MY BOSS BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: MY BOSS BY Basta Tlau

Unread post by Ngaia » December 6th, 2016, 4:13 pm

MY BOSS-26


Postby Basta Tlau » Mon Nov 14, 2016 7:38 pm
Ka lu thing nawk chungin ka maimichhing vang vang a,Rempui'in ka kuta rawn chelh pahin"Helen,ani sawn a hmangaih tak zet che tih ka hria,nang pawn i hmangaih bawk,i duh leh a bulah sawn va chuang rawh"a ti a.

Ka lu thing pahin"ka duhlo,tawng tawh rih lovang muthilh ka duh"ka ti sap a.

Dr Romawi'an"Guard rinawm tak kan nei tha dawn hle mai"nui vur vur chunga a tih chuan ka ner sawk a.

Kan hnunga Donny-a Motor rawn tlan chu melh zauh pahin"in ninawm min fiam reng suh u"ka ti hlar a.

Zan lama ka mut that loh vang niang,ka mut a chhuah em avang chuan motor seat nghengin ka muhil a.

Rempui'in ka dara rawn sawi pahin"Thenzawl kan thleng a nia,thingpui i in ve dawn em?"a tih chuan maimichhing lehnghal in"ka in peih lo,ka mut a chhuak"ka ti a.

"Nangnu tak hi chu aw,nizanah i thinrim avangin ka muhil tha thei lova,i thinrim a reh a,i muhil leh nghal bawrh bawrh a"motor atanga chhuah pahin Rempui'in a tih ri ka hriat chuan ka ner sak a.

"Ka Pimpom-i chuan Zan lama mut a kham lo ni ngei ang"tih ri ka hriat chuan ka mengchhuak nghal a,Donny-a tukverh darthlanga rawn kun mek chu ka hmu a.

Ka pum chu a ni deuh nghulh a,Ka luak a rawn chhuah thut avangin a awm loh na lam motor kawngka chu hmanhmawh takin ka kut na lo lam chuan ka hawng rawk rawk a.motor atanga ka chhuak fel chiah chu mi awm leh awm loh pawh ka ngaihven hman tawhlo,a rem laiah ka luak nghal bawrh a.

Donny'an tui bottle min rawn pe pahin"ngatinge motor i rui thin a ni tih i sawi loh"a ti nghut a.

Ngatinge maw he mihring hian min hauhna tur a hriat reng le?engtin mah chhang duh lovin a tui min pek chuan ka intifai a.

"i tha em?i zia deuh tawh em?"zaidam zet leh min ngaihtuah hmel zeta a rawn tawng chhuah leh tak daih avang chuan makti zetin ka en ha a.

Rawn nui suk pahin ka hmuiah a rawn fawp zeuh a,rang takin ka hawi kual a,awi leh mit hlir mit hlir,miho chuan minlo en thup a,dawr leh hotel mai nilo,in tukverh atang te chuan an lo hawi chhuak thup hlawm a.ka zak lutuk chu ka biang a sa hum humin ka hria.

Hepa vang vek hi a ni,rum zeta melh nghek chungin"zah nachang te hi hre ve thin rawh"tiin ka tho a,motor chhungah chuan ka lut daih a.

Donny-a kalsawn vut ka hmuh chuan ka thaw chhuak ham ham a.ka luak vang nge,ka ril a tam ru hle mai,mahse ka chhuak ngam thlawt lo a ni.

Motor kawngka ri ka hriat chuan ka en nghal a,Rempui'in"i tha em?i va han luak hnem em em?"a rawn ti a.

Donny'an Dispo plate a apple zai hlep tam tak mai min rawn pe pahin"kha hei hi ei lui hram hram rawh"a ti a.

Ka hnar phal thlawt lo a ni,ka lak rualin"ka lawm e aw"ka ti sap a,Donny-a rum deuh nghat ka hriat chuan a hmel ka en a"ka bulah rawn chuang rawh nuam i ti zawk ang"a lo ti a.

Ka mal chunga dispo plate dahin ka pahin"ka duhlo,ka tha tawh"ka ti ngat a,apple chu ka hmawm nghal bawk a.

Donny'an min kalsan hnu chuan ka kiangah Rempuii a rawn thu lut ve nghal a,"awi Donny-a i tih zah zia hi i hria em?i luak a chhuah te chuan a tir khan sawi that ve mai tur che alawm,kan thingpui in laklawh laiin Uromawia a rawn la vin hrep zui"a ti hlak hlak a.

"min vin vak kher suh,engtin nge ka luak dawn a ni tih ka hriat lawk theih bik ang,ka pum lamin ro a rawn rel thut a lawm"ka ti a.

"A motor-ah va chuang daih mai teh,min ti zalen lo tlat"a tih chuan"ka duh teuh lo mai,i bulah ka chuang tlat dawn"tiin Apple chu a ka ah ka hnawh sak nghal a.

Ka zun a chhuah em avangin Dr Romawia te thian dun an rawn thlen chuan "nakinah a rem chan hunah ka zun lawk duh aw,helai velah chuan ka chhuak duh tawh lo"ka ti a.

A thianpa zawk chu driver seat lama thu thungin"a buaithlak asin,sawlai Hotel-ah sawn va zung lawk mai rawh"a ti a,Rempuii min kalpui tura ka sawm chuan a lo duhlo nasa kher mai.

Ka tai bawr a nat deuh thum tawh avang chuan zak deuh tak chungin Hotel chhung lam ka pan a,miho chuan min en hrek hrekin ka hria.

Ka zung zo hotel kawngka ka thleng chiah chu Donny-a kan motor chuanna kianga a lo ding ka hmu a,motor pawh an lo start ri vat vat a,Rempui'in "kan kalsan mai ang che,Donny-a rualin rawn kal rawh"nui vur vur chunga tih lai mekin an tlan chhuak nghal a,tawite ka umzui hman tih chuan thinrim zetin ka ding a.

Ka bag keng chunga Donny-a a motor lam pana a kal mek ka hmuh chuan hmanhmawh takin a lam panin ka kal let leh nghal a.

Hepa vang vek hi a ni,ani hi awmlo sela chuan min tlan san miah lovang.a motor chhunga a thut luh avangin driver kawng khar bula ding chungin"nangma tlan tir a ni tiraw,engvanga midang tibuai reng nge i nih a?"ka ti khur dar dar a.

Rawn hawi chhuak pahin"khatia khawlaia tlangau kher a ngailo,rawn chuang lut rawh,tlan pahin kan sawi thei tho alawm"a rawn ti hmak a.

Motor hma lama ka bag a dah ka hmuh chuan ka ban nghal a,ka kutah a rawn man betin"enge i tih dawn?"a lo ti a.

"min thlah rawh,ka riltam"ka ti vin hlar a.

Engmah sawi zui lovin min thlah ve mai a,dawr pakhat chhungah chuan ka lut a,ka thil ngainat tak mai,chhang ban kan la thar lam zet mai chu ka lei teuh a.thei tui leh Apple ka lei tel bawk a,ka duh zawng thil dang an neih tawh loh



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:13 pm

avangin ka chhuak nghal a,motor lam ka pan chuan Donny'an a seat hma lam kawngka minlo hawnsak chu hai derin,a hnung lam seat ah ka thu lui ngat a.

Ka thutna bula eitur ka duhzawng ang hlir mai lo awm teuh ka hmuh chuan ka thaw hak a. ear phone ka bengah vuahin ka thil lei ei chungin hla ka ngaithla nghal a,Donny'an motor a khal chhuah pawh chuan a hmel ka en duh lo ngat a.

Thui fe kan thlan hnu chuan motor a tih din hrawk avangin hma lamah ka kang zawk a.ka lama rawn awm pheiin ka ear phone vuah lai chu a rawn pawt thla a,"enge a?"ka tih chuan ka phone chawpin a la daih a,"ka be mawlh mawlh che a,mi chhan nachang pawh i hre lo"a ti hluk a.

"Ka hriat loh vang reng alawm ka chhan loh che,khawi ka phone kha min pe let rawh"ka ti hlar a.

Ka hawi kual chuan ka dinna hmun chu kawngpui atang tlemin a kawi peng hlek a.

"Ka riltam hi a reh hma loh chuan ka pe let lovang,nang ka buaipui che vangin engmah ka ei hman lo a ni"a ti sap a.

Min buaipui lo sela chuan nichin khan ka mualpho nasa viau ang,ka luak min buaipui hnu kha chuan thil ei a tum buai peih lo a ni ang."min buaipui rawh"ka tih miah loh kha,tim dai maiin ka ti zawi sap a.

A phone a rawn rik vangin thu rem pahin a chhang ta daih a,ka lam rawn hawi chungin"lo la hreng rih rawh u,tunah chuan ka hman lo va,ka rawn haw hunah tih fel kan tum dawn nia,jail-a tan tir pawh ka hreh dawn hauhlo"a tih chuan phawk zetin ka en a.

Phone a dah ve leh a lama awn in"engthil nge nge a?"ka ti vat a.

"Amah tih vek a ni,Venhim-a a inrawlh lo hlauh chu ka lawm hle mai"a ti ringawt a.

"Tu chungchang nge i sawi a"ka tih chuan ka lam rawn hawiin hnai zeta kan in en reng a,"Hmingthansangi nena kan thalak lo thehdarh tu kha mawle,ama lo ruahmanna vek a nia"a tih chuan mak ti zetin ka thu ngil at a.

Thil thlen dan vel a sawi lai te chuan ka ni deuh mup maiin ka hria,thil awmzia hrechiang hmasa lova Donny-a ka lo puh chhe lutuk chu hreawm ka ti tak zet a ni.

A ni hi ka thinlung zawng zawng in ka hmangaih a ni tih ka hrechiang,Hmangaihna hian kan nunah hlimna min thlen reng bik lova,a changin lungngaihna te,tahna te min thlen thin a,tlawm ngaih chang te pawh a awm bawk.

"Khawngaihin a chungah engmah thlen tir suh,ani khan duh lo che sela,tiang thil zozai kha a ti duh miah lovang,hmeichhe huaisen tak a ni"ka ti a.


Ka thutna kawngka rawn hawng paha"engtin emaw tak chuan ka ti ang,nang i tha em?"Donny'an a tih chuan a mah en chungin"min ngaidam thei angem?ka tih palh..."ka tih rualin rawn kun hniamin ka hmuiah a fawp vang vang a,rang takin ka lo chhang let nghal a.

Nui suk paha a hmui a laksawn rualin ka bulah a rawn thu lut nghal a,"ka ngaidam hma che in engemaw kan tih hmasak phawt a ngai ang"min rawn kuah chungin a ti a.

A hmel ka en chuan a duh chu ka hre nghal"hey,miin min hmu anga sin"ka ti a.

Thaw halh halh in "ka hmangaih che tih i hrechiang ngei ang,nang hi engtik lai pawhin ka mamawh che a ni"a tih rualin uar zetin ka infawp nghawng nghawng a.

Ka kawrhak hlim chho in ka hnute chu a tham bawrh bawrh a,ka kekawr pawh hak pawh chu ka mal lamah a pawt thla nghal bawk a.a chungah min thut tir rual chuan kan rum dun ham ham a.

Rei lote hnu ah zawi zetin a mal chung atang chuan ka chhuk thla a.a awma min kuah bet pahin"i thi neihna kha a la rei si lova,i rai a ngem le?"a ti sap a.

A khabe hnuaia dak pahin"ka hre bik lo,nakinah dawrah damdawi ka lei anga ni mai"ka ti a.

Ka hnute a chul lai chu tham nawk pahin"chutiang thil i ti hauh lovang,i rai a nih pawhin puitling takin i pai ngei tur a ni,nangmah chauhin ka thlah thlam ngai lovang che,i kiangah ka awm tlat ang"tiin min rawn fawp zeuh a.

Ka lo inngaihtuah ngai miah lova,hmangaihna kan chen dun in indanna pakhatmah kan la hmang miahlo."Donny indanna kan la hmang miahlo a nia"ka ti sap a.

"A tul ka tih loh vang alawm,nang hian ka fa pai i duh miah lo a mi?"a ti ngat a.

"Ka duh loh thu engmah ka sawi loh kha,a mak ka tih vangin ka zawt ringawt che nih kha,kal tawh ang,Kan thianten min ngaihtuah palh ang"thu tha pahin ka ti a.

Ka sira eitur rawn ban pahin"ka inhnawh puar ve phawt ang"tiin cake chu a ei a.thei tui thlit sak pahin "khatia i awm lai kha internet lamah upload ila,i duhlo ngawt ang a"nui hak hak in ka ti a.

A thil ei a lem zawh fel chuan "kan pahniha thalak ka la upload ngai miah lo,khawi click zuai ang"tiin a phone phawrhin ka darah a rawn kuah a.kan biang a insi chial bawk a.

"A hmaah rawn thu rawh,i rawn thut loh chuan ka kalh chhuak miah lovang"tiin min pawt chhuak a.

Kan tlanchhuah rualin hla a play a,ka kuta rawn vuanin ring zetin a zai zawm a.

A hmel ka en chuan a lang naupang zual sawtin ka hria,nui hawk hawk chungin"zai zawi deuh hlek rawh,i aw a lai ropui si"ka ti a.

A lu thing paha ka lam rawn hawiin a aia uarin a zai a,kan tlanpelh tak te chuan min rawn enzui vang vang hlawm a.

A hnu deuh hlekah ka zaipui ve ta ringawt a.Aizawl kan thlen chuan khua pawh a lo tlai ve lek lek tawh a,motor pawh ka rui zui tawh lova,Lunglei leh Aizawl inkar kawng chu a thui lo hle tih ka hre ve chiah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:13 pm

Kan sawi lawk tawh angin Ritz Hotel lam kan pan nghal a,Donny'an "ka thawmhnaw ka keng lova,min va bazar pui lawk la,i peih em?mahse i chauh viau chuan keimahin ka kal peih lo duh leh Hotela rawn keng turin ka ti mai ang?a ti a.

"Ka thawmhnaw vel hi dah fel ila,i kawr tur chu kan en dawn nia"ka ti a.

Ka suitcase chu min ken sak a.hotel chhunga mite chuan Donny-a chu an ngaihven hlawm kher mai.Rempuii kan lam pana a rawn kal ka hmuh rualin"in thlenna a rei tawh em?"ka ti a.Donny-a chu kan kiangah a rawn ding ve nghal bawk a.

Rempui'in"kan indah fel deuh chauh,Donny-a hian thawmhnaw engmah a keng si lova,engtin nge in tih dawn?"a ti a.

"Kan lei chawp dawn,lokal ve la"ka tih chuan a lu thing pahin"ka duh lo,in pahnih khan va kal rawh u,kan pahnihin room khatah kan thleng a nia"tiin Donny-a chu a melh chho a"Uromawia te bulah i riak dawn nge,Room dang ah i awm zawk dawn?"a ti a.

Engtin nge a chhan ang tih hriat chak takin a hmel chu ka en ve vat a.

Donny'an"zin ho kan nia lawm,an bulah ka riah ve loh ten"nui suk paha tiin a kalsawn nghal a.

Rempui'in ka bengbulah"in lo inti lungawi hman a ni maw?in awmdan atang ka hre mai,thalak chungchang kha in sawi em?"a ti sar sar a.

Ka lu bu nghat pahin"Hmingthansangi lo ruahman na vek a lawm,midang bulah engmah sawi miah suh aw"ka ti a.

"Tehreng mai,ka inthiamlo tawp,ka lo ring chhe lutuk a"a ti a.

Ka thawmhnaw vel kan dah fel a,thingpui kan in lai chuan Donny'an"ka thawmhnaw tur chu ka thianpain a rawn dah mai ang,i chau awm si a,chawl rih zawk mai ang"a ti a.
Kan sawi lawk tawh angin Ritz Hotel lam kan pan nghal a,Donny'an "ka thawmhnaw ka keng lova,min va bazar pui lawk la,i peih em?mahse i chauh viau chuan keimahin ka kal peih lo duh leh Hotela rawn keng turin ka ti mai ang?a ti a.

"Ka thawmhnaw vel hi dah fel ila,i kawr tur chu kan en dawn nia"ka ti a.

Ka suitcase chu min ken sak a.hotel chhunga mite chuan Donny-a chu an ngaihven hlawm kher mai.Rempuii kan lam pana a rawn kal ka hmuh rualin"in thlenna a rei tawh em?"ka ti a.Donny-a chu kan kiangah a rawn ding ve nghal bawk a.

Rempui'in"kan indah fel deuh chauh,Donny-a hian thawmhnaw engmah a keng si lova,engtin nge in tih dawn?"a ti a.

"Kan lei chawp dawn,lokal ve la"ka tih chuan a lu thing pahin"ka duh lo,in pahnih khan va kal rawh u,kan pahnihin room khatah kan thleng a nia"tiin Donny-a chu a melh chho a"Uromawia te bulah i riak dawn nge,Room dang ah i awm zawk dawn?"a ti a.

Engtin nge a chhan ang tih hriat chak takin a hmel chu ka en ve vat a.

Donny'an"zin ho kan nia lawm,an bulah ka riah ve loh ten"nui suk paha tiin a kalsawn nghal a.

Rempui'in ka bengbulah"in lo inti lungawi hman a ni maw?in awmdan atang ka hre mai,thalak chungchang kha in sawi em?"a ti sar sar a.

Ka lu bu nghat pahin"Hmingthansangi lo ruahman na vek a lawm,midang bulah engmah sawi miah suh aw"ka ti a.

"Tehreng mai,ka inthiamlo tawp,ka lo ring chhe lutuk a"a ti a.

Ka thawmhnaw vel kan dah fel a,thingpui kan in lai chuan Donny'an"ka thawmhnaw tur chu ka thianpain a rawn dah mai ang,i chau awm si a,chawl rih zawk mai ang"a ti a.

Rempui'in "naktuk lamah kan chhuak ho dawn nia"a lo ti ve bawk a.

Kan chau tlang deuh aniang,hma takah kan mu hlawm a.

Ka muhil ka harh rualin Rempui'in"mut lamah hi chuan harsatna i neilo ve ngawt mai,nichin khan Donny'an min rawn phone a,Ramhlun lama a kal thu lo hrilh tur che in min ti a"a ti a.

Ka kut pawh a zia tawh kher mai,a na tawhlo tluk a ni.kan chhuak tur chu Donny'an min rawn phone a,tih tur pawimawh a neih thu leh a hman huna kan bula a rawn kal tur thu a sawi a.

Midang bula ka sawi chhawn chuan Remsang'an"a pawilo,kan kalho chuan miin min en zui nasa lutuk ang,nizan te khan hotel-a thawk ho in VVIP ang mai in min treat a,a nuam ka ti lo"a ti a.

Kan pali chuan hmun hran hran ah kalin kan mamawh vel kan en a.

Millenium atanga kan chhuak tur chu "Hey,PIMPOM"tia au vak ri ka hriat chuan ka hawikual a,kan lam pana Donny-a leh nu pakhat nui vur vur chunga lokal mek ka hmuh chuan ka thaw halh a,miho lah chuan minlo la en thap zui.

Kan bul an rawn thlen rual chuan"khatin mi zingah min au vak thin suh"ka ti a.

Ka hnara rawn piai zeuh pahin"ka pimpom-i i ni miau alawm" a ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:14 pm

MY BOSS-27

Postby Basta Tlau » Tue Nov 15, 2016 5:53 pm
Donny'an ruala rawn kal nu pakhat lam chu hawiin "ka nute Maruati a nih hi University-a thawk lai a ni a"tiin a nui suk a.

A nutei chuan min rawn en pahin"Helen-i i ni ang tiraw?i hmel ka hmu thei chu ka lawm kher mai"tiin min chibai a,kan thiante nen pawh chuan an inchibai kual bawk a.

Nu maruat'in"zanin chu in vaiin kan inah chaw rawn ei rawh u"a ti a.

Dr Romawi'an"a va tih zia dawn ve,midang in an hnial loh chuan ka hnar hauh lo"a lo ti nghal a.

Kan awmna bul deuha mi pahnih inkhai bawr tun chunga kan lam hawia lo ding reng ka hmuh chuan"ngatinge saw mite saw"Donny-a lama awn hlek chungin ka ti a.

Ka tawng ri chu Nu maruat'in a lo hria aniang,kan awmpuite an nih saw,Don-a hian engmah thawmhnaw a keng si lova,hna thulh thakin ka bazarpui a nih hi"tiin kan piaha mite chu an thil ken Dony-a motor-a dah turin a hrilh a.

Donny'an a nutei en pahin"min lova kalsan tawh mai rawh,ka thiante bulah hian kan kal tawh ang e,tlai lamah kan rawn kal ang"tiin kan kalsawn nghal a.

Rempui'in"kan mamawh tur ang chu kan lei zo tawh,a la hma si a,Achhani dawrah kan hmai leh sam va siam tir ang u"a ti a.

Remsang'an"ka duh teuh lo mai,a zahthlak"a lo ti vat a.

Dr Romawi'an"pawn lama intih nalh tum ai chuan kan kawchhung atang hian tha chhuak sela,a pawimawh zawk"a lo ti a.

Donny'an"Lunglei lamah in duh leh in hmai leh sam vel chu in la siam tir dawn nia,tunah chuan hotel lamah phei phawt ila"a ti a.

Remsang'an"in pahnih khan rawn inphur mai rawh u"a tih chuan Rempui'in,Dr Romawia bana kuah paha rawn hawi letin"keini ang hian midang hmuha awmdan mawi in hre dawn nia"nui ver vera a rawn tih chuan "i over e a"ner khum pahin ka ti a.

Donny'an ka dara rawn kuah pahin"lut ang le,midang ho chu kan awmdan avanga an lo buai a nih chuan an hah thlawn tihna ni mai"tiin a motor kawngka min hawn a.

A naka nghawk zauh pahin"chutiangin an ti ringawt ngai lo,mihring tawng thei zet zet an tam tawh hi"ka ti a.

Motor-a thut luh pahin seat hnunga an thil lei intiang ur mai chu ka hmu nghal a.Donny-a lam ka hawi chuan a tarmit dum a lo invuah mek a.ka lam a rawn hawi let chuan rang takin tukverh lam ka hawi nghal a.

Ngatinge le hepa bula awm hi ngaia neih harsa ka tih em em thin.tunah ngei pawh a hmel pa hrak mai ka en rualin ka lung a rawn phu dup dup thei a nia,tiang ang a nih reng dawn chuan lungphu thalo in ka la boral thuai ang.

Ka lama a rawn awn phei tih ka hriat chuan phawk zetin ka chil lem khawlh pahin a hmel ka lo en a,tarmit dum bun mahsela,min en ve a ni tih ka hria,a hmui a liah zeuh rual chuan ka maimichhing sawk a.

Ka bianga rawn fawp zeuh pahin"seat belh i hren loh chuan kan la tlan chhuak thei lo"tiin min hren tir nghal a.

Motor a tlan hnu chuan ka mengchhuak ta hram a,a lam hawi duh lovin pawn tukverh lam ka hawi char char a."i ring a inherh ange?hmalam rawn hawi rawh"zawi sapa a tih chuan"hawi kual vel hi a nuam alawm"ka ti a.

A phone a rawn rik chuan Donny'an"lo pick up mai rawh,loud speaker-ah dah la"a tih chuan muangchangin ka hawi phei a,a phone ka lak kan rual chuan Rempuii number a ni tih ka hre nghal a.

Ka pick up rual chuan Loud speaker-ah ka dah zui a.Rempui'in"awi awi hotel-ah kan thleng chiah,tunah hian receiption counter bulah Zonet,Lps leh chanchinbu hrang hrang reporter te an awm nual mai,Donny nang mahni hmuh che u an duh thu an sawi a nia"mangang hmel zetin a rawn ti a.

"Kha Hotel-a kan thlen loh thu an manager khan lo sawi rawh se,pimpom-i nena kan bungrua kha chu tlaiah ka nutei te inah min rawn ken sak dawn nia,nakinah address ka rawn hrilh ang che u,chuan khangho bulah khan in hmui chip tlat bawk ula"a ti a.

Rempui'in"tehreng mai,lungngai suh u"tiin phone a dah zui nghal a.

"Min hre ve kher dawn a mi?taxi in Hotel lam chu ka pan mai ang"a lam hawi pahin ka ti sap a.

Hnehsawh zeta motor herh pahin"sawng mit leh beng fing tak tak ho sawn,an hriat loh che i ring a nih chuan dah bo hmak rawh"a ti hrawk a.

Donny-a nen kan inzui atang hian Chanchinbu,television leh internet lam ka en khat hle a,ka thawhpui te leh ka chhungten kan chungchang an ziah dan min hrilh te hian ka nuih liam pui mai mai zel,a chhan chu dawt thu phuah belh an hrat em vang a ni,thudik tlem azawng chu awm ve bawk thin mahse.

Rempuii pawhin hmanni khan"nang leh Donny-a hming hi chu chanchinbu leh internet lamah an sawi kawp tlat tawh"a ti ngei a nih kha.

Vawiin ah pawh khan hmeichhe pakhatin"saw nu saw Donny-a bialnu a van ang em em"tiin min rawn enzui a,ka scarf awrh laiin intuam zui lo ila chuan engthil tak thleng ang maw?

Donny'an"ka rinai an lo che rang,a hrim hrim in hotel security an nei tha tawklo a niang,an hotel a thleng kan nih te chuan an kutah kan intu lut tawh a,kan mimal zalenna min humsak ve tur an nia sin,kei pawhin midang zalenna hum him ka duh avangin kan Hotel security pawh uluk takin ka siam phah reng a ni"a ti a.

"Nu Maruati te inah chuan kan riak dawn a mi?"ka ti sap a.

Ka kuta rawn chelh pahin"inthlahrunna tur engmah a awmlo,kan pahniha min hmuh hunah an lawm viau zawk ang"nui sukin a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:14 pm

Thaw halh pahin"a van zahthlak duh dawn ve,Mathani te in lamah ka riak mai dawn mi le?"ka ti sap a.

Rum hawk pahin"hmana riah kan tumna kha maw?"a ti a.

Ka pa damloh lai vela kan pahnih a Mathani te ina kan kal kha ka hre chhuak nghal uai uai a.

Ka kuta rawn hmer nghet sauh pahin"i duh leh zanah kan va leng dawn nia,mahse tunah chuan kan pahnih hian midang chim buai lova kan awm angai,ka nutei te inah him takin ka awm thei ang"a ti a.

Nu maruati te gate kan tlan luh rual chuan Donny-a sawi lawk ang ngeiin pawn lam miten min chim buai dawn lo a ni tih ka hre nghal,Donny-a te in ang maiin rinawm takin an inhung kual a.

An kawngka bulah ui lian zet pahnih an lo thlung a,motor atanga kan chhuk rual chuan an lo bauh tuar tuar a,ka tim ur ur thei,ka cousin pakhat ui in a seh avanga boral ta kha ka hrechhuak a,Donny'an ka kuta a rawn chelh rual chuan nghet takin a banah ka lo kuah vat a.

"I hlau viau a mi?"a tih chuan ka bu nghat a.

Inchhung lam atang nichin lawka ka mi hmuh te an rawn chhuah chuan,Donny'an ui dah sawn tur leh a motora bungrua vel hlang thla tura a tih chuan rang takin an kai sawn nghal a.

Min rawn pawm kang nawlh pahin"hlau tawh suh aw"nui suk pahin a ti a.

A dara chum taih taih chungin"min dahthla rawh,a zahthlak ka kal thei lo emaw an ti palh ang"ka ti ruai a.

Kawngka bul kan thlen chuan min nghat hram a,ka kuta chelhin inchhungah min luhpui a.couch sen duk chunga Donny-a pa ang zet mai thu thluang duai paha chanchinbu lo chhiar mek ka hmuh chuan ka thaw halh a.

A tarmit bun lai chu a hnar lama kuai thla in mitmeng zim sanin min rawn en a.a chanchinbu ken lai nen chuan min melh tawn a.

Donny chuan a thutna ep chiaha min thut thlakpui pahin"Pate engemaw i hriat le,zanin chu kan rawn riak dawn a nia"a ti a.

A chanchinbu chhiar lai chu kan lama rawn pharh in"In rawn kal ka ring deuh reng a"a ti a.

Ritz hotel-a kan lut lai thalak chu a lo lang kulh a,ka en rei ngam thlawt lo.Donny'an"an ninawm ngawt mai,kei chauh min zar buai hi chu ka hrethiam,Pimpom-i leh zel an tibuai tel hi chu ka hrethiam thei lo a ni"tiin ka malchunga ka kut dah chu a rawn hum a.

A patea chu rawn tho chhuakin Donny-a darah a rawn beng thak thak a"maruati nena kan hunlai min hriat chhuah tir nasa khawp mai,kan inah chuan thlamuang takin in awm thei ang,room hranah in riak dawn nge,room in in luah tawm zawk dawn?"nui suk paha a tih chuan phawk zetin ka lo en a.

"nupa kan la ni si lova,room hran kan luah mai ang"tiin Thingpui leh biscuit an rawn chhawp chu a ban a.

A pate'an an awmpuite Donny-a bungrua rawn kengte chu room pahnih ruahman turin a hrilh a.

Thingpui kan in zawh chuan Donny'an min kaitho pahin"lokal rawh,nute'in i thawmhnaw tur a leisak che a,lo en rawh"tiin inchung step lamah min kalpui nghal a.

A pate'an'awm fal rei lutuk su aw,in thianten chaw an rawn ei dawn kha,in theih angin minlo pui ve rawh u"a tih chuan Donny'an a phone phawrh in Rempuii chu address hrilh in a bia a.

Donny-a nui ri hak ka hriat chuan ka en a,a phone chu loud speaker-ah a dah nghal bawk a,Rempui tawng ri ka hriat chuan"awi ka thinrim lutuk,Helen chukchu-i i emaw te min ti vel,uromawia leh Remsanga awmlo phei sela chuan ka che buai viau ang,an mahni in an sawi fel thei hram a,mahse tunah chuan engmah buaina kan nei tawhlo"thinrim hmel zetin a rawn ti lang lang a.

Donny-a nen chuan inen in kan nui hak a,Rempui'in"in awmdun a ni maw,nangmahni avanga kan buai luih luih laiin nangni thlamuang takin in lo awm a,a fair lo khawp mai"a ti hlak hlak a.

Donny'an"in lawmman chu in la hmu dawn alawm,lungngai suh,chaw puar takin in ei dawn nia,in rawn thlen hunah"tiin phone a dah zui a.

Donny-a room tura an buatsaih chhunga kan luh chuan ka thaw halh a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:15 pm

MY BOSS-28



Postby Basta Tlau » Wed Nov 16, 2016 8:23 pm
Donny'an ka bag kenlai min rawn laksak pahin"i duh phawt chuan ka kiangah i rawn riak ve thei reng a nia"tiin khum bula dawhkan an hun mawi zet chungah chuan a dah nghal a.

Hepa tak hi chu aw,chhang buai duh lovin ka hawi kual ruai a,mizo hausa tawh vek vek hi chu an lo turu hlawm khawp mai,he room chhung an cheina ringawt pawh hi kan in pumpui sak nana kan hman ai pawhin an inseng nasa zawk ang tih a hriat.

Min rawn pawm kan nawlh avang chuan ka thil ngaihtuahna atanga harh chhuakin ka te that a,khum zau tak leh dup zet chunga min theh thlak avang chuan thinrim zeta hawi chho in"enge i hriat a?"ka ti vin that a,thawh chhuah tumin ka inbeng kang nghal bawk a.

Ka sira rawn mu thla pahin"i kianga ka awm ve reng laiin ngatinge hmun dangah i rilru i dah?"tiin min kuah mu leh a.

A awma chum pahin"awm tha teh ve hle hle teh,ka ning tlat,kan nun dan hi a fair lo ngawt mai"ka ti a.

Ka lam rawn hawiin a kuta inbeng khalh"enge fair lo a?"min melh vang vang chungin a ti sap a.

"Mi hausa leh retheite hi kan inthlau em alawm"ka ti a.

"a dik khawp mai,chapona thil nilo sela,tun dinhmuna kan din theihna chhan hi chu ka pu te rim tak leh nasa taka Pathian bel tlat chunga an lo thawh rim vang kha niin ka hria,chhun leh zan,ruah sur leh nisa pawh sawi lovin hreawm takin hna an thawk a,keini an tu leh fate hian an zar kan zo a nih hi,khangtiang ang khan lo thawkrim lo sela,midang angin awm mai mai sela tun dinhmun hi kan thleng kher lovang"mu zangthal chungin a ti a.

Ka bag chhunga ka phone a rawn rik avang chuan tho chhuakin ka en a,ka pick up rual in ka cousin Mathan'in"in rawn zin ami,ngatinge engmah min hrilh loh a"lungawilo aw zetin a ti a.

Donny-a bag atanga thawmhnaw a phawrh chhuak mek chu melh zauh pahin"ih englo,kan buai lutuk a,zaninah rawn len kan tum a"ka tisap a.

"in rawn kal dawn te chuan min rawn hrilh ve tur che alawm,chanchinbu en lo phei ila chuan engmah ka hre miah lovang,i rawn riak dawn lo a mi?hotel-ah ngatinge in thlen kher kan inah rawn riah ve mai tur che u nia,zan inah rawn leng ngei ngei ang che u,i bialpa hmeltha zet kha rawn kalpui bawk la"a ti hluai a.

Mathani nen kan in biak zawh chuan Donny-a en pahin"mathani nia,an ina kal turin min sawm a"ka ti nghal a.

Coat sen duk nalh zet mai en mai pawha manto tih hriat tak chu rawn pharh pahin"kha nute'in a leisak che nia"a ti a.

Ka jumper hak lai hlip pahin"a van nalh ve,ngatinge min lei sak kher a,a zah thlak hle mai"tiin ka ha chhin a,ka la tawk chiah lehnghal.

Ka nghawnga rawn kuah pahin"i in hmeh hle mai,ka pimpom-i hi chuan eng kawr pawh ha se a inhmeh vek a ni hi,ruaka awm pawh a in hmeh tho bawk"tiin ka beng kawmah a rawn seh ner ner a.

Ka taksa chu a mur chuai chuai in ka hria,ka tha zawng zawngte nen lam chuan ka zawi vek bawk a,maimichhing pahin"Donny"ka ti sap a.

Ka dula rawn chulin ka nghawngah chuan a hmai phumin a thaw ham ham a.

Kawngka rawn kik ri kan hriat rual chuan rang zetin kan inla hrang nghal a,a Patea chu kawngka a rawn dak chungin a nui vur vur a."a tlai tawh a nia,in dah fel vat ula,maruati pawh a rawn thleng tep tawh"tiin a kal sawn lehnghal a.

Thaw hak chunga Donny-a ka en chuan maimaichhing in a lo rum hawk a.

Ka bag la pahin"Ka lo zuk chhuk ang aw"tiin kal sawn ka tum a,ka bana rawn man betin"i insilfai hmasa duh lo mi,i duh chuan ka kawr lei thar ho pawh i ha thei tho alawm"a ti a.

"A hnuaia hak tur engmah a awm loh hi"ka ti sap a.inbualfai chu ka chak tak zet a ni,khawlai khu tak ah kan vak kual chiam a,ka kawrte pawh a paw phuk thei hialin ka hria.

Ka bengbula rawn kunin"keimah chauhin ka hre dawn tho alawm,i duh leh ka boxer chunga ka nutei puan i veng dawn nia"nui suka tiin,a t-shirt pawl leh boxer chu rawn phawrh chhuak a.

Ka banah chelhin min kaichhuak a,room piah lawk kawngkhar chu hawngin"va inbual rawh,keipawh ka va intifai ange"tiin ka darah a thil ken chu a rawn dah a.

Tawng tuma ka ang chiah chu a room kawngka ah a lo lut hman a."midang bula i sawi vaih"ka ti zui hram a.

Room chhung chu Donny-a mutna room an cheidan nen a inang deuh chiah a,bathroom kawngka chu hawngin ka lut a,an bathroom pawh ka room ang tiat zet a ni.towel leh inbualna hmanrua engkim mai a awm sa vek tih ka hriat chuan ka thaw halh a,ka thawmhnaw chu hlipin ka inbual zui a.

Darthalang hmaa ka inen chu ka nuih a za zawk,Donny-a T-shir chu kawrfual ang maiin ka ha thei,a boxer pawh kekawr bul pangngai ang mai a ni.kan inchhung chu nise hetia awm hi ka pawi ti lo,mahse kan in a ni tlat lo a.

Kawngka kik ri ka hriat rualin Donny'an"i hman tawh em?"a rawn ti a.

"Aw,puan ven tur i rawn keng em?"ka ti a.

Donny an min rawn melh vang vang ka hmuh chuan"puanven tur i rawn la lo mi?hetiang ringawt chuan room hi ka chhuahsan thei lovang"ka ti leh a.

"I sexy lutuk,nute'in keiman ka rawn pe ang a ti a"a tih rual chuan kawngka zawnah nu maruati rawn inpawm bawr hmel ka hmul nghal a.

Nu maruat'in Donny-a melh pahin"lo va chhuak rawh,in thiante chu engtik nge an rawn thlen dawn tih lo va ngaihven la"tiin ka bulah a rawn ding a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)