JACOB LALRINDIKA BY Basta Tlau (Complete) 18+ Only

Ngaia
Site Admin
Posts: 25813
Joined: April 30th, 2016, 4:07 pm

Re: JACOB LALRINDIKA BY Basta Tlau (Complete)

Unread post by Ngaia » April 23rd, 2017, 2:48 pm

JACOB LALRINDIKA-25
postby Basta Tlau » Fri Mar 17, 2017 10:03 pm


Kei hi naupangchhia ang maia ngatinge hetiang ka khawsak leh thin.ka puansin lai chu theh hlim thuai in ka tho a,khum bula tui bottle awm chu la in ka in khawlh khawlh a.

Toilet atanga Jacob-a towel a,a sam hru mawlh mawlh chunga tawn zau dum leh cotton kekawr buang ha chunga rawn chhuak ka hmuh chuan ka tui in lai hakin ka khuh nghal bawrh bawrh a.

Ka hnunga rawn chulin"Tui inlai te chuan fimkhur taka lem tur lawm,tui chhung ah awmlo mahla,tui hakin i chesual mai tur sin"nui ri hawka a tih chuan tawlhsawn in"nangma vang vek"la khuh khak khak chungin ka ti that a.

Eng kawr pawh inbel sela,a inhmeh vel vek.a rim pa hrak mai te chuan ka ngaihtuahna a tibuai zual suah bawk,mipa dang bula ka awmdan anglo takin a kiangah hi chuan ka ngaihtuahna hi a chaw mawlh vek thin.

Jacob'an mitmeng zim san leh chal tichuar chunga angaihna hriat loh hmel zeta min rawn en ka hmuh chuan chair-a a kamiz dum inbang chu alama theh phei in"kha inha tha vat rawh"tiin ka hnungchhawn nghal zat a.

Pen thawm ka hriat hnu lawk chuan Jacob-a chu ka hnunglam atang ka dulah rawn kuahin ka nghawng leh bengkawmah chuan a hmui lum thar thar chuan a rawn nul thuak thuak a.chetsawn nachang hre lovin ka ding khawng deuh at a,a kut lehlam chu ka thin zawna a rawn dah chuan thaw deuh kawka maimichhingin"Jacob"ka tikhur dar dar a.

"Umm hahdam rawh"ti tham tuakin ka bengkawmah chuan a seh ner ner a,ka tum loh taka dak deuh awrha a dara ka lu nghatin ka thaw deuh halh a.ka taksa current kal ang maia a rawn mur chuai chuai avang chuan mahni mai chuan ka ding ngil zo tawh lo.

Jacob'an"naupang thianghlim tak ang maiin i zak a ni maw?zak duh suh"ka dula chul heuh heuh pahin a tisap a.

Naupang chu ka ni tawh hauh lo,hmeichhe puitling ka ni tawh,zak taka awm reng tur ka ni biklo,tunlaiah tleirawl ngaihzawng nei te pawhin khawlai ah an kawppuite kuahin a fawp nghawng nghawng tho alawm.

Ka huaisenna zawng zawng sawmkhawma Jacob-a hmachhawna ka inher chuan rum hak chunga mitmeng muk raiha min en in a hmui a lasawn a,min kuahna chu a thlahdul deuh bawk a.ka ban na lo lamah a nghawnga ka kuah chuan makti leh hriatthiam loh hmel takin min rawn enchhuk a.

Nui luisak chunga a hmui ngawr ngawr en in"naupang zak rual ka ni tawh hauh lo nia,puitling mahni duh ang ti ngam ka ni tawh ni"tia a dara kuai in a hmuiah chuan ka fawp a.

Min fawh let mai loh avang chuan ka hamhaih deuh hlek a ni,mahse min hnar chuang bik hauh lo.thaw halh chunga ka hmui laksawn ka tum chu rum nghuta ka lua chelhin"engthil chiah nge i tih i hria em?"rawn ti hrawkin uar fahhran in min rawn fawp nghal bawrh bawrh a.

Kan lei chu insual tir deuh batin a chang leh kan inkeih tawn tawn bawk a,tun ang reng renga infawh nuam ka tih hi ala awm ngailo.

Jacob'an bangkil lama min nawrphei rual chuan ka kut pahnihin a nghawnga ka lo kuah chial a,thaw halh halh chunga ka mawnga rawn tham nawkin a sawk tawn tawn a,chumi pah chuan a taksa si chetin min kuah hnai bawk a.

A kekawr hak chhan a mipatna ruh tung maiin min rawn do deuh run chuan thaw halh halh paha inen in kan infawp leh nghal a.

Ka kawrhak lai chhunga a kut rawn rawlh lutin ka bra chu ka awmah a nawr chho a,ka hnute chuan a tawh na lai chin lo hre nghal em emin ka hnute hmur chu a aia nasa in a khawng a,a na thei lek lek hial a ni.

Tun ang hian vawite khatmah tisa chakna ka la nei ngai hauh lo,Jacob'an ka hnute hmur a tuai neuh neuh lai chuan a samah chulin ka fawp let uar sauh a.

Ka kekawr elastic tikau a,a kut ka underpant chhung a rawn rawlh luh chuan ka lo ip zawk a"Duat,a hnawng chhap mai,min mamawh ang hian keipawn nasa takin ka mawmawh takzet che a ni,nupa kan ni thuai dawn tho a,vawikhat chauh ti ila"aw khur dar dara a rawn tih chuan a lak atanga inlak hran tumin ka kawng nghal at a.

Ka awmdan chu a hria ni ngei ang,a kut chu muangchanga phawi chhuakin a fawp zeuh a.ka en rei ngam thlawt lo.maimichhing sawk chungin"ka tihpalh lutuk,khawngaihin min ngaidam rawh"ka tisap a.

Rum nghut chunga ka lak atanga awmsawnin"tuna thil thleng kha i mumang angah ngai rawh,keipawn chutiang chuan ngaih ka lo tum ang,tuna ka awmdan kha nangma cho chhuah a ni tih theihnghilh suh,chuan min hneh hle bawk,mipa dang bulah khatianga i awm tawh loh ngei ka beisei"tiin a kawr chu a ha tha mawlh mawlh a.

A tawngkam tin mai chuan ka thinlung hi a chhun na ngawt ngawt ni maiin ka hria,amah ka duh a ni lantir tuma ka awmdan kha a ni chuan min ngaih khawloh lehzual nan a hmang chu ni si a,kei ngei pawn khatianga amah fawp tur khan ka theihna leh huaisenna zawng zawng ka hmang tih kha engtin nge a hriatthiam loh,ka zak ngawih ngawih a ni.

Jacob'an a pheikhawk bun tha chunga"tih tur pawimawh ka nei,ka chhuak lawk dawn,thil pawimawh a awm chuan min lo phone dawn nia"tia a leather ip a khai chuan chhuat lam enin ka ngawi reng a.

Ka ban rawn nat dan chu vin tak a ni,nichin lawk khan na engmah hre lovin Jacob-a taksa kuahin ka phar chhuak huang huang kha a ni si a.
Min chhuahsan vat vat se ka duh ber ni.ka hmui petin ka maimichhing sawk a,ka ban khawihlo turin nasa takin ka insum hram hram a.

Kawngka inkhar ri ka hriat rual chuan chhuata thu hnawkin ka ban na lai chu ka kut lehlampang chuan ka dawm vat a,ka mittui chu a rawn luang zung zung bawk a,ka ban na aia in ka thinlung hi a na zawk.

"Diki i tha em,i ban a na mi?Hreptak chuan leh engtinnge ka lo theihnghilh theih zawk"ka bula Jacob'an rawn thu thla chunga a rawn tih chuan rang takin dingchhuak a.

Min chhuahsan daih tawh emaw ka tia"chhuak rawh,engvanga la awm nge i nih a?"ka ti that a.

A leather bag ken lai chu chhuata dahin ka kalsawn tur chu ka kawngah nghet zetin a rawn chelh a.

Tal chhuah ka tum chuan"Lalrindik,lo awm hle hle rawh"tiin ka kawrban chu dim zetin a hlim chho a.

"Ka hmingpum in min au ve ziah suh,kalsawn rawh"tia a awma ka nem chuan kawngkhar lama kalphei nghal in pawn lamah a dak a.

Ka mittui chu hru hulin khum chunga ka thu a,Jacob-a kawngkhara dak chunga thupe aw taka"Doctor va ko rawh"a tih ri chu ka hre thei.inti thu leh lutuk,a thuhnuaiah mi zawng zawng dah thei emaw a inti maw ni le?

Ka ban tuamna lai ka en chuan thisen tlemte a lo tlang a.

Jacob'an"khumah khan mu la"zaidam aw taka a rawn tih thut chuan makti taka enin ka thaw halh a.

Hreawm tih hmel taka a kut kuangkuahin chhuatah chuan a ke a chhir leh zauh zel a.A phone phawrh a ka nu ka awmdan vel a hlirh lai chuan ner nakin ka melh kawk a,dawtsawi thiam lutuk khuma intauh palh angin ka nu bulah min la sawi zui.

Khuma ka mu fel deuh chiah tih chuan Doctor leh nurse pathum chu kawngka ah an rawn inzui lut ka hmu nghal a.

Jacob'an"Rama a ban atang thi a rawn chhuak a,uluk takin han en teh?"Doctor bulah chuan a lo ti a.

Doctor pa in"ahma khan a tha hle si a,engtin nge maw i lo tih le?Jacob i lo infiampui mi?"fiamthu taka a rawn tih chuan bangkil lam hawiin ka ner sawk a.Nurse ho te nen chuan an la nui hak hak zui.

Jacob'an"Mi na tuar laia lo nuih te chu a,enge nuihzatthlak awm a,a hliam kha a that leh that loh en vat teh"khum mawng lama lo ding chungin a ti hrawk a.

Doctor pa in ka ban tuam phelh chunga Jacob-a chu melh in"Jacob,nuih hi damdawi tha tak a nia sin,mihring hi chhan awm lova kan nui a nih chuan kan kianga miten mi pangngai lo emaw min ti thin a,chuvangin ka bula awmte nuih tir tumin fiamthu ka thawh a nih kha,mihring tum reng bula awm chu tuman kan peih hauh lovang"a ti dap dap a.

Jacob'an"Rama midang kei zawnga fiamthu thawh i tum a nih chuan inngaihtuah hmasa thin rawh,midang i nuih tir rual in lehlamah midang pahnih khat rilru na takin i siam thei nia"pangngai taka tiin ka ban tuamna an phelh chu a rawn thlek vang vang a.

Doctor pa in"a hlauhawm lutuk lo e,mahse in indim deuh hlek angai nia"nui sung chunga a tih chuan Jacob-a chu rawn lu lamah rawn kalin"khawi maw thla kan lo la lawk nge?"tiin a phone chu a rawn phawrh chhuak nghal a.

Doctor pa chu ka bula rawn kunin"kan thla i la dawn maw?"fiamthu deuh taka a tih chuan Jacob'an"awmsawn teh,Diki ban kha lawm ka laksak dawn"tiin ka ban na zawnah chuan a phone chu a hmet a.

Nurse pakhatin ka ban hliama damdawi min hnawihsak lai chuan mimi,Ruati leh Ka nu chu an rawn inzui lut a.

Ka nu in"engtin nge i ban chu i tih a?a na viau em?"ka khum tlanga rawn thu chunga tiin Jacob-a chu a melh hrawk a.

Ka nu chu en in"nu ka tha lawm,khum tlangah ka tauh palh a"ka tih chuan awih loh hmel zetin khum chu a thlek vang vang a.

Nurse in ka ban min tuam thatsak hnu chuan nachhawkna in min jection nghal a.

Doctor pa in"lo indim tawh la,i hliam a damchak zawk nan thei lampang serthlum,apple balhhla,grep te ei uar deuh hlek la,thlai hring i ei nasa dawn nia,brocoli te,zikhlum te,latues leh carrot te i ei ziah dawn nia,chutiang i ei chuan i hliam bakah i taksa tan pawh a tha ang,pasal nei mai tur i ni si,chuan tui kha nikhatah litre 3 tal i in ngei ngei bawk dawn nia"tiin min chhuahsan a.

Jacob'an"kalna tur ka nei a,kan va chhuak lawk nge"a sana bunlai en paha a tih chuan ka nu in"tuman kan dang lo che,va kal rawh,zanin chu Ruati te thian dunin an riahpui dawn"a ti hmak a.

Ka nu hian hetia ka damloh atang hian tawngkam pangngai taka Jacob-a a biak pawh ka la hrelo.Jacob-a lah chuan haider lui hmiahin a chang chuan a be lui ngat zel thin zawk ni.

Jacob'an min chhuahsan hnu chuan ka nu in"keipawh in lamah ka haw leh vat angai dawn,Jacob'an min rawn phone khan hmanhmawh takin Mimi te thiandun phone nghalin ka rawn tlanchho a,i pa hi amah chauha thlahthlam chi ala ni lo,I naute lah chu naktuk sport na tur vel ah an buai daih bawk nen,Ruati lo enkawl tha ru aw"a ti zui zat a.

Mimi'in"Ka nu Hruai lo ngaihtuah reng reng suh,uluk takin kan lo veng ang"a mitko san ak chungin a rawn ti a.

Ka nu in min chhuahsan ve leh hnu chuan kan thian thum boruak chu a dang nghal zar mai.tun tum ka damdawi in awm atang tun hi kan pathuma inkawmna hun kan neih leh hmasak berna a ni.

Ruat'in"Ka nau(Thelma-i)'in,Henry-a fa a pai kha a nimin piah khan a chhiat a,a vanduaithlak rualin ka lawm letting zawk,lo piang puitling ta se chuan Misual tak fa kan enkawl ngei angai dawn si a.

Diki,Henry-a hmaikawr intuamna hlipa a nihna diktak Pastor Jacob-a nen in tarlang hi ka lawm tak zet a ni.Thelma-i pawn tunah chuan a huatin a haw bur tawh"a tisap a.

Mim'in Ruati dara kuah pahin"Diki hi awmlo se chuan tunah hian hmeichhe thenkhatin Henry-a chu an la star nasa ngawt ang.Henry'an a atchilh lutuk che hi a mak e,keini aia i hmelthat tehchiam pawh ka hre bik si lova.bakah Jacob-a hi Pastor tiin sawi tawh suh,a bang tawh kha"nuisang chungin a ti a.

Henry-a hming an rawn sawi chuan ka luak a chhuak deuh nghulhin ka hria,ka awmdan chu Ruat'in hrethiam niawm takin ka kuta rawn chelhin"i nu kha Jacob-a chungah a lungawi loh hmel tawp ngatinge le"a tisap a.

"Zep lovah chuan min duhpui tehchiam lo a ni"ka tih chuan Mim'in"hmm Nu Hruai i hi chu mak thei e,Jacob-a te chu Pathlawi dang ang a ni ve hleinem.Diki,Jacob-a ang mipa hi chu an vang ngawt ang.a ngaihtuah ropui bawk che a,tunlai hian facebook lamah pawh a thalak mizoram zaithiam lar te nen an battle a,amah duhzawk tu an tam lutuk.thenkhatin sawisel mahse tantu angah tho tho"a ti hluai a.

Mimi chu en in"nang hi chu i bengvar ve ngawt mai.facebook Queen i ni ringawt"fiamthua ka tih chuan kan nui dar dar a.

Ruat'in"a tak tak ngaihzawng ni ngam mang si lo hian Facebook lamah chuan Mimi hian ngaihzawng a ngah lutuk"a tih chuan Mim'in"i van tawngthei zeh zuah tak"tiin a hmuiah a hup sak nghal a.

Damdawi in ka awm atanga ka hlim ber tum a niin ka hria,ka nui nasa hle bawk,thiantha hlut zia ka hriatchian phah deuh deuh a ni.

Zana ka mu tur Rinfeli ka pa chanchin zawtin whatapps-ah message ka thawn a.min reply na ka nghah lai chuan Jacob-a number atang"tunge i biak a,i bulah i thiante an awm ni lawm ni"tih message ka dawn chuan ka ner nak a.

Fiamthua chhan ka chak deuh tlat."ka hmangaih deuh mai nen kan in bia,i thik a mi?"tiin ka reply a.

"Thik e,ani chu vawina min fawh ang khan i fawp ve tawh em?"tia min rawn chhan letna ka chhiar chuan ka biang a sa hat hat a.

Phone a message min rawn thawnna ka chhiar ringawt pawn hetiang hian ka zam chhe der chu a ni si a.chhan let pawh tum lovin Rinfel'in ka pa a that thu leh kan in lam chanchin tlem a zawng min rawn hrilh chu ka chhiar a.

Jacob'an min rawn call chuan ner nakin ka en vang vang a.Ruati leh mimi khum piaha mu chunga Laptop-a flim endun chu ka melh zauh a.

Mimi'in"phone call i dawn kha,pick up ta che,tunang zanah chuan Jacob-a bak a ni lovang"hmui pawrh tarin a rawn ti a.

Muangchanga phone ka pick up rual chuan Jacob'an"Damdawi in pawnah ka awm nia,hmuh lawk che ka duh,inthuam lum tha la,i room vengtu Police kha gate bulah rawn in hruai tir lawk rawh"aw chang fakin a rawn ti a.

Ka phone chu ka beng atanga dahsawn deuhin ka melh ha a,ka lu thing deuh nawka ka hmui bula dahin"damlo damdawi ina awm ka nih hi Doctor phalna lo chuan khawiahmah ka chhuak thei rih lo,min hmuh i duh chuan naktukah lokal mai rawh"tiin phone chu ka dah zui nghal a.

Ruat'in"Jacob'an a ngai che ni maw?hmu ve mai la,i zeilo thei e"a rawn tih chuan puan siin ka in lukhup daih a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 23rd, 2017, 2:49 pm

JACOB LALRINDIKA-26
postby Basta Tlau » Sun Mar 19, 2017 7:50 pm

Enge tun ang huna min hmuh a duhna chhan kher le?a duh duha koh chhuah thei ka ni lo,ka hmuia a fawh avang khan ka taksa hi a hnena in phalrai mai turah min ngai a mi.?

Kawngka inhawng ri ka hriat rual chuan Mimi'in"Jacob i rawn kal ni maw"phur aw taka a tih ri ka hre zawm nghal a.

Muhil anga lan ka duh avangin ka puansin hnuaiah chuan chesawn ngam lovin lum ti tak leh taw ipik ru takin ka awm lui tlat a.

Jacob'an"Diki phone a mi thil inthawn lawk ka duh a,khawnge a dah?"ka khum bula rawn ding chung chuan a ti ngat a.chumi rual deuh thaw chuan ka puansin lai chu a rawn keu zui nghal bawk a.

Te that chunga ka phone hum nghet sauhin"engemaw i hriat le?ka phone-ah hian i duh pakhatmah a awm lovang"khuma la mu reng chung chuan ka ti a.

Ruati leh Mimi lo nui kiah kiah lam chu en in ka melh hrawk a.Ruat'in"pawnah kan lova awm nge,kan tibuai palh ang che u"tia Mimi a en chuan ka kutna lo lam kiu a inbeng kang chungin"chhuak suh u"ka lo tivat a.

Jacob'an"i duh duh dana midang control tum suh,chuti lo chu an ning thuai ang che"tawngkam mei nei deuha a rawn tih chuan ka ner sawk a.

Ka thiante pahnih chuan Jacob-a nena min melh tawn zak zak chungin kawngka lam an pan nghal a.

Kawngka a inkhar rual chuan ka phone ken lai chu min rawn laksak thut a.

"Minpe let vat rawh,engemaw i hriat le?"tia chhuh let ka tum chuan khuma min nam mu thlawrhin ka phone chu a hmet a"ka thu zawmin rawn chhuak nila chuan hetiang hian ka rawn inlan kher lovang,nichin khan tunge i biak?"a ti nghut a.

Ka kut na lo lam man bet chunga hneh taka khuma min nam beh tlat avang chuan ka thochhuak thei bawk si lo.Thinrim zeta ka ke leng vakin"min thlah vat teh,ka pa chanchin zawtin ka nau ka bia nih kha,enge maw i lo buai vak le,keipawh mi i biak chungchang ah ka buai ngai bik hleinem"ka ti vin hlar a.

Rum nghut chunga rawn kun hniamin"a tir khan thudik min hrilh ve mai tur che lawm,ka nupui tur i ni a,mipa dang nena intawm ka duh lo,mi ka biak chungchangah engmah buaina tur i nei hauh lo,kei erawh chuan ka nei a ni,ka hriat lovin tu mipa mah biak tum suh ang che"ti fak fakin ka phone chu ka luhkham bulah a dah a.

Engvanga thik thu chhe ta em em mai nge maw a nih le?a awmdan chu ka hlau ru tak zet a ni.engmah sawi lova ka ngawih reng avang chuan ka khabe a rawn vuanin"ka thusawi kha zawm ngei turin ka duh che ni,i hmui sexy tak hian mipa dang i fawp tur a ni lo"tia ka hmui hnuai rawn tuai zauhin a ding ngil nghal a.

Ka hmui hnuai pet zauh chunga a hmel chu en letin"i thusawi apiang zawm tur ka ni lo,min chhuahsan tawh rawh,nangma vang hian ka chau tawh tak zet a ni"tia maimichhingin ka chal chu ka dawm a.

A thaw ri deuh hraih ka hriat hnu chuan"nangnu tereuh hi engtin chiah nge ka tih dawn che pawh ka hre lo,ho te te ah min ti thinrim fo lehnghal"tiin a phun deuh hluk a.

Ani hian min ti thinrim nasa fe zawk tih a in hre lo ni ngei ang,khuma thuchhuak pahin"ka laka i thinrim fo dawn a nih te chuan min nei lo la ni mai lawm,pasal thinrim reng ka nei duh bik lo,rilru tet thlak lutuk"ka tih chuan rang zeta ka sama rawn man betin"ngawi hmak rawh,kan inneihna tur hi engvang maha thul ka remti lo"a ti chhur chhur a.

Makti deuh tak chung leh ka sam a thamna na ka tih em avanga then tlawk tlawk a,a hmel ka en chuan a kut la thla in"mu hahdam rawh"ti nghut in min chhuahsan nghal a.

Khum tlang nghenga thaw halh halh chungin Jacob-a awmdan mak sak zet mai chu ka ngaihtuah zui neuh neuh a.ahma a Jacob-a ka hriat thin kha a ang tawh lo,mipa nunrawng leh mahni hmasial tak ang mai a ni tawh.

Mimi leh Ruati rawn lut chuan"ngatinge a?in inhau mi?Jacob-a kha a thinrim hmel tawp,ka biak pawn engatan mah ngai lovin min kalpel hmawk hmawk a nia"Mimi'in a ti nang nang a.

"Engmah ka sawizui peihlo,muhil tawh ang u"tiin khuma mu in bangkil lam ka hawisan nghal a.


JACOB(POV)

Lalrindiki vang hian ka thinrim tak zet a ni.Engtin nge a ni khan"min nei lo la ni mai"a tih theih zawk.

Kan pahnih hian mipui mithmuhah hetiang khawpin kan mualpho dun tawh a,a tak ramah mipat hmeichhiatna la hmang lo mah ila,mitin deuh thawin sex hmang dun tawhah min ngai a ni.

Hmeichhe mawl leh ngaihtuahna neilo leh lutuk,inneih lo ngat ila chuan hmeichhia a ni a,kei ai nasa takin a mualpho dawn tih ka hria.chuthiang thil chu ka thlen tir hau lovang.

Keiin nupa kan nih hun tur nghakhlel taka thlirin kan nupa a kan chenna tur building in chhawng thum Lunglei Salem veng a mi leiin India ram huap a,Interior designer thiam tak ka chei tir mek a ni si a.

Mi thenkhatin a derin min ngaisang viau mahse,thenkhat tan erawh hmusit awm tak ka ni thei ang.Pastor hna ka chawlhsan chhan hi Diki vang nia ngai tawk an awm.Diki vang hian Pathian rawng ka bawlna vawikhatmah ka thulh ngailo,ka thulh a hnekin ka fapa ka nu aiawhin a lo buaipui thin a,ka nu leh Paten ka thusawi naah min tawiawm thei zawk a ni.

Pastor hna ka chawlhsan chhan tak zawk chu Pastor Biaka nupui thusawi ka hriat avang leh Dik'in ka nu leh Pate thuzawm tura thurawn min pek khan ka inngaihtuah chiang a,ka bansan ta zawk a ni.

Paradise Resort changtlung zawka enkawl ka tumna pawh ka duh angin ka buaipui hman lo.Henry-a te pafa in Mizoram sum tam tak an lo eirukna chhuihchhuahna kawnga police leh ka thianpa Lawyer Ricky te ka theih ang tawkin ka tawi awm a,tunah chuan an ni pafa chu District jail lamah an awm tawh ka hahdam deuh huai ni.

Police in Henry-a an dawpna lamah,Diki a duhzia leh atchilh zia chiang takin ka hria.jail-a tang chung pawn engtin tin emaw ala rawn tibuai thei a ni.Diki hi ka humhim a ngai,ka damchhung zawng chuan him taka awmtir ka duh.ka piantirh atang tih tak zeta hmeichhe humhim ka duh vawikhatna a ni.

Diki ka tawn atang hian ka tih ngai loh leh ngaihtuah phak loh thil tam tak ka ti fo mai.ka tan mi special tak a ni,chumai a nilo ka fapa tan pawn a hlu.ka fapa in Diki a ngainat dan em em hi a mak ka ti zawk.

Ka paten Lunglei lama an rawn phei pui a kan in hmuh rual in"Papa,Anu ka hmu ve duh,a kiangah ka awm duh"tiin a ngen a.

Tih tak zeta"Anu chu a damlo nasa lutuk,misual takin a banah a kap a,a bula i awm chuan a pawm duh che nga,a ban a na zual palh ang,a damthat hunah i hmu dawn nia"ka tih chuan ngui hmel takin a bu ve reuh a nih kha,ama tawkah a ngaituah ve khawp mai,damdawi in atanga ka pa Lawma te ina ka haw changin Diki chanchin min zawt ziah bawk.

Damdawi in lamah Diki awm mahse kan inneihna tur ah kan inbuatsaih ve nasa tawh khawp mai.ka thinlung takin ka inbuatsaih a ni.

Diki tan mipa hmasa ber ka ni lovang tih ka inring.mahse pawi ka ti hauh lo a nun hlui chu ka tan a pawimawh lo,kei hian nun bul ka tanpui dawn a ni.

Damdawi in atang thinrim taka ka chhuah hnu chuan Salem veng a ka in lei thar lamah ka inkhalh haw a.garage chunga motor ka hun fel chuan inchhungah lutin inchung lama gym room lam ka pan nghal a,ka kamiz chu phelhin Treadmill awmna lam chu ka pan a, thlan tla a ka chauh hnap thleng ka insawizawi char char a.

Tunah chuan tui taka muthil thei tawh ka in ring,shower hmanga ka intleuh fai lai chuan nilenga ka ngaihtuah tibuai tu Dik'in min fawp lai chu ka ngaihtuahna a rawn luah let nghal.shhitt hetiang em em hian in fawh avang ringawtin ka danglam chu a ni si a.min fawh ang khan tu mipa nge a fawh ve tawh ang,ka unaupa Thlenga kha chu a fawp ang tih ka chiang ani chu vanduaithlak takin a boral tawh a.ka thik theih pawh a ni tawh lo,mipa dang an la awm angem aw,tunlai hmeichhia te chuan ngaihzawng kawp an hrat hle si a,mipa dang nena ngaihzawng intawm ka duh lo,thikna thinlung kei hian nei a ni.

Sofa chunga thu in ka pa chu phone hmangin ka bia a.ka in thara riah ka tum thu ka hrilh chuan"khum pawh ala awm loh kha,helamah kan nghak reng che sin"a rawn ti nghut a.

Ka pa hian tunlai ka hah zia hria in ka mut hunah chuan tui taka mu turin min duh tih ka hria,nui deuh sukin"mutna nuam tak sofa chungah ka mu dawn lawm,zingah ka rawn haw ang,ka nu leh ka fapa kha ka hmangaih thu min lo hrilhsak rawh aw"tiin phone chu ka dah zui nghal a.

Zan danga ka tih thin dan ang bawkin whatapps-a Diki thalak leh Status chu enin ka chhing vang vang a.

DIKI(POV)

Damdawi in ka awm atanga ni sawm hnuah chuan damtha takin kan in lam panin Jacob-a motor seat hnungah Hmingmuana nen kan thu ran a,ka nu chu seat hmaah a thu ngawi kar bawk a.

Ka ban chu doctor ten an beisei aiin a damtha,mahse hun engemaw chen chu la indim rih turin thurawn min pe a,pawn lam damtha viau mahse chhung lampang a dam fel lo palh thei a ni.

Damdawi in ka awmna bill zawng zawng hi Henry-a te an sen tir tih ka hria,pawi ka tih hauh lo.

Ka nu in"a nunrawn thlak e,Henry-a te sum han hmansak teh talh mai chu"a tih chuan Jacob'an"court thu tlukna a nia,Nu Hruai,engmah sawi buai vak tur a awm hleinem"a ti ngat a.

Ka nu in"ka sawi buai a nih loh chu"tia hnunglam rawn hawiin"nangni pahnih hi khawlaiah kaldun tawh miah suh ang che u"a ti ta daih a.

Inchhung ka luh ruala kan in an tihdanglam nasat zia leh rawng vel an hnawih thar a ni tih ka hmu chuan Jacob-a nen kan inneih a hnaih tawh zia ka hre nghal.

Mimi chu ka bula rawn thu in"i nulat chhung a rei tawh dawn si lova,naktuk zan chu Sawmzuala birthday lawm naah kan kal tlan ngei angai ang.Rinfeli rualin lokal ve rawh aw,i damloh thu sawi miah suh,i ban pawh a tam tawh a,nadang engmah i neilo,tun tum damdawi in i awm phei chu i rawn nalh haw a ni ringawt"ati nang nang a.

Ka pa bula Jacob-a thu chu melh zauhin"ka kal chak lutuk,mahse ani saw a kal ve ngem?ka nu in mi zinga awm tam a remti vak lova"ka tisap a.

Ruat'in"Nu Hruaii chu keiman ka lo biaksak ang che,tihdan ka thiam lawm,a remti em em ang"a mitko sana nuisak chungin a ti a.

Ka nu in"nangni thianho chu engthil nge in lo sawi leh sep sep tak,in mak ngawt mai,phone hmangin in inbe reng tho si a,sawitur in ngah zo zai lutuk"tia choka lam a pan chuan Ruati chu thochhuak ve nghalin"enge i tih dawn ka lo pui ang che"tiin choka lamah an inzui lut a.

Jacob'an min rawn en chunga"Pa Duhawm engtikah nge kan inthar chu min rawn hmuhpui thei ang"a ti a.

Ka pa chuan"eheu i va ti lawmawm ve le,Lunglei lama awmhmun khuar i rilruk a mi?thingpui te in ila,kan in zawhah i inthar lamah chuan kan kaltlang dawn nia,Diki i rawn kal ve dawn em"a ti nghut a.

"Ka thawmhnaw vel tihfel angai a,ka rawn kal lo mai ang,vawin chu in lama awm hle hle ka duh"ka tisap a.

Hmingmuan'an"nangte chu i kan ruala lokal ve kher a ngai hleinem,nakin lawk i la awmna tur tho lawm"a rawn tih chuan ka ner sawk a.

Ka pa in"chutiang ringawt a ni hleinem,Diki i peih hunah in thian ho talin in va la leng ve dawn nia"a tih chuan Ruati chu thingpui rawn chawi phei pahin"nia,nidangah kan lo lenpui mai ang,damdawi in atang chhuah chiaha len te chu a tih chi loh,inleng neuh neuh pawh an awm mai thei asin"thingpui sem pahin a ti zuah zuah a.

Kan bul a rawn thlen chuan"i nu in Sawmzuala birthday lawm na a,Jacob-a a kal ve dawn loh chuan kan ruala i kal a phal nia"zawi sapa tiin ka pa leh Jacob-a thutna lam chu a melh zauh a.

Mim'in"I room lamah kal ang u,kan lo indah fel pui ang che"tia thochhuakin"Pa Duhawm,Diki hi a room lamah kan va indah fel pui dawn nia"tiin ka room lam pan a rual a.

Mimi zui tuma ka thochhuak chiah chu Jacob'an"Diki,Ka pa Lawmawma(Thlenga pa) ten zanin tlai a,an in lama chaw ei turin an sawm che a,i hman ngem?"min en deuh kal chungin a ti a.

Chhuan lam siam dan tur ka ngaihtuah lai tak chuan Ka nu in"zanin chu chhungkima chaw eitlan a tha Jacob,Dik'in a peih leh naktuk tlai lamah a pawi ngem?"ka bula rawn ding pahin a ti a.

Jacob-a lah chuan ka tawng ngaichang niawm takin a mitko san chungin min rawn en kalh reng bawk nen,tihngaihna ka hrelo ru tak zet a ni.

Ka chil lem khawlhin"naktuk tlaiah chuan ni mai rawh se"ka tisap a.

Jacob-a chu a lu bu nghatin"a tha lawm,ka rawn hruai dawn che nia"a ti chharh a.

Ka room-a ka thiante pahnih nen eng eng emaw tifel a kan awm chuan Mim'in"Nu Rinpuii(Thlengpa nu)te chu an timak e.Thlenga ber a boral tawh a,ngatinge chaw ei tura an la rawn sawm talh che le?Diki,Thlenga kha la dam ta se,Jacob-a nen hian in inngaizawng tho angem le?engemaw zawng tak chuan an hmelah an inang deuh a,mahse an mizia hi chu a inperhsan deuh hlekin ka hria.Thlenga kha Pastor ni zawk awm tak a ni"a ti sep sep a.

Ruat'in, Mimi kea tlawhsak zauhin"i sawiho thei e,Jacob-a in lei thar chu hmuh ve a chakawm tawh ngawt mai,a chei nalhin inchhunga a thil hun te pawh a changkang lutuk a tia,gym leh swimming pool room te pawh a awm niang.nupa in nih hunah chuan kan rawn leng ziah dawn nia,Jacob-a hi Pastor la ni sela chuan tun ang hian a khawsa thei miah lovang,engang pawn hausa in eiru ve lo mahse Pathian rawngbawltu an ni a,miin an sawisel anga nuam an ti hauh lovang.Diki,Jacob-a i nei tur hi i vanneih tak zet a ni"a ti hluai a.

Fiam ka chak deuh tlat"nangni pahnih pawh hian pasal nei ve vat vat rawh u.kan venga nupui sun avanga Pathlawi te hi an khawngaihthlak Pathian rawngbawlna a ngaiin luhkhung ula,Buy one,get free hi alo tha ber mai"nuisang chungin ka ti a.

Mimi chuan ka lua rawn nam pawpin"awi,nangnu hi i van over tak.Pathlawi i neih dawn avang mai khan keini hi nei turin min ti suh"a ti that a.

Inleng neuh neuh te kan neih avangin Jacob-a in chu ka pa leh ka naute pahnih in an enpui a,ka nu erawh hun remchangah ka la hmu ve dawn nia"ti tlatin in lamah min awmpui thung a.

Jacob-a nena kan inneih tur chu ka beisei aiin tawngka a min lawmpuitu an tam.ka taksa lamah na ka neih loh avangin ka pa in chaw kan eilai chuan"Diki,school lamah i theih ang angin min lo pui rawh aw.hmeichhe fa neih hi chu a buaithlak ngawt mai,ti hian in tha kan han ring ve dawn dek dek a,pasal in nei leh daih zel,a hlawk loh thlak tlat"nui thu chungin a ti a.

Ka thil hmuan lai lem te tein"Pa ka hmingin loan ka la nga,chuan school building saw zauh ila,ka pasal chhungte hnena pawisa dah lut lovin,ka loan rulh nan chuan ka hmang dawn mi?tichuan hmeichhe fa min nei hi i hlawk zia i hre mai ang"nui sak chungin ka ti a.

Ka nu tih loh ka chungte dang ho chu an nuisung hlawm,Rinfel'in"ehe tih chi lutuk,Loan lak ngei ngei chi,Pa,keipawn pasal ka neih dawnah Loan ka la ve ang"a lo ti fiam hlut a.

Hmingmuan'an"fing phakar viau suh u.Pastor Jacob-a leh Usawmzuala bulah ka hrilh vek dawn nia"a lo ti ngat a.

Ka nu chuan rum zeta min rawn melhin"chaw ei lai in tawng reng suh u.Lalrindiki tak hi u chu,u ber ve si naute kaihruai thiamlo lutuk,khatiang thu kha vawikhatmah chhakchhuak tawh suh"a ti hmak a.

Ka pa chu a fian kenlai dahthla a,thochhuakin sitting room lam a pan nghal a.kan vai mai chuan ka pa awmdan hrethiam lo zetin kan en thap hlawm a.

Ka nu in"Duhtak,i va ei tlem ve?"a tih chuan"i eikhamah ka u te in lamah min va kalpui rawh"a ti nghut a.

Ka pa awmdan chu a thinrim a ni tih ka hria,engvang bera thinrim nge a nih tih erawh ka hrelo.ka nu pawh chu engmah sawi lova eikham thuai in ka pa nen an inzuichhuak nghal a.Ka nu leh pate hi kan mit hmuh leh beng hriatah thinrim taka an inhauh ka hre ngai lo.

Hmingmuan'an"u nangma vang hian ka nu leh pa hi an inhauh fo nia aw.chuvangin an rilru ti hah zawngin khawsa tawh miah suh"tiin a room lam a pan ve nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 23rd, 2017, 2:50 pm

JACOB LALRINDIKA-27
postby Basta Tlau » Tue Mar 21, 2017 7:51 pm


Ner nang chunga Hmingmuana kal liam ka thlir zui lai chuan Rinfeli chu ka hmazawna rawn dingin"Usawmzuala Birthday lawm naah rawn kal ve i tum mi a?i la damkawr em hi lokal ve lo mai rawh"ngen ngawl takin a tisap a.

Ka lu thing chunga a dara beng thek thekin"nangmah veng tur che a,ka kal ngei angai lawm,kum dangah pawh ka kal fo a,kumin ataka kal loh te chu chi nang"tia nui lui sakin ka ban na lam vai lauh lauh chungin ka kalpel a.

Rinfel'in"van ninawm tak,Usawmzuala hi then daih mai ka duh"a tih nang nang ri chu ka hriat chuan hawiletin"then i duh thu chu ka lo hrilhsak dawn che mi?"ka ti zauh a.

Rum zeta min rawn melhin"ngai bawk lo,kal mai teh"tiin amah zawk chu choka lamah a phei daih a.

Sawmzuala te nen kan inkawm ngeih sa vang hian ka nau nena an inkar tam tak hi ka hriatpui a ni.Rinfel'in engemaw changa"then daih ka duh"a tih chuan fiamthuin"ka lo hrilhsak ang che"ka ti ziah zel.an induh tawn hle tih ka hria,an inhauh changin a tu emaw zawk zawk hi ka bulah an rawn vui ve fo a ni.

Ka kawrho chu enkualin ka ha chin hlawm a,engber nge Sawmzuala Birthday lawm naah chuan ka hak ang?tunlai miten Zu leh a seh hmeh nena birthday an lawm luk luk ang hian keini chuan ka ti ngai lo.chawhlui kilin zan lamah thian hoin games eng eng emaw khelin kan infiam thin a ni.a chaklo zawk lama tan chuan tui thianghlim litre 1 kan in intir thin.

Dressing table a ka phone dah a rawn rik chuan Mimi a nih ringin ka en vat a.Jacob'an Video call hmangin min rawn bia a,ka lak rual chuan Hruaitea nen an awmdun ani tih ka hmu nghal.Jacob'an mitmeng zim sana rawn kun hnai deuh chunga"kawr i ha lo mi?"a rawn tih chuan rang lutukin phone chu khumah ka theh phei nghal a,a nuiri deuh huk ri ka hriat rual chuan Hruaitea aw hian"Papa,Ngatinge Anu kha?"a tiri ka hre nghal a.

Ka van mawl thei tak em,ka awmdan engmah in ngaihtuah chiang hmasa lovin Phone ka pick up a,zahthlak lutuk,kawrhnuai sen leh kekawr tlawn dum nen chauh ka awm tih ka theihnghilh a ni.a hrim hrimin ngatinge tunah ber kher video call hmanga min rawn biak ni.ka taksa eng chen nge a hmuh hman ang le?

Ka zak lutuk chu ka hmui hupin ka au vak ringawt a.Hmanhmawh taka t-shirt pawl dal ka khup khuh zen zawn chu ka hak lai chuan ka message tone a rawn ri a.kut khur dar dara ka en chuan Jacob-a number atang"Ka be duh che nia,kawr i ha tawh em?"tih ka dawng a.

"Ka be duh rih lo che,i sawi duh chu message hmangin min lo hrilh rawh?"tiin ka chhang let a.A aw hriat ringawt pawh ka ngam lo,ka tha khur pawh ala reh tha mumal lo ania.ka biang sa hat hat mai ka dawm lai chuan ka phone a rawn ri leh a,Jacob-a number a ni tih ka hmuh chuan thaw halh chungin ka chhing sawk a.

Vawi hnih a rawn rik naah chuan ka ner nak a,ka chhan hma loh chu min biak tumin a bei leh char char anga,ka nau phone atanga min rawn biak a tum leh ngei ang.

Phone chu la kangin"enge ka message kha i hmu lo mi?mak thei e,ka taksa kha i hmu chiang hman em?"ka ti chuai raih a.

"Hmu chiang e,mitdel ka ni hleinem,i zak a mi a?"pangngai zetin a rawn ti ngut a.

Awi hepa tak hi chu aw!"ka zak thlawt lo,enge i duh a?"ka ti ve hmak a.

"Bawihte'an a be chak che a,mahse kawr i ha bawk si lova,ka phal ta lo nih kha,naktuk school lama i kal tur thu i pa khan a sawi a,in banah Bawihtea nen kan rawn lam ang che,chuan Ka pa Lawma te inlamah kan tlang nghal anga"a rawn ti a.

Ka ngaidan leh duh dan pawh min zawt hmasa lovin thu tawp a lo siam leh ringawt zel."ka nu in,inhmu tam lo tura min duh kha,keimahin Pa Lawma te inah chuan ka kal mai ang,ke ka nei ve lawm"ka ti a.

A rum deuh nghut ri ka hriat rual chuan"a tha lawm,i duh dan nih chuan mahse kan inneih hunah chuan i nu thu zawm kilh kelh tur i ni tawh lo nia.Puitling i ni tawh"tiin kan inbiakna chu a ti tawp nghal a.

Ka phone ken lai chu melh nghekin"engang pawn Puitling ni mah ila,ka nu thu tha sawi apiang chu ka zawm zel ang"ka ti nghek a.

School lama ka kal chu kan thawhpui ten min chibai laih laih pahin"i pasal nei tur chu i hmel pawh a eng zual sawt alawm,school lamah i rawn kal duh pawh kan ring tawh lo asin"an ti hlawm a.

Naupang ho lah chuan"Miss in inneih hunah thla kan lakpui ve duh che u nia,miss,i pasal neih tur lawm nan vawin chu min ban hma pui la"an ti tliar tliar hlawm bawk a.ka duh ang pawn ka zirtir hlei thei lo,naupang thenkhat nghal zual ho lah chuan"miss,i pian a hma,kei ka tlai si,damlai lu ka sun dawn ni maw"te an rawn ti thul,han thinrim vak ngaihna pawh ka hrelo.ka zirlai naupangte hmaah keimah zawk ka lai deuh lek lek a ni.

Mimi leh Ruati te nena chhun thingpui kan in lai chuan Mim'in"Sawmzuala birthday kha Jacob-a inthar lawmna ni pahin fawmin,Jacob-a inah kan hmang dawn nia,a nuam ngawt ang"a ti lang lang a.

Mimi chu phawk zeta enin"i ti tak tak a mi?Jacob'an engmah min hrilh miah si lova"ka tisap a.

Ruat'in"dawt a sawi hleinem,Jacob-a duhdan a nia,keini pawn tukin zingah khan kan hre ve chauh alawm,ka chak tawh e,kawrfual ha theuh ang u aw"phur hmel fe in a ti a.

Ka phurna leh huphurhna chu a inzat deuh thuakin ka hria,kal loh mai te ka duh deuh rum rum a ni.kal lo ta ila ka thianten zawhna hrang hrang min zawh mai bakah,khum beta damlo ka ni ngawt loh chuan Sawmzuala emaw ka thiante Pahnih hian a turin min rawn tur chhuak dawn tih ka hria.

Ruat'in"Diki ka thian i nihna angin ka hrilh ang che,changtunu chan i chang a ngai dawn nia aw.Sawmzuala Birthday lawm tur ni mah ila,midang mit chu nang leh Jacob-a lamah a fuh thup ang.Jacob-a hi a lar ang reng riau si a,Pastor a nih loh hnu hian a che pui ropui lehnghal.engthil nge a present tawh che"min en kalh chungin a ti a.

Ka lu thinga ka zungbun tilang pahin"hei bak hi engmah alak atang ka la dawng lo,engmah min pe lo se ka duh zawk,keiin pek let tur ka nei si lova"ka tisap a.

Mim'in"hmani khan i rawng duhzawng te leh i thil ngainat ang chi min zawt asin"a lo ti vat a.

Ka hmui tisawi in"a ho lutuk,class tan a hun dawn,Mimi Mo kawr tur vel kha chu i kutah ka dah nia,nang designer hmelhriat i nei tha deuh"tiin ka thochhuak nghal a.

Tlaia Pa Lawma te ina chaw ei tura ka kal chu kawta Jacob-a car inhung ka hmuh chuan ka thaw halh a.inchhung ka pen luh rual chuan Hruaitea chu ka bula rawn tlan phei in"anu,anu"tiin ka kawngah min rawn kuah a.

Jacob-a chu kan bula rawn kal pheiin a khi suk a,a sam cut dan a bek kawng lutuk ni silo leh a chip lam a mawi tawka puk lek lek chu a inhmeh hle in ka hria.ka bul hnaia a rawn din phei chuan a perfume rim pa tak mai chu hip kawkin ka thawchhuak halh a.

"zun i nei ani ngei ang,Bawihtea leh kei hian a ngai khawp mai che"ka beng bula rawn kunin a tisap a.

Chhan mai dan tur pawh ka hrelo,Ka mit khap deuh faka zah zela Hruaitea pawm ka tum chu Jacob'an"la indim rawh"tisapin amah zawk chuan Hruaitea chu pawmkang nawlhin thutna lam a pan pui a.
www.storyfb.com mizo story thar nitin dah ziah a ni e
Nu Rinpuii chu choka lam atanga rawn phei in"Diki i lo thleng ta maw?tikhan in duh duh danin lo awm rawh u,chaw ei kan peih tep tawh nia,I Pa Lawma pawh a in tifai a,a rawn chhuak tep tawh ang"tiin choka lamah a let lehnghal a.

Hruaitea chu ka malchunga pawmin"i tlangval sawtin ka hria"a sam tuai sak pahin ka ti a.ka hmazawn taka Jacob-a thu chu en lo turin ka inthunun lui hram hram a ni.

Apa lam chu hawiin"Papa in naupang anga awm a phal tawh lo,Anu i ban chu khawilaiah nge misualin an kah sak che a"a tiin ka ban tawn tawn chu a thlek kual a.

Ka kawr chhana ka ban na lam chu kawkin"hetah hian nia,Bawihte min khawngaih em?"nuisak chunga ka tih chuan a lu bu nghatin"aw,misualpa chu ka la kap ve hrim hrim ang"a ti reuh a.

A bianga piai sak zeuhin"phuba lak loh tur Pathianin a phal lo,misual chu Jail lamah hremin a awm tawh lawm"ka tisap a.

Pa Lawm'an"in lo thlenna a rei tawh em?vawin chu kan hna lamah kan buai deuh a,nidang ai ka haw tlai alawm le.Hruaite lokal rawh,ka lo pawm ve tawh ang che,hei i thil tur ka rawn hawnsak che nia"tiin banga car lem nalh tak mai chu a rawn lek a.

Hruaitea chuan"Apu,anu bulah ka awm duh lawm"tiin Pa Lawma thil ken lai chu awh hmel takin a en dauh dauh a.

"Bawihte ka kalsan dawn hleinem che,reilote apu saw inpawm tir ve lawk rawh"ka tih chuan ka malchung atanga chhuk thlain apu lam a pan phei nghal a.

Jacob'an"ka nu te pawh an rawn thleng tep tawh ang"a tih lai mek chuan kawngka rawn inhawngin Jacob-a nu leh pa chu an rawn inzui lut a.

Chhung inkhawm hmanga tawngtai na te kan neih zawh chuan chaw ei turin kan inbuatsaih a,Hruaitea chu ka bulah a awm deuh chawt bawk a.chaw kan eilai chuan a mutchhuak chu a ham bai bai reng bawk a.Nu Mawi'in"nakinah ka lo pawm muhil ang,tunlai chu chaw ei laia mut thluk hi a hrat thar tlat a"a rawn ti a.

Kan chaw eikham kan thil eina ka seng pui lai chuan Nu Rinpui'in"Bawihtea chuan angai tawh bawk che a,i bulah a tap chawt reng mai lawm,Diki ka fapa kha la dam sela ka ti ngawt mai.i hmel ka hmuh apiang hian ka ngaih a zual thin,mahse engkim hi Pathian remruat dan a ni si a.Hlim takin awm reng ang che aw"a mittui hru zeuh chungin a tisap a.

Hreawm ka ti ru ngawih ngawih a ni.ka bialpa ni thin leh an fapa Thlenga boralna kum em pawh la ral hma in pasal neih ka tum chu a ni si a.Nu Rinpuii kuta hmer sakin"khawngaihin min ngaidam hram rawh"ka tisap a.

Mak tih hmel taka min rawn enin"Diki,ngaihdam min dil a maw?engvang nge?thil dik loh tih i nei a mi?ka fapa vang a nih chuan engmah tih dik loh i nei lo,ka fapa khan Jacob-a nen nupa hlim tak ni turin a beisei ve ngei ang che u"ka nghawnga min kuah chungin a ti a.

Tih tur ka neih thu chhuan lam siama haw ka tum chu Jacob'an"i thil tur ka motor-ah khan awm nia"pangngai zetin a ti a.

"Engthil nge a?"ka tih chuan a dar san akin"ka hrelo,i hriat duh te chuan nangmah ngeiin i en dawn nia"tia rawn thochhuakin ka darah kuahin pawn lam min panpui nghal a.

Kawngka a inkhar rual chuan a kut dahthlaksak tumin"ti zahthlak thei lutuk"ka ti hlar a.

A lama min kuah hnai sauh pahin"engvanga awm ve lo ang maia min ngai nge i nih?chaw ei chhung zawng khan Thlenga hlir a mi i ngaihtuah a?"tiin a motor kawngkhar chu a hawng a.

"Ka ngaihtuahna lehzel hriat tum suh.."ka tih chuan paper bag pahnih hi rawn khai langin,ka hmazawnah a rawn lek va a.

"kha ka cousin pakhatin kawr leh pheikhawk a rawn thawn che nih hi,naktuk zanah rawn ha ang che"a ti nghut a.

Makti deuh taka melh hain"ka ha tawk lovang,ka duh lo,kawrhak tur ka ngah"ka ti ngat a.

Ka kuta rawn hmeh bel chawtin"min hnial reng suh.i hmui chip tir dan kawng khat chauh a awmlo nia,he thil hi i tawk tih ka hria,i nau nen keiman ka rawn hruai ang che u,Sawmzuala chu a hman lovang"tiin a rum nghut a.

Nu Rinpui'in"Diki,i bag i theihnghilh dawn"kawngka a rawn chhuak paha a rawn tih lang chuan Jacob-a chu ka awm hlatsan vat a.

Ka van haihawt tak engvanga theihnghilh thei zawk nge ka nih le?Nu Rinpuii chu kan bula rawn dingin ka thil ken lai chu a melh a"E hei Jacob i thil chahsak chu a rawn thleng tawh ni maw?Diki i kawr leh Pheikhawk..."a tih lai tak chuan Jacob'an"Ka ni,i sawi ho e mai a,lokal rawh lo va lut rawh,Diki hi kan thlah liam nge"tiin kawngka lamah chuan a kuah phei nghal a.

Ka thil khai lai chu melh zauhin Jacob-a ka lam pana rawn kal phei mek hnenah chuan"he thil hi i cousin min pek ni lovin, nangma lei ani tiraw?"ka ti ha a.

A lu bu nghatin"aw,ka thil avanga midang ka tih buai nasatzia chu a,ka pian tirh ata hmeichhe thawmhnaw ka lei hmasak ber a ni kha,ka nu pawn a thik hle nia.chuvangin rawn ha ngei ngei ang che"a ti hmuk a.

A hmel awmdan chu a lawmawm ru tak zet a ni."ka lawm e,ka rawn ha ngei ang,ka inhmeh lo viau a nih pawn nangman mawh i phur bawk ang,mangtha phawt aw"nui hak haka tiin scooty chungah ka lawnkai nghal a.

Phun deuh hluk paha ka bana rawn chelhin a hawi kual a"enge a?"ka tih zawh rual deuh thaw chuan ka hmuia rawn fawp zeuhin"ka phu ve reng in ka hria"a tisap a.

Ka hmui hnuai seh zeuh chunga Jacob-a nui suk chu melh in"van hunlo thei tak"tiin ka inkhalh chhuak nghal a.

In ka thleng chu Rinfel'in ka room-a min rawn zui lut ve nghalin"Birthday kha,Ujacob-a inah lawm tur tih kha i hria em?ka nu hian a hriat chuan chi loh ngawt ang"a ti hluai a.

Ka thil khai chu phawrhchhuak pahin"duh leh hria se,naupangchhia anga thil sual ti tur leh zu leh ruihtheih thil ti tur pawh kan ni hleinem,Jacob'an kan pahnih in min rawn hruai dawn nia"ka ti a.

Rinfel'in"nia,Usawmzual'an min hrilh tawh lawm.Ehe khawi mi nge ava nalh ve?"tiin kawr leh pawnfen sen in suit ka khup chen vel tur chu a pharh a.pheikhawk pawh kawr rem tur tak a dum leh sen inpawlh sang lutuk si lo a ni bawk.

"Jacob'an min leisak ve ngei a,engtin nge ka size a hriat theih zawk le?"ka tisap a.

"Nimin piah khan phone atang i size min rawn zawh nachhan kha a niang,a hriat duhna chhan ka zawh in min chhang duh der bawk si lova"ati hlak hlak a.

Kawr leh pheikhawk ka inthawlh chuan ka tawk chiah chiah ka taksa chu duh aiin a hreng mar lek lek,mahse hak hreawm em em zawng a nilo.

Jacob'an zan dar 6:30 vela min rawn hruai chu kan chhungte ho sitting room-ah Television-a chanchinthar enin a thu thap a.Rinfeli nena kan chhuak phei chu ka pa in"In unau khan tlai vak lova,lo haw rual leh ula,mi zinga mawilo taka khawsak lo tur"tiin Jacob-a chu a en a."i rawn thlah haw leh ngei dawn nia aw"a ti a.

Rinfel'in"Pa kan kal mai dawn?tih tur kan ngah hmel si,kan thlen har chuan a chi loh"tiin min signal a.

Jacob'an"Pa Duhawm,ka rawn thlah leh dawn nia,lo ngaituah suh u,anih kan kal phawt mai ang"tiin a chhuak ve nghal a.

Car hnunglama thut ka tum chu Rinfel'in"U ahma lamah khan thu rawh,zanin chu chance ka pe ang che u"nui hak hak chungin a ti a.

Jacob-a chu motor khalh chu ka melh zauh a,nidang zawng aiin a langtha in ka hria,armani coat suit grey rawng ha in a sam chu a mawi tawk lekin a tiphir a,a perfume rim chu pa tak mai chu ka hip lut vang vang a.

Rinfel'in, Sawmzuala phone-a a biak lai chuan A kut lehlama ka kut rawn hmer zeuhin"i nalh lutuk"tiin ka zungbun chu a tuai a.

Biang sa hat hat chungin melh zauhin"nangpawh,Bawihtea a awm ve dawn em?"ka tisap a.

"Ka Pa Lawma te inlamah ka nu ten an awm a,zanin chu ka kianga awm tlat turin ka duh che nia,kan hmelhriat te vek sawm mah ila,buaina i tawk thei tlat"a tisup a.

Jacob-a in kan thleng chu ka beisei phak bakin a ropui.light rawng hrang hrang de neuh neuh chi chu kawt velah a phe tuar a.

Sawmzuala leh Rinfeli chu hmanhmawh taka inchhunga an inzui lut chu en in"Rinfel minlo nghak ve ta che"tiin zui ka tum a.

Ka kawnga Jacob'an rawn kuahin"Puitling a ni ve tawh lawm,a thil tih apianga vil zui zel chu a chi lovang"a tisap a.

Inchhunga Jacob'an min luhpui rual chuan mi lo awmsa te chuan min lo en thap hlawm a.Jacob-a lah chuan ka kawnga a chelhna kut chu laksawn mai a tum bawk si lo,a zahthlak tak zet a ni.

A kut phelhsak tuma vuanin"min enthup a nia,a zahthlak"ka tisap a.

"Engmah hlauhthawn tur a awm lo,zahna te chu hlauhna vang chauha awm alawm anih,zak duh suh"tiin midang zingah chuan min thutpui a.

Mimi leh Ruati hmel ka hmuh loh avanga hawikualin"khawnge an ni pahnih hi an awm daih le?rawn kal an tum lo mi?"ka tih rual chuan mimi chu inchung lam atanga hlim hmel zeta rawn chhuak in Jacob-a bulah chuan a thu a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 23rd, 2017, 2:51 pm

JACOB LALRINDIKA-28

Postby Basta Tlau » Fri Mar 24, 2017 6:39 am


Mimi chu enin"Khawnge Ruati hi a awm daih a?"ka tisap a.

"Gym room-ah ala awm.Jacob,i inchhung kan fang kual a,a nuam khawp mai,zing tin rawn insawizawi ve i phal ngem?pawisa chawi pawhin ka duh tak tak nia"a ti a.

Jacob'an"in thiannu hi dil ula,ani remtih dan azir ni mai"nuisuk chunga a tih chuan ner nakin ka hawisawn a.

Kan piah deuha mipa pakhat ka hriat ngai hauh lo thu in minlo enreng a ni tih ka hmuh chuan mak ti takin ka en a.

Chupa chuan chal chuar tapin min rawn nuih suk a.tunge maw a nih le?

Mim'in"awi leh Laldik,i phal ngei angai ang,i phal loh chuan in inneih hunah mo thianah ka dinpui miah lovang che,ngatinge kawrfual i rawn hak ve lova,i phakar lutuk"a tih chuan phu deuh zukin ka tawng deuh nawk nawk a.

Sawmzuala chu kan thut khawmna lai taka rawn dingin "chaw ei hmasa phawt ang u,chumi zawhah intih hlimna kan nei dawn nia,chaw eikhamah tumah haw loh tur"a rawn ti a.

Sawmzuala chu kan bula rawn dingin"Diki,thu reng ringawt lo khan Rinfeli saw lo pui ve rawh u,mimi nangpawh,khawnge Ruat keli hi"a ti hluk a.

Ruati chu stepa rawn chhukin"Malsawmzual,khatin min ko ziah tawh suh.Rinfeli chu i duh leh nangmah khan pui la ni mai,midang phut kual lovin"a ti hlar a.

Ruati thinrim hmel leh Sawmzuala ngaidan nilo hmel chu ka nuih an tiza lutuk tlat,nuiri hak hakin"in hnial tawh lo teh u,Birthday neitu ber a thinrim chuan chi lovang"tiin ka tho chhuak a.

Jacob-a chu ka bula rawn ding ve nghalin"i ril a tam viau loh chuan in hi ka fan pui lawk ang che chu"a tih chuan Sawmzual'an"va fan pui rawh,mahse awmbo reilo ula"nui suk chungin a ti a.

Jacob'an ka kawnga chelha min kalsawnpui lai chuan Mim'in"mi hi awh tik ziah suh u"a rawn ti lang lang a.

Jacob-a naka nghawk zeuhin"a mak e,midang an awm ve reng hi"ka ti hlar a.

"Midang awm avanga kan tih tur leh awmdan kan thulh phah nachhan tur a awmlo,an duh angin an awm a,keini pawh kan duh angin kan awm ve ni mai"ka nghawng bawra rawn thaw lum ham ham chungin a ti a.

Ka mur sung sung thei in ka hria,zah zelah"ka riltam nia,fan kual tur a tam viau em?"ka ti ringawt a.

Room pakhat naupang toys leh banga milem chi hrang hrang rawng hmanga inziak awmna room-a min luhpui a,ka hawikual lai tak chuan ka hnung atanga ka kawnga rawn kuahin,ka darah a khabe a rawn nghat a,awmsawn ka tum chu min kuah nghet sauhin"Keipawh chaw chakna vang ni lovin,ka ril a tam lutuk tlat,ka tam chhawl thei mai dawn in ka hria"thaw ham ham chungin a ti a.

"Jacob"zawi sapa ka tih chuan"umm reilote ti hian awm lawk ang,Diki,nang hian khawvel tharah min chen tir a ni ber mai.tun hmaa ka tih ngai loh leh ka ngainat zawngte hi a inthlak nasa khawp mai"ti tuakin ka kawrhak chhana ka hnute chu a rawn hup chat a.

Ka hnute chu a tang nghal atin ka hria,kawrhnuai chhah ha lo phei ila chuan ka hnute hmur rawn kawh lah chu a langsar hle ang.A kut chu dahsawn sak duh hle mah ila, chakna leh theihna reng ka nei silo.hepa lakah hi chuan dawl zawr angin ka zawr hnap zel a ni.ka ngaihtuahna lah chu a buai nuai zel mai lehnghal.mitmeng phi ruaia Jacob-a hmel chu enin"nupa kan nih loh hi,hetianga awmtur kan nilo"ka tisap a.

Ka benga rawn seh ner nerin"engtia awm tur nge kan nih a?mipa dangin i kawr phelh chak hmel taka an thlir che kha,ka hmuh loh i ring a mi?mipa hi kan inang vek lo a nia,pasal pawm lai nei mutpui duh talh an tam tawh lutuk"ti hlukin a tawlhsawn nghal a.

Ka dinna bulah dawhkan vawn tur awmlo sela chuan chhuata ka tluk sawp nuai ka ring.ka chil lem khawlh chunga boruak hip kawkin"nula ka la nia lawm"ka tisap a.

Kut kuangkuaha min melh ngurin"ka nupui i ni thuai dawn"a rawn ti ngut a.

A awmdan inthlak awlsam thin lutuk hi ka hrethiam lo ru tak zet a ni,nelawm leh min duat hmel taka a awm hnu lawkah,min huat hmel leh ten hmel takin a awm leh thin si a.

Ngawi ngul chunga room dang min fan pui chuan kei pawn biak ka tum lem lo.room pindan hrang hrangte chu hmuh an nuamin mit a tlai tak zet a ni.bungrua thenkhat chu mizorama ka la hmuh ngai loh thil changkang tak tak a ni nual hlawm.

Jacob-a nen inhnuai pana step-a kan inzui thlak lai chuan nichina mipa minlo enreng tupa chu thei tui no keng chungin step-ah a rawn chho a,a zawn kan thlen lai tak chuan a thei tui kenlai chu tilui tih hriat zetin ka kawr awmah tak a rawn ti bua a.

Engang mi nge maw a nih le?zaktheilo lutuk.Te that chunga thinrim taka ka hawi chhuak chu Jacob'an banga lo nawr betin"mitdel i nia mi?i kalna kawng en ngun ta che,tunge i nih?"thinrim tih hriat zetin a ti tuar a.

Chupa chuan inthiamlo hmel taka a rawmawl var tha zet min rawn pe in"ka tihpalh a ni,Hminghlua ka nia"a tisap a.

Midang hovin kan awmna lam an rawn hawi thap a ni tih ka hmuh chuan Jacob-a kut dahthlaksak tumin"thlah tawh rawh,ka tihpalh a tih kha"ka ti ruai a.

Phun hluk chunga min melh hrawkin a vawnna chu a thlah a.ka bana rawn chelhin"ani hian a rawn ti lui a ni tih i hmu lovem ni,mawl leh lutuk mai"ti hlukin step-ah chuan min kai thla nghal a.

Hminghlu'an"kawr dang leina tur ka pe ang che"a rawn tih chuan Jacob'an "kan mamawhlo"tiin
min kaisawn dawr dawr nghal a."kan mamawh lo a ti a maw!"ani leisak tum lovin,keimah zawk leisak min tum chauh a ni si a,tupawn a thlawna thil dawn te chu kan chak vek alawm.

midang hovin mak tih hmel tak leh angaihna hriat loh hmel taka minlo en thap chuan ka awmzawna ka kut lehlam dahin chhut lam chu ka melh char char a.

Pawn boruak vawt raihin ka taksa a rawn chhem a ni tih ka hriat chuan hawichhuakin ka thaw halh a.

Jacob'an a lam hawi tura min kuai her lawpin"khapa kha i enge a nih?ani nen khan engtiang chiahin nge inkungkaihna in neih?"thinrim hmel takin a ti chhur chhur a.

Makti tak leh phawk zeta enchho hain"engthu nge i sawi a?Hminghlua kha keipawn ka hre ngailo,min thlah teh midang mit mei venna chang hre ve ta che,awmdan mawi hrelo lutuk mai"ka ti hlar a.

Ka thin a tirim tak zet a ni,kan thiante hmaah naute lem ang maiin min kai phar dawr dawr a,mualpho taka kan awm ka hlauh avangin ka tang buai duh lo a ni a,chumai ni lovin khapa Hminghlua inti nen khan inkungkaihna nei turah min la ngai zui lehnghal.

Min thlah tumlo tih hriat zeta rawn kun hnaiin"dawt min hrilh suh,ka thlah hauh lovang che,ani nena in in mitmei tawn lai kha ka hmulo turah i ngai mi?tun atang chuan ani kha vawikhatmah hmu tawh ngai suh ang che?"thupe aw zetin a ti hrawk a.

Thinrim mittui tling kiau chunga enin"i va zak love,nang hi Ramhuai Lalpa chu i ni.Engtin nge Pathian thu te kha..."ka tih lai tak chuan ka hmai a rawn ri thuai a,ka beng a kiu mup mupin ka hria.

Ka biang dawm chunga thinrim zeta Jacob-a min benna a kut a lo melh ngawih ngawih ka hmuh chuan za lo zetin ka nui lui hak a.

A ban a rawn phar chhuak chunga"Diki"tham tuaka a rawn tih chuan tawlh hnung dawrhin ka en rum a.ka hlau bik hauhlo,ka pa ngei pawn ka biangah vawikhatna bengin kut min la thlak ngailo.

Thinrim aw khur dar dar chunga melh ngatin"i nihna diktak chu a hriat ta hle mai.mipa,hmeichhe kutthlak ching.i nupui pawh kha kut i thlak thin ngei ang.."ka tih lai chuan "ngawi hmak rawh"seh chilh nawk nawk chungin a rawn ti hrawk a.

"ka ngawi lovang,naute lem ang maia i tih dan ang anga awm tur ka nilo,kalbo rawh"ka ti let ve nghek a.

Rawn che deuh hruta min rawn ban tumin a kut chu humruhin a maimimichhing a."ka tihpalh"tisupin a pen sawn nghal a.inchhunglam pana a kal chu thaw halh chungin ka thlir tlawk tlawk ringawt a.ka biang chu a sa ham hamin ka hria.

Ka bianga mittui luang chu ka hru hul sawk sawk a,helai hmun hi chhuahsan nal nal ka duh a ni.mahse tun ang hmel pua inchhunga ka bag ka va la a nih chuan ka thianten zawhna tam tak min zawt leh sup sup ngei dawn a ni.ka thinrim inbengdai nan maimichhingin ka thaw chhuak halh halh a.

Sawmzuala cousin Hmingtei chu ka bula rawn kalin"Udik,Hminghlua nen khan inlo inhria law?"a tisap a.

Ngatinge Hminghlua tei vet nena inhresa tura min ngaih tlat ni,ninawm lutuk."Hminghlua chungchang engmah sawi ka peih lo"ti deuh hlukin Hmingtei chu ka melh kawk a.

Inthlahrun hmel taka minlo en letin"ka star na a rei tawh lutuk a,inlo hriatsa takin ka ti mai mai lawm"a tisap a.

Mitko san deuh ak chunga Hmingtei chu melhin"a laka i rilru puthmang chu nangmah ngeiin hmaichhana i hrilh ngam loh pawn Phone hmang talin i hrilh dawn nia"tisapin inchhunglam ka pan san nghal a.

Haw tuma ka bag awmna lam ka pan lai chuan mimi chu ka bula rawn kalin"ngatinge Jacob-a kha,a awmdan kha a mak lutuk.Thinrim hmel tawkin a rawn lut a,kan biak pawn min chhang tha duh miahlo,a motor lam panin chak zetin a tlanchhuak nghal daih a"a ti sep sep a.

Ka bag atanga Sawmzuala ka present tur sana chu phawrh chhuakin"Mimi,hei hi Sawmzuala minlo peksak mai rawh,ka lo va hawsan mai ang che u"ka ti daih a.

Maktih hmel taka min en in"i thinrim loh hunah Jacob-a nen in inkar chungchang chu min hrilh ngei dawn nia,eng in nge i haw dawn?"ka thilpek la pahin a ti ha a.

Motor chuan haw na tur ka hmuh loh chuan kea haw mai tur ka ni tih Mimi hriattir ka duh lo."Hmingmuana ka in hruai tir dawn lawm,min ngaihtuah suh"tiin kawngkapui lam ka pan nghal a.

Ka kawr hma a huh avang chuan vawt ka ti tan lek lek,kawngpuia keimaha ka kal chu ka hlau ru ang reng hnuhnawh.

Ka hnunglama motor horn ri vak ka hriat chuan kawngsira pe tek dawrin"i va mawl ve"tiin ka au vak a.

Ka dinna bul lawka pulsar bike var chu rawn ding dat ka hmuh chuan ka bag ken lai chu ka lek kang va nghal a.

A Helmet phelha a hmel ka en chu Hminghlua a ni tih ka hre nghal.ka thin a sa deuh zar bawk.Rum zeta Hminghlua chu en hrawkin"kalsawn vat rawh,engvanga khatianga rawn tih rik vak kher nge i nih a"ka ti vin vak a.

Ka chip atanga ka ke ler rawn en dan danin"haw i tum mi?ka lo thlah ang che"a tisup a.

Ner nak chunga melh nghekin"min thlah haw angai lovang,ka lawm e"tiin ka pen sawn nghal a.

Motor horn a rawn tih rik vak avang chuan phu leh deuh zukin"mawl lutuk,nang hian min hria mi?ngatinge min rawn tihbuai chhen a"ka ti vin hlar a.

"Ka bialnu boralta Thanpuii nen in inang em a,keimah avangin i thianpa nen in inhau deuh niin ka lo hria a,ngaihdam ka lo dil dawn nia.mahse ka thlah haw phawt che min phalsak la,thian ang talin min en la ka duh a ni"thu tak fe in a ti a.

Kan in thleng tun ang zan thim a kal tur chuan ka huphurh ve deuh,bakah Hminghlua hi ka ngaihdan anga misual leh rilru chhe tak a lo nilo mai thei bawk.

A hmel enin"hey nangpa hian Hmingtei kha i rawn kalsan daih law a.va lut leh nghal rawh"ka tih chuan a lu thingin"ka thlah haw phawt ang che.ka thil tihsual siamthat phawt ka duh,lo chuang rawh"tiin hnunglam chu a hawi zauh a.

Pawnfen chhing ka feng sia ka mal alang thui dawn tlat."i coat kha hlip teh,ka mal khuh nan ka duh"ka tih chuan makti deuh taka min rawn en hnu in a coat chu a phelh ve mai a.

A bike hnunga ka chuang kai chiah tih chuan Jacob-a motor chu kan hmaah muangchangin a rawn tlan a ni tih ka hmu nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 23rd, 2017, 2:52 pm

JACOB LALRINDIKA-29
Postby Basta Tlau » Sat Mar 25, 2017 10:03 pm


Naupang thil sual ti an nu leh paten an man chhuah ang mai hian Jacob-a hmel rum ul chunga minlo en ka hmuh chuan ka thin a phu nghal dawt dawt ringawt a.

Min tlanpel fel chiah tih chuan Hminghlu'an hnunglam hawi zuiin"i bialpa Jacob-a kha a ni tiraw?"a tisap a.

"A nih kha,khawngaihin Bazar veng lamah min thlah haw hram rawh aw"ka ti raih a.

"Awle,min vuan nghet rawh"a tih chuan a kamiz kawr hnunglam tam khawmin ka chelh bet a.

"Ka kawr kilh i pawt thla vek dawn,ka darah emaw ka kawngah chelh mai rawh,min hlau duh suh"nuiza insum tih hriat zeta a rawn tih chuan"van ninawm tak" ner nang chunga tiin a darah ka vuan a.

Kan inzawna ding tura ka tih rual chuan min dinpui in"a chhak lawk khi mi in in?a remchan hunah rawn len ve i phal ngem?"a tih chuan a coat pe let pahin"aw i duh hunah i rawn leng dawn nia.min thlah haw avangin ka lawm e"tiin kan inlam panin ka kal nghal a.

Inchhung ka lut chu ka nu leh Pa sitting room-a lo thu ka hmuh chuan ka nu in"khawnge i nau,in rawn haw rual na nge?"min en ha chungin a ti a.

"Ka rawn haw san,an rawn thlah haw ve mai ang.naktuk naupang test na tur question siam ka ngai a"tiin ka room lamah ka kal nghal vat a.

Ka kawrhak lai chu hlipin ka intifai a,Darthlalang hma a ka ding chu Jacob-a hmel nelawm loh zet mai leh kut min thlak zawh hnua a inthiamlo hmel chu ka mitthla a.min ngaidan diklo lutuk hi a mak ka ti a ni.engvanga min neih duh ber nge a nih le?ka chungah a thinrim fo in,kan inhnial nasa hle thin si a.

Khuma ka mu chu message engemaw tal ka dawn ringin,ka phone chu ka melh leh zauh thin a,be hmasatu nih ka tum bik hauh lo.

Zan dar11 vela ka room kawngka kik dat dat ri ka hriat rualin Rinfel'in"U i muhil tawh em?biak che ka duh nia"tawng rin hlau deuh takin a rawn ti a.

Kawngka va hawnsakin"i rawn haw ve chauh law?"ka tih chuan rawn pen lutin"Hminghlua nen khan in inhre sa mi?Pastor Jacob'an in inhriat leh hriat loh min zawt a,a thinrim hmel lutuk.Hmingtei lah chu Hminghlu'an a thlah haw che tih a hriat khan a thinrim lutuk a,mahse Hminghlua rawn let hnu kha chuan a pangngai ve leh maiin ka hria"tiin ka khum tlangah a thu nghal a.

Rinfeli bula thuin"a duh tawkin thinrim rawh se,pawi ka ti lo,Hminghlua kha keipawn ka vawikhat hmuhna ve tho ani.va mu tawh rawh"tiin ka nem tho a.

A tuk lama school ka kal chu ka thawhpui Birthday lawm naa kal ve hoten zawhna hrang hrang min zawt nauh nauh hlawm a,chhan vek ngaihna pawh ka hrelo.zan lam ka mu thalo nen ka lu a na in ka thin chhe zual sauh in ka hria.

Ka thawhpui zinga mi Bethel-i Pasal nei tawh chuan"Diki i rilru a hah hmel tawp.inneih dawn hnaih hi chuan rilru a hah duh thin asin aw.nu leh pa thlazar hnuaia inchhung khura nuamsa taka khawsa mi nih phei chuan mahse Pathian kutah innghat ila engkim a fel vek a ni mai.Pathian in kan chunga thleng tura a ruat hi chu a thleng tho tho.nang leh Pastor Jacob-a pawh khuanu remruat in lo ni mai thei asin"a tih chuan thaw deuh halhin"in nupa hian in hauh chang in nei thin em?"ka tisap a.

Midang ena hawikualin ka bula a rawn kun hnai a"kan duh dan leh ngaihdan thil a inang vek lova,kan inhnial ve fo alawm,mahse diklo zawk nih chuan tlawm zawk nih kan hreh lo ve ve,tlawmna nun neih fo hi angai ni"a tisap a.

Naupang class test ka neih pui laia ka contact number list a mi nilo atanga message ka dawn chuan ka thaw halh a,"i thianpa chu hmuh ka tum ngial pawn aman min hmu duh tlat lo,tihngaihna ka hre biklo.nangman hmuh tum zawk la a tha ang.Aizawl lamah phei ka ngai tawh si a."tih ka chhiar chu Hminghlua a ni tih ka hre nghal a.engtin nge ka phone number a neih le?

Engtin mah chhang let duh lovin ka phone chu ka dah ta daih a.a hnu lawka whatapps tone a rawn rik chuan ka en a,Hminghlu'an thalak min rawn thawn hnuaia"hei hi ka bialnu hlui boralta Thanpuii thalak chu nia,in inang ka ti khawp mai.Mahse in mizia chu a hrang hlakin ka hria"a rawn ti a.Thalak ka download chuan an pahniha hlim hmel taka an thalak dun na a ni.a hmeichhia zawk nen chuan kan inang ve hle in ka hria.

Hminghlua rawn inthiamlo lutuk chu ka khawngaih a ni.a bialnu a chan avanga a rilru a nat dawn tehreng nen,keini lah chuan kan lo thinrim khum a ni si a.

"inthiamlo duh suh,Pathian in i kawppui tur dang tha tak a pe leh ngei ang che,Hmingtei pawh hi a fel nia"tiin ka reply a.

"Missionary-a kal mai te hi ka duh deuh rum rum thin.engpawh chu nise,nupa hlim tak ni turin duhsak ka hlan che u ni"tia min rawn reply-na ka chhiar chuan thaw halh a.

Ni thum vel zen zawn Jacob-a nen inbe lo leh inhmu lova,kan awm chu ka ngai ru deuh vawng vawngin ka hria.ka chhungten Jacob-a nen kan inkar thu engmah min zawt ngailo chu ka lawm ru tak zet.zawhna min zawt ngat sela chuan chhan ngaihna ka hre dawn lo hle si a.

Inrinni chawhma lama ka thiante pahnih Mimi leh Ruati te nena Ramzotlang lama Baby home-a nau bualpui tura kan kal chu thawk tu te nen kan bual a,kan thian zingah chuan nau bual ka hnehsawh ve ber.

Mim'in"Laldiki chu i ti thang tawh bawk a,i hnehsawh hle mai maw?,khawi i thlalak kan upload teh ang"tiin a

Phone chu ka hma zawnah a rawn lek a.

"Kan Pathum awmna group-ah bak khawiah mah post suh ang che"ka tih chuan nui sang chungin"thalakah hian i langtha thei bik ngawt mai"tiin a kalsawn nghal a.

Naupang panga ka bual zawh hnu chuan ka kawrhak te pawh a huh deuh nuai thei.Ruat'in"vawin zet chu a nuam hle mai.nau bual zir pahin midang tan thil tha kan ti chu ni si a.nidangah pawh kal fo ang u"a rawn tih chuan ka nuisak a.

Naupang rilru thianghlim tak tak ho bula han awm chu a hlimawm tak zet a ni.an thin a rim chuan tapin an thin rimna an lanchhuah tir a,an hlim leh lawm anih chuan nui var var chungin an awm bawk a ni.

Naupang pakhat pawm chunga naupang dangho isua naupang lai chanchin hrilha chhuata ka thutpui lai chuan kan piah lawk atang Hruaite'an"anu,in bulah ka awm ve duh"a rawn tih ri ka hriat chuan ka thil sawi lai tawp chawtin ka hawichhuak nghal a.

Hruaitea hnung lawka Jacob-a hmui chip hmak chunga kan lam pana rawn kal mek ka hmuh chuan ka thin a phu dawt dawtin ka hria.

Ruat'in"thalak i hmuh meuh chuan i rawn kal nghal nal nal lawm"Jacob-a ena nui var vara a tih chuan Mimi lam chu ka hawi nghal a.nichina ka thalak kha a hmuh ni ngei ang.a van chak dawn lo tak.

Hruaitea chu naupang dang kar a rawn inzepin ka nghawngah a rawn kuaha"anu,min pawm ve rawh"tiin ka nau pawmlai samah chuan a kek a.

Hruaitea kuta lo chelhsak vatin"Bawihte khatin mi kut an thlak ngailo,hei i ti tap alawm,ipa saw lova inpawm tir lawk rawh"tiin ka nau pawmlai tap vak vak chu ka thlem a,naupang dang thenkhat pawh an lo tap ve chul a.

Naupang enkawl tunu pakhatin ka nau pawmlai chu rawn banin"khawi ka lo pawm ang,i fapa hi ngaihtuah phawt mai rawh"a rawn tih chuan ka nau pawmlai chu pe in ka bula Hruaitea hreawm tih hmel taka lo ding reng chu ka en a.

Hruaitea pawm chunga Jacob-a ka melh chuan a kut kuangkuah thanin kan piah lawkah chuan bang nghengin kan lam hawiin a lo ding ran a.

Naupang tap chuah chuah karah engtin nge sawtia a lo la din mai mai theih zawk!zahpui awm lutuk.

Hruaitea pawm chunga a bula va kal phei in"Enge in rawn tih ve dawn?naupang tap saw va thlem ve ta che"ka ti hlar a.

A dar san aka chiang zeta min rawn enin"naupang bual i zir tak tak mi?"a tisup a.

Mimi chu aw,a van chak dawn lo tak.Ner nang chunga Mimi leh Ruati naupang tap an buaipui mek lam chu hawiin"zirlo"ka ti hmuk a.

"Ka ring,I thiam tawh em alawm"khi deuh suka tiin Hruaitea sam a rawn tuai sak a"Anu ban kha a kham rih a,naupang dang bulah sawn mi tumah vel tap lovin va awm lawk rawh"a tih chuan Hruaite'an min kuah nghet sauh pahin"Midang a pawm leh palh ang"a ti nang nang a.

A thik thu a chhe ve reuh hle mai.apa nen an inchhun hle aniang,nuisang chunga Hruaitea bianga fawp zeuhin"Bawihte ani te chuan nangmah angin,nu leh pa,pi leh pu pawmtu tur an nei zo ve ngai lova.chuvangin ani kiangah sawn tha takin awm la,ka pawm leh ang che"ka tisap a.

Hruaitea chhuata a chhuk thlak rual chuan Jacob-a thaw halh ri ka hre nghal a."ka hrethiam thei lo che"zawi fiah taka a rawn tih chuan ka kut khing hniha ka kawng dawmin"min hrethiam turin ka beisei lo che"ka ti ngat a.A hmel chiang takin ka en ngamlo,a tawngri leh a perfume rimtui tak ka hriat ringawt pawn ka tha a khur ru dar dar tawh a nia.

Ka bana rawn chelh thutin"a piah deuh ah sawn inbe lawk ang"ti ngutin min kai sawn dawr dawr a.

"Kan kal hrang kher a tul hleinem,i sawi duh chu sawi ve mai rawh"ka ti hlak hlak a.

A motor hun na bula min dinpui pahin"engtia rei nge min be lova awm i tum?ani nen khan in la inbe reng a mi"thutak runin a ti a.

Makti deuh taka en hain"i duh duh danin min puh chhe ringawt zel suh.biak che pawh ka duhlo"tiin kalsawn ka tum a.ka ban na lai taka nghet taka a rawn hmer chuan te that chungin ka then tlawk tlawk a.

Rang taka a kut lasawnin"ka tihpalh,Diki tinat che ka duh ngailo asin"a hmela inthiam lohna leh hreawm ti tak hmel langchhuak chunga a tih chuan ka khawngaih ru ang reng hle mai.hetiang hmelpu hian vawikhatmah ka la hmuh ngai.a thinlung chhungril tak atang a inthiamlo ngei a nih ka ring.

Ka ban hi chuti tehchiamin a na vak tawh lo,mahse engemaw changa han tauh fuh palh hian a na thin.ka ban tuai vat vatin"i sawi duh,i sawi zo tawh a nih chuan ka kal tawh dawn"tiin ka pen sawn a.

Ka hmuh loh chhung zawng khan engtinnge amah ngaihtuah a ka lo thlakhlelh em em theih zawk le?

Ka kawnga a kut sei thlurh a,a rawn chelh chuan ip deuh zawkin,ka insang mar nghal at a.

"Diki"aw zawi fiah taka a rawn tih chuan a hmel enin ka hawichhuak nghal a.nidang ai a lang cher.

A hmui chu ka bianga rawn sik tira ka kawng hmer nghet salh bawk pahin"ka ngai tak zet che a ni.khawngaihin i hman hunah bazarah Hruaitea Cycle lei tur min enpui hram rawh"a tisup a.

Thaw halh chunga enin"Ka thiante hi"zawi raiha ka tih chuan"an ni chu ngaihtuah duh suh"a ti a.

Ruati leh Mimi lam ka hawi chu an ban rawn vai lauh lauhin"nangni pahnih kha,inhnial reng suh u"mim'in a rawn ti lang lang a.

Ner nak chunga Jacob-a enin ka kawnga a chelhna chu phelhsak pahin"reilote la awm leh lawk ila,chuan kan kal dawn nia"ka tih chuan bu nghat pahin min zui phei ve nghal a.

Ka rilru a insual nasa tak zet a ni.Jacob'an khawngaih tih tawngkam a hman vang leh a hmel awmdan ka hmuh khan ami ngenna kha ka hnial thei thlawt lo.ka chunga a chetdan leh ka rilru a tinat na zawng zawng kha ka ngaidam vek tihna a nilo.

Ruati bula Hruaitea cycle lei kan tum tih ka hrilh chuan phur hmel fahranin"a tha lawm,bazarpui ngei ngei rawh.nangni pahnih ber in inngeih loh chuan a nuamlo nia"nuisang chungin a ti a.

Jacob-a lam ka hawi chu Hruaitea leh naupang ho infiam lai chu hmuhnawm tih hmel takin a lo en a.kan en tih hria niawm taka hlim hmel taka kan lam a rawn hawi chuan rang takin ka hawisawn nghal a.

Ruat'in"i lai leh ringawt a ni maw?Haha lawmawm reuh lutuk,senior hnu lama han laih hnuhnawh chu"tia min rawn nghawk chuan ner sawk chunga thochhuakin"i ninawm kan hawsan dawn che u"tiin ka bag dahna lam ka pan nghal a.

Jacob'an"Diki,i hman tawh mi?"a rawn tih chuan bu nghat pahin naupang thenkhat chu ka bye bye a.

Hruaitea,Jacob'an a pawm sawn chu"Papa ka la awm duh"tiin a tap tiau a.

"Tlangval i nih kha,nidangah kan kal leh dawn nia,i cycle tur dawrah Anu ho in kan en dawn alawm"tiin min rawn melh zauh a.

Motor seat hnunga Hruaitea bula ka thu chu"Anu,cycle tha deuh min leisak rawh aw"phur hmel taka tiin ka malchungah a rawn bawk a.

Driver seat-a Jacob-a thu mek chu melhin"leisak kher a tul mi?a intipalh nge"ka tisap a.

"A ngen ve tlat sia lawm,a khalh thiam tak tak rih chuanglo,nei ve mai mai rawh se,midang nauten an khalh a hmuh hian a awt ve tlat zel a"tiin motor chu a khalh chhuak nghal a.

"A thil awh apiang leisak zel chu a tha lovang"zawi sapin ka ti a.

Dawr pakhata kan lut chu dawr chhunga awmten min en duh hlawm lutuk a,ka awm an ti nuamlo lek lek.Kan piaha Hmeichhe pathum ten"nupa angin an khawsa der tawh aniang,dan khatna in inneih an tum a ni lawm ni.a mak e!"an tih ri ka hriat chuan ka thaw halh a.

Eng ber nge mak an tih ve ringawt a?midang inngaizawng pawh khawlaiah an lengdun fo a,keini inneih mai tur dawra thil lei tura kan kal hi a makna vak pawh ka hrelo.min rawn endan atang chuan sex hmang tawh ang hialin min ngai a ni berin ka hria.an ni thusawi ka ngaimawh leh zelna chhan tur a awmlo.an duh duhin lo tawng ve mai mai teh se an ka a kham thlawn ni mai.

Dawr atanga kan chhuak chu Jacob'an motor kawngka min hawnsak pahin"vawin hi kan inhriat atanga ni 100 na chiah a ni.Present pek tur che ka nei a"pangngai zeta a rawn tih chuan ka en chho ha a.

Chutiang kilh kelh ka lo chhinchhiah ve hauh lo,"engthil nge min pek i tum a,pek let tur che ka nei ve dawn miah lo nia"ka tih chuan a mitko san akin"thuruk ala ni rih,motor chhungah hian lut phawt la"a tih chuan ka thu lut nghal a.

A in lam pana kan tlan lai chuan engthil nge min pek a tum tih ringawt ka ngaihtuah,Hruaitea lah chu motor hnung lama a cycle thar chu thlekin a tawng char char a.

Jacob-a in kawta kan ding chuan hman zana ka thinrim avanga ka thusawi chhuah"i in hian ka lu a tihai"ka tih kha ka hrechhuak a,ka inthiamlo leh hnuhnawh motor atang ka chhuk thla chu ka ti deuh dak a.

Nu pakhatin"Ka pu inlo thleng tawh ni maw?Hruaite lokal rawh inchhungah i cycle thar chu ka lo khalhpui ang che"tia a cycle chu rawn la in Hruaitea chu inchhung lamah a hruai lut nghal a.

Jacob-a chu ka bula rawn dingin a kekawr ipte atang chabi phawrhin"kha le,i duhzawng a nih leh nih loh chu ka hrechhiah lova"tiin ka hmazawnah a rawn khai khang a.

Chahbi ban paha"engthil nge a?"ka tih chuan ka dara chelhin min kuai her a,garrage kawngka bula Datsun car hring inhung chu kawkin"saw mi chahbi saw nia,i duhzawng a ni em?i khalh thei ang tiraw"a tisap a.

Sawi tur reng ka hre lo,hetiang thil liantham min pe ang tih reng ka beisei pha lo.car awmna lam chu pan phei in"a va nalh ve,a man a to awm e mai hetiang thil ho mai mai a,in pek te chu a chi loh e,ka pawm thei lovang,pek tur che ka hre ve bawk si lo"ka tisap a.

Ka kut rawn humin"kei chuan ho ka ti ve re re hleinem,i hlim hmel min hmuh tir hi i thil min pek angah ka ngai,han khalh kual chin teh"tak ranin a ti a.

A thusawi chuan ka thinlung a nghawr deuh datin ka hria."vawikhatmah car hi ka la khalh ngai miah lo,ka scooty pawh ka ban nat atang ka la khalh leh bawk a,engtin nge ka khalh theih ang"ka tih chuan"ka zirtir che nga i thiam thuai mai ang"tiin driver seat kawngka min hawn sak a.

Min zirtir anga maw!engtin nge rilru fim taka a kianga motor ka khalh theih ang,ka accident pui ang tih ka hlau.Lalpa khawngaih takin min tanpui lul rawh.

Ka lu thing deuh nakin"nidangah ka khal chhin zawk mai ang"ka tih chuan a lu bu nghatin"a tha lawm,inchhung lamah thingpui in ila,i lu a hai viau chuan i sawi thuai dawn nia"thu tak fe in a ti a.

"Ka tihpalh,hman zana ka thusawi kha chu la thu tak duh suh.ka thinrim ka tawng chhuak ve mai mai a nih kha"tia a kuta ka khawih chuan"tunah i thinrim tawh loh mi?"thaw halh chungin a ti a.

Min enchian em avang chuan ka zam a ni.ka kut lasawnin ka bu nghat ringawt a.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 23rd, 2017, 2:53 pm

JACOB LALRINDIKA-30

Edit
Delete post
Report this post
Warn user
Information
Quote
Share this topic on

Postby Basta Tlau » Mon Mar 27, 2017 8:32 pm
Jacob'an rum hak chunga a lamah min kuah hnai rual chuan"thinrim tawh lo mah ila,i lakah ka lungawi bur tihna a ni miahlo nia"ka tisap a.min kuah ngheh em avang chuan ka duh ang pawn ka tawng tha hlei thei lo.

"Ka lawm tho tho,inchhung lamah lut tawh ila"tiin ka dara kuahin min kalpui a.

"Ka chhungte engmah ka la hrilh miah lo,haw tawh ila a that zawk ka ring"ka tih chuan"kan inah chaw i ei ve nghal dawn tih i pa ka hrilh tawh,khawngaihin thinrim suh aw"a tisup a.

Ngatinge ani leh ni loh anga khawngaih tih tawngkam a hman tak fo mai le!?kei Pachuau hmeichhe rilru lian leh luhlul tak thinlung hi a ti nem duai duai zel lehnghal.

Inchhung kan lut chu Jacob'an"Partei hian min rawn awmpui a.naupang enkawl a thiam reuh khawp mai"a tih chuan Hruaitea leh Partei a tih nichin lawka hmeichhia chu cycle in an lo in nawr mek ka hmu a.Hruaitea pawh a hlim hmel khawp mai,hmuh a nuam tak zet a ni.

Nuisang chunga Hruaitea te ka enlai chuan Jacob'an"i duh chuan intifai la,ka room a wardrope purple-ah khan i thawmhnaw hak tur a awm ang,ka rawn kalpui kher lo mai ang che"a tih chuan makti deuh takin ka en ha a.

Naupang ka bualna lamah khan ka inti berh nasa hle a,intifai chu ka mamawh khawp mai.Rilru khingbai deuh taka Jacob-a room ahma a min kawh hmuh tawhna lam chu pan chho in ka thaw khawk a.

Wardrope purple bang nen inzawm ka hawng chu ka meng phawk hra nghal,hmeichhe kawr tunlai tak tak mai leh underpant leh bra lo inkhai ka hmuh chuan mak ka ti tak zet a ni.heng zawng zawng hi tu ta nge niang,unau hmeichhia a nei bawk si lo.a nu leh an awmpui nu kawrhak tawk a ni bawk si lo.t-shirt sen leh denim kekawr dum chu ka phawrchhuak a.

Khum zau tak mai puan senno a inkhuh ka hmuh chuan Jacob-a muhil hmel ka mitthla a,ka ngaituahna a diklo tlat,hmai sa hat hat chungin bathroom zau tak chhungah chuan ka pen lut a.

Bathtube-a tuilum phuan sa lo awm a,ka inchiah rual chuan ka hahdam sawng sawngin ka hria.ka maimichhing vang vang a.

"Diki i tha em"tih ri ka hriat rual chuan Bathroom kawngka rawn inhawng ri ka hre nghal a.

Jacob-a Kawngka chelhna vuana maktih hmel tak maia ding dawt chunga min rawn en ka hmuh chuan"chhuak rawh"tia te that chungin ka kut chuan ka hnute leh ka mal ka hup nghal a.

A din ngaia ding reng chunga min la en reng avang chuan ka thin a tirim tak zet.tuia inchiah reng e tilo chuan ka taksa a sa pup pupin ka hria.

Thinrim zeta melhin"Jacob chhuak rawh,engmah ka inbel miahlo nia"ka ti vin hlar a.

A lu thing deuh nawkin"darkar khat zet i awmbo tawh nia"tiin kawngka chu kharin a chhuak nghal a.

Hmanhmawh taka bathroom kawngka chu chhung lama kalh tha sawk sawkin ka intleuh fai a.engtin nge bathroom kawngka kalh lova,ka lo muthilh theih zawk?ka taksa kha engtianga tam nge a hmuh hman ang le?thinrim leh zak ru tak chungin bathroom kawngkhar ru ka hawng dek dek a.Jacob-a a lo awm ang tih ka hlau a ni.

Room chhungah tumah an awmlo a ni tih ka hmuh chuan thaw deuh huaiin khum chunga ka kawrhak tur ka dah chu ka ha mawlh mawlh a.

Inhnuai step pan thlak na a,ka inthlakna kawr kawr kenga zam ru zet chunga muangchanga ka pen thla chu sofa chunga Hruaitea amah a,lo muhil bam chu ka hmu nghal a.Parte'in min hmuh rual chuan"Udik,i kawr kha suk turin lo dah mai rawh,ka pu in i kawr tura a lei ho pawh suk fai sa vekin wardrope-ah ka dah kha"a rawn ti a.

"Wardrope ami ho zawng zawng khi keima kawr tur maw?"ka ti ha a,mak ka tih zia chu ka thup seng lo.

Partei chu nui hak hakin"mak i va tih hmel ve,ka pu hian i kawr leh pheikhawk vel ngaihtuahin ni khat tawp hun min hmanpui alawm,car a lei thar rawng pawh sawi hmeichhe duhzawng a nih leh nih loh min zawt bawk"tiin choka lam a pan lehnghal a.

Ka kawrhak lai chu inthlekin"he thil hi keima tana a lei a ni tak tak a maw?"tiin keimah leh keimah chu ka inzawt a.

Ke pen thawm ka hriatna lam ka hawi chu step-a Jacob-a inbual zo hlim tih hriat zeta sam hnawng chhap chunga tawnzau dum leh demin kekawr uk ha a rawn pen thla thauh thauh ka hmuh chuan tumdang ang bawkin ka thinphu a rang nghal zawt zawt a,ngaiah ka nei thei dawn lo a ni hi.

Ka bula khi deuh suka a rawn din chuan a body wash rimpa hrak mai chu ka lo hip lut vang vang a."i ril a tam tawh em?"aw zawi fiah zeta min din hnaih chung leh min en reng chunga a tih chuan ka chil lem khalhin"Aaa,ih aw ni leh lo aih tam lo"ka ti bah nawk nawk a.

Ngatinge ka lei hi phuar ang maia a tichet a har tak em em mai le?ka kut humruhin ka maimichhing sawk ringawt a.

"Diki,i ril a tam tawh ngei ka ring.Keipawh ka ril a tam tawh takzet ania,lokal rawh choka lamah phei ang"tisupin a pen sawn nghal a.

Ka awmdan hi teh hrep chu leh a van buaithlak tak,ka sam chu tawn tha in Jacob-a chu ka zui ve phei a.Parte'in"lo eidun rawh u,kan intifai ve lawk nge"tia kal a tum chu a bana lo chelhin"lo ei ve nghal zawk la,kan pahnih chauh chuan a nuam lo"tia Jacob-a ka melh chuan mitmeng zim sunin min lo en char char a.

"chance ka pe ve che u lawm"nui hak hak chunga tiin min chhuahsan daih a.

"min hlau mi,ngatinge nuamlo i tih a?"thutak fea Jacob'an a rawn tih chuan ka lu thing in"ka hlau lo che"ka ti zawi sap a.Dik tak chuan hetia kan pahnih chauha kan awmdun hi ka zam tak zet a ni.kan choka ai pawn tuna kan chaw eina room leh dawhkan hi,a lian in a zau daih zawk.mahse a ipik in a chep ka ti tak zet a ni.

Jacob'an"i tha em?i biang kha a sen leh vek tawh nia"thawp sata a rawn tih chuan bowl-a mushroom soup la sa tha zet mai chu ka in pawp a.awi leh ka lei a kang dawnin ka hria,han chhah chhuah mai na chi a ni bawk lo.

Jacob'an nuihzat hmel taka"tui dehna ah sawn va chhak mai rawh,ala sat tehreng nen,i lei a kang anga sin"a rawn tih chuan ka thil hmuam lai chu ka lem nghal pawp a.ka hrawk atang chuan a sa thla nghal vang vangin ka hria.

Mittui tling par chunga Jacob-a ka thutna sira lo ding ran chu melh hrawkin"nangma vang vek"tiin ka thaw kawk kawk a.

"I lei han chhuah teh?"tia a rawn kun chu a dara lo namsawn tumin"engemaw i hriat le?awmsawn rawh"ka ti that a.

"Awmtha hle hle teh,i leichhuah chu a harsa viau a mi?"tia ka biang a rawn hmer chuan ka lei ka chhuah nghal a.dawhkana ice cube chu ka leia rawn dah lutin"tikhan hmuam vang vang ang che"aw thawp sapin a ti a.

A kut dahthlak sak ka tum chuan"i zia deuh em?"rum halh chunga tiin a rawn kun a."kaa"ka tih rual deuh thaw chuan ka tawnglai rawn ti tawp chawtin a hmui chuan ka hmui a rawn bawh thuah nghal chawt a.

A lei lum leh thap hrakin ka ka chhung a rawn hawl kual rual chuan ka lei chu eng thil emaw in rawn chettir ta ang mai hian ka ngaihtuah phak bakin ka tichhe ve nghal a.kan lei chu a inbuan let bap bap ni berin ka hria,thawchham dawn hiala kan infawh hnu chuan thaw dun halh halh chungin ka benga nalo tea rawn seh ner ner pahin ka mawnga a kut khing khata rawn dawmin lehlam chuan ka zak hnuaia chelhin min pawt tho a.

Ka chawntha te chu a sai deuh dar darin ka hria,Jacob'an min chelh lo sela chuan hmai si thlawrhin ka tlu ngei ang.ka tha neih zawng zawng sawmkhawm in ka inhumruh a.

Bang kil lama min nawr phei hnu chuan a awmpharh hlai tha tak si chet a min kuah bei thlawp a,a kuttang pahniha chu ka hmuiah a rawn sik tir bawk a"i hmui hi a dangdai khawp mai.Diki,mipa dangin an tawh che hi hmuh leh ka duh tawhlo,ka ta i ni.ka hauh tlat zel ang che"ril ruih a,a tih rual chuan a mipatna pawng lah mai chuan ka tai bawr a rawn si run a.current in min man ang mai hian ka mur chuai chuai thei.

Ka chil lem khawlh paha a hmel enin"Jacob,ih englo,hetiang a la awmtur kan nilo"khur dar dar chungin ka ti a.

A kut liantha zeta chu ka kawrhak chunga zen lutin ka bra chu a nawrchho a,a kut ka chelhsakna chu engatan mah ngai lovin,ka hnute tang at mai chu a kut lum thar tharin a hup chawt a.rum hak chunga ka maimichhing chuan a kutzungpuia ka hnute hmur kawh lah mai tuai neuh neuhin"hetia kan awm hi a dik lohna ka hre hauh lo,nupa ni mai tur kan ni a,kan lo inzir lawk a ni mai a,nupa nun kan hman loh phawt chuan a pawi dawn mi?,thil chu kan practice tam pauh leh kan thiam bel a ni mai"ka nghawnga rawn seh ner ner chungin a ti a.

Thle sawn deuh chungin"mahse hetianga awm chuan thil tha lo kan ti palh ang"aw lawi ratin ka ti a.

A kut chu ka hnute lehlama rawn chul pheiin a hmur chu na lo tein a pawt zeuh a.ka ngaihtuahna a ti chaw mawlh vek tawh,tuna ka awmdan hi lehkhabu leh television lama ka lo hmuh fo thin tisa chakna an tih ang nen a danglamna a awm lo.Jacob-a chu ka mamawh hluah hluah ni maiin ka inhria.mitmeng phi deuh ruaiin ka melh a.

Rum hak chunga ka hmuia duhthaw zeta min rawn fawpin ka hnute chu a tham tawn tawn bawk a,ka kut chu rawn man betin a mipatna khawngtha zet mai chu a kekawr hak chhanah min khawih tir a.

"Ka mamawh zia che hi i hria em?tawrh hreawm tak a nia sin,mahse kristian nupa a la insiam mai tur kan ni a,ka la tuar hram hram mai ang"tiin a inlahrang nghal a.

Ka ruak deuh huaiin ka inhria,maimichhinga ka hmui pet chunga thaw halh halhin ka inhumruh a.

"Lo thu la,engemaw tal hi i pum chhungah rawn dah lut rawh.tun atang chuan zak duh tawh suh,i engkim ka hmu in ka tawk vek tawh,zahna tur a awm tawh lo nia"thu tak fe a Jacob'an a rawn tih chuan ka meng kawk a.

A tawngkam hi han khuh mawi ve deuh thin tal awm,engtin nge pangngai taka ani anga ka awm ve theih ang.

"Ka ril a tam lo,ka haw tawh mai ang"tia ka pen sawn tur chu"khawngaihin ei lui hram rawh"tiin salad chu ka thlengah a rawn dah belh a.

Muangchanga far thing atanga siam thut naah chuan thu thla in Jacob-a chu ka melh zeuh a,a thil eilai chauh ngaihtuah tih hriat fahrana kun ngulin a thlenga thil awm chu a hmuam ei mawlh mawlh a.

A van awhawm bik tak,ka tha khur ru tih reh tumin ka fian kenlai chu ka hum vak ringawt a.ka duh ang pawn ka ei chak thei lo.kei hmeichhe ei duh ve tak,ei leh in lama tumah hmaizah ngai miahlo kha,a vawikhat nan ka zak ru tak zet a ni.

Partei leh Hruaitea muhil tho hlim tih hriat zet mai rawn inpawm lut ka hmuh chuan thaw deuh huai in ka nui sak a.

Hruaitea chu ka bula rawn dingin"A nu,chaw ka ei ve duh"a ti nang nang a.

Jacob'an"a bulah khan Parte thut tir rawh,chaw eilai Chuan a tul lovah midang biak buai loh tur"Hruaitea en chungin thupe aw zetin a ti a.

Partei chuan Hruaitea chu ka sira thut tirin chaw a barh a,a thil thial lai chuan mitmeng nung sarhin min rawn en leh rih thin,a lawmawm tak zet a ni.

Jacob-a chu a thutna atanga tho thurhin"Diki,in chaw hmeh kha a dai zo dawn,in thil eilai chauh kha ngaihtuah rawh u"rawn ti ngatin a kut chu a silfai a.

Ka thlenga eitur chu ngaihtuah miah lovin ka lo eizo deuh vek ani tih ka hmuh chuan Hruaitea Apa en a hawi mek chu"Bawihte keiman ka lo eitir dawn che mi?"ka ti a.

Jacob'an"a tul lo,i mawng a kham tawh ang,i eikham tawh nih chuan ka lo thlah haw ang che.Parte tha takin Bawihtea kha lo buaipui rawh aw"a tih zawm nghal zat a.

Min haw tir a van chak tawh awm em em.ka kut silfai in Hruaitea chu ka bye bye a,min ngen ka beisei tehreng nen nidang angin min ngen hauh lo.Partei zawk chuan"Udik,i hman changin lo leng thin la"a tih chuan ka bu nghat a.

Jacob-a nen ngawirenga pawna kan chhuak chu motor kawngka min hawnsak pahin"i motor saw chu naktukah Hmingmuana lo lak tir mai rawh,nang chuan la khalh rihlo zawk la a tha ang.Accident palh a hlauhawm"a ti a.

Driver seat lama a rawn thu lut chu melh zauhin"Hruaitea saw a puitling deuh sawtin ka hria"ka tisap a.

"Naupangchhia a ni tawh hleinem,api leh pute bula a awm hi chuan a pangchang thin a,tha ka ti vak tawhlo,Mimi nen chuan in kawrhak tur in thui tir zo tawh em?"hnehsawh zeta steering tuai vir chungin a ti ta daih a.

"Aw zo tawh,engtia han inbuatsaih tur nge tih pawh ka hrethiam chiah lo"ka tisap a.

"Keipawh nupui neih vawikhatna tur ni maiin ka in ngai,i tan pasal rintlak tak nih ka duh ani"thu tak zetin a ti a.

Sawi mai tur ka hriat loh avang chuan tukverh lam hawiin ka thaw halh a.ka hmalam hunah enge lo thleng dawn ka hre lawk hauh lo.Hlimna nge lungngaihna?hringnunah hian hlim na kan tawn rualin manganna leh tahna a thleng ve fo a.engthil pawh tawkin hmachhawn mah ila,ka rilru tipau khauhin ka tuar thiam tur a ni.

Kan in zawna min dinpui rual chuan ka phone chu a rawn ri a.min rawn phone tu ka en chuan thaw halhin ka reject a.
www.storyfb.com mizo story thar nitin dah ziah a ni e
Jacob'an"a pawimawh vak na nge?kan mi biak chak takin min biak duh tlat loh hian rilru a na thei lutuk a nia.midangte rilru tinat saktu nih hi a tha ngailo"motor atanga chhuak pahin a ti a.

Ka phone a rawn rik nawn leh chuan thaw halh chungin ka pick up a.

"Enge ni?"ka tih chuan Hminghlu'an"Diki i buai em?naktuk hi ka thiannu boral champha a nia,rawn hriat tir ve che ka duh a.Thanpuii chhungte i thalak ka hmuh a,inang an ti khawp mai che u"a rawn ti a.

Ka bula Jacob-a lo ding chu melh zauhin"ka tuarpui khawp mai che,mahse Hminghlu hun kal tawh chu hriatreng tum lovin,beiseina neiin i hmalam hun ngaihtuah zawk rawh.mitthi tana nung talh tum lo la,tuna la dam mek te tan hlim taka awm tum rawh.Mitthi chu tuman kan kaitho thei tawh si lo"ka tisap a.

Jacob'an ka bag leh thawmhnaw min rawn laksak paha a mitmenga kal tura min signal chuan kan inlam panin ka chho a.

Hminghlua chu ngawi vang vangin"Beiseina maw?"tia rawn nui hakin"Jacob-a khan hauh bur lo sela chuan ka lo beisei hman ngei ang che.tak tak chuan ka fiamthu nih kha.ngai thu tak suh,in inneih ni chuan rawn kal ve ngei ka tum dawn nia,ka rawn kal theih loh pawn in thalak tal hmuh ka inbeisei,a nih phawt aw,ka biak rei lutuk che chuan a tha lo palh ang"tiin kan inbiakna chu a ti tawp nghal a.

Jacob'an ka kuta rawn chelhin"Hminghlua ni maw?engthu nge a rawn sawi chiam a?rawn ngaihven vak tur che a ni lo asin"rum nghut pahin a ti a.

Ka kut lasawn chungin"A lunglen vangin min rawn be mai mai lawm,thian ang bakin kan inen lo"tiin kawngka chu ka hawng a.

Hminghlua chanchin a hnena sawi tehchiam turin dikna ka neilo.bakah midang chanchin leh awmdan sawi chhawng vak chi ka nilo hrim hrim.

Inchhunga kan inzui ka chhungten min rawn hmuh rual chuan ka nu in"Diki,i va rei ve,i thianten i room lamah an nghak reng tawh che nia"a ti hmuk a.

Ka pa in"Jacob thingpui te in ve phawt la,khawnge Hruaitea in rawn kalpui na nge?"a tih chuan Jacob'an"inah a awm a,ka thu hman vak lo,tih tur tul ka nei nual a,kan va haw leh nghal zawk a nge"tiin Hmingmuana bula chuan a kal phei a."I hman hunah Diki motor ka inkawtah ka daha rawn lam mai rawh,hmeichhe tan chuan khalh ngawt a chi si loh"tiin kawngka lam a pan nghal a.

Hmingmuana chuan phawk deuh taka Jacob-a pawna chhuak mek nen min melh tawnin"U eng motor nge?a pek che mi?nge nangma lei zawk?"a tih chuan ka room lam panin"min pek,ka khalh a phal bawk si lova,awmzia awm lo e mai"ka ti hmuk a.

Rinfel'in ka room lama min rawn zui lutin"U Motor a pek tak tak a maw!awi leh ka rin phak bak a ni,Usawmzual'an hmeichhe kawr a lei nual thu min hrilh a,tuna i kawr hak pawh hi a ni chiang mai"a tih chuan Mimi leh Ruati ka room-a inneih na a ka thil chhawm tur lo enkual mek te nen min en thap hlawm a

Khuma thu thla hnawkin"a dik alawm,keipawn ka beisei miah lo,sum duh tak hmeichhia emaw min ti ang tih ka hlau a ni.keima vangin sum khawhral lo se ka duh"ka tisap a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)