UNAU PHUBA LAKNA BY Tlantei Hnamte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: UNAU PHUBA LAKNA BY Tlantei Hnamte (Completed)

Unread post by Ngaia » November 23rd, 2020, 5:54 pm

UNAU PHUBA LAKNA

Bung 19 na
Ziaktu : Tlantei hnamte

Chalthanga chuan Darzo lal nghawng chu chhum lek lek hian a sat ta zawt mai a,chutih lai chuan,lal fanu chuan a hmai a lo hum chawih chawih a,a khur zawih zawih a ,a thidang zui ta hial a.

Chalthanga ten Darzo lal lu an tar zawh meuh chuan Darzo khaw mipuite chu sawi tur haihchham tih hriat zet hian an ngawi thuap mai a,thinrim tur nge lungawi tur tih pawh hriat thiam har tak tur a ni reng bawk a,Lal neilo khua an ni ta der mai bawk si nen,mualkil upate pawhin rorel thiam harsa an ti tak zet tawh a,Chalthangate ho hnenah chuan,"Kan chunga thilthleng hi pawm thiam har chu kan ti ve ang tih chu min hriat sak ka ring a,mualkil upate tan pawha chet ngaihna hre lo khawpin kan bangbo ta a ni ,a leh pek lo thleng tura in buatsaih kan rel mek lai a ni a,hetiang teh thut hian min rawng ṭhawng rang ang tih rin ngaihna lah kan hre hauh si lo nen,kan lal thu zawm loh chu thihna a ni a,tu nge thiama ,tunge thiam lo zawk tih lah chu ,a nupui hnaisai loh vanga mualkilte min ringhlel fai vekin ,min han ringhlel tum hrang bawk nen,thu a chhia a ṭha engmah min sawipui tha duh bawk si lova,a maherawh chu,he ti a lo nih tak si ah chuan ,a rang lama kan khua hi chhuahsan turin kan ngen duh che u a ni."tiin an khaw chunga thilthlenga mawh an phurh lo dan chu an sawi sap sap a,pasalṭha,Thangruma chuan," A nih chuan,kan khua an run thu-ah khan ,engmah in hriat pui lo tihna a niang maw?tiin a lo zawt let thuai a,Mualkil upa chuan,"Kan lal kâ atang chuam engmah kan hre lo,kan fapate khaw run tura kal tur khan ,thilawmzia an sawi a,kan hriat meuh chuan a tlai hle tawh a ni.thil chu a nih dantur ang takin a ni zo tawh a.tunah chuan min kiansan tawh ula,kan duh a ni,kan lal fanu a la dam a,a ni hian laldang kan neih hma chuan ro min rel sak rih mai a ni ang chu," Chu thu chuan Chalthanga ngaihtuahna chu a ti thui hle a,Khawnbawlte laka lal a tha ngai lo a nih chuan a fanu lakah chuan khawnbawlte hian that an chhuah bik kher dawn em ni? chu chu a ring hauh lo,engmah phei chu a sawi duh chuang lova ,tichuan ,Mualkilte ngenna ang chuan khua chu an chhuahsan ta a ni.

Chalthanga chuan ngaihthat loh rukna a nei leh tak tlat avang chuan,mak pawh a in ti hle nghe nghe a ni.Darzo an chhuahsan hian khua a tlai hle tawh a,zan thil pawh nise mipa rual tan chuan a hreh awm em em hran lova,khua a la eng deuh naa ,khua chu a thim thuai dawn avangin ,meichher tur te an siam chawp nawk nawk a,tichuan khua kha an chhuahsan ta kha a ni a,ruam lamah zel ,a hmaa an kalna hnu zel chhuiin ,Buanlung lama tlang nghal chu an rel tlu ta a ni.

Hetih lai vek hian Buanlung lam erawh chu an buaibkher mai a,tuk khat Thankimi zing tui chawi chu ,a vawi khatnaah chuan Zampuii nen Bawmzo lal fanu nen an pathumin an chawi a,Thankimi chuan,"Vawikhat ka zuk kal leh lawk ang e,nangni chu lo chawl tawh rawh u"tih leh chhuah a rual ta daih a,chuta a tui chawi chu let tih reng reng a nei tawh lo,tukthuan ei hun pawha,a la haw lo avangin ,Zampuii chu lam tumin tuiKhur lam chu a pan ta a,tuikhur a zuk thlen chuan,a tuium lo tla darh nuaih leh ,a fenthir lo let bal a hmuh chuan ,Thankimi chu tuten emaw an hnuk luih tih hai rual a ni ta lo,tuikhur mawng lama hnu pherh deuh nuaih a hmuh chuan ,Thankimi a ngaihtuah lutuk chu a han thu hnawk a,rilru fim a put theih meuh chuan a lo tlai leh duai tawha,hman hmawh taka inlama tlan let lehin,a pi chuan,"khawnge Chemteii chu," a lo ti vat a,Zampuii chuan a ralthuamte leh a hmanraw famkim chu inbel mawlh mawlhin,"Ka pi ,tute emaw chuan a hnuk luih a ni ,a tuium a darh nuaia ,a fenthir pawh leiah a lo let bal bawk a,an hnu ka chhui zui deuh khan ,tuikhur mawnga hnu pherh nuaih ka hmu a ni.ka pi ,min ngaihtuah lo la ,ka zawng dawn a ni." tih leh chhuak a zui nghal zat a,a pi chuan" Ka naute ,rawn hruaihaw leh ngei ngei rawh aw,dam takin rawn hruai haw leh ang che" tiin a au zui lawm lawm a.

Zampuii chuan,"Kapi lungngai suh ,ka rawn hruai haw leh ang" tia ban vai lauh lahvin a tlan liam ta a,lal nu chuan mualkilte leh val upate ,pasaltha an neih angang chu fawmkhawmin ,an nau chunga thil thleng leh ,Zampuii tlanliam tak thu chu a sawi zung zung a,khawnbawlten chalthanga kohtura zualko tirh mai an rawt lai chuan,val upate leh pasalthate chuan ,an thangna chin an hriat si loh chuan an in hlauh kual khawmuang mai mai zawk ang tiin an hnial ta tlat a,lal nu pawh chuan a tupate haw hun chu nghak mai turin a rawtna a siam ta a.pasatha in nghakte chuan ,"kan kal zawh vek chuan,a fuh lovang,pahnihin Zampuii chu kan um ve nghal ang a,Chalthangate lo thlenah kan hnu an rawn chhui ve mai turah ngai ang,"tiin rawtna an siam ta a,tichuan ,an mamawhte lam khawmin zampuii chu an um zui ve ta nghal a.Zampuii erawhchu,a hnuchhuina lama rilru a pek em avang chuana kal sawt hle a,an in bakaih nasa hle tih hriat tak hian ,hnim lo pe leh han thin a vang chuan hnuchhui pawh a harsa lutuk hran lo va,chhun lai a nih meuh chuan a kal thui tawh hle a.an hnu chhui awlsam deuhna lai bawrah chuan tlan titih in a um ngar ngar a,hetih lai tak hi chuan ,a mah Zampuii ngei pawhin a thinrim luat lutuk avang leh Thankimi a ngaihtuahna a vang chuan hmeichhia a ni tih a intheihnghil hial a ni.

Chalthangate pawhin nihnih leh zan hnih an thang hnu chuan Buan lung ramri ann thleng ve ta hlawl mai a,Chalthanga ngaihthat lohna lah chu a zual tawlh tawlh emaw tih mai tur hi a ni a,rilru hman hmawh ru ang reng tak chung chuan,aia ute rorel hnial nih duh si lovin ,kim lo ru ang reng tak chuan ,pasaltha Thangruma remruatna ang ang chuan an awm ta zel a,a mitmeng buai ru tak leh helhkam nei tih hriat tak a,a zasek leh ,a hui leh pap ṭhin chu a thianpa Thanliana chuan a hmuh hmaih hauh lo,a bulah chuan kal hnaiin,"Engtizia nge ?Darzo khua kan chhuahsan lai a ta tawh kha i za sek a,i hui leh pap pap ṭhin a,thil dik lo a awm em ni?"tiin a han zawt hlawl mai a,Chakthanga chuan"Ka hrethiam bik lo thianpa,ka chhungril hian 'Hmanhmawh rawh 'min tisekin ka hria,a ngaihna tak pawh ka hre lo'tiin mangan hmel zet hian a lo chhang thuai a,chu ve leh,pasaltha Thangruma chuan,"Kal ang,thilthleng a awm a ni,kan hmanhmawh a ngai a ni" a tita ruai mai, tichuan ,hmanhmawh takin Buanlung lam pan chuan an phe ta dawr dawr a.

Thankimi tuichawi ,a um a khir zawha a han phur leh tur chiah chu,a hnung lam atang chuan mipa aw hian ,"Nula,i hmanhmawh mah mah a nih kha maw le,kan lawmman tur i awm hla lutuk a,kan zawng buai nasa che asin,"a rawn ti ta mai a,ngawireng chuan tuium chu a phura,penthum chiah a pen hman tiin a hnam hruiah mipa pa khat hian a pawt ding ta tlat mai a,a hnamhrui phih thlak a tumna lamah a tuium zawk chu leiah chuan a tla darh ta zawk a,a fianthir ken chuan chu pa luah chuan a han vaw nghek mai a,chupa luruh ai chuan fianthir chu a ruh a lo no zawk si a,a fian thir ken zawk chu a keh ta zawk a.chu pa chuan"Khanglang che chuan,hmeichhe hmeltha tak pawh hi in lo kawlh fu zel mai a,dim vak chi i ni dawn lo tawp mai,kkhawnge ka nupui hmeltha ,ka lawmman duhawmte,lo kal teh ," tihpah chuan a benrekah man sakin,tuikhur mawng lamah chuan hnuhthlak tumin a pawt ta thut mai a,Thankimi chuan,"Ka duh lo,i va zak lo ve,tu nge i nih ,min thlah rawh,i nupui pawh ka ni lo,ka ni kumkhua lo vang" ti tuar tuar chung chuan,Thankimi chu tal chhuah tumin a tal laih laih a," I va tang ngam zawk ve ,zawngi,i lo kal dawn khawp tih paha Thankimi kut leh lam a ban lai a sahuatah tak chuana lo pet pawp mai a,chupa natuar tlansan tuma pennga vel a tlan hman choh tihah chuan,mipa sawm dawn lai chuan an hual ta khup mai a,a chhipsamah thamin dim lo zet chuan an hnuk ta dawr dawr a.Ka duh lo,min thlah rawh u,ti tuar tuar mahse,chu nula baihvai leh khawhar tak ,chhantu ngai em em tu chuan tanpuitu reng a nei lo,mttui luang zung zung chung chuan,"Nangni hi pasala ka neih dawn ai chuan ka thi zawk ang,tuman min nei lovang"tiin a rilru a siam sauh sauh va.mahse,a thiannu ,Zampuii khan zawng lo chuan a ngawihsan mai mai dawn lo tih a hrechiang em a,a thla,erawh a muang ru hle thung a ni.

zampuii pawh a kal chak par par hle a, a mi umte pawh a hlat vak tawhin a ring lova,fimkhur ngai bawk si,hmanhmawh ngai bawk si chu buai thlak a ti rilru hle a,a thinrim ru teuh bawk nen,hetih hun lai kher hi chuan,hmachhawn a chakawm lutuk hran lo khawp mai,tlang dung zawh a,a tlan ngar ngar hnu chuan ,a mah lo chang tu an awm tih hre hauh lo chuan,hman hmawh tak in a sir vela hnim lo dip deuhtu a piang chu a vai pawp pawp zel a,a kalna zawn chu eng lam kawng nge tih pawh a hre thiam tawh chiah lo ,chutia hmanhmawh bak lenga a kal chu silai a puak thuaia,Zampuii chu a vir nghal nawk mai a,chutih ruala Hmeichhe mangang te tuar tuar ri chu,Zampuii chuan a hre rruai ruaia,"Thiannu ka tih palh ,ka chhan hman dawn lo che a nih hi,mahse lungngai Suh aw,ka u a lo thleng thuai ang."tiin a mit khaw hmuh fiah lo tak chu a han khap fak fak a,a ngaihtuahna pawhin mu leh mal a nei tawh lo,a thim ruai ruai a,a hriatna zawng zawng chu vawi leh khat ah abo zo ta vek a.Zampuii nikhaw hre lova a awm lai chuan,nufa lo sulhawng tlai fal deuh chuan an chhak atanga,mi pakhat rawn hlawm thla nawk chu an hmuh chuan an phawk hle a,a fapa chuan ,tlan chunga panin a nu chu a hui lauh lauhva,a nu nena hmeichhe hliamtuar an buaipui lai chuan ,hnim su buan buan thawm chu an hre ta a,tlangval chuan nula chu a paw lawka,an lo lamah chuan an let pui ta ringawt mai a,an theih anga chaka an tlan pawhin,rawlthar chhuak hlimhlawt tan chuan Zampuiite ang nulian pangngai tak ahan tlanpui tur em chuan a la nau deuh bawk nen,an tlan sawt lo hle a,a nu chuan,Taite helaiah hian thukru hrih ila,a rawn umtute kal liamah thlamah kan hruai lut dawn nia,tiin an phurte chu phur tha lehin,kawng pangaiah chuan engnghelh nei hmel lo fahran chuan an kal bek bek a,a nu chuan a fapa chu a be mawlh mawlh a,nula hliam an hmuhna thlang ,an kalna tur takah chuan mipa panga hian hnu chhui ni awm tak chuan leilam chu an lo bih duk duk a,Nufa fehhawng an hmuh chuan ,an zinga pakhat chuan,"Kapi,mipakhat hliam tuar in lo hmu mial lo maw,?tiin pangai tak hian a lo zawt a.Pitar chuan,"Chutiang awm kan va hmu love,riah tum kan nia,kan hna kan zawh leh tak thut avangin,kan pa dam lo nen,kan haw leh thut a ni a,kan rawn tawk lo reng reng,kei ni hi haw hnuhnung ber kan ni tawh hial ang." a ti ta duah a,chupa chuan ,"A nih tak chu,ka pi,kan lawm e aw,tluang deuhvin in kal dawn nia,a tih mek lai chuan,pakhat chuan,"Ka pi,helai velah hian,silai nena ramchhuak thin an awm ngai em?tiin a lo zawt leh khauhva,Pi tar chuan,"Awm ngai teh reng mai,pasaltha huaisen tak tak kan ngaha,sa lah an la thei narawh,vawiin tlai pawh hian ram chhuak chu sawm rual zet an awm kha maw,khawi lam nge an pan erawhchu ka va hriatpui tawh lem lo"tih pah chuan a han huiha chho dap dap a.pitar ṭawngkama,Pasaltha ramchhuak an awm thu an hriat chuan an hlau thawng ru hle a,hman hmawh zet chuan,an thiante lo nghahna lamah chuan an kal ta sawk sawk a.

Chungho an kalliam ta maw tihah chuan,hmanhmawh zeta let lehin ,Zampuii an thuhrukna chu an thleng leh thuai a,thlam an thlen chuan mutna an siam sakah chuan an han muttira,a hmaa a hliam tawhna sakei hamna lamah bawk chuan silai mu luhna a lo kaw pum mai a,rawlthar chuan a nu chu zaizir chuan tuilum turin a han hrilha ,a nu chuan hmanhmawh tak chuan a lum ta sawk sawk a,khua chu a tlai tawh hle a,pitar chuan,Taite,kan sakhi sarep kha maian nen hian i bai pawlh leh mai teh ang,a tih lai chuan ,an thlam piaha,patling huiha dap dap thawm chu an hre ta a,ngawireng chuan an ngaithla kar mai a,an thlam lam an rawn pana an hriat chuan an han hlauthawng viauva,mahse,in saseng nahun an nei tawh lo,an lo nghak tawp ta mai a,tuibur hmuamda vel an nghah hnu chuan an thlam kaiṭen chu a rawn ri ta thap thap a,pitar chuan,"Lo lut rawh u khai,tiin a lo chhawn thuai a,khawngkhara lo dak hmel a hmuh chuan pitar chuan,"Ekhai,khawi lam atangin nge ni,lo lutrawh u,hei eirawng kan bawl ve dawn chauh a ni e,khawilam nge pan in tum deuh va,?tiin a lo zawt pah zung zung a,patling pahnih lo lut te chuan ,thlama mu chu tunge a nih an hre thei mai lova,pakhat zawk chuan,"Kapi,keini hi Buanlung pasalthate kan ni a,Ralkawn lal fanu kan kawl mek lai a ni a,tukin khan Ralkawn lal fanu chu tute tih hriat lohvin,a zingtuichawi an lo lambun a,an hruaibo daih mai a,kan lal fanuin a umzuia"a tih mek lai chuan ,thlam bungbel vel an dahna chhuara thal leh fei in kham ruah an hmuh chuan ding hluaiin,hei ngei hi a nih hi,kan lal fanu hmanrua chu,tih pah chuan,thlam kil lama mu chu a pan nghal ruak bawk a,pitar chuan,silaiin an kap hliam a nih kha,heta tanghian um ta ula in um pha har lovang mahse,sawm lai mai an ni a,in pahnih ringawt chuan beihtham fe chu an ni ngei ang,engpawh nise,zanriahte han eipuar te te ula,tichuan ,tha in tih dan ang apiangin in awm tawh mai dawn nia,kan nulai hliam hi silfai a ngai a,kan silfai zawhah zanriah chu kan kil tawh mai dawn nia"a lo ti zung zung a,pasalṭhate chuan ,"Kapi kan lawm hle mai,kan lal fanu hi lal fanu ang tak pawha awm thei lo,mipa ang mai a,rammu thin a ni a,in lo bawihsawm avangin kan lawm tak tak a ni tiin lawm thu an han hrilh ve luam a.zanriah an ei kham chuan,hnuchhui tur bawk chuan an chhuak leh ta a.

chalthanga ten khua an luh chuan ,chhawhnu her hret chauh a la ni a ,hmanhmawh takin in lam chu a pan nghal sawk sawk a,in chhung a luh chuan,Bawmzo lal fanu chuan intita tu tak chuan Chalthanga banah chuan a lo vuan chat a,a pi erawhchu lungngai hmel tak hian a lo thu kun nghiai a,Bawmzo lal fanu vawnna chu phihthlak pahin,"Ka pi,engthil nge thleng,khawnge Zampuii leh Thankimi?a han ti nghal zat a,a pi chuan,"Taite ,ka tupa,"tia mittui tla zawih zawih chung chuan Thankimi chunga thilthleng leh Zampuii chungchang chu a sawi ta vek a,Chu ve leh Chalthanga chuan,kapi chaw fun min lo siam la ,ka chhuak leh nghal dawn a nia,tunge Buanlung lalfapa Chalthanga tithinrim ngam fa chu lo inring rawhse,"Thinrim tih hriat tak chuan a han ti chang khal tamai ,api chuan a tupa thusawi chu pawm tih hriat tak chuan a bu nghat nghat a,Bawmzo lal fanu chuan ,Chalthanga bana vawn pah chuan,"Zankhat chauh tal te chu chawl ve la maw le,tun chuk chuk a kal a tul kher em ni" a tih lai mek chuan,lalnu chuan," Nula ,ka tupa tihturah lo inrawlh buai suh ang che,tin in awmna inchhungah ngei buaina a thlenga,buaina leh harsatna kan tawka ni tih hre lo ang hmaka ihlimna chauh i lo buaipui hi ,ka mihring ngainat zawng leh lawm zawng i ni hauh lo a nia,naktukah in pasalthate nen in kaw lamah let leh tawh ula a tha ang,in buaina pawh chinfel a ni tawh thova,"a han ti zet chu,Bawmzo lalpa zak lutuk chuan,a fanu awmdan thiam lo lutuk avanga kam khat a han ni ta hial mai chu a zak ngawih ngawih ngawih a ni.chutih lai chuan,Ramlianate ho pawh hmanhmawh fe leh ,insiam sa vek chuan lal inchhungah chuan an lo lut ve mek bawk a.

Chutia lalnu thinrim phun thawm an hriat chuan Bawmzo pasalthate chuan lal in han chuankai pawh chu in thlahrunawm an ti hle a,mahse pangai tak hian Pasaltha Thangruma chuan,"Lalnu ,i mit kan tlin tawk loh naah thupha kan chawi ni sela,kan chetmawi tawk lohnaah pawh i ngaihdamna kan dil e,naktukah chuan kan chhuak thei lovang lal leh nunau te tar leh kan tlangval rualte haw hmasa sela ,keini chuan kan lalfapa kan la lawm zo lova,kan tihtur kan hlen hma chu kan haw thei lovang,"ti a an pasaltha ngaihdam dilna a vangte leh lalnu chhanna chuan a tizak leh zual hle a ni.lalnu chuan,"Pasaltha,in thiam lohna a awm love,in lalfanu nunphung hlauh nasa lutuk ka lo zilh satliah mai a ni e,kal tawh rawh u,ka nula hmeltha leh duhawm ,nungchang mawi te khan hliam a lo tuar hlauh a nge,dam takin rawn hruai haw leh ngei ngei ang che u,engahnge maw ,tuichawi tura a kal kha ka lo dan loh le!tiin a mah chu a in dem hle.Chalthanga chuan,ka pi,engtin mah a awm lovang ,hliam pakhat pawh a tuar a nih chuan,tupawh nise a hliam tu chu a lu ka la ang,ka pi ,kan kal tawh ang e aw,"tih pah chuan a pi chu a han nuih sak a,a chhuak zui ve ta a.

Chalthanga chhuak ta chu Bawmzo lal fanu chuan en pawh enngam lovin a kun chal mai a,a zak tak zet a ni,Chalthanga a duh lutukna avanga kam khat a han hlawh ta hial mai chu tlawm thlak a ti tak zet a ni.

Nihnih zet a ni ta ,Zampui chu tlailam ni tlak dawn suar suarah chuan a rawn harh ve ta hlawl mai a,Thiannu,ka thiannu kha chhuah rawh u,tia phun sep sepin chhan tumin a tang nasa hle tih a hriat theih a,a phu deuh aih aih bawk a,pi Zamani chuan ,"Nula harhte ,i harh em?"tiin a sawi deuh nawwk nawk a,chiang fahrana rawn men kawk pah chuan"Ka pi khawnge ka awm,mu mai mai hman ka ni hleinem,ka thiannu an mana,chhanchhuah a ngai,tih pah chuan thawh mai a han tum a mahse,a hliam avang chuan a mu leh ta riai riai a,"Engnge ka chungah thleng reng reng le ,ka van hrethiam lo em aw!a han ti vang vang a,pi Zamani chuan ,Zampui,miin silaiin an kap che a,an rawn um nghe nghe che a,mahse kan thukru hman hlauh che a,hetah hian kan hruai ta che a ni.tiin a hliam tawrh dan leh an thuhruk dan te chu a hrilh kauh kauhva,Zampuii chuan" Pi Zamanite nufa chu lawmthu a hrilh mel melh a,Pi zamani chuan,an chhan hman avanga an lawm zia chu an hrilh let zawk mah a,tichuan ,chumi tlai chuan zanriah a kil peih ve ta a,pi zamanite nufa chu an lawm hle a,kar khat zet chulai hmuna an awm hnu chuan Zampuii pawh a tha sawt tawh hle a,kal chhuah ve mai pawh a duh tawh ve rum rum tawh a,mahse pi Zamanite nufa chuan an phal rih tlat lova,a fapa rawltharte nen chuan zing tin ralbeihdan an in zirtir thin a,tawngthei lo mah nise ,a hmel chu a thain,a fing em em bawk a,a taksa phei chu in phut mawi deuh se mipa pian thiam tak tur hi a ni a,dinhmuna rualpawl pha lo tih takah a taksa chu a cher chhe ve em a,a lang mawi lo mai chauh zawk a ni,Tawngtheilo ni si a beng a var em em lawi a,Zampuii chuan mak a ti ru hle zawk a ni.

Tuk khat chu Pi Zamani fapa,Romawia chu zingtakah a tih thin danin fianrialah nunchan zir turin a chhuak leh ta a,tukthuan ei hun velah chuan thlam lam pan a tum lai tak chuan a chhaklam a tang titi barh barh thawm chu a hre ta thut mai a,hnimbuk phenah chuan biruin,a lo bih khiau mai a,thawm chu a lo hnai zel in,pasaltha rual mai bakah pasaltha ni lem lo,mi panngai aia chung lam tih hriat takte chuan a thlang lam chu an pan thla ta a,hriat chhuah nei ni awm tak chuan a,riat ta nawk nawk mai a,Chalthangateho pawh chuan ,chutia an chhaka thawm lo chhuak ta phut chu mak tih hmel zet chuan an hawi rual nghal thawt a,Rawlthar hmelfel renrawn chuan hui lauh lauhvin ,zaizir chuan engemaw hi a han sawi a,Ramliana chuan"Engngeni ta tlangval,a va mak bawrh bawrh ve?tiin a han zawt let a,Rawlthar Romawia chuan,a hui lauh lauhva,a piah lam chu a kawk leh vah thin a,a,tawpah chuan a mangang chuan,Chalthangate awmna lamah chuan tlan thlain,Chalthanga kutah chuan a kai a,Zampuii an chhar dan leh an thuruk dan te chu ahan sawi thin a,a inthuam dan a sawi kai chiah chuan Zampuii chanchin a sawi tih an hrethiam ta chauh va,Chalthanga chuan,hliam enkawl i ni si a,engvanga helai daih daiha kalsan nge i nih,?tiin a han zawt leh ,Romawia chuan a lei tawi tak chu chhuahin,a kut zungte bung ve ve chu a han hmuh a,"Phuba"an lo tirual thap a,Chalthanga chuan,engpawh nise i zui phawt teh ang " a tih chuan Romawia chu an zui ta a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:55 pm

UNAU PHUBA LAKNA

Bung 20 na
Ziaktu : Tlantei hnamte

Chalthanga chuan "Hliam enkawl i ni si a,a engtia helai daih daiha awmsan nge i niha"
?"tiin a han zawt a,Romawia chuan a lei tawi tak leh ,a kut zungte bul ve ve chu hmuhin thinrim hmel tak hian a rawl neih ang ang chuan a han inhrosa kual vel a,"Phuuba "an lo ti rual thap a,Chalthanga chuan ,"Engpawh nise i zui phawt teh ang"a tih chuan ,Romawia chu an zui ta ngawt a.

Romawia te lo an thlen chuan ,Thlama hmeichhe nui ar ar ri an hriat chuan Chalthangate ho chuan tu nui ri nge tih an hai lo,thlam an va thlen chuan Zampuii hlim lutuk chuan ,"Ka u,kan hmawh a ngai a sin,khawmuang hman kan ni tawh lo,hei vawiin hian chhuah ka lo tum ve mek a,"a lo ti zung zung a.Chalthanga chuan " ka hria a lawm,mahse,thil pakhat hriatchian duh ka nei,ka pi,i fapa chungchang thu hi min lo hrilh teh,engvanga tawng thei lo nge a nih ,?a mah a fing hle si a,tiin a han zawt a,Pi Zamani chuan sawi hreh hmel zet hian a meng hnual raih a,a rilru nat zia chu a mita mittui tling pam atang chuan tuman an hai lo,Chalthanga bawk chuan,"Kapi ,i sawi chak zawng a nih loh chuan ka phutlui lo mai ang che,a nih chuan kan kal tawh mai ang e,"a tih chuan,Romawia chuan a lu chu a lo thing nawk nawk a,a nu chu hau ni awm tak chuan a rum chhar chhar bawk a,Pi Zamani pawh chuan ,a fapa ngenna chu hrethiamin he tihian an chanchin chu a sawi ta a.

Chhip zawl khua kan ni a.ka pasal hi chawngkhuma a ni a.a hrisel teh chiam loh avangin hna hi min thawhpui hleithei meuh lova,kan lal thlazar hnuaiah chuan rethei berh takin kan ei ve tawk tawk a ni a,kan fapa bak hi fa ka nei thei ta lo va,ka fapa thingnawi fawm rual a nih hian nikhat chu,kan pa leh taitea chuan luiah chakai man turin an kal a,chuta an rawn haw lam chuan ,kan pasalthate leh mualkkilten kan lal an phirukna thu an rel lai takin an va nang ta si a,an thusawi zawng zawng chu hre vek turah ngaiin an dawp ngial a mahse,'kan pa chuan in thusawi kha pakhat mah ka hre lo,hria ila chuan ka rawn pawh duh hauh lovang che u'a tih pawh chuan an ring hlel nge ni,nikhat chu ,an pafa bawka an lui kal chu taitea hi thihnuangin a rawn haw a,a kut zung tang pahnih tan a ni bawk a,a lei hmawr chu tan a ni bawk a,a pa thih thu min hrilh tumin a han tawng dawn thin a,a tawngfiah thei ta hauh lo mai a.tichuan ,miin an that a ni tih mi han hrilh chu ,ka rilru a na em em mai a,lal hnenah hrilh ka tum chuan a phal ta hauh lo mai a,chhungleh khat vuangva tumah kan nei si lova,tichuan a zan a zan kan pa ruang awmnaah chuan kan nufa te chauh chuan kan kal ta hnak hnak a,a ruang awmna kan zuk thlen chuan,(Rilru nat hmel zet leh tawng chhuah harsa ti zet chuan a han in sut ri hraih hraih a,tichuan a chhun zawm leh ta a).(ka puan ken ang ang chuan a ruang chu kan tuam a,kan theih ang ang in a thlan chu kan lai ve a,tichuan ,tuma sun pui lohvin kan thlah liam ve ta a ni.Chumi zan la la chuan kan bungrua thiar chhuakin kan thlawhhma lamah chuan kan tap nufa ta chawt a,kan lo mawng maiah kan pa thlan a awm avang chuan, kum tin kan thlo fai thin a,tun thleng hian helai bawrah hian thlawhhma zim te te neiin, khaw chhunga haw tawh lovin,kan awm chilh ta a ni.kan nulai hliam kan hmuh tum khan ,kan in hlui han hmuh mai mai tuma kal kan ni a,khuaa kan luh a rem lo a niang e,hliam buaipui tur kan neih leh tak ah chuan kan thulh ta a nih hi"a han tih chuan ,pi Zamanite nufa chu an lainat tak zet hlawm a.

Chalthanga chuan," Ka pi,helai hmun hi kalsan i hreh viau chuan ka sawm lui miah lo che a,lo inngaihtuah la,kan lo let leh lamah a chhanna chu min pe dawn nia,kan kal phawt mai ang e,tih pah chuan Romawia chu a han kuah thuak thuak a,"I nu hi lo duat viau rawh aw,"tih pah chuan a chhuak zui ta a,Romawian Zampuii an chharna lai a hrilh na hmun an thlen chuan ,zampuii lum thlakna nia a sawi thing tang tliak a tang te chuan an chhui zel a,Hnuchhui thiam Pasalṭha Thangruman hma a hruai a,Zampuiin a thil hriat tawpna nia a hriat a sawina lai an thlen chuan,silaiin a dar hnung lam a rawn fuh tih a swwi chuan ,an han ngawi leh thap a,Ramliana chuan zeldin chawp zelin ,hmelma te awmna tur ni awma a hriat lam chu panin,a rin zawh zel a,an ep mual atang chuan ,Zampuii chu a han tin chhin vel a,pen hnih vel lek a han pen leh chuan,mipain an sam zial tih ngheh nan a an hman thin dawhkil lo let bal chu a hmunta hlau mai a.tichuan ,chu chu ak thain ,tlem a han kal leh hlek a,Chhawl dah khawm thut bek miah loh an hmu leh ta a,'Um ,hei chu kan pasalṭhate hnuhma a nih dawn hi,"tiin a chiangtawkah a ngai ta a,helamah hian hnu chu a chiang viau mai,"tiin an thiante chu a ko ta hlawm a.An thianten a bul an thlen kim chuan.Romawia chuan zaizirin Zampuii hnenah chuan,"Kei hetah ka kal ang a,nang hetah awm rawh ,a ti ta tlat mai a,Zampuii chuan ,"I nu enkawl la ,kan lo kir leh hunah i thiltih turah ka pui zawk ang che"tiin a lo hnial ve thung a,Chalthanga chuan,"Tlangval,tuntum chu i u hi kal phawt sela,kan lo let leh hunah chuan ,a ni chu a awl tawh ang a,kan pahnihin i hmelmate leh ka hmelmate chu kan do dun dawn nia,i lungawi em?a han tih chuan ,chu rawlthar chu a bu ta nghat nghat a.hunin a nghah ve si loh avangin ,Romawia pawh chuan a letsan ta nge nge a.

Zampuii chuan Thankimi a ngaihtuah zia chu a sawi sap sap reng a,a ruk tak chuan ,Chalthanga pawhin a ngaih tuah ru em em a,ngaihtuah leh ngaihven anga lan erawh a tum lo hul hual a ni,a hmelma,a damchhunga a theihnghilh tawh loh tur fanu a ni miauva,nupuia neih phei chu a tum lo hle a,mahse ,midang nupui atan chuan a phal lo ru hle lawi si a ni.chutia ngawirenga an kal mawp mawp lai chuan,meichhemna hnuhma an hmu ta a,buk khuar lova meichhemna hnuhma an hmuh takah chuan an pasalthate hnuhma hnutchhiah a nih an ring ta a.Thankimi bona chin kha karkhat zet a nih tawh a vangin ,hniak leh hnuhma reng reng chu a hlui deuh vek tawh a,mahse ,an hmaa kalten hnu an hnutchhiah deuh zel avangin ,chumi hnu um chuan an kal ta mawp mawp a.khua a thim meuh chuan thlamang lam a ni bawk nen,a thim chhah em em mai a.meichherte siamin ,an eitur ken ,Pi Zamani funsak chu puar takin an han ei te te a.muan chan chi a nih tawh loh avangin ,an eipuar fel a,vaibelte an han nuna ,kham tawk taka an han pak talh talh hnu chuan,hnu thar lam pelh pah reng chung chuan an kal leh ta ngat ngat a.

Thuife an kal hnu chuan ,Pasaltha Thangruma chuan ,"kan kal rim tawk ta viau ve,rei lote tal chu i chhing sek teh ang u,kan mut tlem lutuk chuan a hun takah che tur kan awm lo mai ang "a tih takah chuan meipui turte lain lungpui leh thing kungte nghengin an thu mu ta hlawm a,chalthanga erawh chu a muhil thei lawk lova,Thankimi lal fanu hmeltha leh duhawm tak mai ,an thlahtute suahsualna a vanga , dinhmun hreawm taka a han ding ta mai chu a khawngaih hle a,tuna a chunga thilthlengah te hian a hlauthawngin ,a mangang hle tawhin a ring a ni,a mah chhan tuma kal Zampuii lah chuan a a nan hman teuh teh lul nen ,hliam a han tuar ta kher kher bawk si chu,pawi a ti ru vawng vawng mai a ni.zing khavar dawn hnaihah chuan a lo chhing sek a niang chu,Mumang a la nei zuia,a mumangah chuan,Mipa rothap pui pui karah chuan ,Thankimi chu kut hnungkhirh hian a lo kal ve hnak hnak a,a mitmeng beidawnnaa khat leh thih chak ngawih hmel a hmuh chuan,a hming chuan a lo ko chiam mai a,thei leh thei lo hian," A tlai tawh ,min chhan thei tawh lo,min kalsan rawh ,ka thi mek a nih hi," ti than hian a hria a,a hmui phun chauh ni mahse,a bengah chuan a ring em em lawi si a," Thankim ,i thi lovang ,i thih ka phal hleinem ,min lo nghak la ,lungngai mah ta che,nangmah chhan turin ka lo kal hi," tia a um lai chuan,a harh tahlawl mai a,mak hi a ti em em a,nidangah chuti takin a ngaihsak ngai pawh a ni lova,a khawngaih satliah mai kha a ni si a,chhanchhuak turin a beisei reng anga,an lan tak mai lovah chuan a beidawng hle em ni ang,amah hruaitute hian kut an thlak nasain ,a duh lo chung an khawih em ni zawk ,chumi beidawng chuan in tihlum a tum ta mai em ni?a ngaihtuahna chu a buai hle mai a,engpawh nise,an hman hmawh a ngai hle niin a hriaa,a tho thut a,"Thiante u,ka hmanhmawh a ngai ,ka hnungah min rawn zui mai rawh u,ka mang a tha lo tlat,Thankimi hi ka chhan hman lo a nih chuan,ka damchhung hun hi nuam tak leh hlim takin ka hmang thei tawh lovang,keimah avanga heng zawng zawng hi thlenga,tawng a ni si a"tihpah chuan a ralthuamte chu a khawm mawlh mawlh a,Zampuii chuan,"Ka u min lo nghak ve la maw le,ka hman hmawh ve tho a nia"a tih pawh chuan ,tumah a nghak thei tawh lo a ni ."Midang rual khan lo kalve mai rawh,ka rual chuan tumah in kal thei lo"tih pah chuan chakfe a tlanliam nghalin a mawngphe pawh an hmu hman ta lo a ni.midang pawh chu an tho ta sang sang a,tukthuante an ei kham chuan an ni ho pawh chu Chalthnga liam na lamah chuan hmanhmawh tak mai chuan an liam zui ve ta nghal zat a.

Thankimi chuan a mah mantute chu tute nge an nih a hre hauh lova,a hmuh ngai awm pawh a hre hek lo,"Engvanga hetia min hruaibo mai nge in nih ?ka pu phut ,Buanlung lal fapa lu pawh in la hauh lo si lo,khawi pawh min thlenpui ula,in tum ang chuan in awm hauh lovang"a han ti hlak hlak a,a bula thu chuan ,Lal fapa lu chu ipu kan pe daih tawh a lawm,Buanlung lal fanuin a ru chhhuak che tih min hrilh a,rawn hruai tur chein kan lo kal ta a nih hi,ka duh love te i lo ti kawisawi leh nghal a,nang hlawhchhuak tur che hian kan vak nasa tih hre ta che"a lo ti hluk hluk a,Thankimi chuan"Lulian ,Dawt bak sawi tur i hre nang e?kapu chu a thi daih tawh,kei min hlawhchhuak tur hian engthil mah in ti lo,min rawn zawng chhuwk leh tho vang"a tih lai mek chuan ,an chawlhna ep chiah a,mi hring tlan puat puat chu a hmu ta thut a,a han en chian chuan Zampuii ni in a hre ta a,a mi hmuh a din vang vanga a lam a rawn hawi chiah tihah chuan,silai a puak thuai a,Zampuii vir nawk a hmuh chuan ,Zampuii tih leh tah a rual nghal ,"Mitenawmho engvangin nge in kah ,a thi a nih vaih chuan a u leh a thian ten an that ve tho tho ang che u" tih paha zampuii lam tlan chu a rual nghal thut a,mahse thui tak a tlan hman lo,a chhipsamah bawk chuan a mah veng tu chuan a rawn tham nawk a,a theih tawpa lo bei let vein an insual titih ta mai a,Thankimi chuan a hama ,a beng a,a chum nawk nawk nawk bawk a,chupa tih ngaihna hre lo chuan a tha tawpin a hnek ta chawrh mai a,a hnek fuh chiang em a,Thankimi chu a let nghal nawk a,ni khaw hre lovin a awm zui ta a.

Thankimi thidang a han harh chuan ,a taksa khawi lai pawh chu a na thum vek mai a,thinrim taka chung ho melh pah chuan ,damin in chhuak hauh lovang,in thi vek ang ,nangni hi in thi lo a nih chuan kei tal hi ka thi ang"tia a ang hlaih hlaih pawh chu ngai pawimawh lo zet chuan ,an lo nuih khum sung hlawm a,an zinga hotupa ber chuan,"I duhtawkin min han ankhum teh khai,i chunga chuan pawh a man hla e,nula thianghlim ngat mai nawmsip han bawlpui chu pian man a awm thin e,"a han tih chuan,Thankimi chuan ,a taksa na themthum te ,a puana thisen kaite chu en vawng vawngin tunah chuan a tan damchhan tur a awm ta lo,he khawvela a hmangaih ber tan lah chuan a ni chu hmelma a ni si a,chutih nak laiin,misualho nawmchenna mai a ni tawh si a,a mittui tla tur pawh dangduh lo chuan a luang ngiai ngiai a,Chalthanga awmse zawng hetiang dinhmunah hi chuan a ding awm tawp si lova,engah nge maw ,a ni reng reng pawh chuan phuba ringawt a buaipui mai chu le,tiin rilru na tak chuan a in sut hlap hlap a.khawi lam nge an pan dawn tih pawh zawt buai duh lovin,an kaihna lam lamah chuan a kal ve mawp mawp mai a ni.A taksa lah chu a nain a thip sup sup a,an phuarna duk cher churte nen chuan dam lai reng a nei tawh lo.khawi pawh thlenpui sela enge pawi,laina ,chhung leh khat a nei tawh chuang hleinem,duh leh ka tlu hlum ang a,ka thih hma leh ka him hma a ni mai ,chu ngaihtuahna avang chuan ,an sir hnim vel a,kham te chu a enngun hle a,zuang thla thut thei tur chuan rilru a siam sauh sauh va,Engtikah mah a pasal a ni ngai dawn lo tih hre reng chung pawhin,bawlhhlawh kai chunga Chalthanga hmachhawn chu a ngam ngang lo a ni,nungdamin a hmu tawh tur a ni lo,zuanthlaka thih ngei ngei theihna tur khawp kham sang lah chu a vang em em mai a,kar khat a ni tep tawh a,Chalthanga te hmel reng reng hmuh tur a la awm chuang lo,a beidawng tak zet ta ,a tan thih mai loh chu thlan tur a nei tawh lo,Chalthangate chuan rawn nang teh reng pawh ni se,eng tin nge a tih chuan ang.a hmachhawn ngam dawn chuang si lo.a mittui chu a dang seng lo,chutih lai chuan ,an hnung dawltute silai chu a puak leh ta,chu ve leh ,amah kaitu chuan chak fe hian a kai dawr dawr a, a in chhuih nawk nawk a,a tlu reng bawk a,amah hnuktu lah chuan a dim lo nasa mai si a,tute nge chung silai hmetpuaktute chu ,hriat a duh si ,a duh thuin engmah a ti thei si lo."Min kalsan rawh ,ka kal thei tawh lo,hetah hian min hnutchhiah rawh ,ka awm awmin ka awm ang,kal rawh "tiin chupa chu a vin tuar tuar a,mahse,a thusawite chuan awmzia a nei tam lo hle a,a hahin a taksa na mai pawh ni lovin,a khua lah chu a lo sik chhen bawk nen,a kham tak zet tawh a ni.a ke lah chu a thi nasa em em bawk a,han en mai phei chuan ,khawkhat lal fanu a ni ang tih chu rinhlelh awm tawh tak a ni.

A kawr hak te lah chu a tet phengphung tawh a,a taksa nalh tak thin khuh tu awm mumal tawh lo chu,a kawr thler bang chuan a khuh tawk tawk a,hlingin a taina thip themthumte chu sawi pawh a sawi peih tawh lo,a kevung nasa lutuk avang chuan,a pen thei ta ngang lova,thut mai a tum lai chuan an hma lawka lengkir sang ang reng tak chu hmuin ,a mah hnuk tu thlawp zel chung si chuan lengkir lam hnaih zelah chuan a pen chhat chhat a,lengkir an hnaih ta viau va a hriat hnu chuan ,a man vuan bet tlattu chu a pawt let thut a,chupa chu a lo inring bik si lova,lengkir lamah chuan an lum thla dun ta a,mahni in ven ngai nen ,an in thlun zawmna lah chu ramhrui mai a nih a vang chuan,rinaiin a lo chat awl daih mai a,an thlunna hrim hrim kha a lo dul sa ve reng te pawh a ni mahna,a mahvengtu ber chuan Thankimi chu ngaihsak thei tawh bik hek lo,Thankimi lengkira a tlak liam chiah chuan ,a ni erawh chuan thingzung pakhat chu a man fuh ta hlauhva,kham a tang chuan eng tin tin emaw a lawn chhuak thei ta hram a.khama tanga a lawnchhuak chiah chuan,an lam pana a thiante rawn tlan hlawk hlawk leh hlau thawng hmel tak a hmuh chuan,engnge tih pawh zawt buai tawh lem lo chuan a chhak lamah chuan a tlan chhe zui ve ta ringawt a,a hnuai lengkir lam pawh ennawn tawh lem lo chuan a tlan ta vang vang a.

Khatia lengkira a lum thla ta kha ,thih in beisei taka lumthla ta kha a ni a,mahse hnim zam chiin a lo khat tlat mai a,a ban leh malpui erawh chu a na em em mai bawk a,engah nge a thih nghal law law loh ni,a thinte chu a rim hlur a,thawhchhuah mai a han tum a,a tho thei tlat lo,zawi te chuan rem fahran lo chuan a mu leh ta rih a,engtia rei nge a mut tawh pawh a hre lo,a khawsik nasa lutuk avang chuan a khur hlak hlak a,a ban leh malpui ruh lah chu a che thei der si lo,ni chu a han en a,a hniam tawh hle a,a thawh chhuah vat a ngai a ni,thawh tum chuan a han bei leh ngial a,a tho thei ta chuang lo va,beidawng zet chuan a han chhing vang vang a,thawkkhat tan a han la leh a,a malpui chu a na chuan a kalh ta tlat mai a,a awm dan siam tha tur pawhin a kut leh lam a hmang thei bawk si lo,beidawng zeta a chhin leh diar diar lai chuan"Lalfanu i tha em,lungngai reng reng suh kan rawn pui ang che "tih thawmah chuan meng kawkin,hlauthawng tak chuan a han hawi chhuak a,Buanlung pasalthate pahnih an lo ni hlauh mai a,"Ka ban leh ka malpui hi a che thei tlat lo mai a,ka tho thei tlat lo mai"a han ti tham tiak a."Kan lo chhuk dawn e,"tih pah chuan hrui ah chuan a uaithla zui nghal thuai a.a thianpa hrui theh thlak chu lo la in Thankimi kawngah chuan a thlung ta a,Thankimi chu a kaih thawh mai a han tuma,tho chi awzawng a lo ni lo,a malpui ruh ,a malte chung maia pir pawng vuh a hmuh chuan,a mah zawk pawh chu inthlungin,a thianpa puihna nen zawi muang leh harsa tak chung chuan an chhuak thei ta hram a.kham ko an chhuah hnu pawh chuan ,Thankimi ban vung luah leh Malpui ruh pir vu a vang chuan dim dawih a ngai an reng hle bawk si nen an buai ru hle a.Pasaltha Zathanga chuan,"Thianpa ,remlo teh mahse,hmun rem lam a kan in bawihsawm a ngai si a,ka pua ang a,kan let thlak pui mai loh chuan,nangin ka hnung lamah min lo veng dawn nia"tih leh Thankimi puak chu a rual zui nghal a,a hliam chu a na tih hai rual loh chuan a thlantuiin a bual huh zui mai a,a khua a sik hlat hlat reng bawk si a,Hmunrem han in nghahna mai tur lah chu a vang em em mai bawk si a.enge maw chen an let thlak hnu chuan ,luikam a Aidu hung hlimah chuan an nghat ta a,chuti khawpa hliam tuar nasa si chu ,rum dat tih loh chu a tuar chhel em em a,a ke vung pum ul mai leh hmai leh a kut vung luk a vangte chuan,eng anga nasain nge an khawih ang tih chu rin chhin ngaihna pawh an hre lo zawk hial a ni.thisen chhuak nen,a chau ngawih ngawih tawh a,Pasatha Zathangan a hliam a sil fai lai chuan biak hleih theih lohvin a awm zui ta a.chutih chhung chuan ,Pathate pa hnih chuan ,Thankim malpui ruh te chu lo siam thain phelsepin an cher khawng ta tlat a,a ban ruh pelh an siam that zawh meuh chuan khua pawh a lo thim titih tawh a,meipui eng hnuaiah chuan buk lian lo tein an puah chuk chuk a,Chutah chuan Thankimi chu an mut tir ta a,an zanriah turte an han buatsaih fel leh meuh chuan khua chu tlai tawh tak a ni,a thim chiang tawh hle a,zanriah an kil lai chuan,pasaltha Zathanga chuan ,meichher pakhat de va va hi a hmu a,Lal fanu a nih loh vek chuan Chalthanga a nih ngei an ring a,misual chu nise an meipui eng a hmuh pawh khan a meichher ken chu a tihhlum daih an ring a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:58 pm

UNAU PHUBA LAKNA

Bung 21na
Ziaktu : Tlantei hnamte

Pasaltha Zathanga chuan,an Zanriah an kil lai chuan,an buk lam pana Meichher pakhat eng tang tang hi a hmu ta a,Lalfanu a nih loh vek chuan Chalthanga a nih ngei an ring tawh a ,meichher chu a rawn hnai zel a,meipui engin a en phakchin a thlen chuan a meichher chu leiah chuan a hawlh hlum ta a,Chalthanga ngei mai chu a lo ni a."Ekhai ,pasalṭha ka tum angin ka rawn thleng hma thei lova a pawi hle mai,ka nau alo in hliam vei bawk nen,kan misual ho chu in hmu tawh em,kan lal fanu chu an la hruai zel em ni?tiin zawhna tam tak mai chu a zawt nghal zung zung a,pasalṭha Zathanga chuan thilthlen dan kim chang zawng zawng chu a sawi ta vek a,pasalṭha Zathangan chinchang a han sawi zawh chuan buk chhungah chuan a lut nghal thuai a,Thankimi,kawr tet hniang leh ,ataksa khuhtu awm mang lo khawpa thawmhnaw thler nasa a hmuh chuan,a lainat ngawih ngawih a,a hmai duk char mai leh kut ke vung luah te ,a malpui incher bur maite chu a han en thin a,a thinrim tak meuh meuh a ni."Heihi emni,a tlai tawh ,chhantlak ka awm tawh lo,i lo tih chhan kha,?i dama ithawk ṭek ṭek phawt chuan chhan tlakah ka ngai reng ang che,heng hi i thiam loh a ni hleinem,tawhsual i tawka,i vanduai ta a nih hi,hmangaihtu thinlungah chuan,nula thianghlim ber inla ni tho tho a ni"a ti rilru sep sep a.a kut chu a han la chhuak a,a vung nasa hle a,pasalṭha Zathanga hnenah chuan"a vung te hi tuiluma zut a va tihchi awm ve,zanin hian kan thiante pawh an rawn thlen tawh ka ring a,kan nula hi ngaihthah chi a ni lo tawp mai,a hliam zozaite saw,patling tan pawh tawrh tham fe a ni tlat mai,Zampuii lo enkawltute hnenah khan hnutchhiah ila,keini a thenin misual lulian ho chu kan um bawk ang a,a tha in ka ring"a rawn tichhuak ta hlawl a,Chutia Chalthanga meuhvin Thankimi ngaihtuahawm zia a rawn sawi chhuak ta chuan,a ngaihtuah ve hle ti a tichiang thawkhat viauvah pasalthate chuan an ngai a ni.zanrei lam tawh ah chuan Thankimi chu a rawn rum dat dat a,an vai mai chuan buk chhungah chuan an lut ta diak a,a pang chu a sa hle a,Chalthanga chuan a diar ,a piin uluk taka a tahsak chu luiah chuan a zuk chiah nawk nawk a,tichuan ,Thankimi chal leh ban vel chu a dep ta a.rei ngial a deh hnu chuan ,tlemin a pangsa lutuk pawh chu a dai ta deuh va,chutia a pang a daih deuh hnu chuan a zi ta ṭalh talh a,a thawmhnaw tet hniang kara a taksa hliam thenkhat lo lang a hmuh chuan Chalthanga chuan ,Thankimi hliam chu hmuh chian a duh avang chuan a thawmhnaw thler zo deuh vek tawh chu phelhsakin ,a puan ven lai chuan a khuh sak ta zawk a,a taksa hliam niannuan a han hmuh chuan ," I tawrhna hi a thlawn lovang ,lungngai suh ,ka enkawlna hnuaiah ngei hian zahawm takin pasal pawh i nei tur a ni"a ti rilru nauh nauh va.

Pasaltha Chawngliana chuan,khatia a mutthilh theih chuan keini pawh in hmut chhawk ve ila,kan vaia kan men vek chuan,naktuk lama che chhuak tur kan awm lo hlauh vang e,a lo tih chuan,pasaltha Zathanga chuan,ka lo meng ang mu rawh u" a ti tak naa ,Chalthanga erawhchu a che sawn chuang hauh lova,Chawngliana chu mu tur chuan a nawr thlu thei ta hram a.Meipui bula an thut dun lai chuan ,Pasalṭha Zathanga chuan,Thankimi lainat awm zia leh ,lengkira a tlaknaa a lo awmdante a sawi lai chuan,Chalthanga hmela thinrimna nasa tak a hmuh chuan,Thankimi nunna chu a kutah a innghat a ni tih a hai bik hauh lo tih a hrethiam ta thuai a ,chu lal fapa chu la naupang viau mahse,mi rin phak bakin a puitling ru hle tih pawh a hai ta bik lo a ni.

Khawvar dawn lam hnaihah chuan an awmna lam pana phun sar sar thawm chu hriain ,an inkheuh zauhva ,in ring tak si ,hre lo ang hmiah chuan an awm ta ran mai a,mahse rei nghah a ngai hran lo,Pasalṭha Thangruma chuan,"Thiante u,in va awm hnai ve,helai maiah chuan hmuh che u kan inbeisei hauh lo asin,khawnge kan misual rualte chu an tawm a?chu aw lo chhuahna lam an va en phei nak chuan,Bawmzo pasalṭha leh an ṭhiante an lo ni reng mai a,Zampuii chuan "Ka u,khaw nge ka thiani chu a awm ,in la hmu lo cheu em ni?tiin thlaphan hmel tak chuan a zawt nghal ruai a.Chalthanga chuan buk chhung lam chu kawkin,lova thutpui ta che Zampui ,a hliam nasa khawp a nia"a tih chuan,rang zet hian buk chhungah chuan a lut nghal thuai a.Thankimi hliam a han hmuh chuan ,a chunga thil thleng tur zawng zawng a ngaihtuah chuan a thu hnawk a,"Ka ṭhian,hetiang em em a nasa hian maw ansawisak che a,an eng pawimah i sawi lo chung pawhin,i lakah nunrawnna an chhuah duh cheu a ni maw?ka thian ,thi lovin ka chhuah hauh lovang" tiin a sam chu a chulsak heuh heuh va,min lo kap lo nisela ,heiang em em hi chuan ihliam na lo tur,ti rilru neuh neuh chung chuan ,a sam thur bimbemte chu a han hui mam sak thuak thuak a,chutih lai chuan Thankimi chu a rawn meng diar diar a,Zampuii hmel a han hmuh chuan mak tihmel tak hian,"Zampui,ila dam a ni maw?an kaphlum daih tawh che emaw ka tia ,ka beidawng viau tawh asin,nang lo chu innghahna tur pakhatmah ka nei tawh si lova,i lo la dam chu ka va lawm em!mahse ,tunah chuan nula tia sawi tlak pawh ka ni ve ta lo,ka engkim hi sawisaka tihchhiat vek a ni tawh a ni,a tlai tawh ,lengkira khan lo tlahlum daih law law ila tha tur,engati nge khuanu hian ka thih hi a phal loh le,thih hi ka tan a tha zawk a sin"a ti niah niah a,chutih lai chuan Chalthanga chu buk kawngkaah chuan a lo ding reng tawh a."Thihthu i sawi em ni?Vawi khat mah sawi tawh lola a tha ang ,i dama i thawk tek tek theih chhung chu sawi tawh suh, idam ngei ngei a ngai a ni" a lo ti ve khauhva,mahse ,a lo dawngsawngtu Thankimi tan chuan chu tawngkam chu a na ru ngawih ngawih thung,a sawitu rilru lo deuhvin,"Nie,ka leiba pawh ka la rulzo hleinem,rinawm takin in saltur chuan ka dam chhuak em em ang,pasal nei turin ka dinhmun pawhin a zir tawh chuang hleinem maw le, tihian ka damchhungin in sal ka ni kumkhua tawh mai a ni ang chu"Thankimi tawngkam chuan a hmaa a hnena a lo sawi tawh kha sawi nawn lehah a ngai tih a hrethiam nghal mai a,chhang buai duh lovin pawnah bawk chuan a chhuahsan leh ta zawk a.Zampuii chuan" Thiannu ,Salchungchang kha chu sawi tawh lovang,ka pi pawhin a ngaihtuah lutuk che a nia,tuman hmelma enin kan en lo che a,kan chhungkaw zinga mi ang maiin kan en che a ni,i rilru tihah duh hauh suh,"tiin a lo hnem ve mawlh mawlh a,chutia an ti ti chhung chuan khua pawh a lo var fel ta bawk a,tukthuante buatsaihin an buai map map hle a,Thankimi zawnna tur hlang te a thenin an siam a,Zampuii chuan Thankimi chaw pek pah chuan,"Ka thian,hmelmate um turin ka chhuahsan dawn che a,heta tanga hla vak lova ,laina ka chhar thara,min kahtuma min bawihsawmtute an nia,an nin an lo enkawl dawn che a,kan rawn lam hawng ang che,i damchian hma chu khawiah mah lo kal suh ang che,a han ti sep sep a,U Dampuia leh Uthanliana ten an enkawl dawn che a,idam vat mai an,pi Zamani a awm dawn bawk a,an fel lutuk a nia"tiin a han hnem pah zauh bawk a,Thankimi chuan,"Zampui,kei mah vanga in intihhahhrep hi a ngai hleinem,hei min hmu tawha,a tawk ka lo ti viau asin"a lo ti ve sap sap a,Zampuii chuan nui var var chung hian,"Ka ṭhian,i tan ka che chhuak dawn a lawm,nang tina tu chu damin ka chhuah hauh lovang,ka thian neihchhun i nih hi hre ve ta che,ka laizawn i ni bawk a,i hreawm tawh ngai lovang,khai le,an zawn dawn che a,ka chhuahsan phawt ang che"tihpah chuan a tho chhuak ve ta a.

An inthen dawn chuan,Zampuii chuan a sawi ngai bawk chu sawi nawn lehin a chah mawlh mawlh a,pasalṭha Chawngliana pawh chu Thankimi enkawltu zingah an tel tir ve ta nge nge a.Thankimi pawh chuan,nui var var chung chuan a lo bu nghat nghat a,Chalthangan a lo en lai tak chuan Thankimi pawh chuan a lo en ve chiah a,an mit leh mit chu a in tawng ta sak mai le,chu nula hlim hmel tak chu,an in tawn a chinah a vawikhat hmuhna a ni a,chu hlim hmel that zia chu, khawdang a hawisan thei ngang lo a ni,Thankimi zahzel chuan,"Ka unaupa ,tluangtakin aw"a tita ringawt a,Thankimi zahzel chu hrethiamin,"Awle,nangni pawh tluang deuhvin kal ula,lo dam la,zawn ngai lova mahni a haw leh thei turin lo indim ang che,chuti a nih loh chuan ,ka piin kut min thlak duh hial ang "a han tih chuan,Biangsum khuar kalh khawp chuan Thankimi chu a nui ta var var a.chu a nui hmel chu a ni ,ennin har a tih em em chu,an invai liam ta nge nge a.

Thankimite liam hnu chuan,Zampuii chuan " Ka thiani hi chu aw,a va han hmeltha tak,ka enkawl tha viauvang "a han ti ngawt a,Ramliana chuan,"Ka mitah chuan,Buanlung lal fanu a hmeltha ber a,a duhawm ber bawk,huaisen bawk si,ka nupui innih hunah chuan,i sakah sa hlir ka ei anga,ilo vah sa ah buh ka ching bawk ang"a han tih chuan an nui zo ta vek a,Hmingliana chuan,"Tunah pawh hian i thaibawih tawh ka ti reng a,a lo tih ve phei chuan,Zampuii zak lutuk chu a sen nghal ap ap a,zahzelah hmanhmawh tur chuan a tur ta sek a.

Pasalṭha Zathangan hma a hruai a,an in lambunna tawntirh a tang chuan ,an beih dan te ,hmelma lam tlan chhiatna lam te leh ,Thankimi tlakna Lengkirte chu a kawhhmuh zel bawk a,Thankimi tlakna lengkir hi a sang angreng viauva,a sawh pawh kha a in sawhna viau reng a,hrui zam phei chu awm lose,han tlakhlum lohna chi hi a ni lo reng a ni,tichuan,hmelmate tlanchhiatna tih hriat tak ,lei hnawng lai deuh va,tlengna ni awm tak tak a pherh nuaih avang chuan,Ramliana chuan,pasalṭha Zathanga ten silaia an va thawng kher kher chu Thankimi vanneihna a nih zia chu a hai hauh lo,an nula rukbo ber pawh ngaihven thei lo khawpin an buai phili tih hai rual a ni si lova, Thankimi tan pawh pasalṭha Zathangate thiandun chu malsawmna a ni ringawt a,chutiang tak a,manganna tawpkhawk ah pawh,hmangaihtu ,lainat tu ,hmelma karah leh nghal a la nei cheu mai chu,Thankimi tan hlei hlei ,hlima nuih reng mai loh chu tihtheih a nei tlem hle awm e.thui fe an kal leh hnu chuan ,an hnu chhui chu a darh nuai mai a,an phili hle tih pawh hai rual a ni lo,pasalṭha hlang an ni bawk a,hnu chu mahni theuhva chhuiin an tlan kawi nasa hle tih hai rual loh chuan ,hnu chu a pherh nuaih mai a,an chhui chhui chuan ,kawngtum pakhatah hnu chu a in hmukhawm leh ta a,hnu a in tawh khawmna thlang lawka tlangsam bawn karah chuan,mipa pakhat ruak saseh na hnu pawrh tuam mai hi an hmu ta hlawl mai a,a nghawng leh ban ti te ,malpui ti te chu a hek huam mai a,Zampuii chuan mahni mihringpui nunna pawh la nual tawh mahse,chutiang teh hrep ruang han hmuh chu,hrehawm ati ru hle nghe nghe a ni.

Ruangchu chulai an dinna piah kaia kawrteah chuan an muttira,lungin an vawm hnan ta rinawt mai a,hmelma pawh nise,kalsan ngawt chu Pasalṭhate ngaihdan a ni tlat lo a ni.
An ruang hmuhna a tanga an kal chhuah leh meuh chuan ,chawhnu her a lo ni leh reng tawh a,hnu lah chu a pherh neih nuaih mai a,an tlan chhe nasa hle tih pawh an hnu lan dan a tang chuan hai chi a ni lo,Ramliana chuan,"Kan ramhnuai thianpa chuan min chetkhalh a nih hi maw le,a len hmel viau leh nghal a,kan tihtur min lo tih khal zo vek mai ang tih a va hlauhawm zawk ve maw le" a ti chhuak ta phawng mai a,midang erawh chuan eng mah sawi lem lovin an lo bu satliah vel mai mai thung.zanriah chhum hun velah chuan,khaw pakhata arkhuang thawm chu an hre thei ta a.Arkhuangri an hriatna khua an thlen meuh chuan khua a thim deuh ruih tawh a,khua lah chu a reh ang reng viau bawk a,sapui hnu lah chuan khawchhung lam zel chu a pan bawk a,Pasalṭha Thangruma chuan,"E heu,kan thiana chuan hmelmaho chu khawchhungah a um lut a va ni mai awm ve,khawchhung thawm reh danah hian an sapui hlau an tawm im zawk a ni lo maw?tiin a mah ang bawka ngaihdan lo zeldin ve mek tho a thiante chu a han rawn pah titih a,tumah chuan an lo bengkhawn lem hlei lova,an hriat loh dan a inchen vek tho vang pawh a ni mahna le.

Hetih lai mek hian,Thanliana teho pawhin pi Zamanite nufa thlam chu an thleng ve tep tawh a,hliam zawn an nih avang chuan hmanhmawh thei hek lo,khua a thim meuh chuan,Zampuii hliam pi Zamaniten an hmuhna kawrte kam kha an thleng hman ve tawk a ni,kawng laka Thankimi khua a sik a vanga an chawl det tih loh chu chawl lovin an kal ngat ngat a ni ber a,a hah pawh an hah na ngiang mai ,mahse tumah an phunnawi lova,fiamthute thawhin an nui dar dar thina,chu chuan kawng thui lutuk tur pawh a chhawk phian mai a,lenglen hun awm velah chuan Pi zamanite nufa chenna thlam chu an thleng ta a,Pi Zamani chuan,a lo chiau au zung zung a,mutna te siamin,Thankimi chu dimtein an han mut that tir a,tichuan an zanriah turte siamin an buai chhunzawm ta ngar ngar a.pi Zamani fapa Romawia chuan ,Thankimi chanchin chu a lo zawt ve sek bawk a,tichuan ,an hriat theih ang ang te hrilh in ,nula chu an kuta an dah thu chu an hrilh nghal zat a,Romawia chuan hlim hmel taka lo bu nghat nghatin,an hnena an rawn thlen avanga lawm thu sawi ni awm tak chuan a khat tawkin a bu leh zauh zauh thin a.Pi Zamani chuan,"Ka fapa hi in lo thlen avang hian a lawm hle a ni,a khua hi a har thei em em a,a tan chuan a thian leh chhungkhat ang mai in ni ,ti hi chuan a ram chhuak leh thei tawh dawn a,a khawhar pawh a ziaawm phah sawt dawn a nih hi."tiin a fapa chanchin chu a sawi malh malh a,chumi zan chuan damlo awmpui an nih hriat mang lo khawpin an hlim hial a ni.

Chwlthangate chuan khua an luh chuan lal in lam an pan thuai a,Ramliana leh Zampuii erawh chuan ,lal muala in pakhat sumhmuna pavalai tak hnanghlai chu an pan ta rawi a,Zampuii chuan chu pa hnanghlai mek hnenah chuan"Ka pu,khawngaihin ka lo bebuai lawk teh ang che,zawhna tlemte chauh ka zawt che ang a,kan kal leh nghal ang "tiin chu pa sirah chuan a han ding a,"Ka pu ,in khua hian vawiin lamah mikhual inneinmial lo maw,hei, an hnu kan rawn zui zel a,in khuaah hian a tawp tlat mai,"tiin a han zawt a.chupa chuan,"Ngawiteh u ,tukin khan mikhual ,engzat chiah nge an nih chu ka hre lo naa,thla phang hmel zeta rawn tlanlut chu an awm tak kha maw le,Keipuiin a um niin an sawi a,lal in lamahte an la tawi khawmuang a nih loh chuan chin ka hre tawh bik lo tawp mai"a lo tih takah chuan,Zampuii chuan"Ka pu kan lawm e aw,nakinah ka lo kal leh ang "tiin an chhuahsan ta a.chalthanga chuan pawn atangin lalina luh chu a han dila,lalpa chuan lut tura a sawm hnu chuan lal inchhungah chuan an lutta khap khap a,Hekhua hi Rengpui khua a ni a,an lal pawh Dochhuma a ni,lalpa chuan ,a mikhualte hmelah chuan thildik lo a awm tih hrethiamin,"Ekhai ,khawi lam khual nge ka inchhunga ka sawm tak te hi ni ta mai le,ka hmelhriat ngai an ni lo tawp mai,eng thil dik lovin nge ka khuaa rawn hruailut ta che u le?tiin thu hma chu a han nei te te a,Chalthanga chuan ,"lalpa ,keini hi Bawmzo khaw,pasalthate leh Buanlung lal fapa te kan ni a,i khuaah hian misual Ralkawn lal fanu ru botute kan rawn um lut a ni"a han ti tawng mai a,Rengpui khaw lalpa chuan mak tih hmel tak hian,"Mikhual chu ka nei ngei mai a,mahse,an ni kha chuan sapui um niin an insawi tak si kha maw le,Tlangaupa,mikhualte kha zuk ko teh an vai khan,i koh chhan hrilh suh ang che,"a tih zawm nghal zat a,tlangaupa chhuah hnu chuan Rengpui khaw lalpa chuan,"A mak hle mai ,mikhualte khan an zinga pakhat chu sapuiin a seh hlum thu min hrilh bawk si a,"a,han tih leh chuan,Pasalṭha Thangruma chuan,"Lalpa ,i mikhualte chu sapui chuan a um ngei a lawm,sapui hnungah keiniho hian kan rawn um ve thung a nih hi,an thianpa pawh chu a seh hlum ngei a,a ruang ,an tlansan tak pawh kha kan rawn phumsak nghe nghe a ni,thudik phenah zep then an nei tih mai lo chu ,thudik an sawi a ni."a tih lai chuan ,tlangau pa leh mipa pakua zet lalinah chuan an lo lut ta khup khup a.

Rengpui khaw lalpa chuan,Khai le,Zarzo khaw pasalṭhate u ,in rawn tlan luh chhan kha chu thudik a ni tih ka hria a,a bak in la zep ruk zawng zawng kha ka hmaah hian a chinchhuakin han kai thet fai leng teh u le"a ti ta thut mai a,mikhualho chu an inmelh hrek hreka,an zingah chuan mualkil nilo hmel dang lam tak tak an thu khup tih an hriat chuan ,an mahni rawn umtuten an thlenchilh tih an hrethiam thuai a,lalpa chuan nelawm fahran lo chuan,"Keiman aw,in thil tihsual rapthlak tak chu ka han sawi a ang e aw?a tih lai chuan ,pasaltha Zathanga chuan,lalpa ,keimah zawk hian le,heng i mikhual tlaktlai lo leh hmeichhe chunga tenawm taka khasak ching rualte hian,Ralkawn lal Darchhuna thupek angin ,kan lalfapa chu thaha ,a lu chu Darchhuna hnena peka ,A tunu hmeltha tak leh hlawhdang beiin an khua atangin an tei chhuak ve a,an thiltum a hlawhchham takah chuan ,Buanlung lal fapain Ralkawn lal tunu Thankimi chu a kawl tih an hre taa,tichuan ,Ralkawn lal tunu Thankimi zinntui chawi chu an lo ru ta mai a ni,Buanlung hian an hmelma tunu chu kawl mahse ,sal emaw,hmelma angin emaw an en ngai lova,an duat em em zawk a ni,vawiinah hian lalpa ,heng i mikhualte hian thiam thu sawi tur an neih chuan sawina hun pe la,an pawi khawih zingah chuan,Buanlung lal fanu ,Ralkawn lal tunu mana rubotute laka chhantuma kal chu silaiin an kap bawk a ni,"a han tih chuan,Rengpui khaw lalpa hmel chu a dur khup khup tawh a,vin deuh tak hian,"Nangni ,mikhual tlaktlai lo ho,sawi tur in nei em?Ka khua leh tuiah thlabarin in rawn tlan luta,in pumpui kan lo hnawhpuarsak che ua,chuti mai mai chuan maw in lo khawsak hlawm a,ka lalpui pahnih pawilian tak in khawih chung pawhin,in thlahrunna leh zahna hmelpu hauh lovin min bum ngam a ni maw?That vek ula ,an ruang kha sa ten ei zo vek rawhse"a tih chuan ,chung mikhual ho chu an te huka,kawng ka lam pan chuan an tlan ta thut mai a,mahse kawng kaah chuan ,Rengpui pasalthate leh Zampuiiteho chu an lo ding khat tlat tawh a,silai kawhmawr hmuam lo chauhvin kawngka-ah chuan an inhnawh ta hung a.a malte te a,phuar betin lal tualah chuan an thlung khawm ta a,Pasaltha Zathanga chuan,ban khatah pakhat zel kha phuarbet ula,sapui chawah awm rawhse,helai maiah hian an hlauh em em Keipui thankin tawh nen khan kan rawn invai liam kha maw,"tiin a hran theuh chuan an phuar leh ta zawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:58 pm

UNAU PHUBA LAKNA

BUNG 22 NA
Ziaktu : Tlantei hnamte

Pasalṭha Zathanga chuan ,"Ban pakhat ah zel khan phuar ula ,sapui chaw ah awm rawh se,helai maiah hian an hlauh em em Keipui ṭhankin nen khan kan invai liam tak kha maw,"a tih chuan ,ahran ṭheuh ah chuan an phuar leh ta zawk a,Rengpui lalpa thinrim lutuk chuan,"Lal thisen kai pawh zah lova,thisen chhuahtu chuan ,thihna a pumpelh tur a ni lo,an lu kha la ula,an khaw lal hnenah thawn rawh u,an thiltih hi ,Lusei khua zawng zawng hian hre rawhse,"a ti nghut nghut tawh mai si a,ngaihdam dilin awmzia a nei si lo,Pasaltha Zathanga chuan ,Rengpui lalpa chu zah viau mahse,chutia sapui chawa dah mai chu a duh zawk a,rei fe an inhnial hnu chuan ,a khaw neitu a nih bakah lal thu a nih avang chuan,chumi zan la la chuan ,chung mipakuate lu chu lak a ni ta a,an lu te chu Chalthangate ho chuan Zarzo khaw lal hnena hlan turin an keng ta a ni.

Thankimi chu nihnih tehmeuh Thanlianate hovin an han enkawl tak tak chuan a harh sawt ta hle a,a khawsik pawhin zia awm lam a pan ve zel a, a ruk tak chuan Chalthanga mitmeng khan a rilru a tihlim em em a,a hmangaihna chhanlet a ni ve dawn ta nitein a hria ,hlim hle mahse ,a famkim tawhlohna chuan a nun chu a tibuaiin a rilru chu a rawn na thar leh thin a,a chungah chuan an tha na ngiang mai,an hmelma ang pawhin an ina a awm chhung zawng vawi khat mah an en ngai lo ,a chungah an tha em em a,Zampuii leh a pi ngat phei chu a ngaina takzet a ni.Chalthanga chu ngainat satliah ni lovin ,a hmangaih lutuk zawk a ni,a tan Chalthanga neih chu kar hla hle hian a hria a,ka beisei tur a ni lo,ka hmangaihna hi tih tawp a ngai a ni,an bula a khawsa reng a nih chuan ,a hmangaihna chu a thup seng dawn lo tih pawh a inhrechiang em em si a,adam ve leh Pi zamanite nufa chu belh a,Chalthanga hlat thei angbera awm chu a tum ruh ta hle a ni.

Chalthanga te chuan ,an thil tih tur ,hmelma lu pakua zet mai Zarzo lal an han hlan tur chu ,eng buaina in nge nang dawn hriat ni hek lo le,in ring tak leh ,chu khaw lal chuan eng rilru nge a lo put chiah ,hriat an chak hle tawh a ni.

Khaw hla teh chiam ani lo bawk a,Daido khaw kawng a nih tho avangin an lehluh thung dawn a ,nihnih zet an kal hnu chuan Zarzo khua,lal Darchhuna khaw chawm an tih mai khua an thlenhma deuh chuan,chu khua chuan engvanga helai ram chhengchhe lutuk leh ram tha lo zet hi khawthar din nan a hmang nge an nih ang?
a ram leilung reng reng chu thlai chawm nan a tihtlak hlawl lo a ni,han thlir vang vang pawh hian a leilung chuan itawmna reng reng a nei lo,Mangan thilah zuanluhna tawk chauh ni a an hriat avang chuan,Pasaltha Zathanga chuan,eng khaw lal emaw zawng Lal Darchhuna hnenah a tlan chhia ang a,Darchhuna hian a ram tha sahthlak phal lovin he ram chhe zetah hian an inkulh ta tih a lang reng mai,thlawhbua a ni lawi bawk si lova,a ram leilung sen chul mai te hi hmanna pawh va hre suh,lal khawngaihthlak tak a nih dawn hi,a khaw letliam lam ramte a tha viau a nih loh chuan ,an tam zing hle dawn a nih hi,a hming Zarzo pawh a pu zo ngawt ang."a ti ta bal bal a.

Hun a liam zela,Thankimi pawhin hma a sawn ta viau mai a,tiang rin chhan chuan a kal bai ve lauh lauh thei tawh a,Thanliana te hnenah chuan ,"Hetihian ka lo awm ang a,in thiante va fin ve tawh rawh u,Buaina lian tham tawk thei reng an ni a,in puihna an mamawh ang ,hei ka tha chak tawh viau mai a,in lo let leh meuh chuan in rual pawhin ka haw ve thei tawh ang,"tiin tha tak chuan a han hrilh a,Dampuia chuan,i that loh hi ,bakah, a changtupain min hau vang,"ngati nge,ka duhlaii in kalsan "a tih vaih chuan ,kan lu kan hlauh a ni mai,tha te te khan awm la ,kan thu ang ang hian awm zawk mai rawh.a hunah chuan sawi hran ngai lovin ,kan kal ve mai ang,"a lo ti bak hlur a,Thanliana chuan,"kei chu kan thiante kha ka ngaihtuah ru riau asin,va zawn mai pawh pawi tihna ka nei lo,thiante thih hlauhawma an awm lai a,helaia lo mut der der chu nuam ka ti lo riau mai"a lo tih takah chuan ,an ngawi ta thap a,pasaltha Chawngliana pawhin chu chu a lo ngaihtuah mek thu a sawi chhuak ve ta nge nge a.pi Zamani pawh chuan ,ngaihtuahawm an nih loh thu leh Thankimi chu enkawl an inhuam thu chu a lo sawi ve bawk a,tichuan ,a tuk lama an thiante kalna lama kalve tur chuan rilru an siam fel ta a ni.

Chalthangateho pawh chuan ,Zarzo khua chu an lut tawh a,khawchhunga pasaltha rual lo lutin an rallu lak an khai hnuang hnuang an hmuh chuan ,naupang tualchai mekte chu mahni inlam panin an tlan haw sang sang a,nu thenkhatte pawhin ,an khuaa mikhual lo lutin an rallu lakte khaia lal in an pan thluah thluah an hmuh chuan,an fate an lo au chuah chuah bawk a,chutia ,khaw chhunga naupang leh nuho rak teng tung ta mai chu ,lal leh khawnbawl upate chuan,engthilnge thlengta tih enfiah turin leihkapui lamah an lo chuang chhuak ve mek bawk a,tute tih hriat loh,a in lam pana rawn inzui duah duah leh an milu khaite chuan chungho lan dan chu a ti rapawmin, an nun rawng hmel ta hliah hliah hian a hriat a ni,lal tual an thlen chuan Zarzo lalpa chuan ding turin a han au that a,Pasaltha Zathanga chuan din dat pah chuan,"Lalpa ,buaina zawnga rawn kal kan ni lo ve,heng lute hi i khua leh tui ,i mi leh sate lu ngei niin kan hria a kan rawn keng a nih hi"tih pah chuan a milu khai chu chung lamah a han khai sang vah a,Zarzo lal chu hnunglamah a han kat deuh dat dat a,abula khawnbawl ding pakhat chuan lo dawm dingin,Pasaltha Zathanga hnenah chuan,khawnbawl upa chuan"An chungah khan eng thil nge thleng ta ,kha kha kan lal fapa lu ngei a nih kha,"tih pah chuan pasalṭha Zathanga milu khai lai chu a kawk nghal va bawk a,pasalṭha Thangruma chuan ,"Mipuite hi pungkhawm phawt sela maw le,chanchinte pawh hriat an chak ve ngawt ang chu,an chanchin hi keini aia hrechiang mi dang an awm hleinem Pua,i hmanhmawh lua deuh lo maw?lo nghak hram hram la maw le."tiin mualkil upa chu a lo chhang thuai a,in chhunga tang chuan lal nu chu rawntlan chhuakin ,a fapa lu a hmuh chuan ,a zawi nghal hnawk a,a hmai a hupa a tap ta tlawk tlawk a,Pasaltha Zathanga chuan,"In fapa lu in hmuh meuh chuan na in ti hle mai maw,in fapate pawi khawih avang hian tuten nge nun phung hlauh khawpa hliam tuar ve ang ,tih lam chu in ngaihtuah thleng phak leh tawp si lovang a,in fapa pawi khawih hi lal pahnih pawi khawih a nih a vangin in khua hi muang leiin lo awm rei tawh viau mah ula,tunah chuan lal hnih leido in nei ta a nih hi",a tih lai chuan ,mipui hmela hlauhthawnna lo lang chhuak chu ,Mikhualte mai bakah lal leh mualkil upate pawhin an hmuh hmaih bik hauh lo.

Zarzo lalpa chuan,ka fapate chuan eng pawi nge an khawih tak ,ka innghahna ,ka neihchhun a ni si a,eng thil nge ka chungah thleng ta hi,tu nge ka aiawhin thu ta ang,"a ti sai hlak hlak a,pasaltha Zathanga chuan,"Lalpa,i fapate hian Ralkawn lal Darchhuna thu angin a tunu hlawh chhuak tura an thawk chhuak kha,an tum anga an hlawhtlin mai loh avang leh ,Darchhuna dawt phuahchawp thu awiha an chhuahchhan ber,a tunu lah chu Buanlung lal fapa an thahtum bera khan a kawl tih an hriat chuan ,lal fapa awm loh hlan chuhin ,Darchhuna tunu Thankimi zing tuichawi chu an ru bo ta a;tichuan ,Buanlung lalfanu chuan chhanchhuah tumin, chung Pasaltha rual te chu thih pawh hlauh lovin a um ta a,mahse ,a ni pawh chu kawng lakah i fapate tho hian, chu nula pakhat chu hlauh in an lo kap leh ta a,Ralkawn laltunu lakah tenawm leh nunrawng takin an khawsa zui bawk a,tichuan,Keinin kan um bawk a,kawng lakah kan inkap ta a,chutih lai chuan lal fanu chu lengkirah a tla palh ta hlauh mai a,tunah hian hmun pakhatah thi chhawngin a let mek a ni."a han tih chuan ,zarzo lal chu a thu ta hnawk mai a,"Fapa mal tiin ka duat em em a,awm dan leh nundan tha ka lo zir tir tawk lo a ni,Thiam lohna engmah in nei lo ve,i chungah ka lawm a,engkim min hrilh hre tura hei leh chen in lo kal hi ka lawm tak zet a ni,"a tih lai chuan,pasaltha Zathanga chuan,"Lalpa,an zinga pakhat erawh chu sapuiin a seh hlum a,an thianpa ruang pawh ngaihsak thei lovin sapuiin a vel reng avangin Rengpui khaw lamah an tlanchhiatsan ta a,kan rawn umna lamah an thianpa ruang chu kan rawn hmu a,kan theih ang angin kan rawn buaipui in kan phum ta a ni."a han tih chuan lalpa chuan,a nih tak chu ,in mi lukhaite kha ka in chhungah hian min hlan ta mai che u"a tih takah chuan lal inchhung lamah chuan an lut ta diak a,lalnu chuan a puan thul khung chu chhuatah chuan a han phah a,Pasalṭhate chuan an mi lukhaite chu lal nu puan phahah chuan an dah ta hlawm a.

Hetih lai vek hian Darzo khaw lalnu tlan chhuak ta chuan ,Daido khua,,Raltawna khua chu panin ,a puante chu ti thler chawpin ,a khawngaihthlak thei angber tur chuan lalinchhung chu a lut ve mek a,Daido lal Raltawna chuan,a unaupa nupui hmeltha angreng tak chu a lo khawngaih hle mai a,a fanu pawh Bawmzo leh Buanlung lal fapate tang kawp chuan an rubo angin a sawi bawk a,chuti taka phuba Buanlung lal fapain an chhungkaw chunga a han la ta mai leh tunah pawh a khua an rawn pan mek tawha a rin thu a unaupa nupuiin a han sawi chuan,chet khalh thuai dan tur chu Pasalthate leh khawnbawlte nen chuan an rel ho ta mam mam a,an khaw chhuah lui Hautawna thihkawrah lo chan ni se,tiin an rel thlu ta a,nitin ral veng in dah in ,an khawthlir tlang a tang chuan hmelma an khaw lampana lo kal an awm leh awm loh thlirin an lo lam hna chawlhsanin khaw ven hna chu an thawk a,mahse ,hmelma emaw,mikhual reng reng chu an khaw chhehvelah chuan hmuh tur an awm lo,pasalṭha ṭhenkhat phei chuan an mikhualnu chuan a bumah an ngai hial tawh a,an thin pawh a rim ru hle tawh hlawm a.

kil tinah ralveng an indah chung pawhin ,an khaw run tum awm mihring hnuhma emaw reng reng an hmuh tak lohvah chuan,a hmaa an hlauhthawnna zawng zawng chu a bo tan ta a,Darzo lalnu chuailovi chuan ,a pasala unaupa ,pian tha leh hmelpa rum mai chu a beisei ru leh ta ran mai a,lalnu chuan a mopuinu khawsa zia chu rinhlelhna chang reng reng a hre lo,a theih tawpin a duat a,Darzo lalnu Chuailovi erawh chuan a pasal chu chhuhsak tumin hma a la mek thung a ni.

Nikhat chu khawnbawl upa nupui Pi Thanchhingi chuan ,lalnu chu puanban puiah a sawm ta hlauh mai a,chu hun chu hlah a tum lo kher mai ,lalnu chhuah hnu chuan ,Daido lalpa chu leihkapuiah chuan ni lum aiin a,thu a,ni asat takah chuan in chhung lamah chuan a in sawn lut ve ta a,in chhung a zuk luh chuan ,a unaupa nupui chu khumaiah chuan tuitaka muhil ang mai chuan malpui lang huang chuan a lo mu a,a mal mum nalh fahran leh a kapbawr lang lo chiah chiaha a han mu zar mai chu thisen a pal tam lo tih hi a hriat ngawih ngawih mai a ni,a mal chu a la mam nalh zar zar hle a,nula tam tak chuan la tluk lo tak hi an ni reng a,Daido lalpa chuan,it fahrana a thlir doh doh hnu chuan ,a lu a han thing nawk nawk a,a khuhsak ta zawk a.chutia a beisei berin a ngaihpawi mawh vak lo chu thinrim ru teuh chung chuan,tunah hian hlawhchham mah ila,hun rem changah chuan thlem thluk chu a tum ruh hle tho a ni,khawnbawl zinga pakhat khan a it thin hle tih a hai lo,chupa chu thlem hmasak a ril ruk ta a.

Nikhat chu Chuailovi chuan zingkara mualkilten lalin an chuankai kim lai chuan,"Paho hi chakai man leh sangha man tih vel hi in ching ngai lo a ni maw,keini chu ka pasalho khan kan khawnbawlte nen kan kal ho fo asin ,a hlimawm thin khawp a,hetia rilru ti thawven hi taksa hian a lo ngeih khawp mai nia"a han ti sarh sarh a,a thenin ,"A kei chu ka upa tawh a niang ,ram chhuah hi ka tlin tawh meuh lo,"an lo ti sap sap hlawm a,an zinga pakhat chuan,kei chu luikal hi ka hrat khawpa ,Thangzova tlak kawr ah khuan ka kal thin a,eikhawp na nana chu ka hawn ziah tho va ,chawhma pawh ka thang ngai lo,ni khat chu kan zuk kal ngang dawn em ni,chutia i chak viau chuan"a lo ti zauhva,chuveleh Chuailovi phur lutuk chuan ,"Naktukah i kal ila a tha mai lo maw?a lo tih chuan,lalnu chuan,"Mite hian an ringhlel palh riau riau ang che u,a zia lo thin em mai,"tiin a unaunu chu a khap zauhva,mahse lalpa ber chuan ,"Chutia lui kal dun satliah ringawtah chuan tuman an ringhlel hran lovang ,zuk kal teh tak u"tiin a lo remtih sak daih thung a,Zan a lo nih chuan ,Chuailovi chuan mualkil upa Thanhranga chu mitmei duhawm tak a hmuh tan ta a,no tak taka melhin a mal var hai mai chu tihpalh niawm tak chuan a han tilang leh zauh thin a,chu chuan mualkil upa Thanhranga chu a ti phur zual kher mai,nghakhlel tak leh helhhawlh ru teuh chung chuan a tuk khua lo var tur chu an nghak tlaivar ta a ni.

He hmeichhe mizia tak tak hi Daido lalpa hian hria ni ngat se zawng a in chhungah hian a la lut hauh lovang le,an chhungkua hian engang takin nge a la tawrh dawn hre lovin an la duat viau mai leh nghal a.Zing khua a lo var chuan ,khawnbawl upa chuan daiah a lo nghaka ,Chuailovi pawh phur fahranin khawnbawl upa lo nghahna lamah chuan hman hmawhzet in a tlan dawr dawr a,kawtchhuah a va thlen chuan ,awmze nei leh zei fahran hian a ngaihzawng thar chu a siai zauh va,a pen pah chuan a mal chu thui tak takin a lang var hai zel bawk nen,a khat tawka mualkilupa Thanhrangan a mal a han tuai fiam sak zauh thin te chu nuam a tiin ,a nui har har reng bawk a,lui mawng lama chulthlam rawp tawh lam an hmuh chuan chutah chuan an han chawl te te a,an han thudun rial a,Thanhranga chuan Chuailovi mal chu a chul tan ta a,a chul duh thawh sawt hle a,Chuailovi pawh chuan haw lo tih hriat fe hian a lo meng kal leh ralh thin a,a tawpah zawng ,Chuailovi duhthusam chu an chen dun ta a ni.an haw dawn hnaihah chuan ,Chuailovi chuan a la duh khawp lo nge ,luiah chuan insilin a taksa tlemte tih chauh lo chu khutu awm lovin luituiah chuan a inchiah a,pa hrisel tak Thanhrangate ang tan chuan en mai mai chi a ni ta lo,chumi nia Chuailovi thil tawn chuan nun chu a tihlim hle a,a duhthusam mipa a tawngtaah a in ngai hmiah mai a ni,chuta tang chuan ,zanlam thlenga in hmu ruin ,an awmfal ta fo mai a,lal rorelnaah pawh tel hleithei lovin ,Mualkil upa Thanhranga chuan chhuanlam a siam ta fo mai a,rinhlelh a kai ta hial a,khawtlang ti ti chuan Upa Thanhranga nupui beng hial a thleng ve ta reng mai a,tichuan enthlakhna thawk tur chuan,an khaw pasalṭha pahnih chu a tir ta a ni.Nikhat chu an dan pangaiin ,lalnu leh Thanhranga nupui chuan puan an tah a,Thanhranga nupui chuan,a pasal chunga a lungawilohna zawng zawng chu a hrilh fai ta leng a,lalnu pawh chuan khawnbawl dangte titi chu Thanhranga nupui chu a hrilh ve ta vek a,tichuan lalnu chu a haw ta a,in a han thlen chuan a pasal chu lungawi lo hmel tak chuan a lo thu tum bar mai a,lalnu chuan ,"Engtizia nge ni ,i lungawi lo deuh em ni,?"tiin a han zawt a,lalpa erawh chuan engmah a sawi chhuak lo.Nidang ang bawkin Mualkil upa Thanhranga chuan a nupui hnenah chuan ,luiah a kal zawk tur thu chu hrilh in a chhuak ta a,pasal chhuah veleh chuan pasalṭhate pahnih pawh chuan an zui ve nghal thuai a,Thanhranga leh Chuailovi ramhnuai lama inzui thla leh in chhaih vel chu an thlir zui zel a,thlam an thlen chuan ,an tihdan ngai tein,Chuailovi chu a nui ar ar a,pasalṭhate pahnih pawh chuan thlam char thlengin an zui ve zel a,Chuailovi te that that thawm an hriat chuan ,phawk a hun chiah tih an hre ta a.thlam tukverha dak chung chuan pasalṭha chuan"Ekhai a va nuam awm helh helh ve le,"a han ti dak dak a,chu aw chu Thanhranga tan chuan a mikhual teh chiam lo,a thiltih lai chu chawlin,rang zetin hian Chuailovi in rin hma chuan a tho ta nulh a,Chuailovi lo inkhuh tha hman si lo chu pasalṭha bawk chuan"I la tuai perpur em a nih kha,Mualkil upa Thanhrangate ang,zantin a kakpui la mawi thei zat zat tan chuan han hlahphal chi la zuk ni lo che a"a han tih zawm zat a,Upa Thanhranga chu hawi ngaihna hre lo zet chuan a puan ven siam that ngai tawh lo pui chu a sawi tha sek a,Chuailovi erawh chuan zak hmel a la pu hauh lo,ka va la kham lo ve,min rawn hmu fuh ta rau rau bawka, ka kham khawp min han hlui law law ula maw le"a la ti ham ham tho va,Chutah chiah chuan upa Thanhranga chuan ,Chuailovi mizia chu a hrechiang ta,Chuailovi chu kawkin,Ekhai aw,hmeichhe zak thei lo tak leh hurherh tak i lo nih hi maw le,kan in tawn hmasak ber zan khan i in hawng zau reng a ni,mipa i lo mamawh hle a nih dawn hi,mualphona tawpkhawkah min hruai luta zahna reng reng i lo neih loh chu le"ten hmel zet chuan a han ti khai khai a,Chuailovi chu a nui sak duh chauh va,Pasalṭha thinrim chuan tukverha zuan luh rawk pah chuan Chuailovi chhipsamah chuan a tham ta nawk mai a,a puan pawh bih tha hman lo chung chuan in thlengin a hnuk haw ta a ni.In an thlen chuan Lalpa chuan ,ka unaupa nupui i nih avangin ka lainat em em che a,ka nupui nen theihtawp chhuahin i hreawm hlauvin keh thei dawm takin kan dawm che a,i tisa chak nan ka khua leh tui hi i rawn hmang ngam a maw,i chanchin hi ka hre vek tawh ,i fanu kha tu khaw lal fapa mahin an rubo lova,i hur luat avang zawkin i fanu pawh tlangvalte rin loh a kai phah hial a nih kha,dawt ringawt min rawn hrilh a,Buanlung lal fapain phuba a rawn la dawn i ti a,duh leh lo kal sela min rawn thatin ka lu hi rawn la rawn la rawn la rawh se,ka pa sual mawh kan phur tlang a ni mai,nang mah zawk hi a ni min timualphova min tihreawmtu chu,chhuak la min rawn hnaih leh tawh suh"a ti ta phiar phiar mai a,chutih lai chuan ,Thanhranga nupui chuan ,inchhung aluh rual chuan ,Chuailovi chu a kek nghal bawrh bawrh a,lal nu tenawm leh hur lutuk ,i hur lutuk avangin ifanu ngei mai khan, Buanlung tlangvalte hnenah khan that tur chein thu a pe zawk a,i tlan chhia a ,helaiah hian bum tur zawngin i rawn vak lut a ni tih kan hre vek a sin mi hurnu,"tih pah chuan a kek kun ta tlawk tlawk a,tuman thelh an tum lo," I mikhualna leh zelah pawh buaina i la thlen ngam a ni maw,kan zawng nasa che asin,i fanu thupek angin ,a mah kut ngeia i thih theihnan kan rawn hruai dawn che a ni"ti tu aw lo rik chhuahna lam a han hawi chuan,Darzo khaw rawlthar huaisen leh Buanlung lal fapate ,Bawmzo pasalṭhate chuan an lo hual khup tawh tih a hriat chuan a hlau thawng ta hle a,mahse ,tlanchhuahna a awm tawh lo,hual beh a ni tawh tlat a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:59 pm

UNAU PHUBA LAKNA

Bung 23 na
Ziaktu : Tlantei hnamte

Hlauhthawn hmel zet chuan Chuailovi chu a han hawikuala ,mahse tlan chhiatna reng a awm lo,an lo hual phui vek tawh a,a tih ngaihna hre lo chuan,Chalthanga chu kawkin,"Hepa hian thahche a tum a ni,i unau te zawng zawng thattu a nih hi," a ti tuar tuara,Daido lalpa chuan,tupawh a that ang chu,kan phu tawk kan hmu a ni mai a lawm"a lo tiawlsam then a,Darzo rawlthar chu rawn tawngchhuak leh in"Nang mi hurnu,,i dawt phuahchawp ngaithla turin he laiah hian kan lo kal lo,vawiinah hian,Ralkawn lal thu chhuah ,avanga a tunu tawrhna sawipui tura helai hi rawn thleng kan ni,Ralkawn lal khan ,Buanlung lal fapa lua a tunu thleng a rem tihna khan ,a tunu Thankimi chu thih hlauhthawnawmah a dah a,hliam nasa tak tuarin tunah hian kan thukru mek a,in pa ber thu chhuah kha lusei tlang hrang hrangah in sut leh thu in tlang zarh lo a nih chuan,lal tunu Thankimi nun a der thawng hle a ni,chumi ti tur chuan lalpa,nang hi i pawimawh a ni,"a han tih chuan,Daido lalpa chu a mengphawk ta hle a,pasalṭha Zathanga chuan thilawmzia zawng zawng chu a bul atangin a han sawi dap dap a,chutah zet zawng "A ni maw,a rang lama ka pa thu chu sut a ngai a nih chu,engahnge maw a tunu chu lawmman a tan a han sawi hmuh hlawm reng reng le,A tunu tan thang a kam a nih ber chu,lal a tak a ni,ka chhun ve lo hi ka lawm hle a ni, he pa lellul hi chu ,a damrei lutuka kan chhiat phah ta a nih hi,kei hi chu a sawn mai ka ni a,ka nu phal lo chung chung kha min la luia,ka nu lah in a dam rei loh phah viau mai bawk nen,a thisen ,a fa ni mah ila ,ka haw thin ngawt mai,Buanlung lal a chaih hlum tum khan naupang mai ka la ni a,Buanlung lal kha a tuihal lutuk tui ka pe lai min hmu palh hlauh mai a,ka pa chuan min vaw hrep mai a,ka tap muhil a,ka han harh meuh chuan a lo thi fel der tawh a,khapa han chhel zia kha aw!a han ti vang vang a,Chalthanga chuan,"A tawk e,engmah sawi a ngai lo,Thankimi chu ka rawn dah dawn nge ,kan hnenah kan enkawl dawn,?i thu ka nghak mek a nia,"a lo ti bung nghat a,Zampuii chu lo inrawlh vatin,"Ka u ,khawiah mah ka kaltir lovang,ka veng tlat tawh dawn a ni"a lo ti thuai a,Lalpa chuan"Tlangvalte u,roreldan tur pawh ka hre ta lo,aman a duh thlang sela ,a duhna lam lamah awm teh se ,fanu nei lo ni mah ila ,kei zawngin ka veng him zo meuhvin ka ring lo mai ka ti,i ngaih dan dan ni mai teh se"a tih takah chuan,lal in atang chuan Chalthanga chu a chhuak nghal nal nal a,Rawlthar Lianhnuna chuan,"U chalthang ,nangni chu in la kal thui dawn si a,min tlangsan mai ula,kei pawh kan khaw lam panin ka haw tawh zawk ang e,"tih pah chuan lal nu Chuailovi chu a phuar nghal mawlh mawlh a,tichuan an zui ta a ni.

Mualkil upa Thanhranga leh Darzo lalnu Chuailovi chanchin chuan Daido khua chu a al hneh hle a,a sawi chhawngtu a piang chuan thu belh an nei zel a,thil thleng miah lo thleng chuan an sawi kai ta zel a,mualphovah pawh thudik kara dawt a lo in zep ve talh thin hian kan nihna bak bakin kan thangduah thei a ni tih pawh a lang ta hle a ni.
Pasalṭha Zathanga leh pasaltha Thangrumate chuan Chalthanga hnenah ,an phuba lakna ti tawp tawh tur leh Thankimi tan a hlauhawm zel dawn nia an hriat thu an han sawi chuan ,Chalthanga pawh chuan ,Pasalṭhate thu sawi chu thinrimin Ralkawn lal Darchhuna thlahte chu nuai chimih vek duh mahse,chung an sawi zawng zawngte chu dik a ti hle thung a,a phuba lakna avangin an khua leh tui ngei pawh meivapah a chantir thei tih te chu a hre ru ve kar tho a ni.Chuvangin Darchhuna leh a thlahte lal luhlul zual a,suat tawh bawk a,duh tawk hrih mai chu thain a hre ve tawh a ni.Daido lal chuan Chu nula,in thuam dan maksak deuh tak chu a en duh hle a,a sam bu tha tak dum tle sar mai te,a mitmeng fiah dum kel kawl tak mai te ,a heh sen siah leh a pian in khaithli zai maite chuan a in thuan dan ,a kawr siamchawp leh kawng hrente chu a inchawih phian mai a,a khel thlaa a fei leh a chem in khai uai zar chuan eng ang nula nge a nih chu hai rual a nilo,a hnung thal in thiat vang leh a thal hman than tih hriat taka tle rang mai chuan a hmang thiam tawk ang tih chu haichi a ni lo.chutih rual chuan a unaupa ,Chalthanga pawh pa inkhaithli tak leh hmel tha ang reng tak mai,mithmul buk zet leh hnarngul sang veh vawh tak ,pianphung nalh tak mai a ni bawk a,a pu Chawngzika kha ang hle hian a hria a,an unau chuan an in ngaina dun hle tih hriat tak hian an in ngheng chial reng bawk a,chung a lalna inchhunga awm mekte khawsak zia a tang chuan tih thinura zuam ngawt chi an ni lo vang tih pawh a hrechiang hle a ni.

Thankimi pawh tiang hawlin hla vak lo chu a tei hawi ve thei tawh a,nula apumpa mut ngawih ngawih reng mai chu hreawm a ti ve hle thin a,a theih ang angin Pi Zamani chu a pui ve hram hram thin a ni,Thankimi hmela veinei hmel tak ,thu ngawi leh vang vang thin chu pi Zamani chuan hrethiamina zawt ta chawt mai a,Thankimi chuan sawi hreh hle mahse ,a sawichhuah chu tha zawka hriain ,"Ka pi Chalthanga hi ka hmangaih em em a,mahse ,a tan nula thianghlim ka ni tawh si lova,ka hmangaihna lah chu a zual zel si a,a hmel hi hmu tawh lo ila ,katheih nghilh theih mai ka ring a ni.heta tanga kalbo daih hi ka duh a ni."ngui tak hian a ti niah niah a,pi Zamani chuan,Ka fanu,he lal fapa hian ngaihtuah lo che ni sela,a rawn zawng hauh lovang che ,tunah pawh hian nangmah rawn lam tur che hian a rawn thang mekin ka ring a ni,tuna nula thianghlim i nih leh nih loh chungchangah chuan ,i duh vang renga thil thleng a ni lova,tawhsual i tawk a ni a,chu chu a ni chuan a ngaipawimawh kherin ka ring lo,in thiam loh phah nan hmang mah ta che,a lo kir leh hunah keiman ka lo sawipui dawn nia,"a han tih chuan,rang zet hian Thankimi chuan lu a lo thing nawk nawk a,"Ka pi ,engmah sawi suh ,min hmusit phah zual na tur thil reng reng chu thup tlat ka duh a ni."a lo tih takah chuan ,pi Zamani pawhin a nawr lui duh ta bik lova,tlan chhiatin awm zia a nei lo a ni tih a hrilh chuan ,Thankimi pawhin tlanbo chungchang chu a sawi zui duh ta lova.

Nikhat chu Romawia chuan sanghal hnu a hmuh thu leh a chhui tur thu chu a nu leh Thankimi chu a hrilh mawlh mawlha,a nu chuan"Taite ,fimkhur hle ang che ,tlai lutukah lo haw lo la,hmeichhia mai kan nih hi,hla takah awm suh aw,"tiin a chah mawlh mawlh a,Romawia pawh bu nghat nghat chungin a tlan chhuak zui ta a.an thlambul maia tuikhurah chuan Pi Zamani leh Thankimi chu an insu a,Chalthanga chanchin sawiin an hlim dun hle a,chutih lai chuan thingṭang tliak rirap chu an hre ta a,Pi Zamani chuan ,Taitea chu a va la awm hnai ve maw le,a tih lai chuan,an sir hnim buk phen atang chuan mipa panga lai mai hian Thankimi chu pawtin a hnuhin a hnuk thla ta hawn hawn mai a,pi Zamani chuan,"ka fanu kha thlah rawh u,in va zak lo ve,thlah rawh u,"tiin a umve zel a,Thankimi chu a te tuar tuar a,pi Zamani chuan tap chungin a um bawk a,chung mi pangate zinga pakhat chuan nang pitar tlaklai lokha kal kiang rang rawh ,ka nupui tur i lo thukru rei mah mah a ni,"tih pah chuan a theh leng ta lawp mai a,nu upa lam tawh mah nise,Thankimi chu kalsan a tum bik hauh lo,"Ka fanu "tih paha Thankimi a um leh tur chu pakhat chuan lu per nawlh khawp chuan a lo sat ta pawp mai a,Thankimi mangang thlabar lutuk chu a te tuar tuara a thi dang zui ta a.

Tlaiah chuan Romawia chu phur em emin an chenna hmunah chuan a kir leh tawh a,a rawl nei ang ang chu chhuahin an chenna thlamah chuan a tlan lut rawka,mahse tumah an lo awm lova ,hawi hai zet chung chuan tuikhur lam chu a pan thla leh ta a,tuikhur a zuk thlen chuan ,an thawmhnaw suk lo darh nuai chu hmuin a chhar khawm zung zung a,Thankimi an hnuhthlakna pe hun chu zawh thlain ,a malpui an cher khawngna phelsep pa khat chu a hmu a ,chhar ta chuang lo chuan a zawh thla zel a,kawr a zuk thlen chuan thisen tlem hi a han hmu a,kawr a kam a kai fel chiah tih ah chuan ,a nu lu ngei mai lo let bal a hmuh chuan chhar nghalin a pawm vawng vawng a,a ipteah chuan akin pen thum vela a nu ruang lo let ngat chu hmuin a pawm leh vawng vawng a,a mittui chu a sur nghal zung zung a,a nu ruang lu awm tawh lo chu a paw lawka thlam lamah chuan harsa zet leh hmanhmawh zet chuan a chho pui ta a,thaw hlawp hlawp chunga thlam a thlen chuan a nu ruang chu chhuatah chuan a han mut rem te te a,a lu nena zawmin puanin a khuh sawk sawk a,kawngka chu rinawm takah dovin Thankimi zawng tur chuan a chhuak zui leh ta a.

a nu ruang a hmuhna a tanga pen sawmhnih vel ,lungpui in sir khupna lai vel chu uluk tak hian a dap zel a, a hniak hmuh chu a chhiat loh nan a hel zel a,lung hmun tawpa lung pher hniam te,parh duai maiah chuan a taksa khuhtu pawh awm lo chu a hmu ta a,a thi emaw tiin a va pan hnai a,amahse a lo la thawhlauh mai ,a thaw chu a zawi em em a, a han hawi vel chuan puan chu a piah sirah chuan a lo awm daih bawk a,a puan chu chharin a han sin tir a,tichuan hman hmawh takin thlam lam bawk chu a pan pui leh ta a,lal fanu vanduai tak chu a va ni em!kawrte a thlen chuan a hah lutuk chu a han thaw kawk kawk a,chawl hman a ni lo,thlam a thlen thuai a ngai a ni,tichuan harsa tak chuan thlam chu a thleng thei ta a,a nu ruang chhakah chuan Thankimi chu fel tak hian a mut a,tui a lum a,a nu ruang chu a hru fai sawk sawk a,mittui nen ,rilru tawt em em chuan a thaw leh kawk kawk thin a,phuba lakna tur a va ngah tak em!!chutia a thut kun reng lai chuan ,thlam kawt a,buhkung ri san san chu a hre ta a,a thawm atang chuan a lo hriat than tawh sapui a ni tih a hre thuai a,kawngkaah chuan dingin,a kut chuan zaizirin a han bia a,mahse ,chu sapui chuan a kalsan duh ta hauh lo mai a,mittui hru zauh zauh chung chuan,ka nu thisen leh taksa hi chu ka pe phal lo che a ni,ka sanghal kah kha i duh tawkin han ei rawh,"tiin a han be leh a,chuti chung pawh chuan a la kalsawn duh chuang lo va,thinrim tak chuankawngkhar chu a han khar sawk a,a nu ruang bulah chuan tap chungin a thu leh ta ngawih ngawih mai a,mei chu a han tuah eng a,Thankimi lah chu a thaw a zawi sawtin ahehte chu a duk char mai bawk a,a puan chu a han sin thattira ,a kut vawt ngiai chu a han hum vang vang a,puan chuan a vet mawlh mawlh a,tichuan a nu ruang bualah bawk chuan a thu leh ta a,mutthilh ngam a ni bawk si lo,zing khawvar dawn hnaihah chuan tawngthum bal bal hi a hre ta a,inring tak chuan kawngkhar bulah chuan a han ding a,tupawh nise thilh chilh ngei a tum a ni,a thi a nih chuan a phuba chu chalthangan a rawn la mai ang,a ti rilru nauh nauhva,thawm chu a rawn hnai zel a,thawm an dim vak loh avang chuan hmelma an nih a ring leh ta lova,a nu ruang chu a khuh tha leh a,chutih lai chuan,hmeichhe aw hian,"Ka nau i la meng a ni maw,ka lo let leh tawh nia,min lo hmuak ve la mawle,a rawn ti larh larh a,chu veleh Romawia chu tlan chhuakin,Zampuii kuah chungchuan a tap khur ta tlawk tlawk a,Zampuii chuan boruak thalo a awm tih hrethiam nghalin,"Ka u,thlam chhungah khan lut nghal vat teh u,a ti nghal thawt a.

Chalthanga chu thlam chhungah chuan a tlanlut nghal thuai a,thlam chhunga ruang lo in khuh chu a han keuva,pi Zamani sam thur hiang chu chul mam a han tum a,a lu chu a lum sawn ta mai a,a phu chiang kher mai,a bul mai a Thankimi mu chu a va khawih chuan a lo vawt ngiai bawk a,a puan sin chu a han hlim a,taksa khuhtu mumal pawh a lo nei lo,thinrim zet hian,"Mawia,engthilnge thlenga,eng tika thleng nge a han tih chuan midang pawh chu thlam chhungah chuan an lut kim vek tawh a.Zampuii chuan pi Zamani ruang chu a en tlawk tlawk a,"Nu ngilnei tak i ni asin,tute pawh hi i hrin ang maiin i en thin a,mite ngainat i hlawh thin,ka pi, fapa hi chu rawn ngaihtuah suh aw,ka lo enkawl vek ang ,engkimah ka lo tanpui ang e,ka pi,Thlamuang takin chawl ang che"tiin a thawhsan a,Thankimi mutna lam chu a pan leh ta a,Thankimi kut vawt ngiai leh thaw mu mal tawh lo tak chu a en tlawk tlawk a,ka Thian,min lo la nghak tawk tawk a ni maw,hei kan lo thlen tawh hi ,tawngkam khat tal chu i chhakchhuak ve dawn lo em ni,ka thian,i tel lo chuan kan khua kan thleng ngam lovang,ka piin min lo be duh lovang,khawngaihin harh hram teh",tiin a tap kiang kiang a,Chalthanga chu leihkapui tlang vuan chuan thinrim zetin an piah tlang lam chu a thlir ngawt ngawt a,'khawi hmun pawh thleng rawh u,a mal te tein,Romawia lei hleh saktu te nen lam khan khan ka that chimit vek dawn che u'ti rilru chung chuan leihkapui tlang chu a han chum ngheng mai a,a mah pawh chu a tla lek lek nghe nghe a.A hmangaih thu pawh a hrilh hmain misual kut tuar bawkin a nunna thlengin hlauhthawn awmah a awm leh si a,i dam chhuak a nih chuan,ka nupui i ni anga tuman an khawih nawn tawh lovang che,i pu vang vek a ni,bung sawmah khan lo chan sawm ila,i vanduaina hian zia lam a pan mahna,ti rilru reng chung chuan thlam chhungah bawk chuan a lut leh ta a.

A thinlung tawt lutuk avang chuan Thankimi bulah chuan a thu ta hnawk mai a,ka bulah khan lo hruai zel zawk che ila,heng vanduainate hi i chungah a thleng lo tur,keimah vang a ni,ka neih che a ngai a ni,ka nupui i nih chuan i him phah mahna,a han tisap a,chutih lai chuan Thankimi kut zungpui chu a rawn phu aih aih a,Chalthanga chuan ,Thankimi kut a vawn lai che dat a hriat chuan,a bengbulah chuan a zuk kun hniam a,"Ni e,ka hmangaihche asin,min lo kalsan daih ang tih hlauvin a hmanhmawh thei ang berin lo let leh a,mahse misual kut bawk i lo tuar leh si a,eng pawh tawk la,vawi eng zat pawh tawhsual tawk la,ka nupui i ni tho tho vang,lo harh leh thuai ang che"a han ti sap sap a,Thankimi kut zungpui chu a phu leh dat dat a,zawite a puanhnuaia a kut a dah luh hnu chuan,pawnah a chhuahsan leh ta a,khua a var tan tawh a,Romawia chuan a pathlan bula thlan laih a duh avangin ,chu laiah chuan an laihsak ta a.Chalthanga chuan kan misual rual te chu keiman ka lo va um hmasa dawn em ni?"a han tih chuan,Zampuii chuan ,ka u,A rawn harh hun tal nghak la ,tichuan ,keiman ka awmpui tawh ang,"tiin a lo ngen thuai a,Chalthanga chuan ,a nau rilru chu hrethiam in a lo bu nghat a,Pi Zamani an phum zawh chuan,rorel chu an tan chhunzawm ta a,lal fanu hi rawn harh phawt se,tichuan ,kan awm zel dan tur chu kan rel leh dawn nia,tiin thu an ti tlu ta a ni.

Nihnih zet nikhaw hre lova a awm hnu chuan a ni thumna zanriah chhumhun velah chuan ,Chalthanga chuan thing an ek a,midangte chuan sa hnu chhui pahin ,Thankimi lo khawitute hnu an chhui pah a,Zampuii chuan eirawngte bawlin a buai hle a,in chhung a zuk luh chuan Thankimi chu natuar ni awm tak chuan a lo then tlawk tlawk a,khawngaih takin min khawih suh u,min thlah rawh u,ka duh tawh lo a na emai,ka hliam kha ,ka hliam kha ,tiin a phun chhuak sep sep a,Zampuii chuan,"A tawk, atawk e ka thian,i bula hi ka awm a lawm ,muhil rawh ,i bulah kan awm reng a nia,"tiin a hnem mawlh mawlh a,Thankimi pawh chu a muhil chhunzawm leh ta mai a,Chalthanga lo lut hnenah chuan"Ka u ,tui ka zu chawi lawk ang a,tihian lo awmpui la,mangchhiain a tibuai tana,a lo harh tep tawh ang,lo thut chilh ve deuh la aw,"tih pah chuan a chhuahsan zui ta a.

Meite chu chhemin ,an chawhmeh tur ,Ramliana vahrit kah chu a puah mawlh mawlh a,Zampuii tuichawi a lo thlen chuan,a vawihnihna tur chu a kal zui leh thuai a,Zampuii a kalliam chiah tihah chuan,Thankimi chu a tal leh tan ta a,Min thlah rawh ,min thlah rawh,ka duh lo,min khawih suh ,min thlah rawh,"tiin mittui luang zung zung chung chuan a tal laih laih a,Chalthanga chuan a vuan bet thuai a,"Hlausuh ,i bula hi ka awm e,ka veng tlat che a lawm "tih pah chuan a sam chu a han chulsak a,duattak a sam chul saktu chu fiah lo deuh tak hian a hmu thei reiruai a,a khaw hmuh chu fiah lo hle mahse,a bengbula thusawitu aw a hriat chuan ,dam sawng sawng hian a in hre hial a ni,Thankimi fiah lo taka meng siar siar a hmuh chuan,Chalthanga chuan a lo nuih var var a,i harh tawh em,ka nula vanduaite,tih pah chuan a sam chu a han chul sak a,Thankimi chuan a lu chu a lo bu nghat a.Zampuii tuichawi pawh a rawn thleng ve leh ta mai a,kawngka bula vahrit puah laklawh a hmuh chuan inchhung lam chu a han bih zauhva,a uin Thankimi sam a lo chul heuh heuh a hmuh chuan a nui sak a,a han khuh kharh a,Chalthanga chuan,a thiltih chawl duh chuang miah lo hian,"Ka nula vanduaite vahrit hi ka han puah lawk ang a,ka hman ve leh i bulah ka rawn mu dawn nia,"Zampuii ngei tur tak chuan a han ti deuh kher a,Thankimi chu ngawi reng hian a lo nui ve sak a.Zampuii chuan avela che,ka pasal hual lo thlen hunah ka chena ve khawp ang,"a lo ti let ve khauh mai a,Chalthanga chuan "Ni love,ka tlawm ni rawhse"tih pah chuan ,a vahrit puah lai chu a chhunzawm leh ta a.pasalṭhate hnuchhui pawh,an let leh tawh a,Chalthanga chuan an hnuchhui chanchin velte chu a lo zawt mawlh mawlh a,pasaltha Thangruma chuan,Thankimi Romawian a hmuhna a tanga an chhui thu leh ,fing thum vel a hnu chu a darh tak nuai thu a han sawi chuan,hmun khatah an kal lova,an in then darh niin a lang a,"Tia a sawi chuan ,Chalthanga chuan,"Pasaltha ,ka tibuai rei tawh che u a,tunah chuan in khua leh tui tan in hun in hman ve a hun tawh tak zet a ni,tuna kan hna hi chu,hei kan la tam thama keimahnin kan lo chhun zawm tawh mai ang"a ti ta a,Pasaltha pawh chuan Chalthanga thusawi chu dik a tih ve tho a vangin,a lo bu nghat nghat a,Pasaltha Zathanga leh pasaltha Chawngliana te chu Pasalṭha Zathangate rual kir tawh turin a ti bawk a,tichuan a tuk lama chhuak tur chuan an rel fel ta a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:59 pm

UNAU PHUBA LAKNA

BUNG 24 NA
Ziakti : Tlantei hnamte

Chalthanga chuan pasaṭha Thangruma te hnena chuan ,"Ka tibuai rei tawk tawh viau che uin ka hria,min hawsan tawh mai ula,hei kan la thahnem tho bawk a,in khua in ven him ve tawhte pawh a ngai tawh a,in puihna zozaite kha ka theihnghilh dawn lova,puih in ngai a nih phawt chuan min rawn pun hreh hauh suh ang che u,"tih pah chuan Pasaltha Zathanga hnenah chuan,"nangni pawh kan khawvenhim a tul ve tho a nia ,kan boruak heti hi a ni tak si ah chuan ,chuvangin,nangni chu in haw ve mai a ngai dawn a ni,keini chu ngaihtuah awm kan ni lova,ka pi kha kan chin in rawn hrilh hre mai dawn nia,min lo ngaihtuah lutuk ang e"tiin a han rawn kual a,Pasaltha Thangruma chuan ,Chutia hmabak nei tun chunga han in hawsan ngawt chu tha ti lo hle mahse ,Chalthanga zia lo hrechiang tawhtu a nih avang chuan,a rem tihsak ve ta a,Pasalṭha Zathanga pawhin ,Chalthanga thu chu hnial a tum hran lo,lal thu a nih miau avangin ,a tuk maia chhuak tur chuan thu an rel tlu ta a ni.

Zan lamah chuan Romawia hmel ngui tak chu Zampuii chuan hnemin a kawm melh melh reng a,"Ka nau lungngai lutuk mahta che,i unaute kan la dam hi,i tan kan ding zel dawn a lawm,hlim takin awm rawh ,i nu leh i pa thlan chu a khat tawkin kan va ti fai thin ang a,a kawng te kan ti fai reng ang a,a bo mai mai lovang,nupui hmeltha lutuk i nei ang a,fapa te fanute i nei ang a,hlim takin i hun i hmang dawn a lawm,intipa chang la,phuba la turin i rilru sawh nghet rawh,ka pu a tanga ka nu leh pa thlengin ,hmelma kutah kan chan a,ka mittui hi a far lo reng reng,a chhan chu maw,heng thihna te hi kan tah avanga tawp tur a ni lo tih ka hrechiang a,phuba la turin ka rilru ka siam sauh sauh va,zingtin nunchan ka zir thin a,ka thawhrim em avangin zanah ka meng thei lova ,ka rilru natna zawng zawng theihnghilhin ka muhil hmak thin"a han tih chuan,Romawia chuan Zampuii chu mak tih hmel zeta en ha chung chuan a nui ta var var a,a la naupan ngaihtuah chuan a thawhrim vang nge a fip tang mai a,a naupan lai chuan,naupang hmeltha tak a ni thin a,a pa thih atang chuan tu khawkha in ngaihsak hek lo le,ramhnuaiah a nu nen nunbul an tan chhova,a taksa a chhe em em thin a,naupangtein ,rilru nei ranin hna a thawk thin a,rawlthar chhuak hlim a nih thleng hian a rualpuite pumrua a phak ngai reng reng lo a ni,a hmaifang fiah fai tak erawh chu a bo chuang lo va,naupang mai a la ni a,naupang tawng kam fel fai tak a nih vei nen a lei tawi ta lutuk avang chuan ,sawi theih a nei tlem ta em a ni.a beng avarin ,a fing em em lawi a,Zampuii nen phei hi chuan unau ang chiah hi an ni mai a,Zampui ai pawh hian a la nau hle a ni.chumi zan atang chuan Romawia zia pawh a dang leh ta zar mai a,Zingah a tho va an tukthuan tur a rel mawlh mawlh a,Tukthuan a peih fel meuh chuan ,midangte pawh chu an tho chhuak ve ta sang sang a.

Tukthuan an eikhaam chuan ,Pasaltha Zathanga chuan ,Thankimi chungchang chu a han zawt a,an hawnpui dawn nge dawn lo tih thu-ah chuan a rawn a,Chalthanga chuan,"Kan zingah hian awm rawhse,helai hmun hi kan chhuahsan mai thei lovang,kan tih tur kan hlen chhuah hun hunah kan chhuahsan tawh ang,midang ka ring zolo lam ni lovin,Zampuii hian awm chilh deuh sela ka duh a ni,"tih pah chuan Romawia darah chuan a han beng thak thak a,Romawia pawh chu a lo bu ve nghat nghat a.

Pasalṭha rual an chhuah dawn meuh chuan an khua a har lawk tlang hle a,dam taka in hmu leh thuai turin an intiam liam liam hlawm a,tichuan,an inthen ta rih a.Thankimi chu a dam teuh tawh vei nen,misualho vin an hnuhna lamah khan a in sawh khawlo zual hle a,a ruh mai ni tawh lovin ,a thate chu a tawm a,a che thei meuh lo,a kawng a chin chung lam chu tha viau mahse,a hnuai lam chuan,na a hre mumal tlat lo mai a,a malpui chhe lam phei chuan engmah a hre tawh lo va,a tha lam erawh chu a la chet thei viau va ni.Thankimi that deuh hlek chu nghak pah fawmin ,Romawiate buh hmunte chu an han thlo lawp lawp a,a chang leh insual te,ralbeihdan chi hrang hrangte chu an zir pah zel a,thalkah leh fei khawh te ,hmanraw che lek an han zir tak tak chu,Romawiate vau vel chuan an vai kaw hneh hle tawh a ni.Romawia hnenah chuan Zampuii chuan,"I hmanruate kha i hman thiam hma chuan a rit viau mai thei a,i hman thiam tak tak hunah chuan a rihna kha i hmanthiam tawh ang a,awlsam takin i chelek zung zung thei dawn a ni,hman raw zang reng reng hi a thawh dan a pawnlawi a,hmanraw rit erawh chu a thawkna em em a ni;chuvangin,hmanrua i thlan reng rengin a zang lam i thlang tur a ni lo,a rit lam zel i thlang dawn nia,ka pu thianpa fei ka hman dawn khan ,ka lek kang zo mang lo va,nitin ka zir chho zel a,tunah chuan ka arte hnapkhai tawh a ni."a han tih chuan Romawia chuan lu a lo bu nghat nghat a,Zampuii chu ngaisang tih hriat tak hian a han melh vang vang a,a nui ta var var a.tunah chuan tlemin an thawl ve ta deuh bawk a,khawhar ru viau mahse,tlem chuan an nawm phah ta deuh va.nitin mai hian an inram chhuah chhawk thin a,chutianga eitha ei nitin ta chu,Romawia hmel pawh a mawi sawt hle a,a thawkrim lutuk tawh lo bawk nen,an in hmuhlimte ai chuan a hmel chu lang mawi tawh tak a ni,naupang awmchhun a ni bawk a,Zampuii nauduat a ni ta der mai a ni.
Ni enge maw zat Romawiate tawmna thlam an luah hnu chuan ,Chalthanga chuan ,"Ro i rel teh ang u,helai hmuna tawm reng ai chuan tihian lo awm ula,Ka nau thar nen hian kan tei chhuak ang e,an khawhluia pasalṭha te hmel pawh hmuh ka duh hrim hrim bawk nen ,tihian kan nulai hi lo awmpui ta mai che u"a han tih chuan,Hmingliana chuan ,"I thu vek a lawm ,lal i nia ,i hnuaia khawsa ve mai mai kan nih hi," a lo ti hman hmawh a,chhang duh lem lo chuan Chalthanga chuan.pawn lamah a chhuah san ta daih a.

Chumi ni leng chuan Ramlianteho tihtur hre lo chu luiah ni i zuk tum tawi teh ang,tiin an in rawt phur chawp a,Ramliana chuan ,Chalthanga bengbulah chuan,"Nang chuan i duhlaii lo awmpui la a tha ang ,duat a ngai viau a nia,"a han ti zauh va,Chalthanga chuan,I hun remchang zawng lah hian chhuanlamah mi hmang fo mai a,nangman lo awmpui zawk la a tha ang.keimah ka zuk kal zawk ang e,"tih pah chuan ,a chempui chu a la a,a ipah chuan a han khung zauhva,pawnah chuan a chhuak ta nalh mai a,Ramliana chuan ,"Mai mai che chuan ,i hmakhaw ngaiin hun remchang ka zawnsak hram hram che a,ka duh lo ve,i han tih khang lan ni,ka lo awm ang a a ni mai alawm ,ka duat khawp ang ,i thin han rim chauh teh se,i hnawl hnu lo duat vel hi ka phu tawk chauh reng a ni,tih pah chuan Chalthang chhuak chuva umzui nghal dawr dawr a,Chalthanga lah chuan,"Duat mawlh rawh ,nupui pahnih neih hi i phu ve reng a ni,i thawkrim tawk bawk a lawm le,"a lo ti liam ve puat a,lui kal tura an lo insiam vek a vang chuan,Zampuii chuan ,"Tunge ka thiani awm dawn a,?ka u ,kal ve i tum ringawt a law,lo awm rawh ,i kal ve a ngai lo,kan rawn hawn kep ang che u,"tih pah chuan a nui zui ar ar a,kal ve lo tura an nawr tak sap sap avang chuan Chalthanga pawh chuan a thul ve leh ta a,Zampuii chuan,a rukte chuan ,"Naktukah i kalsan leh daih dawn a,vawiin chu hlim takin in kawm ula,a rilru na lo thei ang berin i siam dawn nia,"tih paha nui var var pah chuan a kalsan zui ve ta a.

Ramlianateho an kal liam chuan ,Chalthanga chu inchhungah chuan a lutzui ve ta a,Thankimi chu tui deuh hian a lo muhil sak sak a,Chalthanga chuan a han thlir vang vang a,misual kut tuar tur em chuan i pamhmai lua deuh a ni,a ti rilru neuh neuh va,a bulah chuan a zuk thu hnai a,Thankimi lu bulah chuan a thu a ,a sam chu a chul sak heuh heuh va,Thankimi chu a han zi ṭalh ṭalh a,Chalthangan a lu a khawih sak tih a hriat chuan ,a han insiam rem a,Chalthanga malchungah chuan pangchang tak hian a lu chu a han nghat a ,"Khawnge midangho kha an awm zawh tak vek a?tiin a han zawt pah zat a,Chalthanga chuan,"Luiah an kal vek a nih kha"tiin a lo chhang ve thuai a,Thankimi chuan beisei nei ru ran chuan ,"Engatinge i kal ve loh va,?tiin a han zawt nawn leh sak a,Chalthanga chuan Thankimi sam chul heuh heuh pah chuan,"Kal se min duh zawk tihna em ni?tiin a lo zawt let ve thung a,Thankimi chuan,"I awmdan turah duh thlang thei ka ni hleinem,hmeichhe pangai duh thlang thei tura inchhuanna tur nei tawh lo ka nih hi,in mi ngaihsakna hi ka tan chuan a lawmawm tawk tawh viauva sin,hmei tawp ber ai pawhin ka tenawm tawh a ni."rilru na tih hriat zet hian a lo ti ngui ta raih a,chu veleh ,Chalthanga chu ,Thankimi sirah chuan a mu thla thuai a,a bianga chulsak heuh heuh pah chuan,"Heng zawng zawng bul hi chu i pu thil tih dik loh vang vek a ni,mahse ,theihnghilh tum rawh ,ka tan chuan nula thianghlim i la ni reng a sin,ka nupui i ni ang a,tuman an khawihin an tina tawh lo vang che,"a han ti ve sap a,Thankimi chuan,"He ti chung hian i nupui ni turin min la duh cheuva maw?i hmelma ka ni chung leh Mi bawlhhlawh ka ni chung hian min nei cheu vang maw?a tih lai chuan ,Chalthanga chuan a awma a pawm bet chial a,Ka hmelma thlah chu i ni ngei mai a,mahse ,ka hmangaihche a ni tih ka hriat a tang kha chuan ka hmelma ni lovin ,ka hmangaih em em ,eng dinhmunah pawh ding la ka nupui tur ,i ni daih tawh a ni,ka hmangaihche a,ka nei ngei bawk ang che,tih pah chuan Thankimi mittui luang ngiai ngiai chu a han hruksak a,Chalthanga thusawi avanga Thankimi hlim hmel chu a hmuhnawm kher mai,Chalthanga chuan a thlir vawng vawng a,rei tawk tak a kuah leh vawng vawng hnu chuan,Ka nauten an veng tlat tawh dawn che a,kei chu Mawitea nen ,nangmahni tibuaitu cheu leh ,Mawitea lei tansaktute do turin kan chhuak dawn a,ka hmangaihna che hi ringhlel lola,min ngaih chang apiangin,keipawhin i mi ngaihna ang zat chiah khan ka hmangaih ve tho che a ni.tih i hre dawn nia,engpawh nise ,inbual fai phawt ang che ,
ka bual ang che aw,?"ahan tih chuan ,Thankimi chuan zak hmel tak hian a lo en ha a.Chalthanga chuan nuihsak pah chuan,Zak duh suh ka hmu fai vek tawh a lawm,i nalh chungchuang khawp mai,pangpar mawitak ang i ni,"tihpah chuan ,zah avanga Thankimi biang sen tai tek mai chu a han piai zauh va,tichuan ,a pawm tho zui ta a.An han inbual tak tak chu,an nui nasa dun hle a,an inbual zawh meuh chuan,khua pawh a lo tlai lam tawh a,Chalthangan Thankim a han mutthat tir a,thawh leh mai a tum lai chuan ,Thankimi chuan a kutah a lo vuan bet a,"Ka hmangaihche,"a ti ve ta sep a,Chalthanga chuan,"ka hria a lawm ,ka nula vanduaite,darzo khua atang khan ,Bawmzo lal fanu pawh kha i thik a ni tih ka hria a lawm,tumah thik tawh suh aw,nang chauh hi ka hmangaih tih hria la,khawiah pawh awm ila,ka ngaihtuahna zawng zawng hi i kawl vek a ni tih hria ang che"tiin a han kuah leh vawng vawng a,zawitea a mut thattir leh hnu chuan ,meichhem turin a thawhsan ta rih a.

Ramliana te ho lui kal chu an hlim hle a,a bikin Romawia leh Zampuii chuan nuam an tizual bik a,chakai an han man thelh changa ,an hmanhmawh luttukin tui an han dai per leh chuai thinte chu an hlim pui hle thin a,Romawian phur taka u ,u tih chul paha Zampuii a kawh hmuh chhen thinte chuan nun a tihlim em em mai a,a thiltawn a rapthlak ve teh lul nen,a u Zampuii kianga hlim taka a han awm thin chu a nu chuan hmu se,a lungawi viau chuan a rinawm a ni.vawihnih ei awm vel zet an man hnu chuan haw zai an rel ve ta a,an ip khaia Romawia hlim tak mai a,a han kal thauh thauh mai chu Zampuii chuan a um fiam ta thin a,an hlim dun thei hle a ni.Chutia an han in um fiam chu ,an thiante an hlat sawt hle a,Romawian a aiip put ,put thlak a tum lai tak chuan ,a dinna bula thingkung a tang chuan ,saphai lian zet mai hian a mei lam a tang chuan a rawn zial ta thut mai a,Zampuii chu a te tuar tuar a,chutih pah chuan ,a chem ken chuan a rem lai laiah chuan a sat pah zel bawk ,Romawia lah chuan,"U,u,a u,a ti thawt thawt bawk a,zampui te thawm avanga ,Ramlianate ho lo thlengin ,Romawia chunga thil thleng an hmuh chuan muanchan chi a ni lo tih hria in ,a theih ang a rang chuan Zampuii chu hnuk sawnin a mei hmawr tawng pha lo tur tawk chuan ṭanhmun an siam thuai thuai a,Saphai lu lamah chuan Dampuia chuan a lo chhaihbuai bawk a,a rem lai lai ah chuan kut an thlak mawlh mawlh bawk a,Thankimi Saphaiin a zial tuma an tih ang khan,Hmingliana chuan saphai lu lamah chuan taksa thlawp zaihin a pawm chilh leh ta a,fei an ken loh tum a lo ni nen ,a chemken chuan a sat mawlh mawlh ringawt a,chuti taka kut thlak nasa ta chu a Romawia a zialna pawh chu a dul tawh hle a,chu veleh a ban leh kut vel chu a la chhuak thei ta a,a rap ve ngang a niang chu ,hman hmawh zet hian a tal pit thei ta a.chutia Romawia a tal pit ta chu Zampuii lawm lutuk chuan kaih sawn tumin a lo ban thuai a,chutia an inban buai lai chuan,Zampuii zawk chu saphai natuar tal vel chuan a lenglawp khawp chuan a vai ta thut mai a,Romawia pawh a zuang kang nghal dawrh a,a u buaipui tur chuan a harsa deuh tak chung chuan a tlan phei hram hram a,Zampuii chu a lo zi ṭalh talh a,Romawia chuan ngaihtuah hmel fe hian,"U,u tiin a ko mawlh mawlh a.La zi ṭalh ṭalh chung leh nui deuh sak chung hian,"Min ngaihtuah suh ka naute,ka tha e," tih pah chuan ṭhen deuh tlawk tlawk chung chuan a ding chhuak hram hram,mahse rei a ding thei ngang lo va,a thu leh ta hnawk a,Romawia chuan ngaihtuah hmel fe hian a mu zar mai chu a en vawng vawng a,zampuii chuan,"Mawite ,ka thawk a sak tlat mai ,ka awm ruh hi fel lo deuh lai a awm a niang ,tlemin min mut that tir teh "harsa ang reng tak chuan a rawn ti chhuak ṭawk ṭawk a.Chu veleh ,Romawia chuan ,a bul mai a lung phek pakhat chu chawi phei ṭaih ṭaihin Zampuii chu a lukham tir ta a,Zampuii chuan,"A tha e,i ute kha va pui ve rawh ,ti hian ka lo awm ang,"a tih mek lai chuan ,Ramlianateho chu an lo lang ve hlawl mai a,Zampuii awmdan an hmuh chuan ,Hmanhmawh fe hian Ramliana chuan Zampuii chu a pan hnai thuai a,a thawk dan hahthlak tak a hmuh chuan,a mangang hle a,Thanliana chuan Zampuii panhnaih pah chuan,"Ṭhiana,min lo thik lo phawt mai teh Damdawi lam thiam ka chet a ngai tlat,ka khawih thuk deuh a ngai dawn a,phuba i lak loh hram ka beisei"nui deuh suk chung chuan a han ti hram pek a.

Dampuia chuan,Damlo enkawl i thiam tih chu kan hriat tawh kha,kha,a thaw kha en la ,muanchan chi a ni hauh lo a nia,i ṭawng hmasa duah kher zel a,ngawi reng khan han che zung zung teh ,"nuihza ru tak chung chuan a lo ti thuai a,Thanliana lah chu nuihza insum tih hriat tak hian,maimichhing vek rawh u,ka hmuh ang hi in hmuh ve kher ka phal lo "tih pah chuan a nui huk a,Zampui kawr hma zai thler kawk pah chuan,"kawr maktak a nih hi"a la tizui hram a,Dampuia a insum zo ta ngang lo,Thanlianan a lu lam lo chelh tura a tirh pawh chuan a ngaihsak hleithei tawh lo,lehlam hawiin a dir ta ngar ngar mai a,Hmingliana chuan ,"Aw,a va hun lo thin tak,kan Thanlian zet zut hi chu aw,"tih pah chuan Zampuii lu chu a lo chelh ta zawk a.Thanlianan Zampuii âwm ruh a han dap dan dan a,"Khai aw,a âwm ruh hi a auh a nih hi,a lo va vaw na ve maw le,hei hian a thawk a tibuai a nih hi,engtin nge kan tih ang aw,pawn lama rawn kul chhuak chu ni se ka siam huphurh hauh lova,a chhung lamah a kul lut tlat mai a,engpawh nise,in puak haw ngawt ai chuan,hlang siam ila zawn tham kan awm tho va a han tih takah chuan ,hman hmawh zetin hlang tur chu an sat zui nghal mawlh mawlh a,an awmna lai berkher lah chu thing a khat viau mai a,mipa rual an ni bawk a,an vak zung zung a,an insat ngah ve ta mai a.an han siam zung zung a,Thanliana chuan,"Dim deuh rawh u,a awm ruh kha dim a ngai riau a nia,huiha ,in hliamin tawptai a nei dawn lo a nih hi,inah haw ila,i mulum ila a ni ringawt ,"a tih mek lai chuan Romawia chuan a hmui a rawn hup sak thut a ,hlang zawn turin a han tir zui a,Dampuia chuan,I ti duah zel a,a ngai thei ngang lo nih kha,pu rawh "a tih tak hlukah chuan ,nui ṭhu chung chuan hlang fawng chu a vuan ta nge nge a.

Thlam an thlen chuan ,khua a thim chhulh tawh a,Chalthanga pawhin zanriah a lo siam peih diam tawh a,chutia rawn inzawn ta luk luk mai chu hrilh hai zet hian ,thil awmzia chu a han zawt zung zung a,Thanliana chuan ,an thil tawn vel chu tlem belh hlak in a rapthlak thei ang ber chuan a han sawi dap dap a,ṭullo ti hle mahse,mi ṭawng lak lawh laia lo khak sek chu ni theia hre chiah lo chung chuan melh hrek hrek chung chuan an ngawi vel mai mai a,Chalthanga chuan Thanliana berkherin an thil tawn a han sawi chu ,a engber nge awihchin tur hriat thiam har a ti ve hle a ni.Thanlianan an chanchin a sawi lai a,dawt tlem a belh a piang chuan ,Romawia chu a lo â leh nang nang thin a,Dampuia leh Hmingliana nuih za thin lutuk chuan insum har an tih kher mai a,Thanliana lah chu a insum theiin ,a sawi awihawm thei riau mai bawk nen,Thankimi phei chuan a awih thei em em mai a,an sai kah chungchang a han sawi tak tak phei chu thudik ni miah lo leh vawi khatmah sai la kap lo khan,ngaihnawm taka a han sawi tak tak chu,Ramliana tak ngial pawhin,"Thiana sai kah chungchang i sawi a piang hian ,kan kap tak takin ka hre ziah ,"a ti fo reng a ni.chutiang khawpa lei hmang thiam a nih avang chuan,Chalthanga pawh hian awih chin a nei fo thin reng a,Zampuii awm ruh auh han sawngbawl vel dan tur an hriat vak loh avang chuan,Chalthanga chuan ,Engtin nge kan tih dawn a,heti hian kan en tlawk tlawk dawn tihna a mi?a han tih chuan,Thianliana bawk chuan,"Ni mai love,a hnung ah thingfakin kan do mai a niang chu,"a lo ti leh hlak a.Romawia chuan nuih za bawk si ,a u a khawngaih bawk si chuan rum deuh tak chuan a lo melh râm râm a,chu chu Thanliana chuan hmu tho mahse a hai der hmiah thung.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)