RAMVACHAL

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lawmtea Lapi
Posts: 10
Joined: December 6th, 2019, 9:07 pm

RAMVACHAL

Unread post by Lawmtea Lapi » December 8th, 2019, 8:52 pm

RAMVACHAL
.
Episode. 2
.
Thuhma ka han nei leh lawk mai aw, Story hi phone hmanga ziah anih avangin Type sual a awm lo thei lo a in mi hriatthiamna ka ngena, Lettop te hi awt ve viau mahi ila keini tan chuan neih phak ani ve si lo a chuvang chuan min hrethiama tlawmngaia lo chhiar hram hram turin ka ngen che u ani.
.
Ralhrata chuan a inphena lungpui aţang chuan lo chhuakin ami lulak chem hlaiţha hlep hlawp hriam tak chu phawrh zâl zâl chungin nituk e a, mahse in lalfapa thil tihsual rah nangni leh zelin inseng tur hi chu ka lainat khawp mai che u, mahse in seng ngei chu angai dawn si anih hi ti a ţawng elin tu zawk nge lo kal hmasa dawn che u le, inpahnih khan minsual hrawn zawk dawn ti leh hramin ami lulak chem hlai ţha hlep hlawp hriam tak chu humruh sauhin Vangchhe khaw pasaltha dam awmchhunte hmachhawn zawngin ading kak ta hah mai le, Vangchhe khaw pasaltha chuan keimah hian ilu kha ka la dawn ani, naupang zawk kan awm laia valupa meuh thawh chhuah chu amawi lo e, khawinge kha keimah mihrang leh sahrang hma pawha tlan chhe ngai lo leh zam ngai lo Vangchhe khaw pasaltha Aitawna ka ni ngai e lo inring rawh le tiin Ralhrata lu sah chhum hmawk tuma amilulak chem vai tle zawr pahin Ralhrata chu abawh nghal rawk rawk a, Ralhrata lah chuan awlsam te te hian Pasaltha Aitawna chem vai tle zawr zawr chu lo bum zauh zauhin khaia pasaltha ve si i ţuan ava fum ve mawle khawkhat pasaltha inti ve meuh si ţang ta che le ti a elsen taka ţawng khum pahin Aitawna'n adar sah uai hnawk tuma chem vai tle zawr chu bum leh zeuhin Aitawna nakthawl ah chuan nalua awm loin atlawh ta ngheng a, atlawh tu achakin atha pek adik bawka Aitawna chu êk ţhawtin Ralhrata inphenna lungpuiah chuan insawh chawrhin ahnang titih hial a, mahse khawkhat pasaltha inti ve nafam chu chutimaia tlawm chu tum loin Ralhrata'n anakthawla atlawhna chu dawm chungin atho zi ţalh ţalh a, Chutah le inveh leh ţhem ţhemin Ralhrata chuan kha keimah ve thung aw min lo dang thei angemaw chu tipahin Aitawna dar sah uai hnawk tum chuan achem pui hlai ţha hlep hlawp chu avai tle ve ta zawr a, mahse Aitawna hi khawkhat pasaltha ve meuh ani a chuti maia sah fuh theih chu ni bik hek lo hnung lamah tawlh zauhin Rahrata chem vai chhuak insiam rem leh hma si chu nan hman tumin abawh zui ve nghala mahse Aitawna rin loh deuhin Ralhrata chem vai chhuak chu atum afuh lo tih hriain leh Aitawna'n a insiam rem leh hma, chu hun ţha chu bawhpelh tum loin ami beihpui Vangchhe khaw pasaltha Aitawna hian alo bawh let dawn tih hriain Chem avai chhuah rual chuan dinglamah lum pheiin ami lulak chem chu Aitawna nghawng zawnah avai tle leh nghalzawk a, Aitawna'n Ralhrata sah let tawp tuma insangmar chung lama chepui khai lai lu chu chhum hmawkin pasaltha ralhrat tak chu ini e mahse icho loh tur icho ani ti sapin valupa lam chu hawiin inlalfapa lu lak let nge iduh a midawizep ang maia meikhupa inkhaw lama tlan haw vang vang, engzawk chu nge i thlan dawn le ti a nuih sawhin valupa mitah chuan a en kara, valupa chuan thisawn rawh nang mitlak tlailo pa ti a au chungin Ralhrata lu sah phel pkawk tuma zuang kangin Ralhrata lu zawnah chuan nalua awm loin achhipthlak ngheng mai a, atum ngat fuh se zawng Ralhrata chu lu phel phawkin leiah atlu khur nasa tawh ngei ang le, mahse he ami sah tum hi Ramvachal ralhrat tak sual tawrawt zet Ralhrata ni miau hek valupa chem tum lian zet ata chu tawlhsawnin dinglamah rang taka pen hnih pen sawnin valupa tum ţhelh dingchhuak insiam rem hman lo lu chu zahngaihna tel hauh loin afik ta hmawk a, valupa lu chu leiah tlahrang nghal nawlhin ataksa erawh leiah atlu khur dat dat a, Ralhrata chuan chilchhak pharh pharh pahin Vangchhe khaw pasaltha ho chu inva han nep hlawm ve ti a phun sapin a inphenna lungpui phena asilai dah ţhat pathum chu lain Phulpui khaw lam panin akal nghal nal nal a, Ralhrata chu kal zelin ni kawla aliam dawn thlenga kalin riahna tur hmun rem buk sualna atana hmun ţha tak tur zawng pah zela kal ani bawka rei zawn ngailoin ahmu nghal mai a, Tichuan ţhu thlandai tawh lem loin buk sual, zan thing muh tur leh eirawng bawk chu ati nghal sawk sawk a, khaw chhung ah awm sela chuan lenghaw ar khuan hun awm velah inpeih fel thei ţawkin zanriah abar sawk sawka zan rei lam ani tawh bawk nen mut zai arel ta a.

.

Amu ţan deuh chauh emaw tih chuan abuk sak chung chu vawi leh khatah lo in hik hawkin ka ramchhungah engvanga riak nge inih tunah hian ka ramchhung hi chhuahsan nghal rawh anih loh chuan ka that ang che aw thum tak leh chher takin atih zawh rual chuan Ralhrata chu inperh tho nghal vatin ehe he hê nangni huai rimchhe ho ka zan mutui lai min ti harh ngam amaw pasaltha Ralhrata mutui lai kaihthawh pawi zia ka han hmuh tir ang che u kha keimah Ralhrata Ralthata fapa ka lo kal e angam fa chuan min lo hmachhawn rawh u le ti a aua buk chu chhuah sanin thim chhah deuh lai apiang chu achem pui chuan asat nghek mai zel a, chung thim chhah lai asah apiang chuan patling na tuar a au ţe rawng rawng ri chuan achhunzawm zel a, huai ho lah chuan iva han huangtau reuh ve le ti niawm tak hian an bawh hrawn chiam a, Ralhrata lah in tlawm tum bik hek lo nangni huai rimchhe ho pasaltha Ralhrata mutui lai tih harh pawizia ka hmuh tir dawn khawp che u kha keimah pasaltha Ralhrata ka ni ngai e ti a hmingchhalin huai ho awm tamna ni awma angai thim chhah zualna lai apiang chu abawh leh ta hmiah hmiah mai le, Thinlung huaisen luhlul mitawrawt Ralhrata zet zawng huai ho pawhin an ngam meuh lo chu ani e, huai ho tlanchhe pahin mihuaisen mihuaisen ti a ţe chulin an lo kalna lamah chuan an thlawk liam zut zut a, huai ho liam fel hnu chuan huai dawizep ho ti a phun nuah nuahin buk asak chhungah chuan lutin buk chung huai hoin an hih sak pawh chu siam ţhat tum lem loin amu leh ta hmak a, Tichuan zing takah thoin eirawng abawl sawk sawk a tukţhuan a eikham hnu chuan Phulpui khua Vangchhe khua aţanga zannga kal zeta hla lam pan chuan uih zawn ang vut vuta hmanhmawha kal loin leh muangchang lutuk siloin kal zai arel leh ta a, a iptepuia a ah Vangchhe khaw lalfapa lu chu arim anam ţan tawh a chu rim chu ram pasaltha keipui ten hriain Ralhrata chu pawh ngam chiah silo hian ahnung dinglam leh veilamahte chuan thawm an nei reng a hun remchang an zawng niber in alang, Ralhrata chuan chung thawm chu hriain thawm chhuah tu chu eng sa nge anih tih hre reng mahse ngaipawimawh duh loin hmalam panin akal mawp mawp a, aruk tak chuan a inring ru hle ani. Hetia sapuiin mi avel thur thur tawh chin hi chu achhuah mai mai ngailo tih pawh ahre chiang hle a, sapuiin abeih hun inring ru tak chungin anghak khiau zawk a, silai hmanna hun a awm dawna ringloin ami lulak chem hlai ţha hlep hlawp hriam ţha zet chu sapuiin abeih huna phawrh nghal mai thei turin iptepui chhungah ahum ruh ran a, he sapui akawngkal lai tibuai tu hi chhuah atum bik hauh lo ani. He sapui hian ami vel lai hi ahre chiang tawk loin vel chi anih loh zia ahriat chian phah dawn ani, mahse ahriat chian hnu chuan atlai zo tawh dawn si a, Ralhrat chuan mualkhat kal liamin ahmaa mual inpharh duai Di mihring chen chen a sang ţo dulna mual chu thlengin Di karah chuan lutin Di hmun chu azawh ţan a, Di hmun azawh ţan chiah tih chuan sapui thawm chu ahma zawng aiin ana zual sauh a, Ralhrata pawh ain ring phan phan tawh kher mai, sapuiin Ralhrata beihna tura ahmun thlan hi athlang fuh khawp mai, Ralhrata tan hian Di hmunah chuan chet lak aharsa dawnin inven sen ngaihna a awm dawn lo bawk ani, Tichuan le Ralhrata chu kal zelin Di hmun chanve vel tur akal tawh tih chuan kuipui chuan thawm nei lehin areh ta hmak a chu velleh Ralhrata chuan inralrin hun ani tih hriain asilai ken pathum chu dahin inring taka ding kak tauin achem pui rallu tam tak alak tawhna hriam zet leh hlai ţha hlep hlawp chu hum ruh sauh sauhin sapui lo chhuanna lam tur hre hek lo hmun tin mai chu uluk tak leh hmuhhmaih neih tum loin hmun tin mai chu hawi kualin a en kual den den a, he Di hmun hi atan chet lak aharsa dawnin dinhmun chhe zawk chan achang thei ani tih ain hre ve reng mai mahse mi luhlul leh tawrawt tih takah he Di hmun hi hel thei reng mahse hel buai atum bur a, in tawn hun kan la bei dawn tho a chuvang chuan hma lama inbeih hi athlang ta hmiah mai ani.

.

Tichuan le, Ralhrata inring taka ding kak hah hmalama pen khat apen leh chiah chu adinglam Di pik aţang chuan keipui hrawl leh koham zet chu rang zetin Ralhrata awm zawnha chuan alo inkhawh chhuak zawta, chu chu Ralhrata chuan amit sira lo hmuin hmalamah lum phei tawp tawpa ding leh nghal vatin keipui hmachhawn zawnga ding kak leh hahin ka kawng kal ţha hle gle lai min tih buai man chu ihmu dawn kawp e ti a in seh ruh ţeuh chungin keipui zuan chhuah leh hma chuan zuang dawk zawkin keipui lo zuang chhuak ţan lubur keh rawp khawpa ana in achhipthlak ta ngheng mai zawng chu keipui hruanghrau zet chu angamloh val atawng tih hriat takin Di hmun pik zetah chuan tla zawi ta der a, Ralhrata chuan kha kha ichan tawk ani e ti a phun sepin Di hmun pik zet chu chhuah san turin hmalam apanin kal asiam leh nghal a, chawhnu her hret thleng chawllo a akal hnu chuan kawng zahve ai tam mah akal tawh a, luite tui luanna athlen chuan tuite in in ainsil dai sawk sawka, chaw chhun bar nghalin kal asiam leh nghal a, Ni kawla aliam thleng chawl lo a akal zel hnu chuan luite tui luanna kawrte lam pana kalin buk sualna remchang ahmuhah chuan in nghatin buk asual nghal mawlh mawlh a, thil ţul ang ang atih zawh chuan zanriah eiin leng haw ar khuan hun awm velah chuan mut zai arel ve thei ta chauh a, hetia chawl lo leh tibuai tu nei lo a akal zel chuan nihnih hnuah Phulpui khua chu athleng thei tawh dawn ani. Mahse he nihnih chhung hian kawnglakah eng thil nge atawn anga eng thil nge ahmachhawn leh dawn hriat ani si lo, mahse Ralhrata hian kawnglakah eng thil pawh tawngin hmachhawn ngai dawn pawh nise tlanchhiat emaw hnung tawlh emaw atum lo bur a, aţul phawt chuan anunna hial hlan pawh ahnial hlek lo ani.

.

Tichuan Ralhrata chu tibuai tu awm loin tui taka muin zing takah atho a tukţhuan tur abuat saih leh mawlh mawlh a, tukţhuan abawl zawh chuan thui thei angber kal hman aduh avangin tukţhuan tur abawl chu funa ang ţhain Phulpui khaw lam panin akal leh ta nal nal a, thui tawk tak akal hnu chuan Ni pawh vanlai zawl athleng der tawh a tukţhuan la eilo ani bawka aril aţam ţan ta bawk nen chaw fak turin kawrte tuiluanna lam panin veilamah apeng thla a, tui awmna athlen chuan tukţhuan chaw chhun fak hunah a ei ta chauh a, puar eleuha chaw a ei kham chu reilote ţhu thlan daiin vaibel ala kaia vaibel fawp khu hluah hluahin akal leh zel dan tur ngaihtuah in lunglian vak lo nghenchhanin aţhu thluang duai a, Chutia vaibel zu paha akal leh zel dan tur ngaihtuaha lung ngheng a aţhut der der lai chuan aw thum pangai tak hian nangkha kan ram chhungah hian eng titura lo kal nge iniha eng thil nge tih itum kan ram chhungah hian kan phalna lo chuan eng sa mah kah kan phal hlei nem tih zawhna awka lo chhuah na lam chu thinphut pawh nei eih lo a muangchangin ahawia, pasaltha tih hriat tak thangchhuah diar khima vakul chang tawn vah pahnih leh an hnung zuitute ni awm tak panga hian an lo en ţhapa, Ralhrata chuan inram chhung hi kal tlang tum mai ka ni a sapel pawh ka tum lem lo e tiin ţha takin achhanga, Dik tak chuan chaw afakna ram neitu pasalthate ţawngkam chu ngaihthlak liam mai mai har chu ati khawp mai mahse athil tih lai ti ţhuanawp zawng tura chet aduh loh avangin ţawngkam ţha takin achhang ta zawk kha ani. Pasaltha pakhat chuan heihi Hmawngbu khua Lalkapliana lalna ram chhung ani a keini hi apasalthate kan ni a chaw i fak zo tawh anih chuan kan ram chhung hi chhuahsan vat rawh mikhual kan ngaina vak lo ania, kha silai lah chu ila ngah em em lehnghala khawi ami zawngzai nge ni a, mita iruk sak nge tulalna khuaah emaw rawlralin ihan che zawk kan phalna la hmasa lo a kan ram chhunga ilo luh manah pakhat kha chu min pe la aţha ang tipahin Ralhrata silai pathum zinga pakhat chu lak mai ahan tum chu Ralhrata ngaihdan ani ta hauh lo mai le, apiana hnu lamah hetiang em em a ţawngkam hnuai chhiah leh chuangtlai la tawng ngai hek lo asa phat mai a mahse athil tih tum avang chauha ani leh nilo ang taka insum hram hramin Hei hi tu lalna ram chhung nge, tu pasalthate nge in nih ka pawisa hek lo he ram hi ka kal tlang anga ka silai pawh hi tumman min chhuhsak hek lo ang ti pahin asilai laksak tumtu pasaltha ban rêkah chuan manin asilai lak atang chuan atheh leng dawra inring takin ading nghal vara, chu velleh Lalkapliana khaw pasaltha asilai chhuh tum lo zawk chuan ehe hê mai mai che chuan chutianga min han ţawngkhum vel chu le khawi teh bungthumah ka han chhuah teh ang che tipahin Ralhrata chu abawh nghal rawk rawk a, Ralhrata chuan Lalkapliana khaw pasaltha chem vai chu bum zauh zauhin anghawng zawna chem lo thlawk phe zuai chu kunhniam sana dinchhuah leh pahin achempui chu avai tle ve zawk a Lalkaplian apasaltha insiam rem leh tur chiah lu chu afik hmawka, Lalkapliana pasaltha pakhat lu afik hmawk rual chuan ahmalamah lum pheiin Lalkapliana pasalthate kaihhruai zinga pakhat amah sah tumtu dul nem lai chu asah thler sak duai a, chu tlangval chuan makti a mengphawk hra chunga apum dawmin aţhingţhi hnawk a thih sualin leiah aleng nghal awr awr a, avei lam aţanga anghawng chhawk hmawk tum Lalkapliana tlangval pakhat chem lo vai banrekah chuan man sakin ahnung lamah aphih lawp mai a, chumi rual vêk chuan Lalkapliana tlangval pakhat nghawng chu dinchhuah pahin afik leh hmawk a, Lalkapliana tlangval pakhat ahnung lama aphih leng lawp chu nghenchhana ahman lung lian vak lo ah chuan hnar ruh tliak rawp khawpa insawh in na ati lutuk chu aţe chel chul a, Ralhrata'n Lalkapliana tlangval pakhat nghawng afik hmawk rual chuan asir dinglam aţanga adar sah uai hnawp tum tlangval pakhat lu afik leh hmawk rual chuan tlangval pakhat dar sah uai hnawk tuma chem akhai kan lai tak chuan Lalkapliana pasaltha chuan duh tawk teh khai thisen aluang hnem tawh lutuk tuchiah nge inih le, kan lo chhawnchhaih dan zawng zawng che kha pawi ka tiin zia lo pawh ka ti a zahngaihna lantirin thisen chu chhuah tawh lul suh khai kan thiam loh ani e tiin pasaltha lungfing ţullo zeta lu chan ţeuh duh lo ngaihtuahna fim hmang ţhin pasaltha tawn hriat ngah tak tih hriat tak chuan tiin zahngai turin a han ngen a, Ralhrata chuan thisen luan tir duh vanga michawl ţha hle hle lai tibuai inni ani lawm ni zahngaihnain hmun achang lo e ti pahin ahmaa ding tlangval pakhat chu dar chu asat uai nghal hnawk a, tlangval dar asah uai saka chu aka aţanga thisen chhuak zawi zawi chungin leiah bawk khup hnawkin thih sualin aleng awr awr a, Lalkapliana pasaltha pawh chuan chutia tlawmzawk nih pawh pawisa lo a ţawngkam ţha a thupha chawia awka kan chhuah pawh pawisa duh lo mihring chu eng ang mihring nge maw inih le chuti nasa sa khawi nge atawp ihan thleng law law ang hmiang kha keimah Lalkapliana pasaltha Saikapa ka ni nge e ti a hmingchhalin Ralhrata chu sah sawm vek tumin abawh ta rep rep mai le, chutia Ralhrata leh Lalkapliana pasaltha Saikapa inbeih lai chuan Ralhrata'n anghenchhan lung hnar ruh sawh tliak rawp khawpa aphih lenglawp tlangval pawh ahnar ruh sawh tliak na ti chu azia deuh nge an khaw pasaltha Saikapa chu puih tumin an khaw paslatha Saikapa leh Ralhrata inbeih buai lai hnung lam aţanga Ralhrata lu sah len lawp tuma achem vai chu an khaw pasaltha Saikapa'n Ralhrata lu fik hmawk tuma chem lo vai chhuak nen chuan in tawngin Ralhrata lah chu alo ţhu hniam daih bawk nen hnung lam aţanga Ralhrata lu sah per lawp tum tlangval banrek chu an khaw pasaltha Saikapa chuan achhawk sak zawt mai le, chu tlangval chu natuar a ţe chulin aban rek chu adawm ngawih ngawih a, Saikapa'n atlangval hruai banrek afik hmawk rual a apum thip zawk chu hupin makti taka ţhingţhiin Ralhrata chu a en ngawih ngawih a, Ralhrata chuan Pasaltha Ralthata fapa Ralhrata tihbuai pawizia chu kha kha ani mai tipahin pasaltha Saikapa lu chu alak sak a, Saikapa'n atlangval hruai banrek atan saka lu pawh la in tawikhaw muang tawh loin Lalkapliana pasalthate siali pathum chu lain silai paruk lai chu puin hun tam tak Hmawngbu khaw pasalthate insualpui nan ahmang tawh bawk nen Phulpui khaw lam panin akal ta nghal nal nal a.

.

Kawlah Ni aliam dawn thleng chuan kalin buk sualna tur atana hmun rem deuh melh pah reng ani bawka buk sualna tur atana hmun rem ve ang reng tak zawl zau vak lem lo chu hmuin chutah chuan innghat sawk sawkin khua athim ţan bawk nen Buk sual, zanmuh tur thing fawm, tuichawi leh eirel chu ati nghal sawk sawk a leng haw ar khuan hnu daihah inti fel ţawkin mut zai arel thei chauh a, chhun lama Hmawngbu pasalthate nen an in beihnaah achau deuh nge amu hil nghal bawrh bawrh a zanin chu tibuai tu anei lo anih hmel e amutui em mai. Hmawngbu lalinah ve thung chuan Lalkapliana chu a inchhung dung zawngin thinrim taka in seh ruh ţeuhin atei kual chhen a, akhaw tlangval pakhat Ralhrata leh an khaw pasaltha Saikapate inbei lai lo hmua Lalkapliana hnena zual ko a lalina tlan lut tlangval hnenah chuan Lalkapliana chuan tlangval ka khaw pasaltha chhuan vawr ral leh sa laka ka himna ka khaw dai ngul pasalth Saikapa leh anau hruai paruk lai amah chauha that tu chu i hre lo amaw tiin thinrim luat avanga mengsen rumin a en kal a, tlangval chuan aw lalpa pasaltha Saikapa leh anaute that tu chu tunge anih ka hre lo ani, insual athiam in ache rang em em a akut thlak anain apalian hle bawk atih chuan Lalkapliana chuan ka khaw pasaltha chhuan vawr pasaltha Saikapa meuh lu lak chem nen chauha that thei chu Ramchachal Ralhrat tak anih ngei dawn chu, eng ang mi pawh nise tlangval valupate kha han ko ta che lalin thu pawimawh tak rel tur a awma tunah lalin lam pan nghal turin han hrilh hlawm ta che hah hle mahla itlawm ngai ta sa sa atih chuan tlangval chuan lalpa ka hah reng reng hlei nem ka han ko nghal ange tiin lalin chu achhuah san nghala, lal upamin chuan aw thian kharh kharhin lalpa kan khaw pasaltha chhuan vawr Saikapa leh anaute silai tel miah lo a lulak chem nen chauha that thei tur leh pasaltha Saikapa meuh lu la thei tur chu mipakhat chiah a awm atih rual chuan Lalkapliana chuan chu pasaltha ka pasaltha Saikapa lu la tu chu tunge anih min han hrilh vat teh khai ati vin deuh ţhak a, athinrimna asan tawh em avangin vin deuh ţhak mahse Lalkapliana hi adem awm lo hle ani. Upa dangte pawh chuan upamin chungah chuan an mit afu ţhupa, upamin chuan aw thian leh kharh kharhin an khua tak chu ka hre chiah bik lo a mahse pasaltha Ralthata fapa Ralhrata ngei anih dawn chu, apa aphawkfuh bawk a insual athiamin sa lah ala thei hle a pasaltha Ralhrat tak leh Ramvachal ani a mahse pasaltha nunrawng tak leh zahngaihna nei lo tawrawt tak ani tih bak chu hriat ka nei bik lo ani atih chuan Lalkapliana chuan Awle aţha e, engang mi pawh niin khuavang fachuam pawh nise ka pasaltha Saikapa athah man chu ahmu khawp ang tiin chhuat dungah chuan avei kual leh sek a, khatia Ralhrata leh Pasaltha Saikapa leh anaute paruk inhnialbuai leh insual ta chiam chu Lalkapliana hnena zualko tlangval chuan lo hmuin aţhiante chu puih duh viau mahse lal hnena thu thlen chu ţha leh ţul zawka hriain Ralhrata'n an khaw pasaktha Saikapa lu alak rual chuan khaw lam pana tlan haw vang vangin lal hnenah ahan zual ko ta kha ani. Hmawngbu valupa pakhat leh tlangval sawm lai chu Ralhrata hnu chhui tur chuan chawhnu her bawi tawhah chuan khua chhuan sanin an khaw pasaltha Saikapa leh anaute paruk Ralhrata'n an lu alak sak vek na aţang chuan chhui ţanin an khaw pasalthate lo that ve ringawt tu chu tupawh nise eng ang mi pawh nise chhuah an tum lo bur ani.

.

Duh tawk phawt ang aw, dawh thei takin in lo nghak hram hram zel dawn nia, chuan Type sual emaw ngaihmawh zawng in neih chuan comment lamah in lo sawi leh dawn nia aw, chhiar nuam ule.
Last edited by Lawmtea Lapi on December 16th, 2019, 9:56 pm, edited 1 time in total.



Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » December 10th, 2019, 9:25 pm

RAMVACHAL Episode. 3


.


RAMVACHAL

.

Episode. 3
.
Thuhma leh lawk aw, comment lamah hian selna niloin fuihna thu kan type sual emaw tih dik loh emaw ngaihnawh zawng in nei anih chuan lo sawi ţhin ula tiin ka han ngen tak meuh meuh che u ani, hetia comment lama fuihna thu insawi ţhin hian hmasawnna rahbi nasa takin min tuk sak ani tih min hriat pui ula ka duh bawk ani e.

.

Ralhrata chu Ni achhuah meuh chuan thui tak akal hman tawh a, ahmanhmawh deuh avangin kal pangai aia chakin akal par para, achhan chu Vangchhe khaw lalfapa lu Phulpui khaw lal Vanphunga tana alak sak achu achhiat lutuk hmaa lal Vanphunga hnen thlen hman aduh vang ani. Ralhrata chu kalzelin chaw chhun fak hun awmvelah tui luanna kamah chaw fak zawkin kal asiam leh nghala, chutia chawl lo a akal ngat ngat takah chuan zanriah chaw chhum hun velah chuan Phulpui khaw kawtchhuah chu chuang chhuak hlawlin reilote han ţhu thlandai te tein khawchhung lam panin akal ta nghala, khawchhung aluh phat aţang chuan naupang tual chaia lo inti hlim lai mek te leh putar leikapuia arbawm tah mek te chuan an lo en duh viau hlawma, chumai la niloin tlangval leh pavalai ramchhuak ve lem lote chuan silai paruk lai mai aput lan vu vu takah chuan thilfel hlel awm ringin an hmanruate nen Ralhrata hnung deuhah chuan an zui a, Ralhrata chuan chung thil zawng zawng chu hmuvek mahse ngaipawimawh duh loin lalin lam panin ding takin akal ngat ngata, lal Vanphunga paw'n mipui thawm avang chuan lalin chu chhuah sanin leikapuiah chuan a upate nen an lo chuang chhuaka, lal Vanphunga'n Vangchhe khaw lalfapa lu latura atirh Ralhrata silai paruk lai pu chunga lalin lam pana lo kal ahmuh chuan êkhai lo kal rawh khai kha ilo thleng ta maw, ilo thlen hun ka upate nen hian kan lo inrinsiakin kan ring kan fan kan fan tawh mai, tirawh inchhung lamah i inkawm teh ang tipahin mipui lo pungkhawm te hnenah chuan eng mah buaina leh harsatna, hlauhthawn tur a awm loh thu hrilhin aţin darh tir hlawma, amah chu inchhungah lutin Ralhrata hnenah chuan ka miduh lu, Vangchhe khaw lalfapa lu chu mi lo lak thei ta em tiin a zawta, Ralhrata chuan i miduh lu Vangchhe khaw lalfapa lu chu ka lo laksak ngei che alawm mahse lalfapa lu ka pek hma chein i khua ka lo panna kawngah Hmawngbu pasalthate nen inti thiamloin thisen hial aluanga tunah pawh hian ka hnu chhuiin i khaw lam hi an lo pan ngeiin ka ring atih chuan lal Vanphunga chuan ê lungngau reng reng suh ka pasalthate an awm alawm ka pasaltha ten Hmawngbu pasalthate chu an lo chingfel mai ang ngaihţha tak khan awm rawh, tlangaupa ka pasaltha Vunglaia khan misawmhnih hruai sela Hmawngbu pasaltha ka phalna la hmasa lo a ka ram chhung lo dai lut an awma lo han dang rawh se, aţul anih chuan that vek mai rawhse tiin tlangaupa chu atir zawm nghal zata, Ralhrata chuan lalpa ka lawm e tipahin a iptepuia puana atuam thlap Vangchhe khaw lalfapa lu chu phawrhin lal Vanphunga chu ape a, lal Vanphunga chuan lawmthu sawi angai lo e ka tih ve theih tawk alawm ka duh zawng min tih saktute chungah chuan an tan engthil pawh tih ka in huam ania ti a nui huah huahin Ralhrata kuta Vangchhe khaw lalfapa lu chu la in pasaltha nge nge iti ţhain innghahna tlak tak ini e tiin lawmthu asawi luama, a upate pawn lawmthu an lo sawipui sap sap bawka, Ralhrata chuan lalpa ka tih tur chu ka zo fel tawh a, Vangchhe khaw lalfapa lu pawh ikutah a awm ta bawk a lalfapa lu man min pe la i khua hi chhuahsanin kan khaw lam ka pan tawh ange atih chuan lal Vanphunga chuan ê nituk e, Zawninu kan pasaltha hi Vangchhe khaw lalfapa lu man tura ka tih Darbu kha min han lak teh ti a tirin Ralhrata lam chu hawiin Hmawngbu pasalthate chu i rilru kap tirtuah hmang hauh suh ang che ka pasalţha ten an chingfel thei em em ang, tluang taka kalin inkhua leh ichhungte ihmuh ngei ka duhsak ache tiin darbu chu ahlana, Ralhrata chuan darbu chu lain lawmthu sawi chungin leh lalnu buhfai lo bawk sak chu akin lalin chu achhuah san a, zanriah ei hun nimahse khuaa awm rei duh loin an khaw lam panin akal ta nal nal a.

.

Lalvanphunga chuan Vangchhe khaw lalfapa lu chu lek kangin tlangaupa Vangchhe khaw lalfapa lu hian ka sahlam/salam han mawi teh se ahan ti a, lalnu Zawninu chuan tlangaupa chhuah pui vat teh khai arim chhe lutuk ti a uak tuar tuar pahin tlangaupa chu chhuahpui vat turin avin deuh hlak hlaka, lal Vanphunga chu lo nui vur vurin hmeichhe ho tak hi chu aw ati nuah nuah a, upate pawh chuan an lo nuih pui ve bawk a, tlangaupa pawh chu nui ţhen ţhaw chungin achhuah pui a, lal Vanphunga bawk chuan kafanu timual pho tu Vangchhe khaw lalfapa lu ka nei tawh kafanu pawh thlamuang takin achawl thei tawh ang chu ati leh bauh bauha, upate chuan ni e lalpa kan fanu lainat awm tak chu thlamuang takin achawl tawh ngei ang tiin an lo tuihnih tliar tliara, lalnu Zawninu pawh abai chhuan chawk mawlh mawlh pah chuan mittui bianga luang zawih zawih chu hru zauh zauhin kafanu thlamuang takin chawl tawh rawh aw tiin ama hriat tawk lekin aphun sep sep a. Phulpui khaw dai maiah ve thung chuan phulpui khaw pasalthate leh Hmawngbu khaw pasalthate chu thu inhmu hleithei loin an inhnial nasa maia, Hmawngbu pasaltha te chu tlemzawk an nih avang leh Phulpui khaw dai mai anih avangin an chan achau hle thei tih hriain an insum hram hram a, chuti chu nilo sela chuan hriam lek chhuakin Phulpui khaw pasalthate chu an hnim sam hmiah hmiah ngeiin arinawm, Hmawngbu valupa chuan kan pasalthate thattu hnu hi kan lo chhui zar zara he kan hnu chhui hian inkhua hi alut ngei ani, ani chu min pe mai rawh u awka vin lek lek chuan ati leh a, Phulpui khaw pasaltha Vunglaia'n kan ramchhungah leh khaw chhungah mikhual tumah an lutin an chhuak lo ani inkhaw lamah kir leh mai rawh u atih tlat avang chuan Hmawngbu khaw pasalthate chu lungawi lo zetin an khaw lam panin an kir ta hnak hnak a, valupa chuan Ralhrata thla chu vauin kan la intawng leh ngei ang, kan intawn hunah chuan ilu ka la ngei bawk ang tiin a âng tun tun a, anau hruaite erawh ngawi rengin an kala an thin arim ve hle ani ngei ang hachang an ţhial ri ve rap rap a, Phulpui khaw pasaltha Vunglaia chuan Hmawngbu pasalthate kal liam hnu chuan anau hruaite chu khaw lam apan pui ve ta a, pasaltha Vunglaia hian thisen luan tir loh hram hram atum avang chauhin ţha taka inkalsan thei hram kha an ni a, pasaltha Vunglaia hian thisen luantir duh ngat sela chuan an tam zawk bawka an thah vek thei aringa, tin, Hmawngbu pasalthate chu amimal tak pawhin han huphur vak tur leh ahneh loh tur ahmu lo bawk ani.

.

Ralhrata kal ta chu khaw thim chian hma chuan kal zelin kawrte zotui thiang tak luanna athlen chuan in nghatin Phulpui lalnu buhfai bawk sak chu chhumin sakhisa rep thukphum nen zanriah puar eleuha a ei hnu chuan buk sak pawh tum lem loin, ral an hnaih vak aring lem lo bawk nen mei chhep eng hluahin thing bul nghenga riah tumin vaibel ala kaia, vaibel fawp khu hluah hluahin in athlen huna anu leh pa, afarnu ten adarbu hawn an hmuh huna an lawm tur zia ngaihtuahin zan rei lam ani ta bawk nen a chhing diar diara reilote hnuah manglamah khuavang lasi te nen inkawmin tual an chai vel a. Zing Ni chhuak engmawi tak lawma thing lera sava hram ri chuah chuah chuan Ralhrata mutui lai chu kai harhin ekhai thawh ka hai ţhel chu ani hi maw ti nuah nuahin abul maia zotui thiang tak luangah chuan inphih faiin mei anun nghala, sakhi rep aneih chhun hrang hnih chu thuk phumin chaw achhum so bawrh bawrh a, chaw achhum karah a eirelna kianga luite ah chuan chakai khawrhin tumbu nen achhum pawlh hluaha, chaw leh chawhmeh ahmin ta maw tih chuan puar takin a ei ta ngheng a, tukţhuan a ei kham chuan hmanhmawh lutuk angai tawh lo bawk nen reimawi tawk ţhu leh rihin vaibel ah vaihlo bengkhat bengin afawp khu leh hluah hluaha, reimawi tawk aţhut hnu chuan in athlen huna achhungte lawm tur zia ngaihtuahin khaw lam panin akal leh ta a, hetia tluang taka tibuai tu leh harsatna neuh neuh awm lo a akal thei chuan nithum ni zanriah ei hun awm velah an khua athleng thei dawn ani, Tichuan tluang taka kalzelin nithum ni zanriah chhum hun velah chuan sakhi patuai paw chungin an khaw kawtchhuah achuangchhuak hlawla, ainrin ang aihmaa khua athleng thei chu alawm hle a, rei vak lo ţhu chawl zawkin achhungte angai ve tawh bawk nen khaw chhung lam panin akal nghala, khaw chhung alut chiah chu naupang tlaini nem laia tual laia ifiam ho chuan lo bawr laih laihin eng nge min lo hawn tiin a iptepui chhung thleng thleng chuan an zen saka, Ralhrata chuan hei sakhi patuai ka lo hawn che u lawm kan chan darh hunah kan insem hlawm dawn nia tiin an inlamah naupang amah bawr laih laih tu zawng chu ahruai ta vek a, in a then chuan kanu ka lo haw e tiin anu chu ahan au a mahse chawntu atawng lo a, kanu ifapa ka lo haw ania tiin an au leh ngial pawhin chhawn tu reng atawng lo, asakhi patuai kah chu leikapuiah dahin in chhungah aluta, naupang ho erawh chuan Ralhrata sakhi patuai leikapuia adah chu hnaih sauh sauhin Uralhrata hi avan kap lian em em, ka tlangval ve hunah tiang chiah hi ka kap ve ang an ti luai luai a, sakhi patuai chu an kuai let an kuai let a, akhat tawkin avan lian em em an ti leh ţhina, Ralhrata erawh inchhung alut chiah chu apa Ralthata chuan Ralhrat min va han ti thangtlawm em em ve le, vawi tam inu nen kan hrilh tawh che a engvanga kan thusawi ngaipawimah duh miah lo nge i nih le, mipawi sawi lo lu la in ram tin kil tang i kal kuala, midang buaina ah inrawlh lo tura ka hrilna che pawh engah mah i ngai duh lo a, chumai ni loin tlang thang aţanga kan hriat danin Hmawngbu pasalţhate tlawm tawh pawh an lu ila lak sak duh cheu ani a, eng ang mi nge maw inih le, ka thisen aţanga chhuak chu i si amaw, vawi tam tak heng thil hi ti tawh suh kan tih che pawn i duh lo a hei hi hre rawh he inun dan hi ithlak loh chuan kafapa ah ka ngai tawh lo ang che anga he in hi ichhuah san nghal tur ani ang ti a thinrim luat vanga khur hlawk hlawk leh mengsen ram chungin pawn lamah achhuak ta daih a, Ralhrata pa achhuah velleh chuan anu Tialzingi chuan bawiha ipa thusawi kha ngun takin ngaihtuah la inun dan hi thlak hram teh khai, he tia nun ihman zel chuan inu leh pa i u leh nau ichhung leh khatte hian ţhian kan pawlin khua kan hawi ngam dawn hleinem le, inau Tuahpui pawh hian pasal tur ahmu thei dawn em ni, nguntakin ngaihtuah teh bawiha ichhungte chang niloin khaw mipui leh lal meuh pawh an hming achhe dawn lutuk asin ti a anuin mittui tla chhunga angen na avang chuan engmah sawi tur hre loa hnuailam bihin a in ngaihtuah nasa mai a, afarnu Tuahpui pawh chuan Uman kanu leh pa sawi ang khan khawngaihin inun dan hi chu thlak hram teh tiin alo ngen ve chiam bawka, Ralhrata chu ahril ahai lek lek zawka, Phulpui khua aţanga an khaw lam apanna kawnga adarbu hawn leh asakhi patuai hawnin achhungte atih lawm arin vei teh reng nen aletling ta hlauh zawk si, Ralhrata chu rilru nguingaiin leikapuia asakhi hawn adahna lam chu apana kawngka apen chhuak chiah chu naupang ho lah chuan engmah hrethiamin hreve hek lo Uralhrat sakhi hi chan tawh ang an lo ti nghal chhen a, Ralhrata chuan rilrua thil tam tak ngaihtuah chung chuan sakhi chu naupang ho nen chuan an chan a, an chan zawh chuan lal sa tur leh thirdeng sa tur chu dah rangin an mahni ei tur nen abak zawng chu naupang ho chu asem kual ta vek a, naupang ho chu an sakhisa khaiin mahni inlam ţheuh panin hlim leh lawm takin an tlan haw dam dam a.

.

Zanriah ei ahun chuan chungtin te chuan zanriah an kil sap sap hlawm a, Ralhrata leh pasaltha dangte zara khaw ral muang tak Lalduhliana lalna khua Lungdar khaw mipuite chuan zanriah tui ti takin leh thlamuang takin an kil hlawm a, Lalduhliana hian Ralhrata thil tih ţhin leh anun rawn zia zawng zawng chu hre vek mahse akhaw daingul sa leh ral laka ahimna Ralhrata chuan abeng ti kham hle mahse ka khaw mipuite himna tur anih phawt chuan tiin a inbeng dai hram hram ţhin a, chuti chu nilo sela chuan akhua aţang hian hman hmanah ahnawt chhuak dai tawh ngei ang mahse Ralhrata nunrawng leh zahngaihna nei lo sualtawrawt zet hi akhaw himna kulh ani miau si a, Ralhrata vang hian lal tam tak ten akhua Lungdar hi an run ngam loh phah reng ani, mahse vawikhat na na na chu ţawngkam tha taka a upate nen zilh an la tum ve rân tho a. Tichuan Ralhrata chu ina awm pawh nuam ti loin khua athim ţan tih chuan zawlbuk lam apan ta daih a, mahse zawlbuk ah pawh chuan eng thil nge atawn leh tâk ang le, tlangval leh valupa te chuan an lo lawm viau ang nge anu leh pate angin an lo zilh hrep zawk ang, arilru chu a inkhap buai nasa kher mai, an khaw zawlbuk chu arilru tih thawl nan pan mahse arin lawk anga an lo lawm vak lem loh chuan rilru tih thawl chu sawi loh an khaw zawlbuk chu an inchhung ang mai ani dawn si, mahse zawlbuk chu akai tho tho angai bawk si, hreh tak chung leh anu leh pa afarnu, aduat em em Tuahpui thleng pawhin a an zilhna avanga pawisawi lo nunna alak zawng zaite leh miin zahngai tura an ngen lawm lawm chung pawh a zahngaihna lantir duh hauha an lu alak sak laite kha amitthlaah lo lang uar uarin mahni inthiam lohna nen zawlbuk lam chu apan ta hnak hnak a, zawlbuk athlen chuan arin loh deuhin tlangvalte leh valupate chuan ţha taka lo chhawnin valupa Biakzama chuan kha kan pasaltha chu ilo haw tawh ani maw lo kal rawh kai hei zawlbuk meipui hi lo hnung puak ve rawh khai, engtik in nge khua ilo thlen a, i zinna lamah te i tluang maw tiin alo be luam a, chutia arin loh deuh a tlangvalte leh valupa ten an lo chhawn avang chuan nuam lo ti tulh tulhin amah ah pawh inthiam lohna alian tual tual bawka, valupa Biakzama zawhna chu ţha taka chhangin aw tluang ani mai e, vawiin zanriah chhum hun hma hret khan khua ka lo ti a achhan zawh rual chuan zawlbuk kil thim lai chu achuh ta daih a, tlangval dang nula rim tura an chhuah sup sup lai chuan Ralhrata erawh chu zawlbuk kil thim lai chu chhuahsan duhloin aţhu tlata, Ralhrata rilruah chuan engdang mah aleng mawlh lo, amah hringtu apa ngeiin inun dan hi i thlak loh chuan kafapaah ka ngai tawh lo ang che anga he inpawh hi i chhuahsan thei ang ti a ahauna awka chu arilru luahtu lian ber ani a, thil tam tak atih tawh zawng zawng chu chhui kirin a inchhir em em a, mahse engtia han tih ngaihna vak ahre silo, arilru pawh ain sual nasa kher mai, apa hian amah aduhsak luat avanga kha tiang em em a ţawngkam nâ khan azilh ngai lo, mahse tunah chuan ţawngkam natak atawng baw ta si, khatiang em em a kapa kâ aţanga min duhsak luat avanga zilhna awka ka dawng ta mai hi ka lo kal thui tawh lutuk ani lo maw le, kanu leh pa leh kafarnute dawi kha adik ani ka insiam ţhat angai ani, kapa ifapa hi iduhthusam fapa nih tumin ţan ka la dawn e ti a inseh ruh ţeuhin zawlbuka riak zawng zawng hnar bawrh bawrh tawh hnu chuan achhing ve ta chauh a.

.

Lungdar khaw tlangvalte leh valupate hian Ralhrata hi thu ţha hrilha zilh chak viau mahse an lal Lalduhliana'n ngawih chuh rih a Ralhrata chungchang chu ama kuta dah tura atih tlat avang chauha ţha taka lo chhawna ngawih chuh rih mai zawk an ni. Ralhrata chu zing takah thoin inlam apan nal nala, daia thingtuai leh mau chang ţha la sawk sawkin an in siam ţhat ngai lai chu asiam ţhain ado ţha mawlh mawlh a, an in asim zawha tukţhuan an ei kham chuan an ţhenawm hnai hmeithai intlabal deuh tawh inhnih thum vel thawm ţhat hna athawk nileng ţhak a, apa nen erawh kam khat mahin an la in be lem lo a. Vawiin lama Ralhrata thil tih lalin ahriat chuan Lalduhliana chuan Ralhrata chu insiam ţhat atum ani maw ti rilruin anui suk suk a, tlangvalte leh valupate erawh Ralhrata thil tih chuan eng kawng emaw chuan aţhawng deuh nge ni mak an tih thu chu an inhrilh luai luai a. Nia, hetia tlangvalte leh valupa ten mak an tih thu ansawi hi a awm ve tho mai Ralhrata hian hmeithai leh pachhia te hi apuihin achhawm dawl ngai lo tlat atin ni, Ralhrata zawlbuk ava kai leh chuan tlangvalte chuan vawiin lama athil tih avang chuan mak tiin an lo en hrek hrek hlawm a, valupate erawh chuan beiseina sangtak nen an lo thlir zawk a, Ralhrata chuan tlangval ten an en hrek hrek ani tih hmuin hre mahse anun siam ţhatin a awm mek vang nge ni apian ahnu lama ala neih ngai reng reng loh hlimna aneih avang chuan eng teh ualah angai lem lo a, tlangval nula rim tura an chhuah sup sup lai chuan anih erawh chu valupate kam liam changin zawlbuk meipui chu akil hnaih sauh sauh a, mahni tawka keimah inti ve chin ani a, zawlbuk kai hlima valupate fuihna leh zilhna ngaithla duh ngai lo kha valupate fuihna zilhna leh titi a han ngaithla chu hlawk thlak ati ngei mai, chutia valupate titi khabe dawm meuha angaihthlak lai chuan leng haw ar lo khuang âl âlin tlangval nula rimte pawh zawlbuk lam pan sap sapin valupa ten khai le i mu tawh ang ule an tih chuan thu awi takin an mu hlawm a, Ralhrata pawh tui taka muin zing takah atho a inlam apan nghala, in lam pana kal mek lai chuan an ţhenawm maia awm hmeithai fapa Laiawrha chuan lo um phain Hrata vawiin eng tih zai nge i rel dawn le tiin azawt a, Ralhrata chuan kan khaw chhim lama nghalbual ngaw lamah sawn ka han tei mai mai dawn em ni ka ti deuh a, thawh tur dang i neih lem loh chuan kan han kal dawn em ni ang tiin asawm a, Laiawrha chuan thawh tur nei lem lo e, ram chhuah sawm che ka lo tum rilru ve deuh a, mahse keichuan silai hawl chhuah tur ka nei ve si lo a ka zui mawl tawp dawn che nih chu tiin hnuai lam en ta daih a, Ralhrata chuan lungngai mah ta che tukţhuan eikhamah min lo sawm rawh tiin inah aluh sana, Ralhrata chuan asilai dah ţhat pali chu lain lalin lam apan pui a, pakhat erawh Laiawrha tan adah sak thunga, chutia Ralhrata'n silai pali lai pu chunga achhuak ta daih chu anu chuan kawngka vuanin a en zui vawng zawng a, Ralhrata'n lalin kawt athlen chuan luh ahan dil a, ala zing bawk nen tlangau leh upate pawh lalin an la chunag kai rih lo ani ang chu lalnu chuan lo chhawnin lalinah chuan an inzui lut a, lalin Ralhrata lo lut ahmuh chuan Ralhrata lah nireng che in zing thang thangah silai pali lai nen lalin ilo chuan kai teh mial eng nge iduh le tiin ţhutna akawh hmuh nghal sawt sawt a, lalin ţhutna akawh hmuhah chuan ţhuin lalpa eng dang nilo e, hei ka zin chhuah ţuma ka silai lo hawn ho hi ikutah hlan ka duh a chu vanga zing thang thanga lalin lam lo pan ta mai ka ni, anihna takah chuan panga ka lo hawna mahse pakhat erawh chu kan ţhenawm maia awm Laiawrha tan ka dah i rem tih chuan, ilo rem ti ta lo anih pawhin ka zu la thei reng ania atih chuan Lalduhliana chuan êkhai angai hlei nem Laiawrha chuan amamawha anei tur ania lawm, tin, heng silai pawh hi ram hla tak a ţanga ilo hawn ani a ita ani bawka keia lo kawl thu awm suh atih chuan Ralhrata chuan nilo e lalpa hei hi ilalna ram ani a keipawh ilalna khuaa cheng ka ni bawka iduh chuan min chhuh lui thei tih pawh ka hria, tin, heng silai zawng zai hi engtin nge ka tih chuan ang lalinah hian awm sela aţha zawk in ka ring ani, tih dan tur pawh kan lal hian i hriat zawk ka ring bawk ani ti a ţhuthmun thawh sanin lalin chu Lalduhliana'n awka asah leh hma chuan achhuahsan ta daih a, Ralhrata chhuah hnu chuan Lalduhliana chuan he nau hi chu ka khaw daingul ka kulh, ka innghahna akhaw mite tana thlamuana hmeithai leh pachhiate tan innghahfakna ani dawn khawp e tiin anui huah huah a, lalnu chuan eng tak chu hria che nimaw nangmaha i nuih huah huah tak ni atih chuan Lalduhliana chuan Zalawma nu eng ni lo e tuna lalin lo chuangkai Ralhrata khan anun asiam ţha meka ka khaw daingul ka innghahna, hmeithai rethei pachhiate innghah fakna ala ni dawn khawp mai atih zawh rual a upa lalin lo chuangkai ten lalpa atu chu maw kan khaw daingul kan innghahna tur pasaltha chu an lo ti lut a, Lalduhliana chuan tu dang nilo e Ralthata fapa Ralhrata khu mawle hei tukin lalin inlo kai hma deuh khan lalin lo chuangkaiin azinna aţanga asilai lo hawn lalinah hian awm rawhse tiin alo dah mawle atih chuan upamin chuan lalpa khu nau khu tunlai hi azia adang riau mai, hmanni pawh khan vengmawng lama hmeithai intlabal deuh inhnih thum vel intlabal lai alo thuam ţhat sak ni awm tak ani kan tlangvalte sawi danin, kan tlangvalte pawn mak an tih hmel hlawm khawp mai alo ti bauh bauh a, Lalduhliana bawk chuan kan pasaltha hi anun ainsiam ţha mek ani tiin lawm avangin anui leh huah huah a.

.

Tukţhuan ei kham, Ralhrata in siam mek lai chuan Laiawrha chu lo lutin Ralhrata chuan e kha i inpeih der tawh ani maw keipawh hei ka inpeih nghal ani mai ti pahin rapchunga silai Laiawrha tana adah sak chu fungki nen lain Laiawrha chu ape a, chutia Ralhrata'n silai eng sawi set set lo a ape ta mai chu mak tiin ahwi hawi mai a, Ralhrata chuan Laia la rawh khai ka ban akham dawn e lalin ape che anih kha ati ta daih a, Laiawrha chuan manglam pawha aneih ve phak loh tura angai chuti maia, athlawn leh nghala anei thei chu lawm luat avanga mittui tla purin ka lawm e Hrata ka chunga i ţhatna hi eng tikah mah ka theihnghil ngai hauh lo ang ti pahin ala thei hram a, Ralhrata chuan ka hnenah chuan lawmthu sawi angai hlei nem nakinah lal hnenah ila sawi zawk dawn ti leh daihin tirawh ikal ang hmiang tiin achhuak nghala Laiawrha pawh chuan mittui hru mawlh mawlh pahin azui ve nghala, Tuahpuii chuan kawngka biang vuan chungin umam sanghal thau tak min lo hawn ru aw tiin a au zui lawng lawng a, Ralhratate chuan an hre awm pawhin alang lo, kawtchhuah an thlen chuan tumah an la awm lo a, Ralhratate chu chawl khawmuang loin an kal tumna an khaw chhim lama nghalbual ngaw lam chu an pan ta nghal a, Ralhrata'n hma a hruai zar zar a, ahnunga kal Laiawrha'n asilai neih thar lawm avanga nui ver ver chunga achul leh hliau hliau thin ahmuh chuan nui tet tet pah hian khatia silai chul hliau hliau chunga kan kal chuan kan tumram nileng pawhin kan thleng hman dawn hlei nem le atih chuan Laiawrha chu phu deuh zukin nghalrual hnu em ni kan chhui dawn zah zelah ati khauha, Ralhrata chuan nia nghalrual hi kah an awlsam deuh zawkin ka ring deuh a, nghalbual ngaw pawh kan hlat tawh lo e tiin hma ahruai zel a, mualkhat an kal liama mual hnihna mual sanglai an thlen chuan an hmaah chuan nghalbual ngaw chu ngaw chang ţha tih takah alang duk deuh ruk a, reilote akal leh chuan nghalbual ngaw chang ţha tak chu an dailut ţana, ngaw chhung an han dai lut chu ngaw chang ţha thing lian pui pui chhura rual zeta lian din thluahna an han dai lut chu lei pawh ahnawng deuh chup a, sa hnu pawh chhui aharsat loh hmel e, Ralhrata chuan kan pahniha kal tlag lo hian i ţhen hrang ila kan hlawhtling hma zawk ang atih avang chuan in ţhen hrangin Laiawrha chu veilamah akala Ralhrata erawh Laiawrha kal lohna lam dinglamah akal thunga, Ralhrata kal ta chu sahnu thar hlam en pah zelin ruam lamah achhuk thla a, kawra tui luang hmuh tur awm si lo hian cherhdiak erawh ngalrek chen chen a dai tur a awm lawi a, chutiang cherh diak awmna chu ngahalrual awm duh na tak niin kawr chu thui pawh azawh chhoh hma chuan nghalrual inbualna pawh ahmu nghal mai reng a, tichuan kawr chu zawh chho zelin kawithum lai azawh chhoh hnu kawilina azawh chhuak chiah chu nghalrual tih takah sawmrual vel chu changel hmun lei dup laiah chuan an lo inbual hlawm chu niin, tlema lian deuh chuan ate deuh ho chu an nawr ţe leh rawng rawng zel a, chutia engto nei lek lo leh an mahni peltu an awm tih hre lek lo a thlamuang taka anin bual huah huah lai chuan peltu pasaltha Ralhrat leh zam tha takin kah lettawp tuma kah tur leh hunrem chang zawngin apel mek tih reng an hre der si lo, Ralhrata chuan asilai cheng chu kauin nghalrual zinga alian ber ni awma angaih zakdawh ah tak chuan alung pawh hawk khawpin angenmu saţha tak chu athlawh luh tir siah mai le, nghalrual zinga lian pawl tak chu zuang zawkin lei athlen rualin ahnuk achat hman der a, silai arik rual chuan nghalrual dang ho chu ngek rawng rawng chungin baklengin an tlan darh nghal sung sung a, a silai puak ri pawh areh fel hma chuan kawr veilam aţang chuan silai alo puak ve nghal a, Ralhrata chuan aţhianpa Laiawrha anih aring nghal mai a, asilai zen leh mu chu thunin asawh muk mawlh mawlh a, silaimu athun zawh chuan asanghal kah tlukna lam pan chuan akal nghala, asanghal kah tluk apikhawi lian tak bul athlen chuan Laiawrha pawh alo thleng chawp chilh ve nghala, Hrata iva kap lian ve le, khawi teh asum ka han teh teh ang ti a ramhrui chhatin Ralhrata sanghal kah sum chu a teh kual ahan sum chu sumnga lai ani a, apikhawiah chuan alian pawl tak anih hi tiin aţhian Ralhrata chu Laiawrha chuan afak luama, Ralhrata chuan ka vannei mai mai ni hi ti achhangin silai kha ihmet puak si a tirawh hnuchhui tur a awm takin i en lawk ang hmiang ati chu Laiawrha chuan hnu chhui zui tur a awm lo ka ţhelh fihlim ţhak tih ka chiang alawm atih tlat avang chuan Ralhrata nghal pikhawi kah lamah chuan rilru an pe ta zawk a, khatia Laiawrha sa hnuchhui veilama kal ta kha mual sang lamah kal duh loin kawr ahmuh hmasak ber chu zawhin akal ngat ngat a, akawr zawhin kawr dang apawh na athlen hma chuan nghalrual inbual innawr ngek thawm ahriat chuan asilai chu kah mai theih tura siam remin hmalam apan zel a, thui pawh akal hma chuan nghal rual inbual chu hmu thei tawhin rahchhan ţha tak siam te te phawtin silai ahmh per hmain akawr zawh laiin apawh kawr thlang lam aţangin silai alo puak ţhuai a, silai apuah ţhuai rual chuan nghal rual zinga apikhawi zuang zawk chu hmuin, nghalrual dang silai rik ruala tlanliam mai tur zinga lian pawl ve tak pakhat chu a kap ve dawm mai kha ani a, mahse akap fuh lem lo a, kap fuh lo mahse silai lo kap puak hmasa tu kha aţhianpa Ralhrata anih tho ringin leh silai anei thar hi alawm rih viau nitur ani anui ang vur vura.

.

Tichuan sanghal chu hmun remlaiah zawn sawnin alu chu tan chhum hmawkin changel hnah ansah anphah ah chuan dah hrangin, adar pahnih leh abawp pahnih chu phawk hlawk hlawkin abak zawng chu hmun liah an chhuha leh tawp a, akawchhung pawh athin leh achuap tih loh chu an paih vek a, hnang hlaiin an chansa ho chu an thil zung zunga, an thil zawh chuan abawp pahnih leh ataksa hmun lia an phel pahnih leh alu chu Ralhrata chuan thingtuai satin akawta, Ralhrata pawh chuan thingtuai sat vein Ralhrata kawh bang zawng chu akawt ve bawk a, tichuan hlawhtling intitakin chawhnu herah khawlam panin pheikhai zang vahin an kal ta nal nal a, tlangval chak ţha lai leh pasaktha mipangai chunga leng tih takah chawl lo a kal zelin zanriah chaw chhum hun vel bawrah chuan kawtchhuah thlengin an ţhu thlandai rih a, avibel la kai leh te tein an fawp khu hluah hluah a, an hahdam hnu chuan kawtchhuah lungdawh chu Ralhrata chuan rahchhanin sanghal hlado chu a han chham vang vanga, achham zawh rual chuan silai amu tello azen hlang asawh muk chu van lam hawia akap puak dura Laiawrha chuan alo chhawn nghal zata, tichuan an phur lain khawchhung lam an pana, thui pawh an kal hma chuan naupang tlan thawm leh lo chiar phei nak nak chu hre zui nghalin sanghal lu chu naupang ho chuan zawnin hlim takin khaw chhung an lut a, akaptu Ralhratate in lamah zawn thla zelin Ralhratate leikapuiah chuan nghatin an tlandarh nghal vek a, Tuahpuii chuan a ute ram chhuak lo haw chu lo chhawn vatin umam inlo haw tawh ani maw ehe.... Kanu lo chhuak vat teh hei umama ten sanghal lian deuh an kap ania tiin ţe chel chul a, Tialzingi pawh chu lo chhuakin ekhai mama inva kap lian tak ve, mama pa hei mama ten anghal lian tak an kap ania tiin a han hrilh ve leh a, Ralhratapa erawh chuan leikapui lam chu en pawh a en lem lo a, inchhungah lutin sanghal sa chu ţhenawm khaw veng lo chuangkaite nen chuan an chan ho a, an chan zawh chuan Laiawrha chuan achanpual chu lain inlam apansan ta hlawm a, Ralhrata chuan kanu lalsa tur leh kan khaw thirdeng sa tur kha dah hrang ula, chuan kan ei khawp tawk lek kha dah bawk ula abak zawng kha chu ţhenawm khawvengte kan sem dawn nia atih chuan tapa meilum ai reng Ralthata chu tho lawkin khawi keiman ka ţhenawm khawvengte eitur chu ka chhep ang tiin sanghal sa an chan sa ho chu achhep hrang nuala, tichuan ţhenawm khawvengte chu an hleh kual hlawm a, Ralthata pawn afapa nungchang inthlak mek chu hmuh hmaih bik loin sanghal sa pawh phur takin alo chhep hrang hrang nghauh nghauh kha ani reng ni.

.

Kawtchhuah lama sanghal hlado chham thawm lal leh upaten an hriat chuan an inrinsiak laih laiha, Lalduhliana chuan keizawng tudang niloin pasaltha Ralthata fapa Ralhrata ngei anih ka ring e tiin arin thu asawia, upate pawn an mirin deuh deuhte chu an sawi ve bawk a, chutia kawtchhuaha hlado chham tu an inrinsiak laih laih lai chuan lalinah chuan Ralhrata nu Tialzingi chu lutin lalpa hei kafapa Ralhratate ţhiandun ram vakin sanghal an lo kap hlauh a lalsa tur ka lo dah e ka tia atih zawh ruala lalnuin alo lak sak hnu chuan lalin chhuahsanin in lam apan nghal a, Lalduhliana chuan ka tih reng kha maw Ralhrata hi zawng ka khaw daingul ka kulh ka himna tur ani dawn chiang alawm tiin anui huah huah a.

.

Hmawngbu lalinah ve thung chuan Lalkapliana chu chhuat dungah chuan thinrim hmaisen engphiara âng tun tunin atei kual sek a, upate chuan an lal mizia hriain dek pawh an ti ngam eih lo a. Lalkapliana hi aduh lohna lamah chuan butut tak leh nunrawng tak ania chuvang chuan upate hian an lal hi an en ta ngawih ngawih mai ani. Ka pasalthate that tu chu Lalduhliana thlazarna hnuia Lungdar khaw pasaltha maw ni a, alu ka sahlam/salam a mawi hma chu thlamuangin ka chawl hauh lo ang,aţul anih phawt chuan Lungdar khaw mipui zawng zawng kan chimih vek mai ta lawng, le ka rorelpui ka upate u engtia hma han lak chi nge ni ang tiin aţhuthmun lam panin ţhuthmun arema, upamin chuan aw thian kharh kharhin lalpa he thil hi ngun taka kan ngaihtuah tlan angai ani tiin reilote chawl datin asawi zawm leh nghala, lalpa kan hriat angin Ralhrata hi lal hrang hrang tena an miduh lu la tura ţhi leh dar emaw pek tiama an rawih ţhin ani a chuvang chuan Lungdar khaw lal Lalduhliana hi chu a inrawlh ka ring lo ani, chuvangin Pasaltha sawmvel tir chhuak ila Lungdar khuaah chuan han kal sela Lalduhliana hnenah chuan kan miduh kan psalthate lo that ve ringawt tu hi kan kuta hlan turin han ti mai sela aţha mai lawng maw eng nge in ngaihdan erawh ka hre lem lo a tiin angaihdan leh aremruatna chu asawi a, upa dang ten remruatna ţha tak ani ti a lu an buk tliar tliar takah chuan Lalkapliana chuan aţha e ka upamin nge nge irem ruatna afing ţhin e, naktuk tukţhuan khamah pasaltha ţha ber ber sawm thlanchhuah nise, Lungdar khaw lam panin kal nghal rawh se, pasalthate lo thlang chhuak tur chuan valupa kan nei nuala valupate kutah awm rawh se, tlangaupa nang zawlbuk lamah i han tlawmngai dawn mi atih rual chuan tlangaupa pawh chu lalin aţanga tlan chhuak nghalin zawlbuk lam apan nghala. Khatia Ralhrata'n Phulpui khua chhuahsana an khua Lungdar khaw lam pana achhuah hnu chuan thu kal kual kal kualin Hmawngbu khaw pasalthate that tu leh Vangchhe khaw lalfapa lu la tu chu Ralhrata Lalduhliana lalna Lungdar khaw pasaltha ani tih Hmawngbu lalin thleng ta kha ani. He thu bawk hi Vangchhe khua pawh thlengin Vangchhe khaw lal pawh athinrim takzet bawk ani.

.

Duhtawk leh phawt ang aw, dawh thei tak khan in lo nghak hram hram zel dawn nia.

Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » December 13th, 2019, 8:29 pm

RAMVACHAL Episode. 4
.

Hawrawp chhut sual a awm zeuh zeuh mai thei aw, phone aṭang chuan tih dik vek a har ve em ani, min hrethiam mai ru aw

.

RAMVACHAL

.

Episode. 4

.

Zanriah Ralhrata ten an kil mek lai chuan Laiawrha'n kha inhmelchhiat lai ani maw alo ti lut bawrh bawrh a, Ralhrata nu chuan lo chhawn vatin aw hei kan kil ve deuh chiah lo ei ve rawh khai tiin a sawma, kanu Tial ka ei belh leh zawngin zawlbuk kaipui tur Hrata'n anei lo palh ange, puar tak khan ei rawh u ti a chhangin ţhut hmun arem a, Laia tikhan lo ţhu lawk rawh ka han bar sawk sawk nge tiin Ralhrata chuan abar nghal sawk sawk a, zanriah an ei kham chuan Laiawrha nen zawlbuk lam panin in an chhuahsan a, zawlbuk an thlen chuan valupa Biakzama chuan lo chhawnin kha kan pasalthate pahnih chu in va hma ve, vawiin lama in han ramchhuahna lamah chuan in hlawh tling maw ti a zawt pahin mei hnung puakin ţhuthmun han rem ve phawt teh u khai, nula rim nan lah ala hma bawk a ati zawm zat a, Ralhrata chuan aw hlawhtling ani mai ang chu, pasaltha a han chhiar tlak pawh kan la ni hleinem tiin achhang a, chutia zawlbuk a an ti ti mawlh mawlh lai chuan kawtchhuah lamah ve thung chuan tlangval pathum leh valupa pakhat hian kawtchhuahah reilote ding zawkin khaw chhung lo lutin lalin lam an pan ding nghal a, lalin an thlen chuan luh an han dil a, tlangaupa chuan lo chhawnin lalinah chuan an inzui lut a, Lalduhliana chuan lo kal rawh u, engduh a lo kal nge inniha tu lalna khua aţanga lo kal nge in nih le ti pahin ţhutna akawh hmuha, valupa chuanlalpa ţha taka min lo chhawn avangin kan lawm e ti hmasa te tein, Lalhuailiana lalna khua Kanghmun aţanga lo kal kan ni a, inkhua aţanga ninga kal vela hlaa awm kan ni a, kei hi Kanghmun khaw valupa Zabiaka ka ni a, kan khaw lal Lalhuailiana chuan zah dawn thei pawh kan nih tawh loh hi tiin ipuihna dil turin min lo tir ta ngawt mai ani valupa Zabiaka'n atih chuan Lalduhliana chuan ani maw puihtheihna che u ka neih phawt chuan puih che u ka hreh reng reng hlei nem, inkhua chuan eng harsatna nge in tawha min han hrilh ta che hei ka upate nen hian kan lo ngaithla ange atih chuan valupa Kanghmun valupa Zabiaka chuan ahma zawng aia phurna leh beiseina sangtak nei chungin lalpa ka lawm e, kan khaw buaina chu engdang niloin keipui huaisar zet hian min ti buai hneh em em mai a, atirah chuan kan ran vulhte min laksak ţhin a kah tuma kan umzuia ahnu kan chhui pawhin kan hloh leh ţhin a, hlawhchhama kan let chang lah atam, arei tulh tulha keipui pawh huangtau tulh tulhin mihring hial abeih takah chuan kah hlum ngei tumin hnu kan han chhui leh a mahse bei adawng tulh tulh zawk si, hlawhchhamin kan let leh ta nge nge a, kan lal mangang chuan ipuihna dil turin min lo tir ta ngawt mai ani ati hnual raih a, Lalduhliana chuan ê lungngai reng reng suh u kan puih theihnaah chuan puih che u kan chak lutuk a lawm, mahse lal nimah ila he thil hi chu thih leh dam thil ani a chuvangin ka pasalthate hi an remtihna lak hmasak phawt loh chuan ka tir chhuak ngawt thei bik lo a, amaherawh chu ka pasalthate ka koh sak ang che u nga an nin rem an tih chuan kei pawn ka remti ani mai e atih chuan, valupa Zabiaka chuan lalpa kan va lawm teh lul em tiin lawmthu asawi mawlh mawlh a, atlangval hruai pathumte pawh chuan lawmthu an sawi ve bawk a, khai khai lawmthu sawi angai reng reng lo tipahin Lalduhliana chuan tlangau chu atir chhuak nghala, Reilote hnuah valupa Biakzama, Ralhratate ţhiandun leh pasaltha panga lai chu lalinah an lo lut a, valupa Biakzama chuan lalpa pawi hai a awm em ni atih chuan lal chuan engmah pawi hai awm lo e, lo ţhu phawt mai teh u ti a ţhutna kawhhmuhin hei kan unau Kanghmun khua ten inpuihna dil turin ka lalna in meuh an lo chuang kai anih hi tiin Kanghmun valupa Zabiaka chu puih an ngaihdan zawng zawng chu asawi tir leh vek a, valupa Biakzama chuan ani maw, inkhua chuan buaina intawk nasa hle anih chu ava zial lo ve mawle aw, nia, puih che u chu kan in huam tak meuh mai mahse hei lal ţha leh ngilnei tak kan nei a, lal thu thu ani e atih chuan Lalduhliana chu hmel hlim sarha nui pahin Kanghmun khua apuihna dila lo kalte lam chu hawiin lal ţha leh ngilnei em em chu ka ni bik hauh lo ania, ka khaw mipuite zarah lal ţha leh ngilnei nih ka hlawh mai chauh ania tiin aw a thian kharh kharh a sawi zawm lehin ka pasalthate berin rem an tih chuan zanin na na na chu nangni pawn hahdam nan hmang ula naktuk tukţhuan khamah in chhuak nghal mai dawn nia atih zawh rual chuan upamin chu lo inrawlh vatin ka inah inthleng dawn nia alo ti khauha, Lalduhliana chuan ka upamin nge nge ihmakhalh theih loh chu anih ber hi maw a han ti chu upamin chuan khai khai lalpa nang kan lal leh kan pasalthate thlazar hnuaiah muangleiin kan awm a, ei leh intur, sil leh fen lah kan tlachham ngai hek lo atih chuan Lalduhliana chuan nui huah huah chung hian hengte chu kan pasalthate zar kan zo vek alawm tiin apasalthate chu afak ta daih a, khawi nge lalpa ka mikhual te hi zanriah pawh an ei arinawm si lo a inlam ka han pan pui ange upaminin atih chuan, ni e an rilte pawh aţam tawh ange an lo kalna lah ahla tham si a han haw pui tak rawh khai Lalduhliana'n atih zawh rual chuan upamin chu tho ţuah ţuahin kawngka lam chu apana, mikhualte chuan Lalduhliana hnena lawmthu sawi pah mawlh mawlhin upamin chu an zui chhuak nghala, valupa Biakzamate pawh upamin leh mikhual rual chuan lalin chu an chhuah san ve bawk a.

.
Lungdar khaw nula awmna intin ah chuan inkhat tlata tlangval leng khawmin an ri dar dar a, titi hrang hrang vawrhin an nui ho leh dar dar ţhin a, tumah inti bik leh kawm bik nei loin leh hmeithai, rethei leh pachhiate pawh hmusita enhrang mai bik loin, inpawh tlang takin an inkawm ho vek a, hmeithai inah pawh inkhat tlata leng khawmin an ri dar dar reng mai ţhin a, Lungdar khua chuan avanglai hun atawng mek ani ber e, chutia hlim taka an nuih ho dar dar lai chuan leng haw ar lo khuang âl âlin kham lo viau mahse Lungdar khaw tlangvalte chuan zawlbuk lam panin an lenna in ṭheuh chu mangṭha tak mang rawh u tiin an mangṭha sap sap a, zawlbuk an thlen kim hnu chuan valupa ten zanrei lam ani ta imu tawh ang ule an tih chuan tlangvalte chu thuawi takin an mu ta dial a(Khualbuan tih vel kha chu story tam takah kan chhiar kan chhiar tawh hlawm anga chuvang chuan ka kân ta mai aw)

.


Zingkhua alo vara, Ni pawh inthlahrung hauh loin khaw chhak kawlkil aṭang lo chhuakin vanlai zawl lam panin tu chelhdin rual lohin akal zel a, chu Ni engmawi tak chu sirva ten lawmin thingler sang tak tak aṭang zai hla an rem a, rannung chitin ten an lo zawm ve bawk a, an mahni tawkah an hlimin an lawm em em a tudang an ngai bik lo, chu chauh ani lo thing sang taka ding luahte chu rannung dang anga awrawl chhuah thei ni ngat sela chuan awrawl tawp tawpin Ni chhuak chu lawmin awrawl achhuah ve ngei ang le, mahse par mawi tak nungcha tam tak tan chhuahin eitur ape ta zawk a, chutia rannung chitin ten Ni eng lawma an chiar nak nak lai chuan Lungdar khaw naupang ho pawh in umkawi zawr zawrin an amhni tawkah an hlim tlang teh e, nula ho lah an thawh phat aṭang tui ûm phurin tuikhur lam an pan sap sapa, tui an chawi zawhin rapa buh an haksa chu la thlain sumhmunah kalpuiin an deng dup dup a, ral hla lo tak aṭanga ngaihthlak phei chuan ari mum mumin arinawm. Tichuan tukṭhuan eikhamah chuan mitin mai chu mahni seh seh mualah tiin an liam zut zut hlawm a, valupa Biakzama, Ralhratate ṭhiandun leh tlangval panga lai chu Kanghmun khaw lam panin Kanghmun khaw tlangvalte nen chuan Lungdar khua chu an chhuahsan ve bawk a, hetia Ralhrata ten Kanghmun khaw puih tura an kal hlan hian an pasalthate phuba la tura Lungdar khua lo pan mek Hmawngbu pasalthate hi Lungdar khua an thleng hman angem, an thleng hman anih ngat chuan thil apawi thui khawp ang le.

.

Ralhratate chu tluang taka kalin zanriah chhum hun awm velah chuan Kanghmun khaw kawtchhuah thleng der tawhin an han ṭhu thlandai rih a, Ralhratate ṭhiandun chu an han hawi kuala naupang sava veh hmuh tur takngial pawh an awm loh avang chuan he keipui hian Kanghmun khua atih buai hneh zia chu hrilh ngai loin an hrethiam mai a, Kanghmun khaw mipuite u thlabar leh hlauthawng takin in awm rei tawh hauh lo ang lo lung ngai reng reng suh u Ralhrata chuan ati rilru nauh nauh a, valupa Biakzama'n khai le kan hah adam tlan tawh chuan khaw chhung lam kan pan dawn em ni ang atih chuan ṭhuthmun thawh san sap sapin Kanghmun valupa Zabiaka'n hmahruaiin khaw chhung an lut a, lalin panding nghalin lalin an thlen chuan tlangaupa nen inzui lut hlawmin Lalhuailiana chuan alo lawm thiam ngang mai, ê kha inlo thleng thei maw, lo ṭhu rawhbu khai inchhawlte pawh ahal tawh ange tlangaupa ka zu tuiber kha hei ka khual ṭhate hi han thlit tawh khai an lo kalna ahla tham si a an chau awm si a ati zawm zat a, ṭhuthmun rem pahin valupa Biakzama chuan lalpa kan lawmin kan chau reng reng lo ania, tlangval thaza rual tan chauh natham ani hlei nem tipahin Kanghmun lal zu tui ber tlangaupa suah eng kuk mai chu tem zauhin Kanghmun lal zu nge nge hah ati dam huai mai ti a fak chungin abula ṭhu Ralhrata chu ahlan thuaia, Lalhuailiana chuan ka khaw valupa Zabiaka kâ aṭang in lo hriat tawh tho ka ringa, valupa Zabiaka sawi ang khan he keipui huaisar zet hian min tibuai hneh hle a, nunau ho phei chu dai hnai te teah pawh kal ngam an awm meuh tawh lo a ti hian zahpawh dawn hleithei tawh loin min puih turin in lal ka lo pun ta ngawt mai a, in lo thlen hun nghakin tihian ka upate nen tih theih nei ve hek lo kan ring kan fan kan fan ta ngawt mai ani ati chuai raih a, lalpa in pasalthate hlawh chhamna ah chuan kan hlawhtling bikin ka ring lo a, mahse theihtawp kan han chhuah ve phawt anga kan tihlum thei bik ngawt ange maw chu valupa Biakzama chuan ati a, Lalhuailiana chuan ni e, theihtawp min han chhuah pui phawt anga mihring tih theih bak chu tihngaihna a awm lo ani mai a, atih zawh rual chuan upamin lo inrawlh vatin, ni e kan lal sawi ang khan mihring tih theih bak chu kan phut bik lo ania, engpawh nise kan khaw buaina min chinfel pui tura lo kal pasalthate hming pawh hriat achak awm alawm mawle atih chuan Lalhuailiana pawh chuan ni e min puih tura hmun hla tak aṭanga lo kal khualṭhate hming pawh hriat loh chu lal â lal mawlah kan chhuak hlauh dah ange alo ti ve bawk a, valupa Biakzama chuan lalpa min ngaidam hram teh khai ka lo mangnghil palhhlauh ani, kei hi valupa Biakzama ka ni a, ka bula ṭhu hi Ralhrata ani a atih rual chuan lal leh upate chu an in en hrek hrek hlawm a, chu chu Ralhrata chuan ahmu vek a, Ralhrata dawt ami hi Laiawrha ani bawka tiin thupha chawi pahin ain hmelhriat tir hlawm a.

.

Upa pakhat chuan valupa Biakzama chu enin inau lo hruaite zinga pakhat hi chu kan khaw mite hian an mikhual duhin ka ring lo ani ati ta mai, valupa Biakzama chuan atu ber hi maw in mikhual theih loh tur chu awka vin lek lek hian amah be tu upa chu azawt a, Ralhrata erawh hnuai lam bihin anun hlui akalsan mek avang chuan inthiam lo inthlahrung tih hriat takin hnuai lam abih ngar ngar a, valupa Biakzama be tu upa bawk chuan Ralhrata ti a min hmehriat tir kha mawle ati chu valupa Biakzama chu asa ta phat mai le, Ralhrata ṭhianpa Laiawrha pawh chu asa ve phata, Ralhrata erawh chuan nuam lo atiin hreawm ati hle a, he ka nunhlui avang hian eng thil nge ka la hmachhawn zel dawn le ati rilru nauh nauh a, valupa Biakzama chuan lalpa inmi lo lawm dan chu mak ka tiin pai daih ahar ka ti khawp mai, kei emaw kanau lo hruaite zinaga tu pawh in thleng thei dawn lo anih chuan khua hi kan chhuahsan nghal mai ange, kan lal Lalduhliana ngaihdan pawh anilo viau ang le atih zawh rual chuan kawngka lam pan tumin ading nghal a, Lalhuailiana khai khai la kal mai teh suh u ti a aṭhuthmun thawh sanin kan thiamlo nasain sawi lohtur tur kan lo sawi palh ani min ngaithiam hram rawh u tiin thupha achawi mawlh mawlh a, upa ho pawn thupha chawina thu an chham chhuak ve mawlh mawlh a, valupa Biakzama chuan chuti taka lal leh upaten thupha chawia ngaithiam hram tura an ngen chiam avang chuan inbeng dai hramin anau hruaite nen chuan an ṭhuthmun ngai chu an luah leh a, Lalhuailiana chuan sawi loh tur tur kan sawi palh liau liau ani, min hrthiam hram dawn nia ti a thupha chawi lehin, inlo kalna ahla tham si a inchauin hahdam pawh induh ang, inzinga panga hi ka upamin hian thleng sela abak zawng keiin ka thleng thung ang atih zawh rual deuh thaw chuan upamin chuan lalpa zanriah ei ahun mai dawn a ka mikhual turte pawh hian insilfai an duh takin in lam ka pan pui nghal mai ange tiin Lungdar khaw tlangval panga chu lalin chhuahsanin inlam apan pui a, upa dang ho pawh chhuan lam eng eng emaw siamin lalin chu an chhuahsan sap sap hlawm a, upa ho an ṭin zawh hnu chuan Lalhuailiana chuan mama nu kan khual ṭhate hi an ril aṭam tawh ange an lo kalna ahla tham si a zanriah ipeih tawh chuan kan ei dawn em ni ang atih chuan lalnu chuan aw ka peih ani mai e ka han siam nghal sawk sawk ange tiin asiam nghal sawk sawk a, lalnu chaw ei siam chu kil nghalin puar el euhin an ei hlawm a, zanriah kham hnu a reimawi tawk an ṭhut hnu chuan khawnbawl upate lalinah an lo chuangkai sap sap tawh bawk nen lalin chhuahsanin zawlbuk lam an pan ta hlawm a.

.

Zawlbuk an thlen chuan valupa Zabiaka chuan nghal vatin, e kha kan pasalthate chu inva hma ve, hei mei hi lo hnung puak ve rawh u alum nuam phian ania tiin alo be sawk sawk a, Ralhrata ten zawlbuk an luh hnu lawk chuan an ṭhian pangate pawh zawlbuk an lo lawi lut ve bawk a, valupa Zabiaka chuan an khual ṭhate chu zawlbuk lo lawi tlangvalte hnenah chuan ahmehriat tir a, valupa Zabiaka'n Ralhrata hming alam chiah chu Kanghmun tlangvalte chu meng phar awn awnin an inen kual hrek hrek hlawm a, in hmelhriat tirna an neih zawh chuan kan khual ṭhate hi an lo kalna ahla tham si a khualbuan pawh kan ti lo mai ani ang chu ati dap dap a, tlangval ten khualbuan a awm dawn lo tih an hriat hnu chuan nula rim turin zawlbuk an chhuah san sap sap a, khaw chhung tlangval ten nula rim turin sawm ve mahse valupa Biakzama chuan Ralhrata angaihtuah avang leh nula rimnaah chuan kal ve hlawm pawh nise Ralhrata thil tawn leh tur chu hriatthiam puiin a hnial fithla thei hram a, tlangval panga an hruai erawh khawchhung tlangvalte rual chuan nula rimin zawlbuk an chhuah san thung a, khawchhung valupate leh tlangval zawlbuk kai hlim deuh nula la rim ngam ve lo te nen chuan inkawm hoin keipuiin ranvulh alak dan leh mihring hial akhawih dan thleng chuan sawi kaiin leh titi dang dang vawrhin leng haw ar khuan thleng chuan an la tui mam mam khawp mai, leng haw ar akhuan tâkah chuan tlangval ho pawh zawlbuk an pan khawm sap sap hlawm a, khawchhung tlangvalte chu Ralhrata bul mut duh loin an insawn sap sap hlawm a, valupa Biakzama chuan khak achak tawh khawp a, mahse Ralhrata'n adan tlat avangin aṭawng chhuak lo mai chauh ani, zan reilam ani a tuman bengchheng ziam loin an mu ta dial hlawm a, zingkhua alo var chuan Ralhrata chu thoin Laiawrha chu akai tho nghal bawkna, zan lamah valupa Biakzama ahrilh tawh tho bawk a, an hmanrua lain keipui chet tlat tamna deuh ni a Kanghmun valupa ten an sawina Kanghmun khaw chhim lama rantlat ṭhanna ber phul ṭo dulna lam chu an pan a, tukṭhuan ei hmaa hnu thar a awm leh awm loh en an duh vang ani ber e.

.

Khawdai an thlen aṭang chuan hmuh hmaih nei hauh lo turin hmuntin mai chu uluk leh fimkhur takin an en nghal thlap thlap a, achhan chu keipui hi pasaltha ve tho ani a, an ni ang tho hian afimkhur thiamin thawm chhuah miah lo a sapel mi ani bawk a, tin, hringmi pasaltha ang thoin huhang angah em em bawk ani. Fimkhur taka kal zelin rantlat ṭhanna hmun phul ṭo dulna ṭhin an thlen chuan lei lam bihin hnu thar hmuh inbeiseiin an han en kual leh rih a, mahse Kanghmun khaw ho ralvulh hniak tam tak kara keipui hnu lian ṭha ve tawk tak hlui deuh tawh chauh hmuh tur a awm a, Laiawrha chuan ṭhianpa helamah hi chuan ran an tlat ṭhat duh tawh tâk lohah chuan atlawh pawh tawh bik lo anih dawn hi atih chuan nia, isawi dik khawp mai aseh duh ber an tlat duh tawh tâk lohah chuan he lam tlawh lo a mihring beisei mai loh chu atan duhthlan tur a awm lo miau alawm le, mahse hei ṭhianpa ahniak hi han en ngun deuh teh ake hma veilam hi engtin emaw atina ani ngei ang ake hma dinglam aia hniak athuk loh danah hian Ralhrata'n atih chuan Laiawrha chuan ahan bih chiang veleh hnuhnawha, Laiawrha chuan dahchhuah pahin aṭhianpa thil chik zia leh hnuchhui atiam zia ahmuh chuan achhuangin angaisang hle a, tluk lo pawh ain ti takzet bawk ani, titawh hei tukṭhuan ei pawh ahun dawn e ilet phawt mai teh ang Ralhrata'n atih chuan an let leh ta rih a, lalin an thlen chuan valupa Biakzama nen in tawkin valupa Biakzama chuan eng nge beisei awm a awm em tiin alo chhawn var a, valupa Biakzama hnenah chuan an thilhmuh dan leh rindan chu an hrilh ta vek a, Ralhrata chuan Ubiak ka ngaihdan chuan ran an tlat tirna hmunah sawn ranvulh hmangin kan thlem chhuah theih mai ka ring deuh ani atih chuan valupa Biaka chuan chu ran kan tawktar dawn tihna animaw ahan ti a, rangzet hian Laiawrha chuan ni e keipawn kan thlem chhuah theih mai ka ring ani alo ti ve khauh a, aw le aṭha e, lal kan sawipui dawn nia tiin valupa Biaka chuan lalin lamah achhoh pui a, lal hnenah chuan thil awm dan an han sawipui a, lal chuan ê keini chuan inremruat ang ang kan pawm vek mai e, kan beiseina neih chhun in nia lawm ti a achhan tâk ah chuan tukṭhuan khama tih tur ang ang ti tur chuan ruhmanna an siam a, tichuan le tukṭhuan puar eleuha an ei hnu chuan insiam nghal sawk sawkin Kanghmun khaw ran tlat ṭhinna lam chu an pan ta hlawm a, khawchhung tlangval panga leh valupa Zabiakate chu an kal ve bawk a, ran tlat ṭhinna hmun an thlen chuan phul ṭo dulna zawl zau em em lo ko awi ve deuh tak lam hnaihah chuan thingtuai banpuam tiat vela lian phunin vawk sumthum vel tur hi thlungin thingphen aṭang chuan an chang ta ṭhap a. Keipui hi ram pasaltha ani a, sapel lamah chuan hringmi aiin anfimkhur thiamin pel dan an thiam zawk daih a, tin, sa an pel reng rengin hmalam nguntaka en phawtin an che chhuak chauh ṭhin bawk ani. Tichuan chawhnu her thleng a an chan hnu pawh chuan keipui hmuh tur chu sawi loh athawm takngial pawh hriat tur a awm bar lo a, Laiawrha phei chu abeidawng rum rum tawh a, mahse aṭhian ten awka an sah hmasak hmaa awka sah tu nih bik duh loin leh aṭhiante ngaichang reng chungin chanhmun asiam rem sauh sauh a, chutia Laiawrha insiam rem lai chuan keipui lo chhuahna tura anrin loh lam daih ko awi ve tak Ralhratate tlangval hruai panga zinga pathumte chan na lamah chuan thawm lo chhuakin chu lam chu an hawi nghal ṭhapa, mahse Lungdar khaw tlangval pathum tan leh hawi chi ni ve hek lo an awm ngai chuan an awm ta reng ringawt a, hnung lam hawia an lu ringawt an tih chet pawn thawm chhuahtu chu keipui anih phei chuan lu an chan theih mai bakah thil apawi thui thei tlat ani, tichuan le thawm chu lo hnai zelin vawk sumthum ko awi ve tak hnaih lama an thlun pawh chu hlauh nei tih hriat taka ngek ruaiin talchhuah tumin avir nasa mai a, valupa Biakate pawn vawk awm dan aṭang chuan inralrin ahun tih hriain ansilai chuan kah mai thei turin vawk an thlunna lam ah chuan akaw hmawr an hawi tir ṭhap a, chutia inralring taka an awm lai chuan keipui lian ṭha zet mai hi ko awi ve tak lam aṭang chuan lo zuak thla chhakin rilṭam tih hriat takin vawk chu seh tumin apan nghal hruk hruk a, chutia keipuiin vawk seh tuma apan hnaih hruk hruk lai chuan keipui lo zuan thlakna lama ṭan hmun siam Lungdar khaw tlangval pathum zinga pakhat rahchhan lung chu tawlhin keipui vawk seh tum vawk lama kal mek hnung lamah chuan lum thlain keipui lo hawi let nen chuan an inmelh no lo kher mai, valupa Biaka hlauh ang ngeiin keipui chuan aseh tura an thlun vawk chu hnung chhawnin alo lum na lama let leh tum tlangval lam chu apan ta tlat mai le, midang ho lahin an ṭhianpa chhan tumin thal thlah ta se an ṭhianpa chu an sai tel ang tih an hlau bawk si, tin, an ṭhianpa chhan tumin in lan pawh nise an thah yum ber keipui chu an hnawh tlan an hlau tho bawk si, chutia an ṭhianpa chhan nan keipui chu an hnawt tlan rih phawt dawn nge, thal an thlah tawp mai dawn ti a an inkhap buai lai chuan keipui leh Lungdar tlangval hlam thum vel leka inhlat inkarah chuan Ralhrata chu alu lak chem hriam tak nen chuan tla lutin keipui nen chuan an in hmachhawn ta ran mai le. A hnunga tlangval hnenah chuan a sahimna zawng tur chuan ahril a, tlangval chu maktihna nen hlau thawng tih hriat takin hmun him lam panin abawk vak phei zawt zawt a. Lungdar khaw tlangval Ralhrata'n achhan him tâk mak tih na chhan hi thli dang niloin an khua Lungdar khuaa keipui an beih ṭumin keipuiin an khaw tlangval pakhat aseh hmain Ralhrata hian keipui chu athat thei reng a, mahse that duh loin an khaw tlangval pakhat keipuiin aseh hlum hnuah chauh Ralhrata hian athat a, achhan pawh eng dang niloin keipuiin aseh hlum tlangval leh Ralhrata hi thu in chuhin an inhnial ta chiam a chu thil vang chu anih mita hmutu tlangval ten an ring ber a, chumi aṭang chuan Ralhrata bula sapui beih emaw ramchhuah pawh tuman an duh tawh lo bur a ani, tun ṭumah pawh hian Ralhrata'n achhan him tak tlangval leh tlangval dang pali ten Ralhrata bula sapui beih hi an hreh tak zeta mahse lalin kal tura atih miau avangin an kal lo ngam si lo a, mahse sapui beih pui tura an miduh loh ber Ralhrata chuan an zinga pakhat keipui lakah achhan him zo chiah chu ani si a, tlangval achhan him tâk chauh pawh nilo tlangval pali te pawh chuan mak an tiin Ralhrata hian anun hlui akalsan tak tak tawh ani tih an hriat chian phah bawk ani.

.

Tichuan le, Ralhrata leh keipui chu ding chang zawk nih tumin an in veh ta ṭhem ṭhem mai le, keipui chuan asa tur seh hlum atum mek laia lo tibuai tu ahma a ding pasaltha la naupan hmel tak mahse ahmel en aia tawn hriat ngah tak leh pian thiam tak, sa inphut mawi tawk tak leh chak tih hriat tak chu thinrim taka ngur chher chherin zuan tum tih hriat tak bawkin abawk hnian suai suai a, Ralhrata pawh chu a inring pen pen khawp mai, keipui awm dan leh che vel aṭang chuan athil tum pawh tawn hriat ngah tih takah hrilh ngai loin ahre vek a, keipui lo zuan dawk zawk hun chu anghak ani ber mai, chutah le keipui azuan dawk zawk rual chuan dinglamah zuang zawk pahin keipui beng chilhin asat ngheng mai a, keipui chu huk tuakin leiah atla thum dawm a, rang tak tho leh nghalin ahma aia thinrimin abeng chilha alu sat tu tlangval pian thiam zet chu ringruh tliak rawp khawpa seh tumin azuang dawk leh zawk mai le, Ralhrata chuan sat tawh loin veilamah lumin keipui ke hnung lam pahnih ah chuan manin lo kap rawh u tiin a au ṭial ta ruaia chu velleh valupa Biaka chu thawk lawkin hnai set sawt aṭangin keipui ludarh vek khawp chuan akap thawr a, keipui chu leiah thih sualin ake akhawng dat dat a, valupa Biaka chuan Ralhrata âwm keipui ke hnung lamin vunpui chat ṭhawt khawpa ahai sakah chuan ram hnim damdawi lain abel sak thuai thuai a, Ralhrata'n Ubiak eng tham mah ani hlei nem hei te chu chaw ei ti tui tawk lek alawm ti mahse apuan tlang thlerin atuam sak mawlh mawlh tho a, Laiawrha lah pek chuan mi na tur lai lain ṭhianpa iva han ropui tak em keipui ke ah meuh i man ngam ania iva ropui tak em tiin afak chiama, tlangval achhan him tâk chuan valupa Biaka chu puih pahin Ralhrata chu lawm thu ahrilh mawlh mawlh a, Ralhrata chuan lawmthu sawi angai reng reng lo ania, ka tih tur ka ti ve mai alawm tiin achhanga, tichuan hlang siamin khawchhung tlangval lo kal thar ho nen keipui lian tak chu zawnin an haw haw phei luih luih a, an khaw tibuaia tiralṭi tu keipui hnuk chhat tu valupa Biaka hlanga chunga hlan kai an tumin alo duh lo nasa maia, kei chuan engmah tih ka nei ve hlei nem hei Ralhrata tih vek hi lawm a tih takah chuan Ralhrata chu hlang chungah chuan hlan an han tum vel leh a, mahse ani pawn aduh miau si loh avangin an zawn tel ta bik lo a.

.

Tichuan Ralhratate Kanghmun khuaa keipui an thah hnu a nikhat an cham leh hnu chuan khaw lam panin haw zai an rel ta a. Hmawngbu khaw pasaltha sawmpakhat te pawh Lungdar khaw lan theihna chin an thleng der tawh a.

.

Duh tawk leh phawt ang aw, dawh thei taka min nghak hram hram turin ka ngen bawk ache u

Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » December 16th, 2019, 9:58 pm

Ka Edit hman lo aw, lo chhiar Edit ve tawh mai ru aw.

.

RAMVACHAL

.

Episode. 5

.

Hmawngbu pasaltha sawmpakhat ten Lungdar khaw dai an thlen chuan ṭhukhawmin khaw chhungah lutin kan miduh Ralhrata chu kan han zawng nghal rawk rawk dawn nge? Naktuk tukṭhuan khamah muangmarin Lungdar khaw lal kan han be phawt dawn tih chu an sawi ho a, aṭhenin atlai atlaia zawn nghal rup rup an duh laiin ṭhenkhat erawh chuan muangmar leh rilru fim taka naktuk tukṭhuan khama Lungdar khaw lal dawr phawt chu an duh ve thung a, ngaihdan in mil hlawm hek lo an han inhnial leh rap rap a, thu mum an nei hlei thei lo chu ani ber e, chutia an han inhnial tak chiam chiam ah chuan valupa chuan kan ngaihdan ṭheuh kan sawi a aṭha e, tin, kan hriat reng tura ka duh pakhat chu ral kan bei emaw sa kan pel emaw anih pawhin rilru fim pu hlek lo a bawh buan buan hi pasaltha tan chuan tih chi ani lo a, achhan chu rilru fim lo a kan bawh buan buan chuan che sual zawkah ṭangin kan chan achhe hle thei a, chuvang chuan rilru fim tak puin ngaihtuahna thui tak kan neih phawt angai ṭhin ani ati dap dap a, tichuan sawi zawm lehin atlai atlaia khaw chhung lut rawk rawk rih loin naktuk tukṭhuan khamah muangmarin Lungdar khaw lal chu kan han dawr dawn nia atih chuan valupa thu chu tu'n hnial ngam hek lo valupa thu tlukna anga kal tur chuan in buatsaihin hmun biru lai deuh Lungdar khaw ramvak ho pawhin a an hmuh mai mai lohna turah chuan buk sualin tumah awlbik nih duh loin an che sap sap a. Ralhratate pawh tluang taka kal zelin an khaw lan theihna pawh an thleng ve dêr tawh a, hmanhmawh angai vak tawh hleinem, bakah kan khaw ramchhung kan lut tawh tho a, satui hang hawp lohna pawh arei tawh lawm le sa pel phawt ila, muangmarin naktuk lamah khua luh kan tum dawn nia valupa Biaka'n atih takah chuan sa pel chu an chak zawng tak ani hlawm bawk nen atih chi khawp ang chu tiin riahbuk sual tur leh aṭul aṭul ti tur pathum vel in dahin sapelin an vak darh ta sang sang a, khaw thim thet thet, unau hmelhai hun awm velah chuan buk pan khawm leh sap sapin valupa Biaka leh tlangval pahnih kal ho chuan sakhi pachal zanghang lian ṭha zet an kap a, Ralhratate ṭhiandun kal tlang pawh chuan nghalchang lian ṭha zet mai sumsarih bawr vel kapin ahranpaha sa la tura kal leh buaithlak tiin an lo zawn haw a, chu chu valupa Biaka'n ahmuh chuan khai khai khati te chuan in inti silawng mai dawn sin, khatiang tur ani ngai hleinem, tuna chinah titawh ngai reng reng suh u, ṭhiante pun nachang hriat ṭhin tur ti a zilh pahin an nghalchang kah chu a han belchiang a, a lianin anghote chu aropui hle mai, nghalchang ka hmuh tawh zawngah chuan ala lian ber awm e, ti a Ralhratate ṭhiandun chu chhuang taka enin, fak phu chu kan fak tur ani a, fak phulo na na na fak chiam thu awm suh ti ve ngat ṭhin valupa Biaka'n ahan fak chiam chu Ralhrata chuan nuam lo ati hle a, mahse tun hma zawnga fakna dawng ngaiin fakna awka a han dawng chu nuam atiin anun ahlim veng veng thung a, tin, tun hmaa ṭhian pawl mang ngai lo khan ṭhian ṭha chharin ṭhian apawl tam phaha,chumai lani loin an khaw mipuite pawn an nel ṭan bawk nen tun hmaa anun dan ai mah khan nuam ati daih zawk hial reng ani.

.

Tichuan le, zingkhua alo vara dan pangaiin Lungdar khaw nula ho chu zing takah thoin tui chawiin rapchunga buh an hak sa chu la thlain sum hmunah an deng ri leh dup dup a, naupang ho pawh tuallaiah infiamin anrak teng tung hlawm a, naupang ṭhenkhat lah chawṭhing tlang lian leng lawng keng chunga ṭhiante ruala tlan kual ve chiam tawk lah bo lo, nu ho lahin eirel buai nen vawk chaw pek tumin vawk chaw kuang khawngri tlauh tlauhin rihte rihte an lo ti ve chiam bawk a, pa ṭhenkhat lah an nupuite eirel dal tawk lekin tapa mei karkhum suahin an ṭhu run a, an nupuiten lo insawn rih teh eirel min dal alawm an tih pawhin chhang duh chuang hlei loin ṭhuthmun an la siamrem sauh sauh a, chutia mahni tawka an buai map map lai chuan an khaw dai maiah khual duhawm lo tak tak misawmpakhat lai ten khaw chhung luh tumin remruatna an siam mek tih reng an hre der si lo. Hmawngbu valupa chuan tukṭhuan kha inpeih tawh chuan bar sawk sawk ila Lungdar khaw chung kan lut dawn nia, khawchhung kan luh hunah khaw dang hawi loin lalin lam kan panding nghal anga, Lungdar khaw lal Lalduhliana biain kan miduh chu kan kuta hlan turin kan ti anga, kan miduh kan kuta hlan duh lo a chhuanlam eng eng emaw siama hum atum tlat chuan aṭul dan ang angin kan che tawh mai dawn nia ti a aremruatna chu atlangval hruai ten an pawmpui tih hriat nan an lo bu tliar tliar hlawm a, tichuan tukṭhuan puar taka eiin Lungdar khaw chhung lam panin an in chhirchhuak nghal a. Lungdar khaw mipuiten tukṭhuan an kil mek lai chuan kawtchhuah aṭang ralthuam famkima inthuam misawmpakhat vel hian hmanhmawh tih hriat takin lalin lam an pan hlawk hlawk a, lalin an thlen chuan luh an han dil a, tukṭhuan ei hun lai ani bawk a, upa ho leh tlangaupa pawh an awm loh lai anih avangin lalnu tukṭhuan an eina hmun tifelfai zo chiah chuan chhawnin inchhungah aluh pui a, lalinah chuan valupa leh tlangval pahnih tawhkhirh hmel zet chu lutin abak zawng chu pawn ah inralring leh engtik lai pawha chet chhuah inring ranin an awm thung a, Lqlduhliana'n valupa niawm tak pakhat leh tlangval tawh khirh hmel zet zet pahnih lalin a lo lut ahmuh chuan lo kal rawh u, mikhaul in nimaw, eng duh a lo kal nge in nih a, tu lalna khua aṭanga lo kal nge in nih le tipahin, khual ṭha emaw khual ṭhalo ani emaw enga mah hmaa biak chhiat ngawt thu awm suh, ṭhutna tur akawh hmuh zung zung a, lalin ṭhutna akawh hmuhna a ṭhuthmun rem pahin valupa chuan lalpa kei hi Hmawngbu valupa Ṭialuka ka ni a, Lalkapliana khua aṭanga lo kal kan ni a, ka bula ṭhu pahnihte hi ka nau lo hruaite an ani a, tin, pawnah sawn ka nau lo hruai ten min nghak bawk ti hmasa te tein aw a thian kharh kharh a sawi zawm lehin lalpa thukhuh taka thil sawi mi ka ni lo a min hrethiam ani ang chu ti leh te te phawtin, Lalduhliana chuan aw le isawi duh chu han sawi ta che ka tih theih zawng anih phawt chuan ka tih sak em em ang che u, eng harsatna nge intawh le tiin a inchhunga mikhual lo tla lutte chu atan leh akhaw mipuite tan khual duhawm lo tak an nih ring loin a inhawng nghal hle a, mahse arin loh dan deuhin thil athleng ta, Hmawngbu valupa Ṭialuka chuan lalpa i khaw pasaltha Ralhrata hian kan khaw pasalthate kan khaw ramchhungah leh nghal, chhan engmah awm loin alo that ringat mai a, kan khaw pasaltha ṭhenkhat ten zahngai tura an tih lawm lawm pawn zah ngai duh hauh loin an lu alaksak hmiah hmiah a, chuvangin kan lal Lalkapliana chuan akhaw pasalthate chu engvanga that nge anih tih zawt fiaha, achungthu rel sak turin a kuta hlan turin aduh che a harsatna min siam sak lo hram turin angen bawk che ani ati chu, Lalduhliana chu ngaihna hrelo tih hriat takin ameng phar nasa mai a, sawi mai tur pawh ahre lo hial reng a, upa ho pawh lalinah lo chuangkai kim tawhin Hmawngbu valupa thilsawi tawp lam chu an lo hre hmana, eng nge thil awmzia ti a an han zawt chu Lalduhliana chuan arorel puihtu upate chu thilawmzia ahrilh ta vek a, upa ṭhenkhat chuan Ralhrata nun hlui chhui kir sakin he hun hi engtik emaw chuan athlen ka ring reng ani an ti rilru nauh nauh a, Lalduhliana chuan engpawh nise inthil sawi chu thudik lo ni ta pawh nise inmi duh Ralhrata hi khuaah hian a awm lo ani atih chuan Hmawngbu valupa Ṭialuka chu têr nghal atin lalpa dawt min hrilh suh, Ralhrata hi i khaw pasaltha, khaw tam tak laka i himna ani tih kan hai bik hlei nem, kan lak aṭang chuan huma, tlanbo tir chu tum duh suh, kan lak aṭanga huma tlanbo tir itum anih zawngin iti sual chhia va ang, i khaw mipuite hi an hma ingaia i hmangaih takzet anih chuan Ralhrata hi kan kutah min pe mai rawh a han ti leh a, mahse Lalduhliana chuan achhanna ngai bawka chhangin khaw chhungah hian a awm lo ani tih bawkin achhang leh a, Hmawngbu valupa Ṭialuka chuan lalpa atawp nan ka zawt leh ang che i pasaltha Ralhrata chu khawiah nge a awm, kan kutah hian min pe mai rawh atih leh pawn Lalduhliana chu angawih tlat avangin valupa Ṭialuka chuan zahngaihna lantirin awmzia a nei ta lo ve naute u induh ang chuan che rawh u le atih zawh rual chuan pawna inralring taka awm tlangval patumte chu lo tlanlutin inchhunga awmsa pahnihte nen lal leh upate hrawkah chempui chuk tuah chungin leikapuiah chuan an chhuah pui a, khatia mikhualte rinloh deuha an chet tak thut ah chuan lalnu hlauthawng lutuk chu arak tuar a, chutia lalin aṭanga lalnu hlauhnei tih hriat taka rak tuar chu ahria apiang ten lalinah chuan engthil ṭha lo nge thleng tih hriat tumin lalin lam an pan sap sap a, reilote hnuah lalin tualah chuan mipui an khat ta vek a, lalin tuala mipui lo pungkhawm ten chutia an lal leh upate tu tih hriat loh mikhual ten lal leh upate hrawka chempui chuktuah chunga lal leikapuia an lo chhuahpui chu mak ti tak chung leh ngaina hrelo tih hriat takin engvangin nge heng mikhualte hian kan lal leh upate hi hetia lo ti ringawt nge maw an nih le tiin an inzawt hlawm a, chutia zawhna in ang, thil thlenchhan hrelo ve ve hriat chian tuma an inzawh luih luih lai chuan, valupa Ṭialuka chu lal leikapui aṭang chuan ring leng lawnga auin Lungdar khaw mipui te u in lal leh upate hi hetia tih hi kan duh bik lo a, mahse in lal leh upa ten kan thu an awi duh loh vang chauha hetia che mai hi kan ni ti a sawi zawm zelin Hmawngbu khaw ram chhunga Ralhrata chet dan zawng zawng leh nunrawn zai chu asawi ta vek a, athusawi tih tawp nan tunah hian inkhaw pasaltha Ralhrata, kan khaw pasalthate rawng tak leh zahngaihna nei hauh lo a that tu hi kan kutah hlan ula inlal leh upate hi kan chhuah nghal ang atih chuan mipuite chuan Ralhrata ten eng nge an tih tih hre ve hek lo, Lungdar khaw valupa pakhat chuan Ralhrata hian eng nge atih kan hre bik lo a, ninga vel kal ta aṭang tawh khan khaw chhungah hian hmuh tur a awm tawh lo ani tiin mikhualte chu achhanga, he valupa hian a valupa pui Biakzama te nen Kanghmun khaw puih tura kal zingah Ralhrata hi atel ve ani tih hre reng mahse an lal Lalduhliana hian chhan eng emaw vangin a khaw pasalthate kalna hi asawi duh lo anih ringin asawi duh ta bik lo a. ( khaw dang lal ten lal pakhat hnena puihna andilin pasaltha leh tlangval tam tham tak kal na chi anih lem loh chuan mipuite ti phawk lek lo zawngin leh lal hriat puinain valupa ten khaw dang puih ngaite puih turin pasaltha leh tlangvalte an thlang chhuak mai ṭhin ani)

.

Hmawngbu valupa Tialuka bawk chuan chutia in pasaltha Ralhrata awmna tuman in sawi duh tâk lohah chuan in lal hi kan khaw lam kan pan pui mai angai dawn tihna anih chu, kan lalin achungthu arel sak ang ti a lal leikapui aṭanga hnuh thlak atum lai tak chuan aw thum ṭha tak leh palzam mai mai chi loh chu mipui hnung lam aṭang lo chhuakin chu aw chuan in miduh chu heta hi ka awm e, kan lal leh mipuite hian engmah hriat an nei ve lo kal tir la, ka lu lak duh vanga heng lai thleng thleng lo kal ta chu induh chu han ti ta che u, mahse kei chuan tu nunna mah laksak ka duh lo chuvang chuan ka chungah zah inngaih theih hram chuan khang ka thil tih sual zawng zawnga ka thupha chawina hi min pawm sak turin ka ngen tak meuh meuh che u ani, amah erawh chu ka chungah zahngaihna inlan tir thei ta lo anih chuan ka lu hi in la thei ang, kan lal kha chu kal tir rawh ti chunga mipui kara Ralhrata, lalin tual pan mek chu Hmawngbu tlangvalte chuan nguntakin an lo en kar a, Ralhrata'n lalin tual mipui awm lohna chin athlen chuan khai le kan lal kha chu kal tir ula induh chu han ti ta che u tiin ading teu mai a, valupa Tialuka chuan uai kan pasaltha nunrawng leh sual tawrawt tak ni ṭhin chu han belhchian tak tak chuan engteh ual ani dawn na nge le, ahming chauh a pasaltha nunrawng leh sual tawrawt i lo nih dawn hi le, ipumrua en chuan ichak hmel fu si a, mahse belhchian ilo dawl lo nasa anih dawn hi le ti a hmusitna leh deuhsawhna ṭawngkam chhakchhuak chungin Ralhrata lam chu pan dingin Ralhrata hmachhawn zawng chuan dik kak hah bawkin kei Hmawngbu valupa Tialuka hi min insual pui tur ani ang, min sual duh lo anih chuan inlal nunna hian atuar ang ati chang fak a, Ralhrata chuan khawngaihin zahngai la min nawr lui lo hram teh khai, mi nunna laksak hi ka duh tawh lo ani, ka pawi sawi lo ngat phei chu kut ka thlak thei lo ani, ka sawi tawh ang khan ka chungah zahngaihna in lantir thei lo anih leh ka lu hi la mai rawh u tiin leiah chuan aṭhingṭhi a, chutia an rinloh deuh mai a Ralhrata achet tâk avang chuan lal leh mipuite chuan mak tiin an en tlawk tlawk mai a, tun hma anun dan zawng zawng chu paih fai vekin tunah chuan athil tihsual vanga tawrh angaih pawn tawrh ahuam zia an hmuha an hriat chiang phei chu an khawngaih em em tawh a, mittui tling kuangin an en ngawih ngawih a, mipui zingah chuan anu leh pa leh afarnu neihchhun pawh awm ve in anu leh afarnu phei chu tih theih nei ve hek lo an ṭap zawih zawih a, apa Ralthata meuh pawn kafapa tiin akhap per sak sak a.

.

Valupa Tialuka chuan mi inring lo lai beih ching pasaltha kan ni ve lo e, tho la min hmachhawn rawh anih loh chuan in lal khian atuar ang ati chang leh rât a, chutah meuh chuan inphah hnuai duh tawh bik loin alu lak chem hriam ṭha tak chu phawrhin engmah sawi zui tawh loin valupa Tialuka chu hma chhawnin ading kak ve ta hah mai le. chutah meuh chuan Lalduhliana pawh insum zo tawh bik loin ka pasaltha, ka khaw daingul ka himna kulh, ka sabel pasaltha Ralhrata i nih kha hre reng ta che, kha zahngaihna nei lo valupa lu kha min han lak la anau lo hruai te zawng zawng hi that vek ang che atih chuan Ralhrata chuan alu lak chempui chu ahum nghet sauh a, tin, valupa Biakate pawn chutia lal meuhin awka achhuah tâkah chuan insem darhin Ralhrata leh valupa Tialuka inbeih zawha che nghal mai thei tuin ṭan hmun an saim ve mek bawk a, tumah dama chhuah tir an tum lo bur mai ani. Tichuan le, valupa Tialuka chuan naua i hun chu aliam dawn ta pialralah ka rawng bawl turin min lo nghak dawn nia, kha le keimah Lalkapliana pasaltha Tiakuka ka ni ngai e ti a hmingchhalin Ralhrata lu sah phel phawk tuma zuang dawk zawkin Ralhrata chu achhipthlak ta bur a, he valupa hi akum ala tam lo bawka ache pawh ala rang khawp mai, mahse he valupa hian ami hmachhawn hi ala hrechiang tawk lo ani, ahriat chian hunah meuh chuan atlai zo tawh ngei ang le. Ralhrata chu awm mai mai bik loin alu chung zawn a valupa Ṭialuka chem lo vai thla fua chu veilamah lum sawn sana tho chhuak leh nghalin valupa Tialuka insiam rem tum la insiam rem hman silo kawngah chuan atlawh sak ngheng mai a, valupa Tialuka chu êk tuarin leia vaivut chu abawh khu luih a, Ralhrata chuan bawh zui duh loin ainsiam rem hun alo nghak a, valupa Tialuka chu vaivut phuh chhuak ṭhawt ṭhawt chung a lo ding chhuak lehin thinrim luat vanga mengsen rum chungin thisawn rawh ti paha Ralhrata dar sah uai sak hnawk tuma chem avai chhuak leh chu Ralhrata chuan avei lamah bawk penhnih vela tawlh sawn vatin hmalama zuang zawk pahin achem phek zawng chuan valupa Tialuka hnugzangah chuan ahlap ri thlawrh a, valupa Tialuka na ti chu rak tuarin hmalamah apai phei awn awn mai zawng na tak tur ani, lal tual zawla mipui pungkhawm te pawn ahnung zang arit thlawrh rual chuan an lo e dual a. Valupa Tialuka chuan athiam thil zawng zawng sawm khawma abeih chiam hnu pawh chuan akhawih fuh thei reng reng lo mai a, amah zawk chu Ralhrata'n satna duh siloin atai thi phung mai a, valupa Tialuka chu ami beihpa khawihfuh ve thei si lo leh ami beihpain satna duh siloin atai thi sung tawh mai nen athinrim lutuk chu amengsen tur tawh mai a, Ralhrata chuan thah kher che ka duh lo ania ati zo hman chiah asawi zawm leh hma chuan valupa Tialuka chuan ilu ka lak hma chu ka duh tawk dawn lo ti a au ṭial ruai chungin Ralhrata hrawk zawnah chuan avai tle leh zawk a, Ralhrata chuan ahrawk zawna valupa Tialuka chem vai tle zawk chu ṭhuniam a bumin achempui hriam ṭha tak chu valupa Tialuka pum zawnah chuan vai tle ve zawkin valupa Tialuka pum chu thler phei duai a, apum thler phei duai aṭang chuan ril leh thisen thar hlam achhuk nghal ṭuam ṭuam a, aril chhuak chu beng luh tum eng ang mahse beng luh sen ni hek lo auai pur a, thisen achhuak hnem bawk nen alu hai chu alu laksak tum, deuhsawh tak leh elsen taka aṭawng hmaah chuan hreh tak chungin aṭhingṭhi ta ruah mai le, valupa Tialuka aṭhingṭhit rual chiah chuan silai lo puakin Ralhrata chu vir nawkin leiah atlu nghal thlawrh a, silai arit rual chuan mipuite chu rak teng tung chungin an tlandarh ta chiam a, chutia mipui rak tengtung chunga an tlandar chiam lai chuan valupa Biaka'n ring leng lawnga tunah atih zawh rual chuan Lungdar tlangvalte chuan bawh hukin Hmawngbu tlangval ho chu an sat thum nghal awk awk a, an tam hneh bawk a mi sawm lek te chu reiloteah an that ta phiar a, Laiawrha chuan Ralhrata leia let hlawm reng chu bawihsawm vatin ṭhianpa ṭang hram hram rawh aw pasaltha inih kha ti a khap per sak sak chungin Ralhrata engmah hre tawh lo leh adar dinglam silai mu luhna aṭanga thisen chhuak chu hup vatin tih harh tumin ahan sawi nawk nawk a, mahse Ralhrata chu nunna nei tawh lo ang maia zawiin thisen ahlauh hnem bawk nen adang bal mai a, valupa Biaka chuan tlangval pahnih chu Bawlpu ko turin atir liam nghal vata, mipui tlan darh ho pawh lo pungkhawm leh tawhin Ralhrata engmah hretawh lo tih hriat taka zawi vek tawh chu lai lainat takin an thlir ṭhapa, Tuahpuii leh anu Tialzingi chu mittui nen tlan hlawk hlawkin Ralhrata chu bawh thlawkin an ṭah nghal hawm hawm a, Tuahpuii chuan ka u tho rawh, ka u timai hi chuan min kalsan suh, nauban par mawi deuh ka lo hawn ang che itih kha, ka u tho la ka tana nauban par ilo hawn chu ka samah hian min thiahsak ta che ti a ṭah hla a han chham chu lalmuala mipui pungkhawm zinga nula leh nu ho awm vete chu insum zo loin an lo ṭap ve pur a, pa rilru no deuhte pawh an khap per ve sak sak tho mai, Ralhrata pa Ralthata erawh ngawi rengin afapa chu aen ngawih ngawih a, mahse chik taka ahmel en erawh chuan a insum hle ani tih ahriat theih a, mipa chu an ṭap tur ani lo, midang hmuhah amawi lo e ti ve ngat ṭhin pa sehhel tak ni miau hek amittui tih tlak atum lo bur a. Lalduhliana'n a inchhunga zawn lut tura atih angin lalinah chuan zawn lutin Bawlpu lo thlen hun an nghak ṭhapa, reilote hnuah tlangval pahnih leh Bawlpu chu lo thleng thuaiin Bawlpu chuan Ralhrata engmah hre tawh lo chu a han en nghal vat vat a, Bawlpu chuan ahliam tawrh hi ana em mai beisei tur a awmin ka ring tawh lo ani ti chungin Ralhrata engmah hre tawh lo dang bal mai dar dinglam aṭanga thisen chhuak reng chu tih tawp tumin abei fan fan a, lalmuala mipui pungkhawm ho chu haw duh loin an khaw pasaltha thichhawnga let reng, adam chhuak zo angem tih pawh hriat loh chu beiseina chhe tê nen chanchin ngai changin an ṭhu ṭhapa, Ralhrata hi atunhma nun kha chhiar tlak nilo mahse he tia anun asiam ṭhat hnu hian tun hmaa mi minunrawng tak leh chapo tak ni ṭhin kha mi inthlahrung mi tak leh mipawi sawi hlau tak ani tawh a, hmeithai rethei leh pachhiate angaihsakin aphak ang tawkah ṭanpuiin achhawmdawl ve zel a, sa akah lahin vawi khat ei kan neih chuan atawk e tiin asem zo vek zel a, chutiang khawpa nun insiam ṭha chu khaw mipuite pawn ngainaa nel thuaiin mipuite chuan athih bo mai chu an phal bik lo ani. Bawlpu chu beiseina chau tak nen a ngaichang ṭhapin lalin kawtah chuan an ṭhu hul hlawm a, Tuahpuiite nufa chu nu ṭhenkhat ten Ralhrata chu pasaltha tuar chhel tak ani a aṭha chhuak em em ang tiin an hnem mawlh mawlh a, Bawlpu chuan thisen chhuak reng harsa tak chunga atih tawp hnu chuan amar awm leh awm loh a han dap kual leh vat vat a, marphu ahmu mai thei lo chu ahmaia thlantui luang zawih zawih chu hru puatin beisei ava chau thei ngai ve mawle ti chungin bei tih dawn nan hrim hrim tiin Ralhrata zak hnuai chu a han dap leh a, Bawlpu chuan chuan pasaltha nge nge ihliam anat teh reng en itawrh achhel hle mai lo ṭang fan fan rawh aw ti pahin Ralhrata âwmah akut khinghnih chu nghatin vawithum vel anem hnu chuan Ralhrata chu lo thaw chhuak kawkin azawi leh tial tial a, Bawlpu chuan Ralhrata banrek chu a han hmet leh vang vanga chutah hlim hmel pu sang chungin pasaltha nge nge ituar chhuak dawn ta anih hi, hetiang em ema mi tawrh chhel hi ka la hre ngai lo ani ati hial a, Lalduhliana chuan ka pasaltha ka khaw daingul chu aṭha chhuak thei dawn amaw ti a Bawlpu azawh chuan Bawlpu chuan aw lalpa kan psaltha tawrh chhel tak hi aṭha chhuak leh thei ang ti a achhan chuan Lalduhliana chu leikapuiah chhuak nghal vatin ka khaw pasaltha Ralhrata mitawrh chhel tak chu ngaihtuah awm ani tawh lo e, kan pasaltha chuan akhua leh tui veng him turin pialral kawka aṭang alo let leh ta chuvangin Lungdar khaw mipuite u ngaihngam takin mahni inlam ṭheuh pan ula chanchin kan in hrilh hre zel dawn nia ti a lalin mipuite ṭin tura atih hnu chuan mipuite pawh thu awi takin mahni inlam ṭheuh an pan ta hlawm a, Lalduhliana pawh chu lalinah lut leh nghalin Ralhrata hi aṭhat chhuah leh hma chu lalinah hian enkawlna ṭha ber dawngin a awm tur ani atih bur avangin Tuahpuii leh anu Tialzingi chuan Ralhrata chu enkawl duh viau mahse lal thu chu hnial ngam loin leh Ralhrata ber aṭhat tawh tho avangin lungawi takin in lam an pan a.

.

Duh tawk leh phawt mai ang aw, dawh thei takin in lo nghak hram hram dawn nia aw

Link:
BBcode:
HTML:
Hide post links
Show post links

Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » December 19th, 2019, 9:45 pm

RAMVACHAL

.

Episode. 6

.

Lungdar khaw mipuite chuan Ralhrata nun inthlak danglam tawh zia chu an sawi huai huai a, tun hma kha chuan michapo leh nunrawng, pawisak nei lo ni ṭhin kha tunah chuan hei hmeithai, rethei leh pachhiate tan innghah fâkna ni chhoin angaihsak em em mai bawk a, sa akah lahin an mahnin ei tur pawh chang lo khawp khawpin, hmeithai, rethei leh pachhia ten an ei loh ai chuan keimahni zawk hian kan ei lo mai ang ti a akap tu zawkin ei tur neilo a sem vek chân lah atam, hetiang reng reng hian mihring hi alo inthlak thei ani maw tiin zanriah pawh ei ṭha hlei thei loin chhung tin mai chuan Ralhrata chanchin chu an sawi laih laih a, lalin lam pawh Ralhrata hian aluah lum hneh hle nitur ani, upamin chuan aw thian kharh kharhin lalpa mihring hi hetiang khawp hian alo inthlak danglam thei ani maw, tun hma zawnga kan khaw chheh vela khaw hrang hrangte pawhina an hlauh rawn, nunrawng leh sual tawrawt tak, pawisak nei rût lo ni ṭhin kha tunah chuan hei i khua a hmeithai, rethei leh pachhiate tuam hlawm tu leh innghah fâkna ber alo ni ta der mai hi keizawng awi har ka la ti khawp ani atih chuan, upa pakhat chu lo inrawlh ve vatin Kairuma pa sawi ang khan Ralhrata nun dan inthlak thut hi mak ka tiin awi har ka ti ve tho mai, mahse ṭhenawm khawvengte sawi ka hriatdanin sa akah reng rengin hmeithai, rethei pachhiate pek loh lai anei ngai lo a, eng emaw chang phei chuan an mahni eitur awm lo khawp khawpin hmeithai, rethei leh pachhia ten an ei loh ai chuan tiin asem vek zel e an tia sin alo tive chuar chuar a, Lalduhliana chuan ani khawp mai, tunhma anun dan zawng zawng chhui kir sak chuan hetia anun dan athlak danglam ta mai hi mak tih awm hial pawh ani reng a, mipui tam zawk ten mak tiin awi lo pawh nise âwm ka tiin ka dem hran lo, mahse keizawng hetia Ralhrata'n anun athlak hi ka lawm puiin hmeithai leh rethei ten sabel an neih belhin humhim tu an neih belhah ka lo ngai hmiah mai sin ati ta then a, upamin Kairuma pa chuan inthiam loh hmel tak chungin lalpa i rorelna puih tur che a iruatte hi min hriatthiam kan ngai ani, thil kan tisualin mipawi kan sawi lek lek ani, ngaihtuah lo tur tur kan lo ngaihtuahin kan lal thlazarna hnuaia muangleia kan awm azarah sawi loh loh tur kan sawi palh ani tiin thupha ahan chawi leh hnuhnawh a, Lalduhliana chuan khai khai chutiang ani hlei nem, kei leh ka khaw mipuite thlamuang tak awm tir tute chu kei ni loin nangni ka rorelna a minpuih tura ka ruatte leh valupa leh pasalthate vang chauhin ei leh intur, sil leh fen tur tlacham lo mai zawk alawm kan nih le tiin lalfing tih takah titi thlak ahun tih hriain hei buh seng ahun chu ani ta mai a chawmdawl ngai chungkaw eng zat nge awm valupa ten lo ngaihven sela, hmalak dan tur pawh valupate kutah kan dah mai dawn em ni ang ati ta daih a, upamin Kairuma pa chuan kan lal rorel dan chu tha ka tiin ka pawm zawng tak ani atih chuan upa dangte pawn Lalduhliana rorel dan chu ṭha an ti ani tihlan tir nan an bu tliar tliar a, tichuan ti ti dang vawrhin leng haw arkhuan hnu reilote ah ṭin zai an rel ve ta chauh a.

.

Zan lai ar khuan hun awm velah chuan Lungdar khaw lalin chhung ah chuan chhum var hi azam lut chiai chiaia, hmun dangah erawh chhum hmuh tur pakhat pawh a awm der si lo a, mahse Lungdar khaw lalin chhungah chuan azam lut miau si a thil mak tak zawng ani ngei mai, chu chhum zam lut chiai chiai chuan rimtui em em mai hi akeng tela, chu chhum rimtui em em mai kengtel lalina azam luh rual chuan lalina riak lal chhungkua chu aham aiin an mutui zawk mah emaw tih mai turin tui taka muin an hnar suk suk a, chu chhum rimtui tak lalina zam lut chuan Ralhrata chu hmuh theih loh khawpin abawh a, Ralhrata thisen hlauh hnem avanga vun dang var bal tawh chu mihrisel ṭha tak vun sen suah ang mai a lo awm in adar ruh silai muin aden tliah sak chu tliak lo ang maia in zawm lehin atihrawl silai mu luhna kaw vui pawh chu silai mu luhna hnu ani tih hriat loh khawpin aphui leh vek a, avun pawh ser ang maiin a awm bawk a, chutia chhum rimtui takin ahliam atih dam tâkah chuan Ralhrata chu nikhawhre lo ni tawh loin tui takin amu bawrh bawrh tawh zawk a, chu chhum var rimtui tak chuan ka hna ka zo tawh e ati nge ni alo zam luhna lamah chuan zam chhuak lehin van boruak sang takah atham ral ta vek a, tichuan Lungdar khaw mipuite chu mangbo ṭhak khawpin tui takin an mu bawrh bawrh a, Ralhrata pawh amu tui bawrh bawrh khawp mai. Tichuan le zingkhua alo var chuan Ralhrata chu amut hmun aṭang chuan ṭhu chhuak hlawlin ahan hawi kual a amutna hmun chu lalin ani tih hre nghalin engtin nge lalinah hian ka awm ngawt thei ti a mak ti taka a awm lai chuan thil hriat chhuah nei ni awm takin adar dinglam chu a han dap nghal rawk rawk a puanin uluk takin ain tuam thlap bawk si a mahse na aneih awm ahre bawk si lo, mahse adar dinglamah an kap ani tih chu chiang lo ruaiin ahre vuai vuai kha ani si a, adar tuamna chu phelh sawk sawkin a han en chu siali mu luhna ni awm tak ser chu alo awm ngei a mahse hma tlai lama thil thleng ni khan ahre bawk si chutia mak ti taka ain dap kual vel lai chuan lalnu Zalawma nu chu lo tho chhuakin Ralhrata nikhaw hrelo a let reng si lo ṭhu luah ahmuh chuan awi kanu ti a ṭe tuarin khumpui lamah tlan letin khumpuia Lalduhliana leh afapa Zalawma mu lai chu bawh rawk rawk in ahlau lutuk chu akhur zawih zawih a, Lalduhliana chuan eng nge, eng thil nge ni ta khatia rak teng tung chunga min bawh tak chiam chiam ti a azawh chuan lalnu hlau thlabar ka ang thei tawh lo chuan khur hlawk hlawkin Ralhrata mutna lam chu akawk khur dat dat a, Lalduhliana chuan eng tak chu ni ang maw ti nuah nuah chungin lalnu kawhna lamah kalin ahan en chu Ralhrata nikhaw hrelo a mu reng si kha alo ṭhu luah mai si Lalduhliana pawh chu a meng phar ve nasa khawp mai, lalfapa kum sawm mi lek Zalawma pek chuan ehe... Uralhrat idam tawh mi ti paha panin Ralhrata chu hnai setsawt aṭang ahan en a, Ralhrata chuan aw hei ka dam tawh anih hi amak hle mai ati ve hial a, chutia Ralhrata'n awka achhuah tâkah chuan Lalduhliana pawh inthing harhin Hrata ava mak ngai ve le nizanah kha chuan thi chhawngin i let reng kha ani si a, engtia kha tia na nei lo ang maia dam ṭha var nge maw i nih leh atih chuan lalpa ka hre bik lo ani, ka harh phat aṭang khan na ka nei tawh loin hei ka hliam pawh adam diam tawh zu nia tiin ahlaim awmna laia ser chu ahmuh a, Lalduhliana pawh chuan mak ati ngang ni tur ani alu thak lo pui hiat nuah nuahin amak tak hle mai a, khuavang lasi te hian an lo kan che ani lo maw ati chhuak phawng mai a, lalpa ngaihdan siam thiam har ka ti khawp mai tiin achhang a, chutia mak ti taka zawhna an chhan theih loh ve ve inzawta an buai lai chuan zing tang tanga lalnu ṭe thawm hria ṭhenawm khaw vengte chu lalinah chuan lo tlan lutin lalpa pawi hai a awm em ni an ti zo hman ṭawk Ralhrata na nei lo tih hriat taka Lalduhliana bula lo ṭhu an hmu chuan ram huai hmu ang mai a meng bial kawk kawkin ṭawng chhuah nachang pawh an hre lo hial a, Lalduhliana chuan lo be thuai thuaiin â engmah pawi hai awm lo e, lo lut tawh u hei Hrata hi in lalnu khan hmuhsualin aṭe ta chel chul mai anih kha, ṭhenawm khaw vengte kan ti thlabar naah che u min hrethiam ani ang chu tiin thupha achawi mawlh mawlh a, lalnu pawh chu mut pindan aṭang chuan lo chhuakin Ralhrata chu kawk chungin kha pa vang vek kha lawm ati vin hlur a, Lalduhliana leh Ralhrata chu an nui put put a, ṭhenawm khawveng hnai vai pa ho chu engmah pawi hai a awm lo tih an hriat hnu chuan lalinah rei awm duh loin mahni inlam hawin an chhungte bulah Ralhrata ṭhat tawh thu leh lalin chhunga thil thleng an han sawi chu an chhunte pawn mak an ti ve kher mai, upa ho pawh lalinah chuang kai sap sapin Ralhrata thi chhawnga let reng dam ṭha pangai leh na neitawh lo tih hriat taka an lal bula ṭhu an hmuh chuan phu zawkin an meng bial ve kawk kawk a, Lalduhliana chuan thil awm zia alo hrilh zung zunga, Lalduhliana'n thil awm dan asawi zawh chuan upa ho chuan ava mak ngai ve maw le, khuavang lasi ten an lo kan anih dawn chu an ti tliar tliar a, Ralhrata thil tawn azarah upamin Kairuma pa chuan he tiang tunhma khan khaw chhak lamah sawi thawm a awm tawh tak asin tiin lasi chanchin sawiin an titi zui nghal a, Ralhrata erawh adam ṭha var ta bawka lalin chu chhuahsanin an inlam apan a, an in apanna kawnga lalina thil thleng hre ve lo te chuan mak ti takin leh phung hmu ang maiin an meng bial kawk kawk zel a, Ralhrata chu kal zelin in athlen chuan luhkapui mau chu rap ri ṭhak pahin kanu ka lo haw e ati chu anu leh pa chu mak an tih luat avangin chet nachang pawh an hre lo hiala, pawn aṭanga kanu ka lo haw e ti tu aw chu an fapa Ralhrata aw ngei ani tih an hrechiang bawk si awih chiah silo leh awi loh dawn a awi lo phal siloin chetna chang pawh an hrelo hial anih kha, afarnu Tuahpuii erawh tlan chhuakin ka u ka u idam ṭha tawh em ni ti a zawtin akuah nghal thlawrh a, abiangah mittui dan rual lohin aluang zawih zawih a, ka u i dam ṭha tak tak tawh mi tiin a han zawt leh a, Ralhrata chuan afarnu Tuahpuii sam chu duat taka chulin aw hei khuanu zarah ka dam ṭha var tawh a lawm ti a chhangin inchhungah aluh pui a, ṭhenawm khaw vengte pawh lo leng lutin, Ralhrata ṭhianpa Laiawrha pawh hmanhmawh taka lo tlan hlawk hlawkin inchhungah tlan lut nghlin leh aṭhian ṭha ber chu kuah nghal thlawkin ṭhianpa amakin ka va lawm teh lul em tiin aṭhian ṭha ber dam ṭha taka arinai hmaa ahmu leh chu lawm luat avangin akhap per sak sak a, ṭhenawm khaw vengte an lo lut zut zut bawk nen ṭha taka lo chhawnin Ralhrata chuan thil awm dan ahriat ang ang chu ṭhenawm khaw veng an ina lo leng lutte chu a han hrilh a, mak an ti ngei mai, Ralhrata pa Ralthata pawh abang bik lo mak atih thu asawi chhuak ve hial a, Ralhrata pawh chuan kei pawh hian thil awm dan hi mak ka ti ve tho ani ati ve bawk ani.

.

Tichuan, Lungdar khaw mipui an pasaltha thi chhawnga let reng vanga rilru ngui ngai tawh chu zan khat thil maia an rilru ngaui chu hlimna leh lawmna in lo thlakin an mak tihna erawh sawifiah thiam rual ani lo, tin, Ralhrata hian anun hlui zawng zawng kha kal sanin insiam ṭha lo chu ni sela chuan anu leh pa afarnu tih loh chuan tuman ka ui ka ar an tih ariawm loh ani. Tichuan tukṭhuan ei alo huna ṭhenawm khawvengte tukṭhuan eitura an haw hnu chuan ṭhianpa vawiin chu hahdam chanah sakhi chek tui hawp pawh achak awm a lawm le kan han vak mai mai dawn em ni Ralhrata'n atih chuan Laiawrha chuan i la dam ṭha silo a ram vah chu ala tih chi rih lo ang ti a achhan chuan, hei ka dam ṭha var tawh lawm, na ka nei tawh reng reng lo Ralhrata chuan alo ti thuai a, Laiawrha chuan hnialin awmzia anei dawn lo tih hriain, hnial buai duh tawh loin itih tlat chuan kan ram vak ani mai ang chu ti a chhangin tukṭhuan ei turin ahaw ve ta a, Laiawrha haw hnu lawk chuan pi Ṭialzingi leh Ṭuahpuii chuan phur taka tukṭhuan siamin an kil nghala, Ralthata chuan mama ithil sawi ah khan zep ṭhente i nei ani lo maw tiin Rahrata chu chikzeta enin azawt leh a, kapa ka sawi tawh ang kha ani mai, engmah zep ṭhen ka nei lo, keipawh hian he tia zan khat thila ka dam ṭha leh mai hi mak ka ti ve tho ani ti a Ralhrata'n achhan takah chuan Ralthata pawh chuan afapa hian dawt ahrilh lo ani tih hria in khuanu malsawmna kan dawng anih ngei dawn chu ati a, tichuan tukṭhuan an ei kham a, Laiawrha pawh lo thleng phei ve nghalin kanu Tial tukṭhuan inei tawh em ati lut bawrh bawrh a, aw hei kan kham fel ve chiah ani, lo ṭhu tawh khai kha i ṭhianpa a inpeih ṭep kha tiin ṭhutna akawh hmuh a, Laiawrha chuan ṭhuthmun rem pahin Tuahpuii pawh ilo nula ta reng mai, pathlawi rim tu che pawh an awm nuk tawhin ka ring ani a han ti chu Tuahpuii chu thinrim fiamin rimtu pawh ka la nei bawk lo aw tiin Laiawrha darah chuan achum taih taih a, Laiawrha lah chuan nui put putin ka awi lo veng chhak pathlawi khi he lamah alo kal zing em mai hetah bak khawiah mah alen ka ring lo ahan ti leh chu, engtia han tih ngaihna vak hre hek lo Ulaiawrha hi i sual lutuk aw tiin achhiat khum vak vak ta ringawt a, Ralhrata'n ka hman e kan kal mai dawn mi atih chuan nia kal ila ti a ṭhuthmun thawhsanin Ralhrata nen chuan kawtchhuah lam panin an kal ta nghal a, kawtchhuah an thlen chuan buh hmin ṭan tawh veng turte leh ram vak ve turte chu an lo awm nual tawh a, Ralhratate ṭhiandun chu khawi lamah vah in tum deuh valupa Biaka chuan alo ti vara, â kal tumna bik pawh kan nei lem lo, sa ther ilo zawngin kan han invak harh mai mai ang chu kan ti deuh a ti a Ralhrata'n achhan chuan anih tak chu mawle han in vak harh tawh u ti a valupa Biaka'n achhan zawh rual chuan kan lo kal hmasa ange tiin ram hnuai lam pan an rual a, kal tumna em em neilo an ni bawk a mual hnih an kal liam hnu chuan hmun zawl zau vak lo hahchawlhna atan a itawm zet leh rem zet chu thlengin ti hian inṭhen hrang ila Ni tlak hmain hetah hian thlen kan tum ve ve dawn nia tiin an kal hrang ta a. Laiawrha chu mual pawng lam zawhin chu amual zawh chu tlang lian ve tak hian kawr tih tham em em awm loin asawh zawm a chu amual zawh lai sawh zawmtu tlang lian ve tak chu zawh lehin, thui vak lo azawh hnu chuan mual khat azawh leh turah chuan sakhi hawk dat dat ri hria in hmanhmawh leh fimkhur takin chu lamah chuan akal ta nghal a. Ralhrata erawh chu anawmna mual veilama kawr chu zawh thla ngat ngatin ahmaa tlang sang vak lo lo inkhaw thla zui, kham sang vak lo awm thleh thluahna chu zawh chho leh nghalin thui tawkfang azawh chhoh hnu chuan lei ṭhil tla ri er er chu hre ruaiin beng dawh vahin a han ngaithla chiang a, ading lam sir aṭanga lo chhuak ani tih ahriat chian hnu chuan chu lam pan chuan akal nghal vata, thawm adim thiamin afimkhur bawka chu lei ṭhil ti tla er er tu chu hmu nghalin ahma aia fimkhur leh thawm dima pan ṭhem ṭhemin hlam thum velin ala thleng lo ang tih chuan lei ṭhil ti tla er er tu savawm lian tak kham awi em em lo lawn lai chu ding meuhin a en a, savawm lah chuan akham lawn lai kawng dawm meuha lo en khiau tu an awm tih hre hek lo lawn chhoh zel tumin abei fat fat a, savawm kham awi em em lo lawn lai mek, kham chung zawl aṭanga tawng chen velah puk uipum tiat vel kuain chu kham kua ah chuan khuai zu nei chi hian bu neiin chu khuaizu chu lak tumin alo bei ve fat fat hi ani a, Ralhrata chuan asilai chu thingkung nghenchhana tung sawt sawtin savawm bawp dinglam ah chuan man thutin ahan pawt deuh chu savawm phu lutuk chu ahuk tuar nghe nghe a, Ralhrata lah chuan thlah tum hauh loin leh pawh thlak ngei tumin ṭan ala sauh sauh a, savawm pawh chuan lawn chhoh zel tumin leh tawlh thlak hlauin ṭan akhawh ve fat fat bawk a, an mahni tawkah an buai mam mam khawp mai, Ralhrata chuan tha pui thawh meiha ahan pawt hrawk mai chu savawm ṭan rem ṭha hlei thei lo chu tawlh thla awn awnin kham awi em em lo bul ṭhut achuan athleng thla ta nge nge a, savawm kham bul ṭhut athlen rual chuan Ralhrata chu achempui phawrhin savawm hmachhawnin inring takin ading kak hah nghal a, savawm chu thinrim tih hriat taka rum vut vutin eng vanga ka khuaibu la lai min lo ti buai ngawt nge inih min tih buai man chu ihmu khawp ang tih melhin Ralhrata chu amelh khui khui a, savawm chu thinrim tih hriat taka mensen ram chunga ke hnunglam pahniha dingin Ralhrata chu abawh nghal rawk rawk a, ramsa â leh mawl tih naklaiin ala thinrim zui phei chu hlauh awm rem rem tak ani, Ralhrata chuan ahmai vun hik vek tum savawm chu veilam per sawn san pahin savawm hmui chunglam chu asah bun sak lek lek a,abun lohna chu chhete tak tak ani, savawm na ti lutuk chu ahmuiin lei anawr chiam a, ake hmalam pahnih chuan ahmui chunglam bung lek lek chu ahai chiam bawk a, chutia savawm talbuai lai chuan a chempui hriam ṭha ver vawr chuan savawm lu ah chuan tha tawp tawpin Ralhrata'n a han sat siah siah mai zawng ramsa zawng zawnga â leh mawl ber, luhlul leh tuangchhah ber pawl pawh chuan tuar loin athi tur chalchang chu aleng leh uih uih ṭhin a, reilote hnuah achat thla fel der a, ram hrui chhat sawk sawkin asum ahan teh chu a sum sarih thuak a, tichuan changel hna satin achhawlchhin in Laiawrha nen an in ṭhenhranna lam panin akal zui nghala, Laiawrha nen an in ṭhen hranna lai athlen chuan Laiawrha chu lo thleng hmasa zawkin sakhi chal lian zet chu kapin alo ṭhu ṭhenṭhaw mai a, kha ṭhianpa iva kap lian ve mawle akite lah chu azar mawi em em mai leh nghal a, achek tui hawp hlan anghah hleh awm e ti a faksakin Laiawrha bulah chuan Ṭhuthmun remin vaibelah vaihlo beng lut mawlh mawlhin afawp khu hlat hlat a, â hei ka vannei ve liau liau anih hi ti a chhangin khawiha i sa kah ve chu Laiawrha chuan ati vat a, Ralhrata pek chuan ka ṭawi ṭeih ṭuih lutuk a ka um tlan zel ringawt mai anih hi ti a chhangin ti tawh khaw lam i pan vat teh ang khai keiin i sakhi kah hi ka pu anga nangin silai hi lo pu rawh tih leh sakhi chu pu in kal arual nghal zat a, Laiawrha chuan vawiin aṭhianpa awm dan chu mak ti ru tak chung azui ve nghal a.

.

Kawtchhuah an thlen chuan chawhnu her bawi tawh nimahse Ni ala sang ang reng bawk a, kawtchhuahah reilote ṭhu thlan daiin Laiawrha chuan sakhi hla do a han chham vang vanga chutah silai zen hlang ringawt chu van lam hawia kap puak durin Ralhrata chuan alo chhawn vat a, reilote hnuah naupang ho lo thleng khawm ṭak ṭakin naupang ho nen chuan khaw chhung lam panin anin chhawm phei mawp mawpa, Lawiawrhate in an thlen chuan Ralhrata chuan Laia la chan rih lo teh ang ti pahin ṭhenawm khawveng mipa awmna inah chuan lut kualin savawm ka kap hliam palh hlauh maia min han chhui pui ula ka va duh ve aw tiin asawm zel a, tlangval paruk vel asawm chhuah hnu chuan hmeithai fapa pakhat hnenah arukte a hrilhin sabawp ka man tir ang che tiin ahruai ve bawk a, tichuan tlangval pasarih te nen chuan kawtchhuah kal pelin Ralhrata savawm sah hlumna lam pan chu an pan a, Laiawrha pawh chu an tih tur ber pawh hreloin atel ve leh a, tichuan kal leh zelin Ralhrata savawm sah hlumna chu thlengin Ralhrata'n savawm achhawlchhin ahan hawng chu tlangval ho chuan aw haw haw hâw min bum chhuak ta, min bum chhuak ta na sa sa chu kan chan mai ani ang chu ti a chem phawrhin savawm chu an chan nghal mawlh mawlh a, an chan zawh chuan aphurhna tur siamin haw zai an rel ta hlawm a, kawtchhuah an thlen chuan savawm hlado chu Ralhrata chuan chhamin van lam hawiin akap puak dur a, silai akah puah rual deuh thaw chuan atlangval hruaite zinga silai neite chuan an lo chhawn ve bawk a, khaw chhung lamin savawm hlado chham thawm an hriat chuan chu le savawm an kap anih ngei dawn chu tiin anin hrilh sap sap hlawm a, naupang ho chuan chu le salu zawn tur kan nei leh ti pahin kawt chhuah lam panin an tlan dawr dawr a, Ralhrata ten naupang ho chu savawm lu chu zawn tirin in lam an pan ta a. In an thlen chuan naupang ho chuan savawm lu chu leikapuiah nghatin an tlan darh vek a, Ralhrata nu leh pa leh afarnu chu leikapui ah lo chhuakin savawm lu Tuahpuii'n ahmu chuan alawm lutuk chu arak chul mai a, anu Ṭialzingi pawh abang bik lo e, apa Ralthata chuan bawiha inva hlawh tling awm ve,in chhung lamah hian lo lut ula inram vah dante pawh min hrilh ve ani ang chu atih chuan inchhungah in zui lut dialin Ralhrata chuan kan khaw chhim lama kham awi em em lo awm thleh thluahna ah sawn he savawm nen hian kan intawk thut a, ramsa â leh mawl tih takah min hmu chiah kha min lo bei nghal ta mai a ka vanneih asiamin ka sat hlum thei hram ani tiin savawm athah dan ahan sawi chu tlangval ahruai pasarihte apa chuan an awi lo kher mai, Laiawrha erawh chuan aṭhianpa hi hrechiang thawkhata inhriain alo nui put put a, tichuan lalsa tur leh thirdeng sa tur dah hrangin abak zawng chu an in sem hlawm a, hmeithai fapa thlangval ahruai tel ve chu sabawk chu aman tir a, tlangval ahruaite an haw hnu chuan Laiawrhate inah pheiin sakhi Laiawrha kah chu an chan leh sawk a, sakhi sa an chan zawh meuh chuan zanriah ei ahun thuak tawh bawk nen Ralhrata chu Laiawrhatein ah chaw a ei nghala, sakhi chek leh tui nen puar el euhin an ei hlawm a.

.

Duh tawk leh rih phawt ang aw

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Lawmtea Lapi
Posts: 10
Joined: December 6th, 2019, 9:07 pm

Unread post by Lawmtea Lapi » June 3rd, 2020, 9:00 pm

RAMVACHAL

Episode. 7

.

Zanriah puar el euha an eikham hnu chuan Ralhratate inah peng zawkin zawlbuk lam an pan nghala, zawlbuk an thlen chuan valupa zawlbuk mei hnung puanga lo ṭhu bial laihte chuan lo chhawn varin, ekhai kha kan pasalthate pahnih chu vawiin inram vak inhlawhtling maw ti a lo be sawk sawkin, nula run kai nan lah ala hma deuh bawka hei zawlbuk mei hi lo hnungpuak ve rih teh u an ti zawm zata, zawlbuk kai tawh tlangvalte chuan Ralhrata chu maktihna hlira khatin an en hrek hrek a, mhase Ralhrata chuan hriain hmureng mahse hrelo angin a awm tlata, achhan chu amah ngei pawh hian zankhat kar leka hetia damṭha var a a awm leh thei mai hi mak ati ve hle tho a chuvang chuan maktihna hlira khatin lo en hrek hrek mahse ahrethiam hlawm hle ani, ṭhenkhatte erawh chuan eng emaw tak zawl anei ani tiin sawi chhuak ngam chiah si lo hian an lo phun pui ser ser a. Nia hlawhtling ani mai ang chu sakhi patuai kan vanneih asimin kan tawng hlauh a ti a chhan pahin Ralhrata chu zawlbuk mei hnungpuak chuan ṭhuthmun arem nghala, Laiawrga pawn akingah chuan ṭhuthmun arem ve nghal bawk a, zawlbuk kai tawh tlangval ten Ralhrata thusawi an hriat chuan an awi lo hle a, achhan pawh Ralhrata hi aram chhuah emaw ram mu a achhuah reng rengin salu leh rallu khai loin ahaw ngai lo tih an hriat chian em vang ani. Ni e, Ralhrata hi hetia anun athlak hma leh athlak hnu pawh hian aram mu emaw aram vak emaw hlawh chhamin ahaw ngai lo a, anun athlak hma phei hi chuan akalna apiangah amah an hriat rengna tur hnuhma ahnuchhiah ziah a, chupawh achhe lam hlir ani zel leh nghala, hei vang hian afan tawhna khuate reng reng hian an hlauin enpawh an en ṭha ngam ngai lo reng ani, tin, pasalthate hian huhang an ngah zia tumai pawh chuan an hre vek a, an thlazar hnuaia awm pawh thlamuan thlak tak ani laiin pasaltha ṭhenkhat nunrawng leh tawrawt zette kiangah erawh a lamṭang an nih loh chuan mipui tan chuan hmelma hlauhawm tak sapui aipawha hlauhawm leh khurh zawih zawihna tham an ni, hei hi Ralhrata nunhlui zawng zawng kha ani a, khaw tam tak pawhin an hlau hle reng a, hetia anun athlak hnu pawh hian khaw tam takin a nun athlak ani tih la hrelote chuan an la ralkhat hlauh em em tho ani. Tichuan leng len ar akhuang âl âl a, tlangvalte pawn lengite run kai ahun tih hriain, valupa ten thuṭha an hrilh zo ta bawk nen nulain an tlak natna deuh ni a an hriat lam ṭheuh panin zawkbuk an chhuah san sap sap a, Ralhratate ṭhian dun pawh vengmawng lama hmeithai Pi Ngamite in lam an pan ve bawk a, Pi Ngamite inkawt an thlen chuan ring leng lawng hian Ralhrata chuan in awm em ahan ti a, inchhung lam aṭang Pi Ngami fanu Phirmawii chuan awm e lo leng rawh u atih chuan tawikhaw muang loin Pi Ngamite inah chuan an lut ngal a, Phirmawii chuan Uralhratate lah nireng che u in, lo ṭhu rawh u tiin ṭhutna akawh hmuh a, Ralhratate an ṭhutfel hnu chuan Pi Ngami chuan tikhan lo inkawm rawh u, ṭhenawm inah ka han chuangkai lawk ange tiin achhuahsan ta daiha, Phirmawii chuan Uralhrat ngaihloh lamah ngai lo la, nimin maiah thih ngamin hliampui i tuara, kan lal leh mipuite kan lungngaiin kan thlapang em em bawk a, kan bawlpu pawhin i thih loh reng aring lo kha ani a, mahse hei tunah lah damṭha pangai ang varin kan hmaah i ṭhu leh ta mai si a, tin, vawiinah lah nise sa tam tham tak mai min lo pe leh zel bawk nen, kan lawm em em a, nangmahni zarah satui hang kan hawp lah atam, mahse thil mak tak zawng ani hetia zankhat kar lekah ilo dam ṭha leh var mai hi ati ta phawng mai a, Phirmawii hian midang tumah an awm loh vanga hethu hi zawt ngam chauh ani, Ralhrata chuan ni e hethil hi kei pawn ka hrethiam loin mak ka ti takzet, zankhat kar leka hetia dam ṭha var a ka awm thei ta mai hi ngaihruat thiam har ka ti khawp mai, atih zawh rual chuan thil mak tak zawng ani ngei mai, khuanu vohbik pasalṭha ralhrat khawkheng, ramvachal tuma tihnat theih loh tluka ngaih, khuavang fachuam leh ven him ramvachal, nangmah ngei i ni tiin Phirmawii zawhna azarah, arilrua awm khat tlat reng chu Laiawrha chuan aphuh chhuak ve ta phawng mai a ni. Laiawrha hian asawi mai mai lo a, he arin dan pawh hi adik ngei aring nghet bur a, hetiang ṭhian atan anei hi tih fuh intiin chhum lo chatlo a ahnung zui zel turin rilru asiam fel nghal nghe nghe ani.

.

Chutia ama chanchin ngawt an han sawi chu nuam lo ati hle a, titi thlak ahun tih hriain thil dang asawi pui hlawm ta daih a, tlangval dangte pawh an lo chuang kai sap sap bawk nen, buh seng hun hnaih tawh zia leh buh an khamkhawp aia tam mah seng tur an neih theih mai an rinthute sawiin leh in lawm tlang dial dial tura insawmin zan an tumtawi a, leng hnar ar akhuan âl âl takah chuan tlangval nula runsang kai titi kal lawklawh pawh ti tawpin zawlbuk lam an pan sap sap a, valupaten khai le mu tawh ang ule an tih chuan thuawi takin tumah bengchheng tawh loin mut zai an rel ta hlawm a. chutia Lungdar khaw mipuite tui tak leh engmah enghelh neiloa an mut chuah chuah lai chuan, Ralhrata'n Phulpui khaw lal tan lalfapa lu alaksakna Vangchhe khaw lalin inchhung ah ve thung chuan Lallianhrima chu a lalna in chhung dungah chuan vei kual sekin, kafapa lu latu chu Ralhrata amaw ni a, tu lalna khua leh tuia cheng nge, engvanga kafapa lu hi la ringawt nge anih, thinrim luat vanga mit sen ram chunga a upate enin ati bul hmuk a, upamin chuan lalpa kan lalfapa lu la tu hi dam reng tlak ani lo e, hmelma pawh ni hlei lo, apawi sawilo lalfapa lu ala duh mai hi thi tlak ani ti hmasa te tein, chutah sawi zawm lehin lalpa kan lalfapa lu la tu hi Lalduhliana lalna khua Lungdar ani a, kan lalfapa lu Ralhrata'n alak na chhan pawh hi eng dang niloin Phulpui khaw lalin atirh avanga la ani, atih chuan Lallianhrima chuan, chu kafapa thihna ah chuan lal dang in rawlh an awm itihna em ni, tiin upamin chu ṭhialpawn pawng ṭalh ṭalh khawpa hachang ṭhialin azawt leh a, ni e lalpa, he Phulpui khaw lal hian kan lalfapa lu la tura Ralhrata atirh nachhan pawh hi afanu thihnaah kan lalfapa inrawlhah apuh tlat vang ani atih meuh chuan Lallianhrima chuan awle ka upamin nge nge ibeng avar ṭha narawh e, tunah chuan leido kan nei ta, mipa ralkai thei chin tawh phawt chuan funpuier ahun tih hre rawh se, nithum inbuatsaih nan hun hmang sela, tichuan Lungdar khaw lam an pan anga, kafapa lu la tu Ralhrata lu an la tur ani, kafapa lu la tu Ralhrata lu an lakna kawnga ring lo rawlh aping chu an vaihma tur ani ang. Lungdar khuaa an tih tur an tih zawh hunah Phulpui khaw halral vek turin Phulpui lam an pan leh nghal tur ani ang tiin rorel ati tawp ta hmak a.

.

Zingkhua alo vara, khaw eng leh nichhuak lawmin chung leng savate chuan thing zar mawiin awrawl an chuah a, romei pawh azam paw leh chiai tawh a, dai hla vak loah chuan ram ar pawh akhuar âl âl a, chutih lai karah chuan Lungdar khaw intin ah chuan nula buh deng athum nawn dup sup a, vawkpui leh ano hruai te rilṭam chuan an chaw kuang an lo nawr an lo nawr ve bawk a, chumai la niloin naupang hlei zualpui leh nuar peih deuh hoin an nute buaitak, mawng pawh hung hman lo khawp che buai lai chu an lo ti buai belhchhan ve leh bawk nen akhaw pum chuan an ri tengtung ani ber mai e, Ralhratate ṭhian dun pawh zing takah thoin, mahni inlam ve ve an pan a, tukṭhuan khama an khaw hmar lama sih chang tura kawtchhuah a in nghak tura intiamchungin, Ralhrata'n in athlen chuan anu leh anau Ṭuahpui chu an lo tho tawh a, hreipui la chhuakin thingro uipum tiat vel a lian chu a ek phel sawk sawk a, chutia thing a eh mek lai chuan, kha i va ek nasa tawh ve, tlangval tha nge nge chu adawl lo deuh chu anih kha maw, aphel zung zung danah tih rih ahriat rual chuan hawi chhuak vatin, ekhai, Ubiaka lah nireng che in zing yhang thangah engnge i ngaihtuah tak, nia hei rin aiin akeh duh phian a tiin achhang var a, â eng nilo e, vawiin ram chhuah i tum leh tum loh hriat ka duh mai mawle, ram chhuah i tum tak hlauhin tiin kan pasaltha hnung zui ka han chak deuh mawle, Ubiaka lah ṭhin hi a, pasaltha a han chhiar tham em pawh kan la ni hlei nem maw, tukṭhuan kham lamah Laiawrha nen kan khaw hmar lama sih khu chan kan tum deuh a, lo tel ve la aṭha viau tak ang, valupa ho na hnuaiah chuan thla amuang deuh ang chu, khai khai mai mai ṭhin a, kan pasalthate thlazar hnuaiah lo muanna leh himna khawi kipah mah kan hmu hlei nem, ti tadaih ila tun lai kan khaw awmdan hian ka ngaihte lam lam ati ṭha thei lo mai ka ti, eng emaw tak hi chu kan hmachhawn ngei dawn hian ka hria tlat mai, Ralhrata'n atih chuan pasalthate nge nge inhriatnate hi achak bik teh e, khuanu hian ahualhim takzet che u tih ahriat e, chuti chu kan lo inralrin deuh angai dawn anih chu, kan lal pawh ka lo sawi pui dawn nia tiin, tukṭhuan tui taka ei tura inthlahin valupa Biaka chuan aṭin san rih a, Ralhrata pawn athing eh azo ta bawk a in chhungah lutin apa tap mei hnungpuak a ṭhu lam chu panin apa kiangah chuan ṭhuthmun rem te tein, kapa tunlai kan khaw awmdan hian ka ngaih athi ṭha thei der lo mai a, kan khua hian eng emaw tak hi chu kan tawng dawnin ka hre tlat ani atih chuan, ni e, keipawh ka ngaih aṭha thei der lo mai a, eng emaw tak chu kan tawng dawn a hriatna ka nei ve tho mai, chuvang chuan kan lo inrin lawk angai dawn ani tiin Ralthata chuan alo tuihnih a, Ralhrata nu leh anau Ṭuahpui erawh eng amah hmain an lo hlauthawng lawk em em a, an chete chu an che fuh hleithei lo hial a, an chhungril pawh akhur ru der derin a rinawm, an dem awm hran lo e, hmeichhe awmnem mipate thlazar hnuaia thlamuanga awm an ni miau a, Ralhrata chuan, kapa kan khua hian eng pawh tawngin hmachhawn ila kanute nen hian hmun him lam pan vat ula ka duh ani, achhan chu ka hun kal tawh ah khan pawi tam tak ka khawia, mipawisawi tam tak lu ka laksak a, khaw tam tak ka tiralṭi tawh a, chumai la niloin lal tamtak pasalthate ka thah sak tawh bawk nen chung ho chuan ka lu lak tumin leh he ka seilenna khua ngei pawh hi meivapa chantir vek an duh ngei dawn a chuvang chuan ka chhungte leh kan lal, he khaw mipuite hi him dam takin awm sela ka duh a, ka hun kal tawh a ka thil tih ṭha lo tak tak vanga in tawrh hi ka duh lo ani atih chuan, Ralthata chu angawi deuh vang vang a, anu leh anu Ṭuahpuii tukṭhuan siam lai pawh chhunzawm hlei thei loin, Ralhrata thusawi avang chuan an hlauthawng in an mangang lawk em em a, an lung achhe lawk hial a, Ralhrata thilsawi chu pumpelh theih nihram sela aw an tirilru vawng vawng a. Ralthata chuan kafapa ithil sawi chu adik khawp mai, kan lal leh khaw mipuite hian an tawrh tel ve kher hi kei pawn ka duh bik lo a, tin, i hun kal tawh chu akal liam tawh a, siam ṭhat theih ani tawh lo a chuvang chuan hmalam panin chak takin kan awm tur ani, kan hmaah engpawh lo chhuakin hmachhawn ngai pawh nise kafapa lungngai mah tache ipa ka la dam ve ṭek ṭek chhung hi chuan tuman an tih nat che ka phal ngai lo ang, hun remchang ah kan lal pawh han sawi pui la aṭha ang, kan muangchan aleiah kan tlai chhe palh ange, tirawh u tukṭhuan i kil phawt mai teh ang u ati zawm zat a, Ṭuahpuiite nufa pawh harh chhuak zawkin tukṭhuan an buatsaih lai chu an chhunzawm mawlh mawlh a, an siam zawh chuan an ei nghal mawlh mawlh a, Ṭuahpuite nufa chuan tukdang ang lo takin an chaw bar chu an lem ṭha hlei thei meuh lo a chha chu ani, an dem awm hran lo e, ni e, indo leh inrun hi zawng hmeichhe awm nem tan chuan arapthlakin ahreawm takzet em atin ni, Ralhrata leh apa erawh chu an chaw ei dan pangaiin an ei bawrh bawrh a, an hma huna, hun rapthlak lo theng tur chuan an chaw ei ati buai pha ve meuh lo ani.

.

Tukṭhuan puar taka an ei hnu chuan Ralhrata chu insiam sawk sawkin kawtchhuah lam panin asilai nen a inpu chhuak nghal a, kawt chhuah athlen chuan Laiawrha chauh chu alo la awm a, Laiawrha'n Ralhrata asilai pu chunga kawt chhuah lam pana lo kal ahmuh chuan lawmpa kan kal nghal mai dawn em ni ang atih chuan, Ralhrata chuan lawmpa tukinzing khan Ubiaka'n lo kal ve aduh thu alo sawi a ka lo remti mai asin inthlahrun hmel tak chuan ati a, valupa ho na hnuaiah chuan kan thlapawh amuang deuh anga, kan phusui sawt dawn zunia Laiawrha'n atih takah chuan, Ralhrata chu athaw huai a, valupa Biaka nghaka rei pawh an ṭhut hma chuan lo thleng nghalin, Laia hei engmah hrilh lo chein i lawmpa hnen ah hian lo kal ve ka duh thu hrilhin ka lo inthawh ve ngawt ngawt mai sin, inthlahrun hmel taka valupa Biaka'n atih chuan, êkhai, Ubiak ilo tel ve hi keizawng ka thla amuang sawt zunia, ti tawh u kan kal mai dawm mi Laiawrh'n atih takah chuan inthurual takin an khaw hmar lama sih chang tur chuan kal an siam a. Vangchhe khaw lam ah ve thung chuan, rammu turin nikhat leh zankhat an inbuatsaih vel awr ang tih chuan, Vangchhe khaw khawnbawl upate zinga pakhat chuan lal hnena thu thlen tur pawimawh tak aneih avangin hmanhmawh takin lalin lam apan hlawk hlawk a, zing thang thanga chuti tak mai an lal khawnbawl upa pakhat hmanhmawh taka lalin lam pan hlawk hlawk chu mipui ten an hmuhin hmeichhe awm nem ho chuan thil tam tak ngaihtuahin an lo hlau thawng nghal em em a, mipa kei ka ni inti chin te chuan lal thu leh hla tlem azawng an lo hre tawh bawk nen thil nih dan tur chu an ngaihruat thiam nghal mai a, khawnbawl upa pakhat hmanhmawh taka lalin lam pan hlawk hlawk a chu lalin thleng tawhin, lal inchhung aluh chuan lalpa leh lalnu, upamin leh upa dang pathum an lo awm tawh a, chutia akhawnbawl upa hman hmawh tih hriat taka thaw lawp lawp leh ahmela thilpawimawh tak sawi tur anei tih hrit tak lalin kawnka a ding thaw âm taka hip kawk kawk chu en ṭhapin lalpa, Lallianhrima chuan ka rorelna min kilpuitu ka khawnbawl upa chu zing thang thangah engnge i ngaihtuah tak, pawipangte a awm em ni khatia hah thaw hlawp hlawp khawpa ikal tak chiam mai atih chuan, chu khawnbawl upa chuan lalpa thu pawimawh tak sawi tur ka nei ani, thaw hlawp hlawp chung chuan ahan ti a, ani maw, i hah han dam phawt la tichuan isawi dawn nia Lallianhrima'n atih leh chuan vawihnih vawithum vel thaw la la leh kawk kawkin lalpa ka hahdam tawh e, lalpa he ka thil hriat hian kan tan pawh nasa takin kawng a awlsam phah dawn ani ati leh tete phawta, upamin chu lo inrawlhin engti zawngin maw alo ti he haw a, khawnbawl upa bawk chuan lalpa kan lalfapa lu Ralhrata'n la a Phulpui khaw lal kuta thlen tura akalna kawngah Hmawngbu khaw ram chin dai lutin chutah chuan Hmangbu pasaltha ho nen inti thinrimin Ralhrata hian Hmawngbu pasaltha sawm vel lai athah sak a, Hmawngbu pasalthate athah zawh hnu chuan Phulpui khaw lam panin akal leh nghal a, akal hnu reite ah Hmawngbu pasaltha ram vakte chuan an khaw pasalthate nunna nei tawh lo tih hriat taka let phengphung leh in beihna hnuhma an hmuh chuan chiangleh zawka en kualin an khaw pasalthate bei tu hi mipakhat chauh ani tih an hre thei ta a, tichuan Ralhrata hnu chhuiin Phulpui khaw ram thleng an chhui a, chutah duh tawk mai loin an chhui chhunzawm zela, an hnu chhui lah chuan Phulpui khua alut ngei ani tih an hre chiang ta a, chutia an hnuchhui laiin apanna lama kal leh an tum mek lai Phulpui khaw pasalthate chuan lo dangin an khaw ram chin chu chhuahsan nghal turin an ti nghal tlawnga, mahse Hmawngbu pasalthate chuan kan khaw ram chhungah inbeihna hnuhma leh an pasalthate ruang let pung an hmuh thu leh an pasalthate that tu hnu chu lo chhuiin in khua hi alut ngei ani an tih pawhin Phulpui khaw pasalthate chuan tumah kan khuah mikhual an lo lut lo kir leh rawh u an tih tlat avang leh an let thum vel laia tam mah an nih avang chuan thil pawi zawk athleng thei tih hriain an kir san ta ringawt a, ti a sawiin achawl dat a, Lallianhrima chuan, tichuan engtin zel alo ti hmanhmawh a, khawnbawk upa bawk chuan, lalpa Hmawngbu lal hi kan thurualpui thei anih phawt zawngin kan tan kawng nasa takin a awlsam phah ngeiin ka ring tlat ani ahan ti chu, Lallianhrima leh upa dang lo awmsate chu bu nghauh nghauhin, awle aṭha e, ka khawnbawl upa nge nge ka rorelna min kilpui tura ka thlante hi ka thangsual lo hle mai, thu lawmawm tak ani, tukṭhuan khamah Hmawngbu lamah tlangval pathum kan tir nghal dawn nia, tin, kan thurel hi mipuite hriat tir ni sela, ka khaw tlangvalte pawh Hmawngbu khaw lal thu leh hla kan ngaihchan rih tur thu hrilh nghal nirawh se tiin Lallianhrima chuan thu ati tlu ta a.

.

Ralhratate pathum pawh kal zelin chawhnu her hretah chuan sih an chan tur achu an thleng ta hlawl a, valupa Biaka chuan, khai â ka ramvak nual tawhin ka inhria a mahse henglai ram hi ka la ram hauh lo mai, sih lah chu alian hle mai bawk si nui ver ver pah hian ati a, tichuan, ṭhangte te dawhin sa liantham deuh lo chhuah hun nghakin leh silai kah inring sa rengin an ṭhu far a, sa te tham deuh sih tui tlan te chu en kan rihin sa lian tham deuh lo chhuah hun chu an nghak ta ngar ngar a, rei tawk fang an nghah hnu pawh chuan sa lian tham hmel chu sawi loh an thawm pawh hriat tur a awm thei meuh lo a, Laiawrha phei chuan aning tawh nghang nitur ani ache sek tawh mai a, ni pawh kawlah aliam lek lek ta mai, an sa duh zawng lah thawm hriat tur pawh a awm thei meuh lo chu ani a, Ralhrata pawh abeidawng ve lek lek mai, chutia beidawng rilru taka an ṭhut ngawih kar lai chuan, an vaia hmuh theih tur si hian Ralhrata hma zawnah chuan zukchak ki mawi leh ropui tak chu alo pen chhuak ta zân zân a, hlauhawm a awm leh awm loh hriat tumin ahnar alen ruaia, chutah hlauhawm a awm hnai lo a hriain sih tui âl chu duhthawh tak leh thlamuang tak hian adawt khawlh khawlh a, Ralhrata tan chuan ahmazawn tawk ani bawka kah arem khawp mai, mahse kah tum hmel apu hauh lo a, valupa Biaka leh alawmpa kutah adah hmiah tih ahriat hle mai kah atum loh danah, amah ang bawkin valupa Biaka leh alawmpa pawh chuan kah an tum bik loh tih hriat takin khaw dang an hawi ta daih a, akal liam dawn takngail a hriain Ralhrata chuan zukchal nghawngruh dengtliang rawp turin a ngenmu chu athlawh chhuah tir ta dur mai le, silai ri areh zawh zawh rual chuan zukchal chu anghawngruh tliak avanga thlebai chung chuan leiah alet reng a, silai zen leh mute sawh leh tete phawtin zukchal tlukna lamah chuan kalin an belchiang nghal that that a, Laiawrha chuan lawmpa i kap fuh hle mai tipahin Ralhrata ngenmuin zukchal nghawng ruh aden tliah chu kuai thlep thei hial a, valupa Biaka pawh angawi mai mai thei bik lo, hei zet zawng khuavang lasite ven ani ngei ang, akite lah chu azar mawi em me mai leh nghal a, hetiang zukchal ki mawi takin kan khaw pasaltha inbang amawi tur hi chu ka thik deuh rum rum mai ati chhuak hial a, akaptu Ralhrata pawh abang bik lo, hetiang zukchal ki mawi leh ropui hi a vawikhat kahna chuah ani bawk a alawmna chuan van atawng kan ti thei hial ang chu, tichuan lianpui puia chan darhin an phurh tawk aia ritmaha phur an siam ṭheuh hnu chuan asa ṭha lai zawng chu an phur zo thei hram a, tichuan muangchang tawh loin khaw lam panin haw zai an rel ta a, an phur arit tlang bawk nen hmanhmawh viau mahse an duh ang takin an hmanhmawh hlei thei meuh lo a, mahse mipa kei ka ni inti chin an nibawk a, leng hnar ar khuan hma deuh chuan kawtchhuah an thleng ta nge nge a, reilote ṭhu thlandaiin hlado chhamin khawchhung lam an pan nghal nal nal a, Ralhratate in an panding nghala, an thlen hnu chuan ṭhenawm hnaivai ho chu salu lawm turin an lo chuangkai ve sap sap bawk a, valupa Biaka chuan zukchal Ralhrata'n akah dan chu a sawi zar zar a, ṭhenawm hnaivai ho chuan Ralhrata chu an ngaisang zual kher mai, tichuan zukchal sa chu hlim takin an chan ho a, ṭhenkhatin fiamthu thawhin an nui ho leh dar dar ṭhin a, sa an chan zawh chuan lal sa tur leh bawlpu, thirdeng sa tur chu dah hrangin leh Laiawrha leh valupa Biaka'b an chanpual ṭheuh an lak hnu chuan ṭhenawm khawvengte an sem kual leh rih a, tichuan ṭhenawmte an ṭin hnu chuan Ralhrata chuan zanriah bar sawk sawkin ainsil thuak thuak a, Laiawrha'n zawlbuk kai turin alo sawm tawh bawk nen zawlbuk lam panin in an chhuahsan a, zawlbuk an thlen chuan tlangval nula rim ho pawh an lo kim deuh thaw tawh a, zawlbuk uaplumtu valupate chuan lo chhawnin, kha kan pasalthate chu kan rinaiin in lo haw tlai daih mai, inhlawh tling maw an lo ti var a, Ralhrata'n chhan tuma aka a ang zuau lai chuan, ahnung lam aṭang valupa Biaka'n lo chhan khalhin hlawh tling ani mai ang chu, pasalthate nge nge zui an manhla khawp ania tiin afak zui chiam a, Ralhrata chuan nuam lo ati ru hle a, mahse asawi chhuak lem lova, tichuan zanrei lam ani ta bawk nen valupa ten mut ahun tawh e an tih chuan thuawi takin tumah bengchheng falbik awm loin tui takin an muta siai siai a.

.

Hmawngbu lalin ah ve thung chuan, Lalkapliana chuan Vangchhe khaw palaite thu lo ken chuan ati lawm hle a, achhan pawh apasalthate phuba alak theihna tura hunrem chang anih vang ani, tichuan thukhat vuain leh inthurualin Lungdar khaw lam pan turin Hmawngbu tlangvalte chu Vawngchhe khaw lam panin tlangval za leh sawmnga lai chu an thawk chhuak a, Vawngchhe khuaah hian nikhat chamin atuk varṭianah Lungdar khaw lam panin ralthuam famkim nen an kal chhuak nghal dawn ani.

.

Zingtakah Ralhrata chu thoin alawmpa Laiawrha chu kai harhin in lam an pan a, Ralhrata'n in athlen chuan tih tur ṭul ang ang ti sawk sawka, atih tur azawh fel hnu chuan tukṭhuan ei ala hun lo bawk nen valupa Biakate inlama len phei zawk arilruk deuh avangin valupa Biakate inlam apan nghal a, valupa Biakate in athlen chuan, valupa Biaka chuan hnang alo hlai malh malha, an inlam pana Ralhrata lo kal ahmuh chuan, kan pasaltha meuh zing thang thangah engnge i ngaihtuah tak, pawipangte a awm em ni tiin alo chhawn var a, eng pawipang mah awm hran lo e tiin valupa Biaka bulah chuan ṭhuthmun rem rem tete phawtin asawi zawm leh a, Ubiak hmanni a ka sawi ang khan ka ngaih aṭha thei ngang silo a kan lal min han hmuhpui turin ka lo bel ngawt mai che ani atih chuan, valupa Biaka chuan, animaw chutia kan khaw daingul ber ngaih ṭha lo chu ngaihven loh chi lah va ni suh ti pahin ahnang hlai lai chu dah ṭha sawk sawkin lalin lam an pan nghala, lalin an thlen chuan luh an han dil a, tlangaupa chu lo chhuakin lalin ah chuan aluh pui a, lalin chhung an luh chuan khawnbawl upate pawh an lo kim ṭhap a, Lalduhliana chuan ka khaw pasaltha leh valupa meuh zing thang thanga lalin meuh inlo chuan kai danah thilpawimawh tak a awm ani ngei ang maw tiin ṭhutna alo kawh hmuh vat a, valupa Biaka chuan lalpa kan lawm e, thilpawi mawh ani mai ang chu, hei kan pasaltha hian i hnenah thu thlen duh anei ani awma lalin min han chuan kai puih teh tiin min lo sawm alawm mawle atih chuan, lalpa chuan kan pasaltha meuhin ka hnena athu thlen duh chu apawi mawh hle ani ngei ang tukṭhuan kham pawh angah theih loh dan ah, han sawi ta che le, kei leh ka khawnbawl upate hian nguntakin kan lo ngaithla ange atih chuan, Ralhrata chuan lalpa ka lawm e ti hmasa tetein asawi zawm nghal a, lalpa tunlai kan khaw awmdan hian ka ngaih ati ṭha loin, kan hmaah hian eng emaw tak kan tawk dawn a hriatna lian tak ka nei tlat mai a, ka ngaihtuahna ṭha lo mai mai anih ringin tuk thumlai chu ngaihthah ka tum ngial pawhin anasa tulh tulh mai si a, Ubiaka punin lalin lam kan lo pan ta rawi mai ani atih chuan, lal leh khawnbawl upate chu ngawi deuh vang vanga, valupa Biaka chuan lalpa min lo hrethiam la kan ralven bukte pawh kan thuam ṭhat ahun tawh ani mai lo maw alo ti ve bawk a, lalpa chuan upa ten pasalthate chuan hlauhawm lo thleng tur an hre lawk thei an tih ṭhin kha maw, chuvang chuan kan pasaltha ngaih ṭhat lohna hi kan ngaihthah tur ani lo ang, ni e, kan ralven bukte pawh kan thuam ṭhat ahun tawh pawh ani mahna le, eng ka rorelna min ṭawmpuitu ka upate in ngaihdan hriat ka duh e atih chuan, upamin chuan aw thian kharh kharhin lalpa sawi tak ang khan kan pasaltha ngaihṭhat lohna hi kan ngaih thah tur ani hauh lo a, ka ngaihdan leh ka duh danah chuan tlangaupa hian han au sela, tukṭhuan khamah ralven buk pawh chu thuam ṭhat hna thawk nghal nisela, tlangvalte pawh inralring vek turin hrilh nghal ila aṭha mai lo maw chu, kan muang sual palh hlauh ang dah ange tiin angaidan asawi a, upa dangte chuan upamin thusawi chu ṭha an tih thu an sawi tliar tliar a, Lalduhliana chuan awle, ka upamin sawi ang khan ruahmanna kalpui tur ani ang tiin rorel ati tawp a, Ralhrata chuan lalpa min lo hrethiam la kan lal leh khawnbawl upate hmaah sawi duh ka la nei ani a han ti leh a, lalpa chuan ka pasaltha i sawi duh chu han sawi ta che atih chuan, lalpa ka lawm e, lalpa han sawi ta mai ila, ka hun kal tawh zawng zawngah khan thilpawi tam tak tiin khaw tam tak lalte pawisawi lah ka ngah a, nunna tam tak ka la tawh bawk a, chumai la niloin mipawisawi lo lu ka la bawka, ramtinah thisen ka luantir tawh bawk nen, lalpa heng anpawi ka sawina khaw lalte hian ka lu la turin an tlangvalte an tir chhuak ngei dawn a, keimah avanga kan lal leh khaw mipui ten an tawrh ve hi ka duh lo ani tiin ahun kal tawh a pawi tam tak alo khawih tawh siam ṭhat leh theihtawh siloh avanga inchhirin lal leh khawnbawl upate hmaah chuan aṭhu kun lap a, Lalduhliana chuan ka khaw mi tupawh tihnat a alu lak tum tu chu ka hmelma, ka leido khua ah an insiam tih hre rawh se ati rum al a, khawnbawl upate chuan an lal thusawi chu an pawmpui tih hriat nan an lo bu tliar tliar a, valupa Biaka chuan Ralhrata ahun kal tawh a athiltih sual vanga inchhira kun reng chu en in ka nau eng pawh tawngin hmachhawn ngai mahse la ka thlahthlam hauh lo ang che, nang ang reng renga midanglam bik hi ka hre ngai lo e, lungngai reng reng suh ka thawk ve ṭek ṭek chhung chuan i hnung ka dawl zel ang ti rilru chungin, lainatna nen a en vawng vawng a, tichuan lal hnenah lawm thusawiin lalin chu an chhuah sana, tukṭhuan tuitaka ei tura inthlahin mahni inlam ve ve an pan a. Ralhrata ten lalin an chhuahsan hnu chuan lal leh upate chuan Ralhrata chanchin chu an sawi zui nak nak a, upamin chuan lalpa kan Ralhrata nun inthlak danglam dan em em hi kei zawng mak ka ti bang thei lo achha chu ani, tiang em em mihring danglam hi hmuh pawh ka la hmu ngai hek lo ati ban charh charh a, lalpa chuan, ani khawp mai, keipawn anun dan athlak hi ka lawm pui hle a, ka khaw mipuite pawn azarah muanna an hmuh phah a, mahse he tiang em em a mi danglam bik, mibik anih hi ka ring bik lo ani, khuanu hualhim, khuavangte vohbik ani ngei mai ati ve hial a, upa dangte pawh chuan Ralhrata chanchin chu an sawi ve bawk a, ni e, Ralhrata hian ahun kaltawh zawng zawng kalsan a anundan athlak hnu hian adang lam chak em em a, he adanglam na hi khaw mipuite tan himna, thlamuanna, innghahna ani hial reng ani. Khaw hnih ṭangrualte pawh Lungdar khaw lam panin mi zathum lai ralthiam famkim nen, phuba lakchak vanga inseh ruh ṭeuh chungin hmalam an pan mawp mawp a, chawl lo a nihnih an kal leh chuan anithumna zanlai arkhuan hun awm velah Lungdar khua, an hmelma sual tawrawt tak, pawisak neilo, an lalfapa, an pasalthate thata lu latu awmna khua chu an dai lut tawh dawn ani.

.

Duh tawk leh phawt ang aw, rei tak ka chawlh avangin inmi hriatthiamna ka ngen mawlh mawlh che u ani, chuan Cover photo tur min lo ngaihtuah pui teh u khawngaihin, ngaihtuah ngaihna ka hre ngang lo ani.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)