SIDE KICK BY Basta Tlau (Complete) (WARNING+18 ADULT ONLY)

Ngaia
Site Admin
Posts: 25813
Joined: April 30th, 2016, 4:07 pm

SIDE KICK BY Basta Tlau (Complete) (WARNING+18 ADULT ONLY)

Unread post by Ngaia » January 9th, 2017, 6:33 pm

SIDE KICK-1
side kick.jpg
side kick.jpg (15.44 KiB) Viewed 117038 times

(whatsapp lamah a link tel lo a post phal loh a nih kha)

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
http://www.storyfb.com



Whisky no ka dawm lai takin Mipa ka hriat ngai loh leh chopo hmel tak maiin ka phalna la hmasa miah lova,ka hmuiah a rawn fawh thut avang chuan thinrim takin chupa hmaiah chuan ka beng sawk a.

Thinrim leh zah hmel inpawlh taka min rawn en ka hmuh chuan"i va zak theilo ve a,i kut hmawr pawn min rawn khawih tawh suh ang che"ka ti hrawk a.

Chupa chuan"nangni ang hmeichhe zu in te chu mipa duh duhin kan khawih thei che u tih hre rawh?"a no ken lai tlak pap chungin a rawn ti a.

"Nang mipa mawl zet hi hmeichhia tam takin an bum kual mai mai che tih in hria rawh"tiin whisky no chu ka tlak ve nghal a,a thusawi ka ngaih thlak duh tawh loh avangin ka thutna atanga tho chhuak a,ka thiante pahnih Diki leh malsawmi chu party phuah chawp leh hne awm zet an buatsaih na atanga haw san tumin ka coat leh clutch uk chu la in pawn lam ka pan nghal a,ka thiannu te pahnih lah chu ka zawn kual fe hnu pawn an hmel reng hmuh tur a awmlo.

Gate atanga ka chhuak tur chu engthil emaw ka sut avangin leiah ka thal thuai a.

"mitdel i nia mi?engvanga i kalna tur kawng en miahlo nge i nih a?"aw thum tak in a rawn tih chuan ka hawi chho vat a,zan thim a nih vangin a hmel chu chiang takin ka hmu tha hlei thei lo.

Thawh tuma ka inbengkan rual chuan ka kiu bawr vel a chu a rawn thip deuh zar mai a.tunah rih chuan mi tumah biak ka peihlo.engmah sawi lova ka hmui pet fan fan chungin ka ding ngil a.ka bula mipa piantha zet ding kur chu kal pelh tumin ka hel a.

"Beng ngawng tawng thei lo te chu zanah chhuah ve phet loh tur nia"a rawn tih leh hluk a.

Ka thinrim lutuk chu hawi let pahin"hremhmunah thlawk bo rawh,mipa tenawm leh tawng thei pa"ti hrawkin ka car dahna lamah chuan ka pen a.

Ka sama a rawn kek dak awrh avang chuan ka te that nghal a,ka ban ka vai ruai bawk a.

"I va han rapthlak ve,engang hmeichhia nge maw i nih teh hrep le?"a rawn tih teng chuai a.

"Min thlah vat rawh,tuai a mi i nih a?"ti vin hlar chungin ka clutch ken lai chuan ka theih tawpa na in vuak ka tum a,ka clutch chu lo man betin min lak sak nghal a.

Helai hmun hi kalsan vat ka duh ni,ka clutch chu lak let tumin ka ka ban tang tang a,"Police hnenah ka report che i duh mi?ka bag kha min pe let vat rawh"tiin a awmah ka chum chawrh a.

"Zu rim nam chung khan police bulah min hek i tum a maw?i thusawi an lo awih sak che i ring a mi?"tiin ka banah a rawn chelh a,party na lamah chuan min hnuk let phei dawr dawr a.

"Tunge i nih a?min thlah nghal rawh"ka ti vin hlak hlak a,zanina ka thil tawn mek hi ka mumang nise ka ti hle mai.

Light eng china min dinpui hnu chuan min vawnna chu a thlah ve hram a,ka ban tuai vut vutin a hmel chu rum zum zetin ka en a,nichin lawka min rawn fawp ve ringawt tu nen khan an inang ngei mai,engmah sawi nachang hre lovin kan in en hau ringawt a.

"Ruth-i i nilo,tunge i nih?"ka dara rawn vuan chunga a tih chuan makti zetin ka mengphawk nghal a.

"Tunge i nih zawk?"thaw halh pahin ka ti a.engtin nge ka unaunu hming a hriat theih zawk le?a hmel chu hriatchian tumin ka melh leh ngat a.

Ka zawhna chu min chhang lovin hnai tawka min rawn en kur in"ka unaupa in a hmu tawh che em?engvanga helai hmuna rawn kal ve ringawt nge i nih?tu in nge rawn hruai che"a ti chhur chhur a.

Ka dara a vawnna chu thing thla thuai pahin"Engthil nge maw in hriat hlawm tehhrep le?helai hmun tawp leh bawlhhlawh zeta rawn kal hi ka duh bik lo,ka thiannu te pahnihin min..."ka tih lai chuan inchhunglam atang kawngkhar chu an rawn hawng avangin ka tawnglai chu ka tawp chawt a.

Diki leh mipa pakhat rawn inkuah chuak ka hmuh chuan thinrim zetin an bulah ka va kal ka tum a.

Dik'in mitmeng phi ruaia min rawn en chuan a rui tawh hle a ni tih ka hre nghal a,tunhma ang khan ka buaipui angai leh ngei ang.

"Iren nuam i ti viau lo maw?"tiin ka bula ding mipa chu a thlek deuh ha in min rawn en leh a"awi leh Rickey nen in lo in coach a maw!Dr Iren nimin lawkah mizoram-ah i rawn let chauh a,tlangval hmeltha i rawn thur chhuak nalh mai alawm,Dr Iren-i hi i lo ropui tak zet a ni"thawven hmel zetin a ti ham ham a.

Henu tak hi chu aw,a tleirawl thawven kha ala paih theilo a nih hi,bakah mipa a lawm mah mah thin a ni.dawt thu phuah chawp mai mai a sawi tam hma in a ka chip tir a ngai.a bula mipa la naupan ve hmeltak chu en chungin"khawnge kal in tum?keiman ka lo hruai haw ang"ka ti a.

Diki chu rawn nui awr awrin"min ngaihtuah suh,zanin chu Hotel-ah ka riak dawn nia,ka nu leh pa hrawn bulah khan engmah lo sawi suh aw"tiin a kal puipa banah chuan kuahin a kalsawnpui nghal a.

Gate pawn an thlen hma zawng chuan ka thlir ngawih ngawih ringawt a,ka lainat takzet a ni,tuna mipa a mamawhna em em nachhan pawh hi a pahrawn in than thi a neih hma kum sawm pali a nih laia a pawngsual vang vek a ni tih ka hria.

Ka kut chu ka humruh ngawt ngawt a.

"Iren-i i nia maw?kha nu thusawi kha a dik em?"ka bula dingpa in chiang zeta min en chunga a rawn tih chuan rum zetin ka melh kawk a.

Ka clutch a kenlai chu rang zeta la let pahin"ka bul hnaiah i hmel rawn inlan tawh suh ang che"tiin ka tlansawn nghal a.

Ka hnunglama nui ri ka hriat chuan tlan hlawk hlawk chunga hawi let hramin"min nuih suh"tiin gate pawn ah chuan ka chhuak nghal a,ka tawt up up in ka hria.

Kawng kawi laia bike tlan liam chiah ka hmuh chuan maimichhing in ka thaw halh a.ka phone chu phawrhin Malsawmi number ka dial a,min la chhang theilo zui.

Ka car chahbi chu phawrhin hmanhmawh zetin Lunglawn lama kan in lam pan chuan ka inkhalh chhuak nghal a.

Zanin anga ka nuna buaina ka tawh nasat hi vawikhatmah ka la hre ngailo,he khawvelah kum 25 zet ka nun ka lo hmang ve tawh a,tu mipa mahin ka nun dan leh awmdan hi min la tibuai ngailo ti ila dawt ka sawilo tluk a ni.

Mahse,zanin ah hian engvanga kei hi buai ta viau nge ka nih tak mai le?ka unaunu ka hriatchhuah thut vang nge?Dik'in a,Ricky-a nia a sawpa vang zawk kha le?

Iren Lalawmawii ka ni a.Lunglei,Lunglawn khua a awm ka ni a,ka nu Lalhmingliani hi primary zirtutu a ni a,ka pa chu Dr Zamliana chawngthu,gynecologist specialist a ni thung,unau pianpui pakhat keimah aia kum hnih a upa Ruthi Remsangpuii ka nei a,mahse a ni chuan vanduaithlak takin kum3 liamta khan min boralsan a,ka exam lai a nih vangin ka unaunu boral pawh hian ka haw ve theilo.

Matric ka pass hnu lawkah Dehradhun lama ka nutei te bulah zirna tha zawk ka duh avangin ka awm a,thla ruk vel an bulah ka khawsak hnuin Dehradhun girls hostel lamah ka insawn lut ta ni.

Vanneihthlak takin engeng emaw ka tihkual hnu in vellore lama MBBS zir turin seat ka hmu a, internship ka zawh chuan Mizoram lamah ka haw ve leh thei ta hram a.

Kan in ka thlen ni chuan ka naupan lai atanga ka thian kawm ngeih tak pahnih Diki leh Malsawmi te chu rawn lengin Electric venga an thian pakhat miriam-i birthday party na a,kal ve turin ka nu leh pa awm laiin ngawrh takin min sawm ve ngawt a.

Ka pa in"va kal ve rawh,thian neih nan pawh a tha lawm,he lamah i awm khat si a,hmelhriat i neih tlem lutuk palh ang"a tih chuan ka pawm ve ta hram a nih kha,lokal lo ila ka ti hnuhmawh khawp mai.

Min rawn fawp ve ringawt tu khan zu ka in avanga a duh anga min khawih theih turah a inngai a nih chuan a ti sual khawp ang.

Pawna ka sutpa huhang na zet nen khan inzawmna an nei angem aw?.

Ka hmui hnuai seha lu thing deuh nawkin pangngai taka awm ka tum a,ka car chu kan garrage-ah hung lutin inchhung lamah chuan thawm dim takin ka lut a.

Ka nu chu TV enin a lo la meng reng a ni tih ka hriat chuan a thutna piah deuh hleka thu thlain"i van mu har ve,dar sawm pahnih a ri tep tawh si a"tiin sana chu ka en a.

"Ka fanu hmeltha tak mai hi him dam takin a awm a ni tih ka hriat chian hma loh chuan thlamuang takin ka muhil theilo a nih hi"tiin a nui sak a.

Ka hmui tipawrh a rawn hmuh chuan"i pa damdawi in lama an rawn koh thut avangin ka la mu lo mai mai lawm,a rawn haw ve tep tawhin ka ring,i duh leh va mu rawh,naktuk lamah i pa clinic lama i kal ve a ngaih dawn kha"a ti a.

Ka nu chu melh vang vangin"nu ka u ngaihzawng te ho kha i hriatpui thin em"ka ti a.

Chiang zeta min rawn en hnu chuan a thaw halh a,thochhuakin lehkhabu dahna lam chu a pan a,diary bu niawm tak hi rawn phawrhin ka malchungah dim zetin a rawn nghat a.

"Bawihi kha thil kha i u diary a ni,chhiar la,tichuan engkim i hre mai ang"a ti zawi sap a.

Ka room lamah kalin engthil dang mah ti lovin,ka u diary chu ka chiar nghal a.mittui tla phunga ka chhiar zawh hnu chuan ka maimichhing vang vang a,diary kara a bialpa nena an thalak a tar chu ka mitthla a.

Ka u bialpa chu Rooney Lalduhawma Murray a ni a,phir unau a nei anga a ziah hming hi Ricky Lallawmzuala Murray a ni a,thalaka mipa hi zanina mi a tu emaw zawk zawk kha a ni chiang lutuk tlat,pawna mi zawk kha Ricky-a a ni tak tak ngem

Ka u in diary-a a ziah dan chuan an unau leh keini unau hi nupui pasalah innei tawn ila tih a ni,nuihzat thlak thei ngawt mai.

Ka u khan nasa taka inngaihtuah chungin duhthusam a ngah thei hle a.mahse,chungte chu a takah a thleng vek bik ngailo a ni,

A diary a thu in ziak hnuhnung ber chu accident a tawh hma darkar thum liamta a thil ziah hi a ni"he khawvela ka hmangaih em em Rooney-a fa ka pai avang hian ka hlim tak zet a ni,phone atanga hrilh lovin,hmaichhanah amah hmu turin ka kal anga,ani nen chuan kan naute ka pum chhunga chawlh karli zet lo awm reng tawh hi duat takin kan enkawl puitling thei ngei ang,tunah chuan Ka naute nen ka Hmangaih Rooney bula awm kan mamawh"tiin a ziak a.

Mu tura ka insiam meuh chuan zing dar thum a lo ni der tawh mai.Malsawmi chu biak ka tum zet a,mahse a muhil lai tihbuai ka hlauh avangin sms hmangin thil pawimawh tak sawipui ka duh thu ka thawn ta ringawt a.

Ka phone ri in min tih harh avang chuan lungawilo zetin side table a phone ka dah chu ka ban a.

Number engmah en lova ka pick rual chuan"nizan khan nang leh Diki vanga buaina ka tawh nasat zia i hria em?nangni lah chuan min ngaituahna nei miah lovin min la hawsan daih zui.Ricky hmeltha nunrawng'an min thlah hlauh a,mahse,nangma chanchin hlir min la zawt zui,ka thik ngawt mai che,engtinge inlo inhriat hman a?"titau aw lek lekin a rawnti a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 9th, 2017, 6:33 pm

Ka khum atanga inperh tho lawpin khum tlangah ka thu a,pangngai thei ang bera lan tumin ka aw ka thian hmasa phawt a"tumah hmelhriat ka neih loh kha,i rawn sawipa pawh kha ka hre ngailo"ka ti a.

Ka thil zawh duh tak mai"Rooney Lalduhawma Murray tih hi i hriat mi a ni em?"tiin ka zawt leh nghal a.

Malsawm'in chek tlak tlak chunga rawn au vakin"i tho a mi a?Nizana i mipa ben kha Rooney-a lawm,a unaupa Ricky hmeltha nunrawng'an a thlah thlam mai mai lovang che tih ka hrechiang,i phone number pawh min dil a nia aw"a rawn tih rual chuan vin zetin "engvanga lo pe nge i nih i va ti mak ve?"ka ti tuar a.

"Awi a awmdan kha ka sawi thiamlo,a hlauhawm a ni tawp mai,a motor a min tlanpui rualin(ka unaupa mualpho taka siamtu Dr Iren-i kha min pe rawh)a ti a.vawikhat a sawina ah kha chuan pek ka tumlo bur mahse a rawn tawng nawn leh chiah khan,lawyer hmeltha nunrawng tak a nih zia a rawn lang a"a ti hlak hlak a.

Malsawmi nena ka inbiak zawh meuh chuan ka zawi hnawk ni berin ka hria.bathroom atanga ka chhuah rual chuan ka phone charge lai chu a rawn ri a.number ka save lohna atanga a ni a,mahse Doctor ka ni a,min mamawhtu te pawh an lo ni thut thei ti rilruin ka chhang a.

Lehlam atang chuan aw thum tak maiin"dar khatah Murray hotel-ah rawn kal ang che"a rawn ti nghal a.

Tunge a nih ka hria,mahse thupe aw tak leh amah rawn insawi hmasa lovamin rawn biak avang chuan ka tinurna a tizual.

"Number i rawn hmet sual a niang"tiin phone chu ka dah hmak a.

Dar zat ka en chuan dar kua a lo ri tep tawh a,zan lama ka mut that lohvang a niang,thawh ka hai,hmanhmawh takin choka lam ka pan a,kan awmpui Burma nu fel tak ka naupan lai atanga kan ina khawsa char char Nu Chhing'in min hmuh rual chuan rawn nui var varin"Ka bawih duat,i pa in vawiin chu awm hahdam turin a tiche a"tiin dawhkanah eitur min chhawp sak nghal a.

Inthlahrung taka melhin"min rawn kaih thawh tur che nia"ka tih chuan ka sam kir tak maia rawn chulin"tunah chuan nula i ni ve tawh,i naupanlai anga zing tin rawn kaitho che a tul tawhlo"a ti a.

Ka thil ei chhung zawng chuan ka bulah rawn thu in eng eng emaw a sawi siam siam a."Ruthi nen khan in hmel en mai chuan phir unau ni awm tak in,mahse in mizia leh awmdan chu pakhatmah a inanglo"a ti sep sep a.

Ka thil eilai tawp deuh chawtin ka ngawi vung vung a,kan naupanlai atang mi thenkhatin ka u nen min hriat pawlh fo a,hmelah chuan kan inang ve deuh kan sam a kir ve ve a,ka u khan a sam colour in pawt ngil hma lo phei sela chuan min hai tu an tam ve khawp ang.

Nu chhing'in"ka bawih duat,i thil eilai chawlhsan chu Doctor hrisel tak leh chak tha tak i nih ngai,damlo enkawl tha thei tur in"soup chu bowl chawpin ka hmuiah a rawn tin tuah a.

A duh khawp ka ei hma loh chuan min nawrlui zel dawn tih ka hria,soup chu ka inzo vek a.

Balhla pum khat lian zet chu ka lama rawn lekin "kha hei hi ei leh rawh"a ti a.

Pum puar luah chungin ka room lam pana let ka tum lai tak chuan doorbell a rawn ri a,Nu chhingi lam hawiin"kan va chhawn ange"tiin kawngka chu ka hawng nghal a.

"Enge ni?"tia pawna kawngkhar bula coat suit nen induang zaih maia,mipa a kekawr ipte zen chunga lo ding ka hmuh chuan Ka phu nasa lutuk chu te thatin rang zetin khar kalh leh ka tum a,kawngka zawna a ke rawn dahin kawngka chu a hawng zau nghal a.

"In ina rawn leng tur apiang kawngka i khar hnan leh thin a mi?"tiin keimah zawk chu pawn lamah min pawt chhuak dawrhin a taksa si chetin min kuah bet nghal a.

Hlauthawng zeta ka hawi chhuah rual chuan ka hmuiah tak min rawn fawp pawp a.phawk zetin ka meng kawk a,ka taksa zawng zawng chu a zeng vek ni maiin ka hria.ka chesawn thei hauhlo a ni.

Min fawhna a hmui chu lasawn mai lovin,rum hakin ka hmui a rawn seh zauh a.a hmui a laksawn rual chuan mitmeng de sawr sawra min melh pahin"ka unaupa kut i thlak ang khan min thlak ve chu tum buai suh ang che"a ti hrawk a.

A tawng zawh rual chuan ka kut ka lek kang a,rang zeta lo man betin"ka sawi zawh chiah kha i hre lo a mi?bengngawng ang maia i awm hi sim hmak rawh"a rawn ti leh a.

Ka kut chu tal phelh tum pahin"engvanga ka hmui thianghlim hi nanga hmui tawp leh bawlhhlawh taka rawn si ngam nge i nih,hremhmunah thlawk nghal rawh "tinrim zetin ka ti khur dar dar a.

Rawn nui deuh huk pahin"Doctor zingah chuan tawngkam duh tuilo pawl tak i ni ngei ang,hetiang hian a mi damlo te i biak thin"tawngkam pangngai takin a rawn ti a.

Inchunglam atang Nu chhing'in"ka bawih duat,tunge ni a?"a rawn tih lang lang avang chuan Ricky Lallawmzuala chu en in"enge i duh?"ka ti a.

"Nangmah"a tih chuan tawlh hnungin ka melh hrawk a"biak che ka duh tih i inhria,inchhung lamah inbia ang"tiin amah zawk chuan min kai lut nghal a.

Nu chhingi hmel ka hmuh hmui hup chungin makti zetin minlo en a."Rooney"a tisap a.

Min vawnna chu thlahin"Ka nilo,Ricky ka nia,ka unaupa chu Rooney a ni,nang engtin nge ka koh ve ang che"nui sang chunga tiin a kut chu a phar chhuak a.

Nu Chhingi chuan chiang zeta en dauh dauhin"inva inang ve,Ka bawih duati i hian ka Nu chhing tiin min ko thin"tiin a chibai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 9th, 2017, 6:34 pm

SIDE KICK-2

Postby Basta Tlau » Sun Dec 04, 2016 7:49 pm

Ngawi renga ding chungin Ricky-a leh Nu chhingi te inbe lai chu ka lo thlir ringawt a,engthu nge an sawi tih mumal tak pawn ka hre hlei thei lo.

Ka hmui hnawng chhap mai chu ka kawr banin ka hru a,ka khuasik dawn in ka hria,ka taksa chu a sa pup pup a,ka dang a ro em em bawk.

Nu chhing'in dawra kal a tum thu a sawi zawh rualin ka dara rawn khawihin"i tha em?i awmdan a va mak ve"min ngaihtuah hmel taka a rawn tih chuan fridge a tui vawt awmna lam chu panin"ka tha lawm"tiin tui chu maimichhing chungin ka in khawlh khawlh a.

Ka meng chhuah rual chuan ka hmazawnah tak Ricky-a min enkur chunga lo ding ngawi reng ka hmuh thut avang chuan ka phu nasa lutuk a,ka tui hmuam lai chuan a coat leh hmai velah ka phuh per thuai a,ka inthiamlo tak zet a ni.

Tawng tuma ka ang chiah chu ka khuh bawrh bawrh nghal a.ka hnungzanga Ricky'an a Ku tphah hlai tha tak maiin a rawn chul chuan ka ding ngil at a.

"Ka duat,helai hmunah hian min bual huh i tum a mi?"nuizat hmel takin a ti a,a thinrim viau ka ring asin le.

Rum zeta melh hrawkin"khatin min au suh,haw rawh,ka nu leh pa te an awmlo,rawn inlan tawh suh"tiin sitting room lam ka pan nghal a.

Ka bana rawn man betin min pawt her thuai a,ka inrin loh em avangin a taksa sek tha zet mai chu ka ngheng deuh rawk rawk a.

A kut tang pakhata ka bek sam tla rawn hui pahin"i nu leh pa awm loh thu chu engvanga min hriattir tum talh nge i nih a?min beisei a mi?"ka beng bula rawn thaw lum ham ham chunga a tih chuan ka hmui hnuai pet chungin a lak atang ka talchhuak nghal a.

"Naupangchhia ang mai,i hmui kha pet tawh suh"thupe aw zeta a rawn tih chuan thaw halh chung ka en let ha a.

Phiangsen hian engvanga ka chunga thu neih rawn tum ve ringawt nge a nih?a chiahhlawh leh a duh duha a tih theih ah min ngai a niang,zalen leh thawveng taka awm duh mi ka nih vangin ka mimal nunah leh awmdanah ka pa tih loh mipa tumahin thu neihna pakhatmah an nei ngai lo.

"i va zaklo ve,kan in atang hian chhuak nghal rawh,kan inchungah hian thuneihna pakhatmah i neilo tih hre rawh"ka ti hmak a.

Min rawn en kur chungin kawngkhar lam a pan a"kan la hria ang chu,lo inring ang che"tiin pawnah a chhuak zui nghal a.

Ka thaw chu a chham mai dawnin ka hria,tunhmain hetiang hian vawikhatmah ka la awm ngailo,ka awm chu dawm chungin ka thaw halh halh a.ka kutphah thlan dap mai chu ka kawrah ka hru a.

Engvanga inring tura min ti ringawt nge a nih?ka rilru a buai tak zet a ni,cushion chungah chuan ka thu thla hnawk a,a chanchin hriatchian ka mamawh tunge ka zawh tak ang.


RICKY(POV)

Hmeichhe dangdai zet mai kan inpui Gate atanga a kal liam lai chu ka thir reng a.

Dr Iren maw?ka unaupa bialnu boralta nen khan an inang hle mai,boruak ka hip deuh kawk hnu chuan ka unaunu Miriam Lalhundiki Murray kum 24 piancham pha lawmna party an neihna kan inchhung lamah chuan ka lut a.

Kawngka ka pen luh rual chuan ka nau Miriam'in ka bana rawn chelh vatin"big bro,i lova han thleng har ve"tiin ka unaupa Rooney-a bulah chuan min kai phei nghal a,a hmel en pawn a rui tawh takzet a ni tih a hriat ngawih ngawih.

Miriam'in"show ropui lutuk i rawn hmu hmanlo nih kha"ka bengbula a rawn tih chuan phawk deuh takin ka melh chhuk nghal a.

Rooney-a chuan min rawn en pahin"Ric,khanu phiangsen kha va man bet teh,Ruth-i a thlarau a nih leh nih loh hriat ka duh,minla beng zui lehnghal ka sawisa dawn ni"seh chilh nawk nawk chungin a ti a.

Miriam'in"i fawp hmasa nih kha,khanu kha ka la hmu ngai miahlo,e taka Malsawmite rualin a rawn kal ve alawm"amah leh amah inbia niawm takin a rawn ti a.

In neitute ber kan nawi dawn tlat,Room lama ka unaupa ka kuah chho pahin Miriami bulah "Malsawmi leh Diki chu study room-ah rawn hruai rawh aw"ka ti a.

Ka unaupa buaina hi kha hmeichhe dangdai zet vang kha a ni tih ka hria,a takah Ruthi kha ka lo hmu ve tawh a,han en thuak kha chuan an inang hle reng a ni.

Ron chu a khuma ka mut that tir hnu chuan study room lamah ka phei nghal a.miriam'in"u hei hi Malsawmi nia,Diki chu a haw tawh niang"tiin a bula hmeichhe lo ding chu a kuah a.

"Dr Ireni kha i thian a ni em?"tiin Malsawmi hmel chu ka en kur a.

A rui chhe lutuk lo tih ka hria a chhan chu a thiannu hming ka lamrik ruala hlauhthawn hmel takin min rawn en nghal vang a ni,thian pangngai aia an inpawh ka ring.a lu a buk nghat hnu chuan ka thil hriat duh ang tlem ka zawt leh a.

Miriam'in"ka u beng tunu kha Dr Iren-i maw?a va mak ve,big bro engtin nge i lo hriat hman a?"a rawn tih chuan an pahnih chuan min en deuh ha a.

Ka dar san ukin"mit leh beng tha tak ka la nei ve alawm"tiin malsawmi lam chu ka hawi a,"ka lo thlah haw ang che i thianten an hawsan si che a"tiin ka chhuak nghal a.

Malsawmi ka thlah haw haw hnu chuan Lunglei,Venglai lama ka in luah lamah ka haw tlang nghal a.

Inchhung ka luh chuan ka awmpui vaipa Ramesh-a chu coushion chungah puan lum sin chungin a lo hnar bur bur a.

A room lama mut tha tura ka sawi harh hnu chuan ka room lam panin step ah ka chhoh san nghal a.

Ka kekawr ipte ka zen rual chuan thi leh bak khilh chu ka khawih fuh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 9th, 2017, 6:34 pm

Thi hi ka unaunu birthday present atana ka lei Zopa Cold smit a mi ni a,kum dangah chuan foreign leh India ram hmun hrang hrang a mi tlereuh ka pe thin a.

Kumin hi chu ka hna lam leh ka unaupa vanga ka buai em avangin a vawikhatna atan Mizoram lama mi pek ka tum a,mahse kan boruak teh nuai avang khan a hunlai takin ka pe hman lo a ni,naktuk zingah chaw ei pahin ka pe mai ang.

Bak khilh manto hmel loh zet mai chu en in ka nui sak a,Doctor ni ve si a fimkhurlo hle mai,a sam ka tham pah khan a bakkhilh hi a lo phelh a,a sam kha sam tawnna in tawn thuah lo sela chuan a bak kilh inphelh lai pawh a hre nghal ngei ang

Shower tui lum hnuaia ka inbual lai chuan Doctor nu hmel hlir ka lo mitthla a,a hmui nalh tak mai a seh lai te,a taksa derdep zet tihnat awlsam hmel tak mai ka ngaihtuah chuan mak tak maiin ka mal inkar a mi ka thil chu a rawn che tual tual a.

Ka awmdan tehhrep chu a,rum hawk pahin towel chu pawt thla thuai in ka inhru hul nghal sawk sawk a.

Khuma mu pahin ka phone chu ka en a,Miriam'in whatapps ah"ngatinge present min pek loh,kei aia duat i nei tawh a mi?"tiin min rawn thawn a.

"Ka pek theihnghilh thu leh ka room chunga ka dah tha a ni"tiin ka reply a.

Malsawm'in ,Doctor nu number min pek chu whatapps lamah a Dp ka en chiang a.mipa naupang chawrche hmel zet mai a pawmlai thalak a hmang a,mak tak maiin chu mipa naupang chu pen lawlh ka chak deuh tlat bawk a.

Miriam'in min rawn phone thut avang chuan ka rum halh a,ka pick up rual chuan"u kawngka rawn hawng teh,i inah ka rawn riak dawn?"a ti a.

Pyjama suit ha chung chuan ka tho chhuak nghal a,kawngka ka hawn rual chuan Miriam'in"Rooney-a bengchheng lutuk a buaithlak e,engtia tih chi nge ni dawn?Ruthi i hmingte a lam nawk nawk a,a zia awm tawh tehreng nen,zanin a kha Doctor nu hmuia a va fawh a,a lo ben atang khan a pangngailo leh alawm"mittui tlingpiau chungin a ti hlak hlak a.

Ka nau Miriami chu ka room lamah ka kuah chho a,ka khumah hian mu mai rawh,a tlai tawh si a,a hranpa a room tihfel ka peih lo,kei chu sitting room lamah kan va mu nge"ka ti a.

Side table chunga thi leh bak kilh ka dah kawp lam a hawi rual chuan"awi a va nalh ve,engtinnge ka thil duhzawng hi i hriat theih zawk a?hei hi min present tur a mi?"tiin bak kilh zawk chu a la a.

Rangtaka lak let sakin"hethil hi chu i ta tur a ni lo,midang ta sa a nih hi"tiin thi chu a kutah ka hmehbel a"kha hei zawk hi i ta tur chu"ka tih chuan lungawiloh hmel taka min en chungin"Hair clip kha ka duhzawk asin le?tu ta nge ni a?"a ti talh a.

A bianga piaisak zeuh pahin"chan tawka lungawi tum rawh"tiin ka chhuahsan a.

Ka mut hmunah chuan ka inngaihtuah a,ka pa hi Zomuansanga Murray B.Tech Computer science and Engineering a ni a,ka nu hi chu Lalbiakdiki Chhangte a ni,college-ah professional hna a thawk mek bawk.Lunglei khaw chhung hmun laili ah in kan nei nual a,man chawiin midang kan luah tir hlawm a,tin Farm veng lamah pawh Murray Resort kan siam a,pawl leh mi hrang hrangin man chawiin intihhlim nan an rawn hmang fo thin a ni.

Kan unau pathum chauh kan ni a,ka phirpui Rooney nen kan inkawm ngeih em em a,kan awmdun tawh chuan thian dang kan kawm ngailo,kan nau Miriami hi kan theih tawpin kan duat ve em em bawk.kan unau thuma kan awm tawh chuan jam room lamah kalin Music kan play ho thin a,miriam'in zai pahin Keyboard a khawih a,Rooney'an drum a vaw a,keiin guitar ka perh thin a ni.

Class 12 kan pass hnu chuan ka nu leh pate chuan kan unau thumin study room-ah min ko khawm a.ka nu chuan lehkha phek hi min sem diat diat a.

Ka en chuan mak ka ti kher mai,National Law school of Indian University,Bangalore a enterance pek theihna tur lehkha a ni,BA,LLB(Honour)tranning turin min ti a.

Rooney-a thung chu Oxford Collage of Engineering Bangalore-ah entrance pe a,B.Tech Civil and M.Tech structural engineering ti turin a ti a.

Miriami chu class 12 a pass chhuah ve huna National Institute of Fashion Technology,Bangalore a tranning turin an ti thung a.

Ka pa in"kan nupa hian leia in Pathian hmuh theih kan ni a,in awmdan tur leh he khawvela in eizawn ve theihna tur kan ngaihtuah sak vek tawh che u a,engmah phun nawi lovin in thil tih tura kan ruat kha tha takin in hlenchhuak theuh tur a ni"a ti hmak a.

Vanneihthlak takin kan thil tih ah theuh kan hlawhtling em em a,Bangalore hmuna kan awm vek avanginn hun awl kan neih changin kan inhmukhawm thin.

Kan zirlai kan zawh hnu chuan ka unau dangte Mizoram lama an haw hnu pawn kei chu experiance neih belh ka duh avangin Delhi lamah senior Advocate hmingthang tak Ashok Patil hnuaiah ka thawk a.Criminal Law 1-3 leh Taxation Law-ah paper ka hmu a.Ashok pawh hian minlo lawm em em a ni.

Sawrkar hnathawk leh vai sumdawng hausa tak tak te,company hrang hrang ten min rawn be tha thei em em a,party leh thiltih pui apiangah min sawm chamchi hlawm a.ka hne hlawm takzet a ni.

Ka unaupa nen zankhat videocall hmanga kan kan inbiak chuan hmeichhia a nun tidanglamtu a tawn thu min hrilh a.ka nuih a tiza kher mai,amah vanga hmeichhe thenkhat lak ka mualpho theih tehreng

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 9th, 2017, 6:34 pm

nen engkim a hre ve vek asin le,tuna a hmeichhe rawn sawi nen pawh hian kar khat vel bak an daih ka ringlo.mahse,thlakhat vel zet an inzui ve tawh a ni,a bialnu Ruthi pawh chu videocall hmangin min biak tir ve a.an pahniha thalak pawh min rawn thawn fo thin a ni.

Ruth'in Delhi lama an school naupang a rawn zinpui tum chuan atakah kan inhmu a.ani pawhin ka Rooney nen kan inang hle niin a sawi,mahse kan taksa len zawng leh kan hnarngul a inan loh thu min hrilh a,chumai bakah a thinlung ngaihtuahna atang kan danglamzia a sawi tel bawk.

Ruthi motor accident vanga a boral hnu lawkah ka unaupa chuan zu a in nasa ta em em a,ka nu leh pate pawn tihngaihna an hrelo em em a ni.a hna lamah a buai bawk nen,ka pa in Mizoram lama haw turin thu min pe a.

Mizorama hnathawka ka inben belh hnu chuan mi hrang hrangin min rawn be reng a,kan inchhunga sawi rem loh tam tak a awm thin avangin keimahin Venglai lama kan in pakhat ka luah ta a.kan inhnuai chu office atana ka hman nghal avangin thil tih a awlsam khawp mai.

Mizoram sawrkar lam pawhin min rawn be thin,mahse keimaha zalen taka awm ka duh avangin mawi hnai takin ka hnar a,mizoram lamah pawh company,damdawi in hotel leh pawl hrang hrangin an tana thawk turin contract min ziahpui nasa em em a ni.

Electric venga kan inpui lamah chuan inrini tlai apiangin ka haw ziah a,monday zingah ka inluah lamah ka chho leh thin a ni.

Office lama ka thut changin nula leh nu thenkhat te chu inchei tak chunga rawn kalin pawimawh lo zeta an rawn leng lut fo a,a chang chuan ka hne tak zet thin a ni.mahni tawka buai nak alaia tul lo taka min rawn tih buai an tum thin hi ka kham hluah hlauh.eitur ka tana an rawn ken te chu ka thawhpui Pu Hmuaka ka pe ziah a.pangpar an rawn kente pawh kawngkhar an pen rualin bawlhhlawh bawmah ka paih nghal thin a ni.

Hmeichhe hrang hrangte chu kawm fo mah ila,an mahni ka kalsan rualin ka ngaihtuah zui ngailo.min kherh in min zar huam huam a,ka hne tak zet a ni.minister fanu Lalrinsangi hi a bikin ka hne tak zet,tawngkam na taka ka hauh hnu pawhin min rawn la tibuai fo reng a ni.mahse ka thinlung a dek phah vaklo.

Hmeichhe ho hi an duhna ah chuan an nasa thei hle tih ka hria.mahsela engkimah mipa hi kan chungnung zawk thin a ni tih an hre ve angai,tunah pawh kha Doctor Iren Lallawmawii awmdan khan keimahah chona nasa min pe a ni,hmeichhe dang angin min ngaipawimawh lova,kut min thlak a tum nih kha.

Ka unaupa in a fawp a ni tih ka hriat khan kei pawhin fawh ve ngei ka duh a.khawi damdawi inah nge a thawh a,engang chhungkua chiah nge an nih tih ka hriatchian a ngai.

Zingkar atang ka phone chu ka khalh kual reng a,engtia tih tur nge niang,midang hmuh laia ka unaupa kut a thlak kha chhuan lamah ka hmang dawn mi,a tha ber lovang ka unaupa khan mi zingah a fawp hmasa tlat a ni.

Hmeichhe zu in hi ka demlo,mahni an in control thei a nih chuan mipa tam tak pawhin kan in fova,hmeichhia pawhin an duh a nih phawt chuan an in theih lohna chhan tur a awmlo.

Ka office a rawn lenglut mipa tam takin an nupui fanu te zu in an duh loh zia leh an thinrim thinzia an rawn sawi fova,nitina an bawnghnute,thingpui leh tui an in thu an sawi tel ve ngailo.

Mihringte hi chu kan mak ve ngawt mai,midang thatna leh an thil tha tih kan sawi lang tha duh lova,an chhiatna lai uar leh thu belh nei chungin kan sawi fo thin a nih hi.

Kan chaw eikham ka room lama insiam tura ka kal hran hnu chuan Dr Ireni number chu ka dial ringawt a,engthil nge ka sawi tur pawh ka hre hranlo,a bak kilh hi ka pek a ngai ni.min rawn chhan danah chuan ka lungawilo kher mai.

Phone a off rual chuan thinrim zetin ka dial nawn leh a,min chhanglo vawi 20 vel ka tih nawn pawhin min chhang theilo,ka phone chu bang vawm nan ka hmang a.

Ka khum ke chhir pahin"i chaklo khawp ang"tiin ka insiam zung zung a.

Ramesh-a chu thil pawimawhah ka chhuah lawk tur thu ka hrilh a.Malsawmi te in Lunglawn lam chu ka va pan a,an kawngka ka kik chuan Malsawmi ngei mai chuan min rawn hawn a,mak a tih hmel kher mai.

Inchhung lama min luhpui pahin"office kal ka ngai enge i duh?iren-i chungchang a nih chuan engmah ka hrilh tawh dawnlo che,i unaupa thiamloh a nih kha,an awmdan lo hmu ve ila chuan iren'in a ben aia na in ka beng ve nghal ang"a ti hlak hlak a.

A thiannu chu a tan ve hle mai,ka kekawr ipte atanga bak kilh phawrh pahin"he thil hi ama ta a ni em tih hriat ka duh a?"ka tih chuan a kut rawn pharin"a ni chiang lutuk,a damlo enkawl thin chhungten an pek a nih kha,khawi ka lo pe ang"a ti a.

Ka lu thingin"an awmna min hrilh rawh,keimah kut atang a hmu let ngei tur a ni"ka tih chuan pawnah min hruaiin Doctor zamliana te in lo lang ruih mai chu min kawh hmuh a.

Motor chhunga ka luh rualin"buaina siam miah suh"a rawn tih chuan ka nui suk a.

Ina a awm leh awmloh ka hrelo mahse an inchhungkhur hmuh ve ngei ka duh a ni.kawngka min rawn tunu ka hmuh rual chuan ka thaw halh a.

Ka tum loh beisei dan ang taka minlo chawn avangin rilru tih thawvena insawr bing tumin an in atang chuan ka chhuak a.

Bak kilh pawh ka la pe chuang lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 9th, 2017, 6:35 pm

SIDE KICK-3


Postby Basta Tlau » Mon Dec 05, 2016 8:52 pm

Ka car chhunga ka thut luh rual chuan car darthlalangah ka hmui chu en in ka khi suk a,a hmui nel thep mai kha strawberry ang maia tui a niin ka hria,kei hian fawh nawn leh ngei ka duh a ni.

Ka unaupa hmu turin kan in lam pan chuan chak takin ka inkhalh chhuak a.ka chhungte zawng zawng chu inah an awm kim vek a ni tih ka hriat chuan mak ka ti ang reng hle mai.

Ka nu in min rawn hmuh rual chuan ka bulah lo dingin"nagtinge i rawn kal khera,i office lamah i buailo mi?"chik zeta min en pahin a ti a.

Ka nu chu kalsanin Rooney kiangah ka va ding a"inbia ang?"tiin inchung lama jam room chu ka pan nghal a.

Ka nu in"engthilnge in hriat le?Miriam i ute pahnih hi chu an mak ngawt mai"lungawiloh hmel taka a tih ri chu ka hria a.

Rooney'an "miriam'in min hrilh hi thudik a ni em?Ruthi nau nizana mi kha i ngaihven a mi"tiin chhuatah chuan a thu hnawk a.

Chair a thu thla in rum zetin ka en a"a nau a ni tih i lo hre reng amaw!ngatinge i fawh ve ringawt a?"ka ti hrawk a.ka unaupa khawsak dan hian minti thinur takzet a ni.

A mitmeng tizim san chunga min rawn thlek vang vang hnu chuan a nui hawk a."french chibai ka va buk ve mai a nih kha,la thu tak vak duh suh,tunah chuan nangmah tanpui tur che in ka inpeih ta e"enghelh neih loh hmel taka ti chungin a rawn ding a.

A rilru a buai leh mai ang tih ka hlau a ni.A dara va vawnsak nghalin"hahdam takin awm rawh"zawi sapin ka ti a.

"Tun ang taka ka that hi ka la inhrelo,zanin chu kan pahnihin Dr zama te in lamah makpa interview va nei ila,ka len luh lohna pawh a rei tawh alawm"zi mar ar ar chungin a ti a.

A kawr awma tham sakin"in ngaihtuah harh rawh,Dr Iren-i kha va tibuai nawn tawh suh,i tan a tha lovang"ka ti hrawk a.

Ka kut chu dahthla in"kei aia minute khata i pian hma avangin min zilh reng suh,ani hnenah khan ngaihdam dil ka duh lawm"tiin min en vang vang a.

"Engtinnge Ireni a ni tih i hriat theih?mizoramah a awm ngai si lova,kei leh Ruthi'in i bulah a hming kan la sawi hauhlo tih ka hrechiang"a ti leh a.

"Bangalore damdawi in pakhatah kan inhmu tawh lawm"tiin dawt ka sawi ringawt a.

Rooney chu za zeta nui huk hukin"dawt min hrilh thei lovang,Ruthi khan an unau chungchang min hrilh fo thin asin.Dr Ireni pawh CMC Vellore ah a trainning a,Bangalore hospital ah a la kal ngai hauh lo,chennai central hospital leh Appolo hospital lamah chuan a kal fova"a ti a.

Rooney hi chu a duhna ah chuan a thluak a vawrh vir chak thei ngawt mai.nui suk chungin thudik tak nizan lama kan insut dante leh a bak kilh pek tuma an ina ka va kal thu ka hrilh laklawh lai chuan"midang an awm ve em?chibai tumin a hmuiah i fawp ve lo mi?"a lo ti zung zung a.

Bu nghat pahin pawn tukverh lam ka hawi a"mi zingah a tih zah che avangin a beiseilo ang takin side kick ka thlen tir ngei lawm"ka ti sap a.

Rooney chu ka kianga rawn ding hnaiin"chuthil chu i ti ngei dawn tih ka hria,kan naupanlai atang tawhin kan duh loh dan anga miin kan chunga thil an tih chuan engtin emaw tak Side kick kan pe ngei ngei thin si a"a rawn ti a.

Kha Doctornu chungah side kick pe anga ka inngaih chu ania,keimah zawkin ka tuar let mai ang tih ka hlau a ni.

Rooney'an"a remchan hunah Ruthi nau chu kan la in check up tir ve dawn nia,an zirlai pawn a titha thei lutuk"pangngai takin a rawn ti a.

Ka phone a rawn rik avang chuan tawng tuma ka ang chiah chu ka tawp chawt a,Rooney chu ka chhuahsan nghal a.makti deuh takin min enzui a ni tih ka hria.


IREN(POV)

Ricky'an min chhuah san atanga darkar khat a liam hnu chuan Nu chhingi dawr kal pawh a rawn haw ve ta hram a.

Ka room lamah lutin ka phone chu ka en a,nichina min rawn be tu number leh Malsawmi number atang Missed call a lo awm nual a.

Malsawmi number chu ka dial nghal a.a rawn pick up rualin"ka ngaihtuah lutuk che,ngatinge phone i lak theih loh Ricky'an i hair clip kha a pe let che em?"a ti a.

Makti zeta mengphawk hrain"aih pe lo,nizana ka tibo emaw ka tih kha mizak theilo pa khan alo la a maw?"ka ti vin hlar a.

Ka thinrim takzet a ni.mipa ve si engvanga hmeichhe thil awt nge a nih,tuai a nih chu ka ring bawk si lo.

Malsawmi thu rawn sawite chu engmah ka hrechiang thei tawh lo.phone chu off in zing lama min rawn biakna number chu ka en chiang a,whatapps Dp a a thalak ka hmuh chuan ka dial nghal a.

Min chhang thei dawn lo emaw ka tih hnu chuan aw thum tak maiin"tunge?i rawn dial sual ni lo maw?"a rawn tih chuan"zaktheilopa engvang in nge ka hair clip i ruk a,tuai a mi i nih?min pe let vat rawh"ka ti tuar a.

A rum hawkri ka hriat rualin"rukru ah chuan min puh hauh suh ang che?i duh a nih chuan ka office ah rawn lam rawh"tiin a off hmak a.

Ka phone chu melh tlawk tlawk chungin ka insehruh a,engvanga min tihbuai chak viau nge a nih,a duh a hmu mawlh ang,buaina siam hmasatu nih ka duhlo,mahse min tibuai tu an awm a nih chuan dawihzep taka tlansan ka tum bik lo.

Malsawmi chu phone lehin Ricky-a office address message hmanga min hrilh turin ka ti a.

"Iren i inzir chut vek tawh,i news lo lutuk Lunglei mai nilo,india rama Lawyer thiam leh sexy berah an thlan office

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)