MY BOSS BY Basta Tlau

[Ngaia]

An bulah va kal pheiin"eng nge a natna dik tak hi ni a?"ka va ti nghal a.

Ka nu bula lo ding chuan"blood smear test result atang chuan a cancer ngei a,thildang chu kan la ti thei rih lo,a awmdan atang hi chuan Acute myelogenous leukemia(thisen cancer)a ang khawp mai a ti a.

Ka awih theilo zawk,ka pa bulah chuan va kal hnaiin a kut cher tak maiah chuan ka va khawih a,a chauh hmel ngawih ngawih a ni"Pa,ka hmangaih che"ka tisap a.
Ka pa hian a hmaa mittui tih thlak hi a duh ngailo a ni tih ka hria,chuvangin ka insum hram hram tur a ni.

Ka bula ka nu chu rawn dinginn min rawn kuah chungin ka pa chu a nuih lui sak a.

"min ngaidam ang che u aw"tawng harsat hmel zeta ka pa in a tih chuan ICU chhunga awmho chu kan ngawi thap a.oxygen an hip tir chu kham loh hmel takin a thaw kawk a,ka nu kut chu rawn vawn sak pahin"ka hmangaih che u"a ti zawih raih a,a tawng tawp lampang chu hriat a harsa khawp mai.

Ka pa awmdan chuan min shock em avangin engmah ka ti theilo.ka nu, ka pa bawh thlawp chunga a tap hawm hawm laite chuan ka ding tlawk tlawk ringawt a.

Ka awih theilo zawk a ni,"Pa,ka pa,ngatinge tianga i awm?"ka chhuak sap a.

Nurse pakhatin "pawnah lova awm lawk ula,tih tur tul kan han ti lawk ange"tiin ka nu nen min chhuah pui nghal a.

Kan chhungkhat te chu pawnah an lo awm khawm laih mai a,ka nu chhuata a tluk laite chuan chet ngaihna reng ka hrelo a ni,khawl ang mai ni ber in ka inhria.

Rempui'in min rawn kuah thlawp pahin"awi Helen ka awih theilo ani"tiin a tap hlap hlap a.

Engkim ka chhungten an tihfel hnuin Lunglei lamah ka pa ruang nen kan haw a.

Kan in leh a chheh velah Mipui tam tak awm mahse a ruak ngawih ngawih in ka hria ni.Thlanmual lama ka pa ruang an kalpui dawn chuan nasa zetin ka tap hawm hawm a,"ka pa engtin nge i tel lovin,ka awm tak ang,ngaidam min dil a ni tiraw,ka ngaidam thei lo che a ni,khawngaihtakin min ngaidam zawk rawh aw"tap chungin ka ti a.

Tunah chuan ka pa in min boralsan na pawh thla khat vel zel a ni tawh,mak ka tih leh ka thinlung tihnat belh fo tu chu Donny-a ka ngaihtuah leh fo thin hi a ni,engvanga a ni kha lo ring nge ka nih.

Lengpuia atanga min rawn biak hnu khan a reh nghal hmak a ni.

Hotel lama hnathawk tura ka kal zawmna pawh ni thum lai a ni ve ta,Donny-a hmel hmuh tur a awm hauh lo,a office chu Venhim'an a luah a,nikhat Venhima nen kan intawk chu kan kianga midang an awmloh avangin"khawnge Donny hi,enge a chanchin?ka tih chuan nuizat hmel taka min en chungin"a nupui hual nen an zin dun aniang"tia min chhan chuan ka nghing lawiin ka hria.

Engtin mah chhanglet tawh lovin,inthiarna lam pan chuan ka tlansan nghal a.ka rilru a na takzet a ni,ka awm tawt zet chu ka chum pawp pawp a.

Zankhat ka nu nen ina kan awmdun lai chuan ka nu in"he recorder a i pa tawng hi ngaithla dun ang aw,damdawi ina a awmlai khan nurse pakhat a record tira,min lo pe a keimah chauha ngaihthlak ka duh lo a ni"a ti a.

Ka pa tawng kan ngaithlak dun lai chuan makti zetin kan inen dun ran a,mak ka tih zual em em chu Donny-a nen inneih tura min ti chu a ni.

Engtikah mah kan innei ngai lovang,ani chuan nupui dang a nei tawh dawn a ni.kei hian ka haw ngawih ngawih bawk,engmah sawilo a hmeichhe dang bula min kalsan daih avangin mipa nep tak leh dawihzep tak a ni.

Ka nu in"ngatinge Donny-a hi a rawn lan tak miah loh le?thil thalo tak a thleng emaw ni dawn le?Helen in inbe ngai em?ipa hian ngatinge ani hi pasala atan nei tura a tih tlat che le,mahsela,kei chuan ka nawrlui lovang che,nula puitling i ni tawh a,nangma pasal tur chu nangman i thlang dawn nia,mahse fimkhur la"a ti a.

"Ka nu khapa hming kha khawngaihin sawi lang tawh lovang,ani te chuan nupui dang a nei tawh dawn alawm,bakah kan inkarah engmah a awmlo bawk a"tiin ka nu chu ka kuah vang vang a.

Ka nun hman dan chu a ho hle in ka hria,hotel lamah theih tawpin hna ka thawk a,chumi hnuah chau hnepin inah ka haw leh thin a ni.

Donny-a chu hriatchhuah chang ka nei fo a,mahse ngaihtuah loh tum lui tlat chungin thil tih tur ka zawng ruai thin a.

Kan inkawta motor zan lama inhung fo thin chu a mak ka ti a ni.a chhungah chuan hmeichhia leh mipa an awmdun fo a,inngaizawng pawh nise helai hmunah kher thla hnih chhung an awm reng mai chu a mak a ni.kan thenawmte pawhin mak an tih thu an sawi fo thin.

Hotel vela Donny-a chhungte ka hmu ngai ta miahlo chu a mak ka ti a ni.nge nia Venhima leh Pu Duhawma kutah engkim hi an dah tawh zawk,mahse engmah thu thar a awm bawk si lo.

Ka thawhpui thenkhat tena"ngatinge Donny te chhung hi an rawn kal ngai tawh loh le,a chhan i hria em?"an tih chuan ka lu ka thing ringawt a.

Venhima leh Pu Duhawma ka kal pelh changa min thlir zui fo thin chuan ka thin an ti ur ru ngei mai.kan duty na hran hranah CCTV an hungte chu a tul lo hlein ka hria,Hotel kawngkapui hmun thuma an dah sa ho hi a tawk hle si a.

Ka pa boral atang thla ruk a liam hnu pawhin ka nu nen khawhar takin zan lam hun kan hmang fo a,zan lama a duty chang chuan Rempui'in min riah pui thin a.

Venhim nen chennai lama zin turin min ruat chu amak ka ti

[Ngaia]

MY BOSS-10


Postby Basta Tlau » Thu Oct 27, 2016 8:43 pm
Ngatinge kei kher hi min thlan le?hmundanga ka nu kalsan thei ka ni lo,kan cham hun chhung tur engmah a la sawi lawk theih loh zui lehnghal.

Venhima leh Pu Duhawma bula ka kal theih loh thu ka sawi chuan"nanglo tunge kal anga,experiance ngah ber i ni a,tuna meeting tur hi kan hotel hmasawnna mai bakah Mizoram tan a pawimawh tak zet a ni"Pu Duhawm'an thinrim hmel zeta min melh pahin a ti a.

Ka nu bula vui deuh lek leka zin tura min ruat lui thu ka sawi chuan"i vannei khawp alawm,kei chu min ngaihtuah suh,i pa boral atang khan,hotel-ah leh inah i awm ngawt ngawt a,hmundang ah kal harh nachang pawh i hrelo,i rilru tih harh nan i zin ngei tur a ni"a ti a.

Ka zin hma zan a Rempui'in, Dr Romawia a rawn lenpui chu ka haw ru ngei mai.Donny-a ka chunga a chet dan tenawm tak ka hriat fo thin avangin mipa min beisei deuh hlek tute chu ka ten a,ka haw hluah hluah bawk zel a.

Dr Romawi'an min duh thu Rempuii hnena a sawi atang khan ka haw em em a,thiantha tak anga kan inpawh lai ang khan tunah chuan ka nelin ka kawm thei tawh lo a ni.

A hmel,pianhmang leh mizia lamah chuan han sawisel tur a awmlo,hmeichhe tam tak pawhin an ngaizawng nasa hle tih ka hria.mahse ka duhzawng a ni tlat lo a ni,midangin an duh vang ringawta,keia lo duh chawp ve ringawt nachhan tur thu a awmlo.

Dr Romawi'an "Helen,khawngaih'in i thian tha tak angin min ngai leh hram rawh aw"a tih chuan "ka thian tha i ni reng alwm,abak kan inkarah engmah awmlo se ka duh?"ka ti a.

Kan mut hmunah Rempui'in"Helen i mak em em e,Dr Romawi'an a duhzia che leh a ngaihsak zia che hi i hrelo a mi?Donny-a nen in chanchin vel hi engmah ka sawipuiin ka zawt ngailo che tih i hria,ani khan a hmangaih tak tak lovang che,theihnghilh tawh mai rawh.ka Patea boral atang khan a hmel tak ngial pawh a rawn lan duh tawh miah loh hi"thinur zetin a ti a.

Ka puansin hmer ngawt ngawt pahin"ka theihnghilh tawh alawm,khawngaihin a hming sawi ri tawh suh,ka haw takzet a ni"ka ti a.

"A nih chuan Dr Romawia hi duh mai rawh,ani meuhin a ngaizawng che hi i vannei tak zet a ni.pasal atan chuan min hmangaihtu mipa neih hi a hlu ber"a ti sap a.


DONNY(POV)

Thlawhna atanga kan chhuah hnu Airport terminal chhunga kan awm laiin kan piah deuh hleka thawm ri hak chu ka hria a,ka pimpom-i aw ri ka hriat chak tawh em avangin ngaihsak loh tumin hmanhmawh takin ka suitcase chu nawr pahin an lam chu ka va hawi zuai a.

Ka thil hmuh avang chuan ka suitcase hnutchhiahin rang zetin an lamah ka va dawk phei nghal a.

Ka thianpa Abhinav-a pa chu mipa pathum in chemte leh silaia tin chungin terminal pawn lam panin an kalpui mek a ni.silaia tin tu zinga mi pakhat chu misual rothap ve tak kei ngei pawhin vawi hnih lai ka man tawh kha a ni.

An bul ka thlen rual chuan na zetin a hmaiah ka hnek sak nghal thuai a,a pai chawn chawn a,ka ban rawn thip zawk chu ka hria mahse ka ngaihven hmanlo,min rawn bawh tum tupa chu a bekah ka lo pet sak chawrh a.

Silai puak ri ka hriat rualin ka ke chu a zawi nghal hnawk a,ka khaw hmuh chu a phe nghal ruai a,ka biang rawn lum thla puat chu ka thil hriat hnu hnung ber a ni.

Ka harh leh chu ka taksa peng tin mai chu a na thum vek ni maiin ka hria,ka lu lah chu a haiin a na vin tuk a.ka dangro lutuk avang chuan tawng chhuah harsa ka ti takzet bawk.ka ban thip lo lam ka tihchet rualin ka nu awri in"a rawn che,ka fapa hi a che ni"a tih ri ka hria a.

Ka mengchhuak chu ka vai deuh ruai in ka hria,keimah min buaipuia an tawng ri nauh nauh chu ka hria.Pimpom-i ka ngaihtuah vat a,ani kha ka be leh ta miah si lova,a lo lungawilo viau angem?nge a lo lawm zawk phian ang?ka Unaunu Dr Evelyn'in "ka rinai a rawn harhchhuak hma,a lawmawm khawp mai,test hrang hrang atang hi chuan engmah that lohna a neilo,mahse a chala an kah thawina hian a thluak vel a khawih leh khawih loh hriat nan amah a rawn harhchhuah phawt a ngai ang"a tih chuan ka meng kawk a.

Tawng ka tum chu ka dang a ro em avangin"tui"ka ti ringawt a.

Ka mutna khum chu tikan in tui min intir a.ka nu in"Donny min hria em?"a tih chuan nui suk chungin"nu,engtia rei nge hetianga ka awm"ka ti sap a.

Ka nu chu maimichhing a thaw hawk chungin"Lalpa ka van lawm tak em,nithum chhung zet nikhaw hre lovin i awm ni"a ti a.

"khawnge ka phone hi Pimpom-i ka biak vat angai"tiin lu rit zet chungin ka hawi kual a.

Ka nu leh ka unaunu chuan phawk zeta min en pahin"kan uite kha maw!"an ti rual thawt a.

Maimichhing vang vang chungin"ka bialnu Helen-i,ani kha ka biak ngei ngei angai"ka tih lai chuan ka pa chu hlim hmel zeta a rawn tlan lut a.

Min rawn kuah vang vang pahin"ka fapa,ka chhuang takzet che a ni"a ti sap a.

Ka nu in"i thawhpui thin Pa Hruaia kha accident i tawh ni khan a boral a,tunah chuan a fanu chu be hrilh lo phawt rawh,nangmah hi inngaihtuah hmasa la,chuan dam ver vawrin mizoram lamah kan haw leh dawn nia"a ti a.

"Tunah ka biak angai lawm,a aw hriat ka duh"luhlul zeta ka tih chuan ka unaunu in"be lo la,i tan a tha zawk ang,ani khan i sum a duh vang chauhin a be tha mai mai che a niang"a rawn tih chuan ka rum ngat a.

[Ngaia]

Mi chanchin i hriat chian loh chuan sawi ringawt thin suh"ka ti a.

Ka unaunu in"Dr Romawia nen an inzui ngawr hle ni in an sawi alwm"a tih chuan ka na vawng vawng ni berin ka hria.

"Min chhuahsan rawh u,keimaha awm ka duh"tiin ka chhing vang vang a.

Ka chau nghulh ni berin ka hria,kha doctor pa nen khan an lo inzui ngawr hle a maw,Apa in a boralsan na pawh a la rei lo tehreng nen,midang hmai eng zah lek lovin an khawsa dun a ni ngei ang,tenawm leh lutuk mai,engang hmeichhia nge maw a nih tehhrep le?

Ka dam that var hunah phuba chu ka la ngei tur a ni,ka rilru an tihnat avangin kei hian an taksa leh rilru ka tina let ve ngei ang.

Ka lu leh ban a rawn nat deuh ngut ngut avang chuan nachhawkna in min chiu a,reilote hnu ah ka muhil leh nghal a,ka mumang ah Pimpom-i leh Doctor pa hlim taka an awmdun lai ka la hmu zui.

Min rawn sawitu an awm avangin ka harh a,ka khum bula Abhinav leh ka Cousin Venhima lo ding ka hmuh rual chuan thut tumin ka inbengkang a,an pahnih chuan minlo pui vat a.

Venhim'an "i rum nasa lutuk,in uite boral ta Pimpom-i kha i ngai viau a mi?"a tih chuan ka lu ka thin san ringawt a.

"In tihfai ka duh,minlo hruai lawk teh u,ka lu la hai deuh tlat a"ka tih chuan bathroom lamah min hruai nghal a.

Abhinav'an"i chungah kan lawm khawp mai,ka pa phei chuan lawmthu sawidan pawh a thiamlo,a nuna i chhanhim avang khan engtik lai pawn i hming a lam reng a,chuan Chennai a kan hotel siam Hotel chaudhary saw i hmingin a dah tur thu a sawi a,ka thik miahlo che a nia"nui var chunga a tih chuan rum ngat pahin "chutiangin ka chungah engmah ti suh se,keipawn Mizoram lamah Hotel ka siam ve tho tih i hriat kha"ka ti a.

"Ka pa thu ka hnial thei lo,nang pawn i hnial tur a ni lo,ka kalsan rih phawt ang che,i damthat hunah Hotel enkawl tur chuan i rilru siam ang che"a ti a.

Abhinav'an min chhuahsan hnu chuan Venhima hnenah "Helen Zothanmawii chanchin hriat i nei em?"ka ti hrawk a.

Makti deuh taka min en chungin a lu a thing a"nangman ngaihven lo turin leh a bul hnaia awmlo turin min tih kha"lungawi loh hmel zetin a ti a.

"Ka ai awhin kan Hotel-ah i thawk anga,miin ka chanchin an zawt che a nih pawhin hetianga ka damloh thu leh damdawi ina ka awm thu hi i sawi chhuak tur a nilo"ka ti a.

Thla khat vel zet Chennai Appolo Hospital-a ka awm hnu in chennai-a,Abhinav-a te in lamah kan chhungkua in,Abhinav- pa,Mr Sanjay chaudhary min ngenna leh sawmna avangin kan awm a.an in compound chhunga building pakhatah chuan Doctor leh nurse leh chhiahhlawh pathum ruaiin min chen tir a.

Hotel chungchang leh an hnathawh dan vel te chu ka Patea leh Venhim'an report min pe ziah thin a.

Venhim'an "Helen-i hian a la ngaituah hle che a ni,i chanchin min zawt a,i nupui hual nena zin dun angin ka sawi che a"a rawn tih chuan ka nghing deuh lawih a.

Hreptak chuan leh,engvanga ka chanchin chu lo zawt ve ngawt nge a nih,ka lakah atang hian engthil chiah nge a la duh cheu ni?

Venhima hnenah chuan Hotel a hnathawkho lan theihna tur hmun apianga CCTV dah vek tur leh Helen-i chungchang leh a awmdan chhui ruk tir turin ka ti a.CCTV record chu kar khatah vawikhat zel min rawn thawn turin ka hrilh bawk a.

Ka taksa leh hmel lan dan pawhin ngai a awh leh hle tawhin ka hria,ka nu leh pa ten min hawsan an tum chuan Mr Sanjay'an a phal tlat lova,"in fapa avanga la dam ka nih hi,in fapa hian min rawn chhan lo se chuan tunah hian lei hnuaiah ka taksa a tawih ral mek tawh anga,ka nupui leh fate pawh hi lungngaiin an indawm kun mek bawk ang,la cham ve hram rawh u"a ti tlat a.

An hotel lamah pawh min kalpui zeuh zeuh fo a.Mr Sanjay'an "he hotel hi i hmingin ka dah vek tawh a,chuvangin an hnathawh dan kal hmang leh tihdan vel hi hriatchian i tum dawn nia"a tih a ka hnial pawh chuan a thu tlukna sawh sawn a tum loh bur thu in min chhang a.

Ka nu leh pa bula chumi chungchang ka sawi chuan ka pa in"midang thawh chhuah sa awlsam taka neìh chu a tha lo,amaherawh chu hun engemaw chen chu an duh angin i awm anga,chumi hnu ah i pe let leh vek tur a ni,mizoram lama kan Hotel siam nen i thlun zawm dawn nia."a ti a.

Chaudhary Hotel ka enkawlna pawh thla 5 vel zet a lo ni ta reng mai.hotel-in hmuh theih khawpa hmasawnna a neih avangin ka hnathawh dan ah chaudhary chhungkua pawh an lawm ve hle a ni.

Zan tin ka tihdan pangngai angin CCTV record min rawn thawn chu ka room ah ka en a,kawngka an rawn kik chuan ka va hawng a,Abhinav leh ka nu chu orange Juice kengin an rawn inzui lut nghal a.

Ka laptop screen a Pimpom-i hmel chiang taka a rawn lan lai chuan Abhinav'an laptop kawk pahin"sawnu saw a ni,min zawn tir kha"a ti hluai a.

Ka nu in a no ken lai min pek pahin"Helen-i hi i hre ve a maw?"makti zeta Abhinav-a melh chunga a tih chuan ka thaw hak a.

Abhinav'an"vawikhat chiang vak lo in ka hmu tawh,Donny hian a ngaihven em a"a ti hluai a.

Ka nu in min en ha pahin"thudik a ni em?"a ti chang fak a.

Engtin nge ka chhan tak ang,Abhinav hi chu duh aiin a tawng tam thei thin mah mah a ni.

[Ngaia]

MY BOSS-11


Postby Basta Tlau » Fri Oct 28, 2016 1:50 pm
Ka nu leh Abhinav-a te chu chhang buai duh lovin,min chhuahsan zawk tur in ka ti a.

Ka nu chu a lungawi loh hmel khawp mai,mahse Pimpom-i chungchang sawia rilru tihah ka peih lo a ni.

He nu hi chuan mangchhia ang maiin ka nun a tibuai tak zet a ni.pangngai tak nun ka tum in Party na hmunah te,concert-na hmunah te hmeichhe hran hran kalpui thin mah ila,Pimpom-i angin min ti hlim thei tumah an awmlo.

Zan khat ka thawhpuite nen dinner kan ei chu nidang zawng ai ka in hnem avangin ka rui deuh hlek a,in lamah pawh haw lovin,ka cabin lama riah tumin ka kal a,elevatora ka lut chiah chu ka thawhpui pryanka in min rawn zui lut ve a,min rawn beisei nghal em em bawk a.

Amah zawk chuan ka nghawnga rawn kuahin min rawn fawp nghal bawrh bawrh a,rangtaka lo chhang letin kan in fawp mawlh mawlh a,ka cabin chhunga kan lut chiah chu dawhkana fax min rawn thawn ka hmuh avangin ka ding ngil zawt a.

Pimpom-i enthla tura kan mi rawih ten pimpom-i leh Dr Rammawia an in ngaihzawn an rin loh thu leh Dr Rammawia chu Pimpom-i cousin Rempuii te in lama a kal zin zawk thu an rawn sawi a.

Pryanka min rawn chul thuak thuakna pawh chuan engtin mah phurna min pe tawhlo,ka awmdan avang chuan makti deuh taka min en chungin"Mr Don ngati teh thut nge a?kei hian ka tiphur zo lo che a mi?"ka benga rawn liak zeuh zeuh pahin a ti tham tiak a.

Maimiching sawk pahin"min chhuahsan la ka duh a ni,ka chau takzet a,keimaha mut hahdam ka duh"ka ti hmak a.


Ka hunawl neih chang apiangin pimpom-i phone number ka hriat bel em em mai chu dial ka tum fo thin a,mahse ka induh tawk ve na avang chuan ka dial lo leh thin a ni.


Ka ta a ni tawh a,midangin min chhuhsak mahsela, nei let leh turin ka bei ngei ngei ang.

Ka thawhpui te leh mizoram sawrkar lampangte chu bia in ruahmanna hrang hrang ka siam nghal a.mahse hengah hian ka hmingin engmah ka ti ngailo,Mr Sanjay-a hming hlir ka hmang thin a ni.

Venhima leh ka Patea chu bia in chennai a meeting neia Helen-i rawn kalpui turin ka ti a.ka hming sawi lang lo turin chiang takin ka hrilh bawk a ni.

HELEN(POV)

Ka thawmhnaw ken dan tur vel chu buaithlak ka ti takzet a ni.kan cham hun tur hrechiang ila chuan a zia deuh tal tur a nia.suitcase pakhat ka keng ta ringawt a,chawhma dar 10 velah Venhima nen Helicopter hmangin Aizawl lam kan pan a.

Helicopter atanga kan chhuk chiah chu Bolera silver rawng la thar zet maiin minlo nghak a.Lengpui lam pana kan tlan lai chuan maimichhing vang vang chungin hla ka ngaithla a,ka earphone vuah lai chu minlo dahthlak saktu an awm avangin ka mengchhuak vat a.

Ka hmai zawnah tak Venhima chu rawn kunin"a nuamlo a nia,hla min ngaih thlak san daih a,ti ti mai mai ang"nui vur vur pahin a ti a.

Rum zeta melh let pahin"min biak peih chiah pawh ka ringlo,bakah engber nge kan meeting na tura kan topic tih pawh i hre bawk si lova"ka ti hmak a.

Rum nghut pahin"i duh leh nuamchen tur angin in ngai rawh,in date i duh..."a tih rualin"ngatinge nang ang hi kan hotu atana an ruat duh zawk le?"ka ti ngat a.

"Ka rinawm avang leh ka taimak vang a niang,chuan ka hmel leh pianphung vang pawh a ni thei tho bawk"nui suk paha a tih chuan ka hmui tipawrhin ka lo rum khum a

Nui hak pahin"udon-a ai ka hmelchhe vak bik lo tiraw"a tih chuan rang zetin tukverh lam ka hawi nghal hmak a.

Ka dara rawn khawih pahin"i duh loh zawng ka sawi anih chuan min ngaidam rawh,mahse Udon-a hi i la ngaituah ve thin em tih hriat ka duh a ni"a ti sap a.

A kut chu dahthlaksak pahin"nupui nei tawh mipa hrim hrim ka ngaihtuah ngailo"ka ti hmak a.

A phun deuh nuah nuah hnu chuan"kei hi tlangval ka ni sia,min ngaihtuah bik a mi?"thu tak zeta a rawn tih chuan ka nui chhuak hawk a.

"Enge fiamthu ka thawh mi?"a ti leh hmuk a.

A biang piaisak pahin"nang hi i van lawmawm reuh tak,i tawngkam naupangchhia zia kha i hria em?"nui ver ver in ka ti a.

"Ka puitlin leh tlin loh i fiah duh a mi?"a tih chuan ka nuilai ka tawp nghal hmak a,"min be tawh suh"tiin hla ka ngaihthlak san leh daih a.

Lengpui airport kan thlen chuan Privat thlawhna in minlo nghak reng a,suitcase nawr pahin Venhima chu mak ti zetin ka en ha a.

Ka bana rawn chelh pahin ka beng bulah ringzetin"lut vat ang"a ti a.

Thlawhna chhunga kan thut fel hnu chuan Venhima chu melh pahin"heng tiang anga tih nachang hi engtin nge i hriat zawk a?"ka ti sap a.

A dar san ak pahin"min sawm tu te ruahman na vek alawm"a ti deuh ngut a.

"Mr sanjay chu a hming ka hre fo tawh a,mahse a hmel erawh ka la hmu bik lo,keini ber kher min rawn hre ve hi a mak ngawt mai"nui var var in ka ti a.

"a dik alawm,tiang thila ka vawikhat kalna tur a ni a,nangma kutah ka in nghat deuh tawp a nia aw?"a ti zawi sap a.

Thawveng zeta ka lu thle kualin"lungngai suh,kei hian ka hnungzuitu ah ka siam ang che"nui sak pahin ka ti a.

"keimahin min thlah thlam miah suh"a ti deuh ngut a.

Thlawhna atanga kan chhuk chu car nalh zetin minlo hmuak leh a,VIP ang maiin min cheibawl ni berin ka hria.

Venhima awmdan mawlh chu a mak ka ti hle mai,a nervous hmel hle a,a kut tang chu a khal neuh neuh bawk a.

[Ngaia]

A kuta va vawnsak in"i tha maw?"ka ti sap a.

A lu bu nghauh pahin "ka tha lawm"a ti tuak a.

Dik tak chuan keipawh hi ka zam ve tak zet a ni.tun ang reng renga ka zam tum hi ka la hre ngailo,mahse Venhima awmdan ka hmuh hian thlamuan angai tih ka hria a,amah ber hetianga a awm chuan thil a kal tluang lovang tih ka hlau a ni.

Chhaudhary hotel hmun chu zan tlai deuh tawhah kan thleng a,ka chau hnawk in ka hria,hotel chhawng chung ber room pakhatah min riah tir a.

Venhima chuan "i room piah lawkah hi ka room tur a nia,ka chau deuh hlek a,ka mutsan ang che,naktuk lamah kan inhmu leh dawn nia"tiin min kalsan a.

Khualchhawn nula pakhatin mamawh ka neih leh neih loh min zawh chuan engmah ka mamawh rih loh thu ka hrilh a.

Mut vang vang ka mamawh ber a ni.kawngka chu kalhin ka hawikual a,hetiang hmuna ka thleng thei hi vannei ka inti tak zet a ni.khum lian tak leh zau tak inhung ka hmuh rualin ka pheikhawk hlipin ka mu vang vang a.

Ka harhchhuah leh meuh chuan ni pawh a lo lang uar tawh a,ka mu tui tak zet a ni.ka harh hawkin ka hria.

Bathroom lamah intifai turin ka lut nghal a,ka phone rik avangin hmanhmawh zetin bathroom atang ka chhuak a,ka lak rual chuan Venhim'an dar sawm ah hotel conference room-ah meeting neih tur a nia,kan kal rual dawn nia,tlai suh aw"a rawn ti a.

Sana ka en chuan rinai takin a la,he hotel fan kualna hun thawl ka la nei a ni."hotel hi fangkual ila"ka tih chuan exercise a lak mek thu leh hotel a a awm loh thu a sawi a.

Hmanhmawh zeta inthlak sawk sawkin kawrfual par ban bul ha in,chapal dum ka inthawl bawk a,Venhima room lam ka en chuan pawn lamah a lo ln kalh a.

Hotel restuarant awmna lam chu ka pan nghalin,Dawhkan kil lam awlah chuan thuin eitur ka chah nghal a.ka thil ei lai chuan vaipa ngainatawm hmel zet hian ka bulah thut min rawn dil a,a rawn thut hnu chuan "Abhinav chaudhary ka nia"tiin a kut a rawn phar chhuak a.

Bawnghnute ka in lai chu ka hak tepin ka hria,ka hmui hup chunga a hmel ka en chuan a kut lo la phar reng chungin anui vur vur a.

He hotel neitu zinga mi a ni ngei ang,a kut chu vawnsak pahin"Helen"ka ti sap a.

"I hmel ka hmu chu ka lawm khawp mai"a tih chuan makti zetin ka en ha a.a tawngkam hman dan mai mai chuh.

Kan piaha nu pakhat thu chu kawk zauh pahin"ani hmel i hmu pawh i lawm ve tho ang tiraw"ka ti ngat a.

Kan bulah hotel a thawk mipa pakhat chu hmanhmawh deuh taka rawn kalin engemaw a rawn hrilh sur sur a.

Lungawilo hmel zeta tho chhuak pahin"kan la inhmuh leh ngei ka beisei"tiin min kalsan nghal a.

Hotel vel keimaha ka fang kual chu a lunglen thlak riauin ka hria,swimming pool bula thutna an siamah chuan thu in ka nu ka bia a.chutianga kan inbiak laklawh lai tak chuan swimming pool chu a rawn ri bawrh a,a tui per chuan min rawn tih huh nasat em avangin te that chungin ka dingchhuak nghal a.

Tuia cheng mek mipa taksa pian hmang ka hmuh rual chuan ka meng deuh kawk a,tarmit leh cap a khum avangin a hmel erawh hmuh chian a har hle,nilo,a ni thei lovang.

Ka lam hawia a rawn inhleuh tur chiah chu rang taka hawisawn in,ka tlanchhe nghal a.

Ka awmdan chu ka duhlo tak zet a ni.ka room chhung ka thlen chuan bang nghengin ka ding vang vang a.ka phone humlai ka en chuan ka nu nen kan inbe lakawh a ni tih ka hrechhuak a,mahse vanneih thlak takin ka nu chuan a phone a lo off daih a.

Ka awm dawm vang vangin ka thaw hawk a,"a ni kha a ni lovang,aw lalpa a hmel hmuh leh ka duh tawhlo a ni,min tanpui lul rawh"ka ti chhuak sap a.

Bathroom lam panin tui no ah chuan tui dahin ka hmai ka hnim pil vang vang a,a hnu lawkah thaw hawk hawk chungin ka hawichhuak leh a,chutiang anga vawi 20 vel zet ka tih hnu chuan ka zia hawkin ka hria.

Darthlalang hma a inchei tura ka thu chu ka mit a sen deuh ram a,van zialo tak,make up nidang aia ka hman nasat a ngai dawn ni maw?

Pawn fen sen duk ka khup khuh leh kawr dum tlema a ngawng zau deuh hlek ka ha a,pheikhawk block dum ka bun bawk a,ka kawr nghawng avang chuan ka sam ngil siau mai leh ka colour avanga sen duk chu ka thlah a.bengbeng leh thi silver ka inbel bawk a.

Ka room kawngka a rawn rik chuan rang takin ka va hawng a,Venhim'an"wow,i van nalh em em ve,i kianga ka kal ringawt pawh hi mipa thenkhat chu an lo thinrim nasa viau ang"a ti sap a.

Dawhkana ka clutch cold rawng la pahin"kan meeting na tura topic engmah kan hriat si loh chuan kan hawihai lutuk palh anga sin,chutianga kan awm loh nan nalh thei ang bera lan a ngai alawm"ka ti a.

A ban chu rawn phar chhuak zukin rang takin a dah thla lehnghal a,nui hawk pahin a kut a va man sakin"i zam viau a mi a,vaiho zingah chuan inngaih hmel taka kan lan a ngai nia"tiin pawn lam ka panpui a.

"A chi loh ania,vaiho in hmelchhe ler tak angin an ngai palh ang che"a tih chuan nui hawk hawk paha a bana kuah chungin"vaiho min ngaihdan ah mai mai ka buai lovang,nang hian thian tha thlamuantu i mamawh a,helai hmunah hian kei lo midang thlamuantu che an awmlo"ka ti sap a.

Meeting na lam pan tura Elevator atanga kan chhuak chiah chu ka thil hmuh avang chuan ka ding nghal chawt a.

[Ngaia]

Thaw halh chunga maimichhing in Venhima ban chu nghet zetin ka hmer a.ka mengchhuak leh chiah chu Donny-a ani tih ka hria,tuna min rawn en dan atang hi chuan min hmusit in min ngaihnep hmel hle bawk.

A bula hmeichhia a ding hmeltha zet hi a nupui hual chu mi le?a kekawr ipte a zen tlat avangin zungbun a bun leh bun loh ka hre thei lo a ni.hmeichhia zawk erawh chuan zungbun a bun ngei a ni.

Tawngka in min rawn be miahlo mahse min melh dan atang chuan keimah ah thu tam tak a sawi a ni,ka chhip atanga ka ke thleng chuan min ngainep tih hriat zetin min enkual dan dan a,ka taksa chhungril thleng chuan entlang a tum a ni ngei ang.

Ka awmdan chu ka duh lo takzet a ni,ka mur chuai chuai a,a vawh vang ni lovin ka khur ru der der bawk.

Venhima chu rawn khuh kherh kherin min nuih suk a,Donny-a lam hawi leh nghalin"udon kan lut dawn mi niang"a ti a.

Donny-a chu hawikualin a bula ding hmeichhe kawngah chuan a va chelh a,"Lut ang le"tiin a bengbulah a hmui a nul thuak thuak a.

En reng duh lovin Venhima chu ka kal sawnpui nghal a.

Meeting room chhung kan lut chu pangngai thei ang bera lan thumin a rukin thawk ka la vang vang a.midangho chuan min lo en duh ngei mai.ka hming an tarna zawn ka hmuh chuan ka ding chawt a,Director bul chiahah ka thu dawn a maw!Venhima nen chuan kan thutna a inhlat ngei mai.thil an hresual emaw ni le?

Hotel Restaurant a ka mipa hmuh Abhinav-a chuan a ban pharin min lo nuih sak a.

Ka thutna tur ka thlen rual chuan midang ho ding thup chu ka hmu nghal a.kawngkhar lam ka hawi chu Donny-a leh nichin lawka a hmeichhe kalpui rawn inzui lut ka hmu nghal a.

Ka thutna bul chiah an dah awl a lai takah chuan a rawn la thu zui.khawng he hotel neitu Sanjay chaudhary hi a awm tak.Abhinav chaudhary hmel ka va en chuan thil diklo engmah awmlo ang mai a ni.

Midang ho thil sawi chu hriat mumal pawh ka nei lo.tunah tak hian Psychiatrist doctor ka mamawh tak zet a ni.

Ka pen chu ka khal nauh nauh ringawt a.ka bula thu Donny-a hmel chu ka en ngamlo a ni,hepa hi ka haw tak zet a ni,mahse ngatinge ka ngaihtuah reng thin le?

Midang ho an ngawih tak thup avang chuan ka hawichhuak a,mak tih hmel tak maia min lo en thup ka hmuh chuan Donny-a lam chu ka hawi vat a,rum zeta min melh kur pahin"tha i ti em miss Helen?"a ti hmak a.

Engthu nge an sawi ka hre bawk si lo,Venhima hmel ka va melh chuan a lo maimichhing daih a.

"i tawng thei lo a mi?"Donny'an a rawn tih chuan midangho chu an nui ri hak a.

"A tha lawm,sir"nui lui pahin ka ti a.

Midang ho chuan kut an lo beng sap sap hlawm a.

Donny'an "vawin lam kan meeting chu duhtawk tawh ila a tha ang"tiin min rawn en a"miss Helen nang chu i la chhuak thei rih lo a ni"rum zetin a ti hrawk a.

Ngatinge hepa hnuaichhiah tur a,ka khawsak thin ziah le?midang ho an chhuah sang sang lai chuan ka thutna ah thu thla hnawkin ka maimichhing vang vang a.

Hmeichhe aw in"ka lo nghak dawn che em?"a tih ri ka hriat chuan ka beng a verh zak a.

Donny'an"minlo nghak rihlo phawt rawh,ka hman hunah ka lo hrilh dawn che nia,zanin chu kan pahnih in engemaw tih tur kan neih kha aw"nui ri hak pahin a ti a.

Hahh Tenawm leh lutuk mai,hnam dang zunah a uai a maw!nge keimah ang bawkin nawmchen nan a hmang ve zawk?

Room chhung thawm a reh raih tak avang chuan ka meng chhuak a.Donny'an a thutna chair vir thei a insawi pahin"i lungleng lawk viau lo maw?"zawi sapa a rawn ti a.

Hnuai lam melh pahin"lunglen te chu ka ti thang tawh alawm"ka ti sap a.

"I ti thang tawh a nih chuan thla khat vel chu i cham thei a ngei ang tiraw"?a mit tizim san chungin a rawn ti a.

Thla khat ka cham anga maw!ka awih thei lo zawk."chutiang chen ka thei lovang"ka ti chuai raih a.

Nui ri hawk pahin"hmeichhe zahpuiawm tak i ni"a tih chuan thinrim zeta en let chungin"nang pawh mipa tenawm leh zahpuiawm tak i ni,he khawvela mipa awm zawng zawng zingah i nep ber bawk"ka ti vin hlar a.

Ka tawng zawh rual chiah chuan a thutna atanga rawn tho chhuak nghalin ka thutna chair chu a kuai her lawp a,chair vawn chhana a kut pahnih dahin thinrim hmel zetin"kei hi ka nep a maw?mipa dang ang ka nilo a maw?engvang nge"tiin ka ban bulah na zeta chelhin min pawt tho lawp a.

Ka inrin loh em avang chuan amah ka bawh deuh rawk rawk a.kan taksa a insi chiah ka tek deuh chuai avangin phawk zetin ka a khabe hnuai atang chuan hawichhuak nghal a.

Rum nghut pahin"enge ka nep nachhan"tiin a kut chuan ka ban a chul thla riak riak a.

Current in min man bet ang mai niin ka inhria,ka chhungril atang ka tek chhuai chuai a,ka chesawn thei tawh lova,ka ka lah chu a chih tlat bawk si a.

Chutiang anga ka awm chu ka duh lo tak zet a,keimah leh keimah ka inhaw hle bawk a ni.

"i tawng thei lo nge min chhan i duhlo zawk?"ti pahin a kut tang pakhat chuan ka hmui hnuai chu a rawn khawi a.ka thle sawn tur chu ka biangah a rawn chelh bet nghal a.

"Donny ti suh"zawi sapin ka tichhuak thei hram a.

"Hreptak che,nang hian ka tih tur leh ka tih loh tur min hrilh i tum a maw"tiin ka samah min pawt dak dawrh a,chumi rual chuan ka hmuiah a rawn bawhthuah a.