PASSIONATE LOVE - By Basta Tlau (18+ Only)

Ngaia
Site Admin
Posts: 25813
Joined: April 30th, 2016, 4:07 pm

Re: PASSIONATE LOVE - By Basta Tlau (18+ Only)

Unread post by Ngaia » February 5th, 2017, 3:22 pm

hreawm ka ti tak zet a ni,thilfim awmlo phei sela chuan ka hmai hi a rawn kang chhuak tawh ang.

New Arbat hmuna Joel Patrick'an in lian tak kawta min dinpui rual chuan motor dang lo inhung thap mai chu ka hmu nghal a,midang an awm ve a ni ngei ang.

Joel-a lam hawi pahin"inchhungah chuan ka rawn lut lo mai ang,pawnah min lo pek tir mai la"ka tisap a.

"Min rawn zui rawh"ti hmuk pahin kawngka lam panin a pen hmawk hmawk a.

Inchhunga ka pen luh rual chuan lai zetin ka ding zum zut a.

Bernice Frenkel-i hmel ka hmuh chuan min hmusit tih hriat fahrana min rawn en chungin Joel-a chu a lo kuah a

Nu pakhat inchei nasa ang reng tak mai chuan min melh rawm rawm pahin"Joel,Bernice nen in inhualna zungbun naktukah in endun angai nia,khawilam chhiahhlawh tur nge i rawn hruai a?"a ti hmuk a.

Tun ang reng renga ka zah hi ka la hre ngailo,he in ropui tak hi a chhunga awmte avangin hremhmun tenau a ni ringawt.couch chunga mi paruk vel thu mit chu ka lamah a fuh thap hlawm a.

Joel-a lah chu Bernice-i kianga thu awn duai chunga min rawn en pahin"in thu thu a ni mai lawm,Bern vawiin kha i haw tluang maw?ka hna thil thul avangin ka kalsan si che a"tiin a darah a chulsak heuh heuh a.

Ka insumzo thlawt lo,an ni hmusit tura piang ka ni bik lo."Mr Patrick ka Credit card min pe la,ka lawm khawp ang"thinrim insum tak chungin ka ti hmak a.

Midang ho phun deuh sup chu ka hria,ka ngaipawimawh ther te lo.

Bernice'in Joel-a hmuia fawhsak zeuh pahin"darling,kan inhual hi i duh dan a ni em?henu hi hotel-a tirhkah kha mi?"tiin min rawn melh a.

Joel'an"Anna ivannova nih hi,Bern kan inhualna zungbun tur chu i duh ang i lo thlang dawn nia,kei chuan tha ka ti vek"tipahin a kekawr ipte atang chuan ka credit card ngei mai chu phawrhin ka lamah a rawn lek kang a.

Tenawm lutuk,a kekawr ipte ah a lo ak reng si!phakhar leh lutuk mai.engvanga helai hmun thleng thleng a min hruai nge a nih?thinrim zeta ka credit card pawt thla pahin"he khawvela mipa nep leh tenawm ber i ni"tiin ka chhuahsan nghal a.

JOEL(POV)

Ka chhungte hian min rawn hmasa miah lovin ngatinge an duh ang nupui nei tura min tih?nupui nei turin min duh tawh hle a ni tih ka hria,Bernice-i chhungte lah chuan engemaw changin an makpa ang hialin min sawngbawl fo leh nghal.

Bernice-i nen hian thla khat vel chu kan inzui tawh a,khum lamah pawh kan inlungrual mahse chu chauh chu a tawk lo.

Anna Ivannova-i taksa ka tawha phurna nasa tak ka neih ang kha Bernice-i kiangah leh hmeichhe dang bulah ka la nei ngai lo.

Bernice-i nu leh pate nen hian sumdawnna kawngah kan thawkho nasa a,tunah hian Iron and steel industry mai bakah marketing lama sumdawnna zauh tumin hma ka la mek a.chumi kawngah chuan Bernice-i nu leh paten min puih an in huam hle bawk.

Ka rilru hi hmeichhe pakhat avang maiin ka tibuai lovang,ka in ngaihtuah harh vat angai.ka hma lam hun thlirin ka tana tha tur lam chu ka pan zawk tur a ni.

Anna'in thinrim tih hriat zeta min chhuahsan hnu chuan ka nu'in"Joel khanu kha ngatinge helai hmuna i rawn hruai,ka rawn phone dawn che a,i switch off tlat lehnghal"a rawn ti a.

Ka thutna atanga tho chhuakin"ka chau deuh tlat,hahchawlh ka duh"tiin ka ding a.

Bernice'in"inbe lawk ang"tiin min rawn zui ve nghal a.

Ka room lam pana kan kal lai chuan"engthil nge sawi tur ila neih,kan inhual dawn tawh a,i la lungawilo a mi?"ka ti hmuk a.

Ka bana rawn chelh pahin"vawina i awmdan teh thut hi ka hrethiam lo tak zet a ni,nidang i anglo Joel khanu kha i ngaihven lo tiraw?"tiin min rawn en ha a.

A hmuia fawhsak zeuh pahin"ka ngaihven hauh lo mai,naktuk lama i thalakna turah i lang tha lo palh ang,nangpawh in inlamah va chawl hahdam tawh zawk rawh"ka ti sap a.

Zan dang chu nise,ka room lamah kuah lutin khum lam ka thlenpui tawh ngei ang,mahse chutiang tihpui chakna ka nei hauhlo.

Ka nghawnga rawn kuahin duhthaw zeta min rawn fawhna phurlo zeta chhang letin ka namsawn thuai a.

"Ka pa in kan inneih hun atan Frenkel Yatch saw kan pahnih tana dah a tum nia"tiin ka awmah chuan a rawn chul a.

A kut man behsak pahin"a va ropui ve,mahse tunah rih chuan naktuka kan thil siam thar fakna tur atan i rilru buatsaih rih rawh"tiin ka room lamah ka luhsan a

Ka inbualzo khuma ka mu tur chu Anna-i ngaihven tura ka tih chu phone in chanchin ka va zawt a, Anna-i hmel awm ang a hmuh loh thu leh an apartment light la en uar thu min rawn hrilh a.

Engvang phiangsen nge helai hmun thleng thlenga ka lo hruai.ka inluahah hian ka chhungte hi min hrilh lawk lovin an rawn kal ngai lo.mahse,zanin takah Bernice-i chhungte nen engmah sawi lawk lovin an rawn la kal zui.

Tunah hian khawi hmunah nge a awm ang?a laka ka awmdan chu mipa pangngai tih chi a ni hauh lo,hui pap pahin ka indawm kun a,ka ngaihtuah tur a nilo,ka tan engtihnamah a nilo,hotel-a min kalsan avanga ka phuba lakna angah ka ngai tur a ni.

Muthilh tumin khumah ka inlet kual sek a,ka mut a chhuak lo tak zet a ni.thochhuakin inhnuai lama Cabinet hmun chu ka pana,whisky tak ngel ngawl no thum ka in hnu chuan ka room lam panin ka chat thla zui nghal a.

Luna deuh ruma harhin ka intifai nghal a,tui bottle nena gym room lam pana ka kal lai chuan ka awmpui nu pakhat chuan"good morning,ka pu,ka lawmpui lutuk che"tiin a rawn bu nghauh a.

Ka tui ken lai lem deuh khawlh pahin"eng ber ah nge min lawmpui a?"ka tisap a.

A kut lehlama Russian Times chanchinbu a ken lai chu rawn pharhin"he chanchinbu a mi hi thudik a ni ang tiraw?"zawi deuh raihin a ti a.

Chanchinbu chu enchiangin mitzim sana ka en chuan Bernice-i nena kremlin hmuna kan kaldun lai thalak lian tak hnuaiah kan inhual thu an lo tarlang a.

Bernice-i te thil tih a ni ngei ang,a tul lo hle mai.model lar tak a ni a,intilar lehzual nan chanchinbu mi tuemaw ber an hrilh a niang,
Hmeichhe ho hi chu an hahthlak hlawm ngawt mai.

Thlan tla hnapa exer ka lak zawh chuan ka phone a rawn ri a.ka nu leh bawk,phone ka pick up rual chuan"Joel,i mu tha maw?vawinah i nupui hual nen in bazar dun dawn nia,tun atang chuan hmeichhe dang i melh in i kalpui tawh tur a nilo,nupui i neih ve vat angai"a rawn ti lang lang a.

Thaw hak pahin"ka nu zingkar atang tih tur min tuk reng lo teh?"tiin phone chu ka off a.

Ka rilruah Anna-i bak engthil dang mah ka ngaihtuah theih loh avang chuan ka thinrim hlur a.he hmeichhia hian ka nunah hmasawnna min thlen dawn lo,ka sumdawnna kawngah phei chuan ani ang hmeichhe mawl tak hi ka mamawh lo hrim hrim.chuvangin ka rilru put hmang do letin Anna Ivanovva-i ka ngaihtuah loh angai.

Bernice-i hian ka sumdawnna thil nasa taka tilartu a ni a,ka chhawr tangkai thei zawk.

ANNA(POV)

Kawngka ke pen chhuah rual chuan dan rual lovin ka mittui a rawn luang nghal zawih zawih a,tunang reng renga ka mualpho hi ka la hre ngailo.

A bul ber chu Joel Patrick-a a ni.nupui hual nei reng chung si in engvanga min fawp ngam ngawt nge a nih?

Ramsa ngur chhur chhur ri ka hriat avang chuan ka mittui chu hru hul sawk sawk chungin hlauthawng zetin thawm lo chhuahna lampang chu ka en a.

Hyena maw!ka hlau lutuk chu hnunglam hawi tawh lovin gate lampang nia ka rinah chuan bak lengin ka tlan vak a.

Gate pawn ka thlen chuan ka awm dawm vang vangin ka thaw halh a.mi hausa ho in ramsa hlauhawm pui pui ina khawl an intih hmuh hi chu ka haw ngawt mai.

Motor kawng sirah chuan dingin motor chuanna tur melhin ka hawi kual ruai a.ka phone map chu enin helai hmun atanga kan chenna chu kea kal chi na zia zang a ni lo.

Joel Patrick-a anchhia hlawh bawrh bawrh chungin silvia-i number ka hmetchhuak a.

"Joel Patrick nen in intawng leh ta maw!Anna, enge in an?"phur hmel zeta a rawn tih chuan "New Arbat-ah ka awm a,min rawn hruai thei angem?motor han chuanna mai tur avang si a?"tahchhuak ru takin ka ti sap a.

Silvia-i chu ring zeta rawn au in"enge i va tih daih daih a?Nick nen mut kan tum chiah a,mahse kan rawn hruai ang che lo kalsawn miah suh"hmanhmawh hmel taka tiin phone a dah nghal a.

Ka nau Emma-i chu phone lehnghalin ka haw har tur thu leh min mutsan tura ka hrilh chuan rawn nui har harin"nichin deuh lawk khan Mr Douglas-a a rawn kal a,a hriatchian hmel khawp mai che,pangpar leh present bawm a rawn dah a.i awmna chin a hriat loh danah i bialpa chu a ni lovang tiraw"a rawn ti a.

Ka nau thil man chak lutuk hi chu a buaithlak a ni.apartment neitu hlui Mr Douglas-a hian apartment ka luah tirh atang min ngaihven hle tih ka hria,engteh ualah ka ngai hran lo.lenchhuak tura min sawm apiangin ka hman loh thu sawiin ka hnar ziah bawk.

A nupui nen kum hnih liamta khan an inthen a,fa mipa leh hmeichhe tleirawl an nei a,a nupui hlui bulah an khawsa mek a ni.mipa tha tak chu a ni tih ka hria,mahse kei hian hnaih ka tumlo bur.ka inbiak changin a nupui hlui leh fate chanchin ka zawt ngei ngei thin.

Darkar khat zet silvia-i te ka nghah hnu chuan an rawn thleng ve ta hram a.motor seat hnunga thu lut pahin"zanin chu in bulah ka rawn riak dawn nia,intur inkawl ang tiraw?"ka ti nghal a.

Nick'an"nangmahin helai hmunah i kal nge?Joel'an a hruai che?"a rawn tih chuan thaw deuh kawkin"ka credit card ka la let alawm,Nick engtinnge ka chenna hmun a hriat theih,i hrilh ani tiraw?"seat hma lama awn phei pahin ka ti a.

Inthlahrung hmel taka min rawn melhin"ka hrilh loh pawhin engemaw kawng talin a hre dawn tho alawm,a ngaihven riau che in ka hria"a hmui tisawi chungin a ti a.

Silvia'in"Izia bar-a in awmdan kha chu induhtawn tak inang,Joel hian a la hriat che i ring em?"a rawn tih chuan"chhete mahin ka duhlo,ka beng hriatah he mihring hming hi lam ri tawh suh u"ti hmakin ka maimichhing nghal a.

Minute 20 vel kan tlan hnu chuan Silvia-i chu rawn au deuh thatin"a va mak ve,Model Bernice leh Joel an inhual,ka awih thei lo,Nick he thil hi i hrelawk em?"a ti deuh hluai a.

Lu thing paha min rawn melh zauh chuan ka awm zawn hi a tawt up up in ka hria.engvanga hetia awm nge ka nih?tukverhah chuan dakin ka hmai chu thilfim ka chhem tir a.

Nick leh Silvia-i te in inluah tawm kan thlen chuan Silvia'in ka bana rawn chelhin"kan inneih hunah ka bula i din ngei angai nia,Anna thudik ka hrilh ang che,thinrim miah suh aw"inchhung lama min luhpui pahin a ti a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:23 pm

PASSIONATE LOVE-4



Postby Basta Tlau » Mon Jan 23, 2017 4:02 pm

Silvia-i chu melh deuh hain"engthu nge han sawi la"ka tisap a.

Couch chunga min kuah thu in"tuna i landan hi chu pitar ang mai i ni,dik taka sawi chuan hmeichhe hmeltha tak i ni a,i nu leh pate boral atanga i danglam dan hi chu tha ka tihpui lo che,i nau pawh ngaituah awm a ni tawh lo,nangma hmakhua ngaiin inchei parh ve deuh rawh.collage kan kal lai pawn mipa hoin an star theih em che kha,i upat tak tak hmaa pasal nangmah enkawltu tur che i zawn a ngai ni,i nu leh pa boral tate thlaurau pawhin hlim taka awm turin an duh ang che,i lu sunna avanga i inkhung bo reng chuan i nuna thil tha lo thleng tur i tawn loh phah thei a nia"a ti duah a.

Nick chuan intur min rawn pe pahin"hetianga a awm chung pawh hian a thawhpui ten an star tho alawm,mahse nangma phu tawk leh class deuh zawk i hmuh theih nan intuai hnum deuh hlek la"a rawn ti a.

An sawi dik a ni,sum thawhchhuah ka duh em avangin ka taksa pawh enkawl tha lovin hna ka thawk a,mahse ka nau nen tlakchham engmah kan neih bik loh avangin ka vui hran lo.

Silvia'in"in apartment luah lai neitupa Mr Douglas saw Pathlawi mah nise a hausa tho a,ani saw ngaiven deuh la,anih loh pawhin Robert tal saw collage kan kal lai atang tawhin a star che a,tunah phei chuan ama pualin ballet dance zirna a hawng tawh lehnghal"thu tak zetin a ti a.

Ka no kenlai chu tlak papin ka ner sawng a,ka pum sa thla raih raih chu dawmin"ka duhzawng an ni lo ve ve,bakah apartment saw Mr Douglas-a ta a ni tawh lo,Joel Patrick tenawm'an a lei tawh.tunah chuan engmah ngaituah buai ka duh rih lo"tichungin intur dang ka inthlit leh a.

An pahnih chuan maktih hmel taka min en deuh ha chungin"tak tak maw!nanghi i rui tawh lutuk a niang"silvia'in a rawn ti a.

"Dawt ka sawilo,kei hi ka chenna atanga hnawhchhuah ka nih hmain ka insawn ngei angai"ka tisap a.

Silvia-i chuan ka dara rawn kuah chungin"lungngai suh,i duh phawt chuan kan bulah i awm ve dawn nia"min en vang vang chungin a ti a.

"Khatin min en renglo teh,haw ka duh,ka nau amah chauha riah chhuah san ka duhlo"dingchhuak hluai pahin ka ti a.

Silvia'in"ka lo thlah ang che,Emma-i pawh hmuh ve hrim hrim ka duh"tiin ka banah a rawn a"Nick,minlo mutsan suh aw"a tih chuan kawngkharah kan pen chhuak nghal a.ka nute boral hnu atanga ka in leh hmasakna ber a ni,ka duh aiin ka rui mah mah.

Silvia'in"Joel Patrick hi i duh a ni tiraw,zan ina in awmdan leh a tidan zawng zawng che min hrilh rawh?"a tisap a.

Ka lu thing deuh sawk pahin"mipa ho hi hmeichhia pakhatah an lungawi ve thei mai lo mi le?"tiin car hmalam kawngka chu ka hawng a.

Motor khalh chhuak chunga min rawn melhin"kawppui nei reng chunga midang an ngaihven anih chuan an kawppuite lakah lungawina leh hlimna famkim an neilo tihna a ni mai,Joel Patrick-a chungchang i sawina ami?nge midang zawk?engtin nge a tih lehpek che a?a nupui hual Bernice-i nen hian an induhtawn viau ka lo ring asin"a ti hluai a.

Bernice-i hming a rawn lamrik leh tak avang chuan Joel Patrick'an inchhunga min luhpui laia inchhunga miten hmusit hmel tak leh ten hmel taka min enlai kha ka mitthla zut zut a.pawisa nei ila chuan thawmhnaw tha leh manto an hak ang kha ka inbel ve ang.

Silvia'in"Mr Douglas'an a hnuaia thawk tura a sawmna che kha pawm mai rawh,tunlaiah chuan ani anga mipa tha ang vang tawh nia,Joel te angin hausa viau lo mahse hman sen loh sum a nei tho lawm"a rawn ti a.

Kan apartment kawta kan din rual chuan"Ka lo inngaihtuah tha dawn nia,mangtha phawt mai le"tiin motor atang chuan ka pai chhuak nghal a.

Motor atanga rawn chhuah a tum chuan"min ngaihtuah suh ka tha"tiin ka pen sawn a.

Ka nau Emma-i kan lam pana rawn tlan ka hmuh chuan ding ngilin ka lo nuih sang a.

Ka bul a rawn thlen chuan"i rimchhe lutuk,lokal rawh,ka lo nghak che a"tiin ka ban lehlamah a chelh a.

Thutphah chunga min thutpui pahin"zanin chu hetah hian mu mai rawh,khum i tirimchhe palh ang"tiin bedroom lamah chuan puan sin tur min va laksak a.

Ka che chang peih thlawt lo,Emma'in rilru hah hmel taka min en chu nuamlo ka ti tak zet a ni.

Ka luak chhuak in min tih harh avang chuan hmanhmawh takin bathroom lamah ka tlan lut a.darthlalanga ka landan chu a duhawm lo hle mai.make up engmah ka hmang ngai tawh lova,ka mithmul tak ngial pawh siam ka peih lo.ka thian hlui tam tak ten min hmuh changin"i rilru a buai zo ta mi?"an ti fo thin.

Room lama ka chhuak chu Emma-i hmel reng reng ka hmu hauh lo,choka lam dawhkan food cover chunga lehkhathem ka hmuh chuan ka en vat a.

(i tana eitur ka siam hi lo ei la,ka puitlin tawh zia i hre mai ang.kum lamah chuan nang aia naupang ni mah ila,lusun,khawhar chungchangah chuan ka puitling zawk.min ngaihtuah lo la,tlai lamah ka rawn let leh ang,Emma)tih a lo inziak kalh a.

Engthil nge maw tih a tum le?ka phone tlang theih bawk si loh.hotel lamah amah avangin chawlh min pe a,amah zawkin min awm bosan leh daih bawk si.
In hnawk vel ka tihfel hnu chuan inbualfaiin sitting room thutphaha ka thu awn diai a.Joel-a hmel ka mitthlaa rawn lang ziah thin hi ka duh lo tak zet a ni,engtia tihreh chi nge ni dawn le?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:23 pm

Kan Kawngka hmeh rik ri ka hriat chuan phurlo ru tak chungin ka va hawnga,kan apartment dawt chiah ami Nu kylie chu chanchinbu keng chungin kawngka zawnah alo ding va a.

"Nu kylie"ka tih rual chuan rawn pen lutin"Anna,he chanchinbu ka hmuh atang hian ka awm mai mai thei lo,min hrethiam hram rawh.a mak ka ti a ni.Nizan lawk khan Joel Patrick nen inchhuak dun a,nizanah vek hmeichhe dang nen an inhual thu an chhuah leh bawk si,kan apartment luah lai hi amah a lei vek lehnghal,enge thil awmzia hi?"min rawn melh vang vang chungin a ti a.

A van buaithlak thei tak,"thil pawimawh avangin kan inzui chhuak ve mai chauh alawm,Nu kyle dawrah i kal a ngem?"ka ti sap a.

"A en dan che kha ka hai miah lo,dawrah chuan ka la kal ang,Anna ka hrilh nawn leh ang che,i duh phawt chuan a thlawnin engkim ka tihsak vek ang,nangchu ka fanu ang mai i nia lawm"a tisap a.

Inthlahrung ru taka ka sam khawih chungin"tan tawi ka duh a"ka tih chuan phur hmel zeta ka bana rawn chelhin"lokal rawh,keiman ka duh angin engkim ka ti vek ang,i sam mai bakah i hmai te nen kan khawih dawn nia"a ti chul a.

Kawt zawla nu kylie nen Kan kal lai chuan kawngsira Motor lo inhung chu ka melh hram a.

Nu kylie hian vawi tam tak a parlour dawra kal turin min sawm fo a,mahse ka ngaihsak ngailo,ka thil duhzawng leh ka tih tawh chu nasa taka tih ka chin avangin make up lampang pawh ka hmang duh tawh ngai lo.

Ka sam chu ka dar chen leka min tan sakin a pawt ngil nghal a.ka mithmul a siam that lai chuan"Anna,uluk leh fel fai takin inchei ziah tawh rawh,i hmel leh lu lampang hi engtianga nalh leh mawi pawhin chei mahla,i inthuamna kawr,pheikhawk,bag leh thildang nen a inchawih leh si loh chuan awmzia a awm lo nia,engkim a rual tlang vek tur a ni"ti malh malh a.

Ka phone a rawn rik chuan ka en vat a,Mr Douglas-a bawk,engthil nge a duh le?"hello"ka tih rual chuan"Anna,zaninah dinner min eipui hram la,vawin hi ka birthday a nia"a rawn ti a.

"Kawrhak tur ka neilo,min zahpui ang"tiin chhuanlam ka siam nghal a.
Nu kylie'in"Putar pawn hmeichhe hmeltha hi chu an buaipui chuk zel zawng a nih hi"a rawn ti sar sar a.

Mr Douglas-a chu phone atanga rawn nui hukin"i bulah khan kylie a awm mi?enge a tih ve a?"a ti a.

"a dawrah sam ka cut tir a"ka tih rual chuan"lo kal sawn miah suh"tiin phone chu a dah zui a.

Ka phone melh vang vang chungin"teh thut thin a"ka ti nang nang a.

Nu kylie'in ka hmai brush hmanga power a hnawih rual lai chuan"ehe a rawn kal nia,Anna hepa hi chu i zunah a uai hneh ve ngawt mai"a ti sap a.

Kan bula mr Douglas-a maktih hmel tak chunga rawn ding ka hmuh chuan"enge i rawn tih dawn a?"ka ti a.

"i nalh tak zet a ni,kha hei hi ha la,khawiah emaw ka hruai ang che,min hnial lo hram rawh ka birthday a ni ah hi chuan"tiin paper bag a khai lai chu min rawn pe a.

Hnial tuma ka ang chiah chu nu kylie'in"khawi ka lo pui ang che,lokal rawh room dangah kan inthlak dawn nia"tia min kaitho pahin Mr Douglas-a thil kenlai chu a laksak a.

Ka kawr phelh pahin"lenpui ka duh hleinem,mipa chu vawikhat thil kan tihpui tawh chuan ahnu leh an beisei zel a,ka duhlo tak zet a ni"ka ti nang nang a.

"A ho lutuk,awi a kawr rawn ken hi a nalh khawp mai"tiin satin kawrfual sen ban bul leh pheikhawk dum sang hi a rawn phawrhchhuak a.

"Ka ha thei lovang"thaw halh chunga ka tih chuan"i ha ngei tur a ni,hetiang thil manto lutuk a leisak che avang pawh hian lenpui i ba bawk"tiin ka lu ah a rawn thawlh lut nghal a.

Ka zam a ni,hetianga ka inchei lohna hi a rei tawh hle si a.

Mr Douglas'an a car chhunga min thut tir rual chuan"khawiah nge kan kal dawn,kalbo rei hman ka nilo nia,ka nau a rawn haw tep tawh ang"ka kut khal pahin ka ti a.

"Red square-a intihhlimna an neihna ah kan kal ve dawn,hlim taka siam che ka duh ani"tiin a car chu a khalh chhuak nghal a.

Rei tawk tak inbe lova,kan ngawih dun reng hnu chuan"ngatinge kan chenna apartment saw i hralh kher a?"alam hawi chungin ka tisap a.

"dik tak chuan hralh ka duh bik hauh lo,Joel-a khan min vau chung leh ka phal lo a nih chuan an company nena kan inzawmna tih chhiat a tum a,in a neih hnem tawh tehreng nen,mak ka ti khawp mai"a ti halh a.

"in thawk ho a maw!"ka tih chuan"thawk ho tih lemah engemaw tul changin kan indawr ve thin a,ngatinge i va ngaihven a?"dilchhut hmel taka min en chungin a tisap a.

"aah englo nia,i remtih chuan i hnuaia thawh ve ka duh a"zawi raihin ka ti a.

"ohh teh thut che chuan Anna i rilru puthmang hi ava inthlak nasa ve,short hand leh typing vel i thiam tiraw"a ti ngat a.

"Thiam e,englampang nge ka thawh tur awm ang chi a awm em?"ka ti nghal vat a.

"i la naupang a,hotel tirhkaha thawk atan chuan ka ui reng che a ni,ka secretary angin i awm anga,nangmah pawh i inzir chawp zel dawn nia,i duh chuan naktuk dar 10 ah mosvak hmuna ka office-ah lokal rawh"tiin card min pe nghal a.

Red square hmun kan thleng chuan khua a thim tan der tawh a,mipui an lo zi nuai nuai tawh a,Mr Douglas'an ka bana rawn kai chungin"lokal rawh,games khelhna hmunah ka hruai ang che"tiin mipui karah chuan min kai lut nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:23 pm

Mipui bengchheng ri hut hut chu ka hne takzet a ni.mi zawng zawng chu an sa hawk ni berin ka hria.

mipa zurui thenkhatin ka awm bawr rawn ban paha"chhe lote"an lo tih chuan ka thinrim hlur a.Mr Douglas'an ka dara rawn kuah chungin"Anna i hlau a mi,hlau duh suh"tiin Games an khelhna hmun chu min thlenpui thei hram a.

Thaw halh halh pahin"engber nge kan tih dawn?"ring leng lawngin ka ti a.

Darthalang bawm chhunga naute lem chi hrang hrang chu kawkin"saw sawi i khaichhuah theih chuan i ta tur nia,chuan zu no sawm inzawm zata i intheih chuan Dollar 2 i dawng thei a,chuan..."tia hmundang a kawk leh tur chu"darthalang chhunga teddy bear var saw ka duh"phur zeta tiin ka pan phei nghal a.

"Vawi thum bak i try thei lo nia"tiin tihdan tur chu min hrilh a.

Teddy bear cheh chhuah tum ngeia ka tan lai chuan"Mr Douglas i kalpui nu chu minlo inhmelhriat tir ve la"ka hnunglama tih ri ka hriat avang chuan ka thil vawn lai chu thlahin ka hawi chhuak vat a.

Joel Patrick'an ner deuh naka minlo en ka hmuh chuan ka chil lem khalh in ka insangmar nghal at a.

Helai hmuna engthil nge a rawn tih ve le?Mr Douglas-a chuan ka kuta rawn vuanin"Miss ivannova nih hi,Mr Patrick i nupui hual nei chu ka lawmpui khawp mai che"nui vur vur chungin a ti a.

"Min lawmpui tak tak anih chuan no dawm tlang ila,kan za vaiin"muang ban chharha tiin min la melh reng a.

"Haw ka duh tawh ni"zawi sapa ka tih chuan Mr Douglas'an"reilote no dawmpui lawk ila,ka hruai haw ang che,tih thinrim ka duh lo a ni"ka bengbula rawn kun hniamin a tisap a.

"heng lai velah hian ka lo nghak ang che u,in pahnih in va kal rawh u"tia inherin teddy bear chu lakchhuah ka tum a.

Mr Douglas'an"Anna i ngaihtuah awm lo ang maw?buaina i tawh chuan minlo phone nghal dawn nia"tiin Joel Patrick-a chu a mitmei a.

Joel Patrick'an"Buaina siam chingte chuan tlanchhuahna hun leh hmun an hre thuai zel alawm"nui lui huk pahin a ti ngat a.

Ngeiawm leh lutuk mai,engvanga khatiang thu rawn phuh chhuak ve ngawt nge a nih,i van chak dawn lo tak ha chhang thial bap bapa tiin teddy bear chu lak chhuah ka tum a,ka fail thak a ni.

Whisky no inrem tlar dalna lam chu enin ka pan phei a.mipa pakhat ruih hmel zetin"hey nula,single leh single chu inkawp ila"a rawn tih chuan ka kutzunglai tipir vahin"f**k u"ti hmakin whisky dawhkan hmaa midang bulah chuan ka va thu a.

No zei tak maia lo thli khat zel tupa chuan"nula,i in ve a mi?thian nei lova,mahni chauh va awm a tha lo asin,in lo la ka duhpui khawp mai che,nang anga nula hmeltha phei chu i mal tlat rei hauh lovang"a tih chuan dawhkan kil zinga mipa ho chu an lo huk dur dur a.

Joel Patrick'an min ti thinrim viau lo sela chuan helai hmun hi ka thleng hauh lovang,naupangchhia ang maia awm tur ka nilo tih inhre tho mah ila,engtin emaw tala ka thinrimna hi hrikthlak ka duh.

Whisky no 3na ka in mek lai chuan ka no chu tu emaw in min rawn phih thlak sak dawrh avangin ka kawr awm chu a huh nuai a.

Tu mi mawl nge maw ni le?"i va mawl ve,tu nge i...tia mitvai deuh ruaia ka en chuan Joel Patrick-a chuan ka banrekah rawn chelhin min kalsawnpui hlawk hlawk a.

"Min thlah nghal rawh,i va zak love,khawnge Mr Douglas-a?"tiin ka hawikual ruai a.

"a nupui leh fate kiangah a awm?mipa i mamawh viau a nih te chuan tlangval kan tam alawm,engvangin nge nupui nei tawh i ngaihzawn kher a?"a ti chhur chhur a.

Min vawn lohna lampang ka kut hmang chuan ka theih tawka chum vak vakin"i va zak love,ka nundanah i lo buai a tul lo,i nupui hual ramhuai ang zet kha va ngaihven rawh,tenawm lutuk"ka ti vin hlar a.

Kan bul hnaia miten maktih hmel taka min rawn en chu ka ngaipawimawh lo,an ni ho ai chuan ka kut chelh tlat tu mipa hi ka ngaimawh fe zawk.

"Ngawi hmak rawh"tia min pu nawlhin mipui zing atang chuan min kalsawnpui nghal a.

Limousine car chhunga min hnawh lut rawk rawk pahin"engvanga helai hmuna rawn kal ve nge i nih,mipa i mamawh viau a mi?"ti hrawkin ka bulah chuan a rawn thu lut a.

A hmaia ham sak pahin"hmela he motor tawng zet atang hian min chhuahtir rawh"?vin zeta ka tih chuan ka kut pahniha chelh betin"ka penthouse lamah"tiin motor khal tupa chu a hrilh a.

"Robert Douglas ai chuan ka siam nuam zawk ang che lungngai suh"tia min rawn fawh bawrh bawrh chuan te that pahin a darah ka nem tang tang a.

Ka awmdan chu ngaipawimawh lo takin a kut pakhat chuan ka lu ah a chelh bet tlat a,lehlampang chuan ka hnute chu ka kawrhak chhanah a tham nghal bawk a.

Thawchham hial khawpa min fawh hnu chuan chetsawn ngaihna reng ka hrelo,"min fawp let ve rawh baby"ti hrawk paha riltam hmel taka min rawn fawh nawn leh chuan milem control theih ang maiin min fawhna chu duhthaw zetin ka lo chhanglet ve nghal a.

He mihring ka mumang lama ka hmuh fo hian ka rilru a tibuai tak zet a ni.tunah chuan engdang mah ngaihtuah ka duh lo,tuna kan awmdan nuam zet hi chhum ang maia ral hmain nuam leh lungawi taka chen ka duh a ni.

Car a ding dat takah chuan ka kawrfual hak lai chu min siam that sak pahin"i kalbo tawh hauh lovang,ka mamawh che"thaw ham ham chunga tiin min pawm chhuak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:24 pm

PASSIONATE LOVE-5 (WARNING +18 ONLY)

Postby Basta Tlau » Mon Jan 23, 2017 11:37 pm


Joel-a nghawnga lo kuah let ve nghalin"i lak atang hi chuan ka kalbo theih pawh ka inringlo"tiin a beng kawm rimtui takah chuan ka seh ner ner a.

Nu pakhatin kawngka min rawn hawn rual chuan Joel'an"tibuai ka duh lo nia"rum hak paha tiin inchung step pan chhoh na lamah chuan min pawm chho a.

A sam fai tha tak chu tuai thur sakin"ka tibuai che em?"nui hakin ka ti a.

Room zau tha tak chunga min luhpuiin kawngkhar chu a kea tlawh khar pahin"tehreng mai,nang hian engtik lai pawhin min tibuai a ni"ti hrawkin khum zau tak chunga chuan min zalha ka chunga rawn bawk ve nghalin duhthaw zetin kan infawp bawrh bawrh a.

Kan chezia leh awmdan chuan tawngka a thu tam tak sawi aiin kan in mamawh tawn zia a lantir a ni,infawp mawlh mawlh chungin a kamiz var thianghlim zet kilhna phelh sakin a awm hlai tha takah chuan ka chul ruai a.

Ka kawrhak lai chu ka lu atanga min pawhchhuah sak pahin"i nalh tak zet a ni"tiin ka bra haklai chu a hlim chho a,ka hnute chu a kutphah lian tha tak maia sawk tawnin a hmui lum tha tak mai chuan a fawp nghal zat bawk a.

Joel-a mipatna khawngtha zetin ka mal a rawn do run chuan rum halh chunga lo kuahin"Joel"ka ti khur dar dar a.

Ka underpant chhunga a kut dah lutin,"a hnawng chhap mai,i theihnghilh tawh loh tura nuam taka siam che ka duh a ni"tiin a kut chu awmze nei takin a tiche zawt zawt a.

Ka insumzo thlawt lo,mittui tling piau a Joel-a hming lam chunga te that that pahin ka khur dar dar a.

Vai ruai chunga Joel-a hmel ka en chuan ka kap a khawihna kut chu a ka chunga dah lutin a fawp fai a.chumi rual chuan a kekawrhak lai chu dawhtheilo tih hriat zeta phelhin bang kil lamah a theh phei a.a mipatna khawngtha tak mai ka hmuh chuan ka zam ru kher mai.

Ka mal inkara rawn inzepin a rawn kun a,ka ka chhunga a lei lum thar thar a rawn hawl luh chuan ka zamna leh hlauhna zawng zawng chu a bo vekin ka hria.

"Anna,ka mitah min en rawh,tunah mipa dang nen min hriat pawlh tur a nilo"tiin ka chhungah chuan a mipatna thir tum ang maia khawng tha tak chu a hnawh lut nghal a.

Ka dul chu sep dawrhin"ouchch a na lutuk,ka thi dawn"bed sheet hmer ngawt ngawt chunga ka tih chuan"hreptak che hian engvangin nge i vawikhatna tur ani tih i sawi loh,ka lakah hian enge i duh?"rawn ti hrawkin ka dar tawn tawnah nghet zetin a chelh bet a.

Zam hauh lova ka mittui kar atanga lo en in"ka hrelo"ka tisap a.

"a tha e,a bul min tan tir tawh a,keiin a tawp ka thlenpui ang che"tiin a mipatna chu dimlo zetin ka chhungah a sawh ri zawt zawt a.

Ka ruh chuktuah zawng zawng a phel vek emaw ti hial khawpa na ka tihna kha bo in sawifiah thiam phak rual loha nuam chuan ka taksa pum mai chu a fan chhuak a,te that that chungin bed sheet chu ka hmer tawk tawk a.

Khur hlak hlak chunga Joel-a hmel ka en chuan khum atanga chhuk thlain a kawr chhuata mi chu a ha tha nghal mawlh mawlh a.

A awmdan chu mak ka ti tak zet a ni.chau zeta inbengkangin"Joel,enge i tih dawn?"ka ti sap a.

Drawer pakhat atanga pawisa clip rawn phawrh chhuakin"pawisa vang ani lawm ni,engmah phun nawi lova i thianghlimna min hlan,nge chenna tur in i mamawh vang zawk,kha hei hi la rawh,i la duhkhawp lo a nih chuan ka secretary i lo be dawn nia,zanin chu hetah i riak thei ang"tiin pawisa chu khuma a rawn theh thla in,kawngkhar lam panin a chhuak nghal vut a.

Chetsawn lawk lovin ka awm ngaiin ka awm reng ringawt a.engtinnge hetiang hi ka chungah a thlen zawk.nupui hual lai a nei tih ka hre reng si a,nilo ka theih tawp chuan atirah hlat ka tum ve a ni.mahse,engvangin nge amah pawh kha ka chungah khatianga a chet ngam,pawisa clip tam tham zet chu ka melh ngawt ngawt a.

Midang dem thei ka nilo,keima zir loh vang ani kum 25 chhung ka thianghlimna mipa hrang hrang laka ka lo hum ve tang tang chu minute reilote lek chhungin he khawvela mipa nunrawng ber lakah ka hlan ta chu a ni si a.

Ka mala thisen rawn luang chu rapthlak ti zeta en in ka thaw halh a.bathroom awmna nia ka hriatna lamah chuan mal na thum leh mittui far zawih zawihin ka phei chat chat a.

Ka thinlung zawng zawng hi a kehsawm vek ni maiin ka hria,Joel-a hi ka duh tih ka hria,mahse ka hmangaih tur a ni lo.nakin lawkah hmeichhe hmeltha leh piannalh tak Bernice Frenkel-i ta a ni mai dawn a.keia lo duh ve ringawtin awmzia engmah a neilo,hmeichhe nep leh tenawm ber ka van nichiang em.

Bathroom atanga chhuakin chhuata ka thawhnaw let phung mai chu ka inbel sawk sawk a.khuma pawisa chu en vang vangin ka inngaihtuah a,hmeichhe nikhualo takah min ngai a ni lawm a ni,a tha e ka nikhua loh zia ka inhriat chhuah zel theih nan he pawisa hi ka dah tha ang,ti rilruin ka bag chhungah ka khung a.

Pawn lam panna kawngkhar liantak bula ka din lai chuan kan luh laia nu chu ka bulah rawn tlan phei vatin"miss mu hahdam rawh,ka pu in tha taka lo enkawl tur che in min hrilh a"a tih chuan a thusawi ngaipawimawh lo takin kawngkhar chu ka hawng lui a.

"A hmel hmuh ka duh lo,keimahin ka inenkawl thei"tiin ka kal chhuak nghal a.

Vanneihthlak takin motor kawnga a reilote ka din hnu chuan taxi lo tlan chu phar dingin

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 5th, 2017, 3:24 pm

Ka thu lut nghal a"Tverskaya street lamah"tiin kan awmna lai chu ka hrilh a.

Ka na a ni,ka na takzet,Ka thinglung leh taksa pum hi a na vel vek a ni.ngatinge Joel Patrick-a hi ka lo hriat kher le?ka phu loh leh engtiklai maha ka ta ni lo tura lakah engvanga ka thianghlimna hlan thei nge ka nih,natna leh hreawmna bak ka nunah a thlen lo.amah ka duh avangin alakah ka inpumpek a,chu thil chu min hmusit nan a hmang ta zawk si a.

Ka kut hum ruh ngawt ngawt chungin ka thaw halh a.Joel Patrick-a chungchang leh a kaihhnawh thil engmah hriat ka ngaihven tawh tur a ni lo.

Chau zet chunga apartment chhung ka luh rual chuan ka nau Emma'in"U enge thil awmzia,Red square-ah i kal dawn tih i sawi miah lo,Joel-a nena inthalak internet lamah an comment nasa lutuk,U i tha maw,i dang vek ania"mangang hmel taka tiin minlo kuah nghal a.

"Emma hmeichhe tenawm tak ka ni,he khawpuiah hian awm ka duh tawh lo"tia lo kuah let thlawpin ka inhnit hlawp hlawp a.

Thutphah chunga min kuah thu in tui intur min laksak a.no ka ban rual chuan"U thinrim suh aw,kan inhmun kha ka hralh a"inthlahrung leh inthiamlo hmel taka tiin a ding a.

Makti taka en hain"ngatinge Emma,ka nu leh pate laka kan rochun awmchhun a nia sin"vin zeta ka tih chuan"ka hria,hreawm leh harsa takin hna i thawk tih pawh ka hria,chu thil chu ka nu leh paten an duh hauh lovang,nuamsa takin midang angin kan khawsa thei a ni"tiin suitcase pakhat chu ka hma ah a rawn hawng a.

"chawlh ka neih chhung hian Texas-a ka nutei te awmna ah zin ang,thlawhna ticket pawh ka book fel vek tawh"a tih zawm zat a.

Thaw halh chung leh tihngaihna hrelo ru tak chunga Emma-i chu en vang vangin"chutin kan zin ngawt thei lovang,hotel ka thawhna lama bana lehkha theh luha,Mr Douglas-a hnuaia thawh ka lo tum asin"ka tisap a.

Hmui tipawrh chunga min rawn kuahin"hlim taka siam ve che ka duh a ni,i hna chu tunah ngaipawimawh vak rih lo mai rawh,U Joel-a nen hun in hmang dun a ni tiraw"chiang zeta min rawn en karin a ti a.

"Emma khawngaihin tunah chuan engmah sawi ka duh lo,Joel Patrick-a hian min tina takzet a ni"tiin room lam ka pan nghal a.

"naktuk a zin turin inbuatsaih rawh aw"a rawn tih chuan engtinmah ka chhang zui lo.

Ka kawrhaklai nen khuma bawk thlawpin ka inngaihtuah vang vang a,tunah chuan Joel Patrick-a hi ka theihnghilh a ngai.ka drawer pakhat chu hawngin joel-a thalak chanchinbu a mi ka cheh thlak chi hrang hrang ka dahthat chu phawrhin ka hrual nawk nawk a.

Choka bawlhhlawh tinah chuan paihin ka halral nghal vek a.zanin pawisa min pek hi engzatnge a nih pawh ka hrelo,hriat ka duh heklo,a tlem emaw a tam a ni emaw hmeichhe tenawm tak ka ni tih ka inhriat reng nan ka kawl tha tlat ang.

Ka bula Emma-i lo ding reng ka hmuh thut avang chuan phu deuh zukin"Emma"ka tisap a.

"U joel-a hi i lo duh viau ani maw,i awmdan hi ka hriatthiam pui lutuk che,dik tak chuan Model Bernice-i aia i chhiatna ka hrelo,a kawrhak leh inchei dan angin inchei ve la chu i lang nalh daih zawk ang,tuna i sam tan hi i inhmeh lutuk ania"nuisak pahin a ti a.

"awm lo la chuan engtinnge ka chunga thil thleng hi ka tawrh zawh tak ang le?Nick hi chawlh ka lak tur thu kan hrilh lawk ange,nute Samantha-i te chu kan zin dawn tih i hrilh tawh em?"ka tisap a.

A lu bu nghatin,"message ka thawn tawh,dik tak chuan maw,pawisa hi nangma incheina thawmhnaw leh pheikhawk vel lei nan ka rilruk a,Mahse i rawn haw a,i hmel awmdan ka hmuh khan ka rilru ka thlak leh ta a ni,zing kara kan thlawhchhuah angai dawn nia,lokal rawh i mut chhuah hma chu kawr ken tur ka lo siamfel pui ang che"tiin room lamah min kuah lut a.

Ka kawr ken tur suitcase a Emma'in a rem luh lai chuan Nick chu ka phone a.kan inbiak lak lawh lai chuan Silvia-i chu rawng tawng lang langin"Anna,engvangin nge i chanchin engmah min hrilh loh,Joel nen khan in inhmeh lutuk,Bernice Frenkel-i hmaisa i tawng ngei ang"a rawn ti lang lang a.

Engmah hriat zawm ka duh tawh lo,phone chu off in ka dah hmak a.Emma-i nen khuma kan mutdun meuh chuan a tlai tawh khawp mai.minute nga tal ka mut theih pawn ka chau lutuk hi a zia ngei ang tiin muthilh tumin ka maimichhing lui vang vang a.

Emma'in min rawn sawi harh rual chuan"tho vat rawh,insil la,eitur ka lo siam ang,Texas kan thlen hma chu i phone khawih miah suh"a ti zung zung a.

Tunah dinhmunah chuan ka nau hi u zawk chan achang ni maiin ka hria.a sawi ang chuan mahni pawh inngaihtuah tha hman loin ka che nghal a.Apartment kan chhuahsan dawn chuan tarmit dum leh lukhum parh min khumtir pahin"buaina thlen i duh loh chuan phelh miah suh"a ti ngat a.

Taxi hmanga Domodedovo airport kan thlen meuh chuan ka chau deuh hnawkin ka hria.terminal chhunga kan luhrual hmanhmawh takin kan chuanna tur thlawhna lam panin kan inhnuk a.

Thlawhna chhunga kan thut fel hnu chuan Emma'in"hmangaihna dik hrefiah thiam tur hi chuan harsatna kan tawh hmasak phawt angai ni"ka kuta rawn chelh chungin a ti sap a.

"Tu chungchang nge i sawi?"ka tih chuan a lu thing nawkin"i rilru lo tihah duh suh,khuanu remruat dan hi ngaichang phawt mai ang"ati ngat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)