UNAU PHUBA LAKNA BY Tlantei Hnamte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: UNAU PHUBA LAKNA BY Tlantei Hnamte (Completed)

Unread post by Ngaia » November 23rd, 2020, 6:04 pm

UNAU PHUBA LAKNA

BUNG 37 NA
Tlantei Hnamte

Bawmzo khuangchawina chhim ve ṭhenkhatte pawh chuan Zarkawn khuate chu lungaawi taka an hawn mai chu an ring bik hauh lo,Romawia teho pawh in an mi enthlak te chu fimkhur takin an enthla zel a,Bawmzo leh sailung khaw inkar a riahhmun an sual tak avangin ,an ni pawh chu an hnung tawlh leh hret a,an chhak tlang bawk ah chuan ṭanhmun chu an siam ve ta a,Zarkawn lal hi lal a tak a ni bik hauh lo,Buanlung khua emaw,khawi khua ber emaw chuan an umzuia an enthlak a ring tlat a,chuvang chuan engmah sawi lovin a la ngawi ran reng a,a khat tawk a,a zah thu a sawi leh zauh bak chu eng mah a sawi duh tlat lo mai a,titi phungleng pangai bak chu tuman eng mah an sawi lo,zan khuaa thawm riva a awm tak lovah chuan Zing takah thovin tuk ṭhuan tur an siam zung zung a,tukṭhuan an peih fel chuan ,an ei sawk sawk a,tichuan an kal zui leh ta thuai a.Chawhnu her hretah chuan ,sailung khawzawnah an awm reng tawh,khuaah chuan an lutin ṭanpuina han dil ngawt dawn se,Bawmzo lal khan an chanchin chu a lo hrilh hman vek tawhin a ring a ni.chuvangin ,daiah sa therhlo leh hruizik ilo vai mai chu ṭha zawka hriain ,a naute ho chu a han tir zung zung a,Sailung khaw depa awm reng pawh chu ṭha berin hre lo mahse,zanriah nan chulai hmun chu a rem chang ber a nih avang leh ,Sailung khua chuan mikhual an neih reng em tih chu en thlithlai a duh deuh bawk nen,Sailung khaw chuan hnuai chu riah nana hman mai chu ṭha zawkin a hre ta a.hetih lai vel hian Sailung khua chuan ,sailung lalinah chuan mikhual an lut fel ve chiah bawk a, Pasalṭhate hmel a han hmuh chuan ,sailung lal chuan a lo tiṭha hle a,sailung khaw mi leh sate hi in elnaah khan an tel thei ta lo kha a ni a,buaina siam hauh lovin an ni chu an haw ṭha mai a,Zarkawn khua erawh chuan,a hmaa an lo rua hmantawh chu tlangpui tumin phakar an chhuah a,mahse,chu an thil tum chu an mualpho pui ta zawk kha a ni reng a ni.Chutia thu khawchang an sawi naah chuan,sailung lal chuan ,Zarkawn laltenawm zia chu a sawi chhuak ta a,"Zarkawn lal hi lal hausa tak ni mahse,buanchak lo tak mai a ni a,a hausak ang ai erawh chuan ,a khaw mipuiten ei leh barah neih em em lai an nei ngai hauh lo thung.Vawikhat chu Zarkawn lalchuan khuang a chawi a,chutah chuan ,lal mai ni lo ,an nupuite leh ankhaw nula hmelṭha ber berte chu a sawm ṭeuh mai a,chu tih lai chuan nupui ka la nei lova,ka nupui hi kan khaw nula hmelṭha a ni a,ka pa hriselna a ṭhat loh avangin ka pa aiah ka kal ve nghe nghe a ni,a mi sawmna angin,pasalṭhate mai bak ah,kan khaw nula hmelṭha zual pathum ka hruai tel bawk a,Zarkawn kan han thleng chu ,ka nula hruaite chungah chuan a mit a fu ta tlat mai a,chutih lai chuan ,lal naupang tak a ni a,nupui pawh pahnih nei ang a ni,an sal man pakhat kha hmeiah a nei a,a nupui lah khan kha a hmei nu kha an tirethei hlein an sawi leh nghal a.ka lai nat khawp mai,ka nupui nen hian kan la in hmel duh chiah lo va,chumi ṭum chuan,ka nupui hi a ko ta a,a hmeichhe lo khuaikhem ṭhin dan ang a lo khawih ve mai a tum chu ,a ni chuan a lo duh ta awzawng lo mai a,lal muala mipui pungkhawm zingah chuan a ankhum ta piap piap mai a,"Nang lal tenawm,hmeichhe dang ang a,keuh thluk mai theih turah min ngai a nih chuan hre rawh,chutiang mi chu ka ni lo,Nula ,mipa taksa la ngheng ngai miah lo ka nih hi,i lu kha ka hawn ang a,lusei khawdang hnenah mualpho takin ka siam che ang a,i hming hi nuihza siam nan an hmang mai ang"a ti ta hrep mai a,Zarkawn lal chuan thiamthu sawi tumin a ang zuau zuau nghe nghe a,mahse ,pasalṭha tam tak ten kan nula chu an ven tlat a vang leh ,a chet dan hmutu an lo awm nual a vang leh nula tam tak a lo tlawm tawh a vangin thu tam a sawi ngam ta lova,khuangchawi pawh hmang zo lovin kan haw ta daih a,chuta ṭang chuan ,nupuiah ka nei ta a ni"tiin a sawi a,ngaihnawm ti tak chung leh ten ru ang reng tak chung chuan an lo ngaithla kar hlawm a,thil dang dangte sawiin ,zan lamah zarkawn khawho enthlak hna chu thawh an tum ta ran a.

Romawia leh Thanliana erawh chuan an la en thla ranreng a,zuiru tu awm ang ,thawm riva hlek pawh an hriat tak lovah chuan an thlamuang ta deuh nge ni,an zinga tlangval pakhat chuan"Khawdangah pawh sawisep chu kan kai viau tawhin ka ring ,an lakah rilru kawi pu ta pawh ni ila,lamṭang kan hmu zo tawh kher lovang,kan mawng kan hlim satliah lova,kan intlawhping tawlh tawlh zawk niin a lang,kei chu pembo daih ka duh,"a han ti ru sap a,Romawia ṭhutna ep chiaha ṭhu a nih avang chuan a hmel pawh a lang chiang viau mai,a ṭhianpa pawh chuan,"Ka hne ngawt mai,kan lal lah hi a hming chhe nasa mai si a,runpui kan tawk lovang tih lah sawi lawk theih a ni si lova,buaina tawh hma hian Bawmzo khaw lamah pem daih ka duh"tiin a lo chhang ve zauh va.Thanlliana tawmna sir ,lungpui nghenga ṭhute chu engzat chiah nge annih hre thei chiah lo mahse,an puitling tlang viau tih pawh an ṭawngkam kau chhehah chuan a hriat theih a,pakhat chuan,kan mualphona mai piah lamah hian,kan lusei dangte huat kan hlawhphah hle dawn a nih hi"a lo tihnual raih a.pakhat chuan,"Eng rilru puin nge maw an chapo ve em em ni?kan chak ber lo tih te hi an in hmu thiam ve lo a ni phawt ang a,keini zawng,tu khua mah hi kan khum ve dawn lo a nih hi,Sailam khaw buanchakte kha,a chak ber ang tih tuman an hai lo,mahse ,ṭawngkam mawi takin tupawh a thlah thei zel a,khatiang tur kha a ni a,keini buan chak ve hi zawng"a tih mek lai chuan,an hnung lam a tang chuan"A khawi lam lamah pawh ka chanchin chhe lai bawk maw,ka thiltih kha tih awm loh tak a nih ka hre hauh lo,ka tih tur dik tak ka ti ve mai a ni"an buanchaka chuan a ti vei hluka,a kianga ding,Sailung lalpa chuan,"Ka remruatna dik lova ngaia sawiseltu chu kei pawhin ka mamawh bik hauh hleinem,vei tak che u hian,ka enkawlna hnuaia khawsa leh in leh lo nuam tak nei thei in nih hi"a ti ta mai a,sailung pasalṭha Lianngura chuan,"Lal chapo leh sihhnip ber i ni chung hian,i la in dah sang viau thei zel hi chu ,i tenawmna pho langtu ṭha tak a nih hi maw le,ro chu i rel a,i thawhsa erawh kan ei lo,khua chu i din a ni mai thei ,a sahkuak erawh chu ,kan thawhrah a ni.Ro i rel a,i hmeichhe it zawng apiang i tlukpui thung,i khua leh tuite hian ,i hmeichhe keuhthluk tawh neih hi kan chak bik hek lo,kan tlangvalte lahin kan nulate an kawm serh zo tawh.heng hi tu thiam loh nge?Nangma thiam loh vek a nih hi."tiin a ding ta hluai mai a,chutah zet zawng lalin lal ka nih hi ti thei tawh bik hek lole,lamṭang leh lamṭang awmin an indinchilh ta rep rep mai le,chutih lai chuan an ṭhian dangte chuan rawn finin thinrim zet hian an lal chu an melhkhai khai hlawm a,Romawia leh Thanliana chuan thawm an chhuah duh mai lova,chutah le,an lalpa chuan,"A tawke,dinhmun a chhiat meuh chuan lamṭang pawh ka lo nei mumal ta loa ni maw?tiin thinrim tak hian ahan meng sen rum a,a mah hual bet tlattu pasalṭharualte chu rum zet chuan a han melh kual a,sailung pasalṭha ,Thangchuailova thinin a tuar ta lo,an lalpa nghawnga reh pah chuan"A tirah kha chuan lal inihna zahin i remruatna kan dodal ngai lo,mahse,han en ta che,i hmingchhiatnaah hian kan tel ve lo vem ni,?han sawiteh tenawmpa,vawiina kan mulphona zawng zawng hi,dik takin rorel ni la ,kan mualpho lo vang a,zalen takin khawiah pawh kan chhuak ngam ang,mahse tunah chuan kan luseipui tengei hmelmaah min chhuah tak hi,ka mitmeng ka tilian ngam e i la tih ngam fo chu le,"tiin a rek ang ta chawp chawp mai a.

Chutih lai chuan,an chhak ko aṭang chuan,"A tawk e ,a tawk e,pasalṭha,kan hriat duh chu kan hre ta e,lalthisen kai meuh zawng kut thlak lo hram teh u,he thilah hian in lungrual lo tih kan hre tawh a,a ṭha e,in lal pawh hian mahni lusei pui kher lo sela,thlamuangin i khua leh tuite hi siam ve tawh rawh,he kathusawi hi i pawm lo a nih chuan,i lamṭang zawng zawngte nen hian bung sawmah ka chhuah ang che u"Thanliana chuan a han ti chang khal mai a,chu thu rawnsawitu,tlangval sa tha lenlawn ,fiamthu duh tak ṭhin kha,fiamthu duh hmel pawh a pu tawh hauh lo,a tak ngan mai a,a meng thip ram mai bawk a,kan lalpa Chalthanga hi Ralkawn lal Darchhuna thisen leh phuba tuihal a ni tihhria la,a pawi i sawi vai a nih chuan,a mah emaw,a farnu emaw ,a tu emaw zawk zawk sawn an that tho tho ang che.a pawisawi loh hi i tan a ṭha zawk ang,ahan tih chuan,PasalṭhaThangchuailova chuan,Thanliana darah chuan a han beng thak thak a,"Tlangval ,lungngai suh ,Chalthanga chungah chuan engmah athleng lovang,chuti mai maiin kan lal hian min pal zut tawh dawn lo,pasalṭhate tih lungawi loh hi thihna a ni tih pawh kan la zirtir ve ang chu,"tih pah chuan a kalsawn zui ta daih a.Thanliana pawh chu a lo chhuahna lam pan chuan a kal sawn zui vetathuai a,Zarkawn khawho chu engtin nge an awmzui tak zel tih pawh ngaihtuah zui duh tawh lovin Sailung khaw lam pan chuan anin zui chho ta hnak hnak a.Khua an luh chuan khua chu a thim deuh chhulh tawh a,hmanhmawh lo zetin lal in chu an pan dun ta a ni.Hetih lai vel hian,Zampuii leh A unau pa chharthar pawh titi khawchang sawiin an lo tui ve hle a.chanchin an in hriat pawh takah chuan an hlim hle a,Buanlunga zin ve nge tur leh ,a pem pawh pem hial turin a han sawm a,mahse,a unaupa chhar thar ,Rohnuna chuan,an lalpain a phal a rin loh thu leh an khaw innghah awmchhun a nih thu te a hrilh hnu chuan Zampuii pawhin hrethiam takin a sawmzui duh ta bik lo va,Ramliana nen pawh an inngaina hle a,Thanlianate lo let leh meuh chuan ninga lai an lo cham reng tawh mai a.zankhat an riah leh hnu chuan mahni khaw lam theuh panin a haw ta sang sang a.Buanlung lam pawh an khaw lam pan tur an ni bawk a,phur zetin an pen thauh thauh hlawm a,an kal lam ai chuan an haw lam chu kal chak tawh tak an ni.Thanliana chuan ,Romawia chu a fiam awl lova,samsei deuh deuhvin an melhno zia te chu a han phuah kual chiam a,Romawia lah thutam sawi thei hek lo,"Dawt"a han ti leh ringawt ṭhina,diktak chuan,Thanliana chuan dawt a sawi tam lo tih chu an hre tlang ṭheuh awm e,a chetzia zei thlarh leh ,hmel pa hrak mai chu hmeichhe tan chuan hmuhnawm a tling chiang em a nia sam dum hlap leh a mithmul siam chawp ni awm fahtana kual raih chu a inchawih thlap mai a,a dar pharh hlai hlep hlawp leh kawng fek rat te,a bawp sei thlar mai a han pen pawk pawk mai te chuan,mi pangai chunglam a nihzia a tilang chiang hle a ni,Zampuii chuan Romawia chu a han nuih var vara,"Ka naute hi chu ka chhuang a nia,hmelṭha bawk si,nupui pawh hmelṭha tawk a nei ngei ang "tia a han fiam chuan ,Romawia zak han lai vel chu a pen sual nawk nawk ṭhina,chu chu an lawmin an hlimpui thei hle a ni.

Nihnih ni zanriah eikham bawr vel chuan Buanlung khua,anmahni khua ngei mai chu an lut ta a,Romawia pawh an inlam pan ta lo chuan lal in lam a pan ve nghal daih ,in an thlen chuan,Chalthangate nupa chuan an lo lawmthiam hle a ,an va kalna chanchinte chu sawiin ,Chalthanga chuan a lo kal ta lo chu a inchhir ru hle a ni.

Nikhua a lo rei ta a,Chalthanga fapa pawh a lian ve ta hle mai ,a hmel a ṭhain a ṭhang duang hle a,a nau tur an pai leh mek bawk,Chalthanga fapa Lianthangpuia chuan lawm a hlawh hle a ,a ṭawngkam chhuak reng reng chu a pa awphawi chiah chiah zel a ni mai a,"pasaṭha Tinkhuman chhuahlam veng sela,"tihte chu,thu pe aw tak tak hian ,pasalṭha ho leh a pathiante chu a be fo mai a,chu chuan mi lawm zawng a siam hnem hle ṭhin a ni,Zampuii leh Ramliana pawhin inneih zai an rel ve ta,palaite tirin a hun pawh rel fel vek a ni tawh,tuman mak an ti hran lo,kum ruk zet an inzui miau a ni,Thanliana pawhin a phutawk a hmu ve ta, Thanlianate inneih tuk zing karah chuan a ṭhiante chuan,senghawi ngaite a awm takin tiin puihtumin an zuk kal a,Thanliana chu leihkapui hmawrah hian in thupui fe hian ,vaibei pak khu hlat hlat chung chuan a lo ṭhu a,a ṭhiante hmel a hmuh rual chuan a inti muk sauh bawk ,a ṭhian ten a bul an thlen rual chuan"Ekhai ,ṭhiante u,Vanglai a ngaihawm hle mai "tihpah chuan an piah ngaw dur khup chu a thlir vei vauh vauh va,Dampuia ngei lutuk chuan,"Zankhat a kakpui i lawn ve dek dek a,vanglaite i han sawi chhuah khang lan chu le ",tih pah chuan Leihkapui atang chuan a namthla ta daih mai a,Thanliana zet zawng ṭawngkamah an hneh ngang lo a ni e.chutia nupui pasal an inneih tak thliah thliahah chuan ,in hmuh leh ramchhuah ,a khat ta pharh mai le.Thanliana an tlawh apiang lah chuan,a tlawh hmasa apiang chuan an sim hmak hmak zel mai a,a lo insawitheih khum ṭhin a lo ni a,nupui an han neih tak sap sapah phei chuan,a in sawithei sauh sauh thung,"Nupui nei rawh u ,'ka ti ka ti che u a,mahse ,ka thu in zawm duh lova,hei leh chen hi min awt reng rengin in hun in hmang a,in la nei hmelchheh em em leh nghal a,in la lungawi viau leh nghal a,hetiang nei tur tho tho te chuan ,in ṭawng theih ṭawk ṭawk khan neih law law tur a lawm"a ti ta hrep mai a,a zia hi a lawmawm em avangin ,eng thu pawh sawise,an hnial peih lo,an enliam mai mai tawh a ni.

Nikhat chu,Chuailovite nufa chu an feh a,Romawia erawh chuan ka riak dawn a tih avangin,an haw san ta a,Romawia chuan in an thlenglo tih hre hauh lovin ngaihṭha zetin hlo a thlo nitin a,kartawp a nih chuan a haw ve ta a,in a han thlen chuan an in chu a lo ṭhing ṭhiap mai a,lalin lam panin ,Chalthanga hnenah chuan a u a awm loh thu a han hrilh a,Chalthanga chuan,"Inriak a ni lawmni?tun kar chhungin U chuailovi ka la hmu lo reng reng ,i u Zampuiin a hre mial lo maw,?tiin a lo zawt let vat a,Romawia chu Zampuiite in lam panin a tlan leh thuai a,Zampuii pawh chuan"I riah dawn nia ,an feh tur ka hmuh bak ka la hmu bik lo,"a lo ti bawk si a,mangang zet chuan Chalthangate in lam bawk chu a pan leh thuai a,Chalthangan Romawia beidawng hmel a hmuh chuan ,thil fello a awm tih a hre thuai a,"Mawite ,i u chu a chin i la hre lo vem ni?tiin a lo zawt thuai a,Romawia chu a bu nghat ringawt a,Chalthanga chuan,"Tlangaupa,kartira ,ramriak lo ,lehlang ho zawng zawng zawng chhuak la,U chuailovi an hmu em tih han zawt hlawm teh khai,hmu an awm a nih chuan tawhsual an tawk a ni mai,kan zawn thuai a ngai a ni,Mawite,nang pawh han insil thlan dai la,hetah zanriah chu i bar mai dawnnia,"a tita zung zung a.Tlangaupa pawh chu a chhuak zui ta thuai a,mualkilte pawh chu Chuailovite nufa chanchin chuan an rilru a tibuai hle a,Romawia laina neihchhun tak takte an ni a,Chalthangate unau chuan hmangaihin duat viau mahse,a thisen zawmpui tak tak an nih loh avangin ,inthlahrun chang a nei fo ṭhin a,chutia a ute nufa chin hriat lohva an han awm ta mai chu,a rilru a hah hle tih hriat tak hian a thaw leh hak ṭhin a.Chalthanga chuan ,"Mawite,lungngai lutuk lo la,a damin emaw,a thiin emaw kan hmu em em ang ,lungngai reng reng suh,"tiin a bula ṭhuin a hnem mawlh mawlh a,thim hlimah inah chuan a zuk tlan thla leh a,in chu a lo la thim ṭhap tho mai,beidawng zet hian a ipte pui leh a ralthuamte chu a la a ,lal in lamah bawk chuan a let chho leh ta a,zanriah chu an han kil a,Romawia chuan chaw lem chu harsa a ti kher mai,Thanlianate ho pawh an lo lut ṭak ṭak tawh a,Romawia chu,"Mawite ,engmah in la hriat belh lo em ni?a ti lut nghal bawrh bawrh a,Chalthanga zawk chuan,"An haw tur chu an hmu ngei hlawma,biak pawh an be hial a,an hma deuh avangin ,an ruala haw ve midang an hriat loh thu an sawi vek a,a ngaihna pawh ka hre lo,khawvar nghak thei kan ni lova,Rama,in nupain khua hi lo enkawl ula ,mawitea nen hian kan chhuah a ngai a ni,"a han tih chuan,Hmingliana chuan ,"keini pawh kan awm a lawm,tu emaw ber chuan kan zui che u a ngai a ni",a han tih chuan,Chalthanga chuan ,"Um ,Nang i kal anga ,midang chuan khua hi lo enkawl rawhse,khaile zuk insiam la,kan chhuak nghal dawn nia"a ti zui nghal thuai a

Hminglianan lalin a thlen leh meuh chuan,zan rei lam a ni tawh a,Chalthanga chuan,inchhunga awmte hnenah chuan,"Tihian keinin hnu kan lo chhui ang a,in lo hmu hmasaa kan kalna chin in hriat theih nan chhawl kan lo dah zel ang a,ni sarih chhung dai hnai vel hi lo zawng ve ula,in hmu lo a nih chuan kan lo haw hun in lo nghak mai dawn nia"tiin a chah ta a.Tichuan ,an ni pawh chu hman hmawh zetin a chhuak zui nghal thuai a.chumi zan chuan Chuailovite nufa bo thu chuan khua chu a chiah hneh hle tawh a,lal in tualah chuan ,chanchin ngaichangin an tlim hmur mai bawk nen ,zan chu a reh lo reng reng a ni.Chalthangate pathum chhuak ta pawh chuan,an khaw kawr pui lam chu an pan ding nghal nal nal a,thlawhhma kawng lam a ṭangin in lam panin an leh chhui ta a,kawr pui kam vel chu uluk fe hian an bih kual zel a,chak leh thlang chu an kar tawn chhen a,mahse,hma erawh an sawn em em lo,khawchhak hawi zawng chuan an rin chhoh ta tawp mai a,fing hnih zet ,khawchhak hawi zawnga an kal hnu chuan ,intepui leh a bula thlairah leh eng eng emaw vuai san tawh chu an hmu ta a,Romawia chuan ,kawrkam sir hnim buk hnuai a A u em lo let bal a hmuh chuan ,a u hmuh tumin a vir ta zak zak mai a,Chalthanga chuan ,"Mawite ,an em leh iptepui kan hmu tawh a ,anmahni chu kan hmuh mai a rin awm loh ,i chhui chho phawt mai teh ang"tiin a ko chho thuai a,meichher lian teltawlin an han siam belh a,khawchhak lam hrut zelin thui fe chu an kal leh tawh a,em leh iptepui an hmuh bak kha chu hmasawnna dang an la hmu mai rih lo,khawvar dawn hnaihah chuan ,mihring ṭhutna ni awm tak changel lo darh nuaih leh a bul vel thut bel tlan chu an hmu leh ta a,an han ṭhu chin vel a,Hminglian han ṭhu ,tho chhuak leh tur chuan ,engemawni hi a khawih zauh va,a han en chian chuan ,hmeichhe dawhkilh a lo ni,"Um hei le,U chuailovi dawhkilh ngei mai chu ka hmu leh ta,a tizui nghal sap a.chulai hmunah chuan an inchai hle a nih hmel,thingbul chawr leh hnim lo uai sel sul a ṭang chuan a rinhriat ve theih ta mai a,chutah zet zawng hmanhmawh fein khawchhak lam hrut zawng bawk chuan an kal zui leh ta a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:04 pm

UNAU PHUBA LAKNA

BUNG 38 NA
By : Tlantei Hnamte

Hmingliana ṭhu ,han tho chhuak tur chuan enge mawni hi a khawih fuh ta tlat ,Meichher engah chuan a thil khawih fuh takchu a han enchiang a,Chuailovi Dawhkilh ,a hman ngawrh em em ṭhin a ni tih chu a hre chhuak nghal thuai a,"Um ,U chuailovi dawhkilh ngei a nih hi,helai hmunah hian an chawl ngei a nih hmela,tin,chulai hmunah chuan an inchai ngial a ni tih hriat tak hian thingbulchawr leh hnim hnah uai selsul ah chuan an rin hriat ve thei mai a.tichuanhman hmawh zetin khawchak hrutin an an kal leh ta zel a.

Finghnih zet an kal leh hnu chuan,lui kama hnimbuk zinga kutbawr lo lang chu Romawia chuan a hmu ta thut mai a,rang zet chuan a thil hmuh chu a pan thuai a,hnim chu keu sawt sawtin ,"Mama ,mama ,a ti mawlh mawlh a,mahse ,chhangtur chuan A nau chuan awmzia a nei tawh lova,a hmui chu a duk char mai a,thingnawi fawmrual lek a la ni a,a taksa chu a vawt khawng vek tawh a,Romawia chuan a nau chu a kuah vawng vawng a,a mittui erawh a tla hauh lo,Chalthanga chuan ,"Hminga ,Nang zualkovin tlan ta mai che,a nu hi eng tik nge kan hmuh dawn hriat a ni si lova,a ni tal hi chu felfai taka kan phum a ngai a ni,kan inah a ruang hi kan dah ang a,rei rial ngam chi a ni tawh lova,keinin hlang kan lo siam ang a,kan ram chhung tho a la ni bawk a,i hreh em lovang chu maw,"tiin Romawia rum ngal ngal leh ,a nau hmel dang bai mai thlir tlawk tlawk chu a pan hnai a,kuah hlu hlu pah chuan,"Mawite ,i mal lo a nia ,i u hian ka pui zel ang che,ka nunna hi i tan hlan a ngai a nih pawh ka neih zawng zawng nen hian ka hlan mai ang,lungngai suh ,i u chu kan hmuh hma chu kan zawng ang"tiin a han hnem a,Chalthangan a hmangaihzia leh a enhran loh zia chu a hai hauh lo,tunah pawh hian a u Chuailovi chin an hriat hma chuan athlahthlam dawn lo tih pawh a hrechiang hle a ni.Ruang zawn tur an thlenhmaa engkim lo peih fel an duh avangin hlang an lo siam peih vek tawh a,meite chhemin ,an awmna hmun hma vel chu an lo thian fai vek bawk a,Ruang zawn tur arawn thlenmeuh chuan khua pawh a tlai tawh hle a,Buanlung khaw tlangvalho chu an thin a rim hle a,a hohova heng Chuailovite nufa ru bova thattute hi zawn a,an hmuhna hmun hmuna chansawm vek mai an duh a ni,anni nufa hian tu pawi mah an sawi a rin awm loh ,eng vanga anni nufa kher chu that duh nge an nih ang?zawhna chhanna awm lo chu an in zawt sek a,thil ni thei awma an hriatte chu an han zeldin kual ngial pawh chuan achhan tur awmang an hrethiam lo a ni.mipui rilru chu phuba lak chakna in an khat a ni ber,Chuailovi chu khawi lamah nge an hruai ang ,Chalthanga thinrim lutuk chuan ,thildang a ngaihtuah thei lo,A nupui Thankimi chuan a pasal,a hmangaih em em ,rilru hah tih hriat tak maia a thaw leh halh ṭhin a hmuh chuan alainat tak zet a ni,an inneih aṭangin ṭawngkam mawi lo leh thinrimin vawi khatmah an la in hau ngai lova,a duat em em a,Chuailovite nufa chunga thil thlengah hian a mah a inmawhchhiat mai ang tih a hlau hle a ni,Zampuii pawhin Romawia chu a hnem mawlh mawlh reng a,"Ka naute,ka nau ,ka thisen zawmpui i nih hi,i tan theih tawp kan chhuah dawn a lawm,a ṭul a nih phawt chuan kei pawh ka che chhuak ve ang ,heng misual ho hi damin pakhat mah ka chhuah dawn lo,"a han ti hlak hlak a,Romawia chuan Zampuii chu chiang zet hian a han en ha a,a nui ta sak a,chutihlai a Romawia nui hmelṭhat zia chu Zampuiin a han hmuh chuan"Awi ka naute,i hmelṭhat zia hi i hria em?ka chhuang lutuk che,nupui ṭha deuh nei rawh aw?nui sang chung chuan a han ti ringawt a,Romawia chuan ,a u Zampuii raipuar ṭeuh chu a han melh zauhva, a nui ve ta hawk hawk a,

Romawia nau an phum fel chuan Chalthanga leh Romawia chu chhuak mai turin an lo inpeih leh diam tawh a,Zampuiite nupa kutah an khua chu an dah leh ta a,tlai lam zanriah chhum hun velah chuan Hmingliana pawh a inpeih ve ta,tichuan ,an pathum chuan Chuailovi zawng tur chuan an chhuak leh ta a ni.Ruang an hmuhna aṭang bawk a ṭanin an chhui zel a,an bona karkhat lai liam tawh mahse ,hnu chu chhui a har sa lo hle a,sawmhnih vel bawr an nih a rinawm bawk zan pawh chawl lovin an chhui ngar ngar a,an bona chin a rei tawh em avangin thawm pawh an dim teh chiam lo,fing nga zet an kal leh hnu chuan an khaw ṭhenawm ,an tlawh pawh zen zen loh Zarpui khaw ram an lut ta a.an kal zel a,ruam zawh tawh lovin tlang kawng an zawh chho ta a,tlang kawng a ṭang chuan hnu chhui a har ta talh mai mahse,Zarpui khua luh phawt a,chanchin zawh chian hmasak phawt chu ṭhain an hre ta a,hnu chhui ngawi ngawr tawh lovin ,khawvar dawn hnaih a ni tawh bawk a,khawchhung luh vat chu ṭhain an hre ta zawk a,khua a var chiang ta bawk a,Zarpui khawdai an thleng ta a,a la hma viau naa,zing tuichawi tur nula ho pawh an hmu ta zauh zauh va,Zarpui khaw lai hawlah chuan mual zau zet hi a awm a,lalin lam pan hmasak an tum lai chuan hmeichhe tleirawl ngo vingveng sambu ṭha zet mai hi tuium phur lak chung hian in pakhat a ṭang hian a lo chhuak hlawl mai a, Hmingliana chuan ,"Nula ,i va tho hma ve,"tiin a lo be luam a,chu tleirawlte chuan ,makti hmel tak a,Hminglianate lam hawi hau pah chuan,"Nia ,tuichawi a ngai miau mai si a,thawh hma loh theih pawh a ni lo,"tiin nui var var chung chuan a chhang ve mai a,nula bawk chuan,"In va rawn thleng hma reng reng ve,engnge in rawn tih dawn a?tiin a lo zawt let ve thuai a,chutia a zawh pah chuan a han melh kual a,Romawia lam a hawi lai chuan ,Romawia chuan a lo nuih var var a,nula chu a phu deuh zawk hian a hriat a, Hmingliana chuan,"Misual hnu kan rawn chhui a nih hi,nula,in khua hian mikhual in nei mial lo maw?tiin a zawt leh vat a,Nula chuan ,"hmanni khan ka nute feh haw khan ,mikhual ,tute nge tih hriat loh sawmhnih vel an hmuh thu leh ,an zingah chuan hmeichhe pakhat ,nu valai tak a tel ve a,a mit bui lak danah a ṭap nasa hle tih a hriat a,a pawr phang mai bawk si a,khawia kal tur nge tih kan zawt a,khawchhak lamah tih ringawtin min chhang a'an tih tak kha mawle"a ti ta siam siam a,Romawia chuan nula ṭawng siam siam chu a lo en reng a, Hmingliana chuan "Nula i hming min hrilh la ,kan lo let leh lamah kan rawn tlawh hawng dawn che nia,i fel reuh emai ,"a han tih chuan,nula chuan"Siampuii ka nia ,a ṭhen chuan Siamte tiin min ko tho va,in duh dan danin min ko mai dawn nia,chuan saw saw kan in a nih saw"tiin an in awmna lam chu a kawk ta a,a kal dawn chuan Romawia lam chu a han melh zauhva,Romawia chuan ngun zet hian a lo en reng mai si ,lai zet chuan a kal liam ta a,Chalthanga chuan Zarpui lal chuan thu chiang zawk a hriat takin tiin kal tho chu a rawt ta a.

Lal in an thlen chuan Zarpui lalpa chuan a lo lawm thiam hle a,Chalthanga chunga vanduaina thleng chu pawi a tih thu te a lo sawi ve luama,Siampuii ka a ṭanga an dawn bak chu thu thar em em dawn erawh chu an nei hauh lo,zarpui lal chuan,"Eng pawh nise,tukṭhuante ei puar ve phawt ula,ka pasalṭha chhuanvawr Rampuian a hruai ang che u,a ni hi pa zaidam leh pawisawi lo tak mai a ni a,huaisen leh hnuchhuiah meuh zawng ka chhuang teh a nia,kal ve sela ,in mamawh tawn ṭheuh kan ni a,a ṭangkai viau mai thei a ni,tin,kawp pawh in inkawp tawk viau vang,"tiin tlangaupa chu Rampuia ko tur chuan a tir zui ta a,Chalthanga chuan,"A ,Lalpa ,kan tibuaiin,i khua hian i pasalṭha kan hruai daih chuan in lo tuar phah ang e a,kei mahni hian kan thawk chhuak mai zawk ang e"tiin a han hnial ngial a,mahse,Zarpui lalpa chuan,"Mai mai a,in tan ṭangkaina ka la nei reng reng hleinem,ka puih ve theihna che u awm chhun te pawh a ni mai thei zawk a sin"tiin a hnial ta tlat a.Chalthanga pawh chuan hnial ngaihna tehchiam a hre tawh bik lo a niang,a ngawi ve ta a,chutih lai chuan,sumhmun chu a rawn ri ṭhap ṭhap a,tlangau pa leh Chalthangate rualpui vel tur pa in khaithli zet hi an rawn lut zui ve nghal zat a,lalpa chuan"Rampui han ṭhu phawt mai teh tichuan ,ka ngenna hi i pawm leh pawm loh min la hrilh dawn nia,Hei Buanlung khua ten buaina an tawk a,i bula mi kha an lal Chalthanga ,a hming chu in hriat fo tawh kha,a farnu misualin an ru bo va,chu chu an rawn zawng a ni a,ramchin leh khawchin i hre thawkhata ka hriat avangin ,anni pui tur hian i remchang thei a ngem?tih zawh che ka duh a,i remchang lo a nih chuan ka nawr lui hauh lo che a nia"a han ti dap dap a,pasalṭha Rampuia chuan,"Lalpa,ka remchang emaw ,remchang lo emaw pawh nise,kan ṭhenawmten buaina an tawk a nih chuan ka theih ang angin ka pui tur a ni,harsatna an tawh zin ngaihtuahin ,kan ṭanpuina min la dil miah lova,tun ṭumah hian ka pui ve thei dawn a nih phawt chuan ka pui em em ang,tuk ṭhuante ei ila ,kan kal mai dawn nia,chumi hmain kan thiante hming hi hre hmasa phawt ila a pawi lem dawn em ni?a han ti zui zat a,Chalthanga chuan,"Pawi love,kei chu min hre tawh a,hei hi ka ṭhianpa Hmingliana a ni a,tichuan ,hei hi ka nau Romawia a ni e"a lo ti ve thuai a,tichuan ,tuk ṭhuan eiturin Rampuia chuan a chhuahsan ta a.Tukṭhuan eikhamah chuan Rampuia chu inpeih diamin lalinah chuan a chho leh ta a,Chalthangate pawh an lo inpeih ve tawh a,tichuan ,an haw lama tlawhkual leh ngei in tiamin Zarpui lal in chu an chhuahsan ta a.Rampuia chuan hma a hruai a,tlangval thachak ṭhah an ni bawk a,an kal muang fahran lo hle a ni.

Zarpui ram chhung an pelh meuh chuan khua chu a thim ruai tawh a,ngaw chhung an lut a,riahbuk han sualna mai tur tui awmna an hmuh mai loh avangin an han kal leh ṭauh ṭauh va,phaizawl zau ang reng tak an lut ta a,chu ruam phaizawl an luh thlak tan tirhah chuan lui dam zet hi a awm a,chutah chuan riah theih ṭawk ṭawkin buk an sa a,zanriah an peih meuh chuan khua chu a thim chhah tawh hle a ni.buk tualah chuan meipui an chhep hluah a,zanriah an eikham chuan buk tuala an meipui chhem chu an kil laih a,titi khawchangte sawiin ,Romawia chanchinte leh Chuailovite nufa chanchinte chu an sawi kai zel a,Rampuian Romawiate chanchin a han hriat chuan a khawngaih hle a,chutah vanduaina an han tawk leh zel chuan,Chalthangate pui tura a kal ve pawh chu a lawm ru ta hle a,chu tlangval lainat awm tak mai chu a han en ṭhin a,tlangval pangai aia chunglam ni hial tur ,pian leh hmelah ni se,mi chunga leng hial tur khawpa hmeltha leh pianthiam a nih chu a hmuh hmaih bik lo,a ṭawngtlem chhan chu a hrechiang ta hle a,a tan theihtawp chhuah pawh a tum ruh hle a ni.Rampuia chuan ,"Heng misual ho hi kan hmu a nih ngat chuan ,ka nun hi hlauh ngai pawh nise,ka thah fai vek hma loh chuan ka um zel ang"a han ti ngal ngal a,Hmingliana pawh a lo bu ve nghat nghat a,zante a rei tawh bawk nen ,mut zai an rel ve ta a.zing takah thovin tukṭhuan an siam sawk sawk a,hma takah eiin an hma hun khirh leh hautak angreng tak hmachhawn turin an chhuak leh ta a ni.fing sarih zet an kal hnu chuan,Ar khuang al al ri an hrethei ta a,mahse an hnu chhui chuan ruam a zawh ngar ngar mai si a,an rilru chuan ,chu khaw mite chuan hmuh leh hriat an lo neih hlauh takin tia khaw chhung han pawh chu ṭha an ti bawk si a,Chalthanga chuan, "Rampui,khuaah chuan kan pahnihin i han kal mai teh ang"a tita nge nge a,fehreh san hun lai a ni a,tukṭhuan eisaa kal an ni bawk a,Hmingliana chuan ,"kei nin hnu hi kan lo chhui ang e,"a lo ti ve bawk a,tichuan,khaw lam pan chuan ,Chalthangate pahnih chu an kal ta a.khua an luh chuan ni avanlaizawl lek lek tawh a,khawdang pawh hawi lem lo chuan lal in chu an pan ding nghal nal nal a,an hmanhmawh em avang chuan,mual zawl sir deuhva putar lo ṭhuin a thlir zui vang vang chu hmuh pawh an hmu lo,lal in pan chuan an pen pawk pawk a,lal inan thlen chuan,lal rem tihnain inchhungah chuan an lut thuai a,lal ṭawngkam thlum leh tuitam zet chu ngaithla zo hman ni hek lo,Chalthanga chuan,"Lalpa,min hrethiam la ,hmanhmawha rawn tlan lut kan ni a,fakna emaw,sawiselna emaw dawngsawng hman kan ni tlat lo mai,"tiin a thil hriat duh zawng zawng chu a sawi zung zung a,Buhchhun khaw lalpa chuan,amah dawrtute chu mi naran an ni lo tih a hriat ve tho avangin an zawhna chu a chhang ve thuai a,lawmthute sawiin an chhuahsan ta thuai a,an kal lama putar chuan ,Chalthangate let leh lam chu a lo be ta nge nge a,"Vala te u,in va hmanhmawh em em ve,thu lawmawm lo rawn ken innei chu a ni em lo maw,?tiin a lo zawt a,Rampuia chuan "Ni love ka pu ,lal kan han be lawk a ni e,"tiian ṭha deuh chuan a chhang ve thuai a,chu putar chuan,a thlir zui vawng vawng a,an pian chu a ṭha dun hle mai ,pasalṭha na zawng chu anni lo tawp ang,tu emaw ni min hriat chhuah tir tlat mai ka ti,a ti sapa in chhung lamah a inhawl lut ve ta a.

Chalthangaten Romawiate an umphak meuh chuan,chawfak a hun ruai tawh a,luikamah chawte fakin,vaibelte an han dep kai a,muangchangin an kal leh ta a.Buhchhun khaw ram chin an pelh chuan kawng peng ṭhuam a lo awm a,an han buai deuh nak hmana,Rampuia chuan,hnimhnahte chu a hnim kual a,vei lam pangah chuan a peng ta nalh mai a,Hmingliana chuan"Rampui ,engtin nge hnim rim a ṭang khan i hriat theih a?a lo ti thuai a,a har hleinem sahnu leh mihring rimte chu inang hek lo,"a lo tisam mai a,Hmingliana chuan zawh nawn chi nia a hriat loh avang chuan a ngawihsan leh ta zawk a,kawng peng ṭhuam an pelh aṭang chuan peng neuh neuh a awm ta zeuh zeuh va,Rampuia chuan,"E heu,heng kan mizawnte hi chhak pawih ho ni turah ka ngai a,kan luseipuite tho an va nih hmel ve,Hrangzo khaw ho a nih hmel tlat,an nih vaih chuan an chak lo khawp ang,"a ti ta bai bai a,Chalthanga chuan,"Hrangzo khawho chuan i pawi an sawi tawh tihna a mi Rampui"tiin a lo zawt thuai a,Rampuia chuan,"ka pawi tak chu an sawi lo naa,lusei hnam rukbonaah hian an inrawlh tam tlat mai a,ka hmachhawn chak riau a ni,a bikin an pasalṭha Hlawnzinga saw mi nunrawng a ni a,ka hmachhawn khawp ang"a ti leh nghat a,an ngawi ta vang vang a.kawng peng pakhat a lo awm leh a,Rampuia chuan hnim bawk chu a han hnim tawn leh a,ding lamah a peng leh ta daih a,a chet dan vel chu a dangdai riau hian Chalthanga chuan a hria a,han zawh rawt mai chu niin a hre chiah si lova danglamna riau a nei tlat a ni,khua a thim dawn ruai tawh a,an kal chak bawk a,tlang kawng zawhinRampuia chuan,"Chawl lovin i kal zel ang u,rim hi a hla lo tlat mai,a ti chhuak ta phawng mai a,tichuan meichher an siam a,an kal leh ta a,thui fe an kal hnu chuan,chul an pawh ta hlawl mai a,thlam an hmuh chuan ,Rampuia chuan,"tah khian zanin chu kan tlingtla thei mai ang,"tih pah chuan a pan chho leh ta vut a,an mahni ho chauhva kal chu nise ,an awm hla viau mai thei a ni.chulthlam an thlen chuan hnim vel chu Rampuia chuan a khawih kual leh ta dan dan a."Um Hetah hian kan mi umte kha an chawl ve tho a nih dawn hi,an awm hla tawh lo vang,mahse ,zanin chu hetah kan riah a ngai a ni,"a han ti zui leh zat a,thlam chhung chu a lo hnawk nuaih mai a,Hmingliana leh Romawia chuan an han thian fai a,tichuan zanriahte buaipuiin an che leh ta zung zung a,zanriah an peih chuan ,pawnlamah ,meipuite chhemin,thlamhnuaia thingchheh khawm chu la chhuakin an tuah ta hluah a,zan rei fe ah chuan Rampuia tho ṭham ṭham chu Chalthanga chuan a hre khiau va,a bengbulah chuan,"Ṭhianpa ka pum a nuam lo tlat ,ka va inthiar lawk ang e,tiin a chhuak zui ta a,Chalthanga chu zawitea thovin,Rampuia chuan khawi lam nge a pan tih en tum chuan bang awngah chuan a han biha,Rampuia chu hmuh hman a ni tawh lo,thawmdim zetin a mu leh ta zawk a,Rampuia chet dan vel chu mak a tiin ,mihring pangai an lohna riau nei hian a hre ta tlat a.

Zing khawvar dawn ruai chuan Chalthanga muhil chu a harh hlawl mai a,Rampuia chu a la mu lo a ni maw"a tih mek lai chuan,pawna thawm ri rak rak chu a hre zui nghal a,tho chhuak ve nghal thuaiin"I la muhil thei nangeRampui "tiin a han be zui nghal a,Rampuia chu phu deuh zuk hian a hria a,Mu hil thei e,ka tho chhuak ve leh chiah a ni,"a ti naa,a thlan deuh dap a hmuh chuan,i va thlan nasa ve,engti zia nge ?tiin a han zawt zui a,zawhna ṭul lo zet a zawh a vang chuan a in chhir kher mai,Rampuia nihna chu hre chiang taah a in ngai hmak tawh,Rampuia chuan chhan pawh tum chuang lo chuan a thil chhuan lai chu a buaipui mawlh mawlh a,Chalthanga chuan"Nuamlo chung chunga chet a ngai hleinem va mu leh rawh"a ti leh ta zawk a,Rampuia chuan,"Ṭhianpa,muangchang mu der der hman kan ni tawh lo,kan mi umte hi kawi sarih emaw lo liam an la kal hman lo a nia,chaw hi bar sawk sawk ila ,um phak vat a ngai a ni,"a tita zung zung a,Chalthanga chuan,thil awmzia chu a man nghal ruak a,Rampuia melh vang vang pah chuan,"Ei i peih chuan kan ei mai dawn nge ka fun dawn ?a han tih chuan,Rampuia chuan ,"kan ei ang,engnge kan tawn dawn hriat a ni lova,tha kan neih a ngai a ni"a ti leh zung zung a,an thawmah chuan Romawiate pahnih pawh chu an tho chhuak ve ta a.chaw chu an bar sawk sawk a,Rampuia hmanhmawh phili vel chu Chalthanga chuan hrethiamin"Rampui,hah dam rawh,kan umpha em em ang ,I vei lutuk a nih kha,"tiin a darah chuan a han bensak thak thak a,Rampuia chuan,Ka thin a rim em a ni,fahrah nih tawh nak laiin,buaina dang belhchhahtute hi ka hua a ni,"a ti leh nghat a,Chalthanga chuan "Rampui,Fahrah ve tho i ni tiraw?heti taka i thinrim chhan hi,i fahrah em avangin,Mawitea dinhmun hi i hrethiama,i rilru a na a ni"a han tih chuan,Rampuia pawh chu a lo bu ve ta nghat nghat a."Fahrah mai a ni lo,chhiatna zawng zawng hi ka ta ,ti ila dawt ka belh tam kher lo vang,"Rampuia chuan a han ti leh nghat a,a beka thisen zam pawng ṭalh ṭalh leh a kut hum ruh tlat a vang chuan,a chungah chuan thil thleng duhawm lo zet leh hriat reng tlak loh theihnghilh rual ni si lo chu a awm chiang a ni tih chu an hrethiam ta thuai a,Hmingliana chuan"Rampui,kan pui ang che,i duh phawt chuan,kan pui ang che,tih theih kan nei a nih chuan,"a lo ti ve thung a,Rampuia chuan ,"In thei lutuk tlat,keimaha sual chhuak turin puitu ka nei lo zawk a ni"a han tih chuan,an lo bu nghat nghat a,chuta chin chu an inpum khatna pawh a ṭha zual sawt hian a hriat a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:05 pm

UNAU PHUBA LAKNA

BUNG 39 NA
Tlantei Hnamte

RamPuia chuan,"In thei lutuk tlat ,Keimaha sual chhuak turin ṭhian pakhat tal ka neih a ngai a,puitu ka nei lo mai chauh a ni"a tih chuan an lo bu nghat nghat a,Chuta chin chu an in pumkhatna pawh ṭha leh zual sawt hian a hriat nghe nghe a ni.

An kal hnu rei vak lovah chuan,ruam lam zawhin an hnu chu a pherh nasa zual sawt nghe nghe a,meikhu rim an hre zui nghal zat ,thawm pawh an dim sawt ta viau mai a,Chalthanga chuan,kil tin aṭanga veh hi a ṭha lo maw,Rampuia leh Romawia chuan a sir ve ve aṭanga helin ,an hma lamah an leh khalh ang a,hnung lam a ṭangin Chalthanga leh Hminglianan an bei thung ang,lui kam hnim buk chu phen zauh zauhvin,kawi an chhuah fel chiah chuan,kawrkam leh lam zawla,mei eng chu an hnaih ta viau va,ṭawng thawm pawh an hre thei ta ,Buk a ṭang a pen sawmthum vel awmah chuan an ṭhu far tawh a,meipui bulah chuan mipathum an thu a,khawiah nge Chuailovi chu a awm ang,heng mite hi an mi um te chu an ni a ngem?zawi muangin an hnaih hret hret zel a,ramchhuak pangai chu nise sa an ur ngei turah an ngai a,Chalthanga awmna lam chu buk thlanglam sir a nih a vangin buk lam chu a pan hnai leh hret a,buk bang a tana an hman changel chu keuvin buk chhung chu a han bih a,mi panga vel bukchhungah chuan an awm a,Chuailovi hmel erawh chu a hmu hauh lo,Chalthanga ngaihtuahna chu a buai ta map mai,chutih lai chuan,an hmalama changtu Rampuia chuan"Ṭhiante u,khawiah nge inhmeichhe man kha in dah,min hrilh duh lo a nih chuan,in taksa kha ka pawtdarh vek ang"a tita chher chher mai a,chung mi pathum te chu phawk zet hian thawm awmna lamah chuan an hawi rual nghal ṭhawt a,chutah an zinga pakhat chuan ,"Tute nge in nih a,he lai hmunah hian kan awm tih engtin nge in hriat "a ti bah deuh nuai a,Chalthanga chu pen chhuakin,engtin nge kan hriat lovang,mihring pangai kan ni hleinem,tunah hian kha nu awmna kha min hrilh loh chuan tumah damin in chhuak dawn lo,kan pawtdarh vek ang che u,a ti thum ve leh ta chhak chhak mai a,pakhat chuan inti huai zet hian ,"A thi tawh"a ti ram ve hmak mai mai a,Rampuia chuan,Hmela ei zawh vek i duh loh chuan sawi ṭha mai rawh ,mihring sa ka ei lohna pawh a rei tawh viauva nia,a tih chuan dawt a sawi a ring hauh lo.in mi vauna leh min tiṭhaihna hi hlau turah min ngai a niang maw,chuti em em a dawih chu kan ni bik hauh lo a nia,a ti ram leh hmak a,chupa ngeng lutuk chuan Romawia thin a ti rim tlat,rum nghatin meipui engin a chhun phak chinah chuan a ding kak ta ṭa mai a,pakhat chu rawn ding chhuakin ,min va cho ve in bei ila a ni mai a lawm,tih leh Romawia lama tlan chu a rual zui nghal zat a,Romawia pawhin a fei leh chempui chu phawi dawk nghal zawkin,rang fe hian chupa chempui rawn vai chu bumin a vir nghal zawk a,a fei chuan na fe hian a vaivir nghal zawk bawk.Romawia che rang lutuk chu Rampuia chuan mak ti fe hian a entlawk tlawk a,Romawi rawn chotu chawn puar chu a pawrh nghal tuam bawk,Romawian a nghawng sah chhum hmawk tuma a zuan kan dawrh lai chuan buk lama chuan mipa rawl ṭe ruai ruai thawm an hre zui nghal zat a,Rampuia chu a dinna hmunah a lo awm tawh lo,Bukah chuan a lut a,pakhat chu pawhsawm vek a lo ni,mahse Rampuia chu pangai takin a lo ding a,mak ti hmel a pu zawk mah leh nghal,Chalthanga chuan,In hmu maw,khawiah nge in hmeichhe man kha a awm,khawi lamah nge an hruai?tiin a zawt leh a,a aw chu a nelawm lovin ,a mitmengah chuan tualthah chakna in a khat leh tawh tih hriat zet hian a mitmeng chu a sen ram bawk,Romawia chuan a mi thah ruang chu Chalthangate awmna lamah chuan dim lo zet hian a hnuk hrawih hrawih a,an zinga pakhat chuan,Hmeichhia an hruai tih chu ka hria a,engvanga hruai nge an nih tih chu ka hre hauh lo,kha nu leh an zinga pasalṭha kha an inngai zawng ṭhin niin an ṭawngkamah khan ka hre thei a,mahse,an hruai chhan erawh chu ka hre hauh lo,a ṭap reng a,a ṭah nasat avangin a mit pawh kha a bui nasa hle a ni,tiin a chhang a,a nih a fapa kha eng vanga that nge an nih?Chalthang aw chu a vawt deuh ruih a,thisen rim nam rum rum hian a hriat hial a ni.

Chupa bawk chuan ,A fapa an thahsak a maw?engvangin nge an thahsak a?,kei chu Khawkawn a ṭanga ka pu te tlawh tura kal ka nia ,kawng laka in tawng chawp mai kan nia a ngaihna ka hre ta hauh lo mai,kha pasalṭha khan ,a tih lai chuan ,Rampuia chuan ,tunge an pasalṭha chu?a ngawi vang vang a,Pa zing an tiin ka hria,Hlawnzinga maw,Hrangzo khuaah kal an tum a nih chu,a nih heng mite hi Hrangzo khua chu an ni em?keini pathum hi chu Khawkawn kan nia an panga hian khawkhat an ni mai thei,chung mi palite chu an phawk hle a,an hlauh hmel hle bawk,Chalthanga chuan chung mipalite chu a han melh kual a,a hmelah nelawmna leh thihna rimnam rum rum chu a rapawm mah zawk ,Rampuia pawhin ,chung a thurualpuite chu an zia diktak a hre dawn chauh a ni,A ṭha e,kan rualin in kal ang a,heng mi palite hi phawah kan hmang ang,kan rorel a kalsual a nih pawhin an pali hian an thi hmasa ber ang,a ti chang deuh khal a,tumah nelawmin an awm lova,Chalthanga chuan,chung Hrangzo khaw mi palite hnenah chuan,khuaah chuan in lut ang a,in pasalṭha hnenah chuan,Buanlung mihrangte an lo kal a,i lu mai bakah i chhungte chenin thah an tum a,i chhungten an tuar ve i phal lo a nih chuan nang leh i nau hruai zawng zawngte nen hian Chhuah luiah min hmachhawn turin lo kal sela,a hmeichhe man kha nungdamin a rawn hruai bawk tur a ni,tiin hrilh ang che u,ka thu inzawm lo a nih chuan,in lal chawpin in mang vek bawk ang,tiin a hrilh a,an mitmenga zamna leh hlauhna awm lo,thinrim na leh thisen chak hmel ngawih ngawih avang chuan an thu chu zawm loh ngam chi a ni lo,khawdaiah chuan in nghatin ,chung mipalite chu khaw chhung lam panin an kal thuai a,an zinga khawkawn pathumte chu an chhungte in lam panin an kal thung a,Chalthanga chuan,Hlawnzinga leh a hote chanchin hriat an neih chuan hrilh vat turin a chah bawk a,khaw pawna biru lovin ,dai aṭanga helin michhe veng chuanhnuai ,khaw chhung thawm hriat theihna laiah chuan awmhmun an khuar ta a.an ralmuang hle a ni mahna ,in pahnih in hnaih ang reng tak kar a ṭang chuan khua chu an bih dak dak a,fereh hun lai a nih avangin mihring erawh hmuh tur an khat pharh mai ,pitar in awmte la her thawm leh thing ek ri te ,naupang ṭap thawm leh arkhuang rite mai lo chu thawm dang teh chiam a awm lo,In pakhat a ṭang chuan pa upa lam tawh a lo chhuak a,lal inlam panin chak fe hian a pen pawk pawk a,chupa khawsak danah chuan thil hmanhmawh thlak tak a awm niin a hriat a,chumi hnu lawk chuan mipa pathum chu, chu in a ṭang bawk chuan an inzui chhuak leh a,lal in lam bawk chu an pan leh ta a.

chutih lai chuan kawn zawlah chuan mipa pa hnih hi khawi in ber aṭanga lo chhuak nge an nih hre thei lo mahse,thil pawimawh dang tih tur nei ang tak chuan an lo chhuak pheia,eng emaw hi an sawi a,an kawk kual nasa mai a,rei fe an nghah hnu pawh chuan pasalṭha emaw,tumah khaw laiah chuak an awm lo,an tawmim fai vek ni mai hian a hriat a ni,in dang phen zelin,lal in an hnaih hret hret a,lal mual leh lampang a ṭang chuan,mipa panga leh hmeichhia ,sam bawrchhawr zet hi an rawn lang ta a,lal in lam an pan dawn a ang ta riau va,an tawmna a ṭang chuan lal in thawm pawh a hriat theih hial tawh a ni.sum hmunah chuan lalpa chu a rawn chhuak a,a sam chu a dum hle a,a palianin mi tumruh tak pawh a nih a rin awm hle a,a hmai tlang chu hriam lam deuh a ni naa,a vang lai chuan a chak viau pawhin a rinawm a ni,a kut hraw pui chu a han vai a,"Hlawnzing ,tu khaw pawi nge i rawn sawi hi,tunge i hmeichhe rawn hruai haw ngawt kha,khatiang ti tur khan kathu i hmu em ni?tunah hian min kalh zawnga i khawsak avang hian hremna i pum pelh hauh lovang,in lal hmasa khan chhak pawite laka in him theih nan a tlawn ṭhin a,kei chuan ka luseipuite pawisawi emaw,Chhakpawih lam ṭang a puang chu ka do ve thung dawn a ni tih hria ang che,kha nu kha eng vanga rawn hawn nge i nih?A awah chuan hlauhawmna a lang tel riau leh nghal,Hlawnzinga chuan,nupui ka sun a chin ah khawhar takin hun ka hmang ṭhin a,ka hmeichhe duh zawng ka hmu a,ka hruai haw mai a ni.a ti sup a.A nih leh a ni khan a duh ve che em?min duh leh duh loh ka pawisa lo,ka duha ka nei dawn a ni mai.Hlawnzing,a duh lo che a,a fapa pawh i thahsak a ni lawm ni,chhuah rawh ,i chhuah lo a nih chuan keimah hian ka that ang che,Hlawn zinga chuan,ka chhuah lovang ,ka nupui tur a ni a,i phalna la tura lo kal kan nih hi,Hrangzo lal hmai chu a sen hlur tawh,Hlawnzing chhuah rawh,i chhuah dawn nge ka that dawn che.a ti chang leh khal a,Ka chhuah lovang,ka neih hi rem ti mai rawh,I nei hauh lovang,a nuṭa ka la dam a,ka thu lo chuan nang ram huai hmelchhe zet kutah khan ka hlan hauh lovang,chu aw lo chhuahna lam chu an hawi ṭhap a,tlangval la upa lem lo tak darpharh hlai hlap mai leh meng thip ram mai,hmaifang dik zet ,hnarngul sang vah mai chu Hlawnzinga lamah chuan a phei chhat chhat a,ka tupa i thah vang khan ka ngaidam hauh lo vang che,a mithmul buk chhap mai kara a mitmu dum fiah zet chuan Hlawn zinga chu a melh ngar a,chutih lai chuan ,chunu chu a ngawi ngal a,Romawia chu hmu awm pawhin a lang lo,a hmai chu a dang var pap mai a,a a mit khur chu a thuk in a mit ko chu a bui lak bawk.a phun sap sap a,Lalpa chuan ,khai le ,Hlawnzinga leh a hote zawng zawng kha tualah hian rawn chhuak khawm rawh u le,tiin a han au va,chhuak hmasa nih chu an hreh ṭheuh niin a lang,Romawia chuan a lu a thing mat mat a,chutah Chalthanga chuan chunu chu Chuailovi a ni hauh lo tih a hre ta a,Chalthanga chuan,Lalpa ,hei hi kan mi zawn nu kha a ni lo tlat mai ,tuna i inchhunga awm tlangval pathumte khan he nu hi an hruai kha a ni em tih rawn sawi rawhse,rum el awl tak chuan a bung leh nghat a,inchhunga ṭang tlangval pathum lo chhuakte chuan chunu hmel an hmuh chuan mak antihhmel hle a,Pa khat chuan ,Hei hi kan hmeichhe hmuh kha a ni lo,hei aiin a nu liana,a hmai a vung vek a,a kutke pawh a vung vek a ni,an thukru a nih loh chuan midangin an hruai a ni mai,a rawn ti a,Chalthanga hmela thinrimna rawn lang chhuak chuan zahngaihna a pai tel lo tih hai rual a ni lo,chutih rualinRomawi hmelah pawh ,a beka thisenzam pawng ṭalh ṭalh a vang chuan chelh chi a ni tawh lo,khai le ,mi hur pa ,khawiah pawh ka farnu chu i thuh ruk a,Chalthanga chuan a ti chang leh ta fak mai ,Naupang ,tu i farnu maw karukbo va,?an hnung lam a ṭang chuan,Hlawnzing inthup chu tum buai duh lo mai rawh ,i rim a ṭangin ka rawn chhui zar zar che a,Chuailovi rutu hi Hlawnzinga a ni tih thlengin ka rawn hre lawk vek tawh,chu aw chu an hriat ṭhan ni lo mahse,a tusawiah chuan a chiang hmel viauva ni.Lalpa chuan,Hlawnzing i sawi lo a nih chuan ka pawt darh vek dawn che a nia,khawiah nge i mi ruk bo chu i thuhruk, Chhakpawihho ka hlen fel hmak tawh,chu thu a sawi rual chuan a lam hawia Romawia phe vuai chu a hmu hman ṭawk ,lo indan ve tuma a chem a lek tur chiah chu a chempui humna lam chu a uai nghal hnawp a,Ka thin ti rima ,ka mite chunga kut lek tu chuan zawimuanga thih an hmabak ṭhin,Chalthanga mit chu a sen chhuak vek tawh,dama ka hmu lo a nih chuan in khua leh lal chawp hian intuar ang,Hlawnzinga na tuar chu a meng phelh phung tawh a,a hmaah chuan thinur tih hriat zetin Romawia a ding kak ṭabawk.lalpa chuan ,Hlawnzing khawiah maw i mi rukbo chu i dah,a aw chu a hlauhawm tawh kher mai,kan inbiak lawk tawh anginchhakpawih ho hnenah darbu hnih hlawhin ka hlan tawh,sawi chhunzawm tuma a ang leh chiah chu,a kut leh lam chu auai leh nghal hnawp,ka pawi sawi leh ngai tawh lo turin a ke pawh kha a pahnih in tan ve ve rawh u,a nungchung ngei hian ka that dawn a ni,Chal thanga aw chu mihring aw pawh hi a ang tawh lo,Rampuia chuan ,aram hruiken chuan Hlawnzinga chu phihawkin ,a hnuk dawr dawr a,thingaibanah chuan a phuar beta ,a ke chu thing khawn a mi,a pum lian teltawlah chuan a phuar bet a,Hlawnzinga chu tal chiam tum mahse ,atal thei tawh lo,a mitmeng chu hlauhna avangin a pawng chhuak lo chauh mai ,Pampuia chuan a hreite ,a hman thiam em em chu lek valh valhin ,Hlawnzinga mangang a maimichin lai chuan a vai pawp a,Hlawnzinga natuar chu a au ṭial nasa kher mai ,leh lam em chu an tansak ta lo,tikhan Buanlung leh a chhehvel khua tih thinrim hlauhawm zia in hre tawh dawn nia,tih pah chuan lehhawi map lovin khua chu an chhuahsan ta a ni.

Chuailovi ke chu eng ang pawhin vung nasa mahse tuman an pawisa lova,akut an phhuarna mar lutuk avangin a kut chuan na pawh a hre tawh lo,a pen dul hnak hnak a,a tha a zawi vek tawh a,chaw a ei thei lova,a kut mu chuah chuah avangin chaw a bar thei lova,an peih tawk an barha ,puar hman lovin an duh tawksak leh mai a,a hmai vun nasat ngaihtuahin a ring erawh a rek ngat thung a,a sambu ṭha zet chuan enkawltu a mamawhhle a ni.a naute chuan an um phak mai beisei takin a lo thlir thin a,mahse a beisei angina naute chuan an umpha mai si lo,a fapa chin lah chu a hre tawh der bawk si lo.mangang zetin nitin hun hreawm a hma chhawn a,nu valai tak a ni a,a tuar a chhel em a,a nauteah beiseina a nghah a vangin a tuar fan fan a,a beisei ang erawh a thleng mai lo,a chauh em avangin chawlh pawh an chawl zing viau bawk,mahse ,kha mihur pa khan lusei hnam ten an umphak hmaa lusei ram pel thuai tura a hrilh avang khan a nate chu an ngaihsak lovin,an pawisa teh chiam tawh si lo,atuklhum sam te chu an ṭham tla thawt thawt a, an beng a,an hlap bawk a,a hnung thip na fuk fuk leh a hmai na ut ut chuan a taksa dang pawh a tinuam lo zo vek bawk a,ṭiau thlen nan nihnih kal a la ngai tih an sawi a hriat chuan,a damchhuah zawh pawh a in ring tawh lo,a kut lah chuan engmah a hre tawh lova ,a ke lah chu a khup thlengin a vung pum ul bawk nen,khuaah chawlhpui an tum der si lo,a rum ru tlawk tlawk a,khua a thim dawn tawh a,phai zawl an lut ṭan tawh bawk,an hotupa chuan buk sa ula ,zaninah hetah kan riak ang,kha nu kha phuar bet ula ,in phuar hmain zun ram thiartir hmasa phawt rawh u,tuiah khan in sil sela,a rimchhe lutuk kha tlengfai rawhse,a ti bung vut a.a maha a chet theih tawh loh avangin pakhat chuan a phih dawrha ,paikhat khat chung chuan kawr lam ah chuan a bai thla nawk nawk a,a taksa na lutuk avang chuan a mittui a hnam sawk a,a khawhmuh a fiah loh em a vangin lung pakhat a pal nawk a,tuiah chuan a hmai a phum a,a per nghal chuai mai a,a mah hruai tu chuan dim lo zetin a phih tho leh lawp a,a kut zawi hnuang chu a hman tlak tawh chuan loh avangin phuar pawh a phuar duh tawh lo,a kut bawr chu a duk chur mai a,ngai awh leh tur chuan nghah rei a ngai viauvin a rin awm a ni.meipui bulah chuan chau zet hian a mu bam a,tuman an ngaihsak lo,a che thei lo tih an hrechiang em a ni,sawm rual zet an ni a,tlan chhuak mahse an man leh rang dawn em a,tlan chhuah pawh a tum buai peih lo,zan lo rei a,mipa pahnihin an karcheh a,an la ring zo chiah lo tih chu an kut an phuar leh avang chuan a hrethiam ve mai a,ṭangtur pawhin tha a nei lo va ṭana lo tal chiamin awmzia a nei chuang hek lo,a ṭan nasat poh leh na tuar nasa ting mai si a,kopang ngheng chuan a ṭhu awn diai a,a men hleihtheih loh avangin a maimichhing tlat bawk a,zan a rei viau tawh hnu pawh chuan a muhil thei mai lo va,bukah chuan amah vengtute bak chu an mu lut vek a,a taksa na chuan a tur ut ut a,a khua asik dawn niin a hre hial a ni,a takna rawn na kham ut ut leh a chhungril vawt sung sung a vang chuan,a damlo dawn a ni tih a hrethiam nghal thuai a,a lu a hai muai muai a,a rit luk bawk a,a dinhmun rapthlak zia chu ngaihtuah pawh a ngaihtuah ngam tawh lo,a vei lam sira thawri ham ham ri a hriat chuan sakei emaw,enge maw chu a ni chiang a ni,engnge tih hre tur pawhin a meng peih ngang lo,a khur hlak hlak a,vawt a ti lutuk chu a ke a tawm ta ringawt a, sira mi thawhawk ri avang chuan a phu deub dar a,mahse a la meng peih chuang lo,a dinglam ami thawri bawrh bawrh avang chuan a han meng siar siar a,mipa hlimtla a hmu a,tunge tih a hriat loh avangin buka mute turah a ngai a,mahse,tukkhumah samzial a ni tih a hriat chuan a meng kawk a,a maimichhing zui leh thuai a,a chau em a ni.

Tu emaw hian a rawn pawm kang nawlh a,a naute an ni ngei ang,thui deuh a tlan pui hnu chuan ,lung bang nghengin a ṭhut tir a,U chuailo,i him a nia,min hria em,Hmingliana ka nia,chu aw chu a hre nameuh mai,zawite hian ,a vawt emai puan min lo sintir teh,puan lum thar thar hian a taksa chu a rawn dek a,a pang chu kut hian a rawn dek a,E khaia,i khawsik a sang a nih kha maw le,hlau suh aw,mei ka chhem lum sak che a,Mawitea khan damdawi Thana min kentir kha a keng daih mai a ,khawnge tihian lo awm la ka han pui ve ang e,tih pah chuan chhuah mai a han tum a,Chuailovi chuan,Hminga ka kut hi a che thei tawh lova,kal lo mai rawh ,a tih tlat avangin a ṭhu leh ta riai riai a.Hetih lai hian ,Chalthangate pathum chuan,pawihho chu an lo ṭhawng tho vek tawh a,buk pawn chhuak hmasa a piang chu an thal tawp tawp a ni ber a,an chhuah duh loh leh thal in an buk chu an kap fur fur a,chuta tawm reng chu a fuh ber chuang si lo,Thalfang leng vel chu a reh duak a,buk kawngkaah chuan an va chhuak a,mipathum thinrimnaa khat inring tih hriat taka lo ding an hmuh chuan ,hman raw chuh hman a ni tawh lo,silai lek hman a nih tawh loh avangin an chem sei pui pui chu an hum tlawk tlawk a,an ṭhian thi ta ruang kanin buk tualah chuan in hmachhawnin an ding ta ran a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:05 pm

UNAU PHUBA LAKNA

Bung 40 na
By : Tlantei Hnamte

Chalthanga chuan,Engvangin nge ka unau nu hi in ruk chhuah?engatan nge in tih?tiin thinrim zet hian chhipzial pawih chu a chhal ta rap mai le,ka unau emaw,ka khua leh tui ,ka mi leh sate in tih nat hian ,Buanlung lal Chalthanga in tina a,a pawi in sawi bawk,ka pawisawi hi thihna a ni,keiin ka that lo che u a nih pawh in ka ai awhin ka ṭhiante emaw,ka nauten emaw ,an zawnghmuin,an that tho tho vang che u,kan lakah birukna a awm lo,a ti chang ta khal mai le,Lusei pa,kha nu kha kan ruk chhuah a ni lo,i lusei pui ten an ru chhuak a nih kha,dar buhnihin min thlengtir bawk a,he thilah hian thiam lohna kan nei lo,Hlawnzinga khan Bellam zuara kan haw lam min lo hmu a,nakina tlan chhuah leh turin min thlengtir a nih kha,tiin a lo chhang a,Hlawnzinga lo tunge he buainaah hian inrawlh dang an awm em?ka hre hauh lo,Hlawnzinga lo chu tumah kan hmu lo.Chalthanga chuan,in ram chhung pawh lut ula ,kei ni hian kan zawng zel dawn che u tih hria ula,kan hlau reng reng lo che u,Hlawnzinga chuan ,pawi a sawi tawh lovang,a rawn tlan bawk hek lovang,kut leh ke a neitawh lo,ka mit hmuh lai ngei hian in ram lamah haw vang vang u la,lusei ram chhung hi rawn dai nawn leh tawh suh u,chu pawih pa chuan,Thu min pe turin tu nge maw i nih chiah le,Lusei ram chhungah hian kan duh duhin kan lut thei,min khap chu tum buai duh lo mai rawh ,a han ti chu Chalthanga chuan"Buaina i duh a nih chuan rawn ding chhuak rawh,a aw chu a vawt ruih tawh,chu pawihpa chuan a hmaa ding chu a namai lovang tih a hrechiang khawp mai mahse,a hlau bik tlat lo,milu tam tak a lo khai ve tawh a,pasalṭha tam tak a tlawm tawh bawk,hlauhna hi engnge a nih pawh hre lovin vawi tam ral a bei tawh bawk a,He lusei pa hi a hlauhna chhan tur a hre lo,Luseipa ,engmi pawh ni la,ka diknaah chuan tumah hlauh ka nei bik lo,Lusei lalte nen inbe remin ,kan in tlawhpawh tawn ṭhin,nang lusei khaw lal pakhat ve mai hian in ram chhunga kan luh hi min dal ngai lovang,a lo ti chhum leh hmak a,Chalthanga chuan,a nih a hnu,ka dang thei nge thei lo kan han chian dawn em ni?Heng lai lusei lalte chu lal dawihzep an ni a,an ni ang hi ka ni ve hleinem,nangni pawih ngumkhak satliahho hi thurualpui lah ka duh hek lo,thisen a luan tam hma hian kal zawk mai rawh u,a han ti leh nghut a,Pawih pa chuan ngai pawimawh hmel lo zet hian,Lusei pa,i laka tlawm a,meikhupa tlan chhe tur ka ni hlei nem,tu lakah mah ka tlanchhe ngai lo,ka thu in kan ram chhungah chuan ka let ang,i thu ni lo vin,a lo ti leh hmak thung a,Chalthanga chuan,Kal mai rawh a pawi hma hian,i taksa kha pawhdarh vek i duh a mi,?Chalthanga chuan thisen chhuah lova,hnawh haw hram hram a tum a,mahse chu pawihpa chu a luhlul em em mai si a,a thinpawh a rim thawkhat tawh hle a,rum zeta chu pawihpa melh pah chuan,ka thu hi awih mai rawh?vawi khat ka sawi leh ang,himdama in rama kir in duh chuan kal rawh u,a tih mek lai chuan ,pawihpa bawk chuan,Kan kal ang ,nahse kan lo let leh ang,ka thu in ka let dawn,i thu ni lo vin,Chalthanga thinrim lutuk chuan a pan hnai chhat chhat a,"I luhlul hle mai ,i intingeng vel a ni maw?i thu chuan kal ta che,pawih rim chhe pa,nun hram che ka tum vei nen,i luhlul hle mai,thih nge dam i duh,?chu pawipa chuan Chalthanga chu a pan chhat chhat a,Lusei hnam hmaah ka tlawm ngai lo,Chalthanga pawhin a pan hnai ve chhat chhat bawk a,Pawih mawngbalho hi lusei hnamte tan hian in hnawksak hle a ni tih hi ka sawi nawn leh ang ,ka zahngaihna zah hauh lova min run luih cheu chu le,tihpah chuan a chem lian ṭha tel tawl chu a hum nghet sauh sauh va,a fei a vei lama a ken chu a hum nghet sauh bawk,pawihpa chuan in tha zo zet hian a veh thoh thoh va,Chalthanga pawhin ,chupa khawsa zia chu ngun zetin a en ngar bawk a,Chalthanga chuan ,Pawih mawngbal pa,khatia min veh kual reng lo khan che vat ta che,hun i khawral mai mai a ni,nge keimah ka che hmasa dawn?a sawi zo hman ṭawk a ni,pawihpa chu a zuang kang dawrh a,chhalthanga chu a vir nghal zawk bawk ,an chem chu a in khak ṭek nghal chhawk mai le,rang zeta in siam rem leh thuaiin,Chalthanga chu lei hrulah a tleng nghal zawk a,chutih rual chuan a chempui hriam zet chu chung lamah a vai nghal fua a,pawihpa chu rangzeta zuang dawrhin,a che rang viau naa,a ke artui chu Chalthanga chuan a hlawi hman tho mai,thisen far tluk tluk avang chuan,pawihpa chu a chetbuai mai an lo ring ṭheuhva,mahse,a hliam chuan a chet chu a tibahlah hauh lo mai,rangzeta vir leh nghal zawkin ,Chalthanga chu a kawlhnama a lu chhawk sak tum chuan a hlawi tle nghal zawk bawk,a che chu a rang kher mai ,chalthanga pawh a in veng hman lo ṭhelh nghe nghe a,hnung lamah lei hrut deuh thawin a eu zawk nghe nghe a ni.

Pawihpa tha pek na lak lawh siin a vai let leh hma chuan Chalthanga chu zuang thutin pawih pa dara sah tumchuan ,zak kau hawk khawpin a chempui chu a han vai pawp mai a,chu pawihpa chu a petek dawrh a,Chalthanga chuan a hnaihchilh zui nghal rap bawk,an in hnaihchilh em avang chuan chalthanga pawh a tum angin a che thei bik lo,pawihpa hnung ,a,dar thlaah chuan a han sat nghek mai a,a sawp nghal nawk bawk ,chu pawihpa chu han tlu sawp deuh nawk chu ,tho chhuak leh ṭaih ṭaihin,a dar ruh rirawp avang chuan a ding ngil hlei thei tawh lo ,kun deuh khan hian a chempui chu a la lek valh valh a,a thi dawn a nih pawhin zahawm tak ,pasalthate thih danin a thi tur a ni.A che hlei thei tawh lo chuang pawh chuan zam hmel a pu hauh lo mai chu Chalthanga chuan a ngaisang ru hle a,"Pua,thah kher che hi ka duh lo a nia,duh tawk rawh ,ka that lo vang che,pawih pa chu a ṭhensak a,Ka tlawm reng reng lo,thih a ṭul a nih chuan ka thi mai tur a ni,ka naute erawh damin i chhuah tur a ni,Chalthanga chuan,"Pua,zah ka ngaih theih lai hian min bengkhawn zawk rawh,i thi a nih chuan i naute pawh hian an zui ve nghal ang che,pawi sawitu tak i nih si loh chuan thah kher che hi ka duh lo,i hliam kha a na tawk tawh lutuk,ṭha te te khan awn la ,dam taka in khua thlen tum zawk ta che,a han ti nawn leh a,a naute pawh chuan Chalthanga thu sawi chu zawmin an lo tuihnih ve luam bawk a,tlawmngai thei a ni tawh lo,a hliam aṭanga thisen chhuak chu a hnung vel chu a bual sen nguai tawh a,tha pawh a nei meuh tawh lo,chau zet hian a saisir zawngin a mu ta ruai ruai a.Chalthanga chuan,Damdawi inhriat hriat hnawih ula,hetah hian enkawl ula ,a ziaawm deuh hunah in kalpui chauh dawn nia,kan kalsan ang che u,Tih pah chuan Hmingthangate lo nghahna lamah chuan an kal zui ta a.

Chuailovi chu a chau tak zet a,a fapa hming a lam reng a,a khawngaihthlak hle a ni,a hmai vung deuh bur leh a kutke vung nasa lutukte chu enkawl deuh chu a ngai a ni,Romawia chuan Chuailovi taksa vung leklukte chu tui lumin a han zut sak a,nithum zet an chawlh hnu chuan,Chuailovi a ṭha sawt viau mai a,tlema a ṭhat deuh chuan ṭiau lui bul maia awm an nih avangin ,kal kian vat chu ṭha zawka an hriat avangin ,Chulai phaizawl chu an chhuahsan ta a ni.Hetih lai vek hian ,Hrangzo khaw lal chuan ,Buanlung khaw lal chuan a khua chhuahsanin a unaunu a zawng mek tih a hriatchian em avangin,a khaw venghim tur ,pasalṭha leh mi huaisen akhaw vengtu an awm tawh lo turah ngaiin,a pasalṭha Hlawnzinga phuba lak tumin a lo in buatsaih nasa hle a ni,chu an boruak chu khawkawn tlangval pathum Hrangzova an pute tlawha kalten an hriat chuan,a zan a zana khua chu chhuahsanin hman hmawh takin Buanlung lam chu an pan ta vang vang a,tin ,chung khawkawna an chhungte chuan a rukin Buanlung lal Chalthanga chu an khaw ramri vela lo changturin leh chanchin hrilh turin an tir ru ve thung a,Hrangzo lal thiltih dan chu ,a khaw mipuite rilrem zawng a ni tlat lo,a palianin a huhang a na a,tin lal luhlul leh mahni thu duh tak a ni ṭhin reng a ni.khawnbawlte thurawn a pawisak lo chang a tam ṭhin em avangin ,rorelnaah pawh a thu a tlang leh tho dawn tih hriain a thu thuah an dah luih chang a tam ṭhin hle a,a khawnbawlte a zah lohna chuan in lungrual lohna a thlen tam hle a ni,a rorel a fuh loh chang chuan a khawnbawlte mawhchhiatin ,lal anhla chu an dawng mawlh mawlh ṭhin a,a rorel a fuh chang erawh chuan ,chapo takin ,a khawnbawlte tello pawha a din theih thu a chhampual khum leh chiam ṭhin,khawnbawl lal in luahlum an khat pharh a,an lal tana nunhlan ngam pawh mi tlemte bak annih a rinawm loh a ni,Buanlung khaw lal kha a mi leh sate tan a thawk chhuak a,an thla vang a hauh na hle ṭhin tih an hai hauh lo,a sawi dan hmangah lah khan ,a awm loh pawhin khawnbawl ten a aiawhin khua an lo veng a,rorel zawng zawng pawh khawnbawlte kutah a dah mai ṭhin a nih hmel a,chuti a nih chuan,an khaw lal nen chuan an rilru a inperhsan hle tihna a ni a,chutiang lal chu an khua hian an mamawh ve hle in an hria a,an sawi sep sep ṭhin a,an lal huhang na tak chu an chhuahsan ngam der bawk si lo,a rukin an lal rorel thiam lo zet leh ,a rilru lo pui sawi chhuah ching tak lal lemchang an nei chu an ning ru ve hle ṭhina ni.Chalthanga te pawh zawi zawia kalin Hrangzo khaw ram chhung an lut ve ṭep tawh aChuailovi zaingaia kal a ngaih avangin an kal sawt lo hle a ni.Hrangzo khawram chhung an luh chuan ,enthlak tur nge kalsan tur tih an ngaihtuah buai hle a.Lungpui chunga ṭhuin engtia awm tur nge tih an rel nak nak a,tunah chuan Chuailovi pawh a zia awm ve tawh viau va,a fapa thihna in a la nghawng nat deuh avangin a chau sam deuh ve tih chauh a ni tawh a ni.

Chutih lai chuan,lung phawk ri ni awm tak hi an hre ta a,chakai khawrh thawm a ni tlat ,in ring tak leh fimkhur takin an lo nghak ṭhap a,thawm chu a hnai zel a,an awmna aṭang chuan tlangval pahnihin lung an phawk zauh zauh chu an hmu thei ta a,chakai khawrh ang chuan an lang na a,lung chu an phawk a,hai lovin an khup leh ringawt a,chhuanlam a ang mah zawk,a phun leh sap sap ṭhin a,Rampuian ,"A vang awm ve ,in ip a la puar lo tlat,a lo tih chuan,hawi vat vatin ,Chalthangate lam chu an pan zui ta thuai a,Chakai khawrh an nih loh thu leh anmahni lo chang an nih thute,khawkawna an ute thuchahte chu hrilhin,Buanlung khaw dinhmun a ṭhat loh thute chu an sawi barh barh a,tichuan rem ruatin ,Hrangzo tlangval pahnih te chu khaw lam panin an haw leh ta a.Chalthanga chuan ,Hrangzo lal chuan ka khua run a tum vei khang lang a maw?a duh ang chuan han che teh se,a thinrim chu a insehruh nasa mai a,Rampuia chuan,Ṭhiana ,kan khaw lamah kal vang vang ila kan lal hnenah he thu hi thlen ta ila,kan u i hi kan khuaah chuan lo awm mai sela a ṭha lo maw?tiin a han rawn a,Chalthanga chuan Romawia chu a han melh zauh va,Romawia chu hrethiam takin a lo bu deuh nghat a.Chalthanga chuan, i remruatna ang chuan ti ila,kan let leh dawn nge ,engtia awm tur nge?tih Rampuia chu a han zawt a,Rampuia chuan"Kan tlangvala te thu kha ngai chang phawt ila,anthu a zirin Hrangzo lal lu pawh kan khai hawng nghal hnawp hnawp mai ang chu,tih pah chuan a nui hak hak a,Hrangzo lal hian thurualpui a nei ang em tih kan hriat tel a pawimawh hle dawn a ni.Hrangzo khawdai maiah chuan ṭhuthmun an rem a,tlangval pahnih te chu an lo nghak ta a,leng hnawt ar a khuan hnu ah pawh chuan an lo la lang lo ta fo mai a,Rampuia chuan,kan va thlithlai dawn em ni,thil fello a awm a nih ka ring tlat,khawkhawn tlangval pathumte luhna in kha kan hre thei em ang chu maw?a tisap a,Chalthanga pawh chuan,chu chu ṭha in a hre ve ta a,Rampuia rawtna ang chuan ,khawchhungah chuan an inzui lut ta a.khua lah chu a thim chhah em em leh nghal a,kawn zau tak lam chu muangchangin an pan hnai zel a,kawn atang chuan lal in chu pen sawmnga vel chauhva hla a ni tawh a,kawn zawl zau tak sira in pakhat sum hmunah chuan thawmdim zet hian an ding ta ṭhap mai a,Artui bawmah chuan arpui a lo ṭukdeuh hlurh hlur a,sum hnaih lamah zawk chuan in sawnin thawm an ngaithla ta a.

Taia pa,engnge thil awmzia hi,kan fate hian chakai lo deuh an khawrh tihna emni?Engvanga lal hian ringhlel nge a ni,kan naute haw lah kha,an um a,an rawn hruai let leh ringawt a,engthil nge maw thleng chiah le,kan lal hian eng thil nge tih a tum a,?tiin zawhna a zawt mawlh mawlh a,pa ber chuan,i ṭawng kha fimkhur teh ,dap pawh hian beng an nei a nia,a han ti zawi sap a,nu ber chuan"Huihah,kei zawng engmah hi ka hrethiam lo,engmah min hrilh ṭha duh bawk si lo,a han ti hlak hlak a,pa ber chuan,fimkhur rawh ka tih mawlh mawlh chu mawle,a tih lai chuan ,kawngkhar tlengrel chu a ri rak a,tlangval lian ṭha thelhthawlh leh pian ṭha zet chu ,in chhungah chuan a lut zauh va,nu ber chu hlau hmel zet hian a meng phar awn awn mai a,a kut chuan bengchheng lo tura hrilhin,khaw nge kan tlangvalte kha an dah,pa ber beng bulhah chuan a han ti sap a,hetih lai hian Rampuia leh Romawia chu lalin hnuai lamah an tawlh lut ṭan tawh a,an mi hrente vengtu pa hnih te chuan ngun zet hian lal insira an mi hrente chu an melh leh zauh zauh thin a,meipui chu chhem tho mahse,a thim chhah em avangin meipui pawh chuan a en zau lutuk teh chiam chuang lo,zan a rei tawlh tawlh a ,athim tawlh tawlh ni mai hian a hriat a,vengtute mut a chhuak ṭan a,meipui bulah chuan an ṭhu kun lap lap tawh a,Chalthanga chu a han hawi kual a,dap kara mei de pawh hmuh tur a awm tawh meuh lo,vengtu pakhat bu lak lak chu ,a hmui hupin a nghawng a rek zui nghal ,a khabeah manin a ring a ṭhuai ri nghal rawp bawk a,pakhat zawk chu mutchhuak hmel zet hian a meng awk a,a chhing zui leh ta a,lal inchhungah chuan engthawm mah hriat tur a awm tawh lo,vengtu pakhat zawk nghangah chuan ,,a chem hriam zet chu a chuk tuah nghal zat a,a zai nghal hrawih a,thisen chik puat puat chu ngai pawimawh lo fe chuan lal in sumhmunah chuan a lawnliam zui nghal zat bawk.Romawian mitangte an phuarna a zaichah mek lai chuan Charlam kawngkhar chu Rampuia chuan lo hawng ve chiah bawk,Chalthangan kawngkhar chhung zawk ,tlengrel a vawn lai chuan,in chhunga ṭawng thum chhar chhar chu a hre ta a,Rampui ṭawng nia a hriat avangin ,a lut duh lawk lova,charlam kawngkhar in hawng thawm leh thum deuh dawt chu a hre zui nghal zat a,lal tuala meipui chheh en bulah chuan Hrangzo lal chu mak ti leh hlauhthawn hmel zet hian ruang pahnih let reng chu a en tlawk tlawk a,a bulah chuan thinrim hmel zet hian Rampuia leh Romawia an lo ding ran bawk,"Khatianga thih ve kha i duh em?ahnuglama ṭawng thawm a hriat chuan a hawi let vut a,khur durdur chung chuan Chalthanga chu a melh vung vung a,"Heng zawng zawng hi i cho chhuah a nih hi Pua,Rampuia chuan zawi fiah tak hian a ti ram hmak a,"lal nih hi i tlin ve lo,i inhmeh ve lo a nih hi,i khua leh tui hi mangṭha rawh le Chalthanga chuan Thutawp a sawi tih Hrangzo lal chuan a hai lo,tih theih a nei lova,heng a thutluknaah hian a khawnbawlte tumah inrawlh an awm hek lo,a ṭhingṭhi a,a kun ta ngaih mai,a tukkhum sam zialah chuan Romawia chuan ṭham tho lawpin,a chem pui chu a pe a,zaizirin i nghawng zai rawh ,a ti ta hmiah mai le,mahni inthah chu sawi loh mi kut tuara thih pawh a hlauh sa teh lul nen,meng awn awn chung chuan chempui chu a en tlawk tlawk a,Romawia chuan titurin a lo tur sek bawk,Chalthanga leh Rampuia chuan an din hnaih hle tawh a tih loh chuan a thi tho tho dawn si a,vawi leh khatah a chempui hum chuan a nghawng chu zai hrawkin ,thisen a chik nghal ṭhawt ṭhawt bawk,"Midik lote tawpna hi a chhe viau ṭhin reng a ni,tih pah chuan a hawi let hmak a,Romawian a chempui a chhar a,ngawi rengin khua chu an chhuahsan ta a.

Zarpui khua an thlen chuan ,ni atla dawn ruai tawh a,Rampuiate in an luh dawn chuan,kal lama an nula hmuh Siamteite in kha a lo ni reng mai a,a puanpho seng tumin a lo chhuak ve chia,a u te ho ahmuh chuan mak ti hmel deuh hian a lo en ha hlawm a,Romawia a hmuh chuan lai deuh hian a
nui sak a,Romawia chuan ngawi reng hian Siamteii che lai vel chu a en reng a,Rampuia chuan,Siamte ,tui han lum la,kha Uchuailovi ke kha han zut sak ta che,i damlo enkawl tur a nih kha,a mo pawh i ni mai thei a nia,tiin a lo fiam hlak a,Romawia chu a lo nui hak a,chutia a uin a han fiam chuan ,"ka u hi i zak thei lo ee,tih pah chuan Romawia chu a han melh zauh va,Romawia lah chuan a che vel chu uluk fe hian a lo thlir reng chu niin,lai zet hian mei chu a tuah ṭha sek ringawt a,Chuailovi chuan an thlenin nula chet dan a hmuh chuan a nuih a za ru hle a,Romawia chu a duh hmel hle hian a hria a,a che lah chu a fel thlarh leh nghal a,iaiawm lo hian a hre hliah hliah a ni.Hmingliana chuan Romawia beng bulah chuan,"Hawn nghal mai a ṭha lo maw,i mit kha veng ṭha rawh ,a tla ṭep a nia,a mawi lo zo vek tawh,a lo ti sup a,Romawia nuih za bawk si ngei bawk si chuan rum deuh hian a han melh kawk a,a phun zui sap a,Zak thei lo,a tih lai chuan ,Rampuia chuan,"Naktuk hian chhuah zui nghal mai in tum tihna a mi?U chuai lovi hi chu ,kan lo kawl hrih ang chu,nu nei lo kan nia,kan mamawh emai,kal atan a harsa hrih deuh bawk nen,a damchianah ka rawn dah leh mai zwk a
ng a,a tih chuan,Chuailovi thu thu a ni tawh thuin Chalthanga chuan a lo chhang thuai a,Siamteii chuan,
"Ni e,nu neih ve ka chak a nia aw,I hreh lovang ti rawh ka u,?tiin chuai lovi chu a ṭhut hnaih sauh sauhva,a dik tak chuan Chuailovi chuan ina haw chu a hreh ngawih ngawih a ni,a ruang hmu lovin a fapa a chan a,a rilru na chu reh lo mahse,Buanlung khuaah chuan haw hrih loh a pawiti hauh lo a ni,a rilru tur an hriatthiam pui avang chuan,haw lo mai tur leh a fapa thlan erawhchu a dam chian huna tlawh ngei turin an ti tlu ta a ni.,

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:05 pm

UNAU PHUBA LAKNA

BUNG 41 NA
TLANTEI HNAMTE

Chuailovi chuan ina haw chu a hreh ngawih ngawih a,a fapa hmel hmuh tur awm tawh lo tur a ngaihtuah chuan a mitui a lo hnai a,"Ni e,ka haw hrih lo mai ang e,Rampuia te unau bulah hian ka awm hrih mai zawk ang e,a ti ve ta nge nge a,zanlamah chuan ,Chalthanga leh Rampuia chu lalin lam panin an inzui chhuak ta a,Hmingliana erawh zawlbuk lamah a kal thung,chuailovi a nawm loh avangin a mu a,Romawia leh siamteii chu tapchhakah mei lum aiin a ṭhu a,a khat tawkin an inmelh leh ralh ṭhin ,Romawia chuan a dinhmun a hria a,In thlahrung zet hian Siamteii hlatah chuan a ṭhu a,mahse,siamteii chuan a dinhmun a hriat sak vek tho,"U mawite ka lakah iin thlahrung tih ka hria,mahse ,ka hmangaihche a,i tan ka rinawm tlat ang ,tih pah chuan a hnaih tal tal a,Romawia erawh a che eih lo,sawi tur tam tak a nei a,a sawi thei si lo,Siamteii chuan a kuah chial a,ahmangaih thu a hrilh malh malh thung,Atawpah zawng ,Siamteiin a kuahna chu lo kuah let ve in ,an inen vawng vawng a,zan te a rei lam tawh bawk nen,an inthlah ve ta a,Chalthangate an rawn haw hnu chuan,Rampuia hnenah chuan Chalthanga chuan,Rampui kan zuk haw thla phawt anga,palai hmel hmuh kha lo inbeisei phawt mai ula,ka nau hian Siamteii hi a duh riauvin ka hria ,a han tih chuan Romawia zak lutuk chuan lehlam a hawi ta daih a,Siamteii erawh chu a lo nui ar ar thung,Hmingthanga zawlbuk lama a kal tawh avangin an inzui chhuak ve ta a,Zawlbuka tlangvalte leh Val upate chuan,"Zanin chu mikhual kan nei na chungin,anvak hah emai ka buan lo mai dawn em ni,?tiin tlangvalho chu a rawn a,tlangvalho pawh chuan,"E val upaten tih loh tur in tihchu ka ti lo mai tur a ni,in thu thu a ni e,ni dangah chuan ,in hriatthiamna a awm tawh lovang ,an lo ti ve sap sap a,chumi zan chuan inbuan chu an pumpelhta hlauh mai leh ,zanriaka lusei khuate an tlawh ngai vak loh avangin khua an tlawh tam ang ai chuan inbuan lam an pumpelhtam thei hlauh thung ,inbuan kher kherah hi chuan an inchhuang lo ve ema ni.

Zingkhua a lo var chuan Buanlung lam an pan leh ta a,Thankimi nau neih a hun tawh a vangin Chalthanga tan pawh teichhuah fo chu a remchang lo hle a,mi tlawmngai tak leh ṭanpui ngaite biruksan ngai lo chi a lo ni hlauh bawk nen.Buanlung khuain buaina an tawh reng reng in a bang ngai meuh lo.chutiang mi a nih avang chuan,a nupui Thankimi pawhin an pa zia chu ngaisang viau mahse,a nun erawh a tawi phah ahlau thin hle a ni.Khua an luh chuan nau rilṭam hunlai vel a ni a,rinai takin anralmuang a,khawkawn tlangval te khan an thuken kha engmah an thlenhman tak lovah chuan ,lungmuangin an lo awm theih phah ta zawk a,chuti ni lo sela zawng,a khawchima chimin Hrangzo khaw chan tur chu a rapthlak khawp ang le.

Tunah chuan zampuii pawhin fapa duhawm tak a nei ve ta,Thankimi pawhin fanu duhawm tak a nei leh tawh bawk,Chalthanga fapa Thangpuia pawh sephung laiin abuai thei hle a,ṭhian kawm teh chiam lo mahse ,sephung pachal pahnih a neih chuan ṭhian a mamawh em em lo,a mah chauh pawhin a hlim tawk em em ṭhin,tin,naupang ṭawngkam thiam tak a ni reuh va,puan a veng a,a pa chempui hum chungin"Buanlung lal Chalthanga lungtiawi lo tu chu damin a chhuak ngai lo,thisen chu thisen vekin a rul tur a ni.tiin ral bei ang maiin a lek leh fur fur mai thin a,chutia a pa chem a lek fo avang chuan a mah leh midang pawh a la tipalh mai ang tih an hlauh avang chuan Romawia chuan chempui lem a suih sak ta a,chuta chinah phei chuan,a pa ṭhiante lemah te,a pate Romawia lemah te a chang ta fo mai a,Romawia lah chuan a chem vai dan te chu a diktawk lo tiin a zirtir zel a,a chang in ramhnuaiah te a hruai a,naupangte mah nise ,a chhel em em a,a na viau a nih loh chuan a hruai hrattu Romawia lah chuan a ngaihsak duh hlek lo bawk,a kum tawkin ralbeih dan a zir tir zel a,an ramkal hawn apiangin a pa in elpuiah a cho ziah bawk a,a ma tawkah a thiam pawh a thiam viau a ni,sairawkher perh phei chu thiam tak a ni,Nikhat chu Romawia leh Thangpuia chu Luiah chakai kan khawrh dawn an ti a,an chhuak leh ta nge nge a,Thangpuia hian a nu mitmeng a chhun a,a nal ririai hle a,hnar ngul leh karehah a pa a chhun fuh hle thung,chakai an hawn leh tak tak dawn lo tih an hriat avangin,khawnbawl upate pawh chuan,"Vawiinah hian engtak rawn thiam belh leh ang maw?an lo ti sap sap hlawm reng a,lui an zukthlen chuan ,rei lote an han chawl a,ngaw lam an pan leh ta a,ramhruite chu an chhat khawl a,an tumram an thlen chuan ,thingkungah ram hrui an thlunga ,thing kunga chet tlat an zir leh dawn a ni,Thangpuia chuan ,a patea thinga a han pakai zung zung mai a hmuh chuan ,Ka pate,nangaiin ka thiam dawn a nia aw,min la tluk dawn miah lo a nia,Zawng ang maiin ka la che ang maw le,a ti siam siam a,nilenga an zir pawh chuan Thangpuia chuan hma a la sawn em em lo,thinga chet tlat hi chu tlak palh a hlauhawm a vangin hun pawh a duh rei hle a ni.

Tlai an haw chuan ,upate chuan,"Ekhai,Taite engnge in vawiin ramchhuak chu in an?an lo ti sap sap a,a pa bula ṭhut thlak deuh hnak pah chuan ,"Vawiin chu a har lutuk,a lo ti ve mai a,tui khur lam panin a patea nen an in zui chhuak leh ta a,chutiang chuan hna ṭul teh chiam nei ta lo chu an inzui chhuak ni tin mai a ,nuam pawh an ti hle a ni.Thangpuia pawh mi ngaihah naupang mai mah nise,a ṭuan a ṭha em em tawh a,engkim zirtir a ni a,a pian a ṭha a,aruakhau em em bawk ,a rualpuite zingah a sang bik hle a,lal fapa a nih vang nge a faivang reng bawk ,thingnawi fawm rual a ni ve tawh a,lal fapa a nih avangin awl a tum ngai hauh lo bawk ,tlema awmthei faten an aia rethei deuhte an hnuaichhiah lai a hmu thei lova,mi ngainat a hlawh a,nu leh pa ngainat a hlawh em em bawk a ni.

Tukkhat chu Chalthanga chuan ,tlangau pa hnenah chhuan ,"Thangzawna pa mualkilte leh ka ṭhiante mai bakah pasalṭhate rawn ko khawmm teh khai,roreltur kan nei tlat mai ,tiin a tir chhuak a,tukṭhhuan ei hun hma deuh chuan lal mi koh khawmte pawh an kim thawkhat viau tawh a,Ramliana chuan,"Ṭhianpa,Engthu nge nia,zing zinga min koh khawm tak rum rum mai le,?tiin bul a han ṭan a,Chalthanga chuan,ka mumang vang a ni e,zankhatna ah khan mang chhiaah ngaiin ka ngawi mai mai a,zanthum lai mai ,a ngai ringawt mai ka mang ta ,kan khua hian run kan tawk dawn niin alang ,lusei khaw tinah hian thisen a luang a ni,chu chu engtin nge kan dolet ang tih hi ngaihtuah vat ṭhain ka hria a ni.a han ti charh charh a,upa Suakthanga chuan,Ekhai ngawih reng chi a ni lo tawp a nih chu,zanin aṭangin ralveng in dah ila ,dai kan thawm ṭhat a ngai dawn bawk a,a khawnawta kan chet chhuah a ngai dawn a nih chu,a ti dap dap a,Chutih lai chuan khaw hmawr lam aṭang chuan tlangval pahnih hman hmawh fe hian lal in lam panin an tlan ve hlawk hlawk bawk a,kawn lama tlangval pahnih phe hlawk hlawk chu Romawia chuan lo hmuin,"Ka u ,mikhual ,a han tisap a,thu tam sawi a ngai lo,Romawia ṭawngkam khat lek pawh hian thu tamtak a sawi ṭhin tih hi an hre tlang pui tawh a ni.Chalthanga chuan sumhmunah lo ding chhuakin ,a lo chiau au thuai a,Mikhual tlangval pakhat zawk chuan ,Lalpa Zarpui khua kan ni a,Tunah hian kan khua chu dinhmun chhe takah kan ding mek a ni,Chhakpawih hovin lusei khua an rawn sam chiam mai a,kan pasalṭha te ramchhuaka an thangbo hlan a lo ni bawk nen,U Rampuian min rawn tir a ni,muan a hun tawh lo,tunah pawh hian ,kan khua chu meivap ah a chang tawh hial mai thei a ni.chu thu chuan Chalthnga mang chu a hril dik hle a,chutih rualin an khua chu ven uluk a ngai nasa mai si,an rilru a buai ve hle a ni,hetih lai hian ,Buanlung khuate erawhchu ramchhuak an awm loh lai a lo ni hlau mai chu van neih thlak tak a ni.

Pawnah chuan Romawia leh Thangpuia chuan zaizirin thil an lo inhrilh nasa mai a,Thangpuia chuan Romawia thusawi chu hrethiam niawm tak hian a bu nghat nghat a,ka hrethiam e ka pate,lungngai suh engpawh thlengse ka chhungte chu ka venghim em em ang a lo ti ve sap a,in chhungah chuan Romawia chu a zuk lut a,a bik taka thirdeng hnena a chhertir ,chem sei reng rawng rit nalh mai leh ,fei zum ṭha zet mai ,uluk taka enkawl tih hriat takin in chhung aṭang chuan a keng chhuak a,pawna lo ding Thangpuia chu a pe a,fei chu a kawngah phawi awlsam turin a phuar thlap bawk a,a sam chu mar tak a,phiarin ,nghet zetin a ṭawn sak thlap bawk,Chalthanga chuan,Romawian a fapa a sawngbawl dana hmuh chuan,Raldo turin a thuam a ni tih ah rethiam nghal thuai a,Romawia chuan,"Taite,ka bulhah aw,tih zawng a sawi a,ka kiangah i awm zel ang ,a tihna tluk a ni.Romawia hmel pahrak leh inring tawk tak chu Thangpuia chuan a en vang vang a,"Ka inpeih a lawm ka pate,i bulah ka awm zel ang,a ti ve ta sap a,pasalṭhate leh buanlung tlangval rual te chu lal mualah chuan an ngir khup tawh a,Chalthanga chuan thu tlem a han sawi a,"Khai le ka khua leh tui te u,tunah hian khawchhak lama kan luseipuite chuan Pawih ral lakah thisen tam tak an hlauh tawh a,kan khua an rawn lut ṭep tawh a ni,Zarpui dinhmun pawh a awhawm lo hle a ni,kan khua chauh ni lovin,lusei dangte tan kan thawk dawn a ni,kan ram ,ka nuleh pa,ka unaute thisen luang ral mai tur hi kan en liam mai tur a ni lo,hmun hnih ah kan inthen dawn a,kan hnam ,kan ram tana thingserh sat ngam zawng rawn chhuak rawh u le,a han tihchuan,a hlawm hlawmin an kal hul hul a,Chal thanga chuan in chhiar ula,a in zatin sem rawh u,tin pasalṭhate khan chantur insem ula ,ka ṭhianteho pawh kha in sem bawk rawh se,tiin a ngaihdan leh a thu tlukna chu a au pui ṭhat ṭhat a,Zampuii chuan,Khua hi ka lo veng ang,a lo ti ve hmak bawk ,mi zahnih ve ve a an ṭhen hnu chuan a bak zawng chu khua lo veng him turin khawnbawlte nen an dah ta a.Buanlung khaw tlangvalte hi awllen lai leh tuktin a,nunchan zir ngar ngar an nih avangin ,Chalthanga pawh hian a thlamuanpui hle ṭhin a ni.
chalthanga erawh a kal ve a rem loh avangin Romawia khan Thangpuia a hruai tho bawk a,khua lo veng turin an dah lui ta a ni.

Ruam kawng zawh tur leh Tlang kawng zawh turin an inṭhen phak a,Romawiate pahnih pawh tlangkawng lama kal tur zing ah an tel ve ta a,a nau pang deuh mai pawh a,a pumrua ringawt ah chuan a naupang bik tih a hriat hauh lo,silai an keng deuh vek na a,ṭul tawpah lo chuan hman an phal lo va,Thal hman tur a ni,thawm dim a ngaih a vang in,a hu hova kal lovin pahnih te te a inkawpin an zel a,in zui hul hul ang kha a rem tlat lo a ni,Ruam lama kalte pawh chuan thawm an dim hle a,lui an zawh pawh in tui dai loh hram tur a ni,an kal thui ta viau mai Buanlung ram chin an pelh dawn phei chuan kawngsir hnim phen chunga kal a ngai tawh hial a ni,tlangkawna kalte nen thawm in hriat phak tawk vel zela kal tur a nih avangin hman hmawh hleih theih a ni lova,fimkhur a ngai tak meuh a ni,Zarpui ram chhung pawh an kal thui hle tawh a,a khawi lam lamah mah thawm a la awm chuang lo,Zarpui khaw kawr an thlen chuan khua a hnai viau tawh,zan pawh chawl lova kal an nih avangin,chawhnu her hretah Zarpui khawlui an pawh a,thawm a la awm chuang lo,tlang kawnga kal ten Khua an lut ṭep tawh thung,khaw thlen dawn a ruaiah chhoh lawn a ngai vei bawk nen,ruam kawng lam zawhtute an kal sawt hleithei meuh lo,pasalṭha zachhinga chuan,"khawnge khua ka han chuan teh ang,thawm a awm lo riau mai "tiin an hnung lamah chuan a let leh ta a,rei vak lovah chuan hah hmel zet hian a naute chu a rawn fin leh ta a,'Zarpui khaw reh dan hian ngaih a tiṭha lo riau mai,tuman thawm neih duh miah loh tur,pawih ho bumah kan awm tur a ni lo,a ti sap sap a,Tlangkawng zawh tuten Ruamlama kalte chhak tlang ,thlanmual ah awmhmun an khuar thung,Pasalṭha Zathanga chuan,kan chhakah khian kan ṭhiante an awm a,keinin hmar lamah luh kan tum dawn em ni ang?tiin a pasalṭha pui te leh Ramlianate chu a han rawn a,chu chu ṭha an ti tlang ta a,Zarpui khuaah chuan mihring an awm ta lo emaw tih mai turhian a reh tlawk tlawk mai a ni.Pasalṭha Zathanga ten ,chuanhnuai an lut ṭan tih ah chuan ,an awmna aṭanga in hnai ber kawngkhar chu a ri ṭhuai mai a,a thawm a len ang aiin in aṭanga rawn chhuak pawih pasalṭa chu a beidawn hmel hle thung,thlang lam te,hmun tin chu a melh kual ruai a,tumah a hmuh loh avang chuan chu in chu a chhuahsan leh ta a,pen nga vel a pen hman awrh awm e,chu pa chu a vir nghak nawk mai ,a nghawnga fei tetak te ,thal fang tiat lek bur va chu a dawm ṭawk ṭawk a,mahse ,khawi lam aṭanga thalfang chu rawn chhuak nge a nih ang.pasalṭha Zathanga leh Ramliana chuan ,inhnuaia zem phen aṭang chuan Chhak pawiho che tla chu a en kar a,mihring thawm riva an hriat loh avang leh mihring hmel hmuh tur a awm loh avang chuan a ngaihna hre lo zetin an hawi kual ruai a,Pawihho chu khawchhunga chuan Zarpui mi leh sa zawngin an phe suau suau a ni ber tawh a,a tla fal deuh chan erawh a ṭhha lem lo hle a ni,Buanlung lam erawh chu an che duh mai lo,rei lo teah chuan ,pawihho chuan an mi leh sate ruang an hmu ta zauh zauh mai le,an pasalṭha ten bumin an awm tih an hriat meuh chuan mi sawmhnih zet an chan hman der tawh,khawthum lai in lungruala thawk chhuak ni mahse,Luseiho hi an hrechiang em em a,an fin em avangin vawi tam an tlawm tawh ṭhin reng a,mahni sahimna zawng a,am tlan darh chum chum lai pawh chuan ,Zarpui khawho chu an che ṭha duh chuang hauh lo,a khat tawkin thal an thlah zauh zauh duh chauh mai si,Thanliana chu a nui ta kur kur mai a,"Zarpui khawho chetdan mai mai chu ,engnge maw a awm zia le?a lo ti bai bai a,thawm a awm zui tak lovah chuan mualah bawk chuan an chhuak khawm leh a,an phung khawm tam thawkhat ta viau tih ah chuan,in tin aṭang chuan thalfang a chhuak ta ni mai hian a lang a,khawiah chuan an biru chu ni maw?Pawihho chuan han rin kah mai dan tur hre lovin an buai deuh nak hman a,an pasalṭha chuan in tina luta ,in pawh chu hal turin thu a han pe a ṭhat ṭhat a.chuveleh pasalṭha Zathanga chuan,khai le,kan chet a hun ta chiah e,a hlawma in ven dan kha kan hrechiang maw?tiin a han melhkual te te a,a naute ho lo bu nghat nghat chu nuih sakin ,khai le,lusei khuaten ralmuanga tual kan chai theih nan aw,tumah damin an chhuak tur a ni lo,tih pah chuan a mah chuan hma hruaiin achem leh a fei zum zet chu nghet takin a vuan a,Zarpui khaw in ṭhen khat chu a lo kang hman tawh ,pasaṭha zathanga thlawp zaih chuan,Thanliana leh Romawia leh lal fapa Thangpuiate chuan a rual chiah chuan an hriam an lek ve nghal zat bawk a.Pasalṭha Thangzinga erawh chuan an lalfapa chu veng tur hian athlawp zaih thung,an birukna hmun aṭanga an chhuah chiah chuan ,Zarpui leh pawihho chu ,an lo innuai nasa hle tawh a,zarpui lam chuan pasalṭha an nei tlem hle a,tlangval raldo thei chin pawh zarual erhawrh chauh an nei ni hian a lang a,anni ho hian pui lo ni se zawng pawihho chuan an nuai hneh viauvin a rinawm a ni.

Zarpui pasaltha te u ,Zam hlek suh u,Lusei hnam kan zan zam ngai lo,in tan Buanlung pasalṭha rual kan lo thleng e,khaw nge,lusei hnam tan luchhum ban chhum huamin khawchhak pawih mawngbal ho chu i han sam mang vek teh ang "tiin pasalṭha Zathanga chuan hma hruaiin a tlan kawi ta zek zek mai le,Rampuia chuan Romawia chu a lo hmu rang kher mai,a chet dan rang zet leh in thazo zet chu thlamuanpui awm tak a ni,a bulah chuan tlangval la naupang tak ruakhau zet chuan zei fe hian a chem sei zet leh a fei zum ṭha zet chu a vai tawn zawk zawk bawk a,chutia Buanlung pasalṭhate an lo thlen tak chinah chuan pawihho lam chu an hek hauh hauh hle tawh a,Buanlung valrualte in thazawh zia leh chet ran zia chu ,an hmelmate tan mai ni lo ,an ṭanpuina dil tu Zarpui khaw tan pawh mak tia en tham a tling hial a ni.chutih lai chuan ,hmarlam a ṭang chuan pawihho rual khat chu mualah chuan an tlan lut ta hum hum mai a,pasalṭha Zathanga chuan,"He heu pawlkhat an lo la in thuk ru a ni maw,?khawnge Buanlung lung pasalṭha Zachhinga sa leh ral hmaa zam ngai lo ka ni ngai e,tih pah chuan ,tlema pawiho buk deuhna laiah chuan a tlan lut hmiah hmiah zel a,Thangpuia pawh chuan,Buanlung lal Chalthanga fapa ,ka ni ngai e,pawih mawng khak ho in lu kha lo veng rawh u le,chu ṭawngkam chuan Rampuia chu a ti phu nghal zawk ,mahse ,chutiang buaipui hman a ni lo,mahse chu nau chu a ven him a ngai tih a hria,Romawia pawh chuan Thangpuia hlata awm duh lovin a veng deuh ran bawk a,Pawihho bukna lai a,Pasalṭha Zathanga malṭan chu Thangpuia chuan a hmu vuai a,chu lam pan chuan a tawlh ta hret hret a,Romawia pawh chuan ,Thangpuia hla ta tual tual chu a chhan a hmu ve ta ,Thangpuia pan lohna lam a ṭang chuan Pasalṭha Zathanga pui tur chuan a tawlh lut ve ta a,Zarpui lam pawh an in hlauh nual tawh a,Buanlung lam pawh hliam an awm ta zauh zauh mai le,in phek nuaiah hi zawng him taka chhuah a awlai lo reng a ni.Thangpuian pasalṭha Zathanga bul hlam hnih velin a la thlemg hman lo va,Romawia chu a ṭe ṭhawt a,pasalṭha Zathanga chu mi pangain an lo beih rawn mek chu lo niin ,a fei chu khawh chhuak nghal zawkin,pasalṭha Zathanga hnunga pasalṭha lulak ngei tum a tin mek tu chu a thaw hawk a,leiah chuan a ṭhingṭhi nghal hnawk a,a bukzual lai an thian fai ṭan tihah chuan ,Pawih rual ho khat bawk chu mualah chuan an tlan lut leh ṭan ta,chu veleh Buanlung val rualte chu chhimlam aṭangin haw hawin an tlan lut ve thung,thisen chu a luang ngei nguai tawh a,thi leh hliam an thal pheng phung tawh mai bawk a,chem in khak ri karah chuan mahni hming chhala au lauhlauh thawm hriat tur a awm reng bawk a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:06 pm

UNAU PHUBA LAKNA

BUNG 42 NA
Tlantei Hnamte

Zarzo khua chu thisen thangrim hian a khat tlat tawh a,Zarpui pasalṭha ,Rampuia leh a hote tlem chauh chu dam khawchhuak an awm tawh ,Buanlung pasalṭha ṭhahnem fe in an rawn pui tih an hriat chuan an rilru beidawng tawh takah chuan thathona a rawn nung leh ṭan tawh a,an chau tawh hle a,a hma zan a ṭanga mu tawh lo an nih avangin ,an tha a ṭhum viau tawh a,chawkaw puarin an ei mumal hek lo,chutih laia Buanlung pasalṭha te an lo thleng hlauh chu lawmawm an ti hle a,chutia ṭanpuitu an han neih takah chuan phur thar lehin ,an phurna chuan tha nasa takin a pek belh hial a ni,khaw hmawr lam a alh ṭan tih ah chuan ,Ramliana teho pawhin Pasalṭha Zachhinga ho chuan chhipzialte,lusei fate chimih vek tuma thawk chhuak ta te chu an mal ve ta nghauh nghauh mai kha a ni a,Pasalṭha Rampuiate khan an silai leh Thalngul te khan an sai ṭha duh vak tawh lo kha a ni a,silai mu an ngah tawh lova,Thalfang an nei tlem tawh bawk si avang chuan,an pawng kah ngam tawh lo a lo ni a,chutih lai chuan ,Buanlung pasalṭhate chuan an thalfang chu thlahin ,an tum an ṭhelh lo tlang hle a ni.chhipzialho te chuan chutia an hmelma lam an pung ta thut mai chu an han buai deuh nak a,mahse pasalṭha fing leh rem hre tak Hrangkipthang chuan a hote chu a ko khawm thuai thuai a,chutia chhipzialho an bo leh ta diak maiah chuan Buanlung khaw pasalṭha te leh Zarpui pasalṭha te chuan rem changah hmangin an lo insem darh ve mek bawk a,an duh thusama ṭanhmun an siam fel hnu chuan,thalfang thlah hmasa ber tur Rampuia leh a hote chuan Chhipzial ho lo lan hun tur chu an nghak ta ṭhap mai a,pasalṭhate hian hmun hlauhawmah hian hriattirtu an nei ṭhin a,khuanuin an veng an ti fo ṭhin a ni,inbeihna tualzawlah zawng thih hlauhvin awmzia a nei tam lova,zuam lutuk pawh aṭangkai chuang hek lo,kan him tlan theih nan tlan chhiata hnung tawlh a ngaihchang a awm a,kan hmelmate ṭingmita,chimih barh tur pawhin bawh hun a awm bawk ṭhin,Zarpui lam hian khawi aṭang pawhin bei sela,anmahni mai chuan hneh ngaihna a awm chuang lo a ni,an intam hleih lutuk tlat ,Chuti chung chuan Rampuia chuan inpek mai chu a tum bik lo,a ṭul a nih chuan a thi mai ang.A ngaihtuahna erawh a buai map map hle a ni.Chutih lai chuan ,"Khawnge Thangpuia Buanlung lal Chalthanga fapa ka ni ngai e,lusei fate kan zam ngai love,ti lauh lauh ri chuan , thinlung ngui raih tawh leh thi mai tura rilru lo siam tawhte thlarau chu a ti harh sawng sawng thei hial a ni,chutih rual chuan ,chu rawlthar bul maiah chuan an lo hmuh tawh tlangval ṭawngtam lo tak Romawia in thazo leh che rang zet chu an hmu zui nghl zat bawk a ,buanlung tlangval che rang tak tak karah chuan ,Rampuia chuam ringtak mai chuan"Khaile,Zarpui tlangval rual te u,puitu kan nei ta e,ka thate i han sangmar ṭha leh ang u hmiang ,thihngam lupu Khualval ten kan tan leh lusei hnam te tan i han bei leh ang uhmiang ,ati leh lauh lauh va,chu veleh,zarpui lam chu an rawn chim thar veleh ta,Rampuia chuan Buanlung pasalṭhaten an khaw tlangvalte an chher hriam zia a hmuh chuan tluk lo hle hian a hria a,zir tur pawh a ngah hle a ni.an lalfapa leh a nau Romawia chetdante chuan mit ava titlai chiang kher em!in thlawp zaih leh in veng tawn rengin hmelma an bei a,hmelmate lakah chuan tlawm an tum lo tih hi a hriat hliah hliah a ni.

pasalṭha Zachhinga chu a hliam hman ta tho mai ,hmelmate chu an let hnih zet an ni si a,himtaka damchhuah chu thil beisei awm a ni lo reng a ni,pasalṭha Zachhinga chu a nghing lawih nghe nghe a,mahse,chuti chung chuan a naute tluksan atum hauh lo,a theihtawp chhuahin chhipzialho chuan a chem leh fei hman thiam em em mai te chuan avai tawn zawk zawk a,Romawia chuan ,Pasalṭha Zathanga chan chu a chhe thuai dawn tih hria in ,chhipzial ho bit deuhna lai pasalṭha Zachhinga awmna lam ah chuan a zuang zawk a,chutih lai chuan pasalṭha Zachhinga chu a hliam nasat tawh em avangin ,a tha a zuai ṭan tawh a,Zarpui lam an tlukhnem ang aiin ,Chhipzial lam chu an la tlu tam teh chiam lo,Buanlung lam an thawhchhuah a ṭang erawh chhipzialho chu hek tak an ni tawh,Rampuia chuan,pasalṭha Zachhinga chuan rei a daih dawn lo tih hrethiamin a hnaih phei ve thuai a,chhipzialho lah chu an pung tual tual emaw tih mai tur a ni.Harsa tak chung chuan a hnuk sawn thei ta hram a,Ramliana pawhin a naute ho chu an dinhmun hriat tumin a tlankual zak zak a,Romawiate bula pasalṭha che zei zet chu Rampuia an tih fo chu ni ngei pawhin a ring nghal,chhipzial ho kiam thei lo lutuk chu mak hi a ti em em tawh a,ho hnih chu an bei tawh ngei a,thah pawh an that hnem tawh na ngiang mai,mahse,belte phai thei lo ang mai in belhtu an nei zel mai chu mak a ti em em tawh a ni,anni lam lah chu an tlu hnem thawkhat viau tawh bawk nen ,an chan chu a ṭha dawn hauh lo tihchu a hrethiam thuai a,tlankual pah chung zel chuan,a ṭhiante chu engnge maw hi a hrilh ru sap a,tichuan ,a pil bo ru ta zauh va,a lo chhuah leh meuh chuan ,thinrimna hlir hian a khat tawh.Rampuia chu hnaih pheiin,kan hmelmate hi an la tam viau va ni,chu vangin kan tihdan hi kan thlak a ngai a ni,a han tisap a,Romawia leh Thangpuia pawh an thi sengsung tawh mai,chuti chung chuan,an tha chu a laṭha in,chau hmel pawh hi an pu lo,rei fe an inbeih hnu chuan,hnung lam a ṭanga rawn veh rutu Ramliana leh Rampuiate ho chuan chhipzial pasalṭhate chu an rawn nuai ve ṭan bawk ,patling natuar rum thawm chu a rik hian a ri nuaih nuaih mai a.Buanlung lam pawh an tlu ve ta nual mai,chherhriam vek ni mahse,pasalṭha rothap tak tak hmachhawn tur chuan an tawnhriat a in tam hleih bawk nen,Chhipzial pasalṭhate hmaah chuan an tlu zawih zaawih mai a ni,Chutih lai chuan ,chhipzial pasalṭha rothap hmel zet chuan Thangpuia Buanlung lal fapa tuaitir chu pan hnaiin thahngei a tum tih hriat zet hian a pan ding ngar mai a,chu veleh Romawia chu an karah tlazepin a hmachhawn ta siah mai a.chu tlangval darpharh hlaihlap mai leh kawngfek rat mai te chu hmuhnawm ti zet hian a thlek vung vung a,a hmelṭha tak phena tumruhna huaisenna chu a chhiar tel thei tlat a ni."Tlangval kal kiang rawh,tihnat che ka duh lo.Romawia chuan chu pasalṭha chu a melh kal mai a,a mitmeng sen ram mai chu thinrim tih hriat zet chuan a ling hlar mai bawk a,chhipzial pasalṭha chuan chu tlangval la upa lo tak leh ngawi ngal mai chu a hnawt kiang thei dawn lo tih hriain,a veh ṭan ta a.Romawia chuan chu chhipzial pasalṭha ke chheh chu a melh ru zauh zauh mai a,chhipzial pasalṭha Hrangkipthang chuan ,chu nau chu pawng zuam chi a ni hauh lovang tih chu a hre thei a,Ramlianate ho chuan Romawia te in hmachhawn lai chu an hmu ve reng ,din khalh turin a tlai tawh lutuk tlat a ni,mahse ,he nau hi an hrechiang a,a tlawm mai mai dawn lo tih pawh an hrechiang hle a ni. Chhipzial pasalṭha chuan Romawia khawsa zia chu a haw ru em em a,a chhaih vel ni mai hian a hria a,a nuisâng a,a kiai deuh sak sak bawk a,ngawi reng a,chhipzial pasalṭha tih thinrim chu harsa a ti hran lo,chu chu a tum pawh a ni reng a ni,nui sang chung hian Romawia chuan a veh thauh thauh va,chhipzial pa in a chem a vei apiang lah chuan a per leh nalh ṭhin a,khawih let tum hauh lova chua chhaih buai dan a thiam riau a ni,chhipzial pa lah chuan ,chu lusei tlangval khawsa zia chuan a thin atiur hlur tawh a,a khawih fuh hleithei si lo,chutih lai tak chuan ,an vela chempui in khak ri leh rawk rawk ṭhinte ,patling na tuar rumri te,in sat rino chawk chawk rite chu hriattur a awm reng bawk a,mahni mihringpui te lu lak a,an natuar thawm hriat chu ngaihthlak a nuam hran lo hle a ni.

Romawia chuan a khingpui pa chet dan chu a enngun hle a,chutia a petek leh zauh ṭhin chu chhipzial pasalṭha chuan a ngaithei tawh lo,thinrim lutuk avanga a fimkhurna hlauh zauh chu Romawia chuan a man rang kher mai,Romawia lam hawia zuang dawrhin a chempui chu zak kau meuhvin a han lek kang a,a rahna tur taka lung pakhat chu rap hrual nawkin ,pai deuh nawk bawk a,chutih lai tak chu Romawia chuan a hmuh hmaih loh,vir nghal zawkin ,chhipzial pasalṭha hnung zangah chuan chhuk zawngin a vai thla nghal fua a,chhipzial pasalṭha er zawk lai tak chuan,a vir let leh nghal zawk a,chhipzawl pasalṭha nghawng zawnah chuan a chempui chu a vai ri leh nghal fua mai le,chutah meuh zawng a nghawng a ṭanga thisen chhuak chu dan beh tumin a han dawm a,hup beh sen a ni lo,a thawri nghal bawrh bawrh a,lei nawr zawngin a tlu ta riai riai a.Romawia chuan thawk la hman a nilo tih a hria ,rang zet chuan a inher vat a,Thangpuia awmna lamah chuan a tlan lut leh thuai a,chutah meuh zawng ,Thangpuia taksa hliam chu a hmu ta,thinrim zet hian a rum ngal ngal a,Thangpuia lo bawrtu chu su pheiina fei leh chempui chu rang fe hian a vai tawn nghal zawk zawk a,Romawia chuan Thangpuia chu kaih sawn mai a han tuma ,mahse Thangpuia chuan a lo duh bik aw zawng lo mai a.midangten thihtha huamin hnam tan an bei a,lo awl bik chu a tum hauh lo a ni,a tha lah chu a fei phian mai a,a pa a va han chhun teh lul em!!tunah chuan a khawi lam lam pawh chu an hek viau tawh a,Chhipzial lam erawh chu an tam tham bawk a,an la ṭhahnem fu mai a.Romawia chu a mang ang tawh hle a,Rampuia lah chu a chau tawh hle mai bawk si,an hneh dawn lo niin a hre hial tawh a ni,Zarpui lam phei chuan tlangval tihtham an nei tawh lova,an thi zo deuh vek tawh a ni,Buanlung lam erawh chuan sawmhnih vel chu thi leh hliam an nei a,an pasaṭha Zathanga leh Thangchhinga lah chu an hliam na hle mai bawk si a,an mangang tak zet tawh a ni,mi sawmruk er awrh chauh an ni tawh a,a la dam awchhunte lah chu hliam lo reng reng an awm tawh si lo,Rampuia lam a va melh zauh chuan rei ding thei a ni tawh lo tih a hre thuai a,Romawia tha erawh chu a la mar ṭha viau lawi a,a ni ringawt chuan a daih rei bik dawn bawk si lo,chutia mangang ru taka a awm lai chuan ,michhe veng hmawr lam aṭang chuan,thawm a lo awm a,Mual Zarpui kawn zau lai a,tuikhur kawng pan thlakna lamah chuan Buanlung lal Chalthanga a rawn lang hlawl mai le,a hnungah Pasalṭha Chhunthanga leh Hrangchhuanan an rawn zui bawk a,An mi leh sate bakah ,Zarpui lam thisen nena in chiah nuaih mai an hmuh chuan ,an tlai ṭhelh a ni tih chu hrilhnawn kher an ngai tawh lo,pasalṭha sawm rual zet mai ,Buanlung leh Bawnzo pasalṭhate chuan chhipzialho chu hnaih chilh in,pasalṭha tawnhriat ngah tawh tak an ni tih chu an chetziaah chuan a lang chiang hle a,tha thar an ni bawk a,an bulhnaia awm hnaih ngam chi a ni ta hauh lo mai ,Pasalṭha Chhunthanga chuan,Naute u ,lo chawl tawh raw u,in hliamte kha enkawl ula ,hliamte kha lo senghawi rawh u khai,a rawn ti ta lauh lauh va,Romawia erawh chuan chawlh a tum lo hle mai a,Thangpuia erawh chu a naupanna a lang ta thuai a,Ramliana chuan hliam nei ve tho mahse,an lal fapa ,rawlthar huaisen zet chu chhuang tak hian a han en vang vang a,a hnuk sawn ta,ṭang tur pawh a awm tawh lo,thisen chuan a bual huh hnuang tawh a,chhipzial hovin an hal ve hman loh in pakhat sumhmun kilah chuan a pawm lut a,hliam na deuh te chu chu inah chuan andah lut ta zauh zauh va,Chalthangate rawn thleng chu Rampuia tan chuan a va lawmawm dawn tak em !engtin nge a rulh let ang ,lal in sira upa in kawta thingkhawn sirah chuan chau zet hian a ṭhu zawi hnuang tawh a,che thei ziazang a ni tawh lo,chung pasalṭha lo thleng tharte chuan ,Chhipzial pasalṭha te chu an lo dahṭha nual tawh a,a tamberah sawmthum bawr vel bak chu an awm tawh kherin a rin awm loh,chutia an in sah rik no chawk chawk lai chuan,chhipzial pasalṭha Liankhanpa chuan ban rawn phar chhuakin"Awle,lusei fate u,hetia in sat buaih buaih lo hian,mipa leh mipa ngam leh ngam ,mal leh malin i han inbei zawk teh ang,mahse ,thu tiam erawh kan neih a ngai ang,tiin ring zet hian a au ta lauh lauh mai a,Thanliana chu a ngawi leh thei ta lo,"Pawih mawng bal pa,helaiah hian hmeichhia an tel reng reng em ni,?mal leh mal tih kha a tawk,mipa leh mipa tih kha chu kam chuang mai mai a ni,a lo ti hman leh hram pek a,Chalthanga chuan"Ni ang hmiang ,a maherawh chu kan inbeih laia fin kherek chhuah in awm a nih chuan,ka ngaihdamna leh zahngaihna in phut tur a ni lo,khai le rawn chhuak rawh u le,tunge min hmachhawn ngam le?a han ti zawm zat a.

Liankhan pa chuan ,Chalthhanga chu panthla in ,Chalthanga chuan chik zet hian lo en ngara,a hma zawma chhipzialpa a din rual chuan"Chalthanga chuan nelawmna nei hauh lo chuan"Engvanga lusei hnamte hi min run leh ngawt ṭhin nge in nih,in eng pawi nge kan sawi?Hetianga min rawn run hian,atu ve ve lampawh hian fahrah leh hmeithai kan siam a,khua mimirin ei leh barah harsatna kan tawk ṭhin,hei hi in lal hian pawitihna a nei miah lo a niang maw?a han ti khauh mai a,chu chhipzial pa pawh chu a ding chawt mai a,"Luseipa,i sawi dik ,mahse lalin tih tur a tih chu kan hnial ngai lo,a lo ti ve hmak thung a,Chalthanga chuan,"Kei pawh hi khawkhat lal ka ni ve tho asin,hetiang hian tukhua mah ka run ngai lo,nun hi a hlu a,mahse,hnam leh hnam emaw ,mahni mihring puite nunna chhah hi a nuam hek lo,nun inpek aiin kan in suat buaih buaih a,lal chu venhim an ni a,hmeithai leh fahrahte erawh chuan venhim an hlawh ngai lo,hei hi hre rawh u,pasalṭha te zarah khua a him a,lal zarah khua a him ngai lo,pasaṭhate leh tlangval rual te zar vek a ni,nunna in chhahsak hi ropuina a ni lova,ropuina chu nunphungah a awm a ni,chetziaah a lang ṭhin"a ti ta duah mai a,Pawipa chu a ngawi reng a,a hnu deuhvah chuan"A nih lusei pa,Engnge ti tura min duh?a rawn ti leh lang lang a,Chalthanga chuan,"Pasalṭha dik tak i nih chuan hei hi ti la ka duh,mihring nunna hi a hlu a,duhamna avanga in do leh insuat buaih buaih hi bang tawh sela,kan ropuina aiin midangte tuarna kan thlen tam loh hi lalte leh pasalṭhate tih tur a ni,Chalthanga thu chhakchhuah chuan chhipzial pasalṭha rilru chu a khawih hle a,dik pawh a ti viau va ni,tuna an indona pawh hian hmeithai leh fahrah ,chawmtu nei lo nuleh pa an siam leh nual dawn tih pawh a hrechiang hle a ni."Luseipa,i thu min kam keu chu ka pawm zawng tak a ni.i duh ang chuan ,lusei khua a ni emaw,kan hnampui a ni emaw,midang te do zawngin ka kut hi ka lek tawh lo nang e.tia in herin,a naute ho hnenah chuan,"Tunah khan lusei lal thu kha kan hre chiang vek a,tunge indo hi la cho ,a dik a ni,kan ṭhiante ruang hi senghawi ila,i kir ang u,indo na hian rahṭha a chhuah love,a kir ve duh lo in awm a nih chuan ,in thisen mawh ka phur hauh lo vang,pialral inkai hunah min mawh chhiat hauh suh ang che u"tia a au lauh lauh hnu chuan an ngawi ṭhuap a,tuman an chhan tak lovah chuan,ruangte leh hliam te chu an seng hawi zung zung a,tichuan thim hlimah ṭiau rallam panin an liam zui ta a ni.

Thi leh hliam seng hawi tur a ṭhahnem si a,Buanlung tlangval rual te leh Zarpui lam la dam awm chhun te chuan an ṭhiante ruang chu seng hawiin hliam na tak tak te chu Bawlpu enkawl turin an zawn liam zung zung a,chung zingah chuan ,pasalṭha Zachhinga leh Rampuia te ,Buanlung lal fapa Thangpuia te chu an tel ve tlat mai a,Bawlpu in lama an len loh avangin zawlbukah dah khawm an ni a,a na zualpui erawh chu Bawlpu inah dah an ni thung,Pasalṭha Zachhinga hliam chu a na hle mai a,a dara fei bur ngur mai leh a awm a,hliam in kham ruah te,a naka chem hnu hma thlerduai mai te chu han dam chhuahpui chi ni hian a lang lo va,chutiang bawkin Rampuia pawh chu,a dar an sah na kau tuar leh a malpui thler duai mai te,a bek duk chur maite chu a nahle ang tih hai rual a ni lo,Buanlung lal fapa pawh ,ni khaw hre lovin a awm rei ta hle mai a,chutia hliamtuar leh Zarpui khaw tana nun hlana thi tate chu a an seng hawi zo titih tawh a,Rulpui puk a ,nunau leh tar chak lo an thuhrukte chu khua chhungah ah chuan an in phur lut ve ṭan tawh a,Siamteii leh Chuailovi chuan hmanhmawh em em hian Rampuia awmna lam Bawlpu in chu an thleng ve tawh a,Buanlung khua hlir mai chu Bawlpu in kawtah chuan an lo ṭhu hmur mai a,Chuailovi chuan ,Chalthanga a hmuh chuan lawm tak hian a kuah vawng vawng mai a,chutih lai chuan Siamteii pawhin zah a dawn thei bik lo,Romawia chu kuah vawng vawngin ,Romawia pawhin hrethiam takin a lo kuah let ve a,"Umawite,lawm thu sawi dan tur pawh ka hre lo,in zarah nungdamin ,kan vangkhua ngei mai kan luah leh dawn a ni hi"a ti sap sap a,Romawia chu a lo bu nghat nghat a,Siamteii mittui chu zawite hian a hruksak zauh va,chutih pah chuan a nui var var a,chu tia a nui chu nula ho hian an duh em em ṭhin.Buanlung pasalṭhate hliam chu u luk taka en kawl a ni a,Thanliana a awm ve hlauh chu chung hliam na tak takte tan chuan a vanneih thlak hle a ni.hliam ve tho mahse,na lutuk mutpui tham em a nih loh avangin bawlpu chu a pui thei a,an tih tur an tih zawh a,pawn a va chhuak chuan Romawiate in kuah mek chu a hmu hman tlat mai le,nui kur kur chung hian,"Insum duh reng reng suh,Romawia beng bulah chuan a ti vei sup a,Romawia ngei lutuk ,a mawng fun te takteah chuan a beng zui thlawr mai a,a bula awm ve reng chuailovi chu a nuih a za kher mai.chulaia awm ve dangte chuan an en deuh ha ha a,mahse ,Thanliana chuan a ngai pawimawh lo kher mai.chutah zet zawng Thanliana mizia tur awm ang chu an man ve ta nge ni an nui hui hlawm a,chutih lai chuan ,Thangpuia chu a thlanin a bual nasa hle mai a,a rum deuh reng bawk a,bawlpu chuan Thanliana chu inchhunga lut tur chuan mangan hmel zet chuan a hui zauh va,Thanliana chu nui sung chung hian inchhungah chuan a lut a,Thangpuia lo tal bat bat chu dawm betin,a kaah chuan damdawi chu a far leh a,chutih lai pawh chuan awm ze nei vak lo hian Thangpuia chu a rak deuh nawk nawk a,"Mangchhia a mang a nih hi,a vawikhat raldona a ni a,a mi thah thlarau ten an tibuai a nih dawn hi,Awlsam fe hian a ti liam puat a,Bawlpu chuan Thanliana mize ngaihsam leh pawlawh zet chu ngei hmel fe hian a mel zak zak a,Thanliana lah chuan a lo hmu lo der hmiah thung a.pasalṭha Zachhinga dara Fei bur ngur mai chu phawi tumin an inpuahchah ta a,Thanliana chuan a huphurh ve ngang mai,a thlantui chu a far ve zawih zawih mai a,pasalṭha lah chu a tluk a ṭang khan a la harh miah bawk si lo,a sarhu laia an phawi loh chuan a huphurh awm tawlh tawlh dawn bawk si a,beka thlantui far zawih zawih chung chuan Fei hmawr lam chu a han chelh a,Bawlpu chuan Thanliana thlan far kauh kauh chu a melh zak zak a."Pua,lehlam hawi rawh,ka chetna min dip tlat a nia,a han tih chuan,a ngaihna hre lo zet hian a en hau ringawt a."Lehlam hawi rawh ka tih chu mawle,tin awm hla deuh bawk la,a han ti leh ṭhat a,bawlpu chuan ngaihṭha lo fe hian leh lam chu hawiin ,Thanliana chevel hmu thei lo tur chuan a hnung chhawn ta a,a in her hman meuh lo,khum che lawih a hriat rual chuan"Rawn hawi rawh le,ka hman e,,ti ri chuan a tiphu zawk a,Thanliana lam a han hawi chuan fei chu a lo inphawi fel der tawh a,fei luhna hmuam hma chu a pawrh tuam mai a,a hmuhnawm fahran lo hle a ni,Ṭhensawk pah chuan fei luhna hmuamhmaah chuan damdawi a han hnawih zung zung a,tichuan ,a tuam leh ta a,chumi zan chuan hliam tuar chin chu mu hleithei an awm meuh lo,an mitthi te lah chu,Bawnzo pasalṭhaten an phumsak ringawt mai kha a ni a,Zarpui khua tlangval che thei awm hek lo le.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)