MY BOSS BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

MY BOSS BY Basta Tlau

Unread post by Ngaia » December 6th, 2016, 3:42 pm

Chapter 1

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
www.storyfb.com


Ka cousin nen Dawra pheikhawk kan enkual lai chuan Mangang taka au ri ka hriatna lampang hawi in ka inher vat a.

Dawr kawt lun lai a ah tak,Vaipa pakhat chhuata na tih hmel taka a let tawp tawp ka hmuh rual chuan ka pheikhawk lei tum mek chu khai chungin an bulah hmanhmawh takin ka va tlan phei nghal a.

Pa lian leh,sa tha nelh nawlh,min hnungchhawn zawnga dingpa in Vaipa kawr awma thaml a lai chiah chu ka pheikhawk sang ken laiin,a darah ka lo vaw vak a,"ngatinge vai a nih vang maia, i kut thak tih reh na atana i hman a,nangpawh ramdangah awm ta la,khaw laiah mi zinga sawisak i duh bik a mi?"ka ti phiar phiar nghal a.

Thinrim hmel zetin a tarmit dum bunlai chu phelh pahin"i mawl a mi a?"a rawn ti teng chhuai a.
Nui vur vur chunga vaipa kan bula a rawn din chuan makti zetin ka en a,nui ri hawk ka hriat zawm leh avangin ka hawi kual a,dawr chhung leh kawta miho chuan ha lang thuin ka lam a rawn la hawi vek lehnghal a,video camera leh hmanrua dang dang te ka hmuh rual chuan ka zak ngei mai.ka cousin Rempui'in mangang hmel taka a kuta minlo hui chu ka hmu nghal a.

Ka bana rawn manin"i zak em?"khi sung chunga a rawn tih chuan,a kapah na zetin ka pet sak a,min thlah rualin rang tawkin hawi let ngam tawh lovin,ka tlan chhe nghal chawn chawn a,ka scooty pawh ka ngaihven hman tawh lo,rickshaw lo ding mek chhunga thu lut pahin "hman hmawhin Ramthar lamah tlan nghal rawh"ka ti a.

Ka cousin Rempui'in"Helen Lalchukchu,lo ding rawh,min tlansan reng reng suh"ring zeta a rawn tih pawh chu ka hrelo der hmak a.

Rickshaw driver pa in"i va che hit rem rem ve,SP(superientendent officer)meuh han pet sak.."nui vur vur chunga a tih chuan"khapa kha police maw?"ka lo ti nghal a.

A lu bu nghauh pahin"a ni ngei alawm,mahse a ban thuai ka ring,sumdawnna lampang hi an chhungkaw tuina a nia,Lunglei lamah i awm ngailo hrim hrim mi,nge mizoramah i awm ngailo zawk?amah kha i hrelo mi?"maktih hmel deuh takin a rawn ti a.

Ka pheikhawk ken lai khal neuh neuh pahin"nia ka awm ngailo a,nimin piah khan mizoram-ah ka rawn haw chauh a"ka ti sap a.

Rickshaw driver'in"anih ka ring,ani hrelo chu zofate zingah tlem te chauh an awm ang,chung a hrelo zingah i lo tel ve chu i vanduai khawp mai"thutak fe in a ti a.

Chanmari kan tlanpel chiah tihah ka bag leh thil zawng zawng ka theihnghilh tih ka inhrechhuak a,tuna ka pheikhawk kenlai lah hi aman pawh ka la pe lo lehnghal,engatinge kei hi kum 26 ka ni tawh chung pawh hian ka chet chhiat theih em em thin le?

Rickshaw chhungah chuan ka ke ka per tan tan ringawt a.driver'in "ngatinge,i tha maw?"a rawn ti nghal a.

Thaw halh pahin"engmah ka inkenglo,pheikhawk ka kenlai pawh hi ka la lei bawk si lo va,inah ka nu leh pate pawh an awm ka ringlo,a remchan hunah pawisa chu ka pe mai ang che aw?"ka ti sap a.

Nui hawk hawk pahin"lungngai suh,engmah min pek a ngailo,in in thleng ka drop ang che,ka rickshaw a,i rawn chuang pawh hi vanneih ka lo inti hle asin"a ti a.

Kan in kawt thleng min thlah a,kawngkhar password chu hmetin ka lut nghal vat a,ka chau nghulhin ka hria.sofa chungah chuan ka bawk thlawp a.

Ka lo muhil ni ngei ang,kawngka ri dawt dawt ka hriat chuan ka mumang lam atanga harh chhuakin ka inperh tho nghal a.

Rempui'in"Helen chukchu khir,lo hawng vat rawh,min tizak lutuk"a ti ri ka hriat rualin kawngka ka va hawng nghal a.

A rawn luh rual in ka bag min rawn hawnsak chuan min vaw nghal zawt zawt a,"i danglam ve tawh ang chu tih nak alaiin,i la ngai reng,nangnu hian engtinnge Hotel management i graduate ve theih zawk le"a ti hlak hlak a.

"nangma thiamloh vek a nih kha aw,ngatinge atirin engmah min lo hrilh loh,ka zah zia hi i hrethiam pha lovang"ka lo ti a.

Rempuii chu sofa chunga thu hnawk pahin"min mawhpuh hauh suh,a hrim hrim in Donny-te ang tal chu hriat ve tur che alawm,i van pet na awm ve a,i ti zahthlak lutuk,damdawi in lamah an kalpui in ka hria,ka patea pawh teakwondo a lo zirtir che kha,a inchhir viau ang"a ti a.

"Min thlamuan tum ve ta che,ka nu leh pa bulah engmah sawi miah suh aw,ka thi ni mai"ka ti hluai a.

"Sawilo mah ila,ka patea chuan a la hre vat tho vang,e taka interview i tumna kha Sailo Hotel saw tiraw"chiang zeta min melh pahin a ti a.

"Aw ni e,ngatinge a?"ka tisap a.

A chal dawm vang vang pahin"awi Lalpa leh,minti mangang tak zet a ni,a ni vawiin khan Donny nen khan in inhmu chiang viau em?"dil chhut deuh takin a rawn ti leh a.

"Ka hrechiang bik lo,kei chuan a hmel kha ka hmu chiangin ka hria,a mitmu rawng a uk a,a hnar hmawrah khuavang tereuhte a awm a,a hmui hnuaiah lamah hmul tlemte a awm bawk"ka ti sap a.

A kut rawn phar chhuak pahin"chutiang teh duaha sawi angai lo,naktuka i interview dawnah chuan keimah ngeiin ka chei ang che,engmah min hnial hauh suh,vawina min tih zah zia kha hre reng la,ka thu angin awm ang che" ti deuh hmak pahin a chhuak a.

Rempuii tak hi chu aw,hnial ngam pawh a nilo.kei aiin kumhnih in a naupang a,mahse a chang chuan upa zawk ang maiin a khawsa fo thin a ni.chet chhiat ka hrat theih em avangin Helen Lalchukchu tiin min ko fo thin ni



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 3:42 pm

Ka pa hi vanlalhruaia kum 55 mi niin police officer hna a thawk a,ka nu chu Lalmuanpuii kum 51 a ni.nurse hna thawkin Lunglei civil hospitalah a thawk mek a.kan chhungkuain Lunglei Ramthar-ah kan khawsa a ni.

Mite angin duh duh leina tur pawisa ngahlo mah ila,midang awtin kan khawsa ngailo,class 12 result ka nghah laiin,Teakwöndo min zirtir a,result chhuah a ka pass veleh ka pain Hotel management,mumbai a zir turin min ti a.harsatna leh buaina hrang hrang hnuaiah kum thum chhung zet ka zir a.

Mizoram-ah ka duhthusam anga tha thawhna tur hotel a awm loh avangin Taj Hotel ah kum4 vel zet ka thawk zawm leh a,ka hlawh pawh ka chhungte thla tin ka thawn ziah a ni.Taj hotel-a ka thawhlai hian Oberoi hotel te,hyatt hotel lamah te thawk turin min rawn thlem thin a,mahse Taj hotel ah hian ka lungawi tawk em em a ni.

Kar hmasa lama ka pain nen kan inbiak tumin"rawn haw cho rawh"a tih chuan a fiamthu a nih ringin ka nui hak a."Lunglei-ah hotel an hawng thar a,tah chuan thawk turin i bei dawn nia,hlawh tam lo mahse,chhungkua awm hran reng hi a tha lo,naktuk lamah i bana tur thil vel tifel la,tunkar chhungin mizoramah rawn haw ngei ngei ang che"a ti hmak a.

"Mahse pa,in khatah awmlo mah ila,nitin kan inbe thei zel tho alawm,Mizoram ai chuan hetah hian hlawh a that em hi"ka ti a.

"sum leh pai lam ka ngaihtuah lo,rawn haw ang che"tiin phone a dah hmak a.

Ka nu biak ka tum pawh chuan min chhang tha duh hauhlo,ka mangang kher mai.

Dik tak chuan ka hna hi nuam ka ti a,engkim ah kan hotu ten min ring em em a,mi hausa tak tak hmelhriat pawh ka nei ngah tawh khawp mai.

Mizo Kristian hmeichhia ka nihna ka in hre chiang a,hnam dang leh sakhaw dang bia ho hi ngaihzawn ka duh ngailo.

Hyatt hotel a party kan neih tuma mizo tlangval pakhat hmeltha leh palian zet mai peikhawk sang ka bun chung pawhin a khabe zawna ka awm ni.khapa minute nga vel lek ka lampui pa khan ka thinlung hi a luah vang a niang.mipa thenkhat in min ngaizawng mahsela,ka bengkhawn duh ngailo.

Chaw kan eilai chuan ka pain"kan pu chu aw,an kohhranin film an siamna ah a changtupa ni turin an ruat a,vawiin lamah hmeichhe pakhatin a lo tibuai a,a thinrim hle niang amah hmu tura ka va kal pawh minlo hmu duh lo a"a rawn tih chuan ka lo ip chawih a.

"in pu hming chu tunge a?"inthlahrung deuh takin ka tisap a.

"Donny Lalhlimawma nia,e taka naktuka i interview na tur hotelah saw an mahni ta nia,vawin lamah buaina tawklo sela chuan zan inah kan chhungkuain kan lengho ang chu ka lo ti rilru a".a ti hluai a.ka thin a phu dawt dawt ni maiin ka hria.ka pa chu ka melh ngawt ngawt ringawt a.

Ka nu in"lungngai suh,nangte chu experiance i ngah tawh a,i tling em em ang tih ka hria"nui var varin a ti a." naktuk lam interview na tur lamah a thut peih ka pawh ringlo,va hmuh tum buailo mai teh ang u"a ti lehnghal a.

Ka thaw deuh huai nghal a.interview ka neihna tur hmunah chu kha paliana kha thu ve lo se ka ti ngei mai,a thu ve a nih chuan ka tlinglo sa angah ka inngai.

Ka interview tur chu Rempui'in kawrfual cream rawng ka khup chen a ban half tlema ka taksa phuar lek lek leh pheikhawk pum a flat dum bun turin min ti a,ka sam dum hlap mai chu min tih kir sak a,make up pawh min hnawih uar khawp mai.ka confi lo lek lek zawk.ani lah chuan "tikhan i nalh lutuk Donny pawn amah petu i ni tih a hre miah lovang che,a mah i hmuh pawn chiai miah suh"a ti a.

"Engtin nge kawrfual nen scooty ka khalh thei ang,ka nu leh pa te rualin ka kal hman tawh bawk si lo"lungawilo zetin ka ti a.

"Keiman ka phur ang che,chuan interview zawh hun thleng ka nghak che anga,ka dawr min nghahpui ang"a ti a.

Sailo hotel an sak thar kawtah chuan Rempuii nen kan ding vang a,Taj hotel anga ropui leh nalh nilo mahse,mizoram-a hotel ka hmuh tawh zingah chuan a ropui ber awm e.

Receiptionist nu in minlo dawng sawng nghal a,Rempui'in "hotel restaurantah ka lo awm ang.i zawh hunah i rawn kal dawn nia"a tih rualin room pakhata interview tur dang lo thut thapna chhungah chuan ka lut nghal a.

Hmun dangah pawh ka zam vak ngai si lova,ngatinge tuna taka ka zam tak em em le,ka kut te chu a rawn thlan a.

Ka bula mipa pakhat thu chuan"Venhima ka nia,Aizawl Ramhlun-ah ka awm a,nang engtin nge ka koh dawn che,khawi ah nge in awm?"nui ver ver pahin a rawn ti a.

Nuih let sak pahin"Helen zothanmawii,Lunglei,Ramthar-ah kan awm"ka ti sap a.

Min rawn chibai pahin"Lunglei lama ka awm chhungin in inah rawn len i phal ngem?"a tih chuan mipa pakhatin lut tura ka hming a rawn lam avangin ka bu ngat a,ka luhsan nghal a.

Mi sawm thut bialna lai taka ka thu chu ka zam tak zet a ni.ka beisei loh tak maiin an zingah Donny-a chu coat vut buak suit ha in a la thu tel ve zui.ka luh tirh atang khan mitmeng thip ramin min melh char char a,a bula hmeichhia pakhat thu ve lah chuan Donny chu hawlo tih hriat hmel zetin a nuih sang reng a.

Ka file chu pa pakhat in a keu kual dan dan a,chumipah chuan midangho in zawhna chi hrang hrang min zawt a.

Donny chuan "Helen Zothanmawi,i hming than dan hi a mawi tawkin i hria em"a rawn ti thut a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 3:43 pm

Phawk deuh taka Donny te lam ka en chu midang ho pawh chuan mak tih hmel zetin an lo en thap a,a bula hmeichhe thu in"Don,eng zawhna nge ni ngai a?"a tih chuan "kan hotela thawk tur in hming than dan mawilo zet lak ka duh lo,bakah hmeichhe mawl leh manner hrelo tak mikhual lawmna chang hrelo a,kut thlak ching mi chu lo interview lo law law sela a tha zawk ang"a ti thum bul a.

Minlo hria ni maw,mahse ngatinge helai hmunah kher tianga a rawn tawng theih zawk,a pa len tehreng nen a rilru a te hle mai.amah a intimualpho mai mai zawk a ni.

Pangngai thei ang bera lan tumin amah en in ka nui lui sak a"sir,hming than dan mawi leh mawi loh chungchang chu,kan awmdan leh mizia midangin an lo ngaihdan ah a in nghat in ka hria,engtiang tha leh mawi pawhin awm tum mah ila,mihring min hawtu mit hmuhah chuan a mawi thei tak tak lovang,helai hmuna interview tur hian advertisment in chhuah khan eng mizia nge induh tih engmah a intarlang lo a,hotel managemen graduate ka nihna angin ka rawn interview ve a ni"ka ti hluai a.ka sawizo chu ka thaw chhuak ham ham nghal a.

Midangho chuan mak min tih hmel khawp mai.

Donny-a lah chuan hmui chip hmakin min eizawh chak hmel niawm fahran in min melh dur khuih khuih a,midang hi awmlo ta sela,ka chungah engthil tak ti ang maw?

"mahni insawi thiam chawp ngai hi tumah midik an awm ngailo"a beka thisen zam pawng tawlh tawlh a,ha thial rawp rawp chungin a rawn ti hmak a.

"Mahni insawi thiam tumna lam ni lovin,thil awm thei ka sawi a ni"ka lo ti vat a.

Ka tawt up up in ka hria,ngatinge ka hna basana helai hmun hlawh tha zawk pawh ni hlei lova,ka lo interview kher le?thawh lawka pawna chhuah vang vang ka chak kher mai.

Midangho in mak ti deuh taka Donny nen min en tawn sek avang chuan hreawm ka ti ngawih ngawih a ni.

A laia thu pa upa lam deuh chu rawn tawng chhuakin"kan duhtawk tawh mai dawn mi,kar leh thawhtan lamah result chu kan hotel-ah hian i rawn ngaihven dawn nia"a tih chuan lawmthu sawi pahin ka tho chhuak nghal a.

File la tura ka phei chu ka bana na zeta min rawn pawh dawrh avangin ka te that a,kawngkhar lamah min hnuk kal dawr dawr ni berin ka hria.

Pawna interview tur midang ten ding chunga makti hmel taka minlo en chuan ka zak ngei mai.

Venhim'an"ngatinge a Helen?"a rawn tih chuan hawi let paha chhan ka tum chiah chu zo zeta min pawm kang lawp in"zaktheilo leh lutuk,i la tawng chhuak ngam a maw?"ti hlukin min pen sawn pui hmawk hmawk a.
Chhan ngaihna reng ka hrelo,min pawm dan ang ang chuan ka awm tawp a,engang pawhin talchhuah tum mah ila,ka thei dawn lo tih ka hria,maimichhing chungin a rimpa hrak chu ka hnim vang vang a.

Kawngkhar pakhat chu min la pawm reng chungin a hmet a,a inhawn rual chuan chhuatah min nghat pahin inchhung lamah min nam phei dawrh a,min kalh hnan dawn emaw ka tih avangin rang zetin kawngka lam chu ka hawi let a.

Rum zeta min melh kuih pahin chhung lamah a rawn pen lut a ni tih ka hmuh rualin ka thaw hawk a,amah hlat thei ang bera awm turin bang kil lamah ka tawlh phei vat a.

"engthil nge tih i tum?min rawn hnaih tawh suh"ka lam pana a rawn pen ka hmuh rualin mangang ru zetin ka ti a.

"engthil nge ka tih te chu nimin lamah khan i hriat tawh ngei ka ring,engvang kan shooting neih lai khera min rawn tibuai nge i nih,hmeichhe dang pawn min chim buai tho,mahse nang ang em hian min tibuailo a ni.nangmah avangin ka shoot thei tawh lo va,chumai ni lovin,khatianga i chet hnuah vawiin ah min rawn tih buai i la tum fo a nia"a rawn tih chuan mak ka ti ngei mai,engtin nge tiang ang mipa rilru kawi hi an lo awm theih zawk le.

Thinrim khur hlawk hlawk pahin"dawt in min puh hauh suh"ka ti vin tuar a.chumipah chuan ka kut pakhat pharin a hmaiah ben ka tum a.

Nghet zeta ka kut chu man pahin"kut min thlak i tum leh a maw?jail chhungah ka khung thei che tih i hrelo a mi.nang anga hmeichhe mawl tak hi khawvela an awm ve pawh ka ringlo"ka kut pahnih a man betin a ti a.

"I duh leh jail-ah chuan min khung rawh,nang anga mipa rilru zim leh kawi hmuh hi ka peih lo,i kianga awm ai thlawt chuan jail-a ka damchhung tan ka thlang zawk"min hmerna talchhuah tum pahin ka ti a.

A lama min pawt hnai dawrh pahin a awm si chetin ka ding a,"tikhan jail tan ai a hreawm zawkin i hria em?"a tih chuan ka hawi chho a,chiang zeta ka hmuiah tak a rawn fawh chuan phawk zetin ka meng kawk a.

Ka aikaih ni berin ka hria,ka chesawn thei lova,ka tha te chu a zawi vek a,a lei lum ther ther hmanga ka hmui a nawr kau te chuan ka thin a phu zawih zawih a,maimichhing pahin ka thaw halh a,min fawhna ril zet chu duhthaw takin ka lo chhang let nghal a.

A hmui lasawn paha a nuih hawk takah chuan ka mengchhuak a,"jail tan ai chuan hreawm i tih vak loh hmel khawp mai"a ti ngat a.chumipah chuan min thlah nghal bawk a.

Dah vaha amah en let pahin"in fawh te mai mai,engatan mah ka ngailo,i lungawi nan ka lo fawp let mai che a nih kha,ka chhuak thei tawh tiraw"ka ti hmak a.

Nui hawk kawngkhar lam kawk in "chhuak la,he lai hmunah leh ka hnaiah rawn inlan tawh suh ang,hmeichhe nasa leh lutuk mai"a ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 3:43 pm

MY BOSS-2

Postby Basta Tlau » Tue Oct 18, 2016 11:23 am
Donny-a tawng zawh rual chuan Kawngkhar lamah ka phei nghal a

"I tlinglo sa angah inngai ang che"a rawn ti a.

Kawngka biang chelh pahin ka hawi let a"ka lawm e,i hnuaia thawh chakna pakhatmah ka neilo"tiin kawngkhar chu na tawkin ka khar thuai a,hmanhmawh takin ka kal nghal a.

Ka file leh leh bag la turin thinrim insawh nghawng nghawngin ka hmui nuai nawk nawk pahin ka let leh a.khatiang ang em em a,chiang leh thuk khan tuman min la fawp ngailo,zaktheilo lutuk mai ka phalna la hmasa miah lovin min rawn fawp ve ringawt a.

Venhima'n ka file lo lek kang pahin"i theihnghilh a,Pu Eric'an nangmah pe tur che in min ti a"nui sawng chunga a rawn tih chuan engmah sawi lovin ka lo la nghal hmak a.

Ka bag ah khung tha nghalin room chu ka chhuahsan a,step-ah chuan ka pen thla phawk phawk a,he hotel hi chhuahsan vat vat ka duh a ni,step tawp ber ka thlen rual chuan ka hawi let leh hram a,railing chelh chunga Donny'an minlo en a ni tih ka hriat chuan lei ka chhuah khum vak a,a la nui suk zui.

Engthil nge maw a hriat le?fiamthu tuman an thawh tawp si lo,mawl leh lutuk mai.ka phone a rawn rik avangin kal pahin ka pick nghal a.

Ka pa chu rawn tawng nghalin"Helen,Pu Donny chu interview na hmunah khan a thu ve niang,ka fanu i ni tih inhriat tir la,kan inah tlai lama chaw ei turin rawn sawm rawh aw"a rawn tih chuan ka ding chawt a,ka thin a phu zawih zawihin ka hria.

Ka pa thusawi hrelo niawm takin"pa engmah i tawng ka hre theilo,helloo,helloo"ka tih a.

Ka pa in"a va mak teh thut ve,thu pawimawh sawi lai taka signal han that lo tlat zel mai chu"a ti a,ka nui deuh sak a.

Ka fihlim leh ta phawt e,he hotelah hian ka thawk dawn lo bawk a,kar leh lamah oberoi hotel emaw,hyatt hotel emaw Tulip star hotel khawi engemaw berah hna dilin ka thawk leh anga ni mai.

Rempuii chu phone in hotel kawta ka nghak tih ka hrilh a.ka bul a rawn thlen rualin "an zawhna che i chhang thei vek em,chuan Donny-a kha a awm ve em?"scooty-a lawn pahin a ti a.

"Chhang thei vek e,ka thawk dawn lo,mahse ka chhungte bulah engmah lo sawi miah suh,kar leh lamah ka chhuk thla leh daih ang,he hotel-a thawh hi ka peih lo"ka ti hmak a.

Ka lam rawn hawi pahin"enga result an hrilh nghal che u mi,a va mak ve"a ti hluai a.

Hotel kawta mi thenkhatin min en hrek hrek tih ka hriat chuan"tlan vat mai teh,khatia au vak lo khan,hmelphak'an ka tlinglo tih min hrilh vek tawh alawm"ka ti a.

"Awi,i che chukchu leh tawh a ni maw,Donny-a chuan a lo hre nghal che a mi?nge ni a,kut i lo thlak leh zawk?Pate Hruai'an i awmdan a hriat chhuah hunah chuan a thinrim khawp ang,engthilah mah min mawhpuh ve miah suh ang che"beidawn hmel zetin a ti a.

Rempuii nen dawra kan pahnih chauh a,kan awm hnu in"i sam hi colour la,pawt ngil ve rawh,i upa tan tawh,pasal tur i ngaihven ve tawh angai ni,i chi a hut hma ngei in"nui hak hak in a ti a.

"Pasala neih tlak mipa ka la hmu lo a nih hi,ka upat vang leh ka thianten pasal an neih avang ngawtin neih ve duhna rilru ka neilo,bakah ka pasal ka neih chuan mipaho an lungngai lutuk ang"nui hak pahin ka ti a.

"Fiamthu thawh renglo teh,zaninah rawn riak la Tetei i sam kan siam tir dawn nia,i inhmeh ngawt ang"thu tak zetin a ti a.

"Ka inhmeh anih te chuan ka siamtir anga ni mai lawm,nalh taka awmte chu ka duh ve tho"ka ti a.

Rempui'in ka pa chu phone atanga bia in"Pate, helen'in a be tlang thei lo che a,zanin chu kan inah a rawn riak dawn nia aw"a ti a.

A phone ka lama rawn lek pahin "a be duh che"a tisap a.

"Hello"ka tih rualin "zanin chauh riak ang che chuan naktuk chawhma lamah rawn haw la,engmah chhuanlam siam lovin"a ti a.

Huihaa Pa strict lutuk neih hi chu a van buaithlak tak,a thu zawm loh lahin min hrem nan engemaw tak min tih tir leh ngei anga.a thu anga awm loh ngam pawh a ni lo.

Zan lamah ka sam chu Rempuii te inbul a mi,Beautician thiam tak Tete'in min khawihsak a.

Ka sam an khawih lai chuan ka whatapps message a rawn ri a,ka en chuan "Helen chukchu"tih ringawt min rawn thawn a,ka number save loh a ni a,a dp ah chuan cartoom lem hi a hmang bawk si,tunge ni dawn le?Rempuii bakin tiang hian min ko ngai bawk si lo.
Rempuii lah chu a phone charge in ka bulah a awm reng si a.
"Tunge aw?"tiin ka reply a.
"I boss"tia min rawn chhan chuan ka nui huk a.ka chhang buai kual vel peih tawhlo.

Ka sam an khawih zo darthlalang hmaa ka inen chu ka lang danglam ve hle in ka hria.

Tetei chuan"i muhil thei lovang tih a hlauhawm khawp mai,naktuk zing atang chuan mipa ho in an thlir zui nasa ngawt ang che"nui chungin a ti a.

Ka muhil chu ka mumang lamah Donny hmelphaka ka lo la hmu zui.

Chawhnu lam zet zawta kan in ka thleng chu kan in kawta mitsubishi motor inhung ka hmuh chuan ka thlek vang vang a,ka pa in motor min lo leisak mi le?ti rilruin inchhungah thawveng zetin ka lut a.

Tukverh bul sofa kan hung chunga Donny-a lo thu awn duai ka hmuh rualin phawk zetin ka en reng a.

Ka nu in"i va rawn haw har ve,i phone lah i off daih lehnghal,naupang chhia pawh i ni tawhlo,awi i sam i tidanglam ve a ni maw?ngatinge engmah i rawn sawi loh"a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 3:44 pm

Ka nu tawnglai chuan ka Pa bula Donny-a thu chu ka en reng ringawt a.

"Engthil nge i rawn tih dawn?"ka ti hmak a.

Nuihzat hmel taka min rawn en chuan vawm chawrh ka chak ngei mai.

Ka pa in"Helen khatin inlengte an be ngailo,hotel i thawhna tur neitu Pu Donny-a nih hi"tiin Donny-a lam chu a hawi a"in lo la inhrelo mai thei ang,ka fanu Helen zothanmawii nih hi"a ti leh nghal a.

An thutna ep chiaha thu thla pahin an pahnih chuan ka melh tawn sek a.Donny'an"fanu i lo nei hmeltha khawp mai.ani nen hi chuan kan lo inhre tha riau tawh asin,mahse i fanu a ni tih ka lo hre lova"nui paha a tih chuan ka haw ngei mai.

Ka pa"ehe in inhria ani tih ka lo hre hleinem,engtin nge in lo inhriat a"dilchhut hmel taka a tih chuan ka thaw halh a.

"facebook-ah ka friend list ah a awm a"ka tisap a.chutia ka pa hmaa dawt ka sawi chu hreawm ka ti ngei mai.mahse he hmelphaka nena kan inhriatdan leh a chunga ka chet dan kha hrelo sela ka duh a ni.

Donny'an a hmui tisawi a mitmeng tizim deuh hleka min rawn melh ka hmuh chuan ka hawisawn vat a.

"Thawhtan lamah i hna chu i rawn zawm dawn nia"a ti ngat a.

Ka thutna atanga dingchhuak pahin"Enga,engthu maw i sawi?i va han.."ka tih rual chuan a mitko sang uk pahin min rawn melh chho kur a.Ka tawng chu ka tawp chawt nghal a.

Nimin lamah ka tlinglo chiang sa tih thu min hrilh a,tunah ka thawh tur thu a rawn sawi leh a maw?a duh duha min thlek kual tir a tum a nih vaih chuan ka che rapthlak khawp ang,ani ang reng renga mipa huat hi ka la nei ngailo.

Ka nu chu ka bulah nui vur vur paha rawn ding chungin"mak i va ti awm ve,i tlin i lo inring chiahlo ni maw?i bag vel hi i room lamah han dah fel la,minlo chetpui rawh,i boss thar turin chaw a rawn ei ve dawn nia"a ti a.

Ka pa lah chuan chik zeta minlo melh pahin"ngaihzawng i nei a mi a?i awmdan hi a va mak ve,hnamdang leh sakhaw dang makpa atan ka duh dawn miahlo nia aw"a ti a.

"mipa sawm rual zet ka ngaizawng,pasal chu nangni ni lovin keima neih tur ani,ka duh duh ka nei ang"thinrim zeta tipahin ka room lam chu ka pan nghal a.

Ka pa lah chuan nui hawk hawk pahin"ka fanu hi khawilam mipa in nge lo duh ve ang le?sawm rual ngaihzawng nei thei siin,tun thlengin pasal a la nei theilo nia"a tih ri chu ka hria a.

Ka pa awmdan hi chu amak ve ngawt mai.thinrimin han awm ila,a nui hawk hawk zel.

Ka indah fel hnua ka chhuk thlak chu Donny'an minlo en reng avang chuan ka lai lek lek zawk.ka nu leh pa ka hmuh mai loh avangin ka hawi kual a,ka pa chu an room lam atang hmanhmawh taka rawn chhuak pahin"i putea nikhaw hre lovin a awm thut a,damdawi in lamah an kalpui a,i nu nen kan va kal anga,Pu Donny nen hian lo inkawm ula,i phone kha off lo in,pangngai in dah la,chanchin chu kan inhrilh leh dawn nia,chaw ei hun awm velah chuan kan rawn haw thei mai ang"a ti zung zung a.

"Ka rawn kal ve duh"ka ti a.
Ka nu'in "engmah tih theih i neilo,inah tha takin lo awm rawh,Donny a zialo khawp mai,kan fanu hi lo awmpui mai rawh aw"a ti a.

Ka pa te an tlan liam chiah chu hmanhmawh takin inchhung lamah ka lut nghal a.

"Fanu mawl zet neih chu Pa Hruai-a chuan hahthlak a ti ve ngawt ang"ka hnung atanga a rawn tih chuan "Enga hmelphak"thinrim zeta leh hawi pahin ka ti a,kan inhnaih chilh em avang chuan ka tawlh hnung hret a.

"Ka mawl i tih te chuan in hnuaiah min thawh tir lo la ni mai lawm,ka pa chuan kei ang fanu min nei hi a lawm hle zawk"ka ti hmak a.

Min melh chhuk run pahin"hmelphak i tih awmzia chu enge?"rum zetin a ti hrawk a.

"I mawl e mai,i hre ve lovang,ka bula ding reng lovin thutna tura kan dah ah sawn va thu rawh"tipahin ka nu thil chhuan chu ka en kual a.

"Helen chukchu in inchhungah chuan i inti thu thiam hle mai"a rawn ti chu rangzetin alam ka nghal a.

"Khatiangin min ko tawh suh,hmelphak,ka hming i lam kha tawk"ka ti hlar a.

A la nui huk huk zui."nangpawn hmelphak min ti tho lawm,thingpui min lumsak dawn lo a mi,ka dang a ro vek tawh nia"a ti a.

Rum zeta melh pahin"tawng renglo khan thu hle hle la,thingpui chu i in em em ang,ka pa thawhpui i nih vangin ka be mai mai che nih hi aw"ka ti ngat a.

"I boss pawh ka ni bawk dawn"ngeiawm zeta min melh paha a rawn tih chuan ka haw ngei mai.

"i hnuaia thawk turin min duhloh thu i sawi kha"ka ti chuan"ka rilru ka thlak leh alawm,bakah midangho khan nanghi an thlang che a,inhnial buai hrep ai chuan an duh ang zawm kha tha in ka hria ni"a ti a.

Ka thingpui chhuan a so avang chuan"a thlum nge hang i in dawn"?ka ti a.

"A hang ka lo in ang"a ti a.

Thingpui leh Kt bakery mi cake chu ka chhawp sak a.
A ep chiaha thu ve nghalin thingpui sen hang chu ka in a,cake ka ei chiah chu Donny'an nui suk paha min lo en ka hmuh chuan makti zetin ka en a.

"Eng thil nge i hriat a?"ka ti hmak a.

Mitmeng tizim pahin"Ngaizawng sawm chuang nei ve si,mipa bula awmdan leh thil eidan mawi i van thiamlo ve"a rawn ti sap a.

Engtinnge ka ei a,ngatinge hepa hian min sawisel reng le?ka phone charge lai a rawn rik avang chuan ka chhungte an nih ringin ka en a.

Ka number save loh bawk,ka pick up rual chuan"tunge aw"ka ti a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2016, 3:45 pm

"Venhima ka nia,sailo hotel-a i interview pui kha,i tha maw?nimin khan i lungawi loh hmel lutuk a"a rawn ti a.

Nui hak pahin"ka tha alawm,nangzawk i tha maw,khawiah nge i thlen a?ka ti a.

"Zotlang Lodge-ah ka thleng a,in ina rawn len i phal em?"a tih chuan ka thaw hawk a.

"Ka hrelo,ka putea damdawi inah a awm a,kan boruak hi a nuam vak lo,mahse i duh chuan i rawn leng thei ang,thian dang i nei awm si lova"ka ti sap a.

Donny-a phone ri ka hriat rual chuan ka hawiphei vata,chumi pahin Venhima nen kan inbiakna chu ka ti tawp a.ka lam rawn hawi in"midang nen an inbe lawk a,aw tunah chuan a biak theih tawh ang"a mitmeng san ak pahin a ti a.

A hnu lawkah Ka phone a rawn ri a,ka pick up rual in ka pa in min lo hau nasa ngei mai.ka putea chu ala harhchhuah loh thu leh zan lama riahpui turin min ti a.

DONNY(POV)

Ka thinrim a,ka zak bawk,shooting kan neih lak lawh laiin hmeichhe pakhat jeans kekawr leh kamiz hring tial ha khal lam lek lekin ka point ah tak ka beisei hauh lova,min rawn peksak chu kei meuh pawh ka kun ngawih ngawih a.

Khanu khan Teakwondo a thiam a ni tih ka hre thei nghal.

Donny Lalhlimawm sailo ka ni a,feet ruk a sang ka ni.Sardar Vallabhbhai patel National Police Academic atanga tranning chhuak ka ni a,ka taksa a infit bakah ka thluak a tha a,vanneihthlak takin Superientendent officer ka ni thuai reng a ni.

India ram hmun hrang hrang ah leh foreign lamah te kan zin kual reng a,bialnu mumal taka han neih hman pawh a nilo,taksa a in fit that bawk si a, zan lama khawhar taka thiante rum ka thawm ngaihthlak ngawt ngawt thin a ni

Hmeichhe thenkhat ka hmaa ruak deuh thaw a an rawn in theh kual hi chuan ka lo hnar bik ngai lo,hmeichhia tumah hi ka la thlem ngai lova,thlem ka tum hek lo,an duh a nih chuan an mahni an rawn in hlan mai tur a ni.

Tum khat oberai hotel a ka thian te nen dinner kan nei chu India rama film producer lar tak pakhat chu ka kianga rawn kalin a film siam meka chang turin nasa takin min rawn sawm a.

Thinrim zeta amah en chungin"min rawn tibuai suh,i film siam lam chu ka bengkhawn love"ka ti hmak a.

Ka thianpa Abhinav-a chuan a phone atanga min selfie pui pahin "producer lar tak hnartu awmchhun Donny"a ti ngat a.

Chumi tukah chuan ka chhungten min rawn phone pahin"film chang tura an sawmna che i hnar alaw"an rawn ti sap sap a.

Engtin nge an lo hriat hman teh hrep le,thudik a ni miau si a,dawt ka hrilh thei hlawm bawk si lo.ka unaunu in"Mizoram lamah chuan i lar ngei mai,india rama producer lar tak lo hnar chu enge a an?i thianpa Abhinav'an in thalak a upload pawh kha like tu an tam lutuk"a rawn ti a.

Ka nuih a za bawk si,ka thinrim deuh bawk si nen,chhan ngaihna reng ka hrelo.

Tumkhat hyatt hotel-a kan thlen laiin hmeichhe pakhat kawrfual Coffee rawng a khup chen banbul ha hi bar lam pana a kal ka hmu a,engemaw takin a min hip em avang chuan ka coffee inlai la sa tha zet chu in khawlh pahin ka zui nghal a.Abhinav'an min rawn ko zuina pawh chu ka bengkhawn hman tawhlo.

Chu hmeichhia lam pana ka pen lai chuan sakshi'in minlo kuah pahin"lamdun ang,kan van inhmu khat ve,khawi hmunah nge i thlen,zanin chu i tan ka inpeih reng a nia"ka bengbula a rawn tih chuan ka thaw hawk a.

Kan piaha ka hmeichhe umzui leh a bula mi panga vel ding chu ka en reng a,mizo ang tihna riau ka nei,mahse ani anga hmeltha hi mizo hmeichhia ah an awm ka ring bawk si lo.bakah mizo ni sela chuan min rawn hre ve ngei ang.

Sakshi-i chu nemsawn pahin"minlo hrethiam lawk,zanin chu ka hmanlo" tipahin an din khawmna lam chu ka pan phei a.

Nui sang chunga ka lam a rawn hawi chu ka thisen a in pump zawt zawtin ka hria.tihngaihna ka hriat loh em avangin English in min lampui turin ka sawm ringawt a.

Kan lam atanga reilote ah Abhinav chu ka bula rawn kalin"emergency lo chhuak rawh"tia min rawn hrilhru pahin a kalsawn nghal a.

Ka lungawilo takzet a ni.ka lampui hmeichhia chu a benga seh pahin a bengbeng dum uai thla chu ka laksak a.mizo tawng in"duhtawka hrawm bawrh bawrh che ka chak"ka ti sap a.

Ka kalsawn pah chuan ka hawileta,a bengbeh chu khai langin ka nui sak a,a mitmenga mak tihna leh thinrim hmel deuh tak chu ka hmu thei.a bengbeh ka laksak chu ka kekawr ipteah ka dah nghal a.

Hyaat hotel ah chuan tlai deuh takah ka va let leh a,bar nghak tute hnenah leh receiptionist bulh chuan zothani tih hming an awm leh awm loh ka zawt a,mahse an hmu zo lo ni.

Hotel kawngka bula an Cctv dah atang chuan kan en a,a hmel ka hmuh rualin ka kawk a,hotel neitupa in Taj hotel-a thawk a nih thu a sawi chuan ka thaw hawk a.

Ka beiseilo deuh maiin kan hotuten mizoram-ah min sawn a,kum chanve zet Aizawl lama ka awm hnuin ka pianna leh seilenna Lunglei lamah ka awm a.

Hyatt hotel-a ka hmeichhe hmuh avang khan hmeichhe dang reng reng ka ngaihven thei tawh lo,ka thiante ho chu Taj hotel-a, zothani tih hmingpu zawng turin ka ti a.

Ka pa bula hotel tha tak leh changtlung tak siam ka rawt chuan mak a ti ngei mai.police hna hi bansan ka duh tawh ni.

Kum khat chuang zet an zawng tawh mahse an la hre chhuak thei bawk si lo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)