PASALTHA SANGLIANA(NGURLIANPUIA S2) CHAPTER -14

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 535
Joined: November 18th, 2020, 12:53 pm

PASALTHA SANGLIANA(NGURLIANPUIA S2) CHAPTER -14

Unread post by mawitei bawihtlung » September 21st, 2022, 8:45 pm

PASALTHA SANGLIANA (NGURLIANPUIA S2)







CHAPTER 14








“ Ranga " ka au lawm lawm,ka nute chuan min dang tlat “ Nu vawikhat chiah ka kuah duh vawikhat chiah" tiin ka tal leh . Min thlah ta ,ka mipa duh hmasak ber bo tur chu ka ngai thiam theilo,a bul ka thlen rualin nghet zetin ka kuah “ Min kalsan suh " tiin ka kuab bet,a nipawh tunah meuh chuan a tap ve ta ,min fawpin min kuah sauh sauh“ Ka hmangaih che tih i hria ti raw " a tihchuan ka lu ka bu ,ka mittui a tuai fai . Min theihnghilh hlau ni awm takin chiang zetin ka hmel chu a en kual .









A chul bawk “ Ranga ka bulah awm rawh . Lasi te u khawngaihin a ni hi min laksak suh u " tiin ka tap tuar tuar ,mahse ka tawng an ngaithla lo nge Ranga chu a ral tial tial “ Nilo nilo ,ka hmangaih che Ranga ka hmangaih che " ka tap chhuak rawih rawih “ Ngurnunmawi ka pian nawn leh naah chuan ka rawn zawng hmu leh ngei ang che "tiin a ral riai riai,ka tap rawih rawiha . Tumah ka zah zo tawh lo “ Nu ,pa min auh kir sak rawh u " tiin nasa zetin ka tap ,thawk leh khatah ka bulah chuan Lasi Lalnu chu a rawn ding a .









“Ngurte tap suh,i hmangaih khan a ma taksa tur dik tak luah turin a kalsan che a nihkha ,a rauthla kha huaiho in la chhuakin thah an tuma mahse ngaingamlo in keimi ni tur khan kan chhanchhuak ta a ni . I pian rual khan a taksa dik tak pawh a piang nawn ve leh a,mahse a rauthla tello chuan engmah a nih loh avangin a kir leh ta a nihkha . Pasaltha tiin tlang tin te hian an la hre dawn a ,mahse i fimkhur a ngai dawn a nia . A ni khan a hre tawh dawn hauh lo cheu a nia,inkhua tihchhiat ngei pawh a rawn la tum ang .









I hmangaihna khan hneh la ,a hriatna chu kir tir leh ang che "tiin a ral riai riai “ Ranga ka lo nghak ang che ,hmelma kan nih pawhin ka lo nghak reng ang che " tiin ka phun sep sep . Ka nu te chuan min hruai sawnin khawlam chu kan pan “ Nu Ranga kha alo kir leh ang tiraw?" ka tihchuan ka nu chuan ka lu ah tuai zauhin “Alo kir leh em em ang "tiin inchhung ah chuan kan lut zui a ,zan thla eng chu thlirin luhkaah chuan ka thu a ,ka ngaihtuahna ka kawm melh melh “ Engtianga rei nge ka nghah che ngai ang ,ka hmangaih che tih i hriat kha lokir vat rawh aw .








Ka ngai che " tisepin kan pahniha ramhnuaia kan awm lai vel chu ka ngaihtuah,ka ramvah a piangin nungchan zir khan a buai em em zel a nihkha “ Ranga ka lo nghak reng ang che " ti a phun leh sepin inchhungah chuan ka lutzui a .





KUM KHAT HNU AH







Tunah chuan nula pangngai kum 19 na hmangin ka awm ve mek a ,nitin Ranga hmel hmuh tuma la zawn erawh ka sim theilo . Ka mit hup vang vangin kan pahniha kan awmna thin hmunah chuan thu in ka tap khur dar dar “ Ka ngai tawh che a nia ,ka thil thiam thar te hi i hre ve duh lo em ni ? Ka nghak rei tawh che a rei tawh lutuk " chutia ka phun sep sep lai chuan khawchhung lamah silai puak dur thawm hria in ka tlan vat.








Ka thal leh chemte chu la in a paiah ka dah a ,chak zetin ka tlan lut “ Kan intuala mipui lo phun mur mur leh ka pa tlangval pakhatin a lo cho ka hriat chuan ka thinrim hle “ Sangliana" tihri chuan min tiding dawt . Ni e tunge hrelo ang,he tlang dung tluana hming rawn chher tu pasaltha naupang te an tihkha a ni ngei mai “ Ngurlianpui ka pa phuba la in min rawn hmachhawn ta che nge ni a ,he khua hi mei vapah ka chan tir dawn "chu aw chu ka hriat thin aw a ni .










Ka pa chu rawn chhuakin “ Naua tunge i pa chu ni a ,engvanga keichu min rawn cho maw i niha? " tiin Sangliana an tihchu a en ,nilo ka pa patar lam tawh chuan he pasaltha la nau tak hi a hneh hauh lo ang “ Tunge mahni aia u zawk leh uai thla lam cho tawk pasaltha chu keimah hi min hmachhawn ta che " tiin mipui kar atang chuan ka chhuak ,mahse kan khaw pasaltha te chuan min lo dangin pasaltha Chhunliana chuan “ Keimah in kan hmachhawn a nge" tiin Sangliana an tihchu a hmachhawn a ,keipawh chu min pawtsawn nghal.









An inveh a ,Sangliana hmel ka hmu chiah chu ka mengkawk ” Ranga ka hmu che ,nangmah ini " tiin ka en ,chutah rei pawh an in beih hma chuan ka pa pasaltha zawk lu chu a bung hmawk . Mipui chu an au that a ,rapthlak tizetin ka en thung ,ka nu leh ka pa pawh chuan Ranga chu an hai lo tih hriat takin an meng kawk kawk. Ranga chu rawn hawi lehin ka pa chu a melh “ Ka pa phuba ka lak hma chuan ka chawl dawn lo tih hria ang che . Nang pasaltha laktlak loh pa ,ka pa i thah man chu ka hmuh tir khawp ang che " atihchuan ka pa chu ka en .









“ Pasaltha Sanglian tunge i pa chu ni a " ka pa chuan dam dapin a ti a “ Kha Thanchhunga he khua ngeia a lu in tansak kha a ni e . Nang ngei kha ka that dawn che a ni " atihchuan ka pa chuan “ Ka nupui lo dawi tu laktlakloh fapa maw ilo nih a "a tifiah ta thak. Chutah a chem chu la in Sangliana hmaah chuan atum thla ,ka nu chuan tap chung in Sangliana chu ka pa thusawi ngaithla turin a ngen “ Chutiang ka pa in a tilo vang e ,lo in ring rawh ,keihian ka zuah lo ang che " tiin ka pa chu nuisawng chungin a hnaih.








An insat ri nghal bur bur ,ka nu lah kan naupang ber pawm chungin chhuh ve a tum ,mahse upa ho chuan an lo dang vat,ka pa tlu ka hmuh chuan rang zetin an inkarah ka zuang thla “ Duhtawk rawh ,ka pa aiah hian keihi min man mai rawh " ka tihchuan Sangliana chuan min melh ngur,a mit ahmel a engkim chu ka Ranga chiah chiah a ni . Ka pan hnai,a chem thisen far tlawk tlawk chuan min tin “ Huh he mihring laktlak loh hian fanu a lo nei a nimaw? A tha dawn hle mai ,ka sal niturin lo in ring ang che . Mahse he i pa hian dam reng a phulo " ti a ka pa pan a tum chu ka chem chuan ka tin.









“ Kalkiang rawh ,ka pa i thah hma in kei hi min hmachhawn phawt angai ang" ka tihchuan min melh ngurin a nui huk huk ,“ He khua hian pasaltha pawh in nei nange ,hmeichhia rawn tir lo hian ,in zanga zet khua hian min hmachhawn ngam pasaltha a neilo maw " a tihchuan ka ngei hle. Hnaih set setin a hmaiah ka beng sawk,mahse ka in chhir leh nghal keihian ka mipa hmangaih ber ka beng tihchu ka bengah a ri tluk tluk “ Nang hmeichhia " tiin min rawn pan,ka lo inveng nghal vat ,kan insual chhun zawm nghal .










Ka hnehlo takzet ,leiah chuan min bawh bet ,ka nghawngah chempuiina tin ran “ Ranga ka lo nghak che asin" ka tihchuan a meng kawk “ Min hrelo nge min hrelo der,Ranga " a awmah zahpawh dawn lo in ka bei,mipui chu an thum nghal mur mur . Ka thil tih hi hmeichhe tih atan a mawilo tih ka hria ,mahse ka insum thei tawhlo,a awm hlai hlupah chuan beiin ka insut hlap hlap “ Ranga hetiang mi i nih ngailoh kha ka pa hi min laksak suh. Ranga " ka tawng zawng te chuan a taksa chu a insang mar teuh.









“Hmeichhe lemchan hrat ,i mawina hmanga min hneh i tum a maw " tiin chem chuan ka nghawng chu a ti at,a thi ser ser . “ Engvanga ka khua a buaina rawn siam nge inih? Kan lal pawh i zahlo a maw " tiin silai hian Sangliana chu an rawn tin fur ,min thawhsanin pate Thuama chuan a rawn ti “ Tunah chuan kan chhuahsan phawt ang cheu,mahse kan lo kir leh ang " tiin keichu min pawt nawk in min hruai a tum . Chuveleh tlangval ho chuan an lo dang,ka pa pawh rawn tho in rawn beih leh a tum.








Sangliana tlangval rawn hruai te nen chuan an in hmachhawn thap ,mahse kei hian tu nunna mah lak ka duh lo ,an inbeih ka duhlo . Tihtur pakhat chiah ka nei ,chu chu lasi Lalnu min hrilh ang kha tih a ni. “ Pa ka zui ang ,tumahin in hriam lek suh u ,Pasaltha nangni pawhin in hriam dah thla rawh u ka zui ang che " ka tihchuan ka nu leh ka pa chuan a tulloh thu an rawn sawi . Mahse he pa hi fiah ngei ka duh a ni ,an duhchu nise kan khawmite hian an that vek ang. A chhan pawh a tlem zawk an ni miau,Sangliana chuan nuisukin a naute chu an hriam dahthla turin a mitmei zauh.











Kawtchhuah lam kan pan lai chuan ka chhungte chu enin “ Min ngaihtuah suh u ,engkim in hriat vek kha " tiin ka hma a mipa kal chu ka en,ka kut a a kut thahrui phiar fuatin a kaihna chu ka en . Ranga a ni tih ka chiang a ni . Kawtchhuah kan thleng “Pasaltha engtin nge he hmeichhia hi kan tih dawn tir let zawk la a tha lo maw?" pakhat chuan a rawn ti . Midang te pawh chuan an lo na buk pui,“ Ni e thiana ,hmeichhia leh naupang chunga nunrawn lutuk chu malin azawng ngailo ve an lo tih thin kha ,let tir zawk rawh . Phuba chu ila tawh a lawm,an pasaltha lu ah khan lungawi rawh.








Nunrawn lutuk chu mahni tan hlei hlei a tha ngailo tih i hriat kha ,I thil zir te kha theihnghilh suh" pakhat amah ang maia pasaltha tih hriat chuan a rawn ti ve bawk . Ka kut a kaihna chu thlahin a hawisawn “ Nula i duhchuan i haw leh thei e ,min zui kher a ngailo " a thianpa zawk bawk chuan a rawn ti. Kal mai tumin inher , Ranga chu a hnung lam atangin ka kuah thlawp “ I bulah ka awm duh,min hruai ve rawh Ranga " ka tihchuan ka kut rawn phelhin “ Ka rang em ni? Engvanga Ranga min tiziah nge inih, Sangliana ka ni tih theihnghilh tawh suh Zalen tura ka duh lai che hian i vanneih zia hria in let mai rawh " a tihchuan ka din ngai rengin ka ding.









Ka hmu leh tawh dawn lo tih hre rengin engtin nge ka kal tir theih ang. “ Ka duhlo i bulah ka kal duh " ka tihleh chuan ka bula lung lian zet chu chharin a paih vawk ,ka phu zawk “ Kal tura ka tihlai che hian kal mai rawh. Let rawh " a tileh hrawk ,ka hlau viau nangin ka duh biklo,an hnungah chuan ka zui ve zel “ Ranga " ka au leh ,ka zui tih an hriat chuan midang chuan an bula kal tir ve mai turin Sangliana chu an hrilh,mahse min ngaihven duh lo hrim hrim ,kan khawram an pel tep tawh . “ Engvanga min zui zel nge i nih,ka bula awm i duh chuan thil pakhat i tih angai ang " atihchuan ka en chho ha .











“ Engthil maw " ka tihchuan a khi suk,min hnaihin a thiante awmlohnaah min pawt lut “ I thuam phelh rawh " a tihchuan meng kawkin ka en “ Mahse ka " ka tihchuan min vin in “ Phelh rawh ,ka bulah awm i duh a nilawm ni " a tileh hrawk “ Ranga " ka tihchuan min kalsan tumin a inher “ Ka tana in phallo hmeichhia chuan min zui lo khan haw rawh,ka tan tangkaina i neilo " a tihchuan ka thinlung ana vawng vawng “ Min hmangaih kha Ranga min hmangaih kha " ka aw chu a chhuak chang chang ani . Mahse min ngaithla duh lo .









Beidawng zet leh tap chungin ka let hnak hnak,kalkawng lah ka hre tawh bawk silo “ Ranga ka ngai lutuk che " tiin keimah chuan ramhnuaiah chuan ka tei kual rek rek ,ani kha chuan ka ramhnuai kal a piangin ka bo hlau in min zui char char zel a nihkha . Thawk leh khatah ka hmaah chuan savawm a rawn lang thut ,ka in ring hmanlo bawk nen ka rak that ,min rawn pan chhut chhut ,ka thal chuan ka kap ve tak nangin a nat pui hauh lo . Ka ban a rawn ham thi nuai a ,ka thi a chhuak nghal zung zung,ka tlansawn a mahse min rawn hnaih chilh leh tawh bawk si,ka thih hun nghakin lungpui nen chuan ka thu tawp a .











Ka mit chhingin ka nghak tawp ,Ranga hmel a rawn lang “ Ka tihpalh,keimah zawkin pialralah ka lo nghak mai ang che " tiin ka phun sep sep,ka thi chhuak nasa lutuk chuan min tichau zo vek tawh. Silai a rawn ri dur a,ka hmaah Sangliana chu savawm hmachhawn zawnga dingin chempui a hum a ,ka mit vai riai tawh nen chuan ka en tawk tawk,Savawm dimna nei miahlo a a sat biap biap chu ka hmu,ka lam panin a rawn phei “ I tha em ?" a tihchuan ka chhang tawh lo ,ka tawngchhuak theilo hrim hrim.









A diar chu pawt thlerin ka ban chu a tuam mawlh mawlh “ Pasaltha ,thisen a hlauh hnem hle mai engtin nge a la harh theih zawk ,hmeichhe mak tak ani" ti a an sawite chu ka hre thei vek . Mahse ka tha a zawi lutuk tlat “ Ranga " ka taksa kang ang maia na chuan ka muhil tur a tibo “ Ranga a na ,min pui rawh" tiin ka ban na lutuk chu ka sawi chhuak,“ Hmanhmawh rawh u ,tui kha rawn la vat ta che u" ti a vin thawm chu ka hre ruai ruai,thawk leh khatah ana chu rehin vawtin min rawn tuam a ,ka khur hlawk hlawk . Ka mengchhuak a,Sangliana ka bula lo thu chu ka hmu phe ruai.









Khua a thim tawh tih hriat takin meipui inchhep chu ka hmu thei,a kutah chuan ka hum “ Ranga ,avawt " tisepin ka khur zui leh “ Mai mai chuan,min rawn zui loh mai tur che ania " tiin ka bulah a rawn mu thla ,an puankawp neih chhun chu min lo sintir tih ka hre chiah,kawr mipa in an ha ngailo bawk a ,a awm lum chu ka lo hnaih nghal talh talh,ka ke lam chu a kapkarah ka rawlh lut “ Tu chiah nge maw inih le " a tihchu ka hre ruai ruai chauh a ni . Ka taksa chau avang chuan ka muhil zawm leh nghal .










Min thawhsan tum an awm chuan a lumna ka la khamlo bawk nen ka pawm bet,thaw hawk ri ka hriat rualin ka meng chhuak vat . Sanglianan min lo melh kur a vang chuan ka manbet tih hria in ka thlah vat,ka ban pawh a na tawh miahlo . Buk atang chuan ka chhuak,midang chu an lo tho vek tawh a ,ei an lo rel mawlh mawlh ka hmuh chuan ka mu rei lutuk chu ka inthiam lo hle . Sangliana pawh chu a lo tho chhuak a ,ka en duhlo ka zak em em ringawt ,midang hian min ngai nep ngawt ang . Ka kawrfual hak tet deuh nen chuan sal nula ka ang hle hian ka hria.








“ Chaw ei in peih tawh chuan ei in kal siam leh ang u hmiang,khua kan la hlat si a " Sangliana thianpa khan a ti lang lang,an che nghal sang sang,an zinga upa lam in chaw an bar hnuah chauh midang chuan an bar . Kei erawh ka ei ngam lo hrim hrim “ In mipuihna avangin ka lawm e ,ka lo kalsan tawh phawt ang cheu ,khawngaihin kan khaw awmna lam min kawh hmuh ta cheu " ka tihchuan min en thap .










“ Khalamah khan kan kalna hnu zel a lan kha chiang deuh in en la i hmu zel mai ang "pakhat chuan arawn ti . Kal tumin ka inher ,pen nga vel ka pen chauh tihah chuan ka kutah min rawn vuan chawt tu an awm “ I dam that loh kha ,min zui i duh anilawm ni " Sangliana chu ka en ka tlawm a la ve tlat “ Nilo e,min hmu duhlo tu leh min haw tu bulah awm ka duh tawh bik hleinem. A hma a mi kha chu mi pakhat emaw ka tih vang che a nihkha ,in hmaa hmeichhe sihhnip tak anga ka lan avang khan min hrethiam dawn a nia.








Thil eng emaw hriatsual palh vang mai a nihkha " tiin ka nuihsak ,ka kal nal nal “ Ding rawh " a rawn tihhrawk pawh chuan ka ding lo ” Ka sal ini ka ti anilawm ni ? Kan khua chu i thleng ngei ang " ka ban na lai a rawn hmer chuan insum hmanlo in ka rak that,a thi a chhuak leh nghal tiam tiam. Ana bawk nen ka mittui chu khap let tumin ka khap sak sak ,min hruai pheiin tui lum chuan min dehsak leh,ka hnial ngam tawh lo . An khaw lam kan pan,khaw kawtchhuah kan thlen chuan tlang an tlir a ,mipui an rawn tlankhawm nghal ruih ruih kei min hmuh chuan an meng kawk kawk hlawm.









Sal anga hruai luh ka ni bawk a ,thil an hrethiam tih a hriat,Lalpa a rawn kal a kei chu min en in Sangliana chu a melh leh “ Ka pasaltha ka khaw in nghahna chuan hnehna i rawn chang leh ta a ni maw " a tihchuan Sangliana chuan a lu lak chu a phawrh,a rimchhia ka tichu ka hawisawn vat . “ Hei an Lalfanu hmeltha an tihchu a niang maw ? Ka demlo che a hmeltha em lah tak a nih hi,ka nupui tur atan ka it hle mai " a tihchuan ten zetin ka lo melh ,Sangliana chu ka en engmah sawi a tum bawk silo .









An lalpa hian nupui atana min neih tak tak chu ka hlau hle ,hmeichhe pakhat leh Sangliana chu an in hnim hnaih riau danah an in lawm ang tih ka hre nghal . Khawchhung lam min panpui,ka ban na lai an rawn khawn leh thin a vang chuan ka ner leh sak sak zel “ Ranga nangmah kha la nila chuan hengho min tihnat hi i phallo ang tiraw " tiin ka ngaihtuahna chu ka kawm “ Awle ka khua leh tui te u,nangmah ni a zarah tun thleng nun nuamin in lal hi ka la awm thei a . Ka pasaltha ka khaw muantu te a vanga la thangmawi pawh ka ni ,in chungah hian ka lawm in in lal nih hi a nuam ka ti hle bawk.










Kan pasaltha te hlawhtlinna pual hian naktukah rallu kan lam ang,ka sechal ka thawh bawk ang " atihchuan mipui chu an au dur dur ,kei erawh Sangliana chuan ka sal tur min tih miau a vangin an inlamah min hruai haw ,an inah chuan mipa la naupang tak leh nu pakhat an lo awm “ Nu ka lo haw e " atihrualin chunu chuan a rawn kuah “Ka fapa damin ilo haw leh thei maw? Hei tunge " tiin min en ,Sangliana chuan thil awmdan a hrilh zung zung ; a nu chu a bu nghat. Zanriah an ei lai te chuan ei velo in an chhuatlaiah chuan min thut tir a,ka na vawng vawng.








Zawlbuka riak tura a chhuah rualin a nu chuan min melh nghal ran.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)