UNAU PHUBA LAKNA BY Tlantei Hnamte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: UNAU PHUBA LAKNA BY Tlantei Hnamte (Completed)

Unread post by Ngaia » November 23rd, 2020, 6:06 pm

UNAU PHUBA LAKNA.

BUNG 43 NA
Ziaktu : Tlantei Hnamte

( Last chapter.....Chalthanga te unau an lan vak tawh dawnloh vangin kan han ti tawp anga, then 2 na in kanlo let leh ang )

Zarpui khuaah chuan chawlhkar thum zet an awm tawh a,pasalṭhahte pawh an ṭha tlang viau tawh a,mahse ,Buanlung khaw lam pan a ke a chu leh chen han kal tur chuan an la ngaihtuahawm deuh avangin chalthanga leh Bawmzo pasalṭhate chuan an hawsan ta a,hetih chhung hian Romawi leh Siamteii chuan an hun neih ang ang chu am takin an hmang dun ṭhin a,Rampuia pawh a ṭha tawh viau mai a,hemi kuma an thlawhhma chu enkawl mumal loh a nih tak avangin an buhte chuan kum dang a phak lo hle a,mahse ,Chalthanga khan ,buh kham aneih loh pawh a,ṭanpui an inpeih thu lal hnenah a hrilh tawh a,pur lo thei dinhmunah an ding miau lo a ni,Zarpui ram hi ram ṭha tak mai a niin,lusei khawdang an pur ngai meuh lo,khaw intodelh tak mai an ni a,an lal pawh hian midangte pur lova an intodelh thei viau mai chu chapo nan a hmang ve fo ṭhin a ni.Chalthanga khan a haw dawnah khan ,Rampuia hnenah palai a tirh tur thu kha a hrilh lawk tawh a,palai hmel hmuh inbeisei takin Siamteii pawh a inkau hle tawh a ni.

Chalthangate haw ta chuan ,zarpui khaw tana inpe tlangval tamtak te leh an khaw pasalṭhate an haw ve tak loh avang chuan an ngaih a ṭha lo hle a,mahse ,chalthanga chuan ,ṭawngkam thiam takin,a tlangval huaisen mipangaten nun an chan thu chu a han hrilh a,lusun chhungte chuan hrethiam lo viau mahse,an rinai tak chuan nunchan an tlem zawk a,hliam tuar erawh an ṭhahnem hle tih an hriat chuan an thaw deuh huai hlawm,an lal fapa thih teuh zia te chu sawiin ,an chhuang ru hle a ni.An hawn aṭanga karkhat a liam hnu chuan ,Chalthanga chuan Romawia tan Palai a tir ta a,in hrilh lawk sa vek an nih avangin ,vawi tam pawh kal lovin remthu an sawi ta mai a,Chalthanga chuan reirial a duh loh avangin,fur chhiat hma ngeia inneihna chu buatsaih nise ,tiin an inrem ta a ni.Siamteii chu a hlim kher mai a,A hmangaih em em ,a duh vang ni hauh lo va a lei tansak ,thu tam tak pawh sawi thei lo ,tlangval hmelṭha zet mai chu a pasal a ni dawn ta,Romawia haw dawna an hunhman dan a ngaihtuah chhuak a,tuma hriatpui si loh chuan a sen deuh ṭan ṭan a,Chuailovin a fapa thlan tlawh a duh avangin Buanlung lamah Chalthanga rualin a kal a,Rampuia lah chu lalin a ko daih bawk si a,an pahnih chauh chuan in thlahlel deuh tak hian an ṭhudun a.tuma mitmei ven a ngaih loh avangin an inkuah chial a,Romawia pawhin a duhthawh sawtin a kut pawh a hlei sawt ta hle a,in duh tak chuan an inmelh vang vang a,Siamteii puan chu Romawia chuan a pawtthla riai riai a,siamteii pawhin a lo hnial bik ta hauh lo mai a,khumaiah chuan an inhmangaihna chu tihpuitlin a lo ni ta a ni.A nui ver ver a,a hmel chu nung thar ta sawt hian a in hre hial a ni.

Romawiate innei hmani chuan ,Rampuiate ho chuan Buanlung khua chu ni tlak hma deuhvin an thlenga ,monu hmel hmuh chakin naupang leh nula tlangvalte chuan an la hmuh fo tur ni mahse,hmuh chakin an ring an fan nasa hle a,pasalṭha zachhingate in lamah innghat in,pachan a chang a,Zarpui lam aṭanga mikhual ,Siamteiite inneih hmang turte hi sawmhnih lai an ni a,an hlim dar dar hle a ni,Chalthanga chuan ran lukimin Romawia nupui neihni hi lawm a tum a ni a,mipui chu an phurin an hlim tlang hle a,Parteii pawh a bik taka sawm a ni a,,inneihna hi lalina hman tur a ni ,a tuk inneihni chuan siamteii chu a nalh hle mai a,a biang tai tak mai chu hmuh a nuamin a beksam kir chiat mai chuan a ti hmelṭha zual hle hian a hriat a,lalin chhung bang kil nghenga ṭhu Rampuia chuan ,Parteii ,kawngka bula inthlahrung hmel taka ṭhu chu hmuhnawm ti fe hian a lo thlir veng veng mai a,Parteii pawhin chu chu a hre lo a ni hauh lo.mahse ,chu tlangval chu engang mi nge a nih a hriat miau loh avangin a haider lui mai zawk a ni,tlailam ruai ṭheh hun hma deuh chuan ,lalin tuala theihai buk hnuaiah chuan Parteiiteho chu an ṭhu a,fatuho che tla chu an thlira a,an nui har har a,tlangaupa chuan,"Pari,lo chhuk ula min han pui teh u,kan in daih loh em hi ,tiin a ko larh larh a,nui ar ar chunga fatuho lam pan an tum lai tak chuan"Nula,la kal lo teh,i tello pawhin an chingfel thei em em ang,tih ri a hriat chuan,Parteii chu a ding chawt a,amah rawn betu lam chu zawimuang hian a hawi chho va,tlangval hmelṭha tak mai,darpharh hlai hlap mai,kawng fek rat mai,pasalṭha tih hriat tak mai hi a lo ding zar mai a,thangchhuahdiar a khim vang mai a,Parteii chuan a ngaihna hrelo zet hian a melh vang vang a,Rampuia chuan,"Nula i hming chu ka hre hauh lo naa,kei hi Zarpui pasalṭha ,Romawia nupui nita u ,Rampuia ka ni e,tunge i hming ni ve le?tih pah chuan a hnaih nghal ruak a,Parteii chuan,salopari ka nia,Parte tiin min ko mai rawh ,zak tih hriat tak hmaisen ṭan ṭan chuan a han tisap a,theihai buk hnuaiah chuan an ṭhu dun leh ta a,Rampuia chuan chu nula zakzum hmel tak chu a en vang vang a,a vun ngo nalh tak mai leh a hmui a chet zawng apianga a biang sum khuar leh kalh ṭhin chu hmuhnawm ti zet hian a han melh leh zawka,"A nih leh Parte,zaninah in inlamah rawn chuangkai ve ta ila min lo kawm ve duh angem,mi huatthu ka sawi amgem?a han tisap a,Parteii chuan"keini inahte i leng duh tak tak dawn em ni?tu huatthu mah i sawi hauh lo vang,zak sen ṭan ṭan chung chuan a lo ti let ve vat a,Rampuia chuan"A nih leh Parte,zanin chu ka rawn leng dawn a nia aw,a han ti leh sap a,Parteii chuan ṭawngkamin a chhang tawh lo,Rampuia lam hawi chuan a nui var var a,a bu deuh nghat a,chutih lai chuan fatute chuan chawei an peih thu an au ta larh larh a,fatute puih a ngaih avangin Parteii chuan,mitmeng desar chung chuan,"U Rampui,fatute puih an ngai si a,ka kalsan mai ang che aw,zanah chuan ka lo beisei dawn che a nia,a tih pah chuan kiai sakin a kal sawn ta a."kan khaw nula hmelṭha i lo thlemthlu hman der elo,i va nghal ru ve maw le"tih riah chuan Rampuia chu a hawilet thuai a,Hmingliana lo ding reng a hmuh chuan,nui deuh hakin,thlemthluk pawh a la awm lo,a hmel ṭha em a,ka lo ṭhutchilh satliah mai mai ,a lo ti ve mai a,awih hmel lo zet hian,Hmingliana chu a lo nersak a,"I hmel engpup ah khan ka hmuthiam ve tho a nia.tih pah chuan ngun fahran hian Rampuia hmel chu a thlek vei ngial a,"Inva han in thlek ngun em em ve,Rampuia khan a hmelah thuhruk a nei a mi?tiin Thanliana chu a rawn au lung lung a,Hmingliana chuan ring vak si lo,Thanliana hriatphak tawk tur vel chuan"Nula huhang chuan a tidanglam chak hle mai che,hei i danglam vek alawm,a han ti ngial a.Rampuia chuan Hmingliana chu a han namsawn a,"Thil ni lo lo hi chhakchhuak fo teh suh u,miin an hre palh riau riau a nge,a tih chuan,Thanliana chuan"Inneih hmang turinnge i lo kal ,ran ngo zawng turin?Rampuia nuihza bawk si thinrim deuh bawk si chuan ,"Inmit te lah hi a nghal fu mai a,in bulah pawh ka awm ngam love,a han ti deuh nghat a,a kalsawn san ta a,fatu hovin hnah an lo phah kual put chu a han thlira,"U Rampui hetah lo kal rawh ,ti ri a hriat chuan a hawichhuak thuai a,Parteii chuan hlim hmel tak hian a lo hui lauh lauh va,hemi ṭum tluka inneihna ropui hi a thleng khat hle a,Buanlung mipuite pawh chuan an am hle reng a,lian tak takin chaw chu an han bar a,sahrang lian puinpuite chu an keih lawl lawl mai a ni.

Zanlamah chuan Parteiite inlam chu a pan thuai a,vanneihthlak deuh maiin tumah an lo awm lo,Parteii chuan mimeng desar chuan a lo nuih var var a,Parteii sichet chuan a han ṭhu a,Parteii pawhin tawlhsawn a tum bik lo,rilru inhmu tawn tak chuan an titi dun sep sep a,an vawikhat inhmuhna mah ni se,an induhtawn na chuan,hunrei tak inhre tawh ang maiin a in pawhtir a,a vawikhatna atan Rampuia chuan hmangaih a tawng ve ta a ni.Rampuia hi Zarpui khaw nula lakah mai nilo,an chhehvel khuaah chuan a to hle a,nula tamtakin inphal takin ko ṭhin mahse,tumah hi a ngaithutak ngai lova,zah pawh dawn lova ko nawlh nawlhtu lah a tawng tam viau narawh e.chhippui lal fanu lakah khan a insum thei lova,vawi hnih lai a chetsualpui kha a ni a,mahse,lal fanu a ni a,chawngsih lal fapa neiturin a pa chhippui lal chuan a tir liam lui ta a ni a,kha pawh kha,a hmangaih vang ni hauh lovin,Chhippui lal fanu khan atheihna zawng zawng hmanga thlem thluk atum ve em a ni,vawi tam a chaha,a kal duh ta lo a ni.

Ineihni an hmamg zova Rampuia leh Chuailovi pawh Zarpui khaw lamah an let leh ta a ni,Rampuia hian Chuailovi hi a hauh tlat mai a,a hruai haw leh ta nge nge a,Rampuiate haw aṭang chuan Parteii chu a hlim hle mai a,Rompuia lo hi mipa dang duh leh theiin a inring tawh lo kha a ni a,Romawia nupui siamteiite rawn thlennia,Tlangval hmelṭha tak mai pasalṭha Zachhingate leihkapuia ding vang mai a hmuh khan belhchian a chak em em a,monu hmel hmuh tuma in chhung an luh dawn chiah khan ,ahnungah chu tlangval chuan a rawn zui a,in chhunga a luh hnu khan Rampuia khan a melh ru reng tih a hria a,zak ru viau mahse,a melh ngam ve tlat lo,zan lamah pawh chuan,a hmuh phak rengah Rampuia hnaih chilh tak tak si lo khan a veh reng a ni tih pawh kha a hai bik lo,zan rei lamah a ṭhiannu nena an haw tur chu kawngkaah an intawk leh a,Rampuia nui sak kha mitthla chungin a muhil thei hram kha a ni a,a hlim tak zet a ni.Rampuia pawh chuan Parteii chu ngaihtuah ru veng vengin,a nui leh sak ṭhin a,kha nula hmelṭha zet kha nupuia neih ngei a tum tlat a ni.Zarpui an haw a ṭang a thla a liam leh meuh chuan buh seng pawh a hun ṭan tawh a,Rampuiate unau pawh an ṭul na ngiang mai,buhseng tur an nei zau viau mai bawk nen.in lam pawh an luahlum hman meuh lo chu a ni.lawm hran pawh nei lovin an unau chuan an thawk ṭauh ṭauh va,khaichhuah nih erawh an tum hauh lo,kar hnih zet buh seng a ram lama an riah chilh takah chuan an zo thei ta hram a,Chuailovi hnenah chuan Rampuia chuan"Ka u,Buanlung khuaa Parteii kha nupuia neih ka duh a,in khawhlui a ni a ,a chin chu i hrechiang viau in ka ring a,i ngaihdan min han hrilh teh,a tih chuan rinhlelhna chu neisa tho mahse,makti hmel tak hian,"Parteii i thawt lawk tawh tihna em ni?a lo ti ve thuai a,Romawia nena an chanchin erawh chu hrilhhriat kher a tum bik hauh lo,"Um,hrilh tawh e,buhseng zawh hi ka tiam a,a ti leh mai a,Chuailovi chuan ,"Chuti chu kan lal hnenah kan thlen vat a ngai a nih chu,zanin hian i han kal dawn nge keimah ka kal dawn?tiin a han zawt a,"U ka nei che a,nangmah ngei i kal ang chu,a lo ti ve mai a,Chuailovi hian Rampuian a en hran loh zia leh u ang tak takin a ngai a,a ngaipawimawh viau zel tih pawh a hai lo va,a tih awm tak u chan chang a a chetna tur awmah hi chuan Rampuia hian Chuailovi kutah a dah hmiah mai ṭhin a ni.Zanriah eikhamah chuan lal in lam chu panin,lalpa chuan Chuailovi chu hlim hmel tak hian a lo dawngsawnga,"Ekhai Chuailo,Engthli chhiain nge ka inchhungah hian rawn chhem lut che le?rei tak Zarpui khua ah hian i khawsa ve tawha,min tlawh reng reng i tum lo mai,Mi bul ve tak Rampuiate unau tan nu nih tling taka i uap ta hi ka lawm tak zet a,i vanduainaah erawh pawi ka tipui khawp mai che,a han ti luam a,Chuailovi chuan"Min ngaidam rawh lalpa ,ka buai thei em a tinni,Siamteiin pasal min neihsan tawh si a,tihtur hi a inkawlkalh ṭuak mai zawng a nih hi,a lo tih takah chuan Zarpui lalpa chu a lo bu nghat nghat a,Chuailovi bawk chuan,"Lalpa ,ka rawn kal chhan chu ka han sawi tawh ang e,ka nau Rampuia hian nupui neih a duh thu a sawi ve tlat mai a,kei hmeichhia a zawnga chinchang hre lo tak hian ,engtia tih tur nge tih ka hre thiam mai si lova,i puihna ka rawn dil ngawt mai che a ni,a han tih dap dap takah chuan,lalpa chuan hlim hmel fe hian"A ni maw,khai a,mo ka nei ve tawh dawn zuk nia le,i thu rawn ken chuan min ti lawm hle mai,umm ,engtik nge palai tirh in duh a,?tiin zawhna a han zawt leh khauhva,Chuailovi chuan,"Kan duh dan tak chuan Lalpa,a hma lam nise kan duh a ni.a han ti leh a,zarpui lalpa chu a han ngawi vung vung a,"Awle,ka khawnbawl Suakliana leh ka pasalṭa Thangkhuma kal sela,Buanlung lal kha i nau a ni thova,a ni khan an khaw lam aṭanga kal tur lo ruat bawk sela,tiin rem a han ruat a,tichuan a tuk mai a palai kal tur chuan an rel ta a.

Rampuiate inneih tur thu chuan an khaw ṭhenawm khuate pawh a luah hneh hle a,pasalnei tawh mah nise,Chhippui lal fanu chuan ,a hmangaih em em ,a thianghlimna leh a inchhuantheina zawng zawng hlauh khawpa a lo atchilh ṭhin ngei chuan nupui a nei dawn ta si a,na vawng vawng hian a inhria a,a bing mup mup a,ṭah pawh a ṭap thei lo,a tawt up up a,a na ngawih ngawih ni ber hian a in hre hial a ni.a khumah chuan bawk thlawpin ,Rampuia hming ringawt pawh chuan a tina ngawih ngawih hian a hria a,theihnghilh theih nise theihnghilh daih mai a va duh tak em!Mo a ni a,chutia mutbo daih mai chu mawia a hriat loh a vang chuan bui deuh lak chung hian a tho chhuak a,in thup tum tak chuan tihtur ṭul chu a han ti zung zung a,pasal a neih chuan Rampuia chu theihnghilh theih mai a in ring a,mahse,hun a liam a,Rampuia chu theihnghilh a hnekin a thinlungah chuan a lian tawlh tawlh mai si a,nau a pai tih a in hria a,Rampuia chaha ,engkim hriattir a tum laiin ,a chetsualna lamah a chhiat ta tlat mai a,Rampuia chu vawi tam an khuaa zin turin a chah thin a,mahse ,lan tih reng remg a nei ta si lo va,a kohna ngai pawimawh lova,a reh hmak chhan chu ,chu a nupui tur vang chu niin a hre ta a,chu chuan a tina leh sauh bawk nen inthup chu harsa a ti ve hle a ni.

Rampuiate inneihni chu a lo thleng ta ngei mai le,zarpui lalpa chuan ,ka pasalṭha ,ka khua leh tui muantu Rampuia nupui neihni hian ran lukimin ruai kan ṭheh tur a ni.tiin ,pathlawi rual leh tlangval thenkhatte chuan an lalpa sechal chu kaiin ,Chuailovi vawk vulh lianzet mai chu an rawn khalh chhuak bawk a,mo nu a la thlen loh avangin ,hmu hmasa ber nih tumin Rampuiate kawt kaiah chuan an zi nak nak tawh a,naupang thenkhat monu hmu hnuhnung nih hlau thenkhatte lah chuan hnap dawk par chungin chaw tlang lian lel lawl chi kengin an lo tei ve sek bawk a,an chaw tlang ken arpuiin a chuk thlaksak avanga lo ṭap rawng rawng rawng lah bo lo.khawdai lam chu mittla lek lek in an nu te lah chuan an lo thlir bawk, a nghak tu nih chuan a rei sam em bawk a ni,ni a tla tawh a,zan riah ei nan erawh a la hma,nau riltam a hun ṭan tihah chuan ,an hmuh chak em em mo nu chu a lo thleng ta rap mai,Parteii leh a ṭhiante pa hnih ah chuan a tu ber nge monu tih an la hre thei mai lo.Chuailovi chu nu ho chuan an lo zawt sek bawk ,Parteii lam kawh va pah chuan ,hei hi a nih hi kan monu tur chu,tihpah chuan Tallianate nupa chu kawkin,a han hmelhriattir fiam luam a,nuho phawk a chhuak a,an hlim tlang dar dar hle a ni.Rampuia leh Parteii an inneih dawn takah chuan ,Romawia pawhin Parteii chu nelawm takin a be ve thei ta a,Parteii pawhin Siamteii a lo thik ruk ngawih ngawih chu a pasala farnu a nih dawn tak avangin ṭhian ang maiin a nel tawh a ni,monu hmel chu ṭha tilo reng an awm lo,Rampuia pawh a che lai na ngiang mai,Khawnbawl upa khama tein chu Parteii innghahna tur a ni a,in melh ralh ralhin an in kalsan leh ta rih a.Rampuiate inneihni zet chu an lalin a lawm ropui bawk a,tupawhin nuam an ti a,nula ṭhenkhatte erawh chuan ,Parteii thik ru tak si ,tilang ngam chiah si lo hian an lo che lai ve em em bawk a,sa a hnianghnara,zarpui khaw inneihnaah chuan an tlai ber ṭum a la ni hial awm e.

Hun leh ni te chu a in her liam ve zel a,Romawia pawhin fanu duh awm zet mai a nei ve ta,an hlim hle a,Chalthanga erawh chuan fanu leh fapa a neih tawh avangin,a dang an la keng leh ta rih lo,an chhungkaw pung ta deuh deuh chu Chalthanga chuan lawm awm a ti hle a,Romawia hi an thisen ni lo mahse,an enhrang lova,a indan lah chu an phal miah bawk si lo.a indan chuan khual pang zin ten ka thisen zawm i nilo tih an hre hlauhpalh ang e,ka thlazar hnuaiah hian awm ve mai mai rawh ,zankhat mitchhin tawk thei ka ni a,i awm ve reng hi ka duh a ni,a tih tlat avangin,a hnial ngam ta chiah lo a ni.Zarpui khua chhipzialten an run bak kha chu indo an hmachhawn ngai ta lo va,an ral muangin ,hemi kum phei hi chuan thlaithar leh buhthar an ngah hle a,a tute mai pawh chu an an khaw ralmuang ta riau mai chu nuam an tiin ,an lal chu an fak ning thei lo a ni ber mai .Chalthanga pawh tunah chuan patling tak tak a ni ve ta,a fapa Thangpuia chu engkimah a ring tawp a ni ber,a huaisenna leh hmelṭhatna bakah a fing em em mai chuan mi sawi leh fak pawh a hlawh hle ṭhin a ni.Nikhat chu lal inah chuan ,Chalthangate ṭhian zaho bak ah khawnbawlte leh pasalṭhate nen zu an zuk a,an titi laih laih a,Pawihho nena an in beih dan vel chu sawi in,an titi tui hle a,Thanliana chuan duh aiin a lem hnem deuh nge ni,an ti ti zul zui chuan,"chhipzial kan han do haw zet kha chu,kan lo cham rei lutuk deuh nge ,kan ralmuang ta lutuk zawk ni dawn ni,Chithlah lamah a thawk a,an piang mawlh mawlh mai a nih hi,"tihpah chuan Dampuia chu a han melh zauhva,Dampuia chuan,ngai pawimawh lo fe chuan,"A nih ka ring ,in nu reng mai a puar chak mai a,a kum zawnin in hring chur chur mai a nia,a han ti zet chu ,Thanliana thu chhakchhuahah chuan a tih fuh loh ber ṭum a ni awm e.lal leh upate chu nui put putin,chumite ṭhian ho in kap vel chu hmaisen ṭun chung chuan an lo ngaithla reng a,Hmingliana chuan "I chhai fuh meuh nang e zanin chu,?Thanliana chuan ,"innu chhul leh kan nu chhul a in hrisel hleih em a ni,tin bakah,taimakna lam kawng hi a in ang lo ve bawk a ni.A ni lawm ni lalpa?a han ti zet chu ,in sum thei an awm tawh lo,an lal Chalthanga ho chuan tukkhum sai ngar ngar an nui zo ta vek a.chutia an inkawm hlim paha ,am lo in fiam nak nak lai chuan,hmeithai Zahnuni Zarpui tlawha kal chuan Parteiin fapa a neih thu chu a rawn hawn hlauh mai a,an lawm tlang dar dar hle a ,Naute thar lawm nan tiin ,Chalthanga thlathum zu chu in chhawpin an in dawt chhawk sek mai a,an ti ti pawhin a dap hniam sawt viau tawh a ni.Dampuia chuan,Rampuia hian chi a va thlah hma reng reng ve maw le,tih pah chuan a nui vei kur kur a,A pate ho ti ti ho lam tak tak chu mutna aṭang chuan a lo nuih pui ve kar kar mai a,zing khawvar lam ah pawh an thawm chu la na tak a ni.

Zing nichuak chuan zan lama lal zu tlan ta te nunpung chu a tidang lam chiang hle a,Thanliana pawh ner chhuak nungin ,a lu chu a dawm vei vung vung a,Romawia zing tei chhuak chuan a lo hmu fuh ,nui kur kur chung hian" i in tam viau a niang maw?a han tih chuan,Thanlian chuan hlauh hmel deuh hian"Ṭawng ring suh ,kan nun min vaw palh hlauh ang e,a lo ti vei sup a,Romawia chuan run luihin ,Thanlianate in lam chu a pan lui deuh ngat,"Khai khai i ṭawng thei nasa mai si,kal teh ,makchhiat tawh ka zuam lo a nia,a ti ta chul mai a.zing kar kar a,a pasal au lung lung a hriat chuan,Thanlian lo lut rawh "a han ti vin ṭhak a,a nui nghal suk a,Romawia hian an nupa fiam thu hi a hrechiang tawh hle a,Thanlianan hlau hmel deuhva a ṭawng sup sup tawh hi chuan,a nupui hian Romawia a awm hnai tih a hrethiam tawh hle a ni.

..........THE END..........



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)