngaizawng mek tan ni lovin"a ti a.

Donny-a thaw hak ri ka hriat rual chuan a hmazawna coffee no hung hnai pahin"kha hei hi in rawh"ka ti a.

A lu thing chungin"keini pawh inneih tur kan ni ve tho alawm,Remruat min rawn pe ve mai rawh"a ti a.

Remruata chuan a lu thing pahin"in inneih dawn zanah chauh ka pe ang che u,boss"tiin a kalsawn daih a.

Dr Romawi'an"ka lo inbang dawn che mi?"a tih chuan kan nui dar dar a.Rempui'in"keiin Helen-i ka inban ve thung anga"a lo ti nghal a.

Ka lu thing pahin"nangmahni pahnih khan in zo ve ve rawh u"ka lo ti a.

Donny'an phun hluk ka hriat chu ka en a,coffee no chawiin a lo in mek a.

Kan thil ei lai chuan Remruata chu khi vur vurin a rawn lut leh a,Donny-a melh pahin"boss,zanin chu riak mai ula"a ti a.

Donny'an"kan hmanlo"a lo ti bung nghut a.

Remruat'an"boss hi a thinrim si a,in thil ei zawng zawng kha ka free sak vek mai ang che u"a ti a.

An hotel chhuah sana motor chhunga kan lut tur chu Remruat'an"in inneih dawnah min rawn hriat tir ve ru aw"tiin kan in vai liam a.

"Ngatinge Boss a tih che a"ka ti sap a.

"Delhi-ah School kan kal tlang thin a,vaiho lakah ka chhan reng zel a"a ti a.

Nui hak pahin"insual i van hrat awm ve,my boss"ka ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:16 pm

Ka tawng zawh rual deuh thaw chuan motor a tiding chawt a,ka lam rawn hawiin"engvanga my boss ti khera min ko nge i nih?"chiang zeta min melh chungin a ti a.

"I thianpa pawn boss a tih ve tho chhe kha,i hnuaia hnathawk kan ni tih hriain ka chungah i inti thu em alawm"nui hak paha ka tih chuan a rum hrawk a

"nangmah nih hi aw,ka chunga thu neih tum?"lungawilo hmel zeta ti pahin a tlan zawm lehnghal a.

Hla ring zeta a play avang chuan ka beng hupin"tizawi deuh rawh,beng chhet pawh kan nih loh hi"ka ti hlar a.

Nui suk paha ka lam rawn hawi zauhin"kha maw,tunah pawh i thuhnuaia min dah i tum zia hi"tiin a hla play chu a ti zawi a.

Kalkawng tluan chuan kan tawng dun char char a,a changin kan inhnial a,a changin kan nui bawk a.Rempui'in min rawn phone chuan"i thawmhnaw vel hi kan inah kan dah anga,naktuk ah i hawn mai dawn nia"a ti a.

Kan in kan thleng chu ka nu in minlo la nghak reng a,Donny'an"kan rawn zan chhuah thut si a,min lo ngaihtuah riau lo maw?"a tih chuan ka nu in"ngaituah em em hranlo che u"nui sangin a ti a.

Thingpui kan inzawh hnu chuan Donny'an"ka hawsan rih phawt ang che u,naktukah ka hman chuan ka rawn kal ve ang"thochhuak pahin a ti a.

A hnungah zui ve nghal"ole my boss"ka ti sap a.

Pawn lama min kaichhuak nghalin"i boss hi hahdam taka ka mut theih nan min fawp rawh le?"tiin a rawn kun a.

Inchung lam melh zauh pahin a biangah ka fawhsak zeuh a,ka kawnga rawn man betin"ka duh khawp lo"ti deuh hrawkin ka hmuiah duhthaw zetin a fawp mawlh mawlh a,thaw halh halh chunga kan inthalh hnu chuan "i mumang lamah min lo hmu dawn nia"rum hawk chunga tiin a motor ah lutin a tlan liam zui a.

Inchhung lama ka luh leh rualin ka nu in"Helen,nizan lamah Donny-a nu leh pate an rawn leng a"no sil paha a tih chuan phawk zeta enin a bulah ka kal hnai nghal a"enge an rawn tih a?"hlauthawng ru zetin ka ti a.

A kut hru ro paha min rawn kuahin"Donny-a nena in chungchang an rawn sawi a,chuan urlawk zan an ina hmang turin min rawn sawm bawk"a tih chuan ka thaw halh a.

Ka room lamah a rawn chho a,kan zin chanchin tlangpuite ka hrilh hnu chuan ka nu in"mu hahdam tawh rawh,naktuk lamah in buai hmel si a"tiin min chhuahsan nghal a.

Ka nu sawi ang ngeiin zing ka thawh atang ka buai nghal em em a,Rempui'in an in lamah min char bet tlat a,Donny-a biak na hun takngial pawh ka neilo tluk a ni.zing lama a message min rawn thawn pawh ka la reply hman hek lo.

Zana Rempuii te man an inhlan fel zawh chuan an sitting room-ah kan thu khawm a,ka bula sawmtea chu rawn thu in"i chau viau lo maw?"nui vur vur chunga a tih chuan a bengbulah awn deuhin"zep loh chuan ka chau ve khawp mai"ka ti sap a.

"I duh leh ka nu in message na khawl saw rawn hmang rawh"a ti a.

Ka sir lehlama thu Remsang'an min rawn nghawk zauh rual chuan ka hawichhuak a,kawngka bula Donny-a leh Rempuii nu lo inbe mek ka hmu nghal a,Donny'an mitmeng zim sun dilchhut hmel taka min rawn melh kur avang chuan ka thaw halh a.

Remsang'an"man a ei ve awm pawh ka hre si lova,enge a rawn tih dawn a?"a tih sur sur chuan"engmah ka hre bik lo"ka ti sap a.

Donny-a chu kan thutna ep chiahah thu in kan lam a rawn hawi char char a.chhuanlam siamin ka thutna atanga tho chhuakin Rempuii room lam ka pan ta ringawt a.

Ka nu chu rawn lut ve nghalin"Donny-a sawn in hna thilah biak lawk che a duh aniang,i hman chuan va bia la,zanin chu i patea te in lamah ka riak ve dawn nia"a ti a.

Ka phone chu la chhuakin ka en a,a battery la low zui,zingah khan ka charge full ve reng si a,a va mak ve,ka charge leh a,ka on chuan Donny-a missed call 90 ngawt a lo awm a,silent a ka dah avangin ka lo hrelo ni maw?

Phone charge pahin Donny-a whatapps numberah chuan Message ka thawn a,a hnu lawkah min rawn call in"pawnah lo chhuak rawh"tiin a dah zui daih a.

Tun ang huna ber kher hna chungchang ngaihtuah ka peih lo?

Pawna ka chhuak tur chu midang ho chuan minlo fiam nak nak a,ka zah em avangin engtinmah chhang hlawm lovin ka chhuah san a.

Donny-a hmel ka hmuh rualin"enge a?kan buai riau asin"ka ti ringawt a.

A car seat chu hawng pahin ka banah a rawn chelh a"lut rawh,inbiak kan ngai?"a ti hmak a.

"Hetah hian sawi ve mai la,hmun dangah ka kalsawn theilo"ka tih rualin min nem lut a,kawngkhar chu pawn lamah a lock zui nghal a.

Rang zetin driver seat lamah a rawn thu a,a tlan zui nghal daih a,inchhung lama mi thenkhatin min rawn en zui ka hmuh chuan rum zetin Donny-a chu ka melh hrawk a.

"Khawnge kan kal dawn?"ka tih chuan Rempuii te in atanga hla vaklo hmun reh laiah chuan a ding a,ka inrinloh em avang chuan hma lamah ka bu dawrh a.

"A ni kha tunge?"a rawn tih chuan alam ka hawi a,hmui chip hmakin hmalam a lo en ngul a,car stearing a vawnna a kut chung chu thisen zam a lang kulh bawk a.

A thinrim leh tawh a ni maw!engvanga thinrim ringawt nge a nih le?"tu chu maw?"pawn lam en pahin ka ti a.

Ka dara min rawn kuai nawk pahin"hrelo der suh,ka hmu ve vek che u,midang hriat loh turin engthu nge in sawi,i bula thu mipa nen khan?"a ti hrawk a.
"I hriat ve zel a ngailo"tiin a kut dahsawn ka tum a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:16 pm

A kut chu la sawnin ka biangah a rawn dawm bet a,ha chang tial rawp rawp pahin"min tih thinrim kher i duh a mi?a ti chhur chhur a.

Ka biang chu a na vawng vawngin ka hria"Rempuii te thenawm mi,ka thianpa sawmtea nih kha"harsat zetin ka ti thei hram a.

Hnai zeta rawn kunin"ani nen khan in infawp tawh em?"a rawn ti nghut a.

Hepa tak zet hi chu aw...duh duh ina an fawh theih ka ni bik lo,thinrim tak chungin a hmaia ham tumin ka kut ka phar a,lo thle sawnin ka kut chu a hneh sawh zetin a man bet a.

Thinrim aw khur hlawk hlawk chungin"min thlah rawh,mipa duh duh ina an fawh tur ka ni bik lo,i laka ka insum theì loh avangin min ngainep viau suh"mittui tling piauin ka ti a.

"Pimpom"tichunga rawn kun hniamin ka hmuiah a fawp vang vang a,ka kut hum ruhin min fawhna chu chhang let lo turin ka in fuih ru a,a lei lum ther ther leh thap hrak maiin ngengawl zeta ka hmui a rawn nawr kau chuan ka thaw hak a,a lei a rawn hawl kual chuan ka taksa zawng zawng a mur chhuak vekin ka hria.

Duhthaw zeta thawchham lek leka kan infawh hnu chuan Donny-a chu rang zeta a thu tha a,rum hawk hawk pahin a maimichhing a.

"vawin ni zeta chu a hahthlak hle mai,nangmah ka ngaituah reng che avangin hna pawh ka thawk hlei theilo,ka phone call leh message engmah i chhang thei bawk si lova,tihngaihna ka hriat loh avangin nangmah hmu turin ka rawn kal tawp a,nang lah chu midang zingah hlim tak leh min ngaituah miah lovin i lo awm a"a ti sap a.

"zing atang ka buai em a,bakah ka bag chhungah phone dahin ka silent a,engmah ka hrelo alawm"ka ti a.

"i bula thu ve kha tunge a nih?"a ti hmuk a.

A hmel en pahin"sawmtea kha maw!a ni te chu ka thian tha tak alawm a nih,a fel lutuk,nichin pawh khan ka chauh thu leh rawl thu ka hrilh a,a nu massage na khawl hmang ve turin min ti a"ka ti sap a.

Ka naka rawn zutin"i khawi lai ber nge rawl a,sawmtea nu khawl ai chuan kei hi i tan ka tha daih zawk"nui suk pahin a ti a.

A kut dah thlak sakin"i van ho thei tak,Rempuii ten rei min ti lutuk palh ang,min thlah phei tawh la"ka ti a.

Motor tinung in"min va ngai love a,sawmtea kiangah khan awm tam lo la ka duh a ni,a melh dan che kha ka duh lo,ka ta i ni tih a la hrelo a mi?"tiin a tlan chhuak a.

"i thik a ni maw?ani te chu thian tha tak alawm a nih"nui hak pahin ka ti a.

"Ka thik lo ka tih chuan dawt ka sawi ang a ni dawn si a,i thian tha tak anga a awm avang tak khan a bul hnaiah awm tam suh ang che,a kut hmawr pawn a tawk tur che a nilo"a ti hrawk a.

Rempuii te inkawt kan thlen chuan engtin mah chhang zui lovin car kawngkhar chu ka hawng a,ka bana rawn man in"ka sawi chu i hria em?"a ti hmuk a.

"bengchhet ka ni lo my boss,min thlah rawh"ka ti a.

"Zanah ka rawn bia ang che"tiin min vawnna chu a thlah a.

Donny-a tlan liam chu thlirin ka lu thing nak nak pahin ka thaw chhuak halh a.

Inthlahrung ru tak chungin inchhung lamah ka lut a,ka nu in a kuta min rawn hui chuan a kiangah ka va thu a"eng chungchang ber nge ni a?Donny-a awmdan kha a lungawi loh hmel si a"zawi sapin a ti a.

"A phone call ka chhan hman lohvang mai mai lawm,engteh vak mah a nilo"ka ti a.

Zana Rempuii nen kan mu tur chu Rempui'in"Donny-a leh nang hi chu in buai thlak ve ngawt mai,engtik lai pawn awmdun in tum a mi le?"a tih chuan nui hak pahin"innei mai tur nilo ula chuan tiang khan min tawng khum hauh lovang"ka ti a.

Donny'an min rawn phone chuan tukverh bulah kalin ka pick up vat a.

Aw thawp satin"Pimpom tunah tak hian i kianga awma kuah vawng vawng che ka chak khawp mai"a ti a.

"i chak ringawt a maw?i duh tello a mi?"fiam deuh pahin ka ti a.

Rum nghut pahin "khatiang khan min chhaih hauh suh,ka rawn kal dawn pawnah i rawn chhuak thei ang tiraw,tun atanga minute 20 velah ka rawn thleng ang,pawnah lo awm la"tiin phone chu a dah zui a.

Ka phone melh ngawt ngawt pahin"a mak thei e"ka ti chhuak sap a.

Rempui'in"engmaw mak a?"a rawn tih deuh hu chuan khuma thu thlain"Donny-a rawn kal a tum a"ka ti a.

Min melh vang vang pahin"nangni hi tleirawl inngaizawng hlim ang mai in ni,zanin te chu kan pahnihin mu chungin kan titi mai mai thei dawn emaw ka lo ti a,meng rei lo la a tha ang,vawiin lamah kan chau si a,mahse,i duh leh i boss i hmu dawn nia,midang hriat loh tura awm in tum hram dawn nia aw,tukverh atang hian chhuak mai rawh"tiin khuma mu in puan a sin nghal a.

Ka phone a rawn eng va va chuan ka en a,Donny'an message min rawn thawn in"pawnah ka awm nia"a ti a.

Shawl pakhat batin thawm dim zetin Rempuii room tukverh atang chuan ka chhuak a.

Pawn ka thlen chuan Donny-a car ka hmuh nghal mai loh avangin ka hawikual ruai ka hnung lam atang ka bana min rawn man chuan ka phu zawk a.

"keimah i bialpa"tiin min kaisawn nghal a.

In piah deuh hlek thim china a motor a hunna lam chu min pan pui a"min tiphu nasa lutuk,a vawh tehreng nen inah mu lum ve mai ta che"thaw halh halh pahin ka ti a.

A motor seat hnung kawngkhar min hawn sak in"keimahin ka mu lum zo tawhlo"a tih chuan nui hakin ka en a.

Ka kianga rawn thu lutin ka kawngah a rawn kuah a,ka hmai bulah a thaw ham ham zui bawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:17 pm

MY BOSS-30


Postby Basta Tlau » Sat Nov 19, 2016 7:49 pm
A vawt ka tih em em vang ni lovin,ka khur dar dar a."Donny"tichhuak sap in a alam ka hawi a.

Ka shawl sin lai chhunga a kut rawn dah lutin"a vawt i ti a mi?"tiin ka kawr chhanah chuan min chul kual ruai a.

Thaw halh pahin"mi in min rawn hmu ang e,a chi loh"ka ti khur dar dar a.

Ka tawng zawh rual chuan a lam hawiin min kuai her a"engatinge i hlauh viau a,thil tisual pawh kan ni lova,midang tihbuai kan duh loh avangin keimahni zawk zan khaw vawt hnuaiah kan in hmu a,midang ngaipawimawh vak a tul lo"tiin ka hmuiah duhthaw zet leh riltam hmel takin a rawn fawp bawr bawrh a.

Min fawhna chu lo chhang let vatin rum chhuak ham ham chungin kan inkeih buan buan a,kan lei te chu a in leh thal nak nak bawk a.kan kut chu a awm hle hle lo kher mai,a rem lai apiangah kan in chul ruai a,motor seat chep zeta min bawh deuh run pahin"ka mamawh che"tiin a kut chu ka kekawr elastic chhungah a rawn dah lut a,ka kawr lum leh bra chu hlim chho dunin ka hnute a hmur kawh lah mai chu duhthaw zetin a fawp a,a chang leh a hne dek dek a,ka taksa zawng zawng chu a kang ral riai riai ni berin ka hria,kan lungphu ri te chu a inthum rawn tlut tlut a.

A mipatna khawng tha tak maiin ka mal a rawn do ul chuan,a sam kara ka kut rawlh lutin mitmeng phi deuh ruaiin Donny-a chu ka melh tawk tawk a.

Phun hluk paha thut that avang chuan makti zetin ka en ha a,a lu dawma kunin a thaw hawk hawk a.

Thu tha ve nghalin "ngatinge a"zam ru deuh tak chungin ka ti a.

Motor kawngkhar chu hawngin engmah sawi lovin a chhuak daih a,ka kawr chu ka siam tha nghal a.hepa mizia leh awmdan hi ka hrethiam thei ngai dawnlo a nih hi,tukverh atanga ka Donny-a awmdan ka en chuan ka thaw hak a.

Kawng sira thingkung pakhat chu a lo tlawh thuai thuai a,Rempuii te in lama let tumin Motor kawngka chu ka hawng a.

Hmeichhe dang ang tho ka ni,min tiphur te te a,min kalsan leh daih si,mahse a ni pawh a awmdan atang a phurin ve hle a ni tih ka hria,ngatinge tianga a khawsak tak thut le?

Lei ka rah rualin ka bulah a rawn ding run a,a hmel pawh en duh lovin"a tlai tawh va haw rawh,kei pawh ka mu duh tawh"ka ti nghal a.

Ka kawngah rawn man betin motor chhungah chuan min nghat a,a awma chum chawrh chawrh pahin"min thlah rawh,i duh duh danin min tikual tum reng suh"ka ti hlar a.

Ka bianga rawn chelhin"ka tikual lo che,ka hmangaih che a,sex avang chauh a hmangaih che ka nilo tih fiah ka duh a ni"thaw hawk pahin a ti a.

Chhan ngaihna reng ka hrelo,rem leh rem lovin ka bulah chuan a rawn inhnawh lut a.motor seat hma lama a awn phei chuan ka en ha ringawt a.

No pahnih nalh zet mai rawn phawrhin"kha hei hi han in teh,kan hotela an siam thar a nih kha,a dai deuh hlek tawh mai thei ni"tiin no pakhat zawk chu min pe a.

Tlem te ka in hlek a,a tui hle mai,chocolate rim a nam lehnghal.chocolate a tel tawh hi chuan ka lungawi vek zel,dil chhut hmel taka Donny'an minlo en reng a ni tih ka hriat chuan nui sang chungin ka in zawm leh a.

"Enge a an?"a tih chuan ka lu bu nghatin"a tui lutuk,ka dam sawng sawngin ka hria,tu siam ber nge a?hetiang te chu pawisa neilo chung pawhin a ba a nitin in ziah ka duh ang"nui hak hakin ka ti a.

A thil kenlai chu lungawi hmel takin a lem zauh a."Remruata hotel-a kan chawlh atang khan ka ngaihtuaha,nang lah khan Rempuii te thil in lai kha i in chak ve hmel si a"nui hak pahin a ti a.

Ka thil in lai ka hak deuh ti tih avang chuan ka khuh kharh kharh a,ka hnunga zawi te te a rawn chum pahin"naupangchhia ang mai,fimkhur ve la?"a ti a.

Ka zia deuh hnu chuan nuihza ang reng tak chunga a lam hawiin"chocolate chungchang kha chu min puh miah suh aw,nangmah zawk a nih kha thinrima ti tau lek lek"nui sang chungin ka ti a.

A lu thing pahin"ka hmu ve vek che alawm,in chak hmel taka chocolate no i en kha,ka khawngaih vang mai mai che nih kha,sawi zui tawh lo ang,i thil inlai kha in zo vat rawh"thu tak zetin a ti a.

"Ole my boss"tiin ka inzawm nghal a.

Ngawi renga kan thut vang vang hnu chuan Donny'an"nang hi ka tawng lovang che tih ka hlau ngawt mai,nang ka tawn atang che khan he khawvela ka nun hman dan hi in let nghal thawk a ni,ka nundan zawng zawng te nen min tidanglam vek a ni hi"a rawn ti chhuak sap a.

Engtiang pawn lo nungin lo khawsa thin mahse,a nun hlui avangin ka buailo,a ni ka tawn atang hian ka nunah nula leh tlangval inkara hmangaihna awmzia a takin ka hriat phah zawk a ni.

"nangpawn ka nundan i tidanglam nasat em hi"ka ti sap a.

A sana bun lai a en chuan"a va lo tlai tawh ve,muthilh i mamawh si a,va lut tawh rawh,i damloh ka remti dawn miahlo a nia"tiin ka hmuiah a fawp zeuh a.

Rempuii te in lam ke in min panpui a,ka shawl sinlai chu kan insin tawm bawk a.an in kawt kan thlen chuan ka hmuia fawp vang vangin"va lut rawh,ka lo en reng ang che,hetianga kan awm reng chuan ka thutiam ka bawhchhe palh mai ang,chuan i mumangah minlo hmu dawn nia,ka hmangaih che"tiin min thlah a.

"va haw tawh rawh,tukverh atang ka lut dawn"nui sak pahin ka ti a.

Ka bula rawn thleng lehnghalin"tukverh atang a,i inti na palh a nge,ka lo pui ang che"tiin min kai a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:17 pm

Thawm bengcheng kan siam ang tih ka hlau avangin engtinmah hnial buai lovin ka zui a,ka bengbula rawn phun sar sarin"khawilai hi nge a?"a tih chuan Rempuii room zawn eng dul raih chu ka kawk a.

"Keimahin ka lawn thei,kalsawn tawh rawh"ka tih chuan engatan mah ngai lovin tukverh bulah kan ding dun ran a.

Ka ke ka kar rual chuan zo zetin ka mawngah a rawn nem kang a,ka phu chiang bawk sia,thawm neih ka hlau bawk nen,hmanhmawh zetin ka lut nghal a,a nuiri huk ka hriat chuan rum zeta melh chungin ka kut zaizir kal turin ka ti a.


DONNY(POV)

Ka nun hi hmeichhe pakhat avangin a danglam a dawn a ni tih ka hrelawk bik hauhlo,thildang zawng aiin ka Pimpom-i hi ka mamawh a ni.engtiklai pawhin a kianga awm ka duh a,ka taksa leh a taksa nem thap mai hi super clue hmangin char bet thei ila ka duh.

Aizawl atanga kan haw zan chuan ka chhungte kan haw tur thu ka hrilh lawk duh lova,ka kal tur thu ka pa ka hrilh pawh khan a lungawiloh hmel hle a"hmeichhia um phar reng ngai lovin nupui nei vat ta che"min ti a nih kha.

Ka pimpom-i te in atanga ka haw hnu chuan Hotel-a riak turin ka inkhalh chhuak a,hotel ka thlen rualin ka thianpa muanchhan'an min rawn phone chuan mak ka ti rilru hle a,tunang zan reiah engthil nge ni dawn le?thaw halh chungin ka pick up a.

"min ngaihsak tawhlo kher mai.Heleni i tawn hma kha chuan hneawm khawpin min zar buai a,tunah chuan kei aia zar buai tur tha i nei tawh bawk a,a tih zia hle mai"nui hawk hawk pahin a ti a.

"Ka zar buai kherlo che,tunang hunah ngatinge min rawn biak a?"ka ti hmuk a.

"ka paper prsent chungchang min rawn zawh ve ka beisei tehreng nen tak takin I pa in min rawn phone a,engmah ti lova Aizawl lama i zin thu min hrilh a"nui huk huk pahin a ti a.

Ka lungawilo ru hle mai,"nia ka zin alawm,nuam ka ti hle bawk"ka ti ngat a.

Muanchhan'an"thianpa nangma nuam tihna chauh kha ngaihtuah suh,i hmangaih a nih chuan engkimah ngaihsak la,a duhzawngte hriat tum rawh,nangmah chauh i inngaihtuah reng a nih chuan nakin lawkah lungawi lovin a kalsan thuai ang che"a ti a.

Kan inbiak zawh hnu chuan room-ah lutin ka ngaihtuah zui a,ka Pimpom-i nen hian kan inhmangaih tawn a,kan inhip tawn hle bawk a ni.chutiang ang a nih vang chuan hmangaihna pawh vawi engemaw kan chen dun tawh bawk.

Ka inbualzo khuma ka mu chu ka pimpomi ngaihtuahin ka taksa a sa pup pup a.a kianga ka awm phei chuan engtiklai pawhin ka insangmar reng zel a,hui pap pap chungin kan inneih hma chuan Sex ka hmanpui tawh lovang,engkimah keiman tawk tarh siamin kan mudun ziah a,kei ka chet loh chuan ani pawh a che hmasa bik dawn lo tih ka hre chiang,Ka Pimpom-i a ni miau a,mahse keimah zawk hi ka insum rei thei angem le?kum thar ni vat sela ka ti ngei mai.

Ka phone ri avang chuan peih lo zetin ka tho chhuak a,ka nu in"engah nge in rawn haw thu engmah i sawi loh,i patea ten min hrilh lo sela chuan ka che buai viau ang,i hman hunah chaw ei turin rawn haw ang che"tiin a dah zui a.

Ka nu tak hi chu aw,mangang hma thei si a,nupui ka neiha fa kan neih hunah chuan a zia ve tawh em ang chu.nui suk chungin Pimpom-i chu a chau awm si a,call buai lovin message thawnin ka va wish a.

Kan chaw eikham hnu pawh chuan engmah min rawn la reply lo,ka nu le pa ten min zilhna pawh chu ka beng vei lamah a lut a,ding lamah a chhuak lehnghal tih ang mai a ni.

Dawhkana ka phone chu ka melh deuh sek a.ka nu in fianin ka hmazawna plate a rawn tih rik chuan ka phu deuh zuk a.

Rum zeta min melh pahin"i pa tawng chu i hriat em?a mak em em lutuk,tleirawl pawh i ni tawh lova,tlangval ah pawh senior lampang tawh lehnghal,insum ve deuh ta che chanchinbu leh internet lamah in chanchin hlir a nih hi an tarlan,a rem veleh inneih ve tawh rawh u"a ti hlak hlak a.

Tho chhuaka nui suk chungin"lungngai suh u"ka ti a.

Ka pa in"nizan hmasa lamah pawh an inah va kalin urlawk zan kan ina rawn hmang turin kan sawm a"a tih chuan ka pen laklawh lai pawh sawi lovin ka ding chawt a.

Phawk zeta ka pa en chungin"Pimpom-i te inah in va kal a maw?ngatinge engmah min hrilh lawk loh engthil nge in va tih,Nu Muanpuii ngaihdan a nilo viau a nge?"ka tih chuan ka nu in"kal mai teh?,nangpawn keini min rawn der hmasa miah lovin Helen-i te Aizawl kal i zui ve tho kha"a ti a.

Dawhkan bula ding chungin"engthil nge in va tih ka tia lawm?"ka ti hrawk a.

Ka pa in"bawiha lungngai suh,i hlauhthawn ang thil engmah a thlenglo,kan fapa in a atchilh tak hmeichhia te chenna kan hriat duh vang mai alawm,a nu pawh a fel khawp mai"a ti a.

Thaw deuh huai pahin"mahse in kal leh dawn a nih chuan an mahni tal hrilhlawk hmasa tawh rawh u"tiin ka kalsawn a.

Ka nu in"a mak e,ngaihzawng pakhatna nei ang mai Helen-i hming sawi tawh chuan a vin hlur zel a"a ti lang lang a.

Ka phone ka en chuan engmah Pimpom-i message a la awm lo,tunah Dar sawm a ri tawh a,a la tho lo mi le?ka call chuan a in ring ral thak a.

Office ka thlen pawh chuan ka try char char a,file khawih tur intiang ur ka hmuh chuan ka rum nghat a,hna pawh ka duh angin ka thawk sawt hlei theilo,hnathawk pakhat chu ko lutin phone ka pe a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)