I TAN CHAUH By Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: I TAN CHAUH By Basta Tlau (Completed)

Unread post by Ngaia » August 6th, 2017, 3:59 pm

I TAN CHAUH-49 (LAST)
www.storyfb.com mizo story thar englai pawhin chhiar tur a awm reng

Vanpa Hall kawt kawngpui sir a taxi din rual chuan Martin'an kan chuan man pawisa pe a ka kut a rawn chelhin"ka lak atang inches khat pawn i awm hla tur a ni lo"nghet charha tia taxi atanga min kai chhuakin ka darah a rawn kuah nghal a.

Kan kiang a mipui inkal pel suau suau chu en kual paha"ka kal chak thei lo nia"ka tih chuan"A hmanhmawh thlak loh,Ticket kha i keng ti raw"ka bengbula rawn tiin ka bengkawmah chuan a rawn seh zauh a.

A nak a ngawk zeuh paha melh vakin"khaw laia kan awm hi,mak thei e.ka beng hi i la seh khem thei hial in ka ring"ka ti hlak a.

Kan piah deuh lawk foot path-a hmeichhia leh mipa duhthaw zeta lo infawp nghawng nghawng chu kawkin"zak duh suh,tuman min rawn ngaihven chuang lovang.zanin chu boruak a nuam hle mai"tisupin gate lamah min kuah phei nghal a.

Kan Ticket lo endiktu mipa pakhat chuan maktih hmel taka min en paha ticket a melh nawn leh rual chuan Martin'an"dik lo a awm mi?"a lo ti ngut a.

Kan ticket chu Daniel-a te nupa hminga kan cut a nih vangin zam ru deuh takin Martin-a kut chu ka hmer ngawt ngawt a.
Ticket en tupa in a bula hmeichhe pakhat hui chunga a lu thingin"awm love,mahse ka pu,nangni chu VIP..."a tih lai chuan Martin'an"chuti,kan lut dawn nia"tiin min kai lut dawr dawr a.

Ticket endiktu te leh an bul hnaia mite phun sar sar a"Minister Martin-a te nupa an van ang ve"ti ri ka hriat chuan ka muffler dum awrh laia ka hmui hupin chunga Martin-a chu enin"i hmui kha hup rawh,midangin min hria nge?"ka tisap a.

Rawn kun hniam paha a muffler awrh lai chu tlem a pawt sangin"i hlau a ni maw?hetiang thil hmachhawn dan te chu nangmah atang ka zir chhuak tawh alawm,lungngai suh."zawi supa tiin a nui zui huk a.

Kan thutna tur hmun a kan thu fel deuh chiah tih chuan ka hma lawka hmeichhe pakhat rui tih hriat zet mai chu a thutna chair chung a ding kâng sauh sauh a,a ban phar kual chiam a ring zeta Despacito hla rawn sa ka hmuh chuan nui hak a Martin-a chu melhin"a harhfim hunah a zak ve viau ang"ka tisap a.

Ka thutna chair ban a,a kiu rawn nghatin"zu rui chunga mi zinga kan awm tawh hi chuan rilru pangngai pu mi kan ni lo tih a hriat a.zu hi chu midangte nuizat bur a min siamtu mai a ni"a ti charh a.

Kan kianga mite au thawm leh music ri bengchheng lutuk chuan min ti chau deuh nghulh in ka hria.Maimichhing chunga ka beng ka hup lai chuan martin'an ka kut lehlam chelh paha"Bawihte,i tha em?" min ngaihtuah hmel zeta rawn tiin ka hmai zawnah a rawn kun hnai nghal a.

"Boruak hi ka zo lo niang,Martin,pawn a chhuah ka duh"ka ti tiak a.

A thutna atanga thochhuak paha min kuah tho in kan bul a thu te chu kalna min kian turin a ti nghal zat a.

Kan hnunga thu Nu pakhatin"tawngkam mawi hmang ve ta che,mahni aia upa thu an pe zut zut ngailo"a rawn tih chuan Martin-a chu rum ngut chunga ding dat a,rawn tawng nu lam chu hawiin"i lo sawi tur a awm lo,kan hun tawnin a zir loh chuan mihring tu te mahin tawngkam mawi leh mawi loh kan ngaihtuah ngailo tih hre rawh"a ti let hrawk a.

A bula hmeichhe tleirawl thu in min rawn kawk pah a"minister Martin-a te an ang lutuk"a tih rual chuan min kalsawn pui nghal a.

Kan kalpel apiang ten min enzui zel a ni tih ka hriat chuan helai hmun a kan kal hi hreawm ka ti leh hnu hnawh tak zet.

Martin'an hmui chip hmak chung leh ngawi renga gate lam min pan pui lai chuan"eng in nge kan haw dawn?"inthlahrung ru takin ka tisap a.

"Chutiang lo ngaihtuah buai ve suh.Haw na tur motor a tam lutuk"ti hlukin a hawi kual vut a.

Engvanga thinrim nge maw a nih le?ka ban rek a,min hmer ngheh em avang chuan ka ban dinglampang chu a mu churh churh thei hialin ka hria.

Ner nak chung a a kut phelhsak tum a"ka thisen kal lai tih tawp i tum a mi?"ka tih chuan amah leh amah anchhia inhlawh deuh hluk pah a,min hmerna chu thlah dul vatin"i zia deuh tawh em.engtin chiah nge i awm?"aw zaidam zetin a rawn ti dam thluam a.

"Ka zia tawh e,Hall chhung boruak ipik lutuk leh music ri bengchheng lutuk kha hriat hreawm ka ti niang."ka ti raih a.

Ka tuk khum a rawn chelh paha,a lama min kuah hnai in"kei lah in engmah i awmdan ngaihtuah nachang ka lo hre dêr si lo a."thaw deuh hawk chung a tiin ka sam ah chuan a hmai a phum vang a.

Keima vanga inthiamlo tak a, a awm chu hmuh nuamlo ka ti tak zet"ka tha tawh lawm"tiin a kawngah ka chelh a.

"Midang kalna dip zawngin awm suh u"tih ri ka hriat rual chuan hawichhuak in mipa pahnih leh hmeichhia pakhat min lo kal pel te chu ka en a.Martin'an min kuah chiah kha kan kiang a mi thildang engmah ka ngaihtuah thei tawh lo a ni.

Ka bek a rawn khawih zauh paha kawngpui lam chu hawi in"ka thluak i tih buai hneh zia hi i hria em.Taxi ruak pawh chu a va vang ve"tiin a hawi kual a.

Nui hak a Martin-a bana kuah chunga hawi chho ha in"Ke in reilote kal ila,ke a kal tam ka mamawh tho si a"ka ti sang a.

A chal ti chuar nang a min rawn en in"i tan engmah a pawi lovang maw?"a tisup a.

"Pawi love a,bakah tun ang zan boruak thiang nuam tak angah hian kan vak chhuak khat tawh sia.midang pawh kea an kal sup sup hi,"ka tih chuan ka hmuia rawn fawp zeuh paha ka hnar a piai zeuhin"ka ta i ni tawh tih hria la,thildang ngaihven suh ang che,kan naute chu exer lak pui ila ni mai lawm"ril ruih a ti paha ka kut rawn la in a kawngah a chelh bet a.

Zawi muanga min kal pui lai chuan van lam hawi chunga Martin-a chu melhin"ka hlim tak zet a ni"ka tisap a.

Ka dar a rawn kuah nghet sauh paha a khi sukin"keima vang a niang tiraw?"a tih chuan ka hmui tipawrh khum vakin"ni bik vek love,Pathian in nu leh pa tha tak bakah chhungkaw duhawm tak min pe a.Bakah midangte tanpui thei tur a min siam hi ka hlim a ni"ka ti sang a.

"Ka nu leh pa te hian kei ai mahin an ngaihsak zawk che in ka hria.i chau tawh em?Ka Driver chu phone tawh ila a tha ang"ti nghal a phone a coat ipte a mi chu a phawrh chhuak a.

Ka nuam tih zawng chauh ngaihsak a,buaipui thei ka ni tawh lo.ka pasal leh ka pum chhunga naute insiam mek hlimna leh lungawina thlentu nih ka duh a ni.Martin'an car seat hnung chunga min luh pui pah a"hmanhmawh suh aw,naupai lai chuan ho te ah pawh a chetsual theih Zosang'an a ti nia"a rawn tih chuan ka hmui hup a,nui hakin"i van confi lo ve,nge zosanga hming i rawn sawi kher a?"tiin ka nui vak vak a.

Ka bul a rawn thu thla paha a hmui tipawrh zauhin"engkim hi ka vawikhat tawnna a ni a,ka tân confi loh ngaihna a awm hleinem,zosanga,pawh hian awmdan tur vel min hrilh kha a uar deuh mah mah in ka hria"a ti nang nang a.

In chhunga Martin-a nen inkai chunga kan luh rual chuan Jerome'an"in lova haw hma ve.Martin,naktuk zan chu kan in lamah zanriah rawn ei ve ula"lo tiin a bula Lancy-i thu chu a mitmei zauh a.

An thutna ep chiah a min thut thlak pui paha Jerome-a chu enin"Bawihtei i dinhmun avang hian engmah a sawi lawk theih thin lo va.mahse,rawn ei chu kan tum dawn nia,kan inah sawm lovin chaw leh thingpui i rawn kil ngun tawh bawk a,in ina chaw vawikhat rawn ei chu kan phu ve re re"a ti purh a.

Lancy'in rum zeta Martin-a rawn melh paha"teh kher a che,keiman ka sawm vang alawm a rawn kal.i damloh laia kan buaipui nasat teh reng che nen,i dam ta cheng a,mi i ankhum leh nghal ringawt a"ti vin hlarin an thingpui in na no ruak chu choka lamah a keng phei a.

Jerome'an Lancy-i enzui paha rawn awn hnaiin"ka bialnu khan a sawi dik.Mate,Martin-a dar hliam chu enge a an?in phelh zawh in room-ah in inkalh hnan nghal hmak a law,in va tuah tawh awm ve"thu tak zeta tiin Martin-a nen min entawn zak zak a.

Ka thutna atanga dingchhuak hluai paha Jerome-a chu ner khum vakin"kawm hleih theih pawh i ni lo,ka mutsan dawn che u,dar kua a pel tawh"tiin ka kalsawn nghal a.

Ka mut kawr fual sen hak tum a ka inthlak lai mek chuan darthlalang atang Martin-a kawngka a eitur rawn chawi lut chunga rawn pen lut leh a kut lehlama kawngka kalh ka hmuh chuan a lama kal phei vatin"i inti na nga sin,khawi keiman kan lo keng ang"tiin a tray ken lai chu ka laksak a.

Dawhkan chunga tray ka hun thlak rual chuan biscuit pakhat chu la in"Ka thil ei hi a tui si a,ka thau nasa viau ang tih ka hlau"tisapin biscuit chu ka keih thla a.

A coat chu dawhkan bul chair-a theh thla a,min rawn kuahin"ka tel lovin,i lo intifai hman a ni maw?Bawihte,engtin pawn awm la,ka mit hmuhah chuan khawvela hmeichhe nalh leh hmeltha ber i ni tho tho tih inhre reng ang che.ti khan lo in ei fel la,kan inbual fai ve lawk nge.Kan hmabak tih tur kha i hria ti raw"ngaihno bei fahrana tiin ka chalah a rawn fawp zauh a.

Thawmhnaw engmah inbel lo leh pangngai taka,Martin-a bathroom a lut chiah chu enzui pah a thaw halhin ka kut veilam chuan ka thinphu dawt dawt chu ka khawih a.

Tun a ka awmdan hi ka hrechiang tak zet,ka duh vang ni bik hauh lovin pasal kiangah chauh hetiang ang hian ka awm thei a ni.ka thil eilai chu harsa ti deuh taka lem khalhin bawnghnute chu ka tlak nghal pap a.

Khum chunga ka phone rawn ri ka hriat rual chuan kal phei a pick up in"Aw Daniel,enge ni?"ka ti a.

"U Naktukah Lunglei lama phei kan tum thut a,min chah duh i neih takin ka rawn phone che nih hi.ka nu leh Pa te thlan chu Eli nen kan lo buaipui ang,lo lungngai suh aw"Daniel'an a rawn tih chuan"a van tihzia ve,thalak vel kha min lo thawn ve ngei ngei dawn nia,kum thar lamah in rawn haw thei ngem?"ka tisap a.

"Ka hrelo le,Chah duh min neih loh chuan ka dah dawn nia,Eric-a buaipui a ngai"tiin kan inbiakna chu a ti tawp daih a.

Daniel-a tak hi chu aw,Eli nen an inngaihzawn hma kha chuan ka peih lo chen thlengin kan inbe fo a.Eli nen an inneih a fa an neih atang hian a tul te ah chauh a sawi duh leh hriat duh min rawn zawt a,thildang a sawipui theih ngai tawh loh,ka lung a ti awilo ru khawp mai.

"Bawihte,Tunge rawn bia che a,i va lungawi loh hmel ve"martin'an ka hnunglam kawnga rawn kuah thut chunga a tih chuan ka phone ken lai chhuat a thlauh chunga Martin-a chu thinphu dat dat a,en chho ha in"min ti phu nasa thei lutuk,thawm nei ve tal thin tur che a lawm"ti a maimichhingin ka thinphu dat dat zawnah chuan ka kutphah ka nghat a.

Ka phone thlauh chhar paha ka contact list chu hmetchhuk a,khum bul side table a dah thla in"Ka tihpalh,kei aia thildang i ngaihsak nia ka hriat a,ka awmdan leh rilru put hmang tur chu i hriat vek tawh kha."tia ka kawr nghawng chhung a, a kut lian leh fai zet mai chu rawn dah nghal zatin"i thinphu chu a pangngai deuh tawh em?"a ti ruih a.

Mut kawr hnuaia engmah ka inbel loh avang chuan a kut chelh sak vatin"ka zia tawh,i kut a vawt nia,dahchhuak teh"ti ruâiin ka tal a.

Min thlah ruala a phun hluk ri ka hriat chuan hawi nghal vatin chhuata a towel ven lai tla chu chharin"midangin tiang hian min hmu se i duh a mi?tikhan tal vak thin suh"ti hlukin towel chu dressing chair-ah a bang nghal a.

Ruak vek a martin-a zak hmel pu hauh lova awm chu enin"boxer tal rawn hak ve tur che nia"tia hawi sawn vatin khum ah ka lawn kai a.

"Inphelh leh a buaithlak,Daniel-a chuan engthu nge a rawn sawi"tluang parh a tiin khum ah chuan a rawn lawn kai ve a.

"Naktuk-ah an nupa in Lunglei lama phei an tum a,min rawn biak lah hian a duh ang chiah sawi in a ti tawp nghal ve ziah"ka ti hlak a.

"I nu leh pa Thlan chu Zosanga leh Rinfeli te lo chei tura ka hrilh kha maw le,mahse,a pawilo,keini pawh a remchan ve leh kan phei ve dawn nia.i chau riau in ka hria,mu ila i dam huai mai ang"tia min kuah mu in puan chu min sin tir nghal a.

"Engmah min hrilh ve miah lo,ngatinge?"tisapin a awmpharh hlai tha zet chu ka chul riak riak a.

Ka kut man beta a hmui zawna dahin"surprise ka tum vang nia,Thinrim suh aw.Bawihte"tia a kut lehlama ka mal chulin"kan ti thei a ngem?"ril ruihin a tisup a.

Khur dar dar paha Martin-a bek pawng talh talh khawihsakin"Vawiin a kan tih zing tawh em kha,min hne lo mi?"ka ti fiam zauh a.

Rang zeta ka chunga lawnkai vatin"a teuh lo,ka damchhung in ka hne thei ngai lovang che,i taksa hi a nalh telh telhin ka hria"tiin ka mal inkarah chuan a rawn insiam rem nghal a.

Martin-a nen chuan engkimah kan inthu rualin kan in mil tak zet a ni,a thil tih apiangah min ngaihtuah tak tel zel a ni tih ka hria.hmun dang a,a kalchhuah hlekin ka tha em tih leh na ka nei em tih ngaihvenin min rawn phone deuh reng zel.kan awmpui te leh martin-a chhungte pawn martin'an min buaipui zia hi min fiam nan an hmang zui fo thin.

Damdawi in lama inentir a kal a ngaih apiangin khel lovin min kalpui a,keimah ai takin Doctor ten thurawn min pek chu a ngaithla uluk zawk fo thin.Biakin lam a sunday-a kan inkhawm apingin ka tluk sual hlau niawm takin ka bible leh hla bu dahna bag chu min khai sak fo a.kan hmelhriat thenkhat ten"martin,i nupui hi i duat khawlo vek nge?"an rawn tih chang apiangin"a khaw loh lehzual a hlauhawm lawm"ti duh lekin a tih tur chu pangngai takin a tih zawm zat zel a.

Ka naupai atang thla sarih a ni ve der tawh,ka taksa a rit deuh hlek tawh avangin ka duh ang pawn ka che hlei thei thin lo.ka pum na riai riai avanga ka harh chuan inlet in Martin'an ngawi renga min lo thlir reng ka hmuh avangin makti deuh takin"martin,dar engzat nge ni tawh a?"ka tisap a.

Inbeng kang deuh ul chunga chiang zeta min rawn enin"dar thum a ri chiah,Bawihte,na i nei a mi?"min ngaihtuah aw takin a ti nghal a.

"Nei love,ka ti harh che mi?"tisapin ka pum a rawn nat zawk avang chuan ka hmui hnuailam chu ka pet zauh a.

Ka bula rawn mu thla paha ka hmuia fawp zeuhin"ka hriat loh lai in na tuarin i lo awm ang tih ka hlau a ni"tiruihin ka nghawngah chuan a hmai a rawn phum a.

Rei vak lo hnu a,ka chal a rawn khawihin"ngatinge i thlan vek a nia?Bawihte,min han hrilh teh,Na i nei em?"a ti hluk a.

Thaw halh paha ka pum puar lian ve tawh tak chu khawihin"ka pum hi tlemin a nuamlo hlek a.Martin,toilet-ah kan va kal lawk nge"tiin ka inbeng a.

"Damdawi in lamah kan kal dawn mi?Lancy-i leh Jerome-a,lo inneih hman kher chu a van buaithlak e aw.ka nu te kan kaitho ve dawn mi?"tiin dim zetin min tung tho a.

"A ngai lovang,naupai lai chuan pum nuamlo hi chu a awm ve thin alawm,lo mu lum rawh,hruai ka ngai lovang"tisapin ka chapal chu ka inthawlh a.

"Ka mu thei bik teuh lo mai.fimkhur rawh,min lo rinchhan la"thupe aw zeta tiin ka nakah a rawn chelh a.

Ka pumna in zia lam reng a pan theih loh avang chuan hreawm ka ti tak zet,ka pum dawm chunga toilet atanga ka pen chhuah rual chuan Nu Hlumawi'in ka dara rawn kuah vatin"Jessy,engtin chiah nge i awm?Bawih'an min rawn kai tho a.Jerome-a te nupa pawh an rawn thleng thuai in ka ring"a lo ti vat a.

Martin-a chu kan bula rawn kal ve vatin"Bawihte,i pum chu ala na mi?Damdawi in lamah in phur mai ang.hetia na reng a,ina kan in enkawl chuan i khawlo vek palh ang"a lo ti a.

Pa Thar'an"nau i lo vei reng te hi a ni lo maw?.Martin-a pawh hi thla sarih a piang a nia."a rawn tih chuan khum a bawk chunga Nu Hlumawii chu enin"ka hrelo,Ka nu, ka tai bawr vel hi a na berin ka hria"tiin khum puan chu ka hmer ngawt ngawt a.

Martin'an"Lancy,in lova thleng har ve,Bawihtei hi a pum a na viau nia"a tih ri ka hriat hnu lawk chuan Lancy'in"kan rawn hmanhmawh ve zia chu a.lo awm sawn ula,khawnge stetoscope kha naute that leh that loh kan lo ngaithla nge,Jessy,zangthlain reilote i mu lawk thei ngem?"tiin ka kutah a rawn chelh a.

Ka ngaihtuahna te chu a tawi turh ni berin Lancy'in awmdan tur a sawi ang chuan ka awm nghal vat a.

Ka serh atanga tui lum deuh pup rawn luang chuak ka hriat rual chuan Nu Hlumawii chu en vatin"Nu,ka tui bawm a keh,nau ka hring dawn niang"ka ti ruai a.

Nu Hlumawi'in mangan hmel taka"martin,rawn pawm chhuak vat rawh,damdawi in lamah hmanhmawh a kan hruai angai,Jerome,nangin motor i khalh dawn nia,engmah ngaituah suh u.lo kal vat rawh"ti chûlin a au vak a.

Kan awmpui Akim'in"ka pi,ka rawn kal ve dawn em?"a tih ri ka hriat chuan Nu Hlumawi'in"dawn e,E mahse,an room hi lo tifel la,chuan an mamawh tur ang damdawi inah Telawmi nen in rawn keng dawn nia"tiin kan bulah a rawn tlan phei ve nghal a.

Ka pum a nat em avang chuan tawng pawh ka tawng chhuak peih lo,ka hmui hnuai pet fan fan chungin Martin-a kut chu ka hmer ngawt ngawt tawp ni berin ka hria.

Darkar hnih a ral meuh chuan kan chhungkaw damdawi in delux room-ah chau zeta mu in ka bula Martin-a hlim hmel pu tak chunga rawn thu thla paha drip min khaina ka ban rawn chelh chu enin"kan fapa chu a tha em?"ka tisap a.

"Tha e,nangmah zawk i tha em,?an la up rih a.Bawihte,fapa duhawm tak min hrinsak avang a ka hlim zia hi ka sawi chhuak thiam lo.ka hmangaih tak zet a ni.Kan fapa tan leh I Tan chauh,ka nun hi ka hmang dawn a ni"nghet charh a tiin ka hmuiah a rawn fawp vang vang a.

Kawngka lam a thawm kan hriat rual chuan Jerome-a leh Lancy-i chu nui chunga rawn inkai lutin"Mate,ka rin ai nau neih i lo awlsam daih mai.Football players khat tham chu nei ngei ngei ru aw.naute berh dan atang sawn,Martin,in insum lo ve hle mai a"Jerome'an nui huah huah a,a rawn tih chuan bangkil lam hawiin ka ner sak a.

Martin'an"exercise kan la nasa lawm,naute berh leh berh lo te chu Pathian remruat dan a nih kha.mihring in engmah tih theih kan nei lo.Bawihte,i ril a tam em?"tisapin ka kut a chelh lai chu a fawp zauh a.

Lancy'in"uang reng lo teh u,Jessy.in lam atang eitur an rawn keng nia.naute pawh ka pa in a hming phuah a chuh tlat a,nakin lawkah room lamah hian an rawn dah lut ang.insawi sel na i nei em?"tiin ka mutna bulah a rawn ding a.

"Pathian zarah engmah harsatna ka nei lem lo,ka taksa hi a ban chupin ka hria,inbual fai ka mamawh khawp mai"ka ti raih a.

Martin'an"la inbual rih lovang,ti pawh hian i fai tawk"lo ti vat paha ka hmui a,a rawn fawh chuan Jerome'an"insum ve deuh teh u.khawi maw,in thla kan lo la teh ang"tiin a phone chu a rawn hmet de zauh a.

Nu Hlumawii te nupa leh Akimi inkhai bawr luk chunga rawn inzui lut ka hmuh rual chuan Nu Hlumawi'in"in ril a tam tawh em?sangha chhum kan rawn ken sak che u nia.Martin,i kawr thlak na tur kan rawn keng nia,va intifai hmasa rawh"nuisang chunga rawn tiin an thil ken ho chu locker chungah a rem a.

Martin-a toilet chhunga a luh rual chuan Nu Hlumawi'in"nau neihna room-a i awm chhung zawng khan tuman kan be tawng thei lo,a vei kual sek reng a.amah hrechiang lo tu te chuan mi a emaw an rawn ti hial ang.Naute leh nangmah i that thu an rawn sawi khan mi pangngai hmel a pu ve chauh in ka hria"a ti siam siam a.

Damdawi ina kar hnih zen zawn kan awm hnu chuan in lama inenkawl zawm in nurse pahnih kan ruai a.kan mutna bul lawkah kan fapa Samuel Ramdinpuia rawn tap ri ka hriat chuan ka lehkha chhiar lai chu dahin"i ril a tam leh tawh mi?hnute hne rawh aw"tiin ka pawm kang a.

Ka hnute hnek tir chunga ka thutpui lai chuan kawngka chu thawm dim taka rawn inhawngin Martin'an"Ka hmangaihte pahnih chu enge i lo an?ka ngaih ang che u hian minlo ngai ve em?"nui sang chunga rawn tiin kan awmna lamah a rawn phei nghal a.

Ka bula a rawn thut rual chuan a bengbula ka hmui dahin"I van rawn haw hma ve,a muhil leh deuh chiah nih hi.Samu pa"nuisak chungin ka ti a.

Min en reng chunga tlem a tawlh hla hret pahin"Samu pa maw!duhawm lutuk.ka ngai che u,engmah pawh ka ngaihtuah thei lo"tia ka hmuia rawn fawpin naute in a hnek lohna lam ka hnute chu tham deuh nawkin"ka inbual zawhah ka chan pual tur ka duh ve nia"thawp sapa tiin a kamiz kawrkilh chu a phelh nghal a.

"Lungngai suh,kan fapa hian apa ta chu chhuhsak a duh bik miah lo nia.Zosanga leh Ruatfeli te pawh thla leh a inneih an tum kha"tiin Kan fapa Samuel-a chu a khumah dim takin ka mut tir leh a.

"Kan dam tlan te chuan kan kal ve nga ni mai lawm.he thil hian ka ngaihtuah na a tibuai tlat"tia ka hnung atanga min rawn kuahin ka kawrfual dar bahna chu ka ban lamah hneh sawh zetin a nawr thla a.

"Eng berin nge tibuai che a?mipa dang nilo,I tan chauh,min mamawh hun apiangah ka awm tih i hriat kha"nuisanga tiin ka thaw halh a.

"Bawihte,ka hmangaih che.I tel lo chuan engthil mah ka ti hlei thei lo.i hna chawlhsan a kan fa i enkawl avang hian ka lawm tak zet a ni.keipawh I Tan chauh ka awm reng zel ang,nang ka tawn atang che khan ka thil tih zawng zawng ho hi'I Tan chauh'a ti ka ni asin"tisupin riltam hmel fahranin ka hmuiah a rawn nghal mawlh mawlh a.

He khawvel a hmeichhe hlim ber ka nih loh pawn a dawttu tal ka ni ngei ang.min fawhna a chawl dat rual chuan"Kan Hmangaihte tan chuan thil chan kan huam ve tur alawm"nuisangin ka ti a.

"Keima vanga i thil chan zawng zawng hi ka rul vek ngei ang che"tia ka kawrhak chhuata thla chu melh paha min pawmkang nawlhin khum chungah chuan min nghat riai riai a.

A kekawr dawr chu rang zeta chelh sakin"ka hnar hauh lovang"tiin min rawn fawhna chu uar zetin ka lo chhang let ve vat a.

Ka pasal in hlimna chhiar sen loh min thlen ang bawk hian hlim taka a damchhung hun hmanpui tu nih ka duh a ni.

A TAWP TA

(NOTE:I tan chauh,tih story chu a lo tawp ve leh ta der mai.in hun hlu tak senga minlo chhiar sak tute chungah ka lawm tak zet.in duh ang leh ka duh ang a,zantin ka rawn update loh avangin ngaihdam ka dil mawlh mawlh che u.Story dang nen kan in hmuh leh thuai ka beisei.)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)