NEVER ALONE BY Basta Tlau - 18+ story (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: NEVER ALONE BY Basta Tlau - 18+ story (Completed)

Unread post by Ngaia » October 29th, 2017, 1:19 pm

NEVER ALONE-43
www.storyfb.com mizo story thar englai pawhin chhiar tur a awm reng

Nigel-a te chhungkaw awmdan hi hriatthiam harsa ka ti tak zet,an hausa in,sum leh pai duhtawka hman tur an nei ngêi mai.Mahse,chhungkua inpawh lo tâk an ni tih leh awmho ngât phei se chuan an inhau nasa thei hle ang tih dinner kan neih chhúng pawh khan a lang sa reng.

Air bag atanga polar suit buang mutna a ka hak tur ka phawrh chhuah mek laia Nigel'an"ngatinge i ngawih reng a.Engmah sawi tur i neilo a mi?"a kekawr ipte zen chung a tiin tukverh ah a dak a.

Hotel atanga damdawi in lam pan a kan haw kawngtluan in kan inbe hauh lo tih ka hria,ka kawrhak lai hlip paha Nigel-a lam chu hawiin"Nu Hriati,khan a ngaihtuah hle che in ka hria.A duh angin awm tir la"inthlahrung ru tak in ka tisap a.

Pawn lam hawi reng chunga a hnar tum dat in"a duh ang in a awm reng tawh alawm,min ngaihtuah ngai hauh lo bawk.Mu hahdam tawh la a tha in ka hria"biak zawm huphurh fê in a ti chhum hmuk a.

An chhungkaw chungchang chu sawipui lo law law ila ka tan a tha zawk.Rilru a helh kham nei rûn chung a ka kawrhak chu thlakin toilet lamah insilfai turin ka luhsan nghal a.

Mu tura khuma lawn ka tum mek laia,a laptop rawn phawrh chhuak ka hmuh rual chuan"hna tlem a zawng zawh fel tur ka nei a,kan ti zo lawk nge"tia khum pakhat a lawnkai in min rawn melh a.

"Êngah ka muhil thei lo,light off tal rawh?"ti hmuk a,ka inlu khup chuan"Zan dangah êng hnuaiah i mu fo si a"ti nuah nuahin light chu a off thim ve mai a.

Ni zungin ka hmai a rawn chhun avang a leh lam hawi ka in leh chuan ka bulah Nigel-a a mu ve a ni tih a taksa lum thar thar ka sik atang ka hre nghal.

Ka mit meng a ka lu tikang a"Nigel"zawi sap a ka tih chuan maimaichhing chunga ka dul záwn a,a kut rawn dahin"umm,a vawt nia,muhil leh rawh"phak zetin a ti thawp sap a.

Damdawi in khum hi mi pakhat mutna tura siam a ni tih a hrelo mi le?Midangin kan mudun tih min rawn hmuh hma a ka thawh tir ngei a ngai ang.

Tawngchhuah leh tum a ka hmui ka tih kau rual chiah a ka pumchhung a rawn no nghulh avang chuan ka puansin lai theh hlim a,slipper pawh inthawlh hman lovin ke lawng in toilet lamah ka tlan lut chàwn chawn nghal a.

Commode rimte chuan ka luak a tichhuak zual sauhin ka hria.Nigel'an ka chal a rawn dawm paha"raino luakchhuak i nei ve dawn lo emaw ka tia,ngatinge Pathian hian hetiang a,rem a ruat kher le?Sweety,tuar hram hram rawh aw"mangang aw taka tiin ka hnungah a chul hauh hauh a.

Ka pum chhung a awm zawng zawng chu ka luak chhuak vek hialin ka hria,a hreawm tak zet.Ka inthuah fai hnu a,mittui tling par a en in"Nigel,in lamah haw ang.Damdawi in rim hi ka ti thei lo."ka ti raih a.

"Aw le,kan chhuak dawn nia,i duh loh leh châk zawng apiang chu min hrilh hre ve zel rawh aw.Nangmah ringawt chuan ka awmtir ngai lovang che.Sweety,I tuar ai tal tuar thei ila ka ti ngawt mai."a ti dam ruih a.

Ka zak hnuaia dawm chunga toilet atanga min kuah chhuah chuan ka zawi deuh nghulh ni berin ka hria.locker chunga maaza bur chu la in"ka in chak lutuk"tih leh tui anga in ka rual a.

Thei tui ka in khawlh khawlh laia Suzy-i rawn lutin"zing kar a khatia in vak te chu a tha lo asin.Chhang emaw thildang engemaw i ei tal i ei tawh em?"nuisanga a rawn tih chuan Nigel'an"ei tel lo,a luak têuh a,maaza chiah hi ala in"lungawilo aw zetin a ti chhum hmuk a.

Suzy'in ner deuh nang a min rawn en ka hmuh chuan ka thil in lai chawlhsanin"tukin chu nidang ka ang tlat lo"ka tisap a.

"Rai lai chuan kan danglam fo thin alawm.Nizan lamah pawh khan thil thlum lampang deuh hlir i ei in ka hria,i zunthlum(diabetis)hi endik lawk teh ang.Rai lai chauha zunthlum nei an awm thin a.I lo ni ve palh ang tih ka hlau,hlauhthawn awm nilo mahse,kawng tam takah inenkawl a buaithlakna lai a awm thin a.Laboratory-a thawkte i thisen test turin kan hrilh nghal nge"ti deuh duahin a phone a phawrh chhuak a.

Ka nu leh pa ten zunthlum an neilo ve ve a,keipawn ka neih bik hauh lovang.

Nigel'an ka sam a rawn chul paha"hlauthawng duh suh aw.I Nu pawn nangmah a pai lai chauhin zunthlum a nei tih Ka pu chhung'an a sawi lawm.I ei leh in lamah tân ka la dawn nia"tizawi raihin ka bekah a rawn fawp a.

Makti zeta en ha in"Ka Pa in a hrilh che mi?engmah ka bulah a sawi ve miah lo.Ka nu leh pa ten zunthlum an nei lo ve ve emaw ka ti char char asin.Ka pa chuan engtikah nge a hrilh che a?"ka ti hluai a.

"Damdawi ina i awm zan khan min hrilh alawm,hlauthawng suh,I zunthlum result chu hre phawt ila,dietician kan ruai dawn nia"min hnem tum fahranin a tisup a.

Accu check khawl hmanga ka thisen an test zawh chuan thawchhuak halh paha ka bula suzy-i ding chu melhin"ka van lawm,zunthlum ka nei lo hlauh,mahse,fimkhur deuh chu ka ngai ang tiraw"ka ti zang vah a.

A lu bu nghat a Nigel-a nena min melh tawn in"i lawm ang tho khan ka U pawh a lawm hmel hle mai.Nia, i ei leh in chu fimkhur hle rawh.Ka thiannu dietician ka lo phone sak hrim hrim ang che.Zunthlum hi chu inthlahchhawn theih tiin sawi mahse,kan ei leh in kan fimkhur phawt chuan kawng tam takah kan pumpelh thei tho a nia.Luak dana a jection tur che in Nurse duty ka lo hrilh ang,ward round ka duh a,ka chhuahsan phawt ang che u.E..taka ka nu in zing karah min rawn phone a,rawn hmuh che u a tum duh a"pangngai taka tiin kawngkhar lam a pan nghal a.

Nigel-a hmel ka en chuan a rilru put dan tur awm ang engmah ka hre thei hauh lo.Mihring hian rilru pangngai rêng kan pu thei lova,Nu Hriati pawn a rilru a thlak tawh a nih ka ring.

Nurse duty leh Pi Nuni tiffin khaia rawn inzui lut ka hmuh chuan Nurse Nu in"tukin chu i lo luak a ni maw?luak dan na in ka lo jection phawt ang che.Mi engemaw zatin in awmna min rawn zawt a.mahse,tumah kan hrilh duh lo.in awm loh thu kan sawi zel mai.In awmna an hriat chuan an rawn zim hut ang che u tih kan hlau a"nuisanga tiin ka thisen zamah damdawi a rawn thun lut a.

Nurse Nu in min chhuahsan rual a"Nigel,i nu nen kan rawn kal rual a,pawn lamah phone a hmang..."a tih lai taka Kawngkhar rawn inhawng a Nu Hriati lo pen lut chu enin"Kan chhungte damlo kan tlawh ve lawk nge.i ei zawh awm hunah ka rawn let leh dawn nia"ti daihin a chhuak nghal a.

Nu Hriati rawn lut ngaihsak lo tih hriat zeta tiffin box chu hawng rawk rawk a,ka hma a rawn chhawpin"heng hi ei zo vek rawh,vawiin chu damdawi in la chhuahsan rihlo ila a tha ang"a ti chhum hmuk a.

Ngawi renga Nu Hriati chair-a rawn thu chu melh paha nui luisakin"Ka nu,i buai awm si a,vawiin lamah enge tih i tum?i dam tha vak lo mi?"tiin ka hma a eitur chu ka chawk kual nauh nauh a.Room chhung boruak rit ru tak mai chu tih zangkhai ka duh a ni.Ka tawngchhuah loh chuan Nigel-a hi tawng a tum loh hmel ropui si.

Nu Hriat'in"Tunah chuan ka zia deuh tawh e"tisap a Nigel-a chu enin"Nizan khan I pa nen zan rei tak thleng kan titi dun a,Kan faten in remtih chuan in hruai leh kan duh a ni.I pa in hrilh che u a duh viau a;mahse,keimah zawkin in tawngka ngei hriat ka duh tlat si a"muang ban charhin a ti a.

"Keini lam chu min ngaihtuah duh hauh suh.Ka Nu,puitling i ni a,i fa rual lek zui kawi tawh lo turin ka duh che a ni"chang fak a tia ka hmazawn a rawn thu thlain"i thil eilai chiah ngaihtuah rawh"a ti hluk a.

Ka kut kuangkuah chunga Nu Hriati lam chu hawiin"Ka nu,kei chuan in inhruai leh theih phawt chuan ka lawm ka ti ngawt ang.Ka Nu pakhat,zawkin min boralsan tawh a,nang talin Nu nih tlin taka min kaihruai hram turin ka ngen duh che a ni"ka ti charh a.

Nu Hriat'in maimichhing sawk paha"Ka fate leh kan eizawnna hum him ka duh avangin kum tam tak chhung zahna leh mualphona hrang hrang ka tawk tawh a.Nigel, Ramchhana nen hian vawikhatmah kan la mudun lo tih hria la ka duh,Ani saw,i nutei fapa a ni a.min tanpui ringawt zawk a ni"a rawn tichhuak sap a.

Makti deuh taka Ka mengphawk laia Nigel'an"unau i neilo tih i sawi kha,engvanga hetiang thil ti nge i nih?Dawt min hrilh hi ban san tawh rawh"ti thum bul a ka dara rawn sawi nawkin"i ei dawn nge?ka barh zawk dawn che"a ti hluk a.

Rum zeta melh kawkin"awm sawn teh.min vin reng zel suh"ti deuh hlarin tofu ka ka ei zawm zat a.

Chal chuar deuh tap a,a thutna atanga thochhuak a"lo ei zo vek ang che"tia pen sawn hlekin"Ka Nu,pawn lamah inbe lawk ang"tiin kawngkhar lam a pan nghal a.

Nu Hriat'in ka sam a rawn khawih zauh paha"Ka Fapa,nun hi i sawi danglam hneh khawp mai.I chung a ka thil tih avang khan min ngaidam hram rawh aw.Pa Sawma te leh Kan thawhpui dangten min enthla reng a.Khatianga ka chet kha a ngaih phah a ni.Tunah chuan kan chhungkaw kutah Hotel leh bank hi a awm nghet tawh bawk a.Ka thlamuang huai tawh a ni.Ramchhana te unau in i remchan ve leh an in lama chaw eiturin in nupa in an sawm che u nia"tiin Nigel-a chu a zui chhuak ve nghal a.

Nu Hriati,awmdan chu mak ka ti in min thawng tak zet,hmeichhe satliah a nilo tih chu ahma atang khan ka ring sa ngei.A pasal leh fate,eizawnna hum a duh avanga amah ngei a che chhuak hi ka ngaisang tak zet.An thian thenkhat ten Nigel-a pafa share lak sak tuma inthurual an lo tum chu Nu Hriat'in thiam takin a lo dang char char zawk a ni.
*
*
*
Doctor ten an chhut dan leh ultrasound result atanga a lan dân atang chuan ka nau neih nî tura an sawi pawh nihnih laiin a pel tawh.

Ka awm ngai renga awm ka ning avang a Inchhung dung a pum kawh luah a ka vei tawn sek laia Nigel'an"lo thu ve hle hle rawh.I ke a kham lutuk a nga sin"a rawn tih chuan Dr Rinchhan'in"i duh phawt chu vei kual rawh.Hna hahthlak i thawk bawk si lova,ke a kal tam kha i tan a tha nia,naktukah chuan Damdawiin lamah awm tawh ula a tha ang.Pasal nei ve tawh rawh min ti sek hlawm a.Han nei chiah ila,tun ang hian in bulah ka riak thei awm tawp si lo.Rinngheti leh Caleb-a te nupa lahin engemaw hlekah min tibuai fo lehnghal.Ka nulat hi chu min chhawr thiam ve ngawt mai"a ti deuh duah a.

Ka dul dawm chunga nui var varin"Nangte chu ka unaunu ang i nia,Riak tura sawm kher ngai lova,min awmpuitu tur i nia lawm. Dear,hnathawh tur i nei lo mi?"ka tih chuan Dr Rinchhan'in"i pasal hian min ringzo thlawt lo a nih hi"a lo ti deuh hmuk a.

"Ka rin loh vang che pawh a nilo,Ka Nu leh Pa te kutah engkim ka dah rih vang alawm,hnathawh tum ngial mah ila,nimin atang khan engmah ka ti hleithei tak tak lo,i Pum chu engtin mah a la awmlo tak tak a maw?chaw i ei tlem bawk si"dilchhut fahran a tiin min en reng a.

Ka pum chu a na ve tak zet tawh,mahse,hetiang hlek a Nigel-a rilru tih buai ka duh hauh lo,engemaw chang a ka insawisel hlekin keimah aiin a buai zawk ziah tih kei leh kan chhungte chên in kan hrechiang hle a ni.

Dr Rinchhani kiang a thu thla paha"Nau vawikhat neihna hi darkar sawm paruk atang sawm pali vel tiraw an vei thin."ka tih chuan Nigel'an"Enga!A va han rei em em ve.Na tuar kher lova,In Zai chu i duh zawklo tak tak a mi?"a rawn ti hluk a.

Dr Rinchhan'in rum zeta Nigel-a melh chung a"Engtin nge hmanah khan ka lo ngaihsan theih che le!Ka inzahpui khawp mai.Nigel,raipuar zawk niawm taka awm hi ban san tawh rawh.Nupui i inti nei leh lutuk.Kan nu leh pa te pawn na tuar chungin tha takin min hringchhuak ve tho.Hetiangte chu rai puar awmdan pangngai a nia,lo buai vak zel suh"tiin a zilh hlak hlak a.

"Pasal i la neih loh avangin nupa inkungkaihna i hrethiam pha ve lo nih kha,ka nupui hi hmeichhe dang nen khaikhin duh suh.Chawhnu lamah Suzy-i nen in inbia em?"a ti daih a.

"Bia e,bia e,Labour room(nau neihna)pawh an buatsai fel vek tawh.Nigel,nau neihna room chhunga rawn luh ve phet tum miah suh ang che."a tih chuan rum ngut a min rawn enin"ka luh lohna chhan tur ka hrelo.Sarah,i tha em?"min ngaihtuah zeta tiin a rawn tho chhuak vat a.

Dik tak chuan Nimin lam atang khan ka pum hi a na riai riai reng tawh zawk.Nau ka nei mai dawnlo tih ka hriat avang leh damdawiin lama awm reng ka duh loh avangin midang hmuh laia na tuar ang a awm ka duh lo a ni.

Na ka tih ka tih avanga ka hmaia thlan rawn bawl tiam tiam chu hru paha ka hmui pet zauhin"Urinchhan,damdawi in lamah kan kal tawh mai dawn mi niang.mahse,kan va zung leh lawk aw"tia ka thawhchhuah chuan Nigel'an"I va zung ngun ve.Coconut tui kha i zun zawh ah in leh nghal rawh aw.Ka lo hruai ang che,i tlu sual palh ang"ti duahin min rawn chelh vat a.

Ding chawt paha Dr Rinchhani lam hawiin"a rawn lum puat mai,ka tui bawm(forewater)a put a niang"ka tih chuan a thutna atanga rawn inperhtho vat a"zun i cheh zawk a nilo maw,nau i la vei bawk si lova.Nigel,damdawi in lamah inphur phei vat ang u.nau awl tur chi i ni dawn aniang"ti hluai in ka kutah a rawn chelh vat a.

Nigel'an "Zun cheh rual a nih tawh loh hi,Pa Fela kha motor lachhuak turin lo hrilh rawh.Ka rawn pawmchhuak ang"tih leh min rawn pawm a rual a.

Nigel-a dara hmer ngawt ngawt chung a"Nimin atang khan ka vei tan tawh niin ka hria,Nigel,ka pum a na lutuk"ti tham tuakin ka thaw halh halh a.

Ka pum nat dan chu sawifiah thiam chi pawh a nilo,ka taksa zawng zawng chu thlan tui in min bual huh vek ni berin ka hria,awm ngaihna ka hre thlawt lo.

Nigel'an, Pa Fela leh Dr Rinchhani a hrawk ri te chu ka hre deuh ruai ringawt.

Nau neihna room chhung a Nigel'an min pawm luh laia suzy'in"ka u lova chhuak rih rawh.Sarah-i hi chu kan lo buaipui tawh ang"a lo tih chuan Nau neihna khum a dim zeta min zalh in"ka chhuak lovang,in tih tur chu ti thuai thuai rawh u"nghet charh a tiin ka kut thlan dap ah a chelh bet tlat a.

Nurse nu pakhatin"Ka pu,nau neihna ah hian midang kan awmtir ngai lo asin.Nau a neih zawhah i hmu tho dawn alawm"a rawn tih chuan"kei min buaipui lovin,ka nupui chiah hi ngaihtuah rawh u.Nangni ai a taksa ka hmu ngun zawk.Tun a taka ka hmuh lohna chhan tur a awmlo,awmlo angah min ngai rawh u"a ti khur khur a.

Nigel-a awmdan chu a thinrim thlak viau rualin,a nuihzatthlak tho bawk si.Engtiang pawn chhuahtir tum mahse min kalsan a tumlo bur a ni tih a hmel lan dan atang a hriat ngawih ngawih.

Ka pum dawm chung a ka kawrban ka seh tang tang laia Dr Rinchhan'in"i veilampang kha hawi rawh.San a rawn pêk rual che khan êk chhuak a,i san angin i Sang vak dawn nia.Mahse,aw rawl chhuah suh aw,i taksa a chau lutuk ang"tiin ka mal chu a kuai kau a.

Ka na â vek ni berin,an tawng nuai nuai ri chu ka hria,chiang fak a hriat engmah ka nei bawk si lo.Pangngai takin naute fuk ke kim hringchhuak ila tih ringawt chauh ka ngaihtuah thei.

Suzy'in"Ka u,a hring hnai a nia,i awm ve tak tak dawn a mi?i tan hmuh a nuam dawn miahlo nia"a tih chuan a kut hnunglama ka thlan rawn hru a thaw halhin"Sweety,i kianga awm turin min duh em?tuar hram hram rawh aw"aw tham tuakin a tisup a.

A kawr tlang a hmer paha ka lu nghatin"awm ve mai rawh.A na lutuk,ka thi dâwn..."tih leh Sân vak ka rual a.

Naute tap ri ka hriat rual a"Hmeichhia in nei,ka van lawm tak,a hmeltha lutuk,a fai sar mai lehnghal,Nurse,hrufai vat ula,in tuam lum anga Anu bulah muttir rih rawh u"Suzy'in a tih chuan ka nuisak a.

Nigel'an"Ka hmuia rawn fawp vang vang a,ka fanu nen in pahnih in hmangaih che u.Pa tak tak ka ni ve tawh nia"ti tham tuakin ka samah a chul heuh heuh a.

Ka pum rawn che leh zawk ka hriat avang a ka meng kawk chuan Dr Rinchhan'in"A pumah hian naute dang a la awm in ka hria,ultrasound atang a lang miah si lova,naute pakhat khan a lo hliah a niang,in ring rawh u.Drip khai lai kha tichak deuh bawk ula"a rawn ti zung zung a.

Nau neihna room chhung a awm zawng zawng chu a phusa vek ni berin ka hria.

Nigel'an"Phir maw!Sweety,engtik lai pawhin min surprise reng mai a nih hi.."tia thaw hawkin ka kutah a hmer vang vang a.

Suzy'in"Sarah,i tha em?phir i pai tih reng reng kan lo hre hleinem.A dawt a mi hi chu mipa nih hi,a tha reuh lutuk,Ka u,thisen a hlauh nual a nia,Pomgranate a ei nasa hlauh a,thisen pek a ngailo hlauh mai thei ni.mahse,naktuk lamah a Hb(haemoglobin)kan test dawn nia"phur aw zetin a rawn ti a.

Ka taksa lamah na tuar mah ila,ka thinlung chhungril ber atang ka hlim tak zet.ka nau neih avanga ka hliam an thui dawn chuan Nigel-a chu enin"Min lova chhuahsan tawh mai rawh.Ka nu leh pa te chanchin i lo hrilh dawn nia"ka tisap a.

Midang kiang a kan awm tih ngaihtuah lo niawm taka ka biang a rawn chul a,ka hmuia duhthaw fahran a min rawn fawp in"I tan leh ka fate pahnih tan Pa tha tak nih ka tum tlat ang.Khawiah ka kalsan dawn lo che nia"tia khi sukin nau neihna room atang a chhuak a.

Nigel-a kalchhuah rual a"A ka zen pawh ni ila,min seh duh miah lovang maw le.Sarah,ka rin ai daihin i lo tuarchhel,hmeichhe dang chu awm ngaihna hre lovin a tal buai vek zel asin.Nau neih zawh khurh i nei a ni maw.Tui lum ip kha lo pe rawh u"Dr Rinchhan'in a rawn tih chuan khur hlak hlak paha nui sukin"thinlung lam a hlim phawt chuan taksa na te chu a tuar chhuah theih vek alawm"ka ti tham tiak a. click kha aww



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:19 pm

NEVER ALONE-44 (LAST Episode)
www.storyfb.com mizo story thar englai pawhin chhiar tur a awm reng

Nau neihna room chhung atanga min nawrchhuah rual a,ka pa in hlim hmelpu chunga"Bawihi,i tha em?Kan naute pahnih chu kan la hmu ve thei lo mi?Nigel'an,min rawn biak rualin i nu leh pa(Pa Zailawma te nupa)te nen hmanhmawh takin kan rawn tlan nghal asin"lo ti vatin ka sam ah a rawn chul a.

Mitmeng dul zeta meng chung a"Pa,ka chau lutuk"ka tih chuan Suzy'in"cabin lamah nawr chho vat ang u.Mutna damdawi leh nachhawkna kan pe a,Muhil rih sela,a rawn harh hunah a zia deuh hawk ang.Sarah,naute chu lo ngaihtuah suh aw"a rawn ti ri chu ka hre deuh ruai a ni ber.

Naute tap ri ka hriat avanga ka men chhuah a"Sweety,i tha em?nâ i nei em?"Nigel'an khawr zeta naute pahnih lo pawm chunga a rawn tih chuan ka puansin lai hlim paha nuisanga enin"midang tumah an awm ve nange?An ril a tam niang.Dear,Nan(naute in tur)pe turin Nurse ko lawk mai rawh.Hnute tui ka la nei bawk si lo,kan inbual fai lawk nge aw,khawiah nge bathrobe a awm le?"ka tih chuan"Lo chesawn rih suh,an tiharh ang che tih ka hlauh avangin pawn lamah ka awmtir vek a"tia khum pakhata a nau pawm chu dah dun a"Ka pa,rawn lut lawk teh u"tiin kawngka lam a pan nghal a.

Nu Hriati leh ka pa chu rang taka rawn pen lutin"Ramchhana te unau pawhin pawn lamah an nghak ve che u nia.Sarah,inchhungte lamah phir nei an la awmlo niin i pa hian a sawi a.Keini lamah pawh Nigel-a nutei(Ramchhana te nu)leh nangmahni chiah hi phir nei in ni mai.Toilet-ah i kal dawn a mi?"Nu Hriati'in nuisangin a rawn ti duah nghal a.

Nigel'an"Ka pu,nurse duty ho kha naute hnute siamsak turin lo hrilh rawh aw.Sarah-i hi bathroom lamah kan hruai lawk nge.A kawrhak tur inlo phawrh sak dawn nia"ka zak hnuaia rawn dawm chungin a ti a.

Toilet lama Zawi muanga min kuah phei laia"Chawhnu lam a lo ni der tawh law...ka van muhil rei em em ve.i meng tlang char char a mi?"a hmel en zauh a ka tih chuan Ka Pa in"Mu hahdam tur a kan tih pawhin a zawm duh tlat lo lawm.Nizan,atang khan a meng tlang ta reng a nih kha,In eitur ka lo chahsak nghal ang che u"nui chunga tiin kawngka biang a chelh a.

Nigel-a tâk hi chu aw!Min buaipui turin Nurse leh kan chhungte an awm tho si a,reilote tal muthilh tum ve tur ania.Toilet kawngka min hawnsak laia"Reilote tal muthilh tum ve rawh.I hmel hmuh a nuam lo nia,kei leh kan fate pahnih hian hriselna tha nei a,rei tak min dampui turin kan duh che ni.chuvangin hriselna tha nei tura mut i mamawh niin ka hria"tisapin a khabe hmul to sir siar ah chuan ka khawisak zauh a.

Kawngka la chelh reng chung thaw halhin"in lama haw tur chuan min ti suh,khawiah mah ka kalsawn dawn lo,khum pakhatah sawn ka lo muhil ang.Mahse,harsatna i neih a nih chuan min kaitho vat dawn nia"a tisup a.

Damdawi inah kar khat kan awmna chiah a ni a,tukin zing hian ka nau neihna avanga ka hliam an thuina min phelhsak hun a ni.

Nurse pahnih leh Dr Rinchhani rawn lut ka hmuh ruala"Nigel,i nupui hliam thuina kan phelh dawn a nia,i lo awm ve leh tlat dawn nge?min chhuahsan zawk dawn?"Dr Rinchhan'in nui sang chunga a tih chuan Nigel'an"Ka chhuak lovang,Rinchhan,in hliamna kha inthui nalh loh chuan engkim ka hre leh vek dawn tho a,uluk tak khan phelh ang che"thu tak zeta tiin naute bawm chu a bih a.

Nurse pahnih za zeta an nuih laia Dr Rinchhan'in"hepa tak hi chu aw! Tih ngaihna i awm thlawt lo,luhlul si,mahni thu duh si,he damdawi ina thawk zawng zawng hi i thu hnuaia min dah tum hlek suh.Sarah-i,hliam tluk a thui uluk ka la nei ngailo tih hria ang che.Damdawi in atanga inlak chhuah in lo tum leh ringawt a nge.In naute hi Kg thum an tlin ve ve phawt loh chuan damdawi in in chhuahsan thei lo ang"ti hlak hlakin ka mal zawnah a rawn kun a.

Nigel'an"A piang hmasa zawk hi a zang zawkin ka hria,ngatinge an va zang dun ve,dik lohna an nei mi?"a tih chuan Nurse pakhat zawkin"phir hi chu a tlangpuiin an zang duh hrim hrim,a piang hnuhnung ai a piang hmasa hi an zang zawk bawk.Engmah dik lohna an neilo,an hrisel tha dun lutuk a nia,Thla ruk chhung Nu hnute tui ringawt an rin dawn avangin i nupui hi eitur tha tinreng i ei luih tir dawn nia,tui lampang sa hem hnim hian hnute tui a siam a,ei hnem bawk rawh se"nuisangin a rawn ti a.

"Ei leh in lamah chuan ngaihtuah duh suh u.Ani tluk a ei in ti tha hi an awm kher lovang.Niminah ka nu leh pa te bazar in in naute thawhnaw leh toys tur hlir an rawn hawn a,ka hauh hrep rualin nang in pasal neih i tum chuang hleinem,kan tu neih chhun tân kan tihsak a nih hi an la ti sam et lehnghal.In lamah pawh in naute chanchin bak thildang sawi tur an hre hlawl lo.An thil rawn lei ho chu damdawi ina keng lo tur leh in lama dah turin ka hrilh nia"min thuina phelh chungin a ti a.

Nigel'an"kan fate hleitling hunah pasal tur ka la zawnpui ang che.Tawng vak vak kher lo la,a hliamah khan natna hrikte i phuh chhuak reuh reuh palh ang"fiamthu taka a rawn tih chuan nuih ka insumzo thlawt lo.

Ka hmui hup a nui khur dat datin"URinchhan,chawl lawk ang.Nangni pahnih hi awmdun chi pawh in nilo,naupangchhia angin in inhnial reng mai"ka tih chuan nurse pahnih lo awm ve te nen kan pathum in kan nui hak hak a.

Dr Rinchhan'in"Nurse,min lova chhuahsan tawh rawh u"tia ka hliam a damdawi rawn hnawih tlawr a rum zeta min rawn melhin"i pasal hi lawm,tawngkam bung zet zet leh min kei zawng hlirin a tawng a.Kei hian eng natna mah ka phuhchhuak lovang.Nigel,thaibawih pa"a ti vin hlar a.

Nui huk paha ka mutna khuma rawn lawnkaiin"Ka lawm e,pasal sual nih ai chuan Thaibawih nih hi ka duh zawk a."tiin ka hmuiah a rawn fawp a.

Nigel-a dar a rawn chumsak chawrh paha"hur lutuk,Sarah-i bula mut nghal tum ringawt suh.A serh kha a la damchiang miahlo nia,kar khat chhung nupa nun in hmang tur a nilo.Ka nu in naute hming pakhat zawk tal ka phuah ve ang a tih kha.Lo hnial miah suh ang che u.Nigel,naute hnute hnek tur te kha i lo hnek zawh sak vek nge aw"nui har har a tiin a tlanchhuak a.

"A la chaklo ve khawp ang.Ka hmangaih em che avang leh i tel lova,engmah ka tih theih loh avang hian thaibawih min ti fo mai.kawngka saw kalh ila,kan fate muthilh lai hian mut tum ve teh ang"ti ngutin kawngka kalh turin a thochhuak nghal a.

Min ngaihsak lutuk avangaThaibawih ti a sawi chu a duh love hle niang.Nigel-a mut that ngai lohzia leh mut tlem zia hretu ka ni,a mut duh phawt chuan tui takin muhil sela ka duh.

Ka bula rawn inthawlh paha"Sweety,I dam that hma loh chu hreawm tuar chungin ka insum tlat angai ni"tisupin ka dulah a chul heuh heuh a.

A sam buk lek lek tawh khawihsak paha"naupai lawk tawh lo ila ka duh a ni,nau neih natzia leh ka neih dawn laia na ka tuar ang kha tuar ka duh rihlo,kum hnih tal chu indanna hmang rih ang aw"zawi sapa ka tih chuan ka nghawng zawn a a hmai rawn phumin"tehreng mai,kan fate pahnih avang pawh hian ka duh ang kan ti thei lo rei tawh;mahse,ka vui hauhlo nia aw.muhil ang,kan fate pawh an muthilh saw"tiin a thaw sak sak a.

Kawngka kik ri ka hriat avanga ka harh chuan Nigel-a chu ka bulah a la muhil tui hle a ni tih ka hria,thawm dim taka thochhuak a,inchul mam paha kawngka ka hawn ruala Charlie-a leh Sang sangi kawngka bula lo ding chu makti taka en ha in"lo lut rawh u,in va reh ve.in dam tha maw?"ka tisap a.

Sangsang'in"dam tha ni mai.naute tha taka in nei chu ka lawmpui lutuk che u.Ka thiante pahnih awmdan hrechiang lova,ka lo tawngkhum fo che avang khan ngaihdam dil che ka duh a ni"inthlahrung deuh taka a tih chuan ka lu bu nghat a khum a Nigel-a rawn zi tiah tiah lam chu hawiin"i thiante tan a i inpek zia ka hria lawm.mahse,an mahni angin rilru sual i pu kher hleinem.Lo thu rawh u"ka tih vat a.

Charlie'an khum awl laia thu paha"samson-a rawn kalpui kan tum a,a hmuh hreh deuh tlat che u niin ka hria"a rawn tih chuan Nigel'an"ngatinge a hreh rik ngawt a.Tih sual a nei mi?"khuma inbengkang chungin a ti hluk a.

"Tih sual a neih pawh ka hrelo,mahse,thawk khat lai khan Sarah-i hi a duh ve alawm,a rilru a na deuh pawh ni mahna,coconut tui litre khat min rawn kentir a"nui chunga tiin a thil khai lai chu locker chungah a nghat a.

Sangsang'in naute pahnih mu en chunga"an duhawm dun reuh lutuk,Samson-a chu ni ila,a hmeichhia zawk puitlin hun hi ka nghak duh ngei ang maw le.kan pawm chhin teh ang"tiin hmeichhia zawk chu a pawm a.

Nigel'an"dim rawh aw,a zung leh tawh mai thei ni.Samson-a hming rawn sawi ri reng suh u.Ka nupui hian kei lo mipa dang a ngaihsak duh lo hrim hrim.coconut tui ber kher ngatinge a rawn thawn a.Charlie,noah khan thli la,kan in tlang anga ni mai lawm"ti hlukin ka darah a rawn kuah a.

"Engtik hunah emaw intlansiak leh ila a tha ang.In naute hming hi tunge phuah engtin nge kan koh dawn?"Charlie'an a tih chuan"Hming phuahtu nih an inchuh nasa khawp mai.Ka pu leh ka nu in mipa hming atan khan Jonathan Lalpekhlua tiin an in phuah tawm a.Nu Kungi te nupa in hmeichhe hming atan Lalhlimpuii tih an phuah ni.Bike intlansiak lam chu ka ngaihsak hman tawh lo"pangngai zeta tiin ka darah a rawn kuah a.

"I tih ka ring reng a ni.Nimin khan Central jail-ah Mamawii kan va tlawh a,a damloh hmel khawp mai.Jail Warden te khan AIDS a vei niin an sawi a,Treatment engmah a la duh lo,mak ka ti khawp mai"Charlie'an a tih chuan ka maimichhing sawk a.

Ka dara hmer nghet zauh paha rum ngutin"A rilru siamthat nan hun leh kum tam tak ka pe a,mahse,engmah awmzia a awm lo.Keipawn,hetiang dinhmuna a awm ta mai hi ka lainat khawp mai.Ka nupui leh chhungte a lo tibuai kher kha a pawi ni"a ti zawi sap a.

Sangsang'in"Ama duhthlanna liau liau alawm,Marina'in tukin khan Delhi atang min rawn phone a.A lawmpui lutuk che u nia,Mizoram lama rawn haw chu a hreh ve deuh tlat tawh a.awi Hlimpuii hi a zung in ka hria"ti chúlin a nau pawm lai chu min rawn pe vat a.

Naute zun ka thlak laia charlie'an"Thla tharah Sangsangi nen hian court-a inneih kan tum deuh a,kan kohhran a inan loh avang hian kan chhungten min tuipui lo ve ve si a.Kan in tur kan buaipui fel tep tawh a ni"thu tak zeta a rawn tih chuan Nigel-a nen kan en ha a.

Charlie-a te hi salvation Army an ni a,Sangsangi te erawh Presbyterian kohhran an ni thung.Kohhran inan loh avanga mihring inhmangaihte an inthen fo tih ka hria,tha ka ti hauh lo.Charlie-a te pahnih pawh hi huaisen tak a inneih ngei turin ka duh tak zet.

Nigel'an"Keini Mizote hi Kristian inti vek si kohhran dan hrang hrang kan zawm a,Kohhran kalphung inan loh avang ringawt a,kohhran dang mo leh makpa atan a kan iai ringawt hi tha ka ti lo.Pathian thu kan sawi chhuak fo a nih chuan kan Mihring pui te pawh kan hmangaih tel tur a ni.Court-a inneih kan nih avang hian Kohhran kan ngaipawimawh lo tihna a ni kher lova,kan dinhmun leh awmdanin a zir loh vang zawk a ni.Kan damtlang anih phawt chuan in inneih hunah kan rawn kal ang"a ti duah a.

"Ka rinai i sawi nasa,nang tal te chu i rawn kal hram hram ang chu,Fa neih avanga inkhung chawt kher tur tihna ni hleinem,damdawi in i la chhuahsan hauhlo tih caleb'an min hrilh nia"Sangsang'in a tih chuan"Ka nupui leh fate an damthat loh chuan khawiah mah ka kalsawn lovang.Ka Chhungkua neih chhun an ni a,thildang zawng aiin ka ngaipawimawh.Pathian rawngbawl thenkhat nupui pasal neia inthen leh te pawh hi a tam zawk chu an chhungkua an dah hmasak loh vang niin ka hria.Inchhungkhur leh kan chhungkua bulah kan hna leh rawngbawlna engkim kan tan hmasa phawt zel tur a ni"nghet charhin a ti a.

Makti taka Nigel-a ka en chuan kei ang bawkin Sangsangi leh Charlie'an an lo en ve reng a ni tih hria.Nidangah hetiang thu lampang hi a la sawichhuak ngai miah si lova.

Charlie'an"i va danglam sawt ve,Sarah-i rai atang biak inah i inkawmpui fo a.Nakin lawkah phei chu pulpit tlang i rap tawh ngei ang.Nupui i lo nei lovang tih a hlauhawm khawp mai"min melh tawn zauh paha tiin a nuisuk a.

"Pa ka ni tawh a,kan faten nunkawng dik an rawn zawh theih nan keini nupa hian tih tur tam tak kan nei.mahse,Pathian puihna chauh loh chuan engtinmah kan kaihruai thei lovang tih ka hria ni.Sangsang,Ka nupui in ka thil tihna apianga min support fo ang hian charlie-a nen in inneih hunah i support ve dawn nia.Nupa inkarah chuan inhmuh thiam loh chang a awm thin.chung hunah chuan tawngka ngeiin inhrilh tawn ve rawh u"a ti charh a.

Sangsang'in"Sarah-i te chu engtikahmah ka tluk teuh lo.Thingtlang nula satliah emaw tiin kan tawngkhum fo a,mahse,keini ai pawn a hawi zau in thiam a ngah daih zawk.in naute pahnih hi pawm ula,thla ka lo laksak ang che u"nui chung a a tih chuan Nigel'an"Kan lakpui ngun tawh khawp mai.An nausen lai atanga midangin an ngaihven hi ka duh vaklo.Nakinah an rawn lian a nga,an duh angin mi zingah an khawsa thei lovang tih ka hlau a ni.mahse,nangni in nia kan lak tir leh hram ang che u"fiamthu zeta tiin a fapa zawk chu a pawm a.

Thla kan lak zawh hnu lawka Dr Rinchhani te chhungkua leh Suzy-te chhungkua kawngka a rawn lut ka hmuh chuan Gilbert'an"A Pute,a rualin naute pahnih in nei bik a mi?ka lo pawm ve chhin"tia Nigel-a nau pawmlai phur hmel taka rawn khawihin a biangah a fawp zauh a.

Suzy'in"rawn kal an ngen reng a,kan khap thei tawh lo.Gilbert,khatin khawih nghal ringawt suh."lo ti hlarin a pawm sawn vat a.

Nu Kung'in"engtikah nge damdawi in atang in chhuah dawn a?hei nau kawr tur kan rawn keng a nia.Khawi Hlimpuii hi keiman kan lo pawm teh ang.ka ngai tawh lutuk"tiin ka nau pawmlai chu min rawn laksak a.

Kan fate hi an riltam leh zun tih lovah chuan an tap ngai hauh lo,kan vanneih tak zet a ni.

Dr Rinchhan'in"in lama in haw hunah ka nu leh pa room tur siam sak ve law law ula a tha ang"a rawn tih chuan Nigel'an"nangpawh kan siam ve ang.Nula tlawngawl i nia lawm"a lo ti vat a.

Charlie'an"Rinchhan,Hman niah Samson-a nena 3star hotel-a ka hmuhdun che u khan enge in tih a?"a rawn tih chuan"thingpui kan indun"a tisam et a.
*
*
Damdawi in atanga kan chhuahna pawh kar thum lai a ni ve der tawh.In lamah Nurse awmpui pakhat kan ruai a.Ka nu leh Pa te mai bakah Dr Rinchhani te chhungkua leh Suzy-i te chhungkua an rawn kal reng avang Nau hnute ka pek lai bak ka pawm thei lo a ni ber.

Ka nu leh pa in min hawsan hnu a,Bang a sana intar melh paha"naute an tlei tho,room lamah kan mu zal rih lawk aw.Ka pasal rawn haw hunah ka rawn chhuah loh chuan min kaitho dawn nia"nurse bula ka tih chuan a lu bu nghat nghatin"han mu rawh,han mu rawh,zing atang khan i che reng a,i hah lutuk tawh ang"a lo ti vat a.

Khum a ka muthilh laia min rawn khawihtu an awm nia ka hriat ruala Nigel'an"i va chau awm ve.Room i tih danglam dan hi ka duhzawng tak a ni.mahse,heng ai hian tuna ka nupui duhtak khuma mu mek hi ka duh zawk"ka bengbula rawn ti thawp sapin ka hnute chu a hup chat a.

"I rawn haw na a rei tawh em?min kaitho turin nurse kha ka chah asin maw le"phak zeta tia a taksa ka nghen hnai rual chuan thawmhnaw engmah a inbel lo tih ka hria.

"Hetia minlo hmuah pawh hi a pawina a awmlo.Ka chan ai kan fate pahnih hi ka kian ngun tawh,tunah chuan ka ta bik liau liau a ni rih ang.Ka mamawh che"tisupin ka chungah a lawnkai a.

Thaw halh paha a nghawngah kuah chunga insiam remin"Kan fate pahnih in min tihbuai loh chuan i tan ka inpeih reng alawm"nui hak haka ka tih chuan ka chhunga rawn lut a,uar zeta ka hmuia fawpin"Ka fate pawhin ka rilru ang rawn pu ve in,nangmah mai a awm hlat tir che an duh lo"a tisup a.

THE END

Next story chu story fb group ah in lo ngaihven dawn nia Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)