I TAN CHAUH By Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: I TAN CHAUH By Basta Tlau (Completed)

Unread post by Ngaia » August 6th, 2017, 3:30 pm

Hmeichhe pakhat chu ka bula rawn kal phei in"minister Martin-a bialnu kha maw i nih?a van mak em em"maktih hmel taka min en paha a tih chuan ka ner sawk a.

Tluangte'an"Lawmi,a mak thei e mai.nangpawh bialpa i nei ve thin tho alawm,Jessy lokal rawh,verenda lamah sawn va thu ang,an thusawi hi chu engatan mah ngai duh suh"tiin room hnung lama verenda zimte awmah chuan min chhuah pui a.

Martin-a vang hian khawi hmunah pawh ka inthlahrung zel tawh dawn a nih hi,hmanrua atan min hmang ani tih inhre reng chung siin ngatinge ka thianghlimna ka hlan?ka laka tawngkam hriat nuam tak tak a phuh chhuah vang kha ni ngei ang.hetianga zahna leh hmingchhiatna ka tawng dawn ani tih lo hre lawk ila chuan he inneihna hmunah pawh hian ka kal kher lovang.Tun hma lama ka thiante takngial pawh Martin-a vangin ka kawm ngai tawh lova,damdawi in leh sunday chawhma Biak ina inkhawma ka chhuak tih loh chu ka lengchhuak ngai meuh lo,inah tih tur tul dapin ka tawm chawt zel a ni.

"I va inngaihtuah nasa awm ve,Kha thei tui hi in la"Tluangte'an a rawn tih thut chuan inthiamlo deuh taka a thei tui rawn ken chu lo banin ka in hlek a.

"A hmun chu a nuam hle mai,khulai khu tu te in nge a?a nawm hmel hle mai"tiin kan dinna thlang deuh hleka tual zawl nawm hmel tak leh pangpar chi hrang hrang awm teuh mai chu ka kawk a.

"Kan in a nih khu,ka nu hian pangpar a ngaina lutuk a,kan inchhung leh room chhung zawng zawng pawh pangpar huanah a siam a ni ringawt"lungawilo aw takin a ti a.

"A rilru a tha tihna ni a ni mai lawm,i chhun viau lo maw?"nui hak hak chunga ka tih chuan thle chunga min rawn enin"Martin-a hi engtin nge i lo kherh beh leh hman a?i mak ve ngawt mai.engtin nge Jerome-a leh zothan an awm ang le?"a tih chuan ka nui lai chu tawp chawtin ka hawisawn nghal a.

"Kan inbe vak tawh hlawm lo,khawngaihin hetiang lampang hi chu sawi lovang.Mi zawng zawng hian min nuihzat ni maiin ka hria"ka tisap a.

"Martin-a vang hian maw?a va mak awm ve?kei chuan ka nuihzat ngai hauh lo che nia"tiin ka darah a rawn khawih a.

Ka thei tui kenlai chu in leh in"kumin hi ral thuai thuai se ka ti ngawt mai.nakum lamah chuan Dubai lamah emaw Dimapur lamah ka thawk daih ang"ka ti a.

"Ngatinge a?Martin-a nen inneih in tum hnai tawh ang tih nak alai a,a phal dawn mi?"thu tak zeta a tih chuan ner sawkin"ka nun a nia,a phal leh phal loh vin awmzia a awmlo,bakah inngaizawng dangte ang kan ni hleinem"ngaihtuah chiang lo takin ka ti a.

Ka hmai zawna rawn kun hnaiin"inngaizawng dangte ang in ni lo a maw!chuti chu kei nen hian inngaizawng dangte angin awm ila"nui suk chunga a rawn tih chuan ka lei chhuah khumin"i thaw ve nih chu a,tih tur i nei tawh lo mi?mopa thian i ni sia,helaia kan awm reng chuan an thinrim khum palh ang che"tiin inchhung lam chu ka melh a.

"Vawiin te chu ka awl ve deuh duh tawh lawm,i hmel ka hmuh atang khan engmah ka buaipui peih tawh lo.i nalh telh telhin ka hria.Party naah chuan i awm ngei ang tih min tiam la,kan lut dawn nia"a mitko san ak chungin a ti a.

"Awle,awle ka awm ang,mahse nanglo chu hmelhriat dang ka nei miahlo nia.i bialnu chauh ngaihsak bik miah suh aw"nuisang chunga ka tih chuan"vawiin atan chuan nang hi ka bialnu i ni mai lawm,midang ngaihsak ka peih lo"nui huk chunga tiin room chhungah min luh pui a.

Mipa pakhatin"Tluangte chaw ei turin an nghak che nia,zuk chhuk tawh rawh.monu thian pawh i tikhawngaihthlak,nula dang pawh an tam em,ani ngawr ngawr i zui reng chuan kan veng nula senior ten an sawisa palh ange"nui vur vur chunga a tih chuan room chhunga mite chu an nui thu hlawm a.

"Ka chhan zel anga ni mai lawm,in nawi hlawm e mai.kan chhuksan ang che u"tiin room atanga chuan min chhuahpui a.

Step-a kan chhuk thlak pah chuan"kan chhungte leh thiante vek an nih kha,kan innel hlawm lutuk a,min hre ngailo tan chuan kan zinga awm a nuamlo thin hle ang"a tih chuan nuisangin"a nuam ngawt ang,in inpawh hmel hlawm sia,keini pawh tunhma chuan hetiang nikhua hian kan hlim thei lutuk"ka tisap a.

Inhnuai mi thut khawmna kan thlen chuan ka hawi kual a,ka nutei te nupa kianga Martin-a kan lam hawi chunga hmui chip hmaka thu ka hmuh chuan ka thaw halh a.

Tluangte'an"choka lamah lokal ve la,engmah a zahthlak loh"a tih chuan ka lu thingin"pawn lamah ka lo awm zawk ang,va kal rawh,min ngaihtuah suh"tiin pawn kawngkhar lam chu ka pan phei a.

Ka pheikhawk sang bun chuan ka ke a tina tak zet tawh,hahdam taka thut ka chak a ni.kawt zawl thutphah an dahna lam panin thutna awl lai ah chuan mi zingah ka thu a.Kawm tur ka neih loh avangin ka phone chu phawrhin ka hmet kual neuh neuh a.

Inchhung mi zinga Martin'an mitmeng chang zeta min rawn melh khan ka lung hi a phu dawt dawtin ka hria,khatiang ang hmelpu khan vawikhatmah ka la hmu ngai lo.

"U ka zawng nasa lutuk che,umartin-a lah chu an lo ko hrang daih lehnghal,tunlai a mizia hi a mak ngawt mai.zanin atang in bulah Eli nen kan inneih hma chu ka rawn awm ang"zawi sapa tiin ka sirah a rawn thu a.

Nutei inchhung lam atanga rawn chhuak hawi kual mek ka hmuh chuan dingchhuakin ka nutei lamah ka ban pharin ka vai a.Nute'in min rawn hmuh chuan a lu bu nghat chunga lokal pheiin"haw kan tum hnai tawh nia,Daniel ngatinge Martin-a saw i lo kalpui,i ti anglo lutuk,amah hlir anih saw an buaipui hlawm,mo neitu te tan a nuam lo palh ang.Jessy,nangpawh awm khawtlai lo mai rawh"a tih chuan ka bu nghat a.

Daniel'an"aman min rawn hruai zawk alawm,miin min enthup a nia,saw Patea leh Umartin-a pawh an rawn chhuak,lokal ru Motor awmna lamah kal ang u"tiin nutei nen kan inkarah dingin kan darah a kuah a.

Motor bul kan thlen dawn chuan kan hnunglam atang Martin'an"Nu Famkim,Daniel-a hi in bulah chuang ve sela,Jessy-i hi Damdawi in lamah min kalpui lawk turin ka duh a,ka lo phur zawk dawn mi?"a rawn tih thut chuan ding chawtin ka lehhawi nghal a.

Nutei takngial pawh sawi tur hriat hmel loh zetin a ka hau mai.Rum zeta Martin-a ka melh chuan ka nutei chauh chu a lo en ngawr ngawr a.A motor-a min phur a tum leh a maw!zing lamah mualpho takin min chhuktir tawh a,tunah pawh kawnglaiah min hnutchhiah lovang tih a sawi theih loh.

"I motor-a ka chuan kher a tul hleinem,damdawi inah chuan kan vai hian kal tlang ila a ni mai lawm"ka ti hmuk a.

Martin'an"Midang tibuai vak chu ka inthlahrung a,bakah bialnu awm renga,anau mipa zawk phur chu a fair chiah lo alawm"vei khi suk chunga a tih chuan ka melh kawk a.

He mihring hian zahna a nei hlawl lo.A motor nalh taka chuan ai chuan Patea gypsy hnunga chuan ka thlang fe zawk.

Pate'an gypsy kawngkhar chu hawng pahin"va in phur ngang mai teh u.Daniel lo thu lut mai rawh"a tih chuan Nute'in"fimkhur ang che u,hei ruah a sur duh hmel riau lehnghal hi"a tisap a.

Patea te tlan liam ka thlir lai chuan Martin'an"kal ang"ti ngutin ka kiu ah a rawn chelh a.

"I hnuaia hnathawk ang maiin kei leh ka chhungte hi min thunun tum suh.Engvanga rawn kal nge i nih a?"zawi fiah fakin ka ti a.

Ngawi reng chunga car seat hma lam kawngkhar a hawn chuan hnunglam kawngkhar chu chelhin ka hawng a.

"Jessica i nihna inhre chiang rawh,a hmaah hian lo chuang rawh"a ti ngut a.

Thinrim zeta melhin"ka inhre chiang reng,i motor-ah i duh ang ngeiin hei ka chuang tawh a,ka thutna tur chu duh ka thlang thei in ka hria,min chhuktir dawn anih chuan mi tlemna hmunah min chhuktir tawh dawn nia"tia thu tha in ka inkuangkuah than a.

A lu thing nawk chunga car kawngkhar chu kharin"Lawmawm reuh lutuk mai"amah leh amah inbia niawm taka a tih chuan ka ner sawk a.

Driver seat-a a thut luh rual chuan rawn hawiin"hmeichhia duh loh chung tilui tur khawpin ka rilru a hniam lo,mahse ka hamthatna tur nia ka hriatah chuan tih luih pawh ka hnial hauh lo a nia.Mopa thianpa nen khan engtia inhria nge in nih?"tiin steering chu a tuai vir a.

"Mi ka hmelh hriat dan leh zel hrilh che ka ba lo"tiin ka maimichhing san daih a.

A phun hluk ri ka hriat chuan ka tawngdan chu a duhlo hle a ni tih ka hria.Ka thinrim avanga ka kut humruh chu muangchanga thlah dulin ka thawchhuak halh a.

He mihring hian ka nundan leh khawsak dan a tibuai vek ni berin ka hria.hetiang taka vawiin a ka laka a huangtau nachhan hi,nizana alaka ka awmdan vang kha a ni ngei ang.

"Sawidun tur kan ngah a nia,nizan thil avang..."a tih lai tak chuan"ka hria,hmeichhe mawl tak ka ni,engmah sawi zui ka duh lo"rang zeta tiin ka kut khinghnih chuan ka hmai ka hup vang vang a.

Motor a tihdin thut avang chuan hmalama awn dawrh in"engthil nge a?mi kan su mi?"hlauthawng ru zeta ka tih chuan a thutna atanga rawn pen chhuak thurhin seat hnung kawngkhar chu a rawn pawt hawng thuai a.

"keiin sawi zui ngai ka tia lawm,i hmalam hun i ngaihtuah ngai miah na nge a?"tiin ka bulah chuan a rawn thu lut a.

Tawlhsawn dawrh chunga Motor darthlalang chhana pawnlam ka en chuan kan awmna lai chu a reh ruihin ka hria,khua a thim tan lek lek tawh a,mihring leh motor veivak hmuh tur an awm hek lo,ka kut khing hniha ka awm hup chungin"khawilai hmun nge kan awmna hi,rawn tawlh hnai miah suh"thinphu dawt dawt chungin ka ti chuai raih a.

A kut kuangkuaha min hriatchian tum niawm taka chesawn hauh lova min en reng mai avang chuan ka zam ru hle nghal ringawt,a van hahthlak thin tak,hetianga awm hi ka duhthu lah ani der si lo.

"Jessica,kan inneih mai angai,nangmah ka ngaihtuah vang che nih hi,nizan khan chanchinbu mi pahnihin in inah ka riak tih leh kan pahnih in kan awm a ni tih an hria,an ka ka hup bet thei mai si lo a"zawi supa a tih chuan awihlo zeta melhin"dawt i sawi a ni"ka ti raih a.

"Engvanga min ringlo viau nge maw i nih le?kha ka phone hi en la,keipawn hetianga thu tlukna siam hi ka duh bik lo"tiin a phone chu ka hmai zawnah a rawn lek a.

Kan kawngkhar zawna Martin-a nen inhmatawna kan dinglai a ni.thalak a a landan chuan kawrha lo ang maiin ka awmbawr chu a lang nasa em em mai lehnghal,ka hmel landan phei chu ka in awih lo hial zawk.

Motor seat ngheng chunga ka kut chu ka humruhin"nangma lakchawptir a niang.Ngatinge ka chungah hian i nunrawng em em a,ka nau vang a mi?,nge thildang vang zawk?"ka ti chuai raih a.

Phun hluk chunga pawn lam hawiin"Chutianga i sawi chu ka rindan chiah a ni.He thalak lo pawh adang an neih thu an rawn sawi.min nei turin ka tilui kher lo che,i duhthlanna tur a ni.kan inneih anih chuan heng thalak hi thehdarh mahse kan mualpho kher lovang,a chhan chu inngaizawng nupa ni mai tur kan ni tih miin an hrethiam ve mai ang"muang ban charhin a ti a.

Mittui tling par chunga khap fak fakin"Pathian hnenah ka pasal tur dilin ka tawngtai ve fo asin le.ka thiam loh vek a ni.martin,hmangaihna tel lova kan inneih anih chuan kan inthen leh tho vang"ka ti chuai raih a.

Thaw halh chunga ka dara rawn kuahin"Bawihte,tihsual pakhatmah i nei lo.Nupui ka nei anih chuan then ka duh bik hauh lo"tiin ka sam karah a thaw hrawk a.

Thawk leh khata tek leh khawpui nasa zet maia a rawn rik thut chuan te chunga maimichhingin Martin-a chu nghet zetin ka kuah chawih a.

Minlo kuah let vat chunga ka samah a chulin"Hlau suh,i kiangah ka awm tlat a nia.Ruah a lo sur reng a nih hi,kan haw vat loh chuan i nutei te nupa an lo mangan viau palh ang.i tha em?seat hma lamah kan insawn dawn mi?"min ngaihtuah hmel zetin a ti a.

Martin-a ka kuahna chu rang zeta thlahin ka thu ngil at a."ka tha lawm,kan kalna turah kan la kal si lova"tiin motor darthlalang ruahin a rawn theh chu ka melh a.

A coat navy blue haklai hlip a,ka lua rawn khuhin"hetiang khuaah chuan khawi hmunah mah ka vah pui hauh lovang che,an hman hunah an mahni zawkin min rawn hmu sela a ni mai,tirawh ruah a sur tam tak tak hmain insawn teh ang"tiin a chhuana lam motor kawngkhar chu nam hawngin a chhuak nghal a.

Chhuah tuma kawngkhar chelhna ka ban lai tak chuan kawl a rawn phet zawr avangin rang zetin ka thlah a.Martin'an pawn lam atanga ka chuanna kawngkhar chu rawn pawt hawngin"Bawihte,engmahin a tinat che ka phal hleinem,lokal rawh le,hlau suh"tia a kut lian leh pa hrak mai a rawn lek chuan engmah sawi lovin ka lo chelh vat a.

Martin-a motor a khalh lai chu melh zauhin"i huh vek a nia,kha i coat hi ha la"tia ka dar atanga lakthlak ka tum chuan a sam hnawng chhap mai tuai pahin"tikhan intuam lum zawk rawh,keimah avanga i hritlan ka remti hauh lo"tiin a kut lehlam chuan ka kutphah a rawn hum vang vang a.

Martin-a awmdan inthlak thleng thut mai hi mak ka ti tak zet,a duhna ah chuan hmeichhe rilru hneh a,enkawl dan a thiam hle ang.tunah hian ka rilru a hah in hreawm ka ti lo chu a ni hauh lo,Martin'an min thlamuanna leh min ngaihsakna hian ka rilru a hneh em a ni.

Khawpui leh kawl a rawn phet apiangin martin'an motor kalh muang sauhin ka kuta vawnna chu a hmer nghet sauh zel a,mak tak maiin ka thlamuang sawt bawk.

In kan thlen meuh chuan ruah pawh a bang fel tawh.Motor a din rual chuan Martin'an"inneih chu i pawm nge?pawm lo?"ka kuta la chelh reng chunga a tih chuan maimichhing sawkin"inngaihtuah hmasak phawt ka duh a ni.Thalak rawn thawn tu che kha chhui zui dan a awmlo a mi?"min vawnna atanga ka kut lasawn pahin ka tisap a.

"A biak tlang theih loh nghal a"tiin a thutna atang chuan a chhuak nghal a.

Motor kawngkhar min rawn hawnsak rual chuan a coat chu pe letin ka mangtha a.

A coat ha tha paha nui sukin"thingpui sen hang tal min intir dawn lo a mi?"tiin min rawn zui a.

Ner deuh nak chunga kawngkhar ka hawn rual chuan Daniel'an"U,i tha maw?kan lo ngaihtuah lutuk che a.UMartin,ruahsur lai khan khawnge in awm?"tiin ka hnunga Martin-a chu a en a.

"Motor chhungah kan awm a,a ngaihtuah awm hleinem,duh angin kan rawn inkhalh chak thei lo ringawt a ni"tiin ka hmazawn sofa chungah chuan a rawn thu thla a.

"Daniel-a khawngaihin thingpui va lumsak lawk rawh,ka awm a nuamlo tlat,room lamah ka kal dawn nia"tiin ka thutna atang chuan ka thochhuak nghal a.

Nute'in"keiman kan lo lum nge,martin,jessy-i hi chu hriatthiam a ngai thin lutuk a"a tih ri ka hriat chuan ka room kawngka chhung lama kalhin ka ngheng vang vang a.

Ka chau ngawih ngawih ni berin ka hria,ka mitthla ah martin-a phone a kan thalak ka mitthla a chiang taka rawn lang fo mai chu hreawm ka ti tak zet,kha thalak kha ka chhungte leh ka hmelhriat ten hmu ta se engtin nge min ngaih ang le?ka rilru a hah tak zet a ni.

Zan dar 11 vela ka phone message tone a rawn rik chuan inlet thakin ka phone chu ka en a."Martin-a nena in thalak hi tlangzarh i duh loh chuan,tunah in inpeng kawngpuiah midang hriat loh vin lokal rawh,a nih loh chuan naktuk ah in thalakho hi internet lamah ka tlangzarh dawn nia"tih message ka hmuh chuan ka thuchhuak nawlh a.

Kut khur dar dar chunga ka phone chu khawihin"tunge i nih?"tiin ka reply a.

Minute nga vel zet ka nghah hnu a ka phone a rawn rik chuan ka hawng vat a,martin-a phone a kan thalak ami ang chiah ka hmuh chuan ka meng kawk a.He mihring hi tunge?engthil nge a duh?ka chin fel vat a ngai ni.

Ka mutkawr chu hlipin kekawr dum leh kawrlum hmapum chu inbelin chapal ka bun a.ka room kawngkhar chu dimtea hawngin ka chhuak a.

Pawna ka chhuah chuan ka hawikual ruai a,tumah hmuh tur an awm lo.Hlauthawng ang reng takin kawngpui lam chu ka pan phei a.

Ka hnunglam atanga ka nghawngah leh ka hmuia min rawn rektu an awm chuan ka tal vak a,mipa zu rim nam zet in"tal hlek suh,Martin-a vangin nang hian i tuar angai.ani awmlo sela chuan kei hi minister ni tawh tur ka ni.mipui hmaah minti mualpho man chu a hmu ve ngei ang"tia thaw huam huamin kawngsira car dum pakhat awmna lamah chuan dimlo zetin min nawr phei nawk nawk a.

A chak kher mai,engang pawn tal mah ila,thaah ka hneh dawn hauh lo.car seat hnung lama min nam luha ka hmui hupna a thlah chuan"martin-a nen inzawmna pakhatmah kan nei...ka tih chuan ka hmaia rawn beng thuaiin"tawng suh,mi hurnu"tia ka sira rawn thu lutin"hmanhmawhin huan lamah tlan rawh"tiin motor khalh tupa chu a vin hrawk a.

An duh anga awlsam chuan ka chungah an che bik hauh lovang,"tenawm lutuk mai"tia a mala tlawh chawrh a samah ka kek nghal buan buan a.

"Hmeichhia te te,kut min thlak ngam a maw,min thlah vat rawh"aw teng chuaia tiin motor bang ri chuai in nam dawrh a.

Ka tukkhum thip zawk chu ka ngaipawimawhlo,ka ke chuan ka theih ang angin ka tlawh vak vak a,Motor kalh tupa in"Pa Mawi,in tha em?engtin nge kan awm dawn"a rawn tih ri ka hriat chuan ka kang dawrhin ka hria.

Mit vai ruai chunga ka bula tupa ka en chuan a kutzung chala mitmeng rapawm zet leh a hmaia thisen luang nguai nguai chunga min rawn enin"nang hi,ka that dawn che.ka ruahmanna i tichhe vek.Nuai thum chu ka hmu tho tho ang.Zauva tlan vat rawh"ha chang thial bap bap chungin a ti a.

Chetsawn tuma ka kuta inbeng ka tum chuan veilampang chu a zawi nghulh a,ka tukkhum ka nghawng a rawn lum deuh puap bawk.

Ka bula thupa chuan min rawn bawh rawk paha ka nghawnga rawn rekin"i thi dawn chiang khawp mai"a ti chhur chhur a.

Ka khaw hmuh chu a thim mupin ka hria,hmeichhe awin"awi ka duh theilo,a nghawngah a rek a nia"mangang aw taka a tih ri chu ka bengah a zuih ralin ka hria.

Taksa leh lu na bur chunga ka mengchhuak chu Nute'in"Jessy bawihte,i lo harh ta maw?ka van lawm tak em.minti mangang hman lutuk alawm"tia ka bianga a rawn dawm chuan ka taksa kham thum avangin ka then sawk a.

Ka sir leh lampang atanga"Bawihte,i tha em?"zawi supa rawn ti ri ka hriat chuan ka melh vat a.

Martin-a chu ka bula hlim hmel taka ding ka hmuh chuan ka mit khap fakin"Martin"ka tizawi sap a.

A lu bu nghat paha thaw halhin"engkim a tha vek a nia,kar khat zet min muthilh sana ka lungawilo khawp mai"tiin ka kut dinglampang chu a hum vang vang a.

Thahnem ngai a fakna min click saktute leh comment leh like min pe tu te hi ka chakna hnar in ni a, hman lo chung2 pawha post hram min duh tir thin tute in ni a, min phatsan lo in min tawiawm zel turin ka ngen a che u, in chungah ka lawm tak meuh meuh a, ka lawm zel bawk ang



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:31 pm

TAN CHAUH-14
Basta Tlau
www.storyfb.com mizo story thar nitin dah ziah a ni e



Karkhat chhung engmah hre lovin,ka muhil a maw!ka taksa a sil thum a,ka dang lah chu a ro em em bawk a,harsa ti zeta chil lemin"tui"ka ti tuak a.

Nute'in tui min rawn intir vat pahin"la tawng vak vak rih suh,martin a rawn harh tih doctor tu emaw ber kha hrilh la"a tih chuan tui chu lem khawlh khawlhin Martin-a phone phawrh chhuak chu ka melh a.

Martin-a te damdawi in Doctor sick room-ah ka awm ani tih ka hria,Ka ban vei lampang an tuam khawng vek avangin ka dinglama drip an khaina lam chuan ka tukkhum chu ka khawih a,a intuam chhah bur tho mai.

"Nute engtin nge ka awm a?"ka tisap a.

"Nakinah engkim ka la hrilh ang che,hahdam takin awm phawt rawh"tiin kawngkhar a Lancy-i leh Dr Rinchhana rawn lut lam chu hawiin"a tuiin a hal a,ka lo intir mai asin"a ti nghal a.

Dr Rinchhan'an"a pawi lo,CT scan atang chuan a ban ruh leh a tukkhum bak hi chu na dang vak a nei lo a.Jessy na i nei em?"a tih chuan maimichhing sawkin"ka taksa zawng zawng hi a kham thum mai,khum atanga thawhchhuah ka duh a ni"ka ti a.

Dr Rinchhan'an"chuzawng,martin-a thu a nih hmel,i tluk sual vaih chuan kei min mawh puh palh ang"nui suka tiin ka khum bula Martin-a a kekawr ipte zen chunga ding chu a melh zauh a.

Ka rilru chu a buai nuai ni berin ka hria,kar khat chhung khan ka chhungah eng thil chiah nge thleng a,helai hmunah hian engtin nge ka awm ka in hre hauh lo bawk.

Lancy'in ka kea rawn khawihin"muhil leh zawk la atha ang,nachhawkna in ka lo jection ang che,i rawn harhchhuah leh hunah chuan i harh kawk tawh mai ang"tiin ka banah chuan damdawi a rawn kap lut a.


MARTIN(POV)

Jessy-i te in atanga ka inkhalh haw chu sitting room-a ka nu leh pa leh Lancy-i te Tv ena lo thu tlang ka hmuh chuan an thutna piahah thu in ka hui pap a.

Ka pa in"tunlai i awmdan hi ava mak ve,i hna lam i ngaihthah deuh hlekin ka hria.Pa sanga hi tha hle lo phei se chuan i mualpho hial tawh ang,hna leh mimal thil thliar hran dan i thiam viau emaw ka lo ti thin a"a tih chuan Lancy'in"dik chiah,Jessy-i hi i zar buai reng a,i nei duh tak tak lo anih chuan tikual reng suh.Ka thiannu ve ber a ni a,nangma vang hian kan inpawh loh phah vek"a lo ti hlar a.

Teh chhen a,rilru buai tawh sa nak alaia min lo ankhum reng zel mai hi chu ka kham tak zet a ni."nupui atan neih ka duh reng alawm,a thu tlukna ka ngaichang mek a ni.Lancy kan inkarah lo inrawlh miah suh"tiin ka thutna atang chuan ka thochhuak a.

Lancy'in"awi leh,Jessy-i chu kan phone vat teh ang.U dawt i sawi.."a tih lai mek chuan"phone buai kher a tul lo,inngaihtuah a mamawh tih a sawi,va tibuai hlek suh,lo inrawlh lo tura ka tih che kha"ti hrawkin ka room lamah ka pen chho nghal a.

Ka nu in"a sawi ang chuan awm rawh,tunlai a awmdan hi a danglam ka tireng a ni.hmeichhia te hi chu kan ropui ngawt mai,mipa rilru kan thlak thleng thei thin chu a nih hi"nui hak hak a,a tih ri ka hriat chuan ka room kawngkhar hawngin ka phun hluk a.

Ka phone-a thalak min rawn thawn tu hi tupawh ni rawh se.Jessica-i nen kan inneih anih chuan engmah mualphona tur a awmlo.kan thalak thenkhat pawh internet lamah an tarlang fo a,mahse tuna thalak hi chu a dan a dang a ni.

Ka room chhungah chuan tei kualin Jessica-i awmdan chu ka ngaihtuah zui a.inneih ka rawt nachhan hi ama tana ti ka nih rualin,keima tan pawh a ni ve tho.A hreawm ti hmel kha ka khawngaih tak zet,kuah vawng vawng a hnem ka chak a ni.Mahse,chutianga ka ti a nih chuan ka chungah a thinrim zual sauh ka hlau bawk si.Engpawh nise,zan inah a rilru a siam fel ngei ka beisei.

Ka muhil tan dawn chiah tih a ka phone a rawn rik chuan ka lungawilo ngei mai.Tun ang zan dar khat a thu pawimawh lo tak hriat fo hi a ninawm a ni.ka phone chu banin min rawn phone tu chu Police officer Rama a ni tih ka hriat chuan"aw enge"ka ti hrawk a.

"Accident a thleng a,Pu Mawia leh a makpa Zaute bakah i thiannu Doctor te an nia,mita hmu tu ten Pu Mawia hian i thiannu a rek lai chiang takin..."a tih rual chuan"khawiah nge an awm?Jessica-i chu a tha em?"ti hrawkin khum atanga ka chhuk thla nghal a.

"Greenwood Damdawi in ah kan awm mek.Pu Mawia leh a.."a tih chuan"Midang chanchin ka hre duh lo"tia vin tuarhin phone chu ka dah hmak a.

Ka kawr dahna chu hawng thuaiin ka hmuh hmasak ber jeans kekawr leh Jumper dum chu hmanhmawh taka inthawlhin chhuata chapal chu ka bun a.

Ka room atanga ka chhuah chuan Eli'in mangan hmel taka min rawn panin"U,Dan'an min rawn.."a tih chuan ka ban vai thuakin"ka hria,Lancy-i kai tho rawh,rawn kal ve rawh se"tiin step-ah ka tlan thla nghal a.

Greenwood Damdawi pana ka inkhalh lai chuan ka thluak hi a chawmawlh vekin ka hria,ka thin zawn lah chu a tawt em em mai lehnghal a.

Police officer Rama chu phone in a rawn pick up rual chuan"ka pu,i thiannu chu nikhaw hre loin atir atang khan a awm reng a,alu leh banah a inhliam a,a nghawng pawh tlemin a duk,a chhungte pawh an rawn thleng tawh a"a tih chuan"thaw halhin"ka rawn thleng tep,khawiah nge Jessica-i chu a awm"tiin ka phone chu ka off nghal a.

Ka motor atanga ka chhuk chu Police constable pali in minlo hmuakin hmanhmawh takin damdawi in chhungah chuan"thil awmdan min hrilh chungin"min luhpui a.

Theater kawngkhar bula Jessica-i chhungte leh Police pahnih lo ding ka hmuh chuan Daniel-a kianga thleng phei vatin"i u chuan engmah a hrilh hmasa lo che u mi?"ka ti nghal a.

Pa Remruata zawkin"engmah a sawilo,tui intura choka lam ka panin kawngkapui a lo inhawng a,Daniel-a zawk a nih ka ring deuh a.mahse,a hnu lawkah Jessica-i number atang Police'in min rawn call-a,midang kai tho in damdawi in lam ka pan nghal a ni"rilru hah hmel takin a ti a.

Nu Famkimi chu ka hmazawna rawn dingin"nangma vang vek a nih hi,engtin nge hetiang thil rapthlak lutuk hi i tih theih,Jessy-i nun hi i tibuai vek,mi tenawm tak i ni.min boralsan anih vaih chuan nang leh he thil ti tu te zawng zawng nen hian ka that vek ang che u"tiin ka hmaiah a rawn ham pawp a.

Daniel'an a nutei chu lo pawt sawn vatin"nute inbengdai rawh,he thilah hian engmah umartin'an thiam lohna a nei lo,ani pawn hreawm a tih em hi,ka u chu a tha leh em em ang"tiin chair pakhatah chuan a thu tir a.

Pa Remruat'an Jessica-i phone a thalak leh message chu min rawn entir in"hrethiam hram rawh,he thil vang hi a nia,Jessy-i hi engkimah a ngaihtuah em a ni"a tih chuan ka nghing lawih in ka hria.

Theater kawngka atanga Jessica-i a lu leh ban tuam bur chungin engmah hrelo tih hriat zeta an rawn nawrchhuak ka hmuh chuan rang taka pan hnai in"Bawihte"tiin a hmel dang bel mai chu thlir a.

Nurse pakhatin"ka pu,lo awm sawn lawk rawh,ward lama kan nawr luh angai"a tih chuan ka lu thing nawkin"kan damdawi in lamah phur phei ang"ka ti hrawk a.

Nu Famkim'in"enga!khawiah mah kalpui chi a ni loh hi,i lo inrawlh na tur pakhatmah a awm lo"ring zeta a tih chuan"keimah avanga hetianga awm hi a ni a,ka mawhphurna a ni.tha takin ka enkawl ang"tiin Dr Rinchhana theater atanga rawn chhuak chu ka be nghal a.

Lancy-i leh ka nu leh pate chu kan bula hmanhmawh hmel taka lo thlengin Lancy'in"awi,Jessy ka awih thei lo.ngatinge helai hmuna in awmpui reng,nawr sawn vat ta che u"tiin a shawl sinlai chuan a nghawngah a khuh a.

Dr Rinchhan'an"in damdawi in lamah phur phei an duh a,kan hmanhmawh a ngai nia,thisen unit khat pek angai ang"a tih chuan Lancy-i chu a che nghal vat a.

Nurse pahnih leh Dr Rinchhana hruai in Ambulance hmangin Jessica-i chu kan damdawi in lamah kan phur phei a.

Ka motor chu police pakhatin a khalh a,a hnungah kei leh police officer Rama chu kan thudun a.

Police officer Ram'an"i thiannu chu a huaisen hle mai,a rawn harhchhuak leh ngei ang,Pu mawia leh a makpa pawh Police venhimna hnuaia damdawi in ward hranah an awm ve ve.i thiannu rawn harhchhuah hunah thu chiang zawk kan hre ngei ang.Pu Mawia te pawh damdawi in an chiu muhil rih a ni"a tih chuan ka thaw hawk a.

Pu mawia tenawmzia leh min tih mualpho a duh zia chiang takin ka hria,mahse Jessica-i chunga hetiang hian a che dawn a ni tih ka beisei hauh lo.

"Chanchinbu lamah engmah a lang tur a nilo,Pu Mawia te in lampang pawh in check ang tiraw?a phu tawk hremna chu a hmu ngei tur a ni"ka ti hrawk a.

Jessica-i chu ni nga zet damdawi in khumah nikhaw hre lo a,a mutna a ni tawh,ka mangang tak zet a ni.Phai lam atanga Doctor kan chahte khan engmah thil pawi tham a awm loh thu te kha an sawi si a.tunah lah a zun leh ek takngial pawh hre lo in ala awm reng bawk nen,dik lo chu a awm a ni.

A accident zan atang khan Pathian hnenah nasa takin ka tawngtai fo a.mahse tun thlengin chhanna ka la dawnglo,engvang nge niang le?

Office lamah lah hna ka thawk sawt lo em em a,engemaw hlekah staff te leh Pa sanga ngei pawh ka vin leh vak zel.Aizawl khaw pawn lama zinna tur ka neih sa ho zawng zawng pawh ka cancel tir vek a.minister dangte nena kan inhmuhkhawm pawhin ka rilru ah Jessica-i damdawi in khuma mu ringawt a awm tlat avangin an thusawi ka hre ngai meuh lo.

Chief minister Bungalow-a kan meeting zo VIP motor-a Pa Sanga nen seat hnunga kan thut rual chuan seat nghengin ka maimichhing nghal a.

Pa sang'an"mi zawng zawng hi kan thunun thei vek lo a nia,tunlai phei chu i fimkhur a tul.internet lama i chanchin an chhuah apiangin Jessy-i pawh an sawi tel ve zel a.A rawn harhchhuah hunah chuan Pu Mawia te case pawh nasa zawkin kan kalpui thei ngei ang"a ti dap dap a.

Ka ngawih reng avanga ka dara rawn sawiin"i hmel en mai pawn i chau tih a hriat a nia,hetiang chuan mi tuman nangmahah beiseina an nei ngam lovang,zanin chu damdawi in lamah riak lovin,inah tui takin mu rawh"a ti a.

Ka lu thing ngut chunga mengchhuakin"ka thei lo,tunah ngei pawh hian ka rilruah amah chauh a awm asin"ka ti chuan"i hmangaih a ni tih hi a hria em?"thu tak zetin a ti a.

Rum ngut chunga enin"Eng thu nge i sawi?fiamthu thawhna mood-ah ka awm lo nia"ka tih chuan"midang rilru hmin i duh chuan nangma rilru putdan kha inhre hmasa rawh"tiin a nui suk a.

Jessica-i hi ka hmangaih a maw!A laka ka awmdan avang hian ka hmangaih tihna a ni kher lo.Bible-ah pawh hetiang hian hmangaihna an ziah kha(Hmangaihna in a dawhthei a,ngil a nei bawk thin,.hmangaihna a che mawi lo lova)Jessica-i lakah hian dawhtheihna leh ngilneihna ka ngah lo hle phawt a,mahse a hmelthatna leh a taksa pianhmang engkim hian ka rilru a luah tih ka pha lo.

Ka nunah Jessica-i rawn lan atang hian ka duh ang thil tipuitling turin thil mawi leh mawilo ngaihtuah lovin ka che chhuak tawp thin.Mipa dang nen an awmdun leh nuidun lai ka hmuh apiang in ka thinrim tun a,Jessica-i emaw a bula mipa chu reh nawk nawk duhna rilru ka pu fo.Inneih nia mopa thianpa nen step-a nuidun chunga an rawn chhuk ka hmuh phei kha chuan an pahnih a thah duhna rilru ka pu hial a ni.A nutei hnena Jessica-i awmna ka zawhin"inchung lamah a thianpa nen an kal"tia min chhan khan ka thutna atanga thochhuak lo turin ka inthunun hram hram a.minute 20 zet ka thut hnuah an pahniha hmel ka hmu chuan thinrimna leh lungawi lohna in ka khat nghal.An Pahnih khan engthil nge an tihdun ang tih ringawt ka ngaihtuah a ni.

"I chhuk dawn nge?kan phur tlang dawn che?"Pa sang'an a rawn tih chuan ner nawkin"in lamah ka haw nghal mai ang"tiin Damdawi in kan tlan pel mek chu ka thlir zui a.

Ina kan luh chuan ka nu in maktih hmel taka min enchungin"Jessy-i chu enge a an?a rawn harhchhuak tawh em?"a lo ti vat a.

Ka lu thing paha ka nu chu kal pelin"ala ngai reng,a hliam erawh a damchak hle thung,tumah min rawn tih buai tir suh aw"tiin ka room lamah ka pen chho nghal a.

Ka khuma ka mut rual chuan ka taksa kham zia ka hre nghal,ka harhchhuah rual chuan ka phone banin Lancy-i number ka dial a.

"Enge ni?Ka la buai rih nia,Jessy-i chu tukinah a taksa rawn tiche in a rawn rumchhuak a,Chennai,Appolo lama Doctor te pawh ka hrilh tawh.a rawn harhchhuah thuai an beisei"a tih chuan dar zat en in khum atang ka thochhuak nghal a.

"Ka harh chiah,reilote hnuah ka rawn thleng ve vat ang"tia ka phone chu khuma theh thla in bathroom lam ka pan a.

Choka chhunga ka luh rual chuan ka nu in"rawn kaì thawh che ka tum chiah a,kha lo inei puar hmasa rawh.dar khatah meeting in neih dawn nia,Pa Sanga pawh a rawn thleng tep"a tih chuan kan awmpui nuin eitur min rawn chhawp a.

Ngawi renga eitur ka ei lai chuan ka nu chu ka hmazawna rawn thu in"Ngatinge kan fate hian Jessy-i te unau hi in buaipui tlat mai le?mak ka ti tak zet a ni.keini in nu leh pate hian chumi,khami chu pasal/nuipui ah nei rawh tiin kan tur lui thei bawk si lo che u a.i pa phei chu a lungawilo lek lek ania,Lizzy pawh Daniel-a te in lamah a in pu phei daih bawk nen"a ti nang nang a.

Ka thil eilai chu nawr sawnin"ka pa,lungawi lohna chu nakinah hlimna in a thlak ngei ka beisei"tiin ka thawhsan a.

Meeting reng mai hi ka kham tak zet a ni,mahni thil pawimawh engmah pawh ka ti hmanlo,ka bula thu Education minister lah chu min rawn en chungin a nui leh suk thin a.

Dar 5 hnaiah chuan kan zo ve thei hram a,ka thutna atanga tho chhuakin kawngkhar lam ka pan nghal vat a.

Minister dang ho in ka hnunglam atanga ka hming an sawi zui chu ka hria,ka ngaipawimawh peih lo.He lai hmunah kan tih tur ber a zo tawh a,ka awm rengna chhan tur ka hre lo.

Damdawi in ka thlen chuan Jessica-i room lam ka pan nghal a,kawngkhar bula Pa Remruata lo ding ka hmuh chuan nui sukin"an tifai lawk a,rawn kal kher a tul lo asin,i buai hle awm si a,i pa nen nizanah kan inhmu a"a tih chuan mitmeng zim sana Pa Remruata chu en in"enge a sawi?"ka tisup a.

"nang hi Jessy-i kianga awmtir tawhlo tur che in min ngen a ni.chuan Jessy-i te unau avanga inchhungkua mualpho nasatzia a sawi a ni.Dik takin ka hrilh ang che,keipawn nang hi Jessy-i tan ka duhpui bik hauh lo che,nang hian Jessy-i kha i thuneihna hmangin lo chelh bet lo la chuan tunah hian an nu leh pa te nen hlim takin an awm ngei ang,nangmah avang hian hreawm a tuar hnem tawh lutuk,i pa khan neih i tum tih a sawi ngei,Jessy-i hi engtianga awmtir nge i tum a?"a ti hrawk a.

Ka kekawr ipte zen chunga ka kut humruhin ka maimichhing sawk a.ka thinlung hi a vih zawk ang mai niin ka hria."A la thawk theih chhung chu Ka kianga him taka,midang mamawh hauh lova awmtir ka duh a ni"ka tisup a,ka tawng chu a ri chang chang ni berin ka hria.

"Hei hi hria ang che,Keini chhung hian mualphona kan thlen hauh lo che u,nangmahni zawk hian min ti mualpho zawk a ni.in damdawi in ni lo sela chuan Jessy-i hmel i hmu tawh hauh lovang"a ti charh a.

Nurse nu in kawngka a rawn hawn chuan Pa Remruata chu chhung lamah a lut nghal a.

Hun kal tawh hnu chu ka siamtha thei lo,mahse tun hun hi ka theih tawp siam that ka tum ang,tukveh bulah kalsawnin ka pa number chu ka dial a,a pick up rual chuan"ka pa,ka thil tihah hian lo inrawlh lo la ka duh a ni,tun hma a ka tih sual siamthat ka tum mek a,i fapa hi min ring a nih chuan ngawi rengin minlo thlir rawh"ka ti nghal bawng a.

"i mualpho nasatzia hi i hria em?engtin nge khatianga min biak ngam?"a tih chuan"mualphona te chu mitin nunah a bet vek alawm,minister ni turin min nawr lui lo la chuan hetiang thil hi ka tawk bik lovang,i thu ka awih vang a nia,tunah chuan khawngaihin ka thu tlukna hi min zah sak ve rawh"tiin ka phone chu ka off nghal a.khatianga be tur kha ka nilo,mahse puitling duh tlang thei,chhia leh tha thliar hrang thei ka ni a.ka nundan engkimah inrawlh loh turin ka duh a ni.


A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Jessica-i kianga awm turin min duh lo hle tih ka hria,mahse keiin Jessica-i khuma nikhaw hre lova a mu kianga awm ka duh tlat.engtiang pawn min thinrim khum hlawm mahse ka duh danin ka awm zel ang.

Jessica-i mutna room chhunga ka luh chuan Pa Remruat'an mitmeng tizim in mak tih hmel takin min lo en kur a.A pawilo,ka chungah engang pawn thinrim mahse Jessica-i hmel ka hmuh theih chhung chu ka tuar zel ang.

Nu Famkim'in"Martin,Jessy-i hi hetiang dinhmuna a awm chung pawh hian i la duh tho a mi?"rilru nat hmel taka a rawn tih chuan ka lu bu ngatin"ka rilru hi ka thlak dawn lo,ka duh a ni"nghet charha tiin khum bula thutna awmah chuan ka thu thla nghal a.

Khawiah mah ka kalsan dawn lo hrim hrim,zan khua in room chhungah chuan ka awm tlat a.zing lama Daniel-a leh Eli'in nau pawm chunga eitur an rawn ken chuan Nu Famkim'in Eli bulah"i u hi,in lamah hahchawl tura kan tih pawhin a duh tlat lo.khawi Eric-a kha kan lo pawm a nge,i u eitur lo siam sak hmasa rawh u"a lo ti vat a.

Eli'in"u,va inphihfai rawh,khatiang te kha chuan hmuh tlak pawh i ni lo"a tih chuan bathroom lamah ka lut a.

Jessica-i kianga awm reng thei tura ka taksa hi tih chak a ngai tih ka hria.an eitur rawn ken chu ka rinai ka ei thei phian lehnghal.

Daniel-a leh Eli'in min hawsan hnu lawka Nu Famkimi nen Jessica-i sir tawn tawna kan thutlai chuan a rawn rum chhuak tiah tiah a.A hnu lawka a rawn meng chhuh chuan ka phu deuh zukin ka hria,ka hlim tak zet a ni.

Aw zawi tak maia ka hming a rawn lam rik chuan ka bengah a fiah tha kher mai.Pathian hnenah lawmthu ka sawi hial a,min la hria a ni.

Kar khat zet min muthilhsan avanga ka lungawi loh thu ka sawi chuan mak a tih hmel kher mai.

Lancy'in damdawi hmanga Jessy-i a chiu muthilh lehnghal daih avang chuan ka lungawilo kher mai,a rawn harhchhuak chauha muthilh tir leh daih te chu a muhil rei leh viau ngei ang.

Lancy'in ka bana rawn kheuhin"office-ah inbe lawk ang"a tih chuan ka inzui chhuak a.

Office chhunga kan luh rual chuan"nizanah ka pa nangmah avangin a thinrim khawp mai.hei i kawr leh thawmhnaw vel air bag-ah ka rawn kensak che,in lama i hmel rawn inlan tawh lo turin lo hrilh rawh min ti a.ka u,i credit card pawh tih tawp a tumin ka hria,tukin khan Pa Sanga a ko a,minister hna i bansan tur thu a sawi a ni.engatinge hetianga a tih chiam nachhan"mangang hmel taka a tih chuan ka thaw hawk a.

"I office-ah hian ka riak anga ni mai lawm,a duh ang ang chuan ka chungah ti rawh se,a fapa ka ni a,beih let ka tum lo.ka pa chu hetianga a chet nachhan hi amah i zawt anga,minlo hrilh ve dawn nia"tiin ka chhuahsan lehnghal a.

Jessy-i kawngkhar bul ka thlen a ka phone a rawn rik chuan Pa Sanga a ni tih ka hriat chuan ka pick up vat a.

"i pa in Minister i nihna atanga ban i duh tih a sawi a,enge a awmzia,a lungawi loh hmel riau lehnghal.khawiah nge i awm hrim hrim a?"min ngaituah hmel taka a tih chuan"ka pa duh ang chuan lo ti mai rawh.a thu ka hnial zel chuan fapa thuawih lo ka ni dawn asin,damdawi inah ka awm a,nakinah i tanpuina ka mamawh dawn a nia"ka tisap a.

"chanchinbu mite ho in an rawn ngaihven hle dawn che nia,i duh phawt chuan Lengpui lama kan huanah khan i bibo dawn nia,ramdanga zinbo chu i duh chiahin ka ring si lova"a rawn tih chuan Damdawi inah ka awm reng ang,ka banna lekha chu i tihfel hunah ka lo sign ang,tunah rih chuan Jessica-i dam hi ka tan a pawimawh ber a ni"tiin phone chu ka nghal a.

JESSICA(POV)

Damdawi in ka awmna pawh kar thum a ni ta der mai.ka bula Martin-a awm reng thin mai chu mak ka ti ani.ka Nutei te nupa pawn a awmdan chu ngaiah an nei tawh a nih hmel,an thlir liam tawp zel.

Ka ei leh in apiang min barhin,bathroom-a ka inthiar tur pawh min hruai a tum zel a.Hnial duh viau mah ila,a mi ngaihsakna leh duatna dawn hi nuam ka ti a ni.

Ka nute'in ka lu min sukpui zo bathroom atanga kan inkai chhuak chu Martin'an"khawi keiman kan lo pawm ang che,nisa laiah sawn i thutna tur ka siam nia"tiin tukverh lamah chuan min pawm phei nawlh a.

Nute'in"in pahnih khan lo awm ru aw,in lamah kan va haw lawk nge,Mamawh in nei em?"a tih em a tih chuan"thei thur tam tawk min rawn ken rawh"ka ti nghal vat a.

Nutei chhuah rual chuan Martin'an ka hmuia rawn fawp zeuhin"Bawihte,tah hian awmreng ang aw"a ti sup a.

Ner nak chunga Martin-a chu melh chho ha in"i ti anglo e a.Martin,i tih tur thulh thak khawpa hetia min awmpui reng hi nuam ka ti lo a nia.i lakah bat ka ngah.."ka tih tak chuan a kuttang sei sal mai chu ka hmuia rawn dahin ka chalah a fawp zeuh a.

"Hlim taka i kianga awm hi ka duh ber a ni,engmah hmalam hun sawi rih suh,damtha vat zawk rawh"thu tak zeta tiin a nui suk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:32 pm

I TAN CHAUH-15
Basta Tlau
www.storyfb.com mizo story thar nitin dah ziah a ni e


Ka mit chu khap fakin martin-a hmel cool raih mai chu ka en vang vang a"i awmdan hian minti hrilh hai fo a nia"ka tisap a.

Ka ban na lo lampang chu rawn banin"ka thinlung duh dan angin ka awm ve mai chauh a ni,"tiin a awm zawnah chuan ka kut chu a chelh bet a.

"Mahse,ih englo kan pahnih hian inremsiam mai chauh kan..."ka tih chuan ka kut a chelhna chu thlahin,a ding ngil a"teh sek a,i thluakah hian engthil chiah nge awm le?ka thu zawm ni la chuan hengthiang teh hrep hian ka awm hauh lo tur"thinrim seh chilh nawk nawk chunga tiin khum ke chu a pet pawp pawp a.

A inti na thei takngial dawna ka hriat avangin ka thutna atanga thochhuakin"khawngaihin duhtawk teh,i inti na dawn nia,mawl viau thin suh"tiin a kawngah ka kuah a.

Thaw halh halh chunga ka kuta lo humin"ka mawl viau a maw!i sawidik a ni.nang leh zel chuan hetianga min tawngkhum hi ka beisei hauh lo asin.i thinlungah hian min huatna hlir a lo awm a nih hi,tun atang chuan i zalen tawh.ka rawn tibuai tawh lovang che"tia ka kut chu phelhin room atang a kal chhuak nghal a.

Martin-a kawngkhara chhuak chuan ka thinlung hi a chhuahpui ni maiin ka hria,ka din ngaia la ding rengin ka awm zawn tawt up up mai chu ka chum vak a.

Lancy-i chu hmanhmawh hmel taka kawngka rawn hawngin"Jessy,i tha maw?ka u khan engtinge a tih che a?"min ngaihtuah taka tiin khum ah chuan min kuah thu a.

Ka lu thing nawkin"a awmdan teh thut kha a mak lutuk,thawk leh khatah ramsa ang maiin a thinrim thut a,Lancy engtin nge ka tih dawn?"ka ti raih a.

Ka dara rawn chulin"a chauh vang mai mai aniang,ama tawkah buaina a ngah ve lutuk a.ka pa nen hian an luhlul dun ropui si a,an hahthlak dun tak zet a ni"chhut en chunga aw zawi taka a tih chuan"eng buaina nge a neih a?ka hriat ve chi a ni ngem?"ka ti halh a.

Ka kuta rawn humin"ka u nena in inkarah hian inrawlh ka duh ngai miah lo,mahse hei tal hi hriat ka duh a ni.ka u,hi i hmangaih em?"ka mit min en kalh chungin a ti a.

"Kan inkar hi.."ka ti chuan"i hmangaih em?"a lo ti leh a.

Ka kut chu lasawna inhumruhin"chhiahhlawh ang maiin min en a,engtin nge ka hmangaih theih ang,ka hmangaih lo"chang faka tiin ka maimichhing sawk a.

Ke pen ri ka hriat avanga ka mengchhuak chu kawngkhar lam atanga Martin-a mitmeng sen ram leh kut humruh chunga lo phei ka hmuh chuan"Martin"aw lawi ratin ka ti a.

Lancy-i chu Martin-a lama kal pheiin"u khawngaihin,tanpui che u ka duh vang mai a ni.Ka pa nena Jessy-i avanga in intibuai reng hi a hreawm tak zet a ni,in atang engmah kentir lo che in a hnawtchhuak tawh che"a tih chuan Martin'an"ngawi rawh"ti hrawkin a hmui a hup sak a.

Makti zeta ka hauin Lancy-i te unau chu ka en a.ka taksa chu a bing mupin ka hria,tawng ka tum chuan ka tawngchhuak thei derlo.

Martin-a chu thinrim tih hriat zeta min rawn enin"Jessica i nen kan inkarah engthilmah a awmlo,inremsiam mai chauh kan ni,nangma duh dan angin court-ah chu in inlan in,i inlan lo thei a nia"tiin a phone charge lai chu a phawi a.

A mitmenga min huatna rawn lang chu ka hmuh hmaih hauh lo.ngawi rengin Martin-a awmdan chu Lancy-i nen kan en reng ringawt a.

Martin'an Lancy-i bana kaiin"lokal rawh,inah haw ang,ani hi chu a tha viau tawhin ka hria,kan ngaihsakna chhan tur a awm tawh lo,inthiar fi hlim vat teh ang"a tih chuan Lancy'in"mahse u,Jessy ka lo let leh ang"tia a rawn hawi tawk tawk chuan martin'an a kaichhuak dawr dawr a.

Martin-a tawngkam tin mai chuan ka thinlung hi a vit zawt zawt ni berin ka hria,ka bianga mittui rawn luang pawh chu hruk tum lovin ka far liam tir tawp a.ngatinge hetiang taka ka rilru a nat tak mai le?Martin-a nen kan inthen hun ka nghakhlel viau khan ka lo inhre thin a,mahse ka lo nghakhlel tak tak em tih ka chiang hauh lo.tunah ngei pawh ka mittui tlakna chhan hi ka hlim leh lawm vang a ni lo tih ka in hre chiang.


Nutei te nupa rawn luh chuan Nute'in"Jessy,i tha em?Eli'in in lamah martin-a a haw thu a sawi a,ngatinge in inhau a mi?"tia min kuahin ka mittui chu a hru fai a.

Pate'an"hetiang thil hi a thlen ka ringsa reng a ni.Jessy,martin-a vang hian i mittui ti tla tawh suh,mi hausa ho hi chuan an nawmchena tur bak an ngaihtuah ngailo.keni pawh damdawi in atang hian inla chhuak vat ila a tha ang,bill chu cheng khat pawh kan chawi lovang"a ti ngut a.

Nute'in"thuchiang zawk hriat hma in,khatin lo tawng ngawt zel suh,kan chhiat ber lai pawn kan kianga a awm tlat kha,Jessy,ka chhuahsan hnu che u khan Martin'an i bulah engthu nge a sawi"tiin min kuah a.

Ka lu thing nawk chunga khuma mu thlain"nute engmah a pawimawh tawhlo,a duh duh danin a nung anga,keipawh ka duh angin ka nung ang"tiin ka insehruh a.

Ka thinglung hi a ruak ngawih ngawihin ka hria,hreawm ka tihna chu ka hmela lanchhuahtir ka duh lo.ka ngaihzawng dangte nen pawh kan inthen fo a,ka la na ngai hauh lo.Martin-a nen phei chuan inremsiamna in a derin kan inngaizawng a ni a,mahse tunah hian pasal then rilru na ang mai niin ka in hria.

Pate'an"martin-a hian buaina leh hreawmna bak a thlen lo che.i nu leh pate kha amah avanga chan ini tih inhria la,a laka i rilru puthmang pawh a danglam phah ang"a rawn tih chuan ka puansin lai hlima Patea chu enin"Pate,engthu nge maw i sawi le?"ka ti that a.

"I rawn harhchhuah hmain Martin-a bulah kha thu kha ka sawi tawh,Lunglei lama i phei tur lo dang bet lo che sela chuan i nu leh pate kha motor-a rawn pheiin accident an tawk hauh lovang,bakah Apa in an chhungkua timualpho anga min ngai hi ka ngaihdan a ni vak lo,an ni aia kan retheih avang hian an thu hnuaiah kan awm kher lo.Daniel-a te pawh an indang tawh a,tun atang chuan Eli bak an chhungkua hrim hrim kan inah an rawn lang tawh tur a nilo,a tul anih phawt chuan ka silai pawh ka hmang mai ang"ati chhur chhur a.

Ka patea hi tun anga thinrim hian ka la hmu ngai hauh lo.Pa tawng tam lo a ni a,hetianga thinrima a tawngchhuak a nih chuan dawt a sawiin a ti mai mai hauh lovang.

Nute'in"amah chauh he khawvelah mipa an awmlo tih hria la,Pathianin i tana a ruat mipa chu i la tawng leh em em ang,i bante hi han damin,i tukkhum sam hi lo sei vat vat sela,engkim a tha vek mai ang"nui lui sangin a ti a.

Damdawi in ka chhuah atang thla li a ni der tawh,ka taksa chu dam tawh mahse ka rilru hi dam thei thlawt lo.martin-a ka huat tluk zetin a kianga awm ka chak fo mai hi hreawm ka ti ngawih ngawih.

Ka tan chuan social media leh chanchinbu hi ka hmelma an ni ringawt,kan chungchang mawilo tak takin an chhuah a.Thla hmasa lawka Court-a kan inlan ni phei khan mipui an tam em avangin Police venhimna kan mamawh hial a nih kha.Martin-a kianga hmeichhe hmeltha tak mai ka hmuh khan ka thinglung hi chemte hrim taka chhun sawk ang mai niin ka hria,mualpho lo turin ka tawngtai phah hial a ni.

Nute'in inchhungah chanchinbu hrim hrim lak luh a phal lova,Tv lamah pawh Local channel an hmet chhuak ngai bawk hek lo.

Lancy'in ngen tak te in an damdawi in lamah thawk zawm tura min sawm mahse,martin-a hmel hmuh fo ka duh loh avangin Jerome-a thawhna private Damdawiin pakhatah ka thawk duh zawk a ni.

Jerome-a car chhunga ka thut luh rual chuan"mate,i inpeih tak tak maw?i rilru kha a pawimawh ber a nia"a tih chuan thaw halh chunga nui lui sakin"inah ka inkhung reng thei hleinem,ka inpeih tawh e,kal ila"ka tisap a.

Jerome-a leh Tluangte'an kan buai leh mangan laiin nutei te inah rawn lengin min kawm hlim reng a,ka tan chuan ani hi an hlu tak zet.ani hian min fuih renglo sela chuan tunah ngei pawh hian hnathawkin ka la chhuak thei kher lovang.

Damdawi ina ka thawh ni hmasa ber atang ka buai hle nghal.min rawn pantu mi thenkhatin ka mimal nun hriat tum zeta tawngkam an hman fo chu hriat a nuam lo tak zet.ka mimal nun leh ka hna hi inkungkaih tir ka tum hauh lo.

Sangkimi ka room chhunga rawn lut ka hmuh rual chuan"i thi tawh emaw ka ti asin,kan damdawi ina i rawn thawk dawn ani tih ka pasalin nizana min hrilh khan mak ka ti khawp mai.Martin-a hi chuan hmeichhia hi chu hmanrua atan bak a duh lo tih i hria em?"ka hmazawna rawn thu pahin a ti ham ham a.

He damdawi in neitute zingah an tel ve a maw!mi hausa tak tak inzawm khawm in he damdawi in hi an din ani tih chu ka hria.

Ka pen hmawr chelh nghet sauhin"enge i harsatna chu han sawi la,i hmai tlema duk kha mi?"pangngai takin ka ti a.

A hmai khawih paha min melh hra in"he thil hi i tihdam theih i inring a mi?ka nau neih atang a awm a nia,ka duh lo tak zet,kar leh khi kan inneih champha a ni a.he hospital-a thawk zawng zawngte pawh kan sawm vek,nangpawh tiamin ka unau i nihna angin rawn kal ve ang che"a ti hmak a.

Unau maw!martin-a bialnu anga ka awm avang khan a unau angah min chhiar a ni ngei ang,nuihzatthlak lutuk mai.

Sangkim'in min chhuahsan meuh chuan ka chau hnawk thei.Dawhkana intercome a rawn rik chuan ka la vat a.

Jerome'an"i room-ah i la awm ka ring reng a ni.coffee leh hamburger ka chah sak che ania,keipawh ka rawn kal ang.Buaina i tawk em Mate?"a rawn ti nghal a.

"Ngatinge sangkimi te he hospital neitu zingah an tel ve tih min hrilh loh"tia ka chhuahchhal chuan"i hna leh mimal nun i thliar hran thiam angai nih chu,ka rawn kal dawn,ka insawifiah thei"tiin a dah zui daih a.

Hahthlak lutuk mai,sangkimi tawngkam ngeiawm tak tak ka hriat fo a ngaih hmel.Harsatna engpawh tawk ila chhel taka hmachhawm tumin ka rilru ka siam fel a,mahse ataka han tawn meuh chuan chhel taka awm a harsa nih hi.

Jerome-a nui vur vur chunga hmeichhe pakhat tray keng hnunga kawngka a rawn lut ka hmuh chuan ka dawhkana lehkhabu inchhawpa vawm chawrh lo turin ka inthunun hram hram a.

Hmeichhia in nui sang chunga chhang leh coffee daha min chhuahsan rual chuan Jerome'an kawngka chu chhung lama kalhin"sangkimi leh Martin'an inkungkaihna an neih tawh vang ami,i lungawi loh?martin-a hi engvanga la ngaihtuah reng nge i nih?i bialpa dangte pawh i haw zui ngai hauh si lova"tiin ka hmazawnah tak chuan a rawn thu thla a.

Rum zeta Jerome-a chu melh hrawkin"ka ngaihtuah tawh lo hrim hrim,ka bialpa dangte leh martin-a hi tehkhin chi pawh a nilo.Amah avangin ka mualpho nasa lutuk"ka ti hlar a.

"Dik chiah,i coffee kha a daih hmain in rawh,martin-a ni lovin kei nen inkawp ila chuan hetiang tak hian harsatna i nei lovang maw le"nui thu chungin a ti a.

Ka lei chhuah khum zauh paha coffee lem hlakin"ngawi mai teh,mipa hi chu in lo inang tlang vek a nih hi"ti hlarin ka melh nghek a.

A hmui rawn ti kawhin"kan inang vek kher lo a nia aw.haw lamah ka cousin ta tur birthday gift min enpui ang che,hmeichhe duhzawng ka hre ve vak lova"lungawilo hmel fe in a ti a.

"Driving License min siampui ve la,midang inphur kual tir reng chu a buaithlak e mai"nuih tlawn deuh chunga ka tih chuan"Tluangtea insiampui tir rawh,a patea hi hetiang lama thu neitu deuh ber a nia,accident i tawk leh palh a nge,motor khalh ve lo mai rawh,rawn hruai che pawh a nuam ve lawm,naktuk zai tur ka nei nual a,kan haw hma dawn nia,kan va chhuak nge"tiin a thochhuak a.

Damdawi in atanga kan haw lam chuan Jerome-a nen a cousin birthday gift tur kan en kual a,kawngpui lam atanga min rawn au vak ri ka hriat rual a,ka hawi chuan Lancy-i chu a motor atanga lo chhuakin kan awmna dawr chhungah a rawn tlan lut a.

Kan bul a lo thlen rual chuan makti taka enin"Lancy!"ka ti ha a.

Ka ngawnga nghet zeta min rawn kuahin"biak lawk che ka duh,Jerome reilote saw laiah sawn kan kalpui lawk"a tih chuan ka dinna ngaia dingin"khawngaihin i sawi duh chu hetah hian sawi mai rawh"nghet charhin ka ti a.

Beidawng hmel zeta min vawnna chu thlahin"min ngaidam rawh,ka ngai tak zet che a ni.ka pi hi nimin atang khan a zual thut a.zanin pawh hi kan inchelh theih kher ka beisei tawh lo,nang tal ka kiangah awm lang chuan ka thlamuang deuh ang.mahse,beisei ngam tur che ka ni miah lo"rilru nat hmel taka a tih chuan Jerome'an ka bana rawn chelhin"haw ang,ani hian natna bak an thlen lovang che"tia min kalsawnpui chuan Lancy-i mittui hrulai ka hmuh avangin ka ding chawt a.

Jerome a kut chu thingthlain"kan thlahthlam ngawt thei lo,ani pawn ka nu leh pa boralin min awmpui char char a ni"tiin Lancy-i a car lam pana kal mek chu au in ka umzum a.

A ngaihna hriat loh hmel tak chunga a rawn lehhawi chuan"i kiangah ka thei ang angin ka awm anga,ka pui ang che"ka tisap a.

Jerome'an ka hnunglam atanga ka dara rawn chelhin"mate,Martin'an a tibuai leh thei che asin"thaw halh chunga a tih chuan ka lu thingin"Lancy-i pi alawm ka buaipui dawn,ani nilovin,Lancy-i hi ka zui nghal mai ang.ka nutei te chu ka phone theih loh tak thutin minlo hrilhsak rawh aw"tiin car kawngkhar chu ka hawng a.

Jerome'an"ka rawn zui ve ang che u"a tih chuan Lancy'in"a tha lawm,nang ber i rawn kal theih chuan Daniel-a pawh a awm char char"tiin car chu a khalhchhuak nghal a.

Daniel'an engmah hetiang lampang hi min hrilh miah lo.Engemaw chen ngawi renga kan thut hnu chuan"Jessy,ka unau te ai pawn ka ngai zawk che.in in lama rawn kal duhin biak che chak viau mah ila,ka u avang hian ka ngam thlawt lo,Daniel-a pawh ka zah a ni.ka pi,a zual pawh hian ka rawn hriatchhuah nghal che avangin i hming ka lam ri a.ka u in,min ankhum hrep lehnghal.mahse engatan mah ngai duh suh,ka thian i ni a,ka u chuan engtinmah a tibuai hauh lovang che"a ti a.

Motor tukverh lam hawia boruak hip lut kawkin"ka hming lamrik pawh a duh loh te chuan kan inhmu kher lovang,ka pi chhingi chu in lamah nge damdawi inlamah in enkawl a?"ka tisap a.

"Inah kan inenkawl,hmanrua kan inchhawp vek a,nurse pahnih kan ruai tih nangpawn i hriat kha"a tih chuan ka bu nghat a.

Lancy-i te in gate chhunga kan tlan luh rual chuan ka insangmar nghal at a.kan hnung lawka Jerome-a car ka hmuh chuan ka thawchhuak ham ham a.

Inchhung kan luh rual chuan an chhungkhat mi engemaw zat ka hmu nghal.ka mit meng mah ila inchhunga mite chu tu te nge an nih tih hre turin ka hawichhuak ngam meuh lo.

Pi chhing awmna room lam pana kan kal chuan Lancy'in"ka hne lutuk,ti hian an rawn pung khawm a,min rawn tihbuai belh ani ringawt,ka pi room chhungah luh talh an tum hlawm lehnghal,oxygen kan pek reng atang a bul hnai a awm tam vak chi a nilo tih hriat ve mai awm ani.Thil han sawi hlek ila,an phun zui leh zel bawk nen,kan chhungte mah nise, ka thin an tirim hlur tawh"a ti hlak hlak a.

Jerome'an"mizote hi chu kan harhchhuah a hun tawh a ni,mi tana thil tha kan tih rual hian mi hnawk sak kan ni thei tlat.kan kal tumna chhungkua dinhmun hre ran chunga kan in adjust thiam fo a pawimawh a ni"a lo ti ve vat a.

Pi chhingi room-a kan luh rual chuan nurse pakhat,Eli leh hmeichhe pakhat khum bula lo thu ka hmu a.

"U lo va chawl hahdam rawh u,Dr Jessy-i leh Dr Jerome-a te nen hian kan lo awm chhawk ang che u"a tih chuan Eli-i bula thu chu Lancy-i u Jasmine-i a ni tih ka hre nghal.

Mitmeng dul zeta rawn hawichhuakin"a lawmawm hle mai,ka u pawh a rawn haw tep ang"tiin a thutna atang a thochhuakin min rawn melh a.

Eli chu ka bula rawn dingin"ujessy,rawn hrilh che kan tum fo a,nuamlo i tih Daniel'an a hlauh avangin kan hrilh ngam lo che a ni"zawi sapa a tih chuan Pi chhingi khuma chau tih hriat zeta mu chu en chungin"lo va awm hahdam tawh rawh,ka pi hi a tawng peih vak tawh lo a mi?"ka tisap a.

Lancy'in"Jessy ka pi hian a rawn melh che in ka hria"tiin khum bulah min kai phei vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:33 pm

Pi Chhingi bula kun hniam vatin"ka pi,i dam leh thuai mai ang"tiin a kut cher tiak maiah chuan ka vawn sak a.

Harsa tih hmel zeta a rawn thaw kawk chuan Jerome'an"tawng rih suh se,Lancy hydrocortisone in jection angai nih hi,in pe tawh hrim hrim em?"a lo ti a.

"Zing karah kan pe a,pe leh mah ila a pawi lovang"a tih chuan nurse nu in jection na tur a siam nghal a.

Pi chhingi na tuar hmel chu hmuh hreawm ka ti tak zet.heti tak hian a chhe chak ang tih rin ngaihna reng ka hre lo,he ina ka kal hmasak bera ka hmuh pawh khan damlo chu a ni a,mahse khum betin a awm ngai lo.kei nen pawn kan inbe fo thin.

Ka phone a rawn rika ka en rual chuan room chhung atanga chhuakin"Aw nute,ka rawn haw har deuh ang.message ka rawn thawn che kha i hmu ang tiraw"ka ti nghal a.

"Enge i rilruah awm le?khalaia i awm ve avang khan Pi Chhingi kha a dam phah in i ring a mi?Lancy-i pawh a awm kha,bakah an hausa a,amah enkawl tu tur mi sang chuang an ruai thei tho alawm.Jessy nangmah leh nangmah natna i insiam ani tih i hrelo a mi?engtin nge Martin-a chhung leh khat ten mi zingah an sawi zui ang che tih i ngaihtuah lo a mi?"a rawn ti tuar a.

"Ka tihpalh,Lancy-i hi ka thian a ni a,bakah Eli vang tal pawh hian ka theih anga puih ka duh a ni.Nute min lo ngaihtuah suh,ka tha lutuk"tiin ka nui hak a.

"Ngatinge maw,tun ang kum zatah pawh i la fin chhuah theih loh le?i thluak hi tih chawmawlhin a awm a ni ngei ang,rawn haw har suh ang che"ti hlarin a phone chu a off a.

Phone-a ka lu chhu kauh kauh pahin"ngatinge maw buaina ka thlen zel le?"ka ti nang nang a.

Ka hnung lawka"Enge i rawn tih?"aw chang faka ti ri ka hriat chuan ka thisen kal lai a tawp chawt hialin ka hria.

Ka phone chu hmer vakin"i hriat kher angai lo.ka awmlo angin ngai rawh"zawi fiah taka tiin Pi chhingi mutna room kawngkhar chu ka chelh a.

"I hnehsawh hle mai,award pek tlak i ni.mi pahnih chhiahhlawhah i tang thei a.Jessica,i awmdan hi chuan engtikah emaw ala vaw let ngei ang che"tawngkam kha zeta a rawn tih chuan maimichhinga kawngka chelhna chu vuan nghet sauhin"nang hian thil tam tak min zirtir avangin ka lawm khawp mai"ti ngatin inchhungah ka pen lut nghal a.

A thusawi awmzia kha ka hrechiang lutuk tlat,mahse mi pahnih a tih kha tute nge tih rin ngaihna reng ka hrelo.court-a ka a hmel ka hmuh ni bak kha chu ka hmu leh tawh lo a.Tuna a hmel ngainatawm loh zet ka hmuh thut khan min ti hamhaih tak zet a ni.

"i tha em?tunge rawn phone che a?i hmel a dang vek a nia"Lancy'in a lo tih chuan ka lu bu nghata kawngkhara Martin-a rawn lut chu melhin"ka tha lawm,kan hawsan mai ang.."ka ti lai tak chuan Pi chhingi chu a awm sep dawrh dawrh chunga a rawn thawk avangin ka tawnglai chu tawp chawtin khum bulah Lancy-i nen kan thleng phei nghal a.

Monitor lam ka en chuan ka hlauthawng tak zet a ni.Lancy'in Pi chhingi dara sawi chunga"Pi min kal bosan suh aw,Pi lo meng lawk teh"awrawl ring zeta a tih chuan Lancy-i dara lo kuah in"Jerome,defibrillator khawl a awm,Lancy kan hman a ngaih hmel,khawi laiah nge a awm"ka ti a.

Martin'an"bang kil lamah khan a awm?enge ka lo tih ve dawn"mangang hmel taka a tih chuan Lancy'in"ka nu leh pa kha va au rawh,nangpawh lo let vat la"a tih chuan"keiman ka lo au ang,a kiangah hian lo awm ula,in thlamuan char char dawn nia"tiin room atang chuan ka tlanchhuak nghal a.

Kawngka ka chhuah rual chuan Martin-a nu leh pa te nen ka inhmachhawn ran a.Martin-a pa in"enge nang hian hetah Daniel-a nge?tuin nge rawn hruai che"sehchilh nawk nawk chunga a lo tih chuan"khawnge Eli leh Jasmine-i an awm?kei min buaipui lovin,ka pi saw va buaipui zawk rawh u"thinrim zeta ti chang fakin ka kalpel nghal a.

Sitting room lama ka phei chuan Daniel-a hmel ka hmuh rualin"Eli leh Jasmine-i lo ko vat rawh"tiin room lamah ka phei lehnghal a.

Kawngkhar ka hawng tur chu chhunglam atanga martin'an"Pi,tang fan fan rawh aw.i kiangah kan awm tlat a nia"a tih ri ka hriat chuan hlauthawng takin ka pen lut a.

Jerome'an Defribillator Pi chhingi awma a lo dah a,a kang awrh awrh ka hmuh chuan ka mihring pangngai a chang zo tawhlo a ni tih hmu nghal.

Khum mawng lama va dingin"ka pi,ka nu leh pa te kha minlo biak dawn nia"mittui tling piau chunga tiin a ke vawt raih mai chu ka hum vang vang a.

Jerome'an a bana a hmai thlan hru zauh paha"a pawi khawp mai,mihring theihna hmang chuan tihngaihna a awm tawh lo a ni"tiin monitor chu a melh a.

Mi tlawmngai ten in an sing sak lai chuan Jerome'an"Dar kua a ri dawn,kan hawsan tawh mai dawn mi?naktuk lamah tih tur kan nei si a"tia min rawn bek bawr chuan Lancy'in kan tawngri lo hria in"haw rih suh"tiin ka kut a chelh a.

Jerome-a lam chu hawiin"min lova,hawsan mai rawh"ka tisap a.

Thihna nunrawng tak hian mi hausa leh rethei,misual leh mi tha pawh thliar lo in a hunah chuan a suat hmiah mai zel a ni hi,a tuartu leh tawngtu nih hreawm zia ka hrethiam ve in ka inhria.

Kan thutna bul chiaha Martin-a a khabe dawm chunga Api ruang thlir ngawih ngawih hmel ka hmuh chuan ka khawngaih tak zet.A hmel landan atang chuan hnemtu a mamawh hlein ka hria.

Lancy'in"engmah i la ei lo tih ka lo theihnghilh daih,i ril a tam viau ang.lokal rawh,choka lamah eitur va dap lawk ang"tia min rawn keuhin a dingchhuak a.

Mi an tam bawk nen,kan thutna lah alai tak a ni si a,zak angreng taka dingchhuakin Lancy-i chu ka zui a.

Zep lovah chuan ka ril a tam tawh tak zet,chhuna ka thil ei bak kha engmah ka ei leh lo a.ka pum pawh a no nghulhin ka hria.

Kan thil ei lai chuan Lancy'in"ei teuh rawh aw,Jerome-a kha lawmthu pawh ka hrilh hman lo,awmlo ula chuan tihngaihna ka hre hauh lovang"insut hraih chungin a ti a.

A kuta chelh sakin"i theih tawp i chhuah alawm,i tuarchhel ngawt zawk Doctor ni mah ila,mahni chhung leh khatte buaipui hi chu damlo pangngai kan buaipui dan nen a inang lo a.ka pi chu nat leh hreawm tuar tawh lovin vanram-ah a awm a ni tih hria la.i thlamuang sawt mai ang,Martin-a hian hreawm a ti viau in ka hria"ka tisap a.

"Kei ai pawn ka pi hian a duat thin zawk.ka pi fa a ni ringawt,hrilh tur che ka ngah lutuk.nidangah ka la hrilh ang che,zanin tal chu min tlaivar pui rawh aw"a tih chuan ka bu nghat a.

Eng thil nge min hrilh a duh tih hriat ka chak rualin hrelo law law ila ka duh zawk.martin-a chungchang emaw an chhungkua in min ngaihdan vel bak anih ka ring hauh lo.

Zing dar thum a rik meuh chuan ka kawng a nat thum bakah ka mut a chhuak ngawih ngawihin ka hria.martin-a nau chiah Jasmin'in ka hnunglam atanga min rawn kheuh zauhin"inchung lamah han chho rawh,khawvar hunah Daniel'an a thlah dawn che nia"a tih chuan ka lu thingin"a ngailo,mahse inphih harh ka mamawh khawp mai"tiin ka bula Lancy-i mutthlu chu ka melh zauh a.

Jasmine'in,Lancy-i chu sawi harhin"inchung lamah han chawl hahdam rawh u"a ti a.

Room pakhat kawngka a hawn chuan hmeichhe pathum an lo muhil avanga phun hlakin room piah ber kawngkhar chu a nam hawng a.helai hmunah hian kal fo mah ila,inchung lam room hi engtiangin nge a awm ka hre hauh lo.

Room chhunga kan pen luh rual chuan"ka chau lutuk,reilote muhil rih lawk ang,lokal rawh,khumah hian tlu zal ang"tiin khumah a bawk thlawp a.

"Eng room nge a?"tisapin ka hawikual a.he room-a thil inchhawp ringawt pawh kan sitting room ami ai a tha daih zawk.

Lancy'in"lo mu rawh"a tih chuan couch silver rawng chunga thu thla thawiha ngheng ar arin"hetah hian kan tlu zal zawk nge?"tiin ka maimichhing a.

Ka mengchhuah ruala ka hmazawn couch chunga Martin-a chauh hmel zeta maimichhing chunga lo thu thluang duai ka hmuh chuan thu ngil nghal atin ka hawikual a.kawnge Lancy-i kha a awm daih le?martin-a nen chauh room khatah kan awm ani tih ka hriat chuan ka thin a phu dup dup a,sana ka en chuan dar riat a lo pel der tawh,ka van muhil rei em em ve.

Martin-a tih harh hlau tak chunga ka bag khaia ka din rual chuan"ka seh lovang che,min hlau duh suh.Jerome-a chuan ka ngaihsak ang che a ngaihsak vak na che nge?"aw chang faka tiin mitmeng zim sanin min melh en a.

Ka chhang buai peih vel lo.kut humruh chunga kawngkhar lam ka pan chuan ka hmazawna rawn dingin"tak zet che hian,bengngawng ang maia min kal pel tum suh.min chhang ta che,ka room-ah hian ka phalna la hmasa lovin i lut a,ka thu lo chuan i chhuak hauh lovang"ti hrawkin ka ban reka pahnihah chuan nghet zetin a chelh bet a.

"min thlah rawh,i rilru a buai a nih kha,he room hi i room ani tih ka hrelo,hria ila chuan Lancy-i ka zui lut hauh lovang"talchhuah tum chungin aw dam thei ang berin ka ti a.

Rum ngut chunga min hmer nghet sauhin"Lancy-i mawhpuh reng suh.ka hreawm ti hmel min hmuh i duh vang ani lawm ni,tun thlenga helai hmuna i la awm?nge ni a,kei nena inngaizawng anga mite hriat tir i duh zawk"a ti hrawk a.

He mihring hi ka haw hluah hluah"Lancy-i leh Eli vanga helai hmuna awm hi ka ni tih hre rawh,i rilru chhe zet ang pu turin min ngai suh.tenawmpa min thlah rawh"ka ti hlar a.

Nui lui huk paha min sawi nawkin"ka tenawm a maw!i rilru puthmang hi i inhre lo a ni ngei ang"tia a taksa si cheta min pawt betin ka hmuiah na zetin a fawp bawrh bawrh a.

Talchhuah tuma ka lu thlek sawn chuan ka tuk khum sama na zeta rawn man betin a kut lehlampang chuan ka kawngah a chelh bet a.

Mangang ru zeta ka taksa tiche chunga"min thlah nghal rawh"tia ka tawng zawh rual chuan chiang zeta min rawn fawp lehin a lei chu ka hmui chhungah a rawn tiche kual a.

Ka taksa chu a tek chuai chuai in ka hria,ka kawngchhung te lah chu a sa pup pup a.he mihring hi haw hle mah ila,hetianga min kuah hi tenawm zawkin ka thahlel tel tho ani.

Martin'an thawchhuak ham ham chunga"min hmangaih lo mah la,min hnar thei chuanglo anih hi tiraw.Jerome-a hi mi i hmangaih nge Tluangtea zawk kha?ka thlah zalen atang che khan huang tau zetin in khung thin ani tih ka hria"kha faka tiin min vawna chu a thlah a.

Maimichhing sawk chunga ka kut humruha thaw chhuak halhin"i duh duh danin min mawhpuh suh,ka haw lutuk che"tia kal pelin kawngkhar chhung lama inkalh chu thinrim kut khur dar dar chunga hawngin ka chhuak nghal a.

Engvanga min fawhna kha lo chhang let ve kher nge maw ka nih le?khatiang khan min hmusit zui dawn ani tih lo hre sa tur ka ni asin,martin-a ka huat rualin keimah pawh ka inhaw tak zet.

Inhnuai lam pana step-a ka chhuk chuan Daniel'an"U,i haw tawh maw ka tia.Ujerome'an gate pawnah a nghak che nia.i sam te kha tuai mam ve la"tia ka hnunglam thlekin"ehe umartin-a pawh nangni pahnih hi in intibuai a mi a?u i tha em?"min ngaihtuah hmel taka a tih chuan kan hnunga Martin-a ding chu melh zauh chunga bu in ka kalsawn nghal a.

Pawn kawngka ka thlen chuan Martin-a secretary Pa sanga nen kan intawh chuan nui suk paha ka lam rawn awnin"i va ti tha ve,martin-a hmalakna kha i hre ve em?nangma vang nih kha"zawi supa tiin min kal pel nghal a.

Eng chungchang nge maw a sawi le?Pa sanga chu makti taka en zuia lu thing nawkin"engkimah min mawhpuh zel suh u"keima hriat tawk leka tiin gate pawn lama ka chhuak nghal a.

Motor tam tak a din avangin Jerome-a car chu zawngin ka hawi kual ruai a.ka hnunglama motor horn ri ka hriat chuan hawi nghalin Jerome'an a car atanga rawn dakchhuaka a ban a rawn vai lauh lauh ka hmuh chuan ner nangin ka pan phei nghal a.

Car chhunga ka thut luh rual chuan"i chauh hmel hle mai?damdawi in lamah i rawn kal dawn em?"tiin a tlanchhuak a.

"ka chau lem lo,hna ka thawk tan chauh a.thulh ka duh hleinem"tiin ka phone chu ka khawih a.

Facebook group-a lut kualin an thu post ho chu ka enkual dan dan a.group pakhata"Health and Family walfare minister,Martin-a hmalakna in mizoram private damdawi in leh Sawrkar damdawi inte chu an inthlunzawm vek ta e.chumi awmzia chu Private damdawi ina thawkte chu sawrkarin mipui mamawh nia a hriat damdawi inah Doctor te chu a transfer thei a ni.Doctor tam zawkte hi sawrkara lut duh lovin,Private damdawi ina thawh an thlang zawk fo a.mipui in sum tam zawk kan sen angaih phah,mipui in sum tam private damdawi in kher pana kan in seng reng loh nan a,kan Minister tha tak hmalakna hi a chhuanawm hle a ni.Minister anihna a ban san leh lo hi a lawmawm khawp mai"tih ka chhiar chuan ka ner sawk a.

Jerome'an"engthil nge a?i va lungawi loh hmel ve"a rawn tih chuan ka phone chu a hmai zawna lekin"he thil hi a tak tak a ni em?"ka tisap a.

"Ni e,chanchinbu lamah pawh an ziah lan nasat ber alawm.he thil hian a nghawng ve ngei ang che"pangngai takin a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:33 pm

Ka lu thing nak chunga pawn lam hawi chungin"engvangin nge min nghawng ve ringawt anga.kan line ang chi te chu damlo na tak tak ten min rawn pan ngai hleinem.mi hausa leh nalh duh chauh ten min rawn pan alawm,kei aia Dermitologist doctor senior zawk sawrkar hnuaia thawk an awm sa reng alawm"ka tisap a.

Pa sanga thilsawi dan atang khan Min nghawng chu ka ring ve tho.

Jerome'an"mi rethei leh sum leh pai nei lo tam tak te pawn nalh an duh ve tho alawm,Vawiin chu theater a mi khawih tur ka nei nual a,ka nghak lo mai ang che aw.Pa Remruata rawn inthlah tir mai rawh"a tih chuan bu nghat chunga car kawngkhar chu vuanin ka chhuak a.

Inchhung ka pen luh ruala nutei te nupa inhnial ri ka hriat chuan mak ti takin ka ding chawt a.vawikhatmah ka hriat laiin an la inhnial ngai si lo.

Nutei min rawn hmuh rual chuan"Jessy,i Pa Rema luhlul dan em em hi chu aw,Pi chhingi vui naah kal ang ka tia,a duh tlat lo.tawngthu chhe lovah,nangpawh boral ta la,Daniel-a vang tal pawn an ni chhung zinga mi tuemaw ber an rawn kal ang.min hmusit tu te inah ka lut lovang ti hlur ringawt mai"a ti hlak hlak a.

Pate'an"ka thi anih pawn an ni chhung saw rawn lang lo se ka lawm zawk ang.Jessy-i pawh nizan lamah a tlaivar tawh tho a,kan va lan ve leh kher a tul lo"ti hlukin sofa ah chuan a thu thla a.

An bula kal phei pahin"Pate,vawiin tal chu Daniel-a va tawiawm ve hram ula.keimah avanga an chhungkua chunga thinrim i ni tih ka hria.engatan mah ngai duh tawh suh"tiin ka Patea kutah ka chelh a.

"In hrethiam ngai dawn lo a nih hi,Jessy ka fanu ang maia ngai che in ka enkawl che a.ka chhuang hle bawk che a ni.Martin-a paThar'an nangmah avanga Martin-a mualpho nasat zia leh hmeichhe khuah khirh loh mipa in an duh anga an pawh kawi theih anga a sawi che kha ka duh lo.nula leh tlangval in ngaizawng in ni a,inrawlh ka duh loh thin vang zawk ani"tiin a thaw kawk a.

An Duh duh a,pawh phar theih turah min lo ngai a maw?kan inremna bawhchhiat ka duh loh avangin engtinmah ka hnial buai ngai lova.ka thu awihna kha min hmusit nan an lo hmang zawk chu a ni si a.ka thin a rim tak zet sawi ngaihna pawh ka hrelo hial zawk.

Nute'in"Patling thinrim reng a tul lo lutuk.Jessy-i ber pawh pangngai taka a nun leh tawh hi,engkima lo thinrim pui reng zel tur kan ni lo.A dik loh chang leh a awmdan mawi lovah chuan ka hau tur a ni.Jessy nangpawh ngaihzawng neihdan thiam tawh rawh,a hun laiin in ti chuk a,a hnu ah hreawm ti takin in inthen leh a,Pasal atana i neih duh tur chauh ngaizawng tawh ang che"ti hluk paha sana enin"Damdawi ina i kal dawn chuan va insiam la,i chaw ei tur ka lo buatsai ang"tiin choka lamah a kal phei a.

Ka room lam pan tuma ka dingchhuak chu Pate'an"ngaihzawng i nei a nih chuan kan lakah zep suh aw"a ti dam dap a.

Darthlalang hmaa in en vang vang paha ka hmui darkar khat ral hmaa Martin'an min fawhna chu khawihin"i duh duh huna fawh theih turah min ngai suh ang che"tiin ka phun sap a.

Ka hmaia make up tlem hnawihin ka sam chu dul taka phiarin kekawr velvet buang leh kawr dum simple tak chu hain rock booties dum ka bunin ka room atang chuan ka bag dum khai chungin ka chhuak a.

Taxi hmanga damdawi in lam panin hmanhmawh taka pen hlawk hlawkin ka thutna room lam chu ka pan a.

Kawngkhar bula sangkimi leh a bula hmeichhe pakhat nau pawm chunga lo ding ka hmuh rual chuan sangkim'in"i rawn kal pawh ka ring chiah lo a,Lancy-i te ang hmeichhe indahsang,rual pawl lo lutuk,aia upa zah nachang pawh hrelo kiangah hian engtin nge i awm theih zawk le?martin-a hi i la beisei a mi?"tiin room chhungah min rawn zui lut ve nghal a.

Ka form var chu ka bag atanga lachhuak paha ha in"enge i duh a?,i damdawi ka chawh che kha i ei tan tawh ang tiraw"pangngai thei ang berin ka ti a.

"Nangnu hi,min va ngaipawimawh love.i hnathawhna hmun hi i la hrechiang lo a mi"aw fiak zeta tiin a kut chuan min rawn kawk a.

A thinrim hle a ni tih ka hria,an hospital-a ka thawh avang hian a duh duh min zawt thei turah a inngai a nih chuan a tisual hle ang.

Chair-a thu thla in"min rawn duh a nih loh chuan en tur hei ka nei nual a"tiin lehkha chu ka lek a.

Min melh hrawk chunga kawngka lam panin"zak theilo lutuk mai,martin te khawhar lai chuhin ani lawm ni nizan khan an ina i va inlan,engatan mah a ti tawh chuang lovang che"ti hlarin a chhuak nghal a.

Engvanga ka awmdan a lo buai ve vak nge a nih,a tan hlawkna pakhatmah a awm hauh lo,nula la ni se chuan ka hrethiam pasal fa nei tawh a ni a.midang buaipui lovin a pasal leh fa chauh ngaihsak zawk sela a tan a tha daih zawk.

Ka duh ang pawn ka insawrbing hlei thei lo.ka chau nghulh ni berin ka hria,pangngai taka ka muthilh loh vang a ni.

In lama ka haw chuan kawngka a lo inkalh thiap a,chahbi spare ka ken chu phawrhin ka lut a,inthlak nghal mai lovin sofa ah chuan ka mu vang vang a.

Ka phone ri ka hriat a,ka en chuan Pick up vatin"nute,khawhar inah mi in awm?"ka ti vat a.

"Aw,kan rawn haw har deuh hmel.Daniel'an zan lam thlenga awm turin min ngen a.i patea pawh a pangngai ve deuh tawhin ka hria,nang i tha ang tiraw?"a rawn ti a.

"Tha e,Tluangtea nen driving license buaipui turin Mission veng lamah kan leng dawn nia aw"ka tih chuan"Martin-a nu,Pi Hlumawi'in i rawn kal ve loh chhan min zawt a,mahse ngaimawh vak duh suh.ka dah dawn nia,engkimah fimkhur rawh aw"ti hluaiin a phone chu a hmet thi nghal a.

Nutei nena kan inbiak zawh rual deuh thaw chuan Tluangte'an min rawn phone in"in in lamah ka rawn kal nia,khawiah nge i awm?i thil tur kan buaipui dawn tih i la hria em?"ka pick rual chuan a rawn ti nghal zat a.

"Teh chiam a che.,inah ka awm reng alawm,i rawn kal mek tak tak a mi?"ka ti hlar a.

"Aw,kal mek e maw le"ti hmukin a phone chu a off a.

Ka chungah a thinrim a mi le?nge thildang vang zawk.ka inthlahrung riau mai.chhuna Driving License min siampui tura ka phone khan thinrim awm angin a awm si lo va.

Ka hmai chu phih faiin make up ka inhnawih tha sawk sawk a.ka sam siam that ka tum lai taka kawngka a rawn rik chuan ka bag khai chunga kawngka chu nam hawngin"ka inpeih a ni mai"tia ka hmazawna ding ka hmuh chuan tawlh hnung nghal vatin"Martin,enge i duh?"ka ti hrawk a.

Ka kawchhung nen lam min hmuh tum niawm taka ngun thluk zeta ka taksa a melh kual dan dan avang chuan ka bag chu ka awm zawna dahin"chhuak rawh.i va zak lo ve"zam ru deuh takin ka ti lawi rat a.

Inchhunga a rawn pen luh chuan nam chhuah tuma ka kut ka phar chuan ka tih tum hria niawm tak ka kut pahniha lo man betin"tunge i lo beisei a?min hmu chu i lawm viau ka ring asin"thu tak zeta tiin pawn lam a hawi a.kan inkawta Tluangtea car rawn ding chu chal chuar chunga enin"ani nen sawn engthil chiah nge tih in tum?"ti hrawkin ka kut chu a hmer vak a.

Ka kut mu churh churh mai chu hai der lui hramin"buaina i nei a mi?nge ni a,mi zawng zawng awmdan hriat vek i duh zawk?min thlah rawh,he inah hian i duh duh rawn tih tum suh"tiin ka kut chu phih thlak ka tum a.

Tluangte'an"Hmeichhia duh lo chunga khawih hi dan phal lo ani tih i la hre ve lo ami.minister Martin"kawngka bula ding chunga a rawn tih chuan Martin'an,Tluangte chu melh ngurin"min khawih hmasak te chuan kan inven ve angai alawm"tia ka kut a chelh chu thlahin ka kawngah nghet zetin a rawn chelh nghal a.

A kut phelhsak tum chunga"min thlah rawh,i duh duha tihkual theihah min ngai a mi..."ka tih chuan Martin'an a kut lehlam hmanga Tluangtea hmaia a hnek thuai ka hmuh chuan thinrim zeta martin-a awma chum vak vakin"i va zak love,ka thiante lehzel kut i thlak ngam a maw?mi nunrawngpa,nang hian engtiang taka min tihnat belh nge maw i duh le?"mittui tling piau in ka ti a.

"Bawihte"aw ril ruiha martin'an a rawn tih chuan ka kut chu a awma nghatin makti takin ka en chho ha a.

A hmelah chuan hreawm tihna leh min ngaihtuah hmel ka hmu tlatin ka hria.

Lungawilo aw zeta"Jessy,nidangah kan kal zawk dawn nia"Tluangte'an martin-a nena min melh tawng chung a rawn tih chuan "Tluangte,khawngaihin kal suh"tia martin-a lak atanga talchhuah tumin"min thlah teh,nangma vang vek,enge i duh a?"tiin Tluangtea kal chu ka en tawk tawk a.

Rum hawk chunga ka kawnga hmer nghet sauhin"Kan ina rawn awm turin ka duh che"a tih chuan phawk zeta enin"engmaw i saw?i a mi?"ti nghekin Tluangtea tlan liam mek chu ka melh zauh a.

Ka lak atanga a mit lasawn chuang hauh lova,Min vawnna chu thlaha tlema tawlh sawnin"chhun atang khan Eric'an kawthalo leh luakin a bei a,damdawi in lama in enkawl ai chuan kan ina inenkawl Eli'in a duh zawk a.Lancy-in a buaipui hman si lova"a tih chuan maimichhinga ka lu thingin"dawt sawi suh,Daniel'an engmah min hrilh hleinem,i thusawi ka rin ngawt nachhan tur ka hrelo,min chhuahsan rawh"ka ti hrawk a.

"Ka hruai dawn che tih an hriat avangin an rawn phone lo che a nih kha,Eric-a enkawl tur chuan min rawn zui dawn nge dawn lo?"nghet charha tiin inchhung chu a melh kual a.

He mihring thusawi hi awih tur nge awih loh tur tih ka hrethiam thei lo.Thudik a sawi a,ka kallo a nih chuan ka inthiam thei hauh lovang.

Chhuata ka bag thla chu lungawilo ru taka chharin ka phone chu ka phawrh a.

"Min ringlo a ni maw.i lungawina tur anih chuan han phone ta phawt che"ti deuh nguta a kekawr ipte zenin sofa chungah chuan a thu thluang duai a.

Ngei zeta melh nghekin Daniel-a number chu ka dial a.A rawn pick up ruala"u in rawn thleng dawn tawh em?Bawihtea hi a luak leh a nia"mangang aw taka a tih chuan"aw kan rawn kal mek"tiin ka phone chu ka dah nghal a.

Martin'an"i mamawh tur va la la,a tir atang khan min hnial lo lang chuan kan thleng tep tawh ang"a tih chuan ka bag ak thain"sawi tha ve mai ta che,Daniel-a te pawh min rawn hrilh hmasak tur nia,kal nghal mai ang"tiin kawngkapui lam ka pan a.

Ka hlauthawng tak zet a ni,tunlaiah naupang kawthalo leh luak avanga damdawi ina awm leh nunna hial chan an tam si a.kut khur dar dar chunga kawngka kalh ka tum chuan ka chabi ken lai chu min rawn lak sakin"ka lo ti ang"tiin chahbi chu a rawlh lut nghal a.

Martin-a car chhunga ka thu fel deuh chiah tiha ka phone ken lai a rawn chuan ka en vat a.Tluangtea a number ani tih ka hriat chuan thaw halha pick up in"i tha em?ka ngaihtuah lutuk che a" tiin Martin-a lo rum ngut chu ka melh a.

"Ka tha lo,min ngaihtuah tak tak lo tih ka hria alawm,beiseina tlem te ka neih hi engmah lo mai ani tih in pahniha hmel ka hmuh khan ka inhrechhuak a ni"a ti ruih a.

Thaw halh paha pawn lam enin"ka vahpa Eric-a a dam lova,ka buaipui angaih vangin lawm a rawn kal"ka tisap a.

"Khawi Damdawi..."a tih lai meka Martin'an car tape ring zeta a rawn play thut avang chuan Tluangtea thusawi pawh ka hre zawm tha thei tawhlo.ka beng lehlam hupa"hello,i tawng ka hre tha thei lo nia"tia thinur taka Martin-a melh hrawkin"ti zawi lul teh,engemaw i hriat le?"tiin car tape chu ka ban a.

Ka kuta rawn man betin"a neitu phalna lovin,mi thil an khawih ngai lo"ti ngutin ka kut chu a chelh bet tlat a.

He mihring han chimawm thiamzia hi chu aw,ka kut chu thinrim zeta lasawnin ka phone chu ka bengbulah chuktuahin"nakinah ka rawn bia ang che,tunah chuan engmah a sawi theih rih loh"tiin ka phone chu ka off a.

Martin-a te in bula kan din a,motor atanga ka chhuk chuan khua a thim tan tawh a,motor chi hrang hrang bakah mihring an la tam hle a ni tih ka hmu nghal.

Martin'an"inchung lamah kal tlang nghal mai ang"ka bula ding chunga a rawn tih chuan bu nghatin hmalam ka pan a.min en duh hlawm hle mai,thenkhatin hmuhnawm thlira min en laiin,thenkhat chuan hmuh thianglo hmu niawm takin min en a,ka awm an ti nuamlo zo vek.

Martin'an"Eric-a vang chauha helai hmuna kal i ni tih i hre dawn nia.i rilru ti hah duh suh"tiin inchhungah min luhpui a.

Inchhunga miten martin-a nen kan inzui min endan atang chuan min sawi zui leh ngei dawn ani tih ka hrethiam,mahse an ni min ngaihdanah ka rilru ngaihtuahna ka tibuai hman lo,an duh duh danin minlo sawi teh se.

Eric-a awmna room chhung a kan luh chuan Nutei te nupa leh Lancy-i te chhungkua in khuma Eric-a mu an lo ding hual chu ka hmu nghal a.

Nute'in"in lova thleng har ve"mangan hmel taka tiin khuma Eric-a chau tih hriat zeta mu zawi nguai mai chu a en a.

"Ngatinge nichina min rawn phone khan engmah i sawi loh?"tiin Lancy-i kiangah chuan ka phei a.

Nute'in"inhnuaiah kan awm char char a,Daniel-a hi lawm mi hrilh nachang pawh a hrelo,Lancy'in nichin mai khan min hrilh lo se chuan engmah kan la hre hauh lovang"a tih chuan Daniel'an"a tha leh mai turah ka ngai lawm,bengchheng chiam lo teh u"a ti vin hrawk a.

Martin'an"heta kan awm vek chuan a tha lovang,ka nu nangni tal lo zuk chhuk rawh u.Lancy,tih tur awm ang chu Jessica-i hi hrilh la"tiin a nu leh pa hnungah chuan a zui ve nghal a.

Lancy'in"luak dan na,pum damdawi leh nachhawkna ka pe zo chiah a,IV Fluid inkhai hi lo enpui mai ta che,Jessy i remchang hlauh chu ka lawm khawp mai,midang han tih buai lehzel chu a inthlahrun awm si a.Tukin khan i haw lai ka hre miah lo"tiin ka bengbulah a rawn phun sap a.

Lancy-i chu melh nghekin"nge min kaihthawh ve loh?zuk chhuk tawh rawh.Eric-a chu lo ngaihtuah suh"tiin El-i kiangah ka thu thla a.

Nute'in"damdawi in lamah kalpui mai ila,anih loh pawn kan in lamah tal phei ang u"a tih chuan Daniel'an"hruai sawn theih pawh a nih loh hi,hetiang bak chuan damdawi inah pawh a enkawl theih chuang lohvang.Nute,ka u a awm tho a,lova haw rih rawh u"a ti hmuk a.

Pate'an"engemaw thutah chuan min lo phone hreh su aw,tih theih kan nei ve vak si lova,kan tibuai mai mai zawk che u"tiin nutei chu a kai chhuak a.

Daniel-a te nupa nen chauha kan awm hnu chuan Eli'in"Dan-a hi lawm,thil a ngai ho thei lutuk a.a tirah rawn hrilh che ka tum pawn a phal tlat lova.Bawihtea pawh chhun atang khan vawi sawm ngawt a e a,vawi li a luak tawh"tiin Eric-a muhil luah chuan a chulsak a.

Daniel'an"a nuamlo lawm,zingah khan Umartin-a nen in inhau si a.u engtin nge a rawn hruai chhuah che a,nutei khan Mission veng lamah kal i tum tih a sawi a"a tih chuan an pahnih in min en kar a.

Eric-a kuta chulsakin"Bawihtea hi a damlo tih a sawi a.Eli mu hahdam rawh u,kan hmalam hun tur a hriat si lova.ka lo awmpui ang"ka ti a.

Eli'in"ka pa leh ka u hi tun thlengin an la inngeih lo.Ujessy khawngaih takin ka u awmdan hi hrethiam hram rawh aw.in inzui loh hnu atang khan inah hian a awm ngai mang lo a,zinna tur a zawng kual reng ni berin ka hria."a tih chuan nui lui chungin"Eli mu hahdam tawh rawh"tiin ka phone chu ka khawih a.

Martin-a chungchang chu hriat belh ka duh rualin ka tan chuan hriat loh law law a tha a ni.Martin-a pa,Pu Thara hi ka patea'an keimah avangin a hua a,martin-a lehzel hian engvanga hua nge a ni tih ka hrethiam lo,an pafa inkar a ni a,keia lo ngaihtuah ve vak a ngai lo tih ka hria.

martin-a hi ka huat ber lai pawha engtin nge a awm ang?enge a tih?khawiah nge a kal ang?tu nen nge an awm dun ang?tih ngaihtuah reng renga ka awm fo thin hi ka duhlo tak zet a ni.

Tluangte'an message min rawn thawn chu reply in Eric-a damloh thu leh martin-a te in lama ka awmpui thu ka hrilh a.

Tluangtea tal hi ka rilru zawng zawngin duh let ve thei ila ka inti ngawih ngawih,kan ina a rawn kal chang leh phone hmangin min duh thu a sawi fo.Thian anga awm ka duh thu leh min mamawh hun apianga thian tha tak anga a a kianga ka awm tur thu ka hrilh thin a ni.

Eric-a chu a pawh tlem chuan a zia awm tawh,ka awm hnu in vawi hnih chiah a ek bak chu thildang engmah harsatna a awm lo.a drip khai lai chu muang changa kal tir a nih avangin zan dar sawm pakhat hnu pawn ka la vil reng a.

El-i leh Daniel-a chu Eric-a mutna piaha khum awmah chuan an muhil a,room kawngka lama thawm ka hriat chuan martin-a Jumper suit grey rawng ha a,inbual zo tih hriat zeta sam la hnawng chhapa bowl keng chunga lo pen lut ka hmuh chuan thaw halhin ka insangmar nghal at a.

A thutna bula rawn dingin"kha hei hi ei rawh,damlo enkawl tu nih chuan mahni intih chak angai tih i hriat kha"tiin a thil ken lai chu ka hmazawnah a dah a.

Pasta ka duh thinzia ala hria mi le?ka damloh laia min awmpui khan zan reiah Pasta kan eidun fo si a.

A bowl ken lai chu banin"ka lawm e,drip kal lai hi a zawh huna an ngaihtuah awm loh chuan ka Patea ka inhruai tir mai ang"tiin Pasta chu ka ei a.

Ngawi renga Eric-a khum mawnglama min hmachhawn zawnga thut chuan lehlam hawiin ka thil eilai chu a tui leh tui loh pawh hre mumal lovin ka dawlh pawp pawp ringawt a.

"i tih tur Eric-a vang hian i thulh ta si a,i thinrim viau lo maw?Tluangtea nen khan khawia kal nge in tum a?"pangngai zeta tiin a kawr ipte a zen a.

Thochhuaka tui bottle banin"Lancy-i hi ngatinge a rawn kal leh lova,a buai viau mi?"ka ti ta daih a.

Rum hawk chunga rawn dingchhuaka min rawn pan hnai pahin"ka thusawi lai thlak tum suh.ani nen khan engthil chiah nge tih in tum?"a ti hrawk a.

El-i leh Daniel-a te mutna lam hawi vata tawlh hnungin"engemaw i hriat le?min rawn hnaih suh.ka awmdan apiang hrilh che ka ba lo"ka ti fak a.

Ka thusawi ngaipawimawh lo zeta bang si cheta min nawr betin"i nute'in driving License siam in tum a ni tih a sawi.i hre tawh lo a mi?nang hian kum khat chhung driving license khawiah mah i nei thei dawn lo tih?dil engang mah la,i hmu chuang lovang"a ti chhur chhur a.

Rapthlak ti zeta Martin-a ena ka tawng tur chiah chu ka hmuia rawn hupa ka bengbula thaw lum ham hamin"inbengdai rawh,i thinrim hmel ka hmuh hian engemaw tih ka chak thin tih i hriat kha"a ti sar sar a.

Talchhuah tuma ka taksa ka tihchet chuan awmzia a awmlo ngei mai.kan taksa chu a innawk nasa telh telh ni berin ka hria,a mipatna in ka mal a sik chuan ka mengphawk vak a.ka taksa chu a mur chuai chuai in ka hria.

Mitmeng danglam tak chunga min rawn melh chhuk chunga"Tluangtea ai chuan ka siam nuam zawk ang che"tiin a kut lehlam chuan ka malah a chul a.

Eric-a tap ri ka hriat chuan ka theitawp nam sawnin Eric-a mutna bulah chuan ka thleng phei nghal a.

"ngatinge a?"Eli'in a rawn tih chuan Eric-a mawng khawih sakin"a e nih hi,kan thlak nge?"thaw halh chungin ka ti a.

"Eli,nangmah khan thlak rawh,hetiang thil hmachhawn tur hian alawm pasal i neih"martin'an a rawn tih chuan phawk zetin ka hawichhuak a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:34 pm

I TAN CHAUH-18 (+18 adult only)
www.storyfb.com mizo story thar nitin dah ziah a ni e


Martin'an hmui chip hmak chunga minlo en ka hmuh chuan hawisawn nghal vatin"keiman ka lo ti ang,naute ek i ten a,i khawih peih lo a nih te chuan i chhuak thei reng alawm"ti ngatin Eric-a diaper chu ka pawt phelh a.

Eli'in"Dik chiah,i room-ah va mu tawh rawh"a tih chuan rum ngutin"Jessica-i hi biak ka duh a.Lancy-i zuk ko lawk mai rawh"thu tak zeta tiin ka kiangah a rawn ding run a.

A rim pa zet mai leh a hu hang na tak avang chuan ka thaw a chham thei hial dawnin ka hria.ka tha khur dar dar mai chu thup tum hram hram chunga Eric-a drip bur ruak chu phawi sakin"Kan inbiak nachhan tur ka hre lo.Daniel'an kan in lamah min thlah haw tawh sela a tha ang"tiin Daniel-a muhil chu ka en a.

Eli'in"Ujessy,i riak ve dawn emaw ka tia,naktuk zingah in in lamah kan phei tlang dawn nia"a tih chuan martin'an ka bana rawn kaia chair-a ka bag dah chu la in"Lancy-i chu zuk ko mai rawh,ka hruai haw ang che"tiin room atang chuan a hnuh in min hnuk chhuak dawr dawr a.

Thinrim zeta Martin-a ban leh dar bawra chum vak vakin"i va zak love,min thlah rawh.i khawhar hnem turin hmeichhe dang an tam lutuk,min beisei hauh suh"zawi fiah takin ka ti hlar a.

Room kawngka pakhat hawnga min luhpui chuan zing lama kan awmna room a ni tih ka hre nghal a.mitmeng buai deuh taka Martin-a ka en chhoh chuan couch chunga min nam thu hnawkin"kan inbiak angai tih ka sawi a ni lawm ni.khapa nena zana chhuah dun kher kha enge a tulna,Driving License i duh a nih te chuan min hrilh ve mai ta che.Nang hian min hmangaih lo mah la,Jerome-a i ngainat ang tal pawn min ngaina ve thei lo a mi?"ti hrawka ka bag chu ka thutna bula rawn theh thla in room chhungah chuan a vei kual a.

Ka kut humruh chunga thaw halhin"martin,khawngaihin hetiang lam hi chu sawi lul lovang.Jerome-a leh Tluangtea te anga thin tha hi ka nei tawh kher lovang,social media leh chanchinbu vela min sawidan zo zai te hi ka kham tak zet a ni.zanina i chhungte leh midang ho in min endan kha ka hai hleinem,engtin nge min sawi zui ang.Eric-a damloh thu an hriat hmel hlawm si lova,"ka ti raih a.

Min rawn thut hnaih rawk paha ka bianga rawn dawma chiang zeta min enin"i thinglungin a duh ang in awm tawp rawh.midang in an hmuh danah che buai suh"nghet charha tiin ka biangah chuan a tuai a.

Ka biang sa hat hat chu thup tum mah ila,thup zawh rual a nilo,ka ngaihtuahna te chu a chawmawlh vekin ka hria.Ngatinge he mihring hian ka taksa a tawh apianga buaina ka neih bik ziah mai le.

Thaw halh chunga ka chal leh a chal chu insik tir in"Bawihte,Ka mamawh che a ni"ti tuaka ka bianga fawp thla dan danin ka nghawng leh bengbulah tisa chakna avanga thaw ham ham chungin a fawp kual ruai a.

Aw khur dar dar chunga a awma nemin"awm sawn rawh,ka haw duh"ka tih zawh rual deuh thaw chuan Ka kawrhak chunga a kut lum thar thar daha ka bra chhan atanga ka hnute huamhap hmel taka a tham avang chuan maimichhinga dak awka rumchhuakin Min fawhna chu duhthaw zetin ka chhang a.

Rum chhuak hawk chunga ka mala chelha min pawmkang nawlh rual chuan a nghawnga kuahin ka mal chuan a khelhah nghet zeta kherh betin duhthaw zetin kan infawp tawn tawn a.

Khum zau leh dup tak chunga min nghatin ka pheikhawk bun lai chu dawhthei lo hmel taka hlipin a taksa lian tha zet mai chuan min rawn delh betin ka kawr leh bra chu ka awm lamah hlim chho phawkin ka hnute chu a lei lum thar tharin a rawn fawp kual a,a fawh lohna lampang chu a kutin a chul ruai nghal a.

Thaw halh halh chunga a sam karah leh a hnungzanga chul ruaiin ka hmui hnuai lampang chu ka seh vak ringawt a.

A kut lehlampang hmang ka kekawr kilhna chu phelhin ka mal inkarah a kut chu a dah lut nghal a.

Ka mal chip chawih chunga"Martin"tham tiaka ka tih rual chuan ka hnute hmur chu pet fan zeuha tisa chakna mitmeng a khata min rawn enin"Bawihte min mamawh ve a ni tih ka hria lawm"tia min rawn fawpin a ke zungpui hmang chuan ka kekawr leh underpant chu zei zetin ka chawn lamah a hnawl thla a.

Minute sawmhnih hnua khur dar dar chunga thaw halh halha ka sira Martin-a chauh hmel zeta ka chung atanga let thla in a awm thlan avanga hnawng chhap mai si cheta min kuahin"Bawihte,mipa dang kianga hmuh che ka duh lo,ka ta i ni a,i ni reng fo ang"thaw ham ham chungin nghet charhin a ti a.

Ka chil lem khawlh chunga lehlam hawia sai sirin"hetianga awm tur kan ni lo asin,martin a dik lo a ni"ka tisap a.

Min kuahna a kut lasawna puan min rawn sin tirin"tikhan muhil rawh,tumah an lokal lovang"tia khum atanga thochhuak nawlhin a in ha tha nghal a.

Inbeng kang chunga makti deuh taka martin-a chezia ka en chuan"lungngai suh,khawvar hunah Lancy-i te rualin i haw dawn nia,Eric-a chu ka lo buaipui ang"tia ka underpant hring khum mawnga mi chu la in a ak a.

Ka kut phar chhuak a"Martin ka underpant kha"ka tih chuan"ka lo dahtha rih ang,muhil rawh"nui suk chunga tiin kawngkharah chuan a chhuak nghal a.

Zahna leh thinrimna hlirin ka khat ni berin ka hria,engtin nge rilru hah chunga ka muthilh thei ang.midang tumah room chhungah an awm lo tih hre reng chunga khum khuhna puan uk chu sinin ka kawr Khuma darh sarh nuaia awma chu ka hmanhmawh zeta la in ka hawikual a.kawngkhar chu chhung lama kalh thain ka puan sin lai chu khumah theh thlain bathroom awmna nia ka hriat lam chu panin kawngkhar chu ka hawng a,bathroom chhung zau zeta pen lutin ka intleuh sawk sawk a.

Engvanga ka underpant kha ak tha daih nge maw a nih le?underpant ha lova kekawr hlang chauh ka hak chuan ka ruak deuh tlatin ka hria.

Dar hnih a ri der tawh,tunang hunah in lama haw chu a tih chi der si lo.helai room-ah pawh hian ka riak ringawt thei lovang,he inah hian Eric-a damloh vang chauha kal ka ni a,ka awm bosan thei lo a ni.

Zam ru deuh tak chunga kawngkhar chu hawngin El-i te awmna room lam chu ka thawm dim thei ang berin ka pan phei a.

Kawngka ka hawn ruala Lancy-i leh Martin-a khum bula lo thu dun ka hmuh chuan rawn hawi dunin Lancy'in"ka u hian i muhil a ti sia,Eric-a pawh a tha tawh lutuk.i chau ngawt lo maw?"tia min rawn pan chuan Martin'an nuihzat hmel taka minlo en chu melh hrawkin"ka inphih harh lawk a.ka lo awmpui ang,va muhil rawh u"ka tisap a.

Lancy'in"kan chhungte thenkhat inhnuai lamah an riak nual a,eitur choka lamah kan en ange,tikhan lo awm ula,ka rawn chho leh vat ang"tiin room atang chuan a chhuak nghal a.

Thaw halh chunga Lancy-i chhuak en zuia ka hawi reng lai chuan"tikhan i ding reng dawn a mi?lo thu rawh"tia a kianga thutna awm martin'an min kawhhmuh chuan Eli te muhil chu an harh leh harh loh en a,ka lu thinga tukverh bula kal pheiin"va chhuak ve rawh,ka lo awmpui ang"ka tizawi sap a.

Ka thusawi hrelo niawm taka thu nghet sauh chunga a phone hlai tha zet mai chu phawrhin a hmet nauh nauh a,tun ang zan reih tunge maw a biak le?ka thin chu a tawt deuh up up in ka hria.

Ka bag ah chhunga ka phone dah a rawn rik chuan Martin-a chu ka en vat a,a phone lek kang va chunga a mitko san akin"en rawh"hmui phunin a ti a.

Ner nang chunga ka phone-a"ka bialnu ka rim alawm,khuma khawhar zeta mahnia mut ka peih lo"tih message min rawn thawn ka chhiar chuan martin-a chu melh rawm rawmin"i bialnu ka ni kherlo,ka thil kha min pe let vat rawh"tiin ka reply a.

Lancy-i eitur rawn chawi lut ka hmuh avanga ka phone chu ak tha in ka inkuangkuah than a.

Lancy'in"u i duh chuan va mu tawh rawh,Jessy-i hian nuamlo a tipalh ang"tiin bowl-a eitur a rawn ken chu min pe a.

"Ka mut a chhuah hunah ka mu mai ang,hetia Ka thut ve avanga nuamlo a tih chuan amah a inhrem tihna ni mai.Lancy nangmah kha i room lamah va mu zawk rawh"martin'an a tih hluk chuan ka lo ner vak a.

Lancy'in"nuamlo i tih chuan ka room-ah lokal rawh aw.ka lu a na rum a,tlem tal mut ka mamawh naktuk lamah kan la buai hmel si a,in thil eina chu zingah kan awmpui ten an rawn la mai ang,ka chhuahsan ang che u"tiin a chhuak lehnghal a.

Martin-a nen ngawi renga eitur kan eizawh hnu chuan kan thil eina vel dawhkana ka dah a,tui ka in lai chuan ka bula rawn dingin"i chau em?"tiin ka dulah a rawn chul a.

Ka tui in chu ka hak teuh kher mai,a kut dahsawn tuma"chau e,va mu rawh"tia kalsawn ka tum chuan a taksa si cheta min kuah hnai dawrhin"ka ta i ni reng fo vang,ka hun tha neih hi bawh pelh ka tum hauh lo"ka bengbula tisapin ka sam chu ka bengah a zep tha a.

Engvanga ka chunga thuneih tum em em nge maw a nih tlat le?ka thinphu rang zet leh ka hrawk tawt up up avang chuan ka tawngchhuak thei der lo.

Ka awm zawna a kut rawn dahin"ka hria alawm,min ngaihtuah duhlo mahla,i thei lo a ni,kar lehah Guwahati-ah ka rawn zui ve ang che"a tih chuan phawk zeta enin"Guwahati-ah maw?engmah tih tur ka nei hleinem"ka ti ha a.

Nui hak chunga tukverh ka thutna lama min kuah phei pahin"Beuty contest an neihna turah nang hi endik tu tur i nia lawm,lehkha i la hmu lo a niang,i hun tha neih hi bawh pelh suh"tiin ka kutah a hum vang vang a.

Thaw halh chunga Martin-a chu enin"i pa nen in inkar hi a tha vak lo mi?Eli'in a sawi a?"ka tisap a.

Ka kut hmer nghet sauh chunga rum hakin"sawi ka duh rihlo,ti hian awm hle hle teh ang,ka chau tak zet a ni"tia thu thluang duaiin a maimichhing a.

A dara khawi zeuh chunga"ka thil kha,min pe lo pe teh"ka tih chuan la maimichhing renga khi sukin"ka kawl dawn,min dil tawh suh,kei leh nang chauhin underpant i ha lo tih kan hre tho alawm,ka room lama ka hruai phei leh che i duh loh chuan awm hle hle rawh"ti ngutin a inkuang than a.

Hepa tak hi chu aw,hlauthawng zeta a hmuia hupin"ngawi rawh"tiin Eli leh Daniel-a te chu ka en vat a.

Ka kut man beta a ka chhung lum zeta ka kuttang pahnih a rawlh chuan ka taksa zawng zawng chu a sa chhuak vekin ka hria.

Rang zeta ka kut chu phawi chhuakin Eric-a khum bulah chuan ka hmanhmawh zetin ka thu phei nghal a.

Lalpa leh,he mihring lakah hian inchhuan theihna ka nei hlawl lo.ka in haw tak zet a ni.Martin-a lam ka hawi chuan a tukkhuma a kut suihin thawven hmel zetin minlo en reng a.

A thutna atanga rawn thochhuakin"muhil rawh,ka tibuai che a nih hmel,ka room lamah ka phei san ang che"tiin kawngka lam a pan nghal a.

Ka rilru a buai nuai a ni ber,hreawm ka ti tak zet.khua a var chuan ka maimichhing ve thei hram a.

Daniel'an ka dara rawn sawi chunga"u,harh teh,in lamah phei kan tum ania,kan rualin i rawn phei ve dawn em?"a tih chuan ka thutna atanga thochhuakin"aw kan in phih harh lawk,ka rei lovang"tia ka bag a towel leh tootbrush ka pai reng thin chu phawrh in toilet-ah ka lut a.

In kan thlen chuan Nute'in"nizan lamah engmah chanchin min rawn hrilh si lova,dar khat velah kan muhil chauh alawm,Eric-a chu khawi kan lo pawm ang.thingpui saw lo va inthilt ula,E Jessy i lehkha tur dawhkanah khan ka dah nia"a tih chuan ka pan phei nghal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)