PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 10:13 pm

THANGHRIMA 37
... In fiam nui bawk bawk chunga Khawnbawl Min in chu chhuahsan in, Taipuia kal kiai suk suk chuan a lo nawm phian kha mawle rawn ti nulh in a hawi zui vual vual a. Khawmbawl min fanu a awm ah a bei miau alawm le. Taipuia te chhuat a, Tawlhkima tui em em maia alo mu hnar bawrh bawrh leh mit khur thuk deuh kak chu Thanghrima chuan thlek vang vang in, a hmel hmai en ai hian a rinawm tlat. A chau thawkhat ani ngei ang thawm i dim deuh ang aw tih pah chuan Taipuia nu in mutna alo phah lawk diam ah chuan an zal zui sap sap a. Zanlai ar a khuan thliai thliai tawh ah pawh Thanghrima zawng ala meng fiah ngang mai. Muanzoi leh Parlawmi te buk tawn sek in, a tu zawk nge maw ka hnangaih chiah le, kei hi an pahnih hian ka hnangaih anih ka ring, Hmangaihna ngah tak chu kalo ni e tih vel ngai tuah a a khik sak sak lai chuan zawitea Muanzoi'n a hming ngei a a rawn ko thawm chuan a beng luh zawk in, thawm dim em em mai chuan kawngkhar chu a nawr tawlh zui zal zal a.Beng ṭha danglam kawltu Challiana erawh a hma daih tawh a ṭang khan Muanzoi pen thawm chu lo hre tawh in, a ruk te chuan alo in ring ru hle tawh alo ni a, mahse hmeichhe aw a nih a hriat rual rual a, Thanghrima tho chhuak nalh thawm anhriat leh chuan ngaihdan siam tir in a beng erawh ala tun hra hra tho mai. Zarlian khaw lalpa Phuarliana pawh a fanu in thawm dim taka in chhung a chhuahsan chu a hai lo chiang in, a fanu hnung lawk ah chuan a rawn zui ve chat kha ani reng a. Thanghrima hnen lam a pan tih a hriat chuan a chal dawm vang vang in, ka Fanu lehhhh..ti sup in lal in lam pan chuan a tawlh let ta zal zal.a.
... Thanghrima chuan Muanzoi chu pawt dawr dawr in lo hmu rutu an awm em tih chu a melh kual.pah nasa kher mai a vawikhat nan hlauhthawnna in a tuam ve ta tlat chu pawh Muanzoi chu mualpho let der thei dinhmun ah a ding tih a hmuh chian em a vang ani mah zawk a. Hmun fal deuh an thlen chuan dinpuiin ngawi reng chuan thim hnuai ah in melh vang vang in, Thla detir eng dul te hnuai ah chuan Hmamgaihna in a phuar zawm tlat Nula leh Tlangval te chu in kuah zui chawt in, Muanzoi chuan min hruai rawh a ti thawp sap a. Thanghrima meuh pawn hnar har a ti ngei mai. Muanzo a theih tawh lo tih i hriat kha, ka hruai che anih chuan in khua ngei pawh hian a chhiat phah vek thei asin, keni Pahnih in hnangaihna hian thihna tam tak a thlen thei tih i hriat angai. Nang leh kei hi awmdun tura khuanu duan kan ni lo. Mahse hei erawh ka tiam ang che, ka venghim zel ang che. Sawi leh tur hre lova ngawi dun vang vang in, Muanzoi chuan anih chuan ka lungdam nan a hmasa ber ni ang che tih leh a puan bih lai phelh chu a tum ta mai a, Thawk hap paha dang vat in, he thil hi ka thil tih chak ber ani. Mahse ka thei lo, he kawng hi ka zawhpui che anih chuan i Pasal tur hian a ring leh tawh ngai lo ang che. Nang vanga ka rilru ṭhat ṭum ber ni teh se. Mahse he Mualpheng lal fapa hian harsatna a siam che anih vaih zawng in a Lu ka la nghal ang a mah pawh ka hrilh tawh kha a tawp nan tiin an in kuah zui leh vang vang a. Thanghrim ka hmangaih che a, ka hmamgaih reng ang che, i hla sak ṭhin kha vawng la rei tak dam rawh aw tia Muanzoi thlah na chu buk pui nghat nghat in, Kei aiin Fa i nei Upa zawk dawn ta anih kha tiin anui lui var var a. Muanzoi pawh chuan Challiana dawt phuah kha hrethiam lo rual ka ni bik hlei nem, mahse hei erawh min tiam thei angem, enge ni sawi ta che tia Thanghrima chhanna chu Muanzoi chuan kan in neih min hman pui ngei tur ani, Thanghrima chu ngawi zui vang vang in,ka Hmangaih khiangawi lai thlir chu chakawm lo teh mahse ka tiam e, ka dam anih phawt chuan ka rawn kal ngei ang tiin a tiam ta charh charh a. Nghet taka in kuah leh vang vang in sawitur tam tak awm si, sawi ber tur pawh hrelo chuan ngawi dun vang vang in ti tawh ka thlah ang che tiin Thanghrima chuan Muanzoi chu thim lai zel chuh in lal in lam a pan pui ta thuai a. Lal in kawt thim laia lalpa lo ding vang chu Muanzoi luh rual chiaha pan hnai nghal in, ka Pu i fanu hi ka hmangaih em em a, a nat leh hming chhiatna tur eng pawi mah ka khawih lo, lo zilh lo hram ang che damtak in le tih leh in her hmak chu rual in, Taipuia te in lam pan chuan a kir zui nal nal a. Nunrawng teh mahla Hmangaihna chu zawng ilo pianpui ve anih hi tia phun chhuah sup pah chuan thawm dim zet chuan lal Phuarliana pawh lal in chhung chu a dai lut ta zal zal a. Thanghrima thla tliak kal kir hnak hnak chu Challiana chuan Luhkapuia lo nghak vang in i hnawng em an lo ti sup a. Nuih rik na hun ni hek lo hnawng lo, hnawng lo, nge khati fakaua hnaia i rawn ṭhut kuk kher tia Thanghrima chhanna chu nuihpui suk suk in, in zir ve ṭan deuh ka ngai alawm tih pah chuan zung zui tur tur in mutna lam pan chuan an in zui lut ta thuai a. Mut chhuak lo tak chunga mu mah nise, tlem tal mut zawng a ṭha e tih pah chuan mut sual in, Thanghrima pawh a chhing zui ta thuai a. Mi seh hel tih tak ah kar lo ah tui taka mu in Varṭian ah tho zui leh tharh in Tawlhkima lo la hnar suk suk chu melh vung vung in, a tana a dah ṭhat lawk diam Rohlu vel chu phawrh in Tawlhkunga sahmim ah chuan a thun ruk sak ta zal zal a.
... Tuk ṭhuan ei kham hma vek vawk ah tuma chet chhuah tak tak hma chuan Thanghrima te pathum pawh che chhuak nghal in, Tawlhkunga erawh Thanghrima te khaw bul mai NGENTIANG khua ani bawk a, an in thurual thui thei viau dawn e. Taipuia pawn an khaw ram lui thleng thlah in, Tawlhkunga hnu chhui chung chang chu an sawi zui ve sap sap a. Tawlhkunga thu thlen in an beng a verh em em na lai a awm ta tlat. Tlanchhe kual reng renga hun an hman mai piah lam ah an kalna khua a piang ah Thanghrima leh a ṭhiante ang a in chhal in khaw eng emawzat rohlu te an laksak tawh in ho pawh an neih belh tih lai tak chuan a vit na tlang in, awllen hun pakaia a rang lama chet chhuah chu an thudah ani ta mauh mai. Hmingthan dan mawi loh sa nak laia in lo belh chhah vel le, a pawi hran love, ka nunrawng ve pang gai bawk em ani tia Thanghrima'n fiamthu nana a hman tak ah chuan nui zui ham ham in, Taipuia pwwh a Thirtiang nen a kir ve ta hnuk hnuk a zan lam ah Khawnbawl min run kai leh tak ang mawle. . Thanghrima te ho pawh muang chang tawh lem lova, kal par par in khaw lam in a pawtna ve ta deuh aniang an kal sawt par par kher mai. Kar ah Zanhnih riak leh in a tuk Chawhma an in pal leh hnak hnak hnu chuan Tawlhkunga te khaw peng chu in chhir thleng nawlh in Vaibel am han pak leh te te a. Tawlhkunga chuan ka kal dawn ange, engpawh nise hma lama rawn chet chhuah ka tum dawn nia tiin a din nalh pah chuan kha le, ka chhawk thui ta che tiin Thanghrima Rallak Silai chu pek kir tum in Thanghrima lam ah chuan a lek hnai zui vut a. E khai, i ta ani tawh a lawm ka kut a ta, i lak rual rual khan i ta ani daih tawh asin, a kawp kawp a kawl a ṭulna a awm hlei nem tikhan kal vang vang tawh ka sai dawt mai tur che nia tia nui hak hak chunga Thanghriman a hmeh bel tak ah chuan Tawlhkunga chu nuisak in, ṭhian in kar ah mah nise ka lawm e, ka dam chhunga ka neih ve phak ngai loh tura ka dah ani asin, Ka ṭhian thih thleng in i tan ka rinawm zel ang tih leh in her chu rual hmak in, Tlangval seh hel ve tawk tak biang ah mittui a luang dawn tlat, a Silai thar chu hum nghet sauh sauh in, a mittui tla a vanga kawng hmu phe ruai chung chuan mi mak tak i ni ka ṭhian a ti zui sap sap a. Tawlhkunga kal a mit nuai zauh zauh chu Challiana chuan thlir zui vang vang in, eng ang chhungkua nge an nih ve ang aw, keini unau ang tho a, pachhia an ni ve ngeiin ka ring, ka Rohlu ah hi sek ve na chang kalo hre lo chu aw, ka va um leh lawk ange abtih lai chuan Thanghrima chuan angai lo ang, a chantur chu a Sahmim ah ka dah sak alawm. Kha kha chu hawn kim tawh, ka Farnu man ka chhiar sang fu mai thei ania, i U dam thlemthluama khan a ngah zo hauh lo ang tia nui hak hak chung chuan kal an siam zui ve ta thuai a.
... An in ṭhen darhna a ṭang in Mualnuam khua te chu hla tawh hek lo le, Behliang mung hun awm vel anih chuan Khaw kawt chhuah an in chhir thleng dawn ruak tawh a. Challiana kallai chu ding chuih in, a tute nge maw ni le, Kawtchhuah lam ah an rik mur mur chu ni, kan khawlam hian buaina deuh an nei tehi ani lo maw tiin Thanghrima chu a melh deuh hu hu a. Thanghrima pawh chuan kar lo ah thawm chu man ve thuaiin a nih mum mum tak chu mawle,Khawinge i han pawh ve dawn chhin ang hmiang kal chak sauh pah chuan Buh lak hun dawn dawn ah engtak chu ni ang maw ti chung zel a hmalam an pan lai chuan Tlangval rual khat an mahni tawk zawnga rawnkal nen chuan an in tawk khawm zui mai bawk a. Thanghrima te pahnih an hmuh rual rual a, ding zui ṭhap in, An zinga phanchang ve ber chuan an hnung lam ami te chu au lang lang in, Pasalṭha Thanghrima te an lo hawng e a ti zui lauh lauh a, a aw chhuak ah chuan lawmna leh lungawi na a tel tlat. A eng tak chu ni maw tia kal tlang in Khaw Lungdawha Mualnuam val rual lo tlim hmur mai chu pan hnaiin an mit erawh an len kual u luk ngang mai. Ṭhutna an lo ken sap sap lam pana pen hnaiin Challiana hawi vel chuan a U a hmuh mai loh a vang chuan khawnge ka U a ti hul zui hak a. Saichala chu rawn pen chhuak in, Thanghrima melh chung chuan Hrima in lo hawng hlauh chu a tih zia hle mai. Kan khua in buaina tenau kan tawk deuh alawm le, Sapui in min vel tlat mai. Val Upa Chalmawia te pawh hei an chin kan hre tawh lo, nizan lam a, an hnu chhui an la rawn kir hauh lo. Varṭian a ṭang khan an hnu kan dap ngar ngar tawh a, hmasawnna kan la nei lo chu anih hi. Tun ah khan in hmuh ang in insem darh kan lo tum leh mek ani tiin thil awmzia chu a sawi zui dap dap a. Challiana chu ding chhuak phat in, kan hman hmawh angai anih chu engpawh nise in lam kan va chuang kai ve phawt ange, a mitmeng leh hawiher erawh a hman hmawh ru hle tih a hai theih mawlh loh. Thanghrima chu ding chhuak in, engpwwh nise hetia pawng liam hul hul hi a finthlak ber loh mai thei tlat. Sapui chetna anilo ang ka ti hauh lo. Mahse hemi rengchanga la a, kan khua min beih tum an awm thei Tlangval zawng zawng khua chhuahsan hi a finthlak dawn lo tlat. Hmelma lam min veh ru reng awm ta se an tan kawng kan hawnsak zau lutuk thei tlat khawchhung lam i pan phawt mai teh ang. Saichala melh pah chuan nang in kei aiin kan ṭhiante hi i hre chiang zawk mi sawmhnih lo thlang chhuak phawt mai teh, a hniak tam nazawng chetna hi a hlawhtling kher lo ania, fimkhurna hi englai pawha inbel reng tur ani ngai e. Tin, khawlama lo awm tur te pawn lungloh ah la lo ula, khaw venhim hi kan hna pui ber ani tih kan hriat a ṭha. Kei hian hmelma lian tak, ka chhiatna zawng ngar ngar tu ka nei. Ka Puanthuah telpui te ngei phatsan ka ni a, chung mite chetna hnu chu ani thei tlata hriatna ka nei miau si a, in chunga rorel tur nilo mah ila min hnial lo tur in ka duh che u ani an ti leh dap dap mai zawng, Pasalṭha Thanghrima kam chhuak chu hnial mi anilo tih an chiang tlang bawk a. A ṭha a lawm, Pasalṭha rorel nge nge a pawmawm ṭhin e, kanVal Upa tan nun hlan vek huam in nih ka hria e, khawinge tiin Saichala chuan Chalmawia te chih bih tur awm mi chu a thlang chhuak zui zung zung a.
.. Thanghrima leh Challiana khawchhung lam pan erawh a uih zawn ang vut vut a liam nghal vawk vawk in, Challiana rum nghut nghhut chu Thanghrima chuan Lawmpa imsum deuh aw tiin a dar ah a bensak thak thak a. Thanghrima te pahnih an in lam pana an liam vawk vawk chu Parlawmi leh Zarliani pawh chuan rang taka lo hmu in lawmna leh Manganna chuan tuam nghal in, Thanghrima te tawk zawng chuan an rawn tlan dun hlawk hlawk a. Thanghrima te pahnih pawn lo nghal mawl tawp in, Zarliani'n Taite, U Chalmawia tia a in sut zui hlap hlap lai chuan Thanghrima chuan Ka U hlauthawng lutuk mah ta che u, kan rawn hruai hawng leh mai dawn alawm eng em an ti lo ang tia hnem in, a kut leh lam leh lama kuah chung chuan inlam pan chuan a penpui thuai a. Pen li nga lo liam an pen hman awm love, an piah mual lam chu Thanghrima chuan chhuanlam ah an thlir zawk a. Tlai nitla tur in a chhun tlet zawk chuan amit ala ta chaih mai le. An thleknawn leh ngial pawn hmuh erawh a nei zui hauh lo nang a, a ngaih erawh a ṭha zan lo khawp mai. In chhung lam an dailuta mawng an hung fel hman awrh tih ah chuan an lal leh Upa te an rawn lang nghal ṭak ṭak mai reng a. Lal leh Upa te hmel Thanghriman a hmuh meuh chuan mi pawimawh deuh hi kan ang ṭhin tih sep pah chuan Parlawm kan Sahmim ah khan Faisa han thun ta che, muang sur sur hman kan ni lo e tih leh an lalpa lam hawi chu rual in, an laka beiseina sang tak nei tute tih beidawn hlau tak chuan Thanghrima te pawh an ding chhuak zui ta thuai a. Lalpa Ralveng lo indah uluk deuh ula aw, khaw mipui pawh pawn chhuak tamlo deuh se a ṭha ange a bak chu i hriat thiam kha tia buk khum nghat nghat in Silai pu chung chuan hah pawh sawi thei lovin an pen chhuak zui thauh thauh a. Mualnuam lalpa Ngurliana pawh Thanghrima mitmeng leh hawiher ah chuan thil awmzia man nghal in, a Pasalṭha zia tak tak kai thawh a awm mek nen Ralvenbuk lam i thli thlai chhin dawn ang hmiang tiin Thanghrima te liam hnu chuan a khawnbawl te nen Ralvenbuk lam pan chuan an liam zui ve ta vawk vawk a.
... Tawlhkunga kal ta pawh kar ah Zankhat riak leh te te in, a Silai hum ve ta nuam ti pheng chuan Sakhi tuai leh Zawng lian zet mai kap in, a tum aiin a rit ta chiang khawp mai. Mahse a ma Silai ve ngei hmanga a kah ani miau mai a, rit pawh ti phal lo chuan Thingtuai hmang in a kawt zui lawp lawp a. A nu leh a Pa a mitthla ah awm in anva lawmpui ve dawn tak em, an harsat luat vanga lal banglaia a Pu Silai intung, an naupan lai a, an chhangchhe lutuk, a pa in hliam bawk nen, Buh nena an thleng na lal in a la awm reng te chu mitthla in, A farnu te ho chu a mitthla ah anlo lang zut zut a unau Pasarih lai niin farnu panga leh Pianpui mipa pakhat neiin a Unaupa lah Pianphunga rualbanlo ke a kal thei lo niin awm hmun ah erawh a mawng tawlh chak viau thung a. Chutiang teh nuaih kara seilian anihna chuan in kiltawihna hmun ah hruai lut in, a theih ang tawk Buh chhek te te in, Pasalṭha nunkawng zawh zir tura Thanghrima zawn chhuah tuma pen chhuak rawih kha ani reng a. Tun ah chuan Silai a hum ve ta. A hahni a hriat loh kar ah a lo lang leh sau ṭhin, a demawm loh e, a lawmna a sang em a tin ni. Ral hla fe a ṭang chuan an khua Ngentiang khua ngei mai chu alo lang ve ta at mai le..khu khu ka khua, ka hmangaihte lenna ani ngai e. Ka Pa Sa tharlam ka ei lohna khua a va rei ta em i ti ṭhin tiraw i duhtawka ei tur ka rawn hawn mek asin, Zawng Thluak te ei ila ka chak leh deuh ang i ti ṭhin kha ania, khang hun lai khan Zawngrual kha fei leh Lung tum nen ka um ve ṭhin asin, i fapa chhuanawm tak nilo mah ila sa ka barh ve ngei tawh ang che tia phun chhuak sap sap in, pheikhai zang tak chuan a pen zui vawk vawk a. Zanriah bawl hun lai taka an Luhkapuia thawm rawn ri deug dawt dawt chian tura Tawlgkunga nu dak chhuak chuan makti leh lawm taka a fapa chu melh in, ka fapa tiin a pan hnai nghal ruak ruak a. Tawlhkunga unaupa neih chhun Taikawnga pawh rang taka rawn tawlh chhuak in Ka U tia rak chul chung chuan a Pa rawn khuh khak khak ke chu lo vawn sak in, ka Pa en teh ka U in Sakhi leh Zawng a rawn hawn ania, Silai pawh a rawn hawn e tiin a Pa chu a kawhhmuh zui zat zat a. Tawlhkunga pa pawh inthing harh thuaiin, ka Fapa, ka fa hming koh Tawlhkung i la dam a lawm maw, ka va lawm teh lul em, kha khawilam Silai nge ni ngai, khang ta kha i kah maw ni a, tih pah chuan Silai lawm em em leh ngaihlu em em tu Pu Hratzoa chuan a fapa Silai hawn sak chu lek kual in, an thlek vel ṭhin, Silai ṭha tak ani. Ka fapa engtia i neih nge tiin rinhlelh hmel deuh tak chuan an melh ha ha a. Ka Pa ka ṭhian leh kan hotu ni bawk Pasalṭha Thanghrima mi pek ngei ani e. Khawnge ka Farnu te ho hi tiin zawhna a pe ta thuai a. E Lo lam ah an liam hlawm anih kha an rawn in chhir thleng ve ṭep ang KAWNGTE i U sa hawn chu han hnuk lut tawh in chhung lam ah hian ilo puah pafa teh ang tiin a chempui chu a ban zui thuai a. A nu nen Sakhi leh Zawng chu hnuk lut in, Kawngtea pawh a kut lam a hmang ṭha thei bawk a, a phur kher teh e. Nuber pawh tui chhuangin a vir zui vat vat reng a. Tawlhkunga chet ve tum chu khap tlat in, Pu HRATZOA pawn sa puah dan alo la nghilh awzawng lo awlsam te a puah zung zung in Kawngtea chu a zirtir pah mawlh mawlh a, Bawrhsawm tawh riaua in hriatna te chu a bo zota nge a nui var var ta mai. Chutia an lo rik laih laih lai chuan Tawlhkunga Farnu te ho pawh rawn in phur lut sap sap in, an U ber an han hmu thut mai zawng, hmeichhia a thu khaw chang an ṭah nuih hi ani ber a. Tawlhkunga chhang chiah Neihkimi chuan awi ka nu ka U Sahmim te kha khai ṭha ve ta che, i Sa hmu phur lutuk i talbuai zo ani maw tia nuinhar har chung chuan Tawlhkunga Sahmim chu ban in a khai let ling palh thawk pek a, Fungki leh puanhlap tla chhuak chunga uluk taka Puan hrana thil in tuam chu Tawlhkunga ber pawh chuan enge a ti hu hu chung chuan ban but in a phuarna hnang chu a phelh zui mawlh mawlh a. Enge a thil fun chu nita, Ṭhi chi hrang hrang mawi danglam em em, an lalpa pawn a nei phak dawn mi tih tur khawp alo awm raih mai le..lawmsi makti chung si a an ngawih ṭhap lai chuan Tawlhkunga chuan ka Ṭhian Thanghrim i thil tih dan mai mai chuhhh tiin a mittui a khap per zui ta fak fak a...
MAFAKA KHIANGTE



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:13 pm

THANGHRIMA 38

Thuhma kan nei lawk, Thanghrima hi Youtube lam chauha post tura ka ziah ani a, ngenna a awm a vang chauha rawn post ka nia, ziah dik loh ka ngah tih ka hria, mahni ziah chu chhiar pah in ka edit mai zel bawk nen in hriat thiamna ka dil leh e.
... Tawlhkunga pa Pu Hratzoa chuan khaile Tawlha Nu kha lal sa tur hi nang han thlen mai ta che, ngawi teh keiman zawk le tih leh pheikhai zang zeta din chhuah chu rual in, a lawmna leh phurna te chuan chakna an pek belh tih chiang taka lo lang in, eng chen nge lal Sachhiah a hlan tawh loh pawh chhut thiam tawh lo in, lal Sa tur an khai vauh vauh leh zet zawng a hawi nuam in, a in chhung ah lah Rohlu ṭhahnem tawk tak a kawl tih hriatna nen a hawi pir ṭha ngei e. A lo hmu tute chu engmah lah hi in hre ve silo tih melh taka melh kual in, a fapa rohlu hawn chuan enge a thleng ang, tu Se nufa nge a thleng sak ang a nuam a va ti haih haih em. Ngen lal chhungkua pawn an in chhunga luh dil thawm chu lo chhawn var in, Pu Hratzoa Sa chhiah nena pen lut chu makti ru tak si, inthup tak si chuan an lo chiau au thuai thuai a. E khai Kawngtea pa lah ni reng chuan kha khawilam Sa teh hnuk nge ni ngai zawhna mitmeng pu chunga lo lawm in lalnu pawn Taipuia pa Sa hum luh chu lo bam sak zung zung in, e khai Sakhi sa ani maw a va tui dawn ve aww..Ngurmawii pa Sakhi sa i eichak thu i fan pui i fanpui a, hei alo thleng mai alawm ti a thiam taka lo rikpui hlut in, Sa chhiah petu tan pawh a lawmawm zual ngei ang. Pu Hratzoa pawn lal zawhna chhang in lalpa kha ka Fapa Tawlhkunga khualzin hawng lam a rawn hlawhtling ve nawlh anih pek kha engmah tham chu ani hlei law tiin aw zangkhai vah chuan a chhang zui phar phar a. Ngentiang lal NGURAWIA chu ṭhu ngil deuh zawk in, engtin a, Tawlhkunga a lo hawng i ti thana ka hriat chu le ti in an zawt nawn kher pek a. Ni e, Tawlhkunga englai maha an khaw tlangval langsar ni ngai lo, a hawiher ṭi ru riau leh mitmeng chalak hmel tak, a hmel in ka Lei a ba tih tur chi ni ve hrim hrim, Thanghrima pawn a hmelhmai en hian ka ring zo tawk lo mi bum mai duh hmel hi a pu tui reng hian a tih ṭhin kha ani reng a, mahse mi hi hmel hmaia an nun chhung chhutsak ngawt chi an lo ni hauh lo.
.. Thanghrima ṭhian Tawlhkunga eng he hu ah an ngaih ngai loh kha tun ah chuan Lusei tlang hrang hrang deng kual mek Thanghrima kut ke ber ani tlat tawh tih Ngentiang lal hian a hre chiang tawh em mai a, a hma ang mai a, Tlangval satliah thlir a, thllir liam mai chi a ni tlat tawh lo. Tawlhkunga pa in chhir chhuak leh mek chu lal Ngurawia chuan au zui in, zan in lam ah ka Fapa Tawlhkunga chu rawn chuangkai ngei teh se, an chetdan kim chang kan lo ral hriat ṭhin te pawh a ma kâ nge a ṭanga hriat a chakawm alawm le, ao lan lawk loh chuan Tlangaupa ka rawn tir ngei dawn ania tia au zui lang lang in nel awm tawp chuan an nui zui huah huah a. Tawlhkunga pa pawh in lam pana nui vur vur chunga hawi kual valh valh in, khawnbawl min Sepa ki lawr kual vun mai te chu kawk in sawtiang leina tur mai mai zawng ka nei ve em, ka retheih luat vanga mi kawm serh a, mi hel ṭhin tute kha tute nge kha tiin a kut ṭang a thliak zui nghauh nghauh a. Lal ngailo lal ana, an tih hi a lo dik dawn anih hi ka va chapo ve dawn chiang tak tia in ngaihtuah in a lawm ani, a fapa thil hawn chuan a ti lawm hnen em mai a, a demawm hauh loh. In lian ṭha deuh te chu kawk in, in nei ve lo an ti ngawt pek a. Tawlhkunga Zawng kah sa tharlam kher ei nghal a duh tlat vanga tlai ta deuh Pu Hratzoa chuan Zawng thluak pir thaih thaih chung chuan Tawlhkung taka kan lalpa khan zanriah ei kham ah lal in rawn chuang kai teh se tiin min chah tak asin lalpa meuh pawh i hming ngawt pawn a ti phu dawrh thei nia mawle hahaa tia nui zui huah huah in a nunphung a la pangngai thei tlat lo. Tawlhkunga pawh a pa hlim lutuk chuan a ti lawm in a farnu ten Kut ni vangthla a ngahhlelh thar na te chuan a ti nui vur vur reng a. Mi chhe fate pawh an lo chuangkai ve ani maw tia kum liamta maia zak taka an Nula rimna Paber in meinei taka a ṭawng khum na te chu a mitthla ah lo lang in, Pu Sangzel in run zawng kala rawn kai leh khawp ang a ti rilru ta nghat nghat a.
... Thanghrima te lam pawh kawtchhuah ah ding khawm ṭhap in, a hma zana Chalmawia te liamna lam nia an sawi te chu kawhhmuh pah chuan Sangbera chuan i kut ah ruahmanna awm teh se tiin Thanghrima chu an melh rawn ṭhap a. Challiana lam hawi pah chuan i ho in hnu chu rawn dawm chhin ula, Sangber nang leh tia kawk kual zung zung chung chuan khang ho khan min rawn zui rawh u, thawm in chhuah tur anilo. In Vaibel pawh ti thi vek rawh u, Kawngṭum pangngai zawh lovin Kan kal ang hmelma an hla vak lo mai thei ania che chhuak ang aw tih leh kal nghal nalh chu rual in, a mah chuan a hma a hruai zui par par a. Challiana te ho pawh a U Chalmawia te hnu dawm tura pen chhuak ve nghal in, Mualnuam val rual te sul thar lam leh an lo chet tawh na hnu mai lo chu hmuh tur a vang kher mai. Mahse mihring pangngai ni tawh lo, Keimi Challiana chuan a hnar len vut vut in, a U rim a hre hrang ta nalh reng a, hnim leh Thing vela a U thlan rim nia a angaih lam chu zawh par par in, a mah ngei pawh a chang chuan a in ring tawk lo fo mai. Chutianga hmalam pana an kun dan dan lai chuan Thanghrima te liam na lam mual ah chuan Silai a rawn puak ta ṭhuai mai le. Natuar ṭe thawm chhuak kar ah Thanghrima chuan a hruai te zinga a malpuia hliam tuar Tlangval chu melh zawk in, hmelma lam insaseng thawm a hriatna lam hawi chuan um phak rual loh chuan a duk zui ta pur pur mai le.. Sei fate zing ah a ni anga Tlanchak leh ngaw kara duk chak an awm dawn em ni tih tur khawpa Thanghriman um phak ngei tuma an mahni lo leh chan tute an um tak tak mai zawng, a mi um te pahnih pawn Thanghrima thawm chu hria in tlan pah chuan chan khan zawnga melh ruai ruai in, an hma lawka lunghmun lo awm lam pana tlan pur pur chunga ṭanhmun ṭha nia an ngaih Lungphena zuanluh an tum lai tak chuan Thanghrima Silai puak thawr chuan pakhat zawk dar ruh chu deng sawp rawp in, a zuang lut hmasa zawk a ṭhianpa chu Thanghrima kah pa chuan a delh zui rawk a. Chu hunṭha hmelma lam tal buai lai tak chuan Thanghrima chu Keite sa hliam um tluk zeta chaka dawk phei zawr zawr in, a kut ah a Lulak chem chu a rawn lawr chhuak amaw tih mai tur chuan alo hum reng hman tawh tlat. Thanghrima a lam pana rawn tlan kawh pawt pawt hmelma Tlangval in a lo hmuh rual rual chuan a ṭhianpa chu nam kiang lawp in a Silai a tin kawh zui zawk a, mahse Thanghrimhrima hma ah zawng a ṭuan a fum lua ani e, a Silai humna Zungṭang chu bung ṭhen nghal ṭhawt in, natuar ṭe thawm kar ah chuan Thanghrima chu vir zawk in, chu Tlangval beng chung zawn chiah ah chuan Sat tlang phei pawp in, Thluak lang hung a ding sai dawt dawt in, Thluak baw nuaih khawp chuan Thanghrima chuan a tlawh thal zui thlawrh a. A tha za in la duhtawk lo teh mahse a dara a kah pa thah nghal ngawt chu thil tih chi anilo tih hreli tur khawp chuan tawnhriat neilo Thanghrima ani tlat lo.
... A dar ruh sawp nulh mai hup chunga lung nghenga hawi dang lap tawh Tlangval chu hnaih chilh leh pah chuan zawhna a zawt zui ta malh malh a. Chu Tlangval chuan chhan mai a tum hmel tak lo ah chuan a ka hmet ang chawp chawp in a ṭhianpa Zungṭang a chhawk chu barh a tum ta mai a. Sangbera te lo tlan thleng ve chu huiin lo keu ang teh u, chandarh sa in kan barh ange, ka kâ ka ang duh lo e te an tih khanglan chu ni, Thanghrima zawhna chhan loh pawi zia kan hmuh tur ange tiin a hmelma pa zungṭang chu a chan ta malh malh mai le.. chu em zawng Hmelma tlangval chuan a tuar ta ngang lo, ka sawi ang, ka sawi ang ti tham chhal chunga meng kawk kawk in, Thanghrima zawhna chu a chhang zui mawlh mawlh a. Za lo tih hriat taka Thanghrima nui suk hmel hmai leh mitmeng chu a rapawm ta tlat. KILMAWIA, KILMAWIA, ka kut chhuak ka thiam thil zawng zawng kalo hlan chhawng kim lo che u chu ka tih fuh pawl tak ani awm e. Mahni aia fing leh Huaisen zawk beih tum chu thihna asin, ka hmangaih te tihnat in lo tum a maw, lo nghak hret ru aw tih pah chuan Sangber, u Chalmawia te an phuarna lam chu pan rang rawh u, Naua, tikhan i thih dawn ah thil ṭha i ti ani tih hria la, Pialral ah min lo nghak dawn nia tih leh a Lu chhip ah tak sah sak zui pawp in, a taksa chu a kap thleng rak in an sat phel zui mai zawng Thisen per chuai chuai kar ah Thanghrima khek ri chhuak chu a rap awm kher e. Challiana te ho pawn rawn pawh ve chiah in, Challiana I U te chu an him e, kan awm loh hlan a, kan khua beih tum in, Kilmawia te ho in ruahmanna an lo siam khanglang anih hmel e. Mahse tun ah zawng um pawh ni ila, kan um pha rih in a rinawm loh, i U te lo thleng se khua kan phawt mai dawn nia tiin Thisen kai hnuang chung chuan a vaibel an pak hlat hlat mai zawng Thisen ngam fe tan lo zawng thlir anuam mawlh lo. A mah thlir ṭhap tu Mualnuam val rual te chu melh kual te te in, saw ruang saw chan darh rawh u, khatiang hmel hmai pu chung khan engtin nge khua in chhanhim ang, Thisen rap tan dam khawchhuahna kawng a awm ngai lo, an melh kual den den mai zawng chet hmasak in chuh in, hmelma ruang pahnih chu an sat hnam zui sawk sawk a. Thisen chik leh Ruh tliak thawm chuan phurna pe in, an ri zui ṭhat ṭhat a. Thanghrima erawh ngaihtuahna dang daihnlo pu in, an khaw val rual te hi hrual an ngai khaw mipui tan chenfakawm ni tura buatsaih an ngai, khatiang ral tlemte pawn an bum thei anih ngai chuan engtin nge khua an venhim telh lul ang, a hlawp hlawp a chet chhuah him loh zia, kan lalpa pawh hi chhut pha tur chu ani asin tiin an sir lama thawm rawn chhuak chu melh in a ngaihtuahna ram a ṭang chuan a harh zui hawk a.
... Himdam taka an Val Upa te pathum an rawn lan tak ah chuan lawm taka lo dawngsawng zung zung in, thinrim leh tlawmla ru zet bawk si lawm bawk si chuan Mi Lu khai tur lah an nei tawh pek lo, an lo chansawm vek chu niin an han remkhawm dawn ngial a, tih ngaihna awm talo chu an Silai leh Chem te la in khawlam an pan zui ta map map a. Mualnuam lam erawh Silai ri ṭum hnih lai an lo ral hriat a vanga phawk hra hra in, Ralven buk lam.phei chu an fimkhur zual in an lalpa ber a awm ve vung bawk nen in thlahdah ngam ni hek lo, Laiking che zeuh pawh an hawl lo chauh chu ani e. Ring fan vak vak chunga an hawi ual ual lai chuan Thanghrima chuan hma rawn hruaiin an Val Upa te kokim tak a an rawn hawng an hmuh.meuh chuan an lawmna a sang in, an thawm zui hak reng a. Ralveng te erawh uluk taka la dah in khawcghung lam pan chuan an lalpa hruaina hnuai ah an ri zui ta mep mep a, khaw mipui ten lo belh zel in lal mual an thlen meuh chuan an ri hulh hulh hi ani ber tawh a. Val Upa Chalmawian an chunga thleng a sawi zawh ah chuan Thanghrima chu ding chhuak in kan lalpa in rem atih chuan nun chan kam zir ang, khatiang zat lek leh an ruahmanna lem lawi lutuk pawh hmu thiam lo khawpa kan awm kha zah hle tur, pawng tam tlurh hi chakna ani ngai lo ti ram zui hmak hmak in, Thanghrima lenna vang khua hi tuman an zuam tur ani lo a tih fiak ṭhak ṭhak tak ah chuan an lal leh Upa te pawh bu nghat bghat nghat inṭ ni rawh se, ni rawh se an lo ti tliar tliar a.. Mipui an ṭin vek hnu chuan lal leh Upa te nen ruahmanna siam in Thanghrima te ho erawh an la buai zui map map a. Zanriah bar lo an nih lam an nghilh ta nge, zanin chauh tia an lalpa in a hnawn tak sek ah chuan Thanghrima chuan a khiat leh ta nual mai. Nui san san chunga alam leh tak auh auh ah chuan hawpui a hun tih leh Challiana chuan put nawlh chu rual in, kawngdung ah Misual an damrei ngai lo ti thla al al chunga in pu vawk vawk in, Parlawmi leh Zarliani.lo tlan chhuak chu nuihsuk in, a ze ngai anih hi, duhsakna no dawm dan tawk hi a hre velo ani e tiin Chhuat hang ah chuan a keuh zui dawp a. Parlawmi chuan khatia keuh dawt kher angai ami ti vin hlar chunga Thanghrima chu buaipui sawk sawk in, Challiana nuisung chua melh rum ve nasa mai. Thanghrima rui phur lah chuan ka Parlawmi, Parchhingchhengi, ka Pa ka Chemtei hi neih ka duh tawh, ka khai hil rei tawh ania ti nui uar uar in, Parlawmin a ka a hup sak na te chu nuihpuiin kar lo ah Parlawmi mal kham chuan tui zet in a muhil zui ta bawrh bawrh a. Parlawmi chuan a mal khama muhil sak sak Thanghrima chu melh ngawih ngawih in, i hmel zawng a ṭhalo, mahse i chhiatna zawng zawng nen hian ka hmangaih si che a, hmelchhe zun phurh zawng ana ngei e tiin a phun sep sep a.
... Ngentiang lam pawh lal leh Upa te ho chuan a ruk te a beng tun hra hran hlawm in, Khualkai Pasalṭha Thanghrima tan mi rinawm an khaw Tlangval Tawlhkunga an lalpa in leng tura a sawmna a rawn tih hlawhtlin ngei beisei taka an awm lai in, Lenglen hun pangngai ah pawh Tawlhkunga hmel a lan tak lawk lo ah chuan Tlangaupa alo theihnghilh te hi ani lo maw zuk bih leh chhin teh tiin Khawnbawl min chuan Tlangaupa chu a tir leh ta nge nge a. Tlangaupa in lal kawt a rah thlen mek lai chuan Tawlhkunga nen in tawk chaih in, Tlangaupa pawh a nui ta var var a. Tawlhkunga erawh a ruk te a nui suk suk jn, an khaw tlangval anih pawh an hriat mumal ngai loh heti taka an lo mi tak en thar vel ta lutuk leh an tlawn ti tih kual vel chu a ruj thar deuh thut bawk nen, chuvanga muanglui kha ani reng bawk a. Misual am damrei ngai lo, kei chu ka damrei dawn tih hla sa chunga lal Luhkasang kaiin thawm a dim lo kher maj, a leila zawnga khawsak zawng zir chawp an ngai lo, nitin zantina an zui ber Thanghrima zia kha ani miau mai a, Tlangaupa hmunga luh pah chuan Tlangaupa mawng chu an kawm sak zawt pek a, Tlangaupa phu zawk leh zuang dawrh chu nui tlawrh tlawrh in, i va chhe derh durh tak, i Lu kha Sava hloh ah a ṭha phian ang a tia an nui zui hui mai zawng lal leh Upa te an ka ho mai.lal Ngurawia chuan e khai, Tawlhkung i mawng rawn hung ve tawh kanlo beisei ru reng tawh che sin Tlangaupa lah Thla chawr hlim ang maia i perh tak nulh chu ni tia nui huau huau chung chuan Tawlhkunga chu thiam tak chuan an lo lawm zung zung a. Ngentiang khua hi a Lu nung chuan mihring ṭhahnem viau mahse Khual kai Pasalṭha han tih tur ang chi hi Kuttang thliah buai pawh ngai lovin, Pasalṭha KAWLLIANA leh HAWRHKIMA bak nei hek lo, an ni ṭhian dun lah a thawm na lo chi damthluam mai an lo ni tel kher bawk nen, lal Ngurawia hian Tawlhkima hi chhuah a tum hauh lo, nghet taka chelh a, Lusei lal dangte awh leh ral hriat tham a, hming thantir a tum ruk ani tlat pek a, an lalpa rilru ang hi Tawlhkunga hian a tih hlawhtlin sak angem le. Lal in a kai thawm na ru viau mahse eng lai maha mi chungtlak chi ni ngai lo Tawlhkima pawh lal leh Upa te kiang ah chuan ṭhut hmun rem ve in zawhna an neih te chu tawi fel tak chuan a chhang mai zel a. Ngurawia duhsakna No erwwh a tem sak hlek hlek duh chauh a, a tak ṭha mgak ngak bawk nen, Thanghrima a mitthla ah lo lang in, a ni zawng awmse puak haw angai leh ngei ang tih vel angaih tuah lai tak chuan Se chal han awn deuh rawng rawng leh Talhfiak ri zui ṭhak ṭhak thawm chu a rawn chhuak ta mai a, aw awww.. a tu chu nge maw a zan zan a, Se kai ta chu ni lalpa in a tih mek lai chuan Tawlhkunga pa aw ngei mai chuan Tlangvalteu min han pui lawk tawh u, ka Fapa zin hawng Thla hual nan ka tih mai a ni e a rawn ti ta lang lang mai le.. awww.. a ṭul lem lo sin le ti vang vang chunga Tawlhkima ding chhuak chu lalpa ber pawn insum hman lek lovin zawhna a pe ta mai reng a, Tawlhkunga chuan an lalpa melh kal chung chuan ni e, ka Ṭhian Thanghrima khan ka Sahmim ah kan Rallak rohlu alo hnawh pek a, sawi tham erawh ani lem lo e, Se awt reng reng a, awm ṭhin ka Pa a phur deuh anih chu kei a, rallak Sum ve te zawng mi Lu ka tan hlawh mai ani e an ti vawt zui raih mai zawng, lalber tan pawh eng ang chiah nge i rallak Rohlu te chu han tih ngamna chi ani mawlh tawh lo, a tawng tawp lam a vawt ta em mai.
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:14 pm

THANGHRIMA 39
Tawlhkunga pa pawh a zan a zan a, lal in chuangkai leh nghal zat in, Tawlhkunga hawng lam nen an in tawk hman hial a. lal leh Upa te hma ah tlawm awm tak si Luruh ring zet a, a fapa Thla hual nana Se chal talh chu dil zuiin ṭhenrual ṭha zual chauh sawm mai ka tum deuh a, Sa alo bang ta deuh anih leh a theh thang dan kawng kan dap mai aniang chu ti vei dap dap in, lal Ngurawia chuan e khai, Pu Hratzo i mawng han hung ve phawt la mawle, chung thil te chu keia rwm loh tih loh ngawt chi pawh
ani nang le, i fapa chu ka fapa ve tho ania lawm le, Kungi pa tia Upa min lam hawi pah chuan Khawtlang huapa kan Fapa Thla hualna leh Khaw pum in fuih tharna neih law law hi a ṭha lo maw, tin Tawlhkunga hi Pasalṭha nihna khaw mipui hriat ah puan na rem chang kan hawng ani pah fawm anga, Pu Hratzo i beng erawh lo chhu ngawng rih ta la, Tlangaupa kan Pasalṭha leh Val Upa kha zuk ko thuai tawh tiin Ngurawia chuan a thluak a chawlhtir lo tih hriat tak chuan Tawlhkunga chelh beh dan kawng chu a dap zui zung zung lo thei lo, a nihna tak ah chuan Tawlhkunga te chhungkua hian Thanghrima chenna vangkhua ah an pemsan mai a hlau ru tlat, a hlauh ruk hi Tawlhkunga thil tum a ni lawk tih hre ngat sela chuan hei ai mah a nasa zawk hian ruahmanna a siam duh ngei ang le.
... Kar lo ah Ngentiang khaw thler tin chu Tlangaupa au thawm chuan rawn fan nghal in, Tlangaupa lo chhaih nawmnah pawl tawk lah bolo, chutianga an lal leh Upa ten khawtlang huap ruai an buatsaih ta mai chu ṭhenkhat chuan mak an tih rual in ṭhenkhat lawm a vanga lo kuk rawih rawih tawk lah bolo, pa ngaihtuahna sei deuh te erawh an lal rilru leh tum chu lo chhut pha in, a ṭul reng ani khaw himna a tan chuan khaw kulh rinawm kan neih tam pauh leh kan himna a sang a ni mai lo ti charh charh in, a tuk lama hnathawh tur ruahmanna lo siam lawk tawh te erawh an lo aw ve vang vang tho mai. Pu Hratzoa pawh lawm taka lal in chhuahsan in ka thlah te zing ah Pasalṭha tia chhiar tur ka nei ve dawn ta tih pah chuan a mah leh a mah te chu an in beng vei taih taih a. Ka mumang chu ani hauh silo ti vei nuap nuap chung chuan in lam pana ke pen zel in a kai zai vei rut rut a. Thimṭin anih meuh chuan Zawkbuk tual ah Tlangval hote Se phet thawm ri luih luih kar ah Pu Hratzoa ngei mai chuan khawinge ka Fapa Silai ngei hian aw tih paha a Se chal thleng thar an Sai dawp mai zawng an thawm a ṭha in, Pu Hratzoa hmelhriat leh ṭhian hnaivai nih chak Patling an pung tlat. A ni lah nui huau huau chunga Vaibel la kaiin e khai keini te zawng michhe daikil kara leng mai mai lawm kan nih neih thinglungkhawng ni chiah lo, a chuangliam ni lem lovin kan han keuh ve rawih ani e. Tu Se chi hi ṭha deuh ber ang aw tiin a hawi lurh lurh tawh mai si a, a hausak Tharna hi thup a tum ṭhak lo, a ngam fa chuan mi chhuh tum chhin sela, ka Fapa Tawlhkunga an hmachhawn angai ngei ang. Chumai ala ni nem, a ṭhian Thanghrima ten kan Vangkhua an rawn lawi a ni nghal mai tiin a ṭawng a thlahdah lui sak sak a. Hetih mek lai hian an Pachhiat em em laia an chhungkaw duhsak tu leh ensan ngailo tute erawh a nghilh lo chiang in a theih ang a, dawmkan ve chu a tum ruh viau thung. Mi Chapo te hnuh hniam dan ṭha ber chu an ni aia Chapo larh tur tih hi a ngaihdan ani tlat alawm.
... Sa chhum rim nam mup mup kar ah Nula leh Tlangval rual ten lal mual an pan mup mup lai leh khaw mipui nawlpui ten lal mual an mawi muo mup lai chuan Tawlhkunga Farnu te pathum pawn an Khaw Nula ah an lal Fanu leh Khawnbawl min choh loh chuan an awrh phak ngainloh tur leh an neih loh Ṭhi mawi em em an rawn awrh chhuak ta tlat mai le. A farnu te pathum lungawia taka lal.mual an mawi chu Tawlhkunga chuan melh vang vang in a lung a va awi em. Chai bul an ṭan hma chuan an lalpa ngei mai chu rawn ding chhuak in, Tawlhkunga chu lal sawmna ang chuan Silai hum vah chunga lal Luhkasang kaiin Thanghriman a chah ṭhin mi chunga leng tur leh min chung en theihna tur chuan Chapo viau tur atih kha vawng hmak in, a mah ngaih theih loh hmel leh nuihzat hmel fe fe te chu melh kual in a mit a san khum ngat ngat zel bawk a. Mipui ngawi ṭhuap kar ah an lal Ngurawia ngei maiin Pasalṭha nihna an hlan zui bawk nen Tawlhkunga chu a hawi sang in, lalpa in thusawi tura a sawm na chu zawm a pen chhuak in, lawmthu a sawi zawh ah, ka Ṭhatlai pui te u, hei hi hre reng rawh u, Mahni kut kawih ngei a, Se Nufa lei na tur pawh ngah zolo nih kha zak hle ang che u, in Pate neih kha in lo chapo pui ngawt ange mahni Nupui man tur pawh ngah zolo tur kha chuan ngaihnep hmel deuh khan min en hauh suh u, ka Sai dawp hreh hauh lo che u ania in hria maw Zakunga te ṭhian ho khan tia a Silai hum laia an tin thut mai zawng mipui chu phu nghal suau in an lal leh Upa te pawh an hawi buai nak hman tih ah chuan za awm em em maia nui hawk hawk in, Misual an damrei ngai lo kei chu ka damrei dawn lai fe a, zai chung chuan lal mual pan thla chhat chhat in, a mah ngaisang ngawih ngawih tih hriat taka lo thlir dauh dauh tu a nau Kawngtea chu pawm nawlh in Sangzeli te ṭhian ho a mah lo thlir ṭhap tute ho chu ngaihnep hmel taka melh kual in, kil sir lama Michhe veng Nula awm khawm lam pawl tum chuan a pen zui thauh thauh a. Thanghrima vanga Hawisang ve satliah a saseh ah engmah ani awm hlei lo e ti a, phun thawm chuan din tir chaih a. I fiah duh ami an ti thawp sat mai zawng chu Tlangval ṭawng thlah tu ber chu a ṭhiante chu an tawlhsan zui zal zal bawk nen ka fiamthu mai mai ani tiin a riat ral ta ngawt a. Fiamthu hi ka ngaina lutuk lo tih hre reng tawh rawh aw i duh hun hun ah ngal in tan siak tur pawn ka inpeih reng tih ilo hre dawn nia ti dam dap tu Tawlhkunga chu melh pawh an melh ṭha ngam meuh lo zawng ani e. Lal mual a Nula leh Tlangval te an chai mup mup kar ah chuan Fatu ho erawh an vir buai map map in, Tawlhkunga ber chuan a pui daih leh nghal a, a kum rualpui kawm ṭha peih lo anihna a lang leh ta ani ber e. Kar lo ah Ruai tur buatsaih in Tleirawl rual ho pawh in tin ah chaw chhumsa khawn in an liam dawr dawr hlawm tawh a. Ruaipui kil zui mup mup in, Tawlhkunga Kawngtea te hlui ṭawm ve mai tum chu lalpa Ngurawia chuan e khai ka Pasalṭha he lam ah Pasalṭha hlui hi han kil tawh tia a rawn auh tak ah chuan ni ang hmiang Pasalṭha nihna kawl ve lo tan kil ve ngawt a rem si lova tih paha an hawisang lui kher zawng hmuh nuam tilo leh ngaisang lo tu tan chuan a huatthlala ṭhin teh e. Chutianga ruaipui kila an rik map map lai leh a tam zawk ten an hlui an thawhsan sap sap lai chuan Van lam hawia Silai puak ṭhuai ri leh zalo tih hriat taka nui huau huau thawm chu rawn chhuak in, enkhai Ngentiang khaw ho chu nuam in va ti awm ham ham ve, kan tel lova ruaipui in lo kil mai le tia Pasalṭha Neksawra nui ṭhenṭhaw chu melh rawn ṭhup inṭ a kianga an lal fapa hawi sang lurh mai leh Silai keng ve tho Neksawra ai maha nunrawng zawk Ngentiang an kal hmasak ṭum a, Pasalṭha HAWRHKIMA lo nun hram tawh tu ding peu ul mai chu melh rawn ṭhup in, lal Fapa chuan Ngurawia fanu duat Thannguri chu ding taka rawn melh in, i lo nula ve ta tak tak maw nupuia neih tham i ni tawh tak zet e. Hruai tur che in kan lo kir leh dawn kan tih kha tiin a nui zui vun vun a. Lal Fanu Thannguri chuan a nu bana vuan ṭak ṭak in, a dang zui sawp sawp a, Nula chhuak awrh chauh a hmelṭhatna in khual tual a than ṭan mek lai leh hmel duhzawng pawh la tawng lo anih vei nen a hma a lal fapa hahmai lian zet chuan hruai luih ngei a tum si. Bungtlang lal fapa.leh a Pasalṭha te lak ata chu tunge chhan thei ta ang le.. hei vang tak hi ani Ngurawia khan Pasalṭha a dah chungnun em em chhan kha. Ngentiang lalpa chu hawi kual ruai ruai in, Tawlhkima hmel hmai awm reng reng a hmu ta hauh lo mai le. A rilru te te chuan ka beisei a pha dawn hauh lo.mai ti rilru nuap nuap chung chuan sang veh vawha hawi chhuak in ka Fanu hi tuman an hruai lui hauh lo ang.. i dinna kha tu lalna vangkhua nge anih i hai ta em ni a ti ṭeng zui chhuai a. Pasalṭha Hawrhkima lo pen chhuak mek lam chu hawiin ka nun tawh hauh lo ang che tum buai duh suh..e khai, e khai khua hi hualbeh vek ani tawh tiin Pasalṭha Neksawra chuan Ngentiang valrual chet lak tum chu a melh kual zui den den a. Thudik a sawi leh sawi loh hriat theih ni hek lo le..lalnu chuan hman hmawh taka a fanu chu kaiin in chhung lam pan chuan a tlanpui dawr dawr a. Pasalṭha Nekpera nui tlawrh tlawrh chuan lal in lam pana an lal fapa kal chu zui nghal in, Pasalṭha Neksawra erawh zam map lo chuan ala hWi valh valh thung a.
... lalpa Ngurawia nam thal tawpa lal Fanu leh lalnu te umzui tu BUNGTlang Lal faoa leh a Pasalṭha chu khawih let ngawt ngam silova melh rawn ṭhup in lal nu leh lal Fanu erawh kawngkapui an kan lut hman hram e, lal fapa chuan ka ta ah kan siam law law ange tih leh hmahruai chu rual in lal kawngkapui a ke leh lam in a kan fel awrh tih ah chuan Bungtlang lal Fapa chu a Awma tha chak zet in a tlawh na a vanga pai chhuak dawrh in, a hnung chiaha rawn kal a Pasalṭha Nekpera chu delh in lal mual ah chuan a hlawm tla thum dun ṭawk a. Nekpera chu rang taka tho leh nghal in, a Silai thlauh na lam a hawi nak chuan an kal hmasak ṭum a, a hmuh tel hauh loh Tlangval sa mum nelh nawlh a Silai lo humsaka lo ding fel at chu makti leh huatna tinrenga melh chung chuan nang khan ka Silai i khawih ngam a maw, tunge kut min thlak tu kha thisa ah in ngai rawh tiin a au zui tuarh tuarh a. Ngurawia chuan ka Fapa i hnung ah ka ding e a rawn ti thum zui chhak a. Ngentiang khua hi a chak nazawng lal hrawtna tur anilo asin, in lal fapa nen khan in lo thlawk thei reng ani maw tia nui hul hak in, kan lal fanu hi a hman hman hruai luih chi ani hlei nem.. An piah lam ah chuan thawm rawn chhuak hak in Pasalṭha KAWLLIANA aw ngei mai chuan i Lu hi thlawh darh sak vek i duh te anih loh chuan chet la tawh hlek suh tiin Pasalṭha Neksawra chu a Silai in alo tin chilh zui rap a. Chhe heu nangni hi Bungtlang khaw dodal zawng in ke in pen hman a maw tia lal fapa a rawn au lai chuan Rawlthar panga lai chu kawt chhuah lam a ṭanga rawn tlan kir in, Pasalṭha Tawlhkung tumah Kan khaw hualtu an awm lo an rawn ti ta lauh lauh mai le.. chu thu zet chuan Bungtlang lal Fapa leh a Pasalṭha te hawiher chu a ti buai ta nak mai le.. nang hi, Thanghrima ṭhian Tawlhkunga an tih kha i ni ngei ang maw tiin Nekpera chuan Tawlhkunga chu a melh ding zui ngar ngar a. Tawlhkunga pawn nuihsuk pah chuan ka Pu hming min sak sak chu ani ngei a lawm alo ti fel thak a.
... Mipa tak in kan sawifel ang, Mahni kum rualpui deuh hi an hmachhawn ani ngai khaile, Nekpera i inti em ni khahh, Hnarper i Sahmim ah khan Lulak chem chu chu i pai ve tur ah ka ngai ngawt a, i theihna chu han lantir ta che tih pah chuan Tawlhkunga chuan a Silai hum lai chu an lalpa kuta hlan hmak in kha lal fapa em em kha lo melh ding deuh ula, unau hmelchhe ve tak in nih hi. Ka ṭhian Thanghrima ai pawn in la chhe zawk fe mai ka ti tih pah chuan a hman thiam em em Lungtum hman rem hek lo, lalnu lalpa Lulak chem kha mi han theh thlak sak mai teh Ruai kil nan Chem ka mamawh si lova ka hum der lo mai tia au lung lung in, Bungtlang Pasalṭha chu han huohurh awm hmel hmai reng a pu lo chiang teh e. Lalnu chem rawn theh thlak chhar tuma Tawlhkunga kun lai sah lirh tawl tuma chet la phut Nekpera chem chu ri zui fua in, mipui.lam pawh an lo ṭe dual renga, Nekpera Chem chuan Lei char chu sat khuar hlawk in, Tawlhkima chuan nuisanga Nekpera melh chung chuan khang te chu i chet tum dan sa tih i mit ah a lang vek a lawm tih leh a Sahmim a ṭanga Lung kuttum tiat vel phWrh thut in Nekpera awm ah chuan hlam khat dan lek ah an vawm ri dawp mai zawngna tuar ṭe thawm rawn chhuak ṭhawt in, an chhe lawh thawm chuan a zui nghal zat a. Lulakchem chhar pah chuan ummmm kan hum a in ang ta khai le, Pasalṭha Hnarper chet la rawh le, Misual an damrei ngai lo ania tih leh a mah zawk chuan bawh chu rual i, Thanghrima hrual fip tih tak ah tha thlah hauh lova nawr zui mawp mawp in, Nekpera thah na hun ṭha chu vawitam nei mahse awlsam taka dahṭhat mai atum awzawng lo.Thihna tham ni silo chuan tai zauh zauh in, lalpa i chem hi a hriam ava ṭha ve tia nui hawk hawk chung chuan e khai, Pasalṭha hnarpera hi tuisik han pe tawh u a dul a puar lian em mai thlan pawh ala chhuak em hlei nem le tiin Tawlhkunga chu a zuang zui thauh thauh a. Nekpera chuan ka duhtawk e, ka hneh ngang lo che ani. Pasalṭha thih dan diktak erawh ka phut ve e ti chuai raih chung chuan a chem chu a thlauh zui bawl a. Pasalṭha Neksawra pawh, chutianga a phirpui leh a nau tlawm ta leh thi tur hmel chu en ngam bik lo in, Tawlhkung ka nau kha khawngaihin anun zuah la, a ai ah ka nun ka hlan e a rawn ti ta tawp a. Tawlhkunga chu bu zui nghat nghat in, Neksawra a lam.pana rawn kal meng khup lap chu tlawh ṭhingṭhi hnawk in, nunna hi a hlu asin, in unau in in hmamgaih ang chiah hian midangte pawn an fapa, an fanu, an nupui pasal, Nu leh Pa te an hmangaih ve asin, ngaihtuah chiang teh u, ka ṭhian Thanghrima min zirtirna ka bawhpelh mai ange, in nun siamṭha ang che u, thingṭhi hniam ve in, bumna tenawm tak hmanga he khaw lam hawinleh ka pawi sawi zawnga ke in pen leh anih chuan in vangkhua a ding chhuak tawh lo ang. Nangni pahnjh chu ka nun ang che u mahse he in lal fapa hi chuan nun a phu velo, lal Thisen kai thah hi nuam ka tih zawng tak tih paha Bungtlang lal fapa an pan hnai mai zawng, tlawm leh zah pawh dawn lova, Ṭhingṭhi nghal hnawk in Tawlhkunga hnen ah chuan ngaihdam dil in nun tur chuan an ngen tak tak mai zawng, Tawlhkunga nuih chu a za ta tlat pek a, kan lal thutlukna ni teh se. Mahse hei erawh ka tih ngei angai, an beng chanve ṭheuh an hleh sak zui liam liam mai zawng, na in tlawm la teh mahse nunna chan ai chuan a la ṭha zawk miau si a.
... Hetih mek lai hian Thanghrima te lam erawh hmangaihna par lo tlan ve mek in, nui duh hauh lo a, Nupui neih a Pa kianga ngen der vel pah chuan ka U te zawng an in duhna ala rei lo em mai ti kual vel in Upa Zakapa pawh a hawibuai ve nak mai. Neih tir lo ngawt se, zan lam ah a fapa hi a tho a der duh mai ang tih a hlau thawng ru tho bawk nen a hui ru pap pap a. A pa hmelhmai buai nak a hmuh tak ah chuan insum zolo a nui chhuak hawk in, ka Pa ka fiamthu mai mai anih kha, U Chalmawia hian Palai rawn tirh hnai a tum in ka hria khawi nge Zawlbuk lam kan pan ange tih leh Tai tiang tle hlerh hlawrh chu ban in, a pa in a auh zuina dim ve deuh hlawm teh an silawng zo mai ange tih lung lung chu khikpui suk in, ka la dimzawk mawle ti sap in Zanriah ei kham hlima Mualnuam val rual nun chan zir zawm tura kal khawm sap sap te hrual tur chuan Challiana nen bawk chuan an in zui chhuak leh ta vak vak a. Thanghrima kuta Tai tiang chu lo melh zak zak hlawm in an huohurh ru tawh kher mai. Mahse a thu hnuaia kun a, a duhtawka hrual tura in pe leh thu tiam te kha an ni miau mai a, phunnawi thei ni hek lo le. Kar lo ah Khaw mipui lam pawh lo chhuak khawm in, an Val Upa Chalmawia a ṭanga bul ṭana an hlap er tak tak mai zawng ṭe chhuah phal hek lo. Mi tuar zuau in hnehna an chang ngai lo a tih tlat lah chu a dik miau mai si nen a mah an han hlap let ve na lah chu na hre ve lo ang maia ngawi renga dawh mai zel in, an vuakna te lek lek zawng a Pa, Pasalṭha Laiawrha'n a duhtawka a hlap ṭhinna te lak ah kha chuan a nep tham em mai a, a vun leh taksa chuan a ngam rep rep em mai. an Khaw buanchak KUNGPUIA na ti lutuk nguk leh hruih ṭhin chu nuih suk suk in i va duap ve mawle tiin a hlap zui pawp pawp a. Nangber hian i paltlang a ngai, kan khaw in nghahna tur i nih hi tia a beng bula fuih ru sauh sauh in, nang chauh hi ka thiam thil hlan vek ka tum awm chhun i ni, chu vang chuan inti pachang la i rilru kha ti paukhauh rawh tia an fuih leh mai zawng, a kum a ṭhansan tih ang tur chi Kungpuia chu rum nghut nghut in, a nalo, a na tham lo tia au chung chuan a in dawh ta turh turh mai a, Challianan mipui lo fuih bawk in an haw haw ta luih luih mai a, keive kei ve tia in dawh in, Thanghrima lah a phur tulh tulh bawk nen chutianga zan thum ngawt tuar chhel an han zir tak ah chuan an ngai neih thei ta mai reng a. An lalpa ber lah in ka tel ve tawh ang a tih miau a vang chuan a Tuk Li na ah phei chuan ral thuam lek ṭan in, fei leh Chem leh Mauthal nen an ri suau suau tawh a. Silai kah ah kher kher chuan Challiana tluk zo an awm ngang lo, a mit fiah fal em em a chhawr thiam tawh tlat atin ni. Ni chhuak leh Tla ṭum sarih zet thlir chunga nun chan an han zir tak tak mai zawng Kungpuia ber chu Thanghrima'n a fuih fuh lak lawh na chu chhawr in, a chet ranna hmang thiam fe lo se chuan Thanghrima tan meuh pawh beih tham a tling tawh tlat. A Chem hlai fal em em mai chu a lek ri fur fur reng bawk nen, kan khua ah Thanghrima leh Challiana chiah ka ngam lo tih te chu sawi lang hreh hek lo a au pui.lung lung zel chu an nuih pui leh ham ham ṭhin a. Tun ah zawng Mualnuam khua chuan hmelthar a pu ta, an lalpa ngeiin Pasalṭha nihna Thanghrima te ṭhiandun a hlan nawn leh zan anih meuh chuan an lawmna a sang in, Pasalṭha Tlangkhuma te ṭhian ho lo ral ngaihzawn em em tu Van Chung Nula Supreme leh Exis te pawn Mualnuam lam hawiin an beng an tun ta hra hra mai le....
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:14 pm

THANGHRIMA 40
... Tun ah zawng Mualnuam val rual te pawh inrin tawkna a khat chunga leng tawh in, Leido neih an chak lutuk chu an lalpa kiang ah inthuruala kal huk in, lalpa Leido tur zawng teh tiin an dil hial reng a, lalpa lawm lutuk lah chu a keh hui reng mai bawk nen, a nuam, a nuam ami, van hnuai khuavel ah hian Mualnuam khaw lal nih tluka nuam hi a awm nemaw tia au Lung Lung ṭhin in, Leido neih mai tur awm hek lo, buhseng zawh lam ah lam ṭang siam a, Nun chan zir tak tak tum chuan an in buatsaih zui ta zawk a. Thanghrima thluak ṭhami alo lang leh ta, an lalpa chu zawi te te a phunpui sep sep in, thawkmawh chhungkaw tan a ṭha dawn em asin tia rawtna an siam zawh meuh chuan lalpa ber chu ngawi vung vung in, a ṭha phian tak ang a, in pawh tlan leh zual nan pawh zan lam ah Khawnbawl ho kalo sawipui dawn nia tia in thlah in, i tha khek kual ngaihtuahna vir vel tih hre tho mah ila, a ṭha phian bawk sia tia an lalpa nen an nuih dun hawk hawk hnu chuan lal Fanu in Zanriah kil tura a sawmna chu thiam taka hnar in, lal Makpa ka nih hma chu lal in em ah chuan bar lah love tia lal Fanu fiam bawrh bawrh chung chuan Luhksang lam ah chuan a in chhir chhuak ta thuai a.
... Tun ah zawng Rallu khai lam ani lo, Buh Lu chuh hun lai tak tak ani ta. Thanghrima rawtna ang chuan Mualnuam khaw pum pui mai Ramṭang rual chin tawh phawt chu Ram lam ah liam nguah nguah zel in, an thawm lah a na thawkhat e. A Lo hmawr ber a ṭanga ṭan in, an in daih bawk nen a ṭhen in Fasuar tur lo buaipui lawk in, Lokhat pawh Nikhat ah an zo fai hneh lutuk leh nuam an ti lutuk chu a tuk lam a ṭang phei chuan riah luh rawt in, ram lam nun hlimawm an han chen ta tak tak a. Thanghrima ber chuan in la fel zet a, Thlam hrang hrang tlawh kual dun dun in, Tumah chet sual loh tur aw, ṭhut sual hek loh tur ti mai mai a, pawt kual in, Nula hmel keu deuh awm khawmna lah chu a hre thei zek mai leh nghal a. Mahse A Partinchhingi iang zo an awm mawlh lo nge vawikhat te mah zu tla hawlh miah lova. Challiana pawh tun ah chuan Thirdeng fanu lian zuah mai vawihbawm lian zet nen in mal thlur ru deuh chat in, Ka hang na a, ka chak ania tih chang chawi ang hrima a ha var lang ṭhah maia Challiana nuisung zel leh a Hmeichhia zawk thubnuaia a kun ru dui mai chu Thanghrima chuan a lawm em em mai pek a, in ngaihzawnna lam kawng la zawh ngai hek lo, Thanghriaman chutiang chuan awm deuh tur atih a piang zawma an nui tawi lui vel te chu hmuhnawm tham a va ni ṭhin em. Zarliani leh Val Upa Chalmawia chung chang pawh tun ah chuan thup ṭit ṭet awm tawh lova hriatpui vek tawh in, midang mit ti kham khawp chuan an awm ngai hauh lo. Chalmawia nun uluk lutuk leh miten an hmu mawh ang tih hlau reng reng a, Zarliani an be ve sup sup ṭhin te, hming chhiat hlau reng reng a anun ṭhin na te chu fiamthu nana hman sak in, Val Upa Fimkhurkima a nih hi tia Thanghrima auh fiamna chu a in hmeh bWk a niang, a hmuh phak loh ram ah chuan U Fimkhura an tih phah ta deuh vek a. Ral ah hian Chalmawia chanchin chu nuihpui tam viau ṭhin mahse Mualnuam Nula leh Tlangval te zah rawn leh ngauhsan ani tlat. Challiana nena an ze in ang lo mai nilo, an vunrawng nen lama danglam lutuk erawh Challiana chuan fiam a tawh tam phah khawp mai. Chutiang zel a, an hmabak hlen duai duai zel in, hah hre lek lo a buh an han seng tak tak ṭhin chu hnuhnawm lawm ah kal in, Challiana leh Kungpuian an mahni pawh lang lek lova buh kung an ah sa an han phur vum thur mai ṭhin te chu Buh kalthei tia kawk in Nula ho chuan an nuih tlawrh tlawrh zel a, Kungpuia lah nui hui zel in, Nula ho te chu a chang leh an theh phar ta lawp lawp ṭhin a. An kutkawih rah lo lang mek an hlimpui em em mai hi an dwmawm loh, an thawm ah ngawt zawng Thanghrima chu a seng tam leh hahber anilo thei lo tih tur ani laiin, a buh ah tluk ve zawng zawng hi phur khat pawh a tling miahnlo thung a, mahse an khaw ho in an sawi leh dan ah chuan tlawmngai, taima, engkim a hmahruai leh hnudawl a ni ve tlat si. Buh an han chil tak tak te chu, a per hian a per sung sung hi ani ber mai a, ral a ṭang pawn hmuhnawm tham a tling thei hial a, Fasuar pawh an ti chim nual ta awm e. Chutiang reng renga an in lungrual kum leh hah pawh hre lek lova an Kum ṭhat kum chu la awm ngai hek lo. Lalpa ber chuan lal Tual ah Lunglianpui phun in, in Lungrual kum hriat renga Lungphun tih chu a pu hlen ta reng a, mak deuh mai chu Chu Lung nghenga ṭhu tawh phawt chu Nupa leh Nula Tlangval inti thiam lo te ngei pawh hi Hmuamda hun chhung lek hian an in lungrual hman zel in, an in Lungrual hma thei lutuk hi an zak deuh tlat zawk ṭhin nia mawle.
... KILMAWIA te ho erawh khatia Thanghrima te awm loh hlan a, Mualnuam khua lo haldarh vek a, Thanghrima lai chin hnai zawng zawng te thah chimih phiar tuma an ruahmanna akal tluan hle lai leh an Val Upa te zawnga tlangval tam zawk ten khua an chhuahsan hun nghaka lam kal an tirh te chin bih tura che chhuak ve nghal khan Thanghrima leh Challiana an tum loh lutuk leh beisei hauh lo a, an hmuh tel tak ah khan hman hmawh taka in saseng thuai thuaiin an ṭhiante Pahnih nunna chan tate lam.pawh ngaihven hman an awm tlat lo. Misual chu um loh in an tlan chhia tih zawng zawng nei zovin, lal an hrawtna leh an khaw lalpa ngeinpawn a hlauh tlawn em em, Thanghrima leh a ṭhiante ni ngei a, a hriat na a vanga be chhe ngam lo tu, SIALHAWK khua chu pan ding nal nal in, kar ah zan riak ve bawk mahse Ralveng an in dah uluk theiin, Kilmawia pawn ral ah Thanghrima a hmachhawn chak thu chhak chhuak fo mahse a saseh tak tak ah zawng a ngam loh zia leh a thisen tlan chhiat nghal dan chu phat rual loh chuan a chiang tawk viau mai le. Hun ṭha zawng ala in her leh mawlh ang. Lo ngai reng rawh Thanghrim i farnu leh i Keipui sa hauh tlat Parlawmi kha zawng khawih loh in ka chhuah hauh lo ang tia insehruh ṭalh ṭalh chung chuan Sialhawk khaw kawt chhuah chu inchhir thleng in, an mahni zui tute lah chuan an hman hmawh thar tak thut chhan hrethiam ve hek lo.le.. Kilmawia chu thaw deuh huai chunga ṭhut hmun rem in, e khai ṭhianteu ka mang dik loh luat ah a uih zawn ang vut vut a, kan han tal tak chiam mai chu le, hei khua lah chu a lola him pial mai si, a lawmawm lam ah ka ngai e. Ka mang lam ah Sialhawk hi hmelma ho in lo run in, Tlangchhuma Farnu te phei chu tih luihna in an lo khawih maawlh mawlh mai pek a, tiin Sialhawk Tlangval San ṭha pui mai an mahni zuitu zing ami Tlangchhuma chu melh in, ka hlauhthawn luat ah engmah pawh ka hrilh lawk ngam lo che nih kha tiin an chhimbudawi kual nghal zat a. Tlangchhum dawntawia erawh nui vun vun in, a chhan hre hawt lova ka lo phun ruk fona a vang khan ngaihdam ka dil e, U Kilmawi min hrethiam teh, awhhhh.. U Thanghrim tiin a lei a chhuah zui zuk a. Kilmawia hi Sialhawk ho hian Thanghrima hriata hre vek in, a hnungzui tura inpe tak tak ho hi chuan Thanghrima tak tak anih loh zia an hre tlang vek thung. Mi sawm ṭha lam mah an ni bawk a, lal mual lam an pan pawh an hawi sang in, Sialhawk khaw chhan tum a tlankira in ngai vek an ni bawk a, an lal in lawi thawm pawh a na ham ham viau e. Sialhawk lalpa hnena Kilmawian hman hmawh bak lenga an tlan kir chhan a sawi dap dap lai chuan Sialhawk lal.leh Upa te chuan ngun taka lo ngaithla in, a thu tlip nana an lo la himpial a lawm zia te, Sialhawk val rual tw pawh nunchan zirtir a inhuam zia te a sawi hmawr hmuh zauh na chuan phurna thar pe in, an lal leh Upa te chu an phul nghal hlut reng a, lal SAIKHAWMA chuan e khai Pasalṭha ngaihloh lam ah lo ngailo ta la, i thawm thangva ah Thanghrim nunrawnga mi ril tanbun hrat tiin kan lo ral hriat ṭhin che kha a dik tawk loh zia ka hmu in ka hria, nang leh i ṭhiante meuh in ka Tlangvalte in thiam thil in hlan phal anih zawng in ka neih ve zawng ah chuan ka Sum hauh lo ang. Lal in thawm chu a na in, An kut thawhrim rah senga ṭul em em Sialhawk val rual te beng pawh an hmabak chuan thleng zel in phurna nasa tak nen Buhlak leh Phurh te chu thawk suau suau in, an lalpa ber in ka mit tlung zo ber chuan Ka Banglaia Silai a duh a tlang ang a ti miau a lawm le eng ai ah nge an phur loh teh lul ang ni.
... Hetih mek lai hian Thanghrima te lam pawh Challiana nen an theih tawpa in buatsaih zui mawp mawp in, an lalpa in lam ṭanga awma inbei tur a buatsaih hun pawh nghak zo in an in hre tlat tawh lo. An awm.loh chhung chuh a, an hmangaih an khua leh an laichinte tih chhiat vek lo duhtu leh an mahni phatsan a, a hming hawh a nuam tin chen Kilmawia te zinkawng tih tawp sak chu mutmawh hnar mawha an nei tawh tlat. An chhungte lam.pawn dan mi ah ngai lovin, fimkhur taka chet la tur chuan Upa Zakapa pawn fuih mai loh chu tih theih dang anei bik tlat lo. Parlawmi pawh Nula â lo tih tak ah Pasalṭha nunkawng hre chiang tu ani bawk a, dan a tum buai hauh lo. A naupan tet a ṭanga Pasalṭha Laiawrha enkawl fo ṭhin kha ani ve miau mai a. Thanghrima te Zen siam leh inbuatsaihna te chu lo pui ve zung zung zel in, Chalmawia pawn a nau chu fuih ru sauh sauh in, a nau zin chhuah hma ngei a, Zarliani nen an chung chang sawifel ṭha a hria in an unau chuan Upa min in lam chu pan in Tukṭhuan ei kham hlim chuan an liam chho vak vak a. Thanghrima erawh Challiana te unau ke pen zang lutuk mai chu a nui ru sak sak thung a. Heti hian ṭhiante hi Rohlu sem ila, farnu te man ah chhiar leh ṭelh ṭelh mai ang aw tia an nui ru vawr vawr mai zawng Challiana chuan hmu se a keuh dawt duh ngei ang le. Zanlam alo nih a, Lenglen ar a Khuan meuh chuan Khawnbawl min leh an lalpa ber chu Palai hna thawk in an rawn chuangkai ta rup mai le. Engmah an kam keu hma hawt chuan a khai a, U Chalmawia chu Palai a va nei hrawl hriau hriau ve, Zarliani melh pah chuan neih loh chu a hlauh hmel vet vet kher mai che a an ti nui sawng mai zawng, Zarliani leh Parlawmia meng tal kual vel chu hmuhnawm a tling teh e. Upa Min Sawirema chuan ni e, kha kan Pasalṭha kamper kha umzui ta ila an ti zui zat leh nghal a, Thanghrima chu nui awr awr in, nanghi zawng, Tlangchhip ah pawh Chikhur i sawi chhuak theiin ania ka rin tih pah chuan per chhuak nalh in, a nu in Thanghrim tia khak a tumna chu pawn aṭang chuan ala chhaih zui ang awt awt a. Nuisawng chunga Challiana te in a kaiin Ka Makpa nih tum chu khawinge a hmel hmai kan zir chiang ange tia Chalmawia fiam zui pah chuan Chalmawia nui put put chu fiam chung zel in, an khaw Patlawi rual, Chalmawia ṭhianṭha ve te an rawn lawi tak ah chuan Challaian Lung D Thirdengpa fanu run kai tum chuan Zawlbuk lam an pan dun ta daih a.
.. Upa Sawirema a chet meuh chuan Chalmawia palai te pawh an nui haw dun hawk hawk mai, an Lalpa te hawn hnu chuan ka fanu min dil a, lal leh Khawnbawl min meuh an rawn chet tak ah chuan bawp khawlherh tum in ke kan.phet sek mai lawm le tiin a ke neih chhun chu an lek vei viatviat a. Thanghrima te ṭhiandun Nula rim pawh Mualnuam Valto pahnih kha an ni miau mai a, kar lo ah khawinge El te pawh a kham ta ṭhem ṭhum e tia an Nula rimbet Nu leh Pa an mut tak ah chuan Leihkapui.lama in sawn chhuak in, Thanghrima pek chu an sang vawih lui tuar a. E khai, Dai lam in min ko ka rawn zawm leh vat ang che u, Zei ve deuh hi ka nia ti kher chunga Leihkapui a ṭanga put thla zauh in, Challiana erawh a phurlo ngang mai hnai tawk tak ah Thanghrima chuan a bih ru dawn tih a hre chiang em atin ni. Chhermawii hnaih hrut hrut pah chuan Challaiana chuan Chherte an ti thum deuh buk bul a, enge ni ta, Chalte tia Chhanna nem a dawn tak ah chuan buai chhe zo leh siin ih kan khaw nula ah hi chuan i chakber ka ring asin a ti ta mai a, Thanghrima nuihza lutuk nuiri ngam silo chuan Thingṭang te seh in a rilo chuan alo nui khawk rawih rawih a. CHHERMAWII pawh chuan Challiana Nula mi loh zia a manchian tawh em a vang chuan huat ah la duh hauh lo in i ti awm ang lo ṭhin kei aia Chak leh taima an tam ania tiin ṭha taka chhangin Challiana chu hawlo tih hriat tak chuan an nek salh salh a. Awih awm loh e, in ngaitlawm der vel lo.mai teh tih paha nambu lawp chung chuan khawimaw ka chawn nen kalo teh chhin tiin Chhermawii chawn te chu a teh ta dun dun mai a, e heee.. ka Chawn aiin Zungkhat chiah in a te mawle, a ṭha a ṭha, Chawnlian chuan Buh pawh an phur tam thei nge nge ang. Heiii khatin min nek hnai vak suh, ka Bawhthut mai tur che nia, Thanghrima'n min hrilh dan chuan tiin Thanghriman a fuih ruk dan khawlo zet chu sawi chhuah a tum ta mai a, rang lutuka aw then kharh kharh pah chuan Thanghrima pawh a in lan chiang teh e. Thanghrima kai fel chauh chu Challiana chuan enteh Lawmpa Chhermawii Chawn hi ka chawn nen intiat deuh reng mawle, i chawn phei chuan atiat lo mai mai ang chu aw a la ti tak deuh deuh a, Thanghrima chuan han melh rum ngial mahse awmzia a awm mawlh silo, titawh i ṭin phawt teh ang i U pawn alo beisei tawh ang che, tih paha tho hluaiin nang hi a bulthum tak tak a ṭanga zirtir i ngai dawn tak tak tlat mai a rilrua ti vang vang chung chuan a ner ru sak zak a.
... Zingkhua a var meuh chuan kar lo ah Chalmawia Palai tirh thu chuan khua fan nghal in, chutianga Val Upa meuh in nupui neih a tum hnai nia an hriat meuh chuan pa phawk zual ṭhenkhat chu Challiana te in kai zui ṭak ṭak in, an tlan chhiat loh tur thu leh ka Se tuai pawh ka keuh tlu hreh hauh lo ti pawl an kat ta nawk mai reng a. Mahse a hun leh ni tak erawh Thanghrima te zin hawn leh hnu lama sawi ah an khek lo thei lo. Thanghrima mai nilo, Chalmawia'n chhungkua a neih ve awm chhun a nau Challiana awm.loh laia Nupui lo neih ngawt zawng ni theiin a mah Chalmawia chuan a hre tlat lo. Thanghrima te ṭhiandun pawh an inbuatsaihna a kal kim ta deuh bawk a, an mahni zui tum Mualnuam val rual te erawh mawi taka hnar zel in, ral rama an chetdan kim chang hmuh tir leh hriat tir kher ṭul an tilo bawk nen dan ngai te in an ṭhian dun chuan an thuam famkim nen an in zui chhuak leh ta hnak hnak a. An tum ram NGENTIANG khaw lama TAWLHKUNGA te in leh lo leh an vangkhua chuan hmasak tum chuan kal an siam zui ta thauh thauh a. An thang hlana ralveng leh khaw chin bih fo tura an chah chu Chalmawia pawn bu nghat nghat chunga tih hlawhtlin ngei tum chuan a Nau te ṭhian dun liam hnu in lal in lam pan chuan a liam zui ta mai bawk a.
... Kar ah zanhnih lai riah tinzawn chung zela kal in, Thanghrima chuan Challiana chetdan chu zirsak sek in, tunge mahni lawmnu te chawn len leh len loh teh sak ngai khatianga nula lem kual vel ka vawikhat hriatna ti a nuih kawr kawr pah chuan Nula kianga ṭawng hman dan tur te, han men kual vel dante zirtir in a zankhat na chu an tumtawi ve bawk a. Challiana mu ngawi vung vung chu ṭhu chhuak hluaiin, ummm a ṭha dawn e. Hrima kan zinna ram ah hian inzir deuh ka ngai ani. Ka haw leh hun chu ka mi sa tawh hraih hraih ang chu aw, tlema Nuthlawi sihhnip deuh lo awm se aww an ti vang vang mai zawng Thanghrima mut sual mek tawh pawh nui phuh ṭhut in, an awm mai ang, mahse duhtui vak lola i hmel hmai in Puak a tilo ve nasa mai si. Mu phawt teh Lungṭhalo te hi mi neih tir thei mai dawn in ka hria,i ri phut phut zel bawk si tiin a kuai mu ta thuai a. A tuk khua a vara ri vut vut lem lova hmalam pan zel in, Tawlhkunga chanchin leh Phurliana leh Taipuia chanchin te a pakaiin an nui ve hak hak reng a. Kilmawia leh an ṭhian hlui dangte, tuna an hmelma nita chung chang ah pakaiin pawng zuam ngawt chi anni dawn lo, theihna sang tak an neih ve miau a vangin leh mi leh sa an neih belh nual anih hmel a an hnunkan dawm an ring ngei dawn a, an fin leh khalh tura kan in buatsaaih angai ani ti dap dap chunga hmalam an pan mek lai chuan an tum loh deuh in Ngentiang khaw lungdawh an in chhir thleng ta thut pek a. A khai a, kan va hma teh vuah ve mawle tia nui dun hak hak in, Vaibel an han phawrh zui thuai a. Chutianga Vaibel an pak hlat hlat lai chuan Ngentiang khaw Nula tih hriat tak pathum Thingphur hawng rawn titi barh barh te pawn Lungdawh chu rawn in chhir thleng nawlh in, Thanghrima te ṭhiandun an han hmu thut mai chu Ral tia au an rual ta mai a, Ekhai, ral kan ni.love, Ral ni ila in lu kan la daih tawh anga sin tia Thanghrima anuih tak hak hak ah chuan ni awm teh tak e, kan han hmu phut che u kha kan talbuai bawk atin ni min ngaidam teh u tiin an zinga phanchang deuh ber Kawlengi chuan Thanghrima te chu fel thaka rawn chhang in a hmel hmai erawh ala ṭi ru fu tho mai. Thanghrima chuan e khai in demawm hauh loh, ka ṭhiana lah a lo ṭhu thim muk mai bawk nen keilah ni se, ka hmel hmai alo faivang mai bawk si, tak a, Ngentiang khua ani ang maw kan rawn in chhir luh na hi tiin zawhna a pe ta thuai a. Kawlengi chuan aw ni ngei e, engti tura lokal nge in nih reng reng tiin inti huai lui chuan zawhna an pe leh hram a. Aaaa.. emgdang ni love, Kan leiba ṭhin tuma rawn in chhir thleng mai kan ni e, Tawlhkunga a inti ta in ka hria, han chibai lawk kan duh mai ania in hmelhriat zawng te ani em tia zawhna a pek lai chuan Kawlengi ṭhiante pahnih lo in kheuh ru zauh zauh chu Thanghrima chuan hmu in, a nui ru ta sak mai le. Kawlengi chuan eee.. Pasalṭha Tawlhkunga maw hre teh lul mai a rawn tih mek lai chuan Thanghrima chu rum nghat in, Nula te u va hawng ta nal nal ula, in Pasalṭha kiang ah chuan a Chem lo tat hriam tur in lo hrilh rawh u, kal tawh rawh u le an ti fiak zui ṭhak mai zawng, Kawlengi leh a ṭhiante chu an tlan zui dawr dawr hi ani ber e. Nula te liam dawr dawr chu thlir in, Thanghrima chu a nui zui kawr kawr a. Kawlengi te ṭhian ho pawh hman hmawh bak lenga kal dawr dawr in, an hmel hmai lo hmu a piang mai chuan thil diktawklo a awm tih man thiam nghal in, a ṭhen phei chuan an umzui ti tih hial a. Tawlhkunga te in lam an pan ding nal nal dan ah an ngaih a ṭha lo zual kher mai. Tawlhkunga pawh a Silai zen vel seng alo buai ve mawlh mawlh lai tak niin chutianga an khaw nula a lo hmel duh ruk Kawlengi leh a ṭhiante pahnih hman hmawh bak leng leh hmel hmai hlauhthawnna a khat tih hriat taka a lam rawn pan te chhawn tur chuan a ding chhuak thuai a.
.. Kawlengi kâ a ṭanga thil thlen dan chu Tawlhkima chuan chiang taka ngaithla in, midang lo hnai mek te pawh an thum mam mam dan ah a lawm lo in, An Pasalṭha chu phatsan an tum lo ruh kher mai. Tawlhkima chuan Kawlengi melh paha a khabe dawm vang vang in, Pahnih maw an nih a, eng hmel hmai pu nge an nih le. Kawlengin an hmel hmai a sawi tak ah chuan awle an duh chu an hmu mawlh ang. A Lulak chem chu phawrh in keimah in ka va kal ange tiin nuilang ngam silo chuan hnuailam bih in a khi ru sak sak a. Kawlengi'n kallo.mai rawh tia a dawm behna chu muangchanga phelh in i tan ka lo kir leh ang ti thawp sat pah chuan a lei chhuah zuk in, a farnu te ho awm loh lai alo ni kher chu a tihzia a tiin hman hmawh tak chuan Kawt chhuah lam pana liam zui fua fua in, khaw mipui a chin ngaichanga rawn zui tute hlat thei ang ber chuan a tlan zui ta dawr dawr a. Thanghrima te an nih a hriat chian tawh em a vang chuan lem chan law law tuma phek chhuak ani bawk a. Khaw mipui ten an rawn pawh ve meuh chuan Thanghrima nena lo in hmachhawn ran tawh in, thawk leh khat ah in pawmchilh chaih in an in sat thawi zui fur fur ta mai a, Challiana phur lutuk lo su kual vel nen Ngentiang mipui lah hlauhthawnna in a tuam nasa tawh si, Challiana phur lutuk au vel chu a ṭawng sual ta, thal der ta che, i va zei lo tak aww.. Tawlhek a ti palh ta pek a, i zeilo fee..tia Challiana an bawh rawn a, an nuih tak hawk hawk ah chuan khaw mipui pawn thil awmzia man ta deuh in, Val Upa te leh Pasalṭha te pawh an rawn in chhir thleng ve ta bawk nen Tawlhkima chuan Ngentiang mite u, hei hi ka ṭhian leh kan hotu ni bawk, Pasalṭha Thanghrima ngei chu ani e. Ani hi Challiana kei aia la thim zawk anih hi tia hmel hriattirna a neih.taknah chuan kut beng thawm lo chhuak in, khaw khat lal.in a Chhiah khua a tlawh ang mai a lo lawm thiam in an ri zui halh halh a. Val Upa leh Pasalṭha te pawn rawn dawm chaih chaih in, lungrual tak chuan khawlam an pan ta ṭham ṭham a. Thanghrima kawngkal hawi kual vel chu ding chaih in, a sir veilama Mipa Naupang, leh Tleirawl ṭan ek ek lo ding pawr chap mai chuan a mit an la ta tlat. Chik zeta melh chung chuan Val Upa lam chu hawiin an in ka hre duh ti deuh sap in a hawisan leh mai bawk.a..
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:15 pm

THANGHRIMA 41

.. Ngentiang lalpa ber chu rawn au chhuak in chheiraww.. khu ngei khua Pasalṭha Thanghrima chu ani ngat mai, Pasalṭha Tawlhkima kan lo kawl hlauh chu kan tan vanneihna ava ni em. A ṭhianṭha te khua zawng Thanghrima khua ani miau mai si tia nuisangin Thanghrima te chu lal in chuangkai tur chuan a au zui lung lung a. Kan khua ah Thanghrima leh Challiana an lo lawi tih chu hre hmasa tu nih in chuh in a hria leh hria chu an in hrilh tawn sup sup hi ani ber a. Pu Hratzoa pawh pa â lo tih tak ah, Ar tui lai sa ngei hmehpui tum chuan Sairawkherh nen a lo vak kual thauh thauh reng a, a tuma tum tlat ta chu perh tlu mai bawk in phur em em mai chuan a puah sauh sauh a. Zai rut rut chung chuan Ar puah suah suah in, ṭhenawm hnai pa ho lah chuan Pu Hratzoa tlawn lungawi.pah leh Thanghrima hmai hma ngei a biak ve chak hrim hrim a vang te pawh ni pah fawm in an in lawr chhawk chhen hlawm leh nghal a. Fapa Pasalṭha neih ve hi in chak riau lo maw, a nawm dan te hi a danglam riau ania ti vei lar lar chung chuan fiamthu nuihzatthlak loh pui pui thawh in, a mah tlawn tu ho lah chu za awm em em maia lo nui tlawrh tlawrh in an thawm pawh a na ham ham kher mai. Thanghrima te ho pawh lal in lam ah rei ṭhu lem lova Tawlhkima te in lam rawn pan leh tawh in, Thanghrima chuan enkhai, ka Pa khawi teh kalo puah ange tia puih tum in Pu Hratzoa lah chuan mai mai chuan le..ka khawnzawt nghal loh che lo zuk ṭhu lut tawh u, Kawngte kha i U te kha an chhawl a hal ang tiin an au zui lung lung a.
... Ar tui laisa ngei mai nen, Tawlhkunga farnu te hmel hmai hmeh tel ngei chunga Buh hmui hiang mai an han nawr tak tak mai zawng, a Pate ber Thanghrima chaw heh lutuk chu Tawlhkunga farnu te pathum hrilhfak a tling hial a, Pasal fanau an neih hnu ah pawh i Pu Thanghrima ang a, chaw i heh loh chuan tih chu an fuihna ani ta fo mai. Zan lam ah nise, Thanghrima te titi ngaithla chak reng reng a Patling rual lokal khawm in, Challianan a duh tawk a dawt an fah leh tak tak mai zawng, Tawlhkunga phei chu banpil lek lek te chu a zuankhum thei hial khawpa sawiin in hmuh lai leh hriat theih ah chuan a ti duh hauh in ka ring lo. Mahse in Pasalṭha hi e, Khaw khat Pasalṭha kei kani inti ve ngawt tan chuan hneh mai mai chi ani lo tiin thu an khar chiah chu, Pa ho chuan ania sin, kan Pasalṭha hian tia bul ṭan in Nekpera te unau a hmachhawn dan vel sawi kaiin Tawlhkunga erawh a nui tawi nasa in, a mitmei hmang chuan Challiana chu khap tum teh mahse ani zawng a phur tulh tulh tlat. Leng hawn hun pangngai pel rawk a an titi hnu chuan in lam pan sap sap in tuk ṭhuan kilpui tura sawmna pawh Thanghrima te chuan an dawng nasa kher e. Mahse an lalpa ber in a hauh lawk diam a vang chuan lawm taka hnar zel in, an in mangṭha zui ta sap sap a.
Thanghrima erawh varṭian ah tho thuaiin a hma ni a,nkhua an luh tirha a Naupang hmuh pahnih te khan a mit an lak mai bak ah a thin an vitna tlat pek a, Val Upa in an chenna in a kawhhmuh diam tawh sa lam pan chuan pen zui vawk vawk in, khawhmawr lama in chhete lo dingawn ve tlai mai chu thlir vangvang in, Unau te chauha khawsa a tan chuan in nau mah mah mange aw, a engtia Tawlhkunga pawh hian ngaihsak lo thei nge maw anih le zilh deuh hlak a ngai ani a ti rilru hial a, mi nunrawng leh seh hel tak mah nise, an panlai nun rapthlak em em kha a la mangphan fo a vang leh an dinhmun anga ding ve tura midangte a duh loh luat ah, hetiang ang a, chhum chhia leh pachhe lutuk te hmuh kan hi a thil theih zawng ani ve tlat lo. Tawlhkunga te chhungkua pawh a dem rum rum thei hial a, mahse hriat telloh a neih erawh hemi te unau hi Khawhring nei an nih tlat na chuan khaw mite a hnaih tir thei lovin, khua a ṭanga thi tura hnawh chhuah ngawt ai ah tia la chentir ve hram hram an ni zawk a. An nu leh pa te ngei pawh Khawhring sawisak hlum kha an ni miau a lawm le. An Luhkapui ah hian a in chhawk in hemi te unau eitur Buh leh Thlai te hi khaw mite hian an pe reng zawk a, nilo seng zawng an thih rawp na a rei tawh ang. Tawlhkunga ngei pawn kalchilh a tum ngei e, mahse a Nu leh Pa leh a Farnu ten ṭap dawndawn a an ngen na avang chuan sa hrang te hleh ve zawk in an chin erawh a bih uluk viau thung. Thanghrima che chhuak nalh hi a kal tumna hria seng zawng dangtu an awm ngei ang. Mihrang val Thanghrima hian a pan loh tur in pan in, a nun ah buaina liantak a tawk dawn em chu zawng a hma hlam thum leka Run awn bai maiin alo mikhual dan a zir a ni ang chu. Muangchanga a hma in lam pana a pen mek lai chuan mipa naupang aw tih hriat tak hian ka U kei chu Zan lama sawisak tawh leh mite endawng reng renga nun hi ka duh tawh lo. Hawh kan khaw kham ah chuan zuangthla tawh mai ang. KaNu leh Pa kiang ah kal tawh mai ang tiin a U a nawr thawm chuan Thanghrima chu dintir chaih in, a Thisen zam chu a pawn hian a pawng kual nghal zawt zawt a. Hetiang nauoang khaangaihthlak sawisa ṭhin tu chu tupawh ni rawhse ka chandarh vek ang tia insehruh ṭeuh chunga hmalam a pan leh lai chuan Chu in chu a pum nghin ta lawih lawih mai le. Rum thawm ring em em mai rawn chhuak in, kuttin hriam taka chhuat ham thawm nen Thanghrima meuh pawh a hawi hai ve der mai, a mai mai chuan tih leh a Lulak chem a ban mek lai chuan Tawlhkunga leh Challiana chu rawn thleng nghal ṭhawt in, Pu Hratzoa pawn zi dai chung chuan a rawn thleng zui ve zat a. A kuta rawn chelhchaih tu Tawlhkima chu rum el awl tak melh in sawitur i nei em a ti ram zui hmak a. Pu Hratzoa chu rawn in rawlhvat in, KHIANGTEA te unau leh chhungkaw chanchim chu a sawi zui par par a. Khiangtea te in cghung lam thawm lah chu a na tulh tulh mai leh nghal bawk nen, khaw mipui lah ṭik rawn ti ngam pawh awm silo, Pu Hratzoa kam liam an dawn zawh rual rual chu Thanghrima chu ring rapthlak em em maia khek chhuak in, Misual an damrei mgai lo, kei chu ka damrei dawn, nangni Huai tenawm te u, hring fate Bu zawl thleng thleng in maw, in kuang lo in nawr tlat, kha keimah Pasalṭha Thanghrima ka lo kal e, min lo dang rawh u le tia au chhuak chung chuan Khiangtea te Luhkapui kai chu a rual zui tharh a. Challiana leh Tawlhkunga chuan rawn thlawp nghal zaih in, Khiangtea te in chu a chim dawnta maw tih mai tura in sawi lawp lawp in, Thanghrima te pathum pawh an tla lo chauh chu ani e. E khai, in beih tham ve deuh dawn ni maw tih leh Kawngkhar pawh tawlh hrawk chu rual in, Pasalṭha Laiawrha Fapa ka lo lut e, rang lutuka lum lut zawk in, Bak ang tak chhuat awng kara puh thlak tum chu a bawh zui rawp a. Challiana rawn lut pawn Khiangtea taksa a kâ a ṭanga thil dum thlawk chhuak chu zuan nghal chat in, an thil man te tak te lah chu an tal na hrep leh nghal a. Tawlhkunga chuan Hnang a hmuh ang ang chu la khawm in, phuar ang tih leh Thanghrima lam pan chu a rual zui vut a. Mak tak maiin Lusei ṭawng ngei chuan an thil mam chu an ṭawng ta tlat. An thisen leh Thlarau an pa ten an hlan tawh min chhuah zalen lo anih chuan tiin mihring hmel hmai pu ang mai chuan Thanghrima chu a thil man lai chuan a melh ta kal mai a. Tlangval nazawng tan chuan thihdan na tham anih laiin mi vau ve tihna maw.. Thanghrima hian thih ka hlau hlei nem, kei chuan ka vau ve lo che ka rawh che anga, ka rawt dip khawp ang che. In sa ang hi kan la ei ngai hauh lo. Nangni tihbuai phak leh khawih theih ka ni velo, Khuanu hual Pasalṭha thisena kengtu ka ni ngai e, a mah pawn mak a tih hial ṭawngkam a chhak chhuah lai chuan min chhuah hram rawh u, an chhungkua leh thlahte nen lama an chhia chu ka sut ang tiin a rawn ṭawng leh tak ah chuan Thanghrima chuan ka chhuah hma che in sut rawh a ti zui hrawk a. Khiangtea te uanu chu kar lo ah thal tawp in, an tal zui nawk nawk a, fiah kak in an rawn meng ta. Challiana chuan kei chu ka chhuah ve dawn lo che a ti mauh mai le.. a man thil nung dum chuan Keimi nihna ka sut ang rang taka atih tak ah chuan Ngawi vung vung in, in mak reuh hle mai ka ti, ka tui in kha in dawi tui ani maw sut rang rawh atih tak ah chuan Challiana pawh zang hawk in, an thil man ve ve erawh a ṭhuai ngat chuan an ṭhuaisawm zui barh a, Huai ho ka inremsiam pui ngai lo.. Tawlhkung kan naute kha enge an an tia Thanghrima ṭawng chhuak leh chiah awm ah chuan Khiangtea te unau chu bei zui thlawp in, Khiangtea farnu Kirbepi chuan Pasalṭha kan lawm e tiin a kâ a ang zui sep sep a. Thanghrima chuan Pu Hratzoa chu ko lut in, kan thanghlan in lo enkawl ang che u, kalo kir leh hun ah ka rawn lam kawi leh ang ka kiang ah an Seilian ang a ti zui dap dap a.
.. Tuk ṭhuan ei kham ah muangmara che chhuak in, Zarlian khaw lam hawi bawk chuan an in chhir chhuak leh ta hnak hnak a. An hmabak kawng zawh tur leh an tih tur an chiang tlang viau nachung in an thil hmachhawn tur chuan a ti buai phalo nge an vei lo hrim hrim zawk Zarlian khua chu zanriak tawh lo.mai ang aw tia Tawlhkunga ber awmze nei fe a arawn nuih tak kur kur ah chuan e khai kalo ngaihtuah thleng miah lo mai a, ni e, kan riah loh a fuh ang chuti lo zawng kan Pasalṭha hi a ṭap leh kauh kauh dah ange tia Challiana'n a rawn chhun zawm tak ah chuan Thanghrima chu rawn ter nghal at in, ka ṭap awkawng lo aw, hmeichhia vang in ka ṭap hlek lo ang a ṭawng ring ngang mai, an ni pahnih lah an ṭang dun tlat tawh si. An ṭawng chak nasa mai si nen, Thanghrima tih ngaihna hrelo chuan Taipuia pawn an hre vek tiin a ner zui nawng nawng a. Taipuia ber kher ṭanpuia han sawm chu a thawh hlawk awm lo tih chu nuihpui leh in, Thanghrima pawn nia tiraw, Vawkpui lam ṭanga siam nen thu hmun reng aniang tiin a nui zui ve hawk hawk a. Challiana chuan Taipuia hi a ṭawng ve bawrh bawrh chak ṭhin angem le, ngawi renga awm hi a hahthlak loh mawni le a rawn tih tak ah chuan Fiamthu nana hmang zuiin Challian nangte chuan i bw ṭawng thei ber zawk alawm an tih lah chu nui huau huau cgung chuan a ṭawng ve dan a ho thei ee.. Nia, atih loh le Ni e tih ngawt a in chhan chu ho deuh asin tiin Phurliana chung chang ah pakaiin an in hmuh loh chhung lek pawn an lo in ngai viau hman tih an thawm nat ve dan ah a lang reng mai. Hmalam pana kal ve bek bek zel in, Ral ah Zarlian khua chu alo lang ve ta iar a. Khawlan theihna tlang a, ṭhuchawl chunga an ti ti ve laih laih lai chuan mualsir veilam a ṭang chuan thawm rawn chhuak sun sun in, an ṭhutkhawmna a ṭanga hlam hnih ṭhalo liam anilo ang, Savawm hrawl zet, sum sarih lai hmel pu chu a rawn hawi ta vual vual mai le. Challiana chuan e khai a va rawn ngampa ang reng ve, Mei tawitea chu le, Sakei a chan tum in an in thing deuh ngawt a. Mahse Keimi nihna a kawl tawh hauh si lo. Thanghrima chuan zawi thawp sata Ṭawng thlah in, Silai tello ngat in aw thapui hman a khat tawh lawm le tih pah chuan a Lulak chem chu a phawrh zui zal zal a. Vawmpui.pawn rang taka rawn hmu nghal vut in a rawn thlir ang vung vung a. Mihrang val rual chu a bei chak vak bik lo nge ni dawn ni, in her ṭual ṭual in alo chhuahna lam bawk a kir tum awm ang tak chuan a thle zui buk buk a. Tawlhkunga chuan a Sahmim chu rang taka zen in, a Lung thel mumsa a ah ruih zing ami pakhat chu phawr in, Vawmpui kalliam mai tum beng chilh chawrh khawp chuan an vawm ta teh reng a. Kal bo suh tih a va ngai lo tak em.. a ke hnunglama ding ur ur chunga hram ruai ruai in,a hmel en ang ngawt anilo, Thanghrima te ho pawh darh nghal hak in, Vawmpui tlan tlang zak pawh a rawn in her zui vut a. Thanghrima chuan a sir lawka a vih phun a Fei chu pawt dawk zawk in Vawmpui ka ang dum huam mai danga bur tawk chiah chuan a khawh zui nghal zawt a. Tun ah tih leh Lulak chem nena Challianan a bawh tak ah chuan Tawlhkunga leh Thanghrima pawh dawk chhuak ve nghal zawk in, Thanghrima chuan Challian a mei ah khan pawt tlat teh tih pah chuan a fei bur ngur mai chu dawm zawk in a kar zui sawk sawk a. Tawlhkunga lah chuan a lu lam ah lo sat sawk sawk in an hlim nui thawm nen Vawmpui natuar ṭe ruai ruai thawm nen Ramkal ṭhenkhat an thawm hria a rawn hnai ho te lah chuan makti leh hmuhnawm ti bawk hlauhthawnpui bawk si chuan lo bih dak dak hlawm in, Vawmpui tlan chhiat tum lah chu Challiana chuan a tha tawpa pawt ve tlat in, eng anga sa lian leh ropui pawh nise hlauhna tel map lova mihrang val ten an han beih rawn tak ah chuan kar lo ah awp zui rawp in, a thluak pawh hawk khawp a, Tawlhkunga Lulak chem kawm van mai a in thawlh sat tak ah chuan tal zui uih uih in, an ni ṭhian thum pawh hah thaw hliam hliam chunga Vawmpui ruang nghenga ṭhu awn zuiin Challiana chuan a va chak ngai ve le a rawn ti zui bauh a.
... Ram vak hawng lo thlen belh zel kar ah chuan Taipuia pawh Khawchhung lam a ṭang chuan rawn lang ve hlawl in, nui huau huau chung chuan in va hma ve a ti zui sup.a. Hlang te siam zung zung in, Khawchhung lam pan chuan an in chhir lut ta thuai a. Zanriah bawl hun pangngai ani ṭan choh bawk a. Awllen lai alo ni bawk nen khaw mipui pawh in lama lo awm hahdam ve mai mai an awm nual reng a. Taipuia te in an thlen chuan Thanghrima chubhawi vat vat in, ilo in peih sa deuh tawh em a ti thawp zui sat a. A ṭhiante fiamna anga, hmeichhia a vanga mittui tlak a hlau lam nilo in, Muanzoi nen an in hmu leh anih chuan duh ai thui kal palh mai te pawh a hlau ni fahmiang, Vaibel beng khat an pak ral hnu lawk chuan Uih zawn ang maia hman hmawh chuan Phurliana te khaw lam hawi a in chhir chhuah chu an rual zui vawk vawk a. Hmangaihna mit zawn tur hian khuanu hian mihring te hi min lo duang lawk nge ni dawn ni. Thanghrima ten Taipuia te in an chhuahsan lai chu Muanzoi Luhka mawi zawk chuan hmu nghal chat in, a in pawh tlawh lo, a hmel pawh vawikhat rawn en eih lova Thanghrima te liam nal nal chuan a ti na in a thinzawn chu dawm in min va haw awm em em ve tiin a ding sai zui dar dar a.
... Thanghrima te pawh Pangzawl khua, Phurliana lenna vangkhua ngei lam pan chuan liam zui vawk vawk in, Thanghrima fiam hlau kal tum vei hmak hmak cuan an nuih ti za teh mahse nuih chhuak ngam hlawm rih hek lo le, hmui zum pawt pawt a, zui zel in khua a thim deuh chhulh tawh tih ah chuan Pangzawl khaw peng chu pawh in, thui pawh an kal leh hma chuan Kawrtui fim thap kak mai lo luang har har chu ṭhut chilh hmak in qn Savawm thah tak Sa an hleh chu phawrh in Thanghrima ber chuan a sawngbawl zui mawlh mawlh a. Buhseng lai nun pakai chunga titi vawrh tlang in, Thanghrima thluak zawmthaw lutuk vanga khawpum in a huho a buh an seng thu Challiana Kâ a ṭanga Taipuian a hriat ve meuh chuan khi suk suk in, Tawlhkunga chuan tenawm hian lo ti hluk in, Taipuia leh Tawlhkunga chu khua an in pal thlen dan chin te chu sawi ve tur chuan Challiana chuan an kamkeu thuai a. Taipuia erawh sawithui tur a hre mawlh lo. Khua kha kan lut ho kha ania, chuan Muanzoi leh Thanghrima zanlai ah an in hmu a, harh ve miah lo a an lo ngaih Taipuia khan engkim alo hre ve vek si. Ti chuan in haw tur ka thlah che u a, ka haw leh a, Buh kan senga in lam kan thlen kim tawh e. Chuan in lo thlenga, hei kan chhuak ho leh ta anih hi.. i va sawi ṭha ve tia Challiana nui huk huk chu Taipuia chuan Nia an lo bul leh hmuk a. Tawlhkunga kam chhuak erawh ngaihnawm an ti tlang in, an beng an dawh uluk hlawm ngang mai. Chumai nilo, Pasalṭha nihna hial an lalpa in alo hlan tak dan vel chuan a vit fuh tlang bawk a lawmpui na thu an hlan zui sap sap a.
MAFAKA KHIANGTE

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:15 pm

THANGHRIMA 42
.. Thanghrima te pawh buaina lian tham tawk lova hmalam pan ve zel in, Challiana chuan kei zawng ka fihlim ta cheng a, ka ni deuh huih zawk hian ka hria rawn ti chhuak hlawl in, a beng a dawh zui vung vung a. A vanneihna erawh, a rim leh Ri hriatna te, a mit chak em em na te chuan a kian san tel lo tlat. Ngawi lawk tu, Rum thawm ka hre tlat ania tiin a ṭhiante chu a hui ding zui thuai a. Ding zui ṭhap in an beng an dawh zui ha ha hlawm a. Thanghrima chuan a tukhuma ben sak lawlh pah chuan mawl lian leh tih leh kal nalh chu rual in, a hnung a ṭanga Challianan ka thu ve lai nih kha a rawn ti lung lung chu hrelo ang hmaka kal vei barh barh in, Balhla rah hmin ṭawih rap in ek ṭhawt khawp chuan a thal zui ta mai a, chu zawng Taipuia insum theih lohna chi tak ani tlat. Za em em maia nui chung chuan lei a beng ri zui dup dup a. Thanghrima thinrim per vei tan tan chu nuih rawn nghek nghek in, Balhla rah hmin dang te chuan an vawm zui kawrh kawrh a. Chutianga an in fiam nuih bawk bawk lai chuan an beisei hauh loh vauna an dawng ta tlat. Tumah kha che tawh hauh suh u, thih in duh te anih ngawt loh chuan tih thawm an sir lam deuh a ṭanga lo chhuak an hriat rual chiah chuan che e aa..tih leh Thanghrima chuan a Silai tin kawh thut in a hmet puak zui ṭhuai a. Thanghrima chet rual chiah a, midang pawh zuang sawn dawrh dawrh in, kar lo ah an bibo zui diak a. Na tuar rum hak ri lo chhuak zauh leh an piah lama thawm ri phei buan buan chu ngaithla zui ṭhap in, Tawlhkunga chuan a Sahmim a ṭanga Lung phawrh zui chu a rual thuai bawk a. Ani zawng a tum vawm ṭhelh ngai hek lo le, Rum thawm lo chhuahna lam hawi chuan an vawm ri fur mai zawng, a lung vawm chhuah chuan a fuh anei tih hriat taka ri thum dap in, natuar ṭe thawm a rawn chhuak zui zat a. In mitmei pah zauh zauh chunga thawm awmna lam chu hual hnai zel in, Thanghrima erawh thingzar ah a ban kual leh zai zai tawh a. A thil hmuh a vanga ner sawk in, mai mai chuan a ti zui sap a.
.. Che tawh hlek suh tiin vau ve bawk mahse a mi vau ber chu vau tlak pawh ani meuh tawh lo, A Silai mu kah chhuab in a fuhna a malpui ruh tliak mai nilo, Tawlhkunga vawmna a vanga a Chal pawng lung ngawt pawh Luhai a tluk tawp na tham ani tlat. Fimkhur thu hla ah a vau ve mai mai zawng ani e. Rang taka thingzar a ṭanga put thla zauh in, a mihliam pa chu a pan chilh zui hmak a. Challiana chuan rawn hnaih chilh ve nghal in, a kuai dak zui awrh a. Chupa hmel an han hmu chiang chu an ner nasa hlawm teh e. En mai pawn a kul palliam ala tlem tih leh Zawlbuk pawh a lakai lo ang tih awm bawr lek alo la ni tlat. Ṭhen chak chak chunga Thanghrima teho chu melh kual in, min that dawn ami a ti thawp sap a. Thanghrima chuan melh vang vang in, tute nge tlan chhia kha i ṭhiante an ni em a ti vei dap a. Nilo, ti ila U Tlankhuma te an nia, an ramvak ka zui ve mai mai chauh ani. A nih ngati nge khatia min lo vau ngawt tia Challiana zawhna chu, Rawlthar te chuan ihhh U Tlanhlua khan Hmelma an niang, kan that anih chuan Thingfawm i awl thei ang min ti a, Silai pawh min hum tir lo mahse rawn vau tu che u kha chu keimah ka ni thung. Ka phen ah an awm vek a, mi rawn kah chiah khan min tlansan ta vek ani. Pu te u, min that dawn anih chuan min that vat tur in ka ngen che u, a na reuh em mai tiin a malpui chu a hmer ngat ngat a. Thanghrima chuan anih khawi khua nge i nih le tia zawhna a pek chu tham chhala chhang in, Pangzawl khua ka ni e. Ka nu nen chauha khawsa kan ni e. Mahse min khawngaih duh lem suh u, ka nu te zawng a nghei bik lo ang. Dam hi thlakhlelh na vak ka nei hran lem lo. Mi te hmuhsit leh nuigzat, an tirh kual reng nih hi ka kham ve tawh a ti ram zui leh hmak hmak a. A nih Tunge i hming le tia Thanghrima zawhna chu chhang in, HRANGLIANA ka ni e a ti thawp leh sat a. Ngun zeta melh vang vang in, thi mai tur chuan ka ui ve deuh tlat. Thlahtu huaisen neitu anih kha Tawlhkung han buaipui tawh u, a at leh retheih luat ah bum in a awm anih kha a ti ram zui hmak hmak a. Tlangval in khua ah Phurliana tereuh te kha i hria em a ti dam zui dap a. Aw hria e, Pasalṭha Thanghrima ṭhianpa ber kha maw, ka tan chuan a hlu khawp asin tiin Hrangliana chuan a chhang fel leh thlap a. Tawlhkunga pawh a in peih ta aniang, Taipui Challiana nen khan lo chelh ru aw, Vala a na deuh mai thei ania, i malpuia Silai mu tang hi phawrh angai tlat sia, i dam chhunga i hriat reng tawh tur ser hi maw Pasalṭha Thanghrima sulhnu anih hi tiin Hrangliana rilru lakpen tum tih briat tak chuan a kiai zui sak sak a. Hrangliana chuan Thanghrima chu melh in, i hmel an sawi ai daih in i la hmelchhia an ti khauh mai zawng, Challiana chu hnapdawk zawk khawpa phuh ṭhawt in a dir zui char char a. Thanghrima lah chuan khatin mi ti suh aw, i nu ka mutpui mai tur ania tiin an nuig sawi bawi a. Hrangliana mize â phuang mai leh huaisen ru tlat si chu a lawm ru tlat. Hrangliana ṭhen chak chak ṭe chhuak duh bik map lo chu melh deuh ṭhap in, i tuar chhel hle mai tiin Tawlhkunga chuan a hliam chu a tuam sak zui mawp mawp a. Thanghrima chuan HRANGLIAN hei hi hre reng rawh aw tia uluk leh duhsak taka zilh fuih malh malh chung chuan a tuarchhelna a vang chuan a fak ve luam a. Challiana chu hawi vual vual in, an rawn ṭhahnem phian mai kati, kan Phurliana pawh a rawn tel ngei ang tiin a khi zui ta sak sak a. Ṭawng a thlah fel awrh awm e, an sir lawk a ṭang chuan Tetakte tia rawn au thawm a rawn chhuak ta ngei a. Khanglang a che Patawite tia Thanghriman a chhan zawh rual rual chuan Phurliana chu kuk raih raih in, lo hnai rawh u, kan hmelchhe ho ngei chu an ni e a ti zui lang lang a. Pangzawl val rual te an rawn lawr sap sap lai chuan Hrangliana chu thei leh thei lova in beng kang in, Tlangval ho zinga rawn tel ve Tlanhlua leh a ṭhiante pahnih chu a melh ding zui ta ngar mai le.. khalai mi dawihzep pathum min tlan chhiatsab tute khan hre rawh u, ka la Tlangval ve dawn alawm, chutih hun ah chuan in phen nan kala hmang ve ang che u a ti ta sak sak mai le. Thanghrima fuihna a thawkna mah mah, kan hneh loh leh ngam loh te hian min that nghal anih ngawt loh chuan an mutna chhin chhiah a, an zan mut hlana phil hmak hmak mai tur tih khan Hrangliana Thisen muhil a kaitho tlat alawm.. Phurliana chuan Hranglian enge thil awmzia tia zawhna pek pah chuan Hlang siam rang rawh u tiin a vin zui ṭhat ṭhat a. Hrangliana chuan thil thlendan tlangpui hrilh in, a tawp khar nan ka la kap ve sawk ang mawle Tlanhlua te ho saw tiin a la melg ram ram a. I fuih ani maw tiin Thanghrima chu Phurliana chuan a nuih zui sang a.
... Hlang an peih fel tak ah chuan Hrangliana pawh a thisen chhuak tam leh khawsik sang takin a man na ta bawk nen ṭang zui thei awm talo chu khawnchhung lam an panpui ta thuai thuai a. An khaw mi leh sa hliam tu mah nise, an thiam loh hmasak zawk anih piah lam ah Thanghrima leh a ṭhiante an ni miau mai a, an melh hrek hrek ngam ṭawk chu ani e. Khua lut in, Bawlpu pawn Hrangliana te kawtkai ah in peih taka lo nghak vang tawh in a hmasa pawl ten Pasalṭha Thanghrima te ngei an ni tih an thlen tawh miau mai a, khaw mipui.lam.pawn Hrangliana hliam tawrh lam ai mahin an bengkhawn zawk tlat. Bawlpu chu Thanghrima chuan hrilhru zauh in, i theih tawp chhuah ang che a dam leh ngei tur ani tiin a hrilh ru zui zauh a. Phurliana te in lama tlangzui vawk vawk in, Phurliana te chhungkua pawn thiam taka lo lawm in an ri zui ve laih laih a. Challiana hawi vual vual leh hmeichhe lam chik zeta a melh ṭhin chu Thanghrima chuan mitsir zauh zauh in a kiai sak sak reng a han in zir ve hlak zawng a duhthlu ngang tih a hawiher ah a hai theih mawlh loh. A hang dum lian si, chhuantur nei bik hek lo, engtin nge mi mit a lak ve theih deuh ang aw, zawnpui lah hi huohurhawm riau mai si tih vel ngaihtuah in, Thanghrima chu ngawi vang vang in, mahni pawh eng nih loh laia, mahni aia chhia han zawnpui chuhhh heiham kan la tawng fuh ve mahna tiin Phurliana Pa ti ti lam ah chuan a beng a dawh zui ta zawk a. Zanriah ei kham law law ah lal in lam chu chuangkai mai ang aw khawinge kan tlu zal lawk teh ang tih leh bangkil lama Lungtat lo awm chu Lukham zui hmak in thawm awm nuaih nuaih kar ah chuan kar lo ah a muhil zui sak sak a. Phurliana pa chuan thlek vang vang in mi maksak tak zawng i ni phawt mai. Tunge hetiang thawm na kar ah muhil thei a tih mek lai chuan Taipuia hnar thawm chuan a ṭawng kallai chu tawp tir chaih in, a khai a tiin anui zui hui hui a. Challiana erawh Hmeithei hmelṭha Khawkhat Pasalṭha in a thai a tana a thlan ngat Hrangliana nu Sawiveli khan amit a la na em mai a, Hrangliana chin kha ka zuk bih leh lawk ange tih leh kal vut chu rual inṭ Tawlhkima erawh Phurliana te tual ah Mipa naupang ho Kawihnawk na ah tel leh tawh in a ṭang ber ber alo ni leh tawh. Phurliana erawh inla khawtual mi zeta vir zak zak in, an lal in pawh a chuangkai fel dim diam tawh a. Pangzawl khaw boruak chuan ngai a awh thei meuh lo, mihrang val Thinchhe bawrlawk miril tan leh chansawm ching Thanghrima leh a ṭhian ten an chamchilh miau mai a, an lalpa ber pawn zanriah a ei mumal meuh lo zawng ani e. Phurliana pawi sawi leh duh loh zawng tih kan nei em aw, chutiang a awm anih ngat chuan tih vel a ngaihtuah lai chuan Tlanhlua te ṭhian thum pawh Tlangaupa hnung ah chuan lalpa in a koh ang ngeiin an in zui lut ta ṭham ṭham a. Thanghrima ten thinrim ah an lak zui a hlauh luat ah an zilh ta tak tak a le, Tlanhlua te ho zak leh hrehawm tih chu a na teh e. I Silai pawh rawn dah hrih ang che, Hmelma leh Lam ṭang pawh thliar thiamlo tan Silai kawl a remlo ti zui hmak hmak in, Pasalṭha Thanghrima ten an ngaidam thei che u nih tak leh bengthar in kan ngaihtuah ang chhuak rang teh u, dawihzep zel zul hlawm lutuk tiin a pet chhuak lo chauh chu ani e.
... Pangzawl ah zankhat riak in, Bilhliana te khawlam hawi chuan an in chhir chhuak zui leh ta hnak hnak a, an in hmu khawm tam zel a, an titi pawh a rin belh zel rual in dam taka an in hmu khawm leh thei chu an hlim ve em mai a, a tu a mah lah chuan an zuan tur ram lam chu an vei vak lo nge sawi chhuak hmasa tu nih an duh lo, ṭawngkam khat pawn Kilmawia te chung chang chu an la sawi chhuak eih lo, a zankhatna an han hmang ral a, Phurliana titi mgaithla zui ṭhap in, an vangkhua a lawia a tal hiar vel dan leh a Chetdan kimchang an sawi tak tak mai zawng, Thanghrima meuh pawn ngaihnawm ati ngang aniang han sawi ṭha leh teh a ti deuh sek mai leh nghal a. Phurliana pawh chuan sawi ve leh mai zel in, A Pa nuam tih zia te sawi kaiin Thanghrima melh chung chuan lawmthu in hrilh tawn i remti lo nang a, ka lawm khawp mai. Tun ah zawng ka Farnu te hmel hmai ah pawh hlim hmel lo lang in, an lungmuang ta deuh aniang Tawlhkungan a thlek nasa thei vung vung em mai tia an khar zauh mai zawng, mai mai che chuan Nula melh in ka melh hlek lo aw, farnu te che vel chu kan thlek ve bawk ang chu tia Tawlhkunga ṭan lo khawh vel chu nuihpui bawk bawk in, Thanghrima chuan Challiana enge Nizan lam Hmeithai puantlang i dek thei em an ti zauh ta a le.. khawinge ka pum pai anuam lo riau tih leh thawh nulh chu rual in, Challiana chu fiamzui theih map loh chuan a pilbo zui nulh a. Hrangliana chung chang ah pakaiin Thanghrima chuan kha nau kha lo ngai reng mah rawh Pangzawl khaw muantu tur ala ni dawn khawp. An pachhiat luat vanga a in hmuh hniamna a paih bo ni a lo thlen tik ah chuan tuna nuihzata ti duhdah tute zawng ala ek khum dawn khawp, dam in kan kir leh tur ah ngai ila, zirtirna pek hlak ka duh ania, keimah anga, Pasalṭha nunnem zaidam a hrin chhuah tlak ani tlat an ti duah kher a. Nunnem zaidam zawng i ni mawlh lo,Tetakte tia Phurliana chhanna a vang chuan an dan ngai te in a pate ber pahnih chu in dawm leh chaih tawh in an riahbuk sualna zawl zau lai ah chuan an ek zui ṭhat ṭhat a. Challiana chuan Taipuia chu nghawk zauh in, a ve at at dun hian an ti sup a. A biak ber lah chuan a chhang peih leh tawh tlat lo. Tawlhkunga chuan ṭhu mai mai teh u, in te tham ropui si tiin an khap fiam zauh mai zawng engtin maw i tih ti rual ṭhawt in, inthurual tih briat tak chuan Tawlhkunga chu an bawh rawn zui zat a. Tawlhkunga lah thahrui hlawm khawm amaw tih mai tura fei fuat mai alo ni bawk nen Thanghrima leh Phurliana chu an kang leh darh darh ṭhin a, a buana ral ah zawng buan hneh mawlh hek lo, in tiam rual in Tawlhkunga hnehdan awlsam ber an dek rawn leuh meuh chuan Tawlhkunga zati lutuk nui sin vek thawm kara Taipui min chhan rawh ati nui uarh uarh chu Huai ho pawn Huai dang thawm a maw tiin tihbuai loh phah nana hmang in an kir leh phah ta hlauh zawk a. Kar ah Zan hnih riak in, Bilhliana te vangkhua an lawi zui ta hlawl a. Khawchhunga chutiang hmelhriat loh val rual Silai kawl vek leh Fei nen Thirtiang nen thuam famkima in thuam lo lut ṭhuau ṭhuau ta chu Khaw mipui lam chuan an hmu duh in ṭih hmel tak chuan an melh hrek hrek hlawm a, Awllen lai ngang ani bawk a, mi tam zawk ram lam ah liam lova in leh a vela hun hmang an ṭhahnem bawk nen Tlangval ṭhenkhat nula puantah lo rim mek te pawn Thanghrima te ṭhianho an hmuh meuh chuan mahni in lam leh an lenna nula te Chem leh Fei te chuh in Thanghrima te ho nui hawm hawm chu an zui ru zal zal hlawm a. Thanghrima lah chuan hetiang hi lawm nuam, hmelma kan nih leh nih loh hre silova min han veh vel leh min han zui ru vel hi a nuam tlat ka hawl ṭhawt zawk nang chuan tih leh vir thut chu rual in, Tlangval rualkhat an mahni zuia rawn kal hal hal te lam hawia Silai tinkawh chu an rual thut pek a, an phu nasa hlawm luktuk chu nuih vak vak in, in ho tham lutuk a, khatia khaw mipui hmuh laia in tih huai vel leh in lak Pasalṭhat vel kha zawng a ho tham lutuk, Pasalṭha tak tak chuan a khai ka sawi leh vel peih lo tih leh a ṭhiante pawn an beisei hauh loh chuan a che leh ta pek a, Lungṭhil leng chum chum khawpa an mahni zui tute hma lawk a, Lung lu tiat vel kawngsir deuha lo awm kah chu an rual zawt pek anih kha, darh nghal sungnsung in Thanghrima lah ring em em maia nui awr awr chung chuan a Silai thawm hria a, rawn dawk chhuak dek dek ho kar a, Bilhliana a silai nena an luhkapui rawn mawi chu ral ah hmu vat in, a Silai mu ruak vek tawh chuan tin vang vang in, i Lu chiah ka hmu thei Bilhlulian a ti zui lang lang a. Thanghrim hmelchhe phak min ti ralkhel zo dawn alawm i la fin belh chuang nange tia Bilhliana chhan na thawm an hriat meuh chuan khaw mipui ho chu phun zui mur mur in, Thanghrima leh a ṭhiante tia sawi chhuak sap sap in, a ṭhiante, a ṭhiante an lo ti ve sap sap a. Bilhliana pawh a khua a lo har ve fe ni tur ani, hman hmawh taka rawn tlan in midang in an thlir ṭhup tih lam reng ngaihtuah lova ri zui bawrh bawrh in, lal mual chang pha ngat Bilhliana te in zawng a zahpuiawm.loh in Bilhliana chhungte pawn thiam taka lo lawm in Zanriah chaw tur pawh Bilhliana Farnu te chuan chhuan belh thuai thuaiin Sarep an chhum zui bawrh bawrh a. Hetih lai hian Tlangaupa pawh boruak chian tura rawn lawr thuaiin an lalpa thu chah te chu Bilhliana kiang ah chuan a rawn sawi zui suam suam a. Zankhat riak in, Bilhliana pawh inpeih sa at a lo awm ani bawk a, a tuk Varṭian ah chhuak in Chhimlam hawi chuan an in chhir chhuak zui ta nal nal a... an lo ralhriat ruk tawh Chhim lam khaw lian ve pangngai tak SIALHAWK khua Kilmawia te bu khuarna nia an hriat lam hawi chuan kal an siam ta siau siau in Phurliana chuan khawinge rep tlar vek law law ang aw heti hian ka ti khawp ang tih pah chuan a hma chiah a kal Thanghrima mawng ah chuan tlawh zawt in, Thanghrima lah chu lo inring lo pen laklawh bawk nen hmalam ah chuan a tlan phei awt awt leh nghal bawk si, nui tlawrh tlawrh chunga ṭhu chawl in, Thanghrima lah chuan nanghi chu aw ka ṭhian chu nilo la ka chandarh tawh ngei ang che mawle ti nang nang chung chuan a Vaibel a phawrh zui mawlh mawlh a, e tak a, Hrimte Vaihlo ṭhami ka pai tak asin tih pah chuan Vaihlo beng sak vel in an nuih tlawn vei hauh hauh a.

MAFAKA KHIANGTE

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)