Lusei Mi Kàwl -2

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
LuseiPasaltha
Posts: 2
Joined: April 21st, 2022, 4:27 pm

Lusei Mi Kàwl -2

Unread post by LuseiPasaltha » May 16th, 2022, 12:18 pm

Chutia Keitawna haw ta chuan an in a thlen veleh a nu hnenah a thil tawn chu sawi zar zar in anu pawh chuan alo ngaithla khiau a, mahse pi Tawni ngaih réng a tha ta hauhlo....... Bawihte, i thiltih hi thil dik ni mahse kan tawrh a va ngaih hmel ve...... Tiin a fapa hnenah chuan a sawi hial a..... Mahse Keitawna erawh zawng mi luhlul ani bawk a..... Eng ah a ngai hranlo..... Keitawna chuan "Ka nu, hlauthawng suh, a tul anih leh dikna avang chuan kan tuar mai aniang chu" a han ti sap a. A fapa rilru leh suk thlék avang chuan Pi Huali pawh a nui suk nge nge2.... Mahse a ngaih a tha mawlhlo.
Vungliana haw ta pawh chuan apa Upa Doliana, chapo zet mai leh an neih rosum hre ràna hawi sàng vah mai hnena an thil tawn,thudik hrúl a dàwt tlem zep zelin a han sawi zo chu Upa Doliana thin a rim kher mai.... 'Vungte, he thil hi ka ngawih bo pui mai mai lo vang, hmeithài fapa laka i tlawm hi zak hle la tlawm nawn tawh suh ang che' tih pahin an in, an vangkhua ah ro ro chuan Lalin tihloh a lian leh tha ber chu chhuahsanin Lal-in a pan ta nal nal a. Lal-in a thlen veleh a fapa chunga thil thleng chu tlem belh hlekin Lalpa hnenah chuan a han sawi zar zar a. Lalpa pawh chuan uluk taka lo ngaithla in a lu kài phét tawh chu a in sawh ta nghut2 mai le....... (Rilru fím tak leh uluk taka ngaihtuah ni se Naupang thukha2 chàngah a inrawlh hauh lo tur ania)
Lalpa chuan 'Tlangàupa, Pi Huali chu zu ko tawh' vín deuh takin a tih chuan Tlangàupa pawh a phe chhuak nghal vat a, reilo té ah lo thleng leh thuaiin Pi Huali pawh inthlahrung deuh takin a kún ràn a. Chutah Lalpa chuan "Nang Hmeithài mai2 leh Dai kil kar ami hian i fapa hi zilhin thu tha fah ve ta che, a naupang pui te lakah mai bakah ka upa fa te laka a chét dan hi ka lawmlo viau ania, Inpa Pasalthatna hmachhuan hian in ring in ti khawng lui zel dawn nge i fapa hi zilhin a nihna leh dunhmun hi i hrilh dawn" an tih tak phiar2 ah chuan Upa Doliana pwwh kil khatah alo khi suk suk a.
Pi Huali thinrim leh tih theih nei bawk silo chu ngawi renga awmin a in ngaihtuah nasa hle a. He khua a anlo kài ta kher2 leh a Pasalin a nunna a chan ta chu pawi atih a zual kher mai. Pi Huali chuan'Lalpa, ka fapa hian diklohna a neih ka hrelo e, zeplohah chuan ka pasal kha i khaw innghahna ani lo bik em ni? Hetiang kan nih ro ro a, mi tawngkhum leh hmuhsit nih ài chuan i khua atang hian kan chhuak mai ange' an tih chuan Lalpa thinrim chu a puak keh ta, Pi Huali chu béng thuaiin ..... Chhuak ngal rawh.... A chutia kei Zadéng Lal ropui min han tih chu le tih pahin a ding hluai a, A bang làia a thiah Mi Lulàk chem chu phawiin Pi Huali chu a tin ta uai uai mai a. Chutah zet chuan Upa fing khe rek Doliana chu lo inrawlh vatin Lalpa chu alo chelh vat a.
Lalnu alo inrawlh takah chuan an boruak pawh zia deuhin Lalpa pawh a in bengdài ve ta hram a. Pi Huali chu hnawtchhuakin ..... Vawiin ni là la hian in chhuak tur ani.... Atih bur avangin Pi Huali pawh lawmlo ru zet leh rilru na takin an in lam apan ta nal nal a. In a thlen veleh a fapa Keitawna chu kuahin a tap ta hliam2 a.... Keitawna tih ngaihna hrelo chu a hawi a hawi mai a....... Nakin deuhah chuan Pi Huali chu harhchhuak thut ni awm tak hian rawn hawi chhuak thutin, insiam mawlh2 pah chuan "Tirawh Bawihte, ka pate a te khua Sàilam i pan nghal teh ang..... He khua ah hian kan lenglo ani e" tih pahin a fapa chu a kài lawk a..... An kal chhuak ta nal2 a.
SÀILAM han thlengin an thil tawn te A Pate a, Pasaltha Hrangchhuma hnenah han sawi se zawng, Chhiahtlang tawrhna tur hi ava nasa ém..... He Pasaltha hi zwwng a buluk ang bawin a huaisenin a ràl hràt hle a, Lusei Pasaltha Buluk ber ti a thang ngat niin Lal Khiauliana Dàingul Pasaltha ngat ani.





Duh tawk leh phwt ang aw..... Lehpek chu a thui tawh viau ang......... Tunlài chu buai nen.... Kan in hrethiam aniang chu


Lusei Palsaltha



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)