PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 9:49 pm

qpcv3uhx.jpg
qpcv3uhx.jpg (16.34 KiB) Viewed 12268 times
PASALTHA THANGHRIMA 1
..... Ka nu, i kal tak tak dawn a maw, Ka pa hi kalsan in Pasal dang chu i um tak tak dawn lo tiraw, ka Pu nangpawh haw rawh Nula tam tak an awm, enge ka nu kher chu hruai i tum tlat, a kum phu lova, meng fiah leh ṭawngkam fel thlap Zarliani chuan a nu leh an khualval chu a melh tawn sek a.. Thanghrima hnute pawh la nghei lo, kal thei ṭan chhut chhut lah chuan hnute ngen in anu chu alo pan ve chhut chhut bawk a. Pu ZAKAPA erawh banglam hawia mu kawm chal in, a beng c hup tawp bak tih theih anei mawlh silo, a mit aṭangin mittui em luang lo mahse a thinlung chu a rum hian a rum vawng vawng hi ani ber a.. a Thai a tana a thlan a nupui Mawizuali chu a tawp nana melh leh hram in, Mawizual nang vanga ramtui lei lova ka awm na chu heti hian maw min thungrulh dawn le..a ṭha e kal rawh, kei leh i fate hi min rawn hre reng suh ang che, Bawkkhupa min thlira, mit min chhinsan lo tu Khuanu hualhimna leh Malsawmna chuan tlanbo san mawlh che rawh se a ti zawi dam zui dap a.. chiang taka an khualval melh pah chuan Thlurlian lo ngai reng rawh i pawikhawih rapthlak zia hi ila tem ve khawp ang, Chemte dang tawh suh, an nuamtawl rapthlak tak ka bengah ari leh anih chuan ka tuar zo hauh lo ang i nau kha Pua la, i pa Chhunga han ko lawk mai ta che tiin Zarliani chu a tir zui ta thuai a. Thlurliana hmel ahchuan nuam tih lohna liantak lo lang zut zut in, a ka an a tum lai tak chuan, kal ang, hetiang mahni nupui fanau te pawh chawm thei lo Nupui te thawhsa ringa khawsa kiang ah hian zankhat riah pawh ka chak tawh nek love, Zarte ka hmangaih reng che u tih in hre dawn nia tih leh a em chu ban in, Thlurliana chu a kai chhuak zui ani zawk mah a. Zarliani chuan a nau chu paw sawk sawk in, kawtchhuah lam pan chuan a nu leh Thlurliana tlan liam na lam hawi chuan a tlan zui dawr dawr a.. Mawizuali chuan Thlura kal chak deuh teh ang, feh hawng hmasa kan tawk hman hlauh ange, awiiii... ka duh thei lo Zarliani aw ngei maiin ka Nu minlo nghak rawh tia a rawn au vau vau chu a beng chuan manchat in, Thlura chu a tur na zual sauh a mahse thui an kal hman lo Zarliani chuan a rawn nang hman tlat A Nu hnam hruia pawt ṭang ṭang chung chuan... a puakpuan phelh mai tur chu a kut leh lam chuan a man bet ve ṭang ṭang a.. Thlura chuan Mawizual ka ning tawk ta khawp mai, i fate nge kei min duh, anni kha chu kan hruai tel thei lo ang.. Nula hnahkhat ngat ruka ka ruk haw che a ngai dawn tih i hriat kha a ti rum ta al mai le.. Mawizuali chuan nang thlang zawk lo che ila,i lak ah vawitam ka tlawm nang.. Zarlian ka hnam kha thlah rawh tih leh Zarliani Tleirawl hreve ṭan ṭep tawh, a ril a rah a thisen ringa pianga seilian ngei mai chu beng hawi sawk sawk in, pen khat pawh min rawn zui leh anih chuan ka that ang che u a ti ta hrawk mai le.. Zarliani pawh bianga mittui luang zawih zawih chunga ding in, Thanghrima erawh a U Zarliani puakna zak kar a ṭanga rawn dak ve ker in, a nu Tlangvalpa Thlurliana mit chu chiang zet chuan a rawn melh ding ngar ngar tlat mai nia.. a tlangval pa ban ah kai a, a ril arah te rilṭam dangchar chhuanchhama awm tura kalsan mai thei hmeichhia chu eng ang hmeichhia nge ni ngai le..
.... MUALNUAM khaw in zahnih nufa laia in chhal ve, a nihna tak ah chuan in Zahnih zawng an la ban phak lo deuh, khaw mipui te inlungrual taka an chen ho dial dialna khua ah chuan chhungkaw awhawm tak leh hlimthei tak din ve in, Pasaltha tia chhiar ni em lo mahse Pu Zakapa hi Sa la thei ve pangngai tak niin, Nupui fanau duat chi alo ni kher nen, ram lam ah pawh anupui hi a awl hneh viau reng a, a chawr chhuahna erawh tuman an hriatpui hauh lo, Pasaltha Duhlaia ramvak in, hliampui tuara a puak haw tih mai loh chu a chanchin hlui lam hi tuman an hriatpui tlat lo, anhretu ber a mah Zakapa hian ngawih a chuh miau mai si a. Pasaltha Duhlaia hnen a ṭang ngeia Nupui pawh neiin Mawizuali an khaw nula ah pawh zahpuiawm loh pawltak thang ah a awk miau mai a, anihna tak ah chuan Pasaltha Duhlaia hian a tir a ṭang renga duhpui lo in, Mawizuali te thlah ah hian Uire na suala tlu an awm zauh zauh tawh reng a, mahse Zakapa hian a at chilh bur mai si nen ti hian in hramg chang ve in, Zarliani leh Thanghrima chauh hi nei hman in, an ni unau lah hi an kar ah kum a tla nual bawk nen, Mawizuali hian a hrin chhuah leh hnute pek bak a tum manglo, Thanghrima chu a U Zarliani pangti chawr ani hawt reng a, sawitawh ang in Zakapa hian a nupui hi a duat in, kawng tinreng ah a awl hneh lutuk chuan rahṭhalo a chhuah ta zawk si, Thlurliana laka a chetsual hma hian a ruka sawisep pawh kai tawh in, Zakapa ber a hminhneh em mai a, mualpho lovin an awm hram a, mahse khuanu hian alo hmuh hmaihve lo nge, Mawizuali zan zung hi Sakei in alo bei ta thut mai a, misual vanneihna nge ni dawn ni, Mawizuali chuan hmu hmasa in, Sapui che sualve thei lo a mawi chu awih tlan ah tawlh liam in, Mawizuali lam pana a rawn zuan leh meuh chuan A nupui chhan tura zuang chhuak Zakapa nen in tawng sawk in, Keipui hian Pu Zakapa ke leh lam leh ban leh lam seh chhe vek in, khaw mipui ten an hnawt kiang thei hram kha ani a, a nun aia inpe a pasal tana ke pen ve mai tura rin anih laiin, Mawizuali chuan kar lo ah inleng tlangval a nei thei ta riau mai a, Thlurliana phei chu khual val niin, Zakapan beng a hup chawn chawn ṭum lah a tam, a fanu Zarlianin ka Pu te hrilh mai ang ka pa atih lah in, Chemte i pute kan hrilh anih chuan i nu nunna hian a tuar dawn asin..tiin a nupui chu ala ṭan zui fan fan zel a. Ramtuileilo mai mah nise a Pasal a nihna la bo lo leh Pasal pawmlai nei anihna paihbo theih siloh phuartu lak ata zalen duh Mawizuali chuan thlahtute dung thul in, a tlangval pa a um ta nge nge e.. Pu Zakapa pawh thei leh thei lova in pawt ṭhu hram hram in, Luhkapui lam ah chuan a mawngtawlh chhuak hram hram a. A fanu Zarlianin ṭap chung leh a Nau paw chunga a Nu leh Thlurliana te a umchawn chawn lai te chu thlir in, tih theih nei silo thinlung rum kawk kawk chunga thlir liam in, ka fate chuan an nghei bik lo ang tiin a insehruh ve ṭang ṭang a.
.... Kawtchhuah a ṭanga Zarliani te unau rawn in paw haw hnak hnak chu thlir in, duh lo teh mahse patling biang ah mittui a sur ta zung zung mai le.. hruk buai pawh tum lo chuan a fate lo hnai zel chu a kut ṭhalama lo huiin, Uire san Zakapa leh a fate chu chhungkim taka an lawi luhna ṭhin Luhkasang ah ngei chuan in kuah khawm in an in sut zui hlawp hlawp a.. Ka Pa kanu chu a lokir duh tawh lo, a hnam hrui ah ka pawh ngial pawn alo kir duh tawh lo, Chemte Zakapa meuh pawh ṭawngchhuak tur a awm talo, chunglam hawia dak in, min thlah tute u, in eng pawi nge ka sawia hetia em a, ka zinkawng a bumboh bik mai le.. aw hmeichhe tenawm ka hmangaih che asin.. Feh hawng hmasa in Lungchhe vankaia Pu Zakapa leh a fate pahnih lo ṭap hawm hawm an hmuh meuh chuan chin ngaichang in an raawn tlan dawr dawr hlawm a, thilawmzia an han hre chiang zet zawng chek tlawk tlawk hlawm in, ṭhenkhat chu Pasaltha Duhlaia Nupui fanau te ko tur chuan an tlan zui dawr dawr a.. Pasaltha Duhlaia la dam ni sela, a Chengrang chawiin Mawizuali leh Thlurliana hnu hi a dawm ngei ang le.. mahse Pu Zakapa'n Ka Pa tia a koh ve theih awm chhun Pasaltha Duhlaia chuan a thlah tute a finna ni khua lah in kumsul a liampui tawh si, engtin nge hringnun an chhiar ve tak ang le..
MAFAKA KHIANGTE.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 9:51 pm

PASALTHA THANGHRIMA 2

Pu Zakapa te chhungkaw chunga thil thleng chuan kar lo ah lal in kang kai nghal in, MUALNUAM lal NGURLIANA pawn chin zuk bih thuai teh u, tia a Khawnbawl leh Tlangaute tir liam mai lo in a mah ngei chuan a lal in chhuahsan in Pu Zakapa te in lam pan chuan a hmel hmai thinrimna a khat tih hriat tak chuan a pen Sau zui pawk pawk a. Khaw mipui eng ti thei lo lah chu phung velh an sawi chu nepte an pung tual tual mai bawk nen, ṭhenkhat ten Mawizuali an chhia lo lawh bawrh bawrh tawk lah bo lo. Mawizuali Nu leh a nutapa pawh rawn tlan ve dawr dawr in, Mawizuali nu chuan a tute pahnih chu lainat em em a kuah pah in a ṭap zui rawih rawih a. Uire nu chuan Fanu Uire bawk maw a hrin chhuah tih thawm lo chhuak chuan Mawizuali nu chu a hawi pir tir ta vah mai le.. Tunge Uire a min chhuah tu kha, ka Uire lai i hmu em, lal hnen ka thlen dawn khawp. A nihna tak ah chuan ka Fanu pawh hi dem theih ania mi, Nupui fanau te pawh chawm thei lo leh Nupui te thawh chhuahsa ringa khawsa, Pasal fanau te chawm kumhlun tur in tunge tlin bik ang. Ka fanu vawikhat thil tihsual chu inva hmu lian ve, kei thleng thlenga min hmer tak mai le.. Pi Zahkaii hmai chu ri no sawk in, Zahkaii pawh a hawisawk lo thei lo, e he heee.. a tu phiangsen nge kut mi thlak ngam tu chu tih paha a mah beng tu ben let ve mai a tum lai chuan i ngam chuan mi han khawih vaih teh lalnu zaidam Saihliri aw ani tlat. Mualnuam lal Ngurliana chu muangchanga rawn pen chhuak in, naktuk khawvar hma ngei in khua chhuahsan ang che u, chu chu thutawp ani.. mipui ngawi ṭhuap kar ah Zahkaii'n lal hnen ah ngaidam a dil tura an ngaih laiin, kan chhuak ang, kan chhuak khawp ang, he khua ah hian zankhat lek pawh riah ka chak tawh nek love, Pu Zakapa ṭhu sawo nuaih mai chu chil chhak zui ṭhawt ṭhawt in, nang makpa laktlak loh vanga ka zahna khua a sei tam zia hi, a ten in ka ten che u tih leh in lam pana pen chhuah chu rual nghal in, zamna nei map lo chuan an chhe tinreng a phuh chhuak zui hmuar hmuar a.. hmeichhia em kutthlak hreh hle lo selang zawng, hming chapo tawp kawl tu Zahkaii chu an nawp hle tur..
.... lalpa Ngurliana chu muangchanga hawi kual in, kan khaw chunga thil thleng chuan mi va chhun na ngai ve..chhungtin ten, Pu Zakapa te buhzem ah phur hnih ṭheuh chhun tur naktuk ni tlak hma ngeiin Faisa ani bawk tur ani. Khaw mipui lam pawh phunnawi map lo chuan an bu nghat nghat hlawm a.. Pu Zakapa erawh chutianga khawtlang puih ngai dinhmuna a ding ta mai chu zah luat vanga kun chal in, a chak vanglai leh fu ke kim a kawl lai nun te a mitthla ah lo lang uar uar in, a thinlung rumri chu benga hriat theih nilo mahse Fur vanglaia Khawpui ri in chhawn kual dur dur ai pawn a nep chuang hauh lo ang.. thil ṭha an tih langsar thei ang bera puangchhuak duh pawl ten hei aw, hei aw tiin an lal leh Upa te awm lai chuab Thlaihnah leh Artui te rawn hum chhuak in, an ri nghal le lu a. Tlangval ṭhenkhat leh Nula ten Val Upa HRIMA kaihhruaina in, thilpek lut te chu an lo buaipui zung zung a. Zanriah te bawl sak nghal zung zung in, lalpa Ngurliana chuan Pu Zakapa i vanglai leh chak laia ka Rap mawitura i Sa dah zawng zawng te kha ka hai hauh lo ania, mamawh engpawh i neih chuan sawi hreh hauh suh, Mawizuali hian a kawng zawh hi inchhir hun a nei ngei ang, mahse Uire ngaidam leh Chembal zawng hman dawn a piang in kan hre chhuak an lo tih mathlawn loh kha mawle, mi Puitling tak i nih ka hria, i chunga thil thleng rapthlak tak hi su tlang tur in, in ti chak hram hram ang che tia thlah in, a khawnbawl te nen lal mual lam pan in an liam chho zui hal hal a..
... Thanghrima pawh hnute hnek tur awm talo chu a U Zarliani chuan chaw rawt sak in, engtin tin a maw an in awi mu ve thei hram a.. Pu Zakapa erawh mipui ṭin hnu chuan Tap kil ah a melh ngai melh in a vaibel nung hauh lo chu a pak sek sek a.. awww.. ka Vanglai leh theih lai nise Chemte Nu tello pawn hrehawm in, in awm bik lo tur dam hian ka tan enge sawtna awm ve tawh le, mite ṭhatna zar kan zo hian tawp chin anei ngei dawn si. A chak vanglaia Sakhi leh Sazuk sa te nena an run a in palthlena a Hmangaih kumtluang thai tura a thlan Mawizuali lawm theih zia te, khum laizawla a kut chelh chunga, ka Dam chhung in ka phatsan ngailo ang che tia Mawizuali phun sep sep ri te chu a beng ah chuan nizan ralta ang maia thar leh uaih uaih in, a Chem thiah chu a kut ṭha lama pawt dawk zawk in, a hrawk hrui ah chuan a chuktuah zui zat a. Val Upa Hrima zawlbuk kai tum ngaihṭha thlawt lo Pu Zakapa in a, peng kawi leh zawk chuan rawn nang hram in, Pu Zakapa chem chu chhuhsak in an ṭhu ngawi dun vang vang a. Pu Zakapa pawh inthing harh in, ramtuileilo leh engmah ti thei lo mah nise a fate tana a la hlutzia Val Upa Hrima kâ a aṭanga a dawn chu ngaihtuah kir in, Hrima min ngaidam teh keimah chauh kalo in ngaihtuah ani, mahni in khawngaihna rilru te kalo put tak mai le tiin zak tak chuan a kun zui tlawk tlawk a. Thil pakhat chauh ka dil teh ang che, Zakdawh tiang min ngaihtuah sak thei angem, a rilru a siamthar leh tih hriat tak chuan Val Upa Hrima chu a melh ding ngar a, thei tur ah ngai ang, he khaw Val Upa ka nihna ang in harsatna i neih chuan min hrilh hreh hauh suh aw.. Zawlbuk lam ka pan tawh ange tiin a in chhir liam ta thuai a. Mi khawngaih thil pek ngawt chuan tawp hun anei dawn tih man pha vek tu Zakapa pawh tap zawl a bu nghat nghat in, a rilru suangtuahna bawhzui tur chuan a taksa hian a rilru a umpha angem chu zawng hun in ala hril ang chu...
.... Mualnuam khua ten an lal thu chhuak anga, Pu Zakapa Buh zem an pan ruih ruih tak ah chuan Buhzem pawh kar lo ah Faisa tling khawm chuan a mawi hmak reng a. Faisa nilo, dah rei theih zawk lam ni tawh se tia Val Upa Hrima rawtna anga chet an lak leh meuh chuan an ni chhungkua te mai chuan kum hnih thum pawh an tla tawh ngei ang le.. eitur chu an phang talo, mahse banglai pawp huau mai, Thawm ṭhat ngaihna awm tawh silo, Mawizuali hmun ruak chu hnawh khah ngaihna a awm ta silo, Thanghrima lah a Nu ngaiin a ṭap awllo bawk nen Zarliani chuan ṭap chunga a nau awih lawp lawp nun bul a ṭan ta, tun ah lainatna leh khawngaihna tinrenga thlir tute mit ah hian Hmuhsitna leh diriamna a in phum tel mai angem le.. Chu zawng hmalam hun lo thleng tur in a puak chhuah tur ani si.
... Hun leh ni liam ve zel in, Pu Zakapa pawh a rilru in phak in cho teh mahse Ke leh lam chauh mai nilo, Kut leh lam tello bawk nen feh kawng zawh thei chi rual ni hek lo le, mahni kawtkai tak ngial pawh a in hawl thlen zawh loh chang a tam si, a thinur lutuk in a zak dawh tiang a paih ṭhak ṭhak chang a tam narawh e.. Zarliani erawh Val Upa Hrima te lo ah feh ve ṭhin in, an ni khawngaihna zar ah Chawhmeh te chu an chhungkaw ei khawp te chu a phur haw ve hnak hnak ṭhin a, ramṭang rual pawh la nilo, Naupang In kawibah rual lek nisi, Uirena sual in a nghawng vanga feh kawng a zawh ve hnak hnak ṭhin chu Hmamgaihtu Pa thinlung chu a va chhun na ṭhin em.. Thanghrima lah awm chawt ngai alo ni bawk nen a Pa mawngtawlh hram hram thei in veng hneh hek lo le, kawtkai lama a tei chhuah ṭum a, Arpui no hruai leh Tual ui ten an beih lah a tawk zing kher mai... ṭawng te zir ve ṭan mek zel in, Naupang ṭawng zir tir ten, an Pa leh Nu te an lam hmasak ṭhin laiin Thanghrima erawh Te.tih chu alam thiam hmasak ani tlat..a Pa in Zarliani a kohna Chemte tih chu a beng ah a ri tam deuh te pawh ani ange.. A U feh hawng in Fanghma no a hawnsak te chu tuiti em em hian a keih ve hmarh hmarh ṭhin a, Zarliani tana hmuhnawm ber mai chu Thanghrima hlim hmel chu ani tlat si.. a Nau in a duhtawka a ei hnu hian a ei bang hlauh anih chuan ei ve ṭhin in Nu hmamgaihna ai a nasa mah chuan Zarliani hian Thanghrima a hmamgaihna hi a lan tir ani ber e...
.... Tuk khat chu Pu Zakapa zingtho chu a hawiher a zangin mut hmuna a ngaihtuahna leh suangtuahna chuan chakna leh phurna nasa tak a pek belh tih loh rual anilo, Chemte i nau kha pua la, Thirdeng pa in ah min kuah chho teh tiin a vaibel chu aban zui thuai a... A pa thu a kawi a ngila zawm vek Zarliani pawh chuan Thanghrima chu paw nawlh in, a Pa zakbul lama dawm chung chuan Thirdeng in lam chu a pan pui thuai a. Mualnuam thirdeng pa pawn Pu Zakapa phurna leh thil dil chu ngaihtuah vang vang in, i tum phawt chuan i thei ang tiin Thirden dan a zirtir theih thu chuan alo chhang thuai a... chumi tuk a ṭang chuan Pu Zakapa pawh Thirdeng in lam pan in Thimṭin anih meuh hi chuan a mawngtawlh thleng hman ta zat zat a, midangte ang in kutke kim neilo mahse Pum lo her ah leh Thir lo dawm vel tu ah ṭangin, a ke nen ṭang kawp in kar lo ah Thirdeng pa em tluk lo mahse Thirden dan kal hmang chu a zir thiam ta mai reng a.. tukin bak chu keimah ni in lam ah ka Chher ve thei tawh ang tia titi suam suam chunga Pu Dengkhupa puia a ṭhut sawp nuaig lai chuan Pu Dengkhupa thir rawh lin chhutbun thlawk chhuak chuan Pu Zakapa mit veilam chu a deng ta hlaug mai le.. na tuar rakṭhawt thawm chuan zui nghal in, Pu Dengkhupan rang taka tui hmanga pui nghal in, Pu Zakapa mit a en sak meuh chuan Pu Dengkhupa chu a ṭhu sawp zui ta nulh mai le...

MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 9:51 pm

PASALTHA THANGHRIMA PHEK 3 NA


Pu Zakapa erawh a tir te a a ṭe ṭhawt bak chu vawikhat.mah nati awm leh natuar hmel pawh chhuah map lovin, Thirdengpa Nupui in a mit a rawn tuamsak chu alo dawh mawl tawp a. Thirdeng Fapa Kawlliana chuan paw zui nawlh in Zakapa te in lam pan chuan a tlan pui zui dawr dawr a. Bawlpu pawh rang taka tlan nghal in, Pu Zakapa chu a buaipui zui mawlh mawlh a, Pu Zakapa mit leh lam chuan engtik ah mah khua a hmu leh tawh ngai dawn lo tih a hriat chian em a vang chuan engmah sawi chhuak lovin, Pu Zakapa mit kang ah chuan Saphai thau chu a hnawih zui mawlh mawlh a.. ti hian tuam pawh ni ila, a char lo tur ah ngai ang. Pu Kap a pawi ka ti hle mai hei Artui hi lo hip bawk la aw ti a chhuahsan in lal in lam chu a pan ding zui nal nal a. Mualnuam lal Ngurliana pawn thiam taka a Bawlpu chu lo lawm thuai thuai in, e khai, kan tidam tu liana chu zing ṭhang ṭhang ah te i hmel hmai kan hmachhawn ve tak mai, Upa min lam hawi pah chuan tukin lam chu Tukṭhuan bawl a ngailo ani chek ang maw, hei kan Bawlpu hmel a rawn langtlat mai tiin Ngurliana chu a nui zui huau huau a. Upa min Darkhaia lah chuan a zing in paihthawl tei khawtlaina zawng bak va ni suh, ti khan a thla tliak lawi leh hnu hnu anga ti nia tiin Bawlpu Mualnuam khua ah kher kher chuan Nupui ngam than a thang ve hat chu an han fiam zui nak nak a...e khai chuti tur maw tunge Nimin Zanriah chhum hun lai a, tap....Upa Min chuan a khaih sawi loh loh tur an kam keu ngai lo tia lo tlak khalh pah chuan, hmelhmai tak zawk chuan kan han ri ta hluai pek ṭhin a, zing ṭhang ṭhang ah khawilam nge i thawt kual pek a, kan khaw chhung ah damlo nadeuh an awm emni zawk, kei ka kum hi a tam ta deuh nge ka benghawng lo ta riau mai tiin Bawlpu chu a thlek deuh hu hu a.. Bawlpu pawn a ṭhutna siamṭha sut sut in, lalnu in a Vaibel a chhuansak chu lawm taka ban in a nui zui var var a. A khawchhung ah damlo tharlam an awm lam pawh ani law.. tukin Ni chhuah tirh mai te khan Thirdengpa Nupui in mi rawn lam chung mai pek a, khu hman deuh a, a nupuiin a uire san tak Pu Zakapa, Kaptumruha tia anhming an phuah fiam hial kha in la hria a maw chu tiin a vaibel an pak leh te te a, an Bawlpu kam chhuak hman hmawh ngai loh zia hre chiang tu lal leh Upa te pawn nghak ṭhap in, Pu Kaptumruha chuan Thirden alo zir ve ṭhin ni awm tak ani. Thirdengpa phei chuan ka aiin a kut hnu a mam mah zawk a ti hial nia mawle, mi tamtak nise beidawng in kan bawksawp ngei awm si a, a vanglai nun ngaiin a rum fo ania ka rin tiin an peng kual leh chiam phawt a, lalnu insum zo tawh lo chuan ti chuan alo ti zauh pek a, e khai mai mai chuan Mipa titi na kar ah hmeichhe rawl ka hriat tak mai chu le.. khawinge ka va ṭin zawk teh ang tih leh thawh chhuah chu a rual ta mai a, mahse lalnu Saihliri hian Bawlpu mizia hi a man chiang kher pek a, ṭhu mai mai teh khati teh a mi tih khang lan i Nupui bula titi kavawrh vaih zawngin tia a rawn vau fiam tak ah chuan, lalnu hmelṭha i lalna hnuaia kun mai ka nih hi hre viau ṭhin lo la, thu mu hnu an kaitho ur ur ngai lo..ṭhutna siamrem tum mai ka nia tiin chhuanlam ah a ṭhutna te chu an siam ṭha zui sat sat a.
... lalpa Ngurliana chuan Kan thu dah kha ti a, inrawlh zauh pah chuan Bawlpu chu a nuih zui vun vun a..awww.. a ni dawn tak maw, keini ang duang hi zawng kan thlek buk tawh chuan kan titi kal lam leh hawng lam te hi a in her ta buih ṭhin a, kan Kaptumruha pui chuan kan Thirdeng kiang ah Thirden dan alo zir ṭhin ani awm e, kut ke kim lo pawha a tum ruh dan em em ah hian mi danglam tak zawng ani ngei ang, a khaih tiin a titi kallai chu a chhunzawm leh thuai a, tukin lam khan Thirdeng pa nen thawk leh in an che sual palh hlauh alawm le.. a mit veilam chuan a damchhung ni a, a thawh tur a thawk zo der mai..a pawi tak zet zet ani e, Khuanu pawh hi ka dem rum rum mai kati, Pu Zakapa ber lah chu nati awm hmel hmai zuk pu duh hauh lo a mawle tiin a titi kal lai chu a hrual mum thei ta hram a. lalnu Saihliri chuan awii ka duh thei lo ani em em tawh lo tih leh lal in chhuahsan hmak in, Pu Zakapa te in lam pan chuan a tlan zui dawr dawr a.
.... Mi tumruh leh seh hel Pu Zakapa pawh a mit veilam in khua hmulo.mahse beidawn mai tum lo chuan thir chher hna chu ṭan leh thei tawh in, a bul ṭanna pawh Thirdengpa chuan buaipui vek in, kar lo ah khaw chhung mipui te pawn pan ve sap sap in, Thirdengpa indaih lo lutuk chu a phuhru ṭan ve der a. Thingdelh loh Lungdelh loh na fam chu Thanghrima te unau pawh seilian ve zel in, a Pa thirden ve keuh keuh na chuan chhawk zangkhai in, an chhungkaw ei chawp te chu an phang bik hauh lo. Zarliani pawh tun ah chuan Tleirawl tia chhiar theih ani ve ta, Thanghrima pawh a rual pui Mipa Naupang rual zingah tal ve hrat hrat thei tawh in, eitur tuihnai ṭha hmu lo tih hriat tak mai in, a dul kiar han mai leh a awm zuih ṭat si, lu lawk em em mai bawk nen ṭhiante leh a rualpui zing ah lah nise a ṭap belh lutuk ber mai chuan ṭhian pawh a neih tir hlei thei tlat lo.. Naupang dang ṭah ngai loh na ang chi an infiam na ah lah nise a ril a tla ta mai maw tih tur hian a ṭap khek rawng rawng zel mai bawk nen, a aw te lah chu a ring fiak em em mai bawk nen, Thangṭahbelha, i ṭah belh si kan kawm ve peih lo che tia an tlansan chang lah a tam, a buaithlak ta ber chu a thil neih a kawm em em mai piah lam ah a Vir em em mai bawk nen, a U Zarliani leh a Pa hian hau in zilh ve bawk ṭhin mahse awmzia erawh a nei thui mawlh ṭhin lo zawng ani e.

.... A aia thui ngaithla duhtan Youtube lam ah a awm e..

MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 9:51 pm

PASALTHA THANGHRIMA PHEK 4 NA ..


Hetianga Pu Zakapa leh a fate mi khawngaihna a zara nun an chhiar ve bek bek lai hian Pi Mawizuali leh Thlurliana pawh nupa ah insiam zuiin, Thlurliana khaw khat pa awmthei fa nia alo ngaih leh a insawidan ang lo nilo nasa mai si Run ah chuan Tuk chhuak ṭha pawh awm hlei thei lovin, Mawizuali chu a ang hmuar hmuar nitin zantin hi ani ber a, faisa ringa khawsak a mitthla na zawng chu tawnmang ram ah chang zovin, Thlurliana Nu ang thawm leh Thlurliana farnu ang thawm a ṭanga bulṭanin a tuk thum tuk a ṭang chuan Mawizuali pawn a zia a chhuah ta, an in bakkaih lo chauh zel chu ani mai a, Mawizuali lah loh theib lohnaa vanga, kawla ni chhuak chhiara lo lama liam tluk tluk in, a Pasal fanau te aia a thlan zawk Thlurliana kutthak hnawihna ni chho zel in, nang Uire nu ka nei duh che hi lawm hle rawh, in khaw hlui ah te khan kir leh te i tum riau riau ange, i laichin unau te zawng zawng khua a ṭanga hnawh chhuah a awm in, tuman an pan lam pawh an hrelo, helai ah hian vanlaitla ang chauh i nih hria ang che.... i duh leh tlan la, nang hmeichhia man leh mual pawh awm lova ka neih mai mai i nih kha tiin hun tam liam hma chuan Thlurliana chuan a ti duhdah ṭan ta der mai le.. Mawizuali pawn a chan chhiatzia hria in, Thlurliana bumna thang ah a awk chiang lutuk leh rilru na lutuk chu a ṭap kun zui tlawk tlawk a.. a Pasal hmasa Zakapan a lo hmangaihzia leh kut hmawr pawh a, a khawih phal loh dan te ngaihtuah kaiin, Thlurlian nang hian mi bum in, mi ti duhdah vei amaw lo ngai tak rawh chan ṭha chang tur hian Ar talh dan chikhat chauh a awm hlei nem tia insehruh fan fan in, a nun liam ta a, a tihsual tawhna siamṭhat leh nun thara bul ṭan ṭhat leh lam erawh a nun ah hian a la leng mawlh lo.
.... Mualnuam lalnu chuan a Pasal puan veng ṭha sut sut chu thlek ha ha in, Ziki pa pawn chhuak tur te pawh i va ang ve, Zanriah ei a hun dawn hnai asin tiin an zawt dek dek a, lal Ngurliana chuan chhang tange ti lem hlei lova, Vaibel lakkai pah chuan a pawn chhuak zui nulh a, Saihliri pawh a Pasal hriat phak loh tawk vela ang ve hlaih hlaih in, in la Mipa leh lutuk mai, a kalna tur sawi mai kha a harsat loh nen a tih lai chuan a fapa Ngurawia chuan Ka Nu alo hawn leh hun ah engmah i sawi leh ngam chuang lo ang tia lo fiam in, a lo nuih kur kur a. Ngurliana pawh muang chang a pen chhuak zel in, kawtkai a ṭang chuan an nu ang ve hlaih hlaih chu a nuih pui suk suk a. Lal mual kal pel in Khaw chhung in te chu a thlek kual den den a. Hman hmawh na nei map lova a pen zel lai chuan Mipa naupang rual in bakkaih thawm niawm tak chuan a beng a rawn luh zui chat a. Naupang in bak kaih mai mai mah nise a naupan lai a ṭanga insual hrat Ngurliana kha ani miau mai a, pan hnai zel in, Mipa Naupang rual lo infuih thawm kara ṭap thawm awm bawk nen an thawm chu a na ru phian mai leh nghal a, puitling ṭhenkhat lo awm lah chuan ṭhelh tange an ti lem hlei lova. Chutia lalpa Ngurliana'n a hnaih zel lai chuan Zikmawia chuan Thanghrim tlawm mai rawh min hneh chuang lo ang tiin a sualpui pa chu a lo kuah bet chat chat a. Thanghrima lah chu tlawm mai tum lo tih hriat tak chuan a ṭap ṭawng zuah zuah leh nghal a. Zikmawia chuan theh thal ṭhak in, lal Ngurliana phei chuan a tlawm tawh leh tlan haw mai tura a ngaih laiin, Thanghrima chu ring em em maia ṭap chung leh insut hlawp hlawp chunga ding chhuak leh ngat in, Zikmawia chu a pan zui leh ngat a. A sira pa pakhat ding chuan he nau hi mak ve ngawt mai ṭap chung hian mi hi a sual a, ṭap belh hle si a tlawm duh ṭhak lo zel leh nghal. Zikmawi sawp hrep rawh naupang tete si, i aia nau leh te zawk anih kha tiin Zikmawia chu alo fuih pawrh zual sauh a. Thanghrima chuan Zikmawia lo fuihpawrh tu chu melh in, ṭap ṭawng zuah zuah chung bawk chuan kei aiin a Upa lo aw, ka aia naupang anih hi min sawp awm lo em mai a, tih leh a ke bula lung chu chhar in, Zikmawia chhut tum chuan a pan ta mai a. Zikmawi i duh leh Lung kha chhar ve rawh, in chhu tak tak ila, ka tet zawk vang leh retheih vanga min hmusit lutuk hi ti tawp ang..tunge in chhu hlum hmasa zawk fiah ang insut hlawp hlawp chung chuan hmalam a la pan tlat.. Ka Pa pawn thih a hlau lo, keipawn ka hlau bik lo tiin Zikmawia thinzawn ah chuan a vawm ta pawp mai le.. Zikmawia kum lama nau zawk ta chu ṭe ṭhawt in a tlan chhe ta nge nge a, ṭap ṭuau chunga Zikmawia um zel in, a um phak tak lo ah chuan Zikmawia ṭhiante chu a rawn cho leh zui sak a.. lal Ngurliana erawh mi phen deuha dingin alo nui dir char char a, Naupang khawlo leh mak tak ani, ṭapṭawng zuah zuah chunga tlawm duh tlat lo mai chuhhh..tufa nge maw anih le tiin Ngurliana chu a pen chhuak thuai a. An khaw lalpa an zing ah alo awm ve reng tih an hriat rual rual chuan Naupang dang ho chu a leeee..lalpa tih leh tlan chhiat chu rual nghal in, hnap dawk zawk zawk khawpa chakin mahni in lam pan chuan an tlan dawr dawr a. A bul hnaia lo ding Pakhat chuan ngaihtuah chiang mang hlei lovin, lalpa zawhna chu chhangin Kap Piangsuala fapa anih pek kha, a ṭah belh nen mi hi a sual peih nek leh nghal a tiin Thanghrima hek deuh ran chuan ṭawng a thlah zui zat a. Ngurliana chuan Kap Piangsuala chutiang ka khaw mi leh sa ah an awm em ni ka va hre mai love tiin zawhna a pe let ta khauh mai le.. chu Pa tuaitir te mai chuan a ṭawngsual tih a hriat meuh chuan a pawithui hman ta tlat..zan ah lal in ah rawn chuangkai ang che.. Zakapa i sawina anih ngei ka ring, Piansual leh Phar char in tlai luat a nei lo asin, nangpawh i lei kalo tan sak ve chhin dawn che em ni.. Leibula nih mai hmabak i ni dawn asin tiin a zilh ta erh maia, zak tak leh hmabak ko taka meikhupa hawng hna hna in, lal Ngurliana la lungawi chiah lo chu hawi kual in, tuman Kap Piangsuala tih a maw, piangsual leh ramtuileilo te hmusit zawngin kâ ang leh tawh ngai suh u, hetiang thil hi ka thil huat ber leh ten ber ani.. Thanghrima insut hlap hlap chu pan hnaiin Taite enga tinge in insual tiin zawhna a pe thuai a, ihhhhh.. an thang en ah min puh anih kha ka en hauh si lova, ka aia naupang zawk leh nghal ti a, a thiam thu sawi pah chuan a men ṭan leh puai puai chu a ni nghal der a. Mipa an ṭap ngai lo aw.. thil ka hrilh ang che mi i sual reng reng in i hneh dawn loh chuan Seh vak tur tiin Ngurliana chuan a fuihpawrh ta tlat pek a, Thanghrima bu nghauh nghauh chung leh zuang lam auh auh chunga an in lam pan mek chu thlir in, Val Upa Hrima lo thleng ve chiah chu melh in, zanin ah lal in rawn chuangkai lawk teh aw, khu nau khu naupang danglam tak ani.. naupang te chu an in suala a ṭapzawk an tlawm mai ani ngai a, ani ve te kha zawng ṭap chung khan a sual ngat ngat mai pek a, a luhlulna khan awmzia ala nei khawp ang, ka Naupan lai nun te pawh min ti ngai rum rum mai ka ti... khawinge Ngurawia nu alo tum kawh leh viau tawh ang tiin lal mual lam pan chuan a pen kir zui vawk vawk a.. ani reng lah tak a, lalpa Ngurliana hi a naupan lai nun leh Tlangval a hriat thlenga insual hrat, a pa leh a unaute pawn vawitam an zilh, a chak zawka ṭang ngai map lo mahse tlawm ngai lo kha ani miau mai a, Thanghrima anga ṭap chunga mi sual zui zel chi erawh anilo, ngawi ngal a a hneh lo pawh cho nawn leh ngat chi kha ani ve hrim hrim a, Luhkapui a kai thleng chuan la nui suk suk in, in chhung pen luh pah chuan hneh zawng a hneh mawlh lo anih kha, ka fuihna kha a zawm ngei ang tiin a phun chhuak sup sup leh nghal a. Saihliri lah chuan a eng chu i hria ni maw khatia lawm loh a i nuih phun sup sup ni.. tu nu ṭhusual nge i tawn fuh tih pah chuan Thlengpui ban ina siam tau zui sawk sawk a. Zanriah kil lai a, a tlai leng thil tawn vel lalpa ber in a sawi tak ah chuan nui ham ham in, Ngurawia chuan ka Pa chu i fuih khawlo zo vek ang ka ti a tih lai chuan Saiziki chuan a zialo thei e ka Pa chutiangin naupang fuih chi an ni ngai ami tia lo tuihnih ve pah chuan a nu Nui dir char char chu a melh deuh ha ha a..lalnu Saihliri chuan ania sin, i pa naupan lai chanchin an sawi dan chuan... e khai kei zawng ka puar der mai tia lalpa Ngurliana'n, an nu titi kallai tih chawlh tuma ṭan alo khawh ve chu Saiziki chuan a ka hup sak in, Thangṭahbelha zar ah lal chhungkaw zanriah ei thawm a na teh eee...
....Lo edit ve mai ru aww.. a next chu Youtube ah awm vang tawh e
MAFAKA KHIANGTE.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 9:54 pm

THANGHRIMA 5
.... Hun leh ni a liama Thanghrima zia chu mak tak maia inthlak thut in, an lal Ngurliana a hmuh phak chin mihring piang tawh zianga a ngaihsan ber maiin, Mipa an ṭap mai mai ngailo a tih leh mi i sual reng reng in, hneh loh ai chuanSeh mai tur tih khan a hneh bawk a niang a kum rualpui leh a ai a U zawk leh a mah sualngam a piang Seh loh a hleih pawh anei meuh tawh lo.. chu chuan a zia kai her zel in, khawngaihna dawng tam lo leh mite hmuhsitna kara Seilian ve zel anihna chuan inkiltawihna lam ai mah in ngawhngawlna leh pawisak neih lohna hmun ah a hruai lut ta tlat mai le..
Thanghrim dawt min hrilh hlek suh aw, Val Upa dawt hrilh pawizia i hria ang maw Thing chu i keuh ngei em tiin Val Upa Hrimachuan a hrawk zui khur khur a. Thanghrima lah chuan zam map lova Val Upa melh chung chuan Val Upa in dawt sawi ah min puh a maw, Val Upa hma ah meuh dawt sawi ngam tur em ni ka nih a ti pawr vei hawr leh nghal a. Khatin mi melh rawm rawm suh, ka khawngaihna vang chauh a in chhungkua a nungdama la awm ve in nih hi hre ringawt rawh, e chuti tur maw, chu min khawngaihna i lantir na zawng zawng a vang khan lawmthu ka sawi a, ka zah viau ṭhin che asin, mahse i thilṭha tih kha mahni in haivur leh ropui zual leh fak hlawh nan chauha ti ani maw ilo nih, ka zahna che leh ngaihsan che chu vawmbo ang a nita, ka Tlangval anga ka la rul lehvek ang che. Min hmuhsiit let nan i hmang dawn ta thauh chu ani si a, Thanghrima hi kala tlangval ve dawn a lawm Kei chuan ka phak tawka ka ṭanpui ve ṭhin te a vanga in luling ka ching ve ngai lo ang. Hei hi ka thing keuh chu anih hi.. ka keuh lai ngei min hmutu pawh kha khalaia kha a ṭhut vawn kha tih pah chuan an khaw tlangval Pianglawma chu a kawk zui vah a. Dawta in puh hi ka thil huat zawng tak ani dawt ka sawi loh zia lan tir nan ka zuk pu leh ange, hman zana U Pianglawma te tlan chhiatna Khurchhe mual ah khan naktuk a ka keuh tur ka chhep lawk vek alawm..vawi engzat nge kal nawn se min tih, ka retheih leh ka Piansualna hmusit a, min deu tute u, lo ngai reng rawh u, ka la Tlangval ve dawn a lawm. I va chaltlai ve mawle tia Val Upa Hrima'n inti nau zeta ben a tum lai chuan min puih ṭhinna man i lungawina tawk chu mi beng ta la ti nia tiin mit khap map lo chuan a lo melh let kal a. Naupang em kut han thlak chu hreh leh siin kal mai teh i hmel pawh ka hmu tui nek love tia Val Upa Hrima a hawisawn fel meuh chuan Thanghrima chu Meichher te tak te nen liam nghal in, Zamna tel map lo chuan a pa in a puala Chem a chhersak ve ngei mai chu hum in, a zai thla zui awl awl a. Thawm mak deuh deuh a tam lutuk tia an ṭih khai hmun ah ngei mai chuan in pal thleng in a zai zui awl awl reng a, Thingzarah ka e e.. riteh ri teh.. Thangeichhiaa ek rawh tiin vawk te chu a ko fiam vel mai mai leh nghal a.. Zawlbuk tuala awm ho chuan a thawm lah chu hre pha vek in, han velh na tham em a ni silo, Thanghrima chanchin hlir sawi a an phun sup sup lai chuan Thanghrima Tlangau tur renga piang a maw tih mai tura aw ṭha chuan min puiruuuuu... Huai hmelchhe ho an lo hnai e tiin a rawn rak ta chelchul mai le.. Tlangval ho pawh ngawi zui ṭhuap in, chhantlak kala awm e a rawn tih leh tak vau vau ah chuan Meichher an la kai zui sap sap a. Za awm em em a rawn nui zuiin min rel nasat awm nen nen min la ui ve hle ni maw tiin Tlangval ho che chhuak tur chu a la rawn fiam zawk zamah leh nghal a. Ka vel dawn khawp tia lo inhrosa tawk lah bo lo.
.... Meichher rawn hnai chho in a mah velh chak em em Mualnuam val rual ten an lo thlir ṭhup lai chuan tah hian kan chhawp ange, naktuk lam ami tur ka zuk pu leh law law ange tumah kawm tur ka nei chuang lo bawk a, Huai ho kha kawm an nuam riau, kan lo fawm sak ang che min tih kha maw tiin Zawlbuk tual thleng silo, hmuh phak reng si ah chuan chhawp in Ram lam hawi chuan a kir zui leh nal nal a. Naktip ami tur ni se, Nakthai ami tur ni se tiaa chheh tak tlauh tlauh ah chuan chimawm lutuk tiin Lengi run kai tur chuan Tlangval ho pawh an darh zui ta sang sang a. Awww... min velh chak em khaaa.. min lo nghak ula keipawh ka ṭah loh na ni khua a sei tawh alawm min lo nghak rawh u, Huai ho min fawm sak sa tel khat chauh ka nei tawh ania tia Thanghrima auh zuina chu run teh mahse han velh chhan tur em a tling chiah silo. A tuk khua a var meuh chuan Thanghrima thing chheh chu melh hrek hrek hlawm in, a mah ang rual lek in, zanthim hnuaia thing a fawm leh a tel fel nghet ṭha lutuk chu mak an tiin, Tukṭhuan ei a hun meuh chuan khaw pum titi ah kai tawh in, Thanghrima thingkeuh tur Huai ho in an tel sak tih chu a khaw khah chuan a khat ani ber a. Nu leh Pa tamzawk lah chuan an fate chu lo zilh mawlh mawlh in Thanghrima kawm lo tur chuan an in Vau bet lo chauh chu a ni ber e. Thanghrima chin chuan lal Ngurliana beng pawh thleng thuaiin, a vaibel pak chung chuan a nui zui huk huk a. Val Upa Hrima lam hawi pah chuan, Chu an chhungkaw chunga i thilṭha tih chu i lo uanpui ve reng reng tihna em ni, khutiang naupang danglam tak khu an piang zen zen lo asin. Lo hrilh la Thimhlim ah mi rawn hmu rawh se keiman ka lo zilh ange, khin rual loh pui ilo khing leh ur ur ange tiin Val Upa Thanghrima chin hrilh a, lal hnena zualko chu alo tir let zawmah a. Zanriah lal chhungkua ten an kil meuh chuan lalnu Saihliri chu a in sum zo ta ngang lo.. khutiang nanupang chimawm lutuk ṭan zawng lek lek a thu i chhak chhuah tak mai le. Misual vulh len i tum te chu ani em lo maw lo zilh hau ve deuh ang che a nun inthlakna bul tumtu khu i ni tih hi in pawm ang che tiin a ang zui hmarh hmarh a. Hmeichhe â ṭawng hian ṭawng fo lo teh ka khawng hreh hauh lo che ania tia lal Ngurliana'n a nupui a chhan meuh chuan lalnu mai nilo, a fate pawh anngawi chiang teh e..nangni ai hian he khua hi ka hre chiang zawk. Khutiang mi bik lo pian chhuah hun hi a sin Tlumtea thlir taka kalo thlir ṭhin chu. Kan vangkhua heti reng ruang ah hian Khual kai khawp Pasalṭha kan kawl em? A teuh lo mai kan ek chhe tam tlurh ringawt chu anih hi Leido nei lova awm in, kan Tlangval te lah huai ber len in an leng ang suau suau a. Mut mawh hnar mawha ka neih ṭhin chu kan vangkhua hiana chhe ber tawk ta ila, tunge he khaw tan hian ding ang, a nihna tak ah chuan he khua ah hian mal beiha min khing pha tur reng an la awm hlei nem.. Khuanu hualhimna leh zahngaihna kan chan a vanga nungdama chhungkim taka la leng thei kan nih chauh hi.. Kulhbang rawih tawh chhunga cheng ang chauh kan ni asin, ka rorel kham zawng in, i Kâ ang tawh ngai suh tiin a nupui chu a zilh ta erh mai a, Ngurawia chu melh in nang pawh naktuk a ṭangin Pasaltha nun i zir ṭan tawh ang hawi tlawn zuah ringawt mai... a duh ai chuan a ṭawng thui ta mah mah awm e..

..... Pu Zakapa pawh zanriah eilai chuana fapa chu zilh malh malh in, nundan mawi leh ṭha te chu a hrilh mawlh mawlh a. Zarliani chuan Taite nang ang kum rual lek lal koh ngai khawpa i awm mai hia mak ka ti tiin a nau chu hlauhthawnpui na nen a thiam tawk chuan alo zilhve mek bawk a.Te (a naupan laia a U a kohna Te tih hian a U hi a ko hlen tlat pek a) lungngai mah che engmah tih sual nei lo hi kan lalpa hian min hrem ngawt lo ang. Kan lal hi Mipa diktak zia putu leh neitu ani tiin a hrehawm tawrh leh a seilenna in a zir bawk a, a kum phuloh hian Thanghrima hi a puitling in ṭawngkam te lah hi a zawng thing thiam zal mai leh nghal a. A nihna tak ah chuan Ka Kum rualpui te pawn Zawlbuk thing keuh an awl deuh fur tawh zawk asin, ka ṭhan a ṭhut deuh a vang hian min zuam in min hmu naupang chhia mah mah tawh zawk a lawm.. Ka Pa naktuk lam a ṭang chuan Chem hman dan min zirtir ṭan tawh la a ṭha in ka hria, i mitmeng leh Chezia ah hian Mi ralhrat tawp i nih ka hai lo a nia a ti ta khauh mai le.. Pu Zakapa pawh a bek ah Thisen zam rawn pawng ṭawlh ṭawlh in a fapa chu a melh zui vang vang a. A hun tawh khawp mai Taite a ti thawp ta sap mai le... Te, hlauthawng suh lal in chu ka han chuangkai ange tih leh chhuah tharh chu rual in zamna leh Timna nei map lo chuan lal mual lam pan in a pen zui thauh thauh a. Zawlbuk zawna ding vang vang in, Hetah hian vawklal len in ka la leng khawp ang ti nghat pah chuan hmalam a pan zui thuai a. Englai maha a thlah ngai loh a muthmun leh Chawei lai pawha a ban phaka a chhawp reng Chempui a hman tawk lek tura a Pa siamsak chu a puanven kawng ah chuan a thiat zui sat sat a. A rualpui naupang kuttang leh lam zat zet nena an in tawh dawn meuh chuan a Chem fawng a dawm leh ran tawh e. Mahse chung Mipa naupang rual chuan an hel zawk ta tlat, Thisen ngama, nunrawnga, tia an hriat chhoh mek kha ani miau mai a, Thisen ngama an tih kher na chhan pawh hi engdang ani lo. An Khaw Tlangval pakhat Thingzar a ṭanga tlahlum Thluak per chuaih khawpa in sawh, Thisen leh Thluak in pawlh nuaih a mu sawp nulh mai Thluak a ruh khawm mawlh mawlh a, chu Tlangval lu keh ramhrui hmanga a phuar khawm khi kara a hnawh luh leh ni a ṭang khan Thisen ngam a a nih phah tlat tawh a lawm. Miten an sawisep na leh sawi chhiatna te hian Thanghrima hmalam pan mek hi a ti buai pha tlat lo eng ang tak inrawn seilian ang mawle..
.... Chhungkaw tam zawk in Zanriah an la kil map map lai chuan Thanghrima pawh lal tual in chhir thleng tawh in, lal in em chuangkai tur chuan a pheikhai a zang lo khawp mai, lal Fanu Saiziki pawn chhuak in hmu hlauh lo phei sela chu a let leh duh hial awm e. Mualnuam lal Ngurliana chuan Thanghrima chu hui hnai thuaiin, ti tawh Leihkapui lam ah sawn aw min rawn zui la a ti bul deuh hmak a. Thanghrima meuh pawh an lal hma ah chuan uih dawih zawk chan chang in a meikhup ṭha teh e, a mawng ah a vawzep lo chauh chu ani e. Lalpa in a hrawk in a zilh nual dawn nia ngai chunga lalpa in ṭhutna tur a kawh hmuh lam pan chhat chhat in, lalpa enge ni ta tihsual leh i pawisawi ka nei em ni a ti dek dek a. Khawimaw i chempai kha min han pe teh tia lal Ngurliana thupek ang chuan a chem chu ṭha te te chuan a pe thuai a. Thanghrim naupang chhia i ni tawh lova, kar lo ah Zawlbuk pawh i kaia hun mai dawn a, hei kan khua hi i hriat ang in, Pasaltha ralhrat, Khual tual thang pha phei chu tumah kan kawlloh zia i hriat hi.. nang hi ka in nghahna tur leh ka nghah fak i ni asin, Thanghrima kun chal pawh dak chhuak zawk in, lalpa a ti chhuak hluai a. A dik ani, i nun dan rawva tak mai te hi hrelo leh hmulo in min ring em ni, hman zan lawka kan Khawnbawl Upa Kaisanga Ar no hruai a pui nen lama an ring i ṭhuai bun vek te kha ka hai hlei nem. I mizia ang leh i Kum ang hi ka lo kal pel ve tawh asin. Misual te zirtirna pek tim ngai suh la, mahni aia chak lo zawk an nih a vanga hlahkhem kher pawh a ṭul hran lo, mite ṭihkhai leh chungen ni tur chuan midang aia kan pen zau hret zel a ngai tih hria ang che. Khawngaihna inhneh tir ngai lo la, Tar chak lo zawk leh Nu nau, leh Hmeichhia te erawh i kut hmawr pawn tawk ngai suh, ṭanpui ngai tan i ban ti tawi suh la. Mi Chapo te hnuk hniam tur in i ban phar tluan ṭhin ang che. He khaw lal ka nihna ang ngei hian hei hi ka tiam tir duh che ani. Thanghrima chuan bu nghat nghat chunga an lalpa chu melh in, lalpa i lalna hnuaia kun ka ni e a ti zui sap a. Nu lova, khawlai vaivut leh ranek in a chawilen Thanghrima chuan lalpa Ngurliana chu melh ngar ngar in, lalpa duhdan ang ngei chuan thu a tiam zui ta nghat nghat mai le.. lalpa Ngurliana chuan a kut chu zai thi zawihzawih in, Thanghrima kut chu a zai sak leh hmak a, Mipa in Thisen seng meuh in thu an tiam ta, Thanghrima chuan vanlam en vangvang in, ka thawk tawp thleng in ka thu tiam hi ka vawng reng ang. Mualnuam khaw hmelma chu ka hmelma an ni. Mualnuam khaw tih chhiat tum tu chu ka ti boral ang.Kal lal chhungkua ka venghim ang ti sep sep in, lalpa Ngurliana'n hei chu nakin lawk ah eng tham mah ani dawn lo ka lo kawl ṭha zawk enge, he Lulak chem nen hian i hringnun pal chho tawh ang che, Malsawmna leh Damreina chuan thuam in awm la, hmelma tam tak tudai thei tur in khuanu malsawmna chuan umzui mawlh che rawh se. Nang leh keilo chuan kan thuthlung hi hre ngai suh se kal tawh rawh le..i lam ṭang anga ka lan loh chang ni ah pawh i lam ah ka ding tlat tih i hre dawn nia tiin an in thlah liam ta, lal Ngurliana hian mi rawva lutuk a siam chhuak dawn nge, mihrat khawkheng a siam puitling dawn le..
.... Thanghrima pawh lalpa in a Chempek nena ram lama liam nitin in, zan lam ah nise mi hriat loh theih ang ber tur in tap eng hnuai ah a Pa nen chem hmandan leh ralbeih dan kim te zir tlauh tlauh in, Pu Zakapa hian chetzia in zirtir kim thei tawh lo mahse a thluak erawh a chawl tlat lo. Rawlthar nun a kai chhoh mek tak ah phei chuan Thanghrima taksa chu rawn in siam chho ve ṭan tawh in, Lulawk dulkiar, mawngthep chu bo tual tual in, a Taksa thawl lai te pawh a nun chan zirna chuan a hnawh khat mek lai chuan khawchhung lam ah erwwh a hmel a lang tlem tawh in, insual leh in bakkaih lam a chawlh san tlat.. an lalpa remruatna hmang ngei a, an Unau hminga Lo bil nei ve tawh in, a vah zawngzawng pawh Tlangval hoten an vah pui vek nghe nghe a, ṭhenkhat phei chuan heti em a, Pu Zakapa te chhungkua lalpa in a ngaihsak hi maktiin an phunpui sep sep fo reng a. A khaw mipui in thikna kâ an phun chhuahpui te chu a hrelo nge a hre duh lo lalpa ber lah chu angawi hmak zel mai si. Thanghrima duhthusam ang ngeiin an Lo pawh ngaw lam hnaih fal deuh nalh ah neiin an Unau chuan kawl ah nichhuak chhiar in an liam nitin a. Losul hawn hun pangngai ah Zarliani chu haw mai zel in, a ruala hawng duh ngai miah lo Thanghrima hian enge a tih hmufual ṭhin chu erawh ani hmeichhe lungmawl chuan a chhut pha mawlhlo. A pa fei a hman hnum hlarh hmang chuan Sa te nau deuh pawh la ve zauh zauh in, a hma ang ngawt kha chuan ei leh bar ah an harsa ta bik lo e.
.... Ni dang ang bawk in, Thanghrima pawh Sa tenau beisei pah chung si, a thil zir Chem pakhat mai nilo, leh lam leh lama hum kawp zir tur chuan a U chu a thlah liam leh ta thuai a..a mah a, phur loh na lian tak mai awm tlat chu mak ti deuh tak chuan ngaihtuah vang vang in enge maw a chhan ni dawn ni tih vel ngaihtuaha a kal mawp mawp lai chuan a nunchan zir ṭhinna mual chu a pawh mek bawk a.. mahse a thil hmuh a vang a ding chaih in, hmel hriat loh khual val an ni tlat, an rawn hmuh hman hma a pil thuaiin. Tu khua leh tui tak ni ang maw kawngṭum pangngai pawh zawh lova, kan khaw lo neihna mual rawn pan daih ta chu, hmelma te hi an lo ni reng lo maw tih vel ngaihtuah chung chuan Sakeiin a Sa seh tur a veng ang maia thawm nei lo chuan a veh hnai zui hriau hriau a, khel lova zantin an chhuat hang a a zir ṭhin ang ngei chuan thawm chhuah map lova put zauh zauh chung chuan a hma zawna Tlangval pathum thlamuan hmel fe a, Vaibel pak hlat hlat te ṭawng thawm hre pha tawk tur vel ah chuan Sihal kaw hlui beh chhan in a ṭhu tlum zui kak a. An titi hmang ah lah chuan an lunglen thu vel mai mai bak an sawi hauh lo leh nghal, Ram vak kawngbo an ni mai lo maw tia pawh phei mai atum lai chuan an zinga pakhat chuan KHAWMA kan awmna lai hi a him meuh ang maw hen en chiang ve teh u a bel riau ania tiin ṭawng a rawn thlah ta zauh mai le..... Khawma ni awm ber chuan a him em em ang, hei hniak thar vak pawh a awm loh hi Naupang nin hlei tal pet mai mai anih hi, thlamuang deuh khan awm rawh feh hawn hun pangngai a ni chho mek e, rei tak kanlo chan tawh mutmu tuah ṭhat tir thei lo khawp che a i vei leh hnawl tu che ngei chu kan rek thei tawh ngei ang. A nu nen chauh an feh i ti ni lawm ni tiin zawhna petu chu alo chhang var a. Bet lo ru zeta vaibel pak chunga ZIRLIANA pawh ngawi vang vang in Thlang len kawl a, a liam tumna mual pana Chungturni het muai muai chu a thlir zui vung vung a.
.... You Tube a chhiar a tana ka type pawp pawp ania, mahni type chu alo chhiar dik theih mai zel bawk nen lo chhiar edit mai ru aw..

MAFAKA KHIANGTE. PUII PASAL.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 9:55 pm

PASALTHA THANGHRIMA PHEK 6
Facebook lam ah THUZIAK MITE TAN Page ka siam ve mai maie ka tia, ka bangbo ang reng Khawp mai a, hetiang lama experience lo nei tawh Page mumal tak nei kan awm anih chuan In No lo drop emaw, tah hian min lo be thei anih chuan ka lawm ngawt ang..7005560514

EDIT NGAI A TAM TIH KA HRE VE THO.. HAHA
... A chet chhuah hman teuh zia ngaihtuah kir in Thanghrima chu a ṭhen zui sak sak a. Chung khual hmelma khawi khua leh tui te nge an nih a hriat hauh loh te chuan an khaw pawi sawi an tum tih chu a man chiang tawh bawk a, an tum anga chet tir a tum lo tih lanna chu a fei a hum ngheh dan an a chhiar theih tlat. Khawma bawk chuan a hrim hrim ah Lawmpa Nula hnah khat pangngai tak tak an tam laiin a engtia Nula puitling ah pawh chhiar rual pawh la ni manglo zun a i uai tlat mai le.. a duh lo ina hnawl che pawh ani em em lo ang, ani ang tan chuan i hlauhawm tham zawk dawn riau asin ani lawm ni, Kapmawi tiin an zinga pakhat ṭhu ngawi ngal chu a thlek zui ha ha a. Kapmawi tia a koh ber pawh nui suk in, kei chu kan thil tih tum hi thilṭul lo tak niiin ka hria tin a tlawm thlak ka tih zawng tak ani. Zirlian in ngaihtuah chiang teh Leido neih theihna anih i hria ang chu maw, kan lal leh Upa te i hmin thei dawn em ni a rawn ti ta khauh mai le.. Zirliana chu rang zeta ding chhuak in, Ṭhian Kap i zam deuh em ni, keini hi ZARLIAN khaw mi leh sa kan nih an hre dawn reng reng lo. Lengtuaitirtei kiang ah khan MUALPHENG khaw mi leh sa ang in ka in chhal daih tawh alawm. Kan lal leh Upa te beng a thleng palh ta anih leh a mawh chu ka la vek ang. Ka pa nen Ṭhi leh Dar kan dah ṭhat hnemzia kan lal hian a hre ve tlatchuvang chuan kan lal hian minbe chhe ngam dawn lo tih ka chiang bak ah, ka Sava perh tum hi khua hawn thlen ka tum hlei nem Zirliana hnawl pawizia ka hmuh tir anga, ka kalsan ang. Kapmawia chuan a va Mipa zia lo ṭhin ve.. thih leh ruam khat ah dam leh tlang khat ah tiin ka kâ lo ang lo ni ila chu ka kirsan ngei ang che u tiina vaibel ek chu khawn thlak pah chuan a Sahmim ah a khung zui zal zal a.. E khai ṭhian Kapmawia'n Thupui min vai khum leh dawn tlat che chhuaj dawn ang aw chu Lo sul hawng ho pawh an in thawt kual raih raih tawh e. Ṭhian Zirliana thluak pawlh nu tu chu khawinge i ṭham nem nawk mai teh ang tiin hma hruai a rual zui zat a. A mi bihthlak te an liamfel hnu chuan la ṭhu vangvang in, in tum ang ngawt chuan in va che awm hlei lo e aw ti bal bal chung chuan thawm nei map lo chuan Zarlian tlangval te hnu chu a dawm zui ta zat zat a.
.... Ka Nu duhtawk tawh mai rawh Ni a liam ṭep ania tia Thlam namthlak a ṭanga a Nu chawhmeh zawng au lar lar tu Khumtei chuan a chetdan engkim chiang taka bih tu leh remchang zawnga chang reng tu a neih hre lek lo chuan thlifim dawng in a zai fawn raih raih a. Thlam luhka lam ah chuan penthawm lo awm in, an Zau ami Pu Duhzuala anih ngei ring chuan Pu Duh kan la in peih lo hret..a ṭawng kallai chu tawp chawt in, enge i rawn tih dawn a ti chang zui fak a. A nihna tak ah chuan Khumtei hian a hma a khual val hi a ten ru ngawih ngawih tlat, in leng pawh ala neih mumal ngai loh laia zak map lova rim ngawt tu leh a zankhat len na a, a puantlang deh tum ngawt tu, chiang bengbawnga a hnar hnu kha a ni miau mai a. Zirliana lah chu khisung chunga hawi kual in, nang hian ka hnawl e min tih khanglan man pe tur che in kalo kir leh ngat mawle, ṭe hlek suh i ṭe a nih vaih chuan i Lu kha ka la nghal ani mai teh leh Khumtei beisei loh leh rin phak hauh lova chet la thut in, Khumtei ka chu a hup sak zui chat a. A nghawnga chem a chuktuahna erawh Khumtei chuan hlauh na chang a hre tlat lo... Kapmawia pawn a chanpual Khumtei nu chu lo tuk thlu fel diam tawh in, that mai tura thurawn anih laiin mi inring lo lai ah pawh Hmeichhia leh nghal thah ngawt mai chu Kapmawia zia nen inmil hek lo.le, nikhaw hre lova tuk thlu dawp in, Khumtei te Vau lama Lo nei Pu Duhzuala erawh Khawma Chemthlawk chhuak chuan a dar ah riahrun rem thawih in, a thlang lam awih tlan ah chuan a lum ri zui buan buan a. I thih na a mawng deuh dawn ani maw ti chunga Thlam lam pan thuaiin, KHUMTEI leh ZIRLIANA lo inchai chat chat chu puiin rang tak chuan Khumtei chu an phuar zui mawp mawp a. Kapmawia chuan hma hruaiin, thui tlanpui angai lo, nichina kan nghah na mual kha thlenpui chuan a tawk tiin Zirliana chuan ṭawng a cheh ta hlauh mai le.. Zirliana ṭawng cheh zauh chuan Mahni nun pawh chan huama chet chhuah mai tum tawh Thanghrima chu ṭhut hniam tir leh zawk in, rang tak chuan Buh kar ah a put kual nghal par par a.
.... Khumteia hmel dangvar pap mai leh mittui luang zawih zawih chu Zirliana chuan kuai thle lawl lawl in, nang hian ka duh lo e te min ti khanglang a maw, i damchhung zawnga i hriat reng tur leh ka hming i nuna a beh tel thlap na tur kawng ka sial dawn e. I nu pawn pialral kawng a zawh mek tawh ang. Rum ring lutuk lo la aw tih leh Khumtei puan bih lai chu pawh thlak sak pawrhchu rual in, a hmeichhiatna hup tur in a kut leh ke phuar vek ani si.. Khumtei mangang lutuk tawh tal leh ṭan ngaihna hre tawh silo chu maimitchhing tawp in a chunga thil rapthlak tawp thleng mek chu a nghak mawl tawp a. Thanghrima pawn a hma lawka thil thleng chu thlir vungvung in, Khum ṭawngtheii ber kher maw, kan Unaua min hmusita min diriam ṭhin tu, kan lalpa hnen ah thu lo tiam tawh lo ila chuhhh..ngaihtuah chhunzawm duh lovin,a melh ding zui ngur ngur a. Ṭhian Zir muang lutuk lo teh Thing leh Mau te lam hian ka zah ru riau tawh ania tia Kapmawian a tur tak ah chuan nang aiin ka nghakhlel zawk en ta che a tisa mam mawi nalh zia hi tiin Khumtei chu it hmel zet chuan a thlir vung vung a. Zirliana bawk hniam tur chiah leh chet la mek chu a Chal ah tak mai chuan Lung kuttum tia leng lawng chuan deng sawk in Lung pawh chu a keh chuaih reng a. Zirliana pawh a Chal aṭanga Thisen chhuak zung zung chung chuan Khumtei chung ah chuan a bawk zawi hnawk a. Khawma chuan rang fe mai a Silai hmet puak thawr in, Thanghrima bihrukna zawn hnim chu a ri zui ṭhawt a. Khawma Silai sawh tur buai leh mek thinhnun ah tak mai chuan Fei a rawn bur ta vawh mai le. Natuar thawm chhuah zui zat in, Khawma chu a dinna lei ah chuan a thal zui thlawrh a. Kapmawia chuan rang taka hnaih vat in Thing phen ah chuan a pawt lut zui zawt zawt a. Khawma Silai ber lah hnuk tel hman hek lo le, Khawma nikhaw hre tawh lo buami ṭan mek chu ko mawlh mawlh in, rei a tlin dawn tawh lo tih a chiang kher mai. Thinrim taka ha Chang ṭhial bapbap chung chuan hmalak dan tur a suang tuah kual nasa kher teh e. An mahni rawn bei tute hi engzat chiah nge an nih a hre lobawk nen, pawng bawh leh in lan chi ni tawh silo, Thingphen a ṭanga dak dek dek in, Zirliana chin chu chian a ṭul tlat si. A hmai thawi thuak chuan Mau zum rawn thlawk tlang zawk in, a bik na piah Changel ah chuan a bur phuzui hlarh hlarha. A dinhmun chhiat zia a chiang nasa bawk si nen ṭhiante han tlansan em lah chu ni theiin a hre bawk silo. Ṭhian Khawm ṭang hram hram rawh aw tia Khawma a sawi leh meuh chuan a Thin a fei bur ngur mai vuan chung in a lo chat thla fel der tawh tlat. Thing phen a ṭang chuan ring taka au vin tunge i nih khatia biru chunga min bei lo khan mipa tak in i hmel rawn lanta che tiin an vin zui ṭhat ṭhat a. Mahse chhanna reng a dawng tlat lo. Thawm chu reh vangvang in, Zirliana lah a Thisen chuak tam leh Lung hnathawh in nikhaw hre lova a siam ang ang chuan Khumtei chung ah chuan ala dung bawh zuar bawk si.. Khumtei pawn a chunga Thisena nena in chiah piah nuaih mai leh a mah pawh Thisen in a bual huh zuih tawh lak a ta chet sawn tum chuan alo nam ve chat chat a, a kut phuar belhbawm anihna leh a hlauh em em na te chuan a tha lah chu ti zawi zo in, a puitu hmel awm ang chu a melh ruai ruai a. U Hming min loveng rawh aw..kan hmelchhepa Silai saw ka va la ange, chu aw chhuak Rawlthar aw ri chu Kapmawia hian a hai haug lo. Mau chhemthei a tana ṭha awm fahran hmanga ṭawng tih danglam pah chuan awm hmun sawn zauh in Va kal rawh tiin a aw an ti thum lui dat a. Ka rin ang chiah Pahnih an ni tlat tih pah chuan hreh zet a, Khawma Lu tansak in, Kapliana chu a tawlh zui zal . Thanghrima pawh Khawma Silai tlansan chu rang taka chhar in, Fungki leh Khawma Sahmim nen lam chuan a khawm nghauh nghauh a.. hman hmawh awm.lo taka che vel in, an zinga Pakhat tlan ta khan a bih ru reng tih hai hek lo le.. muangchanga Silai sawh pah chuan a nui ru sak sak a, a chhan pawh a thu chauh a, alo zir ṭhin a tak ngei a, Silai a hum ve ta mai leh Silai zen an sawh ve chat chat te ala khawr zia in hre chiang tu ani tlat alawm.. Kapmawia tawlh ta pawh chuan Lungphen a ṭanga bih dak dak in, saw nau chauh saw chu nise aw a Lu ka la ngei ang tia insehruh ṭeuh chung chuan a Chem chu a hum nghet sauh sauh a.
.... Thanghrima pawh a Silai sawh chu hnawh leh thlap in, Zirliana lo harh ṭan mek leh Khumtei'n nam kian tuma alo nam ve ṭang ṭang na lam hawi chuan a pen zui thauh thauh a. Zirliana rum ṭuah ṭuah thi khawn ṭan deuh nena in chiah piah nuaih mai chu a hmel phu lova na hian Thanghrima chuan an phih dawrh pek a. Khumtei engmah inbel lo zak lutuk in hup chawih chawih chu melh vang vang in i ve chhe keng kung ve, khaw khat chu nilo ila ka chhan malek tur che ania, vawikhat mah ka Farnu lo hmu sit tawh ngai suh kei vang chauha nungdama la awm.leh i thianghlimna la kawl i nih hi hre reng ang che. Nge ka sual zawk nang che tiiin an pan der at at a. Khumtei lah a ka puana hnawh sak la nibawk nen ṭawng chhuak thei silova meng bial pawp pawp in, a ṭhu tawm zui chawihchawih a, a puan Zirliana theh sawn sak ban tura din chhuah te zawng a ngam teuh silo... Min hlau duh suh Khumi nangni ang sual duh tawk vel lek ah te min lohmu tak tak ange tiin a puan chu chharsak pah chuan a kut leh ke phuarna chu a zai chah sak zui mawlh mawlh a... Khumi leh lam hawi rawh tih hul hak pah chuan Zirliana lo harh ṭhu chhuak mek lam chu in zo tih hriat tak mai chuan a pan zui thauh thauh a.. Zirliana chuan a hma a, Rawlthar chersang lam leh fip ṭang hmel hriam zet chu melh in, tunge i nih Zirliana hi mi bei ngam amaw lo hnai teh tiin a hawi kual nghal zung zung a. Thanghrima chuan i ṭhiante chu an tlan tawh. Khawngaih i dil anih chuan ka nun mahna che, khawimaw tih leh a Chem chu vai fua in, Zirliana beng dinglam chu a tla zui tawl a, a dar thleng lo tawk chiaha a chem vai tawp tir chat thei a hma a, Rawlthar te chu Rawlthar satliah ani lo tih Zirliana chuan a man chiang tawh tlat. Mahni maia huaisenna pianpui lo ta chu a tha a khur ru ṭan ta der der reng a... Khumi in lo lam ah lova phei la a ṭhat zawk ka ring i tan hmuh nuam lo thil ka ti dawn tlat tia Khumteia lam hawia a ṭawng ram hmak tak ah chuan Khumtei pawn hnial ngam tawh hek lo le.. Thisen chhuak zawih zawih a hmuh chuan a hmet na bawk nen vak rawk rawk chung chuan Thanghrima kawng kawh hmuh lam ah chuan liam thuaiin, a thil tawn leh a thil hmuh vel chuan hmet na thut in, a mit sulha engmah hrelo chuan a bawk zui thlawp.a. A aia kum lama naufe mah nise a fawng lam chelh tu leh mitmeng thip zet kara Thisen ngam em em mihring chuan Zirliana thau ah man lak lawh tawh in, Thanghrima'n a phuar ang ang chuan a dawh mawl tawp ringawt a.
... Khur dur dur chung chuan min nun hram rawh, khawngaih in ka siam hausa ang che. Ka ching nawn leh tawh ngai lo ang, inkhaw lam hawi hian ke ka pen tawh ngai lo ang tia intiam zut zut chung chuan a men deuh pur mai leh nghal a. Zirliana ṭap deuh pur bianga piai sak pah chuan ka Naupan lai min ti hre chhuak alawm le ka ṭah belh theih zia chu tiin Thing mal tiat awm vel ah chuan Zirliana chu a phuar zui mawlh mawlh a. Englai pawha ban phak tur ah Khawma silai chu dah zel in, a tum tak leh phuar chhan tak ah chuan a lut ta. Muangchanga Zirliana dar a ṭanga a hnute zawn thla zel a, a Chem hriam bak tak maia tai kak thla zai zai in, khawi ah nge in pafa chuan ro chu in thuhruk le.. Zirliana nati ṭhen chawk chawk chu rum hawk in, min chhuah phawt la ti a a ngenna a vang chuan a dar leh lam a ṭanga a kawkalh zawnga zai leh ngat in, mi mawl ka nilo i sawi dawn nge i ril ka phawrh dawn tiin a vau bet zui leh zat a. Chu nau mitmeng ah chuan ti mai mai lo hmel hmai hmutu Zirliana chuan anih min chhuah zalen angem tia daikhalh pah chuan a melh let ve sak a. Chhuah zalen vang vang dawn chiang e. Mahse bumna a tel chuan i chhungten an tuar tel vek ang tiin Thanghrima chuan a chhang zui sap a. Zirliana hmel chu lo eng deuh in, an Pafa ro thuh rukna chu a sawi fai ta leng a. Ka lawm e, tun ah chuan min siam hausa ve dawn ta, nang chu tlangval puitling i nih thleng ilo nuamsa tawh a, a tawk tawh viau e tiin timna nei map lo chuan Zirliana nghawng chu a zai ngat chuan a zai ta hmiah mai a, Thisen chik in a taksa a per te lah chu rap awm pawha awm map lovin, Zirliana pum zawn chu a zaikak zui leh hmiah a, Zirliana ril uai pur mai chu pawt fan in, a zai chhum zui hmawk hmawk a. I Lu em zawng ka lak sak lo ang che. Tia thawh pah chuan a chetdan zawng zawng lo bih ngar ngar tu, Kapmawia lam hawi chuan tinkawh thut in, ka kal hnu ah i ṭhianpa Lu hi chu i hawn thei ang, i hmel ka chhin chhiah ang chiah in, ka hmel pawh i chhin chhiah ngei ka ring tih pah chuan Kapmawia beh chhan Lungpui chu tiin a Silai chu an hmet per zat a. Nuih hak pah chuan a tlawlh ani maw ka tih dan dik lo mawni chu le tia nui san san chung chuan Khumteia a tlan tirna lam hawi chuan a pen chhuak zui zat a.
.... Khumi harh teh i va chhe neng nung e aww..ka haw san daih nang che tih pah chuan Khumtei chu a sawi che zui lawp lawp a. Khumtei pawh kar lo ah rawn rum ṭiah ṭiah in a rawn harh ruala a hmai silo chauh a, Thanghrima lo melh kuau na a vang chuan ṭe ṭhawt in, ka duh lo, ka duh lo tiin a rak zui chul a. Khanglang che chuan duh ni ila tih bak sawi zawm duh map lo chuan kai tho lawp in Khumtei te thlam lam pan chuan a kai zui dawr dawr a. Khumtei pawh a rilru fim tual tual in ka Nu kha ti a phunmawlh mawlh chung chuan an Vau a ṭang chuan a Nu chu a au khawk zui rawih rawih a. Pi Thluaii pawh chau leh mangang taka thlam vak thleng ve hlawl in, a ṭhu khur dar dar a. Khawnge a fanu kha a awm tak ang tih vel a.gaihtuah lai chuan a fanu aw ngei maiin a ko thawm chu hria in, Chemte tiin alo chhawn thuai a. Khumtei hnunga Thanghrima thisen kai hneng hnuang chunga lawr ve mek a hmuh ruala ṭe zuiṭhawt in, misual misual tiin a ṭe zui teng tung a. Khanglang a tih sup pah chuan Thanghrima chu kal kiang nulh in, Pu Duhzuala hmelma kuta a tlukna lam pan chuan a pen zui pawk pawk a. Thi tawh riak a a ngaih Pu Duhzuala lo la rum hlat hlat chu ṭhut chilh in, i hnuk a fei nek mai ka ti tih pah chuan Pu Duhzuala puan chu a pawh thler sak kawk kawk a. Khumi in nufa khan rawn tlan teh u, khata ṭap pawr lo khan tih pah chuan Pu Duhzuala dar kak duai mai ah chuan a kiang hnaia vut te chu a ṭhat ring in a bel zui hmiah hmiah a. Vala mi dim ve hlek teh ti tham chhal tu chu melh in, e khai i la ṭawng thei maw i thih mai dawn loh hi tih pah chuan lo hnai te che u, patling hetiang tiat ka paw zo bik hlei nem tiin Khumtei te nufa chu a hrawk zui leh khar khar a. Harsa fe a, Thlam thlen hram in, Thlam chhuata an mut fel meuh chuan Pu Duhzuala chu nikhaw hrelo chuan a let zui ngat a. Ti khan a ṭha zawk a harh chuan a rum ang dur dur a, khaile, in nufa khan inlo awmpui mai dawn nge keiman kalo awmpui anga, Zualko in in nufa khan in tlanzawk dawn le..a mak khatin men pur teh suh u, nakin ah khua kan thlen hun ah in duhtawk aia tam in la ṭap dawn nia hei khua a thim ṭan der bawk si tiin a hrawk zui khar khar a. Rawlthar ngeng leh ngawh ngawl mi zah pahna nei vak lo Thanghrima khawsa zia chu an nufa chuan run teh mahse an nun chhan tu leh Khumtei tan phei chuan a thianghlimna thlenga hum saktu anih chhap ah a puanhnuai thilzawng zawng hmuhsak vek tu ani bawknen biak chhiat ngam chi rual ani bawk si lo. Pi Thluaii chuan Kan nufa in khawlam kan pan zawk ange ilo awmpui hreh loh chuan hei khua a thim ruai tawh a, kan chin bih in Khumtei Pa te pawh an lo lang mai tur ah ngai ang, nang awm lo ta la chu ti a lawmthu sawi a tum lai chuan a ṭul teh duah lo, awm lo ila chu khua ah tap eng ah ka ṭhu puar kang tawh ang kal phawt mai teh u, khatiang lawmthu in hrilhnem di diai kha ka ngaithla peih lo tih pah chuan Meichher lak kai sak in, a nawr liam ta thuai a.
... MAFAKA KHIANGTE

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)