PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 10:04 pm

THANGHRIMA 19
.... An hnuhma hlui hmuh a vanga phur thar sauh chung chuan kal am siam zui ta par par a. An zinga tawrṭha fal nalh Taipuia mit chen dawn khawpa sang thahrui ngah zet fuihpawrh chuan Saibung pawh a pu zo ang tih tur chi Bilhliana chu nui phuh leh huk ṭhin in, han sawi peih loh tlat ṭhin chu a tiin a nui zui kur kur a, Taipuia ber lah chu a nui ṭha duh der bawk lo nen mi mak rual kal khawm an ni bawk a an infiamna te lah chu Tlangval tamtak tan vial ngawl ngawl na tham hi a tam mai. Thanghrima chuan hma hruai zel in, an kal thui telh telh a, an kawng zawh chu mihring ten an vawikhat pal na hnu mai anilo tih an chiang ta tulh tulh bawk nen phurna thar chuan tuam in an pen zui pawk pawk hlawm a. Thanghrima hmahruai chu ding chaih in a kut an phar zui da da a. Thawm chhuah map lova an dinkhawm ṭhap tak ah chuan a ṭha dawn e tiin hma a hruai zui leh vut a, ṭul mai mai lo lutuk tia Phurliana'n a tlawh zawt rual chuan pai phei khawt khawt in, Thing pakhat rin chhan chuan ṭhu sawp hnawk in a ke rek chu dawm chaih in, a ṭhen zui chawk chawk a. Phurliana hlauthawng in a va hnaih rual chiah chuan rang lutuka a puan lo pawh thlak sak thut in, Taipui tih leh Taipui lama vawrh chu a rual nalh a. Thanghrima beisei ang thil a thleng talo tlat. Phurliana thinrim leh zak rak teng tung thawm a beisei laiin zak map lova hawi valh valh in a ho eee.. neih in ang vek kar ah tih leh Thanghrima ṭhu lai chu a mawng hnim tir tum in an hnaih thut mai zawng, Thanghrima meuh pawh a tlan nasa in, a tlawm thu a au pui nasa teh e. Taipuia lah chuan a zah loh a hnu tih leh pek tum hek lo..Phurliana ruak tamgkawnga kal chho kai lai hnung ah kal thei an awm meuh lo zawng ani e.
... Ni thum teh tawl tlang leh mual tam tak an pelh hnu chuan Challiana chuan ngawi lawk tu aw tiin a zap dai ta tlat mai le.. Mihring thawm ka hre tlat.. kan hma lawk ah sawn ani tawh khua chu kan pawh ngei dawn e, midang ho chuan bengsikin ngaithla ve teh mahse mihring pangngai tan chuan hriat theih ala ni mawlh lo. Thanghrim ruahmanna siam rawh le, kan pawh mai dawn nge ka bih rih dawn a ti hul zui hak a. Thanghrima pawn a ṭhianpa chu a hriat chian tawh em avang chuan bengsika in ngaihtuah nghal in, engpawh nise pawh rawih mai ang aw, a ṭawnghmang thiam deuh leh hmel fai deuh khan hma han hruai sela a ṭha ange, tiin Chhuahliana lam chu an hawi thuai a, keiman le tia Phurliana lo in rawlh chu a te ber hi lo in rawlh ve sek suh. Huai ho sawn a maw an ti dah ang che tiin dingdihlip chuan an chhuk en lui ve ngial a. Phurliana lah lo diau lo nasa bawk si khangkang a che tiin an in la phek zui mai bawk a. Taipuia kal nulh chu en zui ṭhap in, Chhuaha khalh vat teh an lo hlau ngei ang tiin a nawr ta thuai a. Lo sul hawn hun hnai ani ta bawk nen ZAMPUI khaw ho pawh Zau hrang hrang ami te in au raih raih in, Leido nei lo leh khaw dang laka fal nalha khawsa an ni bawk a, an muang in an hlim a kai rual kher mai. An kut thawhrim rah lang mek te thlir chung zel a, Mahni thlam an chhuahsan thliai thliai lai chuan Zau tin ami te chhuah khawmna Khiang Mual ah chuan hmelhriat ngai loh val rual an hmel hmai en mai pawha khaw khat tlangval fel leh ṭha thlan chhuah an nilo tih chiang reng reng ngampa zeta lo ṭhu huang mai chu hmu thut in, a hmu hmasa zual ho phei chuan Ral ralll tiin an rak deuh chul hman a. Chiam chiam chuan tia Taipuia a phunsup.lai chuan Chhuaiana chu pen chhuak vat in e khai, e khai Ral kan ni love, min hlau suh u tiin nuisang chuan a hnai zui thuai a. Challiana chuan Ral ni ila, khatia rak tur kha in awm in inring ami lo tih bul bul pah chuan a melh deuh run run a. Phurliana chuan rang taka pawtsawm in hmeichhia an nih saw i thim si an hlau ang che a ti zui sa sa a.. nui suk suk chung chuan ka hlauhawm viau ami tiin Challiana pawh a phun zui ve sur sur a. Mumaanga ka hmuh duh loh bet i ni tih paha Phurliana kal sawn nalh chu ka la chum khawp ang che tiin Challiana chuan a nuihnzui vun vun a.
... Zampui ho pawh lo thlen belh zel in, an la ṭi deuh tih chu a lang chiang ngang mai. Chhuahliana vek chuan lo be sawk sawk zel in ṭhianho satliah mai an nih thu sawi teh mahse an thla zawng amuang mawlh lo. An zinga Zampui val upa lo awm ve pawh hman hmawh taka rawn in pal nawk nawk in, Thanghrima chuan alo hmachhawn ta thuai a. Thanghrima chuan mihring zawn kan nei mai ani e. In khaw mi leh sa anih chuan kan that anga, kan kal leh mai ang in khaw mi a ni lo anih chuan nangni nena buaina tur kan nei lo ani mai. Hei erwwh hria ang che u, Pasaltha Laiawrha fapa Thanghrima leh a ṭhiante kawng dal tum ngai suh ula, fiah tum ngai hek suh ang che u. Val upa chuan Pasaltha Laiawrha zawng alo hre na meuh mai. Pasaltha Laiawrha maw, tu kut zal ah nge a thih mai le. Mipa leh mipa inbeih dan diktak a tlu chu ani hauh lo ang. Mal leh Mal a mia bei lai ka mit ngei hiana hmu tawh hneh mi anilo a ti hul hak a. Ka Pa ilo hria chu a lawm awm e. in lal hnen min thlenpui ta che tiin Thanghrima chuan kal siam in a ṭhiante chu a melh kual zui thuak a. An khualval ṭhahnem tak phawhraw hmel zet zet hnunga Zampui khaw ho kal chu phun sep sep in, Thanghrima a inti tlat in ka hria, Laiawrha fapa anih a, a Pa a chhun anih ngat chuan a pawisawi loh a him ber tih hriat tur tia pa pakhat upa tawh lam phun bal bal chu Challiana beng ṭhami chuan lo man pha tlat hek, chupa lam hawi pah chuan a Pa a khum a ti bung nghut a. Taipuia chuan an mit a la in, a kianga kal kak ṭa ṭa Phurliana nen an pian in millo lutuk chu nuih ngam nise an nuih ngei ang le.. Thui mawi tawk an kal tak ah chuan Thanghrima.chuan.. ehhhhh ehhhhhhh.. a rawn ti ta vang vang mai le.. chutah Misual an damrei ngai lo, kei chu ka damrei dawn tiin an khualval te chu an zai zui ta dual dual mai le... Taipuia erwwh ngawi renga kal mawp mawp in a mah thlek ha ha tute chu a nuihsuk duh chauh zel a. Zampui ho tan chuan feh kawng thui tak a chang aniang nidang ai mah in kawng chu a thui tih a lanna chu an thlan a dir ṭha tlang em mai. Thanghrima chuan Val Upa chu bia in,kan ṭhahnem deuh bawk nen, thlen in pawh pek kan ngai lo ang. Chawhmeh leh chaw lam chu kan intum thei mai anga, Zawlbuk erawh min ken deuh angai ang. Kan riak hrang ngai lo a ti ram hmarh hmarh bak engmah sawi zui lovin khaw kawt chhuah chu an in chhir thleng ta hlawl a. Phurliana chuan khawiba Chawhmeh tak chu kan in tum dawn ni maw tiin Savunga melh in a kiai suk suk a. Savunga lah chuan a Zawngte thei thuhruk ah a thukru niang lo ti sup in a kik zui van van a.
.... Zampui lalpa chuan a hma a Tlangval a hmel hmai chhuantur awm lo tak meng tang hraw mai leh ngawhngawl hmel zet chu uluk leh chik taka thlek vang vang in, a mah ai a lian leh kum chhir tam zawk a kianga inring taka dingte chu a hmuh hmaih hauh lo bawk. Tlangval i Sawi Sazuk lu chuan ka vangkhua chu a rawn deng ngei alawm. Mahse hun a kal ta hret awm e, kha Sazuk kawltu mai nilo kha ram chhuah ṭuma tel te zawng kha an vaiin in tiam rual in min pemsan ta daih ani. Tlangkama ka lo hriat dan chuan an mang lam ah umtu leh chhui zui tu an nei awl lo a ni awm e. Eng pawh nise kha Sa Lu kha in tan a pawimawh viau aniang maw heti zat rawn thawk chhuak te che u a ti dam dap a. Thanghrima chuan lalpa i khaw mi leh sa an ni tawh lo chu i vanneihna ani e, ni lo seng zawng Thisen tam tak a luang ngei dawn si a, kha Sazuk kha ka Pa Pasaltha Laiawrha kah ani tlat. A Sa Lu mai duhtawk lova, tenawm taka kah rawn ani asin ka hmuh hma chu ka chawl lo ang. Chansawm sa in pialral an pan vek ang. Chu Salu kawl tu chu tunge anih le.. Thanghrima mitmeng danglam ta vek Thisen chhuah chak hmel chu lal leh Upa te chuan thlir nuam an ti mawlh lo. Pasaltha Rualkhuma ani e tih pah chuan a mi uap nazek vanga lalpa ber chu tho hluaiin, ka vangkhua in rawn thleng ta sa sa, zan te chu in riak tur ah ka ngai. Buaina siam zawnga in chet loh hram ka beisei, engtin nge ni ang thlen in lam te hi in ṭhahnem phian leh nghal a tia lalpa in thu tawp a sawi mek lai chuan Thanghrima chuan i val upa kiang ah ka rawn sawi fel tawh e. Zawlbuk ah kan riak anga, Zawlbuk tual ah rawng kan in bawl mai ang. Chu chu kan kalphung leh tihdan ani e. Min ngaihtuah suh, mahse An hnah ngawt chuan kan tla lam dawn lo ania i Tlangval te kan ke pen kham zawng in awm lose a ṭha ang. He khua hi himdama a la awm i duh anih chuan kan chhuak ange ti ram hmak chung chuan lal kawngka lam pan chuan a hnung tawlh zui zal zal a.
...Zampui lalpa in kâ an leh a tum lai tak chuan Khawnbawl min chuan lalpa banrek ah chuan hmer chaih in, awmzei nei tak chuan a rum zui nghut a. Thanghrima te an chhuah rual chiah chuan lalpa Thisena tuihal miteng kha i hmu lo em ni. Khatiang mihring tih thinrim kha thil pawiber te zing ami ani asin, i ngawi tlang thei a, ka lawm e, Pasaltha Laiawrha fapa anih chuan Laiawrha chu ka hmu tawh, ani tluka nunrawng kha ka la hmu ngai lo. Laiawrha aiin kha nau mitmeng kha a la rapthlak zawk tiin Thanghrima a hmuh dan chu a sawi zui dap dap a. Zampui lalpa chu harh chhuak thut tih hriat tak maia Tlangaupa chu lam ruaiin, kan Pasaltha leh Val Upa te zuk ko vat tawh an lo in hmu sakhi hlauh ange, Laiawrha fapa, Laiawrha fapa, Khaw hrang hrang ah Pasaltha tawrawt em em te chungen, enge ka hriat Pasaltha Laiawrha kalo nghilh mai ni. Kan dinhmun a ṭhalo ati sai ta dur dur mai le.. Pasaltha Laiawrha hre ve lo ber Tlangaupa lah chu an lo khur nghal chiam pek a. Hman hmawh em em a tlan chhuak dawr dawr in lal kawt kai a rap fel awrh tih ah chuan Silai puak ṭhuai ri chuan khaw chhung chu a al zui der a. Phurmawia chuan Thanghrima melha nuisawng in Chawhmeh zawn i va awlsam ve tiin anui zui hak hak a. Vawk Patuai Thanghrima kah thluk chu Challiana leh Bilhliana chuan a ke khat ve ve a pawt in an hnung zui hrawt hrawt a. A puah tu tur lam zawng an in daih khawp.mai. in hnaivai lo dak huang huang te chu Thanghrima chuan melh kual in, a chhumna tur kan mamawh Belpui kha lo ti ruak ru Phurlian han la rawh le a ti zui hmak a. Ngeng ngalh a a hawi kual lai chuan Zampui Tlangval pakhat lian ṭha ve tawk tak chuan a engvanga kan vawk kha kap ngawt nge i nih a rawn ti chung chuan Thanghrima chu a rawn kawk zui vah a. Thanghrima Silai chu puak leh nghal ṭhuaiin Thanghrima hi kawh mai mai chu ka ni hlei nem, ngaihdamna sangber anih kha tiin chu Tlangval a malpui dawma thlep zui hnawk chu melh in, ṭhen chawk chawk na tham anih loh kha tiin Tlangaupa au zui lauh lauh chu melh in khati tur kha ani. Ka Pa That tu chen ṭhin na khua in ni ngawt pawh hian ka pawi in sawi. Tlangaupa in tuman kan khualte lak ah buaina siam loh tur atih chu ring fiak em em a nuih zuiin, Thanghrim khawngaihthlaka ka ni ngai e. Thu awih hi damna ani e. Misual an damrei ngai lo kei chu ka damrei dawn tiin an zai zui mai zawng, khaw hmawr lama Bel zuar khual lo lut mek te chuan thlir ṭhap in, an ṭhian Bel zuar ve tho te kâ a tanga an lo hriat tawh Thanghrima hming an hriat meuh chuan an Bel zawrh ri rawih rawih khawp chuan khua chu an chhuahsan zui dawr dawr a. Thanghrima an he khua ah hian Pasaltha dawihzep Rualkhuma lai chin hnai in awm em, ka chansawm dawn a thlavang hauh lawk duh in awm em tia a au lauh lauh chu chhawntu reng an awm lo. Zampui Pasaltha leh Val Upa te pawh hman hmawh ru taka lal in pan hlawk hlawk in, Val Upa chuan hetiang em em a rawva leh thawmna tur ah ka ngai lo sin le, a hmel hmai nuihsawng ang kha ani hlek lo.mai a ti vei hluam hluam a. Zampui Pasaltha Zakapa chuan kan ṭhian kalta Pasaltha Rualkhuma khan khu nau chin khu alo hre ru emni dawn le, lalpa mal beih aral ah chuan ka hlau tihna ni hauh lo in kan khaw tana a ṭhat zawkna tur ni a ka hriat kan rawt ve teh ang. Khu nau khu tih lungawia kan khaw lamṭanga siam a ṭul in ka hria Lawmpa nen hian kan zuk pawh ange tiin Pasaltha Hawlliana chu melh in, i Zubel erawh kan put chhuah a ngaih hmel tiin lalpa chu a melh zui daih a. Zampui lalpa pawn a ṭha, ka Pasaltha te nge nge in ngaihtuahna a thui ṭhin e tiin a mah pawh chu a ding chhuak zui ve zat a. Thanghrima pawn chutiang khawpa an laka ṭhat an chhuah tak ah chuan mahni Lusei pui te chunga rawng taka khawsak hi ka zia ani miah lo ania tia lo lawm in, zanriah chu an kil ho ta nak nak a. Zampui lal leh Pasaltha ten mak an tih ruk em em chu an Lu kai deuh tawh Thanghrima teho in fiam mawlh chu ani, Thingfak te chuan an in hem dawt dawt mai a, nati awm lah chuan an awm mang der lo leh a te ber thu hnuaia an awm hneh lutuk chu mak an tih a zual in, Thanghrima hming chu an thieh nghilh tawh hauh lo ang. Zampui lalpa chu ding chhuak in, kei Zampui lal Ralte lal ZAMKUNGA hian nang Thanghrima, Pasaltha Laiawrha fapa kha lo ding la, Pasaltha nihna ka hlan nang che a ti ta rup mai le.. chu meuh zawng Thanghrima chuan angaihlu ngang mai. Miten Pasaltha tia a hming an lam hun tur a naupan lai atanga lo thlirṭhin kha ani miau mai a, Khun khan taka ding chhuak in, Zampui lalpa hma ah chuan a ṭhingṭhi zui rap a. Kei Zampui lal ZAMKUNGA hian Pasaltha nihna ka hlan a che tiin malsawmna an hlan zet mai zawng, Silai van vawr zawnga puak ṭhuai ṭhuai ri chuan zuiin, Thanghrima chuan lalpa chu melhvang vang in, ka lawm e, Zampui hi ka khua pakhat ani ta. Zampui khaw hmelma chu ka hmelma ani anga, Zampui khaw tih boral duh tu chuan boral a in huam tih i hre dawn nia. Harsatna i neih chuan MUALMUAM khua ah lamkal i tir dawn nia tiin lalpa Zamkunga chu mit khap map lova melh in, ka hre reng ang che a ti thawp sap a.
.... Faisa nen Khuantevik ah thawk chhuak leh in, Pasaltha Rualkhuma te in chhir chhuahna mual lam an kawh hmuh kawng chu phei khai zang vah chuan an zawh zui ta thauh thauh a. Pasaltha Rualkhuma maw i damni am tak in lo hmang rawh ka Pa hnen o thleng ṭep tia Thanghrima pen tau sawk sawk chu Phurliana bawk chuan i per chim chuang lo ang khati vak vaka kal pawh a ṭullo, min hnuk khawlo zo dawn tiin Thanghrima zak ah chuan chawi lawk in Lung chunga a hlang kai zui nawlh a. Thanghrima in ngaihtuah thinrim duhtawka a kal zawng an lo phalo nameuh mai, a ṭhiante a en nak chuan Taipuia meuh pawh alo ṭhen ve nung tawh chu niin khai a, chawl ang aw. A bawp tawi ber Phurtea hian hma hruai tawh teh se, khanglang a che, Thangpherh tia lo ter at, Phurliana nen chuan an in tin zui uaih uaih a. Zampui khua a ṭanga hmar lam nithum kal vel a, NGENTIANG khaw lam pawh Thanghrima ten Zampui an chhuahsan a ṭanga zan hnihna ah chuan Khual Bel zuar mikhual in, chung khual Bel zuar ta kâ a tanga an thu hriat chung chang chu an rel zui laih laih a. Pasaltha Rualkhuma leh a ṭhiante khan an khua an paltlang ngei si a, an hnu dawm tu te chuan an rawn tin zawn dawn tih an hai tlat lo. An thu tlukna chu Thanghrima leh a hote chu ṭha thei ang bera lo mikhual tur buaina lo siam loh hram tur tih ani tawl mai. An Pasaltha leh Tlangval te pawn Chutiang khawpa mi nunrawng leh rawva in tel khawm lo hmachhawn chu an chak vak lo nge lal thu chhuak kham zawnga ka ang an awm loh lai chuan mahni in dahsan na leh ropui chakna hian mihring hi alo hneh thei khawp mai. An Pasaltha tuaitir Sangbera chuan lal thu chhuak in a den ve rual ruala rap phuarna hnang sat chat ṭhawt in, lo kal mawlh rawh se, Sangbera hi tunge ka nih kalo entir ange tiin a lo in hrosa ve kuk kuk ta tlat. A nihna tak ah chuan Sangbera hian ngam loh leh hneh loh ala tawn loh mai piah lam ah chutiangmi chu tawn thei pawh in a inring lo. Thanghrima pawh nise, Thanglohrima pawh ni raw sek sek a than ti tawiin Sangbera hian nun dan mawi kalo zirtir ange tiin a Chem chu a tat ta hriau hriau mai le...
... MAFAKA KHIANGTE



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:04 pm

THANGHRIMA 20
.... Ngentiang khua ral thlir vang vang chunga ding ngawi ṭhap in, Phurliana chuan Tereuhte eng ruahmanna nge i neih le tiin Thanghrima chu an melh kha kha a, Thanghrima chuan misualhnuh in ma hnuk lut dawn che mawle tia lo chhan et pah chuan Vaibel lakaiin hawh u tun ṭum chu thawm i nei na ve deuh ang u hmiang an ti pek a. Challiana chuan a hma ami pawh tih tawh nak laiin kan khek lut dawn ami alo ti khauh pek a. Taipuia pawh nui ve huk in, Thanghrima lah chuan khawinge Meichher tur kan siam ange tiin chhun pachang ah Meichher a siam ta sauh sauh pek a. Ngentiang khaw lam erawh chinbih tura an dah te chin ngaichanga lal leh Upa te ṭhu ngir khap chuan kawt chhuah lam chu an in melh chhawk chhen hlawm tawh lai chuan an mi dah te hman hmawh bak lenga lal mual rawn pan dawr dawr te chu hmu in an lo thaw dep dep hi ani ber a. Ngentiang lal in chu an tlangval te thu hawn vang chuan reh ṭhap in, kawt chhuah lama lo hmuah mai chu ṭha bera hria in lalpa meuh pawh a khaw himna a tan chuan tiin a lal in a chhuahsan zui dawr dawr a. Heti em a, Thanghrima leh a ṭhiante lo tlawn lawk ngai dinhmuna an dinchhan hi engdang ani lo.An khual Bel zuar te Kâ a ṭanga Thanghrima chetdan an dawn hi a na salh salh em ani.
.... Thanghrima te pawh hmalam pan zel in, mahni khaw leilung rap tur ang hrima thawm dim baksak lova titi lawng lawng in,an dan ngai te in Thanghrima leh Phurliana pawh lian zawk nih in chuh leh tawh in, Bilhliana chuan nangni pahnih lah hi Ngal Vapual nupa ang mai ka la Chum dawp ang che u tia phun khum sup pah chuan awwww a va ṭullo tak tiin Thanghrima ding dat Meichher lak kai tum chu a melh deuh run run a. Challiana kiang ah hian kal i la, kan zan kal ani mai lawm tia Thanghrima meichher nena a pen chhuak leh mek chu ngawi renga zui leh hal hal in, Challiana chuan chhe heuuu enge thleng ta keini aiin kan chin in Ngentiang khua chu a thleng hmasa zawk ani ngat mai. Zampui kan awm laia Bel zuar tlan chhe ta te khan kan chin an thlen ani ngat mai. An khaw lal nen lama Lungdawh an lo mawi tak mai. Ṭhiante u kan tan an in hawng viau in ka ring, anih loh vek leh an khua chhun pelh tur in min ngen thei bawk. Challiana thlirna lam chu thlir ve teh mahse mihring pang.gai mit lawnga hmuh mai mai chi ani rih tlat lo. A nuam dawn e, kha teh hei lo keng teh tiina meichher chu Phurliana pe thuaiin a Silai chu a dar ah chhuang in, Lungdawh lo tlar pat lam hawi chuan an tin zui vang vang a. A tin fiam mai mai maw tih lai chuan a Silai chu a hmet puak ta ṭhuai pek a, a hlau mai mai ang chu aw tia nui zui kawr kawr in hmalam a pan zui mawp mawp a. Lungdawh chunga ṭhu van mai Upa Khaireka pawh a ṭhutna Lung silai mu in a rawn den thut rual chuan hlawm thla nawk in, thi ngei ngei tur ah in ngaiin an mu ngawi vang vang a. Mahse a ṭhiante ri mam mam chuan kai harh in a tho chhuak zui zat a.. Zamna leh timna nei map lova an lam pana hma rawn hruai tu Thanghrima chu Ngentiang lam chuan thlir ṭhap in a kuta meichher a keng tlat erwwh a ngaihna an hre lo tlang in, an hmel hmai erawh huatthlalo tur ang bera siam rem in an nuthlawi nuih pawt pawt hlawm a. Thanghrima pawh Ngentiamg lalpa hma ah chuan ding chaih in, kei leh ka ṭhiante tan kawng i hawng dawn nge kan tawn kaw dawn a ti zui thawr a. Ngentiang lalpa chuan rang taka Thanghrima chu chhang vat in, Ngentiang khua hian kan lo lawm a che u, Thanghrim khawngaihthlaka chu nang hi i nih ngei ka ring e. He khua hi in tan a in hawn chikim in a in hawng reng e. Phurliana chuan Nula lam ah pawh maw tiin alo in rawlh zauh pek a. Ngentiang lal hawihai mek chu Upa min chuan rawn chhang vat in, a Nula lam te pawh an pawimawh ve bawk ang chu. Mipa chuan mahni hma chu a sial kaw tur ani dawn lawmni a rawn ti vei khauh a. Thanghrima lawm zawng tak ani leh ta, a dik a dik, Nula chung chang sawi tur chuan mahni hmel en hmasak tur patawite tiin an khak hram pek a. Lalpa kan chin i lo hre tawh a ang ka ti. Kan mi duh Pasaltha Rualkhuma i khua ah a awm em. Ngentiang lal chuan hun kal ta hlek ah khan Pasaltha Rualkhuma leh a ṭhiante chuan min chhun pelh ngei e, Sazuk ki mawi mak danglam tak an hum pawh ka Darbu ṭhami a thleng ka dil nghe nghe asin, mahse a roh khawp mai Hmar lam pan in an liam ta zel anih kha tiin Thanghrima chu a chhang thuai a. An kal zel leh kan um zel ang. Ka kawng daltu apiang ten thihna hmun an pan bawk ang. Zanin chauh chu min lo mikhual thei tur ah ka ngai, i Tlangval ten buaina min lo siam sak loh hram ka beisei Zampui lalpa ai chuan i hmelṭha deuh zawk anih hi..Nupui fanau te pawh i nei ṭha zawk ang a, khawinge lal hian kuah tu pawh in tawng khat in ka ring kal siam teh ang tiin Ngentiang lalpa dara kuah sak chu rual in a la titi ring em em bawk nen hlauhtlawn nuiha Khawnbawl upa ho lo nui vel chu kawk kual in, awiiii ka Pa in chhe hlawm lutuk, khatin za miah lo khan nui vel lo teh u ka ṭah in ti chhuak mai dawn lawm ke, Thanghrimhrima hi chuti em a nunrawng ka ni bik lo ania tiin khaw chhung an dai luh rual chuan a zai zui awr awr a. Veng laili deuh an thlen chuan in pakhat lian mawi ve tawk tak chu panin a meichher chuan a hliau ta mai a, mangang taka an thlir ṭhap lai chuan rang tak chuan amah bawk chuan ṭhelh leh in a alh duh dawn viau e, zan lam ah a vawh viau tak leh kan hal zawm dawn nia tiin a hawi zui vawlh vawlh a. Chu in neitu te erawh thaw deuh huaiin an tlum leh zal zal a.
... lal maual lan theihna an in chhir thlen mek lai chuan an lalpa ber chu ding chawih in, a va pawi tak em ka ngen nasat nen a ti chuai zui raih a. Thanghrima chuan lal mual lai taka Pasaltha ni awm tak a Lulak chem hum chunga lo ding khawh lah mai chu a melh ding ve ta ngar ngar a. Khi min hmachhawn tuma lo in phun a va ang ve tia nui kar kar chung chuan lo inrawlh lo ula aw mahse a ke a va zuih ve, a taksa len phu loh in a ke a te em mai, a ke a chak dawn lo nih khi tiin a seilen pui a fei kibar ngei mai chu a dawm nghet zui ta chat a. Phurliana chuan ka Ṭhian khawngaihin mi lo kian teh tiin Thanghrima aia din tum chuan a Lulak chem chu a phawrh zui zal zal a. Thanghrima chuan ni love, Patawite keiman le ka lo vanduai ta anih leh a dawt tu ah i ṭang dawn nia, mahse ka vanduai erawh ka ring hran lo tih leh chak em em maia lal mual lama a fei nena tlan chhoh chu a rual ta mai a. Pasaltha Sangbera pawn tlan mai tumlo tih hriat tak chuan a lam pana Thanghrima tlan chho chu alo melh ding ve ngar ngar a. Thanghrima hmelhmai leh pian phung vel Sangberan a hmuh chian meuh chuan nui sak in a va te tham ve a ti thawp sap a. Cho leh Cho, Mipa leh Mipa kei kani in ti ve ve ani bawk a, ṭawng thlah na hun awm map lo chuan an in pan zui mawp mawp a. Rapthlak khawpa ring leh fiaka nuih vak pah chuan Thanghrima chu zuang kang zawk in, a Fei ken chu lek kawh in a chhuk chhun zui zawk a. Sangbera pawn mit khap map lova lo melh in Thanghrima chhun phak loh tawk vel tura a ngaih ah chuan a tawlh hnung zui dawrh a. Mahse Thanghrima chu thil chu a rinlawk ani tlat si. A fei chu man ding lovin a khawh tlang tlat si. Sangbera dar dinglam ah chuan tlum thawih in Thanghrima chuan leia ṭum pah in an pawt dawk zui leh pawrh mai zawng Sangbera tisa chu fei ki bar chuan a pir pawrh zui tawrh reng a. A dar hup chaih in Sangbera chu a ṭhen zui chak chak a. Khai le Pasaltha chet la ve ta che Thanghrima hi nuih mai mai chi ka ni hlei nem, chet na hun ka pe ve ang che a ti zui khawl a. Sangbera pawn chet sual tum tawh lo zet leh hliam nei lo ang maia ṭan hmun siam in a mengrum ṭha al al kher mai. Ehhhhh.. mengrum ve min melh thal dawn mi nge ka lu i melh thlawn dawn. Ka hmelma nilo Lu lak hi ka hreh viau sin le, mahse in lalpa pawn a khap hneh loh Pasaltha i nih hmel a ila hnawk dawn tho tiin a mahbawk chuan a bawh leh ta nghal a. A hmanraw hman thiam ber hum ani bawk a. Sangbera Lulak chem in a taksa a deh ve hma chuan a hawlh khalh hman zel tlat. Taipuia ber chuan A rei rawn ti nghut in a kal kiang zui nulh a. Thanghrima pawh bunghat in, sang taka zuan tum leh ang taka lang in Sangbera in siam rem lai tak chuan awp hniam thut in, A ke lam ah chuan a Fei chu an vai kual pawp mai a, Sangbera zuang kang boruaka a kan lai chuan a fei chu pawt kirthut in Leia hlawm nawk khawp chuan Sangbera thin zawn ah tak mai chuan an khawh ta teh reng anih kha. Sangbera ka a atanga thisen chhuak bawrh bawrh chu a kuta dawh in Sangbera taksa chulh kual nan chuan hman sak in, Sangbera hnuk la chat silo meng â ruai tawh chu nuih var var in, Pial ral ah ka Pa kiang ah chuan i fapa Pasaltha Thanghrima kut ah ka tlu tila, Pasaltha Rualkhuma pawn min rawn zui ve vat ang i lo ti dawn nia tiin Sangbera chem ngei mai chu a ban pah zat a, zai chunga a nghawng chuk tuah sak a a zai ngat a muangchang an zai chik tuarh tuarh mai zawng a lo hnute te pawn an en ṭha ngam meuh lo. Challiana chuan Bilhlian a kianga ding run mai chu melh zuk in, a sa a tui ang mawle a ti su su a. Bilhliana ner sawk chu nuiih in ka hap leh ang che tiin a kal san zui nulh a.
.... A thlavang hauh ngam an awm lo mai ni lovin an lal thu chhuak bawhchhe ngam awm hek lo le, Sangbera ruang chu Thanghrima ten lal in an luh fel hnu chuan seng hawi vat in, Sangbera chhungte erawh an na in, ngawih bo mai mai an tum bik hauh lo. An lamhnai Khual kai khawpa Pasaltha neilo an ni bik tlat lo. Sangbera pa chuan ka Fapa mitmu han keh te te se mi thlah tute lu nghahna leh ka chawr chhuahna khua kan pan ang, ka Tupa Thanghrima kut a a tlu tih a Patean a hriat hun chuan a ngawi mai mai lo tawp ang tiin a ha chang a ṭhial zui bap bap a. Ngentiang lal in lam erawh an lal leh upa ten tih lawm loh hlau taka an khual Thanghrima leh a hote Zupui nen ngata lawmna hun hmangnin lalnu leh a fanu pathum te pawh mawng an hung hman meuh lo chu ani e. Lal fapa te erawh an ṭawng an sum loh mai hlau in lalpa hian a lenbo tir hmak thung. Thanghrima lah Tkangval dangte ang lo tak mai hian a hmuh rem chan a, a ṭhut chilh tawh chuan a tluk tawp hma chu a birh tlat zel. A ṭhiante ho lu kai deuh tawh lal in kawt zawla an in fiam ri dawp dawp lam chu hrelo ang hmaka awm in, ngawirenga a mah veng ru tlata ṭhu kul khau mai Taipuia chu melh in, ka ṭhian, ka ṭhianpa ka unaupa tiin bang a ngheng zui ta ar ar a. Zanriah pawh ei lova, khumpui lama an zawn luh Thanghrima a hnar tlar tlar lai chuan lal fanu te pathum pawh lo in hnial ve sap sap in, a U te pahnih in Thanghrima an huatzia an sawi sep sep lai chuan lal fanu pangber chuan kei chuan khatiang zia kha alawm mipa zia ka tih chu a thu hrim ah Pasaltha Sangbera thihna te kha chu Thanghrima thiam loh enge awm, Pasaltha Sangbera khan alo cho hmasa nih kha ka lawm daih zawk mi fiam dan ṭhin hi ka kham lutuk hrim hrim tiin Thanghrima lam chu a ṭang tlat thung a. Thanghrima ber a la mutui nasa mai bawk nen lal tual ah chuan meipui chhep in an puan kawp chu phawrh in mut an siam zui ta sap sap a.
.... Hmeichhia hi an duhna lam ah chuan an lo ngam huai hle tih alang ta tlat. Zanlai ar khuan hun awm vel lalnu leh lapa pawh an muttui hle tawh lai chuan Thanghrima mutpuan chu lal fanu pangber Sangluri chuan a ṭawmpui ta tlat mai le.. Thanghrima pawh a nui hnar ta sak sak a. Thanghrima kaiza venga lal chhuata mu hnar tlar tlar Taipuia leh Challiana erawh an meng hnar ring teh zawng ani e. Khuantevika tho chhuak Thanghrima chuan lal fanu pangber mei lo nun khat khat chu ngawi renga ṭhut hnaih in, a Sahmim a ṭang chuan ṭhival mawi danglam zet chu phawrh in, kawl ṭha tlat ang che tiin a piai zui zauh a. Lal fanu Sangluri erawh zak sen deuh ṭan ṭan a vut hai chung chuan U Thanghrim min rawn lam leh vat rawh aw a ti thawp sap a. A chhungte tho tur thawm ah chuan harh chhuak vat in, Tui um a chuh ta thuai a. A ṭhiante pahnih an puan hnuaia mu meng kur te lam hawia Thanghrima chuan a mwng hlim zauh in lawm loh a nui ta var var a. Tuk ṭhuan ei kham chuan Thanghrima chuan lalpa kan che chhuak dawn e, i Pasaltha chhungte tan erawh hmelma ka ni ta. Kan hnu erawh rawn dawm lo hram rawh se. Khual Bel zuar te bawk in min hmakhalh leg tawh in ka ring tiin Ngentiang lal chu hmer chaih in, keimah vang in tumah ti na ngai suh ang che, ka hmamgaih te ka venghim ṭhin, min hmangaih tute pawh tia lal in chhuahsan in in peih at a lo awm tawh a ṭhiante chu fin in, LAWIBUAL khaw lam hawi chuan an in chhir chhuak ta nghal a. Ngentiang lal Saingura chuan thlir zui vung vung in, a vau khanna chu bawh pelh ngam ani hauh lo ang. Lawibual khua ah chuan Thisen a luang ngei ang le tiin ama hriat tham lek chuan a phun sap sap a.
.... LAWIBUAL lal in lam pawh an khual Bel zuar ta kâ atanga an thu hriat chu nuih liam pui mai mai chi anilo tih an chiang bawk a, engtia hmalak tur nge tiin an ṭhu kual pap a. Lawibual lal chuan a Pem Pasaltha Rualkhuma ngei mai chu melh ding ngur ngur in, enge in buaina bul zep nei lovin min hrilh teh le. He khua ah hian engkim huam in i tan hmun ka siam tawh a, i lal ka nih ang in nangmah maia hmachhawn tir che ka tum lo tih i hria ang maw, mihring ve bawk anni ani lawmni.. hei chen i rawn tlan tawh a a tawk tiin Rualkhuma chu a melh ding ngur a. LAWIBUAL lal hi Ngurkhuma niin Sailo lunglian tih tak ah Thanghrima leh a ṭhiante mi sawm chuang awrh an ni in Zahnih nufa in hlaua lo tlawn chiam a tum ve tlat lo. Tih em ah chuan Pasaltha lah kuttang thliah theih zat aia tam a nei ve ani lawm ni. Hmar khawpui inti ve ngam ngat lal Ngurkhuma hian a Pasaltha chu hum a tum ruh mai ni loviin, i Salu pawh langsar thei ang ber in ka Bang pawn lam ah tar ani ang ti nghut nghut chung chuan mi nunrawng te zirtirna pek ka tim ngai lo khai le tiin Pasaltha Rualkhuma lam hawi chuan a vaibel a pak ta tual tual a. Pasaltha Rualkhuma pawn Pasaltha Laiawrha an thah dan leh a Salu neih dan te kim chang taka sawi bauh bauh in, thil pakhat erawh a sawi letling ta thung.Sazuk chu a ma kutzala tlu ngei anga sawiin Pasaltha Laiawrha chuan a hming ṭhatna leh a Pasaltha nihna hma chhuana hneh chhuh a tum vanga beih rawn an nih thu chuan a khar ta tlat zawk a. Ummmm a ni ngei ang. Laiawrha khan ka Tlangval chhuah hlim in, ka pa in ah ngei ka beng mi pawhsak tawh kha thil khan mi lachhun na reng asin, a Fapa Thanghrima in ti maw khahhh..lo kal mawlh rawh se tiin Thanghrima thla chu tawng in a huk zui dur dur a.
.... Thanghrima kawng kallai chu ding dat in, Ngentiang lal khan kawng hnai zawk kha engtin nge a sawi khahhh.. a kawng a nuam lo deuh a, kan kal ṭha zen zen duh lo Pasaktha ve deuh nih angai, a kawng erawh nikhat hlawk in hlep ang a ti ngei khan ka hria tiin a ṭhiante ho chu an melh kual he haw hlawm a. A sawi pengṭhuam ni awm tak chu Hmuamda kal vel in kan pel tawh alo ti khauh a. Let leh ila ni mai lawm kei kawng hnai lam zel hi ka ngaina tia nui hak hak chung chuan a in her zui hmak a. I te sia i thu ve reuh bawk sia ti sup tu Challiana chu melh in, i duh leh kawnghla lam chu zawh thim nul nul la ti nia tia chhan fak pah chuan a chhoh melh zui ar a. Challiana lah chuan chhang tange ti lem lo chuan a kal pel zui nulh a. Thih a la zuam lo nge a ṭawng sual vang zawk ni dawn ni. A kal liam zui vut a, chhe nel nul mange tia phun sap chunga ṭha te te a um in, Challiana liam na mual lam ah chuan an ri zui khut khut hlawm a. Ngentiang lal SaiNgura chuan alo sawi sual lo nasa mai. An kal thui tulh tulh a kawng a mumal loh tulh tulh piah lam ah a phihrit em em mai bawj nen, Challiana chu nui sun sun in Sakei ah chang thurh in a zuang liam ta zung zung mai a, mai mai chuan aww.. Keimi nihna in tih theih pui ka vawikhat hriatna tia phun nawng nawng chung chuan Chalhrima chu a pen tau sawk sawk a. Awih tlan phihrita tawlh te lah in nuih liam mai mai hlawm in, kawrkama an in pal thlena Challiana lu ṭhu nui sung mai an hmuh meuh chuan an vawm zui zawt zawt hlawm reng a. Mual an pelh leh nual hnu chuan Challiana chu a lo ding khawh ta luah mai le.. Thanghrima chu hui hnaiin hei vang hi anih dawn hi Ngentiang lal khan Pasaltha ve tak nih a ngai a tih, Boruak in thlak hlawk chu han tem ve teh, Huai ho bu khuarna kan lut dawn tlat. kan awmna chin hi chu an ram chin ala nilo in ka hria, riahbuk sual nan ala hma viau bawk nen kan kal zel dawn em ati zui su su a. Thanghrima hmel chu phurna a rawn in thlak in ka Naupan lai khan ka tawng hlak tawh asin, mahse ka tawn te kha an tlan ta daih pek a, han belh chian leh pawh a chakawm alawm le hlauh zawng a in ang lova chhun pelh kan thlang zawk anih pawh in ka dem hauh lo che u nia, tin tumah chan che u ka duh lo a ti zui lar lar a. Phurliana chuan a te ber in i hlauh loh chuan tunge hlau se min tih Huai hi ai chuan i nui hmel kha ka hlau feee.. chhiat kan tawk ni leng zankhua ziah alawm kal mai mai teh tia nawr kal dawt dawt in, mihrang val rual te chuan PA HEH NGAW CHU AN DAI LUT TAAAAAAA...
... MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:05 pm

THANGHRIMA 21
.... Paheh ngaw an tih ngei mai, mihrang val tam tak te lo tlawm tawh tu ngei mai chu dai lut in, mi seh hel rual mah nise an hawiher danglam ta deuh chu Thanghrima chuan rang taka man nghal in, khai le zai vawr dawn ang aw... Misual an damrei dawn lo e, dawn lo e.... Keini chu kan dam rei dawn e, rei dawn e tia zai vawr ṭan in an hmuh phah Mau leh Thingṭang te chu khawng in an aw rawl tawp tawp chuan an zai ta dual dual mai le.. chu ngawpui neitu ni a in chhal Huai lalpa leh a hote pawn hringmi te thawm chu an lo man rang in, an Puk kaw tawp ah chuan an in hrosa nasa in, khawthim hun nghak chuan an phu suau suau hi ani ber a. Rei tak mihringte paltlang ngam tawh loh an buzawl paltlang tum mai nilo, zai vawr ngam ngat an tawn meuh chuan Huai ho thinrim lutuk leh chet la chak tawh lutuk chu an phi cheng hi ani ber tawh a, Thim thuneihna hnuaia lal hrawt ṭhin an nih ang ngei chuan khawthim nghak in an in bih chhawk chhen hlawm a. Thanghrima te erawh Buk pawh sual hran lovin, Puk rwmchang zawnga kual thuak thuak in, a khat tawk chuan Thui a rim chhe lutuk an in tih chhawk chhen hlawm a. Khawen laia in peih fel a ṭha zan lam ah Huai ho kan nawr ṭek sawk sawk duh ang tiin Thanghrima chuan meichher lian tawk tak chu siam in, midang pawn an rawn pui ve ta thuai a. A tawr ṭha zual ho in Zan lama tuah tur thing an lo fawm mawlh mawlh bawk a. Challiana, Taipuia, Bilhliana te ho in an duhtawka Thing an han fawm tak tak mai zawng khaw hung nan a itawm hial khawp a vum thur a. Phurliana leh Thanghrima pawn zai rat rat chung leh a khat tawka in hnial reng chung chuan Zanriah an bawl mawp mawp a. A tui ang, a tui mai.mai khawp ang ka hnap tlem hi kan telh teh nanga tia Phurliana hawi hruk hruk chu melh in telh la ti nia i ten loh phawt ahnu tiin Thanghrima chuan alo chhang fel then pek a a ni reng lah taka Thanghrima aia ten chhe lo hi an tam lo khawp ang.. a mah pawn ka ei duh tawh loh meuh hi chu e, Ui pawh hian an hnim thet thet a an hel daih zel ti ṭhin kha ani miau mai a, Phurliana pawn a thil tum fiam chu a chhunzawm talo. Mahse Thanghrima mize nghal a ko chhuak tlat. An Chaw chhumna mai thei chu ban in, a chhinna Changel hnah chu phawrh te te in, a mawng ah a chuktuah zui hmak a. , an vawih thaw sat maia a vawih chu Chhin hnan leh hmak in a ṭhu nui ta ver ver mai le.. Phurliana chuan rang taka chhin chhiah vat in, buaithlak ti tak tak zel bawk si tih pah chuan midang in an Changel hnah rawn lak te chu a lo thliar zui zung zung a. Zanriah chaw hma deuh hlek a ei in, Thanghrima vawikhum ber chang tu ho chuan an hnar an len leh that that ṭhin a, Phurliana nuihza si, nui ngam silo hmui zum pawt pawt chu Thanghrima chuan a mita khap vat in titi a vawrh zui zung zung a. Zanriah eikham Vaibel an pak hlathlat lai chuan Khauhpuia chuan zanin kan chaw kha a rim a mak hle mai lem dawn khan a ninleh deuh hak ṭhin in hre ve lo em ni a rawn ti ta khauh a. Bilhliana chuan i lo hre ve zawk ani maw ati meuh chuan Phurliana chu a insum zo ta ngang lo Thanghriman a vawih a chhin hnan anih kha, Thanghrima chu rawn ding phat in, ka vawikhum hnu ei te tiin an kawk kual den den mai zawng rang taka tlan chhiat tum anih laiin a tlan chhe hman ta bik lo, a hnuai ber a ṭang chuan tho rawh u, in thawh loh chuan ka nawp ang che u tiin Vau eng ang mahse tharum ah hneh hlawm mawlh hek lo ka Sang e leh dswn ania tiin an vau chhunzawm meuh chuan rang taka tho phak phak in i e hman em tiin tlan chhiat inring tak chuan an tawlh harh harh hlawm.a.
...Lenglen hun anih meuh chuan Huai ho pawn an buzawl chhuah san sung sung in an buzawl luah ve ngawt tu Hring fate chunga an theihna lantir tum leh hnawh tlan ngei tum chuan an rawn thang chhuak zui huam huam a. Thli natak in a rawn nuai ngei dawna a lan tak ah chuan an zinga tawn hriat ngah tawh Challiana ber chuan aw le an rawn che chhuak ta ngei e.. min khawih mai lo ang min rum ṭhaiha min tih tlan an tum ngei dawn ania tiin Thanghrima chu a melh daih a, khai aw. Zaivawr dawn ang aw.. Chhuahlian lam han ṭan rawh le tiin Huai ho thawm ai maha na chuan thawm an chhuah ve ta. Thanghrimhrima a zam ngai lo, a tawlh fo ṭhin a hneh loh chuan tih paha ter chhuak at at in Huai ho thawm na tak kar ah chuan mihrang val rual ten chet an han la tak tak ta a le.. Leiṭhila an rawn vawmna te lah nui uar uar chunga vawm let in, kan hlau lo che uuu.. kan ninchin a thleng ange aww..in Buzawl kan rawn thleng ani mai tia au let lauh lauh chung chuan an Chem an vilik ta thuak thuak mai a.a ṭhen in Thingthu nung lo lampui tawk lah bolo, Huai ho zawk an hawihai tlat. An hotupa ber chuan Thinrim taka a nau te rawn tawn tlang pawp in, Thanghrima lam auh auh lai ke rek ah tak mai chuan man thut in thim pik lam pan chuan a pawt zui dawr dawr a. Hah hahhha... min hnuk a nia, Huai hmel hmuh theih si loh in min man e.. Thanghrima an man ngam e tia nui awr awr chung chuan midang lam a nihzia alan tir leh ta.. ka zunkhun dawn khawp che tih leh din chhuah tuma ṭan khawh in, mak tak maichuan in vai ding in a puan a pawt thla lawk a, mi tamtak te manganna tham ni mahse Thanghrima chu a Sang zung thei tlat, a kut leh lama thing tuai vuan ṭang ṭang in Huai taksa zawn nia a rin lam ah chuan lek kawh in a zung ta tak tak mai ale.. nui awr awr chung chuan Huai lalpa ri thla buan buan chu au zuiin lo let rawhhh.. ṭha te te in kan inkawm dawn nia tiin ala au zui tak deuh deuh a. A ṭhiante lah chuan ngaihsak tange tilo chuan Meilum an lo ai mai mai bawk nen, an mi tawnte khawsa zia chu Huai ho pawn beihmi an nilo tih an chiang aniang lungawi lo zeta an buzawla let in, an hotupa ber lah a ṭhu hing rum rum bawk nen an ngui nghiai hlawm a. Ka la kham lo sin le ti nang nang chunga Thanghrima kal then nawlh nawlh chu Phurliana chuan veng mai mai teh i taksa ohuloh hian ibei chum ṭha zek a tih pah chuan an lo hawlh sak kher pek a. Tiru zanin chu puan veng lo in i in kawmtlang teh ang tia Thanghrima rawtna chu a va ṭul ber lo e aw ti nuah nuah chung chuan an puan ven hlip sap sap in mei eng hnuai ah an han titi tak tak mai zawng, in sawi theib siak ah pakaiin duhtawka Thanghrima an in sawi thei tak tak mai zawng Sai chal a pal thlu nasa teh e.
... A tuk khua alo var a chak tawk pangngai taka kal par par in, Challiana erawh a Ze ngai chhuah leh tawh in, a pil bo leh daih tawh a Ni tla van vuaia ngaw kar phihrit zet maia an in pal nilen leh hnu chuan Lui lian pangngai tak in pal thleng hlawl in, Kawl ah ni a her liam mek pawh an thlir thei ta tlat. An hmazawn phulrai hmun nuam danglam tak chu thlir vang vang in, chu mual tawpa Tlang bawk nalh mai lam hawi chuan Taipui chu fan uak uak in, aww.. a zuan tlu chiah a tichhuak sup a... a eng chu maw tia Thanghrima zawhna chu melh zuk pah chuan Sakei in mawle ti ngawta chhang in Phulraihring dup mai chu a Thirtiang lek chung chuan a dai lut zui hmak a. Zawhna zawh tlak loh ber kan zawh chu le tiru le kan Ngawirenga khuan hmuh anei anih khu a thuam a lek kawh tlat tiin an zui ta thuai a. LAWIBUAL khaw tlangval pakhat erawh hman hmawh leh hlau baklenga tlan dawr dawr in, a ṭhianpa Sakei lian em em maia a hap lai kha a hmu chiang em atin ni. Engtin nge kha Sakei thawm kha an hriat miah loh theih, an bihruka a ṭang in thui tak a lang thei bawk nen ṭhian te chhan ngam lova tlan nih chu zak teh mahse khatiang Sakei lian leh hrawl lutuk mahnia hmachhawn zawng a zuam nawlh lo. An hna hlen lova khua dai luh chu hreh teh mahse loh theih loh na a vanga tlan hlira tlan par par in, kar lo ah khua a ṭanga fing hnih awm vela an ralvenbuk chu a in pal thleng ta hram a. Ralveng ten chin an lo zawh chu zak taka chhang in an Pasaltha te hma ah chuan a meng khup zui lap a. Lawibual Pasaltha Chhawnliana chuan e khai Tlamgval in thiam lo mah ta che, keipawh ni ila ka tlan ve tho ang tia hnem pah chuan kan mi beisei te chu in la mitzawn lo maw tiin zawhna a pe pah thuai a. Tlangmawia chuan aw engmah rinhleh tur awm pawh kan la mitzawn hauh lo tia ṭha taka chhang in ka ṭhiana chu aw tiin a ngawi zui vang vang a.
... Thanghrima te ho pawn Challiana lo ṭhu puar han tawh chu pawh thuaiin enge chan chin mihring i bei ani maw an ti zui tawng a. Challiana chuan hui ṭhu te te in, kan pan khua hian min lo leh chan an tum tlat mai. Pakhat chauh ka dah ṭha hman ta anih kha. Kam fimkhur deuh chu angaih hmel tih pah chuan a ha a kher zui nuap nuap a... Thanghrima chu ngawi vang vang in, ummm kei leh Patawitea hian chin kan va bih anga, nangni erawh kir leh ta ula, Sawlia luikam reng chang lai ah khan a theih ang ang in ei lo rel ru aw tia ruahmanna siam in an in ṭhen ta phak a. Challiana hma hruai nulh chu Thanghrima chuan melh in ka ṭhian leh tiin Challiana liamna mual ah chuan Phurliana nen an in zui liam ve ta thuai a. Lawibual lam ten thlamuang taka Zanriah an kil map map lai chuan an tukhum silo chauh in Thanghrima te ṭhian thum in an bih let mek tih reng an hre tlat lo. Pasaltha Chhawnliana chuan Kan Bel zuarte sawi dan hmang kha chuan zanin hi kan tlaivar tawh lo mai thei, eng ang fakaua mihring rapthlaj leh nsa nge maw anih a, heti em a, Pasaltha Rualkhuma thah duh mai chuhhhh.. kei ngaihdan pakhat ka nei tlat nia, Rualkhuma sawi ang diak diak hi ani lo thei tlat. Dik taka chet la zawk nia insawi si a, a tlan zawk a a ṭang mai hi mak ka ti riau ani tiin a phun deuh bul bul a. Thanghrima chu khisak in a barakhaih chak lutuk insum vel chu a khawngaih thlak lam lek lek zawk a. Muang changa tawlh kir zal zal in, Challiana'n a rawn zui ve mai a maw an tih lai chuan Lawibual Val rual zanriah kil mek te chu mangang taka ṭe ruai ruai in Sakei hahum thawn nen Silai pawh kar lo ah a puak zui ṭhuai reng a. Thlang ruama min chhan ru ti thawm chuai raih raih chu Thanghrima te ṭhian dun chuan thlir vang vang in mihring sa tuina a pawh lak lawh tlat la ei ve chhin tur ani ti sap chunga kal nalh Thanghrima chu Phurliana chuan zui vat in, kei chu ka ei ve chhin kher lo ang a ti zui nang nang a. Thui mawi tawk an kal leh hnu chuan Challiana pawn nuisunga rawn zawm ve in, ka seh hlum talo mai, a mangang em mai, ke chuan a kal leh lawk lo ang tiin a nui zui huk huk a. Kan hnu min rawn dawm palh tak in ka chung ah hian chuang mai ru tih leh Sakei lian zeta chang leh vut in a hnung a dawh zui thuai a. Thanghrima lawn nalh rual chuan Phurliana pawh pawh ban chalh a lawn ve in Challianan an lim pui tak tak mai zawng, karei, ka reiij kan thlawk ami ti chul chung chuan Thanghrima kawngah kuah in ka hlau miah lo a ti khur dur dur a.
... Zanriah te ei khamfel in an kalna chin te chu Thanghrima chuan a sawi zui dap dap a. Engtia hmalak tur nge tih vel sawi ho laih laih in Taipuia ber chuan Luh chilh ang ti nghut chung chuan a Thir tiang chu a ban zui thuai a. Ngawirenga duhdan chuan kan kal ang. Hei hi hre reng ang che u, tumah thi hlek suh u,in thi anih chuan ka ngaidam miah lo ang che u, a ṭulchuan khua pawh hal mai tur min do let leh beih let tum in an in buatsaih tih a lang tlat. Min lo leh chan tumtu te chu barakhaih ve thung ang aw.. kan Challiana that chhiat zar kan zo ani ber e tiiin anui zui var var a. Keli neia kal theih na na na, ka hnih neia kal reng ka peih lo ni mai lawm lo ti sup tu Challiana chu melh in, i peih lo reng ani. Keimahni te hi min hap chuih ange tih pah chuan ruahmanna dang nei kan awm em a ti zui thuai a. Bilhliana chuan anih Ralvenbuk chu helna a awm hmel em tia zawhna lo pe khauh in Phurliana chuan thlawk thei ila chu a awm ang a rawn ti khauh a. Nuihsuk pah chuan Bilhliana chuan ti hian ruahmanna siam chhin ang aw keini lam ho ai mah chuan Sakei chung chang khan a luah na tawh zawk ngei anga, chuvang chuan Thanghrima leh Phurliana bawk hi nise, tunge kan nih tumah min la hre hrang chuang lo bawk a. Challiana hian thawmna tak nen umse a ṭha lo maw Ralvenbuk in zuan luh ve leh kan rawn che ve nghal ang. Mahse kan hmasa thu ang. Ralven buk hnaih thei ang ber ah awm hmun khuar kanlo tum ang, chutiang anih loh chuan kan Chesual ve thei tlat tiin ruahmanna a siam ta thuai a. Thanghrima chuan Bilhliana Lu ah ben sak lawlh pah chuan i Lu a lian ṭha bawka i ngaihtuahna pawh a thui ṭha e. Chutiang chuan ni rawh se. Mahse in kal hnu deuh ah he lam ah thawm kan lo chhuah ang helam an ngaihtuah theih nan, aw Keimi hmelchhia i va ṭangkai tak em tiin Challiana chu an kuah vel pek a. Kal mai mai teh lo ti hluk tu Challiana chu nuih kawr kawr in, a kal hnuhnung tur ka ni tlat tiin ala chhang zawt zawt zui a. Lo fing khat kal chhung awm vel an ngaih chan hnu leh Lawibual ho pawh an ṭhianpa hliam khaw lama an zawn haw mek lai chuan Taipuia te ho pawn Ralven buk an hnaih ta viau tih ah chuan an hnung Phulrai hmun ah chuan Sakei in hrosa thawm leh Silai puak ṭum hnih puak ṭhuai ṭhuai ri chuan rawn zuiin Lawibual lam pawh barakhaih hlim ang mai chuan tang nghal hru in, Phulrai lam chu an thlir nghal ṭhup a. An hnuai maia Taipuia leh Bilhliana te ho tawlh hnai hriau hriau chu an thlir kan chiang teh e.. thawm reh thut kar ah an beisei loh lutuka Silai puak leh ṭhuai ri chuan chhu nawn leh in Ralvenbuk an hlat tlat tawh lo. Chutah le, minpui ru tia mangang au thawm lo chhuak in, pa rilru ṭha Pasaltha Chhawnliana chuan lo tlan rawh u kan lo veng che u nia, Sakei thawm lah a na zual sauh bawk si. Thanghrima leh Phurliana pawh an silai keng in Ralven buk ah chuan an rawn bawk lut rawk rawk a. Sakei hrawl em em mai rawn zuang kawi zawr zawr chu kah fuh tuma Lawibual lam ten an silai an hmeh per kim meuh chuan an mi chhan pakhat zawk za em em maia nui awr awr thawm chu lo chhuak in Pasaltha Chhawnliana pawh a leh hawi zui zawk a. Silaia tin reng an nih an hriat rual chiaha, Misual an damrei ngai lo, kei chu ka damrei dawn zawi sin rata satu chu an mi chan Thanghrima anih a chiang nghal kher mai. Lawibual lam panga lek an nih laiin kil hrang hrang a ṭang chuan mi tawrawt rual chu an rawn lawr ta ṭuam ṭuam mai le.
... Pasaltha Chhawnliana melh chung chuan Pu a, nanghi mifel tak i ni ngat mai, nichin zanriah in kil lai khan Rualkhuma ka huat em em chhan leh ka um zel chhan kha i hre duh tiraw, thudik chu hei hi ani tiin Rualkhuma leh a hote chetdan chu a sawi fai te kelh a. Thudik chu kha kha ani e. Khati chung chung a, min hmachhawn i la thlang zawk anih chuan ka in peih e, ka insawifiahna hmasa ber i ni e a ti hul zui hak a. Pasaltha Chhawnliana chuan a hma a, Tlangval hmel hmai en a zuamawm em em si, ho eng emaw zat nei thei tlat si chu angaisang ta tlat pek a. In malbeih a ral ah huphurh lo teh mahse a thusawi kha a dik in a ring tlat. Tlangval kei hian ka tinther tia pawn beih che hi ka hlau hauh lo. Mahse i thusawi kha ka pawm zawk tlat. Ka bei lo ang che mahse Lawibual khua ah hian Pasaltha kan in phun ve nual tih hria la, Pasaltha Rualkhuma i mal thlur theih dan kawng pakhat chiah a awm. Kei hi min man la, ka naute hi chhuah rawh tuk ṭhuan ei kham ah Lawibual Pasaltha te in malbeiha cho tur in khua kan lo lut dawn tiin chah mai rawh anih loh chuan dam in in kir kim tawh lovin, Rualkhuma that hman lovin famkhua i lawi ve thei tih hria la ka duh a ti ta daih mai a. Thanghrima pawh ngawi zui vang vang in ni rawh se. Mahse ti hian kan ti ang. A rual in khua kan lut vek ang. Khaw chhung ah kan riak ang. Kan riak tih erawh tuman an hre tur ani lo. Khawvar ah tenawm chhuah in min lo kap dawn lo tih tunge sawi lawk thei,a bak chu i ruahmanna ang khan kan kal ang. Pasaltha Chhawnliana naute pali chu melh kual den den in, tenawm chhuah a, kan ruahmanna in sawi chhuak anih ngat chuan in pian chhuah hma ngai vawng vawng khawp in ka siam ang che u tiin thip taka anmelh kual mai zawnh an aia te mah nise an thawm thangva lian em em Thanghrima vau khan na chu an hre chiang bawk aniang, meng khup lap chung chuan an in tiam zui mawlh mawlh a. Kawt chhuah an thlen chuan Thanghrima chuan kan chin bih tum in rawn chhuak hlek suh se rawn chhuak an awm anih chuan in Pasaltha hi thisa ah ngai rawh u ti ang che tiin Pasaltha Chhawnliana ho chuan an pil zui ta thuai a. Kawmtlang pik chin zela kal zar zar in, Pasaltha Chhawnliana in chu thawm nep map lova kaiin, Khualval satliah pawh nilo hmelma Thanghrima leh a ṭhiante mi sawm chuang zet an runa an ngir khup mai chu Pasaltha Chhawnliana nupui fanau te chuan an ṭih in, an awm anuam mawlh lo. Mahse Pa ber in a thlamuan tak ah chuan ngawi zui ve maiin an mut erawh a tui hauh lo ang.
.... Lawibual lal in lam erawh an thawm ana ṭhak ṭhak kher mai, Lawibual lal Ngurkhuma Zupui kai tawh Chapo na a puak darh ta tlat pek a. Thanghrima ten Ralveng tlangval pali an tirh te chu hnusit tih hriat taka nuih sawh nghek nghek chung chuan chhuak rang rawh u a ti vin zui tuarh tuarh a. Lenghawn ar a khuan mek lai chuan Lawibuak lalpa thinrimna ruih chilh tawh chuan a Pasaltha te chu melh kual in tun ah kan che chhuak ang Zawlbuk lam pan ang, kan chimih vek tur ani. Hnehna ka chang anih phawt chuan Pasaltha Chhawnliana pawh chan mah ila pawi tihna ka nei ther te lo, Pasaltha te chu ka ngah ve tawk tiin dan hman pawh nilo chuan a banglaia Silai chu la in lal mual a pan zui pawk pawk a. A Pasaltha rual ten hmanhmawh taka an um lai chuan Lal mual lai tak ah chuan an hnung lam a tanga rawn pel zawk tu a awm ta tlatmai le... Kan tuipui vak talo niang a.

... MAFAKA KHIANGTE.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:05 pm

PASALTHA THANGHRIMA 22
.Hnehna ka chang anih phawt chuan Pasaltha Chhawnliana pawh chan mah ila pawi tihna ka nei ther te lo, Pasaltha te chu ka ngah ve tawk tiin dan hman pawh nilo chuan a banglaia Silai chu la in lal mual a pan zui pawk pawk a. A Pasaltha rual ten hmanhmawh taka an um lai chuan Lal mual lai tak ah chuan an hnung lam a tanga rawn pel zawk tu a awm ta tlatmai le...a hma zawna Tlangval ding meng thip ram mai chu lal Ngurkhuma chuan tur zeta melh khu khu chung chuan LIANKHUM i lal hma ah chemsen i lek tihna em ni. Kiang rang rawh dam ila duh ve anih chuan tiin an vau chhhur chhur a. Lalpa Zahawm ka Patea thihna kotlanga dah tir mai ka thei ve tlat lo. Hnehna i chan duh luat ah Pasalṭha pakhat nunna eng ah mah i ngai lo maw rorelna tenawm tak ani. Rawn pen tawh suh Pheisenral ka len hlauh dah ange tiin a vau let ta khauh mai le. Uai nang hian Pasaltha nihna a hlangkai tu che ka nih i hai ta em ni, that rawh u a ti fiak ta ṭhak mai le. Maimawm ril pal chah ang maia awlsama dah ṭhat mai chi chu ka nih ka va ring lo em han tum chhin ula tiin Liankhuma chuan a Chem a vilik ta tlat. Englai maha a tluk ngai loh Pasaltha Chhawnliana er em em tu Pasaltha Kapenga chuan a Lulak chem phawrh in, kan lal thu chhuak chu zawm mai tur kan ni dawn lawm ni i Patea nen lam lam chuan ka dahṭhat nghal loh che u, khai le ṭhainteu kan lal rorel kham zawnga chet la ngam Naupang huaibak hi i dah ṭha vat teh ang. Pasaltha Rualkhuma pawh rawn ter ve nghal at in, Pasaltha tuaitir te mai chu lal mual ah chuan a mah aia tawn hriat ngah zawk leh kum lam a u zawk bawk te chuan an hual zui ta tlat.
... Ka beisei aia hun ṭha a in her hma chu le, khai le Pu a che chhuak rawh le i hnu kan rawn dawn dawn e tiin Pasaltha Chhawnliana chu Thanghrima chuan a nawr ta zauh a. Tumah chhuah loh tur an lalpa miimeng sawn ka Lei a ba sa hrim hrim mahse Fimkhur ru aw ti sap chung chuan thawm hria a lal mual pan khawm tup tup khaw mipui te hnung lam ah chuan an in sem darh zui sang sang a. Liankhuma bawh rawn tuma an in buatsaih lai tak chuan ka Fapa lo zam hlek suh, ka nun pawh eng ah mah ngai lova, thangṭhat leh ropui hlawh tum te hma a ding tur in Khuanu zah ngaihna ka la tawngbaw ve det det e. Ka nun hlut miah lo tu lal tenawm tana rinawm reng hi ka ba hauh hlei nem..chu aw lo chhuak chu tu Aw nge a nih an hai lo nasa mai. Pasaltha Kapenga chuan nang maw enge thil awmzia hmelma te kut ah i awm ani lawmni, nge bumna thang in lo kam pafa zawk le.. awm ngei e mawle hmelma te kar ah ka awm ngei e. Mahse Rualkhuma bumna leh a dawt phuah kual vanga fam khaw lawi ka tum tak si lo ah chuan chin bih tum in ka rawn kir leh mai ani. Ka thihna tur kawng hawn tum te nen a ṭul anih leh Pialral kan kai rual mai ta lawng. An pafa khan that rawh u, hw khua a ṭang hian hnawh chhuah nghal in ni bawk. Pasaltha Chhawnliana a tih tawh loh lama mi ngawh ngawl tawp chu nui huk huk in, keiin khua ka chhuahsan anga, nangin khawvel i chhuahsan thung ang.. Pahnih leh sawm chuang zet, Pasaltha kei kani inti rual an in hmachhawn meuh chuan tumah in rawlh ngam awm tawh hek suh, ṭhenkhat te erawh in hupchawih chawih in, Pasaltha Chhawnliana leh Liankhuma chhungte erawh en pawh en ngam lovin an kun tlawk tlawk a. Thawk leh khat ah a ruala bawh huk in Thir in khak ri chuan a zui zawt zawt a. Vawitam nun chan lo zir ru dun fo tawh Chhawnliana te pafa chu chuti maia tam hneh chi an ni tlat lo tih lanna chuan an darh leh hak rual chuan lo lang nghal in, a Taksa him kim zawk ah an la ṭang tlat. Mai mai chuan tia awmze nei zawka bawh rawn an tum leh lai tak chuan ring fiak em em maia nui awr awr thawm lal kawmkar lam a ṭang chuan a rawn chhuak ta phut mai le.. rang taka thawm chhuahna lam an hawi nak chuan an mahni hnung chhawn zawnga Tlangval pakhat rawn tawlh chhuak harh harh chu hmu nghal in a ngaihna hrelo zet chuan an melh rawn ṭhup a. Lalpa Ngurkhuma chuan a tu chu nge maw i nih teh chai chu le thah i duh loh chuan thlawk bo rawh tiin alo chhawn fiak ṭhak ṭhak a. Lalpa min ngaidam rawh ka thlawk thei hauh lo mai ka ti, khah mah aw tia Thla nei ang hrima thlawh tum ang taka an beivel zet zawng nui ngam silo nuihza bawk si chuan Lawibual khaw mipui te chu an in petruh fan fan hlawm a.
.... A tu fa lu bawk nge maw i nih chai chu le i Lu ka la dawn khawp tia Pasaltha Rualkhuma ber kher che chhuak phat chuan boruak a vaw leh zual ta tlat. Rang lutuka in her zawk pah chuan i ngam loh a hnunglam a ṭanga i kah Pasaltha Laiawrha fapa, Pasaltha Thanghrima ka ni ngai e. Tun ah chuan kan in tawng ta ring rapthlak khawp awrawl chhuah chunga Pasaltha Rualkhuma meng buai nak lai chuha an tlawh zangphar hawr hawr mai zawng. Mipui te mai nilo, Lawibual Pasaltha leh Tlangval rual ho te chu a barakhaih nasa in Tlangval ho chuan mipui chu an hnawl kiang rawk rawk hlawm a. Silai rawn puak ṭhuaiin, lal Ngurkhuma puanven malte zawn tak chu a rawn in verh kaw zui pawp a. Ka themtlaw vanga kap fuh lo che ah chuan mi ngai hauh suh in ralthuam dahthla vek rawh u hualbeh vek in ni tawh tih thawm chu a rawn chhuak zui zat a. Thanghrima pawh chu hun ṭha reilo te chu chuh vat in, rang lutuk tak mai a zuang kang dawrh in, Lawibual lal Ngurkhuma nghawng leh a Lulak chem chu a chuktuah zui zat a. Tuman at so reng reng suh u, Thanghrima hian lal leh lal lo ka thliar ve chiam lo ania, khaw khat lal thah chu thiang lo ah ngaiin mal in a zawng lo in ti maw khahhh.. Misual ka thah avanga mal in mi zawn loh na chhan tur ka hre lo. Ka ṭhian lo chhuak la he lal tenawm hi lo chelh teh ka hna ka ṭan nghal dawn nge, khalai Pasaltha dawihzep mual tamtak ka rawn um tawh, ka Pa a hnung a ṭanga kap ngam ṭawk thlavang hauh te in awm hlauh zawk em. Tak a, Ka Pu he khua ah hian Pasaltha an in phun fur i ti em ni khahhh.. Mipa leh Mipa diktaka in nuai pawh a khat alawm le.. a mal te te in aw Ṭhian Taipui hma rawn hruai ta che, Rual zawng zawng khuma tlan chhia Pasaltha erawh a dam hun kan pawhsei sak hretbange tiin Thanghrima chu a tei kual thauh thauh a.
.... Mual sir dinglam a tanga Sei fate zing ah a ek bathlar a sangber ang tih tur khawpa boruak hipna sang kawltu Taipuia lo chhuak chu Lawibual khaw mipui te chuan an hmu duh in, an thlek nasa tlang teh e. Tunge hma rawn hruai ve dawn che u le tia Thanghrima a au leh ṭhat ṭhat lai chuan Lawibual Pasaltha Thahrui nei ve tawk tak ngam loh val la tawng bik lo, Zaatuaha chu rawn dawk chhuak zawk in kha keimah Pasaltha Zatuaha ka zam ngai lo tih leh Taipuia bawh chu a rual nghal zat a. Taipuia hmanraw hum Tiang satliah nia a ngaih chu fik hmawk tum chuan sang takah zuang in a chhuk sah zui pawp a. Taipuian in dan nana alo hman Tiang sah tlang tum anih vei nen Thir leh Thir in khak ṭek chhawk chhawk chu a lang chiang in Pasaltha Zatuaha chem bung hmawk pawh a chiang ngang mai. Mai mai che chuan tia Taipuian an hawl tawm zui tak tak mai zawng Zatuaha chuan a hming a va chhal tawh lo tak em. Cher ria sang zawt ni a an ngaih kha alo ni hauh lo, Thirtiang duhtawka lek kual thei khawpa thahrui ngah alo ni tlat si. I beih tham loh em mai a tia Taipuia kal kiang tur chu mi that law law ngam nange tiin Zatuaha chuan a au zui ṭhawt a. Ngam chu ngam e tih leh Zatuaha lo ding chhuak mek Dul zawn ah tak mai nalua awm lova an chhun pawp mao zawng Thirtiang hmawr tah hriam hleih loh pawh khap chen lai tlum hmawk in, ka ngam, ka ngam tih pah a na hawlh tlum belh zel tak ah chuan mipui chu an ṭe teng tung tawh a. Phawi leh hrawk in, Zatuaha hmel hmai a phut tawh chu tlawh ṭhing ṭhi hnawk in, a Chhip a tanga an chhuk chhun leh mai zawng Thanghrima lawm au thawm chu ana teh e. Taipuia chuan a Thirtiang phawia, leh lam hawi chunga ngaihsak map lova, Zatuaha hmai zawna Thirtiang hriam lam nghata Lawibual lam an melh kual mai zawng Thanghrima chauh nilo, a ṭhiante pawn Thisen an ngam zia an chiang viau ang le. Kei ve thung aw tih paha mual zawl rawn pan thauh thauh Saṭha len lawn Thanghrima chen lek awm te lo pen chhuak thauh thauh chu mipui chuan melh ṭhup in, a va zuamawm teh lul.. Lawibual lam pawn an zuam deuh nge Pasaltha Pathum ngawt chuan keiman le an rawn ti rual ṭhawt reng a. He inbeihna mual ah hian a dam zawk din channa ani tawp. Ngaihdamna in hmun a chang tlat lo. Min beih chu in chak hlawm hle mai maw tih paha an beisei loh lutuka Phurliana che thut an harh chhuah meuh chuan Pasalṭha pathum te chuan an dul dawm nghal chat chat in,an ril uai chhuak tur chu an hum ṭang ṭang hlawm a. Phurliana hi beih chak ngawt chi ka nilo tih paha an hrawk zai chik ṭhawt ṭhawt paha an thisen chik a kuta an dawh mai zawng. Lawibual lal Ngurkhuma pawn a ngam loh chal ah chil a hnawm tih a in man ta, mahse a tlai tawh tlat. A sir lam atang chuan Phurlian min khek ve ta che rawn ti thum bul bul tu lam chu hawi ṭhup in, Bilhliana a Hreipui nena rawn pen chhuak chu an rap tawh kher teh e. Bilhliana hma a, rawn ding ve phat Lawibual Pasaltha Kherhliana pawh zam hmel a pu bik tlat lo. Pu a, ka lawm e tih sup paha Bilhlianan an nawr tak tak mai zawng Kherhmawia pawn a theih tawk lo chhuah ve in, Lawibual pasaltha ah pawh an rinrawl ber ni miah lo si, an beisei aiin a ṭang rei thei tlat. Challiana chuan Bilha fimkhur ve deuh ta che lo ti thum bul bul in, a in humruh sauh sauh a. Bilhliana pawn Challiana chu melh zauh in a nuih zui sak a. Chu hun ṭha rawn chuh vat in, Bilhliana ban puam chu a kak ta haih mai le.. e he heeee.. Thisen mi chhuah ka ti tih leh thapui chhuaha nawr chu rual nghal in, tawp chin lem nei lova a nawr ngat ngat tak ah chuan hun ṭha hmu in Kherhliana dar a tlum thawih khawpa cheh an rual mai zawng na tuar ṭe thawm chuan rawn chhunzawm nghal in, Kherhmawia chu a awp zui rawp a. Hrei phawi zawk paha ek phel law law dawn khawp tia a chhipa ṭanga Khermawia an ek phel tak tak mai zawng a ṭhiante ngei pawn an rap lek lek chu ani e.
.... Kha chu ka chanpual tia Pasaltha Chhawnliana rawn pen chhuak ve in Pasaltha Kapenga chu rawn kawk va va in, nang hian ka chhiatna i zawng rei tawh bawk a, i sawifel law law teh ang, ka Pate keiman zawk le tia Pasaltha tuaitir Liankhuma rawn pen chhuak an melh ṭhup lai chuan nangni chu khaw neitu in nih kha chan ka nei ve nang an tlem tawh em saw tiin Challiana chuan eng hmanrua mah hum lo chuan a rawn hmakhalh ta tlat mai le.. Pasalṭha Chhawnliana chet tum chu na taka melh kawk in kiang rawh u a ti bul nghut a. Nawk luih chi hmel a pu tlat tawh lo. Kutlawng maia a mah rawn chotu zawng Pasaltha Kapenga chuan alo hlau lo nasa mai chu niin Naua nang khan kutlawng in ka cho e te mi ti khanglang a maw tih leh phur taka rawn zuan chhuah chu rual in a chempui hum chung chuan a nui lui uar uar a. Challiana chu ṭum ve thurh thurh in, I inpeih maw tih ṭial ruan paha Sakei lian em em maia an chang phut mai zawng Thanghrima khek thawm nen mipui hlau mangang ṭe thawm nen khat nuai nuaih in, Sakei zuang zawk chu hmu hman hlawm mahse a zuan chhan tak anhmuh leh meuh chuan Pasaltha Kapenga chu Lu bung in alo tal khurchur chur tawh a. Ka ṭhiana hian hmanrua a nei ṭha ber tiaThanghrima nui kawr kawr ai mah chuan Pasaltha Kapenga ruang Sakeiin a khel zui bup bup chuan anmit a la chiang teh e. Keimi, keimi tia tlan an tum lai chuan Phurliana chuan a Silai vanvawr zawnga hmet puak ṭhuaiin tumah che suh u tiin a vin zui tuarh tuarh a.
... Mipui nghah fak leh Thlir chak ka lo che chhuak dawn e, Keimah Pasaltha Thanghrima Rualkhuma ngam loh Pasaltha Laiawrha fapa ka ni ngai e. Rualkhuma khawnge ka Pa in kahhlum ni a i ṭhurualpui te kha an awm, min han beihrawn law law teh u, nang chauh zawng i ho tham dawn tlat, uai thla tawh lam i ni leh nghal tiin hmusit zet chuan lungte chuan a vawm kher pek a. E khai nau cha hai I pa thitur ngaihdam min dil thawm kha i hre phalo a niang maw a ṭah pur kha maw Khawngaih min dil nasa teh asin tiin Thanghrima chhaih thinrim tum tak chuan Pasaltha Rualkhuma chuan ṭawng an cheh zui zat a. Thanghrima chu nui kar kar in, dawt i sawi thiam lo em mai. Kan Pafa kâ a tang in Khawngaih dil a ri chhuak ngai lo a, a ri ngai bawk lo ang. Ka Pa Sa lu i tlan chhiat pui duai duai mai chu ani sia tiraw misual chu um loh in an tlan chhe ṭhin an lo ti mathlawn lo hi alo dik e. Misual andamrei ngai lo, kei chu ka damrei dawn tia zai khum pah chuan tute nge he mi dawihzep thurualpui tute chu, lo chhuak rawh u anih loh zawng in he khua hi ka hal ang. Chhanna reng a awm loh lai chuan heta hi an awm e. Kan khua a boral ai chuan chhuak rang rawh u tiin Pasaltha Rualkhuma ṭhuih hruai te chu khaw mipui lam chuan an rawn nawr chhuak ta nawk nawk mai a. Aw aww.. in beih tham deuh ang chu maw tih paha a Lulak chem leh a fei nena Thanghrima zuang thauh thauh chu a va zuamawm si em. Challiana leh Taipuia pen chhuah tum chu Thanghrima chuan melh kawk in lo in rawlh suh u, buaina tham an nilo a ti zui hmak a. A kaw tawp ah an ṭang tawh bawk a. Rualkhuma leh a hote pawn an Lulak chem chu phawrh in Thanghrima chu an hual nghal harh harh a. A hmasa ber atan tih paha zuang chunga Pakhat awm zawna a fei khawh chhuak zawt in, natuar ṭe thawm in a zui rual chiah chuan Thanghrima chu lei ah imbin zui tawp in a mah rawn sah tum tupa Chem leh a chem chu a khak ri zui sawk a. Fel ata din chhuah leh pah chuan a khawh tluk pa awma fei bur ngur chu a pawt chhuak zui hrawk hrawk a. Chupa thawri bawrh bawrh lo chu thawm dang a awm rih tlat lo. Tun ah tia Rualkhuma au ṭhawt rual chuan a huho a bawh thut in, Thanghrima pawh a leu kual ta zek zek mai le.. in ṭhen zui leh phak in, Thanghrima pawh a him kim bik tlat lo. Nuisang chunga a nak kak chu thlek in, a dawt leh tiin an zinga pakhat in a hrawk a dawm lai chu a fei chuan a kawk zuivah a. Khawinge i ti tak tak ang aw tih paha a mahzawk chuan a fei vai kual paha bawh chu an rual leh zat a. Pasaltha Rualkhuman a ke lam a rawn tum laia zuang chunga chhuk sah rawn tum tuchu khawh leh zawt in, Pasaltha Rualkhuma chem lak ah chuan a him kim bik lo a ke tawm rang teh mahse a ngal chu a kakve haihhman tho mai. Phurliana chet chhuah ve tum chu Bilhliana chuan alo chelh zui ngat ngat tawh a. Baisaih saih chunga veh hnai zel in, Rualkhuma la him pialchhan chu a man tawh tlat. A che hnu hnung ah a ṭang deuh zel tih hmu fuh tawh in, nuisan san chung chuan ṭhu hniam thut in, tual vut chu ṭham tawk in, Rualkhuma ṭhianpa hmai zawn ah chuan an theh ṭhawt mai a, an beisei loh lutuka Thanghrima chet la chuan a barakhaih bWk nen a mitmim abuaipui chu a ti sual ta. Chupa kawng zawn ah chuanbawh pheizawk in, Rualkhuma chem chuan a Chhipa thawi thuak hial a, a chem vai chhuah erawh a thlawn ve talo. Mitmimin pialral a pan ve ta. A Thisen cbhuak nual tawh a vanga tha ṭhum ṭan hrechiang tu Thanghrima chuan a fei lama zuan lehzawk chu rual in muchungchuan a khawh chhuak zui zawk a. Rualkhuman a dula Thanghrima fei bur chawt dawm chunga a ṭhingṭhit rawp lai chuan Meng a deuh phut chunga Thanghrima ding chhuak leh hmel chu a rapawm tlat tawh.
... Tlangval a tawp chu khar ta che tia lo ṭhen chak chak Rualkhuma chu nuih sak in, ka Pa thlarau kianga ka in tiamna ani lo tlat, Rualkhuma chu tlawh zanghal ṭhuaiin a dulafei bur chu a hawlh tlang zui pawlh a. Mipui ṭe tuarh kar ah chuan zai thawm lochhhak in Rualkhuma na ti ṭe ruai ruai belhchhah turin, a ke phah dinglam a ngalrek ah tak mai chuan an chhawk zui zawk mai a, natuar ṭe thawm rapthlak tak kar ah chuan zai chung zel a, an tan nghauhnghauh mai zawng Taipuia, Challiana, Phurliana tih loh chu an ṭhiante pawn an en thei bik tlat lo anni pathum erawh hmuhnawm tih hmel tak in an ding hnai sauh sauh thung a chansawm sa chuan ka Pa ka rawn thawn e ti sap sap in lal Ngurkhuma lam chu a hawi zui ta vah mai le..
.... Ngurkhuma rui pawh a harh chiang tawh ngang ni tur ani. Sai dut dut chunga Thanghrima chu melh ṭawk ṭawk in, min nun hram rawh khur dawt dawta phar chung chuan chhantu ngaiin a van ruai ruai hi ani ber a. Thanghrima meng nu phut tawh Thisena tuihal tlat tawh bawk chuan khaw mipui lam chu hawiin in lalpa nunna hi in kut ah a awm e. Ka nun dawn nge heng a Pasaltha te zui tur hian ka tir liam ve dawn a ti chang zui fak a. Pasalṭha Chhawnliana pen chhuak chu mipui lam chuan melh rawn ṭhup in, eng thu tak chhak chhuak ang maw an tih lai chuan nang hian ka nun kha chhete mah in i hlut lova, min that tur in hengho hi thu i pe ngei kha chu ania..lal Luhkasang a ṭang chuan thawm rawn awm thut in Pasaltha Chhawnliana hma ah chuan lal fanu pahnih leh lalnu leh a fapa te pathum chu an rawn ṭhingṭhi tlar ta ṭham mai le.. khawngaihna ngah Pasalṭha Chhawnliana ṭawng kallai chu tawp chaih in, a melh zui run run a. Lalnu i fate nen khan kiang tawh u nangnin ka pawi in sawi ve lo a ti ram zui hmak hmak a. Sailo lal fanu duhawm em em Ngurkhuma fa U nihna kawltu Ngurthangi chuan bianga mittui luang ngiai ngiai chung chuan Thanghrima ke ah vuan thlawp in khawngaih in ka Pa hi nun hram rawh. A ni lo chu in nghah na kan nei lo, lal rorel thiam tak anilo tih chu ka hria mahse ani hi min laksak anih chuan kan tan nun hian awmzia a nei dawn silo an ti hliam hliam mai zawng mi seh hel Thanghrima meuh pawh Sailo Ngurpui Mittui chuan ati nem ve ta nge, ngawi vang vang in lal Ngurkhuma chu chiang kek kawk a melh leh pah chuan hetiang ang khawpa i tenawm chung pawn i damna tur kawng an la zawng chu ania, i nun i siamṭha..a sawi zo hman lo. Ngurkhuma chuan aw ka nun ka siamṭha ang. Bul ka ṭan thar leh ang dik taka rorel tur in ke ka pen leh ang hunṭha vawikhat chiah min pe rawh tiin alo chhang chuai raih a. Ni rawh se tih paha a chem chhuk vai pawp in lal Ngurkhuma beng veilam chu tual char ah a tla zui tawl a. Thisen seng map lova ngaihdam tlak i nilo tih pah chuan Challian tiin Thanghrima chu a awn zui ruai ruai a. Thimlam a hawi ruk tlatna chhan a dul kak duai aṭang chuan Thisen rawn chhuak puat puat in, min kalpui rawh a ti tham zui chhal a. Engmah hre lova Thanghrima zawi hnawk ram lama liampui mai tuma Challiana teho an in tintuah lai chuan lal Fanu Ngurthangi chuan lo dang chaih in, enkawl loh a kalpui chi anilo, a mawh ka la ang lal in ah khian zawn lut rawh u a rawn ti fel fak a. Bawlpu pawh rawn pen chhuak in in hotupa kha a thih in duh te anih ngawt loh chuan kalluih pui suh u a rawn ti ve chiah bawk a. Thanghrim khawngaihthlaka ngei mai chu lal fanu hmelṭha kutno chek mai chuan tuisa ver vawr hmang chuan a hliam a hrukfai sak ta hliauhliau mai le....
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:06 pm

THANGHRIMA 23
... Thanghrima nikhaw hre lova mu ner nawng chu Phurliana chuan thlir vang vang in a hmel zawng a ṭha mawlh lo a ti chhuak sup a. Taipuia meuh pawh anui ve huk tho mai. Thisena tuihal rual mihring nunna hi eng ah mah an ngailo maw tih mai tur rual ngir khup mau chu Bawlpu chuan melh kual in lova chhuak teh u, hah in ti dam ngang lo in enkawl thiam a zeng pawh ni silo tiin zamru zet chuan a melh kual zak zak hlawm a. Lawibual lal Fanu hmelṭha Ngurthangi chuan an Bawlpu kut khur ru dar dar chu rang taka man thuaiin Taipuia leh Challiana ban ah chuan kai lawk in pawn ah lova awm rawh u in lian hlawm si damlo tan pawh boruak ṭha a awm nang tia a pawh tak dawr dawr ah chuan mihrang val rual Buan tuala tlawm ngailo leh Keimi meuh pawn thahrui an nei talo nge an tha a ṭhum zota kal duan duan in he hehhh heeee.. tia nui huk huk chung chuan lal Luhkasang a ṭanga lalpa Ngurkhuma thusawi lai chu melh in, Phurliana chuan a dik lutuk an ti ngawt pek a. Nui ṭhaw chunga lal mual sir lama ding khawm in Khaw mipui ten ruang an lo senghawi vek tawh a vang chuan an awm a nawm phah ve tho mai. An lalpa ber in bungthar kai pui tura mipui a sawm tak ah chuan au dur dur in, an au thawm natak mai chuan Thanghrima mu bam mai chu men tir kawk in, khawnge ka Fei a rawn ti chhuak zui ṭhawt a. Lal fanu Ngurthangi chuan rang taka nam mut pah chuan ngawi mai mai teh tun ah zawng hmeichhe awmnem pawh beitlak i awm loh kha Thanghmelṭha an ti kher pek a, Thanghrima pawh nuisawi bawi bawi in ka hmelṭha lo chiang e tih pah chuan Bawlpu in a hliam mau hnang hmanga a chilh nghat nghat chu melh in na ti awm hmel erawh a chhuah duh hauh lo. Thlan tla hui kiang pawk pawk pah chuan Bawlpu pawn damdawi te hnawih in tun ah chuan ka tih theih tawk ka ti ta, dim hle ang che Ral hmachhawna i ding leh duh anih chuan min that tel vaih la chu i thi kawm ve chawl ang mawle tia nuihsuk pah chuan lal Fanu Sa tuihang kha han in tir tawh a chak vat mai ang. Hmelchhia an na rei ngai tak tak lo tiin a nui zui huau huau a. Thanghrima zia hi Bawlpu hian a man tawh tlat, hlau leh ṭi deka biak chi a nilo tih a man fuh tlat. Thanghrima chuan khanglang a che, Bawlpu ka hmuh tawh ah chuan i la chhe ber, Nupuinpawh i hmuzo tawp nang tia chhan pah chuan lal Fanu ina hliam an chilh vel a rawn en chu melh in nati awm em em chuan a si lui chiam chiam a. Nuisung chunga chhuak in a in khai bawr haw zui luai luai a.
.... Englai maha Fimkhurna hlah ngai lo mihrang val rual te lal tuala meipui chhep a, in men chhawk zel in, Taipuia leh Challaiana leh Phurliana erawh lal Tap kiang hnaih ah mut na phah in an ṭhianpa kal hlat sat an tum rih tlat lo. Zingkhua a var meuh chuan Thanghrima pawh pangngai taka rawn harh chhuak ve tawh in, khua chhuahsan thei chi ziazang erawh a la ni hauh lo. Ka rilru chu a dam mawle tia phun nawng nawng Thanghrima chu lal Fanu Ngurthangi chuan mi ngawi mai mai teh hmun phiah hian ka khawng hrep tur che ania tiin huat tur awm aih silo chuan a melh rum no ngal ngal a. Thanghrima meuh pawh Ṭha lengi tawn ah zawng tui ang a nem duai duai tlat. A lai deuh an nui sawi pawt pawt phei chu awww.. Vawkno pianghlim hi a ang lek lek tlat pek a. Phurliana chuan ve chhe tak em. I hmel ngawt pawh kha khawsik hluah hluah na tham tia nuih lui nghek nghek in, khatin mi melh rum ve khangkang lo mai teh lal Fanu pangber pawh hi i hneh chai lo ang tih paha a bula ṭhut hmun rem in an han sawisak rawn tak tak ta chu le.. Ngurthangi chuan a rawn ṭan ta phat mai. In bengchheng kha heihi la ula, khatia ṭhut thim muk reng tur pawh anilo kawt ah khuan thing eh tur in a hmuak che u tiin a nam chhuak zui dawr dawr a. Ni nga lai an tum loh deuh a an cham meuh chuan lal Ngurkhuma khua te nen chuan an in pawh tawh in an fapa leh Pasalte that saktu te tan erwwh hmuhnawm an va nilo tak em.. Thanghrima hliam pawh lal Fanu hmuh loh lai chuan adam tawh viau a niang a kut vai a rang leh tawh em mai. Mak tak erawh lal Fanu Ngurthangi hian Thanghrima thu a awih thar ta thut leh a zah thar riau chu ani. A ni sarih tuk an chuankai meuh chuan Thanghrima'n a zuam ta bawk nen Lawibual khua chu chhuahsan tur in an ke an her rem ta. lal fanu Ngurthangi bi bo daih in Thanghrima te kalliam tur a thlah ngam ve ta tlat lo. Lawibual ngaw ram chhung an dailuh meuh chuan an thawm ana tawh in Thanghrima hmuh phak loh lam ah an lo talna tlang tih lanna chu an in fiam thawm a na ham ham em mai. Lawibual khaw peng an daithlen meuh chuan Ngentiang lam kawng kan zawh leh dawn nge Hmar lam kawng hi kan zawh zel dawn tih chu Thanghrima thutlukna siam ah chuan dah in Vaibel an pak zui hlat hlat hlawm a. Pal kuak tawh sa kawng ngawt ai chuan tiin an la zawh loh mual chu thlang nalh in, lal Ngurkhuma sawidan hmanga khaw rura ve tawk tak SIALHAWK khaw lam hawi chuan an in chhir chhuak zui ta thuai a. Pasaltha Laiawrha Sazuk kah Lu mak danglam tak hawn chung ngei a kal siam an ni bawk a an in thlek chhawk chhen hlawm a. Pasaltha Rualkhuma pawh kha ka dem talo rum rum mai ka ti. Hetiang renga Sazuk Ki zar mawi danglam hi zawng en liam a har dawn em mai ti sap sap tu Kilhmawia kam chhuak chu pawmpui tih hriat tak chuan an bu nghat nghat hlawm a. Thanghrima erawh ṭang khawh ve teh mahse Challiana chung ah chuan tir in an duat thiam ve viau e.
... Hman hmawh chhan tur em em nei lo ta chu kar ah Zan li lai mai riak in, a ninga na Behliang mung hun awm vel ah chuan Sialhawk khaw lan theihna tlang chu an chuangkai ta vang mai le.. e khai kan mihringpui te hmel hmuh pawh a chakawm tawh rum rum mai dawn lawm le tia Phurliana a ti ti suam suam lai chuan Challiana chuan khawlam chu thlir vung vung in, an dinna piah maia Thingkung lian leh sang zet ah chuan a lawn kai nghal zut zut a. Thanghrima chuan kan hmu thui thei a khian thil diklo a hmu ngat mai i nghak lawk teh ang ti thawp sap in Vaibel pawh an ti hlum zui sap sap a. Challiana lo kir leh chuan Thil dik tawk lo a awm tlat in ka hria, lal Tual ni awm tak ah mihring pahih nge pathum ka chiang thei lo an phuar hlawm tlat ani. Kan pan tur khua hian buaina an nei tih chu ka chiang Hmelma in an awp emaw, an khawchhung buaina pawh ani thei bawk engtia hmalak chi nge ni ang tiin a melh kual den den a. A te ber damkawr leh nghal kam chhuak chu chang zui ṭhap in, Thanghrima pawh zai mai mai na hun a ni tawh lo tih hria a in ngaihtuah vang vang in, chin kan bih hmasak ve a va ngai mai awm ve. Ka hliam damkawr hi hmang ṭangkai mai teh ang. Challiana hian khua min luhpui sela, kan ram chhuak in hliam palh leh khaw hnai ber pan tawp kan nih thu keng in i tlu lut rawih mai teh ang. A va mak e aww.. nang a hliam tuar ber hian a hlauhawm ber lai hi chuh fo ṭhin lo teh tun ṭum chu kan la awl ve tawh em em ang che. Lemchan te zawng i zar ah kan thiam vek tawh kakpui lawn nen lam tia rawn in rawlh vat Phurliana thu chu an pawm sap sap in kei ka kal ange an ti zui sap sap a. Thanghrima kâ an leh tum chu Taipuia chuan ngawi mai mai rawh a ti zui hmuk a. Phurliana nen hian kan kal ange, khua erawh rawn hnaih ve zel ula, chin bih in, Kilhmawia hian min zui tel se, thu chhia a ṭha thlen tu ah tia Challiana rawtna ang chuan kal nghal in, Sialhawk khaw lam chu an pan ding zui nal nal a. Ralvenbuk ruah dan ah Khawchhung buaina mai a va nih hmel ve. Leido nei ni sela an ti ruak hauh lo ang khawdang lak ah lah chuan an fal nalh mai leh nghal a, ti nang nang tu Phurliana chu Challiana chuan thlek zuk zuk in, aw khu le.. Kangṭhai hmun awih awm deuh hleka kan luh angai tih leh Kangṭhai hmun ah chuan Phurliana inring lo lai theh luh chu an rual ta pek a, na tuar au chhuah na hmun ni silo, Phurliana lah thinrim tum sateh mahse a theh lut tu ber Challiana a rawn zuan luh ve vut a vang chuan thinrim theih bik hek lo le.. nati ve awm em em a, er zawk zawk Challiana erawh a nihna tak ah chuan a vun chhah tulh mai Keimi nihna zia keng kawp tlat chu Kangṭhai chuan a kang na zo ve tak tak tlat. Lo. Phurliana erawh vual sen tet tut chunga ṭhen sawk sawk in a na zualpui a reh tak ah chuan Khawvhhung lam pan in an in chhir lut ta hnak hnak a. Khaw ṭhenawm ten an hel hram hram ṭhin Sialhawk khua Zawlbuk lama khual buan chin tawk hrelo, Thahrui ngah deuh pawh a mal te te a buan kual chhuak vek ṭhin, mi khualngaithei lo leh midang puihna tel lova kal thei inti em em te chuan Khualval pahnih in tiat lo em em a te zawk phei chu chauh hmel em em a ṭhianpa ina zaka a dawm chunga kal ṭawk ṭawk khawchhung dai lut mek tute chu an hmu duh in, khaw khaw Tlangval tak mi ang maw tih chu an zawhna ani nghal tlat. Chutianga Challiana te lam ngawt an mitzawn lai chuan Kilhmawia pawn in hnuai rem chang chuh par par in lal in hnuai ah chuan awmhmun a khuar zui van tawh a.
... Sialhawk lal in chhung lam thawm na lutuk erawh Kilhmawia chuan mak a tiin a mak tih ti zual tu ber chu hmeichhe nui thawm chhuak ar ar chu ani tlat. Sialhawk lalpa chuan ka dawntuai te lo hnai teh mipa ti lawm famkim tura piang chu i va ni teh lul em.. tar kiring kianga hun hman reng ai chuan ka tan zankhat min pek pawh kha a hlu asin tih pah chuan a hrawm zui nawk nawk a. Kan pitari te khan ka chhuahsan e, te min han ti khanglang a. An vai khan Sapui in la vek sela a ṭha ang ti ila, a umzui tur an liam tawh kha maw zan ina ṭang chuan nang hian ka khumpui mi ṭawmpuiin lalnu hmun ruak chu i luah hlen tawh ang Zupui lek chunga nui huau huau in, Zawlbuk lama Tlangsum a tana kan thlun tak i chhiatna duhtu ber chungah chuan engtia ka tih maw i duh ber a. A ni chuan thah che a tum ngei a maw tiin Thlurliana farnu Pasal nei lova bantlang zak Lianhnawli chu a chul zui thuak thuak reng a. Lianhnawli pawn Mawizuali thangkama awk a nuṭapa Thlurliana thihna chu a mitthla ah rawn lamg nawn awn awn in, a hmeichhiat nahmang ngeia lalpa ber lem tlu in, Mawizuali lam ṭang zawng te thahfai tir vek in, ka thei tak a lawm tia a hmeichhiatna hmanga Mipa te ti lawma a lamṭanga siam ṭhin tu Mawizuali ngei mai chu dawta puh in Tlangsum ni tura thlun beh niin Mawizuali dinhmun chu a va chhe ta em..thi silo in, nitin a thi mawlh mawlh si. Hmangaih tu aia a thlan zawk Thlurliana chuan lei Pialral a temtir lo tluang zel zawng ani e. Chutih mek lai chuan lal tuala che thei lo leka an phuar te erawh an khualval pahnih Sialhawk tlangval zawng zawng vawrh vek thei khawpa mi chak leh tawrawt an ni daih thung. An Zawlbuk lama vawite khat mah la tlawm ngai lo Sialhawk khaw val rual te hian an Khualval pahnih an buan hneh loh te chu awihawm taka bum in an ni ṭhiandun mutui lai tak chung ah hetiang hian ro an rel zui hmak a, rilṭam dangchar Tuihala thih hun nghak in an ngawi ngat ngat thung a. Chau tawh teh mahse an mitmeng erawh a tlanchhe hauh silo. Kilhmawia pawn a bihrukna a ṭanga an mi phuarte chu thlek vang vang in rei an daih tawh hauh lo ang a ti thawp sap lai chuan Challiana leh Phurliana pawn lal Luhkapui kaiin lal in chhung dai luh an lo dil ve leh chiah a. Sialhawk lal LALBURHA chuan pawr fe maia Tlangaupa chu tir in, tunge ka hlim lai chen min ti kham tura ka lal in lawi mi diltu chu va en vat tehtih pah chuan a Ui khawifin rual chu a Pasalṭha te chu a mitmei pah zauh zauh a. Tlangaupa ruala chauh hmel em em leh taksa hmuh tlak a lawi pawh awm lova rawn in kuah lut ṭhian dun te chu engkhaw sawi set set lochuan Sialhawk Pasalṭha pathum te chuan an nghawng leh Chem an lo chuk tuah ta chaih mai le. Challiana tan meuh pawh chet lak na chi a ni ta tlat lo. A mah ngau ngau chu nise a tal pit khawp ang mahse Phurliana tlansan ngawt ai chuan inpek rih mai a ṭul tlat. E khai heti zawng hian maw ṭanpui ngai te min lo mikhual dawn le.. in ngam phawt chuan kan Lu chu la ta che u, ka ṭhian Pasaltha Thanghrima'n kan thihna hi a en liam mai mai hauh lo ang. Hriat chhuah hun chu ala nei khawp ang tia Phurliana ṭawng lang lang chuan awmzia a nei tlat. Kilhmawia pawh rang taka put zal zal in, lal kawt zawla an mi phuar te chuan anrawn melh tlata hria in a buk khum nghat nghat a. Tunge Pasaltha Thanghrima chu ni a, Thanglohrima ani zawk lo maw tia Sialhawk Pasaltha te nuih uar uar lai chuan Challiana chu ring em em maia nui ve in, nuiru, nui ru, in nui rei tawh hauh lo ang. He lal in chawp hian hal darh vek ani ang tiin a nui zui uar uar a. A hnungzang ri dawp khawpa Tlangaupa in thingfaka a hem sakna chu a vialpui ngawl ngawl tura an ngaih laiin tunge ka hnung thak hiat. Nang khan mi hem ve maw na tham law law in mi hem ta che tiin rum el khen chuan an melh mai zawng an mi hren ngawt te chu an ṭih ṭan tlat tih lanna chuan Khasnbawl Upa ho an nui tawi sawt tlat. That nghal law law ang lal in chhung em zawng a zahawm kan mitang te pawh khu thah nghal tur tia Pasaltha LUAITHANGA'N chet a lak tak ah chuan haw haw chunga ding chhuak in lal mual lam pan tum chuan an in nawr chhuak nghal nawk nawk a. Lal Luhkapui an rap chhuak chiah tih ah chuan venghmawr lam ah chuan Silai rawn puak ṭhuai ṭhuai in, ina kang e, Ral Ralll tia mangang au thawm a rawn chhuak ta tlat mai le.. Sialhawk lal leh Upa ten thawm awmna lam an hawi buai chhung zawk chuan Challiana leh Phurliana chu tal phut in an mahni cheltu te ve ve chu phih in lal tual ah chuan an zuan thlak pui zawk a. Kah zui mai chi ni bik hek lo le. Rang lutuka lal in hnuai lama zuang lut in, Thihna Thihna tia au chung chuan inhnuai dang bel in an tlan kawi dun zui zawrzawr a.
.... Sialhawk khua chu an pum buai nuaih nuaih hi ani ber a. Silai puak leh ṭhuai ṭhin te Pachang thinrim in hrosa thawm nen ṭap rawih rawih ri lo chhuak bawk nen meikang lah chuan a bul hnai in hliau kai zel in, Zawlbuk a kan kai mek lai chuan Zawlbuk chhung a ṭang chuan ṭanpui ngai au aw alo chhuak ta tlat. Mi khawngaihna tlachham em em Thanghrima tlanlai chu ding chawih in, chu hmeichhe au thawm chuan mak tak maiin a thin a ti phu tlat. In ngaihtuahna hun a awm tawh lo. Rang lutuka Zawlbuk chhunga zuang lutzawk in Nu valai ti ila, kum chawhnu ve lam lek lek tawh an lo phuar hlawm tlat chu mit zawn chat in, hrep tak chuan tih leh Chu nu kut phuarna chu zai chat hmawk in pawn lam panin a hnuk chhuak zui dawr dawr a. Zawlbuk tuala theh thal ṭhawk in Taipuia lo hnai mek chu enge chan chin a ti zui zat a. An lal a la dam tih zawnga chhanna a dawn chu Thanghrima chuan hrethiam maiin lal in an la thuhnuai lo tih chu a man thiam nghal mai reng a. Thanghrima pen chhuak tur chu a mi chhannu chuan Tlangval ka lawm e tiin a ke ah a rawn vuan chaih a. Chhang tange ti lem lo a kalsan zui hmak in, vawikhat chu melh let leh zawk in lo biru rawh tiin Thanghrima chuan a chhang au zui zauh a. Thanghrima te pahnih in lal mual an thlen chhoh mek lai chuan lal in chhung a ṭang chuan Silai rawn puak leh thawr in, Bilhliana chuan a va teuh ve tia nui huk huk chung chuan Phurliana chu a nuih sun sun a. Phurliana pawh a beng thi sar sar chu khawih zauh in a kap thiam ve riau mai. Hrima engtin nge kan tih dawn lal in chhung ah sawn an tawm khawm tlat mai tiin Thanghrima lal in bul hnaih a, Khawmbawl min Luhka hnuaia ding nui sawng chu a au zui lang lang a. Thanghrima chuan lo veng ru aw.. hal hnan hmak ila ni mai lawm a harsa lo em mai tih leh a meichher hum lai chu chhem alh zual chu a rual zui zauh a.
... Thanghrima'n a hal tak tak dawn ngei a, a lan tak ah chuan lal in chhung lam a ṭang chuan au thawm a rawn chhuak ta lauh lauh reng a. Khatia a huhoa mi beih leh in halchauh kha em ni in thiam. Mipa diktak in zing ah khan in awm em Pasaltha Luaithanga ngei mai chu aw a rawn chhuah zui ta lauh lauh a. Challiana chuan chu chu ka chanpual Thisen mi chhuah khanglang tu kha anih chu ti sup chung chuan Thanghrima lam hawiin a bu zui nghat nghat a. Thanghrima chu ring fe maia nui chhuak in hal hnan chu in hlau hle mai maw, in mi chona chu kan pawm e, tenawm rawn chhuah hlek suh ang che u, Mipa leh Mipa chu in nuai leh rep rep mai ang aw. Ka rep vek dawn che u, kha lal in pawh a ropui bawk a Rohlu pawh a awm nual ang a, in thi dawn, in thi dawn engvang in, Misual an damrei ngaih loh vang mawle, khaile zai vawr ang aw tiin Misual an damrei ngai lo keini chu kan damrei dawn zai rual zui ṭhup ṭhup in lal kawngka rawn in nam tawlh chu melh rawn ṭhup in an ri teng tung hlawm a. Tlangval leh Patling tamzawk te ram lam ah liam miau hek Losul hawn hun a la ni miau si lova, khaw mipui tan chetlak ngaihna a awm tlat lo. Lalburha zupui kai ner nung mai pawh sang veh vawha rawn hawi chung chuan a Pasaltha te rual chuan lal mual chu rawn mawi ve in, a dinglam chuan Lianhnawli chu ala kai zui hram bawk a. Khawnbawl Upa ho erawh ṭi deuh dak chunga rawn pen chhuak ve phak phak in, a him chin lam chuh chuan an tawlh hriau hriau hlawm a. Thanghrima chu muallai tak ah pen chhuak thuah thauh in Sialhawk lam chu an thlek vang vang a. In va ho tham ve tiin anui zui awr awr a. Lal mual sir lam a ṭang chuan ṭhianteu min lo chhuah zalen ve lawk teh u a, kha lal tenawm kha ka piai ve theih nan a bak chu in duh leh min phuar leh dawn nia chu aw rawn chhuahtu lam chu Thanghrima chuan hawi zawk in, Khualval em ni in nih a ti ram zui hmak a. Lianmawia chuan ni ngei e, tenawm taka beihrawn kan ni bawk i ṭhiante ang chiah khan tiin Thanghrima chu alo chhang vat a. Phurlian tia buk nghat pah chuan Thanghrima chuan zamna nei map lova Sialhawk lam chu pan hnaiin, an kal hel zui nghat nghat mai zawng a thlen chin chu melh in an hawi kual dial dial a.... chu pate tak te, hmelchhe zet mai chu tu tak ni ang maw ni ang maw tiin Khaw mipui kang ṭhelh zo a piang lo kal khawm chuan zawhna an in pe tawn sup sup a. An va in zawt nasa tak emm..
MAFAKA KHIANGTE

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:06 pm

THANGHRIMA 24
... Thanghrima tei kual thauh thauh chu mitla lo lek a thlir ngawihngawih tu an awm reng tihThanghrima chuan a hre mawlh lo. A awm dinglama khuavang pahnih awm ṭhiang rial mai a ṭang leh mahni ril a rah ngei mai chu a lo hai theih tak tak lo ani. Hmuhnawm ti tak leh mittui hru mawlh mawlh chungin thlir mahse Pi Mawizuali chuan tunge anih hriat tir turin a huaisenna chuan a ngam lo mai ni lovin Nu a zawnga Nu bawlhhlawh ber a ni tlat si. Aw engtin nge ka lo Tlansan theih che u le, Hmamgaihna leh nawmsak na mitdel vanga mi tenawm ber Uire nu hian ka Fapa ka va kuah chak tak che em tia in hru mawlh mawlh chung chuan Nu mita ṭanga Tlangval hmelṭha leh duhawm ber Thanghrima ke pen tin chu Mawizuali chuan a chhiar kim lo chauh chu ani e.
.... Sialhawk lalpa chuan Thanghrima khawsa zia chu ning tih hriat taka au ṭhawt ṭhawt in, a tu nge ni a i in hriata ka lalram chhung ah thunei ber ang mai a i rawn tal chiam mai le. Ka Tlangvalte an lo thleng thuai ang. Chutih hun ah chuan nuamsa in in leng hauh lo ang. Ve vak vak che chuan a, ka duh hun hun ah ka that thei che tih i hria em. Heng mipui ho mitmeng hi en teh i lamṭang an vang pharh in ania ka rin ni. Tunge ka nih maw kan hrilh ang che. Pasalṭha Laiawrha fapa, Pasaltha Thanghrima ka ni ngai e. I vangkhua hi a ding chhuak leh tawh lo ang nangni ho heng hung pawh kha rang takin kir ula, in thuam ṭha leh rohlu te thiar chhuak rang rawh u khua hi ka hal dawn a ti zui piap piap a. Nang khan ka damvechhung chu kan khua hi i hal hauh lo ang rawn ti khauh tu Pasaltha Luaithanga lam chu hawiin e khai kha kha lawm ka nghah min lo danve i tum deuh tihna mi. Nangni te chauh khan maw in ho tham awm eee..ka hliam damkawr nen hian inbeih tham tawk vel ang a, mal leh mal in te kha i rawn ti ve lang lang in ka hria tia nuih zui kawr kawr pah chuan in pathum law law khan hunṭha rawn dap ru le.. Challiana leh Taipuia chu rawn dawk chhuak rualṭhawt in Bilhliana leh Phurliana erawh Lianmawia leh Phirthanga te reitak Tui leh Chaw pawh hmu pha lova thi tura an lo hren te chu Tuisik leh in hnaivaia Chaw ṭhing te lo pe in an lo buaipui ve mek bawk a. Tuisik lem khawlh khawlh paha ṭam hnem anbar meuh chuan ṭhalai chak ṭha na fam chu an mitmeng rawn harh sawt in, saw pa sawn kabeng a pawt ti thawp sap in, Lianmawia chu a ding chhuak zui zat a. Lianmawi keiman ti bulhmuk tu Phirthanga ding chhuak anhanbel chiang zet zawng Bilhmawia leh Challiana pawn an tiat lo nasa kher mai. An rilru chuan pha teh mahse mithum ngawt Chaw leh Tui engmah ei in talo chu an kaihza tha erawh ala sairu tlat thung. Bilhliana chuan ṭhiante u kan lo awl ang che u, Rilru hian cho in zuam viau ṭhin mahse Taksa in a phak loh chin a awm ngai e. I dilang in an lalpe erwwh i kut ah dah tur in kan Hotupa saw kalo sawipui dawn nia tiin Lianmawia leh Phirthanga chu a namṭhu ta thuai a. Pasaltha leh lal Ropui Thangtawia fapa phuar ngam tu chuan a tuar khawp ang ti thawp sap chung chuan Lianmawia pawh Thingkhawn remchang ngheng chuan a ding khue ru dar dar a.
... Pasaltha Luaithanga kawk vah chung chuan nang khan nichin khan thisen mi chhuah ve ser ser tiraw lo hnai rawh le keimah nen aw tiin Thanghrima Chem hum lak sak pah chuan Challiana chuan Hrima lo kiang rih teh ka Thisen man kan pe let ve hlak ange tiin Luaithanga chu a pan zui mawp mawp a. Luaithanga pawh zam map lova Challiana lama pen zui pawk pawk in lal muak lai tak ah chuan ngam leh ngam chu an in veh ta theuh theuh mai le. Thanghrima erawh Vaibel lakaiin nui san san chung chuan bawp khawkherh meuh in Challiana te chu a thlir dauh dauh a. Misual an damrei ngai, keini chu kan damrei dawn ti zui al al in, ka ṭhian Thapui han chhuah chhin teh tiin a au zui langlang a. Ni ang hmiang tia Challiana'n Thapui chhuaha Luaithanga an nawr tak tak mai zawng in mal beih a ral ah chuan ka bma a ding zo tur ka hmu bik lo titi Luaithanga chu tawlh zawt zawt in Challiana Sahna chu a chem hmang chuan lo im dang ve teh mahse a Sat tu thepek na lutuk mai leh a hah thei lo maw tih tur khawpa tha zuai hauh lo a bawh char char tu lak ah chuan a theihna a lantir thei meuh lo. Hah khat ti ni awm taka Challiana a din nuih tak sung ah chuan Luaithanga pawh thaw kiar zui pawpnpawp in, Challiana lah chuan anuam dawn e, thlan a cbhuak ve tak tak dawn tlat i hah dam deuh tawh em Pasaltha tia an nuihsawh zet zawng Luaithanga chuan angai thei ṭhak lo. Nau a kha zawng aite chhin na chauh anih kha hawisang lutuk lo la i tan a hrisel ang tih pah chuan Challiana chu a rawn bawh thut pek a. Challiana lo in veng leh persawn mai tur a ring chunga bawh rawp a nih vei nen Thanghrima leh a hote an tawlh mai mai ngai lo tih a hriat meuh chuan a mah zawk chu a thlep zui ta hnawk si. Makti taka a mah rawn hnaih thuta a Chem humna lam chhawk sak hman tu Challiana a melh lai chuan Challiana Chem chu phe leh zawk in Pasaltha Luaithanga Lu chu a phel zui ta phawk mai le. Mak tak maiin Challiana hian Pasaltha Laiawrha ral thah dan kawng a zawh tlat mi Lu sat phel zawng hian a kal tlat.. Thanghrima chu rawn zuang chhuak tharh in Ṭhian Chal midang an la awm ve sia phel darh rih lo mai rawh tih pah chuan Pasaltha Luaithanga Thluak baw nuaih mai chu a kut khing hniha hui khawm Khawnbawl Upa ho ṭi fe maia dingkhawm te theh nan chuan an hmang ta pek a, an ni ho lo ṭe teng tung chuan a ti lawm tih hriat tak in a khek zui rawih rawih a. Thanghrima khawmgaihthlak zaidama ka ni ngai e tia a hming chhal lauh lauh chunga an lam ter leh at at mai zawng Mipui lam chuan an rap ṭan tlat...
.. Sialhawk Pasaltha la dam zinga lian ṭha zawk kawk vah chunga nangmah kha ti nghut chunga pen chhuak Taipuia a thirtiang nena ding tlawn zuah mai chu Sialhawk pasalṭha Rumliana chuan melh zuk zuk in ka duhtawk e. Hneh loh tur zawng sual ka zuam lo ni teh se. Hah hnepa pialral pan tho tho ka peih lo ti bul hmuk in a chem chu a paihta daih a. Aw.. kha ṭawngkam kha ka duh lutuk hah hnepa pialral pan awiii ka Pa he pasaltha hi a fing lutuk..i haw thei ang i Nupui fanau te hruai la pem daih rawh tiin Thanghrima chu a rawn au zui lauh lauh a. An hotu en leh an rinrawl ber Pasaltha Luaithanga pawh awlsam fe a dahṭha thei hma ah zawng engruai ang in a in ring bik lo nge Pasalṭha Lairawka pawn ka ṭhianpa hnung kha ka zui ve ange a rawn ti ram hmak a. In fing hle mai ka hmuh phak lo ah kal bo vat rawh u tia hrawk khar khar chung chuan Sialhawk lalpa chu Thanghrima chuan a pan ding nalh a. Hnunglam hawi map lova, Thanghrima chu. pen hnai zel in, a sir lam a ṭang chuan Ṭhianpa vawikhat chauh tih thawm a rawn chhuak ta tlat. Thanghrima pawh ding chaihin aw rawn chhuah tu Tlangval hmelṭha zet leh piandik zet mai hmel nelawm tak mahse mitmeng erawh hriam em em pu si Lianmawia chu melh in enge ni ta, an mi man kha i ni maw tiin a nui zui sak a. Lianmawia chuan buk nghat pah chuan tenawm chhuaha kan muhil lai minbeih rawna, rilṭmdangchara thi tura ka chunga rorel tu kha lal tenawm tak kha rorel leh ngai tawh lo tura siam na hun rem chang min hawn sak theihchuan ka lawm khawp ang. Thanghrima chuan lal meuh chu thah thiang lo an ti ṭhin tih i hria ang tiraw alo ti khauh a. Hria e mahse lal fapa tan chuan thah a thian loh na ka hre hauh lo. Lianmawia ka ni e, Pasaltha leh lal ni bawk Thangtawia fapa tiin a phun chhuak sap a. Pasaltha Thangtawia, Thangtawia, aww..ka hria, ka Pa khan Sei fate zing ah mi tlawm thei awm chhun chu Pasaltha Thangtawia chiah chu pawh Khawmhma chem maia inbei kan ni. Vawikhat pawh ka tawk fuh ve lo tiin i pa chan chinchu min hrilh ṭhin asin mihrang pawh i nih loh tawp chu kei pawh lal Fapa tho ka ni han ti dawn ila, Kap kebula fapa mai ka ni leh si tiin a nui zui hak hak a. Kap Kebula fapa chu ṭawngkam chuan nataka den anei ta tlat. I ni i ni chiang khawp tia Pi Mawizuali hawi chhuak chu rang lutuka tlan phut in Ka Fapa tia au chung chuan Thanghrima chu a nam thal zui ṭhuai a. Ring em em maia Silai puak ri chuan zuiin Pi Mawizuali pawh a a hmute zawna Silai mu rawn tlang hup chunga awn ruai ruai in, harsa ti tak chunga Thanghrima melh chung chuan Ipa leh i U Zarliani kha min lo biak dawn nia, nu tenawm ber fapa i ni e. Min ngaidam ngai suh ka Fapa tiin a zal zui hnawk a.
... Thanghrima kah thal tawp tuma a ruka chet rawn la tu Pasaltha Lairawka tlan chhe ṭan chiah chu Bilhliana chuan Thanghrima fei a hum sak chu lek chhuak in a zuang kang zui zawk a. Khawh hlumsuh tia Phurliana aw fiak ṭhak a chhuah rualchuan a fei hum lai chu lek hniam hret in Bilhliana chuan a khawh chhuak zui zawt a. Pasaltha Lairawka tlanchhe lai Mawng ah tak chuan tlum zui thawih in thihna em nilo mahse tlan thei zia zang ani talo. Thanghrima leh Pi Mawizuali in pawm ran mai chu melh rawn ṭhap in Thanghrima pawh a hawi buai ta nak mai. He nu hi tunge fiak ṭhek ṭhawk a au pah chuan a hawi kual ruai ruai a. Kha mihur nu kha maw keiman ka hrilh ang che, Pi Mawizuali thi tur ṭawngkam hre pha hauh lo chuan Lianhnawli chu rawn pen chhuak in Uire nu anih kha. Ka Nuṭapa Phirliana'n a bum kual hrep tawh Mualnuam khaw Nu anih kha a Pasal fanau chhuahsana ka Nuṭapa rawn um a, a tawpa ka Nuṭapa that leh tu anih kha. Mi tenawm tawp anih kha nang nen khan danglamna in awm ka hrelo. Thi tlak ani, Thi tlak.. Thanghrima erawh a kâ a ang tawh eih lo. A thinlung chu chhun anga na in, a phun zui sep sep a, Awww.. Nu tenawm ka pian chhuah nana mi paitu chu i ni si a maw, a Pa leh a U in a nu chanchin an sawi ṭhin lai chu a mitthla ah rawn lang zut zut in, Uire nu nang vang chuan ka mittuizawng ka seng hauh lo ang. Mahse Ka Nu chu i ni si, Hmeichhe tenawm ber ni mahla, ka nun ai ah i nun i hlan leh lawisi, Awww Nu tenawm enga tinge min kalsan lo meng leh la ka zawhna hi min chhang ta che nang vanga tihduhdah leh nuizat, hmuhsit ka tawh zozai te hi a rapthlak asin, nghet taka Kuah in ring rapthlak em em maia au chhuak chung chuan Lianhnawla hmel hmu thei tur chuan a in her zui riai riai a. I nuṭapa chu um in, a nupui a rawn nita ani maw a ti chang zui fak a. Aw ni ta ngei e, a tawp ah tenawm takin a tih hlum tir leh si, Ti chuan Zawlbuk ah i thlun tir ta a, nang hi he khaw lalnu tak tak hi inih ka ring hauh lo. Tin he nu hian hmangaih taka a Um tlangval chu chhan awm lovin a thah ngawt ka ring tlat lo. Kilsir aṭang chuan khanu kha kan lalnu ani awzawng lo, kan lalnu luahlan tu anih kha. Kan lal nupui te erawh nimin lam khan lal in an chhuahsan ta anih kha um a that vek tura kan lal hmintu Lianhnawli kha kan lalnu ang in kan en ngai hek lo ang. A nih chuan in lalnu leh a fate chu an kal ta ami. Kal ta e, mahse that tura atirh te nen nizan vek khan an lo kir leh tawh zawk e. Val Upa Khawrliana chu melh rawn ṭhup in, Val Upa vek chuan vawiin a ṭang hian kha mi hurherh nu in a serh tenawm hmanga a thunun lal thuhnuaia kun hi kan duhtawk ta a rawn ti zui khawl khawl ta mai a. Khamglang a che tia lalpa arawn au chhuah lai tak chuan Lianhnawli chuan Khawrlian nang khan mi hur herh mi ti ngam a maw, he mi hur nu hian a lo thlem lungawi.. Lianhnawli bek chu ri zui siah in, Thanghrima ben na a vang chuan a ṭhu zui hnawk a... Eng anga Nu tenawm leh Uire nu pawh nise ka Nu a ni tlat. A ṭum khat nan hmeichhia kut ka thlak ta, ka in thlak mualpho ta sa sa tia Lianhnawli lam a pan lai chuan Sialhawk lalnu leh a fanu te pathum chu rawn lang hlawl in, Tlangval keiman le, Lalburha pawh a Nupui aw chhuak chang fal mai chuan hawi tir zawk in, nangnu kha i la rawn kir ngam a maw a tih lai tak chuan Sialhawk nu tling rual chu rawn ri huk in, Lianhnawli chu lal nu te nufa ho nen an ching phar ta nawk nawk mai le.. Phurliana khawih ve chak lutuk chuan mi kar a ṭang chuan pilh hlawk khawpin a zuk sik ve hram pek a. Kar lo ah thuam pawh in bel map lova thi meng hru chung chuan Lianhnawli chu a phar kak zui huang a.
... Lalburha au chhuak ṭhawt chet lak ngawt tum chu hlawm zui nawk in Lianmawia ngei mai chuan ka thihna tur thang kamtu hi nungdama i len reng na chhan tur ka hre bik lo. Phirthanga chu dan hman map lova rawn dawk chhuak zawk in lalburha chu a chawi lawk a, tual char den nan a hmang zui ta mai le. Phirthanga pen hnai leh mek chu Lianmawia chuan au ṭhawt in la that suh a ti fiak zui ṭhak a. Ka Pa chuan mihring nunna hi a hlu em em a, a ṭul tawp a nih loh chuan nunna hi laksak mai mai loh tur mahse hmai mam mata siam tal tur tiin min chah ṭhin tih paha Lalburha hnar Lianmawia'n an hlawi ṭhawt mai zawng mipui ri huk kar ah Thanghrima chu rawn nui san san in Lianmawia dara bensak thak thak in, lal Ropui Thangtawia chi leh kuang i ni ngei e. Hmai mam na ka hre reng tawh ang tih ve chhinna tur ka nei nghal maw khahhhh.. Thanghrima nui erawh nidang a ang tlat lo. A kiang hnai mai ah an mahni duh lova, Uire san a tlangval dang umsan tu a mah paia hring chhuak tu leh an chhia alo lawh fo tawh nisi, a nun aia rawn in pe leh lawisi chu nunna reng neitawh lo tih hriat takin a mu zar tlat a lawm.. zawi zawia a mitmeng rawn in thlak in Challian rawn hnuk hnai teh u, i va bengchheng ve tih pah chuan Lalburha hnar nei tawhlo a tal kual rak chiam chiam chu hnaih thut in Bilhliana chuan nghet zetnin a rawn dawmpui chaih a. A ka keu ang sawt sawt in a lei an tan sak leh hmawrh mai zawng a rak bengchheng tawh vak lo.mai thei e.
... Pasalṭha Lairawka hlauthawng khur hlak hlak chu Thanghrima naute ho chuan ṭhut bial luih in, an Lulak chem chuan a rem lai lai ah an hlep zui ta mial mial mai a. Natuar rak thawm chuai raoh raih kar ah Lairawka hnar chu a zai ngat in Thanghrima chuan a zai zui sat sat a. Thisen luang zeih zuih karah ṭhu sawp hnawk in, ka Nu a ti thawp sap a. Phurliana chuan rang taka Thanghrima chu kuah in ka ṭhian pangngai taka phum ani ang. Sialhawk khaw tlangval leh Pa ho rawn tlan thleng mek te chu lalnu leh Val upa chuan kut phar chunga lo dang in thil awmzia an sawi nghal zung zung a. Miruang thihdan pangngai pawh nilo rapthlak thei ang ber a sawisak tih briat tak te an hmuh meuh chuan Sialhawk ho chu an ri ta mur mur mai le.. Challiana chu rang lutuka zuang dawk zawk in thih in duh loh chuan tuman bengchheng siam tawh suh u.. ngawi chip cham rawh u a tih.mek lai chuan Tlangval pakhat chuan mai mai chuan i thu hnuaia kun kan ni lo ve Sialhawk val kan ni ngai e tih leh a Lulak chem lek chunga chet lak a rawn tum ta mai a. Challiana chu rum nghut in, chu Tlangval chetla tur chu Keimi anihna tak nen an zuan chaih mai a le.. mitkhap kar lek chhunga Sakei lian lutuka changa an ṭhianpa an kiang maia an hap rik tak bawrhbawrh ah chuan Sialhawk val rual.mai nilo, mipui te chu ṭe teng tung chunga tlan nuaih nuaih in Keimi, Keimi tiin an in pal tlu khawt khawt hlawm a. Val upa leh lalnu te ho kiang ah chuan Taipuia chuan tlan ve su ti sup in a din hliah ta thuai a. Challiana pawh kar lo ah mihring anihna pangngaia kir leh vat in, ka thu zawm mai sela ṭha tur tiin Thanghrima ṭhu kun lap lam pan chuan a pen zui thauh thauh a. Keimi nena mual.khat mawi za zawng ala dam ho chuan nuam an ti lo nasa mai. Lalnu chu muangchamga pen chhuak in, Thanghrima hma ah chuan a ṭhingṭhi ta rap.mai le.. Pasaltha i tan hlutna leh hlawkna a awm chuang lo bawk a. Kan khua hi min halsak lo hram rawh ka Pasal ni ṭhin Rohlu te chu induh duh in la dawn nia mhase khua hi min zuahsak hram rawh tiin a gen ta chawm a. Thanghrima chuan vin ṭhaka chhang in Tho rawh Thanghrima hnen ah hian thil dil mai mai chi ani hlei nem, kal kiang teh a ti zui hrawk a. Ka kal lo ang, ka ngen na min tih hlawhtlin sak hma chu, lal fanu te chuan hlauthawng taka anu leh Thanghrima an thlir ṭhap lai chuan Thanghrima chu a nui ta var var mai le. Sialhawk ah mi pangngai an lo awm ve anih hi. Lalnu ropui tak i ni ngei ang i huaisen hle mai ka nun che anga, khua pawh ka hal lo ang. Rohlu erawh kan mamawh tawk chu kan la ang. Nangkha Val Upa i ni tiraw i Tlangvalte ko la, khanu Phumna tur kha lai rawh se, nangni kha lalnu ropui fate in ni ang maw in chhung ah lut ula heng ka ṭhian te tan hian rang takin eitur siam rawh u tiin Lianmawia leh Phirthanga te chu a melh pah zauh a. Lal fanu te erawh hman hmawh bak lenga tlan nghal dawr dawr in Val Upa pawh Thanghrima thupek zawm chuan a tlan zui dawr dawr a. Thlurliana chuan lal in ah zawn lut ang a tih mek lai chuan lalburha tlukna lam ah chuan thawm rawn awm zauh in lalnu chuan a Pasal nikhaw hre mumal lova awm mek nghawng ah tak mai chuan alo sat siah siah mai chu niin Thanghrima pawh nuisak in,ka Nupui tur chi i ni, mahse i zur tawh mah mah tiin lalnu chu a fiam pah zauh a.
.... Lianmawia leh Phirthanga pawh puar el euh a, ding chhuak in Thanghrima nu ruang an zawn chhuak tur chu pui ve nghal vat in, an kalliam pui tur chu Thanghrima chuan thlir zui vangvang in, Uire nu.mah nila ka nu i ni tlat si. Tun ah chuan ka hna ka hlen famkim ta tijn muangchang chuan lal in chhung lamnah chuan a tawlh lut zui zal zal a. Tlangval ten ruang an senghawi mek chu hmuawm pawha awm lo chuan tap zawla lal fanu te pahnih Val Upa ho a rawngbawla buai em em.mai chu melh deuh run run in, Leihkapui lam pan chuan a pen zui pawk pawk a. Hman hmawh em em a, in phurliam te chu thlir in a kianga rawn ding ve zat lalnu chuan kan Tlangaupa te chhungkua an nih saw a ti thawp sap a. Thanghrima chuan khik suk pah in dam an thlehlel ve ngang ngang em mai kal phawt teh se tih pah chuan Vaibel chu lek chhuak in meiling chhuan tum chuan Tap lam a pan zui vut a. Lal Fanu Sangziki chu nek thawi thuak in an kheuh pah zauh a. Lal fanu pawh et deuh zak in awiii Thanghrimmmmteeee a ti sin hlarh hlarh a.
MAFAKA KHIANGTE

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)