Lusei Mi Kàwl

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
LuseiPasaltha
Posts: 2
Joined: April 21st, 2022, 4:27 pm

Lusei Mi Kàwl

Unread post by LuseiPasaltha » April 21st, 2022, 5:38 pm

He thawnthu ka ziah laia ka rilru a awm nasa ber leh ngaihtuahna ti thui tu ber ' Hmanlai kan pi leh pu te hun laia ka awm chàkna rilru hi ala bo thei chuang hlei lo va ... ni e ....an hunlaiah kha chuan awm ngat ila .....Pasaltha emaw Valupa emaw tal chu ka ni ngéi ang(sawi ve mai2)


Thlasik khaw vawt vín túk......Lusei khaw
hrang2 bakah Pàwi khaw zawng2 in vàwt an tawrhna thla ah Lusei khaw pakhat Chhiahtlang an tih ah ngéi mai chuan mipa naupang duhawm tak Hràngliana(Lusei khaw tam zawkin Lusei Mi Kawl an tih tur) chu alo piang a......Ni e....He naute hi zawng, khuavang te fa chuam, Lusei hnam zawng2 te zalenna leh inghahna ala ni dawn tih Khuanu chauh lo chuan tunge hria?

Chhiahtlang.....A hming ang réng-a Pàwi ho chhiah khua, an nawm an màk a an chét thin na hmun ah ngei chuan Lusei Mi Kawl an la tih tur chu naute buchip.......tu khaw khà mahin an hriatloh vin alo piang ve miau si a.Pi Huali fa pahnihna leh a tawpna ni tur ...A pà Lusei Palsaltha ti a mi ten an sawi thin Pasaltha Hualzàma,Pawi mi ten an ngamloh ngei mai chu alo piang miau si a.
He khua a alo piang kher hi Khuanu demna tur tamtak awm mahse a hma hun atana inpuah chahna lek fang ani si.....
Hmeithài fà tih takah naute lian leh duhawm ti a sawi tur nilo mahse a tét lai atang leh a tét zual lai atanga naupang luhlul leh tawh khirh a nih a vang te pawh ni fa hmiang.....Chhiahtlang Vangkhuaa ah zawng a hming hi hrelo fà an awm awmlo e… he naupang hi zawng......Àia upa ten velh an tum viau pawh-a an velh theih loh ani miau a. A pà kha zawng la dam se tiang hi a ni bik hauhlo vang le.
Vàu thla khaw nawm lai leh ruahtui la tlàk tak2 hma...... Lusei khaw hrang2 ten thlai chí an thlàk zawh hnu, Pawi ho te zawngin Vaimím chí an tuh zawh hun lai vel chuan Pi Huali, Chhiahtlang khaw Nuthlawi, tlangval leh pathlawi te ít rawn ngei mai chuan ni tla van vuaiin thlai chi ala thlak ve mék zel a.....a fapa erawh zawng....thlam chhungah eng thil in nge awm tlei tih hriat lohvin amah té chauhvin a tlei em2 si.......Ni e....He naupang hi zawng.... A hmahun atan te pawh a niang.......khuavang leh Lasi nula te hian an àwi-in an awm tlei thei viau rih ani.
Thlasik Vawi ruk zet a her liam meuh chuan Keitàwna, naupang luhlul leh sehhel zet .... a rualpui ten an ngam loh ngéi mai chu naupang dang, a aia rual ú mah te nen an sephúng in sík tirin an hman hlel ve hle a, mahse, Vungliana, an khaw Mualkíl fapa duatlai sephúng Vungtawna sephúng in a nawr tlawm takah zawng boruak dang a rawn in her ta.
Vungliana ,apa nihna leh neih sum hmachhuana chapo em2 mai leh hawi sàng larh mai chuan thlahtu atang renga Pasaltha Keitàwna chu a din chilh ta rún mai le. Vungliana chuan ' Nang hmeithài mi chhe dai kil kar ami Sephhung hian ka se phung a nawr tlawm a maw, nang hian ka se phung kha ilo sawp chàu ani lo maw' tiin a chhuahchhàl ta cheu2 mai le ......Keitawna chuan ' UVung....i sephung kha ka kut hmàwr pawhin ka khawihlo tih chu heta awm zawng2 hian an hria ..... mahse chuti chung pawh a min zawh tàlh takah chuan I sephúng nép tak khan ka sephúng kha a hneh nganglo ani e ..kei chuan ka khawih hauhlo' tiin a chhang ve mai bawk a.
Chutah meuh zawng...... Vungliana thinrim chuan Keitawna sephúng chu la lawkin a lú a thuai chhum ta hmawk mai le.........Chutah duhtawk mai lo chuan
'Nang hmeithai fapa hian ka sephúng kha nép iti maw' tih pahin Keitawna chu a rawn hnek ta bur mai a......Hetah tak hian ani Keitawna Paslathatna alo lan tanna chu ni ..... chutia Vungtawn'an alo hnek a a thlék sawk veleh chuan Keitawna chuan Vungtàwna ké chu man thut pahin a han phih nghek mai a leh..... Vungtawna chu tukhum lei vaw chawrh a tlu in a mu zawi ta reng a.....Keitawn chuan ala duhtawk mai lo.....Vungtawna chu rapbetin a chhuahchhàl hrep hnuah thlah ve chauhvin an mahni in lam a pan san ta nal2 a.(He thil thleng zawng2 lo hmu tu Pasaltha Sàirúma pawhin nui suk chungin in lam a pan ve bawk a)


A vawi1 na ani bawk a.... A tàwi inlo ti anih pawn a khuh hawnna a sei ngailo anlo tih ang deuh khan minlo ngaih sak mai dawn nia.......
Naktuk lamah harsat a a awm lo anih chuan kan chhunzawm dawn nia........



--- LuseiPasaltha



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)