I TAN CHAUH By Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: I TAN CHAUH By Basta Tlau (Completed)

Unread post by Ngaia » August 6th, 2017, 3:45 pm

I TAN CHAUH-30
http://www.storyfb.com mizo story thar nitin dah ziah a ni e

Mit zim san chunga Martin-a hmel ka en chuan dawt a sawi hauh lovang tih ka hria.A kut man sak paha a awma nam datin"damdawi in lamah va phei tawh rawh"ka ti a.

A lama min kuah hnai pahin"awle,awle,mahse tui taka ka mut theih nan fawh che ka duh"aw pangngai zeta tiin ka hmuiah a rawn bawh thuah zui nghal zat a.

A awmdan leh a tawngkam langtlang theih lutuk hi chu a lawmawm in,a nuihzat thlak hle in ka hria.

A hmui thlem a lasawn hlek paha lungawi loh hmel zeta min rawn enin"engvanga nui nge i nih?"a ti ngut a.

La nui reng chunga Martin-a bianga piai sak zeuhin"naupangchhia i ang em alawm"ka tih zawh rual deuh thaw chuan phun hluk paha min pawm kang nawlhin"naupangchhia ka nih leh nih loh i fiah duh a mi?"thu tak fahran a tiin khum var thianghlim zet awmna lamah min pawm phei a.

Hlauthawng zeta ka ke leng vakin"Martin,engthil nge maw tih i tum le?min dahthla teh?"ka tih chuan khum chunga min nghat thla in"min hlau a ni maw?Ngatinge?Jessica,hmeichhia mutpui chak leh mamawh viau niin min ngai a mi?Mi thianghlim chu ka ni hauh lo.mahse,ka nuna i rawn lan atang nanglo hmeichhe dang ka mutpui ngai lova,chakna pawh ka nei hek lo.nangin min tih phur ang hian tuman ti phur thei lo a ni"ti ruihin ka sir khumah a rawn thu thla hnawk a.

Makti zeta Martin-a chu en in"dawt min hrilh suh"ka ti hrawk a.

Chik zeta min rawn en let ve in"dawt ka hrilh hauh lo che.Jessica,i bula insawi mualpho kher ka duh lo.Nang ka umzui ang che leh ka ngaihtuah ang che hian hmeichhe dang ka buaipui ngai lo tih hre rawh"ti ngutin a ding hluai a.

Ka thin phu nasa lutuk leh ka hrawk a rawn tawt up up avang chuan ka tawng chhuak mai thei tlat lo.

Room kawngka an rawn kik chuan va hawn sak pahin"kan thil chah a rawn thleng,inbualfai hmasak phawt ka duh.i inbual ve duh anih pawn saw lamah sawn Bathroom dang a awm saw"tiin a kawh lohna lam bual pindan dang la awmah a lut nghal a.

Inbual fai chak viau tawh mah ila,Martin-a awm laia insingsak vel ka peih lo.Damdawi in lama a let hunah ka inbual anga ni mai.Thingpui leh biscuit an rawn dah chu in pahin ka phone chu ka check kual a.

Nute'in whatapps a thalak min rawn thawn ka download chuan phawk zetin ka enchiang a.Martin-a te pafa nen Lengpui Airport-a kan inzui lai thalak a ni.engtin nge an lo lak hman le?Martin-a te pafa nena ka inthuam dan in milo lutuk chu ka nuih a za lek lek zawk.coat suit nena an inhak thlap laiin kei ve chu Jumper leh Jeans kekawr nen ka inthuam a.kan thalak hnuai lawk a"Minister Martin Malsawmzuala te pafa leh Doctor Jessy-i hi Mizoram chhuah sanin khawi hmunah nge an kal dawn?"tih an ziak kuau a.

Bathroom kawngka rawn inhawng ri ka hriat chuan ka thingpui in lai chu ngaihtuah chiang hmasa lova tlak papin ka mengphawk vak a.

A sa lutuk,ka lei zawng zawng a kang thei tak ngial dawnin ka hria.Martin'an"ngatinge i hmuam vak ringawt,an no hman hi a sa rei thin a nia,i lem ngam loh chuan tah hian rawn chhak vat rawh"tiin no hun na tray te tak te,tlema kum deuh hlek chu ka hmui zawnah a rawn dah a.

Harsa ti zeta ka thingpui hmuam lai chu lem hram hramin Martin-a taksa ruak kang mai chu ka melh ta nge nge a.

Ka hmai zawna rawn kun hniamin"khawi maw i lei han chhuah teh?"aw pangngai zetin a ti ngut a.

A taksa rimtui tak mai chuan ka thluak a tibuai nuaiin ka hria,engmah sawi buai lova ka lei ka chhuah chuan"a sen hlar mai,a na em?"min ngaihtuah hmel zetin a tisup a.

Ka lu thing nawka tawlh sawn ka tum chuan a taksa si chet a,min kuah hnai dawrhin"tlan chhe nun neih hi hahthlak i ti miah lo a mi?"a ti ngut a.

A awma ruak kang leh rimtui zeta ka kut dahin"ka tlanchhe lo,min thlah rawh"ka ti ruai a.

A kut pakhat chu ka mawng zawna dahin a taksa si thlarhin min pawt hnai a,ka malin a towel chhana,a mipatna khawng tha zet a tawh rual chuan thaw haka hawichhuakin"Martin"ka ti tuak a.

Mitmeng si sap a,min rawn enchhuk paha a mal chu tichhe hrutin"umm,ka ril a tam tak zet a ni"tisupin ka jeans kawngah chuan a kuttang a rawlh lut a.

A thusawi awmzia ka hrechiang lutuk tlat.he mihring lakah hian awlsam taka tluk luh ka tum tawh hauh lo.ka rilru chu thunun hram hramin"i ruala helai hmuna min hruai chhan hi,i duh duh huna min mutpui theih nia min inrin vang a mi?"ka ti fak a.

A thil tih lai chu chawl datin"hreptak che hian.Jessica,lungngai suh,i duh loh chung chu ka khawih hauh lovang che"ti nguta min thlah dawrhin a kawr dahna lam a pan phei nghal a.

Hlim taka nui tur ka nih laiin ka nuichhuak thei hauh lo.ka din ngaia ding tlawk tlawkin Martin'an kawngka lam a pan mek chu ka melh a.A thinrim hle a ni tih ka hria.

Ka phone a rawn rik chuan min rawn call tu chu enin ka reject nghal a.a hnu lawka"vur ang maia,hmeichhe vawt leh lumna neilo i ni.mipa tihphurna pakhatmah i nei ve lo,Martin-a pawh i tilungawi thei chuang lovang?"tih message ka chhiar zawh rual chuan ka nghing lawihin ka hria.

Sofa-a thu thla hnawkin ka maimichhing sawk a,vur ang maiin ka vawt a maw!Hmeichhe tin te hian mipate ti lawngawi lotu nih ai chuan midang hiptu nih leh tilawmtu nih kan duh vek a.mahse

kan kiang hnaia awm tur erawh chuan duhzawng biktê kan neih theuh.Tun hnua ka thian pahnih te hnen atanga ka hriat leh danin ka bialpa hlui ten ka zei loh thu leh mi tihphurna ka neilo niin an lo sawi a ni.

Sangzuala message min rawn thawn chu chhiar nawn leh ngatin"i duh ang angin min ngai rawh.Pawi ka ti lo"tiin ka phun sap a.

Ka mit ngeiin Martin-a awmdan leh ka taksa a tawh apianga a pangngai loh zia ka hrechiang.mipa tih phur na chu ka nei ve chiang alawm.

Ka kawr chu phawrh chhuaka ka rem that hnu chuan towel nen Martin-a luhna hnu bathroom-ah ka lut a.

A kawr hak hnu chu hmun khata a ban chu enin ka ner sawk a.a jockey underpant dum chu su tih hriat zetin a lo inzar pharh duai bawk a.

Ka lu thing nawk chunga ka sama in kek in"pangngai takin awm rawh.thil thalo engmah ngaihtuah suh"tiin keimah leh keimah ka infuih mawlh mawlh a.

Bathroom atanga ka chhuak chu mutkawr ha nghal vatin khum thianghlim leh zau tha zet maiah chuan ka inthawlh nghal vat a.

Ka room kawngka kik dawt dawt ri ka hriat ruala Martin-a aw in"Jessica,kawngka lo hawng vat teh.ka tih chhiat hma in.Jessica,i harh em?"a rawn tih chuan kelawngin hmanhmawh takin kawngkhar chu ka hawng nghal a.

Martin-a leh hotel-a thawk mi panga vel mangan hmel fe a lo ding ka hmuh chuan"i pa a tha lo mi?"ka ti vat a.

Ka ban reka rawn man betin"mut duh leh lutuk"a ti hmuk a.

Hotel waiter pakhatin"kan phone call i chhang thei lova,kan mangan deuh hlek a lawm,min hrethiam rawh"a rawn tih chuan kawngka chu khar chilh hmakin"dar riat a pel tawh,nang hian min ti mangang tak zet a ni."ti hrawkin ka taksa chu a rawn thlek dan dan a.

Coushion pakhat chu pawmin"Pa Thara chu enge a an?"ka ti leh ngat a.

"A tha,chawhnu lamah ka nu a rawn thleng dawn a?Airport lamah kan hmuak dawn nia,ka pa chu rin ai hma a sawn khawp mai,reilote ka mu ve lawk dawn nia"tia a kawr hak lai phelh mawlh mawlh pahin khum lam chu a pan nghal zat a.

Phawk zeta khuma Martin-a bawk thlawp chu enin ka ner sawk a.Hmm,a intithu ngei mai.Ama sum ring a,helai hmuna riak ka nih avangin ka sawisel ngam der si lo.

A maimichhin tlat avang chuan thawmdim thei ang bera ka slipper bunin bathroom-ah intifai turin ka lut a.

Bathroom atanga ka chhuah rual chuan khuma zangthal zawnga Martin-a puan sin mumal lo taka mu ka hmuh chuan puan sin that tir tumin ka pan hnai a.Room chhung hi Ac ni mahse khua a vawh avangin hritlang,khaw sikin a man ang tih ka hlau a ni.

A nghawng zawna puan ka pawh chhauh lai chuan rawn che hruatin khumah min kherh thlu chawrh a.

Te that chunga"min tiphu alawm,i muhil na nge?"ka tih chuan ka hnute zawna a rawn thawk ham ham avanga ka tawng lai chawl datin"Martin,a chi loh"ka tisap a.

Ka thusawi ngaipawimawh lo zeta"hreawm takin min awm tir a ni tih i hria em?he thil hian ka ngaihtuahna a luah tlat"ti nguta ka hmuia rawn fawp nawk nawk pahin ka kawr hnuia dar bahna chu ka ban lamah hnensawh zeta a kut hmanga nawr liamin ka hnute khutu awm hauhlo chu a kut lian tha zetin a hup nghal zat a.

Ka ngaihtuah na ah Sangzuala Message min rawn thawn chu lo lang zawkin ka rumchhuak halh a.

Martin-a lu a chelhin min fawhna chu ka theih ang angin ka chhang let ve nghal a.

Martin-a kekawr kap pawng tha zet mai ka khawih rual chuan thaw ham ham chung leh mitmeng buai naka min rawn en in"Bawihte,i tha em?"aw tham tuakin a tisup a.

Nui suk paha ka lu bu nghata thuchhuakin a kekawr leh boxer haklai chu a khup lama ka nawr thla in,ka kut leh hmui hmangin a mipatna chu ka sawngbawl a.

Martin-a rum ri leh ka hming a lam ri ka hriat chuan ka hlim ru veng vengin ka hria.Vur ang maia vawt leh mipa tih phur theihna neilo ka ni bik hauh lo.

Martin'an khuma sai sir zawng kuai mu thlawrh paha ka sir lam atanga ka hmeichhiatna point a rawn khawih fuh rual chuan rumchhuak hawka a lam hawiin a hmuiah duhthaw zetin ka fawp bawrh bawrh a.

A mipatna khawng tha zetin ka point a hrutkual lai chuan phun hlukin thawk leh khatah a thil tih lai chu a chawlhsan nghal a.

Makti deuh taka Martin-a hmel ka en chuan"i venna engmah ka keng lo.Jessica,keimah avanga hreawm i tuar ka phal tawh lo a ni.A hma pawn ka fa pai ngei la ka duh avangin indanna ka hmang duh lova,mahse nangman na i tuar zawk a ni.Nilo,ka chan tep zawk che asin"rilru nat hmel taka ti chunga khum tlanga thuchhuakin ceiling lam hawiin a thaw khawk a.

Martin-a thusawi avang chuan ka vawt nghal sung sungin ka hria.A lama tawlh hnaia a dara khawihin,"Martin,keima thiam loh vek a ni.ihh englo,kei hian hmeichhe dang angin ka tiphur ve thei lo che mi?"ka tisap a.

"Enga,Jessica,engthu lawilo nge i sawi i hria em?nang tluk min tiphur thei hmeichhia hi an awm lo,engvanga khatiang thu kha min zawt nge i nih?"makti hmel taka a rawn tih chuan ka lu thing nakin"engmah a ni lo"tia sana melhin"Dar kua a ri tep?i chauh viau chuan lo chawl hahdam la,Damdawi in lamah ka va phei ang e"tiin chhuatah ka ke ka hlang thla a.

Ka ban reka rawn man betin"condom lo keng ila chuan.,tunah hian ka ang chungah nuam ti taka ka hming lamin i au leh ngei ang maw le?"

thu tak zeta a rawn tih chuan ka lei chhuah khum zeuhin"i ngaihtuahna mai mai a nih chu"ti hlukin a kut ka dahthlak sak a.

Nui huk chunga a lu thingin"ka ngaihtuahna mai a nilo tih kan hrechiang dun khawp mai.kan inpeih hunah damdawi in lamah kan phei dawn nia"tiin bathroom lamah a saruakna zah pui hauh lovin a phei nghal a.

Ka lu thing nak chunga Martin-a tui herh haw ri chu ngaithla in ka thaw hak a.A ruk tak chuan Martin-a rilru put dan leh min tiluih a tum miah lo hi ka ngaisang a ni.ka hmakhua a ngaih vang a ni tih ka hria,min tilui ngat se chuan keipawn khatiang hunah kha chuan ka hnar bik miah lovang.Amah ka rinna a ngheh sauh rualin ka ngaisang ru hle bawk.

Kekawr tlawn dum ka inthawlh lai mek chuan bathroom atanga towel veng chunga rawn chhuakin"ka kawr bal kha i lo dah fel a ni maw?i va ti tha ve"tia ka hnungah a rawn dingin ka nghawngah a rawn nul thuak thuak a.

"I insiam dawn nge,tikhan i ding reng dawn?damlo hruaia helai hmuna awm kan ni tih i hre lo mi?"thaw deuh halh a,ka tih chuan phun hluk paha tawlh sawnin a bag atang a boxer tial chu a phih chhuak dawrh a.


Ka hmai ka chei mawlh mawlh lai chuan Martin'an"i phone chu i charge ta maw?Min ti mangan hman zia kha i hria em?,i mu nasa thei lutuk hi chu a buaithlak ngawt mai"nui huk paha a rawn tih chuan alam hawiin"chimawm viau lo teh?"tiin ka thaw halh a.

A inthuam dan chu a inhmeh tak zet a ni.Cotton kekawr dum chungah T-shirt grey rawng leh leather jacket dum a inbelin,Dark horse perfume a in spark mek bawk a.


A dar san zauh paha min rawn enin"ka landan hi a tha nge tha lo.min chhan vat loh chuan ka rawn pan hnai dawn che nia"pangngai zetin a tisup a.

"A tha,a tha..min rawn pan hnai suh.ka insiam zo tep"tiin ka sam chu ka kilh khawm a.hepa hian ka bul hnaia a awm apiangin ka duh angin ka khawsa thei lo ani tih a hria ni maw?

Goa cancer Hospital-a Pa Thara awmna pawh kar khat a ni ve ta der mai.kan buai thin em avangin ni pawh a reilo hle in ka hria,a thisen hip chhuaka thisen thianghlim dang an pek avangin ICU room-ah a awm mek a.

Nu Hlumawi'in(martin-a nu)"Jessy,i chungah ka lawm tak zet a ni.awm lo la chuan keini chauh tihngaihna kan hre dawn miah lo.kan pa pawh hian hreawm a ti thin khawp mai"tisapin darthlalang chhan atang Pa Thara chu a en vang vang a.

Martin'an"Nu,i ngai anih te chuan la awm ve turin i chelh thei reng alawm,haw kher enge a tul na,kan rualin haw ve se ni mai"thu tak zeta a rawn tih chuan ka ner nak a.

Nu Hlumawi'in"chutin,kan chelh reng thei ngawt hleinem,a lung a leng in,hreawm te pawh a ti ve thei tho alawm.engchen nge helaiah kan awm dawn tih pawh a hriat loh hi.a mak thin e mai"a ti hlak hlak a.

Martin'an"a nih leh,i tih tlat te chuan,ka pa chu a rawn harh tawh bawk a.Jessy-i hi ka len harh pui lawk dawn nia"tiin ka banah a rawn chelh a.

Martin'an damdawiin gate bula min dinpui rual chuan"i ti zahthlak thei e,miin min enthup hi i hre lo mi?"ti hlarin ka kut chu laksawn ka tum a.

Kan zawna Taxi rawn ding seat hnung lam kawngka ka luh theih nana hawng pahin"An duh duhin min rawn en ang hmiang,engatan mah ka ngailo.engvang in nge Mizorama haw i chak viau kher a?i lung a leng a mi?"ti ngutin ka bulah a rawn thu thla ve nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:46 pm

I TAN CHAUH-31
www.storyfb.com mizo story thar nitin dah ziah a ni e

Martin-a awmdan naupangchhia lutuk chu ka nuih a tih zat rualin,ka thin a tirim hle bawk. A duh dan ang a,a awm theihna tur a nih phawt chuan midang mitmei leh an en dan a ngaihsak ngai lova.A duh dan angin a khawsa hmiah zel a ni.Damdawi in lamah mai a nilo,Hotel lamah pawh min ti zak ngun tawh lutuk.

Kan chhungte ho hian Martin-a nen kan inkar hi an hre vek a ni tih phone atanga min rawn biak dan hmangin ka hria.


Martin'an ka dara kuah tum niawm taka a ban a rawn phar chuan a kut vai sawn sakin"thu tha teh"bak hlarh a tiin motor tukverh lam hawiin pawn lam ka en nghal a.

Ka tawng ngaipawimawh lo zeta a taksa si cheta min kuah hnai in"Luhlul reuh lutuk mai,tunah hian dawhtheihna ka ngah vak lo nia,buaina siam lovin,awm tha hle hle rawh"ti ngutin ka banah a rawn chul a.

Phawk zeta enchho ha in"in en ve ta thin che,nangmah zawkin anih hi min tibuai,khawiah nge min hruai i tum a?"ka ti hlar a.

"min hnial reng suh,i thil hawn tur kan zawng dawn"tiin taxi chu a din tir a.

Taxi atanga kan chhuk thlak rual chuan kan piah deuh hleka Mizo rual mi 20 vel ding ka hmu nghal,an zinga mi thenkhat chuan kan lam lo hawiin min rawn kawk a.

Hmeichhe pakhat aw in"A saw,Minister Martin-a leh a bialnu Doctor kha"ring zeta tipaha min rawn kawh chuan ka zak lutuk chu lei hnuaiah pil bo daih ka chak.

Martin'an"school naupang an nih saw,lokal rawh.An bulah sawn va kal ve lawk ang"tia ka kuta rawn chelhin min kalpui nghal a.

An bul kan thlen ruala hmeichhe tleirawl pakhatin"awi ha,thla lak pui ang u"a tih ri ka hriat chuan ka ner sawk a.

An hotu niawm tak mipa pakhat chu kan bula rawn dingin"kan school naupang thenkhat excursion kan neih pui a,nangni zawk enge in tih a?"tia nui vur vur chungin Martin-a nen min melh tawn sek a.

Martin'an"chhungkaw lampang thil a nia"pangngai zeta tia min rawn en chuan naupangho thenkhat chu an lo khek deuh raih a.

School naupang ho kan kalsan rual chuan ka awm dawm chunga thaw deuh huaiin"ka thawchham mai dawnin ka hria,Kan thalak kha Internet lamah an post i ring em?"tisapin Martin-a chu ka melh zauh a.

"An post ngeiin ka ring,i hlauthawng viau a mi?an phone kha ka khawih sak thei si lova,tihngaihna ka hre bik lo a ni"ngaihsam hmel zeta tiin min kalsawn pui a.

Shopping Mall chhunga Martin-a nen thil kan enkual laia ka phone a rawn rik chuan phawrh chhuakin ka ner sawk a.

Martin-a chu ka dar bul lawka rawn kunin"Lancy lah hi engemaw a hriat ve ziah le?khawi keiman kan lo bia nge?"tiin ka phone ken lai chu min chhuhsak a.

"Engemaw i hriat le?khawi lo pe teh?"tia ka phone chhuh let tuma ka ban chuan a kut lek kangin"ennawm chhuah suh"a ti ngut a.

Kan bul vela miten Martin-a nen minlo enthup a ni tih ka hmuh chuan Martin-a chu melh hrawkin"ninawm lutuk mai."tiin ka kalsawn nghal a.

Ka menstrual period a hnaih tawh vang hi niang,nimin piah atang khan ka mood a fuh lo em em a,engemaw hlekah ka vin hlur zel bawk.

"Jessica engemaw i hriat teh chai le?"ti hrawka Martin'an ka dara a rawn khawih rual chuan ka thinrim inbengdai tum tak chunga maimichhingin"haw ka duh?"ka tisap a.

Thaw hawk chunga rawn kun hnaiin"kan la in lei zo lo tih i hria,mahse haw i duh avangin tunah kan haw ang"a tisup a.

Hotel lam pana taxi-a kan haw lai chuan inkuangkuah than chungin ka maimaichhing a.tawng kan tum lo ve ve a nih hmel.ka awmdan avangin Martin-a a lungawilo hle tih ka hria,han thlem vel ka peih lo a ni.Nakinah a lungawi ve leh mai ang.

Kan room lam pana kan kal laia"Coffee i in duh em?"Martin'an a rawn tih chuan"beer ka duh zawk"amah pawh en lova ka kal ngai renga kal chungin ka ti ngat a.

Rum ngut paha a thil ken lai kawngkhar bul chhuata ngata kawngkhar chu hawngin"beer maw?ngatinge?i period a mi?"tawngkam tluang zeta tiin kawngkhar chu ka luh theih nan a hawng zau nghal a.

Thaw halh paha inchhunga pen lutin"La period lo deuh.vawiin lamah a nih loh pawn naktuk lamah ka period ka ring"ti sapin dawhkan chungah ka thil ken lai ka dah thla a.

Ka thutna ep chiaha rawn thu thla in"Pinapple juice in zawk la"a tih chuan"nangin enge i in ang?"ka ti ngat a.

Chik zeta min rawn enin"zu ka in nasat thu i hria ni maw?"tia khi sukin"Thla hnih liam khan Rohit'an thudik tak min rawn hrilh a,chuti ni lo se chuan tun thleng hian harh fim takin ka awm kher lo mai thei a ni"a ti raih a.

Mitmeng buai naka Martin-a chu en in"Rohit-a chuan engthu nge a hrilh che a?min rawn biak chang hian i chanchin engmah min zawt ngai miah lo"ka ti ha a.

"Min la duh reng thu leh ka pa thusawi avanga kei min hlat i duh a ni tih a sawi"tisup in phone a lakang a.

Ka thutna a thu awn duai in Martin'an Hotel phone atanga thil a order lai chu ka en reng a.khawi hmunah pawh hian mi chunga leng niawm tak a ni,u chuak tak ni hauh lo leh zawm ngei ngei ngaiin thil a sawi thiam bik em em a ni.

A phone hmang zo chu ka lam rawn hawiin"i duh leh va inbual hmasa la,chuan ih englo,enge kha?"tia ngawi hlekin"stayfree,i mamawh angem?"a tih chuan ka thutna atanga tho chhuakin"mamawh lo,ka pai sa vek alawm,ka thawmhnaw vel hi engmah ka la insiam lo,dinner ei zawhah ka inkhung fel mai ang"tiin ka kawr dahna lam ka pan phei a.

Ka inbual zo bathroom atanga ka chhuak chu inbual zo hlim tih hriat zeta,tukverh bula Martin-a sam hnawng chhap a,kekawr bul tial leh tawn zau var ha chunga phone lo hmang mek ka hmuh chuan ka bathrobe pink hak lai chu suih nghet sauhin dawhkana eitur inchhawpna lam ka pan phei nghal a.

"I ril a tam leh der tawh ni maw?"tia ka hnunglam atang ka kawngah a rawn kuah hlun pahin"Tuna ka inchan ber chu ka hma lawka eitur tui tak awm reng si a,ei thei hauh lo ang mai hi niin ka hria"thawp sapa tiin ka nghawng zawnah a thaw lum ham ham a.

Thaw hak chunga Martin-a sama tuai zeuhin"Min tibuai a nia"ka tisap a.

A kut lian tha zet leh lum thar thar chu ka awm a rawn zen lutin"ka hria.Bawihte,i rimtui tak zet a ni"tisupa ka hnute chu thamin ka hmuiah duhthaw zetin a rawn fawp a.

Kawngka lama thawm kan hriat rual chuan rang zeta inthlah nghal vatin kan dinna bul lawk chair-ah ka thu thla nghal a.

Ka zak lutuk chu hawi pawh ka hawichhuak tha ngam tawh lo.Martin'an rum ngut paha"Nu,i rawn luh dawn te chuan sawi lawk ve tur che nia,enge i tih dawn?"lungawilo aw zeta ti nang nangin ka bulah a rawn thu thla ve a.

Nu Hlumawi'in"Hmm,i ho e a.kawngka kalh nachang te hre ve ta che u.I pa chhana pawh a rawn thleng a,damdawi in lamah a awm mek,ka rawn intifai ve lawk dawn nih hi.I pa pawh a harh tha tawh khawp mai"tiin a kawr dahna a pan phei nghal a.

Martin'an"ka pa chhana a awm tho chuan kei pawh,ka haw chho ve dawn mi? ral atang thil zawng zawng a tih fel theih vek si lova"a tih chuan Nu Hlumawi'in"Jessy-i haw dawn vang mai a.haw na tur han zawn ve phêt mai chu a,i duh leh haw ve mai rawh"tiin bathroom chhungah a lut a.

Glass noa mi thei tui lem hlek chunga dingchhuakin"thawmhnaw pangngai kan inbel ve lawk"ka tih chuan Ka bana rawn man betin"a ho lutuk,i robe hnuaiah khan engmah i inbel lo tih a hre ve chuang lo.Thu ve mai mai rawh"ti ngutin min pawt thu hnawk a.

Ka lu thing naka Martin-a chu melh kawkin"underpant ka ha bawk"ti hlarin glass-a thei tui chu ka in pawp a.

Nui suk paha min rawn siai zeuhin"a daih chhiat hma in ei vat ang"pangngai zeta tiin dawhkana eitur awm ho chu a kawk kual a.

Kan thil ei laia Nu Hlumawii inbual zo rawn chhuakin"Jessy,i duh ang,i in lei fel kim thei a maw?Martin-a bazarpui zawng a hahthlak a nia aw,min tur sek zel a,duh ang pawh kan in lei thei thin lo.kei chuan hruai loh law law ka thlang tawh"nuisang chunga tiin darthlalang hmaah a inchei mawlh mawlh a.

Martin-a hnar tum dat ri ka hriat chuan a ngaihdan a nilo hle tih ka hria,Nu Hlumawii lam hawia nui sakin"kan in lei kim pawn ka hrelo,min haw pui daih a"ka tifiam zauh a.

"Huhh,dawt sawi suh.i thi nei tur lungawilo in haw i duh vang nih kha aw"Martin'an a rawn tih chuan ka lo ner khum vak a.

Nu Hlumawi'in"Jessy,ka inchei dan hi a zahthlak em?"a tih rawn tih chuan"a zahthlak loh,i inhmeh lutuk tlat,eng kawr pawh ha ila,a ha tu kan confi chuan a tha ni mai"ka tih zawm nghal zat a.

Martin'an"ka nu hi chu lang nalh loh i hlau thin ngawt mai.Damdawi in lamah i kal leh dawn a mi?Hahchawl ve rih la"tiin Nu Hlumawii bag ak mek chu a en a.

Kan bula rawn ding paha apple zai hlep chu ei in"thing deuha inchei in,kan faten min zahpui a,han inchei parh ve deuh hlek ila,lerh minti leh zel bawk si.a buaithlak a nih hi,Damdawi in lamah ka kal lehnghal mai ang,i pa hian min ngai êm a.nangni pawh lo insiam fel sa thlap rawh u"tiin kawngka lam a pan nghal a.

Kawngka inkar fel rual chuan ka thutna atanga tho chhuakin"hotel bar-ah zuk kal ve mai mai ila,naktuk lamah kan haw tawh dawn sia"ti pahin kawrfual hring ban bul ka khup chen chu ka phawrh chhuak a.

"A ngai lo,khawiah mah kan kal tawh lovang,kan intimualpho mai mai.Bar-a kal chu sawi ri leh tawh suh"ti ngutin ka kawr ken lai chu min laksak a.

Ka kawr chhuh let tum chunga Martin-a chu enin"Bar-a kal ka sawi avangin Zu ka in kher dawn tihna a ni hleinem,naktukah kan haw tawh dawn a,kan awmna room leh damdawi in bak khawiah mah kan kalsawn ngailo.Hawi harh ve ka chak alawm,ani lo zawngin ka tawngkam la kawi lo hram rawh"aw pangngai ka tisap a.

Mitmeng zim san chunga min enin"zu i in lovang tih min tiam phawt la,chuan midangin min hriat loh nan kan incheina kan inthup angai ang"a tisup a.

Ka hmui tisawi zeuh paha Nike lukhum phiar dum chu lachhuakin"lukhum leh shade hi a tawk ang tiraw?"nui sakin ka ti a.

Nui huk chunga ka kawnga rawn man betin"lokal teh,i thluak te reuh te hi i vawrh vir hneh ve ngawt mai"tiin min vir pui chiam a.

"Min dah thla teh,ka lu hai nia Martin"ka tih chuan khum chunga min nghat thla nghal vatin"ka tihpalh lutuk,i lawmawm reuh em vang a nia"tiin ka chalah a rawn khawih a.

Khuma mu thla hnawka maimichhingin"ka lawmawm loh"ka ti hlar a.

Ka mal a rawn kherh bet paha ka awm bawra rawn chul kualin"hnial hrat lutuk mai.i luhai tih reh dan ka hre mai thei ni"ka bengbulah a rawn ti sar sar a.

Thaw halh paha Mengchhuakin"Martin,engthil nge maw...?"ka tih lai taka ka tawngzawm leh tur a hmui sexy zet hmanga rawn khar chilh hmaka rum ngutin a lei chu awmze nei takin ka hmui chhung lamah a tiche zui nghal a.

A kut pa hrak mai chu ka robe chhunga zen lutin ka hnute chu inti neitu fahranin a rawn tham a,a kuttang pahnih in ka hnute hmur a hrual rual chuan rumchhuak hak paha ka taksa tikang deuh akin Martin-a samah ka kut tang ka rawlh lut nghal a.

Duhthaw zeta kan infawh lai chuan thaw ham ham chunga a hmui lasawn hlekin"Bawihte,khawngaihin,hmangaihna ka chenpui che min phal sak lul rawh.ka mamawh tak zet che a ni"mitmeng de sar sar a tiin a kut chuan ka robe hak lai suihna hnehsawh zetin a pawt phelh nghal a.

Ka hrethiam a ni.Mipa pangngai leh hrisel tha tak a ni a,khawhar takin a awm fo ang tih ka hria,damdawi in lamah apa bula zan tin a riak a,kan pahnihin a hranpa taka inkawmna hun kan nei ngailo.

Ka hnute zawna Martin-a kun hniam mek sam a khawihsakin"Thu kan tiam tawh kha"ka ti tham tiak a.

Phun hluk chunga ka hnute engmah khuhtu awmlo inkara thaw kawkin"phone Message atang ringawt a nih kha kan intiam"ti nguta ka dul an verhna zawna a kut dahin"okey,nupa kan nih hma loh chu sex kan hmangdun tawh hauh lovang.mahse,engtin nge nangmah ngai leh mamawh em em tu che hi min awmtir i tum?Doctor i ni a,i hriat ka ring tlat"thu tak zeta tiin ka mal inkarah a kut a rawlh lut a.

Rum hak paha ka mal chip chawihin"a zahthlak,chimawm viau lo teh"ka tih chuan rum ngut chunga ka hmuia rawn fawp nawkin"zak duh suh,i taksa leh vun nalh zet hi ka hrechiang viau tawh alawm."tiin a tawn zau hak lai chu a lu lamah a phelh a.

Martin-a awm pharh hlai tha tak mai chu khawih sakin"keipawn i taksa hi ka hrechiang ve tho,mahse nitin mai hian i danglamin ka hria"tiin a dul lamah ka chul thla a.

A mipatna kawh tha zet mai chu,a kekawr chhan atanga khawih sakin ka chul a.

Ka hnungzang ruak kang maia chul heuh heuhin"Bawihte,i ta ni kha,i duhtawkin han khawih teh"tia rumchhuak hawk chunga a mawng tikangin a kekawr bul hak lai chu a khup lamah a hnawl thla a.

Martin-a mipatna khawng tha zet mai ka hmuh chuan mak tak maiin ka zahna a bo duakin ka hria,chumi aiah chuan Martin-a tih lungawi duhna leh nuam ti taka siam ka duh a ni.

Martin-a mitpatna zawna ka kun hniam lai chuan"Oh Bawihte,min han fawhsak mawlh teh!"aw khur dar dara tiin ka sam uai hniang mai chu a lo huai kiang a.

Thawk leh khata rawn che deuh hrutin"i mal kha,ka hmui zawnah rawn dah teh?"dawhthei lo aw zeta tiin a chungah min pawt kai nghal a.

Taksa khur dar dar chunga Martin-a sir khuma zawi zeta ka mut thlak rual chuan"i chau em?"tia ka lamah rawn thawlh hnaiin ka biangah a rawn fawp zeuh a.

Ka lu thing naka Martin-a awma ka hmai phumin"a mak tiraw?"tisapin ka thawchhuak halh a.

Nui khur dat paha ka sama rawn chulin"umm,Hmangaihna chen dun chu ka duhthusam ni mahse a nuam khawp mai,i zei bawk a"tiin ka hnungzangah a chul heuh heuh a.

A khabe hnuai atanga en chho in"kan vak chhuak dawn lo mi?"ka tih chuan a hnar tum dat paha a ke hmanga puan sin tur khum sir lama inthlep chu la pheiin"mu mai mai pahin ti ti zawk ang."tiin puan chu kan pahnih a sin turin a pawt pharh nghal a.

Martin-a khabe a tuaisak zeuh pahin"inthlan leh hunah din i la tum em?"ka tisap a.

"Tum tawh lo,zep lovah chuan ka ning tawh khawp mai,tunah pawh thil tihfel tur ka ngah khawp mai.lehlamah ka rilru i lo tibuai ve leh zel bawk nen"pangngai zeta tiin a rum hawk a.

Mitmeng zim san chunga Martin-a chu enin"ka tihbuai che pawh ka hre lo"ka tih chuan a ka bek zawna a kuttang dahin"he ka thluak hi i tibuai hle a ni tih hre rawh.chuvangin hna tha taka ka thawh theih nan nang hi i pawimawh hle a ni.naktukah zungbun dang kan lei ang,ka ta i ni tih mi zawng zawng in hre mahse pawi ka ti lo"nghet charh a tiin ka kuttang chu a tuai neuh neuh a.

"Zungbun dang lei kher pawh ngai ka ti lo.ahma zungbun min pek kha,ka la kawl reng alawm"ka tih chuan tlema a lu tikangin"i la kawl tak tak a maw?Jessica Bawihte,i dah bo tawh ka ring a.a tha e,in i thlen ve leh zungbun chu i bun hmasa ber dawn nia.min ngai ve thin em?"ril ruiha tiin a awm zawnah min kuah bet thlap a.

Tlem a min thlah dul hnu chuan thaw hakin"ka ngai che alawm,mahse ka haw tel bawk che.internet lamah nitin hmeichhe hrang hrang nena in thalak an tarlang reng si a"tiin thudik tak ka hrilh a.

"Hmeichhia ka kalpui te hi ka bialnu an ni hauh lo,hna avanga ka thawhpui thin te an ni hlawm,nangpawh,sangzuala nen in thalak an tarlang fo a.in inngaizawng bik hleinem"a ti ngut a.

"Kan inngaizawng hauh lo,a hming sawi tawh lo teh ang"ka tih chuan"thi kha ngatinge a pek rik ngawt che a,chhan tha tak a awm in ka ring,tun atang chuan a kiang hnaiah awm tawh suh,nilo mipa dang bulah awm tawh hauh suh ang che,ka ta i ni,ka ta chauh"tiin ka sam karah a thaw kawk a.

Martin-a awma chulsakin"thi kha chu,Sangkim'in lawmthu sawi nana min pek a nih kha,tunah phei chuan i tichat daih a,awrh tlak pawh a ni tawh lo"ka ti raih a.

"Aman a awrh tir tho che alawm,ka thik zia kha i hrethiam phak kher lovang.keiman a dang ka lei sak ang che"a ti ngut a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:46 pm

I TAN CHAUH-32
www.storyfb.com mizo story thar nitin dah ziah a ni e


Martin-a khabe a khawih sak paha"naupang thik thu chhe zet ang mai i ni,i huat thu a ho thei bawk si"nuisang a ka tih chuan"i tel na ah tawh phawt chuan engthilmah ka tan ho a awm ngai lovang,thil engpawh hi a te ber atanga,a lian ber thlengin kei chuan ka ngaipawimawh thin.Jessica,ka nunah hian ka la lut tawh che a,chhuah tir leh che ka tum tawh lo"nghet charha tiin a thaw hawk a.

Martin-a nen thil tam tak kan inhrilh tawn,keiin ka duh ang bawkin min duh ve ani tih ka hrechiang viau.Mahse,tawngkam khat pawn min hmangaih thu a sawi hauh lo.kei hian ka lo phut sang viau a mi le?

Ka hmai ni zungin a rawn chhun avanga inlet thawkin ka puansin lai chuan ka in lu khup a.

Khum rawn hniam deuh sawt a ka hriat rual chuan"Ka sleeping beauty hian engtia rei nge mut a tum le?"tia ka puan sin lai hlimin ka sirah a rawn inthawlh ve nghal a.

Te that paha Martin-a kut chu man sakin"A vawt lutuk,dar engzat nge ni tawh?"ka ti ruai a.

Nui huk paha ka hmuia rawn fawp zeuhin"Dar sarih a ri tawh,i rimtui khawp mai,intih lum dan ka hria lawm"tisupin ka hnute ah a tham nghal a.

Mengphawk hra chunga Martin-a awma nam vakin"ka rimtui lo,awm sawn vat teh"tiin khumah ka thu chhuak a.

Martin'an"I tho a mi le?engatinge hei hi?"tiin ka mutna zawn val kalh chu a en ha a,a van chi loh tak,zan ka muthilh laia ka lo period chu le?Biang sa hat hat chunga puan phah chu tham khawmin"dawhkan awmna lamah sawn lova awm sawn teh?min lo en lo la"ka ti nghal ruai a.

"Ti khan dah mai mai teh,a ho lutuk.hotel-a thawk ten an thlak mai ang,Bathroom lamah lo va intifai rawh.zak duh suh"pangngai zeta tiin ka puan ken lai chu min laksak a.

Bathrobe chhuata tla ka inbel hnu chuan ka kawr dahna lam panin ka hai nghal rawk rawk a.

Bathroom darthlalang hma a,ka din laia Martin'an"Jessica,i zo dawn tawh em?darkar chanve zet i inkhung tawh nia"bathroom kawngkhar bul atanga dawhthei lo aw zeta a rawn tih chuan ka thawchhuak halh a.

Mipa,period ve ngailo anih vang maiin hetiang thil tawn zahthlak theih zia a hrelo ni ngei ang.Nupa ni ilang chuan tlemin a zia deuh ngei ang.

Nute'in ka chi kawnga naute awm avanga min zai zawh hnu damdawi ina ka awm lai khan he thu hi min hrilh fo"i nuna thleng lo tura i duh thil rapthlak tak te,natna te,puhchhiatna te,mualphona te,zahna te i la tawk dawn chauh,chung hunah chuan tlanchhiat san mai lo in hmachhawn i tum zel dawn nia,chutianga i hmachawn ngam lova,peh hel dan i zawng a nih chuan i theihna,chakna leh i huaisenzia i inhrechhuak ngai lo vang"tiin min hrilh thin.

Ka period khuma ka mut tlang avang ringawta ka zah hian engmah ka nunah hlawkna a awmlo,hmeichhe tin in heting thil chu kan tawk vek,chet chhiat chang kan nei zeu zeuh bawk.ka thian thenkhat te pawh,Biak inah te,damdawi ina kan duty lai te,khaw laia kan kal lai te in an che chhe ve fo.keipawh tunah hian zak tak leh ka thil tih tur thulh nana ka hmang a nih chuan keimah leh keimah ka inhrem mai zawk a ni.

Bathroom kawngka ka hawn rual chuan Martin'an ka bana rawn chelhin"i tha em?nikhaw hre lovin i tlu ang tih ka hlau khawp mai.kawngkhar ka ti chhe hman tep a ni,lokal rawh,pum ruakin i awm rei tawh.Hamburger leh Bawnghnute i inzawhah, rosgula hi i ei leh dawn nia"tisupa min kaiin dawhkan bula chair chu ka thut nan a pawt chhuak a.

Makti deuh taka Martin-a chu en ha in"nidangah hetiang hi kan ei ngai si lova,ngatinge?"ka tih chuan ka hmazawn chair-a thu thlain"i period a,i mamawh alawm,google atang menstrual period laia ei leh intur tha an ziah ka lo en a"tiin a hma a bawnghnute dai awm chu a inkhalh a.

Nui hak chunga Martin-a chu enin"google-ah chuan period laiin nikhaw hre lovin an tlu thin tih inziak i hmu a mi?"ka tih chuan a lu thing naka a mit tizim sanin"Eli hi vawikhat a period laiin nikhaw hre lovin a tlu tawh a,i inkhung rei si a,ka ngaihtuah chhuak thut a nih kha"tipahin ladu chu min rawn barh a.

Kan thawmhnaw kan khung fel chuan Damdawi in lamah Pa Thara va hmu turin kan kal a.

Ka rin beisei aiin Pa Thara pawh a damtha khawp mai.a taksa a in fit that dan a zirin chemotherapy lak a la ngai a ni.

Pa Thara mutna bula kan thut chuan chauh hmel zeta Martin-a chu rawn enin"Bawiha,ka lawm khawp mai.Harsatna ka thlen che kha khawngaihin theihnghilh la ka duh a ni"a tih chuan Martin'an"ka pa,chutiang thu engmah sawi tawh suh,i fapa ka nia lawm.Hringnun hi a tluang purh ngailo,Harsatna kan tawh te hi min tichaktu an ni zawk fo asin.Nang pawh,Pathian Zarah i rawn tha chhuak leh ngei ang"nghet charh a tiin a Pa kutah a hmer vang vang a.

An inkar thu hre vek loh mah ila,intih thiam lohna engemaw tak chu an nei tih ka hria.An pafa inngeih taka awmdun ka hmuh chuan ka thinlung takin ka lawmpui a ni.

Nu Hlumawii chu ka bula rawn thu in"Jessy,Martin-a hian nangma vangin Lunglei lama Damdawi in saw a lei a ni tih i hria em?An pafa hian an inchhun khawp mai.An rilru pek na lamah hi chuan an bur tlut zel"nuisang a tiin a pasal chu en zauh a.

"Jessy kal vat teh ang,kan awm reng chuan ka nu,hian thil a hrilh hnem dawn tlat che"Martin'an a rawn tih chuan Nu Hlumawi'in"Hmm,ka engmah pawh ka la hrilh lo hi,Jessy,mipa ho hi chu an buaithlak puitling viau emaw kan tih te pawh hi an mahni a awm an hreh tlat zel"ti hlak hlakin a pasal leh Martin-a chu a en tawn a.

Pa Thar'an"min sawi chhan suh.kan inneih thutiam ah ka kianga awm reng turin i in tiam kha"lo ti ngutin Nu Hlumawii a melh kur a.

Martin'an"ka pa,Airport lama kan kal a hun tawh tlat,kan chhuahsan tawh ang che,chanchin minlo hrilh ve zel ru aw.ka hman dan a zirin ka rawn kal leh ang"tisupa ka kuta rawn chelhin min chhuah pui a.

Mizoram lam pana Thlawhna chhunga kan thut chuan Martin-a chu melhin"engtia awm nge i tum?Aizawl lamah i awm dawn nge?Lunglei lamah i rawn phei ve dawn?"tiin glass-a tui chu ka in hlek a.

"Aizawl lamah ka awm deuh rih phawt ang.Meeting a ngai a,bakah ka bial chhungah tih tur hrang hrang a awm bawk nen.Tun bak ka sawi tawh lovang,Jessica,ka ring dawn che ania,zungbun kha in i thlen ve leh bun nghal rawh.mipa dang nen hmuh dun che u ka duh hauh lovang"ti ngutin ka kutah a rawn hum vang vang a.

"Mipa dang han tih kher,kan hna avang hian mi hrang hrang kan hmu fo alawm,i ti mah mah lo maw?"nui suk paha ka tih chuan"Hna avang a nih chuan ka hrethiam,mahse,damdawi inah chauh an rawn pan tur che a ni.min hnial reng lo teh.ka thusawi chu zawm tawp la ni mai"tiin ka hmuiah a rawn fawp zeuh a.

Kan hnung lam atang hmeichhe aw in"Minister Martin-a i ni tiraw?"a rawn tih chuan Martin-a chu ner nang chunga hawi letin"Ni e,enge ni a?"a ti ngut a.

A rawn betu nu chuan"Hliri ka nia,zarkawt-ah kan awm a."tipaha ka dara rawn khawih zeuhin"hei hi i bialnu skin Doctor kha ani tiraw?a hmeltha hle mai.kan fanu naupangber hian internet lama in thalak vel min entir thin a.engtikah nge in inneih ve dawn?engti in nge in zin dun hrim hrim a?"a tih zawm nghal a.

Martin'an"kan zin ve mai mai nih hi,kan hma hun chu engmah kan sawi lawk thei lo"ti in magazine a bih nghal daih a.

Hnunglam hawi paha nui lui sangin"Ka pi,nang engti in nge i zin a?"ka tih chuan"ka fapa ka tlawh ve lawk a,a hna avang hian a rawn haw thei si lova.kei talin ka tlawh zeuh zeuh loh chuan hreawm a ti lutuk palh ang.Thla ka lakpui thei che u ngem?"a rawn ti hluai a.

Martin-a hnar tum dat ri ka hriat chuan a ngaidan a nilo hle tih ka hria.Thla kan lak zawh rual chuan ka kuta rawn hmerin"be tawh suh,nu ho phei chu thu diklo sawi darh an hrat viau lehnghal"ka bengbulah a tisup a.

"mihring kan inang vek lo,bakah mihring pangngai chuan midangte pawi sawi zawngin engmah an sawi chhawng ngai hleinem"tiin Nu Hliri chu ka nuih var var a.

Tlai dar thum a Lengpui Airport-a kan chhuak tlak lai chuan Martin'an ka kawnga rawn kuahin"Pa Sanga leh Afaki pawh an rawn kal ve nih saw"tisupin ka bekah a fawp zeuh a.

Nui ver ver chunga Pa Sanga te bul kan thlen chuan Designer Afak'in nuisang chunga a kut rawn pharin"Jessy,i va induh em em ve.ka pa Sanga hian Martin-a rualin i lo haw ve dawn tih a sawi a,ka rawn zui ve tawp a nih hi"tiin Bolero var awmna lamah min kai phei a.

Pa sang'an,Martin-a bag khai lai laksak paha"Jessy,Afaki khan a kawr thui thar hak tir leh che a duh vang nih kha,chuti nilo se chuan min rawn zui tawp lovang."nui huah huah chunga tiin Martin-a darah a kuah a.

Afak'in"Ka pa Sanga,han tawng theih zia hi chu aw...Jessy,i hmel hmuh ka chak vang pawh a ni tho nia.India ram hmun hran hran atang kan thawmhnaw thui an rawn order nasa thei lutuk.make up Artist Rohit-a leh mipa pakhat thla i lakpui na a,i hak ang phei kha puan thanin min daih lo lek lek zawk"a ti duah a.

Afaki nena seat hnung lama thu dunin,Pa Sanga leh ahma lamah an thu thung a.Martin'an front glass atanga min rawn melh leh zauh thin tih ka hmuh chuan ka nuih a tiza lek lek zawk.

Afaki nen chuan kawng tluanin kan inbe char char a,ka ngainat zawng tak a ni,a bula awm a nuamin a hahdam thlak tak zet a ni.

Martin-a te in lam pan in kan tlan ani tih ka hriat chuan thaw halh paha hma lama kun in"a tlai tawh sia,in in lamah kan kal hmasa dawn mi?Daniel-a ten minlo nghak rei viau tawh ang"ka tih chuan a lu thing paha a phone-a message chu min rawn hmuhin"kan in lamah an nupa in an awm?Signal i nei lo niang,lo hrilh tur che in min ti nih hi"thaw ven hmel zetin a ti a.

Afak'in"Nangni unau hi in mak ka ti.a naupang zawkin an neih khalh than che u.innei ve vat vat rawh u"nui hak hak chunga a rawn tih chuan Martin'an"inneih buaipui leh ngaihtuah hman pawh ka la nih loh hi,lo sawi ri sek tawh lo teh u"aw chang zetin a rawn ti hrawk a.

Ka nghing deuh lawih in ka hria,nupui a min neih duh loh vang nge ni a?amah ala hmanhmawh lo hrim hrim zawk.

Ka hmui hnuai pet chunga pawn lam hawiin,boruak ka hip lut kawk a.Martin-a hian a hmei leh a duh duh huna mutpui theih turah min ngai maw ni le?min ngaihsakin min duh a ni tih ka hria,a nu leh pa bulah pawh min duhna a thup ngai hauh lo a,zak tho thin mah ila,a ruk tak chuan ka lo lawm ru veng veng zel.Mahse,tuna a awmdan hi amakin hriatthiam a har,Nge ni a?A nu leh pa te hian Martin-a bialnu neih apiang an hriatpui ve vek zel zawk?.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Motor a ding dat rual chuan rang zeta kawngkhar nam hawngin ka pen chhuak nghal a.

Daniel-a leh Eric-a kan lam pana rawn inpawm phei mek ka hmuh chuan nuisang chunga pan hnaiin Eric-a chu ka pawm nghal a.

Martin'an"inchhung lamah lutin intifai hmasa phawt ang"ka hnung lawka ding chunga a rawn tih chuan Eric-a pawm chungin inchhunga ka lut a.

Lancy-i hmel ka hmuh rual chuan min rawn kuah nghal vatin"i ngaihawm lutuk,i rawn riak dawn a ni tih ka hriat rualin Jerome-a ka hrilh a,a rawn thleng ve tep tawh ang.engtia awm nge i tum?"a lo sawk sawk a.

Inchung lam room-a ka bungrua an khai chho mek chu melh zauhin"naktuk zing Lunglei lam sumo chhuak tura phei ka duh,saw lamah tih tur neuh neuh ka ngah riau a"tiin Couch-ah chuan ka thu a.

Inchung step atanga Martin-a rawn pen thla thauh thauh ka en reng lai chuan kan thutna lama rawn kalin"ka room lamah i bungrua ka dah tir nia"pangngai zeta tiin ka bulah a rawn thu thla a.

Lancy'in"U,naktuk lam tal te chu Jessy-i hi la cham ve se la.Len kualpui te pawh kan chak ve alawm"lungawilo hmel tak chunga a tih chuan Martin'an"chungte chu ama thu thu lawm"ngaihtuah loh hmel zeta tiin a phone chu a khawih nauh nauh a.

Ka thutna atanga thochhuak paha Eric-a ka pawm lai chu El-i pe in"kan han intifai ve lawk nge"tiin inchung step-ah ka chho nghal a.

Martin-a room chhung ka luh rual chuan inkalh khum sawk sawkin kawngkhar chu ka ngheng a.ngatinge ka rilru hi a dik lo mi?Martin-a awmdan teh thut hi mak ka ti ngawih ngawih.Awle,a tha e.kei hian Martin-a lakah ka engmah ka beisei sang viau tur a ni lo.

Ka inbual zo bathroom atanga towel hnuaia underpant chauh ha chunga ka pen chhuah rual chuan chhuat lai taka Martin-a a kekawr ipte zen chunga mitmeng rum ula min rawn en ka hmuh thaw halh chunga ka awm zawn kut dahin"engtin nge i rawn luh theih?ka ti hlar a.

"Chu chu a pawimawh lo,engvanga min hlau thar thut nge i nih?"tiin a rawn pen phei a.

Ka towel chelh nghet sauh chunga Martin-a chu kal pelin"ka hlau hauh lo che.I ngaihtuahna dik loh vang mai mai a nih kha"tiin ka air bag bulah chuan ka ding a.

Ka ban a min kuai let dawrh paha"min mawhpuh hauh suh.Mi a nileng ka ni lo"ti hrawkin ka taksa chu a thing nawk a.

Ka towel bih lai a tlak teuh lutuk avang chuan che sawn ngam tawh lovin"min thlah teh,ninawm lutuk,i duh duh dana i tikual theih emaw min ti suh.min thlah vat rawh"ti vin hlarin ka awm lam chu ka en a.

"Tak zet che hian,ka tikual che ah i ngai a maw?nang nena inhnial reng hi ka kham tak zet a ni.ka thlah..."a tih lai meka ka towel chhuata a tlak avang chuan a tawng lai tawp chawtin ka taksa chu mitmeng danglam zetin a rawn en chhuk a.

Min vawnna atanga talchhuak paha ka towel chu rang zeta chharin"khatin min en suh"ka tih zawh rual chuan alama min pawt hnai dawrhin"ka ta i ni tih hre reng rawh"ti hrawkin ka hmuia rawn bawhthuahin uar zetin a lei leh hmui chu a tiche a.

Min fawh apiang hian ka indai danna bang tih chetin a awm ni berin ka hria.A kut lian tha zet hmanga ka hnute a rawn hup chuan thaw halh paha maimichhingin ka hmui chu ka tichhe ve nghal a.

Kawngka kik ri ka hriat rual a"Jessy,Jerome-a leh Zosanga ten an nghak reng che nia.Jessy ka tawng i hria ti raw"Lancy'in a rawn tih chuan kawngka lam hawi vatin"Aw,ka rawn... Ka tih lai tak chuan Martin'an ka hmui hup paha min pawm kang nawlhin"a ho lutuk,ngaipawimawh duh suh"tia min rawn fawh nawn leh a tum chuan lo thle sawnin"a ho lo,Martin,indah pawimawh lutuk viau lo teh"ka tih chuan mitmeng zim sana min en chunga rum ngutin min vawnna chu a thlah a.

Martin'an Bathroom kawngkhar ring zeta a khar ri ka hriat rual chuan ka lu thing deuh nawkin"ngatinge ani ber kher hi ka hmangaih tlat le?"keima hriat tawk leka tiin darthlalang hmaah ka inen a.

A room atanga ka chhuak tur chiah chu bathroom atanga rawn pen chhuakin"minlo nghak rawh"thupe aw zeta tiin a towel ven lai chuan a inhru nawk nawk a.

Engmah a inbel lo tih ka hmuh chuan hawisawn nghal vatin"ka lo zuk chhuk ang,hmanhmawh duh suh"tiin hmanhmawh takin ka tlan chhuak a.

Jerome-a bula,Zosanga thu ka hmuh rual chuan"Mate,i hmeltha tulh tulh mai a,i ngaihawm hle mai"tia min rawn kuahin"i biang a sen hlar mai.ka hre mai,Minister-a vang a ni ti raw"ka bengbula tiin step lampang chu a melh zeuh a.

Zosanga dara chumin"hey,chutiang sawi suh.i va ngaihawm ve.Mizoram lamah i awm tih ka hre miah lo a"tiin couch-ah chuan ka thu thla a.

"Chawlh ka la lawm,kar leh lamah Bangalore-ah ka chhuk leh ang"tiin Martin-a
Jeans kekawr pawl tak raih leh T-shirt dum ha chunga ka bula a rawn thu chu a nuih suk a.

Lancy'in"kan inpeih chuan chaw ei ang u,U Ka nu in min rawn phone a,in rawn thleng tawh thu ka hrilh nia"tiin a dingchhuak a.

Ka thawhchhuah ruala Martin'an ka kawnga rawn chelh paha"Bawihte,i nutei te i be tawh em?"min en kur chunga a tih chuan ka lu bu nghat ringawtin a kut chu dahthlaksak ka tum a.

Min kuah nghet sauh chunga Zosanga choka lam pana kal mek chu melhin"mipa,thian i ngah hle mai.Ani saw i ngaina em?"a ti ngut a.

Engemaw a hriat tak thut le?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:47 pm

I TAN CHAUH-33
www.storyfb.com mizo story thar nitin dah ziah a ni e

Makti deuh taka Martin-a chu en in"ani te chu,High school kan kal lai atang tawh a ka thian alawm,thik duh suh"ka tisap a.

Kan chaw ei laia zosang'an"Jessy,engtikah nge Lunglei lama phei i tum?kei chu naktuk-ah phei ngei ngei ka ngai dawn a"a rawn tih chuan"i rualin ka phei hlauh anga ni mai,a va tih zia ve"ka tisap a.

Martin'an"in lo in thurual hman a ni maw?"thu tak zeta a rawn tih hmuk chuan"kan inthurual chiah nih hi"tiin ka ner sawk a.

Kan chaw eikham chuan Jerome'an min kal hran pui deuh hlekin"Zosanga,hian i puihna a mamawh dawn a nia,nimin khan i thawhna Damdawi inah A nu an admit-a,SLE(systemic Lupus erythematosus)natna a nia.Tlai lamah khan Lunglei lama phei nghal a tum a,i rawn haw mek thu ka hrilh avangin ala cham mai mai nih hi,i theih tâwpin pui rawh aw"tiin ka darah a beng thak a.

Ka lu bu nghat paha Zosanga thei tui in mek chu melh zauhin"A va mak teh thut ve.Nu Kungi(Zosanga nu)chu a hrisel tha turah ka lo ngai a.Lancy-i hian a hre ve em?"ka tisap a.

"Hre lo,ani tan hriat ve kher a tul lo.Martin-a hian a thik leh deuh tlatin ka hria,ngatinge maw engkimah a hauh bur thin che le?hetiang tur ani ngai lo sin.zosanga hi ka haw hma pui ang,naktuk zing chaw eikham ah Lunglei lamah in phei dawn nia"tiin midang bulah kan thu ve a.

Lancy'in"engemaw in lo va in hrilh leh hman le?sawi tur hi in ngah ve bawk sia"nui hak hak paha tiin minlo en ha a.

Doorbell ri kan hriat rual chuan an awmpui Nu in va hawnsakin,Hmeichhe pahnih nufa niawm tak an rawn pen lut a,a nula zawk chu kan thut khawmna lam rawn pan chatin"Martin,i ngaihawm lutuk,ka hman ve leh ka nu nen kan rawn kal nghal a nih hi" tlangnel taka tiin Martin-a bul chet a rawn thu thlain a banah a kuah a.

Ka ni deuh nghulhin ka hria,ka luak a chhuak hial thei.A perfume rim chuan inchhung zawng zawng a luah khat ni maiin ka hria,make up a hman nasat em avangin a hmel that leh that loh ka hre thei lo.kawrfual dum a khup chen a hak te chu mak ka ti,tun ang thlasik zan khaw vawt a hak atan chuan a inrem lo tak zet.

Martin'an "Baby,nang nge nge i va fel ve.in lo dam tha maw?"nui chunga a tih chuan ka inhumruh vak a.

Jerome'an "kan va haw tawh mai nge.Jessy,lokal rawh minlo thlah ve la"tiin Lancy-i chu a kai tho a.

Martin'an"ala hma lawm,in inngai tawn viau emaw ka lo ti a,la thu ve rih ula"nui chunga tiin min rawn en reng a.

Zosang'an"thut ve pawh a chakawm viau,mahse,tih tur kan nei a,kan mangtha phawt ang che u"tiin kawngkapui lam a pan a.

Pawna kan chhuah rual chuan Lancy'in"Baby-i te nufa hi ka hne tak zet,zahna chang an hre bawk si lo"a ti hlak hlak a.

Zosang'an"nakinah ka lo text ang che,i inti thei bawk sia,Minister-a khan min thik deuh tlat in ka hria.Hman ila han chhaih kawlh a chakawm hle mai"nui sung chunga a tih chuan"kal mai teh,naktuk chuan min lo lam ngei ngei rawh aw"tiin gate lam pana an tlan chu Lancy-i nen kan vai liam a.

Inchhung lama luh leh pawh ka chak tawh lo.Lancy'in"i chau em?ka room-ah riak dun ila,mahse i duh chuan mikhual room lam pawh a remchang tho nia"a rawn tih chuan"mut tlan chu a chakawm,mahse,ka period lai a nia,mikhual room lamah ka mu zawk mai"ka tisap a.

A lu bu nghat chunga ka bana rawn vuanin"lut tawh ang,khua a vawt si,i duh leh i mu nghal daih dawn nia"a tih chuan ka inzui lut a.

Kan hmel hmu leh inchhungah kan awm ve a ni tih hre awm ang pawhin an awm lo,Baby-i tawng paha an nui ri ka hriat chuan an thutna lam hawi duh hauh lovin,Mikhual room lamah ka phei tlang nghal a.

Ka muhil thei thlawt lo,khuma mu chungin Zosanga nen chanchin in hrilh tawnin kan in text a.ka mutna room kawngka kik ri ka hriat rual chuan Martin'an"lo hawng teh,i la muhil lo tih ka hria nia"aw thum zetin a rawn ti a.

Tun ang zan dar sawm pakhat leh a chanve ah ka mutna room kawngka hawng turin min ti a maw! A duh duh hunah mutpui theih turah min ngai a mi?ka van hawng awm lo.

Ka mut ngaia mu rengin kawngka lam chu ka melh a.ka phone hum lai a rawn rik thut rual chuan ka phu nasa lutuk tlat.

Thinrim zeta ka phone chu off hmakin ka inlu khup a.kawngka ring zeta a rawn chum dawt dawt avang chuan midang an harh hlau in ke lawng nen thinrim tak chungin ka va hawn sak leh ta nge nge.Hahthlak thei ngawt mai.

Rang zeta rawn pen lutin"a tir atang khan rawn hawn ve mai tur che lawm"ti pahin kawngka chu chhung lamah a kalh nghal a.

"Enge i duh?Martin,i room lamah han chho rawh?"ti hlarin amah hlat thei ang berin bang kil lamah ka tawlh hnung a.

A kekawr ipte zen chunga Dressing table nghenga dingin"Biak che ka duh,Daniel'an, Zosanga nen in inzui ngun zia leh a ngaihsak thin zia che a sawi a,a dik em?"a ti ngut a.

Dak vak chunga Martin-a chu en let lui ngatin"chu chu enge i buaina?keipawn i hmeichhe thian te ka sawisel bik a mi?"ka ti hmak a.

Ka tawngkam hman avang chuan a lungawilo hle a ni tih,a bek leh chal a thisen zam rawn pawng dan atang leh mitmeng dur khuk a,min rawn en atang ka hria.

"Jessica,ti khan min tawng khum suh,Zosanga nen Lunglei lamah phei rual in tum tih pawh min hrilh hmasa hauh lo.kei hi eng angin nge min ngaih a?Damdawi in neitu ka nih vangin min bawl kual i lo tum a mi?"chiang zeta min rawn en chungin a ti ngut a.

Ka tawngchhuak thei lawk lo,hetiang em em hian min puh chhia ang tih ka beisei ngai lo.lukham chu banin"chhuak rawh,nang hi hmuh che pawh ka peih lo"thinur zeta tiin Martin-a lamah ka vawm vak a.

Tawlh sawn hlek paha chhuata lukham tla chu enin"ka in a nih hi,ka duh duh danin ka awm ang,thinchhe lutuk"ram hmaka a tih chuan ka kut humruhin"i duh duh dan chuan awm mawlh rawh,i duh tawkin khang hmeichhe Baby-i te leh midang pawh awmpui rawh.He in tenawm takah hian ka awm peih nek lo,ka chhuak dawn."tia ka chapal bunin kawngkhar lam ka pan a.

"Tak zet hian,min ti tinrim belh tawh suh"ti ngut chunga min rawn khawih a tum chuan teu hlar paha a kut vai sawn lawpin"i kut bawlhhlawh zet khan min rawn khawih suh"tiin kawngkhar kalhna chu ka chelh a.

Thawk leh khata ka hnunglam atanga ka kawnga rawn pawmkang lawpin"bengchheng siam suh.ka thu lovin khawiah mah i kalsawn lovang"ti hrawkin khumah min theh thla chawrh a.

Ka bianga Mittui rawn luang chu hruk buai ka peih lo,bangkil lam hawia sai sirin ka inhnit hraih a.ka taksa chu a na hauh lo,mahse dimlo taka khuma min theh thlak avangin ka thinlung hi a na tak zet a ni.

Martin'an"Jessica Bawihte,ka tihpalh khatianga tih che kha ka tum hauh lo nia"tia ka dara a rawn khawih chuan tawlh sawn nghal vatin ka mittui ka hru sawk sawk a.

Khatiang tihpalh thil a ni thei lo hrim hrim,khum hi dup viau lo phei sela chuan ka ruh te pawh a tliak hmawk thei hial ang.

Khum rawn hniam deuh sawt ka hriat chuan hawi nghal vatin ka inbengkang a.ka phone chu banin rang zeta khum atanga chhuk thla in"i duh leh tah khan mu rawh,i in alawm"tiin kawngka lamah ke lawng in ka tlan phei nghal a.

Kawngka ka pen chhuah laia Martin'an ka hming lama min ko pawh ka ngaihsak peih lo.sitting room lama Daniel-a makti hmel deuh taka lo ding ka hmuh chuan"i car chahbi ka hmang lawk dawn nia"tiin kawngkhar bula chahbi an khaina lam chu ka pan a.

"Khawia kal nge i tum?u inbengdai rawh"a rawn tih chuan engtinmah chhang lovin khawngkhar pui chu ka hawng a.

Motor ka khalh chhuah dawn laia Kawngkhar bula Daniel-a leh Martin-a inpawt bet ka hmuh chuan hawisawn nghal vatin gate lamah chak zetin ka inkhalh phei a.

Damdawi in neitu anih vanga ngaizawng angah min lo ngai a maw!A buai tur thu a sawi avang leh Aizawl lama ala awm tur thu a sawi a.kei in Lunglei lama phei nghal ka tum tih ka hrilh sa vek.

Baby-i nena an thalak pawh internet lamah ka hmu fo,thik hle mah ila,engmah ka sawi sel bik lo.chiang takin Zosanga kha ka thian mai a ni tih leh thik lo turin ka hrilh.mahse,min ring zo tawk lo a niang.min ringlo tu Mihring kianga insawifiah reng ngaia awm ai chuan khaw laia vah vaih pawh ka thlang zawk.

Ka nu leh pa te Accident na zawn ka thlen chuan motor tiding ka hawichhuak a.Car atanga ka chhuk thla tur chu inen in ka ner sawk a,t-shirt lian zet hnuaiah kekawrbul te chauh ka la ha zui.Ke lawnga kalin kawngchhak lampang chu ka thlir vang vang a.

Ka nu leh pa te kianga awm ka van chak tak em.min la dampui ve se chuan hetiang em em hian rilru hah leh beidawng takin ka awm hauh lovang.Ka nu tang bela Martin-a vanga ka natna te hi hrilh ka chak tak zet a ni.Ani chuan min thlamuanin,thu tha tin reng min hrilh leh ngei awm si a.

Motor dang rawn tlanin ka mit zawna min rawn chhun avang chuan ka mit zawna ka kut dahin ka mittui luang chu ka hru hul vat a.

Motor chhunga ka thut luh rual chuan ka phone chu on in dar zat ka en a,dar khat a ri dawn tawh.

Martin'an min rawn call chuan reject-in ka nutei number ka dial a.

A lo pick up rual chuan"Jessy,bawihte khawiah nge i awm?Daniel'an i chhuah thu a sawi a,kan ngaihtuah lutuk che.Martin-a pawh a mangan hle niang"a rawn tih chuan"ka rawn haw mek,Daniel-a chu ka bungrua vel naktuk lama zosanga rawn thawn turin minlo hrilh sak aw.ka dah dawn nia"tiin kan inbiakna chu ka ti tawp vat a.

Martin-a mangan thu a sawi a maw?ka nuih a tiza zawk.darkar chanve ka tlan hnu a ka hnunglama bike pahnih rawn tlan ka hmuh chuan ka hlauthawng ru tak zet.Motor chu khalh chak sauhin ka tawngtai mawlh mawlh a.

Min tlan pel pawh an tumlo,ka hnungah an tlan char char nia,engemaw thut ah ti rilru in ka phone chu ka On leh a.

Martin-a bawk engvanga min la rawn call fo nge maw a nih le?vawi li a rawn call na ah chuan thaw halh paha pick up in"enge i duh a?min rawn tibuai tawh suh"ti vin hlarin ka phone chu ka off hmak a.

Zing dar li vel a Pukpui dai ka thlen chuan ka hnunga bike rawn tlan te chu an ding a.ka thaw deuh hawk nghal,ka taksa lah chu ala kham thum zui.

Ka rilru a tawngtai in Pathian hnenah him dam taka min hruai avangin lawmthu ka sawi leh mawlh mawlh a.zana hmeichhia mahni chauha motor chuan a hlauhawm zia ka hrechiang.

Dar nga rik dawna in kawta ka din rual chuan Nutei te nupa chu rawn tlan chhuak nghal vatin"min ti mangan lutuk,ngatinge i thinrim apiang hian i chet vut vut thin.Martin'an nangmah vengtu tur tir lo phei se chuan tawh sual i tawk thei asin" Nute'in a rawn tih chuan makti deuh taka en in"Bike khalh tu te kha Martin-a rawn tirh an ni maw?"ka ti chiam a.

"Ni e,ni e,naupangchhia anga tih tauh hi ban san tawh rawh.hetiang te chuan nangmah leh nangmah buaina i insiam mai mai zawk"ti hlak hlakin inchhung lamah min kuah lut a.

Pute'an"pheikhawk bun lovin ani maw i rawn haw?computer age huna Aizawl atanga Lunglei pheikhawk lova rawn thleng awm chhun i ni hial ang a"nui thu chunga a rawn tih chuan ka ner sawk a.

Nute'in"fiamthu lo thawh reng suh.Jessy,i awmdan hi tha ka ti miah lo nia.bathroom lamah tuilum ka dah sa,va intifai hmasa chuan i eitur ka lo siam ang"ti hlak hlakin ka room choka lamah a phei a.

Ka tawng vel peih lo e a,Martin'an engkim a lo hrilh lawk vek tawh a niang,khatia min zilh ni.A hrim hrim in Bike khalh tu te kha a rawn tirh a ni tih min hrilh se chuan hlauthawng takin ka awm lo tur.

Ka taksa kham thum bakah ka mut a chhuak tawh tak zet.ka inbual zo chu inthlahrung deuh tak chunga choka lama phei in nute'in chhangthawp a Jam tah leh fanghma dawhkan chunga ka eitur a rawn chawpin,no ah bawnghnute dai min thlit sak a.

"Heng hi ei zo la,i mu nghal dawn nia.i rawn thleng tih Daniel-a ka hrilh tawh.A motor hi chu I Pa Ruat'an naktuk lamah a khalh phei mai ang,Aizawl lamah phei a tum sa hrim hrim a.Ngatinge Martin-a nen hian ho te te a in in tih tauh khum reng le?Puitling ve ve in ni tawh a,a dawhthei zawka tan tum ve ta che.mipa dang i ngaihsak bawk si lo,hetiang te chuan i leng tar mai ang.Martin-a chu bia ang che"a ti nuah nuah a.

Ngawi renga ka thil eilai chu lem fel in"ka be dawn tawh lo,ama thiam loh alawm,Ka thian mipa apiang a thik a,bakah a chapo mah mah,ani pawn hmeichhe dang a kawm ve tho alawm"ti hmukin bawnghnute chu ka in khalh a.

"I luhlul chhuah suh,mipa dang a thik te chuan lawm hle zawk ta che.a duh che tihna nia,Hmeichhe dang sawi sawi angai lo,a ni te chu mi pawimawh a nia,mi hrang hrangin an dawr ve bawk ang chu..."a tih chuan fanghma chu ban in ka thawhsan daih a.

"Hey,Jessy chhang hi rawn ei zo rawh"a tih chuan ka lu thing chunga ka room lam pan san in"ka puar tawh,ka muhil dawn"tiin ka room-ah ka inkalh khum nghal a.

Ka muhil ka harh meuh chuan chawhnu dar khat a lo pel lek lek,ka beisei aiin ka mu tui phian lehngal.ka taksa kham thum pawh a zia sawt mai.

Ka room atanga ka chhuak chu Zosang'an"minlo kalsan daih a,i bungrua ka rawn hawn nia"nui vur vur chunga a tih chuan then lui sakin"ka lawm lutuk,i rawn thlen na a rei tawh em?"tia tui bottle dawhkana mi chu la in zosanga bulah ka thu thla a.

"La rei vak lo,damdawi in lamah ka nu ka hmu hmasa a,Minister-a chu a lungawilo khawp mai.meeting nei dawn lo se chuan a rawn thlawh phei ve nghal ka ring"a tisup a.

Nute'in inchhunga a pangpar khawi siam tha paha kan lam rawn hawiin"I thianpa Zosanga nu chu tlai lamah va kan ve ila a tha ang.Zosang,i remchan hunah chaw lo ei ve ngei ngei rawh aw"a lo ti zung zung a.

Zosang'an min haw san hnu chuan Nutei nen ka bag chu ka room lamah khai phei in kan thliar fel a.
Nute'in"Martin-a chu i be ta em?"ka thawmhnaw bag atanga phawrh chhuak paha a tih chuan"ka be peih rih lo,Nute,Martin-a hming hi sawi reng lo teh,ka ning nia"ti hlarin ka thawmhnaw bal ho chu ka theh khawm a.

"In buai thlak dun em alawm,i kawr bal ho kha chu kutin kan nuai dawn nia,kawr tha khawla nuai tir chu a uihawm,a chhe bik duh e mai"tiin a ipte atang a phone rawn ri chu phawrh chhuakin"Martin-a nih hi"tiin a bengbulah a dah nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:48 pm

I TAN CHAUH-34
www.storyfb.com mizo story thar nitin dah ziah a ni e

Nute'in ka bengbulah a phone chu a rawn chuktuah paha"kha a be duh che,i phone i off ni maw"tiin a ner vak a.

Vin deuh hlara"Enge?Min rawn tibuai tawh suh"ka tih chuan"zungbun kha bun rawh.Jessica,midangin kan pahnih inkar thil an zawh che chuan,kan inhual mek thu leh inneih kan tum tih i sawi dawn nia.min hnial suh"thupe aw zetin a rawn ti ngut a.

Phone melh zauh paha nur nangin"i thu lo,i duh duha tih kual theih ka ni lo nia..."ka tih rual chuan"Jessica,Min hnial suh.Thlawhna a kan chuanpui nu kha Daily news paper neitu nupui a nih kha..kan thalak te pawh a nei vek.Damdawi in lamah pawh kal suh ang che,nangmah aia thawk tu tur midang naktukah a rawn thleng ang"a ti hmak a.

Khuma thu thla hnawkin"dawt i sawi ti raw?"ka ti chuai raih a.ka thu hriat chuan min thawng tak zet a ni.

"In hnial nan hun ka neilo,naktukah ka rawn hmu ang che"ti ngutin a phone chu a dah nghal a.

Nute'in"enge a rawn sawi?"tia ka bula a rawn thut chuan ka room kawngkhara Patea phone hmang chunga lo lut mek chu en in"tunge rawn bia che?"a ti ha a.

Pate'an"i nau in a be duh che"tih leh a phone ken lai chu ka bengbula rawn dah a rual a.

Zawi sapa"Daniel"ka tih chuan"UMartin-a hi i neih a ngai nia.In pahnih chungchang internet lamah an tarlang nasa lutuk.Ngatinge engmah sawi lawk lova i haw a,kan mangang hman lutuk.UMartin'an rawn umzui che tuma ka lo dan avang khan tun thleng hian ka chungah ala lungawi lo nia.Ala muhil miahlo lehnghal,sakeibaknei thinrim ang maiin amah be tu hlek apiang chu a hrawk vak reng a.A remruat dan ang ang chu lo zawm mai rawh,i tan a thalo engmah a ti duh lovang tih ka hrechiang,E taka ka motor ke siamthatna man kha nangman tum rawh aw,ka dah dawn Eric-a buaipui ngai"a ti zung zung a.

Ka phone ken lai chu Patea pe let pahin"Daniel-a motor ke thlak angai law?"ka tih chuan Pate'an"Servicing-ah ka va kalpui a,An nuih nasa mai,a berh in,a ke zawng zawng a mam pulh a.workshop lamah a ke ka thlak tir nghal a"nuisung in a ti a.

Nute'in"nizan chungchang kha chu sawi ri tawh lo teh ang u.ka ngaihtuah ringawt pawh hian ka thin a rim dawn tlat"ti hlak hlak in ka room atang chuan Patea a kaichhuak a.

Keipawn nizan thil thleng kha hriat ka duh lo ve tho.Nizan khan rilru pangngai tak nei ila chuan zan thim hnuaiah keimah chauh lehnghal phei chuan ka inkhalh chhuak ngam hauh lovang.

Ka phone charge lai chu phawiin Internet lamah ka lut kual nghal a.Darkar khat ralta lawka group pakhata an thil post ka hmuh chuan meng bial kawkin ka en reng ringawt a.

Martin-a nena hotel atanga kan inzui chhuak lai leh motor-a kan chuang tur kawngka min hawnsak paha ka chal a,a fawp lai thalak a ni.

A hnuai lawkah chuan"Minister Martin-a leh a bialnu Doctor pawh Goa lamah nuam chen a nupa ang maia an awmdun hnuah,Minister Martin'an Meeting pawimawh a neih dawn avangin mizoram lamah Nimin chawhnu khan a ruk te in an rawn thlawk haw dun a.An inthahlel hle tih mit a hmu tu ten an sawi,An inneih hun tur hi thuruk ala ni tlat"tih a lo ziak a.

Awmdan tur ber pawh ka hre lo,comment tu pakhatin"Mizoram pawnah chuan Nupa angin an khawsa a,mizoram an rawn thlen chuan an inti kristian leh hle si nga,ka ei thlawt lo"tih ka chhiar chuan ka sa nghal zak mai.

A comment na chu"Nupa angin kan khawsak leh khawsak loh i hre ringawt a mi?thil hi a lan dan ang a ni vek kher lo"tiin ka reply ngat a.

Dar li dawn a Zosang'an min rawn call chuan pick up vatin"Rawn kal kan tum.."ka tih rual chuan"mate,ka nu,hian min kalsan dawnin ka hria"tah insum aw tak chunga a tih chuan ka room atanga tlan chhuakin"kan rawn thleng vat ang"tiin ka dah a.

Nutei leh Patea chu ko vatin"Nu Kungi a zual niang,damdawi in lamah va kal ang u.Zosang'an min rawn phone a"ka ti zung zung a.

Damdawiin ICU room pawn a Zosanga leh an chhungte ho lungngaih hmel taka awmkhawm laih ka hmuh chuan ka inthiamlo tak zet a ni.Zosanga bula kal vatin"va lut ila"ka tih chuan"duty te hian luh an remti vak lo aniang"tisapin darthalang chhan atang chuan a nu chu a thlek vang vang a.

A bana kaiin"min lo zui rawh,Doctor i ni tih an hriat loh vang niang,kan inthlak dawn nia"tiin ICU room kawngka chu ka hawng nghal a.

Ward matron'in zosanga nen apron leh leh lukhum kan khum mek minlo hmuh ruala"Dr Jessy,kan buai riau a nia.midang luh tir kan remti vak lo a"a rawn tih chuan"Dr Zosanga, hian a nu dinhmun hriatchian a duh vang a nia,rawn tihbuai che u kan tum hauh lo"ti ve ngatin Zosanga chu ICU room chhungah ka luh pui a.

Ka tawngkam hman avanga Ward Matron lungawilo hmel chu ka ngaipawimawh vaklo.Nu tawng thei leh midang chanchin sawi peih tak a ni a.ka chanchin ngei pawh a sawi nasa tih Nurse Zualtei hnen atang ka hria.

Khuma Zosanga Nu,oxygen hip chunga chau zeta mu khum bula dingin kan en reng a.a hmaia phengphehlep pianzia ang taka rang ka hmuh chuan S.L.E natna ani tih hai rual a nilo.A vung nasa in hmuh a hreawm tak zet a ni.

Zosang'an,Anu bengbula kun a"Nu,a hreawm em?"zawi sapa a tih chuan Nu Kungi chu harsa tih hmel tak chunga rawn mengchhuakin a lu a bu zauh a.

Zosanga bula ding hnai Vatin a darah ka kuah nghal a.ka thian a nia,a mangan laiin a kiangah ka awm ve a ni tih hria se ka duh.

Ward Matron chu kan bula lo dingin"Dr Jessy,in duh leh file hi en ula"tiin a thil ken lai chu min rawn pe a.

Zosang'an"ka en ve lo mai ang,hetiang ang bak hi chuan khawiah mah an enkawl chuang lovang"zawi sapa tiin anu kut vung bur mai chu a chelh sak a.

Mihring lam atang chuan tih ngaihna a awm tawh hauh lo,a kal(kidney)a khawih tawh a,zun tamna a an jection chung pawhin,darkar 12 chhunga a zun zat pawh 50 mls bak a ni lo.

Minute 20 vel kan awm chilh hnu chuan Nu Kungi chu harsa tih hmel zetin a rawn thaw kawk kawk a,a hnu lawkah a chat thla nghal der.Nurse duty te leh Doctor thenkhatin an buaipui lai chuan Zosanga chu kuahin"an buaipui chhung chu pawn lamah kan lo va nghak rih dawn mi?"tiin ka chhuahpui a.

Mipa mah nise a nu meuhin a boralsan chu a tuar hle a ni tih a taksa khur dur dur atang chuan ka hre thei.

Zosang'an"Doctor ka nih hi enge a tangkaina le?ka nu damlo pawh ka enkawl thei lo nia"a tih chuan a lukhum khum lai chu phelh sakin"Vanramah nuam takin a awm tawh dawn alawm,Ka Nu kungi chuan a lo thlir reng ang che"ka tisap a.Hnem ngaihna vak pawh ka hre lo.

Pawn kan chhuah rual chuan Patea chu kan bula rawn kal vatin"Jerome-a ka phone a,an rawn phei dawn"tiin Zosanga darah a kuah a.

Nutei'in mi tam lohna lama min kai hrang hlekin"I hming an sawi neuh neuh a nia aw,fimkhur deuh rawh.Diklo takin an chhuah palh ang che"a tih chuan ner sawkin"an duh duhin minlo sawi teh se,ka hne hlawm lutuk,Zosanga hian thlamuantu a mamawh a ni.Nute,an in lamah ka zui ve ang"ka ti charh a.

Thaw halh paha beidawng hmel zeta min enin"i bulah chuan ka lo awm ve ang,nangmah chauh chuan ka awmtir thei lo che"a tisap a.

A tuka Zosanga Nu ruang Thlanmual a,an phum zawh chuan Kan inlam panin Jerome-a nen a car- ah kan inphur haw a"i duh leh muhil rawh,i chau tih sawi lo mah la,i hmel atang khan a hriat vek nia"Jerome'an a rawn tih chuan engmah sawi lovin,seat nghengin ka maimichhing nghal a.

Ka dara min rawn khawihtu an awm a ni tih ka hriat chuan mut chhuak zeta mengin"kan thleng tawh mi?"tia ka hmui hupin ka ham bai bai a.

"Khawi hmunah pawh tui takin i muhil thei zel a nih hi"tia Martin'an car seat atanga min pawm chhuah nawlh chuan makti zeta en ha in"Martin,engtin nge,nang hi,khawnge Jerome-a"tiin ka hawi ruai a.

"In in lamah a awm?i duh leh au vak rawh,tuman an hre lovang"ti ngutin in awmna lamah chuan min pen pui a.

Mihring hmel leh indang hmuh tur pakhatmah a awm hauh lo.Martin-a hmel chang rat mai chu en in"enge i duh a?"ka tisap a.

Kawngkhar bula min nghat pahin"nangmah,Jessica mut i mamawh ang bawkin keipawn hahdam taka mut ka mamawh ve tho,kan inhmuh tur thu ka sawi kha"ti ngutin inchhung lamah min pawt lut a.

Inchhung chu melh kual paha min vawnna atanga talchhuah tumin"ka duh lo,kan in lama haw ka duh.Martin,i duh duh dan a min tih kual tum suh"ka ti hlar a.

A necktie awrh lai pawt thawl paha room kawngkhar pakhat awmna lama min kai phei dawr dawrin"min hnial reng suh,dawhtheihna ka ngah vaklo nia"tia khuma min nam thu in"Nizan hmasa a ka awmdan avang khan min ngaidam rawh aw.ka thiam loh a ni"tisupin ka biang tawnah a rawn chelh a.

Thaw halh paha maimichhingin"Damdawi in neitu i nih avanga duh che nia min sawi kha"ka ti fak a.

"Ka thinrim vanga sawi ka nih kha,nasa takin Zosanga kha thik loh ka tum asin.Mahse harsa ka ti em a ni.Jessica,nang ka duh leh hmangaih ang che hian tu mihring mah ka hmangaih thei tawh hauh lovang"tisupin chhuatah chuan a thu thla hnawk a.

Ka lu thing nak paha Martin-a hmel dul ruih mai chu enin"min hmangaih ve a maw!"aw lawi ratin ka tichhuak sap a.

Ka ban tawn tawn a rawn chelh thut paha chiang fahrana min enin"Jessica,khawngaihin min hmangaih a ni tih han sawi hram teh?"aw khur deuh lek lekin a ti zawi sup a.

Ka lu bu zeuh paha"ka hmangaih che,mahse..."ka tih lai tak chuan ka hmui chu a hmui hmanga a rawn khar chilh hmak avangin engmah ka sawi zawm thei lo.

Martin-a nghawnga kuah paha Min fawhna chu uar zeta lo chhang let ve vatin a kamiz kawr kilh chu kut khur der derin ka phelh sak a.

Ka puan dum ven lai chu phun hluk paha pawt phelhin"nanglo chu engthil mah ka ngaihtuah thei lo"tiin khum chhungah chuan min kuai mu a.

Ka kawr chu ka bra chawpa ka awm lama hlima ka hnute a fawh mawlh mawlh lai chuan chawlhsan thutin mitmeng si sap a min rawn enin"Hrep tak hian!ka mamawh tehreng che nen indanna engmah ka keng lo"ti ngutin ka sirah mu in a bawk khup a.

Min ngaihtuah vanga hetianga awm hi a ni tih ka hria,a sam dum hlap maia khawih sakin"min mamawh tawk lo a niang"fiam paha ka tih chuan rang zeta ka nghawnga rawn kuah bet chunga rum ngutin"ka mamawhzia che hi Pathian chauhin min hriatpui ang.Jessica,kei hi min nei turin ka duh che a ni"tia min rawn kherh betin a mipatna khawng tha zet mai chuan ka mal a rawn nek run a.

A awm khawihsak paha harsa ti zeta thaw halhin"Kristian chhungkaw kan din thei dawn a mi?Martin,Pathian duh loh zawng kan ti thin si a"ka tih chuan ka hmuia a kut rawn dahin"Min nei duh angem?"nghet charhin a ti leh ngat a.

"Martin.ihh..."ka tih chuan"Aw nge Aih,tunah min chhang rawh"a ti ngut a.

Hepa tak hi chu aw.Ner sawk paha a awma na vak lova sik in"Aw,inti thu lutuk mai"ka ti hlak a.

Thaw hawk paha a lama min kuah hnai sauhin"Ka lawm e,I tan chauh Pasal tha tak nih ka tum ang.Naktuk lamah Palai ka rawn tir dawn nia,hreawm tuar renga awm ka peih lo"tiin ka nghawng zawnah chuan a rawn thaw sak sak a.

A hmel en tuma ka chetsawn rual chuan"awm hle hle teh,chutilo zawng ka insum zo lo palh nge.Muhil lawk ang"a tingut a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2017, 3:48 pm

I TAN CHAUH-35
www.storyfb.com mizo story thar nitin dah ziah a ni e

Martin-a awm pharh hlai tha tak zawnah chuan chesawn ngam tawh lovin,min kuah bet ang ang chuan a lungphu dat dat ri chu ka ngaihtha a.A awmdan chu naupang lungawilo ang mai niin ka hria,kei aia chak leh thahrui nei ngah zawk a ni a,a duh phawt chuan Hmangaihna min chenpui thei ngei tih ka hria;mahse,ka thusawi ngaithla in min zah sak a,ka lawm tak zet.min tilui ngat se chuan ka hnial thei kher lovang,mihring chhia leh tha hriatna nei kan ni a,nupa nih hma a sex hman a that loh zia kan hre bawk.harsa viau mahse kan insum angai a ni.

Thaw halh paha Martin-a awm pharh dapa ka hmui sik tir vang vangin"ka hmangaih che,ka lawm e"ka tichhuak sap a.

Ka chipa zawna rawn thaw lum ham hamin"hriat a nuam hle mai,nangma vangin ni hnih ngawt ka muhil tawh lo a,i kianga tui taka muthilh ka mamawh ania,he khawvelah hian kan pahnih chauha awm angin inngaihtuah la,i hahdam huai mai ang"tisupin a thaw chhuak ham ham a.

Ka taksa rawn za mer mer avang chuan mengchhuak a insangmar nghal at in Martin'an min bawh deuh run chunga ka hnute a kut pakhat hmanga hrawm paha lo fawp dawk dawk mek sama khawih sakin"min ti hlau alawm,Martin ka zun a chhuak nia"ka ti hraih a.

A kut lehlam hmanga ka dul a chul lai mek tawp san paha ka hnute hmur na vak lova seh zui zatin"hun lo thei lutuk"ti ngut pahin ka thochhuak mek mawngah chuan a rawn beng thlawp a.

Teu hlar paha Martin-a boxer chauh ha chu en in"i inbual tawh bik ni maw?.khawiah nge toilet a awm?"ka tih chuan nui huk in"i hmazawn kawngkhar kha hawng rawh,ka harhna a rei tawh lutuk,kan eitur pawh ka siam vek tawh nia"tia khuma a kiu nghata mu awn duai chungin min rawn en a.

Rang zeta kawngkhar chu nam hawngin ka inkalh khum nghal vat a.zung nghal mai lovin ka hmai sa zet mai chu tui vawtin ka intheh thawt thawt a.

Toilet kawngkhar chu zim te a hawng dek dekin"Martin,i awm em?khawngaihin inhrukna tur min lo pe"ka ti lang lang a.

Towel min rawn pe paha"midang tumah an awm hleinem,lo chhuak ve mai rawh,ka hmuh theih tur ang chu ka hmu vek tawh tho lawm"tawng tluang zeta a tih chuan towel-a intuam tha in ka ner sawk a.

Van ngeiawm thei tak,min hmuh vek tawh thu sawi kher a ngai mi le?Ka awma towel ka veh lai mek chuan kawngkhar chu rawn hawng zau thut in"i zak a ni maw?lokal teh?Bawihte"min pawm kang nawlh pahin a tisup a.

A nghawnga chelhin"ka zak lo,min dah thla teh?Mar..."ka tih lai chuan choka dawhkan chunga eitur inchhawp ka hmuh avanga ka tawnglai tawp chawta Martin-a hmel chu en ha in"nangma siam a mi?"ka tisap a.

Dawhkan sir eitur inchhawp lohna awl laia min nghat chiang zeta min en runin"thildang sawi suh,min peh hel dan tur ringawt i ngaihtuahin ka hria"ti supa ka mal chu a kut lian tha zet hmanga rawn chul heuh heuhin a kut lehlam chuan ka kawngah a kuah bet tlat a.

Ka lungphu rang nghal em em leh ka taksa rawn sa pup pup mai chu ka thunun thei lo.Martin'an ka mal tlema a kuai kau rual chuan"ka ril a tam nia,Martin,engmah ka ngaituah hlei thei lo"ka ti tham tiak a.

Amah en tura ka khabe a rawn kuai dakin"keipawh ka ril a tam,ka tam chhawl lo chauh ni maiin ka hria.Bawihte,ka thinlungah hlimna min thlen rualin,kawng lehlamah hreawm min tuar tir a ni"tisupin ka hmuiah a rawn fawp vang vang a.

Ka towel bih lai dawhkana chunga a tlak rual chuan min fawhna chawl thuta a hmai chu ka nghawnga rawn phum chuangin"Hmangaihna ka chenpui che min phalsak lul rawh"aw khur dar dara tiin ka taksa chu a chul kual ruai a.

Ka taksa peng tin mai chuan Martin-a a mamawh tak zet a ni,Martin-a sam dum hlap leh fai tak kara ka kut chu rawlh lutin"kan la inneih dawn tho alawm,chumi hma chuan insum rih zawk ang"ka tichhuak halh a.

Rum chhuak hawk paha"Ka la inneih dawn tho alawm"rawn ti nawn ve leh a ka hmuia rawn fawp zeuhin"min hmangaih thu han sawi leh lawk teh?"a tisup a.

Nui hak paha Martin-a bianga chulsakin"ka hmangaih che,chuan mipa dang tumah thik tawh suh"ka tisap a.

A hnar tum dat chunga chhing deuh sawkin"ka duh vanga thik ka ni hleinem,mi thianghlim ka ni lo tih i hria,ka hma a hetianga i awm reng chuan ka pawngsual duh mai ang che"a tingut a.

Ner nang chunga Martin-a hmel ruh tung chu enin"i slipper ka bun hawh lawk thei ngem"ka tih chuan phun hluk paha room lama pheiin a chapal lian tha zet mai chu a rawn kengchhuak a.

Martin-a chapal hnuk hruih hruih chunga room lama phei in ka kawr leh puan khuma inthlep fel thlapa awm chu ka in bel nghal a.

Dar riat rik dawna kan in lam pana motor-a kan inphur chhuak chu ka awm dawm chunga Martin-a lam hawiin"Patea te chu ka chungah an lungawilo viau ang"ka tih chuan"lungngai suh,i kiangah ka awm tlat dawn alawm,Bawihte,inneih kan duh thu i Patea te ka hrilh hunah minlo thlawp tlat rawh aw"tiin ka kut lehlam a rawn hum vang vang a.

Awihawm loh khawpin Martin-a tawngkam avang chuan ka thlamuang huai thei.Thaw deuh hak chunga pawn lam hawiin"Lancy-i leh Jerome-a te inneih an tum sia,i pa a damlo bawk nen,hetiang lam lo buaipui..."ka tih chuan ka kut a chelh lai chu la kanga fawp zeuhin"unau zinga upa ber ka nia,ka nau ten hian pasal min neih khalh vek ka duh bik hleinem,Lancy leh Jerome-a te chuan an sawn hla nga ni mai,an duh leh kan ti rual anga ni mai lawm,ka pa chu a zia tawh lutuk,harsatna dang a neih loh chuan kar leh lamah an rawn haw ang"a tisup a.

Kan inkawta motor a din rual chuan Martin'an"Bawihte,i kiangah ka awm nia"tia driver seat atanga pen chhuakin ka thutna lam kawngkhar chu min rawn hawn sak a.

Nutei kawngkhara a rawn pen chhuah ka beisei tlat mai chu ka inthiamlo viau a ni,engmah sawi lova ka riah chhuah avangin ka chungah nasa takin an lungawilo ang tih ka hria,Martin'an motor seat hnungah ka bag dah daih lo se la chuan nutei te min rawn biak tumna emaw tal chu ka hre ngei awm si a.

Martin'an ka bana chelh chunga kawngkhar a namhawng rual a, kawngkhar zawn chiah sofa a Nutei te nupa inkuangkuah a thu dun ka hmuh chuan ka thaw chhuak halh a.

Nute'in"Ka rawn phone che a,min chhang thei lo va"a rawn tih chuan Patea chu Nutei hmai zawna a kut phar in"lo tawng suh.Jessy,puitling in ni tawh,ngatinge naupangchhia ang maia hetianga in awm fo.Jerome'an in pahnih in in chhuak a ni tih rawn sawi lo phei se chuan mualphothlak takin kan zawng ngei dawn che nia"a rawn tih chuan inthiamlo tak a hnuailam enin"Ka tihpalh lutuk"ka tisap a.

Ka kut hmer nghet sauh paha thaw hawkin"Pa Ruat,Jessy-i nen hian Puitling duhthlanna nei kan ni ve ve a,inneih kan duh a ni"nghet charha a tih chuan maimichhingin ka thaw dep dep a.

"Martin,Jessy-i hi enkawl theih i inring a mi?ka sawi awmzia tak zawk chu Pasal tha tak i ni thei a ngem?"Pate'an muang ban charha tiin Martin-a chu chik zetin a en reng a.

Martin'an a lu bu zeuh paha min rawn en in"ka theih tawpin Pasaltha tak ni turin ka bei ang a,hlim takin Jessica-i hi ka awm tir ang"a tih chuan Nutei makti hmel chu en in ka nui sak a.

"Pasaltha tak i nih dawn leh dawn loh enchhin i ngam em?"Pate'an thu tak zeta a tih chuan kan en ha hlawm a.

Martin-a bu nghut melh paha a bana nghawk zeuhin"duh suh,a che mak thei lutuk"zawi sapa ka tih chuan nui suk a ka kut hmer nghet sauhin"ka neih theihna tur che a nih phawt chuan engthil pawh ka ti ang"a lo ti ngat a.

Pate'an"kan greenhouse chhung khu,chinai kan phul a,lei khu cheh phut angai,i thei ang tiraw,i lian tha bawk a."a tih chuan"Pate,engthil nge i hriat a?"makti taka en chunga ka tih chuan Nutei pawn"Uruat,i ti anglo e mai"a lo ti ve hlar a.

Pate'an"Pasaltha tak ni tur chuan khum leh tawngka a thil sawi kuak mai hi a tawk lo,eng dinhmunah pawh kan ding thut thei a,chuvangin kut hnathawh pawh kan thiam a ngai ni"a ti thlup a.

Martin'an"lei chu ka lo chek phut ang"a tih chuan Pate'an"chaw ei phawt ula,Jessy nang chu I nutei nen Zosanga te in lamah an khawhar in va len pui dawn nia.kei chuan Martin-a hi Pasal a neih tlak a nih leh nih loh ka lo en ang.i duh leh ka thawmhnaw i inbel thei ang"tiin Martin-a banah a beng thak thak a.

"Ka inthlak lo mai a nge,chaw chu kan ei tawh a,green house ah chuan kan zuk chhuk nge"a tih chuan Pate'an"kawngkhar bulah khan bawngtuthlawh ka dah"a lo ti vat a.

Martin-a en paha"miin an hmuh palh ang che nge,lukhum tal khum rawh"tiin dawhkana Patea lukhum parh hnang a tah chu ka pe a.

Kawngkhar a Martin-a chhuah rual chuan Nute'in ka bana rawn vuanin"min rawn phone tal tur che nia,Jerome'an a car khalh lai leh Martin-a car an inkhalh thleng thu leh a phur che a ni tih ringawt min rawn hrilh a"a ti hlak hlak a.

Ner nang chunga Nutei melh zeuhin"ka lo muthlu char char a,engmah ka hre bik lo alawm,ka harh chuan a lo tlai tawh sia"ka tizawi sap a.

Patea an room lam pana kal mek chu rawn hawi letin"in sawi ho lutuk,Nizanah Martin'an Message min rawn thawn vek alawm,in tlai lutuk nge,insiam vat vat rawh u"a ti hluk a.

Nute'in"chungte chu min hrilh ve tur che alawm,ka mangan zia i hre ve reng.Jessy lo va in siam rawh,I Pa Ruata hi a ti mak thei ngawt mai"ti hlak hlakin an room lama Patea lut chu a um zui ve nghal a.

Ka puan ven lai chu thlakin kawrfual dum leh a hmalama rawng sen duk tlema in tial ka khup chen chu ha sawk sawkin ka lukham hnuaia Ipod chu banin ka room atang ka tlanchhuak a,hmanhmawh ru taka Fridge atanga tui vawt leh theihai tui dah vawh chu la chhuak leh zatin Green house lamah ka tlan thlak pui a.

Green house chhung uap zet maia ka luh rual a Martin'an"Jessica min ngaihtuah a ni maw?"a hmai thlan hru paha a rawn tih chuan a bula kal hnai vata Ipod chu pe in"kha hei hi ngaithla pah rawh,music hian a ti hahdam sawng sawng mai ang che.chuan tui hi in teuh bawk rawh aw"ka ti sawk sawk a.

Ipod hrui siam tha ka hmuia rawn fawp zeuhin"Bawihte,i van duhawm thin tak em?khawi thla la dun lawk ang,hetiang thil hi ka vawikhat tawnna a nia"tia ka dara rawn kuahin a Jeans kekawr ipte atang a phone hlai tha zet mai chu phawrhin a keng kang va a.

A phone a kan thla a lak zawh chiah chu en pui in"Khawiah mah post miah suh,Patea hi a ti anglo thei thin lutuk a,ka kal dawn nia,nute'in min rawn auh vak hma in"ka tih chuan ka bana rawn chelhin paha a lam min pawt hnaiin"he thil hi ngaihtuah zui reng la ka duh"tia ka hmuia duhthaw taka min rawn fawp bawrhin a kut lian tha zet chuan ka kawr hak chhana ka hnute chu inti neitu zetin a tham nawk a.

Nute'in ka hming a lam ri ka hriat chuan thaw halh a martin-a min kuahna atang a tawlh sawn paha ka hmui hnawng chhap mai chu tuai in"i ti anglo thei e,ka chho dawn nia.Patea hi sipai bang a ni tih hria la,a tih tawh na ah chuan a stirick viau nia"nui sang a tiin ka kut ka vai a.

Inchhunga ka luh rual chuan Nute'in"Martin-a i lo zuk hmu leh hman a ni maw?in rawn haw rual chauh emaw tih nak alai a,va insiam vat vat rawh"a lo ti chul a.

Nutei nena zosanga te in lam pana kan inkhalh chhuak chu"i nu leh pa te khan Martin-a nena in awmdan hi hre ve se la ka ti ngawt mai.Jessy,Martin'an i kut chelh meuh a neih a duh thu a sawi lai khan ka hnuk a ulh hial asin.Daniel-a pawh engmah ka la hrilh lo nia,I Pa Ruata hi a ti mak thei lutuk a"a tih chuan"a ho lutuk,Patea chuan kan tana tha tur vek alawm a ngaituah.Nute,Martin-a hi engtika haw nge a tum tih kan zawt miah lo.Mi pawimawh a ni si a,tih tur a ngah viau ang"ka ti hluai a.

"A van zia lo ve,mahse he lamah a rawn zin ve vang vang chu nia,a pawi lo,ani chu ngaituah buai vak lo ang.i zungbun chu i bun leh ta ni maw?"nui hak hak paha tiin ka biangah a rawn piai zeuh a.

Zosanga te in piah deuh a motor ka hun fel chuan ka lam pana Jerome-a nui sung a rawn kal mek chu en in"khawiah nge i riah a?Zosanga a tha em?"ka tisap a.

"Hetah ka riak,Martin-a nen chuan in inrem tih ka hrethiam,lokal rawh pawn lamah thu ang"tiin pawna thutphah awl awmna lam chu min thutpui a.

Ka rilru a Martin-a ringawt ka lo ngaihtuah avang chuan ka bula nu pakhat rawn thu in"i va inngaihtuah nasa awm ve.Lunglei lamah Minister Martin-a a rawn zin an tia,i lo hre ve em?kan fapa tan hian biak ve ka duh deuh a"a rawn tih chuan ka phu zawk a.

Jerome'an ka hnunga rawn keuh zeuhin"ka pi,a motor keiman ka rawn hmansak a,min hai aniang,nizan lamah min hai nasa hlawm khawp mai"rang taka a lo tih chuan ka thaw halh a.

Ka bula thu nu chuan Jerome-a nena min melh tawn zak zak chunga a lu thingin"kan fapa hi,thingtlang lama kum nga ngawt a thawk tawh,a hrisel vak bik si lova,khawpui lama transfer tura ngen ka duh riau a.Amah hmuh theih dan kawng min zawn pui ula ka duh ngawt mai"a tisap a.

Kan kianga thu ten minlo en hrek hrek hlawm ani tih ka hmuh chuan ka awm an ti nuam lo tak zet,a hrim hrim in khawhar hnem tuma rawn kal a ni a,ngatinge an chhungkaw hamthatna tur ringawt lo ngaihtuah nge maw a ni le?nu pangngai tak chu a nih ka ringlo.

Zosanga chu kan bula rawn dingin"Thiante u,ka room lamah lut lawk ila,hrilh duh che u ka nei a"a tih chuan Jerome-a nen inen ha in Zosanga chu inchhung lamah kan zui lut nghal a.

Zosanga room-a kan luh chuan Jerome'an"Thianpa tlai lama Aizawl lama haw ngei ngei ka ngai dawn a.ka inthiamlo khawp mai,rei tak cham ka duh teh reng nen"a tih chuan Zosang'an"a pawi lo,inthlahrung duh suh.ka sawi tum tak chu ka thawhna hmun atanga ban a,mizoram lama thawh ve hi ka tum deuh a,ka chhungte pawh ka la sawipui chuang lo,nangni ka thiante thurawn ka mamawh a"tiin khumah chuan a thu awn duai a.

"A tha lutuk alawm,experience i ngah tawh tho a,khawi damdawi ina thawh nge i ril ruk"ka ti chuan Jerome'an"nakinah i thawh duhna chu i la ngaihtuah dawn nia,tunah chuan engmah ngaihtuah hah rih suh"tiin a darah a kuah a.

Zosang'an"Jessy,martin-a nen enge in chanchin,mi sawi sep sep ka hria a,he lamah a rawn zin a mi?"a tih chuan bu nghatin"kan inah a awm? Midang tumah hrilh miah suh u.Inneih kan duh tih ka chhungte bulah a sawi a,chuan Pate'an amah fiah nan hnathawh tur a hrilh a,Patea hi a ti anglo thin ngawt mai,hna a thawh ngai dawn loh tehreng nen"ka ti hluk a.

Jerome-a leh zosanga chu inen paha nui ri hukin"Pa Ruata chu ava bawn ve,Martin-a hnathawk lai chu a thla laksak ka van chak e aw.Lancy'in mak a ti viau ang,Jessy keini pawh Apa damloh avangin kan inneih hun tur kan la sawi fel lova,min tih khalh te in lo tum ngawt a nge?Martin-a mawlh chu ni hmuh chak awm"Jerome'an nui sunga a tih chuan ka ner nang a.

Zosang'an"Martin-a hian a mal tlat rei tir che ka ringlo reng a ni.ka lawmpui che u.Jerome,ani laka i beidawn vang a mi Lancy-i lama i tuan tak,keipawh hian kum thar lam chu midang ngaihtuah ve vat ka ngai ang"nui kur kur a tih chuan ka lei lo chhuah khum vakin"in sawi ho,nangni te chu ka unau leh thian tha ber in nia,kan ngaihzawn te nen chuan inthen fo a,kan Pathum hi chuan kan inthen thei lovang"ka ti a.

Jerome'an"A dik chiah,kan inphatsan tur a ni lo,kan inpui zel ang,sangzuala hi ka hrechiang a nia,fimkhur hle rawh aw"thu tak zeta a tih chuan Zosanga nen kan meng phawk hra a.

Sangzuala chungchang engmah ka ngaihtuah hauh lo.min tihbuai zui pawh ka beisei lo bawk.

Zosang'an"Ani chu tunge a?Jessy,a ngaizawng viau che mi?"a rawn tih chuan ka lu thing nakin"engmah a ni lo.hetiang lam chu sawi tawh lovang u"ka tih zawh rual a,Ka bag chhunga ka phone dah lai whatapps message tone a rawn rik chuan phawrh inka en a.Martin'an"ka hah,ka ngai che" tih te chauh min rawn thawn chu bih hnai in ka ner nang a.

Jerome'an"Martin-a mi?enge a rawn sawi?"tia ka phone ken lai a rawn bih chuan hnunglama dah vatin"engmah a rawn sawi lo"ka tih a ka phone min chhuhsak avang chuan teu hlarin"min lo pe vat rawh,enge i hriat?"ka ti chul a.

Jerome'an a hmui zawna a kut daha bengchheng lo tura min signal chuan inthiamlo takin Zosanga nui vur vur chu ka melh a.

Zosang'an"Martin-a ni em?enge a rawn sawi.engtikah emaw Jessy-i bialpa hlui ho kan tih ang khan la ti ve ang aw"a lo tih chuan an ban a chum sakin"In va chimawm thei tak,Martin-a te chu mipa dang ang a ni ve lo nia aw"ka ti nang nang a.

Jerome'an"Martin-a chu I chawh tiin ka reply nia,a thinrim khawp ang.Message a hmuh chuan a rawn call vat mai ang"tiin kawngkhar zawnah chuan ka phone lek kang va chungin a phei a.

He mite pahnih awmdun han sual thiam theih zia hi chu aw.An mahni vang hian ka bialpa hlui te nen pawh khan in hauh chang kan ngah,thinrim viau theih a ni ngai bawk si lo.

Ka phone a rawn rik chuan Zosang'an"Loud speaker ah dahsak rawh"rang zetin a lo ti a.

Jerome'an"Mate,thian tha inkarah thuruk a awm tur a nilo"nui sung a tiin ka phone min pe a.

Ka kuta phone ka ken rual chuan"Jessica,ka chawh a maw?Hreptak che hian,Zosanga te in lamah chuan kan rawn kal mek,lo awm tlat ang che"ti ngutin a phone chu a off lehnghal daih a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)