NEVER ALONE BY Basta Tlau - 18+ story (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: NEVER ALONE BY Basta Tlau - 18+ story (Completed)

Unread post by Ngaia » October 29th, 2017, 12:48 pm

NEVER ALONE-25
www.storyfb.com mizo story thar englai pawhin chhiar tur a awm reng

Intlansiak na tur hmun kan thlen a Nigel'an bike a din tir rual chuan thaw chhuak halh paha Nigel-a dar a ka khabe nghatin"an va tam ve?Dan phal loh a ni si a,Traffic Police an lokal nge"ka tisap a.

A helmet glass tikang a,hawi kualin"intlansiakna tur hmun tha Mizoram sawrkar lam hian thalai tan siamsak se chuan tun ang zan rei ah hetiang thil hi kan ti hauh lovang.traffic rules chu an duty a nih loh chuan engtihna mah a ni lo"ngaihsam aw zeta tiin kan inhren behna belt chu a phelh nghal a.

Bike atang a chhuk thla paha ka hawikual chuan kan lam pan a Samson-a jeans kekawr dum leh leather jacket dum ha a,a helmet khai chunga rawn kal mek chu enin"i lo awm ve law?"ka tisap a.

Khi deuh suk a ka hmui bula zu rim nam huam huam chung a rawn kun hnaiin"music hi a bengcheng lutuk,i tawng ka hre thei lo,i va nalh lehpek ve,i tawk tiu teu reuh si"a lo tih chuan Nigel'an ka dar a rawn chelh a,a hnunglama min awmtir a,ka dinna hmuna rawn ding in"ka nupui hian,kan intlansiak lai i lo thlir ve duh avangin lawmthu a sawi nih hi"aw ring deuh takin a ti nghek a.

Ip deuh chawih a Samson-a leh Nigel-a inhmachhawn hmel ka en chuan Samson'an"sarah-i hmel ka hmuh duh vang chauh a rawn kal ka nih hi,in ti mah mah lo maw?kan phone khawl kher hi a tul lo sin"a ti hluk a.

"Intlansiak zawh a,helai hmun kan kalsawn hunah i phone chu i hmu let leh ang.laptop sawm atang kan tlan lai chu i lo thir dawn nia,nang ang a,social media lam a kan thlalak tarlan hi ka duh ve lo"a ti fak a.

Khap tum rilru tak a,ka an lai tak a,kan piah atanga "Thinlungvawt,hey helamah reilote rawn kal lawk teh"Nunthar'an aw ring zeta a rawn tih lung lung ri ka hriat chuan rum zeta Nigel-a hnung atanga hawi pheiin"Lalnunthara,mai mai chuh..ka hming pangngaia min koh ve mai tur nia"ka ti hlar a.

Car hma a laptop inchhawp a Nunthara bula Rinngheti leh midang lo ding khawm laih ka hmuh chuan phawk zeta enin"Rinngheti te pawh an awm ve nih saw"ka ti ha a.

Bike chung a Nigel-a thu kai ka hmuh chuan ka kut a rawn chelhin"lo chuang rawh"ti deuh hluk a,Kan bula samson-a ding chu enin"ka nupui hi lo beisei hauh suh"aw chang zetin a ti a.

Hrilhhai deuh taka Nigel-a hnunga lawnkai paha"engthu nge maw in sawi le?naupangchhia anga mi zing a inhau rual in ni tawh lo nia.midangin minlo enthup lehnghal"pangngai taka ka tih lai chuan Nigel'an a belt kenlai a min phuar zawm mawlh mawlhin"infiam mi,zu rui reng hi chu naupang kum 5 mi ang vel a cheibawl an ngai lawm.Bike atang hian chhuk thlak tum suh ang che"ti ngutin a tlansawn nghal daih a.

Line awmna bul a,kan din rual a Nigel-a hming leh charlie-a hming lam a,au dur dur ri ka hriat avang a,hawichhuakin kan din na bul lawk a,bike rawn ding dat leh charlie-a hnung a Sang sangi intih theih hmel zeta bei thlar ka hmuh chuan ka hmui tipawrh in lehlam ka hawi nghal daih a.

A bengcheng in an rak nasa hlawm lutuk a,tu tawng mah ka hrechiang hlei thei lo.ka hming te pawh an lam ri in ka hria.Mipa panga in min din hual tlat lo phei se chuan Bike hnung atang min pawt thla duh hial hlawmin ka ring.

Nigel'an ka kut pahnih chelh a,a jacket hak hnuai a min dahsak lai chuan an au ring zual sauh lehnghal.ka zam nge? Sang sangi ang hian nuam ka ti ve tih pawh ka inhre ber tawh lo.

Ka dar a rawn khawihtu an awm a ni tih ka hriat a,ka hawi chuan kan bul lawk a ding Marina'in nui lui tih hriat zeta ka dara rawn khawih paha"Bike-ah i chuang ngai lo mi?hetiang a tang tut leh inring reng a i awm chuan Nigel-a tan a hreawm viau ang,i ai ka lo awh zawk dawn mi?"ring tak mai a a rawn tih chuan kan kiang hnaia Marina-i tawng hre pha chin ho chu an lo nui hlawmin ka hria.

Min tih zah a tum ni maw!ka ke a pet leng lawp ka van chak tak.

Marina-i lama tlem a kun hnai hlekin"nang angin mipa hrang hrang bike hnungah ka chuang ve ngai lo"ka ti ngat a.

Thinrim tih hriat zet a,a ban a rawn phar rual chuan Rinpui'an lo kuah nghal vatin"an tan tawh dawn nia,lokal rawh"tiin a kalsawnpui a.

Hmeichhe pakhat inha bul zet kan hma a scarf sen keng a dingin a scarf kenlai chhuata a theh thlak rual chuan kan thlawk chhuak ni berin ka hria.mihring au thawm lah chu a ring em em mai lehnghal.maimichhingin Nigel-a hnungah ka bawk thlawp ringawt a.

Hetiang te chuan kan nun na kan thap a ni ringawt alawm,Keima vang a intlansiak ni lo se la chuan Nigel-a bike khalh ah hian ka chuang hauh lovang.ka mitthla a Amit-a bike accident a boral ta hmel ka hmuh thut avangin ka khur ru dar dar a.

Nigel'an bike a tih din rual chuan a chak zawk a ni tih kan bul a Caleb-a rawn tlan pheiin a sawi chu ka hre ruai ringawt.thildang engdang mah ka ngaihtuah thei tawh lo khur hlawk hlawk a kan in hren behna belt chu phelh tumin"ka chhuk duh"ka ti tial ruai a.

Nigel'an a helmet glass tichho a,ka kut a man betin"hlau suh,helai hmun atang hian kan kalsawn vat dawn nia,caleb,pawisa chu minlo pe vat rawh"a ti hluk a.

Caleb'an hmanhmawh tih hriat tak a Nigel-a kut a pawisa tam tham tak a rawn hlan chuan a jacket ipte a ak in"naktuk zanah mesak-a te inah kan inhmu dawn nia"tih leh tlan a rual nghal a.ka tuk khum rawn ri fawk ka hriat rual chuan te that paha ka tuk khum tuai chung a hawi letin"tunge a?"ka ti vak a.

Sang sangi bul a hmeichhe ruih hmel zetin beer bur a ken lai a,min rawn vawm in"keimah"a lo ti nghek a.

Zak thei lo lutuk,Nigel'an min tlanpui zel lo se chuan min vawm na ngeiin a hmaiah ka vawm let ve ngei ang.

Midang awm lohna a kan tlan hnu chuan Nigel-a dar a chum vakin"vawikhatmah khatiang hmunah khan min kalpui tawh suh.A hmei,a pa in an rui hlawm ropui si"ka ti hlar a.

Bike tiding dawt a,a helmet khum lai chu phelhin"i tha em?an rawn vawm fuh che mi?"min ngaihtuah hmel zeta tiin ka biangah a rawn khawih a.

Thaw halh chung a ka tukkhum pawng lai chu khawihin"Ka tha,haw vat zawk ang,saw kan hnungah bike a rawn tlan nia"ka ti a.

Bike ti nung paha min rawn enin"Charlie-a hui khawm vek an ni ngei ang,keipawn khatiang in mihring an pung khawm dawn tih ka hre lo,ka kawngah chelh tlat rawh"tiin a tlan lehnghal a.

Zan dar sawm pakhat hnu lam a khatiang tak a mihring an pungkhawm kha keipawn mak ka ti a ni.mizote hian pangngai takin bike leh motor dang intlansiakna hmun tha nei ngat ila chuan a hu lum in,thalai thisen lum ten,a hranpa tak a eizawn nan leh hnamdang nena intihsiakna tha zawk an neih theih ngei ka ring.khawlai leh kawngpui mihring tamna hmuna chak tak tak a tlan leh in show tum tak te pawh an tlem sawt ngei ang.

Gate bul kan tlan rual a Pa Fela te nupa leh hmeichhe tleirawl pakhat ka hmuh chuan kan lam rawn hawiin an lo nui var var a.kan tlanpel rual chuan kan hnung a min rawn umzui in Pi Nun'in"sarah,kan fanu sawmsangi a nih hi"a lo ti lang lang a.

Garage atanga Nigel-a nen a kan inzui chhuah lai a Sawmsang'in"UNigel,nupui i nei tih ka nu in min hrilh khan mak ka ti lutuk.Usarah,i hmel ka hmu chak lutuk a,damlo derin hostel atang haw ka rawn dil ngat nih hi,min duat viau angai ang"a kut rawn pharchhuak paha a tih chuan nuisang a chibai in"engtik thleng nge i cham dawn?"ka tisap a.

Nigel'an ka dar a rawn kuah pah a"sawmsang,zirlai nih lai chuan thildang ngaihven loh tur,inchhungah lut ila"tiin inchhungah min kuah lut a.

Sawmsang'in"kar khat ka cham dawn,UNigel,nangpawh i chhungte hriat loh vin bike intlansiak na.,"a tih chuan Pi Nun'in"Malsawmsang,tawng thei lutuk ngawi rawh.uite kha inchhungah pawm lut suh"a lo ti vin hlar nghal a.

Nui chunga ka hawi let chuan Sawmsang'in uite pahnih lu a chulin"zanah ka mutpui tho vang che u.ran enkawl ve si inchhung a awmtir phal loh"ti nuah nuah in kan hnungah min rawn zui a.

Sawmsangi awmdan chu ka nuih a ti za tak zet,tleirawl rilru thianghlim tak a niin ka hria.

Sofa chunga a kan thut thlak rual a Pa Fel'an"Nigel,coconut min chah kha pum sawm kan rawn hawn nia.choka lamah kan dah"a tih chuan rang zet a Nigel-a enin"kan eitur a mi?"ka ti a.

A lu bu nghat a,ka tukkhum pawng laiah tak rawn khawih a phun hlukin"ngatinge,hei hi?"tiin ka sam a keu nghal a.

Ner sawk a,Nigel-a kut dahthlaksak tumin"min lo vawm alawm,engtin mah a awm lovang,zingah a reh leh mai ang"ka tisap a.

Rum ngut paha a jacket ipte atanga pawisa phawrhchhuakin"Pa Fel ,hei hi zingah Mesak-a i va pe dawn nia,mu tawh ila a tha ang"a ti charh a.

Pa Fela te chhungkua in min chhuahsan rual chu ka thutna atang a thochhuakin"choka lamah eitur kan va en lawk"ka pen sawn nghal a.

Ka kut a rawn chelh vat a ka bul a lo dingin"i luhai lo mi?"a tih chuan uar zeta ka lu bu in"ka mal hi a rawl fe zawk.Bike-a chuang ai in ke hlir a kal ka duh tawh"ka ti hlar a.

Nui huk pah a min pawm nawlhin"ke a kal ai,hetia ka pawm che hi i duh zawk in ka ring"a ti a.

Mipa danglam tak a van ni tehlul em?amah vangin thinrim in ka awm a,reilote ah min ti hlim leh tho si.ka pasal lakah hian ka thinrim rei thei tak tak dawnlo niang.

Choka chhung a min pawm luh chuan chhuata min nghat paha ka hmuia rawn fawp zeuhin"kan chak avang hian i lawm phah vak pawn ka hre lo"a tisup a.

Bawnghnute no pahnih a thli chhuak paha dawhkan a hungin"bike intlansiakna a i tel leh dawn a nih chuan ka pa te bulah ka awm tawh ang"tih leh chair a thut ka rual a.

A hnar tum dat a,Gream roll chhang ka hmui zawn a ka dah chu rawn chhelhin"ka phalna lo chuan i awm hauh lovang,engvang a bike a chuan pawh chu hlau viau nge i nih,race laia i khurh tak vak nachhan kha vawt i tih vang nge thildang vang zawk?"dilchhut zetin a ti a.

Ner nang a Nigel-a chu melh vakin"ka thih ka hlau ve tho lawm.A ninawm Bike,Bike ti reng lo teh?Dar khat a pel tawh nia"ka ti hluk a.

Min vawnna thlah a,a hnar tum dat a ka thutna bul chair-a rawn thu in"thinchhe si,dawih zep si"tih leh bawnghnute in a rual a.

A thusawi ngaihsak lo lui zet a ka thil eilai chauh buaipui in ka ner sawk a.

Room lam pan a step-a railing chelh a,ka kal chuan ka mal zawng zawng hi a rawl thumin ka hria.kei ai Marina-i,Nigel-a bike-a ka lo chuan tir loh kha ka inchhir deuh rum rum...ka hnung atang a Nigel'an ka darah a rawn chelh a ni tih ka hriat chuan"i pen hleithei lo ni kha,minlo nghah ve mai tur che lawm.kan mu nghal dawn nia"tiin min pawm nawlh a.

A nghawng a kuah a,a jacket nghawng khawih sak nauh nauhin"Nigel,khawngaihin,bike a intlansiak hi ti tawh suh"ka tisap a.

Rum deuh ngut a,min rawn en chhukin"sweety,engthilmah ka tiam thei lo che.nangma vang hian ka rilru puthmang hi a inthlak zût reng a ni"tiin a thaw hrawih a.

Ka hmui hnuai liak zeuh a,Nigel-a hmel tak ruih mai chu enin"Accident lo tawk palh ta la,engtinge i chhungte leh thian te hi an awm ang?"ka ti raih a.

Ka thusawi hreawm lo zet a hmalam melh ngar chung a room chhunga min pawm lutin"Accident chu lo tawk palh ta ila engtin nge nang i awm ang?"thu tak zetin a rawn tisup a.

Kei hi engtin nge ka awm ang maw!Nigel'an zawhna min zawh avang chuan ka hrawk hi a tawt nghal up up in ka hria.

Min pawm nghet sauh paha chiang zet a min rawn melh chhuk runin"zawhna ka zawt che tih i hria em"a ti hluk a.

Nigel-a ir thla melh pah a,ka chil lem ri khawlhin"ih englo,ka sawi ve mai mai nih kha,Accident chu i tawk hauh lovang"bah deuh nawk nawkin ka ti ta ringawt a.

Couch chung a min theh thla chawrh a,rum fahran a min en ngurin"i rilru puthmang hi a hriat khawp mai.Nang hian Accident tawk a boral turin min duh a ni tiraw."a ti hrawk a.

Ka hau chunga Nigel-a chu en chho ha in"dawtin min puh ringawt suh"ka ti let hlar a.

Then lui suk a,a jacket haklai chu hlipin"nangte reuh hian pawisa avang a min nei i ni tih ka lo theihnghilh lek lek alawm"aw chang zet a tiin a kawrhak dang ho chu a phelh zawm nghal zat a.

Engtin nge hetiang a ka rilru puthmang nilo tak pu ang a min mawhpuh theih zawk?Pawisa ringawt ka ngaihtuah bik lo asin.ka kut humruh chung a couch atanga rilru na tak a,thochhuakin ka kawr dahna lam ka pan phei a.

Bathroom kawngkhar ri ka hriat rual chuan hmanhmawh taka ka kawr thlakin t-shirt leh kekawr bul ka ha sawk sawk a,ka lehkhabu leh pencil ka phawrhchhuah lai a.Nigel-a bathroom atang a rawn chhuak chu melh zauhin"hnathawh lawk tur ka nei a,inhnuaiah kan zuk chhuk nge"tih leh ka phone la in kawngka lam pan ka rual a.

Nigel-a vang a ka thinrimna hi tih lan loh hram ka duh,thin ur tak a,a kiang a awm ai chuan Samson-a inchhung chei dan tur design sak ka duh zawk.

Choka dawhkan a rilru pe tak a,milem ka draw zawh meuh chuan zing lam dar thum a lo ri der tawh.zi mar ar ar chung a ka lehkhabu chu khupin coconut tui ka in khawlh khawlh a.Room lam a kal ka hreh tak zet,choka emaw sitting room-a ka muhil a nih chuan Pi Nuni ten min hmuh ka hlau tho bawk si.

Mutchhuak tak chunga room lam panin bedroom kawngka ka hawng riai riai a.Nigel-a khum chunga thu thluang duai a laptop lo khawih ka hmuh chuan muangchanga pen lutin"puan sin tur ka rawn la lawk dawn"ka tisap a.

"Hun vawn dik tum ta che,engthil nge tih i la tum?lo mu rawh"thupe aw zeta tiin a laptop chu a khup thawk a.

Ka thil kenlai ho chu dawhkan chung a dahin"ka room hlui ah ka mu dawn?nangpawh,i la mu hleinem"ka ti hmuk a.

"Tak zet che hian..sarah,he khumah hian lo mu rawh.A nih loh chuan ka phuar bet che nga,ka mut luih tir ngei ang che"a rawn ti hrawk a.

Rum zeta Nigel-a chu melh vakin"min phuar kher a ngai lovang,ka pu"ti leh khum a lawnkai ka rual a.

Khum sir tak a,Nigel-a hnungchhawn zawng a ka mut rual chuan puan a inlukhupin ka thaw kawk a.

Ka chau tak zet,ani nena inhauh buai ka peih thlawt lo.che deuh hrut a,ka puan sin lai a rawn hlim chuan ka maimichhing san a.

Ka harhchhuah leh meuh chuan keimah chauhin ka mu tawh a ni tih ka mutna sir ruak vek atang ka hre nghal.khum atanga thochhuak a chapal bun ka tum chu lehkhathem ka chalpal dinglama lo awm chu lain ka nur nang a.

Nigel-a kutziak ngei a"Sorry,sweety!tih inziak ka chhiar chuan ka lu thing nak nak a,nui sukin lehkha chu khum ah ka dah a.

Tui lum sa tha ver vawr a,bath tube-a minute sawm vel zet ka inchiah hnu chuan ka harh sawng sawngin ka hria.kawrdum ban bul chung a Dangri grey rawng ha a,kan room atanga chhuakin inhnuai lamah ka chhuk thla a.

Dar sawm a pel duai tawh Pi Nuni te chu ka lakah an lungawi lo viau ngei in ka ring.Sawmsangi chhuat lo nawt mekin"usarah,i lo tho ni maw?UNigel'an hna i thawk tlaivar tih a sawi a,inchhung lam a chho lo turin thu min pe bur"a lo tih chuan inthlahrung deuh tak a Sawmsangi chu nui sukin"Pi Nuni te an awm em?ka ril a tam tawh khawp mai,chaw in ei vek tawh mi?"ka tisap a.

A lu bu nghat a,ka bula rawn kalin"ka nu te chu i kawr leh pheikhawk lei tur UNigel'an a chhuahpui a,keiman i eitur chu ka lo siamsak ang che"a lo vat a.

Ka kawr leh pheikhawk neihsa ho hi Nigel'an nalh lo a tih vang mi le?dinning chair-a thu thla paha sawmsangi chu enin"ka kawr hi a nalh lo viau a mi?"ka tisap a.

"A nalh lutuk,nizan a i kawr pawh kha a nalh,ka nu in nangmah nen in inmil viau ang a tia"nuisanga a rawn tih chuan ka nui hak hak ringawt a.

Pi Nuni chuan naupangchhia min lo ti viau a mi le?Sawmsang'in dawhkana eitur a rawn chu enin"mahni chauh a thil ei chu a tui lo e,minlo eipui la,uite ho chaw in pe tawh em?"ka ti a.

Ka hmazawn a rawn thu thla pah a ka thleng a chaw rawn khawrhin"pe tawh e,uite i ngaina ve a mi?enteh UNgel-a bulah

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

sawi la,engtikah emaw uite saw ui training na ah kalpui ang u"a ti hluai a.

Ka lu bu nghat a Sawmsangi enin"sam curl i thiam em?zanin party-ah sam kir put ka duh deuh a"ka ti a.

"Tehreng mai,i sam kha su fai phawt la,a ro dawn hnaih ah kan tikir dawn nia.i inhmeh ngawt ang.hostel-ah ka thiante sam ka siam sak nasa thei lutuk.mahse englo,in hi ka nu te rawn haw hma a min tih fel pui phawt angai ang"a ti a.

Darthlalang hma a inen chung a ka din vang vang lai a,Nigel-a room chhung a rawn lut ka hmuh chuan nuisang a hawi phei in"kawr leh pheikhawk min leisak avangin ka lawm e"ka ti vat a.

Chal chuar tap a min thlek kual pah a,a lu bu nghatin"i kawrhak khan i pian a ti langsar mah mah in ka hria"a tisup a.

Hmm,kawrfual pawl tak ka khup chen a ban tlawn hian ka pian a tih lan sarh vak pawh ka hre lo.Ner nang a kawrdang min leisak chu melhin"eng kawr ber nge ka hak ang"ka ti a.

Leather bag dum a khai lai couch a theh thla pah a min rawn pan hnaiin"inthlak kher a ngai lo,lokal teh,vawiin nilengin nangmah ringawt ka ngaihtuah che ni"ril ruih a tiin min rawn kuah thlawp a.

A hmel en tum a ka hawichhuah chuan ka hmui a rawn fawp chawt in a rum ngut a.

Thawchhuak halh a kuah let a,min fawhna ka chhan let rual chuan min chawikang nawlhin"ka riltam tawh zia hi i hria em?"aw thawp sapin a ti a.

Nui hak paha a sam kar a ka kut rawlh lutin"kan tlai nge?Suzy-te in lama thlen hma kan ngaih kha"ka ti a.

Awmze nei zet leh mitmeng danglam tak a min enin"tlai lovang,reilote ah kan zo thuai dawn alawm"khum a min nghat thla riai riai pahin a ti a.

Nigel-a nen a lungawi zeta hmangaihna kan chen zawh chuan khum a zangthal a la mu rengin"ka insiam peih tawh tehreng nen,min ti pawr leh vek in ka hria"ka ti raih a.

Nui huk pah a,ka mal inkar a a kut rawn dahin"i insilfai leh ngei a ngai dawn hi" tisup a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:49 pm

NEVER ALONE-26
www.storyfb.com mizo story thar englai pawhin chhiar tur a awm reng

Darkar chanve zetin suzy-i te in lam a kan kal tum aia tlai ah Nigel-a nen kan chhuak thei hram,ka rilru a hmanhmawh in Suzy-i te chhungkua lakah ka inthlahrung tak zet.

Suzy-i te inkawt a car atanga Nigel'an min hruaichhauh rual chuan thawchhuak halh a silver rawng clutch ka kenlai chu hum nghet sauhin"an thleng nual tawh hlawm aniang,hetiang hmunah hian ka la kal ngai vak lo nia"ka tisap a.

Ka hnung a chul paha thaw ham hamin"ka kiangah awm tlat la,engkim a tha vek ni mai.mipa dangin i taksa nalh tak hi an khawih ve tur a nilo"a ti charh a.

Ka taksa hi a cher in ka kut leh ke tang a nalh lo tih ka hria,ka hnute pawh hi ka duh aiin a lian mah mah bawk.Nigel'an ka nalh thu a sawi hi awih vak lo mah ila,ka thinlung chhungril atang ka lawm ru veng veng ni berin ka hria.

Inchhung kan luh rual chuan boruak a dang nghal vek,music ri fan raih play in light rawng chi hrang hrang chuan inchhung hmun tin an tih eng chhawk bawk a.

Suzy-i a lu scarf-a tuam chuang kan lam pan a rawn kal phei ka hmuh chuan Nigel'an"in lo buai em?kan tum angin kan rawn thleng hma thei lo a"min en zauh pahin a ti a.

"Buai lutuk ringawt,sarah,nang tal rawn thlen hma tum tur che lawm,in thiante pawh an rawn thleng nual tawh saw.ka u,IN hi in pahnih kutah kan dah nia,engmah a bo tur a ni lo,ka pasal leh fate nen in inlamah kan phei dawn"tih leh kalsawn a rual a.

Nigel'an"va ho reuh e,khawiah nge Rinpuia te pawh an awm teh hrep.ka bulah awm tlat la,zu lampang hrim hrim tawk suh ang che"tiin midang awmkhawmna lamah min kuah phei a.

Rinchhani hmel ka hmuh chuan nui sang a kiang a thu thla in"i lang nalh lutuk,i rawn kal hman pawh ka lo ring miah hleinem"ka ti a.

Ka kut a rawn chelh paha ka bul a Nigel-a thu thla mek chu en vang vangin"kei ber ka rawn kal loh ten a chi nang,enteh helai hmunah hian mizoram a milar an fuan khawm ni berin ka hria,footballer Samson-a leh Charlie-a te pawh saw an rawn lut chiah,hmeichhia an rawn hruai saw Marina-i zaithiam kha a ni tiraw?"tipahin kawngka lam en a.

Dr Rinchhani ban a nghawk zeuhin"i buaipui ho lutuk,pasal nei ve thuai la tha in ka hria"nuisangin ka ti a.

Ka tawng zawh rual a Nigel'an ka dar a min intineitu zet a rawn kuah liam a"Rinchhan,kan nupa a midang chibai kual a ngai a,kan thawhsan lawk ang che,i khua har lovang tiraw"a tih chuan Dr Rinchhan'in"khawhar rual pawh ka ni tawh hleinem,va kal ru,va kal ru"a lo ti vat a.

Nigel-a nen a mi hrang hrang kan chibai kual hnu a Marina-i te awmkhawm na lam kan pan chuan Charlie'an vodka bottle keng vangin"Nupa tuak thar duhawm tak te chu in inngeih hmel hle mai.Nigel,Sarah-i te hian i pawisa an ba ni tih lo hre hma deuh ila chuan phur takin ka lo rulh sak tur nia"nui sawnga tiin Samson-a darah a kuah a.

Insangmar teuh chung a ka clutch ka hmer ngheh rual chuan Nigel'an"Marina,kan inbe lawk dawn mi niang"tisupin a kut chu Marina-i lamah a pharchhuak a.

Marina'in nuisang leh inla zei fahran a Nigel-a kut a chelh paha"nang berin min biak duh teh chuan ka hnial ngam nang.i tan ka inpeih reng tih i hriat kha"tiin Nigel-a chu a ngheng a.

Ka pasal Nigel'an,Marina-i inchung lam a a hruai lai chuan ka tawt deuh up up in hria.Sang sang'in a intur kenlai lem zauh pah a"Nigel-a hi chuan Marina-i hi a thlah thlam thei tak tak lo nih hi Party naah hi chuan an awmhrang nalh zel.sarah,ngaipawimawh vak duh suh,in inneih chhan hi kan hriatpui vek che u lawm"hmel ngeiawm zet a rawn tiin Charlie-a chu a signal a.

Thinrim tak leh hrilhhai zet a ka din ngai a ka ding tlawk tlawk lai chuan Samson'an"sang sang,i tawngkam hi fimkhur ve deuh rawh,"tia a no kenlai chu min rawn pe in"kha hei hi in rawh,kan lamdun ve dawn mi?"a rawn tisup a.

Sang sang'in mitmeng ling hlar a min en pah a Charlie-a ban a chelhin"charlie,lam ve ang"no zeta melhin a ti a.

Ka lu thing a hawikualin"lam ka chaklo,biak che ka duh zawk,samson"tih leh kalsawn ka rual a.

Pasal nei tawh ka nih avangin midang hmuh lai a ka pasal Nigel-a nilo,mipa dang biak a tha lo tih leh a mawilo tih ka hria,chuvangin,samson-a hi midangin min hmuh lohna tur hmun a,a inchhung ka designe dan vel a tlangpui a hrilh hriat ka duh a ni.

Pawn lam pan a kan inzui chuan ka hnung a Samson-a rawn kal chu ka intur kenlai lem zeuh pah a melhin"i inchhung design dan tur sawipui che ka duh a"ka ti raih a.

A mitko san zauh a,ka rual a rawn pen in"Nigel'an a remti mi?"a ti a.

Thawchhuak hawk a,pangpar khawihna pot bul bangkil a dingin"remti e,i rawng ngai nat zawng enge ni?"ka ti hmuk a.

Ka sir a rawn ding chung a chiang zet a min enin"nangman i duh ang kha a tha vek.Sarah, Nigel-a leh Marina-i te chungchang hi engmah i hre miah lo mi?nge nang hian Nigel-a awmdan hi i en liam mai mai dawn zawk?"a ti charh a.

Ka lu thing deuh nawk a,ka no kenlai chu melh ngawt ngawtin"ka pasal hi engkimah ka ring tawk,min ti na duh lovang,a nunhlui hriat kher ka tan pawimawh lo"ka ti raih a.

Ka ban rek a rawn chelhin"a viau lo teh,tun laiah nupui pasal nei tawh tam tak ten ngaihzawng an neih thluah hi,i hma hun tur ka ngaihtuah hian nang ai ka thinrim daih zawk in ka hria"a ti hluk a.

Ka khup inkar a ka clutch zep in"i lo thinrim avang hian kan nupa inkar engmah a danglam phah chuang lovang"tia ka kut lehlam a,ka hnar hup chungin no a mi chu ka in khawlh a.

Ka rilru i pik lutuk hi tih reh thuai ka duh,ka tawngka in Nigel-a chu tan mah ila,Marina-i nen an inzui chho ka hmuh khan,ka thinlung chhungril tak atang ka hua a ni.

Samson'an"inchhung a kan luh vat loh chuan an lo zawng kual hlawm palh ang che nge.kan lut tawh dawn mi?"a tih chuan ka lu bu nghatin"ka theih ang a rangin,i inchhung chei dan tur chu ka lo ruahman dawn nia"ka tisap a.

Ka pen sawn rual chuan ka lu a hai deuh chhuihin ka hria,ka no ruak kenlai samson'an min laksak pah a ka dar a,a rawn kuahin"i rui hma hle mai.Nigel'an a rawn umzui dawn che a ni tih hre lo ila chuan ka inah ka hruai haw ngei ngei ang che"tisupin ka biangah a rawn chul a.

Marina-i aw in"Sam,hetah ni maw inlo awm reng,Nigel,nen kan rawn zawng kual nasa lutuk che u a,in laklawh hmel riau mai"a rawn tih chuan ka hawichhuak nghal vat a.

Marina-i bul a Nigel-a hmui chip hmak leh a bek a,thisen zam pawng tawlh tawlh a thinrim hmel tak mai a min rawn en ka hmuh chuan hawi sang vah chunga an lam a kal pheiin"ka rin ai nangni pawh in inbe rei lo"ka ti ngat a.

Nigel'an a kekawr ipte la zen reng chung a"Marina-i nen hian minute nga bak inbiak nan hun kan mamawh lo.engvang a pawn lam a,inzui chhuak kher nge in nih?"aw hlauhawm zet a a rawn tih chuan ka ip zuk a.

Samson'an"zawk za mah a che,Nigel,Sarah i hi ngaihtuah viau lo ila chuan mi zingah hian ka khawih hrep ngei ang che.hmeichhe pawi sawi lo leh rilru thianghlim tak a ni tih i hrelo mi?i nupui a nih vang mai hian a duh loh chung ti lui ngai suh"rawn ti hlukin Nigel-a nen an inhmachhawn ran a.

Marina'in thinrim hmel zet a min rawn melh pah a,Nigel-a ban a chelhsakin"Party huaihawt tu zawk i nih kha,inbengdai rawh,midangin min rawn hmuh hma in luhsan ang"a tih chuan ha chang thial rap rap a rum zeta min melh hrawkin Marina-i chu a zui nghal a.

Hnuchhawn mai ni angin ka hria,Samson-a chu mittui tling kiau a enin"engvanga tawngthei viau nge i nih?kan nupa inkar a rawn inrawlh turin eng dikna mah i nei lo.i inchhung pawh ka cheisak lovang che."ka ti hlar a.

Maimichhing sawk a,ka kuta rawn man betin"naupangchhia angin awm lo teh?nangma vang a zu ka in nasat zia hi i hria em?ka inchhung atang Nigel'an i duh lo chung a hruaichhuak che a,a tuk ah court-ah in inneih lehnghal daih a,Sarah,hetiang em em hian ka rilru hmeichhia in an tihbuai ka ring ngai lo,nanglo chu engdang mah ka ngaihtuah thei tawh lo"tiin ka hmai bul chet ah a rawn kun a.

Ka lu thing nawk pah a,Samson-a awm a namin"Pasal nei tawh ka nih hi,khatiang thu kha ka bulah sawi tawh suh,nula an tam lutuk,inchhungah lut ang"ka ti hluk a.

Thaw deuh hawk a,a sam tuai puat in"i mak reuh hle mai"a tisup a.

Keipawn tun a ka awmdan hi mak ka inti ve tho.Nigel-a leh Marina-i te awmdan hriatchian ka duh a ni.

Inchhung a kan pen luh a,ka hawi kual chuan Nigel-a leh marina-i couch pakhat a inngheng rial a lo thu dun chu en in"ka awih thei lo"keima hriat tawk lekin ka tisap a.

Dr Rinchhani chu ka bula rawn kalin"khawiah nge i awm daih a?i pasal saw a thinrim in ka hria,ka biak pawn min chhang duh lo.zu i in ve law"min rawn hnim du du chunga tiin ka bula Samson-a ding chu lungawiloh hmel takin a melh a.

Ka hrawk thian ri kharh a,ka hmui hupin"music ri hi ka hne tlat,khawiah mi thenkhat ho hi an phai duak in ka hria"hawi kual pahin ka ti a.

"inchung lamah bowlling khel turin an kal hlawm,i pasal bulah sawn va awm zawk rawh"Dr Rinchhan'in a tih chuan ka lu thingin"Marina-i nen an inkawm tui hmel em saw,tihbuai ka duh lo,bowlling khelhna ah chuan kal ve ang u"tih leh Dr Rinchhani kut a chelh ka rual a.

Samson'an"pawisa an inchawi ngei ang,i khel ve dawn mi?"min rawn zui chunga a lo tih chuan ka lu bu nghat a Dr Rinchhani melhin"pawisa chawi a ngaih chuan i pawisa ka hmang dawn nia,sawrkar zem zen i ni bawk a"thawveng deuh tak a tiin Nigel-a te thutna lam chu ka melh a.

Nigel'an no dawm chung a mitmeng rum zet a minlo en ka hmuh chuan hawisawn nghal vatin ka ner sawk a.

Dr Rinchhan'in"nangnu tak hi chu aw..kei ai pawisa i ngah zawk"tia hlar a samson-a chu enin"ngatinge sarah-i hi i zui reng"a ti hluk a.

"Kan kalna tur a inang tih sawi ngai lovin i hriat ka ring"samson'an ngaihsam zeta tiin kan hma ah a kal a.

Dr Rinchhan'in"Ani sawn a ngaizawng che mi?sarah, Nigel-a awmdan kha a dik miahlo nia,inneih hlim in ni a,inhmuh thiam loh nghal ringawt chu a tha lo.tawngthu chhe lova,lo inthen ta pawh ni ula,nangma chan a chhe zawk ngei ang,chuvangin,a tlawm zawk leh zawl dawh zawk a tan tum rawh"a ti sep sep a.

Ka clutch ken tir pah a"kan inhau lo,a hrim hrimin hmeichhia nih vang a tlawm zawk nih tum tlat te chu,a chi loh,tikhan ka bag kha lo keng tlat rawh"tiin bowlling khel tur ho din na lamah ka phei san a.

Nunthar'an"sarah,i lo khel ve dawn mi?pawisa kan inchawi nia,ka la chak ber rih"phur zet a a rawn tih chuan

Ka lu bu nghat a hawi kualin"um tel ve dawn chiang"ka ti a.

Mipa pakhat in"a tih chi khawp ang,lo tel ve hlauh rawh,Nigel-a chu lo tel lo se a tha ang,pawisa a hui leh vek palh ang"a rawn tih chuan ka ner nang a.

Sang sangi,Charlie-a bul a thu in"han ti ve teh se,pawisa a chawi teuh ang ni mai,round tin ah Pawisa 500 zel bet tur nia"nui lui zet chung a a lo tih chuan ka ban tuai hauh hauhin"a tha lawm,nang i tel ve mi?"ka ti ngat a.

"Tel ve e,min cho viau suh,i rawn thleng har ber a,a hnung berah i ti dawn"a lo ti hlar a.

Rinchhani bul ka phei a,ngaihdan nih loh hmel taka minlo en ka hmuh chuan"lungngai suh,ka thiam ve zawng tak a nia lawm"ka ti zang vah a.

Rinpuia kawngkhar a rawn dakin"a duh tan,thngpui leh a hmeh tui hnai tak a awm reng nia"ring zeta a rawn tih chuan inchhung a awm ho chu ring zetin a au dul a.mahse,room atanga chhuah tum hmel pawh an pu hlawm lo.

Mi sawm velin ball an theh hnu a Nunthar'an"sarah,i hun a thleng nia lokal rawh"a rawn tih chuan ka tho nalh a.

Mipa thenkhat ho chuan min auh zam an tum nghal hle tih ka hria,hetiang mai mai ah ka zam lovang.tribal certificate nei vek alawm kan nih.

Line khatna ka vawm tluk vek rual chuan Nunthar'an"ehe,thinlungvawt,i ball ken dan a dik thlarh mai.UNigel'an a lo zirtir hman che ni maw?"a lo ti hluai a.

Hepa tak hi chu aw..rum zet a Nunthara melh hrawk pah a ball dang la in"tiang khan min ko ziah suh,hetiang ball theh mai mai te chu a har hleinem"ka ti hlar a.

Line tawp ber ka vawm thluk rual a,"ka tel ve duh nia"Nigel'an a rawn tih ri ka hriat chuan ka kut beng paha hawi phei nghal vatin Marina-i leh Nigel-a kawngkhar a rawn lut mek chu ka melh a.

Ngatinge an pahnih a hmel ka hmuh dun hian ka tawt up up zel mai le?marina'in nuisang chung a"va tel ve rawh,ka lo en ang che"a tih ri ka hriat chuan inhumruh chung a Rinchhani thutna lam pan phei in"inhnuai ah chhuk ang"ka ti hluk a.

Sang sang'in"sarah,khawiah nge kal in tum?in la zo nia"a rawn tih chuan Rinchhani ban a kaiin"URinchhani hi ka thlah lawk dawn"ka ti a.

Room atang a kan chhuah a Dr Rinchhan'in"ve ringawt a che,haw ka la tum hleinem,sarah,enge thil awmzia hi,marina-i leh Nigel-a kha an inzui reng a.nang lah chu an bul a awm i duh bawk si lo"a rawn tih chuan ka clutch a kenlai chu laksakin"i mit a i hmuh ang kha ni mai.URinchhan,engmah min zawt tawh suh,Nigel-a thiante hi ka ngainat zawng an ni lo"ka ti hmuk a.

"A nupui i ni tawh tho alawm,a duh zawng leh ngainat zawng chu nangpawn i tawmpui a ngai"a tisap a.

Dr Rinchhani nen a coffee leh chhang keng chung a pawn lam kan pan lai chuan kan hnung atang Nigel'an"Rinchhan,i haw dawn mi?"aw chang zetin a rawn tih thut chuan ka no kenlai ka thlauh chuai a.

Dr Rinchhan'in"awi leh,ka ke i ti berh vek.engthil nge maw i hriat le?"ti nang nangin a kun nghal a.

Lungawilo zet a Nigel-a enin"enge i rawn tih ve"ka ti hmuk a.

Kan bul a rawn ding pah a,a hnar tum dat in"ka rawn kal ve"a ti ngut a.

Dr Rinchhan'in,Nigel-a nen min melh tawn zak zak chung a"ka hawsan phawt ang che u"a tih chuan ka thaw halh ringawt a.

Dr Rinchhani motor tlan liam rual a Nigel'an"i ti mah mah lo maw?inneih hlim kan ni a,mipa dang hmuh phet tum hi..sarah,kei hian i thianpa Samson-a saw a hma khua ka tichhe vek thei tih i hria em?"tia chawl dawt a,ka ban a nghet zet a rawn hmerin"i inhmu leh a nih ngat chuan ka thusawi hi ka ti mai mai lo tih i hre ngei ang"a ti hrawk a.

Min vawnna atang a talchhuah tum chung a"i tenawm hle mai,nang hian Marina-i kawp reng chungin min nei a,engtin mah i awmdan ka sawisel bik lo.chuvangin,ka thil tih leh awmdan ah rawn inrawlh tum duh suh"ka ti hlak hlak a.

Rum ngut a,inchhung lam pan a min hnuk kal dawr dawrin"ka en liam mai mai che u ring suh,marina-i chu ka thian a ni a.nangchu ka nupui i ni,nupui awmdan tur a,awm ngei turin ka phut bawk che"a ti hrawk a.

Ka thin a rim tak zet,mi zing a awm nilo ila chuan nasa takin ka thinlung a thu tam tak ka pai hi ka au chhuahpui chiam ngei ang.

Lam awmna zing a min kai phei pah a,a taksi thlawp a min pawt dawrhin"tha takin awm rawh.chuti ni loh chuan helaiah hian ka kheuh thlu che nga,ka ta i ni tih chiang takin ka lan tir ang"music rem a min insawi pui chungin a ti ngut a.

Ka thinrim leh ka tah a chhuah em avang chuan engmah ka sawi thei lo.insangmar teuh chung a Nigel-a awm zawn a thaw halhin"ka hua che,engvang a min nei nge i nih"ka ti raih a.

Ka bengbula rawn thaw halhin"samson-a vang a mi min huat,he hmun atang a ka theh chhuak nghal lo kha lawm viau rawh"nghet charh a tiin ka kawngah na zetin a hmer vak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:55 pm

NEVER ALONE-27
www.storyfb.com mizo story thar englai pawhin chhiar tur a awm reng

Nigel-a tawngdan chu mak ka ti tak zet,Samson-a vang a hua ka ni lova.Marina-i nen inkawp reng chung a kei min neih avang zawk a hua ka ni.

A mitmeng rum zet leh chet dan atang chuan ka lakah a thinrim tih ka hria.A kiang atang a kalsawn tum a chhuanlam eng eng emaw ka siam apiangin"ka thiante zing a,min tih mualpho tum suh"tia min hnial loh leh ka kal naah min rawn zui ve zel a.

Marina-i lah chu kan bul a rawn awm vel zelin Nigel-a nen thu ho tak tak an sawi dun loh leh an phone an khawih reng bawk a,ka ning tak zet,party hi tawp vat se.hahdam tak a mut vang vang ka chak tawh a ni.

Dar sawm pakhat pelh a,party-a rawn kal te an tin fel vek tawh emaw ka tih lai a.Inchhung a Marina-i rawn lut leh ka hmuh chuan"Nigel,motor ka rawn keng lova,min haw san vek a,minlo thlah haw lawk thei ngem?"no zet a melh paha a tih chuan"charlie-a te rual khan i haw thei lo a mi?"ka ti vat a.

Nigel'an tawng lo tur a min ti niawm tak a ka lam a,a kut rawn pharin"ka lo thlah ang che,sarah,minlo nghak suh"ti ngut in Marina-i lamah a kal phei nghal vut a.

Curtain phen a,Marina-i leh Nigel-a motor a an tlanchhuak mek chu lungawilo zet a ka awm dawm chunga thlir zuiin"Nigel,mi nunrawng tak i ni?"ka ti raih a.

Suzy-i te awmpui pahnih in inchhung hnawk an then fai mek chu thlirin ka bul hnai a awm zawk hnenah chuan"ka haw ve dawn nia aw"ka tisap a.

Maktih hmel deuh tak a min rawn en ka hmuh chuan rang takin kawngkhar lam ka pan nghal vat a.

Pawn ka thlen rual a stilleto pheikhawk dum sang ka bun lai chu hlip in hmanhmawh zetin kawngpui lam ka pan nghal a.

Ka mitthla a Nigel-a leh Marina-i te pahnih ringawt ka hmuh avang chuan ka thin a ur tak zet.An pahnih khan engthil nge tih an tum?Nigel-a nundan ka lo chhui chiang lo kha ka inchhir tak zet.

Ke a thui fe ka kal hnu chuan taxi pakhat chu ka bul a rawn dingin"nula,khawiah nge i kal dawn?i rawn chuang duh em?"a tih chuan hlauthawng deuh tak a ka pheikhawk ken chu lek uaih in"kitty hotel-ah,nula ka ni lo"ka ti hmuk a.

A lu bu zauh a,tukverh-a rawn dakchhuakin"min hlau suh.lo chuang rawh"a tih chuan Motor kawngka ka chelh a.

Kan hma lawk car rawn ding atang a"Sarah,khawi a kal nge i tum lo ding teh"tih ri ka hriat chuan ka ding chawt a.

Driver seat atang a Ramchhana hmanhmawh hmel zet a rawn pen chhuak mek chu enin"Ramchhan,nang maw?tun ang zan reiah engati nge a?"ka ti ha a.

"Eddie-a hi engvang a thlah thlam hmiah nge i nih?Nikhaw hre lova,a awm chung pawhin i hming a lam reng asin"tipaha ka bul a a rawn din chuan"Eddie-a nikhaw hre lovin a awm a maw?tinge engmah min hrilh ve loh?hostel-ah mi a awm?"ka ti ruai a.

Ngaihdan nilo tih hriat fe a ner sawk chung a"ngaihsak awm zet khan awm duh suh.nangma tang hma chiah i ngaihtuah tih ka hria lawm.vawi engzat nge rawn phone che ka tum?.Caleb-a ngei pawn engmah a hrilh lo che mi?zu i rui ni maw?min rawn zui phawt mai rawh"aw chang zeta tiin motor kawngkhar chu ka luh theih nan a hawng a.

Taxi driver'in"nula,oh ka pi,i rawn chuang dawn lo mi?"tukverh a dak chung a a rawn tih chuan ka lu bu nghatin Ramchhana car chhungah ka thu lut a.

Ka bag atang a ka phone switch off chu phawrh chhuakin"engtik atang nge nikhaw hre lova a awm?i unaupa in a hria tawh em?"ka tih chuan"hre tawh,damdawi inah a awmpui mek.hostel-a an warden-in dar sarih rik hma khan a damloh thu sawiin min rawn phone a,damdawi in kan thlenpui atanga darkar hnih hnuah nikhaw hre lovin a awm a.thildang engmah sawi lovin i hming a lam char char"thaw hawk chungin a ti a.

Engtin nge chutiang a awm thut theih,Nigel-a nen a kan inneih ni khan a hrisel hmel hle si a.

Ka hmai hup chung a thawchhuak halhin"a ngaihtuah awm viau em?ka pa te kan phone dawn mi?"ka tih chuan"a tul lo,khawia kal nge i tum?ngatinge nangmah a kawnga i kal a?"a ti ngut a.

Ka pheikhawk bun tha pah a tukverh lam hawiin"ka kal tumna leh zel i hriat a tul lo"ka ti hmuk a.

Ramchhana nen a damdawi in chhung a kan inzui luh a,Eddie-a awmna ward lam min pan pui lai a,kawngkhar pakhat bul a Nigel-a leh Caleb-a inhnaih tak a lo inbe mek leh an piah deuh hlek a Marina-i thutphah a thu chung a phone lo khawih mek ka hmuh chuan ka ke pen lai tawp chawtin"Nigel"ka ti a.

Rawn hawi phei pah a"in a awm tur a,ka hrilh che kha"aw zawi sup a tiin min rawn pan phei a.

Ramchhan'an"Eddie-a dinhmun hre reng chungin nangni pahnih hian engmah in lo hrilh duh lova,engthil nge in hriat? Eddie'an,sarah-i hming a lam reng tih in hre lo mi?"tia ka kut a rawn chelhin ward chhungah min kai lut nghal a.

Engmah hrelo tih hriat zet a,Eddie-a taksa a oxygen leh IV an kal tir chu makti tak a enchung a khum lam panin"Eddie"ka ti tham tiak a.

Nurse pakhatin"khawngaihin hnaih vak suh u.a taksa in ti chau zual ang"a rawn tih zawh rual chuan Eddie-a khum bul thutphah a lo thu Pa in"ka fapa hi i rawn tawng reng avang khan a taksa a chau zual zawk tih hre rawh.Doctor kha va ko leh la,a awmdan hi rawn entir rawh"a ti let hrawk a.

Nurse nu in"in fapa chauh hi,he damdawi ina damlo awm a ni hleinem?hei midang pawh hi en ula,ward dangah pawh damlo dang tam tak an awm tih hre rawh u"vin zetin a rawn ti a.

Eddie-a kut zawi niak chelhsak pah a Nurse nu chu enin"investigation in ti tawh em?Doctor koh chu a harsa viau a mi?"ka tih zawh rual a Nigel-a leh Doctor kawngkhar a rawn lut mek chu enin"Doctor,ka nau hi enge a dinhmun?"ka ti nghal a.

Doctor pa in Nurse nu chu Eddie-a bul a lo awm rih tur a hrilhin keini ho chu Nurse duty thutna lamah amah zui turin min hruai phei a.

Eddie-pa Rammawia thir tiang hawl chunga ke bai sawih sawih a,kal ka hmuh chuan"i ke na law,i duh leh minlo chelh la"ka ti a.

Ramchhan'an"midang rin.."a rawn tih lai tak chuan Rammawi'an"a tih zia viau ang"tiin a kut lehlam chu ka darah a rawn nghat a.

Nigel-a mitmeng rum zet a rawn hawi let chu melh in"i duh leh Marina-i bulah khan lo va awm zawk rawh"ka ti hmuk a.

"A haw tawh,helaia awm hi ka duh zawk"nghet charhin a ti a.Nigel-a vang a rilru tibuai thei ka nilo,Eddie-a hi ka ngaihtuah tur a ni.

Nurse Station bul ah kan ding deuh chiah tih a Nurse duty'in"Doctor,rawn kal teh,naupang awmdan hi a dik lo nia"a rawn tih rual chuan hmanhmawh takin kan let phei dial a.

Eddie'an harsa tih hmel zet a,a lu rawn tiche ka hmuh chuan rang zet a,a lu bul a kun hniamin"Eddie,hlau suh aw,engtinmah i awm lovang,i kiangah ka awm reng nia"ka tisap a.

Doctor pa in stetoscope hmanga a lungphu a ngaihthlak zawh a,a pang a khawih chuan Nurse nu bulah"oxygen kha tichak la,hydrocortisone kan pe nghal dawn nia"tia ka bula Nigel-a ding chu enin"a ngaihtuahawm riau mai,a chhungte dang in be kual tawh em?investigation atang a a landan chuan a thluak ah khawsikpui a lut a"a tisup a.

Rammawi'an"tihdam dan a awmlo mi?ka fapa hian hetiang ringawt chuan min kalsan thei lovang"hnuk ulh teuh chung a a rawn tih chuan ka mit deuh sulh in ka hria.

Doctor'in"damdawi chi hrang hrang ka pe tawh alawm"tiin Eddie-a kutah oxymeter khawl chu a vuah nghal a.

Thawk leh khat a Eddie'an a lu rawn ti che vak a"U,Apa,bye"aw zawi ang reng tak a rawn tichhuak a boruak hip kawkin a mut zawi hnawk rual chuan ding ngil zawt a,Eddie-a biang a chelhin"Eddie,Eddie,engtin nge i awm?i kiangah ka awm reng dawn ka tih kha"mangang taka ka tih chuan Doctor pa in a awm a nemin"lo awmsawn lawk rawh u,nurse,damdawi kha lo pe vat ta che,i va muang ve"a ti tuarh a.

Nigel'an ka dar a rawn chelh a"hahdam rawh"a tih chuan Rammawi'an a hmai a hnek thuaiin"kalsawn rawh,zan tir a,sarah-i rawn hruai tur a ka rawn phone che khan a theih loh tih i sawi ni lawm ni"a ti hrawk a.

Nigel-a rum ngut ri ka hriat chuan thinrim zeta melh kawkin"chhuak ta che"ka ti hlar a.

Ka thin a ti rim tak zet,suzy-i te in lam pan a motor-a kan chuan in ka phone switch off turin min hrilh a.A thu lo zawm lo ila chuan Eddie-a kiangah hian ka awm daih tawh ang.

Chhuah tum lo tih hriat zet a Eddie-a mutna bul khum ruak a,a kekawr ipte zen chung a thu in khum a Eddie-a Doctor leh nurse pathumin an buaipui mek chu a melh ngawt ngawt a.

Doctor pa in Eddie-a hnar zawn a,a kut dah chung a"a pawi hle mai,kan chhan thei ta lo ni"zawi raih a a tih ri ka hriat chuan ka zawi deuh hnawkin ka hria.

Eddie-a khum bul chhuat a,thu thla hnawkin"Eddie,Eddie,naupang hrisel tak i nih kha,ngatinge min kalsan,Eddie,ka naute,min ngaidam rawh aw.i u hi ka nep tak zet a ni"insut hlawp hlawp in ka ti a.

Rammawi'an insut deuh hraih a"kan inah a ruang hi kan la ang,a damthat laiin a taksa ka chang hman lova,a ruang chu ka duh ang ngeiin kan vui liam tur a ni"a tih chuan ka mittui far zawih zawih in Rammawia chu ka en a.

Ambulance hnung tlan a, caleb-a motor khalh seat hnung a Nigel-a nen kan thut dun chuan ka thin hi a tawt up up ka hria.

Caleb-a chu rum zet a melhin"Caleb,engtikah nge Eddie-a chungchang hi i hriat,min hrilh ve vat tur che lawm,A pa awm mahse,kei hi a mi ngaih ber ka nia sin"ka ti hrawk a.

Nigel'an"keiman a hrilh lo tur che a ka tih vang in a hrilh lo che nih kha,damlo satliah ang ah ka ngai a"zawi sup a a rawn tih chuan ka kut humruh a,Nigel-a chu mittui luang zawih zawih a enin"i nunrawng tak zet,Eddie-a hian na a sawi mai mai ngai lo..na a neih ve chhunah tiang hian a boralpui ta nih hi,nangni pahnih avang hian Eddie'an ka hming a lam lai in a kiangah ka awmpui hman lo a nih hi"ti khur dar darin ka hmai hupin ka tap zawm lehnghal a.

Rammawia te in Saron veng a Eddie-a ruang tlangval ho in an zawn luh a,ka zui lut ve tur chu Nigel'an a coat ka dar a,min rawn sin tirin"tap bawrh bawrh rawh,a pawi lo,i mit hnawih a pherh vek nia"a tih chuan"min zahpui a nih chuan haw la ni mai"ka hmuk a.

Ka lan danah ka buai peih
lo,ka mit hnawih te chu duh tawkin lo pherh rawh se.

Zan rei lam mah nise inchhung a kan lut chuan YMA ho chu ka rin phak bakin an tam khawp mai.Eddie-a ruang bul a,Rammawia te unau thutna ep chiah a,Nigel-a leh Caleb-a te nen kan thut thlak a,Rammawi'an rilru na tih hriat tak chung a,Eddie-a biang a chulsak lai ka hmuh ka lainat tak zet.

Hla pathum kan sak zawh hnu a,ka bula Nigel-a thu dingchhuak pah a"thu tlem kan sawi ve lawk,kei hi,tun a ruang kan kil Eddie Lalhlimpuia,U Sarah-i pasal Nigel Lalruatfela ka nia.."tia thildang a sawi zawm leh chuan ka khabe dawmin hnuai lam ka melh a.

Inchhung awm zawng zawng ten phun sar sar chunga mak tih hmel taka min en hlawm ka hmuh chuan nuamlo ka ti tak zet,pangngai tak pawn a thusawi ka hlei thei lo.

A thusawi zo ka bula a rawn thut rual a ka khup a rawn khawih zeuhin"i duh leh thusawi ve la"ka beng bulah a rawn tih chuan ka lu thingin ka hmazawn a Rammawia mitmeng zim san a,minlo enreng tu chu ka melh zauh a.

Mipa pakhat'in a phone kenlai a kan thla rawn la mawlh mawlh pah a ka bula rawn kunin"in nau chanchin tlangpui hi kan chhut tir dawn em?"a tih chuan Rammawia chu ka en vat a.

Rammawi'an"chhut tir a ngailo,i Pa a rawn kal dawn tho kha"tiin a maimichhing sawk a.

Zing khawvar hnu a kan thawmhnaw thlak tur a,Nigel-a nen in lam pan a Driver Puia Motor khalh a,kan chuang luh rual chuan ka mutchhuah zia leh ka taksa kham tawh zia ka hria.

Nigel-a coat lian leh rimtui tak mai ka sin lai a intuam tha a, motor seat ka nghen chuan Nigel'an ka dara rawn kuahin"engmah ngaihtuah lovin reilote tal muthilh tum rawh"a tih chuan rang zet a ka lu lasawnin"Eddie-a hi i ngaina ve tak tak a mi"ka ti raih a.

Rum ngut paha inkuangkuahin"Eddie-a hi naupang duhawm tak a ni"a tisup a.

Engtik laiin nge ka muthilh ka hre lo,Nigel'an ka dara rawn sawi pah a,"thawh a hun tawh,eitur hi ei hmasa la,i intifai dawn nia"thupe aw tak maia a rawn tih chuan ka mit nuai chunga khum a thuchhuakin dar zat ka en vat a.

Ka pum no nghulh avang chuan engemaw tal ka ei luih ngei ngei a ngai tih ka hria.ka puansin theh hlim ka tum a ruak vekin ka awm a ni tih ka hriat chuan ngaihdan nilo zet a Nigel-a inbual zo tih hriat tak maia towel chuah veng a,tui in khawlh khawlh chu melhin"nangman a mi ka thawmhnaw hlip a"tia ka puan sin laia intuam tha lehin khum bula tray chu ka ban nghal a.

A no kenlai nghat chawrh paha tukverh chu hawngin"kei lo midang i thawmhnaw phelh turin i duh a mi?hmanhmawh rawh inhnial nan hun kan nei lo"ti hlukin a kawr dahna wardrope chu a hawng a.

Ka lu thing nak a,tui no khat ka in zawh chuan khum atang a engmah inbel lova thochhuakin"kan intifai hmasa lawk nge,ka rei lovang"tih leh bathroom lam pan ka rual a.

Tuivawt a ka in leih laia Nigel'an motor atanga min pawm chhuah a,"mut kan mamawh dun viau a nih hi"tia khum a min muttir a,ka kianga rawn mu paha,ka kawr min phelhsak chunga thu eng eng emaw a sawi kha a tak a lo ni reng tihna ni maw!ka mumang emaw ka lo ti char char asin.A van zahthlak tak,Hmm,engmah hrelo angin ka awm a nga ni mai.

Bathroom atanga ka chhuah rual a Nigel-a kamiz dum ban tlawn leh kekawr dum ha chung a,couch a bawp khawkherh a phone khawih paha coffee mug keng a thu ka hmuh chuan ka kawr dahna lam panin"Rammawia te in lamah i rawn kal ve dawn a mi?"ka ti a.

"Umm,mahse darkhatah ka haw san ang che,i Pa leh i u Zorema pawh kan inah an rawn thleng ang.An rualin i lo haw dawn ni,Eddie-a nu diary kha ken theihnghilh suh"a ti charh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:56 pm

NEVER ALONE-28

Eddie-a boral atang thla thum a ral der tawh.hun leh ni te hi a liam duak duak a,ka rilru hahna leh lunglen na erawh in kian zai an rel thei si lo.

Thla hmasa atang khan Nigel-a hi zu rui chungin a rawn haw fo a,zan lam a rawn haw loh chang lah a ngah.ina a awm ve pawhin tui a chen loh leh a study room-ah a inkhung tlat a,a khawsak dan hi mak ka ti tak zet.Marina-i nen an inzui ngun hle tih ka hria,ka rilru chhungril hian thik viau mahse,engmah hrelo ang hmiahin ka ngawihbo pui tlat a,keimah ngawtin ka rilru hahna hi ka tuar tlawk tlawk ni berin ka hria.

Chawhnu her zet zawt a,pawn a pangpar lei tha ka pek lai a Charlie-a leh Sangsangi Bike-a rawn inphur ka hmuh chuan ka thil tih lai chawlh san a ka bula an rawn ding dat chu enin"in rawn leng dawn mi?"ka ti ha a.

Sangsangi chu ka bul a rawn zuang thla in"Nigel-a nen in inthen tur thu kan lo hria a,kan rawn tuarpui lawk che nih hi..ohh heng pangpar te hi uluk takin i enkawl duh mai mai nih kha,Nigel-a leh Marina-i te hi chu tuman an pawt hrang thei tak tak lo"a ti ham ham a.

Makti deuh tak a Sangsangi hmel ka enlai chuan Charlie'an"pawi ti duh suh.Nuthlawi hausa i ni dawn tho alawm,hotel-a Nigel-a share chanve i chang ang a.Bawngkawn a a in pawh i chan tur alawm"tia ka beng bula rawn kunin"nuthlawi mah ni la,ka iai lo che"a rawn tisup a.

He mite pahnih hian min ti a thei takngial dawn?Nigel-a nen kan inpawhlo hle tih ka hria,mahse then tumna leh duhna rilru ka pu ngailo hrim hrim.

Tawng chhuah ka tum lai tak a,gate lam a Nigel-a car rawn tlan lut ka hmuh chuan"kan inthen tur thu chu tuin nge hrilh che u"zawi sapin ka ti a.

Sangsang'in"Marina'in a sawi,saw Nigel-a te pawh a rawn kal saw"a ti lang lang a.

Car atanga Nigel-a file dum keng chunga rawn chhuakin"in be lawk ang?"tia inchhung lam a pan chuan ka lu bu nghata Charlie-a pahnih chu melhin"min hrethiam lawk rawh u"ka tisap a.

Sangsang'in"thingpui rawn in kan tum a,Nigel,inhnuai lamah kan lo nghak ang che u"a rawn tih chuan Nigel-a chu hmalam pan in a bu nghat ringawt a.

Bedroom a Nigel-a ka zui luh rual chuan"Nigel,diklo a awm mi?"ka tisap a.

Dawhkan chung a a file kenlai theh thla paha a neck tie awrh lai phelh thawlhin"lehkha ah hian i hming sign rawh,tichuan kan inthen ang"a ti deuh ngut a.

Makti zeta Nigel-a chu enin"inthen ka duh lo,ka sign lovang,Marina-i nen a in inkarah pawh ka rawn inrawlh ngai miah lo hi"ka ti raih a.

Dawhkan bul chair inhung pawtchhuak a thu deuh hnawk a,a file chu ka hmazawn a rawn theh pheiin"nang ang a hmeichhe vawt leh hmel hmuh hreawm zet bul a khawsak hi ka hne tawh.ka lo nei che kha ka inchhir tak zet a ni.hremhmun tenauah min awmtir a ni ringawt.ka mutpui tawh zawng zawng zingah chuan i la zei lo ber,Nang nena nupa kan ni reng a nih chuan Marina-i nen duh angin kan khawsak theih loh ka hlau ni.Nang hi ka hne tawh che"a ti charh a.

Nigel-a thusawi tin mai chuan ka thinlung hi chemte hriam taka vih ang maiin a chhun sawk sawk ni berin ka hria,ka kut humruh a boruak hip kawkin"dawt i sawi.."ka tih rual deuh thaw a,a kut rawn pharin"nang nen hian pawisa avang chauh a inneih kan ni tih i theihnghilh ta a mi?"a tih laia ka phone kenlai a rawn rik chuan ka en a.

Number ka save loh atang a thalak ka dawn chu enin"Nigel,i la inchhir khawp ang.i hmel hi vawikhatmah hmuh ka duh tawh lo"tia File tla chu chharin"ka chhuahsan nghal ang che"lehkha a ka hming sign chungin ka ti hrawk a.

Ka kalsawn tur chu nui ri huk a,ka kut a rawn chelhin"min kalsan i tum dan teh tawp chu a lungawi loh thlak hle mai"tia ka tukkhum sam a rawn man betin ka hmuiah a rawn fawp bawrh a.

Ka theih tawp a Nigel-a awm a chum vak a"i hmui tenawm zet hian min tawk tawh hlek suh"tiin kawngkhar lamah ka phei nghal a.

Ngatinge ka thin a tih rim lai ber pawh a,min fawhna khan keimahah nghawng ala neih cheu le?

Step-a chhuk thla paha Ka phone kenlai a"Nigel-a leh Marina-i khuma kawr ha lova an mudun lai thlalak chu en nawn leh ngatin ka hmui ka pet fan fan a.

Inhnuai ka thlen thlak rual a Charlie-a leh Sangsang'in min lo en ka hmuh chuan ka phone kenlai a Dr Rinchhani number chu hmetchhuak in ka dial a.

An tawngkam ngeiawm zet rawn phuhchhuah tur hi ngaihthlak ka chak hlawl lo.Bakah an hmuh laia rilru na anga lan ka duh lo bawk.

Dr Rinchhan'in phone a pick up rual a,Sang sang'in min rawn koh chuan kawngkhar lam pan san in"inah i awm em?"ka ti vat a.

"Awmlo,ka haw mek zawk?ngatinge rawn kal i tum mi?"aw zang vah a rawn tiin a nui har har a.

Kawngkhar pawn a chhuak pah a uite pahnih lu a chulsak in"Nigel,nen kan inthen a"ka ti raih a.

A rawn tawng tawh dawn lo emaw ka tih hnu lawk a,"in inthen a maw?a van rang teh thut ve,a phal lo chung chhuah i tum a mi?"a rawn tih lai a Marina-i car gate a rawn tlan lut mek chu enin"umm,khawngaihin min rawn hruai thei ngem"ka raih a.

Dr Rinchhana tawng ka ngaihthlak mek laia Marina-i car atang a rawn chhuakin"Oh nuthlawi khawngaihthlak,khawi lam kawng nge i zawh dawn?Nigel-a nen kan inkarah rawn inrawlh lo lang chuan interior designer tha tak i nia nga,tun ang hian i khawngaihthlak lo tur,i tap e law..?"min nuisawh zet a a rawn tih chuan rum zeta melh let kawkin"nula pangngai tak i ni emaw ka tia,i lo mawl hle mai,nupui nei tawh hetiang a zar buai reng hi i zak miah lo a mi?kei chu min khawngaih duh suh"ti ngat in Mamawii ngawi reng a lo ding chu ka melh hrawk a.

Mamawi'in ka lama a kut rawn pharchhuak a"kan inhmu khat hle mai"a tih chuan kalpel pah a rum zeta melhin"hmuh reng che u hi ka peih lo ni"ka ti hmak a.

Ka kuta rawn chelh bet a engthilemaw rawn hmeh bel in"keini pawn hmuh reng che hi kan duh lo"a ti a.

Marina'in"mamawi,i tawk peih e a,lokal rawh ka Nigel-a bulah luhsan ang.Sarah,he inah hian rawn kal tawh suh"a rawn ti lang lang a.

Gate lam pan a kal pah a rilru ipik taka ka hawi let a tukverh atanga Nigel-a rawn dak ka hmuh chuan inher leh nghal vatin"i la inchhir ve khawp ang.kei hi lungngai taka indawm kun turah min ngai suh"tiin ka phun sap a.

Kawngpui ka thlen rual a,Dr Rinchhani scooty-a rawn tlan ka hmuh chuan thaw deuh huaiin ka phone leh Mamawii lehkhathem min pek ka ken lai chu ka ak nghal a.

Ka bul a rawn ding dat paha"phone atanga hmeichhe tawng ri ka hriat kha Marina-i a ni tiraw,ava zak love,Nigel-a chu inah a awm em?va hmu ang?"a tih chuan ka lu thingin"kal vat zawk ang,nidangah ka bungrua chu min laksak dawn nia,helai hmun a awm reng ka duh lo"tisapin ka mittui rawn luang chu ka hru zauh a.

Min lainat hmel zeta a scooty hnunglam chu melhin"lo chuang rawh.Nigel-a teh hrep pawh hian engemaw a hriat le?ka la chhuah chhal dawn khawp mai.tenawm lutuk"ti nang nangin in lampang chu a melh ruai a.

Scooty hnunga lawnkai in"mipa tumah hi rintlak an awm lo nia"tiin ka awm tawt zet chu ka chum dat a.

Tah hawm hawm ka chak tak zet,Nigel-a leh a thianten min hmusit na hi engtikah mah ka theihnghilh tawh ngai lovang.

Dr Rinchhani te inchhung a kan luh rual a,Nu Kung'in(Dr Rinchhani Nu)"Sarah,i rawn leng dawn ni maw?i va ti tha ve?"nui chunga a rawn tih chuan Dr Rinchhan'in"Ka nu,ka thin a rim lutuk,Nigel-a nen an inthen nih hi,kan bulah a duh chen chen a awm ve dawn,lokal rawh Sarah ka room lamah i awm ve dawn nia"a ti hlar a.

Nu kung'in min rawn zui paha"in inthen a maw!ngatinge a?hetiang teh tawp a rawn chhuah te chu a dik hleinem"a tih chuan Dr Rinchhan'in a ke per tan tanin"Nigel-a thiam loh vek a nih hi,mi hausa awm ngaihna hre lo an nih saw.Marina-i ka hmuh hunah a sam ka pawt til sak ang"thinrim zet a tiin a bag kenlai chu chhuatah a vawm thuai a.

Nu kung'in"a va mak bawrh bawrh ve,Sarah,hahdam takin awm phawt rawh"tia ka dar a rawn khawih zeuhin room atang a chhuak nghal a.

Dr Rinchhan'in kawngkhar chhung lam a kalh sawk sawk a,ka kuta rawn chelh a,khuma min pawt thu in"Sarah,engkim min hrilh vek rawh.Nigel-a hian engvang ber a then che nge a nih?"a tih chuan Maimichhing a thawchhuak halhin"kan inneih hma atang khan Marina-i nen an inngaizawng alawm,atan chuan engtihna mah ka ni tawh lo"ka ti raih a.

Dr Rinchhan'in"lo inngaizawng pawh nise,engvanga nupui a nei che nge a nih?ka hrethiam thei thlawt lo.Nigel-a hi ka lo ngaihsan thin tehreng nen,tunah chu mipa tenawm tak a ni tih ka hria.Sarah,i pa te kan hrilh dawn em?"a tih chuan ka lu thingin"la hrilh rih lovang,inngaihtuah rih phawt ka duh"ka tisap a.

Min en vang vang pah a a ka kuta rawn humin"inngaihtuah rawh,nakinah thingpui ka rawn siam ang che.mahse lo intihhlum chu tum miah suh.Nigel-a aia tha mipa dang i tawng leh thuai ang.A ni chauh saw,he khawvela mipa awmchhun a ni hleinem" tia thochhuakin room atang hreh hmel zetin min chhuahsan a.

Ka thil tawn hi a rang teh thut em a,dawnsawn ngaihna pawh ka hrelo.inthen a duh a nih te chuan nizan hmasa a,rui chung a khum a rawn mu a hmangaihna min chen pui lai oh Nilo a tisa chakna ka chung a,a hrik thlak hma te khan min hrilh lawk ve tal tur a nia.ka thin a rim mai bakah ka zak ngawih ngawih,mahni pasal tilawm zo leh hmeichhe dang lak a humhim zo lo ni berin ka hria.

Ka kawr ipte ka zen a,Mamawii lehkhathem min pek dap fuh chuan phawrh chhuakin ka en a.

Lekhathem a"Nigel-a hi i rin ang a ni miah lo nia,chhel takin awm hram rawh"tih inziak ka chhiar chuan ka lu thing deuh nak nakin"enge a awmzia,Nigel-a hian min duh tawh loh thu sawiin kan inthen a,hetiang thil ka ngaihtuah zui nachhan tur a awmlo"ka tisap a.

Dr Rinchhan'in thingpui rawn chawi lut pah a"ka pa,pawh a rawn haw tawh.Zanriah eikhamah ka patea leh ka nu nen i bungrua an la dawn.Sarah,lungngai re re suh aw.nangma thiam loh pakhatmah a awm loh hi,Nigel-a zawk saw zak taka inkhung hmak zawk tur a ni"a ti hlar a.

Dr Rinchhani te chhungkua hian min ngaihsakin,rilru hah taka ka awm an hlau hle a ni tih ka hria.ka thinlung chhungril lamah hreawm ti viau thin mah ila,an hmuh ah chuan hlim taka awm hram hram ka duh a ni.

Nigel'an ka awmna turin Bawngkawn lamah in min pe a ni tih ka hria,mahse,awm tumna rilru ka neih loh mai bakah eng in nge a ni tih ka hre hek lo.

Dr Rinchhani te ina ka awm kar khatna chiah a,zanriah kan kilho lai a Pa Chunga(Dr Rinchhani pa) en paha"

Ka pa chung,kar leh atang Dehradhun lam a chhuk tur a inbuatsaih ka duh a.hetia engmah ti lova,awm reng chu a dik lo a ni"ka tisap a.

"Kan bul a awm hi hreawm i tih vang a mi?"Nu Kung'in a rawn tih chuan ka lu thingin"ti teuh lo,keimah zawk hian ka tibuai em che u a.Bakah khawlai vel a kalchhuah pawh hi ka tan a nuam lo"ka ti a.

Dr Rinchhan'in"Zak duh suh.Nang chauh hi pasal then i ni hlenem,star tu che an awm nual in ka hria,Damdawi in lamah pawh mi panga velin i awmna ka hriat leh hriat min rawn zawt ngat asin,chung zingah chuan Footballer Samson-a pawh a tel ve nia,nangman tumah hriat tir i duh lo tih ka hriat avangin ka hriat loh thu in ka lo chhang zel ringawt"Dehradhun lamah chuan awm tum lo mai rawh.Ka Patea te school-ah zirtirtu hna thawk zawk la"a tih chuan mitmeng zim san a enin"ka hre lo le,mahse,tunah rih chuan Mizorama awm hi nuam ka ti vak lova"ka ti raih a.

Pa chung'an"Nangma thu thu a ni.Sarah,kan lakah hi chuan inthlahrung suh aw.Rinchhani hian chawlh la se,Dehradhun lamah chuan zuk kal dun ula a tha ang.nangmah mai a i kal ka remti lo ni"aw dam dap in a ti a.

Pa Chunga chu hnial duh viau mah ila,min ngaihtuah zia leh,an nau ang chiah a min en avangin a thu ang a awm tur ka ni tih ka hria.

Zanriah eikham a room chhunga ka pa phone a zin ka tum tih ka hrilh chuan"sarah,khawiah mah zin suh,i awmna hmunah khan tha takin awm la,i kiang a mite tan malsawmna nih tum rawh.zin chu tum suh ang che"nghet charhin a rawn ti a.

Luhlul deuh tak a"Pa,i hrethiam lo nih kha,mitin deuh thaw in Nigel-a nen kan inthen tih an hre ve vek.khawlaia vah chhuah pawh ka tan a hreawm alawm,UAnnie-i kiangah hna ka thawk rih dawn alawm"ka tih chuan"khawiah zin suh ka tih chu,min hnial fo suh"a rawn ti hlur a.

Ka pa nena kan inbiak zawh chuan lungngawi lo zet a ka phone melhin"ngatinge maw min hriatthiam theih ngai miah lo le?"ka tisap a.

Dr Rinchhani room-a rawn lutin"Sarah,Nigel-a a rawn kal nia,i awm lo tih ka hrilh chung pawhin biak che a duh thu leh,a biak hma loh che chu kalsawn a tum lo tih a sawi a,ka nu leh pa te an lengchhuak daih bawk si a"mangang aw takin a ti a.

Phawk zeta Dr Rinchhani chu enin"hmuh ka duh lo,sawi tur a neih chuan an chhungkaw ukil kaltlangin min hrilh rawh se"ka tih zawh rual a room kawngka chu rawn inhawngin Nigel'an"engvanga helai hmun a awm reng nge i nih?i chenna tur in ka pe che a ni lawm ni"ti ngutin kawngka nghengin a ding ngul a.

Thinur zeta Nigel-a a chu melh hrawkin"i va zak lo ve,ka duh duh na ah ka awm ang,i lak atang engthilmah ka duh lo.chhuak rawh"ka ti hlar a.

Dr Rinchhani chu ka bula rawn dingin"Nigel,chhuak rawh,Sarah-i hi mualpho takin i in atang i chhuah tir a,hetianga i ti dawn a nih te chuan ngatinge nupui atan i neih?mipa ho hi in lo tenawm hlawm khawp mai.I bialnu Marina-i bulah ka kal rawh"a lo ti ve hlar a.

Kan thusawi ngaipawimawh lo zeta min rawn pan hnai chunga chiang zet a min en ngurin"he hmun atang hian awm sawn la,in ka pek ah che sawn awm rawh.midang chhungkua i tibuai tih i in hre lo mi?"a ti ngut a.

Tawlh hnung hret chunga Dr Rinchhani ban a hmer vakin"kalsawn rawh.i thusawi apiang zawm tur ka ni lo,i huangtau mah mah a ni.ka tan engtihnamah i ni lo"ka ti khur dar dar a.

Rum deuh ngut a,a sam tuai puat in"a tha e,i duh ang chuan lo awm phawt rawh,Kar leh inrinni ah Hotel kan hawng dawn a,a design tu i nih angin rawn kal ang che"thupe aw zet a tiin a chhuak nghal vut a.

Dr Rinchhan'in min ngaihtuah tih hriat tak a"i tha em?Sarah,Nigel-a awmdan kha a va mak ve"a rawn tih chuan ka thinphu dup dup zawna ka kut nghatin"min thawng tak zet,URinchhan,he mihring tluk a huat hi ka nei ngai lovang"ka ti khur dar dar a.

Ka dar a rawn kuah paha khum a min thut tirin"lungngai miah suh,ngawi tak rawh,a rawn kal leh a nih vaih chuan a chak lo viau ang,a haw tawh leh tawh loh kan va enchiang nge aw"tih leh room atanga chhuah a rual a.

Ka thin a rim tak zet,a nupui ka ni tawh lova,ngatinge khatiang thu sawi tur a,helai hmun a a rawn kal,a duh duh dan a tih kual theih turah min la ngai a mi?

Motor tlan ri ka hriat hnu lawk a,room atanga ka chhuah chuan Dr Rinchhan'in"a kal chiah,Sarah, Nigel-a awmdan khan ka ngaih a ti tha lo khawp mai"a lo ti vat a.

Thawhalh paha kawngka lam hawiin"URinchhan,boruak thianghlim dawn ka duh a,kan tei harh lawk aw.ka rawn haw har lovang,ka pa in khawiah mah zin a phal loh avangin Dehradhun lamah chuan kan kal thei loh hmel"ka tisap a.

A lu bu nghat a min rawn en vang vangin"kal hla suh aw,buaina i neih chuan min lo be vat dawn nia"a tih chuan kawngkhar lam ka pan phei nghal a.

Pawimawh : Next atang chuan story grp ah link dah a ni tawh dawn lo a, story fb group ah vek link hi dah a nih tawh dawn avangin story fb group in lo join vek dawn nia
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:57 pm

NEVER ALONE-29
www.storyfb.com mizo story thar englai pawhin chhiar tur a awm reng

Footpath-a kal pah a Nigel-a thusawi leh awmdan ka ngaihtuah zui chuan ka rilru a buai tak zet."i duh ang chuan lo awm phawt rawh"tih thu a sawi nachhan kha engvang nge niang le?

Ka theih tawpin keipawn kan inthen hi engatan mah ka ngai bik lo a ni tih ka lan tir ve ngei tur a ni.Dawih zep tak ang leh dik lo zawk anga,hetiang a ka inkhung bo reng avang hian midangin min endan leh min ngaihdan engmah ka tihdanglam phah lovang.midang rilru en lovin,keima duh dan leh tha ka tih angin ka nung tawh ang.Nigel-a in pek pawh chu midang ka luah tir loh pawh in keiman ka luah a nga ni mai.

Ka bul lawk a,Pulsar bike rawn ding dat ka hmuh rual chuan Ramchhan'an a helmet khum lai phelh pahin"Sarah,ka tum loh zet a,kan han hmuh nawlh che chu,a mak hle mai"rawn tiii ka bulah a rawn ding nghal zat a.

Thaw halh paha Ramchhana chu melhin"enge helamah i tih ve dawn a?"ka ti vat a.

A kekawr ipte zen a,a aw thian kharhin"midang an awm lo bawk a,kan sawi tlang law law nge.Hotel-a i share hi Nuai hnih in min lei tir rawh"a ti ngut a.

Motor rawn tlan mek eng in a Ramchhana hmai zawn a chhun rual chuan a hmel chang rut mai chu chik zeta melh in"keipawn tlang takin ka hrilh ang che.Hotel-ah sawn share pakhat mah ka nei lo.i duh leh ka pasal hlui ukil i zawt dawn nia.thildang min zawh duh ila nei em?"ka ti ngat a.

Ngeiawm zet a nui paha a lu bu in"Nigel-a nen hian engvanga inthen nge in nih?court-ah magistrate hriatpuina in in inneih deuh chiah a,hetianga awlsam tak a,inthenna lehkha an pek chhuah leh mai che u hi mak ka ti a ni.inthen reng chung pawh hian in lo la inhmu ru fo a mi?"a rawn tih chuan ka chil lem khalh ka kut humruhin"kan inhmu ngai hauh lo.engvang a,kan chungchang a lo buai ve viau nge i nih?"ka ti ngat a.

"Ka nupui ni mai tur fapa leh monu inthen dan chungchang hriat chu a rem lo viau a mi?i thiannu Dr Rinchhani te inah sawn i la awm zel dawn em?"a tih chuan ner deuh sawk a,inher in"ka hnen atang engmah hriat inbeisei suh.Eddie-a Patea i ni tih hre lo ila chuan ka be miah lovang che"kalsawn pahin ka ti a.

Inchhung ka luh rual a Nu Kung'in"Sarah,I pasal hlui a rawn kal tih Rinchhani hian a lo sawi zo chiah a.hreawm i ti viau lo maw?"a rawn tih siam siam chuan Nui lui sakin"hreawm tihna ka nei hleinem?zan inah Ukil Mawia Bawngkawn a,ka intur address ka zawt a nga.URinchhani,naktuk zingah i hman chuan min enpui lawk thei ngem?"ka tisap a.

Dr Rinchhan'in"insawn i tum tihna mi?Bawngkawn a i in chu midang luah tir mai la,hetia awm tlan hi a nuam lawm,ka nu pawn,kei aia English leh Hindi i thiam zawk avangin Oriens herbal damdawi a zawrh chungchangah a chhawr em che hi,awmsawn lo mai rawh"a tih chuan Dr Rinchhani kut a khawih zeuhin"mahni a dik taka sumdawnna bul tan ka duh a ni,sum ka thawhchhuah ve chuan midang thu hnuaiah ka awm lovang."ka ti charh a.

Pa chung'an"min rawn kan fo dawn a nih te chuan a tha lawm,awmsawn in tum meuh chuan hei I Nu Kungi pawh a hmui a tih kawh leh tak vu hi"nuisungin a rawn tih chuan Nu Kung'in"ka hmui ka ti kawh kher lo,Sarah,Nigel'an kan in atanga chhuak tur a,a duh vang che a mi chhuah i tum?A thusawi chu ngatinge i la ngaihpawimawh viau"a rawn charh a.

Makti deuh tak a ka mit khap fak a,Nu Kungi chu enin"Nigel-a thusawi vang a ni lo,keima hmakhua ka ngaihtuah vang zawk alawm,in kiang a awm reng chu ka duh lutuk,mahse,puitling taka inenkawl ka duh a ni."ka ti charh a.

Ka muthilh laia Dr Rinchhan'in ka dar a rawn sawi chunga"sarah,rawn tho teh,bengcheng lo la,kan in kawtah mipa pakhat a vei kual du du in ka hria"a rawn ti sar sar chuan ka puansin lai theh hlimin"tunge a?misual a ni em?"ka ti a.

Ka hmui a rawn hupin"tawng ring suh,ka nu leh pa te kan va hrilh ve nge,parda phen atang khan fimkhur deuhin lo enthla la,tunge tih lo hriat tum rawh"ka bengbula ti sar sar in room atang chuan thawm dim zetin a pen chhuak a.

Hlauthawng ru tak leh thinphu dawt dawt a parda kar atang a pawn lam ka bih chuan garage bul a mipa pakhat kawr dum ha a,lukhum phiar khum In lam rawn hawi a,a phone a mi a be lai chu makti taka enin"tunge le?tun ang zan dar hnih ah helai ah hmunah engthil nge a tih"ka ti rilru a.

Ka en reng lai chuan a lighter hmet alh a,a phone chu ak tha in,a lighter alh chu garage chungah a vawm lut a.

Room atanga tlanchhuak vatin"URinchhan,Ka Pa Chung,garage chhungah a lighter a vawm lut nia,misual a niang"tiin Pa chhung a te nupa leh Urinchhani room atanga rawn chhuak mek bulah ka ti hluai a.

Pa chhung'an hmanhmawh taka choka lam atanga chemte va la a,kawngka a hawn chuan kawngpui lamah bike chak zet a tlan chu ka hmu nghal.

Nu kung'in"misual a ni ngei ang,UChung, garage chu lo va en rawh, sarah,in pahnih khan bucket-in tui va khai rawh u"a ti chul a.

Pa chung'an"tui kha,tui kha,lo la vat rawh u,mei kan thelh mih vat a ngai nia"aw ring tak maia a rawn tih chuan bucket-a tui khai chungin hmanhmawh takin kan tlan chhuak a.

Thenawm in hnih ten a mei min rawn thelh pui ve vat avang chuan thil pawi a thlen hma in kan mei kan thelh mit thei hram,thenawmpa pakhatin,khawnvartui bur ruak lek pah a"a hmel in hmu hman em?khawnvartui nen meuh a hal a nih hi,thelh vat lo phei ila chuan thil pawi tak a thleng ngei ang.Police lam kan hriat tir ve dawn a mi?in chhungkua tinat tumtu awm an awm em?"a tih chuan Pa chung'an bucket ruak kenlai a nupui pe pah a garage kawngkhar kang ut ruam chu enin"thil pawi a kang hman chuang lo.Police lam chu pun rih lo phawt mai ang.inchhung lamah lut phawt ila,thingpui in teh ang u"a tisup a.

Nu pakhatin min rawn en paha"khawi lam mi nge i nih a?"a tih chuan Dr Rinchhan'in"ka nau a nih hi"tia ka kuta rawn chelhin inchhungah min luh pui a.

Mei kha thelh mit vat lo ila chuan Pa chunga te car bakah,inpui thlengin a rawn kang kai ngei ang.a hal tupa kha tunge maw ni dawn le?

Themawm ten min tin san hnu chuan Pa chung'an"Sarah,a hmel i hmu hman em?"a tih chuan ka lu thingin"a hmel tak ka hmu chiang thei lo,Pa lian lampang,khabe hmul nei a ni tih chauh ka hria,Ka pa chung,keima vang a ni thei ngem?ka hriat loh hian min lo haw viau tu an awm mi le?"ka ti raih a.

Ka rilruah Nigel-a a rawn lang nghal,mi nunrawng leh midang tihnat hrehlo mi tak a ni a,ama rawn tih tir a ni ngei ang.helaia ka awm hi engvanga duh lo viau nge a nih?

Nu Kung'in"nangma vang a ni lovang,hreawm ti duh suh"min hnem tum taka a rawn tih chuan keima vanga thleng ni in ka ngai zual sauh.

Khua a var tan lek lek tawh avang chuan mut zui lehna chi pawh a ni tawh lo.URinchhani nen a garage hnawk kan then fai lai a"URinchhan,khawngaihin Nigel-a in lamah min kalpui lawk thei ngem?biak lawk ka duh a"ka tih chuan min rawn en vang vang a,a lu bu nghatin"kan kal dawn nia.mahse,Nigel'an hetiang thil hi a tih tir duh ka ring lo.keimahni min tih nat duhtu tu emaw ber an niang"a ti raih a.

Nigel-a in kawt kan thlen chuan gate ala inkhar thap,ka phone kenlai phawrh a,Nigel-a number chu dial in ka ngaithla vang vang a.a pick up tawh dawn lo emaw ka tih hnu a,mutchhuak aw zet a"sarah,tun ang zing.."a rawn tih rual chuan"biak che ka duh,gate bulah kan awm nia?i bialnu nen a in mudun lai rawn tih buai kher che u ka duh lo,rawn chhuak rawh"ka ti fak a.

Rum deuh ngut a"ka rawn kal ang"tia phone a dah chuan ka phone chu ak paha Dr Rinchhani melhin"scooty bulah sawn min lo nghak lawk la"ka tisap a.

A mitko san ak a"nangmah a hmachhawn i zuam meuh a maw?sarah,in inkar a rawn inrawlh tur chu ka ni lo tih ka hria,mahse,nangmah a hreawm i tuar.."a tih chuan"ka kiangah in awm tih ka hria lawm,URinchhan,min ngaihtuah suh.Nigel-a hi ka tan engtinamah a ni tawh hleinem."ka ti vat a.

Hreh deuh taka kan dinna piah a scooty bul a a phei lai chuan maimichhingin boruak ka hip lut kawk a.

Nigel-a kawngkhara kekawr bul leh tawnzau ha a rawn chhuak ka hmuh chuan ka thin a rim hluah hlauh,gate bul a rawn thlen rual chuan"engvanga nunrawng viau nge i nih?Pa chunga te chhungkua lehzel tuar tir a ngai mi?Nigel,ka rin phak bakah i tenawm,i hmel hmuh hi ka duh hauh lo,mahse,keimah avangin Pa Chunga te chhungkua hi tinat tum tawh suh,an in atang ka insawn chhuak dawn"ka ti vin hlar a.

Gate rawn hawng paha URinchhani lam chu hawiin"engtin nge in awm a?helai a in ankhum ai chuan inchhung lamah inbe zawk teh ang u"pangngai deuh tak a tiin min rawn melh dan dan a.

Tawlh hnung hret chung a,ka kut hum ruhin"kan rawn lut lovang,ka sawi duh ka sawi tawh a,kan kalsan tawh ang che"ka tih chuan ka banreka nghet zet a rawn chelhin"i thusawi ringawt ngaithla turin pawnah ka rawn chhuak lo,engtin chiah nge in awm tih ka zawt che u a nih hi,min chhang thuai rawh"a ti hluk a.

Thinrim zeta min chelh behna atang a talchhuah tum chung a,a hmaia ben tuma ka kut lehlam pharchhuak chuan lo man betin"ka hrechiang hle che asin,ka zawhna che min chhang rawh"a tisup a.

Dr Rinchhani chu kan bula rawn tlan phei vat paha Nigel-a ban a chum sakin"thlah rawh,hetianga awlsam taka i nupui hlui kut i thlak duh dan atang hian kan garage rawn hal tupa kha nangma rawn tirh ngei a niang"a ti hlak hlak a.

Dr Rinchhani chum na chu engatanmah ngai lo niawm taka Chal chuar tap a min rawn melh chhuk runin"a sawi chu a dik em?garage chu an rawn hal a maw?"a ti charh a.

Thinrim zeta melh kawk a"Hal e,hal e,thil pawi a kan hma in thenawmte nen kan thelh mit hman,i thinrim viau lo maw?i duh angin engmah a kang ral hman si lova,min thlah rawh"ka ti fak a.

Thawchhuak hawk a,a kut chu la thla in"a pawi hle mai,tih tur ka nei,helai hmun atang hian kalsawn rawh u"a ti hluk a.

Ka kut tuai vut vut a,Nigel-a chu rum zeta melh kawkin"i thu lovin kan kal ang.Bawngkawn a in saw,i kiang a hreawm ti tak a,ka khawsak man a min pek angah ka ngai.i ta a ni tawh lo tih hria ang che...E chuan Nu Hriati leh Ramchhana inneih tur chu ka lawmpui khawp mai"ka ti ngat a.

Phun hluk pah a ka kalsawn tur chu ka dar a min kuai her lawpin"tu in nge hrilh che?ka nu emaw Ramchhan'an an hrilh che mi?min chhang teh?"dawhthei lo deuh taka a tih chuan a kut vai thlaksak lawp in"min khawih suh,i zawhna ka chhan zel nachhan tur che a awm lo,i tih tur chu ti thuai rawh.mahse,ka nunah rawn inrawlh suh"ka ti vin hlar a.

Dr Rinchhan'in a scooty tinung pah a"sarah,lokal rawh,ani biak reng kha a tul lo.amah aia tha mipa an tam lutuk"a rawn tih chuan rang zeta a hnunga lawnkaiin kan tlan sawn nghal a.

Darthlalang atang a Nigel'an thinrim tih hriat zeta thir gate a chhir thuai thuai ka hmuh chuan a ruahman angin a awm lo tih ka hria.

Ngawi reng motor kawnga kan tlanchhuah rual a Dr Rinchhan'in"awi kha mihring han luhlul hmel zia kha,ka chumna lamah keimah zawk hi ka na vekin ka hria,Bawngkawn lam a,i in tur chu en nghal law law ang aw"a tih chuan"a tha lawm"ka tisap a.

Nigel-a hmu tur a ka kal leh kher hi ka inchhir tak zet,amah hmu lovin,lo phone zawk ila,a tha mai tur.ka haw em em chung pawhin keimahah danglamna engemaw tak a nei reng chu a ni si a.

Bawngkawn a Nigel-a in min pek building in hring,chawng thum zawn a Dr Rinchhani nen a kan din rual chuan makti deuh taka ka phone a,Ukil'in address min pek chu ennawn leh ngatin"he in ngei hi a ni?ukil khan kan duh ber luah turin leh a dang hi chu midangin luah an tum tih a sawi a,inchung ber khi en hmasa ang,kawngka password chu 164309 a niang"ka tisap a.

Kawngka kan hawn rual a Dr Rinchhan'in"Nigel-a birthday hi engtik nge?"a tih chuan inchhung a bungrua leh Furniture changkang tak tak chu thlek kualin"September ni 30,tinge min zawh,a hming sawi ka peih tawh lo"ka tisap a.

Couch pawl dal tlang zut zai zai paha a lu bu zauhin"nang April ni 16 ah i piang a,kawngka password saw in birthday ni ve ve a nih ngei saw"a tih chuan ka lu thing nakin"chutiang si se a ngaihtuah lovang,ka luah hunah ka thlak nghal ang"ka hlur a.
Pawimawh story group lamah link hi post a ni tawh lo mai thei a, chuvang chuan story fb group lamah link hi in lo ngaihven thin dawn nia
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:58 pm

NEVER ALONE-30
www.storyfb.com mizo story thar englai pawhin chhiar tur a awm reng

Dr Rinchhani nen inchhung a kan luh rual chuan Nu Kungi rawn tawng tum mek bula Dr Rinchhani chu kalin"Ka nu,Sarah-i in ah kan kal kual lawk alawm,a nuamin,a changkang lutuk,engkim a awmsa vek lehnghal,a insawn hunah ka riak ve dawn nia"ti hluaiin phone a ka inchhung thla a lak ho chu Nu Kungi a hmuh a.

Keipawn khatiang in em em kha chu a nih ka lo beisei miah lo,keimah chauh a awm nan chuan a zau mah mah in ka hria ni.

Nu kung'in min rawn en paha"a va nawm hmel tak ve,Sarah,chaw eikhamah Oriens a ka thil chah min lakpui rawh aw.Nang pawh hian hmeichhe lam damdawi Asparos hi ei ve la,rai thei lo pawh an rai phah asin"a tih chuan ka ner sawk ringawt a.

Dr Rinchhan'in"ka Nu i duh duh hi lo sawi ve ziah suh,sum i hmuh duh avangin ka hming te pawh i lo sawi fo lehnghal"lungawilo deuh taka a rawn tih chuan Nu Kung'in"Sum tel lovin,engtin nge kan khawsak ang.he khawvel hi chu a dang chak ngawt mai.fate ngei hian min chhuah chhal ta reng mai nih hi"tiin choka lamah a phei nghawng nghawng a.Nu Kungi hi a chang chuan a fanu ai hian a che naupangchhia zawkin ka hria,ka nuih a tiza ru tak zet.

Nu Kungi nena inkhai bawr teuh chung a milinium centre bul kawngpu sir a,taxi kan chan laia Kan dinna bul lawk a Nigel-a leh Marina-i rawn kal ka hmuh chuan ka phone kenlai bih vatin ka inseh ruh vak a.

An pahnih ber kher hi chuan hmuh ka duh lo tak zet.Marina'in"sarah,i tha maw?nuam i tih hmel hle mai,Nigel-a pawisa pek che in hetiang hian i bazar chu a ni si a.Nigel-a hi cheng khat pawh rawn dil tum tawh suh ang che"rawn ti fakin Nigel-a banah a chelhsak a.

Nigel'an,Marina-i duat hmel taka a en hnu a,min hmusit tih hriat zet a,a rawn khi deuh suk chuan ka nghing lawihin ka hria.

Khaw laia awm ni lo ila chuan ka thinrim na hi ka au chhuahpui chiam ngei ang,inthunun tum tlat chung a ngawi reng a ka phone ka hmer vak rual chuan Nu Kung'in"in va zaklo reuh e.Sarah-i laka khatiang thu rawn sawi tur khan tunge i nih?sarah-i hian Nigel-a nilo mipa hmeltha tak a nei tih in lo hre dawn nia"lo ti chiamin ka kutah a rawn chelh a.

Nigel'an kha zeta"a va ropui ve,Marina,kal vat teh ang"a tih chuan an pahnih a hmai a ham bawrh bawrh ka chak tak zet.

Nu Kung'in min kaih sawn rual a,kan hnunglam atanga Marina-i chu rawn nui ri deuh hakin"Nigel,mipa a mamawh bawk a,a lo zawng hmu thuai a ni saw?nuthlawi zah nachang hre lo lutuk"a tih chuan ka hmui pet a hawi letin"nangni in zah lo phawt te chuan,zahna tur ka nei bik lo"ka ti hmiah a.

Nu Kung'inTaxi lo tlan mek phar ding a,min luh tir lai a Nigel-a leh Marina-i te inngheng rial a kalsawn chu enzui ngatin"tenawm dun lutuk"aw khur dar darin ka ti a.

Taxi a tlan rual chuan inkuangkuah chung a Nu Kungi chu enin"tinge,khatianga dawt i sawi a,ngaihzawng ka nei miah lo nia"ka tih chuan hnunglam hawi let zauh pahin"min hrethiam rawh,ka rilru a awm ang ka rawn sawichhuak tawp nih kha,Bakah anni pahnih khan an hmuh hniam che ka duh lo"a ti hmak a.

Ka thin zawn na lutuk chu hreawm ka ti tak zet,aw rawl chhuah a,ring taka au vak vak ka chak a ni.

Nu Kungi nen taxi atanga inkawt a kan chhuk thlak rual a,kawngkhar bul lawk a Nu Hriati leh Ramchhana lo ding vang ka hmuh chuan mak ti deuh taka in lam panin"hetah enge in rawn tih?"ka ti hmuk a.

Nu Hriat'in ka bula kal Nu Kungi ngaih nep hmel zeta en paha"biak che ka duh,chhungkaw thil ah"a tih chuan thaw deuh kawkin"engmah sawi tur ka nei lo,in chhungkua nen inzawmna kan nei tawh lo tih i hriat kha,khawngaihin,min kalsan rawh u"ka ti hmuk a.

Ramchhan'an"Hotel-a Nigel-a share chanve saw,i kut a,a awm leh awm loh hriat kan duh,in inthen hma kar khat ah khan Nigel'an a share chanve tu emaw ber hnenah a ti ral tih kan hria,nang hi a lo pe che em?"dilchhut deuh taka tiin min rawn pan hnai a.

Nu Kung'in kawngka hawn tum pah a"inchhungah lut ang u"a lo tih chuan a kut a chelhsakin"An pahnih hian kalsawn phawt zawk rawh se."tia Ramchhana chu en in"in thusawi awmzia ka hre lo.engvangin nge, Nigel'an a share chanve chu min pek ngawt ang.min lo pe tak tak se chuan lawm takin midang hnenah ka hralh duhin ka ring"ka ti fak a.

Nu Hriat'in"Nia,nang chu a pek duh chhiah che ka ring lo.ka fapa leh keini ho hian fa i pai thuai kan lo beisei a.mahse,tun thlengin i la rai si lo,hmeichhia fa pawh nei thei lo chu engtihnamah in nilo.ka fapa in a nei duh che kha lawm hle rawh,in ba in tlak vek phah a,chuti nilo se chuan jail-ah i Pa ho in in awm thap ang"ner sawng in a rawn ti a.

Ka thinrim em avang chuan engthu mah ka sawi chhuak thei der lo,an hmuh lai hi ka mittui hi rawn tla lo se ka duh tak zet.An ni ang em em a,mihring nunrawng leh nupa inkungkaihna ngaipawimawhlo hi an awm in ka ring lo.

Nu Kung'in ka bana min pawh dawrh rual chuan"haw vat rawh u,nangni chhungkaw laktlak loh zet hmel hi hmuh ka ning tawh"ti vin hlarin inchhungah min luhpui in kawngka a kalh sawk sawk a.

Ka bing deuh mupin ka hria,ka thil kenlai ho chu sitting room dawhkan chung a dahin room lamah ka tlan phei a.

Eng thil ber nge kei hian tih sual ka neih,ka chunga thil thleng hi hriatthiam harsa ka van ti tak em?ka rai theih loh vang a mi Nigel'an min then?

Nu Kung'in min rawn kuah paha"Sarah,Lungngai suh.Nigel-a nu kha a va rapthlak em em ve.i rai hma a in lo inthen hi a lawmawm daih zawk nia"a ti dap a.

Ni e,a lawmawm daih zawk.Pasal ten ngaihzawng dang an nei tih hriat kha a hreawm duh tak zet,Nigel-a fa pai hman lova kan lo inthen hman avang hian Pathian hnenah lawmthu awm rawh se.

Ka mittui tling par mai chu hru zeuhin"ka lungngai hleinem,ka nun atang Nigel-a leh a chhungte ho hi ka paih chhuak vek tawh"ka tisap a.

Dilchhut hmel deuh taka min en vang vang hnu chuan a lu thing mat matin"Ka hrethiam thei lo a ni.Va insilfai teh,Lammual lamah inkhel va en ve ang.inah i inkhung chawt chawt a,a tha dawn tlat lo,Depression i lo nei palh nge"a ti hluai a.

Mitmeng ti zim chunga Nu Kungi chu enin"ka duh rih lo,football i en ve thin a mi?tu te nge inkhel dawn a?"ka tisap a.

Inngaihtuah niawm taka ngawi deuh vang vang a,ka dar a rawn kuahin"Tu te nge khel dawn ka hre bik lo,intih harh i mamawh,insiam la chhuak vat ila ni mai"tiin min tur sek a.

Ka va peih lo tak,ka kawr dahna steel almira chu hawngin"ka thawmhnaw vel hi rem fel ka duh asin,pawi i tih loh chuan nangmahin va kal mai ta che"ka tih chuan ka jacket buang chu rawn la in"keimah a kal ka duh lo,zanah i thawmhnaw chu kan tifel dawn nia"a ti hluai a.

Ka hmai phih fai zo,foundation ka inhnawih laia ka phone a rawn rik chuan min rawn call tu hriat tumin ka en a.Ngatinge Samson-a pawh hian min rawn call fo le?hreh deuh tak a pick up in"enge ni?"ka ti hmuk a.

"Min chhang ka lo beisei miah lova,kan inkhel dawn a,min lo en ve la,anih loh pawhin TV lamah min lo thlir la"aw zangkhai zeta Samson'an a rawn tih chuan ner nangin"lammual-ah inkhel kan en dawn a.Samson,khawngaihin tul lovah chuan min rawn biak tum tawh suh.ka dah dawn nia"tiin kan inbiakna chu ka ti tawp hmak a.

Phone ka dah hnu lawk a,message tone a rawn rik a,ka en chuan"min lo tan rawh aw"tih ringawt Samson'an min rawn thawn ka hmuh chuan phone chu ka bag a dahin"Nu Kungi hian Samson-a te inkhel tur hi a hre sa mi le"ka ti rilru nauh nauh a.

Nu Kungi nen a Lammual gate chhung a kan luh a,inkhel en tum mipui tam zia ka hmuh chuan mak ka ti tak zet,hla sa chungin an au nasa em em mai lehnghal.

Thutna tur zawng a ka hawi kual ruai a Pavilion lam ka en chuan Nigel-a leh Marina-i inhnaih zeta t-shirt inang ha a thudun chu makti deuh takin ka melh vang vang a.Kan inneih lai khan football chungchang a sawi leh a en ngai ka hre si lova.

Nigel-a chanchin ka hrelo lutuk chu ka in nuihzat tak zet,Nu Kungi nen midang zing a kan thu fel deuh chiah tih a,ka hming lam a rawn au vak ri ka chuan hawichhuakin Field chhung atang a,Samson'an kan lam hawi a ban a rawn phar chu ka en ha ringawt a.

Kan hnunglam a hmeichhe pakhatin"awi saw Samson'an,ka hming lamin min rawn bye bye nia,ka duh lutuk,A nuam e..engtin nge ka hming a la hriat theih zawk"a lo tih chuan ka nui suk a.

Inkhel an tan rual chuan kan bula mite chu Samson-a hming lamin an au nasa ngei mai.A chang phei chuan ka beng hi a kiu rum rum lehnghal.

Ka tum loh zetin Nigel-a thutna lam chu ka hawi leh fo mai.ka ngaihbel nge ka hre lo,Nigel-a pawh chuan field lam hawi lovin kan thutna lam a rawn hawi ve reng ni berin ka hria.

Inkhel an chawlh lawk rual a Nu Kung'in"kan haw tawh dawn mi niang,ka lu a na bur in ka hria"a tih chuan ka lu nghat a thochhuakin"ngatinge a hma khan i lu a na tih i sawi loh"ka tisap a.

Gate-a kan chhuak tur Sang sangi leh Charlie-a rawn inzui ka hmuh rual chuan Sang sang'in"Eheu leh.. Charlie,enteh Sarah-i a ni reng mai,Samson-a te inkhel a en ve niang."nui har har chung a tia ka hmazawn a rawn dingin"Nge ni a?Nang hi Nigel-a hma a lo in show kual i tum zawk?i la beisei reng a mi"a ti fak a.

Charlie'an,sang sangi dar a kuah a"thingtlang lamah i awm emaw kan tia,Samson-a hian kan lakah zep a lo nei ni maw?khawiah nge i awm a?"tiin Nu Kungi nen min entawn nghal a.

Nu Kung'in"ngatinge,Sarah-i hi in rawn tih buai tei vet hlawm le?in tan hian a hlu viau ni ngei ang.heti khawp a in lo zar buai hlawm"tiin min kal pui a.

Sang sang'in"ani kha engtihna mah a ni lo"a rawn ti vak a.

Nu Kungi hi awm lo se,keimah mai chuan Sangsangi leh Charlie-a hi ka hmachhawn hlei thei hauh lovang,ka rilru hria niawm tak a ka thlavang hetia a hauh avang hian ka thlamuang in ka huai deuh sawtin ka hria.

In lam pan a Taxi-a kan chuan laia Nu Kungi thu tum bur mai chu melhin"ka lawm lutuk,chakna min pe ni maiin ka hria"ka tisap a.

Min rawn melh vang vang paha thaw halhin"Sarah,khatiang taka an la buaipui hlawm che kha mak ka ti a ni.Huaisen takin tawngkhum ve hmiah hmiah rawh,chutilo chu,i lakah an huangtau telh telh zawk ang.An ni ho kha hmuh duh lo mah la,mizoram zim te ah hian hmuh hun i la nei zel dawn.Tunlai ah chuan a tawng chak apiang an dingchang a ni mai,ngawi mai mai tawh suh aw"a ti chiam a.

Ka ngawi reng dawn bik hauh lo,keipawn ka thinlung chhungah hian thu tam tak ka chhek khawl teuh tawh,chung zawng zawng chu a hun takah,a tul dan ang zelin ka sawi chhuak ang.

Nigel-a ringawt ka mitthla leh thin avang chuan ka inhaw tak zet..in kan thlen rual a,Nu Kungi te Thenawmpa in"Nizan lamah Misualin an rawn tibuai tawh che u a.Ngatinge in in chhuahsan vek.mi pahnih in inhnung lam tukverh frame an lo kar mek lai,Ka fapa nen kan hmu hman hlauh,kan hmel an hmuh rual in,an tlanchhe nghal vat a ni.Police lamah report tawh ula a tha ang"a lo tih chuan engmah sawi lovin Nu Kungi nen inen rual vatin inchhungah kan tlan lut a.

Nu Kung'in a pasal a phone lai chuan rilru buai takin choka lamah ka vei kual sek a,tu te nge hetiang thil ti tu hi niang le?sitting lam a ka phei tur Nu Kung'in"UChung,rawn haw vat mai rawh.Amah tihnat an duh vang emaw a thil engemaw tak an duh vang a niang,ka hlauthawng a ni"a tih ri ka hriat chuan ka maimichhing sawk a.

Ka hming lam lo mahse,ka chungchang a sawina a ni tih hrechiang.helai hmuna ka awm hi Ramchhana leh Nigel-a te nufa bak midang ka hmelhriat awmin an hriat ka hre lo.Ramchhana leh Nigel-a nu te tirh ni dawn se,ahma pawn in kawngka bul a dingin an mahni ngeiin min lo nghak si a.A ruk,a ral chuan an chet ka ring bawk si lo.

Nu Kungi Phone hmang zo ka bul a,rawn kalin"hetah i lo awm reng a ni maw?Sarah,engmah hlauh tur a awm lo nia"a tih chuan ka lu thingin"zan inah ka inlamah insawn ang u.heta kan awm reng chuan buaina nasa zawk kan tawk palh ang.keima vang a harsatna in tawh ka duh lo"ngen ngawl zetin ka ti a.

"UChunga te rawn haw phawt se la,Sarah,nangma vangin eng harsatna mah kan tawk lo.i hria em?hetia tihbuai tum tu che an awm a ni tih ka hriat hian mi naran mai i nilo tih ka hriat phah,Sarah,huaisen takin awm lui hram rawh.i kiangah kan awm tlat dawn alawm"a ti siam siam a.

Pa Chunga leh Dr Rinchhani rawn thlen hnu chuan kan mamawh zualpui siam chawp chuk chukin Bawngkawn lamah kan inphur phei a.

Inchhung a Bungrua kan thiar luh laia Samson'an min rawn phone chuan ning deuh taka chhangin"ka buai nia"ka ti hlar a.

"A van zia lo ve,hmuh ka chak tehreng che nen,i awmna min hrilh la,i hman hun a rawn leng ka duh?"a rawn tih chuan thawh halhin"rawn len tum buai lo mai rawh.i sawi duh i sawi zawh chuan ka dah dawn nia"ka ti ngat a.

"La dah mai teh suh.Ka la sawi zo lo,ka Nutei te hotel-ah manager angin rawn thawk la,mahse,Nigel-a te hotel ai chuan a nuam vak lo mai thei.nangmah anga English leh Hindi tawng thiam an duh a"a rawn tih chuan ka lu thing deuh nawkin"ka lo inngaihtuah ang.kawiah nge hotel chu a awm?"ka tisap a.

"Bawngkawnah,nang i thawh chuan a changtlung sawt in ka ring.ka nutei bulah pawh i chanchin ka hrilh tawh"a rawn ti vat a.

Samson-a nen kan inbe zo phone ka dah rual a Dr Rinchhan'in"tunge,hnathawh tur a rawn pe che mi?"dilchhut hmel taka a rawn tih chuan ka lu bu nghatin"Samson-a,a nutei te hotel Manager hna thawk turin min sawm a"ka tisap a.

A bawm kenlai chhuat a nghat a,min rawn kuahin"thawk ngei ngei rawh.Nigel-a te nen an inel ru lutuk tih an sawi ka hria"phur fe in a ti chiam a.

Pa Chung'an"chutiang thil ah buai chiam rih suh u.Sarah,i hnunglam leh hmalai ngaihtuah reng a,fimkhur taka i awm a ngai nia.kan chhiatna tur duh tu te hi mihran daih ni lovin,kan hmelhriat te leh kan bul hnai a mite hi an ni fo"a rawn tih chuan ka bu nghat a.

Zan a ka mu tur phone ka khawih laia whatapps-a Nigel-a message ka dawn chuan thaw dep dep a hawngin"BUAINA LEH HARSATNA MIN SIAM BELH SUH"hawrawppui ngata min rawn thawn ka chhiar chuang ka hmui hnuai pet fan fanin ka chhing sawk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)