KHA NI KHA

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Irene Vantawl
Posts: 55
Joined: September 23rd, 2022, 7:37 am

KHA NI KHA

Unread post by Irene Vantawl » February 11th, 2023, 10:29 pm

KHA NI KHA 10


CHAPTER - 10






Ka u thil awmdan vel ka hrilh chuan a thinrim khawp mai, mahse engmah ti lo tur chuan ka ti vat. A chhan chu phuba kha lak tum lovin, lo kian san zawk ilang tiang hi a thleng miah lo ang






Zanriah te chu kan ei ho a, ka pum nawm loh vang chuan ka ei hlei thei lo. Sofia chuan min lo en leh reng thin, min ringhlel em lo ang chu maw. Ka kham chuan in chung lam ka pan vat, ka thil ei zawng zawng ka luak chhuak leh vek, che thei ka awm tawh lo






Sofia chu rawn lang hlawl in, min hruai chhuak a. Khumah chuan min mut tir in, lainat hnel zet hian min en a " Nang nu hi i rai a ni tiraw, ti nge min hrilh vat loh a " vin lek lek a a rawn tih chuan, tawngzawi turin ka lo ti vat. Ka u in a hriat chuan engtin nge a tih dawn ka hre tlat lo a ni






Min riah pui in thil hrang hrang kan sawi kual a, Frankie hrilh leh hrilh loh thleng pawn, kei chuan hrilh ka duh loh rual in Sofia chuan hrilh ngei tur in min ti thung a, lo hre ta sa a ring kher a ngem?. Keimah a rinna nghat ngai lo miring hian, min ring thut dawn em ni






Ni thum lai Frankie a rawn kal tawh lo a, Devin te pawn an be thei bawk silo a, kan buai hlawm khawp mai. Loisy nen pawh kan inkawm thei phian mai, a thawveng chi a lo ni ve bawk nen, kan nui reng mai a ni






Class ka lut tur chu min dang tlat, eng nge an hriat ni. Tukverh lam atang chuan luh mai ka duh ta, ka zuang thla fel chiah ka hawi chhuak chu, Prof a lo ding reng mai, kan in en chiang mai sia. A sam engmah awm tawh lo chu huiin, ka thut na tur lam chu min pan tir a, ka thiante pawh an rawn lut ve nghal






Nuih in sum zet hian an rawn lut a, ka lo melh rum hlawm ngei mai. Mahse eng nge ka hmuh hi, a hnung berah chuan Frankie hian Rosy chu a rawn kai lut a, an hlim hmel hle. " Saw a nui hmel saw ni lawm ni ka hmuh chak em em thin kha, mahse ka tan ni lova midang tan a nui erawh chuan min va tina si em "






Ka thaw a chham mai dawn in ka hria, Sofia chuan min buaipui vat. Loisy pawh chuan min ngaihtuah hmel khawp mai, ka luak te a rawn chhuah tak avang chuan chhuah ka dil ta tawp a, ka hmel a hmuh chuan ka dik lo tih a hre thiam a ni ngei ang, min phalsak ve mai a




FRANKIE POV




Cathy chhuak chu ka en reng, kan luh tirh a a hmel kha ka hrethiam lo, kha mi ni khan a thil tum a tih loh chhan kha ka zawt hman ta lo a, a chhan chu Rosyi leh ka nau an chet sual vang a ni. Tun thleng hian ka nau chuan ni khua a la hre lova, kan buai ve khawp mai






Car a su tu kha hmu vat thei ila ka ti khawp mai, tir tu an awm ngei ka ring a, chutah chuan Rosyi hi a hmasa ber a ni. Ka nau nen hian an in mil lo hle tih ka hria a, mahse kha mi ni takah khan engvang a hruai chhuak nge a nih ka hre thiam lo






Rosy i chu ka bulah ka dah chawt a, a thil tih engkim hi hriat vek ka duh a ni. " Tu emaw thinlung ka hriat nan pawh tha tak a ni dawn in ka hria". Prof chhuah rual chuan Sofia chu kan lam a rawn pan a, mitmeng ling deuh hlar hian min en a, hlauhawm a maw a in ti a ni ngei ang






Kan bul a rawn thlen rual chuan, Rosy chu a beng nghal pawp a. Ka lo ding deuh hluai " Sofia eng thil nge i tih hrep kha " ka bul a awm melh zeuh pah hian ka tia. Sofia chu za lo zeta rawn nui in, ka biakna chu eng nga tan mah a ti lo " Rosy hei hi lo hre reng ang che, ka thawk ve chhung hi chuan i thil duh engmah i hmu ngai lo vang, a bik takin " tiin min rawn melh zeuh a






Devin leh Walcott hi chu ka hrilh lawk tawh avangin min hre thiam khawp a. Mahse kan hmeichhe pahnih hi an buai thlak dawn a nih hi, hrilh ve ta ila ka duh ka hmuh theih loh ka hlau si, Cathy phei chu hrilh chi a ni lo hrim hrim




CATHERINE (cathy) POV




Naktuk mai ah hian Dubai chu kan pan dawn a, Loisy pawh a pa ten an lo rem ti ve hlauh a, a lawm awm phian mai. Frankie chuan min la be lo hrim hrim a, ka tha ti ve mah ila kan hmangaih takin kei ai midang, a thlan zawk miau chuan engtiang chiah in nge a nat ang tih chu a tawng lo chuan an hre thiam kher lo vang






Thawmhnaw vel min siampui in kan awmdan tur te kan sawi a, kan nui leh thin. Dinner ei chhuah kan tum vang in kan hman hmawh deuh a, mipa pahnih lah chuan min tur chhen a, a la tlai loh nen engvang a hman hmawh viau nge an nih le






Ka thawmhnaw hak tur te chu min thlan sak vek a, dik lo awm tlat a ka hruat chu, an phur mah mah deuh em ka ti?. Khaw pawn lam a kan tlan chuan mak ka lo ti, in nalh tak pakhat kawta kan din chuan, a nei tu ka lo zawt vat, min chhang miah lo






Chhuk hmasa berah tang in ka chhuk fel chiah tihah, an tlan chhuak nghal daih a. Ka auh zuina te chu hre lo ang hmak in an tlan chak sawt, " Ti nge helai hmunah hian min hnutchhiah ngawt a" thinrim leh tih ngaihna hre lo zetin kawtah chuan ka tei kual a






" Engtin nge awm ila min duh, kal tur a min duh pawn ka kal ang nga, awm tur a min duh chuan ka kallsan tawh lovang che " zawi leh khur lek lek a rawn ti tu chu ka en vat. Ka hnung lawkah chuan a lo ding reng tawh a, a hmeltha zet chu ka en reng






" Ka hrethiam e Cathy ka thlah tawh ang che, dinner chu i nang hman tho ang, lo kal rawh le " tiin car lam chu min panpui a, tawp turin ka duh tak tak em, min hlat takah awm se kei engtin nge ka awm ve tak ang. Hmangaih dang a nei tih hre reng chung hian ka pan thei bawk silo, min hmangaih thu kha sawi loh tawp tur a nia






" Ti nge i sual em em a, tiang tur te chu bul min tanpui loh tawp mai tur a lawm, hmangaih dang nei reng chung in engtin nge min hmangaih thu min hrilh theih " ka tih deuh tawn tawn chuan min lo kuah thlawp






" Hmangaih chu pakhat chiah ka nei, chu chu ka hneih takah a awm mek " a rawn ti chu, ka tal chhuak nghal. " Min hmangaih thu sawi tu ngei khan, dar kar pawh liam hma hauh in hmeichhe dang min pan san a, engtin nge ka rin theih tawh ang " ka tih tuar chuan, eng nge ka hmuh hi a nui a maw






" Thikna a tel tlat in ka hria " tiin mawi ka tih dan in a rawn nui a. Lut tawh tur a min tih chuan ka en vang vang " Ka kal tir theih lai che hian kal rawh, nakinah chuan a theih tawh dawn lo a nia " a rawn tih leh chuan,ka rilru put dan sawi hun niin ka hria







" Min kal tir lovin i bulah min awm tir reng rawh, ka hmangaih che i hria em ka hmangaih lutuk lutuk che " ka tih chiah chuan nghet zetin min rawn kuah nghal a. " Kha thu kha hriat ka lo in ring reng thin a, a tawpah chuan " tiin ka chhip a fawp vang vang a







Min pawt hla deuh hlek in ka mittui chu a hru a, ka chal a rawn fawh leh chuan ka thla muang huai mai. Ka nghawngah chuan rawn fuan in min fawp a ka lo chhang let vat, thaw chham dawn a kan in fawh hnu chuan kan in thla thei hram







Kan chal chu in sik tirin kan thaw dun ham ham a, min pawm deuh nawlh in keiin a kawngah ka lo kherh bet chat a. In lam chu min pan pui a, a chhung chu a nalh in a fai tak zet, sofa ah chuan min thut puiin a awm ka ngheng nghal a, ka hnung duat takin a chul thung, ka thla a muang tak zet






A mah en thei tur chuan min siam rem a,min hmangaih thu a sawi chuan ka tap leh mai dawn in ka hria. Ka hmuiah min rawn fawp in, a duh thawh tial tial a, kei pawn ka dang phal bik lo. Room lam chu min pan chhauh pui a, a hmeltha zet chu ka en reng, a hawngah ka kut rawlh lut in a beng ka seh sak zeuh a






Ka thlan vel chu min hruk fai sak pahin a rawn mu thla ve a, ka hlim zia chu sawi fiah thiam har tak a ni. A awmah min kuah hle hle in, min fawp leh zeuh zeuh thin, ka lo muhil hman a ni ngei ang thawm awmah chuan ka harh a






Frankie chuan min lo en reng a, ka lai lek lek a ni. Thawm a rawn awm leh chuan ka tho chhuak nghal a, in hnuai lam a chhuk nghal mai ka tum chu, Frankie chuan min lo dang vat. Thawmhnaw in bel tur a min tih chuan, ka ding khawng reng ringawt, ti nge tunah chiah ka hriat chhuah le






" I laih chang hian i duhawm zual a nia " a rawn tih phei chuan ka thaw em pawh ka hre tawh lo. Hnunglam atang min rawn kuah in ka bekah chuan a rawn fawp a, in hnuai lama kan thian ten min nghah reng tawh thu sawi in min chhuah san a, " A nih chuan an ruahmanna vek a lo ni maw " an ni ka tawng hi ka lawm takzet, thian tih hming pu zo tak an ni










Nizan ka lo mutthluk san a, a zia lo ang reng. Mipa pov hi a har lutuk a, min lo hre thiam mai dawn nia



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)