Pasaltha

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lawmtea Lapi
Posts: 10
Joined: December 6th, 2019, 9:07 pm

Pasaltha

Unread post by Lawmtea Lapi » December 6th, 2019, 9:10 pm

RAMVACHAL

Episode. 1

Vangchhe khaw tlangval ten an mihriat chian em em mai misual tawrawt tak nunrawng bawk si Ralhrata chu um pha vata thah ngei tumin Pasaltha leh Valupate kaihhruaina hnuaiah hmanhmawh tak leh fimkhur tak chung siin Rahrata chu umin hmalam an pan zel a, Ralhrata lahin aduh apui tlin tawh bawka inman tira in thah tir chu atum lo bur a, Vangchhe khaw tlangvalte ang maiin ram chinlah chu ahre phian mai a, kawnglakah lo changin alam pana Vangchhe khaw tlangval ho lo kal chu alo sâi leh nghauh nghauh thin a, hetia Vangchhe khaw tlangvalte hmunrem tak atanga alo sâi nghauh nghauh apiang hian pahnih hi chu nunna nei tawh lo tih hriat takin an thal hlawl hlawl thin a, a umtute pawh hian amah an hrechiang bawka an basa ngam vak tawh lo a, Valupate chuan fimkhur tur leh tumah kal hrang lo tura chah mawlh mawlhin he kan mi um mek hi mitawrswt tak ani a, rem ahriain tlanchhe paha hmelmate sâi let hun ahriat mai bakah ramchin lah keininang thoin ahre bel em em a chuvang chuan tuman pawngpaw bawh buan buan tawh lo tur tiin an mi um ramvachal sual tawrawt tak chu um pahin anaute ho chu ahrilh mawlh mawlh a, an valupa thil sawi chu hriain tumah kal fal bik leh inti huaisen bik awm loin akhawmin an kal zela, reivak lo an um leh hnu chuan awi tlan an thlenga chu awi tlan tawp chu kawr patling hlam hnih awm vel a zau ani nghal mai a, chu awi tlan tawp kawr pathum velin an kân chiah chu an chhak Bung lian tak patling pawm aimaha lian phen atang chuan silai azawnin vawihnih lo puak thawrin kawr kân pathum zinga pahnih chu an lo kân tak kawr ah bawk chuan an hlawm thla hnawk mai a, pakhat ngen muin aden ve loh chu aphu nasa lutuk chu aţhiante rual chuan kawrah chuan alet thla ve tawp a, kawr athlen rual chuan inphenna tur zawngin avak kual nasa maia, Valupa chuan rangtakin inphenna tur zawng rawh u ti a au chûlin abula thing uipum tiat vel tura lian chu inphennen a hmang ve nghal a, an zinga pasaltha pathum tel ve te chuan an han kap let ve taknain an mi tumber kahfuh tur pawh hmu lo a thal thlah ve tawp an ni bawka Bung lian ve tak patling pawm tiat aimaha lian chu an ngen mu chuan adeng khem sawk sawk a, an silai kaw hmawrin hawi lam bik leh tum lam bik neia ngen mu akal danah an hmelma tawmna chu an hrechiang anih hmel e, chu bung lian tak chu awm lo sela chuan an hmelma pa thah tuma an um an um chu athal chiang teh ang chu mahse he an mi um leh thah ngei an tuma hi chuti mai mai a thah chi ani bik lo a, mahni inring tawk tak ramvachal tuma tluk rual loh hun leh hmun hria pasaltha tawrawt leh tualthah ching mite hlauh hrawn, a hming an lam rik ringawt pawh a khurh zawih zawihna tham leh tulal mahin an khuaa lawilut tur pawha an duh loh khawpa sual tawrawt Ralhrata ani miau a.
.

A awmna bung khem hlawk hlawka hmelma silai muin aden hma khan Ralhrata chu a awm hmun sawn daih tawhin hmalam panin akal leh daih tawh a, hmin rem chang lo sai tluk leh dawp dawpna tur zawngin a hawi leh ruai tawh zawk a, Vangchhe Valupa chuan asir dinglam lungpui phena tlangval pahnih chu mitmeia biain bungkung leh avel chu enfiah turin ati a, tlangval pahnih pawh chuan fimkhur taka bungkung lam chu panin thawm a awm em tiin an ding leh data, hmun tin mai chu hmuh hmaih neih tum lo takin an melh kual nghal vat vat bawk a, he an mi um lai hi an hre chiang bawka fimkhur pawh an fimkhur tawh tak zet ani. Bung kung bul chu thleng chhoin Bung phen leh avel an han enkual chuan hmelma hmel reng reng hmuh tur a awm tawh lo a, an valupa lam chu hawi thlain kut zaizirin engmah a awm loh thu an hrilh hnu chuan kawrah chuan chhung thlain zotui fim kak chu dawt khawlh khawlhin an kal zel dan tur chu an sawi ho a, an thil sawi ho ber pawh he an mi um lai hi Ramvachal ramchin hre tak leh remhre tak sual tawrawt bawk si ani a umzui zel nge tha anga kan tawp san mai dawn tih ani a, Vangchhe khaw tlangval paruk lai chuan tawp san mai an duh thu an sawi chhuak ta phawng mai a, thah tuma kan mi um hi mihring pangai anih pawh ka ring lo hial ani huai mi anih loh vek pawn thah thiang lo khuavang lasi ten an ven him ani ang aduh hun hunah min lo lambun thut thutin kan zinga mi pahnih khat tal chu thal loin thal athlah ngai bawk si lo, aduh duh in min hruai kawi anih ber hi maw an ti chhuak hlawl a, pasaltha pakhat chuan kan mihring pui tho ani ang, mihring niloin huai emaw khuavang pawh nirawh sek sek alu tello chuan ka haw dawn heichen kan umzui tawh a hlawh chhama khaw lama haw ka tum lo bur alo ti ram hmaka, midangte pawn an ngaihdan an han sawi ho nak nak hlawm a an thu amum hlei thei lo chu ani e. Valupa chuan awle atawk e he kan mi um lai hi huai emaw huaimi emaw niloin kan mihring pui ngei ani a khuavangte fachuan erawh ani mahna mahse thah theih ani tih erawh ka chiang chuvang chuan umzui duh lam atam zawk kan nih angin kan umzui tur ani ang, mipakhat vang maia meikhupa mahni khaw lama tlan haw dawr dawr tur ka ni lo ve, Vangchhe khaw tlangval huaisen tlanchhe ngailo kan ni ani lawm ni, kan lalfapa lu hi kan la let ngei dawn lamwm ni, engvanga dawi aw chhuah mai nge kan nih le kan lafapa thlarau chuan ţanpui ngaiin min au lawm lawm asin inpuan ven te kha sawichhing ula inhriamte kha lek chhuak ta che ule atih chuan Vangchhe khaw tlangval huaisente chu lo ding chhuak sap sapin an hriamte chu lachhuak bawkin valupain kal ang ule kan fimkhur zual sauh angai dawn ani, tunah pawh hian khawi lai hmunah emaw chuan min lo chang leh reng tawh mai thei ani ti paha kal chu an zui sap sap a.

.

Ralhrata hi sawi tawh angin naupangte mahnise Ramvachal tawnhriat ngah leh huaisen, luhlul tak leh ngeng tak, tumruh leh sual tawrawt tak mai ani a, khaw tamtak lal ten an mihuat zawng leh tih hlum duh zawngte that tura ruaiin lawmman atan ţhi leh dar an pe thin a, lal ţhenkhat erawh chuan Sial tuak khat te pawh an pe fo thin a, ţhi leh dar leh sial ngah tak an khua ah chuan (hausa) awmthei pawl tak an ni, an khaw mipui leh lal leh upate pawn an zahin an chung en deuh veka, mahse Ralhrata tlang than dan leh thil tih ţhin chuan lal ati lawm lo hle a, lal chuan khua atanga hnawh chhuah duhin hnawh chhuah tum rum rum ţhin mahse akang dai leh ţhina achhan pawh eng dang ni loin he akhaw pasaltha la naupang tak Ramvachal ralhrat khawkheng sual tawrawt tak hi sualin atlang than dan leh thil tih ţhin chu duh lo hle mahse khaw tam tak laka a khaw himna ani a, nunaute leh tar chak lote angaihtuah vang chauha hnawtchhuak lo mai chauh ani, achhan chu Ralhrata, sual tawrawt leh pawisawk nei lo leh Ramvachal akawl tlat avang hian lal tam tak ten an do ngam lo fo reng ani. Tunah pawh hian Phulpui khaw lal Vanphunga rawih anga Vangchhe khaw lalfapa lu laksak pawh hi ani. Engvanga Phulpui khaw lal hian Vangchhe khaw lalfapa lu laksak tura Ralhrata hi tir nge anih tih chu kan la hre chho zel ang chu. Ralhrata chu hmalam pana kal zelin zotui thiang tak luanna kawrte chu thlengin zotui thiang tak chu adawt khawlh khawlha, aduh tawk a in hnu chuan amah umtu hmelmate lo lambun lehna tur hmun rem chang melhin ahawi kual ruaia, chutah le akal leh na tur lama thing uipum tiat vela lian dingzuah leh hnimhnah zam chiin chuthing uipum tia zeta lian lo zam hnan chuk, aphenah biru mahila alo kalna lam atanga lo kal hmelmate tan hmuh thei loh tur khawpa hnim zam chi lo zam phui chûk chu hmufuhin chumi phen atanga hmelmate lo sai leh nghauh nghauha aduh duh thal leh tawp tawp turin chu lam chu apana, chu hmun chu tui a inna nen in hlat vak hek lo thleng thuaiin hmelmate lo thlen hun, rem tak leh hmuh theih hauh lo turin alo nghak khuau a, Vangchhe khaw tlangvalte lah chuan fimkhur tak leh thawmdim takin an hmelma hnu chu chhuiin kawrte tui luana an chhui lut a, tui chu in pahin an hawi kual leh hrek hrek zel a, tunah chuan an fimkhur ta hle mai, chutah le tui in in an kunhniama an dak chhuak leh chiah chu an hmalam hlavak lo a thing uipum tiat vel hnim zam chiin azam hnan chûk phui tak ral hla vak lo atang pawh a hmuh tlang mai mai theih loh tur khawpa hnim zam phui chûk atang chuan silai inkar hlat lo takin vawihnih alo puak leh thawr thawr a, silai vawihnih apuah rual chuan Vangchhe khaw tlangval pahnih tui in kunhniam dak chhuak leh chiah chu hnung lamah zawngkah thlak ang maiin an leng phar nasa mai a, chu velleh Valupa chuan inphenna tur zawng rawh u tiin a au tial leh nasa maia, tlangval ho pawh arang arangin inphenna tur zawngin an buai nasa mai a, Vangchhe khaw tlangvalte awmna hi kawrte kam inphenna turin lung lianpui pui awm lo mahse thing lianpui pui kawr kam velah chuan ading ngir sung a, chu thing ding lian pui pui chu inphen nan hmangin Ralhrata chu an han kap leh ve dup dup a mahse an miduh tak erawh an ngenmu chuan adeng fuh lem lo a, inhnaih te te leh ţawng inhre pawh pha veka ţan hmun siam an nibawk a valupa chuan tunah chuan kan tlan hlat tir tawh tur ani lo, aţul chuan kan bawh nghal zung zung mai tawh tur ani ang, insilai mu kha thun leh nghal ula kan hnaih phei hret hret dawn nia tiin hma ahruai nghal a, Ralhrata chuan atawmna thing phen aţang chuan amah um tute thusawi chu hrepha ruai ruaiin anui saka inva han chak lo nasa dawn em inmi um lai hi tunge ka nih min la hre chiang lo anih dawn hi tunge ka nih a um zui chi ka nih leh nih loh ka han hmuh tir mawlh ang che u tiin asilai pahnih amu athun sa chu hmer vakin ain sehruh nasa mai a, Vangche khaw tlangvalte chu in sem darhin panga in hmalam atang an pel chho anga pathum ve vein veilam leh dinglam aţang an hual dawn ani, tichuan le an kalna tur lam ţheuhah kalin an hmelma ngeiawm zet leh an lalfapa lu latu chu thah ngei tumin an pel ţan a, chu chu hnin kar atang Ralhrata chuan lo hmu khiauin in insem darh kher kher hi chu in thil tih sual lian tak tur ani ngei ang le min la hre chiang dawn chauh e tipahin asilai pakhat zawk Vangkhaw ho silai alak sak chu hmalamah tin kawh vahin hmalam aţanga amah veh tu panga zinga pakhat amah hnaih ber tu chu hmelma um nikhuaa hmasa ber nih pawizia hriat tirin chupa thluak perchuai khawp chuan angen mu chu athlawh chhuah tir a, amah chu hmun dangah in sawnin inphenna tur zawng pakhat chu akap thal leh hman hrama, midang pathumte chu chet pawh che sawn ngam loin leiah an bawk phek ţhap a, Ralhrata pawh chuan hnim kawng chen chena ţo a awm nual avangin pakhat tal chu sai thal leh pawp chak hle mahse hmelma sai tur hmu tawh bik hek lo asilai kah ruah sa ah chuan zen leh amu thunin asawh muk ta zawk a, asilai mu asawh muk zawh rual chuan tlanchhe tawh loin hmelma dang amah pel tute chu apel let ve ta a.

.

A awmna aţanga ding lamah chuan kalin thing lian pui pui ding ngir seng sung chu inphen nana hmang pah zelin hmelma pathum adinglama kalte chu aveh ta zân zân mai le, chung amiveh pathumte pawh chuan awi chho eih euh chu zawh chho zelin thing lian pui pui ding ngir khup chu inphen nan an hmanh pah zela an fimkhur tawh tak zet ani. Mahse Ralhrata lakah chuan kan fimkhur viau e timahse an la fumkhur tawk lo cheu mai, thinglian tak phen atang athlang lama hmelma pathum thing inphen nana chung zela lo chho chu Ralhrata chuan a hmu leh kar tawh a, silai pakhat a inphenna thing ah chuan tungin pakhat zawk chu afawng adarah nghata ahmawr khur eih lo a hmelma pathum zinga pakhat thing inphen nana hmang zeuh zeuh paha lo chho zel chu tin vang vangin inphen nan thing pakhat phena lut leh tur chiah chu chupa bekah tak chuan angen mu satha ver vawr chu athawn lut ta siah maia, chupa chu duh loh paih ang thlawrhin alo chhoh na lamah chuan ahlawm thla nawk nawk a, thing phena pahnih la awmte chu meng phawk hra chungin he kan mi um lai hian atute mai pawh hi kan awmna lai ahre chat chat zel mai zawng anih hiiii, eng ang mi nge maw anih chiah le aduh hun hunah, aduh duh min thur nghauh nghauh zel mai si a kan tan chuan hneh chi rual ani lo ve tirilruin an mi umlai leh veh mek chu um zui zela thah pawh tum tawh loin an lo chhohna lamah chuan in mitmeia tawlh let pahnih chu mahni nun hluta tlanchhe tawh mahnise tumah dama chhuah tum hek lo um zuiin an lu alaksak hrama, ami thah pathum zinga silai keng pakhat silai chu laksakin hmelma dang awmna lam chu apan leh nghala, nichin maia athah bang pathumte lamah kalin alo chang leh ran tawh a, Vangchhe khaw tlangval ten silai ri an hriat rual chuan silai ri an hriat na lam pan nghal rawk rawkin an zinga tawn hriat la ngah vak lo pahnih chuan hetiang hun leh hmunah chuan fimkhur leh thawm dim thiam pawimawh zia hre chiang turin leh chu fimkhurna leh thawm dim thiam pawimawh zia hria a nunpui zui tur awm loin nunna an hlauh leh ta, Ralhrata chuan amah um tu Vangchhe tlangvalte chuan silai rikna lam an lo pan dawn tih hriain hmun rem tak hmuh mai mai theih loh leh kah fuh mai mai theih lohna hmun aţang lo chang leh khiau tawhin Vangchhe tlangval thawm dimna chang hre tehchiam lo pahnih ţhiante thlavang hauh tina takte chu alo kap thal leh hlawl hlawl a, pahnih akah hlum rual chuan awm hmun sawnin adinglam hmelma pathum athah tâkte lamah chuan kawr pawh tumin akal nghal vata, Ramvachal ralhrat tih takah thawm nei miah loin hmanhmawh takin akal vat vat thei ani. Tunah chuan pali chiah thah loh an nei ta, Vangchhe khaw tlangvalte chuan an ţhian nunna chan ta pahnihte pawh bawisawm hman loin Ralhrata chu an ţhiante a thah sak hnem ta bawka thah ngei ngei tumin an um zui nghal vat a, mual chanve awm tur vel an umzui hnu chuan pasaltha pathum zinga pakhat chuan Ralhrata tlan liam tur chu hmu hmanin akap thawr a, Ralhrata tlan liam tur bula thingtuai chu akhem hawr a, Ralhrata chuan va teuh ther ther ve tia phun supin akhi suk a, Ralhrata chu hmanhmawh taka kal zelin kawr chhengchhe zet lunglian pui pui awm na, mahse tuiluang erawh hmuh tur a awm lo a, lunpui lian ţha leng lawng lo awm hmasa ber chu inphen nan hmangin chuta ţang chuan achang leh khiau tawh, Vangchhe khaw tlangval pali dam awm chhun te chuan tawp san duh mai bik loin an la um zui ve ngar ngar a mahse tumah huaisen fal bika â fal bik nih tum loin arualin an kal zel tawh a, achhan chu he an mi um meka hi an hrechiang viau tawha Ramvachal tawlh hun leh bawh hun hre tak leh siali kah thiam tak Ralhrat khawkheng anih mai bakah an mahni ang thoin ramchin ahre bel em em a chuvang chuan mal leh mal chuan an zinga tumah hian an pha loin an khan lo hle dawn tih an hrechiang em atin ni.

.

Tichuan um zelin kawr chheng chhe zet lung lian pui pui awmna an thleng ţepa Valupain hei kawr kan thleng leh dawn a fimkhur takin leh thawm dim takin, hmuhhmaih nei hauh loin leh inthlawp rengin kan kan kal dawn nia ati zo hman ţâwk tih chuan silai lo puak leh thawrin valupa kianga kal pasaltha pakhat chu leiah nunna nei tawh lo tih hriat takin atlu hlawm tawpa, an rin lawk ang ngei thil thleng nimahse hun reilote an hamhaih chhung chuan silai puak leh thawrin pasaltha pakhat chu athal leh nghal hlawl a, chutah le valupa leh pasaltha dam awm chhuan chuan kawr lung hmun la thleng hek lo thing inphenna tur zawng ruaiin thing ding an hmuh remchan apaing chu in phennan an hmang nghala, valupa tlawmla lutuk chuan khatia ahim chin aţanga chenrang chawia insai tluk dawp dawp zawng mipa ka ni inti chin tan chuan tih âwm pawh va nisuh pasaltha inti ve ve chu mipa takin lo inhmachhawn ang hmiang keini chuan silai dahin lulak chem nen kan lo pen chhuak dawn e pasaltha kan lalfapa lu pawh la ngam chuan min hmachhawn ngam dawn em tiin acho ta chher chher mai le.

.

comment naah diklo lai leh ngaihmawh zawng hawrawp dik lo ang chi a awm chuan lo sawi ru aw khawngaihin



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)