JACOB LALRINDIKA BY Basta Tlau (Complete) 18+ Only

[Ngaia]

JACOB LALRINDIKA-7
Postby Basta Tlau » Thu Feb 16, 2017 7:58 pm

Ka tawng hrelo niawm taka rawn kun hniamin Hruaitea biangah chuan dimtein a fawp zeuh a,ka lo lai ve leh ringawt nia,ngatinge ka zah zum tak em em mai le?


"In hmuhnawm dun khawp mai,mahni fate pawh kan thik deuh rum rum alawm"zawi sapa tichunga min rawn en chuan ka hawisawn nghal vat a.

Tawngkam chhete avang ringawta zam tur ka ni bik lo,tia inhumruh chungin thawm dim tak nen khum atanga Hruaitea tih harh hlau tak chungin ka tho chhuak a.

Tukverh bula ding chunga ka thawk kawk kawk hnu chuan ka kut zai zirin Pastor Jacob-a chu chhuak turin ka ti a.min chhuahsan vat loh chuan kei hi thawchhamin ka awm thei tak ngial dawn,ka room chhunga a rawn luh atang khan ka room tawt zia leh zim zia ka hrechhuak ani.

Ka bula rawn dingin"i tha maw?"tia ka chal a rawn khawih chuan phawk taka en chungin a kut chu ka ben thlaksak a.

"engvanga rawn lut ve ngawt nge i nih,chhuak rawh"zawi fiah taka ka tih chuan a cotton kekawr ipte zen chunga min la en rengin"i thinchhe reuh hle mai,ka fapa awmna hmunah hian ka awm ve angai lawm,a pa ka ni a,a that leh that loh ka ngaihtuah a ni"a tisap a.

"Apa i ni tih chu ka hria lawm,mahse ka room chhungah hian i duh duh a rawn lut tur i ni lo,a hrim hrim in Hruaitea hian nu a mamawh nih hi nupui nei leh mai ta che"thaw halh chungin ka ti a.

Thaw halh chunga ka ban na lama a rawn man beh chuan a hmel enin ka hawi chho vat a,thinrim ha chang thial bap bapin"inneihna hi thil ho lam takah i ngai mi Lalrindik,awlsam taka sawi liam puat ang hi a nilo tih hre rawh,hmeichhia min rawn pantu apiang nei mai mai duh turah min ngai a mi?eng hmeichhia nge maw i nih le?"a ti hrawk a.

Min vawnna lai chu na ka tih em avangin ka kut lehlam pang hmanga a kut chu phelhsak tum chungin"a na nia Jacob"ka ti chuai raih a.

A kut chu khawih thianglo khawih ang maia rang taka lasawnin"ka tihpalh,i tha em?"min ngaihtuah hmel taka tiin ka ban vel chu a en kual a.

A awmdan leh chezia mak ka tih em avang chuan ka tawngchhuak thei mailo ka bianga rawn dawmin"min hrethiam hram rawh,ka thinrim ka in control hman lo a ni,tihnat che ka tum miah lo a nia"a ti zawi sap a.

Ka biang a rawn khawina chu a mur chum chum ni berin ka hria,thil tih theihna(power) a nei nge, mi khawih dam theihna a nei zawk,ka na zawng zawngte chu a kiang nghal hawkin ka hria.

Ka chil lem khawlh paha hnuai lam melhin"ka tha,mii minn ngaihtuah suh"ka ti bah nuai a.ngatinge dang awk pawh ka ni si lova,hetiang anga ka tawngchhuah tak mai le.

"Ka ngaihuah che a ni,ka fapa tan hian i hlu in i pawimawh hle si a"tiin ka chalah a rawn fawp zauh a.

Min fawp leh nia,ngatinge?mak ti taka a hmel enin"Jacob"ka tichhuak sap a.

Nui suk paha ka hnara rawn piai in'ka fapa in mi zinga"a nu"tia a koh che hi zahthlak i ti em?nula i la ni si a"thu tak hmel zeta a tih chuan ka lu thing deuh nawkin'ka zak hleinem,a tir kha chuan mak ka ti a,mahse tunah chuan ngaiah ka nei tawh,kei ang mi thinchhia tak hi naupang min ngaina tu an lo awm ve reng mai a,ka tan chuan a makin a hlimawm a ni'nui sak pahin ka ti a.

Thaw halh paha a kekawr ipte zen chungin tukverhah a dakchhuak a, ka hriat phak lova a phun deuh nuah nuah hnu chuan ka lam rawn hawiin"ka ni(Thlenga nu)ina chaw eia kan kal tur kha i hria ang tiraw,insiam la bawiha hi chu i insiam zawhah ka rawn pawmchhuak ang"a ti ta daih a.

Bu nghat paha ka sana bun chu en in"ka huphurh khawp mai,Thlenga a awm tawh bawk si lo"ka tih chuan ka dara rawn beng thak thakin"lungngai suh,ka unaupa awm tawh lo mahse i kiangah kan awm tlat dawn alawm,Diki i tan a hreawm turzia ka hria,Pathian kutah innghat tlat la,i harsat manganna tinreng chu anin a lo lakbo sak ang che,insiam la huaisen takin i hma zawna thil awm hi han paltlang dun teh ang,sitting room lamah ka lova nghak ang che u"nui suk paha tiin a chhuak zui nghal a.

Makti taka en zui in enge a awmzia,ka hmazawna thil awm chu ani khan "kan paltlang dawn nia"a ti a ni,a thusawi kha a ngaihtuah chianglo a ni ngei ang,nge ka bengchhe ri zawk?ka thinphu dawt dawt chu tihreh tumin ka awm dawm vang vang chungin ka thaw halh halh ringawt.

Ka khuma Hruaitea tui taka a muhil chu ka en vang vang a,a hmeltha takzet a ni,tupawn he nau hi chu an ngainat ngei beisei,kei hi ka diklo tlat,ka nunah a vawikhat na atan nu nih chakna ka nei a ni,a mak khawp mai.

Ka wardrop chu hawngin ka kawr inkhai chu ka enkual a,kekawr ha thei pawh ka la nilo,ka mal hi duhthusamin ala damchiang lo,pawnfen fual a senno leh kawr dum ban tlawn chu hain pheikhawk flat dum ka bun a,bengbeh dum a bet chi beh in ka sam chu bakkilhin ka kilh tawm vek bawk a,ka hmaiah make up tlem azawng ka hnawih lai chuan ka room kawngka rawn kik ri leh ka nau Rinfel'in"ka rawn lut dawn"a ti ri hre zui a.

Khuma Hruaitea muhil chu a harh leh harh loh en nghal vatin Rinfeli rawn lut mek chu ka hmui zawna ka kut dahin thawm dim turin ka ti a.

Ner nang chunga Hruaitea muhil lai a en vang vang hnu chuan ka bulah rawn dingin"U kan Pastor hian a duh deuh tlat che in ka hria"a ti a.

Darthlalanga inen paha ka kawr siamtha mawlhmawlh in"a fapa in min ngen avang ringawtin i lo ngaihbel a nih kha,thudik ni silo kan ngaidan mi zinga kan sawi chhuah thin avang hi lawm midangte pawi kan sawi"ka tisap a.

"Chutiang a ni lo,a awmdan atang hian a ngaihtuah zia che ka hria ni,in accident laia,a awmdan te chuan tuna a thil rawn hawn i vun tana tha tur oil palm leh aloe vera bottle parcel pakhata a rawn dah khat tlat bawk asin,a ngaihtuah che a ni"a tih chuan phawk zeta enin"chu thil chu aman min rawn hawn a maw?ka chhungten engtinnge a tih?"ka ti ruai a.

"Engmah a sawi lo,Pastor chuan lawmthu a sawina anga a rawn hawnsak che niin a insawi a,mahse kei chuan a ngaihtuah..."a tih mek laia kawngka an rawn kik avangin a tawnglai chu a tawp chawt a.

Pastor Jacob-a chu rawn lutin"i hman dawn tawh em?ka ni in min rawn bia a"mitko san deuh ak chunga min enin a ti a.

Dressing table sira ka clutch dum chu la in"ka hman a ni mai,Hruaitea hi"ka tih rual chuan tihharh hlau tak chungin a lo pawm kang mek a.

Rinfeli bana bensak zauh pahin"test paper check tur i neih kha aw"ti zauhin Pastor Jacoba te pafa chhuahna turin kawngka chu ka hawnsak nghal a.

Sitting room lama kan inzui phei chu Kan naupangber Hmingmuan'an "U nupa in ang lutuk"a kutzungpui rawn tiphir van chunga a tih chuan leichhuah khum zauh pahin"ngawi mai teh,dak thei pa"tiin pawn kawngkhara Pastor Jacob-a te chhuak mek chu ka umzui a.

Motor seat hnung lama ka thut fel hnu chuan dim tea Hruaitea muhil chu ka malchunga a lu nghata rawn mut tirin"indim deuh hlek rawh aw,na i neih chuan i sawi vat dawn nia"tiin thawp sapin driver seat-ah a thu lut a.

Hnehsawh zeta car a thunun lai chuan a hnunglam atanga enin ka thaw halh a,ahma zawng khan zungbun a bun ve reng sia,tunah ngatinge a bun miah loh le,a inbual laia a phelh anga a bun theihnghilh aniang,a tarmit dum bunte chu ama tana an siam niawm takin a inhmeh hliah hliah bik in a sam,a sam fai tak leh dum hlap maite chu siamtuin uluk taka a siam a nih hmel bik tlat.

"Khati khan min tlek reng dawn a mi?"aw thawp sap chunga a rawn tih deuh thut avang chuan ka phu nasa ngei mai,hawisawn nghal vatin"ka thlek lo che"aw lawi ratin ka ti a.

Rawn nui hak chungin"ka mit a fiah loh vang mi le?nge i mit kha a kalh zawk"a rawn tih chuan"ka mit a kalh bawk lo"ka lo ti vin hlar a.

Za zeta nui hawk hawkin"i van lawmawm reuh tak,i huat thu te hi a chhe ve bawk si"a tih chuan"naupang lawm rual pawh ka ni lo,min lawm tur pawn ka duh lo che"ka lo ti hmuk a.

Motor a tih din thut avang chuan hmalam bu awn phei dawrhin seat hma ah chuan ka chal ka tauh chawrh a,ka malchunga Hruaitea mu pawhin"a nu"a rawn ti niah niah a.

Ka chal tuai chunga Hruaitea sama chulsak pahin"bawiha muhil leh rawh le"tiin Pastor Jacob-a a taksa te nen lama rawn hawi chu rum zeta melh kawkin"min ti hlau lawm,i din dawn te chu sawi lawk ve tur che nia"ka ti hlar a.

A hmui bulah a kut dahin"shhh a hriat laiin tawngkam vin hmang suh"tichungin ka chal chu a rawn thlek nghal a.

Tukverha dak chhuakin"nangma vang vek a nih kha,fimkhur lo lutuk"ka ti bai bai a.

"i intauh na em?khawi maw kan lo enchiang"tia ka chal a rawn khawih chuan phawk zetin ka lo en a.

"A na lo,engtinmah a awm lovang"ka ti chuan bu nghutin"a nih kha,nang pawh i lei hi vengtha ve deuh tawh rawh"tia hmalam a inherin motor a khalh chhuak lehnghal a.

Hmm ka lei te chu keima ta a ni a,ka duh duh ka sawi thei a ni lo inrawlhna tur pakhatmah a awmlo,Pastor ve si tawngkam duh tui lo lutuk mai.

Ngawi renga minute thum vel kan tlan leh chuan Thlenga te inkawtah kan ding a,Nu Rinpuii chu rawn chhuak vatin"in lo thleng thei maw?khawi Hruaitea kha kan lo pawm nge?sitting room thutphah ah kan muttir dawn nia"tiin motor atang a rawn pawm chhuak nghal a.

Inchhunga ka lut tur chu ka tim deuh tlat,thawk ka la kawk a,nidanga he ina ka kal apiang in Thlenga nen kan lut rual ziah zel a,tunah erawh a dang ta hle mai.

Pastor Jacob'an ka dara rawn kuahin"lut ang le,hun liam tawh hnu koh kir tum lovin,hlim taka awm tum zawk rawh"tiin min hruai lut a.

Thlenga Chhungten minlo welcome dan chu angai reng,keimah zawk hi ka danglam a ni,nidang angin ka tlangnel lova,ka inthlahrung hliah hliah zawk.

Thlenga pa(Pu Lawma)in"Diki,nula i ni a,kan fapa leh keini min venthawn avangin Pasal nei lova awm te kha i lo tum ngawt ang e,pasal nei ngei ngei tur"fiamthu ti tiha a rawn tih chuan ka nui sak ringawt a.

Nu Ropui'in"Hruaitea nu a ni tawh lawm,in pahnih..."a tih lai tak chuan Pastor Jacob'an"ka ni,in sawiho e mai,Diki tan a nuamlo nge"a rawn ti hmuk a.

Nu Ropui'in"awi a van thinchhe tak,ka pa khan Bible zir tirin Pastor-ah tang lo phei sela chuan engang mi tak ni ang maw"ka bengbulah a rawn ti nuah nuah a.

Pastor Jacob-a hmel ka en chuan a hmui chip hmuk chunga a phone chu a lo khawih a.

Hruaitea muhil a rawn harh rual chuan a mit nuai chunga min rawn en"anu ka zun a chhuak"phak zetin a rawn ti a.

Pawm ka tum chiah chu Pastor Jacob'an"keiman ka lo zuntir ang che,anu kha ala damtha lova,inpawm tir reng loh tur aw"tiin a rawn pawmkang nawlh a.
Nu Rinpuii leh Pa Lawma chuan mak tih hmel taka Hruaitea te pafa inpawm chu en zuiin"a nu i nilo tih a sawi miah nange?"Nu Rinpui'in a rawn tih chuan bu nghat chungin"naupang ala nia,a rilru tinat a duh loh vang aniang"ka tisap a.

Pa Lawma chu a khabe tuai nauh nauh chunga chhuat melhin"a mak khawp mai a,engati nge le?"amah leh amah inbia niawm takin a lo ti ve a.

Hruaitea zung zo chu rawn tlan ter terin a hnungah Apa in nui var var chunga rawn zuiin"ka ni a mumang han zawt ve teh?"a ti a.

Hruaitea ka malchunga rawn bawk mek chu Nu Rinpui'in"Bawihte i mumangah khan engthil nge i hmuh min lo hrilh ve la"tiin a rawn kun hnai a.

"Anu leh papa te nen sakawr var lian tawk chungah kan chuang a"intithei hmel taka a tih chuan Nu Rinpui'in"min hmu ve em?"nui chunga a tih chuan a lu thing vakin"aih tumah ka hmu ve lo che u"ringzetin a ti a.

Pa Lawm'an"min hmuh ve loh avangin kan duat tawh miah lovang che"nui vur vur chunga a tih chuan ka nghawnga rawn kuahin"anu in min duat"tiin ka malchungah chuan a rawn lawn kai a.

Ka mal na lai tak mai a rawn rah avang chuan ka inring hman lo"Awi a na lutuk"ka tih rual chuan Apa in"inpawm tir loh tur ka tih kha"tiin a rawn pawm sawn vat a.

Hruaite'an"a nu tihpalh,a na viau em"tah chhuah hmel taka a tih chuan ka hmui peta nui lui sangin"a na hleinem,a dam tawh"tiin ka mal chu ka dawm vang vang a.

Pastor Jacob'an Hruaitea chu a ni(Nu Rinpuii) chu pawm tir in"min rawn zui lawk rawh"tiin a kalsawn nghal a.

Makti zeta Nu Rinpuii ka en chuan"a sawi ang chuan va zui mai rawh"a lo tisap a.

Kal bai chunga Pastor Jacob-a luhna room chhunga ka luh rual chuan chair inhunga min thut tirin"khawi maw i mal chu,kan lo en"tiin ka kawrfual hak tlang chu a khawih a.

A kut chu lo ben sak vatin"enge i hriat a?ka mal i en hauh lovang"teu hlar chunga tiin din ka tum a.

Ka dara rawn nam chawrhin"luhlul chhuah suh,i mal na chu engtin nge a awm tih hriat ka duh"nghet charha a tih chuan ka lu thingin"i en lovang,Doctor pawh i nilo"ka ti nghat a.

"engtianga enkawl tur nge tih hriat ka duh lawm le?"tiin ka kawr chu a rawn hlim thut a.

Ka kut lehlam ka kawr pawh thlak tumin lehlam chuan a sama ka kek bawk a"i van zaklo ve,thlah nghal rawh"ka ti vin hlar a.

Ka tawng engmah hrelo niawm takin"a rawn thi nih hi,tikhan che lovin lo awm hle hle rawh"a tih chuan ka thil tih lai chu chawlhsan in ka mal chu ka en ve nghal a.

Tlem te bakin a thi lo,lapua hmanga damdawi rawn hnawih a tum chuan ka kawr hlim thla vatin"a dam leh vat mai"ka ti a.

Mitmeng zim sana min rawn enin"zak duh suh,ka hmuh tur ang chu ka hmu vek tawh,bakah zah hun pawh a nih loh hi"thutak zetin a ti a.

Rum zeta enin"ka zak bawk lo,khawi keimahin ka inhnawih thei"tiin a thil kenlai chu ka ban a.

Damdawi ka inhawih lai chuan first aid box atanga Band aid rawn phawrhin"kha hei hi bel rawh"a rawn ti thawp sap a.

Chil lem khawlha a hmel ena ka hawi chhoh rual chuan room kawngka pawn atang Nu Rinpuii aw in"Hruaitea hi a tap reng a nia,in hman dawn tawh em?"a tih ri ka hriat chuan ka inperh tho nghal vat a.

"Hahdam takin awm rawh"zawi sapa tiin kawngka chu a hawng a,Hruaitea chu pawmin"tlangval fel an tap ngailo,bang tawh rawh le,anu na pawh a dam vek tawh,mahse inpawm tir tawh loh tur aw"tiin a mittui chu hruk hul sak a.

Zanriah kan eikham fel a,kan in lama min thlah lai chuan Pastor Jacob-a chu melh zeuh in"i thil min rawn hawn avang khan ka lawm e"ka tisap a.

Ner sak chunga min rawn enin"vun tan a tha an ti a,hmeichhe ho hian in vun landan in ngaipawimawh si a,lawmthu sawi nan ka rawn leisak che nih kha"a tih chuan ka bu nghat a.

Kan in peng kan thlen chuan motor atanga chhukin Hruaitea chu seat belt ka hren that tir a"Bawiha,anu kha mangtha nan fawp rawh le"Pastor Jacob'an a rawn tih chuan phawk zetin ka melh a.

A fapain ka biang lehlama a rawn fawh lai chuan"lehlamah khan Papa ai fawh leh la"nui suka tiin a mitko a san ak a.

Hemi te pafa hi chuan min ti phu reng mai dawn a nih hi"anu mangtha aw"Hruaite'an a tih chuan motor kawngkhar chu khar"mangtha le,fel deuh in i awm dawn nia"tiin ka vai liam a.

Motor inhung nual ho chu thlek in"inleng neih reng hi a that rualin,a thaw ipik thlak deuh tlat,mahni inchhung thlen hi chuan hahdam taka awm a chakawm ve asin,inleng an awm hi chuan an mahni veng thawng reng rengin ka awm a,a hahthlak tlat zel,mahni nawmsam loh deuh phei chuan.

Inchhung ka rah luh rual chuan inleng dang zinga Malsawmzuala leh a thianpa Henry-a tia a sawi lo thu dun hmel ka hmuh chuan ka ding deuh chawt a.

Malsawmzual'an min rawn signal chuan rum zeta melhin thutna awlah chuan ka thu thla ve nghal a.

Henry-a hmel ka en chuan ben sawk ka chak kher mai,mitmeng zim sanin ka chhip atanga ka ke ler chu alo melh kual dun dun a.

A awmdan lah chu a thawvengin a intihtheih hmel khawp mai.ka mipa huat zawng tak a ni,engtin nge kan inchhung a rawn rah ngam,Malsawmzuala hi a chaklo khawp ang.

Henry'an"khawnge naute kha a awm a?a muhil tawh mi?"nui sunga a rawn tih chuan inleng dangte chuan makti takin min lo en hlawm a.

[Ngaia]

JACOB LALRINDIKA-8
postby Basta Tlau » Sat Feb 18, 2017 6:34 pm
www.storyfb.com mizo story thar nitin dah ziah a ni e


Henry-a chu rum zeta melh hrawkin"he inah hian naute kan kawl lo,naute i hmu chak viau a nih chuan damdawi inah han kal rawh"ka ti hmak a.

Malsawmzual'an a nghawk zeuh vang nge Henry-a chu engmah rawn sawi lovin,ngeiawm zeta a dar san ukin a nui lui sak a.

Kan thenawm Pu Marov'an"Henry hriatsual i nei a niang,kan pastor fapa hian Diki hi a ngaina riau a"a rawn ti a.

Pu Marovan a hriat danah Henry hi mi langsar tak chu a ni phawt mai.hmm engang mi pawh ni rawh sek sek,a awmdan leh chezia in a zir loh miau avangin zah taka ka biak nachhan tur ka hre lo.

Rinfel'in"U i chau lutuk ang,i duh chuan room lamah va awm hahdam rawh"a rawn tih chuan bu nghat chungin ka room lamah ka lut nghal a.

Ka inthlak lai taka ka phone a rawn rik chuan "hun lo thei"ti nuah nuah chunga min rawn call tu chu enin Ruati a ni tih ka hriat chuan muangchangin ka pick up a.

"Pastor-a nen khan khawiah nge in kal a?ka hmu che u nia"a rawn tih chuan thaw halhin"Pu Lawma te inah chaw kan ei a,Sawmzuala hi ka haw lutuk,a thianpa Police Henry-a a rawn lenpui a"ka tisap a.

Ruati chu a ngawih tak daih avangin"hello hello"ka tih chuan"Diki,Henry-a kha ka hrechiang,a beisei theih turin awm miah suh,engtin nge in inhriat hrim hrim a"a rawn tisap a.

"Thlenga Accident chungchangah ka damloh lai khan thu min rawn zawt turin a lokal a,chiang takin kan la inhrelo,mahse ka ngainat zawng a nilo tih chiang takin ka hre thung"ka ti hlar a.

"Pastor-a hi i ngainat zawng a ni tiraw?"nui hak hak chungin a rawn ti a.

"i chimawm lutuk Lalruat,ngatinge Mi zawng zawng hian Pastor Jacob-a nen min chhaih zel le,a zahthlak e mai"ka tih chuan"in inhmeh em alawm,mimi nen kan hman hunah kan rawn la leng ang,tih tur ka nei tlat,a nih mangtha aw"tiin kan inbiakna chu a ti tawp zui a.
*
*
*
Kar khat zen zawn in lama ka awm hahdam hnu chuan ka pa in zanriah kan ei laiin"i duh duhin i tei kual thei tho va,naktuk atang school lamah minlo pui tawh rawh"thupe aw takin a ti a.

"Naktukah chuan Hruaitea Vaccine la turin sub-center a kalpui kan lo tum asin,a tuk lehah school chu ka rawn rawn tan mai ang"ka tih chuan a lu thingin"midang fa buaipui nilen reng ringawt hi i zaklo a mi?naute enkawl tur i duh te chuan pasal nei la fa nei ve mai ta che,anih loh pawhin Jacob-a nen hian inneih law law rawh u"thu tak zetin a ti a.

Hmingmuan'an'UHenry-a nen restaurant-ah kan inhmu a,ka dara vuan chungin "ka rawn leng leh dawn ka duh ka neih hma loh chu ka bansan ngailo tih i u kha i lo hrilh dawn nia"a ti a,U ani pawh i duh phawt chuan a awm reng nia,hmeichhe ho hian kei ang bawkin an star hlawm riau asin"nui vur vur chungin a rawn ti a.

Hmingmuana han tawng theihzia hi chu aw,Henry-a ka huatzia leh vansang zia a intluk ang,a over ropui si.hman ni tlaia Pastor Jacob-a bula"Diki hi ngatinge in pafa hian in tihbuai reng a?"tia a tawngkhum dan te kha mipa pangngai tih chi pawh a nilo,ka haw so hluah hluah a ni.mi pangngai chu nise ka awmdan leh chetzia atang kan ina rawn leng ngam tur a ni tawh lo asin le.

Ka chaw ei lai chu thawhsanin"Lalhming khapa hming kha ka beng hriatah lam ri tawh suh,ka room lamah ka tawm tlat dawn nia"tiin ka kut ka silfai a.

Ka nu in"Diki nula i nih kha,tu mipa mah an be chhe ngailo,mamawh hun te in la nei ve ang"a rawn tih chuan towel-a ka kut hru hul pahin"nu mipa hi an inang veklo,tunlai angah chuan kan duh lo a nih chuan kan inthup buai a tha lo,an huangtau mai mai"tichungin ka room lamah ka luhsan daih a.

Ka phone a rawn rika ka en chuan Pastor Jacob-a a ni tih ka hriat chuan nui sak chungin ka pick up a.

"Diki Aizawl-ah ka pu a boral avangin kan phei dawn a,ka rawn hrilh che a"a rawn tih chuan"tunah in kal nghal dawn mi!ava mak teh thut ve"phawk hrain ka ti nghal a.

"Kan kal nghal a ngai,Bawihtea pawh kan hruai ang,tha takin i lo inenkawl dawn nia"thawp sapa a rawn tih chuan"awle,tluang takin in lo let lawh dawn nia"tiin phone ka dah zui nghal a.

Ka ruak deuh huaiin ka hria,khuma thu thlain ka melh ngai ka melh tlawk tlawk a,ka room kawngka rawn kik dawt dawt ri ka hriat a,ka va hawn chuan Ruati leh mimi chu hmanhmawh taka rawn lutin kawngka an kalh tha nghal a.

Makti taka enin"engthil nge in hriat a?"ka tih chuan Mimi'in"News turu lutuk,Ruati nau Thelma'in Henry-a fa thla thum mi a pai,Thiannu Henry-a hi mipa tenawm tak a ni,tunah Thelma-i chu a them pawn a ngaihsak leh si lo,engtin emaw tak nang hian i tih angai"thinrim tih hriat zetin a rawn ti a.

"Engtin nge ka tih ang,biak pawh ka be peih lo ka ten tehreng nen zanina rawn len a tumin ka hria"ka ti chuan Ruat'in"a tha lo leng rawh se,zanin chu kan inah rawn riak daih rawh"a lu bu nghat nghat chungin a ti a.

"Ka Pa te hi kan hrilh ve nge chuan Henry-a chungchang pawh hi hre ve rawh se"tiin ka room atang chuan kan chhuak phei a.

Ka nu in"engatinge nangni thian ho chu,in va buai hmel ve?"lakhuihthei ei chunga a rawn tih chuan"Nu Henry hi mipa tenawm tak a ni,lo be tha tawh miah suh u,Thelma'in a fa a pai a,a ngaihsak leh duh mang silo,zaninah Ruati te inah ka riak dawn nia"ka ti hlak hlak a.

Ka nu in"a va zia lo ve aw, hmeichhia hi chu kan fimkhur angai sin,nangni thian hi naupangchhia taka chet te kha in lo tum leh ringawt nge"a tih chuan ka pa in"kan veng nula senior zinga chhiar tel an ni ve tawh hlawm alawm,naupangchhia anga ngaih reng bik tur an ni lo,zan lama an vak chhuakte pawh hi mipa ho in an melh hrek hrek ngam tawh chauh ang chu"nui huah huah chungin a rawn ti a.

Mimi'in"Pa Duhawma hi chu i chimawm thei ngawt mai,pasal ka neih hunah ka sawm ve miah lovang che"a ti nang nang a.

Ruat'in"va insiam vat rawh"tia min rawn nghawk chuan ka room lamah ka lut phei nghal a.

Bag khai chunga ka chhuak phei leh chu Sitting room sofa a Henry-a leh a thiante pahnih lo thu chu ka hmu nghal a,Henry'an min rawn hmuh rual chuan"khawiah nge i kal dawn a,ka lo hruai dawn che mi?"a ti a.

Ruat'in"kan inah a rawn riak dawn,i duh leh i rawn leng ve dawn nia"a lo ti hmak a.

Tuna tak hian kan inchhungah mi10 aia tam kan awm a,tuman tawng zai reng kan rel lo,a reh deuh duk a ni,hriau ti tla pawh ni ila a ri ring viau ang tih theih khawp a ni.

Henry-a melh duhlo lui ngata ka aw thian chungin"Ruat kan chhuak dawn mi?Thelma-i chu hmuh a chakawm tawh alawm"ka ti ve ngat a.

Ruati scooty hnunga ka chuang tur chu ka bana min rawn man bet tu an awm avangin te that chungin ka hawichhuak a,Henry'an"ka thil duh chu ka nei ngei ngei thin tih hria ang che,Pathlawi pawh i ngaihsak tho alawm tiraw"tia ngeiawm zeta nui chungin min thlah ve lehnghal mai a.

Ruat'in"Henry,Hmeichhia te hi duh duh a,neih theih turah ngai suh,kan thiannu hi i kut bawlhhlawh zeta i lo tawk leh anih kan awm mai mai lovang"a ti vin hlar a.

Mimi'in"nang ai chuan Pastor-a hi a hmeltha daih zawk,a ek them pawh i tluk lo"tiin a scooty chu a khalh chhuak nghal a.

Henry-a hmel awmdan chu ka nuih a tiza lek lek a ni,a sam tuai in a ngaihna hriat loh hmel zetin a ang phuau ringawt a.Ruati nena kan tlanchhuah rual chuan hawi letin"Pa ni mai thei dinhmunah i ding a,ka lawmpui lutuk che"ka ti lang lang a.

Ruati chu nui hawk hawkin"khatiang tawngkam ringawt pawh khan a ti hawi hai der a nia,kan la che chhuak lo mah mah lehnghal"a tih chuan ka nui ve vak vak a.

Ruati te in kan thlena ka indah fel hnu chuan Thelma-i hmuh ka duh avangin a room kawngka lam panin ka kik a,"lo lut rawh"aw lawi rata a lo tih chuan ka pen lut a,Thelma-i rilru nat hmel taka Zu a lo in mek ka hmuh chuan pan hnai vatin"i rai a ni lawm ni,ngatinge zu i in a?"ka ti ha a.

Rui tih hriat zeta min rawn pahin"Udik ka rilru a hah em vang alawm"a tih chuan a no ken lai chu laksakin"zu i in avang hian i rilru hahna a reh phah i ring a mi?a reh hauh lovang,zu i in nasat pauh leh i rilru a buai in a hah telh telh zawk,hlimna aiin lungngaihna a thlen ang che,chuvang chuan inngaihtuah harh la,huaisen takin engkim i hmachhawn dawn nia,tanpui thei tur chein ka awm reng ang"a sama chulsak pahin ka ti a.

Mittui tling piau chunga min rawn en chho ha in"min tanpui thei anga maw?Uhenry hian a duh hmel ropui che sia,chhete tal pawn i duh ve lo a mi?"a tih chuan ka lu bu nghat in"ka mil zawng a ni ve lo a"ka tisap a.

"A va mak ve,amah duhtu kan tam tehreng nen,mahse kei pawn tunah hian ka la duh leh duh loh pawh ka inhre tawh lo,a fa ka pai thu ka hrilh khan ti tla tura min hrilhin,pawisa sing hnih in min vawm a,biak leh ka tum pawn min hmu duh tawh bawk si lo,min tihdan hi ka lungawi theilo a ni."in hnit hlawp hlawp chungin a ti a.

Rei fe tawngkam leh chetzia hmanga kan in hnem hnu chuan Thelma-i chu a rui bawk nen a muhil zui ve mai a.

Ruati room-a ka luh rual chuan Mimi'in ka phone rawn lek kang va va in"Pastor lunglengin a rawn phone che nia aw,i buai thu kan hrilh a,a lungawi loh hmel khawp mai,ngatinge a zin tih i sawi miah lova,nangni pahnih hi in inngaizawng deuh tak takin ka hria"chiang zeta min rawn thlek hnai pahin a ti a.

Ka phone chu laksak pahin"kan inngaizawng aw kawnglo,thian alawm kan nih"tiin Jacob-a number chu ka dial a,biak tlang theih loh nakinah biak ka tum leh mai ang ti rilru in Ruati khumah chuan ka lawn kai a.

Ruat'in"kan pastor pawh hian ka nau leh Henry-a chungchang hi a hre tawh ngei ang,zantir lampang khan min bialtu kohhran upa te inah ka pa leh Patea an leng in ka hria,Thelma-i a rai ani tih ka hriat tirha ka thinrim dan kha turu tak a ni,ka zak bawk si nen"rilru hah hmel taka a lu dawm chungin a ti a.

Mimi'in"Ruat,lungngai duh suh,mi tenawm Henry-a nen nupa an nilo hi a lawmawm daih zawk"a lo ti vat a.

Ka muhil lai chu Ruat'in min rawn chum chawrhin"mut duhnu,i phone hi chhang vat rawh,a ninawm a bengcheng lutuk"mut chhuah hmel takin a rawn ti a.

Min rawn betu number en hmasa lova ka phone chu pick up in"umm tunge?"ham bai hai chungin ka ti a.

"Hruaitea pa,biak che ka duh,i mut a chhuak a nih pawhin inti harh lawk rawh"aw thawp sapa Pastor Jacob'an a rawn tih chuan mengchhuak in khum atang ka inperh tho nghal a.

Pawn lam pan chunga dar zat en pahin"Jacob dar zat i en ve lo mi?ka muhil lai min rawn tiharh leh tawh ania aw"lungawilo ru zetin ka ti nang nang a.

"Ka tihpalh,Diki ka hrilh dawn che em tih ka inngaihtuah nasa lutuk,i muhil a mi?i thianpa Henry-a hi"a rawn tih rual chuan"ka thianpa pawh a nilo,Thelma'in a fa a pai tih i lohre tawh mi?kan thinrim lutuk ringawt"ka lo ti vat a.

"I lo hre tawh a maw!Diki kha thu ka hriat tirh atanga tun thleng a ka rilru buai zia hi i hria em?"thaw hak chungin a rawn ti a.

"kan inbiak zawh hnu lawk khan Ruati te an rawn kal a,an inah ka riak lawm,Jacob i rilru tihah vak duh suh,kohhran dan angin in phuar anga ni mai lawm,inneih an duh pawh ka ringlo,Henry-a hi pasal tlak pawh a ni lo"ka ti ta chiam a.

"chutiangin mi chungchang an sawi ngailo,Diki i rilru a na em?"aw thawp sapa a rawn tih chuan"Henry-a vang hian ka rilru a nat i ring a maw!a teuh lo mai,a them pawn Henry hi ka duh ngailo nia aw"ka ti hlar a.

"Diki,Tlangval la ni ve ta ila,kei hi min duh thei ngem?"thu tak zet leh aw thawp satin a rawn tih chuan ka nghing deuh lawih in ka hria,ka beng chhe ri mi le?nge Pastor Jacob-a hi tho a in min rawn be zawk.

"Ka tawng i hrethei em?Hello hello"a rawn tih chuan"aw aw hria e,ih ih englo nangte chu tlangval tam tak ai pawhin i tha daih zawk alawm"bah deuh nawkin ka tisap a.

Awii leh ka duh thei lo,tunah khan eng thu nge ka sawi tak mai le!Rawn nui deuh hak chunga"i ti tak tak maw?i chiang em?"a tih chuan rang zetin phone ka off a.

Ka hmaia inbeng nawk nawka ka hmui hupin ka au vak a,Thlenga boralna ala rei loh tehreng nen ka van zahpuiawm tak,engvanga ani khan khatiang thu kha min rawn zawt nge maw a nih le?min chhim bu dawi a duh vang ni hrim hrim ang.

Ka mutchhuak pawh a reh vek tawh,ka phone switch off chu enin ka khal kual neuh neuh a.

"i tha maw?tunge rawn call tu che kha"tia Ruati aw ri ka hriat chuan hawichhuak vatin"Pastor Jacob-a nia,i muhil thei na nge a?lo thu ve rawh"tiin ka tawlh sawn a.

"engthu nge a rawn sawi ka hriat ve chi ni em?"hriat chak hmel deuha min en ha chunga a tih chuan"i nau leh Henry chungchang a rawn sawi bakah tlangval la ni ta ang se ka duh angem tih min rawn zawt a,awi Lalruat ka zah zia hi min ngainep ngawt ang,engtin nge ka tih tak ang le?"beidawng zetin ka ti hluai a.

"Awi chutiang thu a zawt che maw!"a tih chuan bu nghatin ka chhan let dan ka hrilh chhawng a.

"A awmdan atang a hnar biklo che tih ka hresa reng alawm,zak duh suh,tunlaiah te chuan hmeichhia zawkin alawm chet la hmasa tawh,Mahse i awmdanah fimkhur la,tunah pawh mi hian an sawi sep sep tawh che u nia"nui var var chungin a ti a.

JACOB(POV)

Diki hmel ka hmuh loh chang hian lusun khawhar ang mai hian ka awm,kei hian he nula hmeltha leh ngainatawm tak mai hi ka duh a ni.

Henry-a hian a ngaizawng hle a ni tih ka hria,tlangval luck ve tawk tak a ni a,kei ang pathlawi tan chuan han khin ngam chi a nilo,ka Fapa in Diki bula awm a ngen tlat thin avangin inthlahrung ru takin an inlamah ka kalpui leh nge nge zel a,hmeichhe dang han ngen vaih sela chuan ka fapa hi engtin emaw taka ka hrem tawh ka ring,tunah chuan keiin ka tih ngam ngai loh tur Diki a ngen miau a,ka hau phal lo.

Kohhran programme a awm loh chuan ka Fapa nen Diki te inah kan tawm deuh chawt a ni ber,Diki pa,Pu Duhawma nen Pathian thu kan ngaihdan te sawiin kan ti ti chiam thin a.Henry-a pawh a thiante nen an rawn leng fo,a chang chuan tlangval nih a Diki han kawm te ka chak khawp mai.

Ka pu Boral avanga Aizawl lam kan pan lai chuan kohran upa Thangzual'an min rawn bia in kan kohhranah phuar ngai an awm thu leh a chhan leh vangte min rawn hrilh chuan"tute nge an nih"tia,a mipa hming leh vengte ka zawh chuan mak ti takin ka zawt nawn leh ngat a.

Pu Thangzual'an"Henry Lalremruata,Rahsiveng inspector kha nia"tia chiang taka min rawn hrilh chuan ka thaw hawk a.
Kawngsira ka car chu tidingin Diki number ka dial nghal a.a thianten a buai thu leh eng chunga bia nge ka ni tih min rawn zawh chuan ka lungawilo ru kher mai.

Ani ni lovin Diki ngei alawm biak ka duh,ka zawhna chhanna hi an nin min chhang thei dawn lo tih ka hre chiang.

Ka nu in"Jacob,thildang ngaihtuah suh,fimkhur takin khalh leh tawh rawh"a rawn tih chuan ka Pa ena ka lu bu nghatin ka khal chhuak lehnghal a.

Motor ka khalh lai chuan Diki ringawt ka ngaihtuah char char a.Henry-a hnaih ah awm tawh lo se ka duh a ni.engtinnge ka hrilhfiah tak ang?

Bawngkawn-a ka pu ruang kan kila ka thut zet zawt hnu chuan intifai turin inchung lamah ka chho a,ka intifai zawha Diki number ka dial chuan mutchhuak tih hriat zetin min rawn chhang a.

Henry-a chungchang ala hriat loh vang a niang tui taka a muthilh theih,mahse min rawn chhan dan atang chuan alo hre sa reng si a.

Ka rilru kam tlat rengtu zawhna ka zawha min rawn chhan nghal vat dan chuan min ti hlim in ka lawm tak zet a ni.a zak leh a ni ngei ang,biak zawm leh ka tum chuan alo off daih a,naupangchhia ang mai a ni,a awmdan tur vel mitthla in ka nui suk a.

Pathian rinchhan tlat chungin Diki hi ka chelh tlat ang,keiin ka duh ang bawkin min duh ve a,Pathlawi niin,Pathian rawngbawltu ni mah ila,mihring pangngai ang bawka duh leh mamawh nei ve thin tho ka ni.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

[Ngaia]

JACOB LALRINDIKA-9
Postby Basta Tlau » Sun Feb 19, 2017 8:18 pm
www.storyfb.com mizo story thar nitin dah ziah a ni e


Tunah tak hi chuan Diki bak mamawh leh duh dang ka neilo,kawngka lama thawm ka hriat rual chuan ka nu in ka fapa muhil chu rawn pawm lutin"i va awm rei ve,eng thil nge i ngaihtuah a?mi lusun,mangan laia khatiang hmel put kha a zahthlak,i thiante pawh an awm khu,zuk chhuk rawh,bawihtea hi kan mut pui nge"tiin khum pakhatah chuan a muttir a.

Ka nu bula kal hnaiin"nu Diki hi ka duh a ni"ka tisap a.

"Ka hria lawm,kei min hrilh lovin Diki hrilh zawk ta che,mahse Jacob Pathian rawngbawltu i ni a,midangten an ngaihdan tur che i thlir ve dawn nia,Pathian nen kan inkar atha tih ringawtah lungawi suh"a tih chuan ka coat ha tha mawlh mawlh pahin"ka duh tih i hria maw?ka sawi ngai si lova,Diki vang hian Pathian pawh nasa lehzualin ka dawr asin"ka tisap a.

"ka fapa i nia lawm,sawi chhuak lo mah la,i chezia leh awmdan atang ka hria,Jacob mi mit tikham zawngin awm suh ang che,bakah Thlenga boralna ala rei si lova,Diki tan a mualphothlak zawngin engthilmah ti suh"a ti a.

Ka hria,midangten kan hnunglama min sawi zui dan Thlenga nen khan hmel lamah kan inang lek lek,mi thenkhatin"Pastor ve si nula zui kual reng" min tih laiin,thenkhatin "a bialpa(Thlenga)boralna la rei loh tehreng nen,ngaizawng dang a nei leh thei nghal ania,engang hmeichhia nge maw a nih le"tiin Diki an dem a.ka thinlung hi a na thin,khin let duh viau mah ila Pathian rawngbawltu ka nih avangin ka dawh mai mai zel a ni.

Keiin a rukin ka ngaizawng tih ka pha hauhlo,mahse dawt thu lutuk a kan inkar an sawi thin hi chu a mak ka ti ve thin khawp mai.

Ka pu ruang kila ka thut lai chuan ka thianpa Lawyer Ricky-a chu ka bula rawn thu in kan inchibai a"naktuk zanah i pu ro insem chungchanga inhmuhkhawmna turah i awm ve angai dawn nia,nang hi Pastor i ni ta mai hi mak ka ti tawp thei lo,i nupui boralna pawh a rei tawh tho va,ngaihzawng neiin nupui dang nei ta che,mipa tan chuan mahni chauha fa enkawl hi a buaithlak chang a tam nia"a ti dap dap a.

A bengbula kun hnaiin"Pathian in a tul a tih hunah,ka phu loh aia tha nupui chu min pe mai ang,ka pu ro chungchangah chuan enge ka awm ve kher a tulna,vui zawh Lunglei lama phei leh ka lo rilruk asin"ka ti ngat a.

"I hming alang ve lawm,i awm ngei angai"a ti hmuk a.

Ka pu hi hmanlai atang tawha Sumdawng a ni a,sum leh pai mai bakah in hmun tam tak a nei thu hi mizoram pum hriat tham a ni,chung a ro chu thlak hlelh na leh itna pakhatmah ka neilo.

Ricky'an ka khupa rawn nghawk zeuh paha"nula ho sawn kan thutna lam hi an rawn melh deuh sek nia aw,heng hun te hi hman tangkai tum ve rawh"zawi sapa a tih chuan"ka ngaihven hlawm lo ve,bialnu ka nei tawh"ka ti hmuk a.

"Zingah kan inah chaw rawn ei ang che,sawidun tur kan ngah nia,i bialnu thalak min hmuh tur i nei ngem?"a ti ngat a.

Ka phone-ah ka fapa leh Diki te nena kan thalak ka dah ve nual asin,Diki hriatloh laia ka laksak te pawh a awm,ka phone battery low vangin inchung lamah ka charge a ni.

Ricky-a lama awn pheiin"min be reng suh"ka ti hmak a.

Ka tum dan chuan ka pu ruang vui zawh hnu zet zawta Lunglei lama phei lehnghal ka rilruk a,mahse ka thei leh ta dawnlo a nih hmel,hun remchang ka neih hunah Diki chu ka phone mai ang.


DIKI(POV)

Pastor Jacob-a te chhungkua Aizawl lama an cham chhung pawh kar khat zet a ni tawh,hman zana kan inbiak bak kha kan la inbe leh miah lova,min rawn biak hmasak ringin ni hnih vel ka ngaichang a,mahse phone call leh message pakhatmah a awm ngai bawk si lo,biak ka tum lahin switch off a inti zel bawk si.

Ka khua har ru em em a,a chang leh ka thinrim leh ringawt zel bawk a.Kan in lama Henry-a hmel a rawn inlan tawh loh vang chuan ka thawveng deuh hawkin ka hria,rawn inlan leh vaih sela chuan ka mizia rapthlak ber a tawng ngei ang,phone call leh message hmangin min rawn la umzui tho a,a engamah ka chhang ngailo hrim hrim,vawikhat ka chhang a nih chuan a hnu lehzel a awm thei tlat,a chang leh ngaihdam te min dil a,a chang leh min rawn vau thul.

School lamah keima tawkah buai ve hle lo ila chuan lungleng leh thinrim tak a awm ka inring.

School naupang zinga ngaihzawng hre ve tan ho,a bikin class 7 chhin chunglam classroom chhunga ka luh changte hian min tihzah tum niawm fahrana"miss i kawrhak chu i van inhmeh,miss i hmeltha e,kan hotute zingah chuan i hmeltha ber,i class chhunga awm a hahdamthlak ber bawk"an tih nauh nauh hian a rukin nuam ka ti ve thei em em a,tunge nuamti lovang,insawisel nauh nauh ai chuan a der pawh ni mahse min fakna thu hriat hi a nuam a ni,mahse entinmah tilet lova nui liam puiin ka zirtir mawp mawp reng thin a.

Tuk khat school-a zirtirtu room chhunga ka luh rual chuan Ruati leh mimi'in ka thutna lam pana ka kal chu chanchinbu phek nen min rawn zui nghal a.

Makti ru taka enin"nangni pahnih hian enge in hriat a?"ka tih chuan Mimi'in chanchinbu phek ka hmaa rawn theh thlain"en rawh,chuan he thil hi chhun thingpui in hunah kan sawi ho dawn nia,tunah chuan midang mitmei ven angai tlat"tia hawi kualin a kalsawn nghal a.

Ruat'in"ala rawn phone miahlo che mi?"a tih chuan bu nghatin chanchinbu chu ka bih nghal a.

(Mizoram pa hausa top 10 zinga mi Pu Rochunglura boralta chuan a in leh lo,a ro sum chu a tu leh fate semin,mizorama resort lun leh changtlung tak Paradise Resort chu a tupa Pastor Jacob Lalrindika kutah a dah ni)tih a inziak a.

Paradise Resort Television,chanchinbu leh Internet-a an rawn tih lan fo hi an mahni ta maw?an chhungkaw chungchang pakhatmah min hrilh ngai miah lo,chumi awmzia chu kei hi a thian ni turin min ringtawklo tihna,min ringtawk nise chuan a pu damloh thu te tal min hrilh ve ngei ang.chanchinbu chu dawhkan sira dahin ka thil zirtir tur chu enlawk tumin lehkhabu ka bih nghal a.

"A nu,anu school ka lo kal ve dawn"tia rawn au ka hriat chuan ka hawichhuak vat a.Hruaitea te Pafa kawngkhar bula lo ding ka hmuh chuan makti zetin ka mengphawk a.

Pastor Jacob'an"kan lo lut thei ngem?"nui sang chunga a tih chuan ka thawhpui pakhat in"lokal rawh,lo lut rawh,saw Diki bulah sawn va thu ve rawh"tiin ka thutna bul a chair chu a kawhhmuh nghal vat a.

Mimi'in"Hruaite i va han ngaihawm ve,lokal rawh kha sweet"tiin ka lam pana Hruaitea rawn tlan chu a lo pawm nghal vat a.

Ka bula Pastor Jacob-a lo thu chu melh rum kawkin"enge in rawn tih dawn?"ka ti hmak a,ka lungawi thlawt lo a ni.

"Ka fapa hi admission rawn tihsak ka duh a,i ngaihawm hle mai"ka bengbula rawn kun hnai chungin a ti thawp sap a.

Ka chil lema thaw halh chunga inhumruhin"dawt sawi suh,Hruaitea hi school kal rual pawh ala ni lo,class lak ka ngai ka kalsan dawn che u"tiin ka ding a.

"Tlaiah kan ina chaw eiturin ka rawn hruai ang che"ka mita chiang taka min enchungin a tih chuan"ka hmanlo"tiin ka kalsawn nghal a.

Kawngka ka chhuah rual chuan ka awm zawna lehkhabu dahin boruak ka hip kawk kawk nghal a,Hruaite'an"anu,i bulah ka rawn kal ve duh"tia min rawn zui chhuak ka hmuh chuan ka lu thinga a bula thu hniamin"Bawihte,a theih loh,Papa bulah khan va awm rawh,kei hi Papa chungah ka lungawilo a ni"a bianga fawh sak zeuh pahin ka ti a.

Kan bula Pastor Jacob-a lo ding ka hmuh chuan kalsawn tumin ka inher a"i lungawi loh chhan chu min hrilh thei angem"a rawn tisap a.

Engtinmah chhang duh lovin class room lamah hmanhmawh takin ka luhsan daih a.

Ka duh ang pawn naupang ka zirtir hlei thei lo,ka rilru ngaihtuahna hmun khat Hruaitea pain a luah tlat vang a ni.

Rilru buai zeta ina ka haw chu kan inpenga Renault car pawl inhung ka hmuh chuan ding chungin ka thaw hak a.tun ang reng renga kan ina haw ka hreh hi ala awm lo.

Rinfeli rawn chhuak chu a bana lo chelhin"an awmna a rei tawh em?"ka lo ti a.

"ka hre biklo,ka haw na la reilo,va lut vat rawh,in awmdan hi ka hrethiam lo,ka nu in Hruaitea i khumah a mut tir nia"tiin a kalsawn nghal a.

Rinfeli tak hi chu Malsawmzuala nen an inngaihzawn atang hian a chimawm tlat.school khata thawk tlang mah ila kan class lak a inan loh avangin kan kal rualin kan haw rual thei thin lo a ni.

Inchungah ti daka ka pen luh rual chuan ka nu in"Diki i lo thleng maw,zanin chu Jacob'an an ina chaw ei turin min sawm a,inthlakin,intifai la i lova pui dawn nia"a lo ti nghal zung zung a.

Pastor Jacob-a hmel ka en chuan mitmeng zim san leh dilchhut hmel taka minlo en reng ka hmuh chuan ka hawisawn nghal vat a.

Choka lama ka nu a phei chiah tih ah thinrim tak chunga Jacob-a chu melhin"enge i rawn tih?Aizawl lamah awm hlen law law tur che lawm"ka ti hrawk a.

"Ka duhlo,helai hmun hi nuam ka ti,bakah kohhranin ka awmna tura an tihna hmun a nia,min ngaih vang a mi,ka chunga i lungawi loh,ka phone kha Hruaite'an tuiah tlauhin a tichhe a,ka rawn be thei lo che ni"thu tak zetin a ti a.

"i chhuan lam mai mai nih chu"ka ti ringawt a.

"A ni hauh lo,i number neih a,rawn biak che ka chak thei zia chu a,chuan ka ngai hle bawk che,vawin khan Mimi i number ka dil a,ka zin chhung khan Henry-a lo mipa dang rawn leng an awm em?"min en kar chunga a tih chuan thinphu dawt dawt chung leh tawng tur hre lovin ka melh reng a.

Lalpa Pathin,Eng thu nge a sawi leh tak hi ka mihring hriat tawh zingah chuan Jacob-a tluka mi langtlang leh thu khuh neilo hi ka la tawng ngailo.

Ka kut rawn chelh chunga"minute khat tal min lo ngai ve thin em?"aw thawp sata a rawn tih leh chuan ka chil lem khawlh chungin ka bu nghat a.

Nui suk chunga ka kutphah chulin"va inthlak fel tawh la,Hruaitea chu i inpeih fel hunah ka lo pawm chhuak ang,i kianga awm reng hi ka duh ni"a tisap a.

Khur ru dar dar chunga thochhuakin ka room lam ka pan nghal a,ka room chhung ka thlen rual chuan kawngka chhung lama kalhin ka thaw halh halh a,ka buai leh vek tawh,ani khan min duh tihna mi?a thusawi chu ngaihtuah letin ka maimichhing vang vang a.

Ka phone message tone a rawn rik chuan mengchhuakin ka en a,ka number save loh atang a ni tlat,message hawnga ka chhiar chuan"ka bialnu hian min tawmbo san rei lutuk loh hram ka beisei,ka fapa kha ka rawn awmpui ve dawn mi?"tih thu ka chhiar chuan ka mengphawk vak a.

A bialnu ka ni a maw?ka biang sa hat hat chu dawmin message ka chhan let dan tur ka ngaihtuah a,fiam ka chak ni,mihring pangngai ve tho a ni tih ka bulah a sawi ngun bawk a.

[Ngaia]

JACOB LALRINDIKA-10
Postby Basta Tlau » Tue Feb 21, 2017 9:14 pm
www.storyfb.com mizo story thar nitin dah ziah a ni e

"Message i rawn thawn sual aniang,i bialnu ka nilo"tia reply in ka nui sak a.
Ka khuma Hruaitea mu chu thlekin intifai turin ka inthlak nghal a,khati khawp khan Pastor Jacob-a chungah ka thinrim a,tunah amah vang bawkin ka hlim leh em em si a,a mak ani,Thlenga nen kan inngaihzawn tan tirh khan tun ang hian ka awm ngailo,ka inbual zo chu darthlalanga inen vang vangin"Thlenga min ngaidam rawh aw,i unaupa hi ka duh a ni"ka tisap a.

Ka hmaia make up ka inhnawih zawh hnu chuan Denim kekawr dum leh t-shirt pink hain,converse dum ka bun a,pheikhawk hrui ka suih lai chuan khuma Hruaitea mu chu a rawn rum tiah tiah avangin ka pan phei vat a.

"Bawihte i zun a chhuak em?tia ka pawm tho chu a mit nuai chat chatin"anu khawnge Papa hi?"a ti tham chal a.

A bianga fawp zeuhin ka room atanga pawm chhuak a"papa chuan alo nghak reng che lawm,i muthilh san daih a"tiin Pastor Jacob-a bulah chuan ka thut pui a.

Ka dara rawn chelhin"Bawiha,i lo harh tawh ni maw?i zun a chhuak em?Anu hi va inzunpui tir la"nuisang chunga a tih chuan ka hik deuh mup mupin ka hria,a hmel chu en rei ngam lovin Hruaitea ngawt chu melhin choka lam toilet chu ka pan pui a.

Hruaite'an"Anu,Papa chungah i la lungawilo a mi?"min en kar chunga a tih chuan a hnara piai sak zeuhin"ka lungawi tep tawh"tiin a kekawr chu ka phelhsak a.

"Papa pawh a thinrim niang,ka biakin min chhang tha duh ngai miah lo"a tih chuan a sama tuaisakin"a thinrim hleinem,i kiangah chuan tumah an thinrim ngai lovang"tiin a zung zo chu toilet atang ka kai chhuak a.

Ka nu in"Diki i hman tawh chuan lova phei hmasa rawh u,i pa leh i naute nen kan hman hunah kan rawn phei ve ang,in lamah an buai lutuk nge"a lo ti nghal a.

Pastor Jacob'an"tih tur vak pawh a awm lovang,mahse i hman chuan kan phei dawn mi?"tiin Hruaitea chu a lo pawm a.

"Ka bag kan la lawk nge chuan ka hman ni mai"tiin ka room lam ka pan a.

Ka bag chu lain Dawhkana perfume chu ka in spary a.ka sam tawn tha mawlh mawlhin sitting room-a Hruaitea te pafa kianga dingin"kal ang ule"tiin pawn kawngkhar lam ka pan nghal a.

Pastor Jacob-a chu Hruaitea pawm chunga ka kianga rawn kalin"message rawn thawn tu che kha,keimah ka nih kha aw,ka bialnu i ni tawh nia,mipa dang i ngaihven thiang tawh lo nia"thutak zetin a ti ngat a.

"naupang awm laiin chutiang thu an sawi ngailo,nula zalen,mipa ka duh apiang buaipui thei ka ni"ti ngatin car kawngkhar min hawnsak chhungah chuan ka thu lut a.

Thaw hak chunga Hruaitea ka malchunga min pawm tirin"kan la sawi tha ang"a ti hmuk a.

Pastor Jacob-a hmui chip hmaka motor a khalh chu melh zeuhin"Paradise Resort chu i kutah a awm tawh si a,a nuam ngawt ang,sum pawh i la lut hnem..."ka tih chuan"ka ngaiven lo,sawi zui pawh ka duh lo,ka patea te kutah resort chu ka dah fel vek tawh,Pathian rawngbawla ka nun hman hi ka duh chuan nang pawh ka duh che"pangngai zetin a ti a.

Maimichhinga Hruaitea chu pawm nghetin salhin"keilo hmeichhe dang tam tak an awm tho si a"ka tih chuan ka kuta rawn chelhin"ka nunah chuan nanglo hmeichhe dang an awmlo,ka nupui pawh tiamin"a tisap a.

A nupui tiamin maw!enge a awmzia,ka bula a nupui a sawi vawikhatna a ni.

Pastor Quater kawta a motor chu dintirin kan chhuahna turin motor kawngkhar chu min rawn hawnsak vat a,Hruaitea bula thu hniamin"Bawiha inchhungah lova lut lawk rawh,anu nen hian thil pawimawh tih tur kan nei a"a tih chuan Hruaitea chu Api leh Pu au chungin inchhung lamah a tlan lut nghal a.

A ngaihna hrelo zeta Pastor Jacob-a ka en chuan ka bana rawn chelhin"lokal rawh,verenda lamah,rilru buai reng renga awm ka peih lo"tiin an in sir verenda lamah chu min pan pui a.

"Jacob enge maw i hriat le?"ka tih chuan thutna lo awma min nam thuin ka bulah a rawn thu thla a.

Ka lungphu rang lutuk chu thup chi rual a ni lo,Pastor Jacob-a pawh ani leh ni loh angin a zam hmelin a dang a awk ve hial ni.pawn boruak theng thaw a thu si in a uap deuh churhin ka hria,nge ni a tunah tak hian kan khawvel boruak hi a inthlak zawk?

Pastor Jacob-a chu thaw hak chunga ka kut rawn hmer nghet salhin"Diki ka awmdan leh chetzia atang hian ka duh che tih i hria,ka tawngka pawn ka hrilh tawh che,mahse nang hian min duh ve leh ve loh ka chiang lo a ni,Pathlawi fa enkawl nei lai ka ni a,beisei tur che ka ni hauh lo,mahse nang hian engtik lai pawn ka rilru ngaihtuahna i luah a,ka rilru lah nangmah avangin a buai em em reng bawk nen,ka mangang tak zet a ni,min duh ve tho em tih hriat ka duh ni"maimichhing sawk chungin a ti zawi sap a.

Hnuailam melha thaw hakin"ka duh che niin ka inhria,mah..."ka tih rual chuan nghet zeta min rawn kuah nghal thlawpin ka nghawngah chuan a thaw lum ham ham a"a tawk thudang hriat ka mamawh lo"tia ka khabe rawn kuai dakin duhthaw zetin min fawp nghal a.

Ka thlawk kang delh delh ni berin ka inhria,rum hak chunga min fawhna a hmui chu lasawnin,a kut chuan ka hmuiah rawn tuai zeuhin"min fawp let ve miah lo nia aw,ngatinge infawh i thiam lo mi"nui suk chunga a tih chuan lehlam hawia a mal a chum sakin vakin"van sual tak,Pastor ler lutuk mai"zawi raihin ka ti a.

Ka bengbula rawn thaw lum ham ham in"nang hi tawng lo che ila chuan hetiang hian ka awm hauh lovang,ka tawn atang che hian mipa pangngai tak ka nih zia ka inhria,i duh leh ler minti rawh,a pawi ka ti lo"aw thawp deuh sapa tiin ka bengah chuan a rawn seh ner ner a.

Ka kut pakhata a biang lo vuanin,a hrawk bawk lai tak chu ka melh a"Jacob"aw khur dar darin ka ti a.

Rum chhuak hawk paha ka sam tawnna rawn pawt thla thutin"tikhan awm zawk,i nghawng nalh tak ka hmuh reng chuan fawh reng ka duh dawn si a,mipa sex a insum thei lo te hi ka lo dem thin a,mahse nang ka tawn hnu atang che hian an dinhmun ka hriatthiampui khawp mai"a ti ngat a.

"i nupui kha i duh vak lo mi?"inthlahrung ru deuh taka ka tih chuan maimichhing sawk a a sam tuai puatin"insawi remna avanga inneih kan ni a,duhlo bur chu ka ni hauh lo,mahse nula leh tlangval inhmangaih ang hian kan inhmangaih ngailo,nang hian thil tam tak min zirtir a ni"tia ka kuta rawn humin"Thlenga kha i hmangaih ngawt ang tiraw,ani tluk dawn lo mah ila,ka theih tawka hlimna siamsak che ka tum ang"a tisap a.

Thleng nen khan kan inngaizawng ngei,mahse kan inkarah khan hmangaihna a awm em tih zawhna hi kei ngei pawh ka inzawt fo thin a ni.van lam hawia dak vang vangin"ka rilru a buai rih ni?"ka tisap a.

"Okey,ka hrethiam lutuk che,mahse tun atang chuan ka bialnu i ni tawh nia"ka hmuia rawn fawp zeuh paha tiin ka banah a chelh a.

"Enge kan tih leh dawn a?"phawk hra a en chunga ka tih chuan"mawilo taka khawsak ka duhlo,chuvangin inchhungah ka luhpui tawh dawn che,tunah chuan Pathian hnenah insumtheih dila ka tawngtai reng angai tawh dawn nih hi"ka dara min kuah chungin a tisap a.

Kawngka zawn kan thlen chuan a kut dahthlaksak pahin"ka bulah awm tam lo la ni mai lawm"ka ti ngat a.

"ka theih ka inringlo"tiin inchhung lamah chuan min luh pui a.

Hruaitea chu hmeichhe pakhat sam dum hlap,ngo lampang malchhunga thuin,chunu phone niawm tak chu an lo en dun a.

Pastor Jacob-a chu ka bul atanga tawlh sawn nghalin"Zohming i lo thlenna a rei tawh em?"a tih chuan Hruaitea pawm tunu chu nuisanga rawn hawichhuakin a tum leh nghal hmuk a"a la rei lo,Bawihtea hi kan ngai thei lutuk nia,lo zin pui rawh"min melh hrek hrek chungin a ti ram hmak a.

A awmdan phung chu a mak ka ti tak zet a ni,Hruaitea Pi(Nu Lianmawii)chu choka lam atanga rawn pheiin"Diki lo thu rawh,Inlo inhmelhriat tawh em?Zohming,ani hi Diki a ni a,kan chhungkaw tan hian mi pawimawh tak a ni,chuan Diki,Zohmingi hi chu Jacob-a nupui boralta Lianpuii nau chiah a..."tih lai tak chuan"ka u boral thu chu engvanga sawi lang kher nge i nih a?Bawihtea hian nuhrawn a hrawn ka phal reng renglo"vin hlar chunga tiin Hruaitea chu a pawm tho nghal a.

Hruaite'an hlau hmel zeta amah pawm tunu chu en chho ha in mangang hmel taka kan lam rawn hawi nghal vatin"anu,min pawm rawh"tahchhuak tih hriat zetin a rawn ti a.

Zohmingi chuan rum zeta Pastor Jacob-a nena min melh tawnin"inva tenawm dun ve,nangnu hi engtik atang khan nge Bawihtea nu tia i lo inchhal a,Jacob i pastor hna hi bansan la,tichuan i mualpho nasa lo zawk ang,Henry-a lo sawi kha a dik ngei a nih dawn hi,atir khan a thusawi lo awih ila a tha tur nia,Bawihtea hi nang ang hmeichhe rapthlak..."a tih lai tak chuan Pastor Jacob-a chu a bula va ding hnaiin"i ka kha chip hmak rawh,chuan ka fapa hi dahthla bawk la"a ti hrawk a.

Hruaite'an"anu,anu"tichunga min rawn ban avang chuan kal phei ve nghalin"naupang duh loh chung an pawm lui ngailo,i ti thlabar ania"aw pangngai thei ang bera tiin Hruaitea chu lak ka tum a.

Ka awm lohna lama inher puiin"i va zak love,Bawihtea nen hian inlaichinna pakhatmah in neilo,a nutei ka ni tih hre rawh"mitmeng lir hlara tiin a kut lehlam hman chuan min namsawn dawr a.

Nu Lianmawi'in"Diki i na em?"a rawn tih chuan ka lu thinga rum zet Zohmingi chu ka melh lai chuan,Pastor Jacob'an"ka fapa kha chhuatah dah la,a duhna lamah kaltir rawh,helai hmuna buaina siam ka duh hauh lo ania,a bikin ka fapa leh Diki awmlai ngat phei hi chuan ka duhlo lehzual"thinrim hmel taka a kut humruh chungin nghet charhin ati a.

Hruaitea lah a tap nasa tawh bawk si nen ka mangang ru tak zet a ni.Zohming'in"ka dah lovang"tia pen sawn a tum chu Pastor Jacob'an a bana mansakin Hruaitea chu a lak sak nghal a.

Ka lama a rawn pawm phei rual lo ban nghal vatin nghet zetin Hruaitea chu ka pawm a,"Bawihte,bang tawh rawh le"ka tih chuan Pastor Jacob'an"Diki,ka fapa room-ah lova awmpui lawk rawh"tiin kawngkhar pakhat chu min kawh hmuh a.

Ka inrawlh na chi a nilo tih hria in thuawih takin Hruaitea chu ka pawm sawn nghal a.

Hruaite'an"anu,khanu kha tunge a?i nu tur ka ni atia,a ni lo tiraw"tap fap fap chunga a tih chuan a mittui hruk hulsak pahin"Bawihte,i nu a ni hleinem,tap tawh suh,bang tawh rawh le,keiman ka venghim tlat dawn che lawm"tiin a samah ka chulsak a.

Naupang rilru thianghlim tak a ni tih hriat zetin reilote hnu ah tap bangin a ham bai bai a,a pheikhawk bunlai hlipa khumah ka muttir chuan min lo en tawk tawkin"i bulah ka mu duh anu"a rawn tih chuan tim deuh taka hawikualin

"Bawihte,midang khuma mut ve ringawt chu a tha lo"tiin khum zau tak chunga chuan ka thu chho a,Hruaitea chuan ka malchunga a lu a rawn dahin"anu ka bulah awm tlat rawh aw"mutchhuah hmel taka a mit nuai chat chat chunga a tiin a maimichhing zui nghal a.

Room chhunga thil awm ena ka hawikual chuan mipa room a ni tih a hriat hliah hliah,engkim mai chu a awmna hmun tur dik takah a inrem fel thlap bawk.kawngkhar a rawn inhawng a ni tih ka hriat rual chuan Pastor Jacob-a chu ngawi rengin a rawn pen lut a.

[Ngaia]

JACOB LALRINDIKA-11
postby Basta Tlau » Wed Feb 22, 2017 9:44 pm
www.storyfb.com mizo story thar nitin dah ziah a ni e


Dawhkan bula chair inhungah chuan thu thla hnawk pahin"an ti mah mah tawh a ni,engtin nge an ni ang hi he khawvelah an awm lo theih le?"amah leh amah inbia niawm takin a ti zawi sap a.

Hruaitea chu dim tea khuma mut tha in Pastor Jacob-a thutna bulah ka va ding a,hnem ka duh tak zet,mahse engtin nge ka hnem theih ang,a kuta hum sakin"lungngai suh,Pathian in engkim a chin fel sak leh vek mai ang che"ka tisap a.

Maimichhing sawk chunga ka kuta rawn hmer letin"Pathian rawngbawltu nilo ila chuan ani kha ka sawisa hlum thei ngei ang,nilo an chhungkua in,ka fapa hi rawn hnaih lo law law sela ka duh zawk"a ti nghet charh a.

Engthil nge an lo tawn tih ka hrelo,mahse hetianga Pastor Jacob-a meuh a nupui hlui chhungte chunga a lungawi loh hi chhan tha tak a awm ngei ang,dilchhut taka zawh buai ka tum lo,a duh anih chuan aman a hun takah min hrilh ve mai ang.

Ka kawnga rawn kuah thutin a malchungah chuan min pawt thu hnawk a,a dara chelh chunga makti deuh taka ka en chuan ka nghawnga a hmai rawn phumin"ka nupui boral hnu lawk khan Zohmingi hi a nu leh paten nupui atana nei leh turin min rawn ngen a,an mak a ni tiraw!mahse kumkhua leh chatuanin ka nei ngai lovang,Zohmingi hian a duh duh hunah ka fapa hmuh a chhuanlam siamin kan inah a rawn kal leh tawp thin,hmeichhe nasa tak chu a ni.ka roomah kawr ha mang lova rawn luh changte hi a nei fo lehnghal,mahse tun atanga chuan chutiang thil chu a rawn tih tawh loh hram ka beisei"thinrim tih hriat zetin a ti hmuk a.

A mak hle mai,Zohmingi hmel leh tawngkam hman dan vel ka mitthla let chuan ka thinrim ve nghal phat ni.

A malchung atanga tho chhuakin"khawnge a awm a?inrawlh loh ka tum hram hram a,min tawngkhum dan kha ka tuar dam thei bik lo,Pachuau luhlul ka ni tih a hriat ngei angai"kawngka lam pana ka tih chuan ka bana rawn chelhin"inbengdai rawh le,ani kha khin let tham pawh a nilo,he inchhung hi a rawn rap duh tawh kher lovang"nuih zat hmel takin a ti a.

Pastor Jacob-a chu rum zeta melh kawkin"enge i nuih a?nuihzat thlak a awm mi?"min vawnna lai phelh sak tum chunga ka tih chuan rawn che deuh hruta hneh sawh leh zo zeta min pawmkang nawlhin"lungngai lo tura min hrilh zawh chiah kha,nangmah zawk i thinrim leh si a maw?i thinrim hmel duhawmzia hi i inhria em?han inen ve mah teh?"tiin darthlalang lian tak kan chip atanga ke thleng lan theihna hmaah chuan min pawm phei a.Darthlalanga kan pahniha hmel ka hmuh chuan hawisawn vatin"min dahthla teh,Hruaitea saw kan ti harh nge"ka ke leng pahin ka ti vin hlar a.

Min pawm nghet sauh paha a lu thingin"ka rem tih hma loh chu i chhuk ka phal lo,min fawh hmasak phawt angai ang"thu tak zetin a ti a.

A dara chum pahin"Pastor ve si ler lutuk,min dahthla vat rawh"tiin a biangah chuan ka fawp zeuh a.

Chhuata min dahthlain ka darah chuan a rawn chelh lehnghal a"Mihring pangngai ve tho ka nih hi,enge i hmui pawh chu i ui viau a,a ral dawn pawh ni hlei lo"tiin amah zawk chuan duhthaw zetin min rawn a.

Maimichhinga rum chhuak hawkin min fawhna chu ka chhang let ve nghal a,thawk leh khata min vawnna lai chu thlah thutin"a van chi loh tak"tia inher vutin bathroom tih intarna khawngkhar chhungah hmanhmawh hmel zetin a pen lut nghal a.

Chhuata ka tluksawp loh nan banga innem khalha ka lu thing chungin ka thaw kawk kawk a,hreptak chuan aman min fawp hmasa a,a chhan leh vang engmah sawi hmasa lovin fawh thianglo fawp ang maiin min kalsan leh daih a maw!ka sam thur deuh bam mai chu tuai mam tha sawk sawkin room chhung atang chuan ka chhuak a.

Tukverh pakhat bula Nu Lianmawii ngawi reng leh engemaw ngaituah neih hmel taka a lo ding ka hmuh chuan a bulah dingin"i tha maw,ka nu Mawi"ka tisap a.

Mak tih hmel tak maia min rawn en vatin"aw aw tha,ka tha lawm,Diki khawnge Jacob-a kha?"tiin Jacob-a kawngkhar lam chu a thlek ruai a.

"Bathroom lamah a lut lawk a,a rawn chhuak tep ang,ka nu mawi,i tha tak tak maw?"ka tih chuan"ka bana rawn chelhin"Diki,ka fapa hi nichin ang reng renga,a thinrim kha ka la hmu ngailo,thil tha lo tak a thlen tir ang tih ka hlau a ni,Lianpuii nena an lo inneih kha a pawi tak zet a ni,ka thiamloh vek a ni."rilru hah hmel zetin a ti a.

A kuta chulsak heuh heuhin"Nu Mawii,thil thalo engmah a thleng lovang,bakah Lianpuii nen chuan lo inneih lo ta se,Hruaitea hi in hmu thei dawn lo asin"ka tih chuan a lu bu nghat nghatin"a dik khawp mai,a eng zawnga thil ngaihtuah hram hram a ngai ni,lokal rawh choka lam kan awmpui in eirawng a bawl saw i va pui ve dawn teh ang,i chhungte pawh an rawn thleng tep tawh ang,Hruaitea Pu pawh a rawn thleng tep tawh ang,Naktukah Aizawl lama a phei leh lawk angai dawn a"tiin Choka lamah chuan min kai lut a.

Vainu pakhat mizo tawng pai lek lek mai hian nui var var chunga minlo en a. Nu Mawi'in"Reenuka,ani hi Diki tiin i ko dawn nia,han inchibai ve hrim hrim teh u"a kut hmui rum rumah chuan chibai pahin"i buai viau lo maw?"ka tisap a.

"Aih keimah kha ka buai lo sim sim,nangmahni khan engmah lo khawih ve miah suh u,ka phal lo"tiin a che lehnghal a.

Nu Mawii chu ka bengbula rawn kunin"a fel lutuk,

Kristian a ni a,mizo kristian in ti tam tak ai pawh hian a entawn tlak zawk.Diki,Bawihtea saw min lo buaipui sak zawk mai rawh,Reenuka thu anga kan awm hi a tha"tiin choka kawngkhar lam chu a kawk va a.

Sitting room lama ka let phei rual chuan kawngka a,ka chhungte leh Pa Zosanga(Jacob-a pa)rawn lut mek chu en in"Nu in va rawn thleng har ve"ka lo ti a.

Pa zosang'an"in lo buai em?Pa Duhawm lo thu rawh u,kan inthlak ve lawk nge"nui vur vur chunga a tih chuan ka pa chu Sofa a thu thla pahin"khawnge Hruaitea,hei a thil tur ka rawn leisak nia"tiin ka nu polythene kenlai chu a laksak a.

"A muhil a,a rawn harh hunah pe mai rawh"tiin Rinfeli bulah chuan ka thu a.

Rinfel'in"i lo mo chet leh ringawt a nge"ka bana rawn nghawk zeuh paha tiin a nui suk a.

Pastor Jacob-a a room kawngka sam hnawng chhap chunga t-shir var leh Cotton kekawr dum ha chu rawn chhuak ka hmuh chuan ka kut humruh in ka thaw halh a,eng kawr pawh ha se a inhmehin ama tana an siam ni awm tak a ni.

"in lo thleng tawh ni maw?Pa Duhawm i lo damtha em?inchibai ila"nui sak paha tiin ka pa leh ka chhungte dang pawh chu a chibai ve nghal a.

Hmingmuana nen an inchibai lai chuan Pastor Jacob'an"i duh chuan keyboard,drum set leh guitar a awm nia"tiin room kawngkhar pakhat chu a kawk a.

Hmingmuana phur zeta a thawh lai chuan Rinfel'in"i van over thei tak,a neitu tel lovin thil an khawih ringawt ngailo"a lo ti a.

Hmingmuan'an"over min ti ziah suh,aman khawih a phal lawm"tiin room lamah chuan a lut phei nghal a.

Ka pa in"Jacob,inah hian chungtiang thil chu i lo khawl reng ani maw?"Hmingmuana luhna lam thlek paha a tih chuan Pastor Jacob'an"nia,tlem a zawng chu ka kawl lawm,inah hian kohhran programe a awma zaikhawm a awm chang atana hmanah hian ka ti a,Hmingmuana bulah kan va phei ve lawk nge,in duh chuan lo kal ve ula"tiin a phei zui a.

Ka nu leh paten zui ve hnu chuan,Rinfeli nen chuan phone kan khawih nghal a.

Rinfel'in"Usawmzual'an,kan in bulah Henry-a leh hmeichhe pakhat,Zohmingi inti te nen an awm thu a sawi nia"ka bengbula a rawn tih chuan phawk zetin ka en nghal a.

Hmanhmawh zet thochhuakin Pastor Jacob-a te awmna lamah chuan ka tlan phei a,ka pa in"engthil nge ni a?"a tia minlo en chuan Pastor Jacob-a hmel enin"kan in bulah an awm nia"aw khur dar darin ka ti a.

Ka nu in Hmingmuana drum vawlai chu tawp tura hrilhin"eng chungchang nge i sawi a"a lo ti chul a.

Pator Jacob chu maimichhing sawkin"a va mualphothlak ve"a tisap a.

Ka pa chu en in"Pa,Henry-a leh Hruaitea nu nau zohmingi te kan inbulah an awm nia,sawmzual'an,Rinfeli a rawn hrilh"ka tih chuan Rinfeli chu a phone hum chunga rawn tlan lutin"Pa,Usawmzuala leh Henry te kan inkawtah an insual nia"mangang hmel zetin a rawn ti chul a.

Pastor Jacob'an"kan va buaipui nge"tia kalsawn a tum chu ka pa in lo chelh bet vatin"kan va haw phei zawk ang,nang chu lo inlan lo la a that zawk ka ring,chinchang chu kan rawn hrilh ang che"tiin room atang a pen chhuak nghal a.

Ka pa zui chhuah ka tum chu ka bana rawn chelhin"i tha ang maw?ka rawn zui ve dawn che u mi?"nghet charha a tih chuan ka lu thingin"a ngailo,tha takin inah lo awm hle hle rawh"ka tisap a.

Kan chhungkua a kawngkapui lam pana kan kal mek lai chuan kan chhungkaw phone ken lai theuh chu a rawn ri nghal tliar tliar a.

Nu Mawii chu choka lam atanga rawn chhuakin"awi engatinge teh diak nge a?"maktih hmel taka a tih chuan ka nu in"kan va haw rih phawt nge,Jacob thil awmzia lo hrilhfiah mai rawh"tiin ka pa chu a zui chhuak a.

Mimi'in min rawn phone na ka pick up rual chuan"khawnge in awm vek a,in inkawtah an intibuai nasa lutuk,Pastor hming pawh an lamri nia"a ti chul a.

Motor seat hnunga thu lut pahin"kan rawn haw mek"tiin kan inbiakna chu ka ti tawp nghal a.

Ka nu"Diki,Henry-a thiannu chu Jacob-a nupui boralta nau maw ni a?engtinge Henry nen an inhriat teh daih le?"hnunglam rawn hawi paha a tih chuan"engmah ka hrelo,Nichin pawh khan Henry-a hming a lamri a,Henry-a hian engthu emaw tak a sawi ngei aniang"thu deuh ul chungin ka ti a.

Hmingmuan'an"UHenry-a hi tunlai chu a rui thei lutuk,biak pawh a phur awm loh,ka hmuh apiangin ka bih ruk san tawp zel"a rawn tih chuan Rinfel'in"Usawmzuala pawh hian engvanga la kawm talh nge maw a nih le?"thinrim tih hriat zetin a lo ti ve bawk a.

Ka kut tang khal neuh neuh pahin Henry-a leh Zohmingi te pahnih chungchang chu ka ngaihtuah a.

Kan in kawt pan chhohna kawngpuia Motor a inhung thluah avangin ka pa chuan ka pa chuan"hetah hian ding mai ang"tiin motor chu a rem laiah a hung tha a.

Motor a din rual chuan hmanhmawh taka chhuk thlain kan inlam panin mi lo awmho chu keu sawk sawkin ka tlan a,engthil nge ka hmuh leh hriat hi ni ngai a.

Zohmingi chu rui tih hriat zeta au vak vakin kei leh Pastor Jacob-a chu nupa ang maia khawsa kan nih thu te,Pastor Jacob-a nupui tur a ni thu te leh thu mak sak pui pui a sawi chiam a,Henry-a hmel ka hmuh rual chuan min rawn en ve nghalin ngeiawm zetin a rawn nui sawng a.

Ka thinrim lutuk chu ka insum hman thlawt lo,Zohmingi nu pakhatin man beh a lo tum mek lam

Chu panin"Zohming engvanga hetia awm nge i nih?nangmah i intimualpho a ni tih i hrelo a mi?"a kut lehlama man sakin ka ti a.

"Nangnu hian min zilh i tum ve a maw?i va zak love,min lo tawk hlek suh"tia ka ban chu a vai thlain min rawn ben a tum a.

Henry'an a bana lo man beh sakin"Zohming a tawk tawh,ka hruai haw ang che"a lo tih chuan mitmeng ling hlara melh hrawkin"helai hmun in rawn thleng tawh a,in lokal chhan tal te chu hriat kan duh ve alawm"ka ti ngat a.
www.storyfb.com mizo story thar nitin dah ziah a ni e
Henry-a hian engthu diklo nge a hrilh tih hriat ka duh a ni.Zohming'in"kan lokal chhan i hre duh a maw!nang hian Jacob-a leh Hruaitea hi lo hnaih tawh suh,i bialpa boralna pawh thla a ral awrh chauh a,mipa dang i ngaizawng lehnghal a nia,nang anga hmeichhe ler hi an awmlo"rak tuar tuar chungin a ti a.

Malsawmzual'an"Henry,eng ang mipa nge maw i nih le?dawt thu an sawi mai mai ngailo"hnek tuma a kut rawn lekchhuak in a ti a.

Ka pa chuan lo man bet vatin"helai hmunah buaina thlen ka duhlo,inchhung lamah lut ila,in buaina chu chingfel kan tum dawn nia,hei thenawm khaw vengte pawh an lokal khawm hi"aw pangngai zetin a rawn ti a.

Henry-a lam chu hawiin"police i ni ani lawm ni,buaina siamtu ni lovin,buaina chingfel tu ni zawk ta che,mihring tenawm leh lutuk mai"ka ti hlak hlak a.

Ka bag chhunga ka phone dah lai a rawn chuan phawrh chhuakin ka en a.Pastor Jacob-a ani tih ka hriat chuan pick up in"ka buai rih"ti hmakin ka off zui a.

Tun ang em em a ka zah hi ka la hre ngailo,Zohmingi tawng dan zawng zawng kha helai hmuna rawn kal te hian an hre vek ngei ang,dawt thu sawi mah sela,thudik tlem azawng chu a sawi a ni.

Rinfel'in"U lokal rawh,lut ve ang"tiin min kuah lut a.
Ka room lamah lut tlang nghalin chhung lama ka lut chu Malsawmzual'an min rawn zuiin"Diki kan inbiak angai,Henry-a hian hetiang em em hian a ngaihven dawn che ani tih ka lo hre lova"tiin ka room kawngkhar chu chhung lamah a kalh a.

Phawk zeta Sawmzuala chu enin"nangma vang vek anih hi,ka zak ngawih ngawih a,khaw eng pawh ka hmu ngam tawh lovang,Thlenga kha ka ngai tak zet ani,ani kha la dam sela chuan tun ang hian ka mualpho lo tur"tiin chhuatah ka thu thla hnawk a.

Sawmzuala chu ka bula rawn thu thla in"Diki,Henry-a hi chu keiman ka lo buaipui ang,ka thiam loh vek a ni,Zohmingi sawn Pastor Jacob-a nen in inkarah engemaw a awm a ring tlat a,tunhma atang an lo inhre aniang"ka dara beng thak thak chungin a ti a.

Sawmzuala chu en in"vawin khan Jacob'an min duh thu a sawi a,ka rilru puthmang hi ka hrethiam tawh lo"ka tisap a.

[Ngaia]

JACOB LALRINDIKA-12
Postby Basta Tlau » Fri Feb 24, 2017 4:02 pm
www.storyfb.com mizo story thar nitin dah ziah a ni e


Malsawmzuala chu ding chhuaka min kaitho ve nghalin"Diki,midangin i pawnlam landan leh ralkhat atanga an hmuhdan an sawi apiang che anga awm zel i tum a nih chuan nang hi nunna neilo,naute lem duh duha Control theih ang mai i ni tih a ni.Thlenga nen khan in induh tawn hle ani tih ka hria,mahse in inhmangaih leh hmangaih loh ka hre hauh lo,in inkar thil a ni a,in pahnih in inhrechiang ber ang,nupa hlimtak ni tur hian in duh tawnna chauh nilo,inhmangaih tawnna a awm a ngai ni,Pastor-a hi i duh leta,i hmangaih a nih chuan zep buai lovin,atakin i lan chhuahtir dawn nia"tia thaw halhin bang nghenga dingin a maimichingin a.

A thusawi avanga makti taka enin"Engthu nge i sawi tak chiam mai le?"ka tih chuan a kut rawn phar chhuakin'Thlenga boral ni Sunday chawhmaa kan haw khan"Diki leh kei hi khuanu remruat kan nilo"a ti ni.chumi awmzia chu Thlenga vangin mipa lakah i thinlung kawngkhar kha khar mai lovin,lo hawng rawh,i tana hun remchang i bawh pelh hlau dah ange"a ti dap dap a.

"Ka thei lo,Tunah chuan mipa dang ka nunah ka la lut mai thei lo.Sawmzual,khawiah emaw zin a inngaihtuahna hun ka mamawh a ni"khuma thu thla pahin ka ti a.

"A pawilo,Henry-a hian buaina a siamsak leh ang che tih a hlauhawm tlat,mahse tunah chuan lungngai suh aw,keiman ka lo buai ang,ka tihsual siamthat leh ka duh a ni,i nau in min rin theih nan tal pawh"nui suk paha a tih chuan ka room kawngka chu an rawn kik dawt dawt a.

Sawmzual'an"ka hawnsak dawn em?"a tih chuan ka bu nghat a.

Kawngkhara Rinfeli,ka thiannu te pahnih leh Pastor Jacob-a rawn pen lut chu ngawi rengin ka lo melh a.

Pastor Jacob-a chu a kut kuangkuahin kawngkhar bul deuh hlekah chuan ngawi renga min rawn melh chungin a ding a,en rei ngam lovin chhuat lam ka melh leh daih a.

Mimi leh Ruati chu ka bula rawn thu thla in,Mimi'in"ka thin a rim lutuk,Henry-a khan damdawi ruih a nei chiang lutuk tlat,khatiang chung pawha zak lo taka a awm danah khan,Police ve si tenawm lutuk,a lo van duh awm che ve"ke per tan tan chunga a tih chuan Ruati chuan a mala chumsakin Pastor Jacoba chu a melh zauh a.

Ka nau leh Sawmzuala an chhuah mek lai chuan Ruat'in"sitting room lamah kan lova awm ang aw"tiin Mimi inthlahrung daka a awm chu a kaichhuak nghal a.

An chhuak fel deuh awrh tih chuan chhunglam atanga kawngka kalhin ka hmazawnah a kal phei a.

A hmel en duh lova tukver lam ngawt melhin"Engvanga rawn kal nge i nih?min tih mualpho belh i tum a mi?haw rawh"ka ti hmak a.

"Ina inkuanga ka lo awm mai mai theih i ring a mi?keimah avanga hetiang thil tawk hi in ni a,ka chingfel leh ngei ang.zohmingi leh Henry-a lakah hian FIR ka theh lut dawn a ni,khawlaiah ka nihna bak bakin min ti mualpho a,Pastor hnathawk ka nih avang hian an thil tih sual luih hi ka ngaidam nawn leh zel a tulna a awm lo,keimah chauhin tuar ni ila ka hrethiam,mahse ka fapa,nangni chhungkua leh Sawmzuala chenin in tuar tawh a,ka dawhtheihna hi min fiah an tum a nih chuan an ti sual hle ang"chhuata vai tawn sek chungin a ti a.

A tawngkam hman chu Pastor tawngka chhuak a an loh em avangin phawk hra a enin"Jacob,chutiang chuan i ti thei lovang,Zohmingi khan thudik thenkhat a sawi ve tho alawm,bakah Pastor i nih hi"ka tisap a.

"Ka thei khawp mai,ka ti ngei bawk ang,thudik tlem azawng chu asawi ngei tih ka hria,mahse min tih mualpho a tum a lawm,tunah hian ka thianpa Lawyer Ricky-a helicopter hmangin a rawn phei mek a ni.misual chu an huangtua zel loh nan dan hmanga hremna engemaw tak pek an ngai a ni"nghet charha tiin ka hmazawnah a rawn kun hniam a.

Thaw halh pahin"Henry-a hi Police a ni a,an hausa hle asin,engmah i ti thei lovang"amah hlata thu awn paha ka tih chuan ka dara rawn chelhin"ka hria,mi thilsual tih tur khap tu tur a ni a,chutianga ti lovin alo fuih pawrh zawk a ni,dan chuan mi hausa leh rethei a thliar lo,misual siamthat nan alawm dan an siam"a ti hrawk a.

Enge sawi leh tur pawh ka hrelo,ka thimrim viau dawn nge?hlim takin ka awm zawk dawn?tunah tak hi chuan ka lungngai a ni.

"In neih ang"aw fiah zet maia a rawn tih chuan phawk fe a melhin"eng fiamthu nge i sawi a?"ka ti lawi rat a.

"Fiamthu thawhna hun leh mood-ah ka awmlo a ni tih i hria,diklo taka min sawi zui zel na hi kan tih tawp vat angai ni,nupa kan nih hunah chuan min sawi zui reng peih tawp lovang"thu tak zetin a ti a.

Maimichhinga ka lu thingin"ka thei rih lo"ka tih chuan ka chal leh a chal insik tirin"engvangin ka duh ang tho che in min duh ve a ni lawm ni,Pathlawi fa enkawl mek nei ka ni vang nge Pastor ka nih vang a mi i duh loh?"thaw halh halh pahin a ti a.

"Nilo,chutiang engmah a nilo,inngaihtuah ka mamawh a ni"ka tih rual chuan ka bianga rawn chelhin"Chiang takin min en rawh,kei hian ka thusawi hi ka thamral tir mai mai ngailo,hlim taka siam che ka duh a ni,min nei turin ka duh che"ngenngawl tak leh thaw halh halh pahin a ti a.

Ka lungphu rang lutuk leh ka thaw sa pup pup chu ka duhlo kher mai,ti tawp dan lah ka thiam bawk si lo.

"Min chhang rawh Lalrindik"ti hrawkin ka hmuiah chuan a rawn fawp nghal tawn tawn a,ka khum puan hmer nghet a

rum chhuak hak pahin ka hmui chu ka lo tichhe ve nghal a,na zet maia ka hmui hnuai chu sehin rum chhuak hawkin a ding ngil a.

Ka hmui hup chunga thinrim zeta enin"nangpa hi engthil nge i hriat a?"ka tih chuan a dar san ak pahin"min duh ve reng chunga min hnial tlat vang a nih kha"tiin a Rolex sana bun lai chu a en a"khawnge i phone,engvanga switch off nge i nih?ka biak theih loh che avanga ka manganzia kha ngaihtuah pawh ka duh tawh lo"a tih chuan tum hmukin ka bag chunga ka phone chu phawrh chhuakin ka on nghal a.

"I chanchin hriat zel ka duh a,chuvangin Switch off tawh ngai suh,engtik lai pawha biak theih turin awm ang che"thupe aw zeta a rawn tih chuan thinrim taka dingchhuak ve nghalin"i duh duh dana awm turin min ti hauh suh,ka muhil lai lehzel min rawn tibuai i tum a mi?"ka ti vin hlar a.

"ka ta nia ka ngaih tawh chu ka thlah thlam ngailo"tia rawn kun hniamin chiang zetin min rawn en a"hmm i hmui chu tlemin a pilh a nih kha,a dam har lovang,naktukah kan inhmu dawn nia"nui suk paha tiin a chhuak zui nghal a.

Hreptak chuan engang mi nge maw a nih le?Pastor chu a ni ngei si a maw!tunah khan ruih neih ang maiin a khawsa a ni.darthlalang hmaa dingin ka hmui pilh lai chu ka en chuan,a lo thi ser ser a,ner deuh sawngin tender care chu ka inhnawih nghal a.

Hetiang ang reng chuan ka awm thei lovang,ka room khawngkhar chu chhung lama kalhin air bag pakhatah ka thawmhnaw leh ka thil mamawh tur thenkhat chu khungkhawm zung zungin jacket purple leh lukhum phiar dum chu khumin kawngka bulah chuan ka ding vang vang a.

Inleng an la awm mai thei a ni.ka chhungte nilo chuan ka kalna hmun hrelo se ka duh a ni.ka pa phone number chu dial in ka room lamah ka ko lut a.

Ka nu nena lokal in ka nu chuan"enge ni ta?ngatinge khawiah nge kal i tum a?"tiin ka air bag khai lai chu a kawk a.

Thaw halh chunga ka pa chu enin"Pa,ka rilru tih thawven nan S.Vanlaiphaia nutei te nupa bula zin ka duh a ni"ka tisap a.

"Tun ang zan dar11 ah hian maw!naktuk zingah kal zawk la"ka pa in a tih chuan ka lu thingin"tunah kal ka duh,scooty hian chuan ka awmna chin nangmahni pahnih bakin hrelo se ka duh bawk"ka ti nghet charh a.

Ka luhlul zia leh ka thil tih tum ti ngei thin mi ka ni tih min hringtu ka nu leh pate hian an hrechiang,phal lo mahse ka ke talin ka kalbo talh thovang.

Ka nu in"a van buaithlak thin tak,i pa fa i ni bawk si,nangmaha kal chi i nilo,i naute tu emaw zawk inhruai tir rawh"mangang hmel taka a tih chuan nui lui sakin"Nu min ngaihtuah suh,keimaha kal ka duh a ni,nutei te chu ka zin tur thu minlo hrilhsak rawh aw,ka naute pawn ka kalna hi hrelo law law zawk rawh se"ka tisap a.

Ka pa chuan a purse atanga pawisa tha hnem tawk tak rawn phawrhin"kha hei hi kengtel rawh,Jacob-a te pafa bulah engthu nge kan sawi ang?"a tih chuan thaw hak pahin"in hriat loh laia ka chhuah thu in hrilh dawn nia,Nu ka thlen hunah ka rawn bia ang che u"tiin ka inkhai a.

Ka nu chuan"engmah ila ei hleinem,kawng laka i eitur tiffin kan siam lawk ange,i naute pawh an room lamah ka kal tir pah dawn nia"tia minlo dangin choka lamah a kal phei nghal a.

Ka pa in"Bawihi,hringnunah hian hlimna nei tur chuan harsatna leh lungngaihna kan tawrh phawt angai thin tih hria la,khawi hmunah pawh awm mah la,Pathian bel tlatin amah rinchhan tlat ang che.Jacob-a hian a ngaipawimawh hle che a ni"a tisap a.

Tiffin keng chunga ka nu a rawn phei chuan lo laksak vatin"nu ka lawm e,ka hmangaih che u"tiin ka pa nen an biangah ka fawpsak zeuh a.

Ka nu leh pa chuan scooty thleng min rawn thlahin kan in vai liam a."fimkhur viau ang che"an rawn ti lawm lawm a.

Ka nute Muani te in ka thlen meuh chuan zing dar thum a pel tawh.ka rawl deuh thumin ka hria,ka nutei te nupa chu lo la mengin min buaipui nghal zung zung a.

Ka nute Muani hi nurse niin S.Vanlaiphai sub-center-ah a thawk mek a,a pasal Ruata hi Muallianpui High school-ah zirtirtu hna a thawk bawk.vanduaithlak takin Fa an nei thei lova,keini an unau fate hian kan ngaina tlang em em a ni.

Nute Muani chuan ka mutna room tura min hruai lutin"inbual hmasa phawt rawh,chumi hnuah i eitur ka siam saw i ei dawn nia,tui lum pawh kan dah tawh kha"tiin ka air bag chu dawhkan chungah a dah a.

Nutei chu kuah vang vangin"ka lawm e,awmlo ula chuan kalna tur dang ka hre dawn si lova"ka tih chuan ka hnunga beng thek thekin"tlanbo ang zia zanga i han tawng chu le.engpawh nise,intifai phawt teh i duh chen chen kan bulah i awm dawn nia"a tisap a.

"Ka nu leh pa te kan be phawt nge"ka tih chuan"a ngailo,ka lo be mai ang,intifai rawh"tiin min chhuah san a.

Ka inbual zawh a,chaw tlem azawng ka bar hnu chuan Pate Ruat'an glass no a thei tui rawn thli in"Diki,kha sapthei tui kan um ngei mai hi in rawh,i mut a ti tui mai ang,mut that theih loh natna hreawm tak ang mai a ni a.hriselna tha nei tur chuan tui taka kan mut theih angai ni"nui vur vur chungin a ti a

Ner nanga Patea ka en chuan Nute'in"in mai rawh,keini pawn kan in fo alawm,zu a ni hleinem,thei tui tha tak a ni,helaia i awm chhung hian Mizorama nula hmeltha ber ni turin i ei leh

In tur kawngah hniang hnar tak leh thianghlim tak kan hlui ang che,nangpawh uluk takin inenkawl ang che,nula senior nih chuan uluk lehzuala taksa enkawl a pawimawh,i Patea rualin Zing tin exer i la bawk ang"nuisang chungin a ti a.

Nutei te nupa bula awm hi chu a hahdamthlak tak zet a ni,khawhar taka awm hman lovin tih tur eng engemaw min kawh hmuh leh zung zung dawn a ni tih ka hria.

Sapthei tui ka in zawh chuan Pate'an"va mu hahdam tawh rawh,naktuk chu sawrkar chawlh a ni a,school ka kal dawn lo,i duh chen chen i mu dawn nia"tiin min mangtha nghal a.

Khuma ka mut chuan ka phone switch off chu en in ka khal neuh neuh a,ka on anih chuan ka rilru a hah zual dawn tih ka hria,internet lamah lut chak viau mah ila ka insum angai ni.Pastor Jacob-a te pafa ka mitthla chuan ka ngai tak zet a ni.ka hmui pilh lai chu khawihin"Jacob,min ngaidam rawh,i rawngbawlna kawnga hmingchhiatna thlen tu che nih ka duh lo,Pathianin rem a ti a nih chuan kan intawng leh ngei ang"mittui tling piau chungin ka tisap a.

Ka nutei te kianga ka awmna pawh kar hnih zet a ni ve tawh,ka hlimin nuam ka ti tak zet a ni ka tih chuan dawt sawi ang a ni dawn,mahse Hawaii emaw Los Angles lamah pawh kal mah ila,Nutei te nupa kianga ka hlim ang bak hian ka hlim thei dawn chuanglo. An nupain engtiklai pawn min tih hlim tumin an khawsa a,min thlah thlam ngailo tluk a ni.mahse ka ngaihtuahna thinglung kil khatah Jacob-a a awm tlat avangin ka lung a leng thei khawp mai.

Tlai khat eirawngbawla choka a ka awmlai chuan Nutei a hna atanga rawn bang chu rilru hah tih hriat zetin ka bulah a rawn ding a.

A hmel en chiangin"Nute,buaina i nei a mi?"ka tih chuan thaw halh chunga a lu bu nghatin"Jacob-a hi i hmangaih a ni tiraw?"min en let kar chungin a ti a.

Maimichhinga ka chil lem khawlhin"nakinah ka theihnghilh ve leh mai ang"ka tisap a.

Ka dara rawn chum pawpin"Lalrindik,mi a leh mitdel ni turin min ngai a mi?nangmah leh nangmah i inhrem nasatzia hi i hria em?engvangin nge mi dawizep ang maia i rawn tlan chhiat,Jacob'an hreawm a tuar nasat turzia i hrelo a mi?"thinrim mittui luang chungin a ti a.

Mittui tling piau chung leh Makti taka Nutei chu en in"Nute engtinge i hriat?"ka tih chuan ka bana rawn sawi nawk nawkin"I nu leh pate nen nitin kan inbiak i ringlo a mi?i pa pawh kohhran upa a ni a,dawt sawi turin i la ti zui,ngaithla rawh Diki tunah hian Jacob'an Pastor hna bansan a tum a ni.Rilru hah tak chung chuan Pathian thusawia rawngbawl a harsa hle ang tih hria ang che,heng thil hi nangma vang a ni"a ti hlak hlak a.

Chair-a thu thla hnawkin ka indawm kun a,engtinnge Pastor hna a bansan theih zawk.chu pawh keima vang lehnghal maw!hmanhmawh zeta ka mutna room-a tlan lutin ka phone chu ka on nghal a.

Nutei chu kawngkhar zawna rawn dingin"tunge biak i tum?i nu leh Pa te nge?i thiante nge?Jacob-a?"a tih chuan phone melh reng chungin"amah ka biak a ngai,Pastor a nihna hi a bansan ngawt thei lovang"ka ti ruai a.

"Jacob-a chungchang i sawi a nih chuan i nu nen an rawn thleng chiah,"a tih chuan phawk zeta enin"enga?tu maw rawn thleng?"tiin pawna motor ri tawp chawt chu ka hre nghal a.

Kawngka pui lama ka pen phei lai tak chuan ka nu in Hruaitea muhil chu a rawn pawm lut a,makti taka ka enlai chuan an hnung lawkah Jacob-a hmel ka ve nghal a.

"Jacob"aw lawi rata ka tih chuan chiang zeta min rawn en vang vang hnu chuan thaw hawk chunga ka nutei lam chu hawiin"Nu Muani i ni ang maw?Jacob Lalrindika ka nia,kan rawn pan chawt mai che a ni"awka pangngai taka tiin a kut a phar zui nghal a.

(monday zanah rawn update leh ka tum dawn nia,chumi hma chuan ka hman rih tlat tawh lo,ka inthlahrun dan hi pui tak a ni,mahse kan duh angin kan awmin kan khawsa thei lo a nih hi.)