PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 10:10 pm

THANGHRIMA 31

Kawltea leh Vantlunga an thiam thil tinreng hmanga an han in nawr tawn tak tak mai zawng, a hmuhnawm ngang ni tur ani. Zika te pahnih mai nilo, Zawngrual zing vak chhuak ho pawn thingzar mawi ṭhup in an thlir dauh dauh a. Aizika chuan thiam thil ah leh tawnhriat ngah tawh lam ah Kawltea chuan a phalo tih hria in leh an Hmanraw hum a in sei hleih tlat a vang chuan Kawltea dinhmun a ṭhalo thei tih a man nghal chat a. Ka nau Arpa tlan a tih zauh tak ah chuan Kawltea Kawlkei pian ṭha mi kawltu chu nui var var in, khaih aw tih leg hnaih thut in rang lutuka a chem vai chhuah zawt zawt chu rual in, Vantlunga a er let leh dawn ve leh a kiang zui ta nalh nalh a. Vantlungan bawh chilh a tum ve leh tawlh zawt zawt in a tlan chhe ti tih zel bawk si. Nau, khatin tlan zel Kawltea zawk chuan a rawn bawh leh thut ṭhin bawk nen chulai ruam ah chuan an in um kual ta zuai zuai mai a. Kum lama U zawk Vantlunga pum puar pawp pawp ah chuan a kâ ah thaw a leng meuh tawh lo tih a chhiar theih tlat. Pu a, kan hahchawl phawt dawn ami. Kawlhnam lek kan na tur thahrui te kha i nei lo hlauh dah ange tia Kawltea chhaih na chu rum khum nghut in Kawltea bawh leh tum chuan a thatawp chhuah a zuan tum in a pen chhuak zui pawk pawk a. Kawltea pawh rang taka tawlh hnun paha Vantlunga zuang kang hnuai lam a ṭanga vai tum a ṭan hmun khawh a tum chu, Thingzung lawr a pal ta hlauh mai le, ek ṭhawt khawpa ke van vawr suau a thal zui thlawrh in a Lulak chem hum lai chu a van vawr zawng chuan a theh dawrh leh nghal a. Chu Hun ṭha hlah tum map lova hmel hlim thar thut pu chunga Vantlunga rawn pen leh chiah chu Kawltea vanneihna ni ani ange, a chem vawrh dawrh chuan Vantlunga dar ah tak a rawn tlak dawp a. Na tham nilo mahse Vantlunga phu zuk mai chu a pawi ta. Rang lutuk tak maia Thawh zawk pah chuan Kawltea chuan Vantlunga chu bawh thut in, a kawlhnam humna lam kut chu la herh in a ke pahnih chuan a kawng ah a kherh zui chat a. Leia tlukpui tawp pah chuan a kut leh lam chuan a nghawng ah a kuah nghal chat a. Vantlunga pawh ṭe ruai ruaiin ṭan khawh teh mahse a kuah tu chuah thlah a tum tlat lo..ai zawi tial tial in, a thawkna dawt hnawhpui vek khawpa Kawltea kuah na a vang chuan a zal zui ta raih raih a. An in buanna phut leh pe veng vung mai chu Phurliana chuan melh in hmuhnawm mai mai ve le a rawn ti chhuak hluai a. Kawltea pawn a Kawlhnam ngei a hum leh ta... Thanghrima leh Challiana pawh hmuhnawm ti em em a, Kawltea te inbei lai an thlir na hmun a ṭanga kut beng chunga rawn chhuak in, Kawltea thah pa ruang awmna lam pan chuan an kal nui var var a. Ka chansawm vek dawn ka tih tawh kha tia Thanghrima'n a kephah a ṭanga khap chen lek lek a, an tawn hmawk hmawk mai zawng Pasalṭha Aizika meuh pawn hmuh nuamlo ati ngang ni tur ani. Ner ve suk suk chung chuan Thanghrim nunrawnga an lo ti che pawh hi ka dem ta hauh lo che a ti zui bal bal a.
.... Bilhliana leh Ngurawia pawn kar lo ah rawn pawh ve hlawl in an hnung mai ah Taipuia pawh a rawn ding kul deuh khun a. e khai khatiang reng reng a mihring tlanchak kha zawng Hrima keini ang duang umphak chi awzawng ani lo ti bai bai chung chuan Kawltea a kawlhnam lo tuai heuh heuh chu hnaih thuaiin i hum let leh ta maw ka lawmpui che, an ruang hlawm tur a awm hmel lem loh bawk a, khua kan pan tawh mai dawn em ni tia Bilhliana rawtna chu buk pui nghat nghat chunga kal an siam dawn mek lai chuan Aizika ngaihṭha tawh lo, a maha vit reng tu awm a sawi chhuah duh si loh khawlam ngaihtuah ru em em tawh chu rawn ṭawng chhuak in, Ṭhianteu hei chen hi kan zin kawng zawh ho chu ni phawt teh se ṭul dangin min au na ta riau mai, Ngurawi i pa chu ngaihdam minlo diksak mai aniang chu kei ni zawng he lui hi zawh thla in Ṭiau lui kan pawh mai ange, dan hman rual loh a thu tlukna siam in, Thanghrima nen chuan an in hmer zui chaih a. Ṭawng duah lo mahse an mitmeng ah chuan in pawh na thuk tak annei tih a lang reng mai, ka kawng dal lozawng zel in aw tih melh taka in melh vang vang chung chuan an in thlir liam ta thuai a. Lal Fapa Ngurawia chuan dan mi ni silo chu a va ti mak ve mawle ti nuah nuah chung chuan kan hmabak a ko ta kher mai a ti chuai zui raih a. Phurliana chuan a dara ben sak thak thak in, lungngai mah che, buaina chingfel lo in kan ṭin ve ngai lo. Pasalṭha Aizika zawng mi danglam tak mai leh mi bik ani tlat a, a mah mawlh tu lian tak a nei leh tawh in kalsan ngam ah min ngai anih kha, hlawhtling mawlh tehse tih leh khawinge hma kan hruai ange, Ngurawia farnu te nui hmel hmuh leh pawh chakawm tawh lawm le tiin a kal nui zui hak hak a.
... Ngur khaw lam erawh lal mual lai tak ah ban phun in, Raldawna chu an lalpa ber chuan a lo thlun tir hmiah mai pek a. Lal in hnung lama Kangṭhai chu Tlangval hoten thliak in Naupang tlei tawh chin deuh chu hum tir in Rakdawna chu a vuak tir taih taih hlawm a, an vuak chu na tham lo mahse an vuakna hmanrua ber chuan a kang thip vin ṭhawt ṭhawtṭhawt bawk nen Raldawna an hla leh ti hlum tur a a sawmna te chuan lal Ngurbawnga beng a thleng pha tlat lo. Rawlthar nghal zual in Hlinga an chhun zauh zauh na te chu thihpui tham ni hek lo le, a taksa hmun hrang hrang chu a thip thak sup sup mai si, Raldawna ṭap men ṭuau chu fiamtyu thawh nan hmang zui a, an lo rik laih laih lai chuan an nun chhan tu leh an khaw buaina rawn hmet mit mek tu Pasalṭha rual te chuan khawchhung an rawn dai lut ta ṭham ṭham a. Thanghrima hma rawn hruai kal kak ṭa ṭa chu melh rawn ṭhup in, e khai kian san tawh u khatin mi che thei tawh lo an sawisa ngai hlei nem, in khawihna te lah thihpui tham ani bawk si lo, Tlangval ho leh Rawlthar leh Mipa Naupang ho te chu darh sang sang in, Thanghrima leh a ṭhiante chu hlau thawng ru tak leh ṭih deuh tak chuan an melh rawn thap a. E khai Pu a, ka lainat hle mai che hetianga hrehawm tuar tur hian i manglam ah pawh i la mang chhin awm silo, aw ka lai nat em mai che tiin an in sut deuh hraih hraih a. Rawlthar pakhat chu hui hnaiin Thisen i hlau em an ti chang rat a. A hmel luhlul hmel ang chiah chuan chu Rawlthar chuan mipa in Thisen an hlau ngai ami tiin alo chhang khauh a. Awww.. a ṭha kha le, he mi tenawm pa ke ṭang hi tan rawh le tiin a chem chu a hlan zui hmak a. Chu Rawlthar te mai lah chuan timna tel map lo chuan Raldawna ke zungpui chu a kianga lung pakhat sahchhana hmang in an rawt bung zui mai zawng, Raldawna na ti rakthawm chu a nasa kher e. Tunge ti ve ngam tia Thanghriman an melh kual leh mai zawng keiman, keiman rawn ti sup sup in, Thanghrima chuan Ngur khaw tlangval ho te chu ding meuha melh kual in, heti zat hian khang khualval kutrang thliah tham lek te kha in lo hmachhawn ngam lo a maw, mihring hmelma lian ber chu dawihzepna hi ani asin, theiloa i in ngaih chhung leh phak lo a i in hmuh chhung chu engtik ah mah midang te hma ah in kal ngai lo ang. Thlang kan tla, kan tawlh a, kan tawlh zel a, kan ralthuam leh Silai neih tlem zawk vanga tawlh zel tura min ngai tute ho hmachhawn zawng hian ke ka pen tawh dawn, tunge ka ruala, Ngur khaw tana Thisen leh nunna seng ve ngam che u tiin an au khum ṭhawt ṭhawt mai zawng, Thanghrima mita melh ngam pawh an awm meuh lo. Lal Fapa Ngurawia ngei mai chu rawn pen chhuak in keimah a rawn ti ta lauh lauh mai a. Val upa Kilmawia rawn pen chhuak leh chu Thanghrima chuan lo nuih var var in, i hum i luah zo dawn e, Zanriah chhum hun ah Thih ngam Lu pu valrual ten lal mual pan tur, Rawlthar ho lam chu hawi leh in, Rallu khai zo tawh chin pawh tih pah chuan Upa Raldawna chu pan in a hnar chu a chho zawng in a zai sak zui sawt sawt a. Thisen chhuak puat puat a, a kut sil na na in, a rawn zai ra al al mai le.. a ṭhianten an rawn zawm tak dual dual ah chuan Tlangval ho pawn lozawm kai zel in, Upa Raldawna chu kawk in hlep ral vek ru a tih mek lai chuan lal Ngurbawnga chuan kwiman hma kan hruai ange, ka mi nghah ten chet min lak khalh miau sia ti chunga pen hnaiin Raldawn hei hi i chaktawk tih pah chuan a dul vun chu pawtfan in an hlep hlawk pek a hmeichhe tan chuan en ngam chi ani mawlh tawh lo. Vun mumal pawh pu tawh lova Raldawna ruang let ngut mai kiang ah chuan Ngur khaw val rual te chu Thisen ngam nih in chuh in an haw haw zui hluah hluah a. Bilhliana chuan mi tawrawt i hring chhuak leh ta ṭeuh mai tiin Thanghrima dar ah chuan a ben sak thak thak a.
... Ngur khaw lalpa in Lawmthu hrilh kual tum teh mahse Thanghrima zia a chhuak leh tawh, lawmthunin hrilh tih vel hi chu ngai ah ka nei tawh ti khan in lawm tih kan hre tho alawm, a pawimawh zawk chu hmalam kawng zawh tir lo chuan lawk thiam hi ani e. I fanu te hi han ṭhulang lui vel se mipa chu kan lawm ani mai tiin in nel tawh tih hriat tak chuan lal fanu te chu fiam in a nuihpui tlawrh tlawrh a. Hnamchawm val tan lal Fanu fiam thiang lo ni ṭhin mahse Thanghrima te tan erawh ramri kham hian awmzia a nei thui ve vak lo. Tun ah zawng ven khat a veng tawh in Mualhawih khaw val rual an rawn er let hma ngei a inbuatsaih erawh an ngai tih hria in, Ngur khaw val rual te chu mahni te in an lo in buatsaih ve mawp mawp bawk a, zanriah chhum hun bawr ah Thanghrima leh a ṭhianten an hrual dawn tih hai hek lo le, huphurh si chak bawk si chuan an phi cheng hi ani ber a.Lal in lam erawh Hrima duhtawk teh tia Taipuian a chawi sawn tak nawlh ah chuan Thanghrima pawh nui var var chunga zaiin A ngur lalnu hmelṭha iang zo reng an awm ne maw awm tuk e, ka thai chang tur Parlawmi hmelṭhai iang zo reng awm lo tia a mah chauh a chai auh auh chung chuan khawinge mi dawihzep buh duh rual chu Pasalṭha nunkawng i kawh hmuh ang hmiang tiin luhkapui lam pana pai chhuah khat khat chu rual in, a nui zui san san a. Phurliana chuan lalpa min hrethiam aniang chu ka ṭhiana hian hetiang duhsakna no hi a zo ve tlat lova tiin thupha an chawi zung zung a. A ni reng lah tak a, Thanghrima hi zawng Tlangval dang leh Pasalṭha dang ten a mawi tawk chauh an tem hlek hlek lai leh a zahthlak zia hria a, a lang a paua zu ruia an awm ngai loh lai hian ani zawng ka tem laklawh ti chi ani tlat pek hi Phurliana buaina ber ani fo zawng ani e.
... Thanghrima au lawng lawng leh zai awl awl chuan lal mual hlat zel in, Zawlbuk tual lam pan chuan Ngur khaw val rual te pawh an rawn tlan khawm zui dawr dawr a. Challiana chuan lal in chhuahsan ve pah chuan Ngur khaw val rual nih chu ava chakawm loh ve tiin Taipuia mawlh pah cguan an phun chhuak sup a. Kal zel in Zawlbuk tual thlen dawn ah a chhang peih lova a ngaih hnu ah Taipuia pawn Ni e a rawn ti ve bauh a. Challiana chuan kal kian nulh pah chuan min chhang lo law law la lawmawm zawk tia phun hluk pah chuan a kal nui vur vur a. Thanghrima aw fiak ṭhak ṭhak a rawn chhuah tak ah chuan pan hnai ve thuaiin Ngur khaw val rual a hrual lai chu ner sawk sawk chung chuan a thlir zui ve vung vung a. Thanghrima hrualna chu na tiin hrehawm teh mahse an Val Upa ber in phunnawi map lova hma a hruai zel a vang chuan Ngur khaw val rual te pawn i he lova zui ve zel in zanriah kil turamahni in lam an pan meuh chuan in kuah haw hnawp hnawp tawk an awm nawk mai. Chutianga Ni thum ṭha zet an in hrual tak ah chuan Thanghrima beisei ruk ang ngeiin a kum rualpui zing ah chuan lal Fapa Ngurawia chu a filawr ta nalh reng a. Thlahtu lama chhuan tur nei hlei lo chutiang khawpa a rawva ru riau leh Pasalṭha ni tur awm renga piang anih tlat na chu a Pa phei chuan mak atiin a lawmna erawh a sang hle thung. A Nili na ni a a chhuah fel meuh chuan Zawlbuk tual ah Mauthal leh Fei tur Raw bul chang suih in Ngur khaw ho chu an buai suau suau hi ani ber a. Nula lam pawh awl mai mai bik lovin, Mipa chakna thuruk chu Lengi hlim nuiri tih hai hek lo le, tui sem leh a theih ang ang a Mipa te lo pui kual in, ka thiam ve zawng ti a, Nuthlawi tuaipur.mai Hermawii mal tawp tawp langa alo ṭhu lang lui kualvel kher erawh a fuh tawk lo aniang, Fei suih tum Hermawii mal thlek nasat luat vanga Chhemtheia lo chhuah ta ruih an awm nawk dan ah a lang reng mai. An hmanraw siam zawh tawh Thal fang leh Fei te meisa a lo hem fip tawk nen an thawm ana in Kawlhawk khaw lak ah chuan tlaw nawn an tum tawh lo mai ni lovin, hnehtu zawk nih ngei an tum ruh kher mai. Ngur khaw tana remchang em em khawm chawi chunga in valh an nihna chu Thanghrima chuan a hman ṭangkaina tur a hmu fuh ta bawk a. Ruahmanna tharlam siam in, lal in ah chuan an ri zui laih laih a. A hma ni hnih liam ta a, Chin bih tura kal Taipuia leh Challina te pawh lo kir leh tawh in, Challiana erawh Raldankawn an siam ah chuan tawi khaw muang in, Taipui chin lo han thlen mai ta che tia tir lui kha ani reng a, Taipuia chin thlen dan a hriat nawn leh chak vang ani pakhat awm e.
... Taipuia pawh lal mual in dai thleng tawh in Thanghrima te ho lal in lama ral rel a an rik mai mai lai chuan ngwi renga pen lut in, Val Upa Kilmawia kam chhuak chu a ngaithla ve vung vung a. Val Upa Kilmawia chuan ramri lui an lo thlen lai tak hian theih ang ang a, lo chhhaih buai hmasak ni sela a ṭha lo maw tia a rawtna a ṭha khawp ang chu tia an chhan sap sap lai chuan Taipuia chuan a ṭha lo a rawn ti mawl tawp a. Enge Taipui rawtna ṭha zawk i nei em ni lalpa ber in a tih dam dap lai chuan khalai kha chu an rawn pel daih tawh chubak chu sawi zawm tawh lo chuan a chhuak leh daih pek a, huihammm lalpa kan lo kal lama kan chetsual ṭhelhna kawng kha zawng hmelma lam hian an rawn zawh hauh lo ang. Chhimlam khan hi an rawn thlan ngeinka ring, Hnar lam chu bih tawk tlem a zawng bak kan awm a mgai lo ang. Taipuia sawi hmang khan KAWLHAWK khaw val rual te chuan min hlat vak tawh lo ang, Chhim lama khan rwmchang ber kha thleng lovin, an beisei hauh loh Hmelma lam bun nan a hmun ṭhalo ber FAH MUAL in tih ah khan bu lo khuar zawk ang aw tia rawtma siam pah chuan ral rama hmahruai fo ṭhin anihna chu chhawm nung zel in lal in chu a chhuahsan zui thauh thauh a.
Ka Story thar ber min lo view sak ve ula aw.
https://youtu.be/0TQ2stibsWM



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:11 pm

THANGHRIMA 32
.... Kawlhawk val rual te pawh an Pasalṭha thu thlen dan in a zir bawk a, thinrimna nasa tak leh phurna sang tak nen Ngur khaw lam hawi chuan an pen pawk pawk hlawm a. Khatia Pasalṭha Dawntling tlanchhe ta khan Silai thawm a hriat tak ṭhang ṭhang ah khan thil awmzia man nghal in chawl map lova khaw lampan nal nal in, an lal te hnen ah dawt a phuah kual ta ngawt a. Mite hlauhrawn Dawntlinga a tlan tih a tarlan mai zawngin, nuihzat a hlawh dawn tih a hriat chian em a vang chuan an lal in ah tlu lut rawih in., A ṭhiante zawng chu tura hrai hlum niin ani chu a luak vak a vanga him hram hram anga inchhal in, a thu ken a thlen zawh meuh chuan chau tawngkhawng ang tak chuan nikhaw hrelo in lal chhuat ah a awp zui rawp kha ani reng a...kawlhawk khaw lal thin ur lutuk chuan Bawlpu koh tir nghal in, Ngur khua ka chhiah khua chuan ka Pasalṭha te an hrai ngam a maw, ka haldarh khawp ang tia in hrosa tun tun in, a Tlamgval te a ko khawmchuk chuk ani reng a. Pasalṭha Dawntling pawh Tlangval te an chet chhuah dawn meuh chuan chauh hmel em em a ṭhu chhuak in, a ṭhian Pasalṭha Uklian leh Dorem chu ko fal in, kawng zawh tur atana ṭha ni a a hriat te chu a hrilh dap dap a, Thanghrima chhut lawk a thleng dik tlat. Pasalṭha Dawntling hian engti kawng mah in, Pasalṭha Aizika hmachhawn leh a tum tawh loh bur a vanga lemchang zui ani ta ber awm e.
... Thanghrima te ho pawh an hliam a dam pangmgai deuh duak tawh bawk nen an tha a za tlang in, hnehna chan ngei tum chuan Ngur khaw val rual te chu an fuih sauh sauh reng a. Chin bih a liam zui ta Phurliana leh Val Upa Kilmawia te pawh Kawlhawk khaw val rual te hnaih fe ah an thawm ngaithla a ṭhu deuh kar in, an nui ru sak sak reng a. An thawm ah zawng Ngur khua chu an nau in thawm dim an tum lem loh mai piah lam ah an ni lo do let ngam tur ah an dah lo hrim hrim bawk nen Pasalṭha UKLIANA LEH DOREM te chuan ruahmanna siam zung zung in, zan thil a chet lak zawng mi leh sa in chian a har ṭhin e, lo er let leh do let tham ni a an hmuh mawlh loh a vang chuan zing khawvar ah Ngur khua chu luh chilh hmiah chu an duh dan leh tum dan ani hmiah mai. Phurliana chuan Val Upa Kilmawia chu kheuh zauh zauh in, a tawlh hlat pui ta zal zal a. Rawtna siam thuaiin nang i kal dawn nge kei ka che chhuak ang an zan mut lai hun ṭha hi kan chuh angai tiin a ruahmanna neih chu a sawi zui dap dap a. Val Upa Kilmawia chuan ka kal ange, lo fimkhur la tia chah zauh pah chuan khawram chin chiangsa ani bawk a, a kal dan en in hun a duh rei hauh lo ang. Val Upa Kilmawia thu hawn chu ngaihtuah zui laih laih in, Thanghrima chuan ka ṭhiana ruahmanna chu a ṭha in ka hria, tin kan Kawlhawk mawngkhak ho hi khua lut lova kan dan theih a ṭha ber tia rawtna siam zuiin Tlangval ho te chu a ṭhen darh zui ta zung zung a. Hmun thum ah in ṭhen phawk in, hmun khat chuan khawcghung an lo awp dawn ani. Eng pawh thleng se khaw mipui te himna hi a pawinawh ber mai, Thal kap mi te chu sem darh zung zung in, rei tak Chhiah khua an lo nih tawh na chuan Silai kawllai nei mumal hek lo le, Kawlhawk khaw ho Silai an neihsak tak pathum nen a vai chuan Silai fung ruk chu an kawl ve ran e. Maufei leh Thalfang an ngah tawk bawk a, thah chimih vek tur tih chu an thu rolum ani tawp mai.
.... Phurliana hmel leh thawm a rawn awm tak lo ah chuan a him tawk tih hria in, meichher a khat mawi tawks hum chung chuan FAH MUAL lam hawi chuan an in zui chhuak ta nguah nguah a. A che chhuak thei chin zawng chu sawmruk ṭha lam mah an ni ve tlat. Khawcghung lam erawh Pawmlai nei leh Rawlthar deuh te dah in, lal Fapa Ngurawia chet la ve tur chu anu chuan a dawm ta chaih mai le.. Ngurawia chuan a nu chu chiang taka melh in, ka nu lungngai suh i fapa hian he khaw venhim bul ka ṭan ve dawn chauh a nih hi, ka Pa lo ngaihven rawh tih leh hawikir map lova Thanghrima te liam na lam pana tlan chu a rual zui par par a. Thanghrima ngei pawn lal Ngurbawnga rilru tur ang kha a hre chiang khat bawk a, Ngurawia pawh i chhungte lo veng rawh tia kalsan lui hmak kha ani reng a. Fah mual an hnaih tak ah chuan an hma ruam thuk lai ah chuan in nghak khawm ṭhap in, midang kar deuh reuh a, lal Fapa ding tlum deuh chaih chaih chu Thanghrima chuan hmu in, Ngur lulhlul lo chhuak teh tiin a au zui dat dat a. Ngurawia nui chhuak sung chala pen sak fawk pah chuan ka hmuh phak ah awm reng ang che. Nang vang hian ka rilru te hi ano ta riau in ka hria, ka nula hmuh deuh che nge mawni chu le tiin a nuih zui sawng a, Ngurawia tuilo hmel lutuk chu hmuhnawm tham a tling teh e. Thanghrima chuan ruahmanna siam zung zung in, Fei hum leh Thal hum chu in kawp tir zung zung in, tlan chhiatna kawng awm map lova hup chu an tum khawp mai. Mi lu khai hman ani lo, mihring Lei tan kha Mi Lu khai ah kan chhiar zel amiang chu tia fuih dao dap in, rei tak khawngaihna nei map lovin an lo hnuai chhiah tawh che u hman ah tun ah in vangkhua hal ral vek tuma rawn thawk chhuak te lak ah Khawngaihna lantir tur chu kir leh rawh u, kan thawm thangva hian Ṭiau ral leh lam a than vek tur ami. Tumah thi reng reng suh u, in thi dawn anih pawh in thaw lui tlat ang che u an ti hram pek a, an nuih za ru teh mahse haw haw na hmun ni hek lo le, Thanghrima bawk chuan phen ṭha tak neia chet tur, keini aiin Silai fung an kawl tam zawk tih hai lo ula, ka Khek thawm in hriat hma chu bawh hauh suh ang che u, ka khek talo anih chuan bawh loh tur tihna ani mai tih leh ruam thuk lam chu pan in, hmelma lam tawm khawm na hel tum chuan kal an siam ta thuai a.
... Thanghrima te ṭhian ho pawh an tih ṭhin dan ang lo tak chuan in sem darh zung zung in thawm chhuah lo thei ang ber chuan Kawlhawk ho thawm dim lem lo taka an ri halh halh lai chu an hnaih zui hriau hriau a. Thanghrima duhdan tak chuan an mut hun chu nghak in, hmelma ho sai let bikbo san tur chuan an ṭan hmun pawh an thlang uluk tlang in, Thla mang lai pawh chuh lova, ual au thei ang bera Ngur khua an pan mai hi Kawlhawk ho hian an en hnuai zia a chiang khawp mai. A nghak tu lam tan chuan a rei duh bawk nen Thosi leh Vaihmite lah ṭhahnem an ngai bawk nen in hiat ngam mang lo leh in vai ṭha ngam bawk si lova an tawrh tlawk tlawk hnu chuan Ṭhut muan ar khuan vun awm vel ah chuan Pasalṭha Uklian leh Dorem chuan an naute chu au lar lar in, mut lam an tin tuah ta sap sap a. Lam thui tak kal an ni bawk a kar lo ah hnar thawm chu a in chhawn nghal tluk tluk reng a. Thanghrima tawmna lam chu hawi sek hlawm tawh in, chet a lak hun an chang ṭhap tawh a. Zan thim hnuai ah Thanghrima ngei mai chuan a in phenna Thing chu vawikhat han sat dawt in, chumi zawh chiah chuan ring rapthlak em em a khek chung chuan a fei hum lai chu a khawh chhuak ri zui fur a. Chu tah le kil hrang hrang a ṭang chuan Fei leh Thal fang chuan rawn zui nghal in, ja tuarṭethawm leh mangang au rawl lo chhuak nghal chuah chuah in, Kil thum a ṭanga chuan Silai a rawn puak zui leh thawr thawr a. In saseng ru, phen tur zawng rawh u, rak nuaih nuaib kar ah chuan Fei leh Thal lah chu ruah bing ang mai chuan a sur awl lo tlat bawk nen eng ah mah a, an ngaih loh leh beih thama an ruat loh Ngur khaw val rual hma ah chuan KAWLHAWK val rual te chu thal zawihzawih in, anbuai phili chhung chuan a zahve ai a tam daih in nunna an chan hman tlat, chu mai ni lovin, hliam tuar an thal phung mai bawk nen, Pasalṭha Uklian leh Dorem te erawh tawn hriat ngah tawh tih tak ah an naute thih tawh ruang in phen nana hmang hmak in, ruang hnuai ah chuan an mu meng dun kar a. An chamchhiat zia chu an chhut pha chiang bawk a, pawng tawlh ngawt leh tlan ngawt chu a hun lo tih an hai tlat lo. Tun ah zawng Ngur khaw lam fei leh thal thlawk chhuak chuan pawi a khawih bik tlat tawh lo. Khati zat Thal fang leh Fei thlawk chhuak kar a im saseng thei chin chu mi namai an ni lo tih Thanghrima chuan a hriat chian ema vang chuan bawh hun anilo tih man thiam in, Veh hnai ang aw tiin an au lauh lauh a. Mahse a mah hre chiang tu a ṭhiante chuan tawlh hnung in Vaibel a lakai daih dawn tih an chian em a vang chuan an kaihhruai te ṭheuh chu tawlh hnun puiin a him chin ni a an ngaih ah chuan Vaibel an la kai zui sap sap a. A khat tawka Nuisawng chunga Thanghrima lung vawm chhuak leh keuh ṭhin lah chuan hna a thawk ṭha viau leh nghal a. Kawlhawk lam Silai hum ho pawn an veh hnai mek ni a ngaiin thawm ri zeuh lam hawi chuan an Silai an hawi tir zak zak reng a. Mahse an beisei ang in bawh chilh mai an tawk tlat lo.
... Kawlhawk Pasalṭha Dorem chuan a kiang hnai lawk a tawm ping chal Pasalṭha Uklian chu bek bawr sar sar in, min rawn veh hnai hauh lo in ka hria, hetia min dan chep a khawvar nghah hi an tum ngat mai, khua hian min var hnan anih ngat chuan kan chan a chau viau thei tlat,keini aiin ram chin an chian zawk bak ah tun ah ngei pawh duh thal in min leh chan leh daih tawh in ka ring Khaw en hma ngei hian in saseng dan kawng dap a fuh lo maw a ti zui sar sar a. An chung lawk Thingzara fu van Phurliana chu khi sak sak chunga tawlh kir zal zal in, a vak kual zui zung zung a. Chutah le Hmelma ho insaseng tuma chet an lak dawn lai tak chuan an hmuh phak ang ang Lung lian deuh leh a te deuh nen lam chuan an han vawm leh ta tak tak mai a, thawm chhuah duh hek lo, fuh a mual mual chu a nei ani ngei ang han ṭe leh ṭhat ṭhin leh phun bul bul thawm chu a chhuak ta ngei mai le... Pasalṭha Dorem chuan an chelh muanna zel tih hai tawh hek lo le..ring taka au in mahni nun chhan nan tlan rawh u. Tih tuarh tuarh pah chuan a mah ber chu a ṭhu tlum leh hmak a. Kawlhawk ho pawh leh tihna hun pawh nei map lova ri nghal sup sup in, Ṭiau lui lam pan chuan an phe chhuak nghal sup sip a. Thanghrima te lam Silai leh Fei leh Thalfang thlawk chhuak zawt zawt chuan eng emaw zat fuh leh bawk mahse pawi erwwh a khawih tam bik vak lo. Pasalṭha Dorem leh Uklian pawh an nau te hnung deuh Fei leh Thal a sur han lai tak chuh a che chhuak nghal in, Pasalṭha tih tak ah thawm an dim thiam bawk a, him dam pial a tal pit in, tlawmla teh mahse mahni nun chhan nan chuan an tlan a ngai miau mai si.A him chin ni a an hriat an vah thlen meuh chuan Pasalṭha Uklian chuan thil ni thei ani lo. Ngur khaw tlangval rual ngawt an ni thei lo, puitu an nei ani ngat mai. Khatianga ral rel thiam tur Ngur khaw val rual zing ah an awm lo tiin a hachang a ṭhial zui bap bap a. Thawm reh duk kar ah chuan Thanghrima ngei mai chuan Misual an damrei ngai lo, Kei chu ka damrei dawn tia rawn zai vang in, khai le nauteu in hmelma te chu chan darh tawh rawh u le, chumi zawh ah kan umzui leh nghal in tia au lauh lauh chung chuan a rin zual mi sawm vel thlang in Ṭiau lui lam pan chuan Kawlhawk ho leh chan a maw barakhaih nawn tum tak chuan a liam pui vawk vawk a. Lal Fapa Ngurawia tel lui ve tlat chu hnar en ah pawh en tawh lo chuan fimkhur ang che ti sap in, kawngchin chiang ber leh Ṭiau lui pan na kawng a hnuk hnai hre ber ani bawk nen Ngurswia chuan hma a hruai zui par par a. An in beihna mual let liam lam daih a pen chhuak an ni bawk a, meichher nen an kal hmiah hmiah ngam tlat a vang chuan kal pawh a sawt deuh aniang, kar lo ah Ṭiau Lui luang ri chu an ral hriat ta mai reng a. Challiana chuan khawinge hma kan hruai ve thung tawh ange tiin uluk taka beng chhi chung chuan Ṭiau lui lam pan chuan an duk zui leh par par a. An kalsan tak Val Upa Kilmawia leh Ngur khaw val rual te erawh thisen ngam nih an in chuh ta maw tih mai tur chuan Kawlhawk val rual let phung mai, ṭhenkhat hnuk la chat chiah lo te nen lam chuan an sat chik tuarh tuarh mai a, khawngaihna in hneh tir tum lo zet chuan hmelma ho ruang an han in tan siak tak tak mai zawng, an mahni ngei pawh Thisen chuan a bual khat vek thei hial a, Val Upa Kilmawia nuisang mai chu melh rawn ṭhap in, Thanghrima chah ang ngei chuan hmelma Lei chu an tansak zui sap sap a.
... Challiana hma hruai par par chu ding chaih in thawm chhuah lo tur chuan midang chu a kut chuan a vai ding thuai a. Midang ten thawm la hre phalo mahse Challiana tan zawng an thlang fe Luikam zawl zau laia Kawlhawk ho ang thawm leh inhrosa thawm leh in hnial bap bap thawm chu a beng bul a, Darbu tum ang hlauh ani tlat tawh. Ding khawm ṭhap in, Thanghrima chu an melh rawn ta ṭhap a. Thanghrima pawh ngawi zui vangvang in, engzat vel nge an nih ang aw tih vang vang pah chuan Kan Val Upa Kilmawia te pawn an rawn hnaih ve vat tur ah ngai ila, Lui hi pawh thhla phawt mai ila, Ṭiau ral lem lam kai khalh in i leh chan daih teh ang, an mangang phar kual vel hmuh pawh chakawm a lawm le, Silai pathum kan kawl tawh bawk a, kei leh Taipuia Challiana'n Fei leh Thal kan hnang ang. Phurliana leh Ngurawia leh Bilhliana ten Silai hum se Lui hi kan tum phawt teh ang.. Thawm dim taka ramhrui chhat zung zung in, Challiana pawh Sakei lian zeta chang leh tawh in Ṭiau lui luang champut mai chu hrui seh kawh chung chuan a hleuh phei zui pawp pawp a. Khawvar lam hnaih tawh leh Thla eng dul raih hnuaia Challiana tui hleuh an thlir ṭhap lai chuan a hmuh nawm kher mai a tiin Ngurawia chu a rawn phun ve sup a. Hrui a rawn pawh mar ta zauh ah chuan Hrui rin chhan chuan thawm neilo thei ang ber chuan Vaukam leh lam pan chuan an in vai kai ta thuai a. Thanghrima chu Ṭiau kam ah chuan ding vang vang in, van lam hawi chuan phun chhuak sep sep in, Min thlah tute u, mittui nena in chhuahsan ram ah chuan in Fate kan rawn chuang kai e, min lo thlir mawlh teh u, in Thlarau hming chhal in chhia ka chham e, in fahrin hi ka tawlh lo anga, Sei fate hian theihna kan nei ve tih kan lan tir dawn e, aw Thlah tu duhawm tak te u min awmpui mawlh teh u tiin a chem chu chunglam ah lek in, a chhip a ṭanga ke ler thleng chuan mur chhuak vek in, in hming chhiatna chu ka thai bo khawp ang. In dawihzep vanga thlang tla in ni lo tih ka hria e tih pah chuan a ṭhiante melh kual in Thla eng dul raih hnuai ah chuan a meng vam ta ham mai le..
.... Challiana chuan zawi thawp sap chuan an lo hnai e tiin Thanghrima chu a kheuh zauh a. Thawm dim leh zuala vaukam hnim kar chuh chung zela Kawlhawk val rual dam chhuak ho te an hnaih zel lai chuan Silai puak ṭhuai ṭhuainri chuan a rawn zui ta thuai a. Val Upa Kilmawia aw ngei mai chuan phen tur zawng rawh u, zam hlek suh u tiin a fuih lauh lauh thawm chu rawn chhuak nghal in, Phurliana chuan mibleh sa kan in chan ve dawn a va ang ve, Pakhat tal in kan lo ho hram lo ani aw a ti chhuak vang vang a. Kawlhawk ho pawh Ṭiau kam thleng thlenga umzui an ni chu an lai ana ngang mai. Pasalṭha Uklian chuan kan tawlh tawh lo ang ṭan ral raih tur a ṭul a bawh thei tur khan insiam rem ula tiin a naute chu a fuih lauh lauh reng a. A til tam lam an ni tawh bawk a, Ngurbkhaw ho thawm pawh a na salh salh in Thisena tuihal ang mai chuan an hming an chhal lauh lauh reng a. Mahse Kawlhawk ho hi pawng bawh ngawt chi an la ni tlat lo. Pasalṭha ralhrat pahnih in an ho mai piah lam ah Ngur khaw lak ah an lo chung nun tawh ṭhinna chuan a kai hruai na bawk nen an au thawm ah pawh phurna chhiar theih tur a rawn lang ta tlat. Val Upa Kilmawia pawh a ngaihtuahna a buai ve ta nak mai. Kawlhawk ho ṭanhmun siamna chu a ṭha nasa mai bawk nen, Silai mu leh Fei an seng thlawn tam tawh riau tih a man lai leh Kawlhawk lam zawk in an bawh ṭep ni a a ngaih lai chuan Val Upa Kilmawia beiseina chu a rawn thleng dik ta. Thanghrima aw ngei mai chu ring fiak em em a rawn chhuak in, Ngur khaw val rual te kan zam ngai lo tih pah chuan Ngur khaw ho Lungphena awm an mahni hnung chhawn tute chu a Thal fang chuan a thil nghal zawt zawt a. Silai puak zui ṭhuai ṭhuaiin, Kawlhawk val rual pawn an beisei loh lutuka ruang chaicheh thlak an tawn meuh chuan tih ngaihna dang a awm tawh lo. Kawng awm chhun rawn tlang chat in Pasalṭha Dorem chu ring taka rawn au in, kan tlawm e, kan tlawm e, min nun rawh u tiin a rawn au ta lauh lauh reng a. An ralthuam paih a, an in pek meuh chuan Sawmthum ṭha awrh bak an lo ni tawh hauh lo. Ruang chaihcheh thlaka an hup rawn thut hun chhung kha rei lo teh mahse Kawlhawk lam chu an tluk belh nual hman tlat si. Thanghrima te ho pawh khan hre zawk Kawlhawk Val rual te ṭanhmun siamna lai chu hleuh buai teh chiam lo ngai hek lo, a daidul pan te leh lung rin chhan chuan Val Upa Kilmawia te chu an rawn fin ta thuai a. Pasaltha Dorem leh Ukliana tlawmla lutuk lah chu ṭawng pawh ṭawng chhuak mai thei lo khawp chuan an in seh ruh ngar ngar hi ani ber a. Dorema chu hawi kual vel in, Thanghrima chu a mitzawn ta chaih mai le. A hawi zau zel tak ah chuan kawl a lo eng tawh bawk nen hriat ngai loh khual val ni awm tak a hmu ta nuk reng a, hei vang hi anih chiah hi Kan Ngur khaw dawihzep rual an lo pawngpawrh ve em em ni tia phun bal bal pah chuan ring pawr taka au chhuak in tute nge in nih, kan buaina a ring rawn rawlh ve ngawt tute kha ka that dawn khawp che u tiin an chhia a lawh zui bawrh bawrh a. Thanghrima chuan Pasalṭha Dorema chu pan hnaiin i an a ve chhe ve aww.. ṭhu teh i in an khum tak tak teh ang, an te zawng ka thiam ve em mai nuisanga ṭhut hmun rem chu rual in, a thuhrimah Eng vanga min rawn run tum ngawt nge in nih, a zah pawh in zak chai lawm ni, in Pasalṭha dawihzep zet mai thlavang kha in rawn hauh tihna mi. A zah pawh in zak chai na nge, i pian chhuahna chhul pawh an chhe dawng in awm rawh se.. Thanghrima ang hmel chhe lutuk leh a kam chhuak vanga lo nui bu tlawrh tlawrh Ngur khaw val rual te chu za em em maia an nuih lai chuan Kawlhawk ho erwwh an nuih a za ve mawlh lo. An hmabak a ko zia an chiang tlamg bawk aniang an kun lap hlawm a.
... Pasalṭha Uklian chu rum nghut chunga rawn ṭawng chhuak ve in, in zing ah khan mipa taka min hmachhawn ngam in awm em ha chang ṭhial bap bap a, a melh kual lai chuan lal Fapa Ngurawia chuan a tih dan chu lo zir sak in an haw haw khum leh hluah hluah a. Taipuia meuh pawh khi ve suk suk in lal Fapa chu a chhuk melh deuh run run a. Thanghrim hnuhnunga ni awm i ni ti a, Challiana lo ṭawng fuk chu Taipuia chuan pawmpui tih hriat tak chuan Nia alo ti dut a. Nia liana tih pah chuan kal kiang nulh in Pasalṭha Ukliana beng chu ri tuarh khawpa pawhsak chu rual in, nangni vang hian kan hah teh hrep lutuk in mal beih kan peih tawh lo min hneh leh dawn chuang lo. Ka ei zawh vek nghal loh che a, hlep ral vek rawh u tiin Ngur khaw val rual te chu thu a pe ta mai a, Ngur khaw ho lah Thisen an ngam laklawh tawh bawk nen rawn bawr nghal huk in, Pakhat erawh Thanghrima chuan la hrang nalh in ti khan haw nal nal la, in lalpa hnen ah chuan Pasalṭha Thanghrima leh a ṭhian ten an rawn tlawh dawn che i ṭhenawm lal te lo pun khawm rawh ti ang che tih pah chuan Tuiah nam lut bawrh in an hnim vang vang a, tui hak thaw chham khuh bawrh bawrh chunga Kawlhawk khaw tlangval men ṭuau chunga tui dai bawrh bawrh chu melh ṭhap in chu Tlangval pawh chuan vaukam leh lam a ṭanga rawn hawi kir ve ngat in, a ṭhiante ho Ngur khaw val rual ten an hlep ṭe rawng rawng chu thlir in a khur zui dat dat a. A ke buk lawka Ngurawia fei bur chawt a vanga a phut dawrh rual chuan tlan rawh tih angai tawh lo teh e.
... A tawk viau lawmni tia Thanghrima'n a khap meuh chuan Kawlhawk ho tisa leh Ril vel baw nuaih mai kar a, Ngur khaw val rual sahawk mup mup chu nuih san san in, Val Upa Kilmawia lam hawi pah chuan Hetah hian Eirel mai ang aw.. nunna chan engzat nge kan neih tia zawhna pek an rual thuai a. Kilmawia pawn nunna chan em chu kan awm lo hlauh. Mahse, hliam tuar erawh sawm chuang lai chu kan ni ve awm e. Ummm a lawmawm chu thaw tlat rawh se an thi lo ni mai tih pah chuan Khang hmelma Lei in tan kha awrh hlawm teh u, kei khawlam kir leh buainngai ka ti lem lo, Kawlhawk khaw ram lam pan mai asin ka tum a ti fel zui at a. Thanghrima thutlukna hnial mi ani lo tih hre chiang tawh tu Phurliana chuan tunge kan ruala Ṭiau kan ve ngam dawn le tiin an lo cho phur zui sak sak a. Tumah kan bang thei lo ang tia au nauh nauh chung chuan an ṭhian hliam tuarte khawlam panpui tu bik nih hlau tih hriat tak chuan Phurliana lam chu an hnaih zui tuau tuau a.
... Kawlhawk khaw lal in lam erawh Ngur khua ten an tlangval te lo do let tak tak ngam tura an ngaih loh na chuan mgaihṭhatna hmun ah hung in, an thawm a ṭha laih laih khawp mai a, Pasalṭha Dawntling erawh a lemchan chu chhunzawm zel in, tur khan ka kawchhung lam hi a ei chhe tel hman em maw ni dawnnle tih pah chuan chauh hmel em em chuan lal in chu a chhuahsan zui zal zal lai tak chuan mipui thawm ri deuh mam mam chu hria in a hawi chhuak zui zawk a. Mak tih luat vang leh Hlauhthawnna luat vanga meng bial kaw kaw in, Awikung maw ka dawt phuah kual chuan mi umpha dawn a va ang ve tia ngaih tuah kual zung zung chung chuan thinrim eng phiara
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:11 pm

THANGHRIMA 33

A tawk viau lawmni tia Thanghrima'n a khap meuh chuan Kawlhawk ho tisa leh Ril vel baw nuaih mai kar a, Ngur khaw val rual sahawk mup mup chu nuih san san in, Val Upa Kilmawia lam hawi pah chuan Hetah hian Eirel mai ang aw.. nunna chan engzat nge kan neih tia zawhna pek an rual thuai a. Kilmawia pawn nunna chan em chu kan awm lo hlauh. Mahse, hliam tuar erawh sawm chuang lai chu kan ni ve awm e. Ummm a lawmawm chu thaw tlat rawh se an thi lo ni mai tih pah chuan Khang hmelma Lei in tan kha awrh hlawm teh u, kei khawlam kir leh buainngai ka ti lem lo, Kawlhawk khaw ram lam pan mai asin ka tum a ti fel zui at a. Thanghrima thutlukna hnial mi ani lo tih hre chiang tawh tu Phurliana chuan tunge kan ruala Ṭiau kan ve ngam dawn le tiin an lo cho phur zui sak sak a. Tumah kan bang thei lo ang tia au nauh nauh chung chuan an ṭhian hliam tuarte khawlam panpui tu bik nih hlau tih hriat tak chuan Phurliana lam chu an hnaih zui tuau tuau a.
... Kawlhawk khaw lal in lam erawh Ngur khua ten an tlangval te lo do let tak tak ngam tura an ngaih loh na chuan mgaihṭhatna hmun ah hung in, an thawm a ṭha laih laih khawp mai a, Pasalṭha Dawntling erawh a lemchan chu chhunzawm zel in, tur khan ka kawchhung lam hi a ei chhe tel hman em maw ni dawnnle tih pah chuan chauh hmel em em chuan lal in chu a chhuahsan zui zal zal lai tak chuan mipui thawm ri deuh mam mam chu hria in a hawi chhuak zui zawk a. Mak tih luat vang leh Hlauhthawnna luat vanga meng bial kaw kaw in, Awikung maw ka dawt phuah kual chuan mi umpha dawn a va ang ve tia ngaih tuah kual zung zung chung chuan thinrim eng phiara au chhuak in, nang mi dawihzep ṭhiante phatsan in nungdam in i rawn tlan chhia a maw dam tlak pawh i ni lo tih leh ben thal tawp chu rual in, Awikunga kal chau chu pet zuiin engmah sawi chhuak thei lo lek a, a len kual lawp lawp mek lai chuan lal leh upa te pawh rawn tlan chhuak ve bawk mahse chin thlen tu tur ber chu Pasalṭha Dawntling thingfak vai chhuah chuan Lu ruh keh rawp khawp in a deng hman ta tlat, ropui duh luat vanga a thil tih pawi zia hi Dawntling hian a hmu pha tlat lo. A hlauh ber chu hming chhiat chih. Rang takin pawn ṭhen mahse thil a nih tur ang a ni vek tawh si.. engthil nge ka tih tia hawi â hu hu Dawntling chu melh rawn ṭhup an lalpa ber chuan Pasalṭha Dawntling ka thu nghak lo leh hmulo a chet la ngam tur khawp in maw ilo ropui tawh a, kha tlangval khan i pawi sawi enge a neih le, ka tana thu pawimawh hawn ti anih ngei ka ring, nge nang hian mi bum in hnunglam a ṭang hian mi lo beireng zawk le.. thu hawn tu ber i dah ṭhat hian chhan anei ngei anh maw..an lalpa aw chhuak chang lutuk leh Awikunga laina hnai te mitmeng a mah thah chaka tuihal hmel a hmuh meuh chuan Pasalṭha Dawntling chu ding ngilzawk in, he khua leh tui tana tha leh zung ka sen ral tam leh ka theihna ka lantir pawh hre duh lova, ka vawilhat tih sual vanga hmelma en a mi en tak mai le.. A ngam fa chuanmin rawn zui dawn nia, Pasalṭha Dawntling ka ni ngai e. ka tawlh ngai lo a tih pang pang lai chuan i tawlh vang leh i dawt phuah vanga Thisen luang tamzia i hmu ngei ani lawm ni. Pasalṭha Thanghrima hlau a, tlanchhia a, dawt muhluma kan lalpa hmin tu i nih ka chianvek tawh e. Lamkala an nun chhun ka ṭhian Awklian i dah ṭhat a vang khan him tur ah in ngai ngawt suh. Lalpa min ngaidam la,kei hi Rammu a, chhuak zinga tel kha ka ni e. Thil awmzia ka sawi fiah thei angem tiin meng khup lap chung chuan an lalpa chu Laikung chuan a melh deuh zak zak a. Nang pawh kha thi tlak i ni tia Pasalṭha Dawntling rawn au chhuak ṭhawt leh chet chhuah tum chu Tlangval rual chuan bawh rawn nghal huk in, a til tam lam zawng a hneh lo ngang mai hmanrua engmah hum nei bik hek lo le, kar lo ah phuar hlawm in lal mual sir lam ah chuan an thlung zui mawlh mawlh a.
... Kawlhawk lal KAISANG chuan LAIKUNG lo chuang kai teh enge thil awmzia ni le tiin Luhkasang lam pan chu a rual zui thuai a. Kaisang pawh ban zeta pen chhuak in aw lawi deuh ruta bul ṭan in thil thlen dan kim leh dam a a chhuah bik chhan te sawi zar zar in, lalpa ka zak khawp mai min ngaidam thei lo anih pawh in ka dem hauh lo che. Kan khaw dinhmun hi a ṭhalo hle tih erawh a tawp nan ka sawi tel hram duh e a ti chuai zui raih a. Kawlhawk lalpa Kaisang hi lal â leh dawntawi ani bik hauh lo. Ni lo e ka fapa dam in lo kir ta lola muangin kan chhing siai siai dawn asin, khaw mipui lam hawia in her in tumah chi ai lo ula, kan rorel thu chhuak hre tur in im beng in lo dawh dawn nia ṭin tawh rawh u le, khalai Pasalṭha dawheh zet kha chu tikhan lo la awm rawh se, tih nghut pah chuan lal in chhunga pen luh chu rual in, a khawnbawl te ho ngui nghiai a lo ṭhu chu a melh kual den den a. Lal Kaisang hi dinhmun chhe bera a din lai pawha chi ai mai mai chi ani tlat lo. Vaibel pak tual tual chunga tei nghut nghut in, an pi leh pute tlan san ram ah Lu zuar tuar rawn tla lut ngam khawpa mi huaisen chu eng ang taka ropui leh hruaitu ṭha ni ang maw, Pasalṭha Thanghrima maw a tih kha, rawn kal mawlh rawh se, Tlangval sawmnga vel lo dang tur khawp chu mi leh sa kan la ngah tawk ani lawm ni, kei zawng khaw dang puihna lak ka mamawh lo ve. Kan lo hmachhawn khawp ang. Ngur khaw val rual mai mai zawng an hruai tute an tluk rual rual a, hniak pherh vunga tlan chhebtur an nih ka hai lo ve. Khai le tia Val Upa Chhawntluang en pah chuan ralrel i kut ah awm rawh se, i nau te ho lo fuih phur ang che. Khawnbawl min chu rawn khuh khak khak in, lalpa kam hnih khat ka lo tlak ve zuai thei angem ṭi deuh dai chunga tih pah chuan a ṭhut hmun an siam ṭha sat sat a. Sawi ta che lalpa ber in a tih chan rat tak ah chuan lalpa kei ka ngaihdan chuan kan Pasal rinrawl tak tak Mukthang, Vantlung leh Nizan lawka famte kan Pasalṭha Uklian leh Dorem te pawh lo tudawl tawh tu te hi lo Nuthuri zuam ngawt chi an nilo in ka hria, i ṭhian Sabeng lal Sangchin pun mai a ṭha lo maw, ngam loh chal ah chil kan hnawm hlauh dah ange kan tlangval te ka eing zolo tih na chu ani hauh lo ania tiin an kamkeu nuap nuap a. A hlauh thawn ruk ang ngei thil a thleng ta tlat. Nang ka khawnbawl min hian kei lal Kaisang hi mi ring zolo a maw, Thanghrima in ti Lusei Tlangval thawm thangva in a ti khur che maw nep lutuk, lokal rawh se keiman kalo pawtsawm khawp ang. Mi nep leh dawihzep tak i lo nih hi. Khawmbawl min ni tlak pawh ni hrep lo che a, Kaisanga hian lal dangte puihna ka dil chatuan lo ang. Thui thui thuiiii.. Lusei val lak ah ka tlawm ngai lo ang, chhuak teh i hmel pawh ma hmu tui nek lo ve, ka Tlangval heti zat an tluk tawh laia duap aw i chhuah mai le tiin Upa Min chu a nam dak ta awrh awrh mai a. E khai khati tur maw ka kum palliam alo tam ta a ni ange. Kei hian thih ka hlauh ka hre ngai lo, kan khua leh tui boral ka hlauh luat vang ani e, lal ropui tak lo ni zel ang che tih thawh ṭuih ṭuih chu rual in, i Pa kha la dam ni se chu heti ngawt hi chuan thu a suih mum hauh lo ang hnunglam hawi tawh map lova pen chhuak nghal in, nang Tar kiring khan ka Pa nen mi teh khin chai suh tih leh banglaia Chem chuh chu lal Kaisanga chuan a rual ta mai a, kil khata a nupui fanau te lo ṭe teng tung thawm nen upa dangten an dan laih laih lai chuan Upa min Kawlvel erawh vawikhat pawh hawikir tawh map lova in.lam.pan ngauh ngauh in, a fapa in hrang chang tawh hnen ah chuan i nupui fanau te ko vek rawh ka makpa te nen ti chang rat in, Tap meilum lam.pan chuan a pen zui chhat chhat a.
.... Vawikhat pawh he khawchhiatna tur hawi hian ke a pen tawh ngai em, he khaw tana a suang tuah na a tha leh zung sen tam tawh zia i hmu ani lawm ni, ka Pa thlarau pawh i zah nange, mai mai chuan nang hmeichhia ka rorel na ah i in rawlh amaw lo ngawi chip cham rawh chuti lo zawng he in a ṭang hian ka hnawt chhuak nghal che ani mai nge ni kha Putar nen khan in zawmna tenawm tak in lo nei zawk, mahni Pasalte aia i ṭan zawk chu le tiin lalnu chu a melh ta tur khui a. Khanglang che chuan nang anga kawp lawr leh zuan lawr ka nei lo ve, i hmei te nen hian lo khawsa zui mawlh teh u, Pa nei lo ka ni chai hlei nem..ka chhuak ang ka chhuak khawp ang tia a thul pan zui nalh lalnu chu melh pawh melh duh lova lal Kaisanga hawi tau sawk sawk chu khawnbawl ho chuan melh hrek hrek in khaw mipui lal in lama thawm chhuak hrepha ho erawh ṭi deuh dak chung chuan lal in chu an melh zak zak hlawm a. A thinrimna a ruih chilh tawh bawk nen ka Pasalṭha famta te tan, Lusei Pasalṭha Lu ka lak tur lawm nan ti kual sek in Val upa Chhawntluang pawh a duh aia tam lem tir in an Chapona a kaitho zual bawk nen lalpa ber pawn a Nupui fanau te in phur chhuak te chu fiamthu thawh nana hmang zuiin a zan a zan chuan Tlangval ho koh khawm tir in, Thanghrima Lu la thei a piang hnen ah ka Se chal leh Silai fung khat ka hlan ang ti meuha in ṭawng tiam in Zupui te chu a sem tak ang dur dur a. Lalnu leh a fate erawh Upa min in lam pan in an in phur lut ta rup mai le.. Upa min KAWLVEL meuh pawh a ngaihtuahna a buaiin kan vang khua zawng a tlu chhe ngei dawn e, ka lalpa min ngaidam ang che, nang nena kan sah kuak ram leh khua hi chhuahsan lo thei ka ni silo tiin a mittui a khap per ta sak sak mai le. Khawinge lal mual lam thawm ṭhat lai tak hian i chhuak rang teh ang Mipa lam kan in daih deuh bawk a, kan Se chi ṭha ho kha chu i kai hram ang aw tih leh thawh ṭaih ṭaih chu rual in hah tak leh thi leh thau pawlha an lo sah kuak Kawlhawk khua chhuahsan tura ke an pen meuh chuan Upa Min biang ah mittui a luang lo theinlo chu ani e. Dai ah ding khawm ṭhap in Upa min fa u ber Kawilian chuan ka Pa khawi ram nge kan pan dawn le a rawn ti ta khauh a. An chhuahsan mek khua chu thlir let vang vang in, kan lalnu te khua hi kan pan phawt ang. Chumi hma lova kal ula kei zawng Lusei Pasalṭha hmaichhana biak phawt ka duh e, min ngaihtuah hauh suh u, Thanghrima thawm thangva zawng ka beng hian a hriatha a rei tawh ania, him dam tak in ka rawn thlengnleh thuai ang. Kawlhawk khaw tan ka theih tawp kan chhuah leh hram ange ti ram hmak chung chuan Thanghrima ten an rawn pal tlang ngei tur kawng chu muang chang chuan a zawh zui hnak hnak a. Upa min Kawlhawk hmangaih an duh loh a an hnu chuan Kawlhawk damnan ke a la pen ṭang ṭang si, chutiang khawpa Kawlhawk hmangaih tu chuan Kawlhawk khaw dam na a paw chhuak zo angem le..
... Thanghrima te pawh tuk ṭhuan bar zawh hnu a, hliam tuar te zawn hawng tur tlem a zawng kalsan in Kawlhawk khaw luh chhuaha pal darh vek tum chuan kal an siam leh ta sauh sauh a. Kawlhawk khaw lal hian Ngur khaw hausakna leh ropui na Rohlu leh an Silai neih ve zawng zawng Fung ruk lai a kawl zawng zawng te lak let an tum ruh khawp mai. Kawng lak ah zan khat riak lui ngat in, Maufei tam tawk leh Thal fang ṭhahnem tak suih lawk ṭeuh in, chawhma kal pawh tling tawh lo ah chuan Kawlhawk khua Chhiah khua a chhiara nawp kual ṭhin tute an ngei chu a in pharh duai tawh tih hriatna leh beih let ve chakna a khat an ni bawk a, an thil tih reng reng a zangkhaiin, an Thal leh Fei suih hnasak a piang chu mei ah hem char in an buai tlang zak zak kher mai. Chutianga an rik map map lai chuan Challiana chuan a hnar len vut vut in, Pakhat chauh a ti zui sap a. Leng hawn Ar khuan hun awm vel ani hial tawh ang an lam.pana meichher rawn lang leh hman hmawh loh hmel fahrana rawn hmalam rawn pan zel si chu ngaihṭha vak lo.leh mak ti ru tak chuan an thlir rawn ṭhup a. Thanghrima chuan a kutnphar zauh in, Tlangval sawmhnih chuang chu Phurliana ho chuan Thim chin ah tawlh lut vat in, an ralthuam an lek chhuak zui sap sap a. Challiana chuan a tu tak chu ni maw tumah zui tu anei hauh lo tiin a beng a dawh uluk zual sauh a. I beng ṭhami hi zawng a ṭangkai teh e a tih mek lai chuan an lam rawn pan tu hmel pawh tun ah chuan a hmuh theih ta. Putar lo ti sup tu Taipuia chu Thanghrima chuan melh zawk in a ṭhut hmun a thawh san zui thuai a. Upa Min Kawlvel chuan a hmazawna a mah lo hmuaka lo ding vang mai Thanghrima chu melh vang vang in, a aw an thian te te a, Vala te u in hmelma ka ni lo ve, khawngaih in ka rawn pwwh thei che u angem a ti sai zui dar dar a. E khai, Kum a va pal liam tam tawh awm ve, Taipui va kai tawh tiin Thanghrima chu a phun chhuak sap a.
.. Ka Pu khalai ah khan hahdam deuh in ṭhu chawl tawh, Tuisik kha han pe phawt teh u tiin Thanghrima chuan thu an pe zung zung a, a samzial dan ah an hmelma lam chhuak mah nise, Lu var vek tawh khawp a, kum chhir liam tam tawh anihna chu Thanghrima zah zawng tak ani tlat pek a. Ka Pu Zanriah te i ei tawh em, Sakhi chek te pawh ala awm kha han siamsak thuai rawh u. Thanghrima hmel en vang vang in an sawi ang em a, nunrawng leh Ar chuk tuilo chu i ni hauh lo mai a, ummm ka tlawmngai tum hrang lo mai ang Sakhi chek hming ringawt pawn chil a ti put mai dawn lawm le tia Upa Kawlvela a ṭawng chhuah meuh chuan an Sakhi Chek te chu hem lum nghal zung zung in, an Hotupa ber in a dah chung nun em a vang chuan an phe suau suau hi ani ber a. Kar lo ah Upa Kawlvela hma ah chuan chaw leh Sakhi sa leh a chek nen rawn chhawp zung zung in, e khai mahni maia kil ngawt chu a va nuam dawn lo ve tia hawi kual in, Taipuia zawn ah chuan a mit kallai chu chawl in, nanghi Taipuia ngawirenga Thanghrima kianga awm reng an tih chu i ni ang maw, a luhna i nei sei ṭha bawka, mibmn rawn kilpui ve teh tiin an sawm chawt a. Taipuia lah chuan ngawi renga pan hnaiin a ṭam chhe zawk ang hrim chuan a bar zui hmiah mai bawk a. Challiana chuan Buh changrum hi zawng a hlau mawlh lo tih sup pah chuan a nuih vur vur a. Upa Kawlvela pawh a puar ta bawk aniang irh uk uk chunga Vaibel la kaiin van kai chaw a tan ka sit hauh lo mai a ka Vaihlo hi a tui khawp asin tiin Thanghrima lam ah chuan a vaibel chu lek in Thanghrima pawn an pak zui talh talh a. Pu a,nang zawng i vanglai ni pawn mi seh hel tak i ni ngei ang ti rilru nuap nuap chung chuan kan beng kan hawng e tiin ṭhut hmun a siam ṭha zui sat sat a.
... Upa min Kawlvela pawh khuh kharh kharh chunga meng kal ralh ralh in, kei hi Kawlhawk khaw khawnbawl min ka ni ve ṭhin a, a ṭawng hman hmawh hauh lo,khatia kan Khaw Tlangval in rawn nun tak in khua a rawn thlen hnu khan tiin thil awmzia chu a sawi zui dap dap a. Tunnah zawng Khawnbawl Min ni tawh lovin kan lalnu te khaw lam pan a, in benbel tum mai kan ni ta. Ka ngen tawh che u ang khan khua in lut ta ṭalh anih pawh in, nangni do let zawnga che lo chung ah in hriam lek lo hram tur in ka ngen duh chenu, ani. Tin, kan lalpa phei chu kawng dik a zawh leh nan nun hram tur in ka ngen tak meuh meuh che ani. Thanghrima chuan a hma a Putar chu thlek vang vang in, an duhlo a, an hnawl tawh che a, ti chung chuan Kawlhawk dam nan i Lu ila rawn zuar chu ania, pa mak tak i ni e, ka tum dan ka thlak phah ngei ang. In lal nun chung chang ah kha chuan a ma mizia leh chet phung ah a in nghat ni rawh se, hetah kan zing ah mu phawt la, khawvar ah ka nauten an thlah dawn che nia tiin Upa Kawlvela chu ngaisang tih hriat tak in a melh zui vang vang a. Thlah em zawng ka ngai em bik nang, ka la zung khawh thui ve viau ania tia nui hak hak chung chuan Phurliana'n mutna a phah sak ah chuan khuh kharh kharh chung chuan a mu nui var var a. Ngur khaw val rual te chuan an hmelma khawnbawl min ni ṭhin chu zah tak leh ngaisang ru tak chuan hnaih tiau tiau in, ka Pu la mu lo teh in sawi hmang khan Kawlhawk khua sat kaw tu ah i ṭang hman anih hmel a, in sah kuak dan chin han sawinteh tiin Upa Kawlvela chu an nawr zui nak nak a.

MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:11 pm

THANGHRIMA 34
KAN HNE DEUH TAWH AMI. TIH TAWP THEIH RENG ANI E.
... Thimṭin hun a liama kawl a rawn en tak dat dat ah chuan Thanghrima te ho pawh an hmabak kawng hauhtak zet mai zawh tura an in buatsaih na pawn a tawp a thleng ta tak tak e. Zan liam ta lama Kawlhawk tlangval ten an chetla vel zan rei ah an rawn bih tih lah chu an chiang nasa mai si nen, an nui liam mai mai tak hlawm a. Mahse Ngur khua an pan ṭums an chet sualna kawng ah kha chuan chetsual nawn an tum tawh lo teh e, Thanghrima ber chuan kawlhawk khaw Pasalṭha te kan thal zo tawh nang a, che sual ve thei kan nih hria ang aw, Silai mu dawn kha a nuam lem lo em mai nui sawi bawi chunga a tih lai chuan Taipuia ber chuan Nia a na duh zek leh nghal lo ti ve sup in an han nui ho leh dar dar ṭhin bawk a. Upa Kawlvela chuan Pasalṭha engtia chet laknge in tum reng reng tia zawhna a pek chu Thanghrima chuan ngawi vang vanga ngaihtuah chung chuan a tla chawp in ani mai, engpawh nise Kawlhawk ho hi an lo tlanbo dawn lah ni hlei lo, rilṭama hnathawh zawng hna a sawt mawh an lo tih kha maw keini ho pawh Tuk ṭhuan i ei leh si teh ang tia rawtna thlak thut in, a ngaihtuahna chu a nuih pui zui hek hek a. Ruahmanna anei leh tawh anih saw tia Phurliana a phun chhuah sup lai chuan Thanghrima chuan Phurlian i duh mi panga vel kha thlang la, Sa va veh leh zawk teh u, hei ni a la tlangsang lo bawk a, Sakhi huk ṭhat ṭhat thawm pawh ka hriat kha mawle, rilṭam eitur nei lek lovin Kawlhawk ho hi dah tum teh ang, a pawimawh ber ah chuan an Tuikhur kan thu hnuai a ṭul, ka Pu khua a ṭangin Tuikhur awmna a hla em tiin zawhna a pe ta daih a. Upa KAWLVELA pawh Thanghrima thluak ṭha reuh lutuk makti taka a lo en hu hu lai ani kher nen phu deuh zuk in engtin a an ti deuh hu a. Thanghriman zawhna a pek nawn leh tak ah chuan Tuikhur kher chu in tan thuhnuai buai tum angai lo ang. Kan lalpa hi lal chapo leh hawisang ve tak mai ani a, khua hi kulh pawha hung ani lem lo. Khua a ṭanga Hmuamda kallai tur ah ani kan tuitlan ber chu a awm.. Thanghrima chu Kuk zui raih in, Pu Vana kan lam ah a ṭang e..khawinge Zai in vawr dawn teh ang.. " Misual an damrei ngai lo, Vangkhua leh Tlang ka chuan, mual tin an hring mawi ngei e, kei Thanghrimhrim khawngaihthlaka. Tlang chuan in ka hawi vel e, Misual an damrei ngai lo, keini chu kan damrei dawn in ti teh ang aw. Ka Taipui tia an ek ṭhat ṭhat mai zawng Upa kawlvela chu rawn phuh ṭhut in, ka Nau i va lam thiam lo teh lul.. ti hian mawle, i hla thul khung zawng ka beng hian a dawng zing narawh e tia rawn che chhuak ve in, Vanglai nun kai tho ang aw tih pah chuan a rawn mute Lei hrut ta pek a. An hma lawka hmelma khua an mahni ngei pawh thah chimih vek duh khawpa haw tute an in hawr khawm tuau tuau laiin Thanghrimhrima leh a hote zet zawng an zai tui ang tulh tulh a. Chutia tui em em a an rik ṭhat ṭhat lai chuan Silai ṭum hnih an ral ah rawn ri ṭhak ṭhak in a fuh ngei e, e khai ka va hah ve tiin Upa Min ber chu h bal lang so chuan a nui huau huah a. Thawm na zet rawn chhuak thut in, Sakhi chal ṭha zet mai hi hlauthawng tih hriat tak chuan an buk sakna mual ah chuan a rawn zuang chhuak ta zawk mai le.. Challiana chuan chhe heuuu kawng a bo ani ngat mai, a nung chung in man ang aw tia au zhat ṭhat in an hnaih nghal tuau tuau a. Sakhi tlan ngaihna hrelo pawh nikhaw hre lova thal tawp in, Bilhliana chuan e khai a lainat awm em mai, Sakhi thidang ka vawikhat hmuhna ani tlat i nun teh ang tiin a chhuah zalen ta daih a.
.... Kawlhawk khaw lam erawh a ngaihna hrelo a dak fan vak vak in, mumal lo zeta chan khan an siam ve ah chuan Tlangval sawmhnih vel in ṭanhmun siam ve sauh sauh in, a tam thei ang ber lo thal a tlan kir nghal tum an ni bawk nen Silai leh Fei an in chhawp nual mai. Challiana'n an chung lawk a ṭangin a thlir ru reng tih reng an hre pha hauh silo. an lalpa in a chah ang ngei a, an hruaitu ho tum chat chat chu an tum ber pawh ani reng a.Pawi ta ber chu Pasalṭha tawnhriat ngah tawh hruai tu an nei tawh lo chu ani ner mai a lunung chuan Thanghrima te let thawka tam la ni mahse in beihna mual tak tak ah a aw ring leh Tap zawla mi Lu khai ngam a piang te hi an rintlak meuh angem le. An Val Upa ho na hnuai ah an lalpa in lawmman a siam ṭha bawk nen an Pawng phur ve em em ringawt pek a, an phurna hian rei a daih meuh angem le. Challiana thu thlen bawh zui chuan Ngur khaw val rual te chu a hma ai maha thawm na zawk chhuah in Thanghrima te ho erawh hmelma lam tawm khawm hel tur chuan an thawk chhuak zui ta zal zal a. Kawlhawk lhaw lam erawh makti leh a ngaihna hrelo zeta fanvak vak tawh in, Vaibel tak ngial pawh pak ngam lova an ṭhur rei tawh luat ah kam alo chhe ṭan bawk nen ke leh mawng a mu churh churh tawh a. A eng chu in hria ni maw tia an Val Upa ber chuan ti chhuak bal bal in, a dak fan zui ual ual a. A beisei hauh loh chhanna a dawng ta tlat. Engvak kan hrelo in nun a tawp dawn tih chauh lo chu, an hnung lawk a ṭanga Thanghrima chhanna avanga nasa em em a phu dawrh chunga a ṭe chhuah ṭhawt lai chuan Mau fei rawn thlawk chhuak chuan a rawn thil ta chaih chaih mai le. Val Upa englai maha mi huaisena chhiar ni ngai lo chu phar chhuak nghal in hlau thlabar chuan a ṭe zui teng tung a. Nun ka la duh, min that lul suh tia Val Upa au chul chu Thanghrima chuan en in nang ang renga Thih hlau hi ka la hmu ngai lo. In thuam kha dah vek rawh u a ti fiak zui ṭhak ṭhak a. Thuawih taka in pe sap sap in, Phurliana chuan mau tlawn ṭha zet pahnih sat thuaiin Kawlhawk ho chu an hnunglama an kutphuar sak in mau tlawn ah chuan an phuar zui leh mawp mawp a. Tilhan khua lut rawh u, in lalpa hnen ah chuan beihmi kan nih loh thu hi sawi ang che u, Phurliana chuan Thanghrima chu hrilhru sar sar in, ni dawn tak kan khalh lut dawn che u tiin Kawlhawk ho thu hnuai hmak chung chuan khawlam an pan zui mawp mawp a.
... Ralven buk ami te pawn kar lo ah lo hmu nghal vat in, ding tur chuan thu an han pe ṭhat ṭhat a. Thanghrima te ho pawh fimkhur thu hla ah hmelma te kar a, in zep vek in, Kawlhawk lam tan pawh pawng rawn kah ngawt chi an ni tlat lo. Ring leng lawnga au chhuah pah chuan in ṭhiante nun hi in la hlut anih chuan khua ah tlan kir vat ula, Faisa Phur nga min rawn pe rang rawh u, i thu hnuaia kun kan ni lo tlat tia chhanna a dawn rual rual chuan Kawlhawk tlangval pakhat beng chu Thanghrima chuan an hlep zui hmawk mai a, a leh pek ah chuan a Lu a chan tawh ang. Ka thu in zawm dawn nge a mal te te hian an Lu kan rawn theh kai dawn tiin an Vau leh zet zawng. An val upa ho ho chuan an ṭe nasa tawh in an ṭhian Ralvenga an dah te chu an vin tuarh tuarh hi ani ber a. An ni lam.pawh hman hmawh taka tlan kir chawn chawn in, Thanghrima te ho lah chuan an ral ven buk an luah ta hmak mai bawk nen ruahanna a kal fuh rih tlat. Chetsual nawn leg an tum tawh lo em ani. Challiana pawh ylan kir vang vang in, an ṭhiante chu Mau tam tawk tak sat tura hrilh in, Thanghrima ten an kal pelh tak Tuikhur kawng pawn lama dah hmak in, Maupum chuan an rawn hung ta hmiah hmiah a. Hetih chhung hian Kawlhawk khaw lal leh Upa te pawn namen lova hua tih hriat tak chuan Thanghrima te chu lo tawng in, Thanghrima lah chuan i Khawnbawl min ni ṭhin min ngenna a vang chauh in i vang khua ka zuah anih hi lawm hle rawh. I Khaw hnunglam kham chawi vek, kal chhuahna kawng awm lo a nih ka hria kan duh min pek hma chu Khaw pawn ah sawn kan in kulh dawn. Ngur khaw Silai i kawl.leh an khaw rohlu i chhuhsak tawh zawng zawng te, Sal a i man zawng zawng te i rawn chhuah vek tur ani. Phurliana silai chu puak zui ṭhuaiin kil sir lam a ṭang chuan na tuar thawm a rawn chhuak zui zat bawk a. Thal leh fei thlawk chhuak kar ah Silai puak zui ṭhuai ṭhuai in an ni lam tan lah pawng rawn kah ve theih an ni tlat lo. An ṭhiante in phen nan an hmang miau si. Kawlhawk lal Kaisang pawh thinur taka lal.in lama pen sawk sawk in, ka pe hauh lo ang tunge luhlul zawk chunkan hria ang chu. Thanghrima te erawh Faisa ṭhahnem tak nena tawlh kir leh tawh in, Challiana leh a hote chet lo.la.mek chu an pui zui ta thuai a. Thing i hmang tel zawk ang, thla muang taka awm theih tur law law in tia rawtna Thanghrima siam chu pawm tlamg in, Kawlhawk Val Upa leh a hote pawh chhawr zui nghal hmak in, abtlem zawk lam in pawn lam a ṭang in an hung hnan ta hmak mai le.. hetiang khawpa Thanghrima te ho an chet huai na chhan hi engdang ani lo. Khawnbawl min Upa Kawlvela kâ a ṭang khan Kai hruaitu nei lo Til tam satliah an nih an hre tawh tlat a lawm.
... An duhtawka Kawlhawk lam an chhawr hnu chuan Thanghrima pawn e khai in thawk ṭha em mai, hlim deuh khan va hawng tawh u, in lalpa in hmin hma theih leh in zalen hma ani mai. In khawnbawl min ni ṭhin khan in khaw dam nan hian min rawn ngen lo selang zawng meivap ah kawlhawk hi a chang daih tawh ang kal rawh u le tiin a nawr liam ta thuai a. Tlawm chiang in ti in an lai na ru teh mahse Kawlhawk lam chuan bei let thei niin an in hre bawknsilo, zak leh tlawmla zet chuan an mitthi phum haw lam kal hnak hnak hlawm a. Kawlhawk khaw lal in.lam.erawh an lal Kaisanga ang thawm chu ana in, a khawnbawl te chu a hrawk phar dawr dawr hi ani ber a. Ka pe lo ang ka pe hauh lo ang, Kan chheh vel lal ten eng hmuh in nge min hmub ang khua ka hawi ngam nang ti vela ang tun tun in, a khawnbawl ten lalpa hming chhiat leh nuihzat tih vel ai chuan nunna a pawimawh zawk lo em ni tia thurawn an pek lah chu a thinrim pui zel mai si. An peih chen chen ka peih ka hung hnan e min ti khanglang a maw tunge ṭam hma zawk chu kan hre mai ang. Tuikhur te zawng khur hnai kan la kawl ṭha em ti pung pung bawk mahse khurhnai zawng mi ṭha veng pawn an khawp kham phalo tih reng a ngaihtuah pha tawh silo.
... Ni anliama, Kawlhawk ho pawh an hlauthawn ang in zan lam ah beih an tawk lo bawk nen an nun a la pangngai viau mai. Mahse a tuk thum tuk anih meuh chuan tui thal in chuh buaina a chhuak ta mai reng a. Patling tui chawi tum in an phek chhuak ta tlat mai le. Fate tuihal dang chara dah ai chuan insual an ngam ta tlat. Lal leh Upa ten tih luihna hmangin la ṭhelh mit thei mahse eng chen nge an in ṭhelh mih theih ang le.. Tuikang nghak an kur ta ngei nguai mai. Ṭhal khaw ro lai in ṭan chho boruak in a nang har dawn tawh silo nen..lal Kaisang meuh pawh khum lai zawl ah a hui ru ta tlat. Mahse tlaawma Thanghrima phut pek erawh a la tum hauh lo. Thanghrima te lam lah an thawm a ṭha in len lai an chen hi ani ber a. Sa thar lam an hmeh thei reng bawk si. Faisa lah an la kawl nual bawk nen Buk an sa ṭha sauh sauh mai si. Zan nga na a nih leh meuh chuan Patling pathum lai chuan kal chilh chawt in an Zupui leh Tui thleng pui ah an sawm ta mai reng a. Zu bel khat ṭheuh leh Tui um thum ṭheuh an thleng sak zui hnu phei chuan an hlim a va sang tawh si em.. upa Kawlvela thlah a, liam ta Bilhliana te pawn rawn zawm leh tawh in, Thanghrima khaw khat lal lem chang kual vel in an in ti lal thiam em em mai leh nghal a. Ngur khaw val rual ten an ngen ang in chulai mual ah chuan nun chan lah an zir zawm mup mup zel bawk nen an hlim thawm chu Kawlhawk ho tan zawng mgaihawm ani mawlh lo. A ni sarih tuk anih meuh chuan Thanghrima te awmna lam pan chuan mi tamfe mai rawn kal hul hul in, rilṭam dang chara thih ngawt ai chuan tiinnan rawn in pe ta tawp mai a. Chung ho lo dawr vel tu Phurliana chuan kan lalpa saw va be teh u tiin an lo bawlzan kual vel hrep mai leh nghal a, chung ho Tuihal ti zual tur chuan Val Upa Kilmawia an tui chawisa chuan an lo insil vel phar phar bawk nen in sal nih pawh kan huam tiin Thanghrima hma ah chuan Nutling, Patling rual te chu an ṭhingṭhi hnawk hnawk hlawm a. Thanghrima chu hawi valh valh in, Kawlhawk Nula tuai mar ṭha zual zual te chu kawk in khang ho khan ka buk min ṭawm pui angai ang a ti ta mauh mai le.. kawng dang a awm ngang lo ami tia an ngenna lah a chhang duh tawh der silo. An nula te pawn thih ngawt ai chuan tiin Buk fal ber lam chu an pan ta hnak hnak a. Phurliana chuan Chi i thlah vak ange tia a zilh fiamna chu lo ngai reng rawh an rawn nui chhuak var var zel ang tiin a chhang fel et mai si nen ni teh se tia Phurliana a kal kian nalh hnu chuan phur tak maia Buk pakhata lut in, khai.le an ti lauh lauh a.
.. Hma rawn hruai tu, Nula tlawntlai tuaipur mai chu hui ṭhu in, kha i duhtawk in phawt teh tiin Tuisik chu an pe te te a. Kawlhawk nula hmelṭha pawn i he lova khiat zui khawlh khawlh in, Pasalṭha min dim deuh la aw tim daia ti chung chuan a meng hnuai raih a. I puan kha phelh rawh le.. phelh loh theih ni hek lo le.. hreh tih hriat ngawih ngawih a a phelg dawn lai chuan a tawk mai e.. lo hnai teh ti ahui.pah chuan misual tak ka ni bik hlei nem.. him i duh chuan lem i chan angai ang nuam tuar thawm chhuah rawh le tiin an hlap taih taih a. Thanghrima lah nui awr awr bawk ne awi ka Paaa tia au vel in, a nula kawl pawh a himna tur mi miau hek a thawm a chhuah uar ve khawp.mai. ka va hah em tia Thanghrima a thawk ham ham lai chuan a nula awmpui pawh ho ti bawk si nuih za ve bawk si nui ṭha ngam si lova hmui zum pawt pawt in, thanghriman ka hmu ngeibtur ani ati miau mai sia..a puan chu thlauh zauh in a ding sen zui ṭan ṭan a. Buk a ṭanga Nula lut hnasa ber tlawnn zuah mai rawn sen chhuak ṭan ṭan lungawi hmel tho si chu makti ru taka melh rawn ṭhap in, chutiang zel a. Tuk ṭhuan ei a hun meuh chuan Nula hmelṭha rual chuan Thanghrima chu sik nawk nawk ngam tawh in, buk ah an pawh luh rawn ta mai a, ensak ve ang u tiin an buan rawn ta mai le.. ka tlawm tia nui uar uar Thanghrima thawm chu Taipuia chu ngaithla vung vung in, Tenawm a ti zui hluk.a. Chutiang khawp an an hmelma Misual tawrawt ni a an ngaih an beisei loh lutuka an chunga a chetna chuan Nula te a hneh ta tlat si a, Tuisik mai nilo, Buhchangrum leh Sa nena Tuk ṭhuan an kil zui bawk nen, an thawm thangva chuan fan zel in, Thanghrima te sal nih pawh huam chuan lal.mual lam tih loh chu an in pe fai ta vek reng a. Lal.mual lam.pawh Tuisik in chuh thuabuai nei zel in, tun ah zawng nun khaw chhuah na kawng khat chauh a awm tawh tlat. I inpe duh lo anih pawh in i chapona ruala thih ve ngawt ai chuan tiin lal Kaisanga Khawnbawl te meuh pawn an lal an phatsan ta tlat. Tlangval chakṭha deuh leh an mahni bei let thei awm ang chu phuar hmak hmak zel in, Thanghrima tum ber chu lal Kaisanga tlawm chikima a tlawm hun hi a nghah ani tawp mai. Tih ngaihna thlawt awm ta hek lo le, lal kaisang pawh a luhkasang ah ding vang vang in, a vangkhua ruak huai mai chu a mitthla ah lo lang zut zut in, a rum zui nghut nghut a. Midang zawng in an tlansan vek laia a kianga awm tlat Tlangaupa chu hui hnaiin hei hi keng la i in hnuai ah tumah hmuh theih loh tur in i dahṭha hmak dawn nia, tiin Ṭhi keh Dar tam tham fe chu hlan in Tlangaupa pawh hman hmawh taka tlan thuai thuaiin, lal Kaisanga'n a tirhna ang chuan uluk taka phum in hai chhuah mai mai theib loh tur chuan a hnu hma chu a thup zui zung zunga. Lal Kaisang pawh a vangkhua chuan a hawi leh vung vung tawh in, Lusei Pasalṭha Thanghrima kut ah ka in pe ang maw a teuh lo mai. Kaisanga hi ka tlawm lo anga, ka in pe ngai hek lo ang tih leh a Silai chu ban lawk in a lam pana Tlangaupa rawn tlan leh tang tang chu nuih suk in a khabe tin chilh chung chuan a Silai hum lai chu a hmet puak zui ṭhuai a. Lal ropui Kaisang, Lusei Ngur khaw chunga a theihna lantir a, ropui taka leng ṭhin lalna leh a khawvel chu a tawp ta.
... Ṭiau ral khaw hrang hrang fan kual hrep a, Sei fate hi tawlh reng tur kan ni bik lo tih lan tir chak teh mahse an pawisawi lo nen lama vaihma a ṭul lem lo ve tihna lian tak pai chung chuan Thanghrima te ho pawn Kawlhawk khua chu chhuahsan leh tawh in, an rallak sum leh Silai te chu Ngur khaw lal nen inremsiam thlap in, Tun ah chuan an hming kim in Silai an hum thei ta tlat. Chutianga hnehna an chan na chuan Ṭiau ral khaw hrang hrang fan kual in Indona a tawp mai dawn maw tih laiin rawl rala chet a hring chhuak lo thei lo ta thung a. Tin Mualnuam Pasalṭha Thanghrima hming leh Zai chuan tlangtin deng kual zel in, mi nunrawng tawp khawngaihna pianpui miah lo, hmeichhia leh naupang pawh thliar hauh lova, chan darh veka, mihring sa ei ṭhin hial a lo chhuah tawk lah bo lo. Chu mai bak ah chutiang khawpa than kual mihring chu hmachhawn chak an rawn lang ta nawlh nawlh reng a, Pasaltha nunkawng zawh ṭan mek Thanghrima hian chawlh ni tak tak anei thei dawn lo a ang ta khawp mai. Silai fung pu ṭheuh chunga ngaw hnuaia duk leh par par tawh in, Ngur Khaw lal fapa Ngurawia chuan zui ve tum teh mahse favang ah le tia hnar thei hram in, lungawi lo ru ṭeuh a an kalsan tak chanchin te Phurliana chuan rawn sawi kaiin Ngurawia chan chin chu an rik pui laih laih a. Bilhliana chuan kei Kawlhawk Khawnbawl min kha a ngaihawm deuh ber in ka hria, an khaw mipui khan an thlem hawng leh thei ange maw chu le a rawn tih vang vang tak ah chuan Taipuia ber chuan an Thei ang alo ti ve bauh a. Thanghrima chuan ni e, an thei ngei ang. A nun pumpui kha Kawlhawk khaw tan hlan ngai dawn pwwh nise a hlan nawlh mawlh mawlh ngam ngeiin ka ring Tar huaisen tak ani tia lo tuihnih ve pah chuan Kawlhawk Nula ho a lem kual vel dan chu sawi kaiin an hriat chak ber ani bawk a, an hlimpuiin Phurliana chuan chuvang ani maw an tlawn zui em em che, mit vannei chung chuang i nih hawt chu kha a hmasa ber dawttu te kha enge a an tia phur fe a zawh pah chuan kalo ṭhu lut ve lo ni aw an ti zui vang vang a..
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:12 pm

THANGHRIMA 35 NA
Thanghrima teho pawh hmalm pan ve zel in Bilhliana leh Phurliana te khawpeng pawh an l;o chuangkai ve ta der a. Thanghrima chuan vaibel lakkai pah chuan eng pawh nise ti hian in then darh rih phawt mai ila hun hank al hret sela buhlak zawh lam ah keimahni lam zawk rawn chet chhuah kan tum dawn nia,kan mitenawm ho chu mangchhia lo la mang rih phawt mai the se ti charh charh chung chuan Taipuia erawh kan hawn kawng tur a nit ho a kan thlah kawi thei tur ah ngai ila lal fanu nita Muanzoi h mel han hmuh ve leh te pawh chaka2wm pah a lawm le ti nui san san chung chuan a S hmim chu zen nuap nuap in KAWLHAWK khaw ho hnen a tanga rallak rohlu a ah khawm chu hmun li ah then phawk phawk in a thian te ho chu asem zui mawlh mawlh a. an vai mai chuan dah kir sap sap in I chan tur a awm ve lo hetiang ani theilo an ti zui sap sap a. nuisanga pek kir leh pah chuan kei zawng min ngaihtuah suh u in rin phak aia tam ka nei e. ti khsan in thangbo vang vang pawn awmzia anei ve mahna kaltawh rawh u le tiin an in hmer zui ta vang vang a. taipuia chuan I thil tih dan mai mai chuh ti nuah nuah chung chuan pem khawm dan hi ngaihtuah angai ani ti ve sup sup chung chuan an thian te pahnih kalliam mek chu au zui ve lung lung in, tumah thih rih loh tur aw an ti ve ngial a. lunglen te chu I hr eve ani maw ti a Challiana fiam na chu nuih pui suk in nia a ti felleh thun a. khawinge kal siam ve dawn ila tia in ak zui sap sap in ZARLIAN khaw lam pan chuan an in chhir chuak tat ham tham a. kar ah zan khat riah angai tih an chiang tlang bawk a. kit ruak maia khu luh ai chuan tiin sat her hlo lak haw dan ngaih tuah nagai tiin an ri nzui ve laih laih a. Thang hrimas chuan Chala nangpawh hringmi nun pangngai zawh tam zel a tha e tun tum chu silai fung kan kawl vek tawh bawk a silai nen ngat aw tia fuih sauh sauh in, Challiana pawh chuan ka thiam ve tawh viau ania tia lo chhan sup pah chuan luikam remchang an in pal thelng ta bawk a lungpuk rem chang melh chung zel chuan an darh zui sang sang a. challiana ber chu rawn kuk raih raih in aqn pan khawm ta vata. Am pathums sn lernna tawk puk deuh reuh lo awm ah chuan in vawm lut thuaiin buk kawt vel te chu an han vai fai deuh zung zunbg a. tunge che chhuak ang ti a rawtna an siam l;ai chuan keimah kaqn che chhuak ange tiin Challiana chu a in pu chhuak ta thurh a. awm ang ve tawh khawp mai khawinge kan bih chin ang aw tiin THanghrima chuan thingzar bel in Challaian chu a um zui ta thuai a. Challiana pawh a thisante hmuh phak loh athlen tak ah chuan a hnar len vut vut in sakei ah chang in a silai chu a she kawh zui vu vu a. a sa rim hriat na lam pana kal zui than than in ahma lawka sih te takte lo awm tlan a SAZA lo bur ngsr ngar chu thlir vung vung in mihring nuhna dikytak nen a tin zui ve ta vang vang a. Thanghrima pawh nui sdan san chung a kir leh in Challiana nun sual mek chuan ati lawm ve khawp mai.
Phurliana leh Bilhliana kal ta pawh tluamg te a kal ve zel in, Thanghrima chan chin chu sawiin an ri ve bal bal renga khaw lam ah nise tu khaw kha in an ngaihsan lerm loh v eve an ni sa bawk nen an thawm thangvel in an khua v eve a than kan dawn bik lo tih chiang taka an hriatna nena kal zel in, kar ah zan khat an riah leh meuh chuan chim leh hmar lama in then na kawng ah chuan an ding dun vang vang a. dam takin le tia in thlah chung chuan Thanghrima ten en in hmuh khawm leh hun a MUALNUAM khua pem thei tura inbuatsaih tum tak chuan mahni khaw kawng ve ve zawh chuan an liam zui ta vawk vawk a. Phurliana a mah maia a kal nui ver ver chuan chhan lian tak anei ngei mai le. A farnu te pahnih a mitthla ah rawn lang ve zawr zawr in mi te nuihzat leh hmuhsit anbtawh tam zia te, an nulat puibte ang a, kut ni vangthla a her chhuah abin thuam na ṭha an neih ngai loh zia te chhui kir zung zung in a mah ngeibpawh an khawnbawl min fanu a rim ve ṭum a, zakbtak chunga khua a haw tak hnak hnak dante ngaih tuah kir vang vang in, khawnbawl min in a ṭanga zak taka a chhuahna chhan Khawnbawl fapa ve tho DUHMANGA leh a ṭhiante ho hmachhawn chu a chak in a chek zek zek tawh tlat. A patetna hmusit tu te hma ah Pate takte hian engnge a tih theih hmuh tir a tum khawp mai.
... Rei tak khua tlawh lo leh a chhungte pawh hmu lova a kalbo tawh vang nge a lai deuh ṭut chuan in hria in, a taksa ser Tharlam awm mual te nen Tlangval rei twwh leh Upa thar leh zual riau a in hria in, an khaw ram ngaw chhung chu a dai lut zui thauh thauh a. Khaw en ṭhat laia khua luh pawh tum lem lo chuan an kawm char lama mual a, Lui awm ngei mai chu zawh chho zai zai in, khaw chhung thawm pawh a ral hriat vo vo tawh a. Zanriah ei hun awm vela che chhuak leh in thui pawh ala kal hman awm lo ve, a sa tur ve reng nge ni dawn ni. A hma zawn ah tak mai chuan Sakhi Chal ṭha zet mai chu Lung chung ah chuan a rawn zuang chhuak vei nalh a. Nuihsak pah chuan englai pawha a Silai lek kawh vah reng anih na chu chhawr zui in a Silai chu a puak zui ṭhuai a. Sakhi pawn rawn hmu in insaseng tum ve teh mahse a Lung pawh hawk a Silai mu sa ver vawr in a verh tak sawk ah chuan pai zui khat khat in.. Luikam zawl lai deuh ah chuan a thal zui ngat a. Nui sak chunga pan hnaiin a pian a seilenna khua PANGZAWL ngei mai chu Sakhi pu chung chuan a thlir zui ta vang vang a.
.. Chhungkaw tamzawk ten Zanriah an kil mam mam lai chuan Pu Phawkliana te chhungkua pawh zanriah kil in, a hrisel tawk tawh loh vang leh a hnathawh rim luat vanga chaw bar khuh khak khak Pu Phawkliana a Nupui in a hnunga a chumsak taih taih lai chuan pawnlam a ṭang chuan mikhual thlen dil thawm a rawn chhuak ve mek bawk a. Pu Thluaii ner sak chu an pa chuan rum taka melh in, Pu Phawkliana hian englai mahin mikhual in hnar tur ani ngai lova, ka awm loh hnu ah pawh mikhual hnar ngai suh ang che u, englai pawn mikhual pakhat tal in buhthlak ah kep ang che u tia a zilh fo ṭhin a nupui ner rubsak pawh kha a chhan dang a awm lem lo, mikhual han thleng thei dinhmun ah ding in an in hre tlat lo a tin ni. Pi Thluaii chu tho chhuak vat in, e khai mikhual kan hnar ngai lo e, khualṭha i ni ang maw lo lut tawh ei in ṭha han chhawp tur che erawh kan nei hauh lo ang ti niah niah chung chuan Tlengrel chu a nawr tawlh zal zal a. A hma zawna Tlangval pakhat Silai pu vauh mai leh a hmel hmai a sam in a hliah deuh chhum si chu in chhung mei eng lo zet hnuai a ṭang chuan thlek ngial mahse tunge a nih hre mai hek lo, lo lut tawh zanriah kan lo bar mek a, min rawn zawm ve mai teh tia biak sawk sawk pah chuan an khual Tlangval in a Silai a tun mek lam chu melh in, lem ka change te i rawn tih khanglan chu ni, chhungte i nei ve tih chu ila hre ve maw tia a Pa a rawn ṭawng chhuah meuh chuan Phurliana pawh nui sak in, a sam chu hui kiang in, in lo dam maw tiin a nu makti hawi buai chu hnaih in a kuah zui hlu hlu a. A farnu te pahnih ang phuau chunga ṭhu chu melh in, ka la thi hlei nem Chemte tiin an pangber chu a piai zui zauh a. An pangber Lawmkimi chu kuk rawih in, ka U tiin a kuah zui ta thlawp mai a, a chhang chiah Hlimliani pawn rawn kuah ve thlawp in, ka U tiin an sai dun ngar ngar a. A farnu te ṭap sai hlak hlak chuan Phurliana chu ngaihṭhat loh na hmun ah a hruai lut ta tlat mai le.. tlema nam kiang in, ka Pa tunge, heti em a, ka Farnu te hlau hlawpa siam tu hi a ti chang ta khal mai le.. Pu PHAWKLIANA chuan a fapa chu thlek vang vang in, tun ah chuan Pasalṭha nun kawng chu i lo zawh tawh takzet ani maw. I farnu te pahnih kha Pawmlai nei Zualhranga ngaihzawn rawna puh in, Zikliani phei chuan an che sual lai ngei hmu ang in a in sawi mauh mai pek a.. kan mi chhiat teh lul nen zan in hian lal in lam ah koh an ni nghe nghe a sin a ti chuai raih a. Phurliana chuan a farnu te pahnih chu melh in, tute nge inleng in neih ṭhin, in Lawmpa te vang ani ngei ang maw a ti ta khauh mai a. A farnu te chu in kheuh in a u zawk HLIMLIANI chuan ka U a hmasa a ka sawi duh chu i farnu te hi buanchaklo kan ni hauh lo ania, nula thianghlim diktak kan la ni e. Kan mi chhiat luat ah hian Lawm pawh kan nei ngai lo. Mahse thawk khat lai a ṭang khan U Lawmkima te ṭhian dun hian min hmel duh thar deuh nge in ah pawh an lo chuangkai tan in, in Lawm ni hauh silo hian kan Hlo pawh min zawhpui duak tawh, mahse chu chuan enge awmzia aneih a ti fel thak a. Phurliana chu nui var var in, khai le puar el euh khan awm tawh u, kan mi chhe hauh lo he khua ah hian kan lal tih loh ah chuan ka Pa i neinung ber tawh tih kha hre phawt mai teh. Chemte Nuṭa in nei ve tawh alawm bar ang aw mi rilṭam in hna an thawk thei ngai lo tih leh chaw bar nghal mawlh mawlh in, kar lo ah kham tharh in faifuk chuan Misual an damrei ngai lo kei chu ka damrei dawn ti hlarh hlarh in, Vaibel lakkai pah chuan a Sahmim chu a pa chu pe in kha Ka Pa i awh ve em em Se nufa zawng a man ve khawp ang tiin a Silai chu a endik zui mawlh mawlh a.
.. Pu Phawkliana'n a fapa Sahmim chhunga puana tuam tlat a phelh meuh chuan makti taka meng kaw kaw in, Taite a ti tham zui ṭuak a. Ka Pa hlauthawng suh i fapa hian diktaka ka hlawh chhuah ve anih kha. Chemte tun ah zawng Kut ni vangthla pawn lal Hlau lo ṭhi nen in chai ve thei tawh ang.Nuṭa in nei ve tih he khua hian a hre dawn khawp. Ti khan lo awm phawt teh u, Phurliana, Thanghrima ṭhian Sabeng ka ni ngai e tih leh a Sahmim ak a, Silai hum chunga pen chhuah chu rual in, ka Nu hlau thawng suh tumah tihnat ka tum hlei nem ti khan lo awm tawp rawh u, khawinge Zikliani chu ka han rim chhin ange tia pen chhuah pah chuan Van lam hawia a Silai hmeh puah ṭhuai chu rual in, Silai sawh leh mawlh mawlh in, lal mual lam hawi chuan a zai chho zui awl awl a. Thanghrima zia a kai tam tawh zia alo lang tlat. Zamna nei map lova, Phurliana pen chhuak chu a kal pelh in a piang chu rawn in hawng in an bih ru dak dak zel a. A hla sak kha tu te sak ṭhin nge tih an hre chiang in, Thanghrima kut dinglam ti hiala an lo ral hriat Phurliana an khaw tlangval ngei chuan a vang khua a rawn lawi leh tih tuma hrilh an ngai lo. A farnu te thlavang hauh nan zawng Phurliana hian a ngam sang tih a thawm ah chuan hai theih ani tlat lo. Hnamchawm val Zawlbuk lai lum chang pha ngai lo. Mite hmuhsit rawn val ka ni ngai e. Silai zawng i tan vana rah ang ani min ti tu kha tunge khahhh..Vana rah chu ka lo tawh asin, lo chhuak chhin ta che tia au lauh lauh chung chuan a hawi ngeng ngalh ngalh kher mai. Khawnge Zualhrang i awm maw tih leh Pu Zualhranga Luhkasang kai chu a rual ta mai a. Ring fe a zai chung in, mi Lu ka khai, mi ril ka khei, tun min sel lo u maw, Misual an damrei ngai lo, Kei chu ka damrei dawn.. e khaih khaih Pu Zualhrang i chem zawng ka hma ah chuh ve hlek suh, ka chan sawm hlauh dah ang che tih leh a silaia tin chu rual nghal in, a beng hawi zui sawk a. Nang hian ka Farnu te chu i mutpui ngei em tiin an hawlh chilh zui rap mai zawng. Zualhranga chu sai dur dur in, an puanhmawr pawh ka la dek lo a ti sai ta dur dur mai le. A ṭha khati tur kha ani. Phurliana dawt hrilh chu thihna ani asin. Hmana in nuih in chhaih nawmnah Phurliana kha chu a awm tawh lo, Phurliana mithar Thisena tuihal ka nih hi tih leh in her hmak chu rualin, Zikliani run ka lawi dawn e, kha keimah Ṭiau ral Pasalṭha Lei tan tu tia an au leh lauh lauh mai zawng, Phurliana che zia chuan chhan leh a vang anei chiang bawk aniang, Pangzawl val rual te chu ṭik ti tur pawh an awm rih tlat lo.
.. Zikliani te Luhka a kai hman ṭep awm e, tlangaupa aw ngei mai chuan Pasalṭha Phurlian kan lalpa in lal in ah alo tlang lawk hman angem a ti che anih chu tiin a rawn ko ding ta tlat pek a. Ring fe mai a nui chung chuan Pasalṭha Phurlian, ka ten vel lutuk eng laiin nge kei hi he khua hian zah taka min lo biak tawh ngai a. Eng pawh nise lalpa meuh in min koh tak ah chuan kan kallo ngam nang le.. a hawiber reng reng leh kam chhuak kha fak mai chu a nelawm tlat lo. Patetakte mah nise a palian tlat si. Hmarcha pawh hi a te te zu thak tlat a mawle. Hei nangkha Zawlbuk ka kai zan a, ruak tangkawnga mi dintir tu i nih ka hai lo ania. Min lo diriam tawh ṭhin tute kha lo intel khawm rawh u, Phurliana ni a thleng ve tawh ania ti lang lang chung chuan an khaw buanchak Phawkliana chu kawk in, Thingluang zawh in aw an ti zui lauh lauh mai zawng, Phawkliana chu a hawi kual ta ruai ruai mai reng a. Nui lui vak vak chunga lal.luhka kaiin ka fiam mai mai che anih kha tiin a zai zui al al a. Pangzawl lal Saikunga chuan e khai, Phurlian lo ṭhu tawh ka hriat miah lova i lo hawn mai le, i rawn thlenna a rei tawh em tia ṭha tawpa lo bia in ṭhutna te chu alo kawh hmuh sawk sawk a. Thanghrima erawh zalo tih hriat taka nui lui hak in, lal in ah zawng keini ang michhe daikil kar ami tan mawnghun a mawi love, tak a hei Silai ka rawn hum haw tak asin, Thisen tam tak chhuah a ka hum haw ania i banglai mawi kher tur chuan i beisei lo ang maw tiin zah der hmel tak si,hnial vak ngam silo ṭawng kam meinei zet chuan a ri zui fak fak reng a. Tak a, lalpa zanin hian ka Farnu te i ko niin ka lo hria a, i rorelna ah kalo ṭhu ve mai mai ange, sawlai kil te ah sawn tiin hnial zui theih map loh chuan ṭhut hmun a rem zui chat a. Michhe tana lal in a mawng han hun leh si chu inthlahrun a va na ve tiin a Lulak chem chu phawrh in a ngal hmul chu an met zui hliau hliau a. Ngati nge khawkhat lal meuh pawn a mah zah pahna nei map lova a tlangval a lal in chhunga khawsa mek chu a khap tlat loh. Engdang anilo, Phurliana, Thanghrima ṭhian ngainat ber anih piah lam ah Phurliana mitemg leh hawi her chuan huattur zawng in, Thisen chaka tuihal hmel a pu tlat atin ni.
.. Khaw mipui Phurliana farnu te chunga rorel hun ngaichang leh hre chak em em a, phusa sek ho pawh a hma ang an ni tlat tawh lo. Thisen tlanchhe ve ngai lo nun hian thu a lo sawi tam ani ange, lal mual lam pana an pen pawh a zang lo tlang in, Zikliani phei chu a khur ru dar dar reng a. Zualhranga ngat phei chu a khabe in khawng ru tlauh tlauh in, Zikliani bumna mai nilo a thil rawlruk vanga lem alo chang mai chu a tihsual ani ta. Phurliana chuti maia a rawn kir ring hek lo le. Dawt ṭan in an la ding ngam meuh angem le..lal leh Upa te hnen ah vaubeh ang a in chhal in Dawt ṭan zawnga ke pen tur chuan lal in lam chu a pan zui chhut chhut a. Hawi kual zak zak in, Phurliana hmel awm ang lah chu a hmu hauh lo leh nghal. Phurliana erawh Thul kil thim leh zual chuh ṭaih ṭaih in, Zikliani leh Zualhranga rawn in zui lut hmunga a farnu te pahnih zam hmel em em maia rawn lut chu melh ding ngar ngar in, lalpa chuan fimkhur tak leh Phurliana pawisawi hlau tak chuan zawhna a zawt ṭan ta kauh kauh a. Zualhranga chuan lalpa kan thu hian lal in pel lo se ka duh hle mai tia in ṭawng khalh te te a. Dawt muhlum phuah tum a, a in san mar lai tak chuan Farnu te kiang a ṭhut pawh a khat lawm le tih thawm lo chhuahna lam chu Zualhranga mai nilo a farnu te pawn hawi nghal zawk in, Phurliana chu tho tharh in a Farnu te kar ah chuan a rawn ṭhu ta chaih mai le.. khai le Zualhrang eng thu in maw lal bang pello tur thu chu ka Farnu te chu pakhat zaak mai nilo an pahnih hian maw ilo mutpui ṭhin a mit khap map lova an zawt zet zawng an lalpa ber chu a hlauthawng tawh tlat. Phurliana ngWr ngawr hi zawng a tlamgval ten an hmet mit maiin a ring khawp mahse, Phurliana hi an dahṭha anih vaih zawng in, Thanghrima leh a ṭhiante cho chhuah chawp an ngai dawn lo tih tuma hrilh angai tlat lo. Sawirawh tia Phurliana an au ṭhawt mai zawng, Zualhranga phu nasa lutuk chu au ṭhawt in, lalpa dawt ka sawi ani..henu Zikliani hian tiin an thuruk zawng zawng chu a sawi fai ta leng a. Zikliani nula nunnem leh zaidam rual kawm thiam ni a an ngaih ṭhin zia alo lang ta, Zualhranga chu a kawk ta sawk sawk mainle. Mipa pawh i nilo, mipa ah kalo ngai che hi ka tihsual ani. I lawmman a tana ka pek che pawh kha min pe kir nghal rawh, nep zel zul lutuk tia a an khum bawih bawih lai chuan Zualhranga chuan ka pe khawp ang che, Mipa diktak ka nih leh nih loh kha ka sawi chhuak kher dawn em ni. Tunah hian hlauh tur nei tawh in min ring em ni. Mualpho na zawng zawng ka phur tawh dawn, ka lawmman erwwh ka ta ani tawh tlat tiin an in kawk ta sawk sawk mai a. Phurliana chu an kara tlazep in e khai, e khai insum in sum lal in anih hi, a ruk in in la mu dun leh duh ang tia an nawi zui kawr kawr mai zawng Zualhranga leh Zikliani chuan haw teh mahse thinur vak ngam hek lo le lal leh Upa te lah chu an kun ru far tawh bawk nen, lalpa chuan engpawh nise lo va chhuak phawt teh u, in chung chang thu zawng bengtharin kan lo ngaihtuah dawn nia tiin a tir chhuak ta thuai a. Phurliana chuan lalpa engpawh nise keini pawh kan zuk ṭin ange tih leh a farnu te pahnih kai chunga lal mual lam pan puiin khaw mipui lo tlim hmur mai chu melh kual in, thudik anih leh nih loh pawh fiah lova, ka Farnu te lo ensan tu te khan rawn hnaih tum buai duh suh ang che u, Zawlbuk erawh ka rawn kai ngei dawn e tih pah chuan zamna nei map lova lal tual a mipui awmkhawm chu tawn tlang pawp in, an khaw Tlangval kei kani inti ve Tlangkunga leh a ṭhiante hmazawn a thlen chuan kawng an lo kian ve mai ta hauh lo. Phurliana chuan kiang rawh u, ka Chhawn in a hem hlauh ang che u a tih mek lai chuan min hel mai tala tia chhanna a dawn rual deuh thaw chuan natuar ṭe thawm lo chhuak zui ṭhawt ṭhawt in Phurliana kalna kawng zawng an kian chiang khawp mai, thal zui zawih zawih in an malpui vunbui chat ṭhawt khawpa Phurliana tai sakna chu hup in an ṭhen zui chawk chawk a. Ka Farnu te hmuh laia in taksa tan bun ka hreh vang chauha nungdam in la nih kha Phurliana hi pawng nawk mai mai chi kani lo in hria maw tia an ṭhut chilh leh mai zawng Tlangkhunga te ṭhian ho chuan an chhang zawm lo chiang teh e. In lam panvang vang in, Lenghawn ar a khuan a, Zawlbuk an kai meuh zawng a hma zawnga Bawhbel kiang mai, a che vel te pal harg ngei ngei tura mu ṭhin kha anih vei teh lul nen Val Upa kiang chiah ah chuan mutna tur lo zuah awl sak in, khati tur kha ni tia hawi valh valh pah chuan veng maawng lam Tlangval ṭhenkhat kimki chaih a, lo ṭhu khawm leh hmun lai lum chang phalo ho chu melh in, an hawi zau zel a. Khai le zanin chu mutdan siksawi ang aw.. ang khat vek kan ni, mihring hlutna ber chu nunna a neih hi ani. Kha laia bang killam chang ho khan tia kawk kual zut zut chung chuan mutna an siam rem tak tak mai zawng an khaw buanchak meuh pawh a kal ve duai duai lo thei lo. Thih hlau lo val, Thisen ngam em em Phurlian tetaktea huhang an ngam ngang lo chu ani e.

... Bilhliana erawh Phurliana ang em chuan sut kuak tur anei meuh lo. Mi awmthei pamgngai tak chhungkua kha an ni.miau mai a. A rohlu hawn ṭhahnem tak nen a chhungkua in lawm ve laih laih in, Bilhliana rawtna ang chuan kum te han vei sela a ṭul anih leh Mualnuam khaw lam chu kan pan mai aniang chu tia a Pa chhanna chu buk pui nghat nghat in, zanriah ei kham chuan Zawlbuk pawh kai tawh lem lo chuan a Lawmnu ni ve ngar ngar ṭhin Vulmawii te in lam pan chuan phei khai zanf ve chuan a pen zui pawk pawk a. A Lulak chem puanhnuai remchang hek lo kal pah chuan a ṭul thut a ban mai theih tur tiin Thingfak lian ṭha tel tawl chu Vulmawii te Thingkhawn ami chu pawt dawk in, Luhkapui kil thim lai ah chuan a tung ṭha zui zal zal a.. in chhung lam a ṭanga Vulmawii aw ngei maiin lo Lut rawh a rawn tih al al tak ah chuan pheikhang zang ru zet leh a puan a aven hnan hmak Ṭhihna mawi zet mai hre ran chunga pen lut zan zan in, mei eng in a chhun phak chin a thlen rual chiah chuan Vulmawii chu au chhuak ṭhawt in, awiii ka duh thei lo U Bilhlian nangmaw a ti chhuak ṭhawt a. Bilhliana nui hmel pawh a chuai ta raih raih mai le. E heee.. i rai maw Vulmawi an ti hul huk mai zawng in chhung chu khuavang kallai ang maia reh ṭhuap in, Vulmawii erawh rang taka Khumpui lama tlan lut inṭ zah luat vang chuan a khur zui dar dar a. Vulmawii tlan lut thlir zui vung vung chung chuan nang vangin ka rinawm ve ṭang ṭang a. I va ho rauh ve tih leh in her vut chu rual in, lo hur ru phian ani maw ti leh sup in lal in lam a pan zui nul nul.a. Vulmawii zahna khua zawng an sei zel dawn a ang ta, khual Pasalṭha laka alo tlawm mai te leh a ṭawngkam thiam tawlhpanala a tluk zauh na a vang chuan in chhir thar leh in ka rawn lam leh thuainang che, Palai hmel i hmu thuai ang titu lan tih reng nei tawh silo, Zahtet Pasalṭha LIANVELA a huatna chu a zual kher teh e. Bilhliana erawh kal paha za lo zeta nui suk suk in, Kawlhawk khaw nula tlawntlai ṭha deuh te kha lo titi pui ve hle hle ila ṭha tur ka ui hnuhnawh mange tia phun sup sup chung chuan lal in chu melh in chuankai dil chuan a ding zui vang vang a.
... Thanghrima te pathum pawh muang chang lova kal zel ta chu Zarlian khaw chhung pawh an in pal thleng ta mai reng a. Taipuia te in lam pan ṭham ṭham in, khua a la eng ṭha bawk nen khaw mipui alo hmu tute chuan an hmelma ni tawhnlo mahse Thanghrima leh Challiana chu an lo la hre nasa mai, an nel lo tih hriat tak chuan an melh zak zak hlawm a. Thanghrima pek chuan hetia min hlauh hmel deuha min melh zak zak hi lawm nuam em em ti siam siam in, Taipuia kal dun dun chu melh in Taipui nula rim tur ṭhate te hi i hual lawk ve em tiin zawhna a pe thuai a. Taipuia chuan hre ve bawk e, kan khawnbawl min fanu run ah chuan ngawireng chuan ka ṭhut ve ṭhin ngei kha tiin a khi zui sun sun a. Taipuia te Luhkapui an kai lai chuan Lal Fanu Muanzoi chuan ral a ṭanga lo hmu in, Thanghrima tiin a puantlang a hmer zui ngar ngar a. A thingfak kuah chu thlauh vek khawpa in thing zui sawk sawk in, a Pa in hmangaih loh tum rawh tia a khap na te chu a beng ah rawn ri nawn tluk tluk in, tun ah lem man leh mual chung chang sawipui tum in MUALPHENG lal Upa leh lal fapa te ngei chuan an chamchilh rup mai si, engtin nge ni ta ang le.
MAFAKA KHIANGTE.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:12 pm

THANGHRIMA 36
.. Nizan ah khan a tawp ah Phurliana tur ah Thanghrima kan ti palh hlauh pek a, zialo khawp mai. Ka rilru a lo awm daih chu, Zungawl vei pakhat in kan Bawnghnute in te hi sawi ve ula tih daih zu ni a.
Phurliana pa pawn Sakhi chu lo puah zo diam tawh in, rap alo mawi tir ṭhap tawh a. An lal in kal boruak vel te a pakaiin an ri zui ve laoh laih a, Lenghawn ar a khuan meuh chuan Zawlbuk lam pan in a in chhir chhuak ta hnak hnak a. Zawlbuk an kai meuh zawng a hma zawnga Bawhbel kiang mai, a che vel te pal harh ngei ngei tura mu ṭhin kha anih vei teh lul nen Val Upa kiang chiah ah chuan mutna tur lo zuah awl sak in, khati tur kha ni tia hawi valh valh pah chuan veng maawng lam Tlangval ṭhenkhat kimki chaih a, lo ṭhu khawm leh hmun lai lum chang phalo ho chu melh in, an hawi zau zel a. Khai le zanin chu mutdan siksawi ang aw.. ang khat vek kan ni, mihring hlutna ber chu nunna a neih hi ani. Kha laia bang killam chang ho khan tia kawk kual zut zut chung chuan mutna an siam rem tak tak mai zawng an khaw buanchak meuh pawh a kal ve duai duai lo thei lo. Thih hlau lo val, Thisen ngam em em Phurlian tetaktea huhang an ngam ngang lo chu ani e.

... Bilhliana erawh Phurliana ang em chuan sut kuak tur anei meuh lo. Mi awmthei pamgngai tak chhungkua kha an ni.miau mai a. A rohlu hawn ṭhahnem tak nen a chhungkua in lawm ve laih laih in, Bilhliana rawtna ang chuan kum te han vei sela a ṭul anih leh Mualnuam khaw lam chu kan pan mai aniang chu tia a Pa chhanna chu buk pui nghat nghat in, zanriah ei kham chuan Zawlbuk pawh kai tawh lem lo chuan a Lawmnu ni ve ngar ngar ṭhin Vulmawii te in lam pan chuan phei khai zanf ve chuan a pen zui pawk pawk a. A Lulak chem puanhnuai remchang hek lo kal pah chuan a ṭul thut a ban mai theih tur tiin Thingfak lian ṭha tel tawl chu Vulmawii te Thingkhawn ami chu pawt dawk in, Luhkapui kil thim lai ah chuan a tung ṭha zui zal zal a.. in chhung lam a ṭanga Vulmawii aw ngei maiin lo Lut rawh a rawn tih al al tak ah chuan pheikhang zang ru zet leh a puan a aven hnan hmak Ṭhihna mawi zet mai hre ran chunga pen lut zan zan in, mei eng in a chhun phak chin a thlen rual chiah chuan Vulmawii chu au chhuak ṭhawt in, awiii ka duh thei lo U Bilhlian nangmaw a ti chhuak ṭhawt a. Bilhliana nui hmel pawh a chuai ta raih raih mai le. E heee.. i rai maw Vulmawi an ti hul huk mai zawng in chhung chu khuavang kallai ang maia reh ṭhuap in, Vulmawii erawh rang taka Khumpui lama tlan lut inṭ zah luat vang chuan a khur zui dar dar a. Vulmawii tlan lut thlir zui vung vung chung chuan nang vangin ka rinawm ve ṭang ṭang a. I va ho rauh ve tih leh in her vut chu rual in, lo hur ru phian ani maw ti leh sup in lal in lam a pan zui nul nul.a. Vulmawii zahna khua zawng an sei zel dawn a ang ta, khual Pasalṭha laka alo tlawm mai te leh a ṭawngkam thiam tawlhpanala a tluk zauh na a vang chuan in chhir thar leh in ka rawn lam leh thuainang che, Palai hmel i hmu thuai ang titu lan tih reng nei tawh silo, Zahtet Pasalṭha LIANVELA a huatna chu a zual kher teh e. Bilhliana erawh kal paha za lo zeta nui suk suk in, Kawlhawk khaw nula tlawntlai ṭha deuh te kha lo titi pui ve hle hle ila ṭha tur ka ui hnuhnawh mange tia phun sup sup chung chuan lal in chu melh in chuankai dil chuan a ding zui vang vang a.
... Thanghrima te pathum pawh muang chang lova kal zel ta chu Zarlian khaw chhung pawh an in pal thleng ta mai reng a. Taipuia te in lam pan ṭham ṭham in, khua a la eng ṭha bawk nen khaw mipui alo hmu tute chuan an hmelma ni tawhnlo mahse Thanghrima leh Challiana chu an lo la hre nasa mai, an nel lo tih hriat tak chuan an melh zak zak hlawm a. Thanghrima pek chuan hetia min hlauh hmel deuha min melh zak zak hi lawm nuam em em ti siam siam in, Taipuia kal dun dun chu melh in Taipui nula rim tur ṭhate te hi i hual lawk ve em tiin zawhna a pe thuai a. Taipuia chuan hre ve bawk e, kan khawnbawl min fanu run ah chuan ngawireng chuan ka ṭhut ve ṭhin ngei kha tiin a khi zui sun sun a. Taipuia te Luhkapui an kai lai chuan Lal Fanu Muanzoi chuan ral a ṭanga lo hmu in, Thanghrima tiin a puantlang a hmer zui ngar ngar a. A thingfak kuah chu thlauh vek khawpa in thing zui sawk sawk in, a Pa in hmangaih loh tum rawh tia a khap na te chu a beng ah rawn ri nawn tluk tluk in, tun ah lem man leh mual chung chang sawipui tum in MUALPHENG lal Upa leh lal fapa te ngei chuan an chamchilh rup mai si, engtin nge ni ta ang le. A fanu thawm hria rang taka lo chhuak Pasalṭha ni ṭhin Zarlian lal nita lal Phuarliana chu rang taka chhuak vak in, Chemte enge nita tiin a fanu in che map lova a thlir na lam chu a melh ve vat a. Thanghrima maw tia phun chhuak sup sup in, i lut phawt teh ang ka Fanu ka hlauhthawn ang ngei in maw... mahse hei hi hre reng ang che. Inleng nei mek leh nakin lawka Pasal nei mai tur i nih kha tiin tih nat hlau tak chuan a zilh zui dap dap a. Midang khawnbawl Upa te nen lam pawh an awm loh vek lai ani hlauh zawk a, an mualpho lo rih hlauh ani e. Muanzoi chu a nu chuan lo kuah thuaiin, Thanghrima a hmuh leh tak vanga hawi â vek, Muanzoi hnung chu chulsak hliau hliau in, ilo hmangaih hle ani maw a ti tawi tak a. Ka nu, Pasal lo la nei suh aw tiin min chah asin, eng hmuh in nge min hmuh tak ang, a tha khur dar dar chu thup pawh a tum buai duh tawh lo. A nu ṭang ah beiin a ṭap chhuak zui hawk a. Duat taka a fanu sama chul sak hliau hliau in ṭap thawl vek rawh Chemte i tan chuan Mualpheng lal Fapa hi a ṭha zawk tih hre reng rawh aw Pasalṭha te zawng an nun a tawi in hmelma an ngah ṭhin nen i Pa tan pawh mualphona thlen thei ani tih hria la, i thu te kha io sut leh mai mai ange tih dap dap pah chuan kan duh leh hmangaih te kiang kan awm theih loh hun hi a awm fo ania a hrim hrim ah hmel ah ni se an in ṭhat hleih mah mah lo maw tia a fiamthu na chu Muanzoi chuan ṭah nuih deuh chung chuan chhe zawk mahse ka hmangaih alawm tiin a nu chu chhang in a in chum ta taih taih a.
.... Taipuia chhungte pawn an lo lawm thiam in, Kapmawia kim ki ru riau leh imthiam lo hmel deuh tlat chu, Thanghrima chuan kuai ṭhu in, a ti ti pui dap dap a. Kapmawia hmel leh hawiher pawh a zang ta viau reng a. Challiana Saza kah rep te chu siam zung zung in, Taipuia Rohlu hawn chu makti taka melh tlawk tlawk in, Taipuia nu chu phar chhuak hluaiin, Tun ah zawng ka Fapa Kapmawia nupui man tur kan phang ta bik lo, a insum hman ngang lo ani e. Taipuia pawh nui ve huk huk in, Ka U chu ilo ṭuah tawh viau ami tiin a ni leh nilo ang tak in a ri ve bual bual a..Challiana chuan In lal Fanu ala nula ang maw tiin Thanghrima hriat chak ber chu a rawn kheuh hawng ta tlat pek a. Taipuia nu lah engmah hre thiam ve hek lo.le... rang taka lo chhang in, aw la nula ti ila, hei inleng nei mek in man leh mual chung chang ah sawifel ṭep ani awm e, Mualpheng lal Fapa in a at chilh miau mai si a, a ni phei chuan a hawi viau lo aniang, mahse Nula thuawih tih tak ah a pa thu zawm in kan khaw tan pawha ṭhat na tur kawng a zawh dawn anih hmel, Mualpheng khua hi kan khawlet laia lian an daih mai a, kan lal Fanu a mo anih ngat chuan kan khaw tan pawh a thlamuan thlak dawn in Pheichham kan man ani hawt dawn anih hi tiin a sawi zui bawrh bawrh a. Thanghrima hmela thinrimna leh natna lo lang zawk chu Challiana leh Taipuia chauh lo chuan an hmu hman lo hlauh. Challiana chuan aw ani maw Pasal nei rual zet ani ve tawh reng ani. Tih em ah chuan khap viau lo ila chu nang pawh lal Fanu famo ah i nei ngei ang mawle tia fiamthu kual in, Zanriah an kil zui tum chuan an in buatsaih zui mek lai chuan Luhdil thawm rawn chhuak in, Tawlhkunga chu abrawn nui lut ta sung mai le..Thanghriman an mahni phatsan tute hnu dawm tura a tirh chuan a duhtawk a ngah tawh ani ngei ang.. in lawm nana in buk khum nghat nghat in, Zanriah an kil zui ta map map a. . Zanriah killai chuan Thanghrima chuan Taipuia nu leh pa lam chu hawiin ka Nu, ka Pa zanin bak hi kan chawl muang hman dawn lo tlat, khaw lam ah hna ṭau a ṭeh vanglai ani chho tawh mai dawn bawk nen, naktuk khua te han var se Tukṭhuan erawh kan la ei tur ah ngai ila, zan in chu in lalpa te pawh kan va tlawh ve zawk chauh ang. Zawlbuk lam pawh lawi loh mai ṭha in ka hria tiin a ruahmanna neih chu a sawi chhuak dap dap a. E khai va tlawh tak tawh u, nangni zawng mikhual pawh in ni hlei nem in khua ang tho kha ania ti zung zung in Taipuia nu chuan Sa ṭha lai lai te chu Thangbrima te hma ah chuan a theh zung zung a.
... Zanriah eikham hlim te mah nise, a rilru in a beisei ruk, hmuh a chak em em, a hmu ngam angem anhriat siloh te thawm ngai changa Muanzoi beng tun hra reng pawn Thanghrima aw chhuak lal in lawi dil thawm chu Khumpui lam a ṭang chuan a hai lo chiang teh e. A Lungphu dup dup chu hup in, a in hum ruh ṭang ṭang a. Thanghrima te ho leh a pa te in lawm thawm chu ngaithla kar in, Thanghrima aw ngei maiin khawnge ka Chemtei hi a awm, Pasal neih te alo tum uaih uaih tawh ani awm a atih lar lar tak ah chuan Muanzoi chu sa phat in, a ding chhuak zui phat a. Khanglang a che, engchen nge ka nghah che tih leh Thanghrima hmachhawn a pen chhuab chu a rual ta mai a. An boruak chu in thlak nghal hlawk in, an ngawi zui ṭhap a. Challiana chu hawi zuk zuk in, lal Fanu min ngaidam teh han beisei ngam chi che kan nih tawh loh vang ani zawk e, ka ṭhiana hi i neih tlak leh nang beisei ngam tur ani tawh lo atin ni. I Pasal neih tum Khual bel zuar a ṭanga lo hria in duhsakna hlan tum che a zah theih loh chhuah a lo chuangkai mai kan ni e. Lawmpa zawng a Nupui tur a raipuar ṭeuh tawh mai tiin dawt a phuah ta ngawt a. Thanghrima hawi buai deuh chu Taipuia chuan kheuh zauh pah chuan a thu hrim ah Mualpheng lal Fapa chu chi thlah tu ah a ṭha zawk dawnsa tiin Thanghrima chu an sawi pah deuh nawk nawk a. Thanghrima pawh zat hmel zeta nui hak hak in, a Puan a, a ven hnan Ṭhihna mawi danglam zet chu Muanzoi kut ah hlan in Palai te an lo hnai ta kan inthiar fihlim tawh ange, Ka Pu zanin chu khua ah kan riak ang. Taipuia te in ab hian riah mai kan rel zawlbuk han kai buai pawh kan tum hran love, Chemte harsatna i neih a, i Lawina ram ah buiana i tawk anih chuan i tan Thanghrima ka awm reng tih hria ang che tia in her hmak in, Muanzoi engmah sawi leh chuangbtur hre lova ding zum zat mai dar ah chuan hmer sak vang vang in buk khum nghat in kawtkaia thawm lo chhuak mek tawk zawng chuan a pen chhuak zui thauh thauh a.
.. Mualpheng lam te chuan an hmuh ngai loh Khual val ni awm tak te chu uluk zeta thlek in, a tute tak ni ang maw tia an ngaihtuahna kawma lal in chuangkaiin lal chhungkua ngawi renga lo ding ṭhap te chu a ngaihna hriat loh hmel tak chuan an melh hrek hrek a. An khual val tawk a ta lang in lal in lawi an dil lo tih chu in hre chhuak in aw an han thian zui kharh kharh a. Lalpa Phuarliana pawh harh chhuak zawk in, e khai in thawm hrelo lek a kan lo in ngaihtuah muk pek chu in va hma ve tia lo chhawn pah chuan Muanzoi nu chu mitmei zauh in Khumpui lam ah an in kuah lut ta thuai a. Mualpheng khawnbawl Upa Luaia chuan lalpa khualval ni awm tak te kan tawk tlata ka hriat chu an thukhuh mawi te te a. Nia, kha kan fapa te an nih kha, an khawlam pan tur an rawn riak zawk dawn anih hmel e. Min rawn barakaih deuh alawm le tiin an nui zui huk huk a. Khawnbawl dangte rawn kai ṭak ṭak in, an Palai ten an lo ṭhut khalh a vanga thupha chawi zung zung in, ṭhuthmun an rem zui sat sat a. Upa min pawh muangchanga rawn in chhir lut hnak hnak in, e khai inlo kim ṭhup tawh ni maw, lalpa kan Pasalṭha Thanghrima te khan an rawn tlawh tawh tur ah ka ngai ngawt che a, kan ding muang khanglang a lawm le tiin a rawn kam keu ta khauh mai le.. Mualpheng lam chu hawi phawk zui hra hra in, Thanghrim nunrawnga maw tiin Upa Pakhat chu a rawn ṭawng ta zauh pek a. Lal Phuarliana chuan mi hi an huntawn in a zir miau loh chuan nunrawng anga lan a awl reng ani. Thisena ka hrin nilo.mahse ka fapa ani e a ti chang ta khawl.mai a. Khawnbawl min ber chuan sawi loh tur a sawi tih hria in, a khai khawnge Chemtei pawh hi a awm a, lalnu hmel hmai pawh ka va hmu lo ve tiin titi a thlak ta thuai a. Mualpheng upa in ngaihdam adil zuina chu lal Phuarliana chuan buk khum nghat nghat in, mi chung chang i sawi dawn in i kâ veng ṭha tawh ang che a ti bul zui hmuk a. Mi mawl leh dawntawi ani lo bawk a, tlawm a hun tih hria in Khawnbawl upa pawh engmah sawi zui lova ngawi ran in boruak daih hun chu an nghak ta zawk a.
.. Thanghrima pen chhuak nalh nalh chu zui zel in, Challiana chuan khawnge kan pan dWn tiin a pawtding ta ngawt a. Thanghrima chuan Mualpheng lal fapa ka hrilhru lawk dawn thisen a chhuak dawn lo, Muanzoi tana ka tih theih hnuhnhnung ber ka ti mai dawn ani e. Khawnbawl Min khan kan in ah a in nghat a tih kha maw tiin a pen zui thauh thauh a. Khawnbawl min Luhkasang kaiin len luh an dil zui thuai a. Mualpheng lal fapa leh a buanchak leh Pasalṭha te chuan Khawnbawl fanu chu lo titi pui ve laih laih in, Khawnbawl Fanu Kungi chuan e khai lo leng tawh u, Taipuia lah ni reng chuan e khai, Pasalṭha Thanghrima te ṭhiandun pawh chu engtik in nge in rawn thlen tiin alo be zui sawt sawt a. Laikungi hi Muanzoi ṭhiannu ve ber Muanzoi ij bun ruahna ani miau mai a, Thanghrima te zawng a nel ru khawo mai. Mualpheng lam chu Thanghrima hming chuan an hmel hmai ti danglam hlawk in an ṭang ru nghal ṭeuh a. Engkim hmuh hmaih hauh lo tu Thanghrima chuan e khai khatin ṭang ṭung ṭung duh suh u, ka hmelma in ni love, kan ni e inti ṭalh te anih loh chuan lal Fapa hi biak fal lawk ka duh mai ania, ka Farnu neih alo tum ngawt si a, thu han chah ve hlak ka duh mai ania tiin anui ta var var a. Mualpheng lal Fapa hi mi dawihzep tak ani bik lo bawk a, enge ni ta Pasalṭha tia lo chhawn ve var in a ṭhiante chu a mitmei chuan a khap zui thuai a. Leihkapui lam ah sawn i ti ti zawk teh ang tih leh Thanghrima chuan kal nalh chu rual in, midang lo awm ve te chu a hmu lo maw tih mai tur chuan a kal zui nalh nalh a. Mualpheng lal Fapa Sanglura dara dawmsak vang vang pah chuan Muanzoi hi ka farnu ang chiah a, ka en ka hmamgaih em em ani. I ti na tur ani lo a, a mah hnawl in, Nula dang i ngai tur ani hek lo. I ti rethei a, harsatna i siam anih ngai chuan Thanghrima hi Pialral a ṭṭang pawn ka rawn kir ngei ang, in vangkhua Thisena chan tir tur in, chu chu ka thu tiam ani e. I kut ah hlan in ngaihngam tak in ka kalsan thei ang tiraw tia chiang fe maia an melh kal mai zawng mi huaisen Mit chu en rei a har aniang Sanglura pawh khap fak fak in, thu a tiam zui ta nghat nghat a. Awle2 in neih ni ah rawn lan ve ngei ka tum dawn nia i Pasalṭha saw ek cheh mai tur hmel a pu tui tawh mai i lut ang hmiang tiin an in zui lur ta thuai a. Ṭha te te in a kal pel mai dawn maw tih lai chuan Mualpheng Pasalṭha chu Hmun leh hmun ah an barakhaih ta pek a, ani lah lo phu nasa bawk si nen Laikungi lah insum hman hek lo za em em maia rawn nui chhuak in, Thanghrima chhuat bengin a nuj awr awr bawk si, thinrima lak a fuh lo tih man thiam tu lal Fapa chu za em em a rawn nui chhuak ve in, Mualpheng buan chak chuan nui huah huah chunga Thanghrima chu bawh in an delh bet run mai zawng Patling leh Naupang in chai fiam hi an ang ber awm e. An Pasalṭha meuh pawh lai zet chuan a nui vei put put a, Laikungi laka chet ṭhat alo tum vei nen, a vaihlo fun lang huang huang in a thal ta si. Thanghrima lah ka tlawm tho teh i rit lutuk tia khek chul in in pawhna thuk tak nen hun an hmang ta zawk a. A nihna tak ah chuan Muanzoi tana a tih theih tawk chu Thanghrima hian tih vek aduh, Mualpheng ah pawh kai se, tlangnel taka an luh theih nan kawng a sial lawk ani ber e. Vaibel te la kaiin Laikungi an han chhai rawn fiam tak tak mai zawng, Laikungi chu a ṭap lo chauh chu ani ber e. Challiana lah Ṭawngkam alo Zawngte thingthiam zal mai si. Taipuiz lo nui ve huk huk ṭhin chu an han nuih leh chhawng thul an Palai te hlawhtling inti taka alo kir pawh ngaihsak thei an awm meuh lo. Challiana chuan aw thian khurh khurh in, Ngur khua kan pan kawngah zankhat chu tia bul ṭan in huai ho nena an in tawn dan a sawi ṭan ta, a tawp lam ah phei chuan huai ho chuan phuar hlawm in, an buk kaw tawp ah phuar khawma dah in a mal te te in min ei an tum ta mai a, Laikungi lo chek tlak tlak leh Taipuia a hnaih hriau hriau lai chuan Challiana chuan huai lalpa chu rawn pen chhuak in, tunge ka ei hmasak ber ang aw tiin min han thlek kual den den a, chutah rapthlak em em a nui chung chuan a kut rawn phar chhuak in, Laikunga dara vawn thut pah chuan Nangmah hi mawle an ti thut mai pek a, Laikungi hlau lutuk chu ṭe ṭhawt in Taipuia awm ah chuan a bei zui rawk rawk a.. a bei nasa tak em aww..a bei leh ṭhin a.
MAFAKA KHIANGTE

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)