MIN RING RAWH BY Basta Tlau (Completed)

Ngaia
Site Admin
Posts: 25813
Joined: April 30th, 2016, 4:07 pm

MIN RING RAWH BY Basta Tlau (Completed)

Unread post by Ngaia » August 5th, 2016, 10:11 pm

MIN RING RAWH -1
photo.jpg
photo.jpg (70.11 KiB) Viewed 60191 times
http://www.storyfb.com
(Ka remtihna lovin hmundanga post ka phal lo)

A link nen a share dan : viewtopic.php?f=2&t=917
A share dan tur nen lam a kan in kawhhmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...

(A hnuai para hi i ti danglam anih chuan mi kutchhuak khawihdamlamtu i ni a, hremna a nem lo ang, story ruk thubuai bakah mi kutchhuak hre reng chunga ti hmelhemtu i ni ang a, i chungthu a rit hle ang.
Whatsapp group a story ruk ching ho khan lo ru tawh lo ula, induh anih chuan share on whatsapp tih atang khan a link nen share ve mai rawh u, whatsapp group atang chauh a chhiar tum ho kha chuan chhiar ve tawh lo mai teh u, a ziaktu in a post na hmun a chhiar peih lo chuan thuziak leh a ziaktute zahna leh ngaihhlutna an nei loh avangin chhiar ve lo mahse a pawi lo khawp mai.)

Ka mit ngeia ka hmuh hi atak ni tur chuan ka van ring phal lo em!ka bialpa fel leh tha tak,ka pasal ni ngei tura ka ngaih(Dika) chu,ka nutei nen ka nutei in coushion chungah chuan duhthaw zeta an infawp leh an lo in hrawm bawrh2 ka hmuh chuan ka ding chawt a.an maimichhing avangin min hmu lova. Ka thawm pawh engmah an hrelo niang..mak ka ti lutuk chu ka thinlung tawt up2in a rawn thlak a. Ka mitsulh ni berin ka hria.

Ka chesawnthei hauhlo mai..ka kuta ka phone kenlai chu chhutah ka thlauh a..thawm hriain anlo hawipheidun a..ka nutei (sawmi)chuan phawk tak leh hlauthawng hmel tak hian min rawn en a..Dika a kuahna pawh chu rang takin a phelh a..ka bialpa ngei mai chuan ka nutei a kuahna chu thlah duh lovin a la kuah nghet suah2 a..hethil hi ka awih thei lo zawk..ka hmuhlai ngeiin a la kuah nia.kei ngei pawh midang zingah minkuah ngam ngai miah si lo..kei ai a letin ka nutei hi a lo hmangaih fe zawk tihna. Nilo...kei min zahpui laiin ka nutei chu a chhuangin a thahlel hle niang. Ka nutein a kalsan a hlau tel bawk niang..
Engemaw chen ngawi renga kan din hnu chuan ka nutei chu rawn tawngchhuak hmasa berin..ka lam a rawn pan a.."jess bawihi i thil rawn hmuh hi ka hrilhfiah ang che khawngaihin lo thu rawh" a tih chuan ka sa ve phat a..'min hrilhfiah ngai lovin ka hmu,min lo bum nasa hle mai' tih pah chuan ka nutei in atang chuan ka tlanchhuak a.

Ka phone thlauh pawh ka chhar buai peih lo..pawna ka scooty chungah chuan lawnin helmet ka khum a. ka hmazawna kawng awmah chuan chaktakin ka tlan a..

Ka mittui chu danrual lovin a rawn far zawih2 a.ka nghawngahte chuan a luangthla nguai2 a.ka zak vel peihlo,ka tap vak2 a..khua a thim deuh tawh chu ka vanneih khawpmai.ka tlanpelh te chuan tunge ka ni tih an hre lovang,min hre mahse pawi tilo..tuna ka tawn ang chiah hi tawng ve sela..engtinnge an awm bik chuan ang;-(

mahni chauha awma tuma min chimbuai/tibuai leh tinat thei lohna hmuna awm ka duh ni..
motor kawng awmah chuan ka tlan zel a.kawnglah chu a rehraih mai si.. Ka mittui chu hruk ka tum a..ka thal chiang ngei mai..a na lutuk..ka ban a thip zawr2 mai..ka tlukna lai kan en chuan lunglian ve tawk tak hi ka lo su chu niin..van hunlo thei tak ka rilru mai ni lovin,ka taksa ah pawh langthei khawpin hliam min thlen chu ni si..ka pasal tura ka lo dream ve thin mipa hian min van tina em helmet ka phelh a.ka tlukna bulah ka nghat a. ka thu vang2 a.

Ka hnunglama motor ri ka hriat chuan ka hawiphei vat a..engin min chhunkhalh avang chuan engmah ka hmu hleithei lo..ka kut dinglam chuan ka mit kan hliahkhuh a..driver seat atang chuan mipa1 a rawn chhuak a..
Hlauhna in min rawn tuam a.ka thinphu lup dup a..Awi Lalpa ka chungah enge thleng ang le? Min tanpui lul teh..hmun reh lai mahni chauha mipa han hmuh chu a hlauhawm,zanthim hnuaiah lehnghal..chet ka harsat bawk si..ka maimichhing ringawt a.

"I tha em?" ka bengbula mipa aw thum leh ril deuh ruih ka hriat chuan ka mengchhuak vat a.
ka hmazawnah tak lo kunin min melh run lehnghal! ka tawngchhuak thei lo.ka dang a ro vek,ka hlau mi le? Ka thin lah chu a rawn phu lup dup lehnghal..ka lu ka bu nghat a.
"Tho rawh"tipah chuan a dingnghal a..
Enga! Mak tih hmel taka ka en chuan a la thinrim hmel em2 zui..
"Hetiang laia hmeichhia inti nader buaipuina hun ka nei lo nia.enge i duh?i that chuan thochhuak vat rawh" a ti lehnghal a.

Ka awihtheilo zawk..hetiang mipa hian mizotawng a thiam sia maw? Mizo a ni ngem le? Mi tanpui a hreh lutuk chu ka thin a tirim tlat..ka thinrim in hlauh ka nei bik hleinem..tunah a tanpuina mamawh mahila. Hetiang mihring chapo lutuk hi chu ka hua ni..
'midangte tanpui i van hreh awm ve..i puih ka ngailo.ka mamawh heklo' ka tive sak a.
Ka veilam banah chuan min rawn pawt a...AAANAAA tia ka au vak chuan min thlah chiang ngei mai..hepa hi tunge maw a nih le.?a na lutuk chu ka mittui a luang leh zawih2 a.

Rum tawka a lam ka hawi chuan a mak tih hmel ka hmu a..a kut a rawn phar leh a..
'Min tawk tawh hleksuh' ka tivin hrep a.
"khawngaihin thawh han tum teh" a rawn tidam leh thluam a.mak ka ti zawk ,nachin lawk khan min thahduh hmel niawm tak a tawng a.tuna a rawn tawngchhuah dan chu mipa zaidam em2 min ngaihtuah ngawih angin a rawn tawng leh si..kei hi engatinge,hetiang ang em2 hian ka rilru an hnehngailo sin le..
Engmah sawilo chuan ka tho trual2 a..ka ban mai nilo, ka ke veilam pawh a thip sup2 mai a.a pilh nasa viau ang.van zialo tak..ka ban veilam lah ka chettir ngam tawh silo..remlo tak chuan ka ding sawi nuai a.
Ka dingchhuak a hmel kan en chu ka inchhir ngei mai..ka enchho deuh hau a.min la melh chhuk run lehnghal.ka thawk a ti tawp dawnin ka hria.
'Enge'? Ka tih chuan harchhuak thut niawm takin ka scooty chu a tungtha a.kawngsirah a hung a.
"Thil pawimawh dah i nei em?"a rawn tih chuan a lam ka hawivat a.
'Enge?' ka ti leh ringawt a.
Ner deuh sawk pah chuan"khatianga khalh i la tum chu a ni em lovang tiraw?" a rawn tia.
"Chahbi bak pawimawh awmlo"ka tisap a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 5th, 2016, 10:12 pm

MIN RING RAWH-2
Ka banna lutuk chu,a na lo lampang chuan ka vuan tawk2 a.ka scarf awrhlai chu ka hlip a.
"Hahdam rawh,keiman ka lo suih ang"tipahin scarf chu a rawn la a.ka ngawngah a suih a, ka lo la mur sung sung zui.van mak em em,hetiang hian vawi1 mah ka la awm ngailo,hliam ka tawrh vang hi ni ngem?

A jacket dum haklai chu ka darah min rawn bahtir a.phawk taka ka melh chuan "vawt i ti nih kha,inthuamlum i mawmawh,ka motor chhungah lut ila,kan inah kan kal dawn nia.ka nu hi ruh lam(ortho) Doctor nia,inah a awm,i scooty hi chu ngaiven suh"tih pahin a motor chu a pan nghal a.
Motor seat kawngkhar min hawnsak pahin phone in mi a bia a, Driver seat lamah chuan a rawn thu lut ve nghal a.a aw ril ruih mai chuan min timur sung sungin ka hria. A lam ka hawilo thei lo,motor stearing a vawnna kuttang sei sal hmul awmve deuh hlek chu a van nalh tak,a kut fai sarh maite chu sil lova eitlak ang mai lawm le,a hmel ka en leh chuan Awiii hepa hi ka hriathnu ang tlat..a ni hian min hre ve ngem le?nilo ka la hmu ngai lova,hmel inang deuh2 an tam lawm,ka hmelhriat a ni em tih ka ngaihtuah vang vang a.

"I va ngaihtuah muk hmel ve" a rawn tih chuan 'kan inhmu tawh em?ka hmelhriat i ni em? Ka lo ti nghal vat a.
'Ka hrelo le,i mumang lamah te min lo hmu niang"nuisuk pahin a ti a.
Ka lamah rawn awmphei in seat belt min hrentir a.a perfum rim chuan min zem chiai chiai in ka hria,ka maimichhing tawp a,motor a tlan chiah chuan ka meng hram a.
Awi karei lehh,kei hi khawiah nge ka awm tih pawh ka hrelo.ka hmelhriat loh motorah ka la chhuangzui,khua lah chu a thim bawk si.motor engin a chhunlai bak engmah hmuhtur awm miahlo.ka chhungah thil thleng mek hi ka awihlo zawk. Heng zawng zawng hi ka nutei leh ka bialpa tia midang bula chhuang taka ka lo sawi ve thin Dikate'n min lo bum reng vang a ni.phuba ka la ve mawlh ang.ka thawhak a.

"Helamah enge tihtur i neih a"a rawn tih chuan 'ka hrelo,ka tlanna kawng engmah ka ngaihtuah lova.khawi lai nge kan tlannalai hi?' ka ti let zawk a.
"I hrelo a!"mak tih hmel taka min en chuan ka lo bu ringawt a.a la nui huk hukzui.
'Min hrilhtha ve mai la' ka tih pawh chuan a ala nui zel bawk si.a nuiza chuan min tinui ta hial a.ka lo khi ve ver ver mai.enge a nuihzat ka hre miah silo:-D
"Nangnu tereuh hi i va mawl reuh e.mahni tlanna lai pawh hrelo,hetiangte chuan mipa thenkhatin a bum phar nasa thei ngawt ang che" nui pah chuan a rawn ti a.
Ka sa zak mai.'Ding nghal rawh,ka chhuk dawn.kei mi mawl hi, i motor a chuangtlak ka nilo'ka ti tuar a.
"Ka ding trep" a ti ringngawta'tunah ka chhuk duh,ka hmelhriat pawh nilo lehnghal,min pui rawh pawh ka tilo,min chhuk tir ka ti chiah chuan thawm awmna lam ka hawi a.gatekeeper chuan gate a rawn hawng pahin a lu a rawn bu zauh a.a eng tuar mai.thingkara an eng khaite lah chu a la nalh em em zui.fountain kan tlanpelh lai chuan hnunglam hawi meuhin ka thir ngawih2 a.'a va ropui ve,vanram tenau a ni ringawt' ka tisap a.

"Ka pa bulah chu thu chu i la sawi dawn nia" a rawn tih chuan ka insiamrem nghal a.motor pawh a tiding ve nghal a.

In Kawngkhar atang chuan mipa pa1 a rawn chhuak a.ka lo hawiphawk hru nghal a.a lam ka va hawi chuan,"i chhuk thei tawh ang tunah chuan" a rawn ti a. Chupa chuan chibai a rawn buk a.motor kawngkhar a hawn nghal a.ka lam hawipah in "a ni sawi va buaipui rawh" a tisup a.
'Hmmm hming ka nei ve reng misuaksual leh lutuk mai' ka ti leh hram a.
"I ka tereuhte kha chiptir tawh rawh,Ka nu bulah thudiktak sawi ang che"la tizui.
Van intithu tak,a chhiahhlawh ka ni tawp silo.ka duh2 ka sawi ang.
Inchhung kan luh chuan nu1 room kawngkhar bulah lo awmin "helamah lo phei nghal ula Dev"aw ri lo chhuahna lamah chuan ka hawi phei nghal a,a hmel ka hmuh chuan nu ngainatawm leh hmeltha tak a ni.ka thinrimna te pawh a reh hawkin ka hria.an inchhung chu kan thlir leh hram a.a ropui lutuk hi sawiin a siak lo.
"pawmphei i ngai mi?nge i beng a chhet zawk" ka bengbula rawn tih ri ka hriat chuan melh pawh ka melh peih lo.misuaksual leh lutuk.

Room chhung ka lut chu damdawi ina theater room nen a inang ka ti lutuk chu, ka thaw hak a.thutna min khawh hmuhah chuan ka thu a,ka ban min ensak chuan a chek deuh tlak a."a na i ti viau lo mw" lainat hmel taka min tih chuan ka hnuk ulh deuh tlat. "anat thu engmah a sawilo,min hau char2 ringawt,keimah vanga tlu emaw a inti aniang"rawn tihri kan hriat chuan ka melh chho nghal a,a lo la nui vur2 zui.He mihring hi chu awww,a nu fel hmel tehreng nen,a sual leh lutuk hi ka awih thei lo zawk. Mahsela min tanpui avang hian a hnenah lawmthu ka sawi ngei a ngai dawn tlat.
A nuin "Dev thil tullo lo sawi suh"a tih chuan ka ep chiah thutna awmah chuan a thu thla ve nghal a.nachhawknain ka vein ah min jection a,a nuin ka hming chu "Catherine Zochhuanawmi nia, i duh danin min ko dawn nia"i hming leh veng min hrilh thei ngem?a ti nghal a.
'Jacintha Zochhuanawmi ka nia,Bawngkawn ah kan awm,ka pa chu Lalduhawma a nia,skin Doctor' ka tih c

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 5th, 2016, 10:27 pm

MIN RING RAWH-3

Ka pa chuan Zarkawtah clinic a nei a,skin Doctor nia.ka nu chu Zohmangaihi college lecture,ka tih chuan a hmanraw kenlai chu chhuatah a thlauh a.a hmel ka en chuan engemaw ti takin a buai deuh nakin ka hria,a fapa chuan "ka nu engatinge?i tha em?"a ti vat a,"aw ka tha lutuk,khawi i ban kha tuam khawng ang le"a rawn ti nghal a.
"I chhungte an mangang lutuk anga,i chanchin hi hrilh la?"a rawn tih chuan 'a ngailo ang,khawngaihin zanin chauh tal hetah ka riah min phalsak hram rawh u,ka riah man chu nakinah ka pe leh vek ang che u'tiin ka ngen a.

A fapa chuan "min tihbuai i duh ve hrim hrim nge? Kan chanchin i ngaihven zawk"a rawn ti nghal a. Awi hepa hi engemaw a hriat a.amah ngaihven tura min ngaih le?
"Enteh hetia min buaipui hi ka lawm lutuk,ka duh reng vanga hetianga awm hi ka ni biklo.ahmain kan la inhre ngai lova, tunge i nih pawh ka hrelo ka ti let a.(he mihring lakah hi chuan tawngkam mawi sawi pawh ka duh lo,engang pawhin minlo ngai mahse pawi pawh ka ti hrep love)

Anu(nuzovi)chuan "inlo la inhrelo tak maw?ka fapa David Lalduhawma nia.unau pahnih an nia,a u hi Canada lamah pasal neiin a awm a.a thianten vid-a tiin an ko thin"a rawn ti vat a.
'Ka pa nen in mizo hming inang'ka tih chuan "nangpawh ka nu nen in mizo hming inang"a rawn ve nghal a,kan nui rual thawt a.
Davida chuan "ka nu a va mak ve,apa hi i hre ngai em?tia a zawh chuan "ka hriat ka ring,bawihi i chau lutuk ang,mu hahdam rawh,i duh chen hetah i riak dawn nia,Dev mikhual room kha lo kawhhmuh la "a ti nghal a.
Ka tho tur chu ka luhai a,ka hmu vai ruaiin ka hria,ka thu thla leh nghal a.
Kut tha chak zetin min rawn kuah nghal a.boruakah ka kang vawn vawnin ka hria.ka theih tawkin in ngaihtuah ka tum a,ka hriat theih chu Davida'n min pawn tih hi ni.ka pa tih loh mipa in min pawm vawikhatna,chupawh darkar2 vel liamta a mipa ka hriat chauh lehnghalin,engmah ka sawi buai peih lo.ka tawng chuan kan inhnialbuai leh nghal dawn sia. Khum chungah chuan min muttir a,puan min sintir nghal a.khumah chuan a rawnthu a.ka phu chiang lutuk,"misuaksualpa enge tih i tum chhuak nghal rawh' ka ti tuar a.

"Hming ka nei ve nia,kan in a nia,ka duh duhin ka awm thei,i rilru a kawi nih kha,nang ang hi chu ka ngaihven ngailo.i lo hriat ve mai mai atan hmeichhia tam tak nang aia tha hi ka bulah awm chak an tam mai"rum tawka tih pahin a chhuak nghal a,kawngkhar chu a khar ri bur a,min la tiphu zuk zui,tenawm lutuk.

Ni engin ka mutna a rawn chhun chuan ka harh zawk a,ka mutna hmun dang ta lutuk chu ka mangang hman tep,mu chungin ka ngaituah vang vang a.

Hetianga ka hmelhriat ngailoh ina ka riah a.hliam ka tawrhna chhan te,ka hrechhuak a,ka rilru na lutuk chu ka mittui a rawn luang leh zawih zawih a.ka nu leh pate an lo mangang viau tawh a ngem? Ka chhungte hmel hmuh pawh ka huphurh khawp mai.Nilo mitenawm tak pahnih vangin kei hi ka buai tur nilo.tuna ka hliam tawrh mek pawh hi an mahni vang a niloin,accident palh mai mai a ni.an mahni vangin ka nunkawngah buaina ka tawk tur nilo,hlim takin ka nung tur a ni.FIGHTING

Bathroom awmna lamah chuan kalin ka intifai nghal a,room ka va luh leh chuan Davida nu (nuzoi) chu roomah lo awmin ka that leh that loh te min zawtin,engtia awm nge ka tum tih min zawt a.inlama hawng ka tum thu ka sawi a.
"Dev-a rualin i kal dawn nia, nangmaha inkhalh chi i ni silo.i scooty pawh in inlamah an dah tawh in ka hria" a tih chuan 'kan in i hria maw?ka ti let ha a. Nui sakin "i pa te chu Doctor thiam tak a nia,hriat a harsa hleinem,inhnuaiah rawn chhuk la.chaw ei ve phawt rawh,"tih pahin a chhuak nghal a.

A hnungah ka zuithla ve nghal a.an inchhung ropui lutuk hi mak ka ti zawk.ka mit ka len ruai a.kan inah pawh mizorama thil tha ang hi kan hmang nasa a.a letin he inchhunga mi hi a thain a nalh zawk.khawi lam hmanrua nge an hman ang le?
Sitting room a David-a chanchinbu bih a lo thu chu ka hmu a.a kamiz pawl dal hak chu ama tana an siam niawm takin a la inhmeh em em zui.a sam hnawng chhap chuan a fresh zia a tilangzual suah in ka hria.

Ka melh deuh reng chu hria ni awm takin a rawn hawichhuak a.kan mit intawng chuan min tilai lutuk a.ka hmazawna an plant khawi chu ka su tlu a.hungthat tuma ka kun chu.

Nu zoi chuan min rawn buaipui vat a.awi ka lo kalsan daih che a,i intina em?hungtha duh suh,a rawn ti nghal a.
'ka na lo,ka tha lawm,ka tihpalh lutuk'tih pah chuan David-a chu ka va melh a.a lo la nui vur2,van ngeiawm tak,lei ka chhuahkhum vak ringawt a.
Nuzoi chuan choka lamah min hruai nghal a.
Eitur chi hrang hrang an chhawp thlauh ka hmuh chuan ka riltam tawh zia ka hrechhuak a.nimin tlai atang khan engmah ka la ei reng renglo.
Dev-a chuan a ei tawh a.i duhzawng pawh kan hrelo i duh ang kha chu ei hmiah hmiah rawh nui var varin a ti sapa.'ka lawm e' tih pah chuan ka ei nghal a.
David-a rawn lut pawh chu ka melh peih lo.eitur hian min hip zawk tlat:-."tukin chu ui kan kawl ni maw" a tih chuan ka melh zawk a.ka hmazawnah a lo la dingkur zui.Nuzoi'n "David kalsawn rawh,sualviau suh."

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 5th, 2016, 10:35 pm

MIN RING RAWH-4
Ka inthiamlo deuh tlat,keimah avanga an nufa zing atanga an invin chu ka awm a nuam lo.
David-a hmel ka en chuan khi vur vur chungin dinning room atang chuan a chhuak a,misualpa chu leh a van chimawm thiam tak,ka thil ei pawh a ti tui lo zo vek.

'Nuzo ka puar tawh,ka thawhsan mai dawn che' tih leh thawh ka rual a.
Sitting room lama ka chhuah chuan an awmpuinu pakhatin,"ka pu chuan pawnah a motor chhungah a nghak che a rawn tih chuan,kawngkapui lam chu ka pan a.pawn ka chhuak deuh chiah tiin, inchhung lam atang chuan"Jess lo la ding lawk teh"tih ri ka hriat chuan ka ke penlai chu ka ding rang ngei mai.ka chhungkhat leh thian hnai tak2 chiahin 'Jess' tiin min ko thin. A chhanchu ka unua zinga mipa upa ber hian Jessica simpson hi a duh thei em vangin,ka hming Jacintha tiin ka nu leh pain phuah mahse,jess tih hlira min koh reng avangin ka nick name atan ka hman phah.
Pawn kawngkhar bulah chuan mak ti takin ka lo ding a.polythene chhungah damdawi chi hrang hrang hi a rawn la a.ka banna lo lamah chuan a rawn hmehbel nghal a".i damdawi tur nia,lehkha pawh ka ziah tel kha,civil hospital ah ka thawk a.thla khat hnuah in check up leh rawh,a rawn ti zung zung a.
Awi 'Nuzo pawisa pawh engmah ka rawn ak lo,a van buaithlak tak,damdawi hi engzatman nge,nakinah ka rawn pe ang che,pawisa chu 'ka tih chuan "angai lo,angailo,pawisa lam sawiri tawh suh.tha tak khan inenkawl la, Dev'an a nghak rei lutuk palh ang che, va kal tawh rawh"a tih chuan muangchangin ka phei a.

Motor chhunga David-a hmel ka en chuan mitmeng tizim salin kan lam a rawn melh a.ka ke pen ka bahlah teuh ngei mai.ka inthunun vat a,pangngai takin ka awm tur ni.kum 25 ka ni ve tawh,zak rual ka ni tawh bik lo.he misuaksualpa min melh avang hian ka buai phah tur a ni lo,tia infuih rilru chungin a motor lam chu ka pan a.motor seat hnunglam chu hawng tumin ka thil kenlai chu chhuatah ka nghat a.a seat hmalam kawngkhar chu chhunglam atanga rawn inhawngin"a hma lamah rawn thu rawh.ka kidnap che emaw an ti a nge?buaina ka tawk duhlo" a rawn ti deuh nghat a.

Dik taka sawi chuan a motor fai tak chhunga, ani hmeltha leh fresh bula chuan hi ka inthlahrung,ka kawrhaklai hi ka tlukna vang kha a fai vak silo.ka kekawr khup zawn tehlah a thler deuh lehnghal a.tim deuh tak chuan ka thu a,seat belt min hrehtir nghal a.
"Tlai khawhnuah inthlahrung der viau duh suh."a ti hluk a.a la lungawiloh hmel em em zui.motor stearing chu vuanin a tlan nghal a.
He mihring nen hian engatinge tha taka kan inbiak theih loh le,hahthlak e.'Ka thinlung chhungril tak takin min buaipui avangin ka lawm lutuk,nakinah ka la rul leh ngei ngei ang che u,ka ti tak tak nia,dawt ka sawilo' ka ti ve ngial a.

A ngawi ngul ringawt a.a motor khalh lai chauh a ngaituah a niang.ka tluksualna lai zawn kan thlen chuan ka hawichhuak vauh vauh a.khua eng tawh bawk a, kan tlanna lai pawh ka hre ta.Zemabawk dai lam niin,an in lah chu a fal ropui sia.
"I damthat hunah min la rul dawn nia,ka nu kha chuan a duhlo pawh a ni mai thei,kei chuan min rul leh ngei turin ka beisei tlat ang che" a rawn ti deuh thut a.
Min van tiphu nasa tak,a thu rawn sawichhuah ber kher chu leh.'i nu hriat lova,min hijack i tum ni maw?' Ka tilet ve salh a.
"A ni mahna,Bawngkawn khawilaiah nge in awm" a rawn tih chuan,kan veng kan lo thleng reng tih ka hre nghal a.
'A remlaiah ka lo chhuk mai ang,ka ti a.
"In awmnalai ka hriat angai,phone i nei silova.i ba min rul lova,i tlanbo loh nan in awmna tal hriat ka duh a tih chuan ka angphuain ka va en a. Ka awihlo zawk he mihring hi tawng ngaihna pawh min ti hrelo zawk.
Hmeichhiate chunga vauna lekkhawh a,dan chep hi i ti thin mi?court ah an la khing miahlo che mi? Ka ti ve hmak a.a nuiri hak chu ka hria.
Kan in peng zawn kan thlen dawn chuan ka hrilh vat,kan inlolang pawh ka kawhhmuh nghal a.
"Ka scooty pawh kan inah indah tir sia.kan awmnalai i hria emaw ka tia'ka ti sap a.a la nui suk ringawtzui.
"min bum i tum em tih ka fiah che a"a rawn ti a
Awi ka kut hi a za zek zekin ka hria.ka bengchak lutuk.kan inkawtah chuan dingin a chhuak nghal a.ka chuanna lamah rawn pheiin motor kawngkhar chu a rawn hawng nghal a.
"Bawihte i tha em?i na viau lo maw? Nizan khan Lalsawmite (kanutei)inah ka va kal a.i hmel pawh a rawn hmu tawh lovang.lungngai reng reng suh.Laldika lo mipa dang a tam lutuk" tipahin min rawn kuah a,ka ban te chu a chul vel ruai a.ka nu tak hi chu aw,a van hunlo tak.
Davida hmel ka melh chho nghal a.engmah hrelo ang maiin a lo ding.'ka lawm lutuk'ka tisap a.
Ka nu chuan hrechhuak ni awm takin"awi David kan lawm lutuk nia.nang berin i lo buaipui hi ka lawm takzet a zung zung a.
Davida chuan "ka kal nghal mai ang,ka hmanhmawh deuh a.tih pahin a motor lam panin a tlan liam nghal a.
An inhresa maw ni le? 'nu i hria mi'ka tih chuan a bu nghat a,i Uruata te nen an inkawm thin alawm,a tih nghal a.
' I inhliam nasa viau em? Ka pain a rawn tih chuan a lamah tlanpheiin ka va kuah a

Link:
BBcode:
HTML:
Hide post links
Show post links

MonsterHigh
Posts: 1
Joined: August 3rd, 2016, 9:32 pm

Unread post by MonsterHigh » August 6th, 2016, 9:02 pm

1-4 chiah maw??

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 6th, 2016, 11:34 pm

MIN RING RAWH-5

Ka pain "ka fanu hi chu a huaisenin a chak tawk tih ka hria.mipa pakhat avangin i hringnun hi i tibuai tur a ni lo,hahdam takin awmla,i hna lampang chu buaipui vak duh suh,Asangi (uruata nupui)pawh ka hrilh tawh kha,thla khat chhung chawlh i ngai tih ka sawi nia' a ti a.
Ka nuin "Laldika leh Lalsawmite'n kan in pawh hi an rawn rap ngam tawh lovang.a melh pawh an melh ngam tawh bawk lovang.i rawn hawng lawk si lova,i number ka call khan a in switch off bawk sia.a mak ka ti lutuk,i nute sawmite inah Laldika nen in awm a nih ringin engmah sawi lawk lovin i pa nen kan va kal a.kawngkhar pawh kan kik buaiphei lo.sitting room a an lokuah ka hmuh chuan mak ka ti khawp mai. Chutah dawhkanah i phone leh bag te nen lehzel a lo awmsia,room-ah i awm ringin ka enkual a.i pain i awmna a lo zawt ve mek bawk a.i nute sawmi'n engmah sawi lova,i inkhalh chhuahthu leh khawilam nge i pan a hriatlohthu a sawi a.
Chutah Laldika chu kan hmaah thingthiin ngaihdam min dil chungin i nutei hi a hmangaihzawk thu a sawi chuan ka thinrim lutuk ringawt,ka chet dan chu ka sawi tawh lo mai ang,a ti bawrh bawrh a.ka nu hi chu aw a chepui lehpek dawn tih ka hresa.:-D
Ka nu bawk chuan zan dar11 vel Zovi'n min rawn phone a.i hmingte a rawn sawi a,i banruh i ti tliah thu te rawn sawiin,i riah nghaltur thu leh a lo buaipui dawn che a ni tih a rawn sawi chuan kan hahdam sawt a.i unau te ho pawh an thinrimin an mangang khawp mai" a ti leh a.
School ka kal tantirh atangin boarding school-ah ka awm char char a,class 10 ka nih atang ka ute luhna Delhi Public schoolah ka kal a.kan unau hi pali kan ni a.hmeichhe awmchhun ka ni.ka nu leh pate hian kan unau hian chhungte rinchhan ngawt lova,mahni inchawmzo turin min fuih fo thin.
Class-12 ka pass chuan,Ka tuina ber Beutician hi Dubai ah kum2 vel ka tranning a.a nuam ka ti hle bawk.Bangaloru leh Delhi parlour dawrah te ka thawk kual a.dik taka sawi chuan mahnia dawr siam hi ka duh ber.mahni inringtawk khawpin ka thiam ve tawhin ka hria.
Ka unau zinga upa ber uruata nupui (Asangi)hian Parlour dawr a siam a.chuta thawk ve tur chuan min sawm ngawrh em avang leh ka chhungten Mizoram lama awm tawh tura min ngen nasat em avangin ka haw chho a ni.ka haw atang thlakhat vel a lo liam ve ta reng mai. Atirah phurlo takin ka thawk a, ka thiante Bangaloru atanga ka hmelhriat Rintei leh Mafela(tuai) an rawn thawk ve chu nuam ka ti kan hna hi nuam kan tih mai bakah kan tuichilh hlawm khawp mai.ni reilote chhungin uasangi dawr pawh a lunin pantu kan nghah a,thawktu dang lakbelh a ngaih bakah dawrte hial tizauh a ngaih phah a,a chang phei chuan zan dar10 velah te kan hawngthei chauh zel.
Ka bialpahlui Dika pawh hi Bangalore ka awmlaia ka nutei min sawihmuh nia,ngaihzawng ka buaipui loh zia a hriat vang niang,kan ralkhat inngaihzawng a ni ber.Kan pahnih hian a hranpa takin kan la lengchhuak ngai lo a,thiante nen a nih loh pawn kan chhungte nen a ni tlangpui.in kiss pawh kan la in kiss lo.vawikhat chiah ka biangah a chuk:-D
Kei lah ngaihzawng ka la nei ngai silo.Dika awmdan ang apiang chu ka lo Amen thlap zel sia.Mafela leh Rintei ten inngaizawng pawh inanglo,inhmelhriat satliah ang chauh alawm in nih min ti fo a.
Keilahin'mipa fel leh tha a nia,mawilo taka awm a duhlo,kan inneih hunah chuan min duat thiam ngawt ang 'tiin ka lo tan ve hlur zel kha nia,a lo mak ngei mai.

Ka damloh atang pawn lamah ka chhuak ngai lova.inah ka inkhung tawp zel.ka chhungten min ngaihtuah em em a.ka ute pahnih hi ramdangah an hna avangin an awm a.ka uruata lah nupui neiin inhran an luah bawk si a.min awmchilh reng thei si lo.phone call in min rawn inbiak chhawk hlawm hi a ni ringawt.
Ka thiante pahnih Rintei leh mafela ten zan lamah an hman changin an rawn leng a,a changphei chuan an inthlakna thawmhnaw nen an rawn riak lut thin.
Zankhat an rawn riak chu bag an rawn pawm bawr tun a,a chhunga awm min hmuh chuan whisky bur thum leh eitur chi hrang hrang an lo keng a.ka room chu ka kalh tha vat a.
Zan dangah in rawn keng ngai si lova,ngatinge zaninah thil lawmtur kan nei mi?ka ti ha a.
Mafela chuan"awi vawiin chu ropui lutuk,engvangin nge bialpa i nei tih pawh i sawi loh?i thian ang pawn min ngailo mi a rawn ti nghal tawn tawn a.van mak tak!
In hriat lovin sas ka nei ngai lovang.midang tawn lehna hun pawh ka la neih loh hi ka ti ringawt a.
Mafela bawk chuan "David sexy man alive in india a nen in inhria tih tal min hrilhtur lawm,keinin ral atang kan lo duh ngawih ngawih a.a nin a rawn umzui che niah"a ti leh a.
A van hahthlak tak"ka accident zan khan min buaipui a,chumibak kan la inhmu ngai bik lo,ka tih chuan an awihlohdun hmel lutuk chuan min ti mangang zawk.
Rintei'n nui deuh har har pahin Davida chu chhunah kan dawrah a rawn kal a, boss a awm bawk si lova,a hawikual a ka bulah rawn kalin i number min dil a,engmah pawh ka sawi thei lo.ka phone a ,i contact number hi ka hmuh a.a copy a,thawveng hmel tawkin a chhuak nghal maw le,a nuam awm" a rawn tia.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)