MY BOSS BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: MY BOSS BY Basta Tlau

Unread post by Ngaia » December 6th, 2016, 4:17 pm

Pimpom-i number ka hmeh sa vangin"kha number kha dial char char la,a pick up ve leh min rawn pe dawn nia"ka ti a.

Engmah sawi lovin makti deuh taka min en chungin ka sawi ang chuan a ti a.

"Sir,A la thei lo,a phone a thi emaw,a switch off emaw a niang"a rawn tih chuan ka dial nawn leh ngat a,switch off tia min rawn hrilh chuan ka phun hluk a,hnathawk pa chu ka chhuah tir a.

Ka sana ka en chuan a lo tlai tawh hle mai,pimpom-i chu a buai vang niang,ka phone call a chhan thei loh ti rilruin hna ka thawm zawm a,ka ngaihtuahna kil khatah Pimpom'in hmun a luah reng avang chuan ka hui leh pap pap thin a.

A chang leh ka bula thu ang ten ka ngaihtuah a,a thutna chair chu melh vang vangin,nidangah kha chuan ka kiangah a awm ve reng thin a,ka lehkha sign tur te minlo keu lawk sak thin a nih kha.ka lu thing nak nakin ka insang mar a,ka hna hi ka zawh vat a ngai ni.

Ka tih tur pawimawh zual ka zawh fel meuh chuan a tlai ve ruih tawh.Pu Duhawma bulah chocolate atanga siam intur tui tak kan hotel restaurant a siam tir turin ka hrilh a.Remruat'an kei leh Pimpom-i min intir a phal loh vang vek a ni,an thil siam min rawn pek chuan a tui kher mai.min rawn petu pa lah chuan chhuan hmel fahranin"sir,a tui khawpin ka hria,a intawh phawt chuan an zawng chhan ngei ang"nui vur vurin a ti a.

Ka pimpom-i ngaidan enge niang aw,chupa bulah chuan"lo la sem chhuak rih su u,order ka pek hma che u chu"ka ti a.

Sana ka en a lo tlai ruih tawh a.Pimpom-i hmu tura an ina ka kal chuan a lo inkalh thiap a,a tlai tawh tehreng nen Rempuii te inah an nufa in an awm a ni ngei ang.

Nu muanpuii emaw Rempuii phone ka tum uk uk a,tibuai ka hlau deuh avangin engmah sawi lawk lovin Rempuii te inlam ka pan a,an inkawtah chuan motor dang pawh a lo awm nual a,a rem laiah chuan hungin inchhung lam ka melh vang vang a.

Ka pimpom-i leh a bula mipa inngainat hmel taka an inbek bawr ka hmuh chuan ka inhumruh nghal a.sawpa saw tunge?amah vang saw mi ka phone call pawh a chhan theih loh,ka thinrim lutuk chu an bula va kala hnek thluk pawp ka chak zek zek a ni.

Rempuii nu in min rawn hmuh chuan min lo lawm nghal a,pimpomi hna chungchanga biak ka duh thu ka sawi ta ringawt a,dik tak chuan a hmel reilote hmuh zawk a,haw leh ka tum rilru kha nia,mahse mipa pakhat nena ka hmuh dun avang khan a fala hmuh tumin chhuan lam ka siam ta ringawt mai a ni.

Rempuii nu in"inchhung lamah rawn lut rih rawh"a tih tlat avangin Pimpom-i te thutna ep chiahah ka thu a,
Pimpom'in min rawn hmuh chuan a mengphawk kher mai,thil tisual ang zia zangin a la kalsawn daih zui.


Ka hmazawna mipa thu chu ka melh vang vang a,hepa nena min kawp a tum a nih vaih chuan a tu emaw zawk zawk hi ramtuileilo a kan awm a ngai ang.

Ka phone kenlai a rawn eng va va chuan ka en a,pimpom'in min rawn message na ka hmuh rualin pawnah chhuakin ka call vat a.

An buai hle ang tih ka hria,keipawh amah vangin ka rilru a buai zo tawh a nih hi,midang ngaihtuah hman ka nilo.

Pimpom-i rawn chhuak ka hmuh chuan ka thaw hak a,Mi zinga inhnial ka duh loh vangin Rempuii te in atanga hla vak loh mi awm lohna laiah ka motor chu ka din tir a.

Henu zet hi chuan min tibuai a ni,min ti thinrim hma em em a,lungawina leh hlimna awlsam takin min siamsak leh thei bawk.

Rempuii te in lama ka thlah haw hnu chuan lungawi zetin kan inah ka haw a,ka nu in"i va rawn haw tlai ve,hotel lamah intur thar insiam chhuak a ni maw?lo ken haw tur che alawm"a lo ti a.

Choka lam pan pahin"kan la release lo,kan release hunah ka rawn hawn teuh ang che"tiin dawhkana eitur an chhawp chu ka kil a.

Ka hmazawna rawn thu thla ve in"enge i sawi awmzia,i pa Duhawma pawn a tui zia ha hipin min hrilh si a"a tih chuan"ka siamtir chhanna berin a in hma loh chu midang in in ve vak lo se ka duh a"tiin ka thil ei lai chu ka chhunzawm a.

Ngaihdan nilo hmel taka min en pahin"i siamtir chhan pawh Helen-i bak a ni tawp lovang"tiin sitting room lam min pan san a.

Ka chhungte nen eng eng emaw sawia kan thut khaw muang hnu chuan ka room lam ka pan a,ka inbual zawh chuan pimpom-i nen kan mut dun fo tawhna ka khuma mu vang vangin Pimpom-i number ka dial a,rangtaka a pick up avang chuan ka nui suk a.

A aw ka hriat rual chuan kuah vang vang ka chak a ni.engmah ngaituah lovin,a awmna a ka kaltur thu ka hrilh a.

Hmanhmawh zetin ka inha tha sawk sawk a.kan awmpui Pa Tlinga te nupa kai tho in,chhung lamah in ka kalh tir a.

Motor ka luh rual chuan Hotel restaurant Phone in vawiina Chocolate syrup an siam ang kha No hnih tui taka siam nghal vat turin ka ti a.

Rempuii te in atanga hla vak lo ah ka motor chu ka hungin ka thlen thu message in ka hrilh a.a rawn chhuak ka hmuh chuan a thim lai deuhah ka ding vat a,mangang hmel taka a hawikual chuan a hnung atang ka va man thut a,a hlauh hmel tak mai chuan engtin emaw ni ka thinlung hi a tawk deuh tlat.

Khua a vawh em avangin ka motor chhung lum lam ka pan pui a.a taksa ka tawh rual khan ka tih tum ber leh ka thutiam ka lo theihnghilh avangin ka inlahrang a,ani pawh a pangngai biklo tih ka hria hreawm ka ti takzet.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:18 pm

Kan pahnih inkarah hian sex chauhin hmun a chang tur a ni lo,ani nen hian engtiang pawhin awmdun ila,ka lungawi hle a ni tih hria se ka duh,kan inhip tawn em em a ni tih chu phat rual a ni lo.tunah pawh midang in min hmuh a hlau hle a nih kha,hmeichhe pangngai tak tan chuan a awm ve reng.

Inthunun tumin motor atang chuan ka chhuahsan a,ka awmdan avang lungawilo takin ka bula thingkung chu ka pet pawp pawp ringawt a.

Motor kawngka ri rak ka hriat chuan ka hawi vat a,pimpom-i lungawilo hmel taka rawn chhuah tum ka hmuh chuan rang zetin ka lim phei a.

A lungawi lohna pawh hi a awm tak zet,keiin bul ka tan hmasa te te a,a tawp ka thlenpui leh si lo.mahse nakina min dem dawn ai chuan a pawilo,kan inhmangaih tawn a,a la hrethiam ve mai ang.

Chocolate tui ka intir chuan a lungawi hmel kher mai.a lungawi chuan keipawh ka lungawi a ni.zankhua a a kianga awm reng ka duh mahse chutiang ringawt a ni thei si lo.

Mipui hmaa a din a ngaih dawn avangin hahdam taka a awm a ngai ni.uitak chungin mu turin Rempuii te in lam ka panpui a.

Tukverh atanga rawn chhuak a nih thu a sawi chuan ka lawmru kher mai.keimah avangin kawngka pangngai atang a kal lovin,tukverh atang a rawn chhuak a ni si a,a intina thei tlat,him dam taka room chhung ka thlen tir a ngai ni.

A mawnga ka dawm chuan a khal tha ngei mai,bengthlawrh a hrawm nawk nawk ka chak.ka thil ngaituah avang chuan ka nui hak a.

Hlauhthawn hmel taka zai zira kal tura min tih chuan nui var varin ka kalsawn a.

Hotel ka thlen chuan Restaurant lam pawh a lo reh deuh thap tawh,hnathawk thenkhat ten thingpui an lo in nak nak a.restaurant Manger bulah kalin an chocolate siam chu midang in an in thei tawh thu ka hrilh chuan bu nghauh nghauhin a au zui a.

Hnathawk hote chuan lawmthu min hrilh tliar tliar bawk a,tunah chuan hahdam takin ka mu anga,naktukah ka Pimpom-i kiangah ka thei anga tam awm ka tum ang.ka ta a ni a,tuman min dang thei hauh lovang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:18 pm

MY BOSS-31


Postby Basta Tlau » Mon Nov 21, 2016 5:33 pm
HELEN(POV)

Ka muhil lai min rawn sawi dawt dawt tu an awm avang chuan mit nuai pahin pheih lo zetin ka meng chhuak a.

Rempui'in"Helen chukchu,tho vat rawh,zan lamah mut nachang i hriat loh avang khan zingah duh duh huna thawh tur tihna a ni lo"ka puan sin rawn hlim pahin a ti a.

Banga sana intar ka en chuan ka inperh tho vat a"ngatinge min van kaitho har ve,min chei turin Tetei te an rawn thleng tawh a mi?"tiin towel nen bathroom lam ka pan nghal a.

Rempui'in "hmanhmawh la a ni mai"a tih chuan ka inkalh hnan vat a.

Dar sawm pahnih ah tan tur a nih vangin ka che sawk sawk a.Tete'in ka sam a siam lai chuan ka phone a rawn rik avangin ka pick up a,Donny-a nen chuan eng eng emaw sawiin reilote kan inbia a.

Tete'in"Donny-a mi a?in inneih hunah chuan keiman tun aia uluk hian ka chei ang che"nui var varin a ti a.

Kan piaha thu Rempui'in"Tete an tih har tawh lovang,in ring renga i awm a ngai ang,tuna tan chuan kei ai in chhuah chhe dawn nia"a rawn tih chuan"in sawiho e mai a"ka lo ti a.

Rempui'in"in inzui nasa lutuk a,in tawng kam hman thlengin a inang hial tawh in ka hria"a ti talh a.

Rempuii leh Dr Romawia te inneih hun serh kan hman lai chuan ka ngaihtuahna ah Donny-a leh kei hi lo innei ta ila,kohhran dan khatna in kan inneih thei tawh awm si lova.mahse a ni nena Pathian hriatpuina hnuaia nupa kan ni thei a ni phawt chuan ka damchhung zawngin engtikah mah ka thlah thlam ngai lovang.

Hun serh zawha thlalak hun kan neih lai chuan Donny-a Tuxedo coat suit buang ha chunga kan hmazawna awm ka hmuh chuan ka thaw halh a,a sam tlema a tiphir te chu a inhmeh tak zet a ni.ka thaw tichham thei takngial dawnin ka hria.

Midangho pawh chuan an melh hrek hrek dan atang leh kalpel paha an enzui dan atang hmuhnawm an ti ve hle a niang.

Rempui'in min rawn nghawk zeuh pahin"thildang ngaituah suh"a ti zawi sap a.

Dr Romawia thianten thla an lakpui dawn chuan Donny-a chu a rang takin a rawn ding ve a,ka hnungah tak a la ding zui.ka dar zawnah rawn kunin"Pimpom i nalh tak zet a ni"a ti sap a.

Remsang'an"ka aiawhin Donny hi ka din tir tawh mai dawn mi le?"fiamthu deuh taka a tih chuan midangho chu an nui ham ham a.

Thla kan lak chhung zawng chuan kan bul hnaiah Donny-a leh ka nu chu an awm dun reng a.ka mit sirin ka melh leh zeuh thin.

Dr Romawia te inlama kan kal pawh chuan Donny-a chu a rawn kal ve zel a.Rempuii te a ngaihpawimawh vang nge?keimah vang niang le?a hna pawimawh tak thulh thaka a rawn kal ve zel.ka khawngaih lek lek zawk thian nei lovin a awm a,hmel hriatu nei nual mahse amah han kawm hlimtu tumah an awm bawk si lo.

Remsang'an"Donny-a chu a ti tha hle mai,monu thian a ngaih pawimawh vang mah ni sela,a hun pum kan kiangah a hmang thei a"a tih chuan Dr Romawi'an"keini nupa ai mipui ho khan an ngaihven daih zawk"nui vur vura a tih chuan ka ner khum sawk a.

Mipui nawlpui an tin darh hnu chuan kan kiangah Donny-a chu a rawn thu ve a,"engtikah nge i haw dawn,ka lo nghak ang che"a ti sap a.

Remsang'an "a va tihzia hlauh ve,i thlah thei tur chu,room vel kan sing sak zawhah i duh leh in haw dawn nia,mahse naktuk lamah Helen lo kal leh rawh aw"a ti a.

Zana Donny'an a car nalh zeta kan in lama min phur haw chuan ka chau ngawih ngawih in ka hria,a motor chhungah chuan ka ham bai bai a.

Donny'an ka dara rawn khawih pahin"kan thleng tawh e,i va chau awm ve?"a tih ri chu ka hre rei ruai a.

Motor atanga min pawm chhuak nawlh pahin"mut duh leh lutuk mai"a ti hluk a.ka tang buai peih thlawt lo,a darah kuahin a awm lum thar tharah chuan ka bei a.

Ka nu in"awi a muhil a ni maw?a ti zahthlak thei e,a room lamah kalpui law law mai rawh"a tih ri ka hriat chuan mut chhuak zet chunga mengin"nu ka mut chhuak lutuk"ka ti sap a.

Donny-a nui ri hak ka hriat chuan a hmel ka en a,nuih zat hmel takin minlo melh run a,ka harh deuh kawkin ka hria.

Ka nu in ka lu a min rawn ben pahin"zahpuiawm thei lutuk,naupang chhia ang mai,i naupan laia min tih thinrim thin zia kha"a ti a.

Donny'an min pawmna atang chuan chhuk thla in ka room lam ka pan a.ka nu in"i mut hmain intifai hmasa ang che"a rawn ti zui a.

Ka ha nawtin ka hmai ka phih fai sawk sawk a,mut tumin ka pyjama suit par ka inbel nghal a.inhnuai lama nui ri ka hriat avangin pyjama nen engthil nge thleng tih hriat tumin ka chhuk a.

Sitting room thutphah chunga ka nu leh Donny-a nuih zat hmel taka an thu ka hmuh chuan "engatinge a?"ka ti a.

Donny'an nui kur kura min rawn en pahin"chaw in eilaia i mut thluk nasat thin zia leh,biakin vela i mut nasat zia min hrilh a"a lo ti nghal a.

Lungawilo zeta ka nu melh pahin"nu i van ho tak"ka ti hluk a.

Ka nu in"thudik ka hrilh ni ve mai a,chaw eilai a mut thluk avanga,chair atanga i thlak tuma damdawi in kan pan pui che kha ka la hrilh lo mah mah"nui sang chungin a ti a.

Ka nu bulah thu in a hmui ka hup vat a,"engmah sawi tawh suh,a zahthlak"ka tih chuan Donny-a nui ri kur kur ka hre nghal a.

Thinrim zeta tho chhuakin"ka mu dawn,haw tawh rawh"tiin ka room lam panin ka pen hmawk hmawk a.

Ka room kawngka ka khar tur chu Donny'an min

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:19 pm

Rawn zui ve reng a ni tih ka hre chauh a.kawngka zawnah tak a ke rawn dahin"i thinrimna a va ho ve,i nu kha a hlim tak zet a ni tih i hrelo a mi?"a ti hmuk a.

Kawngka chu khar lui tum in"mahse ka awmdan i hnena sawi kher a tul hleinem"ka ti hlar a.

"Hreptak che hian hriat ka duh avangin alawm ka zawh"ti hrawk pahin ka room chhungah chuan min nawr lut rawk rawk a.

Engtiang pawn tangin bei let thin mah ila,hepa hi chu ka hneh thei ngai dawn lo a nih hi.

Khum chunga min bawh bet run pahin"i taksa ka hriat chian tluk ang hian,i awmdan ka hre duh a ni tih hria ang che"a ti a.

A hmel ka en chuan thinphu dup dup in kan in melh tawn ran a,thawlh halh pahin ka chung atang chuan khum sirah a let thla hnawk a.a chal dawm vang vang chungin a maimichhing a.

A awmdan mak ka tih em avang chuan inbeng kang chungin"Donny i tha em?"ka ti a.

A kut rawn pharin a thaw chhuak ham ham a"min rawn hnaih suh aw,chutilo chu ka insumzo lo palh hlauh dah a nge"a ti tham tiak a.

A awmdan hrethiam zetin ka nui hak a,ka lukhama vaw pahin"chhuak vat mai teh,zahpui awm leh lutuk"ka ti a.

Ka lukham chu lo man bet vat nghalin"Enge ka zahpui awmna mipa hrisel tak leh in fit tak ka ni a,kei ang bialpa i neih hi lawm hle zawk rawh,mipa chawr che,hriselo zet leh in fit lo tak i duh dawn si lova"thu tak zetin a ti a.

Ka hmui ti pawrh vakin"i insawi theina a ho e mai a,my boss"ka ti a.

Chhuata dingin"muhil tawh rawh"tiin a rawn kuna ka hmuiah na zeta a rawn fawh chuan ka thaw halh a.ka lei ka ti chet rual chuan a inla hrang vat a,kawngka lam pan pahin"i mumang lamah i lo chhunzawm dawn nia"thu tak zeta tiin a chhuak nghal a.

Ka kut chuan min fawhna ka hmui la hnawng chhap mai chu a khawih a.a awmdan avang chuan ka vui ru lek lek a,mahse ka lawm ru phian tho si a,sex kan hman zawh apiangin ka inchhir ziah fo a ni kha.kan inkar tih ngeh leh zual nan sex hman kher a ngailo a ni.

Khuma ka mut vang vang hnu chuan Ka nu chunga ka awmdanah ka inthiam loh em avangin ngaihdam dil turin ka chhuk thla a.a room lamah a lo lut dawn chiah a,ka thawm a hriat avang chuan mak tih hmel takin a rawn hawi a,"i la mu na nge?"a ti a.

A bul ka thlen thlak rual chuan a darah kuah in"nu ka hmangaih che,i bulah ka rawn mu ve dawn aw"ka ti a.

Nui sang chunga min en pahin"lokal mu nghal ang"a ti a.

A tuk pum chuan Dr Romawia te inah kan buai char char a,Remsang'an"Donny-a hi a va reh ve,a rawn hruai dawn che em?"a ti chuan ka phone en pahin"a buai deuh a niang,min rawn hruai lovang"ka ti a.zing kara min rawn wish bak kha chu a phone call leh message engmah ka dawng lo.phone dawn ila a hnathawh lai ka tibuai ang tih ka hlau deuh si a.

Remsanga nen kan inbiak mek lai chuan ka phone a rawn ri a Donny-a a ni tih ka hriat chuan thaw halh pahin ka kal fal a,Rempui'in"Donny-a bak a ni tawp lovang"a rawn tih rual chuan ka pick up nghal a.

Donny'an min rawn hruai a tum thu leh an in lama min pen pui a tum thu min hrilh a.

Midang bula ka sawi chuan Dr Romawi'an"Donny-a hi chuan i tel lovin engmah a ti hleithei lo a nih hi"nui sungin a ti a,midang ho pawh chuan min fiam dar dar a.

Donny-a Renault car a rawn thlen chuan midang chu bye bye in ka kalsan nghal a.

Kan tlan chhuah rualin"i van buai awm ve?"ka ti a.

Ka kuta rawn chelhin"buai tak ka ni"a ti a.
"i buai viau te chuan min rawn hruai tum kher mah ta che,keimah pawn ka haw ve thei tho alawm"ka tih chuan "min hnial reng lo teh,ka nupui i nih hunah phei chuan tawngkam khat pawn min hnial tawh tur a nilo,hmeichhia chu mipa thu hnuaiah in awm ngei ngei tur a ni ringawt"a ti a.

Ka kut a chelhna chu tal pit in"engvang teh ngawtin nge mipa thuhnuaiah kan awm ang,a kawi a ngila mipa thu zawm kher ka tum lo"ka ti hmuk a.

"Hmeichhe lu chu mipa,mipa lu chu krista a nia lawm"nui hawk pahin a ti a.

Rum zeta melhin"chutiangte chu ka hria,mahse mipa ho hi keini hmeichhia avangin he khawvel eng an hmu ve thei hram a ni tih in hria sela chuan he khawvel hmun hrang hrangah hian hmeichhe te min hnuai chhiahna leh ngaih nepna hi a zia awm ngei ang"ka ti a.

"A dik khawp mai,nupa thenkhat hi inhmangaih tawn tak ni sela,an inzah tawn anga,an tu leh fa mipa leh hmeichhia ten an thinlung chhungril ber atang an zah ang,mihringte hian kan thinlung chhunga thil awm hi eng ang pawhin thup bo tum thin mah ila,kan thei tak tak ngai lovang"a ti a.

"My boss,i sawi dik khawp mai"nui sang chungin ka ti a.An in kawt kan thlen avangin thildang engmah kan sawi zawm tawh lova,Donny'an motor kawngka min hawn sak pahin"ka room lamah lut nghal mai ang aw,hmuh tir tur che ka nei a"a ti a.

Engthil nge min hmuh tir a tum tih zawh ka chak kher mai,mahse amah berin min hrilh loh chuan ka zawt duhlo,a hun a tih ve leh min hmuhtir dawn tho a.

Donny-a rooom lam pana kan kal lai chuan a nu in"Helen,i lo ta maw,vawiin chu Don'an ka peih chung min bazarpui rawh a ti talh a,ka chau khawp mai"a ti a.

Donny'an min kalpui hmawk hmawk avang chuan ka nuih let tawp ringawt a.

"Ka nu hi chu a sawiho thei ngawt mai"ti chungin a room kawngka chhungah min lupui a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:19 pm

Makti zeta Donny-a en chho ha pahin ka nu ka tawngkhum danah min hau a,nang pawh eng i ni bik hauh lo"ka ti a.

Ka thusawi chu ngai pawimawhlo zetin khum chunga pyjama suit pahnih inang lian zet leh a aia te fe awm chu min khawh hmuh pahin"kan kawr tur nia,i tawk angem han en teh?"a ti daih a.

Ka bag khai lai chu dawhkanah dahin Pyjama chu ka pharh a"a va nalh ve,khawia mi nge in lei a?"ka ti hluai a.

Intithei hmel zeta nui sukin"ka zawn buai zia chu a,ka nu in min la vin kual reng lehnghal a,lawmthu min hrilh ngei angai ang"tiin a hmui rawn dawh pahin ka lamah rawn kun hniam a.

A hmuia fawp zeuh in"my boss,engtin nge tiang lei nachang te i hriat zawk a?"ka ti a.

Amah si chet a min kuahin ka kawr kenlai chu khumah a theh thla a"nizana i kawr hak ka hmuh vang kha lawm,ka mumangah khum phakhata mu dunin pyjama inang chiah kan lo ha a"a ti sap a.

A awma chum sakin"van naupang chhia thlak tak"nui var varin ka ti a.

"Zan mutna a kawr inang kan ha a ni tih hre chunga mut te chu a nuam dawn em asin,thaw halh pahin a ti a.

A thusawi vang nge?ka taksa chu current kal ang maiin a rawn tek nghal chuai chuai a.ka lu thing deuh nawk pahin Donny-a awmah chuan nem sawn ka tum a,ka khabe a rawn kuai chuan a mitah ka en kalh a.

Kan pahnih inkarah chuan thil var a thlawk sep sepin ka hria.ka thinphu lah chu a nasa em em mai lehnghal,ka kawr hak chhanah chuan a rawn pawng zawr zawr thei,ka kaihza tha te nen lam chuan a zawi hnawkin ka hria.

Rum deuh hawka Donny'an ka hmuiah tak riltam hmel zeta a rawn fawh chuan tluk hlau takin a nghawngah ka kuah bet nghal a,min fawhna chu uar zetin ka lo chhawn bawk a.

Thaw chham tep khawpa kan infawh hnu chuan kan chal insik tirin kan thaw halh halh a,a awm zut sak pahin a kamiz kawrkilh chu phelh tumin ka vuan a,ka kut chu lo man betin"kan thutiam kha bawh chhiat tir min duh a mi?"tawng harsa tih hmel takin a ti tham tiak a.

Pangngai thei ang bera lan tumin"I thutiam chu engpawh nise,i kawr hi ha chhin rawh"zawi sapin ka ti a,Donny-a kianga ka awm hi chuan hmeichhe buan chaklo tak ang mai niin ka in hria.mipa zawk pawh an insum theih chuan enge ka insum theih lohna bik tur a awm lo.

Ka beisei loh dan tak maia min rawn pawm kang nawlh chuan ka kut phar hluai in ka te that a.

"Ka thutiam chu engpawh ni rawh se,mahni inhrem reng renga awm ka peih tawhlo"tiin a khum chungah min bawh bet a,dawhthei lo tih hriat zeta phun hlukin ka kawr leh bra chu kut khur dar darin a hlim chho a.

"i thutiam chu i bawhchhe tur a ni lo"ka tih rualin ka hnute chu thamin a rawn fawp nghal a,naute riltam takin nu hnute an hne ang maiin a fawp mawlh mawlh a,"keimah leh keimah inhrem reng ka duh tawh bik lo"tiin a kut pakhat chuan ka kekawr kilhna lai chu a phelh a,a kut ka kekawrte chhunga a zen luh rual chuan ka awm sep kang a,thaw chhuak halh pahin a sam karah ka kut ka rawlh a.

Donny-a hi ka tan chuan damdawi ruih theih chak tak ang mai a ni.

Rum chhuak hawkin Donny-a chu ka theih ang angin ka kuah ruai a.ka bag chhunga ka phone a ring zeta a rawn rik chuan ka meng chhuak vat a,Donny'an a mal sek tha tak maia min khanin"ka kianga i awmlai tal hi chuan phone off ve thin rawh"a kutphah lian tha zeta ka hnute rawn hup pahin a ti a.

Ka phone chu a vawi hnih na a rawn ri leh a,phun hluka ka chung atanga let thlain bawk khupin a mu nghal a,ka sam thuai mam pahin ka phone chu ka en a,ka pick up rualin ka nu in"khawiah nge i awm?kan inah Jb cable nei tute an rawn kal a,kawm che an duh thu an sawi a nia"a rawn tih chuan phawk zeta Donny-a lam hawi pahin ka thaw halh a.

"Eng chungchang ah nge?ka mimal thil hriat an duh chuan ka hman loh thu lo sawi mai rawh nu"ka ti a.

Phone ka off rual chuan Donny'an "tu te nge?"ka bula rawn ding chunga a tih chuan ka lo hrilh ve nghal a.

"Nangma thu thu a ni mai,kei chu min ngaipawimawh suh"a ti sap a.

Ka lu thing pahin"ka mimal nundan puan zar vak ka duh lo"ka ti a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 4:19 pm

MY BOSS-32


Postby Basta Tlau » Tue Nov 22, 2016 6:44 pm
Donny-a chuan ka bianga rawn chelh in"i mimal nun dan lehzel thlengte chuan an zawt kher lovang che,hmeichhe fing tak i ni a,a pawi tur chin chu i sawi hauh lovang tih ka hria"a ti a.

Thaw halh pahin"interview nei turin min duh tihna mi?kei chuan ka duh hauh lo,eng ang zawhna nge min zawh dawn tih pawh ka hre si lo,kan sawi zawng pawh hian ka tim ur ur in ka hria"ka ti a.

"i thu tlukna chu a tha ka ti vek,kan pahnih chungchang thu thang diklo tak tak an thehdarh thin hi kei pawh in ka kham tak zet a ni,chanchinbu leh Tv lam a thawkten min rawn zar pawhin engtin mah ka ti ngai lo,i duh phawt chuan i kiangah ka awm ang"a ti a.

"Nula leh tlangval kan ni a,kan chungchang chu an duh ang angin an sawi thei alawm,kan inkarah buaina an siam loh chuan engthil mah ka ngaihven duh lo"ka ti sap a.

Ka chala rawn fawp zeuh pahin"nupa kan nih hunah chuan an buaina pawh a reh ve mai ang"a ti a.

Donny-a nu in thingpui in tura min rawn koh chuan kan chhuk thla a.

Paper bag a ka pyjama khai lai chu Donny-a nu in rawn en zauh pahin"kha kawr avang khan zing kar atang ka buai nileng zak alawm"tiin Donny-a chu a melh nghek a.

Thingpui in paha kan titi luam hnu chuan kan in lamah Donny'an min thlah haw a.

Inchhung kan luh rual chuan ka nu in"awi Helen min tihbuai zia hi"tiin ka bula ding Donny-a chu a melh a"in pahnih chungchang an hriatchian duh vang lek alawm,zawhna hrang hrang min zawt lui chiam bawk a,ka thinrim lutuk,an haw na pawh ala reilote"a ti hlak hlak a.

Thutphah a thu thla pahin"eng ber nge an zawh che a?"ka ti a.

"In pahnih in hriat dan te,tun hma in eng hna nge i thawh thin tih te leh inneih in tum em?tih te min zawt a.engmah chip chiar takin ka hriatpui loh che a ni tiin ka chhang tawp alawm"a ti a.

Donny'an"i van chhang thiam zawk ve,keipawh phone call leh message atang ten kan chungchang min rawn zawt fo a,Pimpom'in min hauh ka hlauh avangin engtin mah ka chhang duh ngai lova"min rawn en a nui vur vur pahin a ti a.

Ka hmui tih pawrh khum nghek pahin"min hlauh loh rapthlak zia te chu vantlang zawng zawngin an hre vek ang"ka ti ngat a.

"Min then ang tih ka hlau lawm le"thu tak zeta a tih chuan ka nui hak a.

Ka nu in"ho te te ah in inhnial reng mai,naupang chhia thlak lutuk,in pahnih bula ka awm hi chuan kei pawh nula ang mai niin ka in ngai"a tih chuan kan nui hak hak a.

Donny'an"kan vengah pathlawi lungleng an tam lutuk,in rim tir la"nui huka a rawn tih chuan ka nu in lukham a nghen laia vawm pahin"i van sual tak,ka thiante ho lah hian kan venga putar pui pui nupui sun tawh te ho hi min chhaih reng zel"nui sang chungin a ti a.

Donny-a chu ka bula rawn thu hnaiin ka darah min kuah a,makti zeta en chho ha in a kut chu dah thlaksak ka tum a,min kuah nghet sauh chungin"i fanu ka neihsak daih hunah che chuan aw,i lungleng in pasal tur min zawnpui rawh,i ti chiam palh a nge"nui vur vurin a ti a.

Ka nu hmel ka en chuan a lo nui sang a,ka pa boral hnu atang khan zanin ang reng renga a nuih nasat hi ka la hre lo.

Ka nu in"Ka fanu i neih ka phal dawn leh dawn loh i hria mi"nui hak chungin a ti a.

Donny'an"phal lo mahla,ka rawn luhkhung tho ang che u,zanin atang ka Pimpom-i kiangah ka rawn riak mai tur nia,kan thawm ri hria in i buai hle mai tur nia"a tih chuan a hmuiah ka hup sak nghal vat a.

Hepa tak hi chu aw tih ngaihna awm thlawt lo,min tizak ngawih ngawih,ka kut ka dahthlak rual chuan inthlahrung deuh takin ka nu chu ka va melh a.

A hmui rawn ti pawrh vak pahin"nangni pahnih tak hi chu aw,tihngaihna in awm dun hlawl lo"tiin a tho chhuak a,"induh leh tikhan inkawm rawh u,ka mut san dawn che u"a ti a.

Dawhkan chunga pyjama ka dah a hmuh chuan"khawia mi nge i lei?i rawn ba leh ringawt a mi?"kan lam rawn hawi in a ti a.

Donny'an"aw a ba nih kha,ka pawisa ka pek sak rih teh ngawt a,pawisa chu nidangah ka la rawn thing ang che u"thu tak zetin a lo ti vat a.

Ka nu lama ka kut phar pahin"dawt vek a nih kha,ba engmah ka neilo"ka ti ruai a.

Donny-a a rawn nuih huk chuan rum zetin ka melh a,ka nu in"in buaina ah hrim hrim ka inrawlh tawh dawn lo"tiin a room lamah min luh san a.

Ka thutna atanga tho chhuakin pyjama chu ka va la a,Donny-a malchunga theh thla pahin"kha la let rawh,min lei sak turin ka ti lo che"ka ti hmak a.

Ka kawr thleh thlak chu keng chungin a rawn ding hluai a,tawlh sawn ka tum chiah chu,ka kawngah rawn chelhin a darah hneh zetin min pu lawp a.

Ka inrin loh em avang chu lo dan hman ngaihna pawh a awmlo,te that pahin a hnungah ka thei ang angin ka chum a,ka room lam min panpui pahin ka mawng tamah tak na zetin a beng thlawrh a.

"awm tha hle hle ringawt rawh"a ti hluk a.

"i thu lo,kan in a nih hi"tiin ka ke ka leng a,ka khum chunga min nghat chawrh pahin"kawlh reuh lutuk mai"tiin pyjama a ken lai chu khumah a rawn theh thla a.

A lama theh let vatin"i ta nih kha,hawn rawh,khatianga tawng kher a ngai hleinem"khum tlanga thu chungin ka ti a.

Ka dara rawn chelhin"fiamthu hre hrang rual i ni tawh,i nu kha ka fiam mai mai a ni tih pawh i hria,min tih thinrim kher i duh a mi?"a ti hrawk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)