JACOB LALRINDIKA BY Basta Tlau (Complete) 18+ Only

Ngaia
Site Admin
Posts: 18379
Joined: April 30th, 2016, 4:07 pm

JACOB LALRINDIKA BY Basta Tlau (Complete) 18+ Only

Unread post by Ngaia » April 23rd, 2017, 2:19 pm

JACOB LALRINDIKA BY Basta Tlau - 18+ Only
(Complete)

Chapter 1

A link chiah tih loh hi chu khawiahmah copy/paste phal a ni lo.
A link share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright © Bssta Tlau
All rights reserved
http://www.storyfb.com


Biakin chhunga thalai thutna tura an siamah thut ka tum chiah chu"Nu Nu anu"tia naupang rawn au ri ka hriatna lam en chungin ka ding ngil at a,mipa naupang kum 2 mi vel hi kan thutna lam panin a rawn tlan phei ter ter a.

Ka nau Rinfeli chuan a bula min pawt thu sawkin"thu vat rawh,i ti zahthlak lutuk,biak chhung a nih hi"zawi fiah tak sia a tih mek lai chuan Mipa naupang chu ka bulah a rawn ding a.

Kan kiang hnaia nuiri hak ka hriat chuan ka hawi chhuak ngam tawh lo,makti deuh tak chungin mipa naupang mitmeng fiah kak leh hlim hmel zeta min enrengtu chu ka en deuh hra a.

Nu la upa vaklo samkir chu kan bula zak hmel taka rawn kal kun pheiin mipa naupang chu pawm sawn tumin"lokal rawh,ka bulah"tiin a rawn ban a.

Ka banah leh kawrhak laia a kut tetakte hmanga rawn man betin"Anu i bulah ka thu ve duh"tap tuau chung leh nuar deuh pahin a ti a

Ka zak lutuk chu awm ngaihna pawh ka hrelo.Nu pakhat chuan mipa naupang kut chu phelh sak tumin"Lalhruaitluang i nu a nilo,i ti zahthlak lokal vat rawh"mangang hmel taka min en zauh pahin a ti a.

Mipa naupang lah chu ring taka tapin ka kawrhak laiah tak mai chuan a thei tawpin a rawn pawt vak vak tawh mai si,a van manganthlak tak em.

Rinfeli chuan min rawn sik zauh pahin"pawm la,thlem bang vat rawh,Pastor fapa a nih kha"a tisap a.

Kan bula nu chu melh pahin"ka pi ka lo pawm mai ang,pawi i tih loh chuan"tiin mipa naupang banah chuan chelhin ka malchungah ka pawm nghal a.

"A tibuai viau lovang che maw?a mak khawp mai,hetiang hian vawikhatmah ala awm ngailo,khawngaihin lo buaipui mai rawh"tiin a thutna lam pan chuan kun chungin a phei them them a.

Ka hnunga min rawn kheuhtu an awm avang chuan ka hawi phei zauh a,ka bialpa Lalthlengliana bula a thianpa Malsawmzual'an nuihzat hmel tak chunga minlo siai zauh ka hmuh chuan ka lai leh zak lutuk chu lei chhuah khum zuk pahin hmalam ka hawi leh nghal a.

Mipa naupang ka awma thlamuang taka bei than mai hmel chu ka enchianga a duhawmin a hmeltha reuh kher mai.naupang hi ka lawmin ka ngaina ngailo,tuna mi pawh hi chuti tehchiamin ka lawm lo mahse he naupang hian engtin emaw tak ka thinlung hi a hneh a ni.

Naupang inhlei tak a nih ka rin tehreng nen thuawih tak leh ngawi kar chungin ka pawm dan ang chuan a thu ngawi kar a.

Inkhawm kaihruaitu ka pa Lalduhawm'an"tunah chuan kan thuhriltu Pastor kan sawm anga,hun tawp thlengin a kutah kan hlan tawh dawn nia"a tih chuan ka en vat a,mipa smart leh naupan hmel tak mizo mipa ah chuan sang pawl tak,ngo lampang aia hang lam lek lek,hang ngaihno bei kan tih ang chi hi a rawn dingchhuak a.

Mipa naupang ka pawmlai chuan ka bana rawn sawiin"Anu,papa a rawn ding nia"tiin thusawitu tur chu a kawk va a.

Rang taka a kut dahthlaksak pahin"ka hria lawm bawihte,bengchheng tawh suh le"ka tisap chuan fel takin a thu ve leh mai a.

Thusawitu leh mipa naupang ka pawmlai hmel chu an inang tak zet,nichin ami kha naute nu a ni thei angem?nu ho thutna lam ka melha a hmel ka en chuan ka ner nang a,a nu nitur chuan a upa mah mah tawh a ni,mahse mipa thenkhatte hian an nawmsakna tur thilah chuan an aia upa pitar neih an hreh tawh hleinem,a nupui a ni thei tho bawk.

"Anu ka zung duh,min zunpui rawh"mipa naupangin a rawn tih chuan mangangru deuh takin ka nau Rinfeli lam chu ka hawi a.

"va zunpui mai rawh,a bengchhen hmain"Rinfel'in a rawn tih chuan chhuatah nghatin kan thutna atanga tho chhuak pahin a kuta kaih ka tum a,"Anu min pawm"tia a kut te takte a rawn phar avang chuan zak ru tak chungin ka pawm kang nghal a.

Biakin chhunga mi za riat(800) bawr vel zet mit chu kan lamah a fuh thup ni berin ka hria,nuihza leh maktih hmel takin min en zui hlawm a.

Biakin zunin lam pana kan inpawm phei lai chuan kan bulah Biakin chhunga amah rawn lak tum tu nu chu hmanhmawh taka rawn kal pheiin"ka lo zuntir ang,kan tupa hi hetiang hian ala khawsa ngai lo sin,a awmdan avang hian min hrethiam dawn nia,Lianmawii ka nia,nang engtin nge ka koh dawn che"tiin mipa naupang kekawr chu a pawhthlak sak a.

"Rindiki ka nia,engmah buaina tur a awm lo ka pi,in naute chu a felin,ahmeltha hle mai,engtin nge ka koh dawn?"ka tisap a.

"Lalhruaitluanga a nia,Hruaite tiin i duh chuan i ko dawn nia,keini chuan Bawiha tiin kan ko thung a ni"tiin a tupa chu pawm a tum a.

Ka puan bih laia rawn chelhin"anu ka duh,anu min pawm rawh"a tih chuan biakin chhung lamah inkhawm bana tur hla an sa tan mek ri chu ka hre nghal a,mipa naupang bula thu thlain"Bawiha,i pi hi lo in pawm tir lawk la,nakinah ka pawm leh dawn che nia"nui var var chungin ka ti a.

A pi chuan"bawiha,i pa in buaina siam loh tur a tih kha,keiman ka lo pawm ang che"tiin a pawm kang nghal a.

Tal vak vak chunga min rawn ban tawk tawkin"anu bulah,anu bulah ka awm duh"tap chunga a pi chum taih taih pahin a ti a

Tih ngaihna ka hrelo tak zet a ni,thaw deuh halh chungin an inpawm chu ka thlir tlawk tlawk ringawt a,ka awm a nuamlo deuh tlat,ka awm dawm chungin ka thaw deuh halh a.

Inkhawm bang kan inlam pana kea ka bialpa Thlenga te nen kan haw tlan lai chuan kan bula mi thenkhat

min ngamtlak deuh hlek kan tawh apiang ten"fa i lo nei reng a ni maw?i va inzep rei thei ve?"nui chunga an rawn tih nauh nauh chuan"in ninawm hlawm e mai,khatiang infiamna chi pawh a ni lo"ka ti hlar zel a.

Ngawirenga ka bula Thlenga kal ka en chuan a thinrim leh rim loh ka hrelo,Malsawmzuala chu ka beng bula rawn kunin"Nula senior virgin chhul khawhar i la ni tih sawi ve mai la"nui thu chunga a rawn tih chuan rum zetin ka lo melh hrawk a.

Kan in peng kan thlen dawn hnaih chuan Thleng'an"vawin chu kan rawn peng kawi lo mai ang,chawhnu hla zir tur nih kha nangpawh lo tel ve tawh rawh aw,inthlahrung lovin"a ti a.

"Nia rawn zir ka tum dawn nia,mahse midang ai ka hnufual bik ngawt ang,min hrem miah suh"tiin kan in step-ah chuan ka chho nghal a.

Inchhung ka lut chu ka chhungte ho chuan thingpui an lo in mek tih ka hriat chuan ka nu bula thu thlain cake chu ka ban ve nghal a.

Ka pa in"i fapa chuan a rawn zui haw ve dawn che emaw ka lo tia sin"nui thu chunga a rawn tih chuan ka cake kenlai dah thla leh hmakin"Pa a ninawm e mai,nangni leh zel chuan min ti thinrim lo teh u,ka zah zia kha,ka inkhawm tawh lo mai tur sin"tia tho chhuakin ka room lamah ka lut tau nghawng nghawng a.

Kha naupang khan engvanga khatia min rawn au nge a nih?ka hrethiam thei lo,khawnge a nu a awm?kum thum chhung Delhi University-a Collage kalin ka awm bo char char a,zirtawp ni mai khan kan veng Lunglei Bazar-a kan inah haw ve lehin Sunday zing inkhawmah khatiang khawp khan kan pastor Fapa avangin ka mualpho a,inkhawm leh pawh ka phurlo zo vek.ka pheikhawk sang bun lai chu hlipin chapal nen sitting room lamah ka va chhuak phei leh nghal a.

Ka pa bula thu in"khawnge naute nu kha a awm a?"ka ti hmuk a.

Thaw halh paha ka dara rawn beng thakin"a boral tawh,Hruaitluanga pian atanga darkar chanve velah thi put avangin a boral,heilai hmuna an rawn awm hlim lai kha a ni a,Pastor Rindika hi a khawngaihthlak khawp mai,naupangte ni si in,nu tel lovin a fapa kum thum chhung zet chu a chawi lian tawh a,a hmelthat tehreng nen nupui tha tak nei leh thei se ka ti ngawt mai"a ti hluai a.

Kan awmpui chakma tleirawlin thingpui min rawn chhawp chu lem hlekin"A nupui nen chuan kan inang viau mi?"ka tisap a.

Ka nu in"in inang lo hrim hrim,Hruaitea khan a nu hmel pawh a hre lovang,khatia a rawn au thut che kha keipawn mak ka ti lutuk,lehlam taka thlir chuan ka hnuk a ti ulh hial asin"a lo ti vat a.

Kan naupangber Hmingmuana kum 20 mi chu a room atanga rawn chhuakin"U hla i rawn zir ve dawn em?zaipawl conductor i bialpa Thlenga hi a strick thei lutuk nia,tlai chi loh Fellowship pahin hla kan zir dawn nia"a kamiz bilh lut tha paha a ti zo chiah chu"Awi whatapps group-ah UThlenga nen an sawisa nasa lutuk che u,kan Pastor te leh UThlenga te hi an la inchhung zui"Rinfel'in a phone en paha a rawn tih chuan ka lo ner nang a.

"Vawin chu hla ka rawn zirlo mai ang,naktuk a mi tur tlem azawng inen lawk ka duh a"ka tih chuan ka pa in"E khai,Rindik zir lai naupang pawh i ni tawh hleinem,nula i ni a,kohhran leh khawtlang thil tih naah chuan i tel ve zel tur a ni,i nau Hminga pawh Collage kal chungin alawm hei zaipawl rawngbawlna a inhman,hla zirna ah chuan engmah chhuanlam siam lovin va tel ve rawh"a rawn ti vat a.

Ngaa ka pa tak hi chu ka hnial ngam bawk si lo,buaithlak thin.kan chhungkua hmingin ka pa in Hope Private English school kg1 atanga class-12 thleng a din ve a,kan unau thum hi hmun danga school kal lovin Hope school-ah class-12 kan zir thlengin kan kal vek a ni.

Tunah hian zirlai 1000 chuang neiin kan lun ve khawp mai,keipawh thawhtan atanga Zirtirna pe tur ka nih avangin inbuatsaih lawk ka duh,kum 26 ni ve tawh mah ila,ka pa engtiklai pawha Kohhran leh Khawtlang thil tihna ngaipawimawh leh dah hmasa reng thin tu hi ka hnial ngam lo.

Ka room lamah lutin pheikhawk block uk ka kawrhak rem chu buna ka inthlak hnu chuan kan unau thumin biakin hall lam panin kan inzui hnak hnak hlawm a.

Rinfel'in"kan pastor pawn a chang chuan hla te min rawn zir pui ve thin asin,solfa leh music lampang a la thiam em em zui,thleirawl ho hian tlangval tam tak aiin an star zawk,uar takin thusawi thin mahse khawlai leh hmun dangah chuan a mizia a cool thei tawp,Uthlenga nen pawh an mizia in anna lai an neiin ka hria"a ti sep sep a.

Hmingmuan'an"biakin kal kawngah te chuan insum ve rawh u,ninawm hmeichhe ho hi in ler thei lutuk mai"a rawn chuan Rinfel'in"ngawi mai teh,nangmah a nih kha ler,tunah pawh i bialnute hi i kawp tih ka hria,nangmah avanga dawt ka sawi nasat theih zia hi i hre ve tawh rawh"a ti hlar a.

"kei te chu mi khawngaihna ka ngah em lawm,mi rilru tihnat ka hreh avangin ka yess a ni ve mai a,sawi tawh lovang saw Esther'in min rawn en nia"a ti vat a.

Rinfel'in"i bialnu te zingah chuan a hmelchhe berin ka hria"a lo ti ngat a.

"Ngawi tawh rawh u,in thinlung kha Pathian lamah aw"tiin Esther-i dinna lamah chuan min kalsan nghal a.

Rinfeli lama kunin"miho hian min melh hrek hrekin ka hria,a nuamlo e"ka tih chuan ka bana ka kuahin"a ho e mai,engatan mah ngai duh suh, engmah tih sual leh tih dik loh i nei hleinem,zak duh suh,kan veng chheplep i ni tihna ni mai lawm"nui hak pahin a tisap a.

Nia ka zak lovang,helai hmun zim te ah ka tih sual vang ni lova tun anga ka zak a nih chuan ka tan he khawvelah awm ngaihna a awm lovang,bakah kei hi naupang chhia anga zak mai mai rual pawh ka ni tawh lo.

Kan thu fel deuh chiah tawngtai ka tum chu kawngkhara kan Pastor leh Thlenga rawn inzui lut ka hmuh avangin ka melh tlawk tlawk a,Thlenga hi feet nga leh inches ruk a ni a,chuti nih chuan Pastor hi chu feet ruk bawr a ni thei ang.Pastor hmel ka hmuh tawh zingah chuan a la hmeltha ber ang,Ohh nilo mizo mipa-ah chuan amah tluk an awm ka ringlo.

Pulpit-a a thusawi lai pawh khan a hleitlingin a hmeltha tih ka hria,hetia hnai lehzuala han hmuh hian a pa in mi hipna a ngah tak zet a ni,hmeichhe dang pawhin keimah ang thovin an en duh ve hle a ni tih ka hmu.

Mitmeng zim sana kan thutna lam a rawn en chuan ka sa chhuak pup pup nghal thei,hetiang hian nidangah ka la awm ngai hauh lo,Rinfel'in ka mala a rawn hmer vak takah chuan maimichhinga kunin ka tawngtai nghal vat a,engthu nge ka chham pawh mumal takin ka hrelo.

Dawhsana Thlenga leh Pastor Rindika thu tlang chu entawn deuh sek pahin ka kut ka khal neuh neuh a,chairman in"zirna avanga hmun danga rei tak awma lo haw ta nula Lalrindiki kha khawngaihin lo ding lawk teh se"a rawn tih thut chuan lai ru takin ka ding a.

"A lawmawm e,kan Pastor nen hian an hming a inang chiah lehnghal a"fiamthu deuh hleka a tih chuan midangho chu an nui dar dar a.

Van tul lo tak,mahni lo maha ka zah tawh tehreng nen fellowship programme pawh rilru pangngai tak puin engmah hriat ka neilo.

Fellowship bana zaipawl hla zir hma a chawlh kan nei chuan Thlenga chu ka bula rawn kal chuan Rinfeli chu a thiante zingah a kalsawn nghal a.

Thlenga chu nui deuh suka pahin"i tha maw bawihi"a tisap a.

Nuisang chunga ka lu bu nghatin"ngatinge engmah min hrilh ngai miah lova,zantin ka inbe reng thin sia"ka tih chuan maktih hmel taka min en ha in"engmaw?"a ti vat a.

"Pastor chungchang hi chhungkhat in ni a"ka tih chuan ka kuta rawn hmerin"min zawt ngai hleinem,bakah nang nena kan inbiak laiin midang chungchang sawi ka duhlo,Jacob-a hi i ngaihven viau a mi?"lungawi loh hmel deuh a tisap a.

Ka lu thing pahin"ka ngaihven lo,mahse min.."ka tih chuan kan lam pana Pastor Jacob Lalrindika rawn kal ka hmuh chuan ka tawng lai tawp chawtin ka chil ka lem khawlh a.

Thlenga chuan Pastor dara kuah paha min enin"Jacob hei hi ka bialnu,ka hrilh fo thin che Diki a nih hi,in inhriat tawh tho chu ka ring nangin han inchibai ve hrim hrim ula"nui lui tih hriat zet chungin a ti a.

A kut rawn phar chhuak chunga chiang zeta min en pahin"ka hmu che chu ka lawm hle mai"tia a kut la let vatin"Thlenga Ka fapa vawin chu a tlei lo riau a,in hla zirna ah ka lo awm lo mai ang,ka haw san phawt ang che u"a tih chuan"ngatinge a?engtin nge a awm a?"ka lo ti vat a.

Min melh zauh pah a lu thingin"ka hre biklo"tiin hmanhmawh hmel zetin a kalsawn nghal daih a.

Thlenga chu rum deuh nghutin ka kuta rawn chelhin"lut ang,tan a hun dawn?mi chhungkaw buaina ah hi chuan inrawlh tum suh,an mahni in an duh ang an hrilh che a nih loh chuan zawhna zawt thin lo la" ti hmuk chungin inchhung lamah min kai lut nghal a,engemaw a hriat teh thut le?

Kum nga chhung Thlenga nen kan inzui tawh,inhau thinrim chang kan nei ve fo,mahse Biakin Compound-ah kher hi chuan nidangah kan la inhnial ngailo.

Ka thu fel deuh chiah tih chuan ka hnunga min rawn kheuhtu an awm avangin ka hawilet vat a.

Ka thiante pahniah Mimi leh Ruati chuan an inkara thu tura min hui chuan ka insawn hnung nghal a.

Mimi chu ka beng bula rawn kunin"in inhau a mi?"a tih chuan ka bu nghat ringawt a.

"Mimi leh Diki kha tawng reng tawh suh u,helai hmun lo pawh in duh chuan in biakna tur hmun in ngah"Thleng'an thu tak zeta a rawn tih chuan ka in humruh vat a,a thinrim anih pawn mi zinga min tih mualpho kher a tul lo,kan bula miho phun sap sap ri ka hre zui nghal bawk a,an sawi duh awm tur chu ka ngaihruat thiam thei.

Thinglung tawt up up chung chuan midang rualin ka zai ve thei lovang,Ruati zawk chu bek bawr lui leh ngatin"ka awm a nuam chiah lova,ka va haw rih phawt mai ang"ka tih chuan min hriatthiam hmel takin a bu nghat a.

"Kan lo kalpui dawn che mi?"a tih chuan lu thingin"a ngai lo,keimahin kan va chhuak ange,naktukah school-ah kan inhmu dawn nia"tiin Hla zirna atang chuan ka chhuak nghal a.

Khatianga mi zinga min tizak leh anih chuan ka dawh mai mai tawh lovang,mipa dangin min star thu leh min duh an sawi pawhin Lawmthu hrilhin,pasal ka nei thu ka hrilhin ka hnar ve fo thin.

Thlenga pawh hi an hausa in a hmelchhe hauh lo,hmeichhe dang lakah kei ang hian a rinawm leh awm loh chu ka hrechiang lo,alaka ka rinawmna hi min ngaihnep nan leh amah ka then thei lo emaw a ti a nih chuan min ngai diklo hle ang,nupa nilo mah ila,mite hriat tham khawpin kan inngaizawng mai bakah nula pangngai ka ni a,khatianga mi zinga min tih kher kha a tan tangkaina a awm lo.



Link:
BBcode:
HTML:
Hide post links
Show post links

Ngaia
Site Admin
Posts: 18379
Joined: April 30th, 2016, 4:07 pm

Unread post by Ngaia » April 23rd, 2017, 2:19 pm

Engvanga thinrim nge a nih?ngaihdam min dil hma chu kei hian engti kawng mahin ka be tawh lovang,dik tak chuan kei ni chauh lo pawh midang kha an tawng ve reng.

Kan ina ka haw hunah ka pain a chhan min zawh chuan ka pum nawm loh thu chhuanlam ka siam nga a fel leh vek mai ang.

Kan in penga Renault car pawl inhung ka hmuh chuan ka thlek deuh vang vang a,a nalh hle mai,hlawh tha tak ka neih hunah chuan hetiang ang motor hi ka la lei ve ngei ngei ang.

Kawngkhar hawnga inchhunga ka pen luh rual ka nu malchunga Pastor fapa Hruaitluanga lo tap hliam hliam ka hmu nghal a.ka lam a rawn hawi rual chuan ka nu malchung atanga chhuk thlain"Anu,anu khawnge i kal bo daih a?"tia min rawn panin ka lamah a rawn tlanphei ter ter a.

Ngatinge he naupang hian anu tak tak emaw min ti reuh aniang a?midangho chu melh kual zauh pahin"ka inkhawm lawk alawm,ngatinge i tah a,naupang fel an tap ngailo,bang tawh rawh le"tichungin ka pawm nghal a.ka awm nghenga thlamuan hmel taka a awm chu mak ka ti a ni,kei ve tehlul in ka pawm avangin a tap chu a bang hmak lehnghal bawk a.

Ka pa in"i rawn haw hma chu a tihzia khawp mai,tikhan inawm tlei teh u"a lo ti a.

Nu Lianmawii ka nu bula thu chuan"awi Diki a zia lo ngawt mai,nangmah ngenin a tap char char a,engmah lah a ei duh bawk si lo,kan mangang lutuk a ka rawn kal tawp mai a nih hi"a rawn tih chuan ka clutch ken lai chu sofa chunga theh thlain zeilo leh khawr ru zeta naute chu ka awi a"eitur kan siamsak nge aw,enge ka pek dawn?"ka tisap a.

Nu Lianmawii chuan a bag atang biscuit rawn phawrhin"hei hi pe mai rawh"a ti a.

Ka nu in"bawnghnute nen khan chawk kawi la i pe dawn nia,i thiam ngut nge maw"a tih chuan Nu Lianmawii kut ami Biscuit chu ka ban nghal a.

Pastor chuan minlo lak khalh pahin"ka lo pui ang che"tiin a rawn dingchhuak a.

"Aaa angai angai lovang,ka ti thei mai ang"bah deuh nawkin ka ti a,ka nau pawm chuan midangin an la ang tih hlau niawm takin a kut pahnih chuan ka nghawngah minlo kuah bet tlat a.

Ka nu in"in pahnih khan va pe mai ula,bawihi nangmah chauh chuan i ngaihtuah lutuk ang"a rawn tih chuan thaw hak chungin choka lam ka pan nghal ka hnungah Pastor Jacob'an min rawn zui a ni tih ka hria,ka ke pen te chu ka bahlah deuh nawk nawk a,nau ka pawm lovang tih ka hlau hnu hnawk khawp mai.

"Ka lo pawm dawn mi?in tlu na palh nge"zawi fiah taka a rawn tih chuan choka thutthlenga thut thlakpuiin kan awmpuinu chu bowl leh bawnghnute min laksak turin ka ti a.

Pastor'in"Fiante pawh"kan piaha rawn thu thla chunga a tih chuan ka lo ner deuh sawk a.

Bowl-a Biscuit leh bawnghnute ka chawk kawi chu Hruaitluanga chuan a lo ban ve sek a"anu keiman"a rawn ti chul a.

Bowl chu a ban phak lova nawr sawn pah ka lu thingin"lo awm hle hle la,tichuan i in eipuar hma zawk ang"ka tih chuan apa lam hawiin"papa min pawm rawh"tiin a ban chu a phar chhuak a.

Nuisuk chunga rawn banin"buaina siam loh tur ka tih kha,thu i awih loh chuan tuman kan duat tawh miah lovang che"a bianga fawhsak zeuh paha a tih chuan Hruaitluanga chu a hlim tih hriat zetin a nui ver ver a.

Fiante hmanga biscuit chawhkawi chu tlem suak chhuakin "Bawiha a ei theih ta e,ang rawh le,angng angang"tiin a hmui bulah chuan ka va dah a.

Pastor Jacob-a chuan a kekawr ipte atanga rawmawl rawn phawrh chhuakin"a kawr a balh lutuk loh nan a nghawngah hian awrh tir la"tiin a fapa chu ka lam hawiin a malchungah a thut remtir nghal a.

Ka thil ken lai chu dawhkana dahthlain khawr zetin rawmawl chu awrhtir pahin"engtinnge ka koh dawn che"tiin ka melh zauh a.

Chiang zeta minlo en letin"Hruaia pa min ti rawh,Thlenga koh ang che khan Diki tiin ka ko dawn che mi?"a tih chuan ka bu nghat a.Thlenga chungchang a rawn sawi zawm ang tih ka hlau ru khawp mai.

Hruaitea eitur barha ka ngawih reng laia"tawng ve ta che,ngawi renga i pek mawp mawp chuan a ning thuai ang"a rawn tih chuan"nangmah zawk kha tawng rawh,ka thiam ve hleinem"ka tisap a.

A fapa sama tuaisakin"ei zo vek la,chuan i lo lian thur thur mai ang,ka fapa hi chu a fel asin aw,ala chak tha ngawt ang,ang leh rawh le?"tiin a fiam kual a.

Bowl-a ka siamsa ka pek zawh chuan thochhuakin a tui intur lak ka tum a"anu ka duh leh"a rawn tih chuan a Pa in"vawikhat ah an ei teuh ngailo,i hmui hrufai ang aw"tiin rawmawl a awrh lai chuan a hmui hmai a hruk fai sak a.

"Anu min pawm"tia a rawn phar chuan lo pawm nghal vatin"bawiha i puar em?"nuisang chungin ka ti a.

A lu bu paha a pa lam hawiin mut chhuah hmel takin a ham bai bai a.

"A mut a chhuak a nih dawn kha,Diki ka fapa nen hian kan la tibuai dawn chauh che in ka hria"thu tak zeta a tih chuan"min tibuai hleinem,nau enkawl hi ka thiamlo lutuk a,traning ka neihna hun tha tak a ni mai lawm,i rawngbawlna kawngah i fapa vang hian i buai thei viau lo maw?ka tisap a.

A lu thinga nui deuh sukin"ka nu leh pate hian an enkawl tha em a,bakah Pathian'in malsawmna min pek liau liau a ni a,thusawi tur ni mah ila,ka fapa a dam loh chuan ka thulh fo mai,mahse pawi ka ti lo,ani enkawl hi ka rawngbawlna pakhat a ni a,ka kalsan tawp thei lo ni"a tisap a.

Ka lo ngaihdanah chuan Mipate hian inchhungkhur buaina hai derin kohhran leh khawtlang thil tihna an ngaipawimawh vek emaw ka ti thin.a nupui khan boralsan lo se chuan he khawvela hmeichhe vanneih ber a nih loh pawhin a dawttu tal a ni ngei ang.

Ka nau pawm sama chulsak heuh heuh pahin"mipa tha tak i ni,Hruaitea nu hi la dam se chuan nupa hlim leh awh awm tak in nih ngei ka ring"ka tisap a.

Thaw hak paha dingchhuakin"ka tha hauh lo,ka fapa muthilh lai khan kan lo hruai haw nge"tiin a rawn ban a.

"Ka lo thlah ang che u"ka nau pawmlai tih harh hlau takin dim takin ka dingchhuak a.

Sitting room lam pana kan inzui phei chuan ka kianga rawn kalin"Nau enkawl chi chu i nilo ve ngawt mai,khatiangte chuan nangmah zawk i taksa a sil thum dawn asin,pasal i neih dawn chuan ila inzir fe angai dawn nih kha"midang hriat phak loh turin a tizawi sap a.

Ka nu in mak tih hmel taka min rawn enin"ehee a muhil der mi?a rawn tih chuan nuisak chungin ka bu nghat a.

"A mut a chhuak tawng kawng ve tawh hrim hrim a,Nu Rempui kan va haw dawn ange,kan rawn tibuai hrep che u a,a zialo khawp mai"Pastor Jacob'an a rawn tih chuan ka ner sawk a.

Ka pa in"Min tibuai hleinem,in remchan apiangin lo leng fo zawk rawh u"a lo ti vat a.

Motor chhunga Hruaitea api malchunga ka nghat thla tur chu"anu anu anu"bah niai a,a rawn tih thut avang chuan che sawn lovin ka ding kun reng ringawt a.

Ka nu te leh Pastor nu leh pa ten makti takin min rawn en hlawmin,Nu Lianmawi'in inthlahrun hmel taka min melh in"Nizan a mumangah a hmuh che niin a insawi a,i hrethiam hram dawn nia,khawi kan lo pawm nge"tiin a rawn ban a.

A va mak awm ve,kei hi kha naute khan a mumangah min lo hmu a maw!ahmain kan la inhmu ngai bawk si lo,kan mumang nazawng hi kan hriatchhuah zawh loh tam tak a awm,chiang fek fawk leh mumang dik tak sawichhawng leh thei chu mihring zingah hian za a pakhat bak an awm ka ringlo.

Inthlak tura ka room lam ka pan lai chuan ka nu in"i phone number ka pe nia,an buai thuta an rawn koh tur che in,i theih ang angin i pui dawn nia,nang akara nautein an lo ngen ve che hi a mak ngawt mai"a rawn ti a.

Hawi leta ka nu chu nuih deuh sakin"mi zaidam leh mi nunnem chu naupangin min ngaina alawm"fiamthu a ka tih chuan ka nu leh pa chu ka thusawi awih lo tih hriat takin an nui dun hawk hawk a.

Hruaitea te pafa ngaihtuaha khuma zangthala ka mut vang vang lai chuan Rinfeli chu ka sira rawn muthlain a bawp chuan min kherh bet nghal a"sawi rawh,UThlenga nen khan engvanga inhau nge in nih kan hla zir boruak pawh a hreawm lutuk nia"a ti a.

"Min thlah teh,vawin zet chu ka tan ni sakei a ni ringawt,a duh tawkin thinrim rawh se.keipawh ka thin a rim ve tho,ka bialpa atan mipa rilru te leh thinrim hma lutuk ka duh lo"ka tisap a.

Ka bana rawn chum vakin"UThlenga tan a thinrim thlak tur zia i hrethiamlo a nih kha,kum nga chuang in inzui tawh a,tuman thik enah an en ngailo che u,mahse vawin khan kan Pastor nen hian an chhaih fiam che u a,in hming alo inang mai bakah a fapa khan Anu a rawn ti leh kher che a,bialpa nei reng chunga midang fa in khatianga a rawn koh che kha,UThlenga tan a thinrim thlak dawn em asin,kan Pastor hi a lo hmeltha ve tho bawk nen,nang hmeltha i ti ve em?"thutak hmel zetin a ti a.

"A hmeltha lawm,naupang tein a nupui a sun chu a ni si a,ka khawngaih ngawt mai"ka tih chuan lukhama ka phone dah a rawn rik avangin ka en vat a.

Thlenga ni maw,ngaihdam min rawn dil a tum aniang,phur zeta ka lak rual chuan"ngatinge i chhuah daih kher a,min tih mualpho i duh hrim hrim vang mi,Diki ka rin ai daihin i rilru a te,puitling i ni tawh a,thu tha te chu pawm dan thiam ve tur che lawm"thinrim tih hriat zeta Thleng'an a tih chuan phone chu ka melh ngawt ngawt a.

Kei hian tih mualpho ka tum a maw!hahh"ka rilru a te lawm,nang ang rilru zau biak chi pawh ka nilo"ti let hmakin phone chu ka off nghal a.

Rinfel'in makti taka min rawn en in"amah mi engthu nge a rawn sawi chiam a,u rilru te a ti che mi?a van zaklo ve"a lo ti a.

Ka tawt up up ni berin ka hria,ka ke leng vak vak chunga ka sama inthamin ka au nghek ringawt a.kei hi khang thil thleng zawng zawngah khan thiam loh min chantir a maw!Lalthlenglian kei Pachuau lunglian fanu Diki hian ka ngaidam mai mai tawh lovang che.

Ka chhungte chu ka room-ah rawn kal khawmin"engatinge i au vak a?"ka nu in a tih chuan engtinmah chhang lovin khumah mu in lehlam ka hawisan daih a.

Rinfel'in"Uthlenga nen an inbia a,a thinrim rih a nih hi,nakin lawkah an in ngaih leh thovang,Pachuau leh Sailo hnam inngaizawng hi chu an buaithlak e mai"a tih chuan ka khum atanga Rinfeli tlawh thla in"chhuak rawh,tawngthei lutuk,kei hian vawikhatmah bialpa ka nei leh tawh lovang"tiin ka puan chuan ka in lukhup hmak a.

Ka pa in"mipa ang mai,kutthlak hi i awlsam thei lutuk,khatiangte chuan i nau hi ramtui lei lovin i awmtir anga sin,ngaihzawng thu hla avanga au chiam zel tur a ni lo,lo tho rawh chhung inkhawm kan nei dawn"thupe aw zetin a ti a.

Ninawm tun ang mood a chhung inkhawm neih te chu muangchang leh peihlo ru zeta khum atanga ka thochhuah mek laia ka phone a rawn rik avangin number pawh en lova lakang in"enge enge i sawi duh chu ni a?"aw vin leh thinrim tak maiin ka ti nghal a.

A rawn tawng lawk loh avanga off ka rilruk lai tak chuan"Diki ka tibuai che ni maw?"zawi sap leh inthiamlo aw taka Pastor Jacob'an a rawn tih ri ka hriat chuan ka meng phawk vak a.

"Jacob nangmah maw!ka tihpalh lutuk eng thil nge ni ta?Hruaitea a tha em?"ka tisap a.ka inthiamlo ru tak zet a ni,mipakhat chunga ka thinrimna avangin midang lehzel ka vin phah a.

"Bawiha bike lem in inah kan theihnghilh in kan hria a,minlo dahthatsak ula a remchan hunah kan lo lam mai ang"a rawn tih chuan phone hmang chunga ka room atanga tlan chhuakin"ka rawn pe mai ang che u,Pastor Quater in luah ang tiraw,intan a buaithlak lutuk ang,Bike lem chu eng rawng nge ni a?"ti zung zung pahin sitting room-a an thutna lai vel chu ka zawng kual nghal a.

Hmingmuan'an"hei hi mi i zawn chu"a rawn tih chuan lo laksak vatin"ka hmu e,ka rawn dah nge"tiin phone chu ka dah a.

"Rindik chhung inkhawm kan neih zawh hunah i tih tur chu i la ti dawn"ka pa in muang ban charha a rawn tih chuan thutna awl laiah chuan inkuangkuahin ka thu fel than nghal a.

Naaa ka nu Remlalhruaii ngei mai in hun a hmang leh dawn nia,a bei rei leh dawn si a,a van huphurh awm tak thil tih laklawh leh tih tur neih hi chuan thinrimthlak lamah a kal thin.

Ka rilruin hun hmang reilo turin ka lo tawngtai ru mawlh mawlh ringawt a.a tawngtai a kan chhungkaw hming leh awmpui mai bak kan ran leh thlai te chen a lam chuan Hmingmuana chu a dan pangngai tein ning tih hriat takin a ke chuan chuan chhuat a thai a tiri in chungin a thaw ri leh hak zel a.

Minute 25 hun hmang thin khan Minute 20 vel hun hmang nia,ka tawngtaina chhanin a awm e.

Rinfeli Scooty chahbi a awmna ka zawh chuan"i tlukpui leh palh ang,keiman ka lo hruai ang che"ti deuh hmukin a room atang chahbi chu a rawn la a.

Ka nu in"va reilo ula,chaw ei hun awmah chuan in rawn haw leh dawn nia,zan inkhawm te kan duh si a"a rawn ti lang lang a.

Garrage atang scooty a rawn kalhchhuah chu nuih tlawnin"i la thinrim reng mi?,naktuk-ah kawrthar ka leisak ang che"ka tih chuan rum zeta min rawn melh kawkin"khatin min tlawn ve ziah suh,second kawr bak min leisak leh chuang lovang,lo chuang vat la ni mai"a ti a.

Pastor Quater kawta Thlenga car inhung ka hmuh ka hmuh chuan ka thin a rawn phu nghal dawt dawt a,ngatinge tianga ka awm,thil sual ti niawm fahrana ka awm nachhan tur a awm lo,engmah tih dik loh ka nei hleinem tia in hrilh ruin ka thaw halh a.

Rinfel'in"Uthlenga a awm ve nih dawn hi,ti hian pawnah lo awm la keiman kan va pe zawk dawn mi?"a tih chuan Bike lem ka kenlai chu hum nghet sauhin"lokal rawh lut ang,Thlenga chu keipawn biak ka duh tho lawm"tiin kawngka bell chu ka hmet ri nghal a.

Kawngka ka pen luh rual chuan sitting room thutphah chunga Thlenga bawp khawkherh chunga tlangnel hmel taka lo thu a min rawn melh ngut a ka hmuh chuan ner sawk chungin ka hawisawn nghal a.

Pastor Jacob-a pa,Pu Zosangzual'an"Eee Diki lo kal rawh u,in va fel ve,Bawiha Bike lem chu in rawn dah a ni maw?"a rawn tih chuan bu nghatin Bike lem chu dawhkan chungah ka dahthla nghal a.

"Kan va haw lehnghal mai nge"ka tih chuan"ka thlah ang che"Thleng'an ka bana rawn chelh chungin a ti hmuk a.

Rinfeli en zauh pahin"Thlah kher kan ngailo,Feli nen scooty'in kan rawn kal a"tiin ka kut chu thin thlak ka tum a.

Kawngka ri deuh khak ka hriatna lam ka en chuan Pastor Jacob-a chu inbualna la reilo tih hriat tak maiin sam hnawng chhap chungin track kekawr leh tawnzau var ha chunga room kawngka bula ding ka hmuh chuan ka thaw halh a.

"In lokal a ni maw,Thingpui in in tawh em?"a rawn tih chuan Thleng'an"Kan va haw phawt nge"tiin min kaichhuak nghal a.

Kawngka kan chhuak fel chiah tih chuan rum zeta melh kawkin"min thlah rawh,i duh duha i hnuh kual tur ka nilo"ka ti chang fak a.

Ka thusawi ngaipawimawh lo zeta Rinfeli lam chu hawiin"i u nen hian Zotlang lamah kan kal lawk dawn nia"tiin a car chhungah chuan min nawr lut a tum a.

Ka theih tawpa ka kuta ka innem khalh lai tak chuan"Thlenga,khatin mi an tilui ngailo,tih luihna hmanga hmeichhia i khawih a nih chuan FIR an theh lut thei nia"Pastor Jacob'an a rawn tih chuan a hmel ka en vat a.

"Ka hria,i lo inrawlh ve kher angailo"ti hrawkin Car chhungah chuan min nam lut pawp a.pawn lam atanga kalhin Driver seat lamah chuan hmanhmawh zetin a rawn thu lut nghal a.

Motor Darthlalang chhan atanga Rinfeli leh Pastor Jacoba chu mangang deuh taka enin"minlo zui rawh u"ka ti vak a.

Thleng'an"min hlau a maw?engvanga danglam viau nge i nih?tia ka bana a rawn man beh chuan makti leh phawk taka en ha in"kei hi ka danglam a maw?i in enchiang ve lo mi?motor hi tiding rawh ka chhuk dawn,nang nen kan inbiak angaihna chhan ka hre tawh lo"thinrim aw khur hlawk hlawk a tichhungin ka kut lehlam chuan motor kawngka ka chelh nghal a.

A lama min pawt pheiin a mal chunga chuan min nam betin"LALRINDIKI"a tih rual chuan a ri bur a,ka ban leh mal a rawn thip zar bawk a.

Link:
BBcode:
HTML:
Hide post links
Show post links

Ngaia
Site Admin
Posts: 18379
Joined: April 30th, 2016, 4:07 pm

Unread post by Ngaia » April 23rd, 2017, 2:21 pm

JACOB LALRINDIKA-3

Postby Basta Tlau » Sat Feb 11, 2017 9:45 pm


Hlauthawng takaThlenga hmel ka en chuan ka hmai zawna rawn kunin"ka tihpalh lutuk,ka hmangaih che,hlim takin awm rawh"a tih rual chuan a bek atanga thisen rawn luang ka chhuak chu ka hmu nghal a.

Ka ban veilam a a bianga dawmin"Thleng kei pawn ka hmangaih che,i bek atang thisen a rawn chhuak a nia"tiin ka hmui pet chung leh mittui tling piau chunga ka tih lai chuan motor kawngka rawn hawngin Rinfel'in"in tha em awi ka duh thei lo"mangang zeta a ti ri ka hre nghal a.

Thlenga chuan ka bianga rawn dawmin a nui lui a"Jacob hian a mamawh che ni"tisapin a meng dul hnawk a.

"Nilo,Thlenga,Lalthlenglian tider ve ziah suh"tia thuchhuak hlawlin a nghawngah chuan ka kuah nghal thlawp a.

Min rawn pawm chhuak nawlhtu an awm avang chuan ka theih tawpa talchhuah tumin"min thlah rawh u,Thlenga min chhan rawh"ka ti vak vak a.

Rinfel'in mittui tla chunga ka bianga rawn dawmin"U khawngaihin hahdam takin awm hram rawh,Serkawn Damdawi inah kan kalpui ang che u"a tih chuan ka zawi nghal hnawk a,ka ral riai riai ni berin ka hria.

Ka taksa kham thum leh ka dang a ro huam huam avang chuan vai ruaiin ka mengchhuak a,thei leh thei lova ka lu ka tihchhet rual chuan ka nu in"Diki a rawn harh,Nurse lo en teh u"a tih ri ka hre nghal a.

Ka hmui tiche a"tui"ka tih chuan ka nu in a beng rawn dah hnaiin"engmaw han sawi tha leh teh"a ti vat a.

Ka theih ang tawka ringin"tui ka duh"ka tih chuan nurse pakhatin"i taksa kha tiche vak rih suh"tiin muchungin tui min rawn intir nghal a.

Ka duh tawka tui ka inzawh hnu chuan ka harh deuh sawng sawngin ka hria,ka nu chu enin"Damdawi inah mi ka awm?khawnge Thlenga kha"khum atanga thutchhuah tum chunga ka tih chuan min rawn nam mu vatin"bawihi, Thlenga chu ngaihtuah rih suh,i ban leh i mal an thuina an phelh fel hma chuan che vak suh"mittui tla chung leh hnuk ulh teuh chungin a ti a.

Ka nuin ka sama rawn chulin"bawihi,Thlenga chu tunah an vui liam mek ang,i that deuh hunah police ten in accident chungchang thuah thil zawh che an duh a,tha takin i lo chhang dawn nia,Jacob-a leh Feli pawn an thu hriat ang ang chu an hrilh tawh bawk a"a tisap a.

Police ho lah hi engvanga lo inrawlh hman ve ziah nge an nih?mi natuar hreawm laia lo tipun zawnga an khawsa thin hi chu ka hne ngawih ngawih.

Ka puansin lai theh hlim pahin nurse chu ka bana drip inkai chu min phawisak turin ka ti a,ka nu in"a tullo mu hle hle ringawt rawh"mangang hmel taka a tih chuan"engtia rei nge hetianga ka awm?Thlenga hmel ka hmuh tawpna tur a nih hi ka nu min dang suh"tiin khum atang chuan thei leh thei lovin ka thuchhuak a.

Nurse nu in"darkar 20 vel chu nikhaw hre lovin i awm?khawngaihin nangmah zawk hi in ngaihtuah rawh"a rawn tih chuan ka lu thingin"ka thei rihlo a ni,a ruang tal ka hmuh loh chuan ka thi ve mai ang"nghet charhin ka ti a.

Beidawng zeta ka nu in min melh vang vang hnu chuan"tikhan chesawn lovin lo awm tlat rawh,Doctor leh Nurse kan va dil phawt nge"tiin Nurse Station lamah chuan a kalphei nghal a.

Doctor'in"vui zawh ve leh rawn inhruai lut leh ngei ngei rawh u,engemaw thutah Nurse pahnihin an kalpui dawn che u nia"a tih chuan wheelchair hmangin damdawi in atang min nawrchhuak nghal a.

Ka thinlung natna lakah chuan ka taksa na hi chu nep te a ni.tawng lovin wheelchair-ah chuan ka thu ngawi reng a.

Thlenga te in Ambulance hmanga kan thlen chuan mi zawng zawng in min en thup ni berin ka hria,ka zak lova,ka zam eih bawk lo.

Ruang bula nurse in min nawr phei lai chuan Thlenga nu,Nu Rinpuii chu ringtaka tap chhuak hawm hawmin"Bawiha,i thiannu Diki pawh a rawn kal hi,ka fapa hlim takin lo kuah leh ta che"tichhung min rawn kuah thlawp a.

Ka taksa chu a rawn hik chhuak mup a,ka thil hmuh te nen lam chuan a thim vekin ka hria.

Nurse'in"Damdawi in lamah hruai let vat ang"a tih ri chu ka hre ruai a.

Ka harhchhuah leh chuan Damdawi in khumah ka mu a ni tih ka inhre nghal,Thlenga ka van ngai tak che em?ka damlo a ni tih hria la chuan engmah chhuanlam siam lovin ka kiangah nileng zankhua in i awm leh ngei dawn tih ka hria ni,mahse i hrethei tawh bawk si lo.ka mittui chu dan rual lovin a rawn luang zung zung a.

Engmah ka ei thei lova,ei chakna lah ka nei heklo,ka taksaah chuan damdawi chi hrang hrang hunbi neiin an rawn thun lut thin a,drip pawh min khaisak tlawn pat reng bawk a.

Damdawi in ka awm atanga ni nga na ah chuan ka nu in Deluxe room-ah min awmpui in khum pakhatah chuan a mu zal a,kawngka rawn kik ri ka hriat chuan chau zetin"lo lut rawh"ka tisap a.

Thlenga nu leh pa hmel ka hmuh rual chuan"Nu Ropui,khawngaihin min ngaidam rawh,ka thiam loh vek a ni"mittui tling piau in ka tisap a.

Ka dara rawn chulin"engmah thiam lohna i neilo,ka fapa khan a hmangaih tak zet che ni"tiin a bag atang chuan lehkhabu leh pen drive rawn phawrh chhuakin khumah chuan dim takin a dah a.

"i ta tur niin ka hria,Diki ka fapa kha accident lo mahse,brain tumour a neih avangin engtik hunah emaw chuan a natna avangin a boral thuai dawn,amah pawhin a inhriat lawk vang aniang heng thil zawng zawng hi a lo tih"a mittui hru pahin a tisap a.

Ka mittui kar atang Nu Rinpuii te nupa chu makti takin ka entawn lai chuan ka nu in"Pu Lawm ava mak awm ve,Thlenga chuan Brain tumour a nei tak tak amaw?"a rawn ti a.

Pa Lawma chu thaw hawk chunga a mittui hru zeuhin ka khumbulah chuan a rawn thu thla a,"keini pawn CT Scan test result kha Diki rawn haw ni khan kan hria a,min thawng khawp mai,thla hmasa vel atang khan luhai leh luakchhuaka awm zeuh zeuh a ching a,inzai thuai tura kalpui kan tum chuan a duh lo bur bawk si nen,Diki kan fapa avangin na hreawm tak i tuar a,keini chhung hi min ngaidam turin ka ngen duh che ni"aw dam raih a a tih chuan insut hraih chungin Pa Lawma chu ka melh ha a.

Nu Rinpui'in"Hruaite'an a ngai khawp mai che,ka ute nupa(Jacob-a nu leh pa)pawh an buaiin,an mangang tak zet a ni"a rawn tih chuan ka thaw halh a.

"A zialo khawp mai,engkim hi keima vang vek a ni in ka hria"ka tih chuan Nu Rinpui'in ka nghawnga rawn kuahin"inthiamlo duh suh,kan chunga Pathian remruat dan hi hriatthiam a harsat chang a awm fo nia,tha takin lo inenkawl la,i dam leh thuai mai ang,kan awmrei hman si lova,kan va hawsan rih phawt ang che u"tiin an dingchhuak nghal a.

Thlenga nu leh Pa in min hawsan hnu chuan Pen drive chu Laptop-ah vuahin ka en a,kan inngaihzawn tan tirh laia kan thlalak chi hrang hrang kan thinrim leh hlimlai te,ka lungngaih leh lawm lai a thla min laksak ho chu a lo dah teuh a,a tawp lamah chuan video ama inlak chawp niawm tak a lo awm a,sunday inkhawmbana a lak niawm tak a ni,a thusawi chiang taka vawithum ngawt ka ngaih thlak chuan"kei Lalthlengliana Sailo hian Larindiki Pachuau hi ka hmangaih tak zet a ni,mahse engang pawn hmangaih mah ila,nupa kan ni thei dawn lo tih ka hria,vawina ka cousin Pastor Jacob-a fapa in a rawn pan khan biakin chhung mah nise ka thinrim em em a ni,Brain tumour ka neih a ni tih ka inhriat atang hian engemaw hlekah ka thinrim hma em em a,ka huat thu a chhe hle bawk,ka hmangaih em em Rindiki nen hian khuanu remruat kan ni lo,ni ila chuan tunah hian ka tang belin fanau maltluan chawiin kan awmdun ngei tawh ang,kum nga chhung kan inzui tawh a, mahse nupa chu sawi loh sex pawh kan la hmangdun lo hrim hrim a ni hi,Bawihte i hnen sawi duh tam tak ka nei,he video leh thalak i hmuh hunah chuan kei chu ka taksa lei hnuaiah phumin a awm tawh ang,nang erawh ka lak atang i zalen thung dawn si a,pasal neiin hlim takin awm mahla,Hruaitea hi kan hmangaihin kan duat tlang a,chuvangin nang pawn duat takin lo enkawl hram ang che,i pasal ngaihthah chuang lo la,ka Hmangaih che Lalrindik"nuisak chungin a ti a.

Ka awm dawm vang vang chungin boruak ka hip kawk a,ka awih theilo ka chunga thil thleng hi engtinnge ka dawnsawn tak ang,a makin a rang tak zet a ni.

Ka nu in ka kuta rawn hmerin"bawihi i chunga thil thleng hi i tan a harsat tur zia ka hria,Thlenga hi theinghilh rawh ka ti hauh lo,mitthi a ni tawh a,ani nena in sulhna leh hmalam hun in lo suangtuah thin te kha chu i nun atang paih bo la,a eng zawngin thil i thir dawn nia,Pathian kutah innghat tlat la,amah engkim a rel fel sak mai ang che,hetianga i indawm kun renga engmah i ei that loh chuan i taksa tan a thalo,i hmaah eitur tha tinreng kan dah a,mithenkhat eitur leh intur hmu zo lo mi tam tak an awm,i vanneih zia in hria la,chuvangin i taksa hriselna turin thil ei lui hram hram ang che,i chhungte min tih mangan zual i duh loh chuan"a ti a.

Thlenga nen kan nunhlui te kha ka ngaihtuah reng tawh tur a nilo,engtikah mah lei hnuai an phumna atangin min rawn thlamuan thei lo,tun atang chuan keimah chauh ka inngaihtuah angai a ni.

Ka ban leh mal an thuina an phelh zawh chuan darthalangah ka inen a,Thlenga khan ka hmai a rawn hliah khuh hlauh avangin vanneihthlak takin ka hmai velah engmah pilh a awm lo hlauh,ka kut leh ka mal an thuina pawh a hil tha hle bawk.Doctor in ni hnih khat la awm tura min tih avangin ka awmna Deluxe bathroom-ah chuan inbual turin ka inbuatsaih a.

Ka nu in"bathroom chhungah khan inkalh hnan miah suh,ka awm dawn thova tumah an rawn kal lovang"a tih avangin thlamuang takin ka inbual a.

Ka inbualzo towel-a ka inhru tur chu bucket tui awm chhunga ka towel ka thlauh daih avangin ka nu chu au vin"towel dang kha min lo pe mai rawh,ka thlauh huh daih a,Nu ka ban hi a thip lutuk"ka tih zawh rual chuan Bathroom kawngka a rawn inhawng thuai a.

Ka hawichhuah rual chuan Pastor Jacob-a makti leh phawk zeta lo ding ka hmuh avangin te that paha banga bei vatin ka taksa hmalam chu ka inhliah kuh vat a."enge i hriat a,kalsawn vat rawh"thinrim biang sa hat hat chunga ka tih chuan mitmeng zim san a min en in"i ban chu engtinnge a awm a?"a rawn tisap a.

"Engtinmah a awm lo,kalsawn vat teh"ka ti vin hlar a.

Engmah sawi lova a kalsawn hnu chuan ka thaw nghal hawk a,tunah chuan towel pawh ka mamawh tawh lo,ka taksa rawn lum pup pup avang chuan ka ro vek tawh.

Thinrim zeta kawngkhar khara inkalh hnanin kawrfual dum ban bul ka ha nghal a,ka chuak mai ngamlo,ka zak lutuk,min hmu vek angem le?enge tun ani khan a rawn tih?ka lu chu thing nawk nawkin ka au nghek ringawt a.

Link:
BBcode:
HTML:
Hide post links
Show post links

Ngaia
Site Admin
Posts: 18379
Joined: April 30th, 2016, 4:07 pm

Unread post by Ngaia » April 23rd, 2017, 2:22 pm

JACOB LALRINDIKA-4
postby Basta Tlau » Sun Feb 12, 2017 9:38 pm


Batroom kawngkhar rawn kik ri ka hriatrual chuan ka nu in"Diki kawngka lo hawng rawh,engtin nge i awm?"mangang aw takin a ti chul a.

Van ninawm tak,ka nu vang vek hi a ni,ngatinge a lo kalsawn daih le?Zak ru tak chunga kawngka ka hawn rual chuan ka nu leh nurse duty pali kawngka bula lo ding thap ka hmu nghal a.

Nurse nu pakhatin"ngatinge i au vak a,damlo dang i ti hlauthawng hman tep alawm,engtin nge i awm?"a tih chuan Pastor Jacob-a ka mutna khum bula a kekawr ipte zen chunga ding chu melh zeuh in"ka tha,ka towel hman tur tuiah ka thlauh a,Nu khawnge i kalbo daih a?"ka tisap a.

"coffee ka zuk la lawk a"tiin Nurse pakhat lam chu a hawi a"a hliamah hian damdawi inlo hnawih that sak dawn mi?"a tih zawm nghal a.

Ka kutna lo lama ka sam hru pahin chair-ah chuan ka thu a,Pastor Jacob-a hmel pawh ka en ngamlo,min hmu ngem?tih ringawt ka ngaihtuah a.

Ka nu in"Jacob lo awmpui leh lawk rawh,chhang hmeh tur leh thildang kan mamawh dawrah kan zuk lei leh lawk nge"tiin a chhuak nghal a.

Jacob-a nen chauh kan awm hnu chuan a tu mah mah tawng tum lovin kan ngawi kar a,room chhung boruak chu nidang zawng aiin a ipik tak zet a ni.

Ka aw thian kharh pahin"min hmu em?"ka tisap a.

"AW"a rawn tih rual chuan phawk zeta en in ka ding hluai a"min hmu a maw!i van zaklo tak"vin zeta tiin ka sam hrukna towel chuan ahmaiah ka vawm pawp a.

"mitdel ka ni hleinem,bakah damlo buaipui ngai i ni a,i intina emaw ka tih vang alawm ka rawn kal,hlauthawng duh suh,tuma hnenah ka sawi dawn hleinem"nui suk paha tiin towel chu min rawn pe lehnghal a.

Rum zeta melh nghekin"Pastor pawh i nih ka ringlo"ka ti hmuk a.

Ka thutna piah chair-a thu thla pahin"He khawvel dan atang chuan ka ni ngei sia lawm,keipawn Pastor ka nih hi ka inring ngailo,collage ka kal thleng kha chuan engineer ka nih ka inring,mahse Pathian in a rawngbawl turin min ti ta si a nih hi"thu tak zetin a ti a.

Tawng tuma ka an rual chuan Nurse pakhat damdawi min hnawih tur kenga a rawn lut ka hmuh chuan ka ngawihsan ta zawk a.

Ka bana damdawi an hnawih zawh chuan Jacob-a lam ka hawi a,hmui chip hmak chunga minlo enin"ala na viau em?"a ti a.

Ka lu thing chungin"maimichhing lawk rawh"ka tih chuan angaihna hriat loh hmel takin min rawn en ha a.

Nurse nu in"a malah damdawi kan hnawih lawk dawn a,i hmuh a duh lo niang"nui hak hakin a ti a.

Phun sap chunga maimichhingin a kut pahnih chuan a mit a hup zui nghal a.

Damdawi min hnawih sak zawh rual chuan ka nu pawh a rawn thleng ve nghal a.

Pastor Jacob-a chu ding deuh hluaiin"kan va haw ve tawh nge,zaninah inkhawm a ngai dawn si a,Diki pawh a au rin theih danah a tha lam a pan zel turah ngai ang"nui suk chunga a tih chuan ka lo ner khum vak a.

Kawngka a hawn rual chuan Hruaitea chanchin engmah a sawilo a ni tih ka hrechhuak thut a."Jacob"ka tih chuan rang taka rawn hawi leta a mitko san ak pahin"umm"a tisap a.

"Hruaitea kha minlo biak rawh aw"ka ti a.

"Ole,Hruaitea pawhin a ngai khawp mai che"tiin a kalsawn nghal a.

Ka nu in"Hruaite'an heti taka a ngaina che hi,kan veng a mite leh nangmah hrechiang apiang ten mak an ti hlawm khawp mai"a ti a.

A tuk inrinni chawhnu lampang chuan ka nau Hmingmuan'an min rawn awmpui a,ka phone a games ka khelh tui lai tak chuan Thlenga thianpa Malsawmzual'an min rawn call chuan rang zeta ka lak rualin"Diki i tha em?ka buai thei lutuk a,ka rawn kan hman lawklo che alawm,ka thianpa Henry-a hmania Police thu rawn zawt tupa nen kan rawn kan dawn che nia,i damloh hmel chhiat lai ber pawn hmeltha a tih thu che a sawi a,lo be tha viau ang che aw"a rawn ti nghal zung zung a.

Hepa tak hi chu aw thawveng leh lutuk"Malsawmzual,kei hi zawrhlai ka ni emaw i tia law,Thlenga thlarau zah ve ta che,rawn kal hlek suh u"ka ti vin nghek a.

"Hey khatin min vin vak suh aw,kan rawn kal dawn tho tho,Henry-a hi a luck a nia aw,nangnu hian kan pastor hi i lo beisei zawk te a nilo maw?in chanchin an sawi nasa tlat"nui uar uar chunga a rawn tih chuan ka ner sawk a.

"Ka beisei bawk lo,Sawmek i chaklo dawn lutuk"thinrim zeta tiin Phone ka dah nghal a.

Engtinnge minlo sawi hlawm ang le?Hmingmuana lam hawiin"Pastor nen kan chungchang sawi an nei mi?"ka tisap a.

"Dawt thu bak an sawilo,U kan Pastor hi nangmah avangin a hmingchhe khawp mai,inngaizawng ang te leh in accident pawh kha an umzui vang che u nia sawi te an awm a,Ufeli phei chu a thinrim lutuk"lungnih loh hmel takin a ti a.

Message rawn thleng ka en chuan Malsawmzual'an"Henry nen kan rawn chho mek"tih a rawn thawn a.

Hmingmuana lam hawia mu tha in"ka muhil lawk dawn nia,nurse emaw doctor emaw mi tupawh an rawn luh chuan ka muhil tih sawi la,minlo ti harh suh aw"tiin bangkil lam hawiin ka maimichhing nghal a.

"Usawmzuala te vang ni maw,engtin emaw a rawn tiharh leh thovang che"nui huk pahin a ti a.

Police thu min zawttu hmel kha ka mitthla thei tawh hauhlo,engpawh chu nise ka mihring huat leh ka hmuh peih lo chi tak a ni ngei ang.

Kan room kawngka kik ri ka hriat chuan ka inhumruh nghal a, Malsawmzual'an"Diki chu ala muhil thei a ni maw,a inbual lohna a rei tawh awm si a,a mu uih vek tawh ang"a rawn tih chuan ka puansin lai chu ka hmer ngawt ngawt a.

A van chaklo dawn tak,Thlenga nen khan an inzui kumtluan chu a niawm si a.ani anga mihring chimawm hi ka la hre ngailo,huat tak tak theih ni bawk si lovin mi tih thinrim hi a hrat em em mai lehnghal.

Malsawmzuala bawkin"Hmingmuan in room chhungah hian tho an va tam em em ve ngatinge?"a rawn tih chuan ka insum thei tawh tlawt lo.

Khuma rang taka thu chhuakin"Sawmek chhuak nghal rawh"tiin ka lukhama vawm tumin ka tin uaih a.

Kawngka a rawn inhawn chuan ka nu leh Hruaitea rawn inpawm lut ka hmu a.

Nuisang chunga lukham dahthlain"Hruaite"ka ti vat a.

"A nu"ti chungin ka nu in a pawmna atanga chhukin ka khumah chuan rawn lawnkai a tum a.

"Bawiha damlo khumah chuan awm loh tur ka tih kha"Pastor Jacob'an kawngka a rawn pen lut paha a tih chuan bangkil lama tawlh phei pahin"lokal rawh,mahse inhlei lo la"ka tih chuan hlim tih hriat zetin a rawn lawnkai vat a.

"I fa mi a?"rawn tiri ka hriatna lampang ka hawi chuan Malsawmzuala thianpa Henry-a a ni tih ka hre nghal.

"Ni e"nuisanga tiin Hruaitea samah chuan ka chulsak heuh heuh a.

Pastor Jacob'an"Diki"aw chhang faka min rawn melh kur chunga a tih chuan ka nui luisak ringawt a.

Ka nu in"Henry nang i ni maw?i va ti tha ve"kan boruak tihzangkhai tum tih hriat zeta tiin a chibai a,an lo inhria ni maw.

Sawmzual'an"min kalpui turin ka sawm a,Nu Hruai kalna tur dang kan la nei si a,nidangah kan rawn kal leh ang,Henry kan chhuak dawn mi?"tiin a ding zui a.

Henry'an chiang zeta Hruaitea nen min en vung vung hnu chuan phun deuh hlukin chungin a chhuak nghal a.

Pastor Jacob-a hmel ka en chuan pawi tih hmel taka a lu tuai chungin a lo thaw hawk a.

Hruaite'an"a nu i damlo nasa viau mi?"tichunga ka malchunga lawnkai a tum chuan A Pa in"i tinat belh nge,awm hle hle rawh"vin zeta tiin a banah a rawn man bet nghal a.

Hruaitea chu ka dara rawn beiin a tap hliam hliam a,maimichhing sawk chunga a hnunga chulsak heuh heuhin"tap tawh suh le,Bawiha tunge vel che,keiman ka chhan zel tawh ang che"ka tisap a.

Hmingmuan'an"Hruaite,sangha i hmuh em?"a rawn tih chuan a tap bangin a lu a bu nghat nghat a.

"Lokal rawh,inhnuai lamah ka enpui ang che"tiin a rawn pawm sawn a.

"A nu,lokal ve rawh"a tih chuan A pa in"a ke a na lawm,khawiah mah a kalsawn thei lo"a lo ti a.

Ka nu in"Henry-a ve teh tlat kha a va mak ve,Bawihi in inhresa a mi?"a rawn tih chuan ka lu thingin"ka hre ngailo,Sawmzual'an a rawn kalpui mai mai nih kha"ka lo ti nghut a.

Ka nu in"Jacob-a hi naktuk ah Khawthlang lama thusawi turin an sawm a,zanin chu Damdawi inah kan riahpui mai dawn mi?in lamah api leh pute kiangah a awm thei bawk si lo"a rawn tih chuan"Jacob i phal mi?"phawk zeta en chungin ka ti a.

"Tih ngaihna a awm ngang lo ni,tunah boruaka han hruai chu a tih chi bawk si loh,Diki i nat belh ang tih chu ka hlau khawp mai,zanah hian alam fo thin che a"a tisap a.

Lalpa lehh a van mak ve,kei hmeichhe thin chhe tak hi Naupangin minlo ngai ve a maw!"tha takin ka lo enkawl ang,lo ngaituah suh"thaw hak chungin ka ti a.

Ka nu in"Hruaitea thawmhnaw motor-a kan dah khu kan zuk la lawk nge"tiin a chhuak a.

"Diki i ngaihtuah awm daih zawk,ka fapa hian i hliam te kha a tih khawlo sak palh ang che tih ka hlau a ni"aw zawi fiah taka a tih chuan ka lo melh ngawt ngawt a.

Ka awmdan hi a diklo a ni,ka thinphu rang lutuk chu ka tan chelh beh zawh rual a ni lo.hetiang ang hian ka awm ta fo mai,Thlenga kiangah khan hetiang hian ka awm ngai bawk si lo,Lehkhabu leh flim vela a changtunu ten a changtupa bula an awmdan an sawi ang hian ka awm ni,a ni thei lo,dawt vek he Pastor ai hi chuan Thlenga kha ka duh daih zawk tiin ka inhrilh a.

"i tha maw?"min ngaihtuah hmel taka a rawn tih chuan ka bu nghat a.

"min ngaihtuah a ni tiraw?"ka bianga rawn chul paha a tih chuan phawk zeta en chho ha in"enga?nang hi"aw lawi zeta ka tih rual chuan rawn kun hniamin ka hmuiah tak chiang zetin a rawn fawp vang vang a.

Ka taksa pum chu a mur sung sungin ka hria,nuisuk chunga a hmui a laksawn pawh chuan chet ngaihna reng ka hrelo.

Ka lak atang a mit lasawn chuang miah lovin"i hmui chu a thlum tui khawp mai"khumbul chair-a thu thla paha tiin a thensak a.

Huiham lo dang tur ka ni asin le,engatinge khatianga min rawn fawh ve ringawt a nupui leh bialnu pawh ka ni tawp si lo.

"chhuak rawh,ka hmui hi duh duha fawh tur emaw ti miah suh,Pastor suak i ni"aw khur dar dara tiin khumah chuan ka inlukhup nghal a.

"Pastor te hi engangin nge min ngaih a?mihring pangngai ve tho kan nih hi,lo inenkawl tha ang che,zanah ka rawn bia ang che"a tih zawh rual chuan kawngka ri ka hre zui a.

Ka a thei takngial dawn,Thlenga boralna karkhat liam hma in mipa dangin min fawp a maw!rapthlak hian bathroom chhungah lutin ka hmui chu tuiin ka va sil nawk nawk a,towel-a ka inhruk lai chuan ka nu chu rawn inkhai bawr lukin"Bawihi,i tha maw?Jacob-a kha a va hmanhmawh teh thut ve,ngatinge maw ni le"a rawn ti a.

Ka chhang peih thlawtlo,an mahni vang vek a ni,helai hmunah rawn kalpuiin kan pahnih chauh khan min hnutchhiah lo se la chuan tiang thil kha a thleng lo tur.

Hmingmuana leh Hruaitea rawn inkai lut ka hmuh rual chuan"anu sangha tam tawk ka hmu"tiin Hruaitea chu frooti bur keng chungin ka bulah a rawn tlan nghal a.

He nau hi chuan ka thinrimna zawng zawng thawk leh khatah a tibo vek thei ni berin ka hria.

"I ril a tam em enge i ei duh"ka tih chuan Hmingmuan'an "dawrah chow ka eipui a,a ei hnem lutuk"a lo ti vat a.

Ka nu in"zanin chu inkhawm banah committee kan nei dawn a,Fel'in a rawn riahpui ang che,in buai deuh leh min rawn hrilh dawn nia"a ti a.

Link:
BBcode:
HTML:
Hide post links
Show post links

Ngaia
Site Admin
Posts: 18379
Joined: April 30th, 2016, 4:07 pm

Unread post by Ngaia » April 23rd, 2017, 2:23 pm

JACOB LALRINDIKA-5
postby Basta Tlau » Mon Feb 13, 2017 8:01 pm
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Chawhnu lama Ruati leh mimi'in min rawn kan chuan mak tih hmel takin Hruaitea khum pakhata toys chi hrang hrang a khalh chu an en ha a.

Ka nu in"in rawn kal hlauh chu ava han tih zia ve,Rinfeli lo kal hma chu tikhan lo awmpui rawh u aw"tiin Hmingmuana nen an chhuak nghal a.
Ruati chu ka bula rawn thu thla in"awi leh Hruaitea hian a nu emaw a ti tak tak che mi,Pastor-a hi tunlai chu damdawi in lamah nangma vangin a rawn kal ngun riau an tih hi dawt a nilo ni maw?engatinge engmah min hrilh lova"lungawiloh hmel taka min melh chungin a ti a.

"Vawi hnih bak a rawn la kallo,a hrim hrim in miho hian thil an sawi uar thiam ve hrim hrim alawm,an buai lohna tur thilah an rilru an ti hah peih hlawm ngawt mai"ka ti hlak a.

Mimi'in"pan lo vah tho a fuh ngailo an tih kha,nangni inkarah hian engemaw tak a awm niang,in accident ni pawh khan a ngaihtuah vang che ni lawm ni a rawn zui che"sawi fuh intih hmel zeta a tih chuan ka melh kawk a.

"In hriat ve tho kha,Thlenga nen kan inti thiamlo tih,Brain tumour a nei tih lo hre lawk ila chuan khatianga a awmdan pawh kha ka dawh hle hle mai tur ania,a mizia inthlak khan min ti hlau em avangin a motor-a min chuan pui khan Ka nau leh Pastor kha min zui turin ka ngen alawm"ka mittui hru chungin ka tisap a.

Mimi chuan ka dara rawn kuah vatin"ka tihpalh lutuk"a lo ti vat a.

Hruaitea chu ka bula rawn kalin"a nu i damlo mi"tiin minlo en kiau reuh a.

Ka lu thinga nui lui sangin"tap lova,lokal teh ka lo pawm ang che"tiin ka kuah a.

Thlenga nu leh pa in pen drive min pek Ruati leh Mimi laptop-a ka entir lai chuan Hruaitea nen ka phone-a Rhymes ka download thar chu kan en ve thung a.

Mittui hru mawlh mawlh Ruati chu kan lam rawn hawiin"he khawvela mipa te hi Thlenga ang vek ni thei sela,mahse ani chu mitthi a ni tawh a,hun liam tawh hnu avangin kan indawm kun tur a ni lo,bialpa tha tawk i nei leh mai ang,i luck em mai,thiannu zanin chu kan lo riahpui ang che,i nau chu phone la,rawn kallo turin hrilh rawh"a ti a.

Ner sak chunga an pahnih a enin"ka pasal tur bak ka ngaizawng tawh dawn lo,in lamah in buai lovang maw?ka tan a nuamlo nia"ka tih chuan Mimi'in"buai loh tak tak a awmlo,kan duh angin kan rawn kan thei lo che a,hreawm kan ti lutuk,chuvang chuan Zaninah kan riahpui ang che"a ti a.

Ka rinphak leh beisei ai daihin Hruaitea pawh enkawl a nuam,ka thiante pahnihin an chhawn chhaih paih bawk nen,ka hlim tak zet a ni.


Ka rilruah Pastor Jacob'an ka rawn bia ang che a tih leh min fawhlai kha ka ngaihtuah reng a,midang an muthilh hnu pawn ka la meng kiau a,ka bula Hruaitea mu bianga ka fawhsak zeuh lai chuan ka phone message tone a rawn ri a,Pastor Jacob-a number atang ani,message ka chhiar chuan ka nuisak a"ka fapa leh anu chu an muhil tawh em?nge an buai viau zawk"a rawn ti a.

Vawi nga vel ka chhiar hnu chuan"kan tha e,i chau em"tiin ka reply a.

Min rawn reply tawh dawn lo emaw ka tih hnu chuan"min ngaihtuah mi?Hruaitea ti harh lo tur khan kal hrang lawk rawh,video call in ka rawn bia ang che"tih min rawn ka hmuh chuan thawm dim takin pawn corridor englaiah chuan ka chhuak a.

Min rawn call a ka pick up rual chuan"ka fapa nen khan ka ngai khawp mai che u"a ti nghal a.

Awi lehh min tizak thei takngial dawn alawm,ka hmai sen tan tan chu a hmuh loh hram ka beisei.

Rawn nui hak chungin"i zak a ni maw?Bawiha chuan a tibuai ngawtlo che maw?"a ti lehnghal a.

Ka lu thing pahin"min tibuailo,a fel lutuk,ka thianten min riahpui a"ka tih chuan"tu i thiante"rang zetin a rawn ti hmuk a.

"I hre lovang"pangngai taka ka tih chuan"mu tawh rawh,a tlai tawh"tiin kan inbiakna chu a ti tawp nghal a.

Teh thu chuan khatiang te lek sawi a duh vang khan pawnah min chhuahtir a maw?ka phone chu melh ngawt ngawt pahin ka tawng tuman an hre dawn chuanglo tih hre tho mah ila"min rawn be tawh bawk suh"tiin ka phun hluk a.

Inchhung lama thawm dim taka let lehin Hruaitea bulah bawk chuan ka mu leh a.

Hruaite'an"anu ka zun a chhuak"tia min rawn sawi chuan ka mengchhuak vat a,Ruat'in"Hruaite keiman ka lo zun tir ang che,Diki kha a inhliam palh ang"tiin Bathroom lamah a pawm phei nghal a.

Mimi'in"Pastor-a hian a rawn be miahlo che mi?"a tih chuan"bia e"tisapin ka maimichhing lehnghal a.

"Engtik khan nge a rawn biak che a?enge a rawn sawi,in in be rei em?"a rawn ti hluai chuan"i van dilchhuat tak kan inbiakna ka record lova,engmah ka hre tawh lo,ka mutchuak nia min be reng suh"tiin bang kil lam ka hawisan a.

"I van sual reuh tak,ka hre ve chak a ni mai lawm,Diki ani tluka pasal tlak tun ang laiah an awm tawh pawn ka ringlo,bem chhin rawh"a rawn tih chuan "i duh a nih te chuan nangman bem la,ka duh awkawng lo,bakah Pathlawi nei turin ka inphal lo hrim hrim"ka ti vin hlar a.

Ruat'in Hruaitea chu bathroom atanga rawn pawm chhuak pahin"in thusawi a ho e mai,muthilh tum leh rawh u,hei Hruaitea pawh a mut a la chhuak lutuk"tiin ka bula rawn mut tir lehnghal a.

JACOB(POV)

Lalrindiki hian ka ngaihtuahna a tibuai tak zet a ni,engtia awm tur nge ka nih tih pawh ka inhrethiam tawh loh avangin ka tawngtai leh ta a Ka rilru puthmang leh awmdan hi Pathian bak min hriatthiam puitu an awm ka ringlo,ka nupui boralta Lianpuii nen khan inngaihzawnna awm lovin kan nu leh pate remruatna angin Pastor ka tan hlim in nupa ah kan insiam a,nupa pangngai tak kan ni ve chuan ka hria.mahse mak ka tih ruk em em chu kan inneih zana nupa nun kan hman kha a ni,ka tan hmeichhe hmasa a ni a,ani tan erawh a hmasa ber ka nilo.a pawilo a tunhma nundan ka tan hriat kher a tulna a awm lo,Pathian hmaah nupa ni turin kan intiam tawh a,chu thutiam chu bawhchhiat ka tum hek lo.

Lianpui chuan Nau a neih hnu lawka kan fapa nen chauh he khawvela min hnutchhiah khan ka rilru a na em em a,Pathian hnenah nasa takin ka tawngtai reng bawk a ni.

Fapa mal ka ni a,ka nu leh pa ten min enkawl dan hi ka chhuang tak zet ani,an ni hi awmlo sela chuan tun thleng hian Pastor hna ka chelh theih pawh ka inringlo.

Ka pa Zosangzuala hi High school-ah zirtirtu hnathawkin a awm a,ka nu Lallianmawii hi chu accountant hna a thawk bawk,mahse ka nupui in min boralsan atang khan ka nu chuan a hna bansanin ka fapa Lalhruaitluanga hi min enkawlpui ta a ni.

Ka chhungte leh thianten nupui dang nei leh turin min ti fo a,ka nuih liampui mai mai zel,ngaihzawng hi vawikhatmah ka la nei ngailo a,ka neih theih pawh ka inring hek lo,ka phone-ah hian number hrang hrang atang tlangval tam tak aia min duh thu leh ka hmeltha an tih thu message ka dawng leh nawlh zel a,a tirah chuan an rawn tisual a nih dawn hi ka ti rilru a,chutiang message ka dawn ngun tak hnu leh present eng eng emaw perfume,necktie clip,hair gel leh rawmawl te chena ka dawn hnu chuan kei hi min ngaizawngtu an awm a ni tih ka hria,chungthil chu ka ngaihven zawng a ni lo,inah awmin bible leh General knowledge atan internet lamah te lut ila,anih loh pawhin keyboard tum mai mai ila a nuam ber.

Inrinni zan kan inkhawm ban hnu chuan ka Cousin Thlenga chu kan Quaters luah ah rawn lengin kan titi mai mai a.

Nidang zawng ai a awmdan a cool riau vin ka hria."ka thi tep tawh in ka hria,ka bialnu Diki te ina len pawh ka huphurh,vawin khan a rawn haw a"a tih chuan nuisuk pahin"Pathian i thih chu ala phal lawk bik lovang,nidangah I bialnu te inah chuan ka la lenpui ang che"ka tisap a.

"Diki nen hian nupa lo ni hman ila a tha tur,anih loh pawn sex vawikhat tal lo hmanpui ve ila"thu tak zeta a tih chuan nui hawk chunga a bana hnek sakin"chutiang thil sawi ri tawh miah suh,nupa in nih hunah sex te chu in duhtawkin in la hmang dawn nia,va hawng tawh rawh,naktuk ka thusawi tur atan inbuatsaih ka duh"ka tih hnu chuan min hawsan a.

A tuk kan chaw eilaia ka fapa in"Papa nizanah anu ka hmu asin"a rawn tih chuan kan awih loh em avangin ka nu te nen ka nuih liampui ringawt a,a nu thlak hmuh theih in khawiah mah kan tarchhuak lo hrim hrim a ni.

Thusawi tura ka dinchhuah ruala Ka fapa leh nula pakhat inpawm ka hmuh chuan ka thaw halh a.ka thusawi pawh nidang zawng ai minute nga in ka sawi reilo.

Inkhawm kan ban hnu pawh chuan ka mitthla ah Ka fapa pawm tunu hmel ringawt a cham a,fellowship neih na an dintir chuan ka hmingpui leh Thlenga Bialnu ngei a ni tih ka hre nghal,Thlenga chu a vanneih bik ngawt mai.

Fellowship bana ka phone ka en chuan ka nu in"Pu Duhawma te inah kan awm,Hruaitea hi a tlei lo lutuk a"tih min rawn thawn ka hmuh chuan hawikualin Thlenga leh a Thiannu Diki te awmna lam chu ka pan phei a.

Thlenga awmdan leh tawngkam hman vel dan chu mak ka tiru khawp mai,nakinah a falin a awmdan a mawilo tih ka hrilh ngei angai.Diki nena kan inchibai lai chuan mak tak maiin ka chhungrilah ka hlim ru veng veng ve ringawt a.

Ka awmdan hi a tha dawnlo tawp mai,ka unaupa bialnu hi ka lo ngaihven ve chiam a tulna a awmlo,mahse a hmel hi hmuhnawn leh chu ka duh a ni.

Kei leh keilo angin Pu Duhawma te ina ka kal tur chu nidang zawng ai ka huphurh thar riau a.Diki nu leh pa an ni tih ahma pawn ka hre tawh a,tun atak a hetia han awm chu a tul lo khawp mai.

Ka fapa hian ngatinge Diki hi anu emaw a tih tlat le,Thlenga tan leh Diki tan a nuam lovang,a bikin Diki tan hlei hlei a zahthlak dawn tih ka hria,nula hmeltha tak a ni a,naupangin"anu"tia mi zinga han auh kha atan a zahthlak viau ang.

Diki te in atanga kan haw motor ka khalh lai chuan ka nui leh suk zel a,a chezia leh awmdan kha a lawmawm reuh hle mai.

Ka nu in"Jacob i motor khalh lai kha ngaihtuah rawh,Diki kha Thlenga thiannu in sawi fo kha ani tiraw"a rawn tih chuan ka bu nghat a.
*
*
Kan Quater luah atanga Thleng'an thinrim tih hriat zeta Diki a kaihchhuah chuan ka pa in"va ngaihven rawh,Thlenga awmdan kha a thalo nia"a tih chuan ka chhuak ve nghal a.

Thleng'an motor a chak taka Diki a tlanpui lai chuan ka hlauthawng em em a.Rinfeli scooty chu kalhsakin an hnungah kan umzui ve nghal a.

Thlenga Motor'in ko bang a sut dawt rual chuan ka mengphawk vak a.motor dang lo tlan mekte pawh chu dingin an te teng tung a,hmanhmawh taka tlan phei inThlenga Malchunga Diki thi hnuanga awm chu ka pawm chhuak nghal a.

Mi pakhatin"motor khalhtu zawk hi chu a chatthla fel tawh nih hi"a tih chuan hmanhmawh takin car pakhat chhungah chuan Diki chu ka hlang nghal a.

Thlenga ruang kan sawngbawl lai chuan Police te leh kan chhungte pawh an rawn thleng ve a.

Thil awmzia ka hriat ang ang police bula ka sawi hnu chuan Thlenga ruang chu an inlamah ka chhukpui a.
Ka ni te nupa(Thlenga nu leh pa)chu ka khawngaih tak zet a ni,han hnem vak ngaihna ka hre bawk si lo.

Thlenga ruang chu a vuitu tur ka ni tih ka inhria,mahse ka tan a harsat em avangin Pastor Pension pakhat chu ka ai awh turin ka ngen ta ringawt a.

Thlenga boral atanga Ni li na ah chuan an inah kan va leng a,zung tura bathroom lam ka pan chuan an lo awm avangin Thlenga room lamah ka chho ta zawk a.

Ka zung zo darthlalang hmaa ka inen lai chuan Thlenga Laptop-a pen drive invuah sa ka hmuh chuan ka mit a lak em avangin kan enchhin teh ang tiin laptop chu ka on nghal a.

Thlenga leh Diki thlak dunna hlir a ni,engtin nge hetiang dah nachang a lo hriat theih zawk.Brain tumour a nei tih a inhriat vang kha a ni thei angem?ka pa chu rawn dakin"Hruaite'an a zawng che nia,hetah enge i lo tih reng a"tiin ka thil enlai chu a rawn thlek a.

Engmah sawi lova a kalchhuah hnu lawkah chuan kan chhungte dang nen an rawn lut khawm leh nghal a.

Ka ni in"ehe Jacob kha thil kha ka lo hre miah hleinem,awi bawiha tu tal min han pe hman la ka van ti teh lul em"a mittui hru chunga tiin ka bulah a rawn ding ve nghal a.

Video ka en chu mak ka ti khawp mai,Thlenga hian engemaw a hriat le?Hruaitea nu ni turin a bialnu leh a duh em em Diki a duh a maw!engang mipa nge maw a nih le?ngawi renga ka thawhsan lai chuan ka ni in"Jacob,i rilru tihah vak duh suh,Bawiha thil sawi kha chu ngaithlak liam tawp i tum dawn nia"a rawn ti a.

Sitting room lam pana ka kal lai chuan Ka fapa in"Papa,anu hi khawnge a awm bo daih a,ka ngai tawh e"ka kuta rawn chelh chunga a tih chuan thaw hawk chunga pawmkang nawlhin"a damlo ka tih kha,a dam deuh hunah kan hmu dawn nia"ka tisap a.

Damdawi ina Diki kan tura ka kal chu engemaw ti takin ka huphurh a,ka hmu chak deuh tho bawk si.ka ngaihtuahna a luah reng hi engvang nge niang.

A room chhunga ka luh rual chuan a nu in"i lokal hlauh chu ava tihzia ve,coffee ka lak chhung lo awm lawk rawh,ka rei lovang,bathroom-ah Diki a awm nia"tiin min chhuahsan nghal a.

Reilote hnu ah bathroom atanga Diki tawng ri leh a ban a na tih a sawi ri ka hriat chuan hmanhmawh takin bathroom kawngka ka va hawng a.ruak vek Diki ka hmuh chuan ka hamhaih kher mai,awmdan tur pawh ka hrethiamlo.ka sa pup pup ni berin ka hria,ka nupui ruaka a awmlai ka hmu fo va,mahse tun ang hian ka la awm ngai hauh lo.

Damdawi in atanga ka haw hnu thlengin ka mitthla reng a,kei hian engthil nge ka ngaihtuah tak mai le?Lalpa i tanpuina ka mamawh tak zet a ni,i rawng ka bawlna kawnga min hnuk hniam thei apiang chu min paihbo sak turin ka ngen che a ni.

Zan ka mut hmunah te thleng chuan Diki hlir ngaihtuahin ka in let kual sek a,ka nupui takngial pawh ka ngaihtuah ngailo asin,ka fapa in heti kawpa alo ngai pawh hi ka hrethiam ta kuar mai.kei hian ka fapa zawk ka chhun zo tawh a niang,nilo kei pathlawi hian ani nula hmeltha tak saw ka buaipui tur a ni lo,ani chuan tlangval tha tak a phu a ni.mahse pasal neita se kei leh ka fapa hi engtinnge kan awm tak ang,Pathian kuta in nghah bak tih theih ka nei lo.

Ka room kawngka kik ri ka hriat rual chuan ka nu in"Jacob kawngka lo hawng lawk teh"a tih chuan boxer leh tawnzau ha chungin ka va hawng a.

Ka fapa tap pur mai pawm chungin"Hruaitea hi a manganthlak e mai,Diki a ngen reng a,nangman engtin emaw tak lo thlem rawh"a tih chuan lo pawm nghalin"bang tawh rawh le,naktukah i nu chu kan va hmu dawn nia"tiin ka khum zau tak chungah chuan ka mutpui a,engtin tin emaw kan inthlem lungawi thei ta hram a.

Lungsen lama thusawi tura min sawm avangin ka nu leh pa te chuan Diki chhungte bia in rem an ruat a.Diki bula a awm chuan a ngaihtuah awm dawn lo tih ka hria ni.

Diki pa,Pu Duhawma nen Lungsen lamah kan inphur thlak chuan kawng tluanin Diki hlir ka ngaihtuah a,ka nupui nen kan infawp fo mahse Diki hmui kha chu a tui bik a ni,a thlum dek dek ni berin ka hria.

Thlenga thianpa leh Mipa Pakhat Diki room-a ka hmuh khan hlauhthawnna nasa tak ka nei a,kha ka hlauhthawnna kha khawi atanga lo chhuak ve ngawt nge a nih?

Ka thusawi tur ka inpuahchah zawha mut ka tum chu Diki phone ka tum uk uk a,mahse ka fapa nena an muhil lai ka tibuai ka hlau ru bawk si,min rawn chhan phut let kher lovin message ka thawn ta ringawt a.

Min rawn reply ani tih ka hriat chuan nui deuh suk a en a.

Video call hmanga kan inbiak laia a thianten an riahpui thu a sawi chuan ka thin a rim thut avangin kan inbiakna ka ti tawp nghal a,a thiante chu tute nge maw ni le?mipa nge hmeichhia?ka fapa kha a enkawl tha ngem?thinrim tunin khumah chuan ka inlet tawn sek a.

Diki kiangah ka fapa a mu ngem le?nge khum hranah zawk?ka fapa chu a awhawm bik kher mai,room khatah an mu tlang ngei awm si a.

Ka phone ri in min tiharh chu ka duhlo ni,min rawn call tu number ka hriat rual chuan ka inperh tho a.

Link:
BBcode:
HTML:
Hide post links
Show post links

Ngaia
Site Admin
Posts: 18379
Joined: April 30th, 2016, 4:07 pm

Unread post by Ngaia » April 23rd, 2017, 2:24 pm

JACOB LALRINDIKA-6

tby Basta Tlau » Wed Feb 15, 2017 5:04 pm

Phone ka pick up rual chuan ka fapa aw in"Papa eitur leh toys tam tawk min lo hawn rawh aw"a rawn ti nghal a.

Nui suk paha thaw hawkin"tehreng mai,anu thuawih tak khan lo awm rawh aw?mumangte kha i nei em?"ka tih chuan"anu bulah ka mu a,ka muhil nasa lutuk,mumang chuuu ih ih ka nei miah lo"a ti a.

"Bawiha I nu kha phone pe lawk la,kan lo bia nge?"ka tih rual chuan"anu,Papa'in a be duh che"a ti ri ka hre zui nghal a.

"Enge ni ta,Bawihtea hian a harh rualin i hming a lam a,chuvangin ka rawn biak tir tawp che a nih kha"inthlahrun hmel taka a Dik'in a rawn tih chuan"ka lawm e,awmlo la chuan ka zin theih kher pawh ka inring lo"ka tisap a.

"i van ti zahthlak tak,Bawiha hi awmlo sela chuan..,awi lawk aw,Bawiha ek a chhuak niang,a tih rual chuan hmeichhe pakhat aw hian"Lalrindik engtin nge ka ek tir dawn,a kekawr ka hlihsak vek dawn mi?"a ti ri ka hriat chuan Dik'in"i hlihsak lovin,bed pan ah nge?commode-ah i ek thin,bawihte"mangang hmel taka a ti ri ka hriat chuan nui hak chungin phone ka off a.

Hmeichhia an ni a,naupang ekchhuak chu an thiam dan ang angin han buaipui ve teh se.

Inphihfai tura ka mutna room atanga choka lama ka phei chu ka bulah Pu Duhawma chu rawn kalin"zing tawngtai inkhawmah ngatinge Pastor hi an ti luai luai a,i damthat loh thu leh zan i mut that vak loh thu ka sawi nia,dar nga pelh thleng ka nghak che a,i rawn tho chhuak thei bawk silo"a tawng chu midangin an hriat hlauh hmel takin a rawn ti a.

"A zialo hle mai,thawh ka hai khat tehreng nen"tiin bathroom-ah ka luhsan a.

DIKI(POV)

A van hahthlak thei tak em?ngatinge ka nu emaw Jacob-a nu tal khan min rawn riahpui loh,ka thian nula te Pahnih nen chuan Hruaitea ek chhuak ringawt avangin kan ri teng tung a,commode chunga Ruat'in pawm chunga ektir a tum chuan duhlo tih hriat takin a rawn talchhuak a.

Mim'in steel bed pan a rawn laka ek tir a tum chuan mittui tling piau chunga min rawn melh kiau pahin"anu ka ek a chhuak tawh"a ti tuau a.

Ruat'in"engtinge inah an ektir dan an hrilh lo che mi?"thinrim hmel zeta a rawn tih chuan Hruaitea bula thu thla in"engtianga ek nge i duh,diaper i hreng thin mi?"ka ti a.

Commode chu kawkin"keimahin ka e thin chuan papa in min tifai thin"a tih rual chuan Ruati chu rawn dingchhuak nghalin"atir khan sawi ve nghal mai awm,lokal rawh u,hetianga a ek chuan kan awm ve a duh lovang"tiin bathroom chhung atang chuan kan chhuak nghal a.

Kawngkhar kan khar fel deuh chiah tih chuan"Anu ka e kham"a rawn ti lang lang a.

Mimi'in"a ko che nia,nangman a mawng chu va sil sak mai rawh"a lo ti nghal a.

An pahniha melh tawn sekin"ka thiam teuh lo mai,ka ban a nat hi,nangman nin va ti ve mai ula"ka ti chuan Ruat'in"va sil sak mai rawh,keini pawn kan thiam bik lo,nau ek khawih ka peih loh vang nih hi tun thlenga pasal nei lova ka la awm"mitko san ak chungin a ti a.

Rum zeta an pahnih melh hrawkin"damlo riahpui tlak pawh in nilo,haw daih rawh u"ti hmakin bathroom chhungah ka lut a.

Thaw halh paha Hruaitea bula thu thla in"bawihte,Papa chuan i mawng engtin nge a tihfai thin"ka tih chuan tui no kawkin"ka kutah a leih thin"a ti a.

A kuta tui leihin amahin a mawng chu a tifai reuh a,ka leih laklawh lai chuan bang kila lifebouy hand wash ka dah chu kawkin"anu khi khi"a tih chuan ka pe nghal vat a.

Minute nga dawn kan inbuaipui hnu chuan toilet atang kan inpawm chhuak thei hram a.

Mimi'in"damlo chung pawn nau mawng sil chu i lo thiam khawp mai"a tih chuan"amahin alawm a insil,ka check vek a insilfai lutuk,an enkawl tha riau aniang"tiin a kekawr chu ka hak that tir a.

Ruat'in"an enkawl uluk khawp mai,heta an riahtir pawh hi thilmak tak a ni.Anu tia a koh che hi lawm hle rawh,mi tam takin a awt lutuk che nia,chung zingah chuan Mimi pawh hi i chhiar tel thei ang"nui hak hak chungin a ti a.

"Lalruat min sawi lan kher a ngailo,Diki kan Pastor hi Thlenga nen an inang sia,i star ve thovang tiraw"a rawn tih chuan"chutiang thil sawi reng suh u,Hruaitea hian a hrethiam ve vek nia"ka lo ti hmak a.

Chawhnu lama ka chhungte leh Jacob-a nu leh pate an rawn kal lai chuan paper pakhatah Hruaitea nen A,b,c leh number ziakin kan inzirtir mek a.

Jacob-a nu in"a tibuai riau lo che maw?a rawn tih chuan Hruaitea sama tuaisak pahin"Bawihtea hi chu a fel lawm,min tibuai lo hrim hrim,ani lawm ni"tiin a biangah ka fawhsak lehnghal a.

A lu bu nghata a pi leh pute chu enin"api ka fel lutuk,anu pawn engmah na a nei tawh lo"a ti lang lang a.

Ka nu chu melhin"ka pa hi ngatinge a rawn kal ve lohva,committee an nei mi?"ka tih chuan"Pastor a zui ve leh ta thut nih kha,naktuk zingah an rawn haw ang"a ti a.

Nizan leh tukinah Pastor nen kan inbe reng si ngatinge engmah a sawi loh le?

Kan kohhran thalai thenkat min kan turin an rawn lut a,Malsawmzuala pawh a rawn tel ve,a chaklo ngawt ang.

Ka nu in"veranda lamah va awm ang u,thalai te hi kian ila"tiin a chhuahpui a,Hruaitea pawh api in engtin tin emaw thlemin a pawmsawn ve thei hram a.

Hruaitea hi awmlo ta sela chuan tunah hian Depression nasa tak neiin ka awm thei hial ang,ka tan mi special tak a ni.

Min rawn kantu zinga min ngamtlak zual te chuan"kan Pastor Nupui chu ka rinai a dam chak,damdawi mum lian chi a awm niang"an ti sap sap a.

An van sual thiam thei tak e aw,engtia chhan let tur nge tih ka hrethiam lo."in sual hlawm e mai"ka tih chuan a nui dur dur hlawm a.

Eng eng emaw sawi a,Tawngtaina te an neih hnu chuan"lo dam thuai thuai rawh aw"tiin min chhuahsan hlawm a.

Malsawmzuala chu ka khum bula la thu khaw tlaiin"hey,Pastor nen hian in inngaizawng tak tak mi?engvangin nge ka thianpa Henry bulah khan naute nu anga i insawi kher a,nangmah vangin Henry nen tun thlengin kan la inbiak loh phah nia aw"tiin min chhuah chhal nghal a.

Ner nang chungin"Thleng'an duat takin Hruaitea hi enkawl turin min chah alawm,bakah Hruaitea khan kan tawng a hrethiam ve vek,a nu ka ni lo,tih sawiin naupang rilru thianghlim tak ka vel tap dawn mi?"ka tisap a.

Ka dara rawn beng thek thekin"i hmel leh i rilru hi chu a tha ve ngawt mai,Thlenga bialnu nilo la chuan nasa takin ka kherh bet ang che maw le?kan Pastor hian a hnar bik miah lo ang che"a tih chuan a bana chum sakin"i van over thei tak,ka nau nen in inkar hi ka hria nia aw,min biak that angai ang"ka tih chuan ka hmuia rawn hup vatin"hey,tawng ring suh,kan la inzep rih nia"hawi kual ruai pahin a ti a.

A kut laksawn saka ka nuih vak vak chuan ka bengbula rawn kunin"nang ka chan lovang che lawm,i nau ka bem"tiin a ding ngil a"tak tak chu ka fiamthu nih kha,Henry khan a ngaihven riau che nia,a nihna leh an hausakna hi hriain nula kherh a peih riau nia,in inhmu fuh a nih pawhin amah hrelo angin i awm dawn nia,mahse he thu hi ka hrilh che tih sawi kher lo la"mit siai zauh paha tiin min chhuahsan nghal a.
Malsawmzuala tak hi chu aw avan thawveng thei tak.

Damdawi in ka chhuahsan tur chu ka chhungte leh kei ai mahin Hruaitea a hlim berin ka hria"anu i dam tawh tak tak a mi?Papa nen i bulah kan awm reng ang aw,i damlo leh palh ang"a tih chuan chhan mai dan tur hre lovin ngawi rengin ka en ngawt ngawt a.

Ka nu in ka hnunga rawn kheuhin"aw ti mai rawh"a lo tih chuan ka lu bu nghatin"a tha lawm"ka tisap a.

Kawngkhar a ka pa leh Pastor Jacob-a rawn lut ka hmuh chuan"Pa in rawn thlen na a rei tawh em?"ka ti vat a.

"Kan rawn tlang nghal a nih hi,Bawihi i dam chian hma chu school lamah la kal rih lo la atha ang,Bill vel intihfel tawh chuan ka haw dawn mi"a ti zung zung a.

Hruaitea chu apa inpawm tirin"Papa enge min rawn hawn?"a ti chul a.

"motor-ah ka dah,thu i lo awih maw?"tiin a hnarah a piaisak zeuh a.

Ka lam rawn hawiin"anu ka fel lutuk tiraw"a tih chuan nui chungin ka lo bu nghat a.

Hruaitea'an an motor-a chuang ve tura min ngen tlat avang chuan huphurh ru zetin a seat hmaah amah pawm chungin ka thu lut a.

Ngatinge ka zam ruk viau mai le?mipa dang bulah pawh ka chuang fo si a,"khalh fimkhur rawh aw?"ka tih chuan rawn nui hukin"hlauthawng duh suh,nangin min tih buai loh chuan him takin in ka thlenpui ang che"a ti nghut a.

Van ngeiawm thiam tak,hetiang mizia hi a ni hrim hrim mi?rum zeta melh hrawkin"kan Accident kha keima vanga thlengah i ngai ve a ni maw?"tisap in tukverh lam ka hawi nghal daih a.

Ka mittui rawn tla chu a hun lo hle mai.min hmuh loh lai chuan ka hru hul vat a,mi zawng zawng hian keimah avangin Thlenga kha a boral tih an hre ve vek awm si a,a nu leh pate khan min thlamuan tumin ka thiam loh a nih thu sawi eng ang mahse,kha thil thlenna bulpui ber chu keimah ka ni tih ka inhrechiang,a lakah khan thinrim tur ka ni lo asin.

Pastor Jacob-a chu thaw hawkin "kha thil kha ka sawi tum a ni hauh lo,khawngaihin ka thusawi kha la kawi suh"a rawn tih chuan engtinmah chhang lovin ka nui lui sak ringawt a.

"i tha em?"a rawn tih chuan"min ngaihtuah duh suh"tiin Hruaitea samah chuan ka fawp zauh a"i fapa hi ka tan chuan vantirhkoh a ni"ka tisap a.
www.storyfb.com mizo story thar nitin dah ziah a ni e
Kan in peng kan thlena motor a tih rual chuan Hruaitea ka pawmlai chu nghatin Ka chhuk thla nghal a,motor kawngka ka khar chuan Hruaite'an"anu kan bulah i rawn kal dawn lo a mi?"ngui hmel takin a rawn ti a.

"ka rawn kal thei lo alawm,va haw phawt rih rawh"tiin ka ka kalsan nghal a.

Ka ngui deuh burin ka hria,inchhung kan luh rual chuan"Thlenga thlan a kal ka duh ni"ka ti a.

Ka chhungte ho chuan engmah sawi lovin min en thap ringawt a.ka pa in"kan kalpui dawn che nia,Mahse engmah a hnual zawng leh rilru tih hah nan i in ngaihtuah lovang tih intiam phawt la"a tih chuan ka bu nghat a.

Mitthi tawh ngaihtuahin awm reng ka tum bik lo,Thlenga thlana kal a,ka nun atang amah thlah liam ka duh a ni.

Ka phone a rawn rik a ka en chuan Malsawmzuala number a ni a,kalsawn deuh hleka ka chhan rual in"Diki,Henry'an pasal i la neilo a ni tih a hria,min rawn chhuah chhal zo chiah a,a ngaihven hle che a ni"a rawn ti a.

A duh tawkin min ngaihven sela ni mai,ka tan engtihnamah a nih loh avangin buaina tur ka neilo.

Malsawmzuala nen kan inbiak zawh hnu deuh lawk chuan Pastor Jacob-a hnen atanga message ka dawn"ka thil rawn hawnsak che hi engtikah nge ka pek theih ang che,khawngaih takin min ngaidam rawh aw"tih hi min rawn thawn a.
"ngaidamna chhan tur che ka nei lo,ka chungah engmah tihsual i nei hleinem,i thil min pek tur chu kei aia midang pek phu an awm zawk ang"tia reply in phone chu ka off nghal daih bawk a.

Ka nu in"lokal rawh,thlanmual lamah chuan zuk kal ang u"tiin min kaichhuak a.

Thlenga thlan leivung chunga thingthi in ka in hnit nghal hlawp hlawp a,"Thleng ka tihpalh lutuk aw,kei min tawng lo la chuan tunah hian hlim takin he khawvelah i la awm ngei ang"ka ti tuak a.
Ka chhungte ho an thaw deuh hak ri ka hriat chuan Thlenga thlana pangpar an dah chu khawih neuh neuh chungin ka mittui chu ka hru a.

Thlenga min hmangaih thu i sawi fo a ni lawm ni,ngatinge keimah chauha hreawm tuar tura min hnutchhiah,i tel lova nun hman ka zuamlo,mahse tun atanga chuan i tel lova awm a ngai tawh dawn si a,ka tan chu zirlai harsa tak ang mai a ni ngei ang,a nupui ni tura min sawm lai te khan lo pawm ni ila a tha tur.

Ka pa in"haw tawh ang u le,thlana kal hi chuan kan ngaih a teng engtinmah min chhawn ngai si lova,a hawi hai thlak thin e mai"a tih chuan in lam panin ka haw nghal a.

Ngawi renga ka room-ah lutin khumah ka bawk thlawp a,lukhama ka hmai phumin ka chhungte hriat hlau takin ka inhnit hlawp hlawp a.ngatinge Thihna nunrawng tak hi mihring ten kan tawn kher a tul le?Thlenga rual khan lo thi ve law law ila,a nih loh pawhin keimah zawk lo thi ila a tha tur.

Ka lo muhil a ni ngei ang,ka nau Rinfel'in min rawn sawi nawk nawk chunga"u rawn thochhuak tawh rawh,inleng kan nei nual a nia"a tih chuan mit nuai chawt chawta tho chhuakin ka lukham bula ka phone on pahin"eng hun nge ni tawh?"ka ti a.

"I mu rei lutuk,dar thum a pel tawh,engmah ila eilo lehnghal,intifai la choka lamah i eitur ka lo buaipui ang"tiin min chhuahsan a.

Inbual faiin kawrfual par ban hain,scarf ka ban thuina ser hliah thei tur ka bat a,ka sam ngil tak chu ka darah ka thlah hniang bawk a,darthlalang hmaa lip gloss ka inhnawih hnu chuan ka room atang ka chhuak phei nghal a.

Inleng dang neuh neuh kara Pastor Jacob-a te pafa t-shirt inang ha chunga an inpawm chu ka hmu chiang bik khawp mai.

Hruaite'an"a nu,i damlo leh a mi?"min rawn en kiau chunga a tih chuan nuisak chunga ka lu thingin"ka damtha tawh lutuk"ka ti a.

Inleng ho chu chibai diat diatin lawmthu ka hrilh hlawm a,Pastor Jacob-a ka chibai tur chu ka lai ru khawp mai,ngatinge tleirawl ngaihzawng pakhatna nei ang maia hetia ka zam em em mai le?inleng dangte pawh chuan kan inchibai tur chu tlumtea thlir takin minlo thlir a ni tih ka hria.

Pastor bula thu ka chibai lai chuan Hruaitea'an"anu min pawm"tia min rawn ban hlauh avangin thaw halh chunga pawm kangin"lokal rawh,choka lamah va kal ang aw"tiin ka kalsawnpui nghal a.

Choka kan inpawm lut Rinfel'in min hmuh chuan ka bengbula rawn kunin"inlengte hian nu i ni tak tak emaw an ti nge?a zahthlak e mai,mi zingah chuan pawm lo ve mai la"a ti hlak hlak a.

A thusawi ngaipawimawh lo zetin dawhkan bula chair chu pawt chhuakin Hruaitea chu ka thut tir a,a bul a thu thla pahin eitur lo inchhin hamburger leh bawnghnute chu Hruaitea kawh hmuhin"i ei ve duh ngem?"ka tih chuan a bu nghat a.

Rinfel'in"khawi keiman ka lo eitir ang,i eitur kha lo ei rawh"lungawi loh hmel taka a tih chuan a lama awn pheiin"malsawmzuala nena in"ka tih rual chuan ka hmuia rawn hup vatin"sawi ri suh"hlau thawn hmel zetin a ti a.

Nui suk paha ka dar san akin"in inhmeh khawp mai"ka tisap a.

"engtin nge i lo hriat leh hman a?"ti deuh nuah nuahin Hruaitea chu eitur a barh nghal a.

Choka ka nu rawn lut hmel ka hmuh rual chuan"Diki zanin chu Thlenga chhungten an in lama chaw eiturin an sawm che nia,Hruaitea te pafa rual in i kal mai dawn nia,kei pawh kal ve tur chuan min sawm tho va,mahse zaninah kan inah committee a awm dawn a,ka rawn tel ve lo mai ang"a ti zui nghal a.

Thlenga nen khan kan damloh chang damdawi in atanga kan chhuah hlim apiangin chaw eitur kan in sawm ngei ngei thin.

Ka nu melh chung chuan"ka kal thei lovang"ka tisap a.

Ka sama rawn tuai in"i awmdan tur ka hriatpui che alawm,mahse va kal ngei turin kei leh ipa in kan duh che a ni,bawihi i tana tha lo tur thil kan tih tir ngai lovang che"a ti a.

Ka nau Rinfeli melh zauh pahin"min kalpui rawh aw"ka tih chuan a lu thingin"ka hmanlo,test paper check tur ka nei,nidangah pawh khawiah mah ka zui che i duh ngai loh kha,bakah kei min sawm tel ve hleinem"a lo ti hmak a.

Hruaitea thil ei chunga a ham deuh bai bai chuan ka nu in"a mut a chhuak nih kha,khawi kan lo pua nge"tia lak a tum chuan ka banah rawn man betin"anu min mutpui"a ti tuak a.

Ka nu in"an awi mu ngailo mi le?"a tih rual chuan tui in pawp pawp in"nizan pawn tuman kan awi hranlo,ka bulah a muhil tawp"tiin ka room lamah ka pawm a.

Khuma mutpui in naupang thawnthu ka hriat ang ang chu ka hrilh a.

A maimichhing tan deuh chiah tih chuan ka room kawngka an rawn tiri a,ka tawngri ngam lo.a hnu deuh hleka Pastor Jacob-a hmel ka hmuh chuan ka kut chu ka hmui zawna dahin bengchheng lo turin ka signal a.

Khum bula rawn dingin a nuih deuh suk chuan makti taka enin"enge?ka ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)