LUNGRENG NGAW BY M.Lusei Palian (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: LUNGRENG NGAW BY M.Lusei Palian (Completed)

Unread post by Ngaia » February 2nd, 2020, 8:35 pm

LUNGRENG NGAW......7.....


( M.Lusei Palian)


....... . ........ ..........


(" Buannel ramdai chhuihthangvala lungdumtu,
Chuta damsate pel turin mihrang val a tla lut dawn e,
Chutin Duangtu Chawngtinleri leh a nauten,
Mihrang valtan an ran khawite an ui zo lo' ng nge...")


......... ......... ........


Chutih lai tak chuan Rodawla chuan a ṭhiante chu alo bekbawr sar sar a, Thanpuia chu buan chauh tir a, zawlbuk bang deng dawt khawpa bin a tum a ni....! Mahse a hlawhtling ngut angem le...?


Neihthanga chuan Thanpuia chu alo pawm nghal chat a, Zawlbuk tlangval thawm a ṭha ham ham ngei mai. Chutah Val upa lo chuan, " Khai le!" An ti a. Neihthanga chuan phawi an tum rawk a, a rin ang alo ni hauh lo, a che ṭha duh hauh lo!

Neihthanga chuan thapui an thawh tak tak a, mahse a phawi thei ta hauh lo mai, Thanpuia puan vena han man ṭhat a ṭanlak an tum a, chutih lai tak chuan Thanpuia chuan an phawi ta vawk mai a. Tlangval ho an lo thum dual mai a...

" A kang e...., a phawi e" an lo ti a.

Neihthanga chuan mak a ti hle mai, " E khaih ka inring hman hleinem!" an ti khawmawi a. Chutah thawhhnihna an han ṭan leh ta ...

Thanpuia chu a patea ( Thanṭhuama) chuan a rawn mitmei zeuh a, a tha khek turin a duh a ni, chu an in mitmei na chu alo hrethiam kher mai!

Thanpuia chuan thawhhnihna an han ṭan leh chiah a, " I inring em U Neihthang..!" an ti a, a sawi zawh hnu lawk chuan Thanpuia chuan a phawi leh ta mai a. Zawlbuk thawm chu a ṭha hle mai. Neihthanga chuan Thanpuia kha a ṭang tak tak lo tih a hrethiam a, a dara a ben thak thak hnu chuan a ṭhutna lam chu a pan ve leh ta a.

Chutah Rodawla ṭhianpa Laithanga tawr ṭha zet a rawn ding chhuak ve ta a.

" Khawi nge... kan Zawlbuk kai thar chu kan buan ve ange a!" rawn ti a, chutah Thanpuia chu a rawn ban ve ta chat mai a.


Chutah an han inpawm leh ta chat mai a, Laithanga hian thahrui a nei phian a, dehkhirh tak a ni ve reng reng a. Thawhkhatnaah chuan an in nawr tawn hle a, chiang vak lovin Thanpuia chu a kang ta a. Thawhhnihna an han ṭan ve leh a, Laithanga chu akang ve leh ta, a tha a na ngang mai. Thawh thumna an han ṭan leh chu Laithanga chuan sir tlukpui a tum hle a, mahse Thanpuia chu alo indai khalh hman zel a, chutah Thanpuia chuan chiangzet in a phawi leh ta...

Zawlbuk tlangval an thawm a na leh hle tawh mai! An thawm chu Lal in aṭang pawhin a hriat phak mai reng a.Ni, zawlbuk kai thar te hi an duai lo em bawk atin ni. Rodawla chet hun a ni ta, a ṭhianpa a lo phawi thei mai kha a lawm ru zawk a, hming chherna tur a nih a ring hle a. Thanpuia chauh lai a chuh dawn a ni. An khaw buanchak Aimawia awm loh hlana hming ṭhat hlawh alo tum ru ran a. Thanpuia chuan a ṭhutna lam pan mai a han tum a, chutah Rodawla chuan,

" E khai! Ni mai love, kan la infiam ve hleinem, kei zawng rawlthar mai mai lakah ka tlawm dawn hauh lo a nia! Kan buan chak ber Aimawia zin lai a ni si, kan chhaih ve reng reng teh ang che..." an ti a.

Thanpuia banah chuan an pawt let a, chutah Thanpuia inher lai la inring lo lai chu alo bin ngheng mai a, Thanpuia lah inring hman hek suh, zawlbuk chhuatah chuan a tla thum dut mai a. A chet dan chu tlangval ho chuan mak an ti hle mai, an ngawi ṭhap a. Val upa Thanhnuna ṭawng a rawn tum zuau na a, Thanṭhuama chuan alo khap a.

Thanpuia pawh a rawn tho chhuak ve leh tawh a, Rodawla chuan intivei taka hawiin,

" Mihrangin inrin loh lai neih tur a ni ngai lo!" an lo tihkhum a.

Thawhhnihna an han ṭan leh a, Rodawla chuan a kut dinglam chuan Thanpuia dul vun chu a ṭham ru a, na takin a pumah a nawr a, hniam taka ṭangin a mawng an ti poh a, a khual buan dawn tih alang ta tlat mai le, chutah theihtawpa ṭangin phawi an tum a. Thanpuia chu a nghing eih chauh a ni. Rodawla chuan a tha an sang mar a, zawlbuk chhuat te pawh a tawm ta tawn tawn mai. Mahse a phawi tum hi a hrechiang lo a ni, a ding nghet tlat mai! An han ṭang dun ta tak tak a, Rodawla chuan Thanpuia ke zungpui te chu an rah hrual sak leh salh ṭhin. Chutah le, Thanpuia chu an ṭang ve ta a, hnehsawh zet hian Rodawla chu a phawi ta a, a tih dan khan a zir bawk a a nghat duh lawk lova, Rodawla lai ana ngang mai, an tal leh aih aih ṭhin a mahse a chelhtu in a hneh hrim a, zawlbuk chhuat a rap pha der si lo. Thawm ana leh ta ngang mai..


" Aw...aw...Rodawla akang e" an ti rual dual mai a, Chung thawmte chuan Rodawla thin an tirim ta takzet mai!

A hnu deuhah chuan Thanpuia chuan a nghat ta a. Rodawla chu a thinrim hle tih a mitmeng aṭang chuan a hriat theih mai reng a. Thawk an han la a,

" I ṭan leh nghal ang hmiang" an ti a. An inpawm lehnghal chat chu a ni. Chutah mawi hawih pawh a zawng ta lo, Thanpuia chu sir tlukpui an tum ṭhin a, alo indaikhalh ve hman tlat zel si, a thinrim tawh hle a ni. Rodawla chuan Thanpuia a man na laiah chuan a vun a ṭham tel salh zel a, thin khei takin a ṭawng salh zel bawk a.Chutah le, Thanpuia zaidamna in a tlin ta lo, a thapui an thawh ve ta a, a phawi vawk a, a bin zui ta mai a le..Zawlbuk tlangval ho pawh an ngawi ta ṭhap mai rih a, Rodawla chu amah mai chuan a tho thei ta tlat lo. Boruakah vawn tur nei lovin rei lo deuh a kang a, tlangval ho chuan mei engah an hmu chiang mai si a le... Fiam chu a hlawh viau ta ve ang!


Tlangval ho erawh chuan a phu tawk a hmu a ni an ti ru ran thung a, va kaihthawh pawh an tum chuang hlei lova. A ṭhui hruaite chuan ava kai tho ta a, an mahni hriat tawk lek chuan " Phuba kan la la mawlh ang!" An han ti a. Rodawla chu an han chian a, a ban ruh chu apelh tih an hre mai reng a, an khaw zut thiam Hranga an pan ngei chu a ngai ang. Rodawla lai a dam thei lo, Thanpuia hian chem lovin a lu a la ni mai hian a hre reng a, a zak em em mai a ni.Thanpuia pawh chuan a ṭhianpa Pazawna ṭhutna lam chu a pan ve ta thung a, Chutah Val upa a rawn ding zui a,

" Tlangvalte u, i duhtawk ang u hmiang, heng kan infiamna te hi thinrim pui tur a ni ngai lova, kan kumkhaw dan ve reng a ni tih inhriat kha....Tin, zana nula rimnaah te a mawi tawk len thiam a ṭha ngai e, kan va ṭhutnaah te pawh fimkhur tur a ni ngai a, a mawi tawk zawnga ṭawngkam cheh ṭhin tur a ni. " tiin an sawi dap dap a, thu ṭha tinreng an inhrilh hnu chuan tlangval te chu an lawmnu te runsang kai turin an chhuak ta hlawm a. Rodawla pawh a ṭhiante pahnihin an chelh a, Pu Hranga te inlam pan zai an rel ve ta ṭuang ṭuang a.

Ṭhut muan ar a khuang thliai thliai a, Pazawna te ṭhian dun chuan lenna tur hre ve hek lo le, Zawlbukah chuan an tap chawt mai a, Putar te chuan an arbawm la tah zawh loh te, an pate tah lai te an rawn keng khawm a. Zawlbuk hi thiam hnang deh inzirtirna hmun a ni kumkhua a, kum lama upa deuh te hian arbawm tah te, em tah te leh thil dang dang hi tlangvalte an zirtir ṭhin reng a ni.Tin, tlawmngaihna, zonun ze mawi inzirtirna hmun pawimawh tak a ni bawk a ni.Chutah pathlawi ti ti thiam Thangbawnga a rawn chuang kai ve a, a ni hi thingthupui a lawh avangin a rawn tlai deuh a, Zawlbuk thim hlim inchai pawh a rawn hmu hman lo reng kha a ni.Lenlai a chan a ni hawt awm e. He Thangbawnga meuh hi chu Lal leh Upate pawn an nuih pui bawk bawk ṭhin an ti hial reng a ni. A bulah chuan rei hi tumah an tak thei ngai lo an ti reng a ni. Chutah, a hawi vung vung a,

" Khurchhe tuikhurah ka zu inbual lawk a nge, ka lo haw hunah arbawm thar kan tah dawn nia." tih pah chuan a chhuak leh ta daih mai a.

Thanpuia te ṭhian dun chuan an en ho mai a, mahse a zia hi an hriat ve nual avangin engah an ngai ta bik lova.

Putar pakhat chuan, " Kan Bawnga mai mai lah hi aw!" an ti a. An nui ṭhu mai a.

Zawlbuk hi Kum lama upa leh tawn hriat ngah te, pa hote leh pasalṭha te chuan khawmna hmun ngang a ni a, rei lote hnuah chuan an thil tawn leh hriat mak tak tak te an sawi ho leh ta mai reng a. Pu Ralsata chuan a thil tawn heti hian a rawn sawi ta a,

" Thingchang ngaw kan neih kum kha ni ta in ka hria a, khatih lai khan la valai tak kha kan la ni a, Kan hmar chhak ngaw chhah khung mai Nauthak ramah sawn sa an tam e an ti a, ka va vak ve e ka ti a, khatih lai khan ṭul pik saw ala chhah lem lova, rei fe ka kal hnu chuan ka thleng ta a. Chutah chuan alawm maw le thilmak tak hi ka va tawng ta kha a nia.....( an ngawi leh rih a, a vaibel chu an fawp kawk a, chutih lai chuan Thanpuia pawh chuan mei chu ava vur belh a, chutah a aw an thian a) Tukṭhuan khama chawfun meuha va kal kha ka ni a, Kawng pawh saw a thui tham fu reng a, Ngaw a thing chu alo ngir khup mai reng a, chutih laiin ngaw hnuai chu a thelh nuam phian lawi a.Ngaw chhung mual laita ber mawngah sawn kan chhuk a, Sih lianpui hi ka va hmu ta a. A chheh vel kan chian chu sa hnu chu a chiar dup a, chung sa hnu lah chu a thar phian mai a, ka hlim rilru hle reng a. Chutah rei lo deuh han chan chhin ka duh ta riau mai a, a bul vel thing chu kan melh kual a, ṭhutna nuam tur deuh chu ka hmu ta a....


Thingah chuan ka lawna a zar nuam deuhah chuan ka ṭhu ta a, ka ṭhu fel awrh chauh tih chuan sa thawm ka hre nghal chu a ni, Sanghal thawm ni ngei hian ka hria a mahse ka la hmu hauh lova, ka inring kher mai, chengrang chu ka kau sa a thawm pawh ka lam pan chuan a rawn hnai zel a. Chutah le, chutia inring em em a ka ṭhut lai tak chuan ka lawnna thing chu a rawn insawi ta chiam mai le, inring hman hek suh, chek chekah ka tla ṭhelh a ni. Ka indawm nghal vat a, thei leh thei lo chuan ka lawnna thingbul lam chu ka zuk melh ṭawk ṭawk a, eng mah zuk hmu hauh lo ia maw le! A sawitu reng ka hmu lo, a fuh dawn lo tih ka hria a, chhuk zai ka rel ta a. Harsa tak chuan lei chu ka thleng thla a, hnah che vel te kha a rin teh reng nen khan lei kan thleng chu thehhmeh ang a ni leh hlauh thung si. Kan hawi vel a, eng thil danglam mah ka tawng lo. Ka luhlul ka chhuah a, kan lawn lui leh ta ngat a, a hma a ka ṭhutna ka thlen chhoh pawh chuan thil danglam ka la tawng hran lo. Kan ṭhu fel awrh tih chuan a hma aia nasa zawk chuan chu ka lawnna thing chu an insawi leh tak tak a le... ka indawm nghet zo lo ṭhelh ṭhelh a ni. Tihmi niin ka hre ta lova, rang zet chuan ka chhuk ta a. Lei ka rap chiah chu thawm chu a reh leh hmak a...!
Eng ang dawn lova ka inhriat avang chuan haw zai rel mai ka tum a, ka chhuak chho ta a, chutah Sih lam chu ka zuk melh leh kher ta kha a nia, chutah palian em em mai, dum deuh dur hian min lo melh tur ngun mai chu niin, ka bing mup a. Ka kalchak ta kher mai,ka hmanhmawh lutuk chu ka inchhuih nawk nawk hial a. Chutah kan hawi let leh hram a, ka hnung lawkah chuan chu Paliana chu alo ding leh ta reng chu niin, ka hlau ta kher mai, mumal hi ka hre mang lo a ni....


Maicham ram chhung ka thleng ta a, hnung lam kan melh leh a,zeng thil mah ka hmu ta lova, ka thla a muang chho leh ta deuh a. Kan ṭhu chawla, chaw chhun han bar mai kha ka tum ta a, ka iptepui kan dap a, chawfun reng ka hmu ta lo! Ka phun nuah nuah ta ngawt a. Chutah eng emaw hian min rawn pel leh ta fua mai le...hmuh tur a awm hauh si lo. Ka muang ta deuh bawk a, ka hlau em em tawh hran lo! Ka Silai chu kan endik ṭha leh a, Sakhi chan ka tum ta zawk a. Chutah mak tak mai hian thawm chuan min hualvel a, thawm chhuahtu lah hmuh theih a ni hauh si lo, hmuh theih loh han hlauh ngawt lah pachang tan a zahthlak hle mai si a. Luhlul ka chhuah ve ngang ngang a ni. Vaibel te ka zu a, thawm chu rei vak lovah chuan a reh ta a. A hma kuma Tawna nen kan Sakhi channa ka pan ta a, a hmun ka thlen hma chuan thing hnuaia Sakhi lo ding vang mai chu ka hmu ta thut a. Chutah Chengrang chawiin rang zet chuan kan sai ta pawp mai a. Ka thal kan thlah chiah chu thli lum tak hian min rawn chhem nghing lawih mai a, chutah, " Awi ka nu.....a na lutuk !" Tih thawm ka hre ta a. Ka bing leh ta mup mai, hringmi lakah thal ka thlah ta mai em ni aw?

Ka Sakhi kahna lamah ka phei nghal vat a, ṭap chuah chuah thawm ka hre chhawm nghal a. Ka thil tawn zet chuan min ti hrilhhai takzet tawh a ni.... A hmun ka va thlen chuan eng thil mah ka hmu hauh lo nia...! Chutah thawm ri sung sung hi ka hria a, kan hawi kual chu leh Rulpui lian tak tleng liam tur hi ka hmu a, khatiang em em a lian kha a awm thei ngai pawn ka ring lo hial a, ka thlir ta reng a, ka che ngam tawh lo, a khurh hian ka khur hlawk hlawk a ni ber tawh a. Ka mit sulh a, eng mah ka hre tawh lo! In ka thlen lai reng ka hre lova, ka harhchhuah leh chuan khumah ka lo mu der tawh a. Kar khat chuang ka lo mu tawh a lo ni, lu kawlh rawt khawpin ka damlo zui a lo ni!

Zankhua a ka haw loh avangin min lo zawng alo ni a, min hmuh chuan Maicham ram chhungah ka sakhi kah nen kan lo awm reng chu niin, ka iptepuiah chuan ka chawfun chu an lo hmu tel leh thlap lawi si! Khatiang tawn leh kha ka duh hauh ta lo mai..! " an ti a.


An ngaithla tui hle hlawm a, mak an ti tlang ngang mai! A sawitu pah lah chu lawkawlh rawtin a awm a, awih loh ngawt chi va ni suh...

Chutah Pu Tlanga chuan aw an thian ve ta a, an lo ngawi ṭhap a. Hetiang hian a rawn sawi zui ve leh ta a,

"Kan thudang alai chuan in lo chik ve em ka hre lova, thla hlei nga zan a piang hian kan khawlai hi a ri dup dup zel in ka hria a, ar kai den zan hmasa lam khan ka hre tawh bawk a, mak ka ti ṭhin hle mai! Tual sumsu kan tih ang hi kan khua hian kan kawl ve em ni aw? Kan pasalṭha te hian la chian se la a ṭha ange!" A rawn ti chhuak ve ta a.


A rawn sawi chhuah a zarah chutiang thawm hria chu an lo awm ve nual mai reng a. Mak an ti tlang hle a, Thanpuia pawh chuan a rilru in la fiah tur a ni a ti ve nghe nghe a.Tu mai pawh chuan fiah an chak tlang a ni. Eng thil nge ni? Tual sumsu ani tak tak em tih chu anla fiah mawlh ang, an rilrua a zawhna ber chu' tu nge ni ang le' tih chu a ni.

Chutah titi hrang hrang pasalṭha te chanchin te an han vawrh chhunzawm leh a, Pazawna leh Thanpuia chuan ngaihnawm ti fe hian an ngaithla dauh dauh mai a. Kar lovah leng hawn ar a khuang ta a. Zawlbuk chuangkai putar leh pa ho pawh an ṭin ve ta a. Lengi runsang kai val rualte an zalna run an rawn bel ta nak nak a. Valrual lo haw te chuan fiamthu thawhin an nui leh dar dar ṭhin a.

Thanpuia te pawh akil lam chuhin mutna an han siam ve ta a. Tlangval dangte chuan a lai lum an han kawhhmuh na a, thiam takin an lo hnar ve zel a. Tunah chuan tlangval ti a chhiar theih an lo ni ve ta. Val upa chuan a aw an thian a, tumah ṭawng zui tawh lovin an mu ta a.
Varṭianah an ṭhian dun chuan an tho va, tho ve dang pahnih khat an awm ve tawh bawk a. Zawlbuk tualah chhuakin an khaw chawilung chu thawm dim fe hian an inchawi rei siak a, an chawi thei dun hle nghe nghe a. An hnungah chuan tlangval dangin a rukin an en reng tihreng an hre pha lo.An duhtawka an inchawi rei siak hnu chuan inlam pan zai an rel ta a.


Zawlbuk riak tlangval te hi an tho tlai ngai lova, mahni inlam panin zing karah thingte ekin an chhungte a ṭul ṭul an tihpui lawp lawp a, rual el reng rengin an khawsa a, an hah ve hle ṭhin a ni. Val upa in tihtur( eng emaw bik thilah) an neih chuan Zawlbukah lenglen hma in a sawi ṭhin a, tlangval zawng zawng inhaw san lovin an kim ṭhap ṭhin thung a ni.

........ ........ ..........


Ramtuk vahsan lak hun a ni chho ta a, Thanchhinga te pafa pawn an hmanrua an hriam hauh hauh va, Thanpuia tan hian a pa in chempui lian fe mai an khaw thirdeng a chher tir a. Thingtuai chawn puar tiat chu a chhawk thei hial ang le.... An pafa chuan lo an vat dun tlut tlut mai a, Zamkunga pawh a ṭul ve hle ṭhin a, chawfak dawn te hian an pafa in an pui leh zak zak ṭhin. Chungte chu Zamkunga tan chuan a lawmawm hle mai si a. Lo an vah dawn hian an lo tur chu an en uluk hle ṭhin a,thing lu bul, zawng luruh ro, lei ruang tuam awmna te hi an pawm duh ngai lo a ni. Tin, an lovah hian an fimkhur ṭhin ngang mai a, upa in mipa lovat leh hmeichhe nau keng chu hlang chunga chuang ang reng an ni,an lo ti mathlawn lova. Lovah zawha an hunawl chap char awllai hi an nghakhlel hle ṭhin a, Kut pui a awm vang chu thu hran ni se,he mi huna ramvah te hi nuam bik hle a ni.


Nikhat an lovat an buai lai tak chu tlangval pahnih hian Zamkunga leh Thanchhinga chu an rawn ko ta tlat mai! Losul haw hun ala ni lo deuh a, thawkrual chhungkua chuan an lovah an zo ṭan der tawh a. Selzama pawn a zo tawh mai reng a ni, a ni lovah lam hi a awl deuh bawk a.

" Pawi hai a awm em ni? Zeng thil nge thleng ta?" Thanchhinga chuan an ti a.Zamkunga pawh a rawn thleng phei ve tawh a.


" Zeng thil pawi chu la thleng lo ve, kan chikhur lam thil a ni e, Dengkunga te ho thli thlai lai a ni a, an sawi hmangin mi eng emaw zah an rawn lut a ni awm e..!" Tlangval pakhat chuan an ti a.


Chutah Zamkunga chuan, " A lo zuk nia le, zuk um chhuak vek ila ti nia, tlangval min ti thang tlawm ta tlat mai!" Thinrim fe chuan an ti a.

An za chuan khawlam chu an pan ta a.An hmanhmawh deuh bawk a, an thleng hma kher mai! Inlamah an hmanrua te dahin an peng kawi zawk a, Lal in lam chu Thanchhinga leh Zamkunga chuan an pan ta a.

Chung thawm ri va hria chuan tlangval ho pawh Lal tual lam chu an pan ve ta zel a, Lal tualah chuan an tlim ta hmur mai le!


Thanchhinga te Lal in an thlen chuan Selzama leh Hualroa te pawh an lo awm tawh a. Upa ho pawh an lo kim viau tawh a, Lal chuan a vaibel pet chung chuan alo vei nghat nghat a. Chutah a rawn ṭawng chhuak ta a.


" Kan tlangvalte chuan kan chi khur rawn tlan tum ve mi sawm chuang lai an hmuh thu an rawn thlen a, khawii khua nge annih chian ala ni lova, hetia an duh duh huna an rawn pal mai hi ka lai a na ta viau mai a, engtia hmalak nge ṭha ta ber ang...Kan ram chin hi kan humhalh a ngai ta takzet a ni. In duh thalin pasalṭha te u han rel ula, sa leh ralah kan tlan ngai lo, zuk um chhuak vek ula, a ṭul chuan leido kan nei mai a niang chu....Heti chuan Mahni tlang awp pawh venghim thei lo riakah ka inngai thei mai dawn ..!" An ti a.


Lalbula thusawi chu a dik chiah mai reng a, mi khaw ram chhunga mi ni na na na hrilh lawk awm hauh lova duh duh a luhchhuah hi an duh hauh lova, thil tih mi pawh a ni ngai lo reng a ni. Khaw ṭhenkhat chuan Lalte berawnin an chi ten na Lalte nen khan an insem ṭhin a ni.


Pasalṭha Hualrova chuan, " Lalpa, ka hovin tlangval sawm vel nen kan lo zuk kal anga, kan inbiak dan a zirin mi lu pawh kan rawn khai haw mial mahna! Zanriah ei a hla vak lova, zanriah ei khamah Lal tual aṭang hian kan chhuak a nge ..!" an ti thung a.


Upa ho pawh chuan an ngaih dan an han sawi ve ta nak nak a, an thin a rim tlang tawh bawk a ni, an thu a rum hle mai! Lal tuala tlangval thawm pawh a ṭha hle a, Chutih lai chuan Ni chu a tla dawn suar suar tawh a. A tawpa an thu chu Pasalṭha Hualroa hovin tlangval sawm vel in zuk um darh se, tih a ni. Selzama leh Zamkunga pawh chuan kal ve an tum hle a.Thanchhinga pawh a bang bik hauh lo!
An thu tlukna chu tlangval ho hmaah chuan Pasalṭha Hualroa chuan ava sawi ta dap dap a. A kaltur thlan chu a huphurhawm hle ta ve ang le....An vai chuan kal duh vek an ni. Mi lu la thei nih hi huaisenna a ni a, mi zahkaina a ni si a. Chutah Pasalṭha Hualrova chu Lal inah an lut leh a, fenthlir a la a, tui tlem tuium ami chu a bun chhuak a, Luhkapuiah ava ding ang teu tova, an theh ta a.A thil tih dan chu Lal leh upate leh Pasalṭha dangte chuan an lo en vung vung a, Chutah,


" Ka theh fuh ho zawng kha.... ka dinglamah hian rawn phei ru le, a bak zawng kha vei lamah phei ve bawk u la..." a ti ta a. Tlangval ho chu an in ṭhen ta siau mai a.Pasalṭha Hualroa chu a ding vang vang a, tui a theh fuh ho chu an thlek a,

" Aw le, tuia ka thehfuh ho zawng nen hian zanriah eikhamah Mual lian ram aṭangin Chi khur kan pan ang a, tin, zanriah ei khamah hian Lal tualah innghahkhawm tur a ni ang! Tuna ka thil tih dan hi ngaihloh lamah lak tur a ni lova,tlangval zawng zawngte inhuaisen vek a, chu tih rualin vai kal a rem si lo! In hrethiam mai a niang chu....( a dinglama tlangval ho chu an en leh a) Tin, nangni ho pawh hian chengrang rawn chawi vek in tum ang a, a nei lo remchang thei lo tur kha chu sawi ula, ka lo ngaihtuah pui ang che u, zanin na na na chu tun an chengrang an ui hauh lovang. " a ti a.

Chuta tlangval ding ho chu sawm ṭhalam mah an ni a. Chutah a tui theh fuh zingah chuan Thanpuia pawh a tel ve ta tlat mai le.....


( chhunzawm tur)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 2nd, 2020, 8:35 pm

LUNGRENG NGAW.......8.....


( M.Lusei Palian)



Chuta tlangval ding ho chu sawm ṭhalam mah an ni a. Chutah a tui theh fuh zingah chuan Thanpuia pawh a tel ve ta tlat mai le....!.Pazawna erawh a dinna a fuh loh vang nge a kalve dawn tlat lo, a ṭhianpa chu a thik lek lek hial a ni! Rodawla pawh kal lo tur zingah a tel a, a rilru tak erawh a hlim hle mai, mahse kal chak ber ni awm tak hian a sangawi zawnpui te bulah chuan inhrosa ve kuk kuk a.




Zamkunga chuan Pasalṭha Thanchhinga chu an melh a, mahse hmel danglam a pu hauh lo! A ngaih dan chuan a fapa a tel ve mai chu a lo ui der a ring ru deuh a, mahse Thanchhinga hmelah chuan eng mah a chhiar thei lo, a rilru puitling a ti hle a ni. Chutah chung tlangval rual ho chu zanriah bar turin an inlam an pan ta sang sang mai,pasalṭha te pawh an ṭin zui ve rih a, an phur hmel hle hlawm a. An kal darh ta chu Lal leh khawnbawl upa ho chuan an thlir liam a, an ni pawh an thla a muang kher mai.


Thanpuian In a thlen chuan a u Thanpari pawh an inah a lo awm ve a, A u lam chu hawiin, "Ka u chaw ei min han siam thuai teh, hei Ṭhep zawla chikhur lam kan pan a ṭul tlat! Ṭhiante nghah ngaiin ka awm palh hlauh a nge!"an ti a. Banglaia fei chu a va la a, an nul vel a, a hmelah chuan phurna a hmuh theih mai reng a.


Thanpari chuan, " Taia, ka va ngaihtuah che e aw, ti nge kal ve tura an tih mai che le aw.... zuk fimkhur viau rawh u aw." an ti a. A nu erawh chu kawmthlang chuktuah huanah be lam chi lovin a awm daih thung a, an thu sawi vel chu a hre phak rei ruai a, rang deuhin a rawn chho ta a.


Chutah Thanpari chuan a nau chu chawei an siam a, Zamani chuan Savawm sa thukah a mung tluk tluk chu niin, a rim aṭang ringawt pawh chuan ril hi a ti ṭam thei hial ang le. Sa hrang lian pui pui chu a rawn suah sak a. Thanpuia pawh chuan zanriah chu a bar nghal mial mial a.

Zamani chu sumhmunah chuan eng emaw a la ti kawi a, chutih lai chuan Thanpuia pa Thanchhinga pawh a rawn haw tawh a, tapah a ṭhu a, Thanpuia chaw bar mek chu an en a,

" Thana, ṭhiante nghah ngaiin awm loh tur ani a, i zuk fimkhur dawn nia, fungki lian zawk saw pai la.... Chengrang hman dan chu i patean a zirtir tawh che a, fimkhur la....vawikhat mah ka la ti tlawlh lo a nia...( A silai va la in a hrufai surh surh a) Muzuk fei hi chu keng duh suh, hnawk i ti ang, tin, Hualroa thu kha ngaichang tlat zel ang che u, pasalṭha leh pasalṭha an inbiakin lo inrawlh ve tur a ni ngai love. Hming ṭhat tum avangin ṭhiante hma khalh tur a ni ngai lo. Pari, i nau kha chaw han bawk sak la, a ṭul leh keini chuan kan lo chhum belh mai ang. I nau te hi an chin a hriat dawn loh a nia....!" an ti a. A ni reng a, hetiang hunah hian rin lawk miah loh hian hmelma um in zan tam fe te an thang ṭhin mai reng a ni.

A sawi lai chuan Thanpuia nu chu a rawn lut a, a fapa chu a en ho mai a,

" Khawiah in kal dawn ni?" An ti a.

A pasal chuan, " Kan chikhurah khawdang mi an rawn kai a ni awm a, Pasalṭha Hualroa hovin an zuk chian dawn a nih kha....mipa fa a ni a, ngaihtuah tur a ni love" an ti zui a.

Chu chu pi pu chena an tih dan a ni reng a, mipa fa hi chu huaisen tak, sa kap thei, tlawmngai leh pasalṭha ni turin an duh vek si a.Tlangval te phei hi chuan ngaihtuah vak hi a duh ṭhuai lova, chu chu nunphung a ni ve hrim hrim a.

Zamani chuan, " Eng ti tiha kalve tura an tih mai che le aw...Thante, zuk fimkhur viau tawh!" An ti a. Nu thinlung aṭang chuan tlangval viau tawh mahse ngaihtuah loh chu har tak a ni si a.

Thanpuia zanriah bar zo chuan a iptepui an la a, a chempui chu an nul vel a, a bu nghat a, a u chawfun bawk sak chu iptepuiah a khung a. A pa fungki sawi chu an ak leh a, silaimu lain a pa in a silai chu alo pe a. A inpeih chu a ni mai a, chutah tuium hunna a thlen phei lai chuan a nu Zamani chuan,

" Thante, zuk fimkhur viau ang che!" A la ti zui hram hram a.Kaiṭen bula a meichher tura a dah lian ṭha ṭel ṭawl chu a pu a, Lal in lam chu a pan ta a.


Unau hmel hai velah chuan Lal tualah chuan tlangval ho chu an la theng mang lova, Thangbawnga kha kal ve tur zinga tel kha a ni a. A lo ṭawng leh zat zat tawh a, a bulah muzuk fei a lo dah a,meichher tur lian tawk tak alo awm bawk a, vaibel fawp kak kak chung chuan a phur tawh zia a lo sawi a.

" A engtia kan ram chhunga Lal rawn hmasa hauh lova a duh duh rawn lut chu ni ngai ni, an khaw thleng rawk um ila ti nia, tlangval kan awm a, ka lai hi a dam thei hauh lo!" an ti leh a.

A bul vela tlangval te pawh chuan an lo tuihnih ve hlawm a. Titi dang pawh a leng lova chha chu a ni. Chutah Pasalṭha Hualroa a rawn thleng a, a kal tur zawng an kim tawh bawk a. An hmanrua te an endik a, a bu nghauh nghauh a. Lal inah a han lut a, rei lote hnuah chuan Lal nen chuan luhkapui sangah an rawn chuang chhuak ta a. Lalbula chuan tlangval lam chu an en a,


" Tlangval chhuanawm leh huaisen tak tak te u, in zarah muangin kan awm ṭhin a,hei kan ram humhalh nan in pen chhuak dawn ani a, fimkhur takin zuk kal ta u la, kim tak leh him takin lo let leh ngei ang che u. A ṭul chuan mi lu khaiin in rawn haw ang a, kan hauh ram chinah ngat hi chuan pen khat pawn hnungtawlh tur a ni ngai lo a nia. Pasalṭha Hualroa zai ngaiin in che dawn nia, zuk zam hlek suh ang che u! Zam ngai lo val kan nei che u hi kan muanna ber a ni ṭhin...Khawdang tawnah chuan hriam takin zuk che ang che u! " an ti dap dap a. Lal thusawi in a zir bawk a, an huaisen ta sawt hian a lang mai reng a.Lalnu pawh rawn chuang chhuak ve in tuibur a zu ri barh barh a.


Lal thusawi zawh chuan Pasalṭha Hualroa ho chuan Pawih bawh lam aṭang chuan Mual lian lam panin an kal ta nghal a, tlangval thaza rual an ni bawk a, an ṭuan a ṭha in a kal pawh an kal chak hle reng a ni.Pasalṭha Hualroa pawh a zam a la ṭha bawk a, tuibur hmuam da velah chuan Mual lian an thleng thla ta ṭep mai, chutah an meichher te pawh an han siam ṭha a, rei lo deuh an han ding a, an kal leh ta nghal a. Mahni khaw ram chhung chhan nan a ni bawk a, an phur hle mai, an hma a thil lo thleng tur chu chak zawk ang hrimin an awm a. An chikhur awmna Ṭhep zawl hi an la hlat hle a, an la kal fe a ngai dawn a ni. Chuvang taka meichher nena la kal chu an ni reng a ni. Chu zanah chuan Chhawrthlapui pawh inthlahrun hmel takin a a rawn lang ve duk a.



.... ... ....... .........


Hetih hunlai tak hian Ṭhep zawlah pawh an buai ve hle a, Pasalṭha Sangchina naute chu bel lian tak tak chhuangin mei vilin an buai char char a. Belpui khat tlata tuial an chhuan khan tui kha alo so kang a,a tawp a tawpah ke zungpui tia vel hi bel mawngah alo khawn ve a chu chu an chi ten dan ber chu a ni, chi chu hnahah uluk takin an dah ṭhin a ni. Belpui pasarih lai mai an chhuang so vut vut tawh a. Bukah chuan Thangchhuah diar khimin an hotupa chuan vaibel a pak khu talh talh a. Tlangval ho chuan an thing fawmsa chu an tuah belh ve reng bawk a.

" Naute u, hmanhmawh vut vut lem suh u! Zan khatna aṭangin in chau lutuk a nge" Pasalṭha Sangchina chuan an ti a.


" U Sangchin, ka ngaih a nuam hauh lo, Serzawl pasalṭha te hi an rawn thawkchhuak mai lovang maw!" Tlangval pakhat chuan an ti a.

Chutah Sangchina chuan, "Mai mai a, an duh leh rawn thawkchhuak ang hmiang, kan um let vek anga ti nia, I hlau deuh a nih chuan kan khaw kawng chu i hriat kha....Tualvum ho pawn an dil i khaw hleinem....eng tin an ti ngam chuang lo... (Tlangval ho chu an melh kual a) A duh duh chuan min haw san thei ang, dawihzep viau te in awm anih chuan..!Tin, tuman in chengrang kha hlat hauh suh ang che u."an ti leh salh a.

Tlangval rual chu an ngawi dak hlawm a, a ni renga an Lal Lalvura, Chawntui Lal hian a pasalṭha te hnenah hian Serzawl Lal hnena dil hmasa a rawn hmasa phawt turin a chah a.Mahse an pasalṭha hian a duh tlat lova, Serzawl pan hmasa lovin he Ṭhep zawl hi an pan ta thung a ni.Tlangval tam zawk ngaih dan ni lo viau mahse an hnial ngam ngang si lova, ngaihngam lo zet in an awm ta a ni. An pasalṭha lah hi a hruang hrau a na phian si a, nunrawng tak,a kawng daltu lakah chuan pawisak nei lo zet, mahse tih thiam chuan thil phal fe mai hi a ni thung a.Ram lama thangchhuah thei ngat a ni a, pasalṭha tak chu a ni phawt mai.


......... ......... ...........


Pasalṭha Hualroa leh a naute chu rei fe an kal leh tawh a, tunah chuan Ṭhep zawl pawh an hnaih ta kher mai! An Ṭhep zawl hi ni tina an thli thlai reng tawh avang hian harsa lo takin an kal zung zung thei tawh a. Chutah hmun zawl deuh an thlen chuan an hma hruaitu Pasalṭha Hualroa chu a ding ta a. Tlangval ho hnenah chuan an bul vela changel hnah chu thawm dim taka sat turin a ti a. Tlangval ho chuan a ngaihna an hre lo kher mai. Sawm chuang fe an sah hnu chuan ti hian a rawn ṭawng chhuak ta a.

" Ka tih dan hi en ula, in meichher kha hliah ṭan ru le, tuman in chengrang kha hlat hauh suh ang che u, a ṭul huna hman mai theih tur khan in inring sa dawn nia" a ti a. Changel hnah chuan meichher chu a hliah ta a, chu thil chu an hrethiam ta, ti kha chuan ral aṭang pawn meichher chu awlsam tak chuan tuman an hmu thei dawn lo a lo ni! Chutah kal zai an han rel leh a, an hnaih ta viau mai a.



Ṭhep zawl an hnaih ta takzet mai le,u thawm an dim ṭan ta viau a. An piahah chuan mei eng chu an hmu ta nghal mai reng a. Pasalṭha Hualroa chu a ding ta chat a, a hnunga tlangval ho pawh an rawn ding zui ve nghal a. Chutah,

" Aw le, naute u, kei leh Thangbawnga hi kan va inlan ang a, nang nin chengrang kau sa in langlo aṭangin min lo veng thung dawn nia, khai le, ka tih hma loh chuan tuman thal rawn thlah hauh suh ang che u!" an ti a.

Thim zingah chuan tlangval ho chu an insem darh ta sang sang mai le.. ! Pasalṭha Hualroa leh Thangbawnga te chuan Buk leh mei eng chu an hnaih ta viau mai a.


Pasalṭha Sangchina hriatna ṭha tak nei chuan an lam pana lokal te chu a hre mai reng a, a chengrang pawh hman mai theih in a dah nghal a, chutah ti hian a ṭawng zui a,

" Naute u, in chengrang nen khan in ring rawh u le, rim dang ka hria e," an ti a.

Chu ta Sangchinan a naute a inring tura a hrilhna chu Pasalṭha Hualroa chuan a lo hre pha a.

Chutah ring takin an au ve ta a,

" Tumah kha che tawh suh u, hual beh vek in ni tawh e,chengrang kha lek kang duh hauh suh ang che u!" an ti chang khal mai a.

Chutah chawntui val rual ho an ka ta ho mai le! Pasalṭha Sangchina hovin an ding ho mai le....

Chutah Sangchina chuan thawm lo chhuahna lam a hawi a, a rawn ṭawng chhuak ta vat mai bawk a,

" Mi awm hle hle lai chutia ka hual bet e rawn tih ringawt mai chu a va pasalṭha zia lo ngai ve le...." an ti ve ta nghat a.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


Fimkhur tak leh inring taka rawn kal pah chuan Hualroa chuan,

" Kan ram chhungah kan Lal phalna la lova in rawn lut ringawt mai te, kan chikhur min rawn ṭawm ve ngawt te hi a pasalṭha zia lo fe zawk lo maw!" an ti ve leh ngat a.


Pasalṭha Hualroa hnungah chuan Thangbawnga pawh chengrang kau sa in inring em em in a awm a,Chawntui ho buk chu an thleng chawp chilh chu a ni ta...! Chutah Chawntui pasalṭha Sangchina chuan,

" He lai Ṭhep zawl hi pi pu chenah in ram chhung a nih pawh kan lo hre hleinem! A reng thuah hmanni pawn Tualvum pasalṭha ho an rawn kal a, an duh tawkin an teng a,eng in lo ti si lo, keini chunga hetia min han tih mai chu lai ava na ngai ve le!"


" Kan hriat loh karin Tualvum ho an lo che tih chu kan hria a, tunah erawh chuan a duh duhin in rawn zuan ngawt hauh lovang le, Kan Lal in a hmu duh che u a, kawhmawh bawl duh in awm em?" Pasalṭha Hualroa chuan an ti a.


Chutih lai tak chuan Buk hnung lama tlangval pakhat chuan a Silai chu a tin kawh hman ṭep a, Pasalṭha Hrangchina chuan a din hliah tlat mai si a, Silai puak ri in an zui nghal a, chu tlangval chu a eu awrh mai a. Changel bul sah chhum ang mai hian a tlu thum ta ṭawk a. Chu veleh Pasalṭha Hualroa chuan, "Khai le...." ring taka tih pahin Thangbawnga chu a nem sawn dawrh a.Sangchina pawhin a naute an au ve nghal zat a. Chulai Ṭhep zawl ruam chu silai puak riin a chhunzawm zui nghal a. Tlangval rual rum thawm chuan a chhunzawm zui nghal a. Chawntui khaw tlangval pariat lai mai an tlu ta, Serzawl tlangval erawh a huptu an ni bawk a, an la him rih a, chutih rualin Pasalṭha Hualroa chuan a darah silaimu a dawng ve ta tlat mai le....! Sangchina pawh silai puak ri a hriat veleh leiah bawk nghal vatin Thanpuia te ngenmu chu a dawng ve ta lova. Chutah rawn ding chhuak lehin,

" Mipa fa in awm na nge,mi inrin loh lai beih chauh hi em ni in thiam a!?" Tih pah chuan a milu lak chem chu a rawn phawrh zui nghal a,a kut veilam in muzuk fei a hum bawk a, Buk tualah chuan a ding kak ta hah mai! Pasalṭha Hualroa chu an melh tur khai a, A ni Hualroa lah a dar ngenmu luhna chu a lo dawm reng thung a. Serzawl val rualte zingah chuan tumah Sangchina hmachhawn ngam an awm lo a ni mahna. An ngawi ta ṭhap mai, Hualroa chu a rawn ding chhuak ta a, Sangchina lam chu a pan phei ta chhat chhat mai...


Chutih lai tak chuan Pasalṭha Hualroa hmaah chuan Thanpuia a rawn ding ta chat mai le!

" E heu! Naupang maw ka hmachhawn dawn a, tlangval an awm na nge!" Sangchina chuan an ti leh a.


" I tum pui atan chuan ka tawk chauh ang" Thanpuia chuan an ti ve ngat a. A chempui chu phawrh in Sangchina chu a hmachhawn ta a. An in melh ta ran mai le.Chuti taka chu rawltharin a hlau lo mai chu Sangchina pawh chuan mak a ti hle mai! A mitmeng an en a,mi huaisen tak a ni tih chu a hre thei tlat!


Serzawl tlangval te chuan Thanpuia chu an lo en ṭhap mai a, an ni chuan Pasalṭha Thangchhuah diar khim ngat chu an hmachhawn hreh hle a ni mahna....

Chutah le.... Sangchina chu rawn che chhuak phut in hmalamah a rawn tlan thut a, a milu lak chem chu Thanpuia nghawng zawnah chuan a rawn vai ta fua a,Thanpuia chu lo kun zeuhin Sangchina mal hnung lamah chuan a chemin alo tai zeuh a, tlangval ho chu a ip zawk thei hial a. Sangchina chu a zam a ṭha hle mai, a rawn inher lehnghal zat a, a muzuk fei chuan Thanpuia awm zawn chu tinin a chem chuan a vai leh ṭhin a, a chakin a che rang si a, Thanpuia a inveng thei lo ṭhelh ṭhelh a ni. Chutah Thanpuia chuan hun remchang hmu in a muzuk fei chu a lo chhawk sak ta hmawk mai a, chutih rual chiah chuan a ban veilam pawh a thip nghal zawk a. Sangchina pawh a chawnah thisen a luang ve nguai tho mai, chutah an han innawr dun leh tak tak a, an chempui chu a inkhak ṭek chuai chuai thei hial reng a. Thanpuia chu Sangchina chuan a nawr na phian a, an nawr leh ta tak tak a thingzungah inpal palh in hnung lamah a tlu ta tlat mai le...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 2nd, 2020, 8:35 pm

LUNGRENG NGAW.......8.....


( M.Lusei Palian)



Chuta tlangval ding ho chu sawm ṭhalam mah an ni a. Chutah a tui theh fuh zingah chuan Thanpuia pawh a tel ve ta tlat mai le....!.Pazawna erawh a dinna a fuh loh vang nge a kalve dawn tlat lo, a ṭhianpa chu a thik lek lek hial a ni! Rodawla pawh kal lo tur zingah a tel a, a rilru tak erawh a hlim hle mai, mahse kal chak ber ni awm tak hian a sangawi zawnpui te bulah chuan inhrosa ve kuk kuk a.




Zamkunga chuan Pasalṭha Thanchhinga chu an melh a, mahse hmel danglam a pu hauh lo! A ngaih dan chuan a fapa a tel ve mai chu a lo ui der a ring ru deuh a, mahse Thanchhinga hmelah chuan eng mah a chhiar thei lo, a rilru puitling a ti hle a ni. Chutah chung tlangval rual ho chu zanriah bar turin an inlam an pan ta sang sang mai,pasalṭha te pawh an ṭin zui ve rih a, an phur hmel hle hlawm a. An kal darh ta chu Lal leh khawnbawl upa ho chuan an thlir liam a, an ni pawh an thla a muang kher mai.


Thanpuian In a thlen chuan a u Thanpari pawh an inah a lo awm ve a, A u lam chu hawiin, "Ka u chaw ei min han siam thuai teh, hei Ṭhep zawla chikhur lam kan pan a ṭul tlat! Ṭhiante nghah ngaiin ka awm palh hlauh a nge!"an ti a. Banglaia fei chu a va la a, an nul vel a, a hmelah chuan phurna a hmuh theih mai reng a.


Thanpari chuan, " Taia, ka va ngaihtuah che e aw, ti nge kal ve tura an tih mai che le aw.... zuk fimkhur viau rawh u aw." an ti a. A nu erawh chu kawmthlang chuktuah huanah be lam chi lovin a awm daih thung a, an thu sawi vel chu a hre phak rei ruai a, rang deuhin a rawn chho ta a.


Chutah Thanpari chuan a nau chu chawei an siam a, Zamani chuan Savawm sa thukah a mung tluk tluk chu niin, a rim aṭang ringawt pawh chuan ril hi a ti ṭam thei hial ang le. Sa hrang lian pui pui chu a rawn suah sak a. Thanpuia pawh chuan zanriah chu a bar nghal mial mial a.

Zamani chu sumhmunah chuan eng emaw a la ti kawi a, chutih lai chuan Thanpuia pa Thanchhinga pawh a rawn haw tawh a, tapah a ṭhu a, Thanpuia chaw bar mek chu an en a,

" Thana, ṭhiante nghah ngaiin awm loh tur ani a, i zuk fimkhur dawn nia, fungki lian zawk saw pai la.... Chengrang hman dan chu i patean a zirtir tawh che a, fimkhur la....vawikhat mah ka la ti tlawlh lo a nia...( A silai va la in a hrufai surh surh a) Muzuk fei hi chu keng duh suh, hnawk i ti ang, tin, Hualroa thu kha ngaichang tlat zel ang che u, pasalṭha leh pasalṭha an inbiakin lo inrawlh ve tur a ni ngai love. Hming ṭhat tum avangin ṭhiante hma khalh tur a ni ngai lo. Pari, i nau kha chaw han bawk sak la, a ṭul leh keini chuan kan lo chhum belh mai ang. I nau te hi an chin a hriat dawn loh a nia....!" an ti a. A ni reng a, hetiang hunah hian rin lawk miah loh hian hmelma um in zan tam fe te an thang ṭhin mai reng a ni.

A sawi lai chuan Thanpuia nu chu a rawn lut a, a fapa chu a en ho mai a,

" Khawiah in kal dawn ni?" An ti a.

A pasal chuan, " Kan chikhurah khawdang mi an rawn kai a ni awm a, Pasalṭha Hualroa hovin an zuk chian dawn a nih kha....mipa fa a ni a, ngaihtuah tur a ni love" an ti zui a.

Chu chu pi pu chena an tih dan a ni reng a, mipa fa hi chu huaisen tak, sa kap thei, tlawmngai leh pasalṭha ni turin an duh vek si a.Tlangval te phei hi chuan ngaihtuah vak hi a duh ṭhuai lova, chu chu nunphung a ni ve hrim hrim a.

Zamani chuan, " Eng ti tiha kalve tura an tih mai che le aw...Thante, zuk fimkhur viau tawh!" An ti a. Nu thinlung aṭang chuan tlangval viau tawh mahse ngaihtuah loh chu har tak a ni si a.

Thanpuia zanriah bar zo chuan a iptepui an la a, a chempui chu an nul vel a, a bu nghat a, a u chawfun bawk sak chu iptepuiah a khung a. A pa fungki sawi chu an ak leh a, silaimu lain a pa in a silai chu alo pe a. A inpeih chu a ni mai a, chutah tuium hunna a thlen phei lai chuan a nu Zamani chuan,

" Thante, zuk fimkhur viau ang che!" A la ti zui hram hram a.Kaiṭen bula a meichher tura a dah lian ṭha ṭel ṭawl chu a pu a, Lal in lam chu a pan ta a.


Unau hmel hai velah chuan Lal tualah chuan tlangval ho chu an la theng mang lova, Thangbawnga kha kal ve tur zinga tel kha a ni a. A lo ṭawng leh zat zat tawh a, a bulah muzuk fei a lo dah a,meichher tur lian tawk tak alo awm bawk a, vaibel fawp kak kak chung chuan a phur tawh zia a lo sawi a.

" A engtia kan ram chhunga Lal rawn hmasa hauh lova a duh duh rawn lut chu ni ngai ni, an khaw thleng rawk um ila ti nia, tlangval kan awm a, ka lai hi a dam thei hauh lo!" an ti leh a.

A bul vela tlangval te pawh chuan an lo tuihnih ve hlawm a. Titi dang pawh a leng lova chha chu a ni. Chutah Pasalṭha Hualroa a rawn thleng a, a kal tur zawng an kim tawh bawk a. An hmanrua te an endik a, a bu nghauh nghauh a. Lal inah a han lut a, rei lote hnuah chuan Lal nen chuan luhkapui sangah an rawn chuang chhuak ta a. Lalbula chuan tlangval lam chu an en a,


" Tlangval chhuanawm leh huaisen tak tak te u, in zarah muangin kan awm ṭhin a,hei kan ram humhalh nan in pen chhuak dawn ani a, fimkhur takin zuk kal ta u la, kim tak leh him takin lo let leh ngei ang che u. A ṭul chuan mi lu khaiin in rawn haw ang a, kan hauh ram chinah ngat hi chuan pen khat pawn hnungtawlh tur a ni ngai lo a nia. Pasalṭha Hualroa zai ngaiin in che dawn nia, zuk zam hlek suh ang che u! Zam ngai lo val kan nei che u hi kan muanna ber a ni ṭhin...Khawdang tawnah chuan hriam takin zuk che ang che u! " an ti dap dap a. Lal thusawi in a zir bawk a, an huaisen ta sawt hian a lang mai reng a.Lalnu pawh rawn chuang chhuak ve in tuibur a zu ri barh barh a.


Lal thusawi zawh chuan Pasalṭha Hualroa ho chuan Pawih bawh lam aṭang chuan Mual lian lam panin an kal ta nghal a, tlangval thaza rual an ni bawk a, an ṭuan a ṭha in a kal pawh an kal chak hle reng a ni.Pasalṭha Hualroa pawh a zam a la ṭha bawk a, tuibur hmuam da velah chuan Mual lian an thleng thla ta ṭep mai, chutah an meichher te pawh an han siam ṭha a, rei lo deuh an han ding a, an kal leh ta nghal a. Mahni khaw ram chhung chhan nan a ni bawk a, an phur hle mai, an hma a thil lo thleng tur chu chak zawk ang hrimin an awm a. An chikhur awmna Ṭhep zawl hi an la hlat hle a, an la kal fe a ngai dawn a ni. Chuvang taka meichher nena la kal chu an ni reng a ni. Chu zanah chuan Chhawrthlapui pawh inthlahrun hmel takin a a rawn lang ve duk a.



.... ... ....... .........


Hetih hunlai tak hian Ṭhep zawlah pawh an buai ve hle a, Pasalṭha Sangchina naute chu bel lian tak tak chhuangin mei vilin an buai char char a. Belpui khat tlata tuial an chhuan khan tui kha alo so kang a,a tawp a tawpah ke zungpui tia vel hi bel mawngah alo khawn ve a chu chu an chi ten dan ber chu a ni, chi chu hnahah uluk takin an dah ṭhin a ni. Belpui pasarih lai mai an chhuang so vut vut tawh a. Bukah chuan Thangchhuah diar khimin an hotupa chuan vaibel a pak khu talh talh a. Tlangval ho chuan an thing fawmsa chu an tuah belh ve reng bawk a.

" Naute u, hmanhmawh vut vut lem suh u! Zan khatna aṭangin in chau lutuk a nge" Pasalṭha Sangchina chuan an ti a.


" U Sangchin, ka ngaih a nuam hauh lo, Serzawl pasalṭha te hi an rawn thawkchhuak mai lovang maw!" Tlangval pakhat chuan an ti a.

Chutah Sangchina chuan, "Mai mai a, an duh leh rawn thawkchhuak ang hmiang, kan um let vek anga ti nia, I hlau deuh a nih chuan kan khaw kawng chu i hriat kha....Tualvum ho pawn an dil i khaw hleinem....eng tin an ti ngam chuang lo... (Tlangval ho chu an melh kual a) A duh duh chuan min haw san thei ang, dawihzep viau te in awm anih chuan..!Tin, tuman in chengrang kha hlat hauh suh ang che u."an ti leh salh a.

Tlangval rual chu an ngawi dak hlawm a, a ni renga an Lal Lalvura, Chawntui Lal hian a pasalṭha te hnenah hian Serzawl Lal hnena dil hmasa a rawn hmasa phawt turin a chah a.Mahse an pasalṭha hian a duh tlat lova, Serzawl pan hmasa lovin he Ṭhep zawl hi an pan ta thung a ni.Tlangval tam zawk ngaih dan ni lo viau mahse an hnial ngam ngang si lova, ngaihngam lo zet in an awm ta a ni. An pasalṭha lah hi a hruang hrau a na phian si a, nunrawng tak,a kawng daltu lakah chuan pawisak nei lo zet, mahse tih thiam chuan thil phal fe mai hi a ni thung a.Ram lama thangchhuah thei ngat a ni a, pasalṭha tak chu a ni phawt mai.


......... ......... ...........


Pasalṭha Hualroa leh a naute chu rei fe an kal leh tawh a, tunah chuan Ṭhep zawl pawh an hnaih ta kher mai! An Ṭhep zawl hi ni tina an thli thlai reng tawh avang hian harsa lo takin an kal zung zung thei tawh a. Chutah hmun zawl deuh an thlen chuan an hma hruaitu Pasalṭha Hualroa chu a ding ta a. Tlangval ho hnenah chuan an bul vela changel hnah chu thawm dim taka sat turin a ti a. Tlangval ho chuan a ngaihna an hre lo kher mai. Sawm chuang fe an sah hnu chuan ti hian a rawn ṭawng chhuak ta a.

" Ka tih dan hi en ula, in meichher kha hliah ṭan ru le, tuman in chengrang kha hlat hauh suh ang che u, a ṭul huna hman mai theih tur khan in inring sa dawn nia" a ti a. Changel hnah chuan meichher chu a hliah ta a, chu thil chu an hrethiam ta, ti kha chuan ral aṭang pawn meichher chu awlsam tak chuan tuman an hmu thei dawn lo a lo ni! Chutah kal zai an han rel leh a, an hnaih ta viau mai a.



Ṭhep zawl an hnaih ta takzet mai le,u thawm an dim ṭan ta viau a. An piahah chuan mei eng chu an hmu ta nghal mai reng a. Pasalṭha Hualroa chu a ding ta chat a, a hnunga tlangval ho pawh an rawn ding zui ve nghal a. Chutah,

" Aw le, naute u, kei leh Thangbawnga hi kan va inlan ang a, nang nin chengrang kau sa in langlo aṭangin min lo veng thung dawn nia, khai le, ka tih hma loh chuan tuman thal rawn thlah hauh suh ang che u!" an ti a.

Thim zingah chuan tlangval ho chu an insem darh ta sang sang mai le.. ! Pasalṭha Hualroa leh Thangbawnga te chuan Buk leh mei eng chu an hnaih ta viau mai a.


Pasalṭha Sangchina hriatna ṭha tak nei chuan an lam pana lokal te chu a hre mai reng a, a chengrang pawh hman mai theih in a dah nghal a, chutah ti hian a ṭawng zui a,

" Naute u, in chengrang nen khan in ring rawh u le, rim dang ka hria e," an ti a.

Chu ta Sangchinan a naute a inring tura a hrilhna chu Pasalṭha Hualroa chuan a lo hre pha a.

Chutah ring takin an au ve ta a,

" Tumah kha che tawh suh u, hual beh vek in ni tawh e,chengrang kha lek kang duh hauh suh ang che u!" an ti chang khal mai a.

Chutah chawntui val rual ho an ka ta ho mai le! Pasalṭha Sangchina hovin an ding ho mai le....

Chutah Sangchina chuan thawm lo chhuahna lam a hawi a, a rawn ṭawng chhuak ta vat mai bawk a,

" Mi awm hle hle lai chutia ka hual bet e rawn tih ringawt mai chu a va pasalṭha zia lo ngai ve le...." an ti ve ta nghat a.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


Fimkhur tak leh inring taka rawn kal pah chuan Hualroa chuan,

" Kan ram chhungah kan Lal phalna la lova in rawn lut ringawt mai te, kan chikhur min rawn ṭawm ve ngawt te hi a pasalṭha zia lo fe zawk lo maw!" an ti ve leh ngat a.


Pasalṭha Hualroa hnungah chuan Thangbawnga pawh chengrang kau sa in inring em em in a awm a,Chawntui ho buk chu an thleng chawp chilh chu a ni ta...! Chutah Chawntui pasalṭha Sangchina chuan,

" He lai Ṭhep zawl hi pi pu chenah in ram chhung a nih pawh kan lo hre hleinem! A reng thuah hmanni pawn Tualvum pasalṭha ho an rawn kal a, an duh tawkin an teng a,eng in lo ti si lo, keini chunga hetia min han tih mai chu lai ava na ngai ve le!"


" Kan hriat loh karin Tualvum ho an lo che tih chu kan hria a, tunah erawh chuan a duh duhin in rawn zuan ngawt hauh lovang le, Kan Lal in a hmu duh che u a, kawhmawh bawl duh in awm em?" Pasalṭha Hualroa chuan an ti a.


Chutih lai tak chuan Buk hnung lama tlangval pakhat chuan a Silai chu a tin kawh hman ṭep a, Pasalṭha Hrangchina chuan a din hliah tlat mai si a, Silai puak ri in an zui nghal a, chu tlangval chu a eu awrh mai a. Changel bul sah chhum ang mai hian a tlu thum ta ṭawk a. Chu veleh Pasalṭha Hualroa chuan, "Khai le...." ring taka tih pahin Thangbawnga chu a nem sawn dawrh a.Sangchina pawhin a naute an au ve nghal zat a. Chulai Ṭhep zawl ruam chu silai puak riin a chhunzawm zui nghal a. Tlangval rual rum thawm chuan a chhunzawm zui nghal a. Chawntui khaw tlangval pariat lai mai an tlu ta, Serzawl tlangval erawh a huptu an ni bawk a, an la him rih a, chutih rualin Pasalṭha Hualroa chuan a darah silaimu a dawng ve ta tlat mai le....! Sangchina pawh silai puak ri a hriat veleh leiah bawk nghal vatin Thanpuia te ngenmu chu a dawng ve ta lova. Chutah rawn ding chhuak lehin,

" Mipa fa in awm na nge,mi inrin loh lai beih chauh hi em ni in thiam a!?" Tih pah chuan a milu lak chem chu a rawn phawrh zui nghal a,a kut veilam in muzuk fei a hum bawk a, Buk tualah chuan a ding kak ta hah mai! Pasalṭha Hualroa chu an melh tur khai a, A ni Hualroa lah a dar ngenmu luhna chu a lo dawm reng thung a. Serzawl val rualte zingah chuan tumah Sangchina hmachhawn ngam an awm lo a ni mahna. An ngawi ta ṭhap mai, Hualroa chu a rawn ding chhuak ta a, Sangchina lam chu a pan phei ta chhat chhat mai...


Chutih lai tak chuan Pasalṭha Hualroa hmaah chuan Thanpuia a rawn ding ta chat mai le!

" E heu! Naupang maw ka hmachhawn dawn a, tlangval an awm na nge!" Sangchina chuan an ti leh a.


" I tum pui atan chuan ka tawk chauh ang" Thanpuia chuan an ti ve ngat a. A chempui chu phawrh in Sangchina chu a hmachhawn ta a. An in melh ta ran mai le.Chuti taka chu rawltharin a hlau lo mai chu Sangchina pawh chuan mak a ti hle mai! A mitmeng an en a,mi huaisen tak a ni tih chu a hre thei tlat!


Serzawl tlangval te chuan Thanpuia chu an lo en ṭhap mai a, an ni chuan Pasalṭha Thangchhuah diar khim ngat chu an hmachhawn hreh hle a ni mahna....

Chutah le.... Sangchina chu rawn che chhuak phut in hmalamah a rawn tlan thut a, a milu lak chem chu Thanpuia nghawng zawnah chuan a rawn vai ta fua a,Thanpuia chu lo kun zeuhin Sangchina mal hnung lamah chuan a chemin alo tai zeuh a, tlangval ho chu a ip zawk thei hial a. Sangchina chu a zam a ṭha hle mai, a rawn inher lehnghal zat a, a muzuk fei chuan Thanpuia awm zawn chu tinin a chem chuan a vai leh ṭhin a, a chakin a che rang si a, Thanpuia a inveng thei lo ṭhelh ṭhelh a ni. Chutah Thanpuia chuan hun remchang hmu in a muzuk fei chu a lo chhawk sak ta hmawk mai a, chutih rual chiah chuan a ban veilam pawh a thip nghal zawk a. Sangchina pawh a chawnah thisen a luang ve nguai tho mai, chutah an han innawr dun leh tak tak a, an chempui chu a inkhak ṭek chuai chuai thei hial reng a. Thanpuia chu Sangchina chuan a nawr na phian a, an nawr leh ta tak tak a thingzungah inpal palh in hnung lamah a tlu ta tlat mai le...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 2nd, 2020, 8:36 pm

LUNGRENG NGAW .......10....


( M.Lusei Palian)



......... ............. ..........




( Reng ngaw pui dur khup chuan chhuihthangvala a au e,
Partinchhingi te tualchaina a zukṭial leh khi te lenna chuan,
Vala lunglai ril a luah hneh hle si a.)




Thanpuia chuan lenna tur hre hek lo le, Pazawna nen chuan zawlbukah putarte thusawi ngaithla in an titi ah an dak leh ta reng a, chutah putar pakhat chuan heti hian a pu hnen aṭanga a thu hriat an sawi ta a..



A aw an thian leh te te a, a em tah lai chu an dah a,

" Ka pu khan ka naupan laia min hrilh a nia.....ka la hrekim ngut a nge maw chu aw...!( an ti hmasa a, a zawm leh ta a) Khaw chhak lamah khian khaw ropui tak a awm a, chu khua chu pawih hian an itsik in an er hle mai a,rawlralin an bei fo a ni awm a, chu khua a Lal ropui tak hming chu Sabereka a ni e an ti a. Lal fel tak leh pasalṭha tak mai hi ani a, lasi a zawl nghe nghe an ti. Pawih ho chuan thiam tak leh ṭi takin an rawn bei ṭhin a, chu chu an ngaimawh hle mai a, pasalṭha ho chuan an lo chang ṭhin na a, an chan lohna lam zelah chuan ral chu an rawn che zel si a. Zan khat chu an Lal Sabereka chuan mumang a nei ta a, a mumangah chuan a zawlnu nen an lo inkawm a, a lasi zawlnu chuan an harsatna tawh chu alo hria a. Hmelma te a um darh dan tur tihian a hrilh ta a.






' Khuang lian pui pui pathum i siam ang a, chung chu in khaw ram chin chiah hmelma te tana hmuh har si ah i dah ang a, chu chu a khat tawkin i pasalṭha ten an vaw ṭhin ang a, an rawn bei ngam tawh ngai lovang che u' a zawlnu chuan a ti ta a. Chutah an khuang a an hman tur thing awmna chu a kawhhmuh ta thlap a. Khuang atana an kaih tur Sepui lian pathum awmna pawh a hrilh thlap a. Chutah Sabereka chuan zing karah chuan a khua leh tui te chu a ko khawm ta a.




Khuang lian pui siam a ṭulzia chu an hrilh ta hlawm a, chutah Thing lian awmna te chu a sawi zui ta a. Tlangval hote chu hmun thumah an inṭhen ta a, thing kit tur chuan an kal ta a. Thing han kih a, a ker chhung nen chuan kar thum lai hun an hmang ta a. An ker zo thei ta hram a, an hna an zawh thu Lal hnenah an han thlen a. Thing chu a lian hi an ti em em a, hetianga lian khuh zo tur sa chu a awm ngut lovang an ti vek hlawm a.






Tlangval ho chuan an thing ker khuhtu tur Sepui vun a awm theih an ring lova, mahse an Lal chu an hnial ngam si lo. Chutah Sabereka chuan a fei chu a la a, Sih ngaw lam a pan ta a, zan hnih zet a thang a, a rawn let leh hnu chuan pasalṭha rual leh tlangval rual tam fe chu Sih ngaw a savun lip tur leh sa phur haw turin a ti ta a. Awih lo fe mahse hnial ngam chuang si lo chuan an va kal ta a. Chuta an Sepui hmuh chu lian an ti ngang mai, a aia lian hi a awm theih an ring tawh lo hial a ni. An savun khuang tur pawh tlangval sawm laiin an zawn a. Khuang pakhat chu an kaih thei ta a. Chutiang zel chuan Sepui lian pui pui chu an Lal Sabereka chuan a tihlum zel a, a vun pawh an ngah ta....




Khuangah an kaih ta a, an hlim ta hle a . Chu an khuang chu an lian em em khawp a, a vuakna pawh pachang hlam thum zetin thingtuai an siam a, hruiin an khai a, a vuak fawng lamah chuan hrui an hling leh a, hrui chu an pawh thui poh leh khuang chu a invaw ring a ni mai! An siam zawh hnu pawh chuan Sabereka chuan vuak ala phal tlat lova. Khaw mipui te chuan a ri chu an hre chhin chak em em tawh a ni. Upa te chuan engvanga an khuang lian chu vuak phal lo nge a nih tih chu an Lal chu an zawt ta a. Sabereka chuan 'kan khuang lian kan siamna hnu hma, kan hnu te khu a reh fel vek hunah chauh kan vaw dawn nia' a ti a. Upa te chu an ngui hle a, ram ngaw a an khuang siamna hnu hma chu eng thil mahin a tihreh an ring thei si lo....! ( Chutah a sawitu chu an ngawi leh a, a vaibel a khawng kauh kauh a, vaihlo an beng leh te te a, Tlangval lengchhuak ve lo leh pa ho zawlbuk kai ve te chuan ngaihnawm an ti hle a, ṭawng nachang va hre suh, an vaibel zuk pawh an ngaihsak meuh lo chu a ni....!)


An Lal Sabereka chuan ruahpui a sur mai ang a ti mai si a. Chutah le, chumi zan chuan ruahpui vanawn a sur ta vak mai a, an khuang kaihna hnawm hnawk zawng zawng chu kawrte tui lian chuan a len fai ta vek mai a. Zingah chuan tlangval ho chuan an khuang chu ala him em? Tih an zuk en a, a lo la him pial a, chutih rualin an chetna hnu zawng zawng, an thing kerna hnawk te chu kawrte tui lian chuan a lo la fai vek a, an chetna hnuhma a ni tih pawh a hriat ta hauh loh mai!




Rei lo teah chuan pawih ral an rawn kal leh ta a, an rawn kal tih hre hauh lovin an khuang lian vaw chhin tur chuan Khaw mipui zawng zawng leh Lal chu an thawk chhuak ta a. An khuang lian an dahna piah mualah chuan pawih ho chuan riah buk an lo sual chu niin....




Khuang an han vaw ta tak tak mai chu a rapthlak hial zawk a, an piaha pawih ral ho chu hlauvin an tlanchhia a, lengkirah an tlan liam ta vek a, an thi ta vek mai a ni. Chuti chuan an khuangpui chu a khat tawkin an vaw ta ṭhin a, chu khua chu pawih ho chuan an ṭih ta tlat mai a, an bei zui ngam ta hauh lo mai reng a ni. Tin, khaw mipuite hian kawrte tui lian sawi nan khan Lal khuangkaih thu kha an sawi ta ziah a. Khawdangin an lo hre thuai a, kawrte tui lian thut sawinan ' Sabereka Khuangkaih' tih chu an hmang chhawm ta zel a ni " an ti ta a. Ngaihnawm an ti kher mai, khuang mawlh chu a ni an hmuh chak ni!





Pazawna chuan Zawlbuk mei chu an chhawm ṭha a, ti ti ngaihnawm fe fe Putar leh paho chuan an sawi zui leh ta a. Chutah putar pakhat aw an thian kharh kharh a ti hian ti ti a rawn chhep ve leh ta a....



" Kei zawng hman ni a ka thu hriat kha a ni mak ka tih ni...! A sawitu kha Upa min kha a ni tlat mai si a, mi naran sawi zawng ni se ka awih hauh lovang le! (Ti a bul an ṭan meuh chuan Zawlbuk chhung chu a reh ta ṭhap mai a, mei chu an vur belh leh sauh a, a sawitu putar chuan vaibel an pak tual tual a.) Kan Upa min Laikunga khuangchawi ṭuma lokal kha a ni nghe nghe a, an khaw ram Maicham lui bul tlang nuam deuhah chuan Lungreng ngaw an tih mai chu a awm a ni awm e...( chutia Lungreng ngaw an lam rik chuan Thanpuia chu eng emaw ti tak hian a awm zawk a, a pangngai leh thuai a) A....hei kan Lal te inlaichin dan hi in hriat loh takin ka sawi leh ang a, ( vaibel pak talh pah chuan an ti leh te te a) Khamlairang khaw Lal Phunga, Lalphunga pate leh kan Lal Lalbula pate hi unau an ni a, sa leh ralah pawh inpui tawn ṭhin an ni kumkhua a. Hman deuha Upa min Laikunga khuangchawi ṭum pawn a upa te leh pasalṭha te nen an lokal a nih kha....




An khaw ram mawng lam Maicham lui bula ngaw chu a ni ka sawi tum tak chu, chu ngaw chu Lungreng ngaw an ti a ni awm a. Tlang pawng han ti ila a fawm khawm ber ang chu....chu ngaw chhungah chuan puk pawh a awm nual awm e, ngaw chhunga puk pakhat Fangfar puk ti ta in ka hria, chu puk ah chuan tuikhur thuhruk fim em em mai hi a awm a ni awm a....! Chu tuikhur ami tui intawh te chu zan thimah zingah pawh hian chhun ang maiin ngaw chhung chu an hmu fiah thei a. Mahse mi nazawng chuan chu tuikhur thuhruk awmna chu an hre hauh lo a ni, Pasalṭha tak tak te chauhin an hmu thei a ni. Tin, chu mai a ni lova, chu tui intawhte chu lasi te hian mal an sawm a, an venghim ṭhin! An naupan laia an khaw pasalṭha Chhinga chuan chu thu chu a sawi an ti a.




Tin, tunah chuan he Lungreng ngaw ah hian Sazuk ki phir mawi em em mai leh Tumpang ki ṭha tak nei a awm a. Chung sa te chu hmu an awm nual a, mahse tumah rengin an kap thei lova, vengtu a nei tlat e an ti. Chawngtinleri chuam te an ni mahna...! Chu Lungreng ngaw ah chuan sa chi tin an kim e an ti a, sih pawh tih tham fe a awm a ni
Chutichuan he Lungreng ngaw a vak tur hian tlangval panga vel leh pasalṭha pahnih an kal a, mahse kar hnih hnuah pawh Khua an la thleng ta hauh lova, chutah tlangval hovin an zuk zawng ta a. An buk leh an sarep te chu an hmu mai a, an mahni erawh an hmu zo ta lo a ni. A zawngtute hi Lungreng ngaw ah riak ngam lovin Maicham lui bula Hlawnkawng an tih ah an riak a ni awm e. Chu thu chu an khaw ṭhenawm a pasalṭha Manga chuan a lo hre thuai a, a naute ho nen...a zat kha a sawi ta chiah lova, kal ve an tum ta a. Lalphunga leh upate chuan kal lo turin an lo thlem viau tak na a, an phur telh telh mai si a! An kal ta a, an ni pawh chu chin hriat loh bawkin an awm leh ta a ni. Khamlairang tlangval ho chuan an zuk zawng leh ta ngei a, mahse a hma a mi ang thovin an buk hlui leh an sarep chiah an hmu leh a ni. Mak tak a ni, mak em em bawk chu chu Lungreng ngaw chhunga puk pakhat chu zanah a eng ṭhin a, rawng mawi em em hi a ni awm a, chu eng chu an hmu fova, mahse an chian ngam ta lo a ni. Tin, he ngaw puiah hian rulpui lian tak a awm a, a chet velna hnu hma pawh an hmu ṭhin a ni. .......! ( an chawl leh vang vang a, chutah tihian an tih zawm leh ta a) Kan vanglai kha han ni ngat se aw... Thluri pa nen hian kan va dai dar tur hi a nia....."




Chu thu sawi pah chuan a bula putar chu an melh vang vang a, a ni chu alo bu nghut mai a. Chu thu chu tlangval te leh pa ho chuan ngaihnawm an ti kher mai! Zawlbuk lum nuama awm an ni rih bawk a, Rodawla meuh pawn va dai dar a chakzia thu chu a sawi nasa hle mai! A hmunah va ṭuan ta se eng tak va ang dawn chu ni maw!?


Kar lovah Lenghawn ar a khuang ta mai reng a, tlangval putar te titi ngaithlatu te chuan chu zan chu la rei lo viau hian an hre na a, lenghawn ar a khuang ngei si! Chutah le, pi pu chena an chin malsawmna an ngaih " Mang ṭha u le" tih chuan an inthlah ta hlawm a. Tui taka mu a, mang ṭha tak mang turin an inthlah ta hlawm a.



........... ............ ...............



Serzawl Lal in a nun tak tlangval pali te kha hmanhmawh takin an khaw lam nia an hriat kha an pan ta kha a ni a. Chempui pakhat chauh an nei si, kawng lakah an la bo vei thul nen, an buai hle a ni. Chutah an zinga tlangval pakhat chuan Serzawl Lal an rawn hmasak loh pawi zia a sawi lai tak chuan an zinga upa ber chuan tihian a ti ve ta tlat mai le,


" Kan Lal hnenah chuan Serzawl Lal kan rawn loh thu kha tuman in ti ri tur a ni lo.... Kan aia khawte zawkin khatia kan inring lo lai min hup mai kha ka lai ana tlat, va haldarh vek a nia ka duh ni...! Pasalṭha Chhunthanga hnenah phei chuan tuman in lo hrilh tur a ni lovang, keimah ngeiin ka hrilh dawn a ni." A ti ta chhar chhar mai a.




Hnial ngam an awm ta hauh lo mai! Tin, an rilruah chuan an pasalṭha ve ber hliamin a awm tawh tih an hria a, a boral mai thei lehnghal, an rawlthar chauh kha chu dah ṭhat theih mai an inring a. An ni aia khawte zawkin ngam taka an ti kha an na ru vek tho alo ni! Muang leiah an han awm ta bawk a, an huaisen hlawm ta kher mai. An ṭhiante lu tal an hawn lo erawh hrehawm an ti takzet a ni. Kar khat lai an thang hnu chuan an khaw kawtchhuah an thleng ta hlawl mai a. Chutah rei pawh chawl lovin Khawchhung an lut a, Lal in lam an pan ding ta a. Eng ro tak han nei dawn chu ni maw...!?



......... ........... .........



Pasalṭha Hualroa pawh uluk taka Bawlpu in an enkawl chuan a ṭha chho sawt sawt a, Selzama leh Thanchhinga te hovin an tlawh awl lova, a ṭhat pui ang an tih avangin ar va thlengin an dap sak a. Pasalṭha te nge nge an hnuk alo fei bawk nen, a dam ve tawh hle a ni. Buai pui ngaia a awm kha hrehawm a ti hle a, a inthlahrun phah viau nghe nghe a. A bawrhsawm laia rawn kan awl lotu te chu a theihnghilh thei kher lovang le...! A ni chuan Thanpuia huaisen zia leh insual a thiamzia chu a sawi tam hle a,chu thu chu a tlang thang chak hle mai! Serzawl khua chu a khah mai reng a, Thanpuia chu mi huaisen tak chhuah in an chhuah si! Chung thu chu Thanchhinga te pafa chuan an hre ve reng a, Thanpuia pawh chuan hrehawm a ti hle a, khaw chhungah pawh a lengchhuak tam lova, a tuallim loh phah hle a ni. Heng hunlai hian pasalṭha te leh huaisen deuhte hi el rawn leh hma theh an uar si a, hrehawm an ti hle ṭhin a ni.




Varṭiana Thanpuia leh Pazawna Zawlbuk aṭanga an haw chuan Pazawna te thing chu an ek dun a, an chek na in an thiam bawk a, rei loteah an zo ta a. Chutah Thanpuia te thing an ek dun leh ta a, chutiang chu tlangval ho chin dan a ni ve reng a. Nula te erawh zingah thovin tuium an phur a tuikhurah an liam nghal a. Tui an chawi zawh chuan buh an deng zui lehnghal a, khawsak an rel chhunzawm ṭhin thung a ni. Buai takin hun an hmang liam a ni deuh ber mai!





Chapchar kut hun tur Lal leh upaten an la rel fel chiah lova, khaw mipuite chuan an ngaichang ṭhap thung a. Hna ṭul awm loh lai a ni a, chutih rualin an khaw boruakin a zir chiah si lova. Chawntui lam aṭang hian palai hmel an hmuh an inrin tehlul nen an la hmu lo chhunzawm zel chu a ni a, mak an ti hle tawh a ni. An ngaih pawh a ṭha thei chiah tawh lova, rawlralin an rawn chet an ring ru fur tawh a ni. Chutih rualin Pasalṭha ho pawh an inhmukhawm zing hle a, an ram lam pawh a rukin an thli thlai reng a, zan lamah pawh ralveng an indah ṭan ta a.Ral ven buk hi an nei sa tawh bawk a, Serzawl khaw hian an khaw luhna hi khan hnih chiah an neih avangin an awlsam hle a. Ralveng tlangval an inchhawk ta zak zak mai a ni. Tin, an khua hian silai an man belh avangin Silai sawmthum lai an kawl ve ta a, thlamuanpui tham a tling tawh hial mai reng a ni.




Chu zan thla eng raih mai chu khaw mipui te chuan an ṭih emaw tih tur a ni tlat mai! Arkai den zan a ni a, thla a eng nuam hle mai! Chu zan tak chu Thanpuia ralven loh zan a ni a, Pazawna erawh ralven buk lamah a awm daih thung a.Thanpuia chu Zawlbuk ah a tap deuh chawt ringawt a, arkai den zan apianga an sawi ṭhin chu fiah a tum a, mahse tu hnenah mah a sawi lo thung a. Chu zan ber kher chuan zawlbuka chuangkai an tlem em em mai lehnghal a. Mi intivei Rodawla lah Mualnuam lamah ralvengin a awm ve bawk si, ralven buk lamah a insawi thei leh viau tawh ang.





Thanpuia chu lenna tur pawh hre lem lo chuan a tei chhuak ve ta ngawt a, Serzawl khuaah hian nula tam viau mahse lenna tur a hre tlat lo a ni. Tin, a mah mai chuan nula rim tur meuh chuan tu inah mah a chuangkai ngam lo hrim hrim a. A ni reng a, nula tam tak mitmei han hmu ṭhin mahse a misa lo viau mai a, Pazawna nen sawi tur an in chuh nawk nawk laiin, nula ho bulah meuh chuan a dang te hi awk deuh tlat hian a hre hial a, a hrehawm a ti viau ṭhin a ni. Tuikhur kawng lamah bawk chuan a kal leh ta a. A naupan lai aṭanga a lenna ṭhin Pu Khuanga te in chu a pan ta ngawt a. Chu zan zanlai a ni emaw tlaivar ngai hial pawh ni se, an khaw ti thlabar em em tu chu finfiah a, tudawl theih a nih chuan tudawl ngei a tum ruh tlat a ni.






Pazawna pawh chuan a ralvenna aṭang chuan khawchhung lam chu a thlir vang vang a, Pawih bawh ah a awm daih thung a.A ṭhianpa Thanpuia chuan chu zan chu a nghakhlel hle tih a hria a. A bula awm ve achak zek zek a, mahse a ralven hun a ni si. An hotu chu val upa Thanṭhuama a ni a, a fimkhur em em mai lehnghal a, meichhem takngial pawh zu han phal tlat lova! Ral lo kal nghal mai tur ang hian an inring em em reng mai chu a ni. Lenglen ar a khuan na pawh a rei leh tawh a, an ni ho erawh an ngawi ṭhap thung a, a vawt vin viau lehnghal a. Thing zar kara thla eng zam lut raih mai te, zan lama hram ṭhin hram te, thli thaw in thing hnah a chhem rik seng seng te chu an thawm ri va hriat chu a ni mai! Mut lam lam te pawh chhuak thei hial dawnin Pazawna chuan a hre nghe nghe a, a kezungpui a ti che sek reng mai a ni.





Thanpuia pawh a lennaah chuan a ṭhu ve ran a, putar Pu Khuanga te nupa chuan an be ve reng tak na a, an sawi ber pawh a hre mumal lem hlei lova! Hemi te nupa hi a khawngaih ṭhin riau a, sava a perh thlak ṭum te, a awh hnem ṭum te hian a sem ve ṭhin a ni.An ni lah fa nei thei ta lo chu an lo lawm em em ṭhin a. Lawmthu hi an inhrilh zul zut mai reng a ni. Chapchar kut hun tur te an han sawi a, an nupa chuan nunhlui ngaih hmel takin an awm a. An inlengpa lah chuan a hnem thiam der si lo. Chu zanah chuan hunbi hi a kalmuang hle hian Thanpuia chuan a hre hial a ni.Lenghawn ar a khuang ta a, Thanpuia pawh muang changa thovin Zawlbuk lam chu a pan ve ta a. Tlangval leng dang pawh an lo haw tawh hlawm a, Thanpuia zawlbuk a va lawi chu an lo fiam nak nak a. Mut zai an rel ta a....






Zanlai ar a khuang ta ṭep mai! Thanpuia chu thawm dim tak chuan a tho ta ṭham ṭham a. Zawlbuk tualah chuan naupang ho awmtual mei chu alo la vam ham a, rei lote an inhem zawk a. Chutah mite sawi ṭhin thawm chu a hre ve ta tlat mai le.....!



(Chhunzawm tur)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 2nd, 2020, 8:36 pm

LUNGRENG NGAW.....11....( LAST)



( M.Lusei Palian)



....... ............ .........




Zanlai ar a khuang ta ṭep mai! Thanpuia chu thawm dim tak chuan a tho ta ṭham ṭham a. Zawlbuk tualah chuan naupang ho awmtual mei chu alo la vam ham a, rei lote an inhem zawk a. Chutah mite sawi ṭhin thawm chu a hre ve ta tlat mai le.....!



Thawm lo chhuahna lam chu rang takin a hawi vat a, mahse eng thil mah a hmu der lo! Thawm chu a reh zui lehnghal hmak bawk si, Chutah a ṭihawm tur tawk hian thli te chu a thaw ta seng seng a, hnah ro te chu khawlai dungah a chhem kal ar ar a, chung thawmte a ṭihawm viau ta ve ang le! A hma aia uluk zawk chuan thawm chu an ngaithla a, mahse thawm rawn chhuak mai a awm leh rih si lo. Rei vak lo hnuah chuan thawm rawn chhuahna nia ahriat lam kha thawm dim tak chung chuan a pan ta a. Chutah le, khawlai a ri deuh dup dup ri chu a hre chhunzawm nghal a. Charchhawn thler lam niin a hria a, a pan zui nghal a, chutihlai tak chuan thla chu chhum dum hian a hliah ta tlat mai! Vanvarah kawng chu a hmuh theih riak ruak chauh a, charchhawn veng a bung lian hnuai chu a thleng phei ta. Bung lian hnuaiah chuan Thanpuia chu an ding leh ta vang vang a.






Pasalṭha Selzama leh Zamkunga pawh chuan arkai den zana an khaw tiralṭi tu chu fiah ngei tumin an chang ve kar a. Mual veng lamah mi inhnuai biru lai si ah an ṭhu dun reng a. Anni pawh chuan zan rei reh tawh taka thawm ri deuh dup dup kha an hre ve ngei a, mi inhnuai bel zelin Charchhawn veng lam chu an rawn pan dun ta ṭhem ṭhem a. Chu an khaw tiralṭi tu chu fiah ngei an tum a, thah mi a nih phei chuan an khaw ralmuanna atan dahṭhat hmiah mai an tum a ni, chu chu pasalṭha te zia a ni ngei si a.



Thanpuia chuan bung kung lian chu aphen deuh a, chutah thawm rawn ri phei dup dup chu a hre leh ta, a boruakin a zir bawk a, a hlauhawm duh dup dup khawp mai. Chiang fahran chuan thawm lo chhuahna chu chiang zet hian an en a, a thil hmuh chu mak a ti hle mai...! Hmeichhia ni ngeiin a hria, a letling zawng hian a lu lei vit zawngin a rawn sawt phei ni mai hian a hria a. Chutah a taksa chu puan in khuh thei hek lo le, alang var sur mai hian a hriat a, thla eng rei ruai chuan a rawn chhun ve bawk nen...mak tak a ni. Thla pawh chu a rawn eng ṭha ve leh deuh ta a.Chutah lu lei vit zawng zel chuan a rawn sawt kan ti dawn nge ni a rawn ri phei dup dup zel a. Chu thil chu Thanpuia chuan hmeichhe zing buh deng, hmanhmawh lo taka deng bauh bauh nen a tehkhin hial a, a ri awm dan chu a awm ang viau bawk si a ni.Thanpuia lo channa chu a rawn thleng ṭep tawh mai, chu thil zet chu zanrei thla eng raih hnuaiah chuan hmuh a nuam fahran lo a ni! A inring tawh ngang mai, chutah chu thawm rawn chhuahtu chu a rawn hnai zel a......Zan lama hram chi thawm pawh hriat tur a awm ta hauh lo mai le....amak hle a ni...!




Vawi leh khatah a tawp lehta hmak mai! Chu thawm rawn chhuahtu chu a ding ta hmak mai...Thanpuia inring tawh lutuk chuan a nghak rei tawh lo, chu hmeichhia ni ngeia lang chu a pan phei ta thut mai a. Chu thawm rawn chhuahtu chu a hmel a hmu chiang thei lo na a, hmeichhia ni ngei chuan a hria a, thawk leh khatah a va bawh ta thut mai a! An inchai chu a ni nghal mai! Rin ang a ni hauh lo, chu mi chu alo chak hle mai! Mihring pangngai tha a ni ta hauh lo tih chu a hre nghal mai reng a, chu hmeichhe kawchhungah chuan eng emaw hi a lut a ni chiang mai! An han inchai tak tak chu an inleh thal zak zak mai a, thawmhnaw mumal pawh an inbel tawh hauh lo mai. Thanpuia chuan a lehthal ṭhin tak na a, chu hmeichhia chu a chak em avang chuan a lehthal ve leh nghal mai ṭhin a. Thanpuia chuan chu a hmeichhe buan chiam hmel chu a hmu ta zeuh zeuh a,.... E khai aw....Lal fanu Saipuii a ni!




Thanpuia chuan a thlah dul ta hret a, chu ve leh hmeichhe thahrui a ni tih hriat tak hian a bin zui nghal mai a, Thanpuia chu a tla thum ṭawk a, chu tah chiah chuan Saipuii chu mihring pangngai kal hian a rawn kal ta, a mit meng erawh a var vek thung a,mit mu dum reng a nei lo. Thanpuia chuan a hmel leh taksa chu Saipuii ni mahse a kawchhungah thil dang a awm a ni tih a hre ta a. Rang taka ding chhuak lehin a bawhthlu lehnghal a, chutah le ...tha tawp chhuahin a bawhbet leh ta.. a nghawngah chuan a rek ta a....rei tawk fang a reh hnu chuan a thi ang tih a hlau si....a rawn khuh bawrh bawrh a....


" Tu nge i nih? Engvanga mihring kaw chhunga lut nge i nih.....? Chhuak nghal rawh...?" an ti a, Saipuii pawh a chau ve ta deuh a niang, A thaw ta hlawi hlawi mai a...tin, a mitmeng pawh chu a rawn inthlak ṭial ṭial a..


" Kan chhuak ang...kan chhuak ang, Taitaw muala bung liana cheng kan ni, i huaisenin i chak hle mai, kan ngam lo che a ni....Pasalṭha hmingthang tak ila ni ang, bung huai hian kan ngam lo che a ni..." hmeichhe aw ni miah lo aw thum chhir chher chuan a rawn ti ta a.


" Tunah chhuak rang rawh u," tih pah chuan Thanpuia chuan Saipuii chu a sawi ta nawk nawk a. Thli lum hi a rawn thaw huk huk a.



Saipuii chu a zal tial tial a, muhil ang hian a awm ta a, chutah chuan Thanpuia pawh chuan a thlah ta a. A ngaihna a hre lo kher mai! Engtin nge a tih ang le.... an inchainaah khan a puan bih zawng a inhlim tung mai a, chhawrthla eng a an thlir chiang chu a mal te lah chu saisu duhtawka kheh no ang mai lah ni, a thlir vawng vawng a. Chutah a harh chhuak thut a, a puan chu a chhar a, an khuh ṭha ta a. An inchai nasat tehreng nen a bul vela mite an harh miah lo chu a mak a ni. Eng tizia chu ni maw?




Chutih lai tak chuan Selzama leh Zamkunga chu an tawmna aṭang chuan an rawn chhuak ta a. Aw an han thian kharh kharh a, chu veleh Thanpuia chu an hawi chhuak nghal vat a, thla eng hnuaiah chuan a pa Zamkunga te an ni tih a hre thei nghal a.A thla a muang huai huai a!



" E khai aw! Pasalṭha chu i va che rang ve! Kha kan khaw buaina i lo chingfel der a ni maw!?" Selzama chuan an ti a.


Thanpuia chuan chhan ngaihna reng a hre lo....! A hawi a hawi a, chutah a sam tla hnuang chu an zial ṭha a.


Zamkunga chuan, " I ṭuan ava rang bik ve le....Thante, hei keini pawhin kan lo chang ve reng a, i ṭum a fuh hle a ni.... a tu chu nge ni reng reng a..!?" an ti a.


" Pa Zam, a mak tak tak a ni....Lal fanu a ni tlat..!" Thanpuia chuan an ti a.


Chutah Selzama leh Zamkunga chuan, " Eng tin a, tu maw....tu a ni...!?" an ti rual ṭhawt a.


Thanpuia chuan Saipuii mal var lo lang khuh ṭhat leh pah chuan, " Lal fanu Saipuii a ni!" an ti dam thlap a.


Chutah Selzama te pahnih chuan an rawn hnaih a, an han chian ta a. An chek dun tlak tlak mai a, mak an ti hle mai.



" A harh mai chuan ka la ring lova, ti teh u, A mah hi zawn chho ila, Lal in chu i pan phawt teh ang u..!" Selzama chuan an ti ta a. Chu chu thil tih tur ni awm reng a ni.An in enkual ta ṭham a.



" Kan pawm chho mai a nge, a rit love!" Thanpuia chuan a han ti a, chutah zo takin a pawm ta nawlh a, Zamkunga chuan an thlek ha mai a, Selzama chuan hma an hruai a a laiah Thanpuia chu Saipuii pawm chung chuan a kal a, a hnung berah Zamkunga a kal thung a. Lal in ln lam chu an pan ta ṭham ṭham a. Selzama pawhin 'engtia thu han thlen chi nge ni ang aw' tih leh , Lal Lalbula chuan engtin ngai ang maw!? tih chu a ngaihtuah ru rauh rauh a.He mi zan ber khera an thawm khaw miten an hre miah lo chu thil mak a tling hial awm e.




Rin loh leh beisei loh takin Lal in an hnaih hle lai chuan Lal inchhung mei chu ala eng tlat tih an hre thei a. Chutah sumhmun an thlen chuan Selzama chuan aw an thian a, Lal luhkapui chu an rap ta a, Lal inah chuan an la meng tih hria in luh an dil zui ta a.


" Lalpa in la meng em? Hei rawn luh lawk kan va duh ve le, rem i ti em ang chu maw!?" Selzama chuan an ti a. A sawi zo hman lo, Lalnu chuan tlengrel chu rawn nam tlengin,


" Eng thil nge...!" a sawi zawm tawh lo, a fanu Thanpuia rawn pawm chu an thlek a,


" Awi Saii.....Saite......!" tih leh ṭah chu an rual nghal a.


" Zeng thil nge thleng ta a....! Rawn lut phawt teh u!" Lalbula chuan an ti zui a.Serzawl Lal hian fa pahnih chauh a nei a, Saipuii hi a upa zawk a, a chhang Saiṭhuama ala awm a, a ni hi chu ala nau deuh a,thingnawi fawm rual kan tih ang hi a ni awm a.




Lalnu chuan a fanu pang chu an dek vel a, a thi ta riakah a ngai a. Chutah Thanpuia chuan, " Ka pi, ala thi lo ve, a muhil a nih hi!" an ti a. Chu veleh hmuh theih hian Lalnu hmel chu a inthlak nghal a, lawmna leh hlimna chuan a rawn tuam a, mahse a rei hauh lo, Lalnu mitmeng chu a pha dui mai a.





Chu mitmeng pha dui mai Zamkungan an hmuh chuan he thil, an fanu chunga thil thleng hi a hma in an lo hre lawk tawh tih a hrethiam nghal mai reng a ni. Thanpuia chuan Saipuii, nula hmelṭha tak, chawnban mawi tak, aw tliang mawi em em mai chu khum lamah a va mut ta nghal a, Lalnu chuan a zui vat a, Thanpuia chuan an siam rem vat a. Lalnu chuan a fanu duat lai, arkai den zan apianga bo ṭhin, a hmangaih em em chu an khuh ṭha sawk sawk a. Thanpuia pawh chu a pa Zamkunga te awmna lamah chuan ava phei ve ta a. Lal chu tapah chuan mei hnung puak zawngin a lo ṭhu a. A hmelah chuan lungngaihna thuk tak a pai tih a hriat theih a ni.





Selzama chuan thil thlen dan engkim mai chu alo sawi dap dap a, a sawi zawh hnu chuan Lalbula chuan chhuat lam chu an bih ngar a.


" Ka pasalṭha te u, hei thil thlen dan engkim in hria a, zah theih leh thup theih ni ta hek lo le, keini pawh hian ka fanu chunga thil thleng hi kan hriatna ala rei hauh lova. A tihreh dan kan hre hauh si lo, rawn che u hi duh viau mah ila Lalnu hian a zuam ngang lova, kan heti ta anih hi...a zahthlakin a hrehawm hle mai!" an ti chuai raih chu a khawngaih thlak hle reng a.




Chutah Zamkunga chuan aw an thian kharh kharh a,

" Lalpa, zanin hian hei kan tlangval( Thanpuia an melh a)huaisen hian engkim a tireh ta vek a, U Selzama sawi ang khan keini chu a hmutu mai kan ni a, thil zahthlak leh mualphona tur eng thil mah kan hmu love... hetiang thil hi tuman an sawi zui reng hian ka ring lova, zanin thil thleng kha mi in an hre hauh hian ka ring lo. Kan ṭhian dun chuan eng mah kan hre tawh hauh lova, kan nauva pawh hian a hre ngut lovang! Mahse kan nauva hi huaisen ka ti in fak chu a phu hle in ka hria e...!" a ti ta khauh mai a.




Chu thu Lalin an hriat meuh chuan chawp leh chilh hian a hmel pawh a inthlak thleng ta nghal a. Selzama pawh chuan,

" Ni e Lalpa, eng mah kan hre hauh lo a nia!" Tiin a ṭhiana thusawi chu a rawn tui hnih nghal zat a, chutih rualin Thanpuia chu an melh ta ha hlawm mai. Ani lah chu alo bu nghauh a, chutah Thanpuia chuan,

" Thil thleng ka hre hauh lo mai!" A rawn ti ve ta a.


Lalnu chuan a fanu khum aṭang chuan an thusawi zawng zawng chu alo hre ve kar a.
A thinlung chu hlimna hian a khat a, mualpho a khaw khah a khah a inring kha a nia. Pasalṭha, khaw muantu te zarah an mualpho dawn ta lo a ni. Tho chhuakin a pasal awmna lam chu a pan ve ta a.




Lalbula lawmzia chu a hmelah chuan alang mai reng a. Sawi leh vak tur pawh a hre lo a ni. A nupui lalnu phei chu a thinlung hlimna avang chuan a insut a insut mai chu a ni. Chutah Lalbula chuan,



" Khaw muantu pasalṭha huaisen te u, heti tak maia kan chunga zah inngai thei hi kan nghilh lul lovang. In zara khawsa thei mai kan ni e, tlangval Thanchhinga fapa ka upa min Phirtuala tupa kha i ni ti raw? ( tih pah chuan Thanpuia chu an melh a) I pu i chhun fuh hle mai, mi huaisen tak i ni e. Zing fimah rawn leng lawk ang che aw...!" an ti a.




Selzama chuan, " Lalpa zan a rei tawh a, ṭin kan han hnaih ang e, Ni e, Thana chu a rawn leng dawn nia. Tin hei, kan ram chhung him leh him loh en pahin naktuk lamah kan za hian zan hnih khat riakin Varhva kam vel kan zuk hrut dawn em maw ni!?" Zawt titih, hrilh deuh titih chuan an ti a.







Chutah Lalpa chuan, " E khai! Nang nin ṭul intih chuan a ṭul a ni mai, eng mah ven thawn tur a awm love!" An ti ta a.





Chutah an ni ho pawh chu ṭin zai an rel ta a, Lalpa leh a nupui chu tapah chuan an la ṭhu a, an hmelah chuan hlimna chhiar sen loh a hmuh theih hial awm e.




An haw kawngah chuan Zamkunga bawk chuan, " Lalfanu duh thala han bawhbeh kha ka va chak ve aw....!" Thanpuia hriat tawk leh chuan an ti a. An thum dun hak mai!




He a pa Zamkunga hian ala fiam fo ngei ang.Mi han chhawnchhaih a thiam mai si a. Chutah Selzama chuan,

" Eng a tia in lo thum dun ni..? Thante, i pa chu kan lo hrilh ang a, i pa tel lovin varhva kam zuk hrut teh ang u, " a rawn ti a.




Arkai den zan, zan rei tawh takah chuan an in mang ṭha ta hlawm a. Thanpuia pawh thawm dim takin Zawlbukah chuan a mu leh ta a. A muhil mai thei tawh lo lehnghal. Lalfanu te chu anngaihtuah leh ṭhin! A tal leh sat sat ṭhin. Rin loh kar chuan a muhil ve ta a.....!





Puk pakhat eng kalh maiah hian alo awm reng mai a, Thal alo keng a alo vei vut vut mai, chutah thli na tak rawn thawt ṭhinna lam chu a thal chuan a kap leh zauh ṭhin a. A kah zawh chiah chuan a reh leh hmak ṭhin! Thli natak in a rawn chhem chiah chuan a taksa ah pem a neih belh leh zel mai si...! Thawk leh khatah Thli rawn thaw leh chu ṭek ang mai hian a de ta zawr zawr mai a. Ṭe thawm leh pachang hliam thawm a awm zui a, a hnu rei vak lovah chuan a reh ta hmak mai. Mak ti takin Thanpuia chuan a lo thlir ve reng a, inring taka thalfang, thal hruia chuktuah ran chuan an thlir leh a, thli thawm a awm ta lo!
A sir lamah chuan thing ṭang tliak ri a rawn awm thut a, inher pah chuan an tin nghal a....






Chutah hman deuh a a hmuh hnu Nula tuai tir te ni maia a hriat kha alo ding zan mai a .......




" Eh.....Thanpui, i tan ka hlauhawm hauh lo a nia...!" Thanpuia mitmeng en reng chung chuan an ti a.

Thanpuia chu a inthlah dul ta hret hret a, chu nula ramhnuai puk bul a mi chuan eng tin nge maw a hriat theih le....? Hmanah pawh khan a rawn be tawh tlat a ni.


Chu nula bawk chuan, " Thanpui, bung huai ho chu i chungah an thinrim hle mai! Sih huai an pun dawn a nih kha.... Mahse zam hauh suh ang che...I hneh thei lutuk a nia, kan puih phei che chuan i hneh ngei ang.... Kha hei hi la a, kan puihna i mamawh chuan i lu chungah ilek kang ang a, ' Ka ṭhiante u' rawn ti la, kan lo thleng chawpchilh mai ang...!" a ti a. Chu nula chuan kut zungpui tia vel lungmawi tak hi Thanpuia kutah chuan a rawn hmeh bel a. Chutah thawm ri dut a hre chhunzawm nghal a.....!





Thanpuia chu a harh ta hlawl mai! A kutah chuan lung mawi tak de sep sep thei alo keng reng chu niin, mak a ti hle mai! Thawm lo chhuahna lam chu Zawlbuk kawt a ni a, a lo murei hle a ni, an lo tho fai ṭep tawh a lo ni. A lungmawi chu a kawngah uluk fe in a puan chuan a ven hnan a, a tho chhuak ta a. Zawlbuk bawhbel an bawh liam chu chawilung an lo inchawi siak chu niin, tlangval ho an lo ri laih laih a. An zingah chuan tel ve ta lovin inlam a pan thuai a. In a thlen meuh chuan ni pawh a chhuak ta mai reng a. A chempui chu an la a, Sangchina mi lu lak chem an hmuh chuan eng emaw ti deuh tak hian a awm a, a la chhuak a, chung chempui tat hriam tur chuan tuala lungtat an dahna lam chu tui hmuam ṭun chuan a pan ta a. Uluk fe chuan a tat hoh hohva, chutih lai chuan a pa Zamkunga leh Selzama pawh an rawn thleng chawpchilh nghal a. In chhung lam an pan ta thung a.




Thanpuia chuan a chem chu an nul vel a, a pahnih chuan hriam thawkhat viau chuan a hre ta. A duhtawk ta a, inchhung a luhpui lai chuan a pa Selzama chuan,




" Thana , kan Lal in lo leng teh se, a tih che kha....!" a rawn ti ta a.



Chu thu a hriat rual chuan zan lam thil thleng chu a ngaihtuah chhuak nghal uai uai a . A pa Zamkunga chuan, " Lal fanu kha va melh vak vak lo la!" Thana hriat tawk lek chuan an ti leh a. A nui duh der si lo, a ngeiawm tawk riau ṭhin.


Thanchhinga chuan, " Lal in i ti elo Zama, eng thu hla nge ni ta ngai!?" Selzama melh pah chuan an ti a.


" A....a lawmawm lam a nih ka ring, Lal kha a hlim riau in ka hria," a ti duh chauh va.



Chutia Selzaman an chhan takah chuan Thanchhinga ngaih pawh a ngam leh ta deuh a, a fapa chu an melh a,

" Va kal tawh, mahse Lal bulah te hian amawi tawkin ṭawngkam cheh ṭhin tur a ni ngai a nia!" an ti leh hram a.

Chutah Zamkunga chuan, " E....A ngaihtuah awm hauh lovang...!" Thanpuia melh ralh chuan an ti a.


Thanpuia chuan Lal inlam chu a pan ta a. A hreh ve hle tho mai, zanah khan zinga leng tur khan a ti miau mai si a. Lal in ava thlen chuan tumah inleng an neih loh lai tak alo ni a. Lal chuan lawmthu alo hrilh leh nual a, Saipuii chu tapah alo ṭhu a, a inthlahrun hmel hle mai lehnghal a. Chutih rual chuan Thanpuia a rawn melh dan chu a thlamuanpui hmel hle thung si a. Lal chuan fungki mawi em em mai alo pe a, Thanpuia pawh a lawm ve hle mai. Rei tak va ṭhu lovin a haw ta a. Mak tak maiin Saipuii chuan kaiṭen thleng ar en chhuanlamin an thlah a.
Thanpuia chu an melh vang vang a,


" Ka lawm tak tak a ni, in ramvah dawn chuan vahrit a nung lai ngei min rawn hawn dawn nia aw..!" a ti thawp sat a.


Thanpuia chhan ve hma chuan a inher a, sumhmun lamah a phei ta daih mai! Thanpuia chuan han chhan a tum tehreng nen hian a kalsan daih lawi si. A haw ta ringawt a, thirdeng inah chuan a lut kawi leh a, a thil chher tir, thalfanga hmawra vuah tur chu a lam ta a. Tam tham zet a nei ta, heti hi chuan Silai tel lo pawn duhtawkin a ramvak thei tawh ngei ang. In a thlen chuan tukṭhuan bar a hun tawh mai reng a, Zamkunga te ṭhian dun pawh kha an lo ṭin tawh a.




Tukṭhuan ei lai chuan a pa chuan Thanpuia chu thu ṭha a fah mawlh mawlh a, riah buk a chet dan tur thlengin a hrilh a. Thanpuia chuan ngawi rengin a lo ngaithla kiau va, zawm pawh a tum hle a ni. A pa hi pasalṭha a nih avang hian a ṭangkaipui viau ṭhin reng a ni. A la ṭangkai pui telh telh dawn a ni.


.......... ............ ..............




Chawntui khua a pasalṭhate thu hriat dik miau hek lo le...! An Lal leh pasalṭha ho chuan ro an han rel a, an Silai Serzawl man sak takte chu tlan an tum lo hle mai! Serzawl khua chu meivapa chantir a, a mi chengte pawh salah va man vek an tum ta hial mai a ni. Serzawl khaw run tur chuan an inbuatsaih mup mup mai a. Tlangvalte pawh kal an tum vek hial a, hman ni a Serzawl Lalin a chhuat tak pali zinga pahnih chuan rammu a kal chu an tum ve ta hauh lo! Thudik chu sawi mai an duh viau na a, Chawntui khuaah chuan mi chhia mai an nih avang chuan thihna ani hawt dawn si a, hrehawm an lo ti em em mai a ni.



Pasalṭha Chhunthanga chuan a ṭhian Sangchina phuba chu lak ngei a tum hle a ni. Chhia a chham hmiah mai lehnghal a, thudik hria se eng tin ngai dawn ni maw? Chawntui Lal lah a thinrim hle bawk si, hemi te khaw hnih inkarah hi chuan remthu sawi chu a hla hle ta ve ang le. Heng hunlai hian thuleng dik tawk loh avangin in run ta mai hi engzat tak awm ang maw!



Serzawl run tur chuan an thawk chhuak dawn ta, Pasalṭha Chhunthanga hovin mi sawmruk chuang mah an thawk chhuak dawn a ni. Tlangval tam tak chuan sal hawn ngei an tum a, an phur hle a ni. An va run tur khua hi an va hneh thei ngut a nge maw chu...!




Pasalṭha Chhunthanga ho chuan tlangval sawmruk chuang mah chuan Serzawl khaw lam an pan ta.! Varhva lui aṭanga luh chhoh a, leh luh an tum a, varhva lui chu an pan ta mup mup mai le...!



............. .............. ..............


" Zama, hring han hnawl rawh le" Selzama chuan an ti a. Zamkunga chuan silai mu ruak , zen chauh thun chu khaw lam hawiin a hmet puak ta a. Kal zai an rel ta a, Zamkunga chuan bel lian zet hi a keng a, a hnawk a ti ṭan viau ta mai, Thanpuia chu a melh leh zauh ṭhin. Selzama lah chuan ken chhawk ta nge a ti lem lova, leido khua an neih tawh avang hian an fimkhur hle reng a ni.


Varhva lui dung leh tlangkham phei vela ramvak tur chuan Selzama, Thanpuia leh Zamkunga te chu an liam ta a..


Thanpuia zing len hlan khan a pa bulah ramvah kha an lo dil fel sak diam a, Thanchhinga pawh chuan alo hrethiam hle a, a fapa hi pasalṭha kaihhruaia kaihhruai a hun ta takzet a ni tih a hria a ni. A awm ve chuan an hrual na hreh dawn si a. Eng kim a zir ve a la ngai si a. An ramvahna tur a thui tham si a, thawm dim deuh tak chuan an kal ta ngat ngat a. Rei lo te te an chawl tih mai loh chu an khawmuang lo!


Ni suk chenvel a nih chuan varhva kam chu an hnaih ta hle a, tlangkham phei lu lamah an awm tawh a ni. Tlangkham phei a kawrte kamah riahbuk sual mai an tum a ni. Riahbuk sualna tur pawh an hnaih ta hle a, kawngah chuan rawnal ai ṭha deuh Thanpuia chuan a hmu ta a. A peng ta zeuh a, thawm dim tak chuan ava sat ta a, thawm dima a inhriat tehreng nen Zamkunga chuan,

" Lovah i tum elo?" A la rawn ti zui a. A zak hle nghe nghe a ni.


Riahbuk sualna tur hmun nuam deuh an thleng ta. An han innghat fel a, an che ta sang sang mai a. Selzama chuan Thanpuia chu che fel hle hian a hria a, a lawm zawng tak a ni. A ni lah chuan fapa a nei der si lo!
Riahbuk thing tur an fawm pah zel bawk a, an vawm khawm ta thur mai! Harsa lo takin riahbuk an sual zo ta a. Thanpuia chuan a thal tur a siam ta malh malh a, Selzama te ṭhian dun chuan an thlir reng a. Awlsam te uluk fe chuan a siam zo ta a. Thalfang an siam leh a, ṭhahnem tak chu a siam zo leh a, a iptepui an dap rak rak a, fei ki bar ang taka a siam chu an phawrh a, a hmawrah an vuah a, thirdengpa in thir uluk taka sin taka a siamsak chuan an phuar zui ta thlap a.



Ni tlak hma chuan vahchhuah chu an tum deuh a. Selzama chu ngaihṭhat loh rukna riau hi a nei a,thli beng zawng chuan rim danglam a hre leh ṭhin in a hria. Mahse, eng mah a sawi lem lova, chutihlai chuan Thanpuia chuan kan bul vel hi kan chian chhin ange tih pah chuan an kal kual a.


An piah deuhah chuan Pasalṭha Chhunthanga ram han chuan vel chuan thawm a hre ta a. Hringmi thawm ni ngeiin a hria a, va chian a tum ta a. Thawm dim tak chuan a pan hnai zel a, chutah lungchunga tlangval inzo taka per kai nalh nalh hla deuh taka mi chu a hmu ta a. A silai chuan a tin ta vang vang a....



Thanpuia chuan, " Ka dinna hnuai chiah hi kham a awm a nih hi!" a rawn ti lang lang a.


Selzama leh Zamkunga chuan an thlir dun reng a, chutah le...an piah hla fe aṭang chuan Silai a puak ta dur mai!


Thanpuia ding lai chu kham lamah chuan a liam zui ta.......



( A TAWP TA)

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)