Re: NEVER ALONE BY Basta Tlau - 18+ story (Completed)
Posted: October 29th, 2017, 1:00 pm
NEVER ALONE-31
Kei hian Nigel-a buaina leh harsatna ka siam a maw! Awihawm loh lutuk.ka be ngai lova,a hmel hmuh fo pawh ka duh hek lo.Amah zawk hian ka rilru a tibuai fe zawk.
Ka lukham bula phone ka dah hnu lawk a,a rawn rik a Nigel-a number a ni tih ka hriat chuan ka reject hmak a.zakthei lo lutuk,he mihring awmdan hi ka hrethiam hlawl lo,Min rawn call nawn leh avang chuan thinur teuh chunga pick up in"nang nen hian sawidun tur engmah kan nei tawh lo,min rawn tibuai suh"ka ti vin hlar a.
"Kawngpuiah ka awm,ka rawn chhoh i duh loh chuan rawn chhuk rawh"aw teng zeta a rawn tih chuan makti deuh taka ka phone en chunga khum atang a thochhuakin tukverh ah ka dakchhuak a.
Ka in zawn kawngpui sir a,Nigel-a a car kawngka bula ding run mai ka enchhuk rual chuan a beng zawn a phone dah chunga rawn dak chho ve in"rawn chhuk vat rawh"dawhthei lo aw zetin a ti hluk a.
Ka lu thing deuh nawk a,ner sawkin"ti hian i sawi tur chu sawi rawh,buaina i rawn siam a nih chuan police ka call nghal dawn nia"ka ti ngat a.
Rawn hawi chho reng chung a rum ngutin"Police ho chu i call duh chiah in ka ringlo.Sarah,hmeichhe huam hap leh nghal tak i ni tih hi i hria em?Samson-a sum leh zel chu hman ral pui tum duh suh.Nang hian belhchian i dawl ve lo,mipa dang ngaizawng mahla,keiin ka hriatchian ang che a,an hriat ve hunah che an kalsan tho ang che.chuvangin,pangngai takin awm hle hle rawh."a ti hrawk a.
Ka awih thei lo,engtin nge hetiang em em a,a lo nunrawng theih zawk.keimahah thuneih na pakhatmah a nei tawh lo tih hi a inhre lo mi le?
"Ka awmdan turah lo buai ve suh.Nang hian min tibuai zawk a ni tih in hre ta che.Marina-i bulah va kal rawh"ti vin hrawkin ka phone chu ka off nghal hmak a.
Tukverh ka khar sawk hnu chuan marble chhuat a thu thla nghal hnawkin ka hrawk leh awm tawt up up chu ka kutin ka dawm vang vang a.
Hetiang hian min hmusit leh dawn a ni tih lo hre lawk ila chuan nupa kan nih lai khan ka taksa them pawh hi ka khawih tir miah lovang maw le?Hmangaihna kan chendun lai a a lungawi hmel te,min duat leh min thlahlel niawm taka a awm fo kha,a lo ti der vek a ni maw?lemchan thiam tak a lo nih dawn hi.A thusawi vawikhatmah ka awih leh tawh ngai lovang.
Nigel-a vanga hetia inkhung reng nachhan tur a awm lo.keima tan zalen takin hna ka thawk anga,ka thil tawn avang hian ka indawm kun ringawt tur a ni lo.
Khum a mu chung inlet tawn sekin khawvar dawn hnaih thleng chuan ka inngaihtuah kual chiam a.
Nu Kung'in ka dar a rawn sawi pah a"Sarah,dar sawm a ri tawh,ngatinge Nizan lamah i mu thei lo mi?"a lo tih chuan luna bur a mengchhuakin"ka lo mutui lutuk a,a van zia lo ve,Pa Chunga leh URinchhani te an chhuak tawh mi?"ti raihin ka thochhuak a.
"Aw,an chuak tawh,i mu tha lo ni maw?i mit a val kalh mai.damdawi tha tak ka pe ang che.enteh,inhnuai pahnih khu midang in tukin khan an rawn luah a.i hriatpui em?"a tih chuan ka lu thingin"Ukil khan,midangin an luah duh thu min hrilh lawk vek a.tu te nge luah ka hre bik hauh lo,kan intifai lawk nge aw?"tiin bathroom chhungah ka lut a.
Chaw ka ei laia Nu Kungi chu ka bul a rawn thu in"sarah,tukin khan kan bungrua thenkhat kan va lak belh a.hetia kan awm ve hi nuam lo i ti nih chuan sawi rawh aw"a tih chuan ka lu thingin"in awm hi nuam ka ti daih zawk.mahni a awm chu ka duh lo,nangmahni zawk hian hreawm in ti ang tih ka hlau.nizanah in lampangah chuan misual an lo che leh em?"ka tisap a.
A lu thing paha carrot a zai hlep sa chu ka thleng a rawn dahin"an che lo niang,keini chuan nuamlo tihna engmah kan nei lo.i thianpa Samson'an a sawmna che kha i pawm dawn em?"a ti nghal zat a.
"Hna dang thawh tur ka hmuh hma chu thawh rih ka duh,hnathawk lova awm reng chu a hreawm duh e mai"nui luisakin ka ti a.
"A tha lawm,ka lo kalpui ve ang che.nangmah a i kal chuan tibuaitu che an awm leh palh ang.miin tawngkam na taka an tawngkhum che a nih chuan na takin chhang let ve zel rawh"a ti charh a.
Ka chaw eikham a samson-a biak tum a a number ka dial chuan rang zeta pick up in"sarah,biak tlang i va har ve.ka nute'in hotel-a i thawh duh dawn leh dawn loh min rawn zawt ngun tawh lutuk nia"a ti hluk a.
Ka mitko san zeuh a ka bula thu Nu Kungi enin"ka rawn thawk ang.mahse,manager hna chu ka duh lo.hotel-a thawk pangngai ang nih ka duh zawk.khawi hmunah nge i nutei te hotel chu a awm?"ka tisap a.
"I awmna hmun min hrilh rawh,ka rawn hruai ang che.i lakah ka lungawi vak lo nia.tukin gym-a ka kal haw i pasal hlui nen kan inhmu a,i tan engtihna mah ka nilo tih thu a sawi a.Charlie-a ngei pawn nimin kan inkhel zo kha dilchhut zetin i awmna ka hriat leh hriat loh min zawt a.mak ka ti khawp mai,i awmna hmun chu sawi la,ka rawn hruai dawn che nia"a tih zawm zat a.
Nigel-a hian a ti mah mah in ka hria,ka chungchang thu ah engmah sawi tur a nei hauh lo.A huang chin a pel mah mah a ni.
Thawchhuak deuh halh a"Samson,hotel lamah chuan i nutei chu ka va hmu nge.min lo hruai lo mai rawh.ka tibuai lutuk ang che"ngen ngawl aw zetin ka ti a.
"I bula awm ka chak theih zia hi i hrethiam phak lovang.mahse,nang berin i tih tlat chuan ka hnial zel lovang che.ka nutei chu ka lo be dawn nia,ka dah ang aw"tiin kan inbiakna chu a titawp a.
"Engthu nge a rawn sawi,Samson-a hi chu tleirawl hoten an star hlawm hle in ka hria,a hmel a chhe vak lo lehnghal"Nu Kung'in dilchhut leh ngaihven deuh taka a rawn tih chuan ka dar san zauhin"tleirawl ka ni tawh hleinem,nuthlawi ka ni hi,kei chuan tu mipa mah ka ngaihven tawh lo.Hnathawh tur ka mamawh a ni.kan va insiam lawk nge"ka thutna atanga thochhuak pahin ka ti a.
"Nuthlawi mah nila,Rinchhani leh nula dang tam tak ai pawn i la hmeltha daih zawk.Rinchhani lah hian pasal neih reng reng a ngaihtuah bawk si lo.nang tal chuan pasal tha tak nei in fa hring la ka duh alawm"a ti nang nang a.
Nu Kungi tak hi chu aw,a rilru a tha in engmah a thup ngai lo,a tleirawl lai velin engtin nge a khawsak thin ang le?Nu a ni tawh chung pawn keini a fa rual nen kan inkawm tawk em em chu ni si a.A rilru puitling vang ni berin ka hria.
Darthlalang hma a ding chungin ka taksa chu ka en vang vang a.Engtin nge ka inchei ang,nuthlawi pasal then ka ni a,nutling ang a inchei nge tha ang,nula ka nih laia ka incheidan kalpui zel.ka rilru chu a buai ve detin ka hria.
Ka kawr dahna wardrope chu hawngin ka en lawr dan dan a.jeans kekawr pawl tak raih leh t-shirt var ka phawrh chu inbelin ,sneaker var ka bun a.ka sam tawn dul hnak a,ka bag chu khaiin ka room ka chhuak a.
Nu Kungi hmel ka hmuh rual chuan ka kuta silver bengbeh kual ka ken chu lekin"khawngaihin min lo beh tir mai,a kua ah hian ka thun zawm hlei thei lova"ka tisap a.
Ka bengbeh kenlai la paha"i mit leh i hmui hi tlemin va hnawih uar leh hlek rawh.make up hi chuan kan hmel a ti lang fiah lehzual thin nia"a ti siam siam a.
Nui deuh suk a Nu Kungi chu enin"Nidangah ni tawh mai rawh se,chhuak tawh zawk ang,kan tlai viau chuan Samson-a Nutei chu a lo lungawilo palh nge"ka tisap a.
Nu Kungi nen a Samson-a Nutei te hotel chhunga kan luh chuan receiptionist hmeichhe bul a kal pheiin"khawngaihin,hotel neitu hi hmu ka duh a,a awmna min hrilh thei ngem?"ka tisap a.
"A buai leh buai loh zawtin kan phone lawk nge,minlo nghak rawh u"tia phone a ban mek lai chuan kan hnunglam atang Samson'an"hey,sarah,Nute Chhingpui'in minlo nghak reng tawh nia,a room lamah kal ang u"a rawn ti lang lang a.
Hawi let ha a Samson-a coat suit var ha a,kan lam pan a rawn kal mek ka en laia receiptionist nu in phone a kenlai chu dahthla lehin "Nia,han kal rawh u.photographer leh designer te pawh an awm tawh"nuisangin a lo ti nghal a.
Samson-a rual a kan kalsawn chuan makti deuh taka hawi kualin"enge a awmzia,photographer leh designer kan hmu tel dawn a mi?"ka ti ha a.
A dar san zauh paha a lu thingin"ka hre bik lo,i thawh duh thu ka hrilh rualin,keipawh hotel-a kal turin thu min pe nghal alawm,Nutei hi chu pasal neilo tih takah a khirh thei khawp mai"then deuh sukin a ti a.
Room kawngka hawng a min luhpui rual chuan Hmeichhe pathum lo thu zinga upat hmel ber chu a thutna atang a rawn dingchhuakin"sarah,lo thu rawh u.Chhingpui ka nia,kan hotel tih lar nan model dang ruai lovin,nang lei Samson-a hi hman che u ka lo rilruk a"a lo ti sawk sawk a.
Ka mit khap fak fak a,Pi chhingpuii chu enin"thla kan la dawn a maw?chutiang in ka ti..."ka tih lai mek chuan a kut rawn pharchhuak a,ka bula rawn dingin"ka ring tawk che u lawm,kan hotel hi hotel dang aiin a lun vak lo,mahse,nang i rawn thawh phawt chuan kan kang sawt sawt ngei ang"tia Nu Kungi chu enin"engtin nge ka koh dawn che,Sarah-i hi i rawn kalpui a mi?"a tih zawm zat a.
Nu Kungi hming ka sawi zawh rual a,Samson'an"Nute,a fair lo hle mai a,hetiang coat ha tur a min lo tih nachhan hi thlalak i lo duh reng vang a ni maw?hotel te chu tih lar tum kher a ngai mi?a duh chu an rawn chawl anga,a duh loh chuan hmundang an pan nga ni mai lawm"lungawilo aw deuh taka tiin chair pakhat ah chuan a thu thla a.
Nu Chhingpui'in"lo ngawi ringawt rawh,football ringawt i ngaihtuah a,hotel lamah hian i rilru sawr bing ve tawh rawh..i upat hnu thleng football i khel reng thei dawn lo.ka theih tawkin hotel hi buaipui lui lo ila chuan eizawnna nghet kan nei miah lovang"a ti hluai a.
Nu Chhingpuii hmel ka en chuan hotel enkawl lam a,a beih nasat tur zia ka hre nghal.Hmeichhe tumruh tak a ni ngei bawkin hria.
Camera keng hmeichhe pakhat zawkin"UChhingpui engtin nge kan tih dawn,thla kan laksak tur ber ten an duh miau loh chuan thlalak a fuh thei lo nia"a rawn tih chuan thutna awl lai a Nu Kungi chu thut thlak puiin"he hotel tan a nih dawn chuan thalak chu ka pawi ti lo.mahse,in duh angin ka lang tha kher lovang"ka tisap a.
Nu Kung'in"i ti tak tak a mi?nakinah nangma tan a pawi thei nia"ka bengbula a rawn tih chuan ka lu bu zauhin"nakin hun ka ngaihtuah vak lo,he hotel hi a hlawhtin chuan hnathawk te pawn hma kan sawn tlang ngei ang"ka ti charh a.
Nu Chhingpui'in"ka van lawm tak,Designer hi Stacy-i a nia,chuan kan photographer hi malawmi a ni,stacy,an pahnih hian lo chei rawh,i kawr rawn ken kha sarah'in a tawk leh tawk loh hak tir chhin phawt rawh"a ti hluai a.
Designer Stacy'in min en vang vang paha"pawnfen leh kawr pawl in suit bang kil a,ka khai saw va ha chhin ta che,i tawk lo chuan kawrfual sen saw i ha leh dawn nia"a rawn tih chuan Nu Chhingpui'in phur zeta min laksakin"saw lai room-ah sawn va inthlak rawh,tikhan lo inchei ula,Malawmi leh Samson-a te nen inthlakna tur hmun kan lo en fel ang.Nu Kung,thingpui ka rawn dah tir ang aw"nuisang a tiin Samson-a chu a thutna atang a pawt tho nghal a.
Samson'an"Nute,naupang chhia ang maiin min hnuk kual reng lo teh,hetiang i ti dawn tih hria ilang chuan jersey nen ka rawn kal ngei ngei ang"ti nang nangin a nutei chu a zui chhuak a.
Ka kawrhak chuan ka duh aiin min phuar mah mahin ka hria,stacy-i leh Nu Kungi bul a ka chhuah rual chuan Stacy'in"awi leh,i tawk chiah chiah,i inhmeh khawp mai.nangma tan a ka lo thui niawm reng a nih kha.pheikhawk hi number engzat nge i bun"a rawn ti ruai a.
Nu Kung'in"sarah,stiletto pheikhawk pawl i neih kha bun la,kan va la nge aw.ka rei lovang"a tih chuan Stacy'in"a hla lo mi?UChhingpu'in rei min ti nge,a sam leh hmai kan buaipui chhungin va la mai rawh"a tisap a.
Hotel room pakhat a Samson-a nen coffee dawm pah a dawhkan bul a,thla kan lak dun chuan ka zam ru tak zet.Samson-a lah chuan min en ngun hle lehnghal.
Malawm'in"Sarah,nangmah chauh a awm angin in ngai rawh.Tichuan,i zam lo hmel deuh mai ang"a rawn tih chuan thawchhuak halh a,nui luisakin ka thutna couch tlang a Samson-a thu chu ka melh a.
Hotel chhung hmun hran hran a thla lak nan darkar thum ngawt kan hmang,Malawmi leh Stacy'in awmdan tur leh ka hmel put dan tur min hrilh ngun malh malh khawp mai.An dang a ro vek hialin ka ring.Malawmi lahin a duh tui phian lehnghal.
Kan thla la zo Office lam a coffee in a,kan thut khawm lai a Stacy'in"sarah-i zei loh lutuk na lamah,ka hrawk a thip hlurin ka hria,i kawr kha chu nei nghal daih rawh aw"nui hak hak a tih chuan Malawm'in camera kan thlalak ho chu en kualin"a zeilo lutuk hran hleinem,hei thlalakah pawh a fuh viau zel.Zan inah ka lo rem fel dawn nia"a tisap a.
Ka lu thing chung a Stacy-i chu enin"engzat man nge i tih hlawm"ka tisap a.
"Engzat man mah nilo phawt rawh se.nidangah i kawr tur min la rawn thui tir dawn nia"a ti charh a.
Samson'an"haw tawh ila,ka thlah ang che u"a rawn tih chuan ka lu thingin"min thlah lo zawk mai rawh,Nu Kungi nen bazar-a thil lei kan ngai a"ka ti vat a.
Haw tum a kawngka lam pan a kan kal lai a,Charlie-a hmanhmawh hmel zeta hotel-a rawn pen lut chu melh kawkin"khawi hmuah pawh hmuh turin a lo awm ve ziah,ninawm lutuk"tiin ka tum hmuk a.
Kei hian Nigel-a buaina leh harsatna ka siam a maw! Awihawm loh lutuk.ka be ngai lova,a hmel hmuh fo pawh ka duh hek lo.Amah zawk hian ka rilru a tibuai fe zawk.
Ka lukham bula phone ka dah hnu lawk a,a rawn rik a Nigel-a number a ni tih ka hriat chuan ka reject hmak a.zakthei lo lutuk,he mihring awmdan hi ka hrethiam hlawl lo,Min rawn call nawn leh avang chuan thinur teuh chunga pick up in"nang nen hian sawidun tur engmah kan nei tawh lo,min rawn tibuai suh"ka ti vin hlar a.
"Kawngpuiah ka awm,ka rawn chhoh i duh loh chuan rawn chhuk rawh"aw teng zeta a rawn tih chuan makti deuh taka ka phone en chunga khum atang a thochhuakin tukverh ah ka dakchhuak a.
Ka in zawn kawngpui sir a,Nigel-a a car kawngka bula ding run mai ka enchhuk rual chuan a beng zawn a phone dah chunga rawn dak chho ve in"rawn chhuk vat rawh"dawhthei lo aw zetin a ti hluk a.
Ka lu thing deuh nawk a,ner sawkin"ti hian i sawi tur chu sawi rawh,buaina i rawn siam a nih chuan police ka call nghal dawn nia"ka ti ngat a.
Rawn hawi chho reng chung a rum ngutin"Police ho chu i call duh chiah in ka ringlo.Sarah,hmeichhe huam hap leh nghal tak i ni tih hi i hria em?Samson-a sum leh zel chu hman ral pui tum duh suh.Nang hian belhchian i dawl ve lo,mipa dang ngaizawng mahla,keiin ka hriatchian ang che a,an hriat ve hunah che an kalsan tho ang che.chuvangin,pangngai takin awm hle hle rawh."a ti hrawk a.
Ka awih thei lo,engtin nge hetiang em em a,a lo nunrawng theih zawk.keimahah thuneih na pakhatmah a nei tawh lo tih hi a inhre lo mi le?
"Ka awmdan turah lo buai ve suh.Nang hian min tibuai zawk a ni tih in hre ta che.Marina-i bulah va kal rawh"ti vin hrawkin ka phone chu ka off nghal hmak a.
Tukverh ka khar sawk hnu chuan marble chhuat a thu thla nghal hnawkin ka hrawk leh awm tawt up up chu ka kutin ka dawm vang vang a.
Hetiang hian min hmusit leh dawn a ni tih lo hre lawk ila chuan nupa kan nih lai khan ka taksa them pawh hi ka khawih tir miah lovang maw le?Hmangaihna kan chendun lai a a lungawi hmel te,min duat leh min thlahlel niawm taka a awm fo kha,a lo ti der vek a ni maw?lemchan thiam tak a lo nih dawn hi.A thusawi vawikhatmah ka awih leh tawh ngai lovang.
Nigel-a vanga hetia inkhung reng nachhan tur a awm lo.keima tan zalen takin hna ka thawk anga,ka thil tawn avang hian ka indawm kun ringawt tur a ni lo.
Khum a mu chung inlet tawn sekin khawvar dawn hnaih thleng chuan ka inngaihtuah kual chiam a.
Nu Kung'in ka dar a rawn sawi pah a"Sarah,dar sawm a ri tawh,ngatinge Nizan lamah i mu thei lo mi?"a lo tih chuan luna bur a mengchhuakin"ka lo mutui lutuk a,a van zia lo ve,Pa Chunga leh URinchhani te an chhuak tawh mi?"ti raihin ka thochhuak a.
"Aw,an chuak tawh,i mu tha lo ni maw?i mit a val kalh mai.damdawi tha tak ka pe ang che.enteh,inhnuai pahnih khu midang in tukin khan an rawn luah a.i hriatpui em?"a tih chuan ka lu thingin"Ukil khan,midangin an luah duh thu min hrilh lawk vek a.tu te nge luah ka hre bik hauh lo,kan intifai lawk nge aw?"tiin bathroom chhungah ka lut a.
Chaw ka ei laia Nu Kungi chu ka bul a rawn thu in"sarah,tukin khan kan bungrua thenkhat kan va lak belh a.hetia kan awm ve hi nuam lo i ti nih chuan sawi rawh aw"a tih chuan ka lu thingin"in awm hi nuam ka ti daih zawk.mahni a awm chu ka duh lo,nangmahni zawk hian hreawm in ti ang tih ka hlau.nizanah in lampangah chuan misual an lo che leh em?"ka tisap a.
A lu thing paha carrot a zai hlep sa chu ka thleng a rawn dahin"an che lo niang,keini chuan nuamlo tihna engmah kan nei lo.i thianpa Samson'an a sawmna che kha i pawm dawn em?"a ti nghal zat a.
"Hna dang thawh tur ka hmuh hma chu thawh rih ka duh,hnathawk lova awm reng chu a hreawm duh e mai"nui luisakin ka ti a.
"A tha lawm,ka lo kalpui ve ang che.nangmah a i kal chuan tibuaitu che an awm leh palh ang.miin tawngkam na taka an tawngkhum che a nih chuan na takin chhang let ve zel rawh"a ti charh a.
Ka chaw eikham a samson-a biak tum a a number ka dial chuan rang zeta pick up in"sarah,biak tlang i va har ve.ka nute'in hotel-a i thawh duh dawn leh dawn loh min rawn zawt ngun tawh lutuk nia"a ti hluk a.
Ka mitko san zeuh a ka bula thu Nu Kungi enin"ka rawn thawk ang.mahse,manager hna chu ka duh lo.hotel-a thawk pangngai ang nih ka duh zawk.khawi hmunah nge i nutei te hotel chu a awm?"ka tisap a.
"I awmna hmun min hrilh rawh,ka rawn hruai ang che.i lakah ka lungawi vak lo nia.tukin gym-a ka kal haw i pasal hlui nen kan inhmu a,i tan engtihna mah ka nilo tih thu a sawi a.Charlie-a ngei pawn nimin kan inkhel zo kha dilchhut zetin i awmna ka hriat leh hriat loh min zawt a.mak ka ti khawp mai,i awmna hmun chu sawi la,ka rawn hruai dawn che nia"a tih zawm zat a.
Nigel-a hian a ti mah mah in ka hria,ka chungchang thu ah engmah sawi tur a nei hauh lo.A huang chin a pel mah mah a ni.
Thawchhuak deuh halh a"Samson,hotel lamah chuan i nutei chu ka va hmu nge.min lo hruai lo mai rawh.ka tibuai lutuk ang che"ngen ngawl aw zetin ka ti a.
"I bula awm ka chak theih zia hi i hrethiam phak lovang.mahse,nang berin i tih tlat chuan ka hnial zel lovang che.ka nutei chu ka lo be dawn nia,ka dah ang aw"tiin kan inbiakna chu a titawp a.
"Engthu nge a rawn sawi,Samson-a hi chu tleirawl hoten an star hlawm hle in ka hria,a hmel a chhe vak lo lehnghal"Nu Kung'in dilchhut leh ngaihven deuh taka a rawn tih chuan ka dar san zauhin"tleirawl ka ni tawh hleinem,nuthlawi ka ni hi,kei chuan tu mipa mah ka ngaihven tawh lo.Hnathawh tur ka mamawh a ni.kan va insiam lawk nge"ka thutna atanga thochhuak pahin ka ti a.
"Nuthlawi mah nila,Rinchhani leh nula dang tam tak ai pawn i la hmeltha daih zawk.Rinchhani lah hian pasal neih reng reng a ngaihtuah bawk si lo.nang tal chuan pasal tha tak nei in fa hring la ka duh alawm"a ti nang nang a.
Nu Kungi tak hi chu aw,a rilru a tha in engmah a thup ngai lo,a tleirawl lai velin engtin nge a khawsak thin ang le?Nu a ni tawh chung pawn keini a fa rual nen kan inkawm tawk em em chu ni si a.A rilru puitling vang ni berin ka hria.
Darthlalang hma a ding chungin ka taksa chu ka en vang vang a.Engtin nge ka inchei ang,nuthlawi pasal then ka ni a,nutling ang a inchei nge tha ang,nula ka nih laia ka incheidan kalpui zel.ka rilru chu a buai ve detin ka hria.
Ka kawr dahna wardrope chu hawngin ka en lawr dan dan a.jeans kekawr pawl tak raih leh t-shirt var ka phawrh chu inbelin ,sneaker var ka bun a.ka sam tawn dul hnak a,ka bag chu khaiin ka room ka chhuak a.
Nu Kungi hmel ka hmuh rual chuan ka kuta silver bengbeh kual ka ken chu lekin"khawngaihin min lo beh tir mai,a kua ah hian ka thun zawm hlei thei lova"ka tisap a.
Ka bengbeh kenlai la paha"i mit leh i hmui hi tlemin va hnawih uar leh hlek rawh.make up hi chuan kan hmel a ti lang fiah lehzual thin nia"a ti siam siam a.
Nui deuh suk a Nu Kungi chu enin"Nidangah ni tawh mai rawh se,chhuak tawh zawk ang,kan tlai viau chuan Samson-a Nutei chu a lo lungawilo palh nge"ka tisap a.
Nu Kungi nen a Samson-a Nutei te hotel chhunga kan luh chuan receiptionist hmeichhe bul a kal pheiin"khawngaihin,hotel neitu hi hmu ka duh a,a awmna min hrilh thei ngem?"ka tisap a.
"A buai leh buai loh zawtin kan phone lawk nge,minlo nghak rawh u"tia phone a ban mek lai chuan kan hnunglam atang Samson'an"hey,sarah,Nute Chhingpui'in minlo nghak reng tawh nia,a room lamah kal ang u"a rawn ti lang lang a.
Hawi let ha a Samson-a coat suit var ha a,kan lam pan a rawn kal mek ka en laia receiptionist nu in phone a kenlai chu dahthla lehin "Nia,han kal rawh u.photographer leh designer te pawh an awm tawh"nuisangin a lo ti nghal a.
Samson-a rual a kan kalsawn chuan makti deuh taka hawi kualin"enge a awmzia,photographer leh designer kan hmu tel dawn a mi?"ka ti ha a.
A dar san zauh paha a lu thingin"ka hre bik lo,i thawh duh thu ka hrilh rualin,keipawh hotel-a kal turin thu min pe nghal alawm,Nutei hi chu pasal neilo tih takah a khirh thei khawp mai"then deuh sukin a ti a.
Room kawngka hawng a min luhpui rual chuan Hmeichhe pathum lo thu zinga upat hmel ber chu a thutna atang a rawn dingchhuakin"sarah,lo thu rawh u.Chhingpui ka nia,kan hotel tih lar nan model dang ruai lovin,nang lei Samson-a hi hman che u ka lo rilruk a"a lo ti sawk sawk a.
Ka mit khap fak fak a,Pi chhingpuii chu enin"thla kan la dawn a maw?chutiang in ka ti..."ka tih lai mek chuan a kut rawn pharchhuak a,ka bula rawn dingin"ka ring tawk che u lawm,kan hotel hi hotel dang aiin a lun vak lo,mahse,nang i rawn thawh phawt chuan kan kang sawt sawt ngei ang"tia Nu Kungi chu enin"engtin nge ka koh dawn che,Sarah-i hi i rawn kalpui a mi?"a tih zawm zat a.
Nu Kungi hming ka sawi zawh rual a,Samson'an"Nute,a fair lo hle mai a,hetiang coat ha tur a min lo tih nachhan hi thlalak i lo duh reng vang a ni maw?hotel te chu tih lar tum kher a ngai mi?a duh chu an rawn chawl anga,a duh loh chuan hmundang an pan nga ni mai lawm"lungawilo aw deuh taka tiin chair pakhat ah chuan a thu thla a.
Nu Chhingpui'in"lo ngawi ringawt rawh,football ringawt i ngaihtuah a,hotel lamah hian i rilru sawr bing ve tawh rawh..i upat hnu thleng football i khel reng thei dawn lo.ka theih tawkin hotel hi buaipui lui lo ila chuan eizawnna nghet kan nei miah lovang"a ti hluai a.
Nu Chhingpuii hmel ka en chuan hotel enkawl lam a,a beih nasat tur zia ka hre nghal.Hmeichhe tumruh tak a ni ngei bawkin hria.
Camera keng hmeichhe pakhat zawkin"UChhingpui engtin nge kan tih dawn,thla kan laksak tur ber ten an duh miau loh chuan thlalak a fuh thei lo nia"a rawn tih chuan thutna awl lai a Nu Kungi chu thut thlak puiin"he hotel tan a nih dawn chuan thalak chu ka pawi ti lo.mahse,in duh angin ka lang tha kher lovang"ka tisap a.
Nu Kung'in"i ti tak tak a mi?nakinah nangma tan a pawi thei nia"ka bengbula a rawn tih chuan ka lu bu zauhin"nakin hun ka ngaihtuah vak lo,he hotel hi a hlawhtin chuan hnathawk te pawn hma kan sawn tlang ngei ang"ka ti charh a.
Nu Chhingpui'in"ka van lawm tak,Designer hi Stacy-i a nia,chuan kan photographer hi malawmi a ni,stacy,an pahnih hian lo chei rawh,i kawr rawn ken kha sarah'in a tawk leh tawk loh hak tir chhin phawt rawh"a ti hluai a.
Designer Stacy'in min en vang vang paha"pawnfen leh kawr pawl in suit bang kil a,ka khai saw va ha chhin ta che,i tawk lo chuan kawrfual sen saw i ha leh dawn nia"a rawn tih chuan Nu Chhingpui'in phur zeta min laksakin"saw lai room-ah sawn va inthlak rawh,tikhan lo inchei ula,Malawmi leh Samson-a te nen inthlakna tur hmun kan lo en fel ang.Nu Kung,thingpui ka rawn dah tir ang aw"nuisang a tiin Samson-a chu a thutna atang a pawt tho nghal a.
Samson'an"Nute,naupang chhia ang maiin min hnuk kual reng lo teh,hetiang i ti dawn tih hria ilang chuan jersey nen ka rawn kal ngei ngei ang"ti nang nangin a nutei chu a zui chhuak a.
Ka kawrhak chuan ka duh aiin min phuar mah mahin ka hria,stacy-i leh Nu Kungi bul a ka chhuah rual chuan Stacy'in"awi leh,i tawk chiah chiah,i inhmeh khawp mai.nangma tan a ka lo thui niawm reng a nih kha.pheikhawk hi number engzat nge i bun"a rawn ti ruai a.
Nu Kung'in"sarah,stiletto pheikhawk pawl i neih kha bun la,kan va la nge aw.ka rei lovang"a tih chuan Stacy'in"a hla lo mi?UChhingpu'in rei min ti nge,a sam leh hmai kan buaipui chhungin va la mai rawh"a tisap a.
Hotel room pakhat a Samson-a nen coffee dawm pah a dawhkan bul a,thla kan lak dun chuan ka zam ru tak zet.Samson-a lah chuan min en ngun hle lehnghal.
Malawm'in"Sarah,nangmah chauh a awm angin in ngai rawh.Tichuan,i zam lo hmel deuh mai ang"a rawn tih chuan thawchhuak halh a,nui luisakin ka thutna couch tlang a Samson-a thu chu ka melh a.
Hotel chhung hmun hran hran a thla lak nan darkar thum ngawt kan hmang,Malawmi leh Stacy'in awmdan tur leh ka hmel put dan tur min hrilh ngun malh malh khawp mai.An dang a ro vek hialin ka ring.Malawmi lahin a duh tui phian lehnghal.
Kan thla la zo Office lam a coffee in a,kan thut khawm lai a Stacy'in"sarah-i zei loh lutuk na lamah,ka hrawk a thip hlurin ka hria,i kawr kha chu nei nghal daih rawh aw"nui hak hak a tih chuan Malawm'in camera kan thlalak ho chu en kualin"a zeilo lutuk hran hleinem,hei thlalakah pawh a fuh viau zel.Zan inah ka lo rem fel dawn nia"a tisap a.
Ka lu thing chung a Stacy-i chu enin"engzat man nge i tih hlawm"ka tisap a.
"Engzat man mah nilo phawt rawh se.nidangah i kawr tur min la rawn thui tir dawn nia"a ti charh a.
Samson'an"haw tawh ila,ka thlah ang che u"a rawn tih chuan ka lu thingin"min thlah lo zawk mai rawh,Nu Kungi nen bazar-a thil lei kan ngai a"ka ti vat a.
Haw tum a kawngka lam pan a kan kal lai a,Charlie-a hmanhmawh hmel zeta hotel-a rawn pen lut chu melh kawkin"khawi hmuah pawh hmuh turin a lo awm ve ziah,ninawm lutuk"tiin ka tum hmuk a.