NEVER ALONE BY Basta Tlau - 18+ story (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: NEVER ALONE BY Basta Tlau - 18+ story (Completed)

Unread post by Ngaia » October 29th, 2017, 1:12 pm

NEVER ALONE-37
www.storyfb.com mizo story thar englai pawhin chhiar tur a awm reng

Engvang a Mamawii hian min tih nat duh tlat nge maw a nih le? A Patea tang,Ka Nu in AIDS a kai tih ka hriat hma pawh khan ani nen hi chuan kan ngaina lo tih ka hria,mahse Uzorama kaltlang a min thah duhna leh tumna rilru a pu ang tih ka ring phak lo hrim hrim.Tunah amah vangin Uzorama a boral phah a,ka ngaidam ngai lovang.

Bawngkawn ka in chhung a Nigel-a nen inthlak tura kan luh rual chuan ka kut dinglampang chu a hma a phar chhuakin"ka phone i kawl kha min pe let hram rawh.keimahni vangin midangin an tuar nasa tawh lutuk.Mamawii hian engvanga min tinat duh tlat nge a nih?Marina-i te ho hian an hriatpui ve em?"aw zawi raihin ka ti a.

Ka kut a lo man bet a,a awm a min kuah beiin"min ring miahlo a mi a?engkim ka chingfel thuai ang tih ka hrilh che kha.Mamawii hian hetiang thil tih a tumna hi a rei tawh hle a niang.i pa leh Zorama ten accident an tawh hma zan khan mamawii zu rui in kan nupa a min pawh then a tum thu leh,kan inthen theihna a nih dawn phawt chuan a tu emaw zawk zawk,min thah a hrehlo tih charlie-a bulah a lo sawi a.Charlie'an makti takin min hrilh chhawng ve leh a ni.A tir chuan a zu rui tawngchhuak mai mai ni turah ka ngai a.Thinglang lam a inah nithum chamin Zorama a han kal chilh a.zankhat Zorama nena khuma an mudun lai leh kan pahnih chungchang an sawi lai chu Ka Pu Remchhung'an(ka Pa)a hre fuh hlauh a,a zan la la in engkim min rawn hrilh a ni.Sweety,eng thil mahin i rilru hi a tih buai ka duh lo"tisupin ka hnungzangah a chul heuh heuh a.

Thaw halh chunga Nigel-a chu enin"ka rilru buai thin zia hi i hrelo a mi?engmah sawi lawk lovin,i in atang min hnawt chhuak a,Marina-i nen in zui in,in mudun lehnghal. I thiante ho awmdan hi ka hrethiam lo tak zet"ka ti nuah nuah a.

Ka hnar a rawn fawp zeuh paha"marina-i kiang a ka awm tam chuan Mamawii awmdan ka hriat theih phah ka rin vang a ni.marina-i nen sex kan hmang hauh lo nia,ka nupui duhtak leh sexy zet hi ka ngaihtuahna ah a awm reng a,engtin nge hmeichhe dang sex ka hmanpui theih ang.I tana pasaltha tak nih ka tum avang a,awmhran tir zawk che ka ni.Hetah hian kan awm reng dawn nge,damdawi in lamah emaw ka pa te in lamah kan kal zawk dawn?ka hnung i thui avang hian i kiang a hun hman ka chakna a tih nep phah hauh lo nia"aw ril zeta tiin a biang chu ka biangah a rawn nul thuak thuak a.

Mak tak maiin Nigel-a thusawi chu rinhlelhna pakhatmah ka nei hauh lo.kawr engmah a hak loh avang chuan a thinphu dup dup zawn a ka kut nghat in"damdawi in lamah kal hmasa phawt ila,kan intifai lawk nge.Puia pawh i kawr hak tur nen,a rawn let tep tawh ang.Awm hle hle ringawt rawh"zawi sapa tiin ka thaw halh a.

Phun hluk paha ka mutna room lama min kuah pheiin"ka hnung i thuina hi polythen in min tuamsak la,i rualin ka inbual ve duh"thu tak zeta a tih chuan biang sa hat hat chung a ka lu thingin"a theih loh,a septic ang,Nigel,ni sarih chhung chu in dim hram rawh.i indim thiam leh i dam chak a ni mai"ka ti lawi rat a.

A huhang na zet avang chuan ka duh ang pawn ka tawngchhuak hlei thei meuh lo.

Ka hmai zawn a rawn kun hniam paha"kan in hip tawn na nasa tak mai hi,a tlak hniam phah si lova,ni sarih chhung ngawt mi til reh anga min awm tir i tum a mi?chutiang chu i kianga ka awm chuan thil theih loh tluk a ni.Tunah hian i pangngai bik miah lo tih ka hria nia"nghet charh a tiin ka thinphu dup dup zawnah a kut lian tha zet chu a rawn nghat a.

Ka pangngai a ni tia ka hnial a nih chuan dawt mu hlum hlak sawi ang ka ni dawn,ka hmui hnuai pet zauh paha Nigel-a kut chu laksawn tumin"Nigel,a tha lo nia,nangmah ka ngaihtuah vang che nih hi...choka lamah sawn va inphih fai zawk rawh"ka tisap a.

A hnar tum dat pah a,ka khabe a rawn kuai dakin"i n hremna chi khat a ni in ka hria"a tih zawh rual chuan ka hmui ah uar fahranin a rawn fawp bawrh bawrh a.

Min fawhna ka chhan let hnu lawk a ka hmui hnuaia a seh vak chuan te deuh that in a awmah ka nem vak a.

Thaw deuh hrawih a,a hmuia a laksawn rual a,ka hmui ka thip lai ka khawih chuan a thi ser ser a ni tih hmu nghal.

Lungawilo fe a ka kut a thisen kai chu en vang vangin"i ti lui chiang lutuk,nakin lawk a vung ngei ang.engthil nge maw i hriat le?"ka ti hlar a.

Ka thusawi ngaihsak lo tih hriat taka ka ban chu rawn en dan danin"i taksa dangah hliam a awm em?i kawr hi han hlip teh?"tih leh ka kawr hak lai tlang a rawn chelh a rual a.

A mizia leh a awmdan hi hriatthiam a har ve ngawt mai.Awm sawn dawrh pah a,ka towel dahna lam chu panin"hliam dang ka nei lo,ka inbual tawh dawn nia.Bathroom dangah va insilfai rawh"ka ti a.

Phun hluk paha bathroom kawngka zawn a inkuangkuah chunga ding luahin"ka mit ngeia hliam dang i neih leh neih loh ka hmu phawt loh chuan i intifai hauh lovang,i kawr kha hlip vat rawh"thupe aw zetin a ti ngut a.

Mitmeng tizim sûn a Nigel-a chu en ha in"teh tlat zel a che,i hma a ka inphelh te chuan i insumzo lo ang,chhuak vat zawk teh,hetia inhnial reng hman pawh kan nih loh hi"ti deuh hlarin ka ke chu ka per vak a.

A lu thing zauh a,min rawn pan hnai in"ka insum zo lo a nga maw?min hnial reng lo teh,i kawr chu ka lo hlihsak dawn che mi?nidangah pawh ka phelh pui fo che lawm"thu tak zetin a tisup a.

Ka kut pahnih chu ka awm zawna dah kaw kalhin"Nigel,engmah na ka nei lo...a mak thin e mai.Puia,pawh a rawn thleng tep tawh ang.Va chhuak tawh rawh"ka ti hluai a.

A hmui tisawi zauha a lu thing vutin"i taksa a hliam a dang a awm leh awm loh min hmuh tir phawt loh chuan he room hi kan chhuahsan hauh lovang"luhlul takin a ti a.

A thusawi ka zawm hma loh chu a kalsawn dawn lo tih hria.Ka taksa a hmu vek tawh tho va,enge tun a taka zah a tulna? Bang ngheng chung a ka kut phar chhuakin"minlo din hnaih tawh miah suh"ti hlakin kawr ka hak lai chu ka awmah ka hlim chho a.

Phun hluk paha ka nak vei lam a,pilh rang nuai awm chu rawn en hnaiin"hei hi ngatinge?A na em?han inher lawk teh?"tih leh min kuai her a rual a.

"A na lo ka ti mawlh mawlh kha,bike atang a kan zuan thlak vang kha niang.Hetiang te chu a dam leh vat mai dawn alawm,va chhuak tawh rawh"ka ti hluai a.

Phun hluk paha ka nak chu a kuta rawn tawk zauhin"kan tidam thuai tur a ni.Hmm va inbual vat mai rawh.Na nei reng chunga,hmangaihna chenpui che ka chak dawn tlat"a tisup a.

Rang zeta bathroom lama tlan pheiin"kan chak zawng apiang tih vek kher hi a tha lo nia,minti chhetu a ni zawk fo.ka phone kha min pe let ang che"ka ti chiam a.

Bathroom atanga towel veng chunga ner nang a chhuakin"ka taksa a philh ho hi a dam vat theih nan Aloe vera lotion ka inhnawih ngei angai dawn nih hi..."ka ti nuah nuah a.

Lotion ka inhnawih zawh hnu a,underpant ka inthlawh laia ka room kawngka chu rawn ri rakin"sweety,i damdawi tur ka rawn keng a nia.ka lo hnawihsak dawn che mi?"Nigel'an a rawn tih chuan makti fe a coat suit dum ha chunga a rawn pen lut chu melh ha in"lotion ka inhnawih tawh,nidangah ka inhnawih mai ang.kan inthlak ve lawk nge"ka ti a.

Ka khum tlang a bawp khawkherh a thu thla in"i tan a tha tura ka hriat tih ka tum apiang hian min hnial fo mai.Sarah,keimah ah hian engthil nge diklo awm a?"a tisup a.

Mitmeng zim sana Nigel-a kut a,Betadine ointment chu melhin"ka tihpalh,khawih kan lo inhnawih nge?Nigel,engmah dik lohna i nei hleinem?"ka tisap a.

A mitko san ak a rawn hawi chhuakin"dawt min hrilh lo ti raw?Ka hmangaih ang che hian Min hmangaih ve turin ka phut hauh lo che.mahse,i thatna tura ka thil tih hi min hnial lo hram la ka duh a ni?"a ti zawi sap a.

Ka thu hriat avang chuan ka taksa zawng zawng hi a mur chhuak vek in ka hria.Ka lu thing nak a Nigel-a damdawi kenlai laksak ka tum chuan"ka lo hnawihsak ang che.nangpawn ka hliam i enkawl a,i hliam a damdawi hnawih hi chu ka tih tur a ni"nghet charhin a ti a.

Thawchhuak halh a maimichhingin"Nigel,keimahin ka inhnawih thei alawm"ka ti raih a.

Ka awm a towel ka bih lai chu zawimuanga rawn phelhin"ka tina dawn lo che tih i hre chung pawhin min hnial zel dawn a mi?"a ti tham tuak a.

A kuta ka taksa lawng a rawn tawh rual chuan ka mur chhuak vek thei hialin ka hria, Huizz ngatinge hetianga min tawh apianga ka danglam fo thin.Damlohna engemaw tak ka nei a mi le?Nilo, ka dam tha lutuk,keimaha ka awm lai leh Nigel-a nilo mipa dang kianga ka awm laiin tuna ka awm ang hian ka awm ngai hauh lo.ka tan a mipa dangdai leh special tak a ni tih ka pawm thlap.

Nigel'an ka dar a rawn fawh rual a"ka hnawih zo ta,he khawvel a hmeichhe nalh ber i ni tih in pawm thlap ang che.Sweety,tlem a min ngaihtuah ve a ni tih ka hriatna hian lungawina min pe asin"ti tuakin ka hnute hmur chu a rawn tawk zauh a.

Ka chil lem khawlha Nigel-a chu enin"Nigel,ka pasal i ni a,ka ngaihtuah che alawm..hmeichhe nalh ber chu ka ni lo nia"tia ka kawr dahna Wardrope chu nam hawngin ka khup chen kawrfual dum ban tlawn chu ka phawrhchhuak a.

Ka hnung lawk a,Nigel-a thaw hrawih ri ka hriat hnu lawk chuan"i pasal ka nih vang ringawt in maw min ngaihtuah?sitting room lamah ka lo nghak ang che,thingpui kan in zawhah damdawi in lamah kan kal dawn nia"ti ngutin a kalsawn nghal a.

Thudik lo sawi ka nei a mi?ngatinge khatianga a awm tak thut le?ka pasal a ni lo se,ka ngaihtuah a ni tih ka sawichhuak ngam hauh lovang.

Ka inhak fel hnu a room atanga bag khai chunga ka chhuak chu Pui'an"thingpui hi lo in ve nghal rawh"lo ti vatin Nigel-a bula turin min kawhhmuh zauh a.

Nigel-a kiang a ka thut thlak rual chuan ka phone min laksak tak chu ka kuta rawn hmeh bel nghalin"Lungdai lam ho chu ka be tawh nia"a ti hmuk a.

Ka lu bu nghat a ka phone chu ak tha a,thingpui no chu banin"URinchhani leh Ka pa te chanchin hriat in nei em?"zawi raih a ka tih chuan a chhang kenlai keih thla hlekin"Rinchhani chu a la pangngai,Zorama ruang chu ka pa in an veng thlanmual a phum turin a ti a.A hranpa taka vuina programme chu hman a ni lovang.Tunah Tlanmual lamah an awm mek a ni"a ti charh a.

Ka hmazawn chhuat melh reng a thingpui ka kenlai leh chhang chu lem hlek hlek paha thil thlen dan ka ngaihtuah kual chiam lai chuan Nigel'an"Puia,motor lo zuk tinung rawh"ti nguta ka no ruak ken lai chu min laksakin"awmze nei lovin,engmah ngaihtuah tawh suh,chhuak vat ang"a ti hluk a.

Engmah sawi lova,ka thutna atanga ka thawhchhuah rual a,Nigel'an thingpui kan inna no ruak choka lama a ken phei chuan en ha in"ka lo silfai nge?"ka tih chuan"ka silfai mai ang,lo va chhuak la,i duh chuan Nu Kungi kha damdawi in lamah kan kal tur thu lo hrilh lawk rawh"a ti a.

Damdawi in khuma Dr Rinchhani muhil hmel dang bel mai ka en vang vang laia Nu Kung'in"sarah,in nupa in zoram'an thah a lo tum ve tho che u tih kan lo hria a.I pa pawh phone atanga ka hauh tak chiam kha,fa kan adopt duh a nih pawhin kan mi hriatchian te chauh adopt thin tur.chawhma lama Rinchhani rawn harhchhuak in Zorama'an thah a tum thu che a sawi ni"a ti siam siam a.

Nigel-a chu ka bul a rawn vatin"Zorama boral thu in hre tawh ang tiraw?Nu Kung,hlauthawng suh aw,ka nauten an veng reng dawn che u lawm.Kalna tur dang kan la nei a,nidangah kan rawn kal leh ang"ka dara a kut lian zet rawn kuah liam pahin a ti a.

Nigel-a Pa in lama kan chen na pawh kar hnih a ni der tawh.Ka Pa leh Nigel-a pa te nena coffee in a,veranda a kan thut laia ka phone a rawn rik thut a ka en chuan Samson-a a ni tih ka hria engthu nge rawn sawi a tum le?a message hrang hrang ka reply loh danah biak ka peih lo tih hriatthiam ve mai tur nia.Ka hmui tisawi zauhin ka phone chu ka reject vat.

Nigel-a Pa in"Tunge rawn phone che a.Mamawii hian ala rawn be miah leh miahlo che mi?"a tih chuan khi deuh saka ka lu thingin"be miah lo,company lam an nia,ka ti zaih ringawt a.

Tun thleng a Mamawii awmna tuman a la hrelo fo hi mak ka ti a ni.Thil sual a ti a ni tih a inhriat avangin a rawn in lan ngam tawhlo aniang.

Nigel-a Pa vekin"Zautei(mamawii nu) hian an naupan lai atang a enkawl tha lo em a ni.Hetiang taka ka fapa a huat nachhan pawh hi a Patea thihna a mawhphurtu nia a ngaih tlat vang a nia,in bulah han sawi tawp ila,Mamawii leh A patea kha an lo mudun ngun viau a ni awm e.mi thenkhat te chuan an tisa chakna tipuitling turin an chhungkhat leh mihrang te hi an thliar hrang ngai hauh lo nia"a ti dap dap a.

Ka thu hriat mak ka tih em avanga ka coffee in lai chu hak lek lek paha khuh kharhin"ka pa,a awih awm loh e mai.mitthi tawh an nih avanga i rin thu han sawi te chu a anglo thin e"ka tih chuan lungawi loh hmel taka ka Pa nena min entawn in"dawt thu ka sawi hauh lo,Sarah,he khawvel a nu leh Pa te hi i nu leh pa te ang an ni vek lo.Kei ngei pawh tiamin,ka thusawi kha thudik tak a ni"a ti charh a.

Ka pa in"Thiana,ka awm i tinuam vak lo nia.Sarah,va insiam tawh rawh.I pasal rual a meeting tur i nih kha"a tih a chuan ka lu bu nghat a,no ruak chu la khawmin"mipa naupang angin tlai lamah chuan tui lo cheng tawh suh aw.In hritlang palh ang"nui hak hakin ka ti a.

Ka Pa vekin"Hmm fate zawkin thu min pe zat zat ta mai.Kan lo upa ve deuh tawh niang"a tih chuan Nigel-a pa in engthu emaw sawiin a lo tui hnih vat a.

Kan room lam pana insiam tura ka kal laia Nigel'an min rawn call chuan nui deuh suka pick up in"Um Dear"ka tizang vah a.

"Um Dear"ka tih ang chiah a rawn ti nawn ve ngat a,thaw deuh hrawihin"i bula ka awm in Ka hming in min ko a,tuna min koh ang khan min ko ziah tawh turin ka duh che ni.ka thinlung a fan tlat,lo insiam la,tun atanga minute sawmpanga velah ka rawn lam ang che"tih leh phone dah a rual a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:12 pm

NEVER ALONE-38
www.storyfb.com mizo story thar englai pawhin chhiar tur a awm reng

Minute sawm panga bawra a rawn thlen tak tak ka ring miah lo,In leh office inkar hi a tlangpui in minute sawm hnih panga tlan nan kan hmang a.Tun ang hunah phei chuan traffic a zam nasat bakah kawngpui a tawt thei em em mai lehnghal.

Darthlalang hma a ding chunga Kawrfual pawl tak raih ka hak zipper pawh chhoh ka tum laia room kawngkhar ri khak leh Nigel-a thawchhuak ham ham chunga rawn pen lut chu makti deuh taka Kawngka bul lawk a Sana intar chu enin"Nigel,office atang min rawn phone maw ka tia,ka la inpeih chiah lo asin"ka ti zuih raih a.

Min rawn pan hnai paha"Phone atanga min koh ang khan hmaichhanah min ko thei lo a mi?i hmel hmuh ka chak avangin office atang hmanhmawh takin ka rawn haw nih hi"thu tak fahrana tiin ka kawrhnung zipper a rawn chelh nghal a.

Nui ri hak a darthlalanga a hmel chu enin"Dear,i van ho thei tak,meeting kha dar engzat a tan tur nge?"ka tih zawh rual deuh thaw chuan ka dara a khabe rawn nghat paha ka dul a rawn chulin"nang ka tawn ni atang che khan ka che ho ru riau niin ka pa pawn a sawi lawm.mahse,pawi tihna ka nei hauh lo"tia Cold sana lian tha tak mai a bunna kut chu rawn ti kang zauhin"Minute sawmthum hnuah meeting chu tan a ni ang.Kan pahnih a hun hman dun nan Minute sawm hun kan nei tihna,rem i ti nge?ti lo?"tisupa a mipatna khawngtha zeta min rawn do runin ka khel bawr chu a chul hauh hauh a.

Hmanni atang khan hmangaihna min chenpui a duh apiang in zawhna min zawt hmasa ve ziah.A hnung thuina kan phelh hnu phei hi chuan a duh zing riauin ka hria..

Ka tawngchhuah lawk loh avang chuan ka kawrfual tlang chhunga a kut lum thar thar chu dah lutin"ka pawtthla dawn nia"a tizawi sup a.

Ka chil lem khalh a,a kut chu chelhsakin"a hunlo e mai,kan tlai ang"ka tih chuan ka kawrfual chu ka khel a hlim chho dawrhin"kan tlai hauh lovang,kan tih hma leh kan zo hma ni mai"tia min kuai kun hlekin a mipatna khawng ul mai chu a rawn thun lut nghal a.

A ri zawt zawt nghal ni berin ka hria,ring taka au chhuak lo tura ka hmui hnuai chu seh zauhin"Nigel,ohh Nigel,ka zo dawn,Ka hmangaih che"ka ti tial ruai a.

A thil tih lai chawt dat a,amah entur a min kuai herin"Engthu nge i sawi"a tisup a.

A nghawnga kuah paha dingdihlipin"Ka Hmangaih thei lo che mi?"tih leh a hmuia fawh ka rual a.

Rum chhuak hawk a,min pawmkang nawlhin"Thei teh lul mai,keipawn ka hmangaih che a ni tih hi hre reng rawh.Kan pahnih chauha helai hmuna inkhung theih ka chak khawp mai"tia chhuata min nghatin"meeting chu zo thuai ila,kan inlamah kan haw dawn nia,hetah hi chuan zalen takin kan awmdun thei lo"a ti charh a.

Thaw halh halh paha ka hmai thlan chu rawmawl a hruin"bathroom lamah reilote kan lut lawk aw"ka tih chuan ka ban a rawn chelh a,ka underpant chhana ka kap chu rawn nuai nawk nawkin"kan tlai ang,i underpant hi hlip ringawt mai rawh.midangin engmah i ha lo tih min hriatpui chuang lovang"thu tak zeta tiin ka underpant haklai chu ka chawn lamah a pawt thla nghal a.

A chetdan teh thut chu mak ka tih em avanga en ha in"underpant ha lovin ka awm thiam teuh lo"ka tih chuan a lu thing vutin"kan thil thiam loh tak hi lawm thiam tuma kan beih angaih,bakah hetiang hian ka kiangah i thu ani tih ka hriat chuan,meeting pawh a hreawm lo lehzual ang"tak ruihin a ti a.

Ka lu thing mat mat chunga Nigel-a chu melh vakin"i thusawi zawh chiah kha sawi lo angah in ngai rawh,underpant ha lovin ka chhuak duh lo"tia ka kawr dahna lam pan ka tum chuan ka hnunglam atanga min rawn pawmkang nawlhin"underpant avang ringawt a hun khawhral hman kan nilo,chhuak ang"ti hluka ka bag chu banin kawngkhar lam min pan pui nghal a.

Talchhuah tum chunga ka ke lengin"i ti awihawm loh thei e mai,min dah thla vat teh,ka pa,ten min hmu nge?"ka tih deuh hlar chuan ka thusawi ngaihpawimawh lo zeta sailungvar step hlai tha tak a min chhuk pui in"min lo hmu pawh nise,enge pawi ka nupui ka pawm a ni ve mai a"a ti duh lek chauh a.

Pawn kawngka bul kan thlen lai a Pa Zailawm'an(Nigel-a pa),Nigel i rawn haw tih kan lo hre hleinem,in chhuak lehnghal dawn mi?meeting naah in awm tawh emaw ka lo tia"kan hnunglam atanga a rawn tih chuan Nigel'an"kan kal dawn chiah,hmeichhe ho hi an intih neuh neuh chhung a rei thin a,tur chawp an ngai fo mai.Ka Pa,zanin chu kan in lamah kan riak dawn nia.Pa Fela te nupa kha minlo hrilh sak rawh aw"tiin pawnah min pawmchhuak nghal a.
A dar a chumsak vak paha"engvang dawt sawi ringawt nge i nih?"ka ti hlar a.

A car kawngka pawt hawng paha chhuat a min nghatin"A chang chuan dawt var sawi a ngai thin lawm,min hmangaih thu kha han sawi nawn leh lawk teh,hriat nuam ka ti tlat"a tih chuan motor seat hma a thu thla hnawkin"tunah tak hi chuan ka thin i rim,ka sawi peih lo"ka ti hmuk a.

Nui deuh huk paha seat belt chu min rawn hren tirin"i thinrimna hi a ho thei ngawt mai,mahse,a pawi lo,ho te a kan chunga mi an thinrim a nih chuan min ngaihsak tihna a ni"tisup a,ka hmuia chiang zeta rawn fawpin"i sam hi tuai mam a ngai nia,kan thil tih a hriat tlat"a tih zawm zat a.

A lakah hi chuan ka thinrim rei thei tak tak a nih hi..awlsam te in min ti thinrim a,thil ho te tiin min ti hlim leh thei tho bawk si.ka sam chul mam chunga driver seat-a Nigel-a rawn thu lut chu enin"meeting naah chuan ka lo awm ve kher a ngai mi?engthu nge ka sawi ve ang"ka tisap a.

"Ka nupui i ni a,i awm ve ngei a ngai lawm,nangman a pawimawh i tih apiang i sawi dawn nia"pangngai taka tiin stearing chu hnehsawh zetin a tuai vir nghal a.

Ka bag atanga darthlalang phawrh a lipstick ka inhnawih that lai a"inchei vak teh suh,mipa dang rilru i chawk buai palh ang"zawi supa a rawn tih chuan ka lu thingin"mipa dang buaipui thei pawh a min siam loh hi,inchei lo ila,min zahpui emaw a nia nga,han inchei deuh hlek ila,mipa dang i ti leh fo si,ka lan nalh leh nalh loh hian i hming leh nihna a lanchhuah tir thei alawm"tiin compact powder ka inhnawih thuak thuak a.

Phun deuh hluk paha ka bianga rawn tawk zauhin"Ka landan pawh hian i nihna a hril ve tho nia.Ka hmel landan hi a tha nge?tha lo"khi deuh sukin a ti a.

Thawchhuak halha a hmel hlim sarh mai chu melhin"nangte chu engtik lai pawn i lang tha reng alawm,mahse,i thusawi leh awmdan hi tun thlengin hriatthiam harsa ka ti thin.I tawngkam hi a bung vut bawk si"ka tisap a.

Nui ri hawk hawk a ka kut a rawn chelhin"Ka nupui tereuh hian min zilh tihna ni maw?mi zinga ka hmingchhiat i hlau deuh a mi? Insiamthat ka tum ve fo alawm,ka awmdan diklo apiang chu min hrilh zel dawn nia"tiin ka kuttang chu a tuai nauh nauh a.

Nupa kan ni a,engkima infuih tawn leh kan dik lohna lai inhrilh tawn tur kan ni tih ka hria.

Hotel conference hall lam pan a Nigel-a nen kan inzui laia kan piah deuh lawka Marina-i te pafa lokal phei ka hmuh chuan Marina'in"Pasal nei reng chunga Mipa dang buaipui hi zahthlak i ti ve miah lo mi?Nigel,i nupui hi khuahkhirh ve deuh hlek rawh"kha zetin a rawn nghal tawn tawn a.

Pa Mawia(Marina-i pa) chu hawikual in"Nia khuah kirh ve rawh.chutilo chu,i Nu angin Mipa dang bulah a awmsan ve mai ang che"a lo ti ve vat a.

Ka bag kenlai hum nghet sauh paha an pafa a en let ngatin"Pa Mawi,mahni fa ngei an thil tih dik loh hre reng chunga,zilh ngam si lovin,kan nupa hian thurawn awmze neilo min rawn pek i tum tih i in hria em?Ka pasal nilo mipa dang tumah ka buaipui ngai lo.Marina,i thil tawn avang khan pangngai tak in khawsak tum ve ta che"ka ti let zek a.

Nasa tih hmel fe a an pafa a min en lai chuan Nigel'an ka dara rawn kuahin"helai hmun a inhnial chiam hi awmzia a awm lo,lut vat teh ang"a tisup a.

Marina'in"A va han zaklo tak,aia upa zahna pakhatmah a nei hlawl lo,vai ram a a awm nasat vang niang"a rawn tih chuan chhang let lo turin ka inthunun hram hram a.

Room chhunga kan pen luh rual a,Amit-a Pa leh Samson-a file bih chunga lo thu dun chu ka mit khap fak fak a,makti fe a en in"Mr Sanjay"ka ti zawi raih a.

Nigel'an ka ban bula rawn chelh vata amah en tura min kuai herin"i hmelhriat a mi?kan hotel leh an company hian thawh hona neih kan lo tum asin..chuan Samson-a pawh hi engvanga rawn kal ve nge a nih"thinrim hmel taka a rawn tih chuan Pu Sanjay'an"Sarah,kan inhmuh lohna a rei ta hle mai.Ka Fapa,hriatreng nan in hotel-ah hian Solar khawl rawn dah sak che u ka duh a"rawn tiin a kut chu a ka hmaah a rawn phar a.

Midang ho chuan maktih hmel takin min enreng hlawm a ni tih ka hria,chibai tuma ka kut ka lek chuan Nigel'an lo man vatin"Engtin nge in lo inhriat tih,in sawi vat loh chuan tuna kan meeting tur hi ka cancel ang.Samson-a hi engvanga rawn kalpui nge i nih?"ti hlukin Pu Sanjay-a chu a en ngur a.

Samson'an "Nigel,lawmthu min hrilh tur i nia sin,Mr Sanjay-a te nen Mumbai five star hotel-ah dawhkan pakhat kilin chaw kan ei tlang a,mizo ka ni tih a hriat atang Sarah-i chanchin hi min zawt a ni.He thil ah hian keiin eng hlawkna mah ka nei miah lo tih hria ang che"a rawn ti ngut a.

Min rawn biak a tum fo nachhan kha heng chungchang min hrilh a duh vang a ni ngei ang.

Thawchhuak hawk a Nigel-a thinrim chu inbengdaih tir tumin"Hmana ka hrilh che Amit-a bike a accident Pa kha nih hi, thu ila"ka tisap a.

Inngaihtuah muk hmel a Chair-a thu thla paha"Amit-a"ti ngut a,Pu Sanjay-a lam hawiin"i fapa chuan hetiang thil ti tura a ngen che ka ring hauh lo,Kan lak a rilru verther i pu a nih vaih chuan ka en liam mai mai lovang che u?"tiin an rawnte kalpui vai pahnih te nen chuan chik zetin a en dan dan a.

Pu Sanjay-a chu a thutna chair-a thu thla in"North East pum aiawh a In hotel ka rawn select nachhan hi Ka Fapa boral ta in Sarah-i a ngaihsak thin vang chauh a ni"tizawi sapin min rawn en vang vang a.

Ka bul lawka Marina-i rawn dingin"A fapa nen chuan in lo inngaizawng leh hman a ni maw?Nge ani zawk saw?"a rawn ti fak a.

Ani anga mipa hrang hrang ngaihven turah min ngai maw ni le?Tawng ring vaklo mahse,a thusawi chu ka bul lawka Nigel'-a thu in a hre phak a ni tih rûm zeta Marina-i a rawn melh vak danah ka hria.

Marina-i lah chu engmah sawi lo niawm Samson-a epchiahah chuan ala thu fel at zui.

Ka duh ang pawn an thusawi ka ngaihthla mu mal thei meuh lo.Nigel'an"Ahma a ka phurna zawng zawng a reh vekin ka hria,ka tel lovin an niho hi i be tur a nilo.Amit-a chu a taka hmuh ve ka chak hle mai."ka bengbula rawn tisupin ka malah chuan min inti neitu takin a rawn chul riak riak a,dawhkan chuan kan ke lam a hliah lo se chuan zak takin ka kimki chawih chawih thei ngei ang.

Pu Sanjay-a leh a rawn kalpui vai pahnih te chuan min en duh hle a ni tih ka hria,a ruk thei ang ber a Nigel-a kut dahsawn ka tum chuan midang ho in kut an lo beng dar dar avangin an ben chhan engmah hre lovin ka zawm ve ringawt a.

Ka awmdan avang chuan a nuih a za hle tih ka hria,Meeting zawh hunah midang hriat loh turin ka hau chiang viau ang.

Meeting zawh rual a Pu Sanjay-a chu kan kianga rawn ding vatin"Sarah,Ka fapa nen khan sakhua leh hnam inang ni ta ula,Pasal atan i nei duh angem?"thu tak zeta a tih ka mit khap fak a en ha in"Hmangaihna hian Sakhua leh hnam a thliar ngai hleinem.Pathian ring tlat te chuan a hun takah an kawppui tur an tawng chat thin.Amit,kha la dam se chuan kei ang bawkin amah hmangaih em em tu nupuiah a nei tawh ngeiin ka ring.Kei nen chuan thian tha tak bak kan ni thei lo"ka tisap a.

Pu Sanjay'an a lu bu nghât a Nigel'an ka dara a kut a rawn nghat chu enin"Thian tha bak maw!Ka fapa thlarau hahdam taka a awm beisei lo ila chuan hetiang thil tih hi ka duh hauh lovang.Tinge nang ber kher hi a lo ngainat che le?Tun thlengin hriatthiam harsa ka ti ni"tiin a kalsawn nghal a.

Samson'an"Biak tlang i va har ve,i phone number i thlak emaw ka ti hial asin.I damtha em?"a tih chuan inthiamlo ru deuh taka ka lu bu nghatin"Kan dam tha lawm,ka phone hi a chiang kuang vak lova,pawi ka ti lutuk"ka tisap a.

"Keipawh min rawn be thei reng sia,tinge ka nupui kher biak i tum a?I thianten an chhuahsan vek tawh che nia"Nigel'an ti ngutin Marina-i te pafa lo la thu reng chu a melh zauh a.

Samson'an lungawi loh hmel tak chunga"in nupa inkar thu ni lovin,Sarah-i chungchang hriat ka duh vang a nia.mahse,tunah chuan a pawimawh tawh lo"tia Nigel-a bula tawlh hnaiin"An pafa sawn ka ngaina ngai miah lo nia.Ka kal dawn"ti hlukin kawngka lam a pan nghal a.

Samson-a kalchhuah ruala Marina'in"Nigel,i nupui chu a luck ham ham hle mai.Hei tunah pawh kan hotel in a zar ka zo leh dawn chu nia"tia chawl datin"Sarah,tun thleng a i la railo hi enge a chhan?i indang nge?nau i pai thei lo hrim hrim zawk?"a hmui tisawi zauh a a rawn tih chuan ka inhumruh vak a.

Nigel'an ka dara hmer nghet zauh a"Marina,tunlai chhana mihring dilchhut mi chu,mi thing leh caliber hniam tiin an sawi thin.Midang nuna buai lo tur leh nangma nun hmangtha tura ka hrilh tawh che kha,insiamthat tum ve ta che"a ti hrawk a.

Pa Sawm'an"Ka fanu hi in va hmusit ve a.Nigel,he hotel-a kan share zawng zawng hi min pe let vek ang che.Nangni chhungkua nena thawh ho reng ka duh lo"thinrim tak chunga a rawn tih chuan Nigel'an a lu bu nghatin"tehreng mai,tunah mi pawisa chu in duh?mi phun chiar leh buaina siam reng mi hi keini pawn thawhpui kan nei hleinem,naktuk lamah i account-ah pawisa ka lo dah tir ang"tiin a phone phawrh chhuak a.

Marina'in a pa Melh zauh a"Pa,i ti tak tak a mi?"aw zawi deuh taka a tih chuan Pa Sawm'an"Ti tak tak e,hreawm i tuar reng ka phal hleinem"a ti ngut a.

Nigel'an phone atanga Pa Sawma te chhungkua in hotel-a an share neih hlut zat a zawh laia Pa Sawm'an"Nuai sawm panga rawn transfer tir rawh,Kan hun leh tha in tan kan seng hnem lutuk"lo ti hlukin rum zetin min rawn en a.

Marina'in dawhkana bottle-a chhin hawng rawk rawk a,"nangnu vang hian kan thian ho in harsatna kan tawk hnem tawh lutuk.Zah nachang i hre hauhlo lehnghal,zorama khan lo that law law che la a tha tur"ti vin hlarin bottle chu ka hmaiah a rawn vawm a.

Thinrim tun chung a ka hawichhuak chuan Nigel'an,Marina-i chu rek nawk nawkin"Ka hmuh laiin ka nupui tinat i tum a maw?nang hi hmeichhia a zawnga tenawm ber i ni tih hre rawh"a lo ti khur khur a.

Pa Sawm'an"Thlah rawh,hmeichhe buainaah tu mipa mah an inrawlh ngailo"thinrim taka a tih chuan Marina-i chu namsawn dawrhin"hmeichhia te hian keini ang bawk a engkim an tih theih ve tho avangin kan en liam mai mai tur a nilo tih i la hrelo ni ngei ang.Tun atang chuan kan hmaah in hmel rawn inlan tawh suh ang che u"ti hrawkin min rawn pan phei a.

Ka rawmawl a inhru paha Marina-i thaw hlawp hlawp chu rum zeta melhin"Marina,i thiannu Mamawii awmna emaw amah biakna tur number i hre mial lo maw?"ka ti ngat a.

Pa sawm'an"Hria pawh nise a hrilh che u chu,beisei duh suh,Nigel, i thil tih avang khan i la inchhir hle ang"ti khur khurin a fanu banah a chelh a.

Ka kut humruh vak a,Pa Sawma te pafa kawngka a pen chhuak mek ka en zui lai chuan Nigel'an thawchhuak hawka a awma min kuah bei thlawpin"i tha em?hahdam takin awm tum rawh aw"a ti dam thluam a.

Ka that leh that loh pawh ka hrechiang lo,An pafa awmdan khan min thawng tak zet a ni.

Ka ngawih reng avang chuan ka hnunga chul hliau hliau in"An Pafa kha chu ngaihtuah tawh suh.K a nauten an enthla mek a ni"tia tlema awmsawn hlek a,a coat hak lai chu hlipin"i hritlang palh ang,kan inlamah haw ang aw"tisupin a coat chuan min tuam a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:13 pm

NEVER ALONE-39
www.storyfb.com mizo story thar englai pawhin chhiar tur a awm reng

Nigel'an motor lam pana min kalpui laia"damdawi in lamah Urinchhani va tlawh hmasa phawt ila. Vawiin lama a dinhmun i hre tawh em?"ka tih chuan a lu bu nghata motor kawngka min hawnsakin"Harsatna dang a awm loh chuan naktukah damdawi in atang a chhuak thei ang.Rinchhani va hmuh chu i duh viau a mi?Zanin chu kal kan pahnihin va riah zawk ila,i huphurh em?"a tisup a.

Ka bu nghat chunga nuisangin"i ti tak tak em?URinchhani riahpui chu kan ba ve tlatin ka inhria,kan pahnih a riahpui an remti dawn mi?"ka tih chuan ka hnara rawn piai zauhin"Deluxe room-ah a awm a;an remtih lohna chhan tur a awm hleinem"tiin driver seat lam a pan nghal a.

Marina'in Fa ka la pai loh chhan min zawh atang khan ka awm a nuamlo deuh tlatin ka hria.Kan nupa hian Fa neih lampang vawikhatmah kan la sawiri ngai hauh lo.Nigel-a hian fa a lo awt ru ve reng angem le?nge ni a,Fa neih lova awm hi a duh dan zawk?

Driver seat-a Nigel-a rawn thu lut chu melh zauhin"Nigel,Fa pai thei lo ta ila,engtin nge kan awm ang"ka tizawi sap a.

Ka kuta rawn hum vang vang chunga fawp zauh a"Damchhungin honeymoon kan hmang thei tihna ni mai lawm "tia khi deuh sukin"Sweety,chulampang chu ngaihtuah hah suh,Pathian in rem a tih chuan nangmah anga fanu hmeltha min pe ngei ang tih ka ring tlat"thutak zetin a tisup a.

Mitmeng zim san a Nigel-a hmel dam ruih mai ka en chuan ka rilru hah na zualpui chu a kiam duakin ka hria.

Ka kut la chelh reng chunga a kut pakhat hmanga Stearing hnehsawh tak maia a tuaivir laia ka phone a rawn rik la kangin"Samson,nge ni ta?"ka ti nghal vat a.

Nigel'an rum deuh ngut a"Ka hriat theih turin loudspeaker-ah dah rawh"a rawn tih avang chuan ner nangin loudspeaker-ah ka dah a.

Lehlam atanga Samson'an"Nigel-a nen in awmdun hlauh chu a tih zia khawp mai.A hoten a min enthlak reng avang hian ka lungawi lo khawp mai.Police hnenah FIR ka theh luh a duh nih loh chuan tunah hian min umzui na hi tawp tir rawh se.Sarah,hmeichhia ka ngaihnat zawng i nih avangin thawk khat lai khan ka beisei ngei che.Mahse,beisei chi i nilo tih ka hriat avangin pangngai takin i thian angin ka awm ta nih hi,Nigel'an hetianga min enthla reng a nih chuan ka tih duh ngai loh thil ka ti ang"a rawn ti charh charh a.

Ka chil lem khalh paha Nigel-a ka en chuan a chal tichuar deuh tapin"Ka enthlak tir hauh lo che,engvanga min ringhlel fo hlawm nge maw in nih le?Ka nupui leh ka chhungte chiah hum ka duh avangin ka nauten an veng thin.I duh phawt chuan FIR chu theh lut rawh,kan nupa in min tihmualpho i tum a ni tiin ka khinglet ve nghal ang che"a ti vin hluk a.

Ka phone kenlai leh Nigel-a hmel chang rut mai chu entawn in"Nigel,i enthlak tir lo tak tak a maw?"ka ti h chuan stearing chu chum nghekin"Nang pawn min ringhlel a maw?engvang nge?"ti hrawkin car chu kawngsirah a tiding a.

Hmalama bu dawrh paha"A mak e..i ding dawn tih sawi lawk thin ta che"vin deuh hlar a ka tih chuan ka phone kenlai chu min rawn laksak a off hmakin"Tunah khan ka mipa pui bulah min ti mualpho hle a ni tih i inhria em?Engvanga khatiang zawhna kha min rawn zawt nge i nih?Samson-a thusawi kha a dikin i ring a mi?"ti hrawkin ka darah na zetin a rawn hmer a.

Ka thusawi avanga a mualpho viau nachhan tur a awmin ka hre hauh lo.Talchhuah tum chunga Nigel-a bek zawna thisenzam rawn pawng tawlh tawlh chu enin"i lo enthlak tir anga Jail-ah i tang ang tih ka hlauh vang nih kha..Naupangchhia angin thinrim hma viau lo teh?Min hmer na nia"aw zawi deuh takin ka ti a.

Phun deuh hluk a min vawnna chu muangchanga thlah riai riaiin"nang berin min rin loh chuan tunge min ring thei ang.Samson-a hi ka enthlak tir ngailo"a ti ngut a.

Ka dar tuai hauh hauh paha thawchhuak halhin"tu chuan nge lo enthla re re ang le?Nigel,ka hlauhthawn ber chu kan hriat lo in kan chungah midang an lungawilo vang tih ka hlau a ni.Kal tawh teh ang"ka tih chuan a lu bu nghata motor tinungin"kan chungah an lungawi loh leh an mahni an inti hreawm tihna ni mai lawm,mi zawng zawng hlimna leh lungawina kan thlen thei lo.Sanjay,khan a ngaina vak lo che in ka hria,a dik em?"tisupin stearing chu a tuai vir nghal a.

Ka lu bu nghat a maimichhingin"Ka hrilh tawh che kha,An fapa boralna ah khan a mawhphurtu niin min ngai tlat a,mahse ka dem hranlo,Nigel,min duhtu nazawng hi kan duh let vek kher tur a ni.Mr Sanjay-a bulah pawh Amit-a chu thian ang chauhin ka en tih ka sawi kha"ka tisap a.

A kut tlir zauh zauh chunga min rawn enin"Ka nupui i ni lovang tih ka hlau ngawt mai.min hmangaih thu i sawi kha i lak kir tawh loh ka beisei"khi sukin a ti a.

Nui ri hak a en ha in"Ka la kir phal teuh lo,mahse nangpawh hmangaih tlakin awm tum ang che aw.Dear"ka tih chuan A hrawk thian ri karhin"zei reuh lutuk,hei vang hi lawm midang bula awm tam lo tura ka duh che"a tisup a.

Ka pasal a ni a,ka theihna leh thiamna zawng zawng a lakah ka hmang fo tur a ni tih ka in hria,chutianga awm zel chu ka duh dan ani bawk.

Nigel-a nena inkai rial a inchhung a kan luh rual a Rinngheti leh Caleb-a sofa a inngheng riala lo thu dun chu en ha in"nangni pahnih hi..enge in lo tih dawn a?in inzui nasa riauin ka hria,nupa nih hma a inhmuh ngun chu a tha lo sin,In hna lampangte hi in ngaihthah hlauh nge aw?"tiin an ep chiah sofa-ah Nigel-a nen kan thu thla a.

Caleb'an,Rinngheti melh vang vang pah a"Bawihtei,hi kan inneih hma ngeia a hna atanga bang turin ka duh ni.An lo sawisa leh reu reu palh ang.Kan inhmu khat si a,zanin chu kan pahnih hian in bula zan riah ei kan tum nia.Ka Pa Zailawma,te inah kan va kal hmasa a.He lamah in riah tur thu min lo hrilh ni"nuisungin a ti a.

Rinnghet'in nghawk zauh a"Sawi lang kher suh"tisapa min rawn enin"Amah hian bang tur a min tih tlat vang nia.Pi Nuni,eirawng kan va bawlpui nge aw"tiin a thutna atang a thochhuak nghal a.

Nigel'an"Ka hnathawk zinga ka rin ber,min ruk sak dawn tihna ni maw? In lo induh ve tumhrang bawk si a.In inneih hma chu la thawk ve sela"a tih chuan Caleb'an a lu thing paha Rinngheti choka lam pana a kal phei mek chu enzuiin"A theih loh,nangpawn,Sarah-i hnathawh tir i duh bik miah hleinem;Bawihtei phei chu a rai mek lehnghal"a tingut a.

"A rai a maw!"Nigel-a nen phawk fê a kan tih rual chuan a lu bu nghatin"Zoram'an,a sawisak avang khan a lo chhiat têp alawm,Bawihtei(Rinngheti)phei chuan kan inneih hma chu midang hriat a duh vak lo lehnghal.Sarah,nangpawh i rai a mi?i thawk zawng a,i hrawk khuar nasat dan atang khan a hriat,hmeichhe rai leh rai loh hi ka hre thei viau nia"nuichunga a rawn tih chuan Nigel-a nen kan inen ha a.

Nigel'an ka hrawk zawn a a kut rawn dah vat a"insawiselna deuh bik i nei em?Zing karah i luak te a chhuak em?thei thur leh thil ei chak huam huam i nei em?"thu tak fahrana a rawn tih vat chuan ka lu thing chunga a kut chu dahthlaksakin"chutiang engmah ka neilo,choka lamah kan va kal ve nge?lo inkawm rawh u,coffee ka rawn pe ang che u"tisapin ka thochhuak a.

Nigel'an"i kawrhak lai kha,a huh tawhlo mi?inthlak hmasa phawt la"a lo tih chuan ka kawrhaklai chu enin"A ro vek tawh.Pi Nuni,hmuh ka chak tawh hrim hrim a"nuisanga tiin ka kalsawn a.

Choka a ka luh chuan Rinngheti bula thu nghal vatin"i rai a mi?ka lawmpui lutuk che"aw zawi sapin ka ti a.

Min en ha paha"Caleb'an,a lo hrilh hman che u ni maw?A zahthlak e.."tia kan piah a Pi Nuni chawhmeh siam tur buaipui mek chu a melh zauh a.

"A zahthlak hleinem,in inhmangaihna in pâr chhuahtir angah ngai rawh.I bang tur chu Nigel'an a ui viau che in ka hria"nui ri hakin ka ti a.

A dar tiche zauh a,min nuih letin"Min ui rei tak tak chuang lovang,In awmdun leh tawh bawk a,A ni te chuan nangmah lo thildang a buaipui vak ngai hleinem,in awmhran laia a thinchhiat theih dan kha,tuna a hmel hmuh hian a awihawm loh hial zawk,Office chhungah thlipui a tleh nitin a ni ber.I bo tak thut phei kha chuan awm ngaihna a hre thlawt lo.Dr Rinchhani number-a i rawn biak hnu lawk khan Office lam a min kaltir in Sihphir khua piah a VC ho zawng zawng i awmna hriat duhin min biak tir vek a,chumi ka haw lam chu Zorama leh Mamawi'in min rawn man phah a ni.Zorama,kha tih ât in a awm ni berin ka hria."tia chawl datin"Mamawii duh ber chu..Nigel-a hi hreawm tuar tir a niin ka hria,Nang an tihnat che chuan amah pawh a na tel dawn tih a hrechiang hle si a.Hmeichhia hi kan lo inanglo ngawt mai tiraw?"a ti hluk a.

Rinngheti thusawi chu engmah rinhlelhna ka nei hauh lo.A tawngdan atang chuan keimah ang bawkin Mamawii chungah a lungawilo hle a ni tih a hriat.

Rinngheti kuta khawihsak zeuh in"Keimah chauh inngaihtuah lovin,ka chhungte pawh lo ngaihven ta ila,hetiang thil hi a thleng kherin ka ringlo.A pawi ka ti lutuk"aw zawi takin ka ti a.

Rinnghet'in"Hey,i thiam lohna engmah a awmlo,Salad hi min rawn chanpui rawh"nuisanga a tih chuan ka lu thingin "nakinah ka rawn pui ang che.kum lamah upa zawk mahla;Pasal neih lamah chuan ka upa zawk tih i hre dawn nia"khi deuh sukin ka ti lang lang a.

Ner nanga min rawn melh vak ka hmuh rual chuan ka thutna atanga ka thochhuak vat a.Ka lu hi a hai deuh nghal mupin ka hria,ka mut tlem deuh vang a ni ngei ang.Ka kut khing hnih a,ka bek ka dawmlai chuan Pi Nun'in"Sarah,ngatinge a,i lu hai mi?"min ngaihtuah aw zeta rawn tiin ka bulah a lo ding vat a.

Nui luisak a Pi Nuni chu enin"Thawh thut luhai mai chauh a ni.Coffee kan intur ka lo siam dawn mi niang?"ka ti raih a.

Pi Nun'in min en vang vang chung"i tha chiah a maw?i coffee siam kher Nigel-a hian duh kher zel lo sela chuan keiman ka siam zawk ngei ang"a tih nuah nuah lai chuan gas lam panin coffee bel ka chhuang nghal a.

Rinnghet'in"I coffee siam tui a tih vang a ni maw?Office lama Coffee a in apiang a "a tuilo bik lutuk" tia a lo sawisel fo nachhan hi,min siam kep ve rawh aw,engtiang taka tui nge tih hriat ka chak"nui hak hak chungin a rawn ti a.

No a coffee ka thlit chhuah laia choka chhunga Nigel-a leh Caleb-a rawn inzui lut chu melh zauhin"In intur rawn dah ka tum chiah a"ka tih chuan Nigel'an"Pi Nun,zanin chu Hotel lamah in nupa in dinner va eidun ula,Caleb-a te pahnih hi zanin chu hetah an rawn riak dawn a,Rinngheti thlahna hun kan pali a hman kan duh ni"tia ka bula rawn dingin coffee no pakhat chu a ban nghal zat a.

Pi Nun'in Apron a awrhlai hlip paha"Ei rawng hi ka bawl fel pui phawt dawn che u mi niang?"a tih chuan ka kut pharchhuak hluai chunga ka lu thingin"A ngailo,a ngailo. Kan lo insiam zawm tawh mai ang.In tihfai te i duh awm sia,va kal nghal mai rawh"nuisangin ka ti a.

Nigel'an a coffee lem hleka"Pa Fela,pawh rang zeta a tlan nghal kha,va hmanhmawh rawh.Gate saw pawn lamah lo kalh ula,Alsatian ui pahnih kha gate chhung lamah in thlung dawn nia.Pa Fela,ka hrilh tawh tho a,a lo theihnghilh palh takin i hriatpui dawn nia aw"a ti zawm zat a.

Nui var var chunga choka kawngkhar lam panin"Hnawk min tih avangin Hotel lam a riak turin min beisei tihna ni maw?intihbuai loh hram in tum dawn nia"a ti a.

Rinnghet'in a aw thian karh a"Ka Pa,in hmun danga riah a remti vak tawh lova,bakah inthlakna tur engmah ka kenglo hrim hrim"inthlahrun hmel taka a tih chuan Caleb'an"Sarah,nangman chhuan lam tha tak siamin Pa Hlua chu biak sak la.Ka awm ve tih sawilang suh ang che."lo ti vatin Rinngheti bulah a thu thla a.

He mite pahnih inngaihzawn hi Rinngheti damdawi ina a awm atang khan ka hre ve chiah,Ner nanga Caleb-a chu melhin"Ninawm e,dawt min sawitir ve ziah suh"ka ti ngat a.

Caleb'an carrot zai hlep pakhata min rawn vawm a"Be vat mai teh,chance kan neih khat em hi,kan haw san daih mai tur che u nia"a ti ngut a.

Ka phone phawrh chhuak a Pa Hlua Number ka hmetchhuah a,min chhan rual chuan"Pa Hlu,Ka damtha vak lova,URinngheti hi min riahpui turin ka sawm a,remti em?"ka tisap a.

Pa Hlu'an"Ani pawh kha a rai a,a damtha vak bik hleinem,Sarah,ka fanu in min tih zah zia hi i hrethiam kher lovang.Kan vawkpui vulh lai rai ngei ngei tura kan duhzawk rai si lovin.Ka fanu zawkin a lo rai khalh daih a.Tih ngaihna pawh ka hre lo,i bulah awm tir tlat la,hmundangah kal suh se aw"a rawn tih chuan"tehreng mai,kan awmpuite an riakbo daih a,kan nupa chauh a awm chu a manganthlak khawp mai"ka tisap a.

Pa Hlua nena kan inbiak zawh ruala Nigel'an"Caleb,ka nupui hi dawt sawitir tawh ngai suh.In inneih hun a hnaih tawh tehreng nen,insum ve deuh ta che u"thu tak zeta tiin a no ruak chu dawhkan ah a hung chawrh a.

Rinnghet'in a mitko rawn san zeuh a"Nigel,i hnuaia thawk ka ni tawh lo nia,nangpawh,i insum theih miah loh kha,a dik tiraw Sarah?"nui chungin a lo tih chuan Nigel'an"Kan nupa hian min tehkhin duh suh u.Sarah-i hi virgin ngatin asin ka neih"ti hlukin a taksa si chetin min kuah hnai a.

Mitmeng zim san a Nigel-a chu en ha in"khatia sawi kher kha a ngai lo nia,I tawngkam hi uluk ve deuh thin teh?"ka tih zawh rual chuan Caleb'an a kut bengin"Ha ha ha,ropui hle mai.Bawihtei,pawh a ni ve tho lawm"a lo ti vat a.

Rinnghet'in, Caleb-a namsawn dawrh paha"he mite unau thusawi duh dan hi ka ning tlat..midang bulah khatiang thu kha sawi tawh miah suh.Sitting room lamah va phei teh u"ti hlak hlakin kan bulah a rawn ding a.

Nigel'an nui huk paha"in neitu zawk kan nia,in pahnih in eirawng lo bawl ula,kan nupa pawnah kan lova awm ang"tiin min pawm kang nawlh a.

Te deuh that a Caleb-a te pahnih mak tih hmel zeta min lo en chu melhin"Nigel,min thlah teh,ka luhai nia,Ei rawng chu bawl tlang ang u"ka ti hlar a.

Min la pawm reng chung a ding datin"I luhai tak tak a mi?Ngatinge"a tih chuan Rinnghet'in"Nichin lawk pawn a luhai,a Bp vang a ni mai thei sin"a rawn tih chuan chhuata dim zeta min nghatin"tinge a hma khan i sawi loh?i bp chu check nghal ang"ti ngutin a kekawr ipte atang phone a rawn phawrh chhuak a.

Ka Bp 100/60mm.hg tlem te chauhin a hniam ni.Nigel'an"A hniam nih hi,thil i ei tha lo mi?hetiangte chuan nupui enkawl tha lo nih ka hlawh dawn asin"thaw deuh hrawihin a ti ngut a.

Caleb'an"Artui,khawizu leh limbutui chawhpawlh la intir rawh.BP hniam tan a tha"rang zeta a rawn tih chuan a tuk khum tuai puat a,Caleb-a chu melh ngurin"ngawi mai teh,Sarah-i hian Artui,allergy a nei,a ei thei lo,Fridge-ah khan Rosgula a awm em?lo la rawh"a ti hluk a.

Caleb'an"A va mak ve!"ti ha in fridge atang Rosgula bur a rawn phawrh chhuak a.

Rinnghet'in zawi sap a"i luhai hlek a,a chet buai leh nghal vek hi"a rawn tih chuan ka lo nuih suk a.

Bowl lian tak maia Rosgula min pe paha"eizo vek rawh.Naktukah Rinchhani hruai chhuak pahin kan inentir dawn nia"nghet charhin a ti a.

Rosgula ber kher hi chu ka ngaina lo asin le..Min ngaihtuah avanga min ei tir a ni tih hrelo ila chuan bawlhhlawh bawmah ka paih vek ngei ang.

Ner sawng chunga ka lem luih lai chuan a phone bih ngurin"Bp hniam nachhan,mut tlem vang,rilru hah vang,ei leh in chhiat vang"tia chik zeta min rawn enin"rilru hahna i nei mi?"a tisup a.

Ka thil ei lai lem fel te te a,ka lu thingin"nei nang,ka Bp a hniam lutuk hran hleinem,Nigel,engmah buaina tur a awm lo nia"aw dam thlapin ka ti a.

Rinngheti leh Caleb-a ten gas thuk bula chawhmeh chhuan vil paha min rawn nuih vur vur chu en lo lui hram hramin ka bowl ken lai chu ka melh ngar a.

Nigel'an"nangni pahnih khan engmah in hrethiam ve lovang"tia Rosgula chu min barhin"nupa nih chuan pumkhat ang kan ni tawh a,a tu emaw zawkin harsatna kan neih chuan kan inbuaipui thin.Sweety,tun thla hi i la period hauh lo"thu tak zeta a tih chuan ka thil eilai chu hak lek lekin ka khuh kharh kharh a.

Thla tawp lam a ni a,ka thi neih hunbi a pel tawh,ka nulat lai pawn thla khat awl chang ka nei fo.Rinnghet'in glass no a tui intur min rawn pe paha"keipawn,ka rai tih ka inhre hleinem,Doctor-in test hrang hrang min tih tir atang chiah naute thla khat mi ka pai tih ka inhre chiah alawm"tiin Caleb-a chu a melh zauh a.

Ka lu thing deuh nak paha thaw halhin"thla khat period awl zauh chang ka nei thin alawm,mahse,naktuk lamah ka zun test ve hrim hrim ila a tha ang"a tisap a.

Kan pali a chaw ei dawhkan kan kil laia Nigel-a phone a rawn rik chuan phun hluk paha phawrh chhuakin"enge?min la ringhlel fo a mi?Samson,nang lehzel buaipui turin hun ka khawhral peih hauh lo"aw chang zetin a ti hmuk a.

Kan pathum a Nigel-a kan en thap lai chuan a thutna atanga ding chhuak hluaiin"Marina-i te pafa maw?chhuah hauh suh,keipawn engemaw hriat ka nei.Number ka rawn thawn che nga,i lo be dawn nia"a ti zung zung a.

Caleb'an"Bro,engthil nge?"ngaihven hmel zeta a tih chuan a phone hmet nuah nuah paha min rawn melhin"Marina-i te pafa in midang ruaiin Samson-a an lo enthlak tir khanglang a,a hrechhuak leh sia.A lungawi loh hmel khawp mai.Pa Sawma hian Marina-i neih tir phet a tum ni"a ti ngut a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:14 pm

NEVER ALONE-40
www.storyfb.com mizo story thar englai pawhin chhiar tur a awm reng

Gas dawhkan bula ka phone dah a rawn rik rual chuan Nigel'an"keiman ka chhang dawn,tikhan lo thu rawh"tia inher in,ka phone a la ban nghal a.

Kan bula rawn ding paha Hindi a tawngin"Ka bulah a awm,kan rawn thlah ang che u.in va hmanhmawh teh thut ve"tia phone chu dawhkan a,rawn dahin Loud Speaker a on nghal a.

Pu Sanjay'an"Kan inti fel tawh tho a,a rang thei ang ber a hmanrua rawn thawn kan duh ni.Dar kua ah kan chhuak dawn nia"rawn tiin phone chu a off nghal daih a.

Caleb'an"Tunge a?chhuah in tum a mi?"a tih chuan"Hotel-a Solar khawl min rawn dahsak tu tur te an nia,Sarah-i hmel hmuh an chak deuh niang,kan va thlah ve lawk nge,In hi tha takin lo nghak ru aw"tia ka dar a rawn hmer zauhin"Teddy bear kha pe let la"a tisup a.

Rinnghet'in mak tih hmel taka min rawn en a"Eng teddy bear nge a?I hmelhriat sa an nia law?"a lo tih chuan bu deuh nghatin"Pu Sanjay-a fapa boral ta nen kan inkawm thin lawm,Teddy bear min present a.Nia,pek let chu tum ila a tha ang.Mahse,a la duh kherlo mai thei nia.Vai ho hi chuan engemaw ngaihdan bik te hi an nei thin a"ka tisap a.

Caleb'an"tun thlengin teddy bear chu i la kawl a maw!Nigel,i paih sak ngamlo mi?"nui vur vur chunga rawn tiin min entawn zauh a.

Nigel'an"Engvangin nge ka paih sak kher ang?Caleb,nang angin hmeichhe lakah khirh ve ngai lo,in chaw ei lai chauh ngaihtuah tawh rawh u"ti ngutin a thleng a chaw chu a ei zawm nghal a.

Caleb-a te pahnih hmel lan dan atang chuan Nigel-a thusawi chu an awih lo hle a ni tih a hriat.

Pu Sanjay-a te awmna lam pan a Nigel-a nen kan tlanchhuah rual chuan"engtin nge i awm? Sweety,he thil avanga hreawm i ti viau a nih chuan kan cancel leh thei tho nia.Bakah i thianpa thihna avanga hlawkna lo tel hi nuam ka ti hauh lo"tisupin ka samah a rawn chul a.

Teddy bear ka pawm lai chu ka mal chunga dah rem in"A ho lutuk,thil tha neih tum na khawvel ah kan cheng a,lawm tak in pawm zawk ang"ti raih in pawn lam ka hawi a.

A hnar tum dat a thawchhuak halhin"I thinlung atang khan Amit-a chu paih bo tawh rawh"a ti ngut a.

Ka hmui tisawi zauh a Nigel-a hmel thim raih mai chu en vang vangin"mitthi tawh i thik a ni maw?ngatinge?"ka tih chuan phun deuh hluka ka kuta rawn chelhin"ka thik hranlo,i thinlung chhungah khan kei chauh hian hmun chang reng ila ka duh ni"thu tak fahranin a ti a.

Mipa naupang thik thu chhe zet a ang thei ngawt mai.A awmdan hi a chang chuan thinrim thlak viau thin mahse a lawm awm deuh tlat zel.

Sanjay-a room kawngka a kik rual a,ka teddy bear kenlai chu min laksakin"keiman ka lo pe ang..dâwt tlem ka sawi tel dawn nia,mak tih hmel takin lo awm suh"a ti ngut a.

Eng thu nge sawi a tum le?Pu Sanjay-a ngeiin kawngka min rawn hawn avang chuan engmah ka zawt thei tawh bawk si lo.

Teddy bear a kenlai chu Pu Sanjay-a hma a lek kangin"He thil hi kawl ve tawh ula a tha in ka hria,ka nupui hian zan tin kan nupa khumah a mut pui thin a,a chang chuan ka lungawilo lek lek fo a ni"a tisup a.

Hmm kan inneih hnu in vawikhat mah ka mut pui leh tawh lo hrim hrim,dâwt a sawi dawn tih min hrilh lawk lo se chuan makti takin ka mengphawk leh ngei ang.

Pu Sanjay'an teddy bear chu en vang vang a,Nigel-a nena min melh tawn sekin"He thil hi,ka fapa in a pek che a ni tiraw?Present bawmah keimah ngeiin ka thun pui kha ni.Sarah,tun thleng in i lo la kawl a ni maw?"a tizawi raih a.

Tawng tuma ka hrawk thian kharh a,ka lu ka buk lai chuan Nigel'an"A dik alawm,In fapa hriatreng nan a thil min tihsak tur hi kan nupa tan chuan a hlu hle tih i hre dawn nia.In fapa hmel chu a takah hmu ve lo mah ila,ka nupui hian a chanchin leh a ngaih thu min hrilh fo a ni"a ti dam thluam a.

Pu Sanjay'an ka kut a rawn vuan chawtin"Ka fapa thlarau chu kan nupa chungah a lungawilo hle dawn nih hi..Sarah,min ngaidam ang che aw.Bar-a thawk leh hnamdang i nih avangin Ka fapa kha i fiam kual mai mai emaw kan lo ti a.Kan nupa in i chungah kan thinrim hle a sin.mahse,tunah chuan i fiam kual tih leh i ngaina hle a ni tih ka hre ta.He thil hi ka nupui hmuh atan ka hawn ngei ang.Kan inhmuh leh hunah ka pe kir leh dawn che nia"tiin teddy bear chu a pawm bet tlat a.

Sawi tur ber pawh ka hrelo,lungawilo leh thinrim taka min tawngkhum ka rin teh lul nen,hnuk ulh lek lekin thupha a chawi chu a ni si a.

"Mr sanjay,Amit kha mi fel tak a ni a.Engkimah min pui thin,tun thleng hian ka ngaihtuah fo asin"zawi sapa ka tih lai chuan Nigel'an ka kawng a rawn kuah a,kan din na bul couch-a min thutpui in"ngaihtuah tawh suh ka tih kha"Sanjay-a hriatthiam loh turin mizo tawng hmangin a ti ngut a.

Ner nang a Nigel-a ka melh lai chuan Pu Sanjay'an"Uncle tiin minko tawh rawh.I pasal khan engthu nge a sawi.A va thinrim hmel ve"nui chungin a lo ti vat a.

"I nupui in mipa dang ngaihtuah se,i hlim bik hauh lovang"Nigel'an thu tak zetin a ti hmuk a.

Pu Sanjay-a chu rawn nui chhuak hukin"Samson'an,i nupui hum i duh tih min hrilh kha,a lo dik ngei nih hi.Nigel,in nupa in rawn zin ve ngei ngei rawh u"a ti a.

Ka mitko san ak a Nigel-a hmel tak ruih mai leh ngawi vang vang chu enin"chhang ta che"ka tisap a.

A sana bun lai melh zauh a,ka dara rawn kuah liam in"Ka nupui dinhmun in a zir chuan kan rawn la zin dawn nia.In chhuah a hun tep si a,in inpeih tawh a mi?"a ti ban charh a.

Nigel-a tawng zawh rual deuh thaw a kawngka an rawn kik chuan Pu Sanjay'an"lo lut rawh.Sarah.min ngaidam thei a ngem?"a ti vat a.

Ka lu bu zauh a,nuisangin"ka lakah engmah tih sual in nei hleinem,Mr Sanjay..oh sorry Uncle,tluang takin in kal dawn nia"ka tih chuan hlim hmel taka a kut rawn pharin"Ka lawm khawp mai.Min rawn thlah kher duh suh u.Kan kal tawh nge.Chanchin chu kan inhrilh tawn zel dawn nia"tiin Nigel-a chu a chibai lawp lawp a.

Pu Sanjay-a te motor kan vai liam lai chuan Nigel'an ka kuta rawn vuanin"mihring hi kan inang lo hle mai,thenkhat in an fa mitthi tawh sulhnu leh thil an ngaihhlut viau laiin,thenkhat erawh chuan fa nei tawh an ni tih an inngaihtuah ngai der si lo"a tizawi sup a.

A thusawi awmzia leh a sawichhan chu ka hrechiang ve hle in ka inhria.Anu(Nu Hriati) awmdan hi keipawn hriatthiam harsa ka ti fo thin.Mizote hi intih changkan kan tumna lama hnamdang nundan leh mizia tha lo lai ber kher kan lachhawng tel hi pawi ka ti.Thil thalo nia kan thinlungin a hriat hi chu paih bo ngam ila,thil tha apiang chhawm nung zel thei ni ila chuan,buaina tam zawk hi chu kan pum pelh thei ngei ang.

"Engthil nge i ngaihtuah a?Ka biak che tih i hre miah lo mi?"Nigel'an lungawiloh hmel zeta a rawn tih thut chuan inthiamloh deuh taka a ban a chelhsakin"A la hma tho sia,Ka nu te inlamah kan peng lawk dawn mi?"ka tisap a.

Insangmar teuh chunga min rawn melh chhuk runin"tih tur i nei a mi?enge kan va tih ang?"a ti hluk a.

An nufa inpawh lo lutuk leh an intawh nikhua a,hmelhriat loh ang maia an inkalpel fo hi tha lo ka ti tak zet.Inhmu ngun sela,an inpawh deuh sawt ngei ka beisei.

A thinrimna chu hai der lui tlatin"Hman nia a bag rawn ah kha a leina hmun zawh ka duh a.min kalpui peih loh chuan nidangah keimahin ka hmu mai ang"pangngai taka tiin car kawngkhar ka chelh a.

Car Chabi a ipte atanga rawn phawrh chhuak paha"Mikhual kan nei a ni tih i theihnghilh ta mi?Bag chu nidangah ka leisak ang che.Ka nu,lakah engmah beisei duh suh"aw chang zeta tiin seat belh min hren tir nghal a.

Rilru nuamlo deuh taka ka kut chu khal nauh nauhin"thilpek engmah ka beisei lo.mahse,a mo ka nihna angin tlemte tal a min ngaihsak ve ka phut a ni"ka tisap a.

A Motor khalh lai chauh ngaihtuah tih hriat zeta hmalam en ngur a thawchhuak halh halhin"i beisei sang mah mah a nih a chu..Ka nu hian ama nawmna tur chiah a ngaihtuah a ni"a ti hmuk a.

Nigel-a thusawi chu ka awih vek hauh lo.Ka lu thing paha Nigel-a lam chu hawiin"Harsa takin a hring chhuak che u a.Kum tam tak a enkawl bawk che u sin.Nu Hriati,dik lohna ringawt chhin chhiah lovin,a thil tha tih ho hi hriatreng tum zawk ang"ka ti zawi sap a.

Hmui chhip hmak chunga a bek zawn a rawn pawng talh talh dan atang chuan a thinrimna chu insum a tum hle tih ka hria..Ka thusawi kha a lawmzawng a ni hauh lovang.mahse,sawichhuah ve hrim hrim ka duh tlat.

Ha chang thial rap rap chunga Motor chu ahma aia khalh chak zual sauhin"Kei hian i duh leh mamawh engkim ka tihsak che a ni lawm ni.Nge ni a,Nangma vang a Sanjay-a te company in thil min rawn tihsak tur hi i lo chapo viau zawk?"a rawn ti chang fak a.

Seat belt chelh bet tlat chunga ka thinrimna chu tih lan loh tum hram hramin"i ngaihdan ang kha a ni hauh lo"aw khur deuh lek leka tichhuak sapin tukverh lam ka hawi nghal a.

A nu chungchang ka sawipui avanga thinrim a ni a,keimah zawk hi zawl dawh thei ang ber a ka ni.

Garage chhunga motor a din tir hrâwk rual chuan"Kan nufa inkar a rawn inrawlh tum buai duh suh.A hma pawn ka hrilh tawh che.Sarah,nupui luhlul leh tihmawh zet angin khawsak tum hauh suh"a ti khur khur a.

Ka kut pharchhuak chunga tawng ka tum chuan lehlam min hawisan vat a Motor kawngka chu nam hawngin"lo chhuak rawh,engthu mah sawi suh"a ti hluk a.

A pa(Pu Zailawma)pawn bialnu a nei ve tho a,ngatinge A nu hi a huat bik tlat le?An chhungkaw awmdan hi ka hrethiam thlawt lo.

Thinrim tûn chunga motor kawngkhar chu na zêt a nam hawngin"nangpawh,kan Pafa,inkarah i rawn inrawlh ve tho alawm le.Na zet ze in min tawngkhum ziah suh,tuar theih chin ka nei ve tho nia"ti vin hlarin ka pen tau sawk sawk a.

Phun nuah nuah chunga ka jacket lukhum a rawn chelh in"in pafa inkar a ka inrawlh chhan te chu i hriat ve tho kha.Nidanga ka nu chanchin sawi ngai si lo,ngatinge tun a i rawn sawichhuah..chupawh a dikna hai lansak tum niawm takin.."a ti ngut a.

Ka ke per tan tan chunga ka lukhum a chelhna kut chu dahthlaksak tumin"naupangchhia ang maiin min hrawk ziah suh ka tih kha..min thlah teh, eng ang pawn haw viau mahla,i nu a nihna a bo dawn chuang lo.i damchhunga huat reng i tum a mi?nangmah leh nangmah i inti hreawm mai mai zawk"ka ti vin hlar a.

Ha chang thial rap rap a garage kawngkhar bul banga min nem bet rawk rawkin"engmah i hre ve hauh lo,ka nu hian,a bialpa Ramchhana vangin Ka nau Suzy-i hi kut a thlak tawh asin.vawikhat aia tam a awmdan a diklo a ni tih hmaichhanah ka hrilh tawh,min ngaipawimawh hauh lo,chumi a hnekin,mi zawng zawng hriatah Ramchhana nen an inkawp tih a phochhuak lui ngat a ni.Sarah,ka nu anga hmeichhe sum duh leh mahni fate ngaihsak hauh lo a,nawmchena chauh buaipui mi hi ka haw hle tih hre rawh"a ti nghêk a.

Ip deuh zawk paha maimichhingin"mahse,Ka Pa Zailawm..."ka ti chiah chu ka dara rawn sawi nawkin"Hreptak che hian,kan chhungkua hi mi hur herh tak kan ni tih sawi i tum a mi?minlo nuihzat thin awm hle mai"tia min thlah in garage chhung atanga chuan chak zetin a penchhuak nghal a.

Kut khur dar dara ka hmui hup chunga Nigel-a hnunglam chu enzuiin"Ngatinge ka thusawi apiang i lak kawi vek mai le?chhungkaw in millo taka awm reng hi hreawm i ti ve lo mi?"ka tichhuak sap a.

Garage kawngka khar fel a,ka kalsawn tur chiah chu kawngkapui atanga Rinngheti rawn tlanchhuakin"Sarah,sarah,khawiah nge i awm?"mangan aw takin a rawn ti ruai a.

Ka chil lem khalh a"enge ni?"ti ngata ka pan phei chuan rawn tlan phei vata ka bula rawn dingin"Nigel-a nen in inhau a mi?thinrim tih hriat zetin a rawn lut a,choka lamah Zu inturin a phei nghal.Sarah,a thinrim apiangin exer a lak loh leh zu a in fo thin tih i hria em?"a ti ruai a.

Swimming pool lam pan a zawi muang a kal pheiin"Keima thiam loh a ni,An nufa inkar kha lo sawichhuak lo ila ka ti ngawt mai.Khatiang tak khan ka thusawi avangin a thinrim ang tih ka ring lova.min lova luhsan tawh rawh,mahni a awm ka duh a ni,nakinah ka rawn lut ang"ka tisap a.

Ka kuta rawn chelhin"Engthu ber nge i sawi a?Sarah,nangma vang hian buai reng rengin hun a hmang a,tinge a nu chungchang chu i sawi kher a?Nu Hriati,rilru chhung awmdan chu ka hre hauh lo.mahse,Hotel-a thuneitu ber nih saw a chak hle tih ka hria.Thu neitu ber a nih vaih chuan Ramchhana,kutah engkim a dah duh hial ang"ti vin hlar a kut chu lasawnin" Pawn khaw vawtah awm rei suh aw.Ngatinge maw?Nu Hriati, chungchang chu i lo sawi lan le?tuman kan sawi ri ngam ngailo nia,lo lut ve la,ngaihdam dil ngei ngei rawh"ti nuah nuahin a kalsawn a.

Swimming pool bula thir thutna inthen thei ah chuan thu thla riai riai in ka maimichhing a.Rinngheti pawh ka chungah a lungawilo a maw!A mak hle mai.Ngatinge ka thusawi dan ki hi an hriatthiam theih miah lo le?Nigel-a zu rui a reh fel hunah ngaihdam chu ka dil anga.An nufa chungchang pawh ka sawichhuak tawh lovang.mahse,an inkar chu hriat belh chakna lian tâk ka nei tho si.

Boruak ka hip luh zawng a pangpar rimtui tak ka hriat chuan thawchhuak ham ham a hip lut kawk in mules dum ka bunlai chu ka phelh a.
Thla êngin swimming pool a rawn chhun raih mai chu ka hmuh chuan ka kekawr haklai chu ka chawn lama hlip chho in swimming tlangah ka ding vang vang a.

Ka nu khan"Mi tupawh hian mahni tawkah buaina leh harsatna kan nei vek.chung harsatna te chu ngaihtuah ngut ngut lovin,kan rilru hahdam takin kan awmtir hram hram tur a ni"tiin vawikhat min hrilh tawh.Ka rilru hahna hi dahbo hram hram ka duh a ni.

Ka ke a tui vawt raih mai ka dai lai chuan ka hnunglam atang"zan khua a khatia awm reng kha i tum a mi?rawn lut ta che"Nigel'an aw nelawm loh zeta a rawn tih chuan hawichhuak nghal vatin"Nigel"ka tisap a.

A kekawr ipte zen than chunga ka bula thawchhuak halha a rawn din rual chuan zu rim ka hre nghal.

A hnar tum data min rawn enchhuk runin"damlo a awm i tum a mi?"a tingut a.

Lungawilo ru deuh taka swimming pool atanga ka ke chu dahchhuakin"ka tihpalh,ka hmel i hmuh chuan i thinrim zual ka ring a"ka tisap a.

Ka dingchhuah rual chuan ka kawnga nghet zeta chelh bet paha rum ngutin"i hmel ka hmuh loh pawhin ka thinrim tho.min la hmangaih em?"a tisup a.

Ka chil lem khalha bu nghatin"umm,zu i rui.."ka tih rual chuan ka hmui zawna a kut rawn dahin"umm,ti ringawt in min chhang suh.Sarah,min la hmangaih emaw hmangaih lo pawh nila,ka nu leh pa te inthen anga then che ka tum hauh lo.An ni nupa nen chuan min khaikhin duh suh"nghet charha tiin ka hmuiah uar zetin a rawn fawp nghal bawrh bawrh a.

Zu rim nam chunga min fawh chu duhlo viau mah ila,ka pasal a ni tlat,min kuah nghet sauh pah a,rum ngutin ka ká chhunga a lei a rawn hawl kual rual chuan ngik raih a min fawhna chu chhang letin a nghawngah ka kuah a.

Thaw halh halh chunga a hmui a laksawn rual chuan"Nigel,khawngaihin ka thusawi avang khan min ngaidam rawh.ka tihpalh lutuk,vawikhatmah ka sawichhuak leh tawh lovang"thawchham lek leka ti tial ruaiin ka thaw halh halh a.

A awma min kuah bet thlawp a,ka sam kara rawn thaw lum ham hamin"Keipawn tihsual ka nei ve tho alawm.Khawiah nge i pheikhawk i dah,lut vat teh ang"a tisup a.

A thinrim zualpui a reh deuh tawh a ni tih ka hriat rual chuan ka hahdam sawng sawng thei hialin ka hria.Ka pheikhawk awmna lampang a,ka pen sawn deuh chiah chu engemaw ka rah tlum avang chuan tê deuh thatin ka ke ka khai kang nghal a.

Nigel'an min rawn man bet vat lo se chuan ka thal thuai ngei ang.Phun deuh hluk chunga a phone ti êng a,ka ke rawn chhun in"khawilam perek teh hrep nge?lo chesawn suh,ka lu ah lo chelh tlat rawh"ti a thu hniamin ka ke chu a khup chungah a nghat a.

Perek a phawi chhuah rual a,a kekawr hnung ipte atanga rawmawl tial a rawn phawrh chuan na ka tih avanga mittui tling kiau a,ka ke chu laksawn tumin"tuam i tum a mi?thisen hi chhuahtir rih ang,perek kha a tui êk em?"ka ti tham tiak a.

Thinrim tih hriat tak chung a perek a paih chu chharin"tlemin a tui êk,Pa Fela teh hrep hi a va fimkhur love"tia ka bag leh pheikhawk chu la in"inchhungah lut vat ang,ka lo pua ang che"a ti a.

Inchhunga min luh pui rual a Caleb'an"naute ang maiin in rawn in paw lut a ni maw?"a lo tih chuan" first aid box leh whisky kha lo la rawh"Nigel'an ti vin thatin thutna hnai berah min nghat a.

Rinnget'in"in lo inhliam leh tawh law,a mak e,pakhat a dam fel chauh a,hliam in nei bik reng mai"tiin kan bulah a rawn ding a.

Nigel-a chu ka hmazawn chhuata thu sawp nuai chunga ka ke dinglam chu khai kangin"A na em?thisen a chhuak nasa riau lehnghal.Caleb,rawn hmanhmawh ta che"a ti hluk a.

Rinnghet'in"Suzy-i kan phone dawn mi?tihdan tur a hre deuh ang"a tih chuan"a ngailo,Ka nupui hian tihdan tur a hre ve tho"a ti hmuk a.

Ka ke a thisen chhuak chu en in"Tetanus jection chu ka la lo mai ang.A hlauhawm hran lovang,thisen chhuak khan natna hrik awm a chhuahpui tawh ang"ka tisap a.

Caleb'an whisky bur leh first aid box a rawn chhawp rual chuan whisky bur chu hawngin ka ke ah a leih nghal bawrh a.

Mitmeng zim san a Nigel-a chu enin"leih nghêk suh,chhuat i ti huh vek dawn?"ka tih chuan ka thusawi ngaipawimawh lo zeta leih zawmin"huh vek rawh se.Pa Fela ngeiin a tifai ang.A ma vang vek a nih hi"ti hmukin lapua chuan ka ke a hru ro a.

Thawchhuak halh chunga Caleb-a leh Rinngheti lo nui var var chu melh in"A tih luih a ni hleinem,keima thiam loh zawk a ni,ke lawngin lokal lo ila ka rap miah lovang.An chungah thinrim suh"ka tisap a.

A thil tih chawlhsan a,rum ngut a min rawn enin"midang thil tih sual apiang hrelo der turin min duh a mi?"a ti hluk a.

Ner nang chunga ka lu thingin"A ni te chu a dan a dang alawm"luh lul zetin ka ti a.

Dimlo zeta ka ke chu tuamin"luhlul viau suh.Rinnghet,fridge-ah Tetanus jection ala awm in ka hria,va la rawh.i injection ngei tur a ni"nghet charhin a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:14 pm

NEVER ALONE-41
www.storyfb.com mizo story thar englai pawhin chhiar tur a awm reng

Khum lu ngheng chunga,mizo film(Scooty) laptop a mi en a,ka nuih hak hak laia Nigel-a inbual zo,bathroom atang a towel tial veng chunga rawn chhuakin"A va zâ awm kar kar ve!Rinchhan'in,zanin hian an in lama lêng turin min rawn sawm a.mahse,i ke ala nat thu sawiin nidangah kan kal tur thu ka hrilh"tisupa ka bul chêt a rawn thu thla in a towel chu khum mawng lamah a theh sawn nghal a.

Thaw halh paha a taksa ruak kang leh pa zet mai chu melhin"engemaw tal rawn inbel chhuak ve thin la,midang an rawn lut thut thei asin.Ka ke hi chu a dam fel vek tawh ka tih kha..Ni thum lai engmah ti lovin inah ka inkhung reng a,a nuam lo"ka tisap a.

Ka malchung a laptop chu khup thawk a,khum sir dawhkana dahin"kawr phelh buai ngai lova,inpeih sa thlap a awm hi a tha daih zawk.Eng hna mah thawk mumal thei lovin,ka ngaihtuah reng che a.I ke a dam tawh chuan office lamah min awmpui angai ang.Nangpawn,min ngaihthu phone atang i rawn sawi kha"ti thawp sapin ka malah awmze nei zetin a chul riâk riâk a.

Ka chil lem ri khalh a,a awm ruak kâng a,ka kut nghatin"office lamah chuan enge ka lo ti ve ang.Video call in kan inbe rêng tho si a"ka tih chuan a malchunga min hlang chho nawlhin"Video call ringawt ka duh khawp in i ring a mi? Office-ah chuan i duh duh i ti dawn nia.mahse,ka kiangah i awm zel ang.I ke chu a dam chiang tawh em test ila?"tisupin mitmeng de sawr sawrin min en a.

A mipatna ruh talh in ka mawng bawr a rawn do rûn rual chuan Mut kawr dum ka hak lai chu ka lu lam atanga hlip a,nuih sakin"test paltlang kher angai mi?Ka ke nât chhûng zawng pawn kan awl ngai chuang hleinem"fiamthu deuh taka tia ka mawng chu tiche zauhin a sam dum chhah tha zet karah ka kut ka pakhat rawlh lutin,ka kut lehlam chuan a hnute hmur te tak tê chu ka khalh neuh neuh a.

Thaw chhuak hawk a,ka hnute engmah khuhtu awmlo inkar a,a hmai rawn phum paha,ka underpant kap zawn rawn pawt kau in"he thil hi inbel fo tawh lo teh,a hnawk khawp mai"dawhthei lo zetin a ti hluk a.

Ka mal tikang hlek a,underpant chu thinphu dup dup chunga hlipin"ruak a awm turin min duh a mi?"tisupin a hmui sexy zet bulah ka thaw ham ham a.

"Ka bulah chuah"tia rum ngutin min rawn fawp nghal vatin a kut chuan ka taksa peng tin mai chu a chul kual ruâi a.

Nidang a hmangaihna kan chendun apiangin a che hmasa zawk leh che nasa zawk a ni thin a.Zanin chu che hmasa zawk nih duhna rilru ka nei tlat.

Duhthaw zeta min fawhna chhang let mawlh mawlh chung a,a mipatna kawh lah mai chu ka kut lehlam a chul sakin awmze nei takin ka khal nauh nauh a.

A hmui lasawn hlek paha kut khur dar dar chunga ka bianga rawn chelhin"Sweety,i chungah thil thleng a awm mi?i danglam tlat,hetiang hian i ti ngai si lova"aw tham tuaka tiin harsa tih hmel zetin a thaw hrawih a.

Keima vangin tihdanglamin a awm mek a ni tih ka hria.Hmeichhia Pasal hmangaih tâk nei tawh phawt chuan kan pasalte chunga mi bik nihna hauh kan duh deuh vek.Kei ngêi pawh hi ka pasal Nigel-a hian min thlahlel deuh deuh sela ka duh a ni.

Nui ri hak paha a nghawnga fawp neuh neuhin"hetianga ka awm hi i duh vak lo mi?nge tawp turin min duh zawk?"ka tih chuan"teuh lo lutuk,nangte hi dawithiam ang mai i ni.Ka duh ai i zei mah mah"tisupin a mipatna khawng tha zet chu ka hmeichhiatna zawnah a rawn dah a.

"Nangma tang a inzir ka nia lawm"ti lawi rata a mipatna chu thut tlumin ka thawchhuak halh a.

Ka khel a chelh bet paha ka hnute chu duhthaw zeta rawn fawp bawrh bawrhin"i thiam chak lutuk,han ti sauh sauh teh"a ti tham tuak a.

A dara chelh chunga ka mawngbawr chu tiche kual ruaiin"A nuam em?hmeichhe dang i ngaihven loh nan ka theih tawp ka chhuah zel ang"ka tisap a.

Chunglam hawi paha thaw deuh hrawihin"Ummm,nuam lutuk..vanram tlafual a ni ringawt,hmeichhe dangin ka nunah hmun an luah ngai lovang"tih in hnuai lam atang min rawn chetpui ve a.

Te that that paha a hming lam chunga,a awm thlan dapa bawk zawi hnâwpin"Ka chau lutuk"aw khur dar darin ka ti tial ruai a.

Nghet zeta min kuah bet chunga ka benga rawn seh zauhin"a pawi lo,nakinah keimah zawk ka che tawh dawn lawm"a tisup a.

Kan lungphu inthum rawn dat dat avang chuan keimah ang bawkin ala pangngai bik lo tih ka hria.A chung atanga thawhchhuah tum a ka chet hlek rual chuan"ti hian awm rih lawk ang,ka la normal chiah lo"thu tak zetin a tisup a.

A khabe khawih neuh neuh paha,a mitah tak en kalhin"Ka rai in ka hria,test kit i rawn lei pakhat kha ka hmang a"ka ti halh a.

Insangmar deuh zâwt chunga ka kuta man betin"engmaw!"tia chiang zeta min en chuan"ka rai niang,ka test-na chu dustbin-ah sawn ka paih tawh,ala awm mai thei"ka ti a.

Che deuh hrut chunga"I ti tak tak em?i zun chu han test leh chhin teh,khawi dustbin-ah nge i test-na chu a awm?kan en ve chhin nge?"ti hluai a min thutpui nawlhin dustbin awmna lamah min pawm phei a.

Min pawmna atanga ka chhuk thlak rual chuan..dustbin zawn a kunin pregnancy test kit ka hman hnu chu a rawn lek kang va a.

A hmel en a ka hawi rual chuan test kit chu fawp zauh a,min pawm kang nawlhin"fanu kan nei dawn tihna a ni maw!"tia min vir kualpui chung a au chhuak vâkin"Oh,i lu hai leh em?tinge min va hrilh har ve?"a ti zawi sup a.

A dara na lo te a,chum zauhin"Min dahthla teh?ka inrinloh laiin che thut thut tawh suh.Nigel,zun ringawt hi chu ka la inringhlel deuh a,Suzy-i hman hunah ultrasound hmanga entir ka duh ni"ka tisap a.

Ka hmui a rawn fawp zauh paha"kan ti zing e mai,inringhlel duh suh.i zun chu test leh chhin hrim hrim la"tiin pregnancy test kit awmna lam chu a pan phei a.

Mutkawr ka inbel zawh hnu a,zung tur a toilet lam pan a ka kal chu ding dawt chawt a hawi letin"ka inbual dawn lo,ka zung a nga,ka insilfai ringawt dawn,lo luh ve i tum a mi?"tiin ka hnung lawka Nigel-a lo ding chu ka en hâ a.

A lu bu nghat a,min nawr kal dat datin"Ka zung ve dawn,Ka hmuh ngai loh pawh a ni lo va,nau kan neih hunah phei chuan Doctor leh Nurse'in an hmu ve ngei dawn lehnghal.Mahse,mipa in an hmuh ve ka remti hauh lovang"thu tak zetin a ti a.

Teh daih a!sumdawng mi tih takah a lo ngaihtuah thui hman khawp mai.Ka lu thing mât mât chunga thaw halhin"kawngka bulah hian minlo nghak la,ka zun zawh ve leh ka rawn hrilh ang che"ka tih chuan phun hluk paha toilet chhunga min nawr lutin"rei miah suh,a vawt nia"a ti hluk a.

"Ruak a awm tlat lo khan in ha lum ve ta che"a tawngdan kî ang chiah chuan ka ti lui ngat a.

Ka zun zawh rual a test kit chu en vang vang a,nui sakin"Dear,a positive leh tawh"ka ti hluai a.

Kawngka rawn nam hawng rawk rawk a ka kut a mi chu chiang zeta enin"wow..ropui lutuk,i hnute len belh hlek dan leh ei i duh zual dan atang hian ka ringhlel reng che ni.Ngatinge zing kar luak chhuak an nei thin an ti sia,chutiang chuan i la awmlo tiraw?"ka dul zawna a kut rawn nghat pahin a tisup a.

Ka lu bu nghat tap lam hawi a inherin"raino zawng zawng kan inang vek hleinem,ka la na vak dawn lo niang"tisapin tui chu ka herh haw a.

European commode awmna pan paha"Keipawn la na lo hram la ka ti.i rai loh lai pawn min vin hrep hrep tawh a,i lak nat vaih chuan a tih chi loh viau ang"nui kur kur chungin a ti a.

Ka hmai hru paha Nigel-a zung mek chu rum zeta melh kawkin"insilfai ve ang che"ka ti hlar a.

A dar san deuh uk a"minlo nghak ve la maw le?"a rawn tih chuan hawi let hauh lova,ka kut phar in"Apple shake ka siam dawn"ka ti vat a.

Grinder chhunga bawnghnute,ice cube pakhat,chini fian thum leh Apple pumkhat ka dah laia Nigel-a ka bula rawn dingin"Ice cube hi i pawlh a mi?"a tih chuan ka lu bu nghatin grinder khawl ka on nghal a.

A tawng ri ka hriat loh hlau niawm taka ka bul cheta rawn ding a,ka beng bula rawn kun hniamin"khua a vawt si a,i hritlang anga sin,he thil hi i ei chak viau a mi?"a ti lûng lûng a.

Grinder off chunga ner nangin"i in anga a tui zia i hre mai ang.Pi Nuni,nen chuan kan indun fo asin,thau belh a hlauh avangin a in tam ngamlo mai mai zawk a"tisapin no a ka thlit chhuah sa chu ka pe nghal a.

A lem hlek hnu a,Mitmeng zim san a,ka kawnga rawn kuah in"nipui laite khan min siam fo tur che nia,in hnem suh aw,i hritlang nge"tisupin a thil kenlai chu a tlak pap a.

Nuisang chung a kan no ruak chu tui hmun a ken phei ka tum laia current a rawn thim thut avang chuan ding deuh chawtin"Nigel,i phone lo ti eng rawh.Ka phone ka kenglo nia"ka ti vat a.

"Hrep tak chuan..a va thim hun lo ve.Pa Fela'an generator a rawn on thuai in ka ring.Inverter kan va on lawk nge.Keipawn ka phone inchung lamah ka dah daih lawm.Lo kalsawn suh aw,i tlu palh nge"a ti hluk a.

Minute nga vel ka din ngai a ka ding reng laia,kawngkapui rawn ri rak leh mipa phun deuh sur sur ri ka hriat rual chuan ka ti ril a khur dar dar nghal ni maiin ka hria.

Chhuat a ka thut hniam rual a"inchung pan na step bulah sawn lova ding rawh u.Inhnuai lam hi uluk takin kan han en hmasa nge"tih ri ka hriat chuan bihrukna tur ngaihtuah in thim zingah ka hawikual ruai a.

Bel bawm hlui zawk engmah kan dah tawh lohna hnuai ber awmna lam pan a no keng chunga bawk vak phei in,thawmri chu ka ngaithla kar a.

Engtin nge Nigel-a kha a awm ve ang.Thawm danglam bik engmah ka la hriat loh avang chuan a biru ve ngei turah ka ngai.Pa Fela te nupa leh Ui ho in thawm engmah an rawn nei miahlo chu mak ka ti a ni.

Thinphu dup dup chunga belbawm chhung a ka inkhar hnan rual a,choka chhunga ke pen ri ka hriat chuan Hmar tawng a"An hmanrua an dah fel lo nih hi..ui ho kha,in kap mu tha maw?"mipa aw thum lam lek lekin a ti sur sur ri ka hriat chuan ka rilru in"Aw Lalpa,khawngaihtakin Nigel-a nen min venghim hram rawh"tih hlirin ka tawngtai mawlh mawlh ringawt a.Thildang engmah ka ngaihtuah hleithei lo.

Ui an kah mut theih dan mai bakah current line an tih chhiat dan atang te leh hmar tawnga an hman dan atang chuan mi narán an nilo ang tih ka ring.Ka hriat chinah he inchhungah hian hnamdang hrim hrim an rawn luh ka hre hauh lo.Ruahmanna fel tak neiin kan inah hian an rawn lut a ni ngei ang.

Nigel-a au ri ka hriat rual deuh thaw a,silai hmet puak zawt zawt ri ka hriat chuan hlauthawng ru zeta ka bihrukna bel bawm kawngkhar chu ka chelh vat a.

Nigel'an"Ka phalna tel lovin ka inchhung a rawn lutin min thah in tum ngam a maw?nuamsa tak chuan in awm hauh lovang"aw teng zeta a ti ri ka hriat chuan thaw deuh huaiin ka awmna atang chhuah ka tum a.

Choka chhung pawh a eng vâ tawh,chetsawn ka tum chiah chu ka taksa a khawng vek avang chuan ka chesawn thei dêr lo.

Sitting room lamah"Pu Nigel,mamawii te chu kan man fel tawh,enge in an?kan lo tlai em?khawnge i nupui?"tia tawng ri nak nak ka hriat chuan ka theih tawp a Nigel-a chu au vakin ka thaw khawk a.Ka aw chhuak chu a ri chang chang ni berin ka hria.

Ka bul lawka Nigel-a rawn thu thla rawk rawk paha"Caleb,minlo pui vat teh"a ti ri chu ka hre rei ruai a.

Ka harhchhuah ruala oxygen mask ka hnar a invuah leh ka mutna khum bawh a Nigel-a lo thu ka hmuh chuan ka hmai zawn a rawn kun hnai vatin"Sweety,i lo harh ta maw?A lawmawm hle mai.Na i nei em?"tiin ka chalah a rawn fawp vang vang a.

Tawngchhuah tum a,ka mask vuah lai laksawn ka tum chuan minlo dang vatin"la phawi rih suh,hmun chep zet oxygen awm lohna hmunah darkar chanve chhung ngawt i inkhung a,ngatinge khalai ah ber kher i bih ruk.minti hlauthawng viau tawh suh"ti hlukin ka chal leh a chal chu a insik a.

"Nigel,engtin nge i awm ve?silai ri kha ka hria a"zawi sapa ka tih chuan drip an khaina ka kut la kang a fawp zauhin"Ka tha lawm,ka in.."a tih lai meka kawngka rawn inhawng a caleb-a leh Rinngheti rawn pen lutin"Sarah,i harhna a rei tawh em?"an rawn ti rual that a.

Nigel'an"bengchheng vak lo teh u.A rawn harh chiah,Rinnghet,Suzy-i han phone teh?"ka kuta la dawm ran chungin a ti a.

Khum bula Caleb-a rawn kham thu thla mek chu enin"thil awmzia min han hrilh teh?Nigel-a hi khang ho khan an ti na em?"aw chuai raihin ka ti vat a.

Nigel'an"Sweety,tawng hnem rih suh.Ka inchhung saw thim thamah pawh kei tluk a hrechiang an awm kher lovang.current an ti thim kha,kan tan chuan a vanneihthlak zawk a ni.choka lam rawn kal ten an zawng hmulo che tih ka hriat rual khan kan room lamah tlan chho in ka silai leh phone ka hmang nghal a"a tih chuan hlauthawng deuh taka melh kawkin"i kaphlum a maw!"ka ti ha a.

Caleb'an"Mamawii mi rawih te kha an mal dinglamah a kap hliam vek.Min rawn phone hnu lawk khan police leh i hnathawk te ho phone kual pahin kan rawn tlan nghal alawm.Bro,hi chu police leh sipai tam tak pawn an tluk lovang.Martial art leh silai kah zir in Thailand-ah thla thum chhung a awm a,ala hrilh ve lo che mi?"chhuang hmel zetin a rawn ti vat a.

Suzy-i kawngka a rawn lut melh paha"Ka thlalak te chu a en fo alawm,Pi Nuni te kha phone la,eitur tam tawk tak rawn keng turin hrilh rawh"a ti hluk a.

Caleb'an"tehreng mai,keini pawh min rawn ken kep rawh se.Nangmahni vangin tukin lamah chaw ka ei mumal lo"ti vata a phone chu phawrhin tukverh awmna lam a pan phei nghal a.

Suzy'in ka marphu rawn khawih a,stetoscope hmang a ka thin dinglam leh veilam a ngaihtlak vang hnu chuan"a clear tha e,sarah,na dang i nei em?engtin nge khatiang hmun chep lutuk a,i tawm theih zawk,i taksa lah chu a vual chuak vek lehnghal.mahse,tunah chuan a reh tawhin ka hria"tisapin ka ban leh nghawng vel chu a enkual a.

Thaw halh paha"na ka nei h pawh ka hre tawhlo,ka zun a chhuak a,ka riltam bawk"ka tih chuan Nigel'an"bed pan-ah zung rawh aw"lo ti vatin khum hnuai atang bed pan a rawn la chhuak a.

Ka lu thing nak nak chunga"ka duh lo,ka kal thei alawm,oxygen leh drip hi min phawisak lawk ula"ka ti nuah nuah a.

A ngaihdan a nilo tih hriat tak maia rum deuh ngut a Suzy-i leh caleb-a chu enin"lo va chhuak lawk rawh u,keiman bed pan-ah hian kan zun tir a nge"nghet charhin a ti a.

Suzy'in"keipawh,nau neia min zai zawh hlimin bed pan-ah hlir alawm ka inthiar"nuisanga tiin Caleb-a chhuak chu a zui ve nghal a.

Lungawilo deuh taka khuma thu tûng a,Nigel-a chu enin"ka thi ngailo asin,toilet lamah kal zawk mai ang"ka tih chuan"tunah chuan i tih a ngai tlat,sweety,min hnial reng loh teh"ti ngutin ka mawng zawnah bed pan chu a rawn rawlh lut a.

Nigel-a t-shirt dum te chuah ka inbel a ni tih ka hriat chuan bed pan-a,zun tum paha melh chho ha in"kawr dang hak tur a awmlo mi?ti te chuan saruak ang mai alawm ka nih"ka ti hluai a.

Ka zun a chhuah tehreng nen ka la zung thei lawk lo lehnghal..ka hnunga min chul heuh heuh paha ka lu a rawn fawp zauhin"i kawrhak lai kha a bal vek alawm,nakinah Pi Nuni ten kawrdang an rawn keng ang.Hlauthawng duh suh,keimah vekin ka thlak che,midangin an hmuh che ka duh bik hleinem"a tisup a.

Ka zun zawh a,puana min khuh fel pahin"Suzy,rawn lut tawh rawh u"a tih chuan thaw chhuak halh a maimichhingin"mamawii, chu hmaichhana biak ve ngei ka duh a ni"ka tisap a.
Ka bianga rawn khawih paha rum ngutin"i damchian hunah,kan pahnihin kan hmu dawn nia.kum tam tak chhung min enthla tawh a,mahse a hlawhtling ta chuanglo nih hi.keima vanga i tuar ve zel hi chu a pawi khawp mai"a tizawi sap a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 1:16 pm

NEVER ALONE-42
www.storyfb.com mizo story thar englai pawhin chhiar tur a awm reng

Nigel-a kutphah chunga chulsak paha"Hmangaihte tana kan tuar a ngaih chàng a awm tur alawm"nuisuk a tiin Suzy-i te pathum rawn lut chu ka melh a.

Ka kuta hmer nghet sauh paha"Ka lawm e,ka venghim zel ang che"tisupin ka kutah a fawp vang vang a.

Damlohna em em nei si lova,Nithum zet Damdawi ina awm chu ka ning ru tawh tak zet,Nigel'an"dam ver vawrin kan chhuak law law dawn nia.Bakah inlamah siamthat ngai an siam mek"a tih avangin engmah ka sawisel ngam lo a ni.

Nigel'an in lam a min haw san lawk avanga min awmpuitu Hlui khum bula thu ran chu melh a;khum atanga thochhuak paha"Ka inbual fai lawk dawn nia aw"ka tih chuan rang zeta ka bula rawn dingin"ka lo hruai ang che,i tluk sual vaih chuan Nigel'an min hau palh ang"a lo ti vat a.

Mitmeng zim san a Hlui chu enin"Oh,lungngai suh,ka tlu hauh lovang.Ka dam tawh alawm"ka ti hluai a.

Air bag ka hai rak rak laia inthlahrun hmel taka ka bula rawn dingin"kalbo tum miah suh aw.Nigel-a pawh a rawn thleng tep tawh ang"a tih chuan uar zeta ka lu bu in"Aw le,aw le,hamburger leh coffee kan pahniha eitur lo chah la"tiin t-shirt pink leh kekawrbul dum chu ka phawrhchhuak a.

Bathroom darthlalanga ka inen rual chuan inchei ka mamawh hle a ni tih ka inhre nghal.Hetiang anga hmel pâwr tak chung hian Nigel-a ka hmachhawn fo tur a nilo.

Hlui nena Hamburger leh coffee kan ei in zawh hnu a, hmanhmawh taka ka hmai ka chei sawk sawk lai chuan Hlu'in"ngatinge?kalchhuah i tum a mi?"maktih hmel taka min rawn en chunga a tih chuan ka lu thing zauh a,mascara inhnawihin"damlo anga,awm reng hi ka ning tawh,exer lak te pawh ka mamawh lawm"tisapin ka dul chu ka khawi zauh a.

Hlauthawng hmel zeta a phone chu enin"Sir Nigel-a,kan hrilh hre ve phawt ange"a tih chuan ka nuisak a.

Nigel-a rawn thlen hun a hmel pangngai tak pu chunga lo hmachawn tum rilru mai chauh kha ka nia; mahse,Hlui rawn tawng dan leh awmdan avang hian infiampui hlek ka chak tlat.

A Phone kenlai min rawn pe paha"a be duh che nia"a tih chuan ka lu thing paha darthlalang hma a ka sam huh hniang chu chul mamin"ka hmanhmawh,nangman lo chhang zawm mai rawh"Nigel-a hriat theih ngei turin ka ti a.

Ni tla turin tukverh a rawn chhun zawna ka sam huh thla hniang paha chair-a thu chunga Rampari nen kan inbiak mek lai chuan Nigel'an kawngka rawn nam hawng thuai in"Sarah,engthil tehhrep nge..."tia a tawnglai chawt a min rawn panin"khawia kal nge i duh?"ti dam thluamin ka hma zawnah a rawn thu tung nghal a.

Nigel-a awmdan chuan min ti hamhaih tak zet,ka mit khap fak fak paha ka lu thingin"ka hrelo"ka tisap ringawt a.

Thawchhuak hawk paha min en reng chunga ka phone kenlai chu rawn banin"Hlui,i haw thei tawh ang"a ti ngut a.

Hlui,chhuakin kawngka a khar fel deuh chiah tih chuan ka lu thing nawkin"Hlui,fiamkual ka chak vang mai mai nih kha"ka tih zawh rual chuan"i lang nalh lutuk"zawi supa tiin ka mal inkarah a rawn thu hnai a.

Amah zawk hi nia nalh daih zawk,Leather Jacket dum a hak hnuaia,T-shirt grey rawng leh jeans kekawr pawl tak a hak chu a inhmeh tak zet,a sam hnawng chhap ka khawisak laia kawngka lama thawm ri kan hriat chuan rang zetin kan hawichhuak dun a.

Suzy-i te chhungkaw hnunga Nunthara,nui vur vura rawn pen lutin"Eheu leh,kan rawn kal fuh nge?fuh lo zawk aw!tuna in awm ang khan la awm lawk teh u,Facebook lama kan group member ten in nupa thalak post turin min ngen nasa lutuk tawh"tiin a camera chu a hmet éng zui nghal a.

"I duh tawkin la rawh,anu ang maia hmeltha fanu thla khat mi ka nupui in a pai mek thu i tarlang dawn nia"tia ka bianga a rawn fawh chuan a naka sik zauhin"i ti anglo lutuk,mi zawng zawngin an hre vek ka ti hlar a.

A mitko san zauh a kan bula Gilbert-a rawn tlan phei chu pawm kang nawlh paha"chanchintha chu zep lova,puan darh zel tur an ti mi kha,Gilbert"tiin min rawn nuih suk a.

Gilbert-a lah chuan phur fe in"Aw,Apute"a tih chuan kei leh naupang pahnih tih loh chu an nui thu hlawm a.

Mesak'an(suzy-i pasal)"rawn surprise che u kan tum tehreng nen,in thla lâk kan tum tih an lo hrilh lawk che u mi?inlo inchei sa thlap a?Sarah,zanin chu hotel lamah Dinner eiho law law ang u"tia min en chuan ka lo bu nghat a.

Nunthar'an"A dang la leh lawk ang u,Sarah,damlo tak tak angin khumah tal hian mu la,chuan i bulah..."a tih lai mek a Nigel'an"a tawk tawh,helai hmunah hian hotel-a eitur chu order ila,kan ei zawk dawn nia"a ti thum bul a.

"Heilai hmun a inkhung reng hi a ninawm,naktuka kan chhuah dawn chuan a pawi vak hleinem"ti deuh ngat a;ka thutna atanga thochhuakin Naom-i pawm ka tum a.

"Sarah,thil rit chawi suh"Nigel'an khauh fahrana a rawn tih chuan lai zeta ding chunga hawi pheiin"A van mak tak"ka ti vin let hlar a.

Nunthar'an"Sarah,ka tan che nia"fiamthu zeta a rawn tih chuan Nigel'an mitmeng rum zeta en ngurin"fiamthu kan thawh lo,Suzy,in rawn thleng chauh nangin min hawsan tawh mai rawh u"a ti thum bul a.

Suzy'in"U, Sarah-i i ngaihtuah vang a ni tih ka hria.Tun atanga engemaw hlek a khatianga i awm fo chuan buaina i ngah lutuk ang.Sarah,nangman han hrilhfiah zawk teh?thaw halh chungin a ti a.

Mesak-a bula Gilbert-a te unau rang taka kal phei chunga Nigel-a mak tih hmel taka an en ka hmuh rual chuan An Putea thinrim chu an hlau hle a ni tih ka hria.ka ngaihdan a nilo tak zet.

Ka lu thing nawk paha khum tlang a thu thla in"hetia engmah ti lova ka awm reng chuan,nakinah lawkah Pitar ang maiin ka awm thuai ang.Ka taksa hi sawizawi a ngai ni"thinrim insum tak chungin ka tisap a.

Nunthar'an"Kan lova chhuak tawh nge.Nupui rai vawikhat a neihna nia awmdan a thiamlo nih kha..mesak,nang experiance nei tawh ah hrilhfiah ta che"kawngka biang chelha nui vur vura a rawn tih chuan Nigel'an a kekawr ipte zen chungin rum zetin a melh a.

"Nigel,i awmdan tur chu ka hretthiam khawp mai.in nupa a chhuah harh pui kan duh vang che u nia"mesak'an aw dam thlup a a rawn tih chuan tukverh bula kalphei paha rum ngutin"dik tak chuan ka la hlauthawng a ni"a ti zawi sup a.

Suzy'in"U,mipa chak ták i nia lawm,i bulah Sarah-i hi a him lutuk tlat,bakah nangmah tinat tumtu ber Police lamin an kawl tawh a.Ka nu leh Pa te pawh an thinrim dun lutuk..zanin hian ka nu leh pa te nen chaw eikhawm kan tum a,chuvang a nia kan rawn sawm tel che u"Nigel-a bula ding in a ti a.

Engemaw ngaihtuah tih hriat tak maia Ngawi deuh vang vanga min rawn enin"Sarah-i inhuam dan a zir a ni mai"a tisup a.

"Ka châk lutuk"rang zeta lo ti in ka nui sak a.

"Awle,a tha e,Hei i kawrlum tur suzy'in a leisak che,kan chhuahsan tawh ang che u.Zan dar ruk leh chanve ah hotel-a rawn thlen in tum dawn nia"Mesak'an tiin khum mawng a paper bag in hung chu min kawh hmuh a.

Suzy-i te chhungkua chhuah hnu a paper bag atanga Cardigans kawrlum sen ka phawrh chhuah chu ha nghalin"ka van lawm,ka lo awh ruk tak kha nia"ka tih chuan Nigel-a chu ka hmazawna rawn dingin"i awt tih ngatinge min hrilh loh?engmah insawiselna i nei lo tak tak a maw?"a ti ngut a.

Dingdi hlip ak a,a biang tawn tawn a chelhin"tunah tak phei hi chuan nang ai pawn ka tha zawk.Dear,hahdam rawh.Ka nu leh pa te nen dinner kan eiho dawn tih hre reng la"ka tisap a.

Rum deuh nguta ka kawnga rawn chelhin"ka nu leh pa te ai chuan nang hi ka ngaipawimawh daih zawk che.Anni chu Puitling an ni a,an duh duh danin nung rawh se"tiin min rawn fawp vang vang a.

Thawchham lek lek a,kan infawh hnu a,ka hmui bul cheta thaw ham hamin"nangte reuh hian lung tha lo min neih tir thuai in ka ring"tia ka hnute chu intineitu fahran a khawihin"i rai vang a mi?a lian deuh sawtin ka hria?nge ka khawih ngun vang?"a ti tham tuak a.

A kut chelh beh sak paha kawngka lam chu melhin"Ka rai vang niang,A hunlo lutuk,insum rawh,damdawi in a kan awm hi..nurse leh Doctor an rawn lut thut thei nia"ka tisap a.

Ka tawng zawh rual deuh thaw a kawngka rawn kik ri kan hriat chuan rang taka tawlhsawn paha"lo lut rawh"tiin ka insiamtha sawk sawk a.

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Phun nuah nuah chunga chair-a bawp khaw kherh a thu thlain"hunlo lutuk"a tih chuan ka nuih sak a.

Kawngka rawn inhawnga Pi Nuni leh Dr Rinchhani te nufa rawn lut ka hmuh rual chuan te deuh hluai chunga Dr Rinchhani leh Nu Kungi chu kuahin"in rawn kal thei a ni maw?"ka ti hluai a.

Pi Nun'in"Damdawi in gate-ah kan intawk a,kan rawn inzui lut a nih hi.Mango shake ka rawn siamsak che u a,mahse,i siam chu a tluk lo deuh mai thei ni"tiin tupperware chu a rawn phawrh chhuak a.

Dr Rinchhan'in a phone-a Nigel-a nen nichin lawka Nunthar'an kan thla a lak chu min rawn hmuhin"i rai thu pawh min hrilh ve miah lo,in thalak ka hmuh atang ka hre ve chiah"tia Nigel-a lam chu hawiin"Mamawii,kan va hmu a,a thil tih avanga inchhir hmel pawh a pu lo.Hmeichhe rapthlak tak a ni.A hmangaih ber tan a ti niin ala insawi zui.Thla thar atang a case an khawih ang.Damchhung jail-a tang tur a nih ngei ka beisei"a ti chang fak a.

"A nu leh pa ten pawisa an rawn pe tawh che u mi?Pi Zautei,bula in damdawi in awmna bill pe tura ka hrilh kha"Nigel'an a tih chuan Nu Kung'in"Nimin khan Nuai thum min rawn pe,Pi zautei,hmel pawh a dul raihin ka hria,amah thiam loh vek nia sawiin ngaihdam ala rawn dilsak lehnghal"a lo ti vat a.

Dr Rinchhan'in"Zorama ber kher in min khawih kha a mak ka ti.Zu,a in ngai ka hre si lova,zu leh ganja rim ala nam em em zui,tun thleng hian ka la lungawi thei lo"a tih chuan a kuta chulsakin"sawi tawh rih lovang u.Zorama,ber a thi tawh lawm,kan ngaihdam tlan a ngai nia.mitthi tawh kan huat reng chuan keimahni zawk kan inhrem tihna ni"ka tisap a.

Gilbert-a te unau rang taka Mesak-a bula kal phei paha Nigel-a mak tih hmel taka an en ka hmuh rual chuan An Putea thinrim chu an hlau hle a ni tih ka hria,ka ngaihdan a nilo tak zet.

Ka lu thing nawk paha khum tlang a thu thla in"hetia engmah ti lova ka awm reng chuan,nakinah lawkah Pitar ang maiin ka awm thuai ang.Ka taksa hi sawizawi a ngai ni"thinrim insum tak chungin ka tisap a.

Nunthar'an"Ka chhuahsan tawh mai ang che u.Nupui rai vawikhat a neihna nia awmdan a thiamlo a nih kha..mesak,nang experiance nei tawh ah hrilhfiah ta che"kawngka biang chelha nui vur vura a rawn tih chuan Nigel'an a kekawr ipte zen chungin rum zetin a melh a.

"Nigel,i awmdan tur chu ka hretthiam khawp mai.in nupa a chhuah harh pui kan duh vang che u nia"mesak'an aw dam thlup a a rawn tih chuan tukverh bula kalphei paha rum ngutin"dik tak chuan ka la hlauthawng a ni"a ti zawi sup a.

Suzy'in"U,mipa chak ták i nia lawm,i bulah Sarah-i hi a him lutuk tlat,bakah nangmah tinat tumtu ber Police lamin an kawl tawh a.Ka nu leh Pa te pawh an thinrim dun lutuk..zanin hian ka nu leh pa te nen chaw eikhawm kan tum a,chuvang a nia kan rawn sawm tel che u"Nigel-a bula ding in a ti a.

Engemaw ngaihtuah tih hriat tak maia Ngawi deuh vang vanga min rawn enin"Sarah-i inhuam dan a zir a ni mai"a tisup a.

"Ka châk lutuk"rang zeta lo ti in ka nui sak a.

"Awle,a tha e,Hei i kawrlum tur suzy'in a leisak che a.Kan chhuahsan tawh ang che u.Zan dar ruk leh chanve ah hotel-a rawn thlen in tum dawn nia"Mesak'an tiin khum mawng a paper bag in hung chu min kawh hmuh a.

Suzy-i te chhungkua chhuah hnu a paper bag atanga Cardigans kawrlum sen ka phawrh chhuah chu nuisang paha ha nghalin"ka van lawm,ka lo awh ruk tak kha nia"ka tih lai chuan Nigel-a chu ka hmazawna rawn dingin"i awt tih ngatinge min hrilh loh?I duhzawng sawi turin tawng thei lo pawh i ni si lo"tia chawl dat a maimichhingin"Sweety,engmah insawiselna i nei lo tak tak a maw?"tawngchhuah harsat hmel takin a tizawi sup a.

A awmdan hi hriatthiam a har ve ngawt mai.A thinrim a nih pawhin zaidam leh dawhthei taka hmachhawn zel ka duh.

Dingdi hlip ák chunga,a biang tawn tawn a chelhin"hrilh che ka tum ngei alawm.Dear,hahdam teh,tunah tâk phei hi chuan nang aiin ka damtha daih zawk.Ka nu leh pa te nen dinner kan eiho dawn tih hre reng la.Hlim takin awm rawh"ka tisap a.

Rum deuh nguta ka kawnga rawn chelhin"ka nu leh pa te ai chuan nang hi ka ngaipawimawh daih zawk che.Anni chu Puitling an ni a,an duh duh danin nung rawh se"nghet charha tiin min rawn fawp vang vang a.

Thawchham lek lek a,kan infawh hnu a,ka hmui bul cheta thaw ham hamin"nangte reuh hian lung tha lo min neih tir thuai in ka ring a ni"tia ka hnute chu intineitu fahran a khawihin"i rai vang a mi?i hnute hi a lian deuh sawtin ka hria?nge ka khawih ngun vang?"tluangtlam zetin a tisup a.

A kut chelh beh sak paha kawngka lam chu melhin"Ka rai vang niang,A hunlo lutuk,insum rawh,damdawi in a kan awm hi..nurse leh Doctor an rawn lut thut thei nia"ka tisap a.

Ka tawng zawh rual deuh thaw a kawngka rawn kik ri kan hriat chuan rang taka tawlhsawn pahin"lo lut rawh"tiin ka insiamtha sawk sawk a.

Phun nuah nuah chunga chair-a bawp khaw kherh a thu thlain"hunlo lutuk"a tih chuan ka nuih sak a.Damdawi inah hi chuan infawh aia thui thlenpui ka tum hauh lo.

Kawngka rawn inhawnga Pi Nuni leh Dr Rinchhani te nufa rawn lut ka hmuh rual chuan te deuh hluai chunga Dr Rinchhani leh Nu Kungi chu kuahin"in rawn kal thei a ni maw?"ka ti hluai a.

Pi Nun'in"Damdawi in gate-ah kan intawk a,kan rawn inzui lut a nih hi.Mango shake ka rawn siamsak che u a,mahse,i siam chu a tluk lo deuh mai thei ni"tiin tupperware chu a rawn phawrh chhuak a.

Dr Rinchhan'in a phone-a Nigel-a nen nichin lawka Nunthar'an kan thla a lak chu min rawn hmuhin"i rai thu pawh min hrilh ve miah lo,in thalak ka hmuh atang ka hre ve chiah"tia Nigel-a lam chu hawiin"Mamawii,kan va hmu a,a thil tih avanga inchhir hmel pawh a pu lo.Hmeichhe rapthlak tak a ni.A hmangaih ber tan a ti niin ala insawi zui.Thla thar atang a case an ngaihtuah ang.A damchhung a jail-a tang tur a thu tlukna an siam ngei ka beisei"a ti chang fak a.

"A nu leh pa te khan pawisa an rawn pe tawh che u mi?Pi Zautei,bula in damdawi in awmna bill rul vek tura ka hrilh kha"Nigel'an a tih chuan Nu Kung'in"Nimin khan Nuai thum min rawn pe,Pi zautei,hmel pawh a dul raihin ka hria,amah thiam loh vek nia sawiin ngaihdam ala rawn dilsak lehnghal"a lo ti vat a.

Dr Rinchhan'in"Zorama ber kher in nangmah emaw tia min rawn khawih kha mak ka ti tawp thei lo.Zu,a in ngai ka hre si lova.mahse,zu leh ganja rim ala nam em em zui.Ramhuai te pawh a ang lek lek.."a tih lai chuan a kuta chulsakin"sawi tawh rih lovang u.Zorama,bêr a thi tawh tho a,kan ngaihdam tlan a ngai ni.Mitthi tawh kan huat reng chuan keimahni zawk kan inhrem tihna ni mai"ka tisap a.

Pi Nun'in no a,mango shake a thlit chhuah min rawn pe paha"Mamawii, hi lawm huat zawk tûr,engtin nge hnamdang ho kha a rawih theih ni?Engmah hre lo turin kan nghawngah hriau in min lo vit zauh a,kan harhchhuah meuh chuan khua a lo var kuar tawh ni.Nigel,i thiante ho hi tumah inah rawn kaltir tawh suh"a ti deuh hlar a.

Mango shake chu tlak pap chunga"A theih ngawt bik loh,thiante inah kan leng ve duh tho sia lawm"tia a phone chu ka lama rawn hmet de zauhin"min venghim Ui leh mihring kan ruai tawh dawn nia"a ti ngut a.

Pi Nun'in"hetiang lama pawisa i sen ral hnemzia hi i chhut ve ngai em?"a tih chuan a phone khawih nauh nauh paha rawn thochhuakin"chhut ngai e,a pawimawh vang alawm,Sweety,ka chhuak lawk dawn nia,ka rei lovang.Rinchhan,lo awmpui tlat ru aw"tia ka chal a rawn fawp zauhin a kalchhuak nghal a.

Kan pathum a kawngka lam hawi paha kan inen deuh hâ rual chuan Nu Kung'in"Engthil nge tih a tum le?Sarah,damdawi ka eitir vang che kha mi i rai?A ni tiraw?"ti ruâiin ka kutah a rawn thing a.

Ner deuh nang a Dr Rinchhani chu melh zauhin"Min pek ni atang khan ka ei alawm.mahse,ka rai theihna chhanah chuan ka puh ngawt ngamlo.Ka chunga Pathian remruat zawk niin ka ngai"ka tisap a.

Darkar khat dawn lai thil ei paha kan tawng siam siam laia Nigel-a leh Puia inkhai bawr tak chunga Kawngka rawn pen lut chu makti zeta en in"engthil nge a?"ka ti deuh hlûai a.

Pui'an"i kawr tur,Dawr a thawk ten mak an ti khawp mai.An dawr a ruak huai phah a"nui vur vura tiin a thil khai ho chu chhuatah a nghat a.

Ka thutna atanga thochhuak a,an thil rawn lei ho chu makti taka enkualin"Ka mamawh lo asin,Cardigans,kawrlum a va tam ve"ka tih chuan Nigel'an"I awt tih i sawi reng kha,kei hian pheikhawk leh thawmhnaw engmah ka la leisak lo che ni tih ka inhrechhuak har mah mah"thu tak zetin a ti a.

Tih ngaihna ka hre thlawt lo,ka awm dawm chungin Nigel-a chu ka en tlawk tlawk ringawt a.Kei aia upa nimahse a chang hi chuan naupangchhia ang maiin a khawsa fo mai.Fa nei tur ka ni a,thawmhnaw ringawt ngaihtuah lovin,ka hriselna lam ka ngaihtuah ka hun tawh a ni.Dr Rinchhan'in Cardigans kawrlum a pharh mêk chu melh zauhin"URinchhan,in duh ang kha la ve rawh u"ka tisap a.

Nigel'an hmel dul deuh ruiha min en chunga"i duhzawng a nilo mi?"a rawn tih chuan ka lu thingin"chutiang lam a nilo,Kan pali hian kawrthar min leisak tihna ni dawn a,keimah chauh chuan ka ha seng dawn hleinem.An pathum hian kan naute min enkawlpui dawn si a"nuisangin ka ti a.

Nu Kung'in"Dik chiah,keima vanga naupai thei i ni a,fa in neih hunah min tibuai leh tho vang,kawrthar neih chu kan phu ve hrim hrim"lo ti nghal vatin kawrlum par chu a la nghal a.

Nigel'an hmel buai deuh naka"hmeichhe ho hi in mak ngawt mai"a tih hluk chuan kan pali a inmelh in kan nuisang a.

Hotel-a dinner nei tura Nigel-a nen Puia motor khalh chhunga kan thut luh laia Nurse duty pakhat kan rual a rawn chhuakin"in rawn let hunah Cabin duty nurse bulah khan in in report ve dawn nia aw.Kei chu ka haw tawh dawn a"a tih chuan ka lu bu nghatin"tehreng mai.kan rawn let har lovang"ka ti nghal vat a.

Nigel'an"i kekawr hak khan a hreng lo tak tak che a maw?"a rawn tih chuan Cardigans kawrlum Suzy-i min leisak hnuaia Leggins dum ka haklai chu melh in"hreng lo,ka pum ala puar vak hleinem,khua a vawt sia,kawrfual ka ha peih lo alawm"tiin scarf ka awrh lai chuan ka lu ka tuam zui nghal a.

A kut pahnih nuai lum a,ka kuta rawn humin"chhuah chaklo la chuan kan mu lum mai mai tur a nia.Puia AC i on lo mi?"a ti hluk a.

"On e,in rawn luh rual khan ka On chiah..facebook lama in thlalak an upload chu a hit rem rem khawp mai.Nupa,inhmeh leh inkawp rêm berah an thlang che u nia"a rawn tih chuan ka ner sawka.

Hotel-a kan chaw eina tur pindan chhunga kan luh rual chuan Mesak'an"ka rawn phone hman tep che u a.Eitur kan order a rawn thleng tep ang.Lo thu rawh"lo ti vatin dawhkan bula mi pahnih thutna tur couch senduk chu min kawhhmuh a.

Nuisang chunga ka pa bianga fawp zauhin"i rawn chhuak ve thei ni maw?"ka tisap a.

Pa zailawm'an"A phur lutuk zawk a min tur sek reng mai maw le?i damtha zel em?"nui huk huk chungin a lo ti vat a.

Nu Hriat'in"Nigel,engatinge i in veng tura Ui ringawt i dah,mihring ruai tel rawh.Ran te chu Mihring thuhnuaia awm tura Pathian in a ruat a nia,an rintlak tak tak loh,keiman i in vengtu tur chu naktukah ka rawn dah ang"tum deuh hmuka a rawn tih chuan mitmeng zim san in ka en vang vang a.

Nigel'an"lo ngaihtuah buai duh suh.nangmah chauh inngaihtuah zawk rawh"ti ngutin ka kutah a rawn hum a.

Nu Hriat'in"i nu ka nih angin ka thu hi vawikhat tal zawm tum ve teh?"vin deuh hlara a rawn tih chuan Suzy'in"Nu,i nih tawh tih i inhriat te chuan nula anga awm tum lovin,pangngai takin nung ta reng che.Ka pa,nangpawh"aw hriam hrákin a ti hmak a.

An chhungkaw boruak chuan ka awm an tinuamlo tak zet,inngeih tlang takin dinner ka kil ho dawn emaw ka lo ti a.Ka kut lehlama ka mal khawih nauh nauh paha ka pa hmel dul raih mai leh hreawm tih hmel tak chu melhin"Pa,bathlar lamah sawn boruak thianghlim kan va dawng lawk dawn mi niang"tia thawh ka tum chuan Nigel'an ka kawnga rawn chelhin"i hritlang ang,Ka pu,chhungkhat kan ni a,engmah hreawm tih bikna tur a awmlo nia"aw dam zetin a ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)