PASALTHA RALNÊKA

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lawmsanga pa
Posts: 6
Joined: February 13th, 2022, 11:12 am

PASALTHA RALNÊKA

Unread post by Lawmsanga pa » February 14th, 2022, 10:32 am

Chapter_1

✍️By_LAWMSANGA PA



Fûr ruahtui tla fuap fuap karah chuan han en reng reng pawh a mi awmthei chhungkua an ni tih hriat tak , an In pawh mualkîl pha ngat , chhung a tang chuan naupang, thlasik vawitam a la paltlang lo a ni tih hriat tak aw hian " Ka pum a nâ" a tih thawm zâwi tê hian a lo chhuak a, mahse Se innawr thawm ri khut khut leh thlithaw vûk vûk a vang chuan tuman an hre lo niin a lang. Thil tla ridawp thawm an hriat chuan Pi Lianpuii chu an hawi lêt thuai a, a fapa Ralnêka chhuata thei leh thei lo a a lo vâk tâwk tawk a hmuh chuan hlauthawng tih hriat tak mai hian a fapa lam chu a pan phei ruak ruak a, Taite engtin nge i awm tih mawlh mawlh pah chuan dim tak hian a pawm thuai a, chutah Ralnêka chuan aw zawi thâm chhâl hian ka Pum tiin thei leh thei lo hian a pum chu a lo dawm ve tâwk tâwk a, thâwk pawh a thaw tha ngam lo achhâ chu a ni e.



Chutah le Pi Lianpuii chu hlauh thawnna namën lo hian rawn tuam hlup hlupin ka nu ka pa tiin a râk ta chûl mai.pu Râlchhawka leh a nupui Pi Saitluangi chu hmanhmawh tih hriat tak hian khumpui a tang chuan an lo ri phei dawt dawta, Bawlpu Bawlpu tichûl chungin Pu Râlchhawka chu a rawn pên phei pawk pawk a, (Ni, Pu Ralchhawka hi Lalkhawnbawl niin Khawnbawl zingah ngau ngau chuan Lal beng ber leh An khua Vaupui hmasawn na a tana rilru senghnem ber te zing a mi a ni a, a vang laia khualtual thang hat khawpa Pasaltha, khaw tam tak hlauh rawn, Lal tam takin an vangkhua lo lawi lût lo se an tih ngawih ngawih khawp a Pasltha hruanghrau na, hun khirh tak leh nun chân mai theih dinhmunah pawh tâlbuai ngai lo, englai pawha thluak fîm kar reng ni thin kha a nih vei teh lul nen, tuna an huntawn zet hi chuan a upat vang nihauh loin Pasaltha ngawltâwt tha a ti khûr ru tlat.


Ni e Pu Ralchhawka hi a mawh love, fapa hlir kuttang lehlam zât zet nei siin a hnung han zui emaw sa la thei han tihtur takngial pawh a fa te zingah hian an awm miah lo a, Pu Ralchhawka rilru pawh hi a mangang ru hial thin a ni, chu achhapah a fapa ten kawppui neiin fa te nei dihdiah tawh mah se tupa hmel hmuh tik reng a neithei bawk si lo nen, a fa tlum ber Sialmana hian a beidawn tawpah a tupa duat tur a hrin sak hrâm a ni ber e, Ralneka pian zan pawh hian Pu Râlchhawka phur pheng chuan a banglâi a a Silai chu la lawkin eng sawi set set lo hian Ralnêka tih pahin an hmet puak thawr maia, an tap bang chu kaw phei hawkin chhuara an thil dah vel chu a tla ri rum rum bawk a, chutia zanlaiah lehnghal silai puak ta dur chu an khawpum buai lo chauh chu a ni , zingkarah a bang kahkuak pawh nui suk sukin a thawm tha mual mual ta kha a nia )


Pi Lianpuii pawh rawn harh chhuak zawkin kawngka lam pan a rual nghal zat a,hlauhthawnnain a tuamna bawka ruah sur leh khawlai nâl chuan a rilru a la pêng eih lo, hmanhmawh taka a theih ang anga tlan dawr dawr zelin an tleng leh zawt thin bawk nen ,a mah lah chu a berh tawhin a huh zawr hneh tawh hle a. Nidanga kawl phê leh têk tla a hlauh vei teh lul nen tuntum zet zawng a fapa chu a chân maiang tih hlauh na chuan a hlauhna chu a hnawt bo zo a ni ber e.

Pu Damlian ti a kawngka chûm ri dawt dawt chu Pu Damliana nupui chuan ,"a tu chu ni maw" ti a phun nang nang chung chuan a va hawn thuai a. Ka rei ! Pi Lianpui ti a au hluaiin zawhna leh mak ti mitmeng a chhuah hial a, chutah Pi Lianpuii chuan hah tih hriat taka thaw huam huam chung hian Pu Damliana, Taia , hmanhmawh a ngai ti a lût nghal rawk rawkin Pu Damliana, meilum hnungpuaka lo thu mêk chu pan phei a rual nghal ruak ruak a. Pi Lianpuii awmdan leh a chezia chuan a zir bawkah Pu Damliana pawn thil awmdan chu zawh hranpa ngai loin a lo man thiam nghal mai reng a, chutah Pu Damliana chu ner sawkin, naurual eirêl hun vela a thangkam per ta chu a rilru ah a lo lang zawk a, a maherawh chu an khawnbawl upa a vanglaia Pasaltha rothap leh khawtam tak hlauh rawn tupa duat berkherin a thangkam a dâi per chu a hlauthawng ru ang reng kher mai, a tuibur hmuam chu vutdupa pik puat pahin an rûm deuh det a, Pi Lianpuii han en deuh zauh in tlai lama a damdawi siam chu ban zeuhin an ding hluai a, ngawirenga pawn lam pan rualin, tluk hlau tak chungin ruah la tla phuar phuar karah chuan an inzui chhuak ta dawr dawr a...

A ngaihnawm angema chu le, a vawikhat nan kan ziak ve rawih chu a nia, Ziah zawm tlak ni dawn tak maw,



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)