PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 10:07 pm

THANGHRIMA 25

.. ZANIN CHU A TAWI DEUH, A BUAI NUAIH ANG.
... Sialhawk khua an chhuahsan meuh chuan Thanghrima chuan ngaihtuahna thar neiin hah khat an kal ṭhamṭham hnu chuan ṭhu chawl te te in, Ṭhianteu hei kan hriat ang in Ṭul zuallai nun kan hmang chho dawm ṭan chu ani der a. Favang awllen lam ah Khawchhak tlangdung hrut kha hawi mai ta ila a fuh angem, Tlangval a pumpa hetia vah ṭhuau ṭhuau reng ngawt mai pawh hi thil ṭhaber niin a lang lo. Nang i hmun ah kei ka hmun ah tih a ṭha in ka hria, engpawh nise heta ṭang hian Mualmuam lam pan ding phawt ila Awllen lam ah Mualnuam bawk kan pan khawm leh mai tur lah ni chuan ti charh charh in, a ṭha khawp ang an rawn tih tliar tliar tak ah chuan Mualnuam khua in pal thlen phawt a ṭul anih chu tia Challiana rawtna ang chuan kal siam leh tauh tauh in, Lianmawia leh Phirthanga pawh Tlangnuam khaw lam hawia in her in, in tlawh pawh ngei tura in chah chung chuan an im vai liam ta lauh lauh a. Thanghrima chuan kha, Phira pui kha a ṭawng bauh bauh nang a, thahrui angah khawp ang le. Lianmawia tan kha chuan a hlu ve viau ang mihring te hi mahni mai a awm tur leh tal tura siam kan ni lova, in mamawh tawn vek kan ni miau si a, keini ho pawh hi hei kan hriat ang in Khawkhat a ṭanga rawn pen chhuak kan awm nual mai a, in vangkhua in lawi hun ah pawh hrui hrualbelh bawm ang tlat in awm ula ka duh ani. Tin, tuman kan chenna hmun kha lova pal suh ang che u, kei mido zawng a maw ka pawi khawih zawnga in awm duh anih chuan kawng a in hawng reng bawk. Mahse in hriat tur chu min do anih ro ro chuan hliam tuar tawk lek ni lovin ka thih ngei ngei na tur in kut min thlak dawn nia, a chhan ka hliam chuan dam hun a nei anga, ka thah ngei dawn che u a vangin an ti zui dap dap a. Phurliana chuan thutak ve khawp mai a a rawn tih khauh tak ah chuan nang phei chu i te si, mi that dawn anih chuan ka muhil lai chang ang che tiin Thanghrima chuan ben tumin a kut a lek zui zauh a rang lutuka lo bum pah chuan Satel khawih fuh mai mai chi ka nilo tiin Phurliana chu a nui zui sang a. In fiam nui bawk bawk chung a hmalam pan zel in, Pasaltha Laiawrha Sazuk kah Lu erawh Thanghrima te banglai mawi se tih chu an duhdan ani ṭheuh bawk.
.... Ri vut vut lem lova hmalam pan zel in Phurliana pek chuan khua tlawh lo zawng in i kal rih teh ang u.. khua kan tlawh a piang a mi thah ziah mai pawh hi ka kham ve zozai tawh tia rawtna neih chu an nuihpui zui ham ham a. Ni ve tho mai tia Taipui phun sup chu nuih ham ham in, a ni nga na an in chhir thlen meuh chuan Mualnuam khaw ram chhung an in pal lut ta hram a. Khaw ramri Perh an tarna ah chuan ṭhu chawl vang vang in titi an vawrh laih laih lai chuan Challiana chu a ding chhuak leh ta hluai mai le.. ngawi zui ṭhap in Challiana chu an melh rawn ṭhap a. Zawi thawp sat a ṭawng chhuah pah chuan mi panga ai chuan an tlem hauh lo. Kan lam pan an ni tlat. Kan khawlam a ṭanga rawn kir emaw, kan khaw mi leh sa pawh an ni thei kan lo awm lang mai dawn nge kan lo in saseng dawn tiin Thanghrima chu a mitmei chuan a rawn pah zauh a. Nangpui hi chu aww chhe ve hle mahla i ṭangkai em mai ka ti Hmeichhia chu nila ka Thai a tan ka sawm ngei ang che tia nui sawn sawn chung chuan Thanghrima a tawlh ngai lo kan tlan lo ang mahni ram chhunga tlan duai duai rual kan nih loh hi tih pah chuan hmeichhe aw ri ang tak chhuah in a ṭe zui ṭhawt ṭhawt a. Kan Val Upa tia an koh fiam ber KAPNAMA chu rawn nui sak in mi aw chhuak zir thiam em em mai anihna chu a rawn hmang ta, hmeichhe thlabar au thawm a nih lohna remg awm lo chuan a rawn ṭe tha ṭhat ṭhat mai le.. midang ho lo nui hluah hluah chuan a ti ang zual sauh si. NGUR khaw lalpa leh a ṭhuih hruai te ho chu ding zui chaih in, an in melh kual zui hrek hrek a. An pasalṭha BAWHLIANA chuan lalpa ti khan phen tur rem chang lo zawng tawh u ka zuk chian ange, an thawm ah chuan an tlem hauh lo. Mahse hmeichhe mangang ṭanpui ngai au thawm chuan ka beng a luh tlat si.. NGUR khaw lalpa NGURBAWNGA chuan a Pasaltha chu kheuh in khawlam ah i kir zawk teh ang nang leh zel chan che chu ka zuam tawh mawlh lo tiin a Pasalṭha chetlak tum chu a chelh titih ta mai a. Bawhliana chu nuisak in lalpa min ngaihtuahsuh tih sap pah chuan thawm dim zet chuan a pen chhuak zui thauh thauh a. Thawm nei map lova hnaih zel in, a thil hmuh chuan a ti hawihai chiang kher teh e..hmeichhe ṭe thawm ang tak kha a hre ngei si, tun ah lem mipa hlang ruak tangkawng in Lui ah an lo ṭhu thluang duai hlawm bawk si a hawi kual zak zak lai chuan Misual an damrei ngailo, keini chu kan damrei dawn tiin an rawn zai rual ta dual dual leh nghal a. An lalpa in a sawi Thanghrima leh a hote chu an ni ngei ang tia tawlhkir a tum lai tak chuan Pu a, lo chhuak tawh kan fiamnmai mai che u nih kha kha i kiang lawk a kha an bih reng che nia tia Thanghrima au lang lang chuan Pasalṭha Bawhliana chu hawi tir zawk in, a ding leh vei ah chuan a mi veh mek te lam in an lo tin reng tawh tih chu hmu nghal in, Thanghrima leh a ṭhiante in ni ngei ang maw a ti hul zui hak a. Ni dawn ang hmiang i ṭhiante kha va ko tawh kan khaw hmelma in nihhmel lem loh bawk a min rawn pawh rawh u tiin Phurliana bawk chuan a au zui lung lung a. An piah maia thinphu dep dep a awm Ngur khaw lal leh a ṭhuihhruai te pawh thaw huaiin zawhna erwwh an la kawl tho hmeichhe mangang na tuar ṭe thawm kha an hre ngei si khawnge nita ang le.. chu zawhna pai ṭun chunga pen chhuak in Thanghrima te ho chu an pawh ta thuai a. Mipa hlang mah nise zak map lova Tlangval rual, Saruak tangkawnga an awm suau suau kiang ah zawng Ngur khawlam chu an mawng a nghet mawlh lo. Nuihza ve tho si nui duh si lova ner suk suk chung chuan lal Ngurbawnga chuan Pasalṭha te u in puan veng mai teh u khaw hawi in ti nuam lo a nia ati ta nge nge a. Thanghrima ber ni a an rin Phurliana lam chu melh in a zialo em mai an ti leh ngawt a. Phurliana chuan nui hak hak chunga lal Ngurbawnga chu hnaih in, Mualnuam ram ah chuan engber maw in va beisei a, chin biha lal meuh i chet chhuah chu ka ring hauh lo tiin an meng kal ralh ralh a. Thanghrima i ni ngei ang maw.. Phurliana chuan a kut lo vaiin, a teuh lo Thanghrima ang chuan min hmu lul lo teh kan in ṭhat hleih mah mah tih pah chuan Hrim lulawk lo hnai teh tiin Thanghrima leh Taipuia lunglian lutuka hnung in nawh sak kual vel lai chu a au zui thuai a.
... An zing ah pawh pate ber chawrche bawk si, hmel chhuantur nei bawk silo ber kher Thanghrima ani tih an hriat chuan Ngur ho pawh makti leh awih loh hmel taka ner sam sak in Thanghrima chu an melh rawn ṭhap a. Enge nia tia a puan ven paha an kiang lo hnai mek chu lal Ngurbawnga chuan zahder thiam taka lo bia in, Mualnuam khua an pan chhan leh Pasalṭha Laiawrha a awm ngei ringa pan an nih chhan te, Laiawrha awm tawh lo thu in a den mek laia Thanghrima chan chin an lal leh Upa te kâ a ṭanga an hriat dan te sawi dap dap in a tawp khar nan chuan Pasalṭha i puih kan ngai a ni. kan buaina min chinfel sak anih ngat chuan kan lawmna a sang khawp ang tiin awihawm tak leh puih ngai tih hriat tak chuan Ngurbawnga chuan an buaina chu a sawi zui kauh kauh a. Thanghrima chu ngawi vang vang in, ummm mahni lu kan zuar dawn tihna chu ani leh phawt mai ah, lawmman tur lam te a ti ta khauh mai le. Ngurbawnga mitmeng pawh rawn danglam zawk mahse rang taka insiam ṭha leh nghal in, ka vangkhaw zalenna tur anih phawt chuan Ro leh thil hlu te chu ka ui hauh lo. Kutbeng chuan in kir hauh lo ang a ti zui fak fak a. Pasalṭha tam tak ten phut let nei hauh lo in, puih ngai te an pui ṭhin tih kan hria mahse kan zing ah hian thi awm tase an chhungte chawm zui na tur leh an zar an zo ve theihna kawng ka ngaihtuah tel angai tlat a mah erawh chu hei khaw lam pan mek kan ni a, Chhungpuinu te pawh han hmuh ve an chakawm tawh bawk nen in tlangzel dawn nge min nghak dawn tiin Thanghrima chuan ṭawng a thlah pah zauh a. Ngurbawnga chu ngawi vang vang in, engpawh nise kan khaw kawng chu in hai lo tur ah ngai ila. Khawlam ten kan chin an ngaichang ve reng bawk nen kan tlang law law anga, kan lo mgaichang reng dawn che u nia tiin Thanghrima nen chuan an in chelh ta chaih a. Thanghrima chuan lalpa lokal lawk teh tia kai fal zauh in i kianga ṭhut hmun rem kha i Khawnbawl min ani em a ti zui sa sa a..aw ni e tia Ngurbawnga chhanna chu buk pui nghat nghat in, ring lutuk suh a mitmeng a vertherna awm saw kha ka hmuh hmaih hauh lo ania, nang chuan i hmu ve thiam lo ang. A mah ring zolo tu tana hmuh chi ani. Ka naute zing ah pawh hian rin zawh loh ka nei ve tho ania thuruk anihchu tia nuisak chunga kal kiang in, Ngurbawnga pawh mi â lo tak ani bawk a nui hawk hawk chunga kir in i va sawi ho mai mai tak tiin Thanghrima lam hawi chuan a kiai zui suk suk a.
.... Ngur khawnbawl min erawh Thanghrima mengfiah lutuk leh fin hmel ker kawr lutuk chuan a awm a ti nuam hauh lo. In ṭhen zui phak in, Thanghrima chuan Sa pel hawng teh ang u. Heti zat chuan kan ran in ei mam pak palh ange tia rawtna siam in ngaw chhung lam pan zel si, khawhnaih zawnga kal si chuan an che zui ta sang sang a. Lo ding lawk tu aw ti sap in, Phurliana nen chuan Ngur ho liamna lam hawi chuan an kir zui ta thuai a. Phurliana chuan mitmei zauh zauh in zawhna mitmeng chu an pe zauh zauh a. Kawh zauh paha hnaih thuaiin thui an kal hma chuan Khawnbawl min ngei mai chuan keizawng kha Pasalṭha kha ka rinloh zawng tak ani. Khatiang mi pamham lutuk hmelchhe bawk si, a ṭawng te lah kha a kal ang zawr zawr leh nghal a, khatiang te kha zawng Pasalṭha Dawntlinga beitur em chuan a rin tlak hauh lo ang. A rohlu duh vang mai mai niin ka hria tiin a ang zui barh barh a. Ngurbawnga chuan Upa RALDAWNA i ṭawngkam kha fimkhur deuh rawh aw.. heng Thing leh mai te pwwh hian beng an nei thei ania, a thuhrim ah khua kan chhuahsan hma a ṭang tawh khan Khualkai Pasalṭha kan lam chhuah a piang mai kha i tawngkhawp lo zel in ka hria, Pasalṭha Ralngama nise a la nau mah mah i ti bawk a. Pasaltha Tlangkhuma nise duh aiin an U hret tawh i ti leh bawk si. Tun a i rawtna awm chhun Pasalṭha Laiawrha lah mual alo liam leh bawk si, nang hi in thup in Pasaltha rothap tak te hi ilo ni reng lo maw kei zawng kha nau kha kan mamawh chhanna niin ka hre tlat a ti ta khauh mai a. Upa Raldawna chu za lo tih hriat taka nui lui hak hak in, lalpa ka lei phu rang lutuk hi kalo veng seng leh lo ṭhin ani e. Kei teh lul hi maw engmah i lak ah thup ka neih loh zia i hriat kha kan khaw tana ṭha tur chu nang hian i hre ber zel zawk e. Keia kam chhuak te zawng vut laka vawih ang chauh in tham ral teh se tiin titi dang ah a pakai ta daih a. Ngurbawnga erawh Thanghrima kamkeu na a vanga ngaihtuahna thar pu in a kal zui ta vawk vawk a. An hun liam tawh chhui kir in tuna hmelma lam chet lak dan zawng zawng te a chhut kai phei chuan a thin ur ru ṭeuh nghe nghe a.
... Thanghrima te pawh kir leh vat in Phurliana chuan Hrima nang hi mi maksak tak zawng i ni e a ti chhuak hial a, Thanghrima chuan ka ṭhian kha aia mak i hriat ruk tura la awm tlat ania, kan zing ah hian rinhlelh ruk ka nei tlat. Ka ro dahna pawh kha in hriat loh in ka sawn leh vek tawh. Nang kher ka koh falna chhan che pawh Khaw khata leng in ni tlat a ti bul hmak a. Phurliana chuan engtin maw i tih Zamawia maw mai mai chuan ka that khawp ang tih leh in lek phek chu a rual ta pek a, nilo, tun ah nilo khua in thlen hun ah a chini bih reng tur ani. Ka chhiatna duhtu lak ah erawh a ṭul anih chuan insum ngai suh ang che. Mahse ka lo thlen hma chu i that tur anilo. Mi phatsan tak tak kher lo mai thei, chu chu thil thleng thei anih miaua vang in ka thawt lawk che anih chu, ka tana nun hlan ngam tak tak chu mi tlemte chauh in nih ka hria e ti teh i va fin ve vat teh ang lem chan thiam kiang ah chuan an ni aia lem chan hi thiam vemai tur tiin a nui zui kar kar a. An ṭhiante pawh thuaiin kar lo ah an in sem darh ta sang sang a. Silai pathum lai an kawl bawk a, hlawh chham tum lo zeta pen chhuak in Mualzawl kal nuam ber tur lam chu Thanghrima leh Phurliana leh an ṭhian pathum te nen an pan ta thuai a. Hma hruai par par in titi a chhunzawm mawlh mawlh lai chuan a mah ber chuan inring ru tia au ṭhawt chu rual in a sir lam ah a zuang zui zawk a. Thanghrima hnuaia duhtawka nun chan zir chhuak tawh rual an ni bawk a, Nghalphusen meuh pawn a tum a fuh hma in an in saseng hman tlat. Thanghrima zuang sawn erawh a zuan kai zawkna Thingtuluang ber kher chu a hawng ṭawih nal tawk lek alo ni chu niin rem chang lo zeta thal hual in, a Lu lam chu awih lam ah a awm vuh mai leh nghal a, a puanven in hlim vek lam ani lo, a Silai ber a paih dawrh bawk si leh a ke leh lam Lungkara a tang tlat bawk nen a dinhmun chu a ṭha mawlg lo. Nghalphusen tep chuap chuap thawm chu a rawn chhuak zui zat a. A kapbawr pir rem em em maia awm chu a dawh te pawh a ang lek lek thei hial a. Chu thil chu Nghalphusen ngei pawn a hai bik tlat lo. Thui pawh an kal hran hma leh thawm an chhuah nat mek laia bei ngam khawp chu a huaisar tawk ang tih a rin theih tlat. Thanghrim tho rawh a rawn phin dawn che ania ti a, Phurliana au vak vak chuan awmzia a nei thui tlat lo. Thanghrima pawh a ke tang phawrh tuma a theih tawpa tal zui laih laih in a mal hliam duhthusama la damlo lam ani kher nen ṭhen sak sak chung chuan Nghalphusen rawn dawk phei leh zur zur chu mu chung chuan alo melh tawp a ka thi awm bik lo e ti chung a meng fiah kaka a awm lai chuan Phurliana pawh a awm mai mai bik lo, a thing lawnna a ṭanga put thla puat in Nghalphusen zawk chu a rawn um zui pawp pawp a. A ṭhianpa tan a nuna hlan hreh lo tih hriat taka au tuar tuar chunga a Chem lek chunga a um lai chuan Nghalphusen chuan Thanghrima a hnaih lutuk tawh tlat, a theih tawpa bawh phei pawp in, Nghalphusen ke veilam hnunglam chu a san pha hram a. Nghalphusen awih tlana hlawm thla tawp mai chu makti taka en in ka va sat na awm ve tih rilru a put mek lai chuan Nghalphusen thinrim hram thawm kar ah Sakei hahum thawm a tel tlat... huhhhh Challiana zawk ni.maw tia khik sak pah chuan Thanghrima Silai tla chu chhar in a lek kawh nghal zat a. Nghalphusen meuh chuan Ramhnuai Pasalṭha pawh alo hlau awzawng lo. Tep chuap chuap chunga a ke hmanga lei hai leng ur ur in, a hma a Sakei lian zet chu phin a tum lai tak chuan Silai puak ri chu rawn chhuak khawk rawih in, Nghalphusen pawh a nghawnga Silai mu sa ver vawr lut vanga pai zui dawrh in a chakna hmachhuana a hawikir leh lai tak chuan Sakei zawk chuan a hrawk hrui zawn ah tak rawn hap chaih in a tlukpui zui tawp a. Thanghrima tang ngaihsak map lova Nghalphusen ngawt ngaihsak lui tlata an buai map map lai chuan Challiana kianga kalve ho pawh lo tlan thleng thuaiin Nghalphusen tlukna piah maia Thanghrima lo tal aih aih chu nuih sawn sawn in tikhan lo mu rak ve mai mai teh an ti duh lek chauh zel leh nghal a. Hlado chhamchak teh mahse Taipuia te ho thawm a la hnai lo nen Nghalphusen chu an teh zui laih laih a. A ngho khap chen dawna lawr kawmvan mai chu chem hnung lama hrut bil te te in, a Til bawr chu an hlep zui hmak a. Challiana sum riat lai ani tlat. Thanghrima rak bengchheng reng pawh kai tho tawh in fiamthu thawh nan teh hmang chung a an rik laih laih lai chuan an piah fe mual ah chuan Silai a rawn puak thangtawi ta tak a. An ṭhelhbik hauh lo tia Thanghrima khisak chu Phurliana chuan hnaih thuaiin, i thih hlau meng pharvel chhiat zia kha tiin a nuih zui tlawrh tlawrh a. Sanghal sa pawh lian zet zet a phawk hlawkhlawk in kan la kal thui lo bawk a, Ramri lui kha i bel teh ang tiin an thiarzui ta tlauh tlauh a. Taipuia te lam pawh Sathar chal ṭha zet zawn chunga rawn lang ve thuaiin Mahni mihring puite Nunna laksak ngawt ai chuan a lo nuam deuh zawk nge an thawm a ṭha mam mam kher mai. Tumah awl tum bik lova phe nghal suau suau in, Thanghrima leh Phurliana bawk chuan rawngbawl lam an chang leh ta. Nghalphusen Lu chu in chawi chhawk chhen hlawm in chutiang anga chal ṭha chu an kut zal ah la tlu hlawm ngai hek lo le anhlimpui em em pawh an demawm hauh loh.
... Zanriah hmeh a tan Sathar sa chu siam zung zung in Lenglen hun awm vel ah chuan puar el euh in anṭhu awn ta dar dar hlawm a. An Sarep lah chu a thau dun hrep.mai bawk nen an urna meipui chu a far alh leh pup pup ṭhin a. In fiam nui bawk bawk chunga an rik laih laih lai chuan Challiana bawk chuan in ring ru tih leh Bilhliana zuan tluk tawp chu rual in, Bilhliana lak ngei tuma Keipui rawn zuang chhuak pawn a tum tak chu fuh lo in a zuang tlang zui zawk a. A va huangtau ve tia Taipuia ding chhuak zawk chuan a veilam kawr kam lama thil phe zawk chu hmu in a hawi rual chuan a Thirtiang chu a khawh chhuak zui zawk a. Sakei pakhat zuang chhuak tur chiah chu Taipuia Thirtiang chuan a lu ah takfuh in lei a den rual deuh thaw chuan Thanghrima a fei nena zuang chhuak zawk chuan a mitmu ah tak mai chuan chhuk chhun pawp in a per sawn zui nghal nalh a. Sakei zal riai riai an thlek dun ha ha lai chuan Sakei thinrim inhrosa thawm na tak leh inbei thawm a rawn chhuak zui zat a. An Chem leh Silai te hum vek mahse pawng bawh ve ngawy chi ani tlat lo. Mei eeng hnuai ah leh nghal Challiana zawk hriat hran a har ta tlat. Khaweng chu nise Challiana chu a hrawl zawk ngei mai, in leh thal tawp tawpa chunga an rikbuan buan lai chuan a tu zawk nge pawh an hriat loh chuan a hrawk zawn ah seh chaih in a thing zui nawk nawk a. An dinkhawm a piah lama Lung deng dawt khawpa thing in, chu Keipui pawh chu nunna reng neilo tih hriat taka zawi zui hnawk in, Challiana rawn pangngai leh in an chetdan a va mak ve a tih thawp sat rual chuan chu Sakei ruang pahnih chu an khu chum chum a, an ruang awmna hmun ah chuan Pangngang dum te takte alo let ngat a. Makti taka an in en tawn zak zak lai chuan Phurliana bawk chuan kha Nghalphusen kha Huaiho sa cbuam ani ngei ang tiang hi an sawi ka hre tawh.. ṭhian Chal i beihpuipa tet zia hi tiin a nui zui hawk hawk a. Challiana pawh nui suk suk in ho tham leh si ve a chak teh lul nen a tih mek lai chuan ngaw chhung lam ah chuan Lungngai awm em em a ṭap rawih rawih thawm alo chhuak zui chuah chuah a. Hetianga ui leh tur si eng ai ah nge minrawn bei lo tura in thunun loh ṭah te zawng ka englo thenna lam asin tiin an ṭap der ve ta a le, tiru kan ṭah ngai tawh lo kha ti a ṭhiante sawm in an han ṭap ta tak tak ale... hmana an patea thi te ngaihtuah chhuak in ṭah zan an hmang ta ngawt a.
MAFAKA KHIANGTE



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:08 pm

THANGHRIMA 26
EDIT MIAH LOH..

Zanriah hmeh a tan Sathar sa chu siam zung zung in Lenglen hun awm vel ah chuan puar el euh in anṭhu awn ta dar dar hlawm a. An Sarep lah chu a thau dun hrep.mai bawk nen an urna meipui chu a far alh leh pup pup ṭhin a. In fiam nui bawk bawk chunga an rik laih laih lai chuan Challiana bawk chuan in ring ru tih leh Bilhliana zuan tluk tawp chu rual in, Bilhliana lak ngei tuma Keipui rawn zuang chhuak pawn a tum tak chu fuh lo in a zuang tlang zui zawk a. A va huangtau ve tia Taipuia ding chhuak zawk chuan a veilam kawr kam lama thil phe zawk chu hmu in a hawi rual chuan a Thirtiang chu a khawh chhuak zui zawk a. Sakei pakhat zuang chhuak tur chiah chu Taipuia Thirtiang chuan a lu ah takfuh in lei a den rual deuh thaw chuan Thanghrima a fei nena zuang chhuak zawk chuan a mitmu ah tak mai chuan chhuk chhun pawp in a per sawn zui nghal nalh a. Sakei zal riai riai an thlek dun ha ha lai chuan Sakei thinrim inhrosa thawm na tak leh inbei thawm a rawn chhuak zui zat a. An Chem leh Silai te hum vek mahse pawng bawh ve ngawy chi ani tlat lo. Mei eeng hnuai ah leh nghal Challiana zawk hriat hran a har ta tlat. Khaweng chu nise Challiana chu a hrawl zawk ngei mai, in leh thal tawp tawpa chunga an rikbuan buan lai chuan a tu zawk nge pawh an hriat loh chuan a hrawk zawn ah seh chaih in a thing zui nawk nawk a. An dinkhawm a piah lama Lung deng dawt khawpa thing in, chu Keipui pawh chu nunna reng neilo tih hriat taka zawi zui hnawk in, Challiana rawn pangngai leh in an chetdan a va mak ve a tih thawp sat rual chuan chu Sakei ruang pahnih chu an khu chum chum a, an ruang awmna hmun ah chuan Pangngang dum te takte alo let ngat a. Makti taka an in en tawn zak zak lai chuan Phurliana bawk chuan kha Nghalphusen kha Huaiho sa cbuam ani ngei ang tiang hi an sawi ka hre tawh.. ṭhian Chal i beihpuipa tet zia hi tiin a nui zui hawk hawk a. Challiana pawh nui suk suk in ho tham leh si ve a chak teh lul nen a tih mek lai chuan ngaw chhung lam ah chuan Lungngai awm em em a ṭap rawih rawih thawm alo chhuak zui chuah chuah a. Hetianga ui leh tur si eng ai ah nge minrawn bei lo tura in thunun loh ṭah te zawng ka englo thenna lam asin tiin an ṭap der ve ta a le, tiru kan ṭah ngai tawh lo kha ti a ṭhiante sawm in an han ṭap ta tak tak ale... hmana an patea thi te ngaihtuah chhuak in ṭah zan an hmang ta ngawt a.
... Ti buai tu dang awm tawh lem lova zan pawh mu chawl diai diai in, Thanghrima pawh a ngaihtuahna kawm in a mu meng zui kar a. Taipuia hnar pawh an ngai neih tlang ta bawk a mut theih loh phah nan tun an hmang ta bik lo. Ngur khaw lam chu ngaihtuah vang vang in a dinhmun kha a him hauh lo a ti chhuak sap a. Muhil vek tawh a angaih Challiana chuan Ngur lalpa kha maw a rawn ti bauh a. Ni e, a khawnbawl khan hnunglam a ṭangin a bei ngar ngar tlat in ka hria, khua lur thuai ila rei rial chi ani dawn lo tlat. Engpawh nise Hlo chu thlo ve leh lo phawt mai ang aw Taipuia nen kan pathuma kan chet chhuab chuan tawk mai in ka hria, Phurliana leh Bilhliana hi zawng khawlam ah an ṭul tawh viau in ka ring. Kan ṭul bawk lonangman hna mi pek kha rawn ti saw saw tu Phurliana chu Thanghrima chuan melh kawk in a nui zui san san a. Rei titi zui tawh lovin an chhing zui ve ta sap sap a. Zingkhua alo var chuan Bawmrang tah pawl nen eirawng bawl nen an buai tlang ve kher mai. Kar lo ah Tuk ṭhuan bawl peih in Tuk ṭhuan killai chuan Bilhliana chuan khua ah chuan zan khat bak riah angai ami Ngur khuabkha pan ran a ṭha in ka hria, min chhiar telloh te kha i lo tum mai mai ange, ka tello chuan i thi ṭhen nawng mai tur asin tiin Thanghrima chu an melh deuh run run a. Thanghrima pawn a ruahmanna neih te sawi zui dapdap in, Bilhliana chuan nui huk chunga chhang in ka tel a ngai a ti nghut a. Phurliana lah ngawi renga kal tum tih hriat taka chaw bar pawk pawk in, a rilru te te chuan ka kal ang ka kal hlan a, ZAMAWIA te hian tenawm alo chhuah anih vaih chuan ka rep khawp ang ti rilru nuap nuap chung chuan Zamawia chu a tukhum lam a ṭanga melh in, Thlahtu a ṭang renga bum hmang i lo danglam bikcha lo nih hi ti rilru chung chuan ṭhuai sawk chak tih hriat tak chuan a melh zui rawm rawm a. Thanghrima chuan a aw thian in a mitmei hmang chuan khap vat lo selang zawng Phurliana hian a mah aia lian daih Zamwia chu a chapchar mai duh dawn in a langtlat.. Chawei a tlak rual deuh tak ah chuan Vaibel an zu zo tlang ta bawk nen chet la zui sang sang in A kal leh tur te tan Thingro te hi kan dah lawk dawn em tia Zamawia zawhna chu Thanghrima chuan a ṭul mai mai lo. Kan thlen tirh pawn engmah awm loh kha intih fel ua chuak vel pawh a ngai lo tih pah chuan kal siam ang aw... Phurh ve pawh tum ila in rwmti leh dawn si lova ka tum lo law law mai ange tiin hma a hruai ta thuai a.
.... Tlangval rual chak ṭha ṭheh ṭhawh an ni bawk a muang mar in aw ti ṭhin bawk mahse an Uigzawn kal leh puat puat tawh a. Sarep phur an nih hriat map loh chuan an liam zung zung hi ani ber a. Chaw chhun pawh fak buai lem.lova kal zel in, Zanriah Chhum hun bawr ah chuan Mualnuam khaw lan theihna tlang chu an in chhir thleng ta hram a. Thlansa zual a reh tak ah chuan kal siam leh in Thanghrima te in chu an pan ding zui ta nalh a. Khual thu thang leh Ar pan chuk zawng alo pun nasa hle tih lanna chu an khaw mi leh sa Thanghrima leh a ṭhiante mah nise khaw mipui khaw lama awm chhun chhun te chuan an hmel en mai pawn an nel lo in, an ṭih deuh hlek tih a chhiar theih tlat. Thanghrima te kawtkai pawh kar lo ah in chhir thleng in Pi Zahngaii pawh Thanghrima te thawm hria in a rawn lawr rang teh e. E khai, ka Fapa min va rawn ṭhawng teh thut ve tia a Nu lo lawm sawk sawk na chu chhang in anih chuan kawt chhuah a ṭang sawn kan rawn lut ṭha leh dawn mi tia chhan pah chuan a tlan chhe nghal zauha. Awiii i bo rei nen i ze ngai bak rawn hawn tur i nei lo ni maw tih bawrh bawrh pah chuan Tuisik te chu a sem zung zung a. Ka Pa hi lal in lam ah em ni tia zawhna a pek lai tak chuan Tlangkam aṭanga an thlen thu lo hre tawh an lal Ngurliana pek chuan Pu Zakapa chu rawn pua in a rawn nui zui huau huau a. E khai ka Nauteu in ṭha tlang maw tia an lalpa zawhna pek chu Phurliana chuan lalpa kan ṭha tlang e, Thanghrima hmel tih loh chu tia lo chhan pah chuan Pu Zakapa chu a lo dawm zung zung a. An lalpa ber pawh Pasalṭha ralhrat lo ni ṭhin kha ani miau mai a, nuih hak hak chung chuan a khai a, ka Pasalṭha hi a hmel hmai ah pawh sawisel tur lai reng kalo hre hauh hlei nem, hetiang hmel hian chi an thlah duh zek asin tih pah chuan Taipuia kiang lam chu hawiin a ri zui hlut a. Sazuk ki zar mawi danglam tak a ṭhian Pasalṭha Laiawrha'n a nun a chan phah na ngei mai chu lek kang in, midang zing a ṭang chuan a kal fal zui nalh a. Thawm reng chhuah lova lalpa phun sep sep an thlir lai chuan Kawlkil ah chuan nasa em em maia kawl rawn phe kual zawr zawr in a ri zui ṭhuai ṭhuai a. Mualnuam lal Ngurliana chu ring em em mai a, au chhuak in Laiawrha hming chhak ngei mai chuan Bawhhla an chham vang vang mai zawng a mi deh dan a dan bawk aniang, Ui bauh chuah chuah chuan rawn zuiin Sazuk Lu chu Ngurliana chuan muang changa ṭhut puiin a kuah zui hlu hlu a. Pu Zakapa chuan Challian kha eng lu nge ni ngai, Nghalphusen lu a va ang ve tia zawhna a rawn pek lam pawh Ngurliana chuan hreve awm pawn a lang rih tlat lo. Muangchanga in chhung lama in sawn lut diak in, lalpa Ngurliana pawh a ṭhianpa a sun nawn na chu a duhtawk ta aniang Nghalphusen lu chu khal in a chal hle mai a ti deuh sek a. Tu kah nge tia zawhna a pek chu Challiana chuan Phurliana tia rang taka lo chhan pah chuan a ṭhu sawn nulh a. Ka kah ani nang a, a hnukchhat tu Challiana banglai mawi teh se tia Phurliana chhanna a vanga rum nghut chunga a theih loh rawn ti tu Challiana chu Pu Zakapa chuan melh in i hmel en ai hian i rilru hi a ṭha phian a tiin a nuih zui huk huk a.
... Feh hawng hnasa lam ten khua an rawn in pal thlen mek lai chuan Chalmawia rual a Zarliani leh Parlawmi te rawn in chhawm haw hnak hnak chuan an Luhkapui vela hriat ngai loh val rual lo ngir khup mai an hmuh chuan an ke pen a tim nghal dai reng a. Chalmawia chuan killam deuha Challiana ṭhu chu hmu fuh vat in, Challiana tiin a phun ta sup a. Taipuia kawngka a rawn kun chhuak zul zul an hmuh leh tak ah chuan thaw huaiin Chalmawia chuan an sawi dik tak zet e. An ṭhahnem ta hle mai tiru le hlauh tur a awm lo e. Mi mak Thanghrima hote an nih khu tiin hma a hruai chhunzawm ta thuai a. Mihrang Val rual te pawn an lam pana Tlamgval pianthiam zet maiin Nula hmelṭha leh duhawm em em mai pahnih an hmaitlang in ang hauh silo, a ṭha zawk han tih dawna duh thlan tur awm thei silo te chu lo melh rawn ṭhup in an kha a chhih zo ta nge an Chikhur thar hmuh chu tlan chak hmel fahran chuan an thlek ngawih ngawih hlawm a..Bilhliana ber chuan Chi a tawlh mai dawn lawm le ti chhuak sup in an ri zui hak reng a. Taipuia chuan rang zeta pan hnaiin, kan lo haw, Thanghrima chu in chhung ah tiin an phur te chu alo lak thlak sak ta thuai a. Chalmawia chuan e khai i lo damṭha maw ka U tiin Chalmawia chu a rawn chelh chat a. Ṭhian chal kha kha i U maw tia Phurliana zawhna chu ni e, enge anih loh ngawt ang, khatin nui nghal ngawt suh tia a chhan meuh chuan ri zui nghal ham ham in, Phurliana lah chuan enge khatia i in ṭawng khalh ngawt a. I eng daih zawk anih kha a let ling in tia fiam pah chuan Taipuia phen ah a zuang lut zui zauh a. In thawm a va na ve, e khai hei ka Nupui hual pawh alo hawng ta tia Thanghrima rawn tho chhuak nalh chu Parlawmi chuan lo beng tawih in, Thanghrima lah nati awm em em a rak ṭhawt chung chuan Hnangaihna ben ani em an ti thawp sap a. Thanghrim khatin midang hmuh laiin che hluai ṭhin teh suh tia a Pa a rawn in rawlh tak ah chuan Parlawmi pawh chuan a dik chiah ka nei duh tak tak lo mai tur che nia a ti palh ta duah pek a. A zak leh si a lai kual hmuhnawm lutuk chu mihrang val rual te chuan Thlir ṭhup in, Pi Zahngaiin phei chuan a ṭhulang ta maw tiin a puan bih alo siamṭha ve ngawt pek a. Thanghrima chuan thutak zawk in, ani hi ka Farnu ka pianpui Zarliani ani e. Mahse lo melh Lungrun lo ula, kha Chalmawia kha in ngam hauh lo ang a tih lai chuan lalpa Ngurliana chuan ka Val upa anih kha a rawn ti khauh a. A ni hi ka Farnu tho ti ila, in hriat vek ang khan ka Nupui a tana ka hual lawk ve deuh chu ania nuisanga in hmelhriat tirna nei zung zung in, midang hriat atana mawilo mah nise Chhungkua ang veka awm an ni bawk a. Parlawmi pawn huat ah la duh lovin, Hmelchhe zun in a phuar ngheh laklawh tawh anihna chu zahpui duh lovin Thanghrima chu alo zai ralh ralh a. Phurliana hawi kual chu aner ra sak sak mai le. Zamawia mitenga vertherna leh Zarliani leh Parlawmi a melh dan diklo chu a hmu hman tlat. Ka ṭhian tana hnawksak zawnga i awm anih ngat chuan e Zamawi ka rep ang che tia lo inseh ruh ngat ngat in, Bilhliana'n a rawn kheuh tawk tak ah chuan harh zawk in kal ila an ti ve ngawt pek a.
... lal Ngurliana chu in huam ve teh mahse e khai lal in em ah chuan kan kut a zum lutuk ange, bak ah in rorel kan ti kham dah ang tia thiam taka hnar in Thanghrima te in ah leh Challiana te in ah chuan an in ṭhen ta phawk a. Phurliana pawh Challiana te in lama kal tum anih vei nen Zamawia ber Thanghrima te in lama a ṭhut ngheh tak ah chuan ṭhut hmun rem zui ve hmak in, Nula hmelṭha eirel ka thlang zawk e tia nuih hak hak pah chuan Pu Zakapa lam chu pan hnaiin Thanghrima hriat phak ngei tur chuan Ṭhian Hrima hi Liidunga i chhar mai mai chu ani em lo maw heti em a unau han in an loh mai chu tiin an titi lui kher pek a. Patawite ngawi mai mai teh fiak ṭhaka Thanghrima aw chhuak chuan rawn zuiin, kei aiin i sang bik lo aw tia Phurliana chhanna pawr lutuk a tang chuan Pu Zakapa pawn thil man thiam nghal in, Thanghrima tana Phurliana hlut tur zia chu a chhut pha tlat. Zamawia pawh Zarliani te mit tlun tum taka che zung zung in, Taipuia erawng engmah sawi lova ngawi renga ṭhu in a Vaibel a pak tual tual reng a. Parlawmi chuan U Taipui Tap lam te hi rawn hnaih ve la ti a a sawmna chu melh zuk in, chhang tange a ti lem hlei lova, Phurliana chuan a vawt ka tilo a tihna anih kha alo tih chuan nui ham ham in Taipuia pawh chuan Nia a lo ti vebauh a. Kar lo ah zanriah bawl zo in Thlengpuia kil theih ni hek lo Changel hnah Phurliana chuan kawmthlang lam ami rang taka la in anbar zui ta laih laih a. Nghalphusen sa rum hmui hak mai leh Buh hmui tak nen an kianga khual kai khaawp Nula hmelṭha awm bawk nen an chaw lem a va nuam em.. Zanriah eikham chuan Thanghrima chu ṭhu ngawi vang vang in, ka Pa Sazuk Lu hi lal kut ah hlan aṭha in ka hria, ka tan a hlut em em rual in kan lalpa hmel a lunglenna thuk tak khan mi vit na tlat . Duh nisela mi chhuh lui thei ngai mai, mahse ṭawngkam khat pawn mi dil silo, a hawn dawna a thlek leh vang vang kha ka mitthla ah hian a cham tlat nia tiin a rilru kap tu chu a sawi chhuak ta hluai a. Pu Zakapa rilrem zawng tak alo ni tih lanna chu Ka Fapa mize chhuanawm tak pu mah suh la ṭhat na lai zawng ilo nei ve ngei e, khai le Taipui mi han pawh teh lal in lam chu i pan rang teh ang tiin a phul ve hlut a. Zamawia che chang ṭha duh map lo hun ṭha zawng chu Phurliana chuan hmuh hmaih hek lo.le, ka Pum puar anuam lo riau mai, Zamawi nang Salu kha pu la lo han zui mai teh kan Nula te hi ka lo awmpui ange tiin Tap killam hawi chu a rual ta hmak pek a. Thanghrima erwwh thil man rang tih tak ah Ka U ka ṭhiana kha lo ngaihsak deuh ula tih leh Salu lak kan chu rual in tirawh Zamawi tiinnan sawm nawn kher pek a. Thim thama Zamawia inswhruh nasa lutuk erawh tun hmu thei hek lo le, a ha a kham thlawn mai mai chu ani e.
... Thanghrima te liam hnu chuan Phurliana chuan Zarliani leh Parlawmi chu ko hrang thuaiin Zamawia an rinhlelh ruk dan leh a lak ah fimkhur tur te a chah malh malh in, min hlat ah awm lo phawt ang che u, Thanghrima tan a mawilo thei tia farnu te thuṭha hrilh ang tak taka titi puiin an in kawm zui ta bawrh bawrh a. Zarliani chuan Phurlian chutiang anih chuan tinge in zing ah in la telh ve reng si tia zawhna a pek chu Phurliana pawh chuan kan la rek fuh tlat lova, mahse misual chu an in thup hlen thei ngailo ania, ka ṭhiana hnangaihte tihnat tumtu chuan ka pawi a sawi tih hria ula, Challiana leh Taipuia leh Bilhliana tih chauh lo chu ring lutuk lo ula a ṭha tiin an zinna ram chan chin an zawh erwwh chhang ṭha duh map lova titi danga pakai puiin Nghalphusen in a beihdan an sawi tak tak mai zawng, Zarliani te pahnih lah chuaj ngaihnawm an ti ngang mai, Nghalphusen makdanglam tak niin a thlawk thei deuh thaw hiala a chhuah te pawh an awih zo vek tawh.. pi Zahngaii erwwh a ruk te a nui ru char char in, inva la â dun tak tiin a mah te chuan alo phun ve sep sep a.
... Mualnuam lal in chhung lam pawh Khawnbawl Upa ho nen ri laih laih in, khawnge kan Pasaalṭha te pawh an hmel hmuh leh titi te pawh hriat a chakawm asin le tia Khawnbawl min ber in titi a rawn thlak tak ah chuan ni awm teh tak e tiin Tlangaupa nang mawng zang ah an tih mek lai chuan lal Luhkapui lam ah chuan thawm a rawn ti ṭak ṭak ah aw tah khan, aw ti khan a hawi dik e tia Pu Zakapa aw chhuak chu bengtun khum hra hra in, Upa min ber chuan a eng tak chu ni maw tia ṭhuthmun thawhsan a, Luhkapui dak chhuak thuaiin a thawm a reh zui daih pek a, a cghuak a piang an ngawih tak zel ah chuan lal Ngurliana pawh tho ṭuih ṭuih in, a eng chu in hria ni maw tia a dak chhuak chu a ngawi ta hmak mai le.. a lal in mawi se a tih ngawih ngawih mahse a dil leh ngen ngan siloh a thian Laiawrha Salu anih mai piah lama Sei fate zinga kawltu awm hauh lo chutiang Sazuk Lu ropui lutuk a banga fel taka lo in tar et mai chu pan chhut chhut in, enga ti nge, enge thil awmzia, Pu Zakap in fiamthu lo tiraw ka ṭhian i lo hmu ve em tiin Sazuk lu chu la thla in, Thanghrima chu melh in hnuk ulh tih hriat tak chuan ka Fapa a ti tawi tak a. Khawnbawl Min nihna tlin tak mai chuan rang taka Upa min chu lal in chhunga lut in, Silai nen rawn pen chhuak in, khai le lalpa i ṭhian Pasaltha Laiawrha hming ngeiin Hlado chham rawh le tiin a kiang zui thuai a. Tlangval ten Lengi run an kai mek lai chuan an lal awfiak ṭhak mai chuan Sazuk hlado ngei mai chu a rawn chham fawn ta hlerh hlerh mai le. Darbu ri fawn hlurh hlurh chuan kar lo ah rawn zuiin lal mual lam i pan ang aw tih angai talo....
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:08 pm

THANGHRIMA 27
.... Patling rual leh Kum lama upa deuh tawh la chak pangngai deuh ho pawn an Zubel pu chhuak in lal in lam chu an rawn pan ta sup sup mai le.. e khai Tlangaupa ka Zupui ngei kha han kheuh hawng teh le..lal Mual lam pan pah chua lal Ngurliana chu a au zui lung lung a. Salu lawm na ropui an nei ṭan der mai Tlangaupa chu tirh ngai lova phe chhuak nghal dawr dawr in Nula leh Tlangval rual te chu lal mual lam pan tura sawm in an haw haw ta luih luih mai le.lal chhungkua pawh bang map lova lal mual mawiin, Pawrlawmi leh Zarliani pawh Phurliana ho chuan lal mual an rawn pan zui ve dawr dawr a. Mual a kur e, kan than a sang zual, kei ang renga Sazuk ki zarmawi kawl awm lo tia lal Ngurliana an zai luah luah mai zawng Pu Zakapan rawn chhu nawn in a ban neih chhun chu a vai zui lauh lauh a. Sazuk ki ropui in chhawp rup in zai an vawr tak tak ta a le, Nu valai lam ten lam bul rawn ṭan in Val Upa Chalmawia ngei mai chuan Khualkai nula hmelṭha Zarlianinleh Parlawmi chu a rawn kai chhuak ta a le... Tlangval ho chawh phur thar an ngai tawh lo. Thanghrima nui bu tlawrh tlawrh a hawi chhuahnleh meuh chuan a nau te ho pawn an lo hrut hniam tawh nasa mai chu niin aw a ṭha Taipuia su ve uih uih chu kawk a a nuih tlawrh tlawrh lai chuan Parlawmi chuan a rawn kai ta chaih mai le.. e khai, e khai, Ka chemte lam mi ka ni lo tia ṭan khawh deuh tui tui in a ter zui at at a. Mai mai chuan tia Challianan a rawn chawi tak lawp ah chuan enge ni na vai, Thanghrimahrima khual tual than khawpa lam khawng ka ni ngai e tiin an bei ve leh ta tak tak a, a hmel a siam chhiat belh bawk, a lam khawng nasa mai si nen tumah lam ṭha thei pawh an awm tawh lo, Ngurliana ber chu ke khai vu vu chunga nui huau huau in, a pum dawm chung chuan ka Fapa tawp teh,ntawp teh ka thi dawn a na lutuk tiin a in dawm ngawih ngawih a. Upa Zakapa meuh pawn hetiang em em a, fapa lam thiam lo han neih mai chu a ti vung vung chung chuan a lo mawngtawlh kual pawp pawp a. Thanghrima lam thiam lo lutuk lam uang a maw ti pawl ho chuan a tih dan rawn zir in, an rawn su ve ta auh auh mai le.. an thawm a va ṭha tak em..an hliam a kai rual fe lai chuan Parlawmi chu thinrim tih hriat tak chuan a ṭe ta ṭhat ṭhat mai le.. nanghian mi dek ngam a maw buan chak loh hmuh in mi hmu em ni tiin Zamawia chu a kawk ta siah siah mai a. Zamawia chuan e he heee.. nang man ani lawmni mi lem kual vel hmasa i zak chai nange, i puantlang dek ngam tur khawpa mitmei, Zamwia chu hlawm zui tawl in, ka hmu vek che Taipuia chu ṭawng duah lo mahse a thusawi ah a ding nghet in dawt asawi lo tih man chiangtu mihrang val rual te chuan chet la nghal suau in, khaw hmawr ah tih chiah Thanghrima kâ a tang chuan chhuak mahse a mitmeng erawh rapthlak tak ani. Zamwia an hrawm chhuah rual rual chuan Ngurliana chuan..khai aw.. rilru hmun khatnpu vek kan ni leh ta tiin thil thleng danglam awm lo ang hmiaha lam tual mawiin Tlangaupa chu a mitmei zui thuai a. Khaw mipui lam pawn rawn zawm vat in, mihrang val rual te chet lakna tumna kawng a inrawlh an tum loh hmel khawp mai. Thanghrima pawh pangngai tak anga langin Parlawmi leh Zarliani nen Chalmawia ho chuan an in thlur zui ve ta zak zak a. Thanghrima lam khawng auh auh lutuk erawh an en liam mai mai thei lo, an nuih pui lo thei lo chu ani e.
.... Zunram kan thiar zawk ange tia Thanghrima pensawn tum chu Parlawmi chuan alo man rang ngang mai chu niin a ban ah vuan chaih in a ṭullo a ti ta tlat pek a, nui chung chuan ka kalsan dawn lo che ti eng ang mahse thlah duh hek lo, a nih tah hian ka inthiar mai dawn mi a tih fiam tak ah chuan a ngai lo kalrawh tia kaiin kalo kal ve dawn ati mauh mai si. Phurliana chu rawn let leh hlawl in a zo tawh, amah in Kham ah a zuang thla daih lawm ka va haw mai mai tak aww.. ka rep ang chu ka ti sin le ti nuah nuah chung chuan Thanghrima chu melh in Challiana'n a ngaihven zui khisuk chunga a tih tak ah chuan Thanghrima pawh ṭha te te chuan a ṭhu ve mai bawk a. Mipui lam pawh ṭin sang sang in Zanlai pel rawk khawpa Sazuk lu lawmna an neih chuan a nghawng na deuh a niang Patling mahni in lam hawia kal zai awl awl an tam em mai. Thanghrima te ho pawh Zawlbuk kai lem lovin in lam ah an in pawt parh ta thuai a. Zing lam ah lal Ngurbawnga beisei na tih hlawhtlin lam chunh chang erwwh lal in lama thlen mai tum chuan ruahmanna an siam ta thuai a. Midang mutreh hnu a, Parlawmi lo chhuah hun nghaka a mut men kar lai chuan Parlawmi pawh a rawn chhuak ta zan zan a a ṭhiante an muhil tak tak lo tih hre chiang viau mahse Thanghrima pawh muang chang lova tho chhuak vat in, a nui ru var var a. A nihna tak ah chuan tumah an muhil hauh lo, an mut mai pawh an ring bik lo hrim hrim, midang mah awm vak hlei lo ti chunga in zui chhuak in Sumhmun thim lai ah chuan an ti ti dun ve ta sep sep a. Parlawmi chuan Thanghrima chu tinhlelh mit menga en chung chuan ka awih vek lo, ka ngen che a piang awle i tih vek khan a ti awihawm loh zo vek. Ka Pa phuba i la tawh a, a tawk tawh mai lawmni nge min thlahlel ve miah lo tia zawhna a pek chu Thanghrima chuan thlahlel teh reng mai, mahse Mipa chuan a manawh tu te chhan na pek chu kan mawh ani ve si lawm, Ngur khua chauh hi ka kal leh ang a bak chu i kiang ah ka awm ve char char tawh ang tiin a kuah ve hla hla a. Damin lo kir tawh lo ta la tia Parlawmi zawhna chu e khai dam e aaa.. Zai a rual ta mai a.. Misual an damrei.. a zai thui hman lo, Parlawmi chuan a kâ hup sak vat in an harh ange a ti sa sa a. Nuih hak pah chuan tumah an muhil lo, muhil nise Taipuia saw a hnar anga, Thlurliana saw a ṭawngvai anga, Bilhliana'n a Hâ a ṭhial bup bup ang an chhe kernkawr hlawm ania tia a chhan meuh chuan Parlawmi zak lutuk chuan Hmangaihna sih ngei mai chuan an sik no hnap hnap a. Taipuia meuh pawn chhe zawt zawt tih leh in leh thuk chu rual in kar lo ah veinei lo tih hriat tak chuan kar lo ah a mu hnar zui kuk kuk a. Thanghrima leh Parlawmi pawh mahni mutna ve ve pan in Parlawmi chuan Zarliani chu a sik nasa teh e. Pu Zakapa chuan a Nupui nita, Zahngaii kiang ah chuan chhungkua kan va ni leh zual dawn tak tiin a mu nui vun vun a.
.... Zingkhua a var a, lal Ngurliana kianga an hmanak kawng zawh tur chung chang Thanghrima leh Phurliana'n an hriat tir hnu chuan duh anga Silai zen leh a mu an ngah tawk loh vang chuan lal leh khawnbawl te chuan sih chhuah liam liam in, naktuk lam ah chet chhuah tum ila tia Tuk ṭhuan ei laia Thanghrima rawtna chu pawmpui tak a titi zui laih laih in, Zarliani leh Parlawmi erawh an lung a awi zan lo tih hriat taka tho deuh nalh in an em an ban dun nghal chat a. An che vel hmulo ang hmaka Thanghrima awm chu an run tawk a tling teh e. Kar lo ah Chalmawia pawn a dan ngai te a rawn sawm leh tawh in Lo lam pan chuan an pen tau deuh sak sak a. Tuk ṭhuan eikham puar atlak fel meuh chuan Thanghrima te in ah Challiana teho pawh rawn chuang kai leh ṭak ṭak tawh in, an Silai zen neih ang ang te chu pho nghal mawlh mawlh in, feh kal an liam na pawh a rei ta deuh bawk a, Thanghrima chuan Ka Pa, ka Nu kan zen te hi min lo ven sak ula, Lo lam ah kan zuk liam ve ange ka U te kha an tum kawh lian em mai tih pah chuan a sahmim ban in Lo lam pan chuan an inchhir liam ta thuai a. Thanghrima te kalliam thlir zui vang vang chung chuan nizan mai ah in ṭhian ni ṭhin Zamawia'n a zin kawng a zawh tawp tihan hre talo maw tih mai tur lah ni cguan tiin a phun sap zap a. Zarliani leh Parlawmi pawh Thlam ah in nghat in an phak tawk te a insaeh ve nghawng nghawng in mipa nih vang a Rammut, Ram chhuah ti ṭuahnhum reng mai in ti pa hlawm lutuk tia ang hlaih hlaih chung a an thlawh hmabak thlo zawm tura in chhawp chhuak in, kar lo ah an titi thlak in zan liamte te sawi kaiin an nui dun har har leh tawh a, hah khat an han thlawh a an din chawlh vang vang lai chuan vei neih loh hmel zet a Thanghrima leh a ṭhiante rawn titi thla lawng lawng chu melh hra hra in, lo be miah lo ang tiin an lo in fuih ve sauh sauh a.
.... E khai ka Chemte in va lo tum kawh nasa ve, in lo in thurual ani maw khatia duh lohrai ang maia in lo ṭhut ngawih vei hman ni in vawih hlauh ange tih pah chuan Parlawmi chu an nawk fiam vel a. An ni pahnih lah an leilaksak ngawih hmak mai bawk si. Thanghrima chu a nui ta ver ver mai le.. khai le.. Lo lu lam a tang khian i chhuk thlawh ang aw a fai sam daih zawk ania tih leh Lo lu lam pan tum ang taka pen chu an rual ta mai a. Chu meuh zawng duat leh uluk taka thlai chi thlak a, dimdawi taka lo thlo hliau hliau ṭhin tan chuan enliam mai mai chi ani ta hauh lo. A ṭullo Thanghrim lo let rawh tia Zarliani a au rualrual chuan Parlawmi chuan Zarliani chu lo pui ve vat in, Thanghrima lah a ṭang lui nasa mai bawk nen ka tum tawh lak lawh ka tum ka ti hlawh tling lo ngai lo ti kual vela an U te a chhaih kual tak ah chuan an hlau thawng tulh tulh bawk si, a nih min thinrim khum leh angen tia a vau fiam tak ah chuan a teuhlo mai tia rang taka anchhan tak ah chuan nui san san in, tikhan lo ṭhu chawl ula, Tuisik te kha lo sem mai mai rawh u tiin an ṭhian ho chuan an han thlo ta tak tak mai ale, Tlangval chak ṭha ṭheh ṭhawh an ni bawk a, an haw haw zui map map a, mipa chakna hnar chu Lengi hlim nuiri tih manchiang tu Zarliani leh Parlawmi pawh rang taka an kara tlazep vat in, lo awlru ti teh mahse awl bik nih tum hauh lo a, an han sir sawn dial dial mai zawng an thawm a na in an hlim a kai rual ngei e. Hmalai chawlh neiin Laksang te la in an nuiring tlang teh e. Fanghma mawng lo in thlawh thui siak tawk kar ah Faifuk hmanga Thlifim lo ko tawk lah bo lo, Hmeichhe pahnih te mai Lo zawng chawhma chhung lek chuan an zo ta mai reng a. Chawhnu her lam chu Challiana u, Chalmawia Lo lama her phei tum chuan thlam an pat ta sap sap a. Vau Luitui in a chawm Maian chawm biang mai hang em em si leh Sanghal sarep bai pawlh tui hang zet hawp chunga duhtawk tak meuh meuh a, an han bar zui tak tak mai zawng an hmuhnawm tlang ani e. In duhsak tawn taka sa ṭha lai deuh te ṭhiante hma a theh tawn zak zak in hei lo liama len lai chen Bilhliana chuan thihsak pawh ka ngan tih fo ai chuan a zia viau hi tia anrawn nui tak huk huk ah chuan a ni khawp mai tiin an nui zui ham ham a. A kham hmasa a piang te lah Thlan namthlak leh Luhka ah te ṭhu thluang in Zarliani leh Parlawmi chuan meiling an han chhuansak zui zung zung a, Lawmu mi han chhuan leh teh tia lo fiamthu tawk lah bo lo nui bawk bawk chunga Chalmawia Lo lama in sawn chhuak in, a ri phei zui ham ham a, awih tlan vel a, Parlawmi te pahnih an chawnvar lang haih haih a an han pen am tarh tarh te chuan Ṭhalenga mit a va ti tlai tak em.. chan phak ve loh pheichheh chhiar in ka kiau riai riai tia Phurliana ber a rawn zai tak ah chuan nui ham ham in an hla ngai bawk, Misual an damrei dawn lo kei chu kan damrei dawn ti leh dual dual tawh in Zau dang ami te pawn kuk chunga rawn raih raih in, Challiana'n hnah an ham ri hlerh hlerh mai zawng Taipuia ber kher chuan i hmui a lian ṭha bawk a, ham thiam hlurh hlurh khawp mai an ti sup mai zawng kawng leh pum dawm meuh chuan an bu tlawrh tlawrh hlawm a. Phurliana nui hnang der kher erawh Challiana chuan a run teh e.
.... Challiana pawn a ngai reng reng lo tiin ṭan lo khawh ve teh mahse nakin a kan ei ho leh vek tur tho alawm tiin phur tak chuan an Challiana thlawh hmabak lam chu pan in chet an la zui suau suau a. Lo zawhni thawm pawh nep rawih khawpa thawm na chhuah chunga in hlim chhuah zel in Zarliani leh Parlawmi pawh Tui sem kual in an han ban ṭhelh fiam thuak thuak vel nen an hlim a va kai rual em, mawilo zawnga khawsa ngam erawh an awm hauh lo, Thanghrima hmangaih te huatzawnga khawsak pawizia an chiang tlang em asin. Feh hawng hmasa lam ten an rawn thawt lauh lauh lai te chuan an phur tulh tulh a maw tih mai tur a ri hluah hluah chunga hmasawn zel in, ni liam hnu fe thlenga an thlawh tak ah chuan tih luihna tak tak in, Chalmawia chuan an tuthlawh te chu a laksak ta sawk sawk a. Challiana chuan e khai ka U laksak suh an tha chhawr theih ve lai anih hi tiin ṭhahnem ngai tak chuan a U chu an lo dang fiam vel bawk nen an ṭheh ring tlang ṭhin e. Hman hmawh map lova in chhawm haw ve laih laih in, Zarliani leh Chalmawia an han fiam rawn ta tak tak a le, Chalmawia lah tlangval Zakzuk tak alo ni bawk nen zalo zet zet chuan heh heh a ti awi tuk tuk a.
.. Thimṭin anih a, kawl a en ṭan meuh chuan Thanghrima leh a ṭhiante pawh Khawchhak tlangdung lam hawiin an in chhir chhuak thui hman hle tawh a. In fiam nui bawk bawk chunga hmalam pan zel in an hmabak ah enge an tawh dawn a, enge lo thleng dawn tih ngaihtuah lawk lo leh lungrual taka hmalam pan zel in fan ngai loh ram fang tur tih tak ah an leh phur phian a. Zamawia te kha hei a hahdam ta phian anih hi a, kawng kal hah ve angai ta hauh lo mai rawn ti bauh tu TAWLHKUNGA chu Challiana chuan melh zuk in a sa a tui khawp asin a lo ti daih pek a. Thanghrima chuan kha kha min phatsana ka pawisawitu chunga zah ngaihna sangber anih kha. A chan tur hre lawka a inti hlum kha a vannei hle ani. Nilo seng zawng ka chan darh khawp ang a tih nang nag lai chuan Phurliana chuan ka rep ang mawle alo ti ve balbal bawk a. Ngur khaw lalpa sawi hmang ah kar ah Zan nga lai riah a ngaih thu hresa vek a kal an ni bawk a an liam zung zung hi ani ber a. Ngawpik tak tak kar ah mumal lo zeta mutna phah kual mai mai chung pawha an hlim em em reng te chuan Vanglai nun an chen tih a va hrilhfiah chiang em..
.... Ngur khaw lal in lam pawh thehmeh ang maia reh ṭhiap in an hma a Pasaltha DAWNTLINGA leh a hote ding khawh lah chu lal Ngurbawnga chuan zamna nei map lova melh let ve sak in, khual ah zinin engtin nge ka chin zawngzawng i hriatvek tih hi hai hian mi ring em ni tih leh rang lutuka a banglaia a Chem thiah chu pawt dawk zawk in a khawnbawl min chu zuan thut in a chem nen a chuk tuah zui hmak a. Nang hian ka hnunglam a ṭang in mi bei ngar ngar tih hai hian mi ring em ni. Pasalṭha Thanghrima kha tawng lo ila chu nang vang hian ka nun ka hlan hial ka ring asin. Dinhmun sang takah ka dah che a, lawm tak a ruanga mi beih nan leh heng mi tenawm ho thurualpui nan i hmang mai hi mak ka ti tawp thei lo. Nang nen hian kan kal rual khawp ang tiin a meng tal zui tap tap a. Pasalṭha DWntling chu za awm em em a nui huau huau chung chuan rang lutuka zuak zawk in, MUKTHANG tiin a au zui ṭhawt a. An beisei loh lutuka Dawntling leh Mukthang che chhuak chuan lalnu leh lal Fapa chu a thu hnuai hman ta tlat. Ngurbawng thlah mai rawh chutih anih loh zawng in i Nupui leh i fapa hian pialral an pan ngei ang. Ka thihna tura thang kam tu lak ah zahngaihna ka lantir beisei suh a ti chang zui khawl a. Khawnbawl upa dangte lah Dawntlinga nau ten an lo thu hnuai hmak tawh bawk nen Ngurbawnga tan duhthlan tur dang reng a awm tawh lo. Kan chhiah khua kan thuhnuaia kun kan thu thu a awm tur in ka do e temin ti khanglang a maw a tih lai chuan lal Fapa NGURAWIA chuan Kapa kha mi tenawm kha that rawh chhuab remg reng suh heng mawngkhak ho thu hnuaia kun reng ai chuan thih hi ka hlau reng reng hlei nem a rawn ti ve ta sak sak mai le.. khanglanga tih paha Pasalṭha Mukthang chem thaw fua chuan Ngurawia chu deng dawt in chem fawng lam nilo seng zawng Pialral kawng a pan ngei ang le. Dim baksak lova nawr chhuak zui nawk nawk in, lal inbul maia Rip an siam ah chuan lal chhungkua pakua lai leh khawnbawl upa ho chu an khung zui hmak a. I Pasalṭha rin em em te thi tur hmel.ilothlir dWn nia, i lal nihna mai niloṭ i lal inchhunga rohlu zawng zawng te nen khian ka ta ani ta. Upa Min Raldawna nui sawi bawi bawi chu lal Ngurbawnga chuan thinrim luat vanga sai dat dat chunga kawk khur ngat ngat chung chuan Chunga bawkkhawpa mi thlir tu Khuanu anchhia chu i chung ah thleng rawh se, Zangkhua zawng in bungbut hun a nei ngai e. Lo ngai reng rawh, khua alo thim a, a eng leh ang hian i nuna lawmna tenawm taka i hlawh chhuah ngei khan Thimna hmun rapthlak ber ah chuan a hnuk lut ngei ang che. Bengchheng tia kal vei ngalh ngalh Upa Min Raldawna chu zuiin Dawntling leh a hote chuan an zui ta hal hal a.
... Thanghrima te pawh lal Ngurbawnga te Rip chhunga an khung zan chiah hian Ngur khaw ramri lui ah riahbuk sual ve laih laih tawh in a tuk lama fimkhur zawka chet chhuah dan te rel in thawm na tak chhuah tawh lovin an ri ve laih laih chauh a. Inbeihna muala hnehna chang ṭhang tih tak ah an thla erawh amuang suai suai in kawng kal chau an ni bawk nen kar lo ah an chhing zui ta thuai a. Thanghrima erawh nidanga a la neih ngai hauh loh ngaihṭhat loh na chuan tuam in a eng chu ni maw ka naute ho zing ah hian min phatsan tum ru an awm chu ka ring chiah silo, khawlam lah ngaihtuahawm an niin ka ring silo, khua ah zan hnih ka riaka ka rilru te ho ano zo ta aniang tia inseh ruh chung chuan in lek thak in, an ni khan nau te hi an lo keng reng te hi niang a, ka Nu hah ngawt ange tih vel ngaihtuah in a khi ang sawn sawn a. A tuk khua alo vara che chhuak tura an im buatsaih mek lai chuan Thanghrima chuan ngawi lawk teh ang, kan hriat ang in khual pang zin satliah kan ni lova, kan pan tur khua hi Mawngkhak ho ten an chhiah khua a an rinluh ani miau mai a, khua ah hian awp tlat tu pawh an awm thei chu vang chuan a huhoa kal vek loh hi a ṭha in ka hria, mi tlemte zawk hian hma kan hruai ang. Kei leh Challiana hi kan che chhuak hmasa ange a tih mek lai chuan Phurliana chuan keipawh le a lo ti ram hmak a. Bilhliana lah chuan min hmaih thei lo ang, Taipuia ding nulh in ngawi reng chuan a kal nghal vawk vawk a. Midang erawh khap thei hram in, TAWLHKUNG nangin rawn ho rawh aw.. kei ni ho hi kan huaisen leh fimkhur thiam bik vang lam nilovin chin kan lo han bih mai dawn ania. Engpawh tawk ila, mawl tak in chet rawn la hlek suh ang che u. Ṭullo taka thih tlaw ngawt hian kawngro a su lo teh ania tiin Thanghrima chuan ro a rel zui leh dap dap a.
... Ban zet chuan Tawlhkunga chuan aw a pawh ta nge nge a. Thanghrima te ho pawn Taipuia chu zui ve vat in Challiana chuan chhe nel nul lutuk, kal chak ropui si tia phun bul bul chung chuan a um zui ve hlawk hlawk a. Thanghrima leh Phurliana pawn rang taka um zui dawr dawr in, hman hmawhna nei ngai lo Bilhliana pawh hnung ah kawlek thai pawl ah rawn ṭang leh tawh in a rawn kal buk buk zel bawk a. Dumde ruang chen awm an um dar dar hnu chuan Taipuia pawh um pha in thawm na chhuah silo chuan titi zui sap sap chung chuan hmalam an pan zel bawk a. a la hma deuh bawk nen Sa tenai deuh chu an phawk tlan zauh zauh nghe nghe a. Tui khawp ang mawle ti sup ṭhin Challiana chu nuih hak hak in, Pumpui lianpa kal mai mai teh mi kamram te kha i tum ngawt ange tiin Phurliana chuan a nam kal dawt dawt a. Ramri lui an chhuahsan na pawh a rei ta niang Talhpuia chu ding chuih in Kam a chhia a ti sup a. Vaibel beng khat an zuk zawh meuh chuan ummmm.. kan chaw pakhat kan hip zo leh ta khawinge hma kan hruai ve tawh ange, saw tlang saw kan veh liam leh meuh chuan khua kan hlat tawh in ka ring hauh lo, chhoh dawm angai dawn ni maw kawng chho ai hi chuan Chhuk lam ka ngaina sin le tiin Thanghrima chuan kal a rual thuai a. A hnung zawngin kalla chhuk hlir i hmu mai ang ti sup tu Bilhliana chu Challiana chuan a ve bauh bauh che hian tiin an nuih hak hak a. Ve khanglang a che tia in tin fiam uaih uaih chunga hmalam pan zel in, duh ai chuan kawng chu a va chep ve rawn ti nghut chu Challiana chu en ṭhap in, kham pang kawngṭum chu an thlir deuh ṭhap hlawm a. Mi pakhat tan pawh a dawihzep tan chuan a te lam mah mah tih tur kawng ah chuan in zui thliai thliai in, Thanghrima erawh a la faifuk hlarh hlarh thung a. Awih bak bahai zual lai an pelh meuh chuan an thawkiar tlang in zawhfo a tan an duh lo tih a lang reng mai. Kha lo kha kawngdang a awm khawp ang Challiana ṭawng chhuah rual chiah chuan Phurliana chu zuang zui zawk in, Thanghrima chu a bawh thal zui pawp a. Silai rawn puak zawt zawt chuan zui nghal in, Phurliana pawh a malpuia Silai mu lut vanga ṭhen sawk sawk in, Thanghrima erawh a Chhipa Silai mu fuhna a vanga engmah hre mova hlawm zui tawp in, Taipuia leh Bilhliana pawh an him bik ta tlat lo. Bilhliana'n a nak hup chunga Ṭhian Chal in saseng rawh nangmah chiah i him tawh a tih mek lai chuan Taipuia pawh a dar a Silai mu lut dawm chung chuan Thanghrima tlukna lam ah chuan a tawlh phei zui zawt zawt a. Phurliana chuan Kham pang kha beh chhan ru tia au tuar tuar pah chuan Taipuia'n a kut leh lama Thanghrima a hnuhna chu a theih ang tawka lo pui ve in, Challiana rum ngul ngul chet chhuah tum chu a kiang hnaia lung awm chuan vawm lawlh in, chet la suh Hrima hi tlan chhuahpui dan zawng rawh tiin a u zui tuarh tuarh a. Silai thawm han duk in, an mahni lo chang tu lam ten Silai an sawh leh lai hun ṭha tawite chu Challiana chuan chuh in, Thanghrima puan ven ah chuan seh kawh lawk in Kham pang kawng chep zet ah chuan a lim chhuah pui zawr zawr a. Thanghrima hian a thawk theih chhung chu a ṭhiante a tlansan dawn loh nen tun ah zawng Thi leh dan kar ah a leng tlat si. A thi nge a dam tih pawh a hriat loh Thanghrima chu Challiana chuan a him chin ni a a ngaih a thlenpui rual rual chuan nghat in, a ṭhian dangte ngaihven tum chuan a tlan let leh nghal pur pur a.
MAFAKA KHIANGTE.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:09 pm

THANGHRIMA 28
...Challiana let pur pur chu ding chawih in Keimi anihna nena che chhuak tur anih vei nen a hmanhmawh luat ah leh a ṭhiante a ngaihtuah luat ah a che sual ve ta tlat. A hmazawna a ṭhiante pathum hmelma ho in an lo phuar mawlh mawlh chu melh ngawt ngawt in, a mah Silaia tinreng tu lam chu a hmulo ta maw tih mai tur chuan a mitmeng chu a nu phut thei a. Phurliana chuan ring taka rawn au in Challian in saseng rawh tiin a rawn au tuarh tuarh a. Challiana pawh harh chhuak thut tih hriat taka kham lama zuang thla zawk in, mihring pangngai tana dam chhuahna chi ni hauh lo awih bung vut mai leh Challiana zuan thlak na hmun hmelma lam Pasalṭha ten an bih meuh chuan Challiana awm ang reng reng an hmu tlat lo. Makti taka thlek vak vak chunga an dah fan vak vak lai chuan Challiana erawh kham chhawr dawh ah chuan Keimi nihna nen kal zawi zawi in Thanghrima a hnut chhiah leh na lam pan chuan a tawlh zui hriau hriau a. Kham kar kawng rem lo zet mah nise Challians tan chuan harsatna lian a tling lo. Hmalam pan thauh thauh zel in, a hma lawka thawm chhuak a vang chuan a ding zui chaih a. Thawm dim zet a Kawngṭum pangngai pawh vat in ṭawng thawm dim zet lo chhuahna lam hawi chuan a hnaih nghal zan zan a. An ni ho chauh kha an ni lo tawp ang, fimkhur ru aw tia Pakhat a phun sar sar lai chuan Challiana chu zuang dawk zawk in, pakhat chu chu beng let tawp in, an zinga hotu ve ber ni awm tak chu a tukhum thlung ah tak mai chuan a hap zui chat a. Chutianga an beisei loh lutuk a, KAWLHAWK val rual ten beitu an tawng thut mai chu an ham haih mai ni lovin, chutiang ang a Sakei lian lutuk tak mai in a beih thutna chuan hlauhna nasa tak in man nghal in, rang teng tung chung chuan khawchhung lam hawi chuan an tlan zui dawr dawr a.
.... Thawm dim zawk leh fimkhur zawka Challiana'n an lo lambun na hmun a hnaih mek lai chuan KAWLHAWK pasalṭha VANTLUNG chuan Phurliana chu lo kuai dak awrh awrh in, nanghi i ni ang maw Thanghrima chu i patet bik dan ah a lang reng alawm i Lu lak nghal mai chak teh mah ila kan Hotupa in dam in khua rawn thlen rawh u ati miau mai sia, duh chuan i Lu hi la nghal thei ka ni asin tiin rum zet chuan a melh kha kha a. Zalo tih hriat taka Phurliana nui tawi tak chu a run tawk kher e. Pasalṭha Vantlunga chu melh in Thanghrima hi nanga thah mai mai theih ka ni lo. Min that pawh ni la, Thanghrima dang nang hmachhawn tur in an rawn lang leh tho ang. Sei fate kan zam ngai lo. Hetia hliam ka tuar chung hian min hmachhawn ngam zawk em Thanghrima ka tlan ngailo tiin Phurliana chuan Thanghrima hming chu a in chhal sak sak a. Taipuia leh Bilhliana lah lo nui huk huk in min han phelh ula ngam ngam chu kan in nuai dawn mi tiin an lo vau ve chhar chhar bawk a. Eng anga nasa leh dim lo em em a an khWih zawt zawt na te lah chu an nuih pui mai mai si. Vantlunga leh a hote chuan mak an ti ru hial tawh zawk a. Tlangval ṭhenkhat erawh an hnung lawka Sakeiin a beih ho kha an ni bawk a an hmel hmai en in an thla a muang mawlh lo tih hriat tak chuan an hawi zak zak reng a. Mahse Silai panga laiin an hum a vang leh uluk taka an ven tlat a vang chuan muan khat chuan an muang ve deuh a. Challiana pawn veh hnaih tum viau mahse hun ṭha a nei thei tlat lo. A beidawng thinrim lutuk chu tawt bawk si chu a hahum ta hem hem mai le. Lei beng ri dup dup in a ha a ṭhial ri rawp rawp bawk nen Vantlunga leh a hote chu an hawi rang in Sakei thawm lo chhuahna lam hawi chuan an Silai a puak zui ṭhuaiṭhuai a. Chu hunṭha chang a Sakeia changa rum ṭhaih ani reng bawk a. Mahse Pasalṭha Vantlunga hi Pasalṭha namai alo ni bik tlat lo. Pathum in Silai an hmeh puah chuan khap nghal in, a inchhawk in Silai an hmet ta tlat. Phurliana chu ring taka au chhuak in, tlanmai rawh tih hla phuah chawp chu a rawn sa ta awl awl a. Challiana erawh a ṭhiante han tlansan ngawt chu a hreh ngang mai. Mawl takin bawh ngawt se a mah ngei pawn a thih phah thei tih a chiang nasa bawk si nen hreh zet chuan a tawlh ta zal zal a.
... Tawlhkung i tlan mai ang u, hmelma ho hian min leh chan ani ngat mai. Thanghrima ber a thi bawk nenmidang phei chu tumah dam an awm tawh hauh lo ang. A la thih loh hi en te che u, a mar a la awm ka tih chu mawle mi dawihzep rual in nih kha kei chu ka tlan dawn lo pawnfen feng vek rawh u a ti fiak zui ṭhak ṭhak a. Tawlhkung kan kal khawp ang mahse pawnfen feng tur em chuan min chhuah kher lo la a hrisel zawk ang tiin Kilmawia chuan a rawn chhang chang ta fak mai le.. kha bak bak a pawnfen feng tlak ṭhiante ruang pawb hlawm ngam lo a ten in ka ten zWk che u kal teh u, kei zawng tlan mi ka nio. Ka ṭhiante ruang ka senghawi zawh ah ka la rawn zawng chhuak leh vek ang che u zahpuiawm hlawm lutuk tiin chila chhak zui ṭhawt ṭhawt a... Nang hian min hmachhawn chak deuh tihna ani maw hnunglama mitnei anga hun chhiar ka peih hauh hlei nem khai le tia au ṭhat pah chuan Kilmawia chuan a Lulak chem phawrh in an vai mai chuan Tawlhkunga chu an hual zui ta hmak mai le.. E khati zawng khan maw ni dawn a. Ka thleng kilpui ngeiin Lulak chem mi lek khum maw a mak dawn hle mai khawinge i bei tak tak dawn ila, lo hnai ru le tiin zamna tel map lo chuan a Chem leh Thanghrima Sahmim chhung ami Lulak chem chu phawrh tel in a ding ngil zui zan a... Kuttang hnih zat zet in Pakhat maw tih thawm anhnunglam a ṭang chuan a rawn chhuak ta tlat mai le. Kilmawia leh midang ho chu hawi rual ṭhawt in, Tawlhkunga ngei pawh a dakchhuak zawk ve tho mai. Aw rawn chhuah tu leh a kianga Silai lek kawh vah tu chu tute nge an nih an hre tlat lo. Kawltea chuan Uzik ka sai dawn e tenawm hlawm hian tiin KILMAWIA chu a tin kawh zui zat a. TAWLHKUNGA chuan Pasalṭha Aizika tiin a phun chhuak zui sap a. Sei fate deng chhuak Pasalṭha Aizika hming zawng an bel hlawm nameuh mai. Aizika lah chuan ding leh chik zeta rawn melh kual in, enge thil awmzia nita Nauteu a rawn ti dam zui dap a. Aizika mize damdup mi hneh theihna riau nei chuan a delh na nghal tlat.. Kilmawia chuan Pu a, ilo inrawlh ve na tur a awm lo tlat, hei chu kan buaina ani e tiin Aizika chu a chhang zui khawl a. Aizika chu nuisuk in, khati zat khan inṭhian ve tho ni awm tak beihrawn in lo tum lai hian ka en liam mai mai che u chu ring suh u, Tawlhkunga melh pah chuan Thanghrima chuan a la kalsan em lo che maw tia biaksan pah chuan timna nei map lo chuan a pen chhuak nghal hmiah a. Tawlhkunga hnung ah chuan Challiana pawh rawn lang hlawl in, buaina a awm ami a rawn ti thawp sap a. Kilmawia chuan tun ah tih leh rang lutuka tlan chu a rual ta pek a, kapzui tange pawh ti lova, an ṭhian leh an kawppui ni ṭhin te tlan chhia chu thlir liam ṭhak in, Tawlhkunga chuan a mak hle mai tiin a ṭhu sawp zui hnawk a. Challiana chuan enge thil awmzia ni ngai tiin Tawlhkunga chu a melh run run a, thil awmzia Tawlhkunga'n a sawi meuh chuan Challiana chu a rum ta ngul ngul mai le.. Aizika chu rang taka pen chhuak zawk in, Challian, Challian, Challiana i nih ngei ka ring, Thanghrima ṭhian Keimi an sawi ngei kha in bengdai lawk teh khang mi dawihzep leh pamham ho um na nikhua ala tlai love, eng buaina nge in tawh chiah, hei Thanghrima hi kan bawihsawm hmasak aṭul in ka hria tiin Challiana chu a beng dai ta hram a. Challiana chuan Aizika chu nam per lawp in tunge i nih a mengnu phut tawh reng a. Kawltea pawn a Silai a lo lek kawh leh mek lai chuan Kawlte dah rawh, Challian hmelma ka ni love, Aizika ka ni e. Tawlhkunga chuan ṭhian Chal an ni pahnih hi kan ṭhiante an ni e. Khang mi tenawm ho khan min beihrawn zu tum a mawle. Ka that vek ang..Thanghrima chu rawn thaw kawk in a khuh zui bawrh bawrh a. Fiah zeta rawn men chhuah pah chuan Challiana chu melh in khawnge mi dang tih leh ṭhut chhuah zawk chu rual in, a lu hai chhawk vang chuan a lu chu a dawm zui chaih a. Pasalṭha hahdam rawh le..kei hi Aizika ka ni e, hei Kawltea kawlhnam ṭhami hi Ṭiau ral Pasaltha Vantkunga'n a tlanpui daihmai a, Kawltea hian pe tawh siin a ui leh si ani awm e, chumi dil let leh tuma rawn phek chhuak mai chu kan ni a, in ṭhian ho thawn thangva hiaan ka beng a luh ngun ta khawp mai. Kawltea pek chuan ka pe hauh lo, an tam tham em a, chet lak i phal lo a nih kha alo ti ve khang khang bawk a.
.... Nhihsak pah chuan Thanghrima chuan Aizika chu melh in Khual kai Pasalṭha Ṭiaural Pasalṭhate hlauh rawn maw i chan chin chu beng ngawng talo chuan ka hre tam ve khawp mai. Ka ṭhiana in lo dinpui na ah ka lawm e, ngaihtuahawm ka ni lo ve, kan ṭhiante kha an kalpui tawh nge, kan chân tawh zawk tiiin Challiana chu a melh zui daih a. Challiana chuan an la dam mahse hun kan ngah lo khawp ang. Phurliana kha nangmah a maw tiin an phuar tak kha, i hming a in chhal hnan miau ani. Silai an hum hnem bawk nen kawng a kaw bik tlat lo tiin a meng hnuai ruih a. Aizika chuan Pasaltha min hrethiam la, in buaina bul hi hriat ve ka duh hle mai, Sei fate chu khawi ah pawh nise Kawikawm thin ang raih raih zel in le ṭangkaina mual kan lo nei ve mai thei ania a ti thawp zui sap a. A lu tuam ṭhat mawlh mawlh pah chuan kan Silaipawh an khawm hman ani maw.. Ka Pa Silai kha zankhat pawh midang kut ah a awm tur ani lo. Pasalṭha i in huamna ah ka lawm e, mahse hotu ber chan chang tura sawm i nilo tih hria la ka Chem vai tur mi khap suh ang che, kan ṭhiante an lo that anihvaihzawng in a khawpumin ka chan sawm vek ang tih pah chuan Ngur khaw lalpa Ngurbawnga te nena an in biak dan chin leh an chet sual dan te sWi kao zar zar in, ka hlauhthawn ruk anih rual in heti tut tut tur ah kalo ngai lo atin ni. Kha khawnbawl verther zet mitmu kha ka kher chhuak khawp ang tiin a hachang a ṭhial zui bap bap a.
.... Aizika chuan Pasalṭha i kawng chu ka dal hauh lo ang. Mahse tun ah tak chuan i taksa khan chakna a mamawh belh tlat, i tawlh kir hret ila, ei i rel phawt teh ang. Ka chin bih in minvel reng mai thei ania tia rawtna a siam lai chuan Thanghrima chuan tawlh kir lo ang, kan hma a kham kar kawng kha hmelma lambun nana duhthusam ani tlat. Kha kham kha i lawn tlan ila, eirel lam chu i buaipui zawk ang u, kan ṭhiante khua ah an hawnpui anih ngat chuan ralveng an in dah kher lo thei khai le ṭhian Chal han tlawmngai leh mai ta che tiin Challiana chu a mitmei zui thuai a. Awww.. Keimi kan nei tih kalo nghilh ani e. A ṭha khawp ang kan zui ve ange tiin Aizika chu dan hman rualloh chuan a pil zui ve ta thuai a. Pasalṭha Aizika ngal chak tawp thang meuh pawn Challiana a umphak meuh chuan Pasalṭha Vantlungan chin bih a a dah tlangval pahnih te chu Challiana chuan alo thal fel der tawh tlat. Nuihsuk suk pah chuan kawp i nuam dawn e tiin a pawh ta thuai a. Thanghrima te pawh rawn in chhawm bek bek in, a tira chawm hautak tham leh an thWm ngawt pawh hlauhawm tham ni ṭhin kha an khawvar lam arsi ta pharh mai le.. thil thlendan kim Tawlhkunga kâ a ṭannga hre tawh tu Thanghrima mitmeng chu a rapthlak zawng ina kal lek lek thei a. Mahse Pasalṭha Laiawrha kianga Seilian thinrim ber lai pawha insum thei tura zir chhuak anih na chuan ala chelh nghet viau thung.
.... Kawltea leh Tawlhkunga chu che nghal par par in, an Tui chawi chhung chuan Aizika chuan mei alo nun zung zung a, Thanghrima erawh chet tum ve teh mahse Aizika chuan i tan ṭhut chawlh rih kha a ṭha e tiin a nam ṭhu zui hmak a. Challiana pawh pil vang vang in, Kawltea leh Tawlhkunga'n Chaw an hmin rual deuh thaw chuan Sakhi patuai paw bahlat chung chuan a rawn kir tabthuai a, a bawp leh lam kim lo daih erawh tun sawi chhuak lo mahse Aizika leh Kawltea chuan an melh deuh zak zak tih chu an hai mawlh lo. Kum lam in alo chaldelh deuh bak ah tawn hriat leh pal chhuah ngah tawh ta chu Aizika chuan Thanghrima hliama hnawih tur Ramhnim hmang te chuan a siam zui ta zung zung a. A lo ral hriat ṭhin Thanghrima, mi kawlsen nunrawng tlawm ve ngai lo zia chu Aizika chuan a tak ngeiin a hmu tlat. Mi tamtak te mutpui tham a lu a hliam atawrh te lah nati awm hmel hmai pu duh map lo leh a mit meng vam ham mai te chuan Thisen angam tur zia a man pha viau chuan a in hria a, mahse an sawi ang aia alo la hmelchhe fo erawh chuan a nuih tir leh suk suk ṭhin. Sakhi chek leh tuihang tak ngek ngawk nena Zanriah an han bar meuh chuan Thanghrima pawh a hawi her a zang ta vak mai. Challiana erwwh ngawirenga bo leh daih tawh in, beih an tawh thut na ah khan a in thiam thei ngang lo. Engtin nge hmelma ho thawm leh rim kha hre map lo khawpa a lo awm ve theih, a mah leh a amah chu in mawh chhiat in, kei vanga an thi anih vaih zawng in tia insehruh ṭeuh chung chuan khan dang zawng in a vak kual zui zung zung a. Keimi nihna nena ṭangkawp thiam tawh anihna chuan finkhurna tam tak pek belh in, kar lo ah khan fuh zet mai a pal chhuak ta ngei e. Nui var var chunga Ngur khua chhuk melh vang vang in, a mit fiah zet chuan an ṭhiante lal tuala an phuar leh lal Chhungkua leh Khawnbawl ho rip chhunga an khung pawh a hmu fiah ngang mai. Engtia hmalak tur nge aw tiin thlir ve vung vung mahse a tawp ah zawng Thanghrima kut ah dah teh ang ti sup in Thanghrima te awmna lam pan chuan a kir leh ta thuai a. Zanriah an han eikhama an ṭhut muan mek lai chuan Thanghrima chuan Challian enge chan chin tiin Challiana in palthleng leh chiah chu alo zawt thuai a. Challiana kam chhuak chu ngaitla ṭhap in, an ngawi zui vang vang hlawm a. Silai pahnih chiah kan kawl tlat mai a, Mau Thal kan siam chawp mai angai dawn ani. Zanin bak hi kan ṭhiante chhan chhuah nan hun kan neih ka ring lo Mauthal leh Mauzum kan neih nual a ṭul khawi nge tih leh na nei lo ang chiaha rang taka phe chhuak in an in kulhna mawng lama raw hung chu meichher nen a pan ta thuai a. Aizika pawn ngaihtuahna thar nei tih hriat taka Ram hnuai pik lama pil zui ve hmak chu rual in midang te erawh Thanghrima liam na lam ah chuan an liam zui sang sang a. Leng len hun anih meuh chuan Thanghrima leh Tawlhkunga hum tur Mau Thal chu peih diam tawh a. Mau eng emaw an suih zum leh meuh chuan Ṭhutmuan Ar a khuang vang vang ta. U Zika pawh chuh tia Kawltea a phun chhuah lai tak chuan ka awm loh chhung lek hian milo lam hman ziah suh tih pah chuan Aizika pawh thim tham a ṭanga rawn pen chhuan in, a kut ah chuan Rultuha nunglai pahnih ngawt arawn keng pek a, a Sahmim lah chu a puar vei ak bawk nen, eng atan nge i tih tiin Kawltea chuan Rul angaina lo tih hriat tak chuan alo tawlh harh harh a. An Tur hi kan la anga, Hnâm tur hnah nen hian kan sawr pawlh ang. kan Thal hmawr ah leh fei ah te kan tat mai aniang chu a hman tlak ve fu ania tiin Kawlte khalai mau kha tanbung teh Rul tur hi lak chhuahbkan tum ange tiin chet ala ta zung zung a. Tawlhkunga pawn Hnamtur hnah chu lo deng ve mawlh mawlh in a tui a sawr chhuak zui mawlh mawlh a. An duhtawka an pawlh hnu chuan a daih chin tawk Thalmu leh fei ah te tat in an in peih khat ta viau e. Kan hmelma ho hian khawvar lama kan beih chauh an ring ngei dawn a. Chuvang chuan Leng hawn ar khuan hma a chet lak tum daih teh ang tia Aizika rawt na chu Thanghrima chuan pawmpui tih hriat taka bu nghat nghat chunga din chhuah pah chuan van lam en in a zai zui ta al al mai le..Thihna a thleng dawn ka ṭhian Thanghrima a zai leh ta, Misual an damrei ngai lo, kei chu ka damrei dawn tia Tawlhkunga a zai ve tak vang vabg ah chuan an meituah chu vur belh nghek in Challiana kawng hmuh chhuah thar lam pan chuan an in chhir chhuak ta thuai a. An buk sual chhunga mihring ni awm tak Thinghnah leh a zar te deuh te Changel hnah hmanga an tuam an puankawpa an sintir leh vek chuan hna a thawk angem chu zawng hriat phak va ni suh.
... Ngur khaw lal mual lam a an phuar tlat Phurliana te ho pawh ngawi renga ṭhu tlawk tlawk in an hliam tawrh na a vanga khawsik sang tak nen awm vek mahse han rum chhin a maw hrehawm ti hmel pawh pu duh map lo chuan an mahni veng tute chu mit la sawn map lo chuan an melh ding ngar ngar hlawm a. Chutiang khawpa mi luhlul rual leh mi sehhel rual ten mit lasawn map lova an thlir reng nih chu Pasalṭha DAWNTLINGa naute ho chuan hmuhnawm an tilo mai ni lovin an rap zawk lek lek thei hial a. Zawi thawp sat hian Phurliana chuan ṭhian Challiana kha chu a la dam ngei mai ah, Thanghrima kha a lu ah an kap fuh tlat in ka hria. Tawlhkunga te ho hnu kan dawl tir kha a fuh khawp mai, an awm mai mai hauh lo ang inti chak hram hram ang aw tiin Taipuia leh Bilhliana chu a fuih sap sap a. Taipuia pek chuan phuarbeh tlat chung leh hliam tuar chung chuan in lak chak a har khawp mai a rawn ti ve duah pek a, thihna an hmachhawn mek lai pawn Taipuia ṭawngkam chuan an nuihbawm a hawl leh ta pek a, za awm em em a nui hek hek in, an in hlim chhuah a ring rapthlak tak mai chuan an nui ta nghek nghek mai ale, ngawi tawh rawh u tia hmelma lam ain an rawn vin ṭhat ṭhat na te chuan an nuih a ti za zual tlat, ehhhh va mengrum ve in pu te thu lo chuan min thah ngam chuang loh kha tih pah chuan an lo nui zui nghek nghek zel a. Mahse chutianga an chetna chuan ṭangkaina a nei tlat si, Thanghrima te tan hun ṭha a rawn in her phah ta tlat, an mi man te nui thawm lam chuan an beng a luh vek a vang chuan lal in chhunga lama tawm an Pasalṭha rual ho pawh rawn chhuak sap sap in, chu hun ṭha tak mai chu lal in piah mual pangper chhuk thla a liam thlak tum Thanghrima te tan chuan hun ṭha tawp ani tlat si aaa....
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:09 pm

THANGHRIMA 29
... Thi tawh riaka an ngaih Thanghrima ber ruah sur buan buan hnuaia hman hmawh zeta an kut phuarna rawn zai chat hmawk hmawk tu chu makti leh hmuhnawm ti tak chuan an thlek ha ha hlawm a. I la dam maw kava lawm em tiin Phurliana chuan chau tawh tih hriat tak chuan Thanghrima chu alo be hram hram a. Bilhliana pawn a nak hliam chu hum deuh chat in, Taipuia erawh ngawirenga ṭhen ru sak sak in, Kawltea leh Tawlhkunga an rawn lan tak ṭhawt ah chuan hmun him lam pan in an in kuah zui chawn chawn a. Mahse thui an kal hman tlat lo. Ngur khaw lal in chu rawn in pawt hawng rawp in Pasalṭha Aizika silai pawh rem leh rem lova kap tih hriat tak chuan a puak zui thawr bawk a. Aizika'n tlan rawh u tia a rawn auh vak vak na chu an hre mumal pha meuh lo. Ruahsur nasa tak kar ah leh zanthim chhah mup hnuai ah zawng Pasalṭha Dawntling leh a naute pawn Thanghrima te chu an rawn mitzawn thei bik tlat lo. Chu hun ṭha chu Thanghrima chuan chuh vat in, lal tap eng in a thlar Kawlhawk tlangval lal kawngka rawn mawitu te lam hawi chuan a Thal chu a thawn chhuak nghal zawt zawt a. Pakhat a ṭe ṭhawt rual chiah chuan a va teuh ve ka ban a tai kak hlak mai ka ti chu phun thawm alo chhuah hnu lawk chuan Tur hnathawh a taksa ah lo lang nghal in, mai mai chuan tih leh bang ngheng rawk rawk chu a rual nghal a. A naute pahnih thal der chuan Pasalha Dawntling thinurna a kai tho tlat, lal bang chu sat ṭhiat pawp pawp in, lal mual lam hawiin kap rawh u a ti fiak zui ṭhak ṭhak a. Phurliana te ho lah an rilru in tum teh mahse an chakna in a tlin bik tawh tlat lo. Lal tual chiau pur mai ah chuan thal zui hnawk hnawk hlawm in Silai puak thawm chuan a rawn zui bawk nen, an hlauh ang ngeiin Tawlhkunga chu Silai mu chuan a rawn deng fuh leh ta tlat. Ṭe chhuak duh lova a banpuam dawm chaih chunga kun ngaig pah chuan hman hmawh ang a ti thawp sap a. Phurliana chuan ka ṭhian min tlansan mai teh u, helaia thih tlaw vek hian engmah rah a chhuah dawn lo. Kan thisen man erawh i rawn pe ve ngei dawn nia tiin Thanghrima chu a hmer zui chat a. Taipuia chuan khawimaw Maufei kha min han chhawp teh u, kan thih chilh law law ange, lal in saw ka luh chilh dawn chumi chhung chuan lo insaseng rawh u tiin harsa ti tak chuan a ding chhuak leh hram hram a. Thanghrima nui hak thawm lam chu hawiin kawlphe zawr zawr kara a dar hliam alo hup ṭat chu hmu in an melh rawn ṭhap a. Tumah kan thi dawn lo, tun hun hi tawlh hun ani. Rang thei ang ber in lal in hnuai lam saw i pan ang u.. Phurliana chu a kut na lo lama phih dawr dawr in, Taipuia leh Bilhliana pawh Tawlhkunga leh Kawltea chuan an theih ang ang chuan an hnuk zui dawr dawr a.
... Ngur khaw lal in hnuai an inhnuh thlen meuh chuan Aizika pawh lal chhungkua leh khawnbawl te hruai chung chuan an rawn in palthleng ve chiah a. khawhmawr lam leh Zawlbuk tual lam erawh eng pawh chhi ngam tawh lova in khung khawm ṭhup in, mihring erawh Challiana chuan khawih a tum hauh lo. Ngur khaw mipui tih nat ngawt hian awmzia anei rih tlat lo. Challiana pawh rawn lang hlawl in, a rang lama kan chet angai, ruah a hna hma ngei hian U Zik pakhat kha han pua la, lalpa nangin pakhat, lal Fapa chuan keipawh le tia rawn pen chhuah pah chuan helam ah tiin hma a hruai zui thuai a. Tlawmla teh mahse tun ah chuan hmelma han hmachhawn tlak an awm mumal tlat lo. Thanghrima erawh Kawltea chuan kuah tum teh mahse ka ṭha e tiin na nei lo ang hmiah chuan a kal zui hmawk hmawk a. ka that ang, ka chan darh vek ang tia in hrosa mawlh mawlh chung chuan lal Fapa in a hruai na kawng chu an zawh mawp mawp hlawm a. Ngurbawnga ang lo taka ram mi zet Ngurawia chuan hnim chu keu kaw zawt zawt in Puk zau lutuk lem lo awm ah chuan an in kuah lut zui ta sap sap a. An hah zual a reh hnu chuan thing lo awmsa hmang chuan mei nun thuaiin, lalnu leh lal fanu te pathum chu an ṭhut hnaih tir thuai a. Kawltea leh Challiana chu chhuaknzui leh nalh in kar lo ah Raw pum chhhah ṭha telh tawlh nena lo kir leh in Ruahtui chu an dawh khawl nghal zung zung a. Dinhmun a va chhe ngai ve tia Thanghrima phun nang nang chu Pasaltha Aizika chuan ka Nau tlan hun hre tur khawpa chher chhuah i ni kha i la dam phah zawk ania, an che fuh reng bik hauh lo ang tiin a dar ah chuan a bensak thak thak a. An hahdam deuh hnu chuan an chin sawiin an titi zui laih laih a. Tawlhkunga leh Kawltea inzui chuan hmelma lam panga lai an lo thal hman reng a. Challiana leh Aizika pawn pathum lai lo thal ve ve in, lal Ngurbawnga chuan ummm chutiang anih chuan Insawi hmangah Thanghrima Thal khan nunna pahnih chu a hlawh chhuah hmel ngei bawk nen kan KAWLHAWK mi tenawm ho chu sawmṭha bak an ni tawh hauh lo ang, tun ah chuan kan hliam tuar te hi enkawl hmasak an ngai tiin ruahmanna a rawn siam ta thuai a. Phurliana chuan ka Ṭhian khawnge midang kanva kim love an tlu zo tawh em ni zawk tiin Thanghrima chu a melh deuh kal a, nakin lam ah le tia Thanghrima mitmeng rawn in thlak chu thlir ṭhap in, Bilhliana chuan kan dam chhuah ngei angai, hna kan nei anih chu a ti tham chhal a.
... Challiana bawk a chet chhuah leh mai angai ta, mahse a mah maia chet lak tir tum lo tih hriat tak chuan Aizika leh Kawltea mai bak ah lal Fapa Ngurawia chu rawn ding chhuak ve phat in, khawchhung lam pan chuan ruah sur buan buan kar ah an thawk chhuak zui zal zal a. Ngurbawnga ber chuan ka Fapa vak cheh zet in a pal chhuah puk ah kan him ta ber chu nih hi maw, tui kha a sat tawh chuan hliam tuar ho kha i buaipui vat teh ang Thanghrim lo che sek lo teh i thi chhuak reng kha tih phui ran angai ania tia an lalpa ber in chet a lak tak ah chuan Khawnbawl Upa ho pawh che nghal suau suau in, Tlawmngaih chhuah ahun lo tiin Thanghrima leh midang te chu an buaipui ta sawk sawk a. Thanghrima pawh rilru pangngai taka in ngaihtuah in a hliam sil sak mek tu lal fanu chu melh in Tlangaupa buaipui ngawt ai chuan a zia hle mai tiin a nui zui hak hak a. An vanneihna a kal tluang nge Silai hnu hma ah chuan Phurliana tih loh chu silai mu tang phawrh ngai khawpa hliampui tuar an lo awm lo hlauh bawk nen, Khawnbawl Upa Neihlaia, hnanghlai thiam lutuj vanga Pu Hlaimawia an tih ngei mai in, uluk taka an hliam chilh na tur hnang a hlai zawh chuan an hliam te chu an chilh zui malh malh a. Chutiang khawpa hliam natham an tuar chung pawha nati awm hmel hmai pu duh hauh lo mihrang val rual te chu mak ti tak chuan an thlek leh ha ha ṭhin a.
... Challiana te ho pawh engtin tin a maw khua a ṭanga chuan Faisa an rawn hum thleng ta nual a, tun ah zawng an taksa tih chak mai loh chu tih theih an nei rih tlat lo. An nuamsa rei lo ang, khua han var se ngai kan awh leh mai dawn alawm, mipa kan na rei tak tak ngailo tia Vaihlo Hemro tuma Thanghrima buai khat khat chu lalnu chuan khah teh.. keiman tiin Thanghrima Vaiho chu a laksak ta thuai a. Aizika leh Challiana pawn hmalak dan tur dap in an lo ti ti zui sap sap a. Aizika chuan lal fapa kan tawmna puk hi a him tawk ang maw tia zawhna pek pah chuan lal fapa chu a mitnei hmang chuan a ko hnai thuai a. Ngurawia pawn a him tawk tur ah ka ngai, he puk hi hre ve dang an awm lo aniang hnuhma thar a awm mgai hauh lo.bak ah keu kuak chawp ngai kha ani miau mai a, mahse kan sul zawng a thar lam dawn ta riau ani an ti zui vang vang a, Challiana chuan khalam kha chu ka kut ah dah mai rawh u, ti sup chung chuan khawvar ar rawn khuan dawn hnaih alo ni bawk nen Puk chu a chhuahsan zui ta thuai a. Mihring hniak pherh veng vung mai hliah tura a hniak lianpui pui a hnut chhiah chuan hna a thawh ngei beisei chung chuan puk lam hawi chuan kir leh thuaiin, Lalpa ho a, sul siam thar a, an khawhnuai Lui kam thlenga hniak hnut chhiah ho pawh kir leh tawh in, Thanghrima ersawh khap ngaihna awm hek lo. Eirawng bawl in a lo vir buai leh hle tawh a.
... KAWLHAWK khaw chhung lam.pawh khua a var fel meuh chuan thinrim au thawm leh Pasalṭha in hrosa thawm chhuan luah khat vek in, Tlangval rual ho te chu lal mual ah ko khawm in, Pasalṭha Dawntling chuan vau bet zui mawlh mawlh in, nitlak hma ngei a, in lal leh Upa te ka hnen in rawn thlen lo anih ngat chuan in chhungten an tuar ang tih hmak hmak pah chuan Tukṭhuan ei kham ah tia kawk kual in nangni ho khan kan ṭhiante phumna tur in lai ang tiin a kawk kual den den a. A bak zawng khan in lal leh Upa te mai nilo, kan khual Pasalṭha in ti mi dawihzep zet zet ho kha an hnu kan chhui zar zar ang.mi phatsan zawng maw, ka chhiatna tur kawng dap in awm anih chuan in chhungte nen lam in mang ṭhak ang. In hotu atana ka dah te thu hnial hlek suh u ti vinṭhak ṭhak chung chuan a sem darh zui zung zung a. A hote zing ami chu hruaitu ah dah tel zel in an sir lawka chapo em em a hawi vual vual an Khawnbawl min a khua leh lal te phatsan tu Upa Raldawna chu ten hmel tak a melh rawm rawm hlawm in, Upa Raldawna lam ṭang leh lam hnai deuh te, himzawkna anih beiseia Upa Raldawna tlawn zawnga khawsa ho te erawh an tiṭha thiam in, nuam an chen ṭan chu ani ta ber a. Khaw mipui tam zawk temahni kawtkai pawh dai an phal loh lai chuan Upa Rakdawna zawm tu ho erawh lal in lam ah thawm na tak chhuah map map in, Thik pakhat erawh Upa Raldawna beisei hauh loh thil a thleng ta tlat. Pasalṭha Dawntling chuan a fanu mal duat berkher chu khumpui kaipui a tum ta mauh mai le, thlem chitinin thlem mahse Dawntling chuan midang in kamit an la lo a ti mauh mai si nen sawi tur pawh hrelo leh kawng dang awm talo chu a fanu leh Pasalṭha Dawntling khumpui lama an in kai lut chu melh pawh melh ngam lovin Zupui chu a thiat zui khawlh khawlh a.
... Thanghrima te ho pawh lal fapa beiseina chu tih dika awm zel in, an tawm rukna puk lam hawi a ke rawn pen awm chhun pawn Sakei hniak hlir an hmuh miau a vang leh a hnu a thar em a vang chuan thui chhui ngam lo chuan an kirzui ta kha ani reng a. Khawchin leh ram hre chiang tawk tak lal Fapa che vel chu Thanghrima chuan a lawm ru phian mai a, i Tlangvalchhuah tak tak hun ah zawng i tawrhhlelhawm ve khawp ang le ti chunga a hliam in dal tir tum eih lova, khawsa zui mawp mawp in, an bikbo na hmun ah zanli lai an riah tak ah chuan Thanghrima te ho pawh an hliam chu an pallui thei tlang tawh bawk a. Ruahmanna an siam zui ta laih laih a. Kawltea erawh Kawlhawk Pasalṭha ho zing ah chuan Pasalṭha Vantlung a awm tih a hriat tawh na a vanga za zek zek tawh in tuman min chuhpui thei lo ang tiiin hmachhawn chak tawh tih hriat tak chuan a za ru sek tawh a, Aizika chu zah hle lo sengzawng an in hmachhawn tawh ngei ang le. Ni sarih a ral meuh chuan raldo ngam khawp in an rilru a in peih ta at mai le. Kawlhawk lam pawn an phak tawk thleng an vah fe hnu pawn an sul tak ngial pawh hmu talo chu an lal leh Thanghrima te ho hnu chhui pawh duhtawk tawh in muang te chuan an leng ve leh mai mai tawh a. Chu hun ṭha tak chang a chin bih ngar ngar tu Thanghrima te ho chuan chet lak dan an rel ve ta map map mai le.. eitur lam an tlakchham deuh tawh vang a khaw chhung lama chak lam ru a, kal Ngurawia chuan thu thar a rawn hawn ta tlat. Chet kan lakran angai, khua hi hal an tum tlat, naktuk lam ah hian khW mipui te duh an thlan tir dawn anih hmel tiin hlauthawng tak chuan a sawi zui zar zar a... Thanghrima leh Aizika lam chu hawi ṭhap in lalpa Ngurbawnga chuan Pasalṭha te u in kut ah kan in nghat e beidawng aw zet chuan a ti chuai raih a. Eng pawh nise Mau fei leh Thalkan siambelh angai anih chu Kan kal ṭhindan ngai chiah in chet kan la tawh ang. An rorel na kan chawk buai ang. Lal leh Khaanbawl upa ho pawh rawn ding sap sap in khawinge vanglaia Sapui hma ah pawh lo ding ve ṭhin kan ni ani lawmni mahni nun thapa inzuan laia lo kuangkuah tur kan ni bik lo e. Ṭangkaina mualzawng kan nei ngei ang tijn an puanven an rawn sawichhing ta sap sap a. Anchin rawn bih an awm ngai lem lo bawk a, amgai te inThal fang leh Mauzum suih belh leh sauhsauh tawh in, Taipuia leh Bilhliana leh Phurliana te pawh an duh ang thal in chet la thei rihlo mahse an mahnia tumruhna leh huaisenna awm chuan chakna pe in Mauzum chu an khawh kawh fur fur hlawm a. An hliam dam chiang lo in aphuar rukna a vang erawh chuan anchhia an phuh chhuak awllo a tih theih awm e.
... Upa Raldawna pawh a tuk maia lal nihna tak tak tih luihna hmanga lal nihna tak tak kawl thei tura in ngaiin a fanu Pasalṭha Dawntling in a mutpui ṭhin pawh chuana mita ti mim pha tawh hauh lo, ropui leh chungnun duh luat a vanga Fate mittui tla pawh hmuh kanvek khawpa a rorel kal tluang lutuk lawm nana Zupui bel tlut tlut in, engtin nge Ngurbawnga Pasalṭha rin em em Thanghrima hmelchhe phaka khan a tih ṭhin kha, Misual an damrei ngai lo, kei chu ka damrei dawn a ti vel em ni khahhh.. tun ah lah a thawm thangva hriat tur pawh awm tawh lo tiin a nui uar uar reng a. Ngurbawnga ngei kha ni mal leh mal a ka hmachhawn chak ni tiin Ngurbawng thla chu tawng in, Ngurbawnga ro thil hlu a dah ṭhatna a hai chhuah theih loh ah bawk chuan lut leh tawh in khawnge ka Ṭhival leh Darbu ka pek te kha a dah, a ta ni hlen tura ka pek a ni hauh lo tia ang tun tun in, a kianga ngawi renga Zupui dawt karh karh Pasalṭha Mukthang chuan kan Thanghrima kha awww.. vawikhat tal han hmachhawn chu ka chak nen aww...a nun rawnna pawh tem chhin ka chak ani tih pah chuan a khiat zui khalh khalh a. Zingkhua var se he khaw mipui heng hawng ho hian lalber damreng rawhse .in ti dawn khawp tia a in hrosak tan tan lai chuan lal in hnuaia Vawkpa Sut nghak ngei mai chu a rawn ngek ta rawng rawng mai le. Pasalṭha ho chu ding nghal suau in an silai leh fei leh Kallhnam an chuh zui sapsap lai chuan lal chhuat chu Sakei hamna tih briat tak chuan nazeta rawn hiat tawk tawk in, Rakdawna nupui fanau te hlau thlabara an ṭe teng tung lai leh Pasalṭha ho an zuan chhuah sup sup lai chuan thawm reh zui hmak in, Khawimu chawi ang mai chuan Sakei hniak lah thui chhhi tur reng reng a awm hauh lo leh nghal. Makti leha gaihna hrelo zeta an hawi hu hu lai chuan khaw mawng lam ah chuan Sakei hahum thawm na em em rawn chhuak leh in chulam hawi chuan an tlan zui dawr dawr hlawm.a. mahse awmlo zawn ang chauh ani leh ta tlat. Pasaltha Dawntling chuan an zinga keimi an tih kha a la lungawi lo tawp anih hi zanin chu in menchhawk ang tiin ruahmanna a siam zui ta thuai a. Zan alo reia, Khawnbawl min ni ṭhin Raldawna zupui rui angai te bawka a hnar burh burh tak ah chuan a ngai te bawk in Raldawna nupui pawn chhuat hanga mutna phah Pasalṭha Mukthang leh Vantlung te kar ah chuan a in thawlh zui leh sat sat tawh a. Ngur khaw mipui tan chuan a tuk ni chhuak tur chu a va huohurh tak em, Patling tam zawk chu hui pap pap in, keimah mai chu ni ila kan lal chu ka va phatsan dawn lo tak em, mahse kei vanga ka chhungkua in an tuar ngawt chu thil ni thei ani bawk silo. Ṭhenkhat erawh kan nihnih kan ni rawih ang. Raldawn mi tenawma lalna hnuaia kun ai chuan thih ka thlang lo ti bal bal tawk lah bolo, ka thih hma chuan Pakhat tal chu ka thih chilh ve khawp ang tia lo inseh ruh ṭeuh tawk lah bo lo, huphurh teh mahse hun chu chelh ding thei hek lo le, Khawvar Ar a rawn khuang ta al almai le..
... Ni a lan fel meuh chuan Ngur khaw lal tual ah chuan pheikhai zang lo zet a, khaw mipui pawh kal khawm hna hna in, lal luhksanga nui sung chunga hawi sang vah chunga Raldawna nuisung mai chu sai thal tawp chak tu anva tam em..Pasalṭha Dawntling chu rawn pen chhuak in, tuk in a kan koh khawm chhan che u in hre sa vek bawk a. Helam ah hian kan lal atan ka pawm e ti zawng kal rawh u le tia a auṭhat ṭhat lai chuan. Val Upa KILMAWIA chu ring taka rawn au chhuak in, kha mi tenawm lal na hnuai ah khan kan kun ngai lo ang. Lo ngai rawh Raldawn ichet dan tenawm tak hian Sei fate beng a thleng dawn khawp i harh chhuah meuh chuan i tlai tawh ang, kan lal tana thih hi hlau in min ring ami tiin a rawn kawk zui siah siah a. Pu Raldawna fanu neih chhun Pasalṭha Dawntling in nawmchen nana a hman tawh hnu ngei chu rawn dak chhuak zawk in a thinlung zawng zawng nei tu Val Upa Kilmawia chu rawn melh in a mittui a luang zui zawih zawih a. Pasalṭha Dawntling chu za awm awm em em a, ring taka nuiin in lal laktlak loh zet tana ding ngam leh duh kha in la awm em, thawm reh ṭhup kar ah chuan Dawntling bawk chuan chhe heuuu lamṭang i nei lo a va ang mai awm ve i mal dinzel dawn em a tih mek lai chuan A mal hauh lo fiak ṭhek ṭhawka aw rawn chhuak lam chu an hawi rual nghal ṭhup a.
MAFAKA KHIANGTE

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:09 pm

THANGHRIMA 30
.. Upa Raldawna pawh a tuk maia lal nihna tak tak tih luihna hmanga lal nihna tak tak kawl thei tura in ngaiin a fanu Pasalṭha Dawntling in a mutpui ṭhin pawh chuana mita ti mim pha tawh hauh lo, ropui leh chungnun duh luat a vanga Fate mittui tla pawh hmuh kanvek khawpa a rorel kal tluang lutuk lawm nana Zupui bel tlut tlut in, engtin nge Ngurbawnga Pasalṭha rin em em Thanghrima hmelchhe phaka khan a tih ṭhin kha, Misual an damrei ngai lo, kei chu ka damrei dawn a ti vel em ni khahhh.. tun ah lah a thawm thangva hriat tur pawh awm tawh lo tiin a nui uar uar reng a. Ngurbawnga ngei kha ni mal leh mal a ka hmachhawn chak ni tiin Ngurbawng thla chu tawng in, Ngurbawnga ro thil hlu a dah ṭhatna a hai chhuah theih loh ah bawk chuan lut leh tawh in khawnge ka Ṭhival leh Darbu ka pek te kha a dah, a ta ni hlen tura ka pek a ni hauh lo tia ang tun tun in, a kianga ngawi renga Zupui dawt karh karh Pasalṭha Mukthang chuan kan Thanghrima kha awww.. vawikhat tal han hmachhawn chu ka chak nen aww...a nun rawnna pawh tem chhin ka chak ani tih pah chuan a khiat zui khalh khalh a. Zingkhua var se he khaw mipui heng hawng ho hian lalber damreng rawhse .in ti dawn khawp tia a in hrosak tan tan lai chuan lal in hnuaia Vawkpa Sut nghak ngei mai chu a rawn ngek ta rawng rawng mai le. Pasalṭha ho chu ding nghal suau in an silai leh fei leh Kallhnam an chuh zui sapsap lai chuan lal chhuat chu Sakei hamna tih briat tak chuan nazeta rawn hiat tawk tawk in, Rakdawna nupui fanau te hlau thlabara an ṭe teng tung lai leh Pasalṭha ho an zuan chhuah sup sup lai chuan thawm reh zui hmak in, Khawimu chawi ang mai chuan Sakei hniak lah thui chhhi tur reng reng a awm hauh lo leh nghal. Makti leha gaihna hrelo zeta an hawi hu hu lai chuan khaw mawng lam ah chuan Sakei hahum thawm na em em rawn chhuak leh in chulam hawi chuan an tlan zui dawr dawr hlawm.a. mahse awmlo zawn ang chauh ani leh ta tlat. Pasaltha Dawntling chuan an zinga keimi an tih kha a la lungawi lo tawp anih hi zanin chu in menchhawk ang tiin ruahmanna a siam zui ta thuai a. Zan alo reia, Khawnbawl min ni ṭhin Raldawna zupui rui angai te bawka a hnar burh burh tak ah chuan a ngai te bawk in Raldawna nupui pawn chhuat hanga mutna phah Pasalṭha Mukthang leh Vantlung te kar ah chuan a in thawlh zui leh sat sat tawh a. Ngur khaw mipui tan chuan a tuk ni chhuak tur chu a va huohurh tak em, Patling tam zawk chu hui pap pap in, keimah mai chu ni ila kan lal chu ka va phatsan dawn lo tak em, mahse kei vanga ka chhungkua in an tuar ngawt chu thil ni thei ani bawk silo. Ṭhenkhat erawh kan nihnih kan ni rawih ang. Raldawn mi tenawma lalna hnuaia kun ai chuan thih ka thlang lo ti bal bal tawk lah bolo, ka thih hma chuan Pakhat tal chu ka thih chilh ve khawp ang tia lo inseh ruh ṭeuh tawk lah bo lo, huphurh teh mahse hun chu chelh ding thei hek lo le, Khawvar Ar a rawn khuang ta al almai le..
... Ni a lan fel meuh chuan Ngur khaw lal tual ah chuan pheikhai zang lo zet a, khaw mipui pawh kal khawm hna hna in, lal luhksanga nui sung chunga hawi sang vah chunga Raldawna nuisung mai chu sai thal tawp chak tu anva tam em..Pasalṭha Dawntling chu rawn pen chhuak in, tuk in a kan koh khawm chhan che u in hre sa vek bawk a. Helam ah hian kan lal atan ka pawm e ti zawng kal rawh u le tia a auṭhat ṭhat lai chuan. Val Upa KILMAWIA chu ring taka rawn au chhuak in, kha mi tenawm lal na hnuai ah khan kan kun ngai lo ang. Lo ngai rawh Raldawn ichet dan tenawm tak hian Sei fate beng a thleng dawn khawp i harh chhuah meuh chuan i tlai tawh ang, kan lal tana thih hi hlau in min ring ami tiin a rawn kawk zui siah siah a. Pu Raldawna fanu neih chhun Pasalṭha Dawntling in nawmchen nana a hman tawh hnu ngei chu rawn dak chhuak zawk in a thinlung zawng zawng nei tu Val Upa Kilmawia chu rawn melh in a mittui a luang zui zawih zawih a. Pasalṭha Dawntling chu za awm awm em em a, ring taka nuiin in lal laktlak loh zet tana ding ngam leh duh kha in la awm em, thawm reh ṭhup kar ah chuan Dawntling bawk chuan chhe heuuu lamṭang i nei lo a va ang mai awm ve i mal dinzel dawn em a tih mek lai chuan A mal hauh lo fiak ṭhek ṭhawka aw rawn chhuak lam chu an hawi rual nghal ṭhup a.
... An mi hmuh vanga khaw mipui chu phun nghal mur mur in, lalpa, lalpa tia phun sup sup lal Ngurbawnga lam pana pen chu an tum ta mai a, Van vawr zawnga Silai rawn puak ṭhuaiin Pasalṭha Dawntling chuan tumah khan chet la hlek suh u, khatiang lal laktlak lo mal tlat, puitu nei lo khan khawi hmun mah a hruai thleng lo ang che u, pen khat pawh in pen leh chuan a che che chu in thi nghal ani mai. Chuti tur maw, thisa tluk kan ni lawm le, kei zawng kan lalpa ruala thih ka thlang e ti a Val Upa Kilmawia pen chhuak tur chiah chu Kalhwk tlangval pakhat chuan kah thal tawl tum in a Silai a lek kan mek lai chuan lal in sir hmalam a ṭang chuan Silai rawn puak ṭhuaiin chu Tlangval chu a hlawm zui nawk a. Aw fiak ring em em mai chhuah chunga Thanghrima rawn tlan chhuak chuan a Thalfang chu a thlawh chhuah tir zui mWlh mawlh a. Thanghrima lam an en lai chuan thi bo tawh riaka an ngaih Mihrang val rual te chu rawn dawk chhuak zawk zawk in, fei leh Thal chu a thlawk chhuak zui fur fur a. Pasalṭha Vantlung pawh a lam hawia fei chhuak bum zauh pah chuan lal in chhung ah chuan a vak lut zui rawk rawk a. Upa Raldawna erawh a chawnpuar tak maia Phurliana khawhsakna a vanga thal zui thlawrh in, Pui tu ngaiin Pasalṭha DAWNTLING chu a au zui ṭawk ṭawk a. Mahse Upa Raldawna nunna ai a, mahni nunna hlut zawk tu Pasalṭha Dawntling chuan a melh pawh a melh chhin eih lo. Chutah boruak han duk in, Val Upa Kilmawia ngei mai chuan tunah Ngur khaw tan tiiin Raldawna lamṭang an khaw mi leh sa an zawlbuk kaipui ṭhin ngei mai chuh bawh thal nghal tawp in, haw haw chunga mipui rawn pen chhuak chuan an lal phatsana Raldawna lam awn tute chu an han bawh rawn ta tak tak mai zawng, an tam hneh bawk a a chim hian anchim hem hem chu ani ber a. Upa Raldawna erawh an lalpa ber in a din hliah tlat vang a him hram hram in, kil khat ah Val Upa Kilmawia chuan Mi tenawm Raldawna fanu chu lo veng tlat bawk in, an boruak a sang helhhelh teh e.
... Thanghrima teho erawh fimkhur taka lal in hual zui nghal in, Silai hmanga Sai fuh theih loh tur ang ber chuan phen tur zawng in an bei thlap thlap hlawm a. Pasalṭha Aizika chuan mipui te chu tlan darh tura a auh tuar tuarh lai chuan an hlauh thawn ang ngeiin lal in a ṭang chuan Silai a rawn puak ta thawr reng a, natuar ṭe thawm kar ah tlan darh nghal chum chum in, Silai rawn puak leh ṭhuai chuan pawi a khawih hman zel tlat. Aizika leh Bilhliana chuan lal in hnuai pana tlan pah chuan kah fuh pawh inbeisei chuang lo in lal bang awng a ṭanga Silai dawt rawn lawr lam hawi chuan an Silai an hmet puak zui ve thawr thawr bawk a. An silai chuan pawinkhawih pha lo mahse khaw mipui in saseng na hun ṭha erawh an neih theih phah hlauh thung. Thanghrima pawn a bihrukna a ṭanga Ngur khaw tlangval tlan chhe dawr dawr ho chu melh in inva han dawihzep hel hawl tak em, ngawi tak rawh u, buaina hi kan han chingfel te te anga, Zawlbuk thingnawi fawm rual hrawm a hrWm in zirtirna chu in hmu khawp ang tiin a ha chang a ṭhial zui bap bap a. Aizika leh Bilhliana pawn lal in hnuai a bawh luk rawk chu rual in, Silai mu rawn leng chhuak chuan a teuh dun kher bawk a, tlan kawi zawr zawr chunga pan ni lo seng zawng an thal chiang dun khawp ang le.. Kawltea lah chuan Vantlung lo chhuak teh ka Kawlhnam ka rawn lam e tia lo au sek in, Phurliana chuan Kawltea pen chhuah mai tum chu alo dang ṭang ṭang thung a. Kawlte hetiang hian emni i zui Pasalṭha in a zirtir che, i kum ala nau tih ka hria, nghak rawh hun al in her chhuak em em ang tia a hrawk tak ah chuan Kawltea pawh harh chhuak zawk in, a mitmeng tlanchhe hauh silo chuan ka tih palh ani. U Zika min zilh tamna ber ani tiin anui ta var var a. Aizika leh Bilhliana chuan intiam ruala lal chhuat verh tlang hawk khawpa an han chhoh dawm thwm chu a na in anni pahnih pawh an beng a kiu chum chum reng a. Mahse an Silai mu chuan hna athawk tlat lo, Pasalṭha Dawntling te pathum hi mi mawl Pasalṭha tuaitir ang maia bawh buan buan rual ni tawh hek lo le, khatia Aizika ten lal in hnuai an thlen hman rual rual khan an ṭan hmun an sawn ve tlat. Aizika leh Bilhliana an in nuihsak leh Silai zen sawh leh tuma chet an lak lai tak chuan lal Leihkapui lam ah chuan thawm rawn awm phut in, Kawlhawk Pasalṭha pathum chu an rawn zuang thla zui phawk phawk a, dam khaw chhuak tur chuan tlan hun a awm tih hailo zet chuan ngaw chhung lam pan chuan an duk nghal pur pur reng a.
.... Um zui nghal tur tia in thawt hran an ngai tawh lo rang leh hman hmawh em em a, umzui nghal puat puat in, Phurliana leh Kawltea chuan Kawlhawk tlangval thi tate Silai chu rawn chhar in, an sahmim pawh thlak sak pah chuan leh khalh ngei tum chuan an tlan kawh nghal puat puat a. Pasalṭha Dawntling chuan insem darh ang, tumah thih awih loh Mualherh ruam puk ah khan tih leh dinglama pen chu rual in a tlan kawh zui pawt pawt a, a nun a vawikhat nan tlan a ngai miau mai si. Pakhat lal in hnuai lam pana rawn tlab kha Passalṭha Aizika a ni ngat mai. Engtin nge alo tel ve ngawt tih vel ngaihtuah chung chuan an in hmachhawn ṭuma a tlawm chian zia te ngaihtuah kaiin hmachhawn nawn leh ai chuan Ke awr chat vek khawpa tlan a hreh mawlh lo. Tlan ah kher kher zawng Aizika meuh pawn Thanghrima chu a pawl phalo lek lek mai, a patet a chhawr thiam nge Thing leh Mau kar ah te chuan a dawk zawk zawk hi ani ber a, ka naua mai mai chuhhh a thlawk ani hawt alawm le tia a ngaihtuahna a hman mek lai chuan an hma feee.. ruam lam ah chuan Silai puak ṭhuai thawm leh Sakei hahum thawm a rawn chhuak ta tlat mai le.. Thanghrima tlan lai pawh ding chawih ina hnung lawka tlan ve renga a ngaih Challiana awzawng alo awm tawh hauh lo. Pasalṭha Aizika rawn tlan thleng chiah lam hawi pah chuan Challiana tih leha hma ai chak maha tlan chu rual in thawm an hriatna lam pan chuan an duk dun leh ta par par a. Chutia hmalam pana an tlan mek lai chuan an veilam mual hle deuh fe ah chuan Silai puak in chhawn thawm a rawn awm leh ta tlat mai le.. Khanglang chuan an tlan darh ani maw tih sup pah in, Aizika chu Silai puah na lam hawi chuan a peng zui nalh a.
... Thanghrima pawh thawm dim zawka hmalam pan zui zat zat in, Challiana thawm a hriat a vang chuan ding dat in, Nidang ang in Challiana thawm chu ana tlat lo, hliam a tuar anih ngei ring in a kiang hnaia thing ah chuan a pakai nghal zawk a, A thing thiamna hmanga pakaai zui phei zawt zawt in, a a thil hmuh a vang chuan insum hman lo in a au chhuak zui ṭhawt a. Challiana Lung kara a ke tang tlat tal chhuak thei lo hahum dum dum hnai set sawta a chal a kah tuma tin mek tu Pasalṭha Mukthang pawh phu ve zawk in, Thanghrima lam hawi chuan a silai a rawn tin kawh zui zawk a. Thanghrima thing zara lo ṭhu van mai kah phar dawrh tuma a silai a hmeh puah meuh chuan a din na hnubak a fuh tlat lo. Zen khu in a bawh a vai kian meuh chuan mitmeng sen ram hian Thanghrima chu a hma zawn ah tak a rawn ding fel at hman tlat. Muangchanga an Lulak chem ve ve phawrh chunga in melh ding ngar ngar chung chuan chu ruam zawl zau lam pan chuan an tawlh dun harh harh a. Pasalṭha Mukthang chuan nanghi i ni ngei ang maw Thanghrima tak tak chu i hmelchhiat dan ah a lang reng alawm tiin chhaihkawlh an tum khanglang a, Pasalṭha Dawntlinga ui nu hur hruai, Dawntlinga chakna hrikthlak fona an tih kha i ni zawk lo maw tia Thangbrima an nui sawi bawi mai zawng tenawm lutuk tia rak ruai ruai chung chuan Mukthanga chuan Thanghrima chu a rawn bawh phei zui rawp a. Thirchang in khak ri sawk kar ah chuan in nuih var var in, Thanghrima pawn a nuam dawn a ti zui lar lar a. Ngawiteh lawk Pu a, tia a kut phar chhuak in an Mukthanga beisei hauh loh chuan an zai leh te te a. Misual an... Mai mai chuan tia Mukthanga rawn che chhuak leh tur chiah chu zuan thut in, chutiang khawp in Thanghrima chu a che rang ang tih Mukthanga chuan chhut pha hek lo le a tawlh hnung dawrh im a chem chuan lo indangve teh mahse Thanghrima chuan a tumna tak a a chemhumna lam ngei mai banrek ah tak chuan a chhawk hman tlat. Na tih luat vanga ṭe ṭhawt in,Challiana pawh mihrinh pangngai ah lo chang leh tawh in, awlsam te chuan a ke tang chu alo phawrh fel diam tawh a. Pasalṭha thihdan tal chu ka phut e tia Mukthanga ṭhen chawk chawk chu pan hnaiin, heti hian ka ti khat ta tih leh Mukthanga beisei loh lutuk chuan Thanghrima chuan a biangah ah a sek sak ta pek a, Mukthanga nati lutuk ngaw khawk rum rum khawpa a au ruai ruai lai chuan Mukthanga biang ti seh thla hlawk chunga ding chhuak in, i vun a va chhah ve tiin Thanghrima chuan a chhak sen zui puat puat a. Ka nun mai thei che, biang hek ha lang in i nun i hmang tawh thung ang, Challian lo chelh teh tih leh Mukthanga biang leh lam pawhfan sak chu rual in, nangni ho hian ka kap e, ka leh chan e, thisen ka chhuah e min ti khanglang amaw tih leh in zawmphui leh tawh lek lo turazau chuan a biangvun hapui langdawn khawpa hlek sak an rual leh mai zawng, Mukthanga chu au chhuak tur pawh a awm tawh meuh lo, a ṭhingṭhitna lai ah chuan Thisen chu a luang lo chauh hi ani tawh a. A thluak ala fim lai ngei a, a hma zawn chiaha Challiana Sakei ah an chang mai zawng mengbial pawp pawp in, Challiana ka thim muk mai chu a hmuhhnuhnun ani ta. Challiana pawh Mukthanga lu ṭhial ri zui rawp rawp in kar lo ah Thanghrima sul zui chuan a pen chhuak zui ta thauh thauh a.
.... Aizika tlan duk par par pawh a thil va hmuh a vanga ding chaih in muang chang zawk chuan a pan hnai ta thung a, Kawltea leh Pasalṭha Vantlung in veh theuh theuh chu thlir in a nui zui var var a. E khai, ka tello in lam thai inlo tum ani maw, kha Phurlian i va hnaih bik em em ve tiin Phurliana Vaibel lakai mual mual ṭhutna lam chu a pan zui thuai a. Pasalṭha Vantlung chuan Aizika chu chik zeta lo melh in, nanghi ni maw Pasalṭha Aizika ti a an lam ve sek chu lo nghak rawh he nau hi ka dahṭhat hnu ah an sawi ang ngei a, khual tual thang Pasalṭha i nih leh nih loh chu kan fiah khawp ang tiin an huk dum dum a. Aizika lah chuan khai a i aw a va ṭha dum dum ve, Pasalṭha ka hriat ah chuan in la tlanchhe chak ber awm e. Ngati nge khatia In tlan chhiat vak a, hetianga in tawng leh tur tho tho si tlan hah hrep lo khan lal mual ah khan chinfel mai tur ania, khawinge kam a chhe riau mai tiin ngaw kar a Ni zung rawn lut lam chu hawiin a hnar a phit zui dut dut a, ka ui lutukkkk..ka hahchhiau a kir, i thi tur ai pawn ka ui zawk tham lo tih hriat taka Vantlung chu nuih zui kur kur in, Ka Nau i Kawlhnam chu hum let leh thuai teh le a ti chang zui rat a. Phurliana'n a ṭhutna bula Thingro ṭang hlam chen dawn vela Pasalṭha Vantlung puan hnunglam a va pir sak zauh Vantlunga phu nasa lutuk chu nuih bu tlawrh tlawrh in Vantlung i beih tham loh tlawm mai rawh tia Phurliana nuih zat na chu a la na ngang ni tur ani, Kawltea lam reng ngaihsak map lova Phurliana rawn zuan chu a rual ta mai a. Mahse Phurliana leh Aizika hi an ṭawmgkam chiah an lo thlahdah tlat. Vantlunga chem rawn phe thla vuai Phurliana'n w Chem hmanga alo dan rual chiah chuan Aizika bawp sei zet chuan a dul ah hnungzang kul zawk khawpa an lo tlawh let mai zawng ek ṭhawt in a vial zui ngawlh ngawlh a. A tawka lo in rawlh rawh suh u tia Kawltea a rawn au fiak ṭhak tak ah chuan ni ang hmiang tiin Aizika te pahnih pawh Lungpui chung ah chuan an per kai zui thauh a.
... Kawltea leh Vantlunga an thiam thil tinreng hmanga an han in nawr tawn tak tak mai zawng, a hmuhnawm ngang ni tur ani. Zika te pahnih mai nilo, Zawngrual zing vak chhuak ho pawn thingzar mawi ṭhup in an thlir dauh dauh a. Aizika chuan thiam thil ah leh tawnhriat ngah tawh lam ah Kawltea chuan a phalo tih hria in leh an Hmanraw hum a in sei hleih tlat a vang chuan Kawltea dinhmun a ṭhalo thei tih a man nghal chat a. Ka nau Arpa tlan a tih zauh tak ah chuan Kawltea Kawlkei pian ṭha mi kawltu chu nui var var in, khaih aw tih leg hnaih thut in rang lutuka a chem vai chhuah zawt zawt chu rual in, Vantlunga a er let leh dawn ve leh a kiang zui ta nalh nalh a. Vantlungan bawh chilh a tum ve leh tawlh zawt zawt in a tlan chhe ti tih zel bawk si. Nau, khatin tlan zel Kawltea zawk chuan a rawn bawh leh thut ṭhin bawk nen chulai ruam ah chuan an in um kual ta zuai zuai mai a. Kum lama U zawk Vantlunga pum puar pawp pawp ah chuan a kâ ah thaw a leng meuh tawh lo tih a chhiar theih tlat. Pu a, kan hahchawl phawt dawn ami. Kawlhnam lek kan na tur thahrui te kha i nei lo hlauh dah ange tia Kawltea chhaih na chu rum khum nghut in Kawltea bawh leh tum chuan a thatawp chhuah a zuan tum in a pen chhuak zui pawk pawk a. Kawltea pawh rang taka tawlh hnun paha Vantlunga zuang kang hnuai lam a ṭanga vai tum a ṭan hmun khawh a tum chu, Thingzung lawr a pal ta hlauh mai le, ek ṭhawt khawpa ke van vawr suau a thal zui thlawrh in a Lulak chem hum lai chu a van vawr zawng chuan a theh dawrh leh nghal a. Chu Hun ṭha hlah tum map lova hmel hlim thar thut pu chunga Vantlunga rawn pen leh chiah chu Kawltea vanneihna ni ani ange, a chem vawrh dawrh chuan Vantlunga dar ah tak a rawn tlak dawp a. Na tham nilo mahse Vantlunga phu zuk mai chu a pawi ta. Rang lutuk tak maia Thawh zawk pah chuan Kawltea chuan Vantlunga chu bawh thut in, a kawlhnam humna lam kut chu la herh in a ke pahnih chuan a kawng ah a kherh zui chat a. Leia tlukpui tawp pah chuan a kut leh lam chuan a nghawng ah a kuah nghal chat a. Vantlunga pawh ṭe ruai ruaiin ṭan khawh teh mahse a kuah tu chuah thlah a tum tlat lo..ai zawi tial tial in, a thawkna dawt hnawhpui vek khawpa Kawltea kuah na a vang chuan a zal zui ta raih raih a. An in buanna phut leh pe veng vung mai chu Phurliana chuan melh in hmuhnawm mai mai ve le a rawn ti chhuak hluai a. Kawltea pawn a Kawlhnam ngei a hum leh ta... Thanghrima leh Challiana pawh hmuhnawm ti em em a, Kawltea te inbei lai an thlir na hmun a ṭanga kut beng chunga rawn chhuak in, Kawltea thah pa ruang awmna lam pan chuan an kal nui var var a. Ka chansawm vek dawn ka tih tawh kha tia Thanghrima'n a kephah a ṭanga khap chen lek lek a, an tawn hmawk hmawk mai zawng Pasalṭha Aizika meuh pawn hmuh nuamlo ati ngang ni tur ani. Ner ve suk suk chung chuan Thanghrim nunrawnga an lo ti che pawh hi ka dem ta hauh lo che a ti zui bal bal a..
MAFAKA KHIANGTE

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)