KA HMANGAIH KA PASALTHA CHAPTER 7 BY MAWITEI BAWITLUNG

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 753
Joined: November 18th, 2020, 12:53 pm

KA HMANGAIH KA PASALTHA CHAPTER 7 BY MAWITEI BAWITLUNG

Unread post by mawitei bawihtlung » May 30th, 2022, 3:22 pm

KA HMANGAIH KA PASALTHA




CHAPTER 7




KUM KHAT HNUAH CHUAN



HRANGKHUMA POV....





Ram hnuaiah chuan keimahin ka vak kual a ,ka thil tihsual chuan ka nun zawng zawng a vaw chhe zo vek tawh ,ka hmangaihi ka ngai a ,khawi hmunah nge a awm ang,a ruang tal pawh ka hmu thei tawhlo chu khawvela hremna na ber a ni hialin ka hria“ Awmte bawihi khawiah nge i awm ang le? Min ngaidam rawh aw ,ngaihtuah chiangloa ka chetna avang khan min ngaidam ang che " tiin ka phun sup .






Lui ka pawh hlawl avang chuan ka hawi chhuak,chutah hmeichhe nuiri ka hriat than tak mai ka hriat avang chuan ka hawi kual,nau pua a lasi ho nena nui dun chu ka en ,ka pan hnai min la hmu hauh lo thung,a hnung lam atang chuan ka kuah“ Awmte Bawihte " ka tihchuan a khawng awt ,naute chu a rawn chik ka awm sawn deuh,a kut ka vuan nghal vat talchhuah tumin a che phat “ Enge i hriata min thlah rawh " a rawn ti a ,a thiante puihna a dil chu “ Tumah lo inrawlh suh u,heihi ka nupui ani in inrawlh a nihchuan in tana ka thil tih kha in theihnghilhah ka ngai ang







Lo inrawlh suh u" ka tihmuk,tumahin min tihbuai tum hmel an awm lo ,an inthiar fihlim phak phak “Hrangkhum min thlah nghal rawh " a rawn tifiak thak ka thlah duhlo ka kuah nghet sauh sauh,Kan fapa chuan amitmeng zawng zawngah nen lam min chhun tih ka hria ,min en ve kar “ Min thah pawh pawisa lo ka neihchhun ka nu leh pa pawh hmeichhe pakhat vang maia thah duh tu hian min hmu turin dikna i neilo .






Min thlah rawh ka hua che " ti tawn tawnin ka kutah chuan a beng vak vak,a thusawi chuan ka thil tihsual min hriatchhuah tirlo theilo ,mahse keipawh hian ka neihchhun ka nu ka chan bakah ka hmeichhia ka chan a sin,mahse tunah chuan chu ka chan hmeichhia erawh ka hmu leh thung “ Awmte ka tihpalh khawngaihin lo let rawh ,I nu leh pa te pawhin an ngai tawh che a sin" ka tihchuan rum zetin min melh .







Amitah chuan huatna hlir ka hmu “ Awle a tha e ,I phuba chu la la he tuiah hian min nam thla rawh" tiin kan hnuai tuikhawh thla chu ka kawk,mahse engmah tilo in “ Haw rawh min rawn hmuh tum tawh suh" a rawn tihleh chuan thaw hawkin “ Awle he khawvelah kan awm dun theilo dawn chuanglo anih hi,pialralah ka lo nghak ang che " tiin kham lam pan chuan chak zetin ka kal,ka zuan thlak ruala a au ri chu ka hre vuai tuiah ka hnim bawrh rual chuan ka lu ka tauh zui.







Ka taksa sawi nawk nawk tu avang chuan ka khuh chhuak bawrh bawrh,ka men rual chuan Awmtei chuan min kuah nghal thlawp “ Mi mawlpa suala,sual lutuk " tiin a tap hlawp hlawp “ Ka hmangaihna che leh ka neih leh theih nan che chuan mi mawl pawh ka nimai ang" ka tihchuan min en vawng vawng,a mitah lunglenna ka hmu thei “ Ka tihpalh ka thinlung neitu,engkim avang khan ka tihpalh" ka tihleh takah chuan ka hmuiah a rawn fawp vang vangin ka awmah a bei kak “ Bawihte hei hi apa a nih hi " tiin naute chu ka bulah a rawn la ,Kum khat ala tlinglo a ,mahse a changkang tawh viau.







Ka fapa chu ka ban ,ka pawm nghal vawng vawng “ Kan hming kaihkawpin Hrangchhuana a nihkha " a rawn tihchuan ka nui suk,hmangaihna lama pasaltha hming a pu chu ka lawm ,a hmingpui anga pasaltha nunnem leh zaidam ,hmangaihna ngah tak niturin ka chher puitling ngei ang.






LALCHHUANAWMI POV...






Kan khawlam pan chuan kan kal hnak hnak,ka fapa lah chu ramhnuaiah chuan a khek raih raih,Hrangkhuma chuan pawmin a kut leh lamin min kai bawk,Kum khat hnuah kan khuaah ngei ka let leh dawn ta,ka thi dawn emaw ka tihkha kei leh ka fa chu Lasi te zarah damchhuakin reitak harh lo in ka awm bawk ,ka fapa nen nun kan hmang rek rek a ,ka nu leh pa pawh ka ngaihtuah ngai miahlo a nih kha .





Kawtchhuahah chuan dingin a sakhi kah nen keini min hmuhlehna nipah fawmin a bula min din tirin hlado a chhama ,reilo teah mi an rawn pungkhawm kan nufa min hmuh chuan mak an tih hmel hlawm viau mai ,ni e thi angah min ngai ang chu,reiloteah ka nu leh pa hmel pawh a rawn lang ,min hmuh rual chuan meng kawk kawk in tap chungin min rawn kuah,ka lo kuah let ve vat “ Bawihte kan chan tawh che emaw kan tihman a sin .






Ka va han lawm tak em" ka nu chuan tap chungin a tichhuak “ Nu ,pa heihi in tupa Hrangchhuana a nih hi " tiin ka fapa Hrangkhuma pawmlai chu la in ka hmuh tir ,ka nu leh pa hmelah chuan lawmna ka hmu thei ,inlam panin kan inzui tham tham ,Hrangkhuma pawh Lal in lamah a awm tawh tih ka hre thei,ka nu leh pa chuan Kan let leh pualin ruai an buatsaih leh a ,mipui lam pawh lawmin an au dur dur ,Kan fapa lah nula ho leh tleirawl ho in pawm an inchuha .







Kan chang hman meuhlo,a nilah tah tumlo in a nui hek hek reng ,chutak te chu an lawm zual,Hrangkhuma chuan ka kuta kaiin pindan lamah min luhpui daih,a duh ka hria ,ka hmuiah chuan a pet ner ner “ Ka ngai lutuk che " tiin ka hnute ah chuan a hrawm nawk nawk “ Ka nu leh pa an lo lut ang " ka tihpawh chuan a che a tawp lo hrim hrim,a tawpah inkuah chialin kan mu leh ta ,pawnlama kan chhuah chuan an lo lam mup mup tawh.






Hrangkhuma nen chuan kan lam dun ve a,Kan in nuih var var ,thla eng hnuaiah chuan inkuah chialin dai ah ,a hmaa bul Kan tanna ah chuan kan ding dun “ Ka thil tih pawizia kha ka ngaihtuah apiangin ka nunrawngin ka phulo che il tih hre mah ila ,ka kalsan thei silo che " tiin min en vang vang ka nuihsak ,ka haw ngei a lawm mahse anilo huat ka neihloh ang bawkin a nilo hmangaih dang ka neilo bawk .






A kut lian leh hnathawhna avanga thap hrup chu ka hum vang vang “ I ta ka ni alawm ,Hrangkhum ka hmangaih che " tiin a awmah chuan ka hmai ka nawr vang vang,ka samah a chul hauh hauh bawk,ka nuisak .






“ Anu hei vahrit ka lo hawn che ania " Kan fapa pawnlam atanga rawn au chuan ka thil tih lai chu dahin ka chhuak,a pa nen chuan min lo nuihsang,nitin ram lamah an kal duna ,kei erawh ka dul puar lian tawh tak avang chuan duh ang pawhin ka che thei lo thung“ I fapa man ve ngei a nih hi,enge ilo an" alama min pawh hnaih pah chuan ka chalah a fawp vang vang nuihsangin “ A rawn che nasa tawh khawp mai " tiin ka dul chu ka khawih tir “ Ka hmangaih che " a rawn tizui sup,keipawhin ka lo tilet ve inchhung lamah Kan inzui lut dial a ..









“ Bawihi tang rawh le " ka nau vei chu ka bulah awmin ka kut a lo vuan,nauchhar tu leh ka nu pawhin tang turin min fuih ve reng,a tawpah fapa bawk ka hring leh ta,engtin tak rawn thanglian dun ang maw ,a pi leh pu chuan a hmingah Ngurliana tih an sa a ,engtikah emaw he khaw venghim tu hi an nih ngei ka beisei,ka pasal min kuah hlun tu chu kuah letin ka nuisanga “ Ka lawm e Lalpa ,min pian nawn tir leh avangin " tiin ka phun chhuak sep.



A TAWP TA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)