PASALTHA THANGHRIMA BY Mafaka Khiangte Hmeltha (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGHRIMA BY Mafaka Khiangte Hmeltha (Completed)

Unread post by Ngaia » July 22nd, 2020, 10:15 pm

THANGHRIMA 43
.. Kilmawia chuan a hmaa lal leh Upa te ṭhu bu lak lak chu melh kual den den in an thluak a su hneh tawh in a thunun hneh tawh bawk a, lalpa tun ah chuan i tlangval te pawh khawdang tlangval te aia chungnung ṭhiau an ni ta. Ti hi chuan kalsan ngam in ni tawh e, ka sawi fo tawh ang khan Hmelma nei, ka ṭhian ka aihnahphahpui te ngei umzui leh ka hnunglam a ṭang pawha min kah hreh miah lo tute chhuizui ka nih ang khan in vangkhua pawh hi kan chhuahsan a ṭul tawh in ka hria, keini ho vanga in lo tawrh ve ngawt hi a dik dawn lo tlat, awihawm taka hawi kual leh te te in, kan chunga inlo ṭhatna leh min khawngaihna zawng zawng ah hian kan lawm hle ani. Thanghrima leh a ṭhiante humtu khua tih in ni reng tawh ang tih pah chuan ṭhuthmun thawhsan tum awm ang tak chuan an in siamrem zui sat sat a. Sialhawk lal Saikhawma chuan ring fe maia chhuat hang ben dawp pah chuan Pasalṭha i mawng kha kan hlek suh, kei hi eng hmuh in nge min hmuh tak mai,ka aihnahphahpui te pawh hi mi tlan chhe chi leh phatsan ching hmuh in min hmu ta mai em ni. In buaina chu kan buaina, in hmelma chu kan hmel ma, a bul kan ṭan ho tawh abtawp pawh kan thleng ang ka vangkhaw ropui nana in ke pen tin te hi ka hmuh hmaih lo asin, a ṭul a nih chuan ka thi hmasa ber ang. Khua in chhuahsan hauh lo ang. Ka phal reng reng lo kan zing ah hian kan unaute lama ding ngam lo khawpa mi dawihzep in awm em an ti ṭeng leh chhuai mai zawng, upa ho pawh rang tak ding chhuak hlawm in, Upa min Kapṭiala chuan khawinge vanglai nun kaitho leh ang aw. Ka Pu Sakei kah hming chawia Kapṭiala ti ka hmingsak chhan ang ngei hian kan hmelma ho chu i hawl tlu hmiah hmiah mai ang aw. Thisen tlanchhe hnam ka ni ne maw, tih pah chuan lal Banglaia silai chu ban in, Thanghrima a tlawmnka hre ngai lo. Kan hnehna lawm nan leh Mi Lu lam nan ka Se chal ngei ka thawh e tiin a hawi zui valh valh a. Chu chuan boruak ti alh zual in Kilmawia thiam taka a ṭan der velna te chuan a ti phur zual sauh bawk nen, lenghawn ar khuan dawn hnaih tawh ah chuan Tlangaupa chu an tir chhuak zui ta mai reng a, lal in thawm hre phak ho beng chhi reng renga awm te lah chu tho nghal suau suau in lal thu chhuak ang chuan Ralkai thei chin chu a bo a bang awm lo chuan lal mual lam pan in an tlanzui dawr dawr a. Lal thu chhuak a khirh em atin ni. Vaibel beng khat ka zuk ral hma ngeiin lal tual an mawi vek tur ani tiin a au tel tir miau alawm le. Chutianga Sialhawk lal muala an phut suau suau lai leh a chhan an in zawh sup sup lai chuan Kilmawia'n a thluak a suk sak tawh lal Saikhawma chu Luhkasang ah chuan a rawn ding buk ta lak lak mai le. A kut phar duaiin, ka Tlangval leh ka chhuanvawr te u, zanin hian in lalpa hi ka thu hriat in min beng hawi sawk asin, enteh u, an thiam thil tinreng min hlana an theihna zawng zawng min hlan tu Pasalṭha Thanghrima chuan a hmelma te a vanga kan tawrh ve duh lovin, khua hi chhuahsan an tum thu min kam keu nia, Sialhawk khua hi ṭhiante hma a ding ngam lo tur kan ni em, Boruak reh ṭhuap kar ah, thih hlau fa chu hawng ula, pawnpui hnuai ah va tawmsen rawh u, kei zawng ral hmatawng ah ka ding dawn,ntunge ka ruala tluk a ṭul pawha tlu ve ngam le, Thanghrima te hmelma chu kan hmelma ani dawn lawmni tunge lo pen chhuak dawn an ti leh meuh zawng Keimah, keimah tia au tuarh tuarh chunga lal mual zau laia pen chhuah in chuh chunga haw haw luih luih in, Kilmawia a kil thim china a nui ru var var chu hmuse mitvat pangngai chuan a vertherna puan chu an hmu thiam mahna.
... Phurliana chuan Thanghrima chu kheuh zauh in, beisei aiin Thisen a luan tam angai dawn tlat mai ka ti. Hetiang ema mi verther anih chu kalo ring phalo asin le tih vang vang pah chuan thawm dim zet in an tawlh kir leh ta zal zal a. Sialhawk khua an panna kawnga Sialhawk khaw hnaihber tu CHAWNPUI an tlawh kawi khernkher chu an tan vanneihna leh Samtlang ho inbuatsaihna leh Kilmawia te chetdan phung niawm an hriat phah hlauh zawk a, ṭum dang ang lo taka an fimkhur em em chhan chu a hlawhtling ta tlat. A him chin an thlen fel chuan Thanghrima chuan A khaw nawta tawrh tir loh dan kawng kan dap hmasa ang, mahse kawng a in hawng ngang lo anih chuan kan vaihma hmiah bawk ang. Kan um thui tawk tawh, Nupui neih pawh chakawm ve tawh lawm le, a chawmna tur lam kan neilo a zengnpawh ni hlei lo. Kilmawia teh hrep chu le beisei aia thluak a vawrh ve nek chu le, a zung hmawr a ṭangin ka hlep ṭan khawp ang tia ding chaih in, tun ah khan Ralven buk a ruak vek, khaw kulh khawih danglam na hun ani let vat ang tih leh tlan nghal chu rual in, phurliana pawh chuan i he lova zui ve nghal thuai in, zan thim hnuai mah nise, Pasalṭha ralhrat tih tak ah an che thei phian zel mai. Sialhawk ho Kulhhung chu hel zui pap pap in, an beisei leh duhthusam ang deuh chu an hmu ta. Ralven buk leh hmun dang a ṭanga pawha hmuh mai harsa lai chu hman hmawh tak si, hnu pawr lo tur ang bera ṭhut chilh nghal in, en.mai chuan nghet taka la in phuar leh rinawm taka ding hmel a la put laiin a hre chiang tu tan chuan Luhtlang harsa ani ta tlat lo, hlawhtling inti taka nui var var chung chuan an ṭhiante an nghahna hmun leh an belh Puk lam pan chuan an duk zui par par a.
.. Engtik nge kan chet chhuah ang tih vel an rawt ve laih laih lai chuan Taipuia ber kher chuan zanin ah ni rawh se a rawn ti vei bauh a. Thanghrima chu ngawi zui vang vang in, ummm a ṭha ang an sahawk buai lai tak sawn zanriah bar thuai ila, zanrei ah an lal kan be phawt ang. Thudik kan hriat tir te te anga chutah a pawm lo anih leh kan chimih barh anga ti nia a ti ram zui hmak a. Kan peih vek tawh alawm ti in, Bilhliana chuan chet ala nghal zung zung a. Awl bik nih tum lova phe nghal siau siau in kar lo ah zanriah chu an bar zui mawlh mawlh a. Leng len hun pangngai nilo, Lenghawn ar khuan i nghak zawk teh ang an lal chauh biak kan tum rih bawk a tia Thanghrima rawtna ang chuan titi zuih laih laih in, Bilhliana'n a Lawmnu ve deuh nau lo pai puae pang thu leh a thu khar nana beisei aiin alo hur phian aniang, a hma te khan lo keuh ve dap tur hi nia, a mawng a chhing ṭha lah lah asin le tia an khar meuh zawng an ṭeh ṭha tlang teh e. Taipuia chu dawp titih in, Khawnbawl min fanu kha i awm ah a bei zui zel thei em tia Thanghrima ber in a zawh tak ah chuan ka Chi a hut lo tur ah ka ngai tiin a chhang ta ut rauh a. Chhe heuuu.. Challian inva in ang awm lo ve, Ṭhian Chala zawng tia Challiana Lawmnu an rim dan vel Thanghriman an sawi kai mai zawng Phurliana lawm fal lutuk chuan awww.. Ram pilril han nise Thinglera au ka va chak em an ti kher pek a. Em em a che nangpawh enge i nih bik, i tawng sang awm bik vak lo em mai a. Ka in zir dawn a lawm, Hrangliana nu pawh kha ka khawih lo tihdan ka zawt alawm, hepa hi ka zawt ṭhin a, min hrilh dan anga ka chet a piang in ka che sual ve ziah tiin Thanghrima chu a nam bu zui lawp a. An in hmuh loh chhunga an chet dan hrang hrang phawrh kual.in an titi tui deuh aniang, khai a, Zanlai ar khuan ahun dawn tawh ang ka ti khawinge i che chhuak dawn ang hmiang tia Tawlhkunga a rawn chet tak ah chuan ani maw thli thaw pawh a vawt var tawh anih hi tih pah chuan insiam zui sap sap in, Phurliana chuan kal paha titi vawrh in hawh u an ralveng te sawisa ang u that kher lem.lovin ruak in i phuar khawm dawn teh ang tia rawtna a rawn siam tak ah chuan a va ṭha dawn ve ti sap sap in Phur zet chuan ramhrui an chhat zui zung zung a.
.. Sialhawk lalpa.pawh Zupui a tauh hnem deuh nge a hnar thawm ana in Se chal in a cho mai ang tih hlauhawm khawpa hnar kuk kuk a, a thawk suk suk lai chuan a mah silo chauh in, Thanghrima leh a ṭhiantena an din hnaih tih reng ala hriat loh.lai chuan Phurliana chuan mei alo nun mek bawk a. In mitmei kual zauh zauh in, chan insem in an bitum tur ṭheuh te chu an din hnaih zui sap sap a. Thawm chhuah map lova chinfel chu an tumdan ala ni ta fan. Thanghrima chu bu nghat in, lal Saikhawma chu a sawi zui na na a, a kianga mu lalnu rawn harh chu Tawlhkunga chuan rang taka a ka hup sak in bengchheng siam hlek suh a ti ram zui hmak a. Lalpa ber harh lawk thei talo chu a chem vawt thler thlawr chu a awm ah nghat in ala harh ta chuang lo. Hmmm tih pah a a Lulak chem hmawr kawm laia a awm an rinsak zet zawng a harh chiang ngang mai. Enge tia a rawn ṭhut chhuah rual chiah chuan Thanghrima chuan a ka hup sak hmak in Thih i duh loh chuan bengchheng siam hlek suh tiin an hawi kual thuai a. Lal Chhungkua te chu ṭhut tlar tir ṭham in, Thanghrima chuan thil awmzia diktak chu a sawi zui ta dap dap a. Lal Fapa Saikunga chuan ka Pa an thusawi kha adik, Pasalṭha Thanghrima tak tak chu i hma a ṭhu kha ani ngei ang, a chanchin than dan nen a in mil chiah a rawn ti ta khauh a. Saikhawma chuan lo mgawi hmak rawh. Thanghrima ani tak tak a maw nilo pawh nise kan khaw tana an thil ṭha tih tawh zozai leh ka kâ kalo an tawhna ka bawh chhe dawn lo i duh anih chuan min that rawh le Sailo Ngurpui hlau in kan zam ngai love a ti zui nghut nghut mai le. Ummm a ṭha anih chu midang kha bengchheng siam duh inla awm em tia zawhna pe kual den den in, a ngaihtuahna thar neih vang chuan a nui zui var var a. Lal Fapa lam hawi pah chuan Tlangaupa ka mamawh tlat a ti thawp sap a. Ka han ko ange, mahse ka kal hlan in ka Chhungte, hlauthawng duhsuh that duh che u ni ila nichin ah khan in thi daih tawh ang tiim Phurliana chuan alo chhang thuai a. Taipuia chuan zui vut in, pawnlam thawm chu a zawi zui tial tial a. Rei pawh nghah ngai lova Tlangaupa tela rawn let thawm chu ngaithla zui kar in, Luhkapui kai thawm chu a ri zui thuai a. Tlangaupa lal in chhung dailut tlan chhuah leh tum chu Taipuia chuan nawr let nawk in bengchhe miah suh tih leh a Thirtianga tin an rual mai zawng Tlangaupa chu sai nghal dut dut in, Taipuia i ni chiang a ti ta phawng pek a. Ni e tih hmuk pah chuan Thanghrim tiin Taipuia chu a ding tlawn zui zuah a. Tlangaupa chuan ka rin ang chiah, Thanghrima tak tak ni theiin ka hrelo reng ani. Tunge ni ta ang kan khaw min chenchilh tute hi a ti vei hluai a. Thanghrima chuan ṭhut hnaih sauh in ngun takin ngaithla ang che, chamsawm vek i duh loh chuan ka thu ang tak in che ang che tih pah chuan khawnbawl Upa ho kaihthawh dan tur chu anhrilh zui mawlh mawlh a. Sialhawk khawnbawl Upa ho pawh an thu dawn in a zir deuh nge ni dawn ni hman hmawh taka lal in lam pan nghal dawr dawr zel in, a thleng hmasa a piang mai chu Thanghrima te chuan lo thuhnuai hmak hmak zel in, a thleng hnuhung lam ten an rin hlelh mai loh nan thawm erawh nalo te chuan an nei mam mam reng thung a. A ngaihna hrelo zeta hawi ka hau hlawm in an khual val te chu an phak tawk chuan an zir nasa ve tih hriat tak chuan an meng kal ralh ralh hlawm.a. Thanghrima chu muangchanga ding chhuak in, thuawih kha in damna tur ani tih hre hmasa ber rawh u. Ka hminga hawh a, nuamtin chen a, mi phatsan tu Kilmawia te hnu rawn dawm mai kan ni. Mahse luhlul in chhuah anih ngat chuan Thanghrima diktak hi engtiang chiah in nge ka chet ṭhin in hriat loh ka ring hauh lo ti ram zui hmak hmak in lem chang mai leh a nihna tak kawltu zawng an huhang nat dan ah alang nge ngawi zui ṭhap in, ṭha te te a an awm dawn a maw an tih lai chuan Kilmawia in nghahna pa ber Upa Khualluta chu che thut in lal kawngapui chu a ke leh lam in a kan hman hial awm e..mahse englai maha in thlah dah ngai lo mihrang val rual ten an en liam mai lo tlat. Taipuia Thirtiang leh Thanghrima fei chu a thlawk chhuak rual ṭhawt hi ani ber a. A taksa a, fei leh Thirtiang a bur chawt rual a, ding chawih in au chhuah hram ala tum lai chuan Phurliana chem ngei mai chuan a nghawng a rawn chhawk zui zawk a. Challiana chuan midang ho chu lo vaubet hmak in tuman thawm chhuah hlek suh u. A Kawlhnam Neih thar ngei mai chu a vai tle zui zak zak leh nghal a, tap meieng chau tak mai chauh hnuai ah zawng Challiana ngawtnpawh chu pawng nawk ngam chi ani mawlh lo, Phung sawn ni awma mawi ani hawt reng a. A sir ah lah ni se Tawlhkunga leh Bilhliana an Lulak chem nen an ding ngur mai bawk nen ṭhu ṭha rawh u tih an ngailo kher e.
.. Thanghrima chuan a Lulak chem chu phawrh a muangchanga chet chhuah chu rual in, Thanghrima thuawih loh chu a pawi asin tih leh a chem hmanga Upa Khualluta pum zaithler sak chu rual in a ril rawn chhuak kar a Thisen tharlam zet rawn dir zur zur nen Thanghrima leh Phurliana lah chuan timna nei map lo chuan Upa Khualluta Ril te chu pawtfan in an tan zui mawlh mawlh leh nghal. Rinhlelh chi an ni mawlh tawh lo. Lalnu leh a fanu tw pathum mai nilo, mipa ho pawn an melh ṭha ngam tawh meuh lo chu ani e. An ka hnawh sak vek in an phuar zui mawlh mawlh a. Mut sek kan mamawh zing ah inbeihna tak tak a awm dawn tlat tiin Thanghrima chuan Upa Khualluta ruang let ngut mai chu pan hmai leh in, a mal bul set ah chuan tan leh hmawk in Lukham ah an hmang zui hmiah mai zawng, Taipuia pawh a ner ve sawk thei tlat. Chutiang khawpa Ruang leh Thisen ngam chu lal Saikhawma leh a chikawite tan zawng nawk luih chi a ni mawlh tawh lo. Phurliana chuan kalo meng hmasa ange tih pah chuan Tap mei chu chhawm ṭha in Vaibel ah Meiling chu a chhuangkai zui hmak a. Thisen thang huam huam leh ruang kar ah mah nise, mihrang val rual te chu kar lo ah mutui tih hriat tak chuan an thaw zui sak sak hlawm a. Mak tih leh rap hmel taka thlir tlawk tlawk in, lal Saikhawma chu Phurliana chuan hnaih chilh vat in, ka Ṭhiana muttui lai hian hunṭha ka pe leh ang che, i vangkhua hi a boral.i duh te anih ngawt loh chuan Thanghrima thu ang in awm mai rawh nu nau chena tih boral a hreh dawn lo. Tun a kan mi um te tluka huat leh a pawiswi liantu an tam hauh lo ania tiin a chilh zui dap dap a. Saikhawma meuh pawh a ruih a reh fel ta bawk nen a in ngaihtuah nasa in, a vangkhua a mgaihtuah em em rual in, Kilmawia te lak ah thu alo tiam ve tawhna a vang chuan thu sut leh hni hne chu thih hreh tak in a hreh ve bawk nen ngawi ngal chung chuan Thanghrima a khawnbawl mal bung khama tui em em a a mu chu a melh leh zak zak ṭhina. Khawfing chah hun hnaih dawn tawh ah chuan Thanghrima ber chu harh vang taka rawn ṭhu chhuak nalh in Phurliana pawh Tap lum chhim chuan a zal zui ve ta thuai a. Khawnbawl Upa tw zanlaia koh an nih hnu a, kir leh ta miah lo ho chhungte lam erwwh an ngaih a ṭha zan tawh tlat lo. Thehmeh ang maiin lal in lah chu a reh hmak mai bawk nen a engtak chu rel ang maw tia lal in thlek vang vang pawl Khawnbawl Upa Nupui te zing ah chuan an awm nuk reng a, chin bih in han kal ngawt ta se, mipa rorelna hmun ah hmeichhe inrawlh an huatzia leh an Pasalte tana a zahthlak tur zia hmu pha vek an ni bawk nen khawvar nghaka Tap lo mawi ngat ngat tawk pawh an awm nuk mai. Thimṭin a pel a, kawl a rawn en tak at ah chuan lal in hnaih ber khawnbawl min Nupui hawi vel chuan lal in hnuai aṭanga Thisen tharlam tak rawn luang kawi duah chu hmu in a rak ta teng tung mai le.. chu chuan Khawnbawl dang chhungkua ngaihtha tawh lo zeta awm te kai tho nghal in, rang em em chuan an tlan chhuak nghal tup tup a, enge thil awmzia tia lal in tlan luh mai tum Khawnbawl min fapa chu lal Kawngka kiang ah chuan ding chawih in tlan let tum teh mahse a in her rual chiah a a hnung zanga Bilhliana ke phah hlai zet in a tlawh na a vang chuan lal Luhkasang a ṭang chuan thlawk chhuak dawrh in boruak ah chuan a au ṭial zui ruan ruan a.
MAFAKA KHIANGTE



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:16 pm

THANGHRIMA 44

A HMAWR KAN BAWK ṬEP E.
Khawnbawl min fapa lal tuala a vial ngawl ngawl lai chuan khaw mipui pawh thophang zeta rawn chhuak zui ṭuam ṭuam in, lal mual lam chu an hawi dak dak hlawm a, ṭhenkhat zawlbuk lam hawia tlan dawr dawr tawk lah bo lo. Kar lo ah khawpum al nghal in, Tlangval rual te pawh Kilmawia ten an duhtawka an lo hrual ve ngat tawh kha an ni bawk a, an chi ai mai bik tlat lo. Kilmawia chuan ruahmanna siam zun zung in, Thanghrima nui awr awr thawm lo chhhuak chuan a thau ah man in in thup tak chung chuan pawl ah ṭhen te te in, an ni ṭhian ho chan lam chu lal in hnung lam a ṭanga hup thut tum chuan ruahmanna a bilh fel ta thak reng a. Sialhawk khua a, a mah zui sa te nen chuan che chhuak nghal in, Sialhawk val rual te pawh Kilmawia, Thanghrima ni ngei a an hriat thlavang hauh tuma mahni in lam pan nghal sung sung in an Thuam neih ang ang nen chuan an ṭanhmun tur lam pan chuan an liam zui vawk vawk a. Mipui lam erawh lal mual tak dailut ngam chiah silo, chin chang hre duh bawk si chuan im hawr tuau tuau in, tute nge ni ang. Thanghrima te umzui tu ho chu an ni ngei ang ti ti tawk lah bo lo. Val Upa Kairuma chu ringnleng lawnga au chhuak in khalai kan lal in chhunga tawmsen reng ho zing ah khan mipa in awm em. Thanghrima leh a ṭhiante in rawn umzui tih kan hria e. An ni hmachhawn tur chuan min paltlang hmasak angai ang. Mahni ṭhiante pawh phatsan duh mihring in nih kan hai lo e. Sialhawk valrual te hian tinther tia pawn kan hlau che u in min ring em ni. A ngam fa chu lo chhuak ta che u, mal leh mal in ilo sawi fel ila, Tar chaklo zawk phen ah khan in biru reng dawn em ni zawk tiin an au zui lung lung a. Thanghrima chu ter zui at in, e khai Mipa in lo awmve zawk ani maw. Thanghrima tak tak zawk chu kalo chhuak dawn e, thih hlau lo fa tan chuah hmachhawn chi ka ni ang. Tunge ṭhiante phatsana tlanchhe zawk chu in hre dawn khawp. Misual chu um loh in an tlanchhe ngai e. Kilmawia te ho bum kawi tawk lek leh an thiam thil chhete an zirtir ve leh chhawng tan hmachhawn chi kan ni lo asin le, mahse min beisei miau mai sia tih leh zamna tel map lova a fei hum chunga Luhkasang mawi zui zat in, in duh chuan min lo kap thei ang, mahse min kah rual in in lalpa Lu erwwh a bung nghal dawn tih hria ula, pen lut leh vut in, an Khawnbawl a thah sak tak a lukham a tana a hman ke leh lamchu khai chhuak in, Thanghrima hmachhawn tu leh bum tumtu chanvo amih kha.. chhe heuuu.. khawnge Kilmawia teho chu an awm tak, nang kha ni maw min rawn cho tu kha Val Upa i nih hmel in ka hria. Hei hi ka hrilh lawk ang che. Tun ah hian Thanghrima nia in ngaih Kilmawia leh a ṭhiante chu he khua ah hian an awm tawh hauh lo ang. Kan um thui tawk tawh viau asin le, kan umzui zel tur hi min dan in la tum fan nge in kut in sil dawn le, nangni nen hian buaina neih zui kan duh lem loh vanga in vangkhua pawh hi la him hram hram a nia sin. Chuti nilo se nizan khan in khua hi halna hun kan ngah khawp a nia, ka Farnu Pasal neih a hnaiha vang chauha buaina tamzawk pumpelh tum ka ni nang a, min cho tlat si chuan tih leh zai chu rual in lal mual an pan zui ngat ngat mai ale...Val Upa KAIRUMA chu a hawi buai ta nak mai. Thamghrima hmel hmai a lo ralhriat ṭhin dik tak leh a zai leh aw sin sang zet te nen Kilmawia a rinhlelh ruk fo na chu a rawn lang ta. Mahse an tana Kilmawia te lo thawh tawhna a vang leh zah pahna nei map lova an lal leh upa te an rawn thuhnuai hmak mai chu tlawm ah la lak lawh in, a tu pawh chu nila, kan pawi i sawi tho tho keimah nen ngei aw tih leh a Chem hum laia Thanghrima vawm thut chu rual in, a thahrui ngahna hmanga pawm chilh tum chuan Thanghrima lam pan chuan a tlan chhuak zui zawk a. A lu zawna Chem thlawk khak per zauh pah chuan Val Upa kairuma rawn thawk phei phar huang mai bum nan chuan rang lutuka lei a mu zawk in a fei hman thiam em em mai chu chung lama awn dah maia lek chho zawk in, Val Upa Kairuma khabe chu a thil tlang zui pawk a. A Lu luh lo zawnga a vih luihna a vang chuan Val upa chu kang zui awk awk in, Thisen dir zawihzawih kar ah chuan a mit bul seta Fei Kibar kawm van mai chu melh in a dang zui sawp sawp a. Hun ṭha ka pek lai che khan tawp ve mai tur nia tih paha dimna leh timna tel map lova a fei Kibar in Tisa pir tel hawk khawpa pawh dawh zawk chu rual in, Kairuma taksa hmun hrang hrang chu vit zui thawih thawih in rapthlak tak chuan a khek zui uar uar a. Mipui lam lah rak teng tung chunga in hup in, Thanghrima fei chu lal in sir lam hawi chuan thlawk chhuak leh fur in, na tuar ṭe thawm a rawnchhuak zawm zat a. Lal Luhkapui a ṭanga Silai rawn puak ṭhuaiin tumah khan chet la tawh suh u tia Challiana au aw chu a rapawm tlat. An lal Fapa Saikunga chuan a kut rawn phar chhuak in,he khaw hmangaih tu leh a chhiat vek duh lo tu chuan in ralthuam kha dah thla rang rawh u, lal Fpa thu zawng hnial ngam hlawm hek lo le, phun deuh nang nag tawk awm mahse chet la zui erawh an awm lo. Thanghrima erawh a mitmeng rawn danglam leh vek tawh in Thisen chhuak chuan phurna a pe leh tawh tlat. Tunge lo chhuak leh dawn che u, he mihring thlavang hauh duh dang in la awm em tih pah chuan Val Upa Kairuma ruang a fei hmanga a sawisak hrep tawh lei a mu hut chu kawl in, ti hian ro ka rel ṭhin tih paha a mit zawn tak maia an chhuk chhun leh pawp mai zawng, a hmuh ngei a tana Phurlianan a rawn kaih chhuah ngat lal Saikhawma chu rawn au chhuak ṭhawt in, kan tlawm e, kan tlawm e. Khawmge Thanghrima inti, Kilmawia te chu an awm tak. lal Saikhawm chu hawi kual ruai ruai in, Pasalṭha in buaina ah kut kan sil e, khawmgaih in min chhuahsan rawh u tiin a ngen zui ta tawp a. Thanghrima thaza lak lawh tawh lah chu a fei vilika zuang thauh thauh in za miah lo a an nui khek lui vel hmel chhe bawk nen an melh ngam meuh tawh lo. Khawmgaih tak in beih tham deuh rawn chhuak teh u tiin a la au zui lar lar reng a.
... A khawsa zia leh hawiher ah Thanghrima tak tak anih an chiang tlang ta bawk a, an ngawih zui ṭhuap lai chuan Tlangval pakhat chu thaw deuh hluam hluam a, rawn ding chhuak in, a sawi dik an tlanbo vek tawh in phen nan min hmang mai mai ani. Pasalṭha hmachhawn ngam che kan awm tawh lo a rawn ti chuai raih a. Thanghrima chu hawi kual leh te te in, in ralthuam rawn dah khawm vek rawh u a ti fiak zui leh ṭhak ṭhak a. Thuawih loh ngam na chi ni tawh hek lo le, rang taka dah khawm nghal sap sap sap in, a mu thunsa ho chu Phurliana chuan alo bun ruak zui hmiah hmiah a. Khai le kan mi tenawm ho chu umzui tawh ang aw. Thanghrima leh a ṭhiante kawng lo dal khanglang lo ula in la dam ve tur ka lainat hle mai che u, tia Val upa leh Tlangval pakhat a khawh hlum tak ruang an nuih sawng mai zawng a lainat lo tih a va chiang tak em. Muang changa lal inchhung a ṭanga rawn pen chhuak thauh thauh hlawm in, zam hmel hmuh tur an awm mawlh lo. Tlangval khawilam mual ah nge an liam le tia Thanghriman zawhna a pek tak ah chuan lal in hnunglam mual, PANGPUI khaw ram lam pan in an liam e. I fel e, i hmelṭha bik vak lo nang a tih pah chuan kal ang aw tih leh lal in hnung mual lama liam chu rual nghal in, thui annla kal hman lo, Mitthi ngaia ṭap rawih rawih thawm chu Khawchhung lam a ṭang chuan a rawn chhuak zui chiah a.
... Kilmawia chuan a ṭhiante ho chu melh kual in tha thlah hman kan nilo, chau hman pawh kan nilo, tlan zel phawt ang tia a tur mek lai chuan ZABUAIA chu ding chaih in, a tawk ta keizawng ka tlan tawh dawn lo. Helai tluka chankhan rem chang hi a awm in ka hrelo, Thanghrima a nih a vanga thi theilo anih ka hre hek lo. Mipa leh Mipa chu a ṭul anih leh kan in hmachhawn mai tur lah ni chuan ani vanga tlan reng zawng ka kham ta a ti ram ta hmak mai le. Kilmawia chuan Zabuai ka thu zawm phawt rawh Thanghrima chu keini hneh rual anilo tih i hriat kha, engtik lai a ṭang khan nge kan hotu ah ilo awm tak a, i duh leh tlan rawh, hah hnepa tlana thih leh tho ai chuan lo hmachhawn, lo chanlet ka thlang tawh e. Khawi ah pawh tlan ila min umkual reng dawn tho tho ati rum ta al mai a. KHAILIANA chuan a dik kan tlan tawh bik lo ang, Silai leh a mu lah kan ngah ve tawk kan chan let hi an beisei hauh lo ang, helai tluka chan khan ṭha a awm lo.Harsa zeta an daikai tak Lui so bat bat chu thlir kir in, kap lir tawl tawl ila ni mai lawm tiin a zui zui vur vur a. Kilmawi i rilru tlan chhe reng kha bei let ve ta che, A til tlem zawk lam hlaua tlan reng tur kan ni bik lo tia an rawn ṭawng chhuah sap sap tak ah chuan Kilmawia pawh harh chhuak thut ang taka nui sang in, a dik ani khai le, ṭanhmun siam dawn ang aw kar lo ah min rawn um thuai dawn muangchan a hun lo in Silai ngul kha hnawih vek rawh u tiin a dinna bula Chirh chu ṭham tawn in a Silai ngul tle lai chu a chulh zui zung zung a. An la hla deuh ang Vaibel beng khat te chu pak zuai ila tia Kilmawia ber in rawtna a siam tak ah chuan ni teh tak e, kam a chhia lawm le annyi zui sap zap a.
. Thanghrima te ho pawh chak taka duk par par in an hnuhma an thup buai lem lo bawk nen Kilmawia te ho hnu dawm chu a nuam par par bawk a buaina nei map lo chuan an kal par par thei tlat. Challiana duk par par chu ding chaih in, Lui luang ri hum hum a awm tlat mai a, kan tura buaife na tham anih ka ring tlat khawinge hma kan hruainlawk teh ang tih leh Thanghrima chu kal pel zauh in, Ral a ṭang chuan Tlangzui liama Lui in khawh khawmna lam chu Challiana bawk chuan a thlir zui vang vang a. Tun ang ah Ṭiau chhum kian vek a hun tawh, Sawtah sawn an chawl anih loh vek leh min lo chang let anih loh tak ah tiin mitlawnga hmuh theih loh tawp tura ngaih Vaibel khu tlem te awm chu Challiana chuan thlir vang vang in, Taipuia pawn ring fan uak uak chung chuan a thlek ve vung vung a. Thing leh Hnim chiah ka hmu a tih chhuah tak dut ah chuan Challiana chuan nanga mitmu lian zet fiah silo khan i hmu pha ve nek lo ange, Sei thlauh ringawt hman ṭangkaina vang bawk si, nang vanga Buk sual zauh ngai ziah hi i ṭangkaina awm chhun ani a ti zui duah pek a. Taipuia lam an melh ṭhap lai leh engtin tak chhang ve ang maw tia an ngaihchan ṭhap lai chuan, ka Thih i hlauh em kha tiin a Sahmim zen ruk ruk chu rual in, Chaw fak ang u a ti nulh a. Lalnu an chhumtir Chaw fun lian fe mai chu a ṭhet zui hmak mai bawk nen Kan ei mai angaih hmel tia Bilhliana nui suk chu an pawmpui tlang bawk aniang, ṭhut hmun rwmzui sat sat in, Phurliana chuan in va koham hlawm tak em khawimaw tih leh Changel hnah chu ban zungnzung in a phah belh zui mawlh mawlh a. Awihtlan remlo zeta chaw fak zuiin an piah hlamhnih awm leka zawl deuh dap chu chaw ṭhial nuau nuau chunga melh in, Tawlhkunga chuan insawn ang tih leh an chaw bar lai chu fun nawk nawk chu a rual nghal vut a, a bua nge ti chunga um ṭai ṭai in, Sialhawk lalpa Sazuk rep tul khat an lak thuk phum loh mai nilo, rawh lum eih lova an han hmeh zet zawng a fei ṭha bawk aniang an ṭhial rei thei tlang em mai. Kilmawia te lam erawh engmah eitur pai chhuah na chang an hrelo pawh ani chiah lo, an ban hman lo ani zawk mah awm e, Tuisik bak intur nei lo leh kaw ruak pum kal ri ruih ruih a, ṭhu ping chal hlawm in, an kal tawhna mual lam chu an in thlir chhawk chhen hlawm a. Kilmawia chuan dawhtheilo tih hriat taka hui pap pap chung chuan ka beisei aiin an rawn lang har tlat. Min rawn um lo tawp a niang tih pah chuan phe sek in a taksa kham ut ut tawh tih reh tum chuan a ding mat zui zawt a, mihring nuna pawimawh ber Dawhtheihna tlem te lo la nei selang chuan an tum an hlawh tling ngei dawn asin le.
.. Thanghrima chuan biru ru tih leh thing phena zuan luh zauh chu rual in, midang pawh phen tur zawng chuan an che zui sap sap a. Langlo liam lama tawlhkir zal zal hlawm in Challiana chuan Keimi nihna ka sut tir ngawt kha a fuh ta lo riau in ka hria, tlem ah tlem ah kan thal phung lo chauh anih kha mawle, engtia hmalak chi nge tiin Thanghrima chu a melh deuh run run a. Thanghrima chu ngawi vang vang in, hup barh ila ni mai lawm, ka chang e te min lo tih khanglan chu le tiru tih leh Kilmawia ten an lo chhanna mawng lam pana tawlh hniam chu rual in, an hmuh phak loh awm a an ngaih Lui kuang hnaih lama in chhawp hnaiin Lui daikai mai theinna lai awm chu an dap zui that that a. Lui lah chu a kuang alo zauh hrep bak ah a Tui a khauh nek mai leh nghal bawk nen, chetsual palh hlauh chuan vanneih ber ah pawh a ruang kan hmu tih tur chi ani tlat. A hnar lam ah Ruah a sur chiam nge ni dawn ni a nu so bulh bulh mai leh nghal. Helna lai tur zawnga an vir zak zak lai chuan Thanghrima chuan heta ṭang hian ka kan thei maiin ka ring tih leh Muk kung lo zar duai mai chu pawm chaih in a lawn zui zawt zawt a. Thanghrima Lui luang so bulh bulh chunga Thingzar chawnpuar pawh tiat manglo leh vawn tur pawh awm lo kap kalaka a tawlh harh harh lai chu hlauthawng thaw dep dep chunga thlir ṭhap in, Phurliana chuan Challian a zar khi a tliak ṭep in ka hria, a auh ṭhet ṭhet ania a tih rual chiah chuan Thanghrima pawh a thingzar kap kalak mek ah chuan ding chhuak zawk in leia tlan ang mai chuan Thingzar chu zawh in, pen thum a pen hman awrh awm e, thatawpa zuang zui dawrh in, a thingzar zawh pawh chu a tliak zui rawp bawk a. Kilmawia te awmna nen in hlat fe lo se chuan an ṭe ṭhawt thawm chu an man pha ngei ang. Vaukam leh lam a ṭanga Thingzung rawn lawr a kut khingkhata a vawn phak hramna chuan Thanghrima chu chhan in, tui ana ve thawkhat aniang a taksa tui chungah a mar par par tlat. Muangchanga in pawt hnaih zel in Luikam leh lam ah chuan mu chhuak hlal in a thaw puar zui pap pap a. A Sahmim vel kha ak ngat selang chuan a ṭang zo bik kher lo mai thei e. Muang changa tho chhuak in, Phurliana chem theh phei hmang chuan Ramhrui lian tawk tak chu a chhat zui ta zung zung a. A hrui chhah chu theh let ve leh in an Silai rawn theh phei chu a dawng zui nalh nalh hlawm a. A mah thawi deuh thuaka Thirtiang rawn bur chawt chu melh in, va mawllian thei tak a ti sap a. Hrui thlun vuan chunga muang leh fimkhur taka an kai kim meuh chuan Bilhliana hmel dang pup mai chu kawk in an dir char char hlawm a, enge hlauhzawng a in ang lo ni mai lawm ti hmuk hmuk tu Bilhliana chu melh in ani lah a tum hmuk tawh bawk nen Phurliana la nui kawr kawr chu Bilhliana chuan melh in, Pangang kan lan hmu leh khawp ang an ti ve ngawt a.
.. Uluk zeta an silai te endik leh te te in, chet an la zui ta sang sang a. Mual tan tlang phei leh te te in, Kilmawia teho in an lo chang nia an hriatna lam hawi chuan thawm chhuah lo thei ang ber chuan an hnaih zui nghal hriau hriau a. An hma lawka kawngṭum lam uluk taka thlira tawm ping chal Kilmawia te ho chu chhiar dan dan in, an let in an tam zawk tlat. Mithar an nei nual tak tak a nih khu, an hnung lam a ṭanga kah thal satliah ngawt a tan chuan a uihawm lutuk, hah taka um man a awm nang, in mal beih pui dan zawn a ṭha inti em tia Thanghrima rawnna chu an phur zawng tak ani tih hriat tak chuan an bu zui nghat nghat hlawm a. Chanpual tur ṭheuh in kawh hmuh chung chuan an mahni hnaih bera che sek Kilmawia lam chu Thanghrima chuan hnaih zui hriau hriau in, midang pawn an bitum tur te hnaih in chesual ve thei tho an nih an chian em a vang chuan phen tur renchamg melh in an phe zauh zauh hlawm a. A ṭhiante melh kual a, an ṭanhmun an siamfel tih a hriat tak ah chuan Thanghrima pawh che chhuak zal zal in, Kilmawian fimkhur taka a in phenna a ṭanga a bih leh dak dak lai chuan a mah si chet khawpa hnaih in, min chang chhuak thei nange an ti phut mai zawng Kilmawia chu rak ṭhawt in, a in phenna Lung dep zawt khawp chuan Thanghrima chuan a tlawh zui zawt a....
... a khai a, a va laklawh ngai ve le..
MAFAKA KHIANGTE

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 22nd, 2020, 10:16 pm

Thanghrima 45
.. Kilmawia hawi buai nak leh rak ṭhawt thawm hria a rawn hawi rual ṭhawt hlawm in, Phurliana Silai chu a puak zui ṭhuai bawk a. Khanglanga kan hmuh hmaih khanglan chu le tiin Thingkak beh chhan a ṭanhmun lo siam Sialhawk tlangval pakhat Thanghrima kah lirh tawl tuma silai lo lek kual phe zeuh chu Phurliana chuan lo hmu fuh hlauh in, inring sa renga awm an ni hlauh zawk a, rang hle lo se lang zawng a kap fuh hman kher lo mai thei e. Challiana chu ring zeta au chhuak in, tumah khan chet la tawh hlek suh u. A che hmasa sa thih ani mai, Thanghrima chuan rawn chhunzawmin mipa tak in kan sawi fel bawk ang a rawn ti ram zui hmak hmak a. Inti huailui tih hriat taka Kilmawia aw chhuak erawh a tiril khur vanga aw sai ru dat dat chu a hai theih mawlh loh. Tawlhkunga chuan ding khawm rawh u tia vin ṭhat ṭhat pah chuan a Silai chu a lek kual zui zung zung a. An beisei phak hauh loh leh an rin phak loh hup let an tawn meuh chuan Kilmawia leh a ṭhiante ho hmel chu a tlan chhe dai reng a, mahse Thanghrima leh a ṭhiante duhthal a, an tal lai mit ngeia la hmu ve lo, Sialhawk Tlangval te hmel chu a tlanchhe ve tlat lo. A mah Thanghrima an han hmu chiang ngat phei chu an rilru chuan a va ngam nghal tak em, Hmelchhe si, pate si, a bawp ala kual deuh ṭa mai bawk nen, tlema a hakuh lang ṭha chunga ngeiawm zeta an nui sawi bawi mai te chu melh in, Sialhawk pa chak TLANGCHHUMA chuan nang mah maw Thanghrima an lo tih ve sek chu khatiang tiat lek beihtham mangloh i nih hre lawk ila, kan khawtual ah ngei lo nghak che in ka ulh tliak vek tawh ang che a rawn ti chhuak ta khur khur mai le.. Tlangchhuma rawn pen chhuak in in mal beih a a rawn cho tak mauh ah chuan Thanghrima chu tawlh hnung nghal rawk rawk in, Tlangchhuma kawk chung chuan a khur zui hlawk hlawk ta mai le.. A ṭhiante mai nilo, Tlangchhuma pawn makti leh a ngaihna hrelo zeta melh in, Tlangchhuma chu harh chhuak thut in, a saseh ah meuh chuan ilo huaisen tak tak lo tawp ani maw, ka that dawn tho tho che, Tlangchhuma hi cho mai mai chi ka ni hlei nem, Tlangchhuma a nuih uarh uarh lai chuan a awm ah tak mai chuan Sadai ek tharlam zet mai chu bei thlawp in, Naupang lawm ka siam mai mai anih kha Nau Lulian tih pah in Thanghrima chuan i inti thei hawi vel kha awi ka Pa a na lutuk tiin Tlangchhuma tih dan leh hawi vel danchu zir sak in, nang khan mi hneh ve i in ring ve tak tak tihna ami. Pasalṭha Thangtawia zara hmai mam dan ka hriat ka hmang ngei ang eng hmanrua nge i duh ber han thlang ta che tiin ngainep tih hriat tak chuan Taipui Vaibel kha lo ti nung teh tiin a au zui lung lung a. Tlangchhuma lah chuan Thanghrima chu alo zuam ve nasa mai si nen Zawl zau lai ah chuan in ep zui ṭhap in Mipa diktak in beih dan in aw tia Thanghrima rawtna ang chuan an Silai, Lulak chem leh thuam dangte hmun hran ve ve ah dah khawm in, in malbeih tur a piang ten an thuam duh ber an thlang zel dawn. A va nuam dangdai dawn ve, mipui lam kan mamawh anih hi mawle. Entu awm ngei hi ka nuam tih zawng a sin le tia Phurliana ri phar phar reng chu Zabuaia chuan Phurlian nang kha ka hmelma i nih kha tiin a rawn au chang fak a. Nang aia ka Hmelṭhat vang ami, Zabuai buai nuaih nuaih pa tia au let in, Thanghrima a vaibel pet kawt va chunga pen chhuak lam chu hawisan pah chuan nakin ah kan in hnial dawn nia tijn a nui zui hak hak a.
.. Tlangchhuma chu phur fe mai a, mi pangngai tana lek vel hrehawm khawpa lian leh hlai a Lulak chem lek chunga zawl zau lama rawn pen chhuak ve nghal in, khawngaih min dil hlek suh ang che tih leh Kilmawian a lo chah fo tawh anga chet la thut in, Thanghrima chu a bawh zui pawp a. Thanghrima erawh chak lutuka tlanchhe nghal in, ka hai ka hai, tia au ṭial ruan ruan chung chuan ala nui ang awr awr a. A vaibel erawh ala dah duh ṭhak lo. Tlangchhuma lah chuan Chem lek chunga um zuiin a um pha mai der silo, lo tlan ta che Lulian tih pah a Thanghrima tlan zel chu ding thut in, Tlangchhuma lam hawi chuan an zuang let thut mai pek a, Tlangchhuma lah chuan a beisei phalo nge ni dawn ni, ding ve chawih chung chuan Thanghrima'n a fei mawng lama vuaka tumna dan tum chuan a chem chu alo lek kang ve mawl ve tawp a. Hnai zeta Tlangchhuma melh pah chuan a phar lai Zak hmul hmui rum rum khawp chuan a vaibel vam ṭha hem hawm hmanga theh an rual thut mai zawng, Tlangchhuma phu nasa lutuk sa tibawk si chu rak nawk nawk chunga tawlh in a zak hmui rum rum chu a tuai zui mawlh mawlh a. Chumi a buai lai taka Thanghrima'n a Fei lu lama a puan a rawn hlim sak zauhna a vanga harh zawk in,Sawnchhepa tiin a rak zui tuar tuar a. I aw chiah a ṭha ni maw, i beih tham dawn thlawt loh Lulian kha aw tih leh a fei chu khawh chhuah thut chu rual in, Tlangchhuma per dawrh leh hawi buai nak chu a feihmawr lam hum tang chat chung chuana nuih zui leh awr awr a. Vawi engzat nge thah theihna hun che ka neih tawh, ka tih gailoh dan tak in hun ṭha ka pe ang che, a chhan chu ka hmelma leh mi phatsan tu zing ah i tel ve loh vang chauh ani e. Tlangchhuma chu ngawi vung vung in, a dik, Thanghrima ngei chu ini e, Kilmawia a vanga ka thih ngawt na chhan tur ka hrelo, ka cho rual i lo nilo tih leh kal kiang nulh chu a rual ta daih mai a. Kilmawia chuan Tlangchhum mipa ini lo em ni, i phel tiat lek a nih kha bei ta che tia alo vin tuar tuar na a vanga ding chawih in, i duh leh beila a ti zui hmuk a. Kilmawia ngawi chiang lutuk chu Phurliana bawk chuan lo au el leh tawh in, Kilmawia pawh inilo, Tlanmawia ni tawh mai rawh Tlanchhe reng reng ini nun i hmang bawk si in in pe vek dawn nge min hmachhawn dawn tih leh pen chhuah chu rual in a zai zui al al a.
.. Keiman le tih leh Zabuaia chu phur fe maia pen chhuah chu rual in, Thanghrima an thisen ina ngam loh sa ang ani bik tlat lo. Patawite lo inring nasa rawh ka dim dawnhlek lo che ania tia Vau khur khur pah chuan Lulak chem ngei mai chu ban in Phurliana lam hawi chuan a pen zui pawk pawk a. I va phur at ta ve tih pah chuan Phurliana chu dawk chhuak zawk in, Zabuaia chem lovai kun san zauh pah chuan a Chem hum lai chu a kut vei lama thlak thut in, Zabuaia Chawnpuar ah tak mai chuan ṭhut hniam pah in chem phek lam chuan a tha tawp in an hem mai zawng, na tuar ṭe ṭhawt ri leh nui hawk hawk thawm chuan zui zat in. Buailian khatiang Satel ṭuan lutuk nen chuan mi khawih ve hman lo ang, pakhat tal kha rawn chhuah belh teh u Thlan pawh a tla hman nang le tia ṭawng mawlh mawlh pah chuan Zabuaian a rawn beih let na chu nalh zet zet chuan alo dang tleu zek zek a. Thanghrima chezia a zir nasat bak ah, in kawm ngeih fal deuh hlek leh in tiahpui Thahrui lam leh Taksa len lama chhuantur nei lo ve ve ni bawk Thanghrima nen pawha in malthlur lui fo ṭhin anihna chuan Phurliana hi a pui nasa bawk nen, Zabuaia tan chuan hriam lek ve ve chung chuan a khirh lam mah niina lang tlat. Buailian mi khawih fuh ve ngam lo em ni tih paha Lui hrula tawlh phei thut in, Luikam tui ti chip chep hmun alo ni tawh bawk nen a beisei aiin a tawlh chak mah leh nghal a, Zabuaia Ngal ruh tliak leh na tuar thawm chu rawn chhuak nghal zat in, Phurliana ding chhuak leh chu an chhe tinreng a lawh zui bawrh bawrh a. Patawite a beng chheng rei dawn tlat, Bung hnih thum ah han chhuah vat teh kha Vaibel kalo lak kai sak che ania tia Thanghrima a rawn ṭawng lauh lauh tak ah chuan Phurliana pawh nuisak chunga zuang zawk in, Zabuaia natuar kun lai Hnungzang tak mai chu an dung sah teh reng anih kha, Thihna em la thlen nghal lo mahse a kawng thleng hmawka a Sah sakna a vanga Zabuaia na tuar awn rawng rawng chu nuihsawng in, ka patet deuh a vanga zuan ngawt chi ka ni hlei nem.. tikhan ka nun ang che tih leh inher san hmak chu rual in, Zabuaia erawh a mah leh a mah in tih hlum law law tum chuan a chem thlauh tawh chu a lo ban ṭawk ṭawk thung a. Thisena inbual a khat hi tikhan i Thisen ngei khan lo inbual ve mai mai teh tih leh Zabuaia Chen thai per sak zauh chu rual in, a hnung chhawn zui hmak a. Sialhawk valrual Kilmawia te zuitu ho mitmeng chu a tlanchhe nasa tawh in, chet lak tum hmel pu an awm tlat tawh lo.. Challiana chu rawn pen chhuak thauh thauh in, tunge rawn pen chhuak ve dawn che u le tih pah chuan a Kawlhnam chu a vilik zui lauh lauh a. Eng ang pawn in pe se an ngaidam dawn chuang lo a ngaiin Khailiana chuan Challiana inring lo lai nia ngaiin a rawn bawh zui rawp a, a chet pawh a che fuh teuh kher mai. Challiana chu lo eu zawk hman lo seng zawng ding ngil leh tur a awm tawh hauh lo ang, chuti chung pawh chuan khap chen dawn chu Khailiana chem chu a awm vun a tai kak phei hman tlat. Thanghrima chuan e khai kha i thisen rawng pawh a lang mang hlei nem i vunrawng in a hliah vek alawm tia lo nuih hawk hawk pah chuan hlep ral rawh a rawn ti fiak zui ṭhak a. Challiana chuan e khai i lo rang ve ta hle mai a, min thai hlum ṭep alawm le.. Hming pu zolo pa, i khai tet nen tih pah chuan a Lulak chem chu vilik in, a zuang zui thauh thauh a. Rei deuh inbei ang aw tih leh rang lutuk tak maia bawh zui chu rual in, Challiana a hah ve thei lo tih hial a, an ngaih a nih zia rawn lang leh tawh in Khailiana chu an bawh chilh ta tak tak mai ale, a vaiṭhelh na lama Luikam hnim a chhawk tel te chu a len hian a leng ur ur hi ani ber mai a, a hmuhnawm teh e, tia Thanghrima a au lauh lauh lai chuan Taipuia chuan i thi ve ngawt ange lo ti thum ve dut in, a Thirtiang chuan a kianga Lung chu a lo chhun ri dut dut a. Khailiana pawh a tlu mai bik lo tlat, tawlh kual par par in, Challiana chem hnuhma erawh a taksa ah chuan a lang nual tawh thung, vawitam luhchilh tumin bei ve ṭhin mahse Challiana Kawlhnam chuan a lo hawlh khalh hman tlat zel a vang chuan a mitmeng chu a buai nak tawh reng a, thaw hluam hluam chunga ding mar in,nangni kuta chansawm nih ai chuan tih leh Challiana lama a Chem vawm phei pawp chu rual in, dan hman rual loh chuan Luilamah tlan thut in, a zuang lut zui bawrh a. A khai a tia thlir zui ṭhap in, Lui tui chak zet in a len vir thlak nawk nawk chu thlir zui ṭhap in, Taipuia chuan a puar ngawt ang a ti thawp sup a.
... Tawlhkunga hawi chhuak leh chiah chuan a Sahmim a ṭanga Lung phawrh in mai mai chuan tih leh vawm chhuah chu rual zui zat in, Kawlenga tlan chhiat tum Tukhum ah chuan a lung vawm chhuah chu a darh zui chuaih a. Kawlliana tlan lai pawh pai chawn chawn in, Bilhliana dawk chhuak zawk chuan a nghawng a fik sak zui zawt a. Bilhliana chuan kha an tlan ania tih leh Kilmawia te lam kawh chu rual in, Thanghrima fei leh Taipui Thirtiang chu a thlawk chhuak zui zawk a. Kilmawia tlan lai pawh a chawnpuar ah tak Thanghrima fei bur chawt na a vanga awp zui rawp in a an chhe phuh chhuak thawm chu a na in a an pawh a chhe kher e. Taipuia fei erawh Velthanga Thin zawn a bur tlang vuh in, in va ho mai mai e aww.. in malbeih a khat nen tia Bawlliana phun nuah nuah chu Phurliana chuan a dara ben sak pah chuan chan sawm vek mai rawh a ti ngawt pek a. Thi tawh hnu chan sawm zawng a ho tham em mai, an natuar rak thawm kha lawm ngaihnawm a tih mek lai chuan Zabuaia thaw ri bawrh bawrh lam chu an hawi rual zawk a. Tawlhkunga la kham lo lutuk in a pum alo zaithler sak chu niin, meng nu phut chunga Sialhawk Tlangval la dam te lam hawia min beih rawn teh u an ti sup mai zawng an bei dawn lo tih an hmel ah chuan a va chiang em, an ding sai dar dar hi ani ber tawh a. Kan tlawm, kan tel ve lo ti chung chung in an ṭhingṭhi zui rawp rawp a. In Chem ṭheuh kha la ula kal nal nal rawh u, in hmel ka hmu leh anih vaih chuan ka chhuahbtawh hlek lo ang che u, a sawi pawh a sawi zo hman mang lo chu ani e. Kan lawm, kan tlawm tih leh tlan zui dawr dawr chu rual in, Lui tui so bulh bulh an kaina Lungpui chung ah chuan per kai zui lawp lawp in an pilbo rang teh e. Nuihsuk pah chuan Bilhliana chuan Tawlhkunga hawi vung vung chu thlir in, an va tlan chak ve le khawinge i va hnaih ve dawn ila tiin Kilmawia Taipuia leh Thanghriman an lo ṭhut chilh mek lam pan chuan an pen phei thauh thauh a. Kilmawia hmel dang vek tawh chu ṭhut bial laih in, nalo te te in aw tia an duh lai lai a taksa peng leh vun te an han hlep zauh zauh mai zawng mihring hian Thisen kanlo va pai hnem ve tiin Challiana chu a phun chhuak sup a. An duhtawk an ngah meuh chuan Kilmawia taksa ah chuan vun a lawi a bet tawh meuh lo chu ani e.
... Thawk ham ham pah chuan kan hna kan zo ve ta, ti hi chuan midangte min dem fona ṭhin chhungte puiin kan nun kan hmang ve thei tawh ang chu, eng pawh ni se, ka Pa thlan i va tlawh phawt ang u hmiang tiin kal an siam zui ta thuai a. Tawlhkunga, Bilhliana leh Taipuia te la kham lo leh in malthlur pui tur la hmu ve silo phun nang nang chu Thanghrima chuan melh zauh zauh in, kan khaw hmuh hmasak ber ah buaina siam kan tum dawn nia tiin a hnem ta ngawt a. Tlang leh mual tam tak an pelh a, Ngawbkara zan tam an riah leh meuh chuan Lurhtlang puk Thanghrima seilenna hmun tak tak leh a in zir chhuahna mai nilo, Pasalṭha Laiawrha an zalhna ngei mai chu in pal thleng hram in, Thanghrima chuan a ngaihtuahna a thil awm chu sawi zui dap dap in, Pasalṭha Laiawrha ruhro chu phawrh tum in chet an la zui ta sap sap a. Thanghrima bo nalh chu ngaihsak zui pawh awm map lova, Laiawrha ruhro an tuam that mawp mawp lai chuan Thanghrima pawh an hming kima puana tuam sa thlap Rohlu engemawzat ak chunga rawn kir leh tawh in, a Pa ruhro chu dawm in ngawireng chuan a ṭhingṭhi zui vang vang a. A tawp nan ti ang hrima Buka mu tlar pat in, an tum ang tak chuan khawkhat ah an in suih fin hmel ta tlat lo, an lalte ṭheuh in an ṭahawh nasa tlang kher bawk nen,khua hmun ah leng lo mahse an Thisena in unauna leh in zawmna thuk tak chuan a pawt hrang tawh ngai lo ang. Thih leh ruam khat ah, Dam leh tlang khat ah tiin an Thisen ngei senga Thu tiam tawh tute an ni tlat si a.
.... THANGHRIMA chu alo tawp ve leh ta reng mai, a famkim loh na lai chhiar famkim a, a damloh na min tuamhlawm sak a, selna mai nilo fakna leh fuihna an ka minhlan zawng zawng a vang leh Thanghrima in lo ngainat ve na ah ka lawm e.
... A tawp ta.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)