NGURLIANA Ch~6

[Lalmeiji Hriatpuii]

'' Heng ho hi zan lamah kan kheh khawl ang a, chhun lamah naupang ho kan in puih tir bawk chuan kan ngah thei mai ang '' u Zikpuii'n a tih chuan phur lo zet hian ka lo nuih let tawp. Hetiang zozai hi kheh zo vek tur in min duh anih chu !!!




" Vawkhriak leh eng eng emaw dang chu awm tho mahse nihawi tel hi a hrisel a, sa thau lam hi chu taksa tan a tha lo tam tak an pai avang hian hman tam loh hram ka duh, tunah rih hi chuan loh theihloh in kan hman a ngai rih a " ti zat zat chung in a dahna bawm ah chuan a khung pah mawlh mawlh a.



"Nge ni a, a kawr nen hian kan deng sawm tawp zawk dawn aw??? " kawng dawm meuh in a ti leh vang vang a, pawi ka ti miah lo. " Nia...a buaithlak dawn e.. kheh tur a tam sia " ti in ka lo phun ve sep a, thle zui bak in ngaihtuah muk hmel fe hian a kut tin a sik zui niap niap a, ka melh zeuh zeuh ringawt.



" Awi...Ka theihnghilh chiang lutuk " ti in ka ding hluai a "Eng maw?" u zikpuii'n mak ti leh ka ho chung a min lo zawh na chu "Nizan ah Chhingpuii thingphurh pui ah ka sawm a,ka theihnghilh daih" ka ti zui niah niah "Ka zuk kal lawk teh ang a va hahthlak tak" ti chung in hmanhmawh zet hian ka chhuak nghal a Chhingpuii te in lam pan in ka pen thla hlawk hlawk mai. Ke lawng a kal ngai a nia, lung te reuh te te a tam bawk nen ka dingdihlip leh zawk thin.





An in ka thlen chuan luh pawh dil buai lo in ka pen lut nghal hmiah "Chhingpui awi...enteh ka theihnghilh chiang lutuk min ngaidam rawh aw" ti chung in a puan tah bulah chuan ka thu thla nghal a "I va ho mai mai tak..keipawn ka lo hre tawh reng reng hleinem..inthiam lo duh suh" nui var var a a tih chuan ka inthlahrung zual sauh.





Min rawn thlek nawn leh zeuh in "Lalfapa nen khan khawnge in kal a, zanlai ah lehnghal a lungawiloh hmel si " a ti sar sar a Ngurliana'n min pawt dawr dawr lai kha a lo hmu ve vek em mawni "A...engmah kan ti lo" ka ti tak na a min zawh sek sek reng tak ah chuan ka hrilh fai ta leng a "Awi...a nuam awm e..ka van thik che" a ti chhuak hliai chu "Thik na chi pawh a nilo enteh e..a mizia hi a mak ka ti ania aw...a fel em em a,a hnu lawk ah min vin leh khur khur a kan inkar hi ka hrechiang theilo" ka ti hap





"A hmeichhe hmangaih kha a la theihnghilh lo aniang a.." a ti vang vang kei chu ka lo meng phawk hle ringawt Ngurliana hian hmangaih a lo nei tawh tih ka hre miah lo "Engmaw i sawi?Hmangaih a nei tawh i tia mi?" tawng rin hlau tak a ka ti chu





"I la hre ve nange??Hmangaih deuh a nei a,mahse a hmangaih chu tumah in an hrelo Thangkhuma hi chuan a hre ngei ang" mi hriat hlauh hmel zet in a ti leh sar sar a, zawh zui viau ka chak tehreng nen a hre thui vak bik lo tih ka hria, ka zawt zui lem lo.Zanriah bawl a hun tawh vang in ka haw chho a,hmeichhe naupang in kawi bah ho lah chuan "U Mawite lo tel ve rawh" tiin min pawt tlat a u Zikpuii a awm tho ti in an zingah chuan ka awm ve ta reng.Kawi kah dan te chu ka zir a,ka thiam lo hle ringawt. An kawi tlar pat ho chu uluk theihpatawp a ka tin ve ngar ngar pawn a thelh chiang thei lutuk chu ka thinrim ru tun mai.





Mipa naupang ho in hmeichhe naupang in kawi bah ho an rawn ti buai chhen chu lung in ka lo vawm tawk tawk a, hmeichhe naupang ho lah chu ka chhan takah chuan an pawr thar in mipa naupang ho chu an lo tawng khum ve tan tan hlawm mai.







"U Mawite lo tel ve ziah rawh aw" an ti sap sap a,keipawh chuan an bul a awm chu nuam ka ti in Lal In a putar ho titi ngaihthlak reng ai ngawt chuan a zia fe in ka hria...Ka tel ve ziah tur thu ka sawi tak ah chuan an hlim hmel ngang mai an zuar tar tar reuh a,a tlai tawh bawk nen ka haw chhoh san zui mai bawk.Zan a pawnto ve tur a min sawm na erawh nui hak hak in ka hnial thung.








Lal In ka thleng tep tih ah ka hnung lam atang a min ko tu vang chuan ka hawi let a "Ngur ven ngai...khawnge i kal a?" ka ti chu min melh nghal khui khui in " vawi khat mah khati kher khan min ko tawh suh" a lo ti hmuk






"Haha...ven i ngai alawm" ka ti leh chu hnai fahran ah rawn kun hniam in min nuih suk a,ka hmui a en vung vung chu min fawp dawn emaw ti in mit ka lo chhing tawp.Ka ngaih ang a thlen tak mai loh ah chuan meng in a ni erawh a lo kal daih tawh.Ka va han zak mai mai tak "Hmela mai mai chu" tiin ka um a a hnungah chuan va bei thlawp in a kawng ah ka kherh nghal chat.







Min thin thlak tum in a in her sawk sawk a,ka tlak lo nan ka kherh zui ve tang tang thung "Chhuk vat rawh" a au tuar tuar a "A teuhlo" ka lo ti ve tlat chu ngaitheilo zet in a thaw halh a ka mawngah a rawn dawm in a dek zui a nih chu... Rang lutuk in ka tal vak a, ka pit thla zawk mai.




Cho fahran a minlo melh khui khui lai in ka han ang hman zuai tak na a,engmah sawi lo chuan ka kal nal nal a, a hrilhhai ve mai mai ang chu. A bialnu chu tunge niang le?? Thangkhuma zawt ila a sawi duh awm der silo a, bakah lo zawh vel chawng chawng kha a zahthlak deuh a ka hriat avangin zawh tum na em em ka nei lo, mahse ka hre chak zek zek thung.



Chutiang hlir ngaihtuah chung chuan In pawh ka thleng ve mai a, riltam lo hle mah ila khawthim tak tak hma a zanriah kan ei thin avang hian keichuan zan mut dawn ah ka ei nawn ziah thung. Ka khawvel a rual awh na sang lutuk ang kha helai hmunah chuan ka nei lem lo a, hna rim tak leh na chung chung pawh a thawh luih ngai ang khan ka awm tawh lo. Khawvel changkanna um a intlansiakna nasa lutuk awm ve lohna hmun a awm chu a hahdamthlak takzet.




Ka khawvel ngaihawm loh zet kha ngaih chang erawh zep rual lo in ka nei ve tho. Engkim kha a awlsam em em thung a, ke lawnga nitin tualchar a kal ringawt pawh hi hrehawm tak ani.




Zanriah ei na kan tihfel hma hma atangin upa ho an rawn leng khawm leh a, a hne te pawh hi an hne zozai lo em mawni?? Zahmawh lah hi a ngialngan deuh deuh a sawi an hrehlo nasa sia, ka lo ip zawk zawk chang a tam khawp mai.



Ngurliana vaibel zu a thu chu ka melh kar reng a, a ti lui nge maw ni min melh let ve duh leh thak tawh lo. Rei fe tui tih hmel zet a vaibel a pak khu tual tual chu tho thurh in ngawi reng hian a chhuak zui daih a, eng nge maw a hriat leh tawh ni??




Helai hmunah hian zanah hmeichhia an leng ngailo tih ka hria mahse putar ho bul a zankhua thak awm ka peihloh avangin Chhingpuii te inah ka leng leh hmak tawh a, hmeithai fa anih avang leh an harsat avang hian rimtu a nei ve vaklo bawk nen ka duh chen chen ka leng mai ni.




" In awm em ?? " rawn ti lang lang tu chu u Zikpuii ani tih ka hria. Chhingpuii'n lut tur a a sawm hnu reilote ah a rawn lang ve mai bawk a. Reilote a thut ve hnu ah kan in zui chho leh mai a. Haw kuang tluan in min hau chho char char " Nula i ni ve a zan a nula len len hi a mawilo ania " tih te " Phung in an chawi bo daih mai tur che sin " tih angreng sawi chuan a ri chho bawrh bawrh a, chhang lo in ka zui ve ngat ngat bawk.




In a kan luh hnu lawk ah Vengthlang lam a mi pa pakhat leh an mikhual an rawn in zui lut a, helai a mikhual nei apiangin Lal hnen a an hrilh zel kher hi mak ka ti ru khawp mai. Chu a mikhual pa lah chuan min en duh riau hian ka hre lehnghal a nuam ka ti chiah lo.



" Harsatna i nei em? " Min en nasa lutuk chu ngaitheilo zet hian ka ti ta tawl a, ka melh zui ngar bawk. Midang ho tawng nak nak pawh a reh nghal thap a, chupa chuan " A...nei hran lo e ka hmuh hnu i ang ka ti riau a, min ngaithiam hram dawn nia " ti in a meng zui zak zak a.



ZAWMNA


'' Nula, minlo hrethiam la, i ni ngei e chu ka ti ngam hauhlo nang in Hreivung khawl Lalfanu Saichhingi em maw ka ti tep che alawm '' nui deuh sang chung hian a rawn ti a. Ni e, he taksa neitu chu a ni ngei alawm. Chupa lah chuan chik tak hian min la melh reng bawk a. Chutah lalpa chuan '' Umm.. a ni ngei alawm, an khua in run an tawk a, A nu leh pa te an thah bak ah an khua hal sak bawk in ani hi nungdam a rawn tlanchhuak thei hlauh in ka vangkhua hi hliam tuar chung khan a rawn thleng a, kei in fanu atan ka lo nei ta ani. '' a rawn ti ve leh ta charh charh a.




Chu mikhual pa hmel a mak tihna lo lang chuan ka ngaih a ti tha chiah lo, ka melh reng lai chuan '' Ngawi teh Lalpa, Lal Hrangvunga leh Lalnu Sailiani te chu kan khua Serzawl ah him takin ah an awm mek asin '' a rawn ti ta mai. Ka meng nghal kawk a, ka thin a rawn phu rang nghal sawt bawk. Ka tha te pawh chu an khur tel hial in ka hria. '' Engmaw i sawi? Ka nu leh pa te kha an la dam amaw? Ani thei lo, tlan chung a ka hawi let lai khan ka pa chu a awm a an sat lai chiang takin ka hmu '' ka ti bah zui nawk nawk a, mahse ka mit a ka hmuh ngei pawh chu '' Nung dam in lo la awm hlauh se '' tih ka duh sak lutuk na avang chuan ka ringhlel zo leh vek tawh.




Ni e, ka nu leh pa tak chu an ni hauh lo mahse, an fanu kha ka ni lo tih an hriat hnu pawh a an fa tak ang mai a hmangaih leh lainat tak a min en thei tu te an ni miau a, keipawh in nu leh pa ang mai a ka en ve te an ni. Ka hmangaih chu ka ti ngam lo na a, chu ai chuan a nep bik hauhlo ang tih erawh ka hrechiang em em thung .




'' I hriat ang ang min hrilh fai vek rawh '' ti in ka melh leh ngar ngar a, chu pa in a mitmei a Lal a rawn te te vel te chu rei ka ti khawp mai. Lalpa in a lo buk khum zauh hnu ah chuan a aw thian leh te te in '' Thla det tum khat pawh a la liam lo ang, ka in awm ning thing put tum a ka chhuah tum in ka tawng ta a, ni e, i sawi ang khan a awm a chem hnuhma leh chu lai thisen khar in a bawh luk chungin ani keipawh in ka hmuh ni '' min rawn melh vang vang a.





" Hreivung leh Serzawl hi chak pangai tak chuan ni khat kal awm vel lek a in hlat a ni a, khaw in tlawhpawh tak pawh kan ni a, Serzawl Lal Hrangchhinga leh Lal Hrangvunga hi unanu an ni bawk " a ti leh a a sawi kual thui lutuk chu ka lo thinrim thum tawh. " Sawi vat la nimai ' ka ti bak hlak reng a, dawhtheihna tlachham mi tak ka ni ve bawk nen ka insum thei tawh nganglo ani.




" Lalfanu i nu leh pa te chu an him e, i la dam tih an hriat hunah chuan an lawm khawp ang,Naktip mai khian kan khaw lamah let ka tum a, i duh chuan ka rual in Serzawl pan chuan i rawn kal ve thei reng ania aw '' a ti zui leh zat a, engtia tih chi nge mawni? U Zikpuii bul ah " Naktip chu eng tihna nge? '' ka han ti sar sar a, " Naktuk tuk leh tihna '' a lo tih chuan ka bu zui ve zauh a.



Lalpa te nen a an iniak zui na chu ngauthla chhunzawm ve tawhlo in pawnah kan chhuak zui ta daih a " u Zikpui, engtin nge niang. Saw pa rual sawn ka kal ve mai dawn mawnle?? Saii nu leh pa te kha ka chungah an tha em em a, an lak ah khan bat ka ngah lutuk '' thaw hap chung a ka tih chuan a ni pawh a thaw zui ve ham ham tho mai. " Ka hethiam bik lo le, Lal thu thu a nih rual in i duhthlanna ah thui tak a innghat thung. I duh anih phawt chuan ka pa hian a dang bety reng reng lo ang che. '' a ti sep sep a, amah bawk chuan " Ngurliana zawk hi... '' a rawn ti leh a, chu chiah chu keipawh in ti buaitu ber ani.



" Mawite, min kal san chu i tum em lo ang chu tiraw " tia aw rawn chhuahna lam ka hawi chuan u Ngurkima lo ding luah in min chhuk bih deuh run a, u zikpuii nen kan inkar ah rawn thu in a mawng chuan min nek zui tawlh tawlh a, kan han nui leh rih thin. U zikpuii'n a hmangaih em em hi awm ka ti ngawih ngawih, a zaidam in a fel si, mi zawng zawng ngainat tih khawp a nia, a hmeltha in a lian bawk si, a nau nen hi chuan an in let thawk hi a ni ber in ka hria.



" u Ngur, kal ta daih ila min ngai angem? '' ka tih chuan a nui hawk a " Ngai dawn teuh nang... kan thawl huai ang chu '' a rawn ti a, ka mittui a tling nghal ringawt nia... Ka tahbelh lutuk hi chu helai ah pawh hian ka la sim theilo a nih hi ka ning ania... " tak tak a, kal lo mai la tih hi kan duh ber ani. I duh anih phawt chuan engtik hunah pawn kan thlah thei reng che ania, a rual a i kal kher kha a ngai lo, amaherawh chu i kal ta anih pawh in Kan chhungkaw mi i ni a, khawi hmun ah pawh awm in eng harsatna pawh tawk la, i tan he khua hi a ding a, a awm reng tih i hre dawn nia '' a ti leh a ka sam ah a rawn chul pah zauh bawk.



" Lo va lut mai ru '' ka tih tlat avang chuan min hrethiam tak in an nupa chuan an lut zui mai a, kei chu van arsi de sep sep leh an kiang a thla eng chuai lam lek lek tawh chu thlir in ka inngaihtuah nasa khawp mai. He khua leh Lal chhungkua te hi ka ngaina em em a, han kalsan tur a ka indah chhin ringawt pawhin hrehawmna nasa tak in min tuam hlup hlup chu a ni si. Hmalam hun thui tak ka ngaihtuah lah in he in a chen ve reng ai chuan ka kal a tha zawk tih ka hre bawk.



Ngurliana hi neih ngei ka duh a, ka tum bawk. Ka zahawm nan leh a taksa ka neih sak tak Lalfanu Saii te, a nu leh pa te tan pawh a ka kal ngei chu a ngai ang. Ngurliana hian ka hlutna a hriat ve phah nan hrim hrim pawh a that viau ka ring. He pa lah hi hmuh tur a vang si, tun ang hunah te chuan ka bulah awm se tih ve nak laiin chaw ei kham atangin a bo leh daih tawh " Kan duh leh hmangaihte hmuh nan chuan thiante pawh kan phatsan fo " ti a an lo sawi chu dawt alo nih hi. Ka duh che min ti si hian min ngaihsak lo ropui si min duhna lah a lanchhuah tir chu sawi loh melh pawh min melh tha ve duhlo chu ania... Pasal atan a neih ka la tum zui...




Zan ah pawh chuan muhil theilo in ka ngaihtuahna kawm chuan ka in let kual sek a, khawvar hnu ah pawh chuan khumah ka la mu meng kar reng a, vawk in nawr ngek hma chu harh reng mah ila thawh ka tum buai ngailo hrim hrim bawk. Ni chhuah hma hma a thawh chu ka peih ngang lo. Ka thawh veleh ka hmai te phih in u zikpuii'n tiau lung ang deuh a mum kang mai bowl ang a siam ah thingpui lo thli diam tawh in nui sang hian minlo pe a, he nu themthiam lutuk leh a chhehvel a thil awm hmang tangkai thiam zel hi a mak ka ti ani.



Chaw kan ei kham hnu pawh chuan a la hma khawp mai, khawvel pangai ah chuan awm ila dar 7 pawh a la ri lo ang tih vel ani. U zikpuii te nupa, Ngurliana te thian dun leh Chawngpuii an tih Khawnbawl fanu te nen chuan Nihawi seng tur in kan in zui chhuak a, chu nu lah chuan Ngurliana chu a melh lai ka hmu thei em em mai lehnghal. A ruk chuan ka thinrim tun reng mai ani.




Kelawng a kal chu ka tan a la harsa ve deuh bawk nen lungte zum deuh ka rah fuh palh chang chuan nuam lo duh hle mahse ka inring hman ngai bik tlat lo a, ka tum ni miahlo mahse ka te leh thawt thin. Ka kal muang fal deuh bik bawk nen Ngurliana chu rawn let in a hma ah min kal tir a, lawm loh in ka nui ru leh sak sak thin.


KA PHONE A CHHIA A HEI ZAWNG HI NIMAI AW... TYPE NA HUN PAWH A AWM LO A NI