NEVER ALONE BY Basta Tlau - 18+ story (Completed)

[Ngaia]

NEVER ALONE-7
www.storyfb.com mizo story thar englai pawhin chhiar tur a awm reng

He mihring hian a phone hi tlanbo pui duh turah min ngai maw ni chu le?Hmundanga kalsawn lo tura han intih kher.

Ka hmui tisawi zauh paha Phone chu ka bengbula dahin"hello"ka tisap a.

Annie'in"nangni pahnih hi in inhriat ka ring reng a ni.Sarah,i nu boral chu pawi ka tih pui lutuk che.i duh phawt chuan rawn chhuk rawh,kan bulah i thawk ve dawn nia.Sarah,kei ai pawn i mit a fing a,thil mawi leh nalh i hre zawk tih in hre reng rawh aw"a rawn ti nghal a.

"Ka nihna lo angin min fak suh.UAnnie, i bula thawh chu ka chak khawp mai.mahse,tunah rih chuan ka thei rih lo a ni.Ka pa rilru a hreawm lutuk palh ang.Nakinah ka phone atang ka rawn be leh ang che"tiin phone chu Nigel-a ka pe let a.

Caleb'an ka ban a rawn chelh pah a"Sarah,nang hian kan thusawi zawng zawng kha i hre vek a ni maw.i thinrim viau ang tiraw"a lo tih chuan thawchhuak halh chung a ka thutna atanga thochhuakin"sawi tur dang in neih tawh loh chuan tih tur pawimawh ka nei a,ka chhuak lawk thei ang ti raw"ka tisap a.

Caleb'an"keiman ka lo hruai..."a rawn tih lai tak a"Caleb,Eddie-a hi pawn lam saw lova enkual pui rawh."thupe aw zeta Nigel'an a rawn tih chuan ka hmui hnuai seh in ka inhumruh nghal a.

Caleb'an maktih hmel deuh taka Nigel-a nen a min enkual lai chuan Nigel'an"min rawn zui rawh,sarah"ti ngut a kan pathum a min kal pelin inchung pan na step sailungvar a siamah chuan hlawk zetin a pen chho nghal a.

Eddie-a kawngkapui lam pan a a kal mek lai chuan
Caleb-a chu a din ngai a,la ding reng a,hreawm tih hmel deuh taka min enin"Eng hna ber nge thawh dun in tum a?Sarah,hetianga in awm nachhan hi in ba in rulh theih na tur a mi?midang pawn a pawisa an ba nual tho si a"zawi sup a a rawn tih chuan"kan ba chungchangah i lo buaina tur a awm lo,kan rul leh ngei ang"ti hmakin Nigel-a kalna lam panin ka kalsawn nghal a.

Pawisa kan ba a ni tih hi mi engzat chiah nge hria ang?Nigel-a hi ka rin phak bak a,mipa tawng thei leh hmusitawm tak a niin ka hria,ka haw ngawih ngawih bawk.

Eddie-a school luhna turah hian engzat chiah nge an sen so tih leh thla khatah fee engzat nge pek ngai tih keipawn in hriat ka duh ve tho.

Step ka chhuak chho chiah tih rual a,Nigel-a kawngkhar pakhat atanga rawn pen chhuak ka hmuh chuan"hmanhmawh nachang hre ve ta che,hun hi rangkachak ai ka ngaihlu thin tih hre rawh"tia ka ban a rawn chelhin inchhungah chuan min pawt lut dawr dawr a.

Ka thin a rim em avang chuan hlauhna pakhatmah ka neilo bik lo,min chelhna atanga talchhuah tumin"min thlah rawh.Nang ramhuai hi,ka rinai daihin i lo tenawm leh zual"vin zetin ka ti hlar a.

Min vawnna hmer nghet sauh chung a bangkil lama min nawr betin"Ramhuai ka nih chuan nang hi Ramhuai lalnu i ni ang.Engvanga chhuah tum nge i nih?Eddie-a hi i unau dik tak a nih loh avangin tlanbosan i duh a ni ti raw.ka remtina tel lovin,nang hi khawiah mah i kal ngai lovang"ha chang thial rawp rawp chungin a ti khur khur a.

A duh duh dana min mawhpuh reng zel hi ka tuar liam thei tawh lo.Thinrim tak chunga en chho in"Pawisa lakchhuah ka duh vang a,chhuah tum ka ni tih hre rawh.Eddie-a te nen hian piang hmun nilo mah ila,nangni chhungkua ai thlawt chuan kan inngaina zawk"ka ti ngat a.

Ka sam tuamna towel-a rawn chelh bet a,min kek dar awrh chunga thaw hrawiin"nang hian kan chhungkaw chanchin i sawi ngam a maw?thah che ka chak khawp mai"ti hrawkin ka hmai bul chetah chuan a rawn kun a.

"Min that rawh,ka tan a nuam daih.."ka tih lai chuan a hmui hmanga ka tawng zawm leh tur rawn ti tawp hmakin min hrem tum tih hriat zetin na zetin min fawp bawrh bawrh a.

Talchhuah tum a ka chetsawn chuan Nigel-a tan ka insiam rem sauh ni berin ka hria.A hmui lasawn hauh lova,min fawh dan chu Thawk leh khat a tidanglam thutin dim zet leh ngenngawl taka min rawn fawpin a rum ngut a.

Ka thluak chu a chawmawlh vekin ka hria,chet lak ngaihna reng ka hre tawh lo.Nigel'an a lei hmanga ka hmui a rawn nawr kau chuan maimichhing in ka duh vang ni hauh lova,ka kawchhung atanga min rawn nawrtu a awm avangin rumchhuak halhin ka lei leh hmui chu ka lo ti chhe a.

Ka kawrhak chhunga a kut rawn dah lut a,ka bra a hlim chhoh chuan ip deuh chawih a,a kut chu man sakin"Nilo"ka ti lawi rat a.

Ka thusawi ngaipawimawh lo zeta ka hnute chu tham bawrhin"min dang suh"ti hlukin ka hmuiah duhthaw zetin a rawn fawp nawn lehnghal a.

Ka vawt sung sung nghalin ka hria,he mihring hian ka taksa chungah thuneihna a nei lo.A hmui a na zeta ka seh vak rual chuan rum ngut paha a hmui chu lasawnin"min seh a maw?i va mak reuh ve a"tiin a hmui chu a khawih zeuh a.

Ka lu thing nak paha Nigel-a hmui hnuai lam ka sehna rawn thi chhuak ser ser ka hmuh chuan ka hmui tuai zauh paha hawi sawnin"min fawp tawh miah suh.Nupa leh inngaizawngte bak an infawp ngai lo tih hre rawh"ka ti hlar a.

Rawn tawngchhuak mai lova a ngawih reng avang chuan a thinrim ve hle a niang.ka beisei loh zet a rawn nui chhuak hukin"tikhan,i ngaihzawng ah min chhiar tel ve tihna a mi a?"thu tak hmel fe in a ti a.

Phawk zeta a hmel chu en hain"A teuh lo,ka pasal tur chiah ka ngaizawng dawn.

Chuvangin,min fawp tawh suh.ka ngaihzawng pawh i nilo"ka ti hlar a.

A kekawr ipte atanga rawmawl tial rawn phawrchhuak a,a hmui thi ser ser chu hru zeuhin"i phur ve hle kha maw..i ngaidan chu a hmanlai reuh hle mai"ti hluk a darthlalang dawhkan awmna chu pan pheiin"Eddie-a hi tlanbosan i tum lo tak tak a maw?"a ti ngut a.

Chhuat a ka sam tuamna towel tla chhar paha Nigel-a chu melh vakin"a teuh lo,ATM atanga ka pawisa khawlsa lakchhuah a,Eddie-a school luh nan a i pawisa hman hi rulh nghal che ka duh a ni.chumi a ka rul zo thei lo che a nih chuan Rampar'in ka thawmhnaw leh bungrua min rawn thawn hunah ka hralh mai ang.i lak a ba neih belh ka duh lo a ni"tiin ka thaw halh a.

A dar san ak paha dawhkana chunga tui bottle chu hawnga lem zauhin"chutianga i tih chu a ngai lovang.Eddie-a hi chu i pa in ka kutah a dah tawh.i lo buai a ngai tawh lo.Tha takin awm la,hotel chhung saw a tha thei ang ber a chei turin ka duh che a ni"nghet charhin a ti a.

Ka mit nuai zauh a Nigel-a chu enin"i ti tak tak a mi?keite chu ka zirchhuak ve hleinem,bakah Eddie-a kei chuan ka unau ang chiahin ka en a,ka thlah thlam ngawt theilo,ka pa chu a mangan vanga hetianga ti ringawt hi a niang.nakinah ka be tha leh ang"ka ti hluai a.

Ka thusawi ning tih hriat zeta rum ngutin"i pa tih buai fo chu i duh a mi?kum upa lam a ni tawh a,hahdam takin awmtir rawh.Min han hrilh teh ka nu ngaihzawng Ramchhana nen khan inkungkaihna in nei tawh a mi?"thu tak zeta tiin min rawn en a.

Ka ban pharchhuak hluai chunga ka sam rawn tla chu hui kiangin"ka vawikhat hmuhna a nia,engtin nge inkungkaihna kan neih ngawt ang.i laka insawifiah reng tur ka ni bik lo. A hrim hrim in,ka chanchin i lo chhui ru a,engtia min tih nge i tum?dan kalh a ka kawsak i ring a mi?"ka ti ngat a.

Dawhkana paper inthuah la a,rawn kal pheiin"A va mak teh sek e aw.I thianten i chanchin hriat an duh avangin i chungchang min hrilh a.keiin ka lo ngaithla mai a ni.dawt sawi i hrat reuh hle mai,kha he thil hi lo en rawh"ti hlukin a lehkha ken lai chu min rawn pe a.

Na zeta lehkha chu la thuai in"dawt sawi ka hrat kher lo,i lak a ba nei ni mah ila,ka taksa hi i duh duh a,i khawih theih a nilo nia,hna ka thawh phu ang zelin kan ba hi i ti hniam ve zel tur a ni"ti hlakin kawngkhar lam chu ka pan a.

"Hnathawh kar lak a,intih hlim i mamawh a nih chuan min hrilh hreh suh aw"nui huk chunga a rawn tih chuan kawngka biang chelh a hawi letin"leiba rulh tur nei reng chunga intihhlim chawp vel ka mamawh lo"ti hmakin ka pen chhuak a.

Engang mizia nge ni ngai?a thinrim em em a,a hnu lawkah thu tak zetin tih tur min hrilh a,a nui leh si a maw!ka hrethiam thei lo a ni.

Step-a chhuk thlak ka tum lai taka Nigel-a kawngka a rawn pen chhuak ka hmuh chuan hmanhmawh zetin step-ah ka tlan thla hlawk hlawk a.

Room lama kal tum a ka inher lai tak a Eddie'an"U,lokal teh,hei Alsatian ui note pahnih,i hmuh ve duh ka ring a,Pa Caleb'an min rawn pawm luh pui a nih hi"ring zet leh phur aw tak maia a rawn tih chuan hawi nghal vatin Caleb-a leh Eddie'an Ui note a dum leh buang a in tial an pawm chu ka hmu nghal a.

Nuisang chunga Eddie-a te awmna a kal pheiin"An van duhawm ve,ka lo pawm ve chhin khawiah nge in va hmuh a?"tia Eddie-a ui note pawmlai laksak ka tum chuan min hnungchhawn zawng a uite pawm chung a inherin"ka la pawm duh,Aquariuam dahna bul a,inte ah sawn an lo awm a"tiin a ui pawmlai chu a chul a.

Caleb'an a ui pawmlai min pe a nui chungin"Eddie-a hian ui in lawm zia leh i pa in kawl a duh ngai tih minlo hrilh a.Nigel-a pawh hian ui chu a lawm thei khawp mai"tia thle deuhin"hey Bro,i ui lak thar chu an unau hian an hlimpui hmel mai"a ti lang lang a.

Ka hnungzang rawn sa hem hem avangin hawi chhuak miah lo pawhin kan bul lawkah Nigel-a a awm hnai a ni tih ka hria.A mak hle mai,he mihring hi ka hriatna ala rei miah lo,mahse,ka kiang hnaia a awm hian engtin emaw tak ka taksa a danglam fo mai.kei hian natna thar ka nei maw ni dawn le?

Nigel-a kan kianga rawn ding ka hmuh chuan Eddie-a bula kun hniamin"Eddie,ui hi a nu leh a pa an ni a,an hming atan enge kan phuah ang"khi sukin a ti a.

"Ruby-i leh Johny-a phuah ila"phur hmel zeta a tih chuan Nigel-a chu rawn ding ngilin"a tha e,i pawmlai kha,Johny-a ni a,chuan Sarah-i pawmlai hi Ruby-i a ni ang"tia ka ui pawmlai rawn la a,Eddie-a chu pe in"An inah va dah rawh le.zanriah ei a hun dawn tawh"a tisup a.

Room lam pan tum a ka inher lai a,caleb'an"i hmui hi tinge a?a pilh nia"a tih chuan ka lehkha kenlai hum nghet sauhin ka ding chawt a.

"Sarah'in min seh sak a nih hi,a hmui leh lei mai bakah a ha pawh a hmang thiam khawp mai"aw pangngai zeta a tih chuan thinrim teuh chung a melh hrawkin"tenawmpa leh..nang hian fiamthu thawh nan min hmang hlek suh.mi pangngai pawh i nilo"ti vin hlarin room lam panin ka tlan phei nghal a.

Ka thin a rim hluah hlauh,engvanga zahna nei map lova khatianga awlsawm taka sawichhuak mai thei nge a nih.midang bula min tih mualpho a duh vang a ni ngei ang.chuti nilo se la chuan,tawngkam pangngai takin caleb-a bulah khan a hmui pilh

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

chhan kha a sawifiah thei reng.Nigel-a hian engthil chiah nge ka chungah hian tih a tum?

Room kawngka chu inkhar khum a nghengin ka thawchhuak riai riai a.Engtin nge Nigel-a hi ka hmachhawn zel tak ang.A hmel hmuh duh lo viau mah ila,in khatah kan awm a,a hnuaiah hna ka la thawk dawn zui lehnghal.A hmel hmu lova awm chu thil harsa leh khirh khan tak a ni ngei ang.

Keimah zawk hi ka in control a ngai ni.A lakah zuam awm takin ka awm lo anga,engtik lai pawn ka hmelma huat ber angin ka en zel ang.

Ka lehkha ken lai chu bihin ka chhiar a.lehkha phek hrang hrang ka keu kual chuan makti deuh taka enin hotel share holder hming hrang hrang leh an chanchin tlangpui inziak chu ka keu nawn leh ngat a.

He lehkha hi min pek sual a ni ngei ang.ka tan hetiang thil hriat a tulna a awm ve hauh lo.Lehkha hi Nigel-a ka pek let vat angai ni.

Ka sam huh hnawk niai mai chu ka kuta tuai mam puat puat chung a room atanga pen chhuakin common room lama Nigel-a leh caleb-a thutna lam chu ka pan ding chat a.

Caleb-a zawkin"Sarah,enga ti nge a?"min rawn en ha chunga a lo tih chuan Nigel-a hmazawn a ding a paper ka ken lai chu lekin"he thil hi min pe sual niin ka hria?Midang zinga ka tihsual anga i lantir loh nan ka rawn pe let che a nih hi"ka ti kha fak a.

Mit meng zim san leh chik hmel fahran a min rawn enin"ka pe sual lo che.khang ho kha i hriat hmasak an ngai,zirtawp lo awm tur hi Pu Sawma,Marina-i Pa Birthday a ni a,hotel-ah Party buatsaih a tur a ni a.Hmel hriat loh zinga awm ai chuan an hming leh chanchin tlem tal lo hriat kha nuam i ti zawk ang"aw pangngai takin a ti a.

Thaw deuh halh paha inherin"An intur sem kual turin min duh tihna a mi?Heng hi a tangkai tam vak ka ringlo"ka ti hmak a.

"Sarah,Hotel sak mek chhung design tu tur i ni a.Midang a hmelhriat tir che a ngai alawm.i kutah a innghat thui viau a nia."Caleb'an ka beisei lo zeta a rawn tih chuan makti taka hawi letin Nigel-a hmel chu ka melh reng a.

"Engthil nge i lo beisei a?Eddie-a choka lama thil ei mek saw va thlah la,i ke na vanga hostel-a i thlah hman loh thu pawh i hrilh tel dawn nia.va hmanhmawh la"Nigel'an aw pangngai tak maia a rawn tih chuan ka ke chu bih in"a na tawh hleinem"ka tisap a.

Ka tawng zawh rual chuan ka ke durh keh lai chu a rawn thip vin tûkin ka hria.

Nigel'an aw teng chhuai a"Pi Nun,lokal teh,nichina damdawi ka pek che rawn keng la,sarah,kalsawn hlek suh."a rawn ti deuh thut a.

Engthil nge ni leh ta?ka ke pen leh zel min thununsak a tum a maw?

Caleb'an, Nigel-a hmel mak tih hmel tak a en hnu a,min rawn en ve leh in"i ke na vang khan,harsatna i tawk ang tih a hlauhawm nia.Sarah,a na riau lo maw?"min ngaihsak awm taka tiin ka ke chu a en vang vang a.

He mite lemchan na thil avang hian ka rilru ka ti no ngawt thei lovang.An mi khawngaihna leh lainatna dawn ngat phei chu ka beisei tur a ni lo hrim hrim.

Ka vei lam a slipper ka bun chu hlipa kalsawn tum a ka inher chiah chu Nigel'an ka ban a nghet zeta rawn chelh beta ka dinna bul sofa a min nam thu hnawkin"i luhlul chhuah suh.ka mikhual i ni a,tha taka awm turin ka duh che ni"ti hrawka kan awmna lam pan a Pi Nuni leh Eddie-a rawn kal phei mek lam chu hawiin"Eddie,i u hi chuan a ke na a pun lun loh nan hostel-ah a hruai lut thei dawn tlat lo che.Caleb-a nen hian kan thlah dawn che nia.kal tawh ila" nuisuka tia Pi Nuni chu huiin"damdawi kha lo hnawih sak la;a mamawh ang i lo tihsak dawn nia,chaw ei tur chuan minlo nghak suh u,Ka rawn haw har ang."nghet charh a tiin kawngkapui lam chu a pan nghal a.

Tawng ngaihna rêng ka hre lo.Nigel-a awmdan hian min ti hamhaih fo mai.

Eddie'an ka kuta rawn chelh paha"U,I dam hunah minlo kan ve ngei ngei rawh aw.A pu Nigel'an,nangmah ngaihtuah lo tur che in min hrilh a"nuisanga a tih chuan a bianga piai zauhin"ka rawn kan ngei ngei ang che.tha takin i lo awm dawn nia aw chuan midang tihbuai miah lo tur"ka ti a.

An pathuma min chhuah san hnu a,Pi Nun'in ka ke a damdawi hnawih paha"nangma vang hian aw ka vin in min ko ngun tawh khawp mai.chuvangin,tha tak leh thuawih takin awm hram tawh rawh.zan dar rukah chaw kan ei a,zingah dar riatah,chuan chhun a ina in awm chuan dar khatah thingpui kan in thin.room lamah i awm emaw,thil i ti laklawh a nih pawhin kan chaw ei leh thingpui in hun chu i rawn ngaipawimawh thin dawn nia"ti dap dapin a dingchhuak a.

Zanriah kan eikham hnu a,Pi Nuni"kan haw san mai ang che aw.vawiin ni zet chu kan chau ve deuh a.chuti nilo se chuan,han thut khaw muan pui che kan duh viau.Nigel-a pawh,zan riah eikham a kan intih fel hnu hi chuan kan haw san mai zel.Engmah hlauhawm a awmlo nia aw.In hi uluk taka hung a nih bakah ui fing tak tak pali an awm bawk"nuichung leh Nigel-a ngaihsan hmel tak maia a rawn tih chuan ka lu lo bu nghatin"ka hlau hleinem,in duh phawt chuan min kalsan tawh rawh u"ka ti a.

Pu Fela te nupa in min chhuahsan chuan kawngka chu chhunglama kalh tha a,sitting room thutphah chunga thu in Nigel'an paper min pek chu ka bih a.

Zan dar kua a ri dawn tawh a,rawn haw a tum miah lo mi?mahni te chauha he in zau taka min riah tir a tum a niang a?ka awm ngai lohna hmun a ni a,tui tak chuan ka muhil thei hauh lovang.Eddie-a chanchin tal min rawn hrilh ve tal awm?A phone number ka lo dil lo kha ka inchhir hle mai.

Tunah inah keimah chiah ka awm a,ka memory card kha khawiah emaw ni chuan a awm ngei ang.Engtin nge a hma zawng khan lo ngaihtuah chhuah nachang ka hriat loh zawk?Paper chu sofa chunga kalsanin inchung lamah hmanhmawh takin ka tlan chho nghal a.

Khawi lai atang nge ka zawn tan ang?in hi a lianin pindan hrang hrang a tam si a.ka thil zawn tum memory card erawh ka kutzungpui tin tiat vel lek a ni bawk si.

Nigel'an ahma min luh puihna room chhung luh tuma kawngka hawn ka tum chuan a lo inkalh thlap a ni.kawngkhar dang la awm ho hawn ka tum pawn alo inkalh zel mai si. Khawiah nge chahbi an dah ang le?Room kawngka piah ber chu vanneih thlak takin alo inkalh lo hlauh.

Kawngka ka nam hawn chuan khum zau tha tak mipa mutna khum tih hriat hliah hliah mai leh room chhung boruak cool raih mai chuan min zam lek lek hial a ni,ka lu thing deuh nak paha thaw halhin"sarah,inthunun rawh.i thil lak let i tum ringawt a ni"tia phun sapin keimah leh keimah ka in hrilh a.

Khawi laiah tak nge a dah ang,Ani kha tha takin midang hmuh theih lo turin a thukru tih a sawi ngei mai.Hawi kual ruai in khum bul dawhkan awmna lam chu ka pan a.

Dawhkan chung leh drawer ah chuan a awm hauh lo mai.A lukham hnuai en tum a ka hai lai taka"engthil nge ka room-ah hian i tih?"Nigel'an aw teng chuai a rawn ti ri ka hriat chuan lukham keng chunga hlau thawng zeta dingin"ihh englo..ka memory card ka zawng"aw lawi rata tiin Nigel-a hmel dur khuk chu mai chesawn ngam tawh lovin ka en reng ringawt a.

Chhiar zawhah fakna milem kha in lo click leh theuh dawn nia, ka lawm e

[Ngaia]

NEVER ALONE-8

Nigel'an min rawn pan hnai chunga"i thusawi chu ka awih i ring a mi? Ahma zawng pawn i memory card chu min dil hleinem?kei leh ka house keeper te awm lo ve leh nangmah a inkalh hnan in ka room hi i hai kual a maw? engthil chiah nge i zawn?"ti khur khurin lukham ka kenlai chu a rawn phih thla lawp a.

Zu rim a nam em avang chuan ka hlauhthawn na chu a zual sauh in ka hria,hnunglama tawng hnung hret chunga ka chil lem ri khawlhin"dawt ka sawi lo"ka ti khur dar dar ringawt a.

Rawn che thut paha ka kut a man betin"ka room atang hian engmah i lachhuak tur a nilo"ti ngutin ka kawrhak lai chu a rawn dap nghal a.

Talchhuah tum chunga a ke a tlawhin"min khawih suh,i va zak lo ve,nanga zu rui hi ka hlau miah lo che,ka memory card kha khawiah nge i dah,min pe let rawh"ka ti chiam a.

Phun hluk paha hnehsawh zeta min kuai her a,ka kut pahnih chu ka hnung lama man betin"nangte reuh hian min tinat i duh a ni maw?nge ni a,i memory card chhuan lam a siamin ka room-ah hian ka rawn haw hun minlo nghak zawk?"ka bengbula rawn thaw ham hamin a tisup a.

Thle sawn paha ka hmui hnuai pet zauhin"i ngaidan mai mai a nih chu Nigel,ka nghak hauh lo che nia.min thlah rawh"thaw chhuak halh halhin ka ti a.

"Dawt i sawi tih ka hria.He thil hi i cho chhuah liau liau a ni hi"tia a kut khingkhat hmanga ka lu a rawn chelhin ka hmui ah tak chuan a rawn keih buan buan nghal a.

Zu a in avangin min fawp tawh lo tura ka hrilh kha a theihnghilh a ngei ang.
Tawng chhuah tuma ka hmui ka tihchet rual chuan rum halha a lei khawng that zet mai chu ka hmui chhung rila rawn hawlh lutin awmze nei tak maiin a lei leh hmui chu a ti nawk nawk a.

Ka taksa chu current kal ang maiin a tek chuai chuai ni berin ka hria,Awm dan tur ka hriat loh em avang chuan ka maimichhing ringawt a.Ahma a min fawh pawh khan hetiang hian ka awm tawh,mahse tunah hian a nasa daih zawk.

Ka lu a dawmna kut thlahdul hret paha min fawh dan chu rawn tidanglamin"Sweety,min fawp let rawh"tia rum ngut a ka hmui a bur leh chatin ngenngawl leh chhan let phut zetin min fawp leh mawlh mawlh a.

Ka chhunglam atanga min rawn tur ut ut tu engemaw thil a awm vangin ka hmui chu ka tiche lo thei lo.

Rumchhuak halh chunga ka hmui ka tichet rual chuan kan lei chu a inbuan let tap tap nghal a.

Ka kawr nghawng chhunga a kut pakhat rawn zen lut paha a hmui chu tlema la hrang hlekin"ka dream nasat theih zia che hi i hria em?"aw thawp sat leh tisa chakna a khat mitmenga min en chunga tiin a kut hrawl leh lum tha zet chuan ka hnute chu a chul kual ruai a.

Ka chhia leh tha hriatna te chu an bo zo vek ni maiin ka hria,hetiang thil hi vawikhatmah ka la tawng ngailo a,a dangdai tak zet a ni.Ka hnute hmur a kuttang pahnih hmanga a khalh neuh neuh paha ka bengkawma rawn fawpin a mipatna chuan ka mawngbawr a rawn nawk ralh ralh a.

Ka chil lem khalh paha kut khur dar dar chunga Nigel-a sam chhah taka ka khawih sak laia"tu mipa mahin an hnar thei hauh lovang che"aw thawp sat a a lo tih chuan ka vawt nghal sung sungin ka hria.

Ka kut chu rang zet a la thla a thaw halhin"nilo,Nigel min thlah rawh"aw lawi rat a tiin ka tha tawpin ka nam a.

Tawlh hrut chunga phun deuh hluka khum zau zeta bawk thlawp in"chhuak rawh,inchung lamah hian vawi khatna rawn kal tawh suh"a ti hmuk a.

Ka lu thing nak a khuma Nigel-a mu chu melh zauhin"ka memory card kha min.."ka tih laia"chhuak rawh.keiman tûl ka tih hunah ka pe mai ang che"thinrim hmel zet leh aw teng chuaia a rawn tih chuan ner sawkin ka chhuak nghal a.

Nigel-a awmdan ka hriatthiam loh ang bawkin ka awmdan hi ka in hrethiam ta hauh lo.

Shakesphere,Fanny brown,John keats,chetan Baghat leh khushwant singh ten an lehkhabu ziah ka chhiar a.Inngaizawng te inkara thil danglam awm a an ziah ang hi a ni thei a ngem?Ka thinphu dat dat zawna ka kut dah chunga khuma chunga mu thlawpin Nigel-a kianga ka awmdan chu ka ngaihtuah a.

Ka ngaihtuah rei ngam thlawtlo,ka zak a ni.Engtin nge Nigel-a hian min ngaih ang?khum atanga thochhuak in sitting room lama lehkha ka dah ho chu inchung lam melh zak zakin ka la a.

Khawi atang nge a rawn luh theih chhung lamah kawngka ka kalh vek si a.kawngka bul tukverh parda phe hlap hlap ka hmuh chuan enchiangin ka ang pham a.Tukverh darthlalang a tikeh a ni maw!door bell rawn hmet se la chuan kawngka ka hawnsak mai tur nia.

Darthlalang keh them ho chu thian fai a,light ka off hnu chuan ka room lamah ka let a.

Muthilh a har tak zet a ni.He lai hmun a ka awm nachhan hi ka hre reng tur a ni.Rim takin hna ka thawk anga,ba kan rulh zawh ve leh ka pa te kiangah ka awm leh ang.

Zing a ka harh rual chuan khum atanga inperh tho vatin bathroom lamah ka lut nghal a.room atanga ka chhuah a,choka lam pan tuma sitting room ka thlen chuan kawngkapui lama Nigel-a track suit ha a exer la tih hriat taka a towel awrh laia a hmai hru zauh ka hmuh chuan rang zeta choka lam pan in ka thaw halh a.

Pi Nun'in"i lo tho tawh a ni maw?thingpui i induh em?Nigel'an hotel lama i kal ve dawn thu a sawi a"pangngai zeta a rawn tih chuan ka lu bu nghatin"tui lum a awm chuan ka lo in zawk ang.Pi Nun,enge ka lo tih ve dawn?"ka tisap a.

A kut rawn phar chhuak hluai paha no awmna lam panin"Ka hna hi min chan tir i tum a mi?engmah lo ti ve re re suh.kha tui lum bel a mi saw lo va in rawh.Dawhkan ah khan biscuit leh chhang a awm kha.i ke chu enge a an tawh a?"a rawn ti hluai a.

Ner nang a,ka ke chu melh zauhin"a dam chak khawp mai,ala hma si a,engemaw tal ka lo tih ve loh chuan a nuam lo"ka tih chuan chek tlak a min rawn enin"he inchhung a tih tur awm hi kan nupa tih tur a ni a,i duh leh Nigel-a hrilh hmasa la gym room-ah exer ve la ve rawh.tunlai mi ho hian aia upa thu hnial in hrat ve ngawt mai"lungawilo hmel taka tiin alu a chan sa chu a sil bawrh bawrh a.

Tui lum leh biscuit chu ngawi renga ka ei laia Nigel-a choka kawngkhar a inbual zo hlim tih hriat taka kekawr bul tial leh tawnzau dum ha a rawn pen lut ka hmuh chuan ka thut ep chiah chair chu pawt chhuakin"tlai lamah Eddie-a kan va hmu dawn nia,a lung a leng niang,nizan lamah a mu tha lo tih an warden'in min rawn hrilh a"a ti ruih a.

Ka thil eilai lem kawlh paha Nigel-a chu enin"tunah kan va hmu thei lo a mi?naupang a ni a,a lung a leng riau ang,ka ngaihtuah hle mai.in dah luh dawn khan a chanchin tal phone atang min rawn hrilh ve tur che u nia"ka ti raih a.

Pi Nun'in thingpui a hmazawna a rawn chawp in zauh paha a lu bu nghatin"chutia tih chu ka duh dan a ni ve tho,mahse"tia a kut chu a beng zawn a dahin"ka lo nei lova,nangpawn min rawn biak tur che lawm,tlai lamah kan va kal dawn nia"nghet charhin a ti a.

A phone number ka neih loh chu thuhran,anin min biak hmasak loh te chuan engtin nge ka biak ngam ngawt ang.Eddie-a chungchangah thiam loh ka chang leh ta ringawt chu a ni der mai.Hnial chak viau mah ila,midang zinga hnial chu ka duh lo a ni.

Thawh chhuah tuma ka rilru ka siam lai taka Pi Nun'in"sarah-i hian exer lak ve a duh niang,Nigel,ka thil tih lai min tih buai ka duh ngai loh zia i hriat kha"a rawn tih chuan Nigel'an"common room piah a sawn gym room a awm ang.nizan lam i mu tha em?"nuihzat hmel taka min en chungin a rawn ti a.

Nizan a rawn tih kher avang chuan a kianga ka awmdan kha ngaihtuah let in ka hmui ka pet zauh a.ka mut that leh that loh atan enge a tangkaina awm?ka thutna atanga thochhuak paha bu nghatin"ka mu tha khawp mai"ka tisap a.

Choka atanga ka chhuah dawn laia Pi Nun'in"chaw ei hun kha theihnghilh loh tur aw"a rawn ti zui lawm lawm a.

Ka kawr hak lai thlak a,jeans kekawr pawl ka mal phuar lek lek leh kamiz tial ka hnute tawn lek lek ha chunga choka lam pana ka phei tur chu Hmeichhe pakhat sofa chunga lo thu in"sarah-i i ni ang tiraw.min la hria em?high school kan kal laia in senior Rinngheti ka nia"nuisanga a rawn tih chuan ding deuh chawtin ka en ha a.

Thian ka kawm ve vak loh avang leh mi zinga ka awm tam vak loh vang nge,ka hre mai tlat lo.

Nui ri hak paha min rawn panin"min hre lo a niang,nang chu class chhungah lehkha i bih tlut tlut zel tlat alawm,keipawn a tirin ka lo hre mai bik lo che a.Nigel'an,i chanchin min chhui tir atang ka hre leh chauh che lawm.i hmel i paih lo hle mai.kan school-a mipa ten thinlungvawti tia i hming an phuah kha i hria em?"tiin ka darah a rawn kuah a.

"Tu maw thinlungvawti chu?"kan piah lawk atanga Nigel'an aw pangngai deuh tak a a rawn tih thut chuan Rinngheti nen kan hawi rual vat a.

Kei hi Thinlungvawti tiin ka school kalpui ten min ko thin a maw! A lungawi thlak vak loh hle mai.

Rinnghet'in"sir,lehkha pawimawh chu ka rawn keng a"tia a bag ah lai a zen chuan Nigel'an"zawhna ka zawh che kha,i lehkha rawn ken chu nakinah sarah-i i en tir dawn nia"aw chang fakin a ti a.

Rinnghet'in inthiamloh hmel taka min rawn melh chunga"kan school kal lai chanchin kan lo sawi a.sarah-i hian midang a kawm ngai loh vangin Thinlungvawti tiin a hming an phuah sak alawm"a ti raih a.

Nui tawi tuk paha ka awm zawn rawn en melh vang vangin"i thinlung chu a vawt viau a mi?mei sa taka tih tui i mamawh a niang"ngeiawm zeta tiin min kal pel nghal a.

Ka bag ah lai hmer sauh a,ka kut lehlam chu ka awm zawn a dah chunga Nigel-a hnunglam chu melh nghekin"a va han chimawm thei tak e aw"ka ti hlak a.

Rinngheti chu ka bengbula rawn kun hnai a"a chimawm a maw?sarah,engtin nge a awm thin a?"a lo tih chuan ka lu thing nakin"a chimawm ani tawp?a bulah i thawk ve a mi?"ka ti a.

"A Secretary ka nia lawm.a duh khirh thei viau zel a nia,lokal rawh,choka lamah va kal ve vat ang"tiin a bag chu dawhkan chungah a dah thla a.

Dawhkan khata Nigel-a kan ei pui nuamlo ka ru viau mai.A thil eilai chauh ngaihtuah tih hriat zetin ngawi rengin a ei mawp mawp a.

Pi Nun'in"sarah,i duhzawng ka hre lova,Artui kan te hi ei ve ta che"a rawn tih chuan ka lu thing chunga ka thil thial lai lemin"ka ei ngai lova"ka tisap a.

Nigel'an a fian kenlai dah ri bawl chunga artui dahna plate ka hmazawn taka rawn dahin"ei ngailo tih rik ngawt.chaw hmeh an siam tawh a,ei ve hle hle ta che"thupe aw zeta a tih chuan ka hmui tisawi zauh paha muangchanga artui chu banin ka ei a.

Pa Fel'an"eitur tha te chu ei theih a tha, Artui kha ei la,i thau deuh sawt mai ang"a rawn tih chuan bowl-a antui chu hmanhmawh zetin ka in pawp a.

Ka hrawk rawn tawt up up mai chu hreawm ka ti tak zet.

"sarah,engtin nge i awm?i hmai a sen vek,awi leh i nghawng kha a vual nia"Rinnghet'in a rawn tih chuan ka thutna atanga thochhuaka tui awmna lama tlan phei pahin"Artui ka hua ni"ka ti tial ruai a.

[Ngaia]

NEVER ALONE-9
www.storyfb.com mizo story thar englai pawhin chhiar tur a awm reng

Nigel'an aw chang rut a "Dr Lawma,phone vat ula,rawn hmanhmawh turin hrilh nghal rawh u"a tih ri ka hriat chuan PI Nuni leh Rinngheti chu au deuh chulin an thutna atanga chuan an thochhuak a.

Tui ka hmuam lai chu chhak a,ka kut phar chhuak hluaiin"ka zia leh mai ang,ko duh suh u.Pi Nun,sawhthing a awm em?"ka ti nghal zat a.

Nigel'an sawhthing lian ang reng min rawn pek silfai a,ka keih thlak chuan ka bul a la ding run chunga rum deuh ngutin"artui allergy i nei tih i sawi thei mai lo mi?nangma vanga kan mangan zia hi i hmu em?"thaw chhuak hrawihin a ti hluk a.

Keima thiam lohah a ngai leh ta ni maw?ka ei duh lo tih ka sawi chung pawn,amah zawkin min ei luih tir a,ei lo lui ila,ka chungah tun ai hian a thinrim ngei in ka ring.ka nihna in hrechiang viau lo ila chuan he mihring hi thinrim takin ka ankhum chiang viau ang.

Ka tawng chhuah lawk loh vang nge ni? Nigel'an ka dar rawn khawih a"engtin nge i awm?sawhthing hi thil ei sual tan a tha tiraw.khawi maw i nghawng chu ka lo en?"min ngaihtuah awm zeta rawn tiin ka sam chu ka hnunglamah a hui kiang nghal a.

Sawhthing thak ka tih avanga si hliam hliam paha Nigel-a kut chu dahthlak sakin"ka tha tawh,nangmah ngeiin artui ei tura min tih"ka ti ngat a.

Tawng tum niawm taka a rawn ang deuh zauh chuan,Kan bul hnaia Pa Fela te nupa leh Rinngheti lo ding chu melh in"Dr Lawma chu a rawn thleng dawn tawh em?"a ti hluk a.

Rinnghet'in inthlahrun hmel tak a"damdawi in lamah Emergency in mi a zai a,midang tunge ka koh ang"a tih chuan nui lui zauh paha sawhthing ka kenlai chu hmawmin"ka tha tawh,keima vang chuan intibuai duh suh u"ka tisap a.

Nigel'an a Mitmeng tizim zauh paha a kut humruh chunga min rawn en ka hmuh chuan kut min thlak dawn emaw tiin ka lo ip deuh zawk a.

A kuttang pakhhat a ka chal rawn nawr vakin"i chhia leh tha hriatna kha hman tum ve ta che,tih dan ang ang a,awm rikngawt i tum a mi?nang hi i mawl tak zet a ni"thinrim taka ti teng chhuaiin choka atang a chhuak a.

Ngatinge khatianga min ankhum vak kher,ka inthlahrung tih a hrethiam ve miah lo mi? ka chal khawih paha Nigel-a kalsawn mek ka en renglai chuan Pi Nun'in"A va mak ve!khatianga a awm kha ka la hmu ngai miahlo.A awmdan kha ka hrethiam lo hle mai"a ti nuah nuah a.

Rinnghet'in ka bana rawn khawih zauh pah a"a mood te chu a thlak zung zung fo alawm.sarah,i zia deuh tawh chuan lokal rawh.kan tih thinrim belh loh nan pawn lamah lova nghak ang,inhnuai lamah a motor a la chhuak mek in ka ring"tia a kalsawn chu ka zui ve nghal a.

Nigel'an Datsun car sen inhnuai atanga a rawn khalhchhuah seat hnung a Rinngheti nena kan thut lut chiah chu Nigel'an "Hotel sak saw lo en kual ula,a rang thei ang berin inchhung cheidan tur i design min hmuh ang che.mamawh i nei a nih chuan Rinngheti i hrilh dawn nia"motor khalh chunga aw chang deuh fak a a rawn tih chuan"Awle ka pu"ka tisap a.

Motor a tih din deuh dawt avang chuan Rinngheti nen te vak chunga inchelh nghal vata,hma lama kan buk dawrh a.

Tawngchhuah ka tum lai taka lungawi loh hmel fe a hnung lam a rawn hawi in"i pu ka nilo,khatiang khan minko tawh suh.Eddie-a pawh min pu tawh lo turin hrilh leh ang che.ka thusawi chu i hrethiam em"a ti hluk a.

Insiamtha paha Nigel-a chu en ha in"engtin nge ka koh dawn che?Sir tia koh i duh zawk a mi?"ka tisap a.

Phun hluk chunga motor chu khalh chhuakin"ahma a min koh ang khan min ko leh rawh.In duh ang a Hotel in enkual hnu ah Hotel-a ka office-ah min rawn hmu ang che u"nghet charhin a ti a.

Rinnghet'in ka mal a a rawn kheuh zauh a,a paper kenlai chu min rawn pe in"Hindi'in a inziak a,i hriat thiam tho chu ka ring a,hriat thiam loh lai i nei a nih chuan min zawt hreh suh aw"a rawn tih chuan bu nghatin paper chu ka bih a.

Hotel an sak lai mek Rinngheti nena kan enkual chuan hawi kual ruai chunga thaw halhin"an va sa ropui ve,hemi chhung chei tur hian mi duh tak tak dawn a mi?"ka tisap a.

"Interior Designer lar tak Annie-i a ruai dawn emaw ka ti a.Nizana nangmah a ruai dawn che tih min hrilh atang khan tun thleng hian mak la ti khawp asin.midangin an hriat hunah an lungawilo hlawm ngawt ang.mizoram pawh hi Hotel sak nalh leh design lamah kan inelna a sang ve tawh a.sum hi ho lam takin kan hman ral ka hlau a ni"Rinnghet'in a tih chu ka bu nghat nghat a.

Hetiang thil Nigel'an min tih tir ngam hi keipawn mak ka ti tak zet,Rinngheti thusawi chuan chona nasa tak hlawhtlin ngei duhna min pe a ni.

Ka phone tha vaklo hmanga inchhung thla la mawlh mawlhin"thil tha nei tur chuan sum in sen deuh hlek a ngai ngei ang,chutiang ang a an huam dawn chuan keipawn theih tawp ka chhuah thei dawn a"ka ti a.

Nui kar kar chunga ka thla lakna hma a rawn in post in"sum lamah chuan i rilru tihah duh suh.Nigel-a hian thil tha leh hlu hi a ngaisang viau zel asin.chutiang thil nei tur chuan insen so pawh a hreh ngailo"a ti sep sep a.

Ka ngaihtuahna dik loh vang nge.Rinngheti thusawi chuan keimah min kher deuh tlatin ka hria,hmai sa hat hat chunga hawi sawn vatin"a lawmawm hle mai.Hotel an sak sa room hi ka enkual thei a ngem?anih loh pawn thalak tal hmuh ka duh a ni.engtin nge an chei tih hriat hmasak ka duh a"ka tisap a.

"Nakinah thalak atang i en dawn nia,room ruak a awm leh awm loh ka hre lova,a awm chuan i duh leh i en tho dawn nia.Sarah,he thil hi i thei tak tak anga maw?Hotel chei hi chu mahni in chei ang a ni lova,mipui hip thei tur ang ber a siam angai si a"Rinnghet'in a lo tih chuan"ka hre lo le"ka ti raih a.

Rinnghet'in min hup phurh pui na chu ka hrethiam khawp mai.Hetiang ang Hotel lian tak chei hi ka duhthusam ber a ni thin.Tunah Nigel'an hnial ngam hauh lovin min tih tir a,ka hupphurh leh ta si a maw!mahni inrintawkna ka mamawh a ni.Nigel-a tan ni lovin keima hmakhua ngai tak leh ka hmingthatna turin ka ti thei ngei tur a ni.

Chawhnu lam a Nigel-a office chhunga Rinngheti nena kan luh chuan Nigel-a bula Marina-i lo thu in"enge i rawn tih ve dawn? inah awm hle hle ta che"a lo ti vin hlar a.

Marina-i thusawi ngaipawimawh lo tih hriat taka rawn hawichhuakin"induh angin in enkual thei maw?sarah,he thil i buaipui chhung chu saw lai a dawhkan saw i hmang dawn nia"tia room kil khata dawhkan inhun na lam chu kawkin a laptop khawih lai chu a bih lehnghal a.

Marina'in phawk deuh taka Nigel-a chu enin"Nigel,henu hian enge a tih dawn a?i room chhungah hian i awmtir ve dawn a maw!i pawisa a bat avangin a tlanbo i hlau a mi?"tia rum zeta min rawn melh chuan ka ner sawk a.

Nigel'an aw pangngai taka"interior designer a ni a,kan hotel sak saw a design dawn?marina,hna kan thawh lai hi chuan min rawn zar buai fo lo teh?i duh leh thingpui chu nangmahin lo zuk in rawh"a tih chuan Marina-i chu a thutna atanga rawn tho in"nangnu hian kan hotel hi i design anga maw?ka pa bulah ka hrilh dawn?kan chhungkuain hotel sak nan a sum kan sen nasat zia i hriat kha.Ani ang thingtlang mawl lutuk hian kan hotel hi ropui takin a chhuah thei lovang."aw vin zeta tia min rawn kawkin"thingtlang lamah haw leh vat la i tan a tha ang"a ti hlar a.

Marina-i thinrim viau na hi ka hriatthiampui tak zet.Ngawi renga Rinngheti bula dingin ka kut chu ka humruh vak ringawt a.

"Marina,ka thil tihah rawn inrawlh suh.sarah-i hi vawikhatmah khatiang khan ti leh tawh lovang che.i duh leh i pa hnenah chuan India rama Interior designer thiam ber kan ruai dawn a ni tih va hrilh nghal rawh."Nigel'an aw thum bul leh hmel chang zet maia a rawn tih chuan ka lo ip zawk zawk a.

Marina-i ka ni ang tih ka hlau tak zet,kut khal nauh nauh chunga ka ding chu Marina'in na zeta min nam chawrh paha"mawl lutuk,kalkawngah an ding reng ngailo"aw vin zeta tiin room atang a chhuak nghal a.

Min nam dawn ani tih lo inhre lawk ila chuan ka lo inring hman ve deuh tur.Chhuata ka thut sawp niai chu Rinnghet'in min rawn kaitho paha"i insawh na em?"a tih chuan ka mawng sawhna lai chu khawihin"na love"ka tisap a.

A ruk tak chuan ka mawng leh ka kut chu a na ru veng veng.

Ding ngil paha Nigel-a lam ka hawi chuan a dawhkan bula hmui chip hmaka lo ding runin rum zetin min lo melh a.

Rinnghet'in a aw thian karh a"Sir,hotel thalak ka computer a mi sarah-i hi entir ka lo tum a?"a tih zawh rual chuan Dawhkana glass no inhung chu kan hmazawn chhuata rawn vawm keh chuai in"Rinnghet,chhuak la,kawngka saw rawn khar tha rawh"a ti khur khur a.

Kei hian tih dik loh ka nei leh ta mi?Ngatinge ka chungah hian a thinrim fo mai le?chhuata no keh chu hlauthawng ru takin ka en reng laia.Nigel'an"eng mihring nge i nih?duh duh a,khawih phar theih i ni a mi?engvanga khatianga ngawi reng a awm nge i nih?"ha chang tial rap rap a ka hmazawna rawn ding chungin a ti khur khur a.

Ka chil lem khawlh paha Nigel-a hmel chu enin"marina-i kha nam tlu ve turin min duh a mi?anin min nam tluk avang khan mi zawng zawng khawih phar theih ka ni kher lo"ka ti hlar a.

"Min chhang suh,nang hian min ti thinrim hle a ni.mahni tana tha tur pawh i hre lo,khawi maw i kut kha"tia ka kut sawhna lam a rawn ban chuan teu hlar paha ka kut chu laksawn tumin"ka tana tha chu ka hre ve bawk.ka ngawih in tawng turin min ti a,ka duh leh ka chhang ang che"ka ti hlak hlak a.

Nigel'an mitmeng zim san a ka kut a en reng a ni tih ka hmuh chuan ka kut lo duk raih mai chu en in ka thaw halh a.hetiang a nih chuan ka mawng sawhna lai pawh hi a duk ve ngei ang.

Rum ngut paha min kaisawn dawrhin"i taksa der dep zet hi,engtia tih tur nge maw ni teh hrep le?eitur tha artui takngial pawh i ei thei lo lehnghal"ti a chair-a min nam thu in"ti khan ngawi rengin lo thu rawh,damdawi kan zawng nge"aw dam takin a tisup a.

Nigel-a awmdan chu hriatthiam a har tak zet,a dawhkan hnuai drawer a hai rawk rawk lai chuan ka kut tuai vat vat paha Nigel-a chu enin"Nigel,hotel chei tur hian kei lo midang i ruai thei tho a nia.UAnnie-i emaw midang ka lo zawn pui zawk dawn che a mi?"ka tisap a.Keima vanga a thawhpui te nena an intih thiam loh ka hlau a ni.

Ruhna damdawi a spray chi bur thing chunga rawn kal pheiin"i in sit deuh a mi?Annie-i ngei pawn,amah aia i thiam zawk thu a sawi asin"tia ka kut a rawn chelhin"i taksa hi cher in der dep viau mahse,keipawn i thluak tha tak hmangin hotel

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

nalh leh tha takin min cheisak dawn a ni tih ka hria"tisupin ka kut na laiah chuan a thil kenlai chu a spray a.

Nigel-a hian min ring hle a ni tih ka hria,chuti nilo se Marina-i bulah khan India rama thiam ber tiin min sawi hauh lovang.

"I mawng kha engtin nge a awm?spray a ngai em?"pangngai taka a rawn tih chuan ka lu thing nak nakin"a ngailo,a ngailo,engtin mah a awmlo,bakah thildang ka buaipui hi chuan ka taksa na hi ka hrechang tawh ngai lo hrim hrim a"tia ka kut phar hluai chunga ka thutna tur a a tih dawhkan lam chu melhin"milem ziahna tur paper leh pencil bakah rawng ka mamawh dawn a?"ka tisap a.

Ka hmazawna la ding reng chunga min rawn en vang vangin"i va mak reuh e..i kutna chung khan thil ziah i tum a maw?naktuk atang i thawk dawn nia"a rawn tih chuan ka kut chu ti che paha nuisangin"a na hleinem.Nigel,min rin ang ngei hian keipawhin tha taka hotel chhung saw chei ka duh,sum lampang ah buaina a awm lovang tiraw"ka ti sang a.

A hmui hnuai lawka hmul tlem te awm chu khawih zauh paha a dar san akin"awm lo turah ngai rawh,thingpui in hmasa phawt teh ang,eng thil nge i ei duh?"a ti dam thluam a.

A hmel lan dan dam ta ruih mai chu hmuh a nuam tak zet,ka zuam sual ang tih pawh ka hlau lek lek zawk.

Ka chhan lawk loh avanga rawn kun hniamin"lungngai suh,ka treat ang che.i pawisa chu lakchhuah i duh viau a mi?"a tisup a.

Ka lu bu nghat paha Nigel-a mit hmul er sang leh a hnar zum tha tak mai chu enin"engmah pawisa kawl lai ka nei lo alawm,bakah,i inah a thlawna awm ngawt chu ka tan a nuamlo,ih engtin nge Rampari te hnenah ka thil min rawn na tur address ka hrilh ang"ka ti rat a.

A hnar tum dat paha ka sam rawn tuai thur chiamin"i thluak hi sawi harh a ngai nih hi,ka inah a thlawnin i awm lo,hna min thawhsak a ni tih inhria ang che.inhnuai lamah ATM boot a awm ang.Rampari te chu kan office address hi i hrilh dawn nia"tiin a khi suk a.

Ka sam siam tha paha Nigel-a hmel landan naupangchhia tak mai chu makti taka en ha in"ka sam hnawk tawh sa tehreng nen,i ti hnawk lehzual,min treat dawn chuan hamburger leh coffee ka duh"ka ti nghal a.

"Fawh chak hmel zet a min en vang nih kha ka tuai thur ni"thu tak fahran a ti paha a dawhkan phone awmna lam chu pan pheiin hamburger pali leh coffee no hnih a chah nghal a.

Fawh chak hmel a,ka en awm pawh ka hrelo.A khawsazia hian ka rilru a tibuai tak zet a ni.ka thutna atanga thochhuak paha hawi kualin"no keh saw kan tifai nge,an rawn rap palh ang"ka tih chuan ka lam rawn hawi paha a lu tikang zauhin"thu hle hle teh,helai hmunah hian mitdel tumah an awm lo,an rap lovang"tiin dawkan a bell chu a hmet nghal zat a.

Inthlahrun hmel tak maia Rinngheti kawngka a rawn pen lut chunga min rawn en ka hmuh chuan Nigel'an"chhuat tifai tu tur i va rawn luh tir har ve?"ti ngutin a thutna chair-ah chuan maimichhing chungin a thu thla hnawk a.

"Ka rawn kal tir nghal nge?tihbuai i duh rih lo a nih ka ring a"Rinnghet'in min rawn nuih zauh paha a tih chuan ka thutna atanga thochhuakin ka dawhkan tur lam pan ka pan phei nghal a.

"I rin thu in thil kalpui vak suh"Nigel'an aw chang fak a a tih chuan Rinngheti chu a ka ang deuh zauh a,a lu thing nak ka hmu a.

Tawngchhuah a chak hle a ni tih ka hria.ka lam rawn hawi paha a dinna bul chhuat a no keh them chu kawk zauhin room atang chuan engmah sawi lovin a chhuak nghal vat a.Nigel-a chu hnial vak chi a nilo tih a hrechiang tawh hle a niang.

Ka thut ngai a maimichhing a thu reng chunga hna ka thawh tan dan tur ka ngaihtuah lai chuan Nigel'an"coffee hi a dai zo dawn nia"a rawn tih chuan mengchhuak nghal vatin ka hmazawn chair-a Nigel-a coffee no dawm chung a lo thu duai mai chu ka en ha a.

Ka thutna atanga thochhuak zawt chunga ka hma dawhkana coffee leh hamburger chu enin"a rawn thleng tawh a ni tih ka lo hre miah lova"ka ti nauh nauh a.

Chik takin minlo en a ni tih ka hriatna chuan ka lungphu a ti rangin min ti zam lek lek ka kut hum ruh chung a chair-a thu thla riai riai in coffee no chu ka ban nghal a.Nigel'an min hmusit viau loh nan kei hi Pangngai taka ka awm hram hram angai ni.

Nuihzat hmel deuh taka min la en reng chunga Coffee chu lem zauhin"Ramhuai hmu ang maiin alawm i awm?hahdam teh?coffee kan in zawhah Eddie-a kan va hmu dawn nia"a ti charh charh a.

Nigel-a office atanga kan chhuah dun lai aRinnghet'in dilchhut hmel tak leh pangngai lo tak maia minlo en ka hmuh chuan zak deuh takin ka nuih let sang ringawt a.

Elevator chhunga kan luh chuan a hmel enchho ha in"i office tawmpui kher lo che in,in ah pawh hna ka thawk thei tho a nia"ka tisap a.

A kut kuangkuah a,a ke lehlam a bang tlawh chunga a hnar tum datin"i duh duh dan a awm tum suh"a ti ngut a.

Ka chhang buai duh tawh lo,hnehsawh zetin min tawngkhum leh palh ang.ka hmui hnuai seh nauh nauhin elavator kawngka lam chu ka en ta ngawt a.

Eddie-a te hostel atanga kan haw tur chu caleb'an motor bul thleng a min rawn kalpui lai a"Sarah,zirtawp zan Pa Sawma,birthday party hun chu ka rawn sawm che nga,ka rualin kal rawh aw"thu tak zeta a rawn tih chuan ka en ha ringawt a.click kha aw chhiar zawhah khan, nidangah pawh min lo tih sak tawh thin a, lawmthu sawi pahin min click sak leh tur in ngen leh che u, love u all

[Ngaia]

NEVER ALONE-10
www.storyfb.com mizo story thar englai pawhin chhiar tur a awm reng

Nigel'an motor kawngka ka luh theih na tur a hawng paha"Caleb,i rawn hruai angai lovang,keipawh ka kal ve dawn tih i hriat kha,ka rualin a rawn kal dawn.Party tih avanga hmeichhe kalpui tum kher a ngai lo"aw chang deuh taka tiin motor chhungah chuan min nam lut dawrh a.

"A va mak e aw,min nam kher suh,ka lut dawn reng alawm"teu hlar a ka kut pharchhuak chunga ka tih chuan Caleb'an"Bro,hmeichhe dim nachang i hre lo hle mai"tia min rawn nuih sukin"i hman hunah ka number pek ah che khan minlo be rawh aw.Bro,hi chu hmeichhe ho hian an zar nasa lutuk a,hmeichhe dimdawi a thiam lo nih hi"tiin Nigel-a driver seat-a rawn thu lut mek chu a kawk zauh a.

"Ani bul a,ka chungchang sawi kha ban san la,lo ngaihven viau tawh suh"ti hluk a motor chu chak zet a khalh chhuakin thinrim tih hriat takin stearing chu a chum pawp a.

A thinrim thut zel a ni tih hrechiang hle lo ila chuan tuna a awmdan hi bialpa ten an ngaihzawng midang laka an hauh bur ang hian a awm emaw ka ti ngei ang.

Ngawi reng a thu a,thui deuh tak kan tlan chuan"nuam i ti viau lo maw?i nau school luhna nei tupa berin a ngaihven viau che hi"rawn ti ngutin kawng lam chu a en ngar a.

Eng thu nge maw a sawi le?he mihring hian a ngaihtuahna a rawn sawichhuak mai mai a ni.kan awm tlang reng a,Caleb-a khan min ngaihven viau na awm reng ka hre lo.min lo ngaihven ta pawh nise enge pawi?mihring tupawhin ngaihven lo nih ai chuan ngaihven a awm kan duh zawk vek alawm.

Kawngsir reh lai a motor a tih din chawt avang chuan hmalama bu dawrhin ka te that a.seat belt hreng lo ila chuan motor-ah ka intauh chawrh ngei ang.

Lungawilo ru taka Nigel-a lam ka hawichhuak chiah chu ka dar tawn tawn a nghet zeta rawn man betin"i tawng thei lo a mi?min chhang ta che,Caleb'an a ngaihven ang bawk che hian keipawhin ka ngaihven ve tho che a ni"ti hrawk a,a kut lehlam chu ka tuk khum a chelhin"inngaizawng te chauh an infawp thei tih i sawi ti raw?"tia a lama min kuah hnaiin ka hmuiah uar zet leh a thinrimna hrik thlak tum niawm takin min rawn fawp nghal buan buan a.

Min ti damlo thei takngial dawn in ka hria,ngaihtuahna fim pawh ka hmang hlei thei dêr lo.Thinphu zawih zawih chunga nemsawn tuma a dar a ka khawih fuh rual chuan rumchhuak halhin ka kutah a lo chelh a.

Ka kuttang kar a,a kut tang lian leh hrawl tak mai rawlh lut paha min fawh dan a thlak chuan nghik faihin ka fawp let a.

Thawchham ti tih a kan infawh hnu chuan hreh hmel taka a hmui hnawng chhap mai chu lasawn a,ka bengkawm a na vak lova rawn seh zauhin"i hmui hi a thlum tlat in ka hria,sweety,mipa dang nen min kawp hauh suh ang che"nghett charh a tiin ka hmuiah a rawn fawp vang vang a.

Mipa dang nen ka kawp lovang maw! Enge a awmzia?ka hmui tuai zauh paha thawven hmel tak a driver seat-a thu tha mek chu melh ha in"Nigel"ka ti lawi rat ringawt a.

A mitko san ak a min rawn en chung a"umm..motor atang a chhuakin kawngpui lai takah hian inngaizawng kan ni tih lan tir nan kan infawp leh dawn a mi?"thu tak fahran a tiin ka lamah a rawn awn phei a.

A rawn tawlh hnai zel avang chuan chiai ru deuh tak a motor kawngkhar ngheng dawrh chunga ka mit khap zauhin"engtin nge kan inngaizawng a ni tih i sawi theih?"ka ti ruai a.

"Nangpawn min duh lo bik hleinem,kan induh tawn a,kan inngaizawng a ni mai lawm"awlsam zeta tiin ka awm zawnah tak a kut a rawn dah a.

Ka ang deuh phuau chunga a kut dahsawn ka tum lai a"hahdam teh,i lungphu hi a rang mah mah nia"aw thawp sat a tih chuan a kut paih thlak sak thuai a,maimichhing in ka thaw kawk a.

Ka awih thei lo,he mihring hi a huang tuau mah mah a ni.Ka taksa lehzel hi chu a duh duh dan a,a khawih nawm nah atan ka phal ngai lovang.

Rum ngut paha steering chu tuai virin"lo inngaihtuah chiang rawh.ka dawhthei vaklo tih i hriat tawh kha"ti hlukin min rawn en zauh a.

Ka chhang buai kual vel peih tawh lo,a duh duh danin awm rawh se,engatan mah ka ngai lo.

A in kawta kan motor a tih din rual chuan ka ban a rawn man betin"ti khan lo thu rawh"thupe aw zeta tiin amah zawk chu driver seat atang a chhuk thla nghal a.

Ka thutna lam kawngka pawn lam atanga rawn pawt hawng paha"i phone kha ka lo en lawk nge"tiin a kut lehlam chu ka hma zawnah a rawn dah a.

Hreh deuh taka ka phone ka phawrhchhuak chiah chu rang zeta ka kut atanga rawn pawt thla in"i number ka nei lo alawm,Caleb-a zawk pawh i pek tho kha.i phone hi thlak a ngai dawn nih hi"tiin a kekawr ipte ah a dah lut daih a.

Ka phone lak let tum a a kekawr ipte zen ka tum chuan lo awm sawn in"ka duh ang chhan na min pek hma lo chu ka kawl dawn"a ti hluk a.

Ner nang leh thinrim tak chung a Nigel-a chu melh hrawk in"ka phone ah khan hotel thalak ka dah nia,min pe let vat rawh"tiin a banah ka man bet a.

A lu thing vut paha rawn kunin"Chhanna min pek hma loh chu ka pe dawn lo che ka tih kha.Pa Fela te nupa in mak tih hmel takin an rawn en reng che nia."tisupin kan sir lampang chu a melh zauh a.

Kan piah deuh pangpar pot pakhat bul a Pa Fela te nupa lo awm ka hmuh chuan ner nangin inchhung lamah ka lut a.

Ka phone min pek let hma loh chu hna ka thawk thei hauh lovang.A tha e..keipawn ka dil let tawh awm biklo.ka room chhunga inkalh hnanin kawngka chu ka ngheng vang vang a.

Nigel-a hian bawl kual mai mai theih emaw min ti a mi?Mi a nileng ka ni bik lova,anin awlsam zeta a ngaihzawng ni tura min duhna kha ka pawm hauh lovang.

Inngaizawng tur chuan inhrechian tawn hmasak phawt angai niin ka hria.Bakah ka pasal tur chiah asin ngaihzawn ka tum.ka sam a inkek vakin"sarah,i duh loh a nih chuan Nigel-a chungchang engmah ngaihtuah zawm tawh suh"tiin ka in hrilh a.

Ka nu khan kan unau bulah"in thil tawn apiang hi a tha zawng leh a hlimawm zawngin hman tum ula,he khawvel hi nuam in ti ang"a ti nih kha.

Tun hma pawn phone nei lovin alawm ka khawsak reng ni.Ka phone Nigel'an min laksak avang hian ka khawsak leh ka thil tih na ah hian ka buai phah tur a ni lo.

Ni hnih lai mai Nigel'an ka phone min kawlsak tawh.chhanna pek ka tum loh ang bawkin ka phone dil let tumna ka nei hauh lo.chaw kan ei ho chang leh office-a hna thawk a kan awm lai bakin kan inhmu ngailo tluk a ni.

Hotel cheidan tur ruahmanin room-ah ka inkalh hnan reng a.a tul te ah bak room ka chhuahsan ngai lo.

Tuk thuan kan ei laia Nigel'an dawhkan hnuai a ka ke rawn tlawh paha"i thil chu a lo thleng dawn nia.Pui'an inah,a rawn dah ang.i room saw chhung lamah kalh tawh suh"thupe aw tak maia tiin min en reng a.

Kan chaw eilai apiangin vawithum vel chu ka ke ah min rawn tlawh ngei ngei.Haider ka tum apiangin min be zawm zat ve ziah lehnghal.Engvanga hetia chimawm tak a min tibuai fo nge maw a nih le?Ngaihzawng atan ka duh lo a ni tih a in hrethiam ve mai lo mi?

Bowl hmang a bawkbawn leh samtawk bai pawlh hawp chiah tih a,a ke sei zet a,ka ngal a rawn tlawhin"lawmthu tal min hrilh ve rawh.i phone hi ka la kawl reng dawn a mi?"a tingut a.

Pi Nuni leh Pa Fela nuihza insum hmel tak a,an inen ka hmuh chuan,Nigel-a chu ner nang a enin"ka lawm e,ka phone chu i duh duh chen kawl rawh"ti ngatin ka thutna atang ka thochhuak nghal a.

Ka kut sil laia ka kianga rawn dingin"zanin kha theihnghilh suh ang che."a tih chuan en let duh lovin"ka hman lovang,hotel dang enkual ka duh a,engtikah nge ka rawn haw dawn tih pawh ka sawi thei lo"tiin ka kut ka hru hul a.

A hnar tum dat paha a kut sil in"i hnathawh dan report engmah min la hmuh hauh lo.chawhma lamah Rinngheti nen Hotel chu enkual ula,dar khatah office-ah rawn thleng ang che.i hnathawh dan kimchang tak a hriat ka duh ang."ti ngutin choka atang a chhuak nghal nal nal a.

Ka phone kawl tlat lo sela chuan tun ai hian hnathawh ka awlsam zawk ngei ang maw le?Thinrim teuh chunga Nigel-a ka enzui reng lai chuan Pa Fel'an"Nigel-a hi a naupangchhia sawt riau mai.Sarah,a chhan i hre mial lo maw?"a lo tih chuan ka lu thingin"hre biklo,a rilru ala puitling tak tak tihna a niang"tisapin ka kalsawn a.

Nigel'an Ritz hotel kawt a motor a din tir rual chuan hawi kualin"enge kan tih dawn a?"ka ti ha a.

Kan hma lawk a Rinngheti lo ding chu kawk zauhin"hotel enkual i duh thu i sawi kha,heta tang in enkual ang a.Dar khatah office-ah lo let ang che,chhuk vat rawh.helaia din reng hi ka duh hauh lo nia"tia kunin a phun hluk a.

Motor atanga ka chhuk thlak rual a chak zet a tlanchhuak chu makti takin ka en reng ringawt a.

Rinngheti ka bula rawn dingin"in inkarah hian enge awm a?A driver Puia motor khalh tir lovin amah ngawtin a khalh ziah lehnghal.hotel en kual pui tur che a,min rawn hrilh pawn midang tumah be khawtlai lova,kan tih tur ti zo thuai turin min hrilh a ni."a rawn lo tih chuan kan hnung lawk atang hmeichhe pakhat'in"Rinnghet,i thiannu hi khawia mi nge?ka va hmu ngai love,tuna motor tlan liam chiah khalhtu kha Nigel-a a ni tiraw?"tiin chiang zetin min rawn en a.

Rinnghet'in ka kut a rawn chelh pah a"Sarah-i nih hi,Hotel chei tu tur a nia.Nu zaute,i dam tha maw?"nuisangin a ti a.

"Sarah-i maw?ka fanu Mamawii te khan Nigel-a nen in khawsa dun tih an sawi tak e...i hmel en chuan i pangngai viau si a.engtin nge nupa ni si lova,i khawsak pui theih zawk?"mak tih hmel fe a min en chungin a ti lang lang a.

A aw rawl a ring tha hle mai.kan kiang a vei vak te chuan mak ti takin min en hlawm a ni tih ka hria.

Zam na nei bik hauh lova en letin"ka hna vang a,khawsa dun kan nia.i fanu te chuan dik lo takin min lo sawi a nih hmel,hnathawh tur kan nei a,kan kalsan phawt mai ang che aw"aw pangngai takin ka tisap a.

Kan kalsawn rual a,"a nasat hmel hle mai.thingtlang mi a nih vang a niang"a ti ri ka hriat chuan thawchhuak halhin ka hmui ka pet fan fan a.

Rinnghet'in"ngatinge khatia i tih a?Nu Zautei hi a tawng tam thei teh mai nia aw.engtin nge a sawi zui ang che?Amah vang a niang,Nigel-a pawh chak taka a tlan nghal"mangan hmel deuh tak a a tih chuan"a duh duh danin min sawi rawh se,pawi ka ti lo.Ani thusawi avanga buaina chhan tur engmah ka nei hleinem"ka ti ngat a.

"Mi ho hian thingtlang mi emaw an ti hlawm che a ni maw?ngawi rawh,engtik ah emaw,kan school kalpui te nen reunion kan nei leh ngei ang.i lokal ve ngei ngei dawn nia.a nuam thei lutuk"phur aw deuh taka tiin hotel chhungah chuan min kai lut a.

Thaw halh paha hawi kualin"rawn kal chu a chakawm khawp mai.mahse,Nigel-a hian a phal dawn mi?"ka tisap a.

"Phal ang,ani pawh a thiante nen intih hlimna an nei fo alawm.khawiah nge school kan kal laia rawn thlah tu che vaipa hmelchhe deuh kha a awm?"nui har har chunga a tih chuan rum zeta melhin"hmelchhe mahse ka unaupa a nia lawm,khatiang khan sawi kher suh.i phone ah khan thla min laksak thei ngem?"ka ti ngat a.

A mitko san zauh paha a phone phawrh chhuakin"kan thiante khan an hlau theih em alawm,phone i neih ve reng kha,khawnge a?i siamtir a mi?"a tih chuan"Nigel'an min laksak,ka thin a tirim tak zet,ka dawh hram hram a ngai bawk sia"ka ti hluk a.

A dar san zauh paha ka bengbula rawn kunin"sawi theih chu ka nei miahlo,mahse,Nigel-a hi kum thum chuang ka hrawn ve tawh a.A endan che hi a pangngai lo tih ka hria.Sarah,hmeichhe tam takin an ngaizawng a,nang chu a office chhungah a awmtir che nia,i vanneih zia hi i hria em?"a rawn ti sar sar a.

Vanneih na ah ka ngai ve lo.innek chep naah ka ngai zawk.ka bag atanga lehkhabu chu la chhuakin ka duh ang thil ka chhinchhiah zung zung a.

Hotel dang an chei dan ang a chei ve ka duh lo,thil thar leh mi ti hahdam thei ang bera chei ka duh a ni.

Hotel pangna kan en lai meka Rinngheti phone a rawn rik a,a pick up hnu chuan min rawn enin"kha,sir in a be duh che"tiin loud speaker-ah a dah nghal zat a.

"Hello"ka ti chiah chu Nigel'an"tunah office lamah rawn let tawh rawh u"thupe aw zeta tiin phone chu a dah nghal hmak a.

Dar khat rik nan minute sawm panga ala awm a.engvanga tuna office a kal tura thu min pe nge a nih?mi a hnuaichhiah thei mah mah a ni.

Phone ka pek let paha Rinnghet'in"let vat ang,min thinrim khum hma in,a thusawi hi chu hnial chi a nilo nia.keimaha kal ni ila chuan khatiang khan min rawn ti miah lovang"awm ze nei deuh taka a lo tih chuan ka ner sawk ringawt a.

Office kawngka ka pen luh rual a Nigel-a a dawhkan hma a lo ding a a sana bun lai bih zauh paha"minute khatin in rawn tlai,eng thil chiah nge maw in va tih tehhrep le?intih hlim tura kal i nilo tih i hria em?"bung deuh vut a tiin min rawn pan phei a.

Ka bag atanga ka lehkhabu phawrh chhuak paha Nigel-a hma a lekin"traffic a jam lawm,kan thei anga hmanhmawhin kan rawn let,kha hei ka thil tih tawh sa ho chu.ka la zo lo deuh.a thawh tak tak hunah chuan min pui tu tur midang ka mamawh nual dawn nia"ka ti hmak a.

A hnar tum dat paha ka lehkha ken lai chu rawn pawt thla in"nangmahni vangin eng hna mah ka thawk thei lo.i dawhkan chung a saw i phone tur ka dah nia,tul lovah phone khawih mai mai suh ang che"ti hlukin a dawhkan lamah a let nghal vut a.

[Ngaia]

NEVER ALONE-11
www.storyfb.com mizo story thar englai pawhin chhiar tur a awm reng

Nigel-a awmdan teh thut chuan min ti hrilh hai tak zet,ka din ngai a la ding reng chung a ka thutna dawhkan lam hawiin"Phone thar i lo lei a law?Pawisa ka neilo tih i hre ve reng si a.Engzat man nge a?"ka ti nuah nuah a.

Rawn hawichhuak chuang hauh lova,ka lehkhabu pek chu bih reng in"Pawisa i nei lo tih ka hriat vang nih kha ka lei sak che,lawm nachang hre lo leh lutuk mai.he thil hi enge a awmzia minlo hrilh teh?"ti hlukin a thil enlai chu a bih hnai sauh a.

Dawhkan chung a Nigel-a phone min leisak melh pah reng chunga a hmazawn dawhkan hma a ka ding chuan a thutna chair atanga rawn thochhuak nawlh paha lehkha chu kawkin"Khata tang engtin nge min hrilhfiah theih ang?hetah hian lo thu rawh"ti ngutin a chair chu a kawk va a.

Ka chil lem khalh paha Nigel-a hmel ka en chuan a rilru puthmang awm ang tur engmah ka hre thei der lo.Hna chungchang nilo se chuan a thusawi chu ka hnial chiang viau ang,amah hnaiah awm rikngawt pawh ka tan thil tawrh hlehawm tak a ni si a.

Hreh deuh taka thu tura min tih na lam pan chunga"nangmah thu zawk rawh,thut kher ka ngai hleinem"ka ti zo deuh awrh chu ka ban bul a nghet zeta rawn man betin"thu rawh,mipa zawk thu nih ka duh hleinem"a ti hluk a.

Insangmar deuh run chunga thu thla paha"khawi hi nge i hriat duh ber?"tiin dawhkan lam chu ka melh ngat ngat a.

Dawhkan kotlang a rawn inbeng paha ka bul chet a lo kun hniamin"a vai khan min hrilhfiah rawh"a tisup a.

Kawi ber hi nge maw a hriatthiam loh le?milem leh a hming nen lam chiang takin ka ziak lang vek si a.Ka sam rawn hui kiang paha ka beng bula rawn thaw lum ham hamin"engvanga min peh hel tum tlat zel nge i nih?min duh thlawt loh chu ka ring bik miah lo"nghet charh a tiin chiang fahranin min en reng a.

Ka chil lem kalh paha Nigel-a chu phawk zeta en in"engtin nge chutiang ang a i sawi theih.i chapo hle mai"ka ti hlar a.

A inring tawk lutuk chu ka thin a ti ur ngawih ngawih.Ka thutna atanga thawhchhuah ka tum chuan ka dar a min nam thu hnawkin"engvanga hlauthawng viau nge i nih?kan inngaihzawn avang hian engmah chan tur i nei pawh a ni si lova"pangngai zeta tiin a hmel en turin ka khabe ah a rawn kuai dak a.

Maimichhing chunga thaw halhin"ka pasal tur chiah ka ngaizawng..."ka tih lai tak chuan ka hmuia rawn hupin"i ngaihdan hmanlai zet kha paih bo rawh.Pasal nei tur chuan ngaihzawng i neih hmasak phawt a ngai.experiance nei lo taka pasal neih i tum a mi?hei hi inzirna angah i ngai dawn nia"nghet charh a tiin ka hmuiah a rawn fawp mawlh mawlh a.

Hnar turin chakna leh theihna reng ka nei lo,ka taksa pum pui chu a za mem mem ni berin ka hria.mak tak maiin ka lei leh hmui chu control tu awm ang maiin ka tiche a.

Ka sam kara a kut rawn rawlh lut paha uar fahran a min fawh chuan ka thlawk delh delh ni berin ka hria.

"A hmun leh hun thliar hran nachang hre ve ula"rawn ti ri kan hriat rual chuan rang zeta hawichhuakin ka hma lawka mipa Nigel-a ang tak mai lo ding chu thaw halh halhin ka en ha a.

Nigel'an rum deuh hawk a"ka pa,kawngka kik ve tur che nia.Enge i rawn tih dawn"ka dara kuah reng chungin a ti hluk a.

Ka zak lutuk chu Nigel-a pa hmel en tur pawhin ka hawichhuak ngam tawh lo.chesawn lovin ka thut ngaiin ka thu tlawk tlawk ringawt a.Engtik lai a rawn lut nge niang.A thawm engmah ka hre bawk si lo.

Kan hma chair-a rawn thu thla paha"Bawiha,kawngka ka kik ngei alawm,a chhungah i awm tih ka hria a,mahse,min chhang thei hauh lo.Ani hi khawi lam a mi nge a?"min nuih vur vurin a tisup a.

Ka thutna chair ban a rawn thu thla in"Ka bialnu Sarah-i kan hotel min cheisak tu tur a nih hi"tia ka dara rawn hmer zauhin"Sarah,ka pa Zailawma,hi i thil tih tawh sa kha han hmuh ve la"a tisup a.

Kut khur dar dar chunga lehkhabu ka pek lai chuan chik taka min en reng in"Sarah-i maw i nih?ka fapa a in lama a tawm tlat chhan hi ka hrethiam mai"a ti ngut a.

An pafa chuan ka awm an ti nuam lo tak zet,Nigel-a lah chuan ka kalsawn hlau niawm takin ka darah min kuah tlat bawk si a.Nigel-a pa hian inngaizawng tak tak emaw min tih hmel hle lehnghal.Awmdan tur ber pawh hre lo in ka kut thlan dap dap chu ka khalh nauh nauh ringawt a.

Ngawi reng a Nigel-a nen kan awmlai chuan Apa in lehkha a let zawng keu paha"he thil hi nangma irawm chhuak ngei a ni tak meuh a maw?midang tih entawn i nei em?"a rawn tih chuan ka lu thing nak nakin"midang tumah an inrawlh lo,tlem te tih belh leh ngai ala awm a,ka la zo fel chiah lo.zan inah ka tih zawh hman ka inring,in duh dan a nih loh chuan chi dangin a thlak thei tho"ka tisap a.

Lehkha chu dawhkan chunga dahthla pah a Nigel-a en in"he thil hi midang tumah la hmuh tir rih lovang che u.Tukin khan Pa sawma a rawn kal a,Thingtlang mi satliah i ruai tih leh a lungawilo tih a sawi a.chumi avanga rawn kal ka ni.mahse,hei mi satliah a nih loh zia a lang.Sarah,zanin hian ka fapa rualin i rawn kal ve ang ti raw?"a ti charh charh a.

Chhan tum a ka an lai tak chuan Nigel'an"A rawn kal ve ang? Ka pa,i tih tur i zawh tawh chuan min chhuah san tawh la ka duh.Hotel-a share nei ten an lungawi loh avanga an pawisa lak let an duh a nih chuan lungawi takin ka bulah i lo tir zel dawn nia"ti ngutin dawhkan a Apa lehkha dah chu a en ve nghal a.

Nigel-a Pa in a thutna atanga thochhuak paha"Sarah,hetiang a in chei ang hi i ti tawh thin em?"a rawn tih chuan ka hmui hnuai seh zeuhin"keimah tak chuan ka la ti ngailo.Hun awl ka neih changin UAnnie-i ka pui ve thin a"ka tisap a.

Chal chuar tap chunga min rawn en in"Manipur mi Interior Designer Annie-i hi mi i sawi,Engtin nge a ni..."a tih lai mek chuan Nigel'an"ka pa,a mimal nundan lehzel chu hriat kher tum loh teh?"lo ti hlukin ka kutah a rawn chelh a.

A mitko rawn san paha"Sarah,nidangah kan inhmu ngei ka beisei"tiin kawngka lam a pan phei a.

Apa in kawngkhar pawn lam atang a rawn khar fel deuh tih chuan thaw hrawih paha rawn kun hniamin"ka tel lovin,ka pa leh mipa dang i hmu tur a nilo"a ti khur khur a.

A thusawi awmzia hrelo tak chunga en chho ha in"mi ka hmuh tur apiang hmuh ve zel i tum a mi?"aw lawi deuh rat a,ka tih chuan a lu nghatin"ka theih phawt chuan ka hmu zel ang.i lehkha hi chu naktuk ah ka pe let ang che"tia drawer chung ber a khalh hnan in"Thingpui in a hun tawh chhuak teh ang"a ti nghal zat a.

Ding chhuak paha"i duh leh nangmahin chhuak rawh.ka peih ve lo"ti hluaiin ka thutna dawhkan lam ka pan phei a.

Rinngheti nen hotel-ah thil kan ei nual tawh a ni tih sawi lan kher ka duh lo.Nidangah office-ah thingpui kan in ziah a,tun a taka hmundanga kan in a ngaih nachhan ka hre hauh lo.

Dawhkan chunga Nigel-a phone lo dah chu lakang a,ka en chuan ka phone ang chiah a ni tih ka hre nghal.

"I memory card leh sim card ka vuah sa vek tawh.He room hi keimah chauh a chhuahsan ka tum hauh lo nia"ka hnung lawk a ding chunga a rawn tih chuan phone chu lek kang va paha inherin"min lei sak a ni tak tak em?kan ba i tih pun phah dawn chuan ka duh miah lo a nia"ka ti charh a.

Ning tih hriat taka thaw hrawk a.Ka bag khai lai rawn phawt thlain"ka lei sak che ka tih tawh kha,bialnu dil chhut deuh neih ka duh lo nia.chhuak ang"ti hlukin kawngka lamah min kai phei dawr dawr a.

A bialnu angah min ngai tih mi?ka duh thu ka sawichhuak tawp si lo.min fawhna phur taka ka lo chhan let vang kha ni ngei ang.ka van inzahpui tak em.

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Kawngka a Nigel'an"kan rawn let tawh lovang.vawiin a in mi hmuh zawng zawng lo list chhuak vek la,naktukah min pe dawn nia"Rinngheti thutna min kal pel pui paha a tih chuan phawk fe in Nigel-a nen min en reng ringawt a.

Rinngheti hmel landan atang chuan Nigel-a nen inkawp emaw min ti a ni tih a hriat.kan inkawp loh zia nakinah ka hrilhfiah ngei ang.

Nigel'an ka bag a ken lai chhuhsak tum chunga"khawi ka bag kha min pe let rawh.Nigel,i hnathawk dang ten min en thup a nia,a zahthlak"ka tih chuan ka kuta rawn chhelh nghet sauh a,a lama min pawt hnaiin"i zah leh nangmah i inhrem a ni mai.tha te te in min zui nghal ni lang chuan hetiang thil hi a thleng hauh lovang"thaw sap a tiin ka bengbulah chuan a thaw hrawih a.

Hnathawk thenkhat te leh Hotel-a vei vak ho ten min lo enthup a ni tih ka hriat chuan hawichhuak ngam lovin Nigel-a min kaih ang ang in ka pen hlawk hlawk a.

Kan hnung lam atanga hmeichhe aw in"thingtlang nula kha a ni tiraw?Kan pu a tih lawm thiam avang ringawt in a kiangah hna a thawk thei a,a inti engemaw reuh zek lehnghal.."phun deuh sar sar a tih ri chu ka bengah a ri chiang tak zet.

Kan kal pel mi thenkhat tawngkam hman te pawh chuan ka thinlung hi a vit sawk sawk ni berin ka hria.Nigel-a kianga hnathawk a ka awm chhan leh tun a kan kal dun nachhan hi hria ve hlawm ngat se la chuan an tawngkam hman ang hi an rawn sawi chhuak hauh lovang.

Ka mittui tling par dan tum zeta ka khap fak fak lai chuan Nigel'an"Hreptak che hian,lo kal chak rawh"ti hlukin tlan ti tih in min pawt dawr dawr a.

Engvanga min tlan pui nge a ni tih hriat tuma ka hawi let rual chuan kan hnung lawk ah,Ritz hotel kawta kan hmuh nu Pi Zaute'in phawk zetin minlo en a nih tih ka hmu nghal.

Chak zeta motor a khalh chhuah rual chuan a lam hawiin"ngatinge Pi Zautei kha tlansan i duh em em a?"ka ti ngat a.

Phun hluk paha min rawn melh zauhin"In lo inhre leh hman der a ni maw?A ni saw reporter daw heh tak a nih saw,hnaih vak suh ang che.kei pawn a theih hram chuan biak loh ka duh ber zel"a ti charh a.

Hlauh vak a neilo emaw ka lo ti char char a.A tawngkam hman chu amah nen a inhmeh lo viau in ka hria.Ka nuih a tiza deuh lek lek zawk.mi thenkhat chuan mihring tawng thei leh midang hnen mi chanchin sawi chhawn ching ho hi mi hlauhawm ber ber ah ngaiin tlanchhiat san an duh fo thin reng a ni.

Nigel-a motor khalh en reng chunga ka nuichhuah hak chuan rawn hawi in"enge i nuih?ka hmelah hian diklo a awm mi?"darthlalanga in en zauh paha tiin a phun hluk a.

La nui reng chunga tukverh lam hawiin"Pi Zautei hian a ngaisang viau che in ka hria"ka ti a.

Thaw chhuak hawk chung a motor khalh chak zual sauhin"dawt a nih chu,midang zinga tlak tlum a duh vang bak a nilo.Hotel kawtah khan in inbia mi?"a ti vut a.

Pi Zautei nen a kan inbiakna tawngkam ka ngaihtuah nawn leh rual chuan ka zawi nghulh thei hialin ka hria.ngawi reng a inkuangkuah in ka maimichhing daih a.engtin nge ka lo nuih theih zawk?

"Ngatinge khatiang a i awm?nui reng ta che"Nigel'an a rawn tih chuan thaw deuh halhin"ka nuih leh nuih loh ah i sawi tur a awm lo.khawiah nge kan kal dawn?"ka ti hmak a.

A hnar tum dat paha min rawn enin"inah kan haw ang.vawiin atan chuan i hna lam engmah buaipui tawh suh"thupe aw zetin a ti ngut a.

Motor hma lama ka bag a dah chu thinrim teuh chunga la sawkin"Party na a min hruai i tum a mi?ka kal duh lo.Nigel,khawngaihin ina awm ka duh zawk"ka ti ruai a.mi thenkhatin min hmusitna tawngkam an chhak chhuak leh ngei ang tih ka hria,chutiang thil hmachhawn chu ka chak lo tak zet a ni.

"I thusawi chu pawm ka duh viau.mahse,kan thawhpui ten nang hi hmuh ve che an duh a ni.i duh leh hna avanga inhmuhkhawm na angah i ngai dawn nia"ti charhin in kawtah motor a ti ding a.

Lungawilo deuh taka motor kawngka hawn ka tum chuan a dan ngaite bawk a,ka ban a rawn man betin"ka duh dan hre tawh tur i nia sin,min dodal reng avang hian ka phur zual sawtin ka hria"thu tak fahran a tiin a thutna atang chuan a chhuk thla nghal a.

Ka do dal lo,ka duh dan angin ka awm ve mai chauh a ni.ka thutna lam kawngka a rawn hawn chuan rum zeta melh kawk paha chhukin"ka lawm e"ka ti hmak a.

Ka kalsawn tur chu ka ban a rawn pawt her sawkin"i lawm tak tak em?"thaw deuh hrawihin a ti a.

Min vawnna atanga talchhuah tum chung a melh hrawkin"lawm tak.."ka tih lai mek chuan ka tawng zawm tur chu a hmui a rawn khar chilh hmakin uar zet min rawn fawp a.

Fawp let lo tura infuih tang tang chunga ka bag kenlai hmer ngawt ngawtin ka kut lehlam chuan Nigel-a awmah ka nam tang tang a.

Rum ngut paha a hmui chu hreh hmel taka lasawn a,ka nghawng zawna rawn thaw hrawihin"ka ta i la ni ngei ang"a tisup a.

Hlauthawng deuh taka Nigel-a en ha in"ka haw tak che,min fawh avang hian,i bialnu ka ni lova,i hmei leh i nupui pawh ka ni hek lo.Nigel,kei chuan Mipa rintlak leh innghahna tlak,hmeichhe te dim dawi thin.Tih luihna hmanga hmeichhia te dang chep ngailo mi chiah ka duh.Nang anga putar khabe hmul nei leh hmeichhia ti nawm nah mi hi engtikah mah ka duh ngai lovang.i chapo tak zet a ni"ti hlak hlakin ka inher san nghal a.

Ka thusawi laia a hmel dur khuk dan atang khan a lungawilo hle ang.kut hial pawh min thlak duh in ka ring.kawngka hawng a inchhung a ka pen lut tur chu Nigel-a a din ngai a la ding reng ka hmuh chuan ka thaw deuh huai a.

Ka room lam pan a ka kal laia ka room kawngka a Pi Nuni te nupa hah hmel taka rawn chhuak ka hmuh chuan Pa Fel'an"i bungrua kan thiar lut fel chiah,hmeichhe ho hian ngatinge thil hrim hrim hi in ngah bik em em le?"a ti nang nang a.

Room chhung ka thlek chuan chhuat a parcel leh air bag chi hrang hrang awm nuai mai chu enin"ka lawm lutuk aw,keima vangin in hah ta hrep si a.thingpui ka lo lum sak dawn che u mi"ka tisap a.

"A teuh lo,ka hna ah lo inrawl ve lo tura ka tih che kha.khawnge Nigel-a,in rawn haw rual dawn emaw ka ti a.In pahnih a in thil duh ber Hamburger pawh ka lo siam sak che u sin" Pi Nun'in a tih chuan inthiamlo deuh tak a room chhung a pen lutin"Pawn ah ala awm niang,ka bag hi kan dah lawk nge.chuan thingpui ka lo in nghal ang"ka ti raih a.

Thingpui kan in laia Nigel-a ngawi reng leh inngaihtuah muk hmel taka choka chhung a rawn pen lut ka hmuh chuan ka thutna atanga thochhuak vatin thingpui no leh chhang kengin ka room lam pan nghal a.

Engtin mah minti hauh lo mahse a awmdan khan ka awm a ti nuam lo ru tlat tho.ka bag chhung a ka phone dah a rawn rik chuan rang zeta phawrh chhuak a pick up in"hello Rampar,ka bungrua chu a rawn thleng tawh aw.ka lawm lutuk"ka ti nghal zat a.

Lungawilo tih hriat zeta rawn chek tlak tlakin"Nigel-a chauh ngaihtuah in keini hi min theihnghilh tawh emaw ka ti a.ka hming i lo la hria a ni maw?"a rawn tih chuan ka nui hak hak a.

"Ohh Rampar,ka buai em alawm,bakah ka phone a chhia a,ka rawn be lawk thei lo che a ni.Nigel-a chauh ka ngaihtuah lo nia aw"ka ti nang nang a.

"i ngaihtuah aniang,a hming i rawn sawi rik zawng te pawh khan i ngai hle a ni tih a hriat?sarah,ka lawmpui lutuk che,mahse,keini hi min theihnghilh bik kher lo la"Rampar'in a rawn tih chuan ka ner nawk a.

Rampari nen rei fe kan inbiak hnu chuan jersey pawl ban bul leh kekawr bul tial ka Jersey tlang nena inchen chiah chu ha a,ka sam vial khawmin,ka thawmhnaw thenkhat ho chu wardrope chhungah ka khai lut a.

Ka thawmhnaw thenkhat hi engtin emaw tak a tih ral then ka duh a ni.college ka kal avang leh Hotel-a hnathawk tur a mi zinga ka kalchhuah reng avangin thawmhnaw zah pui awm lo ka nei nual a.Tunah chuan ka mamawh vak tawh pawn ka ringlo.

Kawngka lama thawm ka hriat rual chuan kawr khai a,ka ban phar chunga hawichhuakin kawngka biang ngheng a Nigel-a jersey kekawr bul sen leh tawnzau var ha chung a sawi zet lo ding chu ka en ha a.A khabe hmul a ziat fai a ni maw!

Tawng tum lo hmel tak a chhuata ka bungrua thenkhat ho chu melh kual a,a ding reng avang chuan thaw deuh halh paha insiam remin"enge a?"

ka ti raih a.A landan naupan hmel sawt chuan ka thaw a tichham thei tak ngial dawn in ka hria.

"Ka rawn pui thei che ngem?"zawi raih a tiin a rawn pen lut a.

Ka kut phar chhuak hluai paha ka lu thingin"angai lo,ka ti thei alawm,ka tibuai lutuk ang che"ka ti bah nawk nawk a.

A ke pen lai tawp chawt a min rawn enin"tih tur dang ka nei hleinem,nangmaha i tih ai chuan kan pahnih in kan zo hma zawk ang"dam ruihin a tisup a.

Nigel-a awmdan inthlak chuan min ti hamhaih zo vek.ka bul hnai a a rawn din chuan a perfume rim leh a shampoo rim chuan ka hnar a verh kaw hawk hawkin ka hria.

Min rawn en pah a chhuata Parcel pakhat chu kawkin"hei hi engtia tih tur nge?"a tisup a.

Ka lu thing nak a thaw halhin"ka hrelo,lehkhabu a awm nual ang.room kil lamah sawn dah ila,engtikah emaw kan in lamah ka thawn mai ang"ka tisap a.

Nigel-a nena ka bungrua kan rem fel hnu chuan thaw deuh halh paha ka sana bun lai chu enin"a va lo tlai tawh ve.engmah ka lo ngaihtuah miah lova.Nigel,dar ruk leh chanve rik nan minute sawm chiah a awm tawh?Birthday lawm na a kal a ngai sia"ka ti chul a.

A kut beng fai pah a,a sana bun lai chu en in"kal i duh lo tih i sawi kha"pangngai zetin a ti a.

Inthiam lo deuh taka Nigel-a chu melhin"nangpawh i kal dawn lo tihna mi?midangin an dem viau che nge?bakah hna thil ang a ngai tur a min hrilh kha"ka ti nuah nuah a.

Min rawn din hnaih deuh paha ka dar a a kut nghatin"midangin min dem viau tur chu i lawm zawk lo mi?"zawi sapin a ti a.

Thaw halh chunga Nigel-a hmel tak ruih mai chu enin"ka lawm ang a maw?keima vang a i kal thei lo tur hi ka inthiam lo tak zet"ka tisap a.

Nui huk pah a a kut la thlain"chutianga i inthiam loh viau aia te chuan insiam ila kan va kal ve nga ni mai.sitting room lamah ka lo nghak ang che"tiin room atang chuan a pen chhuak nghal a.chhiar zawh rualin click lam pawh kha aw

[Ngaia]

NEVER ALONE-12
http://www.storyfb.com mizo story thar englai pawhin chhiar tur a awm reng

Nigel'an min chhuahsan rual deuh thaw chuan rang zeta kawngka chu chhung lam a kalh sawk sawkin ka kawrhak lai chu hlipin fan ka on nghal a.A lum lutuk tlat,ka thaw te nen lam a sa chhuak vek in ka hria.ka alh chhuak mai ang tih a hlauhawm hial zawk.Nidangah tiangin ka awm ngai si lo.ka khuasik ta mi le?ka thinphu dup dup zawn a ka kut dahin ka thaw kawk kawk a.

Nigel-a awmdan dam ruih mai leh cool raih mai kha mak ka ti tak zet.A khabe hmul lah kha a met fai daih lehnghal.A lang fresh in a naupan hmel deuh sawtin ka hria.A danglam thut nachhan hi ka tawngkhum vang kha a ni thei ngem le?

Ka lu thing deuh nawk paha ka hmai a inbengin"sarah,pangngai takin awm rawh.Pawisa ba i ngah lutuk,thildang engmah buaipui thei i nilo"tiin ka infuih mawlh mawlh a.

Zanin pawn hna lampang chauh ka ngaihtuah tur a ni.Bathroom lama tlan lutin ka intifai sawk sawk a.

Sitting room lam pan a hmanhmawh taka ka phei chuan Sofa chunga Nigel-a coat suit dum ha a,chanchinbu lo bih mek ka hmuh chuan thawchhuak halh a pan hnai in"ka hman tawh e"ka tisap a.

A chanchinbu ken lai dah a min rawn en vang vangin "i va inpeih hma ve,chhuak ila"zawi sup a tiin a rawn dingchhuak nghal a.

Innghah rei tir ka hlauh avanga ka hmanhmawh zia hrilh kher ka tum lo.ka hmaia foundation hmawihin,ka mit ah mascara chauh ka hnawih hman tawk a ni a.

Nigel-a hnunga ngawi reng a zui in kekawr dum leh kawr sen ban bul ka hak lai chu in thlek zauh in ka thawchhuak halh a.ka inthuam dan hi a zahpui awm viau a ngem le?keima tawkah chuan ka lang pangngai ve riau in ka hria.

Car kawngka min hawn sak laia a phone ah lai a rawn rin chuan pick up in"ka rawn chhuak dawn chiah,in tih tur ang kha chu lo ti mawp mawp rawh u"ti vutin phone chu a ak lehnghal daih a.

Amah chauh a chhuak tur ang a,a insawi chu ka ngaihdan a ni lo tak zet.Tu ber nge a biak le?ka lu thing nak paha ka clutch dum chu hawngin lip gloss ka inhnawih a.

Nigel'an"hunserh hman zawh hnu a haw i duh chuan Puia in hruai haw tir tur che in i call dawn nia.A contact number chu i phone ah khan ka dah tawh"a rawn tih chuan ka lu bu nghatin"a tha lawm"ka tisap ringawt a.

Inbe zui tawh lovin kan thu ngawi tlawk tlawk reng a.Engvanga ka rilru hi hah em em nge maw a nih le?Nigel-a hi ka duh a ni tih ka inhria mahse ka sawichhuak ngam der si lo.ka duh a ni tih a inhriat vaih chuan a thiante nen ka hnunglam atang nasa takin min nuihzat ngei ang.

Nigel-a lam chu hawi in"Nichina ka tawng dan avang khan min ngaidam rawh aw"ka tichhuak sap a.

A lu bu nghat a,a motor khalh lai chauh ngaihtuah tih hriat fahranin"ngaihdam min dil kher a ngai lo,thudik i sawi a,a lawmawm zawk.i bungrua ka dah that pui che kha ka ngaihdam dil na che a,min pawm sak dawn nia"a ti ngut a.

A awmdan chu biak zawm leh zel pawh a huphurhawm,ngawi reng a thu in Nigel-a chu ka melh leh zauh thin a.

Hotel kawt motor park na a kan din chuan ka thut ngai a la thu rengin Nigel'an kawngka min rawn hawnsak hun ka nghak a.Motor atanga a chhuk thlak rual chuan ngawi rengin Hotel lam a pan nghal nal nal a.

Ner nang chung a Nigel-a hnunglam chu en zui in keimahin Motor atang muangchangin ka chhuak a.Dawt min hrilh a ni maw!motor kawngka min hawnsak ziah tur ang khan a insawi si a.

Ka lam pan a Caleb-a rawn kal ka hmuh rual chuan min rawn nuih sukin"Hey sarah,i lokal thei dawn lo emaw ka ti hman tawh asin"a rawn ti lang lang a.

Nui var var chunga Caleb-a chu enin"Eddie-a chu enge a an?ka rawn tlawh leh hman ta si lo a.i thlen na a rei tawh em?"ka tisap a.

Min en vang vang pah a a lu bu nghatin"i nalh hle mai.Eddie-a chu a tha e.Bro chungah sawn engthil nge thleng i hria em?a khabe hmul a ziat fai vek saw mak ka ti a ni.lokal rawh inchhungah lut ila,i hming an lam ri nauh nauh mai"a ti nghal zat a.

Hotel chhunga kan luh rual chuan hawi kualin dawhkan pakhat kil a Nigel-a nu leh Ramchhana thu chu ka en vang vang a.Eddie-a pa Rammawia nen an inang tak zet.ka pa ka la biak pawh theih loh avangin thu chiang zawk engmah ka la hre thei bawk si lo.

Ka bul lawk a Mamawii leh sang sangi rawn ding ka hmuh chuan Mamawi'in a hmui tisawi zeuhin"sarah,i lokal ngam ve a ni maw?i rawn kalpui Nigel-a lah chuan Marina-i bulah a awm san daih che sia.Nigel-a laka i beidawn avangin caleb-a lakah hian in hnuk luh i tum a mi?"tiin ka bula ding Caleb-a nen chuan min entawn zak zak a.

Dak vah chung a an pahnih a enin"nangni anga mipa viau leh rawp huam huam tur angah min ngai mi?hetianga min rawn tawng khum hian kei ni lovin,nangmahni zawk in intimualpho a ni tih hre tawh rawh u"ka ti hmak a.

Caleb'an"Mamawi,sarah-i hian a sawi dik chiah.in duh duh danin mawh puh ringawt tawh suh u."tia ka kuta rawn chelhin"lokal rawh sarah,thu ve tawh teh ang"tiin dawhkan pakhat lam chu min pan pui a.

Inchhunga mite chuan min rawn en hrek hrek ni maiin ka hria.Nula dang ho chuan kawrfual chhing teng tawng,an pian ti langsar tak tak an ha a,kei ve thung chuan kekawr ka ha si a.

Ka bul a Caleb-a thu chu melh zauhin"ka lawm e,rawn inrawlh lo lang chuan engthil chiah nge ka chungah thleng dawn ka hre si lova"ka tisap a.

A lu bu nghat a ka bengbula rawn kun hnaiin"keipawh i kiang a ka thu thei hi ka lawm,he room chhung a mipa ho in awh hmel taka minlo en ka hmuh atang hian ka vanneih zia ka hrechiang"fiamthu deuh taka a tih chuan ka hmui tihpawrh khum zauhin"mi tupawhin kan hmel hriat ngai loh hmel kan hmuh te chuan kan en duh vek alawm"tisapin stage lampang chu ka hawi a.

Nigel-a te thutna lam ka mit sir a ka va en chuan Marina'in inti neitu zeta a ban a kuahin stage-a a pa thusawi tura an koh chhuah mek chu hlim hmel takin an thlir dun a.ka thinlung hi a so bulh bulh nghalin ka hria,Nigel-a saw ka kiangah hlim takin awm ve se la ka duh a ni.Nigel'an kan lam a rawn hawi rual chuan rang zeta hawi sawnin kan bula waiter'in cake leh intur a rawn sem chu ka lo ban a.

Marina-i pa,Pa Sawm'an ka hming lam a stage-a min rawn koh chhuah thut chuan ka hrawk ro lutuk tih reh nan glass-a thei tui chu ka lem a.ka hrawk a sa thla nghalin ka hria.
Stage ka thlen rual chuan an Hotel sak mek inchhung design tu tur ka nih thu leh keimah ai pawh a aman a design thiam zawk tur thu a sawi a.

Zam ru tak chung a Nigel-a te thutna lam ka hawichhuah chuan a phone khawihin a lo kun reng a.Marina-i hmel a min hmusitna leh chawh min tih hmel tak mai chu ka tuar thei thak lo.

Thaw halh pah a Pa Sawma chu enin"i piancham ka lawmpui a che.kei aia thiam zawk i nih te chuan ngatinge in hotel chu nangman i design mai loh vang.A tir atang khan i thiam tih sawi lang chuan ka ngaihtuahna lo seng hah ve a ngai lo tur."ka ti ngat a.

Phun mur mur ri ka hriat rual chuan Pa Sawma chu thinrim hmel taka ka bula rawn ding hnai in"i va zak love,tiang hian tuman minla tawngkhum ngailo tih i hre na nge?"a rawn ti chhur chhur a.

Hul hak a nuichhuakin"i tih dik loh an hrilh ngai lo che tihna a ni maw?kei min tawng hi i vanneih na angah i ngai dawn nia."ka ti ngat a.

A mitmeng atang chuan kut min thlak chak hle a ni tih ka hria,mipui hma ah min tihzah tum in minko chhuak a.tuna kut min thlak leh anih ngat chuan amah zawk a mualpho ngei ang.

Dawhkan pakhat atanga Annie-i lehkha keng chung a rawn pen chhuak ka hmuh chuan makti taka en ha in"Annie"ka ti tuak a.

Midang ho pawh chuan mak an ti hle a ni tih an tawng nauh nauh dan leh Annie-i an endan atang chuan ka hre nghal.engtin nge helai hmun a a rawn kal theih?Nigel-a thutna ka hawi chuan inkuangkuah at a maimichhingin a thutna a ngheng a.

Annie'in a lehkha ken min pe pah a English tawng hmanghn"hei hi interior designer i ni tih entirna certificate a nih hi"nuisang in a ti a.

Phawk zeta Annie-i chu enin"engtin nge i lokal theih?engtin nge hei hi ka neih theih zawk"ka ti ruai a.

Ka dar a rawn kuahin"zawhna i ngah lutuk.nakinah kan sawi dun dawn nia,lokal rawh,mipui in an hmelhriat tawh che a,chhuk ila"a tih chu Pa Sawma maktih hmel tak mai chu ka en leh ngat a.

Marina-i te thutna zawn kan thlen laia Marina-i thinrim leh makti hmel ka hmuh chuan ka hlim ru veng vengin ka hria.Mizo tawng nilo,Tawng dang kan thiam a nih pawhin hman na tur hun leh hmun kan hriat a tha.

Kan thutna dawhkan kil aAnnie chu rawn thu ve in"Nigel'an heng thil hi a thleng ngei dawn a ni tih min rawn hrilh a.i bungrua rawn kalpui pahin ka rawn kal ve a nih hi,helai hmunah hian sawm ve chu ka ni hauh lo nia aw"a tih chuan ka lu bu nghat a,certificate ka ken lai chu lekin"he thil hi engtin nge i tih theih zawk"ka tisap a.

"Hmelhriat ka ngah lawm,i duh vang ni lovin,i hun tawnin a zir loh vanga exame thei lo i ni a,a dan a dang hrim hrim a"a rawn tih chuan ka thaw halh a.

Kan bula thu caleb'an"English tawng tal hmang leh teh u,engmah ka hrethiam ve miah lo nia.Sarah,engtinnge Interior designer lar lutuk Annie-i hi i hriat a?"a rawn ti sar sar a.

Caleb-a lam chu hawiin"i duh leh i thiante bulah va kal rawh.kan duh duh tawng kan hmang ang"ka ti hmak a.

A lu thing chunga inkuangkuah in"ka kalsawn lovang"a ti charh a.

An thian ho a min hmusit zia ka hrechhiang a,biak tlangnel vak pawh ka chak lo.Eddie-a chanchin hre chak viau lo phei ila chuan ka be ngai hauh lovang.

Annie'in ka kut a rawn chelh a haw leh nghal a tum tih a sawi chuan makti taka en in"zanin a haw i tum a maw?"ka tisap a.

A lu bu nghata nuisangin"tawng ring vak suh.ka buai theih zia i hriat kha,ka chhuak dawn nia pawn thleng minlo thlah rawh"ka kuta rawn chelh pahin a ti a.

Kan dinchhuah rual chuan hotel security pali in min rawn din pui vat a.

Motor chhunga a thu lut tur chu ka bengbul a rawn kunin"Nigel-a bulah khan lawmthu lo sawi ngei ngei rawh aw.heng zawng zawng hi ama ruahmanna vek a ni a"a tisap a.

Makti tak a Annie-i te tlan ka thlir reng lai chuan ka hnung lawk atang"i hmel ka hmuh tirh khan ka hriat hnu i ang ka lo ti reng a ni.Thinlungvawt, khawnge i body guard vaipa kha a awm a?"rawn ti ri ka hriat chuan inher nghal vata min rawn be tupa chu en vang vang in"tunge maw i nih le?Nunthara i ni em?"ka ti hlar a.

Nui huah huah chunga a kut bengin"min la hre ve ni maw?i body guard vaipa kha hlau lo ila chuan,hman atang khan ka duh che a ni tih i hre daih tawh ang maw le.Pa sawma i tihdan kha a hmuhnawm khawp mai.video in ka lo la char char asin"a tih chuan thawhalh paha Nunthara chu enin"ka lut dawn nia,URinngheti pawh a awm ve in ka hria,in inhmu tawh em?"zawi sap a tiin inchhung lamah ka pen lut a.

Ka rual a rang zeta rawn pen lut ve nghal zatin"thinglungvawt,ka fiam che a ni tih i hre miah lo mi?"a tih chuan ding chawta melh kawkin"khatin minko tawh suh,engthil nge an tih dawn a?"ti hluaiin mipui kut beng dar dar chu ka melh kual a.

Ka kuta chelh paha ka bengbula rawn kun hnaiin"party tan nan Marina-i leh Lawmi an zaidun dawn nih saw.Tunlai miho hian an ngaihven dun riau a,you tube a an zai pawh entu an tam thei khawp mai"a tih chuan ka lo bu nghat ringawt a.

Nigel-a thutna lam ka hawi chuan a lo awm tawh hauh lo.khawiah nge a awm tak daih le? Music rik rual a an lam suau suau avangin Nigel-a awmna ka zawng hmu thei thlawt lo.

Nunthar'an ka dara min kuah paha"midang karah sawn lokal rawh,va lam ve ang"a tih chuan ka lu thing chunga tang tunin"ka duh lo"ka ti ruai a.

Ka kut lehlam a min rawn chelhtu an awm a ni tih ka hriat rual chuan en nghal vatin"Nigel"ka tisap a.

Hmel chang rut chunga min en ranin"Nunthar,i beng a chhet a mi?ka duhlo tih a sawi kha,he tianga khawsak hi fiamthu thawhna chi a nilo nia"a ti hrawk a.

Hlauthawng deuh taka Nigel-a hmel chunga ka kut a chelhna chu thin thlak tumin"min rawn en hrek hrek hlawm a nia,Nigel,kalsawn rawh.midangin min enthup a nia"zawi sapin ka ti a.

Rum ngut paha Nunthara chu din hnaihin"i kut kha dahthla la,kalsawn rawh"a ti ngut a.

Nunthara awmdan atang chuan Nigel-a chu a hlau hle a ni tih ka hria,min vawnna thlah paha tlema tawlhsawn hlekin"hmelhriat dang a neih loh hmel em a,kawm hlim ka tum mai nih kha.UNigel,ngai thu tak vak duh suh"a ti nang nang a.

Nunthara kalsawn rual chuan ka kuta a chelhna chu tinghet sauhin"engthil nge i hriat,helai hmun a mipa zawng zawng hi chhaih kual i tum a mi?"ka bengbula a rawn tih chuan thinrim taka melh kawkin"i duh duh danin min mawhpuh suh,Marina-i te pawh an zai zawh tawh,a kiangah va kal rawh.ka tibuai lovang che"ka ti ngat a.

A mitko san ak a,a in tur ken lai chu lem hlek a dawnkana chunga ngatin"marina-i chu i thik deuh a mi?i rilru puthmang hi huaisen takin lanchhuah tir rawh.keipawn ka duh chu thup lovin,ka sawichhuak mai zel"tia ka bag kenlai chu waiter kan bula lokal chu pe in midang lamah zingah chuan min kai phei a.

Hmeichhe dang ho in min en hrek hrek avang chuan nuam lo ka ti tak zet,tawng tuma hawichhuah rual chuan a kut pahnih a ka kawnga rawn chelhin"lam ve ang,ka lampui lo che a nih chuan mipa dangin an lampui dawn tho tho che tih ka hria,sweety,hahdam takin awm la,ka darah i kut rawn nghat rawh"ka bengbulah a ti thawp sat a.

Thinphu dup dup chunga a dar a ka chelh rual chuan music remin zawimuangin min inthen pui nghal a.A rimtui hman rim pa zet mai leh a taksa lumna chuan ka taksa a ti mur chuai chuai hialin ka hria.

Ka chil lemkhawlh pah a Nigel-a chu enin"UAnnie-i kha rawn kal turin i hrilh a mi?min hrilh lawk ve tur che nia"ka tisap a.

Ka hnungzang a rawn chul riak riakin"surprise ka tum a,bakah a chanchin engmah min zawt si lo va"pangngai takin a ti a.

Ka taksa chu a za muai muai in ka hria,Nigel-a hahdam hmel tak mai ka hmuh chuan mak ka ti tak zet,engmah sawi lova ka en reng avang chuan a lama min kuah hnai sauhin"ka hmuhnawm viau a mi?"ka bek zawna rawn thaw lum ham hamin a ti sup a.

Ka lu thing nak pah a Nigel-a chu en ha in"ka chungah i thinrim emaw ka tia,Nigel,mi ho hian min enthup a nia,inngaizawng emaw min ti nge?thut hahdam ka duh"ka ti khur dar dar a.

"Nula leh tlangval kan ni a,inngaizawng mah ila enge a pawina awm?engvanga hlauthawng viau nge i nih?Ramchhana sawn kan luh tirh atang khan a rawn en reng che a ni tih i hria em?"nghet charh a tiin min kalsawn pui a.

Couch pakhata min thut thlakpui rual chuan kan bulah Rinpuia chu rawn thu ve nghalin"Nigel,sarah-i in lo buaipui viau nachan hi ka hre mai,in lamdun lai thalak kha sang sang'in post a tum lai ka hmu hlauh a,kan inhauh phah nia,ka chhanchhuah che u vangin Sarah-i hi hla khat chauh tal chu lampui ve ka phu in ka hria"nui sung in a ti a.

Rinpuia awmdan atang chuan a rui tawh hle a ni tih ka hria,Nigel'an"haw kan tum tawh a,helai hmun a mite hian ka thalak hrim hrim an pho chhuak a nih chuan ka khing let ngei ang"ti hlukin min kai tho a.

Hawi kual ruai pah a"kan haw dawn a mi?ka bag kha khawiah nge a awm?"ka tih chuan Nigel'an a kut chu pharin waiter ka bag a ken tir nu chu kan bulah a rawn thleng phei nghal a.

Rinpui'an"a la hma tehreng nen haw in tum a mi?Nigel,sarah-i i kawl avang hian kan zinga awm pawh i duh vak tawh lo a ni maw?hmeichhe dang angin i thlah thlam leh thuai tho ang"a rawn tih chuan ka chhing deuh sawk a.

Nigel'an min hmer nat dan leh a bek pawng tawlh tawlh dan atang chuan a thinrim a ni tih ka hria.Rum zeta Rinpuia a en ka hmuh chuan"chhuak tawh ang,zu rui te chu khin let chi an nilo"ka tisap a.

Rum ngut chunga Rinpuia chu kawkin"i tawngkam kha fimkhur rawh"a ti hluk a.

Nigel-a nen a party na atanga kan chhuak tur chu min rawn enzui hlawm a ni tih ka hria,ka awm a nuam lo tak zet.keima vangin an party boruak a nuamlo vek ni berin ka hria,a remchan hunah Pa sawma ngaidam ka la dil mai ang.

In lam pana Nigel-a nena kan haw chuan"ka inthiamlo khawp mai.An boruak ka tichhe vekin ka hria.Nigel,i duh leh party na hmunah va let leh rawh"ka tisap a.

"Ka peih lo,sarah,ka rilru i tih buai zia hi i hria em?reilote ka thlah thlam chhung che in mipa dangin an rawn tibuai che a?i inveng zo tak tak lo.nangmah chauh a,ka awmtir duh che i ring a mi?"ti ngutin steering chu a chum pawp pawp a.

Nigel-a awmdan chu a hlauhawm tak zet,ka bag chu hmer ngawt ngawtin"puitling ka ni ve tawh,ven ka ngai tawh bik lo"ka tichhuak sap a.

Motor chu tiding thut a ka dara na zeta rawn sawi nawk nawkin"mahni rilru puthmang pawh sawichhuak ngamlo hi puitling i inti a maw?Sarah,ka kiang a i awmdan danglam fo hi ka hai bik lo"ti hlukin ka khabe ah a rawn chelh a.

Hlauthawng zet a Nigel-a hmel tak run mai chu enin"ka duh vang a danglam ka ni bik lo"ka ti raih a.

Rum ngut paha ka hmuia inti neitu zeta rawn fawp chatin ka tukkhum samah a chelh bet nghal a.min fawhna chhang let a ka hmui ka tichhet rual chuan ka thutna lama rawn tawlh hnai in"ka unaupa te pahnih ka thik zia kha i hria em?"a tisup a.

Nigel-a nena thawchham lek lek a kan infawh hnu chuan ka chal leh a chal la insik reng paha ka hnute hmur a khawih lai chu inti neitu fahran a tuai neuh neuh rengin"ka bialnu i ni tih in hria ang che.mipa dang in an fawh che beisei suh.ka phal ngai lovang.i cher tehreng nen i hnute hi a lian reuh hle mai,ka lo suangtuah thin ang chiah a ni"thu tak zetin a ti a.

Thawchhuak halh paha a kut chu chelhsakin"dah sawn tawh teh,a zahthlak,engtik laiin nge i kut hman"ka ti khur dar dar a.

Nuichhuak huk paha ka hnute chu tham deuh nawkin"nakinah ngaiah i la nei ve mai ang"tia ka hmui a rawn fawp zeuhin driver seat lamah a thu tha nghal a.

Nigel-a awmdan chuan min ti lai tak zet,ka bra leh ka kawrhak lai chu siam tha in tukverh lam ka hawi vang vang a.motor chhungah mipa hetia ka awmpui theih hi mak ka inti tak zet.

Nigel'an"Naupangchhia reuh lutuk,i zak a ni maw?zak duh suh,thu tha mai mai rawh"a rawn tih chuan ner nang a enin"miin minlo hmuh i hlau lo mi?a zahthlak e mai,hetiang hian ka awm ka ring ngai miah lo"ka ti hlar a.

Nui chhuak hawk paha min rawn enin"i la naupan ang aiin i ngaidan thenkhat hi chu a hmanlai thei riau mai.mahse,tha ka ti zawk"thawven hmel zetin a ti a.

Ka hmui tipawrh tarh chunga tukverh a dakin"min hmusit viau zel suh"ka ti hlak a.

"Ka hmusit lo che,nangmah leh nangmah i indah hniam nih kha"tiin ka kutah a rawn vuan a.click kha aw...chhiar zawh rualin kan ti theuh tawh dawn nia