MY BOSS BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: MY BOSS BY Basta Tlau

Unread post by Ngaia » December 6th, 2016, 4:20 pm

ho zeta en pahin"ka nu hi i fiam mai mai tur a ni bik lo,tih hre rawh"ka ti vin hlar a.

Ka dara rawn sawi deuh nawk pahin"amah tih hlim ka duh vang a,fiam mai ka ni,i nu riru ipik zia hi i hmu thiam lo a mi?rilru tet thlak leh lutuk"a ti a.

Ka nu tih hlim a duh vang a ni tih hre mah ila,rilru te anga min chhuah kher chu ka lungawilo tak zet a ni.

Ka dar a vawnna chu dahthlak sak pahin"khawngaihin min chhuahsan tawh rawh"ka ti sap a.

Ka bana rawn chelhin"ka thusawi awmzia i hriatthiam hma loh chu ka kalsawn hauh lovang"a ti ngat a.

Ka kut chu thingthla thuai pahin"Ka hrethiam alawm,rilru te tak a ni tih pawh hi"ka ti a.

Rum chhuak hawk pahin"ka tawng apiang la kawi zel lo teh?mangang taka min siam i tum a mi?"tiin ka khumah chuan a ke hlang thlain a mu a.

Phawk zeta en chungin"engvang in nge i mut?tho rawh"tiin a banah vuanin pawh tho ka tum a.

A kianga min pawt mu thlawrh pahin"ka khumah pawh i mu ve fo va,enge i khuma ka mut i phal loh bik em em nachhan"tiin ka nghawngah a rawn kuah bet nghal a,a pheikhawk bun lai chu tlawh phelh nghalin a mal lian leh sek tha zet chuan min khan nghal bawk a.

Nemsawn tuma ka kut ka phar chhuak chu lo man in"awm tha hle hle rawh"tiin ka malah min thut bet nghal a.

Ka theih tawpa tal pahin"ka taksa i delh per dawn nia chhuk thla vat rawh"ka ti vin hlar a.

Ka kut pahnih chu ka lu chunga min man beh sakin"ka tlawm e,boss"i tih phawt loh chuan ka thlah lovang che"thu tak zetin a ti a.

Tal chhuah la tum talh chungin"hmeichhe der dep zawk chunga mipa dik takin tih luihna an hmang ngai lo,chhuk thla vat rawh"ka ti a.

"Hmeichhe dang ang i ni ve hleinem"a ti hmuk a.

Ka talchhuah tumna lamah chuan ka hah tawh tak zet a ni,thaw halh halh pahin"enge hmeichhe dang ang ka nih lohna bik awm a?"ka ti a.

Rawn kun hniamin a taksa chuan min rawn bawh bet a,a mipatna in min rawn do run chuan phawk zetin ka en a,ka bengbula rawn thaw lum ham ham a,mei alh sa tha tak ang mai niin ka hria"ka laka i danglam bik zia hi i in hria em?"a ti tham tiak a.

Engmah sawi chhuak thei lovin ka maimichhing sawk a.hepa lakah hi chuan ka tlawm ngawih ngawih a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:20 pm

MY BOSS-33



Postby Basta Tlau » Wed Nov 23, 2016 8:24 pm
Donny-a chu rum deuh hrawkin ka khum atanga a chhuk a,"ka hawsan rih phawt ang che,i kianga ka awm hi chuan ka duh loh dan ang takin ka khawsa leh thin"tiin a rawn kun a,ka lu ah a fawp zeuh a.

Kawngka thleng ka thlah hnu chuan inkhar felin ka room lamah ka mu nghal a.

Krismas boruak a ni tawh bawk nen,hotel lama kan thawhpui thenkhat te chuan chawlh an la a,Rempuii te inneih avanga chawlh ka lak tawh avangin chawlh lak chu ka tan a rem ve tawh lo a ni.

Donny-a office lama thu tawh lovin hotel counter lamah ka awm a,Donny-a chu ka duh aiin ka kiangah a rawn lang zing mah mah a ni.

Hnathawk hote chu kan indaih lo hle in ka a,keipawh ka buai ve hle a ni,hotel a rawn thleng duh an tam a,nula leh tlangval,pa leh nula,nuthlawi leh tlangval,mi nu leh mi pa niawm tak tak te hi rawn riak duh an awm nawk a.

Ka thawhpui zopui'in chawlh a hman daih avangin hnathawhna hmunah han biak a,kawm tur ka nei lo kher mai,midang ho chuan tunhma angin min nel vak lovin,keiman ka biak hmasak loh chuan min be ngai hlawm lo.min en hrek hrek hlawm a,nuamlo ka ti thei kher mai.

Krismas urlawk ni chuan chawhma lamah ka duty tur Donny'an a dan ngai ang bawk in min rawn hruai a,a hmel en zauh pahin"hnathawh lai chuan ka bulah rawn lang vak tawh suh"ka ti sap a.

"engvangin buaina ka rawn thlen che a mi?"a ti hmuk a.

"Thlen hran lo,mahse ka thawhpui dangten min en dan hi nuam ka ti lo va"ka ti a.

Ka kuta rawn chelhin"ka hotel a nia,ka duh duh dan in ka awm thei,i laka an lungawilo a nih chuan kei pawh an chungah ka lungawi bik lovang"a ti hmak a.

Tihngaihna a awm hlawl lo,a duh dan te a awm a tum zel si a,ka tawng zawm leh a nih chuan thinrim in kan inhnial leh ngei ang,a thinrim a nih vaih chuan ka chunga a khawsak dan tur ka hre lawk ruai ruai bawk nen,thaw halh chungin ka ngawihsan ta zawk a.

"Zanin hun kha i la theinghilh lovang tiraw?"a rawn tih chuan ka bu nghat a.

Hotel kan thlen chuan inthlak tura kal ka tum a,Donny'an "ka office lamah min rawn zui lawk rawh"a tih chuan ka ke pen lai tawp chawtin ka ding a,engthil nge ni leh dawn?"a tlai tawh sia kan va inthlak phawt ang"ka ti a.

Ka bana rawn chelhin"i boss hi min hnial reng suh"tiin step ah min kai chho a,a tawng ring em em mai lehnghal.

Midangin min en tih ka hriat chuan engtin mah hnial lo leh tang buai lovin ka pen hlawk hlawk a.

A room chhung kan luh rual chuan thutphah chunga kawr chi hrang hrang nalh tak tak lo inbang hnuk hi ka hmu nghal a,kawr vel en chungin"a va nalh hlawm ve"ka ti hluai a.

Ka dara rawn chelhin"i duhzawng a ni hlawm em?"a ti sap a.

Kawrfual hring duk raih mai chu pharh in"hei hi ka ta tur maw?"ka ti a.

"A vai hian i ta tura ka tih chu a nia lawm,a hma pawn in inah parcel nen ka rawn dah tir tawh a"nui suk pahin a ti a.

Show neih tuka min rawn kha ka hrechhuak nghal a,"ka tihpalh lutuk,khanglai kha chuan i chungah ka thinrim em a?"ka ti a.

Kawrfual sen ban tlawn chu ban pahin"ka hmangaih em che avangin ka ngaidam hram ang che,zan inah he kawr hi rawn ha la"a ti daih a.

Nui suk chungin"inchei vak a ngai mi?khaw vawh nen a va peih awm loh ve"ka ti a.

"Midang an inchei chuan nangmah zawkin nuamlo i ti palh ang,ka unaunu te pawh an nupa in an rawn zin a"tiin sofa awl pakhat chungah chuan min thutpui a.

A hmel en chung chuan"Mihring an tam dawn mi?"ka ti a.

"Saikuti Hall-a programme an siamah min sawm nasat em avangin kan kal hmasa phawt anga,chumi hnuah kan inah kan haw ang,i nu pawh a rawn kal tel dawn kha"a ti a.

Ka nu hming rawn sawi lang lo sela chuan ka duh loh thu ka sawi ngei ang,"nalh taka inchei turin min duh a ni maw?"nui hakin ka ti a.

"Engtiang pawhin inchei la,i nalh tho tho,mahse tunlai khawvelah hmeichhe ho hian incheina in dah lal em em a,ka bialnu duatlai hi hmeichhe nalh tak i ni tih lan tir ka duh a ni"a ti a.

Sana ka en chuan a lo tlai ruih tawh a"ka duty na tur hmunah kan kal tawh ange aw,my boss"tiin ka tho chhuak a.

Ka bana man betin a malchungah min pawt thu hnawk a"min va ngai lo ve"tiin ka hmuiah a rawn fawp vang vang a.

Kawngka kik ri kan hriat rual chuan rang takin ka thochhuak a,ka kawr hak ka siam tha sawk sawk a,Donny'an"ka hremna che a nih kha"nui suk paha tiin pawn lam a mi chu lut turin a ko zui a.

Hmui ti pawrh chunga melh hrawk a"inhlei leh lutuk mai"tiin ka chhuah san a.

Pawn ka thlen rual chuan kut ruakin ka chhuah san a ni tih ka hre chauh a.restaurant manager nen an inbiak lai tibuai ka duh loh avangin ka lut duh rih lova,ka haw dawnah ka lam leh mai ang,ti rilru in duty turin ka kal a.

Min rawn dawrtu nupa ni anga insawi tleirawl leh pa upa lam tawh tak en reng reng pawha hmeichhia zawk chu a fa ni awm tak ten hotel-ah zan khat riah an duh thu an rawn sawi a,an mitmeng atang chuan mihring pangngai tak an ni lo tih a hriat ngawih ngawih.

Ka ngaihdan a nih vak loh avangin room awl a awm tawh loh thu leh Hotel dang zawng mai turin ka hrilh a

A hmeichhia zawk chuan a kutzung chala min rawn kawk pahin"he hotel a riah hi kan chak fahran lo a ni tih hre rawh,tenawmnu"thinrim hmel zetin a ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:20 pm

Ka hmeichhe pui in mipa ka hriat ngai miah loh hma tenawm tia min sawi chu ka lungawilo ru khawp mai.mahse a awmdan atang a rui a ni tih ka hria,mihring hrim hrim hi an ruih chuan mi pangngai an lo.

Henu pawh hi tunge a nih tih leh eng ang mi nge a ni tih engmah ka hrelo,mahse hei erawh ka hria,tunah hian engemaw tak ruih a nei a,mi pangngai aia hniam a ka en angai ni.

Pangngai thei ang bera lan tum chungin"in duh chuan restaurant lamah te va chawl ula"ka ti a.

A mipa zawk chuan hmeichhia chu kuahin"chhuak mai ang"a ti a.

Hmeichhia chu teu hlarin a kuahna chu a dahthla a,ka lam rawn pan hnai in"i la chaklo khawp ang,nangma vanga ka u tuar nasat zia sawi i hria em"tiin ka hmaiah a rawn beng thawi a,lo thle sawn lo ila chuan a na ngawt ang.

Kan bul velah midang ho chu an rawn ding khawm deuh laih a,ka hnathawhna hmun nilo sela chuan min rawn khawih rual khan ka khawih let chiang ngawt ang,a ban a rawn phar nawn leh chuan lo man bet nghal ka theh sawn dawrh a.

Pai chawn chawn chunga mak ti hmel taka min rawn en chuan"helaiah buaina siam ka duh lo,chhuak nghal rawh,i u chu eng mi pawh lo ni mahse,ka ngaihven lo ve"ka ti hmak a.

Mipa a rawn kalpui in a kuah chhuah lai chuan"ka Uhmingthansangi chu nanga ngaihven a ngailo"a la rawn ti hram a.

Ka bulah chuan ka thawh puite thenkhat te ho chu an rawn ding khawm laih a.ka thinrim em avangin ka pen chu ka hum ngawt ngawt a.

Mipa pakhatin"ka rinai i chak zek"a tih chuan midangho chu an nui dar dar a.reh tak deuh thap,mak ka ti hle a,an hawina lam ka en chuan kan awmna lamah Donny-a leh restaurant manager chu hmanhmawh hmel takin an rawn pen phawk phawk a.

Kan kiang an rawn thlen chuan Donny'an"kut thlak tu che an awm mi?"min ngaihtuah hmel takin a ti nghal a.

Pu Duhawma tih loh midang ho chu an kal kiang hlawm,ka lu thing chungin"tuman kut min thlak hleinem,mi pangngailo tak an rawn lut a,mahse engkim a tha vek tawh e"ka ti a.

Pu Duhawm'an"Don,Helen-i hi a va chak ve,khanu kha a theh sawn dawrh alawm,han hmu ve lang chuan aw"a lo ti ti a.

Donny-a chu thaw deuh halh in"ngatinge chutiang mite chu security ten an rawn luh tir a?"a ti hrawk a.

Mangang ru zeta en pahin"an pangngai alawm,min rawn biak an duh vang mai mai niang,Hmingthansangi nau niin a in sawi a"ka ti a.

Donny'an min rawn melh deuh vang vang hnu chu Pu Duhawma lam chu a hawi a"ka office lamah min pui zawk sela a tha ang"a tih chuan Pu Duhawm'an"ni e,a tha hle ang"nui sukin a ti a.

Pu Duhawma bawk chuan "Zanin lam programme in nei si a,in laklawh viau loh chuan va haw tawh ula"tiin Donny-a darah a beng thak thak a,"good luck"tiin a kalsawn nghal a.

Siampui'in min rawn thlak nghal avang chuan Donny-a nen a office lam panin kan inzui a.

Donny'an"FIR kan theh lut dawn mi?"a tih chuan"a ngai lovang,dik tak chuan rawn riah an duh a,room ruak a awm loh thu ka hrilh avangin an lungawilo nih kha"ka ti a.

Ka bana rawn vuanin"ka bialnu duhtak hi an zuam sual tih an inhre chiang tawh khawp ang"nui sukin a ti a.

Inpawm bawr tuna a office atanga kan chhuah pah chuan Donny'an"i lak atang krismas present dawn ka in beisei a nia aw"a ti a.

"Ka lo inngaihtuah ang"ka ti sap a.neck tie,clip leh kutkawr ka leisak tawh a ni tih hriat tir ka duh lo.

A phun deuh bul bul ri ka hriat chuan ka nuih a za ru ngei mai.

Siampui'in a kut rawn phar chhuakin"in va bawr ve,ken pui inngai em?"a rawn ti a.

Donny'an"ngai love,ka bialnu hi a chak tha alawm"a tih chuan a nui hak hak a,rum zeta Donny-a melh pahin"khatin min ti reng suh"ka ti hrawk a.

Kan in kan thlen chuan ka nu pawh damdawi in atang a haw tawh a ni tih ka hre nghal a,Donny-a nena min hmuh rualin"awi engthil nge ni?in va bawr ve?tiin Donny-a thil khai lai chu a la a.

Donny'an"ka va hawsan rih phawt che u nge?zanah ka rawn hruai dawn che u nia,nalh takin lo inchei ula"nui sak paha tiin a chhuak zui a.

Kawr vel chu pharh pahin ka nu in"a manto chi tah a nih hi,i in lei tir a mi?"a tih chuan ka lu thingin a ni loh thu ka hrilh a.

Coat buang pakhat a hmuh chuan"hei hi ka tawk chuan ka nei ve ang"tiin a ha a.

Inchhung sek rek khawih thulh thakin ka nu nen chuan kawr kan buaipui a.

Zana Donny'an ka nu nen min rawn hruai chuan Saikuti hall lam kan pan a,hall chhung boruak chu a pui ham ham khawp mai.thutna tur bik an siam lama kan thu fel chiah tiin hmeichhe pakhat hmeltha tak hian a kut rawn pharin min chibai a"Donny-a u ka nia,Evelyn tiin min ko dawn nia,Helen hmuh i nuam khawp mai"nui ver ver chungin a ti a.

Nui letin ka nu nen ka inhmelhriat tir nghal a.Donny'an min kai thu pahin"awmtha tawh rawh u"a ti a.

Zaitham hrang hrang te,lam thiam ten hun an hmang a,Donny-a pa Pu Eric-a pawhin thu tawi a sawi ve a.Donny'an ka kut min chelhsak reng avang chuan hahdam tak pawn ka awm thei lo,mipui lam thawm pawh a tha ngei mai.

Programme zawh hma dar riat velah Donny-a chhungte nen chuan kan haw a.

Ka nu chu Donny-a nu in an bula chuang tura a sawm avangin Donny-a nen chauh kan a motor-ah kan chuang a.

Donny'an"lenkual i duh em?"a tih chuan ka lu ka thing a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:21 pm

"Midangin min sawi zui nasa lutuk ang,in inlamah kal nghal zawk ang"ka ti a.
An in kan luh rual chuan an awmpui Pu Tling-a nupui,nu par'in Donny-a nen min hmuh rualin"Tv ah in lang nasa dun lutuk,in la in vuan reng zui"a lo ti nghal a.

Evelay'in a pasal kuah chungin mak tih hmel deuh tak min rawn enin"a va mak em em ve,keini pawh pangngai takin kan thu reng a nia"a ti a.

A nu in"mak pawh ka ti tawh lo,muanpui nang chuan ngaiah i nei hial tawh lo maw?"a tih chuan ka nu chu nui chungin a bu nghauh a.

Donny-a pain"zanin chu hmun khata kal lovin,insem darh ila atha ang kan tih tur pawh kan zo hma thei zawk ang,muanpui zanin chu in nufa in kan inah riak ve ru aw"tiin ka nu chu a en a.

Donny-a nu chuan ka nu melh pahin"lo riak ve ngei rawh u,mikhual room lamah in mu duhlo a nih leh Don hian a room pawh a kian phal ngei ang che u"a ti a.

Donny'an"kan tlaivar hlawm ang chu le"?a lo ti vat a.

An venga tanpui ngai awm ang nia an hriat hming leh address an ziah sa chu a sem a,kei leh Donny-a kal dun turin min ti a,ka nu chu Donny-u te nupa ruala kal turin an ti a,Pu Tlinga te nupa le Pu Eric-a te nupa kal tlangin hmun thumah kan inthen a.

Pu Eric'an Envelope min rawn pe pahin"in tih tur tha tak leh fimkhur takin in ti dawn nia"a ti a.

Envelope address leh hming chuangsa vek a hi a ni a,a chhungah pawisa a awm ngeiin ka ring.

An in leh a vel engtinmah an chei danglam lo a ni tih ka hriat chuan mak ka ti ru hle mai.

Donny-a a room atanga rawn chuak ka hmuh chuan phawk zetin ka en a,leather jacket ha in lukhum phiar grey rawn a rawn khum a,kutkawr lum hmel zet a bun bawk a,jacket dum a rawn ken chu min rawn pe pahin "kha hei hi ha rawh bike khalh angai dawn si a,vawt i ti lutuk ang"a rawn tih chuan ka nu in a bag chhunga a shawl chu min rawn pe a.ka lo la vat a"shawl hi kan sin zawk a nge"ka ti a.

A jacket couch chunga thehthla pahin"a vawt i tih avanga i hritlang chuan min mawhpuh suh ang che"a ti a.

A bike hnunga ka chuan rualin"in vel hi inchei ve ngai lo a mi?"ka ti a.

"Kan in chei vul chuk ai chuan midangten krismas hun hlim taka an hman theih nan kan duh tlang zawk a"a ti a.

An chhungkaw inenkawl dan leh khawsak dan ka hriat chian pauh leh an entawn tlak ka ti tak zet a ni.

Shawl chuan ka lu leh nghawng chu ka tuam a"Ka kawngah khan min chelh nghet tha rawh aw"tiin a tlanchhuak a.

Kan kalna hmun thenkhat te chu a kil khawr ang reng kher mai,in chhung kan luhna hmunah te chuan Donny-a nen min hmuh chuan an hlim hmel hlawm tak zet in ka hria.

Ka kut leh hmai bawr vel chu a vawt thlar mai a.Donny'an vawt ka tih leh tih loh te,hreawm ka ti em tih te min rawn zawh chuan ka that thu ka hrilh zel a.

Kan thil tih lai tibahlah ka duh biklo a ni.kan kal tawpna ber inchhung atanga dawn lai takin mipa naupang pakhat kum 6 mi niawm tak hian"Apa Donny,hei hi tunge a?"tia min rawn en chuan Donny'an min rawn kuah pahin"ka nupui tur a nih hi,kan inneih hunah rawn kal ve rawh aw"a ti a.

Min rawn thlek dauh dauh pahin"a van hmeltha bik em em"a tih chuan ka nui hak a.

Donny'an naupang bianga piai zauh pahin"i tlangval hunah ka bialnu ang hi ka la zawnpui ang che,tunah chuan kan kalsan rih phawt ang che u"tiin min chhuahpui a.

Bike bula kan din chuan a lukhum leh kutkawr chu min hman luih tir a.

"Hmang mai mai rawh,i kut a vawh vek kha"tiin min tlanchhuah pui a.

Motor kawng pangngai a kan tlan rualin ka kut vawt thlar mai chu Donny-a jacket ipte ah ka zen a.

Donny'an"ka tlanchak dawn nia,a vawt emai,in lum a ngaihawm tlat"a ti a.

An in kan thlen rual chuan inchhung lamah kan inkai lut nghal a.midang ho chu coffee no dawmin an lo thu far a.ka nu bulah chuan ka thu thla nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:21 pm

MY BOSS-34


Postby Basta Tlau » Sat Nov 26, 2016 8:05 am
Ka nu chu ka bengbula rawn kunin"i lukhum leh kutkawr kha phelh vat rawh,electric heater bul hnaih deuh hlekah sawn va insawn la"a ti a.

Donny'an a kut heater a hem chungin a bula thutna ruak chu a mit meiin"lo thu rawh,Pa Tling coffee chu kan lo in ve nghal ang,cake nen khan"a ti a.

Engmah sawi lovin ka insawn a,a lukhum leh kut kawr chu kan inkarah ka dahthla nghal bawk a.

Coffee in pahin kan kalna hmun chungchang vel chu sawiin kan titi a,ka taksa pawh a pangngai deuh tawh in ka hria.

Kan in na hnawk vel tih fel tuma ka tho kang chu Donny'an min pawt thu hnawk a,"enge i tih dawn?"a tih chu "no vel hi dah fel ka tum a"ka ti a.

Nu Par'in"ka hna min chan tir i duh mi?lo khawi miah suh"nui huah huah chunga tiin no vel chu Pu Tlinga nen an seng fel a.

Donny'an"ka room-ah min kalpui lawk ta che,hmuh tir tur che ka nei a"midang hriat phak tura a tih chu Pu Eric'an"Helen,i nu hi chu lo ngaihtuah suh,mikhual room lamah in mutna tur kan siam ve dawn nia,Evelyn te room bulah"a ti a.

Donny'an a room lama min hruai chuan a hnungah ka zuh a,a room light leh Ac a hmeh en rual chuan ka hawi phawk hra nghal a.a room kil khatah chuan artificial tree lian vaklo nalh zet mai hi a inhung a,eng rawng chi hrang hrang a hualin a ti phe neuh neuh a,a chungah arsi leh gold rawng lian tak hi a dah a,a simple nalh hle kher mai.tree hnuaia bawm inhung ka hmuh chuan kawk pahin"khu khu enge a?"ka ti a.

A mitko rawn san ak chungin a zuk la a,ka lama rawn lek pahin"i ta tur,krismas thilpek"a ti a.

Nui sanga la in"ka lawm e,engthil nge a?"tiin ka bag chhunga ka thil present tur chu inthlahrung tak chunga phawrhin ka pe ve nghal a.

A hmel ka en chuan naupang toys nei thar hlim ang mai niin ka hria,hawn nghal tumin a tuama chu a pawt thler a,a kuta va chelh vatin "tunah chuan i la hawng thei lovang,dar sawm pahnih rik hun ah i hawng chauh dawn nia"ka tih chuan lungawi loh hmel taka min melh pahin"engthil nge a Pimpom?ka hre chak a ni"a ti a.

Khum bul couch chunga thu thla in"i hawn hunah i hre dawn alawm,keipawn engmah ka zawh bik loh che hi"la nui sang chungin ka ti a.

A lukhum phelhin ka bula rawn thu a,maimichhing in couch tlangah chuan a lu a nghat a"ka hriat tirh ata tun hi krismas thilpek ka dawn na hmasa ber a ni"a tih chuan phawk zeta alam hawiin"i ti tak tak em?"ka ti a.

Thawlh chhuak deuh halh chungin"ka nu leh pa ten,nangni chu in duh duh hunah thil in lei thei,krismas a thilpek dawn kher tum suh u,a petu nih hi,kan tan leh kan peka te tan a tha zawk an ti thin a"a ti a.

A mak ka ti tak zet a ni,sawi tur reng ka hre lo,a kutphah ah chuan ka va vawn sak ringawt a.

Rawn mengchhuakin ka mitah tak min rawn en a"ka lawm e aw,Pimpom he thil hi ka tan a hlu tak zet dawn a ni tih ka hrechiang"ka thilpek rawn lek pahin a ti a.

Ka inthlahrung lek lek zawk a ni,hetiang khawpin a ngaihlu dawn a ni tih leh thilpek a dawn hmasakna ber a ni tih lo hre lawk ila chuan hei aia tha leh manto deuh hlek ka leisak ngei ang.

"Pawisa ka ngah hunah kha aia tha zawk kha ka la leisak dawn che nia"ka ti sap a.

Ka dara min rawn kuah pahin a khi suk a"i thusawi chu i hlen chhuah ngei a ngai ang,zanin chu wine in ve ta che,no khat te chauh"a ti a.

Lehlam hawisawn in"ka duh lo,no khat chauh pawh ni mahse,wine aia tha intur a tam"ka ti a.

Nui ri hak pahin"khatia min chhan kha ka beisei reng a ni"tiin ka banah chelhin min pawt tho a"lokal rawh,inhnuai lamah zuk chhuk ve tawh ang,nakinah kan chho leh dawn nia"a ti a.

Inhnuai kan chhuk thlak rual chuan midangho chu Tv hma ah intur leh eitur tui hmel zet nen an lo thu a,Donny-a nu chuan"in va rawn lang hma ve?in duh chuan hei turkey arsa fry leh wine hi lo ei in ve nghal rawh u"a ti a.

Ka nu chu ka en va a,glass no a dawm ve a ni tih ka hriat rualin"nu i in ve mi?"ka ti a.

A lu bu nghat chungin"aw i duh chuan ka in ban ve dawn che nia"a rawn ti a.

Ner deuh sawka ka nu melh pahin Thutna awlah chuan Donny-a nen kan thu ve nghal a.

Evelyn-i pasal in"i nu chuan khawizu leh chocolate tui a in alawm"a tih chuan ka thaw halh a.

Evely'in,Pu Eric-a thil eilai chu melh pahin"ka pa i ei nasa tawh lutuk,duhtawk tawh rawh,i taksa hriselna in a tuar palh ang"a tih chuan Pu Eric-a chuan a lu thing pahin"zanin ang hun te chu kan tawng khat alawm,turkey ar te phei hi chu zan dangah tiangin kan in ei in ngai chuang hleinem"a ti a.

Evelyn'in"i tih ngai loh vang tak chuan alawm,insum tura ka duh che,i taksa in a dawn ngai loh tam tak vawikhat a i lakluh teuh kha a tha lo,a hrim hrimin mizote hi kan harhchhuah deuh chu a ngai ni.a bikin urlawk zan te,kumhlui thlah zanah te hian kan tih tawh chu kan ti nghek a,tlaivar kher te kan tum tlangpui a,zan dar khat vel thleng an men hi chu ka sawisel lo,mahse kristian kan inti ve si a,a tuk lamah biakin lampang thleng hlei thei lova an awm hi tha ka ti lo"a ti a.

Pa Tling'an glass no min rawn pe pahin"nu muanpuii in ang hi i duh ve zawk ang tiraw"a tih chuan bu nghat pahin ka ban a.

Turkey arsa,kawizu leh chocolate inpawlh hmeh khawp chu a inremlo ang reng kher mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:21 pm

Mahse pawi ka ti lo,wine manto tak in ai chuan ka taksa tana tha khawizu leh chocolate in hi ka duh zawk.

Nu Par'in"Helen,in thil in kha Don-a min siamtir a nih kha"nui sang chunga a rawn tih chuan Donny-a hmel chu ka en vat a.

Evelyn-i pasal in"Helen,hetiang hi i in fo a mi?"a rawn tih chuan an lam hawiin"a awm chang hi chuan ka in ziah a ni mai"ka ti a.

Evelyn'in "chuvang a ni maw?i hmelthata i vun a nalh,mut lamah pawh harsatna i nei vak lovang a,kei pawh zan tin ka theihnghilh loh chuan kawizu hi tui lum nen ka chawk a,ka in thin alawm,mi tam takin zan ka mu theilo ti a,zu leh damdawi an tih thin hi chu a thalo khawp mai,an taksa lamah harsatna an neih phah fo zawk si a"a ti hluai a.

Donny chu, Evelyn-i te nupa lam hawi in"unaupa,ka bialnu hi kei ai mahin ka unaunu hian a duhzawk tlatin ka hria"thu tak zeta tiin a wine ken lai chu a lem hlek a.

Evelyn'in,Donny-a chu melh nghekin"teh kher a che,i inti thei e a"tiin ka nu lam chu a hawi a,"Nu muanpui,fanu fel tak i neih avangin ka unaupa aiawhin lawmthu ka hrilh a che"thutak zeta a tih chuan an nui dar dar a.

Ka lai takzet a ni,ka biangte chu mei kan ang maiin a rawn sa huam huam a,lei lam melh reng chungin ka intur kenlai chu ka in hlek hlek a.

A tawng a ni tih ka hria,mahse ka zah em avangin an thusawi mumal takin engmah ka hre thei lo.

Donny'an ka bana rawn chelh pahin"intilai vek alawm,ka room lamah ka awmpui rih dawn nia aw,Nu Muanpui"tiin min kaitho a,tray-ah eitur leh intur keng chungin min kalsawn pui daih a

Donny-a nu in"char bet tawh mai rawh"a rawn tih chuan an nui dar dar a,Donny chuan min pen pui hlawk hlawk pahin"awm bosan vat teh ang"tiin a phun zui nuah nuah a.

A room chhung kan luh rual chuan ka biang dawm vang vang pahin"hmai ka phih lawk dawn aw"ka tisap a.

Ka chala rawn fawp zeuh pahin"va insil rawh,mahse i landan hi a duhawm reuh lutuk tlat"a ti sap a.

Ka make up inhnawihte hi reh vek mahse pawi ka ti lo,hmai sa taka tuar tlawk tlawk ai thlawt chuan ka duh zawk.

Bathroom atanga ka chhuak chiah chu Donny'an ka kawng min pawmkang chungin min vir pui a,ka phu nasa lutuk chu ka te vak ringawt a.a hmel ka en chhuak rual chuan chhuata min nghatin ka hmuiah a rawn fawp zeuh a"Merry krismas Pimpom"nui sukin a ti a.

A kut lehlama ka thilpek ho a ken ka hmuh chuan dar zat ka en vat a,dar sawm pahnih minute hnih chiah a lo pel a,ding dihlip chungin a bianga fawh sak zeuh a"Merry Krismas,my boss"ka ti ve nghal a.

Ka thilpek chu intithei hmel zeta rawn lekin"naktukah ka hmang nghal ang"a ti a.

A thil min pek ka hawn chuan ka ang phuau a,teddy bear nalh zetin thi nalh leh manto tih hriat ngawih ngawih hi a lo awrh a.

Donny'an"i duhzawng a ni em?"a rawn tih chuan bu nghatin"tehreng mai"tichhungin thi locket chu ka khawih a.

"khawi ka lo awrhtir ang che,he teddy bear nghawng hi a kham tawh lutuk palh ang"nui suka tiin min awrh tir a.

Min awrh tir zawh hnu chuan a lamah min kuai her pahin"i inhmeh hle mai,kumin hi krismas ka hman tawh zinga hun chhin chhiah tlak ber a ni"a ti sap a.

Inkuah rial chungin Couch chungah kan thu dun a,kum danga urlawk zan kan lo hman dante sawiin ka ti ti a.Donny'an"tlaivar pui che chakin duh hle mah ila,i hriselna in a tuar ang tih ka hlau a ni,lokal rawh in mutna room turah ka hruai ang che"thaw halh pahin a ti a.

A awmdan atang chuan a insum nasa ve hle a ni tih ka hrethiam nghal a,ka khawngaih ru ang reng kher mai.zep lovah chuan a ni hi ka thahlel ve ngawih ngawih a ni.engtianga nasa pawhin inhauin inti thinrim fo thin mah ila,ka taksa hian ani ka mamawhna a ti hniamin a tih nep phah chuang hauh lo a ni.

Krismas tuka kan biakin lama Donny-a kan ruala a rawn inkhawm ve chu hreawm ka ti lek lek zawk.biakin chhung a hnung deuh hlekah ka nu ho in kan thu tlang a,biakin chhunga mite chuan kan lam an rawn hawi leh zuk zuk thin,tlar pakhata hmeichhe tleirawl rual ho phei chuan thusawi an hriat mumal pawh ka ringlo.

Kan lam an rawn hawi loh leh an inbe ru sep sep a,lekha te tak te emaw ni hi an inpe kual bawk a.

An chhungte dang an inkhawm ve lo mi le?mit tikham khawpin an ninawm.an zingah ka chhung leh khat tel ve ngat se chuan nidangah tuna an awm ang sawn an awm ngai tawhlo chiang viau ang.

Inkhawm kan ban hnu chuan chhungkaw thenkhat leh mi hrang hrangin biakin an chei lang theiin thla an la sap sap a.

Haw tuma kan kal mek lai chuan Ka hminga min rawn ko ri ka hriat avangin hnunglam hawiin ka mit ka len ruai a.

Kan lam pana sawmtea lokal ka hmuh chuan ka lo nuih sang a,kan bul a rawn thlen rualin"ka nu a rawn inkhawm ve a,thla la ho ila"a tih chuan ka nu leh Donny-a chu ka en vat a.

Ka nu in"va lakpui rawh"a tih chuan sawmte'an"in vaiin rawn kal rawh u,Donny lokal ve la,ka nu hian tunlaia in chocolate intur siam hi a ngaina lutuk,chuvang chuan thla rawn lakpui ve rawh"nui suk chungin a ti a.

Sawmtea te chhungkua nena thla kan la chu mi ho chuan an camera leh phone phawrhin an rawn hmet ve hlawm a.

Sawmtea nu chu wheelchar-ah thut tir chungin an rawn inkhawmpui a,ka rilru an hneh tak zet a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)