NEVER ALONE BY Basta Tlau - 18+ story (Completed)

Ngaia
Site Admin
Posts: 25813
Joined: April 30th, 2016, 4:07 pm

NEVER ALONE BY Basta Tlau - 18+ story (Completed)

Unread post by Ngaia » October 29th, 2017, 12:20 pm

never alone.jpg
never alone.jpg (29.35 KiB) Viewed 92489 times
NEVER ALONE-1
Basta Tlau

A link chiah tih loh hi chu khawiahmah copy/paste phal a ni lo.
A link share dan
viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com


Thlawhna atang a Lengpui airport a ka chhuk thlak rual chuan hma lam pan chunga hawi kual ruâiin ka u Zorammawia hmel awm ang chu ka melh kual a.

"Sarah,he lamah"tih ri ka hriatna lam chu hawi nghal vatin ka suitcase sen chu ka chelh a.

Ka pen sawn deuh chiah chu engemaw ka sut deuh chawrh avang a pei nghal chawn chawnin ka phone kenlai chu chhuatah ka thlauh darh chuai a,Lungawilo ru taka ka thil sut hriat tum a ka hawichhuah rual chuan"hawi kual lovin,i kalna tur kawng en ve ta che"ka hma a palian zet tarmit dum bun lo ding run Pa in hmel chang fahran a,a rawn tih chuan ka phone darh nuai chu chhar khawm a kunin"nangpawn i kalna tur i en chiang bik hleinem"ka ti hmak a.

"Sarah,lokal vat rawh,muangchang hman kan nilo nia"UZoram'an rawn ti sawk sawk chung a,ka suitcase chu min laksak pahin ka bul lawk a mipa ding chu enin"ka pu,ka nau hi i lo hrethiam dawn nia"tiin ka banah a rawn chelh a.

Kan kalsawn rual a"zahpui awm lutuk mai"aw thum bul maia a rawn ti ri ka hriat chuan chhang let lo tura inthunun hram hramin hmalam panin Uzorama chu ka zui hlawk hlawk a.

Engvanga zahpui awm min ti ve ringawt nge a nih! Amah zawk pawh kha lo awmsawn ve mai tur nia.mipa chapo leh indahsang,midang puih nachang hrelo mihring zahpuiawm tak a ni ngei ang.

Uzoram'an gypsy hlui lampang seat hnunga ka suitcase dah lut pah a "ka tihpalh ti ve mai thin ta che,kan rilru i tih buai tawh teh reng nen,midang lakah buaina thlen belh tum tawh suh"a tih chuan tum deuh barin"ka thiam loh a ni vek bik hleinem,mipa chapo tak a nih kha,ama vangin ka phone screen pawh a khik vek hi"ka ti nang nang a.

Driver seat-a thu lutin"khatiang mai mai ngaihtuah suh,a hmanhmawh thlak chawl khawmuang thei pawh kan ni tawh lo,kan tlang nghal ang dawn nia"tiin gypsy chu a tinung nghal a.

Kan tlanchhuah rual chuan"ka nu chu a chau viau a mi?Eddie-a hi engtin nge niang"tiin Uzorama chu ka en a.

"A chau ang reng,nidangah Eddie-a chu kan tlawh dawn nia,Tunah chuan ka nu leh pa te,kan ngaihtuah hmasak phawt an ngai.Sarah,min ti thinur khawp mai.nangmah chauh inngaihtuahin ka nu leh pa te harsatna i ngaihtuah ngai lo a ni"a ti hmak a.

Thaw halh paha kan hmalam kawng chu melh ngarin"ka tihpalh,tun atang chuan khawiah mah ka awm bosan tawh ngai lovang che u,ka damchhungin in kiangah ka awm tlat tawh ang"ka ti raih a.

Ka rilru a hah tak zet,min hringtu ka nu leh pa te harsatna engmah hre hauh lo in,mahni duh dan angin ka awm a,Dehraduh collage pakhat a BA ka zawh khan interior designer ka lo zir zawm leh kher kha hreawm ka ti in ka inchhir ngawih ngawih.

Uzoram'an"kum nga liam ta chhung zawng khan vawikhat tal mizoramah rawn haw ni la chuan ka nu hi a damlo tih i mit ngeiin i hmu ang.Ka pa chungah hian thinrim miah suh."a rawn tih chuan"vawikhat tal ka nu damloh thu min rawn hrilh se chuan tun ang hian rang takin ka rawn thlawk haw ang.nangpawn engatinge engmah min hrilh loh,Doctor Rinchhan'in phone atang min rawn hrilh lo se chuan tun thleng hian in awmdan ka hre hauh lovang,ka nu damloh thu hi ka nau Eddie'an a hre ve tawh em?"ka ti hlak hlak a.

"A ni pawh christmas chawlh lai a,a rawn haw tih loh chu Hostel-ah a awm char char,kum sawm mi chauh ala ni tho a,ka pa in a zirna tih ba hlah a duh lo a ni.nangpawn Eddie chu engmah hrilh rih suh.nakinah engkim a hrethiam ve mai ang.Sarah,ka nu damloh chungchang hi thingtlanga kan insawn tirh khan rawn hrilh che ka tum fo.mahse,ka pa in a remti tlat lo a ni.A thu hnial ka duh ngailo tih i hriat kha.Tunah hian kan awmna khua a mi zawng zawng ten kan chhungkua hi min thin hrik vek tawh ni ber ka hria"lungngaih hmel taka tiin a mittui chu a hru zauh a.

Eng ang pawn midangin min thin hrik mahse ka nu leh pa te ka hmangaihna hi a dang dawn lo hrim hrim.

Maimichhing sawk paha motor seat nghengin kum nga liamta a,ka khawsak dan chu ka ngaihtuah let chiam a.

Ka pa Lalremchhunga hi sawrkar High school-ah zirtirtu a ni a.zirna lam hi a thil ngaih pawimawh ber te zing a mi a ni hial ang.Mizoram Private english school pakhat atanga class X ka pass hnu in,Dehradun lamah ka zirna chhunzawm turin girls hostel pakhatah min awm a tir a.kum hnih vel zet chu lunglen takin ka awm ve thin.mahse,class 12 ka exam laiin ka pa in Aizawl-a kan in hmun midang hnena hralh a.Thingtlang lam,Hnahthial khawchhung atanga kal fê la ngai khua a,insawn an tum thu leh khawpui lama zirtirtu hna a thawh lai mek pawh insawn an tumna khua a,in transfers tir a tum thu phone hmanga min rawn hrilh khan engmah a chhan leh vang hre hauh lovin ka lo thin rim vak a,ka pa lah chuan thutlukna engkim a siam tawh a ni tih leh engmah tih danglam a tumlo tih min hrilh bur bawk si.

Mi zawng zawngin hmasawn duhin khawpui lam an pan a.Ka chhungte lah chuan Khawpui tlansanin thingtlang lama awm an duh zawk chu a ni si a.

Ka ngaihdan a ni hlawl lo.Mizoram a haw pawh ka phur lo vek phah hial a ni.Exam chawlh kan nei lai pawn haw duh lovin ka thiannu Rampari,manipur mite chhungkua bulah awmin mahni a inenkawlna tur sum thawhchhuah tum in 5 star hotel Bar pakhatah zan tin darkar ruk chhung waiter hna ka thawk ziah a.ka pawisa thawhchhuah chu ka zirna atan hmangin mahni in ka inenkawl thei ve hram a ni.

Rampari te chhungkua in Mizoram a haw ka duh leh duh loh min zawh chang apiangin haw ka duh loh thu leh mahnia inenkawl thei tur a,eizawn na ka neih hun a haw ka tum thu ka hrilh fo thin.

Rampari unaunu Annie-i hi Interior designer a ni a.India ram mai nilo,Foreign lamah mi hausa tak tak ho in nalh takin a design sak a,keipawhin a chang in a thil tihna ah ka pui ve fo thin.Nuam pawh ka ti tak zet.

Collage ka zawh hlimin thildang ngaihsak lovin,interior designer nih tumin ka zir a,mahse certificate ka neih hma in ka nu damloh thu ka hre ta mai si a.Ka thil zirlai leh ka hnathawh zawng zawng kalsanin Mizoram lamah hmanhmawh takin ka haw nghal a ni.

Khawvel thil ah hlawhtling viau mah ila,ka nu leh Pa te ka thlah thlam leh si chuan mihring pangngai tak ka ni thei ngai lovang tih ka inhre chiang.

Uzoram'an"i duh leh muhil rawh,kan la tlan rei dawn nia.Petrol thunin Bawngkawn-ah kan ding lawk a nga,kan tlan zawm leh nghal dawn nia.i ril a tam nih chuan seat hnung lamah hian eitur ka dah nual nia"a rawn tih chuan ka lu thingin"engmah ka ei chak lo,Uzoram,awm lo la chuan keini hi engtin nge kan awm tak ang le?i chungah hian ka lawm tak zet a ni"ka tisap a.

"Chutiang thu sawi a ngailo,he khawvel a ka chhungkaw neih chhun in ni a.Ka nu leh Pa te hian an fapa ang chiah a,min enkawlin zirna tha tak min neih tir a,nangpawn i unau ang chiahin min en bawk a.ka tan a in hlu asin,Kei chuan ka nu leh pa te hi Pathian ang hial in ka ngai.Nang an fa hrin ngei bak ah kei leh Eddie-a fahran enkawl tu tur neilo,an fa atan a min enkawl leh zel duh hi ka lawm a ni"tiin a khi ve suk a.

Ka pian hma kum khat ah Uzorama hi ka nu leh pa ten an fa atan an la tih ka hria,Vai a ni a,a hmel en mai pawn ka nu leh pa fa hrin a nilo tih a hriat ngawih ngawih,a hang in,a mit a khalh mai bakah a ha a kuh deuh reuh bawk nen.mahse en hran na pakhatmah ka nei ngailo,ka nu leh pa ten an fa ang mai a,an en angin keipawn Eddie-a nen ka unau ang chiahin ka ngai a ni.

Kei ai kum li a upa niin tunah kum 26 na a hmang mek a.Hindi school-a Class 12 thleng a zir hnu in ka nu leh pa te kiangah a awm ngat ngat a ni.

Ham deuh bai bai chung a Uzorama chu en in"engtik hunah nge ka nu leh pa te kiang kan thlen theih ang"ka tisap a.

"Pangngai taka kan tlan theih chuan Darkar 10 vel kan tleng ang.muhil rih rawh"tiin lukham te tak te pakhat chu min rawn pe a.

Darkar sawm maw!a va han rei em em ve.ka rilru a hmanhmawh tawh tak zet."ka pa,biak kan tum nge"tiin ka phone chu on in ka pa number ka dial a. A la tlang thei lo zui.

"Signal a awm tha lovang,biak tum lo mai rawh"Uzoram'an a rawn tih chuan lungawilo deuh takin ka phone chu ka hmet kual a.

"Nilo,nilo,ka thalak leh video vel engmah a hmehchhuah theih loh,ka phone chu thiat darh in,memory card awmna chu ka enchiang a.engmah a awm hauh lo,engtin nge ka thlauh tel theih,a van mak ve.

"Ngatinge sarah?"Uzoram'an a rawn tih chuan ka thutna lai bawr chu enkualin"ka memory card a awm miah lo,Airport-ah khan ka thlauh tel daih a niang.kha mihring chapo pa vang vek kha ni"ka ti hluk a.

"Kan thleng hla tawh e mai,let leh na chi a ni tawh lo.i mi hriatchhian loh chungchang khatin sawi ringawt tawh suh.ka nu leh pa phei chuan midang sawichhiat an duh ngailo tih i hriat kha.I memory card chu theihnghilh rawh"ti hlukin motor chu a khalh chak sauh a.

Thinrim hlur chung a ka thutna siam remin Airport-a mihring ka tawh pa hmel chu ka mitthla a.Khapa ang kha chu he khawvel ah hian an vang viau ang.A inthuam dan leh a hawiher atang khan mi rethei zawk zawk chu a nilo tih a hriat,midangte hnuaichhiah ching mi a ni tlat,eng anga hausa pawh ni mahse,a mizia leh khawsak dan atang khan a ngaihsan awm hlawl loh.Hmm,a ni kha ka ngaihtuah zui tawh tur a ni lo.Ka hmui ti sawi zauh paha ka thutna siam remin ka pa number chu ka dial nawn leh a.Ala tlang thei lo fo.Motor seat chu ngheng in ka maimichhing vang vang a.

Uzoram'an ka dar a rawn sawi nawk nawk pah a"Sarah,harh vat teh,ka nu in i aw a hre duh nia.kan thleng tep tawh a ni tih hrilh rawh"a tih ri ka hriat rual chuan thu tha nghal vat a,a phone chu lak sakin"Nu,engtin nge i awm?kan rawn thleng tep tawh a nia aw.Nu,khawngaih takin min ngaidam hram rawh aw"ka ti vat a.

Ka nu in harsa tih hmel zet chung a"Bawihte,engmah tih dik loh i nei lo.keimah zawk hi min ngaidam hram ang che aw"tham tiak a a ti ri ka hriat rual chuan"Nu,ka hmangaih che.khawiah mah ka kalsan tawh dawn lo che u.He khawvel a thildang zawng zawng aiin ka tan i hlu tak zet a ni"ka tisap a.

Ka pa aw in"Zuali,duhtawk tawh mai.An unauin an rawn thleng tep tawh,i chau lutuk nge"a rawn ti ri ka hriat chuan"Nu,ka dah dawn nia,lo lungngai suh aw"tiin kan inbiakna chu ka ti tawp nghal a.

Uzoram'an"i aw hriat a chak tlat mai avang hian ka ngaih a tha chiah lo tlat,ka khalh chak deuh dawn nia"rilru hah hmel zet chunga a rawn tih chuan ka thluak chu a ni deuh mupin ka hria.

Ka nu dinhmun chiang tak a hriat ka duh a ni.Doctor Rinchhani contact number chu hmetchhuakin ka dial nghal a.

A phone a pick up rual a"Sarah,I nu dinhmun hi a chiang lo khawp mai.in inbiak zawh rual khan a chau zual a.A natna hi a tuar rei tawh em a ni"a rawn tih chuan thaw chhuak halhin"khawngaih in lo chelh hram rawh.ka nu,damlai hmel hmuh hram ka duh a ni."ka ti tial ruai a.

Doctor Rinchhani nen a kan inbiak zawh chuan ka phone tuai nauh nauhin ka rilru in ka tawngtai nghal mawlh mawlh a.

Uzoram'an"khawchhung kan thleng chiah e"a tih zawh rual deuh thaw chuan YMA information mike atang ka nu boral thu an rawn puan ri kan nghal.

Motor ti ding pah a"Ka nu,ka nau nen kan rawn thleng chiah asin.ngatinge"zawi sapa a tih rual chuan motor atanga rang zeta tlan chhuakin"Nu,ka rawn thleng nia,minlo nghak hram rawh"tia au vakin kan hmalam kawng awmah chuan chak zetin ka tlan vak a.

In pakhat bula mipui lo pungkhawm laih ka hmuh chuan inchhunga tlan lut in ka hawi kual ruai a.ka nu ruang hmeichhe pakhat leh mipa pahnih in polythen fim chhung a an lo khung lai mek lam chu panin"Nu ka rawn thleng asin"ka ti tial ruai a.

Ka nu ruang an buaipui mek bul a ka pa dingin"Bawihi,i nu chu kan tan he khawvelah a awm ve ta lo"rilru nat hmel taka a rawn tih chuan ka nu hmel rawp tawh tak mai chu enin"A ni thei lo.Pa,ngatinge kei hian engtinmah ka enkawl ve hman loh.Nu,min ngaidam rawh aw."tia inhnit hlawp hlawp in ka nu ruang an tuam chu ka kuah ngawih ngawih a.

Ka thluak chu a chawmawlh vekin ka hria.Mahni nu te ngei,an damlohna engmah hre lova,keima hmakhua ringawt ka lo inngaihtuah char char kha hreawm ka ti in ka inthiam thei thlawt lo a ni.

Ka nu in min boralsan atang a ni nga a ni tawh,kan chhungkua in inah kan awm rek rek reng a.

Zing kar a Doctor Rinchhani hreawm tih hmel taka a kan ina rawn kal ka hmuh chuan ka nau Eddie'an"u saw Doctor kha a rawn kal,A pa hi a dam tha lo mi?"tiin ka bulah a rawn thu tharh a.

Ka pa room lam chu melh zauh paha Doctor Rinchhani chu enin"i va hma ve,ka pa in a rawn phone che mi?"ka tisap a.

Kan thutna ep chiah thutphah a rawn thu thla chunga thaw halhin"phone love.sarah,min ngaidam hram rawh u.He khua miten an endan che u hi keima thiam loh vek a ni.Engtin nge AIDS a vei thu hi an lo hriat darh pawh ka hre tawh bik lo.ka thawpui health workar Nu,khan i nu natna hi min zawt a,hetiang tak hian an lo thin hrik ang tih ka ring pha lo ni.kum ruk liamta khan i nu in damlo pakhat surgery an neih laiin chemte a in vit palh in,khata tang khan AIDS natna hi a kai ve a ni tih i hria em?"a rawn tih chuan Eddie-a beng hup sak paha bu nghatin"ka pa in min hrilh tawh alawm,ka nau hriatah engmah sawi kan duh rih lo,URinchhan,engmah i thiam loh na a awm hleinem.He khua mite hian AIDS natna leh a inkaichhawn theih dan an hriat fiah lovang zawk a ni.i theih tawpin ka nu i lo enkawl a kan lawm tak zet asin"ka tisap a.

Ka pa room atanga Uzorama rawn pen chhuak ka hmuh rual chuan"Doctor,i lo awm hlauh chu a va tih zia ve,rawn koh che ka tum mek a.ka pa saw,a rawn thochhuak peih vak lo in ka hria.min lo en sak lawk ta che"tiin ka pa room chhungah chuan a lut leh vat a.

Khum chunga ka pa chau zeta mu chu a kut a chelh sakin"Pa,inti chak hram rawh aw.nang leh zelin min awm bosan chuan engtin nge keini unau hi kan awm ang"ka ti tuak a.

Ka pa hian tawngka in ka nu a ngaih thu engmah sawi ri lo mahse,ka nu boral hi a tuar tak zet a ni tih ka hria.upa ten nupa inboralsan chu a dam zawk te tan dar lehlampang sah thlak ang mai a ni an lo tih fo hi ka Pa atang hian a dik zia ka hrechiang ve hle in ka in hria.

Chauh hmel zeta ka pa chu rawn mengchhuakin"ka tha lawm,min ngaihtuah suh u."tia Uzorama chu melhin"inbual fai ka duh a,min pui ang che aw.va chhuak tawh ru le"a tisup a.

Ka pa room atanga kan chhuah chuan Doctor Rinchhanin ka bengbula"I nu leh pa te hi an inhmangaih tawn tak zet a ni.i nu khan i pa hreawmna siam sak a duh ngai lova,chutiang bawkin i Pa pawn i nu na tuar a,a awm hi a duh ngai lo a ni.midang pawisa ba in,a theih tawp tak meuhin i nu kha a enkawl a ni"a rawn tih chuan makti deuh taka Doctor Rinchhani chu enin"Pawisa a ba a maw?engmah min hrilh miah lo"ka ti hluai a.

Inthiam loh hmel taka ka pa te room kawngkhar en chunga a hmui hupin"awi leh,nangpawn i hrelo tih ka lo theihnghilh daih.Sarah,kei hi chu Doctor ni tlak pawh ka ni lo,ka hmui hi ka veng tha thei thlawt lo.Engmah min zawt tawh suh aw,ka haw dawn,Sub-center lamah tih tur ka nei a"tiin kawngkharpui lam chu a pan nghal hlawk hlawk a.

Doctor Rinchhani kan in atanga a chhuak kawngkhar atang a ka enzui laia taka kan thenawm in atanga hmeichhe pakhat in an tukver atanga kan in lam rawn en ka hmuh chuan ka thawchhuak halh a.

Engthil nge maw he khua a mite ho hian an hriat teh hrep le?ka nu ruang hnaiah takngial pawh awm tha ngam lovin,min en hrek hrek hlawm reng a.ka rilru an tina tak zet a ni.

Tumahin kan Natna hi duh reng vanga nei kan ni ngai lo.kan hmalam hun tu mahin kan hriat lawk ngai loh ang bawk.Eng natna avanga boral tur nge kan ni tih kan inhre lawk ngai lo.AIDS hi inkaichhawn theih natna chu a ni ngei mai,mahse,a lo a luat a,kan fimkhur lutuk leh,a natna vei te kan thin hrik fo hi chu a dik lo,an taksa mai bakah an rilru thleng kan hliam thei a ni.

Kan chawi eina tleng ka silfai ho chhuar a ka rem fel lai chuan ka nau Eddie'an ka kawr a rawn chelh paha"u,Aizawl lamah school ka kal thei tawh dawn lo a mi?Helaiah chuan football khelhpui tur tumah ka nei si lova"a tih chuan Eddie-a bul a thu hniamin"engmah ka hrethiam bik lo a ni"ka tisap a.

Kan hnunglam atang pen thawm ka hriat rual chuan ka Pa in"Aizawl school tha ber ber ah i kal zawm ngei dawn alawm,lungngai suh"a rawn tih chuan ka pa leh Uzorama chu en in"mahse,pawisa sen a ngai viau dawn asin.Pa,heng laia sawrkar school-ah hian luh tir ve mai ila"ka ti hluai a.

Eddie'an"Ka duh lo,heng laiah chuan tuman football min khelhpui duh bik lo."au vak paha tia pawn lama a tlanchhuah daih chuan umzui nghal vat in"lo ding teh,engmah i hriatthiam loh vang nih kha,Eddie,khawi lama kal nge i tum?lo ding rawh"tiin Eddie-a chu ka um char char a.ka rin ai daihin a tlanchak lehnghal.

Bolero var leh gypsy hring min tawk zawng a rawn tlan ka hmuh chuan kawng sir rem laia ding chunga thaw halh halhin"Eddie,lo ding rawh,tlan tawh suh"ka ti vak a.

Bolero in ka dinna zawn a rawn thlen rual chuan te that pahin ka kawrfual par hak lai tuihawk avanga berh nuai chu ka thing sawk sawk a.

Gypsy min tlan mek chhung atanga nui ri ka hriat chuan thinrim tak a,motor number chu en in"mawl hlawm lutuk"ti nauh nauh in ka dinna bul motor kawng khuar laia tui tling tawp zet mai a in bul a mite tui chhe luang tih hriat ngawih ngawih chu ka melh nghek ringawt a.

Eddie'an a ban rawn phar chung a"u,lokal rawh,A nu thlanah va kal ang,a hla vak tawh lo tiraw"ti lang langin a tlan zui leh ka hmuh chuan ka kawrhak lai chu thing that thatin ka ding ngil a.

Thlan lama kal ka lo rilruk sa hrim hrim avangin engmah sawi lovin Eddie-a chu muangchangin ka um zui ve zel a.

Thlanmual bul ramhnuai atang a hnah nalh tak tak leh pangpar chi hrang hrang kan lak khawm avang leh ni a sat em avang chuan ka thlan nasa hle in ka hria.Eddie-a lah chu naupang harhvang tih takah kan inlama kan haw lam pawh chuan"Football thiam tur chuan tlanchak a ngai tih sir'in a sawi"tiin a tlan leh char char a.

Ka umzui peih tawh lo kan inah bak a haw dawn tawh lo tih ka hrechiang.kan in piah deuh hlek atanga kan inkawt a Bolero var leh gypsy inhung ka hmuh chuan hmanhmawh taka kan in lam pan in,inchhungah chuan ka tlan lut rawk rawk a.

Ka pa in"Bawihi in lo thleng ta maw?"aw zawi raih maia a rawn tih chuan a bula kal phei nghal vatin"Pa,An ni ho hi tu te nge?"tia hawichhuakin ka thutna ep a,mipa pathum leh hmeichhe pakhat an hmel leh incheina en re re pawh a,Thingtlang mi an nilo tih hriat tak mai lo thu chu enkualin"engthil nge in duh a?"ka tisap a.

An zinga mipa pakhat T-shirt pawl leh jeans kekawr ha a,sneaker dum bun,a hmui hnuai a khabe hmul tlemte awm pa hmel ka en chuan mitmeng ti zim sun chunga minlo en ve rengin"nang hi maw Sarah Lalrinkimi chu?"aw thum bul a rawn tiin a hma aia chik lehzualin min rawn en run a.

Ka pa in"Amah ngei a ni e.Nigel,khawngaihin reilote ka fanu hi biak ka duh a,engmah hriat a nei ve lo va,rem i tih thei chuan ka lawm hle ang"chauh hmel zet a tipaha ka kutphah a rawn humin"zoram,i nau Eddie-a hi pawnah lo va infiampui ta che"tiin Uzorama lamah chuan a thle zauh a.

An zinga hmeichhia in a bula mipa ngainatawm loh zet thu bana inti neitu tak maia chelhsak paha"Nigel,Kan haw har lutuk nge?Thingtlang mi an nih avanga khawngaih kher an ngailo,an mahni duh thu in i pawisa an puk a,an rul thei dawn lo che a nih chuan court-ah khing mai la.I ngaihdam zel chuan an huangtau mai mai.mi rethei thatchhe zet ho hi an ninawm hlawm khawp mai"tiin ka pa nen chuan min rawn melh rawm rawm a.

Court-ah min khing anga maw! Eng zata tam nge ka pa hian pawisa a lo bat le?Ka pa hmel ka enchiang chu nidang aiin ka hmu upa deuh sawtin ka hria.Rilru hah ru taka ka pa chu kuahin"Pa,i chau awm si a.room lamah awm hahdam zawk la"ka tih chuan a lu thing a"ka tha lawm"tiin a hmai chu a hui pap a.

An zinga mipa pakhatin"
Marina,i tawngkam fimkhur ve thin rawh.Midang dinhmun hrechiang lovin an tawng phawng phawng ngai lo"tia dingchhuak paha ka lama a kut rawn pharin"Caleb-a ka nia,chuan ani hi Nigel-a,a bul a mi hi marina-i chuan ani hi Rinhlua nia,kan naupanlai atanga inkawmho reng kan ni"tia nui sukin inhmerhriatna neiin a thutna ngaiah a thu thla leh a.

Marina-i tia a koh nu in"A ninawm,tawng duah kher a ngailo,kan tih tur ang chu ti vat ila,haw thuai ang u."a tih chuan Nigel'an"pawn lamah kan va chhuak lawk dawn mi?he khua hi belchiang ve ila a tha ang"aw pangngai zeta tia a thutna atanga thochhuakin"kan rawn let leh ang,marina-i sawi ang khan kan tih tur ang chu tihfel thuai ka duh.hun ka ngah vak lo nia"aw chang rut a tiin kawngka lam chu a pan a.

An chhuah vek hnu chuan ka pa chu ngaihtuah ru tak chunga enin"Pa,engthil Chiah nge thleng a?An ni khan enge an rawn tih?"ka tisap a.

Thaw hawk chunga a chal dawm a,thutphah tlanga a tuk khum ngatin"Bawihi,min ngaidam ang che aw.Pa ni tlak pawh ka nilo.Fa nei ve si in,engmah ka hnutchiah thei lo che a ni.I nu damlo kha kum thum chhung chu harsatna em em nei lovin kan enkawl thei a.mahse,kan sum leh pai te hian kan mamawh ang min phuhruk zawh loh avangin Nigel-a te bank atang pawisa Nuai 20 ka puk a,tun thleng hian engmah ka la rul thei lo a ni.Eddie-a hi zirna pangngai tak neia seilian turin ka duh bawk si a.Tun a kan awmna pawh hi an mahni ta a ni tawh a.He khawvelah hian engmah kan nei tawh lo"chau aw zetin a ti a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:21 pm

NEVER ALONE-2
www.storyfb.com mizo story thar englai pawhin chhiar tur a awm reng

Ka pa thusawi chuan min thawng tak zet,sawi tur ber pawh ka hre lo.Bank lama pawisa ka lo khawl ve lah chu a tam berah Nuai hnih bak a ni der si lo.Engtin nge kan ba chu kan rulh tak ang?.

"Pa,kan ba rulh nan kum khat vel tal hun pawh sei dil la.School-ah nangma ai ka kal anga,chuan a tul apiang uzorama nen kan thawk bawk ang"beidawng taka ka tih chuan ka pa in"ahma pawn min pawh sei sak tawh alawm,Bawihi,kei hi school-ah mi ai ka kal zawk alawm,mahse,thla thum kalta khan ka ban san tawh.midang an thawk tawh a ni.Bawihi,min ngaidam ang che aw.An ni khan court-ah min khingin jail bang hial zut mah ila,engmah sawi tur kan nei lo"a ti raih a.

Inchhunga ball pawm chunga Eddie-a rawn tlan lut ka hmuh rual chuan"U,Ka ril a tam tawh,chaw thing kan ei dawn"tiin choka lamah a tlan phei a.

Kawngkhar a Uzorama rawn pen lutin"Sarah,an zinga mipa sang ber leh kan in neitupa kha Lengpui airport-a kan hmuh pa kha ni tiraw"tiin min en ha a.

Ehe,Ka hmuh tawh hnu ang ka lo ti reng a ni.Engtin nge ngaihtuah chhuah nachang ka lo hriat loh zawk.

Ka pa in"Nigel-a kha a hma in i lo hmu tawh mi?"chik zeta min rawn enchunga tiin Uzorama chu a melh leh a.

Uzoram'an"Ka nau perek ang mai a cher hian ani palian zet kha mi tamna laiah tak a su chawrh a,ka pa,amah kha kan pawisa puk na bank nei tupa a ni tih lo hria ila chuan ka nau hi ngaihdam ka dil luih tir chiang viau ang.mahse,a awmdan atang khan min hre tawh lo niin a lang,kan vanneih hle mai tiraw Sarah"nui thu a tiin choka lamah chuan a lut phei a.

Choka lama uzorama phei hnu chuan Ka pa in"Zorama leh Eddie-a fa atana kan la hi ka inchhir ngai hauh lo.i nu nen khan fa mal,unau neilo ve ve kan ni a,kan nu leh pate pawn min boral ve ve tawh.unau neih loh hreawmzia kan hrechiang dun hle a ni.Zorama hi vai niin,a pianphung hi pangngai chiah lo mahse anin unau ang maia a en ang che hian nangpawn Eddie-a nen an pahnihin i unau ang in i ngai dawn nia.Bawihi,kan hriat lovin,ngaihzawng te hi i lo nei ve reng tawh lo maw?"pangngai zeta ti duahin ka samah a rawn chul a.

Ka hmui tiphawrh zauh pah a ka thutna atanga thochhuakin"nangman,ngaihzawng ka nei dawn a nih chuan ka pasal tur chauh ngaizawng tur a min tih thin kha.Thingpui intur ka lo siam sak ang che aw"tiin choka lamah ka lut phei a.

Uzoram'an"Thingpui in duh ve mi?sarah,i kawr kha ngatinge a val kulh mai."maktih hmel tak a min enchunga rawn tiin no a thingpui a thlit sa chu min rawn pe a.

Ner nang a,ka kawrhak lai enin"an motor khan tuihawk min dai per alawm,thingpui ka in zawhah ka inbualfai mai ang.uzoram,ka pa saw thingpui intur lo pe ve lawk mai ta che"tiin Eddie-a thil ei lai chu ka ban ve nghal a.

Ka inbual zo bathroom atanga jersey shirt pawl leh kekawr tlawn dum ha a,ka lu towel a tuam chunga ka chhuah chuan Eddie'an"u,mi pahnih te kha an lo let leh tawh.pakhat chu sitting room-ah a thu a,Pa lian zawk chu Apa nen room lamah an inkalh khum tlat.misual an ni lovang tiraw"a rawn tih chuan sitting room lamah ka phei nghal a.

Sitting room thutphaha Caleb-a lo thu ka hmuh chuan a hmazawna dingin"ka pa,hi a rilru ti hah belh chi a ni tawh lo asin.khawngaihin,ba kan rulh theih nan che u,hun min pek belh hram rawh u"ka ti raih a.

A dar rawn san ak paha ka pa te room lam chu melhin"chu thu chu,ka hnehah nilo Nigel-a bulah sawi zawk ta che,kei chuan ka rawn kalpui ve mai chauh a ni.Sarah,pangngai takin kan inkawm thei a ngem?"tisupin min rawn nuih a.

Uzoram'an"sarah,Eddie-a hi va inbualpui lawk rawh,a inti bal si a,amah ringawt chuan a intifai leh lovang.Thingpui ka lo lumsak hlawm dawn nia"choka atanga rawn dak chunga a tih chuan Caleb-a chu melhin"thian kawm nan hun ka nei lo a ni"tiin bathroom lamah bawk chuan ka kir leh a.

Bathroom atanga Eddie-a nen kan chhuah chuan pawn lama Motor ri vung vung ka hre nghal a.

Eddie-a bula thu hniamin"nangmahin kawr lo va ha rawh.ka pa te room lamah ka phei dawn nia"tiin ka kalsan a.

Kawngka pawh kik lova ka pa room chhung a ka pen luh rual chuan ding deuh chawtin file pakhat bih chunga ka pa lo tap khur dar dar chu ka en tlawk tlawk a.ke ka pen sawn leh chiah tih chuan phawk zeta rawn hawichhuak paha a mittui nuai hul zauhin"Bawihi,enge ni i duh?"a rawn tuak a.

Ka pa kiang a thu thla paha a hmazawna lehkha inchhawp chu enin"Pa,engthil nge a?"tia paper chu la kang a chhiarin"Pa,ani kha ba kan pek tlak hma loh chu a rawngbawl turin thu tiam i lo neihpui a maw?ngatinge,engmah min rawn hmasak loh?"ka ti tial ruai a.

"Tih theih dang ka nei tawh ngang lo a ni.Bawihi,thla thar atang Aizawl lam a i awm a ngai dawn,hreawm ka ti khawp mai.kei nin a tul angin helamah hna kan lo thawk anga,kan ba chu kan rul thuai ngei ang"a tih chuan ka lu thingin"Pa,khawiah mah ka awm bosan thei tawhlo che ni"tiin room atang chuan ka chhuahsan a.

Kan in hnung a lungpui chunga thu in van lam hawiin ka dak vang vang a.ka pa hian nuai 20 ba kan nei a ni tih minlo hrilh ve se chuan khang kum liamta chhung zawng khan collage kal lovin nasa takin hna ka thawk mai tur.Thil ka lo zir ve zawng zawng te kha tunah chuan engmah lo mai a ni zo ta vekin ka hria.Ka pa thu ka zawm lo a nih chuan kha mihring(Nigel-a) midangte nunna hlutsak nachang hriat loh hmel zet pa khan ka pa hi jail bang a zut tir duh tak tak ngei ang.Engpawh nise,ka pa thu zawmin tun atang a ni 21 na thla thar lo awm turah Aizawl lamah chuan engpawh hmachhawn huamin ka awm phawt a nga.ka theih ang angin sum thawhchhuah ka tum bawk ang.

Ka dar a min rawn khawihtu an awm a ni tih ka hriat chuan hawichhuakin"Uzoram,i lo awm ve reng a ni maw"tiin ka dingchhuak a.

"Sarah,ka pa thu tlukna hi a diklo a ni.ngatinge khapa khan kei min awmpui duh lova,nang kher awmpui a duh che?ka nau neihchhun liau liau i ni a,i chungah engthilmah ka tih tir ngai lovang"thinrim hmel zeta tiin a inhumruh a.

Uzorama kut a chelhsak paha nui lui sakin"ka pa hi kan unau a,kan hmangaih ang bawkin ani pawn min hmangaih,kan tan a tha lo turin thu tlukna engmah a siam hauh lovang.Uzoram,ka awm loh hunah pawh ka pa hi tha takin lo enkawl ang che"ka tisap a.

"Kha pa lakah khan i him reng hauh lovang.sarah,a ni kha hnaih vak lo turin ka duh che a ni.misual leh nunrawng tak a nih kha"ti deuh hmukin a kalsawn nghal a.

Keipawn mi fel tak chu a nih ka ring bik lo.mahse,ka chhungte him nan a rawng ka bawl sak ngei a ngai a ni.

Inchhung a ka luh chuan Eddie'an"U,Apa saw ka biak pawn min chhang thei miah lo.Uzoram'an,khumah a mut that tir mek,nangmah au tur che in min ti a"a lo tih chuan hmanhmawh tak a ka pa room lam a tlan lutin Uzoram'an ka pa a lo sawi deuh nawk nawk chu ka hmu nghal a.

Khum bul lawk a Bp check na chu la a,ka Pa ban a cuff hreng sak in"Uzoram,Dr Rinchhani va ko lawk rawh"ka ti a.

Ka pa Bp 50/20mm.hg a ni tih ka hriat chuan mangan ru deuh tak chung a,ka pa hmai bul a kunin"Pa,engtin nge i awm?Pa,na i nei em?khawngaihin min han chhang hram teh?"ka ti tuak a.

Harsa tih hmel zet a rawn mengchhuak pah a,"Bawihi,min ngaidam ang che aw"fiah lo ruai a,a rawn tih lai chuan Eddie'an"u,hei hi A Pa tan a tha ngem?"tia glucose min rawn pek chuan khum atanga thochhuak nghal vatin"Eddie,i theih ang angin i glucose ken lai kha ka pa ka chhungah khan lo barh rawh.Drip khai tur ka nu hman loh kha kan en lawk nge"tiin room kil khat a parcel chu ka hai rawk rawk a.

R.L bur chu khai theih tur a siamin,ka pa bana hriau vih luhna tur chu ka zawng kual a.Bp check-na hmang a ka pa vein ka pump puar lai a Eddie'an"U,Doctor nu kha kan nghak dawn lo a mi?"a rawn tih chuan ka lu thing chunga ka pa ban a hriau vit lutin"nghak hman kan ni tawh lo.plaster ka cheh sa kha minlo pe rawh"ka ti hluk a.

Muangchanga drip kal ka adjust mek lai chuan room kawngkhar chu rawn inhawngin"sarah,RL i lo kai a ni maw?engtin nge a nachang i lo hriat zawk a?Pa chhunga Bp chu eng ang nge?"Dr Rinchhan'in a rawn ti nghal a.

"sawnga hnuaiah sawm hnih,han enchiang lawk teh?Hnahthial damdawi inah emaw Aizawl lamah kan kalpui mai dawn mi?"ka ti a.

Dr Rinchhan'in ka pa taksa vel a enkual hnu a min rawn kheuh zeuh paha room atanga a kal chhuah chuan zui ve nghalin"enge a dinhmun nia i hriat?"ka ti raih a.

Sitting room thutphah a thu thla chunga a bula min kuah thu in"i nu boral hi a tuar em a,a rilru mai bakah a taksa saw a chaklo tel em em a ni.Sarah,rilru ber a dam that loh chuan taksa hi a dam thei tak tak ngailo.Aizawl ah emaw phai lamah pawh kalpui mah ula,a rilru a hlim loh chuan engtihna mah a ni kher lovang."a ti a.

Ka pa rilru hah dan turzia leh mangan dan tur chu ka hriat thiampui tak zet.Patling mah nise,mihring rilru pangngai pu mi tan chuan a thil tawn ang hi tuar thiam a har khawp ang.

Dr Rinchhani melh zauh paha ka hmai chu hupin"khawngaihin,hun awl i neih apiangah ka pa hi min lo buaipui sak thin ta che.ka theih hunah ka rul leh vek ang che,kar thum hnu ah Aizawl lamah ka awm san daih dawn si a.ka lungngai tak zet a ni.Ngatinge hetiang thil hi kan chungah a thlen tak mai le?"aw lawi rat a tiin ka inhniat hraih a.

Ka rilru a ipik em avang chuan ka insumzo tawh thlawt lo,kan chhungkaw thil thleng mek hi tuar thiam har ka ti in,ka beidawng tak zet a ni.mi thenkhat khawhar te chu thenawm khaw veng ten khawhar hman lo in an len chilh a,keini chhungkua ve thung chu YMA in zan lam a reilote hun an rawn hman bak,kan ina rawn leng lut an awm ngai meuh lo.Dr Rinchhani deuh chiah hi inleng kan neih chhun niin ka hria.

Dr Rinchhan'in ka dar a rawn kuah pah a"Sarah,Aizawl lamah chuan enge i tih dawn a?vawiinah in inah rawn kal an awm a mi?mi thenkhatin i ngaihzawng niin an sawi a.Kawng thenkhatah thingtlang hi chu nuam viau mahse,thu diklo thehdarh an hrat lutuk a.Aizawl khawi vengah nge awm i tum?"a lo ti a.

Thu ngil at chunga ka mittui hru in"ka hre lo,zep lovah chuan he khua mite hian ka nu leh pa rilru an hliam sak ni berin ka hria.engtin nge,ka ngaihzawng anga an lo sawi theih zawk.kha mihring Nigel-a phei kha chu ka haw tak zet a ni"ka ti hluai a.

"Nigel-a bank leh Aizawl a kitty hotel neitu hi maw?"Dr Rinchhanin phawk zeta a rawn tih chuan"i hria mi?"ka ti ha a.

"Hetah a rawn kal ve a mi?sarah, ka van hmu ve chak.Ngatinge engmah min hrilh ve loh,Aizawl lama ka haw chang te hian hmuh ka chak theih tehlul nen. Sarah,engtin nge Nigel-a nen chuan in inhriat a?"dilchhut fahranin a ti chul a.

Engvanga Nigel-a hming ka sawi rik rual a phur teh hluai nge maw a nih le?ka hmui tipawrh zauh pahin"kan inhre ngailo,ka Pa,kan va awmpui nge?i hman hun apiangin lo leng rawh aw.midang kawm tur pawh kan neih loh hi"tiin ka ding a.

"Tehreng mai.I nu leh Pa te hi ka mi ngaihsan mi tak an ni asin.Sarah, Zorama unau ang maia i en thei te hi i fel ka ti.mi thenkhatin Zorama in awmpui avanga an hmuhsit na che u hi i hria ve thin em?"zawi ang reng taka tiin ka pa room lam chu a melh a.

"Hria ve thin tehreng mai.midang min sawiselna leh relna zawng zawng hi ka ngaipawimawh vek lem lo.kan unau thum a,inngeih tlang tak a kan awm hian ka lungawi tawk a ni.lokal rawh,ka pa,dinhmun hi minlo ensak lawk la"tiin ka pa room lam ka pan nghal a.

Ka pa hmel harh deuh sawt ka hmuh chuan ka hlim tak zet,fiah taka min rawn enin a lo nui suk a,a mutna bul a Eddie-a ka phone khawih a lo thu chu enin"Eddie,ka phone ringawt kha buaipui suh.A screen chhiat tawh sa nak alai in,i tih chhiat belh nasa tawh lutuk,phone kha off la,kan room lamah lo va mu rawh"ka ti that a.

Dr Rinchhan'in"Pa chhunga chu a thachhuak leh vat mai ang.engemaw harsatna in neih chuan minlo ko hreh su aw.Rawn riahpui che u duh viau mah ila,damlo dang ten min mamawh thut hian a buaithlak thin a.min hrethiam hram dawn nia.Sarah,nangpawh Doctor fanu i ni a,Bp check leh drip khaisak te chu i thiam tho alawm.min mamawh êm êm hran pawn ka ringlo.i nu khan a zirtir thin che mi a?"a tisap a.

Eddie'an"uzorama pawn a thiam ve tho,usarah-i kha chuan a ti tha peih lo thei lutuk"kawngkhara tlan chhuak paha a rawn tih chuan ka nuisak a.

Ka nu khan enge maw a hriat tehreng ni.Uzorama nen hun awl kan neih chang apiangin kan inah Bp check te,Thermometer hmanga khawsik en te,i.m leh Iv a injection te leh zunthlum en thleng khan min zirtir fo a.A hunlai khan lo ning viau thin mahila,tunah chuan a lo tangkai zia leh ka nu in kan hmakhua a lo ngaihzia ka hrechiang telh telh a ni.

Dr Rinchhani leh uzoram'an min chhuahsan hnu chuan ka pa bula thu thla in"Pa,engtik lai pawh a ka rinchhan ber i ni asin.ka nu i ngaih ang bawkin keini unau pawh hian kan ngai tih hria la.khawngaih takin lo dam tha leh vat rawh.ka nu khan amah avangin kan lungngai a ni tih hria se chuan a thinrim ngawt ang.ka nu lungawi nan keini chhungkua hi kan tangrual tur a ni.kan unau hi fahrahin min siam lul suh aw"ka tisap a.

Maimichhing reng chung a ka pa mittui rawn luang ka hmuh chuan ka thusawi a hrethiam a ni tih ka hria.

A ni tel a ka pa taksa a rawn chak thar leh ka hmuh chuan ka lawm tak zet,ka pa atang hian mihring rilru leh taksa inthlunzawm chian zia ka hrechiang a,chuvangin,a rilru ti hah tura awm ka duh tawh lo.kan rilru a hlim loh chuan kan taksa hriselna thlengin a tawrh phah thei a ni.

Naktip mai hi Aizawl lama ka phei tum hun a ni tawh,ka huphurh tak zet a ni.mahse ka chhungte hmuh lai chuan huphurh ang leh châklo tak ang in ka awm ngailo.kei ber huphurh anga ka lan chuan ka pa hi a lungngai dawn a ni tih ka hria,chuvangin,an kiangah leh an hmuh theih a ka awm chuan hlim hmel ka pu lui hram hram zel a ni.zanah nise,Eddie-a nen khum khatah kan mu dun a,ka tap a ni tih a hriat ka hlauh avangin ka puansin lai chu ka seh ngawt ngawt zel thin.

Tu fa in nge huphurh lo bik ang?ka nu boralna thla khat em pawh ala ral lova.Ka pa lah lungleng khawhar reng rengin hun a hmang bawk si.kei an ril a rah an fanu in ka awm bosan leh dawn chu a ni si a.Zirna avanga hmun danga chhungte awmhran san hi chu tlemin a dan a dang deuhin ka hria.Engthil chiah nge ka hmachhawn dawn tih ka inhre bawk si lo.

Maian bai tur hik paha FM Radio zai ka ngaithlak lai chuan ka sir lama min rawn nem dawt dawt tu an awm a ni tih ka hriat chuan lungawilo taka ner nangin"Eddie,engthil.."tia hawichuakin kan bul lawk a Nigel-a lo ding run chu phawk zet leh ka hau in ngawi rengin ka en ringawt a.

Nuizat hmel fahrana rawn pen hnai paha ka hmai zawna a kut sei tha zet mai a rawn phar chuan hlauthawng zet chunga lo thle sawn in"enge i hriat?min khawih hlek suh"ti thatin a kut chu vai sawn ka tum a.

A kut leh lam hmanga ka earphone a rawn pawh thlak chuan Eddie'an"ka ko nasa lutuk che.U,i rualin Aizawlah ka rawn ve dawn.UNigel-a hian i duh phawt chuan ka hruai ve ang che a tia,khawnge Apa leh uzorama hi huanah an kal a mi?"phur hmel zeta tiin choka atang chuan a kalsawn nghal a.

Sawi tur ber pawh ka hrelo,ka hma lawk a mipa lian tha zet chuan kan inchhunga boruak tha zawng zawng min hip khalh vek a ni ngei ang.A hma khan thawsa lo leh lum ti miah lo in ka awm reng a.Tunah erawh lum ka ti tak zet,pawn lama boruak thianghlim dawn a mamawh a ni.

Dawhkan hnuaia stool hlui tawh tak kan dah chu pawt chhuak paha ka taksa chu rawn melh kualin"i lo dam tha maw?sarah,zanin leh naktuk hi Ka driver nen a min mikhual theih hram ka beisei"aw thawp satin a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:25 pm

NEVER ALONE-3
www.storyfb.com mizo story thar englai pawhin chhiar tur a awm reng


Mit khap fak chunga ka bul lawk a Nigel-a thu en a"enge in rawn tih dawn?"ka tih chuan a mitko tiche zauhin"ka rawn zin,ka zawhna che minla chhang lo"nghet charhin a ti a.

Ka zawhna atthlak zia ka hria,mahse he mihring hma ah hian mawi hnai taka chet ka tum hran lo.Amah avanga ka pa te nena kan awm hrang tur hi ka lungawilo tak zet"He in hi i ta a ni a,i duh duh hunah i riak thei reng alawm.sawi theih kan nei a mi?"ti hmak a ka thutna ngaia thu thla in ka thil tih lai chu ka chhunzawm lehnghal a.

"I taksa en aiin i lei chu a la hriam tha hle mai.Ngaihdam dil chung a min tah khum ka lo beisei kha ka tisual hle a ni tih ka hria"ti ngutin dawhkan chung a a kut dah chu a tlir zauh zauh a.

Ngaidam dil turin minlo beisei a maw?Ka pa in a pawisa nuai 20 ka nu damlo enkawl nan leh mamawh tul dang atan a hmansak ngei.mahse,bat ral kan tum bik lova.Ngaihdam ka dilna chhan tur ka hre bik lo.

Ka thinrimna chu inbengdaih tum zet chunga thaw halhin"ka Pa leh Uzorama chu an rawn haw tep tawh ang.Eddie'an nichin lawka a sawi kha a dik em?Aizawl lama school luh tir turin pawisa kan nei lo tih i hrechiang hle si a.Naupang bulah thil tih theih loh tur an sawi ngai lo.Engkim a hrethiam ve vek tawh.khawnge Eddie-a kha a lo awm leh tak daih,a lo inkhel leh hman a mi le?"ti duahin ka thutna atanga chuan ka thochhuak hluai a.

"Coco,Eddie-a chu ngaihtuah duh suh.Driver Puia nen pawn a saw ball an pet,kan ril a tam tawh viau a nia"thu tak zeta tiin tukverh lam chu a hawi a.

A bul hnaia tawlh phei nghal vat chunga ka kut lehlam chu a hmazawna pharhin"nang hian ka memory card bo kha i lo la a ni maw?tunah min pe nghal rawh.engvangin nge ka video kha i lo en?"ka ti vin that a.

Chal chuar tap a ka kutphah a en vang vang hnu a,rawn hawichhuakin"thil ru ang chuan min puh thei hauh lovang.i memory chu pek che tumin airport security pakhat nen kan rawn umzui che a ni.chuan memory card tha a nih leh nih loh hriat kha ka tih tur niin ka ngai.memory card chhia kawl reng ka duh si lova,coco"a rawn ti leh ngat a.

"Khatin min ko ve tawh suh.ka memory card chu min pe rawh,nangmah avangin ka phone screen pawh a chhiat vek hi"ti hlarin ka phone chu ka hmuh nghal a.

"Ka rawn kenglo tlat,Ka inah midangin an rukbo hlauin ka thuhruk sak che.coconut tui intur in nei mial lo maw?coco"aw pangngai taka tiin choka chhung chu a melh kual a.

Thinrim zeta melh kawk chunga gas awmna lam chu pan sanin"neilo,i in a nia,i mamawh ang chu lo inzawn ve rawh.eirawng ka bawl dawn"ka ti hluk a.

Ka hriatchian theih si lova,Nigel-a phun hluk chunga choka atanga a kalsawn tih ka hriat chuan thaw deuh huaiin ka thinphu dawt dawt zawnah chuan ka kut ka nghat vang vang a.

Engvanga coco tia min koh kha duh lo viau nge maw ka nih le?Hotel bar-a ka thawhpui te nen intih hlimna neia kan awm khawm apiangin zu lampang hrim hrim induh lovin,coconut tui ka in thin a.min nuihzat hlawmin thing min ti thei khawp mai.Zu ka in duh loh avanga ka thawhpui hnamdang ten min nuihzat hi hreawm tihna pakhatmah ka neilo.Ka nu leh pa ten zu that loh zia leh taksa hriselna a tihchhiat theih zia te,zu in miten sum leh pai an sen nasat zia te leh Mizo society ah chuan zu in mi kan hmuh hniam thu min hrilh fo bakah,No khat in tawh chuan no hnih in a zui theih thu an sawi thin.chuvangin,zu loh law law ka duh a ni.

Mihringin kan siam chawp zu in ai chuan Pathianin tui thianghlim intur min pek hi ka tan chuan a tha zawk.

Bar-a kan thil sem tur lo thli zel tupa vang vek hi a ni midangin coco tia min koh nachhan,intih hlimna kan neih tuk zan a,a bul a intur ka sem tur ka lak dawn lai a"coconut chauh i duh si a.Sarah tih ai chuan coco tih i inhmeh zawk ang.Nang hi tun atang chuan coco tiin ka ko ziah tawh dawn che"aw ring zet leh nui uar uar chunga tiin midang bulah te chuan coco-i a nih hi tih hlirin ka hming a hrilh zui fo bawk a.khami zan atang khan ka hmelhriat apiangten coco tih ngawtin min ko ta a ni.

Ka memory card-a khan ka thianten video camera hmanga ka thla an lo lak a hnu a,fiamthu na atan a, min rawn thawn ho kha a la awm vek a ni.khang video tin ah khan coco tiin min la ko lehnghal.

Eddie'an pawn atang a"U,apa te an rawn haw"ring zeta a rawn tih chuan ka tui chhuanlai chu a sat tawh leh tawh loh enin hmanhmawh takin choka atang chuan ka chhuak phei nghal a.

Kawngkhara ka pa rawn pen lut ka hmuh chuan"Bawihi,Nigel-a te hi thingpui intur i pe tawh em?An rawn kalna a hla si a,inbual hmasa se la"tiin a bula Nigel-a a Jeans kekawr hak hnung ipte zen chunga cool zet a ding chu a melh a.

Eddie'an ka pa leh Uzorama bulah Aizawl a ka ruala kal a duh ve thu leh Nigel'an kal ve a remti a ni tih a lo sawi chuan Eddie-a bul a kal phei nghal vatin"Eddie,room-ah lehkha va zir rawh.Pawisa kan neilo tih vawi engzat nge ka hrilh dawn che.Thu i awih lo leh lutuk,engkim i hrethiam ve vek tawh"vin zet a tiin a banah ka chelh a.

Ka chelhna atanga tal chhuak paha lungawilo hmelpu tak chunga min rawn enin"Engkim ka hriatthiam vang alawm Aizawl-a football zir paha lehkha zir zawm ka duh.U nangpawn ka nu damloh chhung zawn pawn hmun dangah i awmsan ve tho kha.kei chuan ka puitlin hunah Mizoram mai nilo India rama football thiam ber ni a,pawisa tam tawk ka Pa tan thawh chhuah ka tum,heng lai thingtlang atang chuan ka thiamna ka phochhuak thei dawn lo.U phal lo mah la,ka kal lui tho tho ang"tiin kan mutna room lamah chuan a tlan lut nghal a.

Khatiang ang a thinrim khan vawikhatmah min la tawngkhum ngai hauh lo.Makti leh rilru na tak chunga kan room lam ka melh chuan"Bawihi,eirawng lo va bawl tawh rawh.Eddie-a chu nakin lawkah hlim takin kan bulah a rawn awm ve leh mai ang"ka pa in a rawn tih chuan Nigel-a leh a driver pa chu melh zauhin choka lamah ka phei a.

Nigel'an kan hnungah min rawn zui a ni tih ka hriat chuan a hmel en duh hauh lovin ka thil chhuan lai ringawt ka ngaihven lui tlat a.Engvanga min rawn zui nge a nih,inti thu leh lutuk mai.

Ring zeta ankhum vak vak ka chak tak zet,Eddie-a bulah khatiang thu lak tlak lo lutuk lo kha lo sawi lo se chuan engmah buaina kan nei lo tur.

"Engvanga i nau bula khatiang thu kha sawichhuak nge i nih?kei hi misual leh nunrawng tak angin min ngai thei asin.chu chu ka duh lo."Nigel'an ka beng bul lawk a nghet charha a rawn tih chuan thinrim zeta Nigel-a hmel chu enchho ha in"engmah lo sawi ve tawh suh.i thu thu a kan chhungkua hi awm tur kan ni lo,mi tha i ni lo tih te chu a hriat sa reng alawm,i hmel chapo lutuk hi ka haw ngawih ngawih tih hre rawh"thinrim avanga aw khur dar dar leh midangin ka tawngri an hria ang tih hlau takin a ti hrawk a.

Rum ngut chunga ka tukkhum sam a na zeta min rawn man bet chung a ka hmu lo kun hniamin"i hmui chip tir dan kawngkhat aia tam ka hria tih i lo hre dawn nia"tiin ka hmuiah tak chuan chiang zetin a fawp bawrh a.

Chetsawn ngaihna reng ka hrelo,thinphu dawt dawt chungin Nigel-a chu ka melh reng ringawt a.A hmui lasawn paha thaw deuh hrawihin"chiai viau loh teh.Sweety,i vawikhat tawnna chu a nih ka ring bik miah lo a nia"pangngai taka tiin choka atang chuan a min kalsan nghal a.

Lalpa leh,kha mihring chapo leh zaktheilo lutuk pa khan ka phalna la hmasa lovin,min fawp a maw!mipa tumahin ka hmuiah hian min la fawp ngai hauh lo asin.chuta karah ka vawikhatna a nih a rin loh thu ala sawi zui.zaktheilo lutuk mai,min rawn tibuai zo vek.

Thaw chhuak hawk chunga tui khawihna lam chu pan in sahbawn leh tui hmangin ka hmui chu ka silfai sawk sawk a.Awmzia vak a awm pawhin ka hre lo.

Ka pa in"Bawihi engthil nge i tih?tuilum a awm chuan bathroom lamah lo va dah lawk rawh"choka leh sitting room inkal pawhna a lo ding chunga a rawn tih thut chuan rang zeta ka hmui hru hul in tuilum bel chu bathroom lamah ka chawi phei nghal a.

Bathroom kawngka tlem a lo inhawng sa chu nawr hawngin ka hma lawk a.Nigel-a underpant dum chauh ha chunga min rawn en ka hmuh chuan ka mit chhing in"kawrha ta che"ka ti hlar a.

"Kawr ha chungin inbual duh bik a mi?khawi ka lo la nge?"nuiza aw zeta tiin ka kutah a rawn khawih a.

Rang zeta ka kut ka laksawn rual chuan"A saa..a sa lutuk"ti chulin ka thu hniam nghal a.

"Hreptak che hian min tihhlum i tum a mi?"tia tuivawta ka ke chu rawn leihin"nangmah leh nangmah i inti na nih kha,khawi maw i kut kha lasawn teh?"ti hluk a ka bula rawn thu thlain ka ke ka dawmna kut chu a rawn dahsawn a.

Kan hnunglam atanga ka pa in"Bawihi,tuisa in i inleih a mi?engtin chiah nge i awm?"min ngaihtuah aw zeta a rawn tih chuan mittui tling par a hawichhuak chunga ka pa leh Nigel-a driver bathroom kawngka bula lo ding chu melhin"Pa,a na lutuk"ka raih a.

Nigel'an"kang damdawi hnawih chi in kawl em?"ka ke chelh reng chung a aw chang zeta a rawn tih chuan ka pa te hnunga uzorama lo dingin"kan kawl lo,Dr Rinchhani kan va rawn nge?Aloe vera pawh a nei in ka hria"a lo ti vat a.

Ka pa in"Bawihi,i rawn thochhuak thei a ngem?Sitting room thutphah ah sawn lo thu la.Nigel tui chu kan lo lum tha leh dawn mi?"a rawn tih chuan then sawk chungin ka inbeng kang a.

Nigel'an"i kal tha thei lo nih kha,khawi ka lo tanpui ang che.Pa chhung,tui vawt a inbual hi ka duh zawk"ti ngutin ka darah leh ka kaihza a chelhin zo zetin min pawmkang nawlh a.

A driver in"khawi ka lo pawm dawn mi?lo inbual zawm la"nuizat hmel deuh taka ti chunga a ban a rawn phar chuan"a ngai lo,keima vanga inti na a ni a.ka buaipui a ngai ang.Puia,ka nute Rini kha phone la,kang damdawiah enge tha lo zawt rawh."thunei aw zetin a ti hmak a.

Ka ke chu thip in,a sa huam huamin ka hria,ka veilam pang hi a sa zual bik.Thutphaha min nghahthlak chuan ka kawrfual par haklai siamtha paha ke lampang chu enin"ka tihpalh,va inbual tawh rawh"ka tisap a.

Underpant chauh ha a,ka bula a awm chu hmuh hreawm ka ti a ni.Anin ngaipawimawh lo mahse,ka tan chuan tawk a harsa tham tlat.

Ka thusawi chu bengkhawn lo tih hriat zet a ding ngil chunga ka pa leh Puia chu enin"Doctor chu a rawn thleng dawn tawh em?Pa chhung,nachhawkna in kawl chuan lo eitir rawh aw,kan va inbual lawk nge,ka rei lovang"tia inher in bathroom lamah a phei nghal vut a.

Doctor Rinchhani leh Uzoram kawngkhara rawn pen lut ka hmuh rual chuan kan hnunglam atang Nigel'an"in va rawn thleng har ve,helaiah inenkawlna mumal a awm loh chuan Hnahthial lamah kal ila a tha ang"rawn ti vutin ka thutna bul thutphah banah chuan a rawn thu thla nghal a.

Dr Rinchhan'in phawk zeta Nigel-a hmel a en reng avang chuan thaw dep dep chunga Nigel-a chu melh chho in"Ka ke avanga Hnathial emaw Aizawl lam pan kher a ngai lovang.URinchhani hian heta ka la awm chhung chu min enkawl thei reng alawm"hul deuh hakin ka ti a.

Ka Pa te kianga ka awm theih hun hi tih tawi ka duh lo hrim hrim,eng ang pawn ka ke hi na viau mahse hmundangah ka kalsan chuang lovang.

Hmui chhip hmak leh chiang zeta min rawn en kur in"hmeichhe tih mawh lutuk"ti hluk a Dr Rinchhani lam chu rum ngut chunga hawiin"khatia ding renglo khan,I tih tur chu ti thuai teh"ning hmel zetin a ti khur khur a.

A lu chungah hian engthil nge awm le?Ka hmazawn a Dr Rinchhani rang zet maia rawn thu thla chu ngawi renga enin ka ner sawk a.

Ka bula Nigel-a thu ke chu en zauhin"tuisa khan a per ve lo mi?"ka tisap a.

A kekawr tlawn tial haklai hlimchho paha a ke chu thlek kualin"Per ve e,ka vun hi chu a chang tawh a,bakah ka vanneih ve hrim hrim aniang."pangngai zet a tiin a khi suk a.

Van ngeiawm tak,ka nihna inhrechiang hle lo ila chuan he in atang hian ka pet chhuak tawh ang maw le.

Maimichhing chunga ka inhumruh lai chuan Dr Rinchhan'in"ka rin ai i inti kang nasa,Aloe vera bak kang damdawi engmah kawl ka nei miah lo.sarah,in theih chuan Aizawl lamah kal zawk rawh u.heng laiah chuan kan inenkawl chhung a rei dawn mai bakah,i ke hi kan ti ser palh ang"a rawn ti raih a.

Ka ke enchiang paha nui luisakin"Engmah na a awm tawhlo,khawi chaw ei kan siampui nge,in ril a tam tawh ang.Urinchhan lo ei ve nghal rawh aw"tia ka thawh uaih chuan Ka pa in"Bawihi,lo thu mai mai rawh,Zoram'an a inbual zawh ah chaw ei chu a siam mai ang.Saw Eddie-a pawh kan thawm hria a,a rawn chhuah saw"tiin room kawngkara Eddie-a inthlahrun hmel taka rawn dak chu a en a.

Ka pa kalsawn mek hnunga Nigel'an a zui ka hmuh chuan"Pa,enge in tih dawn?"ka ti ha a.

Makti hmel taka rawn hawi let pah a,a bul lawk a Nigel-a chu enin"enge ni ta?"a tisup a.

"A fal a,biak lawk che ka duh a"thu tak fahran a a tih chuan ka pa nen kan inhnung pawn lamah an inzui nghal a.

A driver kan bula awm chuan"nangmah hi mi Sarah-i chu? Caleb-a leh Rinpuia ten khawpui hmeichhia ho ai pawn i hmelthat thu leh i nalh thu an sawi ri ka hria a,dawt an lo sawi miah lo a nih hi.Nangma vangin Ka pu(Nigel-a) leh Marina-i pawh an inhau nia.Thingtlang mi pawh i anglo,i ke pawh a no lutuk a,i intikang nasa nih kha"pangngai zeta ti deuh duahin ka ke chu a rawn thlek hnai a.

Dr Rinchhani chu ka bul a,rawn thu kang chunga Driver Puia chu enin"Thingtlang mite hi hmusit viau suh u,in tih theih loh thiam loh tam tak nangni aiin an thiam daih zawk.Khawpui a cheng in nih avang khan ropui viau leh changkang viau ah i inngai a mi?Tribal certificate nei leh vai buhfai inang ring vek kan nih hi,thingtlang mi thenkhat te chuan an mahni eitur buh an thar tih i hrelo mi?"a ti hlak hlak a.

Makti leh hrilh hai hmel taka Driver Puia chu enin"i duh leh va inbual tawh la"ka tih chuan Eddie'an"A Pa Pui,i rualin ka lo inbual ve thei a ngem?"rawn ti vatin a banah a chelhsak a.

A pa Pui tiin a ko a maw!Nigel-a lah kha UNigel tiin a ko si a.An hmel en mai pawn Driver Puia hi a naupang zawk tih a hriat ngawih ngawih a.

Urinchhan'in ka ban a rawn nghawk paha"hey,enge thil awmzia hi? Nigel-a te nen in inhre ngailo tih sawi tawh hlek suh.mitdel leh bengngawng ka ni lo nia.khawi atang nge in inhriat? I kianga Nigel-a chanchin ka lo sawi lai te khan minlo nuihzat viau ang.Sarah,ka lo ngaina ve em em che,nang hi chuan engatan mah minlo ngai lo a nih"ti hlak hlakin rum zetin min rawn melh hrawk a.

Doctor Rinchhani hi hmeichhe kawm nuam tak a ni ngei mai.keipawn ka ngaina tak zet.kan mi ngainat apiangte bulah kan chanchin kan sawi tur a ni tih dan leh hrai khawiah mah a awm hauh lo.mahse,kan thianten min rin tak zet a,thuruk engkim min hrilh lai a,kan thuruk leh zawh min zawh ang,kan sawichhuak ve ngamlo a nih chuan kan thiante lakah inthlahrun na leh inthiam lohna lian tak kan nei thei.

Doctor Rinchhani ban a chelhsak paha nuisukin"dawt ka hrilh lo che,ka hre ngailo tak tak alawm.ka pa,nen zawk hian an inhria a.bakah ka Pa in ba a neihna kha Nigel-a te bank hi a nia.Anin kan rulh theih dan tur kawng min zawn pui dawn a"ka tisap a.

"Ka awih chiah lo,nichina a awmdan te kha.Sarah,a pian nalh zia leh sexy zia kha i hmu em?kei chauh nilo,Mizo hmeichhia tawh phawt chuan an ngaihven tih i hria em?tunah tak hian nangmah nih kha chak"phur hmel zeta tiin ka darah a rawn chum vak vak a.

A van buaithlak tak,kei ai kum nga in a upa zawk a,a chang chuan a naupangchhia zawkin ka hria.A nuihzat leh thinrim lai emaw thil danglam thlen laia a bula awm chuan a kut thlak kan tuar nasa ni mai.

"Doctor,enge i tih?I kut kha dahsawn vat rawh"tia Nigel-a rawn tawng ri kan hriat chuan rang zetin kan hawichhuak nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:26 pm

NEVER ALONE-4
www.storyfb.com mizo story thar englai pawhin chhiar tur a awm reng

Dr Rinchhan'in"ka tihpalh sarah,ka tina che em"inthlahrun hmel taka a tih chuan nuisak chunga a kut a chelhin"min tina hleinem,nidangah pawh i kutthlak te chu ka tuar fo alawm"tiin ka fiam zauh a.

Kan hmazawna Nigel-a rawn ding run hmel ka en chuan"Doctor ve si,khatiang khan midang kut i thlak fo a mi?"ti hluk in Urinchhani nen chuan hmel chang rutin min en ngar a.

He mihring hian engthil nge maw a hriat le?Hawih hawm taka midang biak hi a thiam ve thlawt lo a niang.

Dak vah chunga Nigel-a chu en letin"midang awm dan a lo inrawlh ve zel i tum a mi? Nge midang infiam hi i ngaithei lo zawk.I awmdan engmah kan sawi sel loh ang bawk hian pangngai takin awm ve mai la"ka ti fak a.

Thinrim tih hriat zeta min rawn melh chhuk run chunga a kekawr ipte chu zenin"zanriah eikhamah helai hmun atang hian Eddie-a telin kan chhuak ang.Engmah sawi buai suh ang che,a tul phawt chuan ka phuar bet hreh hauh lo che tih i hre dawn nia"nghet charh a tiin choka lam pan chuan a kalsawn nghal a.

Zanriah eikhamah kan chhuak dawn a maw!Enga ti teh thut nge?A ngaihna hrelo taka Nigel-a ka enzui lai chuan Dr Rinchhani chu ka bengbula rawn kun hnaiin"engmah i hre lawk bik lo a ni tiraw?Sarah,a hmelpa zia kha i lo hmu em? engtin nge khatianga i chhan let ngam zawk.?"a ti sar sar a.

Engvangin nge ka chhan let loh ang.midang nunah a inrawlh peih em alawm.ka thutna atanga ke lawng a ding hluai in"ka Pa,ka hmuh a ngai,URinchhan lo la awm rawh aw"tiin ka bai phei a.

Ka Pa room kawngka ka nam hawng rual chuan hmel pangngai taka min rawn enin"Bawihi,zanriah eikhamah inchhuah tur thu kha Nigel'an a hrilh tawh ang che tiraw"a ti dam thluam a.

Lung ni lo zet chunga ka Pa chu enin"Pa,engthu nge a lo sawi pui che.A laka ba kan neih avang hian a thu thu a awm tur kan ni tihna a ni kher lo nia.Engtikah emaw kan rul leh vek dawn tho alawm.Pa,in bul a awm ka la duh"tia ka pa bula thu thla in a kutah ka chelh a.

Ngawi renga min en vang vang chung a,a lu thingin"kan bulah awm i duh tak tak lo,i nu boral vanga ka lak a i inthiam loh vang mai mai a nih kha.Nang ai,Zorama hian min ngaihtuah zawk.Nula kum 23,pasal nei rual i ni tawh a,Mahni pa te thlazar hnuaia awm reng tur i ni lo.kan ba kan rulh let thuai theih nan hna i thawh ve a ngai.Nigel-a hian eng hna pawh thawh tir dawn che sela lo hnial suh ang che.Eddie-a pawh kan rulh let phut hauh lovin Hostel tha takah luh tir min tiam a ni.mahse,Eddie'an chu thil chu a hriat ve kher a ngai lo.nangma sum thawhchhuah hmanga school kal angin a lantir dawn.Kum nga chhung zet kan lak atang i duh duh danin i awm hrang tawh a,tunah pawh i awm hran leh a ngai ni.mahse,i duh dan angin i khawsa tawh lovang.chuvangin,in room lamah va kal la,va insiam rawh"nghet charhin a ti a.

Ka thut ngaia thu reng chunga ka pa chu melh ngawih ngawihin"Pa,ngatinge hetianga i awm a?Saw pa(Nigel-a) sawn,kan chhungkua hi a thuhnuaia min dah theihna dan a nei lo hrim hrim,Eddie-a pawh hi Aizawl lam a luh tir kher a ngailo,helai hmunah hian lut ve rawh se.min tih buai belh ang"ka ti hlar a.

Thinrim hmel zeta min rawn melh khuih in"kei i pa,nangmahni enkawltu che u hi min hnial tihna a mi?"a ti hluk a.

A duh loh zawng anga awm hlauhawm zia ka hrechiang tawh,hnial luih ngam pawh a ni lo.

Thinrim tun chunga ka thutna atanga tho chhuakin"keipawh hi ka nu nen a in fa tak tak pawh ka ni lo niang.vawikhatmah ka rilru tur min dawn pui ngailo"ti hmakin room kawngkhar chu na zetin ka khar thuai a.

Ka thinrim em avang chuan ka ke na ut ut pawh chu ka ngaipawimawh peih lo.Sitting room thutphah a Eddie-a leh Nigel'an mak tih hmel taka min rawn en ka hmuh rual chuan Eddie'an"u ngatinge a?"a lo ti ha a.

Thinrim tak chunga an pahnih a enin"ngati mah?"vin zeta tia kan room chhunga lutin ka inkalh hnan nghal a.

Ka thinrim lutuk chu ring taka au vak vak ka chak takzet a ni.khum chhunga thu thla hnawk a maimichhingin ka beng pahnih chu hupin ka thawchhuak riai riai a.

Mi tupawh mai hian thinrim chang ka nei vek a,chu chu hringnun kalphung reng a ni.ka pa ka tawngkhum dan kha a dik hauh lo tih ka hria.mahse a ni pawn mihring chapo lutuk Nigel-a lakah pawisa tam tak kan bat thu min hrilh lawk bik hauh lo,dik loh na lai kan nei ve ve.

Room kawngka rawn sawi dawt dawt ri ka hriat chuan muangchanga thochhuak a hawngin"URinchhani,enge a?"pangngai takin ka tisap a.

Ka pa sawi ang khan puitling ka ni ve tawh,chuvangin,ka rilru puthmang hi midangin awlsam taka an hriat loh nan ka thup hram hram a ngai a ni.ka ko a tih tur awm apiang chu ka thiam zawng leh ka theih zawng a nih phawt chuan ka hlen ngei bawk ang.

Thaw deuh halh paha ka kuta rawn vuanin"midangin chaw an ei mek a nia,Pa chhung'an i thawmhnaw ken tur siam fel pui tur che leh rawn ko tur che in min ti a.Sarah,nichin khan i thinrim hle in ka hre si a"a ti hluai a.

Nui luisak paha URinchhani chu enin"Ka thinrim em em hleinem,thawmhnaw han siam fel tur vak pawh ka nei lo,ka air bag a awm zawng hi ni mai.chaw chu va ei ve zawk ang"ka tisap a.

Ka thawmhnaw tam zawk leh thil thenkhat Dehradun lama Rampari te inah ka la dah nual chu a remchan hunah ka la inthawn tir mai ang.

Dr Rinchani nena chaw ei tura choka lama kan phei chuan Uzoram'an"ka naute pahnih hi chuan ei zawh san hi an hlau thei a ni aw.Sarah,i ke chu enge a an?"nuisung a tiin a thutna atang min rawn thlek a.

A sa huam huam a,min tur ut ut reng bawk a ni.Ka ke lam chu melh zauhin"a zia ve leh mai ang,buaina tham a ni lo,ke lawnga awm hi nuam ka ti rih a"ka ti a.

Thutna awl laia ka thut thlak rual chuan ka thutna fuh loh zia ka hre nghal.Ka hmazawna thu Nigel'an hmui chip chunga thil ei paha chik fahran a minlo en ka hmuh chuan ngaipawimawh lo awm ang zet a nuihsakin"in ei teuh dawn nia"tia kunin ka hmazawn thlenga eitur chu ka ban nghal a.

Tun ang reng reng a,ka chaw ei a tui loh hi ka la hre ngailo.ka ke na in min tur mai bakah,kan chaw eikham ah he in hi kan chhuahsan dawn tih ka hrechiang hle si a.

URinchhan'in min rawn nghawk zauh rual chuan hawichhuak nghal vatin"nge?"ka ti ha a.

"Engmah i la ei manglo nia,ei luih tum hram rawh"URinchhan'in zawi sap a a rawn tih chuan ka thutna atanga thochhuak in"ka ril a tam lo"ka tisap a.

Kal tum a ka pen sawn tur chiah chu ka chawn tha a rawn zawi thut avanga ner sawk chunga ka thutna ngaia thu thla hnawkin"URinchhan ka ke hi a na lutuk"ka ti raih a.

Ka pa in"A hma pawn i kal thei reng si a.A va mak teh thut ve"ka awmdan awihlo leh min ringhlel niawm taka a rawn tih chuan thaw hak chunga ka thutna atanga thochhuak a engmah sawi zui lovin tui khawihna lam chu ka pan a.

Eddie-a chu ka bul a rawn tlan phei ve vatin"U,ka kawr min khung pui la,room-ah i inkalh khum reng a,engmah ka la insiam ve lo"a lo tih chuan ka bu nghat ringawt a.

Room chhung a Eddie-a nen kan luh a,ka ke ka en chuan tuisa in min per na lai chu a lo sen hlar a.ka Pa berin ka na min hriatthiam pui loh chuan midang pawn min hrethiam chuang lovang.chuvangin, keimahin ka tuar tlawk tlawk mai ang.

Eddie-a phur lutuk leh thil awmzia a hrethiam pha lo lutuk chu ka tah a tichhuak tak zet.Dr Rinchhani room-a syringe keng chung a rawn lut ka hmuh chuan makti deuh tak a enin"ngatinge,min jection i tum mi?"ka ti ha a.

"Nachhawkna nih hi,Nigel'an pe tur che in min ti a.Sarah,in chanchin min rawn hrilh zel ang che aw.ka khua har dawn riau mai,heng laiah han hian nanglo chu han titi pui tur ka nei bawk si lova"tisapin ka kut vei lampang chu a rawn ban a.

Ka vein a damdawi a thun luh rual chuan ka lu a hai deuh mupin ka hria,mitmeng phi ruai chunga hawichhuakin"eng damdawi nge a?"ka ti bah nawk a.

"Nachhawkna chak chi,i nu damloh laia kan hman loh Pa chhunga dahthat a nih kha.i luhai deuh mahse na nei vak lovin motor-ah i chuang thei ang"nuisanga tiin ka darah a rawn kuah a.

Dr Rinchhani leh Uzoram'an pawn lam pana scropio car chunga min hlang chu ka mang hriat deuh ruai a ni ber.

Motor Seat-a zawi zeta ka thut tlak chuan"mak reuh lutuk,i duh chuan muhil rawh.i tan a nuam zawk ang"Nigel'an nui za aw zeta tiin seat belt chu min hren tir a.

Muthilh chu duh lo viau mah ila,ka mengchhuak thei der tawh lo.

NIGEL(POV)

Sarah Lalrinkimi awmdan leh khawsa zia hi hriatthiam harsa ka ti a ni.Hmeichhe awm tha duh lo leh nu leh pa te thuawihlo mi tak niin
ka lo ngai a.mahse,thinrim tak chung a A pa thu engmah hnial hauh lova.hetianga tha taka a awm hi mak ka ti khawp mai.

Thla thum liamta khan Pa Chhung'an lehkha leh an chhungkaw thalak min rawn thawn a.chutah chuan an chhungkua in an leiba an pe tla thei dawn lo a nih chuan an fate pathum inanglo tak tak mai chu.ka chhiahhlawh atan a hmang tura min ngenna thu a rawn sawi a ni kha.

Lehkha ka chhiar zawh rual khan mak ka ti em em a.mi pangngai lo lehkha rawn ziah angah ka ngai hial a ni.mahse,ka ngaihtuah let hian a lo mangang hle a ni tih ka hria.

Lehkha ka dawn atanga kar hnih hnu a,ka Nu leh kei mah aia kum thum a naupang zawk Ramchhana nen an inngaizawng a ni tih ka hriat khan ka thinrim em em a,tun thleng hian ka la lungawi thei lo.

Kum nga liamta khan ka pa nen an inthen a,khawhar takin an awm ngei ang tih mahse,ka nu leh Ramchhana ber kher lo inngaizawng hi chu hriatthiam har ka ti ni.

Ka pa pawhin ngaizawng dang Iren-i amah aia kum sawm hnih dawna naupang a nei ve tho.Hun rei tak a secretary hna lo chelh tawh leh,engkima ka pa tha taka awm pui thin tu a ni a.Lungawi vak lo mah ila,Ka nau Suzy-i leh a pasal Mesak-a te nen tawngka in engmah kan sawi lang ngai lo.

Ka nu leh pa te inthen atang kan chhungkua hi inhrangah kan awm vek a.Sumdawnna thil pawimawha kan inhmu a nih loh chuan kan inhmu in kan inbe ngailo.khawlaiah pawh intawk mah ila,hmelhriat pangngai ang maiin kan inkalpel thin a ni.

Inpawh viau lo mah ila,ka nu hi mi hriat a mawilo taka awm turin ka duh lo.chuvangin Ramchhana nen hian an inthen dan tur ka ngaihtuah ngei a ngai ni.

Ka cousin caleb'an"Ramchhana,bialnu tur hmeichhe dang ngaihtuah turin vawi thum lai min hrilh tawh.A tir ah chutianga han tih chu ka tum bik hauh lo,mahse Lengpui Airport-a Sarah'in a memory card thlauh ka phone a thun lut a,ka en atang khan Caleb'an thurawn min pek kha tih duhna thinlung ka pu ni.

Dehradun 5 star hotel ka thlenna pindan chhung a,darkar khat dawn sarah-i memory card chhung a mi thlalak leh video hrang hrang ka enkual hnu chuan ka thutna atanga thochhuak in tukverah ah ka dak a.Engtin nge ka mi hmuh tum manipur mi,India ram pum huap a,interior Designer lar ber leh mi hausa tawh phawtin rawih an tum Annie-i nen thla an lak duh theih?.

Zan dar kua a,5 star hotel Restaurant-a table number 3 a ka thut laia ka awmna lam Annie-i leh hmeichhe pakhat rawn pan mek te chu chiang zet a lo enin ka bul an rawn thlen rual chuan engdang mah sawi thei lovin,ka rilru kap tlat tu"Sarah-i tih hmingpu in hria em?"ka ti hluk a.

Mak tih hmel taka an pahnih a min en chhung a"in inhria mi?"rawn ti rual that paha inen in Annie-i zawk chuan"enge a chungah thleng?kan ngaihtuah lutuk,anu damloh thu a hriat ve leh thildang engmah ngaihsak lovin.a thlawk haw nghal a."a rawn tih chuan ka thaw huai a.

An pahnih-a thutna tur pawh chhuah sak pahin kan inhriat loh thu ka hrilh leh nghal zat a.An hmel landan atang chuan ka thusawi an awih vaklo tih ka hria.A awm ve reng,keimah zawkin zawhna ka zawt hmasa miau alawm,mahse hmeichhe chungchang sawi leh an awmdan a inrawlh ka duh ngailo.Hna lampang te a nih erawh chuan a dan a dang deuh..

Annie-i dinner ka kilpui chu awmzia a awm lo hle in ka hria.He lai hmunah hian kan hotel sak belh mek inchhung nalh taka min cheisak turin amah hmuh tum ngawr ngawrin ka zin a.Ani lah chuan hun awl a neih loh viau thu leh amah ai maha tha zawk Sarah-i ruai turin min sawi hmuh a ni si a.

Annie-i leh a unaunu Rampari te hotel kawt thleng a,ka thlah chuan Annie'in"he hotel-a thawk te hian sarah-i an hre vek ang.mahse,sarah-i tih nilo,coco tih zawkin.kan be tlang thei lova.A chanchin i hriat hunah khawngaihin minlo hrilh ve rawh"nui chung a tiin a kut a rawn vai a.

Hmeichhe ho teh talh chu a?Sarah-i ka hriat ngai loh thu ka hrilh ve reng si a.Ka phone chu phawrh chhuakin Rinngheti number ka dial leh ngat a.Pa Remchhunga te chanchin engchen chiah nge hriat a neih tih ka zawt nghal a.

Mizorama ka haw leh chuan thildang reng ka buaipui hleithei tawh lo.Ka thiante hruaiin Pa Chhunga nupui boral hnu chuan kar velah Pa Chhunga be turin ka zin pui a.

Inchhung kan luh rual a sarah-i Airport-a lo hruaitu vaipa hmel ka hmuh chuan ka thil lo suangtuah ruk kha a fuh dawn tih ka hre nghal.

Sarah-i leh a nau mipa hah hmel zeta rawn pen lut ka hmuh chuan ka thaw deuh huai a.Henu hi engtizawng pawh a,hmanrua atana hman ka duh.A hmeltha a,a pian a nalh bawk a,Ramchhana hian a hnar thei hauh lovang tih ka ring nghet tlat.Caleb-a ngei pawn hmeltha a tih thu leh amah avanga zin leh ngei a tum thu min hrilh.

Kan thiannu Marina-i hian Sarah-i hi a mil lo hle tih ka hria,Marina-i hi an hausak ang bawk a,hmeichhe indahsang tak leh mi reithei zawk hmusit ching tak a ni tih ka hria.Thian ang bakin ka en ngai lo,kan thian ho a party leh Picnic kan neih nikhua hian min ta chei thei hle a.Ka nuih a tiza zawk lek lek fo.

Intihhlim nikhua a,ka ruih deuh hlek tawh chuan min beisei zual sauh in ka hre thin.Thian anga ka en avang hian hnar ka duh mahse,amah zawkin min ti huam huamin,min tiphur a,chutiang hunah chuan ka tan insum ngaihna a awm tawh lo.Kum 38 ka ni tawh a,min hretu apiang ten tlangval virgin ka nih an beisei hek lovang.mahse ka nu in,ngaihzawng a nei a ni tih ka hriat atang khan hmeichhia tumah ka la mutpui leh lo.

Ka malchunga sarah-i tui taka muhil hmel ka en reng laia Pui'an"i thiante leh i nu leh pa te bulah engtin nge i insawifiah dawn?Nupui ru angin insawi tawp mai rawh.A hmelthat em kha.Eddie,rem i ti em?"rawn tiin a thutna bul lawk a Eddie-a thu chu a melh zauh a.

Rum zeta Puia chu melh hrawkin"i hmui kha veng tha rawh.Eddie, a thusawi kha ngaipawimawh suh.i u hian hna min thawhsak dawn a ni"ka ti a.

Zep lovah chuan Sarah-i hian min hip a ni.Ka hriat loh karin a hmui sexy leh thlum tui zet mai chu ka lo khawih leh fo thin.kawng chhe deuh lai a kan tlan laia Sarah-i ka mal zawn a rawn rum tiah tiah chuan awihawm loh khawpin ka mipatna a tikang thei.

A muthilh tak tak loh te ka ring hial zawk.Ani hi a hmuia ka fawh avang khan minlo beisei reng te a niang a.A hnar zawna ka kut ka dah lai chuan Pui'an"enge i tih?A muthilh lai te chuan insum ve em em rawh.Hmeichhe dang ang a nih loh kha"nui chunga a rawn tih chuan rum ngut a seat nghengin ka maimichhing sawk a.

Darkar hnih zet kawnga ka tlan hnu chuan kan riahna tur guest house kawtah kan ding ve ta hram a.

Sarah-i mut nasat em em chu mak ka ti a ni.naupang kum tlinglo in nachhawkna damdawi an ei a,an muhil ang hi ka chan ber.

Khum chung a Sarah-i ka muttir hnu chuan Doctor kan koh in a ke chu ensakin Damdawi hnawih tur a sawi ang chu leisakin Puia ka hnawih tir nghal a.

Tui vawt a ka inbual hnu chuan tlemin ka pangngai deuh hlekin ka hria.Bathroom atanga ka chhuak hnu a,ka phone ri ka pick up chuan Marina'in"khawiah nge i awm?Thingtlang ah i awm tih sawi suh"a rawn vin hlar nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:27 pm

NEVER ALONE-5
www.storyfb.com mizo story thar englai pawhin chhiar tur a awm reng

Ka phone ken lai chu tlem a dah hla deuhin"naktukah kan rawn haw ang.Tunah chuan ka chau a,mut hahdam ka duh"ka tih chuan"khanu kha engtia tih nge i tum? Nigel,tlaiah i inah Rinhlua nen rawn kal kan tum a.i house keeper te nupa in i awmlo tih min hrilh.Nigel,kha hmeichhe mawl lutuk thingtlangnu kha engatan nge maw i tih le?"a rawn ti hlak hlak a.

"Tiang khan tawng fo thin suh.Marina,ka thian i ni a.ka bialnu emaw ka nupui i nilo.Rinhlua kha buaipui zawk rawh."ti hlukin ka phone chu ka off a.

Sarah-i hi hmeichhe mawl a nih lohzia nakin lawkah Marina-i hi ka la hriat tir thuai ang.Ka thiante ho hian thingtlang a sei lian leh chinchang hrelo viau emaw an ti hlawm a.chutiang mi a nih lohzia kei leh ka secretary Rinngheti chiah hian kan la hre rih niin ka hria.

SARAH(POV)

Ka harhchhuah rual a khum ah ka lo mu reng a ni tih ka inhriat chuan makti tak chunga khuma thuchhuakin ka hawi kual a.Ka awmna hi khawi hmun nge le?

Kawngka rawn inhawng a,Nigel-a leh Eddie-a rawn lut ka hmuh chuan "u i harhna a rei tawh em?i muhil rei lutuk a.i ke kha ala na em?U Helicopter-ah kan chuang dawn?" Eddie'an hlim hmel zeta tiin Nigel-a chu a melh chho ha a.

Nigel-a hmel fai sar leh inbual zo hlim tih hriat tak mai chu melhin"khawih hmun nge kan awmna hi?Engthil nge ti tur a min duh?"ka tisap a.

Ka tawng hre awmlo tak a Eddie-a bula kun hniamin"i u eitur a dah luh theih tawh tih choka a mite kha va hrilh lawk rawh"tiin a tir chhuak a.

Khum atanga ka thawhchhuah a,ka ke ka en chuan vei lam hmun hnihah a lian vak lova durh tih loh chu a zia tawh hle in ka hria.

Nigel'an"Hnahthial guest house ah kan awm?dar sawm ah,helai hmun atang hian Aizawl lam panin kan haw ang.I ke kha dam phawt se la,i thawh tur chu ka hrilh ang che.Eddie-a luhna tur school principal pawh ka be fel tawh.i intih fai chhungin i eitur an rawn dah ang.Dar kua a pel tawh nia"tia a sana bun changkang zet chu enin"i inthlakna tur thawmhnaw ka rawn pe ang che"ti zatin a chhuak leh nghal a.

Ka ril a tam tawh tak zet,ka pum lah chu a ri deuh ruk ruk thei hial in ka hria.khum bul a,ka bag inhungna lam chu panin ka mamawh tur ho chu ka phawrh chhuak zung zung a.

Bathroom atanga ka chhuah rual a dawhkan chung a eitur lo inhung ka hmuh chuan pan nghal chat in chhangthawp a butter tah leh coffee lo awm chu ka ei in nghal a.

"Hmanhawh suh,tuman an ei khalh lovang che.Sweety"Nigel-a rawn ti ri ka hriat chuan khuh khak khak in bottle-a tui inhung chu ka ban a.

Nuihzat hmel tak a Paper bag khai chunga min rawn pan hnai ka hmuh chuan ka hrawk thian deuh kharh a tawlh hnungin"kawngka kik ve tur che nia,min tiphu alawm"ka ti hlak a.

Ka tawng dan chu a duh loh hle tih lantir niawm taka a hnar tum dat a,a thil khai lai chu khum chunga theh thla in"I kawrhak tur ka rawn keng ang tih ka hrilh lawk che kha.inphelh la,hei hi ha rawh"ti ngutin kekawr dum leh t-shirt ka haklai chu a ngaihdan a nilo tih hriat zetin a rawn melh kual a.

Ka kut ti kaw kalh a ka awm zawn a dahin"khatin min endik kher suh.kawr dang hak tur ka nei tho lawm.Ka inchei dan tur ah leh zel thuneih i tum a mi?Nge i a?i thil rawn ken hi ka hak rual a,kan ba bu a ziah luh belh zawk?"ka ti hlak hlak a.

Rum ngut chunga min rawn hnaichilh nghal zatin"ka rilru ang nilo pu turin min thlem lui suh"ti hrawkin ka kawngah nghet zetin a kut dinglamin min chelh bet tlat a.

A awm a nemsawn tum chunga hlau thawng leh thinphu dawt dawt a ka en chuan"mipa engzat a tam nge i mutpui tawh?"a lo ti ngut a.

Eng zawhna nge ni ngai! Min chelhna atanga talchhuah tumin"eng tak nge ka lakah hian i duh?Nigel,mitin hian thuruk midang hnen a sawi duh loh kan nei vek.nangpawn i nei ve ngei ang.chuvangin,ka mimal nundan lehzel chu hriat tum lo hram rawh"aw zuih ral lek lekin ka tisap a.

A taksa si chet a min kuah hnai sauh paha thawk leh khat a min thlah thut avang chuan hlau zet maia te thatin Nigel-a nghawngah ka kuah bet nghal a.

Nui huk pah a kut pahnih chu chunglam a pharin"sweety,mipa han lem vel chu i hnehsawh hmel hle mai."a rawn tih chuan ka kut chu rang zeta la thla in"ka tihpalh,min thlah thut lo lang chuan ka rawn kuah hauh lovang che,khawngaihin,khatiang khan min ko tawh suh.ka hming i hriat kha"ti deuh fakin tukverh bulah ka kalsawn a.

He mihring hian mipa buaipui peih viau turah min ngai tlatin ka hria!A duh ang angin min ngai rawh se pawi tihna pakhatmah ka neilo.

Nigel-a thaw chhuak deuh hawk ri ka hriat hnu lawk a"Annie'in,kan hotel sak lai mek i cheih theih tur thu min hrilh a,keipawn i tih theih ngei ka beisei"a rawn tih chuan makti zeta en ha in"Engtin...engtin nge Annie-i chu i biak theih?"ka ti hluai a.

A kekawr ipte zen than chunga chair pakhat inhung a thu thla paha min rawn enin"Annie-i te chu,ka pawisa nuai 20 in ba tih hi hrilh hriat ve i duh tihna mi?"ngeiawm fahran a tiin a khabe hmul awmze nei taka to chu a khawih zauh a.

Ka lu thing mat mat chunga Nigel-a hmel zahngaihna neilo tih hriat ngawih ngawih chu enin"chutiang thu ka sawi lo.Annie-i hming i rawn sawi kha mak ka ti deuh hlek mai chauh a ni.

Amah i hriat tho te chuan ruai zawk la?"ka ti ve ngat a.

"I hmel en aiin i puitling lo hle mai.Ka thusawi apiang min hnial reng lehnghal.Hetiang te chuan engtin nge hna tha tak a kan thawh dun theih ang? Bar-a mipa ho zu intur sem kual tir leh tur che chuan min ngen loh hram ka beisei.I kawr kha thlak la,rawn chhuak nghal ang che."ti hlukin a thutna atanga chuan a ding hluai a.

Engtin nge bar-ah ka thawk thin tih a hriat?Tun hma in kan la hre ngai tawp si lo a.

Kawngkhar a hawng tur ka hmuh chuan ka kut phar chhuak hluai in"nang hian minlo enthla a mi?engtin nge bar-ah ka thawk tih i hriat?Ka pa te pawn engmah an hre si lova"ka ti a.

Rawn hawi let paha ner sawkin"Pathian'in hre tur a min duh vang a ni mah na,Hmeichhia hi ka enthla in ka zui ru ve ngai lo"aw thum bul a tiin kawngkharah chuan a pen chhuak nghal a.

A va han ngeiawm thei tak.Ka chungchang hi engzat a tam nge a hriat ang le?Min ti thinur in,ka awm a ti nuamlo zo vek.

Pangngai tak a awm ka tum hram hram tur a ni.Tun atang chuan ka hmui hi thil pawi sawi lo tur a ven ka tum tlat tawh ang.

Nigel-a hian a duh duh chu min tih tir rawh se.ka pa leh ka unaute ho in hreawm an tuar dawn loh phawt chuan pawi tihna ka neilo.

Kawngka chu chhunglam a kalh tha in,ka kawrhak lai chu ka hlip nghal a.Paper bag chhung atang a kawrfual dum ban bul ka phawrh chhuah chu thlekin ka thaw halh a.

He kawr hi engvanga ha tur a min duh nge maw a nih le?En mai pawn a man a to tih a hriat.ka ha ngawt thei lovang,sum in renchem taka ka khawsak a ngai ni.He kawr avang hian kan ba kha a tih san belh duh ngei ang.

Paper bag a khung leh vatin ka bag chhung a kawr fual ka khup chen,a dum leh pawl dal inpawlh a tial chu phawrh chhuakin ka inbel nghal a.

Kawngka pawn lam atanga rawn kik ri ka hriat chuan Eddie'an"u,kan nghak reng che nia"a rawn ti lang lang a.

"Ka hman tep,ka rei tawh lovang"tia chawnin hmanhmawh deuh takin ka chapal fim ka ke dur lai tawk fuh lo tur a ka rin chu ka bun a.

Ka bag hnuk chung a kawngka ka hawn chuan Eddie'an"Apa Puia chu,zing karah khan a chhuak tawh.UNgela pawh a hmanhmawh hmel tawh lutuk,helicopter bulah a awm reng tawh"a lo ti nghal vat a.

Ka bag khai lai zawk chu Eddie-a kuta hmehbelin"minlo kensak rawh.UNgel-a ti tawh lovin,Pu Nigel ti tawh zawk rawh.Puia ai pawn a upa zawk.khabe hmul te pawh a nei saw,i hria maw?Pu Nigel ti tawh ang che?"ka ti charh a.

Ka hma a kal chung a a lu bu zauh in"Aman UNigel min ti rawh a ti si a.Putar a ni tawh a mi?"a ti nang nang a.

A in U tir a maw?A u rual pawh a ni tawp si lo.Eddie-a rual a pawn kawngka a pen chhuakin"ka thusawi nge,Ani thusawi i zawm dawn?I u rual pawh a ni miah lo nia.Pu tawh ang che"ka ti hrawk a.

A lu bu zauh pah a min rawn en chuan a kut a chelhsakin kan piah deuh hlek kawt zawl zau duai a helicopter ri vut vut bul a,Nigel-a awmna lam chu ka pan pui nghal a.

Kan lam pan a Nigel-a shade vuah chunga hlawk zet a rawn kal phei ka hmuh chuan thaw halh in Eddie-a chu ka thlah a.Mipa pangngai tak chu nise a zun a uai a awl viau ang.

Kan kiang a rawn thlen rual chuan ka bag vawn lai chu min laksak paha ka beng bula rawn kun hniamin"Engvanga ka kawr leh chapal pek che kha duh lo nge i nih? I luhlul reuh hle mai.Mahse,pawi ka ti teh chiam lo.Hmeichhe luhlul leh tih mawh hian engemaw zawng takin min tiphur deuh tlat"tisupin Eddie-a chu a kut dinglam hmangin a pawm kang nawlh a.

Eddie'an nui chung a"A pu Nigel,helicopter-a chuan hi ka chak thei lutuk"a tih ri ka hriat chuan ka ke pen lai tawp chawtin ka nui sak a.

Helicopter ri avang chuan an thusawi engmah ka hre thei tawh lo.Ner nawka Nigel-a rawn hawi let zauh ka chuan Pu tia koh chu a ngaihdan a ni vak lo tih ka hria.

Ka kawrfual chelh bet chung a Helicopter bul a ka ding chiah chu Nigel'an"lut vat rawh,Nge ni a,ka pawm luh kher i duh zawk?"dawhthei lo aw zeta a rawn tih chuan rum zeta melh hrawkin"ka lut dawn reng alawm,hawisawn rawh,minlo en suh"ka ti vin hlar a.

A hawi sawn nia ka hriat rual chuan hmanhmawh deuh tak a Helicopter chhunga thu lutin ka thawchhuak halh a.

Kan thlawh chhuah rual a Eddie-a hlim tih hriat zeta tawng chul chu khapin ka kuah bet a.

Nigel'an"naupang a nih kha,nuam a tih dan ang khan awmtir rawh.Nang pawh khuah khirh tlat i duh bik dawn a mi?"a rawn tih chuan ka sam tawn khawm phahin ka melh zauh a.

He mihring mizia leh nundan hi ka hriatchian a ngai a ni.Ngeiawm zet zetin min tawngkhum reng a.Engtin emaw tak a tih let ve ka chak tak zet.

Helicopter atanga kan chhuk rual a,kan lam pan a caleb-a rawn kal hmuh chuan ka bul lawk a ding Nigel'an"Hreptak chuan,ka driver a lo bum leh tawh a ni maw?"ti ngut a ka hnung lawk a rawn kunin"Hna kan thawk dun dawn a ni tih bak engmah sawi suh ang" thupe aw zetin a ti hmuk a.

Eddie'an"A Pu Nigel,kan ina rawn kal ve kha a ni tiraw?"a tih chuan a hnar tum dat a min rawn en in"i lo tih tir a ni maw?Fa ka nei tawh emaw i tia mi?"tia Eddie-a sam a tuaisakin"Pu Caleb tiin ko rawh aw,I School luhna tur nei tupa a ni hi.a motor hmangin ka in lamah kan kal dawn nia"nui

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

deuh suk a tiin kan bula Caleb-a rawn ding chu Eddie-a air bag ken sak turin a hrilh nghal a.

Caleb'an ka kal bai deuh sulh sulh avang a mak ti hmel taka min rawn chung a"Sarah,i nalh hle mai,i ke chu ngatinge a?kha a durh nih kha,khawi i suitcase kha ka lo khai ang"tih chuan Nigel'an rang zeta lo lak khalin "tuisa in a in leih nih kha,a na vak lovang,tawng tawng lovin,kal vat teh ang u"a rawn ti hluk a.

Kan hma a Nigel-a ka bag zo zet a kal pui chu mak ti ru tak a en chungin"ka zia tawh lutuk,khawi hmunah nge in school chu a awm a?"ka tisap a.

Nui chung a ka rual a rawn kalin"ITI lamah kan school leh Hostel chu a awm,field hnaih deuh hlek leh boruak thengthaw kan duh a.i nau hian hostel a awm duh tak tak dawn mi?A awm hrang vak ngai awm si lova.Amah ang rual hi chu an awm nual tho nia"a tih chuan ka thaw huai a.

Nui sang chung a motor kawngka min hawn bula dingin"in school a a lut thei tur chu a tih zia khawp mai.Eddie-a pawh hian nuam a ti vat mai ang.Football hi a atchilh ve a"tiin seat hnung a Eddie-a bulah ka thu lut nghal a.

Driver thutna bula thu Nigel'an"hmanhmawh rawh u.Caleb,school lam te hi ngaihsak ve ta che"tia thaw hrawih a,a thutna seat chu ngheng in"Eddie-a school luhna hmasa ten a transfer lehkha chu tlaiah inah an rawn dah ang"pangngai takin a tisup a.

Transfer lehkha lam reng reng ngaihtuah chhuah nachang ka lo hre hauh lo! Eddie-a ka thutna lam a rawn tawlh hnai mek chu makti deuh tak a enin"thu tha rawh,kan tlanchhuak tawh dawn nia"ka ti nghal vat a.

Luhlul zet a ka bengbul a hmui rawn dahin"A pa in,thuawih takin awm la,engkim Pu Nigel'an a tihfel sak zel ang che a ti a"a ti sar sar a.

Keima hriat tur a sawi nimahse,a tawng ri chu Nigel-a leh caleb'an an hre ve a ni tih caleb-a nuih suk dan atang ka hria.

Caleb'an English tawng hmang a"i inah kan thiante leh i nu ten an nghak che nia.Marina-i khan zanriah eiho te a rawt in ka hria.Nigel,hotel lamah kan kal zawk dawn a mi?An ni pahnih hi engtin emaw tak tih mualpho a duh ngei ang.ngatinge hetianga i buaipui chiam a?i ina awmpui i la tum zui"a tih ri ka hriat chuan thaw dep dep in pawn lampang chu ka melh ngawt ngawt a.

Nigel'an mizo tawng ngat a"Ngawi tawh rawh,Sarah-i nen hian hna thawhdun tur kan nei tih i hre dawn nia"ti hlukin a thaw deuh hrawih a.

Ka phone Eddie-a ken lai a rawn rik rual chuan Eddie'an"Ehe,U BFF in ti in rawn biak che.."a tih lai chuan ka phone chu chhuhsak a,pick up in"Thiannu,nakinah ka rawn bia ang che aw.min hrethiam lawk rawh."Hmar tawng a tiin ka phone chu ka off lehnghal a.

Mizoram lam a ka haw hnu hian signal ka neih that loh avang leh internet lama ka luh theih loh avangin Rampari te chhungkua nen kan la inbe leh lo hrim hrim,tunah min rawn biak a tum a.khatiang khan ka lo chhang nghal si a.a lungawilo viau ang.keipawn biak ka chak tak zet tawh,mahse,hemite kianga ka awm lai hi chuan biak ka duh lo.Nigel-a chungchang pawh zawh ka duh hrim hrim bawk.

Eddie'an ka phone ken lai lak tum a a rawn ban chuan switch off vatin"ka phone hi i khawih theih tawh rih lovang,school i kal tawh dawn a,i zirlai chauh ngaihsak tawh rawh.A nih loh chuan Uzoram-a leh ka pa bulah ka hruai haw ang che"nghet charh a tiin ka bag chhungah ka thun lut nghal a.

Motor darthlalang atanga Nigel'an min rawn en reng a ni tih ka hmuh chuan Eddie-a lam ka hawi ve vat a.

A hmui tipawrh tarh a motor seat ngheng a,inkuangkuah than a a thu ka hmuh chuan ngawi rengin ka inkuangkuah a.A luhlul chhuah a Eddie'an min hnial loh avang ka lawm ang reng phian.

Pawn lam hawi a ka dahchhuah chuan Mel thum kawngah kan lo tlan reng tawh tih ka hria,Motor kawng atanga kan pen hnu minute sawm vel a,concrete in var lian leh rinawm hmel zet kawt a kan din rual chuan Nigel-a chu kan lam rawn hawiin"ka inah hian in awm rih a ngai dawn a ni.Eddie, hreawm tihna i nei a nih chuan min hrilh zel dawn nia"nui suk a tiin motor atang chuan intha zo tih hriat zetin a chhuk thla a.

Kan thuam dahna bag motor atanga Caleb'an min lak thlak sak lai a,"Nigel,kan lo nghakhlel tawh hlawm khawp mai che u.Buaina in neih thu Pui'an min hrilh a"rawn ti ri ka hriat na lam ka melh chuan Marina-i leh hmeichhe pahnih nalh intih hmel zeta kan awmna lam rawn pan mek chu ka hmu nghal a.

Caleb'an"Marina,Pa Fela te nupa lo ko ula,an bag hi ken luh sak a ngai dawn nia"a tih chuan Marina-i bula hmelchhe pakhat zawkin"An thil tih lai kalsan a rem chiah lo va.Caleb,an bag te chu an mahni kha ken luh tir ve mai ula"a lo tih chuan thaw hakin ka bag leh Eddie-a air bag dum chu ka khai nghal a.

An awmdan leh min endan atang chuan min lawm vak lo hle tih ka hria.Duh thlang thei ni ila chuan keipawn helai hmun a awm hi ka duh bik lo hrim hrim.An ni min lawm loh avang in engmah a danglam phah ka ring hauh lo.

Ka bag khai lai pahnih Nigel'an min laksak paha"Marina tun ang hun a,in hmel ka hmu thei chu a lawmawm khawp mai.mahse,ka mikhual te nen hian hahdam taka awm kan duh rih a ni,in lak lawh viau loh chuan in haw thei tawh ang.ka inchhungah hian lut ang u le"tiin a pen sawn nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2017, 12:28 pm

NEVER ALONE-6
www.storyfb.com mizo story thar englai pawhin chhiar tur a awm reng

Nigel-a zui tum a,Eddie-a a kut a ka chelh lai chuan Marina'in"i mawl ve,midang chichai nachang hre ve ta che.I kawr hak lai te kha,Nigel-a pawisa ba a in lei a ni lawm ni.Helai hmunah hian chhiahhlawh ang in i awm tih hre reng ang che"aw vin hlarin a rawn ti a.

Eng hmeichhia nge maw a ni le?Engvanga chawp leh chilh a,dawt a min puh ngam nawt nge a nih?Ka kawrhak lai hi keima thawh chhuah liau liau a,ka lei ve ngat a ni a, an bulah hian zak taka awm tura min ngai an nih chuan an tisual chiang khawp ang.

Nigel'an kawngkhar biang chelh chunga"Sarah,rawn lut thuai che u"dawhthei lo zeta a rawn tih chuan Marina-i te awmna lam a Eddie-a chu inherpui pah a nui lui sangin"Hetiang hian a mi in mikhual te in lo chhawn thin.A mak hle mai a...Sarah Lalrinkimi ka nia,ka nau hi Eddie Lalhlimpuia a ni"ka kut dinglam phar chhuakin ka ti ngat a.

An pathum a Mak ti leh nasa tih hmel taka min en reng lai chuan kan hnunglam atang Caleb'an"Marina-i hi chu i la hriat ka ring,A dinglam a mi hi Mamawii a ni a,chuan pakhat hi chu Sang sangi a ni.Inchhung lamah lut tawh ila,nge haw in tum deuh tawh zawk?"marina te lama a mit san paha nui chunga tiin Eddie-a ban lehlam ah a chelhsak nghal a.

Sang sangi zawk in Marina-i ban a chelh paha ner sawng a min rawn melhin"kal ang u,a mawl e mai.zah nachang pawh an hre lovang,he naupang pawh hi a nau ni lovin amah fa a ni hrim hrim ang.A pa pawh a hriat tawp nang,an ni ang hi chu mi hrang hrang lakah an inzuar kual thin alawm "min kal pel paha English tawng hmang lui ngat a a tih chuan thawchhuak hawkin ka inhumruh a.

Ka tawng chhuak leh a nih chuan an mahni ang maia hmeichhe mawl leh nungchang mawi hre lo ka ni dawn tihna a ni.Chuvangin chhan let pawh ka duh tawh lo.

Marina'in rawn hawi let pah a"Caleb,ani khan i sum bak a duh lo tih hre rawh"a lo tih chuan Caleb-a chu ka melh zauh a.

Eddie'an"U,an van thinrim hlawm hmel ve?an tawng rang lutuk a,engmah ka hre hmanlo"a lo tih chuan Caleb'an"infiam pui che u an duh a,mahse,Nigel-a hian a phal lo va,lut tawh ang u le,Inchhungah Nu Hriatpuii,Nigel-a nu ten min nghak reng a nia"tiin kawngka pui lam chu min pan pui a.

Inchhung a kan pen luh hnu a,kan hmazawn sofa dum thutna a mipa t-shirt sen leh jeans kekawr pawl ha ka hmuh chuan ding deuh chawtin"Ni lo"keima hriat tawk lek a tiin ka en ha a.

A ni pawn a thil inlai chawlh san meuha Eddie-a nen chik zetin min lo en ve reng a ni tih ka hriat chuan Eddie-a bana ka chelhna chu ka tinghet sauh a.

Nigel'an"Sarah,kha ti laia ding reng lo khan ka nu Hriati leh a thianpa Rama te hi rawn chibai la"aw thum leh hlauhawm zeta a rawn tih chuan khur deuh dar darin Nu Hriati te thutna lam chu Eddie-a nen kan pan hnai a.

A ni hi Rama maw!Kan inchibai lai chuan a hmel chu chiang zet a en in"Champhai lamah in awm tawh em?"ka tisap a.

Mitmeng ti zim san a,a lu bu nghatin"kan awm thin alawm,Ka hriat tawh hnu i ang deuh tlat,mahse ka hrechhuak thei mai si lova"nui chung a a rawn tih chuan Eddie-a chu sofa thutna awl laia thut puiin"min hre ngai hauh lovang.keipawn ka hre lo che"ka ti fak a.

Eddie'an ka bana rawn sawi pah a"U,Ka zun a chhuak,khawiah nge ka zun dawn?"a tih chuan Nigel-a thutna lam chu hawiin"khawi lamah nge kan zun ang"ka ti nghal a.

Kan piah lawk atang Nu Pakhatin"ka lo hruai ang che u,he lamah minlo zui ula"a rawn tih chuan Nu Hriati te chu melh zauhin"min hrethiam lawk mai rawh u"tisapin ka tho chhuak a.

Nu Hriat'in maktih hmel taka min en chunga"Champhaiah i awm thin a mi?"a rawn tih chuan ka lu thingin"awm ngai love,Milem vel ah bak champhai khua hi ka la hmu lo"nui chunga tiin Nu pakhat chu choka niawm tak chhungah kan zui lut a.

Toilet awmna lam chu kawkin"saw tah sawn va zung ru,in bungrua chu in room turah kan pa in a dah fel vek tawh in ka ring.In hman hunah ka lo kalpui dawn che u nia.Nu zam tiin min ko ru aw.Sarah-i i ni tiraw,i nau hi engtin nge ka koh dawn?"a tisap a.

Ka lu bu zauh pah a Eddie-a Toilet kawngkhar a lut mek chu melhin"Eddie-a nih saw.engtin nge ka hming i lo hriat theih zawk a.Nu Zam khawngaihin kan tih tur leh tih loh tur awm ang chu kan unau hian min hriattir zel rawh"ka ti a.

Dil chhut tih hriat zeta min melh vang vang chunga bu nghatin"I tih tur ang chu Nigel'an ala hrilh mai ang che.Nang hi Sarah-i chu i ni tak tak a maw?"a ti nawn leh ngat a.

"Sarah,tiin min ko thin alawm,khawngaihin toilet a ka awm chhungin ka nau Eddie-a hi hmun dangah lokal sawn tir lo hram rawh aw"ka ti a.

Nu Zami hi a nu lian in a lang nel awm loh viau,mahse a mitmeng leh a sam tawn dan atang hmeichhe rilru nghet tak leh a hna tlin mi tak a ni ngei ang tih ka hria.

Eddie-a toilet atanga rawn chhuak ka hmuh chuan a dar tawn a chelhsakin"hmun dangah lokal sawn miah suh.tun atang chuan i hmelhriat loh ten ka hmuh phak loh leh ka hriat loh laia kalsawn pui che an tum a nih chuan duh tawh ngai suh aw"nghet charhin ka ti a.

Eddie-a pa ka hmuh thu hi ka pa ka hriat tir vat angai ni. A ni khan Eddie-a hi a fapa a ni tih a hriat ka kher ka ringlo.Eddie-a hi a nu pum chhung a a awmlai atang tawh rengin a fa atan a pawm lo hrim hrim a nih kha.Eddie-a nu boral tur thu ziah leh an thalak ho kha ka la mitthla thei vek.Eddie-a kan unau atan a fa anga an lak dawn khan,vawi tam tak ka nu leh pa te nen Eddie-a hring tunu thuziah kha chhiar chhuakin kan sawiho fo a ni.

Eddie-a hi kum hnih mi a nih laiin a nu inTB( Tuberculosis) natna avangin ka nu thawh na damdawi inah a boralsan a.Enge a chhan leh vang chu ka hre lo.A boral hmain ka nu bulah Note bu a chanchin ziahna a hnutchhiah a,chumi avanga Eddie-a hi enkawl zui chu kan ni ber.A nu a boralsan atanga thla ruk chhung kha chu dan ang thlap a thil buaipui a ngaih avangin leh fa atana ka nu leh pa ten lak an duh avangin Baby Home-ah kan dah a.chuta tang chuan keinin kan la chhuak leh a ni.

Toilet kawngka hawng a pen chhuah ka tum chiah chu ka hmazawn a Nigel-a hmel dur khuk leh hmui chip hmak a lo ding run ka hmuh chuan hnung lama tawlh letin"Enge?"ka ti hluai a.

Ha chang thial rawp rawp chunga toilet kawngka chu na zeta rawn chum burin"Engvanga khatianga awm nge i nih? Ramchhana nen khan inlo inkawp tawh thin a mi?Nge ni a,nang hian minlo enthla reng thin zawk?Nang hi hmeichhe hnuai hnung tak i ni.Nuamsa tak chuan i awm lovang tih hria ang che.Kha mihring leh lek phei kha hmuh inbeisei tawh suh"aw teng chhuai a tiin a thaw deuh hrawk a.

A awmdan hlauhawm em avang chuan ka tiril a khur dar dar hialin ka hria.Hlauthawng deuh taka a hmel ena ka hawichhuah rual chuan"Ka bia che a nih loh chuan min melh hlek suh ang che.In a ka awm laiin inchhung lamah i rawn chho tur a ni lo.Marina-i leh ka thian dangte ho in min hrilh kha lo zawm ila,a tha tur"ti khur khurin a inher vut a.

Nigel-a thusawi te chu a mal te te in ka beng chhungah hian a ri nawn tlut tlut ni berin ka hria.kei hi hmeichhe hnuai hnung tak ka ni a maw! Min biak loh chuan ka be lo a nga maw!Tun ang reng reng a,inhmuh sit na leh in deu sawhna ang hi ka la tawng ngai lo.Ka rilru mai nilo,ka taksa te zawng zawng nen lam ka chau zo vek ni ber in ka hria.

Thut khawmna lam pan a muangchang a ka let chuan tum a hmel reng reng hmuh tur an awm lo.khawiah nge Eddie-a leh Pi Nuni kha an awm tak?Hawi kual ruai chungin"Eddie"ka ti vak ringawt a.

Room kawngka pakhat atanga Eddie-a leh a hnunga Pi Nuni rawn inzui chhuak ka hmuh chuan an awmna lam a kal phei vatin"in awmna ber ka hre lova,In lengte kha an haw vek tawh a mi?"ka tisap a.

Pi Nun'in"Aw,an haw hlawm,he lai hi in room tur a nia.Nigel-a room chu inchung lamah a awm ang,in hi in enkual duh em?ka lo fan kual pui dawn che u mi?"a tih chuan ka lu thingin"a ngai lo ang,keimahni avangin i buai phah ta hrep a nih hi,ka thawmhnaw vel kan dah fel ve nge"ka tisap a.

Eddie'an"U,A Pi Nuni bulah hian ka awm rih dawn aw,khawiah mah ka kalsawn lovang"a tih chuan ka lu bu nghatin room chhungah ka pen lut a.

Keimah chauh a awm inngaihtuah rih ka duh a ni.Nigel-a khan engvanga khatianga min ankhum chiam nge maw a nih le?Engthil chiah nge tih dik loh ka neih.

Ka bag chhung a ka phone chu phawrh chhuakin Rampari number ka dial nghal a.

A pick up rual a"Sarah,biak tlang i va har ve,engmah i chanchin min hrilh bawk si lova,UAnnie-i nen kan ngaihtuah lutuk che.Nigel-a tih hmingpu hi i hre thin em? Nangmah kan hriat leh hriat loh che min zawt a.Sarah,he lamah i rawn chhuk leh dawn em?i nu chu enge a dinhmun?"a rawn ti nghal zung zung a.

Thaw halh paha khum a thu thla in"ka nu chu,a boral tawh? Ka rawn chhuk thei tawh lo mai thei ni.khawngaihin ka thawmhnaw leh ka bungrua ho kha minlo thawn rawh aw.Nakinah message in i rawn thawn na tur address ka lo hrilh ang che.Rampar,UAnnie-i leh Nigel-a te chu an inhria mi?"ka tisap a.

"An inhria niang,An hotel chhung cheisak turin a rawn dawr a,mahse,UAnnie'in nangmah ruai zawk tur che in a hrilh a ni.Sarah,Nigel-a kha a hmeltha kan ti lutuk a nia.i thawhna bar-ah leh interior designer i zirna industry ah pawh a kal in ka hria,i chanchin a ngaihven ka tihna a nih chu.In inkarah khan engthil nge awm?engmah min hrilh i tum lo mi?"nui har har chung a a rawn tih chuan maimichhing a thaw halhin"engmah a awm lo,ka thawmhnaw vel chu min rawn thawn ang tiraw?"ka ti nawn leh ngat a.

"Tehreng mai.mahse,Nigel-a nen in inkarah engemaw tak ka awm ka la ring fan a nia.i chanchin min rawn hrilh ve zel rawh aw"a tih chuan kan inbiakna chu ka ti tawp nghal a.

Nigel-a chungchang nilo thildang engmah sawi tur a hrelo mi?ka Pa Number chu ka dial leh nghal vat a.a tlang thei hauh lo lehnghal.Engtin nge ka tih tak ang.Eddie-a leh Rama te hi hetianga an inhmu fo dawn a nih chuan engtik hunah emaw pafa an ni tih an la inhrechhuak ngei ang.

Ka thawmhnaw ho chu ka bag atanga lachhuak vek duh lovin,ka suitcase chu wardrop bang nena inzawm tlat chhungah chuan ka dah lut a.

Ka ke lah chu a kham ut ut tawh lehnghal,ka ke ka enchiang chuan a durh chu a lo keh a ni tih hmu ve chiah,a thip viau bawk.

Bathroom chhung a intifai tur a ka pen luh chuan hawi kualin bungrua awmho chu ka thlek vang vang a.He inchhung a ka thil hmuh atang ringawt pawh

hian Nigel-a hausak zia a hriat theih nghalin ka hria.shower hmanga inbual a,ka intleuh tur chu tui ka herh haw thei tawh hauh lo.mangang ru zetin tui herhna dang ho chu ka herh kual chiam a.Tui haw tur pakhatmah a awm hauh lo.Engtin nge ka tih tak ang?ka taksa leh ka sam lah chu shampoo leh shower gel phuan hlirin a khat vek bawk si a.

Bathroom kawngka chu zimte a hawng dek dek a,room chhung ka en chuan Nigel-a min hnungchhawn zawng a lo ding run mai chu ka hmu a.ka thawm hria niawm tak a,a rawn hawi chuan rang zeta pil in kawngkhar chu ka khar chip nghal vat a.

"Rawn chhuak rawh,sazu ang a khatia pil leh nghal kha a tul lo ang"aw chang zeta rawn ti hrawihin bathroom kawngkhar chu a rawn nam hawng thuai a.

Te that paha chhuat a thu tawm chaih chunga,ka hmai chu hupin"tui a haw thei lo"ka ti lawi rat a.

Ka zak lutuk chu thih daih mai ka duh,Nigel-a hmel en tur pawhin ka hawichhuak ngam tawh der lo.ka taksa pum pui chu mei sa tak a hem ang maiin a sa chhuak vek bawk si.

Nigel-a rum ngut ri ka hriat hnu lawk chuan"khawi maw kan en nge"tiin bathroom chhungah a rawn lut ve nghal a.

Tui herhna a khawih ri rak rak ka hriat hnu lawk chuan phun hluk a rawn kal hnaiin"kha lo intuam tha rawh,tui an rawn dah ang"ti hrawkin bathroom kawngkhar ah chuan a chhuak nghal a.

Ka tah a chhuak rum rum hial in ka hria.Nigel-a a chhuak tih ka hriat rual Bathrobe var ka hnung ruak lai rawn khuh nan a a hman chu inbel chung a thochhuakin bathroom kawngkhar chu chhung lam a kalh in ka thaw chhuak kawk kawk a.

Nigel'an engtiang a tam nge ka taksa hi a hmuh ang tih hriat tumin kawngkhar a rawn nam hawn lai a ka awmdan ang chu ka zir nawn leh ngat a.A mit fing leh nghal hmel zet mai chuan ka taksa a hmu kim vek ni berin ka hria.Underpant leh bra tal lo ha ila a zia deuh hlek tur nia.Engkim a nih tur ang a ni vek tawh,Nigel-a hmel hmu tawh loh ka duh tak zet.

Kawngka pawn lama rawn kik ri ka hriat chuan Pi Nun'in"sarah,tui ka rawn dah dawn nia,lo hawng rawh"a rawn tih chuan rang zetin ka hawng a.

Bucket pahnih a tui rawn khai lut chung a"bathroom tui haw enfiah hmasak na chang kan lo hre hleinem.Nigel-a lah chu a thinrim viau lehnghal,kan pa pawh,hmai sen tun chungin a vin phar dawr dawr mai.kha le intleuh fai rawh,Nigel'an common room-ah a nghak che a.i inpeih ve leh kal turin a ti che nia"a rawn ti hluai a.

Ka sam la huh hnuang chu towel-a tuam in,T-shirt senno ka mawng khuh thawl hnek hawk leh leggins dum inbel a,Pi Nun'in Common room awmna lam nia a sawi na hmun muangchang a ka pan lai chuan saruak a la awm ang mai ni in ka hria.Tun a Nigel-a hmel hmuh ka hreh ang hian ka pian tirh ata ka mihring pui tumah hmuh hreh ka nei ngai lo.

Tawng nak nak ri ka hriat rual a Eddie'an"U,minlo en teh ka uniform tur hi ka inhmeh em?"a rawn tih chuan ding deuh chawtin Eddie-a kiang a,Nigel-a leh caleb-a te bakah Hmeichhe pahnih lo thu chu ka en ha a.

"Sarah,kan lo nghak che a.Eddie-a school luhna tur chu kan ti fel thaw khat tawh in ka hria,Exame a hnai tawh si a,zanriah eikham ah Hostel-ah kan dah lut dawn mi niang.A rawn luh tlai chuan a pawl rual pui dang te nen an inthlau lutuk ang tih ka hlauhpui deuh a"Caleb'an rawn ti pah a a thutna bula thu tur a zai zir a min tih chuan Caleb-a piah deuh a Nigel-a hmel chang rut leh biak huphurh awm zeta thu chu ka mit sir in ka en zauh a.

Caleb-a kianga ka thut thlak rual chuan hmeichhe kan hmazawn a thu upat hmel zawkin"Sarah,i nau hi school danga luh tir ai chuan kan school ah sawn rawn luh tir leh ula.naupang school luhna sawn sak reng hi a tha lo nia."a rawn tih chuan Nigel'an"sarah-i hmel chu in hmu tawh bawk a,tikhan min chhuahsan tawh rawh u.Buaipui tur kan la ngah viau a nia"aw nghet charh a tiin hmeichhe pahnih thu chu a melh kur a.

Lungawi lo hmelpu chunga kawngkapui awmna lam an pan lai chuan Eddie'an"U,Madam Biaki leh Miss Mimi sawn min hau reng zel.Football ka khelh pawh an phal ngai lo"a tih chuan a hmui a hupsakin"thu i awih loh vang a niang,mahni zirtir tur te an sawichhe ngai lo?"ka ti vat a.

Caleb'an"A rilru a chak reuh riau a niang,An principal lah chu ka chungah a thinrim viau lehnghal.lehkha thiam leh school ti hming tha thei naupang te hi a tlangpui in school danga insawn an duh pawn kan ui thin"nui chung a a rawn tih chuan bu nghatin Eddie-a chu ka melh vang vang a.

Keipawn Eddie-a hi naupang rilru chak tak a ni tih ka hria,Football hi atchilh viau lo phei sela chuan tun ai hian a zirna lamah hma a sawn ngei ang.

Nigel'an"Dawhkan chung a,Paper-ah khan Eddie-a Guardian i ni tih lantir nan i hming sign a ngai nia.A mamawh tur ang chu Rinnghet'in Hostel lamah a dah vek tawh"aw chang fak a a rawn tih chuan dawhkan chunga paper leh pen lo awm chu ka ban a.

Paper-a hming ka sign lai mek a Nigel-a phone ri ka hriat hnu lawk chuan"Awm e,ama phone-ah be ve mai ta che u"English tawng in a ti hrawk a.

Rum ngut paha a phone ken lai chu ka lam a rawn lekin"kha Annie'in,biak ngei che a duh.i phone ah an rawn be thei lo che niang.Hmun dangah kalsawnpui suh ang che"a ti hluk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)