Page 1 of 1

Love christmas BY Basta Tlau (Completed)

Posted: December 20th, 2017, 6:32 pm
by Basta Tlau
"Awi ka duh lutuk,ka chibai ve dawn chiang,kalsawn teh u,lo kiang teh." tia hmeichhe aû chûl ri ka hriat a, hawichhuah ka tum chiah chu ka hnunga min rawn nam dâwt tu an awm avangin ka hmazawn a pheikhawk zawrh lai inrem tlar dûl chu ka bawh nghal rawk rawk a.

Tê that paha"A nâ...Tunge min rawn nam a?"vin zeta tia hawisawn ka tum lai mek a. Pheikhawk zuar tupa in a tiang kenlai a min rawn hawlh nawk nawk paha"E,e,e... kha ka pheikhawk rem sa i rawn bawh darh vek alawm,fimkhur ta che maw le"aw vin zeta a rawn tih chuan thinrim zeta thochhuakin"keimah ka nilo,min puh ringawt suh,min rawn nam a nih kha.."ka ti let hlar a.

A tiang ken laia min tin uaih laia"Hmangaih,i tha em?keima vang niin ka hria,engtin nge i awm?" tukin zînga gym-a mipa dangdai zet ka hmuh pa in aw thum zeta rawn ti chunga,rawn kal phei mek ka hmuh rual chuan kan kiangah mipui an rawn pungkhawm a ni tih ka hmu nghal. A van zahthlak tak, he mihring hian engtin nge ka hming a min koh theih!

Ka U Nunkim'an,ka hmingpum lam ri meuh a,gym-a exer la tura ka pen luh ruala ka thawh tlai thu a sawi vang kha ni ngei ang.Dawr nghak tupa lah chuan phawk fê in minlo la en reng lehnghal.

Ka bul lawk a,mizo mipui tam zawkin an ngaihsan êm êm Pekkima t-shirt dum leh jeans kekawr ha a, rawn ding chu lungawilo zeta melhin"ka tha,zahthlak lutuk"tih leh hawisawn ka rual vat a.

Ka thiannu Nunmawii bana chelhsak a"kalsawn vat teh ang,nidangah kan bazar dawn nia"tia ka pen sawn tur chu ka kut lehlam a lo chelhin "minlo hrethiam lawk rawh u. Nula hi a insawhna deuh hlek a,damdawi in lamah ka hruai angai dawn a ni"nghet charh a tiin ka kawngah a rawn chelh bet nghal a.

Lalpa leh,Ka UNunkima nilo,mipa dangin ka kawngah tuman min la kuah ngai miahlo asin le. Awmdan tur ber pawh ka thiamlo lek lek zawk.

Kan kiang a hmeichhe pakhatin tê chûl chung a,a hmui hup a"awi ka thik lutuk"a rawn tih hnu lawk a,midangho tê teng tung ri ka hriat chuan zahna leh thinrimna hlirin ka thinlung hi a luah ni berin ka hria.

Nunmawii kuta hmer nghet sauh chunga ka kawnga min kuah tupa kut chu dahthlak sak tumin"ka tha,ka tih mawlh..."ka tih chuan"hengho laka inthiar fihlim hi ka duh ve tho,min hnial suh,kal chak rawh,mut duh nu"ka beng bulah nuihza aw zetin a rawn ti thawp sap a.

Kawngpui tawt zet kara kan kal pel ho te leh kan tawh apiangte chuan engemaw sawi nei niawm takin min enzui zel a ni tih ka hria. Ka thinrimna au chhuahpui chunga,min vawnna thlah tura ka hrilh nawn leh a nih vaih chuan mipui tam tak tan hian ennawm ka siam ngei ang. Ngawi rengin hmalam pan phawt ila ni mai.

Thui fê kan kal hnu a,Nunmawi'in"Ahmangaih,min thlah teh,ka kut i hmer na vek tawh nia,tuman min rawn zui tawh lo"lungawilo aw taka a rawn tih chuan a kut paih thlak sak nawkin"nangma vang vek,bazár turin min hruaichhuah tum tlat lo la chuan ka mualpho miah lovang"ka ti vin hlar a.

"Christmas dáwn a,bazar loh te chu a uihawm em alawm"tia ka sir lehlama mipa ding chu melh ha in"Sir Pekkima,nen hian engtin nge in lo inhriat hman a? Aizawl lamah i awm ngai bawk silo"dilchhut fâhranin a ti zui nghal a.

Engvanga "Sir Pekkima" tia ko nge a nih ka hre hauh lo. Kei chuan a hming leh a kalna apiangah chibai châk an tam tih chiah hi ka hriat chhun a ni.

"Nunmawi,i thiannu hi damdawi in lama hruai a ngaih loh chuan thupha chawi nan coffee tal ka treat chu a ngai ang.midangin min chim buai hma in tlan chhuak vat teh ang u"tia a kut lehlam a,a chahbi kenlai a hmeh chuan kan hma lawk a Renault car dum pawl fai tliang hlar mai chu ama ta a ni tih ka hre nghal.

Talchhuah tum paha"i kut hi lasawn rawh. Coffee emaw thildang engmah i lak atang kan beisei lo.."ka tih lai meka ka piah a Mipa pakhatin"Saw saw,Flim Director Pekkima, hman ni zana TV -a an kawm kha ni saw"rawn ti lung lung ri ka hriat chuan car kawngka a hawn lai mek zawn a min pawt phei dawrhin" lut vat teh u"a ti hluk a.

"Scooty,ka khalh bakah tih tur dang ka la nei a.ka rawnzui ve lo mai ang che u"Nunmawi'in min melh ralh a, a tih chuan rang zeta a bag hrui a vuan a zui tumin"keipawh i rualin ka rawn kal ve ang"mangang deuh takin ka ti a.

Pekkima phun deuh hluk ri ka hriat a,a hmel ka en chuan rum zeta min melhin"Ka pawngsual hauh lovang che.Hmeichhe duh lo chûng ka tilui ngailo.Mahse,ka tum chu hlenchhuah ngei ka tum thung.Thupha châwi nan nang hian engemaw tal chu min inpui ngêi bawk ang"ti hrawka car seat hma lama min nam thu hnawkin seat belt min hren tir nghal a.

"Nakinah ka rawn bia ang che"darthlalang chhan a Nunmawi'in nui thu chunga a rawn tih chuan ka tawt deuh up up avangin chhan pawh ka peih vel lo.A hmel awmdan atang chuan phone atang ringawt nilo,kan ina rawn kalin zawhna chhan sen loh tam tak min zawt leh ngei dawn tih ka hre lawk vek.

Pekkima awmdan leh chezia maksak tak hian min shock tak zet,a hranpa taka ani nena inhmelhriat pawh kan ni lova,midangin a hming an lam rik atanga hre ve mai ka ni.

Driver seat-a a rawn thut luh chuan, ka awm dawm chunga inthunun tum hram hramin"Pekkim, engmah ka lakah thupha chawi na chhan tur i nei hleinem,inhmelhriat pawh kan nih loh hi..Taxi stand hnai berah ding la,ka lo chhuk ang"thawchham deuh lek leka tiin ka thawhalh a.

A mitko san ak a"Ka hming i hriat chuan nang aia upa ka ni tih pawh i hriat tel ngei ka ring.Nang têreuh hian aia upa zah nachâng i hre lo reuh hle mai. Min U tawh ang che"thupe aw zet maia tiin stearing chu a tuai vir lawp a.

Ka duh vang reng ni lova, a lama àwn phei chunga rum zeta melhin"Nangpawh i zaklo hle mai! I unaunu leh i chhiahhlawh niawm taka i thuzawm tur ka ni biklo nia.Nichin lawkah pawh kei aia naupang tih hriat tak tak ten an U bik loh che kha..."ka ti hlar a.

Ka thusawi hrelo niawm taka a kut veilampang chu ka hmai zawna rawn dawhin"khawngaihin i phone ka lo hmang lawk thei ngem?. min chim buai na lamah a awmna ka hre tawh lo a ni,"a ti thawp sap a.

A awmdan mai mai chuh...ner nanga chunga ka phone phawrhchhuakin"i number lo sawi rawh,ka lo dial mai ang. motor khalh chunga phone hman a that loh zia i la hre ve lo mi?"ka ti ngat a.

Khi deuh suk chunga a phone number a sawi zawh rual a."I tawngkam chu a hriam ve hle mai"ti hmukin motor kawng chu a melh ran a.

A number ka dial hnu lawk a,a phone rawn ri chhuak ka hriat chuan"i kekawr ipte a i ah reng kha...engtin nge i hriat loh theih zawk?car hi tiding tawh rawh,ka chhuk dawn,"ka ti vin hlar a.

Kawng sira a car din tir paha"chhuk rawh,hmeichhe thinchhe zet ka car a chuantir reng ka duh lo,Nunkima, hian lo zilh hlek che sela a tha ang.Kan inhmuh leh hunah chuan Upek tiin min ko tawh ang che"ti hlukin chiang zetin min en a.

Ka U nen an lo inhria a maw! Car kawngka hawng a"Kan inhmuh tawh loh hram ka beisei,Pekkim"kha zeta tilui ngatin kawngkhar chu mawng er tânin ka nam khar thuai a.

"Hreptak che hian...awmdan mawi hre rawh"thinrim hmel taka rawn ti tuarin chak zetin a tlan chhuak nghal a.

Ka kut humruh chunga lek deuh uaihin"min zilh khanglang e law! Nanga chet mawi loh tehreng nen,inla hmeltha ropui si,"ka ti zui nuah nuah a.

Ka dinna bul lawk dawr chhung atanga"motor khalhtu kha Pekkima,nizan hmasa a TV-a an kawm kha a ni tiraw?.A hmel ka hmu chiang hman lova,"tleirawl in ha bul zetin a rawn tih chuan"ka hre lo"ti deuh hmakin foot path-ah chuan ka pen hmawk hmawk a.

Hmeichhe zaidam tak chu ka ni hran lo;mahse, tun ang reng reng a,ka thinrim hi ka la hre ngailo.Ka zirlai naupangte chuan thinchhia leh rilru tha tiin sawi thin. Zing ka thawh hlim atang khan engkim a fuh lo vel vek ni berin ka hria.

Kum tir lam atang khan Lunglei,Government High school-ah zirtirtu hna thawkin Lunglei,chanmari vengah mi in luahin ka awm a. Christmas chawlh a nih avangin phur rilru takin Aizawl lamah Nizan khan kan inah ka haw ve a.Ka nu leh pa te lah chuan min ngai taka minlo hmuah chu sawi loh,ka thlen hlim atang min la zilh char char lehnghal.

Tukin zing dar sarih a ka nu in min rawn kaitho paha"nula kum sawmhnih paruk,hna nei i ni tawh,naupang ang maia mut rei tum suh.I U te nupa in gym an siamah sawn exer la turin va kal ve rawh,tu chhungkua mahin tunlaiah nula mu rei mo atan an duh ngai lo. I kawrhak tur ka phawrhsak dawn che nia,christmas chawlh a nih avanga awm awl kher tur tihna a nilo"ka puansin lai rawn theh hlim paha a tih phei kha chuan thinrim tak ka ni.

Zing kar atanga zilhna thu dawn reng hi tu fa mahin an duh bikin ka ringlo.Mahse,ka nu bula ka awm a nih chuan hetiang thu ringawt hi ka dawn tur a ni tih ka hria.

Puansin that leh tum chunga"Nu...khua a vawh em hi..ka hritlang hma si,mut lum ka mamawh"lungawilo taka ka tih zawh ruala"exer i lak that tawk loh vang mai mai nih kha, i Pa nen pawh zing tawngtai inkhawm kan banna a rei tawh.I U te nupa in an in lama chaw ei nghal tura an tih che kha,rawn thochhuak vat rawh"ti hlak hlak a,ka puansin min thlehsak chuan thawh lohna chi a ni tawh lo.

Hmanhmawh lo fahran a,Gym chhunga exer la tura ka pen luh ruala ka U in"Hmangaihzual,i va mu rei awm ve,tun ang dar riat rik dawn ah i rawn thleng chauh a,midang an haw tep tawh hi.."ka thlen tlai avanga lungawilo niawm taka a lo tih chuan nuih tlawn paha ka u ban puam laia beng thakin"tawng zawi deuh rawh. I va sek tha tawh ve,ka rawn haw lamah motor ka rui a,ka chauh zia chu a"tia kan piah lawka mipa pakhat hmeichhe pathumin an bawr laih chu melh zauhin"Exer ka la peih lo,i lehkhabu chhiar tlak a awm leh awm loh ka en lawk dawn nia"tiin ka inher a.

"UPekkim, i la haw dawn lo mi?"hmeichhe pakhat aw tliang hlarhin a tih ri ka hriat a,ka lehhawi chu an bawrh laih pa nen kan mit a intawng nia,ala rawn khi deuh suk zui!.ka tek deuh sawk nghal in ka hria.

"Hmangaih,i UDuhawmi kha lo va pui rawh"ka u in a rawn tih chuan rang zeta hmalam hawiin ka kalsawn nghal a ni kha...ka phone kenlai a rawn rik thut rual chuan ka lo inngaihtuah nasa hle a ni tih ka inhrechhuak nghal.

Phone pick up a ka hawichhuah chuan ka hma lawka Pekkima a beng zawn a phone dah mek chu phawk zeta enin"nangmah maw!"ka ti that a.

A beng zawna phone la dah reng chunga"ka lo nghak reng tawh che.Khaw laia ennawm siam i duh loh chuan min rawn zui rawh"

ti hriam hrakin kan dinna piah a, Hotel lun leh eitur tui hnai tak tâk an siam thin na lam panin a pen sawn nghal a.

Eng ang mihring nge maw a nih le!.A rilru lamah buaina a nei niang a? Taxi emaw bus-a ka lo chuang daih lo kha ka inchhir hnuhnawh khawp mai.

Pen thum vel a pên tih a rawn hawi let chunga a phone ak tha in"i beng a chhêt lo tih ka hria, khatia model niawm taka in pose a kha a tha ber lo nia,"tia ka ban reka rawn man betin min kalpui dawt dâwt nghal a.

Ka chhungte chu nise,tuna min tihdan hi ka hrethiam thei ang.mahse,chutiang mi chu a ni ve hauh lo.

"Min thlah nghal rawh.Ka lakah hian i huangtau mah mah in ka hria,"tia ka kut lehlam hmanga a nak zawn a ka sah chawrh rual chuan min vawnna thlahin"i va kawlh ve?"a rawn ti hrawk a.

Mi pangngai chin chuan hetianga intihluih hi an duh bik dawn lo hrim hrim.Ka ban min hmerna tuai chunga rum zeta melh let kawkin"Kawlh e,tih luihna hmangin a mi i bulah hmeichhe dang ho hi i hruai thin a? I nu leh pa in,engmah an zirtir ngailo che mi?"ka ti pang pang a.

Kan bul hnaiah chuan midang an vei suau suau tih ka hria; mahse,he mihring awmdan avang hian tuma mitmei ka ngaihven thei tawh lo.

Ka bag ah lai rawn pawt thla nawk paha"Tak zet che hian,nang hian khawlaiah min zilh a maw! Ka bula coffee in chu engvanga duhlo viau nge i nih? Delhi-a i awmlai pawh khan min ngaihven a ni tih ka hria lawm.He thil hi i cho chhuah ani tih i hre dawn nia,coffee emaw thei tui tal chu kan indun khawp ang,"tia a dara min pu nawlhin hlawk zetin a pen hmawk hmawk a.

Kei hian ka ngaihven a maw! Awihawm loh lutuk,B,Ed tranning-a Delhi-a ka awm laiin ka zirlai bak thildang engmah ka ngaihtuah ngaih lo.Ka thinrim lutuk chu ka mittui a tling pam thei hialin ka hria.

"Sir,ngatinge a? Engtin nge a awm a!"tia mipa aw ri ka hriat chuan Pekkim'an"Ka thiannu hi mahnia kal a duh loh vang nia..ei leh intur kha rawn dah rawh se,"thupe âw zêta tiin min kalpui lehnghal a.

Kan hnunglam atanga hmeichhe âw in"awi... tunge niang le? Tiang sawn min ti ve sela,ka hlim viau ang.model nge?filmstar niang le?"lo ti sur sur ri ka hriat chuan ka hmui ka pet nawk a.Ka tawn ang hi han tâwng ve ngat sela an va han hlim bik awm lo e aw.

Dak deuh hlek a,ka sam kar atanga kan hnunglam ka en chuan kan kalpelh ho ten an ke pen lai chawl meuhin min rawn en a ni tih ka hria.

School naupang zathum rual hmaa zâm vak ngailo ka ni a.Ngatinge tiang taka ka zám em em mai le? He mihring lakah hian thinrim viau mah ila,ka inthunun hram hram tur a ni. Thinrimna hian mihring nun tichhiat leh mualpho na min siam nasa hle tih ka hria;mahse, inthunun a van har tak em.

Chhuata min nghah ruala ka hawi kual chuan kan pahnih chauhin room var tle sar chhungah ka awm a ni tih hre nghal. Ka lungphu hi a la pangngai lo tak zet,ka khup lah hi a zawi ni berin ka hria, hunlo lutuk.

Kan dinna bula couch uk kharh mai inhung chu kawkin"thu ila,thalak ngâwt ai chuan hmaichhana min hmu hi i lawm viau lo maw?"ala ti ta deuh deuh lehnghal.

Thaw hawk chunga maimichhingin"nang nen hian kan inhre ngailo,min hai..."tia phawk fê hawichhuak paha ka hmui hupin" Awi leh,ka duh thei lo..khatiang khan midang ka bia in,ka text ngai miahlo nia.Ka kal dawn,"ka tih chuan rang zeta ka kawnga rawn man betin" i rilru a chak hle mai,"tih leh couch-a min thut thlakpui a rual a.

Ka zak lutuk chu ka biang a sa chhuak vek ni berin ka hria. Ngatinge tukin lam te khan ngaihtuah chhuah nachang ka lo hriat lo le?

"I biang a sen vek! I zak a mi? I kum ngaihtuah chuan zak vak rual i ni tawh si lova.Thalak ai a takah i lo hmeltha daih zawk,"thawven hmel zeta a rawn tih chuan ding chhuak hluain"Ka zak lo,ka haw dawn..ka u te nupa bulah engmah sawi miah suh"ka tibah nawk nawk a.

Ka kalna dal tum zeta a mal sei leh lian tak mai chu ka ke zawna rawn thluang duaiin"engvanga Facebook leh Instagram lama lut ngai miahlo nge i nih? engmah sawi lawk lovin i phone number i thlak daih lehnghal,"thu tak zeta ti zawi ruihin ka mitah chiang kelh kawlhin min en ran a.

Ka chil lem khal a,tawng ka tum lai taka waiter pakhatin trolly-a eitur rawn nawr lut ka hmuh chuan ngawi renga couch-a thu thla lehin Pekkima hmel chu ka ennawn leh ngat a.
__
Delhi-a B.Ed ka tranning tirhin,facebook lam a ka status-ah ka lunglenzia leh Mizoram ka ngaih thu ka ziah lang a. Ani hian rawn comment ve in fuihna thu tha takin min rawn hrilh a,chuta tang chuan facebook mai bakah whatapps,video call leh phone call hmangin hun awl kan neihah engtin tin emaw kan inbe zawm ta zel a ni.Nula leh tlangval lo inbe ta reng chu a hnuah tunlai tawng takin kan Ck nasa thei khawp mai.

Thla ruk chhung kha chu nitin kan inbia a tih theih hial ang, ka zirlai pawn a tuar phah réng a ni.Test leh presentation ka neih tur pawh ka zir mumal ngailo.

Ka zirpui dangte aia ka tihchhiat theih em avang leh presentation tak ngial pawh ka tih mumal theih loh avangin South Indian mi kan hotunu pakhatin tawngkam na zetin ka thiante zingah tribal min hmusit tih lantir tum niawm tak leh Mizoram lama haw tawh tura min tawngkhum ni a,hreawm ka tih zia leh kan hotunu ka hua zia kha pûi tak a ni.Kan hotunu chhuah hnu lawka class atanga tlanchhuak ve nghalin toilet chhung a inkalh hnanin"tun atang chuan engkimah pakhatna nih ka tum tawh ang. Tribal hnam ni mah ila,kei aia thiam an nih loh zia ka entir khawp ang."tia ka phone chu commode chhung a vawm lutin"mai mai chuan..ka hmelhriat nilo lakah ka hun ka lo seng thlawn nasa khawp mai,ka va han be tawh awmlo...vawikhatmah facebook leh IG ka khawih tawh ngai lovang."tiin ka intiam a ni.

"Hmangaih, engthil nge maw ilo ngaihtuah tehhrep le? Ka zawhna che kha min chhang ta che.Nang hian bawl kual mai mai theih emaw min tia mi?"aw chang rûta a rawn tih a,ka hawichhuah chuan kan pahnih chauhin ka lo awm leh reng tawh tih ka hre ve chiah.

Ka chil lem ri khalh a ka hrawk thianin"ka bawl kual lo che..kan inbiak lai khan ka zirlai engmah ka ngaihsak thei lo lawm..."ti hluai paha ka hmaizawna ka kut zapin"a lum lutuk. Upek,tui vawt intur a awm ngem?" ka ti zawm zat a.

Glass no tung a,tui thli chhuak a,min rawn pek hnu chuan nui ri hawk paha a thutna atanga thochhuakin"Fan hi kan on nge.A nih leh kan inbiak loh hnuin ngaihzawng dang i lo nei hman em?"thu tak zetin a ti a.

Tui ka hmuam lai phuh chhuak lek lek chunga ka hmui hup bet a,ka khuh kharh kharh lai chuan ka hnunga rawn chulin"ka sawi tum tak zawk chu, kan inbiak lai khan keilo mipa dang i ngaihsak loh thu i sawi si a.."pangngai zeta tiin a rawmawl chu min rawn pe a.

Chhân tuma ka ang lai taka kawngka rawn kik ri ka hriat chuan Upek'an"lo lut rawh" a ti vin hluk a.

Kawngka inhawn ruala hmeichhe pakhat inchei zahawm tak rawn pen lut ka hmuh rual chuan"Sir, Madam te nupa in lehkha hi pe tur che in chah a, naktuk chawhma a,Beraw tlang a meeting in neih tur kha i hria ang tiraw?"tisapin min rawn melh a.

Lehkha a rawn pek bih rêng chunga"Bawnghnute leh chhang kha lo hmeh rawh.."a tih zawh rual deuh thaw a,ka phone a rawn rik a,chhang tura ka thochhuak chiah chu mitmeng tizim chunga min rawn enin"tunge? Kalsawn kher a ngai lo,"a vin hluk a.

Ka va han kalsawn awm chiang..ka duh duhna hmunah phone ka hmang ang.

Phone ka pick up rual a lehlam atanga Ka nu'in"Khawiah nge i awm? I thiannu Nunmawii, pawh a rawn thlenna a rei tawh lutuk. Inah present tur buaipui in I U te nupa leh Pu Chunglura te nupa nen kan buai tih i hrelo mi?Leng kual mai mai hman i ni lo,Nula tlawng awl ber lehnghal. Pu Chunglura te chhungkua pawh an zahawm lutuk tawh,Vai vawih aia rangin rawn haw thuai rawh."thinur zetin a rawn ti hlak hlak a.

Ka nu tak hi chu aw...a awrawl a tha thei ngawt mai,a tawngri kan thenawm ten an hriat loh hram ka beisei.

Ner nang chunga Upeka te lam ka hawi a,min rawn ngaihven lo a ni tih ka hriat chuan thaw deuh halhin"Nu,Present tur buaipui angai tih i sawi miah loh kha..ngatinge? chhungkaw dang nen thilpek kan buaipui dawn mi?Pu Chunglura te chu khawi a mi nge?"ka tisap a.

"zawhna min zawt reng in lo haw vat rawh.Khawiah nge maw i kal kawi le?Nunmawii,pawn a nghak reng che nia"rawn ti vin hlarin kan inbiakna a ti tawp a.

Nge maw min vin vak kher zel le!Lalnunmawii,pawh hi ka awm loh te chuan haw ve mai tur nia,a châklo ngawt ang.

Ka thutna lam a ka let leh laia Upek'an a phone mi lo a bia in"Ka pa,an fanu nen kan awmdun mek,thil lei tûr ang chu kan rawn lei haw mai ang.Nu Thianghlimi te nupa bulah khan lo sawi ve rawh aw,"a tih chuan phawk zeta a bula hmeichhia lo nuisang chu melhin"keimah min sawina mi?"ka ti ha a.

Upek'an a phone dawhkan a dah paha"Ni e,home hrang hrangah krismas thilpek kan pe tlang dawn tih i la hre lo mi? Asawm,ti khan kan zo tiraw? "a ti nghal zat a.

Chhan dan tur ber pawh ka hrelo,ka nu leh pa khan kum danga kan tih dan loh ang deuh a tih an tum thu min hrilh ngei.mahse,a kilh kelhin engmah min la hrilh hauh lo. Asawm tia a koh nu in nuisang chunga"krismas hlim taka hmang turin duhsakna ka hlan a che u"tia kawngka lam a pan chuan ka maimichhing sawk a.

Ka rilru a buai nuai ni berin ka hria. Ka lu thing nak paha Upeka chu enin"Pu chunglura,chu i pa mi?mission veng lamah in awm emaw ka tia? He hotel hi in ta mi?"aw lawi ratin ka ti a.

Min en reng chunga couch tlanga a ban phar duaiin"Zawhna i ngah hle mai.Thla thum liamta khan in veng lamah kan rawn in sawn tawh. Kan eitur ho hi a rannungin a rawn hma in ei thuai teh ang,Nichina ka zawhna che kha minla chhang lo nia"a tisup a.

"Eng zawhna maw?"rang zeta ka tih chuan"ngaihzawng dang i nei em?"aw ban charhin a ti a.

"Ka nei peih teuh lo,tiang lam hlir min zawt tawh suh.Nangpawh,bialnu i neih leh neih loh zawt che ila,i duh bik miah lovang.Ka haw tawh dawn,engmah ka ei chak lo"ti chiamin ka dingchhuak nghal a.

Ka bula rawn ding a,ka dara chelhin"kei chuan bialnu ka nei,hei i duh leh en rawh,"tia a phone chu phawrhin selfie camera a hmetchhuak a.

"I bialnu thlalak hmuh kher ka duh.."ka tih lai taka a hmui hmanga ka tawng a rawn ti tawp avangin phawk zeta meng kawkin ka ding khawng lah a.

A hmui a lasawn paha liak zeuhin"fawh i nuam khawp mai,"tia a phone a kan Pahnih a thlalak chu rawn tilangin"ka bialnu nena kan thlalak dunna hmasa ber a nih hi,"khi deuh sukin a ti a.

Ka hmui tuai chunga ner nang a enin"nge min fawh ringawt?i bialnu ka ni ngawt lo,thalak kha delete rawh...hmeichhe tam takin an ngaihven che tih ka hre ve tho,"thawchhuak halh halha tiin a phone chu laksak ka tum a.

A phone chung lama keng kang paha a kut lehlam a ka kawnga chelh betin"i lungawi lo nghal mai mi? Min ngaihventu nazawng hi ka ngaihsak ve kher hleinem.Inhnial reng hi ka duh hauh lo,ahma ang khan min thlahlel ngawih ngawih turin ka duh che ni.I hmui hi fawh a nuam tlat,"tia min rawn fawp chatin a lei thap hrak chuan ka hmui a nawr kau nghal a.

Ka taksa púm pui rawn mur chuai chuai mai chu mak ka ti tak zet,boruak hip tum rilru a,ka hmui tiche a rumchhuak halhin upeka hmui tichet rual chuan ka hmui leh lei ka chettir zawm ta nghal a.Aw Lalpa Pathian,ka fawp let ve reng mai!

Thawchham lek leka kan infawh mawlh mawlh hnu chuan a áwm si a,min kuah bei thlawpin"Ka ngaihtuah fo thin che asin"a tizawi sup a.

Keipawn mak tak maiin ka ngaihtuah zui nasa ve tho.Kan inbiak loh hnu lawk atang khan ka awmdan hreawm ka tih em avangin thla thum chhung kha chu Psychologist ka pan hial a nih kha..

Tlem a tawlhsawn hlek paha"UPek, facebook atanga inhria kan ni si a,tiang a kan awm nghal chuan a tha lo vang.Pangngai takin inkawm ang,"aw khur lek lekin ka ti tial ruai a.

Ka kaihza tha a zawi hnawk avang chuan ka kalsawn thei hauh lo. "Keipawn pangngai taka awm chu ka duh ve tho alawm,kan..."a tih laia ka phone a rawn rik avangin"Bazar vat teh ang"a ti a.

Ka phone la paha"Nu,ka rawn haw mek,"ka tih laia Ka nu in"Peka,nen in lo awmdun hlauh a ni maw?Kan thil lei khim loh ho kha lo hawn nghal rawh u.Kan inah zanriah ei tur kan buatsaih nghal tih lo hrilh rawh."aw dam thlapa tiin phone a dah daih a.

Ka phone chu melhin"leh si chuan..haw tura min vin nasat tehreng nen,"ka ti nang nang a.
"I nu mi? Bazar lamah kal ila,pheikhawk leh mawza pair sawmthum lei a ngai dawn nia"a rawn tisap a.

"A va tam ve?Bazar a tawt ropui si,bakah miin an hre nasa che sia,kan lei theih pawh ka ringlo,a hran ve ve in kal ila,"ka tih chuan a lu thingin"chutiang buaina tham a tlinglo,kal vat teh ang,dawr neitute ka be fel vek tawh."nghet charha tiin ka kutah a rawn chelh a.

Room atanga kan pen chhuak chu ka kut laksawn tumin"min chelh kherlo teh,midangin min en nasa lutuk ang,"ka tih chuan phun hluk paha a kut lasawnin"midang mitmei veng renga i awm a nih chuan nangmah leh nangmah i inti hreawm mai mai ang"a ti ngut a.

Hotel kawngka lam pana kan kal laia kan hmaa hmeichhe tleirawl pahnih lokal ten"Awi Pekkima,Mumbai-a flimfare award, semna a best director nominee zinga tel kha,ka duh lutuk,thla lakpui ang.khawngaihin thla kan pui thei che ngem?"an rawn tih chúl chuan mitmeng zim sanin Upeka hmel ka en vat a.

Nichinah pawh Flim Director a nih thu mipa pakhatin a sawi tawh,eng flim nge maw a siam le?Ka va han news lo bik tak.

Hmeichhe pakhat zawkin a phone min rawn pe paha"khawngaihin minlo laksak"a lo tih chuan ka lu bu nghatin ka lo ban nghal a.

Thla ka laksak laia Upek'an a mit a rawn siai zauh chuan ner nanga enin ka hmui ka tipawrh vak ringawt a.

Phone ka pek let hnu lawka"awi.. a mit a siai,a sexy tawp"pakhat zawkin a tih chuan kawngka a min kaichhuakin"tunlai naupangho hi chuan aia upa koh dan pawh an thiam tawh manglo nih hi,"a ti hluk a.

"Eng flim nge i siam a?Mumbai-a i awm khan computer i zir emaw ka tia,"ka ti ha a.

"Computer chu ka zir ngei alawm,ka thianpa,flim director a damloh avangin ama aiawhin an flim siam ka lo direct sak a,ka beisei aiin an lo ngaihlu ta sia.Min zar buai na hi chu nakin lawkah a tawp ve mai ang"pangngai taka tiin motor kawngka min hawnsak a.

Driver Seat-a rawn thu lut a,seat hnunglam hawiin lukhum hma thlawk leh black thrasher hoodie chu lain"ti hi chuan tuman min tibuai tawh lovang"tia inbelin a hmui zawnah mask dum a vuah nghal a.

Ngawi renga mit lasawn hauh lova ka lo en reng avang chuan ka lam rawn hawi paha a mitko san zauhin"Ka hmeltha viau a mi?khatia min en reng nih chuan ka tum loh deuhin i hmui thlum zetah khan ka fawp leh mai ang,"a tisup a.

Rang zeta pawn lam hawi a,ka chil lem khawlhin"i ti anglo e a!,min fawp tawh suh"ka ti hluai a.A inthuam dan hi a inhmeh thlawt.Ngatinge ani hian ka rilru a chawh buai vek zel le!

Stearing tuai vir paha"Phone atang pawn kan in muah nasat theih em.."a rawn tih lai chuan"sawi tawh,"ti vin hlarin ka beng ka hup a.

A ha var rual nalh zet a lang that dan atang chuan a nui a ni tih ka hria,a dara chum in"sawi tawh miah suh"ka ti nawn leh ngat a.

Nui ri hawk chunga min rawn siai zauhin"khua vawh tehreng nen,i hmai a sen leh vek tawh nia.Phone call atang ringawt pawn min tiphur thei lehnghal"a tih zawm zat a.

Ka kut pahnih a ka biang sa hat hat dawm paha tukverh lam hawiin"chimawm lutuk"ka tisap a.

Dawr pathum atanga pheikhawk chi hrang hrang leh mawza Upeka car hnunga kan dah luh lai chuan dawr neitute leh kan bul hnai a mite chuan
NOV 8TH, 7:23PM

Afaki Basta
Upeka chu an en duh hlawm hle tih ka hria,feet ruk leh inches hnih a sang a nih mai bakah a hrisel tha tih hriat takin a sa a inphut mawi a,a inthuamdan lah chu a inhmeh tel zel bawk nen,tarmit dum leh mask vuah lo se chuan mi thenkhat ho in an rawn zim buai leh ngei ang.

Ka bengzawna rawn kun hniam a"haw vat ang,ka thil vuah avang hian ka thaw a ipik tawh nia,"ning aw zeta tiin passenger thutna lam car kawngka a pawt hawng a.

Kan bul lawka mipa naupangin"Anu,saw ka thianpa pheikhawk ang ka hmu,min leisak ve rawh,"a tih ri ka hriat zawh ruala"a tullo,kan hawnna tur bus fare chiah pawisa kan nei tawh ka tih mawlh mawlh kha,minlo zui lovin,i naute bulah lo awm hle hle la tha tur,kalsawn vat ang,an thil zawrh engmah melh tawh suh."aw zawi leh midang hriat hlau taka a tih ri chu ka bengah a ri ring tak zet.

Upek'an ka bana chelh a"theihnghilh i nei a mi?"a tih chuan tawngri ka hriatna lam hawi a,a kut dahthlaksakin"lawk,reilote minlo ngak lawk rawh,"tia nufa en mai pawha khawsak harsat hmel tak lam chu pan pheiin ka bag chhunga purse ka zen nghal a.

An inkai sawn tur chu an hnunglam atanga"Ka pi,khawngaihin lo ding lawk teh u"tia au dingin ka purse chhunga cheng sangnga chu midang hmuh hlau takin Anu zawk kutah ka hmehbel a.

Maktih hmel taka a kuta pawisa ka dah en a,min rawn en ha in"ngatinge?min hai a mi?"a tih chuan ka lu thingin"hai love,tikhan hmang rawh u,ka kalsan ang che u,"tisapin ka inher a.

"Ka lawm e,Ka lawm lutuk.Pathianin a lêtin malsawm che rawh se.Nula,kan lawm tak zet,"aw ring deuh taka a rawn tih chuan ka mit ka khap sak a.

Upek'an ngawi renga car kawngka chelh chunga minlo en chu nuihsakin"an mahni ai ka lawm daih zawkin ka hria,haw tawh ang le?"ka tisap a.

Car seat-a thu lut a ka hawichhuak chu nufa ten minlo la en reng avangin ka kut ka pharchhuakin ka nuihsak a. Upek'an driver seat lam a pan rual a,mipa naupang chu anu kuahna atanga kan lam pana rawn tlan pheiin"Ka pi, Apa thlarau in a rawn tir che mi?"a tih chuan makti taka enin"engmaw?"ka ha ringawt a.

"Nizan a kan unau thum a kan tawngtai in,Apa bulah Krismas thawmhnaw leina min pe turin ka dil a.A rawn tir che a ni hrim hrim ang,"a ti vat reuh a.

Chhan ka tum lai taka Upeka rawn kun pheiin"I Pa,chuan hei hi lo pe tur che in min hrilh a;chuan Anu thu kha lo awih hle rawh se a ti bawk"tia Sangnga a rawn pharh chuan"tak tak maw!"tia ha a,a bul lawka Anu ding chu enchho in"Anu, Apa chuan kan bulah engmah a sawi ve miah lo."a ti nang nang a.

"Kha la rawh u, i Pa'n hlim taka krismas hmang turin a duh che u nia,"UPek'an a rawn tih nawn chuan Anu zawkin"a ngailo,i nupui hian kan mamawh leina tur pawisa min pe tawh alawm,"a lo ti vat a.

"I nupui a!"nupa kan nilo tih hrilh tum a tawng ka tum laia taka Upeka min si chet a rawn awn hnaiin"Keipawn pek che u ka duh ve tho alawm!Kan hmanhmawh tawh nia,in lamah kan chhungten min nghak a."a tihzawm zat a.

Anu zawkin pawisa la paha"Kan va han lawm em! Kan pa,boral hnua pawisa kan kawl hnem ber tum a ni. Lawmthu sawi dan tur pawh ka thiamlo.In nupa,in Pathian in malsawm let mawlh che u rawh se,"lawm avanga tah chhuah hmêl takin a rawn ti a.

Tukverh a dak chhuak chunga"Nupa kan..."ka tih laia Upek'an"hrilhfiah duh suh,thudik hi chu sawichhuah kher ngai lovin an hre thuai zel,engtin nge khatiang a tanpui nachang i hriat zawk a,engmah i inlei ve lo mi?"rawn tiin motor kawng lam a melh ding ngar a.

"Ka duh ang chu ka in lei fo alawm,an mahni tanpui thei a,ka awm remchang hlauh kha vanneih ka inti khawp mai."zawi sapa tia Upeka lam chu hawiin"midang thil i pêk avang khan,pawisa hlauh duai turah inngai suh aw. Bible -a Mathaia ziak 6:19-20 ah pawh" Leia sûlrul leh tuiêkin a eichhiatnaah,rúkruten an reh pawha an rûknaah hian,in tân rote kháwl khawm suh u; Vânah, sûlrúl leh tuiêkin a ei chhiat lohnaah,rûkruten an reh pawha an rûk hek lohnaah chuan, in tân rote khâwl khâwm záwk rawh u;"tia min hrilh kha.mahse,ro khawl khawm suh u tih avang ringawt in hnathawh kan bansan tur tina a nilo,Khawvela awm kan nia,mamawh leh duhzawng kan nei thin,kan theih tawkin hna kan thawk a nga.Midangte tanpui theitu nih kan tum tur a ni.Thilpek dawngtu nih ai chuan a petu dinhmuna din hi a nuamin,a hlimawm daih zawk"ti duahin ka thawchhuak ham ham a.

Stearing-a a kuttang tlir dat dat chunga"zirtirtu hna thawk awm rêng i lo nih hi,i sawifiah tha khawp mai.I nu ai pawn thusawi i thiam zawkin ka hria,"tiin a nuisuk a.

Ka nu(Thianghlimi)hmelhriat tawh phawt chuan a tawng rin zia a thusawi a uar theih zia an hre tel vek in ka ring.

Ner nang a,"min hmusit e a.Ka nu,ka tluk duh kher lo."ka tih chuan"A nih leh i Pa i chhun.biak ina a thusawi hi ngaihthlak a nuam,"a tisup a.

"A hmain ka chhungte hi i hria mi?"ka ti daih a.

"Duhawmi (ka u nupui) te inneih hma kha chuan kan inhre bik lo. Kan inbiak thin lai pawn nangman i awmna leh i chhungte chanchin min hrilh kha..mak ti viau teh suh,min biak loh tak thut avang khan i lakah ka vui ru khawp mai."a ti hluk a.

Nge maw min chhuahchhal reng le? Nidangah ka hrilhfiah mai ang.

Re: Love christmas BY Basta Tlau (Completed)

Posted: December 20th, 2017, 6:33 pm
by Basta Tlau
LOVE CHRISTMAS-2
Afaki Basta
Car hnunglam atanga kan thil lei ho lakchhuah tuma kan din laia kawngkhara Nunmawii leh ka u te nupa rawn chhuak lam chu melh paha"minlo thiar luhpui ve rawh u.U, tinge engmah min hrilhsa lova,"tiin ka chhuahchhal nghal a.

"I la hre dawn tho a,ka hrilh buai duhlo che nih kha..Bazar a in lo inhmu hlauh chu a lawmawm khawp mai"tisam etin Upek'an pheikhawk dahna sai ip rawn dahchhuah chu a pu nawlh a.

Nunmawii lo nuisung chu melh kawkin"ka bulah,i riak ve law law thei,"ka ti hmuk a.

Upek'an"a hman lo,kan in lamah tih tur a neih vang nia,chhûn lama chawlh ka pek,"lo tivatin kan in panna step-ah tlangnel tawh tih hriat takin a pen chho pawk pawk a.

UDuhawm'in,min en vang vang paha"inlo inhria tih ka theihnghilh lek lek alawm,hotel enkawl tura mizorama a rawn haw hlim pawn kan pa(Nunkima)nen unau diktak i nih leh nih loh min zawt rêng sia,lut tawh ang u,"nuisangin a ti a.

Nunmawi'in ka kiu a rawn kheuh zauh paha"in inhre sa maw! Nge Bazarah khan hrelo awm taka i lo awm der vel a.Nang hian hmeltha i ti ve chiang mai."a ti sar sar a.

A benga pawhsak vak a"Hmelsek,engmah ka ti der thlawt lo,nge kan ina minlo thlen khalh thawt thawt a?Nangma vanga ka zah zia hi hre rawh,minti mualpho lutuk,"ka tih chuan "A na..Hmangaihzual,tawngpahin kut min thlak tawh suh.Kan boss-te chhungkaw bulah kan awm tih hre ta che,"min ti let hlarin inchhungah a pen lut a.

Inchhunga ka pen luh ruala Ka pa in"Ahmangaih, in thiandun khan in nau Rini saw eirawng lova bawlpui rawh u.zanriah eikhamah Pu chunglura te in lamah thalai in advance Krismas in hmanna turah hnatlan in ngaih kha,hengho hi chu kan lo pack fel mai ang."lo ti vatin a thil khawih a buaipui zui nghal a.

"Ka pa,in la haw hmanlo mi?"UPek'an a tih ruala ka nu chu rangzeta rawn hawichhuakin"Peka,kan inah chaw in ei tur thu Hmangaih'in a hrilh lo che mi?"a tih chuan ka nu thu min chah ka hrilh theihnghilh tih ka hrechhuak chiah.

Upek'an min rawn melh paha sofa-a thu thlain"kan buai angreng lutuk a,keimah zawkin ka lo theihnghilh daih lawm."tia ka pa thutna lam chu hawiin"Pa Hlu, Hmangaihi,nen hian kan inhmuh lohna a rei tawh sia.Ka lo hai hman tep alawm,"kan inhria a nih tih lantir tum niawm takin pangngai zetin a tih zawm a.

Phawk fe a hawikual chunga"nia,ka inthlak lawk dawn nia,"ti bah deuh nawkin Nunmawii chu ka room lamah ka kai phei dawr dawr a.

Ka pain"inhmelhriat tir in ngailo ni maw? A khaih khaih..a va mak dawt dawt ve,in nufa hi chuan engemaw hlekah in bula mite in tuar tir reng mai,"nui huah huah a,a rawn ti ri ka hriat chuan ka room kawngka ka khar chip nghal a.

Tullo lutuk..tinge khatianga kan inhriat thu a sawi lan kher?

"Hey, Hmangaihzual, Boss te hmuh laiin tiang khan min ti tawh miah suh.Upeka nen khan in inhriat thu ngatinge min hrilh ngai miah lova,insawifiah nghal rawh."ngaihdan nih loh hmel taka tiin min rawn kuah nawk nawk a.

Ka ke per paha"ka zah zia hi i hrethiam pha lovang.Delhi-a ka awm laia ka phone chhas tia ka hrilh fo che kha amah saw lawm.midang bulah engmah sawi miah suh."ka ti nghal a.

Ka hmai bul cheta rawn kun hnai a"tak tak maw! Amah Pekkima saw maw!ka awih thei lo,tlangval pangngai,nula tam takin an ngaihzawn rawn a ni saw.i hriatsual zawk aniang,"ringhlel hmel taka tiin a kuk raih a.

Nemsawn paha"mitdel,bengngawng leh rilru buai ka niin i hria mi?Upeka,sawn bialnu a neih leh neih loh i hria em?"tisapin ka jacket haklai ka hlip a.

Ka khum tlanga ke thluang duai chunga thuin"i inti neitu nghal ringawt a mi a?kan venga Model leh film star Arini sawn a ngaizawng tih chu vantlang hriat a ni.mahse,Upeka tak hian a ngaihsak vak pawhin ka hrelo.A rilru a that bakah mi tumah a be chhe ngai lo va.Zaninah pawh Arini chu Upeka te inah a rawn kal chiang viau ang.Kan venga Upeka te rawn insawn hmaa kohhrana a inhman peih loh tehreng nen,UPeka te rawn awm chinah inhmang ber niawm takin a lang a,ka mil thlawt lo. A nalh thei ang berin inchei la,Arini, i tluk lohna tur a awm miahlo nia."a ti chiam a.

Ka hmui tisawi zauh paha"ka zawt mai mai che nih kha..min bawl kher suh.Arini,te chu engtikahmah ka tluk thei ngai lovang.Rini, saw lova pui la,Ka inbual lawk a nga,ka rawn kal vat ang,engmah sawi miah suh aw."tia chah nawn leh ngatin wardrop atang bra leh underpant ka lachhuak a.

"Nangpawn kut min thlak tawh miah suh.Pa Hlua'an,UPeka te ina kal tura a tih ve che kha,inthlak nawn ngai lovin,incheisa rawh aw."nui hak hak paha tiin ka room kawngka a hawng a.

Kekawr dum a chhunglum tha zet leh high neck dum chunga coat uk ka mawng khuh ka hak hnua Boot dum ka inthawlh hnua darthlanga ka inen chuan ka hmel landan a pangngai viau in ka hria."chaw eikham hunah lip gloss leh mascara ka inhnawih mai ang,"ti rilru in ka room atang ka chhuak a.

Ka nu in mitmeng zim sana min rawn en ka hmuh ruala"I nau Rini,saw a hah tawh lutuk,"a tih chuan ka hmui tisawikhum zauhin"ka pui dawn lawm,nakina inthlak ngai lovin ka inha sa nih hi."ka ti vat a.

Min endan atang khan ka inthuam dan hi a duh dan a ni vaklo tih ka hria,ka hrilhfiah vat loh chuan sawi loh tur tur a rawn sawichhuak palh ang tih ka hlau.

"Rini,ringawt engkima rin fo loh tur.Eirawng i bawl chuan i sam kha tawn thin turin ka hrilh ngun tawh lutuk che,"rawn tizui hramin midang chu a melh kual a.Ka nu hi chu kan zah tur leh tur loh a ngaihtuah ngailo,a duh anga kan awmlo nia a hriat chuan a hmunah min zilhhau ve ziah. In lamah pawh ka hman a nih chuan kan awmpui tleirawl Rini hi thil tih pui turin min hrilh reng zel.

Ka sam tawn paha choka lam ka pan phei tur Upeka thutna lam ka mit sira ka melh chuan min en reng chungin a lo la nui suk zui. Kan chhungkua chauha awm ni ila chuan kristian hlabu mi"Thianghlim,thianghlim, engkim ti thei Pathian..."tih hla ka sak khum leh ngei ang maw le.

Choka chhung a ka pen luh ruala Rini'in (Kan awmpui)"UHmangaih, i van nalh em em? Upeka,sawn a i ma ta deuh tlat che in ka hria,kan ina a rawn kal hmasak ber pawn"i u Hmangaihi, hi a fel em? Tlangvalin an rawn rim thin em?"tiin min zawt a.Mak ka tihzia mai chu a.mahse,tun thlengin ka nu te bulah engmah ka sawi miah lo."ka bengbula zawi angreng taka rawn tiin a nuisang a.

Makti deuh taka Rini en chunga ka kawrban pawt tawmin"chutiang thu chu a zawt tak tak che a maw! Tawng zawi deuh rawh."ka tih chuan Nunmawii chu kan bula rawn dingin"Rini,i ti tak tak a mi?Upeka sawn a ngaizawng niin i hre ve a maw! Engtin nge i hrilh a?"a rawn ti sur sur nghal a.

Rin'in"ka hriat atang ngaihzawng i la neih ngai loh thu ka hrilh ve tawp.I la nei lo tir"phur aw zetin a lo ti vat a.

Ngaihzawng ka la neih ngai miau loh avangin Rini thusawi dan run hle mah ila,ka thinrimna tihlanna tur a ni lo tih ka hria.

Ner deuh nang nanga,Nunmawii chala kuk pahin"naupang mai ala nih hi ngaihzawng lam engmah sawipui..."ka tih lai taka choka kawngka lama"tui intur a awm em?" Upeka rawn ti ri ka hriat chuan ka hmui chip hmakin phawk fe in ka en ha a.

"Aw,awm e.tuivawt nge i duh,filter tui?"Rin'in nuisanga tia a pensawn chuan thawchhuak halh a,ka kut humruhin gas thuk awmna lamah ka phei nghal a.

"Tui vawt ka lo in ang.Ka mamawh zawk tlat."UPeka tih ri ka hriat rual chuan ka hmui ka pet zauh a.

Tui in chunga ka bula rawn dingin"Ka tan tiraw i inchei?I nalh khawp mai,"aw zawi deuh taka a tih chuan ka lu thing nawk a,Rini leh Nunmawii min rawn ngaihvenlo niawm taka an thil tih chhunzawm mek chu melh zauhin"teuh lo,ka incheidan hrim hrim nih hi..chimawm viau lo teh,ka lu i tihai zo vek tawh nia,"ka ti deuh hlar a.

A tui in tlak pap a,ka hmaizawna a kuttang pathum rawn tilangin"hei hi i hmu thei em?"nuihzat hmel fahranin a ti a.

A kut vaisawn paha melh kawkin"i kuttang pathum nih kha,chhuak tawh teh.midang an buai êm saw.Naupangchhia anga bâwl chi ka nilo,"uar zetin ka ti a.

A dar tiche zauh paha"Ka báwl lo che,nula kum sawmhnih paruk i ni tawh tih ka hre ve tho."ti ngutin ka hmazawnah a no ruak a rawn nghat chawrh a.

Choka kawngka a pel deuh awrh tih a,Rini te pahnih an hmui hupa lo nui dir tlawk tlawk ka hmuh chuan"enge nuihzat tur awm a?"ka ti hmuk a.

Nunmawi'in a pum dawm meuh a"ka awih thei lo,khatiang khawp khan in lo innel a nia.Hotel-a kan thawhpui hoten hmu ve che u sela mak an ti ngawt ang."tiin a nui tlawk tlawk a.

Rin'in, Upeka tihdan zir niawm taka a kuttang pathum rawn tilang paha"hetia a tih te chuan i love you a tihna nih kha..ka rinai i zeilo,chuvang niang thinrim hmel deuha a chhuah,"nui chungin a lo ti ve nghal a.

"Nang chauhin zeilo min ti,ka zirlai naupangten zei tia min star hlawmzia i hre lo nih kha,nui tawh suh u.Eirawng kan bawl fel vat a ngai nia."ka ti hluai a.

Dawhkan pakhata chaw kan kil laia upeka Nu'in"In thian duna in hnatlang thei hlauh chu a tihzia khawp mai.Kan awmpuite awm tho mahse,inchhung lampang kha inlo ngaihven deuh dawn nia aw."Nunmawii nena min melh tawn pahin a ti siam siam a.

Upek'an engemaw chang a,chik fahrana min rawn en fo ka hmuh thin avang in ka chaw ei chu tui ka tih leh tih loh pawh ka hrelo,ka lem duak duak ni berin ka hria,ka thil ei ngaihtuahlo taka ka thlenga hmarcha pum awm ka thial rual chuan ka mittui a tling pam nghalin ka hria,midang hmuh laia ka chhak chhuak a nih chuan an chaw ei a tuilo phah ang tih ka hlau bawk si.Ka hmui tikum phât in ka bowl-a antam tui hang chu banin ka lem pawp a.

Ka nu in"i eitur kha enchiang hmasa ve ta che,hmarcha i hmawm tih i hrelo mi?hmarcha ngam mang hlei lo in ei ve phêt i tum ziah mai.Fridge-a vur tlang saw va hmuam rawh."a rawn ti vin hlar a.

Ka nu han tawngtheih zia hi chu aw.UDuhawm'in"kan lo laksak ang che aw"a rawn tih chuan ka lu thing mat matin"a ngailo,ka eikham tawh dawn lawm,ka lo inlak mai ang,"tia si hlarh hlarhin ka thutna atanga thawh ka rual a.

Upeka nu'in"i la ei tlem teh lui nen aw...Peka, pawh hi hmarcha a ei loh chuan a mittui a tla phung zel,mahse,hmarchha tel lova chaw ei chu a duh leh dér chuang si lova."min ngaihtuah hmel taka tiin a nui ri hak a.

Upek'an"Ka nu, a tullo thei e mai.Hmarcha te chu kan chaw ei tifamkimtu lawm a nih le,Hmangaih,tui vawtah chini pawlh la in rawh."a rawn tih chuan a thusawi zawmin ka ti nghal vat a.

Tui khawihna hmuna ka no ruak hman hnu ka dah laia Rin'in"Upeka,thu i van awih sawt em em."a rawn tih chuan rang zetin ka hawichhuak a.

Rini tak hi chu aw..tleirawl kum sawmparuk midang pawi sawilo zawnga tawng duh tak a ni.Ka pa,thingtlang lama a zin rawn haw in hmeichhe naupang Kum sawmpathum mi a nu in ramdanga pasal a umsan daih leh Thla thum hnu lawka a Pa in engmah nat lawkna nei lova a boralsan ve tak kan ina awm tur leh kan naupangber ni tura a rawn hruai haw hlim a ka lainat ruk zia kha..ka nau ang taka ka en avangin keima tawkah fiamthu deuh takin ka zilh ve thin.

Midangin minlo enthap tih haider lui tang tang chunga Rini bula ding a,a lua chulsakin"Hindi zira class i kal hi ven uluk i ngai dawnin ka hria,tawngkam mak pui pui i chhar tan tlat"nuisangin ka ti a.

Min en paha"Awihawm loh e,tun te chu Upeka nen hmehbel ka tum vang che u lawm,"a tih chuan midangho chu an lo nui ri hak hlawm a.

Upek'an a mitko san zauha min rawn en ka hmuh chuan ka zakru tak zet, Rini tukkhuma nam bu lawp a"mawl lutuk"tiin ka kalsawn a.

Ka nu in"Hmangaihzual,midang kutthlak awlsam viau thin suh.Nangmah a nih kha mawl zawk,Hnatlang tur chuan kal ang che."vin hlara a rawn tih chuan ka ner sawk a.

Amah ka chhun avanga engemaw hleka midang kutthlak thin ka ni tih a haider lui leh tawh a niang.

Upeka,nu leh pa te khan eng angin nge min ngaih ang le? Rini thusawi kha naupangchhe tawng angin ngai hram se ka duh tak zet.

Ka phone message tone ri ka hriat ruala ka en chuan Nunmawi'in"In lamah ka inthlak ve lawk dawn nia.UPeka te in lamah ka lo nghak ang che.Zak duh miah suh"min rawn thawn ka chhiar zawh chuan darthlalang hmaa dingin mascara leh lip gloss ka inhnawih a.

Lukhum phiar dum ka khum mek laia ka room kawngka kik ri ka hriat a,ka va hawn chuan Ka U Nunkim'an"i thiannu in a kalsan tawh che nia.Peka,ruala i kal angai dawn.Fimkhur takin awm la,midangin an zuam theih turin khawsa suh.Christmas boruak vuak vet lai hi chuan nun uluk a ngai nia,"a rawn ti lut a.

"Rini,kha a ti anglo e..UPeka,chhungte ka zah zia kha,ka nu lah hian engmah ngaihtuah lovin min vin ve ziah lehnghal."ka ti nuah nuah a.

"Nakinah ka nu chu keiman ti tawh lo turin ka lo hrilh ang.Peka, pawh hi tlangval pangngai tak mah nise,i hriatchian hma loh chuan alakah fimkhur takin i khawsa dawn nia.I inpeih tawh chuan lo chhuak ve tawh rawh,"tiin ka darah a rawn kuah a.

Sitting room lama kan chhuah phei laia Upeka Nu'in"Ahmangaih,in lamah kan awm thei si lova,minlo ngaihven sak hram rawh aw,"ngainatawm zeta a rawn tih chuan"Aw le,puih in ngai zawklo maw?tuam tur ala tam si a."ka tisap a.

"Kohhran programme awmna lamah va inlan zawk rawh u.Lawmkimi te nupa nen kan theih ang tawkin kan lo ti ang."Ka pa in a rawn tih takah chuan Upeka dinna kawngka lam panin ka phei a.

Ka pa hi chu kohhran thil tih a ngaipawimawh thei ve ngawt mai.

Ngawi renga step-a kan chhuk thlak laia ka hnunga Upeka kalin"i lungawi vak na nge?I nau nge,keimah lakah zawk?"a rawn tih chuan hawi let duh hauh lova step-a pen thla hmawk hmawkin"Lungawilohna chhan tur engmah a awmlo.min be reng loh teh."ka ti hmuk a.

"Anih i hlim a mi? I hlim chhan pathum tal i sawi thei ngem?"a rawn ti leh ngat takah chuan ka ke per tan tan a,rum zeta melhin"Ka hlim chuanglo,I nu leh pa te khan,nangmah beisei emaw ngaizawng viau anga min ngaih ka duh miahlo nia,"ka ti chiam a.

A dar san ak paha a kekawr ipte zenin"Ka nu leh pa te chu puitling kum upa tawh an nia,engkim a tha leh tha lo an thliar hrang thiam vek tawh.Kal vat teh ang,kan tlai lutuk chuan kan OB te ho ngaihdan a ni lo palh ang,"min kalpel pahin a ti ta daih a.

Car hmalam kawngka ka luh theih nana a hawng ka hmuh chuan a hnunglam kawngka chelh lui ngatin"a pawi i tih loh chuan a hnungah hian ka thu zawk thei ngem?"ka ti a.

Ka ban bula rawn chelh a,a lama min pawt phei dawrhin"Pawi ka ti ni mai rawh se.Ahma pawn i chuang tawh tho lawm,engvanga min peh hel duh thut nge i nih?Nang nen hian kan inhip tawn hle a ni tih hi theihnghilh ngai suh."a ti ngut a.

Kan awmna bul vela midang awm leh awm loh melh kual paha"min thlah teh,zan thim hnua hetia khawlaia awm ka duh miahlo nia.Kan inhip tawn bawk lo.."ka tih zo chiah chu Ka bengbula rawn kun hniamin"A va pawi ve...kan chaw ei laia i buai tak viau nachhan kha keima vang niin ka ngai asin.Chuan gym-a min hmuh pawh khan min ngaihven nghal hle a nih kha.."ngeiawm fe in a tisup a.

Ka kut lehlama nem paha"a teuh lo lutuk,naupangchhia anga zam mai mai rual ka ni tawhlo,i lo inla hmeltha hle mai,"ti deuh hmakin car seat-ah ka thu lut chawrh a.

Kawngka rawn khar paha"ka hmeltha thu min hrilh tu an tam tawh vang pawh a ni mahna,nangpawh tiamin,"a ti deuh kher a.

Nge maw min tih zah tum a, hun kal tawha kan thil tih leh thusawi a rawn sawichhuah fo mai le?sual thiam leh lutuk!

Driver seat-a a rawn thut hniam sat rual a"Ka nu in thu pawimawh a chah che kha aw.midang bulah khatiang thu kha a sawi ngai miah lo nia."tia car a tih nun chuan maimiching chunga inkuangkuah thanin"in awmpuite pawh an awm thu a sawi reng kha..khawi hmunah nge in awm a?"ka ti hmuk a.

A hrawk thian ri kharh a"mahni bialpa te an vin reng ngailo nia.midangin kan inhau emaw an ti reu reu nge aw.Veng tawp lam deuhah kan awm,"pangngai taka tiin car stearing chu hnehsawh zetin a tuai vir nghal a.

Hahh..ka nuih pawh a za mai mai lo,ngatinge hetia a awm tlat le?ka rilru a tibuai tak zet.

Thinur ru taka ka lukhum hlip paha"ka bialpa angin in sawi tawh suh.Nang hian Krismas bawr vela flirt pui min duh vang chauh a,hetia awm tlat.."ka tih lai meka car tiding dawta a kut veilama ka dara na zeta rawn hmer sawkin"ngawi hmak rawh..Rawlthar,thaza rual leh Krismas boruak avanga nawmchen duh niin min ngai a mi?"aw thum teng chuai a tiin ka bul chetah a rawn awn hnai a.

Thinrim tih hriat zeta a thaw huam huam ri chuan min tizam ru tak zet,ka mit khap fak a hawisawn ka tum chiah chu ka lu a rawn chelh betin"inngaizawngte chu an infawp thin tih i hriat ka ring,"ti hlukin ka hmuiah uar zetin min rawn fawp bawrh bawrh a.

Nemsawn tum rilru a awm zawna ka kut dinglampang ka dah rual a,a lungphu dawt dawt ka hriat chuan;ka kut chu thir hip theiin a man beh ang maiin a awmzawnah ka dah mawl tawp ringawt a.

Rum deuh nguta min fawh dan thlak a,zawimuang leh uluk zeta min rawn fawh chuan maimichhinga thaw ham hamin ka lo fawp let ve nghal a.

Ka fawh let ruala a kut lum thar thar chu ka dul chhunga zen chho in ka bra haklai chu zei fahranin a nawr chho a.Ka hnute lawng a rawn hup chat chuan ip deuh zawk paha a awma namin"ka duh lo"aw tial ruaia ka ti a.

Ka hnute hmur na vak lova, hmet hrual zauhin"he thil hi khawih ka chak theih zia i hrethiam ve kher lovang,"thaw huam huam chunga tiin ka hnute lehlampang chu a kut lian tha zet chuan ka hnute a hup nghal chat a.

"UPek"aw lawi sin rata ka tih chuan ka chal leh a chal rawn insiktir vang vangin"ka ngaihtuah fo che tih ka sawi kha,chuti chung chuan hmeichhe dang tumah ka buai thei ngailo,nangpawn mipa dang ngaihven lo la ka duh a ni"aw thawp sapa tia,ka bra leh kawr chu amah ngêiin min siamthat sak lehin a kut chu zawimuangin a lachhuak riai riai a.

Boruakah ka thlawk delh delh ni berin ka hria,ka zak a,nuam ka ti tho bawk si.Ka awmdan ber pawh ka inhrechiang thei tawh lo.

A kutzungpui hmanga ka hmui a tih hnawng zawh chiah rawn tuai paha"Vawiin ni(December ni 22) hi engtikahmah ka theihnghilh thei tawh lovang.Ka duh lutuk che,han ti leh teh?"a tisup a.

A kutzungpui dah thlaksak paha"kal tawh teh ang,kan tlai nge?"aw sin rata tiin ka sam leh kawr chu kut khur dar darin ka siamtha a.

Mitmeng zim sana min enin"Phone-ah pawh i sawi theih tho a,tuna sawichhuah leh hi a har viau a mi?"a rawn ti ngut a.

A dara chumsak a"sawichhuak ziah lo teh?A zakthlak nia,"ti hluaiin ka biang sa hat hat chu ka dawm a.

Ka awmdan hrethiam tih hriat zeta driver seat lama thu tha in"i zak hmel duhawm tak hi hmuh a nuam tlat"nuisukin ti lui ngat a.

Ka biang la dawm reng chunga"sual thiam viau lo teh,"ka tih chuan"okey,love..ka fiam mai mai che nih kha.."tia nui sukin a tlanchhuak a.

"Love a!.kha tin min ko kher suh."phawk fe a tiin ka hmuiah tender care ka coat ipte a mi chu ka hnawih nghal a.

"English'in i hming ka lam ve ni mai lawm.minlo hnawih ve rawh,"thawven hmel fê a tiin a lu chu a rawn dah hnai a.

A hmaizawna tender care bur lek paha"ka hnawih sual palh ang che..kha nangmahin inhnawih ve mai rawh,"ka tih chuan"a ho e mai,he motor kher hi chu ka khalh ngai lova,ka kut khing khata ka chelh chuan ka chetsualpui palh ang che,"thu tak zetin a ti a.

A van awihawm loh tak..ka hmui tipawrh paha hreh rilru zeta tender care chu kawmin kut khur dar darin a hmui zawnah ka kut lek a.

Amah zawk kun hnai a"i zam viau chuan i school naupang angah min ngai mai rawh."pangngai zeta tiin a khisuk a.

Ka duh avanga khur ka ni tawp silo,hetianga ka awm fo mai hi ka inhaw ru tak zet,a tih rehna damdawi awm se ka ti ngawt mai.

A hmui mawm hlup khawp a hnawisak a,ka kut lasawnin"ti kha chuan kumin chhûng a daih thei ang che,"tiin ka fiam a.

Nui ve huk paha a kut lehlama a hmui khawihin"kan thianten zawhna min zawt a nih chuan ka bialnu duh dan a ni tih ka hrilh zel anga ni mai lawm,"a tisam et a.

Tawng ka tum lai taka kan hma lawka in lian tha zet eng uar mai leh krismas hla play ri ka hriat chuan phawk fe a en in"hei hi nangmahni in maw!in van sa chak em em!a nalh ropui sia,"ka tichhuak hluai a.

"A va lawmawm ve.mahse,Ropui tih kha chu tel kher lo teh"a tisup a.

He in an rel laia motor kawnga Nunmawii nen kan kalpelh changin"Tu insak nge tih leh a satu te chhungkua chu an hausa viau ang" tiin kan sawi zui ngei ngei thin.

Hung chhunga kan tlan luh hnu lawka motor dang bula car chu dintirin"garrage chhungah dah lut rihlo mai ang.Ka thlah haw leh che a ngai dawn nia,"a tih chuan kawngkhar hawnna chelha hawi pheiin"Nunmawii,nen kan haw mai ang.Kan ina riak turin ka sawm a,scooty tal ka lo khalh thiam ve lo hi a pawi ngawt mai.Hun remchang ka neih ve leh ka zir ve hrim hrim ang.midang tihbuai reng hi a nuam lo"ka ti nghal duah a.

Re: Love christmas BY Basta Tlau (Completed)

Posted: January 3rd, 2018, 7:25 pm
by Ngaia
LOVE CHRISTMAS-3
Afaki Basta
Driver seat atanga chhuk thla paha"I khalh thiamlo hi a vanneihthlak daih zawk.Hmeichhia hi chu engemaw hlekah in buai hma si a.Nang hi,chuan Motor khalh ve lo law law mai rawh."a ti ngut a.

Tawng ka tum lai taka kan piah atang"inah i awmsa turah ka ngai a,in awmpui ten Pa Hlua te inah zanriah in ei thu min hrilh a.Oh, Ahmangaih,i rawn haw ve ni maw?Lunglei,lam chu i ngeih hmel hle mai.In thalak Pa Kailian'an, group lama a rawn post dan atang khan i luck hmel khawp mai.."Arin'in phur hmel zeta rawn tiin ka hmazawnah a kut a rawn phar a.

A kut chelsak paha ner nawkin"Model i ni a,thalaka kan awmdan leh landan hi thu taka lak chi a ni lo tih kei ai i hre chiang viauin ka ring asin.Ka kalsan tawh ang che u."aw chang faka tiin ka inher nghal a.

Pu Kailiana(Kan vengpa,Lunglei school-a ka thawhpui)thla min laksak chungchang a rawn sawichhuah dan atang khan pangngai takin min lawm dawn lo tih ka hresa vek!

Arini,nen hian kan naupan tet atanga veng khat leh kohhran thuhmun a awm ni mah ila,Kan inkawm ngai loh mai bakah kan inbe ngailo hrim hrim.

Ka hnunglam atanga Arin'in"A inla ve ngawt mai.UPek,inchhung lamah lut ila,"a ti ri ka hriat chuan ka hmui hnuai pet zauhin midang awmkhawmna lam ka pan phei nal nal a.

Kan thianpa Buangpui'an"Ahmangaih,i rawn haw dawnlo emaw tiin hreawm kan lo ti hman tep asin,he lamah minlo awmpui rawh."fiamthu taka a rawn tih a,ka pan phei chuan midangho in Buangpuia nen minlo dem fiam laih laih a.

Kan kohhrana tlangval chimawm leh mi fiam hrat ber mai Remruat'an"Ahmangaihi, rawn haw chu..nuam ti fe fe an awm maw le..A rawn haw dawnlo emaw tiin Buangpuia phei chuan Lunglei lama zin a tum uk uk niin a nu'in a sawi."a rawn tih chuan ka leichhuah khum vak pahin Buangpuia te thutna bul awl laiah ka thu thla nghal a.

Kan awmna lam pana Upeka leh Arini rawn kal ka hmuh chuan ka thin zawn hi a tawt up up in ka hria.Awmdan tur ka hriat mai loh avangin rang zetin ka hmaa hrui inzam chu ka ban ringawt a.

Remruat'an nui huah huah chunga engthu emaw a sawi chu ka hre hleithei dêr lo mai.Buanpui'an ka thil khawih lai min lak let sak paha"midang chu nila ka pen fawk tawh ang che.Kan remfel sa i rawn tibuai leh vek alawm,"phun nuah nuah chunga a tih chuan ka coat ipte zenin ka thu ngil at a.

Ka thutna piah a mipa pakhat'in"hmeichhe nalh duhin khaw vawt an hrelo tih tawngkam hi Arini, vanga an hman a nih ka ring.Mipa pangngai tawh phawt chuan hmeichhia mahni taksa pholang tam leh engtik lâi mai pawha in show tum ho hi nupui atan kan duh ber lo.Rilru leh taksa thianghliam hi kan en tawh zawk."zawi fiah deuh taka a tih chuan ka rilruin"tumah thianghlim famkim kan awmlo"ka lo ti a.

Buangpui'an"Ahmangaihi,anga hmeltha leh rilru tha ni se la.A tha vel vek a ni mai,mahse,thinchhia in midang kutthlak hrat ve kher lo se."nui hawk hawk chunga tiin a thlesawn vat a.Ka chum dawn emaw a ti leh tawh niang.

Kan hma chiaha Upeka leh Arini rawn ding dun avang chuan ka kut pharchhuah ka peih hlawl lo.An hmel ka hmuh peih loh avanga kan hnunglama midang thil tih lai chu thlekin"engthil nge tih la ngai a?"ka tisap a.

"Hmangaih,inchhung lama min rawn zui lut lawk dawn mi niang?Tih laklawh i neih chuan Arini, hian lo tihsak che sela,Ka nu,thusawi kha hrilhfiah che ka duh a."UPek'an aw zawi leh fiah kek kawka a rawn tih chuan phawk fê a enin ka dak chho ha a.

Arin'in"Engthu nge a sawi a?engmah tih laklawh a neih chuan loh hi..inchhung lamah lut ang u."nuisanga tiin mitmeng nelawmloh zetin min rawn en a.

Kan piah atanga Remruat'an"Arin,Hnatlang tura chhuak i ni nge?In neitu Peka bodyguard ah i tang zawk?I hnatlang dawn nih chuan stage lamah i thiam zawng a awm ang."ring lenglawnga a rawn tih chuan Arin'in"Midang awmdan ah ringawt buai viau suh.Ka duh duh ka ti ang"ti let hlarin mawng sawi lawk lawkin a kalsawn a.

Arini kalsawn ka enzui reng laia"In laklawh loh chuan Hmangaihi, hi kan hruai hrang lawk aw?"UPek'an rawn tiin ka banrekah nghet zetin a chelh bet a.

Mipa pakhat'in"Kan laklawh hleinem,Buangpuia,ti hlim tura ka thuttir a ni kha.."fiamthu zeta a lo tih chuan ka hawikual ruai a.

Buangpuia mai bakah midang ho in mak tih hmel takin min rawn en reng a ni tih ka hriat chuan ka zak ngawih ngawih.

Ka thutna atanga ka dingchhuak ruala Nunmawi'in"awi thiante u,ka rawn hma thei thlawt lo.min hrethiam rawh u."thaw hlawp hlawp leh nui var var chunga a rawn tih chuan mitmeng zim sanin ka en a.

Kan awmna lam a rawn hawi ruala"UPek,inlo thleng der tawh e law?Ahma,upeka a awm tho sia,ka kalsan che nih kha,"pangngai taka tiin min rawn pan phei a.

Hla play lo se chuan compound chhunga awmten Nunmawii tawng chu an hre vek ngei ang.

Kan bula ding Buangpui'an"in rawn kal rual e law!"phawk fê a a rawn tih chuan Upek'an"Aw,ka nu in thil eng eng emaw a chah a,inchhung lamah ka hruai lawk dawn nia."tiin min kaisawn nghal a.

Nunmawi'in ka hnunga min rawn zui paha"Ahma,zanin chu ka rawn riah theih loh hmel e..zing karah ka nu leh pa ten tih tur an nei a.In lama tumah awm loh tawp chu tunlai boruakah a chi loh a ni."a tih chuan ka ner sawk a.

Remruat'an kan hnunglam atanga"Peka,inchhung lamah chuan monu interview in nei dawn a ni maw?"nui uar uar paha a rawn tih chuan hawilet zauh paha a kut lehlam pharin"A tling chiangsa lawm,a tello chuan engmah kan tih hleih theih lo...ti hian ka char bet tlat mai dawn nia aw."aw zangkhai zeta tiin min chelh nghet sauh a.

Upeka tawng zawh rual chiaha midangho uar zeta an lo nui khek ri ka hriat chuan ka tawt up up ni berin ka hria.Kohhran thil avanga hnatlang a awmkhawm ni mah ila,Thalai rual inngam tlang tak awmkhawm an nih mai bakah,kan hma lawka christmas lo thleng tur avanga rilru phur sarh hlawm an ni a.An thawm pawh a tha ham ham hlein ka hria.Ngei ru zet chunga melh chho paha"fiamthu thawhna hmun a nih loh hi..misual tlanbo tur ang maia min chelh beh kher a ngailo,min thlah rawh."ti hmukin Nunmawii midang bula a kalsawn ta daih chu ka melh a.

Ka tawng ngaipawimawh lo tih hriat taka min chelhna thlah duh lovin"Fiamthu ka thawh lo,Buangpuia te leh mipa dangin ka lak atanga an hruai sawn che ka duh lohvang zawk a ni."tizawi supin min kal chakpui sauh a.

Sawi mai tur pawh ka hrelo,a awmdan tinreng mai hian min ti hamhaih a ni ber.Phone atanga ka lo Ck pui ta kher kha ka inchhir tak zet,mipa langtlang tak a ni tih chu ka hria;mahse,hetiang tak hian zahna a tlachham ang tih leh midangin min sawi dan tur a ngaihtuah pha miah lo tih hi ka ring pha hauh lo.

Kawngka chhah leh rinawm hmel zet a pawh hawn laia kan hnunglam melh zauha thawhalhin"midangin min rawn enzui reng a nia.Inchhungah ka lut duh lo,hnatlang tura chhuak ka nih hi.."tia tan ka khawh chuan ka kawnga rawn chelh vatin"thil diklo engmah kan ti dawn lo,hlauthawng lovin ka bulah awm ringawt rawh,"thupe awm zetin a ti hluk a.

Inchhung éng pup ah chuan a hnuhin min hnuk ni berin ka hria.Kawngka bul lawka christmas tree lian leh nalh zet êng sep sep enchho ha paha"a van nalh ve,"ka tih zawh ruala ka bengbula rawn nui hukin"a tluk lo che."a rawn ti vat a.

Ka hmui tisawi zauh paha hawisawnin"Arini,pawh a tluklo lehzual ang."ka ti ngat a.

A phun hluk ri ka hriat ruala min kuahna zawimuanga la thla in"I thik a mi?"a tih chuan uar zeta ka lu thingin"a teuh lo,"ka ti hluai a.

Engmah sawi zui tawh lova a ngawih avang chuan hma lama kal phei in ka hawikual a. An light khai bawr lian leh nalh zet mai bakah,an inchhung awmdan leh an bungrua hunte chuan mi pangngai chunga leng an ni tih lantir chiang hle in ka hria.

Kan awmna lam pana Nu pakhat apron hreng rawn kal phei ka hmuh ruala Upek'an"Pi Muan,ka intifai chhungin ka bialnu Hmangaihi, hi lo awmpui lawk rawh aw.Ka rei lovang,"pangngai zeta tiin ka hnar hmawrah a piai zauh a.

Phawk fea en paha"Upek"ka tih deuh hluai chuan a mitzo san ak a"ka rei lovang, Love.pawn lamah lo chhuak suh aw.Nge ni a,ka room lamah min rawn zui duh zawk?A fel fai vak lo a."tiin min en reng a.

Ka kut phar hluai paha"tiang khan minko tawh suh.kal mai teh."ngei zeta ka tih chuan a phone khawih nauh nauhin inchung pana step sailungvar hlanga siamah a pen chho nghal a.

Upeka,inthazo hmel taka a kal chho enzui reng paha ka awm dawm a"ka awih thei lo,"zawi sapa ka tih chuan Pi Muani chu nuisanga ka bula lo dinga a kut dinglam rawn pharin"Hmangaihi maw i nih?khawi vengah nge i awm a?Peka,chu a hlim hmel hle mai,bialnu a nei tih ka hre ve chiah,"a ti sang a.

Lai ru tak chunga a kut vuanin"Ahh,ih hemi veng ah tho alawm kan awm,ka pa chu Pa Hluzuala nia,"bah deuh nawk nawka tiin ka thaw halh a.Upek'an a bialnu anga min sawi thut avang khan ka la pangngai hleithei meuh lo.

"A nih chu...ka hmu ngailo em che a,i hmeltha hle mai.i vawikhat rawn kalna a ni sia,inchhung hi i enkual duh em?Peka,hi chuan kan lakah engmah a zep ngailo,Inthlahrung suh aw."nelawm zeta tiin a bu nghat a.

Engtin nge a bialnu ka nilo tih ka hrilhfiah tak ang.Kawngkapui rawn inhawng a Arini leh Nunmawii, hmanhmawh hmel zeta lo lut ka hmuh chuan Arin'in"Hmangaihzual,mipa ngaihsak awmlo takin i khawsa a,a rukin Pekkima hi i nu leh pa te nen tangrualin in lo zar buai char char a ni maw?"aw fiak leh thinrim hmel taka tiin ka hmazawnah a rawn ding a.

Ka kut humruh chunga chhan dan tur ka ngaihtuah lai taka Nunmawi'in"Ahma,kohhran thil avanga heta awm kan nih hi,engtinmah ti let ve miah suh aw.Pawn lamah chhuak ang,"tia min rawn chelh chuan ka hmui hnuai petin ka zui a.

Ka nu leh pa a rawn sawi lan avang khan ka thin a rim tak zet..kawngka zawna kan awm laia"Pi Muan, khawiah nge Pekkima a awm a?Instagram lama a thalak upload kher hi a tullo lutuk,delete rawh se"tia Arini tawng ri ka hriat chuan ka ke pen tawp chawtin ka hawilet a.

Nunmawi'in"in pahnih a thalak dunna facebook,I.G leh Whatapps lamah upload in,a caption atan 'my love'tih a hmang a. Kan thian dangte pawh in inngaizawng turah an ruat vek che u.UPeka, chu a room lamah a awm mi?Ka thlah haw mai ang che aw,helai hmunah chuan i tan awm reng a nuamlo palh ang."min ngaihtuah zetin a ti a.

Ner deuh nawka"thalak chu minlo hmuh lawk teh?"ka tih chuan a kut lehlama a phone kenlai chu rawn ti langin Upek'an Hotel-a min fawp lai thalak chu ka hmu nghal a.Engtin nge a phochhuah ngam zawk.Amah leh amah a intimualpho tih a hre lo maw ni le?Ka pum te lah chu a let but but ni berin ka hria.

"A sir zawngin i lang hlauh a,nangmah hresa lo tu chuan an hre ve kher lovang che.Keipawh hian mak ka la ti lutuk.UPeka, ngeiin a upload a ni bawk sia.Arini,thinrim chiam pawh kha a dem awm bik hauh loh ni aw.A atchilh thei lutuk a.Engmah sawi suh aw,midang an rawn kal nia."zawi sap leh min vengthawng taka tiin ka banah a rawn kuah nghal a.

"Engemaw tal sawi rawh" pawh ti mahse ka chawmawlh vek avangin engthu mah ka sawichhuak thei rih kher lovang.

Kan hmazawna UDingngheti leh UBti kan venga Nula senior ber pahnih rawn ding ka hmuh chuan UBti zawkin"Ahma,i van lo che rang ve..engtik atang khan nge inlo inkawp reng reng a?i van fing bik tak,nangmah beiseitu tlangval dang hnarin,Mizorama tlangval luck leh Laltê chanchinbu in kumin a mizo mipa sexy bera an thlanchhuah nen in inkawp bik a.Engtin nge i..."a tih lai taka tawp chawtin kan hnunglampang chu mitmeng bial kawkin a en ha a.

Upeka aw in"Inchhung lamah ka zawng che a,minlo chhuahsan daih ni maw?"a rawn tih chuan rum zeta melhin ka pensawn hlawk hlawk a.

Nunmawi'in"Haw i la duhlo mi?"midang hriat hlau tak leh ka ruala pen paha a rawn tih chuan ka lu bu ngatin"Duh mai mai lo,thalak avang ringawt a,kohhran programme ka thulh nachhan tur ka hrelo."ka ti hmuk a.

Ka dara rawn kuah lawpin"Hey,Ka chunga thinrimna tur i nei miahlo nia.UPeka,nen hian in inhmeh tawp,"nuisanga a tih chuan a nak zawna nghawkin" engmah sawi tawh suh.UPek'an min rawn zui em?"ka ti zawi sap a.

"Zui lo,Nula Senior pahnihin an la be rih.Remruat,chimawma a rawn nui thu mai."a ti sar sar a.

Mit zim san chunga ka hawichhuah rual a,Kut lo beng dar dar ri ka hriat chuan Kan OB-te ho chu hmun khata lo awmkhawm laihin an zinga mipa pakhatin"Peka,lo phei ve vat teh.In thiandun hian chibai che u kan duh nia.A ruka inngaihzawn kual hrep ai chuan zahawm taka midang hriatpui a inngaihzawn hi a that zawk chang a awm nia,"nui thu chunga tiin min rawn pan a.

Midangho in an thil tih lai chawlhsan meuha inbe ru sep sep chunga min endan atang helai hmuna awmzui zel chi ka ni ve lo tih ka inhrechhuak nghal.

Zam leh zak tak chunga kan OB-te nena kan inchibai zawh chuan ngawi rengin Upeka te gate lam pan ka pan nal nal a.

"I haw mai dawn mi?kan la ngai ve che lawm"

"Hmm,A bialpa laka a thinrim avangin haw a tum ringawt niang.Bialpa neih a thiam ve lo"

"Engtik atang nge an lo inngaihzawn reng reng le?A mak e.An chesual tawh hial ang a?thalaka an awmdan atang hian.."rawn ti nuah nuah ri ka hriat chuan ka rilru a na takzet.

Mi awmlohna lai ka thleng chiah tih chuan ka kut lehlama ka mittui hruin,ka insut hraih a.

"Engemaw i hriat le?Puitling kan ni tawh,kan inkawp a rem lohna chhan tur pakhatmah a awmlo,"UPek'an rawn ti hrawkin a lam hawi turin ka darah min rawn kuai her dawrh a.

A kut dahthlaksak tum paha"nang nen hian kan inkawp ngai lovang,engtin nge kan thalak te kha i phochhuah ngam zawk?I hmeichhe mutpui tawh te zingah chuan min chhiar tel ve miah suh ang che."thinrim awm khur hlawk hlawk chunga tiin a awmah a ka chum vak a.

Phun deuh hluk chunga ka bana rawn man betin"A rei tawh lutuk,mihring dawhthei leh ngilneih tak ka ni bik lo nia.Nang hian engmah sawifiah lovin ka lak atang i pilbo hmak a.Tunah chuan ka duh dan ang zêlin i awm ang."aw chang leh thupe aw zeta tiin a car kawngkhar chu a pawt hawng rawk a.

Ka laka a thinrim vang niang hetianga min tih mualpho a tum,tang deuh tun chunga car kawngkhara inbengkhalhin"Hun kal tawh avanga phuba lak tum kher te chu a Kristian loh thlak mai bakah a puitlin loh thlak.Khatiang mai mai te chu theihnghilh ve mai la,midang pawh an Ck ve thin fo alawm,"ka ti hluai a.

Ka beisei loh dan taka ka kawnga min rawn pawmkang nawlhin min vir pui a"midang ang ka ni ve lo tih ka hrilh nawn leh a che.Naupangchhia ang maiin nang hian min awmtir a ni.midangin min rawn thlir reng nia,"ti hlukin car seat-ah min dah lut chat a.

Pawn lam atanga kawngkhar a kalh lai chuan darthlalang beng chawrhin"ka chhuk duh,kawngka hi lo hawng rawh,"mittui tling par chungin ka ti vin hlar a.

Min melh reng paha Driver seat lam panin"a hunah chuan ka chhuktir tho ang che.mahse,ka thusawi i ngaihthlak hmasak phawt angai ang." ti ngutin driver seat-ah a rawn thu lut a.

Thinrim teuh chunga kutthlak tuma a lama kut ka phar chiah chu nghet zeta lo manin"Awm tha hle hle rawh"tia an kawt a hnatlangho awmna lam mitmei zauhin"midang tan ennawm siam i duh loh chuan.."ti deuh kherin ka kut a man beh chu fawp vang vangin ka kuttang pakhat chu a hmuam thut a.

A chetdan teh thut chuan minti phu nasa kher mai.Mak tak maiin ka kuttang tui tih hmel niawm taka a fawh dawk dawk chuan ka kawchhung lampang atang ka taksa a rawn tek chuai chuai hialin ka hria.

"Engthil nge maw i tih le?" thaw deuh hluai chunga tiin ka kut chu ka pawtchhuak nghal a.Ka aw chhuak rawn lai sin rat mai chu ka duh lo tak zet.

Re: Love christmas BY Basta Tlau (Completed)

Posted: January 3rd, 2018, 7:25 pm
by Ngaia
LOVE CHRISTMAS-4
Afaki Basta
Thawchhuak halh chunga car tinung a,khi deuh sukin"tisa takin kan inhip tawn a ni tih leh kan inrem thlap a ni tih hi i hria em? tuna i awmdan kha mi pangngai awmdan a nih kha.."aw thawp sapa tiin min rawn melh zauh a.

Ka kut tuai nauh nauh paha ka mit khap fakin"chu thu chu mi i sawi duh,a nih chuan i thusawi ka ngaithla tawh a,ka chhuk thei tawh ang tiraw?"ka ti ngat a.

Engmah sawi lova chak zeta tlanchhuakin hmalam a melh ngur ringawt a.

Kan in panna kawng lam min zawhpui lo a nih tih ka hriat rual chuan hlauthawng deuh taka melhin"khawiah nge kan kal dawn,in a haw ka duh.Ka chhungten minlo ngaihven tawh ang.Ding rawh hetah hian ka chhuk dawn."ka tih hluai a.

Ka thusawi ngaihsak lo zeta motor chu khalh chak sauhin kawng reh raih mihring kal ngai lohna tih hriat taka ding deuh chawtin"i rilru dik tak min hrilh rawh..."a ti thum bul a.

Makti deuh taka en chunga ka kut chu ka awm zawn a dah vatin"eng chu maw!"ka ti ha a.

Thawchhuak hawk paha chiang zeta min melh ngurin"nang anga ka rilru leh thinlung luah tu hi ka nunah ka la tawng ngai lo..min biak loh tak hnu khan thla ruk chhung zet chu nangmah ngaihtuah loh tumin ka rilru ka siam a,a harsa khawp mai.mak pawh ka inti hle bawk.Ka duh che a,i tawngka ngeia min chhanletna thu hriat ka duh a ni."a ti charh a.

Ka coat tlang zut nauh nauh chunga"kei hi min duh a maw?min hrechiang bawk si lova."ka tih chuan"kan inhrechiang zawm zel mai dawn alawm..aw nge aih,tunah min chhang rawh?"a ti ngut a.

"Mahse,ih.."ka tih laia a kut rawn pharin"mahse tih a ngailo,i thu tlukna chu min hrilh rawh.."dawhtheilo aw zetin a ti hmuk a.

Tinge hetianga a awm tlat le?min tibuai tak zet.ka ke per paha"hetiang ringawt a ni thei lo,inngaihtuah ve te pawh angai lawm."ka ti let hlar a.

A sana bunlai en paha "minute nga hun i nei,tikhan lo inngaihtuah rawh."tia chhuah a tum chuan hlauthawng ru zeta pawn lam thim mup mai chu enin"keimaha min hnutchiah i tum mi?khawnge i kal dawn?"rang zetin ka ti a.

Dik tak chuan hmun reh leh thim raih mai hi ka naupan lai atanga tun thlenga ka thil hlauh ber a ni.

"I thu thlukna nghakin pawnah thilfim ka dawng dawn,"ti bul hmukin a chhuak nghal daih a.

A va han sual thiam e aw.Ka bialpa atan min care em em tu leh min thlamuantu asin ka duh..hmeltha tak ni in min hip hle mahse,min ngaihsak loh chuan ka duh awm lo.

Ka coat ipte a Phone ka dah a rawn nghawr dat dat chuan phawrhchhuakin Nunmawi'in Message min rawn thawn"An sawi zui nasa lutuk che u nia.mahse,engatanmah ngai miah suh,an thik vang che niang.Boss, tluka mipa tha leh rintlak an awm lovang."ka chhiar zawh rual chuan delete nghal hmakin ka maimichhing sawk a.

Kawngka ri ka hriat ruala"hun i la mamawh belh a mi?"Upek'an a rawn tih chuan"in ina awmte khan inngaizawng emaw min ti vek ngei ang.Hnatlang a awm luih ka tum tehreng nen midangin min endan ka hmuh khan nuamlo ka ti tak zet,ngatinge thlalak kha i upload a?"tiin ka lo chhuahchhal a.

Driver seat-a thu thla a,kawngka chu kharin"Thildang ngaihtuah suh.Aw nge Aih tiha min chhan dawn,?a rawn ti nawn nghal a.

Ka kut phar deuh hluai paha"min nawr sek suh,ka bialpa atan chuan min hmangaih tak tak tu mai bakah min care tu asin ka duh,hmel ringawt ka en dawn lo,"tiin ka inkuangkuah than a.

A tukkhum zawna a kut suih a,seat nghenga maimichhingin"midang thusawi leh awmdan avangin i nundan thlak danglam kher tum duh suh.mihring tumah fel famkim kan awmlo..ka fawp thei che ngem?"tiin ka lamah a rawn awn hnai a.

A thusawi ki a thlak dan teh thut chuan minti hamhaih lutuk tlat,meng bial kawk chunga"ehh eng.."ka tih laia a kut vawt thlara ka nghawnga rawn khawih nauh nauhin"Ka bialnu i ni tawh a."tisupin a rawn awn hnai riai riai a.

Thawk pawh ka thawchhuak hlei thei meuh lo.Chesawn lovin ka maimichhingin ta ringawt a.

Thaw lum ham ham paha a hmui hmanga,ka hmui rawn nul zai zaiin"Love,min chhang ve rawh,"aw tham tuaka tiin ka hmui chhungah a lei a rawn rawlh lut nghal a.

Thawchham lek leka kan infawh hnua ka hmui ka laksawn chuan ka bek zawna rawn thaw kawkin"Hmeichhe dangdai tak i ni?Hruai haw vat che ila,a tha ang,hetianga kan awmdun reng chuan tih loh tur thil kan ti palh nge?"a tisup a.

Kan in lam pana motor a khalhchhuh rual chuan ka kut dinglam chelh tlatin a chang leh a hmer zauh a.A hmela lungawina leh hahdamna hmu tel tlata ka inhriat vang nge?Ka kut chu laksawn tum enah ka en lo hrim hrim.

Kan in panna step-a bula Upeka Pa te motor lo la inhung ka hmuh chuan Ka kut a vawn thlah a car tidingin"I chhungte i hlau em?"thu tak zetin a ti a.

Mitmeng zim sana driver seat atanga a chhukthla thauh chu en reng a,ka thutna lam kawngka pawn lam atanga a rawn hawn chuan"hlauhna chhan tur a awm hleinem..rawn luh ve kher i tum mi?In inlama in buai em kha,"tiin ka chhukthla a.

Ka kuta rawn chelh paha"hnatlang kan tlanbo tihna ni mai lawm..Ka hruaichhuah i ni a,ka luhpui loh che chuan Pa Hlua,te lakah ka mark a chhe lutuk ang,"nuisuka tiin step-ah min kai chho a.

Kawngka a hawn ruala kan chhungte hmunkhat a lo thu bial laih ka hmuh chuan Nu Lawmkim'in "Peka, engatinge hetianga in thlalak i phochhuah a? Mahni intihmualphona mai mai a ni tih i hrelo mi? Kan chhungte ho in zawhna min rawn zawt nasa tawh lutuk,hei i Patea, pawn min rawn call hi midang ang bawkin zawhna ngai min zawt leh tho ang,"lo ti vatin a phone rawn ri chu a off daih a.

Ka chhungten makti leh thinrim hmelpu chunga min en ka hmuh chuan ka thin a phu nghal zawt zawt ni berin ka hria.Rilru buai taka ka awmlaia Upek'an" mipa pangngai ka ni a,Hmeichhe hran hran ka bialnu pawh nilo nena min sawizawm reng hi a lungawiloh thlak bakah a ninawm,pangngai taka Hmangaihi nen a inkawp hi ka duh ve tawh a ni."nghet charha tia ka kuta a rawn hmer zauh chuan phawk fe in ka en tlawk tlawk a.

Pa Chunglur'an"Peka,hei vang hi ni maw?Mizoram lama rawn haw i lo phur nachhan leh Pu Hlua te venga insawn i lo hmanhmawh em em nachhan..i nu nen mak kan lo ti ru khawp asin,"nui chunga a rawn tih chuan Upek'an min rawn en pahin" Ni e. Kan in lam atang ka rawn hruai haw leh ta mai nih hi, atan awm a nuam chiah lova."thutak fe a tiin thutna awl awmna lamah min kai phei a.

Ka nu in min rawn en vang vang paha"nula leh tlangval in ni a,humsual dai lo turin fimkhur tak leh midang mit hmuh a mawilo taka khawsak loh tur nia,a hrim hrim in engtia lo inhria nge maw in nih le? Pu Lura, thusawi kha a dik em?"tawngka pangngai takin a ti a.

"Dik tho e. Delhi lama a awmlai at..."UPek'an a tih rual chuan a mal a chumin"haw tawh rawh."rang zeta lo tiin keimah zawk ka thutna atang ka thochhuak nghal a.

Ka pa in"A va mak thin,inlengte an hnar haw ngawt ngai lo,Thingpui lo va lum la,"a rawn tih chuan hreh ru zet leh hnial chak takin choka lam ka pan a.

Upeka te chhungkua haw hnu lawka ka U Nunkim'an"Tukin lama in awmdan atang khan in inhresa nih ka ring rilru reng a.In lo inzep thei hle mai.Duhawmi, nen pawh tunge a bialnu niang tih kan lo inrinsiak fo asin." a rawn tih chuan "U,in ngaihdan ang kha nilo nia.Kan in ngaizawng miah lo nia,"lungawilo zeta tiin ka room lamah ka phei san nghawng nghawng a.

Ka damlo takngial dawnin ka hria,vawiin nilenga ka thil tawn zozai hian min ti chau in,ka ngaihtuahna a tibuai vel vek a ni..Pekkima, hnaih a awm leh pawh ka duh tawh lo.

Khumah ka mu fel deuh chiah tih a,number ka save loh atanga min rawn call tu an awm chuan off hmakin"mood fuh loh nak alaia,kumin christmas chu khawiahmah vak chhuak tawh lovin,ka room-ah lehkhabu ka chhiar reng ang."ti nuah nuahin ka inlukhup hmak a.

Ka room kawngka rawn sawi ri ka hriat ruala,ka nu in"Hmangaih,rawn tho tawh rawh.Dar kua a pel duai tawh nia..engvanga inkalhkhum kher nge maw i nih le?"a lo tih chuan lungawilo zeta ka puansin lai hlimin"Ka damlo,engmah ka ti peih lo..."ti deuh hlarin bang kil lam ka hawi a.

"Awihawm loh lutuk,kawngka hi lo hawng vat teh,nangma vanga kan rilru hahzia hi i hrelo mi?lo hawng vat teh?"a aia ringa kawnga rawn sawi dawt dawt chunga a tih chuan"ninawm zingkar atanga in vin tuar tuar reng mai.Ka zinbo san daih mai tur che u nia,"ti bui buiin kawngka kalhna lai ka chelh a.

Ka nu hmel ka hmuh ruala"i damlo tak tak a mi?i mit hi a sen in a bui lûk mai,i khuasik tel em?engtin chiah nge i awm?"min ngaihtuah taka a tih chuan khum a lawnkaiin"a ninawm, mahnia awm ka duh,ka thusawi engmah i awih ve ngai hleinem,"ti hlarin puanin ka inkhuh nghal a.

"Aw...bawihte, i damthat lohvang nih kha,i rilru a nat hma ni,damdawi leh thildang i eitur ka rawn laksak dawn che nia. Kan fanu duatlai i ni a,zing kara i hmel kan hmuh hma loh chuan thildang kan ti hleithei thin lo tih i hriat kha..damdawi leh chhang eitur ka rawn lak ang che." aw dam diaia ti daihin ka puansin lai chu a rawn siamtha a.

Ka chhang buai peih tawh tlawt lo,zan lama ka mut that loh em avangin muthilh vang vang ka duh ber.UPeka,nilo thildang ngaihtuah ka chak tak zet,mahse,a harsa hle si. Engtia tih reh chi nge niang le?

Chawhnu her zet zawt a ka muhil ka harh chuan ka taksa leh luna thum pawh a zia deuh hawkin ka hria. Choka lama engemaw eitur dap tuma ka room atanga ka chhuah ruala Kan thenawm tleirawl Andreaw'an"UAhma, zanin gift exchange a ka dah tur bazaar lamah minlo enpui teh..phone i switch off daih a,ka nghak rei tawh lutuk che nia"tia ka bula phur hmel zeta a rawn kal chuan ka lu thing san a kal pelin"ka peih lo,midang sawm mai rawh,pawn lamah ka chhuak peih lo"ka ti hmak a.

Min rawn zui paha"midang sawmtur ka hrelo,ka nu Thianghlimi pawhin "vah harh pui rawh" a ti nia. Min bazaar pui la,chuan muffler nalh tawk ka bialnu pek tura ka lei saw ka pe ang che.I rawn haw tur thu pawh ka hre ve miahlo lehnghal,hria ila chuan ka lo hmuak chiang viau ang che.min chhuahpui hram rawh aw."ngen ngâwl aw zeta tiin chibai min buk pah a.

Thil engemaw a duh changa min zar buai hneh theih zia chu ka chhungte leh Andrew-a nu leh pate nen kan hrechiang tawh kawp mai. Fapa mal a ni a,a duh anga ka tihsak hma loh chu kan inah a awm leh reng dawn tih ka hria.

Rum zeta melh paha"engvangin nge i bialnu i pek tur min pek i tum rikngawt a? Ka nuamsamlo e mai, nangmahin va bazaar rawh.Tlangval,mahnia engkim ti thei rual i ni tawh"ti deuh hmukin fridge atang chhang leh butter ka lachhuak a.

"Tun ang hun a,tlangval mahnia chhuah te chu a luck loh thlak em hi UAhma, ka bialnu nen kan inthen avangin ka rilru a hreawm ve em em a,min hau reng lovin,tawngkam pangngai deuh hlekin min be ve tal la..nangmah bak kawm tur leh ka thuruk sawina tur ka hriat loh hi...min bazar pui duh loh chuan zanin a kohhran thil tihna turah ka kal lo anga ni mai."lungngaih hmel zeta tiin ka thutna bul chiah chair-ah a rawn thu thla a.

A va han hahthlak thei tak! A naupan tet lai atang a kohhran thil tih na apianga tel ve hram hram zel tura hrilh ngun tu ber zinga mi ka ni a.Ka bazar pui lo a nih chuan...keima vangin kohhran leh Pathian biak inkhawm a thlahthlam phah ang tih ka hlau deuh tho bawk si.

Ka chhang kenlai dawhkana dah chawrhin"gift exchange na mi tur kan lei anga,kan haw leh vat ang.Hmundangah kan kal thei lo tih hria ang che..va insiam rawh.ka hman hunah ka rawn chhuak ve mai ang."ti hmukin ka thochhuak zui a.

"Yess,bike-in kan kal dawn nia aw.I rawn chhuah har chuan kawngpui atang ka rawn au vak ang che."phur hmel fê a tiin kawngkapui lam a pan nghal a.

Dawr pakhat chhunga Andrew-a thil lei tur ka enkual pui laia dawr neitu nuin"Pekkim,lo kal rawh,lokal rawh.engthil nge i duh?"a tih ri ka hriat chuan ka tarmit dum bun kar atanga hawichhuakin dawr kawngkhar zawna Upeka rawn lut mek chu ka melh zauh a.

Engthil nge maw lei a tum le? kan kalna hmun hi a fuh lo tak zet.Ka lu khuhna scarf siamtha sawk sawk paha Andrew-a dara kuahin"dawr dangah kal vat ang,hmanhmawh rawh."aw zawi angreng taka tiin a thil kenlai chu ka dah let sak a.

Hnunglam hawi paha"Hmm, ama vang saw ni maw?a rawn hriat loh hram che ka beisei,"nuisuka tiin Upeka awm lohna lamah kan kalsawn nghal a.

Kawngka kan pel fel deuh chiah tih a,ka phone ah lai a rawn rik a,ka en chuan Nizana min rawn call tu number ka save loh kha a ni tih ka hria.

Phone ka pick up ruala"i damlo nih te chuan inah awm ve hle hle ta che.Naupang i inphurh kual tir khan i dam phah dawn a mi? Taxi la la,haw vat rawh,anih loh chuan keiman ka hruai haw nghal ang che." Upek'an aw chang zetin a rawn ti hluk a.

Ka thin a tihrim zia hi a hrelo mi le? dawr chhung lam ka hawi a Upek'an min rawn melh rûn a ni tih ka hmuh chuan " ngawi mai teh..ka duh duh danin ka khawsa a nga,ka duh duh hunah ka haw ang.i lo buaina tur pakhatmah a awm lo."aw vin deuh hlar a ti letin ka phone ka ak tha hmak a.

Thinrim hlur chunga Andrew-a kai phei dawr dawrin"ka ning lutuk,hmundangah kalsawn vat teh ang."ka tih chuan"a van intithu ve? Naupang tia a sawi kha keimah tiraw?Bawngkawn lamah kal daih ang."lungawilo aw zeta tiin a bike chu a kuai her lawp a.

Inkhai bawr teuh chunga Andrew-a bike hnung atanga ka chhuk thlak ruala kan piah lawk a car kawngkhar inhawng a Upeka rawn pen chhuak ka hmuh chuan ka thil khai lai chu Andrew-a kuta hmehbelin"kha la rawh,zanin chu ka kalpui hman dawn lo che nia.ka mood a off tlat,"tih leh inher ka rual a.

"Rei lote chiah biak lawk che ka duh.."UPeka rawn ti ri ka hriat chuan a hmel en duhlo lui ngata kan in pana step a lawn chho in"ka hman rih lo,i duh leh message in min rawn hrilh mai rawh,"ka ti hmak a.

Step-a ka lawn laia"i duh phawt chuan i hman thei tih ka hria..phone i switch off tlat avangin message pawh i chhiar theih ka ringlo.i nu leh pa bulah tih tur kan neih thu ka hrilh vek tawh min hnial hauh suh."dawhtheilo aw zeta tiin a darah min pu nawlh a.

Upeka chhip sam a kek vak a"Hey,min thlah vat rawh. Nang hi engmah ka tihpui ngai lovang che...Andrew minlo pui teh?"aw khur leh tial deuh ruaia tiin Bike atanga Andrew-a hmanhmawh hmel taka rawn chhuk thla chu ka en a.

Andrew'an"A duh loh thu a sawi kha..Khatiangin mahni bialnu te an tizak ngailo,dahthla rawh."tia kan lama a kut a rawn phar chuan Upek'an a kut lo vaisawn sak lawpin"lo ngawi hmak rawh,ka thu anga awm ni ula chuan hetiang thil hi ka ti hauh lovang,engvangin nge a damlo tih hre reng chunga i lo chhuahpui luih tlat a.Tunah hian engmah tih hreh ka nei hauh lo nia."thinrim ha chang thial rap rap chunga tiin a car dahna lamah hlawk zetin min pu phei nawl nawl a.

Engvanga thinrim viau nge maw a nih teh hrep le? Ka chunga a khawsak dan avang hian keimah zawk hi lungawilo leh thinrim tur zawk ka ni.

Car kawngka bula min bula min nghah ruala Andrew'an maktih hmel taka min lo en reng chu melh zauhin"i zaklo hle mai,i duh duhna hmuna min hruai kual theihna chhan tur pakhatmah a awmlo..min thlah rawh,inah ka haw dawn"teu hlar chunga tia kalsawn ka tum chuan ka dara sawi nawk nawkin"car chhungah hian lut vat rawh.nang hi bul ka tan pui tawh che a,ngawi renga tawp san leh mai che ka tum hauh lo tih hria ang che,"aw teng chuaia tiin car chhungah min nam lut a.

Pawnlam atang kawngka ala lock nghal daih zui.Hrep tak hian a!Thinrim mittui tling par chunga ka ke per chawrhin"ka awih theilo! Nang nena inkawp hi ka duh hauh lo"tia car hmalama a kal kual chu enin ka sam ka tuai puat a.

Driver seat-a rawn thu paha thaw deuh kawkin"darkar hnih chuang ka nghak che."tih leh car chu chak zeta khalh chhuah a rual a.

Ka kut humruh sauh paha insut hraihin"min nghak rawh pawh ka ti hleinem, ding rawh ka chhuk dawn."ka ti tial ruai a.

Ka thusawi ngaipawimawh lo tih hriat zeta a hnar tum dat chunga a khalh ngai renga a khalh zawm lui tlat chuan ka thin a ur tak zet.

Ka mittui rawn luang hru hul te tê a, Ka ke dinglam khai kanga a mala tlawh sawkin"ka tawng i hrelo mi? ding rawh."ka ti vin hlar a.

"Enge i hriat a!kan chesual thei tih i hre lo mi?i thinchhe reuh hle mai."aw teng zeta tia car ti ding dawtin ka nghal rekah a rawn chelh bet a.

Ka ke laksawn tum a,"ka thusawi engmah i ngaipawimawh lo nih kha.."ka tih chuan chal chuar deuh tap a min rawn en vang vangin"i thusawi ngaipawimawh tura min duh a nih chuan ka thusawi ngaithla ve phawt la.Ka rilru i tihbuai zia hi i hria em?"tia rawn kun hnai in ka hmai bul chetah a rawn thaw kawk a.

Ka chil lem khalh a thle sawnin"ka rilru i tibuai ve tho alawm"aw zawi raihin ka ti sap a.Ka tawng rual chuan ka thusawi in Upeka laka ka rilru puthmang nasa takin ka lantir a ni tih ka hre nghal.

Ka kut hum paha ka lama rawn tawlh hnaiin"i damloh thu i nu hnen atanga ka hriat hnu lawkah in thenawm rawlthar nen bike-a in inphur ka hmu che u a.naupangte mah nise ka thik a ni..Hmangaih,ka rilru leh ngaihtuahna i luah nasa hle a ni tih i hre em?Keini pahnih hian inhriatchian tawn kan mamawh a ni."thu tak zeta tiin ka bengbulah a rawn thaw ham ham a.

Thawk leh khat a ka thinrimna leh lungngawilohna reh ta duak mai chu mak ka ti tak zet..Thinphu dawt dawt chunga Maimichhing paha thaw kawkin"UPek,ka hrethiam thei lo,khawngaihin hetiang hian awmlo hram teh"ka tizawi sap ringawt a.

Ka kut leh ke a chelhna la thal a,thu ngilin"ka duh che avang hian keimah leh keimah ka inthununzo tawhlo a nih tak ber hi..Ka in lamah zanriah kan ei dawn nia"tisupin stearing a tuai vir a.

Ka hrawk a tawp deuh up up avang leh ka kawchhung a sat pup pup avang chuan ka tawngchhuak thei hauh lo.Ngatinge nimin atang khan hetianga ka awm tak fo le! Doctor pan ka ngai ngei ang.

Pencil rawng building in kawta car a din tir hnua ka thutna kawngkhar a rawn hawn chuan khua a thim tan lek lek tawh a ni tih ka hria.

"Enge kan tih dawn?zaninah programme a awm kha?"UPeka enchho ha in ka ti a.

A kut rawn phar chhuak a"Ka inah zanriah kan ei phawt ang. Lo chhuak rawh,nge ka pawmchhuak zawk dawn che?"nuisuka a tih chuan rang zeta penchhuakin"chimawm viau lo teh,kan in lamah ka chhungten chaw ei turin min nghak reng tawh ang"ka tisap a.

Ka kuta rawn chelh paha"i chhungte ka hrilh vek tawh ka tih kha,i nuamsamlo nih leh i riak ve nghal thei ang."pangngai taka tiin kawngka kalhna a hawng a.

Inchhung light a tih eng ruala christmas tree nalh zet mai de chuai chuai chuan thlek deuh vang vangin"ka riak duh teuh lo,engtin nge midangin min sawi ang.hetah hian midang an awm ve ngai lo mi?"ka tih chuan ka lu khuhna scarf chu ka nghawng lama rawn nawr thla in"in enkawltu hi kar khatah vawi hnih a rawn kal thin.engtinchiah nge maw i damloh le?tunah insawiselna i la nei em?"tisupin ka chalah a rawn khawih a.

Amah ka ngaihtuah avanga ka muthilh that loh thu leh ka rilru ka sen nasat thu ka hrilh thei lovang.

A kut dahthlaksak paha thaw halhin"khawsik satliah mai mai niang.ka tha tawh lutuk."ka tisap a.

"Khawsik satliah a awm thei lo,a chhan leh vang engemaw a awm ngei ngei thin..zanin lama i khuasik nih chuan keiman Doctor ka pan pui ang che."nghet charha tiin ka tarmit bunlai a rawn la a.

Ka lu thing deuh nak paha"i ti anglo e mai..engtin nge mi zingah i ruala ka kal ngam ang.."ka tih laia ka hmui chu a kut sei thlarh a rawn hupin"shhh.. Ka tina dawn lo che a,ngam lohna chhan tur engmah a awm lo.i ril a tam tawh em?kei chu ka tam chhawl lek lekin ka hria"mitmeng si sapa min en chungin a tisup a.

Thalak ai khan a letin ka mitah a lang tha daih zawk.Keimah ang bawkin hmeichhe dang rilru a tibuai nasa viau ang.
Ka thaw ipikin, ka thinphute lah chu a rang em em mai lehnghal inngaihtuah fim tum rilru taka ka maimichhing deuh chiah tih a,a hmui nel thep maia ka hmui a rawn bawhthuah rual chuan phawk fe a meng kawkin ka rum hak a.

Zei tak maia min fawhna chu ka chhang let lo thei lo,thawchham ti tih a kan infawh hnu chuan a hmui nel thep chu hreh hmel taka phawichhuak a,ka biang rawn nul thuak thuakin"vawiin nilengin ka ngaihtuah che a,thildang engmah ka ngaihsak hman lo.Kan eitur rawn thlen hmain insifai phawt ila?"muk raiha tiin ka darah a rawn kuah a.

Min kalsawnpui a tum rual chuan phawk fê a enchho ha in"Bathroom khatah kan insil dun anga maw?"ka ti hluai a.

Nui ri huk chunga ka mal leh ka dar chelha min pawmkang nawlhin"hahdam teh,insildun ringawtte chu engmah a pawina a awm hleinem,i thian tha tak leh nangmah enkawltu che angah min ngai la,tlem a i rilru a hahdam ka beisei.."tih leh kawngkhar pakhat awmna lama min pawm phei a rual a.

Re: Love christmas BY Basta Tlau (Completed)

Posted: January 3rd, 2018, 7:25 pm
by Ngaia
Upek'an a hmai si lek leka min pawm thut avangin ka zam zual sauh ni berin ka hria. Talchhuak turin thahrui engmah ka nei tawh bawk si lo.

A thaw hawk ri ka hriat hnu lawka"Min hlau duh suh..Nupui neih hma a sex hman hi tun thlengin ka duh hauh lo.mahse,i taksa ka tawh hi chuan engtin engmaw tak keimahah danglamna a awm a ni."tisupin room kawngka bul lawka bathroom chhungah min luhpui a.

A ni hian tu hmeichhia mah sex ala hmanpui lo a maw! Ka awih thei lo. Hmâna sex chat kan neihdun lai pawha a zei theih tehreng nen..A hmel en vang vang paha"tunang kumah hmeichhia tumah i la mutpui lo tak tak a maw! I awmdan atang chuan nitin hmeichhe mutpui thin i ang e."pangngai takin ka tisap a.

A ngaihdan a nilo tih hriat zeta ner deuh sawk paha bathroom chhuata min nghatin"ka thusawi chu i awih chiah lo ni a maw? A lungawiloh thlak hle mai.nang hian mipa i mutpui tawh mi?"tih leh shower tui chu herh haw a rual a.

Te that paha ka hmaia tui luang hui faiin"a teuh lo lutuk,tumah ka mutpui duh lo hrim hrim,ka huh vek dawn nia,shower hi off vat teh,a vawt nia."tia te chulin ka ke ka per tan tan a.

Ka thusawi ngaipawimawh lo zeta Shower herhna la chelh rengin"inhruk ro na tur ka n nei tho alawm,vawiin nilenga ka rilru i tih hreawm vang a nih hi..keimahlo mipa dang hnaih tawh suh.Putar,tlangval,tleirawl leh naupang pawh tiamin.."a ti ngut a.

Enge maw a hriat teh hrep le? A awma chum vakin"ka laka thuneih tum viau lo teh..mihring tumahin inkhuahkhirh an duh ngailo.i bialnu ang maia min sawngbawl hi duhtawk tawh rawh.nangma vangin khawlaiah ka chhuak tha ngam lo lehnghal."thinrim fe a tiin bathroom kawngka lam ka pan nghal a.

Rum deuh ngut chunga ka bana rawn hmerin"kei aia mipa dang i duh chu tunge?kei hi engvanga min duh lo nge i nih?"nghet charh leh thu tak fein a ti hluk a.

Talchhuah tum paha"min thlah teh,chutiangin ngaihzawng ka nei ngailo,zalen taka mahnia awm duh mi ka ni."ka tih chuan tui chu herh tawpin a taksa si thlapin min kuah thlawp a.

Khaw vawh lai niin kan kawrhak te chu huh vek mahse ka taksa chu a lum pup pup ni berin ka hria.

Ngawi renga min kuah vang vang hnu lawk chuan ka chhip a a khabe rawn nghatin"engtiangin nge ka duhna che hi ka lanchhuah tir ang. Hmangaih,nang nena kan inkarah hian engemaw thil hlu tak awm ang tlat nia ka hriatna hi a reh thei lo a ni"tisupin ka hnungzang kawr chhanah a chul heuh heuh a.

A van mak em! keipawhin phone atanga kan inbiak lai thin pawh khan ka tana mipa dangdai tak leh special tak niin ka ngai a ni tun thleng pawhin..a hmel en tura ka khabe rawn kuai dak paha rum ngutin"khawngaihin,tun atang i bialpa ka ni thei a ngem? Nih ngei ka duh a ni.I tana mipa tha ber ni thei lo mah ila,i hlimna leh lawmna siamsak zel che ka duh,"a ti muk raih a.

A thusawi zawh ruala a malin min rawn nawk rual chuan ka rilru a buai nuai ni berin ka hria phawk fe a en hain"i diklo nia"ka tih chuan khi lui deuh suk a maimichhing chunga min kuah nghet sauhin"hmeichhe duhawm leh itawm bula ka awm vang a nih hi,hei hian mipa pangngai leh la hrisel tha tak ka ni tih a lantir,i bialpa atan chuan min pawm rawh."a ti tham tuak a.

Ka chil lem ri khawlh chunga"hmeichhe dang..."ka tih lai tak chuan ka hmuia rawn hupin"midang sawi suh,kan pahnih chungchang bak..min pawm nge? Pawm lo?"a tisup a.

A kut laksawn sak paha ner nangin"i kianga ka awm ang hian mipa dang bulah ka awm ngai miahlo nia,hmeichhe easy tâk emaw min ti miah suh"ka tih chuan ka hnar hmawra a hmui rawn nul thuak thuakin"ka hria, lawm..ti hian i bialpa ka ni tawh tihna tiraw?"a tisup a.

Naupang ngenngawl leh luhlul zet a van ang tak,a thusawi tihdanglam ka tum nasat tehreng nen, a lu nemsawn sak paha"ni e,ni e, tiang hian min hnaih vak lo teh,keipawh hmeichhe pangngai ve tho ka ni a,nuamlo ka ti ve tho nia."fiamthu ang reng taka ka tih chuan chunglam hawi paha nui hukin"i hmui a fawh ka tum tehreng nen..inhru hul vat phawt mai teh ang.Kei mipa thianghlim,hmeichhia tumah la mutpui ngailo hi min hlau duh suh.Hreawm ti tak chungin insum hram hram ka tum zel ang."tia ka dara rawn kuahin min chhuahpui a.

Ner núng a ka sam huh far tlawk tlawk khawihin"i tawngkam hman duh dan hi a mak ve ngawt mai..mipa naupang kum sawmpahnih mi awm maiin i khawsa a,ka kawr zawng zawng i ti huh vek lehnghal,"ka tih nuah nuah chuan "Lungngai suh,ka cousin Nancy'in,"i bialnu i pe dawn nia a tih loh leh nupui i neih hunah a tangkai ang" tia hmeichhe kawr hrang hrang min lei luihtir zingah sawn i hak tawk pakhat tal a awm ngei ngei ang."a ti sam et a.

Upek'an room chhunga min luh pui chiah chu khum lian leh zau tha zet mai chuan ka mit a la hmasa ber nia!. Tih ngaihna ka hrelo lutuk chu ka hrawk thian ri karhin"zanin kha in inlamah advance krismas an hmang dawn tih i hria ang tiraw?"ka tih chuan towel senduk lian tha zeta ka lu rawn khuhin"kal i tum miahlo ni maw? A tha e,i kal loh chuan keipawh ka kal peih bik lo.Ngaihzawng nei ho chu an kawppuite nena kal an tum vek si a." tia wardrope lam panin a jacket huh hnuang mai chu a hlip a.

Towel-a ka sam huh hru paha"Hmm,i van ho tak...ka hnial kual vel peih tawh lo che,eng kawr nge min hak tir i tum a? Ka kawrhnuai leh underpant thlengin a huh vek nia aw."lungawilo taka ka tih chuan a kamiz var en re re pawha ka tana lian tih hriat zet mai a rawn phawrh chhuak chu ka dara dahin"inphelh vat la,hei hi lo ha rih lawk rawh. Ac kan on a nge.."tluang parh a tiin bangkil lam a pan nghal a.

Room chhunga a awmlai ngei hian ka kawrhak phelh turin min ti a maw! Towel ka kenlai chu thinrim fê a vil hlawmin"i room ni mah sela, ka inthlak chhung chu chhuak lawk rawh."ka ti vin hlar a.

"Ka en lovang che..wardrope lam hawi hian i kawrhnuai leh underpant hak tur a awm leh awmloh ka enkual pah dawn alawm le.min hnial reng lovin i kawr huh kha hlip thuai mai rawh.i sam chu nakinah kan ti ro dawn nia,i inthlak zawh hma loh chu ka rawn en lovang che."ti ve deuh hluaia a mit hup chungin wardrope lam a pan lehnghal a.

"Nangma vangin ka damlo tawh a,damloh nawn leh ka duh tawh hauh lo nia."tia hnungchhawn ve nghalin ka kawrhak chu ka hlip sawk sawk a.
Engmah a sawi tawh dawnlo emaw ka tih hnu fê a,ka hnung lawka rawn dingin"engthu nge i sawi,keima vangin i damlo a maw?"a tih chuan phawk fe a enin"kan inbiak loh hnu lawk khan rilru lam Doctor ka pan alawm,i awih loh leh nidangah lehkha ka la entir ang che.."tia ka awm khuhtu awmlo chu a kamiz ka ken laia hliah hnuhnawhin"minlo en suh ka tih kha,awm sawn rawh.nang pawhin inthlak i mamawh ve tho hi.."aw lawi râtin ka tichhuak a.

A makti hmel awmdan chu mak ka ti let zawk ni berin ka hria. Ka thusawi ngaihsak lo tih hriat zeta ka dar tawn tawna a kut rawn nghat paha harsa tih hmel taka thawchhuak hawkin"tunah chutiang thu chu i sawi ve chauh a maw?"a ti ngut a.

"Nge...i thinrim leh ringawt a law?mipa thinchhia leh insumtheilo deuh ka ngaizawng peih miah lo nia aw."ka ti ruai a.

Ka dar a min sawi nawk a,a awma min kuah bei thlawpin"keimah chiahin hreawm ka tuar emaw ka inti char char a,engkim kha lo inhrilh tawn zel ni ila chuan tunah hian nupa niin run hmunah kan lâwi dun hial tawh ang.Kan inkarah hian thuruk engmah awm lo se ka duh a ni."ti nghet charhin ka hmuiah a rawn bawhthuah nghal a.

A thusawi chuan min hneh tak zet,min fawhna chhang leta thawchham lek leka kan infawh hnu chuan tawlh hnung deuh hlek paha a sam hnawng chhap chu hui puatin"A va chi loh e..wardrope chhung a mi saw i hak duh lo inzawn mai rawh.Tui vawta intleuh ka mamawh tlat,"tih leh bathroom lam pan a rual a.

A kekawr kap zawn pawng deuh leh a tawng dan atang chuan keimah ang bawkin a danglam ve a ni tih ka hria,hnunglam hawia ka inher chiah chu darthlalang a ka hmel leh awmdan landan inen reng ka thaw hawk a.

Aw Lalpa leh,hetiang hmel hi ka pu ang tih ka ring pha lo hrim hrim.UPek'an ka taksa peng pawimawh lai tawk lova,min fawp kha mak ka ti a ni.Kan pahnih chauhin inkhatah kan awmdun a lnsum a tumna leh thildang phut a nei miah lo kha ka lawmin amah ka ring zual sauh ni berin ka hria.

A lo chhuah leh hma ngeia inhak fel tumin wardrope awmna lam pan phei hlawk hlawk a.

Darthlalang hma a ding chunga ka sam huh ka tuai mam laia bathroom kawngka ri ka hriat chuan inher vatin"a la tlai chuang lova,in inpui lama kan kohhran in advance christmas an hmanna lamah kan kal ve dawn mi niang,he kawr hi ka lo ha ve tawp asin,"tia thaw hakin "ka kawr huh ho ken haw na tur polythene engemaw a awm ang ti raw?"ka tisap a.

Ka thinlung chhung hmuh tum niawm fahrana min en ngun em avang chuan ka zam lehnghal ringawt.

A sam huh tuai nawk nawka,a kut lehlama bathrobe suihna chelhin"i inhmeh hle mai,khang kawr ho kha i ta angah ngai rawh.i kawr huh kha chu bathroom-a bucket-ah sawn chiah tawp la,ka lo tifel ang"tia ka awmna lam pana pen thum vel a rawn a pen lai chuan ka hriat tham lova phun deuh hlukin"kan inthlak ve nge?"a ti deuh hluk a.

A thusawi zawh rual chuan hmanhmawh taka ka kawrhuh ho chu tham khawm nghalin"naktuk lamah ka lo ngaihven dawn nia,kawr huh keng chunga advance christmas hmang tura kal chu a chi lovang,ka en miah lovang che"ka ti sawk sawk a.

A nui huk ri ka hriat hnu lawka"min en mahla pawi ka ti hauh lo.."a rawn tih chuan ka lu thing deuh nawkin bathroom chhungah ka luhsan a.A inthlak laklawh laiin ka chhuak thut ang tih ka hlauh em avangin ka kawr chu su in bathroom chhungah ka zar a,ka inzar zawh ruala bathroom kawngka ri ka hriat ruala,"i su law?dah tawp tura ka hrilh che kha,cornflakes leh bawnghnute tal ei ila,kan in pui lam panin kan kal dawn nia"tia a leather jacket buang haklai chu siamtha mawlh mawlhin a kutin min hui zauh a.

Keipawhin advance christmas hmanna a kan tlai lutuk ka hlauh avangin hnial kual na chi a nilo tih ka hria,ka kut huh chu bathroom towel-a hru ro in"nakinah ka chhungte phone in ka chanchin ka hrilh mai ang."ka ti a.

Choka lam pana kan inzui laia"i chhungte bulah chuan kan inngaihzawn tih i hrilh a ngem?"zawi fiah ang reng taka a tih chuan phawk zeta enin"i ti anglo e a,engtin nge ka hrilh ngawt ang.inngaizawng zawng zawng hi an nu leh paten an hriatpui vek chuang lo" ka tih chuan a dar san uk a dinning chair pakhat pawtchhuak a thu tura min kawhhmuh pahin"a pawi hleinem,tawngka a hrilh kher ngai lovin kan chezia in kan inngaizawng a ni tih kan lantir anga ni mai"tisam êtin bowl pakhatah cornflakes leh bawnghnute a chawhpawlh a.

Ka rin aiin choka lama chet a thiam,awmpui inchhung che tur an neih avang leh fa neihchhun a nih avangin engmah a ti ngailo turah ka ngai a.mahse tuna a khawsazia atang hi chuan choka vela che thang a ang tlat.

Ka hmazawn chair pawtchuak paha"enge i ngaihtuah a,i bula ka awmlai hi chuan i rilru hmundangah awmtir suh"lungawilo hmel deuh taka tiin cornflakes chu a hawp nghal a.

"Ti hian nangmahin eirawng i bawl ve thin a mi?"tia ka hmazawn bowl-a eitur ka chawhkual chuan a mitkosan ak chunga min rawn enin"thiam angai lawm,kan hmalam hunah eng dinhmun nge kan tawn dawn tih tuman kan hrelo, kan theih ang apiang hi chu thiam tumin kan zir zel turah ka ngai. Ei tan tawh rawh,kan tawng reng chuan kan tlai palh nge."a ti daih a.

Upek'an an inkawta min dinpui rual chuan kan kohhran thalai chu christmas hla sain an lo awmkhawm laih tawh a ni tih ka hre nghal.

Ka phone phawrhchhuak paha"chhuak rual lovang aw?ka lova chhuak hmasa anga a hnu deuhah i rawn kal dawn nia,Nunmawii te ho hi an kal tawh ngem le?"ka tih chuan a luhkhum phiar dum khum thain"naupangchhia viau lo teh,i bula awm ka duh ang tho hian Nunmawii pawhin a bialpa nena awmdun a duh ve tho ang,i duh loh zawng hi a ho e mai"ti deuh ngutin kawngkharah a chhuak nghal a.

Mahni thu a van duh tak,Music leh an zai thawm a ring em avang chuan hnial mah ila ka thusawi engmah a hrethei tawh dawn lo tih ka hria.

Ka chhuahna tura kawngka a rawn hawn rual chuan ka lamah a kut dinglampang rawn phar chhuakin"nangma vang hian mipa vanneih tak niin,midangin an biak hmasak loh che chuan biak kher tum suh aw."aw zawi ang reng taka tiin car atang min kai chhuak a.

Ka u (Nunkima)leh Remruata kan awmna lam pana rawn kal phei ka hmuh chuan Remruat'an"a inneitu ber in rawn tlai a,kan hrem dawn che u,programme list-a mi kan zawh fel hunah in pahnih in inlam dun ang. Kan chairman te bulah ka sawi vek tawh.In duh leh Nunmawii te thutna tlar hnunglamah va thu ve rawh u,a bialpa Sangzual lu buka nen an bei urhsun dun leh hmel khawp mai.Kohhran programme a ni tih hria in,in tisa chakna te kha insum hram in tum dawn nia"nui huk huk chunga a rawn tih chuan rum zetin ka melh kawk a.

Ka u in ka dara rawn beng thak thak paha"lokal ru,ka kalpui ang che u.in pahnih chauha in kaldun chuan midang mit in ti kham palh ang.Gift exchange na a in dah tur in rawn kenglo mi?"UPeka nen min en tawn zak zak chunga a tih chuan ka lo ip chawih a.

Upek'an"inchhung lamah kan dah a,kan va la lawk dawn mi?"min enchik zeta a tih chuan ka lu bu nghatin"engmah ka kenglo tak tak,pawisa hi ka dah mai dawn mi le?"ka ti zawi raih a.

Ka u in"a va han ho e aw,i hman loh te chuan kei emaw i u Duhawmi tal rawn hrilh tur che lawm,vawiin leh nimin lamah i bazar reng sia"lungawilo aw deuh taka a tih chuan Upek'an"ka lei kep tih ka hrilh vang kha niang,a lei loh ka room lamah kal phawt ang u"pangngai taka tiin min rawn nuihsuk a.

Min lei kep thu a sawi lai awm reng ka hre hauh lo.

Ka u in"lova kal mai rawh u.midang thutna lo kawhhmuh a ngai si a,in rawn let leh vat dawn nia"a tih rual chuan Upek'an ka bana chelhin min kalpui nghal a.

Upeka room chhunga kan luh rual chuan thawchhuak halhin paha hawikualin"tinge ka u kha dawt i hrilh kher a.A nuamlo e,haw leh daih mai ka duh,"ka ti nuah nuah a.

"A hau ang che tih ka hlau ve tho alawm,muffler ka lei thar hi kan tuam dawn nia"tiin drawer pakhat atang mipa muffler a dum leh sena intial mawi zet mai chu a rawn phawrhchhuak a.

"A van to awm ve,engzat man nge?"tia ka purse phawrh ka tum chuan chal chuar tap chunga ka hmaa rawn dingin"pawisa min pek i tum a nih chuan theihnghilh hmak rawh."tia thaw hawkin"a man atan chuan hei hi ka duh daih zawk"tih leh ka hmuia uar zeta min rawn fawh a rual nghal a.

A nghawnga kuah paha min fawhna chu lungchim taka ka chhan let chuan thaw halh halh chunga a hmui lasawn hlekin"nang ang reng renga ka taksa leh thinlung luahtu hi an la awm ngailo.Kumin christmas chu ka damchhunga ka theihnghilh theih tawh loh tur a niin ka hria."a tichhuak sap a.

A awm zawna ka kut dah paha maimichhingin"keipawh,mahse ka la hlauthawng tlat,hmangaihna hian ka thinlung leh a taksa a tina ang tih ka hlau"ka tih chuan ka biang tawn tawna rawn chelh a amah en tura min kuai dakin"ka mitah hian chiang takin min rawh.kei hian engtikahmah ka tina ngai lovang che.mihring kan nih chuan kan nunah harsatna leh buaina hrang hrang a awm ngei ang.chung hunah chuan kan pahnihin kan tangrual tlat dawn nia. Ka hmangaihna che ringhlel lo la,ka kutah chelh tlat bawk rawh,huaisenna leh hlimna min petu i ni si a"thu tak zeta tiin ka chalah a fawp zeuh a.

Upeka nen kan present bawm keng chunga Nunmawii te bula kan thut chuan kan hma lawka Arini leh a thiannu thu chu rawn hawi letin"nuam i va ti ham ham ve,he lai hmun hi inngaizawngte nawmchenna tur hmuna siam ni lovin,kohhran inpawl hona tur hmun a ni tih in hre dawn nia.Hmangaih,nangni thian dun tan chuan kumin chu Love christmas a ni pawh a ni thei,in hma hunah enge lo thleng dawn tih in hrelo nia."Arin'in ngeiawm fe maia a rawn tih chuan maimichhing a thaw halhin "Love christamas"ka tichhuak sap a.

Midang zinga awm kan nih avang leh chairman a rawn dinchhuah tawh avang chuan ka chang buai peih lo.Ka hma hunah enge lo thleng ang,ka hun hman apiang hi tha tak leh Pathian hre reng chunga ka hmang a nih chuan engmahin min tibuai lo anga.UPeka nena kan inkarah pawh hian nitin Pathian a tharin awm zel ang.

Zaipawl an zai lai chuan Upek'an ka kuta rawn man bet a,ka kut pahah engemaw a ziah a ka en chuan"Love christmas,i gift you My heart"tih ka chhiar hnu chuan thaw deuh halhin"Love christmas" ka tichhuak sap a.

(He story hi thla thum zet ka ziak,keima mimal thilah buaina leh engemaw neuh neuh a awm avangin ka chhunzawm thei mai lova. Christamas story neih ve ngei ka duh avang leh minlo theihnghilh hman ang tih ka hlau avangin hmanhmawh tak leh chhum bung takin ka rawn dah lut tawp a ni. A Famkim lo leh tha in tih loh lai a awm a ni pawhin min lo chhiar famkim that sak turin ka ngen mawlh mawlh che u a ni.Kumin atana ka story hnunhnung ber tur a ni bawk a.Nakum lamah Story dang nen kan intawng leh dawn nia.Ka story tlawm tak min chhiar sak tute christmas hlim leh hrisel taka hmang turin duhsakna ka hlan a che u)