PASSIONATE LOVE - By Basta Tlau (18+ Only)

Ngaia
Site Admin
Posts: 25813
Joined: April 30th, 2016, 4:07 pm

Re: PASSIONATE LOVE - By Basta Tlau (18+ Only)

Unread post by Ngaia » February 5th, 2017, 3:25 pm

PASSIONATE LOVE-6

Edit
Delete post
Report this post
Warn user
Information
Quote
Share this topic on

Postby Basta Tlau » Tue Jan 24, 2017 10:08 pm
Kan thutna hnunga miten Joel Patrick-a hming an lamrik ka hriat chuan ka beng a verh nghal zar mai,an thusawi ri ka hriat chuan ka tawm chawih chawih thei.

Nu pakhatin"Bernice-i chu ni ila,Joel-a hmeichhe kalpui nu kha mi zawng zawng zingah ka sawisa hrep ang mawle,hmeichhe thenkhat te hi chuan nupui hual nei mai nilo,pa leh putar thlengin an ngaizawng duh"a ti hlar a.

A bula mi chuan"a mak ngawt mai,kum khat chhung leka Joel-a mizia danglam nasa lutuk hi,tunhma kha chuan hmeichhia hi a melh ngailo a,tunah erawh melh chu sawi loh a bula hmeichhe awm apiang chu a mut pui zel tawh a nih hi"a tih ri ka hria a.

Ka beng hup chungin ka maimichhing ta ringawt a,nitin chanchinbu chhuak apiangah Joel-a leh hmeichhe hrang hrang thalak an rawn tarlang deuh ziah a,keipawn ka hotel thawhna ami chanchinbu te chu ka en ziah,a hmel lan chianna ka dah that te kha ka hal ral vek a nih kha.khang thalaka hmeichhia te kha a mutpui vek a maw!ka thiante ho chuan Joel-a nena kan thalak hmuin min nuihzat ngei ang le?

Ka bag chhunga nachhawkna chu phawrhin ka hmawm zauh a.nizan mut dawn ka nau hriat loh laiin mum hnih ka ei a,ka kap bawr na hut hut pawh a zia hawk phah a ni.


Thlawhna nghing lawihah chuan meng chhuakin ka ham bai bai a.ka nghawng kham thum chu tuai vut vutin"kan thleng tawh ami?"ka tisap a.

"I tarmit kha bun tha rawh,thlawhna chhung hi khum emaw i ti niang,darkar nga zet i muthlu lawm"Emma'in a ti nang nang a.

Thlawhna atanga kan chhuk thlak rual chuan nute Samantha-i te chhungkua in minlo hmuak a,Johny leh Jeremia phir leh Rachael-i te pawh an duhawm in an lo lian tawh hle mai.Emma-i aiin kum lamah Johny te phir dun chu kumkhatin an naupang a ni tih a hriat tawh hauh lo. kan inchibai sap sap hlawm a.

Pute George'an "in rawn thleng thei chu a lawmawm khawp mai,Emma in rawn zin leh dawn ah chuan hma deuh takah min hrilhlawk tawh dawn nia"tiin Bolero a dahna lam chu min panpui a.

Nute-i chu en hain"ngatinge a?"ka tisap a.

Ka bag pakhat min laksak pahin"nizan a mu lo hrim hrim,in rawn zinna turin Visa Office lamah a buaipui char char alawm,Russian Embassy-ah thawk lo se chuan a tih theih pawh ka ring lo"a ti a.

Motor chhunga kan thut luh rual chuan Emma'in"Pate nang hi chu Superman i ni,mihring in an tih theih loh tura ka ngaih nang chuan ti thei ania"tiin a biangah a fawhsak zeuh a.
"Kum khat chhung in cham ang"ti hmuk pahin motor chu wood farm lam panin a khalhchhuak a.

Rachael'in ka sam rawn khawihin"Anna,i sam dum tha tak ang hi ka duh ve"tiin a sam buang thang mai chu tuai chungin min en kar a.

"collage i kal hunah i la siamtir ve dawn nia,tunah chuan i zirlai chiah ngaihtuah rawh"nui suk pahin ka ti a.

Wood farm kan thleng chu a hahdamthlak huaiin ka hria,mi pali hnathawka an rawihte chuan sakawr var pakhat kawlh hmel zet hi an lo sawi zawi mek a.

Pate George'an"ka thatlai kha chu nise,awlsam takin ka ti thei ang mawle"a tih chuan Nute Samantha-i chu alo ner nang nang a.

Kan room tur min tihfel hnu chuan nute'in a kuta min rawn huiin"minlo zui lawk ta che"tiin hulhliap a thutna an dahah chuan min thutpui a.

"i ka atang engkim hriat vek ka duh a ni?Anna Joel nen in inkarah hian awm a awm mi?"ka mita min en kalh chungin a ti ban charh a.

Ka mittui tling pam chu dan kir tumin ka khap fak fak a."kan inkarah engmah a awmlo,Nute ngatinge kan neih theih loh tur hi kan awh tlat thin le"ka ti zawisap a.

Ka dara rawn kuahin a beng thek thek a"ka hrethiam khawp mai che,rilru hah takin awmlo la ka duh,i nau kir hunah pawh nang chu ka bulah awm rih ang che,I visa vel chu George-a kutah kan dah dawn nia"tiin min kaitho a.

Dinner kan ei lai chuan Johny'an"Anna naktuk School sport-ah Rugby kan unauin kan khel ve dawn a,minlo en ve la,kan hotute zingah duhtu che an awm hrim hrim ang,Texas-ah hi chuan Mr Patrick-a aia hmeltha an tam..."a tih mek laiin Jeremia chuan a ka a arsa kan ro lian tawk tak hnawhsakin"mommy thusawi kha i hre tawh lo a mi,vawikhatmah Mr Patrick-a hming kha lamri tawh suh"rum zeta melh chungin a ti a.

Midangho chuan phawk hrain minlo en nghal vat a,ka nui lui thei thlawtlo a ni,an hmaa ka mittui tih tlak ka duh loh avangin ka thutna atanga thochhuakin"ka thawhsan mai ang che u"tiin ka room lamah ka tlan lut vat a.

Ka awm zawna ka kut dawmin ka thingthi rawih a,ringzeta au vakin ka tap nghal hlawp hlawp bawk a,khawi hmunah pawh Joel-a hlimthla hian min umzui zel zawng a nih hi,he khawvela hmeichhe vanduai ber ka van ni tehlul em.

Ka dara min rawn kuahtu an awm avang chuan ka mittui kar atanga hawichhuakin ka en a,Emma'in mit hnawngchhapa ka dara a lu ngatin"i tuar chhuak thei em em ang"a ti a.

Ka thin tawt lutuk chu a hreawm takzet a ni.ka kut pahniha ka awm dawmin boruak hip luh tumin ka thaw kawk kawk a,ka thi thei tak ngial dawn.

Ka mit hmuh chu a fiah lo ruai a,ka taksa chu khur hlawk hlawkin chhuatah ka tlu hnawk a.tawng chhuah tuma ka ang chu ka ka a chih vekin ka hria.

Emma'in"engtinnge i awm,i tha em?"tia rawn kunin midang ho a au vak ri chu ka thil hriat hnuhnung ber a ni.

Ka ban a rawn thip zawk avang chuan chau zetin ka mengchhuak a,nu pakhatin ka kuta venflon a lo vuah mek chu en in"ngatinge hetia i tih a?"ka ti ha a.

Min rawn nuih var var chunga drip kaltirin"i chauh em vangin Drip hi bur 2 kan khai anga i zia mai ang,rilru hah lutuk in awm lo la"a ti sap a.

Ka nutei te chhungkua leh ka nau in lainat hmel taka minlo bial thap ka hmuh chuan ka inthlahrung tak zet a ni."Pate ka tihpalh lutuk aw,tunah chuan ka tha tawh,min ngaihtuah suh u"thaw halh pahin ka ti a.

Pate George-a chuan ka sama rawn chulin"Anna engmah ngaihdam dil angailo,hahdam takin kan kiangah awm ve reng la ka duh ani"tiin an fate chu room atang a chhuahpui a.

Nutei leh ka nau chuan min thutchilhin min awmpui ran a.Joel-a vangin hreawmna ka tuar tam tawk tawh,tunah chuan eng anga harsa pawh ni dawn mahse ka theihnghilh angai tawh a ni.

Taxes-a ka nutei te kianga kan awm atanga kar khatna ah ka nau Emma-i chu school luh angaih tawh avangin Idaho lamah min hawsan a,amah chauha a kaltur chu ka ngaihtuah takzet ani.

Thlawhna lam pana a kal tur chu min rawn kuah vang vangin"min ngaihtuah suh aw,chuan hlim takin i awm dawn nia,kan hostel atang zantin ka rawn phone ang che"tia a kut vaiin thlawhna chhung lam a pan a.

Thawm ri hak ka hriatna lam chu hawiin ka en a,reporter tam tham zet chu camera nen hmun pakhat lam pana an tlan khawmna lam ka hmuh rual chuan ka thin a phu zawih zawih nghal a.Nilo ka mitthla mai mai aniang tia ka maimichhing ka menchhuah leh chu Joel Patrick-a mit leh ka mit chu a intawng chat a.

Nutei bana hmer ngawt ngawtin"kal vat ang"ka tisap a.

Kan hnunglam atanga"Anna Ivanovva"tia rawn au ri ka hriat chuan ka beng hup chungin hmanhmawh takin hmalam ka pan zel a.

Ka theihnghilhin ka tuarchhuak tawh asin,engvanga hreawmna leh zahna min siamsak tuma ka hmaa rawn lang nawn leh nge a nih?

Ka nutei kai chunginTaxi pakhat chhungah ka thut luhpui vat a"hmanhmawhin wood farm lamah tlan rawh"tiin ka tur nghal a.

Nutei chu hnunglam enzui hramin"ka rinai a rawn thleng hma"a tisap a.

Phawk zeta melhin"i hre sa a maw!"ka ti vak a.

A kut ahmuia dahin driver chu a melh zauh a"inah kan sawi dawn nia"a tih chuan thinrim ru takin tukverh lam ka hawisan hmak a.

Farm gate chhunga kan luh rual chuan"Nute"ka tisap a.

A phone kenlai min rawn pe pahin"en rawh,Russia leh USA'in iron and steel industry chungchangah meeting an nei dawn alawm,Joel hi khawvel hausa thlanchhuah zinga Top 20 a langpha a ni a,reporter leh chanchinbu miten an ngaihven reng a ni,chuan thil pakhat tun thlengin Model Bernice-i nen inhualna an la nei lo"inlam pana mawng sawi lawk lawka pen chungin a ti a.

Ka din ngaia ding rengin Nutei phone chu ka en a.ka lu thingin"ka ta tur nilo thil chu ka ngaihven thei lo"tiin phone chu off in inchhung lam ka pan ve nghal a.

JOEL(POV)

Sumdawnna thil avanga America ka kal tur chu ka peihlo khawp mai.mahse,Moscow-a ka chhungte kianga awm pawh ka hne.Bernice-i nena kan inkar atawp avangin min ankhum reng a,mipa khawlotak leh lep lerh tak niin min ngai tel bawk.

Ka chhungte chuan nupui hual nei reng chunga Red square-a hmeichhe dang nena kan thalakdun Bernice'in a hmuh vanga min then angah an ngai,ka hmeichhe kalpui chu Anna-i ani tih an hre hauh lo bawk.

A awm reng a ni,keipawn Mr Douglas'an hmeichhia a rawn kalpui kha chiang taka ka hmuh hma kha chuan Anna-i ani ang tih rin ngaihna reng ka hre lo,tunhma ai khan a lang itawm lehzual.

Kei hian hetiang ang hmeichhia hi ka it a maw!hunrei tak ka lo suangtuah fo thin anga ka penthouse pakhata hmangaihna kan chendun chu ka awihlo hial zawk.hmeichhe virgin ka mutpuina hmasa ber a ni,min tawng tak zet bawk.

Engtinnge hetiang rual ni sia ala thianghlim theih zawk.ka rilru leh ngaihtuahna zawng zawng a tibuai zo vek.

Ka ngaihtuahna fim hman tuma Ka penthouse chhuahsana tur chu inenkawl tunu hnenah Anna-i chu lo enkawl turin ka chah hram a.

Mosvak River kama ka din lai chuan ka pa in phone a min rawn bia in ina haw turin min ti a.

Kan inchhung ka luh rual chuan ka chhungte leh Bernice-i chhungte bawk chu an lo awmkim leh thap tawh.

Bernice'in tap tuau chunga ka awma rawn chumin"engtinnge show reilotea ka lan chhunga hmeichhe dang i lo awmpui theih zawk?joel khanu kha tunge,ka chhuah hauh lovang"a ti tuau a.

A kut chu phihthlak sakin"ka hmangaih tawk loh vang che niang,ka chau hahdam ka duh"tiin chhuahsan lehnghal ka tum a.

Ka pa chuan awrawl vin zeta min ko in ka bulah a rawn ding a,ka hmaia min rawn bengthuai in"nang hi ka fapa pawh i nilo,hmeichhe thinlunga,an rilru put hmang hi hriatthiam tum ta che"a ti chhur chhur a.

Hmeichhe rilru puthmang maw!Anna-i khan eng rilru pu in nge a thianghlimna min hlan?

Kawngkhar lam panin hmanhmawh takin ka chhuak nghal a,ka nu in min rawn umzui chunga min kohna pawh chu ka chhawn peih lo.

Gate zawna ka din chu gate keeper-in kawng minla hawn duh lo zui,limousine car chuan tawlh hnungin khawl ka tinung vat vat a,gate thir rinawm tak sut chhiat ngei tumin ka speed chu a sang thei ang berah ka dah bawk a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:25 pm

Engthil dang mah ka ngaihtuah lo,helai hmun atang hian ka chhuak tur ani tawp mai ni.gate vawikhat ka sut chuan ka su hawng zo hauh lo,thinrim insehruh ngat ngat chunga hnung tawlh lehin ka su nawn leh a.

Engemaw a rik thuai rual chuan ka mitmeng a fiahlo nghal riai riai a.

Ka mengchhuah leh rual chuan damdawiin khumah ka mu tih ka hrethei nghal.ka lungawilo tak zet.

Ka sira ka nu hmel ka hmuh chuan thu chhuak vatin"tihtur ka nei"tiin ka bana drip an khai chu ka pawt phawi a.ka kuta thisen chhuak chu hupin"dar engzat nge ni tawh?khawng car chahbi"ka ti hmuk a.

Ka nu chuan ka bana rawn chelhin"i luhlul chhuah phet lo teh,nikhaw hre lovin darkar nga i awm a,i rawn harhchhuak chauh a nih hi i lu an thuina te kha enkawl angai lawm"mangang hmel takin ati chul a.

Ka lu chu khawihin ka ner sawk a."engmah na ka nei tawhlo,min ngaihtuah angai lovang"tiin kan awmna room chu ka chhuahsan nghal a.ka bana sana ka en chuan dar8 alo ri der tawh.

Taxi hmang chuan ka penthouse lama ka kal nghal a.in enkawl tunu ka hmuh rualin"ala awm em?"ka ti vat a.

A lu thing pahin"i chhuah hnu lawk khan a chhuak ve nghal"a tih chuan ka room lamah lutin Anna-i nena kan sulhnu khum chuar zet mai chu ka en a,bed sheet uk a thisen kai ka hmuh chuan thaw halhin bathroom chhungah ka inbualfai a.ka inhliam vaklo chu a tihzia hle mai,ka ban dinglam tlemin a kak tih mai chauh a ni.

Anna-i ka biak hmasak phawt angai ni.engvanga a thianghlimna min hlan nge a nih?a rui tih ka hre tho,mahse chhia leh tha thliar hrang thiamlo khawpin a rui chhe lutuk lo.

Apartment lama ka va kal chuan alo inkalh thiap a.a hnathawhna hotel-a Nick ka va biak chuan chawlh a lak thu thinrim tih hriat zetin minlo hrilh a.

Amah enthla tura ka tih lah chu Bernice-i nen kan chhuah dawn khan a thil tih lai chawlhsan turin ka ti daih bawk si.

Mr Douglas-a ka phone chuan a nupui hluiin mutchhuah hmel zeta min lo chhangin a inbual mek thu min hrilh a.

Engvanga umzui reng nge ka nih?ani buaipui lo pawn thildang buaipui tur ka ngah,sum tam tham zet ka pek hmang khan nuamchen turin a tei rawlai mai mai aniang.

Min ngaihven lotu mihring ngaihvena buaipui reng ka peih lo.

Pangngai thei ang bera lan tumin ka office lam ka pan a.hnathawk thenkhatin makti taka min enzui ka hmuh chuan ka rilruin"chanchinbu lamah engthu diklo tak nge an chhuah leh tak"ka ti a.

Ka office kawngka ka hawn rual chuan tukverh bula ka pa kekawr ipte zen chung ding chu ka hmu nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:26 pm

PASSIONATE LOVE-7


Postby Basta Tlau » Wed Jan 25, 2017 10:34 pm

Gate-a min dang turin thupe lo sela chuan tun ang dinhmun khirh takah hian ka ding hauh lo tur.

Ka pa ani a,ka zah em em mahse keipawh mipa puitling ka ni ve tawh,ka nundanah min khuahkhirh a,an duh anga ka awm reng a ngaihna chhan ka hre biklo.

Ka pa pawh en chuang lovin"hnathawh tur ka ngah nia"tiin dawhkana File intiang chu ka keu a.

Ka dara min kuai pahin"tunah hian Frenkel company nen kan inremsiamna zawng zawng chhut chah ani tih hria ang che,hmeichhia pakhat avangin sum tam tak i hloh a ni.Bernice-i hnenah ngaihdam dil turin ka duh che ani"tiin min en vang vang a,"Red Square intih hlimna hmuna i kai kha tunge?"chang fakin a ti a.

"khanu kha tunge a ni tih ka hre bik hauhlo,ka nunah hian hmeichhia chi hrang hrang an tam em ani,Bernice-i i duh viau anih te chuan nangman nei.."ka tih mek laiin ka hmaiah a rawn ri chawrh a.

A kut zungchala min kawk pahin"I va zaklo ve,i pa ka ni tih i hre na nge?vawikhatmah ka hmaah rawn inlan tawh suh ang che"ha chang thial rawp rawp a tiin min chhuahsan nghal a.

Reporters leh chanchinbu mite hian ka nun an tibuai vek a ni,Anna-i nena kan thalak kha tu tehhrepin nge lo la hman?tun atang chuan minvengtu rinawm leh chak tha tawk tak mi pali ka inzui tir zel angai tawh dawn ni.

Ka chhungte nena kan inkar chu sawifiah phak bakin a buai ti ila ka sawi sual kher lovang,kei hi frenkel chhungkaw tanpuina tel lovin ka hlawhtling thei ani an hrelo mi?kum tam tak anni sum leh pai tel lova kan khawsak dan zawng zawngte kha chhut let ve tur nia.

Bernice'in tap tuau chunga"kan inhualna a la tawp lo"ani tih phone atanga min rawn hrilh chuan ka nui hak a.

"I ngaihdan ang angin lo ngai mai teh,kan inremna i chhungten an ti tawp rual khan kan inhualna a tawp tawh,in sum tel lovin ka hlim thei,engvanga inhualpui atana min duh em em nge i nih nuam taka sex ka hmandun theih i rin vang a mi?"ka ti ngat a.

Thinrim hmel taka rawn au vakin"ngawi hmak rawh,nang khan Sex bak engmah ngaihtuah i neilo,ka nun i tichhe vek a nih hi"a tih lai mek chuan ka off daih a.

Hmeichhe mizia hi chu ka hre chiang ve tawk,a tirah aw nem takin min thlem a,chutah an lungawina an hmuh loh chuan Thinrim hmel takin min ankhum fo thin a ni,mahse Anna-i kha chuan a ti ve hauh lo.

Ka hnaa ka rilru sawrbing chu harsa tak ani,Anna-i hmel ka mitthla a rawn lang fo chu ka duhlo tak zet ani,ka dawhkana file intiang ur chu chhuata hnawl tha thuaiin Anna-i hming chu anchhia ka hlawh tuar a.ka hmaa a inlan leh hunah chuan a chaklo ngawt ang.

Ka mimal nun leh ka hna hi vawikhatmah ka chawhpawlh ngailo,ka duh hek lo,mahse tunah tak hian Anna-i ka nuna ka tawn avangin ka hnathawh pawh a buai phah a nih hi.Ani lah chu buhpawl zinga hriau bo zawn ang maiin hmuh a harsa hrep lehnghal.haw hle mah ila,vawikhat tal hmaichhana hmuh leh ka duh a ni.ka sum pek kha engtiang chiahin nge a hman hriat ka duh tak zet.

Nitin vawikhat tal Tverskaya street-a Anna-i te awmna,Apartment ka lei chu tlan pelin Marriot Grand Hotel lamah breakfast,lunch leh Dinner engemaw ber eiturin ka body guard hruaiin ka kal ziah.

Zankhat Dinner eitura Marriot hotel-a ka kal chu Nick leh a nupui hual Silvia-i te hotel atanga an haw tur nen kan intawk a.

Nick-a bana chelhsakin"in thiannu chu tu nen nge nuam chen tura an kalbo tak?ka sum tam tham zet pek chu an hman tangkai hle mai"nui luisak paha tiin ka kalsan lehnghal a.

Silvia'in"pasal a neih vat angai ni"a tihri ka hriat chuan ka thaw zui hak a.

Moscow khawilai hmun emaw ah chuan a awm ngei ang,ka lak atanga a bih ruk vang ani ngei ang tun thlenga ka la hmuh zawh loh.Hreptak hian ka hmu leh thovang.

Texas ka pan dawn zana ka mu tur chu zandang ang bawka Anna-i ngaihtuaha ka muthilh leh theih loh ka hlauh avangin whisky leh martini leh voda chawhpawl chu ka zing lamah ka luna leh dawn ani tih inhre tho mah ila tunah chuan tui taka muthilh ka duh a ni,ka harh hunah nachhawkna ka hmawm leh mai ang.

Texas thlawhna tum hmun a,ka private Jet-a kan tum fel hnu chuan chu ka coat suit haklai siamtha in ka chhuk nghal a.

Russia ram aimahin America-ah chuan Reporters leh chanchinbu miten min chim buai nasa zawk dawn tih ka hria,chuvangin hma thei ang berah Texas ka thleng a,min vengtu tur mi sawm ka hruai tel bawk.

Ka secretary ruahmanna anga secrect room lam pana kan kal lai chuan chanchinbu mite chu an rawn tlan khawm a,ning zeta ka hawichhuah chuan Anna-i hmel chiang takin ka hmu a,ani pawn min rawn hmu ve a ni tih ka hria,ka insum hmanlo mipui kar atang chuan ringtakin ka au vak ringawt a,hmanhmawh zetin a bula nu nen an la tlanchhe zui.

Hreptak chuan le,chanchinbu miten min chim buai lo se chuan ka nang hman ngei ang.thinrim taka rum ngatin min vengtu pakhat hnenah chuan"tuman min umzui suh se"ka ti hrawk a.

Limousine car chhunga ka thut luh rual chuan ka neck tie awrh chu ning zetin ka phelh thawl a.Anna-i khan helai hmunah engthilnge a tih?engvanga min hlauh hmel taka tlanchhia nge a nih?kei hian ka umzui a ring a mi?min tlansan rengtu hmeichhe um zui chi ka nilo.mahse engemaw hriat duh ka nei.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:26 pm

ANNA(POV)

Ka awm a nuam thei thlawtlo,Joel-a hmel ka hmuh atang khan ka lungphu lah chu pangngai lo takin a rang hle lehnghal.ngatinge thilsual ti zawk ang maia ka tlanchhiat chiam mai le?min hmusita min hnawltu Joel-a hi hlauhna chhan tur pakhatmah ka neilo.

Ka phone a rawn rik chuan phu deuh zukin ka en a,Silvia numbe ani tih ka hriat chuan then sak chungin ka chhang nghal a.

"Anna,a pawi lutuk,Nick hian i number Joel-a a pe a"a rawn tih chuan"enga a mawl a mi?engvangin nge min hrilh hmasa lova a pek ngawt"vin zetin ka ti a.

"i hrethiam lo anih kha,nichin lawk khan i number leh awmna address hriat tumin a rawn bia a,a hrilh loh chuan amah avanga Hotel nena an inzawmna zawng zawng a tihchhiat tur thu a sawi lawm,mahse in awmna Address chu a hrilh lo,Anna i sim card kha kan inbiak zawh rual hian i phawi nghal dawn nia,a thlah thlam mai mai lovang che,pawisa a pek che hmanga nuamchen turah angai che a ni"a rawn ti a.

Silvia-i nena kan inbe zo chu ka chau hnawk theiin ka hria,engvanga Joel-a hian min ringchhe em em nge a nih?hmusit taka a pawisa min hnutchhiah hi engzat nge a nih tih tun thlengin ka hre lova,hriat ka tum heklo.

A pawisa a ngaihtuah viau a,min umzui anih te chuan kei hian engvangin nge ka pek let leh mai lovang.ka sim card phawi ka chiah chu ka number kawlsa nilo atang min rawn call a.

Ka en vang vang hnu chuan zawi muangin ka la a."miss or mrs Anna Ivannova,oh sorry,pasal i neih tawh ka ring a,anih loh pawn tu emaw hmei talah,pawisa ka pek che chu i hmang tangkai hle mai.i hna bansanin Texas te hial i lo thleng a"nuiri hawk chunga ka aw hriatchian tak Joel Patrick'an a rawn tih chuan thinrim takin ka inhumruh ngawt ngawt a.

Engvanga min hmusit viau nge a nih le?hepa lak atang hi chuan thil tha engmah a chhuak ve ngai lovang.

"i pawisa dere pawh ka hmang lo,lungngai suh i pawisa ui em em hi a remchan hunah ka pe kir leh vek ang,Joel Patrick"ti chang fakin phone chu ka off zui a.

Phone atanga a aw ka hriat ringawt pawn nasa takin ka thinrim thei a nia.engtinnge khang kum khat chhung zawng khan ka lo ralkhat duh ngawih ngawih theih zawk,ka awih thei lo.

Inchhung lama ka luh rual chuan nutei te chhungkua Television hmaa apple ei chunga an lo thu thap chu nui sakin an kiangah ka thu thla ve nghal a.

Pate'an Rachael-i remote kenlai laksak paha"khawi maw,in thil en hian beng a fah lo,ka duhzawng kan en kual ve teh ang"tiin news channel a hmetchhuak nghal a.

Chanchinthar puang tunu in"mi zawng zawngin an ngaihven leh an buaipui em em?Patrick Iron and steel company neitu,Mr Joel Patrick chuan a awmdan tur ruahman sa tidanglamin Texas khawchhungah ngei mai hian hmun hrang hrang fang kualin a cham rih dawn a ni,engtik thleng nge a cham dawn a sawi thei rih lo,Texas nula te khan Mr Patrick-a thinlung hi in lo phuar bet dawn nia"tiin thildang a puan zawm lehnghal a.

Rachael'in ka dara rawn sawiin"Anna engthil nge i ngaihtuah a?lokal rawh sakawr chung chuan ka zirpui leh ang che"tiin min pawt tho a.

Johny leh Jeremia te pahnih chu lo ding rual ve vatin"ka rawn kal ve duh"an ti a.

Nute'in"rei miah suh ang che u,chuan kal hla lo ula,zaninah kan za vaiin Moron Hotel-ah Dinner kan eichhuah dawn kha"a rawn tizui lang lang a.

Sakawr chunga keimaha ka chuan ngam ve tawh avangin nuam ka ti ve takzet tawh,nidangah chuan Johny emaw jeremia hnungah ka chuang thin.

Phaizawl hnim hring dup chunga kan han tlan chu ka rilru ipikna zawng zawng a kiam vek thei.

Hlim zet chunga in lama kan let leh hnu chuan ka inbual fai a.dinner eina a ka hak tur kawrfual pawl tak a banbul chu inthawlhin darthlalang hmaah ka hmai ka chei zui nghal a.

Ka room kawngka a rawn inhawn rual chuan Rachael'in"Anna i nalh lutuk,Maron hotel-a thawkten an enzui nasa ngawt ang che,e taka nimina school-a min thlah hnu khan swimming min zirtirtu Sir Jack'an i chanchin min zawt a,a star che niang"a tih chuan nui sak pahin"ka pasal lo tur chu mipa tumah ka ngaihven tawh dawn lo,Rachael nangpawh tun atang khan mipa in an zuam loh nan che uluk takin i nun i hmang dawn nia"ka tisap a.

Maron Hotel kawta kan chhuk thlak rual chuan hawikualin"a va lun awm ve,thutna tha kan chang pha ve dawn mi?"ka tisap a.

Nutei chuan ka kut rawn chelhin"Anna a helai hmunah hian Joel-a a thleng ve a ni tih engmah ka hrelawk miahlo,kan haw leh mai dawn mi?"inthlahrung hmel takin a rawn ti a.

Nilo,keimah avangin hreawm ka nutei te chhungkua hian an tuar nasa tawh lutuk,tunah pawh phur takin helai hmun kan pan vang vang a,an hlimna tihchhiat ka duh lo.

Ka nutei leh Midang chu enkualin"nute,helai hmuna Joel Patrick-a a thlen avanga kan buaina chhan tur engmah a awm hleinem,lokal ru lut ang u"ka tisap a.

Receiptionist'in Dawhkan awl lai pakhata thutna min kawhhmuh a kan thut fel hnu chuan kan kianga mite chu an ri deuh hak a,ka hawichhuah rual chuan kawngka zawna Joel Patrick-a leh amah vengtu niawm tak mi pali rawn lut ka hmuh chuan menu an ziahna lehkha hlai khawngtha tak chu enin ka hmai ka hliah khuh nghal a.Ka thinphu leh ka thawsa lutuk chu a mak a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:26 pm

Maimichinga thaw halhin"hahdam takin awm rawh,i tan engmah a nilo,helai hmuna midang anga thil eitur ve mai a ni"ka rilru in ka ti mawlh mawlh a.

Ka ngala min rawn chhuihtu an awm avang chuan ka meng vat a.Johny'an a mitko san paha a hawina lam ka en chuan ka sira Joel Patrick-a hmui chip hmuka lo ding run ka hmuh chuan ka phu nasa ngei mai.

"Helai hmunah hian enge i tih?"ram hmakin a tisup a.

"i lo buaina tur a awm lo"ti hmakin Menu chu ka bih lehnghal a.

Ka thil kenlai chu rawn pawtthlain"i mit a del a mi?a letting zawngin anih kha i en,in kiangah ka lo thu ve thei angem?"tiin chair pakhat chu a ka thutna bul chiah ah a rawn hung nghal a.

Hepa nena Dawhkan pakhat kila chaw tui tak ei ai chuan riltama tih ka thlang zawk.ka thutna atanga thochhuakin"i duh leh thu rawh,ka insawn dawn"tiin dawhkan ruak lam chu ka pan nghal a.

Amah rawn zui lut tu pakhatin"miss khalai kha chu hauh sa a ni"a tih chuan Joel-a hmel chu ka en vat a.lu thing chunga min betu a mitmei ka hmuh chuan ner sawkin dawhkan pakhat nula leh tlangval thutna lam chu ka pan a.

Midang ho tan ennawm ka siam a ni ringawt,ka awmdan chu a naupan thlak hle tih ka hria,mahse hetianga ka awm loh chuan Joel Patrick'an min hmusitna a zual dawn ani tih ka hrechiang.

Nutei te chhungkaw zinga Joel Patrick-a thu ve chu ka haw ngawih ngawih,tih theih lah ka nei der si lo.

Ka thutna bula nula'in"ngatinge i rawn insawn daih a,hmeichhe thenkhatin a kianga awm an chak tehreng nen"tia min rawn bek bawr chuan"hmeichhe dang ang ka nih ve lovang aniang"tiin Dawhkana eitur an chhawp chu engmah ngaihtuah lovin ka ei nghal mawlh mawlh a.

Minute nga hnu vela ka awm rawn tawt up up leh ka thaw a rawn sak chuan phawk zet leh mitmeng vai ruai chungin"kaikuang ka ei"ka tizawi raih a.

Ka bula tlangval in"engtin nge i awm?i tha em?kaikuang i hua mi?"a rawn tih chuan ka nghawng vuana ka lu bu chungin ka thaw kawk kawk a.

"Anna engtinnge i awm?"ka dara rawn chelha Joel Patrick'an a tih chuan a kut paih thlaksakin"kalbo rawh"ka ti tuar a.

Nutei chu ka bula rawn thuin"ngatinge engmah ngaihtuah hmasa lova i ei?George Damdawi inah kalpui vat ang,hmanhmawh in"a ti chul a.

Ka kaihza leh ka dara Joel'an a chelh chuan engmah ka sawi thei lo,mittui tling piau a,boruak hip luh tumin ka thaw kawk a"mahni pawh inenkawl zo lo"thinrim hmel zeta tiin hotel kawngkapui lam pan chuan zo zetin min pawm chhuak a.

Tangbuai tura thahrui ka neih loh mai bakah,ka hnial anih chuan midangtan ennawm ka siam nasa zual sauh dawn a ni.

Amah vang vek a ni,helai hmunah rawn inlanin min tibuai lo se chuan hetiang teh hrepin ka awm lovang.ka pa nen kaikuang hi kan eithei lo a ni,ka naupan laia kaikuang ka ei tum pawn Damdawi inah kar khat zet ka awm phah a ni.

Nute'in"kan motor-ah sawn dah lut la,nang chu lo inthiar fihlim tawh rawh"pawn kan chhuah ruala a ti ri ka hriat chuan ka lawm ru kher mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:27 pm

PASSIONATE LOVE-8



Postby Basta Tlau » Thu Jan 26, 2017 7:34 pm

Joel'an"ka motor hmangin Abidele Regional hospital-ah kan thleng hma zawk ang,inhnialna hun kan nei lo"tiin motor chhunga min pawm lut a.

Engkim mai chu mumang ang vek a ni maiin ka hria.ka vai ruai a,ka taksa pum pui chu thlanin min ti huh vek bawk.ka lu chu ahma ai maha nasa in a rawn hai a,a hreawm takzet a ni.

Ka harh chhuah ruala inchung rawng an hnawih var ka hmuh chuan Damdawiin khumah ka mu a ni tih ka inhre nghal.ka dang ro lutuk chu a hreawm takzet,tui in khawlh khawlh ka chak a ni.

Nute'in"Anna i lo harh ta maw,ka van lawm teh lul em"ka bula rawn kun hnaia a tih chuan "tui"ka ti zawi raih a.

"Awle,awle,na i nei em?"tiin ka hmuiah straw a rawn rawlh lut a nghal a.

Glass no thum ka in zawh hnu chuan ka harh sawng sawngin ka hria."nute ka taksa hi a kham thum mai,tui luma inchiah ka chak"ka tih chuan Nute'in"doctor kan dil dawn nia,darkar 24 chhung zet nikhaw hre lovin i awm a,tunah chuan i la indim angai"a tisap a.

"Ha nawh a,hmai phih tal ka duh"ka tih chuan khum bula bell chu a hmet a,Nurse pahnih leh Doctor rawn lut chuan ka that leh that loh min enfel a.

Doctor nu in"i vanneih khawp mai,minute nga in rawn tlai ula chuan tunah hian nungdamin i awm tawh lo mai thei ang,vawin lama harsatna dang i neih loh chuan naktukah in duh chuan in chhuak dawn nia"a ti a.

Ka mutna khum chu nurse pahnih in min tih kan sakin min buaipui nghal a.damdawi in kawr ka hak chu ner deuh saka enin"tunge ka kawr hak hi min thlaksak a?"ka ti nang nang a.

Nute'in"nurse duty in an thlak sak che nih kha,bawihi i lo harh thu hi i pate kan hrilh ve lawk ange"tiin tukverh bulah chuan a ding nghal a.

Nurse duty ten min chhuahsan hnu chuan Nutei chu ka bulah rawn dingin"i pate'an,joel-a a rawn kalpui dawn nia"a tisap a.

Phawk zeta Nutei chu enin ka thaw halh ringawt a.Joel Patrick-a hmel hmuh ka duh lo ani tih tawngka a sawichhuah ka duh lo,Joel-a ahming ka lam ri chunga awrawl vin ka hman vaih chuan ka ngaihtuah ani tih an hre palh ang.

Nute'in"lawmthu hrilh la ka duh,Anna nikhaw hre lova i awm laia joel-a awmdan ka hmuh kha..."a tilai chuan"nute engmah sawi tawh suh,moscow lama haw ka duh a ni,engtikah mah ani hnenah khan lawmthu ka sawi ngai lovang"tiin ka puan sin lai chuan ka inlu khup daih a.

Kawngka inhawng ri ka hriat rual chuan Pate'an"a rawn harh i ti si a,sam"a tih ri ka hre zui nghal a.

Minute nga vel hnu chuan room chhung chu a reh deuh thap avang in makti ru zetin ka puansin lai chu ka hlim a.ka khum bula Joel Patrick-a kekawr ipte zen chunga ngawi renga lo ding ka hmu a.

Ka puan sin lai hmer nghet sauh pahin"khawnge nutei te"ka chil lem khawlh pahin ka tisap a.

"An chhuak,min hlau viau mi?"ti bung hmukin khumah chuan a rawn thu thla nghal a.

Ka mutna khum chu a hniam duai duai in ka hria,phawk zeta Joel-a hmel chu enin"kalsawn rawh"ka ti hlar a.

A chet hrut avang chuan a awm sawn tura ka ngai a,mahse,a pheikhawk bun lai tlawh phelha ka mutna sir chep zeta a rawn inthawlh chuan,thawh tumin rang zetin ka thu chhuak nghal a.

"i harh tha tawh khawp mai,damdawi in khuma damlo anga mut chuan thuawih taka mut hle hle tur"tiin a ban pahnih hmangin min kuah bet a,a mal sei leh lian tha zet mai chuan min delh bet tlat bawk a.

He mihring hian engvanga min hneh sawh thei em em nge maw a nih le?tunah pawh awlsam takin a angchhungah min kuah bet tlat mek a ni.

Ka pum a rawn rik deuh ruk ruk chuan ka zak ngei mai.Joel-a lo nui ri huk ka hriat rualin kamiz dum a hak chhan a awmah na zetin ka seh sak vak ringawt a.

"hreptak che hian"a awm tuai vut vut paha tiin a tho chhuak nulh a.

Ka nutei te nupa leh damdawiin Restaurant a thawk ten eitur an rawn chawi lut chu hmanhmawh zetin ka pum chhungah ka thiar lut zung zung a.

Soup ka hawp lai chuan Pate'an"hmanhmawh suh,zanin chu Joel hian a riahpui dawn che nia"a tih chuan Joel-a hmel tak ngak mai chu ka melh zauh a.

Nutei chu en leh in"ka zin bag sen chhunga envelope ka dah kha min rawn ken sak ta che"ka tisap a.

Hriatthiam loh hmel zeta min en deuh ha in"naktukah i rawn haw dawn tho si a,thildang min chah duh i neilo a mi?"a ti a.

"Nei hran lo,Ka ta nilo kawl reng ka duh lo"ti ngatin tui ka in khawlh khawlh nghal a.

Joel-a rum hawk ri ka hriat chuan rum zeta melh zauhin"keimaha awm ka duh"tiin khumah ka muthla lehnghal a.

"George biak lawk ka duh a,a rem ang tiraw"tia Joel-a tawngri ka hriat chuan ka khawng awt a.min hmusitna awka bak ka dawng leh dawn chuanglo.

Patea te nupa in min chhuahsan hnu chuan khum chunga bawp khaw kherha thuin ka inkuangkuah thana thuin Joel-a thutna chair nghenga maimichhing chunga thu chu en in"enge sawi duh i nei Mr Patrick?i pawisa chu ka pe let em em ang che,hetiang khawpa ui leh tur si ngatinge min pek,i pawisa tel lovin tun thlengin hriselna tha ka la nei a nih hi"ka tichang fak a.

A thutna atang rawn thoin a mitmeng pawl tak zet chuan min en kur a,rum deuh hawkin ka darah a rawn sawi nawk nawk a,"Engvanga ti nge i nih?Anna ivannova,ka thilpek tawh engmah ka la let tawh ngai lo"ha chang thial rawp rawp in a ti hrawk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)