UNAU PHUBA LAKNA BY Tlantei Hnamte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: UNAU PHUBA LAKNA BY Tlantei Hnamte (Completed)

Unread post by Ngaia » November 23rd, 2020, 5:59 pm

UNAU PHUBA LAKNA

BUNG 25 NA
Ziaktu : Thantei Hnamte

Zampuii hliam chu Thanlian chuan theih tawp chhuahin a thiam ang ang chuan a han buaipui vel a,a ruk tak chuan ruh lam kher kher hi chu a khawih ngai loh avangin a beidawng ru ve hle a ni.a hmelah lan chhuahtir loh hram tumin ṭawng tamah a tlak a ni ber a,a rilru buai ruk zia hria ni se an khak sek lo tawp ang le,zing khua a lovar chuan,Zampuii thaw ,sak hmel tak pawh chu zia deuh hlek hian a hriat a,chetpui ngam erawh a la ni chuang hauh lo,a awm ruh chu na a tih em vang chuan,tuilumin an dep tluk tluk ringawt mai a ni,Chalthanga chuan,"Engpawh ni se,Mawitea nen hian ,kan tei chhuah hrim hrim phawt chu a ngai a ni,kan tlai lutuk ang tih a hlauhawm tlat,a sarhu laia kan kal chhuah hi ṭhain ka hria,Mawite,in khawhlui lam chu nakinah kan lut dawn nia,i nu that tute hi kan zawn hmasak a ngai a ni,tiin Romawia lam chu a han thlek a,Romawia pawh a lo bu ve nghat nghat a,a leitlir ngai lo chi chauh sawi thei a nih a vangin aw leh ai bak hi chu a ṭawng lo tluk a ni.tukṭhuan eikham chuan,Zampuii chuan Romawia chu ṭawngkam tlemtein fuihna thu a han hrilh a,tichuan,an chhuak zui ta a,Romawian a nu ruang a zuk hmuhna lai an thlen chuan,Romawia chu a han ding vang vang a,Thankimi khan engzat chiah nge an nih a hriat tlat loh a vang khan,Chalthanga pawhin an hmelmate chu rin zawn mai loh chu tih theih a nei lo tih a hrechiang hle a ni.Romawia chuan lungpher hlai deuh mai Thankimi lo mutna lai an thlen chuan ,Thankimi a hmuh ṭuma a lo mut dante chu a han zir leh rih a,tichuan ,hnuchhui chu an ṭan ta a ni.Chalthanga chuan ,Romawia hnenah chuan,kawnga kan kal hian kal mawl tawp tur a ni lova,ralbeih dan zirpah zel tur,kawngsira thingtuai te hi i sat chhawk hmak hmak thei tur a ni,tlan pahin i sat zel ang a,kut thlak natdan i zir pahzel tur a ni,i kutthlak a nat loh chuan sa tan pawh,mihring tan pawh ,tutan mah i hlauhawm ngai lovang,i hliam ve tingtang ang a,a kawlh tawk lekin i siam a ni mai.Chungvangin,i chem kha ren lo la,i sir vel thing tuai ding reng hi rang tak takin sah chhum i zir dawn a ni,tih pah chuan,a mah chu a tlan dawk puat puat a,chutih pah chuan a sira thingtuai chu a chhawk nghal zawk zawk bawk a, au tih dan zira Romawian a han tih ve chuan ,naupang tih takah ,vawikhatna maiah chuan a sat chhum hlei thei meuh lo a ni,Chalthanga chuan chhunzawm zel tura hrilhin a lo fuih sauh sauh va.

Chutia an kal zel lai chuan ,an hnuchhui mek chu hmun hnihah a in ṭhen ta tlat mai a,chhuah lam zawk chu zawh hmasak phawt chu ṭhaa hriain ,chu lam chu an zawh ta rih a,tlema kawng chu a mumal loh tak avang chuan,Romawia pawhin a thilzir chu chhunzawm thei ta hek lo le,Chalthanga hnungah chuan a hnar a len ta vut vut a."U,u tiin Chalthanga hnungah chuan a han kheuh zauh ,Romawia chuan ,hniak tharlam lutuk lo ,chu hmuin kawng thlang lam pana chhuk thla chu a lo hmu niin,Chalthanga chuan ",Mawite kha chu dah tha la kan hnuchhui lai mek hi i tinzawn zel phawt teh ang hmabak kan ngah em hi,khangte chu kawng pangai pawh a nih loh kha,"a tih mek lai chuan chhawl thut bek tawh hmunhniha lo inphah chu a hmu ta a,chutah chuan tuna an hnuchhui mekte hi an chawl a nih ngei a ring a,hmun khatah chuan seideuh tak hian a in phah phei deuh ut a vang chuan ,dam lo mutna ni awm tak hian chhawlphah hmawr lamah chuan lungphek chunga chhawl inphah rem zaih hi a awm bawk a,Romawia chu a han mu chhin vel a,Romawia pumrua nen chuan a inrem tawk hle nghe nghe a .thil awmzia ni alang chu ngaihruat thiam ta in Chalthanga chuan in hre ta a,Romawia hnu hmuh kha chu an damlo in thiarna kawng vel mai mai niin a hre ta a,khua a tlai lam tawh bawk nen ,Chalthanga chuan ,mawite kan zanriah tur ngaihtuah a ngai tlat mai ,sakhi emaw vahrit emaw tal kan zawng teh ang ,he lai ram lah hi ,sahnu a vang phian mai a,kan in hmu ngut emaw chu,i zawng ve reng reng ang,i hmuh a piang kha a te lam a nih chuan a pawi lo a nia ,tia chah in hma lam pan zel chuan in hlat lutuk lo in an inthen ta rih a.

Thui deuh tak an kal hnu pawh chuan sa hnu chu sawi loh ,a awm ang tak ngial pawh chu an la hmu mai lo va,Romawia chuan sahnu pawh ngaihsak tawh lo chuan Chalthanga hmu phak reng chuan thawmdim tak chung si chuan a kal mawp mawp ri ngawt tawh a,a nakin deuhvah chuan ,a hma pen sawm vela thil ri sat sat hi a hre ta a,a ding dat a,luang hung,a chung lam hnawk ang reng tak si ,a hnuai lam fai hliau a hmuh chuan ,varung emaw,vahrit emaw chu an awm khawp ang,ti rilru ran chung chuan a hnaih hret hret zel a,a rin loh deuhvin Ramar nupa a hmu ta ,lawm fe chung chuan a thal chu a han la chhuak a,zawite lehthawm dim zet hian a thal chu a han kuai kul ṭan ta a.a thal a thlah chiah tih ah chuan ,a hma lam a tang chuan thal a rawn thlawk chhuak ve chiah bawk a,Ramar nupa leia an tal phar phar a han hmuh chuan ,pik chu tawn nghal bawrh bawrhin ,ramar nupa chu a han khai chhuak nawlh mai a,hlim zet hian a lam pui chiam bawk a,Chalthanga chuan ,"Mawite,muang lova tui awmna kan zawn a ngai a nia,"a han tih chuan ,a nu tuium a ah chu a han phawrh a,chu chu chumi zan leh a tuk zing thleng chuan an tla thei ngeiin a ring a,chunglam chu a han melh vang vang a,Mawite ,thingkungah khian i riak thei ang em,i u zampuii nen chuan thingkungah kan riak mai thin a,"tiin a han zawt leh a,a lo bu nghat nghat a,tichuan meite chhemin ,an Ramar kah thluk chu an puah zui nghal mawlh mawlh a.Ramar an puah zawh chuan ,Chalthanga chuan ,"Mawite ,sa kha lo hem hmin la ,thingkungah khian i mutna tur leh ka mutna tur ka hansiam ang e aw,khua a thim hmaa kan chet thuai thuai a ngai a ni"tihpah chuan thingkunah chuan a lawn zui thuai a.

Chalthangan an mutna tur ram hrui hmamga a siam mawlh mawlh lai chuan ,Romawia hnung lam a thingṭang tliak ri rap chu an hre ta a,an hawi rual nghal thawt a,Chalthanga chuan a han bih dak dak a ,a hmu thei mai si lo,ding meuhva a han chhuk bih leh takah chuan,Romawia awmna atanga hlam nga vel lekah chuan Savawm lian ang reng tak ,Romawia lam hawia pen chhut chhut chu a hmu ta a,"Mawite ,in ring rawh le,i fei leh chem pui kha hman a ngai e,"tihpah chuan a mah pawh chu a chhuk nghal sawk sawk a,Romawia te ang tan chuan ,chu savawm kher kher chu hmachhawn ngawt chi a ni tlat lo a ni.Romawia pawh chuan rang takin a chem leh fei chu a chuh nghal vat a,savawm,a lam pana rawn kal ,mei eng a hmuh avanga ding chawt chu a lo en ran mai a,savawm pawh chuan ,a mah hmachhawna ,lo melh khiautu Romawia chu a mel ve kuau bawk a,chutih lai tak chuan Romawia hnung chiahah chuan Chalthanga chu a rawn ding zui ve nghal zat bawk a,chu savawm chuan thinrim hmel zet hian Romawia chu a pan ding nghut nghut a,Chalthanga chuan ," i fei kha hmang ṭangkai hle rawh aw,"tih pah chuan che mai thei tur chuan a insiam rem ve nghal thuai a,savawm rawn tlan bu phei lui lui chu in ring zet mai hian Romawia chu a lo ding kak ṭa mai a,a mitmenga hlauhna pakhat mah awm lo chu ,Tumpang emaw ,sapui lam chi chuan an zam phah ve ngei ang le,a pumrawh zen ria thlarh chu hmuh a nuam ang reng hle a,a u Zampuii fei hmawr zum hriam ṭha zet leh tle rang mai chu a lek vang bawk a,savawm chu ding ur urin ,Romawia chu a bawh ta mai a,mahse ,romawia chu lo inring sa a nih a vang chuan a petek dawrh a,a banbul chu tlem chuan a thi ve sar sar a,,in sawn zauh pah chuan a fei hmawr hriam zet chuan savawm awmah chuan a hrut pah hrawk mai a,savawm thin rim chuan a bawh phei leh buan buan a,Romawia pawh chuan in ring tak bawk chuan ,savawmin a bawh phei leh chiah chu ,a fei bawk chuan asir ding lama in sawn zauh pah chuan ,chhun duh chiah si lo chuan a han tai leh hrawk a,savawm nak zawn chu a thi phung tawh a,chutah zet zawng chu savawm hliam thinrim chu ,rang tak tak chuan a vir ta vut vut mai a,Chalthanga pawhin a chet a hun ve ta tih hria in ,savawm meiah chuan a man thut a,a hnuk ta mai a,chu ve leh ,Romawia chuan a tha tawp chuan a fei chu savawm nghawng zawnah chuan a chhun lut ta thawih mai a,Chalthanga pawhin a fei chu chhar thuaiin Savawm hliam thawh chhuah hram hram tum mek chu a han chhun nawn leh ta sak a,a hliam chu eng sa tan pawh thawh chhuah pui chi a ni tawh lo,Romawia chuan zei fe hian a fei chu a han phawi zawk mai a,Chalthanga chuan a fei phawi pah chuan,"Ka nau huaisen te ,i hmuhnawm hle mai,"nui var var paha tih pah chuan a han beng thak thak a,Romawia chuan,naupangte a nih laiin an insual tawh thu chu zaizir chuan a han sawi a,chu nau huaisen zia chu a la hmu dawn chauh a ni,a nu khan phuba la tura a in zir nasat zia kha a sawi a,engang takin nge a lo in zir nasat chu hmuh a chak tawh hle a ni.

An sa chu an duh lai lai an hlep thla a,a bak zawng chu thisen rim hriaa sapuiin a tihbuai loh nan hla deuh takah chuan an dah ta a,zanriah an renga,an ramar hemhmin an ei ve meuh chuan a thim tawh hle a,an savawm sa chu an han ur te te a,leng hawn ar khuan hun awm velah chuan an mu hman ve ta ṭawk a,Chumi zan chuan an mu tlem hle a.zanreiah chuan an ring ang chiah in an sa dah chu a khel ri bawp bawp mai a,Romawia chu a nui chhuak ta hawk hawk a.zing khua a lo var chuan sava hram chiah chiah chuan an mutui lai chu a kai harh chiang hle a,tho thuaiin ,an hmalama ,an hmabak hlenchhuak tur chuan an sarep chu an theih tawk ak tam ak in, an pen leh ta thauh thauh va.tukṭhuan an ei ve meh chuan an kal thui tawh hle a,hlatak atang chuan arkhuang ri an hre thei ta a,khua an hnaih hle tawh tih an hriat chuan khaw hmawr fem a chin zawh hmasak chu Chalthanga chuan a tum rilru ta zawk a.khawdai an thlen chuan ,kawtchhuah lungdawhah chuan an han thu vang vang a,chutih lai chuan naupang sava veh haw lam techu an rawn ri chel chul mai a,Chalthangate pahnih chu an biru nghal thuai a,chung naupanghovin an sava perhthlak an insem thawm pawh chu an hre thei a,chutiang hun nuam tak chu an tawng pha ve lo tih chu an inhriatsak tawn ve ve a,naupangho an kalliam hnu chuan Chalthangate pawh chu lungdawh lamah chuan an inzui chho leh ta a.

Lungdawh an thleng chho fel chiah tihah chuan,naupang berh ve tak pakhat hi lungawi lo leh ṭahchhuak tih hriat deuh leh ngui nghiai hian a chhuak chho ve hlawl mai a,a mittui hru fap fap chung chuan,"ka nu hnenah ka sawi vek ang ,ka sava perh thlak sa zawng zawng min chhuh sak vek a,in chak lo khawp ang "a ti niah niah a,Chalthanga chuan chu naupangte chu a lainat hle mai a,"Valte lo kal teh ,engati nge i ṭah tak mai a,engati nge i ṭhiante rual khan i lo kal ve loh va?"tiin a lo zawt sawk sawk a,chu naupangte chuan,"Ka ṭhiante pawh an ni lo,sava ka perh thla ṭeuhva ,an perhthlak ve theih loh avangin ka perhthlak sa min chhuhsak vek a lawm,sava ka veh tih an hriat chuan ,min lo chang ru ṭhina,min chhuhsak vek zel a ni"a ti niah niah a,Chalthanga chuan a khawngaih hle a,a sama chulsak heuh heuh pah chuan,Valte ,khawi lai nge in inawmna,in inah chuan lo thleng ta ila i phal a ngem?tiin a han zawt a,chu naupangte chuan,"A nu nen chauh kan awm a lawm ,anu chuan a phal em em ang,veng mawngah khuan kan awm a,mi hmuh tam in duh loh chuan,heta ṭang hian kan in chu a kal theih ,"a tih takah chuan ,chu naupang te chu an zui ve ta a.Naupangin an in chhung a hruai luh chuan ,an in tlakbal zia leh an retheih dan tur chu sawi hran a ngai lo.A nu chuan mak tih hmel tak hian,"Taite ,khawilam khual nge i rawn hruai luh hi,kan mi chhiat em hi ,mikhual nei ngam tur pawh kan ni hleinem,chawhmeh tui tha pawh kan nei ve mang si lova,a zahthlak emai"in thlahrun hmel tak chuan a lo ti nghal bawrh bawrh a.Chalthanga chuan,"ka pi,chawhmeh leh eitur lamah kan buai hran lo a nia, tih pah chuan, savawmsa arep an ah lai chu a rawn phawrh ta teuh mai a, chu mipa naupang chuan sarep a hmuh meuh chuan a lawm kher mai, anu pawh bang biklo, kut zum deuh tak a ban in, he tiang sarep hi chu kan hmu khat ngawt tawh asin, kan pa in min boral san hnu atang kha chuan, a han ti chiar chiar a, Chalthanga chuan, kapi a hmasain he khuaah hian nuṭa i nei em?tiin a han zawt a,Naupang nu chuan,"He khuaah hi chuan nei love,Darzo khuaah chuan ka nu leh ka nuṭa neih chhun chu an awm ve a lawm,engati nge chu chu min zawh tak a,?tiin a lo zawt let thuai a.

Chalthanga chuan,"I fapa dinhmun hi ka hriaa,a kut a hmui em em chung hian ,in inchhung hi a salakte hian a thleng ngai meuh lo tih pawh ka hria,a thlavang hauh tu a neilo nia ka hriat vang a nia,bakah helaia kan lo lut hi miin min hmuh palh chuan,i nuṭa anga min sawi mai turin ka hrilh duh che a ni.tin he khuaah hian,tun hnai maiah mikhual emaw,in khaw pasaltha ramchhuak lo haw thar an awm em tihhriat ka duh bawk a ni."a han tih chuan,an thlenin nu chuan,kan pasalṭha pakhat kha chu Buanlung lalfapa lu la tura teichhuak chu a awm ngei a,hmanni mai khan a ṭhian pahnih te nen khuaah an lo luta,zan khat an riak a,an chhuak leh ta mai niin an sawi a,kan pasalṭha ber pawh hi ka hmuh ngai awm ka hrelo reng reng ,a ṭhiante kha a zui ve ta daih nge maw ni ka ti mai mai a,ka lo ngaihsak lem lova,kan pa damlai kha chu nise,hetianga lal thenkhat intiamna ang mai mai bawhzuia vah chhuah hi chu a rem tih ka ring ve hauh lo mai"a ti ta duah a.

Chalthanga chuan,"A nih chuan ka pi,nak tuk zing lamah in pasalṭha chu khuaa a awm leh awm loh hre turin min vahchhuahsak ta che"a han tih chuan,an thlenin nu mak ti chu a phawk hrâ a.Engati nge kan pasalṭha chu i ngaihven tak em em a,?"tiin a lo zawt let thuai a,Chalthanga chuan ,"Ka pi thatin,ka nupui damlo an pawngsual bawk a,an hnu ka rawn chhui char char a ni,in khuaah hian ka rawn chhui lut chiah bawk a,a ṭhiante khaw hming thlengin rawn hriat i tum dawn nia,"a han tih chuan ,an thlenin nu chu a lo chek tlak tlak a,"Ti chuan,i nupui chu an that tel tho tihna a mi?an va nunrawng em em ve,tenawm lutuk,kan khaw nula mi anglo pakhat pawh a pawngsual a,nau a pai ta si a,a nei duh leh si lova,a fa chawpin a pe nghe nghe a,miin an dem huai huai a,khua pawh hi nuam a ti vak lo vang,miin engahmah an ngai si lova,kan lal phei chuan,i nupui ni lo,hmeichhe dang reng reng chungah i kut i lek leh a nih chuan ,ka khua leh tui i tih hmingchhiat man hi i hmu ngei ang,tiin a vo hial tawh kha a nia,lal hnena thlen zawk hi a tha lo maw?tiin rawtna a han siam a.mahse ,Chalthanga chuan ,ni love ,kei hi Buanlung lal fapa thah tuma an veh huai huai ka ni a,in thup ka ngai a ni,ka pi fapa (tih paha Romawia ben thak thak pah chuan),ṭawngthei lova siamtute nen lam hian ka vai hma vek dawn a ni,in retheihna hi tlansan vang vang bawk ang che u,"a han tizui nghal zat bawk a,an titi atalang chuan chawei lam reng reng an lo ngaihsak lo va,a fapain a rilṭam thu a sawi takah chuan harh zawkin chawi ei chu a siam zui mawlh mawlh a,an thlenin nu hnena a nau Rawlthar huaisen zet kha ,a hmelhriat a nih thu a han sawi chuan a lawm hle a,thil tam tak an sawi kai zel a,pi zamanite nufa chungchang an sawi lai chuan an thlenin nu chuan"Ngawite ,Zamani maw,chhipzawl khua a ni em?tiin a lo zawt nghal thuai a,Chalthanga chuan "Nie ,chhipzawlah chuan an awm thin ngei a lawm"a lo ti vat a,an thlen innu chuan,"ka ni a nih chu,hei hi a fapa maw,a fapa kha naupang fel tak a ni ṭhin a sin,"a ti nghal zung zung a,Romawia chuan ,a theih ve chhun,"A pu ,apu,"a lo ti ve chul a,Chalthanga chuan ,Romawiate chhungkaw chunga vanduaina thendan a hriat ang zawng zawng chu a sawi fai ta vek a,chu veleh an thlen innu,Chawngmawii chu a insut ta hlap hlap a.

Chumi zan chuan unau in chhar thar an ni bawk a,Romawia chu ṭawngthei lo mahse,sawi tur angahin, a sawi tur zawng zawng chu Chalthanga chuan a sawi sak zel a,pi Chawngmawii chuan,Lal fapa ka nite chhung in ngaihsakna leh an tana in ṭhatna ka hmuh hian ka lawm hle mai,"a tih lai chuan,Chalthanga ve thung chuan,Pi Zamanite nufa an venhim zawh loh avanga hreawm a tih ziate ,an lawm zawh loh ziate chu a sawi nghal bawrh bawrh a,chhutih lai chuan ,nau dang nei lo,a tupa hmuchhuak thar lawm tih hriat taka,a unaunu fapa nena hlimtaka an infiam lai chu an thlir dun ran bawk a.chumizan zet zawng an hlim tlang hle a ni,Zingkarah chuan an ṭhenawmnu chuan an kawngkaa luh pah chuan "Mawii ,nizan kha in va hlim dar dar ve ,in thawm kha ka lo ngaithla renga,in pa thih aṭang khan ni zan ang reng renga i hlim kha ka hre ngai lo reng reng a,awm hmunah ka lo hlimpui ve em em ringawt che a,engthil nge maw i tawn le?a ti lut nghal bawrh bawrh a,Pi Chawngmawii chuan,"Ni zan khan ka pa farnu fapate an rawn thleng hlawl mai a,an nupain an lo thi tawh reng mai niin ,ṭah nen,nuih nen kan fawm ta nuaih mai a nih kha,nang hi zawng,ka ṭaha min ṭahpui tu,ka hlima min hlimpuitu ka neih chhun i ni tak zet a nih hi,"tiin hlim hmel tak hian a lo chhawn ve vat a.a ṭhenawm nu chuan ,"Chu eng tik thleng nge cham theihan tum le,?tiin a han zawt leh a,Chawngmawii chuan,"Ka ṭhian,ka naute lo kal thu hi tuman hre lo se ka duh a,tiin thil thlen dan engkim mai chu zawite te hian a sawipui ta sap sap a,a ṭhenawmnu chuan,"A ni maw,lungngai suh ,kei ka ṭawngchak deuh va,keiman pasalṭha chu khuaa a awm leh awm loh chu ka han chian a nge,pawn chhuak tam lo ula,i naute chungchang hi tuman an hriat loh nan finrawl ka han chhuah ang e aw,ti khan lo awm la,chanchin ka rawn hrilh leh vat ang che "tih pah chuan a chhuak zui ta a.Rei pawh thang lo chuan ,a lo let leh ta thuai a,"Ka ṭhian kan pasalṭhate chu ramchhuak turin nghalsih mual lamah kal an tum a ni awm e,an mahni ngei ka zawt a,an zingah khan ka hriat ngai miah loh pahnih ka hmu tel tlat mai,an landanah khan ramchhuak tur an ang lo tlat,i naute chu chaw eitir thuai thuai la,um tir nghal rawh ,kan khaw tlangval pahnih pawisawi ngai lem lo,an tel dawn tih hrilh nghal bawk la aw,khaw nge ka bai chhuan kha kan en leh lawk ang e,"tih pah chuan a chhuak zui leh ta mai a.An thawm avang chuan hrilhhriat hran an ngai tawh lo,rang taka tho vin ,chaw an bar sawk sawk a,an insiam ta chuk chuk a,Chalthanga chuan,chhel taka lo tuar hram hram tur leh an tih tur te an tih zawt vat hnu ah an hman velah an khaw lama hruai chu an intiam a ,an chhuahsan zui ta a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 5:59 pm

UNAU PHUBA LAKNA

BUNG 26 NA
Ziaktu : Tlantei hnamte

Chalthangate pahnih chuan tuk thuan chu an bar nghal bawrh bawrh a,chaw an eikham chuan muang chang lo chuan an insiam zui nghal sawk sawk a,pi Chawngmawii hnenah chuan chhel tak a lo awm tur leh ,an hman vel leh an hruai leh thuai tur thu a tiam hnu chuan an chhuak zui ve ta thuai a,Chawngmawii kawng hrilh lamah chuan kalin ,an leh khalh hman lovang tih hlau tak chuan a chak thei ang ber chuan an kal ta sawk sawk a,kawng peng ṭhuam an thlen chuan lungpui in sir khup mai chhak a,tlangsam buk phenah chuan an lo chang ta ran a,chu lai hmuna lo lambun mai chu khua a hlat lem loh em avang chuan an la tum mai lo,chung mite chu an hmel chhinchhiah an duh mai chauh a ni.

Tuibur hmuamda pawh tling lo an nghah lehhnu chuan ṭawng thawm pawh an hre thei ta a,uluk fe a an thlir khiau hnu chuan ,an hma hruaitu chu mitmeng ki zet mai phakar hmel zet chu, pawikhawih tu pasalṭha ngei a nih chu a ring ta a,tlangval pahnih an hnunga fal deuh hleka kal te hmel chu a han chhinchhiah leh te te a,pasaltha nia a hriatte pathum hmel a chhinchhiah chian viau hnu chuan a ding chhuak ta a ,pen sawm nga vel lek a in hlat tur tawk vel chuan an zui ve ta zel a.lui an pawh ṭep tihah chuan ,luiah chuan an mi zui te chu in siltum ni awm tak chuan lui bula lungpui chung ahte chuan an ṭhu ta sap sap hlawm a,tlangval pahnih te zinga a pakhat zawk chuan,"kan pasalṭha te hi tunlai chu veinei in ang riau mai ka ti,ni dang ang lo takin i hmel a ngui riau mai,in ram mut hma kha chuan i hlim thei viauvin ka hria a,kan lal ṭawngkam vangte kha a ni mai lo maw?tiin a han zawt a,chu pasaltha chuan,"Chutiang hmel kan lo pu a ni maw,?kan hlim loh em em pawh kan lo hre hleinem,chhan leh vang em em pawh kan nei lo,"a tih lai tak chuan,an chhak lungpui phen atang chuan ,Lungngaih chan chu i nei chiang a ni lawm ni,pitar thata a fanu pawngsualtu kha i ni lawm ni,i hnu chu ka rawn chhui fuh chat chat viauvin ka hria,in lal khan i nupui ni lo ,hmeichhe dang chunga kut lek tawh lo tur khan thu a pe che a,mahse ,in lal thupek bawhchhiain ka nupui damlo in pawngsual a,thichhawngin in kalsan bawk a,ka pi nghawng i tan bawk a,vawiin hian in thiltih man chu in hmudawn khawp mai,in zinga tlangval pahnihte hian in lal hnenah ka thiltih chhan hi an sawi fiah ang a,i nupui leh i fate chuan mi hmusit an hlawh tawh dawn a ni,a ti chang ta khal mai a.Aw lo chhuahna lam chu an hawi rual nghal ṭhawt mai reng a,chutah chu pasalṭha chuan ,"Tu nge i nih a?Chutianga dawt ngial ngan ngata min han puh ngam chu le,tih pah chuan a ding chhuak ta hluai a.
Chalthanga chuan,thudik pawh puang ngam lova,min hmachhawn leh ngam lo tur chuan,ka ram kal hlan khan ka pawi kha sawi loh mai tur che a nia,khawi khua nge in nih tih hi ka chhui chhuak vek tawh che u,in ṭhian dangte kawng danga kalte pawh khan min la hmachhawn zel dawn a ni,chi thlah tawh ngai lo tur leh ,hmeichhe laka che thei tawh ngai lo turin ka siam dawn che u a ni.ka kawng daltu apiang chuan pialralah min lo hmuak zel dawn a ni,ka sal a tan ka hmang zel dawn che u tih hi ka hrilh lawk bawk che ni rawh se,tunge ka nih hi chu i thih dawn darkarah in hria ang.tih pah chuan a chempui leh fei chu a han lek zauh zauh va,chu pasalṭha chuan an khaw tlangvalah pawh mi tlawmngai leh fak hlawh ber berte pahnih an tel avang chuan ,an hmaa ding chu diriam chak hle mahse,an dem letna tur a ngaihtuaha a ngaingam si lo,thinrim zet hian,"Nauva ,ka sawi tawh kha,tu pawimah kan sawi lo"a ti hman chauh va,Chalthanga chuan,"I hmui dawthei zet kha ang ang lo mai teh ,in hnu ka rawn chhui zar zara,in zinga pakhat kha a dam lova,kawnglakah pawh in buai hle tih thlengin ka hria asin,vawiinah pawh hian ,ramchhuak tur anga chhuakin tlanbo i tum a nih kha,ka
rawn um ngei dawn che tih pawh i hre lawk sa a ni lawm ni,?chu ṭawngkam avang chuan ,an tlangval hruaite pahnih chu an phawk hle a.pakhat zawk chuan,"A dik em U Chawngbuai,tuna kan hmaa ding thusawi hi a dik em?a dik a nih chuan ,kan khua leh tui hian,leido kan nei dawn tihna a nia,kan lal chu a lawm lo khawp ang le,"tiin an lo zawt thuai a,Chalthanga chuan,"Ṭhiante u,an Mahni hmu tu ka rawn hruai a lawm,Dawt ni se helai thleng thleng hian ka chhui peih dawn em ni,"a lo ti ve hmak tak ah, pasalṭha zinga pakhat chuan,Dawt kan sawi lo,tupawimah kan"a tih lai mek chuan ,Romawia chu lo dawk chhuak nghal zawkin,chu pasalṭha lo ṭawngmek hmaah tak chuan thinrim tih hriat tak mai in,a kawk khur ta ngat ngat a,nang nang hi,ka pa that tu,a ti bah nawk nawk ta mai a,chu pasalṭha chuan ,a hmaa ding chu tunge a nih hriatchian tum ni awm tak chuan,a en ngur mai a,chutah hrechhuak thut ni awm tak chuan,"Naupang ,i la dam cheu a ni maw,tih leh a chem chu a phawi dawk nghal zawk a.Romawia chuan ,i thi ang ,i thi dawn "ti mawlh mawlh chung chuan a fei chu chunglamah a han vai kual pawp a,chutih rual chuan a mah pawh chu a zuang kang nghal zawk bawk a,chu pasalṭha chuan ,a hmaa ding rawlthar chu a namai dawn lo tih hriain,a chem pui pahnih vilik zauh zauh chung chuan Romawia chu a pan hnai thuai a,mahse Romawia chuan zuan pah chuan a fei bil lam chuan a han chhu zawt mai a.chu pasalṭha chu a er nghal ngawng ngawng ta mai.

An tlangval hruaite pahnih chuan,mi dik lo hnung kan lo zuinreng a ni maw,ka ngaihdan a ni lo tawp mai,kan lal beng a thleng ngei ang,"tih pah chuan an tho chhuak ta hluai a.chu ve leh Chawngbuaia chuan,"In ngam chuan in kal luih thei ang,"tihpah chuan a silai chu a han vuan vei chut a,Chalthanga chuan,"i ngam chuan i kap dawn nia,pasalṭha phuahchawppa,pasalṭha dik tak chuan,an khua leh tui an venghima,nang erawhchuan mi ang lo chungah pawh i hur mu i hrithla duh a nia,i tenawm hle a ni,"a tih lai chuan ,Romawia lamah chuan chempui hi a thlawk phei fua mai a,chu thil lo hmu reng tu tlangval pakhat zawk chuan ,Romawia nek sawn pah chuan,chempui tlawk mek chu a chem pui chuan a lo vai per hman hlauh va,leia tlak thlak hnawk pah chuan chutlangval chuan,"Hmel a,tenawm taka chet bak hi tihtheih dang in nei ngang lo a nih dawn hi," tih pah a a thawh chhuah leh meuh chuan,chempuia Romawia vawmtu chu a hrawka fei bur ngur chung chuan a lo leng ut ut tawh a,dim lo zet hian Romawia chuan a fei bur ngur chu va han phawi hrawk mai a,chu pasaṭha nghawng aṭang chuan ,thisen a chik chhuak nghal tuar tuar bawk a,Chalthanga chuan,"i silai chu hmet puak ta che ,tiin ,Zotui khaw pasalṭha chu a han vin thawt a,Romawia chuan ,a pa thattu a hriatchian em em lam chu pan hnai leh in ,chupa pawh chuan ,chu rawlthar thidaih tawha an ngaih insual thiam em em mai chu chet ranah khan lo hle mahse,a hmachhawn angaitawh tho tho si a,engmah lova thih ai chuan tiin ,Romawia chu a pan phei ve ta chhut chhuta,Chu pasal ṭha chetdan Chalthangan a mel zawk chhung chu ,Zotui khaw pasalṭha chuan a lo hmu ru khiau mai, chu vel leh che thutin a silai chuan kah tumin a chawikang ta thut mai a,mahse fimkhurna hlah ngai reng reng lo Chalthanga chuan a mitsir chuan a lo hmu ru reng tih reng a hre lo,Chawngbuaian a silai a lek kang chiah tiah chuan tlema in her hretin a chem hriam zet leh tle var mai chu a vai nghal pawp mai a,a rin vai a ni chung chuan,a tum takah fuh lo mahse,a hnute hnuai zawn thler duai aṭang chuan Chawngbuaia chu a ṭe nghal ṭhawt a,a hnute hnuai a ruh lang hung mai chu rap hmel zet chuan a hup nghal thuk a,a kut kar a ṭang chuan thisen chu a hnam chhuak nghal ṭuam ṭuam bawka,"Naupang,ka that dawn che "tih pah chuan ,nghet lo zeta ding nghing lui lui chung chuan a chem pui chuan ,Chalthanga chu a vai fur fur mai a.
chalthanga chuan a kut chu lo lak sakin,a khup rin chhan chuan a elh nghal thut a,chutih rual chuan,ruh rirawp leh Chawngbuaia natuar ṭe tuar chu anhre zui nghal zat a.a hrawka reh pah chuan ,"Ralkawn lal tunu hlawh tuma ka lu lak i tum lai khan ,i hlawh tur Ralkawn lal tunu kha ka nupui a ni daihtawh sin,hmelchhepa,ka nupui i tih bawlhhlawh avangin i chungah hian zahngaihna lan chhuahtir beiseiin ngaihdam min dil hlek suh ang che,tih pah chuan a han rek na sauhva,a ka atanga thisen luang chhuak nguah nguah avang chuan a meng awrh awrh bawk a,mahse Chalthanga chuan thlah a tum chuang reng reng lo,a zawi thlak tak hnawk a vang chuan,leiah chuan a theh thla ta ṭhuai a,chutih lai mek chuan,Romawia pawhin apa thattu lu ngei mai chu a lo khai va va tawh a,Zotui khaw tlangval pahnih te lam chu panin a mi lulak chu a pe ta a,Chalthanga chuan in lal hnena chanchin hrilh turin a phut che u a nih kha,keini chu tih tur hmabak kan ngah em a,kan chanchin in hriatchian duh chuan,U Chawngmawi kha in lo zawt mai dawn nia,Ṭhiante u kan kal phawt ang e,"tih pah chuan an liam zui leh ta mai a.

Zotui khaw tlangval pahnihte chu khaw lam pan chuan hmanhmawh zetin an tlan ta hlawk hlawk a,khawchhung an luh chuan an mi lu khai chu mipui mimirin an hmuh mai loh nan puanin an fun tlat a,an mahni tak pawh chu,mipui nunau in an hmuh mai loh nan ,eng tin tin emaw hel kualin,lalin chu am thleng thei ta hram a,lal in chhunga luh an han dil hnu chuan lalpa phalnain in chhung chu an dai lut ta a,lal chuan chumite pahnih a hmuh chuan "Engtizia nge ,Ramchhuak turin Chawngbuaiate ho nen khan in chhuak emaw tia,engtizia a lo let leh nge in nih?Engthil nge thleng,in thilfun kha eng nge ni reng reng a,thisen nen in rawn luh tak nuaih mai ni,?tiin mak tih luatah zawhna chhan sen loh chu a zawt nghal mawlh mawlh a.Tlangval pahnihte chuan ,"Lalpa kan thusawi tur hi khawngaih takin ,dawhthei takin ,ngun takin min lo ngaihthlaksak theih chuan kan lawm ngawt ang"tiin mualkilte chu an han melhkual leh te te a,an mak ti hmel chu rap thlak tak a ni,Lalpa chuan ,"Awle,a tha e,in thilhmuh leh hriatte chu hmaih nei hauh lovin ,min han fah zung zung teh u,"tiin a ngaihna hrelo zet hian chung tlangval pahnihte chu a en phawk hru reng a,Tlangval pakhat zawk chuan,"Lalpa heta tanga kan chhuak ta kha ,kan khaw lui mawng lam kan thlen khuan kan chawl a,kan insil thlan dai a"tiin an thil tawn leh thilthlen dan chu an sawi ta vek a,chutia thil awmzia a sawi lai chuan,an lalpa hmela lungngaihna leh thinrimna in thlak zut zut chu an hmuh hmaih hauh lo,a thusawi tawp lamah chuan,an thusawi ti chiang turin,Pasalṭha Thangluaia nupui Chawngmawi zawt fiah tura an chah thu chu a sawi kai leh ta a.

Lalpa chuan,ngaituah muk hmel fe chuan tlangaupa chu a melh run bawk a,"Chuailovi chu zuk ko la,Pasalṭha Chawngbuaia nupui pawh i rawn ko nghal dawn nia,"tia hrilhin ,tlangaupa chu a chhuak zui nghal thuai a.

Rei pawh rial lovin Chawngbuaia nupui chu a rawn lut nghal mai reng a,Lalpa chuan,"Tawnvela nu,I pasal chungah tuten emaw phuba lain kan khaw lui mawng lamah khuan a ruang i hlawm a ngai a ni"thu han tlip mawi em em pawh tum lem lo chuan a han ti nghal tawng mai a,chawngbuaia nupui chuan,"Eng phuba nge i sawi tak mai le lalpa?"a han ti hehaw a,Lalpa chuan,Chhipzawl khuaa nu pakhat chu a lu an tansak a,tuna phuba rawn latu nupui hi tenawm takin an pawngsual bawk a,kha,khalaia puana in tuam kha i pasala thianpa lu a nih kha,chhipzawl pasaltha lu ,kha pa khan ,chhipzawl khuaa an pitar thah tak pasal chu a that bawk a ni,"a han tih chuan ,Chawngbuaia nupui chu thinrim bawk si zak bawk si chuan a hmai a hup a,in sualman hmuin ,i nunna in a tawrh phah ta a nih lek chu,a ruang pawh ka hlawm lovang,tiin a tlan chhuak zui thuai a,mualkil upa te chuan ,"Ekhai lalpa,Chawngbuaia nupui chu kan zuk hnem a va ṭha awm ve mawle,a thiam loh a ni bik si lo va,a lainat awm e mai a,An han ti chuar chuar a, Lalpa chuan ,"Pahnih khan zui ta ula ,a bak zawng chu rorelin i ṭhukhawm teh ang u khai,tiin mualkilte chu a han hrilh hlawm a,chutih lai chuan tlangaupa leh Chawngmawii chu lal inah chuan an rawnlut ve chiah bawk a.Chawngmawii chuan,"Lalpa thil pawipang a awm ta em ni,kei teh lul i inchhunga mi koh luh tak?alo ti lut nghal bawrh bawrh a,lalpa chuan,"Thilpawi pang a awm chu a ni mai ang chu ,nizan lama i mikhualte chanchin leh khiangzawl lama i chhung te chanchin min han hrilh la,kan pasalṭha Chawngbuaiate hian engpawi tak nge an khawih tih hi ka hre duh a ni"tiin Chawngmawii hmel chu a en ran a,Chawngmawii pawh chuan thilawm dan zawng zawng chu a sawi ta vek a,Zotui khaw lalpa pawh chuan thil awmzia a han hriat chuan an tawrhtur tak an tuar a nih chu,tirilru nauh nauh chung chuan,Chawngmawii pawh haw tawh turin a hrilh zui ta a,

Chalthangate pahnih pawh chuan kawngbo khawmuan ai chuan tiin an kaltawhna lamah chuan let lehin, thui fe chu an kal leh hmander tawh a,a hmaa an riah na hmun an thlen chuan khua pawh a thim leh chhulh tawh a,chumi zan chuan a ngaiah an riak leh dawn a ni,chumi zan chuan tibuai tu nei tawh hran lovin tui takin an mu siai siai thei ta a, atuk zing hma takah tho vin an kal leh ta ngat ngat a,Chalthanga chuan,a naute chu an dam ṭhat veleh haw tura a lo chah lo kha pawi a ti ril ru hle mai,let leh phawt tur em ni ang ,tih chu a ngaihtuah rauh rauh va.an let leh a nih chuan an hun neih a kal leh duai dawn si a,let leh phawt a,khuaa lo hawsan mai tur leh an ni pawhin an tih tur an zawh hun huna khuaa an haw nghal tur thu chu va thlen chu thain a hre leh ta zawk a.Tichuan,thlam lam pan chuan an inzui haw leh ta zawk a,chawhma lamah chuan thlam chu an thleng ta a,an va thlen chuan Zampuii ṭawng sar sar leh ,Thankimi nui ar ar ri chuan Chalthangate ngaih chu a ti tha hle a,Mipa ho erawh chuan buh an lo deng dap dap thung a.in chhungah Thanlianan buh a lo ṭhap bawk a,anmahni tawkah an lo buai ve hle a ni.

Thanlianan Chalthanga hmel a hmuh rual chuan,"Kan nulate an hrisel ṭha si lova,kan chet a ngai ta a nih hi,dam tha pawh nise,lalnupui leh lal fanute chu keini phut phak va ni suh "a lo ti nghal bawrh bawrh a,Thankimi chuan,"In va lo let hma ve,rei tak thang tur ang khan i in sawi si a,"tiin a lo chhawn thuai a,Chalthanga chuan"ka ngai tawh che a,ka lo let leh ta mai a nih hi,taka engnge in lo an a?"tiin a han zawt zui ve nghal thuai ,Thankimi chuan ,"Hei kan ṭha khawp mai,Bawlpu Thanliana zarah kan ṭha zel e,"a tih mek lai chuan,Thanliana chuan,"Ni e,thahah manah tiin an mal mum nalh tak takte pawh kan chul thuak thuak kha"a lo ti hman hmawh a,pawn lam aṭang chuan,Ramliana chuan,"Hmeichhe zinga ṭawng zuah zuah lo khan i buh ṭhap tur hi rawn la rawh ,a chip luttuk tawh,"alo ti ta larh larh a,Thanliana chuan ,chhuah pah chuan,"Heti hi in nia,a damlo enkawltu ber pawh hi min thlah fal thei lo chu a nia,thikthu pek chhiat lutuk pawh hi dam harna a nia,"a ti chhuak nuah nuah a,Dampuia chuan"Thik loh chi i ni hleinem ,i damlo enkawlte i in phelhruah tir nasa thei em a lawm"a lo ti ve bawk a,Thanliana chuan nuih huk pah chuan,"Min bihthla thin a ni maw,?in bialnute an rai a nih vaih chuan min rawn puh chat ang che u,ka enkawl danah hian ngaihṭhaa awm chi a ni miah lo a nia"a han tih chuan ,Zampuii leh Thankimi nuih za lutuk chu awm hmunah nui tha thei si lovin an lo nui sen ve awp awp ringawt bawk a,tichuan ,an kalna chanchin te inzawtin,chumi zan chuan hlim takin an hun neih chhun chu am takin an hmang ho ta a ni.

Chumi zan chuan,Chalthanga chuan Thankimi chu kawmin ,"Tun atang chuan ka nupui i ni tawh ang a,thihna chauh lo chuan min ṭhen tawh tur a ni lo,hun rei lote chhung pawh i tello chuan ka nun hi a ruak thin a ni,"a han tih chuan ,Thankimi pawhin a thinlung thuruk chu a puang chhuak ve ta a ni,a thusawi tawp lamah chuan ,"i nupui ka han ni mai tur hi mumang te pawh ang rum rumin ka hre hial mai,ka beisei phak loh leh ,ka rin phak loh thil te hi ka nunah hian an thleng zut zut mai si a,min haw em em tura ka ngaihin min hmaih ta maite hi rin harsa ka ti a ni,mahse ,mi lungngai tak ,mahni nunna pawh hlut na nei tawh lo kha ,mi hlim berah min siam ta a,ka thih thleng pawhin ka hmangaihche ang che,ita chauh ka ni ang a,i tan thih thlengin ka in vawng thianghlim tawh ang"tia thu intiam dap dapin,chu zan chu hlim takin an hmang dun ta a ni.

Zing khua a lo var chuan ,Chalthanga chuan ,Thankimi chu zawite hian a han kai tho va,"I hriat loh hlana chhuah ka duh lo va,in dam that vel leh he ta tang hian kan khuaah haw vat ang che u,keini pawhin he lai hmun hi kan rawn tlawh tawh dawn lova,hlim takin lo awm la ka lo haw leh thuai ang "tih pah chuan a han kuah vang vang a,zawi muanga tho chhuakin ,Romawia chu a kaitho leh a,tichuan,an hmangaih ber berte nen chuan an inṭhen leh ta a ni.

Chalthangate pahnih chuan ,a hmaa an kalna lamah chuan kal leh in kawng peng thuama ,peng pakhat zawkah chuan kalin ,engzat chiah nge an nih tih chu an la hre thuai turah an ngai a,an tha pawh a tho hle nghe nghe a ni.zankhat chu khaw kar lakah an han riak phawt a,thui tak an kal hnu pawh chuan khua awm ang an la hmu ta hauh lo mai a.Chalthangate chu beidawng duh chuang hauh lo chuan an kal lui zel a,ni lenga an kal pawh chuan eng khua mah an pawh chuang lo,zankhat riah leh phawt a ngai a nih hi,tiin riahbuk pawh sual leh chuang lo chuan ,an sarep bawk chu an hem hmin leh a,Thingkung rem remah zan chu an tumtawi leh ta zawk a,a tuk nilenga an kal leh chuan tlailam lo sul haw hun lai vel chuan,nufa feh hawng an hmuta hlauh va,Chalthanga chuan,"Ka pi ,in va tlai bik ve,kha nau i hruai leh nghal a,awm saktu i nei lo vem ni?tiin a lo be bawrh bawrh a,chu nu chuan hlim hmel tak hian ,kan pa a riak a,min ngen tlat a lawm maw le,kha khawi lam atanga lo kal nge in nih a,khawi lama kal tur nge in nih?"tiin a lo zawt let ve thung a.Chalthanga chuan ,"Tunlai chu kan lo lam kan awl deuhva,Darzo khaw lam pan turin a kual thei ang berin khaw fan zau pah kan tia kan tei hawi mai mai a nih hi,lo lam in la ṭul viau em ni?thlawhma in va nei zau awm ve?tiin a han zawt pah luam a,Chunu pawh chuan ,Ni e ,kan tul lutuk a,kan lo chu a hla lo va,tikhan kan zel ta ula,thlawhhma hlaber kha a ni mai ,va riahpui tawh u,a khawharte va hnem teh u khai,"a han tih chuan,chunu mize ṭhatna chu a ngaisang ru hle a,Chalthanga chuan,"Ka pi a tlai tawh si a,riak ve mai zawk ula,ran vulh laite in neih lem lohte chuan ,chhungkuaa riahho te chu a nuam zawk lawm ni,?"a han tih chuan,chunu chuan,Naupangin min lo hmuak leh awm si a,an hawihai lutuk ang e,a tih tak ah chuan an kalsan ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:00 pm

AUNAU PHUBA LAKNA

BUNG 27 NA
Ziaktu : Tlantei Hnamte

Chumite nufain an kalsan hnu chuan Chalthangate pahnih pawh chuan thlawhhma kawng lam chu an zawh ve ta a,tumah riak dang awm ang an hmuh mai loh avang chuan thawm pawh an dim em em hran lo,lo tawp ber an thlen chuan,thlam kawta pa pakhatin thing a lo ek tawrh tawrh hi an hmu ta a,a hmun chu a rem viau mai a,pa mal takin thlawhhma a nei hmawr fem viau mai chu mak a tiru hle a,Pasaltha a ni thei mai a ngem,pasalṭha a nih chuan ṭawngkam pawh hman uluk a ngai viau dawn a ni.Thlam an luh hma chuan Chalthanga chuan aw a han thian kharh kharh a,chupa pawh chu an mahni lam hawi chuan a inher ve vut a,mikhual hmel a hmuh chuan mak tih hmel deuh hian a lo thlir vei vung vung a,Chalthanga chuan,"Ka pu kan rawn ṭhawng thut che hi mak i ti viau ka ring reng a ni.i nupui leh i fapate kha kan rawn tawk a,a tlai tawh si a,kan thlamah khan kanpa a awm a,lo va fin mai teh u "a tih a vangin kan rawn pan ve ngawt mai che a nih hi,pawi i ti em lo ang chu maw?"tiin inthlahrun hmel tak chuan a han ti a,lo neitu pa chuan,"A nih tak chu maw le,chutia ka nupui berin a kawhhmuh che u a nih chuan,a ṭhat chu ,lo lut phawt mai teh u,kei hi Lianngura ka nia,pa ngur min ti mai dawn nia,pasalṭha chu ni ve mah ila,pa mal tan chuan awl tak tak a awm ve thei lo a nih hi,khawi lam nge pan in tum a,tiin a han zawt a,Chalthanga chuan,Darzo lam pan tur kan nia,Zotui khuaah kan farnu pasal nei a awm a,kan rawn tlawh kawi tawh a,kan awl lai denchhenin chhung leh khatte kan tlawhkual dawn a nih hi,"awlsam tak chuan a lo ti ve mai a,Chalthanga bawk chuan,"A nih chuan Pa Ngur,i ramchhuak hman meuh tawh lo tihna a niang maw,sa engzat nge i lak tawh reng reng a?tiin a han zawt thui zel a,pu Lianngura chuan,"Sa chu la kim thawkhat viau tawh a,mahse kaṭhianpa thih a ṭang khan ka chhuak ngai ta meuh lo a ni,ka khua hi a har em em reng mai a ni,a thih dan lah kha hriat va ni suh le,a bopil hmak mai a ni,ngawi teh ,hei i nau hruai hi ka hmu tawh lo maw,?tiin Romawia chu a han thlek vang vang a.Chalthanga chuan,"Pa ngur ,in khua hi enge a hming ni reng reng a,tiin a lo zawt daih thung a,Pu Lianngura chuan,Chhipzawl khua kan ni ṭhin a,nu leh pa ka neih loh a vangin ka thianpa nu leh pa hian ,a ṭhianpa fapa ka nih angin min enkawl seiliana,tichuan ṭhian dang pawh kawm lovin kan pahnih chuan kan in zui chawt a ni bera,mahse,nupui kan nei ve ve ta a,a mah zawk chu indangin inpui chu min luahtir ta zawk a,venghmawrah in khawr chawpin an khawsa ve nawk nawka,Chhipzawlah chuan keini pahnih chauh kha sala thei awm chhun kan ni thin a,mahse ,ni khua a lo rei a,pasalṭha dang an lo chhuak ve zel a,keini erawh chu malin min zawng ngang a niang e,kan kut hmui pawh chu a chawl chuang hauh lo va,kan lalpa duhsakna pawh kan dawng dun hle ṭhin a ni.

"Nikhat chu,kathianpa te pafa feh hawng chu an hawng ta miah lo va,kha mi ni khan a nupui Zamani pawh ka la hmu a,kan inah kan nu nen puan an tah dun nghe nghe a ni.Mahse,Zana ka zuk kal chu ,an inchhung chu a lo ruak huai mai a,chuta ṭang chuan ka hmu leh ta reng reng lo a ni"a han tih chuan,Romawia chuan,a mittui a lo hru fap fap a,Chalthanga chuan,"Pa ngur,Zamani i tih khan ka lo phu zawk a,tiin Pi Zamanite nufa nena an intawn dan zawng zawng chu a sawi fai vek a,a sawi hmawr bawk nan Romawia chanchin leh a ṭawng theih loh chhan thleng a,a han sawi chuan,patlingah pawh pasalṭha leh nghal Lianngura ,hlauhnei lo leh a ṭah awm reng reng an la hriat loh chu a mittui a far zung zung a.Romawia pa thih chhan leh Chhipzawl khua an chhuahsan chhan a han hriat chuan a thinlung chu a na zawk zawk ni hian a hre hial a ni.Pu Lianngura chuan Chalthanga hnenah chuan,Chhipzawl khua chu heta ṭang hian ni khat kal chauh a ni a,ka hovin kan kal dawn nia,Chhipzawl lal chu engkim ka hrilhhriat ngei a ngai a ni,"tiin thinrim tak mai hian a in seh ruh ṭeuh mai a,Zanriah chaw an kil lai chuan,Chalthanga chuan,a mah chu a in sawi ve ta a,Pu Lianngura chuan,Chakthanga chu a han thlek vang vang a,Romawian a ngainat zia a han hmuh phei chuan mi ṭha tak a nih a ring ta hial a,Chalthanga chuan,"Pa Ngur,in khuaah hian ,Tlangval teichhuak ,rei tak thang tawh rawn haw thar an awm lo maw?tiin a han zawt phawng mai a,Pu Lianngura chuan ",Engti zia nge"tia a han zawh chuan ,Chalthanga chuan,Pi zamani thihdan leh Thankimi an lo tih dan zawng zawng chu a hrilh fai ta vek a,chu thuin pu Lianngura a den nat zia chu thlam bang ngheng rawk rawk khawpa a pai khat khat danah chuan hai chi a ni hauh lo,a mittui kar atanga ,athimrimna leh lungngaihna lo lang chhuak chu mei eng phe hlap hlap karah pawh chuan chiang takin a hmuh theih hial a ni,in sum tak ṭawng harsa ti tak chung chuan"Tlangval i thil sawi chuan min va deng na deuh ve maw le,chutiang chuan maw Zamani chu a thih a,khang tlangval pahnihte khan ,Ralkawn lal thu intiamna hlawhchhuahtumin an chhuak kha a ni a,an lo hawn khan kan lalpain thu a zawt a,khata an chhan dan leh i thusawi chu a in perhsan hle mai si a,anni kha chuan,Ralkawn lal a thih tawh thu leh a tunu ,a lawmman tur ber pawh a bo tak daih thu an rawn thlen kha a ni a,thil awmze nei lova in hambuai an tum tak loh thu kha an rawn thlen a,khawi lam atanga rawn haw nge an nih kha an sawi ta lo niin ka va hre ta ve,engpawh nise,khuaah chuan ka haw phawt ang a,thlam hi lo nghak u la,chanchin hrilh tur che uin ka lo let leh ang,tunah chuan i mu hahdam phawt teh ang u"tiin mut chu ahan rawt zui ta a.

A tukzing hma takah an tho va,Pu Lianngura chuan,an nute lo feh tur thlen khalh a ngaih thu a sawi a vang chuan ,an ni pawh chuan engmah sawi zui tawh lovin an tuk ṭhuan tur chu an siam zui ta zawk a,Pu Lianngurate khua hi Phunchawng a ni a,an lal hi pa dik leh fing tak mai a ni bawk a,tu pawh tei chhuak se,awih a zawm nghal thluam chi a ni ngai lo,thudik a ni tih a hriat hma chuan ,buma a awm loh nan a mitmei ru ran thin,chutiang a tan chuan Pu Lianngura hi a hmang ṭangkai em em a ni.mualkilte leh khaw mipuite pawh hian ,Pu Lianngura hi khawnbawl a nih mai an ring ṭheuhva,an rin ang erawh chuan an lalpa chuan khawnbawlah a hlangkai mai hauh lo,a chhan chu ,pu Lianngura tluka thil chhut thiam leh fing an awm tlat lova,khawnbawla a hlan kai mai chuan a beng ber a nih avangin a tan chet a har phah a hlau a ni.Tukṭhuan eikham bawr velah chuan Pu Lianngura chuan an khua Phunchawng chu a thleng a,a nupui leh a fa u ber chu feh turin an lo chhuak dawn chiah a,annu chuan a pasal hmelah chuan thil fello a awm tih hrethiamin,a haw chhan pawh zawt buai duh lo chuan ,chawei a lo siamsak mawlh mawlh a,pu Lian nguran chaw a eikham fel chuan,"Lianmawia pa,engthil nge thleng ta hi,nimina ka mikhual rawn tirh luh tak te kha ,ka ti fuh lo ta zawk em ni,ka hmuh hnu an ang em a,ka rawn tir lut ve ta ngawt a nih kha,"a han tih chuan ,pu Lianngura chuan,"I rawn tir lut lovang tih ka hlau lutuk zawk a ni,engpawh nise,lal inah ka han chuangkai hmasa phawt teh ang,ka lo hawnah engkim ka hrilh dawn che nia"tiin a chhuak zui ta daih a.

Pu Liannguran lal in a han thlen chuan khawnbawlte nen zu an lo zuk laih laih a,pu Lianngura chuan pawn a ṭang chuan ring deuh leng lawng chuan,"Lalpa,pasalṭha Lianngura ka ni e,i hnenah eng emaw thlen duh nei a lo kal ka ni,i rem tih chuan i in chhungah ngei sawi ka va duh em!a han ti lang lang a,lalpa chuan tlangaupa chu han melh zawkin,"Tlangaupa nangin kan pasalṭha chu han hruailut ta che,a ni meuhvin ka inchhunga luh min dil a nih chuan ,thu pawimawh tak zawng a nih ka ring a ni,"a tih mek lai chuan tlangaupa chu Pu Lianngura chhawn turin a lo chhuak hman daih tawh ,tlangaupa leh pu Liannguran lal inchhung an luh chiah chuan ,Lalpa chuan pu Lianngura hmela lungngaihna leh thinrimna ,lungchhiat rukna hmel in pawlh nuaih mai chu a hmu chiang hle a,ngun taka a lo melh vung vung hnu chuan,Lalpa chuan,"Pasalṭha,Eng thu nge ka hnena thlen i duh chu,i hmelah khan i sawi tur awm ang chu ka hmu thiam nghal na chungin a chinchhuakin ,zep ṭhen awm lovin mi han hrilh fai vek teh"a lo ti vat a,pu Lianngura chuan,"Lalpa ka thusawi tur hian tu tute emaw chu a deng na viau mai thei a,mahse thudik chu ka sawi tho tho a ngai dawn a,hmanah khan i khuaa ka rawn pem chhan leh ka hlim theih loh chhan min zawh kha ,i la hrereng ang a"a han tih chuan,lalpa chuan,"Tuna i rawn kal chhan leh kha thu khan inzawmna a nei a ni chek ang a,ka la hre teh meuh mai,ka theihnghilh bik hauh lo a nia,sawi zel teh"tiin a lo nawr ta zawk a.Pu Lianngura chuan,"Lalpa ,Chhipzawlah khan ṭhian ,unau nibawk ka neih thu leh an bo tak daih thu ka hrilh che kha,tunah hian achhanna ka nei tawh a ni.lalpa,ka unaunu chu a lu tansak a ni a,chung titute chu,he khua leh tui a mi ,i khua leh tui,thlamuang taka ka lo khawsak vena thin ngei a mi hi an ni"a han tih chuan Phunchawng lalpa chu mak ti hmel zet chuan a hawi phawk ta hle mai a,"Pasalṭha i chiang em,engtin nge chu thu chu i hriat a,tuin nge hrilh che?"a ti ta chul mai a,Pu Lianngura chuan,Lalpa,chung pawikhawihtute hnu chu an rawn chhui a,kan khua an rawn chhui thleng a ni,i awih loh chuan naktukah emaw ,Zaninah emaw hian i hnen ka rawn hruai thleng thei ang,i hnen an rawn thlen hmasak phawt tur a nih laiin,enthlak hmasak phawt an duh si a,chuvangin i hnen la rawn thlen hrih lo an ni,"a han tizui nghal zat a,lalpa chuan "A nih chung mite chu tute nge an nih rin i nei em ?nge i hre tawh zawk ,?a han tih chuan,Pu Lianngura chuan,"Rin thu ringawt pawh nise ,a chiang tawk viauvah ka ngai,engpawh nise ka haw leh phawt ang a,he thu hi lo zep rih phawt ula,zaninah ka mi rinhlelhte nen chuan hetah hian kan lo lut leh ang "tiin a chhuak zui ta a.

Pu Lianngura chhuah hnu chuan lal leh khawnbawl upate chuan,eng vanga Lianngura unaunu chu that ngawt nge an nih ang ?tih chu chhanna nghak zolo ni awm tak chuan an inzawt kual sek a,chhanna erawhchu Chalthangate lan hma chu an hre dawn rih lo a nih hmel a ni.pu Lianngura chuan an in chu a thlengthla thuaia ,a nupui hnenah chuan fe lo mai tura a hrilh tawh avangin,a nupui fanaute chu an lo awm kim ṭhap a,a fapa hnenah chuan ,Chalthangate ṭhiandun chu thimruala in rawn thleng hman tura hruai haw turin a tir zui ta a,a ni pawh chu engnghelh nei tih hriat tak chuan a vei tawn sek bawk a,"Nui ka chhuak leh dawn a,ka rawn haw hunah thil awmzia ka hrilh ang che,tih leh chhuah a rual nghal nulh a,an pa khawsak dan chu mak a ti riau mai a,a rilru a nuam thei lo,hetiang tak hian a la phibuai ngai lo,eng chu i hria ni maw,a ti rilru neuh neuh va,
tlai feah chuan Pu Lianngura chu a haw ve ta chauh va,an nu chu a lo ang hlaih hlaiha,eng teh vaka ngai lo chuan,"Nui,hetianga ka awm hi i hre tawh ngai em?"ka rilru a buaia a na a nih hi,ka ṭhianpa kha thah a ni a,a fapa pawh thuruk puanchhuah a nih loh nan a lei tan sak a ni a,Zamani lah a lu an tan bawk a,heng zawng zawng ka hriat hian,ka buai a ni,i tlangval hmuh pakhat a nau zawk kha Zamani fapa a nih kha,Mawitea kha ,naupang fel tak kha ,ṭawngthei lovah an chhuah a,Chhipzawl pasalṭha pakhatmah saw damin ka chhuah dawn lo ,tih pah chuan a tei nghut nghut a.

A nupui chuan "Chutiang chu maw lo ni,ka u,ka ring thei lo a ni,in thih dan rapthlakte hian min va vaw na em em ve le,a na lutuk emai,"tiin a mittui chu a hru fap fap a,Taitea pa ,Mawitea chu ka va lainat em aw,!a ti vawng vawng a,mahse ,pu Lianngura chuan"Nui ,ngaihtuah suh ,a mah enkawltute kha Buanlung lalfapate an ni a,a mah pawh khan ka u ,tiin a ko mai a,Zamani thih tum khan a nupui pawh kha,zamani thattute tho khan an pawngsual ve bawk a,zamanite chenna hmuna thil thleng ve ve a ni awm e,tiin thil awmzia chu a hrilh ta law law a.Zanriah ei hma deuh chuan ,Pu Lianngura fapa Lianmawia te chuan in a thleng fel ve chiah bawk a,a pa hnen ah chuan an mikhualturte chu daiah a thuhruk thu a pa chu a hrilh ta sap a,khua a thim ṭan tihah chuan Chalthangate pawh chuan Pu Lianngura inah chu zanriah kil turin an lut fel ve ta a,zanriah an kil lai chuan ,Pu Lianngura chuan ,lal hnenah engmah zep lo tur leh ama chanchin ngei pawh chu zep lo turin a hrilh nghal zung zung a,tin Romawia chuan lal sum hmuna an mi rinhlelh te tlan chhuah tum an awm tak thulha kawngka ventir turin a hrilh bawk a,zanriah an eikham chuan lal in lam chu an pan ta thuai a.Lal in an thlen chuan,lalpa chuan,Chalthanga chu a en ngun hle a,tlangval pian ṭha leh fin hmel zet mai chu belhchian dawl hle hian a hre nghe nghe a,pu Lianngura hnenah chuan ,khawnge kan mi duh dangte chu a tih mek lai chuan ,an khaw tlangval pahnih mualkil upa Hrangruma fapa leh mualkil upa,Chalngenga fapate hmel a han hmuh chuan,mak tihnain chu in chhunga awm Chalthanga leh Pu Lianngura tih loh chu an kã deuh ho hlawm a,Lalpa chuan,"Khai le,tuman thusawi hun ka hawng a nih loh chuan engmah sawi ka phal dawn lova ,ka kohva te chauhvin in sawi thei ang"a ti nghal hmiah mai a,khawnbawl upa Hrangruma ṭawng tum ang deuh zuau pawh chu a chip leh rang kher mai.

Lalpa chuan Chalthanga chu a han melh zawk a,mi dang melh kual pah chuan,"Khai le,kan khual val hian thusawina hun han hmang hmasa ber teh se,tiin a han sawm hmasa a,chung tlangval pahnihte chuan ngaihṭhat lohna pawh nei chuang hauh lo chuan ,in tithei hmel zet hian an la hawisang valh valh hle a,pu Lianngura chuan,"In hawisang hle mai maw,lo hawisang em em hrih phawt mai teh u,in hun a thleng ṭep tawh e"a tih rilruk mek lai chuan ,Chalthanga chu rawn ṭawng chhuakin,"Lalpa ,a hmasain kei hi ka han in sawi hmasa phawt ang a,Buanlung lal Chawngzika tupa ,Rosema Fapa Chalthanga ka ni e,ka lu man zuarin Ralkawn lal Darchhunan a tunu kha ,ka luman atan a ruat a,a tunu ,nula hmelṭha Thankimi hlawhchhuah tuma vak chhuakte zingah heng i tlangval pahnih te pawh hi an tel ve nghe nghe a ni,"tihpah chuan Phunchawng tlangvalte pahnih a ngaihna hrelo leh hlauthawng hmelpu tak chu a han melh pah zauhva,chutah sawi chhunzawm lehin,"Tichuan lalpa,Thankimi nen chuan kan inhmangaih ta si a,ka ru chhuak ta a,ka ruk chuah pahin,min thlahtu ka pu leh ka pate thattu Darchhuna chu ka that ve nghal bawk a."tiin thil thlen dan zawng zawng chu a sawi ta zar zar mai a,hnu kan rawn chhui zela in khuaah kan rawn chhui thleng ta a ni,tichuan ,heng tlangval pahnihte hi ka lulak tuma fehchhuak zingah an tel tih kan hre zui leh ta a ni."a tih lai chuan ,hlauthawng hmel fe hian,"Dawt a nih chu tiin an lo ṭang ve nasa mai a.

Lalpa chuan,"Thanngur,Buanlung lalfapa lu la tur kha chuan in fehchhuak ngei tih hi ka hriatpui ve ngei che u kha maw le,enga tinge i zep leh si a,pawisawi lo thleng thlengin maw in thah a,ka khua aṭang hian in chhuak thei ang ,ka khaw pawn leh ka ramchhung pelah chuan tupawhin that cheu sela,ka ngai pawi mawh lovang,"Khawnbawl upa Hrangruma leh Chalngengate pahnih chu melin,in zui ve nghal thei ang ,ka khua leh tuiah hian hetiang mi hi kawl ka duh ngai lo tih chu a hrechiang bertu in nih kha,tin,tlangval,ka ram chhungah pawh nise ,i tihtur chu hlen ngei ang che,"a tih lai mek chuan,khawnbawl upa Hrangruma chuan,kan thiamthu em pawh i ngaithla dawn lo tihna a ni maw lalpa,hei leh chen hi i tan kan thawk a,enge kan tihsual tawh ,"a ti ta bawrh bawrh mai a,lalpa chuan ,"Hrangrum,khati khan min chhal hlek suh,i thurawn hi vawi khat pawh ka zawm fuh tawh em ni,khawnbawl upa hman tlak loh ber i nih hi,i nihna hlihsak tur che hian i fapain hun remchang min siamsak ta a nih hi,ifapa hian a lo chhun nameuh mai che,a pawitawk zawng bakin hman tur che u in awm lo,ka khua ata hi min chhahsan rang ula ka lawm khawp ang,chu chu ka khua leh tui i nih hun chhung zawng zawnga i thiltih that awm chhun a la ni awm e"tih nghut pah chuan lehlam a hawi ta hmak mai a.Hrangruma chuan,an lalpa lakah chuan khawngaihna emaw,hriatthiamna emaw dilin awmzia a nei dawn lo tih a hriat chuan,thinrim hmaisen ṭeuh chung chuan lal in chu a chhuah tauh san ta nghawng nghawng a.

khawnbawl upa Chalngemga chuan,"Lalpa ,thiamthu sawitur ka nei ngang lo a ni,i thinrimna leh i khua chhuahsan tura min ti pawh hi ka dem hauh lo che a nia,kan fate nungchang hi kan lo chik lo ṭhin em a tin ni,vawiina kan chunga thil thlengah hian zir tur tam tak kan nei tih min hriat chhuahtir a ni,ka fapa hi thiam ka chantir hauh lova,ngaihdamna leh khawngaihna dil pawh ka tan thil zahthlak a ni tih ka hriaa,dil pawh ka tum chuang na hek lo,ka fapate thiltih sual avanga,a tuartu thinlung kehsawm tur ka hmuh hian ka zakin ka tlawm tak zet ta a nih hi"tih pah chuan lal in chu a chhuahsan ve ta a ni.

Upa Chalngenga chhuah hnu chuan,lalpa chuan,mihring tawngkam nem zawng zawng hi an rilru leh suangtuahna a thianghlim vek lo tih hria ula,fim khur hle ang che u,Chalngenga ai chuan,Hrangruma hi a rilru a tluang daih zawk a ni,Chalngenga lakah fim khur hle ang che u,"tia a chah mawlh mawlh hnu chuan ,Chathangate ho pawh chu lal inatang chuan an haw thla ve ta a ni.

Chalthanga rilru pawh a nuam bik chiah lo,chu mi zan chuan ,Romawia nen in chu an veng ru ta khar mai a,pu Liannguran ,zaninah chuan an che ngam mai lovang ,a tih pawh chuan ,an mut hmunah an beng an chhi kar tho a ni.u Lianngura sawi ang tak tak chuan ,chumi zan chuan thawm an hre ta lova,zinga pu lianngur nupui khawlai tei chhuak chuan ,Hrangrumate chhung leh Chalngengate chhung kalbo thu chu a han hre ta zwwk a,chu vel leh Chalthanga chuan ,kan um vat a ngai a ni,a lo thlawna,dam tir reng zawng ka tum hauh lo mai,tiina insiam ta sawk sawk a,chutih rual chuan Romawia pawh a ṭhu mai mai bik lo,a lo insiam ve mawlh mawlh a,tukṭhuan chu hmatakah an eia,tichuan ,an chhuak zui ve nghal thuai a,Pu Lianngura chuan ,Mawite ,i duh hun hunah min rawn fin dawn nia,tiin a au zui lawm lawm a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:00 pm

UNAU PHUBA LAKNA

BUNG 28 NA
Tlantei hnamte

Romawia kal liam tur chu thlir zui vawng vawng chung chuan,Pu Lianngura nupui chuan,"Aw ka fapa ,tlangval duhawm leh hmelṭha tak i nih vei nen,misual kut tuarin mi ang lovah an chhuah der mai si che a ni si a,ka va lainat tak che em!!a lo ti ve ngawih ngawih a,chutih lai chuan a fanu tleirawl ve lek lek tawh chuan"Ka nu hi i ti awm ang lo e,ka u Romawia kha mi pangai a lawm,lo ngai reng rawh nupui hmelṭha deuh a la nei ngei ngei ang,a mitmeng a mawi a,a lian bawk a,a nui hmel a tha a,a hnarngul a nalh bawk a,a huaisen bawk a,min duh ve ngat se chuan ka nei ngei ngei ang"a lo ti ve khauh mai a,a nu chuan ,khai khai a,naupang ,chutiang sawi rual pawh i la ni hleinem le,naupang chhe talin emaw i la tal kan tih lai a,nula ṭawnga i han ṭawng tak mai chu le,"tiin a lo melh ram ram a. Lianmawia chuan,"Ka nu ,a unaupa a chhuanna thu mai a nih kha,ngaih loh lamah ngai mai mah ta che "tiin a nau thlavang chu a lo hauh ve thuai bawk a.chhangbuai duh lem tawh lovin,a nu chuan a ngawihsan ta zawk a.

Chalthanga te chhuak ta chuan an mi umte chu, khawi lam nge an pan tih pawh hre chuang lo chuan an pawng chhuah ve ta ngawt mai kha a ni a,kawtchhuah lam pana an kal an ring sa ve ngawt a ni,engthil emaw ti hmasa lo chuan an kal hlat nghal mai chu an ring lo hul hual a ni.chuvanga uma,an khawsa zia enthlak an tum ta kha a ni a,phunchawng khaw lui chhuah an thlen thlak chuan chaweina hnuhma pherh deuh nen nuana kalsan ,seng hawi pawh senghawi mumal loh an hmuh chuan ,an hmanhmaawh hle a ni maw ,ti rilru neuh neuh chung chuan hnu chu an han bih chiang a,chu lai hmun chu lei ahnawn chuap avang chuan eng hnu mai pawh chu hmuh a harsa lem lo hle a ni.

Romawia chuan hnu chu chiang deuh tak chuan a han bih ngar ngar a,a kut zungchal chuan a kawk kual ngho ngho va,Chalthanga chuan ,"Ka nau,engthil nge ni ta,hmuh i nei em ni?tia a zawh chuan,Romawia chuan,alu buk nghat pah chuan,Vaibel an zukna meivap,an bunchhuahna la rei lo tih hriat tak mai,lo vum thar chu a han kawh hmuh a,Chalthanga chuan an mi umte nen chuan an in hlat vak tawh lo tih chu a hrethiam ta thuai a,hnu chu an chhui zel a,chhim lam zel an pan avang chuan khawi khua ber nge an pan tih chu hriat thiam a har fu bawk si a,khawi khua pawh pan dawn se an umphak thuai chu a ngai a ni.chawl lova an kal ngar ngar takah chuan ,Zopui khaw ram valh china lungpui chungah chuan ,chaw eina hnah seng hawi loh bawk chu an hmu leh ta a,an mi umte hian an um an ring lo nge ,an sulhnu reng reng an senghawi ṭha duh hauh lo mai chu ,Chalthanga chuan mak a ti zawk hle a ni.an fimkhur lo hrim hrim nge ,an um ring sa ranin an lo chang ru reng zawk ,hriat ni hek suh le,fimkhur an ngai hle dawn a ni.khua pawh a tlai thawkhat ta viau mai a,um phak ngei an duh avangin ,chawl lovin an kal zel a,lui pakhat an thlen chuan chawlhna hnu hma bawk an hmu leh ta a,an chet dan chuan Romawia thin a tirim hle a ni ngei ang,a ma phun phun chuan a phun bal bal a,a mitmeng de deuh sar a vang chuan a thinrim hle a ni tih hai rual a ni lo.

khua chu a thim hle mai a,ruama kal an nih avang chuan ,thla ringa kal hleihtheih a ni lova,ngawhnuaia an kal tam zawk avangin ,a thim chhah thei hle a,tlema thing khatna lai deuh an thlen erawh chuan thla eng chu aring viau lawi a,khuain a thim hnan tak avang chuan meichher hman ngam a ni bawk si lova,thim zingah chuan,tlema mihring hnu lo kaw daih zelah chuan an kal tawp tawp mai a ni.a tawpah zawng Chalthanga chuan,Changel sah a,meichher chhit a rawt ta ringawt mai ,an mi umte an thlauh lutuk chuan fel dawnina hre lo a ni.meichher te an chhit hnu chuan tlem chuan an kal chak thei leh ta deuh va.ruam chep ang reng tak leh hmun rem fahran lo an kal lai chuan ,chulai ruam chep ang reng tak ngil thla zui mai chu ,Chalthanga chuan ding meuhvin a han thlek vang vang a,a meichher chu a han tihlum nghal sawk sawk a,Romawia pawh chuan ,Chhalthanga tih ang chuan a meichher chu a hawlh hlum ve nghal thuai a,an kalna zawnthla ruam chep tak thlang deuh fe a,mei eng phehlep hlep chu an vei lam thing kungah chuan a hmuh theih rei ruai a,thawm dim ang reng tak chuan an pan thla zel a,an thlen hma pen sawmnga vel atang chuan thinghmun ,an chhak mualah chuan tlem an chho hret a,mei eng phet hlep hlep na zawn an thlen chuan ,Buk sei lem lo tak ,uluk fahran lo leh hmanhmawh taka khawr tih hriat tak kawta meipui alh hluah hluah an hmuh rual chuan,meipui bul vel a,mi pahnih vei tawn chhen leh an vel ram chu an bih uluk hle tih hriat tak hian a hawi kual chhen bawk a.Chalthanga chuan,fimkhur a ngaih zia leh an mi umte chu ralmuangin an awm lo tih chu an chet phung aṭang chuan an man thiam nghal thuai a.

Chalthanga chuan Romawia chu hui zauhvin,Chulai hmuna awmte buk khuar chu helin ,buk hnunglam chu an pan ta thuai a.buk hnung lam chu pan hnai hret hretin ,tlema buk chhak lam hreta in her chhoh an tum lai chuan ,Romawia chuan thingṭangro a rap tliak ta rap mai le,an pahnih chuan an ding dun nghal chawt a,chutih rual chuan buk kawt lam a tang chuan ,fimkhur zeta an mahni rawn veh tu chuan an lam chu a rawn pan hnai zel in,hlam thum vel chauhvin an inhlat tawh tihah chuan ,Romawia chu ,a mah rawn vehtu hma zawnah tak chuan a zuang chhuak ta phut mai a,a mah rawn veh tu chu a phu chiang kher mai ,in ring sa renga zuan tu zawk na fam chuan ,a chem pui hum chu a han vai nghal puat a,a mah rawn vehtu silai chu leia a tlak rual deuh thawh chuan a puak hman ve tho mai,chutih rual chuan Romawia chu lum sawn nghal thuaiin ,buk thlang lam bang depah chuan che lo chang lo chuan a tawm ta khar mai a,silai a rik ruala ,a thianpa awmna lam pan tum mek chu ,Chalthanga chuan a fei zum ṭha ang reng tak chuan a lo khawh zui ve nghal zat bawk a,buk chhung lama ṭe tengtung a vang chuan ,Romawia thawm pawh chu an lo hre hauh lo tih hriat tak chuan,patling leh nutling rawl in pawlh nuaih mai rak tengtung karah chuan,Chalthanga chu buk kawngka ah chuan a ding kak ta ṭa mai a."Khawi hmun pawh thleng ula,ka tih tur min dal thei khawpa hmun biru Lusei ram chhungah hian a awm hleinem,"a ti chang ta khal mai a,khur hluk hluk chung chuan Khawnbawl ni thin,Hrangruma chuan ,Vala ,zahngai hram teh ,kan nunna hi chu min zuahsak hram rawh "a tih mek lai chuan ,
A thianpa ,khawnbawl ni ve bawk Chalngenga chuan,Zam hauh lo chuan a lo nuih sawh hle a.

Romawia thinrim chuan ,Vanpan pheia khawih hrep a tum lai chuan,In duh tawk khan han che teh u,in hmangaihte nun khua erawh a tawi phah ve hle dawn a ni,kut ruaka ka liam mai in lo ring a niang maw,tunah hian ,i farnu leh ,i nupui chu mikhuaah an thawn liam tawh ngei ang"in ti fuh zet chuan a han ti hmarh hmarh a,Chalthanga mitmeng chu a han buai deuh nak a,mahse rei a buai lo,"Nuih sak pah chuan,ka farnu kha mi panga hen a nih kha,tin ,a veng turin insual ,ralbeih thiam filawr pangain an la veng zui a,nanga tlangval tirh ve satliah khan engtin mah an khawih thei lovang,"tihpah chuan a hmaiah a han beng pawp mai a,Romawian a chhipsama a ṭhamsak lai chuan,Hrangruma chuan"Engthu nge i sawi kha,kan faten mi pawi an khawih tawhmah tih laiin ,nang leh zelin ,i fapa phuba chungah phuba leh chhawng maw?hetiang tak hian i tenawm tih chu hria ila,i rual hian ka chhuak hauh lovang"Thinrim fe hian a lo ti bawk a.Chalngena chu talchhuah tumin a lo tal sek bawk nen,Romawia thinrim tawt lutuk chuan,theh vir nawk pah chuan,a hrawk bawkah a pet chilh ta ngheng mai a,Chalngenga mangang tal vel chu hmuh a hreawm kher mai,mittui tling pam chunga chalngenga nupui fanaute leh ,Hrangruma te chhung kua chu mitkhap hauh lo hian a en bing ngar mai a,Chalthanga chuan,"Ka nau hian ,;Tunah chuan ka tawrh ang chiah in tuar ve ta ,tunah chuan thlamuang takin ka muhil ve thei tawh ang'a ti a nih hi"tiin a mitmenga thu in phumru chu a sawi chhuahsak ta a,Romawia chu a bu nghat nghat a,tichuan ,an lo kalna lamah bawk chuan an let leh ta a .

Romawia rilru natna ber chu a nu thihna chu a ni tih a hrethiam ta mai reng a."Tunah chuan Chhip zawl khua kan pan leh phawt ang a,kan tih tur kan zawh fel hunah ,kan haw ang"Chalthangan a han tih chuan,Romawia chu a lo meng nur hle mai a,I ngaihtuah hle a ni maw,?ngaihtuah mah ta che,I uteho kha ,insual thiam hlak vek an nih kha,"a han tih ngial pawh chuan,Romawia chuan a lu a lo thing nar nar a,Chalthanga pawh chuan ,a nau chu a let pui leh phawt a ngai ngei dawn tih a hrethiam ta thuai a,ngawi reng chuan,Chhipzawl khaw helin an chenna hmun chu an pan leh ta nge nge a,chutia chhipzawl pan lova an chenna an pan leh takah chuan Romawia hmel thim khap khap tawh rawn nung thar leh ta sarh a vang chuan,an ṭhiante a ngaihtuah zia chu a der mai a ni lo tih a hrethiam ta a ni.chuta tang chuan Romawia chu a ngaina zual sauh bawk a,hlim deuh mai a,Chalthanga a han kuah thuak thuak phei chuan,Chalthalthanga pawhin a hlimpui hle nghe nghe a ni.

Ni hnih lai mai an thang leh hnu chuan an chenna hmun pawh an hnaih ta viau mai a,Chalngenga thusawi kha a tak tak a nih chuan an thiante chu pawh nghal ngawt chi ni dawn a a hriat loh avang chuan ,an chenna thlam kawng lam pan ta lo chuan,a chhak hnim buk atang chuan thawm chu an han ngai thla te te a,thawm a reh thiap a vang chuan an ngaih a ṭha chiah tawh lo ,Thlam lam pan thlak an tum lai tak chuan,tuala an meipui chheh tur vum thur chu an hmu ta thuai a.

ngun leh zuala an thlir lai chuan,An meipui chhem tur thing chheh khawm lam pan chuan mi pahnih hi thlam a tang chuan an lo chhuak ta a,thawmdim zet chuan an hnaih thla hriau hriau va,chutih lai chuan ,chung mi pahnih te chuan mei chu an chhem alh tan ve chiah bawk a,mei engah chuan ,an hmel pawh an hmuchiang thei ta a.an hnaih thla zel a,an meipui chhem zo han ding chhuak leh tur chiah chu,Chalthanga chuan pakhat zawk nghawnga reh chat pah chuan a hmui a hup zui nghal thuai a,pa khawt zawk hawihai lai tak chu ,Romawia chuan a lo kuk thlu ve mek bawk a,a kuk thluk pa a hnuh sawn rual chuan,Chalthanga chuan,a mi man beh pa hnenah chuan,khawiah nge heta cheng te kha an awm,a tih chuan ,chupa chuan a kut chuan thlam lam chu a kawk sai deuh dat dat a,chutih rual chuan,chu pa ring ruh ri thawt khawp chuan Chalthanga chuan a herh sak ta nghek mai a,chupa lu uai deuh hnuang a vang chuan a ringruh chu a tliak chiang hle tih hai rual a ni lo,Romawia hnenah chuan a mi kuk thluk pa chu that nghal turin thu a han pe sap a, Romawia lah chuan awlsam fe hian a ngawngah chuan a han sat zui nghal chawrh mai bawk a,hnim karah chuan a hnuk lut zui ta a.Chutih lai chuan inchhung lam atang chuan"Rala,in la chhemalh thei nange,"a rawn ti lung lung a,Chalthanga chuan lo chhawnin,"Kan chhem alh thei tawh e,"a lo ti sam ve et a,an biru zui nghal thuai bawk a,mipahnih rawn ṭawng chhuak bawrh bawrh te chuan ,an ṭhiante thawm reh leh daih chu ngaih ṭhat lo hmel fe chuan pawn lama meipui lam chu an thlek kual nghal duk duk a,pakhat zawk chuan"Rala,rala,tiin an ṭhianpa chu an han auva ,tuman an chhawn tak si lovah chuan,"Min biruksan vel khanglang emawni,Tuichawi a ngai a nia,lo chhuak mai mai teh u,tih pah chuan ,thlamah chuan a lut leh ta mai a,Sumhmun thim laia lo chang reng tu leh ,an ṭhiante chu khawi takah nge an ṭhut tih bih thla mek tu romawia pawhin,a lo chhinchhiah fel diam tawh bawk a,chupain inchung a luh rual a,a ṭhianpa ek ṭhawt thawm a hriat chuan ,rangzet hian a tlanchhuak leh vut a,midang pawh chuan"Engthilnge ni a,engmge maw i hriat chu le?,tih pah an tlanchhuak ve nghal duak a,in chhungah chuan mipahnih chiah an ṭhiante venga ,nghet lo leh ngaihthat loh hmel zeta kawngka lam an hawi hu hu chu Romawia chuan a luhchilh thuta,,a chet ran em a vang chuan,inchhunga lo la awmte pahnih pawh chu in ring hman hek lo,thawm pawh chhuah hman eih lo chuan chhuat laiah an thal dun nghal tawl mai a,chutih lai chuan ,Chalthanga pawh namthlak a tang chuan thlamchhungah a zuanglut fel ve leh chiah bawk a,an ṭhiante an phuarna an zai chah fel vek hnu chuan,an in sem darh ta zung zunga,an thiante bo ta daih zawnga an vah darh sung sung lai chuan ,mipa ṭhiau mi sawmthum vel zet chu,a mal te tein an bo ta pheuh pheuh mai le.tunah chuan sawmhnih zenzawn chauh an awm ta,an mangang tak zet tawh a ni,zampuiin Thankimi a veng thunga,namthlak kharin ,sumhmun thim laiah chuan a lo chang ta khar mai a,in chhung luhtuma hriamhrei chuh tum a piang chu Zampuii chuan a mal ta nghauh nghauh mai a.chutih laiin Chalthangate ho lah chu in zar pharhin,hmanraw hman an thiamin an che fur fur tawh mai si a,an hmelma lam lahin ,tute nge an beih a,mihring nge ramsa tih lah chu an hre tawh der bawk si lo,an beih ber pawh hre chiang mang lo chuan an pawng vah chhuah ve ngawt mai kha a ni a,Thlama letleh lah chu kir leh reng reng an awm tawh si lo va.thawm chhuah ngam lah an awm tawh hek lo.an va che fuh lo teh lul em!chalthanga chuan "tumah hi chhuah loh tur,an lu kan la vek ang a,an lal inchhung ngeiah ka dah dawn a ni,"seh chilh deuh nak a tih pah chuan ,tumah an chhuak tur a ni lo,a han ti leh sap a,thla lah chu a eng em em leh nghal a,Thlam leh a vel an fan thuak thuak hnu chuan ,thlam hnaihah chuan tumah an awm lo tih an hriat hnu chuan,thawm chhuah hauh lovin ,thlam chu an hlat leh tial tial a,an ral veh dan chu,an hrut kim thiam hle a,an arh phak a,an in hmu khawm leh a,chutiang reng reng a pen za dawn lai an hrut hnu chuan phun sar sar thawm an hre zui ta a,arh leh phakin ,an hual ta rap mai le.

Hmelma lam lah chuan hualin an awm tih an hre der si lova,an mangang tawh hle a ni,a thim deuh khup a vang chuan tumah lah chu an inhmu hleithei tawh bawk si lo,an hnung leh hmalam an sir vel ri deuh san san an hriat chuan in ven ngaihna pawh an hre tawh lo,an hawi an hawi ringawt tawh mai a ni,an hual zim zel a,thawm a hnaih tak viau a vang chuan ,tlan chhuah tum in an darh ta huk mai a,mahse tlanchhuahna khua reng a lo kaw tawh si lo,tlanchhuahtum hmasa apiang mai chu an thi hmasa a ni zel mai si a,a tawp ah zawng ,chung hmelma Chalngenga mi tirh te chu damchhuak pakhat mah awm lovin,an hotupa Chalngenga hovin pialralah an inhmukhawm ruih ruih dawn a nih hmel ta hle a ni.
Thlam an zuk thlen chuan Zampuii chuan ruang ṭhenkhat chu a theih ang ang chuan a lo seng hawi ve a,chutia zo leh zo lova a lo hnuk hrawih hrawi an hmuh chuan,Ramliana chuan,"Ekhai,ekhai,Nu-i,
engahnge khatiangte i lo tih ve chu aw,i la dam chian loh kha in dim deuh ta che",tih pah in a nam sawn nghal rawk rawk a,Zampuii chuan"Hmuh a nuam lo a lawm,ruangin min hualkup bawk si a,Ṭhiani phei chuan a hlau lutuk a,a inkhuh tlat khu,tih pah chuan meinei tak chuan Chalthanga chu a han melh zauh va.Chalthanga chuan hrethiam takin Thankimi awmna thlam lam pan chuan rang zetin a tlan lut ta thuai a,Thankimi chu hmai khuhin a lo mu than a,Chalthanga chuan a puan chu a han pawt da da a,chu veleh ṭe tuarin a in khuh ṭha sauh sauh va,Chalthanga chu a nui ta hawk hawk a,"Ka nula vanduaite,keimah ,i hmangaih Chalthanga ka nih hi,chhanchhuak tur chein ka lo let leh vang vang a nih hi"tih pah chuan a kuah ta hle hle a.

Chutah zet zawng Thankimi chuan zahpawh dawn lo chuan a lokuah let ve rawk rawk a,"Ka nula vanduaite,an lo tina che em?ka ngaihtuah luttuk che,"a han ti sap sap a,Thankimi chuan,tun ṭum chu hliamtuar kan ni bawk a,min khawih lo hlauhve,in rawn thlen hma khan malbeihah an lo incho mek a,in rawn thleng hun khawp mai"tia chhan pah chuan a han kuah nghet deuh salh a.Chalthanga pawhin hrethiam takin khumah chuan lawn kaiin ,in thlahlel leh lung chim takin an inkuah ta vawng vawng a,pawn lamah ve thung chuan,ruang senghawi hna chu Ramlianateho chuan an lo thawk ve mawlh mawlh bawk a,an rilṭam tlang tawh bawk nen ,zanriah tur an peih meuh chuan zan a rei tawh hle a,chaw an ei kham a an inpeih fel meuh chuan ,men pawh meng rei peih lovin an mu ta diak a,chumi zan ,zan rei tawh tak ,thla pawh a her thla bui tawh a,meipui erawh chu an la tuah al hluah hluah reng a,zanlai pawh a pel tawh a,Romawia ar khuang chawlh fe tawh hnuah chuan thil ri rawp rawp thawm an hre ta a,Chalthanga chuan kan ruang dahkhawm kha sapuiin a rawn ei a nih hmel e,ka va en chhin a nge,tih paha a tho tur chu ,Thankimi chuan a phal ta tlat lo mai a,chhuak suh tih pah chuan a kuai bet tlat a,Chalthanga chuan ,"ka bih ringawt dawn a lawm,ka chhuak dawn hleinem"a tih takah chuan ,Thankimi pawh chuan a chelh luih duh ta bik lo va,meipuiin a en phak chin leh chin lovah chuan,keipui lian zet mai chuan an mi ruang dahkhawm chu a lo thing darh nasa mai a,Chalthanga chuan a mutna lam pan pah chuan,"Naktuk chu hna kan ngah khawp ang ,Thani a zia awm tawh bawk a,Naktuk chu in suan chhuak tawh ila a tha ang,helai zawng a ralmuang lo riau mai a,kan him tlan lai hian chhuahsan vat a ngai a ni."a han ti zui zat a.midang pawh chuan an lo tuihnih ve liam liam a,a tuk lama chhuak tur chuan an inpuahchah rilru ta ran a.

zingkhua a lo var chuan ,hmatakah mipaho chu an tho sang sang a,an ken tur ṭul zualpui an siam fel hnu chuan Zampuii eisiam chu an pui tlang leh ta a,tukthuan eikham ve leh chuan ,Romawia nu thlan chu an tlawh leh te te a,tichuan ,chulai hmun chu an chhuahsan ta a ni.

Phunchawng chu pan hmasain an tih tur ,an milu lak Phunchawng khaw lal in sumhmunah dah chu a ni,tichuan muangchanga kalin ,Thankimi zaingai takin an kal bek bek zel a,Thanliana leh Dampuian Chalthanga te chu an kalpuia,Ramliana leh Hminglianan Zampuii leh Thankimi an chhawmthunga a,tichuan ,mi kalpawh ngaih lohna lam ah chuan kalin Phunchawng khua chu an hel thei ta hram a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:01 pm

UNAU PHUBA LAKNA

BUNG 29NA
Ziaktu : Tlantei hnamte

( Admin te hian ka post hi approve ngailo, direct tur hian min dahsak ve thei lo vem ni...group dang ah chuan admin nikher lo vin kan post zung zung thei tho sia )

Thanliana leh Dampuiate, Chalthanga te pui turin an kal a,Ramliana leh Hmingliana erawh chuan Zampuii leh Thankimi hruaiin intawhkhawmna tura an ruat lamah an in chhawm ve bek bek thunga,hliam tuar kalpui an nih avangin ,muang te tein an kal ve bek bek zel a,tlema hmun rem deuh zel thlan a ngaih avangin ,a kal pawh an kal rei viau reng a ni.zanriah chhum hun lai vel chuan khua a tlai lam tawh bawk nen ,riahbuk sualin,an buai ve ta nak nak a,hmunrem tak ni lem lo mahse,zan khat na na na chu an tlingtla thei mai dawn tho va an hriat a vangin,zanriah an peih meuh chuan khua pawh a thim fel a ni ta deuh der mai a,Thankimi chu a kal chau bawk nen ,rei pawh thu peih lovin a mu hil ta thuai a,Thankimi a mutthilh hnu chuan mipate pahnih chu an la meng deuh rih a,an riah na bawr vel boruak chu a thiang nuam hle a,chhipzawl ram chhungah thlakhat aia rei mah an thang tawh a,mahni khua ngeia thlamuang taka mut vete pawh an thlahlel ve viau tawhin a rinawm a ni,Zampuii erawh chu naupan tet ata ,tla hrang ṭhang tak mai a nih avang chuan khawhar em em a nei hran lo,ram hi nuam a ti zawk emawni chu aw ,tih tur khawpin khaw chhung lamah hmuh tur a awm ngai meuh lo a ni.tlema naupang lam phei chuan an hmelhriat lo hle reng a,tunah chuan puitling tak tak an lo ni ve ta a,tuna an dinhmun ang ngah hian an awm reng thei dawn lo tih pawh an inhrechiang hle a ni,a pi aiawhin a u pawh a ṭhu mai tawh dawn a,an phur pawh a rit sawtin ,an kovah an khaw mi leh sate an innghat leh dawn si a,an duh dan danin an tal thei tawh dawn lo tih pawh an hrechiang hle a ni,Chhipzawl khua an thlen hunah an tih tur an hlen phawt ang a,tichuan ,an hna chu an hlen thawkhat chu a ni mai tawh dawn a ni.

Hetih lai hian Buan lung khuaah chuan mikhual hmel duhawm tak an lo nei ve mek bwwk a,Ralkawn lal Darchhuna fapa ,Zawlzau khaw lal,Hrângsama chuan palai tirin ngaihdam a lo dil ve mek bawk a,Zawlzau khaw lalpa chuan a palaite kal tlang chuan thuchah ṭhatak mai a keng hlauh mai a,"Kapa,lal â tak mai khan,in pawi nasa takin a khawih tih ka lo hriaa,i thinurna chu engti kawng pawhin hrithla ula,kei chuan ka dodal hauh lovang che u:amaherawhchu,inhmel makna karah kan fanu leh kan fapate chu an lo inhmangaih ta si a,nu leh pa kan nih angin ,nangni leh keini hi hmelma ena inen reng thei kan ni ta lo va,ka pa pawikhawih avanga kan fate lehzelin an tuar tur hi kei zawlzau lalpa hian ka enliam mai thei lo va,inrem takin i awm tawh ang u khai,remna sa uitan in rem tih chuan in ram chhung ngeiah ka ngenna min hlawh tlinsak a nih chuan ,in remruatna ang zela bawh zui turin ka in peih reng a ni,"tih thu chu an keng ta a,chuthu lalnuin a han hriat chuan a lawm ru hle a,palaite hnenah chuan,"In thu rawn ken chu ka pwwm lo a ni hauh lova,amaherawhchu,ka tupa hi lal fanu Thankimi zawngin a la thang mek a ni a,a lo hawn ve leh kan inhriat tir leh dawn nia,engpawh nise,thlamuang takin lo awm phawt mai ula,ka lal fanu hi damtaka a lo hawn hi nghah phawt ka duh a ni"tia a lo chhanna chu lungawi takin an kirpui leh ta a ni.

Chalthangate pali pawhin phunchawng khua chu enlaia lut duh lovin ,thimhlimah an lut ve ta chauhva,pu Lianngura te in chu pan hmasain,an thiltih turte chu a han hrilh zung zung a,Chalngenga tenawm zia pu Liannguran a han hriat chuan thinrim hle mahse,tihtheih engmah a nei tawh lo tih a in hriat chuan,a chhungte hnenah chuan eng engemaw chahin ,Chalthangate zinga kal ve chu a tum nghet ta hle a.zopui khua tlawh kual an la ngaih dawn a vangin,an muang hle dawn tih chu Chalthanga chuan a hai hauh lo,chungvangin,an ṭhiante chuan Buanlung an pan nghal mai a ngai dawn a ni,Thanliana hnenah chuan,"Ṭhianpa,kan ṭhiante kha um la,kan khaw lam pan nghal zawk mai rawhse,kan khawtlai viau dawnin a lang tlat mai,Thankimi kha zawn a ngai a nih chuan ,zawn ula,hman hmawhin khaw lam in pan vat dawn nia,"tiin hmanhmawh tur chuan a tur ta sek a,Thanliana chuan nur deuh nâng chung chuan"Boruak ṭha pawh hi ka hip ve hman lo,damlo enkawl reng rengin ka buai a,milu sawm in lak laiin damlo pahnih ka enkawl dam hman meuh lo chu a nih hi,bawlpu emaw min ti tawh a ni bera,hahthlak ṭhin e,khawnge ka damlo enkawl lai malmum chu i han tuai let leh thuak thuak ang hmiang "tihpah chuan a nui chhuak vur vur a.

Zan pawh a rei thawkhat ta a,an milu lak ak chung chuan lal in lam chu an pan ta thuai a,lal in sum hmunah chuan an mi lu ah chu an dah khawm ta ruih mai a,tichuan chhipzawl khaw lam panin an kalsan leh ta a ni.

Zingkhua a lo var a,lalnu zing zun zung tur chuan an sumhmuna lu lo awm khawm thur mai a han hmuh chuan a rak ta tengtung mai a,lalpa pawh chu a nupui ṭe thawm avanga harh hlawlin a tho chhuak ve ta a,an nu mangang hlauthlabar hmel a hmuh chuan ,banglaia a silai chu a la thuai a,pawn a va chhuah chuan a thilhmuh chuan a bara khaih chiang kher mai.a khaw tlangval lu hlir mai chu a sum hmunah a lo awmkhawm thur mai chu rap hmel zet hian a melh tlawk tlawk a.lal in thawm avang chuan nu leh pa leh Zawlbuka riak tlangval ṭhenkhat te chuan lal in chu an pan sung sung a,an thilhmuh avang chuan ,nu ṭhenkhat chuan an fate lu chu pawmin an ṭap tlawk tlawk bawk a,chumi ni zet chuan ,Zopui khua chu tahna ni a ni ta a ni.

Ruangte an phum zawh chuan khawnbawlte leh pasalṭha awm chhun ang ang techuan rorelin ,hnuchhui dan tur an rel ho ta a,Chalthangate khan hnu an thlauh lo hle a,an kal ngaia kal tawh lovin ,Chhipzawl lam kawng,lei ro tak lam chu an zawh daih mai si a,an khaw lam pan zawnga hniak chu chhui zelin Chhipzawl ram chhung ni si , ngaw hnuaiah chuan hnu chu an chhui lut ta daih mai a,an han chhui thui deuh chuan,thlawhhma kawng ni awm tak fai angreng tak mai hi an pawh ta hlawl mai a,mak an ti tawlh tawlh mai a,engti tura chu lai ram chu va thleng reng reng nge maw an nih le,tiin,an tlangvalte lu latu chu tunge ni ang a,engvanga chutia inbei ta chiam mai nge an nih ang,tih chu an ngaihtuahna tibuaitu a ni ta tlat mai a.thui tak an kal hnu chuan chu lai chu thlai hmun leh buh hmun seng fel hlim ni awm tak chuan a fai em em mai bawk si a,thlawhhma an lut ṭan chiah tihah chuan,tho vir mum mum thawm leh ,thi thang rim Chuan chu lai bawr chu a luah hneh hle a.Angaihna hre lo zeta an hawi kual ruai hnuah chuan,a hnung lama kal te chuan ,"Heta hi ruang pahnih chu kan hmu e"a ti ta lauh lauh mai a,an taksa te chu sa ei ban tih hriat tak hian a hek hem huam mai bawk a,hmuh a nuam lovin,tiril a fan raih mai a ni.A hma lama kalte pawhin ruang chu an hmu phei zel a,thlam ni awm tak felthlapa sak ,a hmun hma vel rem angreng tak mai an thlen chuan kawngka chu uluk taka do a ni tih a hriat theih a,in chhung an han luh chuan ,banga thisen per ngeinguai leh,chhuat vel a,thisen khawro lo awm nguai mai an hmuh chuan ,chu ina chengte leh an khaw tlangval rualte chu an inbei nasa tawk hle tih chu an hnuhma a ṭang chuan a hriat theih a,he ina chengte hi mi namai an ni lo vang tih pawh a rin hriat theih ta viau mai reng a,an fan kual viau hnuah chuan ,ruang pawh an hmukim thawkhat ta viau mai a,chawhnu her zetah chuan ruang chu an hmukim ta a,chulai hmun,hmunawl remchang laiah chuan ruang chu an theih ang angin an phum fel thei ta hram a,tichuan,thildang ti khawmuang tawh lovin ,an khaw lam phunchawng khua chu an pan leh ta vang vang a.

Zan kal an nih a vang chuan mei chher te siamin ,hman hmawh tak chuan an kal sawk sawk a,chutia ngawi renga an kal lai chuan ,vawi leh khatah a thaw huauva,a hnung lam mei chher chu athi ta ṭhup mai a,kut vawt nguai mai chuan ,an nghawngah te kuahin thaw huam huam ri chu an hre zui bawk a,chu thaw rim chu a thang huam bawk a,a chang leh an ngalah te kut vawt tak tak te chuan a man leh chut ṭhin a,mipa rual e ti lo chuan ,an ṭe vawng vawng mai a ni.a chang leh mangang au thawm ṭe vawng vawngte ,natuar rum vawng vawng te chu an hre awl lova,tlan deuh hlira kal an nih avang chuan ,chulai ram rapawm zet chu an pel fel thei ta hram a,khua an luh meuh chuan an chau tak zet tawh a,zing lam hret a la nih avang chuan,zan lamah an tlan chau nen ,an zinga tlema upa deuh val upate leh pasalṭha awm ang ang te chuan ,an va kalna hmuna an thil hmuh leh tawn te hrilh tur chuan lalin lam chu an pan ta a,zan thum zet chu phunchawng khua leh tui te chuan mutmu an tuah thei meuh lo,an thawm hriat rapthlak tak tak te avang chuan a dawihzep fal deuh phei chu chhin khat mah chhing lo tein an tlaivar phah hial a ni.

Chalthangaten chhipzawl an thlen chuan ,pu Lianngura chuan,khua kan nghak thim dawn nge zan hun kan nghak kher dawn ,"a han tihchuan ,Dampuia chuan,Enlai ngeiin le,zan hun nghah tih vel zawng a dawihzep thlak emai"a lo ti ve bal bal a,lo sul haw hun lai a nih avangin,feh haw hmuh tur pawh an awm zeuh zeuh reng a,chawl khawmuang tawh lovin khawchhung lam chu an pan zui nghal thuai a.Pu Lianngura chuan pawn a ṭang chuan lal inchhung luh chu a han dil te te a,lal in kawngkhar chu a rawn inhawnga,pa sa pan ve tak chu kawngkaah chuan a lo dak chhuak a,"Ekhai,Pasalṭha Lianngura a ni tlat mai,"tih pah chuan a han hui zauh va,lal inchhung an Luh chuan,lalpa chuan phawk deuh tak hian,"E khai ,pasalṭha Lianngura a ni reng mai ka ti,eng ti zia nge he lam lam ah te i rawn lan leh tak mai,thil pawi pang chu a awm em lo vang chu maw?alo ti charh charh a,lal chuan sawi zawm lehin,"Pasalṭha i awm tak lovah khan kan khua hian buaina tam tak kan tawk asin,khatih hun lai khan ka ngai ṭhin khawp mai che u,i ṭhianpa lah chu thehhmeh ang maiin a reh hlen ta daih mai si a,khawnge maw a ṭuan tak daih ni,a han tih zawm leh zat a.pu Lianngura chuan ,thinrim insum tak chung hian,"Lalpa ,chu chu a ni i khua leh tui ka rawn rah leh na chhan ber chu "tiin tunhmaa pasalṭha ni thin,Romawia lei tansak tute zinga telve pahnih,khawnbawl lo nita te en ṭha duh hauh lo chuan a han ti ban ve charh charh a,
lalpa chuan,"Pasalṭha engthu nge ni ta ,a va han pawi mawh awm em em ve,?"thinrim insum tak hmel i pu tlat mai ka ti,"a han tih chuan,Romawia hmela thinrimna mitmeng ,senram leh de sar mai chu ,Pu lianngura leh Chalthanga chuan an hmuh hmaih lo,in rin a hun ta tih hrethiamin,Chalthanga chuan Romawia dara ben thak thak pah chuan,"Insum hram hram rawh aw ,ka naute,ka hrethiam vek e,a han ti sap a,pu Lianngura chuan"Lalpa,ka pembo chhan leh kaṭhianpate chhungkua an bopil tak daih na chhan kha thu ruk inthup tlat a ni a,a fapa a lo seilen ve tak chinah chuan,thup reng theih ni bik ta hek lo le,Vawiin khan i khua leh tui a lo buai tak na chhan kha i hnena thlen turin ka lo kal ta vang vang a ni.Lalpa,ka thianpa kha a pembo hauh lova,i ram chhung ngeiah tihhlum a ni a,chutih rual chuan a fapa lei pawh tan sak a ni nghal bawk a ni,"a han tihchuan chhipzawl lalpa chu a meng phar awn awn a,chu thil chu engvanga thleng nge a nih?"tia zawhna a siam lai chuan,khawnbawl pa khat zawk chuan,"Lalpa ,kan nu a nuamsam si lova,kei chu ka lo zu ṭin mai teh ang "tia thawh chhuah a tum chiah chu,Romawia chuan din khalin,Chal thanga chuan,"Pua insum ve deuh la maw le,eng em kan la sawi chhuah loh hi mawle,"tiin a nem ṭhu leh ta hnawk a.an boruak mak tak mai chu lal chuan a hrethiam lo hle a.pu Lianngura bawk chuan,"Lalpa,khatih lai khan ,i lalna chuh tum che an awm a,an rorel zawng zawng kha,ka ṭhianpa khan hre vek turah an ngai a,ka ṭhianpa ni lovin a fapazawk hi thil engkim hretu chu a ni zawk a.tichuan,an lui kal haw lam chu ,ka thianpa luchu tan sak a ni a,engmah sawi thei lo tura a fapa lei pawh chu tansak a ni zui ve nghal bawk a,chung thil titute chu tuna i lalna hnuaia khawnbawl ni mek mi pathumte hi an ni," tih pah chuana kut zungchal chuan a han kawk va mai a.chung mi pathumte chu lal chuan a melh tlawk tlawk mai ,Romawia thinrim insum zo lo chuan,a hmazawna ding khawnbawl chu a han beng ṭhuai phawt a,Chalthanga chuan Romawia mitmenga thu tamtak inziak chu a lo chhiar sak zung zung a,"Tlangval pangai tak ka nih ve dawn vei nen"mi ang lovah min siam,fahrahah min siam bawk a,ka thinlung hian in hmel hi englai pawhin,ka taksa peng ang maiin a chhinchhiah a ni.lemchangin hmaikawr pawh vuah ula,ka hai ngai lovang che u,"tiin a ma chunga thil thleng ang mai chuan a lo sawi zung zung a,chutih lai chuan,lalin pindan sira nula lo ding zum zât chuan,an inchhunga tlangval pahnihding dun chu a lo thlir ve vawng vawng a,chu tlangval nau pang te mai mitmeng sen ram leh sawi tur nei sawi thei silo thinur hmel tak chu a lainat tak zet a ni.va kuah a ,hnem mawlh mawlh mai a chak ut ut a,"Mi ang pangai i ni a,i ṭawnglo mai mai a ni,i huaisena ,khua leh tui tan miṭhahnem ngaitak i la ni ngei dawn a ni,i hmel aṭha a,i tum ruhna ringawt pawh hi a chhuanawm asin"a lo ti rilru ve nauh nauh va.chutih lai chuan lalpa chuan,"Chutiang chu maw thil kal dan ni a,a lo va mak em!!rin harsa ka ti rum rum mai,mahse ,mit ngeiin ka hmu bawk si,"a tih mek lai chuan,Romawia chuan,a hma a ding ,a lei tan saktu ngei mai chu,a tukkhumsam zialah chuan man sakin lal tualah chuan ,a hnuk thla ta a,Pu Lianngura leh Chalthanga chuan,khawnbawl pahnihte chu hnungkhirhin lal tualah bawk chuan an chhawm chhuak ve bawk a.

Chutih lai chuan,Lal in si a in pakhat lian ang reng tak bula thingkhawn phen aṭang chuan,silai a rawn puak thawr mai a,Romawia chu a vir nghal nawk mai a,mahse ,a dar dinglam chu an lo kap thawi lek a lo ni a,chutih rual chuan lal fanu naupang zawk ,tleirawl te mai chu ṭre nghal tuarin,Romawia lamah chuan a tlanthla zui chawn chawn a,lal pa chu ṭawngchhuak nghalin,"Tumah khan in hriam lek tawh suh u,vawiin hian ka lalna min chhuhsak tuma,ka hnung lam atanga min beitute man chhuah a lo ni ta a,tiin ,Romawiate chhungkaw chanchin chu a han sawi dap dap a,a sawi zawh rual chuan mipui chu an phun nghal mur mur a,lal fanu chuan Romawia hliam chu puanthem hian a lo tuam sak mawlh mawlh a,chutih lai vek chuan ,rawlthar te mai ,Romawia rualpui vel tho hi a rawn pen chhuak nghal thuai a,Romawia lama tlan phei pah chuan,"Ṭhiana,min ngaidam rawh ka tihpalh a ni,i ṭhianpa Rozinga kha ka ni,ka hai che a lawm le,"tiin inthiam loh hmel zet chuan Romawia chu a be mawlh mawlh a,Romawia chu ding chhuakin,a ṭhianhlui chu a han melh vang vang a,a mittui a tling pam bawk a,khawnbawl a hmaa a hnuh thlak pa lam bawk chu hawi lehin,a thianpa chempui ken chu a chhuhsak thut a,khawnbawl pa chu a pe ta a,Pu Lianngur a chuan,"Rualkhum,ka fapa khan mal beihah a cho che a nih kha,a ni khan cho lo che pawh ni sela,kei emaw,Buanlung lal fapa emaw hi chu i hmachhawn tho tho dawn a ni"a lo ti chang ve khalh a,lal fanute chuan hlau thawng fe hian,Romawia chu a lo melh kiau va,Chalthanga chuan nui var var chung chuan ,lal fanu ,hlau thawng mah ta che,insual leh ralbeihah kher kher chuan,keimah tluk zeta ka rin a nih hi,"tiin a bengbulah chuan a lo phun sap sap a,lal fanu pawh chu,a nui ta sak a,pasalṭha thuanfum tawh lam ni mahse ,chupa chu a che a la zei thlarh mai a,a hmaa ding rawltharte mai chu ,a hmel han en mai chuan zuam awmin lang viau mahse,a mimeng thip ram mai leh tumruhna,huaisenna lang chhuak avang chuan,a zam ru hle a ,Romawia chuan cho hmel fe hian a han hui zauh zauh va,a fa rual lekin a han cho em em mai chu athinrim ru hle nghe nghe a ni.

Romawia chuan a hmaa ding mitmeng khup deuh dui a hmuh chuan a phur zual sauh va,nui var var chung chuan chupa chu a hui leh zauh zauh thin a,chu ve leh "Nau chahai ,ka cho ve i han tih vei chu le,nang pawh hi i pa ang khan pialralah ka han thawn liam law law teh ang che"tihpah chuan zei fe hian Romawia chu a pan phei chhur chhura,Chalthanga chuan Romawia a lo hmachhawn tir kher kher chu pawi a ti hman hle tawh a,chu pasalṭha leia a tleng zawk rual chuan ,a chempui chu a han vai nghal fua mai a,chu veleh Romawia chu sang takah zuangin Chu pasaltha chem vai chiah chu a chempui chuan a lo la leu zawk mai a,leia a ṭum leh rual chiah chuan,Pasaltha Rualkhuma pawh a lo ding fel leh vang tawh a.Rualkuman leilam hrut tum ni awm tak a ke a han chhep leh chiah chuan,Romawia zawk chu lei hrulah chuan a tleng phei ta thut mai a,chutiang teh thut chu lo ringlawk hek lo le,Rualkhuma ngal chu a ruh lang rawtin a hlawi thla ta hlawk mai a,Rualkhuma chu a rum hak naa ,a chet erawh a la buaiphah hauh lo thung .Rualkhuma thinrim leh Romawia thinrim chuan ,inchhipthlak ve ve tum niawm tak chuan an zuang dun zawk mai a,Rualkhuma chem vei na zet chu ,Romawia chuan a fei kena lo dangin a veilam chuan a chhip thlak ta ngheng mai a,luruh ri rawp thawm avang chuan,lal fanu chuan a hmai a hup tlawk tlawk a,Chalthanga bawk chuan,"Lal fanu ,meng teh ,engkim a ṭha vek e"a han tih chuan ,zawimuangin a kut chu a han keu da da a,a hma chiaha tlangval ding a hmuh chuan a insum zo ta lo,Romawia chu kuah chawtin a insut ta hlap hlap a,Romawia meng buai nak leh a ngaihna hrelo hmel tak a hmuh chuan,Chalthanga chuan,"I hrethiam mai lo vem ni?ka nau ,a hmangaih hle che a nih kha,a han ti sap a.aRomawia chu zak tak chung chuan a kun ta chal mai a,chutah zet zawng ,Chalthanga chuan"Mipa takin le,ka nau hmeichhe hmaah an zam ngai lo ve"tih pah chuan ,midangte hmachhawn turin a insiam zui ve ta a.an mi phuar pakhat chu ,a phuarna phelh sakin,chempui hriam tle var mai chu a han pe zui nghal zat a,chutah meuh zawng thatho lo zet hian chu khawnbawl upa chu a tho chhuak ta ṭuih tuih a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 23rd, 2020, 6:01 pm

UNAU PHUBA LAKNA

BUNG 30 NA
By : Tlantei hnamte


Titi pah chuan,Chalthanga mitmeng chu ngun zet hian a han thlek vang vang a,chu tlangval mitmenga hlauhna leh zam hmel a hmuh tak lovah chuan,a mah zawk chu a zam lek lek zawk hial a ni,amaherawhchu,pasaltha huaisen ve tak a nih a vang chuan ,a zam bik chuang hauh lo,Lalpa chuan,"Tlangval ka hmingin a lu kha la ang che,phuba reng reng la thei tawh lo turin a kutke kha tan chhum vek bawk ang che.a ti ta hlawih hlawih mai a,chutih lai chuan,rawlthar pakhat hi a rawn ding chhuak a,"Pu Tawn,chuti a nih chuan,ka pa in puhna kha dawt a lo ni maw?kan lalpa dik lo taka hnung lam atanga beitu ang ang a in sawi a,a nunna hialin a tawrh phahna kha dawt a lo ni maw,?ka pa khan lal chungchang hi a chhe zawngin a sawi ngai lo asin,nangmah ni thiltihah ka pa,pawisawi lo kha in that a,a lu pawh lalpa sahlamah in tar a nih kha,ka mit leh ka beng ah hian khang kha nitin hian ka la hrechhuak reng ṭhin asin.ka pa khan in pawi engnge a sawi ,a nunna hial in lak tak,hretu der avangin ka pa nunna in la a,panei lovah min siam a,"chu thu asawi lai chuan,Chhipzawl lalpa hmelah chuan a zak ru hle tih a lang thei a,mengkhup deuh dai hian,chu rawlthar chu a han melh zuk a,pawisa lo hmel tak leh ngaipawimawh hmel lo zet hian,"Tlangval ,kha khawnbawl kha that vat mai teh "a lo ti ṭeng chhuai a,Chalthanga bula ding rawltharte chuan,an lalpa khawsa zia chu a ten hle a,"Lalpa ,ka pa khan tihsual a nei lo bawk a,ka pa ro Silai leh darbute kha min pe let leh ta che,ka pa ro it vangin a ni lawm ni a nunna kha in lak,emgmah hi ka hai hleinem,lal rethei tak leh lemchang thiam tak in lo nih hi,Romawia pa kha,in thurualin in that a,Romawia hriat ve loh zawng zawng hretu chu keimah hi ka ni,lal phiarrukna lam ni lovin,an ro itin in that a nih kha,inhnamhnawih ve lovah in lantir tum reng reng suh ,"a tih mek lai chuan,silai a rawn puak a,Chu rawltharte chu a hlawm nghal nawk mai a,chutih rual deuh thaw chuan,Dampuia chuan ,tlangval pakhat hi mipui sir thingkhawn phen a ṭang chuan a rek chhuak nghal nawk nawk a,nu pakhat tap rawih rawih chuan ,"Ka fapa ka neih chhun,ka innghahna neihchhun ,min kalsan lul suh"tiin a fapa ni khaw hre lova let reng chu a kuah vawng vawng a,chutih lai chuan pasalṭha Lianngura chuan ,Chhipzawl lal chu sumhmun a ṭang chuan a phih thla nawk a,"Ka ṭhianpa ,ka unaupa ni bawk kha,aro in duh avangin in that a maw?heta hi a fapa a awm ve reng a sin ,i zak ve deuh em?chu thu a sawi lai chuan ,Romawia chuan,lal fanuin a ban a vawnna chu a phihthla a,lalpa lam chu a pan phei ta chhat chhat a,mipui phun mur mur karah chuan "Chalthanga chuan,A tawke,phuba lak chhan tur a va tam em!tunah hian,mal leh malin kan inbei ang a,nun chan apiang chhungten engmah an sawibuai tur a ni lo,lal ka nih ve tho avangin ,ka thu hi in pawm tur ani"a ti chang ta khal mai a.

Chalthanga rawtna avang chuan mipui phun mur mur pawh an reh nghal ṭhuap a,Chalthanga chuan,"Tuna ka hmachhawn mek nen hian kan in bei hmasa phawt ang a,chumi zawh lam chu a tla chawpin aw,"tih pah chuan a chempui leh A fei zum zet chu a lek valh valh a,fim khur zet chuan an in veh thauh thauh va,Chalthanga chuan chutia an inveh reng ringawt mai chu a ning ta deuh nge ni,a in thlahdul thut a,ngaihsak lo hmel zet chuan hmundang daih melh chung chuan a nui ta vur vur a,pasaltha inti ve meuh chuan chu Chalthanga thiltum chu man thiam lovin,a bawh phei ta rawk rawk mai a,Chalthanga chu lo petek zauhvin,"Pua ,ramlamah chuan i pasalṭha viau a ni mai theia ,ral beih erawh chu i hlawhcham chiang hle a nih dawn kha,i thluak a fing lo tlat,"tih zauh pah chuan ,a fei chu leihrulah chuan a khawh tleng ta thut mai a,chu pasalṭha chu han zuang hman ve zauh mahse,a kheisian chu a pir thler hman ta tho va,chutih rual chuan,vei lamah in sawn zauhvin,a chempui phek zawng chuan chu pasalṭlha hnung zangah chuan a hem sak ta thlawrh mai a,bawk vaka pai chawn chawn chung chuan,a kut chu a phar huang bawka,Chalthangan chu pasaltha chu a lu lak tum chuan ,a pan phei leh lai chuan,khawngaih takin ka pa kha that lul suh ,ka pa i thah chuan ,tunge ka pan tak ang ,a ni lo kha chu laina ka nei tawh hlei nem,khaw ngaihin a nun kha min zuahsak la,midangte nun a lak tawh loh nan a kut kha tansak zawk mai rawh"chu aw lo chhuahna lam chu an hawi nghal ṭhup a,pasaltha chuan,"Chemte ,kal kiang rawh ,he tlangval hian min that lo mahse,heng mipuite hian min chilhlum dawn tho tho va,na hre hman lova thih hi ka tan a thlan na awm zawk asin,kal kiang la inah lo va mu tawh khai"a lo ti tuar a,mahse ,a pa thusawi hre lo niawm tak chuan ,Chalthanga banah chuan a vuan a,khawngaihin ngaidam la ,chhanhim hram rawh ,"tiin a ngen ta ngawih ngawih a.Chalthanga chuan"Nula ,ka hnenah ngaihdam emaw,khawngaihna emaw dil mahta che,sawlai tlangvalte pahnih hnenah sawn ngaihdam chu va dil ta che ,"tiin ,a hma lawka tlangval hliamtuar leh Romawia chu a han kawk zauhva,zahpawh dawn lo chuan Romawia hmaah chuan a ṭhingthi hnawk a,ngaihdam dil mawlh mawlh chung chuan,a mithmul seisang kara mittui huhchiap mai leh zah avanga biang tai tek mai chu hmuhnawm ti zet chuan Romawia chuan a lo en vang vang a,chu nula sama tuai nawk nawk pah chuan a lu chu a han bu nghat nghat a,Rawlthar hliamtuar mek pawh chuan,chu nula dinhmun hrethiam tak chuan a lo bu ve nghat nghat a,an lalpa lam chu rum fe a melh chung chuan a han hawi ṭawk ṭawk a,Dampuia chuan ,"Khai le ,lalpa ,kan hun a thleng ve ta e,nang zawng dim leh nun kher i ngaih loh kha ,aiawhtu i ngah thawkhat viau a ni lawm ni ,a tih mek lai chuan,an hnung lam atang chuan silai hi a rawn puak thawr mai a,Pasalṭha a nun an zuah sak taka thin zawn kaw huau khawp chuan an rawn kap pawrh tuam mai a,ka pawh chhawn lo chuan a thi zui nghal ta mai a,chu nula tleirawl te chu tap zawih zawihin a ruang bawh chuan a in hnip zui nghal hlap hlap a,"Tunge ka khua leh tuia lal rawn hrawt ngam ta mai hi,ka pa silaiin in lo tin ngam vel a ni maw?tute nge in nih a,mikhual lama ṭangin ka pa in lo beih rawn vel a maw,tenawm hlawm lutuk che u,"tih pah chuan alo hawi cham hle mai a,a nu ,lalnu chuan,"Taite zahngai rawh ,boruak i ti punlun hlauh ang e"tia a lo khap na chu ngai pawimawh duh hauh lo chuan,a âng chhun zawm zel a,Chhipzawl pasalṭha ,pakhat chuan,"Chawikung ,i ṭawngkam kha fim khur rawh aw,ka dawhtheihna hian a tlin lo mai dawn a nia"tiin a lo khap a,chu veleh ,lal fapa Chawikunga ṭhuihhruai zinga mi chuan ,pasaltha ni mahla lal fapa meuh pawh zah lova i lo khak ve khang lan chu le ,"atih rual chuan,a hmui chu thi sawk khawp chuan tu emawni hian a benchilh ta sawk mai a,a hmui a tanga thisen lo chhuak a tuai pah chuan a mah beng tu chu,an khaw val upa a lo ni reng mai a,"lal fapa dawihzep leh hmanna awm lo satliah thlavang hauhva i ṭawng len ve viau le"a lo ti chhum ve hmak a,chutah zet zawng lal lam ṭang leh ,Chalthangate lam ṭang chu an in phek nuai chu a ni ta mai a,bik bik awm lovin an in sat chawrh chawrh tawh mai si a,chalthangate chuan in thiar fihlim zawk mai chu ṭhaa hriain ,tleirawl ṭap fap fap chu kai hrangin an in thiar fihlim san ta zawk a,thawm a reh meuh chuan,mitthi ruang chu a let pheng phung mai a,chhipzawl lalpa pawh kawisawi zet hian leicharhah a lo sawp nuaih mai a.

Lalnu chuan,a pasal ruang chunga ṭap fap fap chung chuan"I tawp dan chu a va han mualpho thlakin a va zah thlak ve maw le,khua pawh kan hawi ngam tawh dawn em ni?engah nge maw i duh am em em mai le aw,i damchhung daih ro i kawl tawh chung pawhin i la duhkhawp chuang lo a ni maw,i hausa tawk tawh viau lo vem ni?tiin a ṭap karh karha,lal fapa Chawikunga pawh ril baw nuaihin a lo let ve ngut bawk a,lal nu chuan a fapa ruang lam chu a han mel vang vang a."ka hrin i nih loh vang hian,hmangaihna ka neih ang tawk tawk chu ka pe ve che a,mahse nang chuan ka thu i pawisa ngai lova,i ngai pawimawh na hek lo,zilhna reng reng i ngaithla lova,i tawpna pawh a chhe hle mai,chapona leh dinhmun hi midangte nek nan hmang suh ka ti che a,mahse nang chuan i ngaithla lova,i hmusit em em te dinhmunah i ding ta a nihhi le,tih pah chuan ,in chhungah lutin a reh ta vang vang a,Chalthanga te ho chuan hliam tuarte leh mitthite chu dah hrangin ,an senghawi hlawm a,hliamtuar ringawt pawh mi sawmhnih zet an ni a,mithi hi mi sawm leh panga bawr vel an ni a,pasalṭhate pahnih erawh chu hliam na lutuk tuar lovin an him thei ta hram a.Chalthangate ho chu thim thleng chuan an buai hle a,pasalṭhate chuan ,Chalthanga te vang leh an khaw rawlthar Sangkunga avanga thudik an hriat tak avang chuan an lawm hle a,lawmthu te in hrilh in,an han in chibai lawp lawp a,tichuan ,Zopui lam khaw pan zai chu an rel ta zawk a.Tleirawl te chuan ,"ka pu in khuaah min hruai ve rawh u,in rualin ka kal ve duh "tia ngen taktea a ngen a vang chuan an hruai ve dawn ta nge nge a.chutia kal tuma an in siam mek lai chuan,Lal fanu chuan Romawia hma taka ding chung chuan,"Tlangval ,min rawn hre ve reng thin rawh aw,dam takin awm la ,nupui ṭha tak i nei dawn ,kei zawng ,i pa thattu fanu ka ni ta si a,i tan chuan i hmelma ka ni ta si a,mangtha le,"tiin mittui nen a her liam san ta a .Romawia erawh chuan eng rilru nge a put tih pawh a hriat theih loh ,nula liam hnu lawk chuan,Chalthanga lam chu hawiin a nui sak duh chauhva,tichuan ,Chhipzawl khua chu an chhuahsan zui ve ta a ni.

Zampuiite pawhin Buanlung khaw dai an hnaih hle tawh a,Thankimi chu zawn zeuh zeuh a ngaih avangin ,an chau tlang hle tawh ,Thanliana chuan,"Kan nula zawn hi chaw i va heh awm ve,i ek chhe rih riau mai ka ti,khawnge tlangvalte pun turin khuaah ka han chho zawk teh ang,Nau i paite hi a ni zawk lo maw,?tih pah chuan a nui kur kur a,Ramliana chuan,"I peih phawt chuan han pun mawlh teh ,i phunchiar ang thawm ngaihthlak chhen ai chuan,a manhla zawk ang"a lo ti ve bal bal a,Hmingliana chuan,"i zualko pahin lal fanu Thankimi khuaah chuan han paw thleng law law la a ṭha lo maw?a han tih chuan ,Zampuii nuihza lutuk chu a insum zo ta lo,Ramliana hnung bawhin a nui khur ta ngar ngar mai a,Khawdai an thlen chuan ,Zampuii chuan ,Buanlung tlangval in awm ang ang pun tur chuan khaw chhung lam chu a pan ta thuai a.khawchhung miten,Zampuii hmel an lo hmuh chuan an lo be luam hlawm a,thil awm zia sawi pah chuan ,damlo zawn ngai an awm thu a hrilh pa zel bawk a.Tlangval inawmte chuan lal fanu thusawi an hriat chuan dai lam chu an pan nghal zung zung bawk a,Zampuiin in a thlen chuan,a pi tar sawt zia a hmuh chuan ,kalsan reng chi niin a hre tawh lo,A pi chuan an chanchinte chu a lo zawt nghal mawlh mawlha ,an thil tawn leh harsatna an tawh dan zawng zawng chu hrilh fai vek lo mahse,Thankimi chanchin erawhchu a hrilh fai ta vek a.chu thu a piin a han hria chu a mittui a luang nghal zawih zawih a,"Darchhun,i thiltih pawizia hi ihre si lova maw,i tunu hian enganga harsatna leh vanduaina rapthlak nge a tawn i lo hmuin i lo hria em?tiin a phun mawlh mawlh a,"Vanduaina karah malsawmna kan va dawng nasa si ve mawle,Chemte,kan chhungkua kan pung dawn a ni a,a va lawmawm letling zawk ve maw le,khawnge ,muhuaisente rammu chu ka lo hmuak ve a niang chu,tih pah chuan a han ding chhuak mai dawn a,a tho thei mai lo chu ,khawnbawl upa Kapthuama chuan a lo kaitho vat a,a pi dinhmun chu a ṭha tawh lo hle tih chu ,hrilh hran kher a ngai tawh lo,a hmel hil bal mai a vang leh a heh roriprep a ṭang chuan,a pi hriselna chu a ṭha lo a ni tih pawh a hrethiam thuaia ,ngawi reng chuan a pi khawsa zia chu a en tlawk tlawk a.

Ramlianaten lal ina Thankimi an zawh luh lai vel bawr tak hi ,zanriah chhumhun lai vel a ni a,lal in khum aiah chuan an han muttir te te a,a pi hmel hil bal leh tinung nei lo tak mai chu Thankimi chuan a han en vang vang a,"Ka pi,i hriselna a tha tawk lo a ni maw?nidanga i hmel nung sar kha ka hmu lo riau mai"tih pah chuan a pi chu a han melh vang vang a,a pi chuan,"Min bosan rei lutuk a,hlau thawng reng rengin ka hun ka hmanga ,chuvang chu a nih ka ring e,ṭhat lohna dang ka nei hran lo ve,tute u,min en danah thi mai tur melhin min melh tih ka hria a nia,hei,in lo haw tawha,ngai ka awh leh thuai mai ang"ti mahse,an awih hauh lo,a pi miziate chu an hrechiang thawkhat viau a ni a,natna pawh lo nei ta tehreng pawh nise,a sawi chhuak dawn hauh lo tih chu an hre sa reng a ni.Thankimi chu che thei lo tawp a nih bik loh avang chuan ,an thlen zan a ṭang chuan inleng lo huikhawm chu hnaah a nei ve ta thunga,a mitmeng chau hmel tak a hmuh apiang chuan,"Ka pi ,mu hahdam teh i chau riauvin ka hria,hei zampuii nen kan awm a lawm,mu hahdam la,engmah i tih a ngai lo a nia,Zampuii a awm tawh hi,"tia a pi mutura a tirh mek lai chuan,Zampuii chuan,a lo thlir ve reng tho va,a pi chuan natna engemaw tak chu a neih a ring tlat a,mualkil upa Kapthuama chu zawh ruk a tum ta ran a."Ka pi ,mu hahdam rawh i chau a nih kha,kan awm a lawm,lungngai suh ,mu mai mai tawh rawh,kan lo awl ve tawh ang che"Zampuiin a tih ve takah chuan ,a tlawmngai thei ta ngang lo va,a mu ta nge nge a.in leng te pawh an ṭin zo thawkhat viau tawh a,leikapuiah chuan,Ramliana te ṭhianthum leh Zampuii leh Thankimite chu an ṭhu khawm ṭaih a,Mualkil upa thusawi chu uluk tak chuan an lo ngaithla kar hlawm a,mualkil upa chuan an lal nu chu,Thankimi zawnga an chhuah hnu lawk khan,tuk khat chu a khuh ta bawrh bawrh mai a,chutia a khuh ta chiam mai chu ,a uak zui nghal bawrh bawrh a,thisen duk tak tak a luakchhuah thu a han sawi chuan ,a natna awm ang chu an rin hriat ve mai a,a pum a nat thin thu leh ,chaw a ei theih loh thleng chuan a sawi fai ta vek a.tin,zan engemaw zat chu mut theih loh thu chu a sawi kai zel a,thi a akhat mawi tawka a luak leh ṭhin thu chu a sawikai zel a,kalsan tawh lo turin thu rawn a pe zui nghal bawk a.

Mualkil upa haw hnu chuan,Ramliana chuan,i ute chu kan ko haw mai dawn em niang,tiin zampuii chu a han rawn a,Zampuii erawh chuan,"Ko lah love,an rawn haw mek tawh zawk ang,nang ni pawh haw tawh rawh u,Zawlbuk in mawi khat si a,a haw har ber in nih leh si chuan ,a mawi lo lutuk ang e.kal tawh rawh u,tin ,chanchin kha zep chin neih a ngai a nia ,tihpah chuan,inchhungah chuan an lut ta diak a,chumi zanchuan ,zampuii leh Thankimi chuan a pi chu an veng ru ran a,thinthi pawhin an muhil thei meuh lo,zing khawvar hnaih lamah chuan ,a pi chu a rawn khuh ta kharh kharh a,an la tho duh mai lo va,a khuh rei tak deuh avang leh a uak tak vak vak a vang chuan an tho thuai a,khuhhrianga vut in dah vum thar mai Zampuiin a hmuh chuan,a dawh nghal thuai a,luak pangai lo takin thi duk dum deuh chu a luak chhuak ta a,a pi luak zo chu a chau hmel ta riau mai a,Zampuii chuan ,a pi kut zur ṭiak leh cher riak mai chu a han vawn sak a,chutah meuh zawng ,a pi hun hnuhnung a ni tawh tih chu a hrechiang ta hle a ni.mittui luang zawih zawih chung chuan a pi chu a han kuah a,khuan hmasa a khuang chiah chiah a,a pi thawm zawi ta riau mai chu an ngaih a ṭha lo dun viau tawh a ni.khua a var ṭan tih ah chuan a pi chu rawn ṭawng chhuakin,"Chemte,i u chu a lo hawh ve dawn tawh em?ka ngai tawh riau mai,vawiinte hian lo haw tawh sela aw!a han ti vang vang a,Zampuii chuan ,Vawiin chuan an lo thleng hman lovang ,naktuk tlai lamah an rawn thleng hman ṭawk ang "tiin a lo chhang thuai a,in tih pachan tum tak hian ,khua pawh a var chiang ta ,meichhem a hun tawh e"tih paha thawhchhuah a han tum a,Zampuii chuan,"Mu hahdam rawh ka pi,kan awm a lawm,i thawh chhuah a ngai love,tiin a nem mu leh vat a,rei lo teah chuan,a pi chu a muhil ta bawrh bawrh a.mualkilte chu zing karah chuan,an lawi lut ṭak ṭak a,tuk dang ang lo takin an lalnu hmel hmuh tur a awm ta tlat lo mai a,Zampuii chuan,mualkilte hmela ngaihṭhat lohna a hmuh chuan,zawisap hian a pi chanchin chu a hrilh ta sap sap a,an lalnu chanchin an hriat chuan thawm pawh an dim ve ta thuai a,chumi ni atang chuan an lalnu dam loh thu chu khaw mipuite chuan an hre ve ta chauh a ni.

Chalthanga te pawhin ,an khaw ram chin an rawn hnaih viau tawh a,chhangchhe deuh hlek lo sela chuan ,zingkarah Buanlung khua chu an thleng hman daih dawn a,hmeichia leh naupang nen an nih nuaih a vang chuan an duh ang takin khua an hnaih chak ta lo a ni.tlai thim dawnah chuan Buanlung chu an lut ve hram a,Zampuii rin ai mahin Chalthangate chu anthleng hma zawk a,khua an luh a an in lam a han thlir vang vang chuan,an in bawr vela mi zi nak nak leh ,lut leh chhuak in pel deuh sek a hmuh chuan a ngaih a ṭha lo hle a,a han thlir nawn leh ṭhin a,an inah chuan engemaw tak chu a thleng ngei a nih ringin a hma aia chak chuan a kal sawk sawk a,in chhung a han luh chuan,khumpuia ,Thankimi leh Zampuii lungngai hmel taka lo thu leh apichau hmel tak te,a ṭhiante pathum Zanriah buatsaiha lo buai nak nak a hmuh chuan ,thil awmzia chu a hrethiam nghal nghal uar uar a .a pi bula va ṭhut pah chuan,"Ka pi,ka lo thleng e,"a tupa aw a hriat rual chuan a meng hram hram a,ka lo nghak hram hram che a nih hi ,Taite,ka hmu leh thei che hi ka lawm hle mai,"a tih lai chuan a khuh leh ta bawrh bawrh a,thi duk deuh ruih hi a khu chhuak bawrh bawrh a,a uak zui leh ṭhawt ṭhawt a,thi duk dum deuh ruih hi a luak chhuak leh ta a,a luak zo chu biak theih a ni ta lo,Chalthanga chuan a han mut ṭhat tir thuai a,a thaw chu a zawi ta tial tial a,a mit chu a meng naa ,a khap tawh hauh lo,a pi chu a thi mek a ni .vawihnih a in hnip hlap hlap a,a tu te ,a hmangaih em em te chu a peih loh san ta a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)