I TAN CHAUH By Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: I TAN CHAUH By Basta Tlau (Completed)

Unread post by Ngaia » August 6th, 2017, 3:39 pm

I TAN CHAUH-24
www.storyfb.com mizo story thar nitin dah ziah a ni e

Martin-a hi eng ang mihring chiah nge maw a ni le?A kiang hnaia ka awm in he khawvela hmeichhe awm chhun niawm takin min sawngbawl a,lemchan thiam tak a ni ngei ang.Ka hnena a thil sawi zawng zawng kha dawt vek a ni thei ngem?

Ka thinlung hi amah avangin a van na zing tawh tak em.Ka zungbun chu phawichhuakin lukham hnuaiah dahin luhkhamah chuan ka hmai ka phum vang vang a.

Ka lukham bula ka phone dah a rawn rik chuan inlet thakin ka en a.Martin-a number a ni tih ka hmuh chuan reject in ka thaw halh a.Engvanga tun ang zan dar hnih a min rawn biak tum nge a nih?Hmeichhe dang bulah a awm tawh loh vang a mi le?min rawn call nawn leh chuan ka phone chu off in ka thaw kawk a.

Darkar chanve hnu a,ka room kawngka rawn kik ri ka hriat chuan mu khawng deuh lahin kawngka chu ka melh a.Tun ang zan reiah mi tumah kawngka ka hawnsak hauh lovang,ka hmelhriat awm lohna hmunah lehnghal.hmeichhia mahni a riak ka ni tih hria in min rawn pan tum an awm mi le?Guards duty te pawh an ni mial mai thei bawk.Mipa hnamdang an nia,kawngka ka hawn sak chuang lovang.

Kawngka lama thawm a reh rual chuan inlet thakin ka inlu khup nghal a.

Ni zungin ka hmai a rawn chhun chuan peih lo zeta mengchhuakin ka phone chu on in dar zat ka en a,dar sawm a ri tep.ka van mu rei ve.Martin-a vanga ka muthilh har vang vek a ni.Khum tlanga thu in ka maimichhing sawk a.Ka rilru na hle mahse,ka tilang tur a nilo.

Ka taksa chu a ni deuh nghulhin ka hria,ka room kawngka kik ri ka hriat chuan kawngkhar bula kal pheiin"tunge?"ka ti hrawk a.

"Rohit,ka be tlang thei lo che,ka rawn lut thei ngem?"tih ri ka hriat chuan thaw halhin kawngka ka hawn sak a.

Mak tih hmel fahrana min en in"i mit chu a bui luk mai a,i tho ve chauh law!Jessy,i lung a leng mi?"tia ka kut pahnih a rawn chelh in mitko san akin ka kut chu a en a.

"Mit na hri ka vei dawn niang,enge i rawn tih dawn a,intihfai ka mamawh sin"zawi sapa ka tih chuan chek tlak tlak chunga chiang zeta min en hnaiin"i pasal hual nen in inhau a mi?nizan lama i zungbun bun kha khawiah nge a?Thian kawm tur ka mamawh a,nang hi ka hrechhuak nghal che a ni,va intifai phawt mai rawh.eitur ka lo order sak ang che,Thian anga ka ngai ang che hian nangpawn min ngai ve la ka duh a ni"tiin min nawr sawn hlek a.

A va han tawngthei thin tak,ner nang chunga ka kawr dahna lam pana hai rawk rawk in"Pasal hual ka neilo,zungbun ka phelh chhante chu ka bun peih tawh loh vang alawm,tikhan lo awm rawh.ka inbual rei lovang "tiin ka bra leh underpant ka phawrh chhuak a.

Ka sam huh hnuang mai chu towel senno a tumin,ka towel rawng ang Bathrobe chu hain Bathroom atang ka pen chhuak a.

Rohit-a ka phone lek va va chunga chair-a thu ka hmuh chuan"I bialpa nen kan inbia nia aw,a thinrim hmel khawp mai.i tah nachhan kha amah vang ani tiraw"nui sung chunga a rawn tiin ka phone chu dawhkan sirah a dah thla a.

Lungawilo zeta phone ka ban chuan a kut khing hniha pharchhuak hluaiin"min sawisa miah suh.vawi nga a rawn call na ah ka chhang chauh nia,a aw kha a nalh hle mai,a hmeltha em?"a tih chuan a hmazawn chair-a thu thla hnawkin"Rohit kei hi eng angin nge min ngaih,Hmeichhe bum awlsam tak angin ka lang a mi?"ka tisap a.

Hrilh hai hmel deuh taka min en chunga ka kut a rawn chelhin"Jessy,hmeichhia ka hmuh tawhah chuan nang tluka ngainat hi ka la nei lo.ka bum lo che,bum che pawh tum ila,ka thei kher lovang"a ti hluai a.

Ka phone en chunga Glass no a tui inchhawp chu ban a,lem hlekin"martin-a chuan eng thu nge a rawn sawi?"ka ti daih a.

A hnar tichuar zeuh paha a kut dahsawnin"i awmna leh ka hming min zawt a?chuan nizan lamah khan biak i tum ani tih a hriat loh thu hrilh tur che in min ti a.coffee hi a daih chhiat hmain in vat rawh"tiin no pakhat chhin chu a hawng a.

"Eng ang mi nge nia min ngaih a?ka rilru hi na lo tur bikin a ngai mi?hmeichhe dang kiang ah awmin ka phone call a lak tir a,chumai bakah thildang pawh a awm a ni.min bum mai mai tawh lovang"aw vin hlara ka tih chuan ka ka chhunga cake rawn hnawh lutin"inbengdai la,cake kha lem rawh.i lunglen vang mai mai a,thinrim na tur zawng i nih kha,zanah Pub-ah kan kal dawn nia,i thawveng hawk mai ang"tiin a nui suk a.

Rohit-a chu melh kawk chunga,Cake ka hmuam lai chu lemin"Ka lunglen vang a ni lo.engmah i hrethiam ve chuang lovang"lungawilo zetin ka ti hluk a.

"Nia,a zawng zawng chuan in inkar ka hre hauh lo,mahse nichhina ka biak pa kha chuan dawt a rawn sawi ka ring lo.mipa ka ni a,ka mipa pui rilru put dan tur hi ka hriatpui.Jessy,khatiang tak a rawn biak che a duh chuan a nunah hmeichhe dang ai hmun i luah zawk tih a ni"a ti charh a.

Hui ha,engmah ka sawi peih lo.ka thutna atanga thochhuakin"insiam ka duh nia,ka hmai hi engtin nge ka chei ang?"ka tih chuan"i inthlak zawhah ka room lamah lo phei rawh"tiin kawngka lam a pan a.

Rohit'an min chhuahsan rual chuan Nutei biak tumin a number ka dial a.

"Ngatinge?number dang i hman thu hi martin-a i hrilh lo a mi?.Nizan kan mut hnu khan i chanchin leh a biak theih loh thu che sawiin min rawn phone a.Tukin lama a rawn kal pawn a hmel a lang pawr khawp mai.A lakah lungawi lohna i nei mi?"a rawn tih chuan thaw halhin"Nute,vawi engzat nge biak ka tum?min chhang thei hleinem;khawngaihin a chungchang min hrilh suh.Ka that thu rawn hrilh che ka tum a,Patea leh Eric-a te chhungkua an tha maw?"ka tisap a.

"A van hahthlak thin tak.upat lama inngaizawng hi chu in hau reng mai a ni hi a.i Patea leh Daniel-a chu i nu leh pa thlan cheina tur enin an chhuak a.Eric-a te pawh an inbualfai zo chiah a,a muhil tep ang.Eli pawn Martin-a awmdan kha a khawngaih khawp mai"a rawn tih chuan"nakinah ka rawn bia ang che,ka insiam dawn"tiin phone chu ka dah nghal a.

Ka nutei khan zan lama Martin-a awmdan leh a awmna hmun a hre bik hauh lovang.A lemchan thiamna hmangin nutei thinlung chu a hneh pawh a ni mahna,kei erawh min bum thei tawh lovang.

Ka phone chu dawhkan chunga dahin sam tih rohna khawl ka phawrh chhuak a.ka sam hi a nazawngin khawl hmangin ka tiro duh ngai lo,sam a tih ro bakah,a tikak duh a ni.mahse hmanhmawh thil a chhuah angaih chuan ka hmang tho thin.mi zinga sam huh hnuanga awm hi mawi ka tih loh ang bawkin,ka put atan ka duh lo a ni.

Kawrfual velvet rawng ban bul ka khup chen Afaki kawr design nalh tak mai chu ha in,pheikhawk kaih heel sang lutuk lo a dum ka bun a,darthlang hma a dingin bengbeh fual dum a ka behin ka room atang chuan ka bag dum khaiin Rohit-a room lam ka pan a.

Kawngka ka kik a,min rawn hawnsaktu Rohit'an field-a a awmpui pa hmel ka hmuh chuan ka chil lem deuh khawlhin"Rohit a awm em?"ka tisap a.

Hmel nur nang chunga min melh reng lai chuan a hnung lawkah Rohit-a chu nuisanga rawn dingin"Jessy lo lut rawh,ka thianpa Sonu nen hian inhmelhriat tir che u ka lo tum a"tiin a bulah mipa darah chuan a kuah a.

Kawngka ka khar rual chuan sonu'an,Rohit-a hmuia duhthaw zeta a fawp ka hmuh chuan maimichhinga hnunglam hawi vatin ka thaw kawk a.ka awmve a ni tih hrelo niawm takin an la infawp ri bawrh bawrh zui.chhuah leh tuma ka pen sawn lai tak chuan Rohit'an"Jessy,lo thu rawh.nang chuan min hrethiam ani lawm ni"a rawn tih chuan inthlahrung deuh takin thutna lam ka panin ka bag a make up ho chu ka phawrh chhuak a.

Sonu'an"kristian i ni tiraw?"bul deuh hmuka a rawn tih chuan ka bu nghat a.

Rohit-a chu ka thutna bula rawn kalin"Thianpa,a rilru hreawm zawngin engmah sawi lo teh.A bialpa nen an in hmuh thiam loh lai leh a rilru no lai a nih hi,khawi leh tan ila,ka thiam thil kan show nge"tiin face cream chu ka hmaiah a hnawih nghal a.

"Min chei man lunch ka treat ang che u"nui luisak chunga ka tih chuan sonu'an"hmeichhe lak atang engmah ka duh lo,keiman ka duh ang ka order anga,ngawi rengin in ei dawn nia"ti ngutin bathroom chhungah a lut a.

Rohit'an ka hmai chei mawlh mawlh paha"nakinah i nel ve mai ang,i chanchin ka hrilh a,a tir chuan a lungawi vak lo.mahse a hrechiang che anga,a thik tawh hauh lovang che"a tih chuan ka bu nghat a.

Amah bawk chuan"hmeichhe tam tak aia kei min thlang hi ka vanneih tak zet a ni.min thik tu pawh an tam khawp mai.A eizawnna hi a hlawhtling em a ni.india rama winery nei zingah chuan a Royal winery hi hmingthang ber ang.i hre thin em?"a ti hluai a.

Ka lu thing deuh nawkin"ka hriat loh lam tak a ni.hetiang lama sum hmuh hi chu a tha lo asin,an mahni in harsatna an tawh loh pawhin an tu leh fa,an thlah te thlengin an tuar thei"ka tih chuan ka hmui rawn hup vatin"a hria,khatiang thu kha sawi ri tawh suh"a ti hluk a.

A kut lasawn a mascara bur a hawn chuan"mahse,Rohit..."ka tih a a lu thing ka hmuh chuan ka tawnglai tawp chawtin bathroom atanga Sonu towel veng chunga min rawn melh zauha room lam a pan chu ka melh a.

Ngawi renga min chei zawh hnu chuan Darthlalang ka hmai zawna rawn lekin"chei i nuam khawp mai.enge i in hmuh dan?"a ti hluai a.

Keima tawkah chuan ka lang tha ve hle in ka hria,Sonu-a room atanga rawn chuak chu huiin"lokal rawh,kan pathumin selfie ang u.Jessy-i hi a nalh i ti ve em?"Rohit'an a tih chuan kan awmna lama Sonu-a coat suit nen induang zaih mai chunga rawn phei in"i chhuah nalh khawp mai,eitur kan order hmasa phawt nge"tiin phone dahna lam chu a pan a.

Rohit'an"instagram-ah ka dah ang.sonu a lang phawt chuan a hit viau mai thei ni"nui suka tiin min rawn siai zeuh a.

Kan pathuma thla kan lak dawn chuan alaia min thut tir in Sonu'an"i nalh khawp mai"a rawn ti ve sup a.

Nui sak paha Sonu chu melhin"nangpawh"ka tisap a.

Rohit'an ka dara rawn kuah liama Sonu dara khawih in"hey,min phatsan tum suh aw"a tih a,Sonu phun hluk ri ka hriat chuan ka nui hak hak a.

Eitur chi hrang hrang dawhkana an rawn hung chu en in"a va tam hlawm ve,a to viau ang a"ka tisap a.

Glass changkang zeta Wine an thlit sa chu Sonu'an lem zeuhin"i phu hle in ka hria"a rawn ti ngut a.

Ka bag chhunga ka phone dah a rawn rik chuan ner nang chunga pick up in"Aw Lancy"ka tisap a.

"Ka u nen in inkar hi ngatinge engmah min hrilh loh?ka office-ah a rawn kal a,Guwahati lamah thian hlui i neih leh neih loh min rawn zawt a?Jessy,ka u hian a vei tak zet che in ka hria,ka u anih avanga rawn sawi ka ni lo.Jerome-a nen pawh ka bia a,in pahnih hian in la inbia tih min hrilh.Nizana min rawn phone khan ka u chu Pa sanga te in lamah a awm ni."a rawn tih chuan thaw deuh halh a Rohit-a te pahnih chu melhin"kan inkarah engthilmah a awm tawh lo,Lancy,martin-a nen hi chuan kan mizia a hrang e mai.engtikahmah kan in mil thei lovang.ka buai rih a,nakinah kan inbe leh dawn nia"tiin ka phone chu ka dah nghal a.

Rohit'an"i bialpa kha martin-a tiraw?a hming chu ka hre thin tlat.ngatinge i luhlul viau,hlim taka awm thei i nia sin.Jessy nakin hun ngaihtuah lovin,tuna i hlimna tur chauh ngaihtuah rawh"tia an bula thu turin min hui a.

Ka lu thing naka chair-a thu thla in"amah avang hian ka rilru a na ngun tawh lutuk,mipa dang lakah hetiang hian ka awm ngai lo.bakah kan khawsak dan a inanglo a,A nu leh pate pawn kei hi min ngaina lo a ni"ka tisap a.

Sonu'an"A nu leh pa vanga ani chu hmangaih tur i ni hleinem.Hmangaihna kawng hi a rual rem vek lo.mahse chu kawng harsa taka paltlang tawh te chuan hlimna an nei thin.Amah avanga i nat fo nachhan chu thil tam tak i ngaihtuah vang a nih kha.i mi hmangaih chu nghet takin chelh tlat rawh"thu tak zeta a rawn tih chuan bawngsa leh atta kan pawlh chu lem hlekin"tunah chuan in bula hlim taka awm ka duh,hetiang lam chu sawi tawh lovang u"tiin wine chu ka lem hlek a.

Rohit'an"Dar khat a ri dawn kan ei vat a ngai nia,kei phei chu contest chhunga stage lama thu tur ka ni lehnghal"a tih chuan ngawi renga kan thil eilai chu kan ei zawm mawlh mawlh a.

Hotel hnuai ber hall chhungah chuan Chawhnu pum leh zan thim thleng chuan contestant mipa leh hmeichhia mi 200 chuang an vun landan endikin ka buai zui thak a.Vun nalh tak tak an tam laiin thenkhat chu hmuh an nuam vak lo.An thil ei leh in te,exer an lak that leh that loh teh bakah make up leh thildang an hman nasat leh nasat loh te ka zawt hlawm a.Judge dang ai pawn zawhna ka ngah bik hlein ka hria.

Hotel Restaurant-a judge dangte nen dinner kan nei zo zan dar kua vel a,Rohit-a nen kan room lam pana elevator-a kan chuang chu"i ti tha khawp mai,ka lo chhuang khawp mai che,kan Judge pui te pawh khan an endan che a dang daih tawh ang.i chau riau lo maw?"nui sung chunga a tih chuan ka hrawk dawm zeuhin"ka hrawk a thip hlur mai"ka tisap a.

Nui hawk hawk chunga Elevator atanga min chhuahpui in"Lemon tea kan order dawn nia,i hman hunah ka room lamah lo phei rawh aw.sonu pawn minlo nghak reng tawh ang"ka bengbulah a tisap a.

Ka lu thing nak chunga Rohit-a chu en in"ka duh lo,ka tibuai ang che u.mut hahdam ka duh zawk"tiin ka room awmna lamah ka pen san a.

Kawngka ka hawng tur chu makti taka guard awmna lam hawi phei vatin"ka room hi ka kalh reng si a,lut an awm mi?"hlauthawng ru deuh taka tiin ka pan phei a.

"I pasal hual kha a rawn kal a,a hrilhsa lo che mi?rawn surprise che a tum niang,nizan lamah pawh a rawn ngaihven hle che niang"nui sung chunga a tih chuan mit khap fak fak paha room kawngkhar chu en in ka thawchhuak ham ham a.

Engtin nge helai hmuna a rawn kal theih zawk?thinphu dup dup chunga khawngkhar chu nam hawng riai riai in thawm dim zetin pen lut a.khum chunga martin-a jockey chauh ha a,bawkkhupa mu ka hmuh chuan ka mit khap fakin"martin"ka tisap a.

Ka tawng hre awm pawn a awm lo,ka bag chu couch chunga theh thlain zawimuangin khum lam chu ka pan phei a.martin-a tui taka a muhil hmel chu thlir vang vangin ka maimichhing sawk a.

Ka rilru puthmang hi ka hrethiam ta hauh lo mai,he pa lakah hian ka thinrim hle ni khan ka in hre si a,mahse tunah hi chuan tui tak leh thlamuang takin muhil se ka duh pui leh lawi si.

Ka pheikhawk ka hlih lai chuan rawn che hrutin"tunge?nizana i riahpui phone a minlo chhangtu kha?"aw chang zeta a rawn tih chuan phu deuh zawka alam hawiin a kut kham chunga hmel rum ul a min lo en chu ka hmu nghal a.

A lam ka hawi ruala mitmeng zim san leh chal chuar tap a min en ka hmuh chuan"chu thu chu zawt zawk tur che niin ka inhria.Engvanga ka room-a lo lut ngawt nge i nih?"ti ngata ke lawnga kal in ka slipper dahna chu ka melh kual a.

Phun hluk paha khum atanga rawn inperh tho nawlhin"nanglo tu hmeichhia mah ka mut ngai lo.Tunge i riahpui sawi vat rawh.Ani loh chuan ka that ang che"ha chang thial nawk nawk chunga tiin ka hrawkah a rawn rek a.

A mitmeng sen rum mai leh a hmel dur khuk mai chu ramsa hlauhawm tak ang mai niin ka hria,hetiang ang hmelpu hian ka la hmu ngailo.min reh na avanga tawngchhuak thei lovin ka mittui a rawn hnam sawk a.

Ka mittui tla a hmuh chuan"thah mai che duh"tia a kut chu lasawnin bang chhah zet mai chu a hnek thuai a.

Ka hrawk dawm chhunga khuh khar kharin"i duh duh huna i thinrim khum tur ka nilo,i lemchan hi duhtawk rawh.min bum tawh lovang.i duh leh hmeichhe dang kawng va zut sak rawh"ti hlak hlakin tui intur dahna lam chu ka pan phei a.

Ka bana rawn phih dawrhin"Fiamthu leh thu lo hi hre ve ta che.min rawn biak tumtu kha nangmah i ni tih ka hre hauh lo.i number pangngaiah rawn biak che ka tum nasa lutuk,Pa Sanga Nupui,Bawihtei pawn min hrethiam asin.ani pawn nangmah i ni tih a hre lo"a ti hrawk a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:40 pm

I TAN CHAUH-25
www.storyfb.com mizo story thar nitin dah ziah a ni e

Martin'an ka ban a chelhna chu melhin"khawngaihin min thlah rawh,min thah duh tu kianga awm ka duh lo.min chhuahsan rawh"aw zawi fiah takin ka tichhuak sap a.

Phun hluk paha min chelhna kut a lak thlak rual chuan hnungchhawnin kut khur dar dar chungin tui ka in khawlh khawlh a.

"Jessica tun ang hian vawikhatmah ka la thinrim ngailo.khawngaihin min hrethiam rawh.khatiang thil kha a thleng nawn tawh hauh lovang"ka hnung lawka ding chunga a rawn tih chuan ka maimichhing sawk a.

Hmeichhe der dep tak leh a tawngkam apiang awih zel turah min ngai a ni ngei ang.ka nghawng a rehna chu khawih zauhin"Min chhuahsan tawh rawh,keimaha awm ka duh"ka tih chuan ka hnunglam atanga ka kawng leh ka nghawnga rawn kuahin"Min ngaihdam hma lo chu ka thlah lovang che.Jessica,mipa dang lo mutpui mah la,kei chuan ka ngaidam che asin"ka nghawnga rawn thaw lum ham ham chunga aw zawi supa a tih chuan ka nghing lawih in ka hria.

Min kuahna atanga tal chhuah tum pahin"min thlah rawh.tumah ka mutpui lo,nangmah zawk a nih kha nizana hmeichhe dang awmpui,Ramhuaipa,ka hua che,i hmel hmuh ka duh tawh lo"ka ti vin hlar a.

Rum hawk chunga min kuahna chu thlahin"a tha e,Ramhuai anga min siamtu chu nang hi i ni tih inhria ang che.Hmeichhe dang ka mutpui lo tih ka hrilh nawn leh a che"ti ngutin chair tlanga a T-shirt dum leh jeans kekawr pawl inbang chu ha sawk sawkin a chapal khum bula mi chu a inthawlh a.

Ka kut hnunglama suih chunga a chezia makti ru deuh taka ngawi renga ka en chuan lukham hnuai chu zen rawk rawkin zungbun a rawn hum chhuak a.

"I duh leh la let nghal rawh,haw huna pek che ka tum tho a"awki sang vaklo dam dap maia ka tih chuan mak ka ti zawk lek lek.

Ka hmazawna rum hawk chunga rawn dingin a bana thisen zam pawng tawlh tawlh khawpin zungbun chu hum ruh a.Kut min thlak ring tak chunga a hmel ka en chuan thinrim insum tum tih hriat taka dak chunga a hmui tisawi nawkin"midang hnena ka thilpek ka la let ngailo.kha nei rawh"ti nguta ka kutah a rawn hmeh bel chawt chawtin kawngkhar lam a pan nghal a.

Thawveng huai tur ka nih tehreng nen kawngka a Martin-a chhuah rual chuan ka ipik zual sauh ni berin ka hria.Ka kutphaha zungbun chu melhin ka thaw kawk a.vawmbo daih ka duh rualin Martin-a hriatreng nana dahthat ka duh tlat a ni.Ka chhungte tih loh ka nuna mipa awmchhun a ni a,engang pawn min tina fo mahse,ka thinlung a amah ka ngaihtuahna hi a reh thei tak tak dawn lo a ni.

Zungbun chu ka kut tanga rawlh lut leh in bathroom lamah inbual turin ka lut a.Bathtube chhungah lutin tui lum pip pepa inchiah vang vang a.

Martin-a chhuak tur hreawm ti hmel leh a inthiamlo hmel chu ka mitthla a lang reng mai chu ka duh lo tak zet.mahse chuti maiin ka dahbo thei der si lo.

Bathroom kawngka rawn kik ri ka hriat chuan Bathtube chhungah ka lo muhil a ni tih ka inhre nghal a.

"Jessica,vawi nga ka chhiar hnu a i lo la chhuak lo a nih chuan kawngka hi kan kar chhe dawn nia"ti ri ka hriat chuan bathtube chhung atanga hmanhmawh zeta chhuak pahin"engemaw i hriat ve ziah le,Martin"ti bak hlarin bathrobe senno ka inbel nghal a.

Bathroom Kawngka ka hawn ruala Guards pakhat leh hotel a hnathawk kawr ang ha mipahnih kawngka lam pan mek ka hmuh chuan Martin'an"ka rawn luh atang 15 minute lai i inkhung tawh"tia ka ke lam chu melh thla in a ner sawk a.

Bathroom kawngka la chelh reng chunga Martin-a chu melh ha in"Enge rawn tih i tum a?"ka ti vat a.

Couch awmna lama kalsawn pahin"hetah hian ka rawn riak ve dawn,riahna tur room dang a awm tawh lo,nizan lamah keimah avangin i muhil tha lo hle tih i thian te pahnih inngaizawng khan min hrilh a."tiin dawhkan chunga kingfisher bur chu a hawng a.

Bathroom kawngka ngheng chunga Martin-a thil in hrawk che ralh ralh chu en in"Rohit-a han tawng theih zia hi chu aw.in inhmu a mi a?Martin i rawn riak ngawt thei lovang."ka ti hluai a.

"I duhlo chung ka khawi hauh lovang che.Min hlau duh suh,chuan hetah hian ka riak ang"tiin couch atan a tawi zet mai a beng thak a.

"Guards Duty leh hotel-a thawkho ka koh i duh loh chuan chhuak zawk rawh"tiin ka kawrhak tur ka enkual a.

A thil in na bur ruak hmet khawr vek pahin"intimualpho duh lo zawk mai rawh"a ti ngut a.

Thinrim zeta ka mut kawr dum leh underpant bathroom lama kalpui pahin"Guard duty ka theh chhuah tir hma che hian chhuak la ni mai.he hotel-ah hian thuneihna pakhatmah i nei..."ka tih lai meka kawngka rawn in kik ka hriat avangin"Lo lut rawh"ka tih zawm zat a.

Rohit-a leh sonu-a te pahnih nui sung chunga,paper bag rawn pawm lut ka hmuh chuan Rohit'an"Jessy,champage kan rawn keng nia,in inhualna lawmin Zanin chu kan in ho ngei tur a ni"tiin a thil ken lai chu Martin-a thutna hma chiah dawhkanah a hung thla nghal a.

An pathum a thu tlang chu ang phuau leh makti taka ka en chuan Martin'an ka lam rawn hawi a"inha tha phawt la"tawngkam pangngai zeta a tih chuan ka lu thing nawkin bathroom chhungah ka inkalh hnan nghal a.

Engtin nge an ni pathum kha an lo inhriat hman le?An awm laia Martin-a ka room atanga han chhuatir chi lah a ni bawk si lo,lungawilo ru zeta bath room atanga chhuak in kawrlum sen ka mutkawr hak lai ai maha fual chu hain Darthlalang hmaah ka sam tawn khawm chu ka phelh a.

Ka hnung lawka Martin-a mitmeng si sapa rawn ding darthlalang atanga ka hmuh chuan"Martin"tisapin ka inher a.

A zu rui lai vawikhatmah ka la hmu ngai lo,mak ka ti tak zet.A bana chelhsak paha Rohit-a te thutna lam melh zauhin"in belh tawh suh,anni sawn Kristian kan nih angin min endan a dang,bakah i nihna an hre mai thei ni.I hmingchhe palh nge"ka tisap a.

A kut ka chelhna chu melh zauhin"min ngaihtuah a ni tiraw?Jessica,i rim hre reng chunga harh fim a mut men reng ai chuan zu avanga chahthlak hnawka,luna bura thawhchhuah leh ka duh zawk"a tisup a.

Ka kut la thla paha ka hmui hnuai seh zauhin"ka ngaihtuah vang che a ni lo,ka mizo pui i nihna avanga hrilh mai che ka ni"tia ka sam tuai nawkin Rohit-a te thutna lam ka pan a.

Rohit'an"lenchhuahpuia rawn sawm che kan tum lai takin,Martin-a hi kan tawk hlauh a.i lengchhuak peih lo tih a sawi a"nuisuk a lo tih chuan an epchiah couch-a thu thla in ka ner sawk a.Ka kianga Martin-a ka taksa si cheta a rawn thut chu melh loh hram ka duh.

Sonu'an glass no a champage thlichhuak paha"in awh awm dun ngawt mai,ka lawmpui tak zet che u ni"tisapin no a champage a thlit chu min pe hlawm a.

No ban paha martin'an min rawn enin"keipawh ka lawm khawp mai.Kan inneih hunah lokal ve thei ula a tha ang"a tisup a.

Ka no ken lai chu ka thlauh teuh kher mai.A rui viau a ni ngei ang,ka lu thing nawka champage ka kenlai ka tlak pap rual chuan ka hrawk atang ka pum hi a alh thla nghal pup in ka hria.

Rohit'an"kan cheers dawn maw ka tia!i inngai awm si lova,i kai lutuk palh nge?Jessy,i zungbun chu i lo bun leh tawh ni maw?"nui saka tiin a bula Sonu thu darah chuan a kuah a.

Sonu'an ka no ken laia champage thlit tuma a rawn lek chuan Martin'an"a tawk tawh"ti nguta ka no chu vai sawnin a no ruak chu a dawh nghal a.

Sonu leh Rohit-a hmel ka en chuan an nuih a za dun hle a ni tih ka hria,ka lu chu tlemin hai mahse Martin-a thu anga awm zel ka tum lo.

Ka thutna atanga thochhuak nawlhin"ka duh duh zat ka in ang"tiin champage chu ka no khat pamin ka inthlit a.

Sonu'an phawk zeta min en pahin"i la lungawi chiah lo ni maw?"tiin Martin-a nen min entawn a.

Ka no a champage chu maimichhing chunga tlak papin ka inthing nawk nawk a.Martin'an"Hreptak che hian,Jessica,i thinrim avanga khatiang in kher tur a nilo.nangmah bakin i tuar dawn lo nia"ti hrawkin ka bulah a rawn ding nghal a.

Min rawn khawih a tumna kut chu lo vaisawn vatin"i kut bawlhhlawh zet leh tualthah i chakna kut khan min rawn tawk suh,kan inneih dawn lo tih anni hi hrilh leh rawh"ti vin hlarin Rohit-a leh Sonu kan tawng hrethiamlo tih hriat zeta Martin-a nen min entawn ha chu ka melh a.

Ka luhai muai muai in ka hria,An hmel lah chu ka hmu phe deuh ruai lehnghal.Martin'an"min lova chhuahsan mai rawh u"a tih chuan couch tlang chelha Sonu te thutna lam hawi lui hramin"chhuak bik miah suh u"bah nawk nawkin ka ti a.

Ka dinna chu a vir muai muai a,Martin'an"Jessica"ti ka hming a lamri chu hmun hla tak atanga rawn chhuak ni maiin ka hria.

Ka tui in a hal avanga ka muhil lai ka harhin ka chal ka dawm vang vang a.Lu na deuh bura khuma ka thutchhuah chuan"i tha em?enge i tih dawn?"tia Martin-a ka thutna sir lawk khuma rawn thu ka hmuh chuan ka mit nuai nawk nawkin"Martin"ka tisap a.

A kut rawn phar uaia la let leh vatin"mamawh i nei em?"aw pangngai takin a tisap a.

Ka chil lem khawlh paha"nei hran love,tui ka in lawk dawn"tia ka puansin lai ka hlim chuan te that chungin ka inkhuh lehnghal a.

Martin'an"ka lo lak ang che,i kawr leh ka kawr i luak khum vek a"tia khum atanga jockey chauh ha a thochhuak chu ka enzui a.

Ka lu thing nak chunga ka mutna sir lawk khuar duk mai leh la lum thar thar chu ka khawih zeuh a.Engthil chiah nge thleng ang le?

Martin'an plastic no vara a tui intur min rawn keng phei mek chu melh zauhin"Engtinge khum khata ka mut dun theih a,engmah ka hrechhuak thei tawh lo"tiin no chu ka ban nghal a.

Khum tlanga rawn thu in a kup a kiu a nghata,a khabe dawmin"i kianga mu tur leh kalsan lo tur che in min ngen a.mahse i rui tawngka mai niin ka hria"zawi supa a tih chuan no a tui ka inbang a chanve la awm chu melh tlawk tlawkin Martin-a hmel cool raih mai chu ka en a.

"Jessica"zawi supa tia ka lam a rawn hawi chuan kan in melh ta reng a.Ka chil lem khawlha Martin-a thutna lama tawlh pheiin a biangah no ka ken lohna lam chuan ka tuai a.

Rum ngut chunga maimichhingin"min huat leh tura awm ka duhlo nia.mu leh tawh rawh"tham tuakin a tisup a.

A awmdan atang chuan a insum nasa hle tih ka hria,A bengbula kun hnaiin"ka kianga i la awm nachhan hi min duh vang a ni tih ka hria lawm"ti sar sarin a bengkawmah chuan ka seh zeuh a.

"I la rui a nih kha,mu tawh rawh,dar li a ri tep,i lakah insumtheihna ka ngah vaklo a nia"ti hluk chunga a biang ka khawihna kut chu man betin a thaw kawk a.

A kap zawna a mipatna rawn pawng lah mai chu nui sak chunga melhin"insum turin ka duh lo che"ka tisap a.

Ka no ken lai chu min laksakin"i la harh fim chiah lo in ka hria,kha tui hi in leh rawh"tisupin ka hmui zawnah no chu a rawn dah a.

A no kenlai chu vai sawnin"ka harh reng alawm,ka in duh tawh lo"ti hlakin ka tawlhsawn a.

Rum ngut chunga ka bana rawn chelhin"Jessica,lokal teh,nang hian minti mangang tak zet a ni"ti hlukin a awmpharh hlai tha zet ah min kuah bet thlawp a.

A thinphu dup dup ri ngaithla in"Martin,ka ngai tak zet che a ni."ka tisap a.
Ka khabe a rawn dawmin"keipawn ka ngaih vang che a,helai hmuna rawn kal hi ka nia lawm,Bawihte"tham tuaka tiin ka hmuiah a rawn fawp vang vang a.

Min fawhna chu rum hak chunga chhang letin khumah chuan kan let dun nghal a.

Thaw halh halh chunga Martin-a awm thlan dapa ka bawh thlawp chuan"i tha em?khatiang tak khan i chet peih pawh ka ring lo asin"tisupin ka hnungzangah ruak kang maia a chul heuh heuh a.

A chung atanga let thlain"ka chau hle mai,reilote muthilh ka duh"ka tih chuan nui ri hukin"a theih tawh loh vang,dar nga a ri dawn,contestant ho zingkara endik i ngai tlat"tiin ka hnute chu a rawn tham a.

Martin-a khabe tlema hmul rawn to siar siar chu tuaisakin"a van fair lo ve.nang engtin nge i awm dawn?"ka tisap a.

Ka hmuia rawn fawp zeuhin"Mizoram lama ka haw a ngai,chawhnu lamah hospital cabin hawn a ngai dawn a"a tih chuan inbengkang in"i ti tak tak a mi?"ka ti ha a.

"Dawt ka hrilh ngai lo che"tia ka mal inkara a kut rawn rawlhin"nangmah avang hian naupangchhia ang maiin ka khawsa fo a ni tih Pa sang'an min hrilh a.naupangchhia pawh ka ni tawhlo"tisupin a kut tiche in ka hnute zawnah a kun hniam nghal a.

Rum halh paha a sam kara ka kut rawlh lutin"a sawi dik a nih chu,Martin thahrui pawh ka nei tawh lo nia"ka ti khur dar dar a.

Ka chunga rawn bawkin"keiman ka nei alawm,nang chu tikhan lo mu tawp mai rawh."tisupin ka mal chu tlema kuai kau in a insiam rem nghal zat a.

A awma khawiha"indanna engmah kan hmang miah lo nia"ka tih chuan ka hmuia rawn fawpa a mawng tiche in"kan mamawh hleinem,a chhungah ka ti tla lovang"aw khur dar dara tiin ka chungah chuan rang zetin a che zui nghal a.

Khum puan hmer ngawt ngawta maimichhinga Martin-a hming lam a ka te that that chuan ka bianga rawn dawmin"Bawihte,min en rawh.ka ta i ni,ka ta chauh,min en lul rawh"ti khur dar dara ka ka chhunga a kuttang pahnih rawn rawlh lutin a mipatna chu phawi chhuakin ka dul ah a rawn phu lum puat a.

Mengphawk hra chunga Martin-a hmel ka en chuan rawn nui sukin"kan inbual dawn nia"tiin min rawn bawh thlawp a.

A hnungzang thlan dapa chulin"i va bei rang ve"ka tisap a.

Ka nghawnga zawna rawn thaw ham hamin"kan zawh hman loh ka hlau lawm.i tha em"tiin a thaw hawk a.

A sam dum hlapa tuaisakin"tha e,Lancy'in niminah min rawn chhuah chhal a,kan pahnih inkar ka hrilh loh vang hian"ka tisap a.

Zungbun ka buna kuttang tuai heuh heuhin"Ka nu pawn a hre tawh,Pawi ti duh suh,ka duhzia che a hria.he thil hi phelh tawh suh"a ti ruih a.

A bianga fawp zeuhin"intifai vat teh ang"ka tisap a.

Che deuh hruta min pawm nawlhin"zungbun hi i phelh tawh lovang tih min tiam phawt la"nghet charhin a ti a.

A dara kuahin"Ka lo tum dawn nia,Zungbun ai chuan thinlung lam hi a pawimawh zawk.Rohit-a kha i thik a ni maw?"tiin ka nui sak a.

Bathroom lama min pawm phei pahin"a hunlai te kha chuan ka thik khawp mai.nang hian engtin nge an ni pahnih saw i lo hriat hman le?"ti ngutin shower hnuaiah min nghat a.

"Ka hmu dun alawm,an inhmangaih hmel khawp mai"ka tih chuan ka hmuia rawn fawpin"hmangaihna hi chuan mihring nun a tidanglam thawk thin"a tisup a.

Bathroom atanga kan chhuah chuan dar sarih rik nan Minute 20 chauh a awm tawh.sam tih rohna khawl fit pahin"ka tlai palh nge?insiam vat ka ngai"tiin ka sam ka chhem ro tir a.

Towel chauh venga ka ngawnga rawn fawp zeuhin"Chhang leh bawnghnute ka lo order ang,i duh leh nachhawkna ei tel la.i taksa rawl lutuk pawh a zia awm deuh ang"nuisuk chunga tia phone awmna lam a pan chuan ka leichhuah khum zauhin"nangma vang vek"ka tisap a.

A mit rawn siai zeuhin phone ah chuan chhang leh bawnghnute rang taka rawn dah turin thu a pe nghal a.

Pawnfen sen ka mal phuar deuh tang leh a rem tur kawr dum leh sen inpawlh chu ha in Martin'an a phone atanga mi a bia chu ka ngaithla a.

A tawngkam chhuak tin mai chu thu a nei hliah hliahin ka hria.A phone hmangzo chu ka bula rawn dinga ka sam chul pahin"ei zawh vek mai che ka duh"tiin ka sam ah chuan a hmai a phum vang vang a.

Thaw halh chunga ka hmuia lipstick sen inhnawihin"min ti khawmuang dawn nia.dar kua ah chuan i haw dawn"tiin ka pheikhawk hring awmna lam ka pan a.

Kawngka an rawn kik avanga pan phei pahin"umm,ka ngai dawn khawp mai che.Rohit-a te pahnih nilo,mipa dang chu hnaih suh aw,ka theih ve leh ka rawn chhuk leh ang"tiin dawhkana an thil rawn chhawp chu a hawng nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:40 pm

I TAN CHAUH-26
www.storyfb.com mizo story thar nitin dah ziah a ni e

Ka kut tang pahnih a Martin-a hmuia khawih sak zeuhin"ka hmui hnawih that leh nan hun ka nei tawh lo,ti hian ka fawp che angah pawm mai rawh"tia ka hmui a sik tir ve leh in ka kalsawn nghal a.

Phun nuah nuah chunga kawngka atanga minlo enzui ka hmuh chuan nui suka ka kut vaiin contestant awmna lampang chu hmanhmawh takin ka pan nghal a.

Landmark hotel-ah Ni ruk ka riahna a ni tawh,ka tì tur ang ka zo fel tawh a.naktuk zirtawp ni hian mizoram lama haw ka tum tawh a ni.ka Judge pui ten min thlahna ni pah fawmin hotel restaurant-ah zanriah eiho an rawt a.ka pum a nawm vak loh avangin ka phur tehchiam lo,mahse han hnial chi an ni bawk si lo.

Room lama awm hahdam tuma ka kal chu"hey,champage,minlo nghak rawh"tih ri ka hriat chuan ner nak chunga hawi letin"Rohit,ti khan min au ve ziah suh.midangin an hriat vaih chuan i chak lo ngawt ang"tiin ka bula Rohit-a lo tlan phei chu ka melh kawk a.

Ka dar a rawn kuahin"kei leh Sonu bakin kan hrethiam chuang lo.Champage,i ngaihawm dawn khawp mai.Zanin chu Martin-a rawn tel ve thei se ka ti ngawt mai.Sonu'an,Dubai lamah min zin san daih si a"tiin elavator lam min pan pui a.

"Martin-a chu a hman lo,a buai lutuk,Result puan hunah ka rawn kal leh dawn tho a lawm.champage min ti tawh suh"ka ti hlar a.

Nui hawk hawk chunga ka dara rawn beng thak thakin"champage i han in chiah kha chu,i hmuhnawm ngawt asin.Martin-a kherh bet chial a i han kuah kha chu kei leh sonu pawh kan khawng at thei alawm,Khatiang kha chuan tu mipa mahin an hnar thei miah lovang che.Martin-a lah khan room atanga chhuak turin min vin khur khur lehnghal"a tih chuan a nak a nghawkin"sawi tawh suh,ninawm lutuk"ka ti hluk a.

A nak dawm paha min melh vakin"Sorry champage,i ngaihawm dawn sia,i room lamah ka lo leng dawn"tiin ka room lama ka kal chu min rawn vui ve nghal a.

Tih ngaihna a awm thlawt lo,champage kan in tuk atang khan Sonu nen min hmuh apiangin ka hming pangngai pawha min ko lovin champage tih hlirin min ko a.ka Judge pui te lah chuan mak an la ti em em zui.

Ka room kawngka bula Martin-a pa,Pa Thara hmel dur khuk a lo ding ka hmuh chuan ka ke pen lai tawp chawtin"Pa Thar i lokal a ni maw?"pangngai thei ang berin ka tisap a.

Hmui chip hmuka Rohit-a nen min entawn pahin"i hmuh ang hian ka lokal a nih hi,Biak che ka duh,ani tel lo hian"tiin Rohit-a chu chiang zetin a melh ngur a.

Rohit'an"engthu nge a sawi a?martin-a te nen chhungkhat an ni em?"ka bengbula rawn kun chunga a tih chuan bu nghatin"Apa nia,min lova kalsan rih lawk mai rawh,nakinah ka rawn bia ang che"ka tisap a.

A dar san ak paha inherin"Hmangaihna chuan engpawh tuar a huam nia"tisupin a kalsawn nghal a.

Room kawngka ka nam hawn rual chuan Pa Thar'an"ka rawn kalchhan hi peh hel duah lovin kan sawi nge.Ka fapa nen hian engtikahmah in inneih ka remti lo.nangmah avang hian a mualpho nasa tawh.i awmdan avanga Nu leh pa zilh hau tu tur i neih tawh loh avang maiin i duh duh in i khawsa a.Hmeichhe zahpuiawm tak i ni,nang hian ka fapa hi kalsan rawh.nge ni a?kan hausak avanga leh sum i duh avanga ka fapa hi kawp mai mai ami i nih?"ti ngutin couch chungah chuan a thu thla a.

A hmel ka hmuh atang khan thu lawmawm lampang a sawi ka beisei lo sa reng a ni.ka nu leh pa ten min boralsan avang hian zilh hau na tawk ngailo mihring niin min ngai a maw?Thaw halh chunga ka bag hmer ngawt ngawtin a thutna sir ah ka thu thla a.

"Ka fapa hian mipa dang nen i kawp tih a hria em?nge nichina vaipa khan sum a pe zawk che.nang ang enkawl loh fa mipa hrang hrang kawm thin hian ka mo nih i lo in beisei ngawt a nge?"a rawn tih zawm leh hmuk a.

"mipa dang ka kawp tih i hre chiang a mi?i nu leh pa ten an boralsan ve tawh tho che a,engtin nge kei hi enkawl loh fa min tih theih.Ka nu leh pa khan i fate hnena thu tha tam tak i sawi aia tam zawk min hrilh thin.in chhungkaw hausakna hi pakhat te mah ka awt ngailo,ka mamawh ang sum leh pai ka nei."ka ti ve ngat a.

Nui tawi taka ka kuta zungbun chu rawn kawkin"ka phalna tel lovin in lo inhual der a maw?ka mo nih hi lo inbeisei suh.ka remti dawn chuang lo"a ti ngut hrawk a.

Ka hmui hnuai pet zeuha thaw halhin"i mo nih hi ka duh bik hauh lo.i fapa lungawi nan a he thil hi bun ve mai chauh ka ni.i duh leh kha i hlim nan hei hi la rawh"tia ka zungbun bun lai chu hlipin dawhkan chungah ka dah thuai a.

Dawhkana zungbun ka dah chu tuai kualin ka lamah a rawn dah hnai a"hei zawng ka la lo mai ang,i duh leh pawisa i mamawh hunah i hralh dawn nia.ka rawn kal chhan ber i hrechiang viau in ka hria.nula i ni a,insiamthat nan ala tlai lo,Ka fapa nen hi chuan engti kawng mahin in ineih thei dawn lo a,Pasal tur mipa dang zawng rawh"tiin a dingchhuak nghal a.

Martin-a pa in min chhuahsan rual chuan ka awm tawt up up zawna ka kut nghatin ka thaw kawk kawk a.ka thin a rim in,ka rilru a na tak zet.min ngaina lo tih ka hre tho,mahse hmaichhan meuh a khatiang thu min hrilh kha ka ring ngai lo.

Martin-a hi ka ban san dawn nge?A pa run luih in ka theih tawpin ka chelh zawk dawn.Ka nau Daniel-a pawh a fanu pasal atan a pawm tho si a,
8:28AM

Awmi Hrahsel
Awmi
ngatinge kei hi min duh loh bik em em le?mipa dang kawp niin min la ngai zui.ka thinlung leh ka rilru put hmang hi hrechiang ni se la chuan Martin-a nilo mipa dang tumah ka ngaihzawn loh zia a hrechiang hle ang.

Ka bag chhunga ka phone dah a rawn rik chuan phawrh chhuakin ka thaw halh a.ka phone screen-a Martin-a hming lang kalh mai chu en vang vangin ka maimiching a.ka chhang ang nge?ka ring ral tir zawk dawn?A duh ang taka kan inbiak hma loh chuan a rawn call char char dawn a ni tih ka hria.

Vawi hnih a rawn call na ah chuan Pick up in ka bengbulah ka dah a.

"Bawihte,ka pa thusawi kha engmah zawm suh.ka rawn kal mek,i tha em?"min ngaihtuah aw zeta a rawn tih chuan"ka tha,ngatinge i rawn kal duh,naktukah ka rawn haw dawn tho alawm"ka ti zawi raih a.

"Khawiah mah lokal sawn suh,ka rawn kal dawn?"nghet charh a tiin a phone chu a dah nghal daih a.

Phone ka melh tlawk tlawk laia kawngkhar rawn inhawnga Rohit'an"martin-a ka phone a.Apa kha i lakah a lungawi loh hmel hle in ka hria.Sonu nen hian tun thlengin kan chhung leh khat te bakah thenrual lak atang harsatna kan tawk nasa khawp mai.mahse,kan in fuih tawn tlat a,nangni pawh inchelh tlat rawh u.Jessy nangmah chauha tuar tum suh."tiin ka bula a rawn thu a.

Ka pum chu dawmin"ngatinge i lo hrilh,hrelo law law se ka duh zawk asin,Rohit,tukin atang khan ka pum hi a nuam hlei thei lo.ka luak a chhuak nghulh lehnghal"ka tih chuan ka chala rawn khawihin"i rai a ni lo maw"nui sukin a ti a.

Meng kawk chunga ka thutna atanga tho chhuakin"ultrasound tih na hmunah min kalpui rawh.ka thil ei danglam thut vang pawh hi ani thei tho mai"ka ti ngut a.

"Okey,ka hmelhriat gynecologist bulah ka hruai ang che"tiin a rawn ding ve nghal a.

Dr Sanjay'an Ultrasound hmanga ka kawchhung a en chuan screen lam hawiin ka meng kawk a,ka chau hnawk thei hial.Ka chi kawng(Ectopic pregnancy)ah nau ka pai a maw!

"i chi kawngah nau i pai a nih hi,minute sawm pawn rawn tlai ula,i hriselna atan leh nau i pai leh zel na tur atan a pawi thei.hmanhmawh vat teh ang u.zai ngai lovin i chi kawng vei lama nau i paina zawk hi kan verh anga,kan ti sawm dawn nia.hmanhmawh ang"tiin a phe nghal vat a.

Rohit'an"martin-a ka hrilh dawn em?"a tih chuan ka pum dawm ngawih ngawih chungin"a ngailo,ka awmna pawh hi khawngaihin hrilh lo hram rawh"ka ti tuak a.

Dr Sanjay'an pen leh paper min rawn pein"tuar hram hram rawh,zai i duh a ni tih entirnan lehkha ah hian i hming sign lawk rawk.i chhungte chu tumah hrilh i duh lo tak tak a maw?chhungte hming sign na turah hian tuman an sign thei dawn lo te chuan a tha lo asin"beidawn hmel zetin a ti leh hram a.

Harsa ti zeta hming ka sign zawh chuan,Ka pum a nat tak em avang ka tawng peih tawh thlawt lo,ka thlan avang chuan ka kawr hak lai te nen lam a ti huh vek tawhin ka hria.ka sir lema Nurse-in ka bana venflon vuah a damdawi a rawn thun luh ruala Rohit'an"keiman chhungte hming sign na turah chuan ka lo sign ang.engkim uluk takin in ti dawn nia"a tih chuan ka thlawk delh delh in ka hria.

Dr Sanjay'an"tikhan i muhil thuai mai ang,engmah a hlauh awm loh,vanduai tho mah ula,in vanneih ka ti khawp mai,theater lamah nawr phei vat ang le"a rawn tih chuan meng phi ruaiin Rohit-a kut chu ka chelh a.

Rohit'an"champage,lungngai suh aw,khawiah mah ka kalsawn lovang,i Phone ka switch off dawn nia"a ti ri chu ka hre rei ruai a.

Ka taksa kham thum leh ka tui in a hal avanga men chhuah ka tum chuan ka mit a rit luk in ka hria,"Bawihte,khawngaihin rawn harh chhuak lul teh"zawi raih a ti ri ka hriat chuan harsat ti zeta meng chhuakin "Martin"thei leh thei lovin ka tisap a.

Ka bianga rawn dawm chunga thaw hawkin"aw keimah,i tha em?pawi ka ti lutuk.min ngaidam hram rawh aw"a tih chuan engtinmah chhang lovin ka maimichhing a.

Ka kut chelh chunga ka sam a rawn chulin"kan thinlung a inzawm tlat tawh,Na leh hreawm i tuar chuan keipawn ka tuar ve zel a nia.I nutei ka phone-a,a rawn thlawk mek.i kiangah ka awm tlat dawn nia aw"tiin ka chalah a rawn fawp zeuh a.

Ka dang a ro huam huam avang chuan ka tawng hlei thei der lo,la maimichhing reng chungin"tui ka duh"ka ti tuak a.

"Phone i hman lai khan a vawih tawh,darkar 18 zet engmah in lova han mut tlawk tlawk chuh.Nurse leh Doctor kan hrilh ve nge"Rohit'an a rawn tih thut chuan meng chhuakin ka ner sawk a.

Nurse Pahnih leh Doctor Sanjay'an ka khum mutna min kuai tun sak laia Martin'an"Fimkhur rawh u"a lo tih hluk chuan ka nuih a za ngei mai.nui chhuak lo tura ka hmui pet in,ka pum ka dawm nghal a.

Nurse in tui min in tir hnu chuan",ka ka a rimtui vak lo hle mai,ha nawh lawk ka duh,min pui thei ngem?"thaw halha ka tih chuan Rohit'an"keipawn,he thil hi i mamawh hle in ka hria"nuisung chunga tiin toothbrush a,colgate intat sa chu min rawn pe a.

Basin lian tha zet mai chu ka hmazawna an rawn hung chuan ka kam thuahin ka inphih fai nghal a.

Ka ban dinglam hmanga inhru ro pahin"martin,min haw san tawh rawh"ka tisap a.

Ka bula rawn kal hnaiin"ka thei lo,keimah avanga na tuar i ni a,ka haw lovang"nghet charha tiin ka samah a chul a.

Thle sawn paha maimichhingin"khawngaihin,min haw san rawh.keimaha awm ka duh.Martin,kan thil tih sual rah ka seng mek a nih hi"ka tisap a.

Kristian chhungkua inti reng chung si in.Pathian duh loh zawng tak nupa inkar chauha thleng tura ruat sex kan hmang dun a.Kan mihringpui tumahin min hmu lo mahse,van lam atang hremna kan tawk tho ta a nih hi.Martin-a kher lo midang dang pawh pasal atan nei ta ila,fa ka nei thei kher tawhlo mai thei a ni.

Rohit'an"soup leh enge maw eitur pai awlsam deuh hlek ka va lak sak ang che"tia min chhuahsan chuan Martin'an"ka pa,hian a ti mah mah tawh a ni.Bawihte,a thusawi engmah awih lo tura ka hrilh che kha.Ka bulah pawh i chanchin a phuah chawp mai mai alawm,keilo mipa dang i nunah an awmlo tih ka hria,Ka Pa lah chuan Mipa dang nena min kawp thu leh ka hausakna avanga min ngaizawng i ni tih ala sawi zui.ka pa hian engtik atang nge hetiang dawt sawi a chin hi ka hre hauh lo"chhuata vai kual chungin a ti ngut a.

"A sawi dik a nih chu.."zawi sapa ka tih chuan ka bula rawn dingin"Bawihte,i taksa ala chak tawk loh avangin i tawng mai mai a nih kha,muhil leh tawh rawh"thupe aw zeta a tih chuan ka pum na lai vuan chungin lehlam ka hawi san daih a.

Ka taksa mai bakah ka thinlung hi a na tak zet,A pa ngeiin min hmusit in a fapa tan min duh tlat si lova, awmdun zel thei kan ni tawh lo.Martin-a awmdan en hian min kalsan a tum hmel loh hle si a,kei talin chet ka lak angai ni.Martin-a rum hawk ri ka hriat chuan ka maimichhing sawk a.

Nute'in"ngatinge a tir in engmah min lo hrilh loh va,a rawn harh chhuak tawh tak tak a maw!martin,Puitling in ni ve ve tawh a,ngatinge maw sex in lo hman kher le,chupawh invenna tel lovin in ti a ni tih a hriat hle si a.A zahthlak tak zet a ni"a tih ri ka hriat chuan che deuh hrutin Nutei hmel ka en a.

"Nute,ka tihpalh lutuk,"tia Martin-a lam chu hawiin"engkimah min pui nasa in,ka lakah engmah ui a nei bawk si lo,ka lo fimkhur tawk lo a ni"ka tisap a.

Martin'an"Jessica"aw vin zet leh a hmaia thisen zam pawng tawlh tawlh chunga a rawn tih chuan"i sum leh pai bak engmah ka duh ngai lo hrim hrim"tiin ka inpet fan fan a.

A kut rawn phar uaih chunga"dawt sawi suh,nang hian min duh a ni tih ka hria"ti hrawkin room atang a chhuak nghal vut a.

Nute'in ka ban a rawn khawih paha kawngka lam chu makti taka en ha in"Jessy,enge thil awmzia hi?"a tih chuan"nakinah ka la hrilh ang che,ka zun a chhuak tawh lutuk"ka ti hluai a.

"Nurse duty kan ko nge,keimah chauh chuan ka zun tir thei lovang che"tiin nurse duty kohna bell a hmet ri nghal a.

Damdawi ina ka awmna pawh kar hnih zet a ni ta der mai.ka thinlung na tih loh hi chu vanneih thlak takin na dang em em ka nei tawh lo,Martin-a ka tawngkhum hnu atang khan a rawn in lan leh tawh lova.ka duh ang in min kal san mahse,Martin-a hmel hmu lo leh amah ngaihtuah reng reng a,awm hi hreawm ka ti tak zet a ni.Ka nute'in, Eli hnen atanga a hriat danin zu a in nasa hle a ni awm e.

Ka nute'in Rohit-a leh Sonu-a te Pahnih en chunga"an ni pahnih hi an awm lovang tih a hlauhawm ngawt mai.duhthusamin be thei ve lo mah ila,an ngaihsak che a ni tih ka hria,mi tupawh mai hian min haw tu kianga awm ai,min ngaihsaktu bula awm hi nuam kan ti thin reng a ni"a tih chuan ka thaw halh a.

Rohit'an a phone ken lai screen chu ka hmai zawna rawn lekin"champage en teh,Martin-a whatapps Status hi.'i hate every women,but...' tih a hmang nia,nangma vang a nih hi,tunah hian engtin tak nge a awm ang aw.phone lah a pick up duh bawk si lo"a tih chuan a phone chu nem sawnin"ka hrilh fo che kha,keini Mizo society te chu a dang bik alawm,Kristian kan ni a,nu leh pa remti lo chung chuan engmah kan ti lui rei thei lo,bakah kan chungchang chu in hriat ve vek kha"tiin Martin-a zungbun min pek ka awrh chu ka khal neuh neuh a.

Sonu'an"uncle Ruata chu a lo va let har ang reng ve,engtikah emaw Rohit nen hian kan rawn la zin ve ang aw.min mikhual ngei angai ang"thu tak zeta a tih lai chuan Patea chu room-a rawn lutin"nangmahni hi in ni ti raw,damdawi in kan awmna bill zawng zawng lo pe fel vek kha,ti ha in Rohit leh sonu thutna bulah chuan a ding a.

Sonu-a hmel chu enin"in ni tiraw,a zahthlak a ni,kut dawh pawh kan nih loh hi,engzat chiah nge in pek a.ka rul leh vek ang che"ka ti charh a.

Rohit'an ka kut phaha rawn chelhin"kan pahniha thu tlukna a nih hi,min hrethiam hram ula,pawm mai rawh u.champage,kan chhungte bul ai pawn,i kianga awm hi nuam kan ti a ni.operation i neih dawn a i guardian hming sign na tura ka sign rual khan mi hrang angin ka en tawh lo che"a tisap a.

Nute'in"awi a mak e,an rilru han that zia hi.kan tluk lo khawp mai.in lo zin ngei dawn nia"a ti hluai a.

Pate'an,Sonu-a dara beng thak thak paha"Adress ka pek che ah khan,champage tui tawk minlo tawn ngei ngei rawh aw"nui sung chunga a tih chuan bu ngatin"tehreng mai,lokal ru,Airport thleng kan thlah ang che u"tiin ka air bag pahnih chu a khaichhuak nghal a.

Lengpui Airport-a kan tum mek lai chuan Pate'an"Lunglei lamah Helicopter hmangin kan phei nghal dawn nia.Hahdam taka awm i mamawh a ni" tiin ka samah a rawn tuai a.

Nute'in"duh thla te han ral se,nangmah i that deuh hunah Aizawl lamah kan awm leh dawn nia,kan bungrua vel pawh Lunglei lamah kan thawn vek tawh.Daniel-a ten kan in lam an nghak thung dawn a ni"a lo ti ve vat a.

Tun maiah chuan Martin-a leh a chhungte hmel hrim hrim hmuh ka duh rih lo tak zet.Helicopter awmna lam pana kan kal lai a kan piah deuh hlek a,Martin-a leh Hmeichhe pakhat inkai riala ka hmuh chuan ka ding chawt a,Kan lam a rawn hawi ngei,mahse Shade a vuah avangin min rawn hmuh leh hmuh loh ka hre thei lo.

Ka tawt up up ni berin ka hria,heng thil tuar huam hian ani lawm ni,min kalsan tura phone hmanga message ka thawn.

Nute'in"lokal rawh,khatin en reng suh.A pa thusawi kha hre reng rawh.saw nu a kalpui saw,zaithiam a niin ka hria.Mipa rintlak loh lutuk mai"tia ka ban a rawn chelhin helicoter chhungah min luhpui nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:43 pm

I TAN CHAUH-27
www.storyfb.com mizo story thar nitin dah ziah a ni e

Ka thin zawn hi a tawt up up in ka hria.Martin'an hmeichhe dang a kalpui ka hmuh khan engvanga hreawm ti leh em em si nge ka nih?Ka duhthlan na ngei a,bansan ka ni a,hreawm ti hle mah ila,ka tuar tlawk tlawk anga a ni mai.

Pate'an"Jessy,hmeichhe chak leh huaisen tak i nih kha,mi pakhat avangin i nun i tichhe tur a ni lo,i hmalam hun chauh inngaihtuah la.midangin an hmusit theih loh nan che i nun i uluk tawh dawn nia.mipa hrim hrim hi Pasal a i neih hma chu tumah ring ngai suh.i dam that var hunah Lunglei Damdawi in lamah i thawh na tur kan ngaihtuah dawn nia,a tul leh clinic te pawh i hawng ve ang.Pa Thara hian nu leh Pa enkawl tu tur che i neih loh avang hian a hmusit rei tawh hauh lovang che.keini nupa hi i nu leh pa kan ni tih i hre reng dawn nia"muang ban charhin a ti a.

Ka kut humruh in"Pate,ka lawm lutuk.Hmalam pan in ke ka pen ngei ang,ka nunhlui avangin hreawm ti takin ka awm lova nga.miten min hmusit in, min nuihzat mahse, beidawng mai lovin,intih chak leh zual sauh ka tum dawn a ni"ka ti charh a.

Nute'in"mipa kawm hreh phah nan leh Pasal neih duh loh phah nan te i lo hmang ngawt a nge.keini Hmeichhia te hi chu pasal tha kan neih tluka hlu a awm lo nia"tiin Patea chu a melh zeuh a.

Pate'an,Nutei hmuia tuai sak zeuh paha"min nei hi chu vanneih i inti ngawt lo maw?"nui vur vur chunga a tih chuan Nute'in a hmui tih pawrh khum in"teh kher a che,min kherh nasa ve bawk em alawm.Jessy,i patea hi chu Rawlthar ang maiin a rilru hi a puitling hlei thei tlat lo nih hi"a ti hluai a.

Nutei te nupa hian an theih tawk a min tih hlim an tum a ni tih ka hria,ka inthlahrung ru tak zet.An hmuh laia rilru hah anga awm ka duh lo a ni.

Lunglei lam a kan awmna pawh thla nga a tling ve leh tawh.Nutei te nupa nen awmpui pakhat la in kan awm tlang a,Kan in bul lawkah Green house thla hmasa khan sa in a chhungah pangpar chi hrang hrang a dahin a buaipui a.Pangpar enkawl hi nuam a tih ber avangin engtin mah Patea nen kan sawisel ngam ngailo.A pangpar huan lamah min kalpui fo reng zel.

Ka hnathawhna Lunglei Private Damdawi in lam pana ka inkhalh chhuak tur ka phone a rawn rik chuan ka car kawngkhar bula ding a pick up pahin"Aw Jerome,in tha maw?"ka tisap a.

"Mate,Lancy-i nen inneih kan tum a,zanin lamah palai kan tir dawn,ka rawn hrilh hmasa ber che a nih hi,a kiang a ding tur in a duh khawp mai che,mahse a inthlahrung a,i lo din pui thei ngem?Lancy-i pawn rawn sawm che chu a tum tho.mahse,i lo hnial ka hlauh avangin ka rawn hrilh lawk che a" rawn ti vat a.

"A van lawmawm ve,ka lawmpui dun lutuk che u nia.Lancy-i bulah chuan ka ding thei chiah in ka ring lo,ka buai thei lutuk a.mahse in inneih hunah chuan rawn tel ve ka tum dawn nia"thaw halh chungin ka ti a.

"I thian angah minlo ngai ve ngai miah lo a mi?Jessy,kan ngaihtuah thin zia che hi i hria em?ngatinge kan tan a hun pawimawh ah min din pui i duh tlat loh,Martin-a te chu i theihnghilh daih tawh a ni lawm ni.A ni pawn rawn hnaih che a tum bik kher lovang.Sangzuala hi a zia deuh tawh em?Lunglei lamah a rawn zin ngun riau in an sawi a"pangngai zetin a rawn ti duah a.

Thaw halh chunga maimichhingin"Lancy-i chhungte lampang midang a kiang a ding tur an awm ang.Jerome,ka thian tha ber in nia lawm"ka tisap a.

"Okey,a nih leh i duh tlat si loh chuan kan tilui lovang che.kan inneih hun ah i hmel hmuh ngei kan beisei dawn nia.Martin-a khawsazia hi a mak khawp..."a rawn tih chuan"ka tlai dawn,in inneih hun tur in ruat fel hunah min lo hrilh rawh aw,ka lawmpui lutuk che u"tiin ka phone chu ka hmet thi nghal a.

Ka hria lawm,martin'an hmeichhe hran hran a kawp kual reng tih,chanchinbu leh internet lamah a hmeichhe kawp te ho nen an hming a lang reng a.chung ho te nen chuan min teh khin ve ziah lehnghal.Rim taka hna ka thawh nachhan pawh amah ngaihtuah loh ka duh vang a ni a.zan ka mut dawn apiang hian amah ngaihtuah zui lo leh phone atanga an thalak en lova mut zan reng ka nei ngailo.Mipa thenkhatin min rawn ngaihven fo,mahse an ni ho chu hnaih duhna ka nei ngailo.

Sangzuala ber hi a tawrh hlelh awm,tawngkam na tak takin tawngkhum thin mah ila,bengngawng ang maiin ka tawng hrelo niawm takin min rawn zar buai reng a.mi thenkhat phei chuan kan inngaizawng ni ten an sawi fo lehnghal.Lunglei lama a hna thil buaipuia a lo phei changte hian ka thawhna damdawi inah leh kan in lamah midang mitmei veng hauh lovin a rawn kal reng a,ka thin a tirim tak zet a ni.Nizan a whatapps lama message min rawn thawn pawn Lunglei lama rawn zin a tum tih a sawi.mahse a message hi vawikhatmah ka la reply ngai loh avangin engtik hun nge a rawn thlen dawn tih leh enge a rawn tih dawn engmah ka hre lo.

Damdawi in motor parkna hmun a,ka car ka hun fel rual chuan ka piah lawka Sangzuala ka awmna lam pana Coat suit dum leh a neck tie tlema pawt thawl deuh hlek chunga rawn phei ka hmuh chuan ner sawkin ka car atanga ka chhuak a.

"Inbiak lawk ang"aw chang zeta a rawn tih chuan ka mitko san akin"i duh chu hetah hian sawi mai rawh,a hranpa taka biak na hun che ka nei lo,Damlo entur ka nei"ka ti hmuk a.

Ka bana rawn chelhin"nang hian i lo hrilh a ni ti raw?he i thawhna damdawi in lei kan tum tih hi i hria a?engvangin nge Martin'an min lo chhuh sak a?engtiang chiah in nge hma i lo lak pui?"aw chang zeta a rawn tih chuan makti takin ka en ha a.

Engthu nge maw a sawi le?Damdawi in hi Martin'an a lei a maw!Ka awih thei lo.He damdawi inah hian kum thum chhung thawk turin hming ka sign vek tawh.

Thaw halh paha Sangzuala chu en in"engmah hriat ka neilo,Martin-a chuan ngatinge a lei a?"ka ti zawi sap a.

Chiang zeta ka mit a rawn en in"engmah i hre lo tak tak a maw?Nimin piah khan Martin'an he damdawi in a lei fel vek tawh.i hriat ka ring a sin.engvanga lei duh viau nge a ni tih ka hre bik lo"a ti ngut a.

Kan thawhpui thenkhat ten minlo en hrek hrek a ni tih ka hriat chuan sangzuala kut chu dahthlak sakin"engmah ka hrethiam lo,ti hian damlo en in ka thawk tawp a,engmah ka ngaihven ngailo.enge rawn tih i tum hrim hrim a?"tiin Damdawi in chhung lam ka pan a.

Ka ruala rawn kal ve in"Rawn hmuh che ka duh a,i duh phawt chuan Aizawl lam a kan damdawi inah i rawn thawk thei reng a nia.engmah Martin-a i hrilh lo tak a maw?"tiin ka room chhungah min rawn zui lut a.

Ka bag dawhkana dah pahin"a va mak e aw,inbe ngailo na pui engtin nge ka hrilh ngawt ang.he damdawi in hi lei in tum a ni tih pawh ka hre lo.min ringhlel ringawt suh"ka ti hlar a.

A kekawr ipte zen paha chair pakhata thu thla in"i mak ve ngawt mai.Martin-a vang hian a mi ngaihzawng i neih duh tak loh?min hnartu leh min duh lo tu awmchhun i ni in ka hria,engvang ng e a?ka hmelchhe vak bik si lova"thu tak zeta a tih chuan ner sawkin"mihring mit leh duhzawng a inang vek hleinem,Damlo ka en tur ten pawnah min nghak a nia,khawngaihin min chhuahsan tawh rawh.kan inhmuh fo hi a tul lo,midangin dawt thu an thendarh leh chiam palh ang"ka ti hmuk a.

Nui huk paha a dar san akin"kan monu Sangkim'in i damdawi chawh kha a that pui tawh a ni tih minlo hrilhsak rawh a ti a.chuan kha hei hi a lawmthu sawi nan minlo thawn bawk"tiin a kekawr ipte atang thi nalh zet internet lama chah ka tum rilruk ang chiah a rawn phawrh chhuak a.

Mitmeng zim san a thi chu en in"a that pui hlauh chu a lawmawm,mahse ka damlo enkawl hnen atang engthilmah lak ka duh lova,ka beisei ngailo bawk"ka tisap a.

Thi inthlun behna chu phelh pahin"miin i lak a,lawmthu an sawina a ni ve mai lawm,ka hawn let duh tawh bik lo,a bawm in ka rawn keng buai peih lo,a lian lutuk a"tiin ka nghawng zawnah thi chu a rawn keng a.

Thaw halh chunga thi chu banin"A nih leh nakinah keimahin ka awrh mai ang"ka tih chuan a lu thing chunga rawn kun hniamin"ka awrh tir ve chak che alawm"ti in ka ngawngah thi a rawn kual nghal a.

Ka nghawng hma lama a kut a rawn dah chuan rang zeta lo vai sawn dawrhin"keimahin ka awrh"ka tih lai taka kawngka rawn inhawng a,Martin-a leh hmeichhe pakhat rawn inzui lut ka hmuh chuan ka meng kawk a.

Martin'an a bula hmeichhe dara kuah paha"hnathawh hun leh hun lo thliar hran thiam a tha ang.Damlo entur tam takin pawnah an nghak reng che a,hetiang hian engtia rei nge an la nghah dawn che"aw chang rut leh hmel dur khuk a a rawn tih chuan ka hmui hnuai seh zeuha inhumruh chunga tawng ka tum lai tak chuan Sangzual'an"thilpek ka pe lawk a,Jessy-i hi i hnuaia thawk ni mahse la,engtik lai pawha hnathawk reng turin beisei suh.A rilru ti thawven te pawh a mamawh a ni"ti paha min rawn nui suk chuan makti taka Sangzuala enin ka khap fak a.

"i pek zawh tawh chuan chhuak tawh la a tha ang.Helai hmun hi nawm chenna tur a ni lo tih in hre tawh dawn nia"Martin'an chang zeta a rawn tih chuan ka ner sawk a.

Ka awmna hmun hi ka hrechiang ve khawp mai.He damdawi in neitu ni mahse a duh duh hunah ka hnathawh lai a rawn lut ringawt zel turin ka duh bik lo.

Sangzual'an"sawipui tur che ka la ngah nia,mahse i hman hunah ni rawh se.ka kal rih phawt ang,Thi hi i ta tur niawm tak a nih hi,i inhmeh khawp mai"nuisuk paha tiin a chhuak nghal a.

Dawhkana damlo card-a kum upa deuh an awm leh awm loh bih in"enge in duh?"aw pangngai takin ka ti a.

Martin-a rum hawk ri ka hriat hnu lawk chuan"Rinawmi ke a,kang lai hi enkawl rawh"a ti ngut a.

An hmel en duh hauh lovin"Hming in ziah tir tawh em?bakah nangni aia helai hmun rawn thleng hmasa leh kum upa zawk ten pawn lamah min nghak a,min lova chhuahsan lawk ula,a hunah kan lo ko ve mai dawn che u nia"aw dam dapin ka ti a.

Kawngkhar lama Nurse min puitu(Assisst) Zualte'in"Dr Jessy,ka kawr kilh a lo tla khanglang a,ka rawn tlai em?"aw lawi deuh rat a a tih ri ka hriat chuan hawichhuakin ka nui lui sang a.

Nurse Zualte'in makti tak leh hlauthawng hmel tak chunga Martin-a leh a bula hmeichhe ding chu enin"Rinawm,ngatinge a?"a tisap a.

Martin'an"A ke a ti kang,Midang i en hma in buaipui la ka duh a ni,Jessica"nghet charh a tih chuan Nurse Zualte'in"a va zia love,lo thu rawh u.i hming chu hetah hian ziak nghal mai ang,Choka lamah in buai em?"tia thutna tur kawh hmuh sawk sawk a damlo hming ziahna tur Card chu phawrh chhuak in min rawn melh zeuh a.

Sawi mai tur pawh ka hrelo, Nurse Zualtei chu en in"engvang in nge kan en hmasak kher ang?"ka tih chuan Card hming a ziahna chu min rawn pe in"damdawi in choka lamah a thawk ve a,an hna an laklawh takin ka ti deuh a"a tisap a.

Martin-a phone a rawn rik a,pawn lam kawngka lam pan phone hmang paha min chhuahsan hnu chuan Rinawm'in"engtin vak mah ka ke chu a awm lo nia aw.Pu Martin-a hian tui sa a ka intih buak lai tak min rawn hmu fuh a,a thu ka hnial ngam bawk si lo"tiin a ke phah sen hlar mai chu inthlahrun hmel takin a rawn ti lang a.

A ke chu en sak in"damdawi pangngai chu ka chawh kherlo mai ang che aw.Aloe vera hnah hring chhunga mi a fim awm a hi i lo inhnawih dawn nia,Damdawi lampang hi chu ka chawh rihlo phawt mai ang che,engtin vak i awm lo hlauh a,a tih zia khawp mai."ka tih chuan a bu nghatin min chhuahsan a.
Damlo dang ka en lai a,ka dawhkana phone a rawn rik chuan Nurse Zualte'in lo chhang vatin"Hello,Dr Jessy-i consultation a ni e"a tih hnu lawk a min rawn en in"an be duh che,Director room lam atang"a tih chuan thaw halhin phone ka la a.

"Enge ni?"tawngkam pangngai taka ka tih chuan"Dar Sawm pahnih ah Director room-ah lokal ang che"Martin'an thupe aw zeta rawn ti ngut a,a dah lehnghal daih avang chuan thinrim tak chungin Phone ka ken lai chu ka melh tlawk tlawk a.

Nurse Zualte'in"Minister Martin-a a ni tiraw?Dr Jessy,nichina ka rawn luh hma lawk khan kan thawhpui ten he damdawi in hi a lei thu an lo sawi a,ka hre ve chauh alawm.nang i hriatna a rei tawh em?"pangngai taka a rawn tih chuan"kan hriat hun a inang nih chu,khawngaihin damlo entur dang kha ko lut vat teh ang"ka ti ngat a.

Engvanga amah hmu tura min rawn ti kher nge maw a ni le?ka rilru a tibuai tak zet,nidang ang pawn ka damlo en te ka be lum lam peih thlawt lo.Banga sana chu ka melh leh zeuh thin a,dar sawm pahnih ri thei lo se la ka duh ngawt mai.

Dar sawmpahnih rikna turin minute sawm ala awm tih ah chuan Nurse Zualte'in"canteen lamah ka chawl dawn nia aw,office-ah i kal daih dawn si a"a tih chuan ka bu nghat ringawt a.

Director office lam pana muangchang leh inngaihtuah muk ang reng taka ka kal chu ka hnunglawk atang"hey Doctor Jessy,minlo nghak rawh ka tih kha,Martin-a hi a duh khirh hmel riau mai.Doctor zawng zawng min ko khawm nghal ringawt a,nang talin i biak that a ngai ang"Dr Zonun'in ka dara rawn kuah chunga a tih chuan ner sakin"i ho e,kei a biak that leh that lovin awmzia pakhatmah a neilo"ka ti hlar a.

Doctor dangte nen kan office-ah kan thu khawm dawn a ni tih ka hriat chuan thawveng deuh huai nghal.Phone atang khan min hrilh tha ve mai se la,rilru hah takin ka awm lo tur.

Office chhunga kan luh chuan Doctor dang ho an lo kim vek tawh a ni tih ka hmu nghal.inthlahrung ang reng takin tlar hnung berah Dr Zonuni nen kan thu ve a.

Martin-a thusawi lai hmel ka en chuan ka thin zawn hi a su dup dup in ka hria.Kan thutna lam rawn hawi pah a"Damdawi ina hnathawk tura in rawn thlen hian in mimal thil leh inchhungkhur lam thlenga in buaina dah tha in,in damlo en te chauh ngaituah thin turin ka duh che u ni.mi hausa leh rethei in thliar hrang tur a ni lo bawk"nghet charhin a ti a.

Dr Zonun'in min rawn nghawk zeuh chuan alam ka hawi vat a,a phone min hmuh paha"enteh damdawi in a lei nachhan hi an in rin siak nasa lutuk,i hming pawh a lang ve nia"a ti sar sar a.

Dr Zonuni phone en hnaih ka tum lai taka"Tlar hnunga mi te khan sawi duh in nei a mi?"Martin'an aw chang faka a rawn tih chuan hawisawn nghal vatin ka inhumruh a.

"Kan meeting chu ti tawp rih phawt ang,Jessica nang erawh chu la chhuak suh"nghet charha tiin chair-ah a thu awn duai a.

Doctor dang ho chhuak turin minlo nui thu hlawm chuan ka thin a rim tak zet.Midang an chhuak thei a,ka chhuah theih loh bikna chhan tur engmah ka hre lo.

Midangin min chhuahsan fel hnu chuan hmui chip hmak chunga Martin-a chair nghenga maimichhing chu en paha dingchhuakin"ka chhuak thei tawh ang tiraw"ka ti hmuk a.

"Thu rawh,ka phuar beh che i duh loh chuan"ti hrawka rawn mengin rum ul in min en ngur a.

Ka din ngaia la ding reng a,ka kut hnung lama daha en let ve ngatin"i sawi duh chu sawi rawh,ti hian ka ngai thla thei tho"ka ti hmak a.ka chawn tha sai dar dar chu kekawr dum tlawn ka hak avangin a hriat loh hram ka beisei.zam viau mah ila,ka thei tawka inthunun hram ka duh a ni.

A thutna chair atanga rawn tho chhuakin"awmdan phung i va hre lo ve,kei hian i hna atang ka ban thei che a ni tih leh Doctor hna hrim hrim thawk thei tawh lo turin ka siam thei che a ni tih i hre lo a mi?"rum zeta tiin ka hmazawnah a kekawr ipte zen chunga min en ngarin a rawn ding a.

Thinrim zeta melh kawkin"chutiang thil chu ramhuai bakin an ti duhin ka ringlo"ka ti hluk a.

"Ka nawmna tur a nih phawt chuan ka ti duh ngei ang.Sangzuala hian a chhaih kual mai mai che a ni tih i hria em?hmeichhe mawl tak leh bum fin theih loh i lo ngei a nih hi"min hmusit tih hriat zeta nui tawi tak chunga a tih chuan"Tenawmpa,nang hian ka chungchang engmah hriat i neilo.mi chapo tak i ni"thinrim aw khur hlak hlak a tiin a hmaiah ka beng thuai a.

(fakna milem ho kha in lo hre reng dawn nia aw, kha kha a pawimawh kha)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:44 pm

I TAN CHAUH-28
www.storyfb.com mizo story thar nitin dah ziah a ni e

A hmai a ka ben na chu ngaipawimawh lo tih hriat zeta then sukin"Jessica,i la ngai reng a nih hi,chuan i thinlung leh rilru pawh hi a danglam hauh lo,i kut kha ka hma zawna i rawn phar chhuak leh a nih vaih chuan i inchhir hle ang"nghet charha tiin chiang fahranin min rawn en hnai nghal a.

Thinrim taka ka kut hum ruh chunga thawk la hakin"i va zak lo ve.Martin,ka thinlung leh rilru puthmang hi engmah hriat i nei lo,Sum leh pai in ngah avang hian engkim ti thei turah i inngai a mi?Tenawm lutuk mai"ka ke chuat a per chawrh chungin ka ti vin hlar a.

Nghet zeta ka ban puam laia rawn man betin"ngawi hmak rawh,nang hian engmah hriat i nei lo"a ti khur khur a.

A awmdan chu a hlauhawm tak zet,talchhuah tum chunga Martin-a hmel dur khuk mai leh hlauhawm tak chu melh zauhin"min thlah teh,i sawi dik,hmeichhe mawl tak ka ni a,engmah hriat ka nei lo"ka tisap a.

Ka ban a chelhna kut a lak thlak ruala,ka biang tawn tawna rawn chelh zui zatin"sangzuala hian kei angin hlimna a siam thei lo che a ni tiraw?"nghet charha a tih chuan a hmel en ngam lovin ka maimichhing sawk a.

Ka lungphu rang lutuk chu ka duhlo tak zet,ngatinge hepa kiangah hian hetianga ka la awm fo.

Ka hmui bul chet a rawn thaw ham hamin"Jessica,min chhang rawh?sangzuala hian a kawp mai mai che tih i hria em?i thinlung atang hian min dah bo thei chuang lovang."nghet charha tiin ka hmuiah a rawn nul thuak thuak a.

Ka taksa chu a khawng vek ni berin ka hria,hlauthawng ru zeta mengchhuakin"martin,hetiang hian awm..."ka tih lai tak chuan ka tawng zawm zel tur chu a hmuia rawn khar chilh hmakin a rum hawk a.

Eitur rei tak ei tawh lo ang maia riltam hmel fahran leh duhthaw zeta min fawhna chu ka tan tuar a har tak zet, rumchhuak halhin ka lo chhang let ve ta nge nge a.ka thluak hi a buai nuai ni berin ka hria.Martin-a nena thaw chham lek leka kan infawh chuan thaw halh halh chunga tawlh sawn hlekin"ka chhuak dawn"ka tisap a.

A mitmenga hnehtu chan chang intih hmel zeta min en chunga rum hawkin"i la danglam lo tak zet,i duh phawt chuan chhuak rawh.Mahse,Sangzuala chu hmuh in beisei suh,Aizawl lam panin a inkhalh chhuak mek"a ti ngut a.

Kawngkhar bul atanga makti taka Martin-a chu en ha in"engtin nge i hriat,engmah min rawn hrilh si lova"ka ti hluai a.

A dar san ak paha dawhkan lam panin"nang aia ngaihpawimawh a neih zawk vang aniang.i chhuak dawn nge?khatah khan min en reng chunga din i duh zawk?"a ti hluk a.

Ner sawk chunga kawngka nam hawnga chhuakin ka khar thuai a.

Ka chau hluah hlauh ni berin ka hria,engvanga min fawhna kha lo chhang let ve kher nge maw ka nih le?ka inzahpui tak zet.

Ka phone a rawn rik a,ka en chuan Sangzuala a ni tih hria in ka thaw halh a.nidangah pawh min rawn biak a tum fo,chung hunah chuan ka pick up ngai lo,mahse thil hriatchian ka duh avangin ka biak ngei angai.

Phone ka pick up rual chuan"wow,a va ropui ve.hma ka sawn deuh a ni maw?"a rawn ti hluai a.

A thusawi ngaihsak lo lui ngatin"Aizawl lamah i phei mek a mi?"ka ti hmuk a.

"umm,ka phei ta mai.in boss thar chuan a vil hneh viau che in ka hria.Damdawi in lama ka rawn kal khan meeting in lo nei a?,min ngai a ni maw?ka rawn let leh dawn mi"nui huk huk chunga a rawn tih chuan"i ngaihdan mai mai a nih chu"ti hlukin phone ka dah zui nghal a.

Damlo ena ka thutna thin room kawngka bul ka thlen chuan Damdawi in Manager Pu Siamlian'an"Dr Jessy,kha in Duty list thar tur?Director nen kan siam tha a.Zanin hian i night dawn nia.i hman ang tiraw?"tiin a lehkha ken lai chu min pe a.

Ka room chhunga ka luh fel hnu lawk chuan Dr Zonuni chu rawn lutin ve in"Jessy,ka inthiamlo lutuk,engtin chiah nge Pu Martin-a khan a tih che,zanin lamah i la duty dawn zui lehnghal"a ti hluai a.

Ka lu thing zeuhin"engtin vak min ti lo"ka tisap a.

"Ka rin reng a ni.nangni pahnih hi engvanga inngaizawng tawh lo ngawt nge maw in nih le?Kan awmho laia a endan che leh a awm hnufual tir dan atang che khan,ala ngaihven che a ni tih ka hre thei?,midang ho pawh hian an sawi zui nasa hlawm khawp mai che u"nuisang chunga a tih chuan ner deuh sawkin kawngkhara Nurse zualtei rawn lut chu melh vatin"an buai lohna tur thilah an inti buai duh mai mai a nih chu.Zonun,damlo entur kan la ngah si a,nidangah kan inbe leh mai dawn nia"ka ti ngat a.

A hmui ti sawi zauh paha dingchhuakin"i room-ah hian tawm tlat thin lo la,hawi harh ve deuh rawh"lungawilo zeta tiin min chhuahsan a.

He damdawi ina ka thawh tirh khan ka chungchang an sawi pheih hlawm em avangin ka thawh puite hi ka nel vak lo a.chhun lamah damlo ka enna room chhuahsan kher lovin,in lam atang ka eitur tiffin siamin ka keng mai zel a.Doctor kan inhmuh khawm changte hian midang in min be vak ngailo,mahse Zonuni erawh hi chuan min be lum lam peih em em a,hmun danga kan inhmuh changte hian amah zawkin min be hmasa ziah zel thin.

Damlo ka en zo in lama ka haw chu kawngkhar bula nutei lo ding ka hmuh chuan"vawiin chu i va hman awm ve?"nui lui sangin ka ti a.

"Ngatinge Martin-a chungchang hi engmah min hrilh loh a?Eli'in min rawn hrilh lo phei se chuan engtikah mah i Patea nen hian kan hre ve leh tawp lovang.engtika min hrilh nge i tum hrim hrim?"ti hlak hlakin inchhunga ka lut chu ka hnungah min rawn zui ve nghal a.

Eli chuan ka thawhna damdawiin Martin'an a lei thu leh a neitu a ni tih a lo hrilh a ni ngei ang.

Chau zeta sofa-a thu thla hnawk a,ka chal dawm chunga sofa ngheng pahin"keipawn engmah ka hre bik hleinem.Nute,ka chau tak zet a ni.zanin hian ka duty ngai a,Eli chuan Martin-a damdawi in a lei chhan a rawn hrilh tel che em?Aizawl lama an damdawi in saw a duh khawp lohvang a mi le?"thaw deuh halhin ka ti zawi raih a.

"Eli chuan engvakmah a hriatpui ve kher lovang.mahse,Apa nen an la inmil lo tih a sawi a.Jessy,saw i thawhna Damdawi in saw nangma vanga a lei hi a ni thei a ngem?"Nute'in inngaihtuah muk hmel fe in a ti hluk a.

Bazar bag khai chunga Patea rawn pen lut in"Bazar nuho chuan Martin-a Damdawi in lei chhan an inrin siak luih luih mai.Jessy,ani nen hian in la inbe thin em?,a beidawn duh hauh lohna chhan hi hriat ka chak khawp mai.keichu in pahnih a chungchang ah hi chuan ka kut ka sil tawh dawn a ni.mahse,i kiangah ka awm tlat zel ang"nuisuk paha tiin Nutei bulah a thu thla nghal zat a.

Makti deuh taka Patea ka en chuan Nute'in,Patea mal a chumsakin"nang hian engthil nge hriat i neih hman le? Martin-a Pa in,Jessy-i a tihdan zo zai leh tun hnaiah ringawt pawh Martin'an hmeichhe hran hran a kalpui nasatzia i hre ve reng si a.Jessy-i thlavang hi hauh la,damdawi ina a contract ziah kha ti tawp dan kan ngaihtuah vat a ngai.In hmu reng a,an awm chuan Jessy-i hian hreawm a ti lutuk ang"tiin ka darah a rawn chul a.

Nutei te nupa melh tawn zeuh paha ka thutna atanga tho chhuakin"kan intifai lawk nge?"tiin ka room lamah hmanhmawh takin ka phei a.

Ka room-a inkalh khum nghal vatin Darthlalang hmaah chuan ka thu thla a.Martin-a hian ka thawhna Damdawi in hrim hrim saw a duh vang a lei nge ni a?keima vanga lei zawk?mipa chapo leh indah sang tak a ni a,keimah zawkin ka amah hlat ka duh avangin ka ban san a.chumi avang chuan ka lakah a phuba a lak duh vang a ni thei em?ka thinlung leh rilru puthmang ala danglamlo tih a sawi ngei,engvang sawi ngawt nge a nih le?

Ka hmui chu khawih zeuhin ka thaw halh a,ka phone a rawn rik chuan pick up in"Aw Lancy"ka tisap a.

"Jessy,ka u in i thawhna Damdawi in a lei tih ka hre ve chiah a.Enteh,ka nu leh pa te pawn an hre lawk bik miah lo tih rawn hrilh che ka duh a ni.in inkawp loh atang khan kan zing atang hian a inla hrang tlat a,a thil tih leh awmdan hi engmah kan hriatpui ngailo"a rawn ti a.

Thaw halh paha maimichhingin"Lancy,keipawn engmah ka hrethiam lo a ni.Awmdan tur pawh ka hre lo"ka tisap a.

"Oh Jessy,i thinlung duh dan ang kha zawm tawp rawh.midangin an ngaihdan turah che buai suh.nangmah leh i thil duh kha chiang la a tha ni mai.ka pa lah hi a natna avang hian a thinrim hlur reng a,a hahthlak khawp mai"a rawn tih chuan"a enge na a?"makti zetin ka ti ha a.

"Ahh englo,ih Jessy ka tihpalh,ka pa chuan na a nei hleinem,ka rawn sawi ve mai mai anih kha,Jerome-a nen kan inneih hunah i lokal ve ngei kan beisei nia.nakinah ka rawn be leh ang che"tiin phone a dah nghal daih a.

Lancy-i khan dawt a sawi tih ka chiang,A Pa chuan natna engemaw tak a nei a ni ngei ang.Eli contact number chu hmetchhuakin ka dial a.

Phone a pick up rual chuan"i pa a dam em?"ka ti nghal a.

"U jessy,Ka Pa Thara maw!"makti aw zeta a rawn tih chuan"aw,a dam nge damlo?"ka ti hluai a.

"A dam aniang,ka nu pawh chawhma lam khan a rawn leng a,engmah ka pa damloh thu a sawi lo.Ngati teh thut nge a?"a rawn tih chuan"engmah a ni love,ka rawn zawt mai mai che a,Eric-a leh Daniel-a an tha maw?"ka tisap a.

"Aw,an ni pawh an tha e.Ujessy,nangmah zawk kha i tha em?kan lo ngaihtuah lutuk che a"a tih chuan"ka tha lawm,min lo ngaihtuah suh u.Tih tur ka nei a,ka dah phawt mai ang"tiin phone ka dah nghal a.

Hmm ngatinge ka lo buai ve vak kher le?ka inrawlh na tur engmah a awm hlei nem.

Zan riah kan ei laia Damdawi in atanga min rawn call avangin ka chaw ei lai thawh sanin ka insilfai nghal a.Nute'in"fridge-a tupperware ah khan pudding a awm ang,keng mai rawh,balhla,apple,grep leh coconut ka telh nia,i ei theihnghilh nge?"a lo ti ruai a.

Damdawi in ka thlen chuan emergency room lam pana Nurse duty bula dingin"damlo hming leh a vitals in record tawh em?"ka ti a.

A lehkha ken lai chu min pe pahin"a zu in nasat vang a nia,a pum a nat bakah a blood pressure a sang a"a tih chuan bu nghatin damlo mutna lam ka pan nghal a.

Damlo bul ka thlen chuan zu rim ka hre nghal,khum bula Mipa kum 17 bawr vel inthlahrun hmel taka lo ding chu en in"mama,i chhungte a mi?engtik atanga nge a pum na a sawi a?"tisapin khuma mipa kum 50 mi amaha lo phun nuah nuah chunga mu marphu chu ka khawih a.

"Ka pa a nia,nizan pawh khan a insawisel tawh.A zu in hi a sim thei bawk si lo,tlai lamah khan thi in a luak a,a duh lo chung ka rawn hruai lui a nih hi.khawngaihin damdawi ina min awm tir hram rawh,in lama kan haw chuan zu a in leh nghal dawn si a"beidawn hmel takin a ti zawi sap a.
Male medical ward lama ka Admit fel hnu chuan ka thutna ngaiah la thu rengin ka maimichhing a,A zu inchhan hriat chian ka chak viau.nimahsela,midangin an nundan leh hun hmandan min hrilh hmasa ngawt a nih loh chuan zawh chhuah luih tum kher ka duh lem lo.ngatinge a taksa tichhe tur khawpa zu a in le?a nupui,fanau te amah avangin an mangan em em a ni tih a hre lo mi?Patling a ni a,zu indan tawkte chu thiam tur ania sin.

Ward fan kual tum a Emergency room kawngka a ka chhuak tur chu ka hmazawna Martin-a hmel rum ul a lo ding ka hmuh chuan phu deuh zawkin ka tawlh hnung hret a.

A hmui ti sawi zeuha room chhung lama min kai lut dawrhin"engvanga ka pa chungchang lo ngaihven viau nge i nih?"a ti hrawk a.

Room chhunga midang an awm lo hlauh chu ka lawm ru khawp mai.Martin-a chu melh chho ha in"ka ngaihven leh ngaihven loh chungchang thu ah chuan i lo buai na tur a awm lo.nang hian i pa hi a damlo a ni tih i hria em?"ka ti ve charh a.

Chal chuar tap a min vawnna chu thing nawkin"ani dam leh damloh ka ngaihsak lo.ka pa,chuan i bulah eng thu nge a rawn sawi?hreptak che hian,ani sawn dawt thu bak a hrilh dawn lo che tih i hre lo a mi"a ti hrawk a.

Min vawnna atanga talchhuah tum pahin"kan inbe lo,Martin i pa a ni a,a chungchang khatiang khan sawi suh.ngatinge an lak atanga i inlak hran kher a?i chhungkaw neih chhun leh he khawvela nangmah hmangaih tu che an nih saw"aw dam takin ka tisap a.

Ka dar tawn tawna rawn hmer vakin"nang hian engmah i hre lo.ka pa sawn sum chauh a atchilh,min hmangaih a ni tih hi sawi leh tawh suh"ti ngutin ka darah a sawi nawk a.

Ka hmui pet zeuh chunga hnuai lam melhin"A fapa neichhun leh innghahna ber i ni a,a hmangaih lo thei lo che.i tana tha tur chauh a ngaihtuah ngei bawk ang.A kianga awm la,thlamuan rawh.mihring te hian kan hmalam hun tur kan hriat lawk ngai loh hi.ka nu leh pa,ka chan tawh avangin nakin hun a,i inchhir lohna turin ka hrilh che a nih chu"ka tisap a.

Rum ngut paha min vawnna chu thlahin"ka tih tur nang hian min hrilh a maw?"tia sangzuala thi min awrh tir chu rawn pawt vakin"hetiang thil hi damlo hma a,intih theih nan awrh a tul lo"tiin a pawt chat hmawk a.

Thinrim leh makti zeta Martin-a hmel ka en chuan phun hluk chunga thi a pawh chah chu chhuata vawmin kawngka lamah vung zetin a chhuak nghal a.

Nurse duty chu mengphawk tak chunga rawn pen lutin"Dr Jessy,damlo kha cabin lamah kan sawn mai,cabin ruak a lo awm hlauh a"tia chhuata thi tla chu chharin"i ta tiraw?"tiin a thi ken lai a chhar chu min rawn pe a.

Ka thinrim a ni tih lantir loh hram ka duh.ka lu bu zeuhin ka lo ban a.

Zan khua in Martin-a hmel ka hmu leh tawh lo,a awmdan kha mak ka ti tak zet engvanga khatiang tehchiam a thinrim nge maw a nih le?ka awm a ti nuam thei der lo,a thinrim avang khan zu a in chiam angem le?keipawh hi,ngatinge khatiang thu kha lo sawi ve kher ni.ka rilru a tawngtai mawlh mawlhin Martin-a chunga thil pawi a thlen loh nan leh tawh sual tawh theih na laka venghim turin ka dil a.ka tawngtai apiangin a hming hi ka lam tel ve ziah zel.

Chawhnu lampanga Lancy'in min rawn call ka pick up chuan"Ka u bulah hian eng thu nge i sawi a?tukin zing khan inah a rawn thleng a.Jessy,ka pa hian thla li liam ta khan thisen cancer(leukemia)natna a nei a ni tih kan hrechhuak a.ka nu nen kan pathum chauhin kan hria.Ka pa in midang tumah hriattir a duh lova.mahse,tunah chuan ka u nen engkim in hre ve vek tawh a ni.Jerome-a neih pawh hi ka phur lo khawp mai.in lamah ka pa enkawl turin ka nu bak midang tumah an awm bawk si lo"a rawn tisap a.

Pa Thar'an thisen Cancer natna a nei a maw!mak ka tih em avang chuan sawi ber tur pawh ka hre lo.

"Ka u in,Goa,cancer enkawlna hmuna hruai a tum a.Jessy,nang hian ka u hi i rawn kal tir a ni tiraw?"a ti zawm zat a.

"Ka rawn kal tir lo,Pa Thara,a damlo tih ka hrilh ringawt a.inenkawl tha se a dam leh thuai ngei ang,a cancer chu stage engzatna ni a?"ka tisap a.

"1st stage,mahse a rilru hah vang hi niang,a chang chuan a chau thin khawp mai.Thinrim na tur hlir hi a zawng a.Jessy,khawngaihin ka pa hi ngaidam hram rawh aw"a tisap a.

"Engmah ka lakah tihsual a nei hleinem?Lancy,tha takin i pa chu i enkawl dawn nia,Jerome-a pawh hrilh ve rawh.inngaizawngte inkara thuruk lian leh te hi a tuar tu tan chuan rilru a na duh viau thin a nia.chanchin min rawn hrilh reng dawn nia aw"tiin ka phone chu ka dah nghal a.

Cancer natna hian mi rethei leh hausa a thliar hrang lo a nih hi.Cancer veite hi vanduai mahse,an vanneih na lai a awm ve in ka hria.An thlarau nun inphuahchah na hun tha tak an nei niin kei chuan ka ngai.

Ka bag chhunga phone dah luh ka tum lai taka min rawn call tu an awm avang chuan ka en a.

Thaw halh paha ka phone chu Pick up in"Martin"ka tisap a.

"Naktuk-ah Goa lam pan a zin turin lo inbuatsai rawh.ka pa hi,midangin thisen cancer ani tih hre vak lo se ka duh.eng thleng nge kan cham dawn ka sawi lawk thei lo.copter-in a rawn hruai ang che nga;keinin Thuampui helipad ah kan lo zawm ang che.chuan Lengpui Airport lam kan pan ang"thupe aw zetin a rawn ti a.

Ka phone chelh chunga meng deuh kawkin"Lancy'in a kalpui hman lo mi?bakah ka rawn kal ve kher a tul nachhan ka hrelo"ka ti hluai a.

"naktuk zing dar kua ah Theiriat Helipad hmun thleng ang che"rawn ti hrawkin a phone chu a hmet thi nghal daih a.

Engtin nge ka damlo enkawl laite hi ka tih tak ang?ka phone chu phawrhin damlo min rawn pan pan leh tura ni ka fix ho card thla chu ka hmet mawlh mawlh a.

Mi sawm hnih vel bak an ni lo hlauh,Manager office kawngka ka kik ruala chhunglam atang lut tura Pu Siamlian'an min tih chuan ka pen lut a.a phone hman lai alo la dah chiah zui.

Ka lam rawn hawi paha"Dr Jessy damlo en laklawh i neih loh chuan va haw hma rawh.i zin thu hi chu naktuk zing Radio lama kan hospital chungchang an sawi hunah mipui hriat turin kan puan tir dawn nia.engthil nge in tih dawn i hria em?"a tih chuan ka lu thingin"hre bik lo"ka ti zaih a.

Kan in lama ka haw chu Nute'in"mak i ti ve em?Pu Thara cancer hi?Eli in i Pa Remruata hi a rawn phone a,Green house hnim ka pawh fai lai pawh ka dah ringawt alawm.midang tumah hriattir lo turin min rawn ngen a"tiin fanghma zai hlep bowl-a mi chu fork nen min rawn pe a.

Ner nang chunga Bowl chu nawrsawn pahin"Nute,engmah ka ei chak rih lo.Martin'an Goa lama a pa kalpui turin min ti a.Hnial ngaihna pawh ka hre lo"ka ti chuai raih a.

Patea chu a khabe tuai hauh hauh chunga a hmazawn chhuat melh ngarin"ka tawng huat thu suh ni lo se,fahrah leh mahni aia rethei zawkte hmusit taka tawngkhum hi Pathian in a duh lo ani tih Pu Thara chuan a zir chhuak tawhin ka ring.keinin phuba la lo mah ila,chunglam atang Pathian in kan nu leh pa aiawhin hremna a pe zel thin tih kan theihnghilh tur a ni lo"a ti dap dap a.

Nute'in"Engtikah nge Goa lam pan chuan in kal dawn?"a rawn tih chuan pangngai takin ka hrilh a.

Ka tawng zawh ruala"eng thleng nge in cham dawn tih pawh i hriat loh chuan,kawr i ken nual a ngai dawn nih chu,khua a vawt tan tawh lehnghal,Martin-a tihbuai lo turin awm i tum dawn nia.Mipa pangngai tak hi chuan hmeichhe awm mai mai lai an fiam ngawt ngai lo tih hre reng bawk la"tiin ka room lamah min kai phei a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:44 pm

I TAN CHAUH-29
www.storyfb.com mizo story thar nitin dah ziah a ni e

Ner sawk chunga Nutei melhin"keimahin ka insiam thei alawm.Nute,ka zin peih lo lutuk hi damloh mai te ka duh"ka tih chuan ka hnunga chum pahin"damloh i chak thu kha vawikhatmah sawi leh tawh suh.Damlo kiangah leh lek phei chuan an rilru i ti na ang.Pathian in,hriselna leh damna tha a pek che avang hian lawmthu sawi fo zawk rawh"min ti vin hlar a.

Aizawl lam pana Helicopter a ka chuang chu ka zam tak zet.shade dum vuahin Jumper sen leh jeans kekawr pawl ha in,converse rawng sang a sen ka inbel a.Zan lama ka mut that loh vangin lu te lah chu a rit bur lehnghal.ngawi renga thu in ka kut thlan dap dap chu ka kawrah ka hru leh zeuh thin a.

Thuampui,Helipad-a kan tum rual chuan Martin-a te chhungkua leh Daniel-a te nupa ka hmu nghal.Martin-a leh apa ding dun chu an inang hle in ka hria,coat suit an ha ve ve a,Martin-a chu tlemin a sang zawk a,a ngo zawk bawk.shade dum kei ang tho va,a vuah avangin a mitmeng uk raih ka hmu thei lo a ni.

Martin-a leh apa an rawn thut luh rual chuan maimichhingin seat ka ngheng nghal vat a.

Helicopter ri vut vut bak thawm dang engmah hriat tur a awm lo.ka dara rawn khawih an awm rual chuan phu zuk pahin ka mengphawk vak a.

Martin'an nui suk paha tui bottle chu ka lama rawn lekin"in rawh"a hmui phunin lo a ti a.

Ka lu thing paha"ka mamawh lo"tisapin kan hnunga Martin-a pa inkuangkuah chunga maimichhing a thu chu ka melh zauh a.

Ka lama Martin-a chu rawn awn pheiin"engthil nge i mamawh a?"ka hriat tawk lekin a tisup a.

Ka ang phuau chung leh makti zeta Martin-a chu biang sa hat hat a enin"engmah"ti hrawka ka hmui seh zeuhin tukverh lam ka hawisan daih a.

He pa mizia hi engvanga inthlak thut zel nge maw a nih le?nimin lawkah a hnuaia hnathawk leh duh duh huna a tirh kual tur ang maiin thu min pe a.Tunah lah a bialnu ang maiin min ngaihsak leh si a.Hriatthiam harsa ka ti in,lo dawn sawn dan tur ka hre lo tak zet.

Lengpui Airport-a kan chhuak thlak lai leh thlawhna danga kan chuan luh laia Martin'an Apa a ngaihsakzia leh a duat zia ka hmuh chuan ka thawchhuak ham ham a,ka lo lawm ru veng vengin ka hria.

Martin-a pa nen chuan tawngkam khat pawn kan la inbe hauh lo,mahse a awmdan leh mitmeng atang khan thla nga ralta hmalama min endan mitmeng nen a inang lo tak zet.A vun chu a dangin,a cher sawt bawk a ni.

Lengpui atanga kan thlawhchhuah chuan Martin'an Apa lehkha pawimawh file-a min pek chu ka keu kual dan dan a.ka thutna piah chiaha Martin-a leh Apa seat nghenga an maimichhing chunga thudun chu ka melh leh zeuh thin.

Ka thinlung takin Martin-a pa hi huatna ka nei tawh hauh lo.Mahse,tlangnel taka biak lum lam vel ka chak hauh lo.a lakah ka la inveng ru deuh tun ti ila a dik ber ang.

Ka file en chu khup thawka ka bag chhunga dah lutin ka ipod zin nikhua a hla ka ngaihthlak na ber chu phawrh chhuakin hla ka ngaithla a.

Ka lu a min rawn sawi chuan mengchhuakin ka thutna bul chiah a,Martin-a hmui chip hmuka ding leh a bul lawka Apa nuihzat hmel deuh tak chunga lo ding ka hmuh chuan Martin'an"mut duh leh lutuk mai.nangmah chiah kan nghak che nia,tho vat rawh"a lo ti hmuk a.

Ka sam tuai zeuh paha Martin-a chu melh vakin"ka mutchhuak ni ve mai lawm,ka kalna tur min dang tih i hria em?"tia ka bag khaiin ka dingchhuak a.

A pa pen sawn mek chu phun hluk chunga zui ve nghalin"ka pa,dawt i hrilh tih ka hria"a ti ngut a.

Makti zet a Martin-a tuk khum chu en in ka pen sawn a.teh daih a,Apa dawt ka hrilh leh hrilh loh thu ah enge buaina a neih ve ngawt a.

Goa Cancer enkawlna hmun kan thlen chuan Pa Thara chu investigation hrang hrang an tih tir nghal a.Martin'an laboratory lama PaThara result thenkhat a lam avangin Pa Thara nen Cabin room pakhat ah ngawi rengin ka awm dun a.

Pa Thar'an"Jessy,min ngaidam thei lo mah la,ka fapa tal hi chu khawngaihin ngaidam rawh.i lakah ka chetdan avang khan tun thleng hian ka rilru a nuam thei lo a ni"aw zawi ruiha a rawn tih chuan"Pa Thar,tawng vak suh,i chau lutuk ang.muthilh tum zawk rawh"ka tisap a.

"Ka fapa hian ka thi ni thlengin min haw reng dawn emaw ka ti a.mahse nangma vangin ka fapa dik tak ka hmu let leh a ni.A ni hian,a hmangaih che a ni tih i hria em?"a khuma mu awn chungin a rawn ti leh a.

Sawi ber tur pawh ka hrelo,ka kut chu khal neuh neuh in"hmeichhe dang kei aia tha a nei tawh ang"ka ti chuai raih a.

"chu chu i ngaihtuahna mai mai anih ka ring.."a tih lai taka kawngka a Martin-a lehkha keng chunga rawn lam chu hawiin"enge ka result chu?"pangngai takin a ti a.

Martin'an"a tha e,i taksa pawh ala chak tha a.i thisen chu a thlak theih mai ang"tiin ka thutna bul chet ah a rawn thu thla ve nghal a.

Ka chil lem khalh chunga Martin-a lehkha ken lai ka en chuan Pa Thar'an"Hotel lamah Jessy-i hi va hruai phawt rawh.Mut hahdam te a duh ang,zanin chu min riahpui lo mah ila,ka ngaihtuah awm lovang"a rawn tisap a.

Martin'an"ka pa,nangmah kha muhil zawk rawh,ani chu a muhil hnem viau tawh alawm,a hmanhmawh thlak loh,hotel lampang chu ka be fel vek tawh,ti hian awm ve hle hle rawh se"ti ngutin ka samah a rawn tuai a.

Martin-a chu melh vakin "ka mut a chhuak a ni ve mai lawm,a tlai tak tak hmain Hotel lamah chuan keimahin ka va phei mai ang,nangni pawh awm hamdam ru,naktuk lamah kan buai deuh ang"tia ka sam chul mam in ka phone chu phawrh ka tum a.

Martin'an"ka thlah ang che,hmeichhia mahni in an vei ngailo.ka pa,i ngaihtuah awm lo tak tak a maw?"tiin khuma Pa Thara mu chu ngaihtuah tih hriat zetin a en vang vang a.

"Ka tha lawm,va thlah rawh.nurse leh Doctor duty pawh an fel em hi"Pa Thar'an a lo tisup chuan Martin-a chu bu nghatin a dingchhuak a.

Martin-a nen a damdawi in gate atanga kan chhuah chuan a hmel en in"Aizawl lamah Damdawi in tha tak in nei tawh tho si a,ngatinge damdawiin saw i lei belh leh kher a?"ka tisap a.

A kekawr ipte zen chunga a hmalam melh ngarin"ka lei mai loh chuan Sangzual'an a lei dawn tho lawm,i lo thinrim pui viau mi?"a ti hmuk a.

"Ka thinrim pui lo.mahse mak ka ti em a ni.midangho pawn kei ang tho in mak an ti a ni"ka tisap a.

Kan dinna bul lawk a,Google atanga Goa taxi kan chah a rawn thlen avangin ka tawng chu min chhang lovin,taxi hnunglam kawngkhar ka chuan theih nan min hawn sakin ka kiangah a rawn thut lut ve nghal a.

Motor seat nghenga a ban phar duaiin"keipawn,engvanga lei nge ka ni tih ka inhre bik lo.ka tawng peih vaklo nia,Hotel Residency kawtah kan chhuk ang"tiin a maimichhing a.

A hmel ka enchian chuan tlemin a lang cher deuh a,a chalah bawl pakhat a awm bawk,a hmai hi ka hriat tirh ata a bawl awm ka hmu ngai lo.

"Min en reng lo khan,min rawn kuah zawk law law rawh"tisupin ka darah amah zawkin min rawn kuah a.

Driver melh zeuh paha a kut dahthlak sak tumin"min thlah teh?in ngaizâwng emaw min ti nge?"bak deuh hlarh a ka tih chuan alamah min kuah hnai sauhin"awm hle hle rawh,hetia ka kuah che hi i thahlel fo a ni lawm ni.ka pa,bulah khan engvangin nge hmeichhe sum duh ang tak leh mipa hrang hrang kawp anga i lo in sawi a"a ti hrawk a.

Khawng deuh at chunga pawn lam hawiin"min hmuh dan a ni miau alawm.Martin,hun kal tawh sawi thar leh ka duh lo nia.tuna ka awm ang hian ka lungawi tawk viau a ni"tisapin ka maimichhing a.

A malchunga min kuai mu thlawrhin"kei chu ka la lungawi ve lo"tia ka biang a rawn chulin"Sangzuala,hi ban san rawh.mi tha a ni lo nia"nghet charha tiin ka bengah a tuai neuh neuh a.

Mitin hian thatna leh that lohna lai kan nei vek.Misual ber te pawh an mahni hmangaihtu leh an hmangaihte chungah an felin an tha em em a.mi fel leh tha nia kan hriat te pawh hian an chhungril nunah that lohna tam tak an nei ve fo.

Sangzuala nen inngaizawng anga min ngai tlat hi ka lungawilo tak zet.a malchung atanga thawhchhuah tum a,ka lu ka tihkan deuh uaih rual chuan min nam mu leh thlawrhin"enge i ngaihtuah a?i lung a leng a mi?kei hian i lunglenna chu ka tih tawp sak thei ngei ang che"aw ril ruiha tiin a rawn kun hniam nghal zat a.

Ka thinglung kil khat atang chuan Martin-a min fawhna hi chhan let ka duh hauh lo.mahse ka taksa lampang hian min phatsan mek a ni.

A lei tikhawng chunga ka hmui a rawn nawr kau rual chuan inngaihtuah chiang hman lovin,rumchhuak halhin ka hmui leh lei ka tiche ve nghal a.

A kut lum ther ther leh pa hrak hmanga ka dul nem lai a rawn chul chuan ip deuh zawka thaw halhin Martin-a biangah chuan namsawn tumin"nilo,khawngaihin"ka ti tham tiak a.

Thaw ham ham chung ka hnar leh a hnar insik tir in"Jessica,khawngaihin chance vawikhat tal min pe lul rawh"aw khur dar darin a ti tuak a.

Motor ding dat ruala Driver-in"hotel kawt kan thleng ta e.ka taxi chhung hi nawmchen nan hman ka phal vak lo nia"nui vur vur chunga a rawn tih chuan rang zeta thu tha in ka in tuai mam nghal a.

Martin-a taxi atanga rawn pen chhuak chu melh zauhin"kan bungrua kha i thawn ringawt si a,a bo i ringlo mi?he hotel chu riah man a to riau lo maw?hmundang kan zawng zawk dawn mi?"tiin hotel lian zet mai chu ka thlek chho ha a.

Ka kuta rawn chelh chunga min kalsawn puiin"ka zawhna che min la chhang lo,AW nge Aih,tiin min chhan dawn?"thu tak hmel fe a tiin min en reng a.

Ka chil lem khawlh chunga hawisawnin"thian anga awm ka duh zawk.i hmeichhe kawp ho te nena buaina neih ka duh lo.bakah ngaihzawng neih emaw pasal neih hi ka ngaihtuah tawh lo"tisapin ka rilru puthmang chu ka sawichhuak a.

Hotel receiptionst bula chabi la paha min rawn en chuan a rilru a nat hmel hle in ka hria,nge keima ngaihtuahna mai mai zawk.

Ngawi reng a room lam pana Elevator-a kan chuang chu Martin'an"ka hmeichhe kalpui apiang te hi ka bialnu an ni vek lo.Sangzuala nen sex in hmang tawh em?"pangngai zeta a rawn tih chuan"ngawi hmak rawh"ti vin tuar a maimichhingin ka inhumruh a.

Sex ka hman avangin zai ka tawk tawh a,chutiang thil thlen hnuah pawh mipa la mutpui fo duh turah min ngai maw!ka thin a rim tak zet.

Martin'an"kan chhuak thei tawh nia"a rawn tih chuan thaw halh chunga mengchhuakin elevator atang chuan ka pen chhuak hmawk hmawk a.

Corridor sei zeta ka kal phei lai chuan ka hnunglam atang Martin'an"khawia kal nge i tum,inbengdai phawt la,lo let leh rawh"nuihzat hmel fe chunga a rawn tih chuan thaw halh paha ding Chunga melh kawkin"min nuih suh,fiamthu ka thawh lo"ti hmukin ka let phei leh nghal a.

Ka luh theihna tura room kawngkhar chu hawng zau sauhin"ka tihpalh"a tisup ringawt a.

Chhang peih lovin room chhung chu ka enkual a,zan khat riah man pawh a to hle dawn a ni tih ka hria,ka pawisa neih in a tlin hauh lovang.ka lu thing nak chunga Martin'an inkuangkuah chunga bang nghenga ding sawi a,ka hnunglam atanga chik hmel zeta minlo en ka hmuh chuan ka kut phar hluaiin"hetah hi chuan ka riak ve thei lovang,Martin,ihh englo ka sum lak luh nen a inmil lo a ni.hmundang ka zawng..."ka tih lai tak chuan"i riah man pe turin ka ti che mi?Jessica Bawihte,min va han ngai sual em em ve"rum hawk chunga tiin min rawn kuah thlawp a.

Martin-a perfume hman rimtui zet mai chuan ka hnar a verh zar nghal,thaw halh chunga a lungphu ri dat dat chu ka ngaithlak lai chuan ka bek tawn tawna rawn dawmin"Jessica,sum lampang chungchang kha chu sawi ri leh tawh suh.Bill zawng zawng chu keiman ka pe vek ang,nang chu tui takin he room-ah hian i mu anga.chuan ka pa nen hian i puihna kan mamawh tih i hriat kha."a tisup a.

A tawng zawh rual deuh thaw a ka phone-ah lai a rawn rik chuan ka lawm ru khawp mai.tawlhsawn chunga ka phone chu phawrh chhuakin min rawn call tu chu ka en a.

Phone ka pick up rual chuan"Aw,Nu Zau.ka zin leh thut si a,enge i an?"ka ti nghal a.

Ka hnung lam atanga Martin-a phun hluk ri ka hriat avanga kalsawn hlek Nu Zaui tawng ka ngaihthlak chuan"ka dam tawh ni mai.mahse,i message min rawn thawn ka hmu a,ka rawn phone che nih hi,ka lawm tak tak a ni"a rawn ti hluai a.

Phone ka hmang zo chu Martin'an"ngatinge,a rawn biak che a.i zin tih a hreâwm tho si a"lungawilo aw taka a rawn tih chuan"keiman an chanchin ka zawt alawm,hriat lawk leh hrilh hmasak na hun nei lovin ka zin san ringawt a.midang thenkhat pawn min rawn phone ang,a chhan chu in check up leh tur a ka hrilh hlawm vang an ni.ka damlo enkawl danah sawi duh i nei a mi?"ka ti hluk a.

Chal chuar tap chunga min enin"ka nei lo hauh lo"a ti ngut a.

Ka dar san akin"a lawmawm e,damdawi in lamah i phei dawn lo mi?tisapin ka kawr awmna lam ka pan phei a.

"Thingpui ka in phawt ang,i duh ve ngem?white tea,black tea,green tea,enge i in dawn?"pangngai zeta tiin a air bag dum lam chu a rawn pan ve nghal a.

Martin-a coat hak lai phelh mek chu melh zeuhin"Green tea ka duh ang?i inthlak dawn mi?"tiin ka hawisawn nghal vat a.

"Inthlak dawn,i duh phawt chuan minlo thlir rawh.pawi ka ti lem lo nia,i hmuh hnu vek alawm?"aw pangngai zeta a rawn tih chuan ka lu thing nawkin"chimawm lutuk,ka en duh kher lo che"tiin tukverh lamah ka kalsawn daih a.

Ka taksa ahma aia nasa zawka a rawn sa pup pup dan atang chuan ka awmna lama Martin-a a rawn phei ve a ni tih ka hre thei.inhnaih chilh taka kan awm apiang hian mipa dang bula ka awm dan anglo takin ka taksa hi tihdanglamin a awm ziah.ka awmdan hi Martin'an hrethiam lo se ka duh tak zet,ka taksa thunun tum zeta maimichhingin boruak ka hip lut kawk a.

Martin'an"i hlauthawng ani tiraw?Jessica Bawihte,ka mitah chiang takin min en rawh"tisupin alam hawi turin min kuai her a.

A hmel tak ran mai ena hawichhuakin"Martin"thaw halha ka tih chuan"min hlau suh,tih nat belh che ka duh hauh lo.ka kiangah hlim takin awm ve la ka duh a ni.Helai hmuna hruai lo tur che ka ni tih ka inhria,mahse i tel lo chuan heng thil hmachhawn hi ka duh lo a ni.Jessica khawngaihin kalbo suh aw"a tisup a.

Martin-a hmel landan chuan ka thinglung a khawih tak zet,tlamuantu tur a mamawh hle a ni tih ka hmu thei.A bianga khawihsakin"khawiah mah ka kalbo lovang.Martin,i pa chu a rawn tha chhuak leh em em ang.Lungngai suh"ka tisap a.

A biang ka khawihna kut chu ka laksawn hlau ni awm taka a bianga sik tir vang vang chunga maimichhingin"ka ngai thin che asin.Sangkim'in,Sangzuala nen in inngaizawn thu min rawn hrilh pawh khan awm ngaihna reng ka hre lo.Jessica,Sangzuala hi i ban san thei angem?Bialnu dang a nei tih ka hre chiang a nia"tiin a thaw halh a.

Ka kut lathla paha Martin-a awm zawn chu melhin"Ban san hranpa a ngai hleinem,Ani nen engmah inkungkaihna kan neilo hrim hrim.Sangkimi dawt thusawi chu engtin nge i rin ngam zawk a?internet lama an post thin hi dawt thu mai a ni"ka ti hlar a.

"In inkawp lo tak tak a maw?Jessica,Keipawn a tir in ka awih hleinem,mahse,Lunglei lamah a rawn zin ngun si a.nangmah avang hian ka thinrim reng ni maiin ka hria,a chang chuan ho te ah min ti hlim thin tho bawk si a.Sangzuala hian i hmuiah a fawp tawh em?nangin duh lo mahla,a ngaihven tho che a ni"nghet charha tiin ka hmui hnuai lam chu a tuai zeuh a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)