KA PASALTHA NGURLIANPUIA CHAPTER 8 By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 754
Joined: November 18th, 2020, 12:53 pm

KA PASALTHA NGURLIANPUIA CHAPTER 8 By Mawitei bawitlung

Unread post by mawitei bawihtlung » July 31st, 2022, 9:18 pm

KA PASALTHA NGURLIANPUIA





CHAPTER 8






Ham bai baiin ka tho chhuak,Ngurlianpuia tho hma thin lutuk hi ka ngei lek lek,ka tho hma ve viau emaw tihlai pawh hian ka thawh khalh theilo reng reng . Buk tuala rawng a lo bawl chu enin luiah chuan ka inbualsan a ,ka hahdam sawng sawngin ka hria ,thaw ham hamin ka mut la chhuak lutuk chu inthin harh ka tum ,tuivawta ka inchiah reng chung pawhin ka mut ala chhuak tlat a nihchu,khuai min zukna lah kha ka chal ala thak bawk .






“ Chhuante i zo dawn em"ti a Ngurlianpuia min rawn auhna chu chhangin “ Zo tep chaw ei a hun tawh em ni?" Tiin ka zawt let nghal zat . A peih tawh thu a rawn sawi chuan inthlak vat vatin ka phei ,ka inthuamna chu alo en leh ran tawh ,kekawr tlawn hak nuam zet ka ha a ,ka t shirt ngai ha in ka inthuam tawp kha ania “ Enge diklo a awm em ni" tiin ka en ha ,lu thing vutin alamah min pawt hnai a ,ka nui seih .






Ka kawngah kuahin ka mitah a en ngar ngar ,ka zam lutuk chu ka mit ka chhing tawp,a mitmeng rum lam lek lek leh dum fiah kak hi ka en rei ngam thlawt lo . A nui suk tih ka hria ,ka sam huh deuh hlap far fap fap chu a khawih a,ka thaw ham ham “ Ka Dingdii hian min en ve dawn lo em ni?" A rawn tihchuan ka lung a phu dawt dawt Dingdi puantah chu keimah angah a sawi maw ,Dingdi ka lo hriat thin hmanlai pi leh pu tena a hmelthat zia an sawi thin a hming chawi a arsi hming an phuah hial Dingdii chu thawnthu ah ka hria .







Ka mengchhuak vat “ Ngurlianpui " tisepin a mitah chuan ka en let ve kalh “ Ka Dingdii inih hi hre reng rawh ,ka tana hlu tak" tiin ka hmuiah rawn kun hniamin a rawn fawp ,ka lo chhang let ve vat,thingkung ngheng chuan kan thu dun a ,a dar ngheng chuan a fiamthu thawh chu ka nuihpui hak hak ,muangchangin kan kal leh bek bek ,ka ke a dam chian miau loh avangin min kai chungin ka zai ngai tak chuan anipawh a kal ,ka ke na chuan chutia thui kal chu a zo lo hle ,a rawn na leh tan.







“ Khua kan lut tep tawh ania khilai mai khi kawtchhuah ani tawh" a tihchuan keipawh ka tang hram hram ,kawtchhuah kan thlen chuan Ngurlianpuia thianpa ber Thuama chu alo awm tel a ,chutia kan lang thut chu min lo buaipui nghal vat,reife kan chawlh hnu ah Ngurlianpuia chuan ka bag leh a silai vel chu a thianpa chu ken tirin keichu min puak a tum,ka hnial rualin lawmloh hmel zeta min en avang chuan muangchangin a hnungah ka bawk a ,a hah ve dawn tehlul nen .







Midang lah chuan kan inkar chu hrethiam tawh tih hriat takin min lo nuih tha hlawm a . Ka zak hle,a hnungah chuan beiin khawchhung kan lut chu mipui chuan min lo en zui haw haw hlawm a ,Ngurlianpuia chu ka hmer vak “ Min sihthlak i tum em ni? " a rawn tihtakah chuan harh chhuak zawkin ka kut chu ka thlah dul,in kan hnaih tial tiala ka zam tual tual bawk ,ka khur deuh der der,Lalpa chu luhkaah a rawn dingchhuaka Sawmtei chuan min rawn nuih var var ,kha Thangzaui te pawh kha an lo la awm ve a nih hmel.








Ni e he khua a chen tumin an rawn kal miau a lawm “ Bawiha inva inhmu thei maw? Kha enga tinge Chhuantei chu"Lalpa chuan a rawn ti zung zung ,Ngurlianpuia chuan ka ke ka tihnat chhan vel a sawi chuan mak tih hmel zetin min en hlawm ,chutah “ Awhaw Chhuantei chu ka va ringsual che em,chuti khawp chuan animaw ka fapa ilo hmangaih huai thil tithei zet pawh i bei let ngam a nisi a ,hmeichhe huaisen tak ini ,tumahin an dal lo ang cheu,mahse mi mit tikhamlo zawngin awm hram erawh intum dawn nia.






Tiru le i lut ang u" a tihtakah chuan Lalinah chuan kan lut ,Ngurlianpuia chu min dahthla tawh turin ka ti a ,anilah lo uang “ Ka pua che tihpawh ka lo hre hleinem heti hian kan inpaw reng mai dawn em ni" a tihchuan midang chu an lo nui dar dar ,ka zak bawk nen ka hmai a sa hut hut tawh. Midang nuihna kara Thangzaui mitmeng verther zet chu ka hmuh hmaihlo ,ka ke chu Sawmtei chuan min buaipui sak zung zung,tlailam zanriah ei hun a nitawha ,mahse keimah vangin eilo in an la awm thap “ I va huai reng reng ve ,keichu ni ila ka tlan chhe nasa tawh ngawt ang" a tihchuan ka nuih hak.








“ I u ringawt beih tir kha ka duh bik hleinem an tina ve thei tih ka hre reng si a " tiin ka phun sep,ka ke duk chur chu ka en ,ka ner leh sak thin kha huai pa khan min theh na lamah khan ka lo sawh tel tihreng ka hrelo,ka lu na lutuk tihloh kha chu,zanriah kan ei meuh chuan a tlai duai tawh,Ngurlianpuia pawh zawlbuk lamah a kal tawh ,ka khua a har nghal hle Sawmtei nen chuan ka ramhnuai awm chanchin vel kan sawi a ,nuam a tih hmel viau “ Awi enteh ka u nen a falin in awmsia englo" a tihchuan a thilsawi tum ka hrethiam vek ka ngawi hmak a .









Ka hmai a sa leh hut hut tawh,duhthawh zeta hmangaihna kan chendun lai ka ngaihtuah chuan ka mur sung sung,“ Awi inti nimaw ,Zak suh ih thil ka hrilh ang che keipawhin ka u thianpa Thuama hi ka duh lutuk a ,mahse Lalfanu ka nihna angin a mawi chiah bawk silo,a bula ka awm hian ka zam vek zel ,a hrethiam pawhin ka ringlo a nichuan nau ang chiahin min en si " tiin a sawi zuai raih,ka kuah nghal vat “ Mipa te chu an inthup thei a lawm,kan rawn haw hlim pawh khan a en bik che in ka hria " ka tihchuan a nui har har a.








Thla eng thlirin kan titi dun malh malh ,kan hnunglama khuh thawm kan hriat chuan hawi vatin Ngurlianpuia kawmchar kawngka nghenga lo ding run chu kan hmu nghal “ Awi u ilo haw alaw,zawlbukah i riak dawn lo em ni?" Sawmtei chuan a lo ti thuai “ Nula ka rawn rim dawn " a tihchuan ka lo mengkawk ,hepa hi a ma in ngeiah nula rim a tum a maw? Sawmtei lahin hrethiam zetin a kalsawn nal nal ,Ngurlianpuia chu ka bulah a rawn thu a ,ka kut a vuan nghal vat “ I khua a har em?" a tihchuan lu thingin a dar ngheng chuan thla eng chu kan thlir dun, current an la nei velo a an eng awm chhun chu tap eng chiah a ni bawka .









Pawnlam chu thla eng tihloh eng dang a awm lo hrim hrim,“ Ngurlianpui tinge hetah hian Thangzaui te hi an awm ve reng dawn em ni?" ka tihchuan ngawi rauh rauhin “ Ka pa thiantha berte chhung an ni a ,an khua an din leh thei tawh awm si lo,khawthar kai an zuam hunah an chhuak chauh ang,dawh hram hram rawh ,rilru tha tak nei turin ka duh che ania " atihchuan ka thaw ham ham “ Ka thik a lawm,a duh che tih hi ka hmeichhiatpui ania ka hre ve vek" tiin a kut lum vung vung chu ka hmer .







“ Chutiang sawi rihlo ang,arsi khi en teh" a tihchuan vanlam ka hawi nghal vat,arsi lang pe tuarh chu a mawi hle ,hetia thim kar atanga engdang awm lo a an mahni endan a an en phei hi chuan a mawi lehzual,hmanlaiah hian ka lo lut lo ang tih ka hlau hnuhnawh viau mai . “ Zângkhua ,siruk,Chhohreivung,khiangtezawngzim,Hrangchhuana leh chawngmawii zawng khi ka hria " ka tihchuan a nui deuh hawk ,min kuahin a taksa lumna ngheng chuan ka thu dar dar .






Tumah an awm ve loh avangin kan insum duh vak lo, inchhung lama kan luh lai chuan Thangzaui chuan Ngurlianpuia chu alo be seuh seuh reng a ,kei erawh mu turin ka kal daih thung. Sawmtei pawh a lo mu tawh a nih hmel ,a tuk lama Ngurlianpuia te feh tum chu zui ve ka tum ngial pawhin an rem tilo,ka ke na nen inah awm turin min tilui tlat,Lalfanu Thangzaui pawh a feh ve dawn a nihhmel.






Tinge hetia Ngurlianpuia nen kan chungchang an hre vek tawh chung hian sawnu sawn a zar buai reng mai le. Lalpa chuan “ Awm ve mai mai rawh an ngaihtuah che anihkha,I dam anga lo te chu ila hmu dawn chauh a lawm" a rawn tihchuan bu nghatin inchhungah chuan ka tei kual ,khawnbawlte leh Thangzaui pa nen zu an in leh hlawm. An awl bawk a an demawm hranloh,ka khua a har lutuk chu khawchhungah chuan ka vak kual a






Ka la awm reilo bawk nen in zali nufa zet khua chu fan chhung pawh a rei ve zek ,ka kal na lama piangah lah chuan min en duh tak tak an awm nawk . Naupang tualchai te ,ran ho tla dam dam te chu ka thlir kual ,tlangpawngah hmanlai khua reng reng hi an din tlangpui a ,Ngurlianpuia te khua pawh hi kham sang zet zetin a hual vek a ,Khan luhna tha chu pahnih chiah a awm bawk.





Ram lam thlir chuan ka ding vang vang,ka ke na dam har lutuk chu ka ngei hle “ Ehe Lalfanu helaiah enge itih a "tlangval pakhat thing pu haw hian min rawn zawt “ Khua ka fang mai mai e ka tia ,Lalfanu kha min tilo thei angem? Lalfanu pawh ka nihtawh loh hi " ka tihchuan a lu thingin Lalpa in a Lalfanu anga min ko vek tur a a tihthu a sawi a ,keipawhin ka hnial duh talo,lal thuawih loh chu thihna hial pawh a thleng thei.






Hmanlai an dan tam tak hi ka lo chhiar ve thin,mipui lam atanga mi pawisawi reng reng tihhlum an tumin Lalin sut ban a vawn tawh chuan lal chuan misual tawp khawk pawh nise humin mahse chu aiah Lal bawihah a tang kum khua tawh ang tihte thlengin ka hre ve vek. Inlamah ka let hnak hnak ramhnuai kha ka ngai zawmah ,khatah kha chuan keimah chauhin awm mah ila ka duh duh ka ti thei tala.







He khuaah lah hian hmelhriat em em ka nei bawk silo . Ka khua a har ngawih ngawih,tlailamah chuan rawng ka bawl leh ,sa rep chu siamin ka vil hlak hlak ,lo sul haw hun velah chuan lungdawh lam atanga haldo chham ri chu hria in ka tlan chhuak vat,Ngurlianpuia aw ngei a niin ka hria ,rang zetin lungdawh lam pan chuan ka tlan ,ka ke na erawhin min la timuang deuh,mipui in an lo bawrh hut hutna karah lutin savawm lian zet ka hmuh chuan ka phu zawk.










Ngurlianpuia chu lo ding hahin a bulah Sawmtei leh Thangzaui bakah tlangval feh ho an awm ve bawk ,Ngurlianpuia chuan min rawn hmuh rualin min pan vat“I tha em" a tihchuan ka bu nghat. Thangzaui chuan min lo melh leh ran tawh,henu hi chu ka mil thei pawhin ka ringlo. A mitmeng verther zet te hi,Lalmual lam panin kan chho a ,savawm chu mipa ho chuan an zawn bawk ,ka hmuh tawhah ala lian ber,savawm than kin tawh tih a hriat.








Lalpa te pawh an rawn chhuak a,savawm an hmuh chuan an nipawh an lawm ve hle ,chutah Thuama hnen atanga Ngurlianpuia savawm thah dan ka hriat meuh chuan ka hlauthawng leh hnuhnawh,vaua mihring seh tuma a vehlai a lo hmu fuha,chem nen chauh a bei tih ka hriat meuh chuan ka rap hle ,a intina thei tih a hre reng awm si a ,mipui zi hut hut chu Lalpa chuan a kut pharin an reh nghal thuap “ Ka khuaah sahrang meuh a han lut leh a ni a,nang ni ang pasaltha te avang zawk hian ka fapa hi a la him ve zel tih ka hriatin ka lawm ani.








In zarah ka fapa hian pasaltha ti a sawi a hlawh ve mai mai a,nangni awm lo ula chuan tunah te hian savawm zawk hian a that thei reng ani" tiin Ngurlianpuia chu fak duhlo in mipui hmaah in ngaitlawm zeta a sawi chuan mipui au dur durin an ni pawhin Ngurlianpuia vang chauh anih thu an sawi let ve a ,ruaitheh tur tih Lalpa in a sawi meuh chuan kut an beng leh dur dur tawh ,keichuan ruaitheh kha ka phur ve vaklo ,tun ang lai ah phei chuan sakap hi hmuh tur an vang tawh in a kap chhunte pawh hetianga ruaipui buatsaih thei an ni tawh miau silo a .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)