I TAN CHAUH By Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

I TAN CHAUH By Basta Tlau (Completed)

Unread post by Ngaia » August 6th, 2017, 3:10 pm

18119251_1909259139292244_1459905559578216689_n.jpg
18119251_1909259139292244_1459905559578216689_n.jpg (69.45 KiB) Viewed 79241 times

I TAN CHAUH By Basta Tlau

A link chiah tih loh hi chu khawiahmah copy/paste phal a ni lo.
A link share dan
https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com

Ka Nute'in ka hnunglam atanga amah nghak tura min koh lawm lawmna chu ngai pawimawh duh lovin hmanhmawh leh thinrim tun chungin ka nau awmna Damdawi in cabin no-5 lam panin a tlanin ka tlansan dawr dawr a,room kawngkhar chu kik buai duh lovin ka nam hawng nghal thuai a.

Ka nau Daniel Lalthlamuan'an mak tih hmel zet maia min rawn en chunga"U enge i rawn..."a tih lai mek chuan ka bag khai lai chhuata theh thla a,pan hnai pahin"Daniel,i va zak lo ve a,i zang hi chi thlah thei tawh lo tura tan sak i duh em?mahni pawh inchawm zo thei lovin,hmeichhia ka rai e te i ti a maw!"thinrim zeta tiin a beng dinglamah ka pawh sak vak a.

"A na nia,min thlah teh"a tih chuana a mawnga pet sak lehin"min lo zui rawh"tiin pawn lama hnuh chhuah ka tum a.

"Nula inbengdai ve lawk rawh"rawn ti ri ka hriat chuan"in lo buai ve a ngai lovang"ka ti hrawk a.

Ka nau Daniel'an ka kut chu lo vai thla lawpin"naupangchhia pawh ka ni tawh lo,i duh duhin kut min thlak tawh suh,Eli leh ka fa hi khawiah mah ka kalsan lovang"tiin khuma hmeichhe pakhat mutna lam chu a pan phei lehnghal a.

"min va zah lo ve"tia ka ban ka lek kang uaih chuan ka hnunglam atanga mi tu emaw in ka kuta chu lo chelh bet in"hetah buaina thlen ka phal lo"a rawn ti thum bul a.

Ka kut lehlampang chu vai lawpa inher remin"min thlah rawh,engvanga kan chhungkaw buaina a rawn inrawlh ve phet nge i nih?"vin zeta tiin ka hmaa mipa ka kut vai bum zeuh chunga lo thle sawn chu ka melh a.

Ka kut khing hnih a chelh betin Chiang zetin min rawn melh chhuk a"Elizabeth Lalhmangaihi hi ka nau a ni a,i nau fa a pai mek bawk,ka nau hi rilru hah a ,a awm ka phal lo bur tih hre rawh"nghet charhin a ti a.

Kei Jessica Lalengzuali hi ka pian tirh ata tawng tur hre mai lova ka awm vawikhatna a ni hialin ka hria.ka nau lam hawi chunga"ka sawisa dawn tho tho che,tih hre rawh"tiin tal chhuah ka tum a.

Ka nute Famkimi chu kawngka a rawn pen lutin ka bulah a lo dinga"Jessy ka hlauh ang ngeiin i lo khawsa leh ta ni maw?"tiin ka hmaa mipa ding chu zah hmel taka enin a kun zauh a"Ka pu,min hrethiam rawh aw,ani hi chuan awmdan phung hi a hre ve vak lova"a tih rual chuan min rawn nghawk zeuh a.

Kei hian awmdan phung ka hre lova maw!min vawnna thlah dul chuang hauh lova"Damlo kianga awmdan phei chu a hre lo lehzual a nih dawn hi"ngeiawm zetin a rawn ti hmuk a.

"Hmela Damlo kianga awmdan te chu ka hre lutuk tlat"tia kun chunga a dul a tauh chawrh ka tum chu lo hre lawk niawm taka sir lama lo ding sawnin"kawlh reuh lutuk mai,hmeichhe tumahin Mipa kut an thlak ngailo hleinem"a lo ti hluk a.

Nute Famkim'in ka dara rawn chum chunga"a mak em em lutuk,khatianga thinrim vak kher kha a tul lo,Pu Martin-a hi ngaihdam dil vat rawh"a lo ti hlar a.

Nutei chu mak ti taka enin"ngaihdam ka dil dawn lo,ani lakah hian tih dik loh engmah ka nei hleinem.Hmela,min thlah rawh"tia tal vakin ka hma mipa chu ka melh hrawk a.Min chelh ngheh em avang chuan talchhuah ngaihna reng ka hre tawh lo.

"I lei chu a hriam tha ve hle mai,ka nau hmuh laia mi tumah kut thlak i tum tawh dawn lo anih chauhin ka thlah thei ang che"a lo ti ngut a.

Ka nau Daniel'an"U inbengdai rawh,engkim a nih tur ang ani vek tawh,Eli nen hian kan inhmangaih a,a damthat ve leh inneih kan tum a ni"tiin khuma mu hmeichhe kut chu a chelhsak a.

Au vak lo tura insum hram hrama maimichhing chunga thaw hawkin"engtin nge maw ka ti dawn che le?"ka ti chuai raih ringawt a.

Min chelh tupa chuan muangchanga min vawnna chu thlahin"i nau in a hrilh ang che khan,an inneih anga ni mai lawm"tiin ka kiangah chuan a ding run a.

Ka kuta zungbun ka bun chu ka nau lama lekin"mipa ve si,engtinnge ka nu leh pa bula kan thu tiam i bawhchhiat theih,keipawn ka bawhchhiat miah loh hi"ka ti hlar a.

Nute'in"Jessy a ho e mai,chutiang sawina hun a nilo,thalai thisen lum lai an nih hi,Doctor i ni a hrethiam ve ta che"tia ka kut a rawn chelh chuan Nutei melh kawkin"mahse ka nu leh pa te bulah thu kan tiam dun tawh alawm"ka ti hrawk a.

Daniel'an"tunah chuan thu tiam dang ka nei tawh,Eli leh ka fa lo piang tur hi tha takin ka enkawl ang"a lo tih chuan"Daniel Lalthlamuan engtia chawm nge i tum a?ka nu leh pa te hlawh ring miah suh,tenawm leh lutuk"thinrim zeta tiin ka pan phei a.

Ka kawnga rawn chelh bet vat chunga"Duhtawk tawh rawh,min lo zui teh"tia ka bula Mipa chak zetin a tih chuan talchhuah tumin"Tu phiangsen nge maw i nih teh hrep le?min thlah rawh?"ka ti vin hlar a.

Ka tawng chu ngaipawimawh lo zeta min chhuahpui dawr dawrin"ngawi mai mai rawh,tih luihna hmanga hmeichhia khawih hi ka duh hauh lo nia"tiin inchunglam panna step awmah chuan min hruai chho nghal a.

Nurse leh Doctor duty thenkhat kan tawh ten zah hmel taka an en ka hmuh chuan mak ka ti ru riau,mahse hepa Ka Nute'in Martin-a tia a koh hi tunge a nih tih leh engang mi nge a nih tih lamah ka buai lo.ka nau awmdan avanga ka nu leh pa rilru hah turzia chauh ka ngaihtuah a ni.

Room pakhat chunga min kai lut pahin"Doctor i nih te chuan thalai awmdan hriat thiampui tur zawk i nia sin,ngatinge khatianga i khawsak chiam, Ka nau Eli pawh i ti thlabar lek lek a nih kha"naupang zilh ni awm taka maia a rawn tih chuan ka ner nang a.

Dawhkana a tui thlit chhuah chu ka lama rawn kengin"kha tui hi in la,chuan kan nau te pahnih chungchang hi i han sawidun teh ang"thupe aw zeta ti chunga glass no a tui intur minlo pek chuan thinrim zetin ka lo ban a.

"Ka hmelhriat loh hnen atang ka pum chhunga lut tur engmah ka dawng ngailo tih hria ang che"ti that chungin ka tui ken lai chuan a hmaia lo thehin no chu dawhkan chungah ka nghat chawrh a.

Kawngka lam pan tuma ka inher tur chu ka kawnga chelh betin ka sam tawnah tak chuan min rawn kek dak awrh a"Pangngai taka biak che ka tum a ni tih i hre lo a mi?"ti hrawkin ka hmuiah tak chuan a rawn fawp bawrh bawrh a.

Ka beisei loh dan tak maia a rawn chet thut avang chuan chet sawn ngaihna reng ka hrelo,makti taka mengphawkin min khawih ang ang chuan ka ding khawng at ringawt a.

Rum ngut chunga a hmui lasawn pahin"tikha chuan pangngai taka kan inbiak theih tawh ngei ka beisei"tiin a kekawr ipte atanga rawmawl phawrh chhuakin a hmai leh a hmui huh chu a hru zui nghal a.

Ka thin rim zia chu sawi in a siak lo,engvanga he mihring hian min rawn fawp ngam nge a nih,ka kut hum ruh vakin ka thaw kawk kawk a.

"Nang putar hian min rawn si leh a nih chuan ka that chiang viau ang che"thinrim avanga aw khur dar dar chunga tiin kawngka lam ka pan phei nghal a.

"Ka putar viau leh viau loh chu test ila"nuiri huk chunga a rawn tih chuan kawngka zawn atanga leh hawiin ka kut zunglai chu ka tilang a"hremhmunah thlawk bo nghal rawh"ti vin hlarin na zetin kawngka ka khar thuai a.

Kawngka bul thutna a nu pakhat maktih hmel taka thu chunga minlo en ka hmuh chuan Nui lui sakin ka kal pel zui nghal a.

Vawikhat mah khatiang mihring hmeichhe duh dan leh ngaidan pawh ngaihtuah hmasa hauh lova,an chakna leh theihna hmanga hmeichhe dawrawm zawk tih luih ching kha hnaih leh ka duh tawh lo.

Cabin kawngka ka hawn rual chuan Daniel'an"U enge in tih a?i tha em?i biang a sen vek a nia"ka bula rawn kal hnai chunga a rawn tih chuan rum zeta melh kawkin"vawikhatmah min u tawh suh,i duh dan danin awm rawh,ka nu leh pate i tih mualphozia hi hria la,he room-ah hian tawm tlat rawh"ti hrawkin ka bag locker chunga awm chu ka ban a.

Eli'n rawn inbengkang chunga"Ujessy,khawngaih takin min ngaidam rawh,keima thiamloh vek a ni"a tih chuan thaw halh chunga hawi letin"Pathian hnenah ngaihdam dil zawk rawh"tiin ka chhuahsan nghal a.

Nute Famkim'in"Jessica min lo nghak ve ta che,khawia kal nge i tum?"tia ka hnunga min lo zui chu hmuin ka ding a"Nute,intur chak tawk tak in lamah a awm ang tiraw,ka mamawh khawp mai"ka tisap a.

"Awm e,mahse i nu in a hriat chuan a chi lohvang,ni hnih emaw tal chu kan bula i cham a ngai ang"ka bana rawn kai chungin a ti a.

Ka nutei pasal Lalremruata hi sipai officer pension a ni a,engtik lai pawn zu intur an kawl reng tih ka hriatpui a ni.

Ka nutei te in Chaltlang lam kan pan lai chuan Nutei motor khalh chu enin"Ani kha i hre sa mi?eng mi nge anih a?"ka tisap a.

"Tu maw?E Health and family Walfare lama thu neitu ber Minister Martin-a kha maw i sawi?i hre mai lo pawh kha ka dem hauh lo che,Doctor i zirlaiah i insawrbing em atin ni,nakinah chanchinbu i chhiar anga i hre mai ang,engtin chiah nge in awm a?Eli te lah khan mak an ti em em lehnghal a,Martin-a chu a hmeltha i ti ve ngawt lo maw?tunlai hmeichhia tawh phawt chuan an duh hlawm khawp mai"a ti deuh duah a.

Ka lu thing nawkin"nupui pawmlai nei hrim hrim chu engtikawng mahin kei chuan duh ka tum lo bur"ka tisap a.

"Martin Malsawmzuala khan a der pawn nupui ala nei ngailo hrim hrim,tlangval ngat a nih kha aw,Jessy nang hi i mit a dik chiah lo niang a?"Nute'in a rawn tih chuan ka maimichhing sawk a.

Ka thinrim chuan khua ka hmulo deuhthaw ang a ni.ka lei pawh ka vengtha hman ngailo,nula kum 27 mi ni mah ila,rilru leh chetzia puitling taka lantir hi chu a har tak zet a ni.ka Nute'in Lengpui airport atanga min hruai haw paha ka nau bialnu in ka nau fa thla thum mi a pai thu leh ka nu leh pa Lunglei lama awm te rilru buai zia a sawi khan ka thin a rim tak zet a,ka nau sawisak hrep bak ka rilru ah engdang mah a awm lo a ni.

Ka nutei chu ka nau awmna Damdawi in lama min hruai nghal tur leh a awmna room ka zawt nghal a.

Ka nu leh pate hi sawrkar hna thawkin kohhran-ah nihna an chelh ve ve a,Mi zinga mualpho leh zak taka an awm ka duh ngailo.

Nute'in"kan thleng tawh nia,enge i ngaihtuah a,lo chhuak rawh"tia motor tukverh atanga min rawn en chuan ka lo inngaihtuah nasat zia hria in inthiamlo angreng takin motor kawngkhar chu ka hawng a.

Pate Remruata leh an awmpui vaipa chu rawn chhuak dunin"In va rawn thleng har ve,ka lo ngaihtuah riau che u sin"Pate Remruat'an ti chunga min rawn kuah chuan ka thaw halh a.

Nute'in"Damdawi in lamah kan va tlang lawk alawm,a mood a fuh vak lo nih hi,Whisky kha va inpui rawh,tichuan hahdam takin a mu nga tha ber"a rawn ti a.

Pate'an"i thinrim viau kan hlauh avangin kan rawn hrilh duhlo che nih kha,Jessy tunlai thalai ho hi an khawsak dan hriatthiampui an ngai viau ania.Daniel-a hi i thlahthlam tur a nilo,a mangan lai bera nangin i thlahthlam chuan awm ngaihna a hre lovang"tiin whisky intur a thlit chu min rawn pe a.

Ka unaupa hetianga a khawsa hi ka hrethiam thei thlawt lo,Mizoram university,Tanhril-ah,a zirna chhunzawm a ngaih avangin ka nutei te in Aizawl,chaltlang-ah kum 2 zet a khawsa ve a ni a,ka nutei te nupa fa nei lova khawsa chuan kei min duat ang bawkin ka nau Daniel-a pawh an duat ve ngei dawn tih ka hrechiang.

Nute'in"My dear,Jessy leh minister martin-a inchai lai hmu ve la ka ti sin aw"nui hak hak chunga a rawn tih chuan whisky chu tlak pawp in"ka hmuia min fawh ve ringawt avang khan phuba ka la chiang ngawt ang"tichungin ka inthlit belh leh a.

Nutei chu ka bula rawn thu hnai vatin"i hmuiah a fawp a maw!i lo chhang let ve em?engtin nge in awm zel?"hnai zeta min en chunga a tih chuan Pate'an"my dear,a mak thei e mai.khatin sawipui chiam zel suh"tiin a malchungah a pawm a.

Nute'in"a van mak tak,keiin hetiang thil ka sawipui lovin tunge sawipui ang a"tiin ka Patea malchung atang chuan a chhuk thla a.

Bawngsa kanro bowl a mi chu banin"engvangin nge min fawhna chu ka chhan let ngawt ang,ka ngaihzawng pawh ni hlei lo,ka thin a tih rim tehreng nen,dik tak chuan Daniel-a vang vek a ni,ka awm laia a rawn haw anih chuan a ngal ruh ka vaw tliak chiang viau ang"ka ti hlak hlak a.

Pate'an"Jessy,chutiang rilru an pu ngailo,i nau hian a hmangaih tak zet a ni tih ka hria,fa a nei tur hi lawmpui zawk ta che,keini anga fa nei theilo a nih ang tih a hlauhawm daih zawk"thu tak zeta tiin Nutei kutah chuan a hmer sak a.

"Ka nu leh pa te tan a zahthlak dawn em alawm,kan kohhran mi zawng zawngin an hre vek dawn si a"ka tih chuan Pate'an"chuvang tak chuan Daniel-a laka thinrim mai lovin,amah thlamuantu i nih angai lawm,a thil tih sual avangin zahna leh mualphona a tawk hnem tawh viau in ka hria"a ti a.

Naktuk-ah Lunglei lama ka nu leh pa te kianga phei ka duh,Aizawl lam nge Lunglei lam Hospital-ah hna ka zawn dawn pawh ka hre rih lo,hospital thenkhat chuan Dimapur lama specialist ka zir tirh atang khan min sawm nual tawh a"ka tisap a.

Nute'in"tunlai chu ruah a sur nasa thei si,leimin te a hlauhawm,ka u chu ka phone mai ang,phei rih lo mai rawh,hei tunah pawh khua a rawn dur khuk leh tawh hi,Sawrkar-ah te hian luh dan ngaihtuah zawk rawh,Minister Martin-a kha bia la"nuisang chunga a rawn tih chuan whisky no thumna chu tlak pap in"a hmel hmuh leh pawh ka duh tawh lo,tunah chuan rilru thawveng taka awm rih ka duh ni,kan intifai ve tawh nge"tia thochhuakin ka mutna thin room lam chu ka pan phei chat chat a.

Pate'an"inkalh hnan lo tur aw,tumah an rawn lut lovang,i kai angreng hle mai a"a rawn tih chuan ka ban pharin ka bu nghauh nghauh a.

Bathroom-a pai lut tuang tuangin ka inhlip nghal a.ka phone a mi Rihana hla umbrela chu ring zeta play-in shower hnuaia inphuh tir pahin ka zai pui chiam a.

Towel-a ka veng that lai chuan bathroom kawngka chu rawn ri thuai in"i va rei ve"aw thum bul in a tih ri ka hriat chuan phawk zetin ka hawichhuak a.

"Nang maw putar!chhuak nghal rawh,enge i rawn..."ka tih lai mek chuan min rawn pan hnaiin ka phone chu rawn banin ka hla piay lai chu a off a.chumi rual deuh thaw chuan ka bana rawn chelhin"nangma vangin ka nau a buai a,i enkawl dam leh ngei tur a ni"tiin bathroom atang chuan min kaichhuak nghal dawrh a.

Min vawnna atanga talchhuah tumin"min thlah rawh,i va zak lo ve,engtin nge i rawn luh ngam zawk a?"vin zeta ka tih chuan min vawnna chu thlahin"inthlak nan minute nga hun ka pe ang che,chumi hnu chuan i awm dan ang angin damdawi in lamah ka hnuk chhuak tho tho ang che tih hre rawh"ti ngutin room atang chuan a chhuak vut a.

Ka awih thei lo zawk.mi pangngai a ni miah lovang,ka thinrim lutuk chu tah vak ka chak.ka bialpa hlui te takngial pawhin hetianga ka awmlai hi min la hmuh ngai hauh lo.ani khan min zah pah miah lovin Bathroom atang min hnuk chhuak zo chiah chu a ni si a,darthlalang hmaa ka inen chuan ka taksa lan tam zia chu ka hai hauh lo.ka taksa sa pup pup mai chu mak ka ti kher mai.ka thil in vang a niang,mahse ahma zawng khan hetiang hian ka awm miah si lova.

"Jessica pangngai takin awm tum rawh"tia inhrilhin kekawr dum leh kawr ban tlawn grey rawng chu ka inbelin,boot dum ka bun a,ka sam la huh hnuang mai chu hair clip-a kilh khawmin room atang chuan ka chhuak a.

Nute'in"jessy,Daniel'an min rawn bia a,a thiannu nikhaw hre lovin a awm a ni awm e,Pu Martin-a kan rawn zui ve dawn che u mi?"mangang hmel zetin a lo ti ruai a.

Martin-a chu a thutna atanga rawn dingchhuakin"a ngai lovang,inha lum rawh,ruah a sur nia"min melh zauh paha a tih chuan ka lu thingin"ka kawrhak tur chu ka duhthlan na a ni,i nau awmdan avangin thiam loh min chantir tum suh"ti ngatin kawngka lam ka pan nghal a.

Pate'an"nihliap tal keng rawh"a rawn tih chuan banga nihliap intung chu ka ban a.

Pawna kan chhuah rual chuan ruah sur nasa zia ka hre chauh,nihliap ka pharh chuan Martin-a chu ka bulah a rawn ding ve a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:14 pm

Rum zeta Martin-a chu melh kawkin"ka bulah rawn kal hlek suh"tiin nihliap chu a awm loh na lamah ka keng sawn daih a.

Ka dar zawna rawn kunin"zu i lo in hman a ni maw?Hreptak che hian,hmeichhe zu in hi ka ngaithei lo nia"ti hrawka ka nihliap ken chu min lak sakin porsche car uk inhunna lamah chuan min kuah phei nghal a.

"Keimahin ka kal thei ve reng lawm,min kuah kher suh"mangang ru zeta ti chunga a kut dahthlaksak tuma ka khawih chuan ka kut chu nghet zeta lo man betin"Jessy ngawi mai mai rawh,i hmui chip tir dan tha tak ka hria nia"thu tak fahrana tiin car hmalam kawngkhar chu min hawnsak a.

He mihring nen hi chuan kan in mil hlawl lo"ka haw lutuk che"tia car hnunglam kawngkhar chu thinrim zeta pawt hawng thuai in ka thu tau lut sawk a.

A nuiri hawk ka hriat te chuan a hmui thui phui sak ka chak ngawih ngawih,driver seat lama a rawn thut luh rual chuan tukverh lam hawiin ka inkuangkuah than a.

Minute thum vel inbe lova kan ngawih hnu chuan"Khawi damdawi inah nge thawh i tum?"pangngai zeta tiin darthlanglang atang chuan min rawn melh zauh a.

Tawngkam pangngai taka min biakna hmasa ber a niTthaw halh chunga maimichhingin"ka awmdan tur pawh ka la hrelo nih hi"ka ti raih a.

Ka nau Daniel-a hetiang hian a lo khawsa a ni tih ka hriat hma kha chuan khawi damdawi inah emaw kum hnih thum vel thawkin keima pualin Lunglei lamah clinic ka hawng ve ang tih ka rilruk a,mahse tunah rih chuan hna lampang aiin,ka chhungte kianga awm a,an mahni thlamuantu nih ka ngai tih ka inhria ni.

Ka mit sira Martin-a ka melh chuan a motor khalh lai chauh ngaihtuah ni awm fahranin a ngawi ngul a.A awmdan inthlak thut mai chu ka hrethiam lo tak zet.Dermitologist(skin specialist)ka ni a,Daniel-a thiannu nau pai mek hi hmeichhe lam Doctor zir ten an enkawl tur a ni tih ka hria,mahse nikhaw hre lova a awm thut nachhan kha a laka ka tawngkam hman vang a ni thei tho bawk.ka thinrim tawh chuan tawngkam ka duh tui lo thin reng a ni.

Darthlalang chhana ruah rawn luang chu thlirin"i thin a rim ve miah na nge?"ka tisap a.

"Nang ang em em chuan a rim lo niang,Eli bulah i tawngkam hman fimkhur ang che"tia a car chu VIP motor hunna a hnehsawh zeta hungin driver seat atang chuan inthazo tih hriat takin a chhuak nalh a.

Ngatinge he mihring hian a chhiahhlawh niawm taka thu min pek reng le?ka thutna zawn kawngka hawn ka tum chuan pawn lam atanga min rawn hawn khalhin"ka thusawi kha i hria tiraw?"a tisup a.

"I chhiahhlawh ka ni lo,i thu ang diak diak a,awm turin min beisei suh"ti let hmakin ka kal pel a.

Ka hnunglam atanga a phun hluk ri ka hriat chuan min rawn umphak hlau ru takin dak vahin hmalam ka pan a.

Cabin No-5 room kawngka zawna ka din rual chuan maimichhingin boruak ka hip lut vang vang a.

Martin'an"i tawng zawng zawng ka record dawn tih i hre dawn nia,ka nau hian engemaw a tawh palh tak thut a,evidence atan a tangkai mial mahna"tiin ka hmai zawnah a phone chu a rawn lek a.

Thinrim zeta mengphawk hra in"nang anga,rilru bawlhhlawh ka nilo tih hre rawh"ti fakin kawngka chu ka nam hawng a.

Inchhung ka luh rual a khum bula Dr Lancy-i ka training pui thin ka hmuh chuan phawk zeta en ha in"Lancy"ka ti that a,ani pawh chu ka lam rawn hawi ve nghalin"wow Jessy a va mak teh thut ve"tia a rawn phei chu kan inkuah vang vang a.

"Damlo hi buaipui vat zawk rawh u"Martin'an kan hnunglam atanga a rawn tih chuan Lancy'in"ka U nen hian engtin nge inlo inhriat a,Oh nang leh Daniel-a hi unau in ni tiraw?"tlema ding hla deuh hleka min en chungin a ti a.

Ka lu bu nghata Daniel-a leh Eli lam chu hawiin"Eli hi i nau mi?"ka tisap a.

Khum bul thutna awl laia min kai phei pahin"kan naupangber a nia"tia Martin-a lam hawiin"ani hi kan upa ber nia,a chanchin chu ka hrilh nasat theih em che kha,engtik khan nge i rawn haw a?"nuisang chungin a ti a.

"Chawhma khan ka rawn thleng,i nau chu enge a an a?"tiin khuma Eli mu chu ka melh a.

Daniel'an"A zia tawh,khatia tawngkhum vak kher kha a tul hleinem"a lo ti hmuk a.

Khanglang chuan,ka tawng danah a lo thinrim a maw!Thawh tuma ka ding uaih chu Lancy'in min rawn kuah betin"awi i thinrim insum thei lo lutuk hi vawi engzat nge ka tawrh ve dawn?Jessy zaidam i zir a ngai nia"nui hak hak chungin a ti a.

Thaw halh chunga Lancy-i chu melhin"he room boruak hi ka zo ve thlawt lo,ka lu a tina"tiin ka dingchhuak a.

Kawngka bula Martin-a inkuangkuah than chunga lo ding chuan"ka thlah ang che,min rawn zui rawh"tia a kut phelhin kawngka biang chu a chelh nghal a.

Lancy'in"U keiman ka lo thlah zawk ang,Jessy-i hi ka ngai ve lawm,bakah sawi dun tur kan ngah lutuk"tia min rawn kuah chuan martin-a chu a lu thing chunga khi sukin"a tul lo,kei nen pawn thu pawimawh sawidun tur ka nei ve tho alawm tiraw Jessy"chiang zeta min en chungin a ti a.

Hepa hi a rilru a kim chiah lo mi le?Lancy'in"a kiangah awm tam lo la,i tan a him ber nia"ka bengbula a rawn tih chuan ka ner deuh sawk a.

Martin'an ka bana rawn chelh chunga"Jessy kan kal tawh dawn mi?Lancy,thu pangngai sawi tur hi ngaihtuah ve tawh rawh"tiin min pawt chhuak nghal a.

"I duh duh dan a min hnuh kual tum suh,i nau chu a muhil nih kha,engvanga min rawn tibuai nge i nih a?Nang hi Lancy U i ni tak tak em?"min vawnna atanga talchhuah tum chungin ka ti a.

"zawhna i va ngah reuh e,min be chak awm lo takin i awm der a,tunah zawhna chhan sen loh min zawt leh si a,ka nau Lancy kha a awm tih ka hre lawk bik hauh lo"ti hmukin step-ah chuan min chhuk thlakpui dawt dawt a.

He mihring hi Lancy'in Doctor kan traning dun lai a,a unaupa a fak chiam thin kha a ni a maw!kum hnih zen zawn Lancy nen kan inbia in kan inhmu tawh lova.a unaupa hi minister a ni tih ka hre hek lo,Dik tak chuan Ngawr taka lehkha ka zir avangin khawvel tukverh-ah ka dak lo ti ila,ka sawi sual hauh lovang,ka phone hlui tawh tak hi mi biak nan leh ka hla duhzawng ngaihthlak nan bak ka hmang ngai lo a ni.

"I thiannu Lancy-i u,ka nih chu i lungawi vak na nge a?"martin'an a rawn tih chuan ner nak chunga melhin"chutiang engmah a awmlo,nang hi chu ka ngainat zawng i nilo,min thlah buai kherlo mai rawh,taxi ka phar mai ang"ka tisap a.

"Ka hruai chhuah i ni a,ka thlah haw leh ngei tur che a ni"nghet charh a,a rawn tih lai tak chuan ring fahranin khawpui a ri dur dur a.ka phu nasa lutuk chu te that chunga maimichhingin ka beng ka hup nghal a.

Martin-a nui ri hak ka hriat rual chuan en chho in"min nuih mi a?khawpui leh tek ber kher hi chu ka ngaina lo,ka la haw rihlo mai ang"tiin kan kalna lamah chuan ka let leh a.

Ka nau chiah hi ruahsur hnuaia tekin kan infiam laia a den hlum avang khan tun thleng hian kawpui leh tek hi ka hlau ngawih ngawih a ni.

Ka hnung lawka Martin-a Phone ri ka hriat chuan khur ru dar dara inchhung lam pana let lehin tukverh lam chu ka melh zauh zauh a.

Reilote hnua khawpui a rawn rik leh chuan bangah beiin ka beng ka hup nghal a."khawpui leh tek lakah chuan i inti huaisen zo lo ni maw?nuihzatthlak reuh lutuk"ka dara rawn beng thak thak chunga Martin'an a rawn tih chuan engtinmah chhang lovin a kut chu ka vai thla lawp a.

Lancy'in"Jessy i tha em?khawpui a rawn rik rual khan ka lo hrechhuak nghal che a,ka u pawh ka rawn phone vat a lawm"kan piah lawk corridor-a hmanhmawh taka rawn tlan phei chunga a tih chuan ka lo kuah nghal vat a.

Daniel'an"u hlauthawng suh,lokal rawh,cabin lamah lo let leh mai rawh"a tih ri ka hriat chuan hawichhuaka Lancy-i ka kuahna atanga inlahrangin ka bula ka nau rawn ding chu ka melh kawk a"nutei te ka phone mai ang,naktukah khua a that chuan Lunglei lamah ka phei dawn nia,min mamawh viau ngei ang"ka ti ngat a.

Daniel'an"nang hian engtikahmah min hrethiam thei dawn lo nih hi,i nuna hmangaih i neih hunah min hrethiam ngei ka beisei,khawpui leh tek hi engtik lai pawn rawn awm reng sela ka ti ngawt mai"tiin a inher leh nghal daih a.

A tawng zawh rual deuh thaw a,khawpui a rawn rik chuan"Daniel Lalthlamuan ka vel dawn che"tia au vakin ka beng ka hup a.

Lancy'in"U khawiah mah a chhuahpui chi loh,ka office lamah hruai chho ang"a tih ri ka hriat chuan Lancy-i kut hmer sakin ka thaw halh a.

Martin'an"i va dawih reuh e,khua in min thim hnan mai dawn sin,tih tur pawimawh ka nei lehnghal"dawhtheilo hmel zeta min en kur chunga a rawn tih chuan"kan thil hlauh zawng a inang vek hleinem,i duhna hmunah chuan va kal la,ka dal che mi?"thinrim zetin ka ti a.

Lancy'in"U i duh leh lova kalsan rawh,keiman ka thlah haw mai ang,zaninah khuallian atan an sawm che kha,a thulh chi lovang"a lo tih chuan Martin-a chuan chiang fahrana min en ngurin"hmeichhe mak sak i ni"ti nguta inherin a kalsawn zui nghal a.

Lancy'in ahma Martin'an min hruai luhna room chhunga min luh pui hnu rual chuan ka kuta rawn chelhin"ka u awmdan kha a mak khawp mai.mahse ngaipawimawh duh suh aw,Jessy ka ngai thin khawp mai che.enge i thil zir zawm chu a an?kei chu hei kan Hospital enkawl angai ta si a,ka zawm leh thei ta lo chu nia"tiin thutphah dup pakhatah chuan min thut thlakpui nghal a.

"Zir nasat chu angai ve khawp mai,Lancy,Daniel-a hian ka rilru a tihah tak zet a ni.engtin nge maw ka tih dawn le?Lengpui atanga Nute'in min rawn hruai khan Daniel-a bialnu rai thu leh damdawi in lama a riahpui reng thu min hril a,ka thinrim nghal em em a ni"ka tisap a.

"An induhtawn em a ni,Eli hian i nau a atchilh thei lutuk,a rai tih ka u in a hriat tirh khan a thinrim tehreng nen,mahse nichin kha chuan thinrim hmel pawh a pu lo"tiin tui intur min rawn pe a.

Tui chu lem deuh khawlhin"I u hi Minister a ni tak tak mi a?ava inhmeh love"ka tisap a.

"Nia,a rawn sawm ngawr ve lutuk a,amah vang hian hmeichhe hrang hrangin min rawn biak that phah ve lutuk,social media lamah lah a chanchin nilo pui pui an theh darh chiam reng bawk nen,Dik tak chuan a hahthlak thin tak zet a ni"a tisap a.

Lancy-i chu melh zauhin"Pan lovah tho a fuh ngai hleinem,i u ka sawichhiatna ni lovin,engemaw a awm vang zawk aniang"ka ti a.

Thaw halh chunga maimichhingin"ka u hi an sawi ang em em a,hmeichhe kawp lawr chu a nilo,chapo thu lovah,kan hausak leh anihna vang hian hmeichhe tam takin an rawn pak huam huam a,model Liansangkimi phei hi chu ka hne tak zet

Ka u hi a kalna apianga zui a tum emaw ni.Jessy i bulah ka ang chiam ringawt mai a,min hrethiam dawn nia.zu i in ni maw?"tiin min rawn hnim du du a.

"Ka rilru hah em alawm,ka chauh zia chu a,ruah pawh a han tawh in ka hria,nutei te inah chaw lo ei ve mai la,i theih phei chuan riak dun leh ila ka duh ngawt mai"ka tisap a.

"Kei tak hian asin riah dun chak,ka pi a damtha lova,ka riak chhuak thei lo alawm,Hostel-a kan awmlai kha a ngaihawm e,ruah sur leh tek tlak apiang a,kan mutdun ziah kha,i hman hunah rawn riak ve zawk rawh,naktuk chuan i tum talh mi?Eli leh i nau hi chu kan hriatthiam angai ni.kan Damdawi inah hian i duh phawt chuan i rawn thawk thei reng nia aw?"nuisang chunga tiin a dingchhuak a.

"Daniel-a te chungchang chu ka ngaihtuah zui duh rih lo,ka nu leh Pa te ka ngaihtuah ber"tiin Lancy-i chu ka zui chhuak ve nghal a.

"I awmdan tur chu ka hriatthiampui khawp mai.keini pawh kan hriat tirh in kan thinrim ve khawp asin,Jessy he thil avang hi chuan kan inthian thatna chhe lo hram se ka duh a ni"a ti a.


Lancy-i car chhunga kan thut luh rual a,tawng ka tum chuan ka nu in min rawn phone a,"Jessy i tha em?Famkim'in Damdawi in lama i kal thu min hrilh a"min ngaihtuah hmel zeta a tih chuan"ka tha lawm.Nu ngatinge Daniel-a chungchang hi engmah min hrilh ve miah lova,in fanu ah pawh min ngai lo mi?"ka ti ngat a.

"Keini pawn nimin piah khan kan hre ve chauh alawm,i rawn haw dawn tho avangin i pa in hrilh lo che tha zawkin a hria a,Jessy a van mualphothlak thin tak em?ka fapa hi hetiang hian a awm dawn ani tih lo hria ila chuan a zirna chhunzawm turin ka awm hran tir hauh lovang.I pa nen pawn thiante zingah kan awm ngam tawh lo a ni"a ti chuai raih a.

Thawhalh chunga Lancy-i chu melh zauhin"Nu,i rilru ti hah duh suh.Daniel-a zawk pawh a zak bik hleinem,naktuk lamah khua a that chuan rawn haw ka tum nia"ka tisap a.

"Awle awle,i pa nen kan ngai tak zet tawh che nia,kan fa pakhatin zahna min thlen laiin nang chuan hmingthatna min siam sak a ni,tluang taka i rawn thlen theih nan kan lo tawngtaipui ang che"tiin kan inbiakna chu a ti tawp zui nghal a.

Nutei te ina Lancy-i nen kan luh chuan Nutei chu a thutna atanga rawn thochhuakin"Ehe Dr Lancy-i chu a va mak teh tlat ve,Jessy nen inlo inhmelhriat a mi?"tiin a chibai a.

"Nute amah hi lawm,Dimapur-a MBBS ka zirpui kha,engkimah kan inpui tawn thin.Lancy coffee i duh ngem?"ka tih chuan"Nidangah ka rawn la in zawk ang,ka hmanhmawh deuh tlat a,kan va haw zawk nge,Jessy i contact number min pe la"nuisang chungin a ti a.

Lancy'in min hawsan hnu chuan Pate'an"ani kha Minister martin-a unau te zinga mi kha tiraw.Jessy martin-a nen khan in inhriatna a rei tawh em?"chik zeta min en chunga a tih chuan ner sawk chunga Patea chu en in"Pate,i ti anglo lutuk,kha mihring nen khan kan inhre ngailo hrim hrim,ka haw tak zet a ni,ngatinge in rawn luh tir a?"ka ti hlar a.

"Ehe in inhre sa maw ka lo tia lawm,inchhunga a rawn pen luh rual khan,"Jessica-i a awm em?tunah hmuh ka duh",a rawn ti a,i awmna room ka ka kawh hmuh rualin"kan va kal mai nge"tiin amah zawk a rawn kal lawm,Jessy thil pawi tak chu a thleng em lovang tiraw"pangngai takin a ti a.

"Thil pawi chu thleng chiang e.Bathroom atang min hnuk chhuak ani ringawt,Lancy-i U ani tih hre lo phei ila chuan a sam pawh til sak vek ka duh ni"thinrim zeta tiin ka mutna room lam ka pan tau nghawng nghawng a.

Ka awih thei lo zawk,engtin nge khatiang mipa mi pawisakna neilo leh hmeichhiate an duh duh na hmun a,hruai tum kha an awm theih?minister a nih vang ngawt khan khawi hmuna kal thei turah a inngai mi?

Khuma mu chungin ka phone hlui angreng tak atang chuan facebook-ah ka lut a,chanchinthar lam ka en chuan Minister Martin-a chungchang ka hmu nghal.Hmeichhe pakhat nena an kal dun lai thalak a ni.coat suit nena a induang chuan a lang zahawm hmel hle.vawiin khan T-shirt dum leh cotton kekawr buang a inbel a,a landan chu a danglam hle in ka hria,comment na lam ka en chuan a bialnu ni awm tak a ni.Hmm engtin nge hepa kianga an awm duh zawk le?mahni thu duh leh hmeichhe hnuaichiah mi tak chu a ni ngei ang.

Zinga ka harh chuan dar kua a lo ri lek lek tawh,zan lama phone ka khawih nasat avangin ka lu lah chu a la rit em em lehnghal.ka intihfai hnu a sitting room lama ka chhuak chu Nute'in"i mu tha thei maw?i nu in chawhnu lam chhuak sumo ticket a lo hauh sak thawt thawt che a.cham ve rih la ka duh sin le,i in ei puar zawhah Bawngkawn lamah pangpar min zuk lakpui lawk rawh,i Pate'an car a keng daih a,Bullet Bike in kan kal dawn nia"a lo ti a.

"Keiman ka khalh loh chuan ka duh lo,traffic Police duty awm naah i khalh ve thung nga"phur zeta tiin choka lam ka pan nghal a.

"Hlawh i neih ve leh motor engemaw tal lei ve ngei ngei rawh.hmel nu tak pu siin,i lawmzawng thil hi a mipa lutuk"a tih chuan ka ner sawk a.

Nutei phur chunga Bullet Bike an in bul kawng penga ka khalh chhuak chiah chu ka hmazawna Martin-a leh Hmeichhe pakhat inbia ka hmuh thut avanga ding dawtin bike chu her kual leh tumin ka control a,engtin nge ka tih tak ang le?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:16 pm

Nute'in ka dara rawn sawi vak chunga"Jessica fimkhur rawh,engemaw i hriat le?awi ka duh thei lo"tih leh ka hnung atanga zuan thlak a rual a.

"Nute min ti buai vek lawm"ti ruai chungin Bike chawp chuan kawng laiah ka thal thuai a.

Ka kiu leh ka kup veilam chu chhuatah ka la tai hrawk zui,a thip vawng vawngin ka hria.

"I va mawl ve,Martin-a i sut hi,eng mihring nge maw i nih le?"hmeichhe pakhat martin-a lo dinpui nu in vin zeta a rawn tih chuan then tlawk tlawk chungin ka hawichhuak a.

A van zahthlak tak,kan kiang velah chuan mihring an rawn la pung khawm chak lutuk em em zui,ka awih lo lek lek zawk.Martin'an a mal dawm chunga"min thah i tum a mi?"zawi fiah zeta a rawn tih chuan mi thenkhat phun mur mur ri ka hre nghal.

Nute'in"kan tihpalh lutuk,min ngaidam rawh u,Jessy i tha em?i kekawr chu a va thler nasa ve,kha hei hian inkhuh rawh"tiin min rawn kai tho a.Nutei chu engtinmah a inhliam ve lo a nih hmel.

Ka helmet khumlai chu phelhin ka thawchhuak halh a.

Mipa pakhatin"tunlai hmeichhe ho hi chu mipa tih ang apiang tih in tum ve a,in thiam leh tak tak si lo"a rawn tih chuan ka kut humruh in ka ner sawk a.

Mahni lo maha inthiam loh sa tawh tehreng,ngatinge hetianga min tawngkhum chiam hlawm le?Nute'in kan tihpalh thu a sawi kha an hre hlawm lo mi,an mak ngawt mai

Nutei nen kan ding zum zut lai chuan kan kianga mite chuan Martin-a chu an bawr tuau taua thung si,Nichina Nu Pakhat bawk chu rawn tawngchhuak leh in"hey nangnu kha,i beng a chet a mi?Martin FIR theh lut ngei ngei rawh,kawngsira kan inbiak laklawh lai i rawn su lui a ni kha.Bethesda Damdawi in lamah kalpui mai ang u"a rawn ti vin hlar a.

"Kan tihpalh thu leh ngaidam kan ngai ani tih kan sawi reng kha,i beng a chhet mi?Accident thil a ni tih i hre ve mai lo mi?khawi maw kan lo enchiang nge"tiin Martin-a an bial tuau tuau na lam chu ka pan hnai a.

Mipa pakhat chuan ka dara min namsawn pahin"i va zaklo reuh e,i la chhang ngam ka ti"a rawn ti chuan midang ho pawh chu kut min thlak chak hmel zetin min rawn en thup a.

Martin'an"inbengdai teh u,kan buaina chu nakinah kan la chingfel thei tho alawm.tunah chuan Damdawi in lamah kal ila a tha ang,kha nangni pawh in inhliam nih kha,min rawn zui rawh u"tiin a car awmna lam panin a bai phei a.

Mipa pakhatin"motor chu ka lo khalhsak ang che u"ti leh Martin-a bai phei auh auh chu kuah a rual a.

Nutei chu ka bengbula rawn kunin"lokal rawh,tih theih dang kan nei lo,engtinmah tawng tawh miah suh,a thiam lo zawk kan nih hi,i Patea ka phone a,a ni pawh a rawn kal ang,i nu te pawh hrilh turin ka chah"tiin martin-a kalna lam chu min pan pui a.

Martin-a chu rawn hawi letin"Nu Zam,an Bike kha thla lo lak tir la,chumi hnu ah workshop lamah i enfiah tir dawn nia"a tih chuan ka lo ip deuh zawk a.Engtin nge min tih dawn le?Lunglei lama phei ngei ka duh asin.

Nimin atang khan ka chet fuh theih thlawt lo.he Mihring vang vek hi a ni,amah hmuh ka hreh lutuk na lamah ka chet sual phah,ka chetdan chu a mawilo ka ti ve tak zet,ka nuna ka thil duhlo ber chu ka thinchhe lutuk thin hi a nia,ban san ka duh ve reng harsa ka ti hle a ni.kei hian insumtheihna ka mamawh tak zet a ni.mahse Damdawi ina ka thawhpui te leh damlo thenkhat chuan zaidam leh tlawmngai tiin min sawi ve fo.

Nute'in ka dara rawn sawi paha"min tizak lutuk,chuang lut vat teh ang"ti hlar chungin car seat hnunglamah chuan min nawr lut ti tih a.

Martin'an"kan Damdawi in lamah kal zawk ang,Dr Jessica,nangman min enkawl angai dawn nia"tiin a rawn hawi a.

"X-ray ti phawt la,ruh lam Doctor(orthologist)enkawl che pawh a ngai mai thei sin,i duh leh ka thianpa Jerome-a a..."ka tih lai mek chuan"ka duh dan chu ka sawi tawh kha,i ngaihdan ka zawt hauh lo che"a rawn ti chang fak a.

Tawng tuma ka ang chu Nute'in min rawn nghawk zauh avanga ner sawkin ka ban pilh lai en chungin"mahni thu duh leh chapo lutuk mai"ka tisap a.

Inkuangkuah chunga hmalam melh runin"Nangmaha i inbuaipui fel hunah min rawn sutna lai hi endik ang che"thupe aw zetin a rawn ti a.

Motor khalh tupa chuan min rawn en zauhin"Doctor i nia law?khawi Damdawi inah nge i thawh a?"pangngai takin a ti a.

"Damdawi inah ka la thawk rih lo,kei chu vun lam doctor ka nia,kan line lo hi chu buaipui vak a nuam lo"a ti ngat a.

Damdawi in kawta kan din rual chuan Martin-a chu rang zeta motor atanga chhuk thla in"Zuala min lo nghak lo mai rawh,Jessica min rawn zui rawh"tiin a kal zui nghal a.

A kal dan atang chuan engmah na a neih loh hmel,a tider anih vaih chuan a chaklo khawp ang.

Consultation room pakhat a min luhpui in"tah sawn i duh ang chu in zawn rawh,Pi Famkim i inhliam ve chuang lo bawk a,pawn lamah i duh leh lo va tei harh la"ti ngutin chair vir thei ah chuan a thut thla nghal a.

Phawk zeta Nutei kawngka bul a,a ding chu enin"Nute min lo pui ve zawk la,mahni chauha inbuaipui chu a harsa lawm"ka ti ruai a.

Nute'in"Jessy thisen ka ngainat loh zia i hriat kha"a tih chuan ka thaw halh a,ka nutei in thisuk a nei tih ka lo theihnghilh daih.ka kiu chu en pahin"a thi vak hleinem,a pilh hlek chauh alawm, engtinmah i awm lovang"tiin ka kawr ban chu ka hlim chho a.

Martin'an"Nurse Duty pakhat va ko lawk mai rawh"a tih chuan Nutei chu rang zetin a chhuak nghal a.

Ka kawr leh kekawr chu a hak tlak tawh dawn loh tih ka hria.tui herh haw a,ka kiu pilh ka silfai lai chuan Martin-a chu ka kianga rawn dingin"ngatinge khatianga i khalh kual chiam ringawt a?"a ti ngut a.

Dim zeta ka kiu nuai pahin"ih englo nia,Bike kha a chianglo deuh niang,i inhliam ve vak chuang lova,engtin mah minti lovang tiraw?"ka tisap a.

"Ka hrelo,mechanic ten bike kha endik phawt se la,kei chuan min rawn sut luih i tum ah ka ngai tlat a ni"thu tak zetin a ti a.

"Enga,kei hian ka ti lui ah i ngai a maw?"tia ding ngilin phawk zetin ka en a.

A mitko san akin"Nimin lamah pawh Hremhmuna liam tura min duh thu i sawi kha,i tih tur chu ti vat rawh,ka ngal i rawn sutna hi a na teh mai nia"tiin a thutna ngaiah chuan a thu thla a.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Kawngkhara Nurse inthlahrun hmel taka rawn lut ka hmuh chuan"khawngaihin min pui thei ngem?lapua leh tincture ka duh a"ka ti nghal a.

Ka hliam vel ka in buaipui fel hnu chuan darkhat rik nan minute sawm hnih chiah a awm tawh,ka rilru a hmanhmawh tak zet a ni.

Nurse in min chhuahsan hnu chuan Martin-a phone khawih chu enin"Khawi maw i ngal chu?"ka ti hrawk a.

"Thinrim chunga min khawih chuan i tinat belh palh ang,inbengdai ve phawt la"a ti duh lek chauh a.

Ka dawh theihna in a tlin tawh lo,A hmazawna thu thla in a ngalna lam nia a sawi chu ka hmer vak a,ka hmer hnu reiloteah na tiawm fahranin"a va na ve,engemaw i hriat le?"a rawn ti vak a.

A na tak tak lo ni ngei ang,min bum a,keipawn engemaw tal ka tih ve a ngai ni.

Ka kekawr iptea ka phone ah lai a rawn rik chuan dingchhuakin ka en vat a,company lam atang a ni leh pek.ka thluak chu vawrhin Martin-a chu ka en a"ka nau a nia,kan be lawk nge"tiin kawngkhar lam ka pan nghal a.

Kawngka ka khar rual chuan pawna nutei lo thu chu pan vatin"Nute,sang nga min lo puk tir lawk ka hmanhmawh"tiin a bag chu ka khawih a.

"Ngati teh thut nge?engtin chiah nge Martin-a chu a awm?"tiin sang nga chu min pe a.

"Nakinah ka hrilh tha ang che"tiin kawngpui lam chu hmanhmawh zetin ka pan nghal a.

Scooty lo tlan chu phar dingin"khawngaihin Milinium lamah,hmanhmawh rawh"tiin cheng za chu ka hmehbel chawt chawt a.

Sumo counter pakhata ka hming awm leh awm loh ka en lai chuan ka number save loh atang phone call ka dawng a.Hlauthawng ru zeta ka pick up rual chuan"Joshua counter atang nia,nangmah chauh kan nghak tawh che,i rawn chuang dawn em?"rawn ti ri ka hriat chuan ka thaw hawk a.

Driver bul thutna bul Sumo-a thaw hlawp hlawp chunga ka thut luh rual chuan Motor a lo chuang sa ten mak tih hmel taka min en chu ka hmu nghal.

Driver'in"tikhan i inpeih mi?anih chuan tlan nghal mai ang u aw"a tih chuan ka bu nghauh a.

Tunah tak hian supergirl a chan a,ka nu leh pa bula awm ka chak ber.ka phone a rawn rik a,ka en chuan Nutei number atang a ni tih ka hria a,phone Pick up in"Nute ka thawmhnaw leh bungrua kha chu naktuk Lunglei Sumo chhuak turah rawn thawn mai rawh u.ka nu leh Pa bula awm ngei ngei angai,Martin Putara khan min bum a tum mai mai nih kha"ka ti nghal zung zung a.

Mipa rum ngut ri ka hriat hnu chuan"Jessica nang hian min bum zawkin ka hria,mahse kei hian eng thil nge ka tih dawn lo thlir reng ang che.i nau leh ka nau in ten inkungkaihna an neih avang hian ka tih tur ka thulh dawn miah lo nia,Lancy pawn engtinmah min dal thei lovang"ti thum bulin kan inbiakna chu a ti tawp zui nghal a.

Makti leh thinrim ru zeta ka phone chu melh ngawt ngawtin"i duh duh chu ti mawlh rawh,ka hlau ther te lo che"ka ti ta ringawt a.

Ka dara min rawn khehtu an awm a ni tih ka hriat rual chuan hnunglam panga hawi let a,Pa pakhatin"Pu Thangliana fanu,Doctor kha i ni tiraw"a tih chuan a hmel ka enchiang a,Lunglei Ramthar kan veng a mi tih ka hre chauh a"aw ni e,ehe Pa Dinte nang maw?"ka ti ha a.

"Ngatinge i ban te kha,i inhliam mi a?"a tih chuan bu nghatin kan Accident palh a,Lunglei lama haw ngei ngei ka duh sia,engmah pawh ka intifel hman hleinem"nui lui sak chungin ka ti a.

Mel thum kan tlan pel deuh chiah chuan Driver chu phone a mi be chunga motor din tir in min rawn en a"Aw,aw kan lo nghak dawn tih na mi?"bu nghauh nghauh chunga tiin phone chu a dah a.

"Thiannu,Jessica Lalengzuali i ni tiraw"a rawn tih chuan makti deuh taka en in ka bu nghauh a.

"Minister Martin-a thupek angin,kan tlan pui zel thei tlat lo che ni.An lo hruai dawn che niang,thiante u min hrethiam ula,rei vaklo chu kan din a ngai dawn ni"tiin midang ho chu a melh kual a.

Ka awih theilo!engtinnge a thu neihna hmanga hetianga a chet theih zawk,a lang,a pau a hetia a chet ngam chuan a eiru nasa viau ngei ang.

Pa Dinte'an"ngatinge a?a va mak teh tlat ve?Jessy,minister nen in inhria law?"a rawn tih chuan ka thaw kawk a.

Tlar hnung bera tleirawl pakhatin a phone rawn lek pahin"Bike-a sut tum tu niin,facebook lamah an chhuah che nih hi,nang lah chu i inhliam bawk si a"a tih chuan Maimichhinga motor seat ngheng chawrhin"dawt vek a an sawi nih kha,Martin'an engmah na a nei hleinem"tiin motor tukverh-ah motor dang lokal leh kal loh ka thlek nghal a.

Driver'in"Lunglei to Aizawl motor tlan zawng zawngin an hre vek ang che,chhuk duh lo mai rawh,i tan a buaithlak ting ni mai"a rawn tih chuan ka mittui a tla lo chauh.

MARTIN(POV)

Jessica'in ka beisei loh leh rin loh tak mai a,ka ngal a rawn hmer chuan mak ka ti viau a,mahse reilote hnuah a thil tum chu hrechhuak in na tiawm ang takin ka lang leh hnu hnawh a.

Ka awmdan teh chai chu a,mi pangngai tan chuan a hriat thiam theih vek ngei ang.

Phone hmang chunga Jessica'in min chhuahsan hnu chuan ka kekawr chu ka khup lama hnawl thlain ka mal chu ka en a,a duk ve deuh hlek chauh a ni.Na em em ni si lova,hmeichhe hma a inphelh ka duh bik hauh lo ni.

Eli'in min rawn phone chuan"enge ni?Daniel-a chuan engatan nge,a U chu a rawn phone a,facebook lama kan chungchang an post kha thudik a ni hauh lo nia"ka ti vat a.

"Daniel-a te chu ka khum bulah ala muhil reng alawm"Eli'in a rawn tih chuan phone chu dahin room atanga ka chhuak nghal a.

Jessica-i Nute-i phone hmang chunga tukverh bula a alo ding ka hmuh chuan pan hnai nghal vatin a darah ka khawih sak a.

Mak tih hmel taka min rawn en chuan"khawnge Jessica-i kha"ka ti ngut a.

"Oh englo nia,Pu Martin ka hrethiam bik lo,min tlansan daih a ni"a tih chuan ka kut pharh chhuakin"a number han hmetchhuak teh,keiman kan lo bia nge?Police kuta h ka hlan tawh mai dawn mi?"ka ti a.

"Khawngaihin inbe rem phawt ang u,kha Jessy-i chu a biak theih dawn e"tiin a phone ken lai chu min rawn pe a.

Ka beng zawna phone ka dah rual a,Jessica-i tawngri ka hriat chuan ka thin a ur tak zet.A rawn tawngdan atang Lunglei lamah a phei a ni ngei ang.kei hi hmeichhe in min bumin min tlansan a maw!tu hmeichhia mahin kei hi min la tlansan ngai hauh lo.Takzet hian a!amah vangin nizan pawh ka mood a off vek tawh a.Tunah phei chuan thinur tak ka ni ringawt.

Nu Famkimi hnenah chuan"engin nge Jessica-i hi Lunglei lama a phei"ka ti hrawk a.

A phone hmanga Nu pakhat nen an inbiak hnu chuan min rawn en in Jessica-i chuan na Sumo hming chu a sawi a.

Damdawi ina security pathum chu ko in,Jessica-i chuana Motor chu umzui nghal turin ka hrilh a,Daniel-a u nilo sela chuan Police ka ruai tawh ngei ang.

Security ringawt chu ka ring zo lo,keimah ngei ka kal ve a tul a ni.Jessica-i hi a khawsak dan atang hmeichhe naran leh tlawm mai mai chi ani hauh lovang.kei hian tal chhuak thei lo tura ka dan chep angai ni.

Nu Famkimi hnenah chuan an in lama haw tawh tur leh Jessica-i chu lo ngaihtuah vak lo tura hrilhin car-ah chuan ka chuang lut nghal a.

Engvanga lo ngaihtuah vak lo tura hrilh ngawt nge ka nih le?ka ngaihtuahna hi ka sawrbing a ngai ni.

Tlangval kum 37 ka ni ve tawh,hmeichhia tumahin min la bum ngailo hrim hrim,min kalsan phei chu a hnai lo,kei ka ni inti hmeichhia ka hriat chin tawh phawt chuan ka kianga awm chakin min bawr buai hlawm reng thin zawk a ni.

Mipa tha leh thianghlim tak chu ka ni bik hauh lo tih ka inhria,hmeichhe nalh tak takin min rawn zar a,a hmunin a lo zir deuh phei chuan ka tum lawk loh dan takin ka mutpui leh fo thin.chung hmeichhia te chu ka sawmin,ka thlem hmasak te an ni ngai hauh lo.An mahni rawn in pek hmasak vang zawk a ni.unau Pali zinga upa ber leh Mipa awmchhun ka ni a,ka chhungte hian fiamthu tawngka takin Nupui nei turin min ti fo a,ka unau hmeichhe te hi buaipui an ngai a,ka damchhunga hmeichhe dang ka thisen zawmpui nilo,buaipui ka chak hauh lo.Hmeichhe ho phun nawi zia leh an khirh zia ka hrechiang,ka nu leh unau hmeichhiate inchhunga an phun na tinreng hriat hi ka duhtawk rih khawp mai.

Ka nau chiah hi Champhai lamah pasal neiin a awm a,ka naute pahnih Lancy leh Elizabeth-i te nen in khatah kan la khawsa a,Eli'in nau a pai tih ka hriat khan ka thinrim hle a,mahse ka nau chunga Daniel-a U,Jessica-i rawn khawsak dan kha ka duh hauh lo a ni.mipa awmchhun ka ni a,engkimah ka nau te hi an dikna ah chuan ka tan tlat ang.

Politics huangah hian ka duh thu avanga zuang lut ka ni lova,ka Pu te nupa mai bakah,an thiante hovin ding turin tih tak zetin min ngen a,a tirah chuan Fiamthu-ah lain"Politics-a ka zuan luh chuan Mizoram hi a invawrh kang nasa lutuk palh anga sin"ka ti fiamthu thin.

Delhi University-ah MA Economic kum kua liamta khan ka zo a.kan chhungkaw sumdawnna Bakery chhang siamna zuangtui ami ka buaipui chho a,India ram state hrang hrangah kan thil siamte hi kan thawnchhuak nasa khawp mai.

Kum hnih liamta khan Aizawl hmun lai li takah Damdawiin changtlung tak kan din a,sum lampangah chuan buaina kan nei hauh lo,mizoram sawrkar pawn kan pawisa engemaw zat min puk sak a ni.

Kum kalta mizoram mipui ten Minister-ah min tling a.ka tuilo ti ila a dik ber ang,mi hrang hrangin min rawn tlawn kual reng a,ka Minister puite ngei pawh mi rethei chan ai lak saka,an eiruk nasatzia pawh ka hria,chung thilah chuan in hnamhnawih ka tumlo bur.An khawsak danah ka buai hauh lo,an duh duh danin awm sela,hremna chu chunglam atang an la tawk ngeiin ka ring tlat.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:19 pm

Motor khal tupa in”ka pu,kan hma a Sumo ding saw aniang a”a rawn tih chuan kan hmalam enin ka hawichhuak vat a.

Kawngsira midang zinga Jessica-i lo ding ka hmuh a,Jessica-i chhuat lam melh reng a lo ding ka hmuh chuan ka thaw chhuak hawk a.ka thin zawn sak up up chu engvang nge ka hre hauh lo,tunah hian ka hlim viau leh viau loh pawh ka inhrethiam hek lo.

Motor atang chhuk thla in Jessica-i te din na lam chu ka pan phei nghal a.a kianga miten min lo endan chu ngai pawimawh duh lovin,Jessica-i ngawt chu ka melh a.

Jessica'in tur fahrana min rawn melhin”Misual leh nunrawng tak i ni,i thuneihna hmangin mi hnuaihnung zawk te min dang chep a nia”a rawn tih chuan ka lungawilo tak zet.

Rum ngut chunga a ban na lo lam a chelhin”lokal rawh le,tlanbo tum kher lo la chuan midang ten an tuar hauh lovang”tiin ka chuan na motor lamah ka kai dawrh a.

“Min thlah rawh,keimahin ka kal thei,engvanga nunrawng viau nge maw i nih le?hmeichhia te hi tih luihna hmangin a mi i kianga i awmtir thin”a rawn ti chang fak a.

Ka nuih a za hauh lo mai,motor seat hnunglam kawngkhar chu na zeta hawngin Jessica-i chu nam lutin a kiangah ka thu lut zui nghal a.min hlat thei ang bera tawlh phei in tukverh lam chu a hawi tlat a.

Inkuangkuah chunga a lam hawiin a taksa chu chik zetin ka melh kual a,Nimin lawkah he nu hi ka hre chauh a,ka nun a chawk buai hneh tak zet.Nizana chanmari hall-a AIDS veite tana charity concert an neih pawh khan ka kianga Model Sangkimi a awm reng a,henu ngawt hi ka lo mit thla a ni.

A tawng ti tawp tum a,a hmuia ka fawh kha ka tisual lian tak a ni.keimah leh keimah inhremin thil tam tak ka ngaihtuah zui a,tunah ngei pawh a hmui leh a awmbawr ngawt ka melh chu a ni si a.

Thuawih tak maia min rawn zui hi amak ka ti lek lek,ka lo rindan chuan thinrim taka min an khum chunga min hnial turah ka ngai kha a ni a,Ka tisual let der chu a nih hi.

“Khatin min en hauh suh,i kut hmawr pawha min rawn tawk anih chuan Universal Women protection hnenah ka report ang che.ka hmui hi nizanah Face wash in vawi sawm vel zet ka silfai ani tih i hre dawn nia”tukverh lam hawi reng chunga a rawn tih chuan ka nuih a za ngei mai.A thinrim hi a hmuhnawm reuh kher lehnghal.

Motor khalh tupa chu ka melh zauh a,kan tawng a hre ve vek ngei dawn tih ka hria,Mahse ka hnuia thawk a ni a,ka duh lo zawnga a khawsa anih chuan an chhungkaw chawm nana a sum lak luh hi ka ti tawp thei a ni tih hre tur khawpin a fing ve tawk ngei bawk.

Jessica-i hi eng hmeichhia nge maw a nih chiah le?Hmeichhe thenkhat te chu ka chibai avangin an kut kar khat zet an sil phal lo thin a,Ani hian a hmuia ka fawh avangin tui hlang pawh nilo,face wash nen meuh ka fawhna tih fai alo tum a maw!ka tan chuan chona phur awm tak a ni.

A lama tawlh hnaiin”i hmui fai leh fai loh chu ka lo endik dawn a mi?”a beng bulah ka ti thawp sap a.Amah ka hnaih ruala ka taksa tang nghal at chu ka duh lo tak zet.

Rapthlak tih hmel zeta min rawn melhin”engtin nge nang hi..ka haw lutuk che,mihring pawh i nilo”bah deuh nawka tiin ka awmah chuan a rawn nem pawp a.

A kut chu rang zeta lo man betin”kan kianga mite awmdan a zirin,mi tupawh hi kan khawsa thin a ni,thu tlukna ka siam hma loh chuan Aizawl hi chhuahsan lovin,i Nutei te inah awm ang che”ti ngutin ka thu tha zui nghal a.

A kut hum ruh dan leh a thaw ri atang chuan a thinrim hle a ni tih ka hria.ka phone a rawn rik a ,ka en chuan Lancy'in min rawn biak a tum a ni tih ka hmu nghal a.A thiannu Jessica-i chungchang bak a rawn sawi hauh lovang,min chhuah chhal in thiam lo min rawn chan tir ngei bawk ang,phone chu Switch off in Driver bulah chuan Chaltlang lam pan turin ka hrilh nghal a.

Chaltlanga Jessica-i Nutei te in kawta kan din chuan Jessica-i ruala chhuk thla lo turin ka inthunun hram hram angai,ka lakah an thinrim hle dawn a ni tih ka hria,mawilo taka min dawn sawnna hmachawn ka duh lo a ni.

Kan in lam Ramhlun a inthlah tir in kan in kawtah chuan ka chhuk thla nghal a.inchhunga ka luh rual chuan ka Nu te kianga Lancy-i lo thu chu ka hmu nghal a.

A thutna atanga rawn thochhuakin”U biak lawk che ka duh”tiin ka room lam pana ka chho tur chu min rawn zui a.

Ka nu in kan tawng ri a hriat phak loh na awm ang vel kan thlen chuan”Jessy-i chunga i chet dan hi a fair lo hle mai.Vawiina thil thleng hi i ruahman lawk a ni tiraw,nizana a contact number min dil nachhan kha engvang nge?Jessy-i hi a pawn landan ang ngawt a nilo nia”tiin a thiannu thlavang chu a hauh a.

Ka room kawngkhar chelh chunga Lancy-i chu en in”i thiannu vangin ka thi tep a ni tih hriat ngei ka ring,Police-a ka report lo hi lawmpui hle rawh.Tunah chuan ka chau a,hahdam taka awm ka mamawh”tiin ka room chunga lutin ka inkhar hnan nghal a.

Inbual tuma ka kamiz hak lai kawrkilh ka phelh chuan ka room kawngka kik ri ka hriat avangin phun hluk chungin kawngka ka va hawng a.

Kawngkhar zawna ka pa leh ka secretary Pu Sanga lo ding dun ka hmuh rual chuan ka pa in”in ha tha rawh,inbiak kan ngai”tia rawn lut dunin kawngka chu chhung lamah a kalh a.

Pu sang'an a File kenlai min rawn pe paha”enge i an a?i inhliam lo mi?”a tih chuan bu nghat chunga ka pa lam chu hawiin”Dad,eng thil nge thleng a?ka chau riau asin”ka ti a.

“Keipawh,ka chau khawp mai,Martin hmeichhe hrang hrang te nena an sawi zawm fo che hi tha ka ti lo.tlangval i ni a,hmeichhia han kawm chang chu a awm ang;mahse tun atang chuan i hmeichhe kawm chungchang ah fimkhur tawh la”a ti dam dap a.

Pa sang'an”naktuk i programme kan duan sa ho pawh kha,accident i tawh avangin ka lo cancel vek a nia.Hahdam taka awm te pawh i mamawh alawm,ka lova chhuak a nge.Pa Zual,inhnuai lamah ka lo nghak ang che aw”a tih chuan ka pa in”minlo nghak rawh,Martin-a nupui tur te hi ngaihsak ve deuh teh a,nupui tha tak neih hi chuan mipa te hi kan lang zahawm zual thin ania”nui suk paha tiin Pa Sanga nen chuan min chhuahsan nghal a.

Ka pa khan nupui nei ve tawh turin min duh tihna mi?social Media lama hmeichhia engemaw nikhua a,ka kalpui thin te nena inngaizawng anga min lo chhuah thin hi a hre ve ni ngei ang.Tunlai tak hian ka Minister pui Pu Muana fanu,Model Sangkimi nen inngaizawng angin min sawi a.Inngaizawng chu kan ni chiah lo,amah zawkin min ngaizawng hle a,ka kalna apianga min zui a duh thin avangin ka hruai ve mai thin.ka tan a inpumpek zia pawh ka hrechiang,vawi engemaw zat kan mudun tawh a,min inti neitu viau pawh hi ka dem hran lo.nizan pawh khan min beisei viau tih ka hria,mahse ka mood a off tlat avangin min beiseina chu hai derin an in thleng thlah haw in ka kalsan ta nih kha.

Inbual tura ka kawr ka hlip lai chuan ka ngaihtuahna a Jessica-i a rawn lang chu ka haw hle mai.Ani khan engatan mah min ngailo niin ka hria,Darthlalang hma a jockey nena dingin ka taksa chu ka thlek kual a.”Jessica,hmeichhe pangngai i nih chuan min hnar rei thei hauh lovang”tiin ka nui suk a.

JESSY(POV)

Ka rilru a buai nuai ni berin ka hria.Martin-a kha n engtia min tih nge a tum tih ka hre hauh lo.ka ban leh ke pilh laia damdawi ka hnawih lai chuan Nutei te nupa chuan ka khawsak dan avangin min zilh chiam bawk nen ka rilru a ipik tak zet a ni.

An duh ang tawk an sawi hnu chuan Inchung zawla chho in thir thutna inhunga thu chungin Aizawl khawpui eng uar mai chu ka thlir vang vang a.Ka khua har tak zet a ni.Ka nu leh Pa ka be ngam bawk si lo;Lancy lah tun dinhmuna biak chu ka tan a tih chi der lo bawk.Ka phone chu phawrhin ka thianpa Orthologist Dr Jerome-a number chu ka dial a.

A pick up ruala”mate,I chanchin ka lo hre ve chiah a.khawiah nge i awm?ka ngaihtuah lutuk che nia”a rawn tih chuan Chaltlang ah ka Nutei te inah ka awm.Lo leng la,anih loh pawh lenchhuah na tur tal i hria em?”ka tisap a.

“Okey,i mood a fuh vak lo ni maw?ka rawn kal vat ang.ka ngai khawp mai che”a rawn tih chuan ner sakin”inchungah ka awm,i rawn thlen hunah lo chho tlang mai rawh”tiin kan inbiakna chu ka ti tawp nghal a.

Dr Jerome-a nen hian kum nga vel zet kan inhre tawh.kan duhzawng leh ngainat zawng a inang em em a,kan inmil thin hle ni.Engkimah min ngaihsak in,min duat thei hle bawk.

Ka hnunglam atanga ka dara rawn khawihtu an awm a ni tih ka hriat rual chuan”Jerome min tiphu nasa lutuk,engtik khan nge i rawn thlen”tia hawichhuakin ka meng kawk a.

Martin'an ka dara hmer nghet sauh chunga”I beisei loh zawk,min hmuh avangin i lungngai hle lo maw?”a ti ngut a.

A kut dahthlak sak tum chungin”enge i duh a?nang hi engtikah mah ka beisei ngailo ang che”ti hmukin ka thutna atang chuan thawhchhuah ka tum a.

“Takzet maw!a pawi hle mai.tun atang chuan i beisei loh dan taka min hmuh fo angai tawh ang,chhungkhat kan nih tawh dawn avangin kar leh lawkah kan Naute an inneih dawn a ni”ti hrawka min nem thu in ka thutna bulah chuan a rawn thu thla ve nghal a.

He mihring awmdan hi ka zo thlawt lo.”Kan naute inneih avanga kan inhmuh fo nachhan tur ka hre ve hauh lo.i sawitur i sawi zo tawh anih chuan min hawsan tawh rawh”tiin ka melh hrawk a.

“Ka sawi duh ka la sawi hauh lo,engvanga min thinrim khum reng nge i nih a?”a rawn tih chuan makti zetin ka en ha a.

Engtin nge hetiang zawhna atthlak zet min zawh ngam?kan hnunglam atang Jerome-a aw in”mate,ka rawn thleng har i ti em?”a tih ri ka hriat a,hawisawn ka tum chu Martin'an”ka biakna che chu i hre lo mi?”tia ka tuk khum sama rawn thamin ka hawisawn tur chu min kuai let dawr a.

“Min thlah teh,engemaw i hriat le.Jerome lokal..”ka tih lai mek chuan ka tawng zawm tur chu ka hmuiah tak a hmui a rawn dah avangin ka meng kawk a.

A hmui lasawn nghal mai lova,a lei lum leh thap hrak a,ka hmui a rawn nawr kau in a lei leh hmui chu zei zetin a rawn ti che a.

Ka tek deuh chuai in ka hria,thaw halh chunga maimichingin ka tum loh tak maiin ka hmui chu ka lo tichhe a.

Ka tukkhum a vawnna la thla a,ka hnunga rawn chulin alamah min kuah bet thlawp a,a awmzawnah chuan ka hnute a bei thlawp in ka hria,ka thinphu rang lutuk chu a sawt chhuak thei mai dawn,ka ngaihtuahna te chu a chawl vek mai si,a mak a ni,hetiang hian ka bialpa hlui ten min fawhin ka awm ngai miah si lo.

Rum chhuak hawk chunga a hmui chu lasawnin”min duh a ni tih ka hria lawm”tiin a hmui leh a kut chu a lasawn a.

Kut khur dar dar chunga ka hmui hupin Jerome-a mak ti hmel tak maia lo ding chu enin”Jerome”awi lawi ratin ka tichhuak sap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:20 pm

Jerome'an hrilh hai hmel taka min enchunga’Jessy’a rawn tih chuan ner sawk chunga maimichhingin"engkim ka hrilh vek ang che’tisapin ka ding chhuak a.

Martin-a chu ka bula rawn ding ve nghal vatin ka bengbulah chuan’min tiphur khawp mai,i thianpa nen inbe phawt rawh u.License nei lova motor kawng a,Bike i khalh kha i tisual hle a ni.min sut i tum tih mita hmutu an awm ve nual si a,Police lama chinfel tir ai chuan kan pahniha tih fel a tha zawk ang.Naktuk chawhma dar sawm pakhatah 3 star Hotel-ah lo kal ang che,message ini rawn kalna room tur chu ka la rawn hriat tir ang che’ngeiawm zeta tiin a kalsawn nghal a.

A thusawi chuan min ti hamhaih takzet,Engtinge License ka nei lo tih a hriat le?Martin'an,Jerome-a dara a kut nghat chunga min rawn en ka hmuh chuan ka hawisawn nghal daih a.

Ka awmdan hi zawhte in Sazu seh tuma a kaw tawp bul a,a dang chep tlat ang mai hi niin ka inhria.

Jerome'an’Mate,a dik em?ngatinge engmah min hrilh lawk loh va,min ti lungawilo khawp mai’ka hmazawna rawn ding chungin lungawilo hmel takin a ti a.

Ka chal dawm chunga Jerome-a chu melhin’engmah ka hre lawk bik hleinem,ka thin a tirim tak zet a nia’ka tisap a.
Thir thutna a min pawt thu pahin’i inthuam dan chuh,i taksa a lang kim thaw thang alawm.I thusawi kha ka awih chiah lo,kan inhriat tirh a,party na a ka fawh che pawn min chhan let ve miah loh kha,bakah Martin-a khan’ka sulhnu chu chhui duh lo mai rawh’a ti a.Mate,ani kha hnaih vak lo la ka duh khawp mai. A Hmeichhe it leh duhzawng lakah chuan a tuan a rang hle nia,Hyna ramsa zinga tlanchak ang ber nen a chet rang dan an teh khin hial asin’pangngai zetin a ti a.

Kekawr bul dum chhing tai leh kawrvar tawngchham angreng tak ka hak chu ena ner sawk pahin’Oh ka ban leh ke vang hian kawr bantlawn leh kekawr tlawn ka ha ngam lovang,keite chu a hmeichhe duhzawng ka ni lul lovang,a nau chunga ka awmdan avanga a phuba lak tumna a ni.lokal rawh inchhung lamah chhuk thla ang’tiin Jerome-a banah chuan ka chelh a.

‘Social media lamah an sawisel nasa khawp mai che.Pawnah chhuak tam lo la a tha ang’tia a jacket ipte beng thakin’carlsberg ka rawn ken che a,ka motor-ah pali ka la dah’a tih chuan ka thaw huai thei.

‘Ka van lawm tak,nanghi chu ka thian tha ber i van ni chiang khawp mai’phur zetin ka ti a.

Sitting room sofa chunga nutei te nupa leh Martin-a Television hma a lo thu tlang ka hmuh chuan ka meng kawk a,Martin'an nui lui tih hriat zeta min rawn melh paha’boruak tih sosang belh zel chu a chi hauh lovang.ka hmelhriat te lah chuan Police lama report turin min rawn tur nasa hlawm si a.tunah chuan thian a nei si a,naktuk lamah kan sawidun thei turah ka ngai’a tih chuan an vai chuan min en thap a.

Jerome-a bana chelh sakin’ka mutna room-ah lut ang’tiin ka pawt sawn a.

Ka blanket sinlai rawn thehhlim thuai ka hriat rual chuan Nute'in’zu i lo in leh tawh ni maw?Jerome-a pek che ni ngei ang’tia carlsberg bur ruaka min vawm in’dar 10 a ri dawn nia,i nu leh pate pawh chawhnu lamah an rawn thleng ang,chumi hma chuan Pu Martin-a nen in inhmuh angai dawn nia,nizan te khan sawifel pui law law tur che nia’ti hlak hlakin khum atang chuan min pawh thlak a tum a.

‘Ka lu a na nia;Nute,min sawi vak vak kher lo la.ka nu te chu kan motor in ami an rawn phei’ka bek khing hnih nuai chungin ka ti a.

‘Aw i unau hian ka rilru in ti hah khawp mai,va intifai vat rawh,Pu Martin'an a bodyguard a rawn tir nia’Nute'in a tih chuan ka mengphawk hra a.

‘Keimahin ka kal ve thei tho,ka tlanbo hlauh hmel taka min rawn hruai kher angai hleinem’tia thochhuakin bathroom lamah ka bai phei auh auh a.Nimin ai mahin ka ke leh ban chu ana zawkin ka hria.

Nute'in’thuawih takin awm phawt mai rawh,inrempui mai loh chu tih theih kan nei lo,bakah nizan Television lama chanchinthar pawhin amah sut tum angin an chhuah che a,a zahthlak khawp mai,I nau pawh tukin zingah a rawn haw zawk a,i muhil a rawn en hnuah che a chhuak leh ta nih kha’a tih chuan ka hmui ka tisawi nawk a.

Ka nute'in Limbu tui vawt raih min rawn intir pahin’chaw chu tlem tal bar la a tha tur nia,Jessy khawngaihin va thinchhe lutuk suh aw’ka sam ah a rawn chul a.

Ka message tone a rawn rik chuan ka nau in ngaihdam min rawn dilna thu leh A bialnu leh fa a thlahthlam thei lo ani tih message hmangin min rawn thawn a.Tuna ka retheih zia leh rilru hah na zawng zawng hi ka nau vang vek a ni.Amah pawh a hrechiang ngei ang.

Ka nau number chu Dial'in ka ngaithla a,a rawn pick up rual chuan’Daniel engkim hi nangma vang vek a ni.tun atang chuan vawikhatmah min rawn hmuh tum tawh ngai suh.ka nu leh Pa pawh nang leh keimah avangin an rilru a hah tak zet a ni’thinrim zeta tiin phone chu ka dah a.

Nute'in’khatin i nau chungah thinrim vak thin suh,lokal rawh,motor-ah chuang lut vat rawh’tiin pawn lamah min kuah chhuak a.

Car hnunglam chhunga ka thut fel hnu chuan driver chu ka lam rawn hawia’ka tlanchhuak dawn nia’tiin car chu a tinung nghal a.

Ka Shade vuah lai chuan ka rilru puthmang tlemin a hliah khuh hram ka beisei,khawl mahni a chesawn thei ang mai niin ka inhria.

Ka rilru chuan engtin nge Martin'an min ti ang le?tih te,ka nau avang tal pawn min ngaidam thei angem?tih te in ka ngaihtuah neuh neuh a.engmah han ngaihruat dan lah ka hre der si lo.kan naute pahnih inneih chungchang a nih chuan ka pawm pui vek ngei ang.

Ka nu leh pa te pawh an pawm pui ve ngei ka beisei a ni.

Motor khalh tupa in"kan thleng ta e,min lo zui rawh"tia ka chuanna kawngka a rawn hawn chuan phun hluk chunga,ka bag khaia dak vahin ka pen chhuak nghal a.

Zam engang mah ila,tuna ka mihring hmuh tur hmaah ber kher hi chuan zam anga lan ka tum lo bur.

Driver'in pakhat room kawngkhar hawnga"va lut rawh le"a tih chuan boruak hip kawkin ka thawchhuak leh ham ham a.

Kawngka a ka pen luh rual chuan room nalh leh romantic tak a ni tih ka hmu nghal.tukverh bula martin-a sir zawnga phone a mi lo be mek chu ka hmu a.Tuxedo coat suit buang a hak leh a chip sam uchuak lutuk si lova a tih phir chu a inhmeh hle in ka hria.

A hmel ka en chuan mongolian thlah a ni tih hriat tak maia,a mit zim lam lek lek leh a hnar a mawi tawk leka arh te,a hmui chhah deuh hlek te chu a hmuhnawm a ni.

A phone a dahthlak ruala ka lama rawn inher vutin"i duh ang zawng zawng chu a thleng bik hauh lovang tih hre rawh,i nau in,Eli-i ala neih duh rih lo tih a hrilh nachhan hi nangma vang a ni ngei ang,i hlim em?"a beka thisen zam pawng tawlh tawlh chunga a tih chuan makti taka enin"enga?min mawhpuh hauh suh.a hrim hrim in i duh dan anga midangte hi khawsa turin beisei suh,mitin hian mahni duh dana khawsak theihna dan kan nei vek"ka ti ngat a.

Dawhkan tlang chu a kuta thisem zam lang tawlh tawlh khawpa hmerin"khanglang che chuan,chutiang thu chu min hrilh turin ka lakah eng chanvo mah i nei hauh lo.i nau hi makpa atan ka duh viau hranpa lo a nia,thu rawh"rum zeta tiin dawhkan bula chair chu a kawk a.

"Ka duh lo,i sawi tur chu sawi la ka chhuak lehnghal zawk ang"tiin ka lu ka thing a.

Engtin nge Nichin khan khatianga thil ka lo ngaihtuah theih zawk.kei hian dik lohna ka nei a ni ngei ang.He mihring rilru chhia leh chapo lutuk hi mihring pangngai a nih pawh ka ring nek love.

"Pangngai taka biak che ka tum a ni tih hre ta che.hnial hrat leh lutuk"ti hluk chunga dawhkan rawn kal hualin min ka banah a rawn pawt dawrh a.

Te that chunga talchhuah ka tum chu a sawt lo hle mai.thutna pakhata min nam thu hnawkin"tikhan thu hle hle rawh,hmeichhia i nih avanga ka dimdawi viau nachhan tur che a awm lo"ti hmuka ka shade vuah lai min lak thlak sakin ka hmazawn thutna ah chuan min melh ngar chungin a thu thla a.

Thaw halh chunga ka kut hum nghet sauhin"i duh chu sawi vat rawh,ka hmanhmawh nia"ka ti hmuk a.

"Kum khat chhung kan Hospital-ah i rawn thawk anga,chuan kan pahnih hian.."a rawn tih chuan ka thutna atanga ding hluaiin"i va zak lo zawk ve.medical council lamah ka report chiang viau ang che,hetianga invau chunga hna inthawh tir hi dan phal loh ani tih i hre lo der a mi?"ka ti hlar a.

A dar san ak chunga a kut dawhkana tlir zeuhin"inbengdai rawh le.License nei lo leh min sut hlum i tum avang khan kum 10 chhung lungin i tang thei a ni tih hi i hriat ngei ka ring.chuvangin jail-a hreawm ti taka tan nge i duh tuna ka ruahmanna hi"a ti nghet charh a.

"i ti tak tak lovang,bialpa leh pasal hual ka nei tawh"dawt thu sawia ka tih chuan a phone dawhkana a dah chu lakangin a bengah a ngaithla vang vang a.

"Lo chho rawh u"tiin a dah lehnghal daih a.

Ngawi renga kan thutna ngaia kan thut chuan Martin'an min enreng a ni tih ka hria,lai ru zetin ka kut chu ka khal neuh neuh ringawt a.

Kawngkhara mipa pathum puitling hmel zet rawn pen lut ka hmuh chuan Martin'an"Lawyer marem,License nei lo leh mi sut tum hrem theihna dan leh a khaihhnawih thil te kha han sawi teh"a tih chuan Mipa pakhat file rawn keng lut pa chuan a thil ken lai pharin a tawng zawm par par a.

Minute sawm vel zet chhum lo leh chat lova a sawi duh ang a sawi zawh meuh chuan ka zawi deuh hnawkin ka hria.

Beidawng zeta Martin-a chu enin"ka tihpalh a ni tih kan sawi reng kha"ka ti raih a.

"Bike kha i duhthlan na ngeia khalh i ni a,i khalh hmain inngaihtuah hmasak tur che lawm,lo inthiar fihlim vat lo phei ila chuan kei leh nanga chan tur chu a rapthlak hle ang,i thu tlukna chu sawi vat rawh,Hei police Rinchhana pawn min ngaichang reng ania"a lo ti tak nghek avang chuan ka ip deuh chawih a.

Maimichhing chunga"inngaihtuahna hun ka mamawh,bakah lemchan thiam pawh ka nih loh hi"ka tisap a.

"Tumah thil thiam sa a piang an awm lo,inzir chawp veka thiam an ni.i duhthlanna chu sawi vat rawh,helai hmuna hun khawh ral reng thei lo a nia"a rawn tih chuan"Jail-a tan ka duh hleinem"thinur beidawng ru zetin ka ti a.

"I pawm nge?pawm lo?sawi rawh"dawhthei lo hmel taka a rawn tih chuan"i thil ruahman tenawm zet chu ka pawm mai loh chuan jail-ah ka tang dawn sin,ka haw lutuk che"ka ti vin hlar a.

Martin-a chu a thutna atanga rawn thochhuakin"Pa sang,i phone khan thla min lo laksak lawk rawh"tia ka bula lo dingin a kut pahnih chu ka darah a rawn dah a.

Amah ena hawi chho in"Thalak ka duh hauh lo nia,awmsawn rawh"thinrim zeta ka tih chuan ka hmui bul seta rawn kun hniam in"i duh leh duh loh ka zawt hauh lo che"tiin ka khabe ah chuan a rawn khawih zeuh a.

Thaw halh chunga"Tenawpa,ka hua che"ka tih chuan kalsawn pahin"ka hria,keipawn ka ngaina bik lo che"a ti duh lek a.

Mipa pathumte kawngka lam an pan chu ena,Ka bag khai chunga dingchhuak in"ka chhuahsan tawh ang che"ka ti hmuk a.

Martin'an"i va hmanhmawh ve,lawmna thingpui leh engemaw tal kan eidun ang chu,thu rawh.ka thlah haw ang che"thupe aw zetin a lo ti hrawk a.

Eitur a sawi rik rual chuan ka riltam tawh zia ka hre nghal.ka hmui liak zeuh pahin"i ruala thil ei ka chak love,keimaha haw ka duh zawk"ka ti ngat a.

Phun hluk chunga rawn ding chhuakin"i tawng hnem tawk tawh e"tia ka ban na laiah tak min man betin a lamah chuan min pawt hnai dawrh a.

Te that chunga"A naaa hmela"ka tih rual chuan ka mittui a rawn hnam sawk a.

Rum ngut chunga min vawnna thlah in"tihnat che ka tum reng alawm,lemchan pawh i lo thiam hle mai.ngawi rengin thu la a tha mai tur"a ti hrawk a.

Ka kawr ban hlim chho a ka ban na lai ka en chuan a bul vel chu a lo sen hlar a.ka enkawl vat loh chuan a pun ngei dawn a ni.

Kawngka rawn inhawnga waiter pakhat trolly rawn nawr lut ka hmuh chuan Martin'an"thu mai mai,ka ril a tam tawh nia"a lo ti hluk a.

Engang pawn thinrim viau mah ila,riltam tawh lamah phei chuan eitur hi chu hnar a har a ni.Martin-a sum phai kawk thei turin ei nghek ila ni mai lawm.

Ngawi renga thu in dawhkana eitur inchhawp chu ka en kual a.Martin'an bawnghnute a lem zeuh hnu chuan ka kut chu lakangin ka ei tan ve nghal a.

Ka bag chhunga ka phone dah a rawn rik chuan Napkin-a ka kut hru in ka phone chu ka phawrh a.

Ka nau Daniel-a a ni tih ka hriat chuan ka thutna atanga thochhuakin"Daniel i chungah enge thleng?khawiah nge i awm?"hlauthawng ru zetin ka ti a.

"I thil min zawh chu ka zawh tur chiah che a ni.Eli U,i ngaihzawn avangin kei leh Eli i inthen turin min ti a maw?U nangma vangin ka nun hi a buai vek tawh"seh chilh nawk nawk chungin a ti a.

A ruih nasat hmel hle mai a."Martin-a nen kan inkarah eng.."ka tih lai tak chu ka phone ken lai chu rawn phih thla dawrhin ka hmuiah tak mai chuan na zet leh min tihnat tum niawm takin a rawn fawp bawrh bawrh a.

Bang kila min nawr beh chuan nemsawn tumin ka kut pahnih chuan theih tawpin a awmah ka nem tang tang a.

Rum hawk chunga min fawh dan thlak thutin fawh let phut zetin a lei chu ka hmui chhung lamah awmze nei zetin a hawl kual a.

Ka taksa pum chu current kal ang mai hian a tek sawk sawkin ka hria,ka chawn tha te chu a zawi hnawk lehnghal.

Martin'an"inthlahdul rawh"tham tuaka ti chunga ka kawrhak chhan ka hnute pawng lah mai a rawn tham chuan thaw hak chunga maimichhingin min fawhna chu ka lo chhang let a.

Engtlk laiin nge ka kawrfual hak a hlim ka hre hauh lo,a kut lian tha zet maia ka dul chulin a taksa si chetin min kuah bet thlawrh a.A mipatna khawng lah maiin min rawn do chuan ka sa pup pup thei.

Ka mal inkara a kut a dah rual chuan"he thil hi i thianpa Jerome'an a suasam tawh em?"a tisup a.

Meng zau kawk chunga a awma na zeta chum chawrhin"min thlah rawh,i tisa chakna phuhruk nan min hman tum suh"aw khur dar dar a tiin amah hlat thei ang berin ka awm sawn nghal a,egvanga lo fawp let ve ziah nge ka nih?ka taksa hmui hian min phatsan ni berin ka hria.

Martin'an"Jerome-a hming sawi chuan i teu hlar mai a,tun atang chuan ani nen ka hmu dun tawh tur che u a nilo.mi tumahin kan inkar hi a lem ani tih an hre tur a ni hek lo,i chhungte pawh tiam in"tia dawhkan lam panin no a tui chu a tlak pawp a.

Ka kut humruha boruak hip kawkin"Daniel-a leh Eli-i tal chuan an hre tur a ni.An pahniha nun tihchhiat ka duh lo"ka tisap a.

"Takzet che hian,rilru tha tak anga lan tum ve suh,i rilru puthmang chu ka hria lawm,i hmui leh kut kha mipa dang thlem nan hmang suh ang che"thu tak zetin a ti a.

He pa hian engang in min ngaih le?Ka hmui leh kut hian tu mipa mah ka tawk hmasa ngailo,ani pawh tiamin.mipa engemaw zat chu ka fawp ve fo,mahse infawh aia thui ka thlenpui ngailo.ka bialpa hluite nena kan inthenna chhan ber chu infawh aia thui min thlenpui an tum thin vang a ni.Ka single hun lai tak a ni a,bialpa leh pasal hual nei anga dawt ka sawi kha awmzia a awm lo nih hmel hle mai.

Dawhkan sir lama ka bag chu khai kangin"ka thlah haw tawh ang che.i hliam dam hunah Damdawi in lamah hna i tan dawn nia.i phone hi engtikah mah off suh,ka rawn biak che chuan min chhang let vat tur a ni"thupe aw zeta tiin kawngka lam chu a pan nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:21 pm

Ka dinna ngaia ding reng chunga Martin-a awmdan rapthlak ti zeta ka en lai chuan kawngka chu nam hawnga ka lam a rawn bu zauhin"khati khan i ding reng dawn mi?i thinrim avang khan engmah a danglam phah hauh lovang"a ti ngut a.

Dawhkana ka shade la tau sawk pahin"Ka bag kha i awt viau a mi?tuai a mi i nih?"tia ka bag laksak ka tum chuan rum ngut chunga ka kut a lo chelh betin"ka tuai leh tuai loh ka hmuh tir dawn che mi?min fiah kher tum lo mai rawh"ti hrawkin min pen pui hlawk hlawk a,A hnuhin min hnuk ni berin ka hria.

Mi kan kal pelh hoten mak tih hmel takin kan hnunglam atang min enzui tih ka hria.zak hle mah ila,zak tak anga lan ka duh lo.

Martin'an motor kawngka min hawnsak rual chuan ka malchunga ka bag leh phone rawn theh thla in Driver hnenah chuan"a kal thei e"tiin kawngka chu a rawn nam khar a.

Ka thawveng deuh huaiin ka hria,ka kuta inzap hliau hliau in ka phone chu en in ka nu number ka dial a.Phone a rawn pick up rual chuan"Nu,khawilai nge in rawn thlen tawh?ka ngai tawh lutuk che nia"ka ti lang lang a.

Mipa aw in"he phone neitu hi i nu a mi?Tunah hian Ngaizel khamah leiminin an motor a delh a,kan lachhuak fel chiah a ni,Civil Damdawi in lama kalpui turin Ambulance a rawn kal mek,an ngaihtuah awm ang reng khawp mai"a rawn tih chuan makti zeta ka phone chu enin"Tunge maw i nih le?min bawl tum suh?Phone kha ka nu pe rawh"ka ti hlar a.

"A pawi ka ti khawp mai.**YMA President ka ni a,i nu leh Pa te chu an biak theih rih tlat loh"a rawn tih chuan tawng ri nak nak leh "Ambulance-ah hlang lut vat ang u"tia midang aw ri ka hriat chuan ka tawt nghal up up a.

Lehlama miin"i chhungte dang pawh ka hrilh hre hlawm nia,civil damdawi inah kan tlan pui mek,in lo hmuak dawn nia"tiin phone chu a dah a.

Ka phone chu melh tlawk tlawkin"A ni thei lo,an hriatsual a niang"ka ti hrawk a.

Motor khalh tupa in"engthil nge a?"a rawn tih chuan seat hma lama awn phei nghal vatin"Civil Damdawi in lamah tlan rawh,ka hriat chian ngei angai"ka ti chul a.

Ka phone a rawn rika ka en a Patea number a ni tih ka hriat chuan rang zeta pick up in"Pate,khawiah nge in awm?"ka ti vak a.

"Jessy,damdawi inlam kan pan mek.i nau pawh Durtlang atang a rawn inkhalh mek.Civil Damdawi in lamah lokal ve nghal rawh"a rawn tih chuan ka chawmawlh vekin ka hria.

Motor khalh tupa rawn tawng te chu hla tak atanga thil ri muai muai ang mai hi a ni.

Ka rilru chuan"Aw Lalpa,ka nu leh pa ni lovin,midang nih tir hram rawh,Ka nu leh pate an nih hlauh chuan nungdamin awm tir ang che"tih ringawtin ka tawngtai mawlh mawlh a.

Damdawi in gate bula Motor a din rual chuan hmanhmawh taka motor atanga chhuakin ka nutei te Nupa dinna lam chu ka pan phei nghal a.

Nute'in minlo kuah chunga"Jessy,ka hlauthawng e mai.Ka u te nupa chu engtin tak nge an awm ang le?"a lo tih chuan tawng ngaihna reng ka hre lo.

Pate'an min rawn kuah chunga"saw Ambulance a rawn thleng e"a tih chuan kan hawi chhuak nghal vat a.ka nau Daniel-a pawh Zu rim nam zetin Ambulance rawn thlen rual chuan kan bulah thaw hlawp hlawp chungin a rawn ding ve a.

Mipa pakhat chu kan bula rawn dingin"nangmahni hi mi?Ngaizel lam atanga kan rawn phone kha,khawngaihin han enchiang lawk teh u"tia Ambulance chhunga lut tura a kut zai zira a tih chuan Daniel-a chu rang zetin a lawnkai nghal a.

Daniel-a chu zui ve nghalin Doctor pakhatin"in chhungte an ni em?kan chhan hman tawh lo a ni,a pawi khawp mai"tia puan a lo keu chu enin ka meng kawk a.

Daniel'an ring zeta"Pa,Nu ngatinge hetia hmuah in ngaih?Pa,in lo thlen hun ka nghakhlel hle asin.Nu,tawngkam khat tal han sawi leh hram teh u?"ka nu leh pa ruang kuah tawn chunga a tih chuan hrawk tawt up up leh bing chuk chunga Daniel-a bula thu thla in ka nu leh pa hmai vawt thlarh leh thisen in a bawh chu ka chul a.

An marphu tal ala awm beisei zetin ka nu leh pa bek chu ka khawih vang vang a,engmahlah chu ka hrethei der bawk si lo.ka ngaihtuahna te chu a chawmawlh vek in ka hria.damdawi inah pawh accident avanga boral mi tam tak ka hmu in ka buaipui fo tawh a,mahse mahni Nu leh pa te chungah meuh a han thlen a,a tuartu nih hi chuan alo rapthlakin,a lo hreawm tak zet anih hi.Mittui far zawih zawih chungin ka nu leh pa na engmah hre tawh lo,biang chu ka chul kual ruai a.

Nute'in"ka u,avan rapthlak tak em,hetiang hian ani maw kan inhmuh?ka u,kan inbiakna te kha ala rei loh tehreng nen"tap hlawp hlawp chungin a rawn ti a.

Ka dara min rawn khawihtu an awma ka hawichhuak chu Jerome'an"Mate,ruang hi lak thlak tir lawk ang u."tiin Ambulance atang chuan min kuah chhuak a.

Jerome-a rinchhan lo ila chuan chhuatah ka thla thuai thei ngeiin ka inring.Nutei leh Daniel-a chu Pate'an a rawn chhuk pui ve nghal a.

Ruang an rawn hlan thlak lai chuan Daniel'an ka kuta rawn vuan chunga"U keima vang vek a ni.U khawngaihin min ngaidam hram rawh"mittui far zawih zawih a tih chuan ring zeta tap chhuak hawk paha Daniel-a chu kuah thlawpin"engmah thiam lohna i nei lo.Daniel,engtinnge ka nu leh pa te hian engmah sawi hmasa lova hetia min kalsan theih zawk le?"inhnit hlawp hlawp chunga tiin ka nau nen chuan kan inkuah a.

Ka pate'an"Jessy,ka U te ruang hi Lunglei lama phurh haw nghal nge in duh,Kan in lama dah phawt?"a rawn tih chuan Daniel-a kuta chelhsak paha ka lu thingin"Pate,engmah ka hrethiam lo,nangman tha in tih ang apiang khan ti rawh u"harsa ti zetin ka tichhuak thei hram a.

Nute'in"kan ina rawn thlen tum an ni a,kan in lamah phei pui ngei ngei ang u"tichunga ka nu leh pa ruang strecher-a an zawn kan zui pah chuan a ti a.

Doctor pa pakhatin"ruang hi kan han buaipui lawk a nge?kuang chhungah kan dah nghal dawn nia,mitthi chhungte kha chu rawn lut ve lo mai rawh u"tiin room pakhat ah ka nu leh pa ruang chu an luh pui a.

Mi hrang hrangin min rawn bia tih ka hria,an tawng ri ka hriat mumal loh avangte a te,ka hrawka hnawh tlat tu a awm avangin ka chhang hleithei tlat lo,ka mit atang chuan mittui a dir in a dir zawih ni berin ka hria.Daniel-a zawk chuan a mittui hru leh zeuh thin in intipachang takin a lo chhawn zawk a.

Jerome'an ka sama rawn chul chunga"Mate,ruang awmna lamah kan va lut ve nge aw?ka rawn chhuak leh thuai ang"hreh hmel zeta a tih chuan ka bu nghat a.

Ka nau Daniel'an"U kan chunga thil thleng hi ka awih thei lo"a insut hraih chunga a tih chuan a bana hmer nghet sauhin ka maimichhing sawk ringawt a.

Thawk leh khata Nu leh pa damloh na leh nat lawkna,nei miah lova han chan thut mai chu rilru a na duh tak zet a ni.Hlim tlang takin chhungkaw kimin kan inhmu ka rin teh reng nen,mahse kan inhmuh khawm dan hi a hrilh hai thlak tak zet a ni.ka thin zawn a tawt up up avang chuan engmah ka tawngchhuak thei lo.a na ngawih ngawih a ni ber.Ka Nu leh Pa te chu rawn harhchhuak leh mai tur ang ten ka ngaihtuah kual a.

"Ka thian Jessy,pawi ka tihpui lutuk che u"tia Lancy'in min rawn kuah thut chuan ka insut hrawih a.

Daniel'an"Eli,keima vang vek a ni"a tih ri ka hriat chuan makti deuh takin ka hawichhuak vat a.Eli'in ka nau bianga a mittui luang a hruksak ka hmuh chuan ka maimichhing sawk a.

Lancy'in ka kut chelh chunga"khawnge maw a awm daih le?"a tih chuan"Tu chu maw?"ka tisap a.

Hawikual ruai chunga min rawn en in"Aaa ihh englo nia,ka thianpa maw le"riak deuh nawk nawk chungin a ti a.

"Keima vanga helai hmuna rawn kal i ni emaw ka tia"lungawilo deuh taka ka tih chuan thutna rem laia min kuah thu pahin"Oh thiannu,ka tihpalh lutuk.i kiangah ka awm reng dawn alawm,Lunglei lamah in inphur phei nghal dawn em?ka rawn zui ve ang che u.Thiannu intipachang hram rawh,hmeichhia ni mahla,upa zawk i ni a,Nu leh Dinhmuna i din a ngai nia"a ti a.

Lancy-i thusawi chuan min ti lungngai tak zet a ni.kei nula a zawnga Nu leh pa thahlel leh rinchhan em em mai hian ka nu leh pa ai ka awh anga maw!ka thei lo,mahse ka theih tawp ka chhuah ang.

Kan kiang hnai mi rawn pungkawmho chu ngaihven ai chuan ka nu leh pa ruang Ambulance chhunga an zawn luh mek hi ka ngaihven zawk.Nutei nen chuan kan tap hawm hawm a,ka sir lamah chuan Daniel-a leh Patea chu an insut hraih bawk a.

Lancy'in ka dara rawn kuahin"Ambulance chhungah lut ve ang hming,i theih chhung chu i nu leh pa bulah hian awm tlat rawh,tun bak an kianga awm na hun i nei tawh dawn lo nia"a tih chuan Ka nau leh Nutei te nupa nen Ambulance chhungah kan thu lut nghal a.

Nutei te in lama minlo zuitu motor tam lutuk chu mak ka ti a ni.A tam zawk chu kan chhung leh khat te an ni dawn lo tih ka chiang,Mizo nih hi avan nuam thin em,chhiat tawhni khua a phut let nei miah lova chhiatna tawk te kan pui thin hi a van hlu a ni.

Nutei te in bul kan thlen pawh chuan mipui an lo tlim hmur ni berin ka hria.ka nutei te inchhunga ka nu leh Pa ruang an hun dunna bulah chuan kan unaua awm tlatin,ka nu leh pa taksa chu kan inkhawih chhawk tawn reng a.khawiah mah kalsan kan duh lo a ni.

Patea chu kan thutna kianga rawn kalin"Kan inah hun serh reilote kan hmang a nga,dar 5 velah Lunglei lam panin chhuah kan tum dawn nia,Thenzawl-ah kan chhungte thenkhatin minlo hmuak ang"a tih chuan ka bu nghat a.

Engkim mai chu a ni deuh muaiin ka hria,kan kiangah chuan mihring tam tak awm mahse ka nau nen chuan kan malin kan riang ngawih ngawih a ni.

Ka kianga Lancy-i leh Jerome-a ngawi renga awm chu ka thlamuanpui tak zet.

Jerome'an"Mate,Lunglei lam pana kan kal hmain engemaw tal ei rawh u.in chau lutuk ang"a rawn tih chuan ka lu thingin"engmah ka eichak lo,ka nu leh pa te pawn engmah an la ei bik si lova"ka mittui hru chungin ka ti tuak a.

Nute'in inhnit hlawp hlawp chunga ka nu leh pa ruang bawh thlawpin"ka u,a van pawi tak em,hetiang thil kan tawk dawn ani tih lo hre lawk ila chuan in rawn zin ka phal lo tur,inthlahna tawngkam khat pawh sawi lovin min kalsan si a maw,Jessy-i leh Daniel-a te chu lo ngaituah reng reng suh u aw,thlamuang takin chawl mawlh rawh u,Vanramah minlo hmuak dawn nia"a ti ruai a.

Aizawl atanga kan chhuak tur chu ruah a rawn si seng seng a,chawhma lam kha khua tha hle sia. tunah chuan van lam hawi pawn chhum dum chhah tak a lo inlet but but leh der tawh a ni

Tunlai ruahsur dan hi lei ti hnip tawk lekin a sur a,ka haw tak zet.ka nu leh pa Accident na zawn kan thlen chuan,Ambulance khalh tupa in min din pui a,ruah a sur avangin pawna chhuak lovin darthlalang atang chuan kan hawi kual a,kawng chu a lo fai han mai,a zawn ko pang chu silpaulin-in lei a min belh zel loh nan an lo khuh bawk a.

Maubuang kan tlan thlen chuan ruah tam tak rawn surin,tek leh khawpui a rawn phe in,a ri dup dup reng a.Daniel'an ka kuta rawn chelh paha"Pa,tek leh khawpui a ri nasa lutuk,ka u hian in humhimna a mamawh ania"a mittui hru zauh paha a tih chuan a dara kuah in ka maimichhing vang vang a.

A mak hle mai,ka nau boral atang khan tun hi tek leh khawpui ka hlauh loh vawikhatna a ni.Hlau lo bur chu ka ni hauh lo,Tek leh khawpui ai chuan ka nu leh pa taksa hmuh loh hi ka hlau fe zawk.

Zan dar 10:30 vela kan chenna in Lunglei,Ramthar kan thlen chuan ruah leh khawpui pawn kian zai a rel ve leh tawh a.kan inah chuan mipui an lo awm khat hmur a.kan chhung leh khat te nen chuan inkuah chungin kan tap tlang a.

Sumo-a reilote ka chuanpui Pa Dintea chuan ka dara rawn vuanin"i Pa Thangliana nen chuan nizan khan kan inkawm asin le,A mak hle mai"a mittui hru zauh pahin a lo ti a.

MARTIN(POV)

Ka thil ruahman angin engkim a kal tluang a,ka thawveng deuh huaiin ka hria,Jessica-i ka car thlenga ka thlah hnu chuan Pa Sanga,ka Secretary in minlo nghahna motor lam panin Civil Hospital lama khawl lo thleng thar entur leh Meeting pawimawh tak neih pui turin kan tlan chhuak nghal a.

Motor seat hma a ka thut luh rual chuan Pa sang'an"in thalak chu ka upload tawh a,follow tu leh comment tu an tam khawp mai.Hmeichhia hi an hriatchak thu an comment nual hlawm"a rawn tih chuan ka hmui khawih zeuhin ka khi suk a.

Ka hria lawm,kei hi tu hmeichhia mahin min hnar thei lo tih hi.Ani pawh kha min duh lo awm ang takin a awm a,reilote hnuah min chhang let tha hle a ni kha.A hmui kha a danglam bik tlat,mahse vawi thum ka fawp tawh chung pawhin engtianga danglam nge ani tih ka la hrechhuak thei der lo.

Pa sang'an"Hmeichhe pangngai tak a ni in ka hria,i ti khawngaihthlak viau lo maw?bialpa te pawh a nei awm si a"a rawn tih chuan ka hmui chip hmakin"ani pawn ka lak atang hamthatna a nei ve dawn tho alawm,lo khawngaih lutuk duh suh"ka ti ngut a.

Hospital kawta kan din a,ka phone a rawn rik chuan enin ka ner sawk a.

"Aw,enge ka buai nia"ka pick up rual chuan ka ti ngut a.

Sangkim'in"i thalak upload a hmeichhia kha tunge?khawia mi nge?"a rawn tih chuan"ka hre lo,ka buai nia,ka dah dawn,nakinah ka rawn bia ang che"tiin kan inbiakna chu ka ti tawp nghal a.

Motor atanga ka chhuk chuan kan piah lawka Jessica-i te unau leh a nutei te nupa ding ka hmuh avangin an lam hawiin ka ding chawt a.

Pa Sang'an"Daniel-a leh Nichina hmeichhia sawn enge an tih a?"a rawn tih lai mek chuan ambulance chhungah Jessica-i te unau chu an lut daih a.

Pa sang'an"inchhung lamah an nghak reng che nia"a rawn tih chuan ka bu nghauh ringawt a.

Dr Jerome-a hmanhmawh hmel taka Ambulance chhunga a lut ka hmuh chuan ka thin a tawt deuh up in ka hria.Jessica-i tap mek a rawn kuah chhuak ka hmu rual chuan maimichhingin ka rum chhuak hawk a.

Doctor Pakhat chu kan dinna bula hmanhmawh taka rawn kalin"ka pu,Ngaizel lei min in a chhilh te nupa kha an nia,Lunglei lam atanga rawn phei te niin an sawi a"a tih chuan ka nghing deuh lawiin ka hria.

"Engtinge an awm a?sawlaia mite saw an fate mi?"ka tih chuan"Aw an nih saw.A hmunah an boral nghal a"tiin Doctor pa vek chuan min lo chhang vat a.

Pa sanga chu bek bawrin"damdawi in atanga buaipui theih ang awm zawng zawng kha lo tihsak vek rawh.engkim i kutah ka dah nia?"tiin Jessica-i te unau inkuah chu ka en a.Jessica-i tap ri ka hriat chuan ka ni deuh nghulhin ka hria,keima vang vek a ni.Nimin khan Jessica-i Lunglei lama a kal tur kha thulh tir lo ila chuan hetiang thil hi a thleng hauh lovang.

Jessica-i te awmna bula kal phei chu ka chak tak zet,mahse min haw hle dawn a ni tih ka ngaihtuah vangin ka kut humruhin ka nau Lancy-i phone number chu ka dial ta zawk a.

Phone a pick up rual chuan"Civil damdawi in lamah tunah hmanhmawhin lo phei vat rawh,i thiannu Jessica-i nu leh pa accident an tawh avangin an boral a,a bula i awm tlat angai,damdawi in lam kha chu ngaihtuah suh,Tunah min hnial lovin lokal rawh"tiin ka phone chu ka dah a.

Mipui an tam em avangin Jessica-i te hmel chu ka hmu hlei thei tawh lo,mahse ka bengah hian a tap ri kha a cham tlat a ni.

Nu pakhatin"ka pu,committee tan a hun tawh a?"a rawn tih chuan phun hluk chungin inchhung lam ka pan a.

Ka taksa chu committee na room chhungah a awm ngei,mahse ka rilru erawh chu pawn lamah a awm daih a ni.

Ka thil tih ngai loh leh huat dan tak mai thil pawimawh sawi leh tih laia phone khawih chu a vawi khat na atan ka rilru in min tur ut ut avangin ka khawih ve ta a ni.

Ka whatapps status chu tuna ka rilru a thu aw"Thlamuantu nih ka van chak em"tiin ka thlak a.

Ka piah lawka thu mipa pakhatin"ka pu,enge i ngaihdan?"a rawn tih sur sur chuan hawichhuak nghal vatin"a tha lawm,nangmahni duh dan kha"ngaihtuah zui lo tak chungin ka ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)