KA PASALTHA NGURLIANPUIA CHAPTER 7 By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 754
Joined: November 18th, 2020, 12:53 pm

KA PASALTHA NGURLIANPUIA CHAPTER 7 By Mawitei bawitlung

Unread post by mawitei bawihtlung » July 29th, 2022, 8:01 pm

KA PASALTHA NGURLIANPUIA







CHAPTER 7




Khawlam panin ke in kan inzui hnak hnak , Ranga pawh hmun dangah kan kaltir rih,Ngurlianpuia chuan ka kutah kaiin,ka bag a ak a , a kut lehlamin silai a keng bawk . “ Ka chau tawh e ,heti chen chen engtin nge ka lo tlanpui theih" tiin ka phun nang nang ,nui sukin “ I ke in tlan hek lo che " a tihchuan ka melh nghek “ Bleh" tiin ka kalsan hlak hlak “ Awi theihai " tiin theihai rah bawr zet ka hmuhna lamah chuan ka tlan a “ Awi a hmin a nih khi " ti a lawnmai ka tum chu “ Angailo " Ngurlianpuia chuan min rawn vuan bet a .








“ Nge ka lawn duh khawi ,khi a hmin that em khi " tiin ka van tawi tawi ,a hniama hmin ho chu lo in Ngurlianpuia chu auin ka lak tir zel a ,ka duhtawk tep tih ah lian deuh mai ka hmu leh ,ka lo leh hram mahse a bul lawkah khuai sanghar an lo awm chu niin ka chalah pakhatin min rawn zuk,ana lutuk chu ka au tuar ,rang zetin ka dawk thla pur pur , Ngurlianpuia chuan min lo tlanpui nghal vat,thui fe kan tlan hnuah thaw hlawp hlawp in kan chawl ,ka chal chu vung tan tih hriat takin a sa huam huam a .








A sen mar pur nimaiin ka hria ,Ngurlianpuia nui khur chur chur chu enin “ Min nuihsuh,engtin nge ka tih dawn? Ka hmelchhe vek dawn a nih hi" tiin rilru hah zetin ka awm ,tho vutin hnim eng eng emaw la khawmin a rawn let a ,a tui chu sawrin ka chalah chuan a rawn hnawih mawlh mawlh “ Thu i awih duhlo a chuvang anihkha " tiin a nui suk suk ,ka ngei bawk si “ I ei ve dawn lo " tivakin a awmah ka chum dawt,ka chal lah chu a thip na thumin ka hria ,ka khawih ngam bawk silo “ Tikhan a vung tur a veng ang,le kal leh ang le " a tihchuan muangchangin ka tho a .








“ A vung lo ang tiraw khawi theihai kha " tiin ka kut ka pe,a sahmima a ah chu rawn phawrhin min pe a ,ka ei nghal hlak hlak,anipawhin pahnih vel a ei ,a thlum tui takzet ,vanneih thlak takin Ngurlianpuia damdawi min hnawih sak vang nge a vung lo hlauh,mahse a sen tut tih ka hria ,ka lungawi thei hlawl lo ,kha khuai kha ka haw hluah hluah,thui fe kan kal leh hnu chuan ka hah lutuk chu ka thu hnawk “ Ka kal peih tawhlo e ,Ngurlianpui ka chau " tiin thing hnah tla chungah chuan ka mu hnawk .







Ka bulah rawn thu in “ Kan hmalamah sawn kawrte a awma,tah chuan riahbuk kan sual dawn nia ,kal leh hram hram rawh hei khua pawh a tlai tawh viau hi ,tang leh rawh le " tiin a kut min pe a ,zawi muangin ka ban,ka thaw halh halh reng ,thuilo te kan kal chuan kawrte tui dam zeta a luanna hi kan thlenga ,tui chu ka in nghal khalh khalh. Ngurlianpuia erawh buk sakna tur lai a tifai thung,ka hahdam deuh hnu chuan ka pui zung zung a,reivaklo hnuah buk kan pahnih leng tur chu kan sa zo thuai,hnah phah leh zung zungin keiin mei ka lo chhem ve bawk.








Ka awm rei ve deuh tawh avangin meichhem chu ka hnehsawh ve viau tawh,Mau hmangin chaw leh sa chu kan chhum leh a ,hmanlai thil tihdan hi nuam ka ti riau pek,remchang an hre si . A hmin rualin chaw chu changel hnah phahin chu mi chungah chuan kan chhung khawm a ,Kan ei nghal hlak hlak,mipa ni na na na chu Ngurlianpuia chuan a ei thei hle . Kei erawh chaw ka ei muang hrim hrim nen zawi muang chuan ka bar a ,Ngurlianpuia chuan sa ti tha tha chu min pe zel .






Min ngaihsakna chuan min tihlim veng veng,Chaw eikhamah ha kan nawt dun leh a ,inchhaihin kan nui dun hawk hawk,Kan nui ri chu zan a hram thin ho nen chuan a inperh nawk nawk,buka kan mutluh hnu lawkah lo vat ri ang thing tlu rum rum leh au ri that that ka hriat chuan hlau zetin Ngurlianpuia chu ka kuah chawih “ Engthil nge " hlauthawng zetin ka tichhuak,thlahrang ka rilruah a lang nghal “ Hahdam rawh ,ramhuai lo vat an nihchu hlauhawm an ni lo ve ,I kiangah ka awm reng dawn a lawm" tiin dam dapin a tawng a .








Amah chu buk tualah va chhuakin hawi kual vang vang hian mei chu a chhawm tha a ,ka lo en reng ramhuaiin lo an vat thin maw? Ka vawikhat hriatna ani . Ngurlianpuia chu rawn lut in min kuah leh a“ Mu rawh le ka veng reng che ania hlauh tur a awm lo ,an tina thei hleinem che " tiin ka hmuiah a fawp zauh . Thaw ham hamin ka mit ka chhing,a awma hmai phum chung chuan ka muhil thei ta ,zanlaia thawm nasa zet rawn chhuak avang chuan ka mutui lai ka harh zawk.







Ngurlianpuia chu buk chhungah a awm ve tawh lo ,pawnlamah chuan thawm rapthlak zet a ri ruai ruai thin,ka tlanchhuak hlauh lam a lang tawh lo . Ngurlianpuia chu ka ngaihtuah takzet ,meipui chu a lo inchhep hluah a ,Ngurlianpuia chu chempui leh silai nen a lo ding kak hah “ Ngurlianpui enge thleng" tiin ka pan “Chhuante ding rawh bukah khan lut rawh " a rawn ti tuar ,a enna lam ka en chu thil dum tak tak hmelchhe em em hi thim chinah chuan an rawn meng var kur.






Ka phu zawk,mahse hlauhna inhneh tir hun a nilo,Ngurlianpuia hian ka puihna a mamawh ,a mah chauhin ka hmachhawn tir theilo ,ka bag chu hawngin ka khawvel atanga ka ken luh inven nana ka tih ka chem hmawr zum chu ka la chhuak ,Ngurlianpuia bulah chuan ka ding ve nghal,“ Engthil nge an nih?" Ka tihchuan huai an nih thu sawiin buk chhunga lut turin min tileh,mahse ka hnial nghal vat





Huai rawn lawr zawk chu hlauhna nei miahlo in a lu ah ka vit pawp a ,a au nghal ruai ruai ,ka bula thing tlawn chu la in a hmawr chu ka suih zum,Ngurlianpuia pawh chuan a rawn lawr hmasa a piang a lo sat hmawk hmawk,keipawhin fei chu ka vai kual,fuh ka nei ve zel tih ka hria,ka model nihna lamah tlemin insual dan leh hmanraw hman dan ka lo zir sil chu ka tangkai pui nimaiin ka hria .







Hlauhna aiah phurna ka beih belh,Ngurlianpuia thlawp zaihin ka vai chhuak ve zel,huai ho a tihpawh chu an kiam duak duak,a tawpah an lalpa nge tih hriatloh chuan ka hrawkah rawn rek chawtin min chawikang,ka hmel enchungin a hmel rapawm leh chhe zet chu a then sunga ,aw nalhlo leh rapawm zet hian a nupui tur ka nihthu a sawi chuan ka theih tawpin ka tal,thawk leh khatah a au thawt a ,keipawh chu min paih leng lawp.







Lungah tak ka insawh a ,ka lu a hai muai muai,Ngurlianpuian chu huai lalpa dimna nei leklo a a sat zui chu ka hmuh hnuhnun ber ani “ Chhuante harh teh,harh hram teh min kalsan theilo,nang nen hian tihtur kan la ngah lutuk,min kalsan ve thei tawh lo ang. Lalchhuanmawi rawn harh chhuak rawh " ti a min au lawm lawm tu chu tunge a nih ka hrethei mailo,ka thluak chu a buai nuaih nuaih in ka hria .






A tawpah ka ri hriatna chu a tawp hmuk,ka harh leh chuan mei eng hmu in mi pakhat lo che kual chu fiahlo ruaiin ka hmu,ka mitchhing lehin ka mengchhuak leh chuan engkim chu ka hmu fiah ta kuar ,chutah thil thleng chu ngaihtuah chhuakin Ngurlianpuia chu ka au vak,chuveleh bukah rawn tlan lutin ka harh tih a hriat chuan min pawm nghal chawih,keipawhin ka lo pawm bet nghal thlawp.






“ I tha em?" Ka tisep ,khang ho kha khawnge an awm daih le “ Min tih hlauhthawnzia kha i hria em,vawikhatmah ka thu awihlo in awm tawh suh ang che ka chan tep che anihkha " a rawn timawlh mawlh “ Nangmah chauh a i beih ka duhlo a lawm,I bulah kan thi emaw kan dam emaw awm zel ka duh. Hmeichhia mai ka ni tihchu ka hria ,mahse buaina i tawhin ngawi rengin ka enliam thei bik lo che " ka tihchuan min en vung vungin a nui ta suk.






Khua a var tan tih hriat tak hian thing kar atang chuan nizung a rawn inkhawh lut sung a “ Tirawh le ,i tan liau liau ramar ka man a ,I ei ngei ngei a ngai ania" a tihchuan phur zetin thawh ka tum ringawt,mahse ka ke anat leh deuh avang chuan ka thu hnawk ,min pawm chhuakin kan pahnih chuan a ramar siam chu kan ei dun a,a tui takzet ,theihai chu chaw eikham rualin ka ei lehnghal ,ka ha karah ala tang zui kherin ka buai hle ,ha ka nawh takah chuan thaw veng huaiin buk chhungah chuan ka lut a .








Ngurlianpuia erawh ka damdawi tur zawngin a vakchhuak thung,nizana ka chet dan ka ngaihtuah chuan keimah pawh mak ka inti ,engtin nge khatianga ka huaisen theih,ka dawihzep theih tehlul nen,Ngurlianpuia ka hmangaihna leh ka ngaihtuahna khan huaisenna min pe nimaiin ka hria ,reiloteah anipawh hnim damdawi nen a rawn let a ,ka ke na lai te chu tuilum nena min hmehsakin a zut a,a dam deuh huaiin ka hria .







Ka ke na vang erawhin khaw lam kan la pan thei dawn lo a nih hmel,a chhan pawh Ngurlianpuia chuan ka dam chian hma loh kal a phal tlat lo,buk chhungah awmin tihtur ka neilo bawk nen ka muhil leh tawp zel,a ni erawh eitur zawngin a chhuak thin thunga ,rei erawh a thang ngailo,a lo let leh vat zel . Nihnih kan awm leh chuan ka ke na pawh a dam ve tawh viai mai,Ngurlianpuia ramvakin sakhi a rawn pu haw ka hmuh chuan phur zetin ka lo chhawn thuai thuai.







Sakhi sa hi chu ka ngainat ber ania ,tunah hmanlai ka awm zarah a pum ngeiin a hmunah ka hmu ve ta chu a nih hi,a chan vel te chu phur zetin ka lo pui ve a ,a chek leh a sa ti tha vel chu a hranga chhumin kan vil dun,a dara lu nghatin ka ti ti siam siam,a kut lianpui mai min venghim hneh em em tu leh min pawm thintu ngei chu ka khal sak niap niap “I pa khan min hua angem le?" Ka tihchuan min huat loh tur thu a lo sawi.







Mahse min ngaihdan kha ka hrechiang ve tho si a ,chu chuan khuaa let leh pawh min ti huphurh zo vek ,sa khi sa hang chu tui tizetin ka hawp kiang kiang,a hring hang ngei mai chu tui ka ti,a rep bak kha keini chuan kan ei phalo,chupawh lei chawp zel a ngai kha a nia ,a chek te chu a kha thlum dep dep ni berin ka hria,Chaw pawh nidang zawng aiin ka eitam ,Ngurlianpuia pawh chuan min nuih leh suk zel ringawt .






“ Ei teuh rawh ,i tan veka ka kah a nih hi,ei zo vekla a sa ala tam hi"atihchuan ka bu nghauh nghauh,ka ei tam hle reng bawk,a hang te chu ka hawp sauh sauh,ka eikham meuh chuan ka dul a kawh mar luahin ka hria “ Awi ka dang zawng zawng nen ka lem tel vekin ka hria " tiin ko nghengin ka thu hle hle. Ka che thei tawh derlo,Ngurlianpuia pawh ka puar tih a hriat chuan a hlim hmel hle ,kan eina te chu a seng fel vek ,puih ka tum chuan ramhnuai chu mipa chet hun tih min hrilh.






Kan thangthar mipa hnathawh hreh em em chhungte thawhchhuaha inla lian,kut hnathawk hmusit em em tu te nen chuan hmanlai mipa te chu an dang hlak,hmeichhia pawh titho,chhungte hnuaiah keini chu no taka awm in kan duh duh kan ngena ,hmanlaiah erawh rim takin an thawk a ,an neihah an lungawi a tlawmngaihna an ngah si,tunlai thangthar nun aia upa te zahna chang pawh hrelo ho nen chuan danglam tak an ni ringawt.






Kan pi leh pu te hi lo mawl viau in kan ngai thin,mahse tunlai nun ai a nun awhawm tur an lo ngah a nih hi,sum a awm ve loa ,thi leh dar hi an ro chu a niber ,eiruk tum an awm ve ngai heklo. Ngurlianpuia chuan buk chhungah min pawm lutin a che sut sut ,atum ka hrechiang hle dan pawh ka tum lemlo,a lungawina zan pek tumin ka lo che ve sauh sauh,ka taksa a nawmna min pek mek avang chuan chhing diar diarin ka thaw tawi hak hak.




Mipa ngaihsak ngailo kha ,hmanlai mipa tawnah ka luangliam mek chu a ni si a ,ka kuah nghet sauh sauh,kan zorual a ,lungawi taka ka bula muhil thaw ri chu ngai thla in ka nui sen sen,lungawina in min tuam a ni,a kapkarah ka ke hik zet chu zep lutin mutthilh tumin ka mit ka chhing zui ve ta thuai a.



(MASTER DAH KA TUM SIA TI THLENG HI NIMAI AW )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)