RAMVACHAL

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lawmtea Lapi
Posts: 10
Joined: December 6th, 2019, 9:07 pm

Re: RAMVACHAL

Unread post by Lawmtea Lapi » June 6th, 2020, 12:39 am

RAMVACHAL

.

Episode. 8

.

Lungdar khaw tlangvalte pawh an buai mam mam khawp mai, tumah phut leh tirh ngai loin an hmaa chhuak apinag chu peih lo hmel pu hauh loin an tinghal zung zung zel a, an inthu rualin an ṭangrual thiam bawk a, chawhma chen zet ralven buk thuamṭhat hna an thawh hnu chuan an zo deuh thuak tawh hial a reng a ni. Lungdar khaw luh khan hi hmun hnihah chauh awmin abak chu kham chhengchhe tak tak vek ani a, hei vang hian ral lakah pawh an him phah reng a, an khaw luhkhan pahnih pawh hi khaw luh dawn hnaihah phei chuan kham leh kham inkara kawng rem lo taka sial chawp ang maiin azimin tlang tih dawna tlang tih tham nisilo awi bir deuh tak pahnih hian akar cheh tlat a, chu awi bir deuh tak ah chuan thing uipum aia lian deuhmah hi in hnaih tak takin ading ngursuau bawk a, he awi bir deuh tak hian khaw lungdawh thlenhma deuh hian atawp ve chauh a, khaw luhkhan hmar lam zawk phei hi chu chhimlam khaw luhkhan aiin a awi bir zawk daih bawk ani. Tichuan, ralven buk thuam ṭhat hna an zawh hnu chuan an lalin angen angin zanriah eikham aṭangin tlangval ten ralven hna an thawk chhun zawm nghal a, an ralthuam pawh hman mai theih turin an tuaihnum nghal vek bawk dawn ani. Ralven buk thuamṭhat hna an thawh zawh hnu chuan lalin akoh angin Lungdar khaw valupate leh pasaltha ralkai thei chin leh thangchhuah pa an nih zia hriat nana thangchhuah diarṭial khim vahte chu lalin chhuat hnum tle hlurh ah chuan khawnbawl upate nen chuan an ṭhu ṭhap a, Lalduhliana chuan aw thian kharh kharhin, awle hei ralvenbuk thuamṭhat hna kan thawh chhan leh hetia ka khaw pasaltha ralkai chin ka koh khawm nachhan che u chu kan hriat ṭheuh angin sawi tam ngai loin kan hre vek a, engtia hma lak zel chi nge tih chu ka khaw valupate leh pasalthate kutah ka dah a, ka khaw tih chhiat tuma ka khaw ramvalh chin lo dai lut apiang chu tumah indimin inzuah hauh tur ani lo, amah erawh chu, ral mahnise an nun hlutin an inpe anih chuan tumah inkhawih zui tur ani lo ang ati dap dap a, tichuan upate pawh chuan fimkhur tur leh inveng tawn thiam taka che tura fuihna thuin an thlah ve bawk a, thil pawimawh dang sawi tur leh tih tur dang a awm tawh lo bawk nen lalin chu an chhuahsan a, zan lama zawlbuk ah inhmu khawm leh tura intiamin mahni inlam ṭheuh an pan ta a.

.

Khaw hnih ṭangruala mi zathum zet thawkchhuak a, Lungdar khaw run tum, Vangchhe khua leh Hmawngbu khua valrualte chu chawl lo a nihnih an kalzel hnu chuan, an khaw run tum Lungdar khaw ram valh chin an dai lut der tawh a, hmun biru lai deuha an ngaih nalaiah chuan an inkhuar a, an tam tham bawk a, buk pawh lian tak takin hmun nga laiah an sa a, hmun pawh an awh zau nangiang mai, tichuan le, Vangchhe khaw valupate leh pasalthate, chutiang bawkin Hmangbu valupate leh pasathate chu ṭhu khawmin ro an rel leh rih a, Vangchhe khaw valupa chu lo dingchhuakin, a aw athian kharh kharh a, awle le hei kan tum ram chu kan thleng ani tawh mai a, kan run tum Lungdar khua hi hmun hnih aṭang chauhin luh theih ani a, abak chu kham chhengchhe tak takin ahual vek a, khawchhung kan lut thei anih ngat chuan an tan tlanchhuah na a awm thei dawn lo a, chu tak chu hun remchangah lain kan vaihma vek tur ani ang a, tin, inding zawng zawng pawh kan halral vek tur ani ang, tichuan zanlai ar khuan hun kan nghak dawn nge khuan hnuhnung kan nghak zawk dawn, Hmawngbu lam kan thurualpuite engnge in ngaihdan le tiin rorel bul aṭan a, Hmawngbu valupa pakhat chu lo ding ve nghalin, vaibel fawp khu tual tual chung hian Vangchhe khaw lam kan thurualpuite in thu leh hla ngaihthlak anuamin inralrel pawh afelfai narawh e, amaherawh chu keini Hmawngbu lam chuan thinrimin phuba lak chak hle mah ila chenna in êm inhal saka, nunau pawisawilote hial kut thak leh zel zawng kan duh dan ani ve hauh lo a, mipa ralkai thei chin, kan lama hriam lek tawh phawt chu dim kan tum bik lo tih min hriat sak ula, nunau pawisawi lote laka hriam lek leh chenna in inhalsak êm zawng kan duhdan ani lo ani ti a sawinawn lehin aṭhuthmun ngai aluah leh a, chutah Vangchhe khaw pasaltha ve tak pakhat chu lo ding nghal zatin, kan thurualpui Hmawngbu lamte inzahawm ka ti khawp mai mahse, hei leh chen hah leh chauh pawh sawi loin, kan khaw mi leh sa lainatna leh zahngaihna tel hauh lo a lu la tu seilenna khua kan thleng ta chenga engaiah nge zahngaihna kan lantir bik ang ni, in awm zawng zawng kan haldarh vek tur ani ati ta phiar phiar a, he Vangchhe khaw pasaltha hi athinrim ngang ni tur ani, athu sawi zawng pawh chuan a aw akhur lek lek hial ani. Hmawngbu pasaltha pakhat lo ding ve lehin keini Hmawngbu lam chuan kan valupa sawi ang khan nunau pawisawi lote thisena kut tih balh hi kan duh dan ani ve lo ani kan tih tawh kha, tin, keini kan awm chhung hi chuan chung thil chu intih kan rem ti dawn lo a, amah erawh chu kan mi duh lu kan lak huna, he khua chhuahsana kan khaw lam kan pan hunah erawh induh dan chuan in che thei ang ati ram hmak a, khaw hnih inthuruala thawk chhuak mahnise an thu amuam hlei thei ta tlat lo mai, Vangchhe khaw pasaltha dang pakhat lo ding ve lehin, induh dan insawi tawh bawk a, kan duh dan ka han sawi ve tawh ange, keini Vangchhe khaw tlangval sa leh ralhmaa zam ngai lo leh hnungtawlh ngailo te chuan kan valupa sawi ang khan kan kal tlang pui dawn a, kan duh dan min ṭawmpui thei lo chu inkir leh thei ang, hei leh chen hi dawi aw chhuaha, meikhup leh mai turin kan thleng hleinem ati ta phiar phiar mai, Hmawngbu pasalthate pawh zam bik hek suh, hei leh chen hi dawi aw chhuaha, zam chhe leh mai turin kan thleng bik lo e, amah erawh chu nunau pawisawi lote leh zel tawrh tira kut thlak kan duh loh thu kan sawi mai zawk ani, tunge huaisen zawka, ṭanna ngaia dingchang thei zawk chu kan en dawn em ni ang ti pahin Hmawngbu pasaltha pakhat chu a iptepui aṭanga alu lak chem phawrhin, inring takin ading kak ta teu mai le, chulai, Lungdar khaw ram valhchin, khaw hnih inthurualte inkhuarna boruak chu aṭang ṭha at at hle mai, atira khaw hnih inthu rual tak leh pheikhai zangvaha Lungdar khaw run tura kal chhuak tate chu an mi run tum khaw ram valhchin an thleng ta chenga, thukhat vua a, lungrual taka ral rel, rel ṭan tawh tur nisi kha, an thu inhmu hlei thei loin an in en hrek hrek ta mai, chutiang bawkin pawn lamah pawh, buk chhung lama rorel thawm leh boruak awm dan hre ve vek hek, khaw hnih tlangvalte chu inep chiaha dingin buk chhunga boruak awmdan azira chhe vat thei turin an inring ta ṭhap mai le, he tiang thil hi athleng ve châwk ṭhin reng ani. Chutah zet chuan Vangchhe khaw valupa rorel bul ṭan tu chu in ngaihtuah harh vatin, an khaw run tum Lungdar khaw run hlei thei loin an khaw hnih inkarah thil ṭha lo zawk athleng thei tih hriain, ekhai hetiang tur ani ngai lo e, kan run tum Lungdar khaw mi leh sa ten tuna thil thleng hi an lo hriat vaih zawngin aṭha lo dawn em mai, inbeng dai hram hram teh ang u khai, Hmawngbu valupate leh pasalthate pawh khan min hrethiam ula, kan lalfapa phuba lak kan duh luatah khua kan hawi zau lo deuh ani ti a thupha chawiin kan pasalthate pawh inbengdai hram hram sela, ni e, Hmawngbu lam kan thurualpuite duhdan khan kan kal ani mai ang chu, kan mi duh lu kan khai haw thei dawn tho a, chenna in êm in hal sak zawng aṭha ngai lo e atih velleh chuan Hmawngbu pasalthate chu an inbengdai ve thei ta chauh a, tichuan khuan hnuhnung khuan hun awmvelah hmun hniha inṭhenin pawlkhatin zawlbuk an hual anga, pawlkhatin lalin an hual dawn bawk ani.

.

Lungdar khaw tlangvalte pawh zawlbukah an kim leh ṭhap tawh a, valupa ten inralring ru taka awm reng tura thu an chah chu vawng reng chungin nula rim turin zawlbuk an chhuahsan sap sap a, Ralhrata erawh angaih ṭha lo tulh tulhin nula rim lam pawh arilruah alang meuh lo a, ahma zawng aiin angaih ṭhat lohna chu alian tulh tulh emaw tih mai turin eng emaw tur et et tu nei nimai hian a inhre nghe nghe a, mahse sawi chhuah rih loh ṭha zawka ahriat vangin aṭhiante pawh engmah ahrilh duh rih lo a, valupa Biaka'n nula rim tur ṭha deuh ka hria ania min lo zui rawh u atihna lamah chuan alawmpa Laiawrha nen chuan an zui ve mai bawk a, mahse Ralhrata rilruah erawh thil dangin hmun alauh thei der lo, valupa Biaka chuan an khaw nula hmelṭha Zikpuiite runsang kai puiin Ralhrata chu bet lo zetin aṭhu ngawi kar a, midang titi pawh chhimphak hlei thei loin thildang daih angaih tuah a, ache zia ngun taka chik tu tan chuan zandang a anglo tih ahriat theih a, chu chu valupa Biaka hian a hmu vek a, mahse tunah rih chuan inzawh chi ani lo tih hriain nakina zawh atan akhek ta zawk a, achhan chu nulain a awm an ni a, ṭullo deuhah midang an ti ralkhel vak thei ani. Chutia bet lo zeta nulain a an ṭhut hnu reiloteah leng haw ar akhuang ta âl âl a, Lungdar khaw tlangvalte chu zawlbuk lam an pan sap sap nghal a, Ralhratate pathum pawh zawlbuk lam an pan ve mek a, an bul hnaihah midang an awm lo bawk a, arilru kap tlat tu chu aṭhiante hrilh vat ṭhaa ahriat avanin, Ralhrata chuan Ubiak zan tir aṭang khan ka ngaih ṭhat lohna azual tulh tulh mai a, Zikpuii kan rim lai pawh khan min chik deuh chuan ka awm dan aṭangin an hriat theih ka ring, inthup hram hram ka tuma mahse min mawlh tu hian min tur nasa em maia inthup theih loh chin pawh ka nei hialin ka ring, engtia han tih chi nge ni ang ral an hnai tlata hriatna ka nei ani atih chuan, chuti chu kan lo inral rin ngal angai dawn tihna anih chu, hei zawlbuk pawh kan thleng ṭep alawm valupa Biaka'n atih chuan, Ubiak min hrethiam la, ka ngaidan chuan midang hrilh rih loh hi ṭha berin ka hria, mahse fimkhur thu hlaah ralven buk lamah zanin chauh chu awm ka duh ani lawmpa nen hian atih chuan, valupa Biaka chuan Ralhrata rilru tur awm ang chu hrethiam pha ruakah inngaiin, awle aṭha e, keima hoin kan kal dawn nia, zawlbuk pawh tlawh tawh lo mai ila, ti hian kan mamawh tur ang lain ralven buk lam kan pan ngahl mai dawn nia tiin zawlbuk pawh tlawhkawi tawh loin mahni inlam ṭheuh an pana, tichuan an hmanrua leh mamawh tur ang lain ralven buk lam an pan ta nghal a, ralven buk hmar lama ansak zawk lam an pan a, ralven buk an thlen chuan, ralvenga lo awm tlangval pathiamte chuan lo chhawn vatin, an zinga upa ber chuan ekhai naupang zawk leh ṭha lai zawk kan awm laia valupa meuh il thawh chhuah tak mai, in enfiah deuh chu kan ngai ani inthiam lo hmel tak hian ati a, valupa Biaka chuan inthiam lohna tur a awm reng reng lo ania, keima duh thu ngei a lo kal ka nia lawm, bakah hei zanin chu kan pasalthate nen hian kan lo chhawk ang che u han hahchawl ve tawh rawh u ahan ti chu, tlangval pathumte chuan kan chau lo reng reng, chauhna chhan tur lah a awm hek lo, pawi intih lem loh chuan kan la awm ve rih ange, khuanun zah angai anga mut hahdamna hunte chu ala awm dawn chauh alawm an tih takah chuan Ralhratatte pawh chuan an awm ve pawi tihna chhan tur nei hek lo, ralvengin an awm ho ta dial a.

.

Chutia Lungdar khaw tlangval tlawmngai ten ralven bukah ṭha hnem ngai taka ralven hna an thawh lai chuan, khaw chhung lamah erawh zanlai ani tawh ani tih hriat nan ar chiara ar pahluisen chu thla khawng pharh pharhin akhuang ta âl âl a, khaw mipuite chu tui taka muin an hnar suk suk a, chutih lai chuan an khua, tudang ngailo a an tualchai ṭhinna, hlim taka lengi run an kai ṭhinna khua hi haldar vek tumin khaw hnih inthurual ten an lo pan mek tih reng an hre si lo, tin, he an pasaltha chhuanvawr Ralhrata ngaih ṭhat lohna hian aveng him hman angem, chu erawh chu hma hunin ala hril zel ang chu. Ralhratate pathum chu zan arei pawh leh an fimkhur zual emaw tih mai turin an mit hmuh theih china meide zeuh pawh hmuh hmai nei lo tur khawpa fimkhuin hmun tin chu uluk takin an melh kual a, ralven buk lo nghak hmasa tlangval pathumte erawh an mu thlu lawp lawp a, chutia hmun tin mai hmuhhmaih nei lo tur khawpa uluk taka an melh kual lai chuan an hma mualthumna, mual pawnglai thinghnah kara aṭanga meichhei eng de leh zeuh zeh ṭhin chu Ralhrata chuan ahmu ta tlat mai, Ralhrata chuan ka ring sual lo e ti sapin, thinghnah kar aṭanga meichher de leh zeuh zeuh ṭhin chu Laiawrha leh valupa Biaka chu akawhhmuh a chu velleh inralrin ahun tih hriain tlangval pathum mu thlu lawp lawpte chu kai harhin ralin min lo pan thu hrilh turin tlangval pakhat chu lalin lamah an tir liam nghala, tlangval pahnih la awm zinga pakhat chu zawlbuk lamah tir liam veleh leh nghalin tlangval la bang pakhat chu chhim lam ralven buk lamah an tir liam nghal bawk a, zawlbuk lama an tlangval tirh hian zawlbuka tlangval riakte kai thoin valupa Biaka'n thu aken tir ang in tlangvalte chu hmun hnihah inṭhenin khaw luh khan pahnihah eng tik lai pawha che chhuak thei tura inring taka awm ṭhap turin ahrilh dawn ani, lalin lama tlangval an tirh chu lalin thleng tawhin lalin kawngka chu hah thaw hlawp hlawp chung hian abeng dat dat a, Lalduhliana chuan kawng alo hawn saka, chu tlangval chuan lalpa imutui lai ka kaihthawh che vangin min hrethiam dawn nia, kan valupa Biaka thu kenga lo kal ka ni a, ral tam takin min lo pan mek ani hah tih hriat taka thaw hlawp hlawp chungin asawi zo thei hram a, Lalduhliana chuan Ralhrata nge nge tluk rual ani lo e ti sap pahin, tlangval hah viau mah la tlangau pa min han koh sak lawk mai ta che, ka khawnbawl upate kha lo ko khawm nghal bawk se la atih chuan tlangval chuan lalpa ka hah lo e tipahin tlangaupa in lam pan chuan atlan leh nghal a, zawlbuka tlangval riakte pawh tho vek tawhin an ralthuam famkim inbelin hmun hnihah inṭhen hrangin ralven buk lam an pan nghal a. Lungdar khaw tlangvalte hi, khaw hnih thukhat vua a infinkhawm mi zathum zette chu zat em lo mahsela tlangval zawlbuk kai chin hi mi za leh sawmsarih vel lai an ni a, rawlthar zawlbuk kai thei lek lek tawhte nen phei chuan zahnih dawn lai an ni ani.

.

Tichuan ral ho pawh an lo hnai zela, hmun hnihah inṭhen tawhin kawng zim lai, awi pangin akar cheh na kawng zim lai an dai lut ṭep tawh a, Lungdar khaw tlangvalte erawh an ṭan hmun tur ṭheuhah inring taka ṭhu ṭhap tawhin ral ho lo lan hun chu an nghak ṭhap a, khaw chhung lam pawh boruak hetiang teh nuai anih takah chuan apui anawiin tumah mutmu tuah thei bar an awm lo a, mut luih tum chu lungbang sut tlang tum ang vel ani a, tum luih loh law law afinthlak zawk ngei ang, lalinah lamah pawh khawnbawl upate kim ṭhap tawhin, tlangaupa zu sem khawn pahin an khaw tlangval huaisen leh tlawmngaite chin ngai changin an ṭhu ṭhap a. Chutah le khaw hnih thukhat vua a infinkhawm hmahruai pasalthate leh valupa ten awi pangin akar cheh kawng zim lai chu an dai lut ta chhak chhak a, hnunglam lama kalte pawn rawn zui vel zelin, atam zawkin awi pangin akar cheh kawng zim lai an dai luh tawh ang tih velah chuan kawng leh lam leh lama kar cheh tu awi pang aṭang chuan tunah tih ri areh rual chuan silai apuak nghal zawt zawt a, Lungdar khaw run tum khaw hnih inthurual tlangvalte chu thal nghal phawk phawkin ṭhenkhat phei chuan eh pawh an ti hman lo, thil thleng chu arang teh thut em a, tin, chumai bakah an khaw run tum khua hian run an tawk dawn tih an hriat lawk ring loin kawtchhuah aṭanag khuan hnuhnung khuan hun nghaha khaw chhung dai luh tum kha an ni a, mahse rin loh deuhin lambun an tawk ta si a, an talbuai phah reng ani, mahse khaw khat tlangval kei ka ni inti chin leh an pasalthate leh valupa ten chiai lo tura an fuihna avang chuan chiai reiloin silai hmeh puah ve nghal an han tum thlagawt a, silai hmehpuah chu sawi loh an tlai tawh zia hriat tir an ni ta zawk a, Lungdar khaw tlangval ten silai an hmehpuah zawh ruala, an ral lu lak chem nen an bawh zui nghal avangin hmelma lam tan chuan silai hmehpuahna hun inhawng hek lo, silai theh thlak ruala lu lak chem nen lo hmachhawn mai loh chu an tan tih thei vang tak ani, ṭhenkhat phei chu lu lak chem pawh la chhuak hman loa pialral kawngka kikte pawh an awm nual ta ve ang, hmelma lam chu atam zawk pialral lamah thawn liamin an awm tawh bawk nen la dam awm chhunte chu an hnungtawlh hawn hawn ta mai a, chu hun remchang chu chuhin Ralhratate chuan bawh zui nghalin mi sawm vel nun hluta inpete tih loh chu an that vek a, an nun hluta inpe te erawh an hnung khirh mawlh mawlh a, valupa Biaka chuan hliamna leh thi kan awm em atih chuan an inenfel zung zunga, tlangval pakhat chuan hlian tenau nei pathum vel kan awm a, abak zawk chu hliamna nei leh thi kan awm lo e tiin alo chhang a, valupa Biaka bawk chuan awle, atha e hliamna nei kan awm loh chuan kan mi thah lu ṭheuh kha la ila khaw chhung lam kan pan vat angai tiin a au leh lauh lauh a, chutah Ralhrata chuan valupa Biaka bulah kalin, Ubiak kan lo han kal hmasa ange khaw chhung lam an ngaihtuah awm thut takin tih leh kal arual a, Laiawrha leh valupa Biaka chuan an zui ve nghal a, tichuan ahman hmasa apiang chuan an zui nghal zel a, Ralhrata ten khaw chhung an luh chuan, chhim lam luhkhan a tlangvalte chu ṭang hlei thei loin hmelma ho chuan vengmawng lam chu ( Ralhratate in awm na lam ) an lo tuam chho ṭan der tawh a, khawchhung tlangvalte chu an hnungtawl loh thei ta lo, Ralhratate chu khaw mawng lam panin hmanhmawh takin an tlan hlawk hlawk a, arilrua lo lang hmasa ber chu achhungte, anu leh pa leh anau Tuahpuii chu ani, hmanhmawh leh chak thei ang bera tlan ani bawk a, vengmawng lama khawtual tlangvalte hnung tawlh paha an theih ang anga ral bei let leh hmelma ho lo tawlh chho hret hret zel chu hmu pha tawhin Lungdar khaw tlangvalte u zam loin hmalam pan ang aw, sa leh ral hmaa zam ngai lo kan nih kha ti pahin alu lak tuma alama hmelma tlangval pahnih an lu lak chem vilik chunga lo kal pahnih zinga pakhat lu chu sah bun sak nawlh pah a kun hniam chungin achem chu avai tle leh nghal zawk a, hmelma pakhat lu asah bunsak lo zawk dulnem aṭang chuan thisen thar hlam leh ril alo chhuak nghala, chupa chu thih sualin leiah ake pahnih akhawng dat data, reite hnuah pialral kawngka kik turin athlarauin ataksa achhuah san nghal a, Laiawra leh valupa Biakate pawh lo thleng tawhin hmelma ho chu haw haw chungin an sat thum awk awk a, chutia khaw chhung tlangvalte an lo thlen belh takah chuan khaw chhung tlangval hnungtawlh mekte pawh phurna thar pein hmelma ho chu haw haw chungin an bawh huk huk a, hmelma ho tan pawh hnung tawlh lo thei an ni ta lo, chutah Ralhrata chuan an inlam chu a en vat a, an in chu ṭha takin ala ding, mahse an inkawta athil hmuh erawh chuan athinrim ati zual kher mai, pasaltha tih hriat tak pakhatin apa Ralthata, adul nem lai aṭanga thisen chhuak nasa lutuk tur hup bet ṭawk ṭawka leia ṭhingṭhi lu asah bun sak lai chuan kapa ti a au ṭial ruai chunga apa lu laksak tu lam chu tlan chunga panin athlendawn hnaihah zuangkang zawkin atha tawpin achhuk sah nghek mai zawng, asat tuin athinrim na zawng zawng leh atha zawng zawng sawm khawma chhuk sah ani bawka, ami sah pasaltha chuan chempui akut khinghniha chelin loin dang mahse akaiza thain dawl zo hek lo akhupin lei asi chawrh a, chutah Ralhrata chu insiam rem nghal vatin achempui chu avai tle leh nghal zawk a, apa lu laksak tu pasaltha lu chu ataksa aṭangin aper hrang nawlh a, Ralhrata hi achet ran em avangin abeih puipa hian chet athawh ve hman meuh lo ani, chutih lai chuan hmelma ho pawh raldo tham awm tawh hek lo an inpe ta nge nge a, Ralhrata chu apa ruang lu nei tawh lo a let reng bulah chuan ṭhingṭhi hnawkin kapa ava pawi tak em, keimah vangin maw i nun ichan, kapa ava pawi tak em, keimah vang vek ani tiin a awm achum vak vak a, thi tur chu keimah zawk hi ka ni asin ati vawng vawng a, Laiawrha pawh chuan hnukulh ṭeuhin kapa Ral ava mak ngai ve mawle ati ve vawng vawng a, pawn lam thawm vangin Tuahpuiite nufa chu lo tlanchhuakin kapa kapa ani thei lo, kapa lo kir leh rawh tiin apa ruang lunei tawh lo chu bawhin Tuahpuii chu aṭap hawm hawm a, Tuahpuii nu pawh abang bik lo, chutah Ralhrata chuan apa lu chu lain kapa iphuba kei ifapa tlaktlai lo zet hian ka la ngei dawn ani thlamuang takin chawl anga che tiin apa ruang chungah chuan thu atiam a.

.

Duh tawk leh phawt mai ang aw, ka Edit hman tawh lo, lo chhiar Edit ve mai ru aw, lo dah hman hram ka tum si a, ka men rei phah ta nge nge anih hi.



Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » June 9th, 2020, 12:20 am

RAMVACHAL

.

Episode. 9

.

Lungdar khua ten run an tawh aṭanga thla aliam hnu chuan buhseng pawh ahun chho der tawh a, an lusunna rilru pawh reh fel tawhin chhungtinte chu buh seng turin lo lamah an liam zut zut a, Ralhratate pawh buh seng ahun tawh bawk nen, phuba lak lam chu dah ṭha rihin, buh senga riak turin lo lam apan chhat chhata, thlam athlen chuan reilote ṭhu thlandaiin buhseng aṭan nghal mawlh mawlh a, buhseng aṭan hnu reiloteah Tuahpuii leh anu pawh lo thlengin, thlamah reilote ṭhu thlandai zawkin Ralhrata buh senga bung mawlh mawlh chu an puih ve nghal a, Ralhrata achak bawk a, akuak hian akaw duak duak a, chutia nilenga an seng hnu chuan Tuahpuiite nufa chu haw zai an rel a, Tuahpuiite nufa an haw hnu chuan Ralhrata chu silai nen vau lamah zanriah hmeh tur zawngin avak lut a, thui ve tawk tak akal hnu chuan thingṭang tliak rirak hriain chu lam chu rang taka hawi nghalin, asailai kaw hmawr pawh chuan chu lam chu akawk nghal vah a, chulam chu muangchang leh fimkhur takin apan ṭhem ṭhem a, thui vak lo thawm nei manglo a thingṭang tliak ri ahriatna lama akal hnu chuan mualsang lam, hmuh phak si a sakhi patuai hnin pet che laih laih hmuin asilai lai chu kah mai teih turin asiam rem nghala, mahse chu sakhi chu kah nghal mai theih ani lo, achhan chu, chu sakhi patuai thlamuang tih hriat taka hnim pet che laih laih chuan ahnung chhawn tlat, Ralhrata chu thawm dim thei ang bera awm hmun sawnin, tunah chuan sakhi kah tuma aveh mek taksa pawh ahmu kim thei ta, chutah asilai cheng chu kauin sakhi zakdawh ah tak, alung pawh hawk khawpa ngen mu athawn luh rual chuan sakhi chu zuang zawkin lei athlen leh hma chuan thi fel der tawhin leiah chuan atla zawi hnawk a, asilai zen leh mu athun zawh hnu chuan asakhi patuai kah chu iptepuiah akin tlam lam hlawhtling inti takin apan a, thlam athlen chuan khua pawh athim ṭan der tawh a, mei nun sawk sawkin, sakhi achan chhunga hmin hman turin chaw achhuang nghal a, tichuan sakhi chu achan ṭan nghal sawk sawk a, achek leh asa ṭha lai deuh chu chhum turah dahin abak zawng chu arep vek a, achaw chhum ahmin hnu chuan sakhi chek leh sa ṭha lai tlem azawng chu chhum so leh bawrh bawrhin zanriah chu puar eleuhin a ei a, zanriah a ei kham hnu chuan thlam namthlakah ṭhuin thil tam tak angaihtuah a, an khuain run atawh chhan leh apa thihna chhan hi ahun kal tawha thil ṭha lo tam tak atih vanga thleng ani tih ahriaa, pawi pawh ati hle reng a, ahun kal tawhte chu saim ṭhat leh thei nisela chuan Ralhrata tluka hun kal tawh siam ṭhat duh an awmin arinawm loh, mahse apa thihna chu tuar dai harsa tiin lal leh khaw mipuite lakah pawh ainthiam thei ngai tawh dawn lo a chuvangin an hmel eng ahmuh ngam vena turin phuba alak ngei ngaiin a inhria a, ahun kal tawh zawng zawng theihnghilha hmalam pan tuma a inbuatsaih laia hun kal tawhin alo um zui zel mai chu hreawm ati takzet a, he thil hi achingfel vat anih loh chuan abul hnaia awm apaing chu dinhmun hlauhawmah adah zel dawn tihna ani. He thil hi achinfel vat loh chuan khawi hmunah pawh awm se an lo um zui zel dawn tho si a, chuvangin thil pawi zawk athlen tak tak hmain achinfel vat angai dawn ani.

.

Vangchhe khaw lamah ve thung chuan, Lallianhrima chu lalin chhuat hnum hlarh ah chuan thinrim tih hriat takin avei tawn sek a, akhaw tlangval silai fung sawm hmanga atlan chhuahte chu hrawk tuar tuarin Lungdar khaw tlangval, nangni aia tlem zawk pawh in hneh lo amaw, pawnfen feng vek tlak in ni, lo tlanchhuah malek tur che u nia, laktlak lo hlawm lutuk, ka lalin hi chhuah san rang rawh u, inhmel ka hmu peih nek lo e ati tun tun a, chutah aṭhutna ngaia ṭhut pahin kafapa lu la tu chu hliam pawh tuar loin ala dam sen lul ani a, engtia tih leh zel chi nge ni ang, kafapa lu la tu lu ka duh ani, kafapa lu la tu lu hi ka kuta a awm hma loh chuan kei Lallianhrima hi ka chawl hauh lo ang ati leh tun tun a, athinrim aso sang bawk a, a khawnbawl upate pawn beng daih chu sawi loh en pawh an enṭha ngam meuh lo a, achhan chu an lal mizia an hriat chian em vang ani. Upamin chuan lapa khual pang zin aṭanga ka hriat danin chhim lam, kan khua aṭanga nisawmpahnih kal vel zeta hlaah sawn pawi pasaltha pawisak nei lo leh tawrawt zet mai a awm a, ahming chu Rotawna ani a, kaiza vengtu pawh pahnih neiin, akaiza veng tute pawh hi amah ang tho a, nurawng leh tawrawt, pawisak neilo an ni a, ṭhi leh dar pek kan tiam chuan he kan mi huaisar zet lu hi kan kut alo thlen thei ngeiin ka ring tlat ani atih chuan, Lallianhriama chuan afapa tan phuba alak theihna turin kawng inhawngah ngaiin tlangval panga rintlak deuh deuh tur thlangchhuakin alalna khua aṭanga nisawmpahnih velzeta hla ah chuan atir liam nghal a, Ralhrata lu lak aduh luat vanga thu tlukna asiam hian rah ṭha achhuah ngut ange maw chu.

.

Ralhrata chu zing takah thoin tukṭhuan tur arel sawk sawk a, tukṭhuan tur apeihfel hnu chuan buh seng aṭan leh nghal mawp mawpa, zingkar chhung lek pawh chuan aseng tam hman viau a, Tuahpuiite nufa an lo thlen chuan thlamlamah chhoin Tuahpuiin chaw asiam sak chu kilin abar nghal mawlh mawlh a, tukṭhuan puar eleuha a eikham hnu chuan reilote ṭhu khawmuang hlekin, an nufa thum chuan buh seng an ṭan leh nghal mawp mawp a, chutia buh senga khawdang pawh hawi hman meuh lo a anbun mawlh mawlh lai chuan lawmpa inva seng chak ve, tu emaw pui tu innei ani lo maw ti ri an hriat rual chuan, an nufa thum chuan aw lo chhuahna lam an hawi rual ṭhapa, Ralhrata chuan lawmpa mai mai ṭhin hi a, he lam lamahte engnge i ngaihtuaha ilo lan tak mai, buh senga i buai awm teh reng nen ati zawm zat a, Laiawrha chuan nimin khan kan zo ve chiah a, lâwm atan min duh takin ka tia, lâwm atan min duh lo anih pawhin Tuahpuii khawhar hnem tuah tal pawh ka ṭangkai mahna tipaha nui huah huahin Ṭuahpuii en pah chuan amitko asan euh euh a, Ulaia ṭhin a tiin Tuahpuii chu anui ver ver a, Laia i ti lawmawm hle mai, i chauh awm teh reng nen Ralhrata nu chuan ati a, kanu Tial ka chau hlei nem, lawmpa nen kan han seng tak tak nga azo duak duak mai ang, nangni chu naktuk ṭang chuan lo kal duh tawh suh u inchau mai mai hei tlangval kan awm alawm khawi nge keimah Laiawrha tlangval hmelṭha ka han che tak tak ange aw tih leh haw haw chunga buh ah/at hlawih hlawih chu arual a, Tuahpuite nufa chu dul dawm meuhin, an khawhar ruknate theihnghilh ṭhak khawpin an nui uar uar a, Ralhrata erawh chuan alawmpa chu tluk lo hle hian a inhria a, ani ang ṭhian anei hi vannei a inti hle a, theih ang anga puih let ve ngei pawh atum bawk ani.

.

Hmawngbu lam pawh an buai ru hle mai a, Lungdar khaw lam hian Phulpui thurual puiin an lo bei let mai ang tih an hlau hle mai a, chutih rualin an pasalthate phuba lak chu an la tum ruh hle tho mai, mahse an pasathate phuba la tur chuan an la nghah rih deuh angai dawn ani, chuti lo chu tlangval raldo thei an tlem tawh si a, tlangval awm chhunte phuba la tura an kal bo vek chuan run an tawk ve thei tho vangin phuba lak chu duh viau mahse an la nghah rih angai dawn ani, chutih rualin lal dang thurual pui theih tur an ngaihven reng tho a, engmah ti lo a lo sakhuh serh nghah tawp erawh an tum lo bur a, hun ṭha lo inher chhuah hun an nghak ta kar a.

.

Tichuan Ralhratate pawn nilenga buh an seng hnu chuan, Tuahpuiite nufa pawh haw tawhin, Ralhratate ṭhian dun chuan zanriah bawl pahin eng emaw sawiin an titi a, Laiawrha chuan lawmpa kanu Tiali hnen aṭang buh seng zawh hnu lamah Vangchhe khaw lam pan i tum tih ka lo hria a, engtia hmalak nge i tum, nangmaha kal ilo tum thla ringawt ange, ka lung a awi dawn lo nasa ania tiin azawt ta phawng mai a, Ralhrata chuan alawmpa hian Vangchhe khaw lam pan atum tih hi hre lo se aduh teh reng nen, anu hnen aṭang alo hria chu pawi ati hle mai a, mahse pawi tihin awmzia nei tawh hek lo le, kal atum hun leh ahmalak dan tur chu ahrilh ta nge nge a, Laiawrha chuan chuti chu buh seng hi zo vat vat ila Vangchhe khaw ho chu i han chil phul vek teh ang, tunge an tih thinrim hi an la hre dawn khawp mai tiin hachang aṭhial ri rap rap a, Ralhrata chuan lawmpa kan khuain run atawh chhan hi ka hun kal tawha thil ka tih sual vanga thleng ani a, mi tam takin nunna an chan phah tawh a, khang ka thil tih sualte vang khan tuman nunna chan tawh lo se ka duh ani, chuti lo chu ka inthiam thei ngai tawh lo ang atih chuan Laiawrha ngaihdan ani lo lek lek a, lawmpa chutiang chu engtin nge i ngaihtuah theih zawk, nangmah chauh chuan ka kal tir thei lo ang che, dam leh tlangkhatah, thih leh ruamkhatah kan ti ṭhin kha, kha tiang thu kha ka bulah chuan sawi pawh sawi tawh reng reng suh ang che, awka vin lek leka atih chuan Ralhrata chuan hnial chi ani lo tih leh hnialin awmzia a awm dawn lo tih hriain ahnial duh tawh lo a, tichuan zanriah an peih fel hnu chuan puar eleuhin an ei a,an ei tam bawk ani ang Laiawrha phei chuan apum chu zut hliau hliauin akhat tawkin ka va puar em ve aw ati leh ṭhin a, mut nan ala hmawk bawk nen namthlakah ṭhuin zanrei tak thleng an titi a, an titi tui bawk ani ang, an mut meuh chuan zanlai ar khuan ahun lek lek tawh a, tichuan tui taka muin zing takah an tho a, Rahrata'n tukṭhuan tur arelin Laiawrha erawh chuan tui chawiin thing afawm thung a, an thil tih lai ve ve an zawh hnu chuan buh seng an ṭan leh nghal mawp mawp a, chutiang zela lo lama karkhat zet an bur leh ngar ngar hnu chuan buh pawh inlamah an thlen vek tawh a, an tih tur hmabak awmchhuna lang chu Vangchhe khaw lam pana phuba lak chauh chu ani rih a, Vangchhe khuaah hian an duh angin phuba la turin an che thei angem, chu chu hunin ala hril zel ang chu.

.

Vangchhe khaw lalinah ve thung chuan Rotawna leh akaiza vengtu pasaltha pahnihte chu Lallianhrima thlathum zu tuitling khawn pahin Lallianhrima thusawi chu ngun takin an ngai thla a, Rotawna chuan lalpa i fapa lu la tu chu Ralhrata i ti maw kha, ahming chuan ka seilenna khua ngei pawh lo thleng phakin ka hmachhawn chakna hi arei tawh sin, engtiang taka pasaltha ralhrat nge anih kan la hria ang chu, ifapa lu la tu lu hi i ke bul ka lo thlen ngei ang ti pahin akaiza vengtu pasaltha pahnihte lam chu ahawiin alu abu zauh a, akaiza vengtu pasaltha pahnihte pawh chuan an lu an bu ve zauh bawk a, hetia en reng reng pawh hian Rotawna leh akaiza vengtu pasaltha pahnihte chu an inzui ngun tawh hle ani tih ahariat a, hmachhawn pawh huphurh awm tak tur an ni, tichuan an thlenin tur lamah tlangaupa chuan ahruaia, an khawlai kalte reng reng chu an ngeng ngalh mai a, khualkai pasaltha chin ṭhah an nibawka hu hang pawh an ngah narawh e, Rotawna phei chuan ataksaha ser anei nual a, chu chuan ati lang pasaltha hliah hliah a, khaw mipuite chuan khualval hmel hriat loh pathumte chu an hmu duh hle mai a, an en dan aṭang chuan an leidote an ni ang tih an hlau hle ani tih ahriat a, hmeichhe awm nem zawkte phei chu enga mah hmain an lo hlauthawng hman hial a.

.

Ralhrata chuan zanriah an kil lai chuan kanu naktukah lawmpa nen Vangchhe khaw lam pan kan tuma i rem ti emaw chu dil aw tak hian ati a, anu chuan rem ti lo pawh ni ila kal intum luih tho hmel si a in han fimkhur hle dawn nia, inau nen kan innghahna awm chhun i ni tih i hre reng dawn nia tiin arem tih thu chu ahrilh a, kanu lungngai suh u dam takin ka lo let leh dawn alawm, eng chen nge kan thang dawn hriat ani lo a min lo ngaihtuah lutuk lo ang che u ti pahin achaw ei lai chu thawhsanin tui hmunah kam aṭhuah puat puat a, chutih lai chuan Laiawrha pawh alo lang leh var tawh a, tichuan in chhuahsanin zawlbuk lam an pan nghal a, zawlbuk an thlen chuan zandang aiin an tlai deuh nge ni tlema la rawlthar deuh zawlbuk kai hlimte leh valupate tih loh chu nula rimin an chhuak vek tawh a, tichuan zawlbuk mei hnung puaka ṭhuthmun remin valupate titi beng var thlak tak tak chu zandang aiin an tlai tawh bawk nen nula rim pawh ngaihtuah lem loin ngun takin an ngaithla ta zawk a, tichuan zan arei zel a, leng hnar ar pawh akhuang ta âl âl a, chu velleh tlangvalte chu zawlbuk lam pan sap sapin zawlbuk mei chhehah chuan inhem lum thuak thuakin mutna an phah nghal sap sap bawk a, valupa ten mu tawh ang u aw an tih chuan tumah bengchheng tawh loin mut zai an rel a. Ralhratate ṭhiandun chu zing takah an ṭhiante thawh hmain an tho a, an mamawh ang angte la khawm sawk sawkin Vangchhe khaw lam pan tur chuan an kal chhuak ta nghal a, an khaw kawtchhuah ah chuan ding zawkin Ralhrata chuan an khaw lam chu hawiin ama hriat tawk lek hian kanu dam taka ka lo kir leh ta lo anih pawhin lo beidawng lutuk lo ang che aw tipahin thaw ahan la vang vanga, chutah zawi muanga thaw chhuak leh pah hian keimah avanga buaina leh harsatna in tawh zawng zawgah min ngaidam dawn nia ti leh sapin an tum ram Vangchhe khaw lam an pan ding nghal a.

.

Tichuan chhun chaw ei a an chawl zawk tih loh chawl lo a an kal ngar ngar hnu chuan an khaw ramvalh chin pawh an pel thui tawh khawp mai a, ni pawh khaw thlang lama aliam lohna chu suk chen chauh ani tawh a, buk sualna tur hmun rem an zawn hmuh vat loh chuan khuain athim hnan anga zan thim hnuaiah buangbar deuha chet angai dawn tih hre rengin buk sualna tur hmun rem melh paha kal zelin reilote hnuah buk sualna tura khuanun asiam hrim hrim eawm tih mai tura hmun rem leh zawl nuam tak chu an thleng ta hlawl a, tui chawina tur lah ahla vak lo bawk nen an phur nghat sawk sawkin, zankhat pahnih mutna tur lek chu ankhawr pum nawk nawka, tichuan zana tuahtur thingro tam tham tak la khawm lehin zanriah an bawl ṭan nghal a, mau theia chaw chhumin tumbu leh sarep an pai tlem chu an chhum pawlh a, tin, tih turdang a awm tawh lo bawk a chaw hmeh vil pahin an hma lak dan turte sawiin an titi a, tichuan chaw hmeh ahmin hnu chuan changel hna hlai ṭha tak tak satin an phah a, chu changel hnah an phah ah chuan mautheia chaw an chhum chu bun chhuakin an chaw bun chhuah chu alai an haikhuar pawka chutah chuan tumbu leh sarep chhum pawlh chu dah leh in an ril aṭam tawh bawka, tin, ahmehin azir bawk ani ang dul hmul khât phuarin an ei a, zanriah puar eleuha an ei hnu chuan chhun lamah an kal chau bawk nen meng rei duh loin mut zai an rel ta thuai a, mut hmunah chuan Ralhrata chu thil tam tak ngaihtuahin arilru pawh akal thui hle mai a, ahun kal tawha athil tih sual vanga pawisawi lo tam takin an tawrh dante angaihtuahin pawi ati em em a, tin, chumai bakah achenna khaw mipuite thlengin an tuar leh zel chu hreawm ati hle a, chuvanga alu lak tuma phuba lakna hun rem chang zawng reng ten an lo pan hmaa, he buaina chingfel tur leh a chhenna khaw mipui ten amah vanga an tawrh zel loh nana Vangchhe khaw lam pan mek ani reng a, tin, dam takin ahaw leh thei dawn nge, haw tur a awm tawh lo zawk ang, dam takin ahaw leh thei ta lo anih pawhin alawmpa tal hi chu dam takin haw leh ngei se la aduh rilru hle a, chutiang vel ngaihtuah chuan zanrei tak thleng ameng a, tichuan thil dang dang ngaihtuah kai zelin ahriat loh karah amu hil ta der a.


.


Tichuan zingtakah thoin tukṭhuan tur an rel leh nghal mawlh mawlh a, tukṭhuan tur an peihfel hnu chuan ei nghal mai loin leh ni atlangsan tak tak hmaa thui tak kal hman an duh bawk nen an tum ram Vangchhe khaw lam panin an kal leh ngat ngat a, chutia chawl loa chaw hma zet an kal hnu chuan tui luanna kawrte thlengin chutah chuan tukṭhuan an ei ta chauh a, puar taka an ei hnu chuan reilote ṭhu zawkin kal zai an rel leh nghal a, Vangchhe khaw ram valh chin an hnaih deuh tawh bawk a, ahma anga uih zawn ang vut vuta kal tawh loin, muang chang lutuk si lo hian hma lam panin an kal zel a, zanriah chhum hun awm velah Vangchhe khaw ram valh chin chu dai lutin khaw chhung mi ten an hmuh mai loh nan hmun biru lai deuh an zawng a, reilote hnuah an duhthusam anga taka hmun biru chu an hmu ta hlauh a, chutah chuan an phur nghatin buk sual, thingro tuah tur fawm leh tui chawi chu an ti nghal sawk sawka, an zawh fel hnu chuan zanriah tur leh atuk tukṭhuan tur nen an rel leh nghala, khua pawh athim chiang ta hle mai, ral rama awm an ni tih inhre rengin eirawng bawlna mei eng vak lo chu ringin zanriah an bar sawk sawk a, zanriah an ei kham hnu chuan reilote ṭhu khaw muangin, naktuk lama an tih tur hre reng bawkin mut zai an rel ta a.

.

Duh tawk leh phawt ang aw, tun ṭum chu in duh aiin atawi deuh mai thei a min hrethiam dawn nia, hun hian hun min pe ṭha duh loin tih tur neuh neuh ka nei ve reng sia, bakah phone aṭang chuan duh angin atype zung zung theih loh a min hrethiam hram hram dawn nia aw, kan in hmu leh ṭheuh dawn nia, chhiar nuam ule.

Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » June 16th, 2020, 11:44 pm

RAMVACHAL

Episode. 10

.
Thuhma ka nei leh lawk mai, RAMVACHAL chhiar ṭhinte hnehah lawmthu ka sawi duh a, chutih rualin khawngaihin fakselna lam pawh nise LIKE, mai piah lamah COMMENT hnuchhiah hram turin ka ngen ache u.

.


Zingkhua alo vara, rannung hram chiah chiah thawmah Ralhrata chu harhin atho a, Laiawrha erawh ala mu bal thung, buk pawnah chhuakin ain phih fai a, chumi hnu chuan mei nunin asilai chu a en fel a, chutih lai chuan Laiawrha pawh lo thoin ain phinfai zawh hnu chuan Ralhrata bulah ṭhuin asilai chu a en fel ve nghala, chutah Laiawrha chuan Ralhrata chu enin ṭhianpa chhun êngah chuan khawchhung luh chi ani dawn silo a, dai hnaia tlafal kan zawng dawn nge nia nga, khaw thim hun nghakin khaw chhungah kan lut zawk dawn, engtia hmalak nge irilruk deuh tiin azawt a, vawiin atan chuan dai hnaia tlafal kan zawng dawn nia, chuti lo chu kan hmanhmawh lutuk chuan kan che sual palh hlauh dah ange, tin, ralveng pawh an indah maithei a kan fimkhur hle angai ang, eng hunah nge kan er let dawn an hriat loh avangin engtik lai pawh a inralring reng turin Lallianhrima hian atlangvalte achah ngei ang, chuvang chuan keini pawh fimkhur takin hnunglam mitnei ang maia kan chet angai ang, fimkhurah fimkhur luat a awm lo e an tih kha, ti teh ni atlangsan tak tak hma hian tukṭhuan i bar vat teh ang ati zawm leh zat a. Tukṭhuan chu puar takin an ei a, reilote ṭhu khawmuang leh rihin Vangchhe khaw dai hnaih lam an pan ta a. Vangchhe khaw mite lah chuan an tan mangang leh lungngaia ṭah vawn vawn naturin alo pan mek tih hre loin chhungtin te chuan thlamuang takin tukṭhuan an kil mek a, chu tukṭhuan chu chhungkaw tam tak tan chuan chhungkima tukṭhuan an kil ho hnuhnung ber ani ngei ang, he an khua tih chhiat tum tute hi pahnih chauh mahni se, tlangval raldo thei khawte pathlawi zat lek awmna khua, Vangchhe khaw tan chuan an tawk viau ani. Ralhratate ṭhianduh hi pasaltha ralhrat khawkheng, sa leh ral lak pawh a tlan chhe ngai lo leh ral hmachhawn thiam zet an ni a, khaw lian tham tan pawh huphurh awm tak tur an ni reng bawk ani.

.

Tialtawnate pathum pawh an hlawh chhuah tur ṭhi leh dar hre rengin Lungdar khaw pasaltha Ralhrata lu la turin Lungdar khaw lam panin an pen chhuak ta chhak chhak a, amah ain ringtawkin a ia ralbeih thiam leh huaisen an awm aring hauh lo a, lusei mipa faah phei chuan amah khing pha tur reng an awm aring lo bur a, tuna Vangchhe khaw lal Lallianhrama'n alu laksak tura atih Ralhrata lusei pasaltha, Ralhrat khaw kheng, ralbeih thiam chungchuanga an sawi pawh hian amah ala hmachhawn loh vanga khaw tin thanga hming chher ve mai mai ah angaiin kei mi hmachhawn hunah meuh chuan he ahming thanna hi tih tawp ani tawh ang, kei Tialtawna hi tu khum phak rual ka ni lo e, Vangchhe khaw lal Lallianhrima hmaah, lusei lalte pawh engah mah ngai loin ati phiar phiar reng anih kha. Tichuan Vangchhe khaw kawtchhuah pelfelin, engtik lai pawha thlawp zaih rengtu pasaltha pahnihte nen chuan phur takin an kal thauh thauh a, chutia phur leh tha tho taka an hlawhchhuah tur ṭhi leh dar hre reng chunga hmalam pana an kal thauh thauh lai chuan an kal pelh tâk an hnung lam aṭang aw ngaihno bei lo zet hian nangni kha ding nghal rawh u tiri an hriat rual chuan anding nghal chawta, chutah aw bawk chuan insilai kha leiah dahthla ula muangchangin lo inher rawh u, finphakar chhuah intum vaih chuan inlu kha ka thlawh darh vek ani mai ti tu aw lo chhuahna lam chu silai dah thla pahin muangchangin aninhera, Tialtawna chuan lusei pasalthate zingah amah dodal ngam leh athil tih tum ti khawtlai ngam an awm arin loh teh lul nen chutia athil tih tum tikhaw tlai mai pawh nilo, lambun an han tawk chu angeng achhun kher mai, chutah Tialtawna chuan tu falu bawk nge maw pasaltha Tialtawna kawng kal lai lo lambuna athil tih tum tikhawtlai ngam chu le, i tih loh tawp tur intih avang hian ka hmaah ṭhingthiin ngaidam i dil ngei tur ani ang, thinrim tih hriat tak hian ati chang fak a, mahse an hmaa tlangval pianthiam leh taksa invuah fuh tak, ral vawi tam an hmachhawn tawh ani tih hriat taka an taksaa ser nei thluah pahnihte chuan silai kaw hmawr che ei lo a tin rân chungin, an hmela zamna leh hlauhna chhete mah awm hauh lo hian ṭiau ral pawi ho hian heng lai lusei ram valh chinah hian engnge tih tur inneih, engti tura lo kal nge in nih tiin aw ngaihno bei lo zet hian an zawt a, Tialtawna chuan an hmaa ding lusei tlangval pahnih chu ngun takin ahan en a, chutah palzam mai mai chi an ni lo tih leh tawhkhirh tak an ni tih ahrethiam mai a, mahse chutiang vang maia an thilh tih tum inchelh khawtlai tir reng atum lo, ka thil tih tur leh zel inhriat aṭul lo e, tute nge innih a, he khaw mi leh sa chu innih ka ring hauh lo a, engvanga min lo lambun ngawt nge innih, he thil intih avang hian tu khua leh tui pawh nirawh u ka pawisa dawn hauh lo ania, inkuang lo nawrin ka thil tih turah min ti khawtlai rei hauh lo ang ati leh tûn tûn a, chuti maia kal tir chu Ralhratatet hian an tum hauh lo, achhan chu kal tir ta ngawt se heng pawi pathuamte hian mi tu emaw lu la tur lo chuan henglai thleng thleng hi an lo kal an ring lo a, chuvang chuan an khw lam pawh anpan thei tih hriain lusei ramvalh chin an lo dai luh chhan hi hriat phawt an duh ani.

.

Ralhrata chuan mahni kuanglo nawr chu tute zawk nge kan la hria ang chu, ka zawhna chhanna min pek phawt loh zawngin inkal ka rem ti hauh lo ang tipahin asilai leh iptepui chu leiah theh thlain inring takin alu lak chem hriam tak chu hum nghet sauh sauhin ading kak ta teu mai a, chu velleh Tialtawna chuan ka tlachhang dawl tu atan ka miduh zawng tak ini, pialrala ka rawng mi bawlsak tur chuan hming tal anei ve ang chu maw tiin akaiza vengtu pasaltha rothap ve tak pahnihte chu enin anui lui uar uar a, chutah Ralhrata chuan ahmaa ding pawi pasaltha Tialtawna chu hnaih sauh sauh pah hian anun thar neih chu ( nun thar tih hi atun lai mah mah maithei, mahse ṭawngkam dang hman tur ka hrelo ) dah ṭha rihin, heng lai khaw chheh vel mite mai nilo ṭiau ral pawi ho chuan zahngaihna leh pawisak neilo, mihrat khawkheng Ralhrata tiin ka hming an sawi ṭhin ahan ti chu, Tialtawna chu arin ai hmaa heng lai thleng thleng ṭhi leh dar hlawh chhuah tuma alo kal chhan nen an intawng ta mai chu ahlauh vang nge arinloh lam daih anih vang zawk, ameng phar ta awn awn mai a, mahse pasaltha khual thang pha chin ngat chuan a awmdan dik lo chu siam ṭha vatin, uai kan duh ai hmain ṭhi leh dar kan hawn thei dawn zu nia ti pahin phur hmel tak hian alu lak chem fawng chu tuai hliau hliau chung hian anaute lam chu hawiin tuman silai kan lek chhuak tur ani lo ti lehin Ralhrata lam chu ahawi nghala, chutah amah bawk chuan kha le keimah ṭiau ral pawi pasaltha Tialtawna ka ni ngai e ti a au ṭial ruai chungin adawk zawka, chutah zuang leh vakin, akut khing hniha chem fawng vuan chungin Ralhrata chu achhip thlak nghek mai zawng eng anga lu chang ṭha pawh awm se adawl zo hauh lo ang, mahse akhingpui che zia chik taka en reng tu Ralhrata chuan Tialtawna chem hriam tak chu dinglama inher paha bumin Tialtawna insiam rem hma nak thawlah chuan nalua awm loin atlawh nghek mai zawng, Tialtawna chu anak ruh veilam tliak ri rawp nen kawng chhak lam abel ta rawk rawk mai a, chutah alo tho chhuak leh hmel chu adur ta khai khai hle mai, Ralhrata chuan pasaltha ṭang ta che le, helam a hi ṭhi leh dar ihlawh chhuahna tur chu ka awm e, ṭan han la deuh la ṭhi leh dar chu i hlawhchhuak thei mahna ti pahin keimah ve thung aw, kha le keimah lusei pasaltha lu man neia lu lak chem hi idawl zo ngut ange maw chu ti chungin sangtakah zuang kangin achhuk sah let nghek mai zawng, achem hmangin Tialtawna chuan loin dang mahse aveilam nakruh tliak avanga chuan aduh ang thala tha hmang thei loin aṭhingṭhi hnawk a, chutah ṭhu hniam paha vir zawkin Ralhrata chuan achem hriam tak chu avai tle leh zawk a, Ralhrata'n alu lak chem avai chhuah rual chuan tisa asat fuh tih hriat tak hian ari no chawk a, Tialtawna chuan mak tih na nen aril chhuak tur leh thisen tharlam chhuak nasa lutuk tur chu hup betin Ralhrata chu thei leh theilo hian a en ṭawk ṭawk a, Ralhrata chuan na tawrh rei tir duh lo a Tialtawna lu sah bun hmawk tuma achem alek kang laia aṭhianpa Laiawrha silai puah rual chuan leiah abawk thawpa, leia abawh thlawp rual chuan alu chungah silai mu aving fur mai zawng, aṭhianpa silai puah rual khan leiah bawk lo sela chuan silai mu chuan hnunglamah ahnawl leng lawp ngei ang.

.

Laiawrha'n asilai akah ruah rual chuan asilai chu leiah theh thla nghalin alu lak chem chu phawrh nghal zat bawkin Ralhrata leia bawk la insiam rem hman lo lu sah phel phawk tum pawi pasaltha dam la awm chhun lu chu avai per lawp a, chu pawi pasaltha chu lu nei loin pen hnih vel hmalamah penin Ralhrata hmaah chuan atlu zawi hnawk a, Ralhrata chuan leia abawhna chu thawh san vatin loh theih lohin silai vawihnih lai khaw dai hnaite ah apuak ta si a, Vangchhe khaw tlangvalte lo thlen hmaa kan bibo vat angai ti zawm leh zatin Vangchhe khaw tlangvalte lo thlen hma chuan pawi pasaltha Tialtawna thih sual awm sep kang lawp lawpa thawk la kawk kawk chu en zawkin ngaw ril lam panin an bibo vat a, reilote hnuah Vangchhe khaw tlangvalte chu pawi pasalthate leh Ralhratate inbeihna hmun chu thlengin valupa pakhat chuan chek tlak tlak chung hian pawi pasaltha Tialtawna ril chhuak pura mu dang bal chu thlek vang vangin he pawi pasaltha Tialtawna khualkai pha ngat chenrang chawi lo a that thei ngat chu mipakhat chiah a awm ahan ti chu, chulai hmuna tlangval awmte chu an meng phawk hra hlawm a, he pawi pasaltha Tialtawna chenrang chawi lo a that thei ngat chu tumah hrilh ngai loin rin an nei nghal vek a, tlangval pakhat chuan he hun duhawm lo tak leh rapthlak tak hi kan khua hian kan tawn ka ring lawk sa reng a, chu hun chu kan tawng ṭan chu ani ta mai a, Ralhrata hi amah chauhin lo thawkchhuak pawh nise kei ni khua tlangval ral bei tham pawh awm lohna khua tan chuan achelh hlelh awm hle ang le, beidawn hmel tak hian hnual hnawk a, chutah valupa chuan ani ngawt mai, pulral tluang se kan lalfapa nun chhe lutuk vang hian mi engzatin nge nun chan leh ang maw, engpawh nise an ruang hi hlawm ila kan lal hnen thlen phawt mai ila aṭha ange atih chuan tlangval ho chu che zung zungin pawi pasaltha pathum ruang nen khaw lam an pan leh rih a.

.

Ralhratate ṭhiandun ngaw ril lam pan pawh umzui tu an awm em tih thlithlai paha kalzelin khua aṭanga silai ri hriat phak loh chin awm tura an ngaih ahla an thlen chuan hmelma ten an um zui lo tih an hre ta bawk a, thingbul nghenga reilote ṭhu thlandaiin ni ahniam ruih tawh bawk nen buk sualna tur hmun rem an zawng leh nghala, reilote hnuah buk sualna tur hmun rem tak chu hmuin hah leh chauh pawh sawi loin buk chakrua la khawm zung zungin pahnih mutna tur lek chu reiloteah an khawr pum nghal mai a, tichuan aṭul ang ang an tih zawh hnu chuan mautheia chaw chhuin an tui chawina kawra chakai an khawrh chu tumbu nen chhum pawlh lehin puar eleuhin zanriah an ei nghala, chaw puar peng pawng taka an ei kham hnu chuan eirelna mei chu hnungpuaka ṭhuin an hmalak zel dan tur an sawi a. Ralhrata chuan zanin chu mut hahdam nan kan hmang anga naktuk khawfing chah hmaa khawdai thleng hman turin kan che chhuak dawn nia, tunah chuan ralveng pawh an indah ngeiin arinawma keini pawh kan fimkhur zual sauh angai dawn ani, anih loh vek pawn naktuk lamah kan hnu an lo chhui ngei ang atih chuan Laiawrha chuan chuti chu an ni ang thoin ram chin kan hre chianga kan hnu chhui tirin pakhat tetein kan thur nghauh nghauh thei dawn zu nia tiin anui huah huah a, tichuan thu tam sawi zui tawh loin mut zai an rel a, tichuan tui taka muin khuan hnuhnung khuan hma chuan Ralhrata chu harhin Laiawrha chu akai tho nghala, Laiawrha chuan thawhchhuah pah hian ahun i hre chat chat hle mai ti nuah nuah chungin a insiam ve nghal a, Ralhrata chu anui tut tut rinawt a, an inpeih hnu chuan Vanchhe khaw lam an pan leh a, khawfing chah hma hret chuan Vangchhe khaw dai chu an thlenga, Ralhrata rin ang ngeiin ralveng pali an lo in dah a, ralven buk chu thawm nei hauhloin an hnaih zel a, ralven buka ralveng palite lah chu hmelma an hnai tih reng hre loin an mu thlu lawp lawp a, reilote pawh inthlah dah hman an nilo tih hre turin an tlai zo ta. ralven buk an hnaih viau ta maw tih chuan inmit mei zauhin ralven bukah chuan aruala zuang lut nghalin, chu ralven buka Vangchhe khaw tlangval pali ralvengte chu zahngaihna leh dimna tel hauh loin an sat nghal zawt zawt a, chutah Ralhrata ten an taksaa, ruh langvar ṭhawt khawpa hnuhma an hnuchhiah aṭang chuan thisen tharlam chhuak nghal zawih zawihin ralven buk chhuatah chuan antlu zawi hnawk hlawm a, nunna nei tawh lo mahse an la meng kur leh nghala, hmeichhe awmnem zawk tan phei chuan rapawm tak tur ani.

.

Tichuan khawfing chatin lei lung alan chian hnu chuan zanlama ralvengte thlak turin tlangval dang an lo kal dawn tih hriain, khua aṭanga ralven buk thlen hmaa hnim pik tak kawng chen vela sang phen aṭang an chang ta kar a, reilote hnuah an lam pana lo titi phei nauh nauh thawm chu hriain an lu lak chem hriam tak chu hum nghet sauh sauhin an zawn an lo thlen hun an nghak ta ran a, chutah ṭawng thawm chu lo hnai zelin Ralhratate chuan chung mite chu an hmu pha tawh a, chung mite chu panga lai an ni a, hma hruaitu pahnihin sailai kengin abak pathumte chuan fei leh chem an keng thung a, tichuan chung tlangval pangate chu lo hnai zelin Ralhratate inphenna hnim pik zawn an thlen chuan Ralhrata leh Laiawrha chu an inphenna hnim pik aṭang chuan rang zeta inkhawh chhuak zawkin hma hruaitu pahnih silai kengte chu an sat hlawm nghal tawpa, chutah hma hruaitu pahnih an sah hlawm tawp rual deuh thaw chuan chung hma hruaitu pahnihte hnunga kal tlangval pahnihte lu chu an vai per leh nghal lawp bawk a, ahnung bera kal khaw lam a tlan chhe vawn vawn chu Ralhrata chuan asilai chu la vatin chupa lubur keh vek khawp chuan akap zui thawr a, chupa chu leiah bawk khup tlawrhin thih sual pawh nei eih loin azal nghal der a, tichuan Ralhratate pahnih chu ralven buka ralvengte silai pahnih an lak sak leh tuna ralveng thlak tura lo kalte silai pahnih an laksak nen chuan hmanhmawh takin sila ri hriaa khaw chhung tlangvalte lo thlen hmaa thui tak kal hman tumin ngaw ril lam an pan nghala. Reilote hnuah khawchhung tlangval sawmhnih dawn chu ralthuam famkim nen chulai hmunah chuan thleng nghal mai rengin chulai hmuna inbeihna hnuhma chu an enkual a, Vangchhe khaw valupa chuan lambun an tawk anih dawn hi tiru ralven buk lam i han en leh nghal ang u atih rual chuan ralven buk lam chu an pan nghal a, ralven buk an han thlen chuan ralven buk chhuat a an khaw tlangval palite ruang let reng chu an thil hmuh chhun chu ani mai a, thildang hmuh inbeiseiin hawi kual vel mahse an beisei ang thildang hmuh tur a awm lo a, valupa chuan engpawh nise hei kan hmuh angin thil thleng tur chu athleng zo tawh a, beidawng leh lungngaia indawm kunna hun kan nei lo, kan tlangval, kan lal leh mipuite him nana an nunna hlu tak hlan tate ruang hi chu kan hnung lama lo kal ten lo bawisawm mai sela keini chuan kan hmelmate kal hlat tak tak hmaa kan um zui nghal angai, tuna kan umzui loh a, kan thah vat loh chuan thil pawi zawk athleng thei a chuvang chuan kan umzui vat angai, insiam ula kan umzui nghal ang atih zawh rual chuan an khaw tlangval khaw mipuite himnan nunna hlutak hlan tate ruang dangbal chu thinrim luat vanga hachang ṭhial ri rap rap chunga en leh zawkin a hmelmate kal liamna lamah chuan an liam ve nghala. Laiawrha fiamhu kha athleng tak tak dawn anih hmel.

.

Duh tawk leh phawt ang aw, dawh thei takin in lo nghak leh hram hram dawn nia.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)