UNAU PHUBA LAKNA BY Tlantei Hnamte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: UNAU PHUBA LAKNA BY Tlantei Hnamte (Completed)

Unread post by Ngaia » November 23rd, 2020, 6:01 pm

UNAU PHUBA LAKNA

BUNG 31NA
Tlantei hnamte

Buanlung Lal nu thih thu chuan Buanlung khua mai ni lo,lusei khawtin mai chu a fanchhuak hneh hle a,mi tam takin an sun a,anṭah a ni,hmeichhe fing tak a ni a,Ralkawn lal Darchhuna lo chu leido nei lovin hun rei tak an lo khawsa tawh a,chutiang a nih avang chuan,mitin ngainat pawh a hlawh hle a ni,Chalthanga te unau chuan chutia a pi a thih tak thutah chuan ,an khua leh tuite chu awp lum a,mipuite tana rorel hna chu an thawh ṭan a lo ngai ve ta a,hun rei tak chhung chu ram hnuai pawh an hmu ta lo va,an ṭhiante pawh chuan an dinhmun chu hrethiam takin ramchhuah nikhuaah pawh an phut duh ta lo va,Romawia pawh an kiangah awmse tiin an han thlem ngial a,mahse a unaute bulah ,a u chuailovi bulah awmin ,an hmeithai ve nawk nawk a.Ṭawngthei lo mah nise,a taima a ,thlawhhma din nan kum a laklawh em avang chuan,mite lawm kualin,an eikhawp chu a hlawhchhuak ve zel a,a u chuailovi pawhin a hahdam phah ta viau mai a,Chalthangate unau chuan an hlamchhiah ngai lova,unau indang ang maiin an en a,chuvang chuan mi zah pawh an kai phah ta viau mai a;tin,Romawia hi tlangval hmelṭha leh pianthiam tak a ni a,a beng a chhet lova,a ṭawngtheih loh a leiah ,a fin em avang chuan,Buanlung tlangvalte leh rawlthar tamtakin an ngainaa,ṭhian pawh a ngah chak hle reng a ni.kum a lo vei leh meuh chuan Thankimi nau hrin pawh a hnai tawh hle mai a,nupa in kawp rem tak leh inzah thiam tak an nih avangin ,an hlim dun em em a ni,Zampuii erawhchu lal fanu a nih angin ,ramchhuak thei an nih tak lovah chuan hmeichhe hna engkim chu a zir chawp a ni deuh bera,a nihna ang ang a,neih duhin Ramliana chuan rim fo thin mahse,Zampuii dinhmun thlirin a mualpho mai hlauhthawn thu ah,in zir thiam hmasa phawt se tih chu Chalthanga ngaihdan a ni miauva,in nghah deuh rih chu an ti tlu ta a ni.

Nikhat chu Zawlzau khaw lal Hrângsama chuan palai tirin inremna sa ui tan chungchangah Buanlung khuaah chuan mi a tir leh ta a,mualkil ten an lo sawi lawk vek tawh avangin,Chalthanga chuan tha takin a lo chhang ve a,a mualkilte leh a pasalṭhate nena a hun leh ni sawi ho phawt ṭul a tih thu leh an chin ngaih vena,zankhat cham mai tura a ngen takah chuan ,Zawlzau palaite pawh chuan an lo remti ve ta mai a,tichuan chumi zan chuan ,remna sa uitan hun tur chu rel ho a ni ta a ni.Chumi zana an rorel chu Chalthanga lal a nih hnua thu puitling tak rela an ṭhutkhawm hmasak ber a ni hial awm e,remna sauitan ni a tan chuan chumi zan a tanga a kar hnihna chu an rel tlu ta a.

An remna sa uitan ni a lo thlen chuan an thahnem hle a,mipui chu an hlimin ,an au dur dur reng a,mikhualte pawhin ,Buanlung khaw inrelbawl dan leh in pawhna thuk zia an hmuh chuan ,anboruak chu a zang khaiin nuam pawh an ti ru ve hle a ni.Boruak zangkhai tak hnuaiah an tum te an hlen zawh chuan,an lo ruat lawk tawh angin chumi ni chu hlim takin an hmang ta a ni.

Hun leh ni pawhin vanduai fa a ni emaw,vannei fa a ni emaw thliar chuang hauh lovin a liam pui leh vuah vuah tawha,buhseng te a lo hun meuh chuan ,Romawia pawh mawngvawmba ang sekin mi lawm reng rengin a hman hlel a,a u chuailovin,thawkrim lutuk lo tura a han tih pawh chuan a rual elna avang leh ,a u Chalthangate puih ngai leh chhawmdawl ngaia awm reng chu a tum bik lova,mahni kea ding thei nih chu a tum ve ngar ngar a,kum a lo tawp meuh chuan a taimakna a zarah an kumkhat tla chu a thawkchhuak ve ta mai reng a.Mi pawisawi lo leh ngawi reng nafam chu,val upate ngainat leh chhawnchhaih a hlawh hle a,Zawlbuk a chuankai zan phei chuan an buan fiam nasa hle thin a,a rualpui nula ina la chuangkai ngam ve lemlote nen chuan an inbuan fiam laih laih ṭhin a ni,Ramlianate ṭhian zaho ramchhuah ilovah chuan,a hman a nihphawt chuan telloh a nei ngai em em hran lo,mi taima leh awm hle hle theilo mi a nih avang chuan,Ramlianaten,lovah kep an tum thu an sawi chuan,awlbik nih a lo tum bik awzawng lo mai a,a uteho karah chuan a tel ve leh ta nge nge a ni.

Nikhat chu Zampuii chuan Romawia chu, kan tei chhuak khat tawh emai,kan pahnihin ram lamah inzui chhuak ve leh reng reng teh ang",tiin a zuk sawm a,Romawia chuan ,phur fe hian insiam mawlh mawlha,Zampuii nen hian an vak chhuak dun khat tawh em lah taka,Buanlung an luh ni aṭang khan anla inzui leh ta miah lova,kum hialin a vei hnan ta bawk nen ,an han inzui leh tur chu an phur dun hle reng a ni.Tunah chuan Romawia taksa pawh a inphut mawi ve tawh hle a,a bawp sei thlerh thlawrh leh dar pharh hlai hlap mai te,a lu um mawi fahran leh a sam bu tha ang reng tak a tukkhuma a han zial kawh ngauh mai chu mi pangai nisi se iai lo tak a chimbuaitu nula pawh hmu zut tur hi a ni ve reng a,a ṭawng lohna hian ,tlemin hmeichhe lam rilru a tihnual deuh ni hian a lang a,a mah lah chuan a nihna hriain hmeichhe lam a hawi ngai der bawk si lo va,chumi ni a u Zampuii nena an ram chhuak chu,Zampuii hmela nuihzat ruk na leh a ṭawngkam meinei tak tak a vang chuan Romawia chu a che lai thei hle a,chu tak chu Zampui lawm zawng tak a lo ni bawk nen,Zampuii chuan,"ka nau ,nupui hmelṭha deuh i neih ngei dawninka hre tlat,kan khaw tleirawl hmelṭha Thanparin thu min chah tlat mai,lengah a sawm tawh che a ni maw?vawi tam tak a sawm tawh che a,mahse i ngaihsak miah lo niin a sawi a,i hnenah sawi sak tur chein min chah a ni"a han tih phei chuan,Romawia zak lutuk chu a sen ap ap a,"U,tumah ka nei theih loh hi,"tiin a lei tlir ngai lo chinah chuan a chhang ve bauh bauhva,Zampuii chuan,"Lal fapa i nih hi,ka naute ,i hmelṭhaa,i pian a nalh a,i huaisen a,i taima bawk a,ka nau ni awm reng pawh i ni,i indang mai mai a nih hi,nupui i neih hunah chuan ka u in ropui takin a lawm ngei ang,"tiin a lo chhang thuai a.Romawia chu a nui ve ta var var a.Sava emaw ,sa lak lam pawh ngaihtuah lem lo chuan,an tih ṭhin fo anginralbeih lam bawk chu an bei ṭan leh ta,changel in chhawk siak te ,thal kah leh fei khawh te an intihsiak reng bawk a,chumi ni leng chuan taksa pem pheng phung khawp chuan an che leh ta a.

Tlai an han hawn chu ,Thanpari khawi ilo kal nen chuan an in tawk ta thut mai a,Romawia chuan en pawh en lova ,ngawirenga kal pelh mai a han tum a mahse,Thanpari chuan a kawng dalin a hma takah chuan a dinchilh ta ran a,"Mawite,vawi tam tak kan ina lo leng turin ka rawn chah ṭhin a,engati nge i lo kal loh,minngaina ve miah lo a mi a?"tiin pangchang aw tak hian a han zawt a,nisain Thanpari a emna sen taitak mai chu a han en vang vang a,"Nupui nei thei ka nih loh hi,khawi maw,ka kal dawn"tih paha kalsawn mai a han tum a,min ngaina em sawi phawt la,?"tiin ngenngawl tak chuan a zawt leh sap a,Romawia thil sawitam thei bawk si lo chuan,"Ai"tiin a chhang ta ngawt mai a,chu veleh ,Thanpari chuan Romawia chu ṭahchhuak insum tih hriat zet hian a melh vawng vawng a,hnung tawlh hret hretin ,a tlan haw ta vang vang a.Romawia in thiam lo leh pawi ti lutuk chuan,Thani a han ti sap a,mahse ,Thanpari chuan a hre phak tawh lo,nguai fe chuan in lam chu a pan ta hnak hnak a.in a thlen chuan a u chuan,"Mawite ,i damlo vem ni,i nun a va han nguai em em ve?tiin a lo chhawn thuai a,Romawia erawh chuan ,luthingin ,ngawi reng chuan leihkapui lam chu a pan ta daih a.a u chuailovi mangang lutuk chuan Zampuiite in lam chu a pan ta thuai a,Zampuii hnena Romawia awmdan a han sawi chuan,Thanparin a duh zia leh ,duh ang taka a ṭawng theih loh a vang a Romawian a hnar tak thu leh ,a duh em em chunga hnar a nih dan te chu a lo hrilh ve ta vek a.In a zuk thlen chuan,a u chuan"Mawite,tlangval i ni a,hmeichhia avangin in dawm kun mai mai loh tur,an hmusit mai ang che,i dinhmunin zir lo mahse,tlangval chhuanawm leh duhawm tak i ni a,hmeichhe dang pawhin an la ngaizawng dawn chauh che a,fimkhur hle ang che,hmeichhia avanga i tawrh hi ka phal hauh lo a nia"tiin a fuih ta malh malh a,thinrim thar leh niawm tak hian a in sehruh ṭeuh mai a,Phunchawng lal fanu kha phuba lak nana neih a,a rethei ang bera siam a duh ta rum rum mai a,ngaih zawn dera,tih nat let ve chu a tum ta ran mai a,chu mitmenga huatna lo lang chu Chuailovi chuan a hmuhhmaih hauh lo,"Taite ,a tawk ta viau ve,phuba chu vawi tam tak la mahla,ngai i awh phah tawh chuang dawn lova,i hlim phah hek lo vang ,i mitmenga nunrawnna lo lang chhuak ṭhin hi paihbo daih teh ,i phu tawk chu i la nei em em ang,lungngai reng reng suh tiin ,thlamuan pah chuan a zilh ta malh malh a.Zanlamah chuan Zampuiin a ko ta a,zawlbukah pawh hun hmang lovin ,a u Zampuii nen an inkawm ta zawk a.thil tam tak ansawi a,leng hawn ar a khuan chiah chiah hnu chuan ,Romawia pawh zawlbuk lam panin a kal ve leh ta hnak hnak a.

Ṭhal lai a ni a,khua a rovin ,tuihna pawh a kang nual mai,Buanlung khuain an tui tlan erawh chu an vanneia,ṭhalah pawh tuihna kang ve ngai lova,Lusei khaw ṭhenkhat te erawh chu an tuitlan that loh avangin khawthar satin an awmhmun an sawn fo ṭhin a,Buanlung khua erawh chuan,khua an din ata tawh tun thleng hian awmhmun an la sawn ve hauh lo a ni.zankhat chu thla bial ber zan nia an hriat chu ,zandanga thlabial zan a nawm theih ṭhin teh lul nen ,hemi zan hi chuan boruak a uap churh mai a,thim hian thla chu a bawh deuh avangin zan dang ang pawhin thla en dan chu a ṭha lo riau mai a,chutih lai chuan ,Buanlung khaw ram ,an khaw ep ngawpui ah chuan meichher de chhuah chuah leh kuk thawm ni awm tak takte chu an hmu hlawm a,chu meichher chu ngawah chuan a thlawk liama ,a dangin an thlak zel ang hian an kam thei meuh lo,chutih lai chuan,Thankimi pawhin nau a vei ve ṭan mek bawk a,khaw chhung boruak uap churh avang chuan ,Chalthanga ngaih chu aṭha lo riau mai a,Mualkil upa Hrangkhupa chuan,"E khai ,lalpa hlauthawng mah ta che,mihrang pian zan a ni ngai,kan lalnu erawh chuan nau a har hle dawn a nih hi,kan nau piang tur chuan ,a pa leh a ni a chhun a nih ngat chuan ,a tawrhhlelh awm viauvin ka ring,Nauchhartu pawh a damchhungin a chapo thei hial ang chu,mihrang lo piang chhartu nih hi thil awl ai a ni hauh lo a nia,"tiin ,a ni kum lam pal liam tawh tak chuan a han ti charh charh a,Thankimi nau vei thlan tla phung a,a han tawm leh chal chal ṭhin chu Chalthanga chuan a lainat hle a,mipa tan zawng han tih vak ngaihna awm chuang hek lo,a tuilum chhuan so barh barh tawh chu ,mei chuan a ur so vut vut reng a,Thankimi lah chu a rum leh dar dar thin a,"Awi ka nu,a na emai ,"tiin khum tlang bawh in a han rum dat dat a,zanriah ei laia vei ṭan ni mahse,a na sawt lo hle a,Thankimi phei chu a beidawng rum rum hial tawh a,Nau chhartu pi Zathluaii chuan ,chhel taka tuar fan fan turin a lo hnem malh malh bawk a,leng hawn ar a khuan tawh pawh chuan nau chu a la hla hle a.Zampuii pawh a awm hle hle thei tawh lo,pawnah a dak chhuak reng a,a han hui leh pap ṭhin,a khat tawkin nau chhartu chu chanchin a zawt reng bawk a,khaw var dawn hnaihah chuan harsa fein Thankimi chuan fapa duhawm tak neiin, a hmingah chuan,Ka pute hming chawiin Thangpuia ni teh se,tiin a fapa hming chu a sa ta a,rinai takin Thankimi pawh a harh ṭha viau mai a,chutia fapa a han hring ta mai chu a hlimin ,a pasal lakah pawh a inthlahrung lutuk ta lo va,fanau chungchangah kher kher hi chuan ,Chalthanga hian duh a thlang ngai hauh lova,khua nun kan tana a ruat apiang hi hmangaih takinkan enkawl zel mai tur a ni,a ti dam thlap thei zel a,fapa a nei ta erawh chu ,a hmel hlim sang reng avang chuan a lawm ve hle tih erawh chu hmuh hmaih theih a ni hauh lo a ni.

Romawia pawh tunah chuan tlangval tak tak a ni ve ta,Thanpari nen chuan inhmu zauh zauh ṭhin mahse,an inbe ngai meuh lo,Zankhat chu ,an valupa chuan,"khai zanin chu nula inah ka lenpui ve reng reng teh ang che,nula te hi kawm ve zauh zauh tur a ni ngai e,titeh i kal teh ang"a han tihchuan ,hreh hle mahse aia ute thu chu hnial ngam bik hek lo,hreh chung chung chuan an val upa ,Zokhuma chu a zui ve ta hnak hnak a,an len tumna sum hmun an thlen chuan,fiamthu deuh hian,parteii hian an ina lenluhte hi a phal mial em aw,mi rualpawl lo pahnihin in inchhung kan han lut ve tur chu,midang tan hnawksak kan nih loh hram kan beisei,"a ti vei duah a,Thanpari chuan Val upa Zokhuma melh zawk pak chuan,"U khuma te duah ṭhin hi a,a to ber chei hian min chei a,engmah kan nih loh hi,"tih pah chuan val upa hnunga ding chu tunge a nih hriattumin a han thlek ru zauh va,a thim em avang chuan tunge a nih erawh a hre mai lova,lo lut ta che u,keini in angahte in len duh phawtte chuan,rawn lengmawlh teh u"tih paha ṭhutna a han pe tur chuan ,Romawia hmel a hmuh chuan a tim deuh dat a,a mitmeng fiah kel kawla melh pah chuan,i lo leng ve duh ta nge nge maw?tih melh tak hian a melh a,Romawia erawhchuan en rei duh lovin,Thanpari la kaih lai chu a la a,a hlum ta daih a.Val upa Zokhuma chuan fiamthu hian"Mawitea chu,thaibawih nun i zir ṭan der a ni maw,la hlum leh a hnawk han then velpawh i thiam hle a nih dawn kha,"A tih lai chuan,tlangval dangte chu Thanparite inah chuan an chuangkai ve ta hlawm a,an ti ti kal phung vel a ṭang chuan Romawia chuan len ve reng chu chak hle mahse,nuam a tih chiah loh a vang chuan,Val upa Zokhuma ke zungpuia rah sawk pah chuan chhuah a rawt zui ta a.

Thanparite in atanga an chhuah hnu lawk chuan,an in leng zinga aThanpari ngai zawngtu ,Mualkil upa zinga mi,Darruma fapa Chalngura chuan,Pari hi chu i fel mang e,kha tiang ṭawngthei lo leh mi kawl luttuk te i han kawm peih zel mai a nia,a fak hi chu i fak awm teh e,Romawia hmusit zet chuan a ti ta phawng mai a,Thanpari chuan,"Romawia hi Misual kut tuara a lei tan sak a ni a,mi pangai a ni,tin,U chalngur ,tuna i ṭawngkam kha kan lalpa khian a hria a nih vaih chuan a khaihlum duh hial ang che,U Zampuii pawh khian a duat khawp mai,khatiang ṭawngkam kha hmang nawn leh tawh suh ang che"i tan a pawi thei a nia"tiin a khak ta fawk mai a,a hmelah pawh chuan a rilru a na a ni tih a hmuh theih hial a ni.Chalngura chuan"I va ṭan ve mawle,a nihna a nih chu ka sawi"a tih mek lai chuan,Thanpari chuan"A tawk viau ve,i hmusit em ema hi maw,nang aiin a fing a,a huaisen bawk,"tia a chhan leh takah chuan,pakhat te tein chhuak ru zeuh zeuhva,a tawpah zawng Chalngura chu a mahin an hnutchiah ta der mai a,chu mi zan tluka Chalnguran tlawm a in tih chu a la awm awm love,ngawi rengin a ṭhiante hnungah chuan a haw ve ta hnuang hnuang a.Romawia leh val upa chu zan rei lam a ni tawh bawk nen tui tak mai hian an muhil bawrh bawrh a,an ṭhiante thawm pawh an hre meuh lo,Chalngura mu turin a ṭhiante a chhal thawm erawh chu an hre ru kar thunga,a ṭhian ten "Min tizak em a ni,khatiang thu kha nula bula sawi mi pawh va ni suh,i haw viau a nih pawhin a nihna hmanga hmusit zui kher kha a ṭul lem lo,a dinhmun chu khaw mite hian hre lo tumah kan awm lo,nang pawhin i hria,lainata chhawmdawl tur zawk i nih hi"tiin an khak liam liam thawm pawh chu an hrechiang hle a ni.zinga an thawh chuan Buanlung khaw laili taka an lung dawhah chuan Chalngura chu hmel ngui tak hian a lo ṭhu bur mai a,Romawia leh Valupa chuaan be lemlo chuan an pel mai a,Val upa leh Romawian lalin an pan a hmuh chuan,Chalngura rilru chu hlauhthawnnain a khat nghal thuai a,lalin a ṭawngkam a hriat hunah chuan a nuamsa dawn lo tih pawh a hrechiang em em a ni.Ngawi renga an in lam a pan hnu chuan ,a insiam sawk sawk a,silai leh chempui akin ram lam a pan ta vuah vuah a.

Romawia leh Valupa kha engdang vang mah ni lovin,naute thar en tura lalina kal mai kha an ni a,misual chu um lohvin an tlanchhia tih zawng zawng a nei zo ta ni berin a lang,thawm riva awm ta lo chu ṭi zet hian khuaah chuan a lut leh ta nge nge a,a zan lehah chuan ,Val upa chuan ,Romawia chu Thanparite inah chuan lenpui leh ngial a han tum a,Romawian a hnial tlat avang chuan Zawlbuk mei kil pah chuan mut hun thlengin,pasalṭhate leh val upa kam thiam deuh te titi chu an ngaithla ta zawk a,Romawia hi ṭawngthei lo tawp a ni lova,a lei a tawi avangin lei tlir lam hi a sawi thei lo a ni mai a,a bak chu a sawi ve tho va,ṭawng tam lovah a tlak mai chauh a ni,a uteho bulah chuan ,a duh zawng chu a sawi ve bawrh bawrh ṭhina,mina zawng bulah erawh chuan ṭawng thei lo ang maiin a khawsa leh mai ṭhin a ni.

Ṭo haw hun ṭantirh lai a ni a,zan khat chu hmeithai pi tar chu Romawiate inah chuan tlan lutin,a fapa,Lianhnuna chu nimin a ramkal a la hawn loh thu a sawi bawrh bawrh a,"nizan thli a tleh nasa si a ,ka ngaihtuah em mai"tiin a hmai a hup a,a hmel zur ṭiak tawh ,mangan luat tuk avanga hil deuh bal chu ,Romawia chuan a lai nat hle a,Chuailovi chuan,ka pi,lal hnenah i sawi mai lo a nih chu maw le"a lo ti vat a.hmeithai pitar pi Chalmawii chuan ,"mi han tihbuai vak kha ka hreh deuh va,zingah a lo la hawn loh cheu chuan Mawitea ka hrilh tawh mai ang 'ka ti mai mai a,a in hliam a nih ka ring ta hial mai"a ti niah niah a.chutih chhung zawng chuan Romawia chu a insiam mawlh mawlh a,chaw tlem a bar leh hnu chuan ,tlem a han bawk leh a,a u hnena chuan ,Chalthanga lo hrilh vat tura a chah hnu chuan,khawi lam nge a pan awm ,tih thleng chuan an in zawt hmasa leh te te a,tichuan Romawia chu ,an ṭhenawm Rawlthar Lianhnuna zawng tur chuan a chhuak zui ta a.Chuailovi pawh rang taka tlanchhuakin lal in lam chu a pan thuai a,Chalthanga hnenah thil awmzia a han sawi chuan,Chalthanga chuan hmanhmawh a ngai tih hriain ,a insiam ta chuk chuka,mahse,Thanliana chuan ,nang chu lo awm rawh ,kan nauva chu kan hmu em em ang "a tih tlat avang chuan ,lungdam lo zetin a ṭhu ve leh ta thuai a,kal tur chin an thlen kim meuh chuan chawhnu her a ni leh duai tawh a,puan leh chawfun nen an liam ta diak hlawm a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:02 pm

UNAU PHUBA LAKNA

BUNG 32 NA
Tlantei hnamte

Lianhnuna zawng tura Romawia chhuak ta chu a hman hmawh kher mai a,naupang ngawichawi leh inthlahrung tak a nih ṭhinvei nen ,a nu thu lovin khawimah thleng ngai lo a ni a,tunṭum a chhuak pawh hi thingtuai pu tur chauh va chhuak a ni a,a nu hnenah sava a veh khawtlai tur thu a hrilh a,dai hnai mai a nih avangin a nu pawhin a lo remti ve mai kha a ni a,eng thil nge a tawn a,eng vanduaina nge a chungah thleng ta lah chu hriat a la ni bawk si lo,hmeithai an ni a,a nu innghahna ber a nih avangin,dama an hmu lo a nih vaih chuan,a nu thinlung nat dan tur chu a hriatthiam sak hle a,daihnai ,naupang ho sava vehna thin nia a hriat chin chu uluk takin a vel chhuak vek a,chuti chung pawh chuan Lian hnuna hmel awm ang reng reng hmuh tur a awm chuang lo,a han ngawi deuh vang vang a,a uluk fe hian hnuhma awm ang chu a melkual pah zel bawk a,beidawn nan tiin vawi khat a han hel kual leh a,chutah chuan a thingtuai sahsa,a hmawr leh lam ṭawn ,leh lam la ṭawn loh hrui in vuah sa vek chu a hmu ta a,tha tho sawt ni awm hian a virnghal ruai ruai a,thingtuai a hmuh na sir lawkah chuan chem pui a lo let bal bawk a,chem awmna zawn thlaa hnim pe thla sul ahmuh chuan,chak fe mai hian hnuhma a hmuhna zawn thlaah chuan a tawlhthlah ta hrawihhrawih a.thisen thar lam tak mai hnim vela lo kai liai a hmuh chuan ahan khawih zauhva,mahse a thisen thar lam tak a nih loh a vang chuan nimin lam hnuhma tih ahre thei ta a,kawr ruam azuk pawh thlak chiah chuan ,hnim khatdeuhna lai ah chuan patling hniak tih hriat tak mai lo pherh deih nuaih a hmuh chuan ,thinrim zet hian a kut chu a han hum ruhleh sauh va,thisen chu a far zauh zauh reng bawk a.kawr a ṭanga,pen za dawn lai a kal hnu chuan,"Mawite ,ding rawh ,kal tawh suh "tia a hnung lam atang a,Dampuia rawn au vau vau a hriat chuan a ding chawt a,hnunglam hawi tuma a inher chiah chu,silai arawn puak zui thawr a,akhabe a thawi nghalthuak bawk a,rang taka leiah bawk phek nghal thuaiin kawrteah chuan avak lut ta thuai a.chutih lai chuan ,a chhak lam atang chuan thawm dimtaka a lam rawn pan mektu chuan,zawite hian,"Mawite ,thawm chhuah hrih suh ,kan hma lawkah khuan hmelmate chu an awm a,Lianhnuna kha min bum chhuahna hmanrua atan an hmang mai anih kha,pawng basa ngam chi a ni lo,i thi lo chauh a nih kha,fimkhur taka kan chet loh chuan,Hnuna nunna atan a hlauhawm thei dawn tlat"a tih tak sapah chuan,zawimuangin kawrte kam hrulah chuan a chhuk thla ta a.Dampuia pawh chuan a zui thla ve nghal thuai a,an chhuk thla pah zel a,mei chhemna hnuhma kalsan hlim an hmuh chuan,Lianhnuna pawh chu an la hruai tel zel a ni maw,ti rilru pah nauh nauh chung chuan,zaizir hian,Romawia chuan ,ka leh khalh ang a,nangin an hnu umin mi rawn zui dawn nia ,tiin a han hrilh a,Dampuia pawh chu a lo bu ve nghat nghat a,"Fimkhur ang che mawite,i uin a ngaihtuah lutuk che a nia,nang hi ka venghim lo che a nih chuan,i u Chalthanga ṭhian ka ni tawh lo vang,a han ti zui sap a,Romawia chu hawiletin a nui var var a,Dampuia dara ben sak thak tak pah chuan a bu nghat nghat a,tlang dung zawh chuan a tlan ta ngar ngar a,ruama mihring kal phe zauh zauh a hmuh chuan a la lehkhalh lo fo tih a hre thei a,tichuan ,chung a hnuai ruama hman hmawha kal phe hlawk hlawk te lehkhalh hman ngei tum chuan a tlan duk leh ta zar zar a.

Thui fe a tlan hnu chuan a hnuai lam ruam chu a han thlir thla leh vang vang a,ruam a chhuk thlak chhungin an rawn nang leh hman tho dawn tih hriain chak theih tawpin a tlan leh ta ngar ngar a,tunah chuan a duh tawkin a lo chang hman reng tawh tih a in hria a,ruam lam pan chuan a tlan thla leh ta bawrh bawrh a,eng nge a sut a ,engin nge lo tai tih lam a ngaihtuah lo,leh khalh hman chu a tum ruh hle ringawt mai a ni.Dampuia pawhin,an zawna um tawh lovin Romawia tlan lohna lam veilam tlang dungah a um ve ngar ngar bawk a ,hmelma lam chu mi sawm thum vel zet ni mahse,Romawia leh Dampuia chuan hlauhna leh zamna chhete mah annei chuang lo,an hnung lamah chuan,Ramliana leh Zampuiite ,Thanlianliana te hovin an rawn um ve bawk a,Lianhnuna chu a chau tawh hle a,mahse a tlan duh lo a nih chuan a tan thih ni mai dawn si a,hah leh chau chung chung chuan a tlan zawi ve hnak hnak a,Romawia tawmna pen sawmnga velin an la thleng lo tih ah chuan,Thalfang panga zet chuan hmelma chu a rawn deng ta ,an zinga panga lai mai an tluk takah chuan Lianhnuna chhawmtu ber chuan ,Vin zet hian ,"Tlan chak rawh ,min umpha lo a nih chuan that ang che,"a tih rual chuan a hma zawn pen sawmhnih vel lek a ṭang chuan thal fangin a hrawk tak maiah a verh ta sawr mai le,Chutih rual chuan,Lianhnua thain a tlin ta lo,leiah a bawk zawi nghal hnawk a,a khawhmuh a tawi a,a lu a hai mup mup bawk a,a hnunga tlan mekin a hrawk tuar tuar pawh chu a hre zui thei ta lo va.Romawian ,Lianhnuna an hrawk thawm a hriat chuan ,a hnaih phei hret hret a,mahse ,a hma zawna Zampuii rawn duk phei zur zur a hmuh chuana tum chu ṭhulhin ,Zampuii chu a veng ta zawk a.Romawia awmna ep a tang chuan thalfang chu a rawn thlawk leh fur fur a,hmelma lam Lianhnuna man tute chu an eu awrh awrh reng bawk a.hmuntin atang chuan thalfang chu a thlawk fur fur bawk a,Lianhnuna veng ran chung chuan lungpui phen chuan a ding dat a,thalfang a han lai tak chuan ,Lianhnuna bul chu a thleng phei thei ta hram a.Thal leh silai mu leng vel karah Romawia chuan Lianhnuna chu a tawmna lam pan chuan a paw phei thuai a,naupang mai a ni a,hlauh nen ,a hliam lal chu nasa tehchiam lo mahse,naupang tawrhah chuan a lutuk ve bawk a,a thlabar bawk nen,a khawngaihthlak awm reuhhle a.a tawm na hmun a thleng ṭep tawh a,pen nga vel chauh a awm tawh tihah chuan ,silai a puak leh ta chutih rual chuan,Romawia chu a ṭhingṭhi nghal hnawk bawk a,silai a puah rual rual chuan,mipa puitling tawh natuar rum hawk ri chu Romawia chuan a hre zawm nghal zat bawk a,zawimuanga tho chhuakin an tawmna hmun chu a thleng thei ta hram a.a malte ,a khup tleng lo chiaha silai mu luhna aṭang chuan thisen a chhuak nghal nguai nguai a,a puanven hmawr lam chu a chem pui chuan a han zai thla a,tichuan a hliam chu a tuam ta a.

Silai rik ruala Romawia ṭhingṭhi hnawk a hmuh chuan Zampuii thinrimna leh hlauhthawnnaa khat chuan,hmun leh hmunah a thalchu thlahin dimna tel hauh lo chuan a chem pui sei zel chu phawrhin a han vai zui pawp mai a,Dampuia pawh chuan Romawia thingthi rawp chu a tawmna hmun a ṭang chuan a lo hmu ve reng tho mai a,mahse,a awmna chu Romawiate awmna aṭang chuan a hlat tham deuh avangin atan chet hman ngaihna a awm rihtlat lo a ni,Zampuii chu Romawia awmna lamah chuan a tlan lut thuai a,thei leh thei lova ,ding hram hram Romawia chuan ,ama rawn pan mektu Pasalṭha chal ve tawh angreng tak chu a lo hmachhawn hram hram a,ding char thei tawh hek lo,bai deuh saih saih chung chuan,Lianhnuna melh run chunga a lam rawn pan mektu chu ,hlah tum hauh lo chuan in ring zetin a lo hmachhawn ta ran mai a,chupain Romawia bul pen nga velin a la thleng lo tihah chuan,lungpui phen aṭang chuan Zampuii chu a dawk chhuak nghal zawk a,Romawi leh Lianhnuna thah ngei tuma pan mektu pasalṭha pawh chu a phu deuh zuk nghe nghe a,zei fea a hriamhrei chelek mek tu nula chu hmuh thiang lo hmu ang mai chuan a meng phawk hru bawk a ,chu nula piannalh leh hmelṭha fahran mai ,in thuam dan dangdai tak bawk si chu,a melh ngawih ngawih a,Zampuii chuan,"Hmuhthiang lo hmu ang mai a,khatia i hawi tak hu hu mai le,ka naute pahnih kut thlak tu apiang chu pialralah ka thawn liam zung zung mai ṭhin,tumah thah lovin ka chhuah ngai lo,tih hi hre bawk ang che,tih pah chuana fei chu zei fe hian ,ahan lek kawh zauh zauh mai a,chupa chu harh chuak ta thut ni awm tak hian,"I hmela mawi lova i chet reuh chu le,kut ka thlak lovang che ka ti rilru hman tawhna a,i vaupung a na reuh phian mai ,hmeichhe satliah hlau tur em chuan ka nep lo a nia ,hmeichhia kutthlak tu nih hi ka thil hreh ber ni mahse,ka hmeichhe thah hmasak ber leh kutthlak hmasak ber i ni dawn ta a nih hi"a ti bul deuh hmuk hmuk a,chutia ,Zampuii nen an inveh mek lai chuan ,"Pua duhtawk rawh ,i ṭhiante an thi zo ta,nangpawh i in pe lo a nih chuan i thih ve mai a ngai dawn a ni,kan lal Chalthanga hnenah kan hruai dawn che a,ṭul lo taka ṭan i khawh lui a nih vaih chuan,i lu kha i chana ni mai,ṭha te te khan awm la,i him zawk ang,"Chu thu a vang chuan Zampuii chu a han chawl deuh det a,chulai tak chu ,chu pasalṭha chuan hmu fuhin Zampuii chu a bawh ta thut mai a,Zampuii erawh chu a lo thle hman hram a,navak lo chuan a banpuamah chuan a han tai sak a.chupa insiam rem leh tur chiah chu,Ramliana chuan a zuan ta thut a,leihah chuan an lum dun nghal tawp tawp a,midangte pawh chuan Ramliana chu pui ve nghal thuaiin,an phuar hlawm ta a ni.chupa lah chu a chak phian mai a,a huhang pawh a na hle reng a ni,hlangte siamin,Lianhnuna leh Romawia chu an zawn haw ta a,an mi man pa lah chu a inhrosa kuk kuk reng a,Dampuia ning lutuk chuan,"Pua ,in hrosa kuk kuk lo khan ngawi mai mai rawh,khua kan thlen hunah i hmachhawn chak ber i hmachhawn dawn nia"tiin chu pa chu ngawi tur chuan a lo ti ve sek bawk a,Ramliana chuan,"Aduh tawkin lo in hrosa mawlh teh se,a lu kan lak hunah a ngawi hmak tawh dawn a,a hun hnuhnung a am ve a nih hi"a han tih phei chuan ,ṭawngkam chhe tak takina au dum dum tawh mai a,Hmingliana thinin a tuar ta lo,a hmuiah chuan a kuttum hrawl zet chuan a chumchilh ta bur mai a,chu pa thinrim lutuk chu a sapatal ta chiam mai a.mahse an phuar ngheh em avang chuan a talchhuak mai thei bik lo."Nauva ,nang mah nen ngei hian kan inhma chhawn ang,"tihpah chuan a meng sen rum bawk a.

Chalthanga chuan a ṭhiante leh an khaw pasalthate mai bakah tlangval sawmhnih vel thlangchhuakin a tir liam ta kha a ni a,a rin aiin an let leh har ta daih mai chu a ngaih a ṭha tawh lo hle a,a mah a lo kal ta mai mai lo kha pawi a ti em em tawh mai a,an va chesual ta mai em ni ang ?tumah lah chu Zualko emaw,chinchang hriatrir tur pawhin an la lang der lo maibawk si a,a rilru nuam lo lutuk chu a han insiam lawk vei thul a,Mualkilte chuan"Lalpa ,nang meuh chu kal lo ve,i hmanhmawh lutuk deuh a ni,i thiante leh kan pasalṭhate hi an namai lo tih i hriat kha,nungdamin an lo haw em em ang,an inum thui deuh pawh a ni mai thei a sin,ṭhu ve mai mai teh'tiin an hnema ,an han hau leh thul,khua a thim tawh a,tu hmel mah a lo lang lo,lenglenar a khuan chiah chiah tawh pawh chuan thawm reng reng an la hre ta chuang lo va,Lal thuchhuak angin,ZawlbukahTlangval Zawlbuk kai chin tawh phawt chu in ringrenga thutkhawm tur tih chu tlangau a au tir ta ringawt mai ,thu awih takintlangval rualte chuan nula inlam pan lovinzawlbuk anmawi ṭhap mai a ni.leng hawn ar a khuang ṭan ta,Chalthanga mangang lutuk chuan,Chuailovite in chu a pan ta ngawt mai a,Chuailovi mangang lal in pan tur nen chuan an in tawk ta hlawl mai a,lal in lampan chuan an inzui chho leh ta hnak hnak a,Chuailovi chuan ,Lianhnuna nu mangan zia mawlh mai chu a lo sawi sek bawk nen ,a ṭhu mai mai thei tawh lo,Thankimi chuan,"Ka u thil rawn sawi chu aw,aṭhut hle hle theih tawh loh sa teh lul nen,i zual kai vek a lawm,ṭhuteh,Taitea pa,hmuh i nuam lo emai"tiin Chalthanga chu a han khak leh rih a,Chuailovi pawh chuan"E a ni maw,a ni dawn tak e,ka thiam loh a ni,"a tih mek lai chuan,kawtchhuah lama meichher de chuah chuah chu a hmu zui nghal zat a,"Ngawi teh u,Saw an lo thleng a lawm,"tih leh tlanchhuah mai a han tuma,Chalthanga chuan,"Kal ve suh keimah ka kal dawn,Thani lo awmpui rawh "tih nghut pah chuan a chhuak zui ta nal nal a.A ngaihna hre lo zet chuan Chalthanga chhuak ta chu a thlir zui vang vang a,nuih hak hak pah hian Thankimi chuan,"Ka u,ka pasal hian ,Mawitea tluka ngaihtuah hi a nei tlem asin,a rilru zawng zawngin a ngaihtuah a ni,a thisen zawm a nilo tih hi a awihawm loh zawk hial a ni,Zampuii tan lah a nau neihchhun ngawih ngawih ang a ni a,nangni nufa hi a ngaihtuah tel lo thei bawk si lo che u a,thinrim pawhin khua hi chhuahsan tum mah ula,a hruaikir leh thovang che u,a fahrah pui in ni tlat a,a tan hianin hlu teh a sin,a bikin Mawitea ngat phei chu,tunṭuma an hmelma va um tur pawh kha,Mawitea venghim hram turin a ngen mawlh mawlh reng a,chuvanga Zampuii pawh in rawlh leh a ni"a han tih chuan,Chuailovi mitah chuan mittui a tling pam mai a.lung chhe hmel tak hian,"Kan vanduaina hian ,min suih khawm a nih ber hi,Darlungah ka nuṭa pawh mamawh miah lovin ,mite zah kai khawpin min ngaihven a,kan tan hian a va ṭha teh lul em!a ti vawng vawng a.chutih lai chuan,mual lama thawm ring tak avang chuan,Chuailovi chu kawngkaah chuan a chhuak zui ve ta a.pawn a va chhuah chuan,hlangah mipahnih an zawn leh ,Bawlpu inlam an pan mek chu a zuk hmu a,a han hawi vel a,Romawia hmel reng reng a hmu lo,Hmanhmawh fe hian mualah chuan a tlan thla thuai a,khawia nge ka nau hi a awm?"a ti ta chul a,Zampuii chuan,lo man betin,"Ka u,ngaihtuahawm a ni love,a malpuiah an kap hliama,a mah pawh a harh ṭha e,"a lo ti vat a,chutih lai chuan Lianhnuna nu pawh ṭah chhuak hmel tak hian hmanhmawh zetin a tlan dawr dawr bawk a,Zampuii chuan ,a lo dawngsawng thuaia,"Nu ngur,dawhthei takin lo nghak hram rawh,a harh vat ang,hliam na lutuk a nei lova,a ṭha a nia,ngaihtuah suh ,zanin pawh i bulah a riak thei ang,"a lo ti sawk sawk a,Pi Thannguri hmel pawh chu ,chawp leh chilhin a hahdam hmel ta hle a,a ṭap nasa tawh hle tih chu a mit buai lak avang chuan a hriat thei a,Chuailovi chu a bulah a ṭhu hnai a,a thlamuan mawlh mawlh a,a mah pawh chu a rilru a buai ve hle tho naa,Pi Thannguri chu a ngaihtuah ve leh chhawng lo thei lo a ni.

An mihliamte ngaihtuah awm lutuk a nih loh avang chuan Chalthanga chuan,Romawia sama chul thuak pah chuan,i nat vak loh kha,mipa i ni a,i hliam avang khan mittui far khat pawh i seng tur a ni lo"tih pah chuan Lianhnuna mutna lam chu a pan leh thuai a,a samah bawk chuan a tuaisak leh puat a,"Chhel takin aw,mipa chu mipa tak zelin le"tih pah chuan a chhuahsan zui ta a.an mi man lam chu panin,dimlo zet hian chupa an thlunna chu a han phih sawk a,in chhungah chuan a hnuk lut ta nawk nawk a,Ramliana leh Zampuii,Dampuia leh Hminglianate baka Pasakṭhate leh mualkilte chuan an zuilut diah diah bawk a,banlaiah chuan thlungin,Chalthanga chuan nelawm fahran lo hian a melh khai mai a,"Nanghi eng khua nge i nih ?tiin,Chang khel khawk tak hian a han zawt a.chupa chuan zam hauh lo hian Chalthanga chu a melh let khui bawk a.Chalthanga chuan,a hma ai maha nelawm lo zawk chuan a han zawt nawn leh sak a,chuti chung pawh chuan a la chhang duhta chuang lova,Rapa an tul thir,zum ṭha zet chu,a han rawh ling vam huam mai a,Chalthanga chuan ,Zawhna ngai bawk chu a zawt nawn leh sak a ,a la chhan duh loh lm cheu avang chuan,a tulthir rawh ,ling huam mai chuan a beng chu a verhsak ta hmiah mai a,a na ti lutuk chu a ṭhen tlawk tlawk mai a,a thlan tuite chuan a bual huh zui mai bawk a,nimahsela,chuti chung pawh chuan ,a ka chu a la âng duh chuang reng reng lova,a thir rawh bawk chu la chhuak lehin,a beng lehlamverh nan bawk chuan a hmang leh ta a.athlantuite chuan bual huh zui tawh mahse,Hmunmawi khaw lalpa thutiam leh a hlawh tling emaw ?hlawhchham emaw,an Vanduai ta a nih pawh a,a hming timual pho lo tura a intiamna chu hlenchhuah a tum tlat a ni.zawhna dang danga a pakai pawh chuan ṭawngthei lo ang maiin a ngawi tlat reng a,a thir rawh bawk chu la chhuak leh in,akutphah verh nan chuan a hmang ta mai a,dik tak chuan ,chupa chu hmelma mah ni sela,ngawi reng lovin inpuang maise an ti rum rum tawh ,a kut an verhna avang chuan ,a hmui hnuai lam phei chu a pet thi hial a ni,zawhna dang a zawh hma chuan ,a kutphah leh lam leh,a kephah thlengin a verh saktawh a,awmzia a awm thei tak taklo,Chalthanga chuan,thih i duh a ni maw,i lu hi sahlamah tar ila,in khawmite chuan an rawn ngaihven ngei ang a,tu tirh nge i nih chu ka hre chhuak tho tho vang"tiin a han vauva,hlau hmel emaw ,zam hmel emaw pawh a pu chuang hauh lo.Chalthanga chuan"A nih leh engvanga ,mipa naupang pawisawi lo chunga ṭuannge in nih,tu pawi mah a sawi ngai hleinem,hmeichhe chunga kutthlak ngai lo khan ,mipa naupang pawisawi lo pawh kut in thlak duh a nia,engnge a chhan?tiin a han zawt leh a,"zawhna kan zawta min chhang duh lo khang lang a nih kha,eng zawhna mah min chhang lova,kan lal phatsan ai chuan thih ka duh a ti vei khang lang a nih kha,khatiang ang naupang rinawm i khuain in kawl hi lawm hle rawh,chuvangin,naupang chumchiap mahin ,a lal phatsan aia thih a thlang a nih chuan ,kei pawhin ka lal phatsan ai chuan thih ka thlang ve ta a ni,"tiin a chhang ve ta ṭawk a,chutih lai chuan,Lianhnuna chu fel ang reng tak hian lal inchhungah chuan an hruai lut ve chiah bawk a,Chalthanga chuan,"Hnuna ,hengmite hi engkhua nge an nih i hre thei em ?an zinga i awm chhung khan eng thu nge an zawh che?"tiin a han zawt a.Lianhnuna chuan,An khua chu ka hre lo va,Khawiah nge Thankimi a awm,tunnge in lal hming,in lalnu kha a thi tawh em,?Chalthanga kha in lal fapa a ni em?tihte min zawt a,mahse ka chhang lo,ka chhan duh loh avangin ,an khuaah min hruaia ,an lal min dawptir an tum a ni,mahse,U mawitea te khan min rawn hruai chhuak a"tiin fel takin a chhang a.Chalthanga chuan,"Hnuna ,tuman an hmusit tawh lovang che,thudik emaw,dawt emaw pawh ,a enga mah i sawi chhuah loh avangin,"tiin an mi man pa bawk chu a han melh leh a,Thankimi chu engatan nge in tih a,Chalthanga chu engatan nge in tih reng reng?tiin a han zawt leh a,chu pa chu a han ngawi vang vang a.muang ban charh hian"An lu kan la ang maw le,"a tih rual chuan,Chalthanga chuan"In huai hle mai,Chalthanga thah tum damchhuak an awm ngai lo,Pialralah thawnliam an ni ṭhin ,chutiang bawkin ,a khua leh tui ,a mi lehsa kut thlaktu apiang an dam chhuak ngai lo,Ralkawn lal Darchhuna avanga,lal nunrawng ber chu Buanlung lal Chalthanga hi a ni,"tih chang khal pah chuan ,chu pa chu a phih lawpa ,tualah chuan a hnuk thla ta a,

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:02 pm

UNAU PHUBA LAKNA

BUNG 33 NA
Tlantei hnamte

Chalthanga chuan,"in huai hle mai ,Chalthanga thah tumtute hi dama chhuak an awm ngai lo,pialralah thawn liam an ni ṭhin,chutiang bawkin a khua leh tui,a mi lehsate chunga kutthlaktu a pawh damin an chhuak ngai chuang lo,Ralkawn lal Darchhuna avanga nunrawng ber chu Buanlung lal Chalthanga hi a ni asin "tih pah chuan chu pa chu lal tualah chuan a hnuk thla ta hawn hawn a.

Mipuite chuan an lalin mikhual ,an miman tuala a hnuk thla an hmuh chuan an kil nghal tuau tuau va,Chalthanga chuan,"ka nupui emaw,kei ka ni emaw,ka khua leh tui ,ka u leh nau,ka then leh rualte kuthlak a piangte chan tur chu hei hi a ni,THIHNA "tihpah chuan a bula ding Ramliana chempui hriam zet chu laksakin chupa lu chu leng lawp khawp chuan a han sat per nawlh mai a,mipuite chu an lo ṭe dual a,hmeichheho phei chuan enngam lovin an hmai an lo hup ṭawk ṭawk bawk a,Chalthanga chuan,"Ruangkha daiah ramsate chawah paih ula,a lu kha sahlamah tar rawh u"tiin thu a han pe zui a,tichuan tlangvalho chuan ruang chu seng hawiin ,mi lu chu sahlamah tar turin an la sawn nghal thuai a.mi lu an tar hnu lawk chuan ,Chalthanga bawk chuan tlangval rualte leh pasalṭha rualte chu ko khawmin,kan mi lu tar hi a finfiah turin a khua leh tui ten anrawn ngaihven ngeiin a rin awm a,tin,ral do turin kan tlangvalte pawh kan inpuahchah a ngai dawn a ni,Daiah ralveng in dah ula,nitin zantin in ven chhawk tur a ni,"tiin thu a han pe zung zung a,chhun lamah tlangval pahnih ralveng anin dah a,zan lamah pali,chu tiang chuan zan engnge maw zat an indaha,khua an ven hnu chuan ,zan khat chu ,ralveng ho tawmna thlang lawkah chuan phun bal bal thawm an hre ta a,mei takngial pawh an chhem ngam loh a vangin,chu lai hmunah chuan,mihring an awm a rinawm loh reng a ni,chulai hmun ,phun thawm an hriatna lai chu mi lu an tarna lai bawr vel a nih avangin,chung phun thawm an hriatte chuan ,an rawn ngaihven ta ngei tih an hriat chuan ,pa khat chu tlan vang vang in,khaw chung zawn a thlen chuan sava hramin a hanhram lauh lauh va,chu ve leh,Ramlianate ho chuan an chet a hun tih hriain dai lam pan chuan an chhuak zui ta thuai a.Ralvengte tawmna hnuai phun thawm chu ,in hnial thawm ni awm tak chuan a zui a,an ṭawng hriat phak ngei tumin an veh thla ta a.pa khat chuan"Hetianga kan pasalṭha a han tual thi ta mai hi,kei zawng ka ngaihdan a pel ta riau mai,kan tlangvalte ruang lah hmun tinah an let pheng phung mai si a,zanin hian tumah pun belh tawh lovin,he khua hi hal darh vek a ni ka duh ni"a ti bal bal thawm chu anhre zui ta a.an pasalṭha te an in peih tawh tho ringin chung mi pangate dinkhawmna chhak a ṭang chuan ,pasalṭha Aikunga chuan,"Ekhai ,ṭhiante u,kan lobeisei rei tawh khawp che u a sin,rin aiin in rawn thleng har a,kan lo nghakhlel tawh viau che u sin ,in lalpa leh in khua leh tui mi tam takin ,kan lalpa lu lak tumin hei leh chenah an rawn thawk a ni a,pakhat mah dam khawchhuak awm lovin ,pialralah kanthawn liam sak vek mai si che u a,i thin a dam hauh lovang tih chu kan hria a lawm,nang mahni hmuak turin hei pasalṭha rual te kan lo thawk chhuak ve mek a nih hi"nelawmna awm lo,damdap si hian a han ti deuh duah a.

Phawk fea inmelh kual zak zak chung chuan,tute nge in nih a,?an zinga pakhat chuan a han ti ringawt a,pasaltha Aithanga chuan,"Hrilhhran kher in ngaih ka ring lo,hei leh chenah in rawn thleng tawh a,kan milu tar thlengin in la thla tawh bawk a,chuti chung chuan tute nge kan nih min la zawt cheu a maw?sawi tur in haihchham lua deuh a nih kha maw,kan lal hnenah in hriattir ve phawt ula maw le,i thu leh hla a zir pawhin him takin in khua chu in thleng leh thei mahna"beisei sang lo tih hriat fahran chuan a han ti chang deuh rat a.a hmaa mi bawk chuan,"In lal hmu tura lo kal kan ni lova,kan ṭhiante chin hriat tuma lo thawk chhuak mai kan ni"tiin a lo chhang leh a,kan lal phalna lovin kan ram chhung hi paltlang kan phal ngawt hleinem,kan lal hmu hmasa lo chuan in let bik hauh lo vang,"a ti rum ve ta al mai a."Chuti chu a tu emaw zawk zawk chuan he lai hmunah hian lu kan hlauh dawn a ni mai a lawm,i ngam a nih chuan min dan han tum chhin ta che,"tih pah chuan Pasalṭha Aithanga chu cho hmel fe hian a dinchilh ta rap mai a,chutih rual chuan ,kil tin a tang chuan Buanlung pasalṭha te chu anrawn inlar chhuak ta ṭuam ṭuam mai a,In ngam a nih chuan pasalṭha Aithanga kha in nek lui thei ang,kan milu tar pawh kha kan lal thu lo chuan in hawn kan phal bik hauh lo a nia,khatia a lo intar ve mai mai pawh khan nun a tihlim ru riau asin"Thanliana chuan a lo ti ve charh charh a,Dampuia chuan,"Fiam thu rawlh a hun lo a nia,i hlauh em kha "a lo ti sup a,Thanliana bawk chuan,min zui dawn nge phuar hlawm kher in phut zawk"tia a zawhna chu tuman an chang tawh lo.pasalṭha Aithanga chuan,Phuar ula lal hnenah hruai rawh u,a thih leh an damchu lalthu thu ni rawh se"tihpah chuan a kalsawn ta daih a.chung mipangate an phuar fel chuan,lal inlam chu an pan ta hnak hnak a,mi pangate zinga pakhat chuan ,pasalṭha Aithanga dinchilhtupa chu zilh hlakin"Thinchhiatah pawh hian ,mahni tana ṭha tur chin thu a awm ve a,a ṭul lo thleng thleng a i sawi duah khan i lu i zuar tihhre ta che ,ṭawngtlem a pawimawh,nangmah avanga kan nun thleng thlengin a tuar dawn a nihchuan,i nihna zawng zawng ka phawrh vek ang"a tita khai khai a.

Lal in an thlen chuan ,chung mi pangate chu Chalthanga chuan a han thlek vang vang a.a hriat zawng an nih loh avang chuan,an run tawh khaw mite chu an nih a rinawm lem loh avang chuan,Chalthanga chuan,"Tu khua leh tui nge in nih a,in pawi kan sawi em ni?Engvanga kan nupa lu hi lak tum nge in nih?tih zawhna a han zawh chuan,chung mipangate mitmenga mak tihna leh hawihai hmel chuan ,Chalthanga pawh a tibuai lek lek zawk a.an zing pakhat chuan"Lalpa,eng zawhna nge min zawh tak hi,"kan pasalṭhate ramchhuak thlakhat dawn lai lo haw tawh lo hnu chhuiin kan rawn thawk chhuak a ni a,nang leh i nupui thah tumna rilru pua lo thawk chuak kan ni hauh lo,i ram chhungah kan mi leh sate thi ruang kan rawn hmu a,kan pasalṭha ruang kan hmuh ve tak si lovah chuan ,i khuaah ngei kan rawn chhui lut ta a,a lu pawh sahlamah i lo tar ngei bawk a,heng hi eng vang a,thleng nge a nih ?"min hrilh theih chuan kan lawm khawp ang"a han ti charh charh a,Chalthanga chuan,"A nih chuan ,khang mi tlawktlaw ho kha in lal tirh a ni lo tihna a ni ang maw,?zawhna ka zawt a,min chhang duh lo va,a khaw hming leh lal thlengin ka zawta ,min chhang duh lova,kan lal phatsanin ka hek dawn lo,tiin min chhang a ni,kan khaw rawlthar thingtuai sat an lo ru chhuak a,an hliam bakah nikhaw hre lovin an siam bawk a,tin ka nau an kap hliam bawk a,tunah hian bawlpu enkawlna hnuaiah an awm mek a ni,chuti chung chuan kan lal tirh a ni lo tiin in la ṭang chhunzawm ngam zel dawn em?tiin a zawt let ta fak fak a,a hmaa zawhna siam tu bawk chuan,kan khua chu thingsai khua a ni a,kan lal pawh Saichhuahthanga a ni,kan lal chuan a ruka a tir chhuak a nih chuan kan hriatpui hauh lova,keini chuan lal thua kal an nih chu kan hriatpui ta hauh lo mai,Engpawh ni se,kan haw phawt ang a,kan lal tirh a nih leh nih loh chu kan fiah ve phawt ang a,kan lalin a lo tira nihchuan kan rawn hriattir leh ang che"tiin rawtna a han siam a.

Chalthanga hmelah chuan a thusawi chu a pawm chiah lo nia a hriat chuan,"Lalpa ka thusawi kha i rin zawng a nihloh chuan ,kan vai aiawhin kei hi min hreng thei ang"a tihrual chuan ,pakhat chuan,"Ni love,keini hian thilchhui leh finah kan khan lo em em che a,chuvangin nang hi haw la ,keimah hi min hreng zawk rawhse,thil dik lo a awma nih chuan ,tawrh ngai a awmanihpawhin ka tuar vek mai ang"tiin a lo inpe ve thung a,Chalthanga pawh chuan ,"Um,in rawt ang chuan ni rawh se,in lalin a tir chhuak a nih chuan ,engvanga tir nge a nih tih thlengin in hre fai vek dawn nia,pawisawi lo kutah ka kut ka lek ngai lova,ka pawisawi erawh chu dama chhuak an awm ngai lo,ka khua leh tui ,ka unaute leh ka ṭhenrualte chunga kut lek an awm a nih chuan , athungrulhna chu a let hnih a ni tawh ṭhin,a tih tak fak fakah chuan,an ngawiṭhap a,"Zanin chu zawlbuka riak ula ,zingah in chhuak dawnnia,a zan la la a chhuak leh tur chuan in chau luttuk palh ang e"tiin ṭha takin a thlah ta a.val upate leh pasalṭhate chuan zawlbukah chuan an hruai thla ta hlawm a,zan a la rei chhe lutuk lo bawka titi khawchangte sawiin an tui mam mam hle a,mikhual ho chuan zawhna an ngah hle a,thudik hlawm hlaka an chhan awmchhun chu ,an kha rawlthar rukchhuah a nih chungcang leh an inbeihdan chauh chu thidik taka an chhan awm chhun a ni.

Chumi zan chu tuman buaina siam lovin an mu tlaivar thei a,zing takah thovin,mikhualho chu an chhuak ta a,an pasalṭha te chu a ruka tirinchu mi te chuan rilru dang an put leh put loh chu an enthla zui ve nghal zat bawk a,Chalthanga chuan,an zinga pasalṭha pakhat kha mi dik chu a ni ngeiin a rinawma,a aia kan hrena pawh hi misual tak chu a ni bik hauh lovang ,mahse ,an ṭhian pathum te kha an mitmeng phakar zet avang khan Chalthanga hian a zui ruktir tareng a ni.khang anmahni khaw pasalṭha nunna ngei pawh kha an la hrehhauhlovang tih an mit mengah khan a hmu ru tlat a ni.Ramliana leh Pasalṭha Aithanga ,Thanliana leh Hmingliana te kalin Dampuia leh Zampuii bakah ,pasalṭha dang ten khua an lo veng thung dawn a ni.

pasaltha remhria leh fing tak mai a nih avangin Pasalṭha Aithanga chuan an hmaa kalte hmu phak tawk zel a kal chu a rawt ta a,ṭawngthum balbal chu hre hre ṭhin mah se,an sawi tak erawh chu an hre thei chiah lo va.An khaw ram chin an pelh dawnah chuan an mi zui rukte chu lung chungah ṭhuin an vaibelte chu an ṭankai hlawm a,rei tawk fang an ṭhut hnu chuan antho leh ta sang sang a,,nilenga an kal hnu chuan an khaw thenawm,Hmunmawi khawram valh chin ram zatve deuh thaw chu an kal hman a ni,khua a thim lek lek tawh a,riahbuk pawh sual lo chuan ,thing zar bela thutmut mai mai an tum nge ni,an vahrit sa hem hmin chu tui nen an ei hawng hawng hlawm a,mei chhem ngam ni bik hek lo le pasalṭha Aithanga hote pawh chuan an sarep kente chu an ṭhei ve chawt chawt tho mai.mei chher te siamin an kal leh ta mai a.kawi hnih vel an thlen hun awmah chuan thawmdim takin an zui ve leh ta a,hmun mawi khaw ram valh chin an pelh dawn meuh chuan zan pawh a rei tawh fu mai a,zing khua lo var se ,thawm duh awm loh an hriat hran loh chuan kir lehmai an ril ruk ta a."A theih chen chen zui leh phawt i la,khua kan nghak var pah a ni mai a",tiin pasalṭha Aithanga chuan a rawt leh ta a,Ramliana tak phei chuan an khaw thlenga zui ruk a duhhial a,mahse ,aia u zawk awm lai a,rawtna dang lo rawlh sek chu ni theia a hriat loh avangin ,ngawih a chuh ta zawk a.

Ramliana te khawhlui ,khawkawn ram chin an luh a tang chuan khua pawh a var hnai tawh hle a,thawm dim thei ang bera kalin an hmaa mite thawm hre phak tawk lek chuan an kal ve zel a,kawi hnih an chuang chhuak leh tur chiah chuan ,mei eng thlar an hmu ta thut mai a,mei eng an hmuhna lai chu an hnaih phei hret hret zel a,meipuiin a chhun en phak loh chinah chuan an bih thla ta ran mai a,an mei chhemba lai chu lungpui lian puipui in sir khepkhupna lai a nih avangin ,ṭanhmun atana ṭha fahran mai hi a ni a ,lungpui pathum,lungthu ang deuh va dingto luah mai karah chuan mei chu an lo tuah eng hluah mai a,phun bal bal thawm chu an hre zui nghal thuai a,an ṭawng a zawih em avang chuan an thusawi lah chu hriat a har em em mai bawk si a,tlema tawlh phei hret zelin,chung mi palite awmna atanga mau tluk thum vela ,an ṭhut ngawih ran lai chuan ,tlemin an awki chu a sang ta hret a,an inhnial ngei a nih dawn saw,ti rilru chung chuan,Pasalṭha ,an khuaa zawhna chhangtu ber erawhchu a awki chu a hniam ngaiin a la hniam reng thung a,thinrim fe hian,pasalṭha Aithang dinchilhtu ber nia an hriata chuan,in sum thei tawh lo tih hriat tak hian,"Chuti maw,ka kawng min dal ang maw,kan lalpa khan Buanlung lal hi that turin a tir lovang,"a lo ti lung lung a,Pasalṭha chuan ,a aw ki la san duh chuang hauh lo chuan,enge maw hi a han sawi zauhva,a hmaa ṭhu pa chuan,"A tir lovang ka tih chu mawle aw,min hnial vak suh ,kan lal i rinhlelhna hi,i thihphah ngei ang "a ti leh ta nghut a,chu veleh pasalṭha chuan,"Chuti a nih chuan ,kan lalte nen chuan in lo in thurual reng a ni maw,?pawisawi lo chunga kut lek tu chuan ,ka chungah pawh kut a lek a ni,"tihpah chuan a ding chhuak ta hluai a,rang zet hian pasalṭha Aithangate ho chuan ,chung mite chu an hnaih chilh ve nghal titih tawh a.pasalṭha bawk chuan,ka kawng min dal tum in awm a nih chuan a mal te tein rawn ding chhuak ula,i han inbei ang u hmiang,in lal tenawm chawp sawn ka han that mang vek teh ang che u,"a ti ram ta hmak mai a.pasalṭha chona anga a mal te tea ding chhuak ta lo chuan an hual titih ta mai a,an hual zim viau tawh tihah chuan,pasalṭha Aithanga chuan,"Ekhai mi pathumin pakhat maw in hma chhawn dawn,?pasaltha lamah khan ka lo ding ve ang chu,zat leh zatin kan in bei ang chu maw le,Tih pah chuan a pen chhuak ta theuh theuh mai a.Hmingliana chuan,"Tun ṭum chu ka chet ve hun aw"a han ti sap a,chutih rual chuan dan hman loh khawpa rang hian a pen chhuak zui nghal zat bawk a.

pasalṭha chuan "ka ring reng a ni,min rawn zui hi ka ring tlat a ni,in lal mitmeng fing zet kha ka hmuhhmaih bik lo a ni"a han ti sap a,pasaṭha Aithanga chuan,"Thianpa,kan lal khan i dinhmun tur hre sain a veng tur che in min rawn tir a ,hengho mitmenga vertherna hi a hmu tel tlat a ni"an vai a hriat tur ngei chuan a han ti deuh lang lang a,pasalṭha hming pu ve ṭantir ,a chapo tawk leka sa pawh la ve tawh in ti pasalṭha rual ve tak chuan zam map lo hian,"In lal chu a fing hle mai maw,pasalṭha pakhat lek pawh dawp chhuak thei lo khan ,fing a in ti ve viau a ni maw?a tih rual chuan,"kan lal dawp chhuah zawh loh khan ,naupan thingnawi fawm rual lek kha a dawp chhuak thei bik hleinem ,Hmelchhe pa"Hmingliana chuan a han ti vin ṭhat a,"lal bum kual mai mai theih leh duh duha a tirh kawi theih khan engmah hriat leh sawi tur i nei lo ve,in lal chu hum tum eng ang mah la,kan dawp chhuak dawn tho tho,"a han ti zui leh nghat a,"Naute u han phuar hlawm ula,thingah khan phuar bet ula,kan kalsan daih dawn nia,ramsate chawah hnutchhiah rawh u"pasalṭha Aithanga chuan a han ti lang lang a,Ramliana chuan a ram hrui chhah bawr lak chu khai chhuah pah chuan ,"Tehreng mai ,pasalṭha ,i thu ang chuan ni ang hmiang,"a rawn ti chhuak larh larh a.an zinga pakhat man tuma a va phar der huang chu sah tumin a man tum bera chuan a kut chu a lo lek kang ur ur a,Ramliana chu a lo petek zauh zauh va,a bula mi zawk man beh leh tum ni awm tak chuan a han phar kual vel a,chutah le ,a hmaa a mantum hmasak zawk chu a man ta thut mai a,an in chaibuai ta hle mai a,aṭhianpa man beh atum hnuhnung zawk chuan ,a chempuia Ramliana sah chawrh a tum lai chuan ,Ramliana chu a in let thut a,a ṭhianpa hnung zang ruh chu tliak tih hriat zet hian a ri nghal rawp mai a,ek ṭhawtin che thei lovin ,a zawi ta hnawk a.A ṭhianpa zawk a sat a ni tih a hriat rual chuan,Ramliana chu pawisak nei lo hmel fe hian a pan ding nul nul a,a ke rah tur leh paltur lam en tawh hek lo,pasalṭhaAithangan a ke a lo pir zauh chuan,hmai lei vaw chawrhin a tluk phah ta a ni.an meipui lahchu chhawm ṭha tu awm tawh hek lo,a thim deuh ruai tawh a,khawvar dawn hnaiha ,athim chhah zual lai tak a nih avangin ,in hmuhpawh a harsa sawt hle a,Dampuia chuan ngawi reng hian mei chu a han chhawm eng hluah mai a,mei a eng chiah tihah chuan ,an zinga pakhat chu a kim lo tih an hrechhuak thuai a,Dampuia chu rang zet hian thim chin ah chuan a kawh chhuak zui ve nghal thuai a,chutia an buai deuh lai lai chu chuhin ,chung mi pathum zinga an hotu deuhber leh pawr ve deuh ber chuan,pasalṭha Aithanga chu pawmchilh tumin a bawh titih ta mai a,Pasalṭha Aithanga chuan ,in pawmchilh ralah chuan chupa chu a hneh a ring hauh lo mai a,chuvang chuan in pawmchilh lam zawnga cho chu a tum bik hauh lo,chutia pawmchilh tuma a phar huang lai chu a chem bil lam chuan a banah chuan a lo khawn sak fawk mai a,chupa chuan a ban tuai vut vut pah chuan"Sawn chhe pa,a han ti tuar a,pasalṭha Aithanga chuan,"Pua,Sawn ka ni lo,ka nu leh pa fapa duh lai ka nih hi,lian thlawnpa,a han ti ve deuh sak a,chupa chuan pawm chilh ngei tum chuan a ban chu a phar du a,Pasalṭha Aithanga chu a hualchep zel a,mahse ,chutichung chuan pasalṭha Aithanga chu a nui var var tho mai ,"Phung te pawh i an hi maw le,Dampui huai pitar nen in dang lam reng reng hlei nem,"tihpah chuan a han nui hak a,chupa paliana thinrim lutuk chuan pasalṭha Aithanga chu man beh ngei tum chuan a bawh ta thut mai a,chutih rual chuan ,chu paliana zak hnuaiah chuan pasalṭha Aithanga chu a tleng lut ta thut mai a,a chem pui chu chu paliana ngal zawnah chuan a chho zawngin a han vai fua mai a,chupa na tuar ri chu a au ṭial nasa ta mai a.a aw lah chu a lianin ,a ngaihnawm hran lo hle a ,bai deuh suih suih chung chuan,Nau luruh lian ka that dawn che ,tih pah chuan ,pasalṭha Aithanga lamah chuan a zuang phei nghal dawrh a,chu ve leh Pasaltha Aithanga chu in thazo zet hian a zuang kang dawrha,chupa hnung zangah chuan a chem bil lam bawk chuan a han khawng leh zawt mai a,chupa liana chu lei nawr zawng chuan a bawk nghal thlawr a,mit senruma pasalṭha melh kul chung chuan thawh chhuah leh mai a han tum a,mahse ,a tho thei ta mai lo ,tlawm hreh tih hriat ngawih ngawih hian ,"Thih thleng rakin maw le,ka thi hma chu ka tlawm dawn reng reng hleinem maw le,"a han ti ṭeng leh chhuai a,pasalṭha Aithanga chuan ,duhtawk ang ,i thi dawn tho tho va,"a tih mek lai chuan,"Thi tur chu kei ni lovin nang mah zawk hi mawle,"tihpah chuan ,a chempui lian leh hrawl zet chu a vawm nghal fua mai a,pasalṭha Aithanga dar ding lamah chuan a bur nghal vu bawk a,pasalṭha Aithanga chu a pai khat khat a,a ṭhingṭhi nghal hnawk bawk a,Hmingliana chuan lo dawm vat in,Ramliana chuan a fei phawrhin, pasalṭha chuan a chempui a phawrh nghal zawk bawk a,chutih rual chuan a thlawk rual nghal ṭhawt bawk ,chupa liana chu meng bial kaw kawin leiah chuan a sawp ta nuaih a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:03 pm

UNAU PHUBA LAKNA

BUNG 34 NA
Tlantei Hnamte

Pasalṭha Aithanga chu a pai khat khat a,a ṭhingṭhi ta rawp a,Hmingliana chuan rang zet hian a lo dawm thuai a,chuti rual chuan Ramliana chuan a fei chu a phawi dawk nghal zawk a,thingsai pasalṭha pawhin a chempui a lo phawi dawk ve nghal zawk bawk a,a rual deuh thawa a taksa rawn thil tlang chu en tum ni awm tak chuan a han kuna ,a nghawnga fei bur ngur a vang chuan ,mak ti hmel tak a meng kawk chung chuan ,a lei nawr zawng chuan a tlu sawp ta nul a.Chu paliana a tluk rual chuan,pasalṭha Aithanga chu an bawr nghal hak a,Samthang pasalṭha a erawh chuan,an pasalṭha tuaitir thaw kawk kawk chu bawihsawmin,rei a daih tawh dawn lo tih chu hre tho mahse,chuti teh ngawta kalsan chu a duh bik hauh lo.chutih lai chuan, Thanliana ve thung chu ,a mi umpa ,awmze nei lo zet a,tlan kual chiam mai chu a la um ta ngar ngar a,engtin nge a mi um pa chu a tlankual teh reng ni,mual te tekte chu a tlan hual ni awm tak hian ,khawi lam nge a mi umpa chuan a zawh tih en chian tuma a pen leh tur chiah nen chuan an in tawk ta hlawl mai a,a ngaihna hre lo hmel fe chuan an han in thlek vang vang a,Thanliana chu a nui ta var var mai a,"Tuma tihbuai lohva ,hetia kan han inhmachhawn thei tur hi ka lawm hle a ni,i taksa pengtinte kha ka hlep thla chak tawh luttuk "tih pah chuan ,thisen chaka tuihal ni awm tak chuan a si vei hlar hlarha,a leite chu hawl kualin,a hmui bawrte chu a liak vei hlup hlup bawk nen,a mah hrechiang lo tu tan chuan,a ten awm ru viau mai thei a ni.a mi um pa chu ,chutia a sa rawp ni awm taka Thanliana a han chevel chu rap hmel zet hian a ner vei nung a,penkhat te te chuan Thanliana chuan a hnaih hrut hrut leh nghal a,Thanlian a hmui a leia a hawl kual hlup hlup lai tak chuan a tlanchhe ta thut mai a,Thanliana chuan ,nui kur kur chung chuan a um ve nghal dawr dawr a.Umpha ṭha duh chiah si lova,thui fe an in um hnu chuan,a tawk zawng bawk chuan Thanliana chu a tlan leh ta thut a,ruam chhe lai tak ,hmun rem fahran lo taka tawk hman tur chuan chak zet hian a tlan leh ta puat puat a.chutia hual titih deuhva a chet takah chuan,a mium pa pawh chu ruam chhe lai leh hmun rem fahran lo lai takah chuan ,a hual lut ta nge nge a,tlan ngaihna hre mang lo vahawi buai lai tak chuan a mi upa hma chhawn zawng tak leh hnai fahranah chuan a dinchilh ta ran mai a,a mi umpa chuan hriam hrei chu keng ve mahse,a umtu pa nen chuan chet ran leh tlanchakahte an inkhan lo em a ni.a mah um tupa chuan achhaih kual vel mai mai niin a hrehiala,a duh chuan that thei reng a ni tawh chung pawha a um ngat ngat peih chu mak a ti zawk hle a,a mah umtupa chuan a engnge atum ni ang ,?chuti maia in thah tir chu a tum bik hauh lo.tlan chhuahna tur kawng dapin a melh kual zung zung a,Thanliana chuan ,a mi umpa ril ru chu hrethiam lo ang hmakin a nui vur vur reng a,an chhaka thingṭang tliak ri rap lam chu ngaihsak zawk ta daihni awm tak chuan chhak lam chu a han hawi vung vung a,chu veleh ,a mi um pa chuan hun rem changah ngaiin a tlan ta thut mai a,Thanliana chuan um duh mai lovin a han nghak vang vang a,tuibur hmuam da awm vel a nghah hnu chuan ,a mi um pa tlan luhna lam ngaw hnuaiah chuan a tlat lut ve leh ta a,mahse mak deuh maiin a hmaah chuan um khalhtu a nei tlat ,a khat mawi tawk a,keipui ke hniak a hmuh leh zeuh ṭhina vang chuan ,umzui tawh lo mai tum chuan ,a thiante awmna lam pan chuan a let leh ta a.

Mau tluk thum vel a pen hman tihah chuan a lam pana thaw huam huam ri leh hmim tawn buan buan thawm chu a hre ta a,a ding nghal chawt a,a chhak lam pen thum vel a,thingbul ro liam ang reng tak phenah chuan a lo chang ta a,rei lo teah chuan a mi um pa ngei mai chu,nghawng chhum lek lek leh lu uai hnuang chuan a lam panin a rawn tlan chu lo ni rengin,a hma chhawn dawn nge a tlan chhe dawn,?tia a in ngaihtuah mek lai chuan,tlan chhiat ai chuan thih chilh a thlang ta zawk a,a mi um pa chuan a rim a chhui a ni tih hriat tak chuan a lam hawi zwwng zel chuan a in let ve zel a,a awmna awih pangper a ṭang chuan sang taka zuang nghal zawkin ,a fei leh a chempui chu a lek kang nghal vah bawk a,lei a thlen rual chuan ,a mi umpa,dar chu a uai nghal hnuang a,a chempui chuan a mi umpa nghawng chu a sat chhum ta hmawk a,chu pa lu chu thui vak lo a han lum a,a lum pah chuan a phun nuah nuah mai a,chu zet zawng mi na zawng hmachhawn chi a ni ta hauh lo,Ramliana aw ngei mai chuan,"Ekhai ,Ṭhianpa ,i mi hmachhawn chu a thi thei meuh na nge le,a thla lah chu a ai nasa mai bawk si a,titeh i kalsan daih teh ang"tih pah chuan Thanliana chu a hnuk sawn ta a,a vawi khat tawnna a nih vang nge ni,Thanliana mak ti lutuk chuan hnung lam chu a hawi leh thin a,hlauh erawh chu a hlau hauh thung lo,"A mak hle mai,khatiang thil kha mi sawi chu ka hre fo tawh a,a takah ka vawi khat tawnna a ni a,mak ka ti riau a ni,a rap awm ve lek lek a lawm le,"a hanti sap a,Ramliana chuan ,"khawkawna kan awm lai khan khatiang kha chu ka tawng ve tawh a,vawi hnih chu a ni ve ta,ngam a ngai khawp mai,i huai hrima i hneh hlauh zawk a nih kha,hlau ngat la chu a tibuai khawp ang che;tin,ruang chhunga tulum kha i kawchhungah a lut a nih chuan ,nangmah pawhin i thih phah thei bawk a ni."tiin ,thil awmzia chu a han hrilh pah zung zung a,chutia an titi chhung chuan an ṭhiante awmna chu an thleng ve hlawl bawk nen,khawvarna a rei tawh bawk a,an va thlen chuan tukthuan an lo peih diam tawh a,tuk ṭhuan ei pah chuan ,zanlama an boruak tawn te chu an sawi barh barh a,muttui a har thu an sawi laih laih a,Pasalṭha Aithanga chuan ṭhu mu ar ar chung chuan,"khawnge i mi umpa ruang chu,?tiin a lo zawt a,Thanliana chuan,keipuiin min hmakhalh a,tulum zawng ka chang ta a nih kha,a han tih chuan,pasalṭha Aithanga chuan,i buan chhuak nge i kalsan ,?tiin a lo zawt leh a,buan suh ei ,Dar phel phawkin ka sat a,a lu ka tan bawk a,chu ti chung chuan ,a la phun nuah nuah tho ,"a tih chuan,Pasalṭha Aithanga chuan,fimkhur hle ang che,ruang dangah pawh hian a thawk leh mai thei a,an khaw lamah pawh a kal daih mai thei bawk a,kan in suan vat a ngai a ni".ti ta mai a.Thanliana chuan ,"Chuti chu ka va buan ṭha leh dawn em ni?a ngaihna hre lo fe chuan a han ti ha a.pasalṭha chuan"E ,mai mai a,a hun tawh lo,kan hmachhawn ang chu le,pasalṭha hmaah chuan ,huai leh thlahrang ,tulum tih vel mai mai te zawng an chak mai mai lo vang,"a tih takah chuan thaw veng huai hmel an pu nghal thuai a.

Fehrehsan hun lai bawr vel a ni tawh a,pasalṭha Aithanga hliam chu a thuk lutuk lem lo bawk a,ngaihtuahawm em em a ni hran lo,thingsai khaw pasalṭha tuaitir zawk chu a ni,a thaw tha thei tlat lo mai a,a kâ atangte chuan thi a chhuak fo mai,biak tam chi a ni bawk si lo,a hnar atanga thichhuak ven ngai nen ,an rilru a tibuai ru hle a.bawihsawmtu neilo phei se zawng a thi nghal titih awm e.chawhnu her hretah chuan ,an pasalṭha hliam pawh chuan a tlin ta ngang lo va,an ruangte chu dahthain sain an khawih mai loh nan lung leh chhawlin an chhin vek a,tichuan ,an kalsan ta a ni.Thingsai khaw lampan chuan an in chhawm bek bek zel a,zan thum ngawt hun an hmang tawh a,zankhat chu ram hnuaiah hman leh ngei an ngai dawn a ni.zankhat dang ramhnuaia an tlingtlak leh hnu chuan ,chhun chawfak hun,nisat vang lai takin daiah chuan ro an rel ta a,feh hawng leh khawi ilo kal fahran pawh in hmuhtir loh hrih an duh avangin ,dai hnaiah an biru ta a,ram chhuak ilo thawm hriat tur awm miah lo mai chuan an ngaih a ti tha lo hle a,naupang ṭap thawm leh arpui tui lai dawkdaw lak thawm tih chauh lo chu,fehawng fahran pawh hmuh tur an awm lo,thingsai pasalṭha chuan,"Kan khua hian eng emaw chu an tawk a ang khawp mai ,in ti ve lo maw?tiin a kianghnaia thu pasalṭha Aithanga chu a han melh zauh va,pasalṭha Aithanga pawh chu a lo bu ve nghat a.thimhlimah chuan Thingsai pasalṭha chuan khua chu a lut ta a,Pasaltha Aithanga leh a nauteho pawh chuan lal in hnuai lam pan chuan an tawlh liam ve thuai a,thingsai pasalṭha chuan an inlam chu pan hmasain,eng eng emaw a nupui a hrilh hnu chuan lal inlah chuan a kal zui ve ta thuai a.Lal in a thlen chuan ,"Lalpa,Pasalṭha Zachhinga ka ni a,i hnenah thu thlen tur ka nei e"tiin pawn atang chuan a han au lauh lauh va,tlangaupa sa chhe zet chu kawngkâah chuan dakin pasaltha chu a hui ta a,Lalpa chuan Pasalṭha Zachhinga chu a melh khui mai a,Zam map lo hian a ni,pasalṭha pawh chuan a melh ve ran a,khuh khurh khurh pah chuan,"Pasalṭha ,engthu nge i hawn a,?khaw nge i kalpui te kha an awm zawh tak a,i thu hawn chu a chinchhuakin,hmaih leh zep ruk awm hauh lovin han sawi teh "a ti ram hmak hmak a,pasalṭha chuan ,'kim taka ka sawi chhuak a nih chuan i mualpho khawp ang le'a ti rilru nauh nauh va."Lal pa,Buanlung khaw pana kan kal ta kha ,kan tluang viau mai a,mahse,Buanlung khaw thenawm ram valh chinah khan kan tlangvalte ruang kan hmu ta teuh mai a.chung zingah chuan,pasaltha liana,kan hmuh ve tak loh avangin hnu chu kan chhui zui ta a,tichuan,Buanlung khaw sahlamah kan pasalṭha lu chu kan hmu ta a ni."a han ti ṭan chauh va,"Chu buanlung khaw mi leh sate chu in rawn chimih vek tihna em ni?phur hmel zet hian a ti surh surh a.pasalṭha chuan"Ni lah lo ve,pasalṭha lu kan la thla fel chauh tihah chuan ,Buanlung pasalṭhate chuan min nangching leh ta a,min lo hmu lawk reng zawk a ni,tichuan,an lal naupang tak hmaah chuan kan vaiin kan ding ṭheuh va,engvanga an khaw rawlthar pawisawi lo ruchhuak a,hliam nge kan nih min zawt ta a.kei chu ka bangbo hle a,engmah ka hriat loh thu leh ,kan lal tirh an nih loh thuin ka chhang ve mai a,i hming tih hminghliau chu hreh viau mah ila,pasalṭha Liana khan,i tirh a nih thu chu sawi chiah lo mahse,hek che a tum loh thu lal hnenah chuan a sawi a,chuvangin khang mite kha i tirh ngei a nih a ring ta a,Buanlung lalte nupa that tura kal an nih thu thlengin a puang ta a ni,tun aṭanga rei loteah hian he kan vangkhua,hlim taka tual kan lo chaina khua ngei hi meivapah an chantir tawh dawn a ni."a han ti ta fak fak mai a.

Chu thu chuan thingsai khaw lalpa chu a tiphawk hle a,"Tichuan,engtin nge i ṭhiante chu an awm tak,an thi vek tihna em ni?tiin a phawk nasa tawh mai a,pasalṭha Zachhinga chuan"Ni e,Buanlung lal chuan ,i in rawlh leh rawlh loh chian turin min tir haw leh vek a,kan zinga pakhat chu an hreng rih a,tichuan ,kawng lakah kan thu a inbat fuh thei ta lova,i mi rin em em te khan ,he thuah hian i inrawlh ngei tih pawh an sawi chiang hle a ni,chutia kan inhmachhawn lai chuan,Buanlung khaw pasalṭhate chuan min lo zui ru reng chu niin,tichuan kan inbei ta chiam mai a,kan zinga pakhat chu ,a sualpui pa sahhlum tuma a thianpa chem pui chuan a hnung zang ruh a sat tliak a,a hmunah a thi a,a sattua pawh chu ,a tlanchhiatna lamah sapuiin a seh hlum bawk a ni,kei erawhchu min zuah a,Buanlung khaw laka thi chu ,paliana chauh a ni,chu pawh ka chem pui leh Buanlung pasalṭha fei tuar lova thi a ni,a che mawi lo em a,midik lo chu ka zuah ngai lo tih i hriat kha"a han tih chuan,Thingsai lalpa hmela thinrimna leh nunrawnna lang chhuak chu pasalṭha chuan chiangtakin a hmu nghal mai reng a."Ka pasalṭha chu i kutah maw a thih a?ka khua hi chhuah san rang rawh ,chuti lo zawng i lu hi sahlamah ka tar ve palh ang e"a han ti ṭeng chhuai a.pasalṭha chuan"I nunrawng hle tih hi ka hai hleinem,i khua chhuahsan tura thu min pek hmakhan kan in kan chhuahsan fel daih tawh asin lalpa,zanin khaw var hmain i khua hi meivapah ka chantir ngei ang ,tunah pawh sawn an rawn hal ṭan tawh mai thei a ni"tiin chhuah tumin a ding ta uaih mai a.Pasalṭha ṭawngkam na tak mai avang chuan thing sai lalpa chuan pasalṭha Zachhinga chhuak tur chu a banglaia a silai chuhtum pah chuan,"I dam khawchhuak bik hauh lovang "tih paha kah mai a han tum a,mualkil upa chuan,thingsai lalpa chu dawmbetin a namthlu ta thut mai a,a silai hmet per lak lawh tawh chuan ,a nupui kheimit bul chu a verh tlang ta zawk mai a,lalnu chu a ṭhu nghal hnawk mai a,chutia an in bengberek buai lai tak chuan ,veng lailia in pakhat chu a kang ta hluah mai a,mipui mangang ṭe tengtung karah chuan,hriat hran theih ni si lo chuan an inzep ru zauh zauh va,in chu a in hnaih hlawm em avang chuan a kangkai chak nasa mai si a,mipui mangang ṭe thawm karah chuan,lalpa chuan ,"Zachhinga kha that rawh u,"tiin a rawl tawp tawp chuan a han auva,mahse tuman an uksak lo,mahni sahimna ngaihtuahin an tlan darh sung sung a,pasalṭha tia chhuan tlak a neih chhun ber Zachhinga lah chu huat taktein a haw tawh si a.Buanlung va do tur pawhin ,pasaltha chhuan tlak a nei tawh der si lo,a ngaihtuahna tenawm tak chu a ma chungah a tla let ta a nih hmel e,a ngaihtuahna tenawm tak ,tihlawhtling si lovin ,a leido nei zawngin a chungah a leta chhanna a thleng leh si a ni.a thinrimna so bulh bulh chu a hmuh phak chin leh a banphak chin mualkilte chungah chuan a hrithla zel a,a mizia tak tak chu tihlanin a awm ta,mualkilte pawh chuan,an lal nunrawng leh buluk zet mai chu an hlau tawh bik lo,lal tualah chuan an hnuk thla a,an khawih rawn ta luai luai mai a,mahni bungrua leh an neih ang ang lak chhuah a ngaih avangin,khawnbawl upaten an lal an sawisa pawh chu hreawm pawhin an awm lo,chutiang teh nuai karah chuan ,boruak sahulh hulh pawh chu a dai ṭan ta a.tute nge an khaw hal tute tih lam pawh ngaihtuah thei lo khawpa an phili buai avang chuan,an lal ,tuala lo thi khawng reng chu zing khawvar dawn hnaihah an hmu ta chauh va,tlangval tlawmngai ten a ruang chu a ma inchhungah ngei zalhin ,an chhuahsan leh mai a,mahni chenna tur buaipui ngai nen,an khaw lal ruang buaipui ngai nen,Thingsai khua chu buai mum mum tak an ni.khua avar chian meuh chuan ,lal mualah chuan mipui chu an zi mum mum tawh a,an manganna lal hnena thlen turin ,an hriat hauh lovin tual charah a lo thi hlawm reng bawk si,an lalnu ber lah hliam tuarin a sawp reng mai bawk si a,tumah lah chuan an lal chu khawnbawlte sawisak hlum a ni ang tih rinngaihna an hre der lo leh nghal a,chutia an buai mam mam lai chuan,pasalṭha Zachhinga chu veng hmawr lam a ṭang chuan lal in lam panin a pen thauh thauh va,lal tuala mipui zi nuaih nuaih karah chuan a han ding dat a,tichuan,mipuite chu a kut chuan a han zap a,mipui pawh chu khap nawn ngai lovin an ngawi ta ṭhup a,tichuan ,an thil hmuh leh hriatte,an thil tawn ang zawng zawng chu mipui hnenah chuan a hrilhin,tuna nungdama an la awm theih chhan te chu Buanlung lal leh a pasalṭhate vang a nih thute,an khua a chhuahsan tur thu leh ,an lal chu midang thah ni lovin,a thinrim sobulh avanga chesuala thi a nih thu chu a sawi ta vek a,mipui chuan"Chutia kan pasalṭha rin rawl ber leh kan innghahna ber i kalbo daihte chuan engtin nge mipuite hi kan awm tak ang ?kan pem vek mai dawn em ni?tiin an phun sup sup a,pasalṭha chuan ,khawnbawl fel tak tak innei a,chung mite chuan ro chu an rel fel vek mai ang,muang leiin hun kan hmang ngai lova,chunga a mawh phurtu ber chu kan lal kha ni,tunah chuan muangleiin hun in hmang thei tawh ang ,"tia a hrilh zawh chuan a in hera ,dai lam pan chuan hman hmawh lo zet in a kal ta hnak hnak a.

Thingsai khaw tan chuan rorel thiam a har hle a,lal atana an duh zawng a in an tak lovah chuan ,mipui chu an ṭhut khawm tira ,ban an phar tir ta ringawt mai a,mipuiten an duh ber leh ban phar tamna ber chu khawnbawl upa Thangzika a ni a,tlemin a kum chhir tam deuh tawh mahse,a zuan azangin a fing a,tin hmeithai leh fahrahte a ngaihsak em avang chuan,nu leh pa tam tak leh a khawnbawl pui thenkhatte pawhin ,lal ni zawk awm tak "tiin an phun ru sep sep ṭhin a ni.an lalthih zan khan ,in kang hmasa ber kha a in a nih avang leh ,tlema lalin a chuankai tlai deuh a vangin ,lal inchhunga thil thleng kha hriat a nei ve hauh lova,lal chhungkua ngaihven tuma lalin a pan mek lai khan ,a khawnbawlpuite khan an lal chu an lo khawih rawn tih a va hmu kha a ni a,an lal zia hrechiang bertu a nih avangin chhan nei lovin kut an thlak ngawt chu a ring bik lova,hmuh lo ang mai a let lehin ,pasalṭha Zachhinga lam chu panin ,thil awmzia a va hrilh chuan ,pasalṭha Zachhinga chuan ,thil awmdan a lo hrilh ta hrep zawk a,hetih lai hian lalfapa te chuan tumpang hniak uma an ramchhuah hlan a ni a,a ni a lal a nih chuan ,pem chhuah vek duh khawpa ,a pa ang maia bu luk a ni si a,an lungngai em em a ni.pasalṭha Zachhinga remruatna in lal fapate ram chhuak lo let leh hun hu an lo sakuh ser nghah ve tawp mai dawn a ni.pasalṭha Zachhingate ho pawhin chuti mai a Thangsai khaw kalsan chu an tum bik lo,lal fapa hruanghrau na tak leh pawisak nei tlem tak mai lo hmachhawn tur chuan ,thingsai khaw mipuite chu an lainat awm dawn lutuk tih chu a hmu ru khiau si a,karkhat zet chu ,ram hnuaiah an cham a ngai a,nitin ,zantin ram chhuak haw an awm leh awm loh hriat tumin an enthla ran reng tho a ni.

karkhat leh a nihnih ni chuan ,Ramchhuak hlawh tling tak mai in phur bawr lak lak an hmuh chuan,an beisei leh thil nghah ngei mai chu a lo thleng dawn ta a ang hle mai,an phur rit hlawm bawk a,khua an luh pawh chuan an hawi zau vak hlawm lova,mit del tan lo chuan an khaw boruak dang lam riau leh in puah thar leh meivap dup ngek nguk te chu hmuh hmaih chi a ni bik lo.mipui hmela danglamna riau awm chu hmu thiam chiah lo mahse ,emgemaw zawng a awm a ni.lal tuala an din vang vang lai chuan,lalnu chu kawngkaa ding chung chuan a ṭap nghal rawih rawih a,"Ka fapa,kan chan a chhe ta ,i pa pawh a awm tawh lo,"chu thu chuan a tiphu zawk a,rang zet chuan in chhung lamah a lut thuai a,an inchhung ruak huai leh ,a pahmel nelawmfahran lo tak hmuhtur awm ta lo chuan a khua a ti har ru phian a,a nu lam hawiin "Ka nu,engthil nge thleng hi,minhan hrilh teh "tiin a nu chu a melh nghal khui bawk a.a mitmeng lah chu a senrum mai bawk nen ,a nu tak ngial pawhin a fapa ,a hrin ngei chu a hlau titih hial a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:03 pm

UNAU PHUBA LAKNA

BUNG 35 NA.
Tlantei Hnamte

Kawngka a ṭang chuan lalnu chuan ṭahaw tiau hian ,"Ka fapa ,kan chan a chhe ta,i pa pawh a awm ta lo"chu thu chuan a tiphu zawk nghe nghe a,rangtakin inchhungah chuan a lut thuai a,an inchhung chu ruak deuh huai hian a hre nghe nge a,a pa hmel nelawm fahran lo tak ,tapchhaka lo ṭhu ṭhin han awm ta lo chu ,khawhar thlak riau hian a hre nghe nghe a,a nu lam hawi pah chuan,"Ka nu,Engthil nge thleng hi"tih pah chuan a nu chu a melh nghal khui khui mai a,a mitmeng lah chu a sen rum mai a,a fapa mah nise a nu chuan a hlau lek lek hial a ni,pafa inchhun tak ni mahse,a fapa hian rawlvin takin a nu hi a be ngai lo,mize inang tak ni mahse ,engemaw hleka a pa nen hi chuan an inkhak fo mai a,an intin uaih uaih fo reng a ni,"Ka nu ka zawh che chu,i ke kha entia na nge ,tunge hliam che,han sawi vat teh"vin lek lek chuan a han ti nawn leh a.a nu chuan insut hlap hlap chung chuan,thil thlen dan zawng zawng chu a sawi ta vek a,a fapa bei dawng ,chal dawm meuhva a han kun tlawk tlawk a hmuh chuan a lainat ru hle a,ṭi ang reng tak hian "Bawiha ,he khua hian lalah min duh tawh lo va ,chuvangin khua hi kanchhuahsan a ngai a ni,Darlung khuaa i pute kan pan mai aloh chuan,,chutah chuan pangai takin kan khawsa thei mahna,"a ti kiang kiang a,a fapa chuan a hrawk hrep a rinteh lul nen,"ka nu i thu chu ka pawm e,kan chhungkaw chunga thil thlengah hian thiam thu sawi tur kan nei lo,lalah min duh tawh lo a nih pawhin,kan dik loh vang a ni,hekhuaah hian lal kan hrawt a,hmeithai leh fahrah kan ngaihsak ngai hek lo,kan lalna ah kan lungawi a,thilṭha reng reng kan khua leh tui tan tih kannei na hek lo,khawnbawl upa te ko la ,zaninah kan thutlukna kan hrilh vat dawn nia,ka nu ,beidawng mai lovin nunbul kan ṭan tha leh tur a ni,"a nu mak ti luttuk chuan a fapa chu a en ngawih ngawih a.A nu hmela mak tihna a hmuh chuan ,a dem hauh lo,a nunphung leh a ṭawngkam hman chhuah kha thil inhmeh lo tak a ni tih a hai bik tlat lo a ni.zanriah eikham chuan khawnbawl upa te leh ,Thingsai khaw parawn ṭhenkhatte chu ko khawmin,chungmi te hmaah chuan lal fapa,a hmaa biak pawh an biak ngam ngai loh chuan,hmel pangai tak leh ṭawng kam ṭha tak maia a nu nena an thutlukna a han sawi dap dap mai chu,awih har an ti ṭheuh hlawm ni maw ,mak tiin an inmelh hrek hreka,an tunhma nunah ngaihdamte dilin,an tan mi hnawksak an nih tawh loh tur thu leh ,Darlunga a pu an belh tur thu a han sawi phei chuan,an mak tih a zual hle a,khawnbawl zinga pakhat chuan ,"lal fapa thutlukna insiam hma lutuk a nih chu ,engpawh ni se ,thil ti rum rum lo deuhvin kan la rel leh zawk dawn nia,a tih lai chuan,khawngkharah chuan pasalṭha Zachhinga leh pasalṭha Aithanga chu an pen lut ve chiah bawk a,pasalṭha hmel a hmuh chuan,lawm hmel tak hian lal fapa chuan"Pasalṭha ,i hmel ka hmu chu ka lawm hle mai ,kan rorelah ṭha lo leh fel hlel deuhva hriat i neih chuan han sawi ve ta che,ka pa thihna chungchangah chuan,a hmavir ber ka pa dik loh vang kha a ni a,tumah ka dem hran lo a nia,he khua leh tui tan hian mi hnawksak nih ka tum lova,khaw hla takah ka nu nen ka pute kan bel ve naw naw ang a,chutah chuan nunbul ṭan ṭhat kan tum a ni"a lo ti nghal sawk sawk a.

Pasalṭha Zachhinga chuan,"Lal fapa ,i naupan tet a ṭangin ka hre tawh che a,ramchhuah nikhuaah te ka hruai tam viau tawh che a,sa pawh i la thei narawh e,lal fapa i nih avangin thangchhuah nih i duh lova,i ṭhiante pawh i kian fo tih thlengin ka hria a lawm,i thin chhe hle a,mahse ,misual chu i ni lo tih kahre chiang khawp mai che,i pa avangin i hmingchhe hle ang ,mahse hei hi chu i tuar chhuak ve tur a ni,he khuaah ngei hian nunbul chu i ṭan thei a lawm,tin ,lal nih pawh hi i pa ai chuan iin hmeh zawk daih a ni,i la naupang a,i hma hun hi a thim zawngin ngaihtuah lola,i khua leh tuite i ngaihsak phawt chuan lal fing i ni mai,i huaisena ,i taima a,i tan kawng hi a eng thui hle a ni,"a tih zawh chuan Thingsai khawnbawlte leh paho ṭhukhawm hnenah chuan ,"Thingsai khaw paho leh khawnbawl zahawm tak te u ,inhnenah he thu hi ka sawi duh a ni,lal fapa hian lalna chu chelh zui sela,kei pawhin ka pemsan lo vang che u,mahse ,ka thianpa ka aia an hren tak kha ka hruai haw leh ngei a ngai a ni,naktuk hian kan chhuak zui leh mai dawn a,tuman rilru ṭhalo lam ngaihtuah lo turin ka ngen duh che u a ni,in ngaihdan han phawrh ve reng reng te u"tiin a thu zui ta thuai a.lal atana an phar tlin tak Khawnbawl upa Thangzika chuan,"Pasalṭha rawtna kha ka pawm e,mihringte hi chuan kan tihsual phawt loh chuan thilṭha zawk ka hre mai ngai hleinem,a chet ṭhat reng theih loh va,a vanneih theih reng bik hek lo,in ngaidam tawn ila,lungrual takin kan khua leh tui hi veng him a,muangleia kan khawsak ve theih nan i ṭangrual tawh zawk ang u khai"a han tih chuan kut an beng ta dur dur a.lal fapa chuan ,"Pasalṭha ,naktuk in chhuah dawn chuan inrualin ka lo kal ve ang,Buanlung lal hnenah chuan ngaihdam dil ka ngai a ni,ka mawhphurhna a ni."a tih takah chuan,lam te a hlat tham em avangin zingtaka chhuak tur chuan an rel tlu zui ta a ni.Thingsai lal fapa Sairengpuia leh a hote chuan buaina leh harsat dang tawk lem lovin,nili zet an thang hnu chuan Buanlung khua chu zanriah chhum hun velah chuan an thleng leh ta a.pasalṭha Aithanga chuan lalhnenah chuan a in chhunga luh chu a han dil a,Chalthanga chuan lo hmu lawk tho mahse ,tihdan phung pangai a nih avangin ,lal hnena luh an han dil pawh kha an lal zahawmna a nih avangin ,a hminga luh an dil tho a ngai thin a ni.Lal chuan lutturin a han huia ,lal inchhungah chuan an mi hren pawh chu zalen leh him takin a lo ṭhu fel than a,an mi hrenpain an lalfapa hmel a han hmuh chuan mak ti ru hle mahse,a ti lang duh bik lem lo.Thingsai lal fapa chuan ,a mah ang rual lek lal hmel a han hmuh chuan ,a fahrah ve hle ang tih pawh a ring thiam nghal mai a.Thingsai lal fapa chuan,Buanlung lal Chalthanga hnenah chuan"Lalpa,ka pa pawikhawih avangin i pawi tam tak kan sawi a,i hnenah ngaihdam dil ka duh a ni,a ma tuhrah ngei sengin ka pa chuan a nun hial a lo chan ta a,tling lo leh fel lo tak chungin lal nihna ka chelh zui dawn a ni a,hemi chung changah hian ka insit hle ani.nangnen hian hmelma ni lova ṭhiantha nih ka duh ani."a han ti dap dap a.

Chalthanga chuan Thingsai lal fapa chu a han en vang vang a,chutah muangchang hian thawk a han la halh a,"Mi rilru tluang tak i nih ka ring,i pa khan a tisual ve ah ngai ila,nie,hmelma ang ni lova ṭhian ang a min entheih dawn phawt chuan ,kei chuan ,leido neih hi ka dawihzep vang no lovin,ka khua leh tuite tan hian a ṭul ber lo tih ka hria a ni,tun aṭang chuan Muangleiin kan hun kan hmang tlang tawh a niang chu,harsat mangan nikhuaah pawh kan inpui tawn zel tawh tur a ni,tin thisen pawh keini aiin in hlauh hnem zawk a,ka lakah hian in thlahrung lutuk suh ang che,zanin chu hetah in riak ang a,tukṭhuan eikhamah in chhuak dawnnia"a tih takah chuan,chu lal fapa hmelah chuan lungawina a hmuh theih hial a ni.eng eng emaw sawia an titi luam lai chuan zanriah ei a lo hun ta der mai a,chumi zan pawh chuan Chalthanga chuan a ṭhiante leh pasalṭhate chu zan tumtawi a,hun hlimawm tak hmang turin a sawm hlawm a,Chumi zan chuam Rin loh deuh maiin palai hmelanhmu ta tlat mai a,Bawmzo lal chuan khuangchawi tumin Buanlung khua leh tuite chu a thei thei a khuangchawi na leh a fanu pasal neihni hmang tur chuan a sawm a lo ni.chumi chungchang relhona nipahfawmin Muwlkilte leh pasalṭhate chu a ko khawm a lo ni a,Chalthanga ngaihtuahna hi a buai ve hle a,a mah tak hi chuan ami mal taka huat nei hran tawh lo mahse,a mah thah tuma tei chhuak tam tak anawm tih ahriat a vangim,a mah zawk chu kalbo thei niin a in hre lo a ni.Amah emaw ,anau Zampuii emaw in nghaka an awm a ngai a,chumi anih loh chuan ,an khua leh tui mi tamtakin suat mang an chak em em hi an hum zo lovang tih a hlau hle a ni.Chumi zan an rorel chu thutlukna siam thiam a har hle a,pasaltha te leh Khawnbawlterilru pawh a buai hle a ni,Pasalṭha Aithanga chuan,"Lalpa ,Engahnge i lungngaih em em mai le?I farnu a awm a,Romawia leh Ramliana ,kei nen khua hi kan lo veng ang a,Pasalṭha Tinkhuma hokhan va kal ta ula hlim takin hun vahmang tawh u,"tiin a lo hnem thuai a,Dampuia pawh chuan,"Kei ka kal chak tehchiam love,Nupui hmu zolo Thanateho kha va teihawi tehse"ahanti deuh kher a.Thanliana lah chuan,Zammap lo hian,"Kei zawng ,zawnglai tih takah ,hmuntin mai hi peh lawr duah mai ka duh a"nui deuh sung chung chuan a lo ti deuh nghat a,pasalṭha Aithanga chuan,"Chuti chu Thana leh Hmingliana kal se a ṭhat dawn chu"a han tih chuan,Hmingliana chuan,"Kan va chhangchhe leh dawn ve"a lo ti nghut a.Thanliana erawh chuan a pawisa tehchiam lo,Ro chu an rel zo thawkhat viau tawh a,Thingsai khaw lal fapa leh pasalṭha Zachhinga chu Pasalṭha Aithangate inlamah an inzui thla ta rih a,Thingsai khaw lam chu an khua bei turin an ringhlel hran lo,an puihna la mamawh ngawih ngawih tur an la ni zawk tih an hre lawk tlat a ni.an palai te pawh khawnbawl in lamah sem darh an ni a,an thianho leh Romawia chiah an awm hnu chuan,Chalthanga chuan a rilru dik tak chu a sawi chhuak ta a,Chalthanga ngaihtuahna chu thil thleng thut thei reng a nih avangin,ngun taka thil ngaihtuah a ngai tih pawh an hai lo,A mah Chalthanga chu kal lo zawk sela ,Zampuii leh midang kal zawk sela,a kal tur pawh uluk tak a thlan chhuah ni sela,tiin ngun takin an ngaihtuah ho ta a,Chalthangate chhungkua hi an nun a tawi hlawm em avangin ,Chalthangate unau hi ngun leh zuala ven pawh a ngai hle a ni.

Zampuii leh Ramliana ,Romawia leh Thanliana kal sela ,pasaltha Tinkhuma nen,mualkilah chuan ,Lal aiawh zo tak ,Kapṭhuama chu Chalthanga aiawha thawk chhuak turin an ruat ta a,A pi kaihza veng tu ber a nih avangin , Hlimna lamah chuan kal tel ve zel se a duh a ni,Bawmzo khaw lal hian khaw sawm zet a sawm a ni a,chuvangin ,chung karah chuan hmelma tawrawt tak tak pawh an nei lovang tih hriat a ni lova,Buanlung khaw tlangval Sawm hnih vel chu an thlamg chhuak leh a,mi rintlak tak tak leh nunchan zir thiam ṭhiau an nih avangin ,Buanlung khua hi zuam ngawt chi an ni hauh lo,heng an thlan bang zawngte hi khaw venghim tur an ni ve ta thung a ni.Bawmzo an kal hma chuan ,insual leh ralbeih dan chi hrang hrang zir nawn leh vek a ni a,Zampuii hova kal tur an ni a,an phur tlang hle a,kal kawngah eng ang anasa in nge an khawsak leh dawn tih lah hriat ni suh le,changelte pawh an tlu leh remrum lovang tih a sawi theih tlat lo a ni.tuktin lal mualah in beih an zir tuk tin a,silai kah leh thal kah ,fei khawh leh Sairawkharh perh thlengin an zir fai vek a,in elna a awm a nih pawha,che chhuak phat thei turin an inpeih sa thlap a ni,thing luang zawha in beih pawh nise ,Buanlung khua zawng ,mi tawrawt fuankhawmna ni awm fahranin ,zantin zawlbuk thlang lam bang siamṭhat ngai khawpin an thawm a na ṭhin a ni,chuvangin ,an val upaten,khual buan an khap phah ta hial a ni.Palian tia hmingthang khawp nei lo mahse ,nunchan zir tuktin an nih avangin ,an palen loh ngaihtuah chuan zuam sual awl tak an ni reng a ni.Bawmzo khaw lam an kal ni tur a thleng ta ,anphur tlangin ,a hma ni a ṭangin an hmanrua te siam ṭhat na hun an hmang a,an thal leh ,an fei ,an chempui thleng chuan an tat hriam tle var mai a,Zing kal tur a nih avangin ,tlangval zawlbuk riakte chu an mu hma hle a ni.

Zing khua a lo var chuan lal tualah chuan an an ṭhu kim ṭhap tawh a,Chalthanga leh Zampuii chu lo chhuakin,Chalthanga chuan ,fuihna thuṭha tak tak leh thil thlengthei nia lang te nen lam a sawiin ,thurawn ṭha tak taka athlah hnu chuan ,Bawmzo khaw lam pan chuan an chhuak ta a ni.Tlangval ho beisei lawk ang ngei chuan,ruam an luh ve leh ,chang el an hmuh apiang mai chu rang tak tak a,tlana zuang chung chuan an chhawk leh ta zawt zawt mai a,tu che rang rang ti ni awm fahranin,an tlan khawh puat puat reng a,khawnbawl upa leh pasalṭha Tinkhuma chuan ,an tlangvalte khawsak dan an hmuh chuan thlamuan thlak hle hian an hre nghe nghe a ni.tlan paha an thal kap han hmuh phei chuan ,hetiang tak hian an tlangvalte hi an lo inzir nasa ṭhin tih reng reng an hre lo reng reng a ni,thingtu luang an han zawh velte chu hmuhnawm tham tak hi a ni reng a,zawng ang mai a thinga an han ban zawi zawi mai phei chu hmuhnawm tak a ni,ramhruiah uaiin hrui dangah an pakai zung zung bawk a,ngaw an thlen phei chuan ngaw thing ri sung sung chu hre ngai lo tan chuan rapawm duh dawn riau hian a hriat nghe nghe a ni.

chutianga kawng tluana an chet avang chuan zanlam erawh chu an muttui tlang thei hle a ni,sate engi lo in them thiamah pawh ,hei chu a va tlaw bik em em ve mawle han tih tur hi an awm lo reng reng a,an ei khawp chu nitin an la thei zel a ni.ni thum zet an kal hnu chuan chawhma lamah Bawmzo khua chu an lut ta a.khawdang ho chu an thlengkim thawkhat viau tawh a,Buanlung khua deuh chauh chu la thleng lo awm chhun an ni tawh a,mualah chuan mikhual ho buk tur chu an lo sa put mai a,a sir ber chu Buanlung khawho in nghahna tur a nih avangin lal in pawh thleng hmasa lovin an buk tura an lo ruat saah chuan an in nghat te te a,tichuan pasalṭha Tinkhuma leh Khawnbawl upa nen Zampuii nen lal hmu tur chuan an chhuak zui leh ta a.Bawmzo khaw lalpa chuan,Zampuiite a lo hmuh chuan a lawm hle a,"Ekhai ka fanu inlo thleng thei maw,lam a hlatham si a,in chau ngawtin ka ring a ni.tikhan han ṭhu chawl phawt ula thil sawipui lawk tur che u ka nei a,mi dang lo pun khawm hmain in hriat vat a ngai a ni"tihpah chuan a zu thlum ber chu a han chawi thla te te a,zanin hian tam tak in thei inni lova,fim khur hle inngai a ni,ka khuangchawi leh ka fanu pasal neihni hmang tur hian mikhual ka lo thlang fim khur lo deuh hlek a,in tan a pawi phah dawn ta a ni hi,ka thiam loh vek a ni.Zawlsei khaw miten Chalthanga an zawng mek a,an pasalṭha huaisen ber an rawn hruai a,engtin nge ruahmanna ka siam ang tih hi ka ngaih tuah mek a ni,i u a lo kal ve lo chu lawm taktein ka lawm a ni.in buk lamah chhuk leh ula ,hnung lama mit nei ranin awm ang che u."tiin lal in atang chuan an chhuak leh ta a,buk an zuk thlen chuan rilru hah tih hriat tak hian Zampuii chu a han thaw halh a,Ramliana chuan,lalin han kal te hmel a,lungnih zan lohna lo lang chhuak chu a hmuh hmaih hauh lo ."Engthil nge in han hriata,in hmel a ngui riau a nia,zawi sap hian a ti ta mai reng a,Zampuii chuan,"Ka u lema ṭang tur kan mamawh a ni"a eng pawh ni se ,helaiah lo hian hmun dangah i kal zawk teh ang u,tin ,hnung lam mit nei rana kankhawsak a ngai bawk dawn a ni."a han ti sap a,zawite tea phun sap sapin Bawmzo lal thuhrilh chu an inhrilh chhawng zel a,Ramliana chuan "Umm,Ṭhianpa lemah chuan kei ka chang ang,a mah ang chuan ka taksa lian lo mahse,san lamah ka chen tho alawm,Thana hi ka ti deuh dawna ,pumruaah a khan lo deuh tlat mai a,chu vangin keimah ka ṭan mai a ngai a ni,Hmingliana tal awmsela,an pumrua pawh a in tiat zawk a sin maw le,pawi love,kan ṭhiante kha va hmu thuai ila a ṭha ang "a tih mek lai chuan ,Bawmzo pasalṭhate chu an bukah chuan an rawn lang hlawl mai a,Bawnzo pasalṭha Thangruma chuan ,Min mamawh kan ringa ,ṭhiante lo thleng hlim pawh kan lo chiau au hman ta si lo che u a,kan lal khan eng eng emawni min hrilh luam a,"a han ti te te a,Zampuii chuan,"U Thangrum,Ramliana hi ka u lemah a ṭang dawn a,ka u biaka in biak a ngai dawn a ni,in lal pawh lo hrilh lawk u la,Kan beisei loh lamah lemchan a ngai ta tlat si a,kan inthian ṭha hle a ni tih hi,a hun hma chuan khaw dangten hre rih lo se a ṭha lo maw?a han tih chuan ,Zampuii remruatna chu ṭha an ti tlang ta a,a tuk mai chu Lal fanute inneihni a ni a ni a,fimkhur ngai ta riau mai chu Zampuii thin a rim hlur tawh mai a,hmel hlim put pawh har a ti ṭalh ṭalh hle a ni.

A tuk inneih ni chuan lal in lam chu an pan thliah thliah a,lal fanu chuan ,Ramliana a hmuh veleh chuan,a ze ngeiawm tak chhuah sak pah chuan,Ramliana banah chuan vuanin,"Lal fapa ,in va rawn thleng har em em ve a,ka lo nghakhlel nasa tawh che u a sin"tih pah chuan ,Zampuii chu a han siai zauh va,mi ṭhenkhat chuan ,"Buanlung lal fapa chu a hmelṭha hle mai a,"an lo ti sap sap a,Bawmzo lal fanu chuan,"Lal fapa ,Thani a dam maw,naute in nei tawh em ?ka ngai thei lutuk a nia,"tiin a be nghal bawrh bawrh a,lal fanu meuhvin nel taka Ramliana lal fapa anga a biak tak bawrh bawrh avang chuan ,Chalthanga a ni lo tih reng an hre hlawm lo va,Zampuii chu nui var varin ,Bawnzo lal fanu lemchan thiam zia leh ,a pa nena an ṭandun thiam zia a hmuh chuan,a ngaisang ru hle a,chutih rual chuan,Zampuii pawhin ,mi hmuhnawm tih a hlawh ve hle tho mai ,Bawmzo lalpain a lal puan a hmantir chu ,Ramliana a inbel tir a,a hawiher leh khawsak phungah chuan lemchang a ni tih a hriat hauh lo mai a,khawnbawl upa leh Pasalṭha Tinkhuma chuan an vil chawt a,an mit an len ngun ru hle bawk a ,Romawia ṭawng lo lutuk erawhin Bawmzo lal ngaih a titha lo hle thung a,a mitmeng fing zet ,mi rilru hriat vek tum niawm fahran a,a mitmeng fim fiah zet a ,a enkal zel avang chuan ,ṭhenkhat chuan an melh rei ngam meuh lo,nulaho phei chuan,a ṭawngmawh chhan hre ve hek lo,pa hliah hliah hian an hre thung a,Zampuii chuan ,"ka nau a nih hi"tiin chhuang hmel tak hian a biangahte a khabeahte chuan a piai sak leh hlak hlak ṭhin a,chu chuan unau inpawh tak niin mi zawng zawng a ngaihtir a ni,Thanliana erawh chu huata lak theih si loh hian a nghal ru em em mai a,Pasalṭha Thangruman ,zia thup ve deuh tura a tih takah chuan ,tlem chuan a in thup leh ta thunga,fimkhur an ngaih em avang chuan,zan hun pawh chu an hmang fim kar reng mai a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:03 pm

UNAU PHUBA LAKNA

BUNG 36 NA

TLANTEI HMAMTE

Thanliana nghal lutuk chu Bawmzo pasalṭha chuan zia thup deuh tura a hrilh hnu chuan tlem chuan a inti mitak ve ta deuh va,lal fanu chu a hmel a ṭha hle a,a pasal tur chu Darzo khaw pasalṭha a ni ,Pasalṭha Thangruma u fapa a ni a,sala thei tak leh huai sen tak a nih bak a,mi zaidam tak a ni bawk a,Bawmzo lal fanu chu hlim hmel viau in lang mahse,achhungril tak tak erawh chu,pasal nei turin a inpeih lo hle tih chu Ramliana leh Zampuiite chuan an hre chiang hle a ni,Darzo khaw pasalṭha Bawmzo lal fanu pasal tur chu pa hleitling tak a ni a,Chalthanga aia a thlanawm lohna chu lal leh pasalṭha inkar chauh a ni.Chalthangan an inneih lawmpui nana a kentir ,ṭhihna leh darbu te chu Ramliana leh Zampuii chuan an han hlan ta a,Zampuii pawh hemi ni hi chuan pangai takin a inchei ve a,a inhmeh hle a,ni dang zawng aiin a lang hmelṭha zual sauh hian a hriat nghe nghe a,Bawmzo khaw mite chuan an hre chiangin ,an lo inchul nel tawh bawk a,Naupang fel deuh chin chuan "U zampui i mawi lutuk "an lo ti sap sap a,a ni pawh chuan nui sang chung chuan a han chhang let ve a,hetih chhung pawh hian a mitmeng chu a vak ruai ruai a ni ber mai.Romawia leh Zampuii chuan Ramliana chu an zui hneh hle a,Buaina chhuak thut thei reng a nih avangin,anralthuamte chu an khawihphakah an dah reng a,hmelma lam tan pawh chet ngaihna awm hauh lo chuan an in veng tawn ṭham reng a,khuangchawi an hman a ni hnihnaah pawh chuan thildanglam engmah tawn an la nei lo,Bawmzo lalpa chuan inelna siam a duha, a tum vei nen ,a mikhual thenkhat ten ,Buanlung lal fapa thah an tum tlat avangin ,ro dang neiin a lam zawngin a hun hman dan tur chu a thlak ta a ni.Amaherawhchu,a mikhual zawkte chuan ,chutiang ngawta hun hman chu duh tawk lovin ,thingluang zawh te,mipa dik tak inela infiamna buatsaih turin an lalte kal tlang chuan an ngen ta chiam mai a.Bawmzo lal chuan, mipuite leh khaw harang lalte hnenah chuan heti hian a han sawi ta a,"Aw le,khaw hrang hranga ka luseipui ,helai hmunah ,ka khua lehtuiah ka fanute inneihna leh khuangchawi hmang turin ka sawm che u a,a hriam che lek lo zawng a,hunhman ka ruahmanna chu inmi ngenna angin mipa inelna ka buatsaih leh dawn a ni a,he inelnaah hian dik lo taka khawsa in awm a nih chuan,chak mah ula chak lova puan in ni ang a,tin,mualpho takin ka khua hi inchhuahsan bawk ang,tumah dim in ni lovang a,tin ,he inelnaah hian hmeichhia in rawlh phal a ni bawk ang,ka mikhualte vek inni a,tumah duhsak bik ka nei dawn lo che u a,he in elnaah hian ka pasalṭha ten endik hna an thawk ang a,ka khua leh tuite pawh he inelnaah in tel ve duh a nih chuan in tel thei ang ,"tiin a puang ta a,mipui chu an au dur dur a,an phur tlang hle a ni,atuk aṭang chuan in elna chu ṭan nghal tur a ni a,in elna hmasa ber tur chu in buan a ni dawn a ni.Ramliana chuan ,"Inbuanah hian kan khaw aiawhin tunge chhuak ang,?tiin tlangval rualho chu a han zawt a,pasalṭha Tinkhuma chuan ,"khaw dangho hi an lian viau mai a,an chak hmel hlawm si a,keimah ka tel ang e,"a han tih chuan,Ramliana chuan,"Nang chu silai kahah zawk maw le,kei hi an thlir ber ka ni dawn a,keimah le,Chalthanga emaw min tivek si a,ka tel lo a nih chuan ,lusei khaw dangte hian min hmusit lutuk ang e,"tiin a mah chu a inpe ve ta thung a.Hetih lai hian ,khaw thum zet chu in elna awm tura an ngaih loh kha ,inelna a awm leh dawn tak thutah chuan ,mualpho ai chuan tiin an khaw lamah an haw ta daih a,Darzo khuate pawhin ,he inelnaah hian kan tel ve thei lo vang a,kan lo thlir mai mai zawk ang e,"tiin ,an in hnukdawk ve leh ta a.

In el tur khua chu an awm mumal leh ta lova,khaw ruk te erawh chu ,chu inelnaah chuan tel ngei tumin an in buatsaih sauh sauh thung a,zingkhua a lo var chuan inelna a nikhatna ni tur a nih avangin mitin mai chu an phur em em a,pasalṭha Tinkhuma chuan Ramliana chu inbuan dan chi hrang hrang leh ,an beihpuite hneh dan awlsam tak takte chu a zirtir zel a,zing thleng chuan an la in zirtir tlauh tlauh reng a,tukṭhuante an peih chuan,midangte nghah ngai lo leh a muang pawla ṭan loh hram hram chu an tum ve tlat a,tichuan ,in elna hmasa ber ni ah chuan a inpeih hmasa pawl anni ta reng a ni,lal tualah chuan Favai an han chhung khawm a,a khaw neitu Bawmzo khua leh Sailam khua te chuan hma an hruai dawn a ni,sailam khaw buanchak chu a palian hle a,a pa len ngaihtuah chuan a hmel chu a nelawm fu mai a,a nui sang reng a,"Ekhai ,Bawmzo inbuan chak meuh zawng keini han khin phak a ni meuh dawn em ni?tih pah chuan phur takin a tho chuak ve ṭaih ṭaih a,"a palen teh lul nen a hmel erawh chu a naupang hle thung a,a ṭawngkam inngaitlawm tak avang chuan ,nu leh pa fuihtu a nei ṭha hlein a rin awm a ni.Bawmzo pasalṭha Liankhuma pawh pate tak ni lo mahse ,a kum tam ve deuhna leh chinchang hrechin a nihnaah chuan huphurhawm tham tak chu a ni ve tho mai le,pumruaah chuan an in khan lo hle a,mahse ,tu zawk nge chak ang tih chu rin thiam a har hle thung a ni,tlangaupa chuan ,"In inring tawh em?"tiin a han au ṭhat a,anni pahnih pawh chu an lo bu ve nghat a,Sailam tlangval taksa phiar fat chu hmuhnawm tham a ni a,a lian thlawn satliah lovang tih pawh a pian dik thlarh a vang chuan a hriat theih hial a ni,Zampuii chuan,chupa a han nuih zawng a,a ha uingho lang ṭhat a hmuh chuan,a pa a hre chhuak zawk mai a,a pa chhungte lam an nih hial a ring a ni,la zawhchian chu a tum ta a,Tlangaupain"Khai le"a tih rualchuan ,in buan tur pahnihte chu an ri ta phat mai a,chu tlangval chuan ,"Pasaltha ,min dim deuh rawh aw,naupang mai ka la nih hi,in buan ka zir ve ṭan dawn chauh a nia,zirtirna min pe angah lek min ngai ang che"a han ti sap a,chu tlangval rilru tluangtlam tak ṭawngkam chuan a rilru a hneh hle a,Bawmzo pasalṭha chu a nui sak a,"Tlangval ,Ka hneh dawn lo che a,he inbuannaah hian a pumpuiah a ṭha ber nih tum ang che "tih pah chuan vawi khat chu ,bin ni si lo hian a han chawikang det a,chu tlangval chuan a hneh lutuk tih a hria a,a duh chuan ,a duh tawkin a bin thei tih pawh a hrechiang hle a,a mualpho lo tawkin ,chu tlangval chuan a inchawikan tir tih pawh a hrechiang khawp mai,a thawhkhatna an zova ,Sailam tlangval han inher ,a bek thla chu Zampuii chuan a u ang a ti tak zet tawh,"kan laina hnai a ni khawp ang ,"tiin Ramliana bengbulah chuan a han phunsap a,Ramliana pawhin ,Zampuii thusawi chu a lo pawm ve thlap tho mai.

A thawh hnihna an ṭan leh dawn ta a,an han inhmachhawn leh ta ran mai a,Mahse ,Bawmzo pasalṭha chuan,"A tawk e ,ka hneh dawn chuang lova,ka in theh mualpho lo law law zawk teh ang "tiin inbuanna tual chu a chhuahsan ta a,Chutia a khingpuipa a tlawm takah chuan chu tlangval pawh chu a kal sawn ve thuai a,nula ṭhenkhat chuan ,an hmu duhin ,a melhno thei hle a,chung ang pawh chu a hre lo der hmiah thung,Zampuii chuan chu tlangval chu a panhnai thuai a,a bul a va thlen chuan,a lu um leh a bek thla vel te ,a nghawng dinglam khuavang lian deuh a hmuh chuan ,chiang zet hian a han en a,"ka pa chiah chiah a ni,"a ti rilru neuh neuh va,a bek thlaah chuan khuavang a awm em tih chu a han en leh ngial a,a pa khan ding lamah khuavang a nei a,a u pawhin a nei a,hepa hian a nei ve em?chu zawhna a in pek lai tak chuan,ding lamah ni lovin vei lamah,a beng bul setah chuan khuavang a lo awm leh ta kalh ta kalh a,"A ni chiang khawp mai,hei aia fiah hi chu a vang tawh viau mai thei a ni.chutih lai chuan chu tlangval chuan ,Zampuii phun sap thawm chu hriaiin zampuii lam chu a han hawi a,"Nula eng thil nge ni ta,Nachin aṭang khan min chik riauvin ka hria,keimahah hian engnge i hmuh?tiin a lo zawt a,Zampuii chuan,"Ka pa leh ka u"tiin a lo chhang vat a,chu tlangval chuan a ngaihna hre lo zet chuan zampuii chu a melh reng ringawt a,a hnu deuhvah chuan ,Ramliana chuan,"Thianpa ,inbe fal lawk ang,"tiin mipui hnunglamah chuan a pil ta zauh va,a chezia reng reng chuan a u a hriat chhuahtir fai vek ni ber hian a hria a,Chu tlangval pawh chuan ,Ramliana chu rang zet hian a zui ve thuai a,Ramliana bul a thlen chuan,Ramliana chuan"Thianpa,Buanlung lal i hria em?"a han ti te te a,chu tlangval chuan,"Hria e,mahse ,nang hi i ni lawmni Buanlung lal chu ,?a han ti ve sap a,Ramliana chuan lu thin nar nar pah chuan"Ni lo,a lemchang mai ka ni,nula kha Buanlung lal fanu a ni a,kan lal Chalthanga chu nangmah chiah chiah hi a ni mai,chuvang a nia,ka kohhran tawp che,in chhungkhatna in nei em tih hriat kan duh a ni."a han tih chuan,chu tlangval chuan,"Nei e,Buanlung lal Chawngvunga farnu thlah kal zel ka la ni e"a han tih chuan,Zampuii chu a meng phawk hle a,ka pu Chawngvunga far nu kha ka pu ṭhianpa nen an inneia,a nih ,ka pa hming i hria em?a ti zel a,chu tlangval chuan,Aw hria e ,Pa Rosema,kan pu a nia lawm,mahse,ka pa thih a ṭang khan kan tlawh pawp thei ta lo a ni,"a tih lai chuan ,"Buanlung khua aṭanga Inbuan tur hming an puan lauh lauh takah chuan ,hun danga in kawm leh turin an intiam a,in chaina lamah chuan am kal ho leh ta a,Chalthanga ai chuan Ramliana hi a sa pan deuh zawk mahse,san lamah chuan ,sang zawk an awm chuang lo,Ramliana hi hmelṭha ti zawk an awm a,Chalthanga ṭha ti zawk an awm bawk a,a thlirtu mit a zir a ni tawh zawk mah awm e.Lampui khaw buanchak chu phur fahran leh sang vah hian a pen chhuak ta thauh thauh va,chutah Buanlung aṭangin Ramliana a penchhuak ve ta,Lalpui khaw buanchak chu a pa tet ngaihtuahin a taksa a phiar hle a,a tha a za at at hle bawk a.Ramliana chu acho hmel hle a,Ramliana erawh chuan mit khap hauh lovin chupa khawsa zia chu a melh ngun hle a,mipui chu an lo au hluah hluah a,a bikin Bawmzo lam chuan Buanlung lam chu an ṭan tlangpui tih chu hai rual a ni lo,Thanliana chuan,a nuthlawi ṭhutpuite hnenah chuan"Ka ṭhianpa hi chu a chak a nia aw"a ti zo chauhva,Ramliana chu chiang em em hian favai zingah chuan a tumpui pa chuan a bin let ta tawp mai a,Thanliana chu a la zam chuang eih lo.

"Khatiangte chu michakho tihdan phung a lawm ,"a la ti ham ham a,a nuthlawi ṭhutpuite chuan an lo nuih zui ar ar a,a thawh hnihna an han tan leh chiah chu,a tum puipa chuan Ramliana chu phawi kan leh mai a han tum a,Ramliana chu a nghing lai lai chauh mai a,sir zawnga tluk pui a han tum leh a,Ramliana chu a lo in dai khal zung zung mai si a,a tumpuipa hah beidawng an thaw halh ah chuan Ramliana chu a kun hniam thut a,a tumpuipa Lampui inbuan chak chu a bin thal ta ṭhuai mai a,chu ve leh mipui chu an au leh ta hluah hluah a,Bawmzo lalpa pawh a insum thei lo teuh hle ṭhin a ni.a thawh thumna an ṭan leh dawn chuan,Lampui buanchak chu a chet phung a khingbai ta tlat,a ban veilam chu a chet ngam tawh tlat lo mai a,ṭan vak pawh ngai lovin,Ramliana chuan zawite hian a han chawia ,a nghat leh ta zawk a,mi pathum an la dam a,Sailam,Buanlung,Zarkawn khua an la dam a,hmawlh te chu a sei dan in dawtin an siam a,a inbuan hma sa tur an pawt ta a,Zarkawn khua leh Sai lam an in bei dawn a ni.tichuan ,Zarkawn leh Sailam buanchak te chu palian ve ve an in hmachhawn ta ran mai a,Zarkawn buanchak chuan,Nelawm tehchiam lo hian,"Nauva ka hmachawn tawh tumah ka dim ngai lo tih hria ang che,i ruhte kha a ti tliak rum lovang tih ka sawi thei hauh lo,i tlawm thu puang mai rawh"a han ti chhum hmak a,Sailam buanchak erawh chu a lo nui sak duh chauh va"In buana hma hma a,tlawm thu puan ngawt mai zawng ,ka naupan tet ata ka la tih ngai loh a ni,han in buan phawt ila maw le,ka chhin ve hma chu i chak a ni tih hi ka pawm phal bik mai hlei nem"a ti chang ve ta khal mai a.Chu tlangval chu ṭawngkama vau zam ngawt chi a ni lo tih a hriat chuan,a thinrim ru hle a,tlangaupa a au rual chuan ,Zarkawn buanchak chuan ,Sailam buanchak puan leh a vun chu a han ṭham kawp zui tawk a,Sailam buanchak chuan ,nuih hak pah chuan,ka ril chawp khan i duh leh ṭham tel law law rawh "a lo ti hmiah mai a,Sailam buanchak pawh chuan a khingpui pa chu dim a tum eih lo,Tlangau pa a au ṭhat rual chuan ,anni pahnih pawh chu in keuh thluk tumin an ri ta phat phat mai reng a,mahse chuti mai chuan an che ṭha thei lo ve ve thung,Sailam buanchak chuan Zarkawn buanchak ke kar awl chu a hre ta tlat ,a ke chu rawlh thutin tlemin a kun hniam zauhva ,Zarkawn buan chak chu thum dup khawp chuan a bin ta mai a,nulaho chu sawi loh mipui mimir chu a zuang awk awk hlawm a,kutbeng ri leh lawm avanga au thawm chu a ring ṭha hem hem hle a,a thawh hnihna an ṭan leh dawn ta,Zarkawn buan chak chu a tha a na hle tih hriat tak hian a ṭhen thi sung mai a,a meng senrum bawk a,Bawmzo lal chuan,"Inelna hi infiamna a ni tih hriat tur,kan chak loh pawhin,kan hneh loh val kan tawng ta ah ngaiin lungawi thiam a ngai a,tumah kan chak reng thei lo,"tiin tihchhan nei tih hriat tak hian a rawn ti larh larh a."Vei tak chuan,ka chet diklohna lai hmu ni awm fahrana ,mi han ṭawng khum le,"tih pah chuan a rum deih nghut a.Sailam buan chak in rin hma leh ,tlangaupa pawh a au hma chuan ,a khingpui pa ringruh ṭhuai tliah vek tum ni awm fahran chuan,a che ta buan buan mai a.

Sailam buanchak chuan ,a theih anga rangin a lo inveng thuai a,Buanlung pasalṭhate leh Ramlianate ho pawh chu in chaina tualah chuan an zuang lut ve ta thuai a,Zarkawn lam pawh an inbuanchaka thlavang hauhvin an zuang lut ve bawk a,an innuai titih ta mai a.Bawmzo lalpa chuan,Thinrim zet hian,"Zarkawn khaw lalpa kha ding chhuak rawh le"a han ti chang fak mai a,Zarkawn lal a rawn din chhuah chuan Bawmzo lalpa chuan,"Hetiang a ni maw,i khua leh tui ,i mi leh sate hi nundan i lo zirtir thin,thiamthu sawi tur i nei em?khualkhuaa awmdan mawi pawh in inhrilh hre ngai na nge,hetiang hian em ni mikhual in lo buan thin a"a tita hrep mai a,Zarkawn lal chu an buanchak chet mawi lohna a vang chuan a zak hle a,"Lalpa,ka zak hle mai ,hetiang hian zahna ka la tawng ngai lo,mi dik i ni tih ka hai hauh lova,he inelnaah hian tel ve tlak kan ni lo a ni,kan haw vang vang ang e,kan chakna kan hmang thiam lova,kan chaklohna pawh kan pawm thiam hek lo,mi pawi kan sawi tam hma hian kan kal mai zawk ang e,"a,han ti a,chu lal chu Bawmzo lal chuan a hrechiang bawk a,a thusawi ,in ngaitlawm aw tak pawh chu a awih ta hauh lo mai a,"In khua in thleng meuhvang maw?kawng lakah chambangin Buanlung lal Chalthanga thah tumin ro in rel a ni lawm ni,dawta min bum kual vel chu tum buai duh suh,tun ṭumah pawh hian i zak tak tak lo,i tum sa reng a ni lawm ni?a la tita cheu mai a.lal dang Khuangchawi hmanga kal vete mak ti leh thin rim chuan ,Zarkawn lal leh a hote chu an hual titih ta mai a.an thuruk sawichhuak tu chu tunge ni ang,chu thu chu engtin nge Bawmzo lal hian a hriat chhuah theih,?"chu zawhna chu a mah leh amah a inzawt sek a,Bawmzo lal pa chuan,"Engtin nge ka hriat chhuah theih?tih hi i ngaihtuah ngei ang ti raw?mahni nupui duh khawp lova,Chalthanga thaha ,a nupui neihsak i tum a ni lawm ni?,beng ka nei ve bawk,i fimkhur tawk lo a ni,haw vang vang ula ,kut thlak lovin ka chhuah ang che u,mahse hei hi hre rawh u,Buanlung lal emaw,a nupui chungah emaw kut lek a piang chu damin in chhuak hauh lovang"atih hnu chuan ,mei khupin Zarkawn lal leh a hote chuan Bawmzo khua chu an chhuahsan ta a ni.an boruak chu ,chutiang teh nuaih a nih avang chuan chumi ni pawh chuan an in elna chu an chhunzawm hleithei ta lo va,lal panga te chuan ro an rel ta zawk a,Thanliana leh Romawia chu an ngaih a ṭha thei ta ngang lova,Zarkawn khaw ho en thla tur chuan an chhuak ru ta a ni,hetih lai hian Zampuii chuan ,Sailam tlangval kha a lo zawng ve ngar ngar bawk a,sailam lalin rorelnaa telturin a lo ruat a,lal inah a lo kal ve daih chu niin,aṭhiante hnenah chuan,a hawn veleha an bula kaltur chuan a chah ta a ni.rorel an ṭan chuan ,Bawmzo lal chuan thu a han sawi hmasaa,"Awle zanin hian thupui kan vai hmain ,Ramliana kha lo ding se",a han ti te te a,Ramliana chu a ding chhuak ta a,Bawmzo lal chuan,"He tlangval hi ,Buanlung lal anga lem kan chantir tak kha a ni a,Chalthanga ṭhian ṭha a ni a,khawikipa pawha in zui an ni,ṭhenkhat chuan lal fapa emaw an la ti ngei dawn a,hethu hian ka inchhung bak la pel lo se ka duh a ni.Zarkawn khawho khan thui tak an thlen ka ring chiah lova,tunah hian,Buanlung tlangval huaisen tak Romawia leh Thanlianate bakah ka pasalṭhate pahnihin an um zui mek a,chanchin kan ngai chang ṭheuh dawn nia,mawi lo taka an che leh a nih chuan,kei chuan an lu lak mai ka duh dawn a,he kan inṭhianṭhatna hi ,khawi khaw lal mahin an tichhiat ka phal lo a ni"a han ti charh charh a.Khawdang lalte pawh chuan an lo zawm ve thliah thliah a,chumi zan pawh chuan tlangval engmah hre ve lemlo ho tih loh chuan Zarkawn khawho khawsak dan thlithlaia kalte khawsak dan rawn thlen an awm hma chuan tumah an mu lo,Khawvar lamah chuan pasalṭha pakhat chuan khua lo lutin ,Zarkawnte chuan ,Bawmzo leh Sailung khaw in rinaah buk an khuar a,rohran an neih an la hriat loh thu a han sawi chuan,pasalṭha pakhat leh tlangval pahnih tir chhuakin ,Sailung khaw lal hnenah a tir zui thuai a,Enthlatute thlak turin ,Pasalṭha Tinkhuma leh Pasalṭha Hrangchhuanate an kal chhuak ve leh ta thung a,lal dangte pawh chuan,an tlangvalte chu Zarkawn khaw enthla tur chuan an tirve ta thuai a.Chumi ni pawh chu engmah chhunzawm hleihtheih a nih tak loh avang chuan,Bawmzo lalpa chuan,"Hundanga chhunzawm mai nise,kan boruak heti teh nuaih hi a ni si a,rilru kan pethei tak tak dawn ina lang lobawk nen ,sial emaw,dar emaw ,in duh thlang ula ,chung chu in hawn mai dawn nia,"a ti ta ringawt mai a,Laldangte chuan,an lo hnial thuai a,"I sial emaw,i dar emaw ita lo kal kan ni lova,i mi sawmna ngai pawimawha lo kal nan ni a,a thlawnin engmah kan hawn lo vang,i ropuina ni tur tih khawlohva a awm ta hi a pawi kan ti hle zawk a ni,engpawh ni se,Boruak han thli thlai phawt ila,a boruak a zirin tun aia hlimawm khuangchawi hmang turin lan lo thawk ṭha leh zawk dawn nia,"an ti ta zawk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)